\id TIT - Nahali
\ide UTF-8
\h तीतुस
\toc3 तीतुस
\toc2 तीतुस
\toc1 तीतुस पौलुस लिखेल पोत्रो
\mt2 तीतुस पौलुस ने लिखा हुआ पत्र
\mt1 तीतुस पौलुस लिखेल पोत्रो
\imt ओलखात
\ip तीतुसान पुस्तेक पौलुसान चार पुस्तेक माय रेन एक हे, जाह मोंडलीन केरता लेखणे रेन देन एगदा माणहान बाराम किथे। दिहऱ्यु तीन पोत्र्यु 1 तीमुथीयुस, 2 तीमुथीयुस एने फिलेमोन हे। पौलुस तीतुसाह लेखणे बाजरियेल ईतो, पुण तो ज्यो बी लिखेल ईतो काय पोत्र एक मोकेलनाराह दिरेह, ज्यो तीतुस पेलुस रेन जाणतालो। पौलुस शायद मसीन जेल्मान बाद 63-65 वोरह्यान विचीम ज्या पोत्राह लिखेल ईतो। एने ज्यी पोत्री आखी मोंडलीन माणहान केरता जोरेस वाचाय जाणे जुवे, आपु ज्याह जाण सेकतेह। काहाकाय तो तान योग्यता किथे।
\ip पौलुस तीतुसाह क्रेते हेयरान मोंडलीन देखरेत केरनेन केरता उकुम आपेल ईतो। पौलुस मोंडलीन डायलाह हिकवोण आपणेन केरता ज्यी पोत्री लिखेल ईतो। पौलुस तीमुथीयुसाह तान पोत्रा माय एक हारको चेतावणी आप्यो। तान पोत्री माय कियेल हे काय मोंडली माय अगुवाह ठेराय जाणे जुवे। मोंडलीन अगुवाह आज ज्यो जोरेवरी माणहाह होमालीन देखरेत केरने जुवे।
\iot रूपरेखा
\io1 1. पौलुस डायलाह ठेराणेन केरता तीतुसाह चेतावणी आप्यो। \ior 1:1-16\ior*
\io1 2. माणहाह बोगवानान जीवाय जीवणेन केरता हिक जाय केरीन चेतावणी आपेह। \ior 2:1–3:11\ior*
\io1 3. पौलुस तान काह योजनाह सोमजाड्यो एने शाबास केयीन निवरावेह। \ior 3:12-15\ior*
\c 1
\s नमस्‍कार
\p
\v 1 पौलुसान उगे रेन जो बोगवानान पावोर एने यीशु मसीन प्रेरित हे, बोगवानान निवाड़ेल माणहाह तान बोरहा माय मोदेक केरनेन केरता एने आमरा देरमान खेरली एकलीन इही वोदाड़नेन केरता मोकलायेल हे। 
\v 2 तो जेलेमक्यो जीवणान आसा जान वायदो बोगवान कायेम किरेल हे, तो केदी बी जुठ नाह बोलने। 
\v 3 पुण ठिख टेम माय तान वचनान पारचारान द्‍वारे देखाड़ेल हे, जो आपणा सुटकारो आपणारा बोगवानान उकुमान गेत माहु होपाय गीयो, एने मी पारचार बी किरेल ईतो।
\p
\v 4 \x + \xo 1:4 \xo*\xt 2 कुरिंथीयो 8:23; गलातीयो 2:3; 2 तीमुथीयुस 4:10\xt*\x*तीतुसान नावाम, जो बोरहान मेल मिलाप ने विचारा माय मारो खीरलो बिटोख हे:
\p बोगवान आबोख एने आपुह सुटकारो आपणार यीशु मसीन उगे रेन तुवाह गीण एने सान्ती जुड़ती रेय।
\s क्रेते माय तीतुसान काम
\p
\v 5 मी तुवाह क्रेते माय ज्यानकेरता मेलीन आयेल काय ज्‍यु वातु बाकी हेत्यु त्युह हुदारी, एने मार उकुमान गेत एक एक गावा माय डायडाया माणहाह निवाड़ेन मेली, 
\v 6 \x + \xo 1:6 \xo*\xt 1 तीमुथीयुस 3:2-7\xt*\x*जाह तु निवाड़ हे तो निर्दोस एय, एने तान एकुच बायकु रेणे जुवे, एने तान सोरा बुरहो केरनारे रेणे जुवे, एने ता माय सिनालो केरनार एने कानुनाह तोड़नारे नाय जुवे।\f + \fr 1:6 \fr*\ft फोक्‍तो एकुस बायकु रेय; नाहते फोक्‍तो एकुस वार वाराड़ एय।\ft*\f* 
\v 7 काहाकाय पुडारीह बोगवानान कारबारी एणेन कारेण निर्दोस रेणे जुवे, एने नाह एकइट्यो, नाह राग केरनार, नाह दारूड्यो, नाह राड़ कुट्यो, एने नाह लुटीन कामायेल कामाईन लोबी, 
\v 8 पुण पावणाय केरनार, एने जो हाजो हे ताह मोंग केरनार, संयमी, नियाव केरनार, चोखालो एने सोमेजदार एय। 
\v 9 एने तो विश्वासयोग्य वचना पोर जो देरमान पारचारान गेत हे, मोजबुत रेय काय उत्साहित एन खेरलो हिकवोण माय पारचार केर सिके, एने जा विरोद केरतेह तान मुय बोंद केर सिके।
\p
\v 10 काहाकाय कानुन तोड़नारे, फालतुक वातु बोलनारे एने ठेगणारे जुलूम माणहे हेते, खास केरीन खेतना ईयेल माय रेन। 
\v 11 तान मुय बोंद केरने जुवे, एने ज्या माणहे ठेगीन कामावणेन केरता जी वातु हिकाड़ने नाय जुवे, ओहल्यु वातु हिकाड़ीन गेराणान आखा माणहाह बिगाड़ देतेह। 
\v 12 क्रेतीन माणहाम रेन एक जाणाव केरनार तान माणहान बाराम खुद कियेल हे जो तास ने हे, कियेल हे, “क्रेतीन माणहे कायेम जुठ बोलतेह, खाराब जेनवार, एने आलह्या खादाड़ हेते।” 
\v 13 ज्यी गोवाय खेरली हे, तानकेरता ताह दोपकावीन चेतावणी आप्या केर काय ता बोरहाम मोजबुत एय जाती। 
\v 14 एने यहुदिन वार्ता पोर एने ता माणहान उकुमा पोर द्यान नाय देय, जा खेरायीह नाकार केर देतेह। 
\v 15 चोखाला माणहान केरता आखी वोस्तु चोखी हे, पुण एठा एने अविश्वासी माणहान केरीन कायच बी चोखो नाह सोतो, काहाकाय तान इकेल एने मोन दुयू एठा हेते। 
\v 16 आमु बोगवानाह ओलेखतेह केरीन ता केयीन देखाड़तेह, पुण कामा माय ताह नाकारतेह, काहाकाय ता खाराब एने उकुम नाह माणनारे हेते, एने काल्ला बी हाजा कामान लायकीन नाय मीले।
\c 2
\s मसीन चेलाह होबाय ओहलो चालनो
\p
\v 1 पुण तु ओहल्यु खेरल्यु वातु हिकाड्या केर ज्‍यु लायकीन हेत्यु। 
\v 2 मोंडलीन डावाला एदमी सोता पोर काबु केर सिके, सम्माननिय एने सोमेजदार एय, एने तान बुरहो एने मोंग एने दिर पाको एय। 
\v 3 तिहेस केरीन मोंडलीन डावाल्यु बायकुन बोलनो चालनो चोखाला माणहान गेत रेणे जुवे; ती आरोप लागाड़नार एने दारूड्यी नाह, पुण हाजी वातु हिकाड़नार रेणे जुवे। 
\v 4 काहाकाय त्यु जुवान बायकुह चेतावणी आपी काय त्यु तान एदमाह एने सोरा पोर मोंग केरी। 
\v 5 एने त्यु सोमेजदार, चोखाली, एने गेरान कारबार केरनार हाजी, गीण केरनार एने त्युन त्युन एदम्यान ताबाम रेणार जुवे काय बोगवानान वचनान चिहटा नाय एय।
\p
\v 6 इहीचकेरीन जुवान एदम्याह सोमजाड्या केर काय सोता पोर काबु केरनार बोणी। 
\v 7 आखी वातु माय सोताह हाजा कामान नमुनो बोणाव। एने तार हिकवोण माय साप साप एने गम्बीरता, 
\v 8 एने ओहली खेराय एय काय कुण बी ताह खाराब नाय केय सिके, ज्यो देखीन विरोद केरनाराह आपु पोर काल्लो बी आरोप लागाड़नेन टेम नाय जुड़ी पुण लाजवाणे जुवे।
\p
\v 9 पावराह सोमजाड़ते रे काय आप आपणा मालीकान ताबाम रेती, एने आखी वातु माय ताह खुस केरी, पुण पोशो उलटो जापाप नाय आपी। 
\v 10 चोरी चालाकी नाय केरी, पुण आखी बातीन वातु माय हाजी एने ईमानदार रेय, ज्यानकेरता काय आमरा सुटकारो आपणारा बोगवानान हिकवोणान होबा वोड़ावी।
\p
\v 11 काहाकाय आखा माणहान सुटकारान केरता बोगवानान गीण देखायेल हे। 
\v 12 एने ती गीण आमुह हिकाड़ेह काय आमु बिगेर देरमान जीवणो एने दुनियान वोस्तुन मोरजीह सोड़ दे, एने सोता पोर काबु केरनार, चोखालो एने बोक्‍तीम जीवणो ज्यी दुनिया माय जीवे; 
\v 13 एने ती बोरकेतवाली आसान मतलब आपणो मुठलो बोगवान एने सुटकारो केरन्या यीशु मसीन बोड़ाय ने आवणेन वाट जोवते रेतेह।\f + \fr 2:13 \fr*\ft आमरो महान बोगवान एने सुटकारो केरनार यीशु मसी; नाहते तो महान बोगवान एने सुटकारो आपणार मसी यीशु।\ft*\f* 
\v 14 \x + \xo 2:14 \xo*\xt 1 पतरस 2:9\xt*\x*जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।
\p
\v 15 पुरा आदिकार माय ज्‍यु वातुह हिकाड़, जिहकेरीन तु विरोदीह दोपकावेह एने उत्साहित किरेह, ज्या माय कुण बी तुवाह नेचो सोमेजणे नाय जुवे।
\c 3
\s मसी बोलनो चालनो कोहलो जुवे
\p
\v 1 माणहाह एर केराव काय सारकार एने आदिकारीन ताबाम रेती, एने तान उकुम मानी, एने आखा हाजो काम केरनेन केरता तियार रेती, 
\v 2 कुणीन बी ईजुत नाय वेरी, लेड़ाणार नाय रेणे जुवे; पुण हुवाला सोबावान रेणे जुवे, एने आखा माणहा हेऱ्यो मोटली गेरबोड़ाय हेऱ्यो रेय। 
\v 3 काहाकाय आपु बी पेल विणएकल्या, एने उकुम नाह माणनारे, ब्रम माय पोड़ीन आलेग आलेग बातीन अबिलाषाम एने हुकान पावराय माय एता, एने बेदबाव, एने कुयराय केरनेम जीवन जीवताला, एने खाराब एता, एने एका दिहरा हेऱ्या दुसमोनाय केरताला। 
\v 4 पुण जेवी आपणो सुटकारो आपणार बोगवानान गीण एने माणहा माय तान मोंग आवो, 
\v 5 ते तो आपुह सुटकारो आप्यो; एने ज्या देरमान कामान कारीन नाह जा आमु केऱ्या, पुण तान गीणान गेत नोवाला जेल्मान उंगेलनेन नेम एने चोखालो जीव आपुह नोवालो बाणावणेन द्‍वारा एनोह। 
\v 6 बोगवान आपु पोर चोखालो जीवाह सुटकारो आपणार यीशु मसीन द्‍वारा आपु पोर बोरपुर माय रोचवेल हे। 
\v 7 काय तान गीण ने द्‍वारा आपु देरमी ठेरायेन जेलेमक्यो जीवणान आसान गेत वोस बोणी।
\p
\v 8 ज्‍यु वातु खेरल्यु हेत्यु, एने ज्‍यु वातुन बाराम तु मोजबुत माय बोली ओहली मार मोरजी हे, ज्यानकेरता काय जा बोगवाना पोर बुरहो किरेल हेते, ता हाज हाजा कामे केरनेम द्यान देय। ज्‍यु वातु हाजी एने माणहान फायदान हेत्यु। 
\v 9 पुण फोगान बोलाचाल, एने वोस ने, एने विरोद एने राड़ जा कायदान बाराम हेते, वोचीन रे; काहाकाय ता विणफोल एने फालतुक हेते। 
\v 10 फुट पाड़णार माणहाह एक दुय वारीन सोमजाड़ीन ताह रेन आलेग रे। 
\v 11 ज्यो जाणीन काय ओहलो माणुह खाराब एय गीयोह, एने सोताह दोसी ठेरावीन पाप केरती रीथे।
\s सेवली खुबेर
\p
\v 12 \x + \xo 3:12 \xo*\xt प्रेरितान काम 20:4; इफिसीयो 6:21,22; कुलीसियो 4:7,8; 2 तीमुथीयुस 4:12\xt*\x*जेवी मी तार फाय अरतिमासाह नाहते तुखीकुसाह मोकलुह, ते मार फाय निकुपुलीस वोर आवणेन कोसीत किरजे, काहाकाय ता मी हियालाम रेणेन निर्णय लियेल हे। 
\v 13 \x + \xo 3:13 \xo*\xt प्रेरितान काम 18:24; 1 कुरिंथीयो 16:12\xt*\x*जेनास देरेमगुरूह एने अपुल्लोसाह कोसीत केरीन ओंगाण पोचाड़ दे, एने देख काय ताह काल्ली बी वोस्तुन कोमी नाय पोड़ने जुवे। 
\v 14 आपणा माणहे बी जोरवतीह पुरी केरनेन केरता हाजा कामाम लागीन रेणे हिके काय फालतुक जीवाय नाय जीवे।
\p
\v 15 मारा आखा हातीन उगे रेन तुवाह नमस्‍कार। जा बोरहान वोजेसे आमुह मोंग केरतेह, ताह नमस्‍कार।
\p तुमू आखा पोर बोगवानान गीण एती रेय।