\id EPH - Nahali
\ide UTF-8
\h इफिसीयो
\toc3 इफिसीयो
\toc2 इफिसीयो
\toc1 इफिसीयो पौलुस लिखेल पोत्रो
\mt2 इफिसीयो पौलुस ने लिखा हुआ पत्र
\mt1 इफिसीयो पौलुस लिखेल पोत्रो
\imt ओलखात
\ip मसीन जेल्मान 60 वोरह्यान पेल ज्यी इफिसीयोन पोत्री कुलीसियोन पोत्री हेऱ्यी एकठी लेखाय जायेल हे। प्रेरित पौलुस ज्यी ओलखात आपेह काय तोस पोत्रीह लेखणार हे। \xt 1:1\xt*
\ip कुलीसियोन पोत्रीन गेत ज्यी पोत्री माय बी होवटोह ते पोंडीतान ज्यो मान्नो हे काय पौलुस ज्यी पोत्रीह लिख्यो एय तानकेरता ईलाकान आलेग आलेग मोंडली माय ज्यी पोत्री फिरावीन वाचाय जाय इहकेरीन पौलुसान इरादो एय सिकेह, जेवी तो ज्यी पोत्रीह लिखेल तेवी पौलुस किथे काय तो जेली माय ईतो। \xt 3:1; 4:1; 6:20\xt* जेवी तुखीकुस इफिसीयोन मोंडलीह मिलने इफिसुस जाणे बाजरियेल ईतो तेवी पौलुस ज्यो पोत्रो तान आथाम लेन मोकलेल। \xt 6:21-22\xt*
\ip इफिसीयो जुलूम मोठो हियोर ईतो ती नेम माय आसीया खेड़ान ती राजदानी एती हेयरा माय अरतीमीस नावान ग्रीक देवतान मोटलो नाव गाजेल मोंदिर एतो ता माय ताह जुलूम नाव लायेल एती \xt प्रेरितान काम 19:23-31\xt* ज्यो इफिसुस वाली मोंडलीन सुरवात मोजबुत रिती से ईयेल पुण पासाण ती कोमजोर देखाताली। \xt प्रकाशितवाक्य 2:1-7\xt* बोगवान तान माणहाह निवाड़ेन यीशु मसीन द्‍वारे किहीक तान पापा माय रेन सोड़ायेल ज्यी वात पौलुस पोत्रीन पेल्ला ईसा माय साप देखाड़ेह तो मोंडलीन तुलना ता सेरीरा हिऱ्यो किरेह जान मुंड मसी हे एने ती आवाली हिऱ्यो किरेह जीन कोपरान दिगोड़ मसी हे पुस्तेकान दिहरा ईसा माय पौलुस मसी जीवाय किहीक जीवणे जुवे तान बाराम लिखेल हे।
\iot रूपरेखा
\io1 1. पौलुस सोता ओलखात आपीन इफिसीयोह नमस्‍कार किथे। \ior 1:1-2\ior*
\io1 2. बाद माय तो मोंडलीन नातो कोहलो रेणे जुवे तो साप देखाड़ेह। \ior 1:3–3:21\ior*
\io1 3. बाद माय पौलुस मसी किहीक जीवणे जुवे ज्यान वाट देखाड़ेह। \ior 4:1–6:20\ior*
\io1 4. पौलुस आखरी सोबदो लेखीन खेतेम किरेह। \ior 6:21-24\ior*
\c 1
\s नमस्‍कार
\p
\v 1 \x + \xo 1:1 \xo*\xt प्रेरितान काम 18:19-21; 19:1\xt*\x*पौलुसान उगे रेन जो बोगवानान मोरजी माय मसी यीशुन प्रेरित हे, \f + \fr 1:1 \fr*\ft थोड़ाक लेख माय इफिसुस न्या नाह लिखेल सोतो\ft*\f*इफिसुस माय बोगवानान माणहाह, जा मसी यीशु हेऱ्या तान जीवन माय बुरहो केरनारे हेते।
\p
\v 2 आमरो आबोख बोगवान एने मालीक यीशु मसीन उगे रेन तुमूह गीण एने सान्ती जुड़ते रेय।
\s मसी यीशु माय आत्मिक बोरकेत
\p
\v 3 आमरा मालीक यीशु मसीन बोगवान एने आबाख ने दन्यवाद एय काय तो आमुह मसीन द्‍वारा आखी बातीन हेरगावाल्यु आत्मिक बोरकेत आपेल हे। 
\v 4 जिहकेरीन तो आमुह केल बोणनेन पेल ता माय निवाड़ लियेल हे! काय आमु तान आहने मोंग माय चोखाला एने निर्दोस रेय। 
\v 5 एने तान मोरजीन हाजी योजनान गेत आमुह तान केरता पेलुस रेन ठेरायेल हे काय यीशु मसीन द्‍वारा आपु बोगवानान गोद लियेल सोरा एने सोर्‍यु एय। 
\v 6 बोगवानान बोड़ायीन गीण ने स्तुती एय, काहाकाय जीह तो तान मोंगाल्ला सोरान द्‍वारे आमुह फुकेट आपेल हे। 
\v 7 \x + \xo 1:7 \xo*\xt कुलीसियो 1:14\xt*\x*\f + \fr 1:7 \fr*\ft तान ओंगाण, तान मोंग ने कारेण बोगवान; नाहते तान ओंगाण, एने मोंग माय जीवणेन केरता, बोगवान।\ft*\f*आमुह मसी माय तान लुयीन द्‍वारे सुटकारो, मतलब पापान माफी, बोगवानान ती गीण ने देनान गेत जुड़ेल हे। 
\v 8 जीह तो तान इकेल एने सोमेज ने वापेर केरीन आमु पोर मोकतोस किरेल। 
\v 9 काहाकाय बोगवान तान मोरजीन मालमात, तान हाजा उद्देशान गेत देखाड़ेल हे, जो तो खुद मसी माय स्थापित किरेल ईतो। 
\v 10 बोगवानान जी योजना एती काय ठिक टेम आवणे बुखेत हेरगान एने देरतीन आख्‍यु चिजीह टुलो केरी काय मसी तान आदिकारी एय।
\p
\v 11 मसी माय आमु पेलुस बोगवानान माणहे केरीन तान योजनान गेत निवड़ायेल ठेराय गीया, जो आखी वातु तान मोरजीन गेत केरने, 
\v 12 एने जा मसी पोर आमु पेलुस आसा मीलेल एता, काय आमु तान बोड़ायीन स्तुती केरी।
\p
\v 13 जेवी तुमू खेरलो पारचार होमल्या एने ती हाजाली खोबरी केरीन तुमरो सुटकारो एनो, एने तुमू बी बोगवानान माणहे बोण गीया। एने चोखालो जीव जो वायदो किरेल ताह आपणेन द्‍वारा बोगवान तुमरे पोर सिक्को लागाड़ेल हे एने तुमू मसी पोर बुरहो केऱ्या। 
\v 14 तो जीव आपणा उत्तर आदिकारीन बाग ने जामीन ने रूप माय ताह वोर आपाय जायेल हे, जाह वोर काय तो आपुह पुरी रिती से सुटकारो नाह आपेत। तान बोड़ाय एने स्तुती एय!
\s पौलुसान विन्ता
\p
\v 15 ज्यो कारेण हे काय मी बी मालीक मसी यीशु माय तुमरो बुरहो एने चोखाला माणहान केरता तुमरा मोंग ने बाराम होमलीन, 
\v 16 मी तुमरी केरता बोगवानाह दन्यवाद केरने सोड़ेत नाह, एने मारी विन्ता माय तुमूह एर केऱ्या केरथु। 
\v 17 काय आमरा मालीक यीशु मसीन बोगवान एने बोड़ायीन आबोख हे, तुमूह इकेल एने बुद्दीन जीव आपी काय तुमू ताह हास केरीन जाण सिकहो। 
\v 18 एने तुमरा मोनान डोलान उजाला केरीन तुमू जाण जावो काय तान हादावणीन आसा काय हे, एने चोखाला माणहा माय तान मिरास ने बोड़ायीन देन कोहलो हे। 
\v 19 एने तान ताकेत आमरी उगे जा बुरहो केरतेह, कोलीक हे, तान सेक्तीन प्रबाव ने ता कामान गेत हे, 
\v 20 बोगवान जो मसीन बाराम किरेल, काय ताह मुरेल माय रेन जिवाड़ेन हेरगा माय तान जीवड़े उगे बोहाड्यो। 
\v 21 आखी बातीन सत्ता, आदिकारी प्रदानता, ताकेत, आदिकार एने एकेक नावान उपेर, ज्या दुनियान ओलोस नाह, पुण आवता कालाम बी लेवाय जाय। 
\v 22 \x + \xo 1:22 \xo*\xt कुलीसियो 1:18\xt*\x*एने आखो काय मसीन पायान बुंदे केर देनो एने ताह आखी चिजी पोर उचो ठेरावीन मोंडलीह आप देनो। 
\v 23 मोंडली मसीन सेरीर हे, एने तान बोरपुरी हे, जो आखा माय सोब पुरो किरेह।\f + \fr 1:23 \fr*\ft जो खुद आखी जागे आख्‍यु वातु पुरो किरेह; नाहते जो खुद बोगवानान परिपुर्णता माय पुरो बोरायेल हे। \ft*\f*
\c 2
\s मोतीम रेन जीवायी वोर
\p
\v 1 \x + \xo 2:1 \xo*\xt कुलीसियो 2:13\xt*\x*एने तो तुमूह बी जिवाड़ेल, जा तुमरा गुनान एने पापान कारेण मुरेल एता। 
\v 2 एक टेम एतो जेवी तुमू आत्मिक रूप से उकुम नाह माणनारे एने आत्मिक रूप माय मोर जायेल एता; एने ज्या दुनियान खाराब वाटी पोर चालनारे एता, एने जुगान आदिकारी, ता जीवान गेत जीवताला, जो जीव एवी बी उकुम नाह मान्नारा माय काम केरने बाजरिनोह। 
\v 3 ज्या माय आमु बी आखा पेल सेरीरान मोरजी पुरी केरनेन केरता जीवताला, एने सेरीर एने मोनान मोरजी पुरी केरताला, एने दिहरा माणहान गेत वेवारा माय रेन रागान सीकार एता।
\p
\v 4 पुण बोगवान जुलूम गीण केरनार हे, काहाकाय तान महान मोंगा केरीन आमु पोर मोंग किऱ्यो। 
\v 5 जेवी आमु उकुम नाह मान्नेन कारेण मुरेल एता, तो आमुह मसी माय जीवाय आप्यो। ज्यो बोगवानान गीण ने द्‍वारा तुमूह वोचाड़ेल हे। 
\v 6 एने आपुह मसी यीशु माय एक एणेन वोजेसे ता हेऱ्यो जीव उठाड्यो, एने हेरगा माय ता हेऱ्यो बोहाड्यो। 
\v 7 काय तो आवणे वाला टेम माय तान गीणीन मोठाय मसी यीशु माय आमरे केरता किरेल गीण माय देखाड़ सेकी। 
\v 8 काहाकाय बोरहान द्‍वारे गीण केरीस ने तुमूह सुटकारो जुड़ेल हे, एने ज्यो तुमरी उगे रेन नाह, पुण बोगवानान दान हे; 
\v 9 एने नाह कामान कारेण, ओहलो नाय एय काय कुण बी मोठाय केरी। 
\v 10 काहाकाय आमु बोगवानान बाणायेल हेते, एने मसी यीशु माय ता हाजा कामान केरता बोणेल हेते, जाह बोगवान पेलुस आमुह केरनेन केरता तियार किरेल हे।
\s मसी माय एक
\p
\v 11 तुमू जा पायदासीस बिगेर यहुदि हेते एने खेतान केरायेल यहुदिन द्‍वारा केवाय जातेह, जा आपणे आप खेतना केरायेल केवाहतेह तुमरा पोसली जीवायीह एर मीलो। 
\v 12 ईर किरो तुमू तुलबूखे दुनियाम मसी रेन आलेग, एने इस्राएलान पोरजान पोदा रेन आंगे केरायेल, एने वायदान वाचान बागी नाह एता, एने बिगेर आसान एने दुनिया माय बिगेर बोगवानान एता। 
\v 13 पुण एवी मसी यीशु माय तुमू जा पेल सेटा एता, \f + \fr 2:13 \fr*\ft मसीन लुय केरीन, नाहते खुद मसीन अर्पण किरेल मोत केरीन।\ft*\f*मसीन लुयी केरीन आहने एय गीयाह। 
\v 14 काहाकाय तीस आमरी सान्ती हे, जी यहुदि एने बिगेर यहुदिह एक केर देनी एने आंगे केरनार जो बितड़ो विची माय एतो, तोड़ देनो। 
\v 15 \x + \xo 2:15 \xo*\xt कुलीसियो 2:14\xt*\x*एने आपणा सेरीर माय खाराब मतलब तो नेम जान उकुम विदीन रिती पोर एती, मीटाड़ देनो काय दुयूह ता माय एक नोवालो माणुह बाणावीन तान विचीम मीलावे। 
\v 16 \x + \xo 2:16 \xo*\xt कुलीसियो 1:20\xt*\x*एने मसीन खुरूसखाम पोर मोतीन कारेण बेदबावाह खेतेम केरीन दुयूह एक सेरीर बाणावीन बोगवाना हेऱ्यो मीलाव दिनो। 
\v 17 एने तो आवीन तुमू जा बिगेर यहुदि सेटा एता, एने यहुदि जा आहने एता, दुयूह सान्तीन मीलापान हाजाली खुबेर होमलाव्यो। 
\v 18 काहाकाय यीशुन द्‍वारे आपु दुयून एक जीव एन आबाख फाय पुचीह।
\p
\v 19 तानकेरता तुमू बिगेर यहुदि परदेसी एने एंजाणल्या नाह रेना, पुण बोगवानान माणहा हेऱ्या बोगवानान गेराणान एय गीयाह। 
\v 20 \f + \fr 2:20 \fr*\ft जाणकार एने प्रेरित टाकेल पायो; नाहते तो पायो, मतलब जाणकार एने प्रेरित।\ft*\f*ताह बाणावणो प्रेरित एने जाणकारान द्‍वारे मीलेल पाया पोर, जान आदार खुद मसी यीशु हे। 
\v 21 आखी आवाली तान द्‍वारे जोड़ाय गियी एने मालीक माय चोखाली मोंदिर एणेन केरता वोदेह। 
\v 22 मालीक माय एक एणेन वोजेसे तुमू बी जीवान द्‍वारे बोगवानान रेणेन जागो बोणनेन केरता एकठो बोणती जाथे।
\c 3
\s बिगेर यहुदि माय पौलुसान सेवा
\p
\v 1 ज्‍यीस कारेण मी पौलुस जो तुमू बिगेर यहुदिन केरता मसी यीशुन बोंदी हे, बोगवाना से विन्ता केरथु। 
\v 2 खेरीच तुमू ज्यो होमलेल एती काय बोगवानान तान गीणीन द्‍वारा माहु ज्यो काम आपेल हे जो माहु तुमरे हाजान केरता आपायेल एतो। 
\v 3 जिहकेरीन माहु उजालान द्‍वारे खेरलान मालमात जाणीव केरीन आपेल एतो, मी तो पेल थोड़ाक माय लिखेल ईतो। 
\v 4 \x + \xo 3:4 \xo*\xt कुलीसियो 1:26,27\xt*\x*जेवी तुमू ताह वाचहो, तेवी मसीन खेरला मालमातान बाराम मी किहीक सोमेजथु तुमू जाणहो। 
\v 5 तो गीया टेमा माय माणहान सोराह ओहलो नाह कियेल ईतो, जिहकेरीन काय जीवान द्‍वारे एवी तान चोखाला प्रेरिताह एने जाणकारा पोर देखाड़ेल हे। 
\v 6 मतलब ज्यो काय मसी यीशु माय हाजाली खोबरीन द्‍वारे बिगेर यहुदि माणहे विरासत माय बागी, एने एकुस सेरीरान एने वायदान बागी हेते।
\p
\v 7 मी बोगवानान ती गीणीन गेत, जो तान ताकेतीन प्रबावान गेत माहु आपाय गीयो, ती हाजाली खोबरीन पावोर बोणनो। 
\v 8 माहु पोर जो आखा चोखाला माणहा माय रेन आत्याम रेन बी आत्यो हे, ज्यी गीण आप्यो काय मी बिगेर यहुदिह मसीन जेलेमकी देनान हाजाली खुबेर होमलावु। 
\v 9 एने आखाह ज्यी वात देखाडु काय तो मालमातान प्रबन्द काय हे, जो आखाह बाणावणार बोगवान माय सुरवात रेन लिकायेल हे। 
\v 10 काय एवी मोंडलीन द्‍वारे बोगवानान बाती बातीन इकेल, ता मुखी एने आदिकारी पोर, जो हेरगा माय हे देखाड़ी। 
\v 11 ज्यो तो जेलेमक्या उद्देशान गेत एनो, तो आमरा मालीक मसी यीशु माय किरेल ईतो। 
\v 12 मसी माय एक एणेन नाते एने ता पोर बुरहो केरने से आमुह दिलासो एने बोरहाम आहने आवणेन आदिकार जुड़नो। 
\v 13 तानकेरता मी विन्ता केरथु काय जो दुख तुमरे केरता माहु एणे बाजरिनोह, ईमोत मा सोड़ो; काहाकाय ता माय तुमरो फायदो हे।
\s मसीन मोंग
\p
\v 14 ज्यास ने वोजेसे मी आबाख ने ओंगाण गुटण्या टेकथु। 
\v 15 जा माय हेरोग एने देरती पोर, आखा गेराणान नाव मेलाय जाथे, 
\v 16 मी विन्ता केरथु काय ती बोड़ायीन ताकेत आपी एने तान देनान गेत तान जीवान द्‍वारा तुमरे माय व्यक्तित्वाह मोजबुत केरी, 
\v 17 एने बोरहान द्‍वारे मसी तुमरा मोना माय बोही काय तुमू मोंग माय मोजबुत एने पाको एन, 
\v 18 तुमू आखा चोखाला बोगवानान माणहा हेऱ्या मसीन मोंगान लाम्बाय, चोवड़ाय, उचाय एने उंडाय सोमेज सीको। 
\v 19 एने मसीन तो मोंग जाण सीको, जो एकलीह रेन बाहेर हे काय तुमू बोगवानान सोबाव से पुरा एय जावो।
\p
\v 20 एवी ता बोगवानान केरता जी तान ती ताकेत से जी आमु माय काम किरेह, जोलोक आमु मांग सेकतेह एने जोलोक सोच सेकतेह ताह रेन जुलूम वोदार केर सिकेह। 
\v 21 ती मोंडली माय एने मसी यीशु माय बोगवानान बोड़ाय पिढीन पिढी वोर जेलेम एते रेय। आमेन।
\c 4
\s मसीन सेरीरान एकता
\p
\v 1 तानकेरता मी जो मालीक यीशुन केरता बोंदी हे, तुमूह विन्ता केरथु काय बोगवाना फाय रेन जीहे हादावणी ईयेल हे, ताह होबे ओहला जीवो। 
\v 2 \x + \xo 4:2 \xo*\xt कुलीसियो 3:12,13\xt*\x*आखी दीनता एने गेरबोड़ाय माय दिर देरीन आपसाम मोंगा माय एका दिहरान वेठ लिवो। 
\v 3 एने ती सान्ती जी तुमूह आपसाम बांदिह ता से पायदा ईयेल जीवान एकता बाणावीन मेलनेन केरता एकेक टेमा माय कोसीत किरो। 
\v 4 एक सेरीर एने एकुस जीव हे; ठिक इहीचकेरीन केरीन ती आसा बी एकुस हे, जा माय तुमू हादाड़ाय गीया। 
\v 5 एकुस मालीक हे, एकुस बुरहो, एकुस बपतीस्मा, 
\v 6 एकुस बोगवान हे जो आखान आबोख हे, जो आखान मालीक हे, जो आखा माय काम किरेह, एने जो आखा माय हे। 
\v 7 पुण आमु माय रेन एकेकाह मसीन दान तान मोज मापान गेत गीण जुड़ेल हे। 
\v 8 वचन इही किथे:
\q1 “जेवी तो उचेच जागे चेड़नो,
\q2 तेवी बोंदीह बांदिन ली गीयो,
\q2 एने माणहाह दान आप्यो।”
\m
\v 9 एवी, “तो उपेर चेड़नो” ज्यान मतलब काय हे? ज्यान मतलब ज्यो हे काय तो पेल देरतीन आखान नेचली जागे उतेरनो।\f + \fr 4:9 \fr*\ft देरतीन आखान निचले जागा माय; नाहते देरतीन निचले बाग माय।\ft*\f* 
\v 10 एने जो नेचो उतेर गीयो तोस ज्यो हे, जो आखा जुगाह रेन उपेर चेड़ बी गीयो काय आखो पुरो केरी। 
\v 11 एने तो थोड़ाक प्रेरित, जाणकार, हाजाली खुबेर होमलाड़नारे, पासटर एने मास्तेर्‍या नियुक्त केरीन आप दिनो। 
\v 12 जाकेरीन आखा बोगवानान माणहे पाका बोण जाय एने सेवान काम केराय जाय, एने मसीन सेरीर वोदते जाय, 
\v 13 जाह वोर काय आपु आखान बुरहो एने बुद्दी बोगवानान बेटाख ने ओलखात माय एक नाय एय जाय, एने एक पाको माणुह बोण जाय एने मसीन आखी बोड़ायीन उचायीह सापेल नाय लेय। 
\v 14 ज्यानकेरता काय आपु ओंगाण सोरान गेत नाय रेय, जो देरीयान लाटान गेत जी उगे ती उगे उसेलने फिरवाय जाणे, एने माणहान ठेग विद्यान वादोण एने माणहान चेतराय ने द्‍वारे वोयते जाथे। 
\v 15 पुण मोंगा माय खेरी बोली एने आखी वातुम ता माय जो मुंड हे, मतलब आखी बातीन मसी माय वोदते जावो। 
\v 16 \x + \xo 4:16 \xo*\xt कुलीसियो 2:19\xt*\x*जान द्‍वारे बुरहो केरनारान आखो सेरीर मिलाय रेणे, एने तो एकठो बांदिल रेणे, एने एकेक बाग तो जीहे केरने हुदेह तिहे तो किरेह, आपणी बाणावोट मोंगा माय एणेन केरता पुरा सेरीर माय वोड़ती एणे।
\s मसी माय नोवाली जीवाय
\p
\v 17 तानकेरता मी मालीकान नावा माय चेतावणी आपथु काय जिहकेरीन बिगेर यहुदिन माणहे तान मोनान व्यर्थ विचार माय जीवतेह, तुमू एवी रेन इहकेरीन मा चालो। 
\v 18 काहाकाय तान इकेल आदारा माय जात रियेल हे, एने मोनान कोपेट एने बिगेर एकलीवाला कोपेट एने बिगेर एकलीन वोजेसे एने बोगवानान जीवायीह रेन ता आंगे एय रेनाह। 
\v 19 एने ता माय रेन लाज जात रियेल हे; एने ता सोताह खाराब काम केरनेम लागाड़ देनाह, काल्ली बी वात नाह मानेन आखी बातीन खाराब कामा माय लाग रेनाह।
\p
\v 20 मसीन बाराम ओहली हिकवोण तुमूह नाह आपेल ईतो। 
\v 21 केदी तुमू तान बाराम होमलेल एने तान हिकवोणाह स्वीकार किरेल हेते, जो मसी यीशु माय खेरलो हे। 
\v 22 \x + \xo 4:22 \xo*\xt कुलीसियो 3:9\xt*\x*केरीन तुमू तुमरा बोलना चालनान जुनाला माणहाह, जो कोपेट ने खाराब लालसान गेत खेतेम ईती जाथे, उतार दिवो। 
\v 23 तुमरो सोचणेन एने सेवा केरनेन बोदेलने जुवे। 
\v 24 \x + \xo 4:24 \xo*\xt कुलीसियो 3:10\xt*\x*एने नोवाला माणहाह पिर लिवो, जो बोगवानान गेत खेरायीन न्यायीपण, एने चोखाली जीवाय माय बोणाय गीयोह।
\p
\v 25 तानकेरता जुठ बोलनेन सोड़ीन एकेक माणुह तान आहेंल्या हेऱ्या खेरलो बोली, काहाकाय आमु आखा मसीन सेरीरान अंग हेते। 
\v 26 राग ते किरो, पुण पाप मा किरो, दिह बुड़नेन पेल तुमरो राग ओलाय जाय। 
\v 27 एने सैतानाह टेम मा आपो, 
\v 28 जो माणुह पेल चोरी केऱ्या केरतालो, तो पोशो चोरी नाय केरी, पुण हाजा काम केरनेन केरता मेहनेत केरी, ज्यानकेरता काय जा माणहाह गिरेज पुड़ेह ताह आपणेन केरता ता फाय जुलूम काय रेय। 
\v 29 तुमरा मुयाम रेन हानिकारक खाराब वात नाय निकले, पुण जो हाजो रेय जी हाजी हे, एने आखान फायदान केरता एय, काय होमेलनारान जीवणाम गीण लावी। 
\v 30 तुमू बोगवानान चोखाला जीवाह दुख मा पोचाड़ो; काहाकाय तास ने द्‍वारा तुमू पोर सुटकारान दिह्यान केरता साप लागाड़ेल हे। 
\v 31 आखी कड़वाहट, प्रकोप, राग, राड़, खाराब बोलने एने दुख पोचाड़नार वातु एने आखी बातीन खाराबपोणा माय निकाल दिवो। 
\v 32 \x + \xo 4:32 \xo*\xt कुलीसियो 3:13\xt*\x*एका दिहरा पोर मोंग एने गीण केरनार बुणो, एने तुमू एका दिहराह माफ केरनारे बुणो, जिहकेरीन बोगवान मसीन वोजेसे तुमूह माफ किरेल हे।
\c 5
\s उजालाम जीवाय
\p
\v 1 तानकेरता तुमू बोगवानान मोंगाल्ला सोरा हेते, तानकेरता बोगवानान गेत बुणो। 
\v 2 जिहकेरीन मसी आपुह मोंग किऱ्यो, एने आपणे केरता सोताह मोग मोग गेंदाणार आस्त्रान गेत बोगवानान केरता एक बेट एने बोलीन रूप माय चेड़ाव दिनो, तिहेस केरीन मोंग माय जीवाय जीवो।
\p
\v 3 जिहकेरीन बोगवानान माणहान केरता हाजो हे, तुमरी विचीम सिनालो एने आखी बातीन खाराब कामान एने लोब लालुच ने वातु होमलाणे बी नाय जुवे। 
\v 4 एने नाह तुमरी विचीम खाराब एने बेवकुफीन वातु एणे जुवे, एने नाह चिहटान, काहाकाय ज्‍यु वातु होबा नाह देत्यु। पुण तुमरा मुया केरीन कायेम बोगवानान दन्यवाद एणे जुवे। 
\v 5 काहाकाय तुमू ज्यो हास केरीन जाणतेह काय सिनालो केरनारे, एठा एने लोब केरनारे माणहान, जो मुरती पुजान बाराबोर हे, मसी एने बोगवानान राज माय काल्लोस हिस्सेदार नाय मीले।
\p
\v 6 कुण बी तुमूह फालतुक वातु माय नाय फासाड़े; काहाकाय ज्‍यीस वातुन वोजेसे बोगवानान राग उकुम नाह माणनारा पोर बोड़केह। 
\v 7 तानकेरता ओहला माणहा हेऱ्या हिस्सेदार मा बोणहो, 
\v 8 काहाकाय पेल ते तुमू आदारा माय रेताला, पुण एवी तुमू बोगवाना माय उजालो हेते। केरीन उजालान सोरान गेत जीवाय जीवो, 
\v 9 \f + \fr 5:9 \fr*\ft उजालो; थोड़ाक लेख माय जीव हे।\ft*\f*काहाकाय उजालान असर आखी बातीन बोलाय एने न्यायीपण एने खेराय माय हे। 
\v 10 एने ज्यो पारखो काय बोगवानाह काय पुटीह। 
\v 11 आदर ने बेकार कामा माय सामील मा ईहो, पुण ताह आखान ओंगाण देखाड़जी। 
\v 12 काहाकाय त्यु वातुन बाराम ज्युह ता लिकाएन केरतेह, मुया केरीन केणेन बी लाज आवीह। 
\v 13 जेवी आख्‍यु वातु उजाला माय लावाय जाय तेवी उजाला माय आखो काय देखाय पुड़ेह; 
\v 14 \f + \fr 5:14 \fr*\ft जो हास केरीन देखाथी तो उजालो बुणीह, नाहते तो उजालो ईथे जो हास केरीन देखाड़ीह।\ft*\f* काहाकाय उजालो आख्‍यु वातु देखाड़ेह पुरी रिती से देखाणार चिज सोता उजालो बोण जाथे। तानकेरता तो किथे,
\q1 “एय हुवणारे, जाग उठो
\q2 एने मुरेल माय रेन जीव जावो,
\q1 ते मसीन उजालो तुमू पोर चोमके।”
\p
\v 15 तानकेरीन तुमू किहीक जीवतेह, तान बाराम जोगवीन रिवो। एने फोगा माणहान गेत मा ईहो, पुण एकेल वाला माणहान गेत बुणो। 
\v 16 \x + \xo 5:16 \xo*\xt कुलीसियो 4:5\xt*\x*टेमाह हाजा काम केरनेन केरता पुरो वापेर किरो, काहाकाय दिह खाराब हेते। 
\v 17 एने फोगा मा बुणो, पुण मालीकान मोरजी काय हे, ती सोमजी लिवो।
\p
\v 18 दाराह रेन सेटा रिवो, काहाकाय पिणे से जिन्दगी बारबाद एय जाथे; पुण चोखाला जीवा माय बोरपुर ईती जावो। 
\v 19 \x + \xo 5:19 \xo*\xt कुलीसियो 3:16,17\xt*\x*एने मालीकान केरता आपसा माय पुरा मोना केरीन तुमू बजन, स्तुती गीत एने आत्मिक गीते गाया किरो। 
\v 20 आमरा मालीक यीशु मसीन नावा माय बोगवान आबाख ने कायेम आखी वातुम दन्यवाद केरती रिवो।
\s बायकु एने एदमी
\p
\v 21 मसीह बिन एका दिहरान ताबाम रिवो।
\p
\v 22 \x + \xo 5:22 \xo*\xt कुलीसियो 3:18; 1 पतरस 3:1\xt*\x*एय बायकु, आप आपणा एदम्यान ताबाम ओहल्यु रिवो, जिहकेरीन यीशु मसीन। 
\v 23 काहाकाय मसी जिहकेरीन मोंडलीन मुंड हे, तिहेस केरीन एदमी बायकुन मुंड हे; एने खुद मसी मोंडलीन सुटकारो केरनार हे, जो तान सेरीर हे। 
\v 24 जिहकेरीन मोंडली मसीन ताबाम हे, तिहेस केरीन बायकु बी आखी वातु माय एदम्यान ताबाम रेय।
\p
\v 25 \x + \xo 5:25 \xo*\xt कुलीसियो 3:19; 1 पतरस 3:7\xt*\x*एय एदमी, जिहकेरीन मसी मोंडली पोर मोंग केरीन सोताह तान केरता आप दिनो, तिहेस केरीन तुमू तुमरी बायकुह मोंग किरो। 
\v 26 ताकाय मसी मोंडलीह वचनान द्‍वारा पाण्या से दोवीन चोखो केरीन आमरी गोसणा हेऱ्यो बोगवानाह समर्पित केरी। 
\v 27 एने तीह एक चोमेकणी मोंडली बोणावीन ता हेऱ्यो उबो केरी, ती माय नाह डाग, चोखो पोणा, निर्दोस, नाह जोरवरी, एने नाह काय कोमी चोखाली एने निर्दोस एय। 
\v 28 एने इहीचकेरीन एदमी बी तान बायकुह मोंग केरी जिहकेरीन तान सेरीराह मोंग किरेह। जो कुण तान बायकुह मोंग किरेह तो सोताह बी मोंग किरेह। 
\v 29 (काहाकाय कुण बी सोतान सेरीराह नफरत नाह किरेत, पुण तान हास केरीन पालेन पोषण किरेह जिहकेरीन मसी मोंडलीन किरेह। 
\v 30 काहाकाय आपु तान सेरीरान आंग हेते।) 
\v 31 एने जिहकेरीन पुस्तेक माय किथे, “ज्यानकेरता एदमी तान आईख आबाख सोड़ीन तान बायकु हेऱ्यो मिलीन रेय, एने ता दुयू एक सेरीर रेती।” 
\v 32 ज्यो मालमात ते मोटलो हे, पुण मी ज्यो मसी एने मोंडलीन बाराम केथु। 
\v 33 पुण तुमरे माय रेन एकेक तान बायकुह मोंग केरने जुवे, जिहकेरीन तो खुद पोर मोंग किरेह, एने बायकु बी तीन एदम्यान मान मेलने जुवे।
\c 6
\s आहख आबोख एने सोरा
\p
\v 1 \x + \xo 6:1 \xo*\xt कुलीसियो 3:20\xt*\x*\f + \fr 6:1 \fr*\ft थोड़ाक लेख माय ज्यो तुमरो मसी माय काम लिखेल हे।\ft*\f*एय सोरा, मालीक यीशु माय तुमरा आईख आबाख ने वात मानो, काहाकाय ज्यो हाजो हे। 
\v 2 “तुमरा आईख आबाख ने मान सम्मान किरो,” ज्यो पेल्लो उकुम हे जा हेऱ्यो वायदो बी हे: 
\v 3 “एने तुमरो बोलो एय एने तुमू देरती पोर जुलूम दिह वोर जीवताला रिहो।”
\p
\v 4 \x + \xo 6:4 \xo*\xt कुलीसियो 3:21\xt*\x*एय आहख आबहेख, तुमू सोराह राग मा लागाड़ो। पुण मालीक यीशुन हिकवोण एने चेतावणी आपतेन तान पालेन पोषण किरो।
\s मालीक एने पावोर
\p
\v 5 \x + \xo 6:5 \xo*\xt कुलीसियो 3:22-25\xt*\x*जा पावोर हेते, ता दुनियान मालीकान उकुम मोनान खेराय माय एने कापतेन मानो; जिहकेरीन मसीन सेवा केरतेह। 
\v 6 माणहाह खुस केरनारान गेत देखाड़नेन केरता सेवा मा किरो, पुण मसीन पावोरान गेत मोन से बोगवानान मोरजी पोर चालो। 
\v 7 एने ज्यी सेवा माणहान नाह, पुण मालीकान जाणीन पुरा मोना केरीन किरो। 
\v 8 एकेक माणुह जो काय हाजो काम किरेह, तो पावोर एने आजाद एय, मालीक फाय रेन ताह फोल जुड़ी।
\p
\v 9 \x + \xo 6:9 \xo*\xt कुलीसियो 4:1; \xt*\xt कुलीसियो 3:25\xt*\x*एय मालीक तुमू, तुमरा पावराह दोमकी मा दिहो। एने ता हेऱ्या हाजो वेवारो किरो, ज्यो जाणीन काय तुमरो मालीक बोगवान हेरगा माय हे एने तो कुणीन बी बेदबाव नाह केरने।
\s आत्मिक लेड़ायीन आथ्‍यार
\p
\v 10 ज्यानकेरता, मालीक माय एक एन मोटली ताकेत माय मोजबुत बुणो। 
\v 11 बोगवानान आखा आथ्‍याराह बांद लिवो, काय तुमू सैतानान योजनान सामने उबरेय सिकहो। 
\v 12 काहाकाय आपणी लेड़ाय लुय एने माहा हेऱ्यो नाह सोती, पुण हेरगान मुखी हेऱ्यी एने आदिकारी हेऱ्यी एने ज्यी दुनियान आंदारान ताकेत हेऱ्यी, एने ता खाराबान आत्मिक सेना हेऱ्यी हे, जा जुगाम हेते। 
\v 13 तानकेरता बोगवानान आखा आथ्‍यार बांद लिवो! काय तुमू केठीण दिह्यान सामनो केर सीको, एने आखो काय पुरो केरीन मोजबुत रेय सिकहो। \fig रोमी सिपाय|alt="Roman soldier" src="lb00196c.tif" size="col" copy="Horace Knowles ©" ref="6:10"\fig*
\p
\v 14 तानकेरता खेरायीन पोट्टा केरीन तुमरी कोमेर बांद लिवो, एने देरमान कवच पेरीन, 
\v 15 एने पाया माय सान्तीन हाजाली खुबेर ने तियारीन खाहड़ा पेरीन। 
\v 16 एने ज्या हेऱ्यो बोरहान ढाल लेन मोजबुत रिवो; जाकेरीन तुमू ता खाराबान हेलेगताला बेलखाह ओलाड़ सीको। 
\v 17 एने सुटकारान टुपो, एने जीवान तालवार जो बोगवानान वचन हे, लेय लिवो। 
\v 18 एकेक टेम माय आखी बातीन जीवा माय विन्ता, एने विन्ता किरते रिवो, एने ज्यानकेरता जागते रिवो काय आखा चोखाला माणहान केरता कायेम विन्ता केऱ्या किरो। 
\v 19 एने मार केरता बी विन्ता किरो काय जेवी मी वचन केणेन केरता मुय खोलुह, तेवी माहु ईमोत हेऱ्यो हाजाली खोबरीन मालमात केय सेकु। 
\v 20 ज्यानकेरता मी बेड्या एने हाकुल केरीन बांदायेल वकील हे, एने विन्ता किरो काय माहु जिहकेरीन ईमोत हेऱ्यो हाजाली खुबेर केणे जुवे, मी बोल सेकु।
\s आखरी नमस्‍कार
\p
\v 21 \x + \xo 6:21 \xo*\xt प्रेरितान काम 20:4; 2 तीमुथीयुस 4:12\xt*\x*\x + \xo 6:21 \xo*\xt कुलीसियो 4:7,8\xt*\x*तुखीकुस, जो मारो मोंगाल्लो बाहख एने मालीक माय विश्वासयोग्य पावोर हे, तुमूह आखी वातु केय काय तुमू बी मार बाराम जाणो काय मी किहीक रेथु। 
\v 22 ताह मी ज्यानकेरता तुमू फाय मोकलेल काय तुमू आमरी खुसीह जाणे, एने तो तुमरा मोनाह उत्साहित केरी।
\p
\v 23 आबोख बोगवान एने मालीक यीशु मसीन उगे रेन आखा बायाख सान्ती एने बोरहा हेऱ्यो मोंग जुड़ी। 
\v 24 जा आमरा मालीक यीशु मसीह अमर मोंग केरतेह, ता आखा पोर बोगवानान गीण एती रेय।