\id GAL - Nahali
\ide UTF-8
\h गलातीयो
\toc3 गलातीयो
\toc2 गलातीयो
\toc1 गलातीयो पौलुस लिखेल पोत्रो
\mt2 गलातीयो पौलुस ने लिखा हुआ पत्र
\mt1 गलातीयो पौलुस लिखेल पोत्रो
\imt ओलखात
\ip गलातीयान पुस्तेकीह प्रेरित पौलुस \xt 1:1\xt* लिखेल ईतो। ज्यो एक पोत्र एतो जो पौलुस यीशु मसीन जेल्मान 48-57 वोरह्यान विची माय लिखेल ईतो। गलातीया माय रेणारे रोमन ईलाकान गलातीयो माय रेणारे माणहे एता। जाणकाराह मालुम नाह सोतो काय जेवी पौलुस पोत्र लिखेल ईतो तेवी तो काहरी ईतो, पुण इफिसुस एने कुरिंथीयो ज्या दुय हेयरान आंदासान जागो हे।
\ip पौलुस विश्वासी एने बिगेर यहुदि दुयूह हिकाड़नेन केरता गलातीयोन मोंडलीन बारा माय लिखेल हे, तो खास केरीन गेलेत सिक्शान सामनो केरनेन केरता लिखेल ईतो, जा माय कियेल ईतो काय विश्वासीह जुनाला नेम माय यहुदि कायदाह पालने जोरवरी नाय मिले, खास केरीन खेतना। जुड़ाइजर नावान विश्वासीन विची माय माणहान एक टुलो ईतो, जाह बिगेर यहुदि विश्वासीह खेतना केरनेन गिरेज एती। ता पौलुसान एपोस्टोलिक प्रदाकारणाह बी सावाल माय कियेल हे। पौलुस तान थोड़ीक वातु \xt 1:11–2:14\xt* माय किन तान देरमाह वोचाड़ेल हे, एने तो ज्यो सोमजाड़ीन हाजाली खोबरीह वोचाड़ेल हे काय सुटकारो यीशु मसी हे। \xt 2:16\xt*
\iot रूपरेखा
\io1 1. पौलुस तान पोत्रान सुरवात गलातीयोन मोंडलीह केरीन किरेल हे। \ior 1:1-5\ior*
\io1 2. तेवी पौलुस हिकाड़नेन तान आदिकारान राखवाली केरने एने देखाड़नेन केरता सोतान देशान बारा माय कियेल हे तो कायदा लेन जीवणेन कोसीत किरेल ईतो पुण तो काम नाह केरतालो। \ior 1:6–2:21\ior*
\io1 3. ओंगाण तो सुटकारो एने कायदो एने दया बुमिकान व्याख्या किरेह। \ior 3–4\ior*
\io1 4. ओवतो तो एक हाजो मसीह जीवणो जीवणेन केरता थोड़ीक वातु किथे। \ior 5:1–6:10\ior*
\io1 5. पौलुस तान पोत्राह एक आबिवादन एने आखरी वातु किन निवरावेह काय ज्यो एर मेलनेन केरता काय बोगवानान उगे रेन नोवाला माणहाह बोदेलने जुलूम जोरवरी हे, बाहेरल्या नेम जो काय खेतना केराय जाणो। \ior 6:11-18\ior*
\c 1
\p
\v 1 मी पौलुसान उगे रेन प्रेरित जो नाह माणहान उगे रेन एने नाह माणहान द्‍वारा निवोड़नो, पुण यीशु मसी एने आबोख बोगवानान द्‍वारा जो यीशुह मुरेल माय रेन जीवाड्यो। 
\v 2 एने आखा बायाख ने उगे रेन जा मार हेऱ्या हेते, गलातीयान मोंडलीह नमस्‍कार मोकेलतेह।
\p
\v 3 आपणो आबोख बोगवान एने मालीक यीशु मसीन उगे रेन तुमूह गीण एने सान्ती जुड़ते रेय।
\p
\v 4 जो आपणा पापान केरता सोताह आप दिनो, काहाकाय आपणो बोगवान एने आबाख ने मोरजीन गेत आपुह ज्यी एवीन खाराब दुनिया से सोड़वे। 
\v 5 तान बोड़ाय जेलेम एते रेय। आमेन।
\s काल्ली दिहरी हाजाली खुबेर नाह
\p
\v 6 माहु आश्‍चर्य ईथे काय जो तुमूह मसीन गीण माय हाद्यो ताह तुमू ओला उतवाल्या एगदी दिहरीस हाजाली खोबरीन केरता बोटेकणे बाजरेनाह।\f + \fr 1:6 \fr*\ft मसीन गीण से; थोड़ाक लेख माय तान गीण से लिखेल हे।\ft*\f* 
\v 7 पुण “दिहरी हाजाली खुबेर सोतीस नाह,” पुण वात ज्यी हे काय थोड़ाक माणहे ओहला हेते जा तुमूह गाबराव देतेह, एने मसीन हाजाली खोबरीह बिगाड़ ने होदतेह। 
\v 8 पुण केदी आमु, नाहते हेरोगदुत बी ती हाजाली खोबरीह सोड़ीन जी आमु तुमूह होमलाड़ेल हेते, एगदी दिहरी हाजाली खुबेर तुमूह होमलाड़े ताहार हाराप एय। 
\v 9 जीहे आमु पेल कियेल हेते, तिहेच केरीन मी एवी उंजु केथु काय ती हाजाली खोबरीह सोड़ीन जीह तुमू स्वीकार किरेल हेते, केदी एगदी दिहरी हाजाली खुबेर होमलाड़ेह, ताहार हाराप एय!
\p
\v 10 काय ज्याकेरीन ओहलो लागेह काय मी माणहाह मानथु काय बोगवानाह? काय मी माणहाह खुस केरनेन कोसीत केरने कोसीत केरथु? केदी मी माणहास खुस किरतो, ताहार मी मसीन सेवक नाय बोण सेकतो।
\s पौलुस किहीक प्रेरित बोणेल
\p
\v 11 एय बाय बोणहा, मी तुमूह केय दिथो काय जी हाजाली खुबेर मी होमलाड़ेल हे ती माणहान उगे रेन नाह। 
\v 12 काहाकाय ती माहु काल्ला माणहान उगे रेन नाह पोचनी, एने नाह माहु एगदो हिकाड़ेल, पुण यीशु मसीन द्‍वारा देखानी।
\p
\v 13 \x + \xo 1:13 \xo*\xt प्रेरितान काम 8:3; 22:4,5; 26:9-11\xt*\x*यहुदि देरमा माय जो पेल मारो बोलनो चालनो एतो, तान बाराम तुमू होमेल लियेल हेते काय मी बोगवानान मोंडलीह जुलूम वेला केरायेल एने खेतेम केरतालो। 
\v 14 \x + \xo 1:14 \xo*\xt प्रेरितान काम 22:3\xt*\x*मारा जुलूम होवटा जातीवालाह जा मारी वोयावाला एता, यहुदि देरमा माय जुलूम वोदते जाताला एने मारा डायडायान रितीन केरता उत्साही ईतो।
\p
\v 15 \x + \xo 1:15 \xo*\xt प्रेरितान काम 9:3-6; 22:6-10; 26:13-18\xt*\x*पुण बोगवान तान गीणीन द्‍वारा माहु मारी आईख ने पेटास माय रेन निवाड़ लिदो, एने हाद्यो काहाकाय मी तान सेवा केर सेकु, 
\v 16 जेवी तो निर्णय लिदो काय तान सोराह मार माय देखाड़ी काय मी बिगेर यहुदि माय तान हाजाली खुबेर होमलाडु, ते मी काल्ला माणहान मोदेक नाह लिदो। 
\v 17 एने नाह मी ता फाय गीयो जा माहु रेन पेल यरूशलेम माय प्रेरित निवड़ायेल एता, पुण मी अरब माय जात रिनो, एने ता रेन पोशो दमिश्‍क माय वोलीन आवतरनो।
\p
\v 18 \x + \xo 1:18 \xo*\xt प्रेरितान काम 9:26-30\xt*\x*ओवतो तीन वोरह्या बाद मी पतरसा हिऱ्यो मिलनेन केरता यरूशलेम गीयो, एने ता फाय पोंदरा दिह वोर रिनो। 
\v 19 \f + \fr 1:19 \fr*\ft याकुबाह सोड़ीन दिहरो काल्लो बी प्रेरित; नाहते काल्लो बी प्रेरित नाह, जा दिहरा एदम्याह मी दिखेल ईतो तो याकुब ईतो।\ft*\f*पुण मालीकान बाहख याकुबाह सोड़ीन काल्ला दिहरा प्रेरिताह नाह मिलनो। 
\v 20 बोगवान मारो गोवा हे काय ज्‍यु वातु मी तुमूह लेखथु, त्यु जुठ्यु नाह। 
\v 21 तान बाद मी सीरीया एने किलीकीयान फोलाम आवो। 
\v 22 पुण यहुदियान मोंडली जा मसीन बोरहाम हेते, माहु व्यक्तिगत रूप से केदी नाह मीलना; 
\v 23 पुण मार बाराम जाणताला काय जो आपुह पेल वेला केरावतालो, “तो एवी तास बोरहान हाजाली खुबेर होमलाड़ेह जीह पेल खेतेम केरतालो।” 
\v 24 एने ता मार बाराम बोगवानान बोड़ाय केरताला।
\c 2
\s दिहरा प्रेरितान द्‍वारा पौलुसाह मान्यता
\p
\v 1 \x + \xo 2:1 \xo*\xt प्रेरितान काम 11:30; 15:2\xt*\x*चोवदा वोरह्या बाद मी बरनबासा हिऱ्यो पोशो यरूशलेम माय गीयो, एने तीतुसाह बी आरही ली गीयो। 
\v 2 बोगवानान मारो जाणो बोगवानान गेत एनो, एने जी हाजाली खुबेर मी बिगेर यहुदि माय पारचार केरथु, तीह मी ताह केय दिनो, पुण कुवालोच ताह जा मोटला सोमजाय जाताला, काहाकाय इही नाय एय काय मारी ज्यी टेमीन नाहते पासाणली दोवेड़ फालतुक ठेराय। 
\v 3 पुण तीतुसाह बी जो मारो मोदेक केरनार हे, एने जा बिगेर यहुदि हेते, खेतना केरावणेन ता पोर दाबाव नाह टाक्‍यो। 
\v 4 एने ज्यो ता जुठा बायह्याख ने वोजेसे एनो जा लिकाएन रिग जायेल एता, काय आपणी ती स्वतंत्रान जा मसी यीशु माय आपुह जुड़ेल हे, जाणकारी लेन आपुह गुलाम बाणावी। 
\v 5 आमु तान आदिन ता माय गुटण्या नाह टेक्या, ज्यानकेरता काय हाजाली खोबरीन खेराय तुमरे माय बोणीन रेय। 
\v 6 पुण जा माणहे खाज लागतेह ता कोहलाक बी एता माहो ताहसे काय फारेक नाह फुड़ीत बोगवान कुणी बाहेरल्यो रूप देखीन कुणी नियाव नाह केरने ता से जा आपणे आपणा खाज केवाताला ता से माहु काय फायदो नाह ईनो। 
\v 7 पुण ज्यान उलटो जिहकेरीन यहुदि माणहाह हाजाली खुबेर केणेन काम पतरसाह होपायेल, तिहेच केरीन बिगेर यहुदि माणहान केरता माहु हाजाली खुबेर होमलावणेन होपायेल हे। 
\v 8 काहाकाय जो पतरस खेतना वालान माणहाह प्रेरिताईन काम मोटलो प्रबावा बेल केरायो, तोस माहु बी बिगेर यहुदि माय प्रबावशाली काम केरायो, 
\v 9 एने जेवी ता ती गीण माहो बोगवाना फाय रेन जुड़ेल एती, ओलख्या जी माहु ते याकुब, केफा एने योहान जा मोंडलीन खाम सोमजाय जाताला, माहु एने बरनबासाह सेंगेतीन जीवड्यो आथ आप्या काय आमु बिगेर यहुदि माय एने, ता खेतनावाला माय काम केरी। 
\v 10 \f + \fr 2:10 \fr*\ft आहने हे; नाहते आहने ईतो।\ft*\f*फोक्‍तो आमु जाह जोरवुत हे ताह आपणो, ओहली तान मोरजी एती; एने ज्यास कामाह केरनेन मी खुद कोसीत केरतालो।
\s पौलुसान द्‍वारा पतरसान विरोद
\p
\v 11 पुण जेवी पतरस अन्ताकियाम आवो, ते मी आखान सामने तान विरोद किऱ्यो, काहाकाय तान गेलती साप साप एती। 
\v 12 काहाकाय याकुबान द्‍वारे मोकलायेल थोड़ाक माणहे न्या आवणेन पेल पतरस बिगेर यहुदि बुरहो केरनारा हिऱ्यो खाणो खाया केरतालो, पुण जेवी ता माणहे आवा पतरस बिगेर यहुदि बुरहो केरनारा हिऱ्यो रेन सिटो ईनो एने ता हिऱ्यो खाणे पिणेन सोड़ दिनो ज्यो तु ता माणहान बिय माय किरेल काय ता होदताला बिगेर यहुदिन खेतना एणे जुवे। 
\v 13 दिहरा यहुदि माणहे बी ज्या कोपेट माय पतरसान साथ देना, न्या वोर काय बरनबास बी ता माणहान कोपेट ने कारेण बोटेक गीयो। 
\v 14 पुण जेवी मी दिख्यो काय ता हाजाली खोबरीन खेराय पोर हुतरा नाह चालते, ते मी आखान सामने पतरसाह केयो, “जेवी तु यहुदि एन बिगेर यहुदिन गेत जीवनो जिवेह यहुदिन गेत नाह ताहार तु बिगेर यहुदिह यहुदिन गेत चालनेन काहा किथे?”
\s बोरहान द्‍वारा देरमी ठेराणो
\p
\v 15 आमु ते पायदा सेस यहुदि हेते, एने पापी बिगेर यहुदि माय रेन नाह। 
\v 16 \x + \xo 2:16 \xo*\xt रोमीयो 3:20; \xt*\xt रोमीयो 3:22\xt*\x*आमु जाणतेह काय माणुह नेमान कामा केरीन नाह पुण मसी यीशु पोर बुरहो केरनेन द्‍वारा देरमी ठेराथे, आमु खुद मसी यीशु पोर बुरहो केऱ्या काय आमु नेमान कामा केरीन नाह, पुण मसी पोर बुरहो केरने से देरमी ठेराय; ज्यानकेरता काय नेमान कामा केरीन काल्लो बी माणुह देरमी नाय ठेराय जाय। 
\v 17 आपु जा मसी माय देरमी ठेराणे होदतेह, केदी सोतास बिगेर यहुदिन गेत पापी निकल्या ते काय मसी पापान सेवक हे? केदिस नाह! 
\v 18 काहाकाय जो काय मी पाड़ दिनो केदी ताहास पोशो बाणावथो, ताहार सोताह गुनेगार ठेरावथो। 
\v 19 काहाकाय मी ते नेमान द्‍वारा नेमान केरता मोर गीयो काय बोगवानान केरता जीवो। मी मसी हिऱ्यो खुरूसखाम पोर चेड़ावाय जायेल हे, 
\v 20 एने एवी मी जीवतालो नाह रिनो, पुण मसी मार माय जीवतालो हे; एने मी सेरीर माय एवी जो जीवतालो हे, ते फोक्‍तो ता बोरहा केरीन जीवतालो हे जो बोगवानान बेटाख पोर हे, जो माहु मोंग किऱ्यो एने मार केरता सोताह आप दिनो। 
\v 21 मी बोगवानान गीणीह नाह नाकारणे। पुण केदी काल्लो माणुह नेमान द्‍वारा देरमी रेतो, ते ज्यान मतलब ज्यो हे काय मसीन मोरनो व्यर्थ रेतो।
\c 3
\s नेम एने बुरहो
\p
\v 1 एय विणएकल्या गलातीयावाला, कुण तुमूह मोह लियेल हे? तुमरे डोलान सामने यीशु मसी ते खुरूसखाम पोर हुतरोच देखाड़ाय जायेल ईतो। 
\v 2 मी तुमरे फाय रेन फोक्‍तो एक वात जाणने होदथु काय तुमू जीवाह काय नेमान कामा केरीन, काय हाजाली खुबेर होमेलने से एने बुरहो केरने से जुड़नो? 
\v 3 काय तुमू ओला विणएकल्या किहीक बोणतेह! बोगवानान जीवान द्‍वारा सुरवात केरतेह; एने एवी तुमरी ताकेती केरीन पुरा केरने होदतेह? 
\v 4 काय तुमू ओलो दुख बिगेर कामान वेठ्या? पुण खेरीच बिगेर कामान नाह। 
\v 5 जो बोगवान तुमूह जीव आपेह एने तुमरे माय ताकेतीन काम किरेह, तो काय ज्यानकेरता किरेह काय तुमू नेमाह पालतेह, काय ज्यानकेरता काय तुमू हाजाली खोबरी पोर बुरहो केरतेह?
\p
\v 6 \x + \xo 3:6 \xo*\xt रोमीयो 4:3\xt*\x*“जीहे अब्राहामान अनुबवान बाराम पुस्तेक माय लिखेल हे तो बोगवाना पोर बुरहो किऱ्यो एने ज्यो तानकेरता देरमी ठेरानो।” 
\v 7 \x + \xo 3:7 \xo*\xt रोमीयो 4:16\xt*\x*केरीन जाज्यो सोमजी लिवो काय जा बुरहो केरतेह, तास अब्राहाम ने सोरा हेते। 
\v 8 एने चोखाली पुस्तेक पेलुस ज्यो जाणीन काय बोगवान बोरहान द्‍वारा बिगेर यहुदिह देरमी ठेरावी। पुस्तेक माय पेलुस रेन अब्राहामाह ज्यी हाजाली खोबरीन गोसणा केर दिनो: “काय तार माय जुलूम माणहाह बोरकेत जुड़ी।” 
\v 9 तानकेरता जोला माणहे बुरहो केरतेह, ता विश्वासी अब्राहामा हेऱ्या बोरकेत सापड़ावतेह।
\p
\v 10 पुण जोलाक माणहे नेमान पालेन केरीन जीवतेह, ता आखा हारापान काबाम हेते। काहाकाय पुस्तेक माय लिखेल हे, “जो कुण नेमान पुस्तेक माय लेखायेल आख्‍यु वातु पालेन केरने माय स्थिर नाह रेत, तो बोगवानान हारापान ताबाम हे। 
\v 11 केरीन ज्यो साप हे काय नेमान द्‍वारा बोगवानान नेजरी माय कुण देरमी नाह ठेरात काहाकाय पुस्तेक किथे देरमी माणुह बोरहा केरीन जीवतालो रेय।\f + \fr 3:11 \fr*\ft बोरहान द्‍वारे बोगवाना हेऱ्यो एक एणेन कारेण दुनिया माय ने; नाहते बोगवाना हेऱ्यो खेरो केराय जाणेन कारेण बोरहान द्‍वारे दुनिया माय ने।\ft*\f* 
\v 12 पुण नेमान बोरहा हेऱ्यो काय नातो नाह। पुण जो ताह मानी, तो तान साहारे जीवतालो रेय।” 
\v 13 मसी आपणी केरता हाराप वालो बोणनो, काहाकाय आपुह वेचातो लेन नेमान हारापाह रेन सोड़व्यो काहाकाय पुस्तेक माय लिखेल हे, “जो कुण जाड़ा पोर लेटकाड़ाय जाथे तो हाराप वालो हे।” 
\v 14 ज्यो ज्यानकेरता एनो काय अब्राहाम ने बोरकेत मसी यीशु माय बिगेर यहुदि वोर पोची एने आपु बोरहान द्‍वारा ता जीवाह सापड़ावे जान वायदो बोगवान किरेल हे।
\s नेम एने वाचा
\p
\v 15 एय बाय बोणहा, एवी मी तुमूह देयनदिन एक किस्सो आपणे जाणे बाजरिनोह जिहकेरीन एगदा दुय माणहा द्‍वारा एगदो वायदो केराणे पोर नाह ते ताह बोंद केराय जाथे, एने नाह ता माय गेटाड़ाय जाय सिकेह एने नाह काह वोदाड़ाय जाय सिकेह। 
\v 16 केरीन बोगवान अब्राहाम एने तान वोचीह वायदान बाराम आपेल। तो ज्यो नाह केत, “वोचीह,” जीहे जुलूम जाणान बाराम केयो, पुण ज्यान बोदले एकास ने उगे “तारे वोचीह” एने तो एक मसी हे। 
\v 17 पुण मी ज्यो केथु जो वायदो बोगवान पेलुस रेन पाकी किरेल एती, तीह नेम चार होव तीस वोरह्यान बाद आवणार नेम नाह बोदेल सिकेत काय वायदो बिगेर कामान ठेराय। 
\v 18 \x + \xo 3:18 \xo*\xt रोमीयो 4:14\xt*\x*काहाकाय बोगवानान उत्तर आदिकारान नेमा पोर रेन सापड़ेल हे ताहार ओवतो वायदो केरीन नाह, पुण बोगवान अब्राहामाह वायदान द्‍वारा आप दियेल हे।
\p
\v 19 ताहार ओवतो नेमान उद्देश काय ईतो? तो ते गुनेगारान वोजेसे बाद माय आपानो काय ती वोचीह आवणे वोर रेय, जाह वायदो आपायेल एतो; एने नेम हेरोगदुतान द्‍वारा एक मद्यस्थान वेहा माय मुसान मोदेकी केरीन आथे ठेराय गीयो। 
\v 20 मद्यस्थ ते दुयान विचीम रीथे, पुण बोगवान एकुस हे।\f + \fr 3:20 \fr*\ft एने बोगवान एक हे; नाहते एने बोगवान एखालोच काम किरेह।\ft*\f*
\s नेम ने उद्देश
\p
\v 21 ताहार काय नेम बोगवानान वायदान विरोद माय हे? केदिस नाह! काहाकाय केदी ओहलो नेम आपाय जातो जो जीवणो आप सिकेह, ताहार खेरीच देरमी पोण नेमा केरीन रेती। 
\v 22 पुण चोखाली पुस्तेक आखाह पापान ताबाम केर दिनो, काहाकाय तो वायदो जो बोरहान द्‍वारा यीशु मसीम हे, बुरहो केरनारान केरता पुरी एय जाय।
\p
\v 23 पुण बोरहाह आवणेन पेल नेमान काबा माय आपणी देखरेत एताली, एने ता बोरहाह आवणे वोर जो देखाण्यो ईतो, आपु तास ने बोंदेन माय रेहु। 
\v 24 तानकेरता नेम मसी वोर पोचाड़नेन केरता आपणो मास्तेर ईयेल हे काय आपु बोरहा केरीन देरमी ठेराहु। 
\v 25 पुण जेवी बुरहो आव लागो, ताहार आमु एवी नेमान काबाम नाय रिज्यो। 
\v 26 काहाकाय तुमू आखा ता बोरहान द्‍वारा जो मसी यीशु पोर हे, बोगवानान सोरा हेते। 
\v 27 एने तुमरे माय रेन जोलाक मसी माय बपतीस्मा लियेल हेते, ता आखा मसी माय एक एय जायेल हेते। 
\v 28 एवी नाह कुण यहुदि हे एने नाह बिगेर यहुदि, नाह कुण गुलाम हे एने नाह स्वतंत्र, नाह कुण एदमी हे एने नाह बायकु, काहाकाय तुमू आखा मसी यीशु माय एक हेते। 
\v 29 \x + \xo 3:29 \xo*\xt रोमीयो 4:13\xt*\x*एने केदी तुमू मसीन हेते ताहार अब्राहाम ने वोच एने वायदान गेत वारीस बी हेते।
\c 4
\p
\v 1 मी ज्यो केथु काय वारीस जाह वोर सोरो हे, पुण आखी चिजीन मालीक हे, तीबी ता माय एने गुलाम माय काय फारेक नाह रेणे। 
\v 2 पुण आबोख ठेरायेल टेम वोर तो राखवाली केरनारे एने कारबारीन ताबाम रीथे। 
\v 3 तिहेच केरीन आपु बी, जेवी सोरा एता, ते दुनियान पेल हिकवोणान काबाम एन गुलाम बोण रियेल एता। 
\v 4 पुण जेवी टेम पुरो एनो, ते बोगवान तान बेटाख मोकल्यो जो बायकु से पायदा ईनो, एने तो नेमान काबाम जीवतालो, 
\v 5 \x + \xo 4:5 \xo*\xt रोमीयो 8:15-17\xt*\x*काहाकाय जा माणहे नेमान काबाम हेते ताह सोड़वे जाकेरीन आपु बोगवानान सोरा बोण सिके। 
\v 6 \f + \fr 4:6 \fr*\ft तुमू हेते ज्यो देखाड़नेन केरता; नाहते तुमू हेते केरीन।\ft*\f*एने तुमू जा सोरा हेते, तानकेरता बोगवान तान बेटाख ने जीवाह, जा “एय आबा, एय आबा केयीन आयेड़तेह,” आपणे मोना माय मोकलेल हे। 
\v 7 केरीन तु एवी रेन गुलाम नाह, पुण बिटोख हे; एने बिटोख हे, ताहार बोगवानान द्‍वारा वारीस बी हे।
\s गलातीयान बाराम पौलुसान चिन्ता
\p
\v 8 पुण पेल ते तुमू बोगवानाह नाह ओलेखताला एने ता बोगवानान गुलाम एता जो खेरीच बोगवान नाह सोतो, 
\v 9 पुण एवी जा तुमू बोगवानाह ओलखी लियेल हेते एने बोगवान तुमूह ओलख्यो, ते ती कोमजोर एने बिगेर कामान पेल्‍ली हिकवोणान वातुन उगे काहा फिरतेह, जान तुमू पोशा गुलाम बोणने होदतेह? 
\v 10 तुमू खास दिह्याह, एने मोयनाह, मोसमाह एने वोरह्याह मानतेह। 
\v 11 मी तुमरे बाराम बिथु, इही नाय एय काय जी मेहनेत मी तुमरे केरता किरेल हे ती बिगेर कामान ठेराय।
\p
\v 12 एय बाय बोणहा, मी तुमूह विन्ता केरथु, तुमू मार गेत एय जावो; काहाकाय मी बी तुमरे गेत एय जायेल हे; तुमू मारो काय नुकसान केऱ्या नाह। 
\v 13 पुण तुमू जाणतेह काय पेल्‍ली वार मी सेरीरान कोमजोरीन वोजेसे तुमूह हाजाली खुबेर होमलाड्यो। 
\v 14 एने तुमू मारी सारिरीक देशाह जी तुमरी पारेख ने कारेण एती, खाराब नाह जाण्यो; नाह ताह सीट केऱ्या; पुण तुमू माहु बोगवानान हेरोगदुत खुद यीशु मसीन गेत माहु स्वीकार केऱ्या। 
\v 15 ते ती तुमरी खुसी मोणावणो काहरी गीयो? मी तुमरो गोवा हे काय केदी एय सेकतो ते तुमू तुमरा डोला बी निकालीन माहु आप देता। 
\v 16 ताहार काय तुमूह खेरी बोलनेन वोजेसे मी तुमरो दुसमोन बोण जायेल हे? 
\v 17 ता तुमूह दोस्ती बाणावणे ते होदतेह, पुण हाजाला उद्देश केरीन नाह; ता तुमूह माहु रेन आंगे केरने होदतेह काय तुमू ताहास दोस्ती बाणाव लिवो। 
\v 18 पुण ज्यो बी हाजो हे काय हाजाली वाती माय आखी टेम दोस्ती बाणावणेन कोसीत केराय जाय, फोक्‍तो तीस टेम नाह जेवी मी तुमरे हिऱ्यो रेथु। 
\v 19 एय मारा सोरा, जाह वोर तुमरे माय मसीन रूप नाय बोण जाय, ताह वोर मी तुमरी केरता पोशो प्रसवान गेत पिड़ा वेठथु। 
\v 20 मोरजी ते ज्यी ईथे काय एवी तुमरी फाय आवीन उंजु हास केरीन बोलु, काहाकाय मी तुमरी केरता दुविदा माय हे।
\s सारा एने हाजीरान उदारण
\p
\v 21 तुमू जा नेमान काबाम एणे होदतेह, माहु किवो, काय तुमू नेमान नाह होमेलते? 
\v 22 ज्यो लिखेल हे काय अब्राहाम ने दुय सोरा एना; एक पावेरनी केरीन एने एक स्वतंत्र बायकु केरीन। 
\v 23 पुण जो सोरो पावेरनी केरीन पायदा एनो तो सारिरीक रिती केरीन पायदा एनो, एने जो सोरो स्वतंत्र बायकु केरीन एनो तो वायदान गेत पायदा एनो। 
\v 24 न्या माय एक किस्सो हे: ज्‍यु बायकु दुय वायदो हेत्यु, एक ते सिनाय बोयड़ान जी केरीन फोक्‍तो गुलामुस पायदा एतेह एने ती हाजीरा हे। 
\v 25 \f + \fr 4:25 \fr*\ft हाजीरा हे, थोड़ाक लेख माय सिनाय ज्यो अरब देसान एक बुयड़ो हे; एने तो।\ft*\f*एने हाजीरा अरब ने सिनाय बुयड़ो हे, जो एवीवालो यरूशलेमान गेत हे, काहाकाय तो तान सोरा बेल गुलाम माय हे। 
\v 26 पुण उपेर वालो यरूशलेम स्वतंत्र हे, एने ती आपणी आहख हे। 
\v 27 काहाकाय पुस्तेक माय लिखेल हे:
\q1 “एय वांज! तु जी नाह जिणेत मालीक माय खुसी मोणाम!
\q2 तु जी प्रसव पिड़ा नाह जाणेत, गिलो काड़ीन जय जयकार केर!
\q1 काहाकाय जीन एदमी हे तीन सोराह रेन
\q2 आसा सोड़ेल बायकुन सोरा जादा हेते।”
\p
\v 28 एय बाय बोणहा, आपु इसहाक ने गेत वायदान सोरा हेते। 
\v 29 एने जिहकेरीन ती टेम सेरीरान गेत पायदा ईयेल जीवान गेत पायदा ईयेलाह वेला केरावतालो, तिहेस केरीन एवी बी ईथे। 
\v 30 पुण चोखाली पुस्तेक माय काय लिखेल हे? “पावेरनी एने तीन सोराह निकाल दिवो, काहाकाय पावेरनीन सोरो स्वतंत्र बायकुन सोरा हेऱ्यो वारीस नाय एय।” 
\v 31 तानकेरता एय बाय बोणहा, आपु पावेरनीन नाह पुण स्वतंत्र बायकुन सोरा हेते।
\c 5
\s मसी माय स्वतंत्रा
\p
\v 1 मसी स्वतंत्रान केरता आपुह स्वतंत्र किरेल हे, तानकेरता मोजबुत रिवो एने गुलाम ने जुवाला माय पोशा मा सापड़ो।
\p
\v 2 हुमलो, मी पौलुस तुमूह केथु काय केदी खेतना केरावहो, तुमू मसीन उगे से तुमूह काय फायदो नाय एय। 
\v 3 तीबी मी आखा खेतना केरावणाराह केय दिथो काय ताह आखो नेम मान्ने पोड़ी। 
\v 4 तुमू जा नेमान द्‍वारा न्यायी ठेराणे होदतेह, मसी रेन आंगे एने गीणीह रेन पोड़ जायेल हेते। 
\v 5 काहाकाय जीवान वोजेसे आमु बोरहा केरीन, आसा किरेल देरमीपोणान वाट जोवतेह। 
\v 6 जेवी मसी यीशु माय एक एतेह, तेवी नाह खेतनान काह काम हे, एने नाह बिगेर खेतनान एणेन; पुण फोक्‍तो बोरहान जो मोंगान द्‍वारा ईथे। 
\v 7 तुमू ते हास केरीन दोवेड़ताला। एवी कुण तुमूह रोक देनो काय खेरायीह नाय माने। 
\v 8 ओहली हिक तुमूह हादणारा बोगवानान उगे रेन नाह। 
\v 9 \x + \xo 5:9 \xo*\xt 1 कुरिंथीयो 5:6\xt*\x*थोड़ोक खमीर कुहणेल पुरा फिटाह खमीर केर दिथे। 
\v 10 माहु मालीक माय तुमरी पोर बुरहो हे काय तुमरो एगदो दिहरो विचार नाय रेय; पुण जो तुमूह बिवाड़ दिथे, तो एगदो काहा नाय रेय डेंड बोगी।
\p
\v 11 पुण एय बाय बोणहा, केदी मी आज बी जीहे काय थोड़ाक माणहे सोमेजतेह खेतनान ज्यो पारचार केरथु ते माहो एवी वोर काहा सेतावेह? तेवी मसीन खुरूसखाम ने कारीन पायदा ईयेल सोब बादा खेतेम एय जाणे जुवे। 
\v 12 हाजो रेतो काय जा तुमूह दुखी केरतेह ता सोता तास ने सेरीर काट देता।
\p
\v 13 एय बाय बोणहा, तुमू स्वतंत्र एणेन केरता हादाड़ाय जायेल हेते; ज्यी स्वतंत्राह सारिरीक कामान केरता सादेन मा बाणावो, पुण मोंग से एका दिहरान सेवा किरो। 
\v 14 काहाकाय आखो नेम ज्यी एकुस वाती माय पुरी एय जाथे, “तु तारा आहेंल्या हिऱ्यो तार गेत मोंग केर।” 
\v 15 पुण केदी तुमू एका दिहराह दुख एने पोचाड़तेह दाता केरीन चावतेह एने फाड़ खातेह, ते चेकचेल्या रिवो काय एका दिहरान खेतेम नाय केर दिहो।
\s चोखाला जीवान द्‍वारा जीवाय
\p
\v 16 पुण मी केथु, चोखाला जीवान गेत चालो ताहार तुमू सेरीरान लालुस काल्ली बी रिती से पुरी नाय किरहो। 
\v 17 \x + \xo 5:17 \xo*\xt रोमीयो 7:15-23\xt*\x*काहाकाय सेरीर ते जीवान विरोद माय एने जीव सेरीरान विरोद माय लालुस किरेह, एने ज्या एका दिहरान विरोदी हेते; ज्यानकेरता काय जो तुमू केरने होदतेह ताह नाय केर सिकहो। 
\v 18 पुण केदी तुमू जीवान चालाड़ेल चालतेह, ताहार नेमान काबाम नाह रेना। 
\v 19 सेरीरान काम ते देखातेह, मतलब सिनालो, खाराब पोण, बोगविलास, 
\v 20 मुरती पुजा, जादुटोणा, दुसमोनाय, राड़, कुयराणे, राग, स्वार्थीपोण, फुट, विदर्म, 
\v 21 दारकुट्यो, लीलाक्रिड़ा एने इहकेरीन दिहरा उंजु कामे हेते, जान बाराम मी तुमूह पेलुस रेन केय दिथो जिहकेरीन पेल केय बी दियेल हे, काय ओहला ओहला काम केरनारे बोगवानान राज ने वारीस नाय रेती। 
\v 22 पुण जीवान फोल मोंग, खुसी, सान्ती, दिर, गीण, बोलाय, बुरहो, 
\v 23 गेरबोड़ाय, एने संयम हे; ओहला ओहला कामान विरोद माय काल्लो बी नेम नाह। 
\v 24 एने जा मसी यीशुन हेते, ता सेरीराह तान आसा एने अबिलाषा बेल खुरूसखाम पोर चेड़ाव दियेल हे। 
\v 25 केदी आपु जीवान द्‍वारा जीवताला हेते, ताहार जीवान गेत चाले बी। 
\v 26 आपु गोमेंडी नाय बोणी एने एका दिहराह नाय विताड़े, एने नाय एका दिहरा हेऱ्या कुयराय केरी।
\c 6
\s एका दिहरान मोदेक किरो
\p
\v 1 एय बाय बोणहा, केदी एगदो माणुह एगदा गुना माय देराय बी जाय ताहार तुमू जा आत्मिक हेते, गेरबोड़ायी हेऱ्या ताह होमालो, एने तुमरी बी चोकसी मीलो काय तुमू बी पारेख माय नाय पोड़हो। 
\v 2 तुमू एका दिहराह मोदेक किरो, एने इहकेरीन मसीन नेमाह पुरा किरो।\f + \fr 6:2 \fr*\ft तुमू उकुमान पालेन किरहो; थोड़ाक लेख माय उकुम ने पालेन किरो।\ft*\f* 
\v 3 काहाकाय केदी एगदो माणुह कायच नाह एणेन बाद बी सोताह काह सोमजेह, ताहार सोताह दुको दिथे। 
\v 4 पुण एकेक माणुह तान कामाह पारखी, तेवी ताह दिहरान बाराम नाह, पुण तास ने बाराम गोमेंड केरनेन टेम जुड़ी। 
\v 5 काहाकाय एकेक माणुह तास ने बार विसणे जुवे।
\p
\v 6 जो वचनान हिक सापड़ावेह, तो आखी हाजी चिज माय हिकाड़णाराह गोवांद्यो बाणावी।
\p
\v 7 आपणे आपाह दुको मा आपो बोगवान फुगो नाह सुतो, तुमू तोच काटहो जो तुमू पिरहो। 
\v 8 केदी तुमू तुमरी सोबावीक आसान ईलाका माय पेरतेह, ते तुमू मोतीन पाक टुलो किरहो; केदी तुमू जीवान ईलाका माय पेरतेह, ते तुमू जीवा केरीन जेलेमक्यो जीवाय ने फोल काटी। 
\v 9 आपु हाजालो काम केरने माय आलह्याय नाय केरी, काहाकाय केदी आपु आरवाहो नाय, ताहार ठिक टेम पोर काटणी काटहु। 
\v 10 तानकेरता जाह वोर टेम जुड़ी आपु आखा हेऱ्या हाजो केरी, खास केरीन विश्वासी परीवार वाला बाय बोणहा हेऱ्या।
\s सेवली चेतावणी एने नमस्‍कार
\p
\v 11 दिखो, मी कोहला मोटला मोटला अक्‍सरा माय तुमूह मारा आथा केरीन लिखेल हे। 
\v 12 जा माणहे सारिरीक दिखलावो होदतेह तास तुमरो खेतना केरावणेन केरता दाबाव टाकतेह, फोक्‍तो ज्यानकेरता काय ता मसीन खुरूसखाम ने वोजेसे वेला नाय एणे जुवे। 
\v 13 काहाकाय खेतना केरावणारे सोता ते नेम पोर नाह चालते, पुण तुमरो खेतना ज्यानकेरता केरावणे होदतेह काय तुमरी सारिरीक देशा पोर मोठलाय केरी। 
\v 14 पुण ओहलो नाय एय काय मी दिहरी एगदी वातीन मोठलाय केरू, फोक्‍तो आपणो मालीक यीशु मसीन खुरूसखाम ने, जान द्‍वारा दुनिया मार नेजरी माय एने मी दुनियान नेजरी माय खुरूसखाम पोर चेड़ावाय जायेल हे। 
\v 15 काहाकाय नाह खेतना महत्व हे एने नाह विण खेतनान केदी महत्व हे, ते तो विण खेतनान। 
\v 16 जोला ज्या नेमा पोर चालती ता पोर, एने इस्राएल ने माणहा पोर बोगवानान सान्ती एने गीण ईती रेय।
\p
\v 17 एवी रेन माहु कुण तारास नाय देय, काहाकाय मारा सेरीर माय जो जेखेम हे, तो देखाड़ीह काय मी यीशुन पावोर हे।
\p
\v 18 एय बाय बोणहा, आपणो मालीक यीशु मसीन गीण तुमरा जीवा हिऱ्यो बोणीन रेय। आमेन।