\id 2TI - Nahali
\ide UTF-8
\h 2 तीमुथीयुस
\toc3 2 तीमुथीयुस
\toc2 2 तीमुथीयुस
\toc1 तीमुथीयुस पौलुस लिखेल दुसरो पोत्रो
\mt2 तीमुथीयुस पौलुस ने लिखा हुआ दुसरा पत्र
\mt1 तीमुथीयुस पौलुस लिखेल दुसरो पोत्रो
\imt ओलखात
\ip दुसरा तीमुथीयुस ने पुस्तेक प्रेरित पौलुसान चेलो तीमुथीयुस ने केरता दुसरो पोत्र हे। 2 तीमुथीयुस पौलुसान जीवणान सेवली टेम माय लेखाय जायेल एतो। \xt 1:16\xt* ज्यी टेम रोम माय ताह जेल माय कोंड दियेल एता। पौलुस तीमुथीयुसा हिऱ्यो मोजबुत समंद मेलीन एने कायेम ताह एक पोत्र निर्देश किरेल हे। \xt फिलेपियो 2:22\xt*, \xt 1 तीमुथीयुस 1:2–1:18\xt*
\ip ज्यो पौलुसान चार पोत्राम रेन एक हे जाह मोंडली केणेन रेणदेन एगदा माणहाह संबोदित केराय जाथे। दिहऱ्यु तीन ओहल्यु पोत्रु 1 तीमुथीयुस, तीतुस एने फिलेमोन हेत्यु। ता टेमान दोवरान 2 तीमुथीयुस ने पोत्री लेखाय जायेल एती, जुलबुखे रोमन देसान विश्वासी माणहाह सेतावणे बाजरियेल एता। शायद ज्योस कारेण एतो काय पौलुस जेल माय ईतो एने तीमुथीयुसाह परिशानिन सामनो केरनेन केरता निर्देश आपतालो। 1 तीमुथीयुस ने रूप माय पौलुस तीमुथीयुसाह जुठा मास्तेर्‍यान बाराम चेतावणी आपेल। \xt 1 तीमुथीयुस 1:16-18\xt* एने तो तीमुथीयुसाह बी केणे काय ओंगाण केठीण टेम रेय। \xt 3:1\xt*
\iot रूपरेखा
\io1 1. पौलुस तीमुथीयुसाह शाबास आपेह एने पुशो ताह प्रोत्साहित किरेह। \ior 1:1-18\ior*
\io1 2. तो तीमुथीयुसाह ओंगाण जाणेन केरता चुनोती आपेह। \ior 2:1-13\ior*
\io1 3. तो ताह थोड़ाक सामान्य निर्देश आपेह। \ior 2:14-26\ior*
\io1 4. ओवतो तो ताह बविष्‍यान गेटनान एने जापाप आपणेन खेरलो तरीको किथे। \ior 3:1–4:8\ior*
\io1 5. पौलुस तीमुथीयुस ने केरता थोड्युक व्यक्तिगत टिप्‍पणि हिऱ्यो खेतेम किरेह। \ior 4:9-22\ior*
\c 1
\s नमस्‍कार
\p
\v 1 पौलुस ने उगे रेन मसी यीशु माय जो जेलेमक्यो जीवाय ने वायदो हे, तान बाराम गोसणा केरनेन केरता बोगवानान मोरजीन गेत प्रेरित हे, 
\v 2 \x + \xo 1:2 \xo*\xt प्रेरितान काम 16:1\xt*\x*मोंगाल्ला सोरा तीमुथीयुस ने नाव:
\p आबोख बोगवान एने मसी यीशुन उगे रेन तुवाह किव एने गीण एने सान्ती जुड़ते रेय।
\s दन्यवाद एने उत्साहित केरने
\p
\v 3 मी मारी विन्ता माय रात दिह तुवाह एर केरीन बोगवानान दन्यवाद केरथु, जान सेवा मी मारा डायडायान रिती पोर चोखाला मोना केरीन केरथु, 
\v 4 एने तार आहवान एर केरीन तुवाह मिलनेन जुलूम आसा केरथु, काय तुवाह देखीन खुसी माय बोराय जाव। 
\v 5 \x + \xo 1:5 \xo*\xt प्रेरितान काम 16:1\xt*\x*माहु तारा ता बिगेर कोपेट बोरहान एर आवीह, जो पेल तारी डावाली आहख लोइस एने तार आहख यूनीके माय एत्यु, माहु बुरहो हे काय तोस बुरहो तार माय बी हे। 
\v 6 ज्यानकेरता मी तुवाह एर केरावथो काय तु ता वरदानाह जीवतालो मेल जो तार उपेर मार आथ मेलनेन द्‍वारा बोगवान तुवाह आपेल हे। 
\v 7 काहाकाय बोगवान आमुह बिय ने नाह पुण ताकेत ने, मोंग ने एने दिरान जीव आपेल हे।
\p
\v 8 तानकेरता आमरा मालीकान हाजाली खोबरीन गोवाय केरीन, एने माहु रेन जो मसीन केयदी हे लाजवाहे मा, पुण ती ताकेत जी बोगवान तुवाह आपेल हे, तान गेत मार हिऱ्यो दुख उखलीन। 
\v 9 तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती। 
\v 10 पुण एवी आमरा सुटकारो केरन्या यीशु मसीन आवणेन द्‍वारे देखानो, जो मोतीन ताकेतीह खेतेम किऱ्यो एने जेलेमक्या जीवणान हाजाली खोबरीन द्‍वारा देखाड्यो। 
\v 11 \x + \xo 1:11 \xo*\xt 1 तीमुथीयुस 2:7\xt*\x*तानकेरता मी हाजाली खोबरीन गोसणा केरनेन केरता बोगवान माहु प्रेरित, एने मास्तेर ठेरायेल हे। 
\v 12 ज्यानकेरता ज्यो दुख मी वेठथु, तीबी लाजवात नाह, काहाकाय मी जा पोर बुरहो किरेल हे, ताह मी जाणथो; एने माहु बुरहो हे काय तो मार ईसाह ते दिह वोर राखवाली केर सिकेह।\f + \fr 1:12 \fr*\ft तो माहु बोरहा केरीन सुरो बाणायो; नाहते मी तान बोरहा केरीन सुरो बोणनु। \ft*\f* 
\v 13 जीहे काय तु मार फाय रेन होमलेल हे काय मालीक यीशु मसीन बुरहो, मोंग एने हाजाली हिकवोणान नमुनो बाणाव। 
\v 14 एने चोखाला जीवान द्‍वारे जो आमु माय बोह रेनोह, ज्यी हाजाल्यु वातुन राखवाली केर।
\p
\v 15 जा बुरहो केरनारे माणहे आसीया खेड़ा माय हेते, ता मार हेऱ्या रेन सेटा एय गीयाह, ज्यो तुवाह मालुम हे; जा माय फुगीलुस एने हिरमुगीनेस न्या हेते। 
\v 16 उनेसीफुरूसान गेराणा पोर मालीक गीण केरी, काहाकाय तो जुलूम वार माहु हुक पोचाड़ेल एने ताह मार बेड्या एने हाकुल माय बांदायेन लाज नाह आवीत। 
\v 17 पुण जेवी तो रोम माय आवो, ते जुलूम मेहनेत केरीन होदिन मार हिऱ्यो मिलानो। 
\v 18 ते दिह मालीक फाय रेन ताह गीण जुड़ी, ओहलो मालीक केरी; एने इफिसुस माय जो जो सेवान काम किरेल हे तु हास केरीन जाणेह।
\c 2
\s मसी यीशुन हाजो सिपाय
\p
\v 1 तान केरता एय मार सोरा, तु ता गीणा माय जो मसी यीशु माय एकतान द्‍वारा हे, ताकेतवान एय जा। 
\v 2 एने ती हिकवोण जीह तु मोकतास गोवान सामने मार फाय रेन होमलेल हे, ती हिकवोणाह विश्वासयोग्य माणहाह होप दे जा दिहराह हिकाड़नेन लायकीन एती। 
\v 3 मसी यीशुन हाजाला सिपायान गेत मार हिऱ्यो दुख वेठ। 
\v 4 काल्लो बी सिपाय लेड़ाणेन केरता जाथे, ते ज्यानकेरता काय ताह बोरती केरनाराह खुस केरी, एने आपणा आपाह दुनियान कामाम नाह फोसाड़ेत। 
\v 5 एने केदी दोवेड़नार नेमान गेत नाय दोवड़ी ताहार ताह ईनाम नाय जुड़ी। 
\v 6 एने जो किरसाण जुलूम मेहनेत किरेह, फोलान पेल्लो ईसो ताह जुड़ने जुवे। 
\v 7 जो मी केथु त्यु आख्‍यु वातु पोर द्यान दे, एने मालीक तुवाह आखी वातुन सोमेज आपी। 
\v 8 यीशु मसीह एर मेल, जो दाऊदान वोसीन पायदा ईनो एने मुरेल माय रेन जीव उठनो एने मारी हाजाली खोबरीन गेत मुरेल माय रेन जीव उठनो, ज्यो मारी हाजाली खोबरीन गेत हे। 
\v 9 ज्यानकेरता मी गुनेगारान गेत दुख वेठथु, न्या वोर काय मी जेली माय कोंडाय रिनोह, पुण बोगवानान वचन कोंडायेल नाह सोतो। 
\v 10 ज्यानकेरता मी निवाड़ेल माणहान केरता आखो काय वेठथु, काय ता बी ता सुटकाराह जो मसी यीशु माय हे जेलेमक्यो बोड़ाय हेऱ्यो जुड़ी। 
\v 11 ज्यी वात खेरली हे,
\q1 केदी आपु ता हेऱ्या मोर गीयाह,
\q2 ते ता हेऱ्या जीवहु बी;
\p
\v 12 \x + \xo 2:12 \xo*\xt मत्ती 10:33; लुका 12:9\xt*\x*एने केदी आपु दिर देरीन आखो वेठते रेहु, ते ता हेऱ्या राज बी केरहु;
\q1 एने केदी आपु ताह नाकार हु, ताहार तो बी आपुह नाकार देय;
\p
\v 13 केदी आपु अविश्वासी एय जाहु,
\q2 तीबी तो विश्वासयोग्य बोणीन रीथे,
\q1 काहाकाय तो सोतान नाकार नाह केर सिकेत।
\s हाजो कारागीर
\p
\v 14 तु ज्यी वातुन ताह एर केराव, एने मालीकान सामने ताह चेतावणी आप काय सोबदान बाराम बोलाचाल नाय केरी, जाकेरीन कायच फायदो नाह एत पुण होमेलनारे बिगेड़ जातेह। 
\v 15 तु खेरायीन वचनाह हास केरीन बोलनार, एने लाज आवणेन काल्लो बी कारेण नाय एय, बोगवानाह पोटी ओहलो काम केरनेन कोसीत केर। 
\v 16 पुण एठी वातीह रेन वोचीन रे, काहाकाय ओहला माणहे होवटाह विणबोक्ती माय वोड़ते जातेह। 
\v 17 एने तान वचन हिड़ेल गायीन गेत वोड़ती जाय। हुमीनयुस एने फिलेतुस ताच माय रेन हेते। 
\v 18 जा माणहे खेरायीह रेन बोटेक जायेल हेते, एने केतेह काय आमरो पोशो जीव उठणो एय गीयोह एने थोड़ाक माणहान बोरहाह खेतेम केर देतेह। 
\v 19 तीबी बोगवान बाणायेल पाको पायो बोणीन रीथे, एने ता पोर सिक्को बी लागाड़ेल हे: “मालीक तान जा माणहे हेते ताह ओलखेह,” एने “जो कुण मालीकान नाव लिथे, तो अन्याय केरने से वोचीन रेय।”
\p
\v 20 मोटला गेराम होनो चांदीन ठामला ओलास नाह, पुण लाकड़ान एने माटड्यान बी रेणु; काल्ला काल्ला मान सम्मान ने केरता, एने काल्ला काल्ला ओवला कामान केरता। 
\v 21 केदी एगदो सोताह न्या माय रेन चोखो केरी, ते तो मान सम्मान केरनेन ठामलो एने चोखालो ठेराय; काहाकाय तो समर्पित एयीन मालीकान काम आवी, एने आखा हाजा कामान केरता तियार एय। 
\v 22 जुवानीन मोरजीह रेन सिटो नाह, एने चोखो मोन से मालीकान नाव लेणारा हिऱ्यो देरेम, बुरहो, एने मोंग, एने ईलीमिलीन रेणारान पासाण लाग। 
\v 23 पुण फोगापोणाह रेन एने मालुम नाह ओहला बोलाचालाह रेन सिटो रिजे, काहाकाय तु जाणेह काय जाकेरीन जेगड़ा एतेह। 
\v 24 मालीक ने पावोर जीगड़ो केरनार नाय रेणे जुवे, पुण तो आखा हिऱ्यो नेरमाय माय एने हिकाड़ने माय लायकीन, एने आखो काय वेठणार एय। 
\v 25 एने विरोद केरनाराह गेरबोड़ाय माय सोमजाड़नार रेणे जुवे, काय जाणे बोगवान ताह पापाम रेन मोन फिरावणेन मोन आपी काय खेरायीह ओलखी। 
\v 26 एने ता सुद्दी माय आवीन सैतानान फासाम रेन सुट जाय, जो ताह तान मोरजी पुरी केरनेन केरता बोंदी बाणायेल ईतो।
\c 3
\s सेवले दिह
\p
\v 1 पुण सेवल्या कालाम केठीण दिह आवती ज्यो तु सोमजी ले। 
\v 2 काहाकाय माणहे कोपटी, लोबी, मोठलाय केरनारे, मोठाय, चिहटा केरनारे, आईख आबाख ने मान नाह मेलनारे, उपकाराह एर नाह केरनारे, एठा, 
\v 3 गीण नाह केरनारे, माफ नाह केरनारे, चुगली केरनारे, सोता पोर काबु नाह केरनारे, विरोदी, हाजालान दुसमोन, 
\v 4 बुरहो तोड़नारे, पिटारा, मोठाय माय फुलनारे, एने बोगवानाह मोंग केरनारे नाह पुण मोज मोचती होदणारे रेती। 
\v 5 ता बोक्‍तीन वेह ते देरती, पुण तान सेक्तीह नाय मानती; ओहला माणहा हेऱ्या रेन सेटा रिज्यो। 
\v 6 ताम रेन कोलाक ओहला माणहे हेते जा गेरा माय मोनेस रिग जातेह, एने पापान दोसाम दाबायील, एने आलेग आलेग बातीन लोब लालुस माय फोस रेन्युह, ता ओहल्यु कोमजोर बायकुह ताबाम केरतेह, 
\v 7 ज्‍यु कायेम हिकते ते रेत्युह, पुण खेरायीन ओलखात वोर नाह पोचत्यु। 
\v 8 जिहकेरीन यन्नेस एने यम्ब्रेस न्या मुसान विरोद किरेल एता, तिहेस केरीन ज्या बी खेरायीन विरोद केरतेह; ता ओहला माणहे हेते, जान बुद्दी बिगेड़ गियीह, एने ता बोरहान बाराम आरवाय जातेह। 
\v 9 पुण ता ज्याह रेन ओंगाण नाह वोड़ सेकते, काहाकाय आखा माणहे तान फोगवायीह देखती काय ता कोलाक फोगा हेते। तिहेस केरीन जीहे यन्नेस एने यम्ब्रेसा हिऱ्यो एनो।
\s संकटाम रेन वोचणो
\p
\v 10 पुण तु मार हिकवोण, चाल चलन, मोरजी, बुरहो, वेठणेन, मोंग, दिर, एने सताव एणेम एने दुख उखेलनेन टेम माय मार सात दिनो। 
\v 11 \x + \xo 3:11 \xo*\xt प्रेरितान काम 13:14-52; \xt*\xt प्रेरितान काम 14:1-7; \xt*\xt प्रेरितान काम 14:8-20\xt*\x*एने माहु पोर जो दुख अन्‍ताकिया माय इकुनियुम माय एने लुस्रा माय पुड़ेल एतो, एने जो काय मी सेहेन किरेल तो तु जाणेह, पुण मालीक माहु ताम रेन सोड़ीव लियेल। 
\v 12 पुण जोला बी माणहे मसी यीशु हेऱ्या बोक्ती माय जीवणे होद्तेह, ता आखा वेला केरावाय जाती। 
\v 13 पुण खाराब एने बोटकावणारे माणहे दिहराह ठेगती, एने खुद बी ठेगायेन खाराब कामा माय होवटाह बिगेड़ते जाती। 
\v 14 पुण ज्यी खेरल्यु वातुह तु हिकेल एने बुरहो किरेल हे, एने जान बाराम तुवाह जाणीव एय जायेल हे, त्युह तु देर रे। 
\v 15 एने तु आत्योच रेन चोखाली पुस्तेक माय जो लिखेल हे तो जाणेह, जो तुवाह इकेल आपेह काय तु यीशु मसीन बोरहान द्‍वारे सुटकारो वोर पोची। 
\v 16 \f + \fr 3:16 \fr*\ft आखो पुस्तेक बोगवान प्रेरित किरेल हे एने वापेर माय; नाहते बोगवान प्रेरित किरेल ओहलो एकेक पुस्तेक वापेरनेन बाराबोर हे।\ft*\f*आखी चोखाली पुस्तेक बोगवानान योजनान द्‍वारे बोणाय गियीह, एने हिकाड़नेन, एने सोमजाड़ ने, एने हुदारने, एने देरमान हिकवोणान केरता फायदावाली हे, 
\v 17 ज्यानकेरता काय बोगवानान बक्त पुरो एन आखा हाजा कामान केरता तियार एय जाय।
\c 4
\p
\v 1 बोगवानाह एने मसी यीशुन उपस्थिती माय जो जीवतालान एने मुरेलान दुयून नियाव केरी, एने राजा बोणीन राज केरने आवी गोवा मानेन मी विन्ती केरथु। 
\v 2 काय तु वचनान पारचार केर, टेम माय एने बिगेर टेम माय तियार रे, आखी बातीन सेहणे माय एने हिकवोण हेऱ्यो उत्साह आपीन जोर दे, एने दोपकाव एने सोमजाड़। 
\v 3 काहाकाय ओहलो टेम आवी जेवी माणहे खेरलो हिकवोण नाय वेठ सेकती ता फोक्‍तो सोताह समादान जुड़ी ओहल्यु वातु काना केरीन होमेलनेन केरता आपणा लोब लालुसान गेत आपणी केरता जुलूम होवटा मास्तेर्‍याह टोलीव लेती। 
\v 4 एने तान कान खेरायीन उगे रेन फेरवीन काल्पनीक वार्ता पोर लागाड़तेह। 
\v 5 पुण तु आखी परीस्थिती माय सोताह ताबाम मेल दुख विस, हाजाली खोबरीन पारचार ने काम केर, एने तारी सेवाह पुरी केर।
\p
\v 6 काहाकाय एवी मारो अर्पण ईथे, एने माहु ज्यो जीवणो सोड़ीन जाणेन टेम आव लागेल हे। 
\v 7 मी हाजी दोवोड़ दोवेड़ लीदोह, मारो दोवड़नो मी पुरो केर लियेल हे, एने बोरहान राखवाली मी किरेल हे।\f + \fr 4:7 \fr*\ft बोरहावालो रियेल हे; नाहते किरेल वायदा पोर खीरलो रिनोह। \ft*\f* 
\v 8 एवी ओंगाण मार केरता नियाव तो मुकूट मेल रिनोह, मालीक जो देरमी एने नियाव केरनार हे, ते दिह माहु आपी, एने माहु ओलोस नाह, पुण ता आखान केरता जा तान आवणेन मोंगाल्लो जाणतेह।
\s व्यक्तिगत खुबेर
\p
\v 9 तुवाह एय तोलोक उतवाल्योह मार फाय आवणेन कोसीत केर। 
\v 10 \x + \xo 4:10 \xo*\xt कुलीसियो 4:14; फिलेमोन 1:24; \xt*\xt 2 कुरिंथीयो 8:23; गलातीयो 2:3; तीतुस 1:4\xt*\x*काहाकाय देमास ज्यी दुनियाह मोंगाल्ली जाणीन माहु सोड़ दिनोह, एने थिस्सलुनिक्यो माय जात रिनोह। क्रेसकेंस गलातीयाम एने तीतुस दलमतीया माय जात रिनोह। 
\v 11 \x + \xo 4:11 \xo*\xt कुलीसियो 4:14; फिलेमोन 1:24; \xt*\xt प्रेरितान काम 12:12,25; 13:13; 15:37-39; कुलीसियो 4:10; फिलेमोन 1:24\xt*\x*लुका ओलोस मार हिऱ्यो हे। मरकुसाह लेन आवती रे; काहाकाय सेवान केरीन तो मार केरता जुलूम मोदेक केरनार हे। 
\v 12 \x + \xo 4:12 \xo*\xt प्रेरितान काम 20:4; इफिसीयो 6:21,22; कुलीसियो 4:7,8\xt*\x*तुखीकुसाह मी इफिसुस माय मुकलेल हे। 
\v 13 \x + \xo 4:13 \xo*\xt प्रेरितान काम 20:6\xt*\x*जेवी तु आवहे तेवी मार डेगलो जो मी त्रोआसाम करपुस फाय मेलीन आयेल हे, ताह एने पुस्तेक खास केरीन लेखणेन केरता चामड़ान पोत्रो लीयावजे। \fig हाजाली स्याई केरीन लिखेल उबरियेल पोत्रा |alt="Scrolls standing by ink well" src="hk00153c.tif" size="col" copy="Scrolls standing by ink well" ref="4:13"\fig*
\p
\v 14 \x + \xo 4:14 \xo*\xt 1 तीमुथीयुस 1:20; \xt*\xt रोमीयो 2:6\xt*\x*आलेकजांडर ताम्रकार माहु जुलूम नुकसान पोचाड़ेल हे, मालीक तान कामान गेत ताह बुदलो आपी। 
\v 15 तु बी ताह रेन जोगवीन रे, काहाकाय तो आमरी वातुन जुलूम विरोद किरेल हे।
\p
\v 16 पेल्‍ली वार मार जापाप आपणेन टेम माय मार उगे कुणूस नाह एतो, पुण आखा माहु सोड़ दियेल एता। हाजो एय काय ताह ज्यान लेखो आपणे नाय पोड़ी। 
\v 17 पुण मालीक मार मोदेक ने केरता मार हिऱ्यो उब रिनो, काहाकाय मार द्‍वारे पुरो पुरो पारचार एय एने आखा देसान माणहे होमेल लेय केरीन तो माहु ताकेत आप्यो। एने माहु मोतीन डेंडाह रेन सोड़वेल। 
\v 18 मालीक माहु आखा खाराब कामाह रेन सोड़ीव लेय, एने तान हेरगान राज माय होमालीन पोचाड़ी। तान जेलेम बोड़ाय एते रेय। आमेन।
\s बोरकेत
\p
\v 19 \x + \xo 4:19 \xo*\xt प्रेरितान काम 18:2; \xt*\xt 2 तीमुथीयुस 1:16,17\xt*\x*प्रिस्‍का एने अक्विलाह एने उनेसीफुरूसान गेराणान माणहाह नमस्‍कार। 
\v 20 \x + \xo 4:20 \xo*\xt प्रेरितान काम 19:22; रोमीयो 16:23; \xt*\xt प्रेरितान काम 20:4; 21:29\xt*\x*इरास्तुस कुरिंथीयो माय रेय गीयोह, एने त्रुफिमुस दुखाऱ्यो एय गीयोह ताह मी मीलेतुस माय मेलीन आवोह। 
\v 21 ईवालो आवणेन पेल मार फाय आवणेन कोसीत केर। युबूल एने पुदेस, एने लीनुस एने क्लोदिया, एने आखा विश्वासी बायाख नमस्‍कार।
\p
\v 22 मालीक तार जीवा हिऱ्यो रेय। एने तुमू पोर बोगवानान गीण एती रेय।