\id 2TH NKO Paul's 2nd Letter to the Thessalonians in the Nkonya Language of Ghana
\h 2 Tesalonikafɔ
\toc1 Ɔwʋlʋ́ Nyɔɔsɩá Paulo Lɔ́wanlɩ́n Sɩ́sɩ́ Tesalonikafɔ
\toc2 2 Tesalonikafɔ
\toc3 2 Te.
\mt2 Ɔwʋlʋ́ Nyɔɔsɩá Paulo Lɔ́wanlɩ́n Sɩ́sɩ́
\mt1 Tesalonikafɔ
\c 1
\rem Proofread 07-07-09
\p
\v 1 Mɩ́ Paulo pʋ́ Silwano mʋa Timoteo dɛ́ ɔwʋlʋ́ ánfɩ wanlɩ́n sɩ́sɩ́ ɔpasua ánɩ́ ɩbʋ Tesalonika wúlutɔ, mlɩgyí anɩ Sɩ́ Bulu mʋa anɩ Wíe Yesu Kristo klɛ́.
\p
\v 2 Anɩ Sɩ́ Bulu mʋa anɩ Wíe Yesu Kristo bʋgyíi mlɩ bʋalɛ, abʋha mlɩ iwilwii.
\s1 Ɩpánda
\p
\v 3 Apíó, ilehián ánɩ́ abɛ́da Bulu ɩpán mlɩ nwunsʋ brégyíbrɛ́. Tsúfɛ́ mlɩdɛ́dáan hógyitɔ tsɩ́a. Ɔdwɛá mlɩbʋ ha aba ɛ́ demoní tsɩ́a. 
\v 4 Mʋ́ sʋ anɩtɔpʋ́ mlɩ tsú ɩwɩ Bulu ɔpasua kugyíkʋ ansɩ́tɔ́; mlɩ nsiwa pʋ́ hógyiá ɩbʋ mlɩtɔ, bʋdɩn mlɩsʋ, ɩsɔ́kɩ dɛ́ mlɩ tʋ, mlɩlatomi sʋ.
\p
\v 5 Ɩ́nɩ dɛ́lɛ súná ánɩ́ Bulu asʋ́ngyí da ɔkpa. Tsúfɛ́ obótsu mlɩ ánɩ́ mlɩlafʋn ha mʋ iwíegyí ámʋ́ʋ́ mlɩdɛ́ ipian wúun mʋ́ sʋ ámʋtɔ yɔ. 
\v 6 Ɔnɔkwalɩpʋ Bulu gyí. Ɔbɛ́ka ahá ámʋ́ʋ́ bʋdɛ mlɩ ɩwɩɔsɩntɔ wa ámʋ akɔ. 
\v 7 Ɔbɛ́ha ɩwɩ bólwií anɩa mlɩ ánɩ́ mlɩdɛ́ ɩwɩɔsɩn wúun, ɛkɛ ámʋ́ʋ́ anɩ Wíe Yesu ɔbɛ́kplɩ́ tsú ɔsʋ́sʋ́ bɛlɛ ɩwɩ ɔwan mʋa mʋ abɔpʋ atúmipʋ amʋ. 
\v 8 Ogya plɛnplɛntɔ ɔbɛ́ba bɛbɩtɩ́ ahá ámʋ́ʋ́ bʋmeyín Bulu\f + \fr 1:8 \ft Bʋmeyín Bulu, tsúfɛ́ bʋmɛbɩ mʋ.\f* ámʋ ɩsʋ. Tsúfɛ́ bʋtamapʋ́ anɩ Wíe Yesu ɩwɩ \w asʋn wankláán\w* ámʋ bwɛ́ tɔtɔ. 
\v 9 Amʋ́ ɩsʋbɩtɩ́ gyí, amʋ́a anɩ Wíenyɔ nsɩnɛ́ bɔ́wa ɩfɔ́, mʋ túmi mɔ́ɔwankɩ́ wʋ́lɩ́ amʋ́sʋ́, obéyintá amʋ́ brɛ́ fɛ́ɛ́tɔ́. 
\v 10 Ɩsʋbɩtɩ́ ánfɩ ɩbɛ́ba ɛkɛ ámʋ́ʋ́ ɔbɛ́ba, Bulu ɔbɔ́wa mʋ numnyam aha wankɩ́hɛ́ ansɩ́tɔ́. Ifú bɛ́kɩtá ahógyipʋ. Mlɩ ɛ́ mlétsiá amʋ́tɔ́, tsúfɛ́ mlɩlɔ́hɔ mʋ ɩwɩ adánsɩɛ ámʋ́ʋ́ anɩlégyí suná mlɩ ámʋsʋ gyi.
\p
\v 11 Mʋ́ sʋ anɩtɔbɔ́ mpáɩ há mlɩ anɩaa, Bulu ɔhá amlɩfʋn nkpa ámʋ́ʋ́ ɔlɛtɩ mlɩ ɔbɛ́ɛ, mlɩbétsiá ámʋtɔ. Mʋ túmi ɩháa amlɩtalɩ bwɛ yilé ánɩ́ mlɩdékléá mlɔ́bwɛ, pʋmɔ mlɩ hógyi agyʋ́má ɔnɔ́. 
\v 12 Nɩ́ mlɛtálɩ́ bwɛ́ ɩ́nɩ á, mlɩ sʋ ahá bɔ́pʋ numnyam há anɩ Wíe Yesu, mʋ ɛ́ ɔbɔ́wa mlɩ numnyam; fɛ́ alɩ ámʋ́ʋ́ anɩ Sɩ́ Bulu mʋa anɩ Wíe Yesu Kristo awɩtɔlɛ gyí ámʋ.
\c 2
\rem Proofread 07-07-09
\s1 Yesu Mʋa Mblasʋ Mágyípʋ́ Amʋ
\p
\v 1-2 Mɩ́ apíó, nobwíí ɩpa há mlɩ. Anɩ Wíe Yesu Kristo ɩbá, pʋ́ alɩá abɔ́bwɛ kʋlɛ yéfia mʋ asʋ́n ánɩ́ mlɩlanú ɩmákɔsɩ́ kpɩnkɩ́ mlɩ klʋn, ntɛ́ɛ ɩha opúni itsii mlɩ. Nɩ́ akʋ bɛɛ, Ɔŋɛ Wankɩ́hɛ́ lalɛ́ súná amʋ́ lóó, ntɛ́ɛ ɩbʋ anɩ asʋn blɩ́hɛ́ ntɛ́ɛ anɩ ɔwʋlʋ́ kʋtɔ ánɩ́ anɩ Wíe ɔbákɛ amʋ laba dodo kʋ́ráá á, mlɩmáhogyi. 
\v 3 Mlɩmáha ɔhaa ɔmlɛ mlɩ ɔkpagyíɔkpasʋ. Ɛkɛ kpɔnkpɔntɩ ánfɩ ɩmɛ́ɛba, nkɛ́tɩ ahá bakʋ́sʋ́ lɩ́ɩ́ Bulusʋ, ɔhá ámʋ́ʋ́ ɔtamagyi Bulu mblasʋ, ɔbɛ́hɩ ámʋ lalɩn ɔwan asa. 
\v 4 Obótsu ɩwɩ fʋ́á, kʋ́sʋ́ lɩ́ɩ́ Bulu, ɩkpɩ pʋ́ tógyítɔ́á anyánkpʋ́sa bʋtosúmsʋ́, blɩ́ ánɩ́ ɔdʋn amʋ́ fɛ́ɛ́. Obéyetsiá Bulu ɔtswɛ́kpa ɩnʋ kʋ́ráá, blɩ́ ɔbɛ́ɛ mʋgyí Bulu.
\p
\v 5 Mlɩmɔ́kʋ́káɩ́n ánɩ́ ntɛbláa mlɩ asʋ́n ánfɩ brɛ́á mbʋ mlɩ wá? 
\v 6 Mlɩyin tɔ́á ɩdɛ mʋ ɔkpa tíin dodo. Nkɛ́tɩ mʋ ɔwanlɛbɩ́ lafʋn. 
\v 7 Tsúfɛ́ Bulu mblasʋmágyi túmi ánfɩ ɩdɛ agyʋ́má yɔ ŋáintɔ dodoodo, támɛ ɔkʋ dɛ́ mʋ́ ɔkpa tíin. Mʋ́ sʋ nkɛ́tɩ ɔhá ámʋ ladálɩ ɩnʋ. 
\v 8 Ɩnʋ́ mblasʋ mágyípʋ amʋ ɔbɛ́lɩn ɔwan nɩ́. Támɛ anɩ Wíe Yesu oyínkí ba a, mʋ ɔnɔ́tɔ́ afú kɛkɛ ɩbɔ́mɔ mʋ, mʋ numnyam ɛ́ ɩbɔ́wankɩ́ wʋ́lɩ́ mʋsʋ yíntá mʋ. 
\v 9 Nɩ́ mblasʋ mágyípʋ anfɩ ɔlɩn ɔwan á, ɔbɔ́pʋ \w Satan\w* afunu túmi kpɔnkpɔntɩ bwɛ́ osúna pʋ́ ofúla. 
\v 10 Ɔbɔ́tsʋn owuntɔlɩn ɔkpa ɔtsan-ɔtsansʋ mlɛ́ ahá ámʋ́ʋ́ Bulu ɔbɛ́hɩ amʋ́ ámʋ. Bulu ɔbɛ́hɩ amʋ́, tsúfɛ́ bʋmekle ɔnɔkwalɩ amʋ asʋ́n, mɛ́nɩ Bulu ɔbɔ́hɔ amʋ́ nkpa. 
\v 11 Ɩ́nɩ sʋ Bulu ɔbɔ́pʋ afunu ɔŋɛ́á mʋ́ ɔnɔ́ bʋ ɔnlɩn wá amʋ́tɔ́, mɛ́nɩ bɔ́hɔ afunu asʋ́nsʋ́ gyi. 
\v 12 Ɔbɛ́ha ahá ánfɩ bʋmɔhɔ ɔnɔkwalɩ amʋsʋ gyi, bʋtekle lakpan bwɛ ánfɩ fɛ́ɛ́ ɩpɔ́n.
\s1 Mlɩ Nkpahɔ́ɔ Sʋ Bulu Lɛ́lɛ Mlɩ
\p
\v 13 Apíóá anɩ Wíe tɔdwɛ́, ilehián ánɩ́ abɛ́da Bulu ɩpán mlɩ nwunsʋ brégyíbrɛ́. Tsúfɛ́ tsú brɛ́á ɔyɩ́ lɛlɩn ɔpá Bulu lɛ́lɛ mlɩ ánɩ́ ɔbɔ́tsʋn mʋ Ɔŋɛ́ ámʋ pʋ́ mʋ ɔnɔkwalɩ asʋ́n ámʋ́ʋ́ mlɩlahogyi amʋsʋ tɩn mlɩ ɩwɩ, pʋ́hɔ mlɩ nkpa. 
\v 14 Ɩ́nɩ sʋ́ ɔlɔtsʋn \w asʋn wankláán\w* ámʋ́ʋ́ anɩlɛ́bláa mlɩ ámʋsʋ tɩ́ mlɩ ɔbɛ́ɛ, mlɩbétsiá anɩ Wíe Yesu Kristo numnyam amʋtɔ nɩ́. 
\v 15 Mʋ́ sʋ apíó, mlɩlɩɩ kínkíínkín, amlɩkɩta ɔnɔkwalɩ amʋ́ʋ́ anɩlósuná mlɩ ámʋtɔ, mʋ́á anɩlɛ́bláa mlɩ pʋ́ mʋ́á anɩlɔ́wanlɩ́n sɩ́sɩ́ mlɩ fɛ́ɛ́.
\p
\v 16-17 Anɩ Wíe Yesu Kristo onutó mʋa anɩ Sɩ́ Buluá ɔtɔdwɛ́ anɩ, alawá awɩtɔlɛ wá anɩ atɛtɔ-ɔnlɩn ánɩ́ ɩmɔ́ɔmɔ ɔnɔ́ ɛkɛkɛɛkɛ, anɩdɛ́ ɩtɔ wankláán ɔkpa kɩ́ɩ, ɔwáa mlɩ ɔwʋnlɩ́n mlɩ asʋn blɩ́hɛ́ pʋ́ mlɩ bwɛhɛ́ kugyíkʋtɔ.
\c 3
\rem Proofread 07-07-09
\s1 Mpáɩbɔ
\p
\v 1 Ɩtráhɛ-tráhɛ a, apíó, mlɩbɔ mpáɩ ha anɩ. Anɩ Wíe asʋ́n ámʋ ɩkɔ́sɩ klɛɩ. Ahá abʋpʋ obú hɔ mʋ́ fɛ́ alɩ ámʋ́ʋ́ mlɩ ɛ́ mlɩlɔ́hɔ mʋ́ ámʋ. 
\v 2 Mlɩbɔ mpáɩ, Bulu ɔlɛ anɩ tsu awuntɔlɩnpʋ pʋ́ aha laláhɛ ɩbɩtɔ. Tsúfɛ́ megyí ahá fɛ́ɛ́ lɔ́hɔ anɩ Wíe gyi.
\p
\v 3 Támɛ anɩ Wíe bʋ ɔnɔkwalɩ. Ɔbɔ́wa mlɩ ɔwʋnlɩ́n, hɔ mlɩ lɛ́ lalahɛ Ɔbwɛpʋ́ ámʋ ɩbɩtɔ. 
\v 4 Anɩ Wíe lahá anɩlahogyi ánɩ́ mlɩdɛ́ ntobí ámʋ́ʋ́ anɩlósuná mlɩ ámʋ fɛ́ɛ́ bwɛ, mlɩméesi bwɛ ɛ́.
\p
\v 5 Ɔkpáa mlɩ, amlɩnu ɔdwɛá Bulu bʋ asɩ yɔ ɔtɔ́tɔ́ɔ́tɔ́, ɔha amlɩtomi fɛ́ Kristo.
\s1 Tsiátɔ́ Wankláán
\p
\v 6 Apíó, anɩdɛ́ mlɩ ɔlá da anɩ Wíe Yesu Kristo ɩdátɔ́ anɩaa, mlɩmápʋ Akristofɔ ámʋ́ʋ́ bʋna bʋdɛtsʋ́ʋn, bʋtamakle agyʋ́má, bʋmɛdɛ́ atosunáhɛ́ amʋ́ʋ́ anɩlósuná mlɩ ámʋsʋ gyí wa mba. 
\v 7 Mlɩ onutó mlɩyin ánɩ́ ilehián ánɩ́ mlétsiá anɩ atsiábi. Tsúfɛ́ anɩmɔ́wa ɔwʋlɩyɔ, nátɩ́ tsʋntsʋn brɛ́á anɩbʋ mlɩ wá. 
\v 8 Anɩmégyi atɔ́ ɔhaa wá, kíná mʋ́ ɩkɔ ka. Mboún anɩlɔ́yɔ agyʋ́má ɔpa mʋ́a onyé kínkíínkín, mɛ́nɩ anɩméesi ipian tswɩ mlɩtɔ ɔkʋkʋʋkʋsʋ. 
\v 9 Megyí bɛɛ, anɩmá ɔkpa bláa mlɩ anɩaa, mlɩkɩ́ɩ anɩsʋ, sʋ́ anɩlɔ́bwɛ mʋ́ alɩ. Mboún anɩlɔ́bwɛ mʋ́ súná mlɩ, mɛ́nɩ mlɩ ɛ́ mlɔ́bwɛ mʋ́ odu. 
\v 10 Brɛ́á anɩbʋ mlɩ wá kʋ́ráá á, anɩlɔ́wa mbla há mlɩ anɩaa, “Ɔhá ánɩ́ ɔmɔyɔ agyʋ́má mágyi atɔ́.”
\p
\v 11 Anɩlanú ánɩ́ mlɩtɔ akʋ bʋtsie kpaalɩ, bʋmɛdɛ́ agyʋ́má kʋkʋʋkʋ yɔ. Okéngyé bʋna bʋdɛwa tsʋn. 
\v 12 Anɩdɛ́ amʋ́ ɔlá da anɩ Wíe Yesu Kristo ɩdátɔ́ anɩaa, bʋsíi natɩ́ tsʋn, abʋyɔ agyʋ́má nya amʋ́ atogyihɛ.
\p
\v 13 Támɛ apíó, mlɩ mʋ́ á, yilébwɛ ɩmáta mlɩ ɔŋɛ́. 
\v 14 Nɩ́ ɔkʋ mégyi asʋ́n ánfɩ anɩlawánlɩ́n sɩ́sɩ́ mlɩ ánfɩsʋ á, mlɩkɩ mʋ wankláán. Mlɩa mʋnyɔ mlɩmágyi mba, mɛ́nɩ pɛ́lɩ bɛ́kɩtá mʋ. 
\v 15 Támɛ mlɩmálu mʋ, mboún mlɩtɔɩ kpla mʋ fɛ́ mlɩ píó.
\s1 Ɩklá
\p
\v 16 Iwilwii Owíe amʋ onutó ɔhá mlɩ iwilwii brɛ́ fɛ́ɛ́tɔ́ ɔkpagyíɔkpasʋ. Anɩ Wíe otsía mlɩ fɛ́ɛ́ wá.
\p
\v 17 Mɩ́ Paulo onutó lapʋ́ mɩ́ ɩbɩ wanlɩ́n ɩ́nɩ. Mɩ́ dá ánfɩ ntɔwánlɩ́n wá mɩ́ nwʋlʋ́ fɛ́ɛ́ asɩ, pʋ́súná ánɩ́ itsú mɩ́ onutó wá nɩ́.
\p
\v 18 Anɩ Wíe Yesu Kristo ogyíi mlɩ fɛ́ɛ́ bʋalɛ.