\id PHP - Nahali
\ide UTF-8
\h फिलेपियो
\toc3 फिलेपियो
\toc2 फिलेपियो
\toc1 फिलेपियो पौलुस लिखेल पोत्रो
\mt2 फिलेपियो पौलुस ने लिखा हुआ पत्र
\mt1 फिलेपियो पौलुस लिखेल पोत्रो
\imt ओलखात
\ip पौलुस फिलीपी वाला विश्वासीह यीशु मसीन जेल्मान कोमीत कोमी 61 सालान पासाण पोत्र लिखेल ईतो। तो जेली मा \xt 1:13\xt* ईतो तेवी लिखेल ईतो निहते रोम माय फिलेपियो हेयरा वाली मोंडलीह लिखेल ईतो। आपु फिलेपियोन बारा माय जुनाला नेमा माय थोड़ोक हिक सेकतेह। फिलेपियो एक राजदानीन हियोर ईतो पेल्‍ली मोंडली एती, जा माय मकादुनिया माय बुणेल एती। पौलुस एने सिलास एकठास मोंडलीन सुरवात किरेल एता, एने न्या वोर काय एक रातीन केरता जेली माय कोंडायेल ईतो, जेवी ता ताहरो एता। \xt प्रेरितान काम 16\xt*
\ip ज्या पोत्राह लिखणे जुलूम वातु एत्यु। पौलुस ती टेमीन वापेर मोंडलीह तान उगे रेन साबासीन केरता दन्यवाद आपणे, जेवी ता होमलेल काय तो जेली माय हे। \xt 4:10-19\xt* तो जेली माय तान देशा कोहलीक एती तो बी दिखेल हे एने मोंडलीह तीमुथीयुस एने एपाफ्रोदितुसान बारा माय कियेल हे। \xt 2:19-30\xt* काय ता तान स्वागत केरी एने तान अगवाईन सम्मान केरी।
\iot रूपरेखा
\io1 1. फिलिप मोंडलीह नमस्‍कार केरीन पोत्रान सुरवात किरेल हे। \ior 1:1-2\ior*
\io1 2. ओंगाण तो तान देशान बारा माय थोड़ीक जाणकारी देखाड़ेह एने थोड़ीक चिन्ता ताह तो देखाड़ेह। \ior 1:3–2:30\ior*
\io1 3. ओवतो तो विश्वासी जीवणो जीवणेन हिकाड़ेह। \ior 3:1–4:9\ior*
\io1 4. पौलुस फिलेपियोन मोंडलीह तान बोकसीस केरता दन्यवाद एने तान आबिवादन मोकलीन निवरावेह। \ior 4:10-23\ior*
\c 1
\p
\v 1 \x + \xo 1:1 \xo*\xt प्रेरितान काम 16:12\xt*\x*मसी यीशुन पावोर मी पौलुस एने तीमुथीयुसान उगे रेन, सोब बोगवानान माणहान नावे जा मसी यीशु माय फिलेपी हेयरा माय एकी केरीन रेतेह, मोंडलीन आदिकारी एने सेवक हेऱ्या। \fig फिलेपीन हियोर|alt="City of PhilippiHigh" src="hk00363c.tif" size="span" copy="Horace Knowles ©" ref="1:1"\fig*
\p
\v 2 आमरो बोगवान आबोख एने मालीक यीशु मसीन उगे रेन तुमूह गीण एने सान्ती जुड़ते रेय।
\s पौलुसान विन्ता एने दन्यवाद
\p
\v 3 मी जुलबुखे तुमूह एर केरने, तुलबूखे आपणा बोगवानान दन्यवाद केरने; 
\v 4 एने जेवी केदी तुमरे केरता विन्ता केरने, ते जेलेम खुसी माय विन्ता केरने। 
\v 5 काहाकाय तुमू पिल्ले दिह रेन आज वोर हाजाली खुबेर पोसरावणेन मार गोवांद्या रियेल हेते। 
\v 6 माहु जी वातीन पुरो बुरहो हे काय बोगवान तुमरी विच माय हाजो काम सुरवात किरेल तोच ताह यीशु मसीन द्‍वारे ताह आवणेन दिह वोर पुरो केरी। 
\v 7 तुमरी केरता मारो जो विचार हाजोच हे, काहाकाय तुमू मारा मोना माय आव बुहेल हेते, ज्यानकेरीन काय एने मार बोंदीम एने हाजाली खोबरीन केरता जापाप, एने प्रमाण आपणेन तुमू सोब मार हेऱ्या गीण माय बागीदार हेते। 
\v 8 ज्या माय बोगवान मारो गोवा हे काय मी मसी यीशुन गेत मोंग केरीन तुमरी आखान आसा केरथु। 
\v 9 मी ज्यी विन्ता केरथु काय तुमरो मोंग खेरली इकेल केरीन एने आखी बातीन मोना हेऱ्यो उंजु बी होवटोह वोदते जाय, 
\v 10 न्या वोर काय तुमू हाजाम रेन हाजी वातुह मोंगाल्ली जाणो, एने मसीन दिह वोर निर्दोस बोणीन रिवो, एने दोस मा मांगाड़ो; 
\v 11 एने ता देरमान फोला केरीन जा मसी यीशुन द्‍वारे हेते, बोरपुर एते जावो जाकेरीन बोगवानान बोड़ाय एने स्तुती एते रेय।
\s मालीकुस जीवाय हे
\p
\v 12 एय बाय बोणहा, मारी ज्यी आसा हे काय तुमू ज्यो जाण लिवो काय मी ज्यो विठेल हे, ताहसे हाजाली खुबेर ने बोड़ती ईयेल हे। 
\v 13 \x + \xo 1:13 \xo*\xt प्रेरितान काम 28:30\xt*\x*न्या वोर काय राजवाड़ान आखा देखरेत केरनार टोलाह, एने न्यावाला आखा माणहाम ज्यो देखाय जायेल हे, काय मी मसीन केरता जेलीम बोंदी हे; 
\v 14 \f + \fr 1:14 \fr*\ft खुबेर; थोड़ाक लेख माय बोगवानान खुबेर लिखेल हे।\ft*\f*एने मालीक माय जा बाहख एने बोणीख हेते, ता माय रेन थोड़ाक मार बोंदी एणेन वोजेसे, ईमोत केरीन बांदिन बोगवानान वचन निदड़क होमलावणेन उंजु बी साहस केरतेह। 
\v 15 थोड़ाक ते कुयराय एने राड़ीन वोजेसे मसीन पारचार केरतेह एने थोड़ाक हाजी आसा केरीन। 
\v 16 जा माणहे मोंगान वोजेसे ओहलो केरतेह, काहाकाय ज्यो जाणतेह काय मारो नियाव बोगवानान हाजाली खोबरीन राखवालीन केरनेन केरता माहु आपेल हे। 
\v 17 एने जुलूम होवटा ते खेराय माय नाह पुण स्वार्थीपोणा माय मसीन पारचार केरतेह काहाकाय ता सोचतेह काय ज्याकेरीन ता जेली माय मार केरता दुख विसती। 
\v 18 ज्या माय काय फारेक नाह पुड़ेत! एने मी ज्यासे खुस हे, मोहत्वान ते ज्यो हे काय ता तेरीका केरीन नाहते ता तेरीका केरीन ता नाहते ता खाराब उद्देशा पोर नाहते हाजाला पारचार ते मसीन ईथे, एने मी ज्या माय जेलेम खुसुस रेह।
\p
\v 19 काहाकाय माहु मालुम हे काय तुमरी विन्तान द्‍वारे, एने यीशु मसीन जीवान दानान द्‍वारे, ज्यान फोल मारो सुटकारो एय। 
\v 20 मी ते ज्यीच हार्दिक लालसा एने आसा मेलथु काय मी काल्लीस वात माय लाजवाव नाय, पुण जीहे मार मोजबुत साहस ने कारेण मसीन बोड़ाय मार सेरीरान द्‍वारे कायेम इती रियेल हे, तिहेच एवी बी एय, मी जीवतालो रेव नाहते मोर जाव। 
\v 21 काहाकाय जीवाय ज्यी काय हे? मार केरता जीवाय मसी हे। एने मोत मार केरता फायदो हे। 
\v 22 पुण केदी सेरीराम जीवतालो रेणेच मार कामान केरता फायदान हे, ते मी नाह जाणेत काय कुणीह निवाड़ने जुवे। 
\v 23 दुयान विची माय माहु निवाड़नेन तेकलीत ईथे मी जीवायीह ठोकरावीन मसी फाय जाणे आसा केरथु काहाकाय ज्यी वात मार केरता जुलूम हाजी हे। 
\v 24 पुण मारो सेरीराम रेणु तुमरी केरता जुलूम जोरेवरी हे। 
\v 25 ज्यानकेरीन काय माहु ज्यान बुरहो हे माहु मालुम हे काय मी जीवतालो रेह, एने तुमू आखा हिऱ्यो रेह। जाकेरीन तुमू बोरहा माय मोजबुत ईती जावो एने ता माय खुस रिवो; 
\v 26 एने जी मोठवाय तुमू मार बाराम केरतेह, ती मी पोशो तुमू फाय आवुह ते मसी यीशु माय होवटीह वोद जाय। 
\v 27 फोक्‍तो ओलोस किरो काय तुमरो बोलनो चालनो मसीन हाजाली खोबरीन लायेक रेय काय मी आवीन देखु, नाहते नाय बी आवो, तुमरा बाराम ज्योच हुमलो काय तुमू एकुच जीव माय थोब रेनाह, एने एक मोन एन हाजाली खोबरीन बोरहान केरता मेहनेत केरती रेतेह, 
\v 28 एने काल्लीस वातु माय विरोद केरनाराह बिय नाह, ज्यो तानकेरता खेतेमान साप निसाणी हे पुण तुमरी केरता सुटकारान एने ज्यो बोगवानान उगे रेन हे। 
\v 29 काहाकाय मसीन वोजेसे तुमू पोर जी गीण ईयेल काय ता पोर बुरहो ओलास किरो इही नाह पुण तानकेरता दुख बी विठो; 
\v 30 \x + \xo 1:30 \xo*\xt प्रेरितान काम 16:19-40\xt*\x*एने तुमूह ओहलीच मेहनेत केरनु हे, जिहकेरीन तुमू माहु केरतालो दिखेल हेते, एने एवी वोर होमेलतेह काय मी ओहलोच केरथु।
\c 2
\s मसीन गेरबोड़ाय एने मोठवाय
\p
\v 1 केदी मसी माय थोड़ीक दिलासो, एने तान मोंग माय दिर, एने जीव ने सेंगेती, एने थोड़ीक किव एने गीण हे।\f + \fr 2:1 \fr*\ft तुमरी सहबागीता जीव हेऱ्यो हे; नाहते जीव तुमूह एक दिहरान सहबागीता माय लावेह\ft*\f* 
\v 2 ते मारी ज्यी खुसी पुरी किरो काय एक मोन एन रिवो, एने एकुच मोंग, एने एकुच आसा मीलो। 
\v 3 स्वार्थ एने जुठी बोड़ायीन केरता काय मा किरो, पुण गेरबोड़ाय माय एका दिहराह सोताह रेन हाजा सुमजो। 
\v 4 एकेक सोतान केरता ओलोस नाह पुण दिहरान केरता बी चिन्ता केरी, 
\v 5 जोहलो मसी यीशुन सोबाव ईतो तुहलोच तुमरो बी सोबाव रेणे जुवे:
\q1
\v 6 \f + \fr 2:6 \fr*\ft रिवो; नाहते एय जावो।\ft*\f*जो बोगवानान वेह रूपाम एन बी तो सोताह,
\q2 बोगवानान गेत नाह सोमज्यो जा माय तो जोड़ाय जाय।
\q1
\v 7 पुण आपणे आपाह ओहलो शुन्य केर दिनो,
\q2 एने दासान वेह रूप लिदो,
\q2 एने माणहान गेणतीम एय गीयो।
\q1
\v 8 एने माणहान वेहा माय देखीन सोताह गेरबड़ो किऱ्यो, एने न्या वोर उकुमा माय रिनो काय मोत, होव,
\q2 खुरूसखाम ने मोत बी वेठ लिदो।
\q1
\v 9 ज्यास ने वोजेसे बोगवान ताह जुलूम मोठो बी किरेल,
\q2 एने ताह तो नाव आपेल जो आखा नावा माय रेन उचो हे।
\q1
\v 10 \f + \fr 2:10 \fr*\ft निचेन दुनिया; ओहलो मानतेह काय मुरेल माणहे बुईन बुंदे आदारी दुनिया माय रेतेह।\ft*\f*काय जा हेरगाम एने देरती पोर
\q2 एने देरतीन बुंदे हेते,
\q2 ता सोब यीशुन नाव से मांड्या पोड़ी,
\q1
\v 11 एने बोगवान आबाख ने बोड़ायीन केरता
\q2 एकेक जिब मान लेय काय यीशु मसीच मालीक हे।
\s उजालान गेत चुमको
\p
\v 12 ज्यानकेरीन एय मारा मोंगाल्ला, जिहकेरीन तुमू जेलेम से उकुम मानते आयेल हेते, तिहेच केरीन एवी बी नाह मार हेऱ्या रेतेन पुण खाज केरीन मी सेटो रेथु, तीबी बितेन एने कापतेन आप आपणा सुटकारान काम पुरो केरती जावो; 
\v 13 काहाकाय बोगवानुच हे जो आपणी हाजाली आसा दाड़ीन तुमरा मोना माय आसा एने काम, दुयू वातुन केरनेन पोरबाव टाकेल हे। 
\v 14 सोब काम बिगेर कुड़कुड़ावतेन एने बिगेर बोलचालान केऱ्या किरो, 
\v 15 काहाकाय तुमू जी खाराब वोसी माय बोगवानान निर्दोस सोरा बोणीन रिवो, जान विची माय तुमू जीवायीन वचन लेतेन दुनिया माय हेलेगताला दिवान गेत देखातेह। 
\v 16 काय मसीह जीव उठणेन दिह माहु मोठवाय केरनेन कारीन रेय काय नाह मारो दोवेड़नो एने नाह मारो मेहनेत केरनो उदेड़ एनो। 
\v 17 केदी माहु तुमरा बोरहान रूप बोलीदान एने सेवा हेऱ्यो आपणी लुय बी वोयाड़ने पोड़ी, तीबी मी खुस हे एने तुमू आखा हिऱ्यो खुसी वाटथु। 
\v 18 तिहेच तुमू बी खुस रिवो एने मार हेऱ्या खुसी किरो।
\s तीमुथीयुस एने इपफ्रुदीतुस
\p
\v 19 माहु मालीक यीशु माय आसा हे काय मी तीमुथीयुसाह तुमू फाय चालोच मोकलुह, काय तुमरो हाल होमलीन माहु हुक जुड़ी। 
\v 20 काहाकाय मार फाय ओहला काल्लोस माणुह नाह सोतो, जो खेराय माय चोखाला मोना केरीन तुमरी बोलायीन बारा माय चिन्ता केरी। 
\v 21 काहाकाय सोब सोतान कामाम लागेल हेते, नाह काय यीशु मसीन। 
\v 22 पुण ताह तुमू पारखेल एने जाण बी लियेल हेते काय जीहे सोरो आबाख हेऱ्यो केरने, तोहलोच तु हाजाली खोबरीह पोसार ने मार हेऱ्यो मेहनेत किरेल। 
\v 23 तानकेरीन माहु आसा हे काय जीहे माहु मालुम पुड़ील काय मारो काय एण्यो हे, तिहेच मी ताह तुमू फाय चालोच मोकली देह। 
\v 24 एने माहु मालीक माय बुरहो हे काय मी सोता बी तुमूह मिलने उतवाल्युह आवुह। 
\v 25 पुण मी इपफ्रुदीतुसाह जो मारो बाहख हे, एने मोदेक केरनार एने हाती लेड़ानार एने तुमरो खुबर्‍यो, एने गेरजीन वातु माय मारी सेवा केरनार हे, तुमू फाय मोकेलनेन जोरेवरी सोमज्यो। 
\v 26 काहाकाय तान मोन तुमू सोबा माय लागेल एतो, तानकेरीन तु दुख माय रेतालो काहाकाय तुमू तान बेमारीन हाल होमलेल एता। 
\v 27 एने खेरीच तो दुखाऱ्यो ते एय जायेल ईतो न्या वोर काय मोरने केरतालो, पुण बोगवान ता पोर किव किऱ्यो, एने ता पोर ओलोस नाह पुण मार पोर बी काय माहु दुखा पोर दुख नाय एय। 
\v 28 तानकेरीन मी ताह मोकेलनेन पोशो बी कोसीत किऱ्यो काय तुमू ताह पोशा मिलीन खुस एय जावो एने मारो बी दुख कोम एय जाय। 
\v 29 तानकेरीन तुमू मालीक माय ता हेऱ्या जुलूम खुसी माय मिलाज्यो, एने ओहलान आदर केऱ्या किरज्‍यो, 
\v 30 काहाकाय तो मसीन कामान केरता तान जीवा पोर वेला विसीन मोतीन आहने आव लागेल ईतो, काहाकाय जी कोमी तुमरी उगे रेन मार सेवा माय ईयेल एती तीह पुरी केरी।
\c 3
\s खेरलो न्यायीपण
\p
\v 1 तानकेरीन एय मारा मोंगाल्ला बाय बोणहा, मालीक माय खुस रिवो। तीस वातु तुमूह जाहार ताहार लेखणेन माहु काय तेकलीत नाह एत, एने ज्या माय तुमरी बोलाय हे, 
\v 2 चिताह रेन होमालीन रिवो, ता खाराब काम केरनाराह रेन होमालीन रिवो, ता काट कुट केरनाराह रेन होमालीन रिवो। 
\v 3 काहाकाय खेतनावाला आपुस हेते, जा बोगवानान जीवान अगुवाई माय बोक्ती केरतेह, एने मसी यीशु पोर मोठवाय केरतेह, एने सेरीरा पोर बुरहो नाह केरती। 
\v 4 पुण मी ते सेरीरा पोर बी बुरहो मेल सेकथु। केदी कुणीह सेरीरा पोर बुरहो मेलनेन विचार एय, ते मी ताह रेन बी वोदार बुरहो मेल सेकथु। 
\v 5 \x + \xo 3:5 \xo*\xt रोमीयो 11:1; \xt*\xt प्रेरितान काम 23:6; 26:5\xt*\x*आठवे दिह मारो खेतना ईयेल, इस्राएलान वोस एने बिन्यामीनान गेराणान हे; इब्रानीन इब्रानी हे; कायदान बाराम केय ताहार फरिसी हे। 
\v 6 \x + \xo 3:6 \xo*\xt प्रेरितान काम 8:3; 22:4; 26:9-11\xt*\x*तिवारान बाराम केदी केय ताहार मोंडलीह वेला केरावणार; एने कायदान देरमीपोणान बाराम केदी केय ताहार निर्दोस ईतो। 
\v 7 पुण जी जी वातु मार फायदान एती, तिहेच मी मसीन वोजेसे दुको सोमजी लियेल हे। 
\v 8 मी आपणा मालीक मसी यीशुन ओलखातीन उत्तमतान वोजेसे सोब वातुह दुको सोमेजथु। ज्यान वोजेसे मी सोब वोस्तुन हानी विसेल, एने ताह कोचरो सोमेजथु, काहाकाय मी मसीह सापड़ावु। 
\v 9 एने ता माय देखाय जाव; नाह काय ता देरमीपोणा हिऱ्यो, जी नेमाम हे, पुण ता देरमीपोणा हिऱ्यो जो मसी पोर बुरहो केरनेन वोजेसे हे, एने बोगवानान उगे रेन बुरहो केरने से जुड़ेह; 
\v 10 काहाकाय मी ताह एने तान पोशो जीव उठणेन ताकेतीह, एने तान दुखान सेंगेतीह जाणु, एने तान मोतीन बाराबोरीह सापड़ावु, 
\v 11 काहाकाय मी किहीक बी केरीन मुरेल माय रेन जीव उठणेन पोद वोर पुचो।
\s निसाणीन उगे दोवेड़नो
\p
\v 12 ज्यो मतलब नाह काय मी सापड़ाव लियेल हे, नाहते खेरलो बोण जायेल हे; पुण ती वोस्तुह देरनेन केरता दोवड़ीन जाथु, ज्यानकेरता मसी यीशु माहु दिरेल ईतो। 
\v 13 \f + \fr 3:13 \fr*\ft नाह; थोड़ाक लेख माय एवी नाह लिखेल हे।\ft*\f*एय बाय बोणहा, मारो विचार ज्यो नाह सोतो काय मी देर लियेल हे; पुण ज्यो ओलोस एक काम केरथु काय जी वातु पासाण रेय जायेल हेत्यु तीह विहरीन, ओंगाणली वातुन उगे चालतेन, 
\v 14 निसाणीन उगे दोवड़ीन जाथु, काय तो ईनाम सापड़ावु ज्यानकेरता बोगवान माहु मसी यीशु माय उपेर हादेल हे। 
\v 15 आपु माय रेन जोलाक खेरा हेते, ज्योस विचार केरी, केदी एगदी वात माय तुमरो आंगेच विचार एय ताहार बोगवान ताह बी तुमू पोर देखाड़ देय। 
\v 16 तानकेरीन जा वोर आपु पुचील हेते, ताच ने गेत चाले। 
\v 17 \x + \xo 3:17 \xo*\xt 1 कुरिंथीयो 4:16; 11:1\xt*\x*एय बाय बोणहा, तुमू आखा मिलीन मार गेत चाल चालो, एने ताह उलखो जा ज्यी रिती पोर जीवतेह, जान उदारण तुमू आमरे माय देखतेह; 
\v 18 काहाकाय होवटास हेते, जा इहकेरीन जीवतेह, जान वात मी तुमूह जाहार ताहार किरेल हे, एने एवी बी रेड़ी रेड़ीन केथु काय ता सोतान बोलनो चालना केरीन मसीन खुरूसखाम ने विरोदी हेते। 
\v 19 तान सेवेट खेतेम हे, तान देव पेट हे, ता आपणी लाजीन वातु पोर मोठवाय केरतेह, एने देरतीन वोस्तु पोर मोन लागाड़ीन रेतेह। 
\v 20 पुण आपणो सोतान देस हेरगा माय हे; एने आपु एक सुटकारो आपणार मालीक यीशु मसीन ता रेन आवणेन वाट जोवतेह। 
\v 21 तु तान ताकेतीन ता पोरबावान गेत जाकेरीन तो आखी वोस्तुह तान आदिकार माय केरनार, आपणा मुरेल सेरीरान वेह बोदलीन, तान बोड़ायीन सेरीरान गेत बोणाव देय।
\c 4
\s निर्देश
\p
\v 1 तानकेरीन एय बाय बोणहा, तुमू मारा कोलाक मोंगाल्ला हेते, जी मारी खुसी एने मुकूट एय, मालीक माय इहीचकेरीन थोबीन रिवो
\p
\v 2 मी यूओदियाह एने सुन्तुखे तुमू दुयाह बी विन्ता केरथु काय मालीक माय बोणीख ने गेत एका दिहरा हेऱ्या सहमती बाणावीन रिवो। 
\v 3 एय खेरला हाती, मी तुवा बी विन्ता केरथु काय तु त्यु बायकुन मोदेक केर, काहाकाय त्यु मार हेऱ्यु हाजाली खुबेर फेहलावणेन, क्लेमेंस एने मारा दिहरा हाती हेऱ्यु मेहनेत किरेल, जान नाव जीवणान पुस्तेक माय लिखेल हेते। 
\v 4 मालीक माय एक एन कायेम खुस रिवो; मी पुशो केथु, खुस रिवो। 
\v 5 तुमरी कोमलता आखा माणहा पोर देखाय। मालीक जेल्दी आवण्यो हे। 
\v 6 काल्ली बी वातुन चिन्ता मा किरो; पुण एकेक वात माय तुमरो निवेदन, विन्ता एने विन्तान द्‍वारा दन्यवाद हेऱ्यो बोगवानान ओंगाण मेलाय जाय। 
\v 7 तेवी बोगवानान हुक, जो आखा होमेजाह रेन आंगे हे, तुमरा मोनाह एने तुमरा विचाराह मसी यीशु माय एक एणेन द्‍वारा होमालीन मेली। 
\v 8 ज्यानकेरीन एय बाय बोणहा, जी जी वातु खेरली, आदरणीय, हाज्यी, चोखाली, मोनाह पुटी तोहली, मतलब जी बी हाजा गुण एने स्तुतीन लायेक वातु हेत्यु, त्यु पोर द्यान लागाड्या किरो। 
\v 9 जी वातु तुमू माह फाय रेन हिकेल हेते, एने स्वीकार किरेल हेते, त्यीह तुमरा आचारण माय लावो। एने होमलेल हेते, एने मार माय दिखेल हेते, तास ने पालेन केऱ्या किरो, तेवी बोगवान जो हुकान जिर हे, तुमरी हिऱ्यो रेय।
\s दान ने केरता दन्यवाद
\p
\v 10 मी मालीक माय जुलूम खुस हे काय एवी ओला दिह्यान पासाण तुमरी चिन्ता मार बारा माय पोशी देखाड़णेन गालो जुड़ेल हे; खेरीच तुमूह पेलुच बी ज्यान विचार एतो, पुण तुमूह टेम नाह जुड़नो। 
\v 11 ज्यो नाह काय मी मारी कोमीन कारीन ज्यो केथु; काहाकाय मी ज्यो हिकेल हे काय जी हाल माय हे; तास माय खुसी केरू। 
\v 12 मी अनुबव किरेल हे, काय कोमी काय हे एने जादा काय हे; एकेक वात एने सोब हाल माय मी बुखल्यो रेणे, एने एकेक हाल माय का बी काहरी बी सोब हाल माय आफरीन रेणो मी हिकेल हे। 
\v 13 जो माहो ताकेत आपेह तान द्‍वारे मी आखो काय केर सेकथु। 
\v 14 तीबी तुमू हाजो किरेल काय मारा दुखा माय मारा हाती बोणना। 
\v 15 एय फिलेपियो, तु सोता बी जाणेह काय हाजाली खोबरीन पारचारान पेल, जेवी मी मकादुनिया माय रेन गीयो, तेवी तुमूह सोड़ीन उंजु काल्ली मोंडली लेणा देणान बाराम मारी मोदेक नाह केरी। 
\v 16 \x + \xo 4:16 \xo*\xt प्रेरितान काम 17:1\xt*\x*\x + \xo 4:16 \xo*\xt 2 कुरिंथीयो 11:9\xt*\x*इहकेरीन जेवी मी थिस्सलुनिक्यो माय ईथे, तेवीह बी तुमू मारी कोमी पुरी केरनेन केरता एकाह रेन जास्ती वार काय पुण मोदेक लेन मुकलेल एता। 
\v 17 ओहलो नाह काय मी बोकसीस ने आसा केरथु, पुण मी ओहलो दान होदथु जो तुमरा तुमरा खाता माय जोमा केरू। 
\v 18 मार फाय आखो काय हे, एने जुलूम बी हे; जी वोस्तु तुमू इपफ्रुदीतुस ने आथे ली मुकलेल एता त्युह देरीन मी आखरी गीयोह, तो ते सुखदायक सुगन्द, लेय लेणेन लायेक बोलीदान हे, जो बोगवानाह पुटीह। 
\v 19 मारो बोगवान बी तान ता मालदेनान गेत जो बोड़ाय हेऱ्यो मसी यीशु माय हे, तुमरी एकेक कोमीह पुरो केरी। 
\v 20 आमरो बोगवान एने आबाख ने बोड़ाय कायेम इती रेय। आमेन।
\s सेवल्यो नमस्‍कार
\p
\v 21 एकेक बोगवानान माणहाह, जा मसी यीशु माय हेते नमस्‍कार किवो। जा बायाख एने बोणीख मार हेऱ्या हेते, तुमूह नमस्‍कार केतेह। 
\v 22 आखा बोगवानान माणहे, खास केरीन जा केसर ने गेराणान हेते, तुमूह नमस्‍कार केतेह। 
\v 23 आमरा मालीक यीशु मसीन गीण तुमू माणहा पोर इती रेय