\id 2JN stc-642JN-Nat.sfm, 2 John, Natqgu (Santa Cruz) STC, Daniel Boerger, 11/07/2007 
\ide UTF-8
\h 2 Jon 
\toc3 2 Jon 
\toc1 Nzryrkr Jon Krali 
\toc2 2 Jon 
\mt1 Nzryrkr Jon Krali  
\imt1 Natq Ngr Nzaplxtqngr Mz Nzryrkr Jon Krali  
\ip Mc ‘Natq Ngr Nzaplxtqngr Mz Nrpakxmrlz Kx Yr Jon.’ Mwx yrle letz lc mz yiz 90 o 91 AD mz nibr nzrmcngr mz Jiszs. Letz lc trkrlzkuu kx ryr-neba Jon, murde apule nzycmne-ebzpxngr. Ycmnetr-ngrde kzdq olvz x doa nedeng kx drtwr ngrde kzdq dzbe lrmakxtr. Ilede drtwr ngrde kzdq kz dzbe lrmakxtr kx aclve Jon. Mz yiz kcng trtqki-li (200) mz nibr nzvzdzkr Jiszs Heven, leplz kxnzkqlung nzvzpxng mz nzalvztr-krdr leplz. Nzmncng badr kxnzlxngitilr nzalvztr-krdr x kxnzokatrlr nidr mz nzvzpx-krdr. Mz letz lc, Jon rpibzle mz kxnzrlxngiting kx na-aclvetio-lzbqng, murde ma tzokatrlr krkcng tzalvztr-rbrng.  
\ip X Jon yr-kzle kzdung da kx apupwzle da kx yrle mz letz kc kai, a' letz lc mrbcnepwz. Pibzle badr kx nalolvz-amqngilr nzalvztrngr angidr, namrlzti-lzbqng, x bzkq nzrlr-ngrbzlr mz kxnzalvztr-rbrng nzprtr-krdr x nzalvztr-krdr mz makxtr nyzdr.  
\c 1  
\p
\v 1 Ninge Jon, kxaclvele lrmakxtr. Nimu dzbe lrmakxtr lang mrla kx mcpx Gct, apuamu ile-lzbq badr dzbe lrmakxtr kang mrka. X rpibo “Nimu la!” mz doa nemqng mz Kraes amrlx mrla, murde mrlzti-angidrxng. X trnipwc'u esz'-krnge, a' leplz kcng amrlx mrka tzkrlzlr nrpa angidr ngr Kraes, nzmrlzti-kzlr nimu.  
\v 2 Mrlztikr nimu murde nzalvztrngr angidr kc tqyc alo mz nabzgu.  
\v 3 X krka'-ngrne kx Gct Trtegu, x Mrlxde Jiszs Kxnzmcpx, nakamlr bagu zmrlz ngrdr kxmyalz, nzyckr drtwr, x nzmnc-zpwxngr mz nzlxngiti-krgu \sc Nrpa ngr Kraes\sc*, x mz nzaelwapx-krgu nivz lrde.   
\s1 Da Angidr X Nivz  
\p
\v 4 Rmctix kzdung doa nemung, x abrtztx-ngrne nzmc-krnge nzvz-nqblqbe-krdr nzmncngr angidr, da kc tqwai Gct Trte nzkapx-krde natqde kx nayrlq-angidrku.  
\v 5 X mzli ka, tr-ryrpwc'u bamu natq kxmrna. A' nadcpx mz drtwrmu natq kc tqka-pnzm Gct bagu, mzli kc kai tqlxngiti-ngrgu Nrpakxmrlz. Natq lc nide sele, “Namrlzti-lzbqku!”  
\v 6 Aelwapx-ngrgu nzmrlzti-krgu Gct mz nzvz-nqblq-krgu natqde. X natq kx kapxle mzli kc kai nide sele. “Namrlzti-lzbqku!”   
\s1 Kxnzakrlz Kxnzpokiang  
\p
\v 7-8 Aclvetio-lzbqamu, murde kxnzakrlzng kxnzpokiang nzkqlung nzmncpemqng bagu, x nzrpilr naesabrtilr nimu. Leplz lcng trnzlxngitilru nzvz-krm Jiszs Kxnzmcpx mz nrlc nzngini-krde leplz. Krlc nzalvztrkr Enqmi Kxetu ngr Kraes, kc tqngi kz Kxpokia. Bzkq vz-nqblqamu lrpzki rdr kx vz-rbr. Murde mz nzvz-nqblq-krmule, trnatwzpewamuu da amrlx kx navzpxmqng mz nzwztr-krbzku mz Kraes.  
\v 9 Doa kx trvz-nqblqleu nzalvztrkr Kraes, traxvctr-lzbqpzu mz Gct. A' krkc tqmncmile nzalvztrngr angidr, nide kx axvctr-lzbqbz mz Gct ncdr Mrlxde.  
\v 10 Mrlx kx vzm bamu kx trtwzpleu nzalvztr-angidrkr Kraes, bzkq rlr-ngrbzmu nzalvztr-krde mz makxtr x bzkq adwatramu mz ma nyzmu.  
\v 11 Murde krkc tqabrtzlvzle kxakrlz kxpokia axvctr-lzbqpebz mz alwx ngrde.   
\s1 Natq Ngr Nzarlr-lzbqngr  
\p
\v 12 Da kqlu kx suti drtwrnge napibo bamu, trpengr nzyrtio-krboleng mz letz lc. Murde suti drtwrnge nzoklati-krbo nimu mz nzpi-zpwx-krboleng bamu x naelalz-ngrm drtwrgu.  
\v 13 Dzbe lrmakxtr kang mrka kx mcpx kz Gct, nzrpibzlr bamu kx, “Nimu la!” Lrmakxtr kang mrka tqapuamu badr ile-lzbq mz Kraes.  
\cls Delape. Mrlztix nimu. Ninge \sig Jon. \sig*