\id 1JN - Nahali
\ide UTF-8
\h 1 योहान
\toc3 1 योहान
\toc2 1 योहान
\toc1 योहान लिखेल पेल्लो पोत्रो
\mt2 युहन्ना ने लिखा हुआ पहला पत्र
\mt1 योहान लिखेल पेल्लो पोत्रो
\imt ओलखात
\ip पेल्लो योहान ने पोत्र प्रेरित योहान द्‍वारे मसीन जेल्मान 50-100 वोरह्यान विचीम लेखाय जायेल ईतो। योहान सोताह लेखणारान रूप माय नाह केत, पुण पेल्लो बाग देखाड़ेह काय तो यीशुन जीवणो एने जीव उठणेन केरता एक गोवा हे। \xt 1:1-3\xt* पेल्लो योहान ने लेखणेन तरीको योहानान हाजाली खोबरीम लिखेल हे तोहलोस ज्यी पोत्री माय लेखणेन तरीको हे। ओहलो केवाह काय योहान योहानान गेत जो हाजाली खुबेर लिखेल ईतो एने इफिसुस माय रेतेन तीन पोत्रु 1 योहान, 2 योहान, 3 योहान हेते।
\ip योहान ज्या पोत्राह आखा बुरहो केरनार बाय बोणहान केरता लिखेल ईतो जेवी मोंडलीह “एकलीवाला” नावान माणहान समुह फाय रेन तेकलीत एणे बाजरियेल एती। न्या माणहान मान्नु एतो काय यीशु पुरी रिती से बोगवान ईतो पुण हासलीन माह एने लुयान सेरीरा हिऱ्यो माणुह नाह ईतो देरती पोर। ज्यास कारेण से योहान यीशुन जीवणान होस आमने-सामने एणेन बाराम लिखेल एने कियेल काय तान आथा केरीन यीशुह सापलेल। \xt 1:1-3\xt* ज्या पोत्राह लेखणेन योहान केणो तान खुसी पुरी केरने एतो। \xt 1:4\xt* बुरहो केरनारा माणहान पाप केरने रोकणेन केरता, \xt 2:1\xt* जुठी हिकवोणाह रेन बुरहो केरनारा माणहाह होमालनेन केरता, \xt 2:26\xt* एने आसवासन आपणे काय बुरहो केरनारे वोच जायेल हेते। \xt 5:13\xt*
\iot रूपरेखा
\io1 1. योहान ओलखात केरने तान पोत्री एने लेखणेन कारेण केणे। \ior 1:1-4\ior*
\io1 2. ओवतो तो किथे काय बोगवान उजालो हे एने आपुह तास रूप माय जीवणे जुवे। \ior 1:5–3:10\ior*
\io1 3. तान पासाण तो आपुह एका दिहराह मोंग केरनेन उकुम एर केरावेह। \ior 3:11–5:12\ior*
\io1 4. योहान तान पोत्री निवराव्यो। \ior 5:13-21\ior*
\c 1
\s जीवणान वचन
\p
\v 1 \x + \xo 1:1 \xo*\xt योहान 1:1\xt*\x*ता जीवणान वचनान बाराम जो केलीन सुरवातीम रेन एतो। जाह आमु होमल्या, एने आमु ताह आमरा डोला केरीन देख्या; एने आथा केरीन सापलेल। 
\v 2 \x + \xo 1:2 \xo*\xt योहान 1:14\xt*\x*तो जीवाय आमुह देखानो, एने ताह आमु देख्या, एने तान गोवाय देतेह; एने ता जेलेमक्या जीवणान खुबेर तुमूह आपतेह तो आबाख हेऱ्यो एतो एने एवी आमरी विचीम आवो। 
\v 3 एने जो काय आमु देख्या एने होमलेल हेते, तान पुकार पाड़तेह काय तुमू बी आमरा हाती बोणी, एने आपणी मेल ते आबाख हेऱ्यी एने तान बेटाख यीशु मसी हेऱ्यो हे। 
\v 4 \f + \fr 1:4 \fr*\ft आमरो; थोड़ाक लेख माय तुमरो हे।\ft*\f*तुमरी एने आमरी खुसी पुरी एय केरीन आमु ज्यो लेखतेह।
\s उजाला माय चालनु
\p
\v 5 ज्यी खुबेर आमु तान बेटाख फाय रेन होमलेल हेते, एने तोस तुमूह होमलावतेह, तो ज्योस काय बोगवान उजालो हे, एने ता माय कायच बी आदारो नाह सोतो। 
\v 6 केदी ता हेऱ्यी आपणी मेल हे ओहलो आपु केतेह, एने आंदारा माय चालतेह, ते आपु जुठ बोलतेह एने खेरायी पोर नाह चालते। 
\v 7 पुण तो जिहकेरीन उजाला माय हे, केदी आपु बी तिहेस केरीन उजाला माय चालहु, ते आपणी एका दिहरा हेऱ्यी मेल एय जाथे, एने तान बिटोख जो यीशु हे तान लुय आपणा आखा पापा माय रेन चोखो किरेह।
\p
\v 8 केदी आपु केहु माहु माय कायच बी पाप नाह सोतो, ते सोताह दुको देतेह, एने आपु माय खेराय नाह सोती। 
\v 9 केदी आपु आपणा पापाह मान लेय, ताहार बोगवान आपणा पापाह माफ केरने एने आपुह आखा पापाम रेन चोखो केरने माय बोरहावालो एने खीरलो हे। 
\v 10 एने केदी आपु केहु आमु पाप नाह केऱ्या, ते आपु बोगवानाह जुठो ठेरावतेह, एने तान वचन आपु माय नाह सोतो।
\c 2
\s मसी आमरो मोदेक केरनार
\p
\v 1 एय मारा सोरा, तुमू पाप नाय केरने जुवे केरीन मी ज्यो तुमूह लेखथु; एने केदी एगदो पाप केरी, ते आबाख फाय आपणो एक मोदेक केरनार हे, मतलब सिदो यीशु मसी। 
\v 2 एने तोस आपणा पापाह माफ किरेह, एने आपणा ओलाच नाह पुण आखी दुनियान माणहान पापाह बी माफ किरेह। 
\v 3 केदी आपु तान उकुमाह मानहो, ते ज्या माय आपु जाण जाहु काय आपु बोगवानाह सोमजी गीयाह। 
\v 4 एने जो कुण ज्यो किथे, “मी ताह जाण गीयोह,” एने तान उकुमाह नाह मानेत, तो जुठो हे एने ता माय खेराय नाह सोती। 
\v 5 पुण जो कुण तान उकुमाह मानेह, ता माय खेरीच बोगवानान मोंग पुरो एनोह। ज्यासकेरीन आपु जाणतेह काय आपु बोगवानान मेल माय एक हेते; 
\v 6 जो कुण इही किथे काय मी ता माय बोणीन रेथु, ताह ज्यो जुवे काय जिहकेरीन मसी यीशु चालेल ईतो तिहेस केरीन तुमू बी चालने जुवे।
\s नोवालो उकुम
\p
\v 7 \x + \xo 2:7 \xo*\xt योहान 13:34\xt*\x*एय मोंगाल्ला बाय बोणहा, मी तुमूह काल्लो बी नोवालो उकुम नाह लेखथु, पुण तोस जुनालो उकुम जो सुरवाती माय रेन तुमूह जुड़ेल हे, ज्यो जुनालो उकुम तो वचन हे जाह तुमू होमलेल हेते। 
\v 8 तीबी मी तुमूह नोवालो उकुम लेखथु, एने जो मसी माय एने तुमरी माय खेरलो ठेराथे; काहाकाय आदारलो खेतेम ईती जाथे एने खेरायीन उजालो एवी चोमेकणे बाजरिनोह। 
\v 9 जो कुण इही किथे काय मी उजाला माय हे, एने तान बायाख हेऱ्यो दुसमोनाय किरेह, तो एवी वोर आंदारा मायच हे। 
\v 10 \f + \fr 2:10 \fr*\ft दिहरो कुण; नाहते ताह।\ft*\f*जो कुण तान बायाख मोंग किरेह तो उजाला माय रीथे, एने कुणीन ठोकरान कारेण नाह बोण सिकेत। 
\v 11 पुण जो कुण तान बायाख हेऱ्यो दुसमोनाय किरेह, तो एवी वोर आंदारला माय हे एने आदारो तान डोलाह आंदलो केर दियेल हे।
\p
\v 12 एय मारा सोरा, मी तुमूह ज्यो ज्यानकेरता लेखथु काय तान नाव केरीन तुमरा पाप माफ एनाह। 
\v 13 एय डायडाया, मी तुमूह ज्यानकेरता लेखथु काय जो सुरवाती रेन हे ताह तुमू जाणतेह। एय जुवान्या, मी तुमूह ज्यानकेरता लेखथु काय तुमू ता खाराबाह जिकेल हेते। 
\v 14 एय सोरा, मी तुमूह ज्यानकेरता लिखेल हे काय आबाख तुमू जाण गीयाह। एय डायडाया, मी तुमूह ज्यानकेरता लिखेल हे काय जो सुरवाती रेन हे ताह तुमू जाण गीयाह। एय जुवान्या, मी तुमूह ज्यानकेरता लिखेल हे काय तुमू ताकेतवाला हेते, बोगवानान वचन तुमरे माय बोणीन रीथे, एने तुमू ता खाराबाह जिक लियेल हेते।
\p
\v 15 तुमू दुनियाह एने दुनियान चिजीह मोंग मा किरो। केदी एगदो दुनियाह मोंग किरेह, ते ता माय आबाख ने मोंग नाह सोतो। 
\v 16 काहाकाय जो काय दुनिया माय हे, मतलब सेरीरान मोरजी एने डोलान मोरजी एने जीविकान गोमेंड, तो आबाख ने उगे रेन नाह; पुण दुनियास ने उगे रेन हे। 
\v 17 दुनिया एने तान मोरजी दुयू खेतेम एते जाथे, पुण जो बोगवानान मोरजी पोर चालेह तो जेलेम बोणीन रेय।
\s मसीन विरोदी
\p
\v 18 एय मारा सोरा, ज्यो सेवल्यो टेम हे; एने मसीन विरोद केरनार आवण्यो हे ज्यो तुमू जाण लियेल हेते तिहेस केरीन एवी बी मोकतास मसीन विरोद केरनारे बोण गीयाह; ज्या पोर रेन आपुह सोमजाह काय एवी सेवल्यो टेम हे। 
\v 19 ता आमरे माय रेन निकलेल, पुण आमरा हाती नाह एता; ता केदी आपणा रेता ते आपणी हेऱ्या रेता। ता माय रेन आपणो कुण नाय मीले ज्यो देखाड़नेन केरता निकेलना। 
\v 20 चोखाला जीवा केरीन तुमरो निवोड़ एनोह, एने एवी आखो काय तुमू जाणतेह। 
\v 21 तुमूह खेरलो मालुम नाह सोतो केरीन मी ज्यो एवी नाह लिख्यो, पुण ज्यानकेरता काय तुमू ताह जाणतेह, एने ज्यानकेरता काल्लो बी जुठ खेरलान उगे रेन नाह सोतो। 
\v 22 जुठो कुण हे? तोच जो यीशुह मसी ना सोतो केरीन नाकारेह; एने मसीन विरोद केरनार तोच हे जो आबाख एने सोराह नाकारेह। 
\v 23 जो सोराह नाकारेह ता फाय आबोख बी नाह सुतो; एने जो सोराह मान लिथे, ता माणहा फाय आबोख बी हे। 
\v 24 जो हिकवोण सुरवाती रेन तुमू होमलेल हेते, तोच तुमरी माय बोणीन रेय; जो सुरवाती रेन तुमू होमलेल हेते; केदी तो तुमरी माय बोणीन रेय ताहार तुमू बी बेटाख माय एने आबाख माय बोणीन रिहो। 
\v 25 एने जान वायदो तो आपणी हिऱ्यो किरेल हे तो जेलेमक्यी जीवाय हे।
\p
\v 26 मी तुमूह ता माणहान बाराम लिखेल ईतो, जा तुमूह बोटकाड़तेह। 
\v 27 पुण तुमरो तो चोखालो जीव जो तान उगे रेन ईयेल हे, तुमरे माय बोणीन रीथे; एने तुमूह कुण बी हिकाड़ी तान गिरेज नाह सोती, तान चोखालो जीव तुमूह आखान बाराम हिकाड़ेह, एने तो खेरलो हे जुठो नाह सोतो; जिहकेरीन तो तुमूह हिकाड़ेल हे तिहेस केरीन तुमरे माय बोणीन रीथे।
\p
\v 28 एवी एय सोरा, ता माय एक बोणीन रिवो, ज्यानकेरता काय जेवी तो आवी तेवी आपुह ईमोत रेणे जुवे, एने आपुह तान आवणेन टेम माय तान सामने लाजवाणे नाय पोड़ी। 
\v 29 तो सिदो हे ज्यो तुमू एवी जाणतेह, ते जो कुण खेरला काम किरेह, तो बोगवाना फाय रेन पायदा एनोह।
\c 3
\s बोगवानान सोरा
\p
\v 1 \x + \xo 3:1 \xo*\xt योहान 1:12\xt*\x*दिखो, आबोख आपुह कोहलोक मोंग किऱ्यो काय आपु बोगवानान सोरा केवाती; एने आपु हेते बी। तान केरता दुनियान माणहे आपुह नाह जाणते, ता ताह बी नाह जाणते। 
\v 2 एय मोंगाल्ला बाय बोणहा, एवी आपु बोगवानान सोरा हेते, एने ओंगाण आपु काय बोणहु ज्यो उंजु मालुम नाह पोड़नो! पुण ज्यो मालुम हे काय जेवी तो आवी, तेवी आपु तान गेत एहु; काहाकाय जोहलो तो हे तोहलोस आपुह देखाय। 
\v 3 एने जो कुण ज्यी आसा मिलेह, तो सोताह तीह केरीन चोखो किरेह जिहकेरीन यीशु चोखालो हे।
\p
\v 4 जो कुण पाप किरेह, तो बोगवानान नेमान विरोद किरेह; एने पाप ते नेमान विरोदी हे। 
\v 5 \x + \xo 3:5 \xo*\xt योहान 1:29\xt*\x*\f + \fr 3:5 \fr*\ft पाप; थोड़ाक लेख माय आमरा पाप लिखेल हे।\ft*\f*एवी तुमू ज्यो जाणतेह काय तो ज्यानकेरता आवो काय पापाह उखलीन ली जाय; एने ता माय कायच बी पाप नाह सोतो। 
\v 6 जो कुण मसी माय एक एन रीथे तो पाप नाह किरेत; पुण जो कुण पाप किरेह तो ताह दिखेल नाह सोतो एने नाह जाणेत। 
\v 7 एय मारा सोरा, कुणीन बी वातु माय फासाहो मा। जा माणहे खेरायीपोणान काम केरतेह ताच माणहे तान गेत सिदा हेते। 
\v 8 जा माणहे पाप केरतेह ता सैतानान उगे रेन हेते, काहाकाय सैतान सुरवाती रेन पाप केरती आयेल हे। एने सैतानान कामाह खेतेम केरनेन केरता बोगवानान बिटोख आयेल।
\p
\v 9 जा माणहे बोगवाना फाय रेन पायदा ईयेल हेते ता पाप नाह केर सेकते; काहाकाय तान सोबाव ता माणहा माय बोणीन रीथे, एने ता माणहे पाप केरीच नाह सेकते काहाकाय ता बोगवाना फाय रेन पायदा ईयेल हेते। 
\v 10 ज्या पोर रेन बोगवानान सोरा एने सैतानान सोरा जाणाय जातेह; जा माणहे खेरायीपोणान काम नाह केरते ता बोगवाना फाय रेन नाह सोता, एने नाह ता जा सोतान बायाख मोंग नाह केरती।
\s एका दिहराह मोंग किरो
\p
\v 11 \x + \xo 3:11 \xo*\xt योहान 13:34\xt*\x*काहाकाय जी खुबेर तुमू सुरवाती माय रेन होमलेल हेते: ती ज्यीच काय एका दिहराह मोंग किरो। 
\v 12 एने केनान गेत मा बुणो जो ता बुतड़ाम रेन ईतो, एने सोतान बायाख मार दियेल ईतो। एने ताह काहा मारील काय? तान कामे खाराब एता, एने तान बाहख हाबीलान कामे हाजा एता।
\p
\v 13 एय बाय बोणहा, केदी ज्यी दुनियान माणहे तुमू हेऱ्या दुसमोनाय मेलतेती ताहार बोंगलाहो मा। 
\v 14 \x + \xo 3:14 \xo*\xt योहान 5:24\xt*\x*आमु बायाख मोंग केरतेह ज्या पोर रेन आमुह एवी सोमजेह काय आमु मुरेल माय रेन जीवणाम आयेल हेते, जा माणहे मोंग नाह केरती ता मुरेलान गेत हेते। 
\v 15 जो कुण सोतान बायाख हेऱ्यो दुसमोनाय मिलेह, तो खुनी हे; एने एवी तुमू जाणतेह काय काल्ला बी खुनी माय जेलेमक्यी जीवाय नाह रेत। 
\v 16 आपु मोंग ज्याकेरीन जाणेल काय मसी आपणे केरता सोतान जीव आप दियेल; एने आपुह बी बायाख ने केरता जीव आपणे जुवे। 
\v 17 पुण जा फाय बी ज्यी दुनियान मालदेन एय एने सोतान बायाख ने गिरेज देखीन ता पोर किव केरने नाय होदि, ते ता माय बोगवानान मोंग किहीक बोणीन रेय सिकेह। 
\v 18 एय मारा सोरा, आपु बोल एने जिबी केरीन ओलोस नाह, पुण काम एने खेरायीन द्‍वारे बी मोंग किरो।
\s बोगवानान सामने ईमोत
\p
\v 19 ज्याकेरीन आपु जाणहु काय आपु खेरायीन हेते; तान बाराम आपु तान सामने आप आपणा मोनाह ईमोत आप सेकहु; 
\v 20 जेवी केदी आमरो मोन आमु पोर दोस लागाड़ती रिथे, काहाकाय बोगवान आपणा मोनाह रेन मुठो हे, एने आखो काय जाणेह। 
\v 21 एय मोंगाल्ला, केदी आपणो मोन आपुह दोस नाह देतो, ते आपुह बोगवानान ओंगाण ईमोत ईथे। 
\v 22 एने जो काय आपु मांगतेह, तो आपुह ता फाय रेन जुड़ेह, काहाकाय आपु तान उकुमाह मानतेह एने जो काय तान नेजरी माय हाजो हे तोच केरतेह। 
\v 23 \x + \xo 3:23 \xo*\xt योहान 13:34; 15:12,17\xt*\x*तान उकुम ज्योच हे काय आपु तान सोरा यीशु मसीन नावा पोर बुरहो केरी, एने जिहकेरीन यीशु आपुह उकुम आपेल हे तिहेच केरीन एका दिहरा हेऱ्या मोंग किरो। 
\v 24 जा माणहे बोगवानान उकुमाह मानतेह, ता ता माय एने तो ता माय बोणीन रिथे; एने तो जो जीव आपुह आपेल हे, ता पोर रेन आपुह मालुम पुड़ीह काय तो आपु माय बोणीन रिथे।
\c 4
\s जीवाह उलखो
\p
\v 1 एय मोंगाल्ला, एक एक जीवा पोर बुरहो मा किरहो, पुण ता जीव बोगवानान उगे रेन हेते काय नाह तान पारेख किरज्‍यो; काहाकाय मोकतास जुठा जाणकार दुनिया माय फिरने बाजरेनाह। 
\v 2 बोगवानान जीवाह तुमू इहकेरीन ओलेख सेकतेह: जो जीव मान लिथे काय यीशु मसी सेरीर माय एन आवोह एने तो बोगवानान उगे रेन हे, 
\v 3 एने जो जीव यीशुह नाह मानेत, तो बोगवानान उगे रेन नाह सोतो; पुण तो जीव मसी विरोदीन जीव हे, जान बाराम तुमू होमेल लियेल हेते काय तो आवण्यो हे, एने एवी बी दुनिया माय हे। 
\v 4 एय मारा सोरा, तुमू बोगवानान हेते, एने जुठा जाणकाराह तुमू जिक लियेल हेते; काहाकाय जो बोगवान तुमू माय हे ताह रेन मुठो हे जो दुनिया माय हे। 
\v 5 ता दुनियान हेते, केरीन ता दुनियान वातु केरतेह, एने दुनिया तान हुमलेह। 
\v 6 आपु बोगवानान हेते, एने जा माणहे बोगवानाह जाणतेह, ता माणहे आपणी होमेलतेह; एने जा माणहे बोगवानाह नाह जाणते ता माणहे आपणी नाह होमेलते। इहकेरीन आपु खेरायीन जीवाह एने जुठा जीवाह ओलखी लेतेह।
\s बोगवान मोंग हे
\p
\v 7 एय मोंगाल्ला बाय बोणहा, तुमू आखा एका दिहराह मोंग किरो; काहाकाय मोंग बोगवाना फाय रेन हे। एने जो कुण मोंग किरेह तो बोगवाना फाय रेन पायदा ईयेल हे, एने तो बोगवानाह ओलखेह। 
\v 8 जो कुण मोंग नाह किरेत तो बोगवानाह नाह ओलखेत, काहाकाय बोगवान मोंग हे। 
\v 9 जो मोंग बोगवान आपुह किरेह, तो ज्या माय देखानो काय बोगवान तान एकुस सोराह दुनिया माय मोकलेल काय आपुह तान द्‍वारे जीवणो जुड़ी। 
\v 10 मोंग ज्या माय नाह काय आपु बोगवानाह मोंग केऱ्या, पुण ज्या माय हे काय तो आपुह मोंग किऱ्यो एने आपणा पापान माफीन ओहली बोलीन केरता तान सोराह मुकल्यो। 
\v 11 एय मोंगाल्ला, जेवी बोगवान आपणी पोर इहकेरीन मोंग किऱ्यो, ते आपुह बी एका दिहरा पोर मोंग केरने जुवे। 
\v 12 \x + \xo 4:12 \xo*\xt योहान 1:18\xt*\x*बोगवानाह केदी बी कुण नाह देख्यो केदी आपु एका दिहराह मोंग केरहु, ते बोगवान आपणे माय बोणीन रीथे एने तान मोंग आपणे माय पुरो ईथे।
\p
\v 13 आपु ता माय एने तो आपणे माय रीथे, तो आपुह ज्या पोर रेन सोमजाथे काय बोगवान सोतान जीव आपुह आपेल हे। 
\v 14 आमु देख बी लियेल एने गोवाही देतेह काय आबोख सोराह दुनियान सुटकारो केरनेन केरीन मोकलेल हे। 
\v 15 यीशु बोगवानान बिटोख हे, इहकेरीन जो कुण कबुल किरेह, बोगवान ता माय बोणीन रीथे, एने तो बोगवाना माय रीथे। 
\v 16 जो मोंग बोगवान आपुह किरेह, ताह आपु जाण गीयाह एने आपुह ता पोर बुरहो हे। बोगवान मोंग हे, एने जो कुण बी मोंग माय बोणीन रीथे तो बोगवाना माय बोणीन रीथे, एने बोगवान ता माय बोणीन रीथे। 
\v 17 इहकेरीन मोंग पुरो ईथे काय आपुह नियाव ने दिह ईमोत एय; काहाकाय जिहकेरीन तो हे तिहेस केरीन ज्यी दुनिया माय आपु बी हेते। 
\v 18 मोंग माय बिय नाह रेणे, ज्योलोस नाह ते पुरो मोंग बियाह सेटो किर दिथे; काहाकाय बिय माय नियाव ईथे, एने जो बिथे तो मोंग माय पुरो नाह एनो। 
\v 19 आमु ज्यानकेरता मोंग केरतेह काय बोगवान पेल आमुह मोंग किऱ्यो। 
\v 20 मी बोगवानाह मोंग केरथु, इहकेरीन केयीन एगदो तान बायाख हेऱ्यो दुसमोनाय किरेह ते तो जुठो हे, काहाकाय तान बायाख तो जो दिखेल हे मोंग नाह किरेत, एने तो जो बोगवानाह नाह दिखेल हे मोंग नाह किर सिकेत। 
\v 21 जो बोगवानाह मोंग किरेह तो तान बायाख बी मोंग केरी, ज्यो उकुम आमु ता फाय रेन जुड़ेल हे।
\c 5
\s दुनिया पोर जिक
\p
\v 1 यीशु मसी हे केरीन जो कुण बुरहो किरेह, तो माणुह बोगवाना फाय रेन पायदा ईयेल हे; एने जो कुण पायदा केरनाराह मोंग किरेह, ते तो ताह बी मोंग केरी जा फाय रेन तो पायदा एनोह। 
\v 2 आपु बोगवानाह मोंग केरतेह एने तान उकुमाह पालतेह, ते आपुह ज्यास पोर रेन सोमजाथे काय बोगवानान सोराह आपु मोंग केरतेह। 
\v 3 \x + \xo 5:3 \xo*\xt योहान 14:15\xt*\x*काहाकाय बोगवानाह मोंग केरने ज्योस हे काय आपु तान उकुमाह मानने जुवे, एने तान उकुम केठीण नाह सोता। 
\v 4 काहाकाय जो काय बोगवाना फाय रेन पायदा ईयेल हे तो दुनियाह जिक लिथे, एने जो दुनियाह जिकेल हे तो ज्योस आपणो बुरहो हे। 
\v 5 यीशु बोगवानान बिटोख हे केरीन जो कुण बुरहो किरेह, ता सावाय कुण दुनियाह जिक सेकी?
\s यीशु मसीन बाराम गोवाय
\p
\v 6 जो पाण्यान द्‍वारे एने लुयीन द्‍वारे आयेल तो ज्योच, मतलब यीशु मसी। तो पाण्या केरीन ओलोस नाह। पुण पाण्या एने लुयी केरीन बी आयेल ईतो, तान गोवाह चोखालो जीव हे। काहाकाय चोखालो जीव खेरलो हे। 
\v 7 एने जो गोवाय दिथे, तो चोखालो जीव हे; काहाकाय जीव खेरलो हे। 
\v 8 गोवाय देणारे तीन हेते, जीव, पाणी एने लुय; एने एकुच वातु माय बेलातेह। 
\v 9 जेवी आपु माणहान गोवाय मान लेतेह, एने बोगवानान गोवाय ते ताह रेन मोठी हे; एने बोगवानान गोवाय ज्यीच हे काय तान सोरान बाराम तो गोवाय दियेल। 
\v 10 जो बोगवानान सोरा पोर बुरहो किरेह तो तान मोना माय गोवाय मिलेह। एने जो बोगवाना पोर बुरहो नाह केऱ्यो तो ताह जुठो ठेरावेह, काहाकाय बोगवान तान सोरान बाराम ज्यी गोवाय दियेल ती गोवाय पोर ता बुरहो नाह केऱ्या। 
\v 11 \x + \xo 5:11 \xo*\xt योहान 3:36\xt*\x*एने ती गोवाय ज्यीच हे काय बोगवान आपुह जेलेमक्यी जीवाय आपेल हे, एने ज्यी जीवाय तान सोरा माय हे। 
\v 12 जा फाय बिटोख हे, ता फाय जीवाय हे; एने जा फाय बोगवानान बिटोख नाह सुतो, ता फाय जीवाय बी नाह सोती।
\s जेलेमकी जीवाय
\p
\v 13 जेलेमक्यो जीवाय तुमरो हे एवी ज्यो तुमूह मालुम एय जायेल हे, केरीन बोगवानान बेटाख ने नावा पोर बुरहो मेलनारे तुमूह मी ज्यो लेखथु। 
\v 14 तान बाराम आपुह ज्यो बुरहो हे, तो ज्योस काय आपु तान मोरजीन गेत काय बी मांगहु, ते आपणी तो होमली। 
\v 15 आपु जाणतेह काय जेवी आपु ता फाय रेन मांगतेह तेवी तो आपणी होमलेह, एने एवी आपु ज्यो जाणतेह काय ज्यी वात खेरी हे, आपु ज्यो बी जाणतेह आपु जो काय ता फाय मांगतेह ताह आपेह।
\p
\v 16 केदी एगदो तान बाय बोणहाह ओहलो पाप केरतालो देखीन जान फोल मोत नाय एय, ते विन्ती केरी, एने बोगवान तान तानकेरता जा ओहलो पाप किरेल हेते जान फोल मोत नाह सोती, जीवाय आपी। पाप ओहलो बी जान फोल मोत हे; तान बाराम मी विन्ती केरनेन केरता नाह केत। 
\v 17 आखी बातीन गेलेत ते पाप हे, पुण ओहलो पाप बी हे जान फोल मोत ना सोती।
\p
\v 18 बोगवानान सोरा पाप नाह केरनु, ज्यो एवी आपुह मालुम हे; एने जो बोगवाना फाय रेन पायदा ईयेल हे, तो ताह वोचाड़ीन मेल रीथे, एने तो खाराब ताह सापेल नाह सिकेत।
\p
\v 19 आपु बोगवाना फाय रेन हेते ज्यो एवी आपु जाणतेह, एने आखी दुनिया ता खाराबान काबाम पोड़ रेनीह।
\p
\v 20 एवी आपुह मालुम हे काय बोगवानान बिटोख आव लागेल हे, एने तो आपणा मोना माय सोमेज आपेल हे काय आपु ता खेरलाह ओलखी; एने आपु ता माय जो खेरलो हे, मतलब तान सोरा यीशु मसी माय रेतेह। खीरलो बोगवान एने जेलेमक्यी जीवाय ज्‍यीस हे। 
\v 21 एय मारा सोरा, सोताह मुरतीह रेन वोचाड़ीन मीलो।