\id PSA stc-19PSA-Nat.sfm, Psalms, Natqgu (Santa Cruz) STC, Daniel Boerger, 11/07/2007 
\ide UTF-8
\h Sam 
\toc3 Sam 
\toc1 Sam 
\toc2 Sam 
\mt1 Buk Ngr Sam  
\imt1 Natq Ngr Nzaplxtqngr Mz Buk Ngr Sam  
\ip Sam lcng tqnginidr nabz kxtr ngrdr lr Jiu x nzkrka'-krdr kx nzngr-zvz-ngrdr. X mrlz nzvz-nqblq-krgung mz nzangio-krgu Gct x nzkrka'-krbzku bade. Sam nzkrlzlr nzokatr-krdr nigu x nzamqtr-krdr drtwrgu. Takitrde kxnzetu rgung nzyapwxtipx-krmlr bagu drtwr ngr Sam lcng.  
\ip Leplz nzkqlung kx nzryrng Sam lcng x nzyrtilr yiz siu-esz' (1,000). A' Devet kx ryrbz kxkqlu mz Sam kcng trtqki-esz'-nzpnu-nzlvqn (150). Nzakiolr Sam lcng mz dzu rdr nzlvqn nzrpibzlr ‘buk.’ Kxnzalvztrng mz Nzryrngrkxtr nzrpilr kx namrlzu r Sam nzpnu-esz'-nrade-esz'. A' kzdung Sam nzrlxlvzng, x rblx nzrpingr namrlzu r Sam kznike.  
\iot Namrlzu R Sam Lcng Nidr Seleng  
\io1 1) Nabz ngr nzyrni-krbz ncblo o leplz kxkqlu mz Gct murde narlxtibzlr bade nzokatr-krde nidr mz nzkxpu-krdrng. Mc Sam 13 x 44.  
\io1 2) Nabz ngr nzrglqpxngr Gct. Mc Sam 8 x 115.  
\io1 3) Nabz ngr nzawi-ngrbz mz Gct. Mc Sam 34 x 67.  
\io1 4) Nabz ngr nzbrtikr drtwr ncblo o leplz kxkqlu kx Gct sa na-arlapxle nidr mz nzayzlu-krbzle nzkrka'-krdr. Mc Sam 11 x 125.  
\io1 5) Nabz ngr Jerusalem mrkc tqtungr Mangr-nzangiongr Yawe mz Newz Saeon, murde Gct mnc mrlcde. Mc Sam 46 x 87.  
\io1 6) Nabz ngr nznginikr Gct King r lr Jiu. Mc Sam 29 x 93.  
\io1 7) Nabz ngr nzabrtzlvzkr lr Jiu king rdr kc tqyrlqbz Yawe badr mz nzaovxio-krde enqmi rdrng. Mc Sam 2 x 72.  
\io1 8) Nabz kx nzngrnelz-ngrdr Jerusalem mz nzangiongr. Mc Sam 84 x 122.  
\io1 9) Nabz ngr nzyrplapxngr kx na-alvztr-ngrdr leplz mz nqmq kxtubq x nqmq kx vz-rbr. Mc Sam 1 x 73.  
\io1 10) Nabz kx rpile doa kx takitrde nzprtr-krde mz Mangr-nzangiongr Yawe, x doa kx takitrde nzayrplapxkr Yawe nide. Mc Sam 15 x 24.  
\io1 11) Nabz kx pipxle be ngr lr Israel badr Yawe. Mc Sam 68 x 105.  
\ip Mzli kc tzrwzngr lr Jiu nabz nedrng, ngalrdr li lxblr. X ngalrdr lcng nzngi-kzte-lzbqng, murde ngalrde krali yokaetipxle drtwr ngr krkc kai. Rblx nzpipx-krgu kxmu ngalrdr krali amrlx. A' kzdung nzpipxlr drtwr kcpwz mz natq kx blepxngr. Mc Sam 146:2.  
\io2 Naglqlzx Gct rnge mzli ka tqlube-ngrne,  
\io2 X na-angrlvzx nide.  
\ip Kzdung nzpipxlr drtwr kcpwz mz nzycmne-ebzpxngr. Mc Sam 18:2. Kzdung natq kx apule ‘lrpalvc’ nzkrlz-txpwzlr lrtzlvz ngrgung. A' natq lcng nztakitrdr nzpipx-krdr drtwr kcpwz tzpipxlr lr Jiu. X krlzamu nzrmcti-krmu drtwr ngrde mz ngalrde krali o veatibzmu mz kzdq lrtzlvz o rlwxamu natq lc mz Nzalvztr-ngrng Kxmyapxbz kc tqyc mz nibr buk lc. Kzdq kz natq kxmule lc tqngi ‘temz ngr lomr kc tqyrputrngr nipna.’  
\io2 Nim lrpalvc nyznge peto,  
\io2 X Mevalu rnge kx arlapxle ninge.  
\ip Kzdung nzpipx-krdrle nzayzlulr. Mc Sam 75:10.  
\io2 Rpile kx, “Sa naodatix zmatq ngr kxdrka'-ngrng,  
\io2 A' zmatq ngr kxnztubqng sa na-aetunepxbo.”  
\ip Sam rtqmz nzvz-nqblqlr letz ngr alfabet scdr lr Jiu. X Sam lcdeng nidr seleng: 9—10, 25, 34, 37, 111, 112, 119, x 145. X nztekqtr-ngrleng mz Natqgu vz-nqblqle letz ngr alfabet scgu. Delc nzxlr-krguleng blepx kxpipz mz nzxlrngr mz nzycmne-krgu. Mz drtq Sam lcng, kzdq natq kxtopwz rpile kx, ‘Kzdq nabz ngr A, B, C.’  
\ip Mzli kang kqlu nzycmnebzng mz Gct mz nzrpi-krbzlr kx, ‘Yawe.’ Murde krlc drtqde kc tqpibzle badr. X drtq lc yr-kzkr mz Natqgu.  
\ip Kzdung mzli kxmu nzrwzngr lr Jiu Sam nedr tutr angidr mz nzngrngr mz nabz negung. Delc tztekqtrngr kzdung Sam x kzdung nctr mz nzvz-nqblq-krde nabz negung. Sam lcng nidr seleng: 13:6; 41:13; 47:6; 72:18-19; 75:1; 89:52; 106:48; 107:8-9, 21-22, 31-32; 116:1-9; 118:1-4, 10-12, 15-16, 28-29; 134 amrlx; 136 amrlx; 141:1; 148 amrlx. Sam 23 yc mz Buk Ngr Nzangiongr mz #87, mz nzvz-nqblq-krde nabz negu.  
\c 1  
\ms1 Buk Kc Kai  
\mr Sam 1—41  
\cl Sam Kc Ayrnrngr (1) 
\s1 Nzmnc-zpwxngr  
\q1
\v 1 Nzmnc-zpwxngr trvzpxpuu mz nzvz-nqblqngr nqmq kr kxdrka'-ngrng,  
\q1 X nztu-ngrbz mz lrpzki nyz kxnzaleng alwx.  
\q2 X trvzpxpuu mz nzprtr-ngrbz mz kxnzxtrnga-ngrdr Yawe.   
\q1
\v 2 A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe,  
\q2 X mz nzaoti-zvzkr drtwr natqde ngrlx x nrlckxbq.   
\q1
\v 3 Leplz lcng nzapulr nounc kcng dzbrdr tzkrlzobzlr lue,  
\q2 X leu rdr trnzbloung.  
\q1 X nzdo-zlwzng mz nzvz-krm nrpr angidr.  
\q2 Da kx nzalelr nradr yc-zvzbz. \fig Nzapulr nounc kcng dzbrdr tzkrlzobzlr lue.|alt="007 like a tree by a stream" src="007-HK00339b.tif" size="SPAN" loc="PSA 1:3" copy="Horace Knowles" ref="1:3" \fig*   
\q1
\v 4 A' kxdrka'-ngrng trnzwailru.  
\q2 Nzapulr leu kxglr kcng tztakitrpwzlr nzngcngr.   
\q1
\v 5 Delc trnatu-amqngi-ngrdru mzli kc na-ayzlu-ngrbz Gct da mz leplz.  
\q2 X trnaprtrpwzung mz kxnztubqng.   
\q1
\v 6 Murde lrpzki rdr tutr me nzayrplapxngr.  
\q2 A' Yawe aclvebzle nzti r leplz kxnztubqng.   
\c 2  
\cl Sam Krali (2) 
\s1 Kxnzmcpx Ne Gct  
\s2 Kxnzngqngung  
\q1
\v 1 Lr mrkzbleng nzngqngung mz nzngyatikr drtwrdr Yawe.  
\q2 Murde mane nzyrlqtingr drtwr mz nzatrkatingr nide.   
\q1
\v 2 King rdrng x kxnzrmailz rdrng nzyrlwr-lxblrng  
\q2 Mz nzoliqti-krdr nzota-krdr badr Yawe x Kxnzmcpx nede. \x + \xo 2:2 \xt Aposol 4:25-26\x*   
\q1
\v 3 Nzrpilr kx, “Na-axtxbzku nzmnclz-krbzku mz zmatq ngrdr,  
\q2 Mz nznikitx-krgu nqvi kc tzpe-ngrdr nigu, murde drtqgu naopx.”   
\q1
\v 4 A' King Yawe kc tqmncom Heven yrpalelvzle nidr,  
\q2 X xtrnga-ngrde drtwr kcng tzyrlqlr.   
\q1
\v 5 Ycmne-zngyabz badr,  
\q2 X nzmwxlr-ngrdr natqde kxpq.   
\s2 Natq Yawe  
\q1
\v 6 Murde rpile kx, “Yrlqpex King kc tqmcpxpex Jerusalem  
\q2 Mrkc Saeon, newz kxtr nyznge.”   
\q1
\v 7 X King kc tqmcpx Gct, rpile kx, “Napibo nike pim Yawe bange.  
\q2 Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem. \x + \xo 2:7 \xt Aposol 13:33; Hibru 1:5\x*   
\q1
\v 8 Rlxtim bange x sa nakabo bam zmatq ngr nzaclvengr neidung amrlx,  
\q2 Murde leplz mz nrlc tulvzo nangi nemqng.   
\q1
\v 9 Sa na-aovxioq mrnyzdr mz nzxplr-zlwz-krm,  
\q1 Kc na-apule bz kc tqrniglc botol.’” \x + \xo 2:9 \xt Nzaelwapxngr 2:26-27\x*  
\q2 Natq kx pibz Yawe mz Mevalu nede delcng.   
\s2 Kxnzyrplapxng  
\q1
\v 10 Delc nimu king x kxnzrmailzng mz nrlc nayrplapxamu,  
\q2 X nalalztq-angidramu, mzli ka tqycbe-ngrbz mzli.   
\q1
\v 11 Narnrctrpzmu mz nzamrlue-krmu Yawe,  
\q2 X mz nzwztr-krbzmu bade.   
\q1
\v 12 Yrngzobzmu mz Mrlxde,  
\q2 Murde ma tqodatile nimu,  
\q1 Mz zngya ngr drtwrde kc tqwou.  
\q2 A' nimu amrlx kcng tzrlatrpzng bade, sa namnc-zpwxamu.   
\c 3  
\cl Sam Kratq (3) 
\s1 Nou Nzarlapxngr X Nzaovxiongr  
\d Nabz ne Devet,  
\d kc tqyrle mzli kc tqdwasz-ngrde mrlxde Absalom.  
\q1
\v 1 Yawe, enqmi rngeng nzkqlu-zlwzng,  
\q2 X nztutitr zvz nardr ninge.   
\q1
\v 2 Nzrpilr mz nzyapwxti-krdr ninge kx,  
\q2 “Gct trtxpnzngr nzokatr-krde nide.”   
\b  
\q1
\v 3 A' Yawe, nim kx mnc-ngale-zvzle ninge.  
\q2 Nim nou nzaovxio-krnge x nim kx apqtrp drtwrnge.   
\q1
\v 4 Delc tqrlxti-ngrbo nzokatr-krm ninge,  
\q2 X ayzluome natqnge mz newz kxtr nyzm.   
\b  
\q1
\v 5 Murde namwi-angidrx mz nrlckxbq x melz-mopwc' mz nourla,  
\q2 Mz nzaclve-angidrq ninge.   
\q1
\v 6 Kxmule-esz' nztu-ngalelvzlr ninge siu ngr enqmi,  
\q2 A' trtxpnzngr nzmwxlr-krnge.   
\q1
\v 7 Murde krka'-ngrne kx, “Yawe, Gct rnge, vzm arlapx ninge,  
\q2 X katxpxbz zmatq ngrdrng.”   
\q1
\v 8 Yawe, nim nou nzarlapxngr,  
\q2 X da kxmrlzting amrlx kabzme mz leplz nemqng.   
\c 4  
\cl Sam Krapwx (4) 
\s1 Abrtrpzmu Drtwrmu Mz Gct  
\d Nabz ne Devet.  
\s2 Gct Rnge  
\q1
\v 1 Gct, ayzlum nzkrka'-krnge,  
\q2 Murde dwaki-zvzme bange.  
\q1 X mzli kc tqkxpu-ngrne, okatrq ninge.  
\q2 Delc naycngr mz drtwrm ninge x naxlr-ngrme natqnge.   
\s2 Kxnzmnc-mrbrng  
\q1
\v 2 ?Nimu leplz, myx mzli kx naesakingr nzatrkati-krmu nzmyalz-krnge?  
\q2 ?X myx mzli kx naesakingr nzmrlzkr bamu da kx ngi brmrda x nzpokiangr?   
\q1
\v 3 Murde nakrlzamu kx Yawe mcpxle nigr leplz kxnztubqng kx nanginedeng.  
\q2 X mzli kc nakrka'-ngrbo bade, sa na-ayzlumle natqnge.   
\q1
\v 4 Bzkq nabztq ngr nelzmu mailzle nimu mz alwx.  
\q2 A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq. \x + \xo 4:4 \xt Efiszs 4:26\x*   
\q1
\v 5 Zbz na-abrtrpzmu drtwrmu bade,  
\q2 X nakabzmu bade blz, mz nzvz-nqblq-krgu natq kc tqkapxmle bagu.   
\s2 Gct Rnge  
\q1
\v 6 Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?”  
\q2 Delc tqkrka'-ngrbo kx na-amrlzq nigr.   
\q1
\v 7 Murde mzli kc tqamrlz-ngrn ninge, abrtz-zlwzx  
\q2 Myaszpxle nzabrtzkr leplz kx dakxnzng nadr x waen mqdr kqlu.   
\q1
\v 8 Mzli kc tqyrbq-ngrne, mwi-angidrx mz nrlckxbq,  
\q2 Murde nim kx aclve-zpwxle ninge.   
\c 5  
\cl Sam Kranzlvqn (5) 
\s1 Nivz Lrm O-ngalelvzle Nigr  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzkrka'ngr  
\q1
\v 1-2 Yawe, nim King x Gct rnge. Rlxtibo bam kx naxlrme natqnge,  
\q2 X na-aoti kz drtwrm, mz nzatutr-krm nzkrka'-krnge.   
\q1
\v 3 Kxetu, mz nourla kang kqlu natqnge sa navzbz bam.  
\q2 X nakrka'-zvzbo bam, mz nzaenzli-krbo natqm kxmrlz.   
\s2 Kxdrka'-ngrng  
\q1
\v 4 Yawe, trnginipqu Gct kx abrtzlvzle da kxtrka.  
\q2 X trmnc-lxblrwamuu mz kxdrka'-ngrng.   
\q1
\v 5 Leplz kx nzglqpx-lzbqng trtxpnzngr nzmnctr-krbzlr bam,  
\q2 Murde rblxbz mz leplz kx mrlz-zvzbz badr nzale-krdr alwx nztutr-krbzlr mz mzpq.   
\q1
\v 6 Odatiq kxnzpokiang,  
\q2 X obqszo-zvzq kxnzrnibqng x kxnzesabrting.   
\s2 Kxnztubqng  
\q1
\v 7 A' mz nzaodu-zvz-krm, delc navztr-ngrne Mangr-nzangiongr nim,  
\q2 X nayrngzobo mz nzamatqngr nim.   
\q1
\v 8 Yawe, mailz ninge mz nqmq krm kxtubq, murde enqmi rnge nzkqlu-zlwzng.  
\q2 X aelwa-zpwx-ngrm bange me pnz drtwrm.   
\s2 Kxdrka'-ngrng  
\q1
\v 9 Da angidr trvzpxpuu mz nao enqmi rngeng.  
\q2 Murde mz nabzdr la nzodatingr txpwz.  
\q1 X mz nzycmne-krdr nzmailzlr leplz  
\q2 Mz nzbatr-krbzlr nzbz-krdr esz'-krdr. \x + \xo 5:9 \xt Rom 3:13\x*   
\q1
\v 10 Gct, plzpx alwx ngrdr x ayrplapx nidr,  
\q2 Mz nzprtz-mou-krdr mz trtxki scdr.  
\q1 Mapulrpxngr nidr mz nzkqlukr alwx ngrdrng,  
\q2 Murde nzpxtxpx-zvz-ngrdr nim.   
\s2 Kxnztubqng  
\q1
\v 11 A' leplz amrlx kcng tzabrtrpzlr drtwrdr bam na-abrtzng.  
\q2 X nangr-along mz nzelalz-krm drtwrdr.  
\q1 Aclve-angidr kxnzmrlztilr nim  
\q2 Murde nabilvzlr nim.   
\q1
\v 12 Yawe, amrlz-zvzq kxnztubqng. X nivz lrm o-ngalelvzle nidr  
\q2 Mz nzapu-krde temz ngr lomrdr kc tqyrputrngr nipna.   
\c 6  
\cl Sam Kraesz'mz (6) 
\s1 Drle Mzke'  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzkrka'ngr  
\q1
\v 1 Yawe, kxmule-esz' drtwrm ngya,  
\q2 A' bzkq pnanatiq x ayrplapxq ninge.   
\q1
\v 2 Kxetu, nayc mz drtwrm ninge murde yangrngapex.  
\q2 X axplr mou nrkrdrtqnge murde yagox-zlwzx.   
\q1
\v 3 ?Rnrcti-lzbqtrpo bam mz zmwxlr,  
\q2 X aenzli-alopex nzokatr-krm ninge?   
\s2 Nzarlapxngr  
\q1
\v 4 Yawe, tekqtr drtwrm x arlapx ninge,  
\q2 Mz nzaodu-krm kc tqyc tqyc.   
\q1
\v 5 Murde mz nzbzngr trpengr nzrglqlzngr nim.  
\q2 X mz gq nzangiongr nim kc tqyrkrpxpebz.   
\s2 Nzyrningr  
\q1
\v 6 Drtqnge mewepe mz nzkrka'-zvz-krbo bam.  
\q2 X mz nrlckxbq kang kqlu, nqni x pilo pnrnge  //  nzlrpr-ngrdr drle mzke'.   
\q1
\v 7 Mzke' vaotxtrpebz x tropxpeu,  
\q2 Murde nzyrni-krnge lc nzngi-batrplr enqmi rngeng.   
\s2 Nzaovxiongr  
\q1
\v 8 Nimu leplz kxdrka'-ngrng amrlx, dwaszpeamu ninge!  
\q2 Murde Yawe sa tqlalztqpem mz nzyrni-krnge.   
\q1
\v 9 Xlrpemle nike rlxtibo,  
\q2 X sa na-ayzlumle natqnge.   
\q1
\v 10 Krka'-ngrne kx drtq enqmi rngeng namya x narnrcti-lzbq-kzng mz zmwxlr,  
\q2 X naplc-aning mz nzaovxio-krnge nidr.   
\c 7  
\cl Sam Krarlimz (7) 
\s1 Yawe Pipxle Nztubqkr Leplz O Nzvz-rbr-krdr  
\d Nabz ne Devet, kx ngr-ngrbzle mz Yawe,  
\d mzli kc Kus, ncblo ngr nqvi lr Benjamin, tqatrkati-ngrde nide.  
\s2 Vz-rbrx O Trtingr  
\q1
\v 1 Yawe, Gct rnge, arlapxbz ninge mz mq ncblo kcng tzayotilr ninge.  
\q2 Murde nim me rlakitrx.   
\q1
\v 2 Murde ma tzkivztibzlr nrkrdrtqnge mz nzapu-krdr laion,  
\q2 X nzkilznedr ninge me trpnzngr kx naokatrle ninge.   
\q1
\v 3 ?Yawe, Gct rnge, nike ale-rbrx?  
\q2 ?Mqnge alele dq da kxtrtubqu?   
\q1
\v 4 ?Myx kxmule, alebo dq da kxtrka mz kztengeng?  
\q2 ?O atrkatix dzbede negrng mz nzarlapx-krnge enqmi rgrng?   
\q1
\v 5 Nzmu kx tqmule lcde, sa tqmrlz nzrlr-krbzme ninge mz mq enqmi rngeng,  
\q2 Mz nzmaneuti-krdr ninge mz nzapu-krdr kuli x nzlolvz-krdr ninge.  
\q1 X natabrtilr ninge x narnzbrtiolr ninge mz drtc',  
\q2 X na-ayrbqtxdr namz rnge elr.   
\s2 Aryrplapx Kxnzvz-rbrng  
\q1
\v 6 Yawe, tumilzm zngya x aesaki leplz kcng tzngyati drtwrdr ninge.  
\q2 Okatr ninge murde yrlqpeq mzli r nzpipx-krm nztubqkr leplz amrlx o nzvz-rbr-krdr.   
\q1
\v 7 Ayrlwr leplz mz nrlc tulvzo murde natu-ngalelvzlr nim,  
\q2 Mz nzaclve-krm nidr Heven.   
\q1
\v 8 Yawe, nim kx rpibz mz leplz kx nztubqng o nzvz-rbrng.  
\q2 Pipxbz mz leplz kx mnctr-zpwxpebo bam murde nabznge opx x tubq.   
\q1
\v 9 Aesaki nqmq krdr kxdrka'-ngrng x tu-zvzbz mz nibr kxnztubqng.  
\q2 Murde nim kxtubq-esz'ngr x obqplxq nabz x nzvzkr nardr.   
\q1
\v 10 Gct kxmyatxlz, nim temz ngr lomrnge kc tqyrputrngr nipna.  
\q2 X arlapxq krkcng nabzdr tqlq.   
\q1
\v 11 Tubqq mz nzryrlq-krm drtwr.  
\q2 X pipxq kx takitrde nzayrplapxngr kxnzvz-rbrng.   
\s2 Tekqtr Nqmq Nr Drtwrm  
\q1
\v 12-13 Nzmu kx trnztekqtrlru nqmq krdr kxtrka, sa nayrlamzq toki r vea scm,  
\q2 X nalalvzq popz' scm mz nzpnz-krm nidr mz nipna kxngc.   
\q1
\v 14 Kxdrka'-ngrng nzpetilr rtq da kxtrka.  
\q2 X lvclzm nc nzodatingr. X nrade yrlqbzle ngi nzpokiangr.   
\q1
\v 15 Trtxki kc tzamwiti-ngrdr leplz,  
\q2 Sa naprtz-mou-ngrdr.   
\q1
\v 16 Drtwr ngr nzkxpungr kcng tzesabrti-ngrdr leplz, sa nangq-moulr nidr.  
\q2 X nzodangr kc tzalelr sa naetq-moungr drtqdr.   
\q1
\v 17 Nangrx mz nzglqlz-krnge Yawe kc tqmyalz-esz'ngr!  
\q2 X na-awibo bade murde tubq-esz'ngr!   
\c 8  
\cl Sam Krartqmz (8) 
\s1 Drtwr Kx Yrlq Kxrpalz  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1  \bd Yawe, nim Kxetu rgr. \bd*  
\q1 \bd Drtqm myalz-esz'ngr mz nrlc tulvzo. \bd*  
\q2 X nzmyalz-krm myaszlzle bongavz.   
\q1
\v 2 Mz nzvz-nqblq-krde me pnz drtwrm, doa kxnztopwzng nzglqlzlr nim.  
\q2 X natqdr ailvzole nzrpibqtikr enqmi rmqng x awx-nabule nidr. \x + \xo 8:2 \xt Matiu 21:16\x*   
\q1
\v 3 Kxrpalz, mzli kc tqobqlz-ngrne mz bongavz,  
\q2 Mclzx nzlulikr temz x vri kcng tqwz-ngrnqng.   
\q1
\v 4 ?A' memule tqmatq-ngrgr mz drtwrm?  
\q2 ?X memule tqmrlzti-ngrn nigr leplz txneng?   
\q1
\v 5 Murde wz-ngrn leplz vzo kxpipz mz lr Heven,  
\q2 X kabzme badr zmrlue x nzamatqngr.   
\q1
\v 6 Yrlqq nidr mz nzaclve-krdr da kcng tqwz-ngrn,  
\q2 X da amrlx nzyclzbzng mz zmatq ngrdr. \x + \xo 8:6 \xt Hibru 2:6-8; 1 Korint 15:27\x*   
\q1
\v 7 Nzaclvelr animol krbzq,  
\q2 X animol kzpeto kz.   
\q1
\v 8 X nidr kxnzetung r utc x nc,  
\q2 X da amrlx kx nzwrneng prla.   
\q1
\v 9  \bd Yawe, nim Kxetu rgr, \bd*  
\q2 \bd Drtqm myalz-esz'ngr mz nrlc tulvzo.\bd*   
\c 9  
\cl Sam Krarpwxmz X Kranzpnu (9 x 10) 
\s1 Nztaokr Kxdrka'-ngrng  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Kzdq Nabz Ngr A, B, C  
\q1
\v 1  \qac A\qac*wi Yawe! Naglqpx-atwrnr-ngrne nim.  
\q2 \qac A\qac*le-zvzq da kcng tzkctipxng, x napipxxng.   
\q1
\v 2  \qac A\qac*ngrlvzx drtqm.  
\q2 \qac B\qac*ilvzx nim kc tqmyalz-esz'ngr.   
\q1
\v 3  \qac B\qac*rngzvxitx nzyzlukr enqmi rnge mz nzmc-krde nim.  
\q2 \qac B\qac*z x tao-ngrde nzulrm.   
\q1
\v 4  \qac C\qac*lvetio-lzbqx x rpiq kx tubqx.  
\q2 \qac C\qac*lveq leplz amrlx mz nzwxbuo-krme mz tron, x ayzlu-ngrbzme da badr.   
\q1
\v 5  \qac D\qac*alr nrlc nzmailzlr kxdrka'-ngrng.  
\q2 \qac D\qac*elc napnanati-ngrn nidr x  
\q2 \qac D\qac*rtqdr na-amrbrtx-alobzme.   
\q1
\v 6  \qac D\qac*oa ngr alwx lcng nzyrkrtrpeng.  
\q2 \qac E\qac*nqmi rngeng trpengr nzdcpx-krdr mz drtwr leplz x mztea nyzdr amznrpe-ngrnq.   
\q1
\v 7  \qac E\qac*u, a' Yawe ngini-alom King.  
\q2 \qac E\qac*lalvzx nzwxbuo-krme mz tron nyzm murde nzayzlu-krbzme da mz leplz tubq.   
\q1
\v 8  \qac E\qac*u, murde nzaclve-krm nrlc tubq-esz'ngr,  
\q2 \qac E\qac*sakrlrngr nzpipx-krm nztubqkr leplz o trtingr.   
\q1
\v 9  \qac G\qac*ct, nim lrpalvc nyz kxnzobqszong.  
\q2 \qac G\qac*lxx kx nim me nzrlakitrkr mzli kx prtzngr da.   
\q1
\v 10  \qac G\qac*ct, krkcng tzkrlzlr nim nzabrtrpzlr drtwrdr bam.  
\q2 \qac I\qac*toto x doa amrlx kcng tzrtangrtilr nim, trmrbrtru mz drtwrm.   
\q1
\v 11  \qac I\qac*toto x nigu amrlx napipxbzku mz kxnzmnc-mrbrng da kcng tqale Yawe.  
\q2 \qac J\qac*erusalem ngi mzteadau nyzde mrkc tqmnc-ngrde. Na-angrlvzku nide.   
\q1
\v 12  \qac J\qac*zsle krkcng tzrnibqting leplz mz nzayzlu-kr-mopwzle badr da kcng tqtrka tzalelr.  
\q2 \qac K\qac*xnzmncng mz drtq kxetq sa na-ayzlu-kzpzle badr natq ngr nzyrni-krbzlr bade.   
\q1
\v 13  \qac K\qac*xetu, nayc mz drtwrm ninge x mcom kxmu nzaetq-krm enqmi rngeng drtqnge.  
\q2 \qac K\qac*xrpalz, bzkq rlrpx-ngrn nzbz-krnge.   
\q1
\v 14  \qac K\qac*xarlapx, naelalz-ngrm drtwrnge nzarlapx-krm ninge.  
\q2 \qac L\qac*eplz kxkqlu Jerusalem sa naxlrlr nzglqlz-krnge nim.   
\q1
\v 15-16  \qac L\qac*alztqmamu! Yawe aelwapx-lzbqngr mz nztubqkr nzayzlu-krbzle da mz leplz.  
\q2 \qac M\qac*urde lr mrkzbleng nztao-moung mz gq kx nzekqtilr.  
\q1 \qac M\qac*z br kx nzatu-kapqlr, nzdwatr-moung elr.  
\q2 \qac M\qac*z trtxki kx nzamwilr, nzprtz mou kxdrka'-ngrng elr.   
\q1
\v 17  \qac M\qac*z nzesablqti-krdr Gct,  
\q2 \qac N\qac*abz-ngrdr leplz ngr nrlc.   
\q1
\v 18  \qac N\qac*zmu nakxpung, trtxpnzngr nzmrbrtitrkr drtwr Gct nidr.  
\q2 \qac N\qac*zobqtipxngr kxtrnzrngiscung trtxpnzngr nzbotxpx-krde.   
\q1
\v 19  \qac N\qac*atulzme Yawe, mz nzaryplapx-krm lr mrkzbleng amrlx.  
\q2 \qac N\qac*a-aelwapx-ngrn kx drtwr kxnzetung amrlx ngi brmrda.   
\q1
\v 20  \qac N\qac*amwxlrtilr x na-amrluelr nim.  
\q2 \qac N\qac*akrlzlr kx nidr leplz txneng, x sa nabzng.   
\c 10  
\cl (10) 
\q1
\v 1  \qac O\qac*pxm kx mncme rlru, Yawe.  
\q2 \qac O\qac*pxm kz kx mnc-kapqq mzli kc tqkxpu-ngrgr.   
\q1
\v 2  \qac O\qac*bqm! Kxdrka'ngr glqpx-lzbqmile nzayoti-krde leplz kxnzkxpung.  
\q2 \qac P\qac*nz drtwrnge kx sa namwati-lzbq mz br scde.   
\q1
\v 3  \qac P\qac*ipxle kx nzaotikr drtwrde da kxtrka zlwz ngi da kxmrlz mz nzbilvz-zvz-krdele.  
\q2 \qac P\qac*ivxile Yawe x pxtxpx-ngrde nide, a' amrlzle leplz kx nztrkibrng.   
\q1
\v 4  \qac R\qac*blx nzrtangrti-krde Gct murde glqpx-lzbq.  
\q2 \qac R\qac*blx nzrmcti-krde Gct murde mz drtwrde trtxpnzngr Gct.   
\q1
\v 5  \qac R\qac*lr! Xplrmi-zlwzle nzmncngr kxtrka, a' pxtxpx-ngrde me pnz drtwrm.  
\q2 \qac S\qac*uti txpwz drtwrde nzyrpalelvz-krde enqmi rdeng.   
\q1
\v 6  \qac S\qac*c tqrpipele kx, “Trpnzngr da kxtrka kx naprtzm bange,  
\q2 X trpnzngr nzodatingr ninge kalr.”   
\q1
\v 7  \qac S\qac*c tqglqlz-zvzle alwx x nzpokiangr.  
\q2 Natqdeng amrlx ngi dalr nzrpikitingr, nzrpibqtingr, x nzrpilzngr. \x + \xo 10:7 \xt Rom 3:14\x*   
\q1
\v 8  \qac T\qac*rmrlzu nzmnc-kapq-aepztr-krde mztea mz nzrnibq-krde kx nabzdr lq.  
\q2 \qac T\qac*u zvz mz nzaenzli-krde ncblo kxesz'nebz.   
\q1
\v 9  \qac T\qac*qtu-kapq apule laion kc  
\q2 \qac T\qac*qtcngzpxm mz gq nyzde mz nzkivzti-krde ncblo kx trxplru.   
\q1
\v 10  \qac V\qac*z zvz nzxplr-zlwz-krde.  
\q2 \qac V\qac*z zvz nzatrkati-krde nzmnckr kxnzkxpung.   
\q1
\v 11  \qac V\qac*z-rbr kxdrka'ngr mz nzrpi-krde kx, “Gct trobqpepuu bange.  
\q2 \qac W\qac*zx a' trkrlzleu da kcng trka tqalex.”   
\q1
\v 12  \qac W\qac*ztitxpxbz nzwzkr ncblo kxdrka'ngr, kx Yawe, mz nzayrplapx-krm nide.  
\q2 \qac W\qac*ai-ngrn da lc murde bzkq mrbrtr mz drtwrm kxnzkxpung.   
\q1
\v 13  \qac W\qac*ai-ngrdele kxdrka'ngr pxtxpx-ngrde nim.  
\q2 \qac X\qac* rpile kx, “Gct trtxpnzngr nzayrplapx-krde ninge.”   
\q1
\v 14  \qac X\qac*lqkqamu nimu kxdrka'-ngrng, murde Gct mcle da kxtrka lcng amrlx tqaleamu.  
\q2 \qac X\qac* oliqtile nzokatr-krde kxnzkxpung kcng tzrtangrtilr nide.  
\q2 \qac X\qac*lrle nidr murde nide kc tqokatr zvz kxnzobqszong.   
\q1
\v 15  \qac Y\qac*awe, katxpxbz zmatq ngr kxdrka'-ngrng.  
\q2 \qac Y\qac*rpalelvz nidr x ayrplapxng mz da kxtrka kcng tzalelr, navz x naesaki zpwx.   
\q1
\v 16  \qac Y\qac*awe, nim King.  
\q1 \qac Y\qac*c zvz nzaclve-krm nrlc.  
\q2 \qac Y\qac*rlqtxpx mz drtc' nyzm krkcng trnzangiolru nim.   
\q1
\v 17  \qac Z\qac*matq ngrm etu-esz'ngr, murde krlzpe-kaiq nike narlxtibz kxnztubqng.  
\q2 \qac Z\qac*bq kalvz axplrq nidr x kabzme badr nike nzrlxtilr.   
\q1
\v 18  \qac Z\qac*bo ngr leplz kxnzobqszong x kxnzkxpung, sa na-arlapxbzmeng mz zmatq ngr leplz mz nrlc ka.  
\q2 \qac Z\qac*mwxlr amrlx sa na-aesaki-zvzq.   
\c 11  
\cl Sam Kranzpnu-esz'-nrade-esz' (11) 
\s1 Yawe Nide Me Rlakitrx  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Kztengeng, Yawe nide me rlakitrx.  
\q2 A' myx kxmule tqrpi-ngrnamu kx, “Ngrlrlz mz newz mz nzrlapx-krm.   
\q1
\v 2 Murde leplz kxdrka'-ngrng nzmnc-kapqti-zvzlr leplz kxnztubqng,  
\q2 Mz nzpnz-krdr nidr mz nipna.   
\q1
\v 3 Trpengr doa x da kx na-abrkitrku drtwrgu,  
\q2 X nigu kxnabzdr lqngi, trpengr da kx na-aleku.”   
\q1
\v 4 Bzkq kxmu nzycmne-krmamu lc bange, murde Yawe kc tqmncbe mz Mangr-nzangiongr nide,  
\q2 X sc tqwxbube mz tron nyzde Heven mz nzobqplx-krde nabz leplz amrlx.   
\q1
\v 5 Yawe sc tqobqtr zvz mz nzmnckr kxnztubqng x kxdrka'-ngrng.  
\q2 X pxtxpx-ngrde nzrmcngr kxnzrnibqng.   
\q1
\v 6 X mz nzayrplapx-krde nidr, sa nartctio-ngrbzle badr muli rplz kxngc na-apule nzdckr tewa.  
\q2 X sa na-abxutile nidr mz nzulr nenq kxpq.   
\q1
\v 7 A' krkcng nabzdr tqlqngi sa namncng badr,  
\q2 Murde Gct tubq-esz'ngr x mrlz bade da kxtubq.   
\c 12  
\cl Sam Kranzpnu-esz'-nrade-li (12) 
\s1 Da Kxtrka Mz Nrlc Tulvzo  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Yawe, okatrp ninge murde trpengr mrlx kxtubq kx mnc mzli ka.  
\q2 Murde mz nrlc tulvzo leplz kxnzmrlzng nzayrkrtxtrpeng.   
\q1
\v 2 Leplz amrlx mz nrlc nzapokiati-lzbqng.  
\q2 Nzalqngitilr nzycmnengr mz drtwr kx xlva.   
\q1
\v 3 Rlxtibo bam nzaesaki-krm natq leplz kxnzpokiang,  
\q2 X odati nidr mz nzglqpx-lzbq-krdr.   
\q1
\v 4 Murde nzrpilr kx, “Naogr nalctwz txpwz mz nztwz-krgr da kx suti drtwrgr.  
\q2 X trpnzngr kx naetum bagr.”   
\q1
\v 5 A' Yawe rpile kx, “Mcpex nzaetq-ngrbz drtq kxnzkxpung,  
\q2 X nztangqgxkr kxnzmwati drtwrng.  
\q1 Delc na-arlapxx nidr mzli ka.  
\q2 Da kc tqwai nzsutikr drtwrdr le.”   
\q1
\v 6 Yawe, abrtrpzkr drtwrgr mz natqm lcng, tqtubq tqlq.  
\q2 Murde nzopx-krdr apule silvz kc tzayrleni-ebirngr mz nyr.   
\q1
\v 7-8 Kxmule-esz' leplz lcng trmya-ngru drtqdr nzglqpx-lzbq-krdr,  
\q2 X nzrglqlz-krdr da kxtrka mz nrlc tulvzo,  
\q1 A' lxngitikr kx sa na-aclve-zpwxq nigr,  
\q2 X sa na-arlapx-zvzbzme nigr mz mq leplz lcng tzdrka'ngr.   
\c 13  
\cl Sam Kranzpnu-esz'-nrade-tq (13) 
\s1 ?Yawe, Na-aenzli-alopex Nim?  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 ?Yawe, myx kxmule, namrbrtitr-alope drtwrm ninge?  
\q2 ?Namnc-rlru-alopeme bange?   
\q1
\v 2 ?Nelznge navzdz-alopem?  
\q1 ?X drtwrnge navz-alope?  
\q2 ?X namnclz-alopebo mz zmatq ngr enqmi rngeng?   
\q1
\v 3 Yawe, obqm bange x ayzlum natqnge.  
\q2 Ka-mop bange nzxplr-krnge murde ma tqbzx.   
\q1
\v 4 Bzkq rlr-ngrbzme mz enqmi rngeng nzpi-krdr kx nzaovxiopelr ninge.  
\q2 X bzkq rlr-ngrbzme nzabrtzlvz-krdr nzrnrcti-lzbq-krnge.   
\q1
\v 5 Murde abrtrpo drtwrnge mz nzaodu-krm kc tqyc tqyc.  
\q2 X sa na-abrtz-zlwz-ngrne nzarlapx-krm ninge.   
\q1
\v 6 Yawe, sa nangrbo bam murde amrlz-zlwzpeq ninge.  
\q2 Mz da amrlx kx kame bange, Yawe, sa nangrbo bam.   
\c 14  
\cl Sam Kranzpnu-esz'-nrade-pwx (14) 
\s1 Nzngqngukr Kxtrnzrlxngitiung  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Leplz kxnzngqngung mz drtwrdr nzrpilr kx, “Trpnzngr Gct.”  
\q2 Leplz lcng nzvz-rbrng x nzale-txpwzng da kxtrka zlwz.  
\q2 Trpnzngr leplz lcng kxtubq.   
\q1
\v 2 Yawe mncom Heven, x sc tqmcomle leplz amrlx,  
\q2 Mz nzmc-krde neke yrplapx mz nzrtangrti-krde nide.   
\q1
\v 3 A' nzesablqtilr Gct amrlx ngrdr  //  x drtwrdr esz'ti mz nzale-krdr da kxtrka.  
\q2 Trpnzngr nidr kxesz' kxtubq. \x + \xo 14:3 \xt Rom 3:10-12\x*   
\q1
\v 4 Delc tqrpingr Yawe kx, “Leplz lcng tztrkang nznibqtitxdr leplz nengeng  
\q2 Nzapulr kx nzrnibqng da kx nangqdr.  
\q1 X mrbrtr mz drtwrdr nzkrka'-krmlr bange.  
\q2 ?Myx kxmule, trnzkrlzlru da kxtubq?”   
\q1
\v 5 A' narngidrtio-lzbqng x namwxlrlvzti-lzbqng,  
\q2 Murde Gct tedr badr kxnztubqng.   
\q1
\v 6 Vz zvz nzrpwa'-krbzlr me pnz drtwr kxnzrlxngiting.  
\q2 A' Yawe mnc-ngalelvzle leplz nedeng.   
\q1
\v 7 Sutitx zlwz drtwrnge kx Gct rgu kc Saeon na-arlapxle leplz nedeng.  
\q2 Murde mzli kc nayzlu-mou-ngrmle, namnc-zpwxku badr.  
\q1 X nigu lr Jekop drtwrgu sa naelalzm.  
\q2 X nigu lr Israel sa na-abrtz-ngrgu da lc. \x + \xo 14:7 \xt Sam 53:1-6\x*   
\c 15  
\cl Sam Kranzpnu-esz'-nrade-nzlvqn (15) 
\s1 Doa Kx Tubq Mz Nzobqkr Gct  
\d Nabz ne Devet.  
\q1
\v 1 ?Yawe, neke navztrpz Mangr-nzangiongr nim?  
\q2 ?X neke takitrde nzangio-krde mz newz kxtr nyzm?   
\q1
\v 2 Doa kxmule lc nabzde nalqngi.  
\q2 Nqmq krde natubq. X natqde nangi da angidr.   
\q1
\v 3 A' bzkq rpibqti leplz. Bzkq atrkatile kztede.  
\q2 X bzkq pikitile kxnzesotrpzng bade.   
\q1
\v 4 Napxtxpx-ngrde kxdrka'-ngrng.  
\q2 A' na-amatqle kxnzamrluelr Yawe Gct.  
\q1 Na-atutr-zvzle nzesalz-krdeng,  
\q2 Kxmule-esz' rblxbz bade.   
\q1
\v 5 Narlxtile kxnzrbilqngr kx takitrde trau scde kc tqrlrpx-ngrde.  
\q2 Bzkq pokiatitrle mrlx kxtubq,  
\q1 Kxmule-esz' leplz nzrpilr naxpelr nide.  
\q2 Doa kx vz-nqblqle natq lcng sa natu-amqngi zvz.   
\c 16  
\cl Sam Kranzpnu-esz'-nrade-esz'mz (16) 
\s1 Drtwr Ngr Nzmnc-zpwxngr  
\d Nabz ne Devet.  
\s2 Nzkrka'-krnge  
\q1
\v 1 Yawe, arlapx ninge,  
\q2 Murde nim kx abrkitrx drtwrnge.   
\q1
\v 2 Nim Kxetu rnge  
\q2 X nou da kxmrlzting amrlx kcng tqngiscngeng.   
\q1
\v 3 Leplz nemqng kcng tztrng mrka mz nrlc,  
\q2 Nzmyalz-zlwzng x mrlz bange nzmnc-krgr badr.   
\q1
\v 4 Nzkxpukr krkcng tzangiolr kxtrngiu Gct angidr sa nartxlvzlz zvz.  
\q2 A' trna-angiowxu gct rdr kxnzmncng mzlilxlr,  
\q1 X trnakrka'pou badr.  
\q2 X trtxpnzngr nzpulio-krnge mepyr ngr blz mz olta nyzdr.   
\q1
\v 5 Yawe, apume bange drtc' kxmrlz nyznge x tzme bange lrpzki kx nao-zlix.  
\q2 X nzlu-krnge yctrpz bam.   
\q1
\v 6 X mrlzm bange me ngi bz ngr da kx katimeng x da kx trkatipwe'u bange.  
\q2 Murde mrlzm bange da amrlx kcng tqkatimeng mz nzngini-krme bange trtenge.   
\s2 Nzglqlz-krnge Yawe  
\q1
\v 7 Yawe, naglqlz-zvzx nim mz nzmailz-krm ninge.  
\q2 Murde mz nrlckxbq aopxme nabznge mz nzaongr drtwr kxmrlz.   
\q1
\v 8 Dcpx zvz mz drtwrnge kx mnc-zvzme bange.  
\q2 X trpnzngr doa x da kx na-aycngrlrle ninge, murde tu-zvzme mz nibrnge.   
\q1
\v 9 Delc nabznge tqabrtz-zlwz-ngrde x drtwrnge tqelalz-ngrmle.  
\q2 X tqmnc-zpwxpe-ngrne.   
\q1
\v 10 Murde tr-rlrpx-ngrwq zmatq ngr nzbzngr nzaovxio-krde ninge, ncblo kxtr nem.  
\q2 X trayrbqtxwq nrkrdrtqnge mz gq mz nzmibi-krde.   
\q1
\v 11 A' aelwa-zvz-ngrm bange drtwr ngr nzmnc-zpwxngr:  
\q1 Nzabrtz-zlwzngr kxmyalz vzpxm mz nzxngi-ngrbz nim.  
\q2 X da kxmrlzting nzvzpx-zvzmqng mz mqm. \x + \xo 16:11 \xt Aposol 2:25-28, 31; 13:35\x*   
\c 17  
\cl Sam Kranzpnu-esz'-nrade-rlimz (17) 
\s1 Sa Namcx Mzpq  
\d Nabz ne Devet.  
\s2 Trvz-rbrwxu  
\q1
\v 1 Yawe, lalztqm mz nzrlxti-krbo nztubqngr.  
\q2 Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.   
\q1
\v 2 Mzli kc napipx-ngrn neke vz-rbr, mnc mz nrlarde nyznge,  
\q2 Murde nim kx rkrlz nike tubq.   
\q1
\v 3 X krlz-zvzq nzao-krnge drtwrnge  
\q2 X obqplxq nabznge mz nrlckxbq.  
\q1 A' trpnzngr da kx vz-rbr kx rmctiq.  
\q2 X pnzpe drtwrnge kx naonge trna-akawi-ngrwxu alwx.   
\q1
\v 4 Tralewxu da kx nzrtulrtrngr, da kc tzwai kzdung leplz.  
\q2 Murde vz-nqblq-zvzx natqm.   
\q1
\v 5 Trtaowxu mz nzatalzngr,  
\q2 Murde o-zli-zvzx lrpzki rm.   
\s2 Nzkrka'ngr  
\q1
\v 6 Gct, krka'bo bam murde lalztq-zvzme bange.  
\q2 Kxetu, xlrm natqnge.   
\q1
\v 7 Delc na-aelwa-ngrme bange nzaodu-krm kc tqyc tqyc.  
\q2 Murde mzli kc tzrlatr-ngrbz leplz bam, arlapxbzme nidr mz mq enqmi rdrng.   
\q1
\v 8 Aclve angidr ninge na-apule dztum kx matq zlwz mz drtwrm.  
\q2 X amnc-kapqbz ninge da kc tqwai kio mz nzwxbulvzo-krde neideng.   
\q1
\v 9 Murde ma kxdrka'-ngrng tzlolvzlr x tznibqlr ninge,  
\q2 Mz nztu-ngalelvz-krdr ninge.   
\q1
\v 10 Trpnzngr nzrycngr mz drtwr kx ycbz badr.  
\q2 A' nzglqpx-lzbq-zvzng.   
\q1
\v 11 Trpengr nrlarde kx navzkix, murde nzmnc-ngalelvzpelr ninge.  
\q2 X tzryrlqng drtwr kx nametxbo badr.   
\q1
\v 12 Nzapulr laion kcng tzaenzli-kapqlr  
\q2 Mzli kx nadwa-ngrmlr mz nzpesaliti-krdr ninge.   
\s2 Nzayrplapxngr  
\q1
\v 13-14 Yawe, otaamu badr enqmi rngeng x aovxiong.  
\q2 Kapxm ninge mz mq kxdrka'ngr lcng mz zmatq ngrm.  
\q1 Arlapx ninge x ayrkrtxtr nidr.  
\q2 Murde nzabrtz-krdr yc txpwz mz nrlc ka.  
\q1 Ayrplapx leplz ngr nrlc mz zvetq kc tqoliqtipeq nakabzme badr,  
\q2 Navz navz nakrlzbzle doa nedrng x doa ne doa nedrng.   
\q1
\v 15 A' krlzx kx sa namcx mzpq mz nzvz-nqblq-krde nztubq-krnge.  
\q2 X mzli kc natulz-ngr-mopwc', sa na-abrtz-ngrne nzmnc-krbo bam.   
\c 18  
\cl Sam Kranzpnu-esz'-nrade-rtqmz (18) 
\s1 Yawe Nide Temz Ngr Lomr Kc Tqyrputrngr Nipna  
\d Nabz ne Devet, ncblo ne Yawe, kx yrbzle mz kxrmailz ngr dzbe kxnzngrng,  
\d mzli kc Yawe tqarlapx-ngrbzle nide mz zmatq ngr enqmi rdeng x King Sol.  
\s2 Nqmq Kr Yawe  
\q1
\v 1 Yawe, mrlztix nim  
\q2 Murde axplrq ninge.   
\q1
\v 2 Nim Gct rnge, x butqbr kx rlakitrx.  
\q2 Nim lrpalvc nyznge peto,  
\q1 X Mevalu rnge kx arlapxle ninge.  
\q2 Nim nou zmatq rnge apule temz ngr lomrnge kc tqyrputrngr nipna.   
\q1
\v 3 Kqle-zvzx nim kc tqtakitrde nzrglqlzngr,  
\q2 X vzme arlapxq ninge mz mq enqmi rngeng.   
\s2 Nzkrka'-krnge  
\q1
\v 4-6 Yawe, mzli ka tqkxpu-ngrne kqlex nim mz nzokatr-krm ninge.  
\q2 Murde ycpe pipz nzbz-krnge.  
\q1 Opxm kx zmatq ngr nzbzngr sa na-aovxiole ninge,  
\q2 Mz nzpe-amqngi-krde ninge.  
\q1 A' krlzx kx sa naxlrme ninge mz Mangr-nzangiongr nim,  
\q2 Mz nzayzlu-krme natqnge.   
\s2 Zmatq Ngr Yawe  
\q1
\v 7 Mzli kc Yawe nakaputr-ngrmle, zmatq ngrde myalz apule nengq.  
\q2 Nrlc ycngrlr-atwrnrngr x wai-kzle nou newzng.  
\q2 Murde Gct ngyati zlwz drtwrde enqmi rngeng.   
\q1
\v 8 X natqde apu-kzle trmami kc tqyrpupx.  
\q2 X ncte vzpx-ngrm zsikapu. X naode rlxpx-ngrm nyr x rplz kxpq.   
\q1
\v 9 Lvxpxle bongavz,  
\q2 X vzom tuom mz dcbz kx botapz'.   
\q1
\v 10 X kzdq enjrl lvcmio-animle nide.  
\q2 Mz nzrtwz-krdr nenq.   
\q1
\v 11 Nzlo ngr zbo ngr tewa  
\q2 Apule lrpz kx mnc-kapqpx-ngrmle.   
\q1
\v 12 X aelwapx-ngrde zmatq ngrde mz zyzlr kxluli.  
\q2 Mz nabz zbo lc bzlrpc tqpctipx x muli-aes tqrlxtiom vzmi rplz kxngc.   
\q1
\v 13 Yawe myatxlz-esz'ngr, ngi-batrpzle nzyrpupxkr bzlrmei.  
\q2 X natqde nzxlr mz nrlc tulvzo.   
\q1
\v 14 Rpna-ngrbzle nipna x aodalitile enqmi rngeng.  
\q2 Vz-nqblqbz bzlrpc x nzvo-alo-ngrdr.   
\q1
\v 15 Mzli kc Yawe tqpnanati-ngrde enqmi rngeng,  
\q1 Natqde apzlzmle me boo-ngrng,  
\q2 X atu-lxlr-ngrde nou nrlc.   
\s2 Nzarlapxkr Yawe Ninge  
\q1
\v 16 Yawe rtrngztiomle ninge mz nzokatr-krde ninge  
\q2 Apule kx veclzmle ninge me boongr prla.   
\q1
\v 17 Kxmule-esz' yangrngatrpo mz nzxplrkr enqmi rngeng,  
\q2 A' sc tqvz zvz nzarlapx-krde ninge.   
\q1
\v 18 Nzvzmqng mz nzota-krgr badr mzli kc tqprtilz-ngrde ninge nzkxpu-ngrng.  
\q2 A' Yawe sc tqtum mz nibrnge.   
\q1
\v 19 Mailzle ninge me nzmnc-zpwx-ngrne,  
\q2 X arlapxle ninge, murde abrtzlvzle ninge.   
\s2 Nzvz-nqblq-krnge Yawe  
\q1
\v 20 Yawe rka-zvzm bange da kxmrlzting mz nzvz-nqblq-krde nztubq-krnge.  
\q2 X ayzlu-ngrmle da bange murde nabznge lqngi.   
\q1
\v 21 Vz-nqblq-zvzx nqmq kr Gct rnge,  
\q2 X tresablqtiwxu nide.   
\q1
\v 22 Yrlq-angidrx Lou kxtr scdeng,  
\q2 X aoti zvz drtwrnge natqdeng.   
\q1
\v 23 Trvz-rbrwxu mz nzmnc-krnge,  
\q2 A' yrlqpx-lzbqnge mz nzalengr alwx.   
\q1
\v 24 Yawe ayzlu-ngrmle da bange mz nztubq-krnge,  
\q2 Murde nabznge lqngi mz nzobq-krde.   
\s2 Yawe Badr Leplz  
\q1
\v 25 Yawe, yrlq-zvzbz natqm mz krkcng tzyrlqbzlr natqdr bam.  
\q2 X amrlzq krkcng nqmq krdr tqmrlz.   
\q1
\v 26 Tubqbzme mz krkcng nabzdr tqtubq.  
\q2 A' lolvzq mz br scm krkcng tzesabrng.   
\q1
\v 27 Avzdzq krkcng tzavzo-lzbqng.  
\q2 X avzoq krkcng tzglqlz-lzbqng.   
\q1
\v 28 Yawe, nim nou nzlu-krnge, mz nzapu-krm kxrtekatr lam pnrnge.  
\q2 X ayrkrpxq da kxtrka amrlx mz nzmnc-krnge, mz nzapu-krm zyzlr x nyr kxpq.   
\q1
\v 29 Gct, rka-zvzme bange zmatq ngr nzota-krgr badr enqmi rngeng.  
\q2 X axplr-zvzq ninge mz nzdwa-ngaletr-krbo nabxbz ngr lrpalvc nyzdr.   
\s2 Nzmyapxkr Yawe  
\q1
\v 30 Nqmq kr Yawe tubq-esz'ngr, x natqde ngi da angidr zvz.  
\q2 X nginibzle lrpalvc nyzdr krkcng tzrlatrpzng bade. \fig Yawe nginibzle lrpalvc nyzdr krkcng tzrlatrpzng bade.|alt="008 fortress" src="008-CO001448b.tif" size="COL" loc="PSA 18:30" copy="David C. Cook" ref="18:30" \fig*   
\q1
\v 31 Yawe nide txpwz Gct angidr,  
\q2 X butqbr nyzgu.   
\s2 Kxokatr  
\q1
\v 32 Nide Gct kc tqaxplr-zvzle ninge,  
\q2 X tzbzle lrpzki rnge kxtubq kx nao-zlix.   
\q1
\v 33 Axplr-zvzbzle nanycnge  
\q2 Mz nzvzne-krnge mz nartrkla ngr newz.   
\q1
\v 34 Alvztrple bange nzrpnangr,  
\q2 Murde nakrlzx nzrvecngr nalr popz'.   
\q1
\v 35 Yawe, apume bange temz ngr lomrnge kc tqyrputrngr nipna.  
\q2 X zmatq ngrm ngi popz' ngr nibrnge. Vzome murde namyalzx.   
\q1
\v 36 Okatr-zvzq ninge, x rblx enqmi rngeng nzlolvz-krdr ninge.  
\q2 X trnzta-pulro-ngrdru ninge mz drtc'.   
\s2 Kxaovxio  
\q1
\v 37 Maneux enqmi rngeng,  
\q2 Vz vz x lolvz-zpwxxng mz nzodati-krnge nidr.   
\q1
\v 38 Tzx nidr, vz vz x nztaong amrlx mz drtc'.  
\q2 X trpnzngr kx tulzm.   
\q1
\v 39 Axplrq ninge mz nzotangr.  
\q2 Delc tqaovxio-ngrne enqmi rngeng.   
\q1
\v 40 Nim kx rngi-batrp nzdwaszkr enqmi rngeng ninge,  
\q2 Murde naodatix krkcng tzpxtxpx-ngrdr ninge.   
\q1
\v 41 Nzbztidr nzyrningr kx naokatrng. Nzkqlelr Yawe.  
\q2 A' trpnzngr kx arlapxle nidr.   
\q1
\v 42 Wibrtix nidr, vz vz nzapulr bq kc tqtwz nenq.  
\q2 X rnzbrtix nidr, vz vz nzapulr dxlrbi ngr lrpzki.   
\s2 King Kxmcpx Yawe  
\q1
\v 43 Arlapxbzme ninge mz mq leplz kx nzmwati drtwrdr ninge.  
\q2 X yrlqq ninge mz nzaclve-krnge drtc' nyzdrng,  
\q2 Murde lr mrkzbleng namnclzmqng mz zmatq rnge.   
\q1
\v 44 Nzyrngzomqng bange  
\q2 X nzvz-nqblqlr natqnge.   
\q1
\v 45 Nzrnrctitr-lzbqmqng bange.  
\q2 Nzprpxmqng mz lrpalvc nyzdr. X nzmetxmqng bange.   
\q1
\v 46 Yawe, nim Gct kx lu. Glqpxx nim murde nim butqbr nyznge.  
\q2 Glqlz-zvz-ngrne nim murde arlapx-zvzq ninge.   
\q1
\v 47 Ayrplapx-zvzq enqmi rngeng.  
\q2 X okatrq ninge nzaovxio-krnge lr mrkzbleng,   
\q1
\v 48 Mz nzarlapx-krm ninge mz mqdr.  
\q1 Yawe, ngi-batrpe' nzaovxio-krnge enqmi rngeng.  
\q2 X tu-zvzme mz nibrnge mzli kc ncblo nzrpilr naota-ngrgr badr.   
\q1
\v 49 Gct, sa naglqlzx nim mz mzlir lr drtqbrng amrlx,  
\q2 Mz nzangrlvz-krnge nim. \x + \xo 18:49 \xt Rom 15:9\x*   
\q1
\v 50 Yawe, ninge Devet, king nem, x okatr-zvzq ninge mz nzaovxio-krngeng.  
\q2 Aodu-zvzq ninge kc tqmcpxq x leplz ngr nqvi lrnge, tqyc, tqyc.   
\c 19  
\cl Sam Kranzpnu-esz'-nrade-rpwxmz (19) 
\s1 Zyzlr Ngr Bongavz X Zyzlr Ngr Natq Gct  
\s2 Zyzlr Ngr Nepi, Temz, X Vri  
\q1
\v 1 Nzmyalzkr Gct nzmc mz bongavz,  
\q2 X dalr bongavz amrlx.   
\q1
\v 2 Mz nrlckxngrlx, nepi aelwa-ngrde zmatq rde,  
\q2 Da kc tzwai temz x vri mz nrlckxbq.   
\q1
\v 3 Kxmule-esz' bongavz trpnzngr naode x nepi trycmneu,  
\q2 X trpnzngr natq kxnztwz temz x vri,   
\q1
\v 4 A' nrpa scdr vzpx, krlzbzle leplz amrlx mz nrlc tulvzo. \x + \xo 19:4 \xt Rom 10:18\x*  
\q2 Gct yrlqbzle nrlckxbq nangi ma nyz nepi kx mwipx-ngrmle.   
\q1
\v 5 Mz nourla, nzvzpx-ani-krm nepi ma nyzde apule nzabrtzkr ncblo kx yrlz ate.  
\q2 X apu-kzle ncblo menrpa kc tqoliq mz nzesangr.   
\q1
\v 6 Nepi lc prtzm mz nzngrlr-krde mz bongavz.  
\q2 Ngrlr, krlzbzle nrlarde kc tqtakiole.  
\q1 X zyzlr ngrde yzlro-ngrm mz da amrlx.  
\q2 Da kc tqwai Natq Yawe mz nzyzlro-krmle mz leplz amrlx.   
\s2 Natq Yawe Apule Zyzlr Kx Pnamilxtile Nabz Leplz  
\q1
\v 7 Natq Yawe amrnale nzlukr nabz leplz mz nzmrlzvxi-krde.  
\q2 Akrlztrle kxnzngqngung murde trycngrlru.   
\q1
\v 8 Natq Gct aelalzmle drtwr kxnzrvz-nqblqng mz nztubq-krde.  
\q2 Aelwapx-ngrde da kx yc-kapq mz nzobqplx-krde nabz.   
\q1
\v 9 Nzamrluengr Yawe tqyc tqyc murde lq-esz'ngr.  
\q2 Natq Yawe rsakrlrngr murde da angidr zvz.   
\q1
\v 10 Delc nzsutikr drtwrnge natqde namyaszpxle trau kxkqlu,  
\q2 Murde vzpx-ngrm nzabrtzngr kx myaszpxle dakxnzng kcng tqbrngzvxi.   
\q1
\v 11 Mz nzvz-nqblq-krnge natqde, aelwapx-ngrmle bange da kxmrlzting.  
\q2 X mz nzlalztq-krnge mz natqde, atubqtimle nzmnc-krnge.   
\q1
\v 12 Kxetu Yawe, ipq ninge mz alwx kznikeng yc-kapqtrp bange,  
\q2 Murde rblxm bange nzmc-krngeleng.   
\q1
\v 13 X lolvz-amqngi ninge,  
\q2 Murde ma tqvz zvz nzale-krnge alwx  
\q1 Kcng tqotr ngr drtwrnge nzale-krngeleng.  
\q2 Murde nabznge natr x natubqbo mz nzobq-krm.   
\q1
\v 14 Yawe, nim butqbr kx rlakitrx.  
\q2 Krka'-ngrne kx natqngeng x nzaotikr drtwrnge navz-nqblq-zvzlr me pnz drtwrm.   
\c 20  
\cl Sam Kranzpnu-li (20) 
\s1 Nzkrka'ngr Mz Nzaovxiokr King  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzkrka'kr Pris Ne Gct Badr Leplz  
\q1
\v 1 Yawe, nim Gct r melrmqgr Jekop.  
\q1 X krka'-ngrgr kx na-ayzlume natq king rgr.  
\q2 X mzli kc nakxpu-ngrde okatrpz nide.   
\q1
\v 2 Mz nzmnc-krm Newz Saeon mz Mangr-nzangiongr,  
\q2 Aclve x axplr nide.   
\q1
\v 3 Abrtzlvz da kx rlr-ngrbzle bam.  
\q2 X suti drtwrgr nzelalz-krm drtwrm mz blz kx angcle mz olta nyzm.   
\q1
\v 4 Kabz bade da kcng tqsuti drtwrde,  
\q2 X angidatibz nepu nr drtwrdeng amrlx.   
\q1
\v 5 X sa namalqlvzkr nzaovxio-krde.  
\q1 X naglqlzkr nim, Gct rgr.  
\q2 Yawe, ayzlum natqdeng amrlx. Eu, angida.   
\s2 Nzkrka'kr King Devet  
\q1
\v 6 Yawe, ninge king kc tqmcpxq.  
\q2 X mzli ka krlzpex kx okatrq ninge mz nzaovxiongr.  
\q1 X sa na-ayzluome natqnge mrla tqmnc-ngrn Heven kxtr,  
\q2 X nakame bange zmatq ngr nzngini-krnge Ngrlrvea.   
\q1
\v 7-8 Kzdung leplz nzabrtrpzlr drtwrdr mz ami nedrng,  
\q2 X kzdung mz dalr nzotangr.  
\q1 Da lcdeng trnaokatrlru nidr x nztaong mz vea.  
\q2 A' Yawe Gct rgr, tu-amqngi-zvzkr, murde abrtxtrpwzkr drtwrgr bam.   
\s2 Leplz Amrlx  
\q1
\v 9 Yawe, kabz zmatq ngr nzaovxiongr mz king nem.  
\q2 X mz nzkqle-krbzkr nim, ayzlum natqgr.   
\c 21  
\cl Sam Kranzpnu-li-nrade-esz' (21) 
\s1 Nzglqlz-ngrbz Nzaovxiokr Yawe  
\d Nabz ne Devet.  
\s2 King Devet Glqlzle Gct  
\q1
\v 1 Yawe, ninge king nem x abrtz-zlwzx murde nzrka-krme bange zmatq.  
\q2 Bilvzx nzaovxio-krbzme enqmi rngeng.   
\q1
\v 2 Da amrlx kcng tqsuti drtwrnge, tqrlxtibo.  
\q2 X sc tqkatimeng x alebzmeng amrlx.   
\q1
\v 3 Vzpeme bange mz nzrka-krme da kxmrlzting.  
\q2 X alaome mz narnge kraon kx ngi gol.   
\q1
\v 4 Rlxtibo nzlungr bam,  
\q2 X kapeme bange nzlungr lc tqboi.   
\q1
\v 5 Leplz kxkqlu nzxlrlr nrpa ngr drtqnge, murde okatr-zvzq ninge.  
\q2 X nzamatqlr ninge, murde armyalzq ninge mz nzngini-krnge King.   
\q1
\v 6 Da kxmrlz kcng tqkatimeng bange, sa nayc-alomqng bange.  
\q2 X abrtz-zvz-ngrne nzmnc-krme bange.   
\q1
\v 7 Yawe kc tqrninr, ninge king nem x abrtrpo drtwrnge bam,  
\q2 Murde namnc-zpwxx mz nzaodu-krm kc tqyc tqyc.   
\s2 Leplz Nzglqlzlr Gct  
\q1
\v 8 Yawe, aovxio-zvzq enqmi rmqng,  
\q2 X lolvztiq krkcng amrlx tzpxtxpx-ngrdr nim.   
\q1
\v 9 X mz nzlolvzti-krm lc nidr, odatiq nidr, apule nyr kc tqangcle nrlc.  
\q2 Yawe, milxtxo-zvzq nidr x ayrkrtxtrq nidr mz nyr.   
\q1
\v 10 Trpnzngr kx rlapx mz nqvi lrdr,  
\q2 Murde nibqtiqng amrlx.   
\q1
\v 11 Mz nzyrlq-krdr drtwr ngr nzota-krmu badr mz vea,  
\q2 Trna-angidalru drtwr lc tzyrlqlr.   
\q1
\v 12 Murde nzdwaszlr nim  
\q2 Mz nzpnz-krm nidr mz nipna scmqng.   
\s2 Leplz Amrlx  
\q1
\v 13 Yawe, glqlz-ngrgr nim nzxplr-esz'ngr-krm.  
\q2 X angrlvzkr nim mz zmatq ngrm.   
\c 22  
\cl Sam Kranzpnu-li-nrade-li (22) 
\s1 Nzrlxtingr X Nzrlxngitingr  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzrlxtingr  
\q1
\v 1 Gct! Gct o! ?Memule tqvzszpe-ngrn ninge? \x + \xo 22:1 \xt Matiu 27:46; Mak 15:34\x*  
\q2 ?X memule tqpxtxpx-ngrn nzokatr-krm ninge x trlalztqpepqu mz nzkrka'-krnge?   
\q1
\v 2 Yrniti-zvzbo bam ngrlx x nrlckxbq,  
\q2 A' trmnc-zpwxwxu murde trayzlumeu natqnge.   
\s2 Nzrlxngitingr  
\q1
\v 3 Nim King rgr kxtr-esz'ngr kc tqaclvele nigr lr Israel.  
\q2 X angio-zvzkr nim.   
\q1
\v 4 Melrmqgrng nzabrtrpzlr drtwrdr bam.  
\q2 Nzlxngitilr nim x arlapxq nidr.   
\q1
\v 5 Nzmnc-xglelr nim x tu-zvzbzme mz nibrdr.  
\q2 Nzrlxtibzlr nzokatr-krm nidr x angidatibzme natqdr.   
\s2 Nzrlxtingr  
\q1
\v 6 A' nzapusrngr ninge brmrda.  
\q2 Nzngangr-ngrdr ninge mz nzobqszo-krdr ninge.   
\q1
\v 7 Nzycngrlrmlr nardr bange x nzmabqtimlr benaodr bange. \x + \xo 22:7 \xt Matiu 27:39; Mak 15:29\x*  
\q2 X nzxtrnga-ngrdr ninge. \x + \xo 22:7 \xt Luk 23:35\x*   
\q1
\v 8 Nzrpimlr kx, “Abrtrpzme drtwrm mz Yawe, a' namckr ena nzarlapxkr Gct nim mzli ka.  
\q2 Murde trokatrleu nim, kxmule-esz' rpiq kx mrlzti-zlwzle nim.”   
\s2 Nzrlxngitingr  
\q1
\v 9-10 Yawe, yzuo mz zbq kc tzmcngr mzke', krlzmle mzli ka,  
\q2 Abrtr-zvzbo drtwrnge bam mz nzngini-krm Gct rnge.  
\q1 Murde aclve-angidrq ninge mz nzrmcngr mzke',  
\q2 X mz nzyq-krnge neyr lxenge.   
\q1
\v 11 Bzkq rlaszq ninge, murde trpnz-moungr kx naokatrle ninge,  
\q2 Mz nzesotrpe-krm enqmi rngeng bange.   
\s2 Nzrlxtingr  
\q1
\v 12 Yawe, enqmi lcng tztu-ngalelvzlr ninge.  
\q2 X nzrpilr nanibqlr ninge mz nzapu-krdr poi kz peto.   
\q1
\v 13 Naodr mznem mz nzvz-krmlr bange,  
\q2 Mz nzmakx-krdr ninge mz nqngidr kxmalc.   
\q1
\v 14 Nzxplr-krnge yrkrpxpe apule lue kc tzpulio mz drtc' kx mingr.  
\q2 Mrkcng tzaxvctrngr nrvr rngeng nzbxplctipeng, x nqmq nr nabznge baonepe.   
\q1
\v 15 Mzli trnaboipeu nzbatr-krme nzbz-krnge.  
\q2 Murde mewe-zvzpex x drtwrnge brlxkz apule nabr kxngibr mz nepi. \x + \xo 22:15 \xt Jon 19:28\x*   
\q1
\v 16 Kxdrka'-ngrng nztu-ngalelvzlr ninge, nzapulr kuli kx namaneutilr ninge,  
\q2 X sc tzmaplxtitrpebzlr mqngeng x nanycngeng. \x + \xo 22:16 \xt Matiu 27:35; Jon 20:25\x*   
\q1
\v 17 Mcx kx ninge nrvr-nrbalqtxpe.  
\q2 X nzobqszneopelr x nzyrpalelvzpelr ninge.   
\q1
\v 18 Nzakiti-lzbq-ngrdr nctq lrpz scnge,  
\q2 X nzkq scnge kc boi nzayrleo-ngrdr daes, mz nzkrlz-krdr doa kx narngisc. \x + \xo 22:18 \xt Matiu 27:35; Mak 15:24; Luk 23:34; Jon 19:24\x* \fig Nzkq scnge kc boi nzayrletilr daes.|alt="009 gamble for my clothes" src="009-AB02862b.tif" size="COL" loc="PSA 22:18" copy="John Lear" ref="22:18" \fig*   
\q1
\v 19 Yawe, bzkq mncme rlru.  
\q2 A' vz-anim mz nzokatr-krm ninge.   
\q1
\v 20 X arlapxbz nzlu-krnge mz mq ncblo kxayo lcng,  
\q2 Tzmaneutilr ninge mz nzapu-krdr kuli kz peto.   
\q1
\v 21 X mnc-ngalelvz ninge, murde ma tzluplxtilr ninge mz toki r vea scdr  
\q2 Tzapulr nqngi poi kz peto.   
\s2 Nzrlxngitingr  
\q1
\v 22 Mz nzyrlwr-lxblrkr leplz nemqng,  
\q2 Sa nabilvzx nim, mz nzrpi-krbo mz mzlengeng da kx aleme bange. \x + \xo 22:22 \xt Hibru 2:12\x*   
\q1
\v 23 Murde sa napipxbo badr kx, “Nigu kxnzawz neng Yawe, naglqlzku nide!  
\q2 Eu. Nigu lr Israel na-amrlueku nide mz nzamatq-zvz-krgu nide!   
\q1
\v 24 Kxmule-esz' nigu kxnzobqszong, a' Gct trobqszoleu nzkxpu-krgung,  
\q2 Murde trpxtxpx-ngrdeu nzayzlu-krmle natqgung.”   
\q1
\v 25 Delc Yawe, narka-ngrbo blz ngr nzawingr kc tqpibo, mz nzyrlwr-lxblrkr leplz nemqng.  
\q2 Murde nim nou nzrglqlz-krnge.   
\q1
\v 26 X mz nibrde, sa nakrlcng mz dakxnzng  //  kx vzpxm mz blz kc tqkabo bam.  
\q2 X sa naglqlzlr nim mz nzbrtikr drtwrdr nim.  
\q2 Amrlz-zvzbz nidr mz nzmnc-zpwx-krdr.   
\q1
\v 27 Yawe, lr mrkzbleng amrlx sa na-aoti drtwrdr nim mz nzplzpx-krbzlr alwx ngrdr bam.  
\q2 X neidu lcng amrlx sa na-angiolr nim,   
\q1
\v 28 Mz nzngini-krm King kx matq-esz'ngr  
\q2 Kc tqaclve-zvzle nidr.   
\q1
\v 29 Delc kxnzetung badr leplz nedrng sa nayrngzobzng bam,  
\q2 Mz nzavzo-lzbq-krbzlr bam.   
\q1
\v 30 X doa negrng kz sa nawztrpzng bam,  
\q2 Mzli kc naxlrtr-ngrmlr bagr nrpa ngrm,   
\q1
\v 31 Mz nzrpi-krbzkr badr kx,  
\q2 “Yawe arlapx-zvzle leplz nedeng.”   
\c 23  
\cl Sam Kranzpnu-li-nrade-tq (23) 
\s1 Kxaclve Sip  
\d Nabz ne Devet.  
\q1
\v 1 Yawe, aclve-zvzq ninge apux sip nem.  
\q2 X trtxpnzngr da kx mnctxpx-ngrne.   
\q1
\v 2 Mailz-zvzq ninge me ycngr lue x dakxnzng,  
\q2 Murde na-amax mrkc tqycngr nrwx.   
\q1
\v 3 Amrnaq nzlu-krnge.  
\q2 X aelwa-zvz-ngrme lrpzki kxtubq, murde drtqm tr zlwz.   
\q1
\v 4 Nctoko scm tzmle nzti bange.  
\q2 X bz scm abrmle drtwrnge mz da kx prtz.  
\q1 Kxmule-esz' vztrx mz nzlo,  //  a' trtxpnzngr da  //  kx namwxlrtix.  
\q2 Murde nim Yawe, kc tqmncme bange. \fig Bz scm abrmle drtwrnge mz da kx prtz.|alt="010 shepherd crook" src="010-Mat18.10.tif" size="COL" loc="PSA 23:4" copy="LLL Language Recording" ref="23:4" \fig*   
\q1
\v 5 Alebzme nange dakxnzng,  
\q2 Mz mzlir enqmi rngeng.  
\q1 Aelubzme narnge tolo,  
\q2 X drtwrnge elalzm.   
\q1
\v 6 Krlz-angidrx kx sa naka-zvzme bange zmrlz ngrm x nivz lrm,  
\q2 X sa namnc-zvzx ma nyzm.   
\c 24  
\cl Sam Kranzpnu-li-nrade-pwx (24) 
\s1 King Kc Tqmatq Vztr Mangr-nzangiongr Mz Mzteadau Nyzde  
\d Nabz ne Devet.  
\s2 Neke Takitrde Nzprtr-krde Mangr-nzangiongr  
\q1
\v 1 Nrlc atwrnrngr nyz Yawe,  
\q2 X doa amrlx mz nrlc nedeng x da amrlx mz nrlc scdeng. \x + \xo 24:1 \xt 1 Korint 10:26\x*   
\q1
\v 2 Murde nide Kxrpalz kc tqwz-ngrde nrlc,  
\q2 X yrlqbzle prla x drtc' mz zmatq ngrde.   
\q1
\v 3 ?Mz nzaotikr drtwrgu zmatq lc, neke tubqbz bade nzvzdzbz mz newz nyz Yawe?  
\q2 ?X neke takitrde nzprtr-krde Mangr-nzangiongr nide?   
\q1
\v 4 Leplz kx nabzdr lq x nzmnc-krdr tubq  
\q2 Nztakitrdr nzodutr-lxblr-krbzlr mz Yawe.  
\q1 Natqdr nzangidati-zvzlr.  
\q2 X trnzangiolru mqngr da kx nzlz.   
\q1
\v 5 Leplz kxnzmulr lcng nztubqbzng mz nzobqkr Yawe.  
\q2 X Gct r Jekop lc sa na-amrlzle x na-arlapxle nidr.   
\q1
\v 6 Leplz lcng nzrtangrtilr me pnz drtwrde,  
\q2 X suti drtwrdr nzxngi-krbzlr nzulrde mz Mangr-nzangiongr nide.   
\s2 King Kc Tqmatq  
\q1
\v 7  \bd Lvxpxbzmu bade naonrx ngr Jerusalem, \bd*  
\q2 \bd X naonrx ngr Mangr-nzangiongr kcng tqblzlongr, \bd*  
\q2 \bd Murde King kc Tqmatq navztrp. \bd*   
\q1
\v 8  \bd ?King kznilc tqmatq?\bd*  
\q2 Krlc Yawe, kc tqrninr, tqxplr.  
\q2 Krkc tqaovxio zvz mz vea.   
\q1
\v 9  \bd Lvxpxbzmu bade naonrx amrlx, \bd*  
\q2 \bd X naonrx kcng tqblzlongr, \bd*  
\q2 \bd Murde King kc Tqmatq navztrp. \bd*   
\q1
\v 10  \bd ?King kznilc tqmatq?\bd*  
\q2 Krlc Yawe, Ngrlrvea ngr ami nedeng.  
\q2 Nide King kc Tqmatq.   
\c 25  
\cl Sam Kranzpnu-li-nrade-nzlvqn (25) 
\s1 Doa Kc Tqabrtr-zvzbzle Drtwrde Mz Yawe Drtqde Trmyau  
\d Nabz ne Devet.  
\s2 Kzdq Nabz Ngr A, B, C  
\s2 Nzkrka'ngr  
\q1
\v 1-2  \qac A\qac*wi Yawe mz nzngini-krm Gct rnge.  
\q2 \qac A\qac*brtr-zvzbo drtwrnge bam mz nzkrka'-krbo bam.  
\q1 \qac B\qac*zkq rlr-ngrbzme mz enqmi rngeng nzaovxio-krdr ninge.  
\q2 \qac B\qac*zkq nzamyatimlr drtqnge.   
\q1
\v 3  \qac C\qac*lvebz doa kc tqabrtr-zvzbzle drtwrde bam, murde drtqde ma tzamyatibz.  
\q2 \qac C\qac*lveti-lzbq zvz doa lc, a' mrlx kx ani txpwz nzota-krmu ncdr, mrlz nzmyakr drtqde.   
\q1
\v 4  \qac D\qac*a kx sutitx-zlwzbz drtwrnge bam, nzalvztr-krme bange nqmq krmqng amrlx.  
\q2 \qac D\qac*elc nakrlz-zpwx-ngrne lrpzki rm.   
\q1
\v 5  \qac E\qac*lalvzx nzokatr-krme ninge mz nzvz-nqblq-krnge natqm.  
\q2 \qac E\qac*u. Murde nim Gct rnge kc tqarlapxle ninge, x tqabrkitr-zvzx drtwrnge nim.   
\q1
\v 6  \qac G\qac*ct, aelwapx-zvzm nzaodu-krm x nivz lrm bange.  
\q2 \qac G\qac*ct, ale da lc, da kc tqwai-pnzq mzli kc bqnc.   
\q1
\v 7  \qac I\qac*pq ninge mz alwx kcng tqalexng mzli kc tqngini-ngrne obla, murde nim mrlz-esz'ngr.  
\q2 \qac I\qac*pqpx nzvz-rbr-krngeng amrlx  //  mz nzdcpxkr mz drtwrm nzaodu-zvz-krm.   
\s2 Nqmq Kr Yawe  
\q1
\v 8  \qac J\qac*zs-zvzq leplz mz nzmncngr kxmrlz x kxtubq.  
\q2 \qac J\qac*zsiq mz nzalvztr-krm kxnzaleng alwx, murde nao-zlilr nzti rm.   
\q1
\v 9  \qac K\qac*xrmailz, aelwapx-ngrbzme mz kxnzavzo-lzbqng da kxtubq.  
\q2 \qac K\qac*xakrlz, alvztr-zvz-ngrn nidr me pnz drtwrm.   
\q1
\v 10  \qac L\qac*rpzki rmqng amrlx nzaelwapxbzlr mz leplz nemqng nzaodu-krm x nzangidati-krm natqm.  
\q2 \qac L\qac*eplz lcng nzyrlq-zvzlr nzalvztr-krm x nzesz'tikr drtwrmu badr.   
\q1
\v 11  \qac M\qac*a-nqblq natqm kc tqesalz-ngrn mz nzipqpx-krm alwx rngeng,  
\q2 \qac M\qac*urde nzkqlu-zlwzng.   
\q1
\v 12  \qac N\qac*ekeng nzlxngiti-angidrlr natqm,  
\q2 \qac N\qac*zo-zlilr lrpzki angidr mz nzalvztr-krm nidr.   
\q1
\v 13  \qac O\qac*lvz x ncblo lcng sa namnc-zpwxng.  
\q2 \qac O\qac*liqtibz drtc' kc tqpibzme, murde doa nedrng namnc-kzng elr.   
\q1
\v 14  \qac P\qac*qtr mz drtwrm leplz kcng tzamrluelr nim.  
\q2 \qac P\qac*ipx-zvzbzme da kx na-alelr mz nzvz-nqblq-krdr nzesz'tikr drtwrmu badr.   
\s2 Nzkrka'ngr  
\q1
\v 15  \qac R\qac*txtrpwo nibrnge bam mz nzmnc-xgle-krnge nim.  
\q2 \qac R\qac*lapx-zvzx mz nzokatr-krm ninge.   
\q1
\v 16  \qac S\qac*uti drtwrnge kx naobqme bange x nayc mz drtwrm ninge.  
\q2 \qac S\qac*utitx drtwrnge murde trpengr kztenge x trmnc-zpwxpewxu.   
\q1
\v 17  \qac T\qac*rte, katxpxbz nztalvzokr nabznge.  
\q2 \qac T\qac*ekqtr drtwrm x arlapxbz ninge mz nzkxpu-krngeng.   
\q1
\v 18  \qac V\qac*z zvz nzaotikr drtwrm nzkxpu-krnge x nzetqkr drtqnge,  
\q2 \qac V\qac*zm x ipqpxbz alwx rngeng.   
\q1
\v 19  \qac W\qac*x-nzlongr nabznge nzkqlu-zlwzkr enqmi rngeng.  
\q2 \qac W\qac*zpx zlwz mz drtwrdr nzatrkati-krdr ninge.   
\q1
\v 20  \qac X\qac*plrlvzbz ninge mz enqmi rngeng mz nztu-krme mz nibrnge.  
\q2 \qac X\qac* bzkq rlr-ngrbzme badr nzamyati-krmlr drtqnge, murde nim me rlakitrx.   
\q1
\v 21  \qac Y\qac*awe, arlapx ninge murde tubqx x nabznge lqngi.  
\q2 \qac Y\qac*rlqtr-zvzbo nzlu-krnge bam.   
\q1
\v 22  \qac Z\qac*matq ngrm, navzm mz nzarlapx-krbzle nigr lr Israel mz  
\q2 \qac Z\qac*trkang amrlx kcng tqrmctikr mzli ka.   
\c 26  
\cl Sam Kranzpnu-li-nrade-esz'mz (26) 
\s1 O-zli-zvzx Nzti Kxtubq  
\d Nabz ne Devet.  
\q1
\v 1 Yawe, pipxbz kx ninge ncblo kx nabzde lq.  
\q1 \bd Murde o-zli-zvzx nzti kxtubq,\bd*  
\q2 X abrtr-zvzbo drtwrnge bam.   
\q1
\v 2 Obqtr angidr mz nabznge,  
\q2 X mc kxmu nzvzkr nqmq nr drtwrnge.   
\q1
\v 3 Murde nivz lrm rtwayz-zvzm bange,  
\q2 X nzaodu-krm mailz-zpwxle ninge.   
\q1
\v 4 Traodu-lzbqkru badr leplz kxnztrkang.  
\q2 X trabrtzlvzwxu kxnzpokiang.   
\q1
\v 5 Pxtxpx-ngrne nzngi-te-krgr badr kxnzaleng alwx.  
\q2 X drtqnge sa nzmnc-krgr badr kxdrka'-ngrng.   
\q1
\v 6 Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm,  
\q2 X naprtrpo mz leplz nemqng mz nzvz-ngale-krgr olta nyzm.   
\q1
\v 7 X ngr-ngrgr nabz ngr nzawingr  
\q2 Mz nzale-krm da kxmrlzvxiting.   
\q1
\v 8 Mrlzm bange Mangr-nzangiongr nim,  
\q2 Mrkc tzmcngr nzmyalz-krm.   
\q1
\v 9-10 Mz nzmilxtxo-krm leplz kcng tztakitrdr nzayrplapxngr,  
\q2 Bzkq apusr-ngrn ninge kxnzaleng alwx, x kxnzrnibqng,  
\q2 X kxdrka'-ngrng kcng tzrtwz-zvzng dalr nzamcti-rbrngr,   
\q1
\v 11  \bd Murde o-zli-zvzx nzti kxtubq.\bd*  
\q2 Ycngr mz drtwrm x arlapx ninge.   
\q1
\v 12 X sa naglqlz-ngrne nim mz mzlir leplz nemqng  
\q2 Murde tu-zvzme mz nibrnge x tubqbo mz nzobq-krm.   
\c 27  
\cl Sam Kranzpnu-li-nrade-rlimz (27) 
\s1 Nim Mevalu Rnge X Trpnzngr Kx Namwxlrtix  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Lrpalvc Nyznge  
\q1
\v 1 Yawe, nim Mevalu rnge kx arlapx-zvzle ninge. X trpnzngr kx namwxlrtix.  
\q2 Trnarnrcti-lzbq-ngrneu murde nim lrpalvc nyznge.   
\q1
\v 2 Mzli kc kxdrka'-ngrng natz-ngrdr ninge mz nznibq-krdr ninge,  
\q2 Enqmi lcng sa nataong.   
\q1
\v 3 Kxmule-esz' ami kxetu navzm mz nzoti-krmlr ninge, a' trpnzngr nzmwxlr-krnge.  
\q2 X kxmule-esz' otakr badr, a' drtwrnge sc tqabrtr-zvzbo bam.   
\s2 Ma Nyzm  
\q1
\v 4 Yawe, da kx rlxtitxpwo bam nide sele: Sutitx zlwz drtwrnge nzmnc-zvz-krnge mz ma nyzm.  
\q2 Murde naxngi-zvzbo nzulr nzmyalz-krm mz nzaoti-zvzkr drtwrnge me pnz drtwrm.   
\q1
\v 5 Murde krlzx kx sa na-aclve-angidrq ninge mz mzli r nzkxpu-krnge.  
\q2 X na-amnc-kapqq ninge mz Mangr-nzangiongr nim, mz nzngini-krm butqbr kx rlakitrx.   
\q1
\v 6 Sa nabatrpe' nzaovxio-krnge enqmi lcng tztu-ngalelvzlr ninge.  
\q2 X sa namalq-zlwzx nzka-krbo bam blz mz Mangr-nzangiongr nim.  
\q2 X nangr-ngrbo bam nabz ngr nzawingr.   
\s2 Nzkrka'-krnge  
\q1
\v 7 Yawe, xlrm nzkrka'-krnge mz nzkqle-krnge nim.  
\q2 X nayc mz drtwrm ninge mz nzayzlu-krme natqnge.   
\q1
\v 8 Mzli kc tqrpi-ngrme kx, “Vzm mz nzangio-krm ninge.”  
\q2 X ayzlubo natqm kx, “Eu, ninge la navzbo.”   
\q1
\v 9 Delc, bzkq mnc-rlrume bange. Ninge kxnzawz nem.  
\q2 X bzkq esablqtiq ninge mz nzngyatikr drtwrm ninge.  
\q1 Murde okatr-zvzq ninge mzli kc.  
\q2 Mevalu rnge, bzkq pxtxpx-ngrn ninge mz nzaxtx-krm ninge.   
\q1
\v 10 Kxmule-esz' trtenge x lxenge nzaxtxtxdr ninge,  
\q2 A' nim la tqaclve-angidrq ninge.   
\s2 Nzti Kx Tubq  
\q1
\v 11 Alvztrp nqmq krmqng bange.  
\q2 X mailz ninge mz nzo-zli-zvz-krnge nzti kx tubq murde enqmi rngeng sa tzaukztilr ninge.   
\q1
\v 12 Bzkq rlr-ngrbzme nzlolvz-krdr ninge.  
\q2 Nzpokiatitrlr ninge x nzamwxlr-ngrdr ninge mz nzycmne-zngya-krdr.   
\q1
\v 13 Yawe, krlzpex kx nzmrlz-zlwz-krm  
\q2 Sa nakrlzmle ninge mzli ka mz nrlc.   
\q1
\v 14 Mzlengeng, na-abrtr-ngrbzku drtwrgu mz Yawe.  
\q2 X naxplrku mz nzlxngiti-krgule.  
\q1 Bzkq matitr drtwrgu nide,  
\q2 A' drtwrgu na-abrtr-zvzbzku bade.   
\c 28  
\cl Sam Kranzpnu-li-nrade-rtqmz (28) 
\s1 Aclve Alo Nigr  
\d Nabz ne Devet.  
\q1
\v 1 Yawe, kqlex nim murde nim butqbr kx rlakitrx.  
\q1 Bzkq apume bange kxnradrtqde ngq.  
\q2 Murde ma tqbzx nzmu napx-ngrn nzxlrngr nzyrni-krnge.   
\q1
\v 2 Mzli kc tqobqtr-ngrbo Mrkc Tqtr mz nzmnc-krnge Mangr-nzangiongr nim, x glalzx mqnge mz nzkrka'-krbo bam,  
\q2 Xlrm natqnge x okatrp ninge.   
\q1
\v 3 Bzkq apusr-ngrn ninge kxdrka'-ngrng kcng tzrtrngz-zvzbzng da kxtrka.  
\q2 X nzrpilr kx nidr ncblo ngr nivz, a' trtingr.   
\q1
\v 4 Ayzlu-mopwz mz nzayrplapx-krm nidr mz da kxtrka x nzrtrkalrngr kcng tzalelr,  
\q2 Kabz badr da kx takitrde nzvz-rbr-krdrng.   
\q1
\v 5 Murde matitrpe drtwrdr da kcng tqwz-ngrn x da kxetuting tqaleqng.  
\q2 Dekc namilxtxo-ngrn nidr x bzkq da kx na-ale-moulr.   
\q1
\v 6 Yawe, glqlz-lxblrkr nim  
\q2 Murde ayzlume natqnge mz nzokatr-krm ninge.   
\q1
\v 7 Nim lrpalvc nyznge x temz ngr lomrnge kc tqyrputrngr nipna.  
\q2 Abrtrpo drtwrnge bam x okatr-zvzq ninge.  
\q1 Delc tqelalz-ngrm drtwrnge  
\q2 X tqawi-zvz-ngrbo bam mz nzngrngr.   
\q1
\v 8 Yawe, nim lrpalvc nyzgr kx rlakitrkr.  
\q2 X nim nzxplr-krnge, ninge king kc tqmcpxbzme.   
\q1
\v 9 Amrlz nigr leplz nemqng mz nzarlapx-krm nigr,  
\q2 Mz nzngini-krgr sip nemqng kcng tqaclve-zvzq.   
\c 29  
\cl Sam Kranzpnu-li-nrade-rpwxmz (29) 
\s1 Natq Yawe Mz Trlipu  
\d Nabz ne Devet.  
\q1
\v 1 Nimu enjrl ngr Heven nayrngzobzmu mz Yawe,  
\q2 Mz nzmc-krmu nzmyalz-krde x zmatq ngrde.   
\q1
\v 2 Napipxamu kx takitrde nzamrluengr drtqde,  
\q2 Mz nzangio-krmu nztr-esz'ngr-krde.   
\q1
\v 3 Murde natq Yawe aelwapx-lzbqngr mz trlipu.  
\q2 Nate kxmatq o-zlile dcpwe mz nzapu-krde bzlrmei prla.   
\q1
\v 4 Natq Yawe matq-esz'ngr.  
\q2 Eu. Natqde xplr zlwz.   
\q1
\v 5 Natq Yawe rpesaliti nc trpili,  
\q2 Mz nzapu-krdr nounc kx nzlapizting.   
\q1
\v 6 Natq Yawe aycngrlrle newz nyzgung,  
\q2 Mz nzapu-krdr ncblo kx nzelang.   
\q1
\v 7-8 Natq Yawe batrpzle bzlrpc.  
\q2 X bzlrmei ngrde aycngrlrle peto.   
\q1
\v 9 Natq Yawe apule nenq kc tqrkqtuti nc yrni x krlxpqtile leu rdr.  
\q2 X kxnzangiong amrlx mz Mangr-nzangiongr nzrpilr kx, “Gct, nzmyalz-esz'ngr-krm glqlz-ngrgr nim!”   
\q1
\v 10 Nubla ngr tewa kxetu yclzbz mz zmatq ngr Yawe,  
\q2 Mz nzngini-krde King kc tqaclve alo.   
\q1
\v 11 X mz zmatq lc axplrle nigu leplz nedeng  
\q2 Murde namnc-zpwxku.   
\c 30  
\cl Sam Kranzpnu-tq (30) 
\s1 Yawe Alrti-zvzle Nzyrnibungr Mz Nzelalz-krm Drtwr  
\d Nabz ne Devet.  
\q1
\v 1 Yawe, glqpxx nim mz nzarlapx-krm ninge mz mq enqmi rngeng.  
\q2 Murde tr-rlr-ngrpwzmeu badr nzaovxio-krdr ninge murde ma tzbilvzlr ninge.   
\q1
\v 2 Yrnibo bam mz nzokatr-krm ninge,  
\q2 X amrlz-mowq nrkrdrtqnge.   
\q1
\v 3 Mzli kc tqycpe pipz nzbz-krnge,  
\q2 Arlapxq ninge x nrkrdrtqnge trnavzopeu mz gq.   
\q1
\v 4 Yawe, tr-esz'ngrn, x nigr leplz nemqng na-angrlvzkr nim,  
\q2 Mz nzawi-krbzkr bam da kx aletiqng.   
\q1
\v 5 Zngya ngr drtwrm trboiu,  
\q2 A' nzaodu-krm nigr tqyc tqyc.  
\q1 Kxmule-esz' yrnibutikr nrlckxbq,  
\q2 A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.   
\q1
\v 6 Yawe, mzli kc tqmnc-zpwx-ngrne, rpi-zvzx kx,  
\q2 “Trpengr doa x da kx namwxlrtix.”   
\q1
\v 7 Murde xngibo nzamrlz-krm ninge, mz nzapu-krm rtabu kx xplr kx tu-ngalelvzle ninge.  
\q2 A' mzli kc tqprtz-ngrm da kxtrka bange, opxm kx esablqtime ninge, sc tqmwxlr-zlwzpex.   
\q1
\v 8 Delc Yawe, tqkqle-ngrne nim.  
\q2 X rlxtibo nzyzluti-krme ninge.   
\q1
\v 9 Rpibo bam kx, “Bzkq rlrpx-ngrn nzvzo-krnge mz gq,  
\q2 Murde trpnzngr da kx mrlz kx naprpxm mz nzbz-krnge.  
\q1 X rblxpe nzyapwxtipx-krbo mz leplz mz nzangidati-krm,  
\q2 Nzmu namibilzpemc mz drtc'.   
\q1
\v 10 Yawe, xlrm natqnge mz nzyckr drtwrm ninge.  
\q2 Kxetu rnge, okatrp ninge.”   
\q1
\v 11 Alrtibzme nzyrnibu-krnge mz nzelalz-krm drtwrnge,  
\q2 Mz nztekqtr-krbzme nzvzkr drtwrnge mz nzabrtz-krnge.   
\q1
\v 12 X rblxm bange nzmnc-lrpi-krnge.  
\q2 A' navz zvz nzangrlvz-krnge nim. Awi kxetu, Yawe!   
\c 31  
\cl Sam Kranzpnu-tq-nrade-esz' (31) 
\s1 Nzbrkr Drtwr X Nztalvzokr Nabz  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzbrkr Drtwr  
\q1
\v 1 Yawe, nim me rlakitrx.  
\q1 Bzkq rlrpx-ngrn nzaovxiokr enqmi rngeng ninge.  
\q2 A' arlapx ninge, murde ale-zvzq da kxtubq.   
\q1
\v 2 Ayzlu-anim nzyrni-krnge mz nzarlapx-krm ninge.  
\q2 Nanginim butqbr kx namnc-kapqpx-ngrmc.   
\s2 Nztalvzokr Nabz  
\q1
\v 3 Mz nzngini-krm lrpalvc ngr nzrlapxngr,  
\q2 Aclve x mailz ninge mz nzvz-nqblq-krde natqm.   
\q1
\v 4 Bzkq rlr-ngrme nzprtz-krnge mz trtxki kc tzamwi-kapq enqmi rngeng,  
\q2 Murde nim me rlakitrx.   
\s2 Nzbrkr Drtwr  
\q1
\v 5 Yawe, aprcbo mqngrnge mz mqm. \x + \xo 31:5 \xt Luk 23:46\x*  
\q2 Murde nim Gct kc tqbrti drtwr mz nzxpepx-krm ninge.   
\q1
\v 6 Kxetu, abrtxtrpo drtwrnge bam,  
\q2 A' pxtxpx-ngrne krkcng tzangiolr mqngr da txneng kx nzlz.   
\q1
\v 7 Drtwrnge sa naelalzm x na-abrtzlvzx nzaodu-zvz-krm,  
\q2 Murde okatr-zvzq ninge mz mzlir nzetqkr drtqnge x nzkxpu-krngeng.   
\q1
\v 8 X tr-rlr-ngrpwzmeu ninge mz mq enqmi rngeng,  
\q2 A' amnc-nrwx-ngrbzme nabznge mz nzvzne-krnge.   
\s2 Nztalvzokr Nabz  
\q1
\v 9 Yawe, nayc mz drtwrm ninge murde nabznge talvzo.  
\q2 Mzke' vaotxpe-ngrde nzyrni-zlwz-krnge x nrkrdrtqnge mewetxpengr.   
\q1
\v 10 Yangrngapex mz nzvzkr drtwrnge x drtqnge satxpe murde bztipenge nzyrningr.  
\q2 Drtqnge yayrpe-ngrde nzmnc-rbr-krnge x nipenge nrvr-nrbalq.   
\q1
\v 11 Enqmi rngeng nznelvztilr ninge  
\q2 X kxnzmnc-aepztrpqng bange nzobqszopelr ninge.  
\q1 Kxkrlzti-lzbqkr badr nzapusr-ngrdr ninge da kxtrka  
\q2 X krkcng tzmclr ninge mz lrpzki nzdwa-ngrdr ninge.   
\q1
\v 12 Leplz amrlx mrbrtinetrpe drtwrdr ninge, opxm kx bzpex.  
\q2 Apunepebo badr brmrda.   
\q1
\v 13 Mnc-zvzx mz zmwxlr mz nzxlr-krnge nzlc-awakr enqmi rngeng,  
\q2 Kcng tzyrlqlr drtwr kx nanibq-ngrdr ninge.   
\s2 Nzbrkr Drtwr  
\q1
\v 14 A' Yawe, nim Gct rnge,  
\q2 X abrtrpo drtwrnge bam.   
\q1
\v 15 Arlapx ninge mz enqmi rngeng kcng tzayotilr ninge,  
\q2 Mz nzaclve-angidr-krm ninge.   
\q1
\v 16 Amrlz ninge, kxnzawz nem,  
\q2 Mz nzarlapx-krm ninge murde nzaodu-krm tqyc tqyc.   
\s2 Nztalvzokr Nabz  
\q1
\v 17 Yawe, bzkq rlrpx-ngrn nzkqle-krnge nim nzamyati-ngrm drtqnge.  
\q2 A' amyatibz drtq kxdrka'-ngrng murde napwrkilvc-ngrdr nzbz-krdr.   
\q1
\v 18 X na-aesakile natq kxnzpokiang x kxnzglqpx-lzbqng,  
\q2 Kcng tzxtrnga-ngrdr kxnztubqng.   
\s2 Nzbrkr Drtwr  
\q1
\v 19 Myatxpx zlwz da kxmrlzti kcng tqyrlqq nangi sc krkcng tzamrluelr nim.  
\q2 Murde aelwapxpe-ngrn kx aclve-zpwxq krkcng tzrlatrpzng bam.   
\q1
\v 20 Leplz nemqng nzrlapxng mz drtwr kx nzyrlq enqmi rdrng x nznelvztingr nidr,  
\q2 Murde amnc-aepztrpzme nidr bam.   
\q1
\v 21 Yawe, glqpx-ngrne nim nzaodu-krm ninge.  
\q2 Murde mzli kc enqmi rngeng tztu-ngalelvz-ngrdr lrpalvc nyznge, mnc-zpwxx mz nzetukr nivz lrm.   
\q1
\v 22 Mwxlrx murde opxm kx maszlrpx-ngrn ninge.  
\q2 A' xlrme nzkqle-krnge nim kx naokatrq ninge.   
\q1
\v 23 Nigu leplz neng Yawe naka-lzbqbzku bade.  
\q2 Murde aclvele kxnzvz-nqblq-zpwxlr nide, a' ayrplatipxle kxnzglqpx-lzbqng.   
\q1
\v 24 Bzkq nabzgu tzprlzm, a' natu-amqngiku  
\q2 Mz nzbrtikr drtwrgu nide.   
\c 32  
\cl Sam Kranzpnu-tq-nrade-li (32) 
\s1 Nzawingr Mz Nzipqpxngr  
\d Kzdq nzaongr drtwr kx yr Devet.  
\s2 Naplzpxbzku Alwx Rgung Mz Yawe  
\q1
\v 1 Doa kx nzipq mz alwx ngrde  
\q2 Drtwrde elalz-zlwzm.   
\q1
\v 2 Murde mz nzobqkr Yawe trvz-rbrpeu.  
\q2 A' plzpxle alwx rdeng murde ma tqyc-kapq da kxtrka mz nabzde. \x + \xo 32:2 \xt Rom 4:7-8\x*   
\q1
\v 3 Yawe, mzli kc tqpxtxpx-ngrne nzplzpx-krbo alwx rngeng bam,  
\q2 Drtqnge satx zlwz mz nzetq-zvz-krde.   
\q1
\v 4 X drtqnge tropx-pnzu mz nzayrplapx-krm ninge ngrlx x mz nrlckxbq.  
\q2 X yangrngatxpex nzapu-krnge lxbi kcng tqngibr mz nepi.   
\q1
\v 5 Pnzpe drtwrnge kx naplzpxbo alwx rngeng bam.  
\q2 X mz nzplzpx-krboleng, trpnzngr kx yrlq-kapqbo bam.  
\q1 Delc tqipqpe-ngrn ninge,  
\q2 X katxpx-ngrbzme nzmrlepukr alwx rngeng amrlx.   
\q1
\v 6 X nigr leplz nemqng nakrka'bzkr bam mzli ka.  
\q2 Murde mzli kc nzkxpungr na-apune-ngrmle nrc kc tqoda,  
\q2 Trtxpnzngr nzkrlz-krmlr nigr.   
\q1
\v 7 Nim me rlakitrx x ayrbqpxq ninge mz da kxprtz.  
\q2 Mzli lc tqxlrx nabz kxyrlvi kx nim nou nzrlapxngr.   
\s2 Navz-nqblqku Natq Yawe  
\q1
\v 8 Rpim Yawe kx, “Sa na-aelwa-ngrbo bam lrpzki kc nao-zliq,  
\q2 Mz nzmailz-krnge nim.   
\q1
\v 9 A' bzkq apuq hcsi kx narde mqngi,  
\q2 Kx vz-nqblqle me pnz drtwr ncblo mz nqvi kcng tzpetrpz bade.” \fig Bzkq apuq hcsi kx narde mqngi.|alt="011 horse bridle reins" src="011-LB00035b.tif" size="COL" loc="PSA 32:9" copy="Louise Bass" ref="32:9" \fig*   
\q1
\v 10 Kxdrka'-ngrng sa na-ayrplapxng mz alwx ngrdrng.  
\q2 A' nigu kcng tqbrti drtwrgu Yawe sa namcku kx aodu-zvzle nigu.   
\q1
\v 11 Nigu kxnztubqng na-angrlvz-ngrgu Yawe.  
\q2 Na-abrtz-ngrgu nide.   
\c 33  
\cl Sam Kranzpnu-tq-nrade-tq (33) 
\s1 Angrlvzku Yawe Mz Nabz Kxyrlvi  
\d Nabz ne Devet.  
\s2 Nabz Kxmrna  
\q1
\v 1 Naelalvzku Yawe, nigu kx nztubqng.  
\q2 Murde mrlzvxi nzglqpx-krgu nide.   
\q1
\v 2 Na-angrlvzku nide mz nabz kx yrlvi mz nzawingr,  
\q2 X mz nzayrni-krgu gita x ukzlele.   
\q1
\v 3 Nangr-ngrbzku bade nabz kxmrna,  
\q2 Mz nzmalqlvz-krgu nide.   
\q1
\v 4 Murde natqdeng amrlx tubq-esz'ngr,  
\q2 X da amrlx kcng tqaletileng takitrde nzbrtikr drtwrgu.   
\q1
\v 5 Mrlz bade da kx mrlz x tubq.  
\q2 X mz nrlc tulvzo nzaodukr Yawe tqvzpe tqvzpe.   
\s2 Kxrpalz  
\q1
\v 6 Yawe wz-ngrde bongavz mz natq kx kapxle,  
\q2 X nepi, temz, x vri amrlx mz nzycmne-krde.   
\q1
\v 7 Ata-lxblrtrle dcpwe me esz',  
\q2 X yrlqbzle bz ngr prla amrlx.   
\q1
\v 8 Nigu leplz amrlx mz nrlc, ncblo, olvz, x doa kxnztopwzng,  
\q2 Na-amrlueku x na-amatqku Yawe, Kxrpalz.   
\q1
\v 9 Murde wz-ngrde nrlc mz nzycmne-krde,  
\q2 X mz nzrkapx-krde natq dekc tqycngr.   
\q1
\v 10 Yawe atrkatile drtwr kx nzyrlq leplz,  
\q2 X ngi-batrpzle trnzngidati-kru mrkc tqpnz drtwrdr.   
\q1
\v 11 A' drtwr kx yrlqleng ngidati zvz,  
\q2 X nqmq nr nabzde tqvzpe tqvzpe.   
\q1
\v 12 Sa namrlzbz mz lr drtqbr kcng tzangiolr Yawe murde nide Gct rdr.  
\q2 Murde leplz kcng tqmcpxle kx nangi nedeng nzabrtz-zvzng.   
\s2 Lr Nrlc  
\q1
\v 13-14 Yawe obqom mrkc tqwxbuo-ngrmle mz tron nyzde Heven,  
\q2 Mz nzmco-krmle leplz amrlx mz nrlc ka.   
\q1
\v 15 Ngi batrpzle nzao-krdr drtwrdr,  
\q2 X krlzle da amrlx kcng tzalelrng.   
\q1
\v 16-17 King traovxiou mz nzxplrkr ami nede.  
\q2 X ncblo ngr vea tr-rlapx-kzu mz nzxplr-krde x hcsi nede.   
\s2 Kxarlapx Kxokatr  
\q1
\v 18 A' Yawe kc tqaclvele krkcng tzamatqlr nide,  
\q2 X nzbrti drtwrdr nzaodu-zvz-krde nidr.   
\q1
\v 19 Arlapxle nidr mz nzbzngr,  
\q2 X axplrle nidr mz mzli r dzbi.   
\q1
\v 20 Mnc-xgleku Yawe nzokatr-krde nigu.  
\q2 Murde nide temz ngr lomrgu kc tqyrputrngr nipna.   
\q1
\v 21 Abrtzlvzku nide,  
\q2 X drtwrgu abrtrpzku mz drtqde kxtr.   
\q1
\v 22 Krka'ku kx Yawe na-aodu-zvzle nigu  
\q2 Mz nzbrtikr drtwrgu nide.   
\c 34  
\cl Sam Kranzpnu-tq-nrade-pwx (34) 
\s1 Kxrka X Kxokatr  
\d Nabz ne Devet,  
\d mzli kc narpi-ngrbz nalukurnr-ngrde mz mz Abimilek, kc tqmapulr-ngrde nide x sc tqvzpe.  
\s2 Kzdq Nabz Ngr A, B, C  
\q1
\v 1  \qac A\qac*wi-zvzbo mz Yawe,  
\q2 X tramawxu nzglqpx-krnge nide.   
\q1
\v 2  \qac B\qac*ilvz-zvzx Yawe mz nabznge,  
\q2 Murde nimu kx nzaetqbz drtqmu na-abrtzlvzamu da kcng tqaleleng.   
\q1
\v 3  \qac C\qac*lve Yawe doa x da amrlx. Naglqlzku drtqde.  
\q2 X napipx-lxblr-ngrgu nzetu-krde.   
\q1
\v 4  \qac D\qac*a kcng tqmwxlrtix, arlapxpebz Yawe ninge mz da lcng amrlx.  
\q2 Murde mzli kc tqkrka'-ngrbo bade, ayzlumle natqnge.   
\q1
\v 5  \qac E\qac*lr! Na-abrtrpzmu drtwrmu mz Yawe, murde ma drtqmu tqmya,  
\q2 X na-abrtzlvzamu nzokatr-krde nimu.   
\q1
\v 6  \qac G\qac*ct, mzli kc nzmnc-krnge tqtrka-ngrde, arlapxq ninge,  
\q2 Mz nzatutr-krm nzkrka'-krnge.   
\q1
\v 7  \qac I\qac*li! Enjrl ne Yawe arlapxle leplz mzli kc drtqdr tqetq-ngrde,  
\q2 Murde aclvele krkcng tzmyatitrlr Yawe.   
\q1
\v 8  \qac J\qac*zsamu ena nzmrlzkr Yawe x na-abrtr-krbzmu drtwrmu bade.  
\q2 Murde krkcng tqaclveleng nzabrtz-zvzng.   
\q1
\v 9  \qac K\qac*xnzvz-nqblqlr natq Yawe nzrngiscng da amrlx.  
\q2 Delc nimu leplz nedeng na-amrlue-ngrnamu nide.   
\q1
\v 10  \qac L\qac*aion kx nzxplrng nzkrlzlr nzbrtalengr,  
\q2 Leplz kx nzvz-nqblqlr Yawe, trpnzngr da kx mrbrpxm badr.   
\q1
\v 11  \qac M\qac*rlxngeng x inyxngeng, lalztqmamu bange,  
\q2 Murde na-alvztrpo bamu kxnamu nzamrluengr Yawe.   
\q1
\v 12 ?\qac N\qac*ike suti drtwrm?  
\q2 ?Nzlungr kxmrlz kxboi?   
\q1
\v 13  \qac O\qac*bq zpwx, x bzkq pokiaq.  
\q2 Bzkq ycmne-atrkatiq leplz,   
\q1
\v 14  \qac P\qac*rszpx nqmq kxtrka. X ale zvz da kxmrlz.  
\q2 X nasuti drtwrm nzmnc-zpwx-krmu badr leplz mz nrwx.   
\q1
\v 15  \qac R\qac*lxtibz ncblo kxtubq mz Yawe nzokatr-krde nide.  
\q2 X Yawe sa naxlrbzle nzkrka'-krde mz nzaclve-krde nide.   
\q1
\v 16  \qac S\qac*a napnanatile krkcng tzale-zvzng da kxtrka.  
\q2 Trobqpwzu badr x mzli kc nabz-ngrdr, ani txpwz nzmrbrtrkr mz drtwr nidr. \x + \xo 34:16 \xt 1 Pita 3:10-12\x*   
\q1
\v 17  \qac T\qac*akitrde nzxlr-krbz Yawe natq leplz kxnztubqng mzli kc tzyrni-ngrbzlr bade,  
\q2 Murde ngi nqmq krde nzokatr-krde leplz nedeng.   
\q1
\v 18  \qac V\qac*z zvz nzesolvzti-krde krkcng drtwrdr tqvz,  
\q2 X nzamnc-lrpi-krde krkcng nabzdr tqyrnibu.   
\q1
\v 19  \qac W\qac*zpxtx zlwz nzkxpukr ncblo kxtubq.  
\q2 A' Yawe sa na-arlapxle nide mz da lcng amrlx.   
\q1
\v 20  \qac X\qac* mz nzaclve-zpwx-krde nide,  
\q2 Trpnzngr nrvr ngrdeng kx nztavxi. \x + \xo 34:20 \xt Jon 19:36\x*   
\q1
\v 21  \qac Y\qac*awe sa na-ayrplapxle kxdrka'-ngrng kcng tztrkalr-ngrdr kxnztubqng.  
\q2 X nqmq krdr lc tqtrka sa nanibq-moule nidr.   
\q1
\v 22  \qac Z\qac*vz Yawe nztu-krbzle mz nibr kxnzawz nedeng.  
\q2 X trpnzngr nzayrplapx-krde krkcng tzabrtrpzlr drtwrdr bade.   
\c 35  
\cl Sam Kranzpnu-tq-nrade-nzlvqn (35) 
\s1 Yawe, Amyatibz Drtq Krkcng Nanibqlr Ninge  
\d Nabz ne Devet.  
\s2 Enqmi Rngeng  
\q1
\v 1 Yawe, tu-ngalelvz ninge, murde enqmi rngeng nztu-ngalelvz-kzlr ninge,  
\q2 X vecamu badr krkcng tqveckr badr.   
\q1
\v 2-3 Yrlqbz temz ngr lomrm kc tqyrputrngr nipna,  
\q2 X twzm popz' x nipna scmqng,  
\q1 Mz nzarlapx-krm ninge mz ncblo kcng tzmaneutilr ninge.  
\q2 X apqtrp drtwrnge kx tume mz nibrnge.   
\q1
\v 4 Aovxiong x amyatibz drtq leplz kcng tzrpilr nanibqlr ninge.  
\q2 X krkcng tzrpilr na-atrkatilr ninge, nabzdr nzmu natalvzo x nadwaszlr nim.   
\q1
\v 5 Atwzlr-ngrm enjrl nem mz nzmaneuti-krde nidr.  
\q2 Na-apusr-ngrde nidr leu kxglr kxyrklz kcng tqvxu-pulrtine nenq.   
\q1
\v 6 Navoneng mz lrpzki kx miglq x tu r nzlo,  
\q2 Murde nataong mz nzdwasz-krdr enjrl lc.   
\q1
\v 7 Kxmule-esz' trpnzngr da kxtrka kx alebo badr,  
\q2 A' se tzatu-kapqng br scdr x tzekqng gq mz nzlolvz-krdr ninge.   
\q1
\v 8 Mz drtwrnge mrlz nzpwrkilvc-krdr nzodatingr nidr,  
\q2 Mz nztao-mou-krdr mz br x trtxki kcng tzyrlqlr.   
\s2 Nzayzlu-ngrmlr Nivz Lrnge Mz Da Kxtrka  
\q1
\v 9 Gct, mzli lcde sa na-abrtzlvzx nim,  
\q2 X drtwrnge elalzm mz nzarlapx-krm ninge.   
\q1
\v 10 X mz nabznge atwrnrngr, sa narpix kx,  
\q2 “Trpnzngr kx apule nim.  
\q1 Murde arlapxq kxtrnzxplrung mz mq kxnzxplrng,  
\q2 X kxtrpnzngr scdr zmatq mz kxnzrngiscng zmatq.”   
\q1
\v 11 A' kxdrka'-ngrng nzabetitrlr ninge mz da kx tralewxu.  
\q2 Nzrpilr kx ninge kc tqrwzngr dalr nzkxpungr.   
\q1
\v 12 Alebo badr da kxmrlz, a' nzayzlu-ngrmlr mz da kxtrka,  
\q2 Kx talvzongr nabznge.   
\q1
\v 13-14 Mz nzyagox-krdr, vzti drtwrngeng.  
\q2 X axtx-zvzx dakxnzng,  
\q1 X biox narnge mz nzkrka'-krnge nidr,  
\q2 Da kc tqwaisr-ngrne mzlengeng x kztengeng.  
\q1 Murde yc-zlwzngr drtwrnge nidr,  
\q2 Apule kx vzngr drtwrnge x yrnitix lxenge mzli kc tqbz-ngrde.   
\q1
\v 15 A' mzli kx mnc-ngrne mz nzkxpungr,  
\q1 Nzyrlwr-lxblrng mz nzyrpalelvz-krdr ninge.  
\q2 Leplz kxtrkrlzwxung delcng tzatrkati-zvzlr ninge.   
\q1
\v 16 Nzxtrnga-ngrdr ninge mz da kx prtilzleng ninge,  
\q2 X nzmadqtimlr nqngidr bange.   
\s2 Arlapx Ninge!  
\q1
\v 17 ?Yawe, nzatrkatingr ninge lc, nakrlzbzle mzli kznike?  
\q2 Arlapx ninge mz leplz lcng tzapulr laion kx nangqdr ninge.   
\q1
\v 18 X sa na-awibo bam mz mz leplz nemqng  
\q2 Mzli kc nayrlwrngr mz nzangio-krgr nim.   
\q1
\v 19 Leplz lcng nzpxtxpx-krdr ninge trpnzngr noude. \x + \xo 35:19 \xt Jon 15:25\x*  
\q1 Bzkq rlr-ngrbzme badr nzabrtzlvz-krdr nzkxpu-krngeng,  
\q2 X nzyrpalelvz-krdr nzvzkr drtwrnge.   
\q1
\v 20 Trnzkrlzlru nzycmnengr mz nrwx.  
\q2 A' nzpikiti-zvzlr krkcng tzmnc-lrping mz ma nyzdr.   
\q1
\v 21 X nzpibqti-kzlr ninge mz nzrpi-krdr kx,  
\q2 “Eke! A' mcpekr da kxtrka kc tqaleq.”   
\s2 Ayrplapx Nidr!  
\q1
\v 22 Yawe, krlzq nikeng nzalemlr bange.  
\q2 Bzkq mnc-lrpiq x obqlvztx-ngrn nidr.   
\q1
\v 23 A' vzm, tum mz nibrnge,  
\q2 X ota-ngrbz ninge.   
\q1
\v 24 Bzkq rlr-ngrbzme badr nzbilvz-krdr ninge.  
\q2 A' pim bange trnzvz-rbr-krpwc'u murde tubqq mz nzryrlq-krm drtwr.   
\q1
\v 25 Bzkq rlr-ngrbzme nzrpi-krdr kx sc tzaovxiopelr ninge,  
\q2 X me pnz drtwrdr ngidape.   
\q1
\v 26 Amyatibz drtqdr krkcng tzabrtzlvzlr nzetqkr drtqnge.  
\q2 Krkcng tzobqszolr ninge drtqdr nzmu namya-zlwzng mz mz leplz x namanepeng.   
\q1
\v 27 A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim,  
\q2 Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”   
\q1
\v 28 X mz zbq lc sa naglqlz-zvzx nim,  
\q2 Mz nzangrlvz-krnge nztubq-zlwz-krm.   
\c 36  
\cl Sam Kranzpnu-tq-nrade-esz'mz (36) 
\s1 Brti Drtwrnge Kx Sa Na-aovxioq Kxdrka'-ngrng  
\d Nabz ne Devet, kxnzawz ne Yawe.  
\q1
\v 1 Gct, nzmncngr kxtrka vzdz-zvzm mz nabz kxdrka'-ngrng,  
\q2 X sc tqrpipebzle badr kx, “Bzkq amrlueamu Gct.” \x + \xo 36:1 \xt Rom 3:18\x*   
\q1
\v 2 X batrpzle nzglqpx-lzbq-krdr.  
\q2 Murde nzrpilr trmcwq alwx rdrng x trna-ayrplapxwq nidr.   
\q1
\v 3 Natqdr trka-esz'ngr x yctr-ngrpwz nzpokiangr.  
\q2 Delc trtxpnzngr nzale-krdr da kxmrlz x tubq.   
\q1
\v 4 Mz nrlckxbq sc tzaoti drtwrdr nzryrlq-krdr drtwr kxtrka.  
\q2 Nzpxtxpx-ngrdr nzti kxtubq mz nzmrlzkr badr lrpzki kx vz-rbr.   
\q1
\v 5 Yawe, nzmyatxlzkr nzaodu-zvz-krm  
\q2 X nzangidati-zvz-krm natqm nzkrlzlzlr bongavz. \x + \xo 36:5 \xt Sam 57:10; 71:19; 103:11; 108:4\x*   
\q1
\v 6 Nztubq-krm vzdz krlzbzle newz kxnzmyalzng, x vzo kz la me boongr.  
\q2 Murde aclve-zpwxq leplz x animol mz nzrsakrlrngr.   
\q1
\v 7 Gct, nzaodu-krm leplz mrlz-zlwzm bagr,  
\q2 Murde apusr-ngrm nigr nei kio kcng tzwxbulvzong lxedr.   
\q1
\v 8 Mz nzrka-zvz-krme nagr dakxnzng, dakxnzng lcng yctxpxng zvz.  
\q2 Murde avzo-zvzme zmrlz ngrm bagr, apule lue kc tqyrletx alo.   
\q1
\v 9 X nim narlue r nzlu-krgr,  
\q2 Kc tqapu-zvzmle bagr nzyrlelz-krm aulz.   
\q1
\v 10 Yawe, navz zvz nzaodu-krm nigr kcng tzvz-nqblqlr nim,  
\q2 Mz nzamrlz-krm kx nabzdr tubq.   
\q1
\v 11 Bzkq rlrpx-ngrn mq kxdrka'-ngrng nzlolvz-krdr ninge,  
\q2 X kxnzglqpx-lzbqng bzkq nanycdr nzrnzlvzolr ninge.   
\q1
\v 12 Murde brti drtwrnge nzaovxio-krm kxdrka'-ngrng.  
\q2 X mz nztao-krdr, trpengr nztulz-mou-krmlr.   
\c 37  
\cl Sam Kranzpnu-tq-nrade-rlimz (37) 
\s1 Kxnzabrtrpzlr Drtwrdr Mz Yawe Sa Natwzlr Drtc' Kc Tqpile Nakabzle Badr  
\d Nabz ne Devet.  
\s2 Kzdq Nabz Ngr A, B, C \f + \fr 37:0 \ft Drtc' ngi kz kzdq nzycmne-ebzpxngr, drtwr ngrde da kx mrlzting amrlx kcng tqesalz Yawe navzpxmqng mz mqde. \f*  
\qa A, B (1-4)  
\q1
\v 1-4  \qac A\qac*brtzlvz nzwztr-krbzme mz Yawe,  
\q2 X sa nakabzle da kcng tqpq mz nabzm.  
\q1 \qac A\qac*le da kxmrlz x abrtrpz drtwrm bade,  
\q2 Murde namnc-zpwxq mz drtc' kc tqpile kx nakabzle bamu.  
\q1 \qac B\qac*zkq witibz nelzm nzmnckr kxdrka'-ngrng,  
\q2 Murde mzli trnaboiu x sc tzbzpeng.  
\q1 \qac B\qac*zkq kcmnz-ngrbzme nzalengr da kcng tzalelr,  
\q2 Murde nzlu-krdr sa namrbc nzapulr nabr kxglr mz mzli r nepi.   
\qa C, D (5-7)  
\q1
\v 5-7  \qac C\qac*lveti-lzbq, x aenzli-lrpi mz nzabrtr-krbzme drtwrm mz Yawe.  
\q2 Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka.  
\q1 \qac D\qac*a kx na-aleq, mnc-xgle txpwz Yawe,  
\q2 X abrtrpz drtwrm bade, murde sa naokatrle nim.  
\q1 \qac D\qac*elc sa na-aelwapx-ngrbzle nzopxkr nztubq-krm,  
\q2 Mz nzapu-krde nilz r nepi kc tqvz-esz'ngr mzli kc bea.   
\qa E, G (8-11)  
\q1
\v 8-11  \qac E\qac*u, bzkq drtwrm ngya x nabzm talvzo  
\q2 Murde da lcng li ma tzrkatrpzng bam drtwr kxtrka.  
\q1 \qac E\qac*u, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr,  
\q2 A' kxdrka'-ngrng sa namaszlrtxpx-ngrng.  
\q1 \qac G\qac*lqpx Yawe kx mzli trnaboipeu x kxdrka'-ngrng sc tzmrbrpeng.  
\q2 Kxmule-esz' rtangrtiq nidr a' trpengr nzmc-krmleng.  
\q1 \qac G\qac*ct rlr-ngrbzle drtc' nyzde mz kxnzavzo-lzbqng.  
\q2 X sa na-abrtzng mz nzmnc-zpwx-krdr elr.   
\qa I, J (12-15)  
\q1
\v 12-15  \qac I\qac*li! Kxnztubqng x kxtrnzrngiscung na-aclvetio-lzbqng  
\q2 Murde kxdrka'-ngrng nzglalzpelr toki r vea x popz' scdr.  
\q1 \qac I\qac*li! A' kxdrka'-ngrng na-aclvetio-lzbq-kzng murde toki r vea scdr sa nanibq-moule nidr,  
\q2 X Yawe sa naplameitibzle popz' scdr.  
\q1 \qac J\qac*zs Yawe krkcng tzryrlqng drtwr kx na-atrkati-ngrdr kxnztubqng  
\q2 X nzmadqti-zvzbzlr nqngidr badr.  
\q1 \qac J\qac*zsle nidr mz nzodati-krde nidr,  
\q2 X yrpalelvz-zvzle nidr murde trpnzngr nzxplr-krdr.   
\qa K, L, M, N (16-22)  
\q1
\v 16-22  \qac K\qac*xetu Yawe aclve-zvzle kxnzvz-nqblqlr nide,  
\q2 X nikeng kabzle badr nangisc-alopedr.  
\q1 \qac K\qac*abzle badr dakxnzng kxkqlu mz mzli r dzbi,  
\q2 X okatrle nidr mzli kx prtzngr da.  
\q1 \qac L\qac*alztqmamu! Murde kxdrka'-ngrng sa nabzng, mz nzapu-krdr nrpq da kc tqplclqom  
\q2 X enqmi r Yawe lcng sa nangiliang na-apulr zsikapu.  
\q1 \qac M\qac*clr ncblo kxtubq, kxmule-esz' kxpipzne,  
\q2 Myaszpxle da kxkqlu kxngisc ncblo kxdrka'ngr.  
\q1 \qac M\qac*urde Yawe sa nakatxpxbzle zmatq ngrdr kxdrka'-ngrng,  
\q2 A' sa naokatrle kxnztubqng.  
\q1 \qac N\qac*cblo kxdrka'-ngrng nzbi-txpwzlr nzrlxngr, x trnzkrlzlru nzrka-niwzlrngr.  
\q2 A' kxnzmrlzng yc mz drtwrdr nzrka-niwzlr-krdr vzmi kxnzamnzo-mzleu.  
\q1 \qac N\qac*cblo kcng tqamrlzng Yawe sa nangi nyzdr drtc' kc tqpile nakabzle badr.  
\q2 A' leplz kcng tqpilzleng sa nabzng.   
\qa O, P (23-26)  
\q1
\v 23-26  \qac O\qac*blamzngeng, bztipex nzmncngr, x ninge ka tqnginipenge lrtzlvz.  
\q2 X mcx kx nqmq kr ncblo kxtubq nide sele.  
\q1 \qac O\qac*katr-zvzle leplz mz nzrlr-nrbalq-krde dztudeng, x doa nedeng ngi da kxmrlz kx kabz Gct bade.  
\q2 Yawe okatr-zvzle nide x doa nedeng trnzyrnitrpwzung nadr dakxnzng.  
\q1 \qac P\qac*q mz drtwr Yawe nzaelwa-krbzle mz leplz lrpzki kx nao-zlilr,  
\q2 X mailz-zvzle krkcng tzabrtz-ngrdr nqmq krde.  
\q1 \qac P\qac*ipxle kx kxmule-esz' nanycdr miglqpx, a' trnztaoung,  
\q2 Murde sc tqlolvz-amqngileng.   
\qa R, S (27-29)  
\q1
\v 27-29  \qac R\qac*txtiamu nibrmu da kxtrka, x aleamu da kxmrlz,  
\q2 Murde neidu nemung namnc-along mz drtc' kc tqpi Yawe nakabzle bamu.  
\q1 \qac R\qac*pi Yawe kx mrlz bade da kxtubq,  
\q2 X okatr-zvzle kxnzabrtrpzlr drtwrdr bade.  
\q1 \qac S\qac*a naokatr-zvzle nidr,  
\q2 A' doa ne kxdrka'-ngrng sa nabzng.  
\q1 \qac S\qac*a nangi nyz leplz kxnzmrlzng drtc' kc tqpi Yawe nakabzle badr,  
\q2 X sa namnc-alopeng elr.   
\qa T, V (30-33)  
\q1
\v 30-33  \qac T\qac*akitrde kx ncblo kxmrlz dekc tqvzkipxm natq ngr nzyrplapxngr,  
\q2 X nikeng pitileng tubq.  
\q1 \qac T\qac*akitr-kzde nzkrlz-angidr-krde Lou amrlx sc Gct rde,  
\q2 X nzlolvz-amqngi-zvz-krdeleng.  
\q1 \qac V\qac*z zvz kxdrka'-ngrng nzaukzti-krdr leplz kxnzmrlzng,  
\q2 Murde nanibqlrng.  
\q1 \qac V\qac*z zvz Yawe nzkapx-krmle ncblo kxmrlz mz mq enqmi rdeng,  
\q2 X mzli kc natwz-ngrdr nide mz kot, trnzaovxiolru nide.   
\qa W, X (34-36)  
\q1
\v 34-36  \qac W\qac*z zvz mz nzabrtr-krbzmu drtwrmu bade,  
\q2 Murde sa nangi nyzmu drtc' kc tqpile nakabzle bamu mz nzamatq-krde nimu.  
\q1 \qac X\qac* sa namcamu nzmaneutipx-krde kxdrka'-ngrng.  
\q2 \qac X\qac*lrmamu natqnge. Mcx kzdq ncblo kxdrka'ngr kxtrka-esz'ngr, x atrkati-zvzle leplz.  
\q1 \qac X\qac*plr-esz'ngr x obqszo-ngrde leplz amrlx.  
\q2 \qac X\qac* kxmule-esz' rtangrtix nide, a' trmcpewxu, murde mrbrpe.   
\qa Y, Z (37-40)  
\q1
\v 37-40  \qac Y\qac*rlq angidr mz drtwrm ncblo kxmrlz kxtubq, murde mnc mz nrwx,  
\q2 X doa kxnzmika mz neidu lrde nzkqlu-zlwzng.  
\q1 \qac Y\qac*rpalelvzx kxdrka'-ngrng murde sa nabzting,  
\q2 X doa lr neidu lrdr sa nayrkrtxong.  
\q1 \qac Z\qac*vz Yawe na-arlapxle kxnztubqng.  
\q2 Murde nide me nzrlakitrlr mz mzli r nzkxpu-krdr.  
\q1 \qac Z\qac*vz Yawe na-arlapxbzle nidr mz mq kxdrka'-ngrng,  
\q2 Murde nzbrti drtwrdr nide nzokatr-krde nidr.   
\c 38  
\cl Sam Kranzpnu-tq-nrade-rtqmz (38) 
\s1 Zmrlepu R Alwx Rngeng X Nzatrkatikr Enqmi Rngeng Ninge  
\d Nabz ne Devet.  
\s2 Alwx  
\q1
\v 1 Yawe, kxmule-esz' ngyati drtwrm ninge,  
\q2 A' bzkq ayrplapxq ninge.   
\q1
\v 2 Murde nipna scmqng tupe bange,  
\q2 X pnzplrope-ngrn ninge.   
\q1
\v 3 Xngitxtr-zlwzpex nzngyatikr drtwrm ninge.  
\q2 X yangrnga-zlwz-ngrne alwx rngeng.   
\q1
\v 4 Zmrlepu r alwx lcng sc tqayrngzpupele ninge,  
\q2 X apupex ncblo kx boo mz alwx ngrdeng.   
\q1
\v 5 Nzngqngu-plxsr-krnge aetqpemle drtqnge,  
\q2 Apule kxsqki kx mibi x brtu.   
\q1
\v 6 Alwx rngeng nzyrlamyro-ngrdr ninge.  
\q2 Delc drle mzke' tqtao zvz mz zbq kang kqlu.   
\q1
\v 7 Nzyagox-krnge apule nyr kx ngcpxm mz nrkrdrtqnge.  
\q2 X nzxplr-krnge yrkrtxpxpebz.   
\q1
\v 8 Nzetqkr drtqnge wibrti-zlwzpe-ngrde ninge.  
\q2 X bztipenge nzyrningr murde drtqnge rkrkx-zlwzpe.   
\s2 Zyagox  
\q1
\v 9 Yawe, krlzpeq da amrlx kcng tqpq zlwz mz drtwrnge murde namnc-zpwxx.  
\q2 X xlrpe-kzpe' nzyrke-zlwz-krnge.   
\q1
\v 10 Mzli ka drtqnge mewepe x nzycmini-krnge vz-ebirpengr,  
\q2 X mzke' obqkipele mrkzble.   
\q1
\v 11 Kztengeng nzngangrpe-ngrdr ninge murde kxsqki rngeng.  
\q2 X kxnginingeng trnzesotrpepqngqu bange.   
\q1
\v 12 Krkcng tzrpilr nanibqlr ninge,  
\q2 Nzamwipelr trtxki rnge.  
\q1 X krkcng tzaetqmlr drtqnge, sc tzrpilr naodatilr ninge.  
\q2 X sc tzryrlq-zvzng drtwr mz nzatrkati-krdr ninge.   
\s2 Enqmi  
\q1
\v 13 A' opxm kx trxlrwxu nzycmnekr enqmi rngeng.  
\q2 X trkrlzwxu nzycmnengr.   
\q1
\v 14 Eu, apubo badr kx nradrtqde ngq,  
\q2 X trayzlupwc'u natqdr.   
\q1
\v 15 Murde nim Yawe kx na-ayzlubzle nike nzalemlr bange,  
\q2 Mz nzngini-krm Gct rnge kc tqabrtrpo drtwrnge bade.   
\q1
\v 16 Bzkq rlr-ngrbzme nzabrtzlvz-krdr nzetqkr drtqnge.  
\q2 X bzkq nzglqpx-lzbqng mz nzaovxio-krdr ninge.   
\q1
\v 17 Murde ycpe pipz nzodati-krdr ninge,  
\q2 X nzetq-zvzkr drtqnge tryrkrtxpxpeu.   
\q1
\v 18 Naplztxpxx nzvz-rbr-krngeng,  
\q2 Murde nzbatrplr nzkxnekr drtqnge.   
\q1
\v 19 Enqmi rngeng nzxplrng x nzlu-zpwxng.  
\q2 X nzkqlung kx nztrkati nivz lrdr ninge.   
\q1
\v 20 Da kxmrlz kcng tqalebo badr, nzayzlumlr mz da kxtrka.  
\q2 Nzpxtxpx-ngrdr ninge murde vz-nqblqx nzmncngr kxtubq.   
\q1
\v 21 Yawe, bzkq amnctxnq ninge esz'-krnge,  
\q2 X bzkq mnc-zvzme rlru.   
\q1
\v 22 Kxetu, vz-anim mz nzokatr-krm ninge,  
\q2 Murde nim Mevalu rnge.   
\c 39  
\cl Sam Kranzpnu-tq-nrade-rpwxmz (39) 
\s1 Nzlukr Leplz Mrbcnepwz Apule Nzyrplaokr Nrc Kxesz'  
\d Nabz ne Devet.  
\s2 Nzlu-krnge Mrbcnepwz  
\q1
\v 1 Yawe, pnzpe drtwrnge kx namnc-lrpitxpwo, a' bzkq alex alwx mz nzlctr-krbz drtwrnge bam mz nzkxpu-krngeng.  
\q2 Murde kxdrka'-ngrng lcng tzmnc-aepztrpqng bange, ma tzxtrnga-ngrdr nzlqngi-krm.   
\q1
\v 2 X kxmule-esz' trycmnewxu,  
\q2 A' nzkxpu-krngeng etunepx zvz, delc tqtalvzongr nabznge.   
\q1
\v 3 X mz nzaotikr drtwrnge nzkxpu-krngeng, nztalvzokr nabznge mrilvzole ninge.  
\q2 X mzli kc tqrblxm bange nzmnc-lrpi-krnge, sc tqrpipebo bam kx,   
\q1
\v 4 “Yawe, nzlu-krnge mrbcnepwz. ?Memule tqpxlavxpx-ngrbzme nzkxpu-krnge?  
\q2 ?Myx mzli kx naesakingr trnzmnc-zpwx-krpwc'u lc?”   
\q1
\v 5 Murde nim kx amrbctrp nzlu-krnge. X mzli kx lutix ngi da txne mz nzobq-krm.  
\q2 \bd Nzlukr leplz mrbcnepwz apule nzyrplaokr nrc kxesz'.\bd*   
\s2 Bzkq Ayrplatipx-zvzq Ninge  
\q1
\v 6 Nzwz-katongr ngi brmrdakr apule nounc kc trpnzngr nrade.  
\q2 X mz nzbzkr leplz trpnzngr dztudrng kx natwzlr.   
\q1
\v 7 ?Kxetu nike naobqtipxx mz nzmnc-krnge lc tqngi brmrda?  
\q2 Mwx namrlz nzbrti-zvzkr drtwrnge nim.   
\q1
\v 8 Murde na-arlapxq ninge mz alwx rngeng amrlx,  
\q2 X kxnzlukurnrng ma tzyrpalelvzlr ninge.   
\q1
\v 9 Mzli ka, dcpxpe mz drtwrnge kx vz-rbrx nzlctr-krbz drtwrnge bam mz nzkxpu-krngeng.  
\q2 Murde tubq nzayrplapx-krm ninge mz alwx rngeng.   
\q1
\v 10 A' bzkq ayrplatipx-zvzq ninge,  
\q2 Murde ycpe pipz nzbztr-krbo mz mqm.   
\q1
\v 11 Mz nzayrplapx-krm leplz, odatibzme dztudrng kcng tqmrlzbz badr.  
\q2 Apusr-ngrbzmeleng da kx yrti ninr,  
\q1 Murde nakrlzlr kx nzvz-rbrng mz nzobq-krm.  
\q2 \bd Nzlukr leplz mrbcnepwz apule nzyrplaokr nrc kxesz'.\bd*   
\b  
\q1
\v 12 Yawe, xlrm nzkrka'-krnge x nzyrni-krnge.  
\q2 Murde nzmrbckr nzmncngr mz nrlc apunepwzle nzwoukr betepu.   
\q1
\v 13 Ayrkrtxpx nzetqkr drtqnge x aotxpxbz drtqnge,  
\q2 Murde mwx na-abrtztx-kaix mzli kxpipz x ninge kc tqbz ate.   
\c 40  
\cl Sam Kranzpnu-pwx (40) 
\s1 Nim Lrpalvc Kx Mncpx-ngrmc  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Xlrme Nzkrka'-krnge  
\q1
\v 1 Yawe, sc tqaenzli-lrpipebo bam nzokatr-krm ninge.  
\q2 X mzli kc tqkqle-ngrne nim, xlrme nzkrka'-krnge.   
\q1
\v 2 Veclzme ninge mz gq ngr nzbzngr x mz nabz mu kxrluo.  
\q2 Atuome ninge mz rplz kxetu, x trpengr doa x da kx namwxlrtix.   
\q1
\v 3 Alvztrpe' bange kc nabz kxmrna mz nzrglqlzngr nim.  
\q2 X mzli kc naxlrngr leplz nzngr-krngele, sa na-angiolr nim x na-abrtrpzlr drtwrdr bam.   
\s2 Abrtrpo Drtwrnge Bam  
\q1
\v 4 Namrlzbz mz leplz kcng tzabrtrpzlr drtwrdr bam,  
\q2 Krkcng trnzprtrpwzung mz leplz kcng tzglqpx-lzbq-ngrdr x tzpokiang.   
\q1
\v 5 Yawe, nim Gct rgr x trpnzngr kx apule nim.  
\q2 Aleme bagr da kxkqlu mz nzatutr-krm drtwr kx yrlqq mz nzamrlz-krm nigr.  
\q1 Drtwrnge yrpz'trpz nzrlwxngr da lcng amrlx,  
\q2 Murde nzkqlu-zlwzng.   
\s2 Ka-lzbqbo Bam  
\q1
\v 6 Trsutiu drtwrm nzrka-ngrbz bam dalr nrlanc ayrnrngr x dalr nzrkatxngr alwx.  
\q2 X tr-rlx-kzpe'u blz x animol kx na-angcom mz olta nyzm.  
\q1 A' da kx suti txpwz drtwrm nzxlr-krbo natqm,  
\q2 Murde narlrpx-ngrbo nrkrdrtqnge bam.   
\q1
\v 7 Delc tqrpi-ngrbo bam kx, “Ninge kape.  
\q2 Na-atutrx natq kcng tqyclzm mz Nzryrngrkxtr.   
\q1
\v 8 Gct rnge, abrtzlvzx nzale-krnge me pnz drtwrm,  
\q2 Murde nabznge lolvz-amqngipele nzalvztr-krmqng.” \x + \xo 40:8 \xt Hibru 10:5-7\x*   
\s2 Nzyapwxtipx-krnge  
\q1
\v 9-10 Yawe, trnayrlq-kapqpou nzaodu-krm x nzangidati-krm mz leplz nemqng.  
\q2 A' sa napipx-zvzbo nrpa ngr nzarlapx-krm nigr  
\q1 Mz nzyrlwrpx-lxblr-krgr.  
\q2 X krlzq kx vz zvz nzpipx-krngele.   
\s2 Trmnc-zpwxwxu  
\q1
\v 11 Yawe, krlzx kx yckqti zvz drtwrm ninge.  
\q2 X nzaodu-krm x nzangidati-krm nzngini-zvzmlr lrpalvc kx mncpx-ngrmc.   
\q1
\v 12 A' mzli ka, rblx nzrlwx-krnge nzkxpungr amrlx kx nzprtztimqng bange.  
\q2 X alwx rngeng nzmrilvzolr ninge x nzayc-kapqmlr bange da kxtubq.  
\q1 Murde nzkqlu-zlwz-krdr nzmyaszpxlr nqnginarnge.  
\q2 X nabznge tqtalvzo-zlwz-ngrde.   
\s2 Krka'-mopwo Bam  
\q1
\v 13 Yawe, vz-anim mz nzarlapx-krm ninge.  
\q2 Kxetu, rnekim mz nzokatr-krm ninge.   
\q1
\v 14 Okatrp ninge nzaovxio-krnge kxnzrpilr naodatilr ninge,  
\q2 Murde drtqdr namya x naobqszong mzli kc nadwasz-ngrdr ninge.   
\q1
\v 15 X leplz lcng tzxtrnga-ngrdr ninge nelzdr navzdzm  
\q2 Mzli kc nametx-ngrmlr bange.   
\q1
\v 16 A' amrlz krkcng tzbrti drtwrdr nim  
\q2 Mz rka-krbzme badr nzabrtz-zlwzngr,  
\q1 Murde na-awi-zvz-ngrbzlr bam nzarlapx-krm nidr  
\q2 Mz nzrpi-krbzlr kx, “Gct, nim kx myatxlz-esz'ngr.”   
\q1
\v 17 Kxetu, trxplrwxu x trpnzngr scnge zmatq.  
\q2 Bzkq mrbrtr mz drtwrm ninge.  
\q1 Murde nim txpwz Mevalu rnge.  
\q2 Bzkq asaq nzokatr-krm ninge. \x + \xo 40:17 \xt Sam 70:1-5\x*   
\c 41  
\cl Sam Kranzpnu-pwx-nrade-esz' (41) 
\s1 Yawe, Krka'-ngrne Kx Nayc Mz Drtwrm Ninge  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Kxnzokatrng  
\q1
\v 1 Namrlzbz mz doa kcng tzmrlztilr leplz kxnzmaneng,  
\q2 Murde Yawe sa naokatrle nidr mzli kc nakxpu-ngrdr.   
\q1
\v 2 Sa na-aclvebzle nzlu-krdr.  
\q1 X trtxpnzngr nzrlr-krbzle nidr mz mq enqmi rdrng.  
\q2 Delc tzrpi-ngrbz kx Yawe amrlzpele lr mrnyzdr Israel.   
\q1
\v 3 Sa naokatrng Yawe mz nzamrlz-mou-krde nrkrdrtqdr  
\q2 Mzli kc nayagox-ngrdr.   
\s2 Enqmi Rngeng  
\q1
\v 4  \bd Yawe, krka'-ngrne kx nayc mz drtwrm ninge \bd*  
\q2 X na-amrlz mou ninge.  
\q1 Zyagox kc tqycpxm mz nabznge  
\q2 Vzpxm mz alwx rngeng kcng tzatrkatilr nim.   
\q1
\v 5 Enqmi rngeng nzpibqtilr ninge,  
\q2 Nzrpilr kx, “?Myx mzli kx nabz-ngrde, murde namrbrtxtr mz drtwr nide?”   
\q1
\v 6 Kzdung leplz lcng tzoklatimlr ninge, nzpokiatilr kx nzyc mz drtwrdr ninge.  
\q2 A' nzrpilr nakrlzlr kxmu nzkxpu-krnge, murde nayapwxtinedr mz mztea amrlx.   
\q1
\v 7 Nztrkati nivz lrdr ninge nzpikiti-lrpi-zvzlr ninge.  
\q2 X nzaoti txpwz drtwrdr da kxtrka kx nadwatimle ninge.   
\q1
\v 8 Nzrpi-awalr kx, “Mrlztxpe! Mzli ka prtilz-zlwzpe zyagox kxtrka,  
\q2 X mzli trnaboiu x sc tqbzpe.”   
\q1
\v 9 Mzli ka, kztenge kc tqabrtr-zlwzbo drtwrnge bade,  
\q2 X tqmukr ncdr, nipe-kzde enqmi rnge. \x + \xo 41:9 \xt Matiu 26:23; Luk 22:21; Jon 13:18\x*   
\s2 Nzokatrkr Gct  
\q1
\v 10  \bd Yawe, krka'-ngrne kx nayc mz drtwrm ninge. \bd*  
\q2 Amrlz-mopwz nrkrdrtqnge murde na-ayzlu-mopwc' da kcng tqtrka tzalemlr bange.   
\q1
\v 11 X mzli kc trna-aovxio-ngrdru ninge,  
\q2 Sa nakrlz-angidrpex kx abrtzlvzq ninge.   
\q1
\v 12 Sa naokatrq ninge nzale-krnge da kxtubq,  
\q2 X namnc-alotrpebo bam.   
\s2 Nabz Kx Yrkrpxngr Buk Kc Kai  
\q1
\v 13  \it Naglqpxku Yawe, Gct r lr Israel.\it*  
\q2 \bdit Mzli ka x tqyc tqyc, naglqpxku Yawe.\bdit*   
\ms1 Buk Krali  
\mr Sam 42—72  
\c 42  
\cl Sam Kranzpnu-pwx-nrade-li x Kranzpnu-pwx-nrade-tq (42 x 43) 
\s1 Kxmule-esz' Nabznge Talvzo  
\d Nabz ne nqvi lr Kora.  
\q1
\v 1 Gct, nzmingrti-zlwzkr drtwrnge nim  
\q2 Apule animol kc drtwrde tqbrlxkz mqde lue.   
\q1
\v 2 Nim Gct kc tqlu x nzsutikr drtwrnge nim apule nzbrlxkztikr drtwrnge lue kxbao.  
\q2 ?Myx mzli kx naxngi-ngrbo nzmnc-krme bange?   
\q1
\v 3 Mz zbq kang kqlu yrni-zvzx x mnqtxpwo drlemzke' kx piz.  
\q2 A' enqmi rngeng nzyrpalelvzlr ninge, nzrpimlr kx, “?Memule Gct rm trokatrpe-ngrdeu nim? ?Bzpe?”   
\q1
\v 4 Gct, mzli ka drtwrnge yrnibutx zlwz. A' dcpx mou mz drtwrnge mzli kc ena tqmailztr-ngrne leplz Mangr-nzangiongr nim.  
\q2 Mzli lcde abrtz-zlwzkr x ngr-katokr mz nzglqlz-krgr nim.   
\q1
\v 5  \bd Kxmule-esz' nabznge talvzo x nelznge vzdzm,\bd*  
\q2 \bd A' sa na-abrtxtrpwo drtwrnge bam.\bd*  
\q1 \bd Murde naglqlz-mou-ngrne nim kalr,\bd*  
\q2 \bd Mzli kc na-arlapxq ninge.\bd*   
\q1
\v 6-7 Gct rnge, mzli boipe trnzkrlzpe-krpou Israel.  
\q1 ?Memule tqpulio-zvz-ngrme bange nzkxpungr mz nzapu-krde lue kxvo?  
\q2 Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge.  
\q1 X nztalvzokr nabznge xplr-zlwzpe apule nzyrpukr lue kxtalio mz nabzde.  
\q2 X ebio ngr srkau amrlx kcng tqatwzlr-ngrme nzalxlvrtine-zvzlr ninge.  
\q1 A' nadcpx mz drtwrnge da kcng tqmyalz tqaleq Israel,  
\q2 Mrkc tqyrlengr LueJodzn x tqycngr Newz Hemon x Newz Misa.   
\q1
\v 8 Murde vz zvz nzpulio-krme nivz lrm mz zbq kang kqlu.  
\q2 X ngrbo bam mz nrlckxbq vzmi nzkrka'-krnge murde nim Gct kx rkam nzlungr bange.   
\q1
\v 9 Gct, nim butqbr nyznge. ?Memule tqmrbrtitrpengr drtwrm ninge?  
\q2 ?X memule tqkxpu-zvz-ngrne  
\q2 Mz nzaetqti-krm enqmi rngeng drtqnge?   
\q1
\v 10 Nzrpi-zvzmlr bange kx, “?Memule Gct rm trokatrpe-ngrdeu nim? ?Bzpe?”  
\q2 X sc tqvz zvz nzngzlilvzti-krdr ninge natq kxtrka.   
\q1
\v 11  \bd Kxmule-esz' nabznge talvzo x nelznge vzdzm,\bd*  
\q2 \bd A' sa na-abrtxtrpwo drtwrnge bam.\bd*  
\q1 \bd Murde naglqlz-mou-ngrne nim kalr,\bd*  
\q2 \bd Mzli kc na-arlapxq ninge.\bd*   
\c 43  
\cl (43) 
\q1
\v 1 Gct, pipxbz mz krkcng trnzangiolru nim kx trvz-rbrwxu.  
\q2 Arlapx ninge mz mq krkcng tztrkating x tzpokiang.   
\q1
\v 2 Nim me rlakitrx. ?Memule tqrlasz-ngrn ninge?  
\q2 ?X memule tqkxpu-zvz-ngrne  
\q2 Mz nzaetqti-krm enqmi rngeng drtqnge?   
\q1
\v 3 Atwzlr-ngrm bange zyzlr ngrm x nzalvztrngr angidrng,  
\q1 Mz nzmailz-mou-krdr ninge Saeon, mz newz kxtr nyzm.  
\q2 Murde nakrlzlzbo Mangr-nzangiongr kc tqmnc-ngrn,   
\q1
\v 4 X na-angiox nim mz olta nyzm,  
\q1 Mz nzngini-krm nou nzabrtz-krnge.  
\q2 X na-angrlvzx nim mz nzayrni-krbo gita bam.   
\q1
\v 5  \bd Kxmule-esz' nabznge talvzo x nelznge vzdzm,\bd*  
\q2 \bd A' sa na-abrtxtrpwo drtwrnge bam.\bd*  
\q1 \bd Murde naglqlz-mou-ngrne nim kalr,\bd*  
\q2 \bd Mzli kc na-arlapxq ninge.\bd*   
\c 44  
\cl Sam Kranzpnu-pwx-nrade-pwx (44) 
\s1 Drtwrgr Esz'tipe Kx Sa Nabzpekr  
\d Nabz ne nqvi lr Kora kx nzyrbzlr mz kxrmailz ngr dzbe kxnzngrng.  
\s2 Be Ngr Melrmqgung  
\q1
\v 1 Gct, xlrpekr nrpa ngr da kxetuting kcng tqalebzme mz melrmqgrng mzli kc bqnc,  
\q2 Mz nzpi-krmlrle bagr mzli kc.   
\q1
\v 2 Nzayrplapx-krm lr mrkzbleng apule lxbi kc tzbolvzti mz nrlanc nyzm.  
\q2 X petio-alzuq leplz nemqng mz drtc' nyzdr mz nzamnc-zpwx-krm nidr.   
\q1
\v 3 Melrmqgr lcng trnzaovxiolru enqmi rdrng mz toki r vea scdr x mz zmatq ngrdr esz'-krdr.  
\q2 A' leplz nemqng nzaovxiong mz zmatq ngrm, mz nzxplr-krm, x mz nzmnc-krbzme badr mz nzaodu-krm nidr.   
\q1
\v 4 Gct, nim King rnge.  
\q2 Nim kx rngi-batrp nzaovxio-krgr, nigr neidu lr Jekop.   
\q1
\v 5 Milxtxopekr enqmi rgrng mz nzxplr-krm.  
\q2 X rnzlvzokr kxnzatrkatilr nigr mz zmatq ngr drtqm.   
\q1
\v 6 Murde trbrtiu drtwrnge popz' x toki r vea scnge  
\q2 Nzarlapx-krdr ninge mz nzotangr.   
\q1
\v 7 A' ni-txpwzme kx arlapxle nigr mz enqmi rgrng,  
\q2 Mz nzamyati-krbzme drtqdr.   
\q1
\v 8 Sa naglqlz-zvzkr nim.  
\q2 X nzawi-krbzkr bam tqvzpe tqvzpe.   
\s2 Enqmi Rgung  
\q1
\v 9 ?A' memule drtqm tqsatrpe-ngrmle bagr, trokatrpe-ngrnqu ncblo ngr vea negrng?  
\q2 Mzli ka rlrtx-ngrpwzme mz enqmi rgrng nzamyati-krmlr drtqgr.   
\q1
\v 10 X ngi-batrpeme nzdwasz-krgr nidr,  
\q2 X nztwz-krdr dztugrng amrlx.   
\q1
\v 11 X rlr-ngrbzme badr nznibq-krdr nigr mz nzapu-krgr sip,  
\q2 X nzvzmilr nigr mz drtc' nyzdrng mz nzwz-nrbalqtr-krbzkr badr.   
\q1
\v 12 Apule kx amwabzme nigr badr mz narncbr kx topwzne,  
\q2 Mz nzapusr-krm nigr brmrda.   
\q1
\v 13 Lr mrkzbleng kcng tzmnc-aepztrpqng bagr nznelvzlr nigr mz nzamyati-krmlr drtqgr,  
\q2 X nzxtrnga-ngrdr nigr.   
\q1
\v 14 X neidu mz nrlc tulvzo nzobqszo-ngrdr nigr  
\q2 Mz nzyrpalelvz-krdr nigr.   
\q1
\v 15 Aputr-zvzbo da kxtrka mz nzobqkr leplz lcng,  
\q2 X drtqnge mya zvz.   
\q1
\v 16 Murde xlrx natq kxtrka kcng tzpimlr bange,  
\q2 X mcx nzmnc-krm enqmi rngeng.   
\s2 Vz-nqblq-zvzku Gct  
\q1
\v 17 Kxmule-esz' nzprtzmqng bagr da lcng  
\q2 A' trmrbrtru mz drtwrgr nim x Nzesz'tikr Drtwrgu.   
\q1
\v 18 Kxmule-esz' traxtxpekru nim,  
\q2 X o-zli-zvzkr nzti rm,   
\q1
\v 19 A' katrpzme nigr mz mq enqmi rgrng mz nzrnzbrti-krdr nigr, mz nzapu-krdr kuli kzpetong.  
\q2 X nzaovxiolr nigr x kzdung nigr nzyrtzmqpeng mz gq.   
\s2 Nzkrka'-krgu  
\q1
\v 20 Gct rgr, nzmu navecpx-lzbqmgr bam,  
\q2 Mz nzangio-krgr gct kzble,   
\q1
\v 21 Tryc-kapqpwzu bam,  
\q2 Murde obqplxq nabzgr.   
\q1
\v 22 A' mz nzngini-krgr doa nemqng, vz zvz nznibqti-krdr nigr,  
\q2 Mz nzapusr-krdr nigr sip kcng tzmnc-nabung mz nzrnibqngr nidr. \x + \xo 44:22 \xt Rom 8:36\x*   
\q1
\v 23 Kxetu rgr, bzkq esablqme. ?Memule tro-lxlvr-ngrpwe'u bagr?  
\q2 Vz-anim, x bzkq pxtxpx-ngrn nigr.   
\q1
\v 24 Lxlvrm bagr,  
\q2 Mz nzdcpxkr mz drtwrm nzetqkr drtqgr x nzkxpu-krgr.   
\q1
\v 25 Drtwrgr esz'tipe kx sa nabzpekr,  
\q2 Mz nztangqgxlz-krmgr mz drtc'.   
\q1
\v 26 Gct, vz-anim x okatrp nigr.  
\q2 Arlapx nigr murde aodu-zvzq nigr.   
\c 45  
\cl Sam Kranzpnu-pwx-nrade-nzlvqn (45) 
\s1 Nabz Ngr Nzyrlzkr King Kc Tqmyalz-esz'ngr  
\d Nabz ngr nivz kx nzyr nqvi lr Kora.  
\s2 Natqngeng  
\q1
\v 1 King rnge, krlc nabz nenge kx nangr-ngrbo bam.  
\q2 Nabznge esz'ngr natq kxmrlzting.  
\q1 X nzngqpx-krm natq mz naonge  
\q2 Apule nzyrlepx-krm lue mz butqbr.   
\q1
\v 2 Nzobq-krm lqngipx-esz'ngr.  
\q1 X natq ngr nzamrlzngr ngqpx-zvzm mz naom.  
\q2 Delc tqamrlz-zvz-kzngr Gct nim.   
\s2 Nim King Kx Xplr  
\q1
\v 3 Nim ncblo kxmyalz-esz'ngr x xplr zlwz mz nzotangr.  
\q2 Alvco toki r vea scm mz bxli rde kc mz nrkalom.   
\q1
\v 4 Murde kalr mz nzvo-krm mz vea na-aovxioq enqmi rmqng mz nzxplr-krm.  
\q2 X nalolvz-amqngiq da kxtubq x leplz kxnzavzo-lzbqng mz zmatq ngrm.   
\q1
\v 5 X nipna scmqng natu x nalvctrng mz lomr enqmi rmqng,  
\q2 X lr mrkzbleng amrlx namnclzbzng bam.   
\s2 X Kxnzmcpx  
\q1
\v 6 Nzyrlqkr Gct lc nzngini-krm King tqyc tqyc,  
\q2 Mz nzaclve-krm leplz nemqng mz nzmncngr kx tubq-esz'ngr.   
\q1
\v 7 Mrlzbz bam da kxtubq, a' px-ngrn da kxtrka.  
\q2 Dekc Yawe, Gct rm, tqmcpxpe-ngrde nim mz nzmyaszlz-krm kztemqng.  
\q1 X tqglqlz-ngrde nim,  
\q2 Murde na-aelule nim tolo ngr nzabrtzngr. \x + \xo 45:7 \xt Hibru 1:8-9\x*   
\q1
\v 8 Lrpzmqng nzaeluti zvz mz tolo kx mnrte mrlzvxi.  
\q2 X ncblo sc tzayrnibzng gita bam  
\q1 Murde na-aelalzmle drtwrm,  
\q2 Mz nabz ma nyzm kx mzte luli-esz'ngr.   
\q1
\v 9 X olvi kc nangi kwin ngrm tutrpz mz nrlarm kxrtc, nzangrlopliti da kx nzwzngr mz gol kxpnapr.  
\q2 Olvi lc nide kzdq inyx king kcng tzmncng ma nyzm. \fig X olvi kc nangi kwin ngrm tutrpz mz nrlarm kxrtc.|alt="012 king & queen, palace grounds" src="012-CO01389bf.tif" size="SPAN" loc="PSA 45:9" copy="David C. Cook" ref="45:9" \fig*   
\s2 Olvz Rm  
\q1
\v 10-11 Nim la nanginim Kwin. Lalztqm bange x aclvetio-lzbq.  
\q2 Mzli kznike ncblo ngrm suti-zlwzngr drtwrde nim mz nzlqngivxikr mzpq,  
\q1 Mnclzbz bade mz nzngini-krde King x Kxetu rm.  
\q2 X bzkq matq-zlwzpe mz drtwrm trtem x kxnginimqng.   
\q1
\v 12 Kxmule-esz' lr Taea nzrkabzng da kxlqlwx bam,  
\q2 A' bzkq nzbatrpzlr nzrnzlvzo-krm me pnz drtwr ncblo ngrm, kc tqngi king.   
\q1
\v 13 Mzpq lxngipx-esz'ngr mz nzprtr-krm ma nyz king.  
\q2 X lrpzmqng nzkxsilvztitr gol.   
\q1
\v 14 Nim kc tqkq lrpz kxluli nzvzmibzlr nim mz king.  
\q2 X kztemqng kx nzmnc-kamelrng nzvz-nqblqlr nim, mz nztutr-krbzmu mz mzte.   
\q1
\v 15 Mz nzprtr-krmu lc ma nyzde,  
\q2 Drtwrmu elalzm x abrtz-zlwzamu.   
\s2 Mrlxmqng  
\q1
\v 16 King rnge, doa ncblo kcng mztr namc mz nqvi lrm sa nangini-kzdr king, da kc tzwai melrmqdrng mzli kc.  
\q2 X nangi-batrpzme nzaclve-atwrnr-krdr drtc' nyzm.   
\q1
\v 17 Nabz nenge sa narkatrpz nabztq mz leplz nzamatq-zvz-krdr drtqm,  
\q2 X nzglqlz-krdr nim tqvzpe tqvzpe.   
\c 46  
\cl Sam Kranzpnu-pwx-nrade-esz'mz (46) 
\s1 Yawe Nide Lrpalvc Nyzgu  
\d Nabz ne nqvi lr Kora.  
\s2 Me Rlakitrku  
\q1
\v 1 Gct kc tqmyatxlz, nide me rlakitrku x axplrle nigu,  
\q2 X mz nzkqle-krgu nide mz mzli kx nzkxpungr, okatrle nigu.   
\q1
\v 2-3 Kxmule-esz' nengq aycngrlrle nrlc, x newz nzbrkaong prla,  
\q2 X kxmule-esz' dxvo votrp x nrc oda,  
\q1 X newz nzycngrlr-ngrdr kz nzyrpukr nrc kxetuting,  
\q2 A' trmwxlrkuu murde abrtrpzku drtwrgu mz Gct.   
\s2 Ngrlrvea Ngrgu  
\q1
\v 4 Gct kc tqmyatxlz mnc mz mztea kxtr nyzde, Jerusalem,  
\q2 Mrkc tqpulio-ngrmle nzabrtzngr bagu,  
\q1 Mz nzngini-krgu lr mrnyzde.  
\q2 Nzvzo-krmle bagu apule lue kx yrle-kato.   
\q1
\v 5 X rblx nzodatingr Jerusalem murde Gct mncm bagu,  
\q2 X naokatrle nigu mz zbq kxmrna.   
\q1
\v 6 A' mz nzxlrkr lr nrlc natqde nzmwxlr-zlwzng.  
\q2 X ngyati drtwrdr nide murde aovxio-zvzle ami ngr kandre amlrx.   
\q1
\v 7  \bd Yawe nide ngrlrvea ngrgu, \bd*  
\q2 \bd X nide lrpalvc nyzgu.\bd*   
\s2 Lrpalvc Nyzgu  
\q1
\v 8 Obqmamu! Mcamu da kc tqale Yawe.  
\q2 Murde aletile da kx nzodating mz nrlc ka.   
\q1
\v 9 Aesakile vea amrlx mz nrlc tulvzo.  
\q2 Plameitile popz' x nipna x dalr vea amrlx x rtclz-ngrdeng mz nyr.   
\q1
\v 10 X rpile kx, “Bzkq ota-zvzamu. A' metxpemamu bange murde ninge txpwz Gct.  
\q2 X ninge txpwz kx myatxlzbz mz neidu amrlx mz nrlc tulvzo.”   
\q1
\v 11  \bd Yawe kc tqrninr mncpem bagu, \bd*  
\q2 \bd X nide lrpalvc nyzgu.\bd*   
\c 47  
\cl Sam Kranzpnu-pwx-nrade-rlimz (47) 
\s1 Yawe Kc Tqmyatxlz-esz'ngr  
\d Nabz ne nqvi lr Kora.  
\s2 Naglqpxku Yawe  
\q1
\v 1 Nigu leplz amrlx na-ayrlewzku da  
\q2 Mz nzngr-abrtz-kato-krbzku mz Yawe, Gct rgu.   
\q1
\v 2 Murde na-amrlueku nide kc tqmyatxlz-esz'ngr,  
\q2 Mz nzngini-krde King kxmatq kc tqaclvele nrlc.   
\q1
\v 3 Batrpzle nzaovxio-krgu lr mrkzbleng,  
\q2 Mz nzmnclz-krmlr bagu.   
\q1
\v 4 Nigu leplz ngr nqvi lr Jekop kcng tqmrlzting Yawe,  
\q2 Bilvzpeku drtc' kc tqmcpxbzle nangi nyzgu.   
\s2 King Rgu  
\q1
\v 5 Mzli kc Yawe tqwxbuo-ngrmle mz tron nyzde Mangr-nzangiongr,  
\q2 Sc tqrvxupeku trpu x tqmalq-katopeku mz nzabrtzlvz-krgu nide.   
\q1
\v 6 Nangr-katobzku mz Yawe Gct rgu.  
\q2 Murde nide King rgu, nangr-katobzku bade.   
\q1
\v 7 Naglqlzku nide mz nabz kxyrlvi,  
\q2 Murde nide King r nrlc tulvzo.   
\q1
\v 8 X wxbu mz tron kxtr nyzde,  
\q2 Mz nzaclve-krde neidu amrlx.   
\q1
\v 9 Kxnzmailzlr lr mrkzbleng nzaxvctr-lzbqmqng bagu, nigu leplz neng Gct r Ebraam.  
\q2 Murde Gct kc tqmyatxlz-esz'ngr myaszpxle king amrlx mz nrlc.   
\c 48  
\cl Sam Kranzpnu-pwx-nrade-rtqmz (48) 
\s1 Nzmyalzkr Jerusalem, Mzteadau Nyz Gct  
\d Nabz ne nqvi lr Kora.  
\s2 Mzteadau Nyz Gct  
\q1
\v 1 Yawe myatxlz-esz'ngr. X takitrde nzglqlz-krgu nide  
\q2 Mz mzteadau nyzde kc tqycom Saeon, newz kxtr nyzde.   
\q1
\v 2 Nide king kx rngisc zmatq. X Newz Saeon myatxlz x mzte opx.  
\q2 X Mzteadau nyzde rkatrpz nzabrtzkr leplz mz nrlc tqlvzo.   
\q1
\v 3 Gct aelwapxpe-ngrde kx trpnzngr da kx nakx mz drtqgu,  
\q2 Mz nzmncpx-krmgu badr mz lrpalvc nyzdeng mz mzteadau lc.   
\q1
\v 4 Kzdung king nzvzmqng nztung me esz'.  
\q2 Nzrpilr naotang badr lr mzteadau lc.   
\q1
\v 5 A' kx nzmclr nzmatq-zlwzkr mzteadau Jerusalem,  
\q2 Nzkctipx-ngrdr x sc tzdwapeng mz zmwxlr,   
\q1
\v 6-7 Kc tqprtilzle nidr  
\q2 Apule zvetq ngr drtq olvz kx narmika.  
\q1 X nzrnrcti-lzbqng  
\q2 Apule lcsu kxrtcnengr srkau ngr nounenq.   
\q1
\v 8 X mzli lcpwz, tqmnc-ngrgu mzteadau nyz Gct rgu,  
\q2 Sc tqmcpe-kzku kx Yawe nide Gct kc tqrninr.  
\q1 X atu-amqngi-zvzle mzteadau lc,  
\q2 Da kc tzwai nzyapwxtipxkr melrmqgung le mzli kc.   
\s2 Mangr-nzangiongr Gct  
\q1
\v 9 Gct, aoti zvz drtwrgr nzaodu-krm  
\q2 Mz nzvztr-krgr Mangr-nzangiongr nim.   
\q1
\v 10 Leplz amrlx mz nrlc tulvzo sa naglqlzlr nim mz nzxlr-krdr nzmyalz-krm.  
\q2 Murde nzaclve-angidr-krm tubq.   
\q1
\v 11 X nigr lr Israel amrlx nzabrtz-ngrgr kz  
\q2 Nztubqkr da kx pipxq.   
\q1
\v 12 Nigu leplz neng Gct, naolvxtiku Jerusalem,  
\q2 X nabrti mzku mrkcng tztu-ngrdr kxnzaukz nedeng.   
\q1
\v 13 Naobqlvzti-zpwxku drkq ngrdeng x nzmqngikr lrpalvc ngrdeng,  
\q2 Murde nayapwxtipx-zvzbz mz doa ne doa negung.   
\q1
\v 14 Nzmyalzkr Gct rgu sc tqaelwapx-lzbqngr mz mzteadau lc.  
\q2 X sc tqmailzle nigu tqyc tqyc.   
\c 49  
\cl Sam Kranzpnu-pwx-nrade-rpwxmz (49) 
\s1 Leplz Amrlx Sa Nabzng  
\d Nabz ne nqvi lr Kora.  
\s2 Narncbr Ngr Nzlu-alongr  
\q1
\v 1-2 Lalztqmamu x xlrmamu natqnge, nimu neidung mz nrlc tulvzo,  
\q2 Kxmule-esz' nimu kxnzetung, leplz txneng, bcnyrng, x kxtrnzrngiscung.   
\q1
\v 3 Murde natqnge otxpx,  
\q2 X alvztr-ngrne nzyrplapxngr,   
\q1
\v 4 Mz nzpipx-krnge natq lrtzlvz ngrgung.  
\q2 Murde nayokaetipxx drtwr ngrdr mz nabz nenge.   
\q1
\v 5 Kxmule-esz' kxpux mz nztu-ngalelvzkr enqmi rngeng ninge,  
\q2 A' trmwxlrwxu.   
\q1
\v 6 Murde kxdrka'ngr lcng nzabrtrpzlr drtwrdr mz trau,  
\q2 X nzglqpx-lzbqng mz nzngini-krdr bcnyrng.   
\q1
\v 7-9 A' trpnzngr kxrkrlz nzxpepx-krde nzlu-krde esz'-krde.  
\q2 Murde ncblo trtakitrdeu nzkapx-krde narncbr ngr nzlu-alongr kx yrlq Gct,  
\q1 Kxmule-esz' ka-atwrnr-ngrde trau x dztudeng amrlx.  
\q2 Murde rblx nzxpe-krde da kx na-arlapxle nide mz gq.   
\s2 Leplz Amrlx Sa Nabzng  
\q1
\v 10 Leplz amrlx sa nabzng, kxmule-esz' kxnzyrplapxng o kxnzngqngung.  
\q2 X dztudrng amrlx sa nabzszbzlr mz kzdung kz leplz.   
\q1
\v 11 X kxmule-esz' mzli ka nzrnginyzng drtc',  
\q2 A' gq lrdr dela nangipe ma nyzdr mz nzmnc-alope-krdr elr.   
\q1
\v 12  \bd Da amrlx kcng tqmatq mz drtwrdr sa nayrkrpx-kzng. \bd*  
\q2 \bd Leplz sa nabzng da kc tzwai animol amrlx. \bd*   
\q1
\v 13 Lrpzki r kxnzngqngung kcng tzabrtrlr drtwrdr mz nidr esz'-krdr x mz dztudrng,  
\q2 Yrkrtxpxpwz mz nzbzngr.   
\s2 Kxmule-esz' Bcnyrng  
\q1
\v 14 Apule kx nzbzngr nide kxetu rdr kc tqmailzle nidr mz gq lrdr,  
\q2 Mz nzapu-krdr sip.  
\q1 X kxnztubqng sa navzneng wq mrkc tzyrtzmqngr namz ngrdr.  
\q2 X mz nzmibi-krdr, nzyc-rlrubzng mz ma nyzdr.   
\q1
\v 15 A' Gct sa naxpetrle ninge mz zmatq ngr nzbzngr,  
\q2 Mz nzarlapx-krde ninge mz gq.   
\q1
\v 16 Bzkq nabzmu talvzo mz nzmc-krmu bcnyrng,  
\q2 X nzkqlunepxkr dztudrng.   
\q1
\v 17 Murde rblx nzrtwzmingr dztung mz nzbzngr.  
\q2 Dztung la tqyc, a' nrkrdrtq la namibi.   
\q1
\v 18 Kxmule-esz' bcnyrng nzabrtz-zvzng mzli kc tzlube-ngrdr,  
\q2 X nzamatq leplz nidr murde sc tzakqlunepx-zvzlr dztudrng,   
\q1
\v 19 A' sa navzo-kzng mz gq, da kc tzwai melrmqdrng,  
\q2 Mz nzmnc-alo-krdr mz nzlo.   
\q1
\v 20  \bd Da amrlx kcng tqmatq mz drtwrdr mane x nardr tryrplatrpwzu. \bd*  
\q2 \bd Leplz sa nabzng da kc tzwai animol amrlx.\bd*   
\c 50  
\cl Sam Kranzpnu-nzlvqn (50) 
\s1 Blz Angidr Nangi Nzawi-ngrbz Mz Gct  
\d Nabz ne Asaf.  
\s2 Nzyrlwrkr Leplz Neng Yawe  
\q1
\v 1-3 Yawe, nide Gct kc tqxplr esz'ngr.  
\q2 X zluli rde pnamilxtile mzteadau Jerusalem kc tqlqngi.  
\q1 A' nrlc ycngrlrlzm mz nzvz-krmle,  
\q2 Murde nyr wounepx kai mz nzangc-krde da amrlx,  
\q1 X nounenq o-ngalelvzle nide.  
\q2 X kqlele lr Heven mz nzayrlwr-lxblr-krdr leplz amrlx mz nrlc.   
\q1
\v 4 Navzmqng mz nzmc-krdr nztubqkr natqde,  
\q2 Mz nzpipx-krde nzvz-rbrkr leplz nedeng.   
\q1
\v 5 X rpibzle mz lr Heven kx, “Vzmimamu krkcng tzlxngitilr ninge,  
\q2 X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”   
\q1
\v 6 X lr Heven nzrpilr kx, “Gct, nzaclve-krm rsakrlrngr.  
\q2 Murde tubqq mz nzryrlq-krm drtwr.”   
\s2 Gct Atubqtile Leplz Nedeng  
\q1
\v 7 Rpi Gct kx, “Leplz nengeng, xlrmamu natqnge.  
\q2 Murde ninge Gct rmu x na-aelwa-ngrbo mrkc tqvz-rbrtiamu.   
\q1
\v 8 Animol kc tqngi blz tqkamamu bange, trngiu da kx myapxbz,  
\q2 Mz nzangco-zvz-krmamuleng mz olta.   
\q1
\v 9 X trngi-kzu da kx myapxbz nzangc-krmamu bange  
\q2 Gout x kzu kxncblongr dalr nardzng nyzmu.   
\q1
\v 10 Murde dalr peto amrlx nyzngeng,  
\q2 X wai-kzle kzu amrlx kcng tzmncng mz siu r newz.   
\q1
\v 11 Utc ngr peto amrlx nengeng,  
\q2 Nidr badr animol ngr nardzng.   
\q1
\v 12 Nzmu nabrtalex x drtwrnge brlxkz tr-rlxpwc'u bamu da.  
\q2 Murde nrlc nyznge x dalrdeng amrlx.   
\q1
\v 13 X trmuwxu ncvr kzu.  
\q2 X tr-rmnqwxu mepyr ngr gout.   
\q1
\v 14  \bd A' blz angidr nangi nzawi-krmamu bange,\bd*  
\q2 X nzangidati-krmu da kx esalz-ngrmamu bange.   
\q1
\v 15 X mrlz nzkrka'-krmamu bange mzli kc tqkxpu-ngrnamu,  
\q2 Murde naglqlzamu ninge kalr mz nzarlapx-krnge nimu.”   
\s2 Alwx Ngr Kxdrka'-ngrng  
\q1
\v 16 A' rpibz Gct mz leplz kxdrka'-ngrng kx, “Trtakitrdeu nzyapwxti-zvz-krmu Loukxtr scnge,  
\q2 Mz nzycmnetr-krmu Nzryrngrkxtrng.   
\q1
\v 17 Murde pxtxpx-ngrnamu nzatubqti-krnge nimu,  
\q2 X rtctx-ngrnamu natqnge.   
\q1
\v 18 Alwx ngrmung nidr seleng:  
\q1 Mrlzbz bamu nzngi-kzte-krmu ncblo kx pna da,  
\q2 X nzprtr-ngrbz mz leplz kcng tzrmwimi-abeaneng leplz kx trngiu krnalzdr.   
\q1
\v 19 Ycmnetrpwzmu mz da kxtrka,  
\q2 X naomu tresakiu nzrpi-twzti-krdr da kx nzesabrtingr.   
\q1
\v 20 Pikiti-zvzamu kztemung,  
\q2 X pibqti-kzamu mzlemung.   
\q1
\v 21 Mz nzale-krmu da lcng sc tqmnc-lrpinebo.  
\q1 X rpiamu mz drtwrmu, mrlzm bange nzale-krmuleng.  
\q2 A' trtingr! Murde da kcng tqvz-rbrtiamu delcng tqaplxtipx-atebo bamu.   
\s2 Yawe Sa Na-ayrplapxle Leplz Kalr  
\q1
\v 22 “Mzli ka natekqtramu nqmq krmu,  
\q2 Murde ma tqodatitxne nimu  
\q1 X sc trpengr kx na-arlapxle nimu.  
\q2 X bzkq mrbrtr mz drtwrmu nzamatq-krmu ninge.   
\q1
\v 23  \bd Blz angidr nangi nzawi-krmamu bange.\bd*  
\q2 Murde narmctiamu nzarlapx-krnge nimu, mz nzvz-nqblq-krmu ninge.”   
\c 51  
\cl Sam Kranzpnu-nzlvqn-nrade-esz' (51) 
\s1 Nabz Leplz Kx Avzo-lzbq  
\d Nabz ne King Devet,  
\d kx yrle mz nibr nzycmne-plztitr-krbz Profet Neitzn mz nzmwimi-krde Batsibz.  
\s2 Wztibz nabznge  
\q1
\v 1 Gct, nayc mz drtwrm ninge,  
\q2 X atubqtim nzvz-rbr-krngeng, murde aodu-zvzq ninge.   
\q1
\v 2 Wztibz nabznge mz alwx rngeng amrlx  
\q2 Kcng tzatrkatilr ninge.   
\q1
\v 3 Murde opxpe mz mzke' nzvz-rbr-krngeng.  
\q2 X plzpxbo nzesablqti-zvz-krnge nim,   
\q1
\v 4 X myapxbz nim kc tqxpqbrlr-ngrne  
\q2 Mz nzrnzlvzo-krnge Loukxtr scm.  
\q1 Delc, tubqq mz nzrpi-krme bange kx vz-rbrx,  
\q2 X mz nzyrlq-krm nzayrplapxngr ninge. \x + \xo 51:4 \xt Rom 3:4\x*   
\s2 Ipq Ninge  
\q1
\v 5 Mrlzm bange nzale-krnge alwx  
\q2 Murde mzli kc tqmncbe-ngrne mz nelz lxenge, alwx rnge ycpebz.   
\q1
\v 6 A' suti drtwrm kx nabznge navz-nqblqle nzmncngr angidr.  
\q2 Delc, na-alvztr-ngrn ninge murde nayrplapxx.   
\q1
\v 7 Wzti-angidrbz nabznge,  
\q2 Murde nzprki-krnge namyaszpxle nqbya r nrc.   
\q1
\v 8 Ipq ninge murde na-abrtzx,  
\q2 X drtwrnge kc tqavzbzme naelalz-mop.   
\q1
\v 9 Bzkq obqtrpeq nzmyakr drtqnge mz alwx rngeng,  
\q2 A' ipqpxbz alwx rngeng amrlx.   
\s2 Tekqtrpz Nabznge  
\q1
\v 10 Gct, tekqtrpz nabznge murde natubqx,  
\q2 X amrnale mqngrnge murde navz-nqblqx nim.   
\q1
\v 11 Bzkq maszlrpx-ngrn ninge mz nzmnctr-krbo bam.  
\q2 X bzkq katxpxq nzokatrkr Mqngrm ninge.   
\q1
\v 12 Okatrp ninge murde na-abrtz-mou-ngrne nzarlapx-krm ninge,  
\q2 X drtqnge navq mz nzvz-nqblqngr natqm.   
\q1
\v 13 Zbz sa na-alvztrpo nqmq krmqng mz kxdrka'-ngrng,  
\q2 Murde nayzlu-mopwzlr bam.   
\s2 Nawztrpo Bam  
\q1
\v 14 Gct, bzkq ayzlu-mope' bange nzrnibq-krnge ncblo,  
\q2 Murde na-angrlvzx nim mz nzarlapx-krm lc ninge.   
\q1
\v 15 Kxetu, okatrp ninge  
\q2 Murde naglqlz-ngrne nim nivz lrm.   
\q1
\v 16-17 Trabrtz-ngrwq nzangco-ngrm blz mz olta nyzm.  
\q2 A' blz kx mrlzbz bam nabz leplz kx avzo-lzbq x plzpxle alwx ngrdeng.  
\q1 Delc trna-angco-ngrpwc'u blz mz olta nyzm,  
\q2 A' avzo-lzbq-zvztxpwo bam.   
\s2 Blz Kxtubq  
\q1
\v 18 Krka'-ngrbo bam kx naokatrpe' nigr leplz nemqng  
\q2 Mz nzamqngi-mou-krgr drkq ngr Jerusalem.   
\q1
\v 19 Murde nzangco-krmgr blz mz olta nyzm  //  navzpxm mz nzka-lzbq-krbzkr bam.  
\q2 X krlc blz kxtubq mz nzobq-krm.   
\c 52  
\cl Sam Kranzpnu-nzlvqn-nrade-li (52) 
\s1 Kxetu Kx Atrkati Leplz Mz Zmatq Ngrde  
\d Nabz ne Devet kx yrbzle mz kxrmailz ngr dzbe kxnzngrng, mzli kc Doek kc Edom tqvz-ngrbzle mz Sol mz nzrpi-krbzle kx, “Devet mncpe ma nyz Ahimelek.”  
\q1
\v 1 Kxmule-esz' nim ncblo kxetu kxmatq,  //  a' bzkq glqpx-lzbqq mz da kxtrka kcng tqaleq,  
\q2 Murde Gct vz zvz nzangidati-krde natqde.   
\q1
\v 2 A' ryrlq-zvzq drtwr kx na-atrkati-ngrn leplz.  
\q2 X mzli kc tqycmne-ngrn, natqm apule toki kx malc, mz nzpibqti-krm nidr.   
\q1
\v 3 Nzmrlz-zlwz-krbz da kxtrka bam myaszpxle da kxmrlz.  
\q2 X mz drtwrm, nzpokia-krm myaszpxle nzrpi-krm da angidr.   
\q1
\v 4 Nim Mepokia,  
\q2 X abrtz-zvz-ngrn nzaetq-krbzme drtq leplz mz natqmqng.   
\q1
\v 5 Delc sa nakilzpx-ngrm Gct nim ma nyzm mz nzodati-alope-krde nim.  
\q2 X sa na-ayrkrpxbzle nzlu-krm mz nrlc ka.   
\q1
\v 6 X kxnztubqng sa na-amrlue-ngrdr Gct nzayrplapx-krde nim.  
\q2 X sa nayrpalelvzlr nim mz nzrpi-krdr kx,   
\q1
\v 7 “Mcamu ena ncblo kc trmnc-xgleleu Gct.  
\q2 A' axplr-lzbq mz nzatrkati-krde leplz x nztwz-krde trau kxkqlu mz zmatq ngrde.”   
\q1
\v 8 A' ninge sa na-apux nc olivi kc dzbrde tqtu-amqngi mz nzmncpx-krmc Mangr-nzangiongr,  
\q2 Murde vz zvz nzbrtikr drtwrnge nzaodu-alokr Gct. \fig Apux nc olivi kc dzbrde tqtu-amqngi murde brti drtwrnge Gct.|alt="013 olive tree" src="013-AB02848b.tif" size="COL" loc="PSA 52:8" copy="John Lear" ref="52:8" \fig*   
\q1
\v 9 Delc Yawe, sa na-awi-zvz-ngrbo bam da kcng tqaletiqng.  
\q2 X sa napipxbo mz leplz nemqng nzmrlz-zlwz-krm.   
\c 53  
\cl Sam Kranzpnu-nzlvqn-nrade-tq (53) 
\s1 Nzngqngukr Kxtrnzrlxngitiung  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Leplz kx nzngqngung mz drtwrdr nzrpilr kx, “Trpnzngr Gct.”  
\q2 Leplz lcng nzvz-rbrng x nzale-txpwzng da kxtrka zlwz.  
\q2 Trpnzngr leplz lcng kxtubq.   
\q1
\v 2 Gct mncom Heven, x sc tqmcomle leplz amrlx,  
\q2 Mz nzmc-krde neke yrplapx mz nzrtangrti-krde nide.   
\q1
\v 3 A' nzesablqtilr Gct amrlx ngrdr  //  x drtwrdr esz'ti mz nzale-krdr da kxtrka.  
\q2 Trpnzngr nidr kxesz' kxtubq. \x + \xo 53:3 \xt Rom 3:10-12\x*   
\q1
\v 4 Delc tqrpingr Gct kx, “Leplz lcng tztrkang tznibqtitxdr leplz nengeng  
\q2 Nzapulr kx nzrnibqng da kx nangqdr.  
\q1 X mrbrtr mz drtwrdr nzkrka'-krmlr bange.  
\q2 ?Myx kxmule, trnzkrlzlru da kxtubq?”   
\q1
\v 5 A' mzli ka nzmwxlr-zlwz-krdr myaszpxpele mzli kc.  
\q2 Murde Gct sa napxtxpx-ngrde enqmi rgung.  
\q1 X drtqdr sa namya mz nzaovxio-alo-krgu nidr.  
\q2 X namz ngrdr sa narlxbuliane-ngrbz Gct mz nrlc.   
\q1
\v 6 Sutitx zlwz drtwrnge kx Gct rgu kc Saeon na-arlapxle leplz nedeng.  
\q2 Murde mzli kc nayzlu-mou-ngrmle, namnc-zpwxku badr.  
\q1 X nigu lr Jekop drtwrgu sa naelalzm.  
\q2 X nigu lr Israel sa na-abrtz-ngrgu da lc. \x + \xo 53:6 \xt Sam 14:1-7\x*   
\c 54  
\cl Sam Kranzpnu-nzlvqn-nrade-pwx (54) 
\s1 Nzbrtikr Drtwrgu Gct Nzaovxio-krde Enqmi Rgung  
\d Nabz ne Devet kx yrbzle mz kxrmailz ngr dzbe kxnzngrng,  
\d mzli kc lr Sifz tzvz-ngrbzlr mz Sol mz nzrpi-krbzlr kx, “?Krlzq kx Devet sc tqmnc-kapq mztea nyzgr?”  
\q1
\v 1 Gct, arlapx ninge mz zmatq ngr drtqm,  
\q2 X aelwzpx-ngrbz nztubq-krnge mz nztu-krbzme mz nibrnge.   
\q1
\v 2 Xlrm natqnge  
\q2 Mz nzkrka'-krbo bam.   
\q1
\v 3 Kxnzaetqng drtq nzglqpx-lzbqng nzrpilr natzlr ninge,  
\q2 X krkcng tzxpqbrlr-ngrdr nim, nzrpilr nanibqlr ninge.   
\q1
\v 4 A' nim Gct kx okatr-zvzle ninge,  
\q2 Mz nzngini-krm Kxetu rnge kc tqmnc-xgle-zvzx.   
\q1
\v 5 Yawe Gct, ayzlu-mopwz badr da kxtrka kcng tzwaisr-ngrdr ninge.  
\q2 X nibq nidr murde nim kx brti drtwr.   
\q1
\v 6 Zbz sa na-abrtzlvzx nzrka-krbo bam blz mz olta nyzm.  
\q2 X na-awi-ngrbo bam nzmrlz-zlwz-krm.   
\q1
\v 7 Murde arlapxq ninge mz nzkxpu-krngeng amrlx,  
\q2 X okatrq ninge mz nzaovxio-krnge enqmi rngeng.   
\c 55  
\cl Sam Kranzpnu-nzlvqn-nrade-nzlvqn (55) 
\s1 Kxdrka'-ngrng X Kxamwale Kztede  
\d Nabz ne Devet kx yrbzle mz kxrmailz ngr dzbe kxnzngrng, mz nzayrningr gita.  
\s2 Nzkrka'ngr  
\q1
\v 1 Gct, xlrm nzkrka'-krbo bam.  
\q2 X bzkq drtqm satrp nzycmne-krbo bam.   
\q1
\v 2 Lalztqm bange x ayzlum natqnge,  
\q2 Murde nabznge tropxpeu mz nztalvzo-krde.   
\s2 Nzetqkr Drtq  
\q1
\v 3 Enqmi rngeng nzrkatrpqng bange nzkxpungr,  
\q2 Mz nzxngitr-krnge nzycmne-kato-krdr,  
\q1 Mz nzrnzlvzo-krdr ninge,  
\q2 X nzobq-krmlr bange mz zngya.   
\q1
\v 4 Nelznge vzdz-zlwzm,  
\q2 Murde ycpe pipz nzbz-krnge.   
\q1
\v 5 Rnrcti-lzbqpenge mz zmwxlr,  
\q2 X nrkrdrtqnge esz'pe-ngrde.   
\q1
\v 6 X rpix mz drtwrnge kx, “Nzmu nabxnge naycbzle, da kc tqwai bona,  
\q2 Nalvcx x nartangrx me namnc-zpwx-ngrne.   
\q1
\v 7 Nalvctr-rlrux lzke,  
\q2 X namnc-lrpix esz'-krnge mrlcde.   
\q1
\v 8 Na-anitxpwo nzrtangrti-krnge me narlakitrx  
\q2 Mz tewa x nounenq.”   
\s2 Nzkrka'ngr  
\q1
\v 9 Kxetu, akipx kxdrka'-ngrng mz nzarlxlvrti-krbzme natqdr.  
\q2 Murde nzota-zvzng x nznani-lzbq-zvzng mz mztea.   
\q1
\v 10 Mz nrlckxngrlx x nrlckxbq  
\q2 Mztea esz'tx-ngrpwz nzxpqbrlrngr lou x nzkxpungr.   
\q1
\v 11 Nzodangr prtz-zvzm mrlcng kqlu mz mztea.  
\q2 X me nzamwangr da tresakipxpuu nzpokiangr x nzangqngutingr leplz.   
\s2 Kxamwa Kztede  
\q1
\v 12-14 Kztenge, mzli kc ryapwx-angidrki mz nzodu-krgi,  
\q2 X vztr-lxblrki mz Mangr-nzangiongr Gct.  
\q1 A' mzli ka trngiu enqmi rnge kc tqxtrnga-ngrde ninge,  
\q2 A' krlc nim, kc tqmuki me esz' x line-zvzki.  
\q1 X trngiu kxpxtxpx-ngrde ninge kc tqyrpalelvzle ninge,  
\q2 A' krlc nim, mrlxkztenge.  
\q1 Mz nzatrkatikr enqmi rnge ninge  
\q2 Nabznge trtalvzou x krlzx nzmnc-kapqngr,  
\q1 A' nzamwa-krm lc ninge, kx mzlenge,  
\q2 Delc tqvztx-zlwzngr drtwrnge.   
\s2 Nzkrka'ngr  
\q1
\v 15 Gct, ayrkrpx-anibz enqmi lcng nabzdr x nzao-krdr drtwrdr tqdrka'ngr,  
\q2 Murde napwrkilvc-ngrdr nzbz-krdr.   
\q1
\v 16 Yawe, mzli kc nayrni-ngrbo bam,  
\q2 Krlzx kx sa na-arlapxq ninge.   
\q1
\v 17 Murde sa naxlrme natqnge mz nourla, bea, x mz nrlckxbq,  
\q2 Mz nzkalz-zvz-krbo bam nzlckr drtwrnge x nztalvzokr nabznge.   
\q1
\v 18 Kxmule-esz' enqmi rngeng nzkqlung, a' mzli kcpe naota-ngrgr badr,  
\q2 Sa na-amnc-zpwxq ninge mz mzlirdr.   
\q1
\v 19 Murde nim Gct kc nzaclve-krde tqyc tqyc.  
\q2 X sa na-ayzlume natqnge lcng mz nzaovxio-krm nidr mz nzotangr.  
\q1 Murde nzpxtxpx-ngrdr nztekqtr-krdr nqmq krdr,  
\q2 X trnzamrlue-kzlru nim.   
\s2 Kxamwa Kztede  
\q1
\v 20 Mrlxkztenge lc, mzli kc nigr badr dzbede kxesz', a' mzli ka yrlqpx-lzbq mz nzesz'tikr drtwrgr badr.  
\q2 A' se tqrtwztipele nigr zngya tqotapekr badr.   
\q1
\v 21 Nzprlxpx-krde nivz narpi-ngrbz nide ncblo ngrde,  
\q2 A' mz nabzde la poi kx mu ncblo.  
\q1 Mz nzycmne-krde nide pakrle,  
\q2 A' natqdeng malc apule toki r vea.   
\s2 Nzkrka'ngr  
\q1
\v 22 Yawe, napipxbzkr nzkxpu-krgrng bam, murde nalolvz-amqngiq nigr.  
\q2 X tr-rlrpx-ngrwq leplz kxnztubqng nzaxtx-krbzlr nzlxngiti-krdr nim.   
\q1
\v 23 Murde sa nartco-ngrn mz gq lrdr  
\q2 Krkcng tzrnibqng x tzpokiang,  
\q1 Mzli lc tznginibe-ngrdr obla.  
\q2 A' sa na-abrtr-zvzbo drtwrnge bam.   
\c 56  
\cl Sam Kranzpnu-nzlvqn-nrade-esz'mz (56) 
\s1 Mzli Kznike Mwxlr-ngrne, Abrtrpo Drtwrnge Bam  
\d Nabz ne Devet kx yrbzle mz kxrmailz ngr dzbe kxnzngrng,  
\d mzli kc tzlolvzngr lr Filistia nide mrkc mztea Gat.  
\s2 Okatrp Ninge  
\q1
\v 1-2 Yawe, nayc mz drtwrm ninge.  
\q2 Murde enqmi rngeng nzkqlu-zlwzng.  
\q1 X vz zvz nzmaneuti-krdr ninge x nzatrkati-krdr ninge,  
\q2 Murde nzrpilr na-aovxiolr ninge mz nzrnzlvzo-krdr ninge.   
\q1
\v 3 A' mzli kznike mwxlr-ngrne,  
\q2 Abrtrpo drtwrnge bam.   
\q1
\v 4  \bd Trmwxlrtiwxu zmatq ngrdr murde abrtrpo drtwrnge mz natqm, \bd*  
\q2 \bd Nim Gct kc tqglqlz-zvzx.\bd*   
\q1
\v 5 Yawe, enqmi rngeng vz zvz nzrtangr-krdr drtwr kx na-atrkati-ngrdr ninge,  
\q2 Mz nzrkatr-zvz-krmlr nzkxpungr bange.   
\q1
\v 6 X nzyrlwr-lxblrng me nzmnc-kapq-ngrdr,  
\q2 Mz nzaukzti-krdr ninge, murde nanibqlr ninge.   
\q1
\v 7 Bzkq rlr-ngrbzme nzdwa-krdr,  
\q2 A' ayrplapxng mz zngya ngr drtwrm.   
\s2 Abrtrpo Drtwrnge Bam  
\q1
\v 8 Krlz-angidrq nzrkrkxkr drtqnge.  
\q2 Murde aplxtipxpeq nztaliokr drlemzke' amrlx, mz nzyrtio-krmlr mz buk scm.   
\q1
\v 9 X krlz-zpwxx kx mz nzkqle-krnge nim, sa navzme x enqmi rngeng nadwaszlr ninge.  
\q2 Murde tu-zvzme mz nibrnge.   
\q1
\v 10-11  \bd Trmwxlrtiwxu zmatq ngrdr murde abrtrpo drtwrnge mz natqm, \bd*  
\q2 Yawe, \bd nim Gct kc tqglqlz-zvzx,\bd* x brti drtwrnge natqm amrlx.   
\q1
\v 12 X sa na-alebo bam da kcng tqpibo,  
\q2 Mz nzrka-krbo blz ngr nzawingr.   
\q1
\v 13 Awi mz nzarlapx-krme ninge mz mq enqmi rngeng.  
\q2 Murde trpnzngr nznibq-krdr ninge,  
\q1 X trmetxpou badr.  
\q2 Gct nawztr-zvzbo bam, nzmnc-krnge mz nrlc.   
\c 57  
\cl Sam Kranzpnu-nzlvqn-nrade-rlimz (57) 
\s1 Batrpz Mz Lr Nrlc Tulvzo Nzmc-krdr Nzaovxio-krm  
\d Nabz ne Devet kx yrbzle mz kxrmailz ngr dzbe kxnzngrng,  
\d mzli kc tqrlatr-ngrde mz butqbr mz nzdwasz-krde King Sol.  
\s2 Nayc Mz Drtwrm Ninge  
\q1
\v 1 Gct, nayc mz drtwrm ninge mz nzaelwa-krme bange nzmrlz-esz'ngr-krm,  
\q2 Murde mnc-xglex nim mz nzmnc-zpwx-krnge mz mzlir nzkxpungr kxtrka.  
\q1 X na-apux nei bona kc tqmnclzbz mz nabx lxede,  
\q2 Mz nztu-krme mz nibrnge, navz navz mzli kx ayrkrpx-ngrn nzodangr.   
\q1
\v 2 Gct, myalz-esz'ngrn, x sa nakqlex nim,  
\q2 Murde angidati-zvzq me pnz drtwrm mz nzmnc-krnge.   
\q1
\v 3 Sa na-ayzlume natqnge Heven mz nzarlapx-krm ninge.  
\q2 X na-amyatibzme drtq krkcng tzrnzlvzolr ninge.  
\q1 Murde aodu-zvzq ninge,  
\q2 X angidati-zvzq natqm.   
\s2 Nzrtxtiolr Ninge Br  
\q1
\v 4 Nztu-ngalelvzlr ninge ncblo ngr nzodangr.  
\q1 Spiz x nipna scdr nzapulr nqngi kx malc,  
\q2 X natqdr nzaetq-krdr drtq apule nzrluplxtikr toki r vea.   
\q1
\v 5  \bd Lr Heven namclr nzmyalz-esz'ngr-krm. \bd*  
\q2 \bd X lr nrlc namclr nzaovxio-krm.\bd*   
\q1
\v 6 Kxmule-esz' nabznge talvzo zlwz murde enqmi rngeng nzrtxtiolr ninge br,  
\q2 A' awi Gct, kx naprtz-moung mz trtxki kx nzamwiti-ngrdr ninge.   
\s2 Sa Na-angrlvzx Nim  
\q1
\v 7-8 Sa na-angrlvzx nim mz nabznge atwrnrngr mz nzayrni-krbo gita bam.  
\q2 Murde abrtr-zvzbo drtwrnge bam.  
\q1 Nilz r nepi adwalzmle ninge mz zbq kang kqlu.  
\q2 A' mz nzdwalz-krmc mz nourla kx topwz,  
\q1 Na-apule nabz nenge adwalzmle nepi,  
\q2 Mzli lc naglqlzpex nim.   
\q1
\v 9 Kxetu, sa na-awibo bam mz mzlir lr mrkzbleng,  
\q2 X na-angrlvzx nim mz mzlir neidung.   
\q1
\v 10 Murde nzaodu-zvz-krm myalz krlzlzle bongavz,  
\q2 X nzangidati-zvz-krm natqm. \x + \xo 57:10 \xt Sam 36:5; 57:10; 71:19; 103:11\x*   
\q1
\v 11  \bd Lr Heven namclr nzmyalz-esz'ngr-krm, \bd*  
\q2 \bd X lr nrlc namclr nzaovxio-krm.\bd* \x + \xo 57:11 \xt Sam 108:1-5\x*   
\c 58  
\cl Sam Kranzpnu-nzlvqn-nrade-rtqmz (58) 
\s1 Kxdrka'-ngrng Nzapulr Ningidoe Kcng Tzrmakxng  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Kxnzetung Kxdrka'-ngrng  
\q1
\v 1 ?Kxnzetung, myx kxmule, nzaclve-krmu tubq,  
\q2 X rsakrlrngr angidr?   
\q1
\v 2 Trtingr! Murde yrlqamu drtwr kx atrkatile leplz nemung,  
\q2 Mz nzaetq-krbzmu drtqdr mz nrlc ka.   
\q1
\v 3 Nimu kxdrka'-ngrng. X ale-zvzamu da kxtrka,  
\q2 Yzuo pnz mzli kc tzmcngr mzpu.   
\q1
\v 4 Apuamu ningidoe kcng tzrmakxng  
\q2 Mz nzatrkati-krmu leplz.   
\q1
\v 5 X apu-kzamu kxnradrtqdr ngq murde pxtxpx-zvz-ngrnamu nzxlr-krmu nzyrni-krdr,  
\q2 X nzayzlu-krbzmu natqdr.   
\s2 Nzayrplapxkr Gct Kxdrka'-ngrng  
\q1
\v 6 Yawe, ayrplapx leplz lcng tzapulr ningidoe, mz nzyrvilz-krme nipna scdr.  
\q2 X mz nzapu-krdr poi kz peto, taglctr-kzpz nqngidr.   
\q1
\v 7 Mrlzvxitx nzbatr-krbzme nzmyakr nipna scdr,  
\q2 X nzmrbr-krdr na-apule lue kc tqmrbrlqo mz drtc'.   
\q1
\v 8 X mrlzvxi kz nzapu-krdr zwqwq r wagq kc tqlrprnebz mq mz nzngrla-krde x mz nibrde sc tqmrbrpe mou mz nztiokr nepi le.  
\q2 X na-apu-kzlr itoto kx bz murde nzmika mzli kc tqpoobe-ngrde.   
\q1
\v 9 Gct, mzli kc tzlube-ngrdr, apusrngr nidr nabr kc tzikzti,  
\q2 Mz nzodati-krm nidr mz zngya ngr drtwrm.   
\s2 Nzabrtzkr Leplz Neng Gct  
\q1
\v 10 Zbz nigr kxnztubq nemqng sa na-abrtz-zlwz-ngrgr nznibqti-krm kxdrka'ngr lcng.  
\q2 X sa naelalvzkr nzyrlekr mepyr ngrdr.   
\q1
\v 11 X sa napibzkr bam kx, “Gct, da zpwxtx! Sa nakabzme da kxmrlzting mz leplz kxnztubqng,  
\q2 Murde nzaclve-krm lr nrlc tubq-esz'ngr.”   
\c 59  
\cl Sam Kranzpnu-nzlvqn-nrade-rpwxmz (59) 
\s1 Kxdrka'-ngrng Nzapulr Kuli Kzpeto  
\d Nabz ne Devet kx yrbzle mz kxrmailz ngr dzbe kxnzngrng,  
\d mzli kc King Sol tqatwzlr-ngrde ncblo mz nzaukzti-krdr ma nyz Devet, murde nanibqlr nide.  
\s2 Kuli Kzpeto  
\q1
\v 1 Gct rnge, arlapxbz ninge mz enqmi rngeng,  
\q2 X tum mz nibrnge mzli kc naoti-ngrmlr ninge.   
\q1
\v 2 Arlapx ninge mz kxdrka'ngr lcng,  
\q2 Tzkrlzlr nzrnibqngr leplz.   
\q1
\v 3 Yawe, obqm! Ncblo lcng tzyrlwr-lxblrng nanibqlr ninge.  
\q2 A' trpnzngr da kxtrka kx alebo badr.   
\q1
\v 4 Kxmule-esz', a' se tzoliqtilr nztz-krdr ninge.  
\q2 Tulzm x vzm mz nzokatr-krm ninge.   
\q1
\v 5 Yawe, nim Gct kc tqrninr, Gct r lr Israel. Dwalzm mz nzayrplapx-krm lr mrkzbleng.  
\q2 X bzkq ycngr drtwrm krkcng tzryrlqng drtwr kxtrka.   
\q1
\v 6  \bd Nzyzluti-zvzmlr mztea mzli kc milzpq, \bd*  
\q2 \bd Nzapulr kuli kzpeto kcng tzkclwzng mz nzvzne-krdr mztea.\bd*   
\q1
\v 7 Drtwrdr nzamqmqlr x natqdr nzapulr toki r vea kxmalc.  
\q2 Mz drtwrdr nzrpilr trpnzngr kx rkrlztrpz x trpnzngr nzayrplapxngr nidr.   
\q1
\v 8 A' nim Yawe, yrpalelvzq kxnzmnc-mrbr lcng,  
\q2 X xtrnga-ngrn nidr.   
\s2 Temz Ngr Lomrgr  
\q1
\v 9 Gct rnge, abrtr-zvzbo drtwrnge mz nzxplr-krm,  
\q2 \bd Murde nim lrpalvc nyznge.\bd*   
\q1
\v 10 X krlzx kx sa na-aovxiox enqmi rngeng,  
\q2 Murde naokatrq ninge mz nzaodu-zvz-krm.   
\q1
\v 11 Yawe, nim temz ngr lomrgr kc tqyrputrngr nipna.  
\q2 Nibqti nidr, murde leplz nengeng nadcpx mz drtwrdr  
\q1 Kx nim Gct kc tqayrplapxle kxnzaleng alwx.  
\q2 Aodaliti nidr mz zmatq ngrm, murde nataong mz drtc'. \fig Yawe, nim temz ngr lomrgr kc tqyrputrngr nipna.|alt="014 breastplate" src="014-breastplate.tif" size="COL" loc="PSA 59:11" copy="Micah Boerger" ref="59:11" \fig*   
\q1
\v 12 Batrpz mz nzglqpx-lzbq-krdr nzatao-mou-krde nidr.  
\q2 Murde mz nzycmne-krdr natqdrng ngi dalr alwx, mz nzrpibqtingr x nzpokiangr.   
\q1
\v 13 Odati nidr mz nzmilxtxo-krm nidr mz zngya ngr drtwrm.  
\q2 Murde leplz nakrlzlr kx nim Gct kc tqaclvele lr Israel x lr nrlc tulvzo.   
\q1
\v 14  \bd Nzyzluti-zvzmlr mztea mzli kc milzpq, \bd*  
\q2 \bd Nzapulr kuli kzpeto kcng tzkclwzng mz nzvzne-krdr mztea.\bd*   
\q1
\v 15 Nzrtangrng nadr dakxnzng me yctxpqng,  
\q2 X drtwrdr nzamqmqlr mz trnzkrlc-kru nelzdr.   
\s2 Lrpalvc Nyznge  
\q1
\v 16 A' sa nangr-kato-zvzx mz nourla kang kqlu,  
\q2 Mz nzpipx-krnge zmatq ngrm x nzaodu-zvz-krm.  
\q1 Murde apu-zvzme bange lrpalvc nyznge  
\q2 Kxrlakitrx mz mzli r nzkxpungr.   
\q1
\v 17 Sa na-angrlvz-zvzx nim, Gct kc tqaodu-zvzle ninge.  
\q2 \bd Murde nim lrpalvc nyznge\bd* kx xplr-esz'ngr.   
\c 60  
\cl Sam Kranzpnu-esz'mz (60) 
\s1 Glalzm Nc Nqngq Bagr  
\d Nabz ne Devet kx yrbzle mz kxrmailz ngr dzbe kxnzngrng,  
\d mzli kc ami nzling nzrpilr narnzlvzo-ngrdr Israel nzprtrpqng mz kzdq nrlar Israel. X ami ngr lr Edom nzprtrpqng mz kzdq nrlarde, Nabzlwa ngr Dcpwe, mrkc Joab kc tqmailzle ami ngr Israel, tzabz-ngrdr ncblo siu-nzpnu-esz'-nrade-li (12,000).  
\s2 Ngrlrvea Ngrgr  
\q1
\v 1-3 Gct, mz nzngyatikr drtwrm nigr, drtqm satrpem bagr.  
\q2 X batrpeme mz enqmi rgrng nzprtr-krmlr mz nzawxo-krdr bz ngr nrlc nyzgr.  
\q1 Nzatrkati-krdr nigr apule nengq mz nzaglqwiti-krde drtc'.  
\q2 X da amrlx trnzaxvctrpeung.  
\q1 Dea-ngrgr vznepe mz nzvzne-krgr apukr ncblo kxnzrmnqng,  
\q2 Mz nzaetqtitx-zlwz-krbzme drtqgr, nigr leplz nemqng.  
\q1 A' suti drtwrgr nayzlu-mopwe' bagr  
\q2 Mz nzamrlz-mou-krm drtc' nyzgr, murde namnc-zpwx-moukr.   
\q1
\v 4 Nim Ngrlrvea ngrgr. Glalzm nc nqngq bagr, nigr kcng tzamrluelr nim,  
\q2 Murde navzmgr bam mz nztu-mou-krgr me esz'.   
\s2 Gct Ayzlu-ngrmle Natqgu  
\q1
\v 5 Mz zmatq ngrm, arlapx nigr kcng tqaodu-zvzq,  
\q2 X ayzlu-ngrm natqgr.   
\s2 Da Kc Tqpi Gct  
\q1
\v 6 Gct, natqmqng nzvzpxmqng mz Mangr-nzangiongr, mz nzrpi-krdr kx,  
\q1 “Mzli kc na-aovxio-ngrne, sa na-akipxbo mz leplz nengeng  
\q2 Drtc' kcng mz nrlar LueJodzn rlilr.   
\q1
\v 7 Murde neidu lr Gilead nengeng.  
\q2 X nqvi lr Manase nenge-kzng.  
\q1 X neidu lr Efrem tum mz nibrnge.  
\q2 X nqvi lr Judz kx na-aclve-zvzng mz zmatq rnge.   
\q1
\v 8 A' enqmi rmung trna-aovxiolru nimu.  
\q2 Murde lr Moab sa nawztrpqng bange  
\q1 X lr Edom sa nametxmqng bange.  
\q2 X sa namalqlvzx nzmilxtxo-krnge lr Filistia.”   
\s2 Natq King  
\q1
\v 9 ?Myx kxmule, sa na-atutrq natqm lc mz nzokatr-krm ninge  
\q2 Nzprtr-krnge mz lrpalvc ngr mzteadau nyzdr lr Edom?   
\q1
\v 10 Murde mzli kc pxtxpxpe-ngrn nigr,  
\q2 X trokatrwq ami negr mz nzotangr.   
\q1
\v 11 Gct, okatrp nigr mz nzota-krgr badr enqmi rgrng mzli ka.  
\q2 Murde mane nzmnc-xgle-krgr ncblo nzarlapx-krdr nigr.   
\q1
\v 12 X krlzkr kx mz nzmnc-krme bagr,  
\q2 Sa narnzlvzokr enqmi rgrng mz nzokatr-krm. \x + \xo 60:12 \xt Sam 108:6-13\x*   
\c 61  
\cl Sam Kranzpnu-esz'mz-nrade-esz' (61) 
\s1 Vzmibz Ninge Mz Butqbr Kxmqngi  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Gct, xlrm nzyrni-krnge,  
\q2 X lalztqm mz nzkrka'-krnge.   
\q1
\v 2 Kqlex nim murde mncx esz'-krnge, x nabznge talvzo zlwz.  
\q2 Vzmibz ninge mz butqbr kxmqngi.   
\q1
\v 3 Murde nim lrpalvc nyznge,  
\q2 Me rlakitrx mz mq enqmi rngeng.   
\q1
\v 4 Rlr-ngrm bange nzmncpx-alo-krmc mz ma nyzm.  
\q2 Murde na-apux nei kio kx mnc-kapqlzbz mz nabx lxede.   
\q1
\v 5  \bd Gct, abrtzlvzq nzesalz-krnge nzangrlvz-zvz-krnge nim. \bd*  
\q2 Murde krlc takitrde leplz kcng tzamrluelr nim.   
\q1
\v 6 Kam bange nzlungr kxboi, ninge king nem,  
\q2 Murde nzmnc-krnge navz zvz.   
\q1
\v 7 Okatrp ninge mz nzaclve-angidr-krnge leplz nengeng mz nzmnclz-krbo mz zmatq ngrm.  
\q2 Ayrbqpx ninge mz nzaodu-zvz-krm ninge x nzangidati-krm natqm.   
\q1
\v 8  \bd Delc na-angrlvz-zvzx nim, \bd*  
\q2 \bd Mz nzale-krnge da kc tqesalz-ngrbo bam.\bd*   
\c 62  
\cl Sam Kranzpnu-esz'mz-nrade-li (62) 
\s1 Mnc-xgle-zvzku Gct Txpwz  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Mnc-xgleamu Gct  
\q1
\v 1  \bd Gct txpwz kx mnc-xgle-zvzx mz nabznge, \bd*  
\q2 \bd Murde nzmnc-zpwx-krnge vzpxm bade. \bd*   
\q1
\v 2  \bd Nide butqbr nyznge x mevalu rnge. \bd*  
\q2 \bd Nide lrpalvc nyznge kx tu-amqngio-ngrne.\bd*   
\q1
\v 3 Delc nimu kxdrka'-ngrng bzkq tz-zvzpeamu ninge mzli ka trxplrpewxu.  
\q2 X bzkq apusr-ngrnamu ninge nzawxo-krmu ma kx blzlongr.   
\q1
\v 4 Ryrlqamu drtwr ngr nzapotxo-krmamu ninge me matq kc tqmnco-ngrmc.  
\q2 X abrtzlvzamu nzpokiatitr-krmu ninge.  
\q1 Murde nivz lr naomu prlxmamu bange,  
\q2 A' mz nabzmu la, ngyati drtwrmu ninge.   
\s2 Na-abrtxtrpwzmu Drtwrmu Mz Gct  
\q1
\v 5  \bd Gct txpwz kx mnc-xgle-zvzx mz nabznge,\bd*  
\q2 \bd Murde nzmnc-zpwx-krnge vzpxm bade.\bd*   
\q1
\v 6  \bd Nide butqbr nyznge kx abrkitrx drtwrnge. \bd*  
\q2 \bd Nide lrpalvc nyznge kx tu-amqngio-zvz-ngrne.\bd*   
\q1
\v 7 Nzarlapx-krnge x nzmrlue-krnge yctr txpwz bade,  
\q2 Mz nzngini-krde butqbr nyznge kxmqngi kx rlakitrx.   
\q1
\v 8 Leplz nengeng, mz nzangidati-krbzle da kx yc mz drtwrmu, na-abrtxtrpwzmu drtwrmu bade.  
\q2 Murde nide txpwz me rlakitrku.   
\s2 Bzkq Brti Drtwrmu Doa O Da Kzbleng  
\q1
\v 9 A' bzkq brti drtwrmu leplz, murde nigu amrlx apu-txpwzku zsikapu,  
\q2 Kxmule-esz' nigu kxnzetung o leplz txneng.  
\q1 Murde nzmu na-arsakrlrku nzmrlekr Gct x nigu,  
\q2 Nide kx mrle txpwz, a' nginigu da-nrbalq.   
\q1
\v 10 X mz nzrtwz-krmu da kx suti drtwrmu, bzkq brti drtwrmu nzamwxlr-krmu leplz x nzpna-krmu dztudrng.  
\q2 X kxmule-esz' nimu bcnyrng, bzkq abrtrpzmu drtwrmu mz trau scmu.   
\q1
\v 11 A' na-amqtrku drtwrgu mz nzxlr-krgu natq lcng.  
\q2 Murde Gct txpwz kc tqmatq.   
\q1
\v 12 X da kx myapxbz, nzaodu-krde nigu tresakiu.  
\q2 Rpimle kx, “Mzli lcde, nzayzlu-krbo da mz doa navz-nqblqle da kx aleleng mz nrlc ka.”   
\c 63  
\cl Sam Kranzpnu-esz'mz-nrade-tq (63) 
\s1 Sutitx Zlwz Drtwrnge Nzxplr-krm  
\d Nabz ne Devet mzli kc tqmnc-ngrde lzke ngr Judz.  
\q1
\v 1 Gct rnge, rtangrtix nim.  
\q2 Murde nim kc tqbatrple nzesatxpx-zpwxkr drtwrnge.  
\q1 Apux ncblo kx drtwrde brlxkz x mzte tclvr mrkc lzke,  
\q2 Mz nzsutitx-zlwzkr drtwrnge nzmnctr-krbo bam.   
\q1
\v 2 Suti drtwrnge nzxngi-krbo nzulrm Mangr-nzangiongr  
\q2 Mz nzmc-krnge zmatq x zluli rm.   
\q1
\v 3 Nzkrlz-krnge nivz lrm myaszpx-zlwzle nzlu-krnge mz nrlc.  
\q2 X glqlz-zvzx nim mz nzaodu-zvz-krm ninge.   
\q1
\v 4 X sa na-awi-zvzbo bam  
\q2 Mz nzglalz-krbo mqnge mz nzkrka'-krbo bam.   
\q1
\v 5 Drtwrnge sa naesatxpx zpwx nzmnctr-krbo bam.  
\q2 X sa na-angrlvzx nim mz nabz kxyrlvi.   
\q1
\v 6 Mz nrlckxbq kang kqlu aoti zvz drtwrnge nim,  
\q2 Vz vz nrlc ngrlxtxpx.   
\q1
\v 7 X angrlvzx nim mz nzabrtzngr  
\q2 Murde okatr-zvzq ninge x tu-zvzme mz nibrnge.   
\q1
\v 8 Mnc-amqngitrpo bam,  
\q2 X lolvz-amqngiq ninge mz mqm kx xplr.   
\q1
\v 9 A' ayrkrtxong mz drtc'  
\q2 Krkcng tzrpilr nanibqlr ninge.   
\q1
\v 10 Nibqting nidr mz vea,  
\q2 Murde kuli kzpeto nangqtilr namz ngrdr.   
\q1
\v 11 X ninge, king nem, sa na-abrtzlvzx nim,  
\q2 Murde ngi-batrpe' nzaovxio-krnge.  
\q1 X krkcng tzabrtrpzlr drtwrdr bam, sa nabilvzlr nim.  
\q2 Murde sa nangi-batrpzme mz kxnzpokiang nzmnc-lrpi-krdr.   
\c 64  
\cl Sam Kranzpnu-esz'mz-nrade-pwx (64) 
\s1 Drtwr Kxtrka Trngida-pnzu  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Enqmi Rngeng  
\q1
\v 1 Gct, kxputxpex. Xlrm nzkrka'-krnge.  
\q2 Mwxlrti-zlwzx enqmi rngeng. Arlapx ninge.   
\q1
\v 2 Tum mz nibrnge murde kxdrka'-ngrng nzyrlqng drtwr  
\q2 Mz nzesabrti-krdr ninge.   
\q1
\v 3 Nzxngitrkr leplz nzycmne-krdr apule nzrlakikr toki r vea kx malc.  
\q2 X nzpnz-krdr leplz mz natq kxtrka apule nipna.   
\q1
\v 4 Nzmnc-kapqng mz nzpnz-krdr kxnztubqng mz natq ngr nzpokiangr.  
\q2 X trnzmwxlrung nzaniti-krdr nzatrkati-krdr nidr.   
\q1
\v 5-6 Nzapqtrlr drtwrdr mz drtwr kxtrka kx nzyrlqlr.  
\q2 X nzamyatxlzpwzlr nzrkrlzkr leplz,  
\q1 Mz nzrpi-lxblr-krdr kx, “Na-amwiku trtxki mz nzesabrti-krgu leplz.  
\q2 X nzbrngztio-krgu lc da kxvz-rbr trpnzngr kx narmc x kx narkrlzti.”   
\s2 Gct Rnge  
\q1
\v 7 A' Gct sa na-ayrplapx-anile nidr, na-apule kx pnzle nidr mz nipna scde.  
\q2 X napwrkilvc-ngrdr nztupekr nipna ngrdr.   
\q1
\v 8 Sa na-atrkatile nidr murde nzrpiting natq kxtrka.  
\q2 X sa nayrpalelvzng krkcng tzrmcng nidr.   
\q1
\v 9 X leplz amrlx sa namwxlrtilr Gct.  
\q2 X sa na-aoti drtwrdr da kxmatq kc tqaleleng x nayapwxtipxlr.   
\q1
\v 10 Leplz kxnztubqng sa na-abrtzlvzlr Yawe x sa na-abrtrpzlr drtwrdr bade.  
\q2 Leplz kx nabzdr lq sa na-awibzng bade.   
\c 65  
\cl Sam Kranzpnu-esz'mz-nrade-nzlvqn (65) 
\s1 Kxaodu, Kxrpalz, Kxrka  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Kxaodu  
\q1
\v 1 Gct, nzglqlz-krgr nim Jerusalem tubq-esz'ngr,  
\q2 X rpikr na-atutr-zpwxkr nzesalz-krbzkrng bam.   
\q1
\v 2 Murde xlrme nzkrka'-krgr,  
\q2 Mz nzmnc-xgle-krgr nim.   
\q1
\v 3 X kxmule-esz' nzvz-rbr-krgrng nzmrilvzlr nigr,  
\q2 A' ipqpx zvz alwx rgrng amrlx.   
\q1
\v 4 Namrlz-ngrmle bagr, nigr kcng tqmcpxqng  
\q2 X tqvzmitrqng Mangr-nzangiongr nim.  
\q1 Murde sa namnc-zpwxkr  
\q2 Mz nzrtwzngr da kxmrlzting mz ma nyzm.   
\s2 Kxrpalz  
\q1
\v 5 Mevalu rgr, mzli kc tqyrni-ngrbzkr bam, ayzlume natqgr  
\q2 Mz nzbatr-krme nzaovxio-krgr.  
\q1 Lr mrkzbleng nzmncng drtc' x trmctu mz nrlc tulvzo.  
\q2 X sc tzabrtr-kzpzlr drtwrdr bam.   
\q1
\v 6 Murde mz nzxplr-krm atulzq newz kxetuting,  
\q2 Mz nzaelwapx-krm nzmyalzkr zmatq ngrm.   
\q1
\v 7 Aoq nrwx mz nzyclwzkr srkau x aesakiq nzyrpukr natq nrc. \x + \xo 65:7 \xt Sam 89:9; 107:29; Matiu 8:26; Mak 4:39; Luk 8:24\x*  
\q2 X amnc-nabuq leplz kcng tzxpqbrlr-ngrdr nim.   
\q1
\v 8 Nzamrluengr nim mz nzetukr zmatq ngrm.  
\q2 X mz nrlc tulvzo nzmalqlvzlr da kcng tqaleqng.   
\s2 Kxrka  
\q1
\v 9 Gct, aclve-angidrq nrlc mz nzadc-krm tewa,  
\q2 Murde dakxnzng nalvc angidr mz drtc'.   
\q1
\v 10 Tewa lc tqayayrtile drtc' nyzgr,  
\q2 Murde da kx petikr mz nrlanc nyzgr nalvcpulzmqng.   
\q1
\v 11 Ycngr dakxnzng kxkqlu mrkcng amrlx tqvzkiq.  
\q2 X bxli scgrng yrbuti zvz mz da kxmrlzting.   
\q1
\v 12 X abrtz-zlwz-ngrgr  
\q2 Nzmc-krgr nzplckr nra nounc nyzgrng.   
\q1
\v 13 Angrlvzkr nzyrlvzbqtikr animol negrng,  
\q2 X malqkr murde nrlanc nyzgrng brtipeng x ycpe pipz nzrkqlzngr.   
\c 66  
\cl Sam Kranzpnu-esz'mz-nrade-esz'mz (66) 
\s1 Nzayzlu-zvz-krbz Gct Natq Kxnztubqng  
\d Nabz kx nzyrbz mz kxrmailz ngr dzbe kxnzngrng.  
\s2 Lr Nrlc  
\q1
\v 1 Lr nrlc amrlx  
\q2 Namalqlvzlr Gct,   
\q1
\v 2 Mz nzangrlvz-krdr nzmyalzkr drtqde,  
\q2 X mz nzglqlz-krdr nide mz nabz kxyrlvi.   
\q1
\v 3 X narpibzku bade kx, “Da amrlx kcng tqaleqng nzkctitxpxng.  
\q2 X enqmi rmqng nzmetxpebzng bam mz nzetu-zlwzkr zmatq ngrm.   
\q1
\v 4 X lr nrlc amrlx nzangiolr nim,  
\q2 Mz nzglqlz-krdr nim x nzarmyalz-krdr drtqm.”   
\s2 Lr Israel  
\q1
\v 5 Nadcpx mz drtwrgu da kx nzkctipxng,  
\q2 Kcng tqalemqng Gct bagu, nigu leplz nedeng.   
\q1
\v 6 Akipxle Prla Bla x aesakile nzyrlekr LueJodzn  
\q2 Mz nzyrlq-krbzle me mingrng kx navzki melrmqgung.  
\q2 X mzli ka na-awi-ngr-kzpzku bade da lcng.   
\q1
\v 7 Murde aclve-alole mz zmatq ngrde.  
\q2 X yrlq zvz mzte lr mrkzbleng murde ma tzglqpx-lzbqng mz nzxpqbrlr-krdr nide.   
\s2 Nigu Amrlx  
\q1
\v 8 A' nimu lr mrkzbleng naglqlz-kzamu Gct rgr,  
\q2 Mz nzangrlvz-kato-krmu nide.   
\q1
\v 9 Murde nide kc tqaclve-zvzbzle nzlu-krgr,  
\q2 X tr-rlrpx-ngrdeu nzaovxiokr enqmi nigr.   
\q1
\v 10 Gct, kxmule-esz' atubqtipeq nigr, kx nabzgr nalqngi,  
\q2 Mz nzapu-krgr silvz kc tqyrleni, x zblqki rde navztx.   
\q1
\v 11 X kxmule-esz' rlrpx-ngrn nzesabrtingr nigr,  
\q2 X batrpzme nzrglq-krgr da kx mrlepu.   
\q1
\v 12 X kxmule-esz' rlr-ngrbzme mz enqmi rgrng nzrnzbrti-krdr nigr,  
\q2 X vztrkr mz nabz nzkxpungr  
\q1 Kx apule nyr x nrc kxoda,  
\q2 A' mzli ka sc tqyzlumipe-mope' nigr me na-arlapx-ngrgr.   
\q1
\v 13-15 X ayzlu-kzpe' natqnge mz mzlir nzkxpu-krngeng,  
\q2 X delc naka-ngrbo bam da kcng tqpibo.  
\q1 Rtwzmc animol kxncblongr kx oliqtix mz olta nyzm,  
\q2 Mz nzangc-krbzlr bam mz Mangr-nzangiongr.  
\q1 Murde zsikapu ngrdr navzdzbz,  
\q2 Nangi dalr nzawi-krbo bam.   
\s2 Okatrle ninge  
\q1
\v 16 Nimu amrlx kcng tzangiolr Gct, lalztqmamu bange,  
\q2 Mz nzpi-krbo bamu da kcng tqalemleng bange.   
\q1
\v 17 Mz nzbrtikr drtwrnge nide, krka'bo bade,  
\q2 Mz nzoliqti-krnge nzawi-krbo bade mz nzayzlu-krmle natqnge.   
\q1
\v 18-19 X ayzlu-zpwxmle natqnge murde plztipxbo alwx rngeng.  
\q2 A' rblx nzxlr-krde nzkrka'kr doa kx nabzde blqki.   
\q1
\v 20 Awitx-zlwzbo mz Gct murde trpx-ngrdeu nzkrka'-krnge,  
\q2 X trpx-kz-ngrdeu nzaodu-krde ninge.   
\c 67  
\cl Sam Kranzpnu-esz'mz-nrade-rlimz (67) 
\s1 Lr Nrlc Naglqpxlr Gct  
\q1
\v 1 Gct, nayc mz drtwrm nigr,  
\q2 Mz nzamrlz-krm x nzokatr-krm nigr.   
\q1
\v 2 Murde lr nrlc nakrlz-zpwxlr nqmq krm  
\q2 Mz nzarlapx-krm nigr.   
\q1
\v 3  \bd Mrlz neidung amrlx nzglqpx-krdr nim, \bd*  
\q2 \bd X na-awi-ngrbzlr bam!\bd*   
\q1
\v 4 Mrlz lr mrkzbleng amrlx nzangrlvz-krdr nim,  
\q2 Murde nzaclve-krm nidr tubq mz nzmailz-krm.   
\q1
\v 5  \bd Mrlz neidung amrlx nzglqpx-krdr nim, \bd*  
\q2 \bd X na-awi-ngrbzlr bam!\bd*   
\q1
\v 6 Gct rgu amrlzle nigu,  
\q2 Mz nzrkqlzngr dakxnzng.   
\q1
\v 7 X sa na-amrlz-zvzle nigu,  
\q2 Murde leplz amrlx na-amrluelr nide.   
\c 68  
\cl Sam Kranzpnu-esz'mz-nrade-rtqmz (68) 
\s1 Zmatq Ngr Gct Mz Nzaclve-krde Lr Israel  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nzmyalzkr Gct  
\q1
\v 1 Mz nzvz-krm Gct, enqmi rdeng nzodalitipeng.  
\q2 X kxnzpxtxpx-ngrdr nide nzdwaszlr nide.   
\q1
\v 2 Milxtxole nidr mz nzapu-krdr zsikapu kc tqwqplx nenq.  
\q2 X nibqtile kxdrka'-ngrng mz nzapu-krdr kadol kc tqyrle mz nzngc-krde.   
\q1
\v 3 A' nigu kxnztubqng abrtzlvzku nzmnc-aepztr-krbzku bade,  
\q2 Mz nzbilvz-krgu x nzmalqlvz-krgu nide mz nzelangr.   
\q1
\v 4 Naglqlzku Gct mz nzangrlvz-krgu drtqde.  
\q2 Na-amyalzku nide kc tqvoom mz dcbz.  
\q2 Drtqde Yawe x na-abrtz-ngrgu nzmnctr-krbzku mz mzte.   
\q1
\v 5 Gct mnc Mangr-nzangiongr.  
\q2 Apubzle trte mz doa kxnzbzszng x aclve-kzle olvz kx nzbzszng ncblo ngrdr.   
\q1
\v 6 Kxnzmncng esz'-krdr amnctr-lxblr-kzleng mz neidung,  
\q2 X kx drtqdr tropxu vzmi-kzleng  
\q1 Murde namnc-zpwxng.  
\q2 A' krkcng tzesablqtilr nide, avzpx-nrbalqleng.   
\s2 Mzli Kc Lr Jiu Tzrlasz-ngrdr Ijipt X Tzprtr-ngrdr Lzke \x + \xo 68:6 \xt Nzrlaszngr 13:17—19:19\x*  
\q1
\v 7 Mz nzrlaszkr leplz ne Gct Ijipt, vzmitrleng lzke.  
\q2 X mz nzmailz-krde nidr, mncpxm mz nyr x dcbz.   
\q1
\v 8 Nide Gct r lr Israel kc tqaelwapxle zmatq ngrde mz Newz Saenae.  
\q2 Murde mz nzvz-krmle, nengq x tewa kxnzetung nzvz-kzpqng.   
\s2 Mzli Kc Lr Jiu Naprtr-ngrdr Mz Drtc' Kc Tqpibz Yawe Badr \x + \xo 68:8 \xt Josua 6:1—11:23\x*  
\q1
\v 9 Gct avzo-ngrmle tewa,  
\q2 Murde na-alu-moule drtc' nyzde kc tqmingrpe.   
\q1
\v 10 Neidu lrde kxtrnzrngiscung amncleng mz drtc' lc,  
\q2 Mz nzrka-krbzle badr da kx nzmnctxpx-ngrdr.   
\s2 Mzli Nyz Kxnzryrlqng Drtwr \x + \xo 68:10 \xt Kxnzryrlqng Drtwr 5:16, 24, 30-31\x*  
\q1
\v 11 Kxetu rgu Gct kapxle natq  
\q2 Kx olvz kxnzkqlung napipxlr nrpa lcde seng,   
\q1
\v 12 “King x ami nedrng nzdwang.  
\q2 X nigr olvz akitikr dztu enqmi kcng tztwz ncblo ngr vea negrng.   
\q1
\v 13 Akitikr da kxlqngi kxlqlwx kx nzwzngr mz silvz x gol.  
\q2 ?Myx kxmule, kzdung nimu ncblo trnzprtr-ngrdru mz vea?   
\q1
\v 14 Murde Gct kc tqrninr milxtxole king kcng,  
\q2 X namz ngrdr nztwzbene-krdr apule lrdz kx lvxlz nrc mepz.”   
\s2 Mzli Kc King Devet Tqyrlq-ngrde Jerusalem Mz Nzngini-krde Mzteadau Nyzde \x + \xo 68:14 \xt 2 Samwel 6\x*  
\q1
\v 15 Mzli kc King Devet tqyrlq-ngrde Mzteadau nyzde mz Newz Saeon,  
\q2 Newz Basan apule ncblo kx angya drtwrde nzyckr Mzteadau mrlc.  
\q1 A' Devet ayzlubzle natqde mz nzrpi-krbzle kx,  
\q2 “Newz Basan, kxmule-esz' matq-esz'ngrn x myatxlzq,  
\q2 X nra nyzmqng ngi rtrngr,   
\q1
\v 16 A' bzkq obqszoq newz kc tqmcpx Yawe kx namnc-ngrde,  
\q2 Murde sa namnc alo elr.”   
\s2 Yawe Aovxiole Enqmi Rdeng X Vzdz Mangr-nzangiongr Jerusalem  
\q1
\v 17 Gct vom mz siu ngr sariot scdeng,  
\q2 Mz nzprpx-krmle mz Newz Saenae x nzprtr-krde Mangr-nzangiongr.   
\q1
\v 18 Kxetu vzdz-ngrde wq,  
\q2 X aovxiole enqmi kxkqlu.  
\q1 X nzkabzlr da bade, mz nzmetx-krbzlr bade,  
\q2 Kxmule-esz' kxnzxpqbrlr-ngrdr nide mzli kc. \x + \xo 68:18 \xt Efiszs 4:8\x*   
\q1
\v 19 Naglqlzku Kxetu kc tqatu-amqngile nigu mz zbq kang kqlu.  
\q2 Murde nide Mevalu rgu.   
\s2 Mzli Kc Gct Tqnibqti-ngrde King Nede Ehab X Nqvi Lrde Mz Nzayrplapx-krde Nidr \x + \xo 68:19 \xt 1 King 21:19; 2 King 9:24, 36\x*  
\q1
\v 20 Gct rgu nide Gct kc tqarlapxle leplz.  
\q2 Yawe nide Kxetu kc tqkapxmle nigu mz mq enqmi rgung.   
\q1
\v 21 X sc tqtaputibzle nardr,  
\q2 Murde nzvz-rbr-zvzng.   
\q1
\v 22 Rpimle bagu kx, “Kxmule-esz' enqmi rmung nzdwalzng mz newz  
\q2 O drlve keng mz nzakitikr nrlc nidr, a' sa nayzlutibong.   
\q1
\v 23 Murde navznenamu mz nzrnzlvzo-krmu mepyr ngrdrng,  
\q2 X kuli nemqng drtwrdr naesatxpx zpwx mz nzrmnq-krdrle.”   
\s2 Nzakaputr-ngrm Nzamyangr Mz Mzli Nyz King Hesekaea \x + \xo 68:23 \xt 2 Be Ngrdr 30\x*  
\q1
\v 24 Leplz amrlx nzmclr nzvztr-krmqng leplz neng Gct Mrkc Tqtr,  
\q2 Mz nzangrlvz-krdr Gct x King rdr.   
\q1
\v 25 Dzbe kxnzngrng nzrtwayzbzng, vz-nqblqbz olvi kx nzelang x nzayrlewzng nrasrpwale.  
\q2 X kxnzayrning gita nzrmnr-ngrmqng.   
\q1
\v 26 Kxmu nzngr-krdr nide sele,  
\q1 “Naglqlzku Yawe, nigu leplz nedeng, mz nzyrlwr-lxblr-krgu.  
\q2 Naglqlzku Yawe, nigu kcng tqngi nqvi lr Jekop.”   
\q1
\v 27 Neidu lcng tzvz-kzpqng, Benjamin, Judz, Sebyulon, x Naftzli.  
\q2 Neidu ne Benjamin krkc tqtopwz rtwayzbz badr,  
\q1 X mz nibrdr kxnzetung r Judz x leplz nedrng.  
\q2 X rmnr-ngrbz neidu kx nzmncomqng mz nort, kxnzetu r Sebyulon x Naftzli.   
\s2 Lr Jiu Nzkrka'-ngrdr Lr Mrkzbleng  
\q1
\v 28 Gct, aelwapx-moungr zmatq ngrm,  
\q2 Kc tqaelwapx-ngrn tqokatr-ngrn nigr mzli kc.   
\q1
\v 29 Kapxbz natq kx king kcng tqaovxiopeq nartwzmqng da bam,  
\q2 Mz nzmnc-krm Mangr-nzangiongr.   
\q1
\v 30 Ayrplapx Ijipt kc tqapule trmwzlogo kc tqmnc-kapqpxm mz nabr kc tqlvcpulzm mz nqlvi lr Lue Nael,  
\q2 Ayrplapx nidr badr kztedeng murde mrlz-zvzbz badr nzotangr.  
\q1 Aodali lr mrkzble lcng,  
\q2 Navz navz nakrlzbzle mzli kc tzyrngzo-ngrbzlr bam.   
\q1
\v 31 Murde kxnzetung ngr Ijipt navzmqng bam,  
\q2 Nidr badr lr narnrlc amrlx kcng tzaxvctrng badr,  
\q1 X naxpeng trau, silvz, x da kxlqlwx  
\q2 Mz nzaovxio-krm nidr mz vea.   
\s2 Nzmyalzkr Gct  
\q1
\v 32 Nimu lr nrlc amrlx,  
\q2 Nangrlvzamu Kxetu Gct.   
\q1
\v 33 Murde sc tqvzne mz bongavz, kc tqwz-ngrde mzli kc bqnc.  
\q2 X nzxplrkr natqde apule natq bzlrmei.   
\q1
\v 34 Napipxku zmatq ngr Gct, kc tqaelwapx-ngrde mz dcbz,  
\q2 X mz nzaclve-krde nigu lr Israel.   
\q1
\v 35 Kctitxpx-zlwzku Gct rgu Mrkc Tqtr.  
\q2 X nide kc tqrkam bagu nzxplrngr x zmatq. Takitrde nzrglqlz-zvzngr nide.   
\c 69  
\cl Sam Kranzpnu-esz'mz-nrade-rpwxmz (69) 
\s1 Nzkxpukr Ncblo Kxwztr-zvzbz Mz Yawe  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Nabzpex  
\q1
\v 1 Gct, pi-zvzbo bam kx, “Arlapx ninge!”  
\q1 Murde nzkxpu-krngeng nzaetunepxpeng.  
\q2 X apupex rplz kc namrbropebz mz nrlr.   
\q1
\v 2 X apu-kzx kx twznede ninge drlr ngr nrc.  
\q2 X mz nzboo-krnge, nabzpex, murde trpnzngr me nakcblztr-ngrne. \fig Apupex rplz kc namrbropebz mz nrlr.|alt="015 When the tide comes in the stone is covered in water, just as Davids troubles are covering him." src="015-CO01415b.tif" size="COL" loc="PSA 69:1-2" copy="David C. Cook" ref="69:1-2" \fig*   
\q1
\v 3 Gct, drtqnge satxpe x drtwrnge kaatxpe mz nzkqle-zvz-krnge nim.  
\q2 Mzke' ngqbqtxtrpebz mz nzaenzli-zvz-krnge nzvz-krme.   
\q1
\v 4 Enqmi rngeng nzrpilr nanibqlr ninge murde nzxplr-zlwzng.  
\q2 X nzpxtxpx-krdr lc ninge trpnzngr noude.  
\q1 X nzkqlu-krdr nzmyaszpxlr nqnginarnge.  
\q2 Nzpokiatitrlr ninge mz nzrpi-krdr kx nakabo trau rde. ?A' myx kxnamu nzka-krbo trau r da kx tralewxu?! \x + \xo 69:4 \xt Jon 15:25\x*   
\s2 Nzxtrnga-ngrdr Ninge  
\q1
\v 5 A' Gct, nim txpwz kx rkrlz alwx rngeng,  
\q2 Murde trnzyc-kapqpwzung bam.   
\q1
\v 6-7 Yawe, nim Ngrlrvea r ami nem,  
\q2 X nim Gct r lr Israel.  
\q1 Nzatrkatilr ninge murde lxngitix nim,  
\q2 X nzamyati-zvz-ngrm drtqnge.  
\q1 A' bzkq rlr-ngrme bange nzamyati-krbo drtq leplz nemqng,  
\q2 Kcng tzlxngitilr x tzangiolr nim.   
\q1
\v 8 Murde apubo lr mrkzble mz lr mrnyznge,  
\q2 X mzlengeng nzmapulrtr-ngrdr ninge peto.   
\q1
\v 9-10 Kxmule-esz' nzxtrnga-ngrdr ninge  
\q2 Nzaxtx-krnge dakxnzng mz nzavzo-lzbq-krnge,  
\q1 A' mz nzpq-zlwzkr nzaotikr drtwrnge Mangr-nzangiongr nim,  
\q2 Apusr-ngrde ninge da kx nzangc mz nyr x yrkrtxo. \x + \xo 69:9-10 \xt Jon 2:17\x*  
\q1 X natq kcng tzpikiti-ngrdr nim,  
\q2 Yrplatr-kzpqng bange. \x + \xo 69:9-10 \xt Rom 15:3\x*   
\q1
\v 11 Nzyrpalelvzlr ninge  
\q2 Mz nzpxi-krnge lrpz ngr nzvzkr drtwr.   
\q1
\v 12 Lr mztea nzpikitinedr ninge.  
\q2 X ncblo kxnzrmnqng nzngr-xtrnga-ngrdr ninge.   
\s2 Arlapx Ninge  
\q1
\v 13 Yawe, arlapx ninge mzli kznike mrlzbz bam  
\q2 Mz nzmyalzkr zmrlz ngrm. \x + \xo 69:13 \xt Asaea 49:8; 2 Korint 6:2\x*   
\q1
\v 14 A' veclzm ninge mz mu ngr nzkxpu-krngeng.  
\q2 X arlapxbz ninge mz nzngyatikr drtwr enqmi rngeng ninge.   
\q1
\v 15 Bzkq rlrpx-ngrn nzyrlemikr drlr ngr nrc ninge,  
\q2 X bzkq botxo-alox mz nzbzlz-krmc mz gqpr.   
\q1
\v 16-17 Yawe, ninge kxnzawz nem. Ayzlum natqnge murde aodu-zvzq ninge.  
\q2 X amrlz ninge murde yc mz drtwrm ninge.  
\q1 Bzkq mnc-rlrume bange.  
\q2 A' okatr ninge, murde nabznge talvzo.   
\q1
\v 18 Vzm bange  
\q2 X xpepxbz ninge mz mq enqmi rngeng.   
\s2 Ayrplapx Enqmi Rngeng  
\q1
\v 19 Murde krlzq enqmi rngeng amrlx,  
\q2 Kxmu nzpibqti-krdr ninge x nzamyati-krmlr drtqnge.   
\q1
\v 20 Nzobqszo-krdr ninge yrnibungr nabznge.  
\q2 Yrni-ngrne nzvzkr drtwrnge,  
\q2 A' trpnzngr kxnaokatrle x na-amqtrple drtwrnge.   
\q1
\v 21 A' nzrkamqng nange dakxnzng kxpiz,  
\q2 X mz nzbrlxkzkr drtwrnge, nzrkamqng mqnge waen kxrkx. \x + \xo 69:21 \xt Matiu 27:34, 48; Mak 15:23, 36; Luk 23:36; Jon 19:28-30\x*   
\q1
\v 22 Yawe, kxmu nzmukr leplz lcng badr kztedrng Mangr-nzangiongr trtubqu mz nzobq-krm.  
\q2 Delc, tzrtxlvzlz-mou-ngrdr alwx ngrdrng x takitrde nzodati-krm nidr.   
\q1
\v 23 Akcbz mztr,  
\q2 X ayangrnga-zvzbz nrkrdrtqdr. \x + \xo 69:23 \xt Rom 11:9-10\x*   
\q1
\v 24 Ayrplapx nidr mz zngya ngr drtwrm,  
\q2 Kc tqapule nyr kx nangc-ngrdr.   
\q1
\v 25 X batrpz nzbz-krdr,  
\q2 Murde ma nyzdr namznrtx-alongr. \x + \xo 69:25 \xt Matiu 23:38; Luk 13:35; Aposol 1:20\x*   
\q1
\v 26 Rlxtibo bam da lcng murde ayrplapxpeq ninge,  
\q2 A' nzrtxlvzlz-moplr nzetqkr drtqnge.   
\q1
\v 27 Delc alwx ngrdrng nartxlvzlz-kz-ngrdeng,  
\q2 Murde ma tzprtrng mz nzripqpx-krm alwx.   
\q1
\v 28 Bzkq yroq drtqdr mz Buk ngr Nzlungr,  
\q2 Mrkc tqyclz-ngrm drtq kxnztubq nemqng. \x + \xo 69:28 \xt Luk 10:20\x*   
\s2 Nzrglqlzngr Gct  
\q1
\v 29 Gct, tangigx-zvzx mz nzetqkr drtqnge,  
\q2 Mzli ka tqaenzlix nzmnc-zpwxngr kc navzm mz nzarlapx-krm ninge.   
\q1
\v 30 Murde na-angrlvzx nim,  
\q2 X naglqlzx nim mz nzawingr.   
\q1
\v 31 Murde sa na-abrtz-ngrm nzangio-krnge nim  
\q2 Namyaszlzle nzangc-krbo blz bam.   
\q1
\v 32 X leplz txneng na-abrtzng mz nzokatr-krm nidr,  
\q2 Murde apqtr-mopwzme nabzdr.   
\q1
\v 33 Murde lalztqbzme mz kxtrnzrngiscung,  
\q2 X trmrbrtru mz drtwrm leplz nemqng kcng tzkxpung.   
\q1
\v 34 Nimu bongavz x drtc' naglqpxamu Kxrpalz.  
\q2 Nimu prla x dalr prla amrlx naglqlz-kzamu nide.   
\q1
\v 35 Murde sa na-arlapxle Mzteadau nyzde x sa na-atulz-moule mztea ngr Judz amrlx.  
\q2 X kxnzwztrpzng bade namncng elr x nangi nyzdr drtc'.   
\q1
\v 36 X sa na-aprcbzle drtc' mz doa ne leplz nedeng,  
\q2 Murde leplz kcng tzmrlztilr nide namnc-zvzng elr.   
\c 70  
\cl Sam Kranzpnu-rlimz (70) 
\s1 Vz-anim Mz Nzarlapx-krm Ninge  
\d Nabz ne Devet kx yrbzle mz kxrmailz ngr dzbe kxnzngrng.  
\q1
\v 1 Gct, vz-anim mz nzarlapx-krm ninge.  
\q2 Kxetu, rnekim mz nzokatr-krm ninge.   
\q1
\v 2 Okatrp ninge mz nzaovxio-krnge kxnzrpilr na-abzlr ninge,  
\q2 Murde drtqdr namya mzli kc nadwasz-ngrdr ninge.   
\q1
\v 3 X leplz lcng tzxtrnga-ngrdr ninge drtqdr namya  
\q2 Mzli kc nametx-ngrmlr bange.   
\q1
\v 4 A' amrlz krkcng tzbrti drtwrdr nim  
\q2 Mz nzrka-krbzme badr nzabrtz-zlwzngr,  
\q1 Murde na-awi-zvz-ngrbzlr bam nzarlapx-krm nidr  
\q2 Mz nzrpi-krbzlr kx, “Gct, nim kx myatxlz-esz'ngr.”   
\q1
\v 5 Yawe Gct, trxplr-zvzwxu, x trpnzngr scnge zmatq.  
\q2 Vz-anim, kx Gct.  
\q1 Murde nim txpwz Mevalu rnge.  
\q2 Bzkq asaq nzokatr-krm ninge. \x + \xo 70:5 \xt Sam 40:13-17\x*   
\c 71  
\cl Sam Kranzpnu-rlimz-nrade-esz' (71) 
\s1 Nzkrka'kr Kzdq Lrtzlvz  
\s2 Brti Drtwrnge Nim  
\q1
\v 1 Yawe, mnc-xglex nim nztu-krme mz nibrnge.  
\q2 X bzkq rlrpx-ngrn nzaovxiokr enqmi rngeng ninge.   
\q1
\v 2 Lalztqm bange mz nzokatr-krm ninge.  
\q2 X arlapx ninge murde tubq-esz'ngrn.   
\q1
\v 3 Nangini-kzp me rlakitrx mz nzmnc-kapqtr-krbo bam.  
\q2 Murde nim butqbr x lrpalvc nyznge.   
\q1
\v 4 Gct rnge, arlapx ninge mz mq leplz kxdrka'-ngrng,  
\q2 Kcng tzrpilr naodatilr ninge.   
\q1
\v 5 Murde nim, Kxetu Yawe, kx brti drtwrnge, yzutr pnz mzli kc tqngi-oblabe-ngrne.  
\q2 X sc tqvzbe nzabrtr-krbo drtwrnge bam.   
\q1
\v 6 Abzo mzli kc tzmcngr mzke', krlzmle mzli ka, mnc-xgletxpwo nim,  
\q2 Mz nzaclve-zvz-krm ninge. Delc naglqlz-zvz-ngrne nim.   
\s2 Okatr-mop Ninge  
\q1
\v 7 Nzrpi leplz kx ninge rkx ngr da kxtrka,  
\q2 A' nim lrpalvc kxmqngi kx rlakitrx.   
\q1
\v 8 X glqlz-zvzx nim mz zbq kang kqlu,  
\q2 Mz nzyapwxtipx-krnge nzmyalz-esz'ngr-krm.   
\q1
\v 9 Delc kxmule-esz' nipenge lrtzlvz, a' bzkq drtqm satrp bange,  
\q2 X bzkq rlaszq ninge mzli ka tqyangrngape-ngrne.   
\q1
\v 10 Murde enqmi rngeng nzycmnetr-ngrdr ninge  
\q2 X nzryrlqpeng drtwr,   
\q1
\v 11 Mz nzrpi-krdr kx, “Gct sc tqrlaszpele nide.  
\q2 Vzmamu, nalolvzpeku murde trpengr kx na-arlapxle nide.”   
\s2 Arlapx Ninge  
\q1
\v 12 Gct rnge, bzkq mnc-rlrume bange,  
\q2 A' vz-anim mz nzarlapx-krm ninge.   
\q1
\v 13 Aovxio x odati krkcng tzrpilr natzlr x na-atrkatilr ninge,  
\q2 Mz nzamyati-krbzme drtqdr x nzbatr-krbzme nzobqszokr leplz nidr.   
\q1
\v 14 Sa na-abrtr-zvzbo drtwrnge bam,  
\q2 X naglqlz-ebir-ngrne nim.   
\q1
\v 15 Kxmule-esz' da kcng tqaleq nzkqlu-zlwzng,  
\q2 A' mz zbq kang kqlu sa nayapwxtipxx nztubq-krm, x zmatq ngrm mz nzarlapx-krm leplz.   
\q1
\v 16 X sa navzbo bam mz nzglqlz-krnge zmatq ngrm,  
\q2 Murde nim txpwz kx tubq-esz'ngr.   
\s2 Vz Zvz Nzpipx-krnge Nzmyalz-krm  
\q1
\v 17 Gct, alvztrq ninge, abzo mzli kc tqngi-oblabe-ngrne.  
\q2 X sc tqyapwxtipxbex da kx nzkctitxpx kcng tqwz-ngrn.   
\q1
\v 18 Mzli ka nipenge lrtzlvz x nqnginarnge prkipe, bzkq rlaszq ninge.  
\q2 A' mncm bange mz nzyapwxtipx-krbo zmatq ngrm mz nrpr ngr leplz amrlx.   
\q1
\v 19 Gct, nzetukr nztubq-krm krlzlzle bongavz. \x + \xo 71:19 \xt Sam 36:5; 57:10; 103:11; 108:4\x*  
\q2 X trpnz-moungr kx apule nim kc tqaleti da kxetuting.   
\q1
\v 20 X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge,  
\q2 Mz nzarlapx-krm ninge mz gq.   
\q1
\v 21 Sa na-aetunepxbzme nzamatqkr leplz ninge,  
\q2 Mz nzaelalz-mou-krme drtwrnge.   
\s2 Nabz Ngr Nzawingr  
\q1
\v 22 Gct rnge, nim Gct rgr, nigr lr Israel, x sa nangrbo bam mz nzayrni-krbo gita x ukzlele.  
\q2 Tr-esz'ngrn x sa naglqlzx nim murde ngida angidrme bagr.   
\q1
\v 23 Sa namalq-katox mz nzabrtz-krnge,  
\q2 X mz nabznge atwrnrngr sa nangrbo bam murde arlapxpeq ninge.   
\q1
\v 24 Mz zbq kang kqlu sa napipxbo nztubq-krm mz nzokatr-krm ninge.  
\q2 Murde krlcng tzrpilr na-atrkatilr ninge aovxiopeqng x drtqdr myape.   
\c 72  
\cl Sam Kranzpnu-rlimz-nrade-li (72) 
\s1 Nzaclvekr King Kxnzmcpx  
\d Nabz ne Solomon. \f + \fr 72:0 \ft Jiszs sa na-angidati-zpwxle drtwr ngr Sam lc mz nzvz-krmle krali. \f*  
\s2 Nztubq-krde  
\q1
\v 1 Gct, batrpz nzaxvctr-krbz king rgr mz zmrlz ngrm,  
\q2 X okatrpz nide mz nzvz-nqblq-krde nztubq-krm.   
\q1
\v 2 Murde nzaclve-krde nigr leplz nemqng namrlz,  
\q2 X na-atubqtibzle da mz kxnzobqszong.   
\q1
\v 3 X nigr amrlx sa namnc-zpwxkr,  
\q2 Mz nzmnclz-krbzkr mz nztubqkr nzaclvekr king rgr.   
\q1
\v 4 Sa natubz mz nibr kxnzobqszong,  
\q2 X sa na-arlapxle kx trpnzngr scdr zmatq mz nzaovxio-krde kxnzakxputilr nidr.   
\s2 Nzamrlz-krde Leplz Nedeng  
\q1
\v 5 Nzamrluekr leplz nim sa navz zvz,  
\q2 Da kc tqwai nzyzlr-zvzkr nepi x temz.   
\q1
\v 6 X King nem sa na-amrlzle nigr leplz nedeng,  
\q2 Mz nzapu-krde tewa kc tqdcom mz nrlanc.   
\q1
\v 7 Mzli kc tqngini-ngrde king nztubqngr naetunepx mz nrlc,  
\q2 X nzmnc-zpwxkr leplz navz zvz da kc tqwai nzyzlr-zvzkr temz.   
\s2 Mrkc Tqaclve  
\q1
\v 8 Nzaclve-krde yzutrle mz Lue Yufretis,  
\q2 Nakrlzbzle mz nrlc tulvzo.   
\q1
\v 9 Enqmi rdeng sa na-aovxioleng,  
\q2 X nayrngzobzng bade.   
\q1
\v 10 King mz nrlc tulvzo sa nartwzmqng bade dalr nzrle-kangr,  
\q2 Myapxbz king r trmctung, x Arabia, x Afrika, murde namnc-lxblrng badr mz nrwx.   
\q1
\v 11 King amrlx sa nayrngzobzng bade,  
\q2 X leplz amrlx sa na-angiolr nide.   
\s2 Nivz Lrde  
\q1
\v 12 King lc sa natubz mz nibr kx trpnzngr scdr da, mz nzkqle-krdr nide.  
\q2 X naokatrle kxnzobqszong kcng tzmncng esz'-krdr.   
\q1
\v 13 Sa naycngr drtwrde kxtrnzxplrung x kx trpnzngr scdr zmatq.  
\q2 X na-arlapxle nra-nzlung ngr leplz.   
\q1
\v 14 Sa naxpepxle nidr mz mq kxnzakxputing x kxnzatrkatilr nidr,  
\q2 Murde matq mz drtwrde nzlu-krdr.   
\s2 Da Kxmrlzting Kx Navzpxmqng Mz Nzaclve-krde  
\q1
\v 15 Leplz amrlx sa nakrka'-ngrdr nide  
\q2 Murde Gct na-amrlz-zvzle nide,  
\q1 Mz nzrpi-krdr kx, “Gct, king lc nalu angidr zvz.  
\q2 X lr Arabia narkabzng gol kxpnapr bade.”   
\q1
\v 16 Krka'-ngrgr kx nrlanc nyzgrng nalvc-angidrngr dakxnzng.  
\q2 X nounc nyzgrng nadobeting na-apule nounc ngr drtc' kc Lebanon.  
\q1 X taon nyzgrng nayrbu mz leplz  
\q2 Na-apule nzyrukr nabr ngr nardzng.   
\q1
\v 17 King lc nadcpx zvz mz drtwr.  
\q2 X drtqde nayc zvz mz nzapu-krde nzti-zvzkr nepi.  
\q1 Murde sa nanginide nou nzamrlzkr Gct leplz amrlx mz nrlc,  
\q2 Mz nzkrlz-krdr kx matq-esz'ngr mz nzobqkr Gct.   
\s2 Nabz Kx Yrkrpxngr Buk Krali  
\q1
\v 18  \it Naglqlzku Yawe, Gct r melrmqgung.\it*  
\q2 \bdit Nide txpwz kxnzkctipx. Naglqlzku Yawe.\bdit*   
\q1
\v 19  \it Navz navz zvz nzangiongr drtqde.\it*  
\q2 \it Nzrglqlzngr nide navz navz zvz.\it*   
\q1
\v 20 Krlc me yrkrpxngr nabz x nzkrka'-ngrng kx yr King Devet, mrlx Jesi.   
\ms1 Buk Kratq  
\mr Sam 73—89  
\c 73  
\cl Sam Kranzpnu-rlimz-nrade-tq (73) 
\s1 Nzmnc-zpwx-krnge Yc-zvzbz Bam  
\d Nabz ne Asaf.  
\s2 Nzxplrkr Kxdrka'-ngrng  
\q1
\v 1 Kxmule-esz' rpiku kx, “Gct mrlzti nivz lrde nigu lr Israel,  
\q2 X amrlzle kx nabzdr lq,”   
\q1
\v 2 A' nabznge ngrgo.  
\q2 X nzrlxngiti-krnge ycpwz pipz nzaxtx-krbole.   
\q1
\v 3 Murde mcx nzrngisc-zlwzkr kxdrka'-ngrng,  
\q2 X kcmnztx-ngrne dztu kxnzglqpx-lzbq lcng.   
\q1
\v 4 Mz nzaotikr drtwrnge, trpnzngr nzetqkr drtq kx nzxngitrlr,  
\q2 A' nzyrlvz-angidrng x nzxplrng.   
\q1
\v 5 Leplz lcng trpnzngr zyagox kx prtzbz badr,  
\q2 X trnzrmctilru nzkxpungr.   
\q1
\v 6 Delc tzbi-zlwz-ngrdr mz nzglqpx-lzbq-krdr,  
\q2 X drtqdr trmyau nzrtulrtr-krbzlr me pnz drtwrdr.   
\q1
\v 7 Da kxtrka nzvzpxmqng mz nabzdr x drtwrdr,  
\q2 Apule lue kc tqyrlepxm mz nzwxplikr kxpqbu.   
\q1
\v 8 Nzryrpalelvzng leplz kxnztubqng x nzycmnetxtrpwzng mz da kxtrka.  
\q2 X nabzdr nzbilvzlr zmatq ngrdr mz natq ngr nzamwxlr-krdr leplz.   
\q1
\v 9 Nzycmne-atrkatilr Gct kc Heven,  
\q2 X nzrpilr kx nidr kxnzetu r leplz mz nrlc mz nzrka-krbzlr natq badr.   
\s2 Nzvz-rbrkr Leplz Neng Gct  
\q1
\v 10 Mzli ka kzdung leplz neng Gct nzlalztqpe-kzpzng badr,  
\q2 Mz nzlxngiti-krbzlr natqdr.   
\q1
\v 11 Nzrpibzlr badr kx, “Vz-nqblqmamu nigr,  
\q2 Murde Gct kc Heven trtxpnzngr nzmc-krde nimu.”   
\q1
\v 12 Krlc nqmq kr leplz kxdrka'-ngrng.  
\q2 X kxmule-esz' nzrngiscpeng da kxkqlu, a' drtwrdr trpnzngr nzesapx-krdr.   
\q1
\v 13 Gct, mz nzmc-krnge nidr, rpix esz'-krnge kx, “Mane nzalqti-lzbq-krnge.  
\q2 X mane nzyrlqpx-lzbq-krnge mz alwx.   
\q1
\v 14-15 Murde drtqnge etq zvz mz zbq kalvz, mz nzkxpu-zlwz-krnge.”  
\q2 A' trvz-nqblqwxu natq kxdrka'-ngrng,  
\q1 Mz nzrpi-krdr kx trmcwq alwx ngrgrng,  
\q2 Murde ma tqmailzx leplz nemqng mz nzvz-rbr-krdr.   
\s2 Kxdrka'ngrng Sa Naodating  
\q1
\v 16 Rblxm bange nzkrlz-krnge drtwr ngr nzrlr-krbzme mz kxnztubqng nzkxpu-krdr,  
\q2 A' trayrplapxwq kxdrka'-ngrng.   
\q1
\v 17 Zbz kx vztrx Mangr-nzangiongr nim mz nzmnc-lrpi-krnge,  
\q2 Sc tqkrlz-atex kx kxdrka'-ngrng lcng trpnzngr nzmnctr-krbzlr bam Heven.   
\q1
\v 18 Murde rlr-ngrbzme badr nzvz-nqblq-krdr me pnz drtwrdr, kc tqbatrpzle nzodatingr nidr.  
\q2 Nzapulr kx nzvzneng mz drtc' kxmiglq kc tqrbatrpz nztao-krdr.   
\q1
\v 19 X nzodatingr lc nidr na-ani txpwz,  
\q2 X nzvzdz-krm nelzdr mz zmwxlr sa naprtrpz badr mzli kc nabz-ngrdr.   
\q1
\v 20 Mz nzbz-ani-krdr lc, nzapulr nzrmwiblengr  
\q2 Kc tqmrbrtr mou mz nzdwalz-ngrm.   
\s2 Nabznge Ngrgo  
\q1
\v 21 Mzli kc tqxngitr-ngrne mz nabznge nzaetq-krme drtqnge,  
\q2 X zngya ngr drtwrnge lolvztxne,   
\q1
\v 22 Apux poi kzpeto  
\q2 Mz nzpqbrtxnekr narnge x nzngqngu-krnge.   
\q1
\v 23 Kxmule-esz', a' mnc-zvzme bange,  
\q2 Mz nzlolvz-amqngi-krm mqnge.   
\q1
\v 24 X vz zvz nzmailz-krm ninge mz nzalvztr-krm ninge.  
\q2 Murde naprtrx mz nzarmyalz-krm ninge kalr.   
\s2 Brti Drtwrnge Gct  
\q1
\v 25 Trpnzngr da kx wz-ngrn Heven x nrlc  
\q2 Kx suti drtwrnge, a' nim txpwz, Trte.   
\q1
\v 26 Kxmule-esz' nabznge ngrgo, a' nim nzxplr-krnge,  
\q2 X namncme bange, tqvzpe tqvzpe.   
\q1
\v 27 Gct, krkcng tzpx-ngrdr nim, trnamnctrpzu bam mz nibr nzbz-krdr,  
\q2 Murde sa naodatiq kxtrnzabrtrpzlru drtwrdr bam.   
\q1
\v 28 Kxetu Yawe, mrlzvxitxm bange nzmnc-aepztr-krbo bam  
\q2 Mz nzrlatr-krbo bam, murde napipx-zvzbo nqmq krm mz leplz.   
\c 74  
\cl Sam Kranzpnu-rlimz-nrade-pwx (74) 
\s1 Bzkq Mrbrtr Mz Drtwrm Nigr Kxnzakxpu Nemqng  
\d Nabz ne Asaf.  
\s2 Nzangctitx Enqmi Makxtr Nyzmqng Amrlx  
\q1
\v 1 ?Gct, memule tqrtctx-alope-ngrn nigr,  
\q2 Mz nzngyatikr drtwrm nigr sip nemqng?   
\q1
\v 2 Nadcpx mz drtwrm nigr kcng tqmcpxqng mzli kc bqnc, mz nzarlapx-krbzm nigr mz mq kxnzakxputilr nigr,  
\q2 X mz nzmnc-krme bagr mz Newz Saeon.   
\q1
\v 3 Vztr ena mrlcde mz Mangr-nzangiongr nim Jerusalem,  
\q2 Murde namcq nzodati-atwrnrkr enqmi rgrng da amrlx mrka.   
\q1
\v 4 Enqmi lcng nzmalqlvzlr Mangr-nzangiongr nim,  
\q2 Nzpetr-krdr nc nqngq ngr nibr kxrmailz ngrdr mz nounc kx nzatulr mrlcde mz nzaelwapx-krdr nzaovxio-krdr nigr.   
\q1
\v 5-6 Nztaglctilr mz xks x hama scdrng da kcng tzlzting amrlx mrlcde,  
\q2 Mz nzapu-krdr ncblo kx narlaking nounc.   
\q1
\v 7 Nzkatrpzlr nyr ngr Mangr-nzangiongr nim,  
\q2 Mz nzmatinetrkr drtwrdr nztr-esz'ngr-krm.   
\q1
\v 8 X nzangctitxdr mrkcng amrlx tqangio-ngrgr nim mz drtc' nyzm,  
\q2 Murde narnzlvzo-atwrnr-ngrdr nigr.   
\q1
\v 9 Dalr nzangio-krgr nim lcng amrlx nzmrbrtipeng,  
\q2 X trpengr profet kx narpim bagr mzli kx naesakingr nzkxpungr lc.   
\q1
\v 10 ?Gct, myx mzli kx nakrlzbz enqmi rgrng nzxtrnga-krdr nim?  
\q2 ?Myx kxmule, narlrtx-alope-ngrbzme nzycmne-atrkati-krdr drtqm?   
\q1
\v 11 Bzkq mnc-lrpitxn,  
\q2 A' odati nidr mz nzokatr-krm nigr.   
\s2 Nim Kxrpalz Kx Xplr  
\q1
\v 12 Gct, kxmule-esz' nzmusrnepegr lc, a' nim King rgr yzutr pnz mzli kc bqnc.  
\q2 X nzwrde kqlu kx arlapx-ngrn nigr.   
\q1
\v 13 Sc tqakipxq Prla Bla mz zmatq ngrm.  
\q2 X tqtamyrnr-ngrn nardr mepwz kc tqngi Ijipt.   
\q1
\v 14 Murde aovxioq kxnzetu rdrng,  
\q2 X kabzme nrkrdrtqdr nangq animol ngr lzke.   
\q1
\v 15 Sc tqaglqwiq mrkc tqrpnakilzm aulz x narlue.  
\q2 X apz-kzq me nakawicngr LueJodzn.   
\q1
\v 16 Nim kxrpalz kc tqwz-ngrde ngrlx x nrlckxbq,  
\q2 X nim kc tqryrlq nepi x temz mrnyzdr.   
\q1
\v 17 X nim kc tqryrlqbz me nangi bz ngr prla x drtc',  
\q2 X yrlq-kzpzme mzli r zbao x zpq.   
\s2 Arlapx Nigr!  
\q1
\v 18 A' Yawe, nadcpx mz drtwrm kx enqmi rgrng nzxtrnga-ngrdr nim,  
\q2 X nzatrkatilr drtqm mz nzycmne-krdr mz nzobqszo-krdr nim.   
\q1
\v 19 Bzkq mrbrtr mz drtwrm kxnzakxpu nemqng,  
\q2 Mz nzapusr-krm nigr bona kx nalolvzti kuli kzpeto.   
\q1
\v 20 Nadcpx mz drtwrm Nzesz'tikr Drtwrgu mz nzarlapx-krm nigr,  
\q2 Murde mzli ka ncblo kxayo nzkqlupeng kxnzmnc-kapqneng mz nzlo.   
\q1
\v 21 Bzkq rlr-ngrbzme badr nzaovxio-krdr nigr kxnzakxpung,  
\q2 Murde nigr leplz txneng kx trpnzngr scdr zmatq naglqlzkr nim.   
\q1
\v 22 Gct, vzm mz nzatubqti-krm drtwr kxnzobqszolr nim,  
\q2 Mz nzdcpxkr mz drtwrm kx nzxtrnga-zvz-ngrdr nim.   
\q1
\v 23 Bzkq mrbrtr mz drtwrm enqmi rmqng kx nznemi-zvzlr zngya mz nzatrkati-krdr nim.  
\q2 A' vzm mz nzawx-nabu-krm nidr mz natqdr.   
\c 75  
\cl Sam Kranzpnu-rlimz-nrade-nzlvqn (75) 
\s1 Waen Kx Xplr Ngr Nzayrplapxngr  
\d Nabz ne Asaf.  
\q1
\v 1 Gct, awitx-ngrbzkr bam mz nzmnc-aepztr-krme bagr.  
\q2 Aleq da kxmrlzting. Gct, awitx-zlwzbzkr bam.   
\q1
\v 2 Gct rpile kx, “Yrlqpex mzli kx napipx-ngrne doa kx tubq x kx vz-rbr.  
\q2 X nzayzlu-krbo da badr narsakrlrngr.   
\q1
\v 3 Kxmule-esz' nrlc badr leplz ngrdeng nzrnrcng,  
\q2 A' sa nalolvz-amqngix nou nrlc.   
\q1
\v 4-5 Pibo mz kxnzglqpx-lzbqng kx bzkq nzglqpx-lzbqng  
\q2 Mz nzbilvz-krdr zmatq ngrdr.  
\q1 X pi-kzpo mz kxdrka'-ngrng kx bzkqpe nzarmyalz-lzbqng,  
\q2 Mz nzailvzo-krdr kztedrng.”   
\q1
\v 6 Murde trpnzngr me vzkipxm nzarmyalzngr  
\q2 Mrka mz nrlc.   
\q1
\v 7 A' Gct txpwz kx na-ayzlu-ngrbzle da mz leplz amrlx,  
\q2 Mz nzayrplapx-krde kxdrka'-ngrng x mz nzarmyalz-krde kxnztubqng.   
\q1
\v 8 Yawe ngyati zlwz drtwrde kxdrka'-ngrng.  
\q2 X mz nzayrplapx-krde nidr  
\q1 Na-apule kx rkabz badr kap ngr waen kx xplr.  
\q2 X mz nzmnq-krdrle trpnzngr kxpipz kx nayctxo, a' nayrkrtxlzm.   
\q1
\v 9 A' trtxpnzngr nzesakikr nzyapwxtine-krnge Gct r Jekop,  
\q2 X sa na-angrlvz-zvzx nide.   
\q1
\v 10 Murde rpile kx, “Sa naodatix zmatq ngr kxdrka'-ngrng,  
\q2 A' zmatq ngr kxnztubqng sa na-aetunepxbo.”   
\c 76  
\cl Sam Kranzpnu-rlimz-nrade-esz'mz (76) 
\s1 Gct Kx Aovxio Zvz  
\d Nabz ne Asaf.  
\s2 Kxaovxio  
\q1
\v 1 Lr Israel nzangiolr Gct.  
\q2 X drtqde nzkrlz-zlwzlr.   
\q1
\v 2 Ma nyzde tuom Jerusalem,  
\q2 Mz newz Saeon.   
\q1
\v 3 Mrlc dekc tqtwz-ngrde temz ngr lomr, toki r vea, x nipna scdr enqmi rdeng,  
\q2 Mz nzodati-krde dalr nzotangr amrlx.   
\s2 Ngrlrvea  
\q1
\v 4 Gct, nim Ngrlrvea kxmyatxlz zlwz.  
\q2 X myaszlzq newz kcng bqnc tzmyatxlzng.   
\q1
\v 5-6 Gct ngr Jekop, mzli kc tqpnanati-ngrn enqmi rmqng,  
\q2 Odatipeq zmatq ngr ncblo ngr vea nedrng x rblxbz badr nzotangr.  
\q1 Ncblo amrlx kcng tzvoneng mz hcsi x hcsi nedrng nztatio-lxblrng x nzbzng.  
\q2 Nibqtiq nidr amrlx x twzq dztudrng.   
\q1
\v 7 Delc leplz amrlx tzmyatitr-zlwz-ngrdr nim,  
\q2 Murde nzngyakr drtwrm trpnzngr kx nayatrpz.   
\q1
\v 8-9 Gct, mzli kc tqpio-ngrme Heven nzvz-rbrkr lr nrlc,  
\q2 Mz nzarlapx-krm kxnzobqszong,  
\q1 Lr nrlc lcng amrlx nzmwxlr-zlwzng  
\q2 X nzmnc-lrpitxng.   
\s2 Ncblo Ngr Vea Nzmetxbzng Bade  
\q1
\v 10 Leplz amrlx sa naglqlz-ngrdr nim  
\q2 Mz nzaovxio-krm enqmi rmqng kcng tzngyati drtwrdr nim.  
\q1 Murde ncblo ngr vea kcng trnibqtiwqng tzmetxbzng bam,  
\q2 Nzpipxbzlr kx nanginipedr ncblo nemqng.   
\q1
\v 11 Delc na-angidati-ngrgu da kx esalz-ngrbzku mz Yawe, Gct rgu.  
\q2 X lr mrkzbleng kcng tzesotrpzng nartwzmqng dztudrng kxmrlzvxing mz Gct kc tzmyatitr zlwz, murde aovxiole nidr.   
\q1
\v 12 Murde nide kc tqavzole kxnzetung.  
\q2 X king amrlx mz nrlc tzmwxlrti-zlwz-ngrdr nide.   
\c 77  
\cl Sam Kranzpnu-rlimz-nrade-rlimz (77) 
\s1 ?Nzngya-zlwzkr Drtwr Gct Mrilvzole Nivz Lrde?  
\d Nabz ne Asaf.  
\s2 Nzkrka'ngr  
\q1
\v 1 Yrnibo mz Gct.  
\q2 Yrni-katobo bade murde naxlrmle natqnge.   
\q1
\v 2 Mzli ka tqkxpu-ngrne, glalzbo mqnge mz Kxetu.  
\q2 Kxmule-esz' krka'tix nzwr nrlckxbq, a' trxngipwc'u nzamqtr-ngrm drtwrnge.   
\q1
\v 3 Gct, kx aoti drtwrnge nim, nabznge ngrgo.  
\q2 X sc tqyrni-katopex mz nzetqkr drtqnge.   
\s2 Nzrlxtingr  
\q1
\v 4 Nzkxpu-krngeng aobqtx-zvzle ninge mz nrlckxbq,  
\q2 X rblx-kzp bange nzycmnengr mz nztalvzokr nabznge.   
\q1
\v 5 Aoti drtwrnge zbq kcng pnz  
\q2 X yiz kcng bqnc.   
\q1
\v 6 X drtwrnge ao-zlwzx mz nrlckxbq.  
\q2 A' drtwrnge kc tqveabe kx,   
\q1
\v 7 ?Myx kxmule, Kxetu sa napxtxpx-alope-ngrde nigr?  
\q2 ?X trpengr nzmrlzti-mou-krde nigr?   
\q1
\v 8 ?Nzaodu-krde nigr sa nayrkrpx-alope?  
\q2 ?X nzesz'tikr drtwrgr badr naesakipe?   
\q1
\v 9 ?Myx kxmule, Gct trnaycpeu mz drtwrde nigr?  
\q2 ?X nzngya-zlwzkr drtwrde mrilvzole nivz lrde?   
\q1
\v 10 Xngitxtr-zlwzx  
\q2 Gct kc tqmyalz-esz'ngr traelwapxpe-ngrpleu zmatq ngrde bagr.   
\s2 Nqmq Kr Gct  
\q1
\v 11 Yawe, sa tqdcpx mz drtwrnge nqmq krmqng,  
\q2 X da kxnzkctipx kcng tqaletiqng mzli kc bqnc.   
\q1
\v 12 X sa na-aoti zlwz drtwrnge da kxmrlz kxetuting  
\q2 Kcng tqwz-ngrn mz zmatq ngrm.   
\q1
\v 13 Gct, nqmq krmqng amrlx tr-esz'ngr,  
\q2 X trpnz-moungr gct kx myaszpxle nim.   
\q1
\v 14 Nim txpwz Gct kc tqaleti da kxnzkctipxng,  
\q2 Mz nzbatr-krbzme mz lr mrkzbleng nzmc-krdr nzxplr-krm.   
\q1
\v 15 Arlapxpeq nqvi lr Jekop x Josip, murde nidr leplz nemqng,  
\q2 Mz nzaovxio-krm enqmi rdrng mz zmatq ngrm.   
\s2 Zmatq Ngr Gct Mzli Kc  
\q1
\v 16 Gct, mzli kc tqvz-ngrme, prla rnrcti-lzbq,  
\q2 X wai-kzle meboo-ngrng.   
\q1
\v 17-18 X drtc' ycngrlrlzm mz trlipu.  
\q2 X zbo nzadclr tewa kxetu.  
\q1 X bzlrpc rpnakile nrlc apule nipna  
\q2 Mz nzpnamilxti-krde nrlc.  
\q1 X bzlrmei yrpu-zlile bongavz  
\q2 Mz nzpro-krm nounenq.   
\q1
\v 19 Kxmule-esz' trpnzngr kxrmc nabzlvz r nanycm x lrpzki rm,  
\q2 A' sc tqkawicpeq meboongr ngr Prla Bla.   
\q1
\v 20 X mailzq leplz nemqng mz nzapu-krdr sip,  
\q2 Mz mq Mosis x Eron.   
\c 78  
\cl Sam Kranzpnu-rlimz-nrade-rtqmz (78) 
\s1 Bzkq Apuku Melrmqgung Kcng Tzvecpx-lzbqmqng Mz Gct  
\d Nabz ne Asaf.  
\s2 Nzalvztrkr Sam Ka  
\q1
\v 1 Leplz nengeng, lalztqmamu mz nzalvztr-krnge,  
\q2 Mz nzxlr-angidr-krmamu natqngeng.   
\q1
\v 2 Sa naryapwxbo bamu mz nzycmne-ebzpxngr.  
\q2 X sa nayokaetipxbo dalr mzli kc bqnc kx trgalr kxrkrlz. \x + \xo 78:2 \xt Matiu 13:35\x*   
\q1
\v 3 Da lcng tqxlrpeku x tqkrlzpeku  
\q2 Murde nzpipem melrmqgung bagu.   
\q1
\v 4 Bzkq yrlq-kapqbzkung mz doa negung,  
\q2 A' nayapwxtibzku badr.   
\q1
\v 5 Yawe yrlqbzle loukxtr scde mz lr Israel,  
\q2 Mz nzka-krbzle natqde mz nqvi lr Jekop.  
\q1 X rngidrlvz-ngrbzle mz melrmqgu lcng  
\q2 Kx na-alvztr-ngrdr doa nedrng mz lou lcng.   
\q1
\v 6 Murde nayrlqlr lou lcng,  
\q2 X na-alvztr-kzpzlr mz doa nedrng.   
\q1
\v 7 Mz nzmu-krde lcde, nrpr ngr doa amrlx na-abrtrpzlr drtwrdr mz Gct,  
\q2 X na-aoti drtwrdr da kxnzkctipxng kcng tqalele mz nzvz-nqblq-krdr natqdeng.   
\q1
\v 8 X bzkq na-apulr melrmqdrng kcng nardr tqmqngi x tzxpqbrlr-ngrdr Gct.  
\q2 Trtegu lcng nabzdr bao x nzvecpx-lzbqmqng bade.   
\s2 Trnzbrtiu Drtwrdr Gct \x + \xo 78:8 \xt Nzrlaszngr 7—17\x*  
\q1
\v 9 Mzli kc bqnc kzdung lr Israel, ncblo ngr vea nedrng nzoliq-angidrpeng mz popz' x nipna scdrng,  
\q2 A' mz zbq kc navecpengr, sc tzdwapeng.   
\q1
\v 10 Murde trnzatutrlru Nzesz'tikr Drtwrdr badr Gct,  
\q2 X nzpxtxpx-ngrdr lou scdeng.   
\q1
\v 11-12  \bd Kxmule-esz' nzmcpelr zmatq ngr Gct,\bd*  
\q2 \bd A' trmatqu mz drtwrdr da kxnzkctipxng kcng tqaleleng mrkc Ijipt.\bd*   
\q1
\v 13 Akipxle Prla Bla x mz nrlarde rlilr atule apule nztukr drkq,  
\q2 Mz nzmailzo-krde leplz nedeng elr. \fig Akipxle Prla Bla x mz nrlarde rlilr atule apule nztukr drkq. [Nzrlaszngr 14:21]|alt="016 crossing Red Sea" src="016-Ex14.5.tif" size="SPAN" loc="PSA 78:13" copy="LLL Language Recording" ref="78:13" \fig*   
\q1
\v 14 X mz nzvz-krdr ngrlx, mailzle nidr mz dcbz,  
\q2 X nyr rtwayzbz badr mz nrlckxbq.   
\q1
\v 15-16 Mzli kc tzmnc-ngrdr lzke, amrplxtrpzle rplz  
\q2 Kx yrlepx-ngrm lue x ningali.  
\q1 Murde narmnqng x drtwrdr naesatxpx zpwx  
\q2 Mz lue lc tqkabzle badr, tqxplrm nzyrle-krde.   
\q1
\v 17 Kxmule-esz', a' vz zvz nzatrkati-krdr Gct kc tqmyalz-esz'ngr,  
\q2 Mz nzale-krdr alwx x nzxpqbrlr-ngrdr nide.   
\q1
\v 18 Mz nzmqngikr nabzdr nzabzlr nzatalzngr Gct,  
\q2 Mz nzka-krbzle dakxnzng kx naesapxngr drtwrdr.   
\q1
\v 19-20 Nzpibqtilr Gct, nzrpilr kx,  
\q2 “Kxmule-esz' luplxtrle rplz x lue yrlepx-katom elr,  
\q1 A' rblxbz bade nzrka-krmle nagu dakxnzng,  
\q2 Mz nzaclve-krde nigu leplz nedeng.”   
\s2 Dakxnzng Kxvzom Heven \x + \xo 78:19-20 \xt Nzrlaszngr 16:13; Nzkqlu-krdr 11:1-34\x*  
\q1
\v 21 Yawe kx xlrle kc nzycmne-krdr, drtwrde trmrlzlzpuu.  
\q2 X zngya ngr drtwrde kc tzapqtr-zlwzbzlr.   
\q1
\v 22 Murde trnzlxngitilru nide,  
\q2 X drtwrdr trnzabrtrpwzlru bade mz nzaclve-krde nidr.   
\q1
\v 23-24 Kxmule-esz', a' lvxpxbzle bongavz,  
\q2 Mz nzatwzlro-krmle badr dakxnzng ngr Heven. \x + \xo 78:23-24 \xt Jon 6:31\x*   
\q1
\v 25 X mzli lcde, leplz txneng nzmung dakxnzng nan enjrl,  
\q2 Mz nzangidati-krbz Gct zbrtale ngr nelzdr.   
\q1
\v 26 X mz zmatq ngrde kz  
\q2 Sc tqawqpele nenq tonga x trlaki.   
\q1
\v 27 X nenq lcng li nzrtwzmqng blzmr kio,  
\q2 X nzyrlwrne-krdr apule drta' ngr prla.   
\q1
\v 28 Kio lcng nztatiomqng mz drtc'  
\q2 O-ngalele ma nyzdrng.   
\q1
\v 29 Gct kabzle badr nikeng nzsuti zlwz drtwrdr.  
\q2 Nzngqdr x nelzdr krlc.   
\q1
\v 30 Kxmule-esz', a' drtwrdr tresapxu.  
\q2 X mzli lc tzmube-ngrdr,   
\q1
\v 31 Gct sc tqnibqtipebzle obla nedr kcng tzxplrng,  
\q2 Mz nzngyatikr drtwrde nidr.   
\s2 Vz Zvz Nzale-krdr Alwx \x + \xo 78:31 \xt Nzkqlu-krdr 14; 16; 17; 21\x*  
\q1
\v 32 Kxmule-esz' Gct ayrplapx-katole nidr mz alwx ngrdrng, a' sc tzale-zvzng alwx.  
\q2 X kxmule-esz' nzmcpelr nzale-krde da kxnzkctipxng, a' trnzlxngitilru nide.   
\q1
\v 33 Zbz sc tqnibq-anipele nidr  
\q2 Mz nzapusr-krdeleng lue kc tqmilqpx mz leu r nya x tqmrbro mz drtc'.   
\q1
\v 34 Kx nibqle kcng, opxm kx drtwr kxnzlubeng sc tqyzlu-mopwz bade,  
\q2 Mz nzplzpx-krbzlr alwx ngrdr x nzkrka'-krbzlr bade.   
\q1
\v 35 X opxm kz kx dctipx mou drtwrdr kx Gct kc tqrninr nide butqbr nyzdr,  
\q2 Kc tqarlapx-zvzle nidr.   
\q1
\v 36 Kxmule-esz', a' nzpokiatilr nide  
\q2 Mz nzrpi-krbzlr bade kx nzmrlztilr nide.   
\q1
\v 37 Kxmule-esz' nabzdr bao,  
\q2 X trnzatutrlru Nzesz'tikr Drtwrdr badr,   
\q1
\v 38 A' trodatileu nidr, murde yckqti mou drtwrde nidr x ipqpxbzle alwx ngrdrng.  
\q2 X nzwrde kqlu kx ngyatingr drtwrde nidr, a' lolvztxde zngya ngr drtwrde.   
\q1
\v 39 Murde krlzle kx nidr leplz x nzkrlzlr nzbzngr,  
\q2 Mz nzapu-krdr nenq kc tqwq x sc tqamaneope.   
\s2 Mzli Kc Lzke \x + \xo 78:39 \xt Nzrlaszngr 15—17; 32—34; Nzkqlu-krdr 11—16; 20—21; 25\x*  
\q1
\v 40 Nzwrde kqlu lzke nzxpqbrlr-ngrdr nide,  
\q2 Mz nzavzti-krbzlr drtwrde.   
\q1
\v 41 Zvz nzale-ebir-krdr da kx nzangyati-ngrbzlr drtwrde,  
\q2 Mz drtwrdr kx lctr-zvzbz mz Gct kc Tqtr-esz'ngr.   
\q1
\v 42 Mrbrtr mz drtwrdr zmatq ngrde  
\q2 Mz nzarlapx-krde nidr mz mq enqmi rdrng.   
\q1
\v 43  \bd Mzli kc tqale-ngrde da kxnzkctipxng\bd*  
\q2 \bd Mz nzvzmipx-krde nidr Ijipt.\bd*   
\s2 Mzli Kc Tzmnc-ngrdr Ijipt \x + \xo 78:43 \xt Nzrlaszngr 7—15\x*  
\q1
\v 44 X mzli kc tzmnc-ngrdr Ijipt, ngi-batrpzle lue kxetung nzlrtipx-krdr mepyr,  
\q2 Murde lr Ijipt ma tzrmnqng lue.   
\q1
\v 45 Atwzlr-ngrmle frck kxkqlu kx na-atrkatilr mrnyzdr,  
\q2 X mc kxkqlu kx namakxtilr nidr.   
\q1
\v 46-48 Nibqtibzle kzu, sip, x gout nedrng  
\q2 Mz kzdq zyagox kxtrka.  
\q1 X mz nibrde atwzlr-ngrmle trlipu kxetu,  
\q2 Mz nzamzti-krbzle nounc x dalr nrlanc nyzdrng mz nzatatio-krmleleng muli-aes.  
\q1 Zbz sc tqatwzlrpe-ngrmle kionabr  
\q2 Mz nzngqti-krdr dakxnzng amrlx kx nzlutinepwzng mz nrlanc.   
\q1
\v 49 X mz nzngyati-zlwzkr drtwrde lr Ijipt kcng tzakxputilr leplz nedeng,  
\q2 Atwzlr-ngrmle enjrl kxnzkqlung mz nzpulio-krmlr nyr mz nzayrplapx-krdeleng.   
\q1
\v 50 Trlolvzleu zngya ngr drtwrde,  
\q2 A' xplr-esz'ngr apule nubla ngr lue mz nznibqti-krde nidr.   
\q1
\v 51 Nibqtibzle doa ncblo kx ayrnrngr nedrng,  
\q2 Nidr kcng tzvzpxmqng mz nqvi lr Ham, doa ne Noa.   
\s2 Nzrlasz-krdr Ijipt \x + \xo 78:51 \xt Nzrlaszngr 14—15; Josua 11:6-23\x*  
\q1
\v 52 Mz nibrde sc tqrtwayzpebz mz leplz nedeng mz nzrlasz-krdr Ijipt.  
\q2 X mailztrle nidr lzke mz nzapu-krdr sip nedeng.   
\q1
\v 53 Aclve-angidrle nidr, x trnzmwxlru.  
\q2 A' aboobzle enqmi rdrng amrlx prla.   
\q1
\v 54 X mz nibrde sc tqvzmitr-atele nidr mz drtc' kxtr nyzde, Kenan,  
\q2 Mrkc tqtungr Newz Saeon, kx nztwz mz zmatq ngr nzaovxio-krde.   
\q1
\v 55 Maneutipxle leplz kxnzmnc-mrbrng mrlcde, mz nzvztrkr leplz nedeng mz drtc' lc.  
\q2 X sc tqakipxpebzle drtc' lc mz neidu lr Israel kcng nzpnu-esz'-nrade-li, x nzmncpx-alzupq'ng mz ma nyzdr.   
\s2 Mzli Kc Tzmnc-ngrdr Kenan \x + \xo 78:55 \xt Josua; Kxnzryrlqng Drtwr; 1 Samwel; 2 Samwel\x*  
\q1
\v 56 Kxmule-esz' nzmncpeng mz drtc' kxtr, a' sc tzycmne-plztitrlr  
\q2 x nzxpqbrlr-ngrdr Gct kc tqrninr mz nzpxtxpx-krdr natqdeng.   
\q1
\v 57 Leplz lcng nzapulr melrmqdr kcng bqnc mz nzesablqti-krdr nide x nzvecpx-lzbq-krmlr bade.  
\q2 Mz nzmu-krde lcde, trpengr kx brti drtwrde nidr.   
\q1
\v 58 Nzangyatibzlr drtwrde mz nzangio-krdr kx trngiu Yawe Gct angidr,  
\q2 X mz nzyrngzo-krbzlr mz mqngr da kxnzlz.   
\q1
\v 59 Kx mcle da lcng tzaletilr, ngyati zlwz drtwrde leplz nedeng,  
\q2 X sc tqpxtxpxpe-ngrde nidr.   
\q1
\v 60 Rlasz-pnzle Tentkxtr nyzde kc mztea Saelc, mz drtc' nyz Efrem.  
\q2 Mrkc tzmnc-kai-ngrdr badr leplz nedeng.   
\q1
\v 61 X rlr-ngrbzle mz enqmi nztwz-krdr Bokis kc tqyclz-ngrm Nzesz'tikr Drtwrdr Badr,  
\q2 Kc tqngi rkx ngr zmatq x nzmyapx-esz'ngr-krde.   
\q1
\v 62 X mz nzngyati-zlwzkr drtwrde leplz nedeng,  
\q2 Rlr-ngrbzle mz enqmi rdrng nznibqti-krdr nidr.   
\q1
\v 63 X obla nedrng amrlx nzbzting mz vea,  
\q2 X olvi nedrng trpengr obla kx naryrlzting.   
\q1
\v 64 Pris nedrng nzbzti-kzng mz vea,  
\q2 X olvz ngrdr nzmwxlr-zlwzng x trpnzngr mzli kx nayrnimi-ngrdr namz ngrdr.   
\q1
\v 65 Mz nibrde, mz drtwrdr opxm kx Kxetu apule ncblo kx melz-atem  
\q2 Mz nzmwingr mz nzrmnq-krde waen.   
\q1
\v 66 X mzli lcpwz aovxiole enqmi rdeng,  
\q2 Mz nzamyati-alo-krbzle drtqdr.   
\s2 Gct Mcpxle Neidu Lr Judz, Newz Saeon, X Devet \x + \xo 78:66 \xt 1 Samwel 16:11-12\x*  
\q1
\v 67 Gct trsutiu drtwrde doa neng Josip,  
\q2 X sc tqrlaszpele drtc' nyz Efrem, kzdq mrlxde.   
\q1
\v 68 A' mcpx-alzule neidu lr Judz,  
\q2 Mz nzmnc-krde Newz Saeon, kc tqmrlz-zlwzbz bade.   
\q1
\v 69 Mrlc dekc tqwztio-ngrde Mrkc Tqtr murde nayc alo elr,  
\q2 Da kc tqwai nzyc-alokr Heven x nrlc.   
\q1
\v 70-71 X mcpx-kzle Devet kx nawztrpz bade.  
\q2 X kapxmle nide mz nzaclve-krde sip neng trtede,  
\q1 Murde nanginide king r lr Israel,  
\q2 Mz nzaclve-krde leplz neng Gct.   
\q1
\v 72 X nzaclvekr Devet nidr tubq,  
\q2 Mz nzmailz-zpwx-krde nidr.   
\c 79  
\cl Sam Kranzpnu-rlimz-nrade-rpwxmz (79) 
\s1 Kxetu, Ayzlu-ebir-ngr-mopwz Badr  
\d Nabz ne Asaf.  
\s2 Enqmi Rgrng  
\q1
\v 1 Gct, leplz kxnzmnc-mrbrng nzvztrpqng x nztztilr nigr,  
\q2 Murde natwzlr drtc' lc tqkame bagr.  
\q1 Nzatrkatipelr Mangr-nzangiongr nim,  
\q2 X nzodati-atwrnrpe-ngrdr Jerusalem.   
\q1
\v 2 Namz ngr leplz nemqng nzayrlwrtxnedr  
\q2 Ngi dakxnzng nanq utc x animol kzpetong.   
\q1
\v 3 Enqmi lcng tzlakitilr leplz amrlx Jerusalem,  
\q2 X mepyr ngrdr yrlenepe apule lue.  
\q1 Mz nzmu-krde lcde, trpnzngr nigr kx rlapx,  
\q2 Kx nayrtzmqlr namz ngr kztedrng.   
\q1
\v 4 Lr mrkzbleng kcng tzmnc-aepztrpqng bagr nznelvzlr nigr mz nzamyati-ngrm drtqgr,  
\q2 X nzxtrnga-ngrdr nigr.   
\q1
\v 5 ?Yawe, ngyati-alope drtwrm nigr?  
\q2 ?Myx kxmule, zngya ngr drtwrm lc tqapule nyr, kx na-angc-alopele nigr?   
\q1
\v 6 Bzkq, a' kx nangyati drtwrm kxtrnzrlxngitiung ngr mrkzbleng,  
\q2 Kcng trnzamatqlru x trnzangiolru nim.   
\q1
\v 7 Murde sc tznibqtipelr nigr leplz ngr nqvi lr Jekop,  
\q2 X tzatrkatipelr drtc' kc tqkame bagr.   
\s2 Arlapx Nigr!  
\q1
\v 8 Gct, bzkq ayrkrpx-ngrn nigr alwx ngr melrmqgrng,  
\q2 A' nayc mz drtwrm nigr murde nqmq nr nabzgr bao-zlwzpe.   
\q1
\v 9 Mevalu rgr, okatrp x arlapx nigr, x ipqpxbz alwx ngrgrng,  
\q2 Murde leplz ma tzobqszolr nim,   
\q1
\v 10 Mz nzrpi-krmlr bagr kx,  
\q2 “?Myxpe Gct rmu?” \x + \xo 79:10 \xt Sam 22:8; 42:3; 44:16; 115:2\x*  
\q1 A' rlr-ngrm nzmc-krgr nzayrplapx-krm leplz lcng,  
\q2 Mz nzayzlu-krbzme badr nznibqti-krbzlr leplz nemqng.   
\q1
\v 11-12 Kxetu, ayzlu-ebir-ngr-mopwz badr  
\q2 Nikeng nzalelr mz nzobqszo-krdr nim.  
\q1 X arlapx kz nigr leplz nemqng kcng tzlolvztilr, murde ma tqbzkr,  
\q2 Mz nzayzlu-krme nzyrni-krbzkr bam.   
\q1
\v 13 Murde apukr sip nemqng,  
\q2 X sa na-awi-zvzpebzkr bam mz nzglqlz-alo-krgr nim.   
\c 80  
\cl Sam Kranzpnu-rtqmz (80) 
\s1 Ka-mop Bagr Nzxplr-krgr Kc Pnz  
\d Nabz ne Asaf.  
\s2 Nigr Sip Nemqng  
\q1
\v 1 Gct, myaszlzq enjrl kxnzetung.  
\q2 X aclve-zvzq nigr doa neng Josip,  
\q1 Mz nzapu-krgr sip nemqng.  
\q2 Lalztqm bagr, nigr doa neng Israel.   
\q1
\v 2 X aelwa-ngrm zmatq ngrm bagr,  
\q2 Nigr nqvi lr Efrem, Benjamin, x Manase.  
\q1 Vzm mz nzxplr-krm mzli ka  
\q2 X arlapxbz nigr mz mq enqmi rgrng.   
\q1
\v 3  \bd Gct, mz nzaodu-zvz-krm nigr, arlapx nigr, \bd*  
\q2 \bd X ka-mop bagr nzxplr-krgr kc pnz.\bd*   
\s2 Nabzgr Talvzo  
\q1
\v 4 Yawe Gct kc tqrninr, bzkq drtwrm ngya-zvzm bagr,  
\q2 A' ayzlum nzkrka'-krgr.   
\q1
\v 5 Tekqtrpebzme dakxnzng nagr mz nzavz-krbzme drtwrgr.  
\q2 X mz lue amnqtr-zvzpeq nigr mz drlemzkr.   
\q1
\v 6 Rlrtx-ngrpwzme mz lr mrkzbleng kcng tzmnc-ngalelr nigr nzyrpalelvz-krdr nigr  
\q2 X nzotalvz-krdr drtc' nyzgr kx neke nartwz.   
\q1
\v 7  \bd Gct kc tqrninr, mz nzaodu-zvz-krm nigr, arlapx nigr, \bd*  
\q2 \bd X ka-mop bagr nzxplr-krgr kc pnz.\bd*   
\s2 Nigr Nqvi Lr Grep Nyzm  
\q1
\v 8-9 Apusr-ngrn nigr nqvi lr grep ngr nrlanc nyzm.  
\q2 Murde mz nzvzmipx-krme nigr Ijipt,  
\q1 Apule kx bolvztipeq leplz kxnzmnc-mrbrng mrkc Kenan,  
\q2 Murde nqvi lr grep nyzm natu-amqngi mz drtc' lc.   
\q1
\v 10-11 X bz ngr nrlanc kc tqoliqtime bagr yzutr mz drtc' ngr Lebanon,  
\q2 Vz krlzbzle Lue Yufretis.  
\q1 X vzki-kzple mz newz kxnzetung,  
\q2 Vz x krlzbzle Prla Meditrenia.   
\q1
\v 12 A' mzli ka opxm kx awxlikiq nabxbz ngr nrlanc nyzgr,  
\q2 Mz nzrlr-krbzme mz enqmi rgrng nzrtwz-abeane-krdr dalr nrlanc.   
\q1
\v 13 Lr mrkzbleng nzapulr poi kzpeto kcng tzayabetilr nrlanc,  
\q2 Mz nzapusr-krdr nigr dakxnzng nadr.   
\q1
\v 14 Gct kc tqrninr, obqom bagr Heven.  
\q2 X okatr-mop nigr mz nzapu-krgr nqvi lr grep nyzm,   
\q1
\v 15 Kc tqpetiq  
\q2 Murde naxplrkr mz nzmnc-krgr mz drtc'.   
\q1
\v 16-17 Ngaprbz ncpa'bu ngrgr kx nao-zlilzkr,  
\q2 Mz nztu-zvz-krme mz nibrgr, nigr leplz nemqng.  
\q1 Murde enqmi rgrng nzapusr-ngrdr nigr nounc kc tzlakitxo x nzangc mz nyr.  
\q2 Delc naodati-ngrbzme nidr mz zngya ngr drtwrm. \fig Ngaprbz ncpa'bu ngrgr kx nao-zlilzkr mz nzapu-krgr nqvi lr grep nyzm.|alt="017 grapes on trellis" src="017-HK00112b.tif" size="COL" loc="PSA 80:14-17" copy="Horace Knowles" ref="80:14-17" \fig*   
\q1
\v 18 Zbz trnaesablqtikru nim,  
\q2 A' naglqlz-zvzpekr nim mz nzalu-krm nigr.   
\q1
\v 19  \bd Yawe Gct kc tqrninr, mz nzaodu-zvz-krm nigr, arlapx nigr, \bd*  
\q2 \bd X ka-mop bagr nzxplr-krgr kc pnz.\bd*   
\c 81  
\cl Sam Kranzpnu-rtqmz-nrade-esz' (81) 
\s1 Krkcng Naglqlzlr Ninge, Navz-nqblq-kzlr Natqnge  
\d Nabz ne Asaf kx yrbzle mz kxrmailz ngr dzbe kxnzngrng.  
\s2 Naglqpxku Gct  
\q1
\v 1 Namalqlvzku Gct murde nide lrpalvc nyzgu.  
\q2 Nangr-katobzku mz Gct ngr Jekop.   
\q1
\v 2 Na-ayrnitiku gita x ukzlele x na-ayrlewzku nrasrpwale  
\q2 Mz nzngr-krbzku bade nabz kxyrlvi.   
\q1
\v 3 Trpu navxutr mz nzrkqlengr leplz mz zbq kxnzetuting,  
\q2 Mz zbq ngr nzpokr temz x zbq ngr nzyc-atwrnr-krde.   
\q1
\v 4 Murde krlc natq kx kam Gct bagu, nigu lr Israel,  
\q2 Mz nzka-krbzle loukxtr scde mz nqvi lr Jekop.   
\q1
\v 5 Pipxbzle mz melrmqgung, nidr neidu lr Josip,  
\q2 Mzli kc tqatrkati-ngrde lr Ijipt.  
\q1 X ninge Asaf, mzli kc nzryr-krnge tqkrlzpe-ngrbzle me tavau,  
\q2 Xlrx kc natq kx trglxwxu, a' mz nibrde sc tqglx-atex.   
\q1
\v 6 Rpimle kx, “Sc tqrkatxobo da kxmrlepu kcng tqglqamu.  
\q2 X aopxbo drtqmu mz nzwz-kato-krmu Ijipt.   
\q1
\v 7 Mzli lc tqkxpu-ngrnamu, kqleamu ninge, x sc tqarlapxpex nimu.  
\q2 X sc tqokatrpele nimu tqvzmc mz bzlrmei.  
\q1 X ni-kznge kc tqabzle nimu mrkc lzke  
\q2 Mz aulz ngr Meriba.”   
\s2 Navz-nqblqku Natqde  
\q1
\v 8 “Naxlrmamu da kx narngidrlvz-ngrbo bamu, kx leplz nengeng.  
\q2 X nalalztqmamu mz natqnge.   
\q1
\v 9 Bzkq angioamu kx trngiu Yawe Gct angidr,  
\q2 Mz nzyrngzo-krbzmu badr.   
\q1
\v 10 Murde ninge Yawe, Gct rmu, \x + \xo 81:10 \xt Nzrlaszngr 20:2; Lou Kcpwz 5:6\x*  
\q1 Kc tqvzmile nimu mz nzrlasz-krmu Ijipt.  
\q2 X sa na-amrlzx nimu mzli kx abrtrmamu drtwrmu bange.   
\q1
\v 11 Kxmule-esz', a' tryrlq-angidrwamuu natqnge, kx leplz nengeng,  
\q2 Mz nzpxtxpx-krmu ninge.   
\q1
\v 12 Mz nzmu-krde lcde, rlrpx-ngrbo bamu nzvz-nqblq-krmu narmu,  
\q2 X nzale-krmu nike suti drtwrmu.   
\q1
\v 13 A' sutitx zlwz drtwrnge kx nalalztqmamu bange, kx leplz nengeng,  
\q2 Mz nzlolvz-amqngi-krmu nqmq krnge.   
\q1
\v 14 Murde na-aovxiobo enqmi rmung  
\q2 Mz nzota-krgr badr.   
\q1
\v 15 X Krkcng tzpxtxpx-ngrdr ninge, sa narnrcng mz nzyrngzo-krmlr bange,  
\q2 X na-ayrplapx-alox nidr.   
\q1
\v 16 A' na-amrlzx nimu leplz nengeng,  
\q2 Murde na-abrtz-zlwzamu mz nzmnc-zpwx-krmu.”   
\c 82  
\cl Sam Kranzpnu-rtqmz-nrade-li (82) 
\s1 Gct Pipxle Kx Kxnzetung Nzvz-rbrng  
\d Nabz ne Asaf.  
\q1
\v 1 Gct wxbuom me matq nyzde,  
\q2 Murde napipxle kx kxnzetung nzvz-rbrng.   
\q1
\v 2 Rpibzle badr kx, “Nzaclve-krmu leplz narsakrlrngr.  
\q2 A' bzkq okatramu kxdrka'-ngrng nzmyaszpx-krdr kxnztubqng.   
\q1
\v 3 Murde mz nzwz-krmu natubzmu mz nibr kx trpnzngr scdr da x doa kxnzbzszng,  
\q2 X naokatramu kxnzkxpung x kxtrnzxplrung.   
\q1
\v 4 Murde na-arlapxbzmu krkcng trpnzngr scdr zmatq  
\q2 Mz mq kxdrka'-ngrng.   
\q1
\v 5 Ngqngu-plxsramu x trpnzngr da kx krlzamu, murde nqmq krmung amrlx trka-zlwzng.  
\q2 X trpnzngr da kx opxm mzli ka mz nrlc.   
\q1
\v 6 Nimu kxnzetung murde kapebo bamu zmatq ngr nzrmailz-krmu.  
\q2 X nimu amrlx apuamu mrlxng Gct kc tqmyalz-esz'ngr. \x + \xo 82:6 \xt Jon 10:34\x*   
\q1
\v 7 Kxmule-esz', a' mrbrtr mz drtwrmu  
\q2 Kx zmatq kc tqwz-xgleamu nzkrlz nzrkatxpx-ngrbz,  
\q1 Da kc tzwai nzrkatxpxpe-ngrbz zmatq mz kzdung kxnzetung.  
\q2 X nabz-kzamu da kc tzwai leplz amrlx mz nzbz-krdr.”   
\q1
\v 8 Gct, vzm mz nzaclve-krm leplz mz nrlc tulvzo,  
\q2 Murde lr drtc' amrlx nzmnclzbzng mz zmatq ngrm.   
\c 83  
\cl Sam Kranzpnu-rtqmz-nrade-tq (83) 
\s1 Enqmi R Israel Mzli Kc Pnz X Mzli Ka  
\d Nabz ne Asaf.  
\s2 Enqmi Rmqng  
\q1
\v 1-2 Gct, bzkq mnc-lrpitxn,  
\q2 Murde enqmi rmqng nzxpqbrlr-ngrdr nim.   
\q1
\v 3 Sa tzryrlqng drtwr kxyc-kapq kx na-atrkati-ngrdr nigr.  
\q2 X nigr leplz nemqng kcng tqmrlzti-zlwzq.   
\q1
\v 4 Nzrpilr kx, “Naodatitxbzku mrnyzdr,  
\q2 Murde drtq Israel namrbrtxtr alo mz drtwr.”   
\q1
\v 5-8 Enqmi kcng tzmnc-ngalelr Israel drtwrdr esz'ti  
\q2 Mz nzprtr-krbzlr mz lr Amcn x lr Mcab, neidu lcng li nzvzpxmqng mz nqvi lr Lot.  
\q1 Kxnztupeng badr me esz' nidr seleng:  
\q2 Nqvi lr Isc, nqvi lr Ismael, neidu lr Haga, x neidu lr Amalek,  
\q1 Lr mztea Taea, lr Gebal, x lr Filistia.  
\q2 X lr Asiria kxnzxplrng nzngi tedr kz badr.   
\s2 Ayrplapx Nidr  
\q1
\v 9-11 Gct, aovxio kz enqmi lcng mzli ka, da kc tqwai pnz nzaovxio-zvz-krm enqmi r melrmqgrng.  
\q2 Ayrplapx nidr, da kc tqwai nzayrplapx-krm ami ne Jabin, King r lr Kenan x Ngrlrvea nede Sisera,  
\q1 Mzli kc tqmilxtxo-ngrn nidr mz Lue Kison kc tqyc-aepztr mztea Endo,  
\q2 X namz ngrdr mibio mrlcde mz mzli nyz Profet Debra.  
\q1 X rlxti-kzpzkr nanibqti-kzq enqmi rgrng, da kc tqwaisr-ngrn mz lr Midizn mz nznibq-krm Oreb x Seeb, ngrlrvea ngrdrng.  
\q2 X maneuti nidr da kc tqwai nzmaneuti-krm king rdr, Sebz x Salmuna, mz nznibq-krm nidr mz mq profet Gidion.   
\q1
\v 12 Murde leplz lcng pnz nzrpilr kx,  
\q2 “Natwzku Israel, drtc' nyz Gct, nangi nyzgu.” \x + \xo 83:12 \xt Kxnzryrlqng Drtwr 4; 6—8\x*   
\q1
\v 13 Gct, mz nzmu-krde lcde, apusrngr nidr bq r drtc',  
\q2 X leu kxglr kx wqplr nenq.   
\q1
\v 14 Odati-atwrnrngr nidr, apubz badr nyr kxetu  
\q2 Kc tqyrkrtxongr dalr peto x nardzng mz mzli r nepi.   
\q1
\v 15 Maneuting x amwxlrng  
\q2 Mz nzapu-krbzme badr nounenq.   
\q1
\v 16 Yawe, amyatitx-zlwzbz drtqdr,  
\q2 Murde nakrlz-ngrdr zmatq ngrm.   
\q1
\v 17 Aovxio alo x amwxlr alo nidr  
\q2 Murde nzmya-zlwzkr drtqdr nanibqle nidr.   
\q1
\v 18 X mzli lc, sc tzkrlz-atepelr kx nim txpwz Gct kc tqmyatxlz-esz'ngr x drtqm Yawe.  
\q2 X nim King kc tqaclvele nrlc tulvzo.   
\c 84  
\cl Sam Kranzpnu-rtqmz-nrade-pwx (84) 
\s1 Kxnzmncpxmqng Mangr-nzangiongr Yawe Gct kc Tqrninr Nzmnc-zpwxng  
\d Nabz ne nqvi lr Kora kx nzyrbzlr mz kxrmailz ngr dzbe kxnzngrng.  
\s2 Yawe Kc Tqrninr  
\q1
\v 1-2  \bd Yawe kc tqrninr, nim Gct kc tqlu.\bd*  
\q2 X mrlz-zlwzm bange Mangr-nzangiongr nim.  
\q1 Murde sutitx zlwz drtwrnge nzmncpx-krmc makoa ngrde,  
\q2 Mrkc tqngr-abrtz-ngrbo bam mz nabznge atwrnrngr.   
\q1
\v 3  \bd Yawe kc tqrninr, nim Gct x King rnge.\bd*  
\q2 Kxnzvzdzng Jerusalem mz nzangio-krdr nim nzrlatrng mz olta nyzmqng.  
\q1 Murde olta nyzm apule ma nyz doa nemqng.  
\q2 Da kc tqwai utc tzwz-ngrdr ma nyz neidr, mz nztapirpx-krdr neimrdr.   
\q1
\v 4 X doa lcng tzmncpxmqng Mangr-nzangiongr nim nzmnc-zpwxng  
\q2 Mz nzangrlvz-zvz-krdr nim.   
\s2 Newz Saeon  
\q1
\v 5 Namrlzbz mz leplz kcng tzvzdzng mz Newz Saeon mz nzangio-krdr nim,  
\q2 Murde sa na-axplr-mowq nidr.   
\q1
\v 6 Mz nzkawi-krdr nabzlwa kxmingr narmctilr nabzde kx lrting  
\q2 Mz nibr nzdckr tewa.   
\q1
\v 7 X mz nzesotr-krdr Jerusalem nzxplr-krdr sa naetunepx,  
\q2 Murde ycpe pipz nzkrlz-krbzlr Newz Saeon mz nzangio-krdr nim.  
\q1 X nim Gct rgr kxmyaszlzle krkcng tzmncng mzlilxlr amrlx  
\q2 Tzangiolr lr mrkzbleng.   
\q1
\v 8  \bd Yawe Gct kc tqrninr, nim Gct r melrmqgr Jekop.\bd*  
\q2 Xlrm nzkrka'-krnge mz nzvztr-krnge ma nyzm.   
\s2 Nzmnc-zpwxngr  
\q1
\v 9 Rlxtibo bam  
\q2 Kx amrlz-zvzbz king rgr kc tqmcpxq.   
\q1
\v 10 Murde nzmnctr-ngrbz bam mz Mangr-nzangiongr nim mz zbq kxesz',  
\q2 Myaszpxle nzmncngr drlve keng mz nrlc mz zbq kang kqlu.  
\q1 X nzprtr-ate-krbo mz naonrx ngr ma nyzm,  
\q2 Myaszpxle nzmnc-zvz-krnge mz ma kxnzetung nyz kxdrka'-ngrng.   
\q1
\v 11 Murde Yawe, nim King rgr kc tqbatrple nzamatqngr nigr.  
\q2 X nim temz ngr lomrgr kc tqyrputrngr nipna.  
\q1 X aclveq nigr mz zmrlz ngrm,  
\q2 Mz nzrlrpx-zvz-krbzme da kxmrlzting mz kxnztubqng.   
\q1
\v 12  \bd Yawe kc tqrninr,\bd*  
\q2 Krkcng tzabrtrpzlr drtwrdr bam nzmnc-zpwxng.   
\c 85  
\cl Sam Kranzpnu-rtqmz-nrade-nzlvqn (85) 
\s1 Nzamrlzkr Yawe Mzli Kc Pnz, Mzli Ka, X Mzli Kc Navzm  
\d Nabz ne nqvi lr Kora kx nzyrbzlr mz kxrmailz ngr dzbe kxnzngrng.  
\s2 Mzli Kc Pnz  
\q1
\v 1 Yawe, yc ngr drtwrm lr Israel mzli kc pnz,  
\q2 Mz nzamnc-zpwx-mou-krm nidr mz drtc' nyzm.   
\q1
\v 2 Sc tqipqpeq nidr, leplz nemqng, mz nzvz-rbr-krdr,  
\q2 X katxpxbzme alwx ngrdrng.   
\q1
\v 3 Mzli lcde, lolvzo-mowq zngya ngr drtwrm,  
\q2 X nrwx kc tqprlxpebzme badr.   
\s2 Mzli Ka  
\q1
\v 4 Mevalu rgr, mzli ka, amnc zpwx mou kz nigr,  
\q2 X nikitx nzngyatikr drtwrm nigr.   
\q1
\v 5 ?Myx kxmule, nangyati-alope drtwrm nigr,  
\q2 X trpengr nzyzlukr drtwrm?   
\q1
\v 6 Trtingr! Axplr-mop nzlu-krgr,  
\q2 Murde na-abrtz-ngrgr nim.   
\q1
\v 7 Yawe, aelwa-ngrm bagr nzaodu-krm kc tqyc tqyc,  
\q2 Mz nzarlapx-krm nigr.   
\s2 Mzli Kc Navzm  
\q1
\v 8 Nabrti drtwrgu natq Yawe,  
\q2 Murde esalz-ngrmle nrwx bagu mz nzyrlqpx-lzbq-krgu mz dalr nzngqngungr.   
\q1
\v 9 X oliq zvz nzarlapx-krde kxnzamrluelr nide,  
\q2 Murde nzulrde naxngi-alope mz drtc' nyzgu.   
\q1
\v 10 Yawe aodu-zvzle nigu, murde nangida-zpwxbzku bade.  
\q2 X nzaclve-krde tubq, murde namnc-zpwxku.   
\q1
\v 11 Mz nzavzo-krmle nztubqngr lc bagu,  
\q2 Ayzlubzku mz nzngida-zpwx-krbzku bade.   
\q1
\v 12-13 Apule kx nztubqngr lc rtwayzbz bade mz nzatubqti-krde nabz leplz,  
\q2 Murde naoliqti-ngrdr nzvz-krmle.  
\q1 Mz nzoliqngr lc, Yawe sa narkatim bagu da kxmrlzting,  
\q2 X drtc' nyzgu sa nalvcngr dakxnzng kxkqlu.   
\c 86  
\cl Sam Kranzpnu-rtqmz-nrade-esz'mz (86) 
\s1 Okatrp Ninge Mz Nzaodu-krm  
\d Nabz ne Devet.  
\s2 Abrtrpo Drtwrnge Bam  
\q1
\v 1 Yawe, xlrm nzkrka'-krnge,  
\q2 Murde trxplrwxu x ninge ncblo txne.   
\q1
\v 2 Nim Gct rnge. Arlapx ninge mz nzbzngr murde tenge nim,  
\q2 X ninge kxnzawz nem kc tqmnc-xgle-zvzle nim.   
\q1
\v 3 Nayc mz drtwrm ninge,  
\q2 Murde vz zvz nzkrka'-krbo bam.   
\q1
\v 4 Kxetu rnge, aelalzm drtwrnge,  
\q2 Murde abrtrpo drtwrnge bam.   
\q1
\v 5 Murde mrlz-esz'ngrn nzripq-zvzngr.  
\q2 X aodu-zvzq krkcng tzkrka'bzng bam.   
\q1
\v 6 Yawe, lalztqm mz nzyrni-krnge,  
\q2 X ayzlum natqnge.   
\q1
\v 7 Mzli ka kqlex nim mz nzkxpu-krnge,  
\q2 Murde angidati-zvzme nzrlx-krbo da bam.   
\q1
\v 8 Kxetu, trpnz-moungr gct kx apule nim,  
\q2 Murde trpnzngr nidr kx rkrlz nzalengr da kxnzkctipxng kcng tqale-zvzq.   
\q1
\v 9 Kxrpalz, lr drtc' amrlx kcng tqwz-ngrn  
\q2 Sa nayrngzobzng bam mz nzarmyalz-krdr nim.   
\q1
\v 10 Murde nim txpwz Gct,  
\q2 Kc tqmatq-esz'ngr mz nzale-krm rkx kxetuting.   
\s2 Angio-zvzx Nim  
\q1
\v 11 Yawe, aelwa-ngrm bange me pnz drtwrm, murde navz-nqblqx natqm.  
\q2 X alvztrp bange nzamrlue-zvz-krnge nim.   
\q1
\v 12 Murde nabznge atwrnrngr na-awibz bam mz nzngini-krm Gct x Kxetu rnge,  
\q2 X na-angio-zvzx drtqm.   
\q1
\v 13 Murde nzaodu-zvz-krm ninge etu-esz'ngr,  
\q2 Mz nzarlapx-krm ninge mz nzbzngr.   
\s2 Okatrp Ninge Mz Nivz Lrm  
\q1
\v 14 Gct, kxnzglqpx-lzbqng nztutitr nardr ninge.  
\q2 Zbo ngr ncblo kxayo lc nzrpilr nanibqlr ninge, murde nzpxtxpx-ngrdr nim.   
\q1
\v 15 A' yc zvz mz drtwrm leplz, x zmrlz ngrm myalz-esz'ngr.  
\q2 X drtwrm trngya-aniu, a' nzaodu-krm x nzangidati-krm tqvzpe tqvzpe.   
\q1
\v 16 Mz nzmu-krde lcde, yzlum x nayc mz drtwrm ninge.  
\q2 Axplr x arlapx ninge, murde wztrpo bam da kc tqwai lxenge mz nzwztr-krbzle bam.   
\q1
\v 17 Yawe, okatrp ninge mz nivz lrm, murde drtq enqmi rngeng namyatx-zlwzng  
\q2 Mzli kc namc-ngrdr nzaxplr-krm ninge x nzapqtr-krme drtwrnge.   
\c 87  
\cl Sam Kranzpnu-rtqmz-nrade-rlimz (87) 
\s1 Jerusalem Apule Lxe Neidu Amrlx  
\d Nabz ne nqvi lr Kora.  
\q1
\v 1 Yawe wz-ngrde mzteadau Jerusalem  
\q2 Mz newz kxtr nyzde.   
\q1
\v 2 X mzteadau lc nzmrlzba-krdele  
\q2 Myaszpxle mztea kc-kzng ngr Israel.   
\q1
\v 3 Delc nimu lr mztea nyzde,  
\q2 Naxlr-ngrnamu natq kxmrlz kcng tzycmnetr-ngrdr Jerusalem.   
\q1
\v 4 Gct rpile kx, “Mzli kc na-aplxtipx-ngrbo leplz nengeng, lr mrkzble kcng tzmnc-ngalelr Israel sa naprtr-kzng mz dzbede nenge,  
\q2 Krlcng Ijipt, Bxbilon, Filistia, Taea, x Itiopia.   
\q1
\v 5 X sa narpibzlr kx Jerusalem lxe neidu amrlx murde nzrmctitrpzlr nzlungr bade.  
\q2 X ninge, Yawe kc tqmyatxlz-esz'ngr, sa na-atu-amqngix nide.   
\q1
\v 6 X sa nayrox drtq leplz amrlx kcng tzbrti drtwrdr ninge,  
\q2 Mz nzprtr-krdr mz neidu lr Israel.   
\q1
\v 7 X mzli lcde, leplz nengeng lcng amrlx sa naelang x narpilr mz nzngr-krdr kx,  
\q2 ‘Mztea nyzgu, Jerusalem, ngi narlue ngr me vzkipxm da kxmrlzting amrlx.’”   
\c 88  
\cl Sam Kranzpnu-rtqmz-nrade-rtqmz (88) 
\s1 Mz Nabz Nzlo  
\d Nabz ne nqvi lr Kora.  
\s2 Ycpe Pipz Nzbz-krnge  
\q1
\v 1 Yawe, nim Gct kx arlapxle ninge,  
\q2 X yrni-katobo bam ngrlx x nrlckxbq.   
\q1
\v 2 Xlrm natqnge  
\q2 X lalztqm mz nzkrka'-krnge.   
\q1
\v 3 Murde prtilzpele ninge nzkxpungr kxkqlu,  
\q2 X ycpe pipz nzbz-krnge.   
\q1
\v 4 Mzli ka mewepex,  
\q2 X trpengr da kx nawaitrpem bange.   
\q1
\v 5 Nzapusr-ngrdr ninge namz kx nzyrtzmqng mz gq.  
\q2 Murde krlcng tzbzpeng nzmrbrtitrpe drtwr nidr x trpengr nzrmcti-krdr nzokatr-krm.   
\q1
\v 6 Rtcope-ngrn ninge mz gq kx vzo la,  
\q2 X tutx-ngrpwz nzlo.   
\q1
\v 7 Nzngyatikr drtwrm ninge batrpzle nzetq-zlwzkr drtqnge,  
\q2 Mz nzmrilvzo-krde nabznge apule nrc kc tqyrplalvzo-ebir-ngrde ninge.   
\s2 Rblx Nzglqlz-krnge Nim Mz Gq  
\q1
\v 8 Ngi-batrpe' nzngangrkr kztengeng ninge mz nzmwxlrti-krdr zyagox lc tqdwatimle ninge.  
\q2 X trpengr me nayrbqkipxx.   
\q1
\v 9 Yawe, mzke' vaotxtrpebz mz nzyrningr mz nzvzkr drtwrnge.  
\q2 Kxmule-esz', a' mz zbq kang kqlu glalz-zvzbo mqnge mz nzkrka'-krbo bam.   
\q1
\v 10 Bzkq rlr-ngrme nzbz-krnge  
\q2 Murde ma tqrblxpem bange nzyapwxtipx-krbo nim mz leplz.  
\q1 Murde kxnzlu-txpwzng kcng tqalebzme badr da kxnzkctipxng.  
\q2 X namz ngr leplz trnztulzpeung mz nzglqlz-krdr nim.   
\q1
\v 11 Trnzycmnetrpe-ngrdru nzaodu-zvz-krm mz nabz gq kc tqngi me nzodatingr nidr.  
\q2 A' nzangidati-krm nzpipxbz mz krkcng tzlubeng mz nrlc ka.   
\q1
\v 12 X rblxpebz mz kxnzyrtzmqng nzrmc-krdr nzmyalz-esz'ngr-krm murde nzmncng mz nabz nzlo,  
\q2 X nivz lrm mrbrtr-alope kz mz drtwr, mz gq lr kxnzbzng.   
\s2 Nabznge Talvzo Zlwz  
\q1
\v 13 A' krka'-zvzbo bam mz zbq kang kqlu, kx Yawe,  
\q2 Murde nayc mz drtwrm ninge.   
\q1
\v 14 A' opxm kx drtqm satrpem bange,  
\q2 X sc tqesablqtipeq ninge.   
\q1
\v 15 Murde ayrplatxpx-zlwzq ninge, yzutr pnz mzli kc tqngi-oblabe-ngrne.  
\q2 X mzli ka nzetq-zvzkr drtqnge ycpe pipz nzayrkrpx-krde ninge.   
\q1
\v 16 Nzngyati-zlwzkr drtwrm ninge apule nubla kc tqtwzle ninge,  
\q2 Mz nzbatr-krbzle nzmrbrkr nzlu-krnge.   
\q1
\v 17 X nzkxpu-krnge lcng nzngrlelvzlr ninge,  
\q2 X trpengr me nayrbqkipxx.   
\q1
\v 18 Ngi-batrpe' kztengeng kxnzmrlzng nzngangr-krdr ninge.  
\q2 X mzli ka nabznge talvzo zlwz mz nzmnc-krnge esz'-krnge mz nabz nzlo.   
\c 89  
\cl Sam Kranzpnu-rtqmz-nrade-rpwxmz (89) 
\s1 Angidati-mopwz Nzesz'tikr Drtwr Kx Yrlqbzme Mz Devet  
\d Nabz ne Etan.  
\s2 Nzaodu-zvzkr Gct  
\q1
\v 1-2 Yawe, sa nangr-zvz-ngrne nzaodu-krm,  
\q2 Kc tqyc tqyc.  
\q1 X sa nayapwxtipx-alox nzangidati-krm natqm,  
\q2 Kc tqyctx alo, da kc tqwai bongavz.   
\q1
\v 3 X sa nayrlq-zvzq natqm kc tqpibzme mz kxnzawz nem, Devet,  
\q2 Kc tqmcpxq, mz Nzesz'tikr Drtwrmu ncdr.   
\q1
\v 4 Rpibzme bade kx, “Ncblo kcng tzvzpxmqng mz neidu lrm, sa nanginipwzlr king,  
\q2 Murde nqvi lrm na-aclve alo.”   
\s2 Nabz Ngr Nzrglqpxngr  
\q1
\v 5-7 Yawe, lr Heven nzglqpxlr nzangidati-krm,  
\q2 Mz nzangrlvz-krdr da kxnzkctipx kcng tqaleq.  
\q1 Enjrl amrlx nzamrlue-zlwzlr nim,  
\q2 Murde trpnzngr lr Heven kx apule nim, kc tqmyaszlzle nidr amrlx.   
\q1
\v 8 Yawe Gct kc tqrninr, nim txpwz kx xplr-esz'ngr,  
\q2 Mz nzangidati-krm me pnz drtwrm.   
\q1
\v 9 Kxmule-esz' srkau xplr, a' sc tqlolvzq,  
\q2 X mz nzprtz-krm nrc kxoda, lclvzbzme murde nrwx navo. \x + \xo 89:9 \xt Sam 65:7; 107:29; Matiu 8:26; Mak 4:39; Luk 8:24\x*   
\q1
\v 10 X aovxio-zvzq enqmi rmqng mz nzxplr-esz'ngr-krm,  
\q2 Da kc tqwai nztabrti-krm Mepwz ngr prla kc bqnc.   
\q1
\v 11 Kxrpalz, bongavz x drtc' nyzmqng,  
\q2 Murde nim kx rwzngr nrlc x dalrdeng amrlx.   
\q1
\v 12 X doa x da amrlx mz nrlc tulvzo  
\q2 Nzaxvctr-lxblrng mz nzangrlvz-krdr drtqm,   
\q1
\v 13 Mz nzrpi-krdr kx, “Nim kc tqmatq-esz'ngr,  
\q2 X nzxplr-krm etu-esz'ngr.   
\q1
\v 14 Nou nzaclve-krm nrlc nidr seleng:  
\q2 Nztubqngr, nzrsakrlrngr, nzaodu-zvzngr, x nzangidatingr.”   
\q1
\v 15 Yawe, ngi da kxmrlz nzmalq-abrtzlvz-krgr nim,  
\q2 Murde xngibzkr nzulrm.   
\q1
\v 16 X ngi da kxmrlz nzbilvz-krgr drtqm,  
\q2 X nzglqlz-krgr nztubq-esz'ngr-krm mz zbq kang kqlu.   
\q1
\v 17 Murde axplrq nigr,  
\q2 X aovxiokr enqmi rgrng mz nzokatr-krm.   
\q1
\v 18 Yawe, nim Gct kc tqtr-esz'ngr x angio-txpwzkr nim.  
\q2 Murde mcpxbzme king rgr lc tqaclve-zpwxle nigr.   
\s2 Nzesz'tikr Drtwr Gct Ncdr Devet  
\q1
\v 19 Mzli kc bqnc, mz nzyrlq-krm Devet nzngini-krde king, vzme mz profet nemqng,  
\q2 X rpibzme mz nzrmwiblengr kx,  
\q1 “Aprcbo zmatq mz kzdq ngrlrvea kx xplr,  
\q2 Mz nzarmyalz-krnge nide mz leplz txneng, murde nanginide king.   
\q1
\v 20 Ncblo kxnzawz nenge lc tqmcpxx, Devet,  
\q2 X aelux nide mz tolo kxtr. \x + \xo 89:20 \xt Aposol 13:22\x* \fig Aelux Devet mz tolo kxtr.|alt="018 anointing David with oil" src="018-FSam9.25.tif" size="COL" loc="PSA 89:20" copy="LLL Language Recording" ref="89:20" \fig*   
\q1
\v 21 Sa namailzx nide mz mqnge.  
\q2 X sa na-axplrx nide mz zmatq rnge.   
\q1
\v 22 Kxdrka'-ngrng kcng tzngi enqmi rdeng, trtxpnzngr nzyatr-krbzlr bade  
\q2 Mz nzamyati-krbzlr drtqde.   
\q1
\v 23 Murde sa natamyr-ngrbo nidr  
\q2 Mz nznibqti-krbo kxnzpxtxpx-ngrdr nide.   
\q1
\v 24 Sa na-aodu-zvzx nide x nanginide kztenge.  
\q2 X sa nabatrpo bade nzaovxio-krde mz drtqnge.   
\q1
\v 25 Sa nakabo bade zmatq ngr nzaclve-krde Prla Meditrenia,  
\q2 Navz nakrlzbzle Lue Yufretis.   
\q1
\v 26 Sa namcle kx ninge trtede,  
\q2 Kc tqngi Gct rde x butqbr nyzde kc tqrlakitrle.   
\q1
\v 27 X sa na-apusr-ngrne nide mrlxnge krdau,  
\q2 Mz nzarmyalz-zlwz-krbo nide mz king amrlx mz nrlc.   
\q1
\v 28 Drtwr kxesz'ti kc tqyrlqbo bade, trtxpnzngr nzyzpr-krde,  
\q2 Mz nzangidati-krnge nzaodu-zvz-krnge nide.   
\q1
\v 29 X nzyrlq-krbo nzaclvekr nqvi lrde tqyc tqyc,  
\q2 Da kc tqwai nzyc-alokr bongavz.”   
\q1
\v 30 X rpi-mopwz Gct kx, “A' nzmu doa nedeng naesablqtilr loukxtr scnge,  
\q2 Mz trnzlolvz-amqngi-krdru nzalvztr-krnge   
\q1
\v 31 X nzmu trnavz-nqblqlru me pnz drtwrnge  
\q2 Mz nzpxtxpx-krdr natqnge,   
\q1
\v 32 Sa na-ayrplapxxng mz alwx ngrdr,  
\q2 Mz nzaetq-krbo drtqdr mz nikeng nzvz-rbrtilr.   
\q1
\v 33 A' trpnzngr nzatao-krnge da kc tqesalz-ngrbo mz Devet,  
\q2 A' sa na-aodu-zvzx nide.   
\q1
\v 34 X trpnzngr nztekqtr-krnge natqnge,  
\q2 A' sa na-atutr-zvzx nzesz'tikr drtwr kc tqyrlqbo bade.   
\q1
\v 35 Esalzpex mz drtqnge kxtr  
\q2 X amqngipex kx trtxpnzngr nzesabrti-krnge nide.   
\q1
\v 36-37 X nzaclvekr nqvi lrde tqyc tqyc,  
\q2 Da kc tqwai nzti-alokr nepi x nzprtz-krm temz x nztao-krde.”   
\s2 King Kc Tqvzpxm Mz Nqvi Lr Devet, Drtwrde Lctrpz Mz Gct  
\q1
\v 38 Yawe, rpiq da lc, a' mzli ka drtqm satrpem bange x rlaszpeq ninge,  
\q2 Mz nzngyati-moukr drtwrm ninge, king kc tqmcpxq.   
\q1
\v 39 Nikipeq Nzesz'tikr Drtwr kx yrlqbzme mz melrmqgr Devet, kx natu-zvzbzme mz nibr nqvi lrde,  
\q2 Mz nzapusr-krbzme kraon ngr narnge brmrda.   
\q1
\v 40 Awxlikitxopebzme drkq ngr mzteadau nyznge.  
\q2 X odati-atwrnr-ngrbzme lrpalvc nyzgrng amrlx.   
\q1
\v 41 Enqmi rgrng amrlx nzatrkati-zlwzlr nigr.  
\q2 X lr mrkzbleng kcng tzmnc-aepztrpqng bagr nzyrpalelvzlr ninge, king nem.   
\q1
\v 42 Murde ngi-batrpzme nzxplrkr ncblo ngr vea nedrng.  
\q2 X mzli ka sc tzbilvzpelr.   
\q1
\v 43 Amyatibzme nipna scngeng mz nzrpna-krnge,  
\q2 X rlr-ngrbzme nzaovxio-krdr nigr.   
\q1
\v 44 Odatipeq tron nyznge,  
\q2 Mz nzkatxpx-krbzme zmatq ngr nzngini-krnge king.   
\q1
\v 45 Amyatibzme drtqnge mz mz leplz.  
\q2 X ngi-batrpe' nzngini-ani-krnge lrtzlvz.   
\s2 Nzkrka'ngr  
\q1
\v 46 Yawe, bzkq mnc-rlrume bagr.  
\q2 X bzkq apqtipeq nigr mz nzngya-zlwzkr drtwrm.   
\q1
\v 47 A' na-aoti drtwrm nzmrbcnekr nzlu-krgr nigr leplz  
\q2 Mz nzmnc-krgr mz nrlc.   
\q1
\v 48 Trpnzngr leplz kx na-arlapx-lzbq,  
\q2 Murde nigr amrlx mnclzbzkr mz zmatq ngr nzbzngr.   
\q1
\v 49 Kxetu, opxm kx trangidatipewq natqm kc tqpibzme mz Devet,  
\q2 Murde trxngipepwzkru nzaodu-zvz-krm kc bqnc.   
\q1
\v 50 Bzkq mrbrtr mz drtwrm nzobqszokr leplz ninge, kxnzawz nem,  
\q2 Murde kxnzmnc-mrbr lcng sc tzbilvztipelr ninge.   
\q1
\v 51 Yawe, enqmi rmqng nznelvztilr ninge, king kc tqmcpxq,  
\q2 Mz nzxtrnga-krdr ninge.   
\s2 Nabz Kx Yrkrpxngr Buk Kratq  
\q1
\v 52 Na-armyalzku Yawe, kc tqngi Kxetu rgu.  
\q2 Tqvzpe, tqvzpe. Eu. Na-armyalzku Yawe.   
\ms1 Buk Krapwx  
\mr Sam 90—106  
\c 90  
\cl Sam Kranzpnu-rpwxmz (90) 
\s1 Nzmrbckr Nzlukr Leplz  
\d Nabz ne Mosis, ncblo ne Gct.  
\s2 Kxrpalz Kc Tqmnc-alo  
\q1
\v 1 Kxetu, yzutr pnz mzli kc, krlzmle mzbq ka  
\q2 Nzngini-krm me rlakitrkr.   
\q1
\v 2 Mzli kc trwzka-ngrn nrlc x newz ngrdeng, mncpe-kaiq.  
\q2 Murde nim Gct, x nzmnc-krm la tqyc tqyc.   
\q1
\v 3 Rpime bagr kx, “Yzlu-mouamu,”  
\q2 X mz nzbz-krgr yzlu-moukr mz drtc' kc tqwz-ngrn nigr.   
\q1
\v 4 Mz drtwrgr, yiz kx siu mz nrlc ngi mzli kxboi, a' mz drtwrm mzli mrbcnepwz,  
\q2 Apunede zbq kx esz' kx yrkrpxpe.   
\q1
\v 5-6 Mz nzmilxtxo-krm nigr rblx nzrlolvzngr,  
\q2 Apunede nzrmwiblengr kc tqmrbrtr ani mz drtwr.  
\q1 X nzmnc-krgr mrbcne apunekr nabr kx yru mz nourla x nrpqdr mztr luli.  
\q2 A' kx krlzbzle milzpq sc tzblopeng x tztatiopeng murde nzpqkr nzulr nepi.   
\s2 Nzmrbcnekr Nzlungr Mz Nrlc Ka  
\q1
\v 7 Da kc tqwai nzodati-krm nigr  
\q2 Mz nzpqkr zngya ngr drtwrm.   
\q1
\v 8 Murde zyzlr ngrm pnamilxtile alwx rgrng  
\q2 Kcng tqyrlq-kapqkrng.   
\q1
\v 9 X zngya ngr drtwrm amrbctrple nzlu-krgr.  
\q2 X mz nzbz-ani-krgr apukr zycmini kx esz'.   
\q1
\v 10 Nzmnc-krgr krlz-txpwzle yiz kxnzpnu-rlimz (70),  
\q2 A' nzmu nrkrdrtqgr kx tqxplrle krlzbzkr yiz kxnzpnu-rtqmz (80).  
\q1 Yiz lcng tqyctrngr nzwz-katongr x nzetqkr drtq,  
\q2 Nzyrkrpx-aning x sc tqbzpekr.   
\q1
\v 11 Nzmu namckr nzxplrkr nzngyatikr drtwrm alwx  
\q2 Nzamrlue-krgr nim naetunepx kz mz nabzgr.   
\q1
\v 12 Okatrp nigr mz nzkrlz-krgr drtwr ngr nzmrbcnekr nzlu-krgr,  
\q2 Murde nzmnc-krgr mz nrlc navz-nqblqle nzyrplapx-krm.   
\s2 Yawe, Aelwa-mou-ngrm Zmrlz Ngrm  
\q1
\v 13 Yawe, bzkq ngyati-alo drtwrm nigr, kxnzawz nemqng,  
\q2 A' tekqtr drtwrm x nayc mz drtwrm nigr.   
\q1
\v 14 Namc-zvzkr nzaodu-krm nigr mz nourla kang kqlu,  
\q2 Murde navz zvz nzangrlvz-krgr nim mz nzabrtzngr.   
\q1
\v 15 Kxmule-esz' yiz kqlu avz-ngrbzme drtwrgr mz nzkxpu-krgr mzli kc,  
\q2 A' tekqtrpz yiz lcng mz nzaelalz-krme drtwrgr mzli ka.   
\q1
\v 16 X aelwa-mou-ngrm bagr rkx kcng tzkctipxng mz zmatq ngrm,  
\q2 Murde doa negrng namc-kzlr nzmyalz-krm.   
\q1
\v 17 Gct, Kxetu rgr, okatrp nigr mz zmrlz ngrm.  
\q2 Murde nra nzwz-krgr nayc-zvzbz.   
\c 91  
\cl Sam Kranzpnu-rpwxmz-nrade-esz' (91) 
\s1 Doa Kx Mnc-xglele Yawe  
\s2 Lrpalvc Kx Rlakitrq  
\q1
\v 1 Mz nzmnc-xgle-krm Yawe kc tqmyalz-esz'ngr  
\q2 Sa natubz mz nibrm.   
\q1
\v 2 X narpibzme mz Gct kc tqrninr kx, “Nim Gct rnge kc tqabrkitrx drtwrnge,  
\q2 Mz nzapu-krme bange lrpalvc kx rlakitrx.”   
\q1
\v 3 Murde sa na-arlapxle nim mz nzatrkangr kx yc kapq,  
\q2 X mz nzrpibqtingr.   
\q1
\v 4 Sa na-aclve-zpwxle nim,  
\q2 Na-apule kio kc tqwxbulvzole neideng.  
\q1 X sa na-angidatibzle natqdeng  
\q2 Mz nzapu-krbzle bam temz ngr lomrm kc tqyrputrngr nipna.   
\s2 Bzkq Mwxlrq  
\q1
\v 5-6 Bzkq mwxlrq mz nrlckxbq x nrlckxngrlx,  
\q2 Mz nzmwxlrti-krm drka', ncblo kxayo, x zyagox kxnabzngr.   
\q1
\v 7-8 Murde kxmule-esz' siu ngr leplz nzbz-aepztrpzng bam,  
\q2 Mzli kc Gct na-ayrplapx-ngrde kxdrka'-ngrng,  
\q1 X mcq mz mzpq nzbz-krdr,  
\q2 A' trtxpnzngr nzatrkati-krdr nim.   
\q1
\v 9 Murde mz nzrpi-krbzme mz Yawe kx nide me rlakitrq,  
\q2 X mz nzmnc-xgle-krm nide kc tqmyalz,   
\q1
\v 10 Trpnzngr doa x da kx na-atrkale nim,  
\q2 X trpnzngr kz zyagox kx navztrpq ma nyzm.   
\s2 Yawe Aclve-zpwxle Nim  
\q1
\v 11 Murde pipebz Yawe mz enjrl nedeng nztu-krbzlr mz nibrm,  
\q2 X nzaclve-zpwx-krdr nim drlvekeng vzkiq.   
\q1
\v 12 Naglqlr nim mz mqdr,  
\q2 Murde nanycm ma tqtcprtr mz rplz. \x + \xo 91:12 \xt Matiu 4:6; Luk 4:10-11\x*   
\q1
\v 13 Mz nzrmcti-krm ningidoe kc bqnc, sa na-aovxioq nide.  
\q2 Kxmule-esz' nide drka' kxmatq, a' sa narnzlvzoq nide.   
\s2 Yawe Ycmnebzle Bam  
\q1
\v 14 Murde Yawe Gct rpile kx, “Sa na-arlapxx doa kx mrlztile ninge,  
\q2 X sa na-aclvex nide mz nzmnc-xgle-krde ninge.   
\q1
\v 15 Mz nzkqle-krde ninge, sa na-ayzlubo natqde.  
\q2 Kxmule-esz' da kx prtz, a' sa namnc-aepztrpo bade,  
\q1 X sa nakatxpxx nide mz nzkxpu-krdeng,  
\q2 X sa na-armyalzx nide.   
\q1
\v 16 X doa lc sa namcle nzarlapx-krnge nide,  
\q2 X nakabo bade nzlungr kxboi kx na-abrtz-ngrde.”   
\c 92  
\cl Sam Kranzpnu-rpwxmz-nrade-li (92) 
\s1 Da Kx Mrlzvxitxm Bange  
\d Nabz ngr Sabat, zbqkxnzamati.  
\s2 Mrlzvxitxm Bange Nzangio-krnge Nim  
\q1
\v 1-3 Yawe myatxlz-esz'ngrn.  
\q2 X mrlzvxitxm bange nzawi-krbo bam  
\q1 X nzglqlz-krnge nim,  
\q2 Mz nzayrningr gita x ukzlele,  
\q1 Mzli kznike angrlvz-ngrne nivz lrm mz nourla,  
\q2 X nzyrlq-angidr-krm natqmqng mz milzpq.   
\q1
\v 4 Murde aelalz-ngrme drtwrnge da kxetuting kcng tqwz-ngrn.  
\q2 X nangrbo mz nzabrtzngr mz da lcng tqaleq.   
\s2 Murde matq-esz'ngrn  
\q1
\v 5 Yawe, nzwz-krmqng matq-esz'ngr,  
\q2 X nqmq nr drtwrm vzo zlwz la.   
\q1
\v 6 Kxnzglqpx-lzbqng nzngqngung  
\q2 X nardr mqngi mz nztatrkr nzalvztr-krmqng mz nardr. \x + \xo 92:6 \xt 1 Korint 2:14\x*   
\q1
\v 7 Leplz kxdrka'-ngrng nzetu-krdr  
\q2 Nzapulr nabztqkr betepu kc tqwou mzli kx mrbcnepwz.  
\q1 X da kxtrka kcng tzalelr nradr trnayc-zvzu,  
\q2 A' nzodati-krdr tqvzpe tqvzpe.   
\q1
\v 8 Krlc tqmu-ngrde lc,  
\q2 Murde nim kx rmyalz zvz.   
\q1
\v 9 Yawe, obq ena! Murde enqmi rmqng sa nabzng  
\q2 Mz nzaovxio-krm kxdrka'-ngrng amrlx.   
\s2 Apux Nounc Kc Tqpa Zvz  
\q1
\v 10 A' ninge kx xplr zlwz,  
\q2 Mz nzrka-krme bange zmatq ngrm.   
\q1
\v 11 Mcpex nzaovxio-krm kxnzmnc-kapqng mz nznibq-krdr ninge.  
\q2 X xlrpex nzyrnikr kxdrka'-ngrng lcng mz nzaetq-ngrbz drtqdr.   
\q1
\v 12-13 Leplz kxnztubqng kcng tztung ma nyz Yawe,  
\q2 X nzyrlwr-lxblrng mz makoa nyzde nzapulr nounc kxetung.  
\q1 X nzmnc-zpwxng x nzxplrng  
\q2 Murde dzbrdr nzvzong mz drtc' kc tqngi natqde.   
\q1
\v 14 X kxmule-esz' nznginipedr lrtzlvz,  
\q2 A' sa navz zvz nzvz-nqblq-krdr me pnz drtwrde,  
\q1 X nradr nayc-zvzbz,  
\q2 Mz nzapu-krdr nounc kc tqpa zvz.   
\q1
\v 15 Krlc aelwapx-ngrde nzmrlzkr Yawe,  
\q2 X nztubq-krde mz nzngini-krde butqbr kc tqrlakitrx.   
\c 93  
\cl Sam Kranzpnu-rpwxmz-nrade-tq (93) 
\s1 King Kc Tqmyatxlz-esz'ngr  
\q1
\v 1 Yawe, nim King kc tqmyatxlz-esz'ngr, x rngiscm zmatq.  
\q2 Wz-ngrn nrlc x tu-amqngio me yc-ngrde x trycngrlru.   
\q1
\v 2 Nzmnc-krm tqyc tqyc.  
\q2 X nzngini-krm King yc pnz kai, x sc tqwz-ate-ngrn dalr nrlc ka.   
\q1
\v 3 Yawe, srkau ngr prla, nzalxlvrti-ebir-ngrdr da.  
\q2 X natq nrc ngrde aycngrlrle nrlc, mz zmatq kx xplr.   
\q1
\v 4 A' nzmyalz-krm myaszpxle srkau.  
\q2 X zmatq ngrm myaszpxle nzmatqkr natq nrc, murde nim kc tqmnctxlz tqmatq-esz'ngrn.   
\q1
\v 5 Yawe, Loukxtr scmqng tqvzpe, tqvzpe.  
\q2 X Mangr-nzangiongr nim nztr-zlwz-krde tqyc, tqyc.   
\c 94  
\cl Sam Kranzpnu-rpwxmz-nrade-pwx (94) 
\s1 Gct Sa Na-ayrplapxle Kxdrka'-ngrng  
\s2 Yawe, Ayrplapx Kxdrka'-ngrng!  
\q1
\v 1 Yawe, nim Gct kc tqayzlubz mz leplz kxnzvz-rbrng da kxnzalelr.  
\q2 Aelwapxngr zmatq ngrm.   
\q1
\v 2 Nim kx na-ayzlubz da mz lr nrlc.  
\q2 Ayrplapx kxnzglqlz-lzbqng navz-nqblqle nike nzalelrng.   
\q1
\v 3 Yawe, bzkq rlr-ngrbzme mz kxdrka'-ngrng  
\q2 Nzabrtz-krdr mz da kxtrka kcng tzalelr.   
\q1
\v 4 Nzpivxitilr da kxtubq,  
\q2 X nzbilvzlr nzale-krdr alwx.   
\q1
\v 5 Nzatrkatilr nigr, leplz nemqng,  
\q2 Mz nzaetqti-krbzlr drtqgr.   
\q1
\v 6 Kxnzetung nznibqtilr olvz kxnzabzong, x doa kxnzbzszng,  
\q2 X lr mrkzbleng kx mnckrng badr.   
\q1
\v 7 Nzrpilr kx, “Trtxpnzngr nzmckr Yawe nigu.  
\q2 X trycneu mz drtwr Gct rdr da lcng tqaletikung.”   
\s2 Yawe Obqplxle Nzaokr Drtwr Leplz  
\q1
\v 8 A' nimu kx nardr mqngi, nalalztqmamu bange.  
\q2 ?Myx mzli kx nayrplapx-krlzu-rnamu?   
\q1
\v 9 ?Mz drtwrmu rpiamu kx Gct kc tqwz-ngrde nradrtqgu x mzku,  
\q2 Nradrtqde ngq x mzte mwi?   
\q1
\v 10 X sc tqayrplapxpele lr mrkzbleng.  
\q2 ?Myx kxmule, trtxpnzngr nzayrplapx-kz-krde nimu?  
\q1 X alvztrle leplz amrlx.  
\q2 ?Mz drtwrmu trpnzngr da kx krlzle?   
\q1
\v 11 Yawe obqplxle nzaokr drtwr leplz,  
\q2 X krlzle kx drtwr kx nzyrlqlr mane. \x + \xo 94:11 \xt 1 Korint 3:20\x*   
\s2 Mrlz Nzpnanatikr Yawe Leplz Nedeng  
\q1
\v 12 Yawe, namrlzbz mz krkcng tqpnanatiqng,  
\q2 Mz nzalvztr-krm nidr mz loukxtr scm.   
\q1
\v 13 X trnarlrpx-ngrnqu nzkxpu-krdr, a' amnc-zpwxq nidr,  
\q2 Vz vz mzli kx ayrkro-ngrn kxdrka'-ngrng mz gq.   
\q1
\v 14 Yawe, trpxtxpx-ngrnqu leplz nemqng,  
\q2 X tr-rlasz-ngrnqu nigr kcng tqmcpxq.   
\q1
\v 15 Mzli kc navzm, nzaclvekr kxnzrmailzng sa natubq,  
\q2 X krkcng nabzdr tqlqngi sc tzabrtz-ateng.   
\q1
\v 16 Yawe, nim txpwz kx tum mz nibrnge,  
\q2 X nim kztenge mz nzarlapx-krbzme ninge mz kxdrka'-ngrng.   
\s2 Yawe Tu-zvzbzle Mz Nibr Kxnztubqng  
\q1
\v 17 Nzmu trnaokatrwq ninge,  
\q2 Mzli trnaboiu x ninge kc tqbzpex.   
\q1
\v 18 A' mzli kc tqkqle-ngrne nim mz nzkxpu-krnge,  
\q2 Lolvz-amqngiq ninge mz nivz lrm.   
\q1
\v 19 X mzli kc tqtalvzongr drtwrnge,  
\q2 Zvz amqtrpe' drtwrnge x abrtz-moux.   
\q1
\v 20 Px-ngrn nzngi-te-krmu badr kxnzetung kxdrka'-ngrng  
\q2 Mz nzrnzlvzo-krdr loukxtr scm.   
\q1
\v 21 Murde nzyrlwrpx-lxblr-ngrdr mz nzrpwa'-krdr kxnztubqng,  
\q2 X nzaprc-krdr kxnzmrlzng mz nzrnibqngr.   
\q1
\v 22 A' Yawe, Gct rnge, nide lrpalvc nyznge,  
\q2 X butqbr kc tqrlakitrx.   
\q1
\v 23 Yawe, Gct rgr, sa naodatile nidr mz nqmq krdr kc tqtrka,  
\q2 Mz nzrtxlvzlz-krdr alwx ngrdrng amrlx.   
\c 95  
\cl Sam Kranzpnu-rpwxmz-nrade-nzlvqn (95) 
\s1 Namnclzbzku Mz Yawe, King Kc Tqngi Kxrpalz  
\s2 Nangrbzku Mz Yawe  
\q1
\v 1 Nangrbzku mz Yawe mz nzabrtzngr.  
\q2 Murde nide butqbr kc tqrlakitrku.   
\q1
\v 2 Na-awibzku bade  
\q2 Mz nzngr-kato-krbzku bade mz nabz kxyrlvi!   
\q1
\v 3 Murde Yawe nide Gct kc tqmyalz-esz'ngr,  
\q2 X King kc tqmyaszlzle kxnzmncng mzlilxlr amrlx.   
\q1
\v 4 Me boongr yc mz mqde.  
\q2 X nyz-kzde newz kxmyalzng.   
\q1
\v 5 Prla x drtc' nyzdeng  
\q2 Murde wz-ngrde mz nzngini-krde Kxrpalz.   
\q1
\v 6 Na-angioku Yawe kc tqwz-ngrde nigu  
\q2 Mz nzyrngzlvzo-krgu nide.   
\q1
\v 7 Murde nide Gct rgu, x nigu leplz nedeng,  
\q2 Apuku sip kx aclveleng.  
\s2 Naxlrku Natqde  
\q1 X naxlramu natqde mzbq ka,  
\q2 Mz nzrpi-krbzle bamu kx,   
\q1
\v 8-9 “Bzkq nabzmu mqngipe, da kc tzwailr melrmqmung.  
\q2 Murde kxmule-esz' nzmc-zvzlr nzrkati-krbo da kxmrlzting badr,  
\q1 Mz nzmnc-krdr mrkc lzke, a' otablrkr badr mrkc Meriba,  
\q2 X nzatalzlr ninge mrkc Masa, mz nzxpqbrlr-krdr ninge.   
\q1
\v 10 Mz yiz lcng nzpnu-pwx ngyati zvz ngr drtwrnge nidr.  
\q2 Murde nidr leplz kx nzvz-rbrng mz nabzdr x trnzvz-nqblqlru nqmq krngeng.   
\q1
\v 11 X mz nzangya-krmlr drtwrnge, sc tqesalzpex kx,  
\q2 Trtxpnzngr nzprtr-krdr mz nzmnc-zpwxngr kc nakabo badr.” \x + \xo 95:11 \xt Hibru 3:7-11, 15; 4:3, 5, 7\x*   
\c 96  
\cl Sam Kranzpnu-rpwxmz-nrade-esz'mz (96) 
\s1 Naglqlzku Yawe, King Kc Tqtubq  
\s2 Takitrde Nzrglqlzngr  
\q1
\v 1 Nigu lr nrlc amrlx  
\q2 Nangr-ngrbzku mz Yawe nabz kxmrna!   
\q1
\v 2 Na-angrlvzku nide  
\q2 Mz nzyapwxtipx-krgu kx arlapxle nigu.   
\q1
\v 3 Napipxbzku mz leplz amrlx  
\q2 Da kxmatq x da kxmyapxbz kcng tqaletileng.   
\q1
\v 4 Takitrde nzrglqlzngr Yawe kc tqmyalz-esz'ngr,  
\q2 Murde nzmrlue-krde namyaszlzle kxnzmncng mzlilxlr amrlx.   
\q1
\v 5 Lr mrkzbleng nzangio-txpwzlr mqngr da kxnzlz,  
\q2 A' Yawe txpwz kx rwzngr bongavz x nrlc atwrnrngr.   
\q1
\v 6 Mz nzmncpx-krm Yawe Mangr-nzangiongr,  
\q2 Xngibzku zmrlue, zyzlr, zmatq x zluli rdeng.   
\s2 Lr Nrlc Naglqlzlr Yawe  
\q1
\v 7-8 Napibzku mz lr mrkzbleng kx naglqlz-kzlr nide  
\q2 Mz zmatq, zluli, x zmrlue lcng.  
\q1 Murde takitrde nzale-krgu da lcng,  
\q2 Mz nzrtwz-krmgu da bade mz makoa nyzde.   
\q1
\v 9 Na-angioku Yawe murde tr-esz'ngr.  
\q2 Na-amrlueku nide x narnrctrpzku bade.   
\q1
\v 10 Eu, napipxbzku mz neidung amrlx kx Yawe nide King r nrlc, x atu-amqngile nrlc mz trnzycngrlr-krdeu.  
\q2 X sa na-aclvele lr nrlc amrlx mz nzrsakrlrngr.   
\s2 Nzaclve-krde Tubq  
\q1
\v 11 Nimu bongavz x drtc' naelalvzamu nide!  
\q2 X nim prla x dalrmqng amrlx drtwrmu naelalzm!   
\q1
\v 12 Nimu nardzng x dalrmqng amrlx na-abrtz-kzamu!  
\q2 Nimu nounc ngr peto amrlx na-angrlvz-kzamu Yawe.   
\q1
\v 13 Murde sa tqvzm mz nzaclve-krde lr nrlc.  
\q2 X nzayzlu-krbzle da mz leplz amrlx sa namrlz x tubq.   
\c 97  
\cl Sam Kranzpnu-rpwxmz-nrade-rlimz (97) 
\s1 Na-abrtzlvzku Yawe, King Kc Tqmyatxlz-esz'ngr  
\s2 Zmatq Ngrde  
\q1
\v 1 Mrlz lr nrlc amrlx nzabrtz-krdr murde Yawe nide King kc tqmyatxlz-esz'ngr.  
\q2 X lr trmctu naelalz-ngrm drtwrdr kz nide.   
\q1
\v 2 Zbo kxve x nzlo nzngrlelvzlr nide.  
\q2 X nzaclve-krde leplz mrlz x tubq.   
\q1
\v 3 Nyr rtwayznepx kai mz nzvz-krde,  
\q2 Nyr kx nangcngr enqmi kcng tztulvz-ngrdr nzti rde.   
\q1
\v 4 Bzlrpc ngrde kx pcpxle pnamilxtile nrlc,  
\q2 X drtc' ycngrlrlzm.   
\q1
\v 5 Yawe nide Kxetu r nrlc tulvzo.  
\q2 X mz nzmc-krdr nide newzng nzwxong nzapulr nzwxokr gq.   
\q1
\v 6 Lr Heven amrlx nzpipxlr nztubq-esz'ngr-krde,  
\q2 X lr nrlc amrlx nzmclr nzmyatxlz-zlwz-krde.   
\s2 Myaszpxle Kxnzmncng Mzlilxlr  
\q1
\v 7 Krkcng amrlx tzangiolr kx trngiu Yawe Gct angidr, drtqdr la namya zlwz.  
\q2 X kxnzmncng mzlilxlr amrlx nzmu na-angiolr nide. \x + \xo 97:7 \xt Hibru 1:6\x*   
\q1
\v 8 Yawe Gct rgr, nigr lr Jerusalem x lr mztea amrlx ngr nqvi lr Judz abrtz-zlwz-ngrgr nim  
\q2 Nzayrplapx-krm enqmi rgrng.   
\q1
\v 9 Murde lr nrlc amrlx nzmnclzbzng mz zmatq ngrm,  
\q2 X nzmyalz-zlwz-krm myaszpxle kxnzmncng mzlilxlr amrlx.   
\s2 Namnclzbzku Bade  
\q1
\v 10 Nigu kcng tzmrlztilr Yawe napxtxpx-ngrgu da kxtrka.  
\q2 Murde tu-zvzbz mz nibr kxnztubqng mz nzarlapx-krbzle nidr mz mq kxdrka'-ngrng.   
\q1
\v 11 Yawe amrlzle kxnztubqng, kx nabzdr lqngi.  
\q2 Murde na-abrtzlvzlr nzngini-krde Gct kxtr.   
\q1
\v 12 Delc, nigu kcng tztubqng na-abrtzlvzku Yawe,  
\q2 Mz nzawi-krbzku bade.   
\c 98  
\cl Sam Kranzpnu-rpwxmz-nrade-rtqmz (98) 
\s1 Na-angrlvzku Yawe, King Kc Tqmatq-esz'ngr  
\s2 Na-angrlvzku Yawe  
\q1
\v 1 Nangr-ngrbzku mz Yawe nabz kxmrna mz nzale-krde da kcng tqmyapxbzng.  
\q2 Murde aovxiole enqmi rdeng mz nzetukr zmatq ngrde.   
\q1
\v 2 X sc tqaelwapxpe-ngrbzle nztubq-krde mz lr mrkzbleng amrlx,  
\q2 Mz nzarlapx-krbzle leplz nedeng mz mq enqmi rdrng.   
\q1
\v 3 X aodule nigu lr Israel mz nzatutr-zvz-krde natqde.  
\q2 Murde leplz mz nrlc tulvzo nakrlzlr kx arlapxle nigu.   
\s2 Naglqpxku Nide  
\q1
\v 4 Nigu leplz amrlx mz nrlc na-angrlvzku Yawe  
\q2 Mz nabz kx yrlvi.   
\q1
\v 5 Naglqpxku nide  
\q2 Mz nzayrni-krbzku bade gita,   
\q1
\v 6 X mz nzvxu-krbzku trpu.  
\q2 Na-angrlvzku Yawe, kc tqngi King!   
\s2 Nangrbzku Bade  
\q1
\v 7 Nimu prla x drtc' x dalrmung amrlx  
\q2 Drtwrmu naelalzm!   
\q1
\v 8 Nimu lue na-amqmq-lzbqamu mz nztalio-krmu mz nabzde.  
\q2 X nimu newz na-angrlvzamu Yawe!   
\q1
\v 9 Nigu amrlx nangrbzku bade.  
\q1 Murde sa tqvzm mz nzaclve-krde lr nrlc,  
\q2 X nzayzlu-krbzle da mz leplz sa natubq x narsakrlrngr.   
\c 99  
\cl Sam Kranzpnu-rpwxmz-nrade-rpwxmz (99) 
\s1 Na-angioku Yawe, King Kc Tqtr-esz'ngr  
\s2 Naglqlzku Drtqde  
\q1
\v 1 Yawe nide King, kx myaszlzle enjrl kcng tzmatqng tztu-ngalelvzlr tron nyzde.  
\q2 X leplz amrlx mz nrlc tulvzo narnrcti-lzbqtr-ngrbzlr bade.   
\q1
\v 2 Yawe matq-esz'ngr Jerusalem.  
\q2 X nzmyalz-esz'ngr-krde myaszpxle lr mrkzbleng amrlx.   
\q1
\v 3 Leplz amrlx naglqlzlr drtqde,  
\q2 \bd Murde nide kc tqtr-esz'ngr.\bd*   
\s2 Naglqlzku Gct Rgu  
\q1
\v 4 King kc tqrninr, mrlz-zvzbz bam da kxmrlz.  
\q2 Delc nzaclve-zvz-krm nigr tqtubq-zvz-ngrde x rsakrlrngr.   
\q1
\v 5 Nayrngzobzku mz nanyc Yawe,  
\q2 Mrkc tqwxbu-ngrde mz tron nyzde.  
\q1 Na-angioku x naglqlzku Gct rgu,  
\q2 \bd Murde nide kc tqtr-esz'ngr.\bd*   
\s2 Naglqlzku Yawe  
\q1
\v 6 Mosis x Eron nidr pris neng Yawe, x profet Samwel krka'bz bade.  
\q2 Nzyrnitrpzng bade x ayzlubzle natqdr.   
\q1
\v 7 Ycmnepxm badr mz nabz dcbz,  
\q2 X nzvz-nqblqlr natqde x lou scdeng amrlx.   
\q1
\v 8 Yawe, nim Gct rgr,  
\q2 X ayzlume natqgr, nigr leplz nemqng.  
\q1 Kxmule-esz' ayrplapx-kaiq nigr mz alwx ngrgrng,  
\q2 A' sc tqaelwapxpe-ngrn kx nim Gct kx krlzle nzipq-krde leplz.   
\q1
\v 9 Naglqlzku Yawe, Gct rgu, mz nzangio-krgu nide mz newz kxtr nyzde,  
\q2 \bd Murde nide kc tqtr-esz'ngr.\bd*   
\c 100  
\cl Sam Kratrtqki-esz' (100) 
\s1 Na-awi-ngrbzku Mz Yawe Nzaodu-krde Nigu  
\s2 Na-angioku Nide  
\q1
\v 1 Nigu leplz amrlx mz nrlc  
\q2 Na-angrlvzku Yawe!   
\q1
\v 2 Na-angioku x naglqpxku nide  
\q2 Mz nzelalz-krm drtwrgu!   
\q1
\v 3 Nalxngitiku kx Yawe nide Gct, x nigu leplz nedeng murde wz-ngrde nigu.  
\q2 X apuku sip ngr nardzng nyzde.   
\s2 Na-awibzku Bade  
\q1
\v 4 Mz nzvztr-krgu mz naonrx x makoa ngr Mangr-nzangiongr Yawe,  
\q2 Navz zvz nzawi-krbzku bade x nzangio-kz-krgu nide.   
\q1
\v 5 Murde Yawe mrlz-esz'ngr.  
\q2 X aodule nigu mz nzatutr-zvz-krde natqde.   
\c 101  
\cl Sam Kratrtqki-esz'-nrade-esz' (101) 
\s1 Nztubqkr King R Israel  
\d Nabz ne Devet.  
\q1
\v 1 Yawe, nangr-ngrbo bam  
\q2 Nabz ngr da kxtubq x nzangidatingr.   
\q1
\v 2 X namnc-nqblqx nztubqkr nqmq krm mz nzokatr-krm ninge.  
\q2 X nabznge nalqngi zvz mz nzmnc-krgr badr lr ma nyznge.   
\q1
\v 3 Tr-rlr-ngrpwc'u nzprtr-krm da kxtrka brma.  
\q2 X pxtxpx-ngrne krkcng tzesablqtilr nim.   
\q1
\v 4 Delc, nartctx-ngrne nqmq kr kxdrka'-ngrng,  
\q2 X nayrlqpx-lzbqnge mz da kxvz-rbr.   
\q1
\v 5 Sa narpwa'-ngrbo krkcng tzpikiti-awalr kxnzmnc-aepztrpzng badr.  
\q2 X kxnzglqpx-lzbqng trmrlzu mz nzobq-krnge.   
\q1
\v 6 A' kxnzlxngiti-zpwxlr nim nanginidr kztengeng,  
\q2 X kx nabzdr lqngi sa nawztrpqng bange.   
\q1
\v 7 A' krkcng tzesabrng x tzpokia-zvzng,  
\q2 Trtxpnzngr nzmnctr-krmlr bange.   
\q1
\v 8 Murde mz zbq kang kqlu sa nalolvztix kxdrka'-ngrng  
\q2 X namaszlrpx-ngrne nidr mz mzteadau nyzm.   
\c 102  
\cl Sam Kratrtqki-esz'-nrade-li (102) 
\s1 Apux Zsikapu Kc Tqmrbr Ani  
\s2 Nzmnc-krnge Esz'-krnge  
\q1
\v 1 Yawe, lalztqm mz nzkrka'-krbo bam.  
\q2 X xlrm nzyrni-krnge mz nzokatr-krm.   
\q1
\v 2 Mzli ka tqprtz-ngrm nzkxpungr bange,  
\q2 Bzkq mnc-rlrume bange.  
\q1 A' ayzlu-anim natqnge  
\q2 Mz nzkqle-krnge nim.   
\q1
\v 3 Nrkrdrtqnge nzpq-krde apule nyr.  
\q2 X mzli trnaboiu ninge kc tqbzpex, tqapupex zsikapu kc tqmrbr ani.   
\q1
\v 4 Nabznge talvzo apupele nabr kxglr,  
\q2 X trmupewxu.   
\q1
\v 5 Bztipenge nzyrningr mz nzetqkr drtqnge.  
\q2 X nginitxpenge nrvr-nrbalq.   
\q1
\v 6 Apux nc kx nzrtclzngr mepz, x sc tqtaligxpe,  
\q2 Mz nzmnc-krnge esz'-krnge.   
\q1
\v 7 Mnzx, a' trkrlzpewxu nzmwingr.  
\q2 Apux ncblo kx trpnzngr kxnginide kx naoklatile nide.   
\s2 Apux Brmrda  
\q1
\v 8 Enqmi rngeng nzatrkati-zvzlr ninge mz nzycmne-krdr.  
\q2 Nzpitrpzlr drtqnge mz nzrpibqti-krdr leplz.   
\q1
\v 9 Yawe, nzvzkr drtwrnge dekc tqkrlcngr nelznge tqngi dakxnzng nange,  
\q2 X drle mzke' dekc tqngi lue pqnge.   
\q1
\v 10 Murde ngyati zlwz drtwrm ninge.  
\q2 X apux brmrda kc tqrtctxpe-ngrn.   
\q1
\v 11 Nzmnc-krnge apule zmyo ngr milzpq  
\q2 Kc tqmrbr mz nzyrkrpxkr ngrlx.   
\s2 A' Nzngini-krm King Tqyc Tqyc  
\q1
\v 12 Kxmule-esz', a' nzngini-krm King tqyc tqyc.  
\q2 Nrpr ngr ncblo amrlx sa nadcpx zvz mz drtwrdr nim.   
\q1
\v 13 Murde sa nayc mz drtwrm Jerusalem.  
\q2 X mzli ka mzli r nzokatrpe-krmle.   
\q1
\v 14 Kxmule-esz' enqmi rm nzodatipelr mztea lc, x trkape,  
\q2 A' sc tqsutibe drtwrgr x tqvztibe drtwrgr.   
\q1
\v 15 Yawe, lr mrkzbleng amrlx sa na-amrluelr drtqm.  
\q2 X king amrlx mz nrlc sa na-amatqlr nim.   
\q1
\v 16 Murde mzli kc na-aelwapx-ngrn nzlulikr zmatq ngrm,  
\q2 Mz nzwz-mou-krm Jerusalem,   
\q1
\v 17 Drtwr ngrde kx ayzlu-ngrme nzkrka'-krgr,  
\q2 Nigr kcng trpnzngr scgr da.   
\s2 Krkcng Mztr Trnzmcka  
\q1
\v 18 Nayroku da kcng tqaleting Yawe,  
\q2 Murde krkcng mztr trnzmcka naglqpx-kzlr nide.   
\q1
\v 19 Kxnamu nzyr-krgule sele: Yawe mnc Heven,  
\q2 Mz ma nyzde kc tqtr tqmyalz, x sc tqobqom mz nrlc.   
\q1
\v 20 Xlrle nzyrni-krgu mz presin,  
\q2 X aopxbzle drtqgu, nigu kcng tzpipx kx nanibqng.   
\q1
\v 21-22 X xlrpe-kzle nzngrkr leplz ngr mrkcng amrlx  
\q2 Mzli kc tzyrlwr-lxblr-ngrdr Jerusalem,  
\q1 Mz nzangio-krdr nide,  
\q2 X nzglqpx-krdr drtqde.   
\s2 Trtxpnzngr Nzrtekqtrngr Nim  
\q1
\v 23 Yawe, ngi-batrpe' nzyangrnga-krnge,  
\q2 Mz nzamrbctr-krme nzlu-krnge, mzli ka tqngi-oblabe-ngrne.   
\q1
\v 24 A' rpibo bam kx, “Gct rnge, nzlu-krm tqyc tqyc.  
\q2 Suti drtwrnge nakrlz-zpwxbo nzngi-lrtzlvz-krnge, x ninge kc tqbz-atex.   
\q1
\v 25 Mzli kc mz noude wz-ngrn nrlc,  
\q2 Bongavz x dalrdeng amrlx.   
\q1
\v 26 Nrlc x bongavz sa nayrkrpxng kalr.  
\q2 A' nim txpwz kx namnctx alo.  
\q1 Mzli trnaboiu x sc tztrkapeng, tzapupelr lrpz kxblzlongr,  
\q2 Kx nzrtctxngr x nztekqtr zvz mz kxmrna. \x + \xo 102:26 \xt Matiu 24:35; 2 Pita 3:10; Nzaelwapxngr 20:11\x*   
\q1
\v 27 A' trtxpnzngr nzrtekqtrngr nim.  
\q2 X trtxpnzngr nzbz-krm mz kzdq mzli. \x + \xo 102:27 \xt Hibru 1:10-12; Jemes 1:17\x*   
\q1
\v 28 Delc doa negrng sa namnc-zpwxng mz nrlc,  
\q2 Murde sa na-aclve-angidrq nidr.”   
\c 103  
\cl Sam Kratrtqki-esz'-nrade-tq (103) 
\s1 Nivz Lrde Tqyc Tqyc  
\s2 Aodu-zvzle Ninge  
\q1
\v 1  \bd Naglqpxx Yawe mz nabznge atwrnrngr!\bd*  
\q2 Naglqpx-zvzx drtqde kxtr.   
\q1
\v 2 Na-aoti zvz drtwrnge nivz lrde,  
\q2 X da kxmrlz kcng tqalemle bange.   
\q1
\v 3 Murde katxpxbzle alwx rngeng amrlx.  
\q2 X amrlzle ninge mz zyagox amrlx.   
\q1
\v 4 Arlapxle ninge mz nzbzngr.  
\q2 Aodu-zvzle ninge.   
\q1
\v 5 Okatrle ninge mz da kxmrlz  
\q2 Murde nzlu-krnge naboi x nrkrdrtqnge naxplr, mz nzapu-krnge lr. \fig Lr kc tqlvcpe.|alt="020 eagle" src="020-HK00077b.tif" size="COL" loc="PSA 103:5" copy="Horace Knowles" ref="103:5" \fig*   
\s2 Ipqpxle Alwx Rgung  
\q1
\v 6 Yawe okatrle kxnzobqszong murde ale-zvzle da kxtubq  
\q2 Mzli kc tqayzlu-ngrbzle da mz leplz.   
\q1
\v 7 Aelwa-ngrbzle me pnz drtwrde mz Mosis,  
\q2 X zmatq ngrde mz lr Israel.   
\q1
\v 8 Yawe mrlz-esz'ngr x aodu-zvzle nigu.  
\q2 Drtwrde trngya-aniu, a' okatr-zvzle nigu.   
\q1
\v 9 Trkrlzleu nzaboitr-krmle zngya ngr drtwrde bagu,  
\q2 A' ani txpwz nzipq-mou-krde nigu.   
\q1
\v 10 Kxmule-esz' takitrde nzayrplapx-zlwz-krde nigu,  
\q2 A' ycngr drtwrde nigu, x trayzlupleu bagu mz nzvz-nqblq-krde nzvz-rbr-krgung.   
\q1
\v 11 Murde sc tqaodu-zvzpele nigu kcng tzamrluelr nide,  
\q2 Murde nzetu-krm nivz lrde bagu myaszpxle bongavz. \x + \xo 103:11 \xt Sam 36:5; 57:10; 71:19; 108:4\x*   
\q1
\v 12 X mz nzipqpx-krbzle alwx rgung,  
\q2 Apule kx rtctx-ngrbzle rlru, me trpengr nzrmc-moungr.   
\q1
\v 13 X Yawe amqtrple drtwrgu,  
\q2 Da kc tqwai trte nzamqtr-krbzle drtwr doa nedeng.   
\q1
\v 14 Dcpx mz drtwrde kx nigu leplz kxtrnzxplrung,  
\q2 Murde wztx-ngrpwzle nigu mz drtc'.   
\s2 Aodu-zvzle Nigu  
\q1
\v 15-16 X nzlu-krgu mrbcnepwz,  
\q2 Apule nepi kc tqprtzm mz nourla, x tqxplr mzli kc bea.  
\q1 A' sc tqtaope mou milzpq.  
\q2 Murde mzli kc nabzngr leplz trpengr nzrmc-moungr nidr.   
\q1
\v 17-18 A' Yawe aodu-zvzle x amrlz-zvzle nigu,  
\q2 Kcng tzamrluelr nide,  
\q1 Mz nzyrlq-angidr-krgu natqde,  
\q2 X mz nzlolvz-amqngi-krgu Nzesz'tikr Drtwrgu badr.   
\s2 Naglqpx-zvzku Nide  
\q1
\v 19 King Yawe wxbu mz tron nyzde Heven,  
\q2 Mrkc tqaclve-ngrde nrlc atwrnrngr.   
\q1
\v 20 Nimu enjrl kxnzmatq kcng tzvz-nqblqlr natqde,  
\q2 Naglqpxamu nide!   
\q1
\v 21 X nimu ami ngr Heven kcng tzwztrpzng bade mz nzatutr-krbzmu me pnz drtwrde,  
\q2 Naglqpx-kzamu nide.   
\q1
\v 22 X nigu amrlx mz nrlc tulvzo naglqpx-kzku nide.  
\q2 \bd Naglqpxx Yawe mz nabznge atwrnrngr!\bd*   
\c 104  
\cl Sam Kratrtqki-esz'-nrade-pwx (104) 
\s1 Nabz Ngr Nzrglqlzngr Kxrpalz  
\s2 Kxrpalz  
\q1
\v 1-3  \bd Yawe Kxrpalz, naglqpxx nim mz nabznge.\bd*  
\q2 Murde nim Gct kc tqluli, tqmyalz-esz'ngr.  
\s2 Bongavz  
\q1 Nzmyalz-krm x zmatq ngrm nzngrlelvzlr nim nzapulr lrpz kx kq-ngrn.  
\q2 X zyzlr ngrm apule lrpzu scm.  
\q1 Bongavz apule nqni kxetu kc tqprlxpxq.  
\q2 X atuome elr nctrpou ngr ma nyzm.  
\q1 Dcbz apule lika kx lvc-ngrn,  
\q2 Mz nztwz-krde nim nenq kxwq.   
\q1
\v 4 Zmatq ngrm batrpzle mz enjrl nemqng nzlvc-ani-krdr mz nzapu-krdr nenq.  
\q2 X menrpa lcng tzwztrpzng bam nzapu-kzlr bzlrpc kc tqpctipx. \x + \xo 104:4 \xt Hibru 1:7\x*   
\s2 Drtc'  
\q1
\v 5 Wztioq nrlc mz nou rplz kxmqngi,  
\q2 Murde trpnzngr nzycngrlr-krde.   
\q1
\v 6 Mzli kc ayrnrngr, drtc' mrbrobz prla,  
\q2 X newz amrlx akq-atwrnr-ngrde.   
\q1
\v 7 Zbz mzli kc tqpnanati-ngrn prla sc tqpzneope,  
\q2 Mz nzxlr-krde natqm kc tqapule bzlrmei.   
\q1
\v 8 Prla pzneom mz nar-newzng, vzo krlzobzle nabzlwang,  
\q2 Vzo mrkc tqyrlqbzme kx nalrlz-ngrmle.   
\q1
\v 9 X yrlqbzme bz ngr me naesakingr prla,  
\q2 Murde ma tqakq-atwrnr-mou-ngrde drtc'.   
\s2 Lue, Dakxnzng, X Ma  
\q1
\v 10 Wz-ngrn aulz, nzaulzmqng mz nabzlwa amrlx,  
\q2 Lue lcng nzvzong x lue kxetung nzyrleng mz mzlir newz amrlx.   
\q1
\v 11 Animol amrlx nzrmnqng lue lcng,  
\q2 Mz nzbrlxkzkr drtwrdr.   
\q1
\v 12 Utc nzrwzpe-ngrng ma nyzdr x nzngr-zvzng  
\q2 Mz nounc mz nqlvi r lue lcng.   
\q1
\v 13 Adcme tewa mz ma nyzm bongavz. Dcom mz newz amrlx.  
\q2 X amrlzle drtc' murde kxnzlung kcng tqwz-ngrn namnc-zpwxng.   
\q1
\v 14 Wz-ngrn nabr x dakxnzng nztuting mz drtc'  
\q2 Nangi nan animol x leplz.   
\q1
\v 15 Rkame waen kx na-aelalz-ngrm drtwrgr,  
\q1 X tolo kx na-alqngr nrkrdrtqgr,  
\q2 X dakxnzng kx naxplrngr nigr.   
\q1
\v 16 Yawe, nounc nyzm kc tqpetiq  
\q2 Nzdo-zlwz-krdr vzpxm mz nzadco-krme tewa badr.   
\q1
\v 17 X utc kang kqlu nzmncpxng mz nounc lcng.  
\q2 X nzwzpx-ngrdr ma nyzdr elr.   
\q1
\v 18 Gout nzmncomqng mz newz,  
\q2 X animol kxnztopwzng nzmnc-kapqneng me rplzngr.   
\s2 Mzli Kcng Tqyrlqq  
\q1
\v 19 Yawe, wz-ngrn temz nangi noabx ngr mzli,  
\q2 X nepi noabx ngr zbq.   
\q1
\v 20 Nim kx rwzngr nzlo ngr nrlckxbq,  
\q2 Mzli r nzprpx-krm animol kzpeto me nzmnc-ngrdrng.   
\q1
\v 21 Laion nzyrni-katong mz nzrtangr-krdr dakxnzng  
\q2 Kx nakabzme badr.   
\q1
\v 22 A' mzli kc tqprtz-ngrm nepi,  
\q2 Sc tzyzlupeng ma nyzdr, tzmwipeng.   
\q1
\v 23 X mz nrlc kxngrlx, leplz nzvzng mz nzale-krdr nzwz-krdr,  
\q2 Nzwzng vz vz krlzbzle milzpq.   
\s2 Animol  
\q1
\v 24 Yawe, animol kcng tqwz-ngrn kqlu-esz'ngr.  
\q2 Nrlc ka yrbulzm mz da lcng amrlx tqwz-ngrn mz nzyrplapx-krm.   
\q1
\v 25 Dcpwe yrlwrlz-ngrm nc kxkqlu x rblx nzrlwx-krgrleng.  
\q2 Kzdu nc lcng nzetuting x kzdu nztopwzneng.   
\q1
\v 26 Lcsu kxnzkqlung nzvoneng prla.  
\q2 X nc kxbe kc tqwz-ngrn drtqde besilr ayone kz elr.   
\s2 Mevalu  
\q1
\v 27 Animol lcng nzmnc-xglelr nim,  
\q2 X rka-zvzbzme nadr dakxnzng.   
\q1
\v 28 X mz nzrka-krbzme da kxmrlz badr  
\q2 Amrlz-zvzq nidr.   
\q1
\v 29-30 Mzli kc tqrka-ngrbzme zycmini sc tzlupeng,  
\q2 Murde nim Kxrpalz.  
\q1 X ngi-batr-zvzbzme nzlukr animol amrlx mz nrlc.  
\q2 A' mzli kc tqpxtxpx-ngrn nidr, nelzdr vzdzm.  
\q1 Murde mz nzrkatxpx-krbzme zycmini lc, nzbzng.  
\q2 X nzyzlu-moung mz drtc' kc tqwz-ngrn nidr.   
\s2 Zluli X Zmatq  
\q1
\v 31 Nzmyalzkr Yawe navz zvz,  
\q2 X nzabrtzlvz-krde nikeng wz-ngrdeng amrlx.   
\q1
\v 32 Mz nzobqo-krmle, drtc' ycngrlrlzm apule nengq kx vzm,  
\q2 X ngi-batrpzle nzsikapukr trmami mz nzmaletr-krde newzng.   
\q1
\v 33 Na-angrlvz-zvzx Yawe Gct rnge,  
\q2 Navz nakrlzbzle nzesakikr nzycmini-krnge.   
\q1
\v 34 Mrlzvxitx Yawe nzabrtzlvz-krde natqngeng mz nzngr-krbo bade,  
\q2 Murde nide kc tqrngi-batr-zvzm nzabrtz-krnge.   
\q1
\v 35 Mrlzvxitx nznibqti-krde kxdrka'-ngrng  
\q2 Murde nzatrkatilr nrlc kc tqwz-ngrde mz nzpxtxpx-krdr nzglqlz-krdr nide.  
\q1 \bd Yawe naglqpxx nim mz nabznge.\bd*  
\q2 Eu. Naglqlz-zvzkr nim.   
\c 105  
\cl Sam Kratrtqki-esz'-nrade-nzlvqn (105) 
\s1 Gct Angidati-zvzle Nzesz'tikr Drtwrdr Badr Leplz Nedeng, Kxmule-esz' Nzvz-rbrng  
\s2 Nqmq Kr Gct  
\q1
\v 1  \bd Naglqpxku Yawe,\bd*  
\q1 Na-awibzku mz Yawe mz nzmyalz-esz'ngr-krde.  
\q2 X napipxbzku mz lr mrkzbleng da kcng tqaletileng.   
\q1
\v 2 Na-angrlvzku mz nzangio-krgu nide.  
\q2 X napipxku da kxnzkctipxng kcng tqwz-ngrdeng.   
\q1
\v 3 Nabilvzku drtqde kxtr.  
\q2 X nigu kcng tzamrluelr nide drtwrgu naelalzm.   
\q1
\v 4 Namnc-xgleku Yawe x nzxplr-krde.  
\q2 X nasuti drtwrgu nzxngi-krbzku nzulrde.   
\q1
\v 5-6 Vzpxmgu mz nqvi lr Ebraam, kxnzawz ne Yawe,  
\q2 X nqvi lr Jekop kc tqmcpxle.  
\q1 Delc nadcpx zvz mz drtwrgu rkx kcng tqmatq tqaleleng,  
\q2 X nztubqkr nqmq krde.   
\s2 Nzesz'tikr Drtwrgu Badr Gct  
\q1
\v 7 Yawe nide Gct rgu.  
\q2 X kapxbzle natqdeng mz leplz amrlx mz nrlc.   
\q1
\v 8 Nzesz'tikr Drtwrgu badr tqyc tqyc.  
\q2 X trmrbrtru mz drtwrde nzesalz-krde.   
\q1
\v 9 Nzesz'tikr Drtwr lc tzyrlq-kailr mz Ebraam.  
\q2 X pipx-kzpzle nzesalz-krde lc mz Aesak.   
\q1
\v 10 Amqngi-mopwzle mz Jekop x doa nedeng,  
\q2 Murde navz alo.   
\q1
\v 11 Rpibzle badr kx, “Sa nakabo bamu drtc' kc Kenan  
\q2 Murde nangi drtc' nyzmu.”   
\s2 Leplz Neng Gct  
\q1
\v 12 A' nqvi lr ncblo lc tqngi nyz Gct nzpipzbeng mzli lcde,  
\q2 Mz nzngini-krdr lr mrkzbleng kx trpnzngr me nzmqngio-ngrdr.   
\q1
\v 13 X nzayo-txpwzng  
\q2 Mz nzrlasz-krdr kc mrkzble x nzvzki-mou-krdr mrkzble.   
\q1
\v 14 A' Yawe tr-rlrpx-ngrdeu nzaovxiongr nidr,  
\q2 Murde aclvele nidr mz nzlc-amq-krbzle mz king kxnzkqlung,   
\q1
\v 15 Mz nzrpi-krbzle badr kx, “Bzkq atrkatibzmu leplz nengeng kx mcpxx.  
\q2 X bzkq aetqbzmu drtq menrpa nenge lcng.”   
\s2 Drtwr Kx Yrlq Gct  
\q1
\v 16 Mz nibr kzdung mzli, Yawe atwzlr-ngrmle dzbi mz drtc' nyz leplz nedeng,  
\q2 X katxpx-kzle dakxnzng nadr amrlx.   
\q1
\v 17 A' atwzlr-kai-ngrde kzdq ncblo Ijipt kx nangibz lrpzki badr.  
\q2 Krlcde Josip, mrlx Jekop, kc tzamwalr murde nanginide kxnzawz-nrbalq.   
\q1
\v 18 X mz nibrde sc tqmncpxpem mz presin,  
\q2 X nzatolva-ngrdr nide mz nqvi.   
\q1
\v 19 Vz vz x natqde sc tqyokaetipxpele nzrmwiblekr king r Ijipt,  
\q2 Mz nzpipx-krde natq angidr kc tqkabz Yawe bade.   
\q1
\v 20 Zbz king r Ijipt kc tqaclvele mrkcng kqlu,  
\q2 Aopxbzle drtq Josip mz nzkapx-krmlele mz presin.   
\q1
\v 21 X sc tqyrlqpele Josip nzngini-krde kxetu elr,  
\q2 Murde na-aclvele dalr Ijipt amrlx.   
\q1
\v 22 Zbz Josip rngisc zmatq mz nzrkapx-krbzle natq mz kxnzetung amrlx,  
\q2 X mz nzalvztr-krde ncblo kcng tzyrplapxng.   
\q1
\v 23 Mz nibrde Jekop badr doa nedeng sc tzvzpeng Ijipt,  
\q2 Mz nzmnc-krdr elr, murde dzbi lc tqtaope mz drtc' nyzdr.   
\s2 Nzayrplapxkr Gct Lr Ijipt  
\q1
\v 24 Nqvi lr Jekop nzmncting Ijipt trtqki r yiz, x Yawe batrpzle nzkqlunepx-krdr.  
\q2 X nzxplr-krdr myaszpxle lr Ijipt, enqmi rdrng.   
\q1
\v 25 Delc lr Ijipt tzngyatingr drtwrdr leplz nedeng kcng tzangiolr nide.  
\q2 X sc tzatrkatipelr nidr mz nzawz-nrbalq-krdrleng x sc tznibqtipe-kzpzlr doa ncblo nedrng mzli kc mztr tzmc-ngrdr.   
\q1
\v 26 Delc Yawe tqatwzlr-ngrbzle Mosis kxnzawz nede,  
\q2 Nidr mz Eron kc tqmcpxle, murde naokatrlr leplz nedeng Ijipt.   
\q1
\v 27 X sc tzale-ngrdr rkx ngr Gct kxmatq kxkqlu elr,  
\q2 Mz nzngi-batr-krbzle nzrwzngr da kxnzkctipxng mz mqdr x mz natqdr.   
\q1
\v 28 Awx-nzlo-ngrbz Yawe mrnyzdr,  
\q2 A' natqde trnzvz-nqblqpwzlru lr Ijipt.   
\q1
\v 29 Ngi-batrpzle nzlrtipxkr lue nyzdrng mepyr  
\q2 X nzbztingr nc nedrng.   
\q1
\v 30 Drtc' atwrnrngr yrbuti mz frck,  
\q2 X nznulvzpx-kzplr ma nyz king.   
\q1
\v 31 Yawe kapxle natqde  
\q2 X mc badr mclrla nzyrkrpx-pnz-ngrng nrlarnrlc nyzdr.   
\q1
\v 32 Atwzlr-ngrmle muli-aes apule tewa kxdc,  
\q2 X bzlrpc tqpctipx zlwz mrnyzdr. \fig Yawe atwzlr-ngrmle muli-aes apule tewa kxdc.|alt="021 hail plague" src="021-CO00805b.tif" size="COL" loc="PSA 105:32" copy="David C. Cook" ref="105:32" \fig*   
\q1
\v 33 Odatile nqvi lr dakxnzng mz nrlanc nyzdr  
\q2 X plameitio-kzle nounc nyzdr amrlx.   
\q1
\v 34 Yawe kapxle natqde  
\q2 X blzmr kionabr kx rblx nzrlwxngr nzlvcmqng.   
\q1
\v 35 Nzngqtilr dakxnzng kxnzpeting  
\q2 Mz nrlanc nyzdr amrlx.   
\q1
\v 36 Zbz Yawe sc tqnibqtipe-kzle doa ncblo kx ayrnrngr  
\q2 Mz ma nyz lr Ijipt amrlx.   
\s2 Nzokatrkr Gct Lr Israel  
\q1
\v 37 Mz nibrde sc tqmailzpele lr Israel mz nzrlasz-krdr Ijipt, nzrtwzng silvz x gol.  
\q2 X trpnzngr nidr kxnzyagoxng, a' nzxplrng.   
\q1
\v 38 X lr Ijipt nzabrtzlvzlr nzrlasz-krdr nidr.  
\q2 Murde nzmwxlrtilr da kx naprtzbz badr mz nzlolvz-mou-krdrleng.   
\q1
\v 39 Yawe yrlqbzle dcbz ngrlx murde navz-nqblq leplz nedeng,  
\q2 X mz nrlckxbq yrlq-kzpzle nyr nayzlrbz badr.   
\q1
\v 40 Nzrlxbzng bade dakxnzng x atwzlro-ngrmle kio kxkqlu  
\q2 X dakxnzng kxkqlu kx nakrlcngr nelzdr.   
\q1
\v 41 Ayrlepxmle lue mz kzdq rplz kxetu,  
\q2 X lue lc yrle lzke apule lue kxvo.   
\s2 Me Pnz Drtwr Gct  
\q1
\v 42 Delc Yawe sc tqyc-zvzngr mz drtwrde natqde kxtr  
\q2 Kc tqpibzle mz kxnzawz nede, Ebraam.   
\q1
\v 43 Zbz sc tqmailzpxpele leplz nedeng kcng tqmcpxle,  
\q2 X nzngr-zvzng x nzmalq-zvz-kzng mz nzabrtz-krdr.   
\q1
\v 44 Kabzle drtc' ngr lr mrkzbleng mz leplz nedeng,  
\q2 X nztwz-kzlr nrlanc nyzdrng x da amrlx kx nzvzpxmqng mz nzwz-krdrng.   
\q1
\v 45 Murde leplz nedeng navz-nqblqlr loukxtr scdeng  
\q2 X nayrlq-angidrlr natqdeng.  
\q2 \bd Naglqpxku Yawe.\bd*   
\c 106  
\cl Sam Kratrtqki-esz'-nrade-esz'mz (106) 
\s1 Gct Arlapx-zvzle Leplz Nedeng, Kxmule-esz' Nzvz-rbrng  
\s2 Nzawingr  
\q1
\v 1  \bd Naglqpxku Yawe!\bd*  
\q1 Murde aodu-zvzle nigu.  
\q2 Awi-ngrbzku bade nzmrlz-esz'ngr-krde.   
\q1
\v 2 Trpnzngr leplz kx rkrlz nzrpipx-angidrngr rkx amrlx kcng tqwz-ngrde,  
\q2 X nzrglqlzngr amrlx trkrlzpxpwzleu nzmyalz-esz'ngr-krde.   
\q1
\v 3 Yawe, natqm rpile kx sa namrlzbz mz leplz kcng tzaleng da kxtubq,  
\q2 X trpnzngr da kxtrka mz nzao-krdr drtwrdr.   
\q1
\v 4 Nadcpxngr mz drtwrm ninge, mzli kc naokatr-ngrn leplz nemqng,  
\q2 X aprtr-kzpz ninge badr, mzli kc na-arlapx-ngrn nidr.   
\q1
\v 5 Murde na-axvctr-kzpo badr mz nzamnc-zpwx-krm nidr,  
\q2 X mz nzabrtz-krdr x nzbilvz-krdr nzngini-krdr leplz nemqng.   
\s2 Mrkc Ijipt  
\q1
\v 6 A' axvctr-lzbq-kzpzkr mz melrmqgrng mz alwx ngrdrng.  
\q2 X vz-nqblq-kzkr nzvz-rbr-krdr mz da kxtrka.   
\q1
\v 7 Mzli kc tzmncngr melrmqgrng Ijipt,  
\q2 Trnzkrlz-zpwxlru rkx kcng tqaletiqng,  
\q1 X trnzaotiu drtwrdr nzwrde kcng kqlu tqaelwa-ngrbzme nivz lrm badr.  
\q2 X mrkc Prla Bla nzrnzlvzolr nim kc tqmyalz-esz'ngr.   
\s2 Mrkc Prla Bla  
\q1
\v 8 Kxmule-esz', a' arlapxq nidr mz nzvz-nqblq-krde nzesalz-krm.  
\q2 Murde na-aelwapx-ngrn nzmyapxkr zmatq ngrm.   
\q1
\v 9 Lclvzq Prla Bla x sc tqakipx-lzbqpe x noude pzlz-kzp.  
\q2 X sc tqmailzpeq leplz nemqng elr.   
\q1
\v 10 Arlapxq nidr mz nzaopx-krbzme drtqdr mz mq lr Ijipt,  
\q2 Enqmi rdr kcng tzpxtxpx-ngrdr nidr.   
\q1
\v 11 A' prla yrle-etr mou x akq-pnzle enqmi rdrng,  
\q2 X trpnzngr nidr kx rlapx.   
\q1
\v 12 Mzli lcpe sc tzlxngiti ate leplz nemqng natqmqng,  
\q2 X sc tzngrpeng mz nzglqlz-krdr nim.   
\s2 Mrkc Lzke  
\q1
\v 13 A' mzli trboiu sc tqmrbrtrpe mz drtwrdr nikeng aletiq,  
\q2 Mz nzvz-nqblq-kai-krdr me pnz drtwrdr x nim kc ate.   
\q1
\v 14 Mzli kc tzmnc-ngrdr lzke nzabzlr nim,  
\q2 Mz nzrlx-krbzlr ncvr animol, murde drtwrdr rblx nzesapx-krdr.   
\q1
\v 15 X kabzme badr da kc tzsuti drtwrdr,  
\q2 Vzmi zyagox kxtrka mz nzayrplapx-krm nidr.   
\s2 Kxnzrnzlvzolr Mosis  
\q1
\v 16 Mzli lcng li kzdung ncblo tzrnzlvzolr Mosis,  
\q2 Ncdr Eron kc tqngi kxnzawz kxtr nem.   
\q1
\v 17 Zbz drtc' glqwi x lvxpx-lzbq mz nzyrtzmq-amrna-krde kxnzrmailz lcng,  
\q2 Datan ncdr Abiram, nidr badr lr ma nyzdr x kztedrng amrlx.   
\q1
\v 18 X atwzlr-kz-ngrpe' nyr mz kzdq ncblo x kxdrka'ngr kc-kzng tzvz-nqblqlr nide,  
\q2 X nzngcting amrlx ngrdr.   
\s2 Mz Nou Newz Saenae  
\q1
\v 19 X mz nou Newz Saenae nzwz-ngrdr mz gol kc mqngr kzu.  
\q2 X sc tzangiopelr nide.   
\q1
\v 20 Nztekqtrlr nzangio-krdr Kxrpalz kc tqmyalz, tqrwzngr kzu amrlx,  
\q2 Mz nzangio-alzu-krdr mqngr kzu kc tzwz-ngrdr esz'-krdr. \x + \xo 106:20 \xt Rom 1:23\x*   
\q1
\v 21-22 Trycneu mz drtwrdr nim kc tqarlapxle nidr.  
\q2 Tqrtrngzbz rkx kxmatq mrkc Ijipt,  
\q1 Tqwz-ngrde da kcng tqmrlzvxing elr,  
\q2 X tqalele da kcng tzkctipxng mrkc Prla Bla.   
\q1
\v 23 Delc tqrpipe-ngrn kx naodatipeq leplz nemqng.  
\q2 A' Mosis kc tqmcpxq, awxobzle zngya ngr drtwrm, x trodatiwq nidr.   
\s2 Nzpxtxpx-krdr Drtc' Kxmrlz  
\q1
\v 24 A' mz nibrde nzpxtxpx-ngrdr nzprtrngr mz drtc' kxmrlz kc tqkabzme badr,  
\q2 Murde nzmwxlr-zlwzng x trnzlxngitilru nzesalz-krm.   
\q1
\v 25 Nzmnc-txpwzng lzke x drtwrdr lctrpz mz kztedrng mz nzlitr-krbz drtwrdr bam.  
\q2 X trnzvz-nqblqlru nim.   
\q1
\v 26 Zbz sc tqesalzpebzme badr  
\q2 Kx sa nanibqtiq nidr lzke.   
\q1
\v 27 X sa nangi-batrpzme mz doa nedrng nzakitikr nrlc nidr,  
\q2 Mz nzmnc-krdr badr kxtrnzrlxngitiung x nabztineng mrkzbleng.   
\s2 Nzangio-krdr Baal  
\q1
\v 28 Zbz mz Newz Peo, leplz nemqng nzprtr-kzpzng mz nzangio-krdr gct kc drtqde Baal.  
\q2 X nzmu-kzng blz krde, kxmule-esz' nide gct kxbz kxnzlz.   
\q1
\v 29 Delc tqngyatingr drtwrm nidr  
\q2 X sc tqdwatipebz zyagox kx nabz-ngrdr.   
\q1
\v 30 A' Finizs twzpele zmatq x nibqle doa kcng li tqvzkipxm nzkxpungr,  
\q2 X zyagox kc sc tqayrkrpxpeq.   
\q1
\v 31 Nzwzkr Finizs lc tubq mz nzobq-krm.  
\q2 X nzryapwxtipxngr nide trpnzngr nzmrbr-krde.   
\s2 Mz Aulz Ngr Meriba  
\q1
\v 32-33 Mz aulz ngr Meriba, nzangyati-kzpzlr drtwrm.  
\q2 X da kcng tzalelrng atalvzobzle drtwr Mosis,  
\q1 X sc tqvz-rbrpe mz nzycmne-ani-krde.  
\q2 Delc tr-rlr-ngrpwzmeu nzprtr-krde mz drtc' nyzm,  
\q1 X nzkxpu-krde lc vzpxm mz natq kc tqpibzle  
\q2 Mz leplz lcng nardr tqmqngi.   
\s2 Nzprtr-krdr Mz Drtc' Nyz Gct  
\q1
\v 34 Mz nzprtrkr leplz nemqng mz drtc' nyzm  
\q2 Pibzme badr kx nanibqtilr lr Kenan kcng tzmncng elr.  
\q1 A' nzpxtxpx-ngrdr nzvz-nqblq-krdr natqm,  
\q2 Mz nzrlr-krbzlr nzrlapx-krdr.   
\q1
\v 35 X nzyrlz-etrng badr kxnzmnc-mrbrng,  
\q2 X nztwzlr nqmq krdrng.   
\q1
\v 36 Nzangiolr mqngr drka' rdr.  
\q2 X krlc lrpzki r nzodatingr nidr.   
\q1
\v 37-38 Nzrlr-ngrbzlr doa ncblo x doa olvz nedrng  
\q2 Nzngini-krdr blz kx nzkabz mz mqngr drka' kxnzlz lr Kenan.  
\q1 X mz nzpulio-krdr mepyr ngr doa nedrng kxnzmrlzng,  
\q2 Nzatrkati-zlwz-ngrdr drtc' kc tqkabzme badr.   
\q1
\v 39 X nzatrkati-lzbq-kzng mz da lc tzalelr,  
\q2 Mz nzapusr-lzbq-krdr olvz kc tqrlaszle krnalzde.   
\s2 Nzakitikr Nrlc Nidr  
\q1
\v 40 Mz nzmu-krde lcde, sc tqngyatipe drtwrm leplz nemqng,  
\q2 X pxtxpx-ngrn nidr.   
\q1
\v 41 Rlrpx-ngrn nzaovxiokr kxnzmnc-mrbrng nidr,  
\q2 Murde na-aclvepeng enqmi rdrng.   
\q1
\v 42 X enqmi lcng nzayrplatipxlr nidr,  
\q2 Mz nzmnclz-krbzlr badr.   
\q1
\v 43 Nzwrde kqlu kx arlapx-ngrn nidr,  
\q2 A' sc tqsuti zvz drtwrdr nzmncngr kx na-atrkatingr nim.   
\s2 Nzyzlu-mou-krmlr Mz Drtc' Kc Tqkabz Gct Badr  
\q1
\v 44 A' mzli kc tzyrni-ngrbzlr bam, xlrbzme natqdr.  
\q2 X vztitx drtwrm nidr murde nzkxpu-krdr.   
\q1
\v 45 Leplz lcng nemqng, dekc tqycngr mz drtwrm Nzesz'tikr Drtwrmu Badr,  
\q2 X trayrplapx-zvzwq nidr, murde aodu-zvz-kzq nidr.   
\q1
\v 46 X ngi-batrpzme nzyckr mz drtwr enqmi rdr  
\q2 Kcng tzaovxiolr nidr.   
\s2 Nzkrka'-krgr  
\q1
\v 47 Yawe, Gct rgr, arlapx nigr mz mq kxtrnzrlxngitiung,  
\q2 Mz nzvzmi-kr-mope' nigr mz drtc' nyzgr.  
\q1 Murde na-awibzkr bam  
\q2 X naglqlzkr drtqm kxtr.   
\s2 Nabz Kx Yrkrpxngr Buk Krapwx  
\q1
\v 48 Naglqlzku Yawe, Gct rgu, nigu lr Israel,  
\q2 Tqvzpe, tqvzpe. Naglqlzku Yawe.  
\q1 Leplz narpilr kx, “Eu, angida!”  
\q2 \bd Naglqpxku Yawe. \bd*   
\ms1 Buk Kranzlvqn  
\mr Sam 107—150  
\c 107  
\cl Sam Kratrtqki-esz'-nrade-rlimz (107) 
\s1 Gct Ayzlu-zvz-ngrbzle Natq Leplz Nedeng  
\s2 Nzawingr  
\q1
\v 1 Na-awi-ngrbzku mz Yawe nzmrlz-esz'ngr-krde.  
\q2 Murde aodu-zvzle nigu.   
\q1
\v 2 Naglqlz-zvzku nide,  
\q2 Murde arlapxbzle nigu mz mq enqmi rgung,   
\q1
\v 3 Mz nzkapx-krmle nigu mrkzbleng mz nrlc tulvzo.  
\q2 Murde nayrlwr-lxblrku mz drtc' nyzde.   
\s2 Kxnzayoneng Lzke  
\q1
\v 4 Kzdung nigu nzayoneng lzke,  
\q2 Me trpnzngr lrpzki kx narmcti-ngrdr mztea kx namnc-ngrdr.   
\q1
\v 5 Kztegu lcng nzbrtale-zlwzng, nzbrlxkz-zlwzng,  
\q2 X mztr tclvrting.   
\q1
\v 6  \bd Zbz sc tzkqlepelr Yawe, \bd*  
\q2 \bd Kc tqkatxpxpebzle nzkxpu-krdr.\bd*   
\q1
\v 7 Mailzle nidr mz lrpzki kxtubq,  
\q2 Vz, vz nzkrlzbzlr mztea kx namnc-zpwx-ngrdr.   
\q1
\v 8-9 Rkabz lue mz kxnzbrlxkzng,  
\q2 X dakxnzng kxmrlzting mz kxnzbrtaleng.  
\q1 \bd “Awi Yawe, mz nivz lrm kc tqyc tqyc, eu. \bd*  
\q2 \bd Okatr-zvzq nigr. Awi Yawe, mz nivz lrm.”\bd*   
\s2 Kxnzmncng Mz Presin  
\q1
\v 10 Kzdung nigu nzatolva-ngrng mz presin,  
\q2 Mz nzmncpx-krmlr me tungr nzlo.   
\q1
\v 11 Murde nzrnzlvzolr lou sc Gct kc tqmyatxlz-esz'ngr,  
\q2 X drtqdr sa kz nzrlolvzngr nzalvztr-krdeng.   
\q1
\v 12 Delc tqngi-batr-ngrbzle nzetqkr drtqdr mz nzwz-kato-krdr.  
\q2 X nzyangrngapeng, a' trpnzngr kx naokatrle nidr.   
\q1
\v 13  \bd Zbz sc tzkqlepelr Yawe, \bd*  
\q2 \bd Kc tqkatxpxpebzle nzkxpu-krdr.\bd*   
\q1
\v 14 Aopxbzle drtqdr mz da kc tzatolva-ngrdr,  
\q2 X vzmipxmleng mz nabz nzlo mz zyzlr.   
\q1
\v 15-16 Zmatq ngrde myaszpxle naonrx ngr presin,  
\q2 Mz nzodati-atwrnr-krdele.  
\q1 \bd “Awi Yawe, mz nivz lrm kc tqyc tqyc, eu. \bd*  
\q2 \bd Okatr-zvzq nigr. Awi Yawe, mz nivz lrm.”\bd*   
\s2 Kxnzyagoxng  
\q1
\v 17 Kzdung nigu nzpxtxpx-ngrdr Yawe mz nzngqngu-krdr,  
\q2 X ayrplapxle nidr mz alwx ngrdrng mz nzbatr-krbzle nzyagox-zlwz-krdr.   
\q1
\v 18 Mzli lc nzpxpe-ngrdr nzmungr,  
\q2 X nabzpeng.   
\q1
\v 19  \bd Zbz sc tzkqlepelr Yawe, \bd*  
\q2 \bd Kc tqkatxpxpebzle nzkxpu-krdr.\bd*   
\q1
\v 20 Yawe amrlzle nrkrdrtqdr mz zyagox lcng mz nzycmnetx-krpwzle.  
\q2 Delc tzrlapx-ngrdr mz nzbzngr.   
\q1
\v 21  \bd “Awi Yawe, mz nivz lrm kc tqyc tqyc, eu.\bd*  
\q2 \bd Okatr-zvzq nigr. Awi Yawe, mz nivz lrm.\bd*   
\q1
\v 22 Abrtz-zlwz-ngrgr nim nzkatxpx-krbzme  
\q2 Nzkxpu-krgrngq. Abrtz-zlwz-ngrgr nim.  
\q1 Naglqpx-zvzkr nim mz nzngr-krgr nabz,  
\q2 X mz nzale-krgr blz. Naglqpx-zvzkr nim.”   
\s2 Kxnzalilvcneng Mz Lcsu  
\q1
\v 23 Kzdung nigu nzalilvcneng mz lcsu prla,  
\q2 Murde nzrtrngztibzlr nzmabz-krdr elr.   
\q1
\v 24 Kztegu lcng nzmclr zmatq ngr Yawe,  
\q2 Mz da kx aleting dcpwe.   
\q1
\v 25 Mzli kc tqycmneti-ngrdr nenq, x trlipu r nenq kc tqwqpe.  
\q2 X batrpzle nzvzdz-krm ebio wq.   
\q1
\v 26 Ebio lc glqtxlzle lcsu scdr wq.  
\q1 X twzo-moule mrbrobz mz mzlirdr mz kztedeng.  
\q2 Trlipu lc avzdzmle nelzdr x alibzle drtwrdr.   
\q1
\v 27 Dea-ngrdr tqvzne x nztaneng nzapulr ncblo kxnzrmnqng.  
\q2 X trpengr da kx nakrlzlr kx nartrngztibzlr.   
\q1
\v 28  \bd Zbz sc tzkqlepelr Yawe, \bd*  
\q2 \bd Kc tqkatxpxpebzle nzkxpu-krdr.\bd*   
\q1
\v 29 Ycmnebz mz nenq x sc tqamaope,  
\q2 Mz ebio x nrwx kc tqvope. \x + \xo 107:29 \xt Sam 65:7; 89:9; Matiu 8:26; Mak 4:39; Luk 8:24\x*   
\q1
\v 30 Kztegu lcng nzabrtztx-zlwz-ngrdr nzvopekr nrwx,  
\q2 X sc tqmailztrpeng Gct mz nabzn kc naokitrlr.   
\q1
\v 31  \bd “Awi Yawe, mz nivz lrm kc tqyc tqyc, eu. \bd*  
\q2 \bd Okatr-zvzq nigr. Awi Yawe, mz nivz lrm.\bd*   
\q1
\v 32 Napipxbzkr nimq mz mz lrtzlvzng,  
\q2 X mz leplz amrlx. Napipxbzkr nimq.”   
\s2 ?Nzayrplapxngr O Nzamrlzngr?  
\q1
\v 33 Yawe apztx-atwrnr-ngrde lue kxnzetuting,  
\q2 X aesakile nzyrlelz-krm aulzng,   
\q1
\v 34 X apiz-kzle drtc' murde trpnzngr da kx nalvcpu mrlcde,  
\q2 Mz nzayrplapx-krde kxdrka'-ngrng kcng tzmncng elr.   
\q1
\v 35 A' me ngi drta'ngr ngi nabzdeng kx lrngr lue,  
\q2 X drtc' kx mingrting yrlelz-ngrm aulzng.   
\q1
\v 36 Murde navzmimle melrmqgung kxnzbrtaleng namncng mrlcde,  
\q2 Mz nzwz-krdr mztea nyzdr kx namnc-ngrdr.   
\q1
\v 37 Nzrwz-ngrng nrlanc x nzpetilr nounc,  
\q2 X nzrnginanqng dakxnzng x nranc kxkqlu.   
\q1
\v 38 Amrlz-zvzle nidr x ngi-batrpzle nzrmika-krdr doa kxkqlu,  
\q2 X nzkqlunepxkr animol nedrng.   
\s2 ?Kxnzyrplapxng O Kxdrka'-ngrng?  
\q1
\v 39 Mzli kznike leplz nzobqszo-ngrdr nigu  
\q2 Mz nzatalvzo-krbzlr drtwrgu x nzaetq-zlwz-krbzlr drtqgu,   
\q1
\v 40 Gct kc tqobqszo-ngrde kxnzetung kxnzglqpx-lzbqng,  
\q2 X batrpzle nzayone-krdr nzapulr kx trpnzngr me tutrngr nzvzne-krdr.   
\q1
\v 41 A' katxpxbzle nzkxpu-krgu, nigu leplz txneng,  
\q2 X aclvele nigu mz nzapu-krgu sip nedeng.   
\q1
\v 42 Kxnztubqng nzmclr nqmq krde x nzabrtz-zlwz-ngrdr.  
\q2 A' kxdrka'-ngrng nzwx-nabu-txpwzng.   
\q1
\v 43 Krkcng tzyrplapxng nakrlzlr da lcng  
\q2 Mz nzaotikr drtwrdr nzetukr nzaodukr Yawe nigu.   
\c 108  
\cl Sam Kratrtqki-esz'-nrade-rtqmz (108) 
\s1 Mnc-xgle-txpwzkr Nim Mz Na-aovxio-krm Enqmi Rgrng  
\d Nabz ne Devet.  
\s2 Sa Na-angrlvzx Nim  
\q1
\v 1-2 Sa na-angrlvzx nim mz nabznge atwrnrngr mz nzayrni-krbo gita bam,  
\q2 Murde abrtr-zvzbo drtwrnge bam.  
\q1 Nilz r nepi adwalzmle ninge mz zbq kang kqlu.  
\q2 A' mz nzdwalz-krmc mz nourla kx topwz,  
\q1 Na-apule nabz nenge adwalzmle nepi,  
\q2 Mzli lc tqglqlzpex nim.   
\q1
\v 3 Yawe, sa na-awibo bam mz mzlir lr mrkzbleng,  
\q2 X na-angrlvzx nim mz mzlir neidung.   
\q1
\v 4 Murde nzaodu-zvz-krm myalz krlzlzle bongavz,  
\q2 X nzangidati-zvz-krm natqm. \x + \xo 108:4 \xt Sam 36:5; 71:19; 103:11\x*   
\q1
\v 5 Lr Heven namclr nzmyalz-esz'ngr-krm,  
\q2 X lr nrlc namclr nzaovxio-krm. \x + \xo 108:5 \xt Sam 57:7-11\x*   
\s2 Gct Ayzlu-ngrmle Natqgu  
\q1
\v 6 Mz zmatq ngrm, arlapx nigr kcng tqaodu-zvzq,  
\q2 X ayzlu-ngrme natqgr.   
\s2 Da Kc Tqpi Gct  
\q1
\v 7 Gct, natqmqng nzvzpxmqng mz Mangr-nzangiongr, mz nzrpi-krdr kx,  
\q1 “Mzli kc na-aovxio-ngrne, sa na-akipxbo mz leplz nengeng  
\q2 Drtc' kcng mz nrlar LueJodzn rlilr.   
\q1
\v 8 Murde neidu lr Gilead nengeng.  
\q2 X nqvi lr Manase nenge-kzng.  
\q1 X neidu lr Efrem tum mz nibrnge.  
\q2 X nqvi lr Judz kx na-aclve-zvzng mz zmatq rnge.   
\q1
\v 9 A' enqmi rmung trna-aovxiolru nimu.  
\q2 Murde lr Moab sa nawztrpqng bange  
\q1 X lr Edom sa nametxmqng bange.  
\q2 X sa namalqlvzx nzmilxtxo-krnge lr Filistia.”   
\s2 Natq King  
\q1
\v 10 ?Gct, sa na-atutrq natqm lc mz nzokatr-krm ninge,  
\q2 Nzprtr-krnge mz lrpalvc ngr mzteadau nyzdr lr Edom?   
\q1
\v 11 Murde mzli kc axtxpeq nigr,  
\q2 X trokatrwq ami negr mz nzotangr.   
\q1
\v 12 Gct, okatrp nigr mz nzota-krgr badr enqmi rgrng mzli ka.  
\q2 Murde mane nzmnc-xgle-krgr ncblo nzarlapx-krdr nigr.   
\q1
\v 13 X krlzkr kx mz nzmnc-krme bagr,  
\q2 Sa narnzlvzokr enqmi rgrng mz nzokatr-krm. \x + \xo 108:13 \xt Sam 60:5-12\x*   
\c 109  
\cl Sam Kratrtqki-esz'-nrade-rpwxmz (109) 
\s1 Kxnzpibqtilr Doa Ne Gct  
\d Nabz ne Devet.  
\s2 Kxnzatrkatilr Ninge  
\q1
\v 1 Gct, glqlz-zvzx nim.  
\q2 Bzkq anabume bange x obqlvz-txpwzme ninge.   
\q1
\v 2 Murde kxdrka'-ngrng kxnzesabrng nzycmnetr-ngrdr ninge  
\q2 Mz nzpokiatitr-krdr ninge.   
\q1
\v 3 Nzatrkati-krdr ninge trpnzngr noude,  
\q2 A' nzrpiting natq kx trmrlzu.   
\q1
\v 4 Kxmule-esz' aodux x krka'-ngrneng nidr,  
\q2 A' nzayzlu-alzuplr mz natq ngr nzpokiangr.   
\q1
\v 5 Kxmule-esz' alebo badr da kxmrlzting mz nzngini-krnge kztedr,  
\q2 A' nzale-alzupqng bange da kxtrka mz nzapu-krdr enqmi rngeng.   
\s2 Bzkq Amrlzq Enqmi Rnge  
\q1
\v 6 Yawe, suti drtwrnge kx na-ayrplapxq ncblo kc tqycmne-atrkatile ninge  
\q2 Mz nzvz-nqblq-krde natqnge kcng napibo bam mz nzngini-krnge kxnzawz nem.  
\q1 Mzli kc navz-ngrde mz kot, kzdq kxdrka'ngr natubz mz nibrde,  
\q2 X mrlz kzdq enqmi rde nanginide majzstret.   
\q1
\v 7 Bzkq rlr-ngrbzme nzaovxio-krde,  
\q2 A' nzkrka'-krde na-aelwapx-ngrde nzvz-rbr-krde.   
\q1
\v 8 Bzkq amrlzq nide, a' nabz ani,  
\q2 X natekqtr ncblo kzble mz nzngini-krde kxrmailz. \x + \xo 109:8 \xt Aposol 1:20\x*   
\q1
\v 9 Nabzsz-kzle doa nedeng x olvz rde,  
\q2 Murde trpengr kx na-aclve-angidrle nidr.   
\q1
\v 10 Naodatitxde ma nyz doa nedeng,  
\q2 Murde navztxneng mz nzrlx-krdr dakxnzng.   
\q1
\v 11 Mz nzrka-niwzlr-krdr trau kx rlxti trtedr, nayrkrtxpxngr dztudrng amrlx.  
\q2 X lr mrkzbleng napnatibzlr da kx atatrple mz nzwz-krde.   
\q1
\v 12 Bzkq kx nivz lrde mrlzbz bade,  
\q2 X bzkq kx ycngr drtwrde doa nedeng.   
\q1
\v 13 Nabzng badr lr ma nyzdeng amrlx,  
\q2 Murde bzkq kx nardctipx mou drtwr nqvi lrde.   
\q1
\v 14 Nadcpx mz drtwrm nqmq kr melrmqdeng kc tqtrka,  
\q2 X bzkq ipqpxq alwx ngr lxede.   
\q1
\v 15 Mrkc Heven nadcpx zvz mz drtwrm alwx ngrdrng,  
\q2 A' mz nrlc enqmi lcng namrbrtr alo mz drtwr.   
\s2 Alwx Rdeng  
\q1
\v 16 Rlxtibo bam da lcng murde mrlx lc trpnzngr kx mrlzti nivz lrde,  
\q2 A' armzkiti x rnibqti leplz txneng kxtrnzrngiscung x kx drtwrdr talvzo zlwz.   
\q1
\v 17 Mrlzbz bade nzpilz-zvz-krde leplz.  
\q2 Delc mrlzvxitx na-ayzlu-mou-ngrbz bade nzpilz-krdeng.  
\q1 X pxtxpx-ngrde nzale-krbzle da kxmrlz mz leplz.  
\q2 Delc tqpxtxpx-ngrne nzrka-ngrbz da kxmrlz bade.   
\q1
\v 18 Tresakiu nzpilz-krde leplz.  
\q2 Delc nzayzlu-krbzmeleng bade naxngitx-pnzbzle.  
\q1 Mrlz nzpilz-krm nide na-apule lue kx mingrtr mz nrkrdrtqde,  
\q2 X tolo kx na-alqtipwzle me xvcngr nrvr ngrde.   
\q1
\v 19 X na-apu-kzle lrpz kc tqkq-ngrde  
\q2 X amqngitr nrkalo.   
\s2 Yangrnga-zlwzx  
\q1
\v 20-21 Yawe, Kxetu rnge, kxmule-esz' rlxtibo bam nzayrplapx-krm enqmi rngeng  
\q2 Kcng tzpibqtilr ninge,  
\q1 A' rlxti-kzpo bam nzamrlz-krm ninge x nzokatr-krm ninge mz nzvz-nqblq-krde Natqm.  
\q2 X arlapx ninge mz nzvz-nqblq-krde nzmrlzkr nzaodu-krm ninge.   
\q1
\v 22 Murde ninge ncblo txne kx tr-rngiscu,  
\q2 X drtwrnge vztx zlwz.   
\q1
\v 23-24 Nrkrdrtqnge ngi nrvr-nrbalqpe mz trnzmupe-krpwc'u,  
\q2 Mz nzapu-krnge zmyo ngr milzpq kc namrbr-anipe.  
\q1 X apunepe-kzx br kc tqlvcne tqwqplxne nenq,  
\q2 Mz nzyangrnga-zlwz-krnge. \fig Br kc tqlvcpe.|alt="022 butterfly" src="022-butterfly.tif" size="COL" loc="PSA 109:24" copy="SIL" ref="109:24" \fig*   
\q1
\v 25 Kx nzmc ninge nzyrpalelvzlr ninge,  
\q2 X nzmcpxmlr nctqdr bange.   
\q1
\v 26 Yawe, Gct rnge, okatrp ninge, kxnzawz nem!  
\q2 Arlapx ninge mz nzvz-nqblq-krde nzaodu-krm ninge.   
\q1
\v 27 Murde enqmi rngeng nakrlz-zpwxlr kx arlapxq ninge  
\q2 Mz zmatq ngrm kx xplr-esz'ngr.   
\q1
\v 28 Yawe, kxmule-esz' enqmi rngeng nzpibqtilr ninge, a' amrlz ninge,  
\q2 X aovxio nidr murde nabilvzx nim.   
\q1
\v 29 Batrpz nzavzo-lzbq-krdr,  
\q2 Murde nzamyati-krbzme drtqdr naopx mz mz leplz.   
\q1
\v 30 Yawe, sa na-awi-zlwzbo bam,  
\q2 Mz nzglqlz-krnge nim mz mzlir leplz nemqng.   
\q1
\v 31 Murde nim kc tqtubz mz nibr ncblo txne,  
\q2 Mz nzarlapx-krm nide mz mq kxnzabetitrlr nide, murde nabz-ngrde.   
\c 110  
\cl Sam Kratrtqki-esz'-nzpnu-esz' (110) 
\s1 King Kxetu Kc Tqngi Nardr Pris Ne Yawe  
\d Nabz ne Devet.  
\s2 King Kxetu  
\q1
\v 1 Yawe rpibzle mz King kc tqngi Kxetu rnge kx, “Wxbu mrlc tqmatq-esz'ngr mz nrlarnge kxrtc,  
\q2 Navz nakrlz-zpwxbzle mzli kc nangi-batr-ngrbo mz enqmi rmqng nzmetx-krbzlr bam.” \x + \xo 110:1 \xt Matiu 22:44; 26:64; Mak 12:36; 14:62; Luk 20:42-43; 22:69; Aposol 2:34-35; 1 Korint 15:25; Efiszs 1:20, 22; Kolosia 3:1; Hibru 1:3, 13; 8:1; 10:12; 12:2\x* \fig Enqmi rmqng sa nayrngzobzlr nanycm.|alt="019 bow down to footstool of throne" src="019-footstool.tif" size="SPAN" loc="PSA 110:1-2" copy="Brenda Boerger" ref="110:1" \fig*   
\q1
\v 2 Murde Yawe sa nangi-batr-kzpzle nzetunepxkr zmatq ngrm mz nzvzpx-krme Jerusalem,  
\q2 Mz nzaovxio-krm enqmi lcng.   
\q1
\v 3 X mzli lcde, drtq leplz nemqng sa navq zlwz nzprtr-krbzlr mz ami nem,  
\q2 Murde namailzq nidr mz zmatq ngrm kc tqluli, tqtr.  
\q1 X obla nemqng sa navzmqng naprtr-kzpzng bam mz nzaxplr-mou-krdr ami nem.  
\q2 Na-apubzlr badr mi kc tqvzom mz nzrka-krbzle nzlungr kxmrna mz nabr.   
\s2 Nardr Pris  
\q1
\v 4 X Yawe esalz-ngrde drtqde x trnatekqtrleu drtwrde.  
\q2 Rpile kx, “Nim King nenge, nangini-alo-kzp pris mz nzvz-nqblq-krde nzwzkr Melkesidek.” \x + \xo 110:4 \xt Hibru 5:6; 7:17, 21\x*   
\q1
\v 5 X Yawe sa natubz mz nibrm,  
\q2 Mz nzmilxtxo-krde king kxnzkqlung mz zngya ngr drtwrde.   
\q1
\v 6 X sa na-ayrplapxle lr mrkzbleng mz nznibqti-krde nidr amrlx.  
\q2 X sa na-aovxio-atwrnr-ngrde king rdrng mz nrlc tulvzo.   
\q1
\v 7 X nim, King rnge, mz nzvz-krm lc, nzxplr-kato-krm sa namatqnepx kz.  
\q2 X sa na-aovxio-atwrnr-ngrn nrlc.   
\c 111  
\cl Sam Kratrtqki-esz'-nzpnu-esz'-nrade-esz' (111) 
\s1 Nqmq Kr Gct  
\s2 Kzdq Nabz Ngr A, B, C  
\q1
\v 1  \qac A\qac*wi Yawe! Glqpxku Yawe!  
\q2 \qac B\qac*ilvzx nide mz nabznge atwrnrngr, mz nzyrlwr-lxblr-krgr badr leplz nedeng.   
\q1
\v 2  \qac C\qac*lvele nrlc x da kcng tqwz-ngrde, tqaletileng nzmyalzng.  
\q2 \qac D\qac*elc, leplz amrlx na-aotingr drtwrdr da lcng mz nzabrtzlvz-krdrleng.   
\q1
\v 3  \qac E\qac*u, da lcng amrlx nzaelwapx-ngrdr zmrlue x zmatq rde.  
\q2 \qac G\qac*lqpxku nztubq-krde kc tqvzpe tqvzpe.   
\q1
\v 4  \qac I\qac*pqle nigu mz zmrlz ngrde kxmyalz x ycngr drtwrde nigu.  
\q2 \qac J\qac*zsle nigu x nayc zvz mz drtwrgu rkx ngrdeng.   
\q1
\v 5  \qac K\qac*abzle dakxnzng mz leplz kcng tzamrluelr nide.  
\q2 \qac L\qac*olvz-amqngile mz drtwrde da kx esalz-ngrbzle badr.   
\q1
\v 6  \qac M\qac*z nzaprc-krbzle drtc' ngr lr mrkzbleng mz doa nedeng,  
\q2 \qac N\qac*ide kc tqaelwapx-ngrbzle zmatq rde badr.   
\q1
\v 7  \qac O\qac*katrle nidr mz nzaclve-krdeng kxtubq.  
\q2 \qac P\qac*rlxpx-zvzle da angidr x nzrsakrlrngr.   
\q1
\v 8  \qac R\qac*kapx zvz natq kx rsakrlrngr.  
\q2 \qac S\qac*a na-atutrleng murde nqmq krde mrlz x tubq.   
\q1
\v 9-10  \qac T\qac*akitrde nzangio-krgu drtqde kxtr mz nzamrluengr murde  
\q2 \qac V\qac*z-nqblq-zvzle nzesalz-krde x  
\q1 \qac W\qac*iti nelzde nzarlapx-krde leplz nedeng.  
\q2 \qac X\qac* aelwapx-ngrgu nzyrplapx-krgu mz nzamrlue-krgu nide.  
\q1 \qac Y\qac*awe kabzle nzrkrlz-angidrngr mz krkcng tzyrlq-angidrlr natqde.  
\q2 \qac Z\qac*bq kalvz nzrglqpxngr nide navz zvz x tqvzpe, tqvzpe.   
\c 112  
\cl Sam Kratrtqki-esz'-nzpnu-esz'-nrade-li (112) 
\s1 Nqmq Kr Ncblo Ne Gct  
\s2 Kzdq Nabz Ngr A, B, C  
\q1
\v 1  \qac A\qac*wibzku mz Yawe! Murde amrlzle ncblo kx  
\q2 \qac B\qac*ilvzle natqde x amrluele nide.   
\q1
\v 2  \qac C\qac*lvele mrnyzde kcng naxplrng mz nzaclve-krdr.  
\q2 \qac D\qac*oa nedeng kxnztubqng, sa na-amrlz Gct.   
\q1
\v 3  \qac E\qac*salz-ngrbz Gct bade da kxmrlzting kxkqlu.  
\q2 \qac G\qac*ct okatrle nide murde natubq.   
\q1
\v 4  \qac I\qac*pq ncblo lc kztedeng mz nzvz-nqblq-krde zmrlz ngrde, nzryckr drtwrde, x nztubq-krde.  
\q2 \qac J\qac*zsle da kx naokatrle leplz kc-kzng, mz nzngini-krbzle lrpzki badr.   
\q1
\v 5  \qac K\qac*abzle da kxkqlu mz krkcng trnzrngiscung.  
\q2 \qac L\qac*alztqbzle mz Gct x alele da kx rsakrlrngr mz nzwz-krde.   
\q1
\v 6  \qac M\qac*urde ncblo kxtubq kxtr-rnrcti-lzbqu  
\q2 \qac N\qac*adcpx zvz mz drtwr leplz.   
\q1
\v 7  \qac O\qac*bqtipx-zvzle Yawe x  
\q2 \qac P\qac*rlxpxle kx nabzde trtaprlzpuu mz nrpa kxtrka.   
\q1
\v 8 ?\qac R\qac*nrcti-lzbq-ngrde? Trtingr, a' tu-amqngile.  
\q2 \qac S\qac*a namcle nzaovxiokr Yawe enqmi rdeng.   
\q1
\v 9  \qac T\qac*resakiu nzrka-krbzle da mz kxrsuti drtwr.  
\q2 \qac V\qac*z zvz nzayzlu-krbz Gct bade mz nqmq krde lc tqtubq.  
\q1 \qac W\qac*xbu me matq mz mzlir leplz.   
\q2
\v 10  \qac X\qac* angya drtwr kxdrka'-ngrng mzli kc namc-ngrdr nide.  
\q1 \qac Y\qac*cpwz pipz kxdrka'-ngrng lcng sa namrbr, x mane nzmadqti-krdr nqngidr mz zngya.  
\q2 \qac Z\qac*bz da amrlx kcng tqmrlzbz badr sa nangitx brmrda x sa na-apulr zsikapu kx ngilia.   
\c 113  
\cl Sam Kratrtqki-esz'-nzpnu-esz'-nrade-tq (113) 
\s1 Naglqlzku Yawe Mz Nzarmyalz-krgu Drtqde  
\q1
\v 1  \bd Naglqlzku Yawe!\bd*  
\q2 Nigu kxnzawz nedeng na-armyalzku drtqde.   
\q1
\v 2 Nayzuo mzli ka nzrglqpxngr drtqde  
\q2 Tqvzpe, tqvzpe.   
\q1
\v 3 Mz zbq kang kqlu nigu leplz mz nrlc tulvzo  
\q2 Na-awi-ngrbzku bade nqmq krde.   
\q1
\v 4 Murde aclve-atwrnr-ngrde lr mrkzbleng amrlx.  
\q2 X nzetukr zmatq ngrde krlzlzbzle bongavz.   
\q1
\v 5 Trpnzngr kx apule Yawe kc tqngi Gct rgu,  
\q2 Mz nzwxbutxlz-krde mz tron nyzde Heven.   
\q1
\v 6 Sc tqobqlvztile bongavz x drtc',  
\q2 Mz nzaclve-angidr-krdeleng.   
\q1
\v 7 Murde naokatrle leplz kx trnzrngiscung,  
\q2 Mz nzkapx-krmle nidr mz nzkxpu-krdr.   
\q1
\v 8 X armyalzle nidr murde nanginidr nradrtq kxnzetung  
\q2 Kcng tzmailzlr leplz nedeng.   
\q1
\v 9 Ngi-batrpzle mz olvz kxvz-nrbalq nzrngine-krde doa kxnztopwzng,  
\q2 Murde na-abrtz-ngrde doa nede lcng.  
\q2 \bd Naglqlzku Yawe!\bd*   
\c 114  
\cl Sam Kratrtqki-esz'-nzpnu-esz'-nrade-pwx (114) 
\s1 Naglqlzku Yawe Mz Zmatq Ngrde  
\q1
\v 1 Mzli kc lr Israel nzrlasz-ngrdr Ijipt,  
\q2 Mz nzngini-krdr lr mrkzbleng elr,   
\q1
\v 2 Lr Judz lcng tznginipedr leplz kxnztrng ne Yawe,  
\q2 Mz nzaclve-krde drtc' nyzdr, Israel.   
\q1
\v 3 Prla Bla akipx-lzbq x pzlzm.  
\q2 X LueJodzn lvxpxbzle lrpzki badr.   
\q1
\v 4 X mzli lc newz x nra nzyameng,  
\q2 Nzapulr nzblc-abrtznekr nei sip.   
\q1
\v 5 ?Myx kxmule, Prla Bla tqakipx-lzbq-ngrde,  
\q2 X LueJodzn tqlvxpx-ngrde lrpzki?   
\q1
\v 6 ?X nike nzyamengr newz x nra amrlx  
\q2 Mz nzapu-krdr nzabrtzkr nei sip?   
\q1
\v 7 Da kcng tqwzngr Yawe nzvz-nqblqlr natqde.  
\q2 Nzelalvzlr nzaelwapx-krde zmatq ngrde, mz nzngini-krde Gct r lr Israel.   
\q1
\v 8 Murde batrpzle nzyrlepx-krm lue mz rplz,  
\q2 Lue lc tqngi aulz mz rplz. \fig Batrpzle nzyrlepx-krm lue mz rplz.|alt="023 Moses splitting rock in wilderness" src="023-EX16.1.tif" size="SPAN" loc="PSA 114:8" copy="LLL Language Recording" ref="114:8" \fig*   
\c 115  
\cl Sam Kratrtqki-esz'-nzpnu-esz'-nrade-nzlvqn (115) 
\s1 Naglqlzku Yawe Mz Nzngini-krde Gct Angidr  
\s2 Bzkq Angioku Mqngr Drka'  
\q1
\v 1 Yawe, nim txpwz kx takitrde nzarmyalzngr, a' trngiu nigr.  
\q2 Murde nim txpwz kx aodu zvz x trataowq natqm kcng tqyrlqq.   
\q1
\v 2 Delc trtakitrdeu lr mrkzbleng nzrpi-zvz-krmlr bagu kx,  
\q2 “?Myxpe Gct rmu?”   
\q1
\v 3 Murde Gct rgu mncom Heven,  
\q2 X rngisc zmatq ngr nzale-krde nikeng suti drtwrde.   
\q1
\v 4 A' kxnzmnc-mrbrng nzangiolr mqngr da kxnzlz  
\q2 Kcng tzwzngr leplz mz mqdr.   
\q1
\v 5-7 A' mqngr da kxnzlz lcng trnzycmneung x trnzobqung.  
\q2 Trnzxlrung, trnzycminiung,  
\q1 X trnzrtcngiung da.  
\q2 Trnzrmaleung x trnzvzneung.   
\q1
\v 8 Leplz kcng tzrwz-ngrng mqngr drka' lcng tzlz  
\q2 X krkcng tzangiolr nidr nzapu-kzlr nidr mz trnzrngisc-krdru zmatq.  
\q1 Nznabung, mztr mwi, nradrtqdr ngq, trnzycngrlrung,  
\q2 Trnzrtcngiung da, trnzxngitrung, x trnzvzneung.   
\s2 A' Na-angio-txpwzku Yawe Gct Rgu  
\q1
\v 9-11 Nimu kcng tzaxvctr-lzbq-kzpqng bagr mz nzangio-krgr Yawe,  
\q2 X nimu pris nedeng mz nqvi lr Eron,  
\q1 X nigu lr Israel amrlx na-abrtrpzku drtwrgu bade.  
\q2 Murde nide temz ngr lomrgu kc tqyrputrngr nipna.   
\q1
\v 12-13 Yc zvz mz drtwrde nigu x sa na-amrlz-zvzle nigu.  
\q1 A' sa na-amrlzle nimu kcng tzaxvctr-lzbqmqng mz nzangiongr nide,  
\q2 X nimu nqvi lr Eron, x nigu lr Israel amrlx.  
\q2 Kxmule-esz' nigu leplz txneng o kxnzetung,   
\q1
\v 14-15 Krka'-ngrne kx Yawe kc tqwz-ngrde Heven x nrlc  
\q2 Na-amrlz-ebir-ngrde nimu badr doa nemung.   
\q1
\v 16 Heven mztea nyz Yawe,  
\q2 A' kamle bagu, nrlc ka.   
\q1
\v 17-18 X nigu kxnzlung mz nrlc ka na-awibzku bade,  
\q2 Murde kxnzbzpeng kcng tzyrtzmqpeng mz gq, rblx nzglqlz-krdr nide.  
\q1 Naglqlzku Yawe na-abzo mzli ka x tqvzpe tqvzpe.  
\q2 Naglqlzku Yawe!   
\c 116  
\cl Sam Kratrtqki-esz'-nzpnu-esz'-nrade-esz'mz (116) 
\s1 Naglqlzku Yawe Mz Nzxlr-krmle Natqgr  
\s2 Nabz Ngr Nzaovxiongr  
\q1
\v 1-2 Yawe xlrmle natqnge. Mrlzti-zlwzx nide.  
\q2 Kqle-zvzx nide. Yawe xlrmle natqnge.   
\q1
\v 3 Ycpwz pipz nzbz-krnge, x sc tqmwxlr-ngrne.  
\q2 Nabznge talvzo-ngrde ycpwz pipz nzbz-krnge.   
\q1
\v 4 Sc tqkqlepex nide mz nzrpi-krbo bade kx,  
\q2 “Yawe, arlapx ninge!” Sc tqkqlepex nide.   
\q1
\v 5 Zmrlz ngr Yawe myalz-esz'ngr mz nzokatr-krde leplz.  
\q2 Ycngr drtwrde nigu. Zmrlz ngr Yawe myalz-esz'ngr.   
\q1
\v 6 Okatrle kxtrnzxplrung, murde arlapxbzle ninge  
\q2 Mz nzkxpu-krngeng. Okatrle kxtrnzxplrung.   
\q1
\v 7-8 Amnc-zpwx-moule ninge. Trmetx-ngrpwc'u mz enqmi.  
\q2 Trbz-ngrneu, tryrni-ngrneu. Amnc-zpwx-moule ninge.   
\q1
\v 9 Navz-nqblq-zvzx nide x me pnz drtwrde.  
\q2 Mz nzmnc-krnge mz nrlc navz-nqblq-zvzx nide.   
\s2 Nzawingr  
\q1
\v 10-11 Kxmule-esz' ycpe pipz nzmwxlrti-lzbq-krnge,  
\q2 A' mzli kc tqkxpu-zlwz-ngrne,  
\q1 Pipxx murde abrtrpo drtwrnge mz Yawe,  
\q2 X krlzx kx mane nzbrtikr drtwrnge leplz. \x + \xo 116:10-11 \xt 2 Korint 4:13\x*   
\q1
\v 12 Kxmule-esz' rblx nzayzlu-krbo mz Yawe  
\q2 Da kxmrlzting kcng tqaletimleng bange,   
\q1
\v 13 A' sa natwzmc bade waen,  
\q2 Nangi dalr nzawi-krbo bade mz nzarlapx-krde ninge.   
\q1
\v 14 X sa nakabo bade nike esalz-ngrbo bade,  
\q2 Mz nzangiopx-lxblrkr leplz nedeng.   
\q1
\v 15 X napipxbo badr kx, “Drtwr Yawe vztx zlwz  
\q2 Mz nzmc-krde nzbzkr kzdq doa nedeng.  
\q1 Delc tqmrlz-ngrbzle bade nzarlapx-krde nigu,  
\q2 Tqmyaszpx-ngrde nzrlrpx-krde nzbz-krgu.”   
\q1
\v 16 Yawe, ninge kxnzawz nem, da kc tqwai lxenge mzli kc.  
\q2 Awi mz nzarlapx-krm ninge mz nzbzngr.   
\q1
\v 17 Kabo bam blz kx na-awi-ngrbo bam,  
\q2 Mz nzkrka'-krbo bam.   
\q1
\v 18 Delc tqka-ngrbo bam da kc tqesalz-ngrbo bam,  
\q2 Mz mzlir leplz nemqng,   
\q1
\v 19 Mz nzamrlue-lxblr-krgr nim Mangr-nzangiongr Jerusalem.  
\q2 Naglqlzku Yawe!   
\c 117  
\cl Sam Kratrtqki-esz'-nzpnu-esz'-nrade-rlimz (117) 
\s1 Naglqlzku Yawe Mz Nzaodu-zvz-krde Nigu  
\q1
\v 1 Glqpxamu Yawe nimu lr mrkzbleng amrlx.  
\q2 X nimu leplz mz nrlc tulvzo naglqlz-kzamu nide. \x + \xo 117:1 \xt Rom 15:11\x*   
\q1
\v 2 Murde nzaodu-zvz-krde nigu etu-esz'ngr.  
\q2 X nzngida-angidr-krmle bagu tqyc tqyc.  
\q1 Naglqlzku Yawe!   
\c 118  
\cl Sam Kratrtqki-esz'-nzpnu-esz'-nrade-rtqmz (118) 
\s1 Naglqlzku Yawe Mz Nzaovxio-zvz-krde  
\s2 Aodu-zvzle Nigu  
\q1
\v 1  \bd Aodu-zvzle nigu. Awi-ngrbzku bade \bd*  
\q2 \bd Nzmrlz-esz'ngr-krde. Aodu-zvzle nigu.\bd*   
\q1
\v 2 Aodu-zvzle nigu. Lr Israel amrlx  
\q2 Napipxku kx, “Aodu-zvzle nigu.”   
\q1
\v 3 Aodu-zvzle nigu. X nimu pris nedeng  
\q2 Napipxamu kx, “Aodu-zvzle nigu.”   
\q1
\v 4 Aodu-zvzle nigu. X nimu kcng tzaxvctrmqng,  
\q2 Napipx-kzamu kx, “Aodu-zvzle nigu.”   
\s2 Nabrti Drtwrgu Yawe  
\q1
\v 5 Mzli kc tqmnc-ngrne mz nzkxpungr, kqlex Yawe,  
\q2 Ayzlumle natqnge x aopxbzle drtqnge.   
\q1
\v 6 Trtxpnzngr nzmwxlr-krnge, murde Yawe tu-zvzm mz nibrnge.  
\q2 X trtxpnzngr leplz kx krlzle nzatrkati-krde ninge. \x + \xo 118:6 \xt Hibru 13:6\x*   
\q1
\v 7 X sa namcx nzaovxio-krbzle enqmi rngeng,  
\q2 Murde mnc mz nrlarde nyznge.   
\q1
\v 8 Mrlzvxitx nzmnc-xgle-krgu nzokatrkr Yawe  
\q2 Murde myaszpxle nzokatrkr leplz nigu.   
\q1
\v 9 X mrlzvxitx nzabrtr-krbzku drtwrgu bade mz nzrlapx-krgu,  
\q2 Murde myaszpxle nzrmctitr-krbzkule mz kxnzrmailzng.   
\s2 Aovxiox Mz Zmatq Ngrde  
\q1
\v 10 Aovxiox mz zmatq ngrde mzli kc enqmi rngeng  
\q2 Tztu-ngalelvz-ngrdr ninge. Aovxiox mz zmatq ngrde.   
\q1
\v 11 Aovxiox mz zmatq ngrde mzli kc tzavztio-ngrdr  
\q2 Ninge mz trtxki. Aovxiox mz zmatq ngrde.   
\q1
\v 12 Aovxiox mz zmatq ngrde dzbe meningilo lc.  
\q2 Nzapulr nabr kx ngc. Aovxiox mz zmatq ngrde.   
\q1
\v 13 Kxnzyrkrtilzlr ninge mz nzotangr, ycpwz pipz na-aovxio-krdr ninge.  
\q2 A' Yawe kx okatrle ninge.   
\q1
\v 14 Nide oa kx xplr kc tqmailzle ninge mz vea,  
\q2 X tqarlapxle ninge.   
\s2 Yawe, Oa Ngr Vea  
\q1
\v 15-16 Mz nzmnc-krdr matelq ngr vea nyzdr,  
\q2 Ncblo ngr vea nedeng nzngr-abrtz-ngrdr nzaovxio-krde, nzrpi-krdr kx,  
\q1 “Yawe, oa ngr vea, kc tqaovxio zvz  
\q2 Mz zmatq ngrde. Yawe, oa ngr vea.”   
\q1
\v 17 Delc trbz-ngrneu, a' lubex  
\q2 Murde napipxbo da kcng tqmatq tqaleting Yawe.   
\q1
\v 18 Kxmule-esz' rlrpx-ngrde nzakxpu-zlwz-krdr ninge,  
\q2 A' trngiu dalr nzbz-krnge.   
\s2 King Badr Leplz Nedeng Nzvztrpqng Mangr-nzangiongr Nzawi-krbzlr Mz Yawe Nzaovxio-krdr  
\q1
\v 19 King malqtrpz yz, rpile kx, “Lvxpxm bange naonrx ngr Mangr-nzangiongr Yawe,  
\q2 Murde navztrx elr mz nzawi-krbo bade.”   
\q1
\v 20 X pris neng Yawe nzayzlubzlr natqde kx, “Krlc naonrx nyz Yawe,  
\q2 X kxnztubqng txpwz kx navztrng elr.”   
\q1
\v 21 Mz nzvztrkr King elr, rpile kx, “Yawe, awi-zvzbo bam murde ayzlu-ngrme nzkrka'-krnge,  
\q2 Mz nzarlapx-krme ninge mz mq enqmi rngeng.”   
\s2 Leplz Neng Yawe Amrlx Nzangiopx-lxblrlr Nide  
\q1
\v 22 Leplz amrlx kcng tzyrlwr-lxblrng Mangr-nzangiongr nzrpilr kx,  
\q1 “Rplz kc etu tzpxtxpx-ngrdr ncblo kcng tzrwz-ngrng ma,  
\q2 Nzaelwapxngr kx nide nou rplz kc tqmyatxpx-zlwzbz.” \x + \xo 118:22 \xt Matiu 21:42; Mak 12:10-11; Luk 20:17; Aposol 4:11; Efiszs 2:20; 1 Pita 2:7\x*   
\q1
\v 23 Da lc Yawe kxrwzngr.  
\q2 X abrtztx-zlwz-ngrgu.   
\q1
\v 24 Krlc zbq kx wzpxngr Yawe.  
\q2 X na-awi-ngrbzku bade.  
\q1 Murde nide kc tqrbatrp zbq lc  
\q2 Nzrmulvzngr nzaovxio-krgu mz vea.   
\q1
\v 25 Ayzlu-ngrmle natqgu kx, “Yawe, arlapx nigr  
\q2 Mz nzokatr-krm nzaovxio-krgu.”   
\q1
\v 26 Yawe, glqlzkr nide kc tqvzm mz drtqm.  
\q2 Glqlzkr nide mrka mz Mangr-nzangiongr. \x + \xo 118:26 \xt Matiu 21:9; 23:39; Mak 11:9-10; Luk 13:35; 19:38; Jon 12:13\x*   
\q1
\v 27 Yawe nide Gct kc tqokatr-zlwzle nigu.  
\q2 Delc naelami-ngrgu leu ngr nzaovxiongr,  
\q1 Mz nzvz-ngale-krgu olta nyzde  
\q2 Kc tqtr-esz'ngr.   
\q1
\v 28 Yawe, nim Gct rnge x na-awi-ngrbo bamq  
\q2 Nzmyalz-esz'ngr-krmq. Yawe, nim Gct rnge.   
\q1
\v 29  \bd Aodu-zvzle nigu. Awi-ngrbzku bade \bd*  
\q2 \bd Nzmrlz-esz'ngr-krde. Aodu-zvzle nigu.\bd*   
\c 119  
\cl Sam Kratrtqki-esz'-nzpnu-esz'-nrade-rpwxmz (119) 
\s1 Yawe, Natqm Mrlzvxi  
\s2 Kzdq Nabz Ngr A, B, C  
\qa Alvztr-zvz-ngrn Ninge mz Natqm  
\q1
\v 1  \qac A\qac*wi Yawe! Namrlzbz mz leplz kx trnzvz-rbrung,  
\q2 A' nzvz-nqblqlr Loukxtr scm,   
\q1
\v 2 X namrlz-kzpz mz krkcng tzlxngitilr natqm,  
\q2 X nzrtangrtilr nim mz nabzdr atwrnrngr,   
\q1
\v 3 X krkcng tzalelr da kxtubq,  
\q2 X nzo-zlilr lrpzki rm.   
\q1
\v 4 Alvztr-zvzq nigr  
\q2 Murde nalolvz-amqngikr nqmq krm.   
\q1
\v 5 Navz zvz  
\q2 Nzrtangrti-krnge me pnz drtwrm.   
\q1
\v 6 Murde ma tqmyangr drtqnge  
\q2 Mz nzaoti-zvzkr drtwrnge Nzryrngrkxtr.   
\q1
\v 7 Alqngitipeq ninge,  
\q2 Glqlz-ngrne nim nztubqkr nabznge.   
\q1
\v 8 Alex da kx pitimeng bange.  
\q2 A' bzkq amnctxn ninge esz'-krnge.   
\qa Bilvz-zlwzx Nzti Rm  
\q1
\v 9-10  \qac B\qac*zkq rlr-ngrme nzrlasz-krnge nim,  
\q2 Murde sa tqabzx nzwztr-krbo bam mz drtwr kxpq.  
\q1 Nzlolvz-amqngikr obla natqm okatrle nide  
\q2 Mz nztu-amqngi-krde mz nzmncngr kxtubq.   
\q1
\v 11 Abrtz-ngrne Nzryrngrkxtr  
\q2 Murde natubq-zvzbo mz nzobq-krm.   
\q1
\v 12 Yawe, glqlzx nim.  
\q2 X suti drtwrnge nzkrlz-zpwx-krnge nqmq krm.   
\q1
\v 13 Natqnge etu zvz  
\q2 Mz nzpipx-krnge Loukxtr scm.   
\q1
\v 14 Nzabrtzngr kx vzpxm mz nzvz-nqblq-krnge nim  
\q2 Myaszpxle nzrngisc-krnge trau kxkqlu.   
\q1
\v 15 Nadcpx mz drtwrnge me pnz drtwrm.  
\q2 Mz nzaoti-zvzkr drtwrnge nzalvztr-krmqng.   
\q1
\v 16 Bilvz-zlwzx nzti rm,  
\q2 X trmrbrtru mz drtwrnge natqm.   
\qa Clve Ninge Mz Loukxtr Scm  
\q1
\v 17  \qac C\qac*lve ninge murde ninge kxnzawz nem,  
\q2 X nayrlq-zvzx natqm mz nzmnc-krnge.   
\q1
\v 18 Okatrp ninge mz nzrmcti-krnge  
\q2 Da kxmrlzting kx nzprpxmqng mz Loukxtr scm.   
\q1
\v 19 Ninge kxvztimle nrlc.  
\q2 Bzkq yrlq-kapqme bange me pnz drtwrm.   
\q1
\v 20 Pq zvz mz drtwrnge  
\q2 Nzkrlz-krnge nqmq krm.   
\q1
\v 21 Ayrplapxq kxnzglqpx-lzbqng  
\q2 Kcng tzrnzlvzolr natqm.   
\q1
\v 22 Bzkq rlrpx-ngrn nzobqszo-krdr x nzyrpalelvz-krdr ninge,  
\q2 Murde vz-nqblqx natqm.   
\q1
\v 23 X kxmule-esz' kxnzetung nzpikitilr ninge,  
\q2 A' sa tqotr-zvzngr drtwrnge nzalvztr-krmqng.   
\q1
\v 24 Clve ninge mz Nzryrngrkxtr  
\q2 Murde abrtz-ngrne nzmailz-krdr ninge.   
\qa Da Kx Mailzle Ninge Nangi Lrpzki Rm  
\q1
\v 25  \qac D\qac*rtqnge mewetx-zlwzpe x ycpe pipz nzbz-krnge.  
\q2 Ka-mop nzlungr bange, mz nzvz-nqblq-krde natqm.   
\q1
\v 26 Mzli kc tqplzpx-ngrbo bam alwx rngeng, ayzlu-ngrme natqnge,  
\q2 X alvztrpe' bange nqmq krm.   
\q1
\v 27 Okatrp ninge mz nzrkrlz-krnge Loukxtr scm,  
\q2 Murde na-aoti zvz drtwrnge nzwz-krmqng kcng tqmyalz.   
\q1
\v 28 Nzrtxlvzlzkr nzvzkr drtwrnge etutx-zlwzpe.  
\q2 Amqtrp drtwrnge da kc tqwai nzesalz-krmle.   
\q1
\v 29 Okatrp ninge mz nzo-zli-zvz-krnge nzti kxtubq,  
\q2 X alvztrp bange Nzryrngrkxtr mz zmrlz ngrm.   
\q1
\v 30 Pnzpe drtwrnge kx navz-nqblq-zvzpex nim,  
\q2 Mz nzale-zvz-krnge me pnz drtwrm.   
\q1
\v 31 Yawe, bzkq rlrpx-ngrn nzamyati-ngrm drtqnge,  
\q2 Murde lolvz-amqngix nzalvztr-krmqng.   
\q1
\v 32 Da kx mailzle ninge nangi lrpzki rm  
\q2 Mz nzokatr-krm ninge.   
\qa Esalz-ngrn X Angidatiq Natqm  
\q1
\v 33  \qac E\qac*u Yawe, alvztrp bange me pnz drtwrm,  
\q2 Murde nayrlq-zvzx.   
\q1
\v 34 X okatrp ninge mz nzvz-nqblq-krnge Loukxtr scm,  
\q2 Murde naesz'-ngrde nabznge.   
\q1
\v 35 Abrtz-ngrne lrpzki rm  
\q2 Mrkc tqmailz-zvz-ngrn ninge.   
\q1
\v 36 Okatrp ninge mz nzpqtikr drtwrnge natqm,  
\q2 Murde myaszpxle nzrngisc-krnge da kxkqlu.   
\q1
\v 37 X bzkq rlr-ngrme nzsutikr drtwrnge da kxmane,  
\q2 A' axplr-mop ninge mz nzo-zli-krnge nzti rm.   
\q1
\v 38 Angidatim bange nzesalz-krmqng,  
\q2 Da kc tqwaibzme mz leplz kcng tzamrluelr nim.   
\q1
\v 39 Okatrp ninge murde mwxlrtix enqmi rngeng nzxtrnga-krdr ninge.  
\q2 A' mrlz-esz'ngrm bange nzpnana-krmqng.   
\q1
\v 40 Esalz-ngrm bange kx na-alvztrq ninge,  
\q2 Murde nztubq-krm naka-mople bange nzxplrngr.   
\qa Gct, Brti Drtwrnge Drtwr Kcng Tqyrlqqng  
\q1
\v 41  \qac G\qac*ct, arlapx ninge mz nivz lrm,  
\q2 Mz nzangidati-krm nzesalz-krmqng.   
\q1
\v 42 Murde na-ayzlu-ngrbo natq krkcng tzyrpalelvzlr ninge,  
\q2 Mz nzbrtikr drtwrnge natqm.   
\q1
\v 43 Okatrp ninge mz nzrpi-zvz-krnge da angidr,  
\q2 Murde brti kz drtwrnge drtwr kcng tqyrlqqng.   
\q1
\v 44 X nzmqngitr-zlwzkr drtwrnge mz Loukxtr scm  
\q2 Tqvzpe, tqvzpe.   
\q1
\v 45 X drtqnge sa naopx mz nzvzne-krngeng  
\q2 Murde o-zlix lrpzki rm.   
\q1
\v 46 X trtxpnzngr nzmyamikr naonge  
\q2 Nzpipx-krbo natqm mz kxnzetung.   
\q1
\v 47-48 Gct, abrtz-ngrne nzyrlq-angidr-krnge  
\q2 Nqmq krm x me pnz drtwrm.  
\q1 Murde nzmrlzmqng bange x nzmatqng mz drtwrnge.  
\q2 X na-aoti zvz drtwrnge nzalvztr-krmqng.   
\qa Ipqpeq Ninge Mz Nzdcpxkr Mz Drtwrm Nzesalz-krm  
\q1
\v 49  \qac I\qac*pqpeq ninge mz nzdcpxkr mz drtwrm nzesalz-krm.  
\q2 Murde obqtipxx zmrlz ngrm.   
\q1
\v 50 X amqtrple drtwrnge mz mzlir nzkxpungr.  
\q2 Murde rmcti-ngrne nzlungr mz nzrlwx-krnge Loukxtr scm.   
\q1
\v 51 Kxmule-esz' kxnzglqpx-lzbqng nzxtrnga-ngrdr ninge,  
\q2 A' tresablqtiwxu Nzryrngrkxtr.   
\q1
\v 52 Yawe, mz nzaotr-zvzkr drtwrnge Lou scm kc bqnc,  
\q2 Okatrple ninge.   
\q1
\v 53 Drtwrnge apulzmle nyr,  
\q2 Mz nzpxtxpxkr kxdrka'-ngrng nqmq krm.   
\q1
\v 54 Mzli ka tqlube-ngrne mz nrlc,  
\q2 Natqm nangi zvz nabz nenge.   
\q1
\v 55 Yawe, mwible-zvzx nim mz nrlckxbq,  
\q2 X suti drtwrnge nzyrlq-angidr-krnge me pnz drtwrm.   
\q1
\v 56 Iklr ninge murde nabznge napq,  
\q2 X na-ale-zvzx nzalvztr-krmqng.   
\qa Jzs Ninge, Murde Suti Txpwz Drtwrnge Nim  
\q1
\v 57  \qac J\qac*zs ninge, murde suti txpwz drtwrnge nim,  
\q2 X mrlzm bange nzlolvz-amqngi-krnge natqm.   
\q1
\v 58 Mz nabznge atwrnrngr, rlxtibo bam  
\q2 Nzmrlzti-krm ninge da kc tqwai nzesalz-krmle.   
\q1
\v 59 Mzli kc tqdwa-rbrti-ngrne lrpzki rnge mz nzvz-nqblq-krnge nim,  
\q2 Yzlu-mopwc' nzo-zli-krnge nzti rm.   
\q1
\v 60 X trasatiwxu nzyrlq-krnge Loukxtr scm.  
\q2 A' rnekititxpwo nzale-krnge me pnz drtwrm.   
\q1
\v 61 X kxmule-esz' prtzx mz trtxki sc kxdrka'-ngrng,  
\q2 A' trmrbrtru mz drtwrnge Nzryrngrkxtr.   
\q1
\v 62 Tulzmc mz nzawi-krbo bam mzli kc mz aurnrlc,  
\q2 Murde drtwr kcng tqyrlqq tubq-esz'ngr.   
\q1
\v 63 Ninge kzte krkcng tzamrluelr nim,  
\q2 Tzalelr nzalvztr-krmqng.   
\q1
\v 64 Yawe, mz nzaodu-krm kc tqyc-ngalelvzle nrlc tulvzo,  
\q2 Alvztrp bange nqmq krm.   
\qa Kxakrlz, Alvztrp Bange Lrpzki Rm  
\q1
\v 65  \qac K\qac*xetu, aleme bange da kxmrlz,  
\q2 Mz nzvz-nqblq-krde nzesalz-krm.   
\q1
\v 66 Kxakrlz, alvztrp bange nzrkrlzngr x drtwr kxmrlz,  
\q2 Mz nzlxngiti-krnge Nzryrngrkxtr.   
\q1
\v 67 Mzli kc ena vz-rbrpex, x ayrplapxq ninge,  
\q2 A' mzli ka ale-zvzpex da kxtubq mz nzobq-krm.   
\q1
\v 68 Mz nzmrlz-esz'ngr-krm x nqmq krm kx mrlzvxi  
\q2 Alvztrp bange nqmq krm.   
\q1
\v 69-70 Drtwrnge elalzm mz Loukxtr scm.  
\q2 A' kxnzglqpx-lzbqng trpnzngr nzrkrlz-krdr.  
\q1 Kxmule-esz' nzpokiatitrlr ninge,  
\q2 A' lolvz-amqngi-zvzx nzalvztr-krm mz drtwr kxbr.   
\q1
\v 71 Mrlzm bange nzayrplapx-krm ninge,  
\q2 Murde nakrlz-ngrne nzvz-rbr-krnge.   
\q1
\v 72 Kxakrlz, natqm nzmrlz-krmle bange  
\q2 Myaszpxle blzmr trau mz nrlc.   
\qa Loukxtr Scm Mrlzm Bange  
\q1
\v 73  \qac L\qac*alztqm mz nzkrka'-krnge murde nakrlzx me pnz drtwrm,  
\q2 Murde wz-ngrn ninge x aclve-angidrq ninge.   
\q1
\v 74 Krkcng tzamrluelr nim na-abrtzlvzlr ninge  
\q2 Mz nzlxngiti-krnge natqm.   
\q1
\v 75 Yawe, krlzx kx takitrde nzayrplapx-krm ninge  
\q2 Murde vz zvz nzokatr-krm leplz nemqng. \x + \xo 119:75 \xt Hibru 12:10\x*   
\q1
\v 76 Amqtrp drtwrnge mz nzaodu-zvz-krm ninge,  
\q2 Da kc tqwai nzesalz-krme bange.   
\q1
\v 77 Mz nzabrtzlvz-krnge Loukxtr,  
\q2 Nayc mz drtwrm ninge, murde ma tqbzx.   
\q1
\v 78 Amyatxbz drtq kxnzglqpx-lzbqng mz nzpokiatitr-krdr ninge,  
\q2 Murde aoti zvz drtwrnge nzalvztr-krm.   
\q1
\v 79 Batrpz mz kxnzamrluelr nim nzaxvctr-lzbq-krmlr bange,  
\q2 Krkcng tzkrlz-angidrlr Loukxtr scm.   
\q1
\v 80 Lod, batrpz mz nabznge nztubq-krde mz nzobq-krm,  
\q2 Murde drtqnge ma tqmya.   
\qa Mevalu, Mailz Ninge Murde Navz-nqblqx Me Pnz Drtwrm  
\q1
\v 81-82  \qac M\qac*evalu, mewepengr drtqnge x mzke' ngqbqtxtrpebz  
\q2 Mz nzaenzli-krnge nim.  
\q1 ?Myx mzli kx na-arlapx-ngrn ninge,  
\q2 Mz nzangidati-krm nzesalz-krm kc tqbrti drtwrnge?   
\q1
\v 83 Kxmule-esz' nzobqszonge apux da kx nzrtctxpengr,  
\q2 A' dcpx zvz mz drtwrnge me pnz drtwrm.   
\q1
\v 84 ?Myx mzli kx nayrkrpxngr nzkxpu-krngeng?  
\q2 ?X myx mzli kx na-ayrplapx-ngrn krkcng tzatrkatilr ninge?   
\q1
\v 85 Kxnzglqpx-lzbqng nzekqng gq kx nangi trtxki rnge,  
\q2 Mz nzpxtxpx-krdr Loukxtr scm.   
\q1
\v 86 Mailz ninge mz nzbrtikr drtwrnge Nzryrngrkxtrng amrlx.  
\q2 Murde trpnzngr badr nou nzatrkati-krdr ninge.   
\q1
\v 87 Kxmule-esz' ycpwz pipz nzayrkrpx-krdr ninge,  
\q2 A' sc tqlolvz-amqngix nzalvztr-krmqng.   
\q1
\v 88 Mevalu, arlapx ninge mz nzaodu-krm ninge.  
\q2 Murde nayrlq-angidrx natqm.   
\qa Natqm Tqyc Tqyc  
\q1
\v 89  \qac N\qac*atqm tqyc, tqyc,  
\q2 X yc amqngi zvz Heven.   
\q1
\v 90 Wz-ngrn nrlc x yc amqngi zvz.  
\q2 Delc tqbrti-zvzngr drtwr nim.   
\q1
\v 91 Da amrlx mz nrlc nzvz-nqblqlr me pnz drtwrm,  
\q2 Murde nzwztrpzng bam.   
\q1
\v 92 Trbz-ngrneu nzkxpu-krngeng,  
\q2 Murde Loukxtr scm okatrle ninge mz nzaelalz-krmle drtwrnge.   
\q1
\v 93 X trtxpnzngr nzmrbrtrkr mz drtwrnge Nzryrngrkxtrng,  
\q2 Murde nzrpwa'-ngrmlr bange mz nzvz-rbrngr.   
\q1
\v 94 Arlapx ninge, murde ninge doa nem,  
\q2 X abz-zvzx nzale-krnge nzalvztr-krmqng.   
\q1
\v 95 Kxmule-esz' kxdrka'-ngrng nzyrlqlr br ngr nznibq-krdr ninge,  
\q2 A' na-aoti zvz drtwrnge nqmq krm.   
\q1
\v 96 Natqm tqyc tqyc,  
\q2 Kxmule-esz' da kxmyapxbz amrlx nzyrkrpxng,   
\qa Okatrp Ninge Mz Nzo-zli-krnge Nzti Rm  
\q1
\v 97  \qac O\qac*liq-zvzx nzaotikr drtwrnge Loukxtr scm,  
\q2 Murde mrlz-zlwzm bange.   
\q1
\v 98 Nzrkrlz-krnge myaszpxle enqmi rngeng,  
\q2 Murde Nzryrngrkxtr yc zvz mz drtwrnge.   
\q1
\v 99 X nzwzkr narnge myaszpxle kxnzalvztrlr ninge,  
\q2 Murde ale-zvzx me pnz drtwrm.   
\q1
\v 100 X nzyrplapx-krnge myaszpxle lrtzlvzng,  
\q2 Murde yrlq-angidrx natq kx kame bange.   
\q1
\v 101 Yrlqpx-lzbqnge mz nzmncngr kxdrka'ngr,  
\q2 Mz nzvz-nqblq-krnge da kx tubq mz nzobq-krm.   
\q1
\v 102 Trpxtxpx-ngrneu drtwr kcng tqyrlqq,  
\q2 Murde nzalvztrlr ninge.   
\q1
\v 103 Natqm nzlqngi-esz'ngr-krde mz nzxlrngr  
\q2 Myaszpxle nzmrlzkr dakxnzng amrlx.   
\q1
\v 104 Okatr-zvzq ninge mz nzalvztr-krm murde nakrlzx nzti kxtubq.  
\q2 Delc tqmamwe-ngrne nqmq kx vz-rbr amrlx.   
\qa Pqtr Zvz Mz Drtwrnge Natqm  
\q1
\v 105  \qac P\qac*qtr zvz mz drtwrnge natqm,  
\q2 Kc tqngi zyzlr ngr nzti rnge mz nzmailz-krm ninge.   
\q1
\v 106 Nzesalz-krngeng nayrlq-angidr-zvzxng,  
\q2 Mz nzo-zli-krnge nztubqkr lrpzki rm.   
\q1
\v 107 Okatrp ninge da kc tqwai nzesalz-krmle,  
\q2 Murde nzkxpu-krngeng amrlx ma tznibqlr ninge.   
\q1
\v 108 Yawe, alvztrp bange nzaolvz-krmqng  
\q2 X abrtzlvz nabz nenge mz nzangrlvz-krnge nim.   
\q1
\v 109 Kxmule-esz' da kxtrka prtzm bange,  
\q2 A' trmrbrtru mz drtwrnge Loukxtr scm.   
\q1
\v 110 X kxmule-esz' kxdrka'-ngrng nzamwitiolr ninge trtxki,  
\q2 A' vz zvz nzatutr-krnge nzalvztr-krmqng.   
\q1
\v 111 X lolvz-amqngi-zvzx Nzryrngrkxtrng,  
\q2 Murde nzaelalzmlr drtwrnge.   
\q1
\v 112 Pnzpe drtwrnge kx navz-nqblq-zvzx me pnz drtwrm,  
\q2 Murde nzokatrngr kx vzpxm elr vztx alo.   
\qa Rblxm Bange Nzmrlzti-krnge Krkcng Drtwrdr Tqlitrpz Bam  
\q1
\v 113  \qac R\qac*blxm bange nzmrlzti-krnge krkcng drtwrdr tqlitrpz bam,  
\q2 A' mrlz-zlwzm bange Loukxtr scm.   
\q1
\v 114 Nim me rlakitrx x temz ngr lomrnge kc tqyrputrngr nipna,  
\q2 X abrtrpo drtwrnge mz natqm.   
\q1
\v 115 Esablqtix kxdrka'-ngrng  
\q2 Murde navz-nqblqx nqmq krm.   
\q1
\v 116 Bzkq mya ngr drtqnge nzbrtikr drtwrnge nim,  
\q2 A' arlapx ninge da kc tqwai nzesalz-krmle, murde ma tqbzx.   
\q1
\v 117 Natu-ngrme mz nibrnge mz nzarlapx-krm ninge,  
\q2 Murde namatq zvz mz drtwrnge drtwr kcng tqyrlqq.   
\q1
\v 118 Pxtxpx-ngrn krkcng tzpxtxpx-ngrdr Nzryrngrkxtr.  
\q2 Murde nzesabrng x nzpokiang.   
\q1
\v 119 Obqszoq kxdrka'-ngrng mz nzapu-krdr dcvi.  
\q2 Delc tqmrlz-ngrm bange nzalvztr-krmqng.   
\q1
\v 120 Rnrcti-lzbqnge mz nzmwxlrti-krnge nim,  
\q2 Murde ma trtubqwxu mz nzobq-krm.   
\qa Suti Drtwrnge Nzryrngrkxtr  
\q1
\v 121  \qac S\qac*uti drtwrnge nzarlapx-krme ninge mz mq enqmi rngeng,  
\q2 Murde nqmq krnge rsakrlrngr x tubq.   
\q1
\v 122 Bzkq rlr-ngrbzme mz kxnzglqpx-lzbqng nzatrkati-krdr ninge.  
\q2 A' amnc zpwx ninge.   
\q1
\v 123 Mzke' ngqbqtxtrpebz mz nzaenzli-krnge  
\q2 Nzvz-nqblq-krm nztubqkr nzesalz-krm.   
\q1
\v 124 Alvztrp bange nqmq krm  
\q2 Mz nzaodu-zvz-krm ninge.   
\q1
\v 125 Okatrp nzyrplapx-krnge,  
\q2 Murde nakrlz-angidrx nzaolvz-krmqng.   
\q1
\v 126 Yawe, mzli r nzayrplapx-krm leplz dekape.  
\q2 Murde nzrnzlvzo-zvzlr Loukxtr scm.   
\q1
\v 127 Mz nzmu-krde lcde, natqm nzmrlz-krmle bange  
\q2 Myaszpxle da kx lqlwx amrlx.   
\q1
\v 128 Sa natubq-zvzm bange nzalvztr-krmqng amrlx.  
\q2 X mamwe-ngrne nqmq amrlx kx vz-rbr.   
\qa Takitrde Nzlolvz-amqngi-krnge Nzalvztr-krmqng  
\q1
\v 129  \qac T\qac*akitrde nzlolvz-amqngi-krnge nzalvztr-krmqng  
\q2 Murde nzmrlz-zlwzng.   
\q1
\v 130 Natqm apule zyzlr,  
\q2 Murde aelwa-ngrbzle lrpzki kxtubq mz leplz amrlx.   
\q1
\v 131 Nzsutikr drtwrnge nqmq krm apule nzbrlxkztikr drtwrnge lue,  
\q2 Murde narmcti-ngrne nzlungr angidr.   
\q1
\v 132 Nayc mz drtwrm ninge,  
\q2 Da kc tqwaibzme mz krkcng tzamrluelr nim.   
\q1
\v 133 Okatrp ninge mz nzvz-nqblq-krnge me pnz drtwrm,  
\q2 Murde alwx ma tqmailz-rbrle ninge.   
\q1
\v 134 Arlapxbz ninge mz mq leplz kcng tzakxputilr ninge,  
\q2 Murde nayrlq-zvzx da kx tubq mz nzobq-krm.   
\q1
\v 135 Okatrp ninge mz nzxngi-krnge nim,  
\q2 X alvztrp bange Nzryrngrkxtr.   
\q1
\v 136 Trtakitrdeu nzrnzlvzongr Loukxtr scm.  
\q2 X yrnitx-zlwz-ngrne alwx ngrdr lc.   
\qa Vz-nqblq-zvzq Nzmncngr Kxtubq  
\q1
\v 137  \qac V\qac*z-nqblq-zvzq nzmncngr kxtubq-esz'ngr,  
\q2 X drtwr kcng tqyrlqq rsakrlrngr.   
\q1
\v 138 Natq kcng tqkapxq nzabrkitr drtwr,  
\q2 Murde nztubq-zvzng.   
\q1
\v 139 Zngya ngr drtwrnge apule nyr kc tqngc,  
\q2 Murde enqmi rngeng mrbrtr mz drtwrdr Nzryrngrkxtr.   
\q1
\v 140 Nzesalz-krm pq zlwz mz drtwrnge  
\q2 Murde angidati-zvzme bange.   
\q1
\v 141 Kxmule-esz' leplz nzobqszolr ninge,  
\q2 A' trmrbrtru mz drtwrnge nzalvztr-krmqng.   
\q1
\v 142 Yawe, nztubq-krm tqyc, tqyc,  
\q2 X Loukxtr scm ngi da angidr zvz.   
\q1
\v 143 Delc kxmule-esz' nzkxpungr x nzvzkr drtwr nzprtzmqng bange,  
\q2 A' abrtz-ngrne nzo-zli-zvz-krnge nzti rm.   
\q1
\v 144 Vz zvz nzokatr-krm ninge nzmc-krnge  
\q2 Nztubq-zvzkr natqm, murde ma tqbzx.   
\qa Wztx-ngrpwo Nzkrka'-krbo Bam  
\q1
\v 145  \qac W\qac*ztx-ngrpwo nzkrka'-krbo bam.  
\q2 X ayzlum natqnge, murde nao-zlix lrpzki rm.   
\q1
\v 146 Yrnimi-zvzbo bam nzarlapx-krm ninge,  
\q2 Murde nayrlq-angidrx Loukxtr scm.   
\q1
\v 147 Kqle-zvzx nim mz nourla kxtopwz mz nzokatr-krm ninge,  
\q2 Murde abrtrpo drtwrnge mz nzesalz-krm.   
\q1
\v 148 Obqtx-zvzx mz nrlckxbq,  
\q2 Mz nzaotikr drtwrnge me pnz drtwrm.   
\q1
\v 149 Mz nzaodu-zvz-krm ninge, xlrm natqnge,  
\q2 X mailz ninge mz nzalvztr-krmqng.   
\q1
\v 150 Kxmule-esz' kxnzxpqbrlr-ngrdr nqmq krm  
\q2 Nzesolvztilr ninge, a' trmwxlrwxu.   
\q1
\v 151 Murde eso-aepztrpe' bange,  
\q2 X drtwr amrlx kcng tqyrlqq da angidr zvz.   
\q1
\v 152 Wz-ngrn natqm murde nayc-alo,  
\q2 Da kc tqwai nzkrlz-krngele, abzo mzli kc pnz.   
\qa Xlrm Natqnge Da Kc Tqwai Nzesalz-krmle  
\q1
\v 153  \qac X\qac*lrm natqnge x arlapx ninge mz nzkxpu-krnge,  
\q2 Murde dcpx zvz mz drtwrnge Loukxtr scm.   
\q1
\v 154 X pipxbz mz leplz kx nqmq krnge tubq,  
\q2 Da kc tqwai nzesalz-krmle, murde ma tqbzx.   
\q1
\v 155 Kxdrka'-ngrng trtxpnzngr nzrlapx-krdr,  
\q2 Murde trnzrtangrtilru nzti rm.   
\q1
\v 156 Yawe, axplr mou ninge mz nzetukr nzaodu-krm,  
\q2 Murde vz-nqblqx me pnz drtwrm.   
\q1
\v 157 Kxmule-esz' enqmi rngeng nzkqlu-zlwzng,  
\q2 A' trtxpnzngr nzesablqti-krnge Nzryrngrkxtr.   
\q1
\v 158 Pxtxpx-ngrne kx drtwrdr litrpz bam,  
\q2 Murde trnzlxngitilru da kxtubq mz nzobq-krm.   
\q1
\v 159 Yawe, arlapx ninge mz nivz lrm,  
\q2 Murde mrlzm bange nzalvztr-krmqng.   
\q1
\v 160 X natqm mqngio mz da kxtubq.  
\q2 Delc drtwr amrlx kcng tqyrlqq nztubq-kzng.   
\qa Yrlq-angidrx Nzalvztr-krmqng  
\q1
\v 161  \qac Y\qac*awe, kxnzetung nzatrkati-krdr ninge trpnzngr noude,  
\q2 A' amatq-zlwzx natqm.   
\q1
\v 162 Apux bcnyr kc tqrmctile da kxpqtr mz nabzde,  
\q2 Murde abrtz-ngrne Nzryrngrkxtr   
\q1
\v 163 Trkam bange natq ngr nzpokiangr,  
\q2 A' mrlzm bange natqm.   
\q1
\v 164 Glqpx-zvzx nim mz zbq kang kqlu,  
\q2 Murde drtwr kcng tqyrlqq tubq-esz'ngr.   
\q1
\v 165 Krkcng tzmrlz badr Loukxtr scm, nzmnc-zpwxng.  
\q2 X trpnzngr doa x da kx na-ataole nidr.   
\q1
\v 166 Yawe, brti drtwrnge nzarlapx-krm ninge,  
\q2 Mz nzale-zvz-krnge da kx pitimeng.   
\q1
\v 167 Lolvz-amqngix nqmq krm,  
\q2 Mz nzmrlz-zlwz-krmle bange.   
\q1
\v 168 Yrlq-angidrx nzalvztr-krm,  
\q2 Da kc tqwai nzmc-krmle.   
\qa Zyzlr Ngrm Napnamilxtile Nabznge  
\q1
\v 169  \qac Z\qac*yzlr ngrm napnamilxtile nabznge,  
\q2 Mz nzayzlu-krme natqnge mz nzvz-nqblq-krde nzesalz-krm.   
\q1
\v 170 Lalztq-ngrm nzkrka'-krnge,  
\q2 X arlapx ninge mz nzvz-nqblq-krde natqm.   
\q1
\v 171 Naglqlz-zvz-ngrne nim  
\q2 Mz nzalvztr-krme bange nqmq krm.   
\q1
\v 172 Na-angrlvzx nzesalz-krm,  
\q2 Murde drtwr amrlx kcng tqyrlqq tubq-esz'ngr.   
\q1
\v 173 Oliqm mz nzokatr-krm ninge,  
\q2 Murde lolvz-amqngi-zvzx me pnz drtwrm.   
\q1
\v 174 Yawe, obqtipxx nzarlapx-krm ninge,  
\q2 Murde mrlzm bange Loukxtr scm.   
\q1
\v 175 Okatrp ninge mz Nzryrngrkxtr  
\q2 Murde naglqpxx nim mzli ka tqlu-ngrne.   
\q1
\v 176 Zmrlz ngrm nakqlelvzti-zvzle ninge.  
\q2 Murde kxmule-esz' vecpx-lzbqbo bam,  
\q2 A' trmrbrtitru mz drtwrnge lrpzki rm.   
\c 120  
\cl Sam Kratrtqki-esz'-nzpnu-li (120) 
\s1 Ncblo Ngr Nrwx  
\d Nabz kx nzngrnelzngr Jerusalem mz nzangiongr.  
\q1
\v 1 Mzli kc tqmnc-ngrne mz nzkxpungr, kqlex Yawe,  
\q2 X ayzlu-ngrmle natqnge.   
\q1
\v 2 Rpibo bade kx, “Yawe, arlapxbz ninge  
\q2 Mz leplz kxnzpokiang x nzesabrng.”   
\q1
\v 3 ?Nimu leplz kxnzpokiang,  
\q2 Krlzpeamu da kx nawaisrngr Yawe nimu?   
\q1
\v 4 Sa na-ayrplapx-zlwzle nimu  
\q2 Mz nipna sc ncblo ngr vea x mz nyr kxpq zlwz.   
\q1
\v 5 Nzmnc-lxblr-krgu trka-zlwzm bange,  
\q2 Apule kx mnckr badr leplz kxdrka'-ngrng.   
\q1
\v 6 Mzli boitx zlwz mnctibo bamu,  
\q2 Nimu leplz kcng tzpxtxpx-ngrdr nrwx.   
\q1
\v 7 Dekc mzli kc tqryapwxtr-ngrne mz nrwx,  
\q2 Suti alzu drtwrmu nzotangr.   
\c 121  
\cl Sam Kratrtqki-esz'-nzpnu-li-nrade-esz' (121) 
\s1 Gct Aclve-zpwxle Nigu  
\d Nabz kx nzngrnelzngr Jerusalem mz nzangiongr.  
\q1
\v 1 ?Myx me narmcti-ngrne kxnaokatrle ninge?  
\q2 ?Sa navzom mz newz ngr nrlc ka?   
\q1
\v 2 Trtingr. Murde Yawe Kxrpalz kc tqwz-ngrde bongavz x drtc',  
\q2 Nide txpwz kx naokatrle ninge.   
\q1
\v 3-4 Da zpwx! Murde Yawe obq zvz,  
\q2 X aclve-angidrle nigu lr Israel,  
\q1 Mz nzapu-krgu sip nedeng.  
\q2 A' tramau x trmwiu, murde ma tqtaoku.   
\q1
\v 5 Yawe ngi tegu badr,  
\q2 X tu-zvzm mz nibrgu,   
\q1
\v 6 Murde trtxpnzngr doa x da kx na-atrkatile nigu  
\q2 Mz nrlckxgrlx x mz nrlckxbq.   
\q1
\v 7 Yawe arlapxle nigu mz nzkxpu-krgung amrlx,  
\q2 Murde namnc-zpwxku.   
\q1
\v 8 X aclve-zvzle nzvz-krgu x nzmnc-krgu,  
\q2 Mzli ka x tqyc, tqyc.   
\c 122  
\cl Sam Kratrtqki-esz'-nzpnu-li-nrade-li (122) 
\s1 Jerusalem Ngi Mzteadau Nyz Yawe  
\d Nabz ne Devet kx nzngrnelzngr Jerusalem mz nzangiongr.  
\q1
\v 1-2 Drtwrnge elalzm mz nzrpi-ngrm bange kx, “Navzdzpeku mz Mangr-nzangiongr Yawe.”  
\q2 Zbz sc tqvztrpekr mz naobz ngr mzteadau nyzde. \fig Navzdzpeku mz Mangr-nzangiongr Yawe mz nzvztr-krgu mz naobz ngr mzteadau nyzde.|alt="024 Jerusalem, Q Sheba approaching on road." src="024-CO01111b.tif" size="SPAN" loc="PSA 122:1-2" copy="David C. Cook" ref="122:1-2" \fig*   
\q1
\v 3 Jerusalem lc nzlrmztio nzrwzngr,  
\q2 X mzte opx nzmwitr-lxblrkr ma ngrdeng.   
\q1
\v 4 Nigu neidu lr Israel vzmgu mrlcde mz nzawi-krbzku mz Yawe,  
\q2 Da kc tqwai nzpi-krdele.   
\q1
\v 5 X Jerusalem ngi mzteadau nyz king rgung, kcng tzvzpxmqng mz nqvi lr Devet.  
\q2 X nzaclvelr leplz nedrng elr mz nzwxbuo-krdr mz tron.   
\q1
\v 6-7 Delc, nakrka'-ngrgu Jerusalem mz nzrpi-krgu kx, “Gct rgr, aclve zpwx nigr lr Jerusalem,  
\q2 Murde leplz nemqng kcng tzmrlztilr nim  
\q1 Namnc-zpwxng mz ma nyzdr,  
\q2 X narmctilr nrwx mz nzmncpx-krmlr mz drkq ngr mzteadau nyzm.   
\q1
\v 8-9 Yawe, rlxtibzkr bam  
\q2 Kx na-aclve-kzpzme lr mrnyzgr x kztegrng kcng tzmncng elr.  
\q1 Amrlz zvz leplz amrlx kcng tzmncng elr  
\q2 Mz nzmrlzti-krdr Mangr-nzangiongr nim. Eu, angida.”   
\c 123  
\cl Sam Kratrtqki-esz'-nzpnu-li-nrade-tq (123) 
\s1 Yawe, Nayc Mz Drtwrm Nigr  
\d Nabz kx nzngrnelzngr Jerusalem mz nzangiongr.  
\q1
\v 1 Yawe, mnc-xglex nim  
\q2 Mz nzwxbu-krm mz tron nyzm Heven.   
\q1
\v 2 X nzmnc-xgle-zvz-krgr nim navz navz nakrlzbzle mzli kx ycngr mz drtwrm nigr.  
\q2 Murde apukr ncblo x olvz kx nzawzng kx nzmnc-xglelr kxnzetu rdrng.   
\q1
\v 3 Yawe, nayc mz drtwrm nigr mz nzokatr-krm nigr.  
\q2 Murde kxnzakxputing nzapusr-ngrdr nigr brmrda.   
\q1
\v 4 X drtqgr satxtrpebz nzxtrngatitrkr kxnzrngiscng nigr,  
\q2 X kxnzglqlz-lzbqng nzobqszo-zvzlr nigr.   
\c 124  
\cl Sam Kratrtqki-esz'-nzpnu-li-nrade-pwx (124) 
\s1 Yawe Arlapxle Leplz Nedeng  
\d Nabz ne Devet kx nzngrnelzngr Jerusalem mz nzangiongr.  
\q1
\v 1 Nigu lr Israel nakrlz-angidrku  
\q2 Kx Yawe ngi-te-zvzku badr mz nzotangr.   
\q1
\v 2 X mz nzngi-te-zvz-krgu badr  
\q2 Mzli kc enqmi rgung nzrpilr na-atrkati-ngrdr nigu,   
\q1
\v 3 Rblxbz badr nzmilxtxo-krdr nigu  
\q2 Mz nzngyati-zlwzkr drtwrdr nigu.   
\q1
\v 4-5 X trnznibqlru nigu mz nzapu-krdr srkau kx mrilvzole nigu.  
\q2 X nrc kxetu ngr srkau lc trabooleu nigu.   
\q1
\v 6 Delc na-awi-ngrbzku mz Yawe  
\q2 Mz trnzrlr-krpwzleu nigu mz mq enqmi rgung.   
\q1
\v 7 Mzli lc sc tqapupeku utc mz nzdwapx-krmgu mz br sc kxnzmwang,  
\q2 X drtqgu opxpe murde Yawe pingebzle br scdr.   
\q1
\v 8 Yawe nide Kxrpalz kc tqwz-ngrde bongavz x drtc',  
\q2 X Mevalu kc tqokatrle nigu, mz zmatq drtqde.   
\c 125  
\cl Sam Kratrtqki-esz'-nzpnu-li-nrade-nzlvqn (125) 
\s1 Kxnztubqng X Kxdrka'-ngrng  
\d Nabz kx nzngrnelzngr Jerusalem mz nzangiongr.  
\q1
\v 1 Nigu kcng nzabrtrpzlr drtwrdr mz Yawe,  
\q2 Apuku Newz Saeon kx trycngrlru, a' tutx alo.   
\q1
\v 2 X Yawe apule newz kcng tztu-ngalelvzlr Jerusalem,  
\q2 Murde vz zvz nztu-krmle mz nibrgu, nigu leplz nedeng.   
\q1
\v 3 X tr-rlr-ngrpwzleu mz kxdrka'-ngrng nzaclve-alo-krdr mrnyzgu, nigu kxnztubqng.  
\q2 Murde ma tqvz-nqblqku nqmq krdr kxtrka.   
\q1
\v 4 Delc Yawe, krka'-ngrgr kx na-amrlzq nigr lr Israel kxnztubqng  
\q2 Mz nzyrlq-angidr-krgr natqm.   
\q1
\v 5 A' mzli kc na-ayrplapx-ngrn kxdrka'-ngrng,  
\q2 Mrlzm bagr nzayrplapx-kz-krm kzdung nigr  
\q1 Kcng tzpxtxpx-ngrdr nzvz-nqblqngr nim.  
\q2 A' amnc zpwx nigr lang.   
\c 126  
\cl Sam Kratrtqki-esz'-nzpnu-li-nrade-esz'mz (126) 
\s1 Yawe Amnc-zpwx-moule Lr Jerusalem  
\d Nabz kx nzngrnelzngr Jerusalem mz nzangiongr.  
\q1
\v 1 Mzli kc Yawe tqamnc-zpwx-mou-ngrde nigu lr Jerusalem,  
\q2 Opxm kx trngiu da zpwx, a' rmwibleku.   
\q1
\v 2 Mzli lcde, yrpale-twzku x ngr-katoku, mz nzabrtz-zlwz-krgu.  
\q2 Zbz sc tzrpipe lr mrkzbleng kx, “Yawe rwz-ngrbz da kxetuting kx okatr-ngrde nidr.”   
\q1
\v 3 X abrtztx-zlwz-ngrgu  
\q2 Da lcdeng tqetuting tqwz-ngrmleng bagu.   
\q1
\v 4 Delc Yawe, na-amnc-zpwx-mou-ngrde nigu mzli ka,  
\q2 Da kc tqwai tewa nzdc-krde x lrti-moungr ningali kx pztipeng.   
\q1
\v 5 Murde leplz kcng tzyrning mzli kc tzpe-ngrdr dakxnzng mz drtc',  
\q2 Na-abrtzng mzli kc narkqlz-ngrdr.   
\q1
\v 6 X leplz kcng tzyrning mzli kc tzrtwz-ngrdr dakxnzng kx napetilr mz nrlanc,  
\q2 Sa nangr-abrtzng mzli kc nartwz-ngrmlr dakxnzng brma mz mzli r nzrkqlzngr.   
\c 127  
\cl Sam Kratrtqki-esz'-nzpnu-li-nrade-rlimz (127) 
\s1 Nqvi Lr Ncblo  
\d Nabz ne Solomon kx nzngrnelzngr Jerusalem mz nzangiongr.  
\q1
\v 1 Nzmu Yawe trnangiu Kxetu r nqvi lrgu le,  
\q2 Mane nzaetunepx-krgu nqvi lrgu.  
\q1 Nzmu trna-aukztileu lr mrnyzgu,  
\q2 Mane nzaclve-krgu nidr.   
\q1
\v 2 Nzmu trna-abrtrpwzkuu drtwrgu mz Yawe  
\q2 Mz nzrka-krmle dakxnzng bagu,  
\q1 Mane nzo-rlangr mz nzwz-katongr x nzyzlu-ngrm mz nina,  
\q2 Murde krlz-kzle nzrka-krmle da bagu mzli kc tqmwi-ngrgu.   
\q1
\v 3-5 X Yawe nide kz kx rkam doa kxnztopwzng mz nqvi lrgu,  
\q2 Mzli kc tqngi-oblabe-ngrgu.  
\q1 Murde mzli kc tqngi-lrtzlvzpe-ngrgu, doa lcng na-aclvelr nigu.  
\q2 Sa namrlzbz mz ncblo kc mrlxde tqkqlu.  
\q1 Murde mzli kc kzdq ncblo narnqniti-lzbq-ngrdr bade,  
\q2 Mrlxdeng sa natubzng mz nibrde.  
\q1 X mz nzrka-krbz kxnzrmailzng drtwr kxtubq,  
\q2 Drtqde trnamyau murde nztu-krbz mrlxdeng lcng mz nibrde.   
\c 128  
\cl Sam Kratrtqki-esz'-nzpnu-li-nrade-rtqmz (128) 
\s1 Trte Kx Mailzle Lr Ma Nyzde  
\d Nabz kx nzngrnelzngr Jerusalem mz nzangiongr.  
\q1
\v 1 Yawe sa na-amrlzle trte kx amrluele nide,  
\q2 X o-zli-zvzle nzti rde.   
\q1
\v 2 Murde da kx naokatrle lr ma nyzde navzpxm mz nzwz-krde,  
\q2 X na-abrtz-ngrde nzmnc-zpwx-krdr.   
\q1
\v 3 Olvz nalzde na-apule nc bia kc nrade tqkqlu,  
\q2 Murde doa nedrng kalr na-apulr nrtr ngr nc brpi mz nzwxbu-ngalelvz-krdr nyr pnrde.   
\q1
\v 4 Delc Yawe tqamrlz-ngrde  
\q2 Trte kx amrluele nide.   
\q1
\v 5-6 Yawe, mz nzmncpx-krme Mangr-nzangiongr,  
\q2 Amrlz nigr lr Israel, murde namnc-zpwxkr.  
\q1 X trtegr lcng namc-zvzlr da kxmrlzting kcng tqaleme bagr, nigr lr Jerusalem.  
\q2 X namc-kzlr nzmnckr doa ne doa nedrng, x sc tzbz-ateng.   
\c 129  
\cl Sam Kratrtqki-esz'-nzpnu-li-nrade-rpwxmz (129) 
\s1 Enqmi r Lr Israel  
\d Nabz kx nzngrnelzngr Jerusalem mz nzangiongr.  
\q1
\v 1 Nigu lr Israel nadcpx mz drtwrgu kx enqmi rgung nzatrkatilr nigu  
\q2 Yzuo mzli kc tqpipzbe-ngrgu mrnyzgu.   
\q1
\v 2 A' kxmule-esz' enqmi rgung nzatrkati-zlwzlr nigu,  
\q2 Yzuo mzli kc tqpipzbe-ngrgu mrnyzgu, a' trnzaovxio-pnzlru nigu.   
\q1
\v 3 X kxmule-esz' nzikla-zlwzlr nigu,  
\q2 X bzmrde mnz-aboitxtr-alom mz nibrgu,   
\q1
\v 4 A' Yawe kc tqtubq-esz'ngr,  
\q2 Aopxpebzle drtqgu mz mqdr.   
\q1
\v 5 Delc Yawe, nigr lr Saeon rlxtibzkr bam, nzmaneutipx-krbzme enqmi rgrng amrlx,  
\q2 Murde drtqdr namyatx-zlwzng.   
\q1
\v 6 X ayangrnga nidr  
\q2 Mzli lc tztopwzbe-ngrdr.   
\q1
\v 7 Murde ma tqtakitrde nidr nzota-moungr,  
\q2 Nzmu enqmi rgr kc-kzng tzrlxtibzlr badr nzokatr-krdr nidr mz vea.   
\q1
\v 8 X bzkq rlrpx-ngrn nzrpi-krbz badr kx,  
\q2 “Amrlzkr nimu mz drtq Yawe!”   
\c 130  
\cl Sam Kratrtqki-esz'-nzpnu-tq (130) 
\s1 Nzoliq-zvzkr Yawe Mz Nzokatr-krde Leplz Nedeng  
\d Nabz kx nzngrnelzngr Jerusalem mz nzangiongr.  
\q1
\v 1 Yawe, kqlex nim mz nzokatr-krm ninge  
\q2 Mz mzlir nzkxpu-krngeng.   
\q1
\v 2 Lalztqm mz nzkrka'-krnge, kx Kxetu,  
\q2 X ayzlum natqnge.   
\q1
\v 3 Yawe, nzmu napx-ngrn nzipqpx-krm alwx rgrng,  
\q2 Trpnzngr kx narlapxbz mz nzayrplapxngr.   
\q1
\v 4 A' oliq-zvzq nzipq-krm nigr,  
\q2 Murde na-amrluekr nim.   
\q1
\v 5-6 Yawe, obqtipxx nzokatr-krm ninge.  
\q2 X brti drtwrnge kx sa na-atutrq natqm.  
\q1 Da kc tzwai kxnzaukzng mz nzaenzli-krdr rngalx nzpnamilxtilz-ani-krmle,  
\q2 Murde nzkrlzlr kx nepi sa naprkilz-zvzm mz nourla kang kqlu.  
\q1 A' suti zlwz drtwrnge nzvz-ani-krme,  
\q2 Myaszpxle nzsutikr drtwrdr nzprtz-krm nepi.   
\q1
\v 7 X nigu lr Israel, na-abrtrpzku drtwrgu mz Yawe, murde aodu-zvzle nigu.  
\q2 X oliq zvz nzarlapx-krde nigu.   
\q1
\v 8 X sa naxpepxle nigu  
\q2 Mz alwx ngrgung amrlx.   
\c 131  
\cl Sam Kratrtqki-esz'-nzpnu-tq-nrade-esz' (131) 
\s1 Apux Doa Kx Yrpz Lxede  
\d Nabz ne Devet kx nzngrnelzngr Jerusalem mz nzangiongr.  
\q1
\v 1 Yawe, trglqpx-lzbqpc'u bam, mz nzvz-lvi-krnge bz kc tqyrlqme bange.  
\q2 X tramatq-lzbqwxu murde naprtrpo mz kxnzetung mz nzycmnetr-krdr mz da kxmyaszpxle nzrkrlz-krnge.   
\q1
\v 2 Murde abrtz-ngrne nzapu-krnge doa kxtopwz kx yrpz lxede.  
\q2 Delc tqmnc-zpwx-ngrne mz nrlc.   
\q1
\v 3 X nigu lr Israel navz zvz nzabrtr-krbzku drtwrgu mz Yawe,  
\q2 Murde namnc-zpwx-kzku.   
\c 132  
\cl Sam Kratrtqki-esz'-nzpnu-tq-nrade-li (132) 
\s1 Nzesz'tikr Drtwr Yawe Ncdr Devet  
\d Nabz kx nzngrnelzngr Jerusalem mz nzangiongr.  
\s2 Devet Suti Drtwrde Nzrwzngr Mangr-nzangiongr Yawe  
\q1
\v 1 Yawe, na-aoti drtwrm nzkxpukr Devet,  
\q2 Mz nzwztr-krbzle bam.   
\q1
\v 2 Nim Gct kc tqrninr tqangio Jekop.  
\q2 X Devet esalzbz bam.   
\q1
\v 3-4 Rpibzle kx, “Yawe, trtxpnzngr nzvz-krnge ma nyznge o mz nelvq nyznge,  
\q2 X trtxpnzngr nzama-krnge x nzmwi-krnge,   
\q1
\v 5 A' nawzti-kaix dq ma kx namnc-ngrn,  
\q2 Mz nzngini-krm Gct r Jekop.”   
\s2 Devet Rmctile Bokis Kc Tqyclz-ngrm Nzesz'tikr Drtwrdr Badr Gct  
\q1
\v 6 Mzli kc Devet badr ncblo nedeng tzmnc-ngrdr Efrata,  
\q1 Nzxlrlr nrpa ngr Bokis kc tqyclz-ngrm Nzesz'tikr Drtwrdr Badr Gct.  
\q2 X sc tzrmctipelr mz mztea Jerim mz nrlarnrlc lcde.   
\q1
\v 7 X sc tzrpipelr kx, “Naglqpeku Bokis lc mz Tentkxtr nyz Yawe.  
\q2 Mz nzangio-krgu nide mrkc tqwxbu-ngrde mz tron.”   
\q1
\v 8 X sc tzrpipebzlr mz Gct kx, “Yawe, vzm mz Tentkxtr nyzm,  
\q2 Murde namnc-zvzq mrkc tqycngr Bokis ngr zmatq ngrm.   
\q1
\v 9 Murde pris nemqng nayapwxtipxbzlr nztubq-esz'ngr-krm mz leplz nedrng,  
\q2 Kcng na-angrlvzlr nim.”   
\s2 Nzesz'tikr Drtwr Yawe Ncdr Devet  
\q1
\v 10 Yawe, mzli ka bzkq pxtxpx-ngrn king rgr kc tqmcpxbzme,  
\q2 A' atutr nzesalz-krbzme mz kxnzawz nem, King Devet.   
\q1
\v 11 Murde esalz-ngrbzme bade da kx trnzkatxu,  
\q2 Mz nzrpi-krbzme bade kx, “Sa nayrlqbo dq mrlxm kx nanginide king kx na-aclvele lr Israel mz nibrm. \x + \xo 132:11 \xt Aposol 2:30\x*   
\q1
\v 12 X nzmu mrlxdrng nayrlq-angidrlr nzesz'tikr drtwrgr badr,  
\q2 X navz-nqblqlr natqnge kc tqkapxbo badr,  
\q1 Sa nangini-zvzdr king,  
\q2 Badr mrlxdrng, tqyc tqyc.”   
\s2 Mevalu Kc Navzpxm Mz Nqvi Lr Devet  
\q1
\v 13 Yawe, rlxtibzkr nzamrlz-krm king nem.  
\q2 Murde mcpxq Jerusalem nangi mztea nyzm,   
\q1
\v 14 Mz nzrpi-krm kx, “Krlc mztea kx namnc-alo-ngrne,  
\q2 Mz nzvz-nqblq-krde me pnz drtwrnge.   
\q1
\v 15 Sa nakabo mz lr mztea nyznge lc da kxmrlzting kxkqlu.  
\q2 X sa na-aputrx kxtrnzrngiscung murde nelzdr nakrlc x naesatxpx zpwx.   
\q1
\v 16 Sa nabatrpo mz pris nengeng nzyapwxtipx-krbzlr mz leplz nengeng nzarlapx-krnge nidr,  
\q2 Murde leplz kxnztr lcng namalqlvzlr ninge.   
\q1
\v 17 Sa nayrlqx king kc tqmatq Jerusalem kx navzpxm mz nqvi lr Devet,  
\q2 X nzaclve-krde trtxpnzngr nzesaki-krde.   
\q1
\v 18 Sa na-amyalzx nide mz nzalao-krbo kraon mz narde,  
\q2 A' sa nabatrpo nzmyakr drtq enqmi rdeng.”   
\c 133  
\cl Sam Kratrtqki-esz'-nzpnu-tq-nrade-tq (133) 
\s1 Nzesz'tikr Drtwrgu  
\d Nabz ne Devet kx nzngrnelzngr Jerusalem mz nzangiongr.  
\q1
\v 1 Lqngipx x mrlzvxi  
\q2 Mzli kc leplz tzmnctr-lxblr-ngrdr mz nzesz'tikr drtwrdr. \fig Lqngipx x mrlzvxi mzli kc leplz tzmnctr-lxblr-ngrdr mz drtwr kxesz'.|alt="025 unity, brotherhood, reconciliation" src="025-AB02706b.tif" size="COL" loc="PSA 133:1" copy="John Lear" ref="133:1" \fig*   
\q1
\v 2 Nzesz'tikr drtwr lqngipx apule nzyrleokr tolo mz nar Eron x nrpnr naode, krlzo-kzpzle lrpzde,  
\q2 Mzli kc tzaelu-ngrde tolo mz nzngini-krde Nardr Pris.   
\q1
\v 3 X nzesz'tikr drtwr mrlzvxi apule nzdco-krm tewa  
\q2 Mz newz nyzgung mrkc tqmingr zvz.  
\q1 Murde da kc tqmrlzting amrlx tqkam Yawe bagu nzvzpxmqng Jerusalem,  
\q2 Myapxbz nzmnc-zpwx-zvz-krgu mz drtc' nyzgu.   
\c 134  
\cl Sam Kratrtqki-esz'-nzpnu-tq-nrade-pwx (134) 
\s1 Naglqpxku Yawe  
\d Nabz kx nzngrnelzngr Jerusalem mz nzangiongr.  
\q1
\v 1 Naglqpxku Yawe, nigu kxnzawz nedeng.  
\q2 Naprtrku mz Mangr-nzangiongr nide.   
\q1
\v 2 Glalzku mqgu Mrkc Tqtr.  
\q2 Glqpxku Yawe mz nrlckxbq.   
\q1
\v 3 X krka'-ngrgr kx Yawe na-amrlzle nimu mz nzmnc-krde Mzteadau nyzde.  
\q2 Nide kc tqwz-ngrde bongavz x drtc'.   
\c 135  
\cl Sam Kratrtqki-esz'-nzpnu-tq-nrade-nzlvqn (135) 
\s1 Nigu Nqvi Lr Israel Naglqlzku Yawe  
\d Nabz kx nzngrnelzngr Jerusalem mz nzangiongr.  
\s2 Mcpx Gct Nqvi Lr Israel  
\q1
\v 1-2  \bd Naglqlz-zvzku Yawe,\bd*  
\q2 Murde nide Gct rgu.  
\q1 X nigu kxnzawz nedeng na-amrlueku nide  
\q2 Mz nzkrka'-krmu mz Mangr-nzangiongr x makoa ngrde.   
\q1
\v 3 Na-amatqku nide murde mrlz-esz'ngr.  
\q2 X na-angrlvz-ngrgu nide nivz lrde.   
\q1
\v 4 Murde mcpxle nqvi lr Jekop, nigu lr Israel,  
\q2 Mz nzngini-krgu leplz nedeng.   
\s2 Kxrpalz  
\q1
\v 5 Krlzku kx Kxetu rgu, Yawe, nide Gct kc tqmyatxlz-esz'ngr,  
\q2 Myaszlzle kxnzmncng mzlilxlr amrlx.   
\q1
\v 6 Vz-nqblq-txpwzle me pnz drtwrde mz da kx alele  
\q2 Kxmule-esz' mz bongavz, nrlc, prla, x me boo-ngrng.   
\q1
\v 7 Wz-ngrde zbo nzvzdz-krdr mz lclxlr mz bongavz,  
\q1 X bzlrpc nzvzmi-krm trlipu le.  
\q2 X batrpzle nzwqkr nenq.   
\s2 Kxaovxio  
\q1
\v 8 Sc tqnibqtile ncblo kx ayrnrngr Ijipt,  
\q2 Kr neng leplz x kr neng animol.   
\q1
\v 9 Rwzngr da kxnzkctipxng kxkqlu mrlcde,  
\q2 Mz nzayrplapx-krde king rdr x kxnzetu nedeng.   
\q1
\v 10 Aovxiole lr mrkzbleng kxkqlu  
\q2 Mz nznibqti-krde king kxnzxplr-zlwzng.   
\q1
\v 11 Krlcng King Sihon, King Og, x kzdu-kzng king  
\q2 Kcng tzaclveng mz drtc' Kenan.   
\q1
\v 12 X drtc' nyzdrng katimleng bagu,  
\q2 Nigu lr Israel, da kc tqwai nzpi-krmlele bagu.   
\s2 Gct Angidr  
\q1
\v 13 Nqmq kr Yawe tqyc tqyc.  
\q2 X nzrkrlzngr drtqde tqvzpe tqvzpe.   
\q1
\v 14 Yawe sa napipxbzle mz leplz nedeng kxnzvz-rbrng o trtingr,  
\q2 X sa na-aodu-zvzle nidr.   
\q1
\v 15 Kxnzmnc-mrbrng nzangiolr mqngr da kx nzlz,  
\q2 Kcng tzwzngr ncblo mz silvz x gol.   
\q1
\v 16 Mqngr da kxnzlz lcng naodr x mztr ycbz,  
\q2 A' trnzycmneung x trnzrmcung da.   
\q1
\v 17 Nradrtqdr x nctqdr ycbz,  
\q2 A' trnzxlrung da x trnzycmini-kzung.   
\q1
\v 18 Leplz kcng tzrwz-ngrng nzapu-kzlr mqngr lcng.  
\q2 Murde nznabung, trnzobqung, nradrtqdr ngq, x trpnzngr nzlungr badr.   
\s2 Lr Israel Naglqlzlr Yawe  
\q1
\v 19 A' Nigu nqvi lr Israel, naglqlzku Yawe.  
\q2 X nimu pris, nqvi lr Eron, na-amrlue-kzamu nide.   
\q1
\v 20 X nimu kxnzawz nedeng, nqvi lr Livae, na-amatqamu nide.  
\q2 Nigu amrlx kcng tzamrluelr nide, na-angrlvzku nide.   
\q1
\v 21 Na-angioku Yawe Jerusalem, mz Newz Saeon.  
\q2 \bd Naglqlz-zvzku Yawe.\bd*   
\c 136  
\cl Sam Kratrtqki-esz'-nzpnu-tq-nrade-esz'mz (136) 
\s1 Aodu-zvzle Nigu  
\s2 Kxrpalz  
\q1
\v 1 Aodu-zvzle nigu. Awi-ngrbzku bade  
\q2 Mz nzmrlz-esz'ngr-krde. Aodu-zvzle nigu.   
\q1
\v 2-3 Aodu-zvzle nigu. Kxetu r kxnzetung  
\q2 Myaszlzle kxnzmncng mzlilxlr. Aodu-zvzle nigu.   
\q1
\v 4-5 Aodu-zvzle nigu. Wz-ngrde rkx kxmatq,  
\q2 Bongavz mz nzyrplapx-krde. Aodu-zvzle nigu.   
\q1
\v 6 Aodu-zvzle nigu. Wznedz-ngrmle drtc'  
\q2 Me boongr prla. Aodu-zvzle nigu.   
\q1
\v 7-8 Aodu-zvzle nigu. X wz-ngrde nepi  
\q2 Nayzlr mz nrlckxngrlx. Aodu-zvzle nigu.   
\q1
\v 9 Aodu-zvzle nigu. Wz-ngrde temz badr vri  
\q2 Nayzlrng mz nrlckxbq. Aodu-zvzle nigu.   
\s2 Aovxiole Enqmi Rgung  
\q1
\v 10 Aodu-zvzle nigu. Nibqtile enqmi rgung,  
\q2 Kxmztr nzmc kai ne lr Ijipt. Aodu-zvzle nigu.   
\q1
\v 11 Aodu-zvzle nigu. Rkamilzmle nigu  
\q2 Lr Israel mz mzlir lr Ijipt. Aodu-zvzle nigu.   
\q1
\v 12-14 Aodu-zvzle nigu. Mz zmatq ngrde kx xplr,  
\q2 Akipxle Prla Bla. Aodu-zvzle nigu.  
\q1 Aodu-zvzle nigu. X mailzkimle nigu,  
\q2 Leplz nedeng mz nzti rde. Aodu-zvzle nigu.   
\q1
\v 15 Aodu-zvzle nigu. A' rtco-ngrde prla  
\q2 King x ami r lr Ijipt. Aodu-zvzle nigu.   
\q1
\v 16 Aodu-zvzle nigu. X mailztrle nigu  
\q2 Leplz nedeng lzke. Aodu-zvzle nigu.   
\q1
\v 17-18 Aodu-zvzle nigu. Nibqtile king kxnzxplrng.  
\q2 Apoopemle king kxnzmatqng. Aodu-zvzle nigu.   
\q1
\v 19 Aodu-zvzle nigu. Nibqle King Sihon,  
\q2 King r lr Amctq. Aodu-zvzle nigu.   
\q1
\v 20 Aodu-zvzle nigu. X aovxiole King Og,  
\q2 Kc tqngi king r lr Basan. Aodu-zvzle nigu.   
\q1
\v 21-22 Aodu-zvzle nigu. Aprcmle drtc' nyzdr  
\q2 Bagu, nigu lr Israel. Aodu-zvzle nigu.   
\s2 Aclve-zvzle Nigu  
\q1
\v 23 Aodu-zvzle nigu. Trmrbrtru mz drtwrde  
\q2 Nzkxpu-zlwz-krgung. Aodu-zvzle nigu.   
\q1
\v 24 Aodu-zvzle nigu. Arlapxbzle nigu  
\q2 Mz mq enqmi rgung. Aodu-zvzle nigu.   
\q1
\v 25 Aodu-zvzle nigu. X rkabz dakxnzng  
\q2 Mz krkcng tzlung amrlx. Aodu-zvzle nigu.   
\q1
\v 26 Aodu-zvzle nigu. Glqlzku Gct kc Heven,  
\q2 X awibzku bade, aodu-zvzle nigu.   
\c 137  
\cl Sam Kratrtqki-esz'-nzpnu-tq-nrade-rlimz (137) 
\s1 Rblx Nzngr-abrtz-krgr Mz Nzmnc-krgr Bxbilon  
\q1
\v 1 Kx dcpx mz drtwrgr nzodatingr Jerusalem,  
\q2 Sc tqyrnipekr mz nzwxbune-krgr mrkzble mz nqlvi r ningaling Bxbilon.   
\q1
\v 2 X gita negrng adotxlzpekrng  
\q2 Mz nounc kx nztung mrlcde.   
\q1
\v 3 Krkcng tzlolvztilr nigr, tzxtrnga-ngrdr nigr, nzrpimlr bagr kx,  
\q2 “Ngr-ngrmamu du bagr nabz kxtr nemung.”   
\q1
\v 4 A' mz drtwrgr rpikr kx, “Rblx nzngr-abrtz-krbzkr mz Yawe,  
\q2 Mz nzmnc-krgr mz mztea nyz kxtrnzrlxngitiung.   
\q1
\v 5 Murde nzmu kx tqmrbrtitr drtwrnge Jerusalem,  
\q2 Namrbrtitr kz drtwrnge kxmu nzayrni-krnge gita nenge.   
\q1
\v 6 X nzmu kx tqrblx nzdcpx-kaikr Jerusalem mz nabznge,  
\q2 Narblx kz nzngr-krnge nabz ngrdeng.”   
\q1
\v 7 Yawe, nadcpxpwz mz drtwrm alwx ngr lr Edom.  
\q2 Murde mzli kc lr Bxbilon tzodati-ngrdr Jerusalem,  
\q1 Sc tzrpibzlr badr kx, “Odatiamu!  
\q2 Odatiamu x natutx-lxlrngr.”   
\q1
\v 8 Yawe, rlxtibzkr bam nzamrlz-krm ncblo kc naodati-atwrnr-ngrde lr Bxbilon,  
\q2 Mz nzayzlu-krbzle badr da kcng tzwaisr-ngrdr nigr. \x + \xo 137:8 \xt Nzaelwapxngr 18:6\x*   
\q1
\v 9 Murde na-abrtz-ngrde nzlolvzti-krde doa lcng,  
\q2 Mz nztamyrtitx-krde nidr.   
\c 138  
\cl Sam Kratrtqki-esz'-nzpnu-tq-nrade-rtqmz (138) 
\s1 Drtq Yawe X Natqde  
\d Nabz ne Devet.  
\q1
\v 1 Yawe, awibo bam mz nabznge atwrnrngr.  
\q2 X angrlvzx nim mz mz kxnzmatqng.   
\q1
\v 2 Lxlvrkibo Mangr-nzangiongr nim mz nzglqlz-krnge drtqm.  
\q2 X awi-ngrbo bam nqmq krm,  
\q1 Nzaodu-krm, x nzangidati-krm.  
\q2 Murde drtqm x natqm nzmyatxpx-esz'ngr.   
\q1
\v 3 Mzli kc tqkrka'-ngrbo bam, ayzlume natqnge,  
\q2 Mz nzaetunepx-krm nzxplr-krnge.   
\q1
\v 4 Yawe, king amrlx mz nrlc sa naglqlzlr nim,  
\q2 Mz nzxlr-krdr nzmrlzkr natqm.   
\q1
\v 5 X sa na-angrlvzlr kxmu nzale-krmqng da,  
\q2 Mz nzmc-krdr kx myatxlz-esz'ngrn.   
\q1
\v 6 Kxmule-esz' myalz-esz'ngrn, a' sc tqaclve-zvzq kxnzavzo-lzbqng.  
\q2 X avzome kxnzglqpx-lzbqng.   
\q1
\v 7 X kxmule-esz' nzkxpungr nzprtzmqng bange, a' amnc-zpwxq ninge.  
\q2 X tu-zvzme mz nibrnge mz nzngyatikr drtwr enqmi rngeng ninge.  
\q1 X arlapxq ninge mz zmatq ngrm.   
\q2
\v 8 Yawe, krlzx kx sa na-angidatiq drtwr amrlx kcng tqyrlq-pz'liti-ngrn ninge.  
\q1 Murde nzaodu-krm tqyc tqyc.  
\q2 Bzkq esaki nzaclve-krm krkcng amrlx tqwz-ngrn.   
\c 139  
\cl Sam Kratrtqki-esz'-nzpnu-tq-nrade-rpwxmz (139) 
\s1 Nzrkrlzkr Yawe Myatxlz-esz'ngr X Krlz-kzle Nqmq Nr Nabzm  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Obqplxq Nabznge  
\q1
\v 1 Yawe, obqplxq nabznge,  
\q2 X krlz-atwrnr-ngrn ninge.   
\q1
\v 2 Krlzq da amrlx kcng tqalex.  
\q2 Kxmule-esz' mncme rlru, a' krlz-zvzq nzao-krnge drtwrnge.   
\q1
\v 3 Kxmule-esz' wzx o amax, a' sa tqmc-zvzq ninge.  
\q2 X krlz-kaiq da amrlx kcng nartrngztibo mz zbq kxesz'.   
\q1
\v 4 Abzo pnz mzli kc trycmneka-ngrne  
\q2 Nzkrlz-kai-krm natq kznike napixng.   
\q1
\v 5 Zmatq ngrm okatrle ninge  
\q2 Mz nztu-ngalelvz-krde ninge.   
\q1
\v 6 Nzkrlz-krm ninge etu zlwz.  
\q2 X trtakitrpwc'u nzrkrlz-krm.   
\s2 Esz'-ngrn Nrlc  
\q1
\v 7 ?Drlve kc navzkix murde trnamcwq ninge?  
\q2 Trpnzngr kxnamule lc murde esz'-ngrn nrlc.   
\q1
\v 8 X kxmule-esz' vzdzx Heven, a' sc tqmncq elr.  
\q2 X kxmule-esz' bzx x nzyrtzmqnge, a' sc tqmnc-kzq elr.   
\q1
\v 9 Kxmule-esz' alilvc-kzx me prkilzm nepi  
\q2 O me takiole,   
\q1
\v 10 A' sc tqmncq elr mz nzokatr-krm ninge  
\q2 X nzrmailz-krm ninge mz mqm.   
\q1
\v 11 Kxmule-esz' mnc-kapqx mz nzlo  
\q2 X mz drtwrnge nrlckxngrlx nangitx nrlckxbq,   
\q1
\v 12 A' nzlo x nrlckxbq rblx nzamnc-kapq-krdr ninge,  
\q2 Murde nzlo x zyzlr kxnamu-txpwzlr esz' mz nzobq-krm.   
\s2 Nzlrmztio-krm Ninge  
\q1
\v 13-15 Murde mzli kc tqmclq ninge mz nelz lxenge  
\q2 Nim txpwz kx rkrlz nzmnc-lrpipx-krmc mrlcde.  
\q1 Wz-ngrn dalr nrkrdrtqnge x nrvr rngeng.  
\q2 X amwitr-lxblr-kzqng amrlx, mz nzvz-nqblq-krde me pnz drtwrm.  
\q1 X kctipxx x awitx-ngrbo bam  
\q2 Nzlrmztio-krm ninge.   
\q1
\v 16 X mzli kc trnzmckangr mzke',  
\q2 Yrlqpe-kaiq me nakrlzbz me nangi bz ngr nzlu-krnge.   
\s2 Rblxm Bange Nzao-krm Drtwrm  
\q1
\v 17 A' rblxm bange nzkrlz-angidr-krnge nzao-krm drtwrm  
\q2 Murde nzkqlu-zlwzng.   
\q1
\v 18 A' nzmu narlwxxleng drtwrnge mrbrtrpz,  
\q2 Murde nzmyaszpxlr drta' ngr prla amrlx.  
\q1 X kxmule-esz' nayrkrpx nzrlwx-krngeleng,  
\q2 A' tryatrkapc' nzkrlz-angidr-krnge nim.   
\s2 Kxdrka'-ngrng  
\q1
\v 19 Murde rblxbep bange drtwr ngr nqmq krm.  
\q1 ?Memule tqasa-ngrn nzayrplapx-krm kxdrka'-ngrng?  
\q2 ?Myx kxmule trnamilxtxokalq nidr?   
\q1
\v 20 Murde nzpiti-ngrdr nim natq kxtrka,  
\q2 X nzrnzlvzolr nqmq krm.   
\q1
\v 21-22 Yawe, pxtxpx-ngrne krkcng tzpxtxpx-ngrdr nim x ni-kzdr enqmi rngeng.  
\q2 Murde trnzmnclzpwzung mz zmatq ngrm.   
\s2 Aelwa-ngrm Bange Nqmq Krnge Kxtrka  
\q1
\v 23 Gct, obqplxti zpwx nqmq nr nabznge  
\q2 Mz nzkrlz-krm nzao-krnge drtwrnge.   
\q1
\v 24 Murde na-aelwa-ngrme bange nqmq krnge kxtrka,  
\q2 X namailzq ninge mz nzti kxtubq.   
\c 140  
\cl Sam Kratrtqki-esz'-nzpnu-pwx (140) 
\s1 Kxna-atrkatilr Ninge  
\d Nabz ne Devet kx yrbzle mz kxrmailz ngr dzbe kxnzngrng.  
\s2 Arlapxbz Ninge  
\q1
\v 1 Yawe, arlapxbz ninge mz kxdrka'-ngrng  
\q2 Kcng tzsuti drtwrdr nzatrkati-krdr ninge.   
\q1
\v 2 Nzryrlq-zvzng drtwr kxtrka mz nabzdr,  
\q2 X nzapqtr-zvzlr drtwr ngr nzotangr.   
\q1
\v 3 Natqdr nzlvati apule nipna kr ningidoe kc tqrtq,  
\q2 Mz nzrpikitingr x nzrpibqtingr. \x + \xo 140:3 \xt Rom 3:13\x*   
\s2 Mz Mq Enqmi Rngeng  
\q1
\v 4 Yawe, arlapxbz ninge mz zmatq ngrdr.  
\q2 X aclve-angidrbz ninge mz krkcng tzryrlqng drtwr kx na-atrkati-ngrdr ninge.   
\q1
\v 5 Sc tzglqpx-lzbqng nzamwi-kapqlr trtxki kx naprtz-ngrne mz nzatu-krdr br mz nzti rnge.  
\q2 X tzryrlqng drtwr kx nalolvz-ngrdr ninge.   
\s2 Nim Gct Rnge  
\q1
\v 6 Yawe, xlrm nzkrka'-krnge,  
\q2 Murde rpi-zvzbo bam kx, “Yawe, nim Gct rnge.”   
\q1
\v 7 Kxetu rnge, nzxplr-krm arlapxle ninge.  
\q2 X amyaq narnge mz nzvecngr.   
\q1
\v 8 Bzkq rlr-ngrbzme nzngidatikr drtwr kcng tzyrlq kxdrka'-ngrng lcng  
\q2 Mz nzbilvz-krdr nzlolvz-krdr ninge, kxmule-esz' nzsuti zlwz drtwrdr.   
\s2 Ayrplapx Nidr  
\q1
\v 9 Enqmi lcng tztu-ngalelvzlr ninge.  
\q2 Batrpz nzayzlu-krbz badr natq ngr zngya kcng tzpimlr bange, murde nangq-moule nidr.   
\q1
\v 10 X nyr natatiom nangc-ngrdr,  
\q2 X nartctiongr nidr mz gq kx trnarlapx-ngrdru.   
\q1
\v 11 Suti drtwrnge kx krkcng tzpokiang nzmnc-krdr mz drtc' natangqneo.  
\q2 X da kxtrka nadwatibzle krkcng tzota-zvzng mz nzodati-krde nidr.   
\s2 Okatr Ninge  
\q1
\v 12 Yawe, krlzx kx tu-zvzbzme mz nibr kx trpnzngr scde zmatq,  
\q2 X okatrq kxnzkxpung mz nzatubqti-krm da kx vz-rbr.   
\q1
\v 13 Leplz kxnztubqng sa na-awibzng bam,  
\q2 X namnc-zvzamu badr.   
\c 141  
\cl Sam Kratrtqki-esz'-nzpnu-pwx-nrade-esz' (141) 
\s1 Arlapxbz Ninge Mz Zmatq Ngr Alwx X Kxdrka'-ngrng  
\d Nabz ne Devet.  
\q1
\v 1 Yawe, kqle-zvzx nim. Xlrm natqnge.  
\q2 Vz-anim x okatrp ninge. Yawe, kqle-zvzx nim.   
\q1
\v 2 Abrtzlvz nzkrka'-krnge nzvzdz-krbzle bam na-apule zsikapu ngr bqlr nc ninz kc tzangcbz bam.  
\q2 X nzglalz-krnge mqnge na-apubzle bam blz ngr milzpq.   
\q1
\v 3 Yawe, mailz ninge murde ma tqrpitix natq kxtrka,  
\q2 A' nzycmne-krnge natubqpwz.   
\q1
\v 4 Bzkq rlr-ngrme nzsutikr drtwrnge da kxdrka'ngr,  
\q2 Murde ma tqprtrpo badr kxnzaleng alwx  
\q1 Mz nzale-krdr da kxvz-rbr,  
\q2 X ma tqprlvz mzke' da kxtrka.   
\q1
\v 5 A' mz nzprtr-krbo badr, mrlzvxitx nzayrplapxngr ninge.  
\q2 Murde nzatubqtingr apule tolo ngr nzamrlzngr.  
\q1 Bzkq narnge mqngi,  
\q2 Murde krka'-zvz-ngrne kx nayrlqpx-lzbqnge mz nzvz-rbr-krdr.   
\q1
\v 6 X ncblo sa na-abrtz-ngrdr natq ngr nzatubqti-krnge nidr  
\q2 Mzli kc namc-ngrdr nzbzkr kxnzetu r kxdrka'-ngrng mz nzayrplapxngr nidr.   
\q1
\v 7 X nrvr ngrdr sa natwzbetxne mz drtc'  
\q2 Mz nzapu-krdr lrdz kcng tqalvxlz nrc.   
\q1
\v 8 Yawe, nim Gct rnge, abrtr-zvzbo drtwrnge bam.  
\q2 Nanginim lrpalvc nyznge, murde ma tqmnc-lxlrx.   
\q1
\v 9 Mailz ninge murde ma tqprtzx mz trtxki sc kxdrka'-ngrng,  
\q2 X ma tqtaox mz gq kx nzekqtilr.   
\q1
\v 10 Mrlzvxitx nzdwatr-mou-krdr mz br scdr,  
\q2 A' drtqnge naopx zvz.   
\c 142  
\cl Sam Kratrtqki-esz'-nzpnu-pwx-nrade-li (142) 
\s1 Aopxbz Drtqnge Mz Nzkxpu-krngeng  
\d Nabz ne Devet mzli kc tqmncpx-ngrmle mz butqbr.  
\q1
\v 1 Yawe, yrni-katobo bam,  
\q2 Murde naokatrq ninge.   
\q1
\v 2 X pibo bam da kx lctr-ngrbz drtwrnge,  
\q2 X nzkxpungr kcng tqprtzmqng bange.   
\q1
\v 3 Kxmule-esz' nabznge baonepe, a' nim kc tqrtwayz zvz mz nzvz-krnge.  
\q2 Murde enqmi rngeng nzryrlq-kapqpeng trtxki mz lrpzki rnge.   
\q1
\v 4 X kx obq-ngalex kc nrlc, trpnzngr kx mcx kx naokatrle ninge,  
\q2 X trpnzngr kz kx na-aclve-zpwxle ninge.   
\q1
\v 5 Yawe, kqlex nim,  
\q2 Murde nim me rlakitrx, x nim nou nzmnc-zpwx-krnge.   
\q1
\v 6 Ayzlum natqnge  
\q2 Murde nabznge talvzo zlwz.   
\q1
\v 7 Aopxbz drtqnge mz nzkxpu-krngeng murde na-awibo bam,  
\q2 X kxnztubqng natu-ngalelvzlr ninge mz nzglqlz-krdr nim mz nzamrlz-zlwz-krm ninge.   
\c 143  
\cl Sam Kratrtqki-esz'-nzpnu-pwx-nrade-tq (143) 
\s1 Nzadwatrlr Ninge Mz Nzlo  
\d Nabz ne Devet.  
\s2 Xlrm Nzkrka'-krnge  
\q1
\v 1 Yawe, xlrm nzkrka'-krnge x ayzlum natqnge,  
\q2 Murde tubq-esz'ngrn x angidati-zvzq.   
\q1
\v 2 Bzkq ayrplapxq ninge, kxnzawz nem,  
\q2 Murde trpnzngr leplz mz nrlc kxtubq mz nzobq-krm.   
\q1
\v 3 Enqmi rngeng nzmaneutilr ninge x nzrnzbrtiolr ninge mz drtc',  
\q2 X nzadwatrlr ninge mz nzlo, apux kxbz kx mnclzm mz gq.   
\q1
\v 4 Nabznge baonepe,  
\q2 X talvzo zlwz.   
\q1
\v 5 A' amqtrx drtwrnge mz nzaotikr drtwrnge zbq kcng tqvztxpeng.  
\q2 X dcpx mz drtwrnge da kxnzkctipxng kcng tqalemeng bagr.   
\q1
\v 6 Delc tqglalz-ngrbo mqnge bam,  
\q2 Murde brlxkztitx zlwz drtwrnge nim.   
\s2 Ayzlum Natqnge  
\q1
\v 7 Yawe, ayzlu-anim natqnge murde nabznge baonepe.  
\q2 Bzkq rlaszq ninge, murde ma tqbzx.   
\q1
\v 8 A' pi-zvzm bange mz rngalx kang kqlu kx aodu-zvzq ninge,  
\q2 Murde abrtrpo drtwrnge bam.  
\q1 X mailz ninge mz lrpzki kx nao-zlix,  
\q2 Murde mnc-xgle-zvzx nim.   
\q1
\v 9 Yawe, bzkq rlr-ngrbzme mz enqmi rngeng nzlolvz-krdr ninge,  
\q2 Murde nim me rlakitrx.   
\q1
\v 10 Gct rnge, alvztrp bange nzale-krnge me pnz drtwrm.  
\q2 X rtwayzm bange mz zmrlz ngrm, murde namnc-zpwxx.   
\q1
\v 11 Yawe, arlapx ninge da kc tqwai nzpi-krmle murde ma tqbzx.  
\q2 X tum mz nibrnge mz nzkxpu-krngeng amrlx, murde tubq-esz'ngrn.   
\q1
\v 12 Lolvzting enqmi rngeng x milxtxo alo nidr.  
\q2 Murde aodu-zvzq ninge, kxnzawz nem.   
\c 144  
\cl Sam Kratrtqki-esz'-nzpnu-pwx-nrade-pwx (144) 
\s1 Sa Namrlzbz Mz Leplz Mrkcng Amrlx Tqamrlz Yawe  
\d Nabz ne Devet.  
\s2 Mevalu Rnge  
\q1
\v 1 Yawe, glqpxx nim, murde nim butqbr nyznge.  
\q2 X alvztrpe' bange nzrpnangr x axplrq ninge mz nzotangr.   
\q1
\v 2 Brti drtwrnge nzngini-krm lrpalvc nyznge.  
\q2 Nim Mevalu kx xplr x me rlakitrx.  
\q1 Nim temz ngr lomrnge kc tqyrputrngr nipna.  
\q2 X okatr-zvzq ninge mz nzaovxio-krnge lr mrkzbleng.   
\q1
\v 3 ?A' memule tqmatq-ngrgr mz drtwrm?  
\q2 ?X memule tqmrlzti-ngrn nigr leplz txneng?   
\q1
\v 4 Nzmrbcnekr nzlukr leplz apule nzyrplaokr nrc kxesz'.  
\q2 X apu-kzle zmio kc tqmrbr mz milzpq.   
\q1
\v 5 Yawe, lvxpx bongavz mz nzvzo-krme.  
\q2 Maletr newz murde nasikapung nzapulr trmami.   
\q1
\v 6 Atwzlro-ngrm bzlrpc mz nzaodaliti-krm enqmi rngeng.  
\q2 Pnzting nidr mz nipna scmqng murde navotxng.   
\q1
\v 7 Yawe, rtrngztiom ninge mz nzokatr-krm ninge,  
\q1 Na-apule kx veclzme ninge me boongr prla.  
\q2 X arlapxbz ninge mz mq lr mrkzbleng.   
\q1
\v 8 Murde nzmrlzti-txpwzlr nigr mz nzycmne-krdr.  
\q2 A' trnzatutrlru nzesz'tikr drtwrgr badr.   
\s2 Nzkrka'-krnge  
\q1
\v 9 Gct, sa nangr-ngrbo bam nabz kxmrna.  
\q2 X na-angrlvzx nim mz nzayrni-krnge gita.   
\q1
\v 10 Murde okatr-zvzq king nemqng mz nzaovxio-krdrng.  
\q2 X sc tqarlapxpebzme ninge mz toki r vea kxmalc, murde ninge kxnzawz nem.   
\q1
\v 11 Mzli ka arlapx-mopwz ninge mz mq lr mrkzbleng murde nzmrlzti-txpwzlr nigr mz nzycmne-krdr.  
\q2 A' trnzatutrlru nzesz'tikr drtwrgr badr.   
\q1
\v 12 Delc mz nzkqlukr enqmi rgrng,  
\q2 Krka'-ngrgr kx na-amrlzq nigr lr mrnyzm.  
\q1 Murde obla negrng naxplrnelzm mz nzapu-krdr nounc kx xplr.  
\q2 X olvi negrng naxplr-kzng x mztr nalqngi mz nzapu-krdr nctrpou ngr ma nyz king.   
\q1
\v 13 Dalr nrlanc nyzgrng nalvc-angidrng,  
\q2 Murde bxli scgrng nayrbu zvz mz dakxnzng.  
\q1 X animol negrng naeloting  
\q2 Murde neidrng nayrlwrtxne.   
\q1
\v 14 X kxnzrmailz rgrng na-ale-zpwxlr nzwz-krdr,  
\q1 Murde leplz ma tztangetrplr drkq ngr mztea nyzgr mz nzvzmi-krdr nigr mrnyzdr,  
\q2 X lr mztea nyzgrng ma tzodalineng mz nzvzdz-krm nelzdr.   
\q1
\v 15 Yawe, leplz kcng tqokatrq mz da lcng, sa na-abrtz-ngrdr nzmnc-zpwx-krdr.  
\q2 Murde leplz amrlx kcng tqnginim Gct rdr sa namnc-zpwx-zvzng.   
\c 145  
\cl Sam Kratrtqki-esz'-nzpnu-pwx-nrade-nzlvqn (145) 
\s1 Zluli X Zmatq Ngr Yawe  
\d Nabz ngr nzrglqpxngr ne Devet.  
\s2 Kzdq Nabz Ngr A, B, C  
\q1
\v 1  \qac A\qac*wi-zvzbo bam mz nzglqpx-krnge nim,  
\q2 Murde nim Gct rnge x mnclzbo bam.   
\q1
\v 2  \qac B\qac*ilvzx nim mz nzawi-krbo bam.  
\q2 X sa naglqpx-zvzx nim mz zbq kang kqlu.   
\q1
\v 3  \qac C\qac*lveq nrlc mz zmatq ngrm kx trpnzngr kxrkrlz.  
\q2 Yawe, myatxlz-esz'ngrn x takitrde nzrglqlzngr nim.   
\q1
\v 4  \qac D\qac*oa nemqng sa nayapwxti-zvzbzlr mz doa nedrng,  
\q2 Da kcng tqetuting tqmatq tqaletiqng.   
\q1
\v 5  \qac E\qac*u, x sa na-aoti-zvz-kzx drtwrnge nzwz-krmqng kxmrlzvxing,  
\q2 X nzetu-esz'ngr-krm mz zmatq.   
\q1
\v 6  \qac G\qac*ct, sa nayapwxtipx leplz da kxnzkctipxng kcng tqwz-ngrn.  
\q2 X sa napipxx nzmyalz-esz'ngr-krm.   
\q1
\v 7-8  \qac I\qac*pq-aniq leplz murde yc mz drtwrm nidr.  
\q2 Murde nivz lrm x nzaodu-krm tqyc tqyc.  
\q1 \qac J\qac*zsiq leplz mz nztubqngr x sa na-angrlvzlr nim.  
\q2 Sa nalepxlr nrpa ngr nzmrlz-esz'ngr-krm.   
\q1
\v 9  \qac K\qac*xetu, mrlztiq leplz amrlx,  
\q2 X yc zlwz mz drtwrm doa amrlx kcng tqwz-ngrn.   
\q1
\v 10  \qac L\qac*eplz nemqng amrlx sa na-awibzng bam,  
\q2 X doa amrlx kcng tqwz-ngrn sa naglqlzlr nim.   
\q1
\v 11  \qac M\qac*z nrlc tulvzo, sa nayapwxtipxlr nzmyalz-esz'ngr-krm,  
\q2 X nzetukr zmatq ngrm mz nzngini-krm king.   
\q1
\v 12  \qac N\qac*rpa ngr nzwz-krmqng etu, mz da kxmrlzting kcng tqwz-ngrn mz nzaclve-krm,  
\q2 Sa nakrlz leplz amrlx.   
\q1
\v 13  \qac O\qac*bqom mz nrlc mz nzaclve-krm kc tqyc tqyc,  
\q2 X nzngini-krm king tqvzpe tqvzpe.  
\q1 \qac P\qac*ipx-zvzq natq kx na-angidatiq,  
\q2 X aelwapx-zvzq nivz lrm mz da amrlx kcng tqaleq.   
\q1
\v 14  \qac R\qac*ngiscm zmatq kx okatrle leplz kcng tzkxpung,  
\q2 X axplrle nabz leplz kcng tqtalvzo.   
\q1
\v 15  \qac S\qac*a narkabzme dakxnzng mz kxnzlung amrlx,  
\q2 Mz nzmnc-xgle-krdr nim mz da amrlx.   
\q1
\v 16  \qac T\qac*ekqtrq nzbrtale-krdr mz nzakrlc-krbzme nelzdr,  
\q2 X drtwrdr esatxpx zpwx.   
\q1
\v 17  \qac V\qac*z zvz nzale-krm da kx tubq-esz'ngr,  
\q2 X aelwapx-zvzq nivz lrm mz da amrlx kcng tqaleq.   
\q1
\v 18  \qac W\qac*xbu-aepztrpzme mz krkcng tzkqlelr nim,  
\q2 Mz nzbrti-zpwxkr drtwrdr nim.   
\q1
\v 19  \qac X\qac*lrq nzyrnikr leplz kcng tzamrluelr nim,  
\q2 X ayzlubzme natqdr mz nzarlapx-krm nidr.   
\q1
\v 20  \qac Y\qac*awe, tu-zvzbzme mz nibr leplz kx nzmrlztilr nim,  
\q2 A' odati-atwrnr-ngrn kxdrka'-ngrng.   
\q1
\v 21  \qac Z\qac*bq kalvz sa naglqlzx nim.  
\q2 X krkcng tzlung tqwz-ngrn, nzangio-krdr nim tqvzpe tqvzpe.   
\c 146  
\cl Sam Kratrtqki-esz'-nzpnu-pwx-nrade-esz'mz (146) 
\s1 Na-abrtxtrpwzku Drtwrgu Mz Yawe  
\q1
\v 1  \bd Naglqlzku Yawe!\bd*  
\q2 Na-angiox nide mz nabznge.   
\q1
\v 2 Naglqlzx Gct rnge mzli ka tqlube-ngrne,  
\q2 X na-angrlvzx nide.   
\q1
\v 3 Bzkq abrtrpzku drtwrgu mz kxnzrmailzng,  
\q2 Murde leplz trnzkrlzlru nzarlapx-krdr nigu.   
\q1
\v 4 Nabzng x nzyrtzmqng mz drtc',  
\q2 X mzli lcpwz drtwr kcng tzyrlqlr botxpx-kzpz.   
\q1
\v 5 A' nangi da kxmrlz nzabrtr-krbzku drtwrgu mz Yawe.  
\q2 Murde takitrde mz nzmnc-xgle-krgu Gct r Jekop.   
\q1
\v 6 X Yawe nide Kxrpalz,  
\q1 Kc tqwz-ngrde bongavz, nrlc, x prla, x dalrdrng amrlx.  
\q2 X atutr-zvzle natqdeng amrlx.   
\q1
\v 7 Nzatubqti-krbz Yawe da mz kxnzkxpung tubq.  
\q1 X rka-zvzbz dakxnzng mz kxnzbrtaleng.  
\q2 X aopxbzle drtq kxnzmnclzbzng mz mq enqmi rdrng.   
\q1
\v 8-9 X nide kz kx aopxbzle mzku.  
\q2 X atulzmle kxnzobqszong.  
\q1 Yawe aclvele lr mrkzbleng kx mnckung badr.  
\q2 X okatrle kxnzbzszng x kxnzabzong.  
\q1 Mrlztile kxnztubq nedeng,  
\q2 A' odatile drtwr kcng tzyrlq kxdrka'-ngrng.   
\q1
\v 10 Yawe ni-alode King!  
\q1 Nzaclvekr Gct rgu, nigu lr Jerusalem, tqvzpe tqvzpe.  
\q2 \bd Naglqlzku Yawe!\bd*   
\c 147  
\cl Sam Kratrtqki-esz'-nzpnu-pwx-nrade-rlimz (147) 
\s1 Yawe Amrlzle Nigu Leplz Nedeng Mz Zmatq Ngrde  
\s2 Yawe Rngisc Zmatq Kx Xplr  
\q1
\v 1  \bd Naglqlzku Yawe!\bd*  
\q1 Mrlzvxitx nzangrlvz-krgu Gct rgu.  
\q2 Brngzvxitx x takitrde nzglqlz-krgu nide.   
\q1
\v 2 Yawe yrlq-zpwx-moule Jerusalem,  
\q2 Mz nzvzmi-kr-mople lr Israel kcng tzlolvzting enqmi rdrng.   
\q1
\v 3 Rka-mopwz nzabrtzngr mz leplz lcng drtwrdr tqtalvzo,  
\q2 Mz nzawxo-krbzle drtwrdr apule kx pnutibzle kxsqki rdr.   
\q1
\v 4 Krlzle me krlzbz nzkqlukr vri,  
\q2 X yrlqtibzle drtqdrng amrlx.   
\q1
\v 5 Yawe etu-esz'ngr x rngisc zmatq kx xplr.  
\q2 X trpnzngr kx rkrlzlzbz nzyrplapx-krde.   
\q1
\v 6 Atubxlzle kxnzobqszong,  
\q2 A' rnzbrtiole kxdrka'-ngrng mz drtc'.   
\s2 Mnc-xgleku Zmatq Rde  
\q1
\v 7 Nangr-ngrgu nabz kx yrlvi mz nzayrni-krbzku gita mz Yawe,  
\q2 Mz nzawi-krbzku bade.   
\q1
\v 8 Murde yrlqtibzle dcbz mz bongavz x adco-ngrmle tewa nalrprngr drtc',  
\q2 Murde nalutingr nabr kxvo mz nra.   
\q1
\v 9 Rkabz dakxnzng mz animol amrlx,  
\q2 X aputrle nei utc amrlx mz nzyrni-krbzlr bade mz dale ngr nelzdr.   
\q1
\v 10 Delc trmrlz-ngrpwzleu mz Yawe nzabrtr-ngrbzku drtwrgu mz nzxplrkr hcsi ngr vea negung,  
\q2 X nzaovxiokr ncblo ngr vea negung.   
\q1
\v 11 A' mrlzbz bade krkcng tzamrluelr nide,  
\q2 X tzmnc-xglelr nzaodu-zvz-krde nidr.   
\s2 Zmatq Ngr Natqde  
\q1
\v 12 Nigu lr Jerusalem kcng tzangiolr Yawe mz Newz Saeon,  
\q2 Naglqlzku nide, kc tqngi Gct rgu.   
\q1
\v 13-14 Murde amqngitibzle naonrx ngr Jerusalem x bz ngr mrnyzgr.  
\q2 Amrlz-zvzle lr mzteadau nyzde,  
\q1 X amnc-zpwxle nigu leplz nedeng amrlx  
\q2 Mz nzrka-krmle bagu da kxmrlzting.   
\q1
\v 15 Mzli kc tqycmnepx-ngrde  
\q2 Dalr nrlc nzvz-nqblq-anilr natqde.   
\q1
\v 16 Mz mzli r zbao, sncu prlxlvztxde drtc' apule lrpz kxprki.  
\q2 X dcbz vzom mz nrlc apule zsikapu.   
\q1
\v 17 X muli-aes rlxom mrkcng amrlx.  
\q2 Murde da amrlx lcng nayclzbzng mz zmatq ngr zbao.   
\q1
\v 18 A' mz nzycmne-mou-krde, nrlc kc tqpqpe,  
\q2 X nzwqkr nenq kxpq ayrle-mouleng lue kcng tqngi aes.   
\q1
\v 19 X natq lc tqmatq tqpim Yawe bagu, nigu leplz nedeng,  
\q2 Murde nayrlq-angidrku nzalvztr-krdeng x Loukxtr scde.   
\q1
\v 20 Trpipxpwzleu lou scdeng mz lr mrkzbleng,  
\q2 A' nigu txpwz, mz nzngini-krgu leplz nedeng.  
\q2 \bd Naglqlzku Yawe.\bd*   
\c 148  
\cl Sam Kratrtqki-esz'-nzpnu-pwx-nrade-rtqmz (148) 
\s1 Nzrglqlz-zvzngr Yawe  
\q1
\v 1-2  \bd Glqlz-zvzamu Yawe\bd*, nimu lr Heven amrlx.  
\q2 Nimu enjrl nedeng, glqlz-zvzamu Yawe.   
\q1
\v 3 Glqlz-zvzamu Yawe, nepi ncdr temz.  
\q2 X nimu vri amrlx, glqlz-zvzamu Yawe.   
\q1
\v 4 Glqlz-zvzamu nide, dalr bongavz amrlx.  
\q2 X nimu lue kcng wq, glqlz-zvzamu nide.   
\q1
\v 5 Glqlz-zvzamu drtqde. Kxrpalz wz-ngrde nimu,  
\q2 Mz natq kx kapxle. Glqlz-zvzamu drtqde.   
\q1
\v 6 Natqde tqyc tqyc. Yrlqti-lxblrbzle  
\q2 Me namnc-alo-ngrnamu. Natqde tqyc tqyc.   
\q1
\v 7 Glqlz-zvzamu Yawe, nimu nc x mepwz amrlx  
\q2 Ngr prla x me boongr. Glqlz-zvzamu Yawe.   
\q1
\v 8 Vz-nqblqamu natqde, bzlrpc x muli aes.  
\q2 Dcbz, nenq x tewa, vz-nqblqamu natqde.   
\q1
\v 9 Glqlz-zvzamu Yawe, newz x nra amrlx.  
\q2 Nimu nounc ngr peto, glqlz-zvzamu Yawe.   
\q1
\v 10 Glqlz-zvzamu nide, animol x utc amrlx.  
\q2 X da kx nzngrlaneng, glqlz-zvzamu nide.   
\q1
\v 11 Naglqlz-kzku Yawe, nigu lr nrlc amrlx.  
\q2 Kxnzetung x kxnzrmailzng, naglqlz-kzku Yawe.   
\q1
\v 12 Naglqlz-kzku nide, nigu obla x olvi.  
\q2 Itoto x lrtzlvzng, naglqlz-kzku nide.   
\q1
\v 13 Naglqlzku drtqde, nigu amrlx ngrgu.  
\q2 Drtqde myatxlz-esz'ngr. Naglqlzku drtqde.  
\q1 Nzmyalz-esz'ngr-krde myaszlzle drtc',  
\q2 X bongavz kz. Nzmyalz-esz'ngr-krde!   
\q1
\v 14 Naglqlz-zvzku Yawe, nigu lr Israel nedeng.  
\q2 Axplrle x aodule nigu, \bd naglqlz-zvzku Yawe.\bd*   
\c 149  
\cl Sam Kratrtqki-esz'-nzpnu-pwx-nrade-rpwxmz (149) 
\s1 Nzbilvz-krgu Nzaovxiokr Yawe  
\q1
\v 1  \bd Naglqlzku Yawe!\bd*  
\q1 Nangr-ngrbzku bade nabz kxmrna.  
\q2 Naglqlzku nide mz nzyrlwrpx-krm leplz nedeng mz Mangr-nzangiongr nide.   
\q1
\v 2 Nigu lr Israel na-abrtzlvzku Yawe mz nzngini-krde Kxrpalz.  
\q2 X nigu lr Jerusalem naelalz-ngrm drtwrgu King rgu.   
\q1
\v 3 Naelabzku bade  
\q2 Mz nzrta-krgu kcte x nzayrni-krgu gita.   
\q1
\v 4 Murde Yawe abrtz-zlwz-ngrde nigu leplz nedeng,  
\q2 X aovxiole enqmi rgung mz nzmnc-xgle-krgu nide.   
\q1
\v 5 Delc nigu kxnztrng nabilvzku nzaovxio-krgu.  
\q2 X nangr-abrtzku mz nrlckxbq krlzbzle mz nrlckxngrlx.   
\q1
\v 6 Naogu namalqlvzlr Gct.  
\q2 X narmaleku toki r vea mz mqgu.   
\q1
\v 7 Murde na-ayzlubzku da mz lr mrkzbleng,  
\q2 Mz nzatutr-krgu nzaryplapxkr Gct leplz lcng.   
\q1
\v 8 X nape-amqngiku king rdrng,  
\q2 Badr kxnzrmailz rdrng amrlx mz nzaovxio-krgu nidr.   
\q1
\v 9 Mz nzamatqkr Gct nigu, rlr-ngrmle bagu, nigu leplz nedeng,  
\q2 Nzprtr-krgu mz nzatutr-krde natqde mz nzayrplapx-krgu lr mrkzbleng.  
\q2 \bd Naglqlzku Yawe!\bd*   
\c 150  
\cl Sam Kratrtqki-esz'-nzpnu-nzlvqn (150) 
\s1 Naelabzku Mz Yawe  
\q1
\v 1  \bd Naglqlzku Yawe\bd* mz nzmnc-krde Mangr-nzangiongr,  
\q2 X nzmnc-krde Heven kc tqmyalz.   
\q1
\v 2 Na-angrlvzku nide nzmyalz-esz'ngr-krde  
\q2 Mz nzale-krde da kcng tqmatq.   
\q1
\v 3-5 Naelamibzku nrasrpwale  
\q2 X natz-katobzku bade kcte.  
\q1 Naelabzku bade navzmi nzayrpla-krgu da,  
\q2 Nzrta-krgu da, x nzayrlewz-krgu da mz mqgu.  
\q1 Navxubzku trpu x ncblei.  
\q2 X na-ayrniku gita x ukzlele mz nzglqlz-krgu nide. \fig Naelabzku mz Yawe.|alt="027 dancing music makers" src="027-Jud5.1.tif" size="SPAN" loc="PSA 150:3-5" copy="LLL Language Recording" ref="150:3-5" \fig*   
\q1
\v 6 Nigu kxnzlung amrlx, naelalz-ngrm drtwrgu Yawe.  
\q2 \bd Naglqlzku Yawe!\bd*