\id 1PE - Nahali
\ide UTF-8
\h 1 पतरस
\toc3 1 पतरस
\toc2 1 पतरस
\toc1 पतरस लिखेल पेल्लो पोत्रो
\mt2 पतरस लिखा हुआ पहला पत्र
\mt1 पतरस लिखेल पेल्लो पोत्रो
\imt ओलखात
\ip पेल्ला पतरसान पोत्री प्रेरित पतरसान द्‍वारा लेखाय जायेल एती। पतरस ज्यो केयीन तान पोत्र सुरू किरेह काय तो कुण ईतो एने कुणीन केरता तो लेखणे बाजरिनोह। पतरस ता आखा बुरहो केरनारा माणहाह पोत्रान निसाण देखाड्यो जा ताह “एंजाण्या” केया \xt 1:1\xt* \xt 1:17\xt* एने \xt 2:11\xt* ता तान वाचणारान इहकेरीन जुलूम वार संदर्बित किरेल हे, काहाकाय ता आलेग आलेग देसा माय वेराय रियेल एता। काहाकाय ज्यो पोत्र पौलुसान इफिसीयोन पोत्रीन गेत हे, कोलाक माणहे मानतेह काय मसीन जेल्मान 65 वोरह्या पासाण इफिसीयोन पोत्रीन पासाण पेल्‍ली पोत्री लेखाय जायेल। पतरस रोम माय रेन ज्यो पोत्र लिखेल ईतो जाह तो बाबुल केयो। \xt 5:13\xt*
\ip पतरस किथे, “ज्या पोत्राह तो तुमूह ओंगाण केरने एने ज्यो मोजबुत केरनेन केरता लिखेल हे काय ज्यी बोगवानान खेरली गीण हे।” \xt 5:12\xt* \xt 1 पतरस 2:11–3:7\xt* \xt इफिसीयो 5:18–6:9\xt* एने \xt कुलीसियो 3:18–4:6\xt* विचीम जुलूम हारको हे। ज्‍यु तीन बागा माय कुटूमान नातो एने आदिकाराह पालेन केरनेन बाराम निसाण जुड़ेह। तो दुखाऱ्याह दुखाम मोजबुत रेणेन केरता तियार केरने काहाकाय सेवल्यो टेम आहने हे। \xt 4:1\xt*
\iot रूपरेखा
\io1 1. पतरस सोतान ओलखात किरेह एने वाचणाराह किथे। \ior 1:1-2\ior*
\io1 2. उवतो तो सुटकारान केरता बोगवानान दन्यवाद किरेह काय ता आखा सोमजी लेय काय ज्यान मतलब तान जीवणान केरता काय हे। \ior 1:3–2:10\ior*
\io1 3. तान बाद तो बुरहो केरनाराह निसाण आपेह काय दुनिया माय हास केरीन रेणु हे एने एदमी एने बायकु एने पावोर एने मालीकान विचीम बात बातीन नाताह देखाड़ीह। \ior 2:11–4:11\ior*
\io1 4. तान पासाण पतरस नाराज एणे बुखेत ताह मोजबुत खुस किरेह। \ior 4:12–5:11\ior*
\io1 5. तो सेवली वार तान पोत्रीह लेखणे बोंद किरेह। \ior 5:12-14\ior*
\c 1
\s नमस्‍कार
\p
\v 1 पतरसान उगे रेन जो यीशु मसीन प्रेरित हे, जा बोगवानान निवाड़ेल हेते, पुन्तुस, गलातीया, कप्‍पदुकिया, आसीया एने बेतनिया माय पोरदेसी एन रेतेह, 
\v 2 तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय,
\p तुमूह गीण एने सान्ती जुलूम काय जुलूम जुड़ते रेय।
\s एक जीवताली आसा
\p
\v 3 आमरो मालीक यीशु मसीन आबाख बोगवानान बोड़ाय एय, जो यीशु मसीह मुरेल माय रेन जीव उठाड़ीन, तान मोटली गीण केरीन आपुह जीवताली आसान केरता नोवालो जेल्मो आपेल हे। 
\v 4 काय ता आदिकाराह सापड़ावे जो बोगवाना फाय रेन जुड़ेह, जो खेतेम नाह एणार सोतो, हाजो एने जेलेमक्यो हे तो तुमरी केरता हेरगा माय मीलेल हे; 
\v 5 तुमरी राखवाली बोगवानान ताकेत ने द्‍वारे बोरहा केरीन ता सुटकारान केरता जो सेवल्या टेम माय देखाण्यो हे। 
\v 6 तानकेरता तुमू जुलूम खुस हेते, एने जोरेवरी हे काय तुमूह एवी थोड़ाक दिह्यान केरता बात बातीन पारेख ने वोजेसे दुख बोगणे पोड़ी; 
\v 7 ज्यो ज्यानकेरता एनो काय तुमरो बुरहो पारखाय जाए, चोखालो निकले, एने मोजबुत रेय जिहकेरीन खेतेम एणार होनान पारेख आक्‍ठा केरीन केरनु ता होनाह रेन बी जादा किमतीदार बुरहो हे, तो यीशु मसीन आवणेन टेम पोर ईजुत एने बोड़ाय एने आदर ने कारेण ठेराय। 
\v 8 तुमू ताह नाह देख्या, तीबी तुमू ताह मोंग केरतेह, एने एवी ता पोर बिगेर देखीन बी बुरहो केरीन ओहला खुस एने खुसी एतेह काय केणेन बाहेर एने बोड़ाय केरीन बोरायेल हे; 
\v 9 एने तुमरा बोरहान फोल मतलब जीवान सुटकारो सापड़ावतेह।
\p
\v 10 ज्यास सुटकारान बाराम ता जाणाव केरनारे जुलूम हास केरीन होद लागाड्या, जा ता गीणान बाराम जो तुमरी पोर एण्यो एतो, जाणाव किरेल एता। 
\v 11 \f + \fr 1:11 \fr*\ft तो टेम केवी एय एने तो टेम किहीक आवी; तो कुण एय एने काहरी एय।\ft*\f*ता जाणाव केरनारे मसी पोर आवण्या दुखान टेमाम एने ती बोड़ाय जी ज्या दुखान पासाण देखाय ज्यान होद मसीन जीवा केरीन केऱ्या जो ता माय एतो। 
\v 12 बोगवान ता जाणाव केरनाराह देखाड्यो काय ता सोतान नाह पुण तुमरी सेवान केरता ज्‍यु वातु केऱ्या केरताला, जान खुबेर एवी तुमूह तान द्‍वारा जुड़नी जा चोखाला जीवान उगे रेन, जो हेरगाम रेन मोकलाय गीयो, तुमूह हाजाली खुबेर होमलाड्या; एने ज्‍यु वातुह हेरोगदुत बी हास केरीन देखणेन आसा मेलतेह।
\s चोखालो जीवन जीवणेन हादावणी
\p
\v 13 तानकेरता आपणी आपणी एकलीन कोमेर बांदिन, एने होमालीन रेन ती गीणीन पुरी आसा मीलो, जो यीशु मसीह आवण्या टेमा माय तुमूह जुड़न्यो हे। 
\v 14 वात मान्नारा सोरान गेत आपणी विणएकलीन टेमान जुनाला मोरजीन होस मा बुणो। 
\v 15 पुण जोहलो तुमरो हादणार चोखालो हे, तिहेच केरीन तुमू बी तुमरा आखा बोलना चालना माय चोखाला बुणो। 
\v 16 काहाकाय लिखेल हे, “चोखाला बुणो, काहाकाय मी चोखालो हे।” 
\v 17 एने जेवी तुमू “एय आबा” केयीन ताह विन्ता केरतेह, जो बिगेर बेदबाव आखान कामान गेत नियाव किरेह, ताहार तुमू देरती पोर रेणेन बुखेत बिते लेन जीवो। 
\v 18 काहाकाय तुमू जाणतेह काय तुमरो खाराब बोलनो चालनो जो डायडाया रेन चालते आवणे बाजरेनोह, ताकेरीन तुमरो सुटकारो होना चांदी मतलब खेतेम एणार चिजीन द्‍वारा नाह एनो; 
\v 19 पुण निर्दोस एने विणढाग्यो गीदल्यो, मतलब मसीन किमतीदार लुयीन उगे रेन ईयेल। 
\v 20 बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो। 
\v 21 तान द्‍वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।
\p
\v 22 जेवी तुमू बायबांडलान केरता बिगेर कोपेट मोंग ने केरता खेरायीह पालेन केरीन तुमरा मोनाह चोखा किरेल हेते, ते पुरो मोन लागाड़ीन एका दिहरा हेऱ्या जादा मोंग किरो।\f + \fr 1:22 \fr*\ft तुमरा पुरा मोना केरीन; थोड़ाक लेख माय चोखा मोना केरीन लिखेल हे।\ft*\f* 
\v 23 काहाकाय तुमू खेतेम एण्यो नाह, पुण खेतेम नाह एणार बिजा केरीन बोगवानान जीवतालो एने कायेम रेणार वचनान द्‍वारा नोवालो जेल्मो सापड़ायेल हेते।\x + \xo 1:23 \xo*\xt यशाया 40:6,7\xt*\x* 
\v 24 काहाकाय पुस्तेक माय लिखेल हे:
\q1 “आखा माणहे खेड़ान गेत हेते,
\q2 एने तान आखी होबा खेड़ान फुलान गेत हे,
\q1 खेड़ हुक जाथे, एने फुल ओदरी जाथे।\x + \xo 1:24 \xo*\xt यशाया 40:8\xt*\x*
\q1
\v 25 पुण मालीकान वचन कायेम टिकीन रीथे।”
\m एने ज्योस हाजाली खोबरीन वचन हे, जो तुमूह होमलाड़ेल एतो।
\c 2
\s जीवतालो दिगोड़ एने तान निवाड़ेल माणहे
\p
\v 1 तानकेरता आखो खाराबपोणा एने दुसमोनी एने कोपेट एने कुयराय एने चिहटाह निकाल दिवो। 
\v 2 नोवालो सोरो पायदा ईयेल ने गेत चोखो जीवावाला दुदान आसा किरो, काहाकाय तान उगे रेन सुटकारो जुड़नेन केरता वोड़ते जावो, 
\v 3 जीहे काय वचन किथे काय तुमू आपाप जाण जायेल हेते काय मालीक कोलोक हाजो हे।
\p
\v 4 एवी ता जीवताला देगड़ा फाय जाईन जाह माणहे ते ठोकराव दियेल एता, पुण तो बोगवानान नेजरी माय निवाड़ेल एने किमतीदार हे, 
\v 5 तुमू बी खुद जीवताला देगड़ान गेत जीवान गेर बोणती जातेह, ज्यानकेरता काय चाकर्‍यान चोखालो सोमाज बोणीन, ओहला जीवावाली बोली चेड़ावो जो यीशु मसीन द्‍वारा बोगवानाह पोटी। 
\v 6 काहाकाय चोखाली पुस्तेक माय लिखेल हे:
\q1 “दिखो, मी सियोन माय एक निवाड़ेल आदार ने दिगोड़,
\q2 मतलब कोपरान एक किमतीदार दिगोड़ बोहाड़थो,
\q2 एने जो ता पोर बुरहो किरेह, तो केदी लाजवाय नाय।”
\m
\v 7 केरीन तुमूह बुरहो केरनारान केरता तो दिगोड़ किमतीदार हे,
\q1 “पुण जा बुरहो नाह केरते तानकेरता जा देगड़ाह मिस्तऱ्या कायस कामान नाह सोमजीन काड़ दियेल,
\q2 तोस कोपरान दिगोड़ बोण गीयो,”
\m
\v 8 एने दिहरा पुस्तेक माय ज्यो बी लिखेल हे:
\q1 “ज्यो तु दिगोड़ हे जो माणहाह ठेच पोचाड़नेन कारेण बोणी,
\q2 ज्यो दिगोड़ माणहाह ठोकेर खावाड़ीन पाड़ी, एने ता ठोकेर खाती,”
\m काहाकाय ता बोगवानान वचन पोर बुरहो नाह केरती। एने ज्‍यीस तान केरता बोगवानान मोरजी एती।
\p
\v 9 \x + \xo 2:9 \xo*\xt तीतुस 2:14\xt*\x*पुण तुमू ते एक निवाड़ेल वोस, एने राजकिय चाकर्‍यान सोमाज, एने चोखाला माणहे, एने बोगवानान सोतान माणहे हेते, ज्यानकेरता काय जो तुमूह आदारलाम रेन तान मोटला उजालाम हादेल हे, तान गुण देखाड़ो। 
\v 10 तुमू ते पेल बोगवानान माणहे नाह एता पुण एवी बोगवानान माणहे हेते; तुमूह गीण जुड़ेल नाह एती, पुण एवी तुमू पोर गीण एनीह।
\s बोगवानान सेवक
\p
\v 11 एय मोंगाल्ला, मी तुमूह विन्ता केरथु काय तुमू सोताह पाराया एने एंजाणल्या सोमजीन ता सारिरीक मोरजीह रेन सेटा रिवो, जो जीव कायेम तुमरे विरोद लेड़ाय केरती रिथे। 
\v 12 बिगेर यहुदिन विची माय आपणो बोलनो चालनो हाजो बाणावीन मीलो, ज्यानकेरता काय ज्‍यु वातु माय ता खाराब काम केरनारे सोमजीन तुमरी चिहटा केरतेह, त्युस वातु माय तुमरा हाजाला कामाह देखीन नियावान दिह बोगवानान बोड़ाय केरी।
\p
\v 13 मालीकान केरता माणहे ठेरायेल एक एक जाण आदिकारीन ताबाम रिवो। 
\v 14 राजान ताबाम रिवो। तु मुठलो आदिकारी हे, एने आदिकारीन ताबाम रिवो, ताह बोगवान खाराब काम केरनाराह डेंड आपणे एने बोलो काम केरनाराह साबासकी आपणेन केरता मुकलेल हे। 
\v 15 काहाकाय बोगवानान मोरजी ज्यी हे काय तुमू हाजो काम केरीन विणएकलीन वातु बोलनारा फोगा माणहान मुय बोंद केर दिहो। 
\v 16 सुटेल माणहान गेत जीवणो जीवो, पुण तुमरा सुटकारान वापेर खाराब वात्युह लीकाड़नेन केरता मा किरो; पुण सोताह बोगवानान सेवक सोमजीन चालो। 
\v 17 आखान मान मीलो, बायबांडलाह मोंग किरो, बोगवानाह बिवो, राजान मान मीलो।
\s मसीन दुखान किस्सो
\p
\v 18 एय पावोर, तुमू बिते लेन तुमरा मालीकान ताबाम रिवो, जा हाजा एने गेरीब हेते तास ने नाह, पुण जा वातड़ा मोनावाला हेते तान बी ताबाम रिवो। 
\v 19 जेवी एगदो गेलेत एतालोन बोगवानान केरता दुख विठेह ताहार तो हाजो हे। 
\v 20 जेवी तुमू पाप केरतेह एने तुमरी हेऱ्यो खाराब वेवार ईथे, तेवी केदी तुमू ताह सेहेन केर लेतेह ताहार ज्या माय बोड़ाय केरनेन काय वात हे? पुण केदी तुमू हाजो काम केरीन दुख वेठतेह एने दिर देरतेह, ताहार ज्यो बोगवानाह पुटीह। 
\v 21 एने तुमू ज्यास ने केरता हादाड़ाय जायेल हेते, काहाकाय मसी बी तुमरी केरता दुख वेठीन तुमूह एक हाजी निसाणी आप जायेल हे काय तुमू बी तान पायरा पोर पाय मेलीन चाले। 
\v 22 तो पाप नाह किऱ्यो, एने तान मुयाम रेन कोपेट ने काल्ली वात नाह निकेलनी। 
\v 23 यीशु जुलनो होमलीन जुलतालो नाह, एने दुख वेठते लेन कुणीह बी दोमकी नाह देतालो, पुण सोताह बोगवान जो नियाव केरनार हे ता पोर तुमरी आसा बोणावीन मीलो। \x + \xo 2:23 \xo*\xt यशाया 53:5\xt*\x* 
\v 24 यीशु खुद आपणा पापाह तान सेरीर पोर लेएन खुरूसखाम पोर चेड़ गीयो, ज्यानकेरता काय आपणा पापान केरता मोरी एने नियाव केरनारान केरता जीवे: तान मार खाणे से तुमू हुदरी जायेल हेते। \x + \xo 2:24 \xo*\xt यशाया 53:6\xt*\x* 
\v 25 काहाकाय तुमू पेल मेंड्रान गेत बोटेकताला, पुण एवी तुमरा जीवान राखवाल्या एने गोवाल्या फाय पोशा वोलीन आयेल हेते।
\c 3
\s एदमी एने बायकु
\p
\v 1 \x + \xo 3:1 \xo*\xt इफिसीयो 5:22; कुलीसियो 3:18\xt*\x*एय बायकु, तुमू बी तुमरा एदम्यान ताबाम रिवो, काहाकाय ज्याम रेन एगदो बोगवानान वचन पोर बुरहो नाह किरेत ताहार तुमरा वेवारा केरीस ने तुमू ता बोरहा केरीन जिक सेकतेह ज्यानकेरता तुमूह ता हेऱ्या वातु केरनेन बी जोरेवरी ना सोती। 
\v 2 काहाकाय ता देखती काय तुमरो वेवारो चोखो एने बोक्ती माय एय। 
\v 3 \x + \xo 3:3 \xo*\xt 1 तीमुथीयुस 2:9\xt*\x*तुमरी होबा फोक्‍तो बाहेर रेन देखाड़नो नाय जुवे, जिहकेरीन लेट्या गुथणे, एने होनान गेयणो पेरने, एने बात बातीन फाड़का पेरने, 
\v 4 केरीन ज्यो तुमरो मायवालो व्यक्तिगत जुवे, जा गेरबोड़ा एने मोनान गेरबोड़ायीन खेतेम नाह एणार होबा केरीन हिंगारेल जुवे, काहाकाय बोगवानान नेजरी माय ज्यान किमोत मोठो हे। 
\v 5 काहाकाय पेल्ला काला माय बोगवाना पोर आसा मेलनार्‍यु बोक्ती केरनार्‍यु बायकु बी त्यु आप आपणा एदम्यान ताबाम रेयीन सोताह इहीचकेरीन हिंगारताल्यु। 
\v 6 जिहकेरीन सारा तीन एदमी अब्राहाम ने उकुम मानताली। तिहेच केरीन तुमू बी हाजो किरो एने बिवो मा, ते तुमू सारान बेट्युख ठेराहो।
\p
\v 7 \x + \xo 3:7 \xo*\xt इफिसीयो 5:25; कुलीसियो 3:19\xt*\x*तिहेच केरीन एय एदमी, तुमू बी तुमर्‍यु बायकु हेऱ्या सोमेजदारी केरीन जीवणो जीवो, एने बायकुह कोमजोर ठामलो सोमजीन तीन मान मीलो, ज्यो सोमजीन काय आमु दुय जीवणान वरदानान वोस हेते, ज्यानकेरता काय तुमरी विन्ता माय एड़थेड़ो नाय आवी।
\s हाजो केरनेन कारेण तेकलीत
\p
\v 8 केरीन तुमू आखा मोना माय दोस्तीदार बोणीन रिवो, गीण एने एका दिहरा पोर मोंग किरो, किव केरनार एने गेरीब बुणो। 
\v 9 बुराय ने बोदले बुराय एने हारापान बोदले हाराप इहकेरीन मा किरो; पुण ज्यान उलटा बोरकेतुस आपो, काहाकाय तुमू बोरकेत ने वारीस बोणनेन केरता हादाड़ाय जायेल हेते। 
\v 10 काहाकाय पुस्तेक माय लिखेल हे:
\q1 “जो कुण जीवणान आसा मिलेह,
\q2 एने हाजा दिह देखणे हुदेह,
\q2 तो तान जिबीह बुरायीह रेन, एने तान ओठाह कोपेट ने वातु केरने से रोकीन मीले।
\q1
\v 11 तो बुरायीह सोड़ी एने हाजो तो केरी;
\q2 एने तो पुरा मोना केरीन सान्ती होदणेन केरता कोसीत केरी।
\q1
\v 12 काहाकाय मालीकान डोला न्यायी माणहा पोर लागेल रेतेह,
\q2 एने तान कान तान विन्तान उगे लागेल रेतेह;
\q2 पुण मालीक बुराय केरनारान उगे रेन मुय फिराव लिथे।”
\p
\v 13 केदी तुमू हाजो केरनेन केरता कायेम तियार रिहो ताहार तुमूह नुकसान कुण पोचाड़ सिकेह? 
\v 14 \x + \xo 3:14 \xo*\xt मत्ती 5:10\xt*\x*केदी तुमू खेराय ने केरता दुख बी विठहो, ताहार बोरकेतवाला हेते! पुण माणहान बिगाड़े ते मा बिहो, एने मा गाबराहो। 
\v 15 पुण मसीह मालीक जाणीन आप आपणा मोना माय मान सम्मान मीलो। जो कुण तुमूह तुमरी आसान बाराम काह फुसी, ताह जापाप आपणेन केरता कायेम तियार रिवो, पुण गेरबोड़ाय एने बिते लेन जापाप आपो; 
\v 16 एने मोन बी चोखो मीलो, ज्यानकेरता काय जी वातुन बाराम तुमरी ईजुत वेराह तान बाराम ता, जा मसी माय तुमरा हाजा वेवारान अपमान केरतेह, ता लाजवाती। 
\v 17 काहाकाय बोगवानान मोरजी ज्‍यीस हे काय बुराय केरनेन बोदले हाजो केरीन दुख विठो ज्‍यीस बोगवानान मोरजी हे। 
\v 18 \f + \fr 3:18 \fr*\ft मुरेल; थोड़ाक लेख माय तेकलीत सेहेन किरेल लिखेल हे।\ft*\f*ज्यानकेरता मसी बी आखा पापान केरता एकुस वार मुरेल काय आपुह बोगवानान आहने खेरला बोणावीन पोचाड़ी एने तो सेरीरा केरीन ते माराय गीयो, पुण जीवा माय जीवाड़ाय गीयो। 
\v 19 ता जीवान उगे रेन यीशु जाईन कोंडायेल जीवाह पारचार किऱ्यो, 
\v 20 ता ज्या जीव हेते जा ती टेम बोगवानान उकुम नाह मान्नारे एता जेवी नुहान डोंडह्यो बोणने बाजरियेल एतो एने बोगवान दिर देरीन वाट जोवतालो। ता डोंडह्‍याम फोक्‍तो आठ जाणे पाण्याह रेन वोच गीया। 
\v 21 ज्यो ता बपतीस्मान गेत हे, जाकेरीन एवी तुमरो सुटकारो ईथे। ज्या माय सेरीरान मोयेल दोवणे नाह सोतो, पुण चोखाला मोनान केरता बोगवाना हेऱ्यो हाजो वायदो हे, एवी ते तुमूह यीशु मसीन जीव उठणेन द्‍वारा वोचाड़ेह। 
\v 22 यीशु हेरगा माय जाईन बोगवानान जीवड़े उगे बुहेल हे; एने हेरोगदुत एने हेरगावाला आदिकारी एने ताकेत तान ताबाम केराय जायेल हेते।
\c 4
\s बुदलेल जीवणो
\p
\v 1 ज्यानकेरता मसी जेवी सेरीर माय एन दुख वेठ्यो, ते तुमू बी तीस आसाह आथ्‍यारान गेत तियार किरो; काहाकाय जो सेरीर माय दुख वेठ्यो तो पापाह रेन सुट जायेल हे। 
\v 2 ज्यानकेरता काय तुमू तुमरा उगरेल जीवणाम रेन वोय माणहान मोरजीम नाह, पुण बोगवानान मोरजीन गेत जीवे। 
\v 3 काहाकाय ज्‍यु वातु बिगेर यहुदि माणहाह केरनेन हाजो लागतालो त्यु वातु एने लुच्‍चाय, खाराब लालुस, दारूड्यो, लीलाक्रिड़ा, एने मोज मोसती केरनारे एने मुरती पुजा माय जाहरी वोर आपु पेल्ला टेम माय गोवाड्या, तोस जुलूम एनो। 
\v 4 ज्याकेरीन ता बोंगलातेह काय तुमू ओहली जेंगलीपोणान एने फालतुकान जीवणो जीवणे माय तान साथ नाह देती, केरीन ता तुमरी चिहटा केरतेह। 
\v 5 पुण जो जीवतालान एने मुरेलान नियाव केरनेन तियार हे ता बोगवानाह ता ईसाब आपती। 
\v 6 काहाकाय मुरेलाह बी हाजाली खुबेर ज्यास ने केरता होमलाड़ेल काय सेरीर माय तान नियाव माणहान गेत एय, पुण जीवा माय ता बोगवानान मोरजीन गेत जीवे।
\s बोगवानान हाजाला दानान कारबारी
\p
\v 7 आखी वातीन सेवेट आहने आव लागेल हे, केरीन सोमेजदार बोणीन एने विन्तान केरता चेकचेल्या रिवो काहाकाय तुमू विन्ता केर सेकहो। 
\v 8 आखाम रेन हाजी वात ज्यी हे काय एका दिहराह जादा मोंग किरो, काहाकाय मोंग जुलूम पापाह डाप दिथे। 
\v 9 कुरकुर नाह केरता एकमेकान पावणाय किरो। 
\v 10 जाह जो वरदान जुड़ेल हे, तो ताह बोगवानान हाजाला कारबारीन गेत जो गीण तुमूह जुड़ेल हे, ताकेरीन एका दिहरान सेवा किरो। 
\v 11 जो कुण पारचार केरी, तो बोगवानान वचनान पारचार केरी; केदी ईखेह सेवा केरी, ते ती ताकेत केरीन केरी जी बोगवान आपेह; ज्यानकेरता ज्‍यु आख्‍यु वातुम यीशु मसीन उगे रेन, बोगवानान बोड़ाय देखाय। बोड़ाय एने ताकेत आदिकार जेलेम ने जेलेम तास ने हे। आमेन।
\s मसी बोणनेन नाते दुख वेठणो
\p
\v 12 एय मोंगाल्ला बाय बोणहा, जेवी तुमरी आक्‍ठीन पारेख ईथे, ताहार ज्यो सोमजीन बोंगलाहो मा काय तुमरी पोर एगदी होपी गेटना एणे बाजरेनीह। 
\v 13 पुण जीहे जीहे मसीन दुखाम बेचकातेह, खुसी मोणावो, ज्यानकेरता काय मसीन बोड़ाय देखाणे बुखेत बी तुमू खुस रिवो। 
\v 14 केदी मसीन नावान केरता तुमरी चिहटा ईथे ताहार तुमू बोरकेतवाला हेते, काहाकाय बोड़ाय ने जीव, जो बोगवानान जीव हे, तुमरी पोर आवती रीथे। 
\v 15 काल्ली बी बातीन तुमरे माय रेन कुण खुनी, चोर, खाराब काम केरनार, एने दिहरान कामा माय आथ टाकणेन वोजेसे दुख नाय बोगी। 
\v 16 पुण केदी मसी बोणनेन वोजेसे दुख वेठणे पुड़ेह, ताहार लाजवाय नाय, पुण ज्यी वातीन केरता बोगवानान दन्यवाद किरो काहाकाय तुमू मसी नाव दारेण किरेल हेते।
\p
\v 17 काहाकाय तो टेम आव लागेल हे, काय पेल बोगवानान माणहास ने नियावान सुरवात एय। केरीन नियावान सुरवात आपणे फाय रेन एय ताहार तान सेवेट काय एय, जा बोगवानान हाजाली खोबरीह नाह मानते? 
\v 18 एने वचन किथे,
\q1 “केदी देरमी माणुह केठीण माय रेन सुटकारो सापड़ावी;
\q2 ताहार बोक्ती नाह केरती, एने पापी माणहान काय एय?”
\p
\v 19 केरीन जा बोगवानान मोरजीन गेत दुख वेठतेह, ता हाजाला काम केरती लेन सोताह विश्वासयोग्य एने आखी चिजीह बाणावणारान आथाम होप दिवो।
\c 5
\s डावालाह एने जुवान्याह हिकवोण
\p
\v 1 तुमरे माय जा डावाला हेते, मी तान गेत डावालो एने मसीन दुखान गोवा हे। एने आवणार बोड़ाय माय बेचकाएन ताह ज्यो सोमजाड़थो, 
\v 2 \x + \xo 5:2 \xo*\xt योहान 21:15-17\xt*\x*काय बोगवानान ता टोलान जो तुमरी विचीम हे राखवाल किरो; एने ज्यो केरने पुड़ेह केरीन नाह, पुण बोगवानान मोरजीन गेत खुसी माय तान देखरेत किरो, एने कामाय ने केरता नाह, पुण मोन लागाड़ीन किरो। 
\v 3 जा माणहे तुमूह होपायेल हेते, ता पोर आदिकार मा चालाड़ो, पुण तुमरा टोलान केरता हाजा बुणो। 
\v 4 जेवी मुखी राखवाल्यो आवी, तेवी तुमूह बोड़ायीन ओहलो मुकूट जुड़ी जान होबा केदी गेटणे नाह।
\p
\v 5 तिहेच केरीन एय जुवान्या, तुमू बी डावालान ताबाम रिवो, एने तुमू आखान आखा एकमेकान सेवा केरनेन केरता गेरबोड़ाय से कोमेर बांदिन रिवो, “काहाकाय बोगवान गोमेंड केरनारान विरोद किरेह, पुण गेरब्या पोर गीण किरेह।” 
\v 6 \x + \xo 5:6 \xo*\xt मत्ती 23:12; लुका 14:11; 18:14\xt*\x*तानकेरता बोगवानान ताकेतवाला आथान नेड़ा गेरीब बोणीन रिवो, ज्यानकेरता काय तुमूह ठिख टेम पोर उचो केरी। 
\v 7 बोगवाना पोर तुमू तुमरी आखी चिन्ता टाको काहाकाय तो तुमरी कालजी लिथे।
\p
\v 8 चेकचेल्या ईवो, एने जागताला रिवो! काहाकाय तुमरो विरोदी बुतड़ो डाखारनार सिहान गेत कुणीह फाड़ खाव, ज्यो होदते फिरेह। 
\v 9 बोरहा माय मोजबुत एन, एने ज्यो सोमजीन तान सामनो किरो काय तुमरा बायबांडला जा दुनियाम हेते ओहलोच दुख वेठणे बाजरेनाह। 
\v 10 तुमूह थोड़ीक वार वोर दुख उठावणेन बाद आखा गीणान बोगवान जो तुमूह मसी माय बाणावीन जेलेमक्यो बोड़ाय ने केरता हादेल तो खुद तुमूह पुरो, मोजबुत, थोबाड़ी एने ताकेतवाला केरी। 
\v 11 तास ने आदिकार कायेम रेय। आमेन।
\s सेवल्यो नमस्‍कार
\p
\v 12 \x + \xo 5:12 \xo*\xt प्रेरितान काम 15:22,40\xt*\x*मी सिलवानुस ने उगे रेन, जाह मी बोरहावाला सोमेजथु, थोड़ोक माय लेखीन तुमूह सोमजाड़ेल हे, एने ज्यी गोवाय दियेल हे काय बोगवानान खेरलो गीण ज्योस हे, ज्यास माय मोजबुत रिवो।
\p
\v 13 \x + \xo 5:13 \xo*\xt प्रेरितान काम 12:12,25; 13:13; 15:37-39; कुलीसियो 4:10; फिलेमोन 1:24\xt*\x*\f + \fr 5:13 \fr*\ft बाबिलोन; प्रकाशितवाक्य पुस्तेक माय जिहकेरीन लिखेल हे; शायद रोमी साम्राज ने संदर्ब।\ft*\f*बाबिलोन माय तुमरे गेत निवाड़ेल मोंडली हे, ता एने मारो बिटोख मरकुस तुमूह नमस्‍कार केतेह। 
\v 14 मोंग माय एकमेकाह गेले लागाड़ीन नमस्‍कार किरो।
\p तुमू आखाह जा मसी माय हेते, सान्ती जुड़ी।