\id JER - Biblica® Open Nepali Contemporary Version
\usfm 3.0
\ide UTF-8
\h यर्मिया
\toc1 यर्मियाको भविष्यवाणी
\toc2 यर्मिया
\toc3 यर्मिया
\mt1 यर्मियाको भविष्यवाणी
\c 1
\p
\v 1 बेन्यामीनी प्रान्तको अनातोतमा बस्‍ने हिल्कियाह, जो पुजारीहरूमध्ये एक थिए; तिनका छोरा यर्मियाका वचनहरू यिनै हुन्। 
\v 2 यहूदाका राजा आमोनका छोरा योशियाहको शासनको तेह्रौँ वर्षमा याहवेहको वचन तिनीकहाँ आयो। 
\v 3 यहूदाका राजा योशियाहका छोरा यहोयाकीमको शासनकालदेखि योशियाहका अर्का छोरा सिदकियाहको एघारौँ वर्षको पाँचौँ महिनासम्म, अर्थात् यरूशलेमका मानिसहरू कैदमा लगिएको समयसम्म आइरह्‍यो।
\b
\s1 यर्मियाको बोलावट
\p
\v 4 याहवेहको वचन मकहाँ आयो,
\q1
\v 5 “मैले तँलाई गर्भमा सृष्‍टि गर्नुभन्दा अगि नै तँलाई चिनिसकेको\f + \fr 1:5 \fr*\ft अथवा \ft*\fqa चुनेको\fqa*\f* थिएँ;
\q2 तँ जन्मनुभन्दा अगि नै मैले तँलाई अलग गरेँ;
\q2 अनि मैले तँलाई जातिहरूका निम्ति अगमवक्ताको रूपमा नियुक्त गरेँ।”
\p
\v 6 तब मैले भनेँ, “हे प्रभु याहवेह, म बोल्न जान्दिनँ; किनभने म त बालकै छु।”
\p
\v 7 तर याहवेहले मलाई भन्‍नुभयो, “म बालकै छु भनी नभन्। मैले तँलाई पठाएका सबै मानिसहरूकहाँ तँ जानैपर्छ र मैले तँलाई जे-जे आज्ञा गर्छु, त्यो तैँले भन्‍नैपर्छ। 
\v 8 तिनीहरूसित नडरा, किनकि म तँसित छु र तँलाई छुटाउनेछु,” याहवेह घोषणा गर्नुहुन्छ।
\p
\v 9 त्यसपछि याहवेहले आफ्नो हात पसारेर मेरो मुख छुनुभयो र मलाई भन्‍नुभयो, “मैले मेरो वचन तेरो मुखमा हालिदिएको छु। 
\v 10 हेर्, उखेल्न र भत्काउन, नाश गर्न र भताभुङ्ग पार्न, निर्माण गर्न र रोप्न भनी आज म तँलाई राष्ट्रहरू र राज्यहरूमाथि नियुक्त गर्दछु।”
\p
\v 11 याहवेहको यो वचन मकहाँ आयो: “यर्मिया तँ के देख्दैछस्?”
\p मैले जवाफ दिएँ, “म हाडे-बदामका रूखको एउटा हाँगा देख्दैछु।”
\p
\v 12 याहवेहले मलाई भन्‍नुभयो, “तैँले ठिक देखेको छस्; किनकि म आफ्नो वचन पूरा भएको देख्दैछु।”
\p
\v 13 याहवेहको वचन फेरि मकहाँ आयो: “तँ के देख्दैछस्?”
\p तब मैले जवाफ दिएँ, “म एउटा उम्‍लिरहेको भाँडो देख्दैछु, जुन उत्तर दिशाबाट हामीतिर ढल्किरहेको छ।”
\p
\v 14 याहवेहले मलाई भन्‍नुभयो, “यस देशमा बस्‍ने सबै मानिसहरूमाथि उत्तर दिशाबाट विपत्ति खन्याइनेछ। 
\v 15 म उत्तरी राज्यहरूका सबै जातिहरूलाई भेला गराउन लागेको छु,” याहवेह घोषणा गर्नुहुन्छ।
\q1 “तिनीहरूका राजाहरू आउनेछन्, र यरूशलेमका मूलढोकाहरूको मुखमा
\q2 तिनीहरूले आफ्ना सिंहासनहरू स्थापित गर्नेछन्;
\q1 तिनीहरू त्यसका चारैतिरका पर्खालहरूको विरुद्धमा
\q2 र यहूदाका सबै नगरहरूको विरुद्धमा आउनेछन्।
\q1
\v 16 म आफ्ना जातिहरूमाथि आफ्नो न्यायको घोषणा गर्नेछु;
\q2 किनकि तिनीहरूले मलाई त्यागेर दुष्‍टता
\q1 गरेका छन्; अनि आफ्नै हातले बनाएका
\q2 अरू देवी-देवताहरूका अगि धूप बालेर पूजा गरेका छन्।
\p
\v 17 “यसकारण उठ्, र आफूलाई तयार गर्! मैले तँलाई आज्ञा गरेका सबै कुरा तिनीहरूलाई भन्। तिनीहरूसँग नडरा, नत्रता म तँलाई तिनीहरूको अगि भयभीत बनाउनेछु। 
\v 18 आज मैले तँलाई सम्पूर्ण देशको विरुद्धमा—यहूदाका राजाहरू, त्यसका हाकिमहरू, त्यसका पुजारीहरू र देशका मानिसहरूको विरुद्धमा खडा हुन फलामको खम्बा, काँसाको पर्खाल र एउटा बलियो किल्‍ला भएको सुरक्षित सहर बनाएको छु। 
\v 19 तिनीहरू तेरो विरुद्ध लडाइँ गर्नेछन्, तर तँलाई जित्न सक्नेछैनन्; किनकि म तँसित हुनेछु र तँलाई छुटाउनेछु,” याहवेह घोषणा गर्नुहुन्छ।
\c 2
\s1 इस्राएलले याहवेहलाई त्यागेको
\p
\v 1 याहवेहको वचन मकहाँ आयो: 
\v 2 “जा, र यरूशलेमका मानिसहरूले सुन्‍ने गरी घोषणा गर्:
\b
\p “याहवेह यसो भन्‍नुहुन्छ:
\q1 “ ‘तेरो युवा अवस्थाको भक्ति म सम्झना गर्छु;
\q2 कसरी तैँले एउटी दुलहीले झैँ मलाई प्रेम गर्थिस्;
\q1 अनि बिउ नछरिएको भूमिमा,
\q2 मलाई मरुभूमिमा पछ्याइस्।
\q1
\v 3 याहवेहका निम्ति इस्राएल पवित्र थियो;
\q2 उहाँको फसलको पहिलो फल थियो;
\q1 इस्राएललाई निल्नेहरू सबै दोषी ठहरिए;
\q2 अनि तिनीहरूमाथि विपत्ति आइलाग्यो,’ ”
\q2 याहवेह घोषणा गर्नुहुन्छ।
\b
\q1
\v 4 हे याकोबका सन्तान, इस्राएलका सबै वंशहरू हो,
\q2 याहवेहको वचन सुन।
\p
\v 5 याहवेह यसो भन्‍नुहुन्छ:
\q1 “तिमीहरूका पितापुर्खाहरूले ममा के दोष भेट्टाए,
\q2 र तिनीहरू मबाट यति धेरै टाढा भए?
\q1 तिनीहरू काम नलाग्ने मूर्तिहरूका पछि लागेर
\q2 तिनीहरू आफैँ काम नलाग्ने भए।
\q1
\v 6 तिनीहरूले यसो भनी सोधेनन्, ‘याहवेह कहाँ हुनुहुन्छ?
\q2 जसले हामीलाई इजिप्टबाट ल्याउनुभयो;
\q1 र हामीलाई उजाडस्थानबाट
\q2 मरुभूमिको ठाउँ र खाडलबाट,
\q1 सुक्खा भूमि र घोर अन्धकार ठाउँबाट,
\q2 कुनै मानिस नहिँडेको र कोही नबसेको देशबाट डोर्‍याउनुभयो?’
\q1
\v 7 मैले तिमीहरूलाई मलिलो देशमा
\q2 त्यसका फलहरू र असल उब्जनी खानका निम्ति ल्याएँ।
\q1 तर तिमीहरू आयौ र मेरो देशलाई अशुद्ध पार्‍यौ;
\q2 अनि मेरो उत्तराधिकारलाई घृणित बनायौ।
\q1
\v 8 पुजारीहरूले,
\q2 ‘याहवेह कहाँ हुनुहुन्छ?’ भनी सोधेनन्;
\q1 व्यवस्थाका काम गर्नेहरूले मलाई चिनेनन्;
\q2 अगुवाहरूले मेरो विरुद्धमा विद्रोह गरे।
\q1 काम नलाग्ने मूर्तिहरूका पछि लागेर,
\q2 अगमवक्ताहरूले बाल-देवताको नाममा अगमवाणी गरे।
\b
\q1
\v 9 “यसकारण म फेरि तिमीहरूको विरुद्धमा मुद्दा लगाउनेछु,”
\q2 याहवेह घोषणा गर्नुहुन्छ।
\q2 “अनि म तिमीहरू, तिमीहरूका छोराछोरी
\q2 र नातिनातिनाहरूका विरुद्धमा मुद्दा लगाउनेछु।
\q1
\v 10 कित्तीमको\f + \fr 2:10 \fr*\ft साइप्रस र पश्‍चिमी किनारपारि\ft*\f* किनारपारि गएर हेर्,
\q2 केदार\f + \fr 2:10 \fr*\ft सिरिया-अरबी मरुभूमि\ft*\f* मरुभूमिमा पठा, र ध्यानपूर्वक हेर्;
\q2 त्यहाँ यस्तो कहिल्यै भएको छ कि छैन, सो पत्ता लगा:
\q1
\v 11 के कुनै राष्ट्रले आफ्ना देवी-देवताहरू बदली गरेका छन्?
\q2 (यद्यपि तिनीहरू देवता नै होइनन्।)
\q1 तर मेरो आफ्नै जातिले आफ्ना महिमित परमेश्‍वरलाई
\q2 व्यर्थका मूर्तिहरूसित साटेका छन्।
\q1
\v 12 हे आकाशमण्डल हो, तिमीहरू यस कुरामा चकित होओ;
\q2 अनि भयानक डरले थरथर काम,”
\q2 याहवेह घोषणा गर्नुहुन्छ।
\q1
\v 13 “मेरा मानिसहरूले दुई वटा पापहरू गरेका छन्:
\q1 तिनीहरूले मलाई त्यागेका छन्,
\q2 जिउँदो पानीको मूललाई;
\q1 अनि तिनीहरूले पानी नअडिने
\q2 आफ्नै कुवाहरू खनेका छन्।
\q1
\v 14 के इस्राएल एउटा सेवक, जन्मजात दास हो र?
\q2 तब किन त्यो लुटिएको छ?
\q1
\v 15 सिंहहरू गर्जेका छन्;
\q2 तिनीहरूले इस्राएललाई झम्टेका छन्।
\q1 तिनीहरूले त्यसको भूमिलाई उजाड पारिदिएका छन्;
\q2 त्यसका सहरहरू जलाइएका र त्यागिएका छन्।
\q1
\v 16 मेम्फिस र तहपनेसका मानिसहरूले पनि
\q2 तिमीहरूका खप्परलाई कुच्याइदिएका छन्।”
\q1
\v 17 जब तिमीहरूलाई याहवेह तिमीहरूका परमेश्‍वरले बाटोमा डोर्‍याउँदै हुनुहुन्थ्यो,
\q2 तब उहाँलाई तिमीहरूले त्यागेर,
\q2 यो कुरा आफैँमाथि ल्याएका होइनौ र?
\q1
\v 18 अब नील\f + \fr 2:18 \fr*\ft मूल भाषामा \ft*\fqa शीहोर\fqa*\f* नदीबाट पानी पिउन
\q2 इजिप्टमा किन जान्छौ?
\q1 अनि यूफ्रेटिस नदीबाट पानी पिउन
\q2 अश्शूरमा किन जान्छौ?
\q1
\v 19 तिमीहरूको दुष्‍टताले तिमीहरूलाई दण्ड दिनेछ;
\q2 “तिमीहरूको धर्म-त्यागले तिमीहरूलाई हप्काउनेछ।
\q1 तिमीहरूले याहवेह
\q2 तिमीहरूका आफ्ना परमेश्‍वरलाई त्यागेर मेरो भय नराख्दा
\q1 त्यो तिमीहरूका निम्ति कति दुष्‍टता
\q2 र तितोपना हुनेछ भनी विचार गरेर जान,”
\q2 सेनाहरूका याहवेह घोषणा गर्नुहुन्छ।
\b
\q1
\v 20 “धेरै समयअगि नै तैँले आफ्नो जुवा भाँचिस्
\q2 र आफ्ना बन्धनहरू फुकाइस्;
\q2 तैँले भनिस्, ‘म तपाईंको सेवा गर्नेछैनँ!’
\q1 अनि प्रत्येक अग्ला डाँडाहरूमाथि
\q2 र हरेक झ्याम्म परेको रूखमुनि
\q2 तँ वेश्याजस्तै ढल्किस्।
\q1
\v 21 मैले तँलाई एक असल र भरपर्दो बोटबाट
\q2 एउटा उत्तम दाखको बोटझैँ रोपेको थिएँ।
\q1 तर कसरी तँ मेरो विरुद्धमा खडा भएर,
\q2 भ्रष्‍ट जङ्गली दाखको बोट भइस्?
\q1
\v 22 तैँले आफूलाई कडा साबुन
\q2 र सोडाले धोए तापनि
\q2 तेरो अपराधको दाग अझै पनि मेरो सामु रहेको छ,”
\q2 प्रभु याहवेह घोषणा गर्नुहुन्छ।
\q1
\v 23 “कसरी तैँले भन्‍न सक्छस्, ‘म अशुद्ध भएको छैनँ;
\q2 म बाल-देवताहरूका पछि लागेको छैनँ?’
\q1 हेर्, तैँले बेँसीमा कस्तो व्यवहार गरेको थिइस्;
\q2 तैँले के गरेको थिइस्, सो विचार गर्।
\q1 तँ त यताउता दौडिहिँड्ने
\q2 उत्तेजित ऊँटजस्तै छस्,
\q1
\v 24 उजाडस्थानमा रहने बानी भएकी, कामुक भएर
\q2 हावा सुँघिहिँड्ने जङ्गली गधैनीजस्तै।
\q2 त्यसको उन्मात कामुकतालाई कसले रोक्न सक्छ?
\q1 त्यसलाई पछ्याउने गधाहरूले आफूलाई थकाउनुपर्दैन;
\q2 कामवासनाको समयमा तिनीहरूले त्यसलाई भेट्टाइहाल्छन्।
\q1
\v 25 तेरा खुट्टा नाङ्गो नभएसम्म
\q2 र तेरो घाँटी तिर्खाले सुक्खा नहुन्जेल नकुद्।
\q1 तर तैँले भनिस्, ‘म फर्कन सक्दिनँ!
\q2 म विदेशी देवताहरूलाई प्रेम गर्छु;
\q2 अनि मैले तिनीहरूलाई पछ्याउनैपर्छ।’
\b
\q1
\v 26 “पक्राउ पर्दा चोर लज्जित भएझैँ,
\q2 इस्राएलको घराना लज्जित भएको छ;
\q1 अर्थात् तिनीहरू, आफ्ना राजाहरू र तिनीहरूका अधिकारीहरू,
\q2 तिनीहरूका पुजारीहरू र तिनीहरूका अगमवक्ताहरू सबै लज्जित भएका छन्।
\q1
\v 27 तिनीहरूले काठलाई भन्छन्, ‘तपाईं मेरा पिता हुनुहुन्छ,’
\q2 अनि ढुङ्गालाई भन्छन्, ‘तपाईंले मलाई जन्माउनुभयो।’
\q1 तिनीहरूले मतिर मुख होइन,
\q2 तर आफ्नो पिठिउँ फर्काएका छन्;
\q1 तापनि तिनीहरू विपत्तिमा पर्दा तिनीहरू भन्छन्,
\q2 ‘आएर हामीलाई बचाउनुहोस्!’
\q1
\v 28 त्यसो भए तिमीहरूले आफ्ना निम्ति बनाएका देवी-देवताहरू चाहिँ कहाँ छन् त?
\q2 तिमीहरू विपत्तिमा परेको बेला
\q2 तिनीहरूले बचाउन सक्छन् भने तिनीहरू आऊन्!
\q1 किनकि हे यहूदा, तँसित जति सहरहरू छन्,
\q2 त्यति नै धेरै देवी-देवताहरू पनि छन्।
\b
\q1
\v 29 “तिमीहरू मेरो विरुद्धमा किन अभियोग लगाउँछौ?
\q2 तिमीहरू सबै मेरो विरुद्धमा बागी भएका छौ,”
\q2 याहवेह घोषणा गर्नुहुन्छ।
\q1
\v 30 “मैले व्यर्थैमा तिम्रा मानिसहरूलाई दण्ड दिएँ;
\q2 किनकि तिनीहरूले सुध्रिन मानेनन्।
\q1 तिमीहरूका तरवारले तिमीहरूका अगमवक्ताहरूलाई
\q2 निलिहाल्ने शिकारी सिंहले जस्तै नाश गरेका छौ।
\p
\v 31 “यस पुस्ताका मानिसहरू, तिमीहरूले याहवेहको वचन विचार गर:
\q1 “के म इस्राएलका निम्ति मरुभूमि
\q2 अथवा घोर अन्धकारको देशजस्तै भएको छु?
\q1 किन मेरा मानिसहरूले यसो भन्छन्, ‘हामी आफूखुशी गर्न स्वतन्त्र छौँ;
\q2 हामी तपाईंकहाँ फेरि फर्केर आउनेछैनौँ?’
\q1
\v 32 के एउटी कन्याले आफ्ना गरगहना, वा
\q2 एउटी दुलहीले आफ्नो विवाहका गरगहनाहरू बिर्सन सक्छे र?
\q1 तापनि मेरा मानिसहरूले,
\q2 धेरै समयदेखि मलाई बिर्सेका छन्।
\q1
\v 33 तँ प्रेमिका पछि लाग्नलाई कति सिपालु छेस्!
\q2 अति दुष्‍ट स्त्रीहरूले पनि तेरो चालहरूबाट सिक्न सक्छन्।
\q1
\v 34 तेरा लुगाहरूमा निर्दोष गरिबहरूको
\q2 रगत भेटिन्छ,
\q2 यद्यपि तैँले तिनीहरूले घर फोर्दै गरेको भेट्टाइनस्।
\q1 तर यी सबै कुरा हुँदा-हुँदै पनि
\q2
\v 35 तँ भन्छस्, ‘म त निर्दोष छु;
\q2 उहाँ मसित रिसाउनुभएको छैन।’
\q1 तर तैँले, ‘मैले पाप गरेकी छैनँ’
\q2 भनेकै कारण म तेरो न्याय गर्नेछु।
\q1
\v 36 तँ किन आफ्ना मार्गहरू बदलेर,
\q2 यताउता डुलिहिँड्छस्?
\q1 अश्शूरले तँलाई निराश तुल्याएजस्तै
\q2 तँ इजिप्टबाट पनि निराश हुनेछस्।
\q1
\v 37 तैँले त्यो ठाउँलाई पनि
\q2 आफ्ना हात आफ्नै थाप्लोमा राखेर छाड्नेछस्;
\q1 किनकि तैँले भरोसा राखेकाहरूलाई याहवेहले त्याग्नुभएको छ;
\q2 तैँले तिनीहरूबाट सहायता पाउनेछैनस्।
\b
\b
\c 3
\q1
\v 1 “यदि कुनै मानिसले आफ्नी पत्नीसँग सम्बन्ध-विच्छेद गर्‍यो
\q2 र स्त्रीले त्यसलाई छोडेर अर्को मानिससित विवाह गरी भने,
\q1 के त्यो पतिले त्यस स्त्रीलाई फेरि फर्काएर ल्याउँछ र?
\q2 यसो गर्दा के देश पूर्ण रूपले अशुद्ध हुँदैन र?
\q1 तर तँ धेरै प्रेमीहरूसित एक वेश्याझैँ बसेकी छेस्,
\q2 अर्थात् के अब तँ मकहाँ फर्केर आउन सक्छेस्?”
\q2 याहवेह घोषणा गर्नुहुन्छ।
\q1
\v 2 “बाँझो पहाडहरूतिर आँखा उठाएर हेर्।
\q2 के तैँले कुकर्म नगरेको कुनै ठाउँ छ?
\q1 मरुभूमिमा डुलुवा बसेझैँ,
\q2 तँ बाटोको छेउतिर प्रेमिकाहरूको प्रतीक्षामा बसिस्।
\q1 तैँले देशलाई तेरो व्यभिचार र दुष्‍टताले भ्रष्‍ट पारेकी छेस्।
\q1
\v 3 यसकारण झरी रोकिएको छ;
\q2 अनि वसन्त ऋतुको वर्षा आएकै छैन।
\q1 तापनि तँ लाज नभएकी वेश्याजस्तै देखिन्छेस्;
\q2 तँ लाजले भुतुक्‍क हुँदिनस्।
\q1
\v 4 के तैँले मलाई भर्खरै यसरी पुकारिनस्,
\q2 ‘मेरा पिता, मेरा युवावस्थादेखिको साथी,
\q1
\v 5 के तपाईं सधैँ रिसाइरहनुहुनेछ?
\q2 के तपाईंको क्रोध सदासर्वदा रहिरहनेछ?’
\q1 तैँले यसरी कुरा गर्छेस्,
\q2 तर तैँले सक्ने सबै दुष्‍ट्याइँ गर्छेस्।”
\s1 विश्‍वासघाती इस्राएल
\p
\v 6 राजा योशियाहको शासनकालमा याहवेहले मलाई भन्‍नुभयो, “इस्राएलले कस्तो विश्‍वासघाती काम गरेको छ, के तैँले देखेको छस्? इस्राएल प्रत्येक अग्लो डाँडा र हरेक झ्याम्म परेको रूखमुनि गएर त्यसले त्यहाँ व्यभिचार गरेकी छे। 
\v 7 इस्राएलले यी सबै कुरा गरेपछि मतिर फर्किन्छे होला भन्‍ने मैले सोचेको थिएँ, तर त्यो फर्किन। अनि त्यसकी अविश्‍वासी बहिनी यहूदाले यो कुरा देखी। 
\v 8 मैले अविश्‍वासी इस्राएललाई त्यसको सम्बन्ध-विच्छेदको त्यागपत्र दिएँ र त्यसको व्यभिचारको कारण त्यसलाई टाढा पठाइदिएँ। तापनि त्यसकी अविश्‍वासी बहिनी यहूदा डराइन; त्यो पनि गई र व्यभिचार गरी। 
\v 9 किनकि इस्राएलको अनैतिक चरित्र त्यसको निम्ति केहीजस्तो लागेन, त्यसले ढुङ्गा र काठसित व्यभिचार गरेर देशलाई बिटुलो पारेकी छे। 
\v 10 यी सबै कुरा भएर पनि त्यसकी विश्‍वासघाती बहिनी यहूदा मतिर सम्पूर्ण हृदयले होइन, तर त्यसले फर्केको बहाना मात्र गरेकी छे,” याहवेह घोषणा गर्नुहुन्छ।
\p
\v 11 याहवेहले मलाई भन्‍नुभयो, “अविश्‍वासी इस्राएल अविश्‍वासी यहूदाभन्दा बढी धर्मी छ। 
\v 12 जा, उत्तरतिर यो सन्देश घोषणा गर्:
\q1 “याहवेह भन्‍नुहुन्छ: ‘अविश्‍वासी इस्राएल फर्की,
\q2 म तँलाई फेरि रिसाएको आँखाले हेर्नेछैनँ;
\q1 किनकि म विश्‍वासयोग्य छु,’ याहवेह घोषणा गर्नुहुन्छ,
\q2 ‘म सधैँभरि रिसाउनेछैनँ।
\q1
\v 13 तैँले आफ्नो दोष मात्र स्वीकार गर्,
\q2 तँ याहवेह तेरा परमेश्‍वरको विरुद्धमा विरोधी भएकी छेस्;
\q1 अनि तैँले आफ्नो प्रेम हरेक झ्याम्म परेको रूखमुनि
\q2 विदेशी देवी-देवताहरूलाई बाँडिदिएकी छेस्;
\q2 अनि मेरा आज्ञापालन गरेकी छैनस्,’
\q2 याहवेह घोषणा गर्नुहुन्छ।”
\p
\v 14 याहवेह घोषणा गर्नुहुन्छ, “हे अविश्‍वासी मानिसहरू हो, फर्क! किनकि म तिमीहरूको पति हुँ। म तिमीहरूलाई एउटा सहरबाट एक जनालाई र एउटा वंशबाट दुई जना गरेर छान्‍नेछु—अनि म तिमीहरूलाई सियोनमा ल्याउनेछु। 
\v 15 त्यसपछि म तिमीहरूलाई मेरो हृदयअनुसारको गोठालाहरू दिनेछु, जसले तिमीहरूलाई ज्ञान र समझकासाथ डोर्‍याउनेछन्। 
\v 16 ती दिनहरूमा, जब देशमा तिमीहरूको संख्या धेरै बढ्नेछ,” तब याहवेह घोषणा गर्नुहुन्छ, “मानिसहरूले ‘याहवेहको करारको सन्दुक’ भनेर फेरि कहिल्यै भन्‍नेछैनन्, न त फेरि कहिल्यै याद गर्नेछन्; त्यो तिनीहरूका मनमा सम्झनास्वरूप कहिल्यै आउनेछैन, न त त्योजस्तै फेरि अर्को कहिल्यै बनाइनेछ। 
\v 17 त्यस बेला मानिसहरूले यरूशलेमलाई याहवेहको सिंहासन भन्‍नेछन्; अनि सबै जातिका मानिसहरू याहवेहको नामलाई आदर गर्न यरूशलेममा भेला हुनेछन्। तिनीहरू फेरि आफ्ना दुष्‍ट हृदयको हठीपनाको पछि लाग्नेछैनन्। 
\v 18 ती दिनहरूमा यहूदाका घराना, इस्राएलको घरानासित मिल्नेछ; अनि तिनीहरू एकसाथ उत्तरी देशबाट मैले उत्तराधिकारको रूपमा तिमीहरूका पितापुर्खाहरूलाई दिएको देशमा आउनेछन्।
\p
\v 19 “म याहवेह आफैँले भनेको हुँ,
\q1 “ ‘म कति खुशीसाथ तिमीहरूलाई मेरो छोराछोरीहरूजस्तै व्यवहार गर्नेथिएँ;
\q2 अनि तिमीहरूलाई अति असल देश,
\q2 मेरो राष्ट्रमा सबैभन्दा सुन्दर उत्तराधिकार दिनेथिएँ।’
\q1 तिमीहरूले मलाई ‘पिता’ भनी बोलाउनेछौ,
\q2 र मलाई पछ्याउन छोड्नेछैनौ भनी सोचेको थिएँ।
\q1
\v 20 तर आफ्नो पतिप्रति अविश्‍वासी रहेकी पत्नीझैँ,
\q2 हे इस्राएलका घराना हो, तिमीहरू मप्रति अविश्‍वासी भएका छौ,”
\q2 याहवेह घोषणा गर्नुहुन्छ।
\b
\q1
\v 21 नाङ्गा डाँडाहरूमा एउटा रोदन सुनिन्छ;
\q2 इस्राएलका मानिसहरूका रुवाइ र दयाका निम्ति पुकाराको सोर,
\q1 किनकि तिनीहरू कुबाटोतिर लागेका छन्;
\q2 अनि याहवेह तिनीहरूका परमेश्‍वरलाई बिर्सेका छन्।
\b
\q1
\v 22 “हे अविश्‍वासी मानिसहरू हो, फर्क!
\q2 म तिमीहरूका विश्‍वासघाती हृदयलाई निको पार्नेछु।”
\b
\q1 “हजुर, हामी तपाईंकहाँ फर्केर आउनेछौँ;
\q2 किनकि तपाईं नै याहवेह हाम्रा परमेश्‍वर हुनुहुन्छ।”
\q1
\v 23 “निश्‍चय नै डाँडाहरूमा मूर्तिपूजाको होहल्‍ला छ,
\q2 र पर्वत एउटा छल हो;
\q1 निश्‍चय नै याहवेह हाम्रा परमेश्‍वरमा
\q2 इस्राएलको निम्ति उद्धार छ।
\q1
\v 24 हाम्रो जवान अवस्थाबाट नै लाजमर्दो देवी-देवताहरूले
\q2 हाम्रा पितापुर्खाहरूका परिश्रमका फलहरू—
\q1 अर्थात्, भेडाबाख्राका बगालहरू र गाईबस्तुका बथानहरू;
\q2 अनि तिनीहरूका छोराछोरीहरू सबै कुरा निलिदिएको छ।
\q1
\v 25 हामी आफ्नो लाजमा घोप्टो परौँ;
\q2 अनि हाम्रा अपमानले हामीलाई ढाकोस्।
\q1 हामीले याहवेह हाम्रा परमेश्‍वरको विरुद्धमा
\q2 हामी र हाम्रा पितापुर्खाहरू दुवैले पाप गरेका छौँ;
\q1 हाम्रो जवानी अवस्थादेखि आजको दिनसम्म
\q2 हामीले याहवेह हाम्रा परमेश्‍वरको आज्ञापालन गरेका छैनौँ।”
\b
\c 4
\q1
\v 1 “हे इस्राएल, यदि तिमीहरू फर्किआउन चाहन्छौ भने,
\q2 मकहाँ फर्किआओ,” याहवेह घोषणा गर्नुहुन्छ।
\q1 “यदि तिमीहरूले आफ्ना घिनलाग्दा मूर्तिहरू मेरो दृष्‍टिबाट टाढा राख्यौ
\q2 र फेरि बरालिएनौ भने,
\q1
\v 2 अनि तिमीहरूले सत्य, न्याय र धार्मिकतामा
\q2 ‘जीवित याहवेहलाई साक्षी’ राखेर शपथ खायौ भने,
\q1 तब उहाँद्वारा जातिहरू आशिषित हुनेछन्;
\q2 अनि तिनीहरूले उहाँमा नै गर्व गर्नेछन्।”
\p
\v 3 यरूशलेम र यहूदाका मानिसहरूलाई याहवेह यसो भन्‍नुहुन्छ:
\q1 “तिमीहरूको बाँझो जमिनमा खनजोत गर,
\q2 र काँडाहरूको बीचमा बिउ नछर।
\q1
\v 4 हे यरूशलेम र यहूदाका मानिसहरू हो,
\q2 याहवेहका निम्ति आ-आफ्नो खतना गर,
\q2 तिमीहरूका आफ्नो हृदयको खतना गर।
\q1 नत्रता तिमीहरूले गरेका दुष्‍टताको कारण
\q2 मेरो क्रोध दन्केर निस्कनेछ, र आगोझैँ बल्नेछ,
\q2 अर्थात् यसरी बल्नेछ, कि कसैले पनि निभाउन सक्नेछैन।
\s1 उत्तर दिशाबाट विपत्ति
\q1
\v 5 “यहूदाका मानिसहरू र यरूशलेमका मानिसहरूलाई यसो भनेर घोषणा गर:
\q2 ‘देशभरि तुरही फुक!’
\q1 चर्कोसँग कराएर भन:
\q2 ‘एकसाथ भेला होओ!
\q2 हामी किल्‍ला भएका सुरक्षित सहरहरूतिर भागौँ।’
\q1
\v 6 सियोनतिर जाने झण्डा उठाओ!
\q2 ढिलो नगरी सुरक्षाको निम्ति भाग!
\q1 किनकि म उत्तर दिशाबाट विपत्ति ल्याउँदैछु;
\q2 अब डरलाग्दो सर्वनाश ल्याउनेछु।”
\b
\q1
\v 7 एउटा सिंह, जो आफ्नो ओडारबाट निस्किआएको छ;
\q2 राष्ट्रहरूलाई नाश गर्न एक जना निस्किसकेको छ।
\q1 तिमीहरूको देशलाई सर्वनाश पार्न
\q2 त्यो आफ्नो ठाउँबाट निस्किसकेको छ।
\q1 तिमीहरूका सहरहरू नष्‍ट हुनेछन्,
\q2 र त्यहाँ कोही पनि बसोबास गर्नेछैन।
\q1
\v 8 यसकारण भाङ्ग्रा लगाएर
\q2 विलाप गर र रोओ;
\q1 किनकि याहवेहको डरलाग्दो क्रोध
\q2 हामीबाट हटेको छैन।
\b
\q1
\v 9 याहवेह घोषणा गर्नुहुन्छ, “त्यो दिन,
\q2 राजा र अधिकारीहरू हताश हुनेछन्,
\q1 र पुजारीहरू भयभीत हुनेछन्;
\q2 अनि अगमवक्ताहरू चकित हुनेछन्।”
\p
\v 10 तब मैले भनेँ, “हे प्रभु याहवेह, ‘तिमीहरूलाई शान्ति हुनेछ’ भनेर यिनीहरू र यरूशलेमका मानिसहरूलाई पूर्ण रूपले कसरी धोका दिनुभएको छ; किनकि तरवार हाम्रा घाँटीसम्म नै छ!”
\p
\v 11 त्यस बेला यी मानिसहरू र यरूशलेमलाई यसो भनिनेछ, “मरुभूमिका अग्ला बाँझो ठाउँहरूबाट एउटा प्रचण्ड तातो बतास मेरा मानिसहरूतिर बहनेछ, तर त्यो बतास निफन्‍नलाई वा सफा पार्नलाई होइन; 
\v 12 किनकि मबाट आउने बतास अति शक्तिशाली हुनेछ। अब म यहूदाका मानिसहरूमाथि मेरो दण्ड घोषणा गर्नेछु।”
\q1
\v 13 हेर! उहाँ बादलझैँ अगि बढ्नुहुन्छ,
\q2 उहाँका रथहरू भुमरीझैँ आउँछन्;
\q1 उहाँका घोडाहरू गरुडभन्दा तेज दगुर्छन्।
\q2 हाय हामीलाई, किनकि हामीहरू बरबाद भयौँ!
\q1
\v 14 हे यरूशलेम, तेरो हृदयबाट दुष्‍ट कुराहरू धोएर पखाल्, तब तँ बाँच्नेछेस्।
\q2 तँ कहिलेसम्म दुष्‍ट विचारहरू पालिरहन्छेस्?
\q1
\v 15 दानबाट एउटा आवाजले घोषणा गर्दैछ;
\q2 एफ्राइमका डाँडाहरूबाट सर्वनाशको घोषणा हुँदैछ,
\q1
\v 16 “यो कुरा राष्ट्रहरूलाई भन्,
\q2 यरूशलेमलाई यो घोषणा गर्:
\q1 ‘यहूदाका सहरहरूको विरुद्धमा युद्धको ध्वनि सुनाउँदै,
\q2 टाढा देशबाट घेरा हाल्ने सेनाहरू आउँदैछन्।
\q1
\v 17 मानिसहरूले खेतको रक्षा गरेझैँ तिनीहरूले यरूशलेमलाई घेर्नेछन्;
\q2 किनकि त्यसले मेरो विरुद्धमा विद्रोह गरेको छ,’ ”
\q2 याहवेह घोषणा गर्नुहुन्छ।
\q1
\v 18 “तेरा आफ्नै चाल र कामहरूले
\q2 तँमाथि कष्‍ट ल्याएको हो।
\q1 तेरो दण्ड यही हो।
\q2 यो कस्तो तितो छ!
\q2 त्यो कष्‍टले तेरो मुटुलाई नै छेड्छ!”
\b
\q1
\v 19 हाय, मेरो पीडा! मेरो पीडा!
\q2 म कष्‍टमा छटपटाउँछु!
\q1 हाय, मेरो हृदयको वेदना!
\q2 मेरो हृदय जोडसित धड्कन्छ!
\q2 म चुपचाप रहन सक्दिनँ।
\q1 किनकि मैले तुरहीको आवाज सुनेको छु;
\q2 मैले युद्धको ध्वनि सुनेको छु।
\q1
\v 20 विनाशपछि विनाश आउँछ;
\q2 सम्पूर्ण देश ध्वस्त भएको अवस्थामा छ।
\q1 अचानक मेरा पालहरू नष्‍ट हुन्छन्,
\q2 एकै क्षणमै मेरो शरणस्थान नष्‍ट पारिन्छ;
\q1
\v 21 मैले कहिलेसम्म लडाइँको झण्डा हेरिरहूँ,
\q2 अनि तुरहीको आवाज सुनिरहूँ?
\b
\q1
\v 22 “मेरा मानिसहरू मूर्ख छन्;
\q2 तिनीहरूले मलाई चिन्दैनन्।
\q1 तिनीहरू ज्ञान नभएका बालकहरूजस्ता हुन्;
\q2 तिनीहरूको समझशक्ति छैन।
\q1 तिनीहरू दुष्‍ट काम गर्न सिपालु छन्;
\q2 तर तिनीहरूले भलाइ कसरी गर्ने भन्‍ने कुरा जान्दैनन्।”
\b
\q1
\v 23 मैले पृथ्वीतिर हेरेँ,
\q2 त्यो आकारविनाको र शून्य थियो;
\q1 अनि आकाशतिर हेरेँ,
\q2 र त्यहाँ उज्यालो थिएन।
\q1
\v 24 मैले डाँडाहरूतिर हेरेँ,
\q2 तिनीहरू काँपिरहेका थिए;
\q2 सबै डाँडा हल्‍लिरहेका थिए।
\q1
\v 25 मैले हेरेँ, र त्यहाँ कोही पनि मानिसहरू थिएनन्;
\q2 आकाशका सबै चरा उडेर गइसकेका थिए।
\q1
\v 26 मैले हेरेँ, र फलदायी जमिन मरुभूमि भएको थियो;
\q2 त्यसका सबै सहर याहवेहको सामु
\q2 उहाँको भयानक रिसमा नष्‍ट भएका थिए।
\p
\v 27 याहवेह यसो भन्‍नुहुन्छ:
\q1 “मैले पृथ्वीलाई पूर्ण रूपले नाश नगरे तापनि
\q2 सारा देश नष्‍ट हुनेछ।
\q1
\v 28 यसकारण पृथ्वीले शोक गर्नेछ,
\q2 र माथिको आकाश अँध्यारो हुनेछ;
\q1 किनकि मैले बोलेको छु, र मेरो मन बदलिनेछैन;
\q2 मैले निर्णय गरिसकेको छु, र मपछि हट्नेछैनँ।”
\b
\q1
\v 29 घोडचढी र धनुर्धारीहरूको आवाज सुनेर
\q2 सबै सहर भाग्नेछन्।
\q1 तिनीहरू झाडीहरूतिर पस्‍नेछन्;
\q2 अरूचाहिँ चट्टानमाथि उक्लनेछन्।
\q1 सबै सहरहरू सुनसान हुनेछन्;
\q2 ती सहरहरूमा कुनै मानिस बस्‍नेछैन।
\b
\q1
\v 30 हे उजाड पारिएकी यरूशलेम, तँ के गर्दैछेस्?
\q2 तैँले किन रातो वस्त्र पहिरहन्छेस्?
\q2 र सुनको गहना लगाउँछेस्?
\q1 तेरो आँखामा किन गाजल लगाउँछेस्?
\q2 तँ व्यर्थमा आफूलाई सिङ्गार गर्छेस्।
\q1 तेरा प्रेमीहरूले तँलाई घृणा गर्छन्;
\q2 तिनीहरूले तँलाई मार्न खोज्दैछन्।
\b
\q1
\v 31 म प्रसुती वेदनामा परेकी स्त्रीको रोदनजस्तै सुन्छु;
\q2 पहिलो प्रसुती-वेदनाले छटपटाएको सुस्केरा,
\q1 सास लिन गाह्रो परेकी सियोनकी छोरीको चीत्कार,
\q2 आफ्नो हात पसारेर यसो भन्दै गरेकी,
\q1 “हाय, म बेहोश हुँदैछु;
\q2 मेरो जीवन हत्याराहरूको हातमा सुम्पिएको छ।”
\c 5
\s1 एक जना पनि इमानदार छैन
\q1
\v 1 “यरूशलेमका सडकहरूहुँदो माथि र तल जा;
\q2 चारैतिर हेर्, र विचार गर्।
\q2 सहरका चोकहरूमा खोजी गर्।
\q1 यदि तैँले इमानदारीसाथ चल्ने
\q2 र सत्यको खोजी गर्ने एउटै मात्र व्यक्ति कतै भेट्टाइस् भने,
\q2 म यस सहरलाई क्षमा गरिदिनेछु।
\q1
\v 2 यद्यपि तिनीहरूले, ‘जीवित याहवेहलाई साक्षी राखेर’ भन्छन्,
\q2 तर पनि तिनीहरूले झूटो शपथ खान्छन्।”
\b
\q1
\v 3 हे याहवेह, के तपाईंका आँखाले सत्यतालाई खोज्दैन र?
\q2 तपाईंले तिनीहरूलाई प्रहार गर्नुभयो, तर तिनीहरूले वास्तै गरेनन्;
\q2 तपाईंले तिनीहरूलाई धुलोपिठो पार्नुभयो, तर तिनीहरूले सुध्रिन इन्कार गरे।
\q1 तिनीहरूले आफ्ना अनुहार ढुङ्गाभन्दा कठोर पारे,
\q2 र तिनीहरूले पश्‍चात्ताप गर्न इन्कार गरे।
\q1
\v 4 मैले त सोचेको थिएँ,
\q2 “यिनीहरूचाहिँ गरिब छन्, यिनीहरू मूर्ख छन्;
\q1 किनकि यिनीहरूले याहवेहका मार्गहरू जान्दैनन्,
\q2 यिनीहरूका परमेश्‍वरको आज्ञालाई बुझ्दैनन्।
\q1
\v 5 यसकारण म तिनीहरूका अगुवाहरूकहाँ जानेछु,
\q2 र तिनीहरूसँग कुरा गर्नेछु;
\q1 अवश्य नै तिनीहरूले याहवेहका मार्गहरू जान्दछन्,
\q2 तिनीहरूका परमेश्‍वरको आज्ञालाई बुझ्दछन्।”
\q1 तर तिनीहरूले पनि एकसाथ मिलेर आफ्ना जुवाहरू भाँचेका थिए,
\q2 र बन्धनहरू चुँडाएका थिए।
\q1
\v 6 यसकारण जङ्गलबाट निस्केको सिंहले तिनीहरूलाई आक्रमण गर्नेछ;
\q2 मरुभूमिबाट निस्केको ब्वाँसोले तिनीहरूलाई मार्नेछ;
\q1 सहरबाट बाहिर निस्कने जो कोहीलाई पनि टुक्रा-टुक्रा पार्नेछन्,
\q2 र चितुवा तिनीहरूका सहरहरू नजिकै ढुकिबस्‍नेछ;
\q1 किनकि तिनीहरू धेरै बागी भएका छन्;
\q2 अनि तिनीहरूका अपराधहरू धेरै छन्।
\b
\q1
\v 7 “मैले तिमीहरूलाई किन क्षमा गरूँ?
\q2 तिमीहरूका छोराछोरीहरूले मलाई त्यागेका छन्;
\q2 अनि तिनीहरूले झूटा ईश्‍वरहरूका शपथ खाएका छन्, जो ईश्‍वर नै होइनन्।
\q1 मैले तिनीहरूका सबै अभाव पूरा गरिदिएँ,
\q2 तापनि तिनीहरूले व्यभिचार गरे,
\q2 र वेश्याहरूका घरमा भीड लागे।
\q1
\v 8 तिनीहरू पोसिएर कामवासनाले मातिएका घोडाहरूजस्तै छन्,
\q2 जो हरेक छिमेकीका पत्नीको निम्ति हिनहिनाउँछन्।
\q1
\v 9 के म यी पापहरूका निम्ति तिनीहरूलाई दण्ड नदिऊँ?”
\q2 याहवेह घोषणा गर्नुहुन्छ।
\q1 “के म यस राष्ट्रमाथि,
\q2 मेरो बदला नलिऊँ?
\b
\q1
\v 10 “यहूदाका दाखबारीहरूभित्र जा, र तिनीहरूलाई नाश गर्,
\q2 तर तिनीहरूलाई पूर्ण रूपले चाहिँ नाश नगर्।
\q1 त्यसका हाँगाहरू लाछिदे;
\q2 किनकि यी मानिसहरू याहवेहका होइनन्।
\q1
\v 11 इस्राएलको घराना र यहूदाको घराना
\q2 मप्रति अति नै विश्‍वासघाती भएका छन्,”
\q2 याहवेह घोषणा गर्नुहुन्छ।
\b
\q1
\v 12 तिनीहरूले याहवेहको बारेमा झूटो बोलेका छन्;
\q2 तिनीहरूले, “उहाँले केही गर्नुहुन्‍न!
\q1 हामीमाथि कुनै हानि आइपर्नेछैन;
\q2 हामीले तरवार र अनिकाल कहिल्यै देख्नेछैनौँ।
\q1
\v 13 अगमवक्ताहरूले हावाका कुरा मात्रै गर्छन्,
\q2 र तिनीहरूमा परमेश्‍वरको वचन छैन;
\q2 त्यसैले तिनीहरूले जे भनेका छन्, तिनीहरूमाथि त्यस्तै गरिऊन्।”
\p
\v 14 यसकारण सेनाहरूका याहवेह परमेश्‍वर यसो भन्‍नुहुन्छ:
\q1 “यी मानिसहरूले यस्तो वचन बोलेका हुनाले,
\q2 म मेरो वचनलाई तेरो मुखमा आगो बनाउनेछु,
\q2 र यी मानिसहरूलाई चाहिँ दाउरालाई भस्म पारेजस्तै भस्म पार्नेछु।”
\q1
\v 15 याहवेह घोषणा गर्नुहुन्छ, “हे इस्राएलको घराना,
\q2 म तिमीहरूको विरुद्धमा टाढाको एउटा राष्ट्रलाई ल्याउँदैछु—
\q1 एउटा प्राचीन र स्थायी राष्ट्रलाई,
\q2 जसको भाषा तिमीहरूले जान्दैनौ,
\q2 जसको बोली तिमीहरूले बुझ्दैनौ।
\q1
\v 16 तिनीहरूको काँडका ठोक्रोहरू खुला चिहानजस्तो छन्;
\q2 तिनीहरू सबै वीर योद्धाहरू हुन्।
\q1
\v 17 तिनीहरूले तिमीहरूका फसल र खानेकुरा निल्नेछन्;
\q2 तिमीहरूका छोराछोरीहरूलाई निल्नेछन्;
\q1 तिनीहरूले तिमीहरूका भेडाबाख्राका बगालहरू र गाईबस्तुका बथानहरू निल्नेछन्;
\q2 तिमीहरूका दाखका बोटहरू र नेभाराका रूखहरू नष्‍ट गरिदिनेछन्।
\q1 तिमीहरूले भरोसा गरेका सुदृढ सहरहरूलाई,
\q2 तिनीहरूका तरवारद्वारा नष्‍ट गरिदिनेछन्।
\p
\v 18 “ती दिनहरूमा पनि म तिमीहरूलाई पूर्ण रूपले नाश गर्नेछैनँ,” याहवेह घोषणा गर्नुहुन्छ। 
\v 19 “जब मानिसहरूले सोध्छन्, ‘याहवेह हाम्रा परमेश्‍वरले हामीलाई यो सबै किन गर्नुभएको होला?’ तैँले तिनीहरूलाई यस्तो जवाफ दिनू, ‘जसरी तिमीहरूले मलाई त्याग्यौ र तिमीहरूको आफ्नै देशमा विदेशी देवताहरूको सेवा गर्‍यौ, त्यसरी नै अब तिमीहरूले बिरानो देशमा विदेशीहरूको सेवा गर्नेछौ।’
\q1
\v 20 “याकोबको घरानालाई यसो भन्,
\q2 र यहूदाका मानिसहरूलाई यो कुरा घोषणा गर्:
\q1
\v 21 यो कुरा सुन, हे मूर्ख र विवेकहीन मानिसहरू हो,
\q2 जसका आँखा त छन्, तर देख्दैनन्,
\q2 जसका कान त छन्, तर सुन्दैनन्:
\q1
\v 22 के तिमीहरू मेरो भय मान्दैनौ?”
\q2 याहवेह घोषणा गर्नुहुन्छ।
\q2 “के तिमीहरू मेरो उपस्थितिमा काम्दैनौ?
\q1 मैले बालुवालाई समुद्रको निम्ति सिमाना ठहराएको छु,
\q2 समुद्रले सधैँका निम्ति नाघ्न नसक्ने सिमाना बनाएको छु।
\q1 छालहरू उर्ले तापनि त्यस सिमानालाई नाघेर जान सक्दैनन्;
\q2 तिनीहरू गर्जेलान्, तर त्यसलाई नाघ्न सक्दैनन्।
\q1
\v 23 तर यी मानिसहरूको हृदय हठी र विद्रोही छ;
\q2 तिनीहरू मबाट तर्केर अर्को बाटोतिर लागेका छन्।
\q1
\v 24 तिनीहरू आफ्ना हृदयमा यसो भन्दैनन्,
\q2 ‘हामी याहवेह हाम्रा परमेश्‍वरको डर राखौँ,
\q1 जसले ऋतुअनुसार हामीलाई शरद र बसन्तको झरी दिनुहुन्छ,
\q2 जसले हामीलाई नियमित फसलका हप्‍ताहरू निश्‍चित गरिदिनुहुन्छ।’
\q1
\v 25 तिमीहरूका अपराधले यी कुराहरू टाढा भएका छन्;
\q2 तिमीहरूका कुकर्महरूले तिमीहरू असल कुराबाट बञ्चित भएका छौ।
\b
\q1
\v 26 “मेरा मानिसहरूका बीचमा दुष्‍ट मानिसहरू छन्,
\q2 जो चराहरूलाई पासो थाप्न ढुकिबस्‍ने मानिसहरूझैँ
\q2 र मानिसहरू पक्रनलाई पासो थाप्नेहरूझैँ छन्।
\q1
\v 27 चराहरूले भरिएको पिन्जराझैँ,
\q2 तिनीहरूका घर कपटले भरिएका छन्;
\q1 तिनीहरू धनी र सामर्थी भएका छन्;
\q2
\v 28 अनि तिनीहरू मोटा र चिल्‍ला भएका छन्।
\q1 तिनीहरूका दुष्‍ट कामहरूको सीमा नै छैन;
\q2 तिनीहरूले न्याय खोज्दैनन्।
\q1 तिनीहरूले अनाथहरूको मुद्दा लडिदिँदैनन्;
\q2 तिनीहरूले गरिबहरूको अधिकारको रक्षा गर्दैनन्।
\q1
\v 29 के म यी कामहरूका निम्ति तिनीहरूलाई दण्ड नदिऊँ?”
\q2 याहवेह घोषणा गर्नुहुन्छ।
\q1 “के म यस्तो राष्ट्रसँग
\q2 बदला नलिऊँ?
\b
\q1
\v 30 “देशमा एउटा डरलाग्दो र विचलित पार्ने
\q2 कुरा भएको छ:
\q1
\v 31 अगमवक्ताहरूले झूटो अगमवाणी गर्छन्;
\q2 पुजारीहरू आफ्नै अधिकारद्वारा शासन गर्छन्;
\q1 अनि मेरा मानिसहरूले पनि यस्तै मन पराउँछन्।
\q2 तर अन्त्यमा तिमीहरू के गर्नेछौ?
\c 6
\s1 यरूशलेम घेरामा परेको
\q1
\v 1 “हे बेन्यामीनीहरू हो, सुरक्षाको निम्ति
\q2 यरूशलेमबाट भाग!
\q1 तको सहरमा तुरही फुक!
\q2 बेथ-हक्‍केरेममा खतराको सङ्केत देओ!
\q1 किनकि उत्तर दिशाबाट विपत्ति,
\q2 डरलाग्दो विनाश आउँदैछ।
\q1
\v 2 सियोनकी छोरी, जो सुन्दरी र कोमल छे,
\q2 म त्यसलाई नाश गर्नेछु।
\q1
\v 3 गोठालाहरू आ-आफ्ना बगाल लिएर त्यसको विरुद्धमा आउनेछन्;
\q2 तिनीहरूले यरूशलेमको चारैतिर आफ्ना पालहरू टाँग्नेछन्;
\q2 हरेकले आफ्नै बगालको हेरचाह गर्नेछन्।”
\b
\q1
\v 4 “यरूशलेमको विरुद्धमा लडाइँको तयारी गर!
\q2 उठ, हामी मध्यदिनमा आक्रमण गरौँ!
\q1 तर, हाय! दिन ढल्किँदैछ;
\q2 अनि बेलुकीको छाया लामो हुँदैछ।
\q1
\v 5 यसकारण उठ, हामी राति त्यसमाथि आक्रमण गरौँ,
\q2 र यरूशलेमका किल्‍लाहरू नाश पारिदिऔँ!”
\p
\v 6 सेनाहरूका याहवेह यसो भन्‍नुहुन्छ:
\q1 “रूखहरू काटेर ढालिदेओ,
\q2 र यरूशलेमको विरुद्धमा घेरा-मचान बनाओ।
\q1 यो सहरले दण्ड पाउनैपर्छ;
\q2 यो सहर अत्याचारले भरिएको छ।
\q1
\v 7 जसरी इनारबाट पानी निस्कन्छ,
\q2 त्यसरी नै त्यसले आफ्नो दुष्‍टता निकाल्छे।
\q1 त्यसभित्र हिंसा र विनाश गुञ्जिन्छ;
\q2 त्यसका रोगहरू र चोटहरू सधैँ मेरा सामु छन्।
\q1
\v 8 हे यरूशलेम यो चेतावनी सुन्,
\q2 नत्रता म तँदेखि टाढा हुनेछु,
\q1 र तेरो देशलाई उजाड पारिदिनेछु;
\q2 अनि त्यहाँ कोही पनि बास गर्नेछैन।”
\p
\v 9 सेनाहरूका याहवेह यसो भन्‍नुहुन्छ:
\q1 “तिनीहरूले इस्राएलका बाँकी रहेकाहरूलाई
\q2 दाखको बोटमा छोडिएका फल नछोडी टिपेझैँ टिपून्;
\q1 कुनै मानिसले अङ्‌गुरहरू बटुलेझैँ,
\q2 आफ्नो हात फेरि ती दाखका हाँगाहरूमा लगा।”
\b
\q1
\v 10 म कोसँग बोलूँ र कसलाई चेतावनी दिऊँ?
\q2 मेरो कुरा कसले सुन्ला?
\q1 तिनीहरूका कान बन्द\f + \fr 6:10 \fr*\ft मूल भाषामा \ft*\fqa बेखतना\fqa*\f* भएका छन्।
\q2 त्यसैले तिनीहरू सुन्‍न सक्दैनन्।
\q1 याहवेहको वचन तिनीहरूलाई मन पर्दैन;
\q2 तिनीहरू वचन सुन्‍नै चाहँदैनन्।
\q1
\v 11 यसकारण म याहवेहको क्रोधले भरिएको छु;
\q2 अनि म यसलाई थामिराख्न सक्दिनँ।
\b
\q1 “यसलाई सडकमा भएका केटाकेटीहरू
\q2 र एकसाथ भेला भएका जवान मानिसहरूमाथि;
\q1 पति र पत्नी दुवै,
\q2 र वृद्धहरूमाथि खन्याइदेओ।
\q1
\v 12 जब मेरो हात
\q2 यस देशमा बाँचेकाहरूका विरुद्धमा बढाउँछु,
\q1 तब तिनीहरूका घर, खेतबारी
\q2 र पत्नीहरूसमेत अरू मानिसहरूलाई दिइनेछन्,”
\q2 याहवेह घोषणा गर्नुहुन्छ।
\q1
\v 13 “सबैभन्दा सानादेखि लिएर सबैभन्दा ठूलासम्म
\q2 हरेक अनुचित धन कमाइको निम्ति लोभी छन्।
\q1 अगमवक्ता र पुजारीहरू
\q2 सबै छलका कुरा गर्छन्।
\q1
\v 14 तिनीहरूले मेरा मानिसहरूका घाउहरूमा
\q2 लापर्बाही तरिकाले मलमपट्टी बाँधिदिन्छन्।
\q1 शान्ति नहुँदा पनि
\q2 तिनीहरूले, ‘शान्ति, शान्ति’ भन्दछन्।
\q1
\v 15 के तिनीहरू आफ्ना घृणित आचरणहरूप्रति लज्जित छन् र?
\q2 अहँ, तिनीहरूलाई अलिकति पनि लाज लाग्दैन।
\q2 तिनीहरू कसरी लाज मान्‍ने भन्‍ने पनि जान्दैनन्।
\q1 यसकारण तिनीहरू पतन भएकाहरूसँग पतन हुनेछन्;
\q2 जब म तिनीहरूलाई दण्ड दिन्छु, तब तिनीहरू नष्‍ट हुनेछन्,”
\q2 याहवेह भन्‍नुहुन्छ।
\p
\v 16 याहवेह यसो भन्‍नुहुन्छ:
\q1 “चौबाटोमा उभिएर हेर,
\q2 र प्राचीन मार्गको बारेमा सोध;
\q1 त्यो असल मार्ग कहाँ छ, सोध र त्यसैमा हिँड,
\q2 तब तिमीहरूले आफ्नो आत्मामा विश्राम पाउनेछौ।
\q2 तर तिमीहरूले भन्यौ, ‘हामी यस मार्गमा हिँड्नेछैनौँ।’
\q1
\v 17 मैले तिमीहरूमाथि पहरेदारहरू नियुक्त गरेर भनेँ,
\q2 ‘तुरहीको आवाजलाई ध्यानसित सुन!’
\q2 तर तिमीहरूले भन्यौ, ‘हामी सुन्‍नेछैनौँ।’
\q1
\v 18 यसकारण हे राष्ट्रहरू हो, सुन;
\q2 हे साक्षीहरू हो,
\q2 तिनीहरूलाई के हुँदोरहेछ, सो ध्यानसित हेर।
\q1
\v 19 हे पृथ्वी, सुन्;
\q2 तिनीहरूकै योजनाको फलस्वरूप,
\q2 म यस जातिमाथि विपत्ति ल्याउँदैछु;
\q1 किनकि तिनीहरूले मेरा वचनहरू सुनेनन्,
\q2 र मेरा व्यवस्थाहरूलाई इन्कार गरे।
\q1
\v 20 शेबादेखि ल्याएको धूप
\q2 अथवा टाढा देशबाट ल्याएको बोझो मलाई के मतलब छ र?
\q1 तिमीहरूका होमबलिहरू ग्रहणयोग्य छैनन्;
\q2 तिमीहरूका बलिदानहरू मेरा निम्ति मनपर्दा छैनन्।”
\p
\v 21 यसकारण याहवेह यसो भन्‍नुहुन्छ:
\q1 “म यस जातिको सामु ठेस लाग्ने कुराहरू राखिदिनेछु।
\q2 बुबा र छोराछोरीहरू एकसाथ ती कुरामा ठेस खानेछन्;
\q2 छिमेकीहरू र मित्रहरू नष्‍ट हुनेछन्।”
\p
\v 22 याहवेह यसो भन्‍नुहुन्छ:
\q1 “हेर, उत्तर देशबाट
\q2 एक दल सेना आउँदैछ।
\q1 पृथ्वीको अन्तिम सिमानाबाट
\q2 एउटा ठूलो राष्ट्रलाई सुर्‍याइरहेको छ।
\q1
\v 23 तिनीहरू धनु र भालाले सुसज्जित भएका छन्;
\q2 तिनीहरू निर्दयी छन् र दया देखाउँदैनन्।
\q1 तिनीहरू आफ्ना घोडाहरूमाथि सवार हुँदा
\q2 तिनीहरूको आवाज समुद्रको गर्जनजस्तै सुनिन्छ;
\q1 हे यरूशलेमकी छोरी, तँलाई आक्रमण गर्नका लागि
\q2 तिनीहरू युद्धको पङ्‌क्ति बाँधेर आइरहेका छन्।”
\b
\q1
\v 24 हामीले तिनीहरूको बारेमा खबर सुन्यौँ,
\q2 र हाम्रा हातहरू लल्याकलुलुक भए।
\q1 प्रसुती वेदनामा परेकी स्त्रीझैँ
\q2 हामी छटपटिएका छौँ।
\q1
\v 25 खेततिर काम गर्न नजाओ,
\q2 न त सडकतिर हिँड्‍डुल गर;
\q1 किनकि शत्रुसित तरवार छ,
\q2 र चारैतिर डरैडर देखिँदैछ।
\q1
\v 26 हे मेरा मानिसहरू हो, भाङ्ग्रा लगाओ;
\q2 अनि खरानीमा लडीबुडी गर।
\q1 एक मात्र छोराका निम्ति
\q2 विलाप गरेझैँ शोक गर;
\q1 किनकि विनाशकारी
\q2 हामीमाथि अचानक आइलाग्नेछ।
\b
\q1
\v 27 “मैले तँलाई धातु जाँच्ने वस्तु
\q2 र मानिसहरूलाई कच्‍चा धातु बनाएको छु,
\q1 ताकि तैँले तिनीहरूलाई ध्यानसित हेर्न
\q2 र तिनीहरूका मार्गहरू जाँच गर्न सक्।
\q1
\v 28 तिनीहरू सबै निन्दा गर्दै,
\q2 यताउति डुलिहिँड्ने कठोर विद्रोहीहरू हुन्।
\q1 तिनीहरू काँसा र फलाम हुन्;
\q2 तिनीहरू सबै भ्रष्‍ट चालहरूमा चल्दछन्।
\q1
\v 29 आरनमा सिसा जलाउनका लागि खूब जोडसित आगो फुकिन्छ,
\q2 तर खार्ने काम व्यर्थै जान्छ;
\q1 त्यसरी नै मेरा मानिसहरू यति दुष्‍ट छन्, कि
\q2 तिनीहरूबाट दुष्‍ट्याइँ हटाउन सकिँदैन।
\q1
\v 30 तिनीहरूलाई खोट लागेको चाँदी भनिन्छ;
\q2 किनकि याहवेहले तिनीहरूलाई त्याग्नुभएको छ।”
\c 7
\s1 झूटो धर्मको व्यर्थता
\p
\v 1 यर्मियाकहाँ आएको याहवेहको वचन यही हो: 
\v 2 “याहवेहको भवनको मूलढोकामा उभिएर त्यहाँ यो सन्देश घोषणा गर्:
\p “ ‘याहवेहलाई आराधना गर्न यी मूलढोकाहरूबाट भित्र प्रवेश गर्ने हे यहूदाका सबै मानिसहरू हो, याहवेहको वचन सुन! 
\v 3 इस्राएलका परमेश्‍वर, सेनाहरूका याहवेह यसो भन्‍नुहुन्छ: तिमीहरूका जीवनशैली र कामहरू सुधार; अनि म तिमीहरूलाई यस ठाउँमा बस्‍न दिनेछु। 
\v 4 छली कुराहरूमा विश्‍वास गरेर यसो नभन, “यो याहवेहको भवन हो, याहवेहको भवन हो, याहवेहको भवन हो!” 
\v 5 यदि तिमीहरूले आफ्ना जीवनशैलीहरू र आफ्ना कामहरू साँच्‍चै परिवर्तन गर्‍यौ र एक-आपसमा न्यायसङ्गत व्यवहार गर्‍यौ भने, 
\v 6 यदि तिमीहरूले यस ठाउँमा विदेशीहरूमाथि, टुहुरा-टुहुरीहरूमाथि, र विधवाहरूमाथि अत्याचार गरेनौ भने वा निर्दोषहरूको रगत बगाएनौ भने, र आफ्नै खराबीका निम्ति अरू देवी-देवताहरूका पछि लागेनौ भने, 
\v 7 तब म तिमीहरूलाई यस देशमा बस्‍न दिनेछु, जुन देश मैले तिमीहरूका पितापुर्खाहरूलाई सदाका निम्ति दिएको थिएँ। 
\v 8 हेर, तिमीहरू व्यर्थका झूटा वचनहरूमा भरोसा गर्दैछौ।
\p
\v 9 “ ‘के तिमीहरू साँच्‍चै चोरी, हत्या, व्यभिचार गर्छौ, र झूटो शपथ खान्छौ; बाल-देवतालाई धूप बाल्छौ र तिमीहरूले नजानेका अरू देवी-देवताहरूलाई पछ्याउँछौ, 
\v 10 अनि आएर मेरो नाम बोकेको यस भवनमा मेरो सामु उभिएर भन्छौ, “हामी सुरक्षित छौँ!” हामी यी सबै घिनलाग्दा काम गर्न भनी ढुक्‍क छौँ? 
\v 11 के मेरो नाम बोकेको यो भवन तिमीहरूका निम्ति डाँकुहरूको ओडार भएको छ? तर मैले देखेको छु! याहवेह घोषणा गर्नुहुन्छ।
\p
\v 12 “ ‘अब शीलोको त्यो ठाउँमा जाओ, जहाँ मैले पहिले मेरो नामको निवासस्थान बनाएको थिएँ। मेरा प्रजा इस्राएलीको दुष्‍टताको कारण मैले त्यस ठाउँलाई के गरेको छु, त्यो हेर। 
\v 13 याहवेह घोषणा गर्नुहुन्छ, तिमीहरूले यी कुराहरू गरिरहँदा म तिमीहरूसँग बारम्बार बोलेँ, तर तिमीहरूले सुनेनौ। मैले तिमीहरूलाई बोलाएँ, तर तिमीहरूले जवाफै दिएनौ। 
\v 14 यसकारण मैले शीलोलाई जे गरेको थिएँ, अब म मेरो नाम बोकेको भवनलाई त्यही गर्नेछु, जसमा तिमीहरू भरोसा राख्दछौ, मैले त्यो ठाउँ तिमीहरू र तिमीहरूका पितापुर्खाहरूलाई दिएको थिएँ। 
\v 15 मैले एफ्राइमका मानिसहरू, तिमीहरूका दाजुभाइ इस्राएलीहरूलाई फ्याँकेझैँ, म तिमीहरूलाई आफ्नो उपस्थितिबाट फ्याँकिदिनेछु।’
\p
\v 16 “यसकारण यर्मिया यी मानिसहरूका निम्ति प्रार्थना नगर्, न त तिनीहरूका निम्ति कुनै बिलौना वा बिन्ती गर्। मसित अर्जबिन्ती नचढा; किनकि म तेरो कुरा सुन्‍नेछैनँ। 
\v 17 तिनीहरूले यहूदाका सहरहरूमा र यरूशलेमका सडकहरूमा के गरिरहेका छन्, के तैँले त्यो देख्दैनस्? 
\v 18 तिनीहरूका छोराछोरीले दाउरा बटुल्छन्, बुबाहरूले आगो बाल्छन्; अनि स्त्रीहरू स्वर्गकी रानीका निम्ति फुलौरा चढाउन पिठो मुछ्छन्। मलाई रिस उठाउनलाई तिनीहरूले अरू देवी-देवताहरूकहाँ अर्घबलि चढाउँछन्। 
\v 19 तर तिनीहरूले के मलाई उक्साइरहेका हुन् र? याहवेह भन्‍नुहुन्छ, के तिनीहरूले आफैँलाई लज्जित तुल्याइरहेका र आफूलाई नै खराबी गरिरहेका छैनन् र?
\p
\v 20 “ ‘यसकारण प्रभु याहवेह यसो भन्‍नुहुन्छ: मेरो रिस र मेरो क्रोध यस मन्दिरमाथि, मानिस र पशुहरूमाथि, खेतका रूख र भुइँका फसलहरूमाथि खन्याउनेछु। यो आगोझैँ बलिरहनेछ र कसैले निभाउन सक्नेछैन।
\p
\v 21 “ ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: तिमीहरूका अरू बलिदानहरूमा होमबलिहरू थप, र त्यो मासुचाहिँ तिमीहरू आफैँले खाओ! 
\v 22 किनकि जब मैले तिमीहरूका पितापुर्खाहरूलाई इजिप्टबाट बाहिर निकालेर ल्याएँ, त्यस दिन जब म तिनीहरूसँग बोलेँ, तब मैले तिनीहरूलाई होमबलि र बलिदानहरूको विषयमा आज्ञा दिइनँ, 
\v 23 तर मैले तिनीहरूलाई यो आज्ञा दिएँ: मेरा आज्ञापालन गर, र म तिमीहरूका परमेश्‍वर हुनेछु; अनि तिमीहरू मेरा मानिसहरू हुनेछौ। मैले तिमीहरूलाई दिएको आज्ञाअनुसार सबै मार्गहरूमा हिँड, ताकि तिमीहरूको भलो होस्। 
\v 24 तर तिनीहरूले आज्ञापालन गरेनन्, न त ध्यान नै दिए। त्यसका सट्टामा तिनीहरू आफ्ना दुष्‍ट हृदयका हठी इच्छाअनुसार हिँडे। तिनीहरू मबाट धेरै टाढा गए, र तिनीहरूले आफ्ना पिठिउँ मतिर फर्काए। 
\v 25 तिमीहरूका पितापुर्खाहरूले इजिप्ट छोडेको समयदेखि आजसम्म, दिनहुँ बारम्बार मैले मेरा सेवक अगमवक्ताहरूलाई तिमीहरूकहाँ पठाएँ। 
\v 26 तर तिनीहरूले मेरा आज्ञाहरू पालन गरेनन्, न त ध्यान नै दिए। तिनीहरू हठी भए; अनि तिनीहरूले आफ्ना पितापुर्खाहरूले भन्दा बढी दुष्‍ट कामहरू गरे।’
\p
\v 27 “जब तैँले यहूदाका मानिसहरूलाई यी सबै कुरा भन्छस्, तब तिनीहरूले तेरा कुराहरू सुन्‍नेछैनन्; तैँले तिनीहरूलाई बोलाए तापनि तिनीहरूले तँलाई जवाफ दिनेछैनन्। 
\v 28 यसकारण तिनीहरूलाई यसो भन्, ‘यो राष्ट्र, जसले याहवेह आफ्ना परमेश्‍वरको आज्ञापालन गरेको छैन, अथवा सुधारलाई ग्रहण गरेको छैन। सत्यता नष्‍ट भइसकेको छ। तिनीहरूका ओठबाट सत्यता लोप भइसकेको छ।
\p
\v 29 “ ‘तेरो केश खौरेर टाढा फ्याँकिदे, र अग्ला नाङ्गा डाँडाहरूमा गएर विलाप गर्; किनकि उहाँको रिसमा याहवेहले यो पुस्तालाई पूर्ण रूपमा इन्कार गर्नुभएको छ।
\s1 हत्याको बेँसी
\p
\v 30 “ ‘यहूदाका मानिसहरूले मेरो दृष्‍टिमा दुष्‍ट काम गरेका छन्, याहवेह घोषणा गर्नुहुन्छ। तिनीहरूले मेरो नाम बोकेको मेरो भवनमा तिनीहरूका घिनलाग्दा मूर्तिहरू खडा गरेका छन् र भवनलाई अशुद्ध पारेका छन्। 
\v 31 तिनीहरूका छोराछोरीहरूलाई आगोमा जलाउनलाई बेन-हिन्‍नोमको बेँसी तोपेतमा अग्ला ठाउँहरू निर्माण गरेका छन्—जुन कुरा न मैले तिनीहरूलाई आज्ञा गरेको थिएँ, न त मैले मेरो मनमा सोचेको थिएँ। 
\v 32 यसकारण होसियार रहो, ती दिनहरू आउँदैछन्, याहवेह घोषणा गर्नुहुन्छ, जब मानिसहरूले यस बेँसीलाई तोपेत अथवा बेन-हिन्‍नोमको बेँसी होइन, तर हत्याको बेँसी भन्‍नेछन्, तब तिनीहरूले तोपेतमा कुनै ठाउँ नै नरहुन्जेल मृतकहरूलाई गाड्नेछन्। 
\v 33 तब मानिसहरूका मृत शरीरहरू आकाशका चराहरू र जमिनका पशुहरूका निम्ति आहारा हुनेछन्; अनि तिनीहरूलाई तर्साएर धपाउने कोही पनि हुनेछैनन्। 
\v 34 म यहूदाका सहरहरू र यरूशलेमका गल्‍लीहरूमा हर्ष र आनन्दको सोर, दुलहा र दुलहीको सोर अन्त्य गरिदिनेछु; किनकि देश उजाड हुनेछ।
\c 8
\p
\v 1 “ ‘याहवेह घोषणा गर्नुहुन्छ: त्यस बेला यहूदाका राजाहरू र अधिकारीहरू, पुजारीहरू र अगमवक्ताहरूका हड्डीहरू र यरूशलेमका मानिसहरूका हड्डीहरू तिनीहरूका चिहानहरूबाट हटाइनेछन्। 
\v 2 तिनीहरूका हड्डीहरू घाम, जुन र आकाशका ताराहरूमुनि फिँजाइनेछन्, जसलाई तिनीहरूले प्रेम गरेका थिए, सेवा गरेका थिए; अनि जसलाई तिनीहरूले पछ्याएका थिए, त्यससँग सल्‍लाह मागेका थिए र पूजा गरेका थिए। ती हड्डीहरू बटुलिने छैनन्, अथवा गाडिनेछैनन्, तर ती हड्डीहरू जमिनमा जनावरका मलजस्तै फिँजाइनेछन्। 
\v 3 म जहाँ-जहाँ तिनीहरूलाई निर्वासनमा पठाउँछु, यस दुष्‍ट जातिका बाँचेकाहरू सबैले जीवनभन्दा मृत्यु नै रुचाउनेछन्, सेनाहरूका याहवेह घोषणा गर्नुहुन्छ।’
\s1 पाप र दण्ड
\p
\v 4 “तिनीहरूलाई यो पनि भन्, ‘याहवेह यसो भन्‍नुहुन्छ:
\q1 “ ‘जब मानिसहरू लड्दछन्, के तिनीहरू उठ्दैनन् र?
\q2 जब कोही मानिस तर्केर जान्छ, के त्यो फेरि फर्कंदैन र?
\q1
\v 5 त्यसो भए यी मानिसहरू किन तर्किगएका छन्?
\q2 यरूशलेम किन सधैँ तर्किएर जान्छ?
\q1 तिनीहरू झूटा कुराहरूमा अल्झिरहन्छन्;
\q2 तिनीहरू फर्कन अस्वीकार गर्दछन्।
\q1
\v 6 मैले ध्यानपूर्वक सुनेको छु,
\q2 तर तिनीहरूले सही के हो, त्यो बोल्दैनन्।
\q1 तिनीहरू, “मैले के गरेको छु र?” भन्दै,
\q2 कसैले पनि आफ्नो दुष्‍टताको पश्‍चात्ताप गर्दैनन्।
\q1 युद्धको निम्ति घोडा जाइलागेझैँ,
\q2 तिनीहरू हरेक आफ्नै मार्गमा चलेका छन्।
\q1
\v 7 आकाशका सारसले पनि
\q2 आफ्नो तोकिएको ऋतुहरू जान्दछ;
\q1 अनि ढुकुर, गौँथली र मैनाले पनि
\q2 आफ्नो बसाइँ सर्ने समय जान्दछन्,
\q1 तर मेरा मानिसहरूले
\q2 याहवेहले आज्ञा गर्नुभएका कुराहरू पालन गर्न जान्दैनन्।
\b
\q1
\v 8 “ ‘तिमीहरूले कसरी भन्‍न सक्छौ, “हामी बुद्धिमान् छौँ,
\q2 किनकि हामीसँग याहवेहको व्यवस्था छ,”
\q1 जबकि वास्तवमा शास्त्रीहरूको झूटो कलमले
\q2 व्यवस्थालाई झूटो तुल्याएको छ?
\q1
\v 9 बुद्धिमान्‌हरू शर्ममा पर्नेछन्;
\q2 तिनीहरू हताश हुनेछन् र पासोमा पर्नेछन्।
\q1 किनभने तिनीहरूले याहवेहको वचनलाई अस्वीकार गरेका छन्।
\q2 तिनीहरूसँग कस्तो बुद्धि छ?
\q1
\v 10 यसकारण म तिनीहरूका पत्नीहरू अरू मानिसहरूलाई
\q2 र तिनीहरूका खेतहरू नयाँ मालिकलाई दिनेछु।
\q1 सबैभन्दा सानादेखि लिएर सबैभन्दा ठूलासम्म
\q2 हरेक अनुचित धन कमाइको निम्ति लोभी छन्।
\q1 अगमवक्ताहरू र पुजारीहरूसमेत
\q2 सबैले छल गर्दछन्।
\q1
\v 11 तिनीहरूले मेरा मानिसहरूका घाउहरूमा
\q2 लापर्बाही तरिकाले मलमपट्टी बाँधिदिन्छन्।
\q1 शान्ति नहुँदा पनि,
\q2 तिनीहरूले, “शान्ति, शान्ति,” भन्दछन्।
\q1
\v 12 के तिनीहरू आफ्ना घृणित आचरणहरूप्रति लज्जित छन् र?
\q2 अहँ, तिनीहरूलाई अलिकति पनि लाज लाग्दैन।
\q2 तिनीहरू कसरी लाज मान्‍ने भन्‍ने पनि जान्दैनन्।
\q1 यसकारण तिनीहरू पतन भएकाहरूसँग पतन हुनेछन्।
\q2 जब म तिनीहरूलाई दण्ड दिन्छु, तब तिनीहरू नष्‍ट हुनेछन्,
\q2 याहवेह भन्‍नुहुन्छ।
\b
\q1
\v 13 “ ‘याहवेह घोषणा गर्नुहुन्छ:
\q2 म तिनीहरूका फसलहरू लैजानेछु।
\q2 दाखका बोटहरूमा अङ्‌गुरहरू हुनेछैनन्।
\q1 नेभाराको बोटमा फल हुनेछैन;
\q2 अनि तिनीहरूका पातहरू ओइलाउनेछन्।
\q1 मैले तिनीहरूलाई जे जति दिएको छु,
\q2 ती तिनीहरूबाट खोसिनेछन्।’ ”
\b
\q1
\v 14 हामी यहाँ किन चुप लागेर बसिरहेका छौँ?
\q2 एकसाथ भेला होऔँ!
\q1 हामी सुरक्षित सहरहरूतिर भागौँ
\q2 र त्यहीँ नै नष्‍ट होऔँ!
\q1 किनकि याहवेह हाम्रा परमेश्‍वरले हाम्रो विनाशको निर्णय गर्नुभएको छ;
\q2 अनि हामीलाई विषालु पानी पिउनलाई दिनुभएको छ;
\q2 किनकि हामीले उहाँको विरुद्धमा पाप गरेका छौँ।
\q1
\v 15 हामीले शान्तिको आशा गरेका थियौँ,
\q2 तर कुनै पनि असल कुरा भएको छैन।
\q1 निको हुने आशा गरेका थियौँ,
\q2 तर त्यहाँ आतङ्क मात्र भएको छ।
\q1
\v 16 दानबाट शत्रुका घोडाहरूका आवाज
\q2 सुनिँदैछ।
\q1 तिनीहरूका घोडाहरूको हिनहिनाएको आवाजमा
\q2 सारा देश थरथर काम्दछ।
\q1 तिनीहरू देश र त्यसमा भएका हरेक कुराहरू,
\q2 सहर र त्यहाँ बस्‍ने सबै मानिसहरूलाई
\q2 नाश गर्न आएका छन्।
\b
\q1
\v 17 “हेर, म तिमीहरूका बीचमा विषालु सर्पहरू पठाउनेछु।
\q2 त्यस्ता सर्पहरू जसलाई वशमा पार्न सकिँदैन;
\q2 अनि तिनीहरूले तिमीहरूलाई डस्‍नेछन्,”
\q2 याहवेह घोषणा गर्नुहुन्छ।
\b
\q1
\v 18 हे मेरा दुःखमा सान्त्वना दिने,
\q2 मेरो हृदय मभित्र दुर्बल भएको छ।
\q1
\v 19 टाढाबाट मेरा मानिसहरूको चिच्याहट,
\q2 मेरा मानिसहरूका क्रन्दन सुन्‍नुहोस्:
\q1 “के याहवेह सियोनमा हुनुहुन्‍न?
\q2 के सियोनको राजा अब त्यहाँ हुनुहुन्‍न?”
\b
\q1 “किन तिनीहरूले तिनीहरूका कुँदिएका मूर्तिहरू र
\q2 तिनीहरूका काम नलाग्ने विदेशी मूर्तिहरूले मलाई रिस उठाएका छन्?”
\b
\q1
\v 20 “कटनीको समय बितिसकेको छ;
\q2 ग्रीष्म ऋतु समाप्‍त भइसकेको छ,
\q2 तर पनि हाम्रोचाहिँ उद्धार भएकै छैन।”
\b
\q1
\v 21 मेरा मानिसहरू चकनाचुर पारिएका छन्; अनि म पनि चकनाचुर भएको छु।
\q2 म शोकमा छु र पूर्ण रूपमा हताश भएको छु।
\q1
\v 22 के गिलादमा निको पार्ने मलम छैन?
\q2 के त्यहाँ कुनै वैद्यहरू छैनन्?
\q1 त्यसो भए किन मेरा मानिसहरूको चोट
\q2 निको भएको छैन?
\c 9
\q1
\v 1 अहो, यदि मेरो शिर पानीको मूल
\q2 र मेरा आँखाहरू आँसुका फोहरा भएको भए!
\q1 मेरा मारिएका मानिसहरूका निम्ति
\q2 म दिनरात रुनेथिएँ।
\q1
\v 2 अहो, मरुभूमिमा यात्रीहरूका निम्ति
\q2 मसँग एउटा बास बस्‍ने ठाउँ भएको भए,
\q1 म मेरा मानिसहरूलाई
\q2 त्यहाँ राखेर तिनीहरूबाट टाढा जानेथिएँ;
\q1 किनकि तिनीहरू सबै व्यभिचारी
\q2 र विश्‍वासघाती मानिसहरूको भीड हो।
\b
\q1
\v 3 “तिनीहरूले झूट बोल्नका लागि
\q2 आफ्ना जिब्रा धनुजस्तै तयार गर्छन्;
\q1 देशमा तिनीहरू सत्यताद्वारा
\q2 विजयी भएका होइनन्।
\q1 तर तिनीहरू एउटा पापपछि अर्को पाप गर्दै जान्छन्;
\q2 तिनीहरूले मलाई जान्दैनन्,”
\q2 याहवेह घोषणा गर्नुहुन्छ।
\q1
\v 4 “तिमीहरूका साथीहरूदेखि होसियार होओ;
\q2 आफ्ना वंशको कुनै पनि दाजुभाइहरूमाथि भरोसा नगर।
\q1 किनकि हरेक दाजुभाइहरू छली छन्;
\q2 अनि हरेक साथी निन्दक छन्।
\q1
\v 5 एउटा मित्रले अर्को मित्रलाई छल गर्छ;
\q2 अनि कसैले पनि सत्य कुरा बोल्दैन।
\q1 तिनीहरूले आफ्नो जिब्रोलाई झूट बोल्न सिकाएका छन्;
\q2 तिनीहरू पाप गरेर आफैँलाई थकित तुल्याउँछन्।
\q1
\v 6 तँ छलीहरूको बीचमा बस्छस्;
\q2 तिनीहरूको छलमा तिनीहरूले मलाई आफ्ना परमेश्‍वरको रूपमा स्वीकार गर्न मान्दैनन्,”
\q2 याहवेह घोषणा गर्नुहुन्छ।
\p
\v 7 यसकारण सेनाहरूका याहवेह यसो भन्‍नुहुन्छ:
\q1 “हेर, म तिनीहरूलाई खार्नेछु र तिनीहरूलाई जाँच्नेछु;
\q2 किनकि मेरा मानिसहरूका पापको निम्ति
\q2 म अरू के गर्न सक्छु र?
\q1
\v 8 तिनीहरूका जिब्रा घातक काँड हुन्;
\q2 ती जिब्राले छलको कुरा बोल्दछन्।
\q1 तिनीहरू सबै आफ्ना छिमेकीहरूसँग मुखले मिठो कुरा गर्दछन्,
\q2 तर आफ्ना हृदयमा भने छिमेकीको विरुद्धमा पासो थाप्छन्।”
\q1
\v 9 याहवेह घोषणा गर्नुहुन्छ,
\q2 “के म यस्तो पापका निम्ति तिनीहरूलाई दण्ड नदिऊँ?
\q1 के यस्तो राष्ट्रसँग,
\q2 म बदला नलिऊँ?”
\b
\q1
\v 10 म पर्वतहरूका निम्ति रुनेछु र विलाप गर्नेछु;
\q2 अनि मरुभूमिका खर्कहरूका निम्ति पनि विलाप गर्नेछु।
\q1 ती खर्कहरू जलाएर भस्म पारिएका छन् र त्यहाँबाट कोही पनि हिँड्दैनन्;
\q2 अनि त्यहाँ गाईबस्तुको आवाज पनि सुनिँदैन।
\q1 आकाशका चराहरू सबै उडेर गइसकेका छन्
\q2 र जनावरहरू पनि गइसकेका छन्।
\b
\q1
\v 11 “म यरूशलेमलाई भग्नावशेषको थुप्रो
\q2 र स्यालको ओडार बनाउनेछु;
\q1 अनि यहूदाका सहरहरूमा कोही नबसून् भनेर
\q2 म यहूदालाई उजाड पारिदिनेछु।”
\p
\v 12 व्यवस्थालाई बुझ्न सक्ने बुद्धिमान् मानिस को छ? याहवेहले कसलाई निर्देशन गर्नुभएको छ र व्यवस्थालाई व्याख्या गर्न सक्छ? देश किन विनाश गरिएको छ र कोही हिँड्न नसक्ने मरुभूमिजस्तै किन पारिएको छ?
\p
\v 13 याहवेहले भन्‍नुभयो, “मैले तिनीहरूका अगि राखिदिएको मेरो व्यवस्थालाई तिनीहरूले त्यागेका कारण यी सबै कुरा भएका हुन्; तिनीहरूले मेरो आज्ञापालन गरेनन्, न त मेरो व्यवस्था नै पालन गरे। 
\v 14 बरु तिनीहरू आफ्ना हृदयको हठीपनको पछि लागेका छन्; तिनीहरूका पितापुर्खाहरूले तिनीहरूलाई सिकाएझैँ, तिनीहरू बाल-देवताहरूका पछि लागेका छन्।” 
\v 15 यसकारण सेनाहरूका याहवेह, इस्राएलका परमेश्‍वर यसो भन्‍नुहुन्छ: “हेर, म यस जातिलाई तितो भोजन खान लगाउनेछु र विषालु पानी पिउन लगाउनेछु। 
\v 16 म तिनीहरूलाई, न तिनीहरूले, न त तिनीहरूका पितापुर्खाहरूले जानेका वा चिनेका जातिहरूको बीचमा छरपस्ट पारिदिनेछु। म तिनीहरूलाई तिनीहरूको विनाश नहोउन्जेलसम्म खेद्नेछु।”
\b
\p
\v 17 सेनाहरूका याहवेह यसो भन्‍नुहुन्छ:
\q1 “अब यी कुराहरू विचार गर! विलाप गर्ने स्त्रीहरूलाई बोलाओ;
\q2 तिनीहरूमध्येका सबैभन्दा सिपालु स्त्रीहरूलाई ल्याओ।
\q1
\v 18 तिनीहरू चाँडै आऊन्,
\q2 र हाम्रा आँखाबाट आँसुका भलहरू
\q1 र हाम्रा आँखाको परेलाबाट पानीको धारा नबगेसम्म
\q2 हाम्रा निम्ति विलाप गरिदेऊन्।
\q1
\v 19 सियोनबाट विलापको सोर सुनिँदैछ:
\q2 हामी कसरी नष्‍ट भएका छौँ!
\q2 हामी साह्रै लज्जित छौँ!
\q1 हामीले आफ्नो देश छोड्नैपर्छ;
\q2 किनकि हाम्रा घरहरू नष्‍ट भएका छन्।”
\b
\q1
\v 20 तर हे स्त्रीहरू, याहवेहको वचन सुन;
\q2 उहाँको मुखको वचन सुन्‍न आफ्ना कानहरू खोल।
\q1 आफ्ना छोरीहरूलाई बिलौना गर्न सिकाओ;
\q2 एक-अर्कालाई विलापको गीत सिकाइदेओ।
\q1
\v 21 मृत्यु हाम्रा झ्यालहरूबाट चढेर आएको छ, र
\q2 हाम्रा किल्‍लाहरूमा पसेको छ;
\q1 यसले केटाकेटीहरूलाई बाटो-बाटोबाट
\q2 र जवानहरूलाई चोक-चोकबाट नष्‍ट गरेको छ।
\p
\v 22 तैँले भन्, “याहवेह यसरी घोषणा गर्नुहुन्छ:
\q1 “ ‘मानिसहरूका लासहरू खुला मैदानमा
\q2 मलझैँ छरिएका हुनेछन्;
\q1 तिनीहरू कटनी गर्नेले छोडेको अन्‍नझैँ हुनेछन्।
\q2 ती छोडिएको अन्‍नहरू कसैले बटुल्ने छैन।’ ”
\p
\v 23 याहवेह यसो भन्‍नुहुन्छ:
\q1 “बुद्धिमान् मानिसले आफ्नो बुद्धिको घमण्ड नगरोस्,
\q2 बलवान् मानिसले आफ्नो बलको घमण्ड नगरोस्,
\q2 र धनी मानिसले आफ्नो धनको घमण्ड नगरोस्;
\q1
\v 24 तर जसले घमण्ड गर्छ, त्यसले यस विषयमा चाहिँ घमण्ड गरोस्:
\q2 कि त्यससँग मलाई चिन्‍ने समझशक्ति छ;
\q1 म याहवेह हुँ, जसले पृथ्वीमा दया,
\q2 न्याय र धार्मिकताको व्यवहार गर्दछु;
\q2 किनकि यिनै कुराहरूमा म प्रसन्‍न हुन्छु,”
\q2 याहवेह घोषणा गर्नुहुन्छ।
\p
\v 25 याहवेह घोषणा गर्नुहुन्छ, “ती दिनहरू आउँदैछन्, जब म शरीरमा मात्रै खतना भएकाहरू सबैलाई दण्ड दिनेछु; 
\v 26 अर्थात् इजिप्ट, यहूदा, एदोम, अम्मोन, मोआब र टाढा मरुभूमिका सिमानाहरूमा बस्‍ने सबैलाई दण्ड दिनेछु।\f + \fr 9:26 \fr*\ft अथवा \ft*\fqa कन्चटनेरको कपाल खौरनेहरू\fqa*\f* किनकि यी सबै जातिहरू साँचो रूपमा खतना भएका छैनन्; अनि इस्राएलको सम्पूर्ण घरानाको पनि हृदयमा खतना भएको छैन।”
\c 10
\s1 परमेश्‍वर र मूर्तिहरू
\p
\v 1 हे इस्राएलका घराना हो, याहवेहले तिमीहरूलाई के भन्दै हुनुहुन्छ, सो सुन। 
\v 2 उहाँले तिमीहरूलाई यसो भन्‍नुहुन्छ:
\q1 “अरू राष्ट्रहरूका मार्गहरू नसिक,
\q2 अथवा आकाशका चिन्हहरूद्वारा नआत्तिओ;
\q2 यद्यपि ती राष्ट्रहरूचाहिँ ती चिन्हहरूद्वारा आत्तिन्छन्।
\q1
\v 3 किनकि तिनीहरूका रीतिरिवाजहरू व्यर्थका छन्;
\q2 तिनीहरूले जङ्गलबाट एउटा रूख काट्छन्;
\q2 अनि शिल्पकारले आफ्नो हतियारले त्यसलाई आकार दिन्छ।
\q1
\v 4 तिनीहरूले त्यसलाई चाँदी र सुनले सिँगार्छन्;
\q2 हथौडाले काँटी ठोकेर तिनीहरूले त्यसलाई जोड्छन्,
\q2 ताकि त्यो यताउता नहल्‍लिओस्।
\q1
\v 5 काँक्राबारीमा काग धपाउन राखिएको पुत्लाझैँ,
\q2 तिनीहरूका मूर्तिहरू बोल्न सक्दैनन्;
\q1 किनकि ती हिँड्न सक्दैनन्।
\q2 ती मूर्तिहरूलाई बोकेर लैजानुपर्छ।
\q1 तिनीहरूदेखि नडराओ;
\q2 तिनीहरूले कुनै पनि हानि गर्न सक्दैनन्,
\q2 न त तिनीहरूले कुनै असल कुरा नै गर्न सक्छन्।”
\b
\q1
\v 6 हे याहवेह, तपाईंजस्तो अरू कोही पनि छैन;
\q2 तपाईं महान् हुनुहुन्छ;
\q2 अनि तपाईंको नाम महान् र शक्तिशाली छ।
\q1
\v 7 हे राष्ट्रहरूका राजा,
\q2 तपाईंसँग कोचाहिँ डराउँदैन र?
\q2 किनकि तपाईं आदरयोग्य हुनुहुन्छ।
\q1 राष्ट्रहरूका सबै बुद्धिमान् मानिसहरू
\q2 र तिनीहरूका सबै राज्यहरूमा
\q2 तपाईंजस्तो अरू कोही छैन।
\b
\q1
\v 8 तिनीहरू सबै विवेकहीन र मूर्ख छन्;
\q2 तिनीहरू काम नलाग्ने काठका मूर्तिहरूद्वारा सिकाइएका छन्।
\q1
\v 9 मूर्ति बनाउन तर्शीशबाट पिटिएको चाँदी र
\q2 उपाजबाट सुन ल्याइन्छ।
\q1 शिल्पकार र सुनारद्वारा त्यसलाई बनाइन्छ;
\q2 अनि त्यसमा निलो र बैजनी रङ्गको लुगा लगाइन्छ।
\q2 ती सबै थोक सिपालु कारिगरहरूद्वारा बनाइएका छन्।
\q1
\v 10 तर याहवेह सत्य परमेश्‍वर हुनुहुन्छ;
\q2 उहाँ जीवित र अनन्तसम्मका राजा हुनुहुन्छ।
\q1 जब उहाँ रिसाउनुहुन्छ, पृथ्वी थरथर काँप्छ;
\q2 राष्ट्रहरूले उहाँको क्रोध सहनै सक्दैनन्।
\p
\v 11 “तिनीहरूलाई यसो भन्: ‘यी देवताहरू, जसले स्वर्ग र पृथ्वी बनाएनन्, ती पृथ्वी र आकाशमुनिबाट नष्‍ट हुनेछन्।’ ”
\q1
\v 12 तर परमेश्‍वरले पृथ्वी आफ्नो शक्तिद्वारा बनाउनुभयो;
\q2 उहाँले संसारलाई आफ्नो बुद्धिले स्थापित गर्नुभयो;
\q2 र उहाँले आकाशलाई आफ्नो समझशक्तिले फैलाउनुभयो।
\q1
\v 13 जब उहाँ बोल्नुहुन्छ, तब आकाशमा पानीको गर्जन हुन्छ;
\q2 उहाँले बादललाई पृथ्वीको अन्तिम छेउबाट उठाउनुहुन्छ।
\q1 उहाँले झरीसँग बिजुली पठाउनुहुन्छ;
\q2 अनि हावालाई उहाँको भण्डारहरूबाट निकाल्नुहुन्छ।
\b
\q1
\v 14 हरेक मानिस विवेकहीन र ज्ञानहीन छ;
\q2 हरेक सुनार आफ्नै मूर्तिहरूद्वारा शर्ममा पर्नेछ।
\q1 किनकि त्यसले बनाएका मूर्तिहरू झूटा हुन्;
\q2 तिनीहरूमा जीवनको सास हुँदैन।
\q1
\v 15 ती मूर्तिहरू सबै व्यर्थका र ठट्टाका पात्र हुन्;
\q2 जब तिनीहरूको न्याय आउँछ, तब तिनीहरू नष्‍ट हुनेछन्।
\q1
\v 16 उहाँ, जो याकोबका अंश हुनुहुन्छ, उहाँ ती मूर्तिहरूजस्ता हुनुहुन्‍न;
\q2 किनकि उहाँ सबै कुराहरूको सृष्‍टिकर्ता हुनुहुन्छ,
\q1 जसमा इस्राएल, उहाँको उत्तराधिकारका मानिसहरू पनि सामेल छन्;
\q2 सेनाहरूका याहवेह उहाँको नाम हो।
\s1 आउन लागेको विनाश
\q1
\v 17 हे घेराउमा परेर बसेका यरूशलेमका बासिन्दाहरू हो,
\q2 देश छोड्नलाई आफ्ना सरसामानहरू बटुल।
\q1
\v 18 किनकि याहवेह यसो भन्‍नुहुन्छ:
\q2 “यसै समयमा म यस देशमा बस्‍नेहरूलाई
\q2 झटारो हानेर निकालिदिनेछु;
\q1 म तिनीहरूमाथि सङ्कष्‍ट ल्याउनेछु,
\q2 ताकि तिनीहरू पक्राउ परून्।”
\b
\q1
\v 19 मेरो चोटको खातिर मलाई धिक्‍कार छ!
\q2 मेरो चोट निको नहुने किसिमको छ!
\q1 तापनि मैले आफूलाई भनेँ,
\q2 “यो मेरो रोग हो, र मैले यसलाई सहनैपर्छ।”
\q1
\v 20 मेरो पाल भत्काइएको छ;
\q2 पालका सबै डोरीहरू चुडाइएका छन्।
\q1 मेरा छोराछोरीहरू मबाट गइसकेका छन् र अब कोही पनि छैन;
\q2 अब मेरो पाल टाँगिदिने
\q2 अथवा मेरो वासस्थान ठिक गरिदिने कोही पनि बाँकी छैन।
\q1
\v 21 गोठालाहरू विवेकहीन भएका छन्,
\q2 र तिनीहरू याहवेहको खोजी गर्दैनन्;
\q1 यसैकारण तिनीहरू सफल हुँदैनन्;
\q2 अनि तिनीहरूका सबै बगालहरू छरपस्ट भएका छन्।
\q1
\v 22 सुन! यस्तो खबर आइरहेको छ,
\q2 उत्तरको देशबाट एउटा ठूलो होहल्‍ला आइरहेछ!
\q1 यसले यहूदाका सहरहरूलाई उजाड पार्नेछ,
\q2 र स्यालहरूका ओडार बनाउनेछ।
\s1 यर्मियाको प्रार्थना
\q1
\v 23 हे याहवेह, म जान्दछु, मानिसको जीवन उसको आफ्नो हातमा छैन;
\q2 तिनीहरू आफैँले आफ्ना पाइलाहरूलाई निर्देशन गर्दैनन्।
\q1
\v 24 हे याहवेह, मलाई सुधार्नुहोस्, तर तपाईंको न्यायअनुसार,
\q2 तपाईंको रिसमा चाहिँ होइन;
\q2 नत्रता तपाईंले मलाई भष्म पारिदिनुहुनेछ।
\q1
\v 25 तपाईंको क्रोध ती राष्ट्रहरूमाथि खन्याइदिनुहोस्,
\q2 जसले तपाईंलाई परमेश्‍वर भनी स्वीकार गर्दैनन्;
\q2 ती मानिसहरूमाथि, जसले तपाईंको नाम पुकार्दैनन्।
\q1 किनकि तिनीहरूले याकोबलाई निलेका छन्;
\q2 तिनीहरूले तिनलाई सर्लक्‍कै निलेका छन्;
\q2 अनि तिनको जन्मभूमिलाई उजाड पारिदिएका छन्।
\c 11
\s1 करार भङ्ग गरिएको
\p
\v 1 यर्मियाकहाँ आएको याहवेहको वचन यही हो: 
\v 2 “यस करारका शर्तहरू सुन्। अनि ती यहूदाका मानिसहरू र यरूशलेमका बासिन्दाहरूलाई भन्। 
\v 3 याहवेह इस्राएलका परमेश्‍वर यसो भन्‍नुहुन्छ भनी तिनीहरूलाई भन्: ‘यस करारका शर्तहरू पालन नगर्ने मानिस श्रापित होस्, 
\v 4 अर्थात् ती शर्तहरू, जुन मैले तिमीहरूका पितापुर्खाहरूलाई इजिप्टबाट, फलाम पगाल्ने भट्टीबाट निकालेर ल्याउँदा तिनीहरूलाई आज्ञा गरेको थिएँ।’ मैले भनेँ, ‘मलाई र मैले तिमीहरूलाई आज्ञा गरेका सबै कुराहरू पालन गर्‍यौ भने तिमीहरू मेरा मानिसहरू हुनेछौ, र म तिमीहरूका परमेश्‍वर हुनेछु। 
\v 5 तब तिमीहरूका पितापुर्खाहरूलाई दूध र मह बग्ने देश दिनेछु’ भनी मैले तिनीहरूसित शपथ खाएर बाँधेको प्रतिज्ञा पूरा गर्नेछु; त्यही देश, जुन आज तिमीहरूको अधिकारमा छ।”
\p मैले जवाफ दिएर भनेँ, “आमेन, याहवेह।”
\p
\v 6 याहवेहले मलाई भन्‍नुभयो, “यहूदाका सहरहरू र यरूशलेमका सडकहरूमा यी सबै वचनहरू घोषणा गर्: ‘करारका यी वचनहरू सुन र ती वचनहरू पालन गर। 
\v 7 “मेरो आज्ञापालन गर,” भनेर मैले तिमीहरूका पितापुर्खाहरूलाई इजिप्टबाट ल्याएको समयदेखि आजसम्म मैले तिनीहरूलाई बारम्बार चेतावनी दिँदैआएको छु। 
\v 8 तर तिनीहरूले सुनेनन्, अथवा ध्यानै दिएनन्; बरु तिनीहरू आफ्नै दुष्‍ट हृदयको हठीपनामा लागिरहे। त्यसैले तिनीहरूले पालन नगरेको हुनाले मैले तिनीहरूलाई पालन गर्नलाई दिएको करारका सबै सरापहरू तिनीहरूमाथि ल्याएँ।’ ”
\p
\v 9 तब याहवेहले मलाई भन्‍नुभयो, “यहूदाका मानिसहरू र यरूशलेममा बस्‍नेहरूले मेरो विरुद्धमा एउटा षड्यन्त्र रचेका छन्। 
\v 10 तिनीहरू आफ्ना पितापुर्खाहरूका पापमा फर्किगएका छन्, जसले मेरो वचन सुन्‍न इन्कार गरेका थिए। तिनीहरू अन्य देवताहरूका पछि लागेका छन् र तिनीहरूको सेवा गरेका छन्। मैले तिनीहरूका पितापुर्खाहरूसित बाँधेको करारलाई इस्राएल र यहूदा दुवैले भङ्ग गरेका छन्। 
\v 11 यसकारण याहवेह यसो भन्‍नुहुन्छ: ‘म तिनीहरू उम्कनै नसक्ने गरी तिनीहरूमाथि विपत्ति ल्याउनेछु। तिनीहरूले सहायताका निम्ति पुकार गरे तापनि म तिनीहरूको पुकार सुन्‍नेछैनँ। 
\v 12 तब यहूदाका र यरूशलेमका मानिसहरू जानेछन् र तिनीहरूले धूप बालेका देवताहरूकहाँ पुकार्नेछन्, तर विपत्ति आइपर्दा ती देवताहरूले कुनै पनि सहायता गर्न सक्दैनन्। 
\v 13 हे यहूदा, तँसित जति सहरहरू छन्, त्यति नै देवताहरू छन्; अनि तैँले त्यस लाजमर्दो बाल-देवताको निम्ति धूप बाल्न खडा गरेका वेदीहरू त्यति नै छन्, जति यरूशलेमका सडकहरू छन्।’
\p
\v 14 “यी मानिसहरूका निम्ति प्रार्थना नगर्, न त कुनै विलौना अथवा बिन्ती नै गर्; किनकि तिनीहरूको विपत्तिको समयमा तिनीहरूले सहायताका निम्ति मेरो पुकार गर्दा म सुन्‍नेछैनँ।
\q1
\v 15 “मेरो मन्दिरमा मेरी प्रिय के गर्दैछे,
\q2 जबकि त्यसले धेरैजनासँग कुकर्म गरिसकेकी छे?
\q2 के अर्पण गरिएको मासुले तेरो दण्ड पन्साउन सक्छ र?
\q1 जब तँ आफ्ना दुष्‍ट कर्महरूमा लाग्छेस्,
\q2 तब तँ खुशी हुन्छेस्।”
\b
\q1
\v 16 याहवेहले तँलाई मौलाएको
\q2 असल फलहरूको जैतुनको रूख भन्‍नुभयो।
\q1 तर शक्तिशाली आँधीबेहरीको गर्जनले
\q2 उहाँले त्यसलाई आगो लगाइदिनुहुनेछ;
\q2 अनि त्यसका हाँगाहरू पूर्ण रूपमा भाँचिनेछन्।
\m
\v 17 सेनाहरूका याहवेह, जसले तँलाई रोप्नुभयो, उहाँले तेरो विरुद्धमा विपत्तिको आदेश दिनुभएको छ; किनकि इस्राएल र यहूदाका मानिसहरूले बाल-देवतालाई धूपहरू बालेर दुष्‍ट काम गरेका छन् र मलाई रिस उठाएका छन्।
\s1 यर्मियाको विरुद्धमा षड्यन्त्र
\p
\v 18 किनभने याहवेहले मलाई तिनीहरूको षड्यन्त्र प्रकट गरिदिनुभयो; अनि मैले त्यो थाहा पाएँ; किनकि त्यस बेला तिनीहरूले जे गरिरहेका थिए, उहाँले मलाई देखाउनुभयो। 
\v 19 तर म त मारिनलाई लगिएको एउटा सुधो थुमाजस्तो थिएँ; तिनीहरूले मलाई यसो भन्दै षड्यन्त्र रचेको मलाई थाहै थिएन,
\q1 “हामी यस रूख र यसको फललाई नाश गरिदिऔँ;
\q2 यसलाई जीवितहरूको देशबाट काटेर ढालिदिऔँ,
\q2 ताकि यस रूखको नामको सम्झनाधरि नरहोस्।”
\q1
\v 20 तर तपाईं सेनाहरूका याहवेह, जसले धार्मिकतासाथ न्याय गर्नुहुन्छ;
\q2 अनि हृदय र मनलाई जाँच गर्नुहुन्छ;
\q1 तिनीहरूमाथि तपाईंको बदला म देख्न पाऊँ;
\q2 किनकि मैले मेरो मुद्दा तपाईंलाई सुम्पिदिएको छु।
\p
\v 21 यसकारण “याहवेहको नाममा अगमवाणी नगर्, नत्रता तँ हाम्रो हातबाट मर्नेछस्,” भन्दै तेरो प्राण लिन खोज्ने अनातोतका मानिसहरूको बारेमा याहवेह यसो भन्‍नुहुन्छ: 
\v 22 यसकारण सेनाहरूका याहवेह यसो भन्‍नुहुन्छ: “म तिनीहरूलाई दण्ड दिनेछु। तिनीहरूका जवान मानिसहरू तरवारले र तिनीहरूका छोरीहरूचाहिँ अनिकालले मर्नेछन्। 
\v 23 अनातोतका मानिसहरू कोही पनि बाँकी रहनेछैनन्; किनकि तिनीहरूलाई दण्ड दिने वर्षमा म अनातोतका मानिसहरूमाथि सर्वनाश ल्याउनेछु।”
\c 12
\s1 यर्मियाको गुनासो
\q1
\v 1 जब म मेरो मुद्दा तपाईंकहाँ राख्दछु,
\q2 तब याहवेह, तपाईं सदैव धर्मी हुनुहुन्छ।
\q1 तापनि म तपाईंसँग तपाईंको न्यायको बारेमा कुरा गर्न चाहन्छु:
\q2 किन दुष्‍ट मानिसहरू सफल हुन्छन्?
\q2 किन सबै अधर्मीहरू सुखी जीवन जिउँछन्?
\q1
\v 2 तपाईंले तिनीहरूलाई रोप्नुभयो र तिनीहरूले जरा हाले;
\q2 तिनीहरू बढ्छन् र फल फलाउँछन्।
\q1 तिनीहरूको मुखले त सधैँ तपाईंको नाम लिन्छन्,
\q2 तर तिनीहरूका हृदयबाट भने तपाईं टाढा हुनुहुन्छ।
\q1
\v 3 तर हे याहवेह, तपाईंले मलाई जान्‍नुहुन्छ;
\q2 तपाईंले मलाई देख्नुहुन्छ र तपाईंप्रतिका मेरा विचारहरू जाँच्नुहुन्छ।
\q1 तिनीहरूलाई काट्न लगिएका भेडालाई जस्तै तानेर लैजानुहोस्!
\q2 तिनीहरूलाई मारिने दिनको निम्ति अलग गर्नुहोस्!
\q1
\v 4 कहिलेसम्म देश उजाड अवस्थामा रहिरहने
\q2 र मैदानको घाँस ओइलिरहने?
\q1 किनकि त्यस ठाउँमा बस्‍नेहरू दुष्‍ट छन्;
\q2 जनावरहरू र चराहरू नष्‍ट भएका छन्।
\q1 यसबाहेक, मानिसहरूले यसो भनिरहेका छन्,
\q2 “हामीमाथि के हुँदैछ, परमेश्‍वरले देख्नुहुनेछैन।”
\s1 परमेश्‍वरको जवाफ
\q1
\v 5 “तँ मानिसहरूसँग दगुर्दा
\q2 तिनीहरूले तँलाई थकाए भने,
\q2 कसरी तँ घोडाहरूसित दगुर्न सक्छस्?
\q1 यदि तँ सुरक्षित देशमा त ठेस खान्छस् भने,
\q2 यर्दनका छेउछाउका काँढे झाडीहरूमा झन् के गर्छस्?
\q1
\v 6 तेरा दाजुभाइहरू, तेरा आफ्नै परिवारका सदस्यहरू,
\q2 तिनीहरूले समेत तँलाई धोका दिएका छन्;
\q2 तिनीहरूले तेरो विरुद्धमा बोलेका छन्।
\q1 तिनीहरूले तँसँग मिठा-मिठा कुरा गरेका छन्,
\q2 तापनि तिनीहरूलाई विश्‍वास नगर्।
\b
\q1
\v 7 “म आफ्नो घर इस्राएललाई त्यागिदिनेछु,
\q2 म आफ्नो उत्तराधिकारलाई छोडिदिनेछु;
\q1 मैले प्रेम गरेका मानिसहरूलाई
\q2 म तिनीहरूका शत्रुहरूका हातमा सुम्पिदिनेछु।
\q1
\v 8 मेरो उत्तराधिकारीहरू मेरा निम्ति
\q2 जङ्गलको सिंहजस्तै भएका छन्।
\q1 तिनीहरू मसित गर्जन्छन्;
\q2 यसैकारण म तिनीहरूलाई घृणा गर्दछु।
\q1
\v 9 के मेरो उत्तराधिकार, मेरा निम्ति
\q2 शिकारी पक्षीहरूले वरिपरि घेरेर आक्रमण गरी
\q2 चोट लागेको चराझैँ भएको छैन?
\q1 जा, गएर सबै जङ्गली पशुहरूलाई भेला गर्;
\q2 तिनीहरूलाई खान ती पशुहरूलाई लिएर आइज।
\q1
\v 10 धेरै विदेशी शासकहरूले मेरो दाखबारीलाई नष्‍ट गर्नेछन्,
\q2 र मेरो भूमि कुल्चीमिल्ची पार्नेछन्;
\q1 तिनीहरूले मेरो सुन्दर भूमिलाई उजाड
\q2 र बाँझो बनाइदिनेछन्।
\q1
\v 11 त्यो भूमि मेरो सामु सुक्खा,
\q2 उजाड र बाँझो बनाइनेछ;
\q1 समस्त देश उजाड पारिनेछ;
\q2 किनकि त्यसको हेरचाह गर्ने कोही पनि छैन।
\q1
\v 12 मरुभूमिका सम्पूर्ण अग्ला नाङ्गा डाँडाहरूमाथि
\q2 नाश गर्नेहरू हुल लागेर आउनेछन्;
\q1 किनकि याहवेहको तरवारले देशको
\q2 एक छेउदेखि अर्को छेउसम्म नाश गर्नेछ;
\q2 कोही पनि सुरक्षित रहनेछैन।
\q1
\v 13 तिनीहरूले गहुँ छर्नेछन्, तर काँडाहरूको कटनी गर्नेछन्;
\q2 तिनीहरूले कडा परिश्रम गर्नेछन्, तर केही फाइदा हुनेछैन।
\q1 याहवेहको डरलाग्दो रिसको कारण,
\q2 तिनीहरू आफ्नो फसलमा लज्जित हुनेछन्।”
\p
\v 14 याहवेह यसो भन्‍नुहुन्छ: “मैले आफ्ना मानिस, इस्राएलीहरूलाई दिएको उत्तराधिकारमाथि हात लगाउने मेरा सबै दुष्‍ट छिमेकीहरूलाई, म तिनीहरूका देशबाट उखेल्नेछु, र म तिनीहरूका बीचबाट यहूदाका घरानालाई उखेल्नेछु। 
\v 15 तर तिनीहरूलाई उखेलेपछि म तिनीहरूमाथि फेरि दया देखाउनेछु; अनि तिनीहरू हरेकलाई तिनीहरूका आफ्नै उत्तराधिकारको भूमि र तिनीहरूका आफ्नै देशमा फर्काएर ल्याउनेछु। 
\v 16 यदि तिनीहरूले मेरा मानिसहरूका चालचलनहरू राम्रोसँग सिकेर, ‘जीवित याहवेहको नाममा भनेर शपथ’ खाए भने तिनीहरूले एक पटक मेरा मानिसहरूलाई बाल-देवताको नाममा शपथ खान सिकाएका भए तापनि तिनीहरू मेरा मानिसहरूको बीचमा स्थापित हुनेछन्। 
\v 17 तर यदि कुनै पनि राष्ट्रले वचन पालन गरेन भने म त्यसलाई सम्पूर्ण रूपले उखेलेर नाश गर्नेछु,” याहवेह घोषणा गर्नुहुन्छ।
\c 13
\s1 एउटा सुतीको पटुका
\p
\v 1 याहवेहले मलाई यसो भन्‍नुभयो: “जा, गएर एउटा सुतीको पटुका किन् र त्यसलाई आफ्नो कम्मरमा बाँध्, तर त्यसलाई पानीले भिज्न नदे।” 
\v 2 यसकारण याहवेहले हुकुम गर्नुभएझैँ मैले एउटा सुतीको पटुका किनेँ र आफ्नो कम्मरमा बाँधेँ।
\p
\v 3 तब याहवेहको वचन दोस्रो पल्ट मकहाँ आयो: 
\v 4 “तैँले किनेको तेरो कम्मरमा बाँधिराखेको पटुका लिएर अब परात\f + \fr 13:4 \fr*\ft अथवा \ft*\fqa यूफ्रेटिस\fqa*\f* नदीमा जा, र त्यसलाई त्यहाँ चट्टानको एउटा दुलोमा लुकाइराख्।” 
\v 5 यसकारण याहवेहले मलाई भन्‍नुभएझैँ म परातमा गएँ, र त्यस पटुकालाई चट्टानमा लुकाएँ।
\p
\v 6 केही दिनपछि याहवेहले मलाई भन्‍नुभयो, “परातमा जा, र मैले तँलाई लुकाउन लगाएको पटुका त्यहाँबाट लिएर आइज।” 
\v 7 यसकारण म परातमा गएँ, र मैले पटुकालाई लुकाइराखेको ठाउँबाट खनेर निकालेँ, तर त्यो पटुका मक्‍किएर कामै नलाग्ने भएको पाएँ।
\p
\v 8 तब याहवेहको वचन मकहाँ आयो: 
\v 9 “याहवेह यसो भन्‍नुहुन्छ: ‘ठिक यसरी नै म यहूदाको र यरूशलेमको घमण्डलाई नष्‍ट गर्नेछु। 
\v 10 यी दुष्‍ट मानिसहरू, जसले मेरा वचन सुन्‍न इन्कार गर्छन्; तिनीहरू आफ्ना हृदयलाई कठोर पार्दै अरू देवी-देवताको पूजा गर्न र सेवा गर्न जान्छन्। यस्ता मानिसहरू यही पटुकाजस्तै पूर्ण रूपले केही कामको हुँदैनन्! 
\v 11 किनकि मानिसले पटुका कम्मरमा बाँधेझैँ, मैले इस्राएलको र यहूदाको सम्पूर्ण घरानालाई मेरो ख्याति, प्रशंसा र सम्मानको निम्ति प्रजा हुनेछन् भनी मैले तिनीहरूलाई आफ्नो कम्मरमा बाँधेँ, तर तिनीहरूले मेरो आज्ञापालन गरेनन्,’ याहवेह घोषणा गर्नुहुन्छ।
\s1 मशकहरूको दृष्‍टान्त
\p
\v 12 “यसकारण तिनीहरूलाई भन्: ‘याहवेह इस्राएलका परमेश्‍वर यसो भन्‍नुहुन्छ: हरेक मशक दाखमद्यले भरिएको हुनुपर्छ।’ अनि तिनीहरूले यदि तँलाई, ‘प्रत्येक मशक दाखमद्यले भरिनुपर्छ भन्‍ने कुरा के हामीलाई थाहा छैन?’ भनी भनेछन् भने, 
\v 13 तब तिनीहरूलाई यसरी भन्, ‘याहवेह यसो भन्‍नुहुन्छ: दावीदको सिंहासनमा बस्‍ने राजाहरू, पुजारीहरू, अगमवक्ताहरू र यरूशलेममा बस्‍नेहरू सबैलाई र यस देशका बासिन्दाहरू सबैलाई म दाखमद्यले मताइदिनेछु। 
\v 14 म तिनीहरूलाई आमाबुबाहरू र छोराछोरीहरू समेतलाई एक-अर्काको विरुद्धमा जुधाइदिनेछु, याहवेह घोषणा गर्नुहुन्छ। मलाई दया, माया, कृपा अथवा कुनै पनि कुराले तिनीहरूलाई सर्वनाश गर्नबाट रोक्न सक्दैन।’ ”
\s1 कैदमा लगिने धम्की
\q1
\v 15 सुन, र ध्यान देओ,
\q2 अहङ्कारी नहोओ;
\q2 किनकि याहवेहले बोल्नुभएको छ।
\q1
\v 16 परमेश्‍वरले अन्धकार ल्याउन अगि,
\q2 अँध्यारो डाँडाहरूमा
\q1 तिमीहरूका खुट्टाहरू ठेस खानुभन्दा अगि,
\q2 याहवेह तिमीहरूका परमेश्‍वरलाई महिमा देओ।
\q1 तिमीहरू उज्यालोको आशा गर्दछौ,
\q2 तर उहाँले ज्योतिलाई घोर अन्धकारमा बदली दिनुहुनेछ;
\q2 अनि त्यसलाई गहिरो अन्धकार तुल्याइदिनुहुनेछ।
\q1
\v 17 तर तिमीहरूले अझै पनि सुन्‍न इन्कार गर्‍यौ भने,
\q2 तिमीहरूको घमण्डको कारणले
\q2 म गुप्‍तमा रुनेछु;
\q1 आँखामा आँसुको धारा बगाउँदै,
\q2 म धुरुधुरु रुनेछु;
\q2 किनकि याहवेहको बगाल कैदी भएर लगिनेछ।
\b
\q1
\v 18 राजा र राजमातालाई भन्:
\q2 “तपाईंहरूका सिंहासनबाट ओर्लनुहोस्;
\q1 किनकि तपाईंहरूका गौरवशाली
\q2 मुकुटहरू तपाईंहरूका शिरबाट खस्‍नेछन्।”
\q1
\v 19 दक्षिणमा भएका सहरहरू घेरामा पर्नेछन्;
\q2 अनि तिनीहरूलाई सहायता गर्ने कोही हुनेछैनन्।
\q1 समस्त यहूदालाई निर्वासनमा लगिनेछ,
\q2 तिनीहरू पूर्ण रूपले कैदी भएर लगिनेछन्।
\b
\q1
\v 20 आफ्ना आँखा उठाएर
\q2 उत्तर दिशाबाट आइरहेका शत्रुहरूलाई हेर्!
\q1 तँलाई सुम्पिदिएको बगालहरू कहाँ छन्,
\q2 त्यो बगाल, जसमा तैँले घमण्ड गर्थिस्?
\q1
\v 21 तैँले विशेष मित्रझैँ मानेकोलाई नै,
\q2 याहवेहले तँमाथि शासक नियुक्त गरिदिनुहुँदा अब तँ के भन्‍नेछस्?
\q1 के यसो हुँदा तँ प्रसुती वेदनामा परेकी स्त्रीझैँ
\q2 पीडाले तड्पिने छैनस् र?
\q1
\v 22 अनि यदि तैँले “मलाई किन यस्तो भयो?”
\q2 भनेर आफैँलाई सोधिस् भने,
\q1 यो त तेरै पापको कारणले गर्दा
\q2 तेरो फरिया च्यातिएको छ;
\q2 अनि तेरो शरीरसँग दुर्व्यवहार गरिएको छ।
\q1
\v 23 के कूशी\f + \fr 13:23 \fr*\ft अथवा \ft*\fqa इथियोपियाली\fqa*\f* मानिसले आफ्नो छाला
\q2 अथवा चितुवाले आफ्नो थोप्ला बदली गर्न सक्छ?
\q1 तेरो दुष्‍ट काम गर्ने बानी भएको हुँदा तैँले
\q2 असल काम गर्न सक्नेछैनस्।
\b
\q1
\v 24 “मरुभूमिको बतासले उडाइदिएको भुसजस्तै
\q2 म तँलाई छरपस्ट पारिदिनेछु।
\q1
\v 25 तेरो भाग यही हो,
\q2 मैले आदेश दिएको तेरो हिस्सा,” याहवेहले घोषणा गर्नुहुन्छ;
\q1 “किनकि तैँले मलाई बिर्सेर
\q2 झूटा देवी-देवताहरूमाथि भरोसा गरेको छस्।
\q1
\v 26 म तेरो फरिया उचालेर तेरो मुखमा पुर्‍याइदिनेछु,
\q2 ताकि तेरो लाज देखियोस्—
\q1
\v 27 तैँले गरेको व्यभिचार र तेरो कामुकताको हिनहिनाइ,
\q2 र तेरो शर्मलाग्दो वेश्यावृत्ति!
\q1 मैले अग्ला डाँडाहरूमा र मैदानहरूमा
\q2 तेरा घिनलाग्दा वेश्यावृत्तिहरू देखेको छु।
\q1 हे यरूशलेम, तँलाई धिक्‍कार छ!
\q2 तँ कहिलेसम्म यसरी अशुद्ध भइरहनेछस्?”
\c 14
\s1 खडेरी, अनिकाल र तरवार
\p
\v 1 खडेरीको बारेमा यर्मियाकहाँ आएको याहवेहको वचन यही हो:
\q1
\v 2 “यहूदा विलाप गर्छ,
\q2 त्यसका सहरहरू कमजोर भएका छन्;
\q1 तिनीहरू देशका निम्ति विलौना गर्छन्;
\q2 अनि यरूशलेमका मानिसहरूको चीत्कार आकासिन्छ।
\q1
\v 3 कुलिन मानिसहरूले आफ्ना नोकरहरूलाई पानी लिन पठाउँछन्;
\q2 तिनीहरू कुवामा जान्छन्,
\q2 तर पानी भेट्टाउँदैनन्।
\q1 तिनीहरू आफ्ना गाग्राहरू रित्तै लिएर,
\q2 लज्जित र हतोत्साहित भएर,
\q2 आफ्ना शिरहरू ढाकेर फर्कन्छन्।
\q1
\v 4 देशमा वर्षा नभएको कारण
\q2 जमिन चर्केर चिरा-चिरा परेको छ;
\q1 किसानहरू निराश भएका छन्,
\q2 र तिनीहरूले आफ्ना शिर ढाकेका छन्।
\q1
\v 5 घाँस नभएको कारणले
\q2 मैदानको मुडुली मृगले समेत
\q2 आफ्नो बच्‍चालाई छोडिदिन्छे।
\q1
\v 6 जङ्गली गधाहरू अग्ला नाङ्गा डाँडाहरूमा उभिन्छन्
\q2 र स्यालहरूजस्तै स्याँ-स्याँ गर्दै सास फेर्छन्;
\q1 घाँस खान नपाएको कारण
\q2 तिनीहरूले राम्रोसँग देख्न सक्दैनन्।”
\b
\q1
\v 7 हाम्रा पापहरूले हाम्रा विरुद्धमा गवाही दिए तापनि
\q2 हे याहवेह, तपाईंको नामको खातिर हामीलाई सहायता गर्नुहोस्।
\q1 किनकि हामीले तपाईंको विरुद्धमा बारम्बार पाप गरेका छौँ;
\q2 हामीले धेरै अपराधहरू गरेका छौँ।
\q1
\v 8 हे याहवेह, तपाईं इस्राएलको आशा हुनुहुन्छ,
\q2 सङ्कष्‍टको समयमा इस्राएलको उद्धारकर्ता,
\q1 एक रातको लागि मात्र बास बस्‍ने यात्रीजस्तै,
\q2 तपाईं किन यस देशमा एक परदेशीजस्तो हुनुहुन्छ?
\q1
\v 9 तपाईं किन अचम्ममा परेको मानिसजस्तै,
\q2 बचाउन नसक्ने शक्तिहीन योद्धाजस्तै हुनुहुन्छ?
\q1 हे याहवेह, तपाईं हाम्रा बीचमा हुनुहुन्छ,
\q2 र हामी तपाईंको नामले चिनिएका प्रजा हौँ;
\q2 हामीलाई नत्याग्नुहोस्!
\p
\v 10 यस जातिको विषयमा याहवेह यसो भन्‍नुहुन्छ:
\q1 “तिनीहरू बाटो बिराएर हिँड्न साह्रै मन पराउँछन्;
\q2 तिनीहरूले आफ्ना खुट्टाहरूलाई वशमा राख्दैनन्।
\q1 यसकारण याहवेहले तिनीहरूलाई स्वीकार गर्नुहुन्‍न;
\q2 अब उहाँले तिनीहरूका दुष्‍टतालाई सम्झनुहुन्छ,
\q2 र तिनीहरूका पापका निम्ति तिनीहरूलाई दण्ड दिनुहुनेछ।”
\p
\v 11 तब याहवेहले मलाई भन्‍नुभयो, “यी मानिसहरूको भलाइको निम्ति प्रार्थना नगर्। 
\v 12 तिनीहरूले उपवास बसे तापनि म तिनीहरूको विलौना सुन्‍नेछैन; तिनीहरूले होमबलि र अन्‍नबलि चढाए तापनि म खुशी हुनेछैन। त्यसको सट्टा म तिनीहरूलाई तरवार, अनिकाल र रूढीले नाश गर्नेछु।”
\p
\v 13 तर मैले भनेँ, “हे, प्रभु याहवेह! अगमवक्ताहरूले तिनीहरूलाई यसो भनिरहेका छन्, ‘तिमीहरूले तरवार र अनिकाल देख्नेछैनौ। अवश्य नै याहवेह परमेश्‍वरले तिमीहरूलाई यस ठाउँमा अनन्तको शान्ति दिनुहुनेछ।’ ”
\p
\v 14 तब याहवेहले मलाई भन्‍नुभयो, “ती अगमवक्ताहरूले मेरो नाममा झूटो अगमवाणी गरिरहेका छन्। मैले न तिनीहरूलाई पठाएको हुँ, न त नियुक्त नै गरेको हुँ, न त तिनीहरूसँग नै बोलेको छु। तिनीहरूले तिमीहरूसँग आफ्नै मनका झूटा दर्शनहरू, तन्त्रमन्त्रहरू, मूर्तिपूजाहरू र मनका भ्रमात्मक कुराहरू अगमवाणी गरिरहेका छन्। 
\v 15 यसकारण याहवेहले उहाँको नाममा झूटो अगमवाणी गर्ने अगमवक्ताहरूको विषयमा यसो भन्‍नुहुन्छ: मैले तिनीहरूलाई पठाएको होइनँ, तर पनि तिनीहरूले यसो भनिरहेका छन्, ‘यस देशलाई कुनै तरवारले अथवा अनिकालले छुनेछैन।’ यसकारण ती अगमवक्ताहरू तरवार र अनिकालले नाश हुनेछन्। 
\v 16 अनि ती झूटा अगमवक्ताहरूले अगमवाणी गरिरहेका मानिसहरू अनिकाल र तरवारको कारण यरूशलेमका सडकहरूमा फ्याँकिनेछन्। तिनीहरू, तिनीहरूका पत्नीहरू र छोराछोरीहरूलाई गाड्ने कोही पनि हुनेछैनन्। म तिनीहरूले भोग्नुपर्ने विपत्ति तिनीहरूमाथि खन्याइदिनेछु।
\b
\p
\v 17 “तैँले तिनीहरूलाई यो वचन भन्‍नू:
\q1 “ ‘मेरा आँखाबाट आँसुको धारा
\q2 नथामियोस् र मेरो आँसु दिनरात बगिरहोस्;
\q1 किनकि मेरो जातिको कुमारी छोरीलाई,
\q2 गहिरो चोट लागेको छ, र
\q2 ठूलो चोट लाग्ने प्रहार भएको छ।
\q1
\v 18 यदि म देशभित्र गएँ भने,
\q2 म तरवारद्वारा मारिएकाहरूलाई देख्छु;
\q1 यदि म सहरभित्र गएँ भने,
\q2 म अनिकालले पीडित मानिसहरूलाई देख्छु।
\q1 अगमवक्ता र पुजारी दुवै,
\q2 तिनीहरूले नचिनेको देशमा गएका छन्।’ ”
\b
\q1
\v 19 हे परमेश्‍वर, के तपाईंले यहूदालाई पूर्ण रूपले त्याग्नुभएको छ?
\q2 के तपाईंले सियोनलाई तुच्छ ठान्‍नुहुन्छ?
\q1 किन तपाईंले हामीलाई निको नहुने गरी
\q2 यति धेरै घाइते पार्नुभएको छ?
\q1 हामीले शान्तिको आशा गरेका थियौँ,
\q2 तर कुनै पनि असल कुरा भएको छैन;
\q1 निको हुने आशा गरेका थियौँ,
\q2 तर त्यहाँ आतङ्कित मात्र भएका छौँ।
\q1
\v 20 हे याहवेह, हामी आफ्ना दुष्‍टता
\q2 र हाम्रा पितापुर्खाहरूका अपराधहरू जान्दछौँ;
\q2 साँच्‍चै नै हामीले तपाईंको विरुद्धमा पाप गरेका छौँ।
\q1
\v 21 तर तपाईंको नामको खातिर हामीलाई घृणा नगर्नुहोस्;
\q2 तपाईंको महिमित सिंहासनको अपमान नगर्नुहोस्।
\q1 हामीसँग गर्नुभएको तपाईंको करार सम्झनुहोस्,
\q2 र त्यस करारलाई नतोड्नुहोस्।
\q1
\v 22 के जातिहरूका कामै नलाग्ने मूर्तिहरूले वर्षा ल्याउन सक्छन् र?
\q2 के आकाशहरू आफैँले झरी पठाउन सक्छन् र?
\q1 यस्तो हुन सक्दैन, हे याहवेह, अथवा हाम्रा परमेश्‍वर
\q2 तपाईंले मात्र यस्तो गर्न सक्नुहुन्छ।
\q2 यसकारण हाम्रो आशा तपाईंमा छ;
\q2 किनकि यी सबै कुराहरू गर्नुहुने तपाईं नै हुनुहुन्छ।
\c 15
\p
\v 1 तब याहवेहले मलाई भन्‍नुभयो: “यदि मोशा र शमूएल नै मेरो सामु खडा भएर बिन्ती गरे तापनि यस जातिप्रति मेरो हृदय फर्कनेछैनँ। यी मानिसहरूलाई मेरो दृष्‍टिबाट टाढा पठाई दे! तिनीहरू जाऊन्! 
\v 2 अनि यदि तिनीहरूले तँलाई यसो भनेर सोधे भने, ‘हामी कता जाऔँ?’ तिनीहरूलाई भन्‍नू, ‘याहवेह यसो भन्‍नुहुन्छ:
\q1 “ ‘मृत्युका निम्ति ठहराइएकाहरू मृत्युमा जाऊन्;
\q1 तरवारका निम्ति ठहराइएकाहरू तरवारमा जाऊन्;
\q1 अनिकालका निम्ति ठहराइएकाहरू, अनिकालमा जाऊन्;
\q1 कैदका निम्ति ठहराइएकाहरू, कैदमा नै जाऊन्।’ ”
\p
\v 3 याहवेह घोषणा गर्नुहुन्छ, “म तिनीहरूका विरुद्धमा चार किसिमका विनाशहरू पठाउनेछु: तिनीहरूलाई मार्नलाई तरवार, घिसार्दै लैजानलाई कुकुरहरू; अनि निल्न र नाश गर्नलाई आकाशका चराहरू र जमिनका पशुहरू। 
\v 4 यहूदाका राजा हिजकियाका छोरा मनश्शेले यरूशलेममा जे गरेका थिए, त्यसैको कारणले म यहूदाका मानिसहरूलाई देख्ने पृथ्वीभरिका सबै राज्यहरू भयभीत हुने तुल्याइदिनेछु।
\q1
\v 5 “हे यरूशलेम, तँलाई कसले दया देखाउला?
\q2 तेरा निम्ति कसले विलाप गर्ला?
\q2 तँ कस्तो छस् भनी सोध्न को रोकिएला?”
\q1
\v 6 याहवेह घोषणा गर्नुहुन्छ,
\q2 “यरूशलेम, तैँले मलाई त्यागेको छस्।
\q2 तैँले मतिर आफ्नो पिठिउँ फर्काएको छस्।
\q1 यसकारण म तेरो विरुद्धमा आफ्नो हात उठाउनेछु र तँलाई विनाश गर्नेछु;
\q2 अब म तँप्रतिको रिस थाम्न सक्दिनँ।
\q1
\v 7 देशका मूलढोकाहरूमा
\q2 म तिनीहरूलाई नाङ्लोले निफनेझैँ निफन्‍नेछु।
\q1 म मेरा मानिसहरूमाथि तिनीहरूका सन्तानको शोक र सर्वनाश ल्याउनेछु;
\q2 किनकि तिनीहरूले आफ्ना मार्गहरू बदली गरेका छैनन्।
\q1
\v 8 म तिनीहरूका विधवाहरूको संख्या
\q2 समुद्रको बालुवाभन्दा धेरै बढाउनेछु।
\q1 मध्यदिनको समयमा म तिनीहरूका जवान ठिटाहरूका
\q2 आमाहरूको विरुद्धमा एक जना विनाशकर्तालाई ल्याउनेछु;
\q1 म तिनीहरूमाथि एक्‍कासि
\q2 सङ्कष्‍ट र त्रास ल्याउनेछु।
\q1
\v 9 सात जनाकी आमा बेहोश हुनेछे,
\q2 र त्यसले आफ्नो अन्तिम सास फेर्नेछे।
\q1 दिन छँदै त्यसको सूर्य अस्ताउँछ;
\q2 त्यो अपमानित हुनेछे र शर्ममा पर्नेछे।
\q1 बाँचेकाहरूलाई चाहिँ
\q2 म तिनीहरूका शत्रुहरूको सामु तरवारले मार्न दिनेछु,”
\q2 याहवेह घोषणा गर्नुहुन्छ।
\b
\q1
\v 10 यर्मियाले भने, हाय म कस्तो दुःखी मान्छे हुँ।
\q2 मेरी आमाले मजस्तो मानिसलाई जन्माउनुभयो!
\q2 एउटा यस्तो मानिस, जससँग सारा देशले झगडा र विवाद गर्छ!
\q1 मैले तिनीहरूलाई न ऋण दिएको छु, न त ऋण नै लिएको छु,
\q2 तर पनि सबै मानिसहरूले मलाई सराप्छन्।
\p
\v 11 याहवेहले भन्‍नुभयो,
\q1 “निश्‍चय नै म तँलाई असल उद्देश्यले छुटाउनेछु;
\q2 निश्‍चय नै म तेरा शत्रुहरूलाई दुःख र सङ्कष्‍टको समयमा,
\q2 तँसित बिन्ती गर्न लगाउनेछु।
\b
\q1
\v 12 “के कुनै मानिसले फलाम भाँच्न सक्छ,
\q2 उत्तर दिशाको फलाम अथवा काँसालाई भाँच्न सक्छ?
\b
\q1
\v 13 “तिमीहरूले आफ्नो देशभरि
\q2 गरेका पापहरूको कारणले
\q1 तिमीहरूका सम्पत्ति र तिमीहरूका भण्डारहरू,
\q2 लुटको मालसामानजस्तै, म सितैँमा अरूलाई दिनेछु।
\q1
\v 14 तिमीहरूले नचिनेका देशमा
\q2 तिमीहरूलाई आफ्नै शत्रुका दास तुल्याउनेछु;
\q1 किनकि मेरो क्रोध आगोजस्तै दन्कनेछ,
\q2 जुन तेरो विरुद्धमा दन्कनेछ।”
\b
\q1
\v 15 तब यर्मियाले भने, हे याहवेह, तपाईंलाई सबै कुरा थाहा छ;
\q2 मलाई सम्झनुहोस् र मेरो निम्ति काम गर्नुहोस्।
\q2 मलाई सताउनेहरूलाई बदला लिनुहोस्।
\q1 तपाईं धैर्यवान् हुनुहुन्छ। मलाई टाढा नलैजानुहोस्;
\q2 मैले तपाईंका निम्ति कति अपमान सहेको छु, सो विचार गर्नुहोस्।
\q1
\v 16 जब तपाईंका वचनहरू आए, मैले ती सबै निलेँ;
\q2 ती वचनहरू मेरा निम्ति आनन्द र हृदयको निम्ति हर्षको स्रोत थिए;
\q1 किनकि हे याहवेह सेनाहरूका परमेश्‍वर,
\q2 मैले तपाईंको नाम बोकेको छु।
\q1
\v 17 म मोजमज्जा गर्नेहरूको समूहमा कहिल्यै बसिनँ;
\q2 तिनीहरूसँग कहिल्यै रमाइलो गरिनँ;
\q1 म एकलै बसेँ, किनकि तपाईंको हात ममाथि थियो
\q2 र तपाईंले मलाई रिसले भरिदिनुभएको थियो।
\q1
\v 18 मेरो पीडाको अन्त्य किन हुँदैन,
\q2 र मेरो घाउ किन पीडादायक र निको नहुने भएको छ?
\q1 के तपाईं मेरा निम्ति सुकेर जाने खोल्साजस्तै हुनुहुन्छ,
\q2 भर पर्न नसकिने मुहानजस्तै?
\p
\v 19 यसकारण याहवेह यसो भन्‍नुहुन्छ:
\q1 “यदि तैँले पश्‍चात्ताप गरिस् भने म तँलाई पुनर्स्थापित गर्नेछु,
\q2 र तँ मेरो सेवक बन्‍नेछस्;
\q1 यदि तैँले व्यर्थको कुरा नगरेर मूल्यवान् कुराहरू मात्र बोलिस् भने,
\q2 तँ मेरो अगमवक्ता हुनेछस्।
\q1 यी मानिसहरू तँतिर फर्कून्,
\q2 तर तँचाहिँ तिनीहरूतिर नफर्कनू।
\q1
\v 20 म तँलाई यी मानिसहरूका निम्ति एउटा पर्खाल,
\q2 काँसाको एउटा किल्‍ला बनाउनेछु;
\q1 तिनीहरू तेरो विरुद्धमा लडाइँ गर्नेछन्,
\q2 तर तँमाथि विजयी हुनेछैनन्;
\q1 किनकि तँलाई विजय दिन र बचाउन
\q2 म तेरो साथमा छु,”
\q2 याहवेह घोषणा गर्नुहुन्छ।
\q1
\v 21 “म तँलाई दुष्‍टहरूका हातबाट बचाउनेछु;
\q2 अनि म तँलाई निर्दयीहरूका हत्केलाबाट छुटाउनेछु।”
\c 16
\s1 विपत्तिको दिन
\p
\v 1 फेरि याहवेहको यो वचन मकहाँ आयो: 
\v 2 “तैँले यस ठाउँमा विवाह गर्नु र छोराछोरीहरू जन्माउनुहुँदैन।” 
\v 3 किनकि यस ठाउँमा जन्मेका छोराछोरीहरूको बारेमा र तिनीहरूलाई जन्म दिने तिनीहरूका आमा र बुबाहरूको बारेमा याहवेह यसो भन्‍नुहुन्छ: 
\v 4 “तिनीहरू घातक रोगले मर्नेछन्। तिनीहरूका निम्ति शोक गरिनेछैन, तर तिनीहरू मैदानमा लडिरहने मलजस्तै हुनेछन्। तिनीहरू तरवार र अनिकालले नष्‍ट हुनेछन्; अनि तिनीहरूका लासहरू आकाशका चराहरू र जमिनका पशुहरूका निम्ति भोजन हुनेछन्।”
\p
\v 5 किनकि याहवेह यसो भन्‍नुहुन्छ: “मृत्यु भएको घरमा भोज खान नजा; अथवा शोक गर्न र सहानुभूति प्रकट गर्न पनि नजा; किनकि मैले यस जातिबाट मेरो आशिष्, मेरो प्रेम र मेरो दया फिर्ता लिइसकेको छु,” याहवेह घोषणा गर्नुहुन्छ। 
\v 6 “यस देशका धनी र गरिब सबै मानिसहरू मर्नेछन्। तिनीहरू गाडिनेछैनन् र तिनीहरूको निम्ति शोक गरिनेछैन; अनि कसैले पनि तिनीहरूका निम्ति आफ्नो शरीर काट्ने छैनन्, अथवा आफ्नो कपाल खौरनेछैनन्। 
\v 7 मरेकाहरूका निम्ति शोक गर्नेहरूलाई सान्त्वना दिन कसैले पनि भोजन दिनेछैन। तिनीहरूका बुबा र आमाका निम्ति शोक गर्नेलाई समेत कसैले तिनीहरूलाई सान्त्वनाको पानी दिनेछैन।
\p
\v 8 “यदि कुनै घरमा भोज भइरहेको छ भने तापनि तिनीहरूसित खान र पिउनलाई तँ नबस्। 
\v 9 किनकि सेनाहरूका याहवेह, इस्राएलका परमेश्‍वर यसो भन्‍नुहुन्छ: तिमीहरूका आँखाकै सामु र तिमीहरूकै समयमा यस ठाउँमा हर्ष र आनन्दको आवाज, दुलहा र दुलहीको सोर म बन्द गरिदिनेछु।
\p
\v 10 “जब तैँले यी मानिसहरूलाई यी सबै कुरा भन्‍नेछस्, र तिनीहरूले तँलाई सोध्नेछन्, ‘किन याहवेहले हाम्रो विरुद्धमा यति ठूलो विपत्ति जारी गर्नुभएको छ? हामीले के अपराध गरेका छौँ र? हामीले याहवेह हाम्रा परमेश्‍वरको विरुद्धमा के पाप गरेका छौँ र?’ 
\v 11 तब तिनीहरूलाई भन्, ‘किनभने तिमीहरूका पितापुर्खाहरूले मलाई त्यागेर अरू देवताहरूको पछि लागे; अनि तिनीहरूको सेवा गरे र तिनीहरूको पूजा गरे। तिनीहरूले मलाई त्यागे र मेरो व्यवस्थालाई पनि पालन गरेनन्। 
\v 12 तर तिमीहरू त तिमीहरूका पितापुर्खाहरूभन्दा बढी दुष्‍ट हृदयको हठीपनामा हिँडिरहेका छौ। 
\v 13 यसकारण म तिमीहरूलाई यस देशबाट निकालेर तिमीहरू र तिमीहरूका पितापुर्खाहरूले नचिनेको देशमा फ्याँकिदिनेछु; अनि तिमीहरूले त्यहाँ दिनरात अरू देवताहरूको सेवा गर्नेछौ; किनकि म तिमीहरूमाथि कुनै दया देखाउनेछैन।’
\p
\v 14 “यसकारण हेर, दिनहरू आउँदैछन्,” याहवेह घोषणा गर्नुहुन्छ, “जब मानिसहरूले फेरि यसो भनेर शपथ खानेछैनन्, ‘निश्‍चय नै जीवित याहवेहको नाममा, जसले इस्राएलीहरूलाई इजिप्टबाट निकालेर ल्याउनुभयो।’ 
\v 15 तर तिनीहरूले यसो भन्‍नेछन्, ‘निश्‍चय नै जीवित याहवेहको नाममा, जसले इस्राएलीहरूलाई उत्तरको देशबाट र उहाँले तिनीहरूलाई निर्वासनमा पठाउनुभएका सबै सहरहरूबाट निकालेर ल्याउनुभयो।’ किनकि मैले तिनीहरूका पितापुर्खाहरूलाई दिएको देशमा म तिनीहरूलाई पुनर्स्थापित गर्नेछु।
\p
\v 16 याहवेह घोषणा गर्नुहुन्छ, “तर अब हेर, म धेरै जालहारीहरूलाई पठाउनेछु, र तिनीहरूले मानिसहरूलाई पक्रनेछन्। त्यसपछि म धेरै शिकारीहरूलाई पठाउनेछु; अनि तिनीहरूले मानिसहरूलाई प्रत्येक अग्ला पर्वत, पहाड र चट्टानका ओडारहरूबाट खोजेर निकाल्नेछन्। 
\v 17 तिनीहरूका हरेक मार्गहरूमाथि मेरो दृष्‍टि छ; तिनीहरूका गतिविधिहरू मबाट लुकेका छैनन्, न त तिनीहरूका अपराधहरू मेरा आँखाबाट लुकेका छन्। 
\v 18 म तिनीहरूका दुष्‍टता र तिनीहरूका अपराधका निम्ति दोबर दण्ड दिनेछु; किनकि तिनीहरूले मेरो देशलाई तिनीहरूका घृणित मूर्तिहरूका निर्जीव आकृतिहरूले अशुद्ध पारेका छन्, र मेरो उत्तराधिकारको देशलाई आफ्ना घिनलाग्दा मूर्तिहरूले भरिदिएका छन्।”
\q1
\v 19 हे याहवेह, मेरो बल र मेरो किल्‍ला,
\q2 दुःखको दिनमा मेरो शरणस्थान,
\q1 पृथ्वीका कुना कुनाबाट जातिहरू
\q2 तपाईंकहाँ आएर भन्‍नेछन्,
\q1 “हाम्रा पितापुर्खाहरूले झूटा देवताहरूबाहेक केही अधिकार गरेनन्;
\q2 यस्ता काम नलाग्ने मूर्तिहरू, जसले तिनीहरूलाई केही फाइदा भएन।
\q1
\v 20 के मानिसहरूले आफ्ना निम्ति देवी-देवताहरू आफैँ बनाउँछन् र?
\q2 अँ! बनाउँछन्, तर तिनीहरू त ईश्‍वरहरू नै होइनन्!”
\b
\q1
\v 21 “यसकारण म तिनीहरूलाई सिकाउनेछु;
\q2 यस पटक म तिनीहरूलाई
\q2 मेरो शक्ति र महानता देखाउनेछु।
\q1 तब मेरो नाम याहवेह हो
\q2 भनी तिनीहरूले जान्‍नेछन्।
\b
\c 17
\q1
\v 1 “यहूदाका पापहरू फलामका हतियारले खोपिएका छन्;
\q2 चकमके ढुङ्गाको टुप्पोले
\q1 तिनीहरूका हृदयका पाटीमा
\q2 र तिनीहरूका वेदीहरूका सिङहरूमा खोपिएका छन्।
\q1
\v 2 तिनीहरूका छोराछोरीहरूले पनि
\q2 झाँगिएका रूखहरू
\q1 र अग्ला डाँडाहरूका छेउमा भएका
\q2 अशेराका खम्बाहरू\f + \fr 17:2 \fr*\ft अर्थात्, काठमा बनाइएका अशेरा देवीका आकृतिहरू\ft*\f* र वेदीहरूको सम्झना गर्छन्।
\q1
\v 3 देशभरि नै तिमीहरूले गरेका आफ्ना पापको कारण
\q2 म यस देशमा भएको मेरो पर्वत,
\q1 तिमीहरूका धनसम्पत्ति र तिमीहरूका सबै भण्डारहरू
\q2 साथै तिमीहरूका अग्ला ठाउँहरूसमेत
\q2 सबै लुटको मालझैँ म लान दिनेछु।
\q1
\v 4 तिमीहरूका आफ्नै गल्तीको कारण
\q2 मैले तिमीहरूलाई दिएको अधिकार गुमाउनेछौ।
\q1 तिमीहरूले नचिनेको देशमा
\q2 म तिमीहरूलाई तिमीहरूकै शत्रुहरूको दास बनाउनेछु;
\q1 किनकि तिमीहरूले मेरो रिसलाई दन्काएका छौ;
\q2 अनि यो सधैँभरि जलिरहनेछ।”
\p
\v 5 याहवेह यसो भन्‍नुहुन्छ:
\q1 “श्रापित होस् त्यो मानिस, जसले मानिसमाथि भरोसा राख्छ,
\q2 जो आफ्नो शारीरिक शक्तिमा भर पर्छ;
\q2 अनि जसको हृदय याहवेहबाट तर्किएर जान्छ।
\q1
\v 6 त्यो मानिस उजाड ठाउँमा भएको झाडीजस्तै हुनेछ;
\q2 समृद्धि हुँदा तिनीहरूले त्यो देख्नेछैनन्।
\q1 तिनीहरू मरुभूमिका सुक्खा ठाउँहरूमा,
\q2 कोही पनि नबस्‍ने नुनिलो भूमिमा बसोबास गर्नेछन्।
\b
\q1
\v 7 “धन्य हो त्यो मानिस, जसले याहवेहमा भरोसा राख्दछ,
\q2 जसको भरोसा उहाँमाथि हुन्छ।
\q1
\v 8 तिनीहरू पानीको छेउमा रोपिएको रूखजस्तै हुनेछन्,
\q2 जसका जराहरू खोलासम्म फैलिएका हुन्छन्।
\q1 गर्मीका दिनहरू आउँदा पनि त्यसलाई डर हुँदैन;
\q2 त्यसका पातहरू सधैँभरि हरिया रहन्छन्।
\q1 खडेरीको वर्षमा त्यसलाई कुनै फिक्री हुँदैन,
\q2 र त्यसले फल फलाउन कहिल्यै छोड्दैन।”
\b
\q1
\v 9 मानिसको हृदय सबैभन्दा छली हुन्छ,
\q2 र यो निको हुन नसक्ने किसिमको छ।
\q2 हृदयलाई कसले बुझ्न सक्छ र?
\b
\q1
\v 10 “म याहवेहले हृदयको खोजी गर्छु,
\q2 र मनको जाँच गर्छु,
\q1 मानिसहरूलाई तिनीहरूका जीवनका चालअनुसार
\q2 र तिनीहरूका कामअनुसार प्रतिफल दिनेछु।”
\b
\q1
\v 11 बेइमानीसाथ धन कमाउने मानिस
\q2 आफूले नपारेको अण्डामा ओथ्रा बसेर चल्‍ला काढ्ने तित्रा चराजस्तै हुन्छ।
\q1 जब तिनीहरूको आधा उमेर बितेर जान्छ,
\q2 तब तिनीहरूको धनसम्पत्तिले तिनीहरूको साथ छोड्नेछ;
\q1 अनि अन्त्यमा तिनीहरू मूर्ख ठहरिनेछन्।
\b
\q1
\v 12 सुरुदेखिकै उच्‍च पारिएको तपाईंको महिमित सिंहासन,
\q2 हाम्रो पवित्रस्थानको ठाउँ हो।
\q1
\v 13 हे याहवेह, इस्राएलका आशा तपाईं नै हुनुहुन्छ;
\q2 तपाईंलाई त्याग्नेहरू सबै लाजमा पर्नेछन्।
\q1 तपाईंबाट तर्किएर जानेहरूको नाम धुलोमा लेखिनेछन्;
\q2 किनकि तिनीहरूले याहवेह,
\q2 जीवित पानीका मूललाई त्यागेका छन्।
\b
\q1
\v 14 मलाई निको पार्नुहोस्, हे याहवेह, र म निको हुनेछु;
\q2 मलाई बचाउनुहोस्, र म बाँच्नेछु;
\q2 किनकि तपाईं मात्र हुनुहुन्छ, जसको म प्रशंसा गर्दछु।
\q1
\v 15 हेर्नुहोस्, मानिसहरूले मलाई भनिरहन्छन्,
\q2 “याहवेहको वचन कहाँ छ?
\q2 तपाईंको वचन अहिले नै पूरा भइजाओस्!”
\q1
\v 16 म तपाईंको सेवामा गोठालो हुनदेखि भागेर गएको छैन;
\q2 तपाईंलाई थाहा छ, मैले निराशको दिन चाहेको छैन।
\q2 मेरा ओठबाट निस्केका सबै कुरा तपाईंकै सामु छन्।
\q1
\v 17 तपाईं मेरो त्रासको कारण नबन्‍नुहोस्;
\q2 मेरो विपत्तिको दिनमा तपाईं नै मेरो शरणस्थान हुनुहुन्छ।
\q1
\v 18 मलाई सताउनेहरू शर्ममा परून्,
\q2 तर मलाईचाहिँ शर्ममा पर्नबाट जोगाउनुहोस्;
\q1 तिनीहरू त्रसित होऊन्,
\q2 तर मलाई त्रासबाट जोगाउनुहोस्।
\q1 तिनीहरूमाथि विपत्तिको दिन ल्याइदिनुहोस्;
\q2 तिनीहरूलाई दोबर विपत्तिले सर्वनाश गर्नुहोस्।
\s1 शब्बाथ दिन पवित्र राख
\p
\v 19 याहवेहले मलाई यसो भन्‍नुभयो: “जा, र यहूदाका राजाहरू भित्र र बाहिर गर्ने सेनाहरूको मूलढोकामा उभी; यरूशलेमका अरू सबै मूलढोकाहरूमा पनि उभी। 
\v 20 तिनीहरूलाई भन्, ‘हे यहूदाका राजाहरू र यहूदाका सबै मानिसहरू र यी मूलढोकाहरूबाट आउने यरूशलेमका सबै बासिन्दाहरू हो, याहवेहको वचन सुन। 
\v 21 याहवेह यसो भन्‍नुहुन्छ: शब्बाथ दिनमा कुनै भारी नबोक अथवा भारी बोकेर यरूशलेमका मूलढोकाहरू भित्र नल्याओ, यो कुरा होसियारीसाथ पालन गर। 
\v 22 शब्बाथ दिनमा कुनै भारी तिमीहरूका घरबाट बाहिर ननिकाल अथवा शब्बाथ दिनमा कुनै काम नगर; अनि मैले तिमीहरूका पितापुर्खाहरूलाई आज्ञा गरेझैँ शब्बाथ दिनलाई पवित्र राख। 
\v 23 तर तिनीहरूले यो कुरा सुनेनन् अथवा ध्यानै दिएनन्; तिनीहरू हठी थिए र तिनीहरूले न सुन्‍न चाहे न त अनुशासनमा नै ध्यान दिए। 
\v 24 याहवेह भन्‍नुहुन्छ, तर यदि तिमीहरूले मेरा आज्ञाहरू पालन गर्‍यौ भने, र शब्बाथ दिनमा यस सहरका मूलढोकाहरूबाट कुनै भारी ल्याएनौ र कुनै काम नगरी शब्बाथ दिनलाई पवित्र मान्यौ भने, 
\v 25 तब दावीदका सिंहासनमा बस्‍ने राजाहरू, यस सहरका मूलढोकाहरूबाट तिनीहरूका अधिकारीहरूसँग आउनेछन्। राजाहरू र तिनीहरूका अधिकारीहरू घोडाहरू र रथहरूमा सवार भएर यहूदा र यरूशलेमका मानिसहरूसहित आउनेछन्; अनि तिनीहरू यो यरूशलेम सहरमा सधैँका निम्ति बसोबास गर्नेछन्। 
\v 26 मानिसहरू यहूदाका सहरहरूबाट र यरूशलेमका वरिपरिका गाउँहरूबाट, बेन्यामीनका प्रान्तहरू र पश्‍चिमी तराई बेँसीहरूबाट, पहाडी मुलुक र दक्षिणबाट होमबलि र बलिदानहरू, अन्‍नबलिहरू, धूप र धन्यवादका भेटीहरू लिएर याहवेहको भवनमा आउनेछन्। 
\v 27 तर यदि तिमीहरू शब्बाथ दिनमा यरूशलेमका मूलढोकाहरूभित्र आउँदा, भारी बोक्यौ र शब्बाथ दिनलाई पवित्र राख्ने मेरो आज्ञापालन गरेनौ भने म यरूशलेमका मूलढोकाहरूमा निभाउन नसकिने आगो सल्काइदिनेछु, त्यस आगोले त्यसका किल्‍लाहरू भस्म पारिदिनेछ।’ ”
\c 18
\s1 कुमालेको घरमा
\p
\v 1 यर्मियाकहाँ आएको याहवेहको वचन यही हो: 
\v 2 “तल कुमालेको घरमा जा, र त्यहाँ म तँलाई मेरो सन्देश दिनेछु।” 
\v 3 यसकारण म कुमालेको घरमा गएँ; अनि मैले उसलाई आफ्नो चक्‍कामा काम गरिरहेको देखेँ। 
\v 4 तर उसले बनाइरहेको भाँडा, उसको हातमा बिग्रियो; यसकारण त्यस कुमालेले त्यसबाट आफूलाई मन लागेअनुसार फेरि त्यस्तै अर्को भाँडा बनायो।
\p
\v 5 तब याहवेहको वचन मकहाँ आयो। 
\v 6 उहाँले भन्‍नुभयो, “हे इस्राएलको घराना, यस कुमालेले माटोलाई गरेझैँ के म तँलाई गर्न सक्दिनँ र?” याहवेह घोषणा गर्नुहुन्छ। “सुन्, कुमालेको हातमा भएको माटोझैँ तँ इस्राएल पनि मेरो हातमा छस्; मलाई जे गर्न मन लाग्छ, तँसँग त्यस्तै गर्न सक्छु। 
\v 7 यदि कुनै समयमा मैले कुनै राष्ट्र अथवा राज्यलाई उखेलिदिन्छु; पतन र नाश गरिदिन्छु भनी घोषणा गरुँला, 
\v 8 तर यदि मैले चेतावनी दिएको त्यो राष्ट्रले आफ्नो दुष्‍ट कामबाट पश्‍चात्ताप गर्‍यो भने म मेरो मन बदल्नेछु र मैले त्यसमाथि विचार गरेको विपत्ति ल्याउनेछैनँ। 
\v 9 अनि अर्को समयमा कुनै राष्ट्र अथवा राज्यलाई पुनर्निर्माण र पुनर्स्थापित हुनेछ भनेर मैले घोषणा गरुँला, 
\v 10 तर यदि त्यस राष्ट्रले मेरो दृष्‍टिमा दुष्‍टता गर्छ र मेरो आज्ञापालन गर्दैन भने, तब मैले त्यसका निम्ति भलाइ गर्न चाहेको योजनामा म पुनर्विचार गर्नेछु।
\p
\v 11 “यसकारण अब यहूदाका मानिसहरू र यरूशलेममा बसोबास गर्ने मानिसहरूलाई भन्, ‘याहवेह यसो भन्‍नुहुन्छ: हेर! म तिमीहरूका निम्ति विपत्ति तयार गरिरहेछु, र तिमीहरूका विरुद्धमा योजना बनाउँदैछु। यसकारण तिमीहरू हरेक आफ्नो दुष्‍ट कामबाट फर्क; अनि तिमीहरूका चालहरू र तिमीहरूका कामहरू सुधार।’ 
\v 12 तर तिनीहरूले जवाफ दिनेछन्, ‘हामीलाई कुनै फाइदा छैन। हामी हाम्रा आफ्नै युक्तिमा लागिरहनेछौँ; हामी सबै आफ्नै हृदयको हठीपनाको पछि लागिरहनेछौ।’ ”
\b
\p
\v 13 यसकारण याहवेह यसो भन्‍नुहुन्छ:
\q1 “राष्ट्र-राष्ट्रहरूकहाँ गएर सोधपुछ गर:
\q2 कसैले यस्तो कुरा कुनै दिन सुनेको छ?
\q1 कुमारी इस्राएलले
\q2 अति घृणित वा डरलाग्दो काम गरेकी छे।
\q1
\v 14 के लेबनानको चट्टानी भिरमा
\q2 कहिल्यै हिउँ बिलाउँछ र?
\q1 के टाढाको मुहानबाट आएको चट्टानको चिसो पानी
\q2 कहिल्यै बग्न छोड्छ र?
\q1
\v 15 तर मेरा मानिसहरूले मलाई बिर्सेका छन्;
\q2 तिनीहरू काम नलाग्ने मूर्तिहरूलाई धूप बाल्छन्,
\q1 जसले तिनीहरूलाई तिनीहरूका मार्गहरूमा
\q2 र तिनीहरूका पुराना मार्गहरूमा ठेस लाग्ने तुल्याएका छन्।
\q1 ती मूर्तिहरूले मानिसहरूलाई अप्ठ्यारा गोरेटोहरूमा
\q2 र नबनाइएका बाटोहरूमा हिँडाएका छन्।
\q1
\v 16 तिनीहरूको देश उजाड पारिनेछ,
\q2 र त्यो सदासर्वदा हाँसोको पात्र बन्‍नेछ;
\q1 त्यसबाट भएर हिँड्ने सबै तर्सनेछन्,
\q2 र तिनीहरूले आफ्ना टाउको हल्‍लाउनेछन्।
\q1
\v 17 पूर्वबाट आएको बतासझैँ,
\q2 म तिनीहरूलाई तिनीहरूका शत्रुहरूबीच छरपस्ट पारिदिनेछु;
\q1 तिनीहरूका विपत्तिका दिनहरूमा
\q2 म तिनीहरूतिर आफ्नो अनुहार होइन, तर आफ्नो पिठिउँ फर्काइदिनेछु।”
\p
\v 18 तिनीहरूले भने; “आओ, हामी यर्मियाको विरुद्धमा योजना बनाऔँ; किनकि न पुजारीद्वारा सिकाइने व्यवस्था न त बुद्धिमान्‌को सल्‍लाह, न त अगमवक्ताहरूबाट आउने वचनको नै अभाव हुनेछ। यसैले आओ हामी त्यसको विरुद्धमा युक्ति रचौँ, र त्यसले भनेको कुनै पनि कुरामा ध्यान नदिऔँ।”
\q1
\v 19 हे याहवेह, मेरा कुरामा ध्यान दिनुहोस्;
\q2 मेरा शत्रुहरूले के भनिरहेका छन्, सो कुरा सुन्‍नुहोस्!
\q1
\v 20 के भलाइको सट्टा खराबी गरिन्छ?
\q2 तर तिनीहरूले त मेरो निम्ति एउटा खाडल खनेका छन्।
\q1 म तपाईंको सामु उभिएर,
\q2 तिनीहरूबाट तपाईंको क्रोध हटाउनलाई
\q2 तिनीहरूको पक्षमा मैले तपाईंको सामु बिन्ती गरेको कुरा स्मरण गर्नुहोस्।
\q1
\v 21 यसकारण तिनीहरूका छोराछोरीहरूलाई अनिकालमा सुम्पिदिनुहोस्;
\q2 तिनीहरूलाई तरवारको शक्तिमा सुम्पिदिनुहोस्।
\q1 तिनीहरूका पत्नीहरू निःसन्तान र विधवा होऊन्;
\q2 तिनीहरूका मानिसहरू लडाइँमा मारिऊन्;
\q2 तिनीहरूका जवान मानिसहरू लडाइँमा तरवारद्वारा मारिऊन्।
\q1
\v 22 जब तपाईंले तिनीहरूको विरुद्धमा अचानक आक्रमण गर्नेहरू ल्याउनुहुन्छ,
\q2 तिनीहरूका घरहरूबाट चीत्कारको सोर सुनियोस्;
\q1 किनकि तिनीहरूले मलाई फसाउन एउटा खाडल खनेका छन्;
\q2 अनि मेरा खुट्टाहरूका निम्ति पासो थापेका छन्।
\q1
\v 23 तर हे याहवेह,
\q2 मलाई मार्ने तिनीहरूका सबै षड्यन्त्रहरू तपाईंलाई थाहा छ।
\q1 तिनीहरूका अपराधहरू क्षमा नगर्नुहोस्,
\q2 अथवा तपाईंको दृष्‍टिबाट तिनीहरूका पापहरू नमेटाउनुहोस्।
\q1 तिनीहरू तपाईंको सामु परास्त होऊन्;
\q2 तपाईंको क्रोधमा तिनीहरूसित उचित व्यवहार गर्नुहोस्।
\c 19
\p
\v 1 याहवेह यसो भन्‍नुहुन्छ: “तँ कुमालेकहाँ गएर माटोको एउटा भाँडो किन्। त्यसपछि मानिसहरूका पुजारीहरू र केही अगुवाहरू आफूसँग लिएर, 
\v 2 खपटाका मूलढोकाको नजिक भएको बेन-हिन्‍नोमको बेँसीमा जा। अनि मैले तँलाई भनेका वचनहरू त्यहाँ घोषणा गर्; 
\v 3 अनि यसो भन्, ‘हे यहूदाका राजाहरू र यरूशलेमका मानिसहरू हो, याहवेहको वचन सुन। सेनाहरूका याहवेह, इस्राएलका परमेश्‍वर यसो भन्‍नुहुन्छ: सुन! म यस ठाउँमा विपत्ति ल्याउनेछु, जसको बारेमा सुन्‍ने हरेकको कान झनझनाउनेछ। 
\v 4 किनकि तिनीहरूले मलाई त्यागेका छन् र यो ठाउँलाई विदेशी देवताहरूको ठाउँ बनाएका छन्; तिनीहरूले यस ठाउँमा देवताहरूलाई धूप बालेका छन्, जसलाई न तिनीहरूले, न तिनीहरूका पितापुर्खाहरूले, न त यहूदाका राजाहरूले कहिल्यै चिनेका थिए; अनि तिनीहरूले यस ठाउँलाई निर्दोष मानिसहरूका रगतले भरिदिएका छन्। 
\v 5 तिनीहरूले आफ्ना छोराछोरीहरू बाल-देवताको आगोमा बलिदान चढाउनलाई देवस्थानहरूमा बाल देवताका थानहरू बनाएका छन्, जुन कुरा मैले कहिल्यै आज्ञा दिएको थिइनँ, अथवा बताएको थिइनँ, न त यो कुरा कहिल्यै मेरो मनमै आएको थियो।’ 
\v 6 यसकारण होसियार रहो, याहवेह भन्‍नुहुन्छ, यस्ता दिनहरू आउँदैछन्, जब मानिसहरूले यस ठाउँलाई फेरि तोपेत अथवा बेन-हिन्‍नोमको बेँसी भन्‍नेछैनन्, तर हत्याको बेँसी भन्‍नेछन्।
\p
\v 7 “ ‘यस ठाउँमा म यहूदा र यरूशलेमका युक्तिहरू विफल पारिदिनेछु। म तिनीहरूलाई मार्न चाहने तिनीहरूका शत्रुहरूको तरवारको सामु राखिदिनेछु; अनि म तिनीहरूका मृत शरीरलाई आकाशका चराहरू र जमिनका पशुहरूको आहाराको निम्ति दिनेछु। 
\v 8 म यस सहरलाई ध्वस्त पार्नेछु र खिसीको पात्र बनाइदिनेछु; त्यसका सबै चोटहरूको कारण त्यसबाट भएर जाने सबै तर्सनेछन् र त्यसलाई गिल्‍ला गर्नेछन्। 
\v 9 म तिनीहरूलाई आफ्ना छोराछोरीहरूको मासु खान लाउनेछु; अनि तिनीहरूले एक-अर्काको मासु समेत खानेछन्; किनभने तिनीहरूका शत्रुहरूले तिनीहरूलाई नाश गर्नलाई घेरा हालेर धेरै कष्‍ट दिनेछन्।’
\p
\v 10 “त्यसपछि तँसित जाने मानिसहरूका सामु त्यो भाँडो फुटाइदिनू; 
\v 11 अनि तिनीहरूलाई भन्, ‘सेनाहरूका याहवेह यसो भन्‍नुहुन्छ: जसरी कुमालेले यस भाँडोलाई फुटाएपछि यो फेरि जोडिन सक्दैन, त्यसरी नै म यस जाति र यरूशलेम सहरलाई फेरि नजोडिने गरी टुक्रा-टुक्रा पारिदिनेछु। तिनीहरूले तोपेतमा कुनै ठाउँ नै नरहने गरी लासलाई गाड्नेछन्। 
\v 12 म यरूशलेम र यहाँ बस्‍ने मानिसहरूलाई यस्तै गर्नेछु, याहवेह घोषणा गर्नुहुन्छ। यस सहरलाई म तोपेतजस्तै बनाउनेछु। 
\v 13 यरूशलेमका घरहरू र यहूदाका राजाहरूका घरहरू तोपेतझैँ अशुद्ध पारिनेछन्, अर्थात् ती सबै घरहरू, जसमा तिनीहरूले आकाशका सारा तारामण्डलका निम्ति छानामा धूप बाले, र अरू आकाशको देवताहरूका निम्ति अर्घबलिहरू चढाए।’ ”
\p
\v 14 त्यसपछि यर्मिया तोपेतबाट फर्के, जहाँ तिनलाई याहवेहले अगमवाणी भन्‍न पठाउनुभएको थियो; अनि याहवेहको मन्दिरको चोकमा उभिए र सबै मानिसहरूलाई भने, 
\v 15 “सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘सुन! म यो सहर र यसका चारैतिरका गाउँहरूमा मैले तिनीहरूको विरुद्धमा घोषणा गरेको हरेक विपत्ति ल्याउन लागेको छु; किनकि तिनीहरू ढीट भएका छन् र मेरो वचन पालन गरेका छैनन्।’ ”
\c 20
\s1 यर्मिया र पशहूर
\p
\v 1 जब इम्मेरका छोरा पुजारी पशहूर याहवेहको भवनका मुख्य अधिकारी थिए, तब यर्मियाले यी कुराहरू अगमवाणी गरिरहेका सुने; 
\v 2 तिनले अगमवक्ता यर्मियालाई पिटे र ठिँगुरोमा हालेर याहवेहको मन्दिरमा बेन्यामीनको माथिल्‍लो मूलढोकामा राख्न लगाए। 
\v 3 भोलिपल्ट बिहान, जब पशहूरले तिनलाई ठिँगुरोबाट निकाले, तब यर्मियाले तिनलाई भने, “याहवेहले तिम्रो नाम पशहूर होइन, तर मागोर-मिसाबीब\f + \fr 20:3 \fr*\ft मूल भाषामा यसको अर्थ \ft*\fqa चारैतिर आतङ्क\fqa*\f* राख्नुभएको छ। 
\v 4 किनकि याहवेह यसो भन्‍नुहुन्छ: ‘म तँलाई तेरै निम्ति र तेरा सबै साथीहरूका निम्ति त्रसित तुल्याउनेछु। तेरा आफ्नै आँखाले तिनीहरूलाई तिनीहरूका शत्रुहरूका तरवारले मारेको देख्नेछस्। म समस्त यहूदालाई बेबिलोनको राजाको हातमा सुम्पिदिनेछु, जसले तिनीहरूलाई बेबिलोनमा लैजानेछन् र तरवारले मार्नेछन्। 
\v 5 म यरूशलेम सहरको सबै धनसम्पत्ति तिनीहरूका शत्रुहरूका हातमा सुम्पिदिनेछु, अर्थात् यस सहरका सबै फसल, सहरका सबै बहुमूल्य चीजहरू र यहूदाका राजाहरूका सबै भण्डारहरू शत्रुहरूलाई सुम्पिदिनेछु। तिनीहरूले सबै कुराहरूलाई लुटका मालसामानहरूजस्तै बेबिलोनमा लिएर जानेछन्। 
\v 6 अनि हे पशहूर, तँ र तेरो घरमा बस्‍ने सबै परिवारचाहिँ देशबाट निकालिएर बेबिलोनको कैदमा जानेछौ। तँ र तेरा सबै साथीहरू मर्नेछौ र त्यहीँ गाडिनेछौ, जसलाई तैँले झूटो अगमवाणी गरेको थिइस्।’ ”
\s1 यर्मियाको गुनासो
\q1
\v 7 हे याहवेह, तपाईंले मलाई धोका दिनुभयो, र म धोकामा परेँ;
\q2 तपाईंले मलाई जित्नुभयो, किनकि तपाईं मभन्दा बलियो हुनुहुन्छ।
\q1 दिनभरि नै म हाँसोको पात्र बनेको छु;
\q2 सबैले मलाई गिल्‍ला गर्छन्।
\q1
\v 8 जब-जब म बोल्छु,
\q2 तब-तब हिंसा र विनाश हुनेछ भनी घोषणा गर्दै चिच्याउँछु।
\q1 यसकारण दिनभरि नै याहवेहको वचनले
\q2 मेरा निम्ति अपमान ल्याएको छ।
\q1
\v 9 तर यदि मैले, “म उहाँको वचन भन्दिनँ
\q2 अथवा उहाँको नाममा अबदेखि बोल्दिनँ” भनी भन्छु भने,
\q1 उहाँको वचन मेरो हृदयमा आगोजस्तै,
\q2 अथवा मेरा हड्डीहरूभित्र बन्द गरेको आगोजस्तै हुन्छ।
\q1 मैले वचनलाई भित्र रोकिराखेको कारण थकित भएको छु;
\q2 वास्तवमा म यो थाम्नै सक्दिनँ।
\q1
\v 10 धेरैले कानेखुसी गरेको म सुन्दछु,
\q2 “त्रास चारैतिर छ!
\q2 त्यसको निन्दा गरौँ! त्यसको विरुद्धमा खबर गरौँ!”
\q1 मेरा सबै मित्रहरू
\q2 यसो भन्दै मेरो पतन पर्खिरहेका छन्,
\q1 “सायद त्यसले धोका खानेछ;
\q2 तब हामी ऊमाथि विजयी हुनेछौँ,
\q2 र हामी त्यसमाथि आफ्नो बदला लिनेछौँ।”
\b
\q1
\v 11 तर याहवेह मसँग एक शक्तिशाली योद्धाझैँ हुनुहुन्छ;
\q2 यसकारण मलाई सताउनेहरूले ठेस खाएर लड्नेछन्।
\q1 तिनीहरू असफल हुनेछन् र अति लाजमा पर्नेछन्;
\q2 तिनीहरूका अपमान कहिल्यै पनि बिर्सिइनेछैन।
\q1
\v 12 हे सेनाहरूका याहवेह, तपाईं धर्मी जनहरूलाई जाँच्नुहुन्छ;
\q2 अनि हृदय र अन्तस्करण जान्‍नुहुन्छ,
\q1 तपाईंले तिनीहरूमाथि लिनुहुने बदला हेर्न पाऊँ;
\q2 किनकि मैले मेरो मुद्दा तपाईंलाई सुम्पिदिएको छु।
\b
\q1
\v 13 याहवेहको स्तुति गाओ!
\q2 याहवेहको प्रशंसा गर!
\q1 उहाँले गरिब मानिसहरूका प्राणलाई
\q2 दुष्‍टहरूका हातबाट छुटाउनुभएको छ।
\b
\q1
\v 14 म जन्मेको दिन श्रापित होस्!
\q2 मेरी आमाले मलाई जन्म दिनुभएको दिन आशिषित नहोस्!
\q1
\v 15 त्यो मानिस श्रापित होस्, जसले मेरो बुबाकहाँ यो खबर ल्यायो,
\q2 जसले तिनलाई “तपाईंको एउटा बालक, अर्थात् छोरा जन्मेको छ!”
\q2 भन्‍ने खबरले अति खुशी तुल्यायो।
\q1
\v 16 त्यो मानिस याहवेहले दया नगरी
\q2 नष्‍ट गरिदिनुभएका ती सहरहरूजस्तै होस्।
\q1 त्यस मानिसले बिहान विलाप
\q2 र दिउँसो लडाइँको सोर सुनोस्।
\q1
\v 17 किनकि त्यसले मलाई गर्भमा छँदै मारेन,
\q2 नत्रता मेरी आमाको गर्भ नै मेरो चिहान हुनेथियो;
\q2 अनि म सधैँका निम्ति उहाँकै कोखमा रहने थिएँ।
\q1
\v 18 सङ्कष्‍ट र दुःख देख्न
\q2 र अन्त्यमा शर्ममा परेर मर्नलाई
\q2 म किन गर्भबाट बाहिर आएँ?
\c 21
\s1 परमेश्‍वरले सिदकियाहको बिन्ती अस्वीकार गर्नुभएको
\p
\v 1 याहवेहको यो वचन यर्मियाकहाँ त्यस बेला आयो, जब राजा सिदकियाहले मल्कियाहका छोरा पशहूर र मासेयाहका छोरा पुजारी सपन्याहलाई यर्मियाकहाँ पठाएका थिए। तिनीहरूले भने: 
\v 2 “बेबिलोनका राजा नबूकदनेसर हामीलाई आक्रमण गर्न आउँदैछन्; त्यसैले याहवेहसँग हाम्रा निम्ति सोधखोज गरिदिनुहोस्। सायद याहवेहले बितेका समयमा गरेझैँ, हाम्रा निम्ति अद्‌भुत कार्यहरू गर्नुहुनेछ, र नबूकदनेसर हामीबाट फिर्ता जानेछन्।”
\p
\v 3 तर यर्मियाले तिनीहरूलाई जवाफ दिए, “सिदकियाहलाई भन, 
\v 4 ‘याहवेह इस्राएलका परमेश्‍वर यसो भन्‍नुहुन्छ: तिमीहरूका हातमा जुन हतियारहरू छन्, जसद्वारा पर्खालबाहिर तिमीहरूलाई घेरा हाल्ने बेबिलोनको राजा र बेबिलोनीहरूको विरुद्धमा तिमीहरू लडाइँ लड्छौ, ती हतियारहरूलाई तिमीहरूकै विरुद्धमा म फर्काउन लागेको छु। अब म तिनीहरूलाई यस सहरभित्र भेला गराउनेछु। 
\v 5 मेरो आफ्नै पसारिएको हात र शक्तिशाली पाखुराले भयानक रिस र प्रचण्ड क्रोधमा तिमीहरूको विरुद्धमा लडाइँ गर्नेछु। 
\v 6 म यस सहरमा बस्‍नेहरू: के मानिसहरू, के पशुहरू दुवैलाई प्रहार गर्नेछु; अनि तिनीहरू भयानक रूढीले मर्नेछन्। 
\v 7 त्यसपछि याहवेह घोषणा गर्नुहुन्छ, यहूदाका राजा सिदकियाह, त्यसका अधिकारीहरू र यस सहरका सबै मानिसहरू, जो विपत्ति, तरवार र अनिकालबाट बाँच्नेछन्, म तिनीहरूलाई बेबिलोनका राजा नबूकदनेसर र तिनीहरूका शत्रुहरूकहाँ सुम्पिदिनेछु। शत्रुहरूले तिनीहरूलाई तरवारले मार्नेछन्। यी मानिसहरूले तिनीहरूलाई कुनै दया, माया र करुणा देखाउनेछैनन्।’
\p
\v 8 “यी मानिसहरूलाई अझै भन्, ‘याहवेह यसो भन्‍नुहुन्छ: हेर, म तिमीहरूका निम्ति जीवनको बाटो र मृत्युको बाटो राख्दैछु। 
\v 9 यस सहरमा बस्‍ने सबै तरवार, अनिकाल र विपत्तिद्वारा मर्नेछन्। तर यस सहरबाट बाहिर निस्कने र तिमीहरूलाई घेरेर बसिरहेका बेबिलोनीहरूकहाँ आत्मसमर्पण गर्ने सबै बाँच्नेछन्। तिनीहरू आफ्नो ज्यान जोगाएर भाग्न सक्छन्। 
\v 10 मैले यस सहरलाई भलाइ होइन, तर हानि गर्ने निर्णय गरेको छु, याहवेह घोषणा गर्नुहुन्छ। यस सहरलाई बेबिलोनका राजा नबूकदनेसरको हातमा सुम्पिदिनेछु; अनि त्यसले यसलाई आगोले भस्म गर्नेछ।’
\p
\v 11 “यसबाहेक यहूदाको राजकीय घरानालाई यसो भन्, ‘याहवेहको वचन सुन! 
\v 12 हे दावीदका घराना, याहवेह तिमीहरूलाई यसो भन्‍नुहुन्छ:
\q1 “ ‘हरेक बिहान न्याय कायम गर;
\q2 जो लुटिएको छ,
\q2 त्यसलाई अत्याचारीहरूको हातबाट मुक्त गर्,
\q1 नत्रता तैँले गरेको दुष्‍ट कामको कारण
\q2 मेरो क्रोध आगोजस्तै दन्किनेछ;
\q2 अनि त्यसलाई निभाउने कोही पनि हुनेछैन।
\q1
\v 13 हे यरूशलेम, म तेरो विरुद्धमा छु;
\q2 तँ, जो यस बेँसीको उच्‍च
\q2 चट्टानमा बस्छस्, याहवेह घोषणा गर्नुहुन्छ,
\q1 तँ भन्छस् कि, “तेरो विरुद्धमा को आउनसक्छ र?
\q2 हाम्रो शरणस्थानमा को प्रवेश गर्न सक्छ?”
\q1
\v 14 म तिमीहरूका कामहरूको फलअनुसार तिमीहरूलाई दण्ड दिनेछु,
\q2 याहवेह घोषणा गर्नुहुन्छ।
\q1 म तिमीहरूका जङ्गलहरूमा आगो लगाइदिनेछु,
\q2 जसले तिमीहरूका चारैतिरका सबै थोकलाई भस्म पारिदिनेछ।’ ”
\c 22
\s1 दुष्‍ट राजाहरू विरुद्ध न्याय
\p
\v 1 याहवेह यसो भन्‍नुहुन्छ: “यहूदाका राजाको महलमा तल जा, र त्यहाँ यो वचन घोषणा गर्: 
\v 2 ‘हे यहूदाका राजा, याहवेहको वचन सुन्, तँ दावीदको सिंहासनमा विराजमान हुने राजा, तँ, तेरा अधिकारीहरू र यी मूलढोकाहरूबाट आउने यरूशलेमका सबै मानिसहरूले सुन्। 
\v 3 याहवेह यसो भन्‍नुहुन्छ: जे न्यायसङ्गत र उचित छ, त्यही गर। जो लुटिएको छ, त्यसलाई अत्याचारीहरूको हातबाट मुक्त गर। विदेशी, टुहुरा-टुहुरी, विधवामाथि कुनै हानि अथवा अन्याय र अत्याचार नगर; अनि यस ठाउँमा निर्दोष मानिसहरूको रगत नबगाओ। 
\v 4 किनकि यदि तिमीहरूले यी आज्ञाहरू होसियारीसाथ पालन गर्‍यौ भने दावीदको सिंहासनमा बस्‍ने राजाहरू, रथहरू र घोडाहरूमा सवार भएर तिनीहरूका अधिकारीहरू र तिनीहरूका प्रजाहरूका साथमा यस राजमहलका मूलढोकाहरूबाट प्रवेश गर्नेछन्। 
\v 5 तर यदि तिमीहरूले यी आज्ञाहरू पालन गरेनौ भने याहवेह घोषणा गर्नुहुन्छ, म आफ्नै शपथ खाएर भन्छु, यो महल ध्वस्त हुनेछ।’ ”
\p
\v 6 किनकि यहूदाको राजमहलको बारेमा याहवेह यसो भन्‍नुहुन्छ:
\q1 “तँ मेरा निम्ति गिलादझैँ
\q2 र लेबनानको टाकुराझैँ भए तापनि
\q1 निश्‍चय नै म तँलाई बसोबास नभएको निर्जन
\q2 सहरहरूजस्तै उजाड पार्नेछु।
\q1
\v 7 म तेरो विरुद्धमा विनाशकर्ताहरू पठाउनेछु,
\q2 हरेकले आ-आफ्नो हतियार लिएर आउनेछन्;
\q1 अनि तिनीहरूले तेरा असल देवदारुका काठका बीमहरू काट्नेछन्
\q2 र तिनीहरूलाई आगोमा फ्याँकिदिनेछन्।
\p
\v 8 “धेरै देशका मानिसहरू यस सहरबाट जानेछन् र आपसमा सोध्नेछन्, ‘यस महान् सहरलाई याहवेहले किन यस्तो डरलाग्दो व्यवहार गर्नुभएको होला?’ 
\v 9 अनि जवाफ यस्तो हुनेछ: ‘किनकि तिनीहरूले याहवेह, तिनीहरूका परमेश्‍वरको करार त्यागेका छन्, र तिनीहरूले अरू देवताहरूलाई मानेका छन् र सेवा गरेका छन्।’ ”
\q1
\v 10 मरिगएको राजाको निम्ति अथवा गइसकेका निम्ति शोक नगर;
\q2 बरु निर्वासनमा लगिएकाहरूका निम्ति विलाप गर;
\q1 किनकि त्यो फेरि फर्केर कहिल्यै आउनेछैन,
\q2 न त त्यसले आफ्नो जन्मभूमि फेरि देख्नेछ।
\m
\v 11 किनकि याहवेह यसो भन्‍नुहुन्छ, योशियाहका छोरा शल्‍लूम,\f + \fr 22:11 \fr*\ft अथवा \ft*\fqa यहोआहाज\fqa*\f* जो आफ्ना पितापछि यहूदाको राजा भएको थियो, तर ऊ यस ठाउँबाट गइसकेको छ: “त्यो कहिल्यै फर्केर आउनेछैन। 
\v 12 शत्रुहरूले त्यसलाई कैद गरेर लगेकै ठाउँमा त्यो मर्नेछ; त्यसले यस देशलाई फेरि कहिल्यै देख्नेछैन।”
\q1
\v 13 “धिक्‍कार त्यसलाई, जसले अधर्मले आफ्नो महल बनाउँछ,
\q2 जसले आफ्ना माथिल्‍ला कोठाहरू अन्यायले बनाउँछ;
\q1 आफ्ना देशवासीहरूलाई तिनीहरूका परिश्रमको
\q2 ज्याला नदिई सितैँमा काममा लगाउँछ।
\q1
\v 14 त्यसले भन्छ, ‘म आफ्ना निम्ति माथिल्‍लो तलामा
\q2 फराकिला कोठाहरू भएको एउटा ठूलो महल बनाउनेछु।’
\q1 यसकारण त्यसले त्यस घरमा ठूला झ्यालहरू बनाउँछ,
\q2 त्यसमा देवदारुका पल्‍लाहरू लगाउँछ;
\q2 अनि त्यसलाई रातो रङ्गले रङ्गाउँछ।
\b
\q1
\v 15 “के धेरै देवदारु बटुलेर महङ्गो घर बनाउँदैमा,
\q2 तँ राजा हुन्छस् र?
\q1 के तेरा पितासँग खाने र पिउने कुरो थिएन?
\q2 जे उचित र न्यायसङ्गत थियो, त्यसले त्यही गर्‍यो।
\q2 यसकारण त्यसलाई सबै कुरामा भलाइ नै भयो।
\q1
\v 16 त्यसले गरिब र खाँचोमा परेकाहरूको पक्ष लियो;
\q2 अनि त्यसको सबै कुरामा राम्रो भयो।
\q1 के मलाई चिन्‍नुको अर्थ त्यही नै होइन र?”
\q2 याहवेह घोषणा गर्नुहुन्छ।
\q1
\v 17 “तर तेरा आँखा र तेरा हृदय
\q2 त बेइमानीसाथ कमाउनेतिर,
\q1 निर्दोष मानिसहरूको रगत बहाउनेतिर;
\q2 अनि अत्याचार र हिंसातिर लागेका छन्।”
\m
\v 18 यसकारण योशियाहका छोरा, यहूदाका राजा यहोयाकीमको बारेमा याहवेह यसो भन्‍नुहुन्छ:
\q1 “तिनीहरू त्यसका निम्ति शोक गर्नेछैनन्;
\q2 ‘हाय, मेरा दाजु, हाय, मेरी बहिनी!’ भन्‍नेछैनन्।
\q1 तिनीहरू त्यसका निम्ति शोक गर्नेछैनन्:
\q2 ‘हाय, मेरा मालिक, हाय, उहाँको गौरव!’ भन्‍नेछैनन्।
\q1
\v 19 त्यसको दफन गधाको जस्तै हुनेछ;
\q2 त्यसलाई घिस्याउँदै लगेर
\q2 यरूशलेमको मूलढोकाको बाहिर फ्याँकिदिनेछन्।”
\b
\q1
\v 20 “उक्लेर लेबनानसम्म जा, र चर्कोगरी करा,
\q2 तेरो सोर बाशानसम्मै सुनिओस्;
\q1 अबारीमबाट करा,
\q2 किनकि तेरा सबै मित्रहरू नष्‍ट भएका छन्।
\q1
\v 21 तैँले आफूलाई सुरक्षित महसुस गर्दा मैले तँलाई चेतावनी दिएँ,
\q2 तर तैँले भनिस्, ‘म सुन्‍नेछैनँ!’
\q1 यो त तेरो जवानीदेखिकै चाल भएको छ;
\q2 तैँले मेरो आज्ञापालन गरेकै छैनस्।
\q1
\v 22 हावाले तेरा सबै गोठालाहरूलाई उडाइदिनेछ;
\q2 अनि तेरा मित्रहरू देशबाट कैदमा लगिनेछन्।
\q1 तब तेरा सबै दुष्‍ट कामहरूको
\q2 कारणले तँ लज्जित र अपमानित हुनेछस्।
\q1
\v 23 हे लेबनानमा बस्‍नेहरू,
\q2 तिमीहरू, जो देवदारुका भवनहरू बनाएर बसेका छौ,
\q1 तिमीहरूमाथि जब पीडा आइपर्ला, तब तिमीहरू पीडाले चीत्कार गर्नेछौ,
\q2 त्यो पीडा सुत्केरीको प्रसव वेदनाजस्तै हुनेछ!”
\p
\v 24 याहवेह घोषणा गर्नुहुन्छ, “म जीवित भएझैँ, हे यहूदाका राजा यहोयाकीमको छोरा यहोयाकीन,\f + \fr 22:24 \fr*\fq यहोयाकीन, \fq*\ft मूल भाषामा उनको अर्को नाम \ft*\fqa कोनिया\fqa*\f* तँ यदि मेरा दाहिने हातको छाप-औँठी नै भए तापनि म तँलाई फुकालेर फ्याँकिदिनेछु। 
\v 25 म तँलाई मार्न चाहने मानिसहरू, बेबिलोनको राजा नबूकदनेसर र बेबिलोनीहरूका हातमा तँलाई सुम्पिदिनेछु, जससँग तँ डराउँदछस्। 
\v 26 म तँलाई र तँलाई जन्माउने तेरी आमालाई अर्को देशमा फ्याँकिदिनेछु, जहाँ तिमीहरू कोही पनि जन्मेका थिएनौ; अनि तिमीहरू दुवै आमा छोराछोरीहरू त्यहीँ नै मर्नेछौ। 
\v 27 तिमीहरू जन्मभूमिमा फर्कन इच्छा गर्नेछौ, तर फर्केर यहाँ कहिल्यै आउनेछैनौ।”
\q1
\v 28 के यो मानिस यहोयाकीन तुच्छ ठानिएको
\q2 एउटा घृणित, फुटेको माटोको भाँडो हो?
\q1 त्यो र त्यसका छोराछोरीहरूलाई निकालेर,
\q2 तिनीहरूले नजानेको देशमा किन फ्याँकिनेछन्?
\q1
\v 29 हे देश, हे देश, हे देश,
\q2 याहवेहको वचन सुन्!
\q1
\v 30 याहवेह यसो भन्‍नुहुन्छ:
\q1 “यस मानिसलाई निःसन्तान भनी दर्ता गर्,
\q2 यस्तो मानिस, जो जीवनकालभरि सफल हुनेछैन;
\q1 किनकि त्यसको कुनै पनि सन्तान सफल हुनेछैन
\q2 र कोही पनि दावीदको सिंहासनमा बस्‍नेछैन,
\q2 अथवा यहूदामा फेरि कसैले पनि शासन गर्नेछैन।”
\c 23
\s1 धर्मी हाँगा
\p
\v 1 “धिक्‍कार ती गोठालाहरूलाई, जसले मेरा खर्कका भेडाहरूलाई नाश गर्दैछन् र छरपस्ट पार्दैछन्!” याहवेह घोषणा गर्नुहुन्छ। 
\v 2 यसकारण याहवेह इस्राएलका परमेश्‍वर आफ्ना भेडाहरूको हेरचाह गर्ने गोठालाहरूलाई यसो भन्‍नुहुन्छ: “तिमीहरूले मेरो बगाललाई छरपस्ट पारेर टाढा धपाइदिएका कारण र तिनीहरूको हेरचाह नगरेको कारण, तिमीहरूले गरेको दुष्‍ट कामका निम्ति म तिमीहरूलाई दण्ड दिनेछु,” याहवेह भन्‍नुहुन्छ। 
\v 3 “मैले तिनीहरूलाई धपाइदिएका सबै देशहरूबाट मेरा बगालका बाँचेकाहरूलाई म आफैँ भेला गर्नेछु र तिनीहरूलाई तिनीहरूकै खर्कमा फर्काएर ल्याउनेछु, जहाँ तिनीहरू फलवन्त हुनेछन् र संख्यामा वृद्धि हुँदै जानेछन्। 
\v 4 म तिनीहरूमाथि गोठालाहरू राखिदिनेछु, जसले तिनीहरूको हेरचाह गर्नेछन्; अनि तिनीहरू फेरि डराउनेछैनन् र त्रसित हुनेछैनन्, न त कोही हराउनेछन्,” याहवेह भन्‍नुहुन्छ।
\q1
\v 5 याहवेह यसो भन्‍नुहुन्छ, “हेर, ती दिनहरू निश्‍चित रूपमा आउँदैछन्,
\q2 जब म दावीदको निम्ति\f + \fr 23:5 \fr*\ft अथवा \ft*\fqa दावीदको वंशबाट\fqa*\f* एउटा धर्मी हाँगा खडा गर्नेछु;
\q1 यस्तो राजा, जसले बुद्धिमान् भएर राज्य गर्नेछ;
\q2 अनि देशमा जे न्याय र धार्मिक छ, त्यसले त्यही गर्नेछ।
\q1
\v 6 त्यस राजाको समयमा यहूदा बचाइनेछ,
\q2 र इस्राएल सुरक्षासाथ बास गर्नेछ।
\q1 त्यो त्यही नाम हो, जसद्वारा उहाँलाई बोलाइनेछ:
\q2 याहवेह हाम्रा धार्मिक उद्धारकर्ता।”
\b
\m
\v 7 “यसकारण अब यस्ता दिनहरू आउँदैछन्,” भनी याहवेह भन्‍नुहुन्छ, “अब उसो मानिसहरूले यसो भन्‍नेछैनन्, ‘याहवेह जीवित हुनुभएझैँ, जसले इस्राएलीहरूलाई इजिप्टबाट निकालेर ल्याउनुभयो।’ 
\v 8 तर तिनीहरूले भन्‍नेछन्, ‘याहवेह जीवित हुनुभएझैँ, जसले इस्राएलीहरूलाई उत्तरको देशबाट र उहाँले तिनीहरूलाई निर्वासनमा पठाउनुभएका सबै देशहरूबाट निकालेर ल्याउनुभयो।’ ”
\s1 झूटा अगमवक्ताहरू
\p
\v 9 अगमवक्ताहरूको विषयमा:
\q1 मेरो हृदय मभित्रै टुटेको छ;
\q2 मेरा सबै हड्डीहरू काप्छन्।
\q1 याहवेह र उहाँको
\q2 पवित्र वचनको कारणले
\q1 मात्तिएको म एउटा मतवालाजस्तै भएको छु,
\q2 दाखमद्यले लट्ठ मातेको मानिसजस्तै छु।
\q1
\v 10 सारा देश व्यभिचारीहरूले भरिएको छ;
\q2 श्रापको कारण देशका मानिसहरू शोक गर्दैछन्;
\q2 अनि उजाडस्थानका खर्कहरू सुकेका छन्।
\q1 तिनीहरूका अगमवक्ताहरू दुष्‍ट मार्ग पछ्याउँछन्,
\q2 र तिनीहरूको शक्ति अन्यायको लागि प्रयोग गर्छन्।
\b
\q1
\v 11 “अगमवक्ता र पुजारी दुवै ईश्‍वरहीन छन्;
\q2 मेरो मन्दिरमा पनि म तिनीहरूको दुष्‍टता भेट्टाउँछु,”
\q2 याहवेह घोषणा गर्नुहुन्छ।
\q1
\v 12 “यसकारण तिनीहरूका बाटाहरू चिप्ला हुनेछन्;
\q2 तिनीहरू अँध्यारोमा बाहिर फ्याँकिनेछन्,
\q2 र तिनीहरू त्यसैमा ठेस खाएर लड्नेछन्।
\q1 तिनीहरूले दण्ड पाउने वर्षमा,
\q2 म तिनीहरूमाथि विपत्ति ल्याउनेछु,”
\q2 याहवेह घोषणा गर्नुहुन्छ।
\b
\q1
\v 13 “सामरियाका अगमवक्ताहरूबीच
\q2 मैले यी घिनलाग्दा कामहरू देखेँ:
\q1 तिनीहरूले बाल-देवताको नाममा अगमवाणी गरे,
\q2 र मेरो जाति इस्राएललाई गलत बाटोमा बहकाए।
\q1
\v 14 अनि यरूशलेमका अगमवक्ताहरूका बीच
\q2 मैले केही भयानक कुराहरू देखेँ:
\q2 तिनीहरू व्यभिचार गर्छन् र झूटलाई पछ्याउँछन्।
\q1 तिनीहरूले दुष्‍ट काम गर्ने मानिसहरूलाई प्रोत्साहित गर्छन्,
\q2 ताकि कोही पनि तिनीहरूको दुष्‍टताबाट नफर्कून्।
\q1 मेरा निम्ति तिनीहरू सबै सदोमजस्ता छन्;
\q2 यरूशलेमका मानिसहरू गमोराका मानिसहरूजस्ता छन्।”
\p
\v 15 यसकारण अगमवक्ताहरूको बारेमा सेनाहरूका याहवेह यसो भन्‍नुहुन्छ:
\q1 “हेर, म तिनीहरूलाई तितो भोजन खान लगाउनेछु,
\q2 र विषालु पानी पिउन दिनेछु;
\q1 किनभने यरूशलेमका अगमवक्ताहरूले
\q2 देशभरि नै भक्तिहीनता फैलाएका छन्।”
\p
\v 16 सेनाहरूका याहवेह यसो भन्‍नुहुन्छ:
\q1 “अगमवक्ताहरूले तिमीहरूलाई अगमवाणी गरेका कुराहरूमा ध्यान नदेओ;
\q2 तिनीहरूले तिमीहरूलाई झूटो आशाले भरिदिन्छन्।
\q1 तिनीहरूले याहवेहको मुखबाट होइन,
\q2 तर आफ्नो मनबाट दर्शनहरू बताउँछन्।
\q1
\v 17 मलाई घृणा गर्ने मानिसहरूलाई तिनीहरू यसो भनिरहन्छन्;
\q2 ‘याहवेह भन्‍नुहुन्छ, तिमीहरूलाई शान्ति हुनेछ।’
\q1 अनि अटेरी गरेर आफ्नै हृदयका हठीपनको पछि लाग्नेहरूलाई
\q2 तिनीहरू भन्छन्, ‘तिमीहरूलाई कुनै पनि हानि हुनेछैन।’
\q1
\v 18 तर अगमवक्ताहरूमध्ये कोचाहिँ हेर्नलाई अथवा उहाँको वचन सुन्‍न भनी
\q2 याहवेहको सभामा खडा भएको छ?
\q2 उहाँको वचन कसले ध्यान दिएर सुनेको छ?
\q1
\v 19 हेर, याहवेहको क्रोध
\q2 आँधीबेहरीजस्तै फुटेर निस्कनेछ;
\q1 त्यो दुष्‍टहरूका टाउकामाथि
\q2 बतासको भुमरीको झोक्‍काझैँ बजारिनेछ।
\q1
\v 20 याहवेहको रिस उहाँको हृदयका उद्देश्यहरू
\q2 पूर्ण रूपमा पूरा नभएसम्म
\q2 उहाँको रिस शान्त हुनेछैन।
\q1 आउने न्यायका दिनहरूमा
\q2 तिमीहरूले यो कुरा छर्लङ्ग बुझ्नेछौ।
\q1
\v 21 मैले यी अगमवक्ताहरूलाई पठाएको होइनँ,
\q2 तर पनि तिनीहरू आफ्नै सन्देश लिएर दौडिएका छन्;
\q1 मैले तिनीहरूलाई कुनै सन्देश दिएको छैनँ,
\q2 तापनि तिनीहरूले मेरो नाममा अगमवाणी गरेका छन्।
\q1
\v 22 तर यदि तिनीहरू मेरो सभामा खडा भएका भए,
\q2 र तिनीहरूले मेरा मानिसहरूलाई मेरो वचन घोषणा गरेका भए;
\q1 तिनीहरूले तिनीहरूलाई आफ्ना दुष्‍ट चालहरूबाट
\q2 र तिनीहरूका दुष्‍ट कामहरूबाट फर्काउनेथिए।”
\b
\q1
\v 23 याहवेह घोषणा गर्नुहुन्छ,
\q2 “के म नजिकमा मात्र रहने परमेश्‍वर हुँ र,
\q2 अनि टाढाको परमेश्‍वरचाहिँ होइन र?”
\q1
\v 24 याहवेह घोषणा गर्नुहुन्छ,
\q2 “कसले आफूलाई गुप्‍त ठाउँहरूमा लुकाउन सक्छ,
\q2 जहाँ म तिमीहरूलाई देख्न सक्दिनँ?
\q1 के म स्वर्ग र पृथ्वी दुवै ठाउँमा देख्न सक्दिनँ र?”
\q2 याहवेह घोषणा गर्नुहुन्छ।
\p
\v 25 “मेरो नाममा झूटो अगमवाणी गर्ने अगमवक्ताहरूले भनेको कुरा मैले सुनेको छु। तिनीहरू भन्दछन्, ‘मैले सपना देखेको छु! मैले सपना देखेको छु!’ 
\v 26 यो कहिलेसम्म झूटा अगमवक्ताहरूका हृदयमा रहला, जसले आफ्नो मनका भ्रामक कुराबाट अगमवाणी गर्छन्? 
\v 27 ती अगमवक्ताहरू सोच्दछन्, कि तिनीहरूले एक-आपसमा भनेका सपनाहरूले गर्दा, मेरा मानिसहरूले मेरो नाम बिर्सनेछन्, जसरी तिनीहरूका पितापुर्खाहरूले बाल-देवतालाई पूजा गरेर मेरो नाम बिर्सेका थिए। 
\v 28 सपना देख्ने अगमवक्ताले उसको सपना नै भनोस्, तर मेरो वचन पाउनेले विश्‍वासयोग्यतासाथ त्यही बोलोस्। किनकि अन्‍नसित परालको के तुलना हुन सक्छ र?” याहवेह घोषणा गर्नुहुन्छ। 
\v 29 “के मेरो वचन आगोजस्तै छैन र?” याहवेह घोषणा गर्नुहुन्छ, “अनि चट्टानलाई टुक्रा-टुक्रा पार्ने हथौडाजस्तै छैन र?”
\p
\v 30 याहवेह घोषणा गर्नुहुन्छ, “यसकारण म ती झूटा अगमवक्ताहरूको विरुद्धमा छु, जसले एक-अर्काबाट वचनहरू चोर्छन्, र मबाट आएको वचन हो भन्दै घोषणा गर्छन्।” 
\v 31 याहवेह घोषणा गर्नुहुन्छ, “हो, म ती अगमवक्ताहरूको विरुद्धमा छु, जसले आफ्नै जिब्रो चलाउँछन्, तर पनि भन्दछन्, ‘याहवेह घोषणा गर्नुहुन्छ।’ 
\v 32 हेर, म झूटो सपनाको अगमवाणी गर्ने अगमवक्ताहरूको विरुद्धमा छु,” याहवेह घोषणा गर्नुहुन्छ। “तिनीहरूले तिनीहरूका झूटा अगमवाणीहरू भन्दछन् र आफ्ना अहङ्कारी झूटा कुराहरूद्वारा मेरा मानिसहरूलाई बहकाइदिन्छन्। तर मैले तिनीहरूलाई पठाएको अथवा नियुक्त गरेकै होइनँ। तिनीहरूले यी मानिसहरूलाई कुनै फाइदा पुर्‍याउँदैनन्,” याहवेह घोषणा गर्नुहुन्छ।
\s1 झूटो भविष्यवाणी
\p
\v 33 “जब यी मानिसहरू अथवा अगमवक्ताहरू अथवा पुजारीहरूले ‘याहवेहको सन्देश के छ?’ भनी तँलाई सोध्दछन्, तब तिनीहरूलाई भन् ‘कस्तो सन्देश? म तिमीहरूलाई त्यागिदिनेछु, याहवेह घोषणा गर्नुहुन्छ।’ 
\v 34 यदि कुनै अगमवक्ता अथवा पुजारी अथवा कसैले ‘याहवेहको सन्देश यही हो’ भनी दाबी गर्छ भने म त्यो मानिस र त्यसको परिवारलाई दण्ड दिनेछु। 
\v 35 तिमीहरूमध्ये हरेकले आफ्ना साथीहरू वा अरू इस्राएलीहरू वा एक-अर्कालाई यसरी सोधिरहने गर्छौ: ‘याहवेहको जवाफ के छ? अथवा याहवेहले के बोल्नुभएको छ?’ 
\v 36 तर तिमीहरूले फेरि ‘यो याहवेहको सन्देश हो’ भनेर उल्‍लेख नगर्नू; किनभने हरेक मानिसको आफ्नै कुरा उसको ईश्‍वरवाणी हुन्छ। यसरी तिमीहरूले जीवित परमेश्‍वर, सेनाहरूका याहवेह हाम्रा परमेश्‍वरको वचनलाई बङ्ग्याउँछौ। 
\v 37 तिमीहरूले अगमवक्तालाई यसो भन्‍नू, ‘तिमीहरूलाई याहवेहको जवाफ के छ? अथवा याहवेहले के भन्‍नुभएको छ?’ 
\v 38 यद्यपि तिमीहरूले याहवेहको सन्देश यही हो भनेर दाबी गरे तापनि याहवेह यसो भन्‍नुहुन्छ: ‘तिमीहरूले यो याहवेहको सन्देश हो,’ भनेर दाबी नगर्नू भनेर मैले तिमीहरूलाई भने तापनि तिमीहरूले ‘यो याहवेहको सन्देश हो’ भनी दाबी गर्‍यौ। 
\v 39 यसकारण, निश्‍चय नै म तिमीहरूलाई बिर्सनेछु, र मैले तिमीहरू र तिमीहरूका पितापुर्खालाई दिएको सहरको साथसाथै, मैले तिमीहरूलाई मेरो उपस्थितिबाट पनि बाहिर निकालिदिनेछु। 
\v 40 म तिमीहरूमाथि अनन्तसम्म रहने यस्तो लाज र अनन्तको बदनामी ल्याउनेछु, कि त्यो कहिल्यै बिर्सिइनेछैन।”
\c 24
\s1 दुई डाला नेभाराहरू
\p
\v 1 यहूदाका राजा यहोयाकीमको छोरा, यहोयाकीन\f + \fr 24:1 \fr*\fq यहोयाकीन, \fq*\ft मूल भाषामा उनको अर्को नाम \ft*\fqa कोनिया\fqa*\f* र अधिकारीहरू, यहूदाका कारिगरहरू र शिल्पकारहरूलाई, बेबिलोनको राजा नबूकदनेसरले यरूशलेमबाट बेबिलोनको निर्वासनमा लगेपछि याहवेहले मलाई याहवेहको मन्दिरको सामु राखिएका दुई डाला नेभाराहरू देखाउनुभयो। 
\v 2 एउटा डालोमा पहिले पाकेका खूब असल नेभाराहरू थिए; अर्को डालोमा चाहिँ अति नराम्रा नेभाराहरू थिए। ती खानै नसकिने अति खराब थिए।
\p
\v 3 तब याहवेहले मलाई सोध्नुभयो, “यर्मिया, तँ के देख्दैछस्?”
\p मैले जवाफ दिएँ, “म नेभाराहरू देख्दैछु। राम्रा नेभाराहरू अति राम्रा छन्, तर नराम्राहरूचाहिँ खानै नसकिने खराब छन्।”
\p
\v 4 त्यसपछि याहवेहको वचन मकहाँ आयो: 
\v 5 “याहवेह, इस्राएलका परमेश्‍वर यसो भन्‍नुहुन्छ: ‘म यहूदाका मानिसहरूलाई यी असल नेभाराहरूजस्ता ठान्छु, जसलाई मैले यस ठाउँबाट बेबिलोनीहरूको देशमा निर्वासनमा पठाएको थिएँ। 
\v 6 तिनीहरूको भलाइका निम्ति म मेरो दृष्‍टि तिनीहरूमाथि लगाउनेछु, र म तिनीहरूलाई यस देशमा फर्काएर ल्याउनेछु। म तिनीहरूलाई निर्माण गर्नेछु, भत्काउनेछैनँ; म तिनीहरूलाई रोप्नेछु, उखेल्नेछैनँ। 
\v 7 म तिनीहरूलाई म नै याहवेह हुँ भनी जान्‍ने हृदय दिनेछु। तिनीहरू मेरा प्रजा हुनेछन्, र म तिनीहरूका परमेश्‍वर हुनेछु; किनभने तिनीहरू आफ्ना सम्पूर्ण हृदयले मतिर फर्कनेछन्।
\p
\v 8 “ ‘याहवेह घोषणा गर्नुहुन्छ, तर ती खानै नसकिने धेरै खराब नराम्रा नेभाराहरूजस्तै, म यहूदाको राजा सिदकियाह, त्यसका अधिकारीहरू र यरूशलेमबाट बाँचेकाहरूसँग ती नेभाराहरूलाई जस्तै व्यवहार गर्नेछु, चाहे तिनीहरू यस देशमा रहून्, अथवा इजिप्टमै रहून्। 
\v 9 म तिनीहरूलाई पृथ्वीका सबै राज्यहरूका निम्ति अति घृणित र अपमानित तुल्याउनेछु। मैले तिनीहरूलाई निकालेर जहाँ-जहाँ खेदे तापनि तिनीहरूलाई निन्दा, श्राप र गिल्‍लाको पात्र तुल्याउनेछु। 
\v 10 मैले तिनीहरू र तिनीहरूका पितापुर्खाहरूलाई दिएको देशबाट तिनीहरू पूरै नाश नभएसम्म म तिनीहरूको विरुद्धमा तरवार, अनिकाल र महामारी पठाउनेछु।’ ”
\c 25
\s1 सत्तरी वर्षको कैद
\p
\v 1 योशियाहका छोरा, यहूदाका राजा यहोयाकीमको शासनकालको चौथो वर्षमा, जुन बेबिलोनका राजा नबूकदनेसरको शासनकालको पहिलो वर्ष थियो; अनि यहूदाका सबै मानिसहरूका बारेमा यर्मियाकहाँ यो वचन आयो। 
\v 2 यसकारण अगमवक्ता यर्मियाले यहूदाका सबै मानिसहरू र यरूशलेममा बसोबास गर्ने सबैलाई भने: 
\v 3 यहूदाका राजा आमोनका छोरा, योशियाहको तेह्रौँ वर्षदेखि आजको दिनसम्म, तेईस वर्ष भयो—आजको दिनसम्म याहवेहको वचन मकहाँ आएको छ; अनि म तिमीहरूसित बारम्बार बोलिरहेको छु, तर तिमीहरूले ध्यान दिएर सुनेका छैनौ।
\p
\v 4 अनि याहवेहले आफ्ना सबै सेवकहरू अर्थात् अगमवक्ताहरूलाई तिमीहरूकहाँ बारम्बार पठाउनुभए तापनि तिमीहरूले सुनेका छैनौ, अथवा ध्यानै दिएका छैनौ। 
\v 5 अगमवक्ताहरूले भने, “तिमीहरू हरेक आफ्ना दुष्‍ट मार्गहरू र तिमीहरूका खराब चालचलनहरूबाट फर्क; अनि याहवेहले तिमीहरू र तिमीहरूका पितापुर्खाहरूलाई दिनुभएको देशमा तिमीहरू सदाकालको निम्ति बस्‍न पाउनेछौ। 
\v 6 तिमीहरू अन्य देवताहरूको सेवा गर्न र तिनीहरूलाई पुज्नलाई पछि नलाग; तिमीहरूका हातले बनाएका मूर्तिहरूको कारणले मेरो रिस नउठोस्। तब म तिमीहरूको हानि गर्नेछैनँ।”
\p
\v 7 याहवेह घोषणा गर्नुहुन्छ, “तर तिमीहरूले मेरो कुरा सुनेनौ र तिमीहरूले आफ्ना हातले बनाएका मूर्तिहरूले मलाई रिस उठायौ; यसरी तिमीहरूले आफूमाथि नोक्सानी ल्यायौ।”
\p
\v 8 यसकारण सेनाहरूका याहवेह यसो भन्‍नुहुन्छ: “तिमीहरूले मेरा कुरा नसुनेको हुनाले, 
\v 9 म उत्तरका सबै जातिहरूलाई र मेरो सेवक बेबिलोनका राजा नबूकदनेसरलाई बोलाउनेछु,” याहवेह घोषणा गर्नुहुन्छ, “अनि म तिनीहरूलाई यो देश र यस देशका बासिन्दाहरूको विरुद्धमा र वरिपरिका सबै राष्ट्रहरूको विरुद्धमा भेला गराउनेछु। म तिनीहरूलाई सम्पूर्ण रूपले सर्वनाश गर्नेछु; म तिनीहरूलाई त्रास, हाँसो र अनन्त विनाशको पात्र बनाउनेछु। 
\v 10 म तिनीहरूबाट हर्ष र आनन्दको सोर, दुलहा र दुलहीको आवाज, जाँतो पिँधेको आवाज र बत्तीको उज्यालोलाई हटाइदिनेछु। 
\v 11 यो समस्त देश उजाड र बाँझो भूमि हुनेछ; अनि यी राष्ट्रहरूले सत्तरी वर्षसम्म बेबिलोनको राजाको सेवा गर्नेछन्।
\p
\v 12 “तर जब सत्तरी वर्ष पूरा हुन्छ, तब म बेबिलोनको राजा र त्यसको राज्य बेबिलोनीहरूको देशलाई तिनीहरूको अपराधको कारण दण्ड दिनेछु; अनि त्यस देशलाई सधैँका निम्ति उजाड पारिदिनेछु,” याहवेह घोषणा गर्नुहुन्छ। 
\v 13 “म बेबिलोनमाथि मैले यसको विरुद्धमा बोलेका सबै कुराहरू, यस पुस्तकमा लेखिएका सबै कुराहरू र यर्मियाले राष्ट्रहरूको विरुद्धमा गरेका अगमवाणीहरू बेबिलोनमा ल्याउनेछु। 
\v 14 तिनीहरू आफैँ पनि धेरै राष्ट्रहरू र महान् राजाहरूद्वारा दास तुल्याइनेछन्; म तिनीहरूलाई तिनीहरूकै हातका कामहरू र कर्महरू अनुसार बदला लिनेछु।”
\s1 परमेश्‍वरको क्रोधको कचौरा
\p
\v 15 याहवेह, इस्राएलका परमेश्‍वरले मलाई यसो भन्‍नुभयो: “मेरो क्रोधको मद्यले भरिएको यो कचौरा मेरो हातबाट लि, र मैले तँलाई पठाएका सबै राष्ट्रहरूलाई यो पिउन दे। 
\v 16 जब तिनीहरूले यो पिउनेछन्, तब मैले तिनीहरूका बीचमा पठाउने तरवारको कारण तिनीहरू धरमराउनेछन् र बौलाहा हुनेछन्।” 
\v 17 यसकारण मैले त्यो कचौरा याहवेहको हातबाट लिएँ, र उहाँले मलाई पठाउनुभएका सबै जातिहरूलाई पिउन दिएँ:
\b
\li1
\v 18 सुरुमा मैले यरूशलेम र यहूदाका सहरहरू, त्यसका राजाहरू र अधिकारीहरूलाई त्रास र घृणा तथा सरापको पात्र बनाउनलाई कचौराबाट पिउन लगाएँ। तिनीहरू आज त्यस्तै अवस्थामा छन्;
\li1
\v 19 त्यसपछि इजिप्टका राजा फारो र त्यसका कर्मचारीहरू, त्यसका अधिकारीहरू र त्यसका सबै मानिसहरू; 
\v 20 अनि त्यहाँ रहेका सबै विदेशी मानिसहरू;
\li1 अनि ऊज देशका सबै राजाहरू;
\li1 पलिश्तीका सबै राजाहरू (अश्कलोन, गाजा, एक्रोन र अश्दोदमा छोडिएका सबै मानिसहरू);
\li1
\v 21 एदोम, मोआब र अम्मोन;
\li1
\v 22 टायर र सीदोनका सबै राजाहरू;
\li1 भूमध्य सागरको किनारका सबै राजाहरू;
\li1
\v 23 ददान, तेमा, बूज र टाढा ठाउँहरूमा भएका सबै मानिसहरू\f + \fr 25:23 \fr*\ft अथवा \ft*\fqa कन्चटनेरको कपाल खौरनेहरू\fqa*\f*;
\li1
\v 24 अरब देशका सबै राजाहरू र मरुभूमिमा बस्‍ने विदेशी मानिसहरूका सबै राजाहरू;
\li1
\v 25 जिम्री, एलाम र मादीका सबै राजाहरू;
\li1
\v 26 अनि टाढा र नजिकमा रहेका उत्तरका सबै राजाहरू, एकपछि अर्कालाई—पृथ्वीमा भएका सबै राज्यहरूलाई पिउन दिएँ।
\li1 अनि यी माथिका सबै राजाहरू र जातिहरूपछि शेशकका\f + \fr 25:26 \fr*\fq शेशकका \fq*\ft बेबिलोनको गुप्‍त नाम हुन सक्छ।\ft*\f* राजाले पनि त्यो कचौराबाट पिउनेछ।
\b
\p
\v 27 “तब तिनीहरूलाई भन्, ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: पिओ, मात र बान्ता गर! अनि मैले तिमीहरूका लागि पठाउन लागेको तरवारको कारण कहिल्यै उठ्न नसक्ने गरी लोट।’ 
\v 28 तर यदि तिनीहरूले तेरो हातका कचौराबाट पिउन इन्कार गरे भने तिनीहरूलाई भन्, ‘सेनाहरूका याहवेह यसो भन्‍नुहुन्छ: तिमीहरूले यो पिउनैपर्छ! 
\v 29 हेर, म मेरो नाम बोकेको सहरमाथि विपत्ति ल्याउने काम सुरु गर्दैछु; अनि के तिमीहरू दण्डविना उम्कन सक्छौ? तिमीहरू दण्डविना उम्कनेछैनौ; किनकि म यस पृथ्वीमा भएका सबै मानिसहरूमाथि तरवार पठाउँदैछु, सेनाहरूका याहवेह घोषणा गर्नुहुन्छ।’
\p
\v 30 “अब तिनीहरू सबैको विरुद्धमा अगमवाणी गर्, र तिनीहरूलाई भन्:
\q1 “ ‘याहवेह उचाइबाट गर्जनुहुनेछ;
\q2 उहाँ आफ्नो पवित्र वासस्थानबाट मेघ गर्जनजस्तै गर्जनुहुनेछ,
\q2 र आफ्नो देशको विरुद्धमा अति जोडसँग गर्जनुहुनेछ।
\q1 उहाँ पृथ्वीमा बस्‍ने सबै मानिसहरूको विरुद्धमा,
\q2 अङ्‌गुर पेल्ने मानिसहरूजस्तो जोडसित चिच्याउनुहुनेछ।
\q1
\v 31 मानिसहरूको होहल्‍लाको खैलाबैला पृथ्वीको पल्‍लो छेउहरूसम्म गुञ्जिनेछ;
\q2 किनकि याहवेहले राष्ट्रहरूको विरुद्धमा अभियोग लगाउनुहुनेछ;
\q1 उहाँले सबै मानव-जातिमाथि न्याय ल्याउनुहुनेछ,
\q2 र दुष्‍टहरूलाई तरवारले मार्नुहुनेछ,’ ”
\q2 याहवेह घोषणा गर्नुहुन्छ।
\p
\v 32 सेनाहरूका याहवेह यसो भन्‍नुहुन्छ:
\q1 “हेर, एक राष्ट्रदेखि अर्को राष्ट्रसम्म
\q2 विपत्ति फैलिनेछ;
\q1 पृथ्वीको पल्‍लो छेउबाट
\q2 एउटा शक्तिशाली आँधीबेहरी उठ्दैछ।”
\m
\v 33 त्यस बेला याहवेहद्वारा मारिएकाहरूको मृत शरीर पृथ्वीको एक छेउबाट अर्को छेउसम्म चारैतिर हुनेछन्। तिनीहरूका निम्ति न त शोक गरिनेछ, न त तिनीहरू गाडिनेछन्, तर तिनीहरू भुइँमा छरिएको मलजस्तै हुनेछन्।
\q1
\v 34 हे गोठालाहरू हो, रोओ, विलाप गर;
\q2 हे बगालका अगुवाहरू हो, धुलोमा लडीबुडी गर।
\q1 किनकि तिमीहरूको मारिने समय आएको छ;
\q2 तिमीहरू असल भेडा ढलेझैँ ढल्नेछौ,\f + \fr 25:34 \fr*\ft बहुमूल्य भाँडोझैँ टुक्रा-टुक्रा हुनेछौ।\ft*\f*
\q1
\v 35 गोठालाहरू भागेर जाने ठाउँ कहीँ पनि हुनेछैन;
\q2 बगालका अगुवाहरू उम्कने ठाउँ कहीँ पनि हुनेछैन।
\q1
\v 36 गोठालाहरूको दुःखको बिलौना सुन,
\q2 बगालका अगुवाहरूका विलाप सुन;
\q2 किनकि याहवेहले तिनीहरूका खर्क नष्‍ट गर्नुहुँदैछ।
\q1
\v 37 याहवेहको भयानक क्रोधको कारण
\q2 शान्तिपूर्ण चरनहरू उजाड हुनेछन्।
\q1
\v 38 उहाँले सिंहले झैँ आफ्नो ओडार छोड्नुहुनेछ;
\q2 अत्याचारीको तरवारको\f + \fr 25:38 \fr*\ft मूल भाषामा \ft*\fqa रिस\fqa*\f* कारण
\q1 र याहवेहको भयानक क्रोधको कारण
\q2 तिनीहरूको देश उजाड हुनेछ।
\c 26
\s1 यर्मियालाई मृत्युको धम्की
\p
\v 1 योशियाहका छोरा, यहूदाका राजा यहोयाकीमको शासनकालको सुरुका दिनहरूमा याहवेहबाट यो वचन आयो: 
\v 2 “याहवेह यसो भन्‍नुहुन्छ: याहवेहको भवनको चोकमा खडा हो, र याहवेहको भवनमा आराधना गर्न आउने यहूदाका सहरहरूका सबै मानिसहरूसित कुरा गर्। मैले तँलाई आज्ञा गरेको हरेक कुरा तिनीहरूलाई एक शब्द पनि नछोडी सुना। 
\v 3 सायद तिनीहरूले सुन्लान् र तिनीहरू हरेक आफ्ना दुष्‍ट चालहरूबाट फर्कलान्। तब म आफ्नो मन परिवर्तन गर्नेछु र तिनीहरूले गरेका दुष्‍टताको कारण तिनीहरूमाथि विपत्ति ल्याउनेछैनँ। 
\v 4 तिनीहरूलाई भन्‍नू, ‘याहवेह यसो भन्‍नुहुन्छ: यदि तिमीहरूले मेरा कुरा सुनेनौ र मैले तिमीहरूको सामु राखिदिएको मेरो व्यवस्था पालन गरेनौ भने, 
\v 5 र तिमीहरूले मेरा सेवक अगमवक्ताहरूका वचनहरू सुनेनौ भने जसलाई मैले तिमीहरूकहाँ बारम्बार पठाएको थिएँ, यद्यपि तिमीहरूले सुनेका छैनौ, 
\v 6 तब म यस भवनलाई शीलोजस्तै र यस सहरलाई पृथ्वीका सबै जातिहरूबीच एक सरापको पात्र तुल्याउनेछु।’ ”
\p
\v 7 पुजारीहरू, अगमवक्ताहरू र सबै मानिसहरूले याहवेहको भवनमा यर्मियाले भनेका यी वचनहरू सुने। 
\v 8 तर जब याहवेहले यर्मियालाई भन्‍नू भनी आज्ञा दिनुभएका सबै कुराहरू तिनले भनिसके, तब पुजारीहरू, अगमवक्ताहरू र सबै मानिसहरूले तिनलाई समातेर भने, “तँ अब मर्नैपर्छ! 
\v 9 यो भवन शीलोजस्तै हुनेछ, र यो सहरचाहिँ उजाड र रुखो हुनेछ भनी किन याहवेहको नाममा अगमवाणी गरिस्?” अनि याहवेहको भवनमा सबै मानिसहरूले यर्मियालाई घेरे।
\p
\v 10 जब यहूदाका अधिकारीहरूले यो कुरा सुने, तब तिनीहरू राजमहलबाट याहवेहको भवनमा गए, र याहवेहको नयाँ मूलढोकाको प्रवेशद्वारमा आ-आफ्ना ठाउँमा बसे। 
\v 11 तब पुजारीहरू र अगमवक्ताहरूले अधिकारीहरू र सबै मानिसहरूलाई भने, “यस मानिसलाई मृत्युदण्ड दिनुपर्छ; किनकि यसले यस सहरको विरुद्धमा अगमवाणी गरेको छ। तपाईंहरूले यो कुरा आफ्नै कानले सुन्‍नुभएको छ!”
\p
\v 12 तब यर्मियाले सबै अधिकारीहरू र सबै मानिसहरूलाई भने: “याहवेहले नै मलाई यस भवन र यस सहरको विरुद्धमा तपाईंहरूले सुनेका सबै कुराहरू अगमवाणी गर्नलाई पठाउनुभएको हो। 
\v 13 अब तपाईंहरूले आ-आफ्ना चाल र कामहरू सुधार्नुहोस्! अनि याहवेह तपाईंहरूका परमेश्‍वरको आज्ञापालन गर्नुहोस्। तब याहवेहले आफ्नो मन बदल्नुहुनेछ र उहाँले तपाईंहरूको विरुद्धमा घोषणा गर्नुभएको विपत्ति ल्याउनुहुनेछैन। 
\v 14 मेरो बारेमा भन्‍नुपर्दा, म त तपाईंहरूकै हातमा छु; तपाईंहरूलाई जे असल र उचित लाग्छ, त्यही मसित गर्नुहोस्। 
\v 15 तर यो कुरा जान्‍नुहोस्, कि तपाईंहरूले मलाई मार्नुभयो भने निश्‍चय तपाईंहरूले निर्दोष मानिसको रगतको दोष आफूमाथि, यस सहरमाथि र यस सहरमा बस्‍ने मानिसहरूमाथि पनि ल्याउनुहुनेछ; किनकि याहवेहले मलाई तपाईंहरूले सुन्‍ने गरी यी सबै वचनहरू तपाईंहरूलाई चेतावनी दिन पठाउनुभएको कुरा सत्य हो।”
\p
\v 16 तब ती अधिकारीहरू र मानिसहरूले पुजारीहरू र अगमवक्ताहरूलाई भने, “यो मानिस मृत्युदण्ड पाउन योग्य छैन! किनकि यसले याहवेह हाम्रा परमेश्‍वरको नाममा, उहाँको तर्फबाट हामीसित बोलेको छ।”
\p
\v 17 प्रधानहरूमध्ये केही मानिसहरू उठेर भेला भएका सम्पूर्ण समुदायलाई भने, 
\v 18 “मोरेशेतका मीकाले यहूदाका राजा हिजकियाहको समयमा अगमवाणी गरे। तिनले यहूदाका सबै मानिसहरूलाई भने, ‘सेनाहरूका याहवेह यसो भन्‍नुहुन्छ:
\q1 “ ‘सियोन खेतजस्तै जोतिनेछ;
\q2 यरूशलेम भग्नावशेषको थुप्रो हुनेछ,
\q2 र मन्दिरको डाँडाचाहिँ झाडीले भरिएको ढिस्कोझैँ हुनेछ।’\f + \fr 26:18 \fr*\ft \+xt मीका 3:12\+xt*\ft*\f*
\m
\v 19 “के यहूदाका राजा हिजकियाह अथवा यहूदाका अरू कसैले मीकालाई मारे? के हिजकियाहले याहवेहसित डराएर उहाँको कृपा खोजेनन्? अनि के याहवेहले आफ्नो मन बदलेर उहाँले तिनीहरूको विरुद्धमा घोषणा गर्नुभएको विपत्तिदेखि आफ्नो मन बदल्नुभएन र? तर हामीले आफूमाथि एक डरलाग्दो विपत्ति ल्याउन लाग्दैछौँ!”
\p
\v 20 (किर्यत-यारीमबाट शमायाहका छोरा उरियाह नाम गरेका अर्का मानिस थिए, जसले याहवेहको नाममा अगमवाणी गरेका थिए; उरियाहले पनि यस सहर र यस देशको विरुद्धमा यर्मियाले झैँ अगमवाणी गरे। 
\v 21 जब राजा यहोयाकीम र तिनका सबै अधिकारीहरू र अधिकृतहरूले तिनका वचनहरू सुने, तब राजाले तिनलाई मार्न खोजेका थिए। तर जब उरियाहले यो कुरा सुने, तब तिनी डरले इजिप्टतिर भागे। 
\v 22 अनि राजा यहोयाकीमले उरियाहलाई पक्रन अक्बोरको छोरा एल्नातानलाई अरू केही मानिसहरूसहित इजिप्टमा पठाए। 
\v 23 तिनीहरूले उरियाहलाई इजिप्टबाट लिएर आए, र राजा यहोयाकीमकहाँ लगे, जसले तिनलाई तरवारले प्रहार गरेर मारे। अनि तिनको शरीरलाई सर्वसाधारण मानिसहरू गाडिने ठाउँमा फ्याँक्न लगाए)।
\p
\v 24 तर शापानका छोरा अहीकामले यर्मियालाई समर्थन गरे। त्यसैकारण तिनीहरूले यर्मियालाई पक्रेर मारिनका निम्ति मानिसहरूका हातमा दिएनन्।
\c 27
\s1 यहूदाले नबूकदनेसरको सेवा गर्ने
\p
\v 1 योशियाहका छोरा, यहूदाका राजा सिदकियाहको शासनकालको सुरुका दिनहरूमा याहवेहबाट यर्मियाकहाँ यो वचन आयो: 
\v 2 याहवेहले मलाई यसो भन्‍नुभयो: “छालाको डोरी र एउटा जुवा बना, र तेरो काँधमा राख्। 
\v 3 त्यसपछि एदोम, मोआब, टायर, अम्मोन र सीदोनका राजाहरूका राजदूतहरू, जो यरूशलेममा यहूदाको राजा सिदकियाहलाई भेट्न आएका छन्, ती राजदूतहरूद्वारा राजाकहाँ समाचार पठा। 
\v 4 तिनीहरूका राजाहरूका निम्ति यो सन्देश दिएर भन्, ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: “तिमीहरूका मालिकहरूलाई यो सन्देश भन्‍नू: 
\v 5 मैले आफ्नो महाशक्ति र बलवान् हातले पृथ्वी र त्यसमा भएका मानिसहरू र पशुप्राणीहरू बनाएँ; जसलाई इच्छा लाग्छ त्यसैलाई म यो दिन्छु। 
\v 6 अब म तिमीहरूका सबै देशहरू मेरो सेवक बेबिलोनको राजा नबूकदनेसरको हातमा सुम्पिदिनेछु; म जङ्गली जनावरहरूलाई पनि त्यसको अधीनमा राखिदिनेछु। 
\v 7 त्यस देशको पतनको समय नआइपुगेसम्म सबै जातिहरूले त्यसका छोरा र नातिको सेवा गर्नेछन्। त्यसपछि धेरै राष्ट्रहरू र महान् राजाहरूले त्यसलाई आफ्नो अधीनमा पार्नेछन्।
\p
\v 8 “ ‘ “तर यदि कुनै राष्ट्र अथवा राज्यले बेबिलोनको राजा नबूकदनेसरको सेवा गर्दैन अथवा त्यसको जुवामुनि निहुरिन चाहँदैन भने म त्यस राष्ट्रलाई नबूकदनेसरकै हातबाट नाश नभएसम्म, तिनीहरूलाई तरवार, अनिकाल र विपत्तिले दण्ड दिनेछु, याहवेह घोषणा गर्नुहुन्छ। 
\v 9 यसकारण तिमीहरूले आफ्ना अगमवक्ताहरू, जोखना हेर्नेहरू, सपनाको अर्थ खोल्नेहरू, टुनामुना गर्नेहरूका कुरा नसुन, जसले तिमीहरूलाई भन्‍नेछन्, ‘तिमीहरूले बेबिलोनको राजाको सेवा गर्नेछैनौ।’ 
\v 10 तिनीहरू झूटो अगमवाणी गर्छन्, जसले गर्दा तिमीहरूलाई आफ्नो देशबाट टाढा लैजाने काम मात्र गर्नेछ; म तिमीहरूलाई देशबाट निकालिदिनेछु र तिमीहरू नष्‍ट हुनेछौ। 
\v 11 तर यदि कुनै राष्ट्रले बेबिलोनको राजाको जुवामुनि निहुरेर त्यसको सेवा गर्छ भने म त्यस राष्ट्रलाई त्यसको आफ्नै देशमा खेती गर्न र बस्‍न दिनेछु, याहवेह घोषणा गर्नुहुन्छ।” ’ ”
\p
\v 12 मैले यही समाचार यहूदाका राजा सिदकियाहलाई दिएँ। मैले भनेँ, “बेबिलोनका राजाको जुवामुनि आफ्नो काँध राख्; त्यस राजाको र त्यसका मानिसहरूको सेवा गर्, तब तँ जीवित रहनेछस्। 
\v 13 किन याहवेहले बेबिलोनको राजाको सेवा नगर्ने जातिहरूका निम्ति दिनुभएको चेतावनीझैँ, तँ र तेरा मानिसहरू तरवार, अनिकाल र विपत्तिद्वारा मर्न चाहन्छौ? 
\v 14 तिमीहरूले अगमवक्ताहरूका कुरा नसुन, जसले तिमीहरूलाई, ‘तिमीहरूले बेबिलोनको राजाको सेवा गर्नेछैनौ’ भन्दछन्; किनकि तिनीहरूले तिमीहरूसँग झूटो अगमवाणी गरिरहेका छन्। 
\v 15 याहवेह घोषणा गर्नुहुन्छ, ‘मैले तिनीहरूलाई पठाएको होइनँ। तिनीहरूले मेरो नाममा झूटो अगमवाणी गरिरहेका छन्। यसकारण म तिमीहरू र तिमीहरूलाई अगमवाणी गर्ने अगमवक्ताहरू दुवैलाई देशबाट निकालिदिनेछु र तिमीहरू नाश हुनेछौ।’ ”
\p
\v 16 तब मैले पुजारीहरू र यी सबै मानिसहरूलाई भनेँ, “याहवेह यसो भन्‍नुहुन्छ: ‘अब चाँडै नै याहवेहको भवनका सामग्रीहरू बेबिलोनबाट फर्काएर ल्याइनेछ,’ भनेर अगमवाणी गर्ने अगमवक्ताहरूको कुरा नसुन। तिनीहरूले तिमीहरूसँग झूटो अगमवाणी गरिरहेका छन्। 
\v 17 तिनीहरूका कुरा नसुन। बेबिलोनका राजाको सेवा गर, र तिमीहरू जीवित रहनेछौ। किन यो सहरलाई नष्‍ट हुन दिने? 
\v 18 यदि तिनीहरू साँच्‍चै नै अगमवक्ताहरू हुन् र तिनीहरूसँग याहवेहको वचन छ भने याहवेहको भवनमा रहेका र यहूदाका राजाका महलमा र यरूशलेममा रहेका सामानहरू बेबिलोनमा नलगियोस् भनी तिनीहरूले सेनाहरूका याहवेहसँग बिन्ती गरून्। 
\v 19 किनकि यस सहरमा छोडिएका स्तम्भहरू, काँसाको विशाल खड्कुँलो, गुड्ने गाडाहरू र अरू सामग्रीहरूको विषयमा सेनाहरूका याहवेह यसो भन्‍नुहुन्छ, 
\v 20 जुन कुराहरू बेबिलोनका राजा नबूकदनेसरले यहोयाकीमका छोरा, यहूदाका राजा यहोयाकीनलाई यहूदा र यरूशलेमका मुख्य मनिसहरूसहित, यरूशलेमबाट बेबिलोनमा कैद गरेर लैजाँदा ती सामानहरू लगेका थिएनन्— 
\v 21 हो, याहवेहको भवनमा र यहूदाका राजाको महलमा र यरूशलेममा छोडिएका कुराहरूको विषयमा सेनाहरूका याहवेह, इस्राएलका परमेश्‍वर यसो भन्‍नुहुन्छ: 
\v 22 ‘ती सामानहरू बेबिलोनमा लगिनेछन्; अनि म तिनीहरूका निम्ति केही नगरेसम्म ती त्यहीँ रहनेछन्,’ याहवेह घोषणा गर्नुहुन्छ। ‘त्यसपछि म तिनीहरूलाई यरूशलेममा फर्काएर ल्याउनेछु र तिनीहरूलाई यस ठाउँमा पुनर्स्थापित गर्नेछु।’ ”
\c 28
\s1 झूटो अगमवक्ता हनन्याह
\p
\v 1 त्यही वर्षको पाँचौँ महिनामा, यहूदाका राजा सिदकियाहको शासनकालको चौथो वर्षको सुरुवातमा गिबोनमा बस्‍ने अज्जूरको छोरा हनन्याह अगमवक्ताले याहवेहको भवनमा पुजारीहरू र मानिसहरूका उपस्थितिमा मलाई भने, 
\v 2 “सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘म बेबिलोनको राजाको जुवा भाँचिदिनेछु। 
\v 3 बेबिलोनको राजा नबूकदनेसरले यस ठाउँबाट निकालेर बेबिलोनमा लगेका याहवेहको भवनका सबै सामग्रीहरू दुई वर्षभित्र नै म फर्काएर ल्याउनेछु। 
\v 4 यहोयाकीमका छोरा यहूदाको राजा यहोयाकीन र यहूदाबाट निकालिएर बेबिलोनमा लगिएका अरू सबै मानिसहरूलाई पनि म यस ठाउँमा फर्काएर ल्याउनेछु,’ याहवेह घोषणा गर्नुहुन्छ; ‘किनकि म बेबिलोनको राजाको जुवा भाँचिदिनेछु।’ ”
\p
\v 5 तब अगमवक्ता यर्मियाले अगमवक्ता हनन्याहलाई याहवेहको भवनमा उभिरहेका पुजारीहरू र सबै मानिसहरूको सामु जवाफ दिए। 
\v 6 तिनले भने, “आमेन! याहवेहले त्यसै गरून्! याहवेहको भवनका सबै सामग्रीहरू र निर्वासनमा लगिएका सबैलाई बेबिलोनबाट यस ठाउँमा फर्काएर ल्याउने भनेर, तिमीले गरेको अगमवाणीका वचनहरू याहवेहले पूरा गरिदेऊन्। 
\v 7 तापनि सुन, तिमी र सबै मानिसहरूले सुन्‍ने गरी म केही कुरा भन्‍न चाहन्छु सुन: 
\v 8 सुरुदेखि नै तिमी र मभन्दा अगिका अगमवक्ताहरूले धेरै देशहरू र ठूला राज्यहरूको विरुद्धमा लडाइँ, विपत्ति र रूढीको अगमवाणी गर्थे। 
\v 9 तर याहवेहको शान्तिको अगमवाणी गर्ने अगमवक्तालाई साँच्‍चै याहवेहले नै पठाउनुभएको हो भनेर तब मात्र चिनिन्छ, जब त्यसले भनेको अगमवाणीहरू पूरा हुन्छ।”
\p
\v 10 तब अगमवक्ता हनन्याहले अगमवक्ता यर्मियाको काँधबाट जुवा निकालेर त्यसलाई भाँचिदिए; 
\v 11 अनि तिनले सबै मानिसहरूको सामु भने, “याहवेह यसो भन्‍नुहुन्छ: ‘यसै गरी म दुई वर्षभित्र सबै राष्ट्रहरूका काँधबाट बेबिलोनको राजा नबूकदनेसरको जुवा भाँचिदिनेछु।’ ” त्यसपछि अगमवक्ता यर्मियाचाहिँ आफ्नो बाटो लागे।
\p
\v 12 अगमवक्ता हनन्याहले अगमवक्ता यर्मियाको काँधबाट जुवा निकालेर भाँचिदिएपछि यर्मियाकहाँ याहवेहको वचन आयो: 
\v 13 “जा, र हनन्याहलाई भन्, ‘याहवेह यसो भन्‍नुहुन्छ: तैँले काठको जुवा भाँचिस्, तर त्यसको ठाउँमा फलामको जुवा पाउनेछस्।’ 
\v 14 सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘बेबिलोनको राजा नबूकदनेसरको सेवा गरून् भनेर म यी सबै राष्ट्रहरूका काँधमा फलामको जुवा राखिदिनेछु; अनि तिनीहरूले नबूकदनेसरको सेवा गर्नेछन्। म त्यसलाई जङ्गली जनावरहरूमाथि पनि अधिकार गर्नलाई दिनेछु।’ ”
\p
\v 15 तब अगमवक्ता यर्मियाले अगमवक्ता हनन्याहलाई भने, “सुन, हनन्याह! याहवेहले तिमीलाई पठाउनुभएको थिएन, तर पनि तिमीले यस राष्ट्रलाई झूटो अगमवाणीका कुराहरूमा विश्‍वास गर्न लगायौ। 
\v 16 यसकारण याहवेह यसो भन्‍नुहुन्छ: ‘म तँलाई पृथ्वीबाट हटाउन लागेको छु। तँ यही वर्ष नै मर्नेछस्; किनभने तैँले याहवेहको विरुद्धमा विद्रोहको प्रचार गरिस्।’ ”
\p
\v 17 अनि त्यही वर्षको सातौँ महिनामा अगमवक्ता हनन्याहको मृत्यु भयो।
\c 29
\s1 निर्वासनमा लगिएकाहरूलाई पत्र
\p
\v 1 नबूकदनेसरले यरूशलेमबाट कैद गरेर बेबिलोनमा लगेका मानिसहरूमध्ये बाँचेका प्रधानहरू, पुजारीहरू, अगमवक्ताहरू र अरू सबै मानिसहरूलाई यरूशलेमबाट यर्मियाले पठाएको पत्रको मूल सन्देश यही हो। 
\v 2 (योचाहिँ राजा यहोयाकीन र राजमाता, यहूदा र यरूशलेमका अदालतका अधिकारीहरू र अगुवाहरू, दक्ष कारिगरहरू र शिल्पकारहरू सबै यरूशलेमबाट निर्वासनमा गइसकेपछि पठाइएको पत्रको कुरा हो)। 
\v 3 तिनले यो पत्र शापानका छोरा एलासा र हिल्कियाहको छोरा गमर्याहलाई जिम्मा दिए, जुन पत्र यहूदाका राजा सिदकियाहले बेबिलोनमा राजा नबूकदनेसरकहाँ पठाएका थिए। त्यस पत्रमा यस्तो लेखिएको थियो:
\pm
\v 4 मैले यरूशलेमबाट बेबिलोनमा निर्वासनमा लगेका सबै मानिसहरूलाई, सेनाहरूका याहवेह, इस्राएलका परमेश्‍वर, यसो भन्‍नुहुन्छ: 
\v 5 “तिमीहरू घरहरू बनाओ र बसोबास गर; बगैँचाहरू लगाओ र त्यहाँका उब्जनीहरू खाओ। 
\v 6 विवाह गर र छोराछोरीहरू जन्माओ; तिमीहरूका छोराहरूका निम्ति पत्नीहरू खोजिदेओ र आफ्ना छोरीहरूको विवाह गरिदेओ, र तिनीहरूका पनि छोराछोरीहरू होऊन्। तिमीहरू संख्यामा वृद्धि हुँदैजाओ, तर घटेर नजाओ। 
\v 7 मैले तिमीहरूलाई निर्वासनमा लगेको सहरको शान्ति र उन्‍नतिको निम्ति प्रार्थना गर। त्यस सहरको निम्ति याहवेहसित प्रार्थना गर; किनकि त्यस सहरको उन्‍नति भयो भने तिमीहरूको पनि उन्‍नति हुनेछ।” 
\v 8 हो, सेनाहरूका याहवेह, इस्राएलका परमेश्‍वर यसो भन्‍नुहुन्छ: “तिमीहरूका बीचमा भएका अगमवक्ताहरू र जोखना हेर्नेहरूले तिमीहरूलाई धोका नदेऊन्। तिमीहरूले देखेका सपनाहरूमा ध्यान नदेओ। 
\v 9 तिनीहरूले मेरो नाममा तिमीहरूलाई झूटो अगमवाणी गरिरहेका छन्। मैले तिनीहरूलाई पठाएको होइनँ,” याहवेह घोषणा गर्नुहुन्छ।
\pm
\v 10 याहवेह यसो भन्‍नुहुन्छ: “जब बेबिलोनको निम्ति सत्तरी वर्ष पूरा हुन्छ, तब म तिमीहरूकहाँ आउनेछु र तिमीहरूलाई यस ठाउँमा फर्काएर ल्याउनेछु भनी तिमीहरूसँग गरेको मेरो असल प्रतिज्ञा पूरा गर्नेछु।” 
\v 11 किनकि जुन योजनाहरू मैले तिमीहरूको निम्ति बनाएको छु, ती म जान्दछु, याहवेह घोषणा गर्नुहुन्छ। “ती योजनाहरू तिमीहरूका उन्‍नतिका निम्ति हुन्, तिमीहरूको नोक्सानीको निम्ति होइनन्। तिमीहरूले आशा गरेअनुसारको असल भविष्य दिनलाई हो। 
\v 12 तब तिमीहरू मकहाँ आउनेछौ र प्रार्थना गर्नेछौ; अनि म तिमीहरूको कुरा सुन्‍नेछु। 
\v 13 जब तिमीहरूले मलाई आफ्नो सम्पूर्ण हृदयले खोज्नेछौ, तब तिमीहरूले मलाई भेट्टाउनेछौ।” 
\v 14 “मलाई तिमीहरूले भेट्टाउनेछौ, याहवेह घोषणा गर्नुहुन्छ; अनि म तिमीहरूलाई कैदबाट फर्काइल्याउनेछु। तिमीहरूलाई मैले धपाएर पठाएका सबै राष्ट्रहरू र ठाउँहरूबाट भेला गर्नेछु। अनि जुन ठाउँबाट मैले तिमीहरूलाई निर्वासनमा पठाएँ, त्यही ठाउँमा म तिमीहरूलाई फर्काएर ल्याउनेछु,” याहवेह घोषणा गर्नुहुन्छ।
\pm
\v 15 तिमीहरूले भन्‍नेछौ, “याहवेहले हाम्रा निम्ति बेबिलोनमा अगमवक्ताहरू खडा गर्नुभएको छ,” 
\v 16 तर दावीदको सिंहासनमा विराजमान हुनुहुने राजा र यस सहरमा बाँकी रहेका सबै मानिसहरूको विषयमा, अर्थात् तिमीहरूका देशवासीहरू, जो तिमीहरूसित निर्वासनमा गएनन्, तिनीहरूको बारेमा याहवेह यसो भन्‍नुहुन्छ— 
\v 17 हेर, सेनाहरूका याहवेह भन्‍नुहुन्छ: “म तिनीहरूको विरुद्धमा तरवार, अनिकाल र रूढी पठाउनेछु; अनि म तिनीहरूलाई खानै नसकिने गरी कुहिएको नेभारा जस्तै बनाउनेछु। 
\v 18 म तिनीहरूलाई तरवार, अनिकाल र रूढीले खेद्नेछु। म तिनीहरूलाई पृथ्वीका सबै राज्यहरूका निम्ति अति घृणाको पात्र बनाउनेछु। मैले तिनीहरूलाई धपाएका सबै राष्ट्रहरूको बीचमा श्राप, त्रास, हाँसो र निन्दाको पात्र बनाउनेछु।” 
\v 19 “किनकि तिनीहरूले मेरा वचन सुनेनन्, याहवेह घोषणा गर्नुहुन्छ, अर्थात् मैले बारम्बार मेरा सेवक अगमवक्ताहरूद्वारा तिनीहरूकहाँ पठाएका वचनहरू तिमी निर्वासनमा गएकाहरूले पनि सुनेका छैनौ,” याहवेह घोषणा गर्नुहुन्छ।
\pm
\v 20 यसकारण मैले यरूशलेमबाट बेबिलोनको कैदमा पठाएका सबै मानिसहरू हो, याहवेहको वचन सुन। 
\v 21 मेरो नाममा झूटो अगमवाणी गर्ने कोलायाहको छोरा आहाब र मासेयाहको छोरा सिदकियाहको बारेमा सेनाहरूका याहवेह, इस्राएलका परमेश्‍वर यसो भन्‍नुहुन्छ: “म तिनीहरूलाई बेबिलोनको राजा नबूकदनेसरको हातमा सुम्पिदिनेछु; अनि त्यसले तिनीहरूलाई तिमीहरूका आँखाकै सामु मार्नेछ।” 
\v 22 तिनीहरूको कारण बेबिलोनमा भएका यहूदाका कैदीहरू सबैले यसरी श्राप प्रयोग गरेर भन्‍नेछन्: “याहवेहले तिमीहरूलाई सिदकियाह र आहाबलाई गरेजस्तै गरून्, जसलाई बेबिलोनका राजाले आगोमा जलाएका थिए।” 
\v 23 “किनकि तिनीहरूले इस्राएलमा अति घृणित पापहरू गरेका छन्; तिनीहरूले आफ्ना छिमेकीका पत्नीहरूसित व्यभिचार गरेका छन्; अनि मेरो नाममा तिनीहरूले झूटा अगमवाणीहरू गरेका छन्—जुन कुरा गर्नु भनी मैले तिनीहरूलाई आज्ञा गरेको थिइनँ। म यो कुरा जान्दछु र म नै यस कुराको गवाही हुँ,” याहवेह घोषणा गर्नुहुन्छ।
\s1 शमायाहलाई सन्देश
\p
\v 24 नहेलामवासी शमायाहलाई यसो भन्, 
\v 25 “सेनाहरूका याहवेह, इस्राएलका परमेश्‍वर यसो भन्‍नुहुन्छ: तैँले यरूशलेमका सबै मानिसहरूलाई, मासेयाहको छोरा पुजारी सपन्याहलाई र अरू सबै पुजारीहरूलाई आफ्नै नाममा पत्रहरू पठाइस्। तैँले सपन्याहलाई भनिस्, 
\v 26 ‘याहवेहले तिमीलाई यहोयादाको ठाउँमा याहवेहको भवनको जिम्मेवार पुजारी नियुक्त गर्नुभएको छ। तिमीले त्यहाँ अगमवाणीको नक्‍कल गर्ने जुनसुकै बौलाहाजस्तो अगमवक्तालाई ठिँगुरोमा हाल्नू र त्यसको घिच्रोमा फलामको साङ्लाले बाँधेर राख्नू। 
\v 27 यसकारण अब तिमीहरूले किन अनातोतको यर्मियालाई हप्काएका छैनौ, जसले तिमीहरूबीच अगमवाणी गरेजस्तो नक्‍कल गर्छ? 
\v 28 त्यसले हामीलाई बेबिलोनमा यो समाचार पठाएको छ: यो कैदको समय लामो हुनेछ: यसकारण तिमीहरूले घरहरू बनाओ र बसोबास गर; बगैँचा लगाओ र त्यसका उब्जनीहरू खाओ।’ ”
\p
\v 29 पुजारी सपन्याहले त्यो पत्र पढेर यर्मिया अगमवक्तालाई सुनाए। 
\v 30 तब याहवेहको वचन यर्मियाकहाँ आयो: 
\v 31 “यो सन्देश निर्वासनमा भएका सबै मानिसहरूकहाँ पठा: ‘नहेलामवासी शमायाहको बारेमा याहवेह यसो भन्‍नुहुन्छ: मैले शमायाहलाई नपठाए तापनि त्यसले तिमीहरूलाई अगमवाणी गरेर र तिमीहरूलाई झूटो कुरामा विश्‍वास गर्न लगायो, 
\v 32 यसकारण याहवेह यसो भन्‍नुहुन्छ, म नहेलामवासी शमायाह र त्यसका सन्तानलाई निश्‍चय नै दण्ड दिनेछु। यस जातिहरूको बीचमा त्यसको एक जना सन्तान पनि छोडिनेछैन, न त मैले आफ्नो जातिलाई गर्ने असल कुराहरू त्यसले देख्नेछ, याहवेह घोषणा गर्नुहुन्छ: किनभने त्यसले मेरो विरुद्धमा विद्रोह गर्न सिकाएको छ।’ ”
\c 30
\s1 इस्राएलको पुनर्स्थापन
\p
\v 1 यर्मियाकहाँ आएको याहवेहको वचन यही हो: 
\v 2 “याहवेह इस्राएलका परमेश्‍वर यसो भन्‍नुहुन्छ: ‘मैले तँलाई भनेका सबै कुराहरू एउटा पुस्तकमा लेख्। 
\v 3 हेर, दिनहरू आउँदैछन्,’ याहवेह घोषणा गर्नुहुन्छ, ‘जब म मेरो प्रजा इस्राएल र यहूदालाई कैदबाट फर्काएर ल्याउनेछु, तब मैले तिनीहरूका पितापुर्खाहरूलाई अधिकारमा दिएको देशमा तिनीहरूलाई पुनर्स्थापित गर्नेछु,’ याहवेह भन्‍नुहुन्छ।”
\p
\v 4 इस्राएल र यहूदाको बारेमा याहवेहले भन्‍नुभएको कुराहरू यिनै हुन्: 
\v 5 याहवेह यसो भन्‍नुहुन्छ:
\q1 “डराएकाहरूका चीत्कार सुनिँदैछ—
\q2 त्रासको चीत्कार, शान्तिको होइन।
\q1
\v 6 अहिले सोध र हेर:
\q2 के कुनै पुरुषले छोराछोरी जन्माउन सक्छ?
\q1 त्यसो भए किन म हरेक बलियो पुरुषले
\q2 सुत्केरी व्यथामा परेकी स्त्रीले जस्तै आफ्नो हात आफ्नो पेटमाथि राखेको,
\q2 र हरेक अनुहार मरेको जस्तै पहेँलो भएको देख्छु?
\q1
\v 7 हाय! त्यो दिन अति भयानक दिन हुनेछ!
\q2 त्यस्तो अरू कुनै दिन पनि हुनेछैन।
\q1 त्यो दिन याकोबका निम्ति सङ्कष्‍टको समय हुनेछ;
\q2 तर ऊ त्यसबाट बचाइनेछ।
\b
\q1
\v 8 “ ‘त्यस दिन,’ सेनाहरूका याहवेह घोषणा गर्नुहुन्छ,
\q2 ‘म तिनीहरूका काँधबाट जुवा भाँचिदिनेछु;
\q1 अनि तिनीहरूका बन्धन फुकाइदिनेछु;
\q2 अब फेरि तिनीहरूलाई विदेशीहरूले कमारा बनाउने छैनन्।
\q1
\v 9 त्यसको सट्टामा तिनीहरूले याहवेह आफ्ना परमेश्‍वरको
\q2 र तिनीहरूका राजा दावीदको सेवा गर्नेछन्,
\q2 जसलाई म तिनीहरूका निम्ति खडा गर्नेछु।
\b
\q1
\v 10 “ ‘यसकारण हे मेरो सेवक याकोब, नडरा;
\q2 हे इस्राएल, हताश नहो,’
\q2 याहवेह घोषणा गर्नुहुन्छ।
\q1 ‘म निश्‍चय नै तँलाई टाढाको ठाउँबाट र
\q2 तेरा सन्तानहरूलाई बेबिलोनको कैदबाट बचाउनेछु।
\q1 याकोब फेरि शान्ति र सुरक्षामा हुनेछ;
\q2 अनि कसैले पनि इस्राएललाई भयभीत पार्न सक्नेछैन।
\q1
\v 11 म तेरो साथमा छु, र तँलाई बचाउनेछु,’
\q2 याहवेह घोषणा गर्नुहुन्छ।
\q1 ‘मैले तँलाई जुन राष्ट्रहरूको बीचमा छरपस्ट पारेँ,
\q2 ती राष्ट्रहरूलाई सम्पूर्ण रूपले नाश गरे तापनि
\q2 म तँलाईचाहिँ पूर्ण रूपले नाश गर्नेछैनँ।
\q1 तर म तँलाई विनादण्ड चाहिँ छोड्नेछैनँ;
\q2 म तँलाई न्यायपूर्वक दण्ड दिनेछु।’
\p
\v 12 “याहवेह यसो भन्‍नुहुन्छ:
\q1 “ ‘तेरो चोट निको नहुने खालको छ;
\q2 तेरो घाउ पीडादायी छ।
\q1
\v 13 तेरो पक्षमा बोलिदिने कोही पनि छैन;
\q2 तेरो घाउको निम्ति कुनै उपचार छैन;
\q2 अनि तेरो निम्ति कुनै चङ्गाइ छैन।
\q1
\v 14 तेरा सबै मित्रहरूले तँलाई बिर्सेका छन्;
\q2 तिनीहरूले तेरो कुनै वास्ता गर्दैनन्।
\q1 मैले तँलाई शत्रुले झैँ प्रहार गरेको छु;
\q2 अनि निष्‍ठुरीले झैँ तँलाई दण्ड दिएको छु;
\q1 किनकि तेरो अपराध अति ठूलो
\q2 र तेरा पापहरू अति धेरै छन्।
\q1
\v 15 तँ आफ्नो घाउले गर्दा
\q2 र तेरो निको नहुने पीडाको निम्ति किन रुन्छस्?
\q1 तेरो ठूलो अपराध र धेरै पापहरूका कारण
\q2 मैले तँसँग यी कुराहरू गरेको हुँ।
\b
\q1
\v 16 “ ‘तर तँलाई निल्नेहरू सबै अरूद्वारा निलिनेछन्;
\q2 तेरा सबै शत्रुहरू निर्वासनमा जानेछन्।
\q1 तँलाई लुट्नेहरू अरूद्वारा लुटिनेछन्;
\q2 तँलाई बिगार्नेहरूलाई म बिगारिदिनेछु।
\q1
\v 17 तर म तँलाई फेरि स्वस्थ तुल्याउनेछु,
\q2 र तेरा घाउहरू निको पार्नेछु,’ याहवेह घोषणा गर्नुहुन्छ;
\q1 ‘किनकि तँलाई बहिष्कृत गरिएका भनिनेछ,
\q2 सियोन, जसको कसैले वास्ता गर्दैन।’
\p
\v 18 “याहवेह यसो भन्‍नुहुन्छ:
\q1 “ ‘हेर, म याकोबको पालको सुख-शान्ति पुनर्स्थापित गर्नेछु,
\q2 र त्यसको वासस्थानमाथि दया देखाउनेछु;
\q1 त्यो सहर त्यसकै भग्नावशेषमाथि पुनर्निर्माण हुनेछ;
\q2 अनि राजमहल पहिलेकै आफ्नै स्थानमा खडा हुनेछ।
\q1
\v 19 तिनीहरूबाट धन्यवादका स्तुतिगान
\q2 र आनन्दको सोर निस्कनेछ।
\q1 म तिनीहरूका संख्याको वृद्धि गर्नेछु;
\q2 अनि तिनीहरू घट्नेछैनन्;
\q1 म तिनीहरूलाई आदर दिनेछु;
\q2 अनि तिनीहरू अपहेलित हुनेछैनन्।
\q1
\v 20 तिनीहरूका छोराछोरीहरू पहिलेकै जस्तै हुनेछन्;
\q2 अनि तिनीहरूको समुदाय मेरो सामु स्थापित गरिनेछ;
\q2 तिनीहरूलाई थिचोमिचो गर्ने सबैलाई म दण्ड दिनेछु।
\q1
\v 21 तिनीहरूको अगुवा तिनीहरूकै आफ्नै जातिबाट हुनेछ;
\q2 तिनीहरूको शासक तिनीहरूमध्येबाट खडा हुनेछ।
\q1 म त्यसलाई मेरो नजिक ल्याउनेछु र त्यो मेरो नजिक आउनेछ;
\q2 किनकि आफैँले साहस गरेर
\q2 को मेरो नजिक आउनसक्छ र?’
\q2 याहवेह घोषणा गर्नुहुन्छ।
\q1
\v 22 ‘यसरी तिमीहरू मेरो प्रजा हुनेछौ;
\q2 अनि म तिमीहरूले सेवा गर्ने परमेश्‍वर हुनेछु।’ ”
\b
\q1
\v 23 हेर, याहवेहको रिस
\q2 आँधीबेहरीजस्तै फुटेर निस्कनेछ;
\q1 अनि दुष्‍टहरूका टाउकोमाथि
\q2 त्यो बतासको भुमरी जोडसित बजारिनेछ।
\q1
\v 24 जबसम्म याहवेहले उहाँको हृदयको उद्देश्यहरू
\q2 पूर्ण रूपमा पूरा गर्नुहुन्‍न,
\q2 तबसम्म उहाँको भयानक रिस शान्त हुनेछैन।
\q1 आउने दिनहरूमा
\q2 तिमीहरूले यो कुरा बुझ्नेछौ।
\c 31
\p
\v 1 याहवेह घोषणा गर्नुहुन्छ, “त्यस बेला म इस्राएलका सबै घरानाहरूका परमेश्‍वर हुनेछु, र तिनीहरू मेरा मानिसहरू हुनेछन्।”
\p
\v 2 याहवेह यसो भन्‍नुहुन्छ:
\q1 “तरवारबाट बाँचेका मानिसहरूले
\q2 मरुभूमिमा निगाह पाउनेछन्;
\q2 म इस्राएललाई विश्राम दिनका लागि आउनेछु।”
\p
\v 3 बितेको समयमा याहवेह हामीकहाँ देखा पर्नुभयो र भन्‍नुभयो:
\q1 “अनन्त प्रेमले मैले तँलाई प्रेम गरेको छु;
\q2 अचुक कृपाले मैले तँलाई आकर्षित गरेको छु।
\q1
\v 4 म तँलाई फेरि निर्माण गर्नेछु;
\q2 अनि हे कन्या इस्राएल, तँ फेरि निर्माण गरिनेछस्।
\q1 तँ फेरि आफ्नो खैँजडी लिएर
\q2 आनन्दसाथ नाच्दै निक्लनेछस्।
\q1
\v 5 तैँले फेरि सामरियाका डाँडाहरूमा
\q2 दाखबारीहरू लगाउनेछस्;
\q1 किसानहरूले दाखबारीहरू लगाउनेछन्,
\q2 र तिनीहरूले आफ्ना फलहरूबाट आनन्द लिनेछन्।
\q1
\v 6 यस्तो दिन आउनेछ, जब पहरेदारहरू
\q2 एफ्राइमका डाँडाहरूमा यसरी कराउनेछन्,
\q1 ‘आओ, हामी याहवेह हाम्रा परमेश्‍वरकहाँ
\q2 सियोनमा जाऔँ।’ ”
\p
\v 7 याहवेह यसो भन्‍नुहुन्छ:
\q1 “याकोबका निम्ति आनन्दसाथ गाओ;
\q2 राष्ट्रहरूका प्रमुखका निम्ति चर्को सोरले कराओ।
\q1 उच्‍च सोरले प्रशंसा गरेर भन,
\q2 ‘हे याहवेह, तपाईंको जाति
\q2 इस्राएलका बाँकी रहेकाहरूलाई बचाउनुहोस्।’
\q1
\v 8 हेर, म तिनीहरूलाई उत्तरको देशबाट यहाँ फर्काएर ल्याउनेछु,
\q2 र तिनीहरूलाई पृथ्वीको पल्‍लो छेउबाट एकसाथ भेला गर्नेछु।
\q1 तिनीहरूका बीचमा अन्धा र लङ्गडा,
\q2 गर्भवती आमाहरू र प्रसुती वेदनामा परेका स्त्रीहरू हुनेछन्;
\q2 एउटा विशाल भीड फर्किनेछ।
\q1
\v 9 तिनीहरू रुँदै-रुँदै फर्किआउनेछन्;
\q2 मैले तिनीहरूलाई फर्काएर ल्याउँदा तिनीहरूले प्रार्थना गर्नेछन्।
\q1 म तिनीहरूलाई पानीको मुहानका छेउबाट डोर्‍याउनेछु;
\q2 समतल बाटोबाट, जहाँ तिनीहरूले ठेस खानेछैनन्;
\q1 किनकि म इस्राएलका पिता हुँ,
\q2 र एफ्राइम मेरो जेठा छोरा हो।
\b
\q1
\v 10 “हे राष्ट्रहरू हो, याहवेहको वचन सुन;
\q2 वचनलाई टाढा-टाढाका टापुसम्म घोषणा गर:
\q1 ‘इस्राएललाई छरपस्ट पार्नुहुनेले तिनीहरूलाई भेला गर्नुहुनेछ,
\q2 र उहाँले आफ्नो बगाललाई गोठालोले झैँ हेरचाह गर्नुहुनेछ।’
\q1
\v 11 किनकि याहवेहले याकोबलाई छुटाउनुहुनेछ,
\q2 र तिनीहरूभन्दा बलिया शत्रुहरूका हातबाट तिनीहरूलाई मोल तिरेर छुटाउनुहुनेछ।
\q1
\v 12 तिनीहरू आउनेछन् र सियोनका उच्‍च ठाउँहरूमा आनन्दसाथ गाउनेछन्;
\q2 याहवेहबाट प्रशस्ततामा तिनीहरू आनन्दित हुनेछन्—
\q1 अन्‍न, नयाँ दाखमद्य र जैतुनको तेल,
\q2 भेडाबाख्राका पाठापाठी र गाईबस्तुका बाछाबाछीहरूका कारण रमाहट गर्नेछन्।
\q1 तिनीहरू पानीले सिँचेको बगैँचाझैँ हुनेछन्,
\q2 अनि तिनीहरू फेरि दुःखी हुनेछैनन्।
\q1
\v 13 तब तरुणीहरू, जवानहरू, वृद्धहरू
\q2 नाच्नेछन् र आनन्दित हुनेछन्।
\q1 म तिनीहरूको शोकलाई आनन्दमा परिणत गरिदिनेछु;
\q2 म तिनीहरूको शोकलाई सान्त्वना र आनन्दमा परिणत गरिदिनेछु।
\q1
\v 14 म पुजारीहरूलाई प्रशस्त भोजनले तृप्‍त पारिदिनेछु;
\q2 अनि मेरा मानिसहरू मेरो प्रशस्तताले भरिपूर्ण हुनेछन्,”
\q2 याहवेह घोषणा गर्नुहुन्छ।
\p
\v 15 याहवेह यसो भन्‍नुहुन्छ:
\q1 “रामामा एउटा सोर सुनियो,
\q2 शोक र घोर विलापको सोर;
\q1 राहेल आफ्ना बालबच्‍चाको निम्ति रोइरहेकी,
\q2 र तिनले सान्त्वनालाई इन्कार गरेकी छिन्;
\q2 किनकि तिनीहरू अब रहेनन्।”
\p
\v 16 याहवेह यसो भन्‍नुहुन्छ:
\q1 “तेरो रोदनको सोरलाई
\q2 र तेरो आँखाको आँसुलाई रोक्;
\q1 किनकि तेरो कामको इनाम पाउनेछेस्,”
\q2 याहवेह घोषणा गर्नुहुन्छ।
\q2 “तिनीहरू शत्रुको देशबाट फर्कनेछन्।
\q1
\v 17 याहवेह घोषणा गर्नुहुन्छ,
\q2 “भविष्यको निम्ति तिमीहरूका सन्तानलाई आशा छ,
\q2 तिमीहरूका छोराछोरीहरू तिनीहरूका आफ्नै देशमा फर्कनेछन्।
\b
\q1
\v 18 “वास्तवमै मैले एफ्राइमको विलाप सुनेको छु:
\q2 ‘तपाईंले नसधाइएको बाछोलाई झैँ मलाई अनुशासन सिकाउनुभयो,
\q2 र म अनुशासित भएको छु।
\q1 मलाई पुनर्स्थापित गर्नुहोस्, र म फर्कनेछु;
\q2 किनकि तपाईं याहवेह नै मेरा परमेश्‍वर हुनुहुन्छ।
\q1
\v 19 म बरालिएर गएपछि
\q2 मैले पश्‍चात्ताप गरेँ;
\q1 मैले बुझेपछि
\q2 मैले आफ्नो छाती पिटेँ।
\q1 म लज्जित भएँ, र शिर झुकाएँ;
\q2 किनकि मेरो युवावस्थाको अपमान मैले बोकेको थिएँ।’
\q1
\v 20 याहवेह घोषणा गर्नुहुन्छ,
\q2 के एफ्राइम मैले मन पराएको बालक,
\q1 मेरो प्यारो छोरा होइन र?
\q2 मैले त्यसको विरुद्धमा बोले तापनि
\q1 म अझै पनि त्यसको याद गर्छु।
\q2 यसकारण मेरो हृदय त्यसको निम्ति तड्पिन्छ;
\q2 म त्यसलाई निश्‍चय नै दया देखाउनेछु।
\b
\q1
\v 21 “बाटोको निम्ति सङ्केत चिन्हहरू बना;
\q2 मार्गदर्शन गर्ने खम्बाहरू खडा गर्।
\q1 तैँले हिँड्नलाई छानेको बाटो,
\q2 त्यो राजमार्गतिर ध्यान लगा।
\q1 हे कन्या इस्राएल, फर्की,
\q2 तेरा आफ्नै सहरहरूमा फर्की।
\q1
\v 22 ए अविश्‍वासी छोरी इस्राएल,
\q2 तँ कहिलेसम्म बरालिन्छेस्?
\q1 याहवेहले पृथ्वीमा एउटा नयाँ कुरा सृष्‍टि गर्नुहुनेछ—
\q2 अब स्त्री पुरुषकहाँ फर्किनेछे।”
\p
\v 23 इस्राएलका परमेश्‍वर, सेनाहरूका याहवेह यसो भन्‍नुहुन्छ: “जब म तिनीहरूलाई कैदबाट फर्काएर ल्याउनेछु, तब यहूदाको देश र त्यसका सहरहरूमा भएका मानिसहरूले फेरि यी वचनहरू भन्‍नेछन्: ‘हे समृद्ध यरूशलेम, हे पवित्र पर्वत, याहवेहले तँलाई आशिष् देऊन्।’ 
\v 24 यहूदा र त्यसका सबै सहरहरूमा भएका मानिसहरू, किसानहरू र आफ्ना बगालहरू लिएर यताउता डुलिहिँड्नेहरू सबै एकसाथ बस्‍नेछन्। 
\v 25 थाकेकाहरूलाई म फेरि ताजा बनाउनेछु र मूर्च्छा परेकाहरूलाई तृप्‍त पार्नेछु।”
\p
\v 26 यतिकैमा म बिउँझेँ, र मैले चारैतिर हेरेँ। मेरो निन्द्रा मलाई मिठो लागेको थियो।
\p
\v 27 याहवेह घोषणा गर्नुहुन्छ, “हेर, यस्ता दिनहरू आउँछन्, जब म इस्राएल र यहूदाका मानिसहरूलाई तिनीहरूका सन्तान र पशुहरूका बच्‍चाहरूसमेत वृद्धि गर्नेछु। 
\v 28 जसरी मैले तिनीहरूलाई उखेल्न, च्यातचुत पार्न र फ्याँक्न, विनाश गर्न र विपत्ति ल्याउन नियालेर हेरेँ; त्यसरी नै म तिनीहरूलाई निर्माण गर्न र रोप्नलाई पनि नियालेर हेर्नेछु,” याहवेह घोषणा गर्नुहुन्छ। 
\v 29 “ती दिनहरूमा मानिसहरूले फेरि यसो कहिल्यै भन्‍नेछैनन्,
\q1 ‘अमिलो अङ्‌गुर खाने आमाबुबा;
\q2 अनि दाँत कुँडिने छोराछोरीहरूको।’
\m
\v 30 त्यसको सट्टामा, हरेक मानिस उसको आफ्नै पापको कारणले मर्नेछ; जसले अमिलो अङ्‌गुर खान्छ, त्यसकै दाँत कुँडिनेछ।
\q1
\v 31 “हेर, यस्ता दिनहरू आउनेछन्,” याहवेह घोषणा गर्नुहुन्छ,
\q2 “जब म इस्राएलका मानिसहरू
\q1 र यहूदाका मानिसहरूसँग
\q2 नयाँ करार स्थापित गर्नेछु।
\q1
\v 32 यो त्यो करारजस्तै हुनेछैन,
\q2 जुन मैले तिनीहरूका पुर्खाहरूसँग बाँधेँ;
\q1 जब मैले तिनीहरूलाई हात समातेर,
\q2 इजिप्टबाट डोर्‍याएर ल्याएको थिएँ;
\q1 किनकि म तिनीहरूको पति भए तापनि
\q2 तिनीहरूले मेरो करार भङ्ग गरे,”
\q2 याहवेह घोषणा गर्नुहुन्छ।
\q1
\v 33 “त्यसपछि म इस्राएलका मानिसहरूसँग यो करार बाँध्नेछु,”
\q2 याहवेह घोषणा गर्नुहुन्छ।
\q1 “म आफ्नो व्यवस्था तिनीहरूका मनमा राखिदिनेछु,
\q2 र त्यसलाई तिनीहरूका हृदयमा लेखिदिनेछु।
\q1 म तिनीहरूका परमेश्‍वर हुनेछु;
\q2 र तिनीहरू मेरा मानिसहरू हुनेछन्।
\q1
\v 34 अब उसो कुनै पनि मानिसले आफ्नो छिमेकीलाई
\q2 अथवा एक-अर्कालाई, ‘याहवेहलाई चिन,’ भनी सिकाउनेछैन;
\q1 किनकि सानादेखि लिएर
\q2 ठूलासम्म सबैले मलाई चिन्‍नेछन्,”
\q2 याहवेह घोषणा गर्नुहुन्छ।
\q1 “किनकि म तिनीहरूका दुष्‍टता क्षमा गरिदिनेछु,
\q2 र तिनीहरूका पापहरू फेरि सम्झनेछैनँ।”
\p
\v 35 याहवेह यसो भन्‍नुहुन्छ,
\q1 जसले सूर्यलाई
\q2 दिउँसो प्रकाश दिन नियुक्त गर्नुहुन्छ,
\q1 जसले जुन र ताराहरूलाई
\q2 राति चम्कनलाई आदेश दिनुहुन्छ,
\q1 जसले समुद्रलाई हल्‍लाउनुहुन्छ,
\q2 ताकि छालहरू गर्जून्;
\q2 उहाँको नाम सेनाहरूका याहवेह हो:
\q1
\v 36 याहवेह घोषणा गर्नुहुन्छ,
\q2 “जसरी मेरो दृष्‍टिबाट यी उर्दीहरू कहिल्यै रद्द हुँदैनन्,
\q1 त्यसरी नै इस्राएल मेरो सामु
\q2 सधैँभरि एक स्थिर राष्ट्र भई रहनेछ।”
\p
\v 37 याहवेह यसो भन्‍नुहुन्छ:
\q1 “यदि माथिका आकाशहरू नाप्‍न सकिन्छ,
\q2 र मुनि पृथ्वीका जगहरू खोजेर निकाल्न सकिन्छ भने मात्र,
\q1 म इस्राएलले गरेका पापहरूको कारण
\q2 तिनीहरूका सन्तानहरूलाई इन्कार गर्नेछु,”
\q2 याहवेह घोषणा गर्नुहुन्छ।
\p
\v 38 याहवेह घोषणा गर्नुहुन्छ, “यस्ता दिनहरू आउँदैछन्, जब हननेलको धरहरादेखि कुने मूलढोकासम्म यो सहर मेरा निम्ति पुनर्निर्माण हुनेछ। 
\v 39 नाप्‍ने डोरी त्यहाँबाट सीधा गारेबको डाँडामा पुगेर गोआसम्म जानेछ। 
\v 40 समस्त बेँसीमा लासहरू र खरानीहरू फ्याँकिनेछ। अनि यरूशलेमको पूर्वतिरको किद्रोन खोल्सामाथि भएका मृत्युका खेतहरू र घोडे-ढोकासम्म भएका सबै इलाका याहवेहका निम्ति पवित्र हुनेछन्। त्यो सहर फेरि कहिल्यै उखेलिनेछैन, न त भत्काइनेछ।”
\c 32
\s1 यर्मियाले एउटा खेत किनेका
\p
\v 1 यहूदाका राजा सिदकियाहको शासनकालको दशौँ वर्षमा, अर्थात् नबूकदनेसरको शासनकालको अठारौँ वर्षमा याहवेहको यो वचन यर्मियाकहाँ आयो। 
\v 2 त्यस बेला बेबिलोनका राजाका सेनाहरूले यरूशलेमलाई घेरिराखेका थिए। अनि यर्मिया अगमवक्तालाई चाहिँ यहूदाको राजकीय महलको पहरेदार चोकमा कैदमा राखिएको थियो।
\p
\v 3 यहूदाका राजा सिदकियाहले तिनलाई यसो भनेर त्यहाँ कैद गरेका थिए, “तैँले किन अगमवाणी गर्छस् र यसरी भन्छस्? याहवेह यसो भन्‍नुहुन्छ: ‘मैले यस सहरलाई बेबिलोनको राजाको हातमा सुम्पिदिन लागेको छु र त्यसले यसलाई कब्जा गर्नेछ। 
\v 4 यहूदाका राजा सिदकियाह बेबिलोनीहरूबाट\f + \fr 32:4 \fr*\ft अथवा \ft*\fqa कल्दीहरू\fqa*\f* उम्कनेछैन, तर निश्‍चय नै बेबिलोनको राजाको हातमा सुम्पिइनेछ। अनि बेबिलोनको राजासँग आफ्नै आँखाले आमने-सामने हेरेर कुरा गर्नेछ। 
\v 5 बेबिलोनको राजाले सिदकियाहलाई बेबिलोनमा लैजानेछ, जहाँ सिदकियाहलाई मैले उसको मामिलामा विचार नगरेसम्म ऊ त्यहीँ हुनेछ, याहवेह घोषणा गर्नुहुन्छ। यदि तिमीहरूले बेबिलोनीहरूको विरुद्धमा लडाइँ गर्‍यौ भने तिमीहरू सफल हुनेछैनौ भनेर तँ किन यसो भन्छस्।’ ”
\p
\v 6 तब यर्मियाले भने, “याहवेहको वचन मकहाँ आयो: 
\v 7 तेरा काका शल्‍लूमको छोरा हनमेल यसो भन्दै तँकहाँ भेट्न आउन लागेको छ, ‘बेन्यामीनको प्रान्तको अनातोतमा भएको मेरो जमिन किन्‍नुहोस्; किनकि तपाईं नजिकको नातेदार हुनुभएको कारण जमिन किन्‍ने अधिकार र कर्तव्य तपाईंको हो।’
\p
\v 8 “तब याहवेहले भन्‍नुभएझैँ मेरो भाइ हनमेल पहरेदारको चोकमा मकहाँ आएर मलाई भन्यो, ‘बेन्यामीनको प्रान्तको अनातोतमा भएको मेरो जमिन किन्‍नुहोस्। किनकि यस जमिनलाई मूल्य चुकाएर छुटाउने र अधिकार गर्ने हक तपाईंकै छ। यसकारण जमिनलाई तपाईंले नै किन्‍नुहोस्।’
\p “यो याहवेहको वचन हो भनी म जान्दछु; 
\v 9 यसकारण मैले आफ्नो भाइ हनमेलबाट अनातोतमा भएको त्यो जमिन किनेँ, र सत्र शेकेल चाँदी\f + \fr 32:9 \fr*\ft लगभग 200 ग्राम\ft*\f* जोखेर त्यसलाई दिएँ। 
\v 10 मैले त्यस जमिनको तमसुकमा सही गरेर छाप लगाएँ। मैले साक्षीहरू राखेँ, र तराजुमा त्यो चाँदी जोखिदिएँ। 
\v 11 मैले जमिन किनेको तमसुक, अर्थात् शर्तहरू सहितको सहीछाप लगाइएको तमसुकको साथमा छाप नलगाइएको प्रतिलिपी पनि लिएँ। 
\v 12 अनि आफ्नो भाइ हनमेलको उपस्थिति र त्यस तमसुकमा सही गर्ने साक्षीहरू र पहरेदार चोकमा बसिरहेका सबै यहूदीहरूको उपस्थितिमा त्यस तमसुकलाई महसेयाहको नाति, नेरियाहको छोरा बारूकलाई दिएँ।
\p
\v 13 “ती मानिसहरूकै उपस्थितिमा मैले बारूकलाई यी आदेशहरू दिएँ: 
\v 14 ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: सहीछाप लगाइएको र नलगाइएको यी दुवै प्रतिलिपिहरू लिएर लामो समयसम्म सुरक्षित रहून् भनेर यिनीहरूलाई माटोको भाँडोमा राख्नू। 
\v 15 किनकि सेनाहरूका याहवेह, इस्राएलका परमेश्‍वर यसो भन्‍नुहुन्छ: यस देशमा फेरि घरहरू, जमिनहरू र दाखबारीहरू किनबेच गरिनेछन्।’
\p
\v 16 “मैले नेरियाहको छोरा बारूकलाई किनबेचको तमसुक दिइसकेपछि मैले याहवेहसँग प्रार्थना गरेँ:
\pm
\v 17 “हे प्रभु याहवेह, तपाईंले आफ्नो महाशक्ति र बाहुबलले आकाश र पृथ्वीलाई बनाउनुभयो। तपाईंका निम्ति कुनै कुरा पनि कठिन छैन। 
\v 18 तपाईंले हजारौँ मानिसहरूमाथि प्रेम देखाउनुहुन्छ, तर बुबाआमाको अपराधहरूका दण्ड तिनीहरूपछि तिनीहरूका सन्तानहरूलाई दिनुहुन्छ। हे महान् र शक्तिशाली परमेश्‍वर, जसको नाम सेनाहरूका याहवेह हो; 
\v 19 तपाईंका उद्देश्यहरू महान् र तपाईंका कामहरू शक्तिशाली छन्। तपाईंका आँखा सबै मानव-जातिका चालहरूमाथि खुल्‍ला रहन्छन्; तपाईंले हरेक मानिसलाई तिनीहरूका चालहरू र तिनीहरूका कामअनुसारको इनाम दिनुहुन्छ। 
\v 20 तपाईंले इजिप्टमा अलौकिक चिन्हहरू र अद्‌भुत कार्यहरू गर्नुभयो। आजको दिनसम्म इस्राएल र सबै मानव-जाति दुवैका बीचमा ती प्रकट गरिरहनुभएको छ। अनि तपाईंले ख्याति प्राप्‍त गर्नुभएको छ, जुन आजको दिनसम्म पनि तपाईंकै हो। 
\v 21 तपाईंले आफ्नो जाति इस्राएललाई अलौकिक चिन्हहरू र अद्‌भुत कार्यहरूद्वारा तपाईंको शक्तिशाली हात र बाहुबलको ठूलो त्राससहित इजिप्टबाट निकालेर ल्याउनुभयो। 
\v 22 तपाईंले तिनीहरूका पितापुर्खाहरूसँग शपथ खाएर दिन्छु भनेर प्रतिज्ञा गर्नुभएको यो देश, जुन दूध र मह बग्ने देश हो, तिनीहरूलाई दिनुभयो। 
\v 23 इस्राएलीहरू देशभित्र आए, र देशलाई अधिकार गरे; तर तिनीहरूले तपाईं र तपाईंका आज्ञाहरू पालन गरेनन्। तपाईंले तिनीहरूलाई पालन गर्नू भनेर दिनुभएको आज्ञा तिनीहरूले पालन गरेनन्। यसैकारण तपाईंले तिनीहरूमाथि यी सबै विपत्तिहरू ल्याउनुभयो।
\pm
\v 24 “हेर्नुहोस्, यस सहरलाई कब्जा गर्नलाई बेबिलोनीहरूले घेरा हाल्न कसरी मोर्चा बनाएका छन्। किनकि तरवार, अनिकाल र रूढीको कारणले यो सहर बेबिलोनीहरूको हातमा सुम्पिइनेछ, जसले यस सहरमाथि आक्रमण गरिरहेका छन्। तपाईंले जे भन्‍नुभयो, त्यो पूरा भइरहेको छ, जस्तो अहिले तपाईंले देख्दैहुनुहुन्छ। 
\v 25 अनि यो सहर यरूशलेमलाई बेबिलोनीहरूको हातमा सुम्पिने भए तापनि हे प्रभु याहवेह, तपाईंले मलाई भन्‍नुहुन्छ, ‘यस जमिनलाई चाँदीले किन र किनबेच गरिएको साक्षी राख।’ ”
\p
\v 26 तब याहवेहको वचन यर्मियाकहाँ आयो: 
\v 27 “म याहवेह सबै मानव-जातिका परमेश्‍वर हुँ। के मेरो निम्ति कुनै कुरा कठिन छ र? 
\v 28 यसकारण याहवेह यसो भन्‍नुहुन्छ: म यस सहरलाई बेबिलोनीहरू र बेबिलोनको राजा नबूकदनेसरको हातमा सुम्पिदिन लागेको छु, जसले यस सहरलाई कब्जा गर्नेछ। 
\v 29 यस सहरलाई आक्रमण गरिरहेका बेबिलोनीहरू सहरभित्र आउनेछन्, र यस सहरलाई आगो लगाइदिनेछन्। बाल देवताका छानाहरूमा धूप बालेर अरू देवताहरूलाई अर्घबलि चढाएर मलाई रिस उठाउने मानिसहरू बसेका घरहरूको साथमा यस सहरलाई पनि जलाइदिनेछन्।
\p
\v 30 “इस्राएल र यहूदाका मानिसहरूले तिनीहरूका जवानी अवस्थादेखि नै दुष्‍ट कामहरूबाहेक अरू केही पनि गरेका छैनन्। साँच्‍चै इस्राएलका मानिसहरूले तिनीहरूका हातले बनाएका मूर्तिहरूद्वारा मलाई रिस उठाउने कामबाहेक अरू केही गरेका छैनन्, याहवेह घोषणा गर्नुहुन्छ। 
\v 31 यो यरूशलेमको सहर बनिएको दिनदेखि आजको दिनसम्म यस सहरका मानिसहरूले मलाई रिस उठाएर क्रोधित तुल्याएका छन्। यसकारण मैले यस सहरलाई आफ्नो दृष्‍टिबाट हटाइदिनैपर्छ। 
\v 32 इस्राएल र यहूदाका मानिसहरू, तिनीहरू, तिनीहरूका राजाहरू र अधिकारीहरू, तिनीहरूका पुजारीहरू र अगमवक्ताहरू, यहूदाका मानिसहरू र यरूशलेमका मानिसहरूले सबै दुष्‍ट कामहरू गरेर मलाई क्रोधित तुल्याएका छन्। 
\v 33 तिनीहरूले मतिर तिनीहरूका अनुहार होइन, तर तिनीहरूका पीठ फर्काएका छन्; मैले तिनीहरूलाई घरी-घरी सिकाए तापनि तिनीहरूले सुनेनन् र अनुशासनलाई ग्रहण गरेनन्। 
\v 34 तिनीहरूले मेरो नाम बोकेको परमेश्‍वरको भवनमा तिनीहरूका घिनलाग्दा मूर्तिहरू खडा गरे र भवनलाई अपवित्र पारे। 
\v 35 तिनीहरूले आफ्ना छोराछोरीहरूलाई मोलेख देवतालाई बलिदान चढाउनलाई बेन-हिन्‍नोमको खोल्सामा बालको निम्ति अग्ला ठाउँ वा देवस्थानहरू बनाए। तिनीहरूले यस्ता घिनलाग्दा पापहरू गर्न, न त मैले तिनीहरूलाई कहिल्यै आज्ञा गरेको थिएँ, न त यस्तो कुरा मेरो मनमा नै थियो।
\p
\v 36 “तिमीहरू यस सहरको विषयमा यसरी भन्दैछौ, ‘तरवार, अनिकाल र रूढीद्वारा यो सहर बेबिलोनका राजाको हातमा दिइनेछ’; तर याहवेह, इस्राएलका परमेश्‍वर यसो भन्‍नुहुन्छ: 
\v 37 निश्‍चय नै म तिनीहरूलाई सबै देशहरूबाट जम्मा गर्नेछु, जहाँ मैले आफ्नो रिस र प्रचण्ड क्रोधमा तिनीहरूलाई धपाइदिएको थिएँ। म तिनीहरूलाई यस भूमिमा फर्काएर ल्याउनेछु र तिनीहरूलाई सुरक्षित भएर बस्‍न दिनेछु। 
\v 38 तिनीहरू मेरा मानिसहरू हुनेछन्, र म तिनीहरूका परमेश्‍वर हुनेछु। 
\v 39 म तिनीहरूलाई एउटै हृदय र एउटै उद्देश्य दिनेछु, ताकि तिनीहरूले आफ्ना र तिनीहरूका सन्तानको भलाइका निम्ति सधैँ मेरो डर मान्‍नेछन्। 
\v 40 म तिनीहरूसँग अनन्तको करार बाँध्नेछु। म तिनीहरूको भलाइ गर्न कहिल्यै छोड्नेछैनँ। अनि म तिनीहरूलाई मप्रति डर मान्‍ने बनाउनेछु। यसकारण तिनीहरू मबाट कहिल्यै तर्केर टाढा जानेछैनन्। 
\v 41 तिनीहरूको भलाइ गर्दा म आनन्दित हुनेछु; अनि मेरो सारा हृदयले र सारा प्राणले तिनीहरूलाई यस देशमा निश्‍चय नै स्थायी रूपमा स्थापित गर्नेछु।
\p
\v 42 “याहवेह यसो भन्‍नुहुन्छ: जसरी मैले यस जातिमाथि यी सबै विपत्ति ल्याएको छु, त्यसरी नै मैले तिनीहरूलाई प्रतिज्ञा गरेका सबै असल थोकहरू म तिनीहरूलाई दिनेछु। 
\v 43 जुन देशको बारेमा तिमीहरू यसो भन्छौ, ‘यो त उजाड र काम नलाग्ने, मानिसहरू र पशुहरू केही नभएको उजाड भूमिजस्तो छ; किनकि यो देश बेबिलोनीहरूका हातमा दिइएको छ, तर यस देशमा फेरि जमिनहरू किनिनेछन्।’ 
\v 44 चाँदीको लागि जमिनहरू किनिनेछन्, र बेन्यामीनको इलाकामा, यरूशलेमका वरिपरिका गाउँहरूमा, यहूदाका सहरहरूमा, पश्‍चिमी पहाडको फेद र दक्षिणतिरको पहाडी इलाकाका सहरहरूमा किनबेचको तमसुकहरूमा हस्ताक्षर गरिनेछन्। सहीछाप लाएर तमसुकहरू साक्षीका निम्ति राखिनेछन्; किनकि म तिनीहरूको सुख-शान्ति फेरि फर्काइदिनेछु,\f + \fr 32:44 \fr*\ft अथवा \ft*\fqa बेबिलोनको कैदबाट फर्काइल्याउनेछु।\fqa*\f* याहवेह घोषणा गर्नुहुन्छ।”
\c 33
\s1 पुनर्स्थापनाको प्रतिज्ञा
\p
\v 1 यर्मिया पहरेदार चोकमा थुनिएको बेलामा याहवेहको वचन दोस्रो पल्ट तिनीकहाँ आयो: 
\v 2 “याहवेह यसो भन्‍नुहुन्छ, उहाँ, जसले पृथ्वी बनाउनुभयो, याहवेह जसले पृथ्वीको आकार बनाउनुभयो र पृथ्वीलाई स्थापित गर्नुभयो—उहाँको नाम याहवेह हो: 
\v 3 ‘मलाई पुकार् र म तँलाई जवाफ दिनेछु; अनि तैँले नजानेका महान् र गुप्‍त कुराहरू म तँलाई बताउनेछु।’ 
\v 4 किनकि बेबिलोनीहरूको घेराबन्दी र तरवारको विरुद्धमा भएको प्रतिरोधको लडाइँमा भत्काइएका यस सहरका घरहरू र यहूदाका राजकीय महलहरूको बारेमा याहवेह, इस्राएलका परमेश्‍वर यसो भन्‍नुहुन्छ, 
\v 5 बेबिलोनीहरूसँगको लडाइँमा: ‘मैले आफ्नो रिस र क्रोधमा मारेका मानिसहरूका लासहरूले ती भवन र घरहरू भरिनेछन्। यस सहरका सबै दुष्‍टताको कारण म यस सहरबाट आफ्नो अनुहार लुकाउनेछु।
\p
\v 6 “ ‘तापनि म यस सहरमा फेरि स्वस्थता र चङ्गाइ ल्याउनेछु, र म मेरा मानिसहरूलाई फेरि निको पार्नेछु; अनि तिनीहरूलाई प्रशस्त शान्ति र सुरक्षा उपभोग गर्न दिनेछु। 
\v 7 म यहूदा र इस्राएललाई कैदबाट फर्काएर ल्याउनेछु, र तिनीहरूलाई पहिलेजस्तै फेरि म पुनर्निर्माण गर्नेछु। 
\v 8 तिनीहरूले मेरो विरुद्धमा गरेका सबै अपराधबाट म तिनीहरूलाई शुद्ध पार्नेछु। मेरो विरुद्धमा तिनीहरूले गरेका सबै पाप र विद्रोहहरूलाई क्षमा गर्नेछु। 
\v 9 तब यस यरूशलेम सहरको निम्ति मैले गरेका सबै भलाइका कुराहरू सुनेर यस पृथ्वीका सबै जातिहरूको सामु यस सहरले मलाई ख्याति, आनन्द, प्रशंसा र सम्मान ल्याउनेछ। अनि मैले यस यरूशलेमको निम्ति दिएको प्रशस्त उन्‍नति र शान्तिको कारण मानिसहरू डराएर थरथर काम्नेछन्।’
\p
\v 10 “याहवेह यसो भन्‍नुहुन्छ: ‘तिमीहरू यस ठाउँको बारेमा भन्दछौ, यो त कुनै मानिस र पशुप्राणीहरू नभएको उजाड ठाउँ हो। यद्यपि यरूशलेमका सडकहरू र यहूदाका सहरहरू, जो कुनै मानिस, कुनै बासिन्दा नभएका र त्यागिएका उजाड छन्, 
\v 11 एक पटक फेरि आनन्द र हर्षको सोर, दुलहा र दुलहीका आवाजहरू; अनि याहवेहको भवनमा धन्यवादको भेटी लिएर आउनेहरूका सोरहरू सुनिनेछन्, जसले यसो भन्‍नेछन्,
\q1 “सेनाहरूका याहवेहलाई धन्यवाद चढाओ;
\q2 किनकि सेनाहरूका याहवेह भलो हुनुहुन्छ;
\q2 उहाँको अचुक प्रेम सदासर्वदा रहिरहन्छ।”
\m किनकि यस देशको सुख-शान्ति फेरि फर्काएर पहिलेको जस्तै म पुनर्निर्माण गरिदिनेछु,’ याहवेह यसो भन्‍नुहुन्छ।
\p
\v 12 “सेनाहरूका याहवेह यसो भन्‍नुहुन्छ: ‘यो उजाड ठाउँ मानिसहरू र पशुप्राणीहरू नभएको ठाउँमा—यस देशका सबै सहरमा गोठालाहरूका निम्ति तिनीहरूका बगालहरू विश्राम गर्ने खर्कहरू फेरि हुनेछन्। 
\v 13 यहूदाको सहरहरूमा, यरूशलेमका चारैपट्टिका गाउँहरूमा, बेन्यामीनका इलाकामा, पश्‍चिमी पहाडका तराई, बेँसी र दक्षिणका पहाडी इलाकाका सहरहरूमा गोठालाहरूले फेरि भेडाबाख्राहरूका बगालहरू गन्‍नेछन्, याहवेह यसो भन्‍नुहुन्छ।
\p
\v 14 “ ‘हेर, ती दिनहरू आउँदैछन्, याहवेह घोषणा गर्नुहुन्छ, ‘जब म इस्राएलको घराना र यहूदाको घरानासित मैले गरेका असल प्रतिज्ञाहरू पूरा गर्नेछु।
\q1
\v 15 “ ‘ती दिनहरूमा र त्यस समयमा
\q2 म दावीदको वंशबाट एउटा धार्मिकताको हाँगा उमार्नेछु;
\q2 त्यसले देशमा जे न्यायसङ्गत र उचित छ, त्यही गर्नेछ।
\q1
\v 16 ती दिनहरूमा यहूदा बचाइनेछ,
\q2 र यरूशलेम सुरक्षितसाथ रहनेछ।
\q1 तिनलाई यही नामद्वारा बोलाइनेछ:
\q2 याहवेह, हाम्रा धार्मिक उद्धारकर्ता।’
\m
\v 17 किनकि याहवेह यसो भन्‍नुहुन्छ: ‘इस्राएलको घरानाको सिंहासनमा बस्‍न दावीदलाई कुनै दिन पनि मानिसको अभाव हुनेछैन; 
\v 18 न त लेवी पुजारीहरूले होमबलि चढाउन, अन्‍नबलि जलाउन र बलिदानहरू चढाउन मेरो सामु खडा हुने मानिसको कहिल्यै अभाव हुनेछ।’ ”
\p
\v 19 याहवेहको वचन यर्मियाकहाँ आयो: 
\v 20 “याहवेह यसो भन्‍नुहुन्छ: ‘यदि तिमीहरूले दिन र रातसँग मेरो करार भङ्ग गर्न सक्यौ, र दिन र रात तिनीहरूको तोकिएको समयमा प्रकट भएनन् भने, 
\v 21 तब मात्र मेरो सेवक दावीदसँगको मेरो करार, लेवीहरू र पुजारीहरू, जो मेरो सामु रहेर सेवा गर्छन्, तिनीहरूसँगको मेरो करार भङ्ग हुन सक्छ; यहाँसम्म कि दावीदको सिंहासनमा शासन गर्नलाई उसको कुनै सन्तान हुनेछैन। 
\v 22 म आफ्नो सेवक दावीद र मेरो सामु सेवा गर्ने लेवीहरूका सन्तानहरूलाई आकाशका गन्‍न नसकिने ताराहरू र समुद्रका किनारमा भएका बालुवा जोखिन नसकिनेजस्तै बढाइदिनेछु।’ ”
\p
\v 23 याहवेहको वचन यर्मियाकहाँ आयो: 
\v 24 “के यी मानिसहरूले ‘याहवेहले आफूले चुन्‍नुभएका दुई राज्य\f + \fr 33:24 \fr*\ft अथवा \ft*\fqa परिवारहरू\fqa*\f* यहूदा र इस्राएललाई त्यागिदिनुभएको छ’ भनिरहेको कुरा के तैँले ख्याल गरेको छैनस्? यसकारण ती मानिसहरूले मेरा मानिसहरूलाई घृणा गर्छन् र तिनीहरूलाई एक राष्ट्रको रूपमा ठान्दैनन्। 
\v 25 याहवेह यसो भन्‍नुहुन्छ: ‘यदि मैले दिन र रातसँग आफ्नो करार स्थापित गरेको होइन भने साथै आकाश र पृथ्वीका नियमहरू तोकिदिएको होइन भने, 
\v 26 म याकोब र मेरो सेवक दावीदका सन्तानहरूलाई तिरस्कार गर्नेछु। अनि त्यसको सन्तानको कुनै पनि छोरालाई अब्राहाम, इसहाक र याकोबका सन्तानमाथि शासन गर्नलाई म चुन्‍नेछैनँ। तर म तिनीहरूलाई कैदबाट फर्काएर तिनीहरूको समृद्धि पनि फर्काइदिनेछु र तिनीहरूमाथि दया देखाउनेछु।’ ”
\c 34
\s1 सिदकियाहलाई चेताउनी
\p
\v 1 बेबिलोनका राजा नबूकदनेसर र तिनका सबै सेना, आफ्नो शासनको अधीनमा रहेका सबै राज्य र जातिहरूले यरूशलेम र त्यसका वरिपरिका सबै सहरको विरुद्धमा लडाइँ गरिरहेको बेला याहवेहबाट यर्मियाकहाँ यो वचन आयो: 
\v 2 “याहवेह, इस्राएलका परमेश्‍वर यसो भन्‍नुहुन्छ: यहूदाको राजा सिदकियाहकहाँ गएर त्यसलाई भन्, ‘याहवेह यसो भन्‍नुहुन्छ: मैले यस सहरलाई बेबिलोनको राजाको हातमा सुम्पिदिन लागेको छु, र त्यसले यस सहरलाई आगोले भस्म पार्नेछ। 
\v 3 तँ त्यसको हातबाट उम्कनेछैनस्। तँ निश्‍चय नै पक्राउ परेर त्यसको हातमा सुम्पिनेछस्। तैँले बेबिलोनको राजालाई आफ्नै आँखाले देख्नेछस्; अनि त्यसले तँसँग आमने-सामने कुरा गर्नेछ, र तँ बेबिलोनमा जानेछस्।
\p
\v 4 “ ‘तापनि हे यहूदाका राजा सिदकियाह, याहवेहको प्रतिज्ञा सुन्। तेरो बारेमा याहवेह यसो भन्‍नुहुन्छ: तँ तरवारद्वारा मारिनेछैनस्; 
\v 5 तर तँ शान्तिसित मर्नेछस्। जसरी मानिसहरूले तँभन्दा पहिलेका तेरा पुर्खाहरूका सम्मानका निम्ति अन्तिम संस्कारमा सुगन्धित धूप बालेका थिए, त्यसरी नै तिनीहरूले तेरो सम्मानको निम्ति पनि आगोमा धूप बाल्नेछन् र यसो भनेर विलाप गर्नेछन्, “हाय, हे मालिक!” म आफैँले यो प्रतिज्ञा गर्दछु, याहवेह घोषणा गर्नुहुन्छ।’ ”
\p
\v 6 तब यर्मिया अगमवक्ताले यरूशलेममा यहूदाका राजा सिदकियाहलाई यी सबै कुरा भने, 
\v 7 जुन बेला बेबिलोनका राजाका सेनाहरू यरूशलेम र यहूदाका बाँकी रहेका अरू सहरहरूलाई जित्न, लाकीश र अजेकाको विरुद्धमा लडाइँ गरिरहेका थिए। यहूदामा रहेका सहरहरूमध्ये पर्खालले घेरिएका यी दुई सहरहरू मात्र बाँकी थिए।
\s1 दासहरूका निम्ति स्वतन्त्रता
\p
\v 8 सिदकियाह राजाले यरूशलेममा बस्‍ने सबै मानिसहरूसँग दासहरूको स्वतन्त्रता घोषणा गरिदिने करार बाँधेपछि याहवेहको वचन यर्मियाकहाँ आयो। 
\v 9 हरेकले आ-आफ्ना हिब्रू दास-दासीलाई स्वतन्त्र गरिदिनुपर्थ्यो। कसैले पनि आफ्ना हिब्रू दाजुभाइहरूलाई बन्धनमा राख्न मिल्दैनथ्यो। 
\v 10 यसकारण यस करारमा सामेल हुने सबै अधिकारी र मानिसहरूले तिनीहरूका दास-दासीहरूलाई स्वतन्त्र गरिदिने र तिनीहरूलाई अब उसो दासत्वमा नराख्ने कुरामा राजी भए। तिनीहरू त्यो करारमा राजी भए र दास-दासीहरूलाई स्वतन्त्र गरिदिए। 
\v 11 तर पछिबाट तिनीहरूले आफ्ना मन बदले र तिनीहरूले स्वतन्त्र गरिदिएका दास-दासीहरूलाई फर्काइल्याएर फेरि दास-दासी बनाए।
\p
\v 12 तब याहवेहको वचन यर्मियाकहाँ आयो: 
\v 13 “याहवेह, इस्राएलका परमेश्‍वर यसो भन्‍नुहुन्छ: मैले तिमीहरूका पितापुर्खाहरूलाई इजिप्टबाट, अर्थात् दासत्वको देशबाट निकालेर ल्याउँदा तिनीहरूसँग एउटा करार बाँधेको थिएँ। मैले यसो भनेँ, 
\v 14 ‘प्रत्येक सातौँ वर्षमा तिमीहरूकहाँ आफैँलाई बेचेका तिमीहरूका हिब्रू कमारा दाजुभाइहरूलाई तिमीहरू हरेकले स्वतन्त्र गरिदिनुपर्छ। तिमीहरूका कमारा कमारीहरूले छ वर्षसम्म तिमीहरूको सेवा गरिसकेपछि तिमीहरूले तिनीहरूलाई स्वतन्त्र गरिदिनैपर्छ।’ तापनि तिमीहरूका पितापुर्खाहरूले मेरा कुरामा ध्यानै दिएनन्, अथवा मेरो आज्ञापालन गरेनन्। 
\v 15 तिमीहरूले भर्खरै पश्‍चात्ताप गर्‍यौ र मेरो दृष्‍टिमा जे उचित छ, त्यही तिमीहरूले गर्‍यौ: तिमीहरू हरेकले आ-आफ्ना दाजुभाइहरूलाई स्वतन्त्रताको घोषणा गर्‍यौ। मेरो नाम बोकेको भवनमा मेरो सामु तिमीहरूले करार पनि बाँधेका थियौ। 
\v 16 तर अब फेरि तिमीहरू पछि हटेर मेरो नाम अशुद्ध पारेका छौ। तिमीहरूले कमारा-कमारीहरूलाई इच्छा लागेको ठाउँमा जान स्वतन्त्र गरिदिएका थियौ, तर अब फेरि तिमीहरू हरेकले तिनीहरूलाई फर्काएर ल्यायौ। तिमीहरूले तिनीहरूलाई आफ्ना कमारा-कमारी हुनलाई फेरि बाध्य बनायौ।
\p
\v 17 “यसकारण याहवेह यसो भन्‍नुहुन्छ: तिमीहरूले मेरो आज्ञापालन गरेनौ; तिमीहरूले आफ्ना दाजुभाइहरूलाई स्वतन्त्रताको घोषणा गरेनौ। यसकारण अब हेर, म तिमीहरूका निम्ति ‘स्वतन्त्रताको’ घोषणा गर्दछु, याहवेह घोषणा गर्नुहुन्छ—तरवार, अनिकाल र रूढीद्वारा नष्‍ट हुने स्वतन्त्रताको घोषणा। तिमीहरूको हालत यस्तो बनाइदिनेछु, कि पृथ्वीका सबै राज्यहरूले यो देखेर भयभीत हुनेछन्। 
\v 18 जजसले मेरो करार भङ्ग गरेका छन् र तिनीहरूले मेरो सामु गरेका करारका शर्तहरू पूरा गरेका छैनन्, म तिनीहरूसँग त्यही बाछालाई जस्तो व्यवहार गर्नेछु, जसलाई तिनीहरूले दुई टुक्रा पारेर ती टुक्राहरूका बीचबाट हिँडे। 
\v 19 यहूदा र यरूशलेमका अगुवाहरू, अदालतका पदाधिकारीहरू, पुजारीहरू र देशका सबै मानिसहरू, जो बाछाका यी टुक्राहरूका बीचबाट हिँडेका छन्, 
\v 20 म तिनीहरूलाई मार्न चाहने तिनीहरूका शत्रुहरूका हातमा सुम्पिदिनेछु। तिनीहरूका लासहरू आकाशका चराहरू र जङ्गली पशुहरूका निम्ति भोजन हुनेछन्।
\p
\v 21 “म यहूदाको राजा सिदकियाह र त्यसका अधिकारीहरूलाई मार्न चाहने तिनीहरूका शत्रुहरू, बेबिलोनको राजाको सेनाहरूका हातमा सुम्पिदिनेछु, जुन सेनाहरू तिमीहरूबाट पछि हटेका छन्। 
\v 22 याहवेह घोषणा गर्नुहुन्छ, म बेबिलोनी सेनाहरूलाई आदेश दिनेछु; अनि म तिनीहरूलाई यस सहरमा फर्काएर ल्याउनेछु। तिनीहरूले यस सहरको विरुद्धमा लडाइँ गर्नेछन्। यस सहरलाई कब्जा गर्नेछन् र आगो लगाएर भस्म पार्नेछन्। यसरी म यहूदाका सहरहरूलाई उजाड पारिदिनेछु, ताकि त्यहाँ कोही पनि बसोबास गर्न नपाओस्।”
\c 35
\s1 रेकाबीहरूको आज्ञाकारिता
\p
\v 1 यो त्यो वचन हो, जो यहूदाका राजा योशियाहका छोरा, यहोयाकीमको शासनकालको समयमा याहवेहबाट यर्मियाकहाँ आयो: 
\v 2 “रेकाबी परिवारकहाँ गएर तिनीहरूलाई याहवेहको भवनको एक छेउको कोठामा आउने निमन्त्रणा दे, र तिनीहरूलाई दाखमद्य पिउन दे।”
\p
\v 3 यसकारण म हबसिन्याहका नाति, यर्मियाका छोरा याजन्याह, उनका दाजुभाइहरू, र उनका सबै छोराहरू—रेकाबीहरूका सम्पूर्ण परिवारलाई लिन गएँ। 
\v 4 मैले तिनीहरूलाई याहवेहको भवनको कोठामा ल्याएँ, जुन कोठाचाहिँ यिग्दल्याहका छोरा परमेश्‍वरको अगमवक्ता हानानका छोराहरूको थियो, त्यहीँ कोठामा ल्याएँ। त्यो कोठाचाहिँ शल्‍लूमको छोरा मूलढोकाको पहरेदार मासेयाहको कोठामाथि अधिकारीहरूको कोठाको छेउमा थियो। 
\v 5 त्यसपछि मैले रेकाबी परिवारका मानिसहरूको सामु दाखमद्यले भरिएका भाँडाहरू र केही कचौराहरू राखिदिएँ; अनि तिनीहरूलाई भनेँ, “केही दाखमद्य पिउनुहोस्।”
\p
\v 6 तर तिनीहरूले जवाफ दिए, “हामी दाखमद्य पिउदैनौँ; किनकि रेकाबका छोरा, हाम्रा पुर्खा योनादाबले हामीलाई यो आज्ञा दिएका थिए: ‘तिमीहरू र तिमीहरूका सन्तान कसैले पनि कहिल्यै दाखमद्य नपिउनू। 
\v 7 अनि तिमीहरूले घरहरू नबनाउनू, बिउ नछर्नू अथवा दाखबारी नलगाउनू। तिमीहरूसँग यी कुनै पनि कुराहरू कहिल्यै नहोस्, तर तिमीहरू सधैँ पालहरूमा बस्‍नू। तिमीहरू प्रवासी भएर बसेको यस देशमा लामो समयसम्म बाँच्नेछौ।’ 
\v 8 हामीले हाम्रा पुर्खा रेकाबका छोरा योनादाबले हामीलाई आज्ञा दिएका हरेक कुरा पालन गरेका छौँ। न हामी आफैँले, न हाम्रा पत्नीहरूले, न त हाम्रा छोराछोरीहरूले कहिल्यै मद्य पिएका छौँ, 
\v 9 अथवा न त आफ्ना निम्ति बस्‍न घरहरू बनाएका छौँ, न आफ्ना दाखबारीहरू लगाएका छौँ, न त खेतबारी लगाएका छौँ, न अन्‍नहरू नै जम्मा गरेका छौँ। 
\v 10 हामी पालहरूमा बसेका छौँ, र हाम्रा पुर्खा योनादाबले हामीलाई आज्ञा दिएका हरेक कुरा पालन गरेका छौँ। 
\v 11 तर बेबिलोनका राजा नबूकदनेसरले यस देशमाथि आक्रमण गर्दा ‘हामीले भन्यौँ, आओ, बेबिलोनी र अरामी सेनाहरूबाट उम्कन हामी यरूशलेममा जाऔँ।’ यसरी हामी यरूशलेममै बस्दैछौँ।”
\p
\v 12 तब याहवेहको यो वचन यर्मियाकहाँ आयो: 
\v 13 “सेनाहरूका याहवेह, इस्राएलका परमेश्‍वर यसो भन्‍नुहुन्छ: गएर यहूदाका मानिसहरू र यरूशलेमका बासिन्दाहरूलाई भन्, ‘के तिमीहरूले पाठ सिक्दैनौ र मेरा कुराहरू पालन गर्दैनौ?’ सेनाहरूका याहवेह घोषणा गर्नुहुन्छ। 
\v 14 ‘रेकाबको छोरा योनादाबले आफ्ना छोराहरूलाई दाखमद्य नपिउनू भनी आदेश दियो, र तिनीहरूले त्यस आज्ञालाई पालन गरेका छन्। आजको दिनसम्म तिनीहरू दाखमद्य पिउँदैनन्; किनकि तिनीहरूले आफ्ना पुर्खाको आज्ञापालन गर्छन्। तर मैले तिमीहरूलाई बारम्बार भन्दै आएको छु, तापनि तिमीहरूले मेरा आज्ञापालन गरेका छैनौ। 
\v 15 मैले घरी-घरी तिमीहरूकहाँ आफ्ना सेवक अगमवक्ताहरूलाई पठाएँ। तिनीहरूले भने, “तिमीहरू हरेकले तिमीहरूका दुष्‍ट चालहरूबाट फर्क! आफ्ना कामहरू सुधार! अन्य देवताहरूको सेवा गर्न तिनीहरूको पछि नलाग। तब मैले तिमीहरू र तिमीहरूका पितापुर्खाहरूलाई दिएको देशमा तिमीहरू बस्‍नेछौ।” तर तिमीहरूले मेरो वचनमा ध्यानै दिएनौ, अथवा मेरो कुरालाई सुनेनौ। 
\v 16 रेकाबको छोरा योनादाबका सन्तानहरूले आफ्ना पुर्खाले तिनीहरूलाई दिएका आज्ञाहरू पालन गरेका छन्, तर यी मानिसहरूले मेरो वचन पालन गरेका छैनन्।’
\p
\v 17 “यसकारण सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘सुन! म यहूदा र यरूशलेममा बस्‍ने सबैमाथि मैले तिनीहरूको विरुद्धमा घोषणा गरेको सबै विपत्ति ल्याउँदैछु। मैले तिनीहरूसँग बोलेँ, तर तिनीहरूले ध्यानसँग सुनेनन्; मैले तिनीहरूलाई बोलाएँ, तर तिनीहरूले जवाफ पनि दिएनन्।’ ”
\p
\v 18 तब यर्मियाले रेकाबीहरूका परिवारलाई भने, “सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘तिमीहरूले आफ्ना पुर्खा योनादाबको आज्ञापालन गरेका छौ र उसका सबै निर्देशनअनुसार चलेका छौ; अनि उसले आज्ञा गरेका सबै कुरा गरेका छौ।’ 
\v 19 यसकारण सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘रेकाबको छोरा योनादाबको सन्तानमा मेरो सेवा गर्ने मानिसको अभाव हुनेछैन।’ ”
\c 36
\s1 यहोयाकीमले यर्मियाको चर्मपत्र जलाएका
\p
\v 1 यहूदाका राजा योशियाहका छोरा यहोयाकीमको शासनकालको चौथो वर्षमा याहवेहको वचन यर्मियाकहाँ आयो: 
\v 2 “योशियाहको शासनकालदेखि अहिलेसम्म इस्राएल, यहूदा र अरू सबै जातिहरूको विषयमा मैले तँसित कुरा गर्न थालेको दिनदेखि आजसम्म मैले भनेका प्रत्येक कुराहरू एउटा चर्मपत्र लिएर त्यसमा लेख्। 
\v 3 सायद मैले तिनीहरूमाथि ल्याउन लागेको हरेक विपत्तिको बारेमा जब यहूदाका मानिसहरूले सुन्लान्, र तिनीहरू हरेक आफ्नो दुष्‍ट मार्गहरूबाट फर्कलान्; तब म तिनीहरूका अपराध र पाप क्षमा गर्नेछु।”
\p
\v 4 यसकारण यर्मियाले नेरियाहका छोरा बारूकलाई बोलाए; अनि याहवेहले यर्मियालाई भन्‍नुभएका सबै कुरा तिनले भने; अनि बारूकले चाहिँ ती कुराहरू चर्मपत्रमा लेखे। 
\v 5 तब यर्मियाले बारूकलाई भने, “म थुनामा छु; मलाई याहवेहको मन्दिरमा जान अनुमति छैन। 
\v 6 यसकारण तिमी उपवासको दिन याहवेहको भवनमा जाऊ। मैले भनेको र तिमीले चर्मपत्रमा लेखेका कुराहरू मानिसहरूका निम्ति पढिदेऊ। ती वचनहरू सहरहरूबाट भित्र आएका यहूदाका ती सबै मानिसहरूले सुन्‍ने गरी पढिदेऊ। 
\v 7 सायद तिनीहरूले आफ्ना बिन्ती याहवेहको सामु ल्याऊलान् र प्रत्येक मानिस आ-आफ्नो दुष्‍ट मार्गहरूबाट फर्कलान्; किनकि याहवेहले आफ्ना मानिसहरूका विरुद्धमा घोषणा गर्नुभएको रिस र त्यो क्रोध अति भयानक छन्।”
\p
\v 8 यर्मिया अगमवक्ताले भनेअनुसार हरेक वचनहरू नेरियाहका छोरा बारूकले पढेर सुनाए; बारूकले त्यस चर्मपत्रबाट याहवेहका ती वचनहरू याहवेहको मन्दिरमा पढेर सुनाए। 
\v 9 यहूदाका राजा योशियाहका छोरा, यहोयाकीमको शासनकालको पाँचौँ वर्षको नवौँ महिनामा, यरूशलेमका सबै मानिसहरू र यहूदाका सहरहरूबाट आएका सबै मानिसहरूका निम्ति याहवेहको सामु उपवासको समय घोषणा गरियो। 
\v 10 मन्दिरको नयाँ मूलढोकाको प्रवेशद्वारको माथिल्‍लो चोकमा रहेको शापानका छोरा सचिव गमर्याहको कोठाबाट, बारूकले याहवेहको मन्दिरमा भएका सबै मानिसहरूको निम्ति यर्मियाले भनेका चर्मपत्रबाट वचनहरू पढे।
\p
\v 11 जब शापानका नाति, गमर्याहका छोरा मीकायाले चर्मपत्रबाट याहवेहका सबै वचनहरू सुने, 
\v 12 तब तिनी राजमहलमा भएको सचिवको कोठामा गए, जहाँ सबै अधिकारीहरू, अर्थात् सचिव एलिशामा, शमायाहका छोरा दलायाह, अक्बोरका छोरा एल्नातान, शापानका छोरा गमर्याह, हनन्याहका छोरा सिदकियाह, र अरू सबै अधिकारी बसिरहेका थिए। 
\v 13 बारूकले चर्मपत्रबाट मानिसहरूका निम्ति पढेर सुनाएका सबै कुरा मीकायाले मानिसहरूलाई सुनाएदिए। 
\v 14 तब सबै अधिकारीले कूशीका पनाति, शेलेम्याहका नाति, नतन्याहका छोरा येहूदीलाई बारूककहाँ यसो भन्‍नलाई पठाए, “तिमीले जुन चर्मपत्रबाट मानिसहरूलाई पढेर सुनायौ, त्यही चर्मपत्र लिएर आऊ।” यसकारण नेरियाहका छोरा बारूकले आफ्नो हातमा चर्मपत्र लिएर तिनीहरूकहाँ गए। 
\v 15 तिनीहरूले तिनलाई भने, “यहाँ बस, र हाम्रो निम्ति त्यो पढिदेऊ।”
\p यसकारण बारूकले तिनीहरूलाई त्यो पढेर सुनाइदिए। 
\v 16 जब तिनीहरूले ती सबै वचन सुने, तब तिनीहरू डरले एक-अर्कालाई हेराहेर गर्न लागे र बारूकलाई भने, “हामीले यी सबै कुरा राजालाई सुनाउनैपर्छ।” 
\v 17 तब तिनीहरूले बारूकलाई सोधे, “तिमीले यो सबै कुरा कसरी लेख्यौ? के यर्मियाले यी सबै कुरा लेख्न लगाएका हुन्?”
\p
\v 18 बारूकले जवाफ दिए, “हजुर, उहाँले नै यी सबै वचनहरू मलाई भन्‍नुभएको हो; अनि मैले ती वचनहरू यस चर्मपत्रमा मसीले लेखेँ।”
\p
\v 19 तब ती अधिकारीहरूले बारूकलाई भने, “तिमी र यर्मिया गएर लुकेर बस। तिमीहरू कहाँ छौ, सो कुरा कसैले पनि थाहा नपाओस्।”
\p
\v 20 अधिकारीहरूले त्यस चर्मपत्रलाई सचिव एलिशामाको कोठामा राखिछोडे, र चोकमा राजाकहाँ गएर यी सबै कुरा भनिदिए। 
\v 21 राजाले येहूदीलाई त्यो चर्मपत्र लिन पठाए, र येहूदीले सचिव एलिशामाको कोठाबाट त्यसलाई ल्याए। अनि राजा र तिनका छेउमा उभिरहेका सबै अधिकारीलाई पढेर सुनाइदिए। 
\v 22 त्यो नवौँ महिना थियो र राजा हिउँदमा बस्‍ने महलमा बसिरहेका थिए। अनि तिनको सामु मकलमा आगो बलिरहेको थियो। 
\v 23 जब येहूदीले चर्मपत्रका तीन चार पङ्‌क्ति मात्र पढेका थिए, तब राजाले कागज काट्ने छुरीले ती चर्मपत्रलाई काटेर पूरै जलेर भस्म नहुन्जेल मकलको आगोमा फालिदिए। 
\v 24 यी वचनहरू सुन्‍ने राजा र तिनका सबै सेवकहरू न डराए, न त तिनीहरूले आफ्ना वस्त्रहरू नै च्याते। 
\v 25 एल्नातान, दलायाह र गमर्याहले राजालाई त्यो चर्मपत्र नजलाउनु भनेर बिन्ती गरे, तर तिनले तिनीहरूको कुरा सुन्‍नै मानेनन्। 
\v 26 त्यसको सट्टा राजाले आफ्ना छोरा यरहमेल, अज्रीएलका छोरा सरायाह र अब्दीलका छोरा शेलेम्याहलाई शास्त्री बारूक र यर्मिया अगमवक्तालाई पक्रने आदेश दिए। तर याहवेहले तिनीहरूलाई लुकाउनुभएको थियो।
\p
\v 27 यर्मियाले लेख्न लगाएअनुसार बारूकले लेखेका चर्मपत्र राजाले जलाइदिएपछि याहवेहको यसो भन्‍ने वचन यर्मियाकहाँ आयो: 
\v 28 “अर्को एउटा चर्मपत्र लिएर पहिलो चर्मपत्रमा भएका सबै वचन लेख्, जसलाई यहूदाको राजा यहोयाकीमले जलाएको थियो। 
\v 29 यहूदाको राजा यहोयाकीमलाई यो पनि भन्‍नू, ‘याहवेह यसो भन्‍नुहुन्छ: तैँले त्यस चर्मपत्र जलाइस्, र भनिस्, “बेबिलोनको राजा निश्‍चय नै आउनेछ, यस देशलाई नष्‍ट गर्नेछ। अनि यस देशका मानिसहरू र पशुप्राणीहरू दुवैलाई नाश गर्नेछ भनेर तैँले त्यसमा किन लेखिस्?” 
\v 30 यसकारण यहूदाका राजा यहोयाकीमको बारेमा याहवेह यसो भन्‍नुहुन्छ: दावीदको सिंहासनमा बस्‍नका लागि त्यसको सन्तानबाट कोही पनि हुनेछैन। त्यसको शरीर बाहिर फ्याँकिनेछ र दिउँसोको गर्मी र रातको चिसो शीतमा छोडिनेछ। 
\v 31 म त्यसलाई, त्यसका छोराछोरीहरूलाई र त्यसका सेवकहरूलाई तिनीहरूका दुष्‍ट कामको निम्ति दण्ड दिनेछु। म तिनीहरूमाथि, र यरूशलेमका बासिन्दा र यहूदाका मानिसहरूमाथि तिनीहरूको विरुद्धमा मैले घोषणा गरेका हरेक विपत्ति ल्याउनेछु। किनकि तिनीहरूले मेरो चेतावनीमा कुनै ध्यान दिएका छैनन्।’ ”
\p
\v 32 यसकारण यर्मियाले अर्को चर्मपत्र लिए र नेरियाहका छोरा शास्त्री बारूकलाई त्यो दिए; अनि यर्मियाले भनेअनुसार बारूकले यहूदाका राजा यहोयाकीमले आगोमा जलाइदिएका चर्मपत्रमा भएका सबै वचनहरू फेरि लेखे। अनि ती वचनहरूसँग मिल्ने अरू यस्तै वचनहरू पनि त्यसमा थपिए।
\c 37
\s1 यर्मिया कैदमा
\p
\v 1 बेबिलोनका राजा नबूकदनेसरले योशियाहका छोरा सिदकियाहलाई यहूदाका राजा बनाएका थिए; तिनले यहोयाकीमका छोरा यहोयाकीनको\f + \fr 37:1 \fr*\ft मूल भाषामा \ft*\ft यहोयाकीमको अर्को नाम \ft*\fqa कोनिया\fqa*\f* सट्टामा राज्य गरे। 
\v 2 तर न तिनले, न तिनका सेवकहरूले, न त देशका मानिसहरूले नै यर्मिया अगमवक्ताद्वारा बोलिएका याहवेहका वचनहरू पालन गरे।
\p
\v 3 तापनि राजा सिदकियाहले शेलेम्याहका छोरा यहूकललाई, मासेयाहका छोरा पुजारी सपन्याहसँग यर्मिया अगमवक्ताकहाँ यो सन्देश पठाए, “कृपया, याहवेह हाम्रा परमेश्‍वरसँग हाम्रो निम्ति प्रार्थना गरिदिनुहोस्।”
\p
\v 4 त्यस बेला यर्मिया मानिसहरूका बीचमा आउजाउ गर्न स्वतन्त्र थिए; किनकि तिनलाई त्यस बेलासम्म झ्यालखानामा राखिएको थिएन। 
\v 5 फारोको सेना इजिप्टबाट मोर्चा बाँधेर निस्किसकेको थियो, जब यरूशलेमलाई घेरिराखेका बेबिलोनीहरूले तिनीहरूको बारेमा सुने, तब तिनीहरू यरूशलेमबाट पछि हटेर गए।
\p
\v 6 तब याहवेहको वचन यर्मिया अगमवक्ताकहाँ आयो: 
\v 7 “याहवेह, इस्राएलका परमेश्‍वर यसो भन्‍नुहुन्छ: यहूदाको राजा, जसले तँलाई मसँग सल्‍लाह लिन पठाएको छ, त्यसलाई भन्, ‘तँलाई सघाउनको निम्ति मोर्चा बाँधेर निस्किसकेका फारोका सेना त्यसको आफ्नै देश इजिप्टमा फर्किजानेछ। 
\v 8 तब बेबिलोनीहरू फर्कनेछन् र यस सहरलाई आक्रमण गर्नेछन्। तिनीहरूले यस सहरलाई कब्जा गर्नेछन् र आगोले जलाएर भस्म पार्नेछन्।’
\p
\v 9 “याहवेह यसो भन्‍नुहुन्छ: ‘बेबिलोनीहरूले हामीलाई निश्‍चय छोडिदिनेछन्,’ भन्‍ने सोचेर तिमीहरू आफैँलाई धोका नदेओ। तिनीहरूले छोडेर जानेछैनन्! 
\v 10 यदि तिमीहरूका विरुद्धमा आक्रमण गर्ने सम्पूर्ण बेबिलोनी सेनाहरूलाई परास्त गर्न तिमीहरू सफल भयौ भने तापनि तिनीहरूका पालहरूमा छोडिएका घाइते मानिसहरू बाहिर आएर यस सहरलाई जलाइदिनेछन्।”
\p
\v 11 फारोका सेनाको कारण बेबिलोनी सेना यरूशलेमबाट हटेर गयो। 
\v 12 तब यर्मिया बेन्यामीनको इलाकाका मानिसहरूबाट आफ्नो सम्पत्तिको भाग लिनलाई यरूशलेमबाट निस्के। 
\v 13 तर जब तिनी बेन्यामीन मूलढोकामा पुगे, तब अङ्गरक्षकका सेनापति जसको नाम यिरियाह थियो, जो हनन्याहका नाति शेलेम्याहका छोरा थिए; उनले यर्मियालाई पक्रेर भने, “तिमी भागेर बेबिलोनीहरूकहाँ जाँदैछौ!”
\p
\v 14 यर्मियाले जवाफ दिएर भने, “यो कुरा सत्य होइन! म भागेर बेबिलोनीहरूकहाँ गएको होइनँ।” तर यिरियाहले तिनको कुरा सुन्‍नै चाहेनन्। यसकारण उनले यर्मियालाई पक्रेर तिनलाई अधिकारीहरूकहाँ ल्याए। 
\v 15 तिनीहरू यर्मियासँग रिसाएर तिनलाई पिटे, र तिनलाई सचिव जोनाथनको घरमा कैद गरेर राखे; किनकि त्यस घरलाई तिनीहरूले झ्यालखाना बनाएका थिए।
\p
\v 16 तिनीहरूले यर्मियालाई एउटा अँध्यारो बन्दी कोठामा राखिदिए, जहाँ तिनी धेरै दिनसम्म रहे। 
\v 17 तब सिदकियाह राजाले तिनलाई ल्याउन लगाए, र तिनलाई राजमहलमा ल्याए, जहाँ तिनलाई गुप्‍तमा सोधे, “के याहवेहबाट केही सन्देश छ?”
\p यर्मियाले जवाफ दिए, “हजुर, छ। तपाईं बेबिलोनका राजाको हातमा सुम्पिइनुहुनेछ।”
\p
\v 18 तब यर्मियाले राजा सिदकियाहलाई भने, “मैले तपाईं, तपाईंका अधिकारीहरू र यी मानिसहरूको विरुद्धमा के अपराध गरेको छु, र तपाईंले मलाई झ्यालखानामा राख्नुभयो? 
\v 19 तपाईंका ती अगमवक्ताहरू कहाँ छन्, जसले तपाईंलाई, ‘बेबिलोनका राजाले तिनका सेनासँग तपाईं अथवा यस देशको विरुद्धमा आक्रमण गर्नेछैन’ भनेर अगमवाणी गरेका थिए? 
\v 20 तर अब हे मेरा मालिक राजा, दया गरी सुनिदिनुहोस्। मलाई मेरो बिन्ती तपाईंको अगि राख्न दिनुहोस्: मलाई सचिव जोनाथनको घरमा फर्काएर नपठाउनुहोस्, नत्रता म त्यहीँ मर्नेछु।”
\p
\v 21 तब राजा सिदकियाहको आदेशअनुसार यर्मिया पहरेदारको चोकमा राखिए; अनि सहरका सबै रोटी नसकुन्जेल बजारको पसलबाट दिनहुँ रोटी ल्याएर तिनलाई दिइन्थ्यो। यसरी यर्मिया पहरेदारको चोकमा रहन लागे।
\c 38
\s1 यर्मियालाई खाडलमा हालिएको
\p
\v 1 मत्तानका छोरा शपत्याह, पशहूरका छोरा गदल्याह, शेलेम्याहका छोरा येहूकल र मल्कियाहका छोरा पशहूरले यर्मियाले सबै मानिसहरूलाई यसो भनिरहेका सुने, 
\v 2 “याहवेह यसो भन्‍नुहुन्छ: ‘यस सहरमा जो बस्छ, त्यो तरवार, अनिकाल र रूढीले मर्नेछ; तर बेबिलोनी सेनाहरूकहाँ गएर आफैँलाई समर्पण गर्नेचाहिँ जीवित रहनेछ। त्यसले आफ्नो प्राण जोगाउनेछ र जीवित रहनेछ।’ 
\v 3 अनि याहवेह यसो भन्‍नुहुन्छ: ‘यो सहर निश्‍चय नै बेबिलोनको राजाका सेनाको हातमा दिइनेछ, जसले यस सहरलाई कब्जा गर्नेछ।’ ”
\p
\v 4 तब अधिकारीहरूले राजालाई भने, “यो मानिसलाई मार्नुपर्छ; किनकि यसले मानिसहरूलाई भनिरहेका कुराहरूले यस सहरमा बाँकी रहेका सेना र सबै मानिसहरूलाई समेत निरुत्साहित पार्दैछ। यस मानिसले यी मानिसहरूको भलाइ होइन, तर तिनीहरूको हानि गर्न चाहन्छ।”
\p
\v 5 तब राजा सिदकियाहले जवाफ दिए, “त्यो मानिस तिमीहरूकै हातमा छ। म तिमीहरूलाई रोक्न सक्दिनँ।”
\p
\v 6 यसकारण तिनीहरूले यर्मियालाई लगेर राजाको छोरा मल्कियाहको पानीको खाडलमा हालिदिए। त्यो खाडल पहरेदारको चोकमा थियो। तिनीहरूले यर्मियालाई डोरीबाट तल अँध्यारो बन्द खाडलभित्र झारिदिए; त्यस अँध्यारो खाडलमा पानी थिएन, तर हिलो मात्र थियो; यसकारण यर्मिया हिलोमा भासिए।
\p
\v 7 तर राजमहलका एक जना नपुंसक अधिकारी कूशी एबेद-मेलेकले तिनीहरूले यर्मियालाई बन्द खाडलमा हालेको कुरा सुने। त्यस बेला राजा बेन्यामीन ढोकामा बसिरहेका थिए। 
\v 8 तब एबेद-मेलेक महलबाट निस्केर गएर राजालाई यसो भने, 
\v 9 “मेरा प्रभु महाराजा, यी मानिसहरूले यर्मिया अगमवक्तालाई अति दुष्‍टतापूर्ण व्यवहार गरेका छन्। तिनीहरूले उनलाई खाडलभित्र खसालिदिएका छन्, जहाँ उनी भोकै मर्नेछन्; किनकि सहरमा अब केही खानेकुरा बाँकी छैन।”
\p
\v 10 तब राजाले कूशी एबेद-मेलेकलाई आज्ञा दिए, “यहाँबाट आफूसँग तीस जना मानिसहरू लैजाऊ र तिनी मर्नुभन्दा अगि नै यर्मिया अगमवक्तालाई त्यस खाडलबाट निकाल।”
\p
\v 11 यसकारण एबेद-मेलेकले आफूसँग ती मानिसहरू लिएर महलमा भएको भण्डारमुनिको कोठामा गए। तिनले त्यहाँबाट केही फाटेका र पुराना लुगाहरू लिए। अनि तिनले ती कपडाहरू डोरीमा बाँधेर खाडलभित्र यर्मिया अगमवक्ताकहाँ झारिदिए। 
\v 12 अनि कूशी एबेद-मेलेकले यर्मियालाई भने, “यी फाटेका र पुराना कपडाहरूलाई डोरीले नदुःखोस् भनेर तिम्रा काखीमुनि लगाऊ।” तब यर्मियाले त्यसै गरे। 
\v 13 अनि तिनीहरूले ती डोरीहरूको सहायताले यर्मियालाई खाडलबाट बाहिर निकाले। त्यसपछि यर्मिया पहरेदारको चोकमा रहन थाले।
\s1 यर्मियालाई फेरि सिदकियाहको प्रश्न
\p
\v 14 तब राजा सिदकियाहले यर्मिया अगमवक्तालाई बोलाउन पठाए, र तिनलाई याहवेहको मन्दिरको तेस्रो प्रवेशद्वारमा ल्याउन लगाए। राजाले यर्मियालाई भने, “म तिमीलाई केही कुरा सोध्न लागेको छु। मबाट केही कुरा पनि नलुकाऊ!”
\p
\v 15 यर्मियाले सिदकियाहलाई भने, “यदि मैले तपाईंलाई जवाफ दिएँ भने के तपाईंले मलाई मार्नुहुन्‍न र? यदि मैले तपाईंलाई सल्‍लाह दिएँ भने तापनि तपाईंले मेरो कुरा सुन्‍नुहुनेछैन।”
\p
\v 16 तर राजा सिदकियाहले यर्मियासँग गुप्‍तमा यो शपथ खाए: “हामीलाई सास दिनुहुने जीवित याहवेहको नाममा शपथ खाएर भन्छु, म तिमीलाई मार्नेछैनँ, न त तिमीलाई मार्न चाहनेहरूका हातमा नै तिमीलाई सुम्पिदिनेछु।”
\p
\v 17 तब यर्मियाले सिदकियाहलाई भने, “याहवेह सेनाहरूका परमेश्‍वर, इस्राएलका परमेश्‍वर यसो भन्‍नुहुन्छ: ‘यदि तैँले बेबिलोनको राजाका अधिकारीहरूको हातमा आफूलाई समर्पण गरिस् भने तँ जीवित रहनेछस्, र तिनीहरूले यो सहरलाई जलाएर भस्म पार्नेछैनन्; तेरो परिवारसहित तँ जीवित रहनेछस्। 
\v 18 तर यदि तैँले बेबिलोनका राजाका अधिकारीहरूको हातमा समर्पण गरिनस् भने यो सहर बेबिलोनीहरूका हातमा सुम्पिनेछ, र तिनीहरूले यस सहरलाई जलाएर भस्म पार्नेछन्; तँ आफैँ पनि तिनीहरूका हातबाट उम्कनेछैनस्।’ ”
\p
\v 19 राजा सिदकियाहले यर्मियालाई भने, “बेबिलोनीहरूकहाँ शरण लिन गएका यहूदीहरूसँग मलाई डर लागिरहेको छ; किनकि बेबिलोनीहरूले मलाई तिनीहरूका हातमा सुम्पिदेलान्, र तिनीहरूले मसँग दुर्व्यवहार गर्लान्।”
\p
\v 20 यर्मियाले जवाफ दिए, “तिनीहरूले तपाईंलाई सुम्पिनेछैनन्। मैले तपाईंलाई भनेका कुरा गरेर याहवेहको आज्ञापालन गर्नुहोस्। तब तपाईंको भलो हुनेछ, र तपाईं जीवित रहनुहुनेछ। 
\v 21 तर यदि तपाईंले समर्पण गर्न इन्कार गर्नुभयो भने याहवेहले मलाई यो कुरा प्रकट गर्नुभएको छ: 
\v 22 सुन्‍नुहोस्, यहूदाको राजाका महलमा छोडिएका ती सबै स्त्रीहरू बेबिलोनका अधिकारीहरूकहाँ बाहिर निकालेर ल्याइनेछन्। ती स्त्रीहरूले तपाईंलाई यसो भन्‍नेछन्:
\q1 “ ‘तपाईंले भरोसा गरेका मित्रहरूले,
\q2 तपाईंलाई धोका दिएर जिते।
\q1 तपाईंका खुट्टाहरू हिलोमा डुबेका छन्;
\q2 तपाईंका मित्रहरूले तपाईंलाई त्यागिदिएका छन्।’
\p
\v 23 “तपाईंका सबै पत्नीहरू र छोराछोरीहरू बेबिलोनीहरूकहाँ बाहिर निकालेर ल्याइनेछन्। तपाईं आफैँ पनि तिनीहरूका हातबाट उम्कनु हुनेछैन, तर बेबिलोनका राजाद्वारा कब्जामा पारिनुहुनेछ; अनि यो सहरचाहिँ आगोले जलेर भस्म पारिनेछ।”
\p
\v 24 तब सिदकियाहले यर्मियालाई भने, “यस कुराकानीको बारेमा अरू कसैलाई पनि केही नभन्‍नू, नत्रता तिमी मर्नेछौ। 
\v 25 यदि मैले तिमीसँग बातचित गरेको कुरा अधिकारीहरूले सुनेछन् भने, र तिनीहरू तिमीकहाँ आएर ‘तिमीले राजालाई के भन्यौ र राजाले तिमीलाई के भन्‍नुभयो हामीलाई भन; यो कुरा हामीबाट नलुकाऊ, नत्रता हामी तिमीलाई मार्नेछौँ,’ भनी भनेछन् भने, 
\v 26 तब तिनीहरूलाई भनिदेऊ, ‘मलाई मर्नका निम्ति जोनाथनको घरमा फर्काएर नपठाउनुहोस् भनेर म राजासँग बिन्ती गर्दैथिएँ।’ ”
\p
\v 27 ती सबै अधिकारीहरू यर्मियाकहाँ आए, र तिनलाई सोधे; अनि यर्मियाले राजाले अधिकारीहरूलाई जे भन्‍ने आदेश दिएका थिए, ती हरेक कुरा तिनीहरूलाई भनिदिए। यसकारण अधिकारीहरूले यर्मियालाई अरू केही भनेनन्; किनकि राजासित भएको तिनको कुराकानी कसैले पनि सुनेका थिएनन्।
\p
\v 28 अनि यरूशलेमको कब्जा हुने दिनसम्म नै यर्मिया राजमहलको पहरेदारको चोकमा नै रहे।
\s1 यरूशलेमको पतन
\p यसरी यरूशलेमलाई कैदमा लगियो:
\c 39
\nb
\v 1 यहूदाका राजा सिदकियाहको शासनकालको नवौँ वर्षको दशौँ महिनामा, बेबिलोनका राजा नबूकदनेसर आफ्ना सम्पूर्ण सेना लिएर यरूशलेमको विरुद्धमा मोर्चा बाँधेर आए र त्यसलाई घेरा हाले। 
\v 2 अनि सिदकियाहको शासनकालको एघारौँ वर्षको चौथो महिनाको नवौँ दिनमा सहरको पर्खाल भत्काइयो। 
\v 3 तब बेबिलोनका राजाका सबै अधिकारीहरू भित्र आए, र बीचको मूलढोकामा बसे: समगरका नेर्गल-सरेसेर, मुख्य अधिकारी नबो-सर्कसीम, उच्‍च अधिकारी नेर्गल-सरेसेर र बेबिलोनका राजाका अरू सबै अधिकारीहरू पनि थिए। 
\v 4 जब यहूदाका राजा सिदकियाह र अरू सबै सेनाले बेबिलोनीहरूलाई देखे, तब तिनीहरू भागे; अनि तिनीहरू राजाको बगैँचाका दुई वटा पर्खालहरू बीचको मूलढोकाबाट निस्केर राति नै सहरबाट भागेर अराबातिर लागे।
\p
\v 5 तर बेबिलोनी सेनाहरूले तिनीहरूलाई खेदे, र सिदकियाहलाई यरीहोको मैदानमा भेट्टाए। तिनीहरूले तिनलाई पक्रे, र तिनलाई हमातको सहरमा भएको रिब्ला इलाकामा बेबिलोनका राजा नबूकदनेसरकहाँ लगे, जहाँ तिनले सिदकियाहलाई दण्डको आज्ञा सुनाए। 
\v 6 त्यहाँ रिब्ला इलाकामा बेबिलोनका राजाले सिदकियाहका छोराहरूलाई र यहूदाका सबै अधिकारीहरूलाई तिनकै आँखाको सामु मारे। 
\v 7 त्यसपछि तिनले सिदकियाहका आँखा निकालिदिए, र बेबिलोनमा लैजानलाई तिनलाई काँसाका साङ्लाहरूले बाँधे।
\p
\v 8 बेबिलोनीहरूले राजदरबार र मानिसहरूका घरहरूमा आगो लगाइदिए; अनि यरूशलेमका पर्खालहरू भत्काइदिए। 
\v 9 बेबिलोनका राजकीय अङ्गरक्षकका सेनापति नबूजरदानले सहरमा बचेका मानिसहरू र पहिले तिनीहरूकहाँ भागेर गइसकेका मानिसहरू र त्यहाँका अरू बाँकी मानिसहरूलाई कैद गरेर बेबिलोनमा लगे। 
\v 10 तर अङ्गरक्षकका सेनापति नबूजरदानले केही पनि नभएका मानिसहरूलाई यहूदामै छोडिदिए; अनि त्यस समय तिनले ती गरिबहरूलाई दाखबारी र खेतबारीहरू दिए।
\p
\v 11 अब बेबिलोनका राजा नबूकदनेसरले राजकीय अङ्गरक्षकका सेनापति नबूजरदानलाई यर्मियाको बारेमा यस्तो आदेश दिएका थिए: 
\v 12 “यर्मियालाई ल्याऊ र तिनलाई राम्ररी हेरचाह गर। तिनलाई हानि नगर्नू, तर तिनले जे चाहन्छन्, तिनका निम्ति त्यही गर्नू!” 
\v 13 यसकारण अङ्गरक्षकका सेनापति नबूजरदान, मुख्य अधिकारी नबूशजवान, उच्‍च अधिकारी नेर्गल-सरेसेर र बेबिलोनका राजाका अरू सबै अधिकारीहरूले मिलेर 
\v 14 मानिसहरू पठाए र यर्मियालाई पहरेदारको चोकबाट बाहिर निकालेर ल्याए। तिनीहरूले यर्मियालाई तिनको आफ्नै घरमा लैजान भनी शापानका नाति, अहीकामका छोरा गदल्याहलाई सुम्पिदिए। अनि यसरी तिनी आफ्नै मानिसहरूसँग रहे।
\p
\v 15 यर्मिया पहरेदार चोकमा कैदमा रहेको बेला याहवेहको वचन तिनीकहाँ आएको थियो: 
\v 16 “गएर कूशी एबेद-मेलेकलाई भन्, ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: म यस सहरको विरुद्धमा मेरा वचनहरू पूरा गर्न लागेको छु; उन्‍नति गरेर होइन, तर विपत्ति ल्याएर। त्यस समयमा तेरा आँखाकै सामु ती सबै पूरा भएको देख्नेछस्, 
\v 17 याहवेह घोषणा गर्नुहुन्छ। तर त्यस दिन तँलाई म बचाउनेछु। तँ जुन मानिसहरूसँग डराउँछस्, तिनीहरूको हातमा सुम्पिइनेछैनस्। 
\v 18 म तँलाई बचाउनेछु। तँ तरवारद्वारा मारिनेछैनस्, तर तँ लुटको मालजस्तै जीवितै उम्कनेछस्; किनकि तैँले ममाथि भरोसा राखेको छस्, याहवेह घोषणा गर्नुहुन्छ।’ ”
\c 40
\s1 यर्मिया मुक्त भएका
\p
\v 1 राजकीय अङ्गरक्षकका सेनापति नबूजरदानले यर्मियालाई रामा सहरमा छोडिसकेपछि याहवेहको वचन यर्मियाकहाँ आयो। तिनले यर्मियालाई बेबिलोनमा कैद गरेर लगिन लागेका यरूशलेम र यहूदाका कैदीहरूसँग साङ्लाले बाँधिएको अवस्थामा भेट्टाएका थिए। 
\v 2 जब अङ्गरक्षकका सेनापति नबूजरदानले यर्मियालाई भेट्टाए, तब नबूजरदानले उनलाई भने, “याहवेह तपाईंका परमेश्‍वरले यस ठाउँमाथि यो विपत्ति ल्याउने घोषणा गर्नुभएको थियो। 
\v 3 अनि अहिले याहवेहले यो कुरा हुन दिनुभएको छ; उहाँले जे गर्छु भन्‍नुभएको थियो, त्यो गर्नुभएको छ। किनकि तपाईंहरूले याहवेहको विरुद्धमा पाप गर्नुभएको छ र उहाँको आज्ञापालन गर्नुभएको छैन। 
\v 4 तर आज म तपाईंलाई तपाईंका हातको साङ्लाबाट मुक्त गरिदिँदैछु। यदि तपाईंलाई इच्छा लाग्यो भने मसँग बेबिलोनमा आउनुहोस्, र म तपाईंको हेरचाह गर्नेछु; तर यदि तपाईं आउन चाहनुहुन्‍न भने नआउनुहोला। हेर्नुहोस्, सारा देश तपाईंको सामु छ, तपाईंलाई जहाँ जान ठिक लाग्छ, त्यहीँ जानुहोस्।” 
\v 5 अनि यर्मिया जान लाग्दा नबूजरदानले थपेर भने, “शापानका नाति, अहीकामका छोरा गदल्याहकहाँ फर्केर जानुहोस्, जसलाई बेबिलोनका राजाले यहूदाका सहरहरूमाथि राज्यपाल नियुक्त गर्नुभएको छ। अनि तिनीसँग मानिसहरूबीच तपाईं बस्‍न सक्नुहुन्छ, अथवा तपाईंलाई जहाँ जान ठिक लाग्छ, त्यहीँ जान सक्नुहुन्छ।”
\p तब सेनापतिले तिनलाई केही खानेकुराहरू र उपहार दिएर तिनलाई जान दिए। 
\v 6 यसकारण यर्मिया अहीकामका छोरा गदल्याहकहाँ मिस्पा सहरमा गए, र तिनीसँगै देशमा बाँकी रहेका मानिसहरूसँग बस्‍न लागे।
\s1 गदल्याहको हत्या
\p
\v 7 बेबिलोनका राजाले अहीकामका छोरा गदल्याहलाई त्यस देशका राज्यपाल नियुक्त गरेका छन्; र त्यहाँका मानिसहरू, स्त्रीहरू र केटाकेटीहरू, जो देशमा गरिब थिए, र तिनीहरूलाई बेबिलोनमा कैद गरेर लगिएको थिएन; अनि ती सबै तिनको जिम्मामा छन् भनेर जब त्यस बस्तीमा आत्मसमर्पण नगरी बसिरहेका सेनाका केही अधिकारीहरू र तिनीहरूका मानिसहरूले सुने, 
\v 8 तब तिनीहरू, नतन्याहका छोरा इश्माएल, कारेहका छोराहरू योहानान र जोनाथन, तन्हूमेतका छोरा सरायाह, नतोपाती एपैका छोराहरू, माकातीका छोरा याजन्याह,\f + \fr 40:8 \fr*\fq याजन्याह \fq*\ft मूल भाषामा उनको अर्को नाम हो \ft*\fqa येजान्याह\fqa*\f* र तिनीहरूका मानिसहरू मिस्पामा गदल्याहकहाँ आए। 
\v 9 शापानका नाति, अहीकामका छोरा गदल्याहले तिनीहरूलाई र तिनीहरूका मानिसहरूलाई आश्‍वासन दिन फेरि यो शपथ खाएर तिनले भने, “बेबिलोनीहरूको सेवा गर्न नडराओ। देशमा बसोबास गर, र बेबिलोनका राजाको सेवा गर, तब तिमीहरूको भलो हुनेछ। 
\v 10 म आफैँचाहिँ हामीहरूकहाँ आउने बेबिलोनीहरूका अगाडि तिमीहरूको प्रतिनिधित्व गरेर मिस्पामा बस्‍नेछु, तर तिमीहरूले चाहिँ दाखमद्यको निम्ति कालो अङ्‌गुर, ग्रीष्म ऋतुका फलहरू र जैतुन तेलका कटनी गरेर आफ्ना भाँडाहरूमा भण्डारण गर, र तिमीहरूले कब्जा गरेका सहरहरूमा बस।”
\p
\v 11 जब मोआब, अम्मोन, एदोम र अरू सबै प्रान्तहरूका यहूदीहरूले बेबिलोनका राजाले यहूदामा केही इस्राएलीहरूलाई रहन दिएका छन् र शापानका नाति, अहीकामका छोरा गदल्याहलाई तिनीहरूमाथि राज्यपाल नियुक्त गरिदिएका छन् भन्‍ने कुरा सुने; 
\v 12 तब तिनीहरू सबै छरपस्ट भएका प्रान्तहरूबाट यहूदाको देशमा गदल्याहकहाँ मिस्पामा फर्केर आए। अनि तिनीहरूले अङ्‌गुर र ग्रीष्म ऋतुका फलहरू प्रशस्त कटनी गरेर जम्मा गरे।
\p
\v 13 त्यसपछि कारेहका छोरा योहानान र खुल्‍ला मैदानमा भएका सेनाका सबै अधिकारीहरू मिस्पा सहरमा गदल्याहकहाँ आए; 
\v 14 अनि तिनलाई भने, “के अम्मोनीहरूका राजा बालीसले नतन्याहका छोरा इश्माएललाई तपाईंको ज्यान लिन पठाएका छन् भन्‍ने कुरा तपाईंलाई थाहा छैन?” तर अहीकामका छोरा, गदल्याहले तिनीहरूको कुरामा विश्‍वास नै गरेनन्।
\p
\v 15 तब कारेहका छोरा योहानानले मिस्पामा गदल्याहलाई एकान्तमा भने, “मलाई जान दिनुहोस्, र नतन्याहका छोरा इश्माएललाई मार्न दिनुहोस्; अनि कसैले पनि यो कुरा थाहा पाउनेछैन। त्यसलाई किन तपाईंको प्राण लिन दिने र तपाईंका वरिपरि भेला भएका यहूदीहरूलाई फेरि छरपस्ट हुन दिने र यहूदामा बाँकी रहेकाहरूलाई नष्‍ट हुन किन दिने?”
\p
\v 16 तर अहीकामका छोरा गदल्याहले कारेहका छोरा योहानानलाई भने, “तिमीले यस्तो काम नगर! तिमीले इश्माएलको बारेमा भनेको कुरा सत्य होइन।”
\c 41
\p
\v 1 सातौँ महिनामा एलीशामाका नाति, नतन्याहका छोरा इश्माएल, जो राज घरानाका र राजाका अफिसरहरूमध्येका एक थिए; तिनले दश जना मानिसहरू लिएर मिस्पामा अहीकामका छोरा गदल्याहकहाँ आए। जब तिनीहरू सबै एकैसाथ त्यहाँ भोजन खाइरहेका थिए, 
\v 2 तब तिनीहरूसँग भएका नतन्याहका छोरा इश्माएल र दश जना मानिसहरू उठे, र बेबिलोनका राजाले त्यस देशमाथि राज्यपाल नियुक्त गरेका व्यक्ति शापानका नाति, अहीकामका छोरा गदल्याहलाई तरवारले प्रहार गरेर मारे। 
\v 3 इश्माएलले मिस्पामा गदल्याहसँग भएका सबै यहूदी र त्यहाँ भएका बेबिलोनी सेनाहरूलाई पनि मारे।
\p
\v 4 गदल्याहको हत्याको भोलिपल्ट त्यस घटनाको बारेमा कसैले थाहा पाउनुअगि नै 
\v 5 शेकेम, शीलो र सामरियाबाट आफ्ना दाह्री खौरेका, आफ्ना लुगा च्यातेका र आफ्ना शरीरलाई चिरा-चिरा पारेर काटेका असी जना मानिसहरू आफूसँग अन्‍नबलि र धूप लिएर याहवेहको भवनमा आए। 
\v 6 नतन्याहका छोरा इश्माएल मिस्पाबाट तिनीहरूलाई भेट्न रुँदै आए। अनि तिनले उनीहरूलाई भेटेर भने, “अहीकामका छोरा गदल्याहकहाँ आओ।” 
\v 7 जब तिनीहरू सहरभित्र गए, तब नतन्याहका छोरा इश्माएल र तिनीसँग भएका दश जना मानिसहरूले तिनीहरूलाई मारे, र तिनीहरूलाई खाडलभित्र फ्याँकिदिए। 
\v 8 तर तिनीहरूमध्ये दश जनाले इश्माएललाई भने, “हामीलाई नमार्नुहोस्! हामीले खेतमा गहुँ, जौ, जैतुन तेल र मह लुकाइराखेका छौँ।” यसकारण तिनले तिनीहरूलाई छोडिदिए, र तिनीहरूलाई अरूसँगै मारेनन्। 
\v 9 जुन खाडलमा तिनले गदल्याहसँगै अरू मानिसहरूलाई पनि मारेर तिनीहरूका मृत शरीरहरू फ्याँकेका थिए, त्यो खाडल राजा आसाले इस्राएलका राजा बाशाको आक्रमणबाट बच्न भनी बनाएका थिए। तर नतन्याहका छोरा इश्माएलले त्यसलाई लासैलासले भरिदिए।
\p
\v 10 तब मिस्पामा भएका बाँकी रहेका मानिसहरू, राजाका छोरीहरू र त्यहाँ छोडिएका सबै मानिसहरू, जसमाथि राजकीय सेनापति नबूजरदानले अहीकामका छोरा गदल्याहलाई नियुक्त गरेका थिए, तिनीहरू सबैलाई इश्माएलले कैदी बनाए। नतन्याहका छोराले तिनीहरूलाई कैदी बनाएर अम्मोनीहरूको इलाकामा जानलाई हिँडे।
\p
\v 11 जब कारेहका छोरा योहानान र तिनीसँग भएका सेनाका सबै अधिकारीहरूले नतन्याहका छोरा इश्माएलले गरेका सबै अपराधहरूको बारेमा सुने; 
\v 12 तब तिनीहरूले आफ्ना सबै मानिसहरू लिएर नतन्याहका छोरा इश्माएलसँग लडाइँ गर्न गए। तिनीहरूले इश्माएललाई गिबोनमा भएको ठूलो पोखरीको नजिकै भेट्टाए। 
\v 13 जब इश्माएलसँग भएका सबै मानिसहरूले कारेहका छोरा योहानान र तिनीसँग भएका सबै सेनाका अधिकारीहरूलाई देखे, तब तिनीहरू आनन्दित भए। 
\v 14 इश्माएलले मिस्पाबाट कैद गरेर ल्याएका सबै मानिसहरू कारेहका छोरा योहानानतिर फर्केर गए। 
\v 15 तर नतन्याहका छोरा इश्माएल र तिनका आठ जना मानिसहरू योहानानबाट उम्केर अम्मोनीहरूको देशमा भागेर गए।
\s1 इजिप्टतिर पलायन
\p
\v 16 तब कारेहका छोरा योहानान र तिनीसँग भएका सेनाका सबै अधिकारीहरूले मिस्पाबाट बाँचेर आएका सबै मानिसहरूलाई फर्काएर लगे, जसलाई नतन्याहका छोरा इश्माएलले गदल्याहलाई मारेपछि बन्दी बनाएका थिए। इश्माएलबाट योहानानले तिनीहरूलाई छुटाएर ल्याएका थिए। ती मानिसहरू यिनै थिए: सेनाहरू र अहीकामले गिबोनबाट ल्याएका स्त्रीहरू, केटाकेटीहरू र अदालतका अधिकारीहरू। 
\v 17 अनि तिनीहरू बेबिलोनीहरूदेखि उम्कन इजिप्ट जाने बाटोमा बेथलेहेमको छेउमा गेरूत किमहाममा बास बसे। 
\v 18 तिनीहरू बेबिलोनीहरूसँग डराएका थिए; किनकि नतन्याहका छोरा इश्माएलले अहीकामका छोरा गदल्याहलाई मारेका थिए, जसलाई बेबिलोनका राजाले देशमाथि राज्यपाल नियुक्त गरेका थिए।
\c 42
\p
\v 1 तब सेनाका सबै अधिकारीहरू, कारेहका छोरा योहानान, होशायाहका छोरा याजन्याह, र साना दर्जादेखि लिएर ठूला दर्जासम्मका सबै मानिसहरू 
\v 2 अगमवक्ता यर्मियाकहाँ गएर तिनलाई भने, “कृपया, हाम्रो बिन्ती सुन्‍नुहोस् र हामी सबै बाँचेकाहरूका निम्ति याहवेह तपाईंका परमेश्‍वरसँग प्रार्थना गरिदिनुहोस्। किनकि तपाईं आफैँले अहिले देख्नुभएझैँ, हामी एक समयमा धेरै भए तापनि अहिले हामी सानो अवशेषको रूपमा छौँ। 
\v 3 याहवेह तपाईंका परमेश्‍वरले हामीलाई कुन बाटो हिँड्नुपर्ने हो, र हामीले के गर्नुपर्ने हो, सो कुरा बताइदेऊन् भनी प्रार्थना गरिदिनुहोस्।”
\p
\v 4 यर्मिया अगमवक्ताले जवाफ दिए, “मैले तिमीहरूका कुरा सुनेँ। निश्‍चय नै तिमीहरूले अनुरोध गरेझैँ म याहवेह तिमीहरूका परमेश्‍वरसँग प्रार्थना गर्नेछु। याहवेहले भन्‍नुभएको हरेक कुरा म तिमीहरूलाई बताउनेछु, र म तिमीहरूसँग कुनै पनि कुरा लुकाउनेछैनँ।”
\p
\v 5 तब तिनीहरूले यर्मियालाई भने, “यदि हामीले याहवेह तपाईंका परमेश्‍वरले तपाईंलाई भन्‍न पठाउनुभएको हरेक कुराअनुसार गरेनौँ भने याहवेह नै हाम्रा विरुद्धमा साँचो र विश्‍वासयोग्य साक्षी होऊन्। 
\v 6 याहवेह हाम्रा परमेश्‍वर, जसकहाँ हामी तपाईंलाई पठाइरहेका छौँ; उहाँको आज्ञा चाहे मनपर्ने होस् वा मन नपर्ने होस्, हामी सो पालन गर्नेछौँ, ताकि हाम्रो भलाइ होस्, किनकि हामी याहवेह हाम्रा परमेश्‍वरको आज्ञापालन गर्नेछौँ।”
\p
\v 7 अनि दश दिनपछि याहवेहको वचन यर्मियाकहाँ आयो। 
\v 8 यसकारण तिनले कारेहका छोरा योहानान र तिनीसँग भएका सेनाका सबै अधिकारीहरू र साना दर्जादेखि ठूला दर्जासम्मका सबै मानिसहरूलाई बोलाए। 
\v 9 यर्मियाले तिनीहरूलाई भने, “याहवेह इस्राएलका परमेश्‍वर यसो भन्‍नुहुन्छ, जसकहाँ तिमीहरूले मलाई आफ्ना बिन्ती चढाउन पठाएका थियौ: 
\v 10 ‘यदि तिमीहरू यस देशमै रह्‍यौ भने म तिमीहरूलाई निर्माण गर्नेछु, तर तिमीहरूलाई भत्काउनेछैनँ। म तिमीहरूलाई रोप्नेछु, तर तिमीहरूलाई उखेल्नेछैनँ; किनकि मैले तिमीहरूमाथि ल्याएको ठूलो विपत्तिको कारण म दुःखित छु। 
\v 11 बेबिलोनको राजा, जससँग तिमीहरू अहिले डराउँछौ, त्यससँग नडराओ। याहवेह घोषणा गर्नुहुन्छ, बेबिलोनको राजादेखि नडराओ; किनकि म तिमीहरूको साथमा छु र म तिमीहरूलाई बचाउनेछु। अनि तिमीहरूलाई उसको हातबाट छुटाउनेछु। 
\v 12 म तिमीहरूमाथि दया देखाउनेछु, ताकि उसले तिमीहरूमाथि दया देखाउनेछ, र उसले तिमीहरूलाई तिमीहरूको देशमा पुनर्स्थापित गर्नेछ।’
\p
\v 13 “तापनि यदि तिमीहरूले यसो भन्यो भने, ‘हामी यस देशमा बस्‍नेछैनौँ;’ अनि यसरी याहवेह तिमीहरूका परमेश्‍वरको आज्ञापालन गरेनौ भने, 
\v 14 र यदि तिमीहरूले यसो भन्छौ भने, ‘होइन, हामी इजिप्टमा गएर बस्‍नेछौँ, जहाँ हामी युद्ध देख्नेछैनौँ, अथवा तुरहीको आवाज सुन्‍नेछैनौँ, अथवा रोटीको निम्ति भोको रहनेछैनौँ;’ 
\v 15 त्यसकारण हे यहूदाका बाँकिरहेका मानिसहरू हो, याहवेहको वचन सुन। सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘यदि तिमीहरूले इजिप्टमा जान पक्‍का गरेका छौ र त्यहाँ बसोबास गर्न जान चाहन्छौ भने, 
\v 16 तब तिमीहरू डराएका ती तरवारले तिमीहरूलाई त्यस देशमा खेदेर भेट्टाउनेछ; अनि तिमीहरू डराएको अनिकालले तिमीहरूलाई इजिप्टसम्म पछ्याउनेछ, तब तिमीहरू त्यहीँ नै मर्नेछौ। 
\v 17 निश्‍चय नै इजिप्टमा गएर बसोबास गर्न चाहने सबै जना तरवार, अनिकाल र रूढीले मर्नेछन्। मैले तिनीहरूमाथि ल्याउने विपत्तिबाट तिनीहरूमध्ये एक जना पनि बाँच्नेछैन।’ 
\v 18 सेनाहरूका याहवेह, इस्राएलका परमेश्‍वर यसो भन्‍नुहुन्छ: ‘जसरी मेरो रिस र क्रोध यरूशलेममा बस्‍नेहरूमाथि खन्याइएको छ, त्यसरी नै तिमीहरू इजिप्टमा जाँदा मेरो क्रोध तिमीहरूमाथि खनिनेछ। तिमीहरू श्राप र त्रास, दोष र निन्दाका पात्रहरू बन्‍नेछौ। तिमीहरूले यो ठाउँ फेरि कहिल्यै पनि देख्नेछैनौ।’
\p
\v 19 “हे यहूदाका बाँकी रहेकाहरू हो, याहवेहले तिमीहरूलाई, ‘इजिप्टमा नजाओ,’ भन्‍नुभएको छ। तिमीहरूले यो कुरा स्पष्‍टसँग बुझिराख; आज म तिमीहरूलाई चेतावनी दिँदैछु; 
\v 20 किनकि तिमीहरूले मलाई याहवेह तिमीहरूका परमेश्‍वरकहाँ पठाएर ‘हाम्रा निम्ति याहवेह हाम्रा परमेश्‍वरसँग प्रार्थना गरिदिनुहोस्। उहाँले भन्‍नुभएको सबै कुरा हामीलाई बताइदिनुहोस्, र हामी त्यो पालन गर्नेछौँ,’ भनेर तिमीहरूले ठूलो भूल गरेका छौ। 
\v 21 उहाँले तिमीहरूलाई भन्‍नू भनेर मलाई पठाउनुभएका सबै कुराहरू आज मैले तिमीहरूलाई बताएको छु, तर तिमीहरूले याहवेह आफ्ना परमेश्‍वरको आज्ञा अझै पनि पालन गरेका छैनौ। 
\v 22 यसकारण अब यो पक्‍का गरी जानिराख: जुन ठाउँमा तिमीहरू गएर बसोबास गर्न चाहन्छौ, त्यस ठाउँमा तिमीहरू तरवार, अनिकाल र रूढीले मर्नेछौ।”
\c 43
\p
\v 1 जब यर्मियाले मानिसहरूलाई याहवेह तिनीहरूका परमेश्‍वरले तिनीहरूलाई भन्‍नू भनेर पठाउनुभएको प्रत्येक कुराहरू तिनले भनिसिद्ध्याए, 
\v 2 तब होशायाहका छोरा अजर्याह, कारेहका छोरा योहानान र सबै अहङ्कारी मानिसहरूले यर्मियालाई यसो भने, “तिमीले झूट बोलिरहेका छौ! याहवेह हाम्रा परमेश्‍वरले तिमीलाई ‘तिमीहरू इजिप्टमा बसोबास गर्नलाई जाँदै नजानू’ भनेर भन्‍न पठाउनुभएको होइन; 
\v 3 तर बेबिलोनीहरूले हामीलाई मारून् अथवा हामीलाई कैद गरेर बेबिलोनमा लैजाऊन् भनी नेरियाहका छोरा बारूकले तिमीलाई हाम्रो विरुद्धमा बेबिलोनीहरूको हातमा हामीलाई सुम्पिदिन उस्काउँदैछ।”
\p
\v 4 यसकारण कारेहका छोरा योहानान, सेनाका सबै अधिकारीहरू र सबै मानिसहरूले यहूदाको देशमै बस्‍नू भन्‍ने परमेश्‍वरको आज्ञापालन गरेनन्। 
\v 5 त्यसको सट्टा यहूदाका बाँकी रहेका सबै मानिसहरू, जो अरू देशमा तितरबितर भएका थिए; अनि अहिले यहूदामा बस्‍नलाई फर्केर आएका थिए, तिनीहरूलाई कारेहका छोरा योहानान र सेनाका सबै अधिकारीहरूले आफूसितै लगे। 
\v 6 राजकीय अङ्गरक्षकका सेनापति नबूजरदानले शापानका नाति अहीकामका छोरा गदल्याहको जिम्मामा छोडेकाहरू—पुरुषहरू, स्त्रीहरू, केटाकेटीहरू र राजाका छोरीहरू, यर्मिया अगमवक्ता र नेरियाहका छोरा बारूकसमेत सबै मानिसहरूसँगै तिनीहरूले लगे। 
\v 7 यसरी तिनीहरू याहवेहको आज्ञा उल्‍लङ्घन गर्दै इजिप्टमा प्रवेश गरे, र तहपनेससम्म पुगे।
\p
\v 8 तहपनेसमा याहवेहको वचन यर्मियाकहाँ आयो: 
\v 9 “यहूदीहरूले हेरिरहेका बेला, तैँले आफूसँग केही ठूला ढुङ्गाहरू लिनू, र तहपनेसमा भएको फारोको राजमहलको प्रवेशद्वारको बाटोमा छापेका इँटामुनिको माटोमा ती ढुङ्गालाई गाडिदिनू। 
\v 10 त्यसपछि तिनीहरूलाई यसो भन्‍नू, ‘सेनाहरूका याहवेह, इस्राएलका परमेश्‍वर यसो भन्‍नुहुन्छ: हेर, म मेरो सेवक बेबिलोनको राजा नबूकदनेसरलाई ल्याउनेछु र यस ठाउँमा पठाउनेछु; अनि म त्यसको सिंहासन मैले गाडेका यी ढुङ्गाहरूमाथि खडा गर्नेछु। त्यसले आफ्नो राजकीय मण्डप यसमाथि फैलाउनेछ। 
\v 11 तब त्यो आउनेछ र त्यसले इजिप्टमाथि आक्रमण गर्नेछ; अनि मृत्युको निम्ति छुट्याइएकाहरूमा मृत्यु नै आउनेछ, कैदको निम्ति छुट्याइएकाहरू कैदमा नै जानेछन्, र तरवारका निम्ति छुट्याइएकाहरू तरवारले काटिनेछन्। 
\v 12 त्यसले इजिप्टका देवताहरूका मन्दिरहरूमा आगो लगाइदिनेछ, र तिनीहरूका मन्दिरहरू जलाइदिनेछ; अनि तिनीहरूका देवताहरूलाई कैद गरेर लैजानेछ। जसरी गोठालाले आफ्नो लुगालाई सफा गर्न जुम्रा निकालेर फ्याँक्छ, त्यसरी नै त्यसले इजिप्टलाई निकालेर सफा गरेर सुरक्षितसाथ बाटो लाग्नेछ। 
\v 13 त्यहाँ इजिप्टमा भएको सूर्यको मन्दिरका पवित्र खम्बाहरूलाई ढालिदिनेछ; अनि इजिप्टका देवताहरूका मन्दिरहरूलाई आगोले भस्म पारिदिनेछ।’ ”
\c 44
\s1 मूर्तिपूजाको कारण विपत्ति
\p
\v 1 इजिप्टको तल्‍लो भाग मिग्दोल, तहपनेस र मेम्फिसमा र माथिल्‍लो इजिप्टमा बस्‍ने सबै यहूदीहरूको विषयमा याहवेहको यो वचन यर्मियाकहाँ आयो: 
\v 2 “सेनाहरूका याहवेह, इस्राएलका परमेश्‍वर यसो भन्‍नुहुन्छ: मैले यरूशलेम र यहूदाका सबै सहरहरूमाथि ल्याएको ठूलो विपत्ति तिमीहरूले देखेका छौ। आज ती उजाड र ध्वस्त अवस्थामा छन्। 
\v 3 तिमीहरूले गरेको दुष्‍टताको कारणले त्यो भएको थियो। किनकि न तिमीहरूले, न त तिमीहरूका पुर्खाहरूले कहिल्यै चिनेका वा जानेका अन्य देवताहरूका निम्ति धूप बालेर तिनीहरूलाई पुजेर तिनीहरूले मलाई क्रोधित तुल्याए। 
\v 4 मैले तिमीहरूकहाँ घरी-घरी मेरा सेवक अगमवक्ताहरूलाई पठाएँ, जसले तिमीहरूलाई भने, ‘मैले घृणा गर्ने यी घिनलाग्दा कामहरू नगर!’ 
\v 5 तर तिनीहरूले न मेरो कुरा सुने, न त ध्यान नै दिए; न तिनीहरू आफ्ना दुष्‍टताबाट फर्के, न अरू देवताहरूलाई धूप बाल्न नै छाडे। 
\v 6 यसकारण मेरो डरलाग्दो रिसको ज्वाला खनियो; यसले यहूदाका सहरहरू र यरूशलेमका सहरहरू भस्म पार्‍यो; अनि ती ठाउँहरूलाई उजाड र भस्म पारियो, जस्तो आजको दिनसम्म छँदैछ।
\p
\v 7 “यसकारण याहवेह सेनाहरूका परमेश्‍वर, इस्राएलका परमेश्‍वर, यसो भन्‍नुहुन्छ: किन तिमीहरू आफ्नो कुनै अवशेष नै नरहने गरी यहूदाबाट पुरुषहरू र स्त्रीहरू, केटाकेटीहरू र दुधे बालबालिकाहरूलाई नष्‍ट गरेर, आफूमाथि भयङ्कर विपत्ति ल्याउन चाहन्छौ? 
\v 8 तिमीहरू बस्‍न आएको इजिप्टमा आफ्नै हातले बनाएका मूर्तिहरूले अरू देवताहरूलाई धूप बालेर मलाई किन रिस उठाउँछौ? यसो गर्‍यौ भने तिमीहरूले आफूलाई सर्वनाश गर्नेछौ; अनि पृथ्वीमा सबै जातिहरूका बीचमा आफूलाई श्राप र घृणाको पात्र बनाउनेछौ। 
\v 9 के तिमीहरूले आफ्ना पितापुर्खाहरूले गरेका दुष्‍टता, यहूदाका राजा र रानीहरूले गरेका दुष्‍टता, तिमीहरूका पत्नीहरूले गरेका दुष्‍टता बिर्स्यौ, जुन यहूदाको देशमा र यरूशलेमका सडकहरूमा गरेका थिए? 
\v 10 आजको दिनसम्म तिनीहरूले आफूलाई विनम्र तुल्याएका छैनन्, अथवा मप्रति आदर देखाएका छैनन्, न त मैले तिमीहरू र तिमीहरूका पुर्खाहरूको अगि स्थापित गरेका व्यवस्था र विधिहरू नै तिनीहरूले पालन गरेका छन्।
\p
\v 11 “यसकारण सेनाहरूका याहवेह, इस्राएलका परमेश्‍वर, यसो भन्‍नुहुन्छ: हेर, मैले तिमीहरूमाथि विपत्ति ल्याउन र सम्पूर्ण यहूदालाई नाश गर्ने निर्णय लिएको छु। 
\v 12 इजिप्टमा गएर त्यहीँ बसोबास गर्ने निश्‍चय गरेका यहूदाका बाँकी रहेका मानिसहरू सबैलाई म नष्‍ट गर्नेछु। तिनीहरू सबै इजिप्टमा नष्‍ट हुनेछन्; तिनीहरू तरवारद्वारा ढल्नेछन् अथवा अनिकालले मर्नेछन्। सानादेखि लिएर ठूलासम्मका सबै मानिसहरू तरवार अथवा अनिकालले मर्नेछन्। तिनीहरू श्राप, त्रास र निन्दाको पात्र हुनेछन्। 
\v 13 जसरी मैले यरूशलेमलाई दण्ड दिएँ, त्यसरी नै म इजिप्टमा गएर बस्‍नेहरूलाई तरवार, अनिकाल र रूढी पठाएर दण्ड दिनेछु। 
\v 14 यहूदाका बाँकी रहेका मानिसहरू, जो इजिप्टमा बसोबास गर्नलाई गएका छन्; तिनीहरू कसैले यहूदाको मुलुकमा फर्केर बस्‍ने इच्छा गरे तापनि फर्कनेछैनन्; तिनीहरूमध्ये ती उम्केकाहरूबाहेक कोही पनि फर्कन पाउनेछैनन्।”
\p
\v 15 त्यसपछि आफ्ना पत्नीहरूले अरू देवताहरूलाई धूप बालेका थाहा पाउने मानिसहरू र त्यहाँ उपस्थित भएका अरू सबै स्त्रीहरू सहितको एउटा ठूलो जमात, तल्‍लो र माथिल्‍लो इजिप्टमा बस्‍ने सबै इस्राएलीहरूले यर्मियालाई भने, 
\v 16 “तिमीले याहवेहको नाममा हामीसँग बोलेको सन्देश हामी सुन्‍नेछैनौँ! 
\v 17 हामीले गर्छौँ भनेका सबै कुरा हामी अवश्य गर्नेछौँ: हामी र हाम्रा पितापुर्खाहरू, हाम्रा राजाहरू र हाम्रा अधिकारीहरूले यहूदाका सहरहरूमा र यरूशलेमका सडकहरूमा पहिले गरेझैँ, हामी स्वर्गकी रानीलाई धूप बाँल्नेछौँ र तिनलाई अर्घबलि चढाउनेछौँ। त्यस बेला हामीसँग प्रशस्त भोजन थियो र हामी सम्पन्‍न थियौँ; अनि हामीमाथि कुनै विपत्ति आएको थिएन। 
\v 18 तर हामीले स्वर्गकी रानीलाई धूप बाल्न र तिनलाई अर्घबलि चढाउन छोडेदेखि उसो, हामीलाई चाहिने कुरा हामीसँग केही पनि रहेन; अनि हामी तरवार र अनिकालले नष्‍ट भइरहेका छौँ।”
\p
\v 19 ती स्त्रीहरूले थप्दै यसो भने, “जब हामीले स्वर्गकी रानीलाई धूप बाल्दा र तिनलाई अर्घबलि चढाउँदा के हाम्रा पतीहरूले हामीले तिनको मूर्तिको आकारमा फुरौला बनाउँदैछौँ, र तिनलाई अर्घबलि चढाउँदैछौँ भन्‍ने कुरा जान्दैनथिए र?”
\p
\v 20 तब यर्मियालाई जवाफ दिने पुरुषहरू र स्त्रीहरू सबैलाई तिनले यसो भने, 
\v 21 “तिमीहरू, तिमीहरूका पितापुर्खाहरू, तिमीहरूका राजाहरू र तिमीहरूका अधिकारीहरूले यहूदाका सहरहरू र यरूशलेमका सडकहरूमा जलाएको धूपको बारेमा के याहवेहले बिर्सनुभएको छ अनि के यो कुरा उहाँलाई थाहा छैन र? 
\v 22 जब तिमीहरूले गरेका तिमीहरूका दुष्‍ट र घिनलाग्दा कामहरूलाई याहवेहले अझ सहन सक्नुभएन, तब तिमीहरूको देश श्रापित भयो र कुनै बासिन्दा नरहने गरी उजाड भयो, जुन आजको दिनसम्म त्यस्तै छ। 
\v 23 तिमीहरूले धूप बालेर याहवेहको विरुद्धमा पाप गरेका छौ, उहाँका आज्ञापालन गरेका छैनौ, र उहाँको व्यवस्थाका आदेशहरू अथवा उहाँका सल्‍लाहहरू अथवा नियमहरू पालन गरेका छैनौँ। यसकारण यो ठूलो विपत्ति तिमीहरूमाथि आएको छ, जुन विपत्ति आज तिमीहरू देख्दैछौ।”
\p
\v 24 त्यसपछि यर्मियाले सबै मानिसहरू र ती स्त्रीहरूलाई भने, “हे इजिप्टमा भएका सबै यहूदाका मानिसहरू हो, याहवेहको वचन सुन। 
\v 25 सेनाहरूका याहवेह, इस्राएलका परमेश्‍वर यसो भन्‍नुहुन्छ: तिमीहरू र तिमीहरूका पत्नीहरूले जे गर्छौ भनी शपथ खाएका थियौ, ‘हामी स्वर्गकी रानीलाई धूप बाल्नेछौँ र अर्घबलि चढाउनेछौँ भनी हामीले खाएको शपथ हामी अवश्य पूरा गर्नेछौँ।’
\p “त्यसैले तिमीहरू अगि बढ, तिमीहरूले प्रतिज्ञा गरेको कुरा गर! आफ्नो भाकल पूरा गर! 
\v 26 तर इजिप्टमा बस्‍ने हे सबै यहूदीहरू हो, तिमीहरूले याहवेहको वचन सुन: ‘म मेरो महान् नामको शपथ खान्छु,’ याहवेह भन्‍नुहुन्छ, ‘इजिप्टको कुनै पनि ठाउँमा बस्‍ने यहूदाबाटका मानिसहरू कसैलाई पनि मेरो नाममा, “जीवित प्रभु याहवेहको नाममा शपथ खान्छु” भनेर कहिल्यै पुकार्न दिनेछैन, अथवा शपथ खान दिनेछैन।’ 
\v 27 किनकि मैले तिनीहरूमाथि भलाइको निम्ति होइन, तर खराबीको निम्ति हेर्दैछु; तिनीहरू सबै पूरै नाश नभएसम्म इजिप्टमा रहेका यहूदीहरू तरवार र अनिकालले नष्‍ट हुनेछन्। 
\v 28 तरवारबाट उम्कने थोरै मानिसहरू मात्र इजिप्टबाट यहूदाको देशमा फर्कनेछन्। तब इजिप्टमा बसोबास गर्न आउने यहूदाका सबै बाँकी रहेका अवशेषहरूले कसको वचन अटल रहनेछ—मेरो वा तिनीहरूको भनी जान्‍नेछन्।
\p
\v 29 “ ‘तिमीहरूका निम्ति चिन्ह यो हुनेछ, यस ठाउँमा म तिमीहरूलाई दण्ड दिनेछु;’ याहवेह घोषणा गर्नुहुन्छ, ‘ताकि तिमीहरूको विरुद्धमा खराबी गर्ने मेरो धम्की निश्‍चय नै पूरा हुनेछ।’ 
\v 30 याहवेह यसो भन्‍नुहुन्छ: ‘जसरी मैले यहूदाका राजा सिदकियाह र उसलाई मार्न चाहने शत्रु बेबिलोनको राजा नबूकदनेसरको हातमा सुम्पिदिएँ, त्यसरी नै म इजिप्टको राजा फारो होप्रालाई पनि त्यसलाई मार्न चाहने शत्रुहरूका हातमा सुम्पिदिनेछु।’ ”
\c 45
\s1 बारूकका निम्ति सन्देश
\p
\v 1 जब नेरियाहका छोरा बारूकले यहूदाका राजा योशियाहका छोरा यहोयाकीमको शासनकालको चौथो वर्षमा यर्मियाले भनेका वचनहरू एउटा चर्मपत्रमा लेखे, तब यर्मिया अगमवक्ताले बारूकलाई यसो भने: 
\v 2 “याहवेह इस्राएलका परमेश्‍वरले, तिमीलाई यसो भन्‍नुहुन्छ, बारूक: 
\v 3 तैँले भनिस् ‘धिक्‍कार छ मलाई! याहवेहले मेरो दुःखमा पीडा थपिदिनुभएको छ; म सुस्केरा मार्दा-मार्दा थकित भएको छु र मलाई कतै पनि आराम छैनँ।’ ” 
\v 4 तर याहवेहले मलाई तिमीलाई यसो भन् भनेर भन्‍नुभएको छ, “याहवेह यसो भन्‍नुहुन्छ: ‘मैले जे बनाएको छु, त्यो म भत्काउनेछु, मैले देशभरि जे रोपेको छु, त्यो म उखेलिदिनेछु। 
\v 5 त्यसो भए के तैँलेचाहिँ आफ्नो निम्ति महान् कुराहरू खोज्दैछस्? ती कुराहरू नखोज्। याहवेह घोषणा गर्नुहुन्छ; किनकि म सबै मानिसहरूमाथि विपत्ति ल्याउनेछु, तर तँ जहाँ गए तापनि म तँलाई लुटको मालसरह जीवितै उम्कन दिनेछु।’ ”
\c 46
\s1 इजिप्टको बारेमा सन्देश
\p
\v 1 राष्ट्रहरूको बारेमा यर्मिया अगमवक्ताकहाँ आएको याहवेहको वचन यही हो:
\b
\p
\v 2 इजिप्टको सम्बन्धमा:
\b
\p यहूदाका राजा योशियाहका छोरा, यहोयाकीमको शासनकालको चौथो वर्षमा, बेबिलोनका राजा नबूकदनेसरद्वारा यूफ्रेटिस नदीको कर्कमीशमा पराजित भएका इजिप्टका राजा फारो नेकोका सेनाको विरुद्धमा आएको सन्देश यही हो:
\q1
\v 3 “तेरा ठूला र साना दुवै ढालहरू तयार गर्;
\q2 अनि युद्ध गर्नका निम्ति मोर्चा बाँधेर अगि बढ्!
\q1
\v 4 घोडाहरूमा जीन-लगाम कस्,
\q2 र घोडाहरूमाथि चढ्!
\q1 लडाइँका टोप लगाएर
\q2 आफ्नो पङ्‌क्तिमा खडा हो!
\q1 आफ्ना भालाहरू टल्का;
\q2 आफ्ना हातहतियारहरूले सुसज्जित हो!
\q1
\v 5 तर म के देख्दैछु?
\q2 ती इजिप्टियन सेनाहरू त्रसित भएका छन्;
\q1 तिनीहरू पछि हट्दैछन्;
\q2 तिनीहरूका योद्धाहरू हारेका छन्।
\q1 तिनीहरू पछाडि नहेरी हतार-हतार भाग्दैछन्;
\q2 अनि त्यहाँ चारैतिर त्रास नै त्रास फैलिएको छ,”
\q2 याहवेह घोषणा गर्नुहुन्छ।
\q1
\v 6 “चाँडो भाग्ने पनि भाग्न सक्दैन,
\q2 न त योद्धाहरू नै उम्कन सक्छन्।
\q1 उत्तर दिशामा यूफ्रेटिस नदीको किनारमा
\q2 तिनीहरू ठक्‍कर खानेछन् र लड्नेछन्।
\b
\q1
\v 7 “नील नदीजस्तै बढेर आउने,
\q2 नदीहरूको बाढीझैँ उर्लेर आउने त्यो को हो?
\q1
\v 8 नील नदीजस्तै बढेर आउने,
\q2 पानीको नदीजस्तै उर्लेर आउने त्यो इजिप्ट हो।”
\q1 इजिप्टले भन्छे, “म उठ्नेछु र पृथ्वीलाई ढाकिदिनेछु;
\q2 म सहरहरू र तिनीहरूका मानिसहरूलाई नाश गरिदिनेछु।”
\q1
\v 9 हे घोडाहरू हो, आक्रमण गर!
\q2 हे रथ हाक्नेहरू हो, वेगसँग अगाडि बढ!
\q1 हे योद्धाहरू हो, अगि बढ। ढाल बोक्ने कूश र पूतका मानिसहरू,
\q2 धनु हान्‍न सिपालु लूदीमका मानिसहरू अगि बढ।
\q1
\v 10 तर त्यो दिन प्रभु, सेनाहरूका याहवेहको दिन हो।
\q2 बदलाको दिन, उहाँको शत्रुहरूमाथि बदला लिने दिन हो।
\q1 तरवार सन्तुष्‍ट नभएसम्म त्यसले नाश गर्नेछ;
\q2 रगतले तिर्खा नमेटेसम्म त्यो चल्नेछ।
\q1 किनकि सेनाहरूका याहवेहले उत्तरको देशलाई
\q2 यूफ्रेटिस नदीको किनारमा बलिदान चढाउनुहुनेछ।
\b
\q1
\v 11 “हे इजिप्टकी कन्या छोरी,
\q2 माथि गिलादमा गएर मलम ली,
\q1 तर तैँले व्यर्थैमा धेरै औषधीहरू प्रयोग गरिस्;
\q2 तँ निको हुनेछैनस्।
\q1
\v 12 राष्ट्रहरूले तेरो अपमानको बारेमा सुन्‍नेछन्;
\q2 तेरो रोदन पृथ्वीभरि सुनिनेछ।
\q1 एउटा योद्धा अर्कोमाथि ठक्‍कर खानेछ;
\q2 दुवै योद्धा एकसाथ जमिनमा लोट्नेछन्।”
\p
\v 13 बेबिलोनका राजा नबूकदनेसरले इजिप्टलाई आक्रमण गर्न आउने बारेमा याहवेहले यर्मिया अगमवक्तासँग बोल्नुभएको सन्देश यही हो:
\q1
\v 14 “यो सन्देश इजिप्टमा भन्, र यसलाई मिग्दोलमा घोषणा गर्;
\q2 यसलाई मेम्फिसमा र तहपनेसमा पनि घोषणा गर्:
\q1 ‘आफ्नो सुरक्षाको निम्ति आ-आफ्ना स्थानमा तयार होओ;
\q2 किनकि तेरा चारैतिर भएकाहरूलाई तरवारले नाश गर्नेछ।’
\q1
\v 15 तेरा योद्धाहरू किन सोत्तर हुनेछन्?
\q2 तिनीहरू खडा हुन सक्दैनन्; किनकि याहवेहले तिनीहरूलाई जमिनमा ठेलिदिनुहुनेछ।
\q1
\v 16 तिनीहरू घरी-घरी ठक्‍कर खानेछन्;
\q2 तिनीहरू एक-अर्कामाथि लड्नेछन्।
\q1 तिनीहरूले भन्‍नेछन्, ‘उठ, हामी शत्रुहरूका
\q2 तरवारदेखि टाढा आफ्नै मानिसहरूकहाँ
\q2 र आफ्नो जन्मभूमिमा फर्केर जाऔँ।’
\q1
\v 17 त्यहाँ तिनीहरू चिच्याउनेछन्,
\q2 ‘इजिप्टका राजा फारो चर्को आवाज मात्र हो;
\q2 फारोले आफ्नो मौका गुमाएको छ।’
\b
\q1
\v 18 “म जीवित भएझैँ,” राजाले यसरी घोषणा गर्नुहुन्छ,
\q2 जसको नाम सेनाहरूका याहवेह हो,
\q1 पहाडहरूमध्ये उच्‍च तबोरजस्तै,
\q2 समुद्रभन्दा उच्‍च कर्मेल पर्वतजस्तै एक जना शक्तिशाली आउनुहुनेछ।
\q1
\v 19 हे इजिप्टमा बस्‍ने मानिसहरू हो,
\q2 तिमीहरू कैदमा जान आ-आफ्ना सरसामानहरू पोको पार;
\q1 किनकि मेम्फिस उजाड हुनेछ,
\q2 र कोही पनि नबस्‍ने रुखो भग्नावशेष हुनेछ।
\b
\q1
\v 20 “इजिप्ट एउटी सुन्दरी कोरली हो,
\q2 तर त्यसको विरुद्धमा
\q2 उत्तर दिशाबाट एउटा डाँस आउँदैछ।
\q1
\v 21 त्यसका ज्यालादार सिपाहीहरू
\q2 मोटाएर पोसिएका बाछाहरूजस्तै छन्।
\q1 तिनीहरू एकसाथ पीठ फर्काएर भाग्नेछन्;
\q2 तिनीहरू आफ्नो स्थानमा खडा भएर लड्दैनन्;
\q1 किनकि तिनीहरूका निम्ति दण्ड पाउने समय आएको छ;
\q2 तिनीहरूमाथि विपत्तिका दिनहरू आउँदैछन्।
\q1
\v 22 जब शत्रुहरू अगि बढ्दै आउँछन्,
\q2 तब भाग्ने सर्पझैँ सुलुलु आवाज इजिप्टले निकाल्नेछ;
\q1 तिनीहरू त्यसको विरुद्धमा रूख काट्ने मानिसहरूझैँ
\q2 बन्चरो लिएर आउनेछन्।”
\q1
\v 23 याहवेह घोषणा गर्नुहुन्छ, “तिनीहरूका जङ्गलहरू जति नै बाक्लो भए तापनि
\q2 तिनीहरूले ती काटेर ढालिदिनेछन्।
\q1 तिनीहरू संख्यामा सलहभन्दा धेरै छन्,
\q2 तिनीहरू अनगन्ती छन्।
\q1
\v 24 इजिप्टकी छोरी शर्ममा पर्नेछे;
\q2 त्यसलाई उत्तर दिशाबाट आएका शत्रुहरूका हातमा सुम्पिइनेछ।”
\p
\v 25 सेनाहरूका याहवेह, इस्राएलका परमेश्‍वर भन्‍नुहुन्छ: “म थेबेसको देवता अमोन, फारो, इजिप्ट र यसका देवताहरू र यसका राजाहरू र फारोमाथि भरोसा राख्नेहरूमाथि दण्ड ल्याउन लागेको छु। 
\v 26 म तिनीहरूलाई मार्न चाहनेहरूका हातमा—बेबिलोनको राजा नबूकदनेसर र त्यसका अधिकारीहरूको हातमा सुम्पिदिनेछु। त्यसपछि इजिप्टमा पहिलेजस्तै मानिसहरू बसोबास गर्नेछन्,” याहवेह घोषणा गर्नुहुन्छ।
\q1
\v 27 “हे मेरो सेवक याकोब, तँ नडरा!
\q2 हे इस्राएल निरुत्साहित नहो।
\q1 म निश्‍चय नै तँलाई टाढाको ठाउँबाट
\q2 तेरा सन्तानहरूलाई तिनीहरूका बेबिलोनको कैदबाट बचाउनेछु।
\q1 याकोब फेरि शान्ति र सुरक्षामा बस्‍नेछ;
\q2 अनि कसैले पनि इस्राएललाई डर देखाउन सक्नेछैन।
\q1
\v 28 हे मेरो सेवक याकोब, तँ भयभीत नहो;
\q2 किनकि म तँसँग छु,”
\q2 याहवेह घोषणा गर्नुहुन्छ।
\q1 “मैले तँलाई जुन राष्ट्रहरूको बीचमा छरपस्ट पारेँ,
\q2 मैले ती राष्ट्रहरूलाई सम्पूर्ण रूपले नाश गरे तापनि
\q2 तँलाईचाहिँ पूर्ण रूपले नाश गर्नेछैनँ।
\q1 म तँलाई न्यायपूर्वक ताडना दिनेछु;
\q2 तर म तँलाई विनादण्ड छोड्छैनँ।”
\c 47
\s1 पलिश्तीको बारेमा सन्देश
\p
\v 1 फारोले गाजा सहरमाथि आक्रमण गर्नुअगि पलिश्तीहरूको विषयमा यर्मिया अगमवक्ताकहाँ आएको याहवेहको वचन यही हो:
\b
\p
\v 2 याहवेह यसो भन्‍नुहुन्छ:
\q1 “हेर, उत्तर दिशामा पानीका छालहरू कसरी उठिरहेका छन्;
\q2 तिनीहरू डुबाउने बाढीको भलजस्तै हुनेछन्।
\q1 त्यसले जमिन र त्यसमा भएका सबै थोकलाई
\q2 सहरहरू र त्यसमा बस्‍नेहरू सबैलाई डुबाउनेछ।
\q1 मानिसहरू सहायताको निम्ति चिच्याउनेछन्;
\q2 देशमा बस्‍नेहरू सबै विलाप गर्नेछन्,
\q1
\v 3 दौडिरहेका घोडाहरूका खुरहरूको आवाजमा
\q2 वेगसित दगुर्ने शत्रुहरूका
\q2 रथहरूका चक्‍काका गडगडाहट सुनेर
\q1 आमाबुबाहरू आफ्ना छोराछोरीलाई सहायता गर्न फर्केर हेर्नेछैनन्;
\q2 तिनीहरूका हातहरू लुला हुनेछन्।
\q1
\v 4 किनकि सबै पलिश्तीहरूलाई
\q2 नाश गर्ने दिन आएको छ,
\q1 टायर र सीदोनलाई सहायता दिन सक्ने
\q2 बाँचेकाहरू सबैलाई नष्‍ट गर्ने दिन आएको छ।
\q1 याहवेहले कप्‍तोरका\f + \fr 47:4 \fr*\ft अर्थात्, क्रेट\ft*\f* किनारमा
\q2 बाँकी रहेका सबै पलिश्तीहरूलाई नष्‍ट गर्न लाग्नुभएको छ।
\q1
\v 5 गाजाले शोकमा आफ्नो कपाल खौरनेछ;
\q2 अश्कलोन मौन हुनेछ।
\q1 हे तराईका अवशेष हो,
\q2 तँ कहिलेसम्म आफूलाई चोट पारिरहन्छस्?”
\b
\q1
\v 6 रुँदै तैँले भन्‍नेछस्,
\q2 “ ‘ओह, याहवेहको तरवार, तँ कहिले शान्त हुन्छस्?
\q1 ए तरवार, तँ आफ्नो म्यानमा फर्किजा,
\q2 र शान्तसँग बस्।’
\q1
\v 7 तर यो कसरी शान्त बस्‍न सक्छ?
\q2 किनकि याहवेहले यसलाई
\q1 अश्कलोन र समुद्री किनारको विरोधमा
\q2 आक्रमण गर्न आदेश दिनुभएको छ।”
\c 48
\s1 मोआबको विषयमा सन्देश
\p
\v 1 मोआबको विषयमा:
\b
\p सेनाहरूका याहवेह, इस्राएलका परमेश्‍वर, यसो भन्‍नुहुन्छ:
\q1 “धिक्‍कार नेबोलाई! किनकि त्यो नष्‍ट हुनेछ,
\q2 किर्यातैम अपमानित हुनेछ र कब्जा गरिनेछ;
\q2 शत्रुहरूले तिनीहरूको बलियो गढ नष्‍ट गरेर चकनाचुर पार्नेछन्।
\q1
\v 2 मोआबको प्रशंसा फेरि कहिल्यै हुनेछैन;
\q2 हेश्बोनमा मानिसहरूले मोआबको विरुद्धमा पतनको षड्यन्त्र गर्दछन्:
\q2 ‘आओ, हामी त्यस राष्ट्रको अस्तित्व मेटिदिऔँ।’
\q1 हे मदमेनका मानिसहरू, तँलाई पनि चुप गराइनेछ;
\q2 तँलाई तरवारले खेद्नेछ।
\q1
\v 3 होरोनैमबाट पीडाको चीत्कार उठ्नेछ,
\q2 ठूलो विध्वंस र सर्वनाशको चीत्कार।
\q1
\v 4 मोआब नष्‍ट हुनेछ;
\q2 त्यसका बालकहरू चर्को सोरले रुनेछन्।
\q1
\v 5 तिनीहरू दुःखी भएर रुँदै
\q2 लूहीत सहरतिर जाने उकालोमा चढ्नेछन्;
\q1 होरोनैमतिर झर्ने ओरालो बाटोमा
\q2 सर्वनाशको कारण दर्दनाक चीत्कार सुनिन्छन्।
\q1
\v 6 भाग! आफ्नो जीवन बचाउनलाई दौड;
\q2 मरुभूमिमा भएको पोथ्राजस्तै होओ।
\q1
\v 7 किनकि तिमीहरूले आफ्ना कामहरू र धनसम्पत्तिहरूमा भरोसा राखेका कारण,
\q2 तिमीहरू पनि कैदमा लगिनेछौ;
\q1 अनि कमोश देवता आफ्ना पुजारीहरू
\q2 र अधिकारीहरूसँग निर्वासनमा जानेछ।
\q1
\v 8 विनाशकर्ता प्रत्येक सहरको विरुद्धमा आउनेछ;
\q2 अनि एउटै सहर पनि उम्कनेछैन।
\q1 उपत्यका ध्वस्त हुनेछ,
\q2 र बेँसी नष्‍ट पारिनेछ;
\q2 किनकि याहवेहले भन्‍नुभएको छ।
\q1
\v 9 मोआबमा नुन छरिदेओ;
\q2 किनकि त्यो उजाड हुनेछ\f + \fr 48:9 \fr*\ft अथवा \ft*\fqa मोआबलाई पखेटा देओ, ताकि उडेर टाढा जाओस्।\fqa*\f*;
\q1 त्यसका सहरहरू कोही पनि नबस्‍ने गरी
\q2 उजाड हुनेछन्।
\b
\q1
\v 10 “याहवेहको काममा लापर्बाही गर्ने व्यक्ति श्रापित होस्!
\q2 तिनीहरूको तरवारलाई रक्तपात गर्न नदिने व्यक्ति श्रापित होस्!
\b
\q1
\v 11 “मोआब त्यसको युवाअवस्थादेखि नै आराममा छ;
\q2 एउटा भाँडाबाट अर्को भाँडामा नखन्याई
\q1 भाँडामा छोडिराखेको दाखमद्यजस्तै,
\q2 अर्थात् मोआब निर्वासनमा गएकी छैन।
\q1 त्यसको स्वाद पहिलेको जस्तै छ;
\q2 अनि त्यसको वासना बदलिएको छैन।”
\q1
\v 12 यसकारण, “हेर, दिनहरू आउँदैछन्,” याहवेह घोषणा गर्नुहुन्छ,
\q1 जब म मानिसहरू पठाउनेछु, जसले मशकबाट दाखमद्य खन्याउनेछन्,
\q2 त्यसरी नै तिनीहरूले मोआबलाई पोखाइदिनेछन्;
\q1 तिनीहरूले त्यसका मशकहरू रित्याइदिनेछन्,
\q2 र त्यसका मशकहरू चकनाचुर पारिदिनेछन्।
\q1
\v 13 जसरी इस्राएलीहरूले बेथेल झूटो देवतामाथि भरोसा गर्दा
\q2 इस्राएलको घराना लाजमा परेको थियो,
\q2 त्यसरी नै मोआब पनि कमोश देवताको कारण लज्जित हुनेछ।
\b
\q1
\v 14 “तिमीहरूले कसरी भन्‍न सक्छौ,
\q2 ‘हामी लडाइँका वीर योद्धाहरू वा बहादुर मानिसहरू हौँ?’
\q1
\v 15 मोआब नष्‍ट हुनेछ र त्यसका सहरहरूमा आक्रमण गरिनेछ;
\q2 त्यसका अति असल जवानहरू शत्रुहरूले काटेर मर्नेछन्,”
\q2 राजाले घोषणा गर्नुहुन्छ, जसको नाम सेनाहरूका याहवेह हो।
\q1
\v 16 “मोआबको पतन नजिकै आइपुगेको छ;
\q2 त्यसको विनाश चाँडै आउनेछ।
\q1
\v 17 त्यसका वरिपरि बस्‍नेहरू,
\q2 त्यसको ख्याति थाहा पाउनेहरू सबैले त्यसको निम्ति शोक गर;
\q1 र यसो भन, ‘शक्तिशाली राजदण्ड कसरी तोडिएको छ,
\q2 गौरवशाली राज्यको लहुरो कसरी भाँचिएको छ!’
\b
\q1
\v 18 “हे दीबोन सहरकी छोरीहरू वा बासिन्दाहरू हो,
\q2 तिमीहरूका गौरवको उचाइबाट ओर्लेर आओ,
\q2 र सुक्खा धुलोमा बस;
\q1 किनकि मोआबलाई विनाश गर्ने शत्रुहरू
\q2 तिमीहरूको विरुद्धमा आउनेछन्,
\q2 र तिमीहरूका सुरक्षित सहरहरू ध्वस्त पारिदिनेछन्।
\q1
\v 19 हे अरोएरका बासिन्दाहरू हो,
\q2 सडकको छेउमा खडा होओ र ध्यानसित हेर।
\q1 भाग्दै गरेका मानिसहरू र उम्कँदै गरेकी स्त्रीहरूलाई सोध,
\q2 तिनीहरूलाई, ‘के भयो?’ भनेर सोध।
\q1
\v 20 मोआब अपमानित भएकी छे; किनकि ऊ चकनाचुर पारिएकी छे;
\q2 विलाप गर र रोओ!
\q1 अर्नोन नदीको छेउमा गएर बताइदेओ,
\q2 मोआब नष्‍ट पारिएकी छे।
\q1
\v 21 उच्‍च पठारमाथि न्याय आएको छ—
\q2 अर्थात् होलोन, यहसा र मेपातमाथि,
\q2
\v 22 दीबोन, नेबो र बेथ-दिब्लातैममाथि,
\q2
\v 23 किर्यातैम, बेथ-गामूल र बेथ-मोनमाथि,
\q2
\v 24 किर्योत र बोज्रामाथि—
\q2 मोआबका टाढा र नजिकका सबै सहरहरूमाथि न्याय आएको छ।
\q1
\v 25 मोआबको सिङ\f + \fr 48:25 \fr*\fq सिङ \fq*\ft यहाँ शक्ति भन्‍ने जनाउँछ।\ft*\f* काटियो;
\q2 त्यसको पाखुरा भाँचिएको छ,”
\q2 याहवेह घोषणा गर्नुहुन्छ।
\b
\q1
\v 26 “मोआबलाई दाखमद्यले मताओ;
\q2 किनकि त्यसले याहवेहको विरुद्धमा विद्रोह गरेको छ।
\q1 मोआबलाई त्यसकै बान्तामा लडीबुडी गर्न देओ;
\q2 मोआबलाई हाँसोको पात्र हुन देओ।
\q1
\v 27 ए मोआब, के तैँले इस्राएलको हाँसो उडाएको थिइनस् र?
\q2 के त्यो चोरहरूसँग पक्राउ परेकी थिई,
\q1 त्यसको बारेमा कुरा गर्दा
\q2 त्यसको ठट्टा गर्दै तैँले आफ्नो टाउको हल्‍लाउने गर्थिस्?
\q1
\v 28 ए मोआबमा बस्‍नेहरू हो, तिमीहरूले आफ्ना सहरहरू छोडेर
\q2 चट्टानको ओडारहरूमा बस।
\q1 तिमीहरू ओडारको मुखमा
\q2 आफ्नो गुँड बनाउने ढुकुरजस्तै होओ।
\b
\q1
\v 29 “हामीले मोआबको घमण्डको बारेमा सुनेका छौँ—
\q2 त्यसको घमण्ड अति ठूलो छ!
\q1 त्यसको अहङ्कार, त्यसको घमण्ड र अभिमान;
\q2 अनि त्यसका हृदयको सेखीको बारेमा सुनेका छौँ।
\q1
\v 30 ‘म त्यसको अहङ्कार जान्दछु,
\q2 तर त्यसको अहङ्कार व्यर्थको छ,’ याहवेह घोषणा गर्नुहुन्छ;
\q2 अनि त्यसको घमण्डले केही गर्न सक्दैन।
\q1
\v 31 यसकारण म मोआबको निम्ति बिलौना गर्छु;
\q2 किनकि म सम्पूर्ण मोआबको निम्ति रुन्छु;
\q2 म कीर-हरेशेतका मानिसहरूका निम्ति विलाप गर्छु।
\q1
\v 32 म याजेरको निम्ति भन्दा तेरो निम्ति धेरै रुन्छु;
\q2 हे सिब्माका दाखका बोटहरू,
\q1 तेरा हाँगाहरू समुद्रसम्म पुगेका छन्;
\q2 ती हाँगाहरू याजेरसम्मै पुगेका छन्।
\q1 विनाशकर्ताहरू
\q2 तेरा पाकेका फलहरू र अङ्‌गुरहरूमाथि आइलागेका छन्।
\q1
\v 33 मोआबका बगैँचाहरू र खेतबारीहरूबाट
\q2 आनन्द र खुशीयाली गइसकेका छन्।
\q1 मैले कोलहरूबाट रस बग्न बन्द गरिदिएको छु;
\q2 कसैले पनि आनन्दको आवाजसँग ती पेल्दैनन्।
\q1 यद्यपि त्यहाँ चर्को आवाजमा कराइरहेका छन्,
\q2 तर ती आवाजहरू खुशीका होइनन्।
\b
\q1
\v 34 “हेश्बोनदेखि एलाले र यहससम्म
\q2 सोअरदेखि टाढा होरोनैम र एग्लत-शलीशियाहसम्म नै
\q1 तिनीहरूको चीत्कारको आवाज सुनिन्छ;
\q2 किनकि निम्रीमको पानीसमेत सुकिसकेको छ।
\q1
\v 35 म मोआबका अग्ला-अग्ला ठाउँहरूमा भेटी चढाउनेहरू
\q2 र तिनीहरूका देवताहरूलाई धूप बाल्नेहरूको
\q2 अन्त्य गरिदिनेछु,” याहवेह घोषणा गर्नुहुन्छ।
\q1
\v 36 “यसकारण मोआबका निम्ति मेरो हृदयले बाँसुरीको सोरजस्तै विलाप गर्छ;
\q2 यसले कीर-हरेशेतका मानिसहरूको निम्ति बाँसुरीजस्तै विलाप गर्छ।
\q2 तिनीहरूले आर्जन गरेका धनसम्पत्ति सबै नष्‍ट भएको छ।
\q1
\v 37 हरेक मानिसको कपाल खौरिएको छ,
\q2 र हरेक मानिसको दाह्री काटिएको छ;
\q1 हरेक हात ताछिएको छ,
\q2 र हरेक कम्मरमा भाङ्ग्रा बेरिएको छ।
\q1
\v 38 मोआबका सबै छानाहरूमा
\q2 र सबै सार्वजनिक चोकहरूमा
\q1 मानिसहरूको विलापबाहेक त्यहाँ अरू केही छैन;
\q2 किनकि मैले मोआबलाई कसैले मन नपराएको
\q2 भाँडालाई जस्तै फुटाइदिएको छु,” याहवेह घोषणा गर्नुहुन्छ।
\q1
\v 39 “मोआब कति छरपस्ट भएको छ! तिनीहरू कसरी विलाप गर्दैछन्!
\q2 मोआब लाजले कसरी आफ्नो पिठिउँ फर्काउँछ!
\q1 मोआब एक हाँसोको पात्र भएको छ,
\q2 त्यसको वरिपरि भएका सबै राष्ट्रहरूका निम्ति एक त्रासको पात्र बनेको छ।”
\p
\v 40 याहवेह यसो भन्‍नुहुन्छ:
\q1 “हेर! एउटा चील आफ्ना पखेटा फैलाएर
\q2 मोआबमाथि वेगसित आउँदैछ।
\q1
\v 41 किर्योत सहर कब्जा गरिनेछ,
\q2 र बलिया किल्‍लाहरू लिइनेछन्।
\q1 त्यस दिन मोआबका योद्धाहरूका हृदय
\q2 प्रसव-वेदनामा परेकी स्त्रीको हृदयजस्तै हुनेछ।
\q1
\v 42 मोआब राष्ट्र नाश हुनेछ;
\q2 किनकि त्यसले याहवेहको अवहेलना गरेको छ।
\q1
\v 43 हे मोआबका मानिसहरू हो,
\q2 तिमीहरूलाई त्रास, खाडल र पासोले पर्खिरहेका छन्,”
\q2 याहवेह घोषणा गर्नुहुन्छ।
\q1
\v 44 “जो आतङ्कबाट भाग्छ,
\q2 त्यो खाडलमा खस्‍नेछ;
\q1 जो खाडलबाट बाहिर निस्कन्छ,
\q2 त्यो पासोमा पर्नेछ;
\q1 किनकि म मोआबमाथि
\q2 त्यसको दण्डको वर्ष ल्याउनेछु,”
\q2 याहवेह घोषणा गर्नुहुन्छ।
\b
\q1
\v 45 “हेश्बोनका छायामा
\q2 भाग्नेहरू असहाय भएर उभिन्छन्;
\q1 किनकि हेश्बोनबाट आगोबाहिर निस्केको छ;
\q2 सीहोनको बीचबाट ज्वाला निस्केको छ;
\q1 यसले मोआबका निधारहरू,
\q2 दुःख दिने अहङ्कारीहरूका थाप्लाहरू जलाइदिनेछ।
\q1
\v 46 हे मोआब, तँलाई धिक्‍कार छ!
\q2 कमोश देवताका मानिसहरू नष्‍ट भएका छन्;
\q1 तिमीहरूका छोराहरू निर्वासनमा
\q2 र तिमीहरूका छोरीहरू कैदी बनाएर दासत्वमा लगिनेछ।
\b
\q1
\v 47 “तरै पनि पछिल्‍ला दिनहरूमा
\q2 म मोआबको सुख-शान्ति फर्काइल्याउनेछु,”
\q2 याहवेह घोषणा गर्नुहुन्छ।
\p मोआबको न्यायको बारेमा यर्मियाले गरेका अगमवाणी यहीँ समाप्‍त हुन्छ।
\b
\c 49
\s1 अम्मोनको बारेमा सन्देश
\p
\v 1 अम्मोनीहरूको विषयमा:
\b
\p याहवेह यसो भन्‍नुहुन्छ:
\q1 “के इस्राएलका छोराहरू छैनन्?
\q2 के त्यसका उत्तराधिकारीहरू छैनन्?
\q1 त्यसो भए किन मोलेखले\f + \fr 49:1 \fr*\ft अर्थात् \ft*\fqa तिनीहरूका राजा\fqa*\f* गादमाथि अधिकार जमाएको छ?
\q2 उहाँका मानिसहरू किन त्यसका सहरहरूमा बस्छन्?
\q1
\v 2 तर दिनहरू आउँदैछन्,” याहवेह घोषणा गर्नुहुन्छ।
\q1 “जब म अम्मोनीहरूका रब्बाको
\q2 विरुद्धमा युद्धको ध्वनि सुनाउनेछु;
\q1 अनि त्यो एउटा भग्नावशेषको थुप्रो हुनेछ,
\q2 र त्यसका चारैतिरका गाउँहरूमा आगो लगाइनेछ।
\q1 तब जसले इस्राएललाई धपाएका थिए,
\q2 तिनीहरूलाई इस्राएलले धपाउनेछ,”
\q2 याहवेह भन्‍नुहुन्छ।
\q1
\v 3 “हे हेश्बोन, विलाप गर्; किनकि ऐ नाश भएको छ!
\q2 हे रब्बाका छोरीहरू हो, चर्कोगरी रोओ!
\q1 भाङ्ग्रा लगाएर शोक गर;
\q2 पर्खालभित्र यताउता दगुर;
\q1 किनकि मोलेख आफ्ना पुजारीहरू
\q2 र अधिकारीहरूसँग कैदमा जानेछ।
\q1
\v 4 तँ किन आफ्ना उपत्यकाहरूमा घमण्ड गर्छस्?
\q2 तँ आफ्ना फलदायक उपत्यकाका निम्ति किन घमण्ड गर्छस्?
\q1 हे विश्‍वासीघाती आमोनका छोरी,
\q2 तँ आफ्ना धनसम्पत्तिमा भरोसा राख्छेस् र भन्छेस्,
\q2 ‘हामीलाई कसले आक्रमण गर्ला?’
\q1
\v 5 म तेरा चारैतिरबाट
\q2 तँमाथि आतङ्क ल्याउनेछु,”
\q2 प्रभु सेनाहरूका याहवेह घोषणा गर्नुहुन्छ।
\q1 “तिमीहरू हरेक धपाइनेछौ;
\q2 अनि भागेर जानेहरूलाई कसैले पनि भेला गर्नेछैन।
\b
\q1
\v 6 “अनि त्यसपछि म अम्मोनीहरूको सुख-शान्ति फर्काइदिनेछु,”
\q2 याहवेह घोषणा गर्नुहुन्छ।
\s1 एदोमको बारेमा सन्देश
\p
\v 7 एदोमको विषयमा:
\b
\p सेनाहरूका याहवेह यसो भन्‍नुहुन्छ:
\q1 “के अब तेमानमा बुद्धि छैन?
\q2 के बुद्धिमान्‌हरूबाट परामर्श नष्‍ट भएर गएको छ?
\q2 के तिनीहरूको बुद्धि भ्रष्‍ट भएकै हो?
\q1
\v 8 हे ददानमा बस्‍नेहरू हो, भाग, फर्केर जाओ!
\q2 र गहिरा ओडारहरूमा गएर लुक;
\q1 किनकि एसावलाई दण्ड दिने समयमा
\q2 म एसावमाथि विपत्ति ल्याउनेछु।
\q1
\v 9 यदि तँकहाँ अङ्‌गुर टिप्नेहरू आए भने,
\q2 के तिनीहरूले केही अङ्‌गुरहरू छोड्दैनन् र?
\q1 यदि रातको समयमा चोरहरू आए भने,
\q2 के तिनीहरूले आफूलाई चाहिए जति मात्र चोर्दैनन् र?
\q1
\v 10 तर म एसावलाई पूर्ण रूपमा नाङ्गो बनाइदिनेछु;
\q2 म त्यसका लुक्ने ठाउँहरू उदाङ्गो पारिदिनेछु,
\q2 ताकि त्यसले आफूलाई लुकाउन नसकोस्।
\q1 त्यसका हतियारधारीहरू
\q2 र त्यसका छोराछोरी, आफन्तहरू र छिमेकीहरू नष्‍ट हुनेछन्;
\q2 यसकारण यसो भन्‍ने मान्छे कोही पनि हुनेछैन,
\q1
\v 11 ‘तिमीहरूका टुहुरा-टुहुरीहरूलाई छोडिराख्; म तिनीहरूको हेरचाह गर्नेछु।
\q2 तिमीहरूका विधवाहरूले पनि ममाथि भरोसा राखून्।’ ”
\p
\v 12 याहवेह यसो भन्‍नुहुन्छ: “यदि कोही कचौराबाट पिउन योग्यको नभए तापनि त्यसले पिउनैपर्छ भने, के तँ दण्ड नपाई उम्कनेछस् र? दण्डबाट तँ उम्कनेछैनस्, तर तैँले दण्डको कचौराबाट पिउनैपर्छ। 
\v 13 म आफ्नै नाममा शपथ खान्छु,” याहवेह घोषणा गर्नुहुन्छ, “बोज्रा ध्वस्त हुनेछ; त्यो त्रास, निन्दा र सरापको पात्र हुनेछ; अनि त्यसका सबै सहरहरू सदाका निम्ति ध्वस्त हुनेछन्।”
\q1
\v 14 मैले याहवेहबाट एउटा सन्देश सुनेको छु;
\q2 राष्ट्रहरूलाई यसो भन्‍ने एक जना दूत पठाइयो,
\q1 “आफ्ना सेनाहरू युद्धको निम्ति भेला गर!
\q2 एदोमसँग लडाइँ गर्नका निम्ति तयार होओ!
\b
\q1
\v 15 “हेर्, अब म तँलाई राष्ट्रहरूमध्ये सबैभन्दा सानो तुल्याउनेछु;
\q2 तँ मानव-जातिहरू बीच घृणित हुनेछस्।
\q1
\v 16 तेरो डरलाग्दो व्यवहार
\q2 र तेरो हृदयको घमण्डले तँलाई धोका दिएको छ;
\q1 हे चट्टानका दरारहरूमा बस्‍ने,
\q2 हे डाँडाका अग्ला-अग्ला ठाउँहरू ओगट्ने,
\q1 तैँले चीलको गुँड झैँ अग्लो ठाउँमा बास बनाए तापनि
\q2 म तँलाई त्यहाँबाट तल झारिदिनेछु,”
\q2 याहवेह घोषणा गर्नुहुन्छ।
\q1
\v 17 “एदोम त्रासको पात्र हुनेछ;
\q2 त्यसका सबै घाउहरूका कारण
\q2 त्यसका छेउबाट भएर जाने हरेक तर्सनेछ, र त्यसलाई खिसी गर्नेछ।
\q1
\v 18 जसरी सदोम र गमोरा तिनीहरूका छेउछाउका
\q2 सहरहरूसहित नष्‍ट भएका थिए,” याहवेह भन्‍नुहुन्छ,
\q1 “त्यसरी नै त्यहाँ कोही पनि बस्‍नेछैन;
\q2 त्यहाँ कोही पनि बसोबास गर्नेछैन।
\b
\q1
\v 19 “हेर, यर्दन नदीका झाडीहरूबाट
\q2 हरियो खर्कबाट निस्केर आइरहेको सिंहझैँ, म निस्कनेछु;
\q1 र म एदोमलाई झट्टै त्यसकै देशबाट खेद्नेछु।
\q2 यस देशको निम्ति जसलाई चुन्छु, उसैलाई नियुक्त गर्नेछु।
\q1 मजस्तो को छ र? मलाई कसले चुनौती दिन सक्छ?
\q2 अनि कुनचाहिँ गोठालो मेरो विरुद्धमा खडा हुन सक्छ?”
\b
\q1
\v 20 यसकारण एदोमको विरुद्धमा याहवेहको योजना,
\q2 र तेमानमा बस्‍नेहरूको विरुद्धमा उहाँको उद्देश्य के छ, त्यो कुरा सुन:
\q1 बगालका कलिला पाठाहरूलाई घिसारेर लगिनेछ;
\q2 तिनीहरूको खर्क पूर्ण रूपमा उजाड हुनेछ।
\q1
\v 21 तिनीहरूको पतनको आवाजले पृथ्वी थरथर काँप्‍नेछ;
\q2 तिनीहरूको चीत्कार लाल समुद्रसम्म गुञ्जिनेछ।
\q1
\v 22 हेर! एउटा चील आफ्ना पखेटा फैलाउँदै वेगसित
\q2 बोज्रामाथि झम्टेर आउनेछ।
\q1 त्यस दिन एदोमका योद्धाहरूका हृदय
\q2 प्रसव-वेदनामा परेकी स्त्रीको हृदयजस्तै हुनेछ।
\s1 दमस्कसको बारेमा सन्देश
\p
\v 23 दमस्कसको विषयमा:
\q1 “हमात र अर्पाद हतोत्साहित भएका छन्;
\q2 किनकि तिनीहरूले खराब समाचार सुनेका छन्।
\q1 तिनीहरू निराश भएका छन्,
\q2 अशान्त समुद्रजस्तै विचलित भएका छन्।
\q1
\v 24 दमस्कसका मानिसहरू कमजोर भएका छन्;
\q2 तिनीहरू भाग्नलाई पछि फर्केका छन्,
\q2 र तिनीहरूलाई त्रासले समातेको छ;
\q1 कष्‍ट र वेदनाले तिनीहरूलाई पक्रेको छ,
\q2 प्रसव-वेदनामा परेकी स्त्रीको जस्तै पीडाले पक्रेको छ।
\q1
\v 25 त्यो प्रसिद्ध सहर कसरी त्यागिएको छैन;
\q2 त्यो सहर जसमा म प्रसन्‍न हुन्छु?
\q1
\v 26 निश्‍चय नै तिनीहरूका जवान मानिसहरू सडकहरूमा ढल्नेछन्;
\q2 त्यस दिन त्यसका सबै सेनाहरू मारिनेछन्,”
\q2 सेनाहरूका याहवेह घोषणा गर्नुहुन्छ।
\q1
\v 27 “म दमस्कसका पर्खालहरूमा आगो लगाइदिनेछु;
\q2 त्यो आगोले बेन-हददको किल्‍लालाई भस्म पारिदिनेछ।”
\s1 केदार र हासोरको बारेमा सन्देश
\p
\v 28 बेबिलोनका राजा नबूकदनेसरले आक्रमण गरेका केदार र हासोरका राज्यहरूको बारेमा:
\b
\p याहवेह यसो भन्‍नुहुन्छ:
\q1 “उठ र केदारलाई आक्रमण गर,
\q2 र पूर्वका मानिसहरूलाई नाश गर।
\q1
\v 29 तिनीहरूका पालहरू र तिनीहरूका बगालहरू लगिनेछन्;
\q2 तिनीहरूका ओत लाग्ने छाप्राहरू,
\q2 तिनीहरूका सबै मालसामानहरू र ऊँटहरूसमेत लगिनेछन्।
\q1 मानिसहरूले तिनीहरूलाई भन्‍नेछन्,
\q2 ‘चारैतिर त्रासै-त्रास छ!’
\b
\q1
\v 30 “छिटो टाढा भाग!
\q2 हे हासोरमा बस्‍नेहरू हो, तिमीहरू गहिरा ओडारहरूमा बस,”
\q2 याहवेह घोषणा गर्नुहुन्छ।
\q1 बेबिलोनको राजा नबूकदनेसरले तिमीहरूको विरुद्धमा षड्यन्त्र रचेको छ;
\q2 त्यसले तिमीहरूको विरुद्धमा एउटा योजना बनाएको छ।
\b
\q1
\v 31 “उठ र शान्तिमा रहेको राष्ट्रलाई आक्रमण गर,
\q2 जो आरामसँग ढुक्‍क भएर बसेको छ,”
\q2 याहवेह घोषणा गर्नुहुन्छ।
\q1 “एउटा राष्ट्र, जसका न मूलढोकाहरू, न त गजबारहरू नै छन्;
\q2 त्यस राष्ट्रका मानिसहरू खतराबाट टाढा बस्छन्।
\q1
\v 32 तिनीहरूका ऊँटहरू लुटका माल हुनेछन्;
\q2 अनि तिनीहरूका ठूला-ठूला बथानहरू लुटिएका माल हुनेछन्।
\q1 म टाढा ठाउँमा रहेकाहरूलाई बतासमा छरपस्ट पारिदिनेछु\f + \fr 49:32 \fr*\ft अथवा \ft*\fqa कन्चटनेरको कपाल खौरनेहरू।\fqa*\f*
\q2 र म तिनीहरूमाथि चारैतिरबाट विपत्ति ल्याउनेछु,”
\q2 याहवेह घोषणा गर्नुहुन्छ।
\q1
\v 33 “हासोर सहर स्यालको वासस्थान हुनेछ;
\q2 सदाको निम्ति उजाडस्थान बन्‍नेछ।
\q1 त्यहाँ कोही पनि बस्‍नेछैन;
\q2 त्यहाँ कुनै पनि मानिस बसोबास गर्नेछैन।”
\s1 एलामको बारेमा सन्देश
\p
\v 34 यहूदाका राजा सिदकियाहको शासनकालको सुरुका समयमा एलामको बारेमा अगमवक्ता यर्मियाकहाँ आएको याहवेहको वचन यही हो:
\b
\p
\v 35 सेनाहरूका याहवेह यसो भन्‍नुहुन्छ:
\q1 “हेर, म एलामको धनु,
\q2 तिनीहरूको शक्तिको मुख्य आधार भाँचिदिनेछु।
\q1
\v 36 म एलामको विरुद्धमा आकाशका चारै दिशाबाट
\q2 चार वटा बतासहरू ल्याउनेछु;
\q1 म तिनीहरूलाई चार वटा बतासहरूमा छरपस्ट पार्नेछु;
\q2 अनि एलामबाट निर्वासनमा
\q2 नगएको कुनै राष्ट्र हुनेछैन।
\q1
\v 37 म एलामलाई तिनीहरूका शत्रुहरूको सामु चकनाचुर पार्नेछु;
\q2 तिनीहरूको शत्रुहरूको सामु, जसले तिनीहरूलाई मार्न चाहन्छन्;
\q1 म मेरो भयानक क्रोधमा,
\q2 तिनीहरूमाथि विनाश ल्याउनेछु,”
\q2 याहवेह घोषणा गर्नुहुन्छ।
\q1 “म तिनीहरूलाई पूर्ण रूपले नष्‍ट नपारुन्जेल,
\q2 तिनीहरूलाई तरवार लिएर खेद्नेछु।
\q1
\v 38 म एलाममा आफ्नो सिंहासन खडा गर्नेछु;
\q2 अनि त्यसका राजा र अधिकारीहरूलाई नाश गर्नेछु,”
\q2 याहवेह घोषणा गर्नुहुन्छ।
\b
\q1
\v 39 “तापनि आउँदा दिनहरूमा
\q2 म एलामको सुख-शान्ति फर्काइल्याउनेछु,”
\q2 याहवेह घोषणा गर्नुहुन्छ।
\c 50
\s1 बेबिलोनको बारेमा सन्देश
\p
\v 1 बेबिलोन र बेबिलोनीहरूको देशको विषयमा यर्मिया अगमवक्ताद्वारा याहवेहले बोल्नुभएको वचन यही हो:
\q1
\v 2 “राष्ट्रहरू बीचमा सूचना दे, र घोषणा गर्;
\q2 झण्डा उठाएर यो घोषणा गर्;
\q2 केही कुरा नलुकाई भनिदे,
\q1 ‘बेबिलोन कब्जा गरिनेछ;
\q2 बेल शर्ममा पर्नेछ,
\q2 मारोदक त्रासले भरिनेछ।
\q1 त्यसका प्रतिमाहरू लाजमा पारिनेछन्,
\q2 र त्यसका मूर्तिहरू त्रासले भरिनेछन्।’
\q1
\v 3 उत्तर दिशाबाट एउटा राष्ट्रले त्यसलाई आक्रमण गर्नेछ,
\q2 र त्यसलाई उजाड पारिदिनेछ।
\q1 त्यहाँ कोही पनि बस्‍नेछैन;
\q2 मानिसहरू र पशुहरू दुवै भागेर जानेछन्।
\b
\q1
\v 4 “ती दिनहरूमा र त्यस समयमा,” याहवेह घोषणा गर्नुहुन्छ,
\q1 “इस्राएलका र यहूदाका मानिसहरू एकसाथ
\q2 याहवेह तिनीहरूका परमेश्‍वरलाई खोज्न रुँदै जानेछन्।
\q1
\v 5 तिनीहरूले सियोन जाने बाटो सोध्नेछन्
\q2 र आफ्ना अनुहार त्यस दिशातिर फर्काउनेछन्।
\q1 तिनीहरू आउनेछन् र आफूलाई
\q2 अनन्तको करारमा याहवेहसँग बाँध्नेछन्,
\q2 जुन कहिल्यै बिर्सिइनेछैन।
\b
\q1
\v 6 “मेरा मानिसहरू हराएका भेडाहरूजस्तै भएका छन्;
\q2 तिनीहरूका गोठालाहरूले तिनीहरूलाई कुबाटोतिर लगाएका छन्,
\q2 र पर्वततिर डुलिहिँड्ने बनाइदिएका छन्।
\q1 तिनीहरू डाँडा र पहाडतिर बरालिएका छन्,
\q2 र तिनीहरूले आफ्ना बासस्थानलाई बिर्सेका छन्।
\q1
\v 7 जजसले तिनीहरूलाई भेट्टाए, तिनीहरूलाई निले;
\q2 तिनीहरूका शत्रुहरूले भने, ‘हामी दोषी छैनौँ;
\q1 किनकि तिनीहरूले याहवेह, तिनीहरूको साँचो खर्क,
\q2 याहवेह, तिनीहरूका पितापुर्खाहरूका आशाको विरुद्धमा पाप गरेका छन्।’
\b
\q1
\v 8 “बेबिलोनबाट भाग,
\q2 बेबिलोनीहरूको देशलाई छोडेर भाग;
\q2 अनि बगाललाई बाटो देखाउने बाख्राहरूजस्तै होओ।
\q1
\v 9 किनकि हेर, म उत्तरको देशबाट महान् जातिहरूको जमातलाई
\q2 सुर्‍याएर बेबिलोनको विरुद्धमा ल्याउनेछु।
\q1 तिनीहरू त्यसको विरुद्धमा युद्धको निम्ति तयार हुनेछन्;
\q2 अनि उत्तर दिशाबाट त्यसलाई कब्जा गर्नेछन्।
\q1 तिनीहरूका काँडहरू सिपालु योद्धाहरूजस्ता हुनेछन्,
\q2 जो रित्तो हात फर्कँदैनन्।
\q1
\v 10 यसरी बेबिलोनिया लुटिनेछ;
\q2 बेबिलोनलाई लुट्नेहरू सबैसँग प्रशस्त हुनेछ,”
\q2 याहवेह घोषणा गर्नुहुन्छ।
\b
\q1
\v 11 “मेरो उत्तराधिकारलाई लुट्ने तिमीहरू,
\q2 आनन्दित भएर खुशी मनाएको कारण
\q1 तिमीहरू अन्‍न दाइँ गर्दा खलामा हर्षले उफ्रने कोरलीजस्तै रमाएको कारण
\q2 र घोडाजस्तै तिमीहरू हिनहिनाएको कारण,
\q1
\v 12 तिमीहरूकी आमा ठूलो शर्ममा पर्नेछे;
\q2 तिमीहरूलाई जन्म दिने आमा अपमानित हुनेछे।
\q1 त्यो राष्ट्रहरूमा सबैभन्दा सानो हुनेछे—
\q2 एउटा उजाडस्थान, रुखो जमिन र मरुभूमिजस्तै हुनेछे।
\q1
\v 13 याहवेहको रिसको कारण त्यसमा कोही बसोबास गर्नेछैन,
\q2 तर पूर्ण रूपमा सदाको निम्ति उजाड हुनेछ।
\q1 बेबिलोनबाट भएर जानेहरू सबै चकित हुनेछन्;
\q2 तिनीहरूले त्यसका चोटहरूमा खिसी गर्नेछन्।
\b
\q1
\v 14 “हे सबै धर्नुधारीहरू हो,
\q2 बेबिलोनको चारैतिर मोर्चा बाँध।
\q1 त्यसलाई हान! एउटै काँड बाँकी नरहने गरी हान;
\q2 किनकि त्यसले याहवेहको विरुद्धमा पाप गरेकी छे।
\q1
\v 15 त्यसको विरुद्धमा चारैतिर युद्धको निम्ति कराओ!
\q2 त्यसले आत्मसमर्पण गर्नेछे र त्यसका धरहराहरू ढल्नेछन्;
\q2 त्यसका पर्खालहरू भत्काएर ढालिनेछन्।
\q1 किनकि योचाहिँ याहवेहको बदला हो।
\q2 त्यससँग बदला लेओ;
\q2 त्यसले अरूलाई जस्तो गरेकी छे, त्यससँग पनि त्यस्तै गर।
\q1
\v 16 बेबिलोनबाट छर्नेहरूलाई,
\q2 र फसलमा हँसिया लिएर कटनी गर्नेहरूलाई नाश गर।
\q1 आक्रमणकारीहरूका तरवारको कारण
\q2 हरेक व्यक्ति आफ्नै मानिसहरूकहाँ फर्किएर जाऊन्,
\q2 र हरेक व्यक्ति आफ्नै देशमा भागेर जाऊन्।
\b
\q1
\v 17 “इस्राएल सिंहले खेदेर
\q2 छरपस्ट भएको भेडाको बगालजस्तै छ।
\q1 तिनीहरूलाई निल्ने पहिलो सिंहचाहिँ
\q2 अश्शूरको राजा थियो;
\q1 तिनीहरूको हड्डी चुर-चुर पार्ने अन्तिम सिंहचाहिँ
\q2 बेबिलोनको राजा नबूकदनेसर थियो।”
\p
\v 18 यसकारण सेनाहरूका याहवेह, इस्राएलका परमेश्‍वर, यसो भन्‍नुहुन्छ:
\q1 “अश्शूरको राजालाई मैले दण्ड दिएझैँ,
\q2 बेबिलोनको राजा र त्यसको देशलाई पनि म दण्ड दिनेछु।
\q1
\v 19 तर म इस्राएललाई तिनीहरूको आफ्नै खर्कमा फर्काएर ल्याउनेछु;
\q2 अनि त्यो कर्मेल र बाशानमा चर्नेछ;
\q1 तिनीहरूको भोक एफ्राइम र गिलादका
\q2 पहाडहरूमा तृप्‍त हुनेछ।
\q1
\v 20 ती दिनहरूमा र त्यस समयमा,” याहवेह घोषणा गर्नुहुन्छ,
\q1 “इस्राएलको अपराध खोजिनेछ,
\q2 तर त्यहाँ एउटै पनि पाइनेछैन;
\q1 अनि यहूदाका पापहरू पनि खोजिनेछ,
\q2 तर केही पनि फेला पर्नेछैन;
\q2 किनकि मैले बचाइराखेको बाँकी मानिसहरूलाई म क्षमा गर्नेछु।
\b
\q1
\v 21 “मरातैमको देशलाई
\q2 र पेकोदमा बस्‍नेहरूलाई आक्रमण गर।
\q1 तिनीहरूलाई लखेट, मार र सम्पूर्ण रूपले नष्‍ट गर,”
\q2 याहवेह घोषणा गर्नुहुन्छ।
\q2 मैले तिमीहरूलाई आज्ञा गरेको सबै कुरा पूरा गर।
\q1
\v 22 देशमा युद्धको हल्‍ला सुनिँदैछ,
\q2 ठूलो विनाशको होहल्‍ला भएको छ!
\q1
\v 23 हेर, सारा पृथ्वीको घन बेबिलोन
\q2 कसरी टुक्रिएकी छे र चकनाचुर भएकी छे!
\q1 राष्ट्रहरूका बीचमा
\q2 बेबिलोन कति उजाड भएकी छे!
\q1
\v 24 हे बेबिलोन, मैले तेरा लागि पासो थापेको छु;
\q2 अनि तैँले थाहा पाउन अगि नै तँ पासोमा परिसकेकी छेस्;
\q1 तँ फेला परिस् र कब्जामा परिस्;
\q2 किनकि तँ याहवेहको विरोधमा खडा भइस्।
\q1
\v 25 याहवेहले आफ्नो अस्त्रभण्डार खोल्नुभएको छ,
\q2 र आफ्नो क्रोधका हतियारहरू निकाल्नुभएको छ;
\q1 किनकि प्रभु सेनाहरूका याहवेहले
\q2 बेबिलोनीहरूका देशमा आफ्नो काम गर्नुपर्नेछ।
\q1
\v 26 टाढा देशबाट बेबिलोनको विरुद्धमा आओ।
\q2 त्यसका अन्‍नका भण्डारहरू भत्काइदेओ;
\q2 बेबिलोनलाई अन्‍नको थुप्रोझैँ थुपारी देओ।
\q1 त्यसलाई पूर्ण रूपमा नाश गरिदेओ,
\q2 र त्यसको लागि कसैलाई बाँकी नराख।
\q1
\v 27 त्यसका सबै जवान साँढेहरूलाई मारिदेओ;
\q2 तिनीहरू काटिने ठाउँमा जाऊन्!
\q1 तिनीहरूलाई धिक्‍कार छ!
\q2 किनकि तिनीहरूको समय आएको छ;
\q1 तिनीहरूको दण्डको समय आएको छ।
\q1
\v 28 बेबिलोनबाट भाग्नेहरू र शरण लिने मानिसहरूले
\q2 सियोन पर्वतमा घोषणा गरिरहेका छन्, सो कुरा सुन,
\q1 “याहवेह हाम्रा परमेश्‍वरले बेबिलोनीहरूलाई उहाँको मन्दिर भत्काएको कारण
\q2 उहाँले कसरी बदला लिनुभएको छ।
\b
\q1
\v 29 “धनुकाँड चलाउन सक्ने सबै सिपालु धनुर्धारीहरूलाई
\q2 बेबिलोनको विरुद्धमा बोलाओ।
\q1 त्यसका चारैतिर छाउनी बनाएर घेरा लगाओ;
\q2 एउटै पनि भाग्न नपाओस्।
\q1 त्यसले गरेका कामहरूको बदला लेओ;
\q2 त्यसले जस्तो गरेकी छे, त्यसलाई त्यस्तै व्यवहार गर।
\q1 किनकि त्यसले इस्राएलका याहवेह
\q2 पवित्र परमेश्‍वरलाई घमण्डसाथ अवहेलना गरेकी छे।
\q1
\v 30 यसकारण त्यसका जवान मानिसहरू सडकहरूमा ढल्नेछन्;
\q2 त्यस दिन त्यसका सबै सेनाहरू मारिनेछन्,”
\q2 याहवेह घोषणा गर्नुहुन्छ।
\q1
\v 31 “हेर, हे अहङ्कारी बेबिलोन, म तेरो विरुद्धमा छु,”
\q2 प्रभु, सेनाहरूका याहवेह घोषणा गर्नुहुन्छ;
\q1 “किनकि तेरो दिन आएको छ,
\q2 तेरो दण्ड पाउने समय आएको छ।
\q1
\v 32 त्यो अहङ्कारी बेबिलोन ठक्‍कर खाएर लड्नेछे,
\q2 र त्यसलाई कसैले पनि उठ्न सहायता गर्नेछैन;
\q1 म त्यसका सहरहरूमा आगो लगाइदिनेछु,
\q2 र त्यस आगोले त्यसका चारैतिर भएका अहङ्कारीहरू सबैलाई भस्म पारिदिनेछ।”
\p
\v 33 सेनाहरूका याहवेह यसो भन्‍नुहुन्छ:
\q1 “इस्राएलका मानिसहरू थिचोमिचोमा परेका छन्;
\q2 अनि यहूदाका मानिसहरू पनि थिचोमिचोमा छन्।
\q1 तिनीहरू दुवैलाई कैद गरेर लैजानेहरू सबैले
\q2 तिनीहरू दुवैलाई छोडिदिन इन्कार गर्छन्।
\q1
\v 34 तापनि तिनीहरूका उद्धारकर्ता शक्तिशाली हुनुहुन्छ;
\q2 उहाँको नाम सेनाहरूका याहवेह हो।
\q1 उहाँले तिनीहरूको पक्षमा लड्नुहुनेछ,
\q2 ताकि उहाँले पृथ्वीमा भएका सबै मानिसहरूमाथि शान्ति ल्याउनुहुनेछ,
\q2 तर बेबिलोनमा बस्‍ने मानिसहरूमा चाहिँ अशान्ति ल्याउनुहुनेछ।
\b
\q1
\v 35 “बेबिलोनीहरूको विरुद्धमा एउटा तरवार परेको छ!”
\q2 याहवेह घोषणा गर्नुहुन्छ—
\q1 “बेबिलोनमा बस्‍ने मनिसहरूको विरुद्धमा,
\q2 त्यसका अधिकारीहरू र बुद्धिमान् मानिसहरूको विरुद्धमा!
\q1
\v 36 तिनीहरूका झूटा अगमवक्ताहरूको विरुद्धमा तरवार चलेको छ!
\q2 तिनीहरू मूर्ख हुनेछन्।
\q1 त्यसका योद्धाहरूको विरुद्धमा तरवार परेको छ!
\q2 तिनीहरू त्रासले भरिनेछन्।
\q1
\v 37 त्यसका घोडाहरू, रथहरू
\q2 र त्यसका साथमा रहेका सबै विदेशीहरूको विरुद्धमा तरवार चलेको छ!
\q2 तिनीहरू स्त्रीहरूझैँ दुर्बल हुनेछन्।
\q1 तिनीहरूका धनका भण्डारहरूको विरुद्धमा तरवार परेको छ!
\q2 ती धनका भण्डारहरू लुटिनेछन्।
\q1
\v 38 देशका पानीका मुहानहरूमा खडेरी परोस्!
\q2 त्यसका नदीहरू सबै सुकोस्।
\q1 किनकि बेबिलोन मूर्तिहरूको देश हो,
\q2 ती मूर्तिहरूले मानिसहरूलाई त्रसित बनाएका छन्।
\b
\q1
\v 39 “यसकारण त्यहाँ मरुभूमिका जङ्गली जनावर र हुँडारहरू बस्‍नेछन्;
\q2 अनि त्यहाँ उल्‍लुहरू बास गर्नेछन्।
\q1 त्यहाँ फेरि पुस्तादेखि पुस्तासम्म,
\q2 मानिसहरूले फेरि कहिल्यै बास बस्‍नेछैनन्।
\q1
\v 40 जसरी मैले सदोम र गमोरालाई
\q2 तिनीहरूका चारैतिरका सहरहरूसितै नाश गरेँ,”
\q2 याहवेह घोषणा गर्नुहुन्छ,
\q1 “त्यसरी नै त्यहाँ कोही पनि मानिस बास बस्‍नेछैन;
\q2 त्यहाँ कुनै मानव-जाति बसोबास गर्नेछैन।
\b
\q1
\v 41 “हेर! उत्तरबाट एक दल सेना आउँदैछ;
\q2 पृथ्वीको अन्तिम सिमानाबाट एउटा ठूलो राष्ट्रलाई
\q2 र धेरै राजाहरूलाई सुर्‍याइरहेको छ।
\q1
\v 42 तिनीहरू धनु र भालाहरूले सुसज्जित छन्;
\q2 तिनीहरू निष्‍ठुर र निर्दयी छन्।
\q1 तिनीहरू आ-आफ्ना घोडाहरूमा सवार गर्दा
\q2 तिनीहरूको घोडसवारको आवाज समुद्रको गर्जनझैँ सुनिन्छ;
\q1 हे बेबिलोनकी छोरी, तिनीहरूले तिमीहरूलाई आक्रमण गर्न आउँदा
\q2 लडाइँको मोर्चा बाँधेर तिनीहरू मानिसहरूझैँ आउनेछन्।
\q1
\v 43 बेबिलोनको राजाले तिनीहरूको बारेमा खबर सुनेको छ;
\q2 अनि त्यसका हातहरू लल्याकलुलुक भएका छन्।
\q1 प्रसव-वेदनामा परेकी स्त्रीलाई जस्तै
\q2 पीडाले त्यसलाई पक्रेको छ।
\q1
\v 44 हेर, यर्दन नदीका झाडीहरूबाट
\q2 हरियो खर्कबाट निस्केर आइरहेको सिंहझैँ म निस्कनेछु,
\q1 र म बेबिलोनलाई झट्टै त्यसकै देशबाट खेद्नेछु;
\q2 यस देशको निम्ति जसलाई चुन्छु, उसैलाई नियुक्त गर्नेछु।
\q1 मजस्तो को छ र? कसले मलाई चुनौती दिन सक्छ?
\q2 अनि कुनचाहिँ गोठालो मेरो विरुद्धमा खडा हुन सक्छ?”
\b
\q1
\v 45 यसकारण बेबिलोनको विरुद्धमा याहवेहले जे योजना गर्नुभएको छ,
\q2 उहाँले बेबिलोनीहरूको देशको विरुद्धमा जे उद्देश्य राख्नुभएको छ, सुन:
\q1 बगालका कलिला बालबालिकाहरू तानेर लगिनेछन्;
\q2 तिनीहरूका खर्कहरू पूर्ण रूपमा सर्वनाश हुनेछन्।
\q1
\v 46 बेबिलोन कब्जा गरिएको आवाजले पृथ्वी थरथर काँप्‍नेछ;
\q2 तिनीहरूको चीत्कार राष्ट्रहरूका बीचमा गुञ्जिनेछ।
\c 51
\p
\v 1 याहवेह यसो भन्‍नुहुन्छ:
\q1 “हेर, बेबिलोन र लेब-कमाईका मानिसहरूका विरुद्धमा
\q2 म एक विनाश गर्ने आत्मालाई उक्साउनेछु।
\q1
\v 2 म बेबिलोनलाई निफन्‍न र
\q2 त्यस देशलाई नष्‍ट गर्नलाई विदेशीहरू पठाउनेछु;
\q1 त्यसको विपत्तिको दिनमा
\q2 शत्रुहरूले चारैतिरबाट त्यसको विरोध गर्नेछन्।
\q1
\v 3 धनुर्धारीले आफ्नो धनुमा ताँदो नचढाओस्,
\q2 न त त्यो आफ्नो कवच लगाएर खडा होस्।
\q1 तिनीहरूका जवानहरूलाई बाँकी नराख;
\q2 तिनीहरूका सेनाहरूलाई पूर्ण रूपले सर्वनाश गर।
\q1
\v 4 तिनीहरू बेबिलोनका सडकहरूमा घाइते भएर लड्नेछन्,
\q2 र तिनीहरू बेबिलोनमै मारिनेछन्।
\q1
\v 5 किनकि इस्राएल र यहूदा तिनीहरूका परमेश्‍वर,
\q2 सेनाहरूका याहवेहद्वारा त्यागिएका छैनन्;
\q1 यद्यपि बेबिलोनीहरूको देश इस्राएलका
\q2 पवित्र परमेश्‍वरको सामु अपराधले भरिएको छ।
\b
\q1
\v 6 “बेबिलोनबाट भाग!
\q2 आ-आफ्नो प्राण बचाउनलाई भाग!
\q2 त्यसका पापहरूको कारण तिमीहरू नाश नहोओ।
\q1 यो त याहवेहले बदला लिने समय हो;
\q2 उहाँले त्यसलाई उचित दण्ड दिनुहुनेछ।
\q1
\v 7 बेबिलोन याहवेहको हातमा एउटा सुनको कचौरा थियो;
\q2 त्यसले सारा पृथ्वीलाई मतायो।
\q1 राष्ट्रहरूले त्यसको मद्य पिएका छन्;
\q2 यसकारण अहिले तिनीहरू पागल भएका छन्।
\q1
\v 8 बेबिलोन एक्‍कासि पतन हुनेछ र टुक्रिनेछ।
\q2 त्यसको निम्ति विलाप गर!
\q1 त्यसको कष्‍टका निम्ति मलम ल्याओ;
\q2 सायद त्यो निको हुन्छे कि!
\b
\q1
\v 9 “हामी बेबिलोनलाई निको पार्नेथियौँ,
\q2 तर त्यो निको हुन सक्दैन;
\q1 त्यसलाई छोडिदियौँ र हामी आ-आफ्नो देशमा जाऔँ;
\q2 किनकि त्यसको दण्ड आकाशसम्म पुगेको छ,
\q2 त्यो स्वर्गसम्मै चुलिएको छ।
\b
\q1
\v 10 “याहवेहले हामीलाई निर्दोष ठहराउनुभएको छ;
\q2 आओ, हामी सियोनमा जाऔँ,
\q2 र याहवेह हाम्रा परमेश्‍वरको काम बयान गरौँ।
\b
\q1
\v 11 “धनुकाँडहरू तीखा पार!
\q2 ढालहरू उठाओ!
\q1 याहवेहले मादीका राजाहरूलाई उक्साउनुभएको छ;
\q2 किनकि उहाँको उद्देश्य बेबिलोनलाई नष्‍ट गर्नु हो।
\q1 याहवेहले बदला लिनुहुनेछ;
\q2 उहाँको मन्दिर नष्‍ट गर्नेहरूलाई बदला लिनुहुनेछ।
\q1
\v 12 बेबिलोनका पर्खालहरूको विरुद्धमा झण्डा उठाओ!
\q2 पहरा-चौकी बलियो बनाओ;
\q1 पहरेदारहरूलाई खटाओ,
\q2 ढुकेर आक्रमण गर्नेहरूलाई तयार गर!
\q1 याहवेहले आफ्नो उद्देश्य पूरा गर्नुहुनेछ;
\q2 अनि बेबिलोनका मानिसहरूको विरुद्धमा उहाँले आफ्नो उर्दी पूरा गर्नुहुनेछ।
\q1
\v 13 तँ बेबिलोन, जो धेरै नदीहरूको नजिक बस्छेस्
\q2 र धेरै धनसम्पत्तिको भण्डारले पूर्ण भएकी छेस्,
\q1 तर तेरो अन्त्य आएको छ।
\q2 तेरो विनाशको समय आएको छ।
\q1
\v 14 सेनाहरूका याहवेहले आफ्नै नामको शपथ खानुभएको छ:
\q2 म निश्‍चय नै बेबिलोनलाई आक्रमण गर्न सलहको बथानझैँ सेनाहरूको भीडले भरिदिनेछु;
\q2 अनि तिनीहरूले तँमाथि विजयी भएर जयजयकार गर्नेछन्।
\b
\q1
\v 15 “याहवेहले पृथ्वी आफ्नो शक्तिद्वारा बनाउनुभयो;
\q2 उहाँले संसारलाई आफ्नो बुद्धिले स्थापित गर्नुभयो
\q2 र उहाँले आकाशलाई आफ्नो समझशक्तिले फैलाउनुभयो।
\q1
\v 16 जब उहाँ बोल्नुहुन्छ, तब आकाशमा पानीको गर्जन हुन्छ;
\q2 उहाँले बादललाई पृथ्वीको अन्तिम छेउबाट उठाउनुहुन्छ।
\q1 उहाँले झरीसँग बिजुली पठाउनुहुन्छ,
\q2 अनि हावालाई उहाँको भण्डारहरूबाट निकाल्नुहुन्छ।
\b
\q1
\v 17 “हरेक मानिस विवेकहीन र ज्ञानहीन छ;
\q2 हरेक सुनार आफ्नै मूर्तिहरूद्वारा शर्ममा पर्नेछ।
\q1 किनकि त्यसले बनाएका मूर्तिहरू झूटा हुन्;
\q2 तिनीहरूमा जीवनको सास हुँदैन।
\q1
\v 18 ती मूर्तिहरू सबै व्यर्थका र ठट्टाका पात्र हुन्;
\q2 जब तिनीहरूको न्याय आउँछ, तब तिनीहरू नष्‍ट हुनेछन्।
\q1
\v 19 उहाँ, जो याकोबका अंश हुनुहुन्छ, उहाँ ती मूर्तिहरूजस्ता हुनुहुन्‍न;
\q2 किनकि उहाँ सबै कुराहरूको सृष्‍टिकर्ता हुनुहुन्छ,
\q1 जसमा उहाँको उत्तराधिकारका मानिसहरू पनि सामेल छन्;
\q2 सेनाहरूका याहवेह उहाँको नाम हो।
\b
\q1
\v 20 “तँ मेरो युद्धको मुङ्ग्रो,
\q2 मेरो लडाइँका निम्ति हतियार होस्;
\q1 तँद्वारा म राष्ट्रहरूलाई चकनाचुर पार्छु;
\q2 र तँद्वारा नै म राज्यहरूलाई नष्‍ट गर्छु।
\q1
\v 21 तँद्वारा म घोडा र घोडसवारहरूलाई टुक्रा-टुक्रा पार्छु;
\q2 तँद्वारा म रथहरू र रथ-सवारहरूलाई चकनाचुर पार्छु।
\q1
\v 22 तँद्वारा म पुरुषहरू र स्त्रीहरूलाई चकनाचुर पार्छु।
\q2 तँद्वारा म वृद्ध मानिस र जवानलाई चकनाचुर पार्छु।
\q2 तँद्वारा म जवान केटाहरू र कन्या केटीहरूलाई चकनाचुर पार्छु।
\q1
\v 23 तँद्वारा म गोठाला र भेडाबाख्राको बगाललाई चकनाचुर पार्छु;
\q2 तँद्वारा म किसान र गोरुहरूलाई चकनाचुर पार्छु।
\q2 तँद्वारा म राज्यपालहरू र अधिकारीहरूलाई चकनाचुर पार्छु।
\p
\v 24 “तेरो आँखाको सामु म बेबिलोन र बेबिलोनमा बस्‍ने सबै मानिसहरूलाई सियोनमा तिनीहरूले गरेका सबै खराबीको निम्ति दण्ड दिनेछु,” याहवेह घोषणा गर्नुहुन्छ।
\q1
\v 25 “हे, विनाशकारी पर्वत, म तेरो विरुद्धमा छु;
\q2 तैँले सारा पृथ्वीलाई नष्‍ट गर्छस्,”
\q2 याहवेह घोषणा गर्नुहुन्छ।
\q1 “म तेरो विरुद्धमा मेरो हात पसार्नेछु,
\q2 तँलाई भिरबाट तल गुडाइदिनेछु;
\q2 अनि तँलाई एउटा डढेको उजाड पहाड तुल्याउनेछु।
\q1
\v 26 तँबाट कुनाको निम्ति कुनै ढुङ्गा लिइनेछैन,
\q2 न त जगको निम्ति कुनै ढुङ्गा लिइनेछ;
\q2 किनकि तँ सदाको निम्ति उजाड रहनेछस्,” याहवेह घोषणा गर्नुहुन्छ।
\b
\q1
\v 27 “देशमा एउटा झण्डा उठाओ!
\q2 राष्ट्रहरूका बीचमा तुरही बजाओ!
\q1 त्यसको विरुद्धमा लडाइँको निम्ति राष्ट्रहरूलाई तयार पार;
\q2 यी राज्यहरूलाई त्यसको विरुद्धमा आक्रमण गर्नलाई बोलाओ:
\q2 अरारात, मिन्‍नी र अश्कनजलाई बोलाओ।
\q1 त्यसको विरुद्धमा एउटा सेनापति नियुक्त गर;
\q2 सलहको बथानझैँ घोडाहरूलाई पठाओ।
\q1
\v 28 त्यसको विरुद्धमा युद्ध गर्नलाई राष्ट्रहरूलाई तयार गर!
\q2 मादीका राजाहरूलाई,
\q1 तिनीहरूका राज्यपालहरूलाई र तिनीहरूका सबै अधिकारीहरूलाई,
\q2 र तिनीहरूले शासन गर्ने देशहरूलाई तयार गर।
\q1
\v 29 देश थरथर काम्छ र छटपटिन्छ;
\q2 किनकि बेबिलोनको विरुद्धमा याहवेहको उद्देश्य अटल छ!
\q1 बेबिलोनको देशलाई उजाड पार्नलाई,
\q2 त्यहाँ कोही पनि नबसून्।
\q1
\v 30 बेबिलोनका सेनाहरूले युद्ध गर्न बन्द गरेका छन्;
\q2 तिनीहरू आफ्ना किल्‍लाहरूमा रहन्छन्।
\q1 तिनीहरूको बल शिथिल भएको छ;
\q2 तिनीहरू दुर्बल भएका छन्।
\q1 त्यसका वासस्थानहरूमा आगो लगाइएका छन्;
\q2 त्यसका मूलढोकाका गजबारहरू भत्काइएका छन्।
\q1
\v 31 एक हुलाकी अर्को हुलाकीको पछि दौडन्छ;
\q2 एक सन्देशवाहक अर्को सन्देशवाहकको पछि दौडन्छ।
\q1 बेबिलोनको राजालाई यो खबर दिन
\q2 उसको सम्पूर्ण सहर कब्जा गरिएका छन्;
\q1
\v 32 अनि नदीका घाटहरूलाई कब्जा गरिएका छन्;
\q2 धापहरूमा आगो लगाइएका छन्;
\q2 अनि योद्धाहरू त्रसित भएका छन्।”
\p
\v 33 सेनाहरूका याहवेह, इस्राएलका परमेश्‍वर यसो भन्‍नुहुन्छ:
\q1 “बेबिलोनकी छोरी दाइँ गर्ने समयमा
\q2 कुल्चिएको खलाझैँ भएकी छे;
\q2 त्यसको कटनी गर्ने समय चाँडै आउँदैछ।”
\b
\q1
\v 34 “बेबिलोनको राजा नबूकदनेसरले हामीलाई निलेको छ;
\q2 त्यसले हामीलाई अलमलमा पारिदिएको छ।
\q2 त्यसले हामीलाई रित्तो भाँडाजस्तै बनाइदिएको छ।
\q1 त्यसले हामीलाई अजिङ्गरले झैँ निलेको छ,
\q2 र त्यसले हाम्रो स्वादिष्‍ठ भोजनले आफ्नो पेट भरेको छ;
\q2 त्यसपछि हामीलाई बान्ता गरेर फ्याँकिदिएको छ।
\q1
\v 35 सियोनका बासिन्दाहरूले भन्छन्,
\q2 हामी र हाम्रा छोराछोरीहरूमाथि जस्तो अत्याचार परेको छ,
\q2 त्यस्तै बेबिलोनमाथि पनि परोस्”।
\q1 यरूशलेमले भन्छ,
\q2 “हाम्रो रगत बगाएको बदला बेबिलोनमा बस्‍ने मानिसहरूमाथि परोस्”।
\p
\v 36 यसकारण याहवेह भन्‍नुहुन्छ:
\q1 “हेर, म तेरो पक्ष लिनेछु,
\q2 र तेरो बदला लिनेछु;
\q1 म त्यसको समुद्र सुकाइदिनेछु;
\q2 अनि त्यसको पानीका मुहानहरू सुकाइदिनेछु।
\q1
\v 37 बेबिलोन भग्नावशेषको थुप्रो हुनेछ;
\q2 स्यालहरूको ओडार हुनेछ;
\q1 त्रास र गिल्‍लाको पात्र,
\q2 कोही पनि नबस्‍ने एउटा उजाड ठाउँ हुनेछ।
\q1
\v 38 त्यसका मानिसहरू सबै सिंहझैँ गर्जन्छन्।
\q2 तिनीहरू सिंहका डमरुझैँ ङुर्र-ङुर्र गर्छन्।
\q1
\v 39 तर जब तिनीहरू उत्तेजित हुन्छन्,
\q2 म तिनीहरूका निम्ति भोज तयार पार्नेछु,
\q2 र तिनीहरूलाई मताउनेछु,
\q1 ताकि तिनीहरू हाँस्दै चिच्याउनेछन्;
\q2 अनि सदाको निम्ति सुत्नेछन् र निन्द्राबाट कहिल्यै बिउँझनेछैनन्,”
\q2 याहवेह घोषणा गर्नुहुन्छ।
\q1
\v 40 “म तिनीहरूलाई काटिनका निम्ति लगिएका
\q2 थुमाहरू, भेडाहरू र बाख्राहरूझैँ तल लैजानेछु।
\b
\q1
\v 41 “शेशक\f + \fr 51:41 \fr*\fq शेशक \fq*\ft बेबिलोनको साङ्केतिक नाम हो।\ft*\f* कसरी कब्जा हुनेछ;
\q2 सारा पृथ्वीको प्रशंसाको पात्र बेबिलोन कब्जा गरिनेछ!
\q1 राष्ट्रहरूको बीचमा
\q2 बेबिलोन एउटा भयानक दृश्य हुनेछ!
\q1
\v 42 बेबिलोनमाथि समुद्र उठ्नेछ;
\q2 त्यसका गर्जने छालहरूले त्यसलाई छोपिदिनेछन्।
\q1
\v 43 त्यसका सहरहरू उजाड हुनेछन्,
\q2 सुक्खा र मरुभूमिको देश,
\q1 जहाँ कोही पनि नबस्‍ने देश,
\q2 जुन देशबाट भएर कसैले पनि यात्रा गर्नेछैन।
\q1
\v 44 म बेबिलोनमा बेललाई दण्ड दिनेछु;
\q2 अनि त्यसले जे निलेको छ, त्यो बान्ता गर्न लगाउनेछु।
\q1 फेरि राष्ट्रहरू ताँती लगाएर आउनेछैनन्,
\q2 र बेबिलोनको पर्खाल ढल्नेछ।
\b
\q1
\v 45 “हे मेरा मानिसहरू हो!
\q2 आफ्ना प्राण बचाउनलाई भाग!
\q2 याहवेहको भयानक क्रोधदेखि भाग।
\q1
\v 46 जब देशमा हल्‍ला सुन्छौ,
\q2 तब हतोत्साही नहोओ, अथवा नडराओ;
\q1 यस वर्ष एउटा हल्‍ला र अर्को वर्ष अर्कै हल्‍ला आउँछ;
\q2 देशमा अत्याचारको हल्‍ला
\q2 र शासकको विरुद्धमा शासक भएको हल्‍ला।
\q1
\v 47 किनकि हेर, समय निश्‍चय नै आउनेछ,
\q2 जब म बेबिलोनका मूर्तिहरूलाई दण्ड दिनेछु;
\q1 तब त्यसको सम्पूर्ण देश अपमानित हुनेछ,
\q2 र त्यसका मारिएकाहरू सबै त्यसकै भूमिमा ढलिरहनेछन्।
\q1
\v 48 तब स्वर्ग, पृथ्वी र तिनीहरूमा भएका सबै
\q2 बेबिलोनको यस्तो स्थितिमा रमाउनेछन्;
\q1 किनकि उत्तर दिशातिरबाट
\q2 विनाशकर्ताहरूले त्यसलाई आक्रमण गर्नेछन्,”
\q2 याहवेह घोषणा गर्नुहुन्छ।
\b
\q1
\v 49 “बेबिलोनको कारण पृथ्वीभरि मानिसहरू मारिएझैँ,
\q2 इस्राएलका मानिसहरूको हत्या गरिएको कारण
\q2 बेबिलोनको पतन हुनैपर्छ।
\q1
\v 50 तिमीहरू, जो तरवारबाट उम्केछौ,
\q2 ढिलो नगरी भागिहाल!
\q1 टाढा देशबाट याहवेहलाई स्मरण गर;
\q2 अनि यरूशलेमको बारेमा याद गर।”
\b
\q1
\v 51 “हामी लज्जित भएका छौँ;
\q2 किनकि हामी बदनामी भएका छौँ,
\q2 र हाम्रा अनुहार शर्मले ढाकिएका छन्;
\q1 किनकि विदेशीहरू हाम्रा याहवेहको भवनका
\q2 पवित्र ठाउँहरूमा प्रवेश गरेका छन्।”
\b
\q1
\v 52 “तर हेर, दिनहरू आउँदैछन्,” याहवेह घोषणा गर्नुहुन्छ।
\q2 “जब म त्यसका मूर्तिहरूलाई दण्ड दिनेछु,
\q1 तब त्यसको देशभरि नै
\q2 घाइतेहरूले सुस्केरा हाल्नेछन्।
\q1
\v 53 यदि बेबिलोनले आकाशसम्मै पुगेर
\q2 आफ्ना अग्ला किल्‍लाहरूलाई बलियो पारे तापनि
\q2 म त्यसको विरुद्धमा विनाश गर्नेहरू पठाउनेछु,”
\q2 याहवेह घोषणा गर्नुहुन्छ।
\b
\q1
\v 54 “बेबिलोनबाट चीत्कारको आवाज निस्कन्छ;
\q2 बेबिलोनीहरूको देशबाट
\q2 आएको ठूलो विनाशको आवाज।
\q1
\v 55 याहवेहले बेबिलोनलाई नाश गर्नुहुनेछ;
\q2 उहाँले त्यसको ठूलो होहल्‍लालाई बन्द गराउनुहुनेछ।
\q1 शत्रुहरू समुद्रका विशाल छालहरूझैँ गर्जनेछन्;
\q2 तिनीहरूका आवाजको गर्जन गुञ्जिनेछ।
\q1
\v 56 बेबिलोनको विरुद्धमा एउटा विनाशकर्ता आउनेछ;
\q2 त्यसका योद्धाहरू कब्जा गरिनेछन्;
\q2 अनि तिनीहरूका धनुकाँडहरू भाँचिनेछन्।
\q1 किनकि याहवेह उचित प्रतिफल दिनुहुने परमेश्‍वर हुनुहुन्छ;
\q2 उहाँले पूर्ण रूपमा दण्ड दिनुहुनेछ।
\q1
\v 57 म तिनीहरूका अधिकारीहरू, बुद्धिमान् मानिसहरूलाई मताइदिनेछु;
\q2 त्यसका राज्यपालहरू, अधिकारीहरू र योद्धाहरू समेतलाई मताइदिनेछु;
\q1 तिनीहरू सदाको निम्ति निदाउनेछन् र कहिल्यै पनि उठ्नेछैनन्,”
\q2 राजा घोषणा गर्नुहुन्छ, “जसको नाम सेनाहरूका याहवेह हो।”
\p
\v 58 सेनाहरूका याहवेह भन्‍नुहुन्छ:
\q1 “बेबिलोनको चौडा पर्खाल समतल बनाइनेछ;
\q2 अनि त्यसका अग्ला मूलढोकाहरूमा आगो लगाइनेछन्;
\q1 मानिसहरू व्यर्थैमा थाकेर शिथिल हुन्छन्,
\q2 र राष्ट्रको परिश्रमचाहिँ ज्वालाको निम्ति इन्धन मात्र हुनेछन्।”
\p
\v 59 यहूदाका राजा सिदकियाहको शासनकालको चौथो वर्षमा महसेयाहका नाति, नेरियाहका छोरा प्रमुख अधिकारी सरायाहलाई, राजासित बेबिलोनमा जाँदा यर्मियाले तिनलाई दिएको सन्देश यही हो। 
\v 60 बेबिलोनमाथि आउने सबै विपत्तिहरूको बारेमा यर्मियाले एउटा चर्मपत्रमा लेखेका थिए—बेबिलोनको विषयमा सबै कुराहरू लेखे। 
\v 61 यर्मियाले सरायाहलाई भने, “जब तिमी बेबिलोनमा पुग्छौ, तब तिमीले यी सबै वचनहरू अवश्य चर्को आवाजमा मानिसहरूलाई पढेर सुनाउनू। 
\v 62 त्यसपछि यसो भन, ‘हे याहवेह, तपाईंले यस ठाउँलाई नाश गर्नेछु भन्‍नुभएको छ। यसमा न मानिस, न त पशु बसोबास गर्नेछ; यो सदाको निम्ति उजाड हुनेछ।’ 
\v 63 जब तिमीले यो चर्मपत्र पढिसक्छौ, तब यसमा एउटा ढुङ्गा बाँध र यसलाई यूफ्रेटिस नदीमा फालिदेऊ। 
\v 64 तब यसो भन, ‘मैले बेबिलोनमाथि ल्याउने विपत्तिको कारण यसरी नै बेबिलोन कहिल्यै नउठ्ने गरी डुब्नेछ। अनि त्यसका मानिसहरूको पतन हुनेछ।’ ”
\b
\b
\p यर्मियाको सन्देश यहीँ समाप्‍त हुन्छ।
\b
\c 52
\s1 यरूशलेमको पतन
\p
\v 1 राजा हुँदा सिदकियाह एक्‍काइस वर्षका थिए। तिनले यरूशलेममा एघार वर्ष राज्य गरे। तिनकी आमाको नाम हमुतल थियो, जो यर्मियाकी छोरी थिइन्। तिनी लिब्ना निवासी थिइन्। 
\v 2 यहोयाकीमले गरेझैँ सिदकियाहले पनि याहवेहको दृष्‍टिमा जे कुरा खराब थियो, त्यही गरे। 
\v 3 याहवेहको क्रोधको कारणले नै यरूशलेम र यहूदामा यी सबै हुन आएका थिए। आखिरमा उहाँले तिनीहरूलाई आफ्ना उपस्थितिबाट निकालिदिनुभयो।
\p तब सिदकियाहले बेबिलोनका राजाको विरुद्धमा विद्रोह गरे।
\p
\v 4 यसकारण सिदकियाहको शासनकालको नवौँ वर्षको, दशौँ महिनाको दशौँ दिनमा, बेबिलोनका राजा नबूकदनेसर यरूशलेमको विरुद्धमा आफ्नो सम्पूर्ण सेना लिएर आए। तिनीहरूले सहरको बाहिर छाउनी हाले र त्यसका चारैतिर घेरा-मचान बनाए। 
\v 5 राजा सिदकियाहको एघारौँ वर्षसम्म सहर घेराबन्दीमा राखिएको थियो।
\p
\v 6 चौथो महिनाको नवौँ दिनसम्म सहरमा यस्तो घोर अनिकाल पर्‍यो कि देशका मानिसहरूका निम्ति केही खानेकुरा बाँकी रहेन। 
\v 7 तब सहरको पर्खाल भत्काइयो; अनि यरूशलेमका सम्पूर्ण सेनाहरू भागेर गए। बेबिलोनीहरूले सहरलाई घेरेर राखेको भए तापनि तिनीहरूले राजाको बगैँचाको छेउका दुई पर्खालको बीचमा भएको मूलढोकाबाट भएर राति नै सहरलाई छोडेर भागे। तिनीहरू अराबातिर\f + \fr 52:7 \fr*\ft अर्थात् \ft*\fqa यर्दनको बेँसीतिर\fqa*\f* भागे; 
\v 8 तर बेबिलोनी सेनाले राजा सिदकियाहलाई खेदे, र तिनलाई यरीहोको मैदानमा फेला पारे। तिनका सबै सेना तिनीबाट अलग भएर छरपस्ट भएका थिए; 
\v 9 र तिनी पक्राउ परे।
\p तब तिनलाई बेबिलोनका राजाकहाँ हमातको सहर रिब्लामा लगियो, जहाँ बेबिलोनका राजाले सिदकियाहमाथि दण्डको घोषणा गरे। 
\v 10 त्यहाँ रिब्लामा बेबिलोनका राजाले सिदकियाहका छोराहरूलाई तिनकै आँखाको अगाडि मारे; तिनले यहूदाका सबै अधिकारीहरूलाई पनि मारे। 
\v 11 त्यसपछि तिनले सिदकियाहका आँखाहरू निकालिदिए; अनि तिनलाई काँसाको साङ्लाले बाँधेर बेबिलोनमा लगे, जहाँ तिनले सिदकियाहको मृत्यु नहोउन्जेलसम्म उनलाई झ्यालखानामा राखे।
\p
\v 12 बेबिलोनका राजा नबूकदनेसरको उन्‍नाइसौँ वर्षको पाँचौँ महिनाको दशौँ दिनमा, राजकीय अङ्गरक्षकहरूका सेनापति नबूजरदान जसले बेबिलोनका राजाको सेवा गर्थे, यरूशलेममा आए। 
\v 13 तिनले याहवेहको मन्दिर, राजमहल र यरूशलेमका सबै घरहरूमा आगो लगाइदिए। तिनले प्रत्येक मुख्य भवन जलाइदिए। 
\v 14 बेबिलोनका सम्पूर्ण फौजले राजकीय अङ्गरक्षकहरूका सेनापतिको अधीनमा यरूशलेमका चारैतिरका सबै पर्खालहरू भत्काइदिए। 
\v 15 अङ्गरक्षकहरूका सेनापति नबूजरदानले केही गरिब मानिसहरू र सहरमा बाँकी रहेकाहरू, साथै सिपालु कारिगरहरू र बेबिलोनका राजाको पछि लाग्ने मानिसहरूलाई कैदी बनाएर निर्वासनमा लगे। 
\v 16 तर नबूजरदानले देशमा बाँकी रहेका केही अति गरिब मानिसहरूचाहिँ दाखबारी र खेतबारीहरूमा काम गर्नलाई त्यहीँ छोडिदिए।
\p
\v 17 बेबिलोनीहरूले याहवेहको मन्दिरमा भएका काँसाका खम्बाहरू, ठेलागाडीहरू र काँसाका खड्कुँलो भत्काइदिए, र सबै काँसाचाहिँ तिनीहरूले बेबिलोनमा लगे। 
\v 18 तिनीहरूले भाँडाहरू, बेल्चाहरू, सलेदो काट्ने कैँचीहरू, छर्कने बाटाहरू, थाल बटुकाहरू र मन्दिरको सेवामा प्रयोग गरिने काँसाका सबै सरसामग्रीहरू लगे। 
\v 19 राजकीय अङ्गरक्षकका सेनापतिले बाटाहरू, धूपदानीहरू, छर्कने बाटाहरू, भाँडाहरू, सामदानहरू, थाल बटुकाहरू र अर्घबलिको निम्ति प्रयोग गरिने बाटाहरू—निखुर सुन र चाँदीले बनिएका सबै सामग्रीहरू तिनीहरूले लगे।
\p
\v 20 ती दुई स्तम्भहरू, खड्कुँलो र त्यसका मुन्तिर भएका काँसाका बाह्र वटा साँढेहरू र याहवेहको मन्दिरको निम्ति सोलोमन राजाले बनाएका गुड्ने आधारहरूबाट जम्मा गरिएका काँसाहरू जसको वजन जोखेर जोख्न नसकिने थिए। 
\v 21 प्रत्येक स्तम्भ अठार क्यूबिट अग्लो र त्यसको गोलाइ बाह्र क्यूबिटको\f + \fr 52:21 \fr*\ft करिब 27 फिट अग्लो र 18 फिट परिधि\ft*\f* थियो। प्रत्येक खम्बा चार अङ्गुल बाक्लो मोटाइ र त्यो बीचमा खोक्रो थियो। 
\v 22 एउटा खम्बाको टुप्पोमा भएको काँसाको टुप्पो पाँच क्यूबिट\f + \fr 52:22 \fr*\ft करिब 7 1⁄2 फिट\ft*\f* अग्लो थियो। अनि चारैतिर काँसाका जाली र दारिमको बुट्टाले वरिपरि सिँगारिएको थियो। अर्को खम्बा पनि त्यस्तै दारिम बुट्टाले सजिएको थियो। 
\v 23 त्यस खम्बाको छेउ-छेउमा छयानब्बे वटा दारिमको बुट्टाहरू थिए; चारैतिरका जालीमाथि भएका दारिमका बुट्टाहरूको संख्या एक सय थियो।
\p
\v 24 अङ्गरक्षकहरूका सेनापतिले मुख्य पुजारी सरायाह र दोस्रो दर्जाका पुजारी सपन्याह र तीन जना पहरेदारहरूलाई पनि कैद गरेर लगे। 
\v 25 सहरमा अझ रहेकाहरूमध्ये तिनले लडाकु मानिसहरूका अधिकृत र सात जना राजकीय सल्‍लाहकारहरूलाई पनि लगे। तिनले देशका मानिसहरूलाई सेनामा तयार गर्ने प्रमुख अधिकारी प्रधान सचिवसहित, सहरमा भेट्टाइएका साठी जना मानिसहरूलाई पनि लगे। 
\v 26 सेनापति नबूजरदानले तिनीहरू सबैलाई लगे, र बेबिलोनका राजाकहाँ रिब्लामा ल्याए। 
\v 27 त्यहाँ हमात देशको रिब्लामा राजाले तिनीहरूलाई मारे।
\p यसरी यहूदा आफ्नो देशबाट कैदमा लगियो।
\b
\lh
\v 28 नबूकदनेसरले निर्वासनमा लगेका मानिसहरूको संख्या यही हो:
\b
\li1 सातौँ वर्षमा,
\li2 3,023 यहूदीहरू;
\li1
\v 29 नबूकदनेसरको शासनकालको अठारौँ वर्षमा यरूशलेमबाट
\li2 832 मानिसहरू;
\li1
\v 30 तिनको शासनकालको तेईसौँ वर्षमा,
\li2 राजकीय अङ्गरक्षका सेनापति नबूजरदानद्वारा 745 यहूदीहरू निर्वासनमा लगिए।
\b
\lf त्यतिखेर जम्मा मानिसहरू 4,600 जना थिए।
\s1 यहोयाकीन कैदबाट छुटेका
\p
\v 31 यहूदाका राजा यहोयाकीनलाई निर्वासनमा लगिएको सैँतीसौँ वर्षमा, एबील-मरोदक बेबिलोनको राजा भएको वर्षमा तिनले बाह्रौँ महिनाको पच्‍चीसौँ दिनमा यहूदाका राजा यहोयाकीनलाई निकाले र झ्यालखानाबाट मुक्त गरिदिए। 
\v 32 तिनले उनीसित दयापूर्वक कुरा गरे, र आफूसित बेबिलोनमा भएका अरू राजाहरूभन्दा माथिल्‍लो दर्जाको सम्मानको आसन दिए। 
\v 33 यसकारण यहोयाकीनले आफ्ना कैदका वस्त्रहरू उतारे, र आफ्नो जीवनकालभरि नै राजाका टेबुलमा खाए। 
\v 34 बेबिलोनका राजाले यहोयाकीनको जीवनकालभरि तिनको मृत्यु नहुन्जेल दिन प्रतिदिन नियमित भत्ता दिए।