\id 3JN Takuu 
\h 3 JOHN 
\toc3 3 Jn 
\toc1 3 JOHN TTORU NAA PAS JOHN 
\toc2 3 JOHN 
\mt1 3 JOHN  
\mt2 TTORU NAA PAS JOHN  
\imt1 TE HAKATAAKOTO TE PAS NEI  
\im \bk Te ttoru naa pas John\bk* raa ni sissia te “Tama hakamaatua te lotu” ki te maatua tokotasi te lotu e ttapa ma ko Gaius. Te tama e sissii te pas nei e taratara hakanau i Gaius i aa ia e tokonaki peenaa ki aaraa tama te lotu, aa e taratara hakaapo ake kiaa ia i te tama e ttapa ma ko Diotrefes.  
\iot Naa takkoto naa taratara iloto te pas nei  
\io1 Te hakataakoto te pas 1–4  
\io1 Gaius e hakanauria 5–8  
\io1 Diotrefes e taratara haaeoina 9–10  
\io1 Demetrius e hakanauria 11–12  
\io1 Naa taratara hakaoti. 13–15  
\c 1  
\p
\v 1 A nau John,\x + \xo 1.1 \xt Acts 19.29; Rom 16.23; 1 Cor 1.14\x* te tama hakamaatua te lotu, e sissii atu kiaa koe, Gaius, taku soa.  
\p Taku manava e llee iloo iaa koe.   
\p
\v 2 Taku soa nei, nau e taku maa oo vana katoo ki ttonu aa maa koe ki marooroo ka mata ora, i aa nau e iloa maa too hakataakoto e tonu.  
\v 3 Nau ni hiahia iloo i taku lono ana i naa taaina taatou nei maa koe koi tautari hakaraaoi iloo ki te hakamaaoni TeAtua, i aa nau e iloa maa koe e tautari peenaa ki te hakamaaoni TeAtua.  
\v 4 Nau e hiahia iloo i taku saaita ni lono maa aku tamalliki raa e tautari maaoni ki te hakamaaoni TeAtua.   
\s1 John e hakanau i Gaius  
\p
\v 5 Taku soa nei, nau e iloa maa koe e heheuna hakaraaoi iloo ma naa tama e lotu kootou hakapaa, niaaina maa naa tama naa ni horau.  
\v 6 Laatou ni taratara ake ki naa tama te lotu i te kina nei i too laaoi. Koe ku tokonaki ake hakaraaoi iloo ki hollau laatou ma te tiputipu TeAtua e hiihai.  
\v 7 I te aa, i te saaita naa tama naa ni kaamata te mee naa heuna Christ raa, laatou ni see tokonakina ake naa tama see lotu.  
\v 8 Taatou naa tama e lotu raa ki tokonaki ki laatou ki heheuna hakapaa taatou no tarataraina te hakamaaoni TeAtua.   
\s1 Diotrefes ma Demetrius  
\p
\v 9 Nau ni sissii taku pas ki te lotu naa, tevana iaa Diotrefes, te tama e hai maa ia raa ko te tama hakamaatua i te kina naa, see hiihai maa ia e hakannoo ki aku taratara.  
\v 10 Taku saaita ma ki hanatu raa, nau ma ki hakaari atu i ana vana katoo ni mee, teenaa ko ana taratara e hakallika aa ma ana taratara hakalellesi ni mee i maatou. Tevana iaa e mee aaraa vana aana ni mee; a ia see hiihai maa ia ki hanake no purepure ki naa tama e lotu taatou hakapaa teelaa e oo atu ki te kina naa. A ia maraa e kapitia hoki a ia naa tama e fiffai maa laatou ki pureppure ma naa tama e oo ake. Aa ki mee naa tama naa see hakannoo ki ana taratara, a ia maraa e huri no kerekereia laatou i te lotu.   
\p
\v 11 Taku soa nei, koe see tautari ki te tiputipu e hakallika; tautari ki te tiputipu e taukareka. Te tama e sosorina taukareka raa se tama TeAtua; te tama e sosorina hakallika raa ko te tama seki iloa i TeAtua.   
\p
\v 12 Naa tama katoo e taratara hakanau i Demetrius; te hakamaaoni raa hoki e sura i ana sosorina. Aa teenei maatou hoki e taratara hakanau iaa ia, aa kootou e illoa maa naa taratara maatou nei ni taratara maaoni.   
\s1 Naa purepure hakaoti  
\p
\v 13 Nau e mee aku lopo taratara e mee ki kauatu ki kootou, tevana iaa nau see hiihai maa nau e sissii atu naa taratara naa iloto naa laupepa.  
\v 14 Nau e ttari ki hanatu nau aa taaua ku taratara hakaraaoi.   
\p
\v 15 Koe ki noho hakaraaoi.  
\p Oo soa i te kina nei e pureppure atu kiaa koe.