\id PHP - KOLAMI Project-1
\ide UTF-8
\h పిలిపి
\toc3 పిలిపి
\toc2 పిలిపి
\toc1 పిలీపికుఙ్ వాయ్త పత్రిక
\mt2 పిలిప్పీయులకు రాసిన పత్రిక
\mt1 పిలిపికుఙ్ వాయ్త పత్రిక
\imt పేలె గొట్టి
\ip ఈ పిలిప్‍నె ఉత్తరం క్రిసుంద్ పుట్త 61 సాల్కు వెన్కత్ పిలిపి తా విస్వాసికుంఙ్ వాయ్సాద్ పౌలు రోమా నగురుత్ జేలుత్ అనెంఙ్ వాయ్తెంద్ ఇసా 1:13 వాసనముత్ ఇడెంఙ్ వంద్ ఈ ఉత్తరమ్ పిలిపి పట్నముత్ అనెకా మండడింఙ్ వాయుత్ అన్సాద్ పిలిపిన్ బాదోల్ నేండ్ ఆపొస్తులె పుస్తకుత్ వాసిప్తమ్ మాసిదొనియ్ దేసెముంఙ్ రాజ్ దాని పట్నంలంఙ్ అన్సాద్ ఈ పిలిపి మండడియ్ మాసిదొనియత్ పేలె కట్త మండడి ఈ మండడి పౌలు సిలన్ వాలడ్ కట్త అప్పుడ్ ఇత్తిని ఒక్కొజీర్ సింత్తె ఇవురున్ జేలుత్ అప్తెర్ ఆపొస్తులు 16:
\ip ఈ లెక వాయెకదున్ బాదోల్ పౌలు రంగరంత విసరడ్ వాయెకద్ ఎద్దిన్ అముదు జేలుత్ అనెంఙ్ మండడితనట్ కత్త మదతుంఙ్ వాలడ్ మండడింఙ్ దన్యావద్ ఇడ్డెంఙ్ సటీ 4:10-19 మల్ల జేలుత్ తన్నెక పరిస్దితిన్ ఇడ్డెంఙ్ తిమోతి అని ఎపప్రదితున్ మండడింఙ్ ఒర్కికలెకద్ 2: 19-30, మల్ల ఔరున్ స్వగత్ కత్న ఔరె నాయకత్వమున్ మనుంఙ్ కొరెంఙ్ వాయెకద్ ఎద్దిన్.
\iot ఇదవున్ బదోల్ ఇడ్డెకాద్
\io1 1. పౌలు పిలిపి మండడింఙ్ దాన్య వా ఇడ్సా వాయెకద్ \ior 1:1-2 \ior* మల్ల పౌలు తన్నె
\io1 2. పరిస్తితిస్ అని కోన్ని ఒర్కి తోసెటవున్ బదోల్ ఇడ్డెకద్. \ior 1:3–2:30 \ior*
\io1 3. అముదు క్రీస్తున్ బాదోల్ సిమ్కన పడిపెకావున్ బాదోల్ సాల సియెకదున్ బదోల్ \ior 3:1–4:9 \ior*
\io1 4. పౌలు పిలిపి మండడి కత్త మదత్తుంఙ్ బాదోల్ దన్యావద్ ఇడ్డెకాద్ అని సోయ్త గోట్టి ఇడ్సా తిర్పెకాద్ \ior 4:10-23\ior*
\c 1
\s విస్వాసిన్ జీవం క్రీస్తు
\p
\v 1 పిలిప్పి పట్నంముత్ క్రీస్తు యేసున్ ఒర్కితర్ పవిత్ర అనెక దదాకేర్ సదరున్ సంగమ్ నాయకులున్ సేవాకెర్ క్రీస్తు యేసున్ గడియక్ పౌలు, తిమోతి వాయ్ తా గొట్టిక్. 
\v 2 నేండె బాంద్ దెయ్యం నెడె ప్రబు ఇనెక యేసు క్రీస్తు తన కృప, సాంతి ఎరెంఙ్ ఇస.\fig పిలిపిపట్నం|alt="City of Philippi" src="hk00363c.tif" size="span" copy="Horace Knowles ©" ref="1:1"\fig*
\s వందనలు అని పార్తన
\p
\v 3 అన్ ఇంమున్ ఎప్పుడొ ఒర్కిల్తన్ అనె దెయ్యమున్ వందనాలు ఇడ్ తాన్. 
\v 4 ఇంమున్ సటీ అన్ పార్తన ఎప్పుడి అద్ కుసినడ్ పార్తన ఇదర్తన్. 
\v 5 తనుంన్ ఇంతే సొయ్త కబుర్ గొట్టిక్లత్తి పేలె దినం తన పఙ్ పఙ్ఙిదూక్ ఇమ్మె మిరయ్తదుంఙ్ వందనాలు.
\p
\v 6 ఇమ్మత్తి ఈ సోయ్ తా పని మొదల్ ఇట్టనున్ దెయ్యం యేసు క్రీస్తు మలయుత్ వరెక దినం వన్ ఆ పని ఇదరుత్ తిర్పతెంద్. ఇద్ అనె గట్టి బరోసా. 
\v 7 ఇంమున్ వాలడ్ అన్ అనంఙ్ ఇనెకద్ న్యాయ్. తనుంన్ ఇంతె నీర్ అనె మన్నుత్ అండతిర్. అన్ జేలుత్ అనెఙ, అన్ సొయ్త కబుర్ సాక్సంగా ఇండెఙ్ ఙ మొకాప్‍బ్ల నీర్ సదర్ ఈ కృప అన్ వెంట అడ్డిర్.
\p
\v 8 క్రీస్తు యేసునె ప్రేమ లోపలడ్, ఇంమున్ సటీ అన్ ఎంతె ఆస కల్సత్ దెయ్యం అనుంఙ్ సాక్సి. 
\v 9 ఇమ్మె ప్రేమ్త బుద్దినడ్, సిమ్కన నిర్నయ్ అందఙ్ అంతెయ్ తయార్ ఎర్సననెంఙ్ అన్ పార్తన ఇదరతున్. 
\v 10 అదుంఙ్ వాలడ నిర్‍ ఎద్, సోయ్ కరిల్సద్ నీర్ సొబత గొట్టికున్ ఒర్కిలుత్, యేసు క్రీస్తు వరెక దినం వన్ సొబనడ్, కప్టి తొసెట అందత్ ఇస అనె పార్తన 
\v 11 అంతెయ్ తోద్ ఇంక దెయ్యమ్నెత్ మహిమ స్తుతి ఎరెకద్ లంఙ్‍, నీర్ యేసు క్రీస్తున్ వాలడ్ వరెక నీతి పండ్లడ్ నిండుత్ అండ్రు.
\s క్రీస్తునంత్తి బత్కెకాద్
\p
\v 12 దాదకేర్ బయినేవారా, అనుంఙ్ వరెక సొయ్త కబుర్ ఇంక పెర్రెత్ ఎరెంఙ్ ఇసా నీర్ ఒర్కి ఇడుర్. 
\v 13 ఎనాఙ్ ఇంతె, అనె గొలుసు క్రీస్తుఙ్ సటీ ఎదెంద్ ఇస రాజున్ ఎల్లన్ కయ్యెకరున్ ఔరున్ ఎదంద్ సదరుఙి ఒర్కి. 
\v 14 అంతెయ్ ఎరెకడి, ప్రబునత్తి దాదకేర్ పెరెత్ మంది అన్నె కొండప్తా ఓర్కిన్ వాలడ్ నమ్మకమడ్ విస్వాసం సుముత్, ఉసారడ్ దెయ్యమున్ కయిద ఇదర్స పెరెత్ గడ్స ఎందెర్.
\p
\v 15 కొన్సెం మంది అసనడ్ కలత బుద్దినడ్, ఇంక కొన్సెం మంది సొబత మన్నడ్ క్రీస్తున్ ఇడ్సర్. 
\v 16 ప్రేమ్ నడ్ క్రీస్తున్ కుగెకరూన్ అన్ సొయ్త కబుర్ వాలడ్ ఇడ్డెంఙ్ సటీ న్యివ్ సుమ్తన్ ఇస ఔరుంఙ్ ఒర్కి. 
\v 17 మరి మిక్తా మంది ఔర్ కొండప్తాతి అన్నెఙ అనుంఙ్ ఇంక నారాజ్ ఎర్సద్ సోయ్ మన్నడ్ తోద్ గని సక్సినడ్ క్రీస్తున్ ఇడ్సంర్. 
\v 18 మరి తనెద్? కపటమడ్ ఎక్కద్‍ సత్తెం ఎక్కద్, ఎన నా క్రీస్తు ఇడ్డెకద్ మరి ఎర్స అండద్. అదుఙి అన్ కుసినడ్ ఇంక ముదర్వై గిన కుసినడ్ అందత్.
\p
\v 19 ఇమ్మె పార్తన వాలడ్, యేసు క్రీస్తునె ఆత్మసన్ రక్స వాలడ్, అనె కురియెకదున్ సటీ ఇనంఙ్ జర్గిల్స అండద్ ఇస అనుంఙ్ ఒర్కి. 
\v 20 అన్ ఎ గొట్టితి లజ్జన్ వరెన్ ఇస అనుంఙ్ సిమ్కన ఆసా అన్సాద్. మరి, ఎప్పుడితెతియొ పఙ్ పఙ్ఙిగిన అనె పానం వాలడ్ గిన, తిక్కుత వాలడ్ గిన క్రీస్తున్ అనె మెన్ ఇడతున్. 
\v 21 అనుంఙ్ ఇంతె అన్ బత్కెకద్ క్రీస్తుది, మరి తిక్కెకద్ గిన లాబామి. 
\v 22 మరి మేనుత్ అన్ ఇంక బత్కుత్ అనె పనింఙ్ పలితం అండే, అప్పుడ్ అన్ తనెన్ వెలెకదొ అనుంఙ్ ఒర్కి తోద్. 
\v 23 ఈ ఇద్దిగున్ నడుమున్ సిక్తన్. అన్ ఈ లొకంమున్ సయుత్ క్రీస్తునత్తి అన్దత్ ఇస అనె విచార్. సదరుంఙ్ ఎన అముదు సోయ్.
\p
\v 24 మరి అన్ మేనుత్ అనెకంద్ ఇంమున్ సటీ అంత్తె అవ్సరంమా. 
\v 25 అదున్ వాలడ్, అన్ ఇంమంతిఙ్ఙ మలయుత్ వరెంఙా అన్ సుముత్ క్రీస్తు యేసునంతీ ఇమ్మె కుసి ఇదరుత్ సియెకద్ తిర్సనండద్ నీర్ విస్వసుత్ సొయ్ కుసిన్ కలెంఙ్ అన్ బత్కసా ఇమున్ సిమ్కనన్ వెంటా అదత్ ఇసా అనుంఙ్ బరోసా దన్యావద్. 
\v 26 మల్ల నీర్ విస్వాసముత్ తయార్ ఇదరెకర్, క్రీస్తు యేసునత్తి కుసి నడ్ అనెంఙ్ ఇస అన్ బత్కుత్ ఇమ్మత్తి సదర్ వెంట అన్సత్ ఇస అనుంఙ్ ఒర్కి. 
\v 27 అన్ ఇంమున్ ఓలెంన్ వతెంన, వర్సెటండెన, సదర్ కలైయుత్ సొయ్త కబుర్ విస్వాసంనడ్ ఇదర్స, ఓకొ ఆత్మ గొట్టినడ్ అన్సర్ ఇస అన్ ఇంమున్ వాలడ్ విన్ననంఙ్ఙ్‍, నీర్ క్రీస్తునె సొయ్త కబుర్త కులిల్ననంఙ్ ఇదరూర్.
\p
\v 28 ఇంమున్ అర్పులిపెకరున్ ఔర్ ఎ గొట్టిక్లత్తినీ అర్సెఙ్ తోద్. ఇమ్మె గడ్సతనం ఔరున్ కరాబ్, ఇంమున్ రక్స ఎరద్ ఇస ఇండెకా గొట్టి. ఇంద్ దెయ్యమున్ వాలడ్ వరెక పవ్. 
\v 29 తొలెనిత కాలముత్ అన్ ఇదర్త జగ్డన్ ఓలిప్తెర్. అదున్ విసనండర్. నీగిన అది జగ్డత్ అండతిర్. అదుంఙ్ ఎత్తి దెయ్యమ్ ఇముంఙ్ ఎకున్ క్రీస్తున్ నమ్మెక మొక ఎరెకడి, అమ్నుంఙ్ సాటి తిప పడ్సా అనుబవ్ ఇముంఙ్నాయ్ సియ్తెంద్. 
\v 30 అదుహీ దెయ్యం ఇంమున్ అముదు క్రీస్తునె విస్వాసం సుమ్మెక సంద్ తోద్, అమ్నుంఙ్ సటీ గుల్ పని ఇదరెక సంద గిన సితెంద్.
\c 2
\s క్రీస్తునే గోప్పతనం అని చిన్నంఎరెకద్
\p
\v 1 మరి ఇమ్మె జీవితముత్ వాలడ్ ఎనట బరొస గిన, దెయ్యమ్నె ఆత్మత్ ఎనట మిరయ్త గిన, ప్రేమనడ్ ఎనట, ఆదార్ గిన ఒక్కొంద్ పొయ్ ఒక్కొంద్ అండెతియ్ క్రీస్తు ద్ ఇమ్మున్ సోయ్‍కల్సంద్, 
\v 2 నీర్ సదర్ ఒక్కొది మన్నడ్, ఒక్కొది కలైయ్త ప్రేమనడ్, ఆత్మత్ ఒక్కత్తిని, ఒక్కొది గ్యాన్ కలైయుత్ అనెంఙ్ అన్ పురయ్ కుసినడ్ ఇదరూర్. 
\v 3 రగ్గడ్ గిన గునీయ్స తనై కలేంఙ్ఙ తోద్. సొబ తా మన్నడ్ సదరుఙి ఇంముంఙ్ ఎనా సోయ్తరున్ అసుర్. 
\v 4 ఇమ్మత్తి ప్రతి ఒక్కొద్ తనె పనికున్ సటీ తోద్ మందినె పనిక్ గిన ఇదరెంఙ్. 
\v 5 క్రీస్తు యేసున్ అనెక ఇనట మాన్ గ్యాన్ నీర్ గిన కలయుత్ అండ్రు.
\q1
\v 6 అముదు దెయ్యమ్నె రుప్ కలైయ్తన్ ఎన్నెంద్.
\q2 దెయ్యంనడ్ అముదు అమ్నె సమానంమున్
\q1 సయత్ ఇస ఇనెతెంద్.
\q2
\v 7 మరి, అమ్నుంఙ్ బదోల్ తనెంత్ తాని కాలి ఇదర్తెంద్.
\q1 సేవక్నె రూప్‍ సుంతెద్. మన్కక్నె
\q2 రూప్‍ కన్కెద్దెన్ అనంఙ్ ఎంత్
\q1 అముదు మన్కాక్లంఙ్ కన్కెద్దెద్.
\q2
\v 8 తిక్నంతెత్, ఇంత్, సిలువ
\q1 పొదె తిక్నంతెత్ ఎన ఎంకద్,
\q2 తన్నెంత్ తని సుయ్ ఎత్నా, సిన్నమ్ ఎంద్దెద్.
\q1
\v 9-11 అనాయ్ పరలోకముత్, బూమి పొదె,
\q2 బూమి బడున్\f + \fr 2:9-11 \fr*\ft బూమి బూడున్ చికటి రాజ్ తిక్ తార్ అనెకా జాగ ఇసా ఇసార్\ft*\f* అనెకరున్ హర్ ఒక్కొద్
\q1 ముడ్సులడ్ యేసునే గెట్టలతి గొగ్గుత్,
\q2 ప్రతి ఒక్కొద్‍ బాంద్ అముదు దెయ్యమ్నె
\q1 మహిమంన్ సటీ యేసు క్రీస్తు ప్రబువులన్ ఒప్పెకద్లన్,
\q2 దెయ్యం అమ్నన్ ఎంతెయొ సొబనడ్ ఓల్తెంద్,
\q1 సదరున్ ఎన సొబ తా పేర్ అమ్నుఙ్ సియ్తెంద్.
\s లోకంముత్ దివేలంఙ్ అనేంఙ్
\p
\v 12 అనె లాడ్తంద్ సహ విస్వాసులారా, నీర్ ఎప్పుడి సిన్నమ్ ఎందెతిలన్, అన్ ఇమ్ మెర అనెఙి తోద్, మరి పెర్రెత్ గడి ఇమ్ వెంట తోసెటండె, ఇమ్మె పుర్ అరినడ్ నీర్ రక్స ఓలుర్. 
\v 13 తానుఙ్ఙ్ ఇంతె నీర్ దెయ్యమ్నెత్ ఇంమెత్ మనుంఙ్ వతదున్ ఇదరెంఙ్ సటీ పాజె అండ మన్నడ్, కారెయ్తర్ ఇదరెంఙ్ ఇసా ఇమ్మత్తి ఎప్పుడి పని కలెకద్ దెయ్యమి.
\p
\v 14 నీర్ ఇదరెకా సదర్ బెత్‍బవ్ తోసెట ఇండెకర్ తోసెట ఇదరూర్. 
\v 15 అదున్ వాలడ్ నీర్ ముర్కెరార పవిత్రత ఈ పిడిత మందిఙ్ నడుమ్ దుస్మాన్లన్, నిందతోసెటార్, పని పడ్సెటా దెయ్యమ్నె సినపర్లంఙ్‍, దున్యత్ చుక్కలంఙ్ తరిస్నంసర్. 
\v 16 పానం వాచనున్ సిప్పన సుంముర్. అప్పుడ్ క్రీస్తుంద్ తిర్గుత్ వరెక దినం అన్ ఆగమ్ తులెతన్ ఇస అనె పని కరాబ్ ఎరెతిన్ ఇస అనుంఙ్ ఒర్కి. అనెకర్లాంఙ్ ఇండెన్ అనుంఙ్ ఒక్కొ కారన్ అన్సద్. 
\v 17 అనంఙ్ ఎద్దె ఇమ్మె విస్వాస బావ్ ఒర్కిపడుత్ అన్ అన్నె పానంమడ్ సేరెఙ్ కలెఙ్ ఙ, అన్ తిక్తెనయ్ అన్ కుసినడ్ ఇమ్ వెంట అందత్. 
\v 18 అనైయ్ నీర్ గిన కుసినడ్ అన్ వెంట సొబనడ్ అనెంఙ్.
\s తిమోతి అని ఎపప్రతు
\p
\v 19 నీర్ ఎనాఙ్ అండతిరొ ఒర్కిలెంఙ్ అనుంఙ్ సోయ్ ఎరెంఙ్‍, ప్రబు యేసు నుంఙ్ ఆస అండె జల్దిని తిమోతిన్ ఇమ్మత్తి పవిడత్ ఇసతున్. 
\v 20 తిమోతిలంఙ్ ఇంముంఙ్ సటీ అంత్తె కరె కలెకద్ అనుంఙ్ ఎరి తోతెర్. 
\v 21 మిక్తా తా మంది తమె సోంత పనిక్ ఇదర్సనంచర్ గని, యేసు క్రీస్తునె గొట్టికున్ విస తోతెర్. 
\v 22 తిమోతి అని ఇస మొకబ్లా ఇదర్తెంద్. తానుంఙ్ ఇంతె, తా కీకె ఎనఙ్ సేవ ఇదర్తెరొ అనైయ్ అముదు అన్ వెంట సొయ్త కబుర్ పయ్తెంద్ సేవ ఇదర్తెంద్ ఇంమున్ ఒర్కి. 
\v 23 అదుహీ తనేద్ ఎర్సదొ అనుంఙ్ ఒర్కి అమ్నున్ వెంటాయ్ పవిడాత్ ఆస. 
\v 24 అన్ నాయ్ జల్దీని వర్సత్ ఇసా ప్రబునున్ వాలడ్ అనుంఙ్ బరోసా అంసాద్.
\p
\v 25 అనే దాదకేర్, వేంట పని తాద్ అముదు, వెంట తా సిపాయి, ఇంమెత్ ప్రతి ఒక్కొద్ అనుంఙ్ పనిక్ వర్సద్ సేవ ఇదరెంఙ్ అముదు ఎపప్రొదితున్ కబుల్లాకెర్ ఇమున్వై పవిడెంఙ్ పడద్ ఇంతన్. 
\v 26 అముదు దుక్కమడ్ అండద్ ఇసా ఇంముంఙ్ ఒర్కి అదుఙి అముదు ఇమున్‍ సాదరున్ ఓలత్ ఇసా గుల్ ఆసనడ్ అండద్.
\p
\v 27 అమ్నె తికెకాద్ మెర వత్తిన్, గని దెయ్యం అమ్నున్ సోయ్ కివ్ ఓల్తిన్. అమ్నున్ పొదెని తోద్, దుక్కం వెంట దుక్కం ఎర్సెట అని గిన కివ్ ఇస సోయ్ ఓల్తెంద్. 
\v 28 అదుహీ నీర్ అమ్నున్ మల్ల ఓలుత్ కుసిన్ వరెకర్లన్, అనె విచార్ సెన్నంఙ్ఙ్ అమ్నున్ జల్దిని పవిడసాత్. 
\v 29 అమ్నున్ సిమ్కన కుసినడ్ ప్రబునె పెరడ్ ఇదరూర్. అనటనున్ మన్నడ్ ఓలుర్. 
\v 30 తానుంఙ్ ఇంతె అముదు క్రీస్తునె పనిత్ మెరమెర తికెకదున్ గెల్తెంద్. అనుంఙ్ సేవ ఇదరెంఙ్ నీర్ తిర్పెసెటండెనా అనె పనికున్ ఇమ్మె బదిలీ తిర్పెంఙ్ సటీ అముదు తనె పానం పొదె వత్తేన లెక్కా ఇదరెతెంద్.
\c 3
\s కరెత నీతి
\p
\v 1 అకిరిగా, అనె దాదకేర్, ప్రబునత్తి కుసినడ్ అనెంఙ్. ఈ గొట్టికున్ ఇంమున్ మల్ల వాయెకద్ అనుంఙ్ తనైయ్ ఎరెద్. గని ఇంద్ ఇంమున్ సోయ్ అనెంఙ్ సటీ. 
\v 2 ఆతెలె. గొట్టిక్లత్తి కరాబ్ పని ఇదరెకరున్ వెంట సొబనడ్. ఇడ్డెక గొట్టికున్ వినెనఙ్ఙ్ ఔరె గొట్టిక్లత్తి సొబనడ్ అండ్రు.
\p
\v 3 తానుంఙ్ ఇంతె, నేండ్‍ దెయ్యమ్నె ఆత్మత్ పుజ ఇదర్స మేన్త అసా పొదె బరోసా ఇడ్సెట క్రీస్తు యేసునంతీ అస ఇడుత్ అండతుమ్. నేడీ అసల్ ఈ సున్నతి సుముత్ అనెకరం నేండ్. 
\v 4 ఇండెఙ్ఙ ఇంతె, పంఙితుఙ్ అని మేనున్ సంఙ్ ఇదర్సాత్. ఎందెన మెనున్ పొల నమ్మకం ఇదరుత్ అండె అన్ ఇంక పెర్రత్ ఇదరత్. 
\v 5 అన్ ఎన్దీ దిన వాలడ్ సున్నతి సుమ్‍తన్. ఇస్రాయేలు జాతిత్ జన్మిల్తన్. బేన్యామీన్ కన్దానిఙ్‍ కలైయ్తరన్ అన్. హీబ్రుని బాంద్అమ్మన్ జన్మిల్ తా హెబ్రీనన్. నియమ్ సాస్త్రంత పరుసిక్ ఒర్కి ఎద్దాన్.
\p
\v 6 క్రైస్తునె సంగమున్ రగ్ కలెకదుంఙ్ అన తప్పెంఙ్. నియమ్ సాస్త్రముత్ నీ పూర అడ్గెకదుంద్ నిందతోసెటారన్. 
\v 7 మరి ఎదవ్ అనుంఙ్ లాబం అండెవొ అదవున్ సిమ్కన్నన్ క్రీస్తుంఙ్ సటీ పనిక్ వర్సెటలంఙ్ ఇట్టన్. 
\v 8 పఙితుఙ్ అనె ప్రబువు ఇనెక యేసు క్రీస్తున్ ఒర్కిల్లెకద్ ఎంతె కటిన్ తా గొట్టి. అదుఙి మిక్తవున్ జాగలున్ పనిక్ వర్సెటలన్ ఇట్టం. అమ్నున్ సుంముత్ మిక్తవున్ అదవున్ సిమ్కనన్ మన్ పొలడ్ సయ్తన్. క్రీస్తున్ అన్ సుంమత్ ఇస అండతున్, అదవున్ కిస్కటముత్ జొపిటెతి ఓల్సాత్.
\p
\v 9 నియమ్ సాస్త్రమూలమైన అనె సొబత బుద్ది ఇస, క్రీస్తునత్తి విస్వాసంతరున్ బుద్దినడ్, ఇంతె విస్వాసమున్ వాలడ్ దెయ్యమ్నెత్ ఆబార్ కలెకంద్ బుద్దితంద్ అముదు కన్కెన్నంఙ్ అనంంఙ్ఙ్ ఇదర్తెంద్. 
\v 10 ఎనహెనా తిక్ తార్ వెంట అంత్ అనుంఙ్ ఇంక్కొకొ జనుమ వరెంఙ్ఙ్ ఇసత్, అమ్నె తికెకా గొట్టిత్ మిరయుత్ ఎంత్ సక్తి తరన్ ఎంత్, అమ్నున్ అముదు ఇక్కొకొ జనుమన్ దమ్మడ్ వరత్ ఇస, 
\v 11 అమ్నె హింసల్లొ పొత్ఎరెంఙ్ఙ్ తనుంఙ్‍, జాగలున్ ససడం ఇదరుత్ అదవున్ కిస్కటమడ్ సమనం ఓలత్‍.
\s గమ్యంవై తులెకద్
\p
\v 12 ఇద సిమ్కనలంతి అని గదియెంఙ్ సలెతన్ అదుఙి అన్ ఇంక మూరైయ్ ఎతన్. క్రీస్తు యేసు అన్ తనెందున్ సటీ సుంతెదో అదున్ అన్ గిన సొంతం ఇదర్త్ ఇసతున్ అన్ ఇంక ఇదర్సని అండతున్. 
\v 13 అనంఙెదే అన్నె దాదకేర్ బాయినెవారా, అన్ ఇంక సాదీపెతన్ ఇస తోద్. మరి ఒక్కొద్ ఇదర్సతున్. తొలేనితవున్ అదవున్ మద్తన్, ఇండి అనెకవుంఙ్ సటీ తిప్ప పడ్సతున్. 
\v 14 క్రీస్తు యేసుంద్ దెయ్యం అనెకతన కుగెకదున్ కలైయ్త పట్నమున్ బహుమతి సటీ గమ్యంవై తుల్సానండతుమ్.
\p
\v 15 అదుహీ విస్వాసముత్ పురా అనెక విస్వాసికున్ నేండ్, అనైయ్ గ్యాన్ ఇదరెంఙ్ ఇసా సపొట్ సియ్సత్. మరి ఎ గొట్టిన్ వాలడ్ అమ్‍దని, నీర్ ఇంక్కొకొది విచార్ ఇదర్సతిర్ దెయ్యం అమునున్ గిన ఇంమున్ ఒర్కి ఇదర్సద్. 
\v 16 ఎద్దెన ఎంకద్, నేండ్‍ పఙ్హిని సుంతద్ అద్ కారె నియములున్ సుముత్ నేండ్‍ సదర్ అడ్గనర్.
\p
\v 17 దాదకేర్ బాయినెవారా, నీర్ అన్న ఓలుత్ అడ్గనెర్. అమ్మున్ సంఙ్ సుంముత్ అడ్గెకర్ అవ్రన్ సొబనడ్ ఆబార్ అడుగుర్. 
\v 18 గుల్ మంది క్రీస్తునె సిలువన్ విరోద్ నడ్ అడ్గనెర్. ఇవ్రన్ గొట్టిక్ ఇంమున్ ఎన్నిగొ మాక ఇడ్తన్. పఙ్హీ గిన బాదనడ్ ఇడ్సత్. 
\v 19 నాస్‍ ఔరెత్ తిర్సద్. ఔరె పేట్టెయ్ ఔరె దెయ్యం. ఔర్ తమె లజ్జన్ వరెకదుని గనత గుల్ ఇడ్సర్. బూమి పొల గొట్టికున్ పొదెని ఔర్ గ్యాన్ ఇడుత్ అన్సర్. 
\v 20 నేండ్‍ పరలోకముత్ అనెకరమ్. నేండున్‍ రక్సక్ ఇన్నెక యేసు క్రీస్తు ప్రబువు అత్రనా వరెకనున్ పవ్ ఓల్సనండర్. 
\v 21 దున్యన్ ఎ సక్తినడ్ ఎనా అముదు నియమ్ ఇదర్సదొ అమ్‍ది సక్తినడ్ నేండె తాకత్ మెన్ అమ్నె మహిమనడ్ మెన్‍లఙ్ బద్లిపుత్ సయ్సద్.
\c 4
\s ఓలిపెకా
\p
\v 1 అదుహీ అనె లాడ్తంద్ దాదకేర్ బాయినేవర్, నీర్ ఇంతె అనుంఙ్ మనుంఙ్. ఇంమున్ ఓలెంఙ్ ఇస గుల్ అసా అండిన్. అనె కుసిన్, అనె ముకుట్ అండే అనె దదాక్నివ సినపారరా, ప్రబునత్తి సొబనడ్ అండ్రు.
\p
\v 2 ప్రబునె గ్యాన్ మన్నుత్ కలైయుత్ అన్ ఇన్తన్ యునొదియన్, సుంటుకేను వింతి ఇదర్సనండత్. 
\v 3 హయ్, అనె కరెయ్ దలలింన్, గిన ఇన్నై వేల్సతున్. ఆ పిల్లక్లె క్లెమంతు, అనె మిక్తవున్ సన్ వేంట పని కబుర్ పనిన్ అన్డే ఇదర్తన్ అదుఙి ఔరె మదత్ ఎర్. ఔరె పేల్ పానం పుస్తకుత్ వాయుత్ అండ. 
\v 4 ఎప్పుడి ప్రబునత్తి కుసినడ్ అండ్రు మల్ల ఇండ్సతున్, కుసినడ్ అండ్రు. 
\v 5 ఇమ్మె సైన్‍ సదరుహీ ఒర్కిపడెన్. ప్రబువు మెరైయ్ అండద్.
\p
\v 6 ఇదున్ వాలడ్ ఎందిన్. ప్రతి గొట్టిక్లత్తి పార్తన ఇదరెకంతి దన్యావద్ ఇడ్సా ఇమ్మె వినంతి దెయ్యమున్ ఇండుర్. 
\v 7 అప్పుడ్ దున్యత గియనున్ సయుత్ దెయ్యమ్నె సాంతి, యేసు క్రీస్తునె ఇమ్మె గుండెత్ ఇమ్మె విచరుత్ జాగ్లి అన్సాద్. 
\v 8 ఆక్రిత్, దాదకేర్ బాయినెవారా, ఎద పఙ్ ఙహితవొ ఎద మన్ ఇడ్డెకవొ ఎద నీతి ఎద పవిత్ర వొ ఎద సత్తెం ఎద సొబత పెర్తవొ ఎద నైతికంగా సొబతవొ మెచ్ననం అద అట వాలడ్ అల్లున్ సుంముత్ అండ్రు. 
\v 9 మల్ల నీర్ అన్నతి తనె కరపుత్ ఇండ్తిర్ అనె ఇండ్తెతియ్ ఎద వింతిరొ అద ఓలుత్, అదరున్ ఇదరూర్. అప్పుడ్ సాంతి పనిఙ్ ఎన దెయ్యం ఇంమున్ వెంట అందద్.
\s బయుమతింఙ్ సటీ దన్యావద్ ఇడ్డెకద్
\p
\v 10 అన్ వాలడ్ నీర్ పఙ్ఙి ఎన గ్యాన్ ఇడుర్ ప్రబునత్తి గుల్ కుసినడ్ అండన్. తొలె అనెఙా నీర్ అన్ వాలడ్ విచార్ ఇదర్ నీర్ గని ఇమున్ కరెవరె టైమ్ రొంబడెతిన్. 
\v 11 అనుంఙ్ తనెదొ పని అండద్ ఇస అన్ ఇనంఙ్ ఇండ్సతొతెన్. అన్ ఎనహెనా అండె గిన. ఆ టైమున్ సొబనడ్ అనెంఙ్ కరప్తన్. 
\v 12 పని పొదె బత్కెకద్ ఒర్కి, కేన్ ఇదరుత్ బత్కెకద్ ఒర్కి. ప్రతి గొట్టిక్లత్తి పని ఇదరుత్ పెటెంన్ నిడ్పెఉత్ అనెకద్ కరువుత్ అనెకంద్ పని రొబడుత్ అనెంఙ్‍, తోసెట అనెంఙ్ కరపాతున్. 
\v 13 అన్ ఇమ్మత్ సియ్యెకద్ క్రీస్తున్ వాలడ్ అన్ దున్యన్ గిన ఇదరతున్. 
\v 14 ఎన్నగ అనె కస్టాలత్తి నిర్‍ సంఙ్ ఎరతివిసా సొబ తా పని ఇదర్తిర్.
\p
\v 15 పిలిప్పీయులారా, అన్ సొయ్త కబుర్ ఇండెన్ సురు ఇదర్తన్ మాసిదోనియ తన వరెంఙ్ ఇమ్మె సంగం ఒక్కొది అన్ మదత్ ఇదర్త. ఈ గొట్టి ఇంముంఙ్ సదరుంఙ్ ఒర్కియి. 
\v 16 తానుంఙ్ ఇంతె తెస్సలోనికత్ గిన నీర్ గొట్టిగొట్టిన్ అనె పనిక్ తిర్పెన్ సన్ ఎందిర్.
\p
\v 17 అన్ ఇమత్తన దనం వరెంఙ్ ఇసా తోద్‍ గని, నీర్‍ సిమ్కన సోయ్‍ పలం ఎరెంఙ్ ఇసా అసా ఇడుత్ ఇడ్సతున్. 
\v 18 అనుంఙ్ సదర్ తయార్ అండ్డ. నీర్ పవిట సమ్లున్ ఎపప్రొదితు వాలడ్ వత్తే. అనుంఙ్ తనైయ్ కడమ తోతె. అద ఇంమున్ పొదె కంప్లాంఙ్, దెయ్యమ్నె పసనడ్ కన పానంమడ్ అండ. 
\v 19 అదుఙి అనే దెయ్యం తన సాదరుని పురయ్ క్రీస్తు యేసునె మహిమ్మత్ ఇమ్మె ప్రతి పనిన్ ఇదర్సద్. 
\v 20 నేండె బాంద్ అముదు దెయ్యమున్ ఎప్పుడి మహిమ కరెయ్ ఎరెంఙ్ ఇసా. ఆమెన్.
\s ఆక్రి వందనాలు
\p
\v 21 పవిత్ర మందింఙ్ సదరుంఙ్ క్రీస్తు యేసునె పెరడ్ వందనాలు ఇండుర్. అన్ వెంట అనె దాదకేర్ సదర్ మందిన్ ఇంమున్ వందనాలు ఇడ్సనండర్. 
\v 22 పవిత్ర మంది సిమ్కనంఙ్, రొమ రాజక్నె ఎల్లత్ సోయ్ అనెకర్ సదరుంఙ్ వందనాలు ఇడ్సతుమ్. 
\v 23 ప్రబువు యేసు క్రీస్తునె కృప ఇమ్మె ఆత్మత్ అనెంఙ్ ఇస.