\id MAT nhi 
\h SAN MATEO 
\toc1 In tlahtol tlen cualica temaquixtilistli tlen oquihcuiloh San Mateo 
\toc2 San Mateo 
\toc3 Mt. 
\mt2 In tlahtol tlen cualica temaquixtilistli tlen oquihcuiloh 
\mt1 San Mateo 
\c 1  
\s1 Innauac aquihqueh ualeuani Jesucristo 
\r (Lc. 3:23-38) 
\p  
\v 1 Nican ihcuiliutoc inauac aquihqueh ualeuani Jesucristo. Jesucristo teconeu ualeuani inauac in David uan teconeu ualeuani inauac in Abraham. 
\p  
\v 2 Abraham oyah ipapan Isaac, Isaac oyah ipapan Jacob, uan Jacob oyah inpapan Judá iuan nicniuan. 
\m  
\v 3 Judá oyah inpapan Fares uan Zara. Ninmaman in Fares uan Zara yen Tamar. Fares oyah ipapan Esrom, uan Esrom oyah ipapan Aram. 
\m  
\v 4 Aram oyah ipapan Aminadab, Aminadab oyah ipapan Naasón, uan Naasón oyah ipapan Salmón. 
\m  
\v 5 Salmón oyah ipapan Booz. Nimaman Booz yen Rahab. Booz oyah ipapan Obed. Nimaman in Obed yen Rut. Uan Obed oyah ipapan Isaí. 
\m  
\v 6 Isaí oyah ipapan in ueyitiquiuahqui David, uan David oyah ipapan Salomón. Nimaman Salomón yeh naquin ocatca isiuau in Urías. 
\p  
\v 7 Salomón oyah ipapan Roboam, Roboam oyah ipapan Abías, uan Abías oyah ipapan Asa. 
\m  
\v 8 Asa oyah ipapan Josafat, Josafat oyah ipapan Joram, uan Joram oyah ipapan Uzías. 
\m  
\v 9 Uzías oyah ipapan Jotam, Jotam oyah ipapan Acaz, uan Acaz oyah ipapan Ezequías. 
\m  
\v 10 Ezequías oyah ipapan Manasés, Manasés oyah ipapan Amón, uan Amón oyah ipapan Josías. 
\m  
\v 11 Josías oyah inpapan Jeconías uan nicniuan. Yehuan ochanchiuqueh itich in tonalten ihcuac in israelitas oquinuerzauicaqueh Babilonia. 
\p  
\v 12 Satepan ihcuac in israelitas oquinuerzauicaqueh Babilonia, Jeconías oquipix se iconeu itoocaa Salatiel, uan Salatiel oyah ipapan Zorobabel. 
\m  
\v 13 Zorobabel oyah ipapan Abiud, Abiud oyah ipapan Eliaquim, uan Eliaquim oyah ipapan Azor. 
\m  
\v 14 Azor oyah ipapan Sadoc, Sadoc oyah ipapan Aquim, uan Aquim oyah ipapan Eliud. 
\m  
\v 15 Eliud oyah ipapan Eleazar, Eleazar oyah ipapan Matán, uan Matán oyah ipapan Jacob, 
\m  
\v 16 Jacob oyah ipapan José, nitlauical in María, naquin octlalticpacnextih Jesús tlen itquixmatih yehua Cristo Temaquixtani. 
\p  
\v 17 Uan ohcon opanoqueh ochanchiuqueh mahtlactlanaui tetahmeh, peua ica Abraham uan tlamitiu ica David, uan oc mahtlactlanaui tetahmeh, peua ica David uan tlamitiu ihcuac in israelitas oquinuerzauicaqueh Babilonia, uan sannoiuqui oc mahtlactlanaui tetahmeh ochanchiuqueh, peua ihcuac in israelitas oquinuerzauicaqueh Babilonia uan tlamiquiu ihcuac onesico in Cristo Temaquixtani. 
\s1 Jesús tlalticpacnesi 
\r (Lc. 2:1-7) 
\p  
\v 18 Yeh nin tlen omochiu ihcuac otlalticpacnes Jesucristo: María, nimaman Jesús, yoquihtlancah monamictis iuan in José. Pero ihcuac ayamo opeuayah sepanchanchiuah ihquin opanoc: María, ica nichicaualitzin in Espíritu Santo, omocau cocoxqui ica conetl. 
\m  
\v 19 Uan nic José, nitlauical in María, yeh se tlacatl cuali conetl, amo oquinic icteixpantis uan ohcon ictepihpinautis, ica non ocyoluih iccauas ichtaca. 
\m  
\v 20 Ihcuac ohcon ocyoluihtoya icchiuas, se iiluicactlatitlancau in toTecotzin omonextih itich nitemic uan oquiluih: 
\p —José, ualeuani de David, amo ixyolometi itsilis in María quemeh mosiuau. In conetl tlen yoltoc iihtic, yeh ichiualitzin in Espíritu Santo. 
\m  
\v 21 María ictlalticpacnextis non conetl, uan ittoocaayotis Jesús, ohcon ittoocaayotis nic yeh icmaquixtis Israel itich nitlahtlacol. 
\p  
\v 22 Ica nochi nin tlen opanoc omochiu in tlahtol tlen yoquihtohca in toTecotzin ica in teotlanauatani: 
\q1  
\v 23 Se ichpochtli naquin ayamo mixmati iuan acah tlacatl isqui cocoxqui ica conetl uan ictlalticpacnextis non conetl, 
\q1 uan ictoocaayotisqueh Emanuel,\f + \fr 1:23 \ft Is. 7:14\f* 
\m tlen ictosniqui: Dios touan metzticah. 
\p  
\v 24 Ihcuac José otlachix, oquichiu ohcon quemeh oquiluih niiluicactlatitlancau in toTecotzin, uan ocsilih nisiuau. 
\m  
\v 25 Pero amo omixmat iuan queh isiuau, tlamo hasta ihcuac ones nitlayacayou. Uan octoocaayotih Jesús. 
\c 2  
\s1 Siqui tlaixmatqueh oquitacoh in conetl Jesús 
\p  
\v 1 Ihcuac Jesús ones itich in altipetl Belén tlen poui Judea, itich in tonalmeh ihcuac ocatca ueyitiquiuahqui Herodes, siqui tlaixmatqueh tlen ica in sitlalimeh ictlatlatah tlenoh panos, oualahqueh Jerusalén, oualeuqueh itich in uehca tlalmeh tlen cateh ic canic panquisa in tonaltzin. 
\m  
\v 2 Uan octlahtlanqueh: 
\p —¿Canih catqui ninueyitiquiuahcau in judíos tlen yaquin otlalticpacnes? Pues tehuan ottaqueh ic canic panquisa in tonaltzin in sitlalin tlen otechmatiltih nic yones, ica non otualahqueh ottlacachiuacoh. 
\p  
\v 3 Ihcuac in ueyitiquiuahqui Herodes oquicac non, tlailiuis oyolpahsoliu iuan nochi tlen ochanchiuayah Jerusalén. 
\m  
\v 4 Herodes oquinnichicoh nochi in teopixcatlayacanqueh uan in tlamachtanih den tlanauatil, uan oquintlahtlanih canih otlalticpacnesisquia in Cristo Ueyitlayacanqui. 
\m  
\v 5 Yehuan oquiluihqueh: 
\p —Itich in altipetl Belén tlen poui Judea, pues ihquin oquihcuiloh in teotlanauatani: 
\q1  
\v 6 Teh Belén, altipetl tlen itpoui Judá, 
\q1 ixmati teh amo ittzohtzocotzin innauac in cuahcual altipemeh tlen pouih Judá, 
\q1 nic motich oneuas se ueyitlayacanqui, 
\q1 naquin isqui quemeh se tlahpixqui naquin icyacanas Israel tlen pouih queh nochcauan. 
\p  
\v 7 Ihcuacon Herodes ichtaca oquinnotz in tlaixmatqueh, uan oquintlatlahtlanih maquiluican yec quemanian oquitaqueh in sitlalin. 
\m  
\v 8 Uan oquintitlan Belén uan oquimiluih: 
\p —Xonyacan ompa, uan cuali ixcontlatlahtlanican den conetl, uan ihcuac nanconahsisqueh, ixnechonmatiltican, uan ohcon neh noiuqui nias intlacachiuatiu. 
\p  
\v 9 Ihcuac ohcon oquimiluih in ueyitiquiuahqui, yehuan oyahqueh. Uan in sitlalin tlen oquitaqueh canic panquisa in tonaltzin oquinyacantaya, uan omonactito campa ocatca in conetl. 
\m  
\v 10 Ihcuac oquitaqueh in sitlalin tlailiuis simi opaqueh. 
\m  
\v 11 Uan ihcuac ocalaqueh itich in calihtictli, oquitaqueh in conetl iuan María, nimaman in conetl, uan ompa omotlancuaquitzqueh uan octlacachiuqueh in conetl. Oquintlapohqueh in baultzitzin campa ocuicayah nintetlaocolil, uan ocmactihqueh oro, incienso uan mirra. 
\m  
\v 12 Satepan itich nintemic, Dios oquinnehmachtih acmo mamocuipacan inauac in Herodes, uan ica non omocuipqueh inchan ic itich ocse ohtli. 
\s1 José uan María icchololtiah in conetl icuicah Egipto 
\p  
\v 13 Ihcuac in tlaixmatqueh yoyahqueh, se iiluicactlatitlancau in toTecotzin omonextih itich nitemic in José uan oquiluih: 
\p —Xonmoquitzteua, ixconana in conetl uan nimaman uan xoncholocan xonyacan Egipto. Ompa xoni hasta ihcuac neh inmitzoniluis. Pues Herodes ictemos in conetl icniquis icmictis. 
\p  
\v 14 Ica non, José ica youal omeu uan oquian in conetl iuan nimaman uan oquinuicac Egipto. 
\m  
\v 15 Uan ompa omocau hasta ihcuac omic Herodes. Uan ohcon omochiu tlen in toTecotzin oquihtoh ica in teotlanauatani: “Onicnotz noconeu maquisa itich necah tlali Egipto.”\f + \fr 2:15 \ft Os. 11:1\f* 
\s1 Herodes tlanauatia maquinmictican in coconeh 
\p  
\v 16 Ihcuac Herodes oquitac nic in tlaixmatqueh amo octlepanitaqueh, tlailiuis ocualan. Uan otlanauatih maquinmictican nochi in telpocacoconeh tlen chanchiuah Belén tlen amo panouah icpiah ome xiuitl, uan nochi tlen ic ompa amo uehca chanchiuah. Otlanauatih maquinmictican ohcon oc tzocotzitzin, ohcon quemeh oquixyehyecoh ica tlen oquiluihqueh in tlaixmatqueh. 
\m  
\v 17 Uan ohcon omochiu tlen oquihtoh in teotlanauatani Jeremías: 
\q1  
\v 18 Se ueyi tzahtzilistli omocac Ramá, 
\q1 ueyi choquilistli uan ueyi tlaocoltzahtzilistli. 
\q1 Yen Raquel naquin quinchoquilia niconeuan, 
\q1 uan amo icniqui macyolseuican, niconeuan yomiqueh.\f + \fr 2:18 \ft Jer. 31:15\f* 
\s1 José uan María mocuipah yaueh Nazaret 
\p  
\v 19 Satepan ihcuac Herodes yomic, se iiluicactlatitlancau in toTecotzin omonextih itich nitemic in José uan oquiluih: 
\p  
\v 20 —Xonmeua, ixconana in conetl uan nimaman, uan xonmocuipa xoyau itich in tlali Israel, pues yomiqueh naquin ocniquiah icmictisqueh in conetl. 
\p  
\v 21 Ihcuacon José omeu, oquian in conetl uan nimaman, uan omocuip itich in tlali Israel. 
\m  
\v 22 Pero ihcuac oquimat nic yen Arquelao ocatca tiquiuahqui ompa Judea ipatca in Herodes in tetatah, omomohtih yasqui ompa. Uan itich nitemic ocnextilihqueh mayaui itich in tlalmeh tlen pouih Galilea. 
\m  
\v 23 Oahsic uan ochanchiu itich in altipetl Nazaret, uan ohcon omochiu tlen oquihtohqueh in teotlanauatanih, nic Jesús ocnotzasquiah nazareno.\f + \fr 2:23 \ft Is. 11:1\f* 
\c 3  
\s1 In Juan Tlacuatecaani tlamachtia 
\r (Mr. 1:1-8; Lc. 3:1-9, 15-17; Jn. 1:19-28) 
\p  
\v 1 Ic itich nonqueh tonalmeh in Juan Tlacuatecaani oualah Judea ic campa tlauaquilistlah uan otlamachtaya. 
\m  
\v 2 Oquihtouaya: 
\p —Xonmoyolcuipacan, porque nitiquiuahcayo Dios ya ehcotoc namonauac. 
\p  
\v 3 Yehua in Juan de naquin in teotlanauatani Isaías oquihtoh: 
\q1 Campa tlauaquilistlah mocaqui se tlahtol chicauac tlen ictoua: 
\q1 “Ixconyectlalican namoyolo mai yec ihcuac ehcos in toTecotzin, 
\q1 uan ohcon ixconmilauacan niohui.”\f + \fr 3:3 \ft Is. 40:3\f* 
\p  
\v 4 Nitlaquen in Juan ochihchiutoya ica cameyohtohmitl, uan omotlahcoilpaya ica se cuitlaxtli.\f + \fr 3:4 \ft 2 R. 1:8\f* Otlacuaya ica chapolimeh uan acaualnicutli. 
\m  
\v 5 Oualayah inauac in tocniuan tlen ochanchiuayah Jerusalén, uan nochtin tlen pouih itich in tlali Judea, uan nochtin tlen ochanchiuayah inauac in ueyatl Jordán. 
\m  
\v 6 Octeixpantayah nintlahtlacol, uan Juan oquincuatecaaya itich in ueyatl Jordán. 
\p  
\v 7 Pero ihcuac oquimitac miqueh fariseos uan saduceos oualayah inauac maquincuatequi, oquimiluih: 
\p —¡Ipiluan couameh! ¿Xanqui nacyoluiah namehuan noiuqui uilis naccholouilisqueh in tlatzacuiltil tlen ualahtoc? 
\m  
\v 8 Ica namochiualis ixconnextican nic milauac yonanmoyolcuipqueh, 
\m  
\v 9 uan amo ixconyoluican ya namontlamaquixtilten nic nanmosiniah nancontouah: “Tehuan ticoneuan Abraham.” Pues tlamilauca neh innamechoniluia, masqui yeh ninqueh timeh Dios uilis quincuipas iconeuan in Abraham. 
\m  
\v 10 In hacha ya catqui itich nintlaniluayo in pomeh uan ya peuas quintzintiquis; uan ohcon nochi pouitl tlen amo cuali nitlatiyo, ictzoncuipasqueh uan ictlatiuisqueh itich in tlitl. 
\m  
\v 11 Tlamilauca, neh innamechoncuatequia ica atl nic yonanmoyolcuipqueh. Pero naquin nocuitlapan ualahtoc, ocachi icpia chicaualistli uan amo neh. Yehuatzin namechoncuatequis ica in Espíritu Santo uan ica tlitl. Neh dion amo icnamiqui inpias in paquilis inquinmemelis niticacuan. 
\m  
\v 12 Ya imac catqui tlen ica tlaehcanas, uan ica icchipauas nitrigo, ya queuas uan ya iccaltichos, uan in tlahsol ictlatis itich in tlitl tlen ica in sintitl nochipa ayic seuis. 
\s1 Jesús mocuatequia 
\r (Mr. 1:9-11; Lc. 3:21-22) 
\p  
\v 13 Ic itich nonqueh tonalmeh Jesús oquis Galilea uan oyah itich in ueyatl Jordán campa ocatca Juan, oyah inauac maccuatequi. 
\m  
\v 14 Pero Juan amo ocniquia iccuatequis uan oquiluih: 
\p —Yen nehua naquin icnamiqui itnechoncuatequis, uan ¿yeh yen touatzin touitz nonauac? 
\p  
\v 15 Pero Jesús ocnanquilih: 
\p —Axan moniqui ohcon itchiuasqueh, pues ohcon icnamiqui mattlacamatican nitlaniquilitzin Dios. 
\p Ihcuacon Juan yoquinic iccuatequis. 
\m  
\v 16 Ihcuac Jesús yomocuatequih, oquis itich in atl, uan ihcuacon in iluicac oualmoxeloh, uan oquitac niEspíritu Dios quemeh se paloma oualtimoc itich. 
\m  
\v 17 Uan oualmocac se tlahtol iluicac tlen oquihtoh: 
\p —Yeh nin notlasohConeu, naquin inauac inyolpaqui. 
\c 4  
\s1 Satanás icyehyecoua ictlahtlacolchiualtis Jesús 
\r (Mr. 1:12-13; Lc. 4:1-13) 
\p  
\v 1 Ihcuacon in Espíritu Santo ocyacan Jesús campa tlauaquilistlah, para in amocuali macyehyeco ictlahtlacolchiualtis. 
\p  
\v 2 Uan satepan ihcuac Jesús yomosau omepoual tonal uan omepoual youal, omayan. 
\m  
\v 3 Uan in tetlahtlacolchiualtani oualah inauac, oquiluih: 
\p —Tla milauac tiConeu Dios, ixquintiquiti ninqueh timeh mamocuipacan pan. 
\p  
\v 4 Jesús ocnanquilih: 
\p —Ihcuiliutoc: “Amo san ica pan yoltos in tlacatl, tlamo ica nochi nitlahtoltzin Dios tlen Yehuatzin icmihtaluia.”\f + \fr 4:4 \ft Dt. 8:3\f* 
\p  
\v 5 Satepan in amocuali ocuicac in Jesús itich in mouistic ueyi altipetl Jerusalén, ocuicac ipan in teopantli campa ocachi tlauehcapan, 
\m  
\v 6 uan oquiluih: 
\p —Tla milauac tiConeu Dios, ixmopantlatiui. Pues ihcuiliutoc: 
\q1 Dios quinualtitlanis niiluicactlatitlancauan monauac. 
\q1 Yehuan ica ninma mitztzacuilisqueh, 
\q1 amo iccauasqueh mocxi mamotiuih itich titl.\f + \fr 4:6 \ft Sal. 91:11-12\f* 
\p  
\v 7 Jesús ocnanquilih: 
\p —Noiuqui ihcuiliutoc: “Amo ityehyecos itlah itchiualtis moTecotzin Dios tlen san ica ittlatlatas.”\f + \fr 4:7 \ft Dt. 6:16\f* 
\p  
\v 8 Satepan in amocuali ocuicac in Jesús itich se tipetl simi uehcapan, uan ocnextilih nochi in cuahcual altipeyotl itich in tlalticpactli uan tlen quinuehcapantlalia, 
\m  
\v 9 uan oquiluih: 
\p —Nochi nin inmitzmactis, tla itmotlancuaquitza nonauac uan itnechtlacachiua. 
\p  
\v 10 Ihcuacon Jesús ocnanquilih: 
\p —¡Ixmihcuani, Satanás! Porque ihcuiliutoc: “Ittlacachiuas Yehuatzin Dios uan san Yehuatzin ittlacamatis.”\f + \fr 4:10 \ft Dt. 6:13\f* 
\p  
\v 11 Ihcuacon in amocuali oquicau in Jesús, uan oualahqueh siqui iluicactlatitlanten ocmatlanicoh itich tlen omoniquia. 
\s1 Jesús peua tlamachtia Galilea 
\r (Mr. 1:14-15; Lc. 4:14-15) 
\p  
\v 12 Ihcuac Jesús oquimat octzacuqueh in Juan Tlacuatecaani, omocuip Galilea. 
\m  
\v 13 Uan acmo omocau Nazaret, yehyeh oyah ochanchiuato itich in altipetl Capernaúm tlen catqui itenco in mar, campa in tlalmeh tlen quixmatih queh Zabulón uan Neftalí. 
\m  
\v 14 Uan ohcon omochiu tlen oquihcuiloh in teotlanauatani Isaías, ihcuac oquihtoh: 
\q1  
\v 15 Tlali Zabulón uan tlali Neftalí, 
\q1 ohtli tlen yaui campa in mar, nocse itlaten in ueyatl Jordán, 
\q1 tlali Galilea campa chanchiuah in tlen amo judíos: 
\q1  
\v 16 In tocniuan tlen cateh itich in tlayouilotl, 
\q1 oquitaqueh se ueyi tlanestli; 
\q1 uan naquin ochanchiuayah itich nitlayouilo in miquilistli, 
\q1 se tlanestli oquintlauilih. 
\p  
\v 17 Desde ihcuacon Jesús opeu tlamachtia, oquihtouaya: 
\p —Xonmoyolcuipacan, porque nitiquiuahcayo Dios ya ehcotoc. 
\s1 Jesús quinnotza naui pescadores maican itlasalohcauan 
\r (Mr. 1:16-20; Lc. 5:1-11) 
\p  
\v 18 Se tonal ihcuac Jesús onihnintoya itenco in mar Galilea, oquimitac ome icnimeh: Simón naquin quixmatih queh Pedro, iuan nicniu Andrés. Octitlantoyah ninred itich in atl, pues yehuan pescadores. 
\m  
\v 19 Jesús oquimiluih: 
\p —Xonuiquican nouan, uan neh inchiuas xonican pescadores yehyeh ica tocniuan tlen nanquimonualicasqueh maualacan nonauac. 
\p  
\v 20 Yehuan ihcuacon sanniman oquincauqueh in redes uan oyahqueh iuan. 
\p  
\v 21 Ocachi nepa tlaixpan Jesús oquimitac oc ome icnimeh, Jacobo uan Juan, iconeuan in Zebedeo, yehuan ocatcah itich ninbarca iuan ninpapan, oquinyehyectlalihtoyah ninredes; uan Jesús oquinnotz. 
\m  
\v 22 Yehuan sanniman occauqueh in barca uan ninpapan, uan oyahqueh iuan. 
\s1 Jesús tlamachtia uan tlapahtia 
\r (Lc. 6:17-19) 
\p  
\v 23 Jesús oyaya itich nochi Galilea, otlamachtihtinimia itich in teotlanauatilcalmeh de yehuan in judíos. Oquinmatiltihtinimia in cuali tlahtol de nitiquiuahcayo Dios, uan oquinpahtaya in tocniuan de nochi tlatlamantli cocolistli uan toneualistli tlen ocpiayah. 
\m  
\v 24 Ic nouiyan itich nochi in tlali Siria omoxinih nochi tlen occhiuaya Jesús. Uan oquinualiquilayah nochtin tocniuan tlen omococouayah, tlen ocpiayah tlatlamantli cocolistli, tlensa toneualis, tlen ocpiayah amocuali ehecatl, tlen mimiquih, tlen uilanqueh, uan Jesús oquinpahtaya. 
\m  
\v 25 Uan oyahqueh iuan Jesús miqueh tocniuan tlen opouiah Galilea, tlen opouiah itich in mahtlactli altipemeh tlen oquimixmatiah quemeh Decápolis, tlen opouiah Jerusalén, Judea, uan tlen opouiah itich nocse itlaten in ueyatl Jordán. 
\c 5  
\s1 Jesús tlamachtia ipan in tipetl 
\p  
\v 1 Ihcuac Jesús oquimitac necateh miqueh tocniuan, otlehcoc itich in tipetl uan omotlalih, uan nitlasalohcauan inauac omopachohqueh. 
\m  
\v 2 Uan opeu quinnonotza, oquinmachtaya: 
\s1 Naquin tlateochiualpaquinih 
\r (Lc. 6:20-23) 
\p  
\v 3 —Tlateochiualpaquinih naquin ehcoh inauac Dios queh naquin amitlah icpia, pues yehuan pouih iuan Dios campa motlanauatilia. 
\p  
\v 4 ’Tlateochiualpaquinih naquin chocah, pues yehuan quinyolseuisqueh. 
\p  
\v 5 ’Tlateochiualpaquinih naquin icpiah icnotecalis, pues yehuan icsilisqueh in tlali tlen Dios quimaxcatis. 
\p  
\v 6 ’Tlateochiualpaquinih naquin mayanah uan amiquih ictemouah in yolchipaualis, pues yehuan icsilisqueh tlen ictemouah. 
\p  
\v 7 ’Tlateochiualpaquinih naquin teicnoitah, pues yehuan cahsisqueh teicnoitalis. 
\p  
\v 8 ’Tlateochiualpaquinih naquin yolchipauaqueh, pues yehuan quitasqueh Dios. 
\p  
\v 9 ’Tlateochiualpaquinih naquin icsehseuiah ixnamictli, pues yehuan quinnotzasqueh ipiluantzitzin Dios. 
\p  
\v 10 ’Tlateochiualpaquinih naquin tlensa quinchiuiliah nic icchiuah tlen cuali, pues yehuan pouih iuan Dios campa motlanauatilia. 
\p  
\v 11 ’Namontlateochiualpaquinih namehuantzitzin ihcuac nopampa tlensaso namechonihiluiah, noso tlensaso namechonchiuiliah, noso tlensaso namechonpahpantiah. 
\m  
\v 12 Xonyolpaquican, simi xonpaquican, pues nanconsilisqueh ueyi tlaxtlauil ompa iluicac; ixconmatican, noiuqui ohcon tlensa oquinchiuilihqueh in teotlanauatanih tlen yauehcau ochanchiuqueh. 
\s1 Namehuantzitzin namonpouih istatl uan tlanestli itich in tlalticpactli 
\r (Mr. 9:50; Lc. 14:34-35) 
\p  
\v 13 ’Namehuantzitzin namonpouih istatl itich nin tlalticpactli. Pero tla in istatl icpoloua nipoyecyo, ¿quenih uilis seccuipilis nipoyecyo? Acmo uili sectlatiquitia ica itlahtlen, tlamo yehyeh sa sectlatiuia mactlahtlacsacan. 
\p  
\v 14 ’Namehuantzitzin namonpouih tlanestli itich nin tlalticpactli. Se altipetl tlen catqui ipan se tipetl amo uili motlaatia. 
\m  
\v 15 Dion amo secxotlaltia se tlauil uan sectlapachoua ica se pohcajon, yeh sectlalia uehcapan uan ohcon quintlauilia nochi tlen cateh calihtic. 
\m  
\v 16 Ohcon matlaui namotlanes innauac in tocniuan, uan ohcon maquitacan namocualichiualis, uan macuehcapantlalican Yehuatzin Dios namoTahtzin tlen metzticah iluicac. 
\s1 Jesús amo ocsicantlalico nitlanauatil Moisés 
\p  
\v 17 ’Amo ixconyoluican neh onualah onsicantlalico nitlanauatil Moisés noso nintlahcuiloluan in teotlanauatanih. Neh amo onualah onquinsicantlalico, tlamo yeh onualah onquinmahxitico. 
\m  
\v 18 Pues tlamilauca innamechoniluia, amo se letra, amo se punto itich in tlanauatil mocauas amo mochiuas, axan quen oc cah in iluicac uan in tlalticpactli. Tlamilauca, nochi icpia tlen mochiuas tlen ompa ihcuiliutoc. 
\m  
\v 19 Ica non, naquin amo ictlacamati semeh nonqueh tlanauatilten, mas mai semeh tlen ocachi tzocotzitzin, uan quinmachtia ohcon macchiuacan ocsiquin, yeh isqui ocachi tzohtzocotzin campa motlanauatilia Dios. Pero naquin icchiua uan ictemachtia in tlanauatil, yeh isqui ueyi campa motlanauatilia Dios. 
\m  
\v 20 Innamechoniluia, tla namocualichiualis amo icpanauia ninchiualis in teotlamachtanih uan in fariseos, amo namoncalaquisqueh campa motlanauatilia Dios. 
\s1 Naquin icxoxohcuipa nicniu mochiua quemeh se temictani 
\r (Lc. 12:57-59) 
\p  
\v 21 ’Namehuantzitzin nanconmatoqueh, namoyauehcautahuan ihquin oquimiluihqueh: “Amo ittemictis, uan naquin temictia icsilis in tlatzacuiltilis.” 
\m  
\v 22 Pero neh innamechoniluia: Nochi naquin ictlauelita nicniu, icsilis tlatzacuiltilis. Uan nochi naquin icxoxohcuipa nicniu, ictlatzacuiltis in Ueyitiquiuahcayotl. Uan nochi naquin ictilchiua nicniu, icmotlanilihtoc in tlicotlatzacuiltilis. 
\p  
\v 23 ’Ica non, tla itconuica motlatemactil campa ictemactiah inauac Dios, uan ompa itconilnamiqui mocnitzin itlah icyolcocohtoc mopampatica, 
\m  
\v 24 ompa ixconcaua motlatemactil uan xoyau achtoh xonmotlapohpoluih inauac mocnitzin, uan ompa xouiqui uan ixcontemacti motlatemactil. 
\p  
\v 25 ’Ocachi cuali xonmoyectlali inauac naquin mitzonteiluia ihcuac oc namonyahtoqueh itich in ohtli, amo yeh naquin mitzonteiluia mitzontemactitiu inauac in juez, uan in juez mitzontemactis inauac in teanani uan yeh mitzontzacuas. 
\m  
\v 26 Tlamilauca inmitzoniluia, amo tonquisas ompa hasta namo itcontlamitlaxtlauas nochi in tomin tlen mitzontlahtlaniliah. 
\s1 Naquin mocalaquia iuan ocse naquin amo iuan namiqueh 
\p  
\v 27 ’Namehuantzitzin nanconmatoqueh tlen omihtoh: “Amo itmocalaquis iuan naquin amo iuan itnamiqueh.” 
\m  
\v 28 Pero neh innamechoniluia: Nochi naquin quita se siuatl ica ecolitalis, iyolihtic yotlahtlacoh iuan. 
\p  
\v 29 ’Ica non, tla moyecmapanixtololo mitztlahtlacolchiualtia, ixcopina uan ixmoquixtili, pues ocachi cuali mapoliui itlah tlen poui itich motlalnacayo uan amo yeh nochi motlalnacayo mactlatiuican itich in tlicotlatzacuiltilis. 
\m  
\v 30 Uan tla moyecma mitztlahtlacolchiualtia, ixcotona uan ixmoquixtili, pues ocachi cuali mapoliui itlah tlen poui itich motlalnacayo uan amo yeh nochi motlalnacayo mactlatiuican itich in tlicotlatzacuiltilis. 
\s1 Amo cuali tla se tlacatl mocahcaua iuan nisiuau 
\r (Mt. 19:9; Mr. 10:11-12; Lc. 16:18) 
\p  
\v 31 ’Noiuqui omihtoh: “Naquin iccaua nisiuau, macmacti se amatl campa quihtohtos nic iccaua.” 
\m  
\v 32 Pero neh innamechoniluia: Tla se tlacatl iccaua nisiuau, uan yeh in siuatl amo occahcayau iuan ocse tlacatl, quisa queh ictlahtlacolchiualtihtoc mamocalaqui iuan ocse. Uan in tlacatl naquin icmonamictia in siuatl naquin occauqueh sannoiuqui tlahtlacoua, nic mocalaquia iuan naquin iixpan Dios oc tesiuau. 
\s1 Jesús tlamachtia amo masecteneua itlah ihcuac semotencaua 
\p  
\v 33 ’Noiuqui nanconmatoqueh tlen oquimiluihqueh namoyauehcautahuan: “Amo ticuis nitoocaatzin Dios ihcuac itmotencauas uan yeh amo itchiua, yehyeh itchiuas tlen otmotencau inauactzinco in toTecotzin.” 
\m  
\v 34 Pero neh innamechoniluia: Sansimi amo xonmotencauacan ica itlah, dion ica in iluicac, pues in iluicac poui nitiquiuahcaicpal Dios; 
\m  
\v 35 dion ica in tlalticpac, pues in tlalticpac poui itlacsayantzin; dion ica Jerusalén, pues non yeh nialtipeu Yehuatzin in Ueyitiquiuahtlayacanqui. 
\m  
\v 36 Dion xonmotencaua ica motzonticon, pues amo uili tontlanauatia itich itconchiua istac noso tliltic dion se motzontzin. 
\m  
\v 37 Tla nancontosqueh quemah, ixconihtocan “Quemah”, tla nancontosqueh amo, ixconihtocan “Amo”. Porque tla itlah ocse tlahtol nancontlaliah, non ualeua itich in amocuali. 
\s1 Jesús tlamachtia amo masemomacuipa 
\r (Lc. 6:29-30) 
\p  
\v 38 ’Namehuantzitzin nanconmatoqueh tlen omihtoh: “Naquin ictecohcocouilis ixtololotl, ixtololotl iccohcocouilisqueh, naquin ictepostiquilis tlantli, tlantli icpostiquilisqueh.” 
\m  
\v 39 Pero neh innamechoniluia: Amo ixconixnamiquican naquin tlensa namechonchiuilia; yehyeh tla acah mitzonixtlatzinia moixyecmapan, ixcomoixnextili moixopochmapan noiuqui. 
\m  
\v 40 Tla acah mitzonteiluia nic icniqui mitzoncuilis motlaquen, ixconcauili noiuqui macuica moololol. 
\m  
\v 41 Tla acah mitzonchiualtia ixconuiquili nitlamemel se kilómetro, touatzin ixconuiquili ome kilómetro. 
\m  
\v 42 Naquin mitzontlahtlanilia itlah, ixconmacti, uan naquin itlah mitzontlaneuilia, amo ixconilui amo. 
\s1 Masequinpiali tetlasohtlalis naquin techcocoliah 
\r (Lc. 6:27-28, 32-36) 
\p  
\v 43 ’Namehuantzitzin nanconmatoqueh tlen omihtoh: “Itpialis tetlasohitalistli naquin iuan itmoyecuica, uan itcocolis naquin mitzcocolia.” 
\m  
\v 44 Pero neh innamechoniluia: Ixquimonpialican tetlasohitalistli namotecocolihcauan, [ixcontlatlautican Dios maquinteochiua naquin namechonicauiltiah tlensa pitzotic tlaniquilis, ixquimonchiuilican tlen cuali naquin namechoncocoliah, ixquimontlatlautilican Dios naquin tlensa namechonihiluiah] uan tlensa namechonchiuiliah. 
\m  
\v 45 Tla ohcon nanconchiuah, namonpouisqueh iconeuan namoTahtzin naquin meuiltihticah iluicac, naquin comochiuilihtzinoua mapanquisa in tonaltzin innauac naquin cualmeh coconeh uan naquin amo, uan coualtitlani in quiyauitl innauac naquin icchiuah tlen cuali uan innauac naquin amo. 
\m  
\v 46 Tla namehuantzitzin nanquimontlasohtlah sayeh naquin namechonniquih, ¿tlenoh tlaxtlauil nanconsilisqueh? Non hasta in tiquiuahcatominnichicouanih ohcon icchiuah. 
\m  
\v 47 Uan tla nanquimontlahpalouah sayeh naquin iuan nanmoyecuicah, ¿tlenoh simi ocachi cuali nanconchiutoqueh uan amo nocsiquin? Non hasta naquin amo quixmatih Dios ohcon icchiuah. 
\m  
\v 48 Ica non, namehuantzitzin namochiualis mai mahsic cuali, ohcon quemeh namoTahtzin naquin metzticah iluicac, mahsic cuali nichiualitzin. 
\c 6  
\s1 Ihcuac itlah itcontetlaocolis amo macmati moopochma tlen icchiua moyecma 
\p  
\v 1 ’Amo ixconchiuacan cuali chiualistli sayeh nic nanconniquih manamechonitacan ocsiquin. Tla ohcon nanconchiuah, namoTahtzin naquin meuiltihticah iluicac amotlen tlaxtlauil namechonmactis. 
\m  
\v 2 Ica non, ihcuac itcontlaocolia itlah naquin amotlen icpia, amo ixconchiua teixpan itich in teotlanauatilcalmeh uan itich in ohtli quemeh naquin ome inxayac icuilitah icchiuasqueh. Yehuan ihcuac itlah ictetlaocoliah icpitzah trompeta nic icniquih in tocniuan maquinuehcapantlalican. Tlamilauca innamechoniluia, yehuan ica non uehcapantlalilis yomotlaxtlauihqueh. 
\m  
\v 3 Pero ihcuac touatzin itcontlaocolis itlah naquin amotlen icpia, amo macmati moopochma tlen icchiua moyecma, 
\m  
\v 4 ohcon tlen itcontemactis mocaua tlatlatiuyan, uan moTahtzin naquin comotilia tlen cah tlatlatiuyan, Yehuatzin mitzontlaxtlauis [teixpan]. 
\s1 Jesús tlamachtia quenih secmonochilis Dios 
\r (Lc. 11:2-4) 
\p  
\v 5 ’Ihcuac nanconmonochilisqueh Dios, amo ixconchiuacan quemeh icchiuah naquin ome inxayac. Yehuan ihcuac icmonochiliah Dios icuilitah ihcatosqueh itich in teotlanauatilcalmeh uan itich in ohmeh, nic icniquih in tocniuan maquimitacan uan maquinuilitacan. Tlamilauca innamechoniluia, ica quen omoteuilitaltihqueh yomotlaxtlauihqueh. 
\m  
\v 6 Pero touatzin ihcuac itcomonochilis Dios, xoncalaqui mocalihtictzin, xontlatzacua uan ixconmonochili moTahtzin naquin ompa catqui tlatlatiuyan, uan Yehuatzin moTahtzin naquin comotilia tlen cah tlatlatiuyan mitzonmactis motlaxtlauil [teixpan]. 
\p  
\v 7 ’Ihcuac nanconmonochilisqueh Dios, amo san ixconcuicuiptocan tlahtol tlen sannencah, quemeh icchiuah naquin amo quixmatih Dios, yehuan icyoluiah ohcon ica ninmictlahtol, Dios quintencaquis. 
\m  
\v 8 Namehuantzitzin amo xonican quemeh yehuan, pues namoTahtzin ya icmati tlenoh namechonpoloua, achtoh que nancontlahtlanilisqueh. 
\m  
\v 9 Ica non, namehuantzitzin ihquin ixcomonochilican: 
\q1 ToTahtzin Dios naquin tonmeuiltihticah iluicac, 
\q1 macsili mouisticuehcapantlalilis motoocaatzin. 
\q1  
\v 10 Maualmouica motiquiuahcayotzin nican in tlalticpac. 
\q1 Mamochiua motlaniquilitzin, quemeh itich in iluicac, 
\q1 ohcon noiuqui nican in tlalticpac. 
\q1  
\v 11 Tlen mostlahtica itmomahseuiah ixtechmomactilihtzino axan. 
\q1  
\v 12 Uan ixtechontlapohpolui in totlateuiquil monauactzinco, 
\q1 ohcon quemeh tehuan itquintlapohpoluiah naquin itlah techuiquiliah. 
\q1  
\v 13 Uan amo ixcomocauili matuitzican itich itlah amo cuali tlen techyoltilana. 
\q1 Yehyeh ixtechmopaleuilihtzinoh amo matuitzican imac in tlen amo cuali; 
\q1 itmitzontlahtlaniliah nochi nin nic Tehuatzin moyohcatzin in tiquiuahcayotl, 
\q1 in tlanauatihcayotl, uan in uehcapantlalilis, ica in sintitl nochipa. Amén. 
\p  
\v 14 ’Ixconmatican, tla namehuantzitzin nanquimontlapohpoluiah in tlalticpactlacameh nimamocualichiualis tlen namechonchiuiliah, namoTahtzin naquin metzticah iluicac noiuqui namechontlapohpoluis namehuantzitzin. 
\m  
\v 15 Uan tla namehuantzitzin amo nanquimontlapohpoluiah in tlalticpactlacameh nimamocualichiualis namonauac, Yehuatzin namoTahtzin amono namechontlapohpoluis namoamocualichiualis. 
\s1 Jesús tlamachtia quenih semosauas 
\p  
\v 16 ’Ihcuac namonmosauasqueh, amo xonmixtlaocolnextican, quemeh icchiuah naquin ome inxayac, pues yehuan mixtlaocolnextiah nic icniquih maquintacan nic mosautoqueh uan ohcon maquinuilitacan. Tlamilauca innamechoniluia, yehuan quen omoteuilitaltihqueh yomotlaxtlauihqueh. 
\m  
\v 17 Pero touatzin ihcuac tonmosauas, xonmocuachihchiyaua uan xonmihxami. 
\m  
\v 18 Tla ohcon itconchiua amo itconnextis innauac in tocniuan tla tonmosautoc, tlamo san inauac moTahtzin naquin cah tlatlatiuyan, uan Yehuatzin naquin comotilia tlen cah tlatlatiuyan mitzontlaxtlauis [teixpan]. 
\s1 Masemotlanichicouili itich in iluicac 
\r (Lc. 12:33-34) 
\p  
\v 19 ’Amo xonmotlanichicouilican nican tlalticpac, campa tlaocuiloua uan in tlapoxcauyotl tlaihtlacoua, uan campa in ichtiqueh calaquih uan tlachtiquih. 
\m  
\v 20 Yehyeh xonmotlanichicouilican iluicac, campa dion amo tlaocuiloua, dion in tlapoxcauyotl tlaihtlacoua, uan campa dion ichtiqueh amo calaquih uan tlachtiquih. 
\m  
\v 21 Pues campa isqui tlen ocachi nanconpatiucamatih, ompa isqui noiuqui namoyoltlaniquilis. 
\s1 Nitlanes in totlalnacayo 
\r (Lc. 11:34-36) 
\p  
\v 22 ’Namoixtololouan yehua itlanes namotlalnacayo. Ica non, tla motlachialis cuali, moyolilis tentos ica tlanestli. 
\m  
\v 23 Pero tla motlachialis amo cuali, moyolilis mahsic isqui itich in tlayouilotl. Ica non, tla in tlanestli tlen catqui motich yeh tlayouilotl, tla ohcon, ¡hasta quenih ueyitemohtih isqui non tlayouilotl! 
\s1 Amaquin uilis ictiquitilis Dios uan noiuqui in tomin 
\r (Lc. 16:13) 
\p  
\v 24 ’Amacah uilis quintiquitilis ome itecouan, pues tla ohcon icchiua, se ictlauelitas uan nocse icyequitas, se ictlacachiuas uan nocse amo ictlepanitas. Namehuantzitzin amo uilis nancontiquitilisqueh Dios uan noiuqui in tomin. 
\s1 Amo matmotiquipachocan ica in topanolis 
\r (Lc. 12:22-31) 
\p  
\v 25 ’Ica non innamechoniluia: Amo manamechontiquipacho namopanolis, tlenoh nanconcuasqueh noso tlenoh nancononisqueh, dion xonmotiquipachocan ipampa namotlalnacayo, tlenoh nanconquemisqueh. ¿Xamo namoyolilis ocachi ipatiu uan amo in tlacual, uan namotlalnacayo ocachi ipatiu uan amo in tlaquemitl? 
\m  
\v 26 Ixquimonitacan in pájaros tlen patlantinimih iixco in iluicac, yehuan amo motlatipeuiah, dion tlaeuah, dion iccaltichouah nintlacual, uan yeh Yehuatzin namoTahtzin naquin catqui iluicac quintlamaca. Uan namehuantzitzin, ¿quenat amo ocachi namopatiu uan amo nonqueh pájaros? 
\m  
\v 27 ¿Aquih namehuantzitzin masqui tlailiuis simi motiquipachos, uilis oc quiscaltis nitlalnacayo se molictli? 
\p  
\v 28 ’Uan ipampa in tlaquemitl, ¿tleca nanmotiquipachouah? Ixquimonitacan in xochimeh itich in acaual quen moscaltiah, amo tiquitih, uan amo tlahquitih; 
\m  
\v 29 uan yeh tlamilauca innamechoniluia, dion in ueyitiquiuahqui Salomón ica nochi tlen cuahcual ocpiaya, amo omotlaquentih ohcon cualtzin quemeh semeh yehuan. 
\m  
\v 30 ¡Tlacameh, simi tzocotzin namotlaniltoquilis! Tla in acaualxiuitl tlen axan moscaltia uan ualimosti ictlatiah, Dios ohcon ictlaquentia, ¿queutoc amo ocachi icchiuas tlen cuali namopampa? 
\m  
\v 31 Ica non, amo xonmotiquipachocan uan yehyeh peuah nancontouah: “¿Tlenoh itcuasqueh?”, “¿Tlenoh itconisqueh?”, noso “¿Tlenoh itmoquentisqueh?” 
\m  
\v 32 Pues nochi non yehua tlen quintiquipachohtoc in tocniuan itich nocsiqui tlalmeh, campa amo quixmatih Dios; pero namehuantzitzin nanconpiah namoTahtzin iluicac naquin icmati nic namechonpoloua nochi non. 
\m  
\v 33 Yehyeh tlen ocachi cuali, ixcontemocan matlanauati Dios namotichtzin uan ixconchiuacan nitlaniquilitzin, uan Yehuatzin namechoualmactihtas noiuqui nochi non tlen namechonpoloua. 
\m  
\v 34 Ica non, amo xonmotiquipachocan ipampa tlen panos mostla, pues mostlahtica isqui tiquipacholis. Ya cuali ica in tiquipacholis tlen itpanouah mostlah. 
\c 7  
\s1 Amo xontetlahtlacoltlatlatacan 
\r (Lc. 6:37-38, 41-42) 
\p  
\v 1 ’Amo xontetlahtlacoltlatlatacan, uan Yehuatzin amo namechontlahtlacoltlatlatas. 
\m  
\v 2 Pues ohcon quen namehuantzitzin namontetlahtlacoltlatlatah, noiuqui ohcon namechontlahtlacoltlatlatasqueh, uan ohcon quen nanquimontlatamachiuilisqueh ocsiquin, ohcon namechontlatamachiuilisqueh. 
\m  
\v 3 ¿Quenih cuali itconitilia in tlasoneualtzin tlen icpia itich niixtololo mocniu, uan amo itconita in ueyi pomimil tlen catqui itich moixtololo? 
\m  
\v 4 ¿Noso quenih uilis itconiluis se mocnitzin: “Ixnechoncaua manmitzonquixtili in tlasoneualtzin tlen itconpia itich moixtololo”, uan yeh touatzin itconpixtoc in ueyi pomimil itich moixtololo? 
\m  
\v 5 ¡Ometitoc moxayac! Achtoh ixconmoquixtili in ueyi pomimil tlen catqui itich moixtololo, uan ihcuacon ya cuali tontlachias uan uilis itconquixtis in tlasoneualtzin itich niixtololo mocniu. 
\p  
\v 6 ’In tlen mouistic amo ixquimonmacacan in itzcuimeh, amo yeh ualmocuipah namotichtzin uan namechoncocototzah, dion in perlas ixquimontlatiuilican in lechomeh, tlamo, yehuan quintlahtlacsasqueh. 
\s1 Dios techmactis tlen ittlahtlanilisqueh 
\r (Lc. 11:9-13, 6:31) 
\p  
\v 7 ’Ixcontlahtlanican, uan Yehuatzin namechonmactis; ixcontemocan, uan Yehuatzin icchiuas ixconahsican; xontlatihtiuican, uan Yehuatzin namechontlatlapouilis. 
\m  
\v 8 Ixconmatican, naquin ictlahtlani, icsilia; naquin ictemoua, cahsi; uan naquin tlatihtiuia, ictlatlapouiliah. 
\p  
\v 9 ’¿Quenat semeh namehuantzitzin ihcuac namoconetzin namechontlahtlanilia se pan, nanconmactiah se titl? 
\m  
\v 10 ¿Noso tla namechontlahtlanilia se pescado, nanconmactiah se couatl? 
\m  
\v 11 Tla namehuantzitzin ohcon quen amo namonyecmeh, nanquimonmactiah tlen cuali namoconeuantzitzin, ¡namoTahtzin naquin metzticah iluicac, queutoc ocachi amo quinmactis tlen cuali naquin ictlahtlaniliah! 
\p  
\v 12 ’Ica non, nochi tlen nanconniquih macchiuacan namouantzin, ohcon ixconchiuacan innauac nocsiquin. 
\s1 In tlen pitzauac caltentli 
\r (Lc. 13:24) 
\p  
\v 13 ’Xoncalaquican itich in caltentli tlen pitzauac; pues in patlauac caltentli uan in patlauac ohtli teuica itich in poliuilistli, uan miqueh calaquih ompa. 
\m  
\v 14 Pero pitzauac in caltentli, uan pitzauac in ohtli tlen teuica itich in yolilistli, uan amo miqueh tlen cahsih. 
\s1 In pouitl sequixmati ica nitlatiyo 
\r (Lc. 6:43-44) 
\p  
\v 15 ’Cuali xonmotlachialican, amo yeh namechoncahcayauah naquin quihtoua mach icsiliah tlahtol de Dios, tlen uitzeh namonauac uan monextiah queh colelohtzitzin, pero yeh ic tlahtic quemeh itzcuincoyomeh tecuanimeh. 
\m  
\v 16 Ica ninchiualis nanquimonixmatisqueh, pues ¿quenat sectiqui uvas itich itlah uitztli, noso icox itich ailamahuitztli? 
\m  
\v 17 Sannoiuqui ohcon, nochi cuali pouitl itich mochiua cuali tlatiyotl, uan tlen amo cuali pouitl itich mochiua amo cuali tlatiyotl. 
\m  
\v 18 In tlen cuali pouitl amo uilis itich mochiuas amo cuali tlatiyotl, dion in tlen amo cuali pouitl uilis itich mochiuas cuali tlatiyotl. 
\m  
\v 19 Nochi pouitl tlen amo itich mochiua cuali tlatiyotl, ictzintiquih uan ictlatiuiah itich in tlitl. 
\m  
\v 20 Sannoiuqui ohcon, ica ninchiualis nanquimonixmatisqueh. 
\s1 Ayic onnamechixmat 
\r (Lc. 13:25-27) 
\p  
\v 21 ’Amo nochtin tlen nechnotzah “NoTecotzin, noTecotzin”, calaquisqueh campa motlanauatilia Dios, tlamo san yeh naquin icchiuah nitlaniquilitzin noTahtzin naquin metzticah iluicac. 
\m  
\v 22 Miqueh nechiluisqueh itich necah tonal: “¿Totecotzin, toTecotzin, xamo ica motoocaatzin ottematiltayah tlahtol de Dios, uan ica motoocaatzin otquinquihquixtayah in amocuali ehecameh, uan ica motoocaatzin otquinchiuqueh miqueh iluicacchiualisten?” 
\m  
\v 23 Ihcuacon neh inquintlamilaucailuis: “Ayic onnamechixmat. Ixmihcuanican de nonauac, amo cuali ayinih.” 
\s1 Tlanihniuiltil ica non ome calmeh 
\r (Lc. 6:47-49; Mr. 1:22) 
\p  
\v 24 ’Uan ohcon, nochi naquin iccaqui nicancah notlahtol uan icchiua, innihniuiltis iuan se tlacatl tlen yec moyoluia, naquin octlachicaualtih nical itich in titl. 
\m  
\v 25 Oualah quiyauitl, otlaueyatic, uan oualah chicauac ehecatl uan oquixtiuicoh in cali, masqui ohcon in cali amo ouitz, nic omotlachicauilihtoya itich in titl. 
\m  
\v 26 Pero nochi naquin iccaqui nin notlahtol uan amo icchiua, innihniuiltis iuan se tlacatl tlen amo tlayoluiliseh, naquin oquichiu nical ipan in xali. 
\m  
\v 27 Oualah quiyauitl, otlaueyatic, uan oualah chicauac ehecatl, uan chicauac omotiuayah itich necah cali, uan ouitz, uan mahsic otlamixihxitin. 
\p  
\v 28 Ihcuac Jesús otlamitlahtoh, nochtin in tocniuan ocmotetzauayah quen oquinmachtaya, 
\m  
\v 29 nic otlamachtaya ica chicaualistli uan amo quemeh in teotlamachtanih. 
\c 8  
\s1 Jesús icpahtia se tlacatl tlen opahpalantoya 
\r (Mr. 1:40-45; Lc. 5:12-16) 
\p  
\v 1 Ihcuac Jesús otimoc den tipetl, tlailiuis miqueh tocniuan iuan oyayah. 
\m  
\v 2 Uan se tlacatl tlen opahpalantoya oualah inauac, omotlancuaquitz iixpan, uan oquiluih: 
\p —NoTecotzin, tla motlaniquilitzin itnechonpahtis, ixnechonpahti. 
\p  
\v 3 Jesús octlalih nima ipan in cocoxqui, uan oquiluih: 
\p —Yeh quemah inniqui. ¡Xonpahti! 
\p Uan sanniman ochipau nipahpalancayo. 
\m  
\v 4 Ihcuacon Jesús oquiluih: 
\p —¡Amo yeh acah itconnonotza! Yehyeh xoyau, xonmoteixpantih inauac in teopixqui, uan ixconuica in tlatemactil tlen teniquilia nitlanauatil Moisés, uan ohcon maquitacan nic yotonpahtic. 
\s1 Jesús icpahtia nitlaqueual se soldadohtlayacanqui 
\r (Lc. 7:1-10) 
\p  
\v 5 Ihcuac Jesús oahsic itich in altipetl Capernaúm, inauac oualah se soldadohtlayacanqui romano, octlatlautico, 
\m  
\v 6 oquiluih: 
\p —NoTecotzin, nocalihtic catqui se notlaqueual, uitztoc, ouilantic uan tlapanotoc tlailiuis. 
\p  
\v 7 Jesús oquiluih: 
\p —Neh nias uan inpahtis. 
\p  
\v 8 In soldadohtlayacanqui oquihtoh: 
\p —NoTecotzin, amo icnamiqui inpias non paquilis tomocalaquitihtzinos nocalihtic; san xonmotlahtolti uan notlaqueual pahtis. 
\m  
\v 9 Neh ohcon intoua nic neh noiuqui inquinpia noteyacancauan naquin inquintlacamati, uan noiuqui inquinpia soldados naquin inquintlatiquitia. Ihcuac se intitlani canah mayaui, yaui, uan tla ocse inquiluia mauiqui, uitz, uan tla notlaqueual itlah inquiluia macchiua, icchiua. 
\p  
\v 10 Ihcuac Jesús oquicac non, simi ocmotetzauih uan oquimiluih naquin iuan oyayah: 
\p —Tlamilauca innamechoniluia, dion innauac in tocniuan naquin pouih Israel amo incahsitoc acah ohcon tlen macpia ueyi tlaniltoquilis. 
\m  
\v 11 Uan innamechoniluia, miqueh uitzeh ic campa panquisa in tonaltzin uan ic canic pancalaqui uan motlalisqueh iuan in Abraham, Isaac uan Jacob, campa motlanauatilia Yehuatzin. 
\m  
\v 12 Uan in teconeuan naquin ocnamiquia isqueh ompa, yehuan quinquihquixtisqueh uan quintlatiuisqueh quiyauac, itich in tlayouilotl campa chocasqueh uan motlanquilotzcuasqueh ica toneualis. 
\p  
\v 13 Uan Jesús oquiluih in soldadohtlayacanqui: 
\p —Xoyau, uan mamochiua ohcon quemeh otconniltocac. 
\p Uan sanniman ihcuacon in tlaqueual opahtic. 
\s1 Jesús icpahtia nimonan Pedro 
\r (Mr. 1:29-31; Lc. 4:38-39) 
\p  
\v 14 Jesús oyah ichan in Pedro, uan oquitac nimonan Pedro ouitztoya ica totonqui. 
\m  
\v 15 Ihcuacon Jesús octzitzquilih nima, uan in totonqui oquicau, uan yeh omeu uan opeu quintlamaca. 
\s1 Jesús quinpahtia miqueh cocoxqueh 
\r (Mr. 1:32-34; Lc. 4:40-41) 
\p  
\v 16 Ihcuac yotlapoyautaya, oquinualiquilihqueh Jesús miqueh tlen ocpiayah amocuali ehecameh; uan san ica se tlahtol oquinquihquixtih in amocuali ehecameh uan oquinpahtih nochtin cocoxqueh. 
\m  
\v 17 Ohcon omochiu tlen oquihtoh in teotlanauatani Isaías: “Yehuatzin oquian in tococolis uan oconuicac in totoneualis.” 
\s1 Naquin ocniquiah iuan yasqueh Jesús 
\r (Lc. 9:57-62) 
\p  
\v 18 Ihcuac Jesús oquitac miqueh tocniuan ocyaualohtoyah, otlatiquitih panosqueh itich nocse itlaten in mar. 
\m  
\v 19 Uan se teotlamachtani oquiluih: 
\p —Tlamachtani, nias mouantzin ic campasa tonmouicas. 
\p  
\v 20 Jesús ocnanquilih: 
\p —In ostomeh icpiah inchan, uan pájaros icpiah nintipahsol, tlen quemah ixconmati, niConeu in Tlacatl amo icpia canih mocuaseuis. 
\p  
\v 21 Ocse itlasalohcau oquiluih: 
\p —NoTecotzin, ixnechoncaua achtoh oc mantlalpacho nopapan. 
\p  
\v 22 Jesús ocnanquilih: 
\p —Xouiqui nouan, ixquimoncaua naquin cateh queh miquemeh maquintlalpachocan ninmiqueicniuan. 
\s1 Jesús ictlacaualtia in ueyichicauac ehecatl 
\r (Mr. 4:35-41; Lc. 8:22-25) 
\p  
\v 23 Ompa Jesús otlehcoc itich in barca, uan nitlasalohcauan iuan oyahqueh. 
\m  
\v 24 Uan oualmahcocu itich in mar se ueyitemohtih ehecatl, uan in atl omotlatlatiuaya uan chicauac ocalaquia itich in barca. Uan Jesús yeh ocochtoya. 
\m  
\v 25 Ihcuacon nitlasalohcauan oyahqueh oquihxititoh, oquiluihqueh: 
\p —¡ToTecotzin, ixtechonpaleui, itmaihsauiah! 
\p  
\v 26 Uan Jesús oquimiluih: 
\p —¿Tleca namonmomohtiah? ¡Tlacameh, simi tzocotzin namotlaniltoquilis! 
\p Ihcuacon omoquitzteu, ocahuac in ehecatl uan in mar, uan nochi otlamitlasihsintlacac. 
\m  
\v 27 Uan yehuan ocmotetzauihqueh, uan ocmotlahtlanayah: 
\p —¿Tleyanon isqui nin tlacatl? ¿Quenih ohcon in ehecatl uan in mar ictlacamatih? 
\s1 Jesús quinpahtia ome tlacameh tlen ocpiayah amocuali ehecameh 
\r (Mr. 5:1-20; Lc. 8:26-39) 
\p  
\v 28 Ihcuac Jesús oahsic itich nocse tlatentli, campa in tlali itoocaayan Gadara, ocualnamictayah ome tlacameh tlen oualquisqueh ic campa cateh in miqueticochten. Yehuan ocpiayah amocuali ehecameh, uan ocatcah temohtihqueh queh ocuilimeh, ica non in tocniuan amo ouiliah panouah ic itich non ohtli. 
\m  
\v 29 Uan opeuqueh pohtzahtzih: 
\p —¿Tlenoh ottechonchiuilico, Jesús, iConeu Dios? ¿Otoualah ottechontlahyouiltico uan yeh ayamo ahsi in tonal? 
\p  
\v 30 Amo uehca ic ompa otlacuahcuahtoyah miqueh lechomeh. 
\m  
\v 31 Uan in amocuali ehecameh octlatlautihqueh Jesús, oquiluihqueh: 
\p —Tla ittechonquihquixtis, ixtechoncaua matcalaquitin intich necateh lechomeh. 
\p  
\v 32 Jesús oquimiluih: 
\p —Ixyacan. 
\p Uan in amocuali ehecameh oquisqueh oquincauqueh in tlacameh. Ocalaquitoh intich in lechomeh, uan in lechomeh omotlalohqueh omopantlatiuitoh itich in tipehxitl, ouitzitoh itich in mar, uan omiqueh itich in atl. 
\p  
\v 33 Uan in lechonpixqueh ocholohqueh, uan oyahqueh itich in altipetl, otlanonotzatoh nochi tlen omochiu uan tlen omochiu iuan in tlacameh tlen oquinpiayah in amocuali ehecameh. 
\m  
\v 34 Uan nochtin in tocniuan itich non altipetl ocnamiquitoh Jesús; uan ihcuac oquitaqueh, octlatlautihqueh mayaui maquincaua nonqueh tlalmeh. 
\c 9  
\s1 Jesús icpahtia se tlacatl uilanqui 
\r (Mr. 2:1-12; Lc. 5:17-26) 
\p  
\v 1 Ihcuacon Jesús otlehcoc itich in barca, uan opanoc itich nocse tlatentli uan oahsic itich nialtipeu. 
\m  
\v 2 Uan ompa ocuiquilihqueh se uilanqui uitztiuitz itich nicochpitl. Ihcuac Jesús oquitac nintlaniltoquilis nonqueh tlacameh oquiluih in uilanqui: 
\p —Xonmoyolchicaua, nocnitzin, inmitztlapohpoluia nochi motlahtlacol. 
\p  
\v 3 Siqui teotlamachtanih oyoltlahtouayah, octouayah: “Ica tlen oquihtoh quisa queh ictilchiutoc nitoocaatzin Dios.” 
\m  
\v 4 Jesús ocmatia tlen ocyoluayah, uan oquimiluih: 
\p —¿Tleca ohcon nanconyoluiah tlen amo cuali namoyolihtic? 
\m  
\v 5 ¿Tlenoh ocachi amo oueh sequihtos: “Inmitztlapohpoluia nochi motlahtlacol”, noso sequihtos: “Xonmoquitzteua uan xonnihnimi”? 
\m  
\v 6 Ixconitacan, innamechonnextilis nic niConeu in Tlacatl icpia chicaualistli nican tlalticpac tlen ica uili quintlapohpoluia nintlahtlacol in tlacameh. 
\p Uan oquiluih in uilanqui: 
\p —Xonmoquitzteua, ixconana mocochpitl uan xoyau mochantzin. 
\p  
\v 7 Ihcuacon yeh omoquitzteu uan oyah nichan. 
\m  
\v 8 Ihcuac in tocniuan ohcon oquitaqueh, ocmotetzauihqueh uan ocuehcapantlalihqueh Dios naquin oquinualmactih non chicaualistli in tlalticpactlacameh. 
\s1 Jesús icnotza Mateo 
\r (Mr. 2:13-17; Lc. 5:27-32) 
\p  
\v 9 Jesús oyah, uan ocachi nepa tlaixpan oquitac se tlacatl itoocaa Mateo, naquin otolohtoya campa ocsilihtoya in tiquiuahcatomin. Jesús oquiluih: 
\p —Xouiqui nouan. 
\p Yeh omoquitzteu uan oyah iuan. 
\p  
\v 10 Satepan, ihcuac Jesús otlacuahtoya ichan Mateo, oahsiqueh miqueh tiquiuahcatominnichicouanih uan ocsiquin tlahtlacouanih. Yehuan noiuqui ompa otlacuatoh iuan Jesús uan nitlasalohcauan. 
\m  
\v 11 Ihcuac in fariseos oquitaqueh non, oquimiluihqueh nitlasalohcauan Jesús: 
\p —¿Tleca namotemachtihcau tlacua inuan in tiquiuahcatominnichicouanih uan in tlahtlacouanih? 
\p  
\v 12 Ihcuac ohcon oquicac Jesús, oquimiluih: 
\p —Innauac naquin amo mococouah amo moniqui tlapahtani, moniqui tlapahtani yehyeh iuan naquin mococouah. 
\m  
\v 13 Xonyacan uan ixconyectlatlatacan tlenoh ictosniqui in tlahtol: “Inniqui teicnoitalis, uan amo tlahpialtlatemactilten.”\f + \fr 9:13 \ft Os. 6:6\f* Uan ixconmatican, neh amo onualah onquinnotzaco naquin yec ninchiualis, tlamo yeh onquinnotzaco naquin tlahtlacouanih [mamoyolcuipacan]. 
\s1 Ictlahtlaniah Jesús tleca nitlasalohcauan amo mosauah 
\r (Mr. 2:18-22; Lc. 5:33-39) 
\p  
\v 14 Satepan nitlasalohcauan Juan oualahqueh inauac Jesús uan octlahtlanihqueh: 
\p —¿Tleca tehuan uan in fariseos micpa itmosauah, uan motlasalohcauantzitzin amo? 
\p  
\v 15 Jesús oquimiluih: 
\p —¿Quenat naquin tlanotzalten itich se monamictililuitl tlaocoxtoqueh quemeh ihcuac acah miqui, ihcuac in novio ompa cah inuan? Tlamilauca, uitz tonal ihcuac quincuilisqueh in novio, uan ihcuacon quemah mosauasqueh. 
\p  
\v 16 ’Sannoiuqui amacah ictlatlamanilia se tlaquemitl ya ihsoltic ica se tilmahtli yancuic. Tla ohcon secchiua, in tlatlamanil non yancuic motocotzoua uan ictlatztilana in tlaquemitl ihsoltic, uan ohcon in tlaquemitl ocachi ueyi tzayani. 
\m  
\v 17 Dion amaquin ictlalia vino yancuic iihtic occuitlaxten tlen ya ihsoltiqueh. Tlaqueh ohcon, in vino yancuic quintzayana in cuitlaxten, uan noquiuis in vino, uan in cuitlaxten ihtlacauisqueh. Tlen quemah, in vino yancuic ictlaliah iihtic occuitlaxten tlen yancuiqueh, uan ohcon non ome sansican amotlen impan mochiua. 
\s1 Se ichpocatl yancuicayoli uan in siuatzintli naquin pahti 
\r (Mr. 5:21-43; Lc. 8:40-56) 
\p  
\v 18 Ihcuac Jesús oc ohcon oquinnohnotztoya, oualah se tlayacanqui, omotlancuaquitz iixpan uan oquiluih: 
\p —Nochpocaconeu yaquin opohpoliu, masqui ohcon xoualmouicatzino nouan uan ipan ixcontlali momatzin, uan yeh yolis. 
\p  
\v 19 Jesús omoquitzteu uan oyah iuan non tlacatl. Uan nitlasalohcauan noiuqui iuan oyahqueh. 
\m  
\v 20 Uan ompa oyaya se siuatzintli tlen omococouaya, yocuicaya mahtlactlamome xiuitl otimouaya niihti uan amo omonactaya. Omotoquih ic icuitlapan Jesús uan ocmachilih nitenco niololol, 
\m  
\v 21 ohcon oquichiu nic iyolihtic octouaya: “Tlaqueh onuilisquia inmachilis masqui sayeh niololol, neh inpahtis.” 
\m  
\v 22 Uan Jesús omocuip, oquitac uan oquiluih: 
\p —Xonmoyolchicaua, nocnitzin, motlaniltoquilis yomitzonpahtih. 
\p Uan yec ihcuacon in siuatzintli opahtic. 
\p  
\v 23 Ihcuac Jesús oahsito ichan in tlayacanqui, oquimitac naquin oquintzotzontoyah flautas uan miqueh tocniuan tlen ocauantoyah ica tlaocol. 
\m  
\v 24 Oquimiluih: 
\p —Xoyahyacan, in ichpochconetl amo omomiquilih, yeh san cochtoc. 
\p Uan yehuan san ocuitzcaqueh. 
\m  
\v 25 Uan ihcuac oquinquihquixtihqueh in tocniuan, Jesús ocalac uan ocmatzitzquih in ichpochconetl, uan yeh omeu. 
\m  
\v 26 Uan nin tlen omochiu, omoxixinih ic nouiyan ic itich nonqueh tlalmeh. 
\s1 Jesús quinpahtia ome tlacameh tlen amo otlachiayah 
\p  
\v 27 Ihcuac Jesús oyah, ocachi nepa tlaixpan opeu icuitlapan yaueh ome popoyomeh tlen chicauac oquihtouayah: 
\p —¡Ualeuani de David, ixtechonicnomati! 
\p  
\v 28 Ihcuac Jesús oahsic itich in calihtictli, in popoyomeh oahsiqueh inauac, uan Jesús oquintlahtlanih: 
\p —¿Nanconniltocah uilis innamechonpahtis? 
\p Yehuan ocnanquilihqueh: 
\p —Quemah, toTecotzin. 
\p  
\v 29 Ihcuacon Jesús octlalih nima itich nimixtololouan, uan oquimiluih: 
\p —Ohcon quen nanconniltocah, ohcon mamochiua. 
\p  
\v 30 Uan yehuan opahtiqueh. Uan Jesús cuali oquinnahnauatih: 
\p —Amo yeh acah nanconnonotzah. 
\p  
\v 31 Masqui ohcon oquinnauatih, yehuan oyahqueh octenonotzqueh ic nouiyan itich nonqueh tlalmeh tlen Jesús oquichiu. 
\s1 Jesús icpahtia se nontli 
\p  
\v 32 Ihcuac in popoyomeh yaquin oquistayah, ocualiquilihqueh Jesús se tlacatl nontli tlen ocpiaya amocuali ehecatl. 
\m  
\v 33 Ihcuac Jesús ocquihquixtih in amocuali ehecatl, in nontli youilic otlahtoh, uan in tocniuan ocmotetzauihqueh, uan oquihtouayah: 
\p —Ayic motztoc itlah ihquin itich nochi Israel. 
\p  
\v 34 Pero in fariseos oquihtouayah: 
\p —Necah quintequixtilia in amocuali ehecameh ica nichicaualis ninteyacancau in amocuali ehecameh. 
\s1 In tlaeualis mic 
\p  
\v 35 Jesús oninimia itich nochi in altipemeh uehueyi uan tzocotzitzin, otlamachtihtinimia itich in teotlanauatilcalmeh de yehuan in judíos. Octematiltihtinimia in cuali tlahtol de nitiquiuahcayo Dios uan ocpahtaya nochi tlensa cocolistli uan toneualistli. 
\m  
\v 36 Jesús quen oquimitac nochi nonqueh tlailiuis miqueh tocniuan, oquimicnoitac, nic ocatcah tetlaocoltihqueh uan xixintoqueh quemeh ichcameh tlen amo icpiah intepixcau. 
\m  
\v 37 Ihcuacon oquimiluih nitlasalohcauan: 
\p —Tlamilauca, in tlaeualis mic, uan yeh in tiquitinih amo miqueh. 
\m  
\v 38 Ica non, ixcontlatlautican niTeco nicancah tlaeual, maquinualtitlani tiquitinih itich nicancah itiquitzin. 
\c 10  
\s1 Jesús quinpihpina mahtlactlamome iteotlatitlancauan 
\r (Mr. 3:13-19; Lc. 6:12-16) 
\p  
\v 1 Jesús oquinnotz in mahtlactlamome itlasalohcauan, uan oquinmactih chicaualistli tlen ica maquinquihquixtican in amocuali ehecameh, uan ica macpahtican nochi tlensa cocolistli uan nochi tlensa toneualistli. 
\p  
\v 2 Yeh ninqueh nintoocaauan in mahtlactlamome teotlatitlanten: achtoh, Simón, naquin noiuqui oquiluayah Pedro, uan Andrés nicniu in Simón; Jacobo uan nicniu Juan, iconeuan in Zebedeo; 
\m  
\v 3 Felipe uan Bartolomé; Tomás uan Mateo in tiquiuahcatominnichicouani; Jacobo niconeu Alfeo uan [Lebeo naquin noiuqui itoocaa] Tadeo; 
\m  
\v 4 Simón naquin poui iuan in cananeos, uan Judas Iscariote naquin satepan octemactih Jesús. 
\s1 Jesús quintitlani nitlasalohcauan 
\r (Mr. 6:7-13; Lc. 9:1-6) 
\p  
\v 5 Jesús oquintitlan ninqueh mahtlactlamome itlasalohcauan uan oquinnahnauatih ihquin: 
\p —Amo xonyacan itich in tlalmeh campa ic chanchiuah in tlen amo judíos, uan amo xoncalaquican itich nimaltipeuan in Samaritanos. 
\m  
\v 6 Yehyeh achtoh xonyacan innauac in tocniuan tlen pouih Israel, naquin queh ichcameh poliutoqueh. 
\m  
\v 7 Campa ic namonyasqueh, ixcontematiltihtacan nitiquiuahcayo Dios ya ehcotoc. 
\m  
\v 8 Ixquimonpahtican in cocoxqueh, ixquimonpahtican tlen pahpalantoqueh, ixquimonyancuicayolitican in miquemeh, ixquimonquihquixtican in amocuali ehecameh. Tlen onanconsilihqueh queh se tetlaocolil, ohcon noiuqui ixcontemactican queh se tetlaocolil. 
\p  
\v 9 ’Amo ixconuicacan oro, dion plata, dion cobre, 
\m  
\v 10 dion ixconmouiquilican ihtacatl itich in ohtli, dion ome pantli namotilmah, dion ocse pantli namoticacuan, dion topil. Ixconmatican, in tiquitini icnamiqui icmactisqueh tlen quicuas. 
\p  
\v 11 ’Ihcuac namonahsisqueh itich se altipetl noso campa caliyoh, ixcontemocan acah naquin icnamiqui ichan namonmotepaluisqueh, uan ompa xonmotepaluihtocan hasta ihcuac ahsis in tonal namonquisasqueh itich non altipetl. 
\m  
\v 12 Ihcuac namoncalaquisqueh itich non calihtic, ixquimonihtlaniican tlateochiualistli. 
\m  
\v 13 Uan tla non calihtictli icnamiqui non tlateochiualistli, in tlateochiualistli tlen nanconuicah ahsis intich; uan tla non calihtictli amo icnamiqui, in tlateochiualistli tlen nanconuicah mocuipas namouantzin. 
\m  
\v 14 Uan tla acah amo namechonsilia uan amo iccaqui namotlahtol, xonquisacan itich non cali noso itich non altipetl uan xonmoxotiutipeuacan. 
\m  
\v 15 Tlamilauca innamechoniluia, itich necah tlatzacuiltiltonal, in altipemeh Sodoma uan Gomorra ocachi amo ueyi isqui nintlatzacuiltil uan amo in altipetl campa amo namechonsiliah. 
\s1 Tlensaso quinchiuilisqueh ipampa Jesús 
\p  
\v 16 ’Ixconitacan, neh innamechontitlani quemeh ichcameh intzalan itzcuincoyomeh. Ica non yec xontlachixtocan ohcon quemeh in couameh, pero xonican quemeh in palomas tlen amitlah ictechiuiliah. 
\m  
\v 17 Xonninimican ica tlamaluil innauac in tocniuan, ixconmatican yehuan namechontemactisqueh inmac in tiquiuahqueh, uan itich ninteotlanauatilcaluan namechontacapitzosqueh. 
\m  
\v 18 Uan nic namontlaniltocah nonauac namechonuicasqueh hasta innauac in gobernadores uan in cuahcual tiquiuahqueh. Ohcon uilis nannechontematiltisqueh innauac yehuan uan innauac naquin amo judíos. 
\m  
\v 19 Pero ihcuac namechontemactisqueh, amo xonmotiquipachocan quenih noso tlenoh nanconihtosqueh, ixconmatican ihcuacon Dios namechonmactis tlen nanconihtosqueh, 
\m  
\v 20 uan amo yen namehuantzitzin naquin namontlahtosqueh, tlamo yeh niEspíritu namoTahtzin naquin tlahtos namotichtzin. 
\p  
\v 21 ’In teicniu ictemactis itich in miquilistli nicniu, in tetatah ictemactis niconeu, uan in teconeuan quimixnamiquisqueh nintahuan, uan quintemactisqueh maquinmictican. 
\m  
\v 22 Nochtin namechoncocolisqueh nic nanconniltocah notoocaa. Pero naquin icxicos ahsis itich niyacatlamiyan nochi, isqui tlamaquixtil. 
\m  
\v 23 Ihcuac icniquisqueh tlensaso namechonchiuilisqueh itich se altipetl, xonyacan itich ocse; tlamilauca innamechoniluia, ayamo nanquimontlamininimilisqueh in altipemeh tlen pouih Israel, ihcuac niConeu in Tlacatl uitz. 
\p  
\v 24 ’In tlasalouani amo ocachi ueyi uan amo nitlamachtihcau, uan in tlaqueual amo ocachi ueyi uan amo niteco. 
\m  
\v 25 Mapaqui in tlasalouani tla ahsi quemeh nitemachtihcau, uan in tetlaqueual quemeh niteco. Tla nitlayacancau in calihtictli oquiluihqueh Beelzebú,\f + \fr 10:25 \ft Beelzebú: ixconita Mt. 12:24.\f* ¿tlenoh amo quimihiluisqueh nocsiqui nichanehcauan? 
\s1 Aquih moniqui inauac setlamouilis 
\r (Lc. 12:2-9) 
\p  
\v 26 ’Ica non, amo ixquimonmouilican nonqueh tlacameh. Pues ixconmatican, amo isqui itlah tlatiutos tlen amo monextis, uan amo isqui itlah ichtacayan tlen amo momatis. 
\m  
\v 27 Tlen neh innamechoniluia campa tlayouayan, ixconihtocan itich in tlanestli; uan tlen ichtacatzin onnamechonmatiltih, chicauac ixcontematiltican ipan namocaluan. 
\m  
\v 28 Amo ixquimonmouilican naquin uilis icmictisqueh namotlalnacayo, yehuan masqui uilis icmictisqueh namotlalnacayo, namoalma amo. Yehyeh xontlamouilican inauac naquin uilis ictlacauilos namoalma uan namotlalnacayo itich in tlicotlatzacuiltilis. 
\p  
\v 29 ’¿Xamo ome pajaritos quinnamacah san ica se tomintzin? Masqui ohcon, dion semeh yehuan uitzi tla Dios amo itlaniquilitzin. 
\m  
\v 30 Uan ixconmatican namehuantzitzin, Yehuatzin hasta nochi namotzon icmati quesquinten. 
\m  
\v 31 Ica non, amo xonmomohtican, ixconmatican namehuantzitzin ocachi nanconpiah namopatiu uan amo miqueh pajaritos. 
\s1 Naquin teixpan ictematiltia quixmati Cristo 
\r (Lc. 12:8-9) 
\p  
\v 32 ’Nochi naquin teixpan ictematiltia nechixmati, noiuqui neh iixpan noTahtzin naquin metzticah iluicac inteixmatiltis inquixmati. 
\m  
\v 33 Uan naquin imixpan in tocniuan quihtoua amo nechixmati, neh noiuqui amo inquixmatis iixpan noTahtzin naquin metzticah iluicac. 
\s1 In tocniuan mixnamictlalisqueh ipampa Cristo 
\r (Lc. 12:51-53, 14:26-27) 
\p  
\v 34 ’Amo ixconyoluican neh onualah oncualicac seuilistli itich in tlalticpactli. Amo oncualicac seuilistli, tla yeh ixnamictli. 
\m  
\v 35 Pues onquimixnamictlalico in tlacatl inauac nipapan, in teichpocau inauac nimaman, uan in tesiuamon inauac nimonan. 
\m  
\v 36 Uan ohcon, naquin mocuipasqueh itecocolihcauan in tlacatl isqueh yeh nichanehcauan. 
\p  
\v 37 ’Naquin ictlasohtla ocachi nipapan noso nimaman uan amo neh, amo icnamiqui isqui notlasalohcau. Naquin ocachi ictlasohtla itelpocau noso ichpocau uan amo neh, amo icnamiqui isqui notlasalohcau. 
\m  
\v 38 Uan naquin amo cana in cruz den tlahyouilis uan uitz nouan, amo icnamiqui isqui notlasalohcau. 
\m  
\v 39 Naquin ictlaocolita niyolilis, icpolos, pero nochi naquin icpoloua niyolilis nopampa, cahsis yolilistli. 
\s1 Naquin namechonsilia, yeh neh nechsilia 
\r (Mr. 9:41) 
\p  
\v 40 ’Naquin namechonsilia namehuantzitzin, yen nehua nechsilia, uan naquin nehua nechsilia, icsilia Yehuatzin naquin onechoualtitlan. 
\m  
\v 41 Naquin icsilia se teotlanauatani nic teotlanauatani uan ictematiltia tlahtol de Dios, non tocniu icsilis tlaxtlauil quemeh tlen quinmactiah in teotlanauatanih; uan naquin icsilia se naquin icchiua tlen yec, nic non tocniu icchiua tlen yec, icsilis tlaxtlauil quemeh tlen quinmactiah naquin icchiuah tlen yec. 
\m  
\v 42 Uan nochi naquin icmactis mas san se xaloh ica sisicatl semeh ninqueh tlen ocachi moluehtzitzin nic icmati yeh notlasalohcau, tlamilauca innamechoniluia, amo icpolos nitlaxtlauil. 
\c 11  
\s1 Nitlatitlancauan in Juan Tlacuatecaani 
\r (Lc. 7:18-35) 
\p  
\v 1 Ihcuac Jesús oquintlaminahnauatih nimahtlactlamome itlasalohcauan, oyah otlamachtito uan otlanonotzato itich in altipemeh de yehuan in judíos. 
\p  
\v 2 Juan otzacutoya, uan ihcuac oquimat tlen occhiuaya in Cristo Temaquixtani, oquintitlan ome itlasalohcauan 
\m  
\v 3 mactlahtlanitin: 
\p —¿Max yen touatzin naquin in Teotlahtolamatl techmatiltia icpia tlen uitz, noso oc itchiasqueh ocse? 
\p  
\v 4 Jesús oquinnanquilih: 
\p —Xonyacan, uan ixconmatiltitin Juan nochi tlen nanconcaquih uan nanconitah: 
\m  
\v 5 In tlen amo otlachiayah, tlachiah, in uilanten ya nihnimih, tlen opahpalantoyah ya chipauaqueh itich nincocolis, in tlen amo ouiliah tlacaquih, tlacaquih, in miquemeh yancuicayolih, uan naquin amitlah icpiah quinmatiltiah in tlahtol tlen cualica temaquixtilistli. 
\m  
\v 6 Uan tlateochiualpaquini naquin amo icpoloua niyolchicaualis nonauac, ica tlen inchiua. 
\p  
\v 7 Ihcuac nitlasalohcauan in Juan oyahqueh, Jesús opeu quinnonotza de Juan naquin ompa ocatcah, oquimiluih: 
\p —¿Tlenoh onanconitatoh campa tlauaquilistlah? ¿Quenat se tlacatl naquin nitlayoluilis omouiuicaya quemeh se acatl ica in ehecatl? 
\m  
\v 8 Noso ¿tlenoh onanconitatoh? ¿Quenat se tlacatl tlaquentoc ica cuahcual tilmahtli? Yec nanconmatih, naquin cuahcual motlaquentiah, yehuan chanchiuah inchan in cuahcual tiquiuahqueh. 
\m  
\v 9 ¿Noso tlenoh onanconitatoh? ¿Max se teotlanauatani? Yeh quemah, uan neh innamechoniluia, Juan ocachi ueyi ipanti uan amo se teotlanauatani. 
\m  
\v 10 In Juan yehua de naquin tlahtoua in Teotlahtolamatl campa ihcuiliutoc: 
\q1 Ixquita, intitlanis notlatitlancau, matlayacanto, 
\q1 macyectlali moohui.\f + \fr 11:10 \ft Mal. 3:1\f* 
\m  
\v 11 Tlamilauca innamechoniluia, itich nochi tlen yotlalticpacnesqueh, amo moquitzteutoc se ocachi ueyi uan amo in Juan Tlacuatecaani. Masqui ohcon, ixconmatican, naquin ocachi tzohtzocotzin de naquin yocsilihqueh nitiquiuahcayo Dios intich, yeh ocachi ueyi ipanti uan amo in Juan. 
\p  
\v 12 ’Itich in tonal ihcuac in Juan Tlacuatecaani oualah uan hasta axan, nitiquiuahcayo Dios ualnihnintiu ica chicaualis, uan naquin mochicauah, icmoaxcatiah. 
\m  
\v 13 Nochtin in teotlanauatanih uan in tlanauatil ocualtematiltihtayah hasta ihcuac oehcoc in Juan, nic ualmouicas in Cristo. 
\m  
\v 14 Uan ixconniltocacan noso amo, in Juan yeh yen teotlanauatani Elías naquin in Teotlahtolamatl techmatiltia icpia tlen uitz achtoh uan amo yeh. 
\m  
\v 15 Naquin icpia inacas tlen ica tlacaquis, matlacaqui. 
\p  
\v 16 ’¿Tlenoh ica uilis inquinnihniuiltis in tocniuan tlen chanchiuah itich ninqueh tonalmeh? Quinniuiliah in coconeh tlen mauiltihtoqueh itich in tianquis, tlen quintzahtziliah nimauilicniuan, 
\m  
\v 17 quimiluiah: “Otnamechtlatzotzonilihqueh, uan yeh namehuan amo onanmihtotihqueh; otnamechtlaocolcuicatihqueh, uan yeh amo onantlaocoxqueh.” 
\m  
\v 18 Pues oualah Juan, naquin oquihyouaya tlacual uan tlen conis, uan onancontohqueh: “Icpia amocuali ehecatl.” 
\m  
\v 19 Satepan oualah niConeu in Tlacatl, yeh tlacua cuali, uan tlaoni, uan nancontouah: “Ixconitacan, nin tlacatl xihxicuintli uan coni vino, moyecuica iuan tiquiuahcatominnichicouanih uan iuan tlahtlacouanih.” Tlen quemah, yec ixconmatican, nicualitlayoluilis Dios monextia itich ninchiualis niconeuan. 
\s1 Tlasohtzitzinten in altipemeh tlen amo moyolcuipah 
\r (Lc. 10:13-15) 
\p  
\v 20 Satepan ihcuacon, Jesús opeu quinchicaucanotza in altipemeh campa oquinchiu miqueh iluicacchiualisten, oquinchicaucanotz nic amo omoyolcuipqueh, oquihtoh: 
\p  
\v 21 —¡Ay ittlasohtzintli teh, altipetl Corazín! ¡Ay ittlasohtzintli teh, altipetl Betsaida! Pues tla itich Tiro uan Sidón omochiuanih in iluicacchiualisten tlen omochiuqueh namotich, ya tlen tonal yomoyolcuipanih, uan ohcon yomotlaocoltlaquentanih, uan yomotlalanih ipan nixtli. 
\m  
\v 22 Ica non tlamilauca innamechiluia, ihcuac ehcos in tlatzacuiltiltonal, Tiro uan Sidón ocachi amo ueyi isqui nintlatzacuiltilis uan amo namehuan. 
\m  
\v 23 Uan teh, Capernaúm, ¿ityoluia mitzuehcapantlalisqueh hasta iluicac? Yeh mitzpantlatiuisqueh hasta campa cateh in miquemeh. Pues tla queh itich Sodoma omochiuanih in iluicacchiualisten tlen motich omochiuqueh, hasta axan oc oisquia. 
\m  
\v 24 Ica non tlamilauca inmitziluia, ihcuac ehcos in tlatzacuiltiltonal, Sodoma ocachi amo ueyi isqui nitlatzacuiltilis uan amo teh. 
\s1 Xouiquih nonauac uan xonmoseuican 
\r (Lc. 10:21-22) 
\p  
\v 25 Ic ihcuacon Jesús oquihtoh: 
\p —Inmitzmotlacachiuilia, Tehuatzin noTahtzin, Teteco itich in iluicac uan itich in tlalticpactli, inmitzmotlacachiuilia nic nin tlaixmatilistli otquimontlaatilih tlen cuahcual tlaixmatqueh uan naquin icpiah cuahcual ahsicamatilis, uan axan yotquimonnextilih naquin queh coconeh. 
\m  
\v 26 Quemah, ohcon otcomochiuilihtzinoh noTahtzin, nic ohcon omitzmopactilihtzinoh. 
\p  
\v 27 ’Nochi nomac onechonmactih noTahtzin. Uan amacah nechixmati aquih neh, in teConeu, tlamo sayeh noTahtzin, uan amacah quixmati noTahtzin, tlamo sayeh neh, in Teconeu, uan naquin neh inniquis inquixmatiltis. 
\m  
\v 28 Xouiquih nonauac, nochtin naquin namonsiyautoqueh uan namontlamemehtoqueh, uan neh innamechonmactis seuilistli. 
\m  
\v 29 Ixconuicacan noyugo namotichtzin, uan ixnechontlasaluilican quen neh intepacahyouani uan noyolo amo moueyimati; uan ohcon nanconahsisqueh seuilistli itich namoalma. 
\m  
\v 30 Pues noyugo amo itic, uan amo itic in tlamemel tlen innamechonmactia. 
\c 12  
\s1 Nitlasalohcauan Jesús iccuacohcopinah trigo itich moseuilistonal 
\r (Mr. 2:23-28; Lc. 6:1-5) 
\p  
\v 1 Ic itich nonqueh tonalmeh, itich se moseuilistonal, Jesús opanotoya campa trigohtlamilolah, uan nitlasalohcauan opeuqueh mayanah, uan opeu iccuacohcopinah in trigo uan occuayah. 
\m  
\v 2 In fariseos oquitaqueh uan oquiluihqueh Jesús: 
\p —Ixconita, motlasalohcauan icchiutoqueh tiquitl tlen amo ictecauilia nitlanauatil Moisés masecchiua itich moseuilistonal. 
\p  
\v 3 Uan yeh oquimiluih: 
\p —¿Amo nanconamapoutoqueh tlen oquichiu David, ihcuac yeh uan naquin iuan oyayah omayanqueh? 
\m  
\v 4 David ocalac itich niteopan Dios uan oquicuah in pan tlatemactil, tlen in tlanauatil amo occauilaya quicuas dion yeh uan dion naquin iuan oyayah, tlamo sayeh in teopixqueh. 
\m  
\v 5 ¿Noso max amo nanconamapoutoqueh itich in tlanauatil, quen in teopixqueh ica nintiquiu itich in teopantli amo ictlepanitah in moseuilistonal, uan yeh non amo poui queh intlahtlacol? 
\m  
\v 6 Uan tlamilauca innamechoniluia, nican catqui se naquin ocachi ueyi ipanti uan amo in teopantli. 
\m  
\v 7 Uan tla oxconahsicamatinih tlenoh ictosniqui: “Inniqui teicnoitalis uan amo itlah tlatemactil”, amo onanquimontlahtlacoltisquiah naquin amitlah intlahtlacol. 
\m  
\v 8 Ixconmatican, niConeu in Tlacatl yeh iteco in moseuilistonal, uan yeh uilis quihtos tlenoh uilis secchiuas itich. 
\s1 Jesús icpahtia se tlacatl matocotztic 
\r (Mr. 3:1-6; Lc. 6:6-11) 
\p  
\v 9 Ihcuac Jesús yoyah, ocalac itich se teotlanauatilcali de yehuan in judíos. 
\m  
\v 10 Ompa ocatca se tlacatl matocotztic; uan in fariseos nic ocniquiah cahsisqueh itlah tlen ica icteiluisqueh, octlahtlanihqueh: 
\p —¿Max in tlanauatil tecauilia setlapahtis itich moseuilistonal? 
\p  
\v 11 Jesús oquinnanquilih: 
\p —Tla acah namehuantzitzin nanconpiah se namochcatzin, uan uitzi itich se tlacoyoctli itich moseuilistonal, ¿quenat amo yaui uan icpanquixtitiu? 
\m  
\v 12 ¿Pues queutoc amo ocachi mic ipatiu se tocniu uan amo se ichcatl? Ica non ixconmatican, quemah icnamiqui secchiuas tlen cuali itich moseuilistonal. 
\p  
\v 13 Ihcuacon oquiluih in tlacatl: 
\p —Ixconmilaua moma. 
\p Uan yeh ocmilau, uan nima omoyectlalih uan opahtic, uan omocau cuali quemeh nocse nima. 
\m  
\v 14 Ihcuacon oquisqueh in fariseos uan omonichicohqueh, opeu motlahtolmacah quenih icpohpolosqueh Jesús. 
\s1 Nitlapihpinaltiquitcatzin Dios 
\p  
\v 15 Ihcuac Jesús oquimat non, oquis uan oyah, uan miqueh tocniuan oyahqueh iuan, uan yeh onquinpahtaya nochtin in cocoxqueh. 
\m  
\v 16 Uan cuali oquinnahnauataya amo mactenonotzacan. 
\m  
\v 17 Uan ohcon omochiu in tlahtol tlen yoquihtohca in teotlanauatani Isaías, ihcuac oquihtoh: 
\q1  
\v 18 Ixconitacan, nicancah yeh notiquitcau naquin onpihpin, 
\q1 naquin intlasohtla uan iuan inyolpaqui. 
\q1 Intlalis noEspíritu itich yeh, 
\q1 uan innauac in altipemeh amo judíos 
\q1 quinmatiltis nic neh yontlayectlalico. 
\q1  
\v 19 Amo teixnamiquis uan amo tetzatzahtzilihtos, 
\q1 nitlahtol amo icchicauas itich in ohmeh. 
\q1  
\v 20 In acatl tlen xamanqui amo icpostiquis, 
\q1 dion icseuis in pabilo tlen sa tzocotzin popocatoc, 
\q1 hasta namo icchiuas matlatlani in tlen yec. 
\q1  
\v 21 Uan in tocniuan itich nochi in tlalmeh 
\q1 ictlalisqueh ninyolchicaualis itich nitoocaatzin. 
\s1 Nichicaualis Jesús ualeua itich Dios 
\r (Mr. 3:20-30; Lc. 11:14-23, 12:10) 
\p  
\v 22 Satepan ocualicaqueh inauac Jesús se tlacatl popoyotl uan nontli tlen ocpiaya amocuali ehecatl, uan Jesús ocpahtih, uan youilic yotlachix uan yotlahtoh. 
\m  
\v 23 Nochtin in tocniuan ocmosintetzauihqueh, uan ocmotlahtlanayah: 
\p —¿Xamo isqui yeh nin in Ualeuani de David naquin Dios cualtitlanis? 
\p  
\v 24 Pero ihcuac in fariseos occaqueh non, octouayah: 
\p —Necah tlacatl quintequixtilia in amocuali ehecameh, yehyeh ica nichicaualis in Beelzebú, ninteyacancau in amocuali ehecameh.\f + \fr 12:24 \ft Beelzebú ocse toocaatl tlen ica octoocaayotayah Satanás.\f* 
\p  
\v 25 Jesús ocmatia tlen yehuan ocyoluayah, ica non oquimiluih: 
\p —Nochi tiquiuahcayotl tlen moxixiloua uan sayehua mixnamictlalia, pohpoliui. Uan tla itich se altipetl noso itich se calihtictli moxixilouah uan san yehuan mixnamictlalihtoqueh, yacatlamisqueh. 
\m  
\v 26 Uan tla Satanás san yehua moquihquixtia, ictosniqui san yehua inohmah mixnamictlalihtoc; ¿tla ohcon, quenih uilis oc mochicautos nitiquiuahcayo? 
\m  
\v 27 Uan tla neh inquinquihquixtia in amocuali ehecameh ica nichicaualis in Beelzebú, tla ohcon, ¿namotlasalohcauan ica aquih ichicaualis quintequixtiliah? Yehuan namechitaltisqueh nic amo yec tlen nacyoluiah. 
\m  
\v 28 Pero tla neh ica niEspíritu Dios inquinquihquixtia amocuali ehecameh, tlamilauca nitiquiuahcayo Dios yoehcoc namonauac. 
\p  
\v 29 ’Porque ¿quenih uilis acah calaquis itich nichan se tlacatl chicauac uan iccuilis tlen iaxca, tla amo achtoh quihilpia? Tla ohcon icchiua, quemah uilis ictlamicuilis tlen icpia ichan. 
\p  
\v 30 ’Naquin amo nouan cah, notecocolihcau, uan naquin amo nouan tlaeua, tlaxixinia. 
\p  
\v 31 ’Ica non innamechoniluia, nochi tlahtlacol uan nochi tlahtol tlen ica pitzotic icteneuah Dios, Dios uilis quintlapohpoluis in tlacameh; pero naquin pitzotic icteneua in Espíritu Santo, amo cahsis tetlapohpoluilis. 
\m  
\v 32 Nochi naquin quihtos itlah tlahtol tlen quixnamiqui niConeu in Tlacatl, Dios uilis ictlapohpoluis; pero naquin itlah quihtos tlen quixnamiquis in Espíritu Santo, amo cahsis tetlapohpoluilis, dion axan uan dion itich in tonalmeh tlen ualahtoqueh. 
\s1 In pouitl mixmati ica nitlatiyo 
\r (Lc. 6:43-45) 
\p  
\v 33 ’Tla se pouitl cuali, noiuqui cuali nitlatiyo, uan tla se pouitl amo cuali, noiuqui nitlatiyo amo cuali. Ica in tlatiyotl sequixmati in pouitl. 
\m  
\v 34 ¡Ipiluan couameh! ¿Tlenoh cuali tlahtol uilis quisas itich namocamac, ohcon quen amo namoncualimeh? Ixconmatican, yeh tlen ica tentoc seiyolo, nochi yeh non panquisa itich seicamac. 
\m  
\v 35 In tlacatl tlen yolchipauac, itich tlen mic cuali icpia itich niyolo, ompa icpanquixtia tlen cuali. Uan in tlacatl tlen amo yolchipauac, itich tlen mic amo cuali icpia itich niyolo, ompa icpanquixtia tlen amo cuali. 
\m  
\v 36 Tlen quemah neh innamechoniluia, nochi nincamaquihquisalis in tocniuan ictemacasqueh cuenta itich necah tonal ihcuac Yehuatzin quihtos tlenoh icnamiqui sehse. 
\m  
\v 37 Motlahtol yehua uilis mitzpaleuis, uan sannoiuqui motlahtol yehua uilis mitztlatzacuiltis. 
\s1 Siquin ictlahtlanih se iluicacnescayotl 
\r (Mr. 8:11-12; Lc. 11:29-32) 
\p  
\v 38 Ihcuacon siquin teotlamachtanih uan fariseos oquiluihqueh Jesús: 
\p —Tlamachtani, itniquih itmitzonitasqueh ixconchiua se iluicacnescayotl tlen macnexti toualeua inauac Dios. 
\p  
\v 39 Jesús oquinnanquilih: 
\p —In tocniuan tlen chanchiuah itich ninqueh tonalmeh, amo cualimeh, uan nintlaniltoquilis amo mocaua san iuan Dios. Masqui ictlahtlanih iluicacnescayotl, amo quitasqueh ocse tlamo sayeh in iluicacnescayotl tlen omochiu itich in teotlanauatani Jonás. 
\m  
\v 40 Pues ohcon quemeh in Jonás ocatca iihtic in ueyi pez yeyi tonal uan yeyi youal, ohcon isqui niConeu in Tlacatl iihtic in tlali, yeyi tonal uan yeyi youal. 
\m  
\v 41 Tlen ochanchiuayah itich in ueyi altipetl Nínive moquitzteuasqueh tlatzalan namehuantzitzin itich in tlatzacuiltiltonal uan namechontlahtlacoltisqueh. Pues yehuan quemah omoyolcuipqueh ihcuac in Jonás oquinnonotz, uan namehuantzitzin namonauac catqui se ocachi ueyi ipanti uan amo in Jonás. 
\m  
\v 42 In siuatl ueyitiquiuahqui den sur, yeh moquitzteuas tlatzalan namehuantzitzin itich in tlatzacuiltiltonal uan namechontlahtlacoltis. Pues yeh oualeu ic uehca tlali occaquico niyectlayoluilis in ueyitiquiuahqui Salomón, uan yeh namehuantzitzin namonauac catqui naquin ocachi ueyi ipanti uan amo in Salomón. 
\s1 In amocuali ehecatl tlen ualmocuipa 
\r (Lc. 11:24-26) 
\p  
\v 43 ’Ihcuac se amocuali ehecatl quisa itich se tlacatl, ninintinimi campa tlauaqui, ictemohtinimi canih moseuis, uan amo cahsi. 
\m  
\v 44 Ihcuacon quihtoua: “Inmocuipas nochan campa onualquis.” Uan ihcuac ocsipa ahsi, cahsitiu tlaiyocayan, tlachipauyan uan tlacualtzincan. 
\m  
\v 45 Sanniman yaui, quinnotzatiu oc chicome amocuali ehecameh ocachi pitzotiqueh uan amo yeh, uan uitzeh itich in tlacatl uan ompa chanchiuaquiueh, uan non tlacatl mochiuaquiu ocachi tetlaocoltih nipanolis uan amo achtoh. Sannoiuqui ohcon namopan mochiuas, tocniuan tlen namonchanchiuah itich ninqueh tonalmeh, nic amo namoncualimeh. 
\s1 Nimaman uan nicniuan Jesús 
\r (Mr. 3:31-35; Lc. 8:19-21) 
\p  
\v 46 Ihcuac Jesús oc omononotztoya iuan in tocniuan, quiyauac oahsiqueh nimaman uan nicniuan uan ocniquiah icnohnotzasqueh. 
\m  
\v 47 Acah ocnauatih, oquiluih: 
\p —Quiyauac catqui momamantzin uan mocniuantzitzin, uan icniquih mitzonnohnotzasqueh. 
\p  
\v 48 Jesús ocnanquilih naquin ohcon ocnauatito: 
\p —Mannamechonilui aquih nomaman uan aquihqueh nocniuan. 
\p  
\v 49 Ihcuacon otlanextih ica nima campa cateh nitlasalohcauan, uan oquihtoh: 
\p —Ixconitacan, yeh ninqueh naquin pouih nomaman uan nocniuan. 
\m  
\v 50 Pues nochi naquin icchiua nitlaniquilitzin noTahtzin naquin meuiltihticah iluicac, yehua nocniu, noueltiu uan nomaman. 
\c 13  
\s1 Tlanihniuiltil ica in tlatipeuani 
\r (Mr. 4:1-9; Lc. 8:4-8) 
\p  
\v 1 Itich non tonal, Jesús oquis itich in calihtictli uan omotlalito itenco in mar. 
\m  
\v 2 Uan tlailiuis miqueh tocniuan omonichicohqueh inauac, ica non Jesús otlehcoc itich se barca uan omotlalih. Uan nochtin in tocniuan omocauqueh itenco in mar. 
\m  
\v 3 Uan Jesús oquinnonotz mic tlamachtilis ica tlanihniuiltil. Oquimiluih: 
\p —Ixconcaquican, se tlacatl oyah otlatipeuato ica trigo. 
\m  
\v 4 Uan ihcuac otlatipeutoya, siqui ouitz itich in ohtli, uan in pájaros oualahqueh uan occuahqueh. 
\m  
\v 5 Ocsiqui ouitz itich in tisoual, campa amo ocatca mic tlali, uan ohcon niman opanquis nic in tlali amo tilauac. 
\m  
\v 6 Pero ihcuac otonauiloc ouac, nic amo omoniluayotih uehcatlan. 
\m  
\v 7 Ocsiqui semilla ouitz itzalan uitztli, uan in uitztli omoscaltih uan ocximictih. 
\m  
\v 8 Pero nocsiqui semilla ouitz itich cuali tlali uan omochiu. Siquin ica se semilla octemacac se ciento, ocsiqui yeyi poual, uan ocsiqui simpoual uan mahtlactli ica se semilla. 
\m  
\v 9 Naquin icpia inacas tlen ica tlacaquis, matlacaqui. 
\s1 Tleca Jesús tlahtoua ica tlanihniuiltil 
\r (Mr. 4:10-12; Lc. 8:9-10) 
\p  
\v 10 Nitlasalohcauan omotoquihqueh inauac uan octlahtlanihqueh: 
\p —¿Tleca itquimonnohnotza ica tlanihniuiltil? 
\p  
\v 11 Yeh oquinnanquilih: 
\p —Ixconmatican, namehuantzitzin namechoncauiliah ixconahsicamatican tlen otlatiutoya de quenih motlanauatilia Dios, uan yehuan amo. 
\m  
\v 12 Pues nochi naquin icpia, icmactisqueh ocachi uan icpias mic, pero naquin amo icpia, hasta tlen tzocotzin icpia, iccuilisqueh. 
\m  
\v 13 Ica non inquinnonotza ica tlanihniuiltil; uan ohcon, masqui yehuan tlachiah, amitlah quitah; uan masqui tlacaquih, amitlah iccaquih dion cahsicamatih. 
\m  
\v 14 Ohcon, intich mochiua tlen oquihtoh in teotlanauatani Isaías: 
\q1 Masqui namontlacaquisqueh, amo nanconahsicamatisqueh, 
\q1 uan masqui namontlachiasqueh, amo nanconmatisqueh tlenoh ictosniqui. 
\q1  
\v 15 Pues ninqueh tocniuan yocchicauqueh ninyolo, 
\q1 ica ninnacasuan acmo tlacaquih, 
\q1 uan nimixtololouan yoquintzacuqueh; 
\q1 ica non acmo tlachiah ica nimixtololouan, 
\q1 uan acmo tlacaquih ica ninnacasuan, 
\q1 uan acmo tlaahsicamatih ica ninyolo, 
\q1 uan amo icniquih mocuipasqueh nonauac manquinpahti.\f + \fr 13:15 \ft Is. 6:9, 10\f* 
\p  
\v 16 ’Pero namontlateochiualpaquinih namehuantzitzin, nic namoixtololouan tlachiah, uan namonacasuan tlacaquih. 
\m  
\v 17 Tlamilauca innamechoniluia, miqueh teotlanauatanih uan mic tocniu yolchipauac ocniquiah quitasqueh tlen nanconitah, uan yeh amo oquitaqueh, uan ocniquiah iccaquisqueh tlen nanconcaquih, uan yeh amo occaqueh. 
\s1 Jesús quimahsicamatiltia in tlanihniuiltil ica in tlatipeuani 
\r (Mr. 4:13-20; Lc. 8:11-15) 
\p  
\v 18 ’Ixconcaquican, namehuantzitzin, tlen ictosniqui in tlanihniuiltil ica in tlatipeuani. 
\m  
\v 19 Ihcuac acah iccaqui in tlahtol de nitiquiuahcayo Dios uan amo cahsicamati, in amocuali uitz uan icquixtiliquiu in tlahtol tlen oyah tlatoctli itich niyolo. Non moniuilia iuan in semilla tlen ouitz itich in ohtli. 
\m  
\v 20 Uan in semilla tlen ouitz itich in tisoual, moniuilia iuan naquin iccaqui in tlahtol, uan icsilihtiuitzi ica mic paquilistli; 
\m  
\v 21 pero nic amo moniluayotia, amo uehcau yoltoc, pues ihcuac uitz in tlapanolistli noso ihcuac tlensa icchiuiliah ipampa nitlahtoltzin Dios, niman uitzi. 
\m  
\v 22 Uan in semilla tlen ouitz itzalan uitztli, moniuilia iuan naquin iccaqui in tlahtol, pero nic motiquipachoua ica tlensa mic itich nin tlalticpac, uan nic mixcahcayaua ica in tomin, nochi non amo iccaua mayoli in tlahtol, uan amo ictemaca tlatiyotl. 
\m  
\v 23 Pero in semilla tlen ouitz itich cuali tlali, moniuilia iuan naquin iccaqui uan cahsicamati in tlahtol uan ictemactia tlatiyotl, se ictemaca se ciento semilla, ocse ictemaca yeyi poual, uan ocse ictemaca simpoual uan mahtlactli ica se semilla. 
\s1 Tlanihniuiltil ica nitlatlaquilo in trigo 
\p  
\v 24 Jesús oquinnonotz ocse tlanihniuiltil, oquimiluih: 
\p —Quen motlanauatilia Dios moniuilia quemeh tlen opanoc iuan se tlacatl tlen otlatipeu ica cuali semilla itich nitlal; 
\m  
\v 25 uan ihcuac nochtin ocochtoyah, nitecocolihcau in teteco oualah uan octipeu nitlatlaquilo in trigo itzalan in trigo, uan oyah. 
\m  
\v 26 Ihcuac in trigo omoscaltih uan octemactih nitlatiyo, ihcuacon noiuqui youalmotac nitlatlaquilo in trigo. 
\m  
\v 27 Nitlaqueualuan in teteco oyahqueh oquiluitoh: “Toteco, ¿xamo otontlatipeu ica cuali semilla? ¿Tla ohcon, canih oualah nitlatlaquilo?” 
\m  
\v 28 Yeh oquinnanquilih: “Ohcon oquichiu notecocolihcau.” Nitlaqueualuan oquiluihqueh: “¿Itconniqui matiacan matuihuitlatin?” 
\m  
\v 29 Yeh oquimiluih: “Amo, pues tla nanconuihuitlah nitlatlaquilo, noiuqui uilis iuan nanconuihuitlasqueh in trigo. 
\m  
\v 30 Ixconcauacan sansican mayolican hasta maahsi in tlaeualistonal; uan ihcuac yoahsic non tonal, neh inquimiluis in tlaeuanih macnichicocan achtoh nitlatlaquilo in trigo, uan mactlaolochilpican macchialtican in tlitl, uan in trigo maqueuacan uan maccaltichocan campa incaltichoua nosemilla.” 
\s1 Tlanihniuiltil ica niacho mostaza 
\r (Mr. 4:30-32; Lc. 13:18-19) 
\p  
\v 31 Jesús oquinnonotz ocse tlanihniuiltil, oquimiluih: 
\p —Nitiquiuahcayo Dios moniuilia quemeh tlen mochiua iuan niacho in mostaza, tlen se tlacatl oquian uan octoocato itich nitlal. 
\m  
\v 32 Non achotl, masqui yehua tlen ocachi tzohtzocotzin uan amo nochi nocsiqui semilla, ihcuac moscaltia yehua in quilitl tlen ocachi ueyiya uan amo nocsiquin, uan mochiuaquiu queh se pouitl, tlen hasta itich nitlamayo uili motlatipahsoltiah in pájaros. 
\s1 Tlanihniuiltil ica in levadura 
\r (Lc. 13:20-21) 
\p  
\v 33 Jesús oquinnonotz ocse tlanihniuiltil, oquimiluih: 
\p —Nitiquiuahcayo Dios moniuilia quemeh tlen mochiua iuan in levadura tlen se siuatzintli cana uan icmaniloua itich simpoual uan ome kilo harina, uan in levadura ictlamisamaua nochi in tixtli. 
\s1 Tleca Jesús tlamachtia ica tlanihniuiltil 
\r (Mr. 4:33-34) 
\p  
\v 34 Nochi non, Jesús oquinnonotz ica tlanihniuiltil, uan nochipa occuia tlanihniuiltil ihcuac oquinmachtaya. 
\m  
\v 35 Uan ohcon omochiu tlen oquihtoh in teotlanauatani, ihcuac oquihtoh: 
\q1 Intlahtos ica tlanihniuiltil; 
\q1 intematiltis tlen otlatiutoya yauehcau itich nipeuyan in tlalticpactli. 
\s1 Jesús quimiluia tlenoh ictosniqui in tlanihniuiltil ica nitlatlaquilo in trigo 
\p  
\v 36 Ihcuacon Jesús omonauatih iuan in tocniuan uan oyah calihtic. Nitlasalohcauan omotoquihqueh inauac uan oquiluihqueh: 
\p —Ixtechonilui tlenoh ictosniqui in tlanihniuiltil ica nitlatlaquilo in trigo tlen oyol itzalan in tlamilol. 
\p  
\v 37 Yeh oquimiluih: 
\p —In tlatipeuani ica in cuali semilla, yeh yeh niConeu in Tlacatl. 
\m  
\v 38 In tlali, icniuilia yen tlalticpac, in cuali semilla yeh naquin pouih campa motlanauatilia Dios, uan nitlatlaquilo in trigo yeh naquin pouih iuan in amocuali. 
\m  
\v 39 Nitecocolihcau in teteco tlen octipeu nitlatlaquilo in trigo, yeh yen amocuali. In tlaeualistli ictosniqui yeh niyacatlamiyan in tonalmeh, uan in tlaeuanih yeh yen iluicactlatitlanten. 
\m  
\v 40 Uan ohcon quemeh icuiuitlah nitlatlaquilo in trigo uan ictlatiah itich in tlitl, ohcon isqui itich niyacatlamiyan in tonalmeh. 
\m  
\v 41 NiConeu in Tlacatl quinualtitlanis niiluicactlatitlancauan maquimihcuaniquih tlatzalan de naquin yocsilihqueh nitiquiuahcayo Dios intich, nochi naquin quintlahtlacolchiualtiah ocsiquin, uan icchiuah tlen amo cuali. 
\m  
\v 42 Uan quintlatiuisqueh campa ticuintoc in tlitl, ompa chocasqueh uan motlanquilotzcuasqueh ica toneualis. 
\m  
\v 43 Ihcuacon naquin yolchipauaqueh, yehuan tlanextisqueh quemeh in tonaltzin ompa campa motlanauatilia ninTahtzin. Naquin icpia inacas tlen ica tlacaquis, matlacaqui. 
\s1 Tlanihniuiltil ica in tomin tlen tlaltooctoc 
\p  
\v 44 ’Nitiquiuahcayo Dios, sannoiuqui moniuilia iuan in tomin tlen tooctoc itich se tlali. Ihcuac se tlacatl cahsi, ocsipa ompa ictlaatia, uan ica mic paquilistli yaui icnamacatiu nochi tlen icpia uan icmocouia non tlali. 
\s1 Tlanihniuiltil ica in perla tlen icpia mic ipatiu 
\p  
\v 45 ’Noiuqui nitiquiuahcayo Dios ihcuac ehco inauac acah, moniuilia quemeh tlen panoua iuan se tlasimanqui tlen quintemohtinimi cualmeh perlas, 
\m  
\v 46 uan ihcuac cahsi se perla tlen mic ipatiu, yaui uan icnamaca nochi tlen iaxca uan icmocouia. 
\s1 Tlanihniuiltil ica in red 
\p  
\v 47 ’Sannoiuqui, nitiquiuahcayo Dios moniuilia quemeh tlen panoua iuan se red tlen ictlatiuiah itich in mar, uan non red quinnichicoua tlensa tlamantli peces. 
\m  
\v 48 Ihcuac yoten, icuicah itenco in mar, ompa motlaliah uan ictlapihpiniliah. In tlen cuali iccaltichouah itich chiquiuitl, uan tlen amo ictlatiuiah. 
\m  
\v 49 Ohcon isqui itich niyacatlamiyan in tonalmeh; uitzeh in iluicactlatitlanten, uan quimihcuanisqueh in tlen amo cualimeh tlacameh amo maican iuan naquin yolchipauaqueh, 
\m  
\v 50 uan quintlatiuisqueh campa ticuintoc in tlitl. Ompa chocasqueh uan motlanquilotzcuasqueh ica toneualis. 
\s1 Tlamachtilis tlen yancuic uan tlen yauehcau 
\p  
\v 51 Jesús oquintlahtlanih: 
\p —¿Yonanconahsicamatqueh nochi non? 
\p Yehuan ocnanquilihqueh: 
\p —Quemah [toTecotzin]. 
\p  
\v 52 Ihcuacon Jesús oquimiluih: 
\p —Ihcuac se tlamachtani ica in tlen achtoh tlanauatil noiuqui yomomachtih itich nitiquiuahcayo Dios, moniuilia iuan se chanehqui tlen quicui nitesoro mayeh tlen yancuic uan mayeh tlen yauehcau. 
\s1 Jesús tlamachtia Nazaret 
\r (Mr. 6:1-6; Lc. 4:16-30) 
\p  
\v 53 Ihcuac Jesús oquintlaminonotz ica ninqueh tlanihniuiltilten, oquis de ompa 
\m  
\v 54 uan oyah itich nialtipeu. Ompa otlamachtaya itich in teotlanauatilcali tlen ompa ocatca, uan nochtin tlailiuis ocmotetzauayah uan oquihtouayah: 
\p —¿Ohcon necah, canih isqui oquicuic nin tlaixmatilis? ¿Quenih uili quinchiua iluicacchiualisten? 
\m  
\v 55 ¿Quenat amo yeh nin iconeu in carpintero? ¿Xamo yeh nin non nimaman itoocaa María, uan nicniuan intoocaa Jacobo, José, Simón uan Judas? 
\m  
\v 56 ¿Uan xamo nochtin niueltiuan chanchiuah ic nican touan? ¿Tla ohcon, canih ocmonextilih nochi non? 
\p  
\v 57 Uan ohcon amo ocyequitayah. Uan Jesús oquimiluih: 
\p —Masqui ic nouiyan icyequitah se teotlanauatani, itich nialtipeu uan itich nicalihtic, amo icyequitah. 
\p  
\v 58 Uan quen yehuan amo ocniltocayah, amo oquinchiu ompa miqueh iluicacchiualisten. 
\c 14  
\s1 Nimiquilis in Juan Tlacuatecaani 
\r (Mr. 6:14-29; Lc. 9:7-9) 
\p  
\v 1 Ic itich nonqueh tonalmeh in gobernador Herodes oquicac tlen occhiuaya Jesús, 
\m  
\v 2 uan oquimiluih nitlaqueualuan: 
\p —Necah yen Juan Tlacuatecaani, oyancuicayol itich miquilistli, uan ica non ohcon icpia chicaualistli tlen ica quinchiua iluicacchiualisten. 
\p  
\v 3 Herodes ohcon oquihtoh, nic nepa achtoh otlatitlan mactzitzquitin in Juan uan maquilpican ica cadenas uan mactzacuacan. Ohcon oquichiu nic ochanchiutoya iuan Herodías, nisiuau in Felipe, nicniu in Herodes, 
\m  
\v 4 uan Juan oquiluaya in Herodes: 
\p —In tlanauatil amo mitzoncauilia tonchanchiutos iuan non siuatl. 
\p  
\v 5 Ica non Herodes ocniquia icmictis, pero amo ouilia nic oquimixmouilaya in tocniuan, nic yehuan oquitayah in Juan queh teotlanauatani. 
\m  
\v 6 Ic itich nonqueh tonalmeh oehcoc niiluitonal in Herodes, uan nichpocau in Herodías omihtotih imixpan in tlanotzalten, uan in Herodes ocuilitac tlailiuis. 
\m  
\v 7 Ica non yeh omotencau ica nitoocaa Dios icmactis nochi tlen yeh ictlahtlanilis. 
\m  
\v 8 Nimaman in ichpochtli octlahtolmacac, ica non yeh octlahtlan: 
\p —Ixnechonmacti nican, itich se caxitl, nitzonticon in Juan Tlacuatecaani. 
\p  
\v 9 In ueyitiquiuahqui otlaocox; masqui ohcon, nic yeh yomotencauca ica nitoocaa Dios icmactis tlen in ichpocatl ictlahtlanilis, uan occactoyah tlen iuan otlacuahtoyah, otlatitlan macmactican. 
\m  
\v 10 Uan otlatitlan macquichcotonatin in Juan campa otzacutoya. 
\m  
\v 11 Uan ocualicaqueh nitzonticon in Juan itich se caxitl, uan ocmactihqueh in ichpocatl, uan yeh ocuiquilih nimaman. 
\p  
\v 12 Ihcuacon nitlasalohcauan Juan oyahqueh oqueuatoh nitlalnacayo uan occauatoh itich in ticochtli, uan oyahqueh oquiluitoh Jesús tlen omochiu. 
\s1 Jesús quintlamaca macuil mil tlacameh 
\r (Mr. 6:30-44; Lc. 9:10-17; Jn. 6:1-14) 
\p  
\v 13 Ihcuac Jesús oquimat non, omosicantlalih uan itich se barca oquis oyah ic campa amo caliyoh. Ihcuac in tocniuan ocmatqueh, ooneuqueh itich nimaltipeuan, oyahqueh imicxipan ocahsitoh. 
\m  
\v 14 Ihcuac Jesús oquicau in barca, oquimitac tlailiuis miqueh tocniuan, uan oquimicnoitac uan oquinpahtih nincocoxcauan. 
\m  
\v 15 Ihcuac yotiotlaquiyac, omotoquihqueh inauac Jesús nitlasalohcauan, uan oquiluihqueh: 
\p —Itcateh campa amo caliyoh, uan yotiotlaquiyac. Sa ixquimonilui in tocniuan mayacan, macmocouitin itich in altipemeh tlenoh iccuasqueh. 
\p  
\v 16 Jesús oquinnanquilih: 
\p —Amo icpia tleca yasqueh; ixquimontlamacacan namehuantzitzin. 
\p  
\v 17 Yehuan oquiluihqueh: 
\p —Amo tlen itpiah nican, tlamo san macuil pan uan ome pescados. 
\p  
\v 18 Yeh oquimiluih: 
\p —Ixnechimoualiquilican nican. 
\p  
\v 19 Ihcuacon oquintiquitih in tocniuan mamotlalican ipan in sacatl. Uan oquiman non macuil pan uan non ome pescados, oahcotlachix iluicac, octeochiu uan occocoton in pan uan oquinmactih nitlasalohcauan, uan yehuan oquinmactihqueh in tocniuan. 
\m  
\v 20 Uan nochtin otlacuahqueh uan oixuiqueh, uan ocnichicohqueh mahtlactlamome chiquiuitl tentoc ica pan tlacocotontli tlen oc omocau. 
\m  
\v 21 Naquin otlacuahqueh ocatcah quemeh macuil mil tlacameh. Uan amo tlapoualten in siuameh dion in coconeh. 
\s1 Jesús nihnimi iixco in mar 
\r (Mr. 6:45-52; Jn. 6:16-21) 
\p  
\v 22 Jesús sanniman oquintitlan nitlasalohcauan matlehcocan itich in barca, matlayacantocan mayacan itich nocse itlaten in mar, uan yeh oc omocau quinnauatia nonqueh miqueh tocniuan. 
\m  
\v 23 Ihcuac yoquintlaminauatih in tocniuan, otlehcoc itich in tipetl, ocmonochilito Dios ompa sican. Ihcuac yotlayouac, Jesús ocatca isel ompa itich in tipetl. 
\m  
\v 24 Uan in barca yoyaya itlahcoyan in mar, uan chicauac octacapitzouaya in atl, nic in ehecatl oquimixnamiquia. 
\m  
\v 25 Uan ihcuac yotlanesisquia, Jesús oquimahsito nihnintiu iixco in atl. 
\m  
\v 26 Ihcuac nitlasalohcauan oquitaqueh nihnintiu iixco in atl, tlailiuis omomohtihqueh. Oquihtohqueh: 
\p —¡Necah iehecayo se miquetl! 
\p Uan omohcapohtzahtziqueh. 
\m  
\v 27 Jesús sanniman oquinnotz, oquimiluih: 
\p —¡Xonmoyolchicauacan, yeh nehua, amo xonmomohtican! 
\p  
\v 28 Pedro oquiluih: 
\p —ToTecotzin, tla yen touatzin, tla ohcon xontlatiquiti neh mauili manioh monauactzinco, mannihnintiu iixco in atl. 
\p  
\v 29 Jesús oquiluih: 
\p —Xouiqui. 
\p Uan Pedro oquicau in barca uan opeu nihnimi iixco in atl, ocniquia cahsitiu Jesús. 
\m  
\v 30 Pero ihcuac oquitac in chicauac ehecatl, omomohtih. Uan opeu pancalaqui, uan chicauac opohtzahtzic. Oquihtoh: 
\p —¡ToTecotzin, ixnechonmatlani! 
\p  
\v 31 Sanniman, Jesús ica nima octzitzquih uan oquiluih: 
\p —¡Teh tlacatl, simi tzocotzin motlaniltoquilis! ¿Tleca ohcon otyolometic? 
\p  
\v 32 Ihcuac otlehcoqueh itich in barca, in ehecatl omonactih. 
\m  
\v 33 Uan naquin ocatcah itich in barca omotoquihqueh inauac Jesús uan octlacachiuqueh, oquihtohqueh: 
\p —Tlamilauca, touatzin toniConetzin Dios. 
\s1 Jesús quinpahtia miqueh cocoxqueh itich in altipetl Genesaret 
\r (Mr. 6:53-56) 
\p  
\v 34 Ihcuac yoahsitoh itich nocse itlaten in mar, oahsitoh itich in tlalmeh campa itoocaayan Genesaret. 
\m  
\v 35 Ihcuac in tocniuan tlen ochanchiuayah itich nonqueh tlalmeh oquixmatqueh nic yen Jesús, ic nouiyan ic ompa octematiltihqueh, uan in tocniuan oquinualicaqueh nochtin in cocoxqueh inauac. 
\m  
\v 36 Uan octlatlautayah maquincaua ictzitzquisqueh masqui sayeh nitenco nitlaquen. Uan nochtin naquin octzitzquihqueh, opahtiqueh. 
\c 15  
\s1 Tlenoh tlen milauac icpitzoticchiua in tlacatl iixpan Dios 
\r (Mr. 7:1-23) 
\p  
\v 1 Ihcuacon omotoquihqueh inauac Jesús siqui fariseos uan siqui teotlamachtanih tlen oualahqueh de Jerusalén, uan octlahtlanihqueh: 
\p  
\v 2 —¿Tleca motlasalohcauantzitzin amo ictlacamatih tlen otechcauilihteuqueh matchiuacan in toyauehcautahuan, pues amo momachipauah ihcuac tlacuah? 
\p  
\v 3 Jesús oquimiluih: 
\p —Uan namehuantzitzin, ¿tleca ica nintlanextilil namoyauehcautahuan nanconixnamiquih nitlanauatiltzin Dios? 
\m  
\v 4 Porque Dios otlanauatih: “Ittlacachiuas mopapan uan momaman.”\f + \fr 15:4 \ft Éx. 20:12; Dt. 5:16\f* Noiuqui oquihtoh: “Naquin pitzotic icteneua nipapan noso nimaman, uilica macmictican.”\f + \fr 15:4 \ft Éx. 21:27\f* 
\m  
\v 5 Uan yeh namehuantzitzin yehyeh octlamantli nancontenextiliah, nanconihtouah nochi tocniu uilis quiluis nipapan noso nimaman: “Amo uilis inmitzonmatlanis, nochi tlen onmitzonmactisquia yontemactih inauac Dios.” 
\m  
\v 6 Nancontouah tla acah ohcon yoquihtoh, icmoquixtilia icmatlanis nipapan uan nimaman. Ohcon nanconixpanauiah nitlanauatiltzin Dios, nic ocachi nancontlacamatih nintlanextilil namoyauehcautahuan. 
\m  
\v 7 ¡Ometitoc namoxayac! Amo omopoloh in teotlanauatani Isaías ica namehuantzitzin, ihcuac oquihtoh: 
\q1  
\v 8 Ninqueh tocniuan nechtlacachiuah san ica nintlahtol, 
\q1 pero ninyolo uehca catqui, amo nouan. 
\q1  
\v 9 Pues sannencah nechtlacachiuah, 
\q1 ictemachtiah queh oisquia neh notlamachtilis, nintlanextilil in tlacameh.\f + \fr 15:9 \ft Is. 29:13\f* 
\p  
\v 10 Jesús oquinnotz in tocniuan mamotoquican inauac, uan oquimiluih: 
\p —Ixconcaquican uan ixconahsicamatican: 
\m  
\v 11 Amo icpitzoticchiua in tlacatl iixpan Dios yeh tlen calaqui itich nicamac, tlamo yeh tlen quisa itich nicamac, yehua tlen icpitzoticchiua. 
\p  
\v 12 Satepan nitlasalohcauan Jesús omotoquihqueh inauac uan oquiluihqueh: 
\p —¿Itconmati nic omohsiuqueh in fariseos, ihcuac occaqueh tlen otconihtoh? 
\p  
\v 13 Yeh oquinnanquilih: 
\p —Nochi tlatoctli tlen noTahtzin naquin metzticah iluicac amo octoocac, icuiuitlasqueh ica nochi iniluayo. 
\m  
\v 14 Ixquimoncauacan, yehuan popoyomeh, quinyacanah popoyomeh. Uan tla in popoyotl icyacanas in popoyotl, non omen panpoliuitiueh canah. 
\p  
\v 15 Ihcuacon Pedro oquiluih Jesús: 
\p —Ixtechonilui, ¿tlenoh ictosniqui in tlanihniuiltil? 
\p  
\v 16 Jesús oquihtoh: 
\p —¿Tla ohcon dion namehuantzitzin ayamo nanconahsicamatih? 
\m  
\v 17 ¿Max amo nanconahsicamatih nic nochi tlen calaqui itich nicamac in tlacatl yaui itich nipox, uan satepan yaui itich in letrina? 
\m  
\v 18 Pero tlen quisa itich nicamac in tlacatl, tlen ualeua itich niyolo, yeh non tlen icpitzoticchiua in tlacatl iixpan Dios. 
\m  
\v 19 Pues itich niyolo in tlacatl, ompa ualeua in amo cuali tlayoluilistli, in temictilis, mocalaquisqueh iuan naquin amo iuan namiqueh, pitzotic axtinimisqueh ica nitlalnacayo, ichticyotl, teistlacatlalis uan pitzotic teteneualis. 
\m  
\v 20 Yeh non tlen icpitzoticchiua in tlacatl; uan tla setlacua uan amo semomachipaua, non amo yehua tlen tepitzoticchiua iixpan Dios. 
\s1 Se siuatl amo judía tlaniltoca inauac Jesús 
\r (Mr. 7:24-30) 
\p  
\v 21 Jesús oyah de ompa uan oahsic itich in tlalmeh Tiro uan Sidón. 
\m  
\v 22 Uan se siuatzintli cananea tlen ochanchiuaya ompa itich nonqueh tlalmeh, oualah inauac Jesús cualtzahtzilihtiu: 
\p —ToTecotzin, Ualeuani de David, ixnechonicnomati, nochpocau icpia se amocuali ehecatl, uan simi ictlapanoltihtoc. 
\p  
\v 23 Jesús amo ocnanquilih. Ihcuacon nitlasalohcauan omotoquihqueh inauac uan octlatlautihqueh, oquiluihqueh: 
\p —Ixconnauati in siuatzintli mayaui, ixconita, ualpohtzahtzitiu tocuitlapan. 
\p  
\v 24 Jesús oquihtoh: 
\p —Neh onechualtitlanqueh san inauac in tocniuan tlen pouih Israel naquin queh ichcameh poliutoqueh. 
\p  
\v 25 Pero in siuatzintli inauac omotoquih uan omotlancuaquitz, uan oquiluih: 
\p —¡ToTecotzin, ixnechonmatlani! 
\p  
\v 26 Jesús ocnanquilih: 
\p —Amo cuali sequincuilis nintlacual seiconeuan uan sequintlatiuilis in cuintzitzin. 
\p  
\v 27 In siuatzintli ocnanquilih: 
\p —Yeh milauac, toTecotzin, masqui ohcon, neh inmati nic noiuqui in cuintzitzin itlampa mesa tlacuah ica nintlacacayax nintecouan. 
\p  
\v 28 Jesús oquiluih: 
\p —¡Siuatzintli, ueyi motlaniltoquilis! Mamochiua ohcon quen itconniqui. 
\p Uan sanniman ihcuacon nichpocau opahtic. 
\s1 Jesús quinpahtia miqueh cocoxqueh 
\p  
\v 29 Jesús oquis itich nonqueh tlalmeh uan omocuip oyah itenco in mar Galilea; uan otlehcoc itich se tipetl uan omotlalih ompa. 
\m  
\v 30 Uan inauac omonichicohqueh miqueh tocniuan, yehuan oquinualiquilihqueh tlen amo uili nihnimih, tlen amo tlachiah, tlen amo uilih tlahtouah, tlen macocoxqueh, uan ocsiqui miqueh ica tlatlamantli cocolistli. Oquintoquihqueh icxitlan Jesús, uan yeh oquinpahtih. 
\m  
\v 31 Nochtin in tocniuan ocmotetzauayah ihcuac oquitayah in nonmeh tlahtoua, in tlen macocoxqueh yopahtiqueh, in tlen amo ouiliah nihnimih, nihnimih, uan naquin ocatcah popoyomeh ya tlachiah, uan ocuehcapantlalayah Yehuatzin Dios de Israel. 
\s1 Jesús quintlamaca naui mil tlacameh 
\r (Mr. 8:1-10) 
\p  
\v 32 Jesús oquinnotz nitlasalohcauan uan oquimiluih: 
\p —Inquimicnomati ninqueh tocniuan, ya icpia yeyi tonal nouan cateh, uan amo icpiah tlenoh iccuasqueh. Uan amo inniqui inquimiluis mayacan uan yeh mayantoqueh, pues uilis uitzitiueh ica mayantli itich in ohtli. 
\p  
\v 33 Nitlasalohcauan oquiluihqueh: 
\p —¿Canih itcuisqueh ohcon mic tlacual nican campa amo caliyoh, tlen ica ixuisqueh ninqueh tlailiuis miqueh tocniuan? 
\p  
\v 34 Jesús oquintlahtlanih: 
\p —¿Quesqui pan nanconpiah? 
\p Yehuan ocnanquilihqueh: 
\p —Chicome, uan quesquitzitzin pescadohtzitzin. 
\p  
\v 35 Uan oquintiquitih nochtin in tocniuan mamotlahtlalican tlalpan. 
\m  
\v 36 Oquian in chicome pan uan in pescados uan omotlasohcamat inauactzinco Dios, occocoton uan oquinmactih nitlasalohcauan, uan yehuan oquinxihxiluihqueh nochtin in tocniuan. 
\m  
\v 37 Nochtin otlacuahqueh uan oixuiqueh, uan oc ocnichicohqueh chicome chiquiuitl otentoyah ica pan tlacocotontli tlen oc omocau. 
\m  
\v 38 Tlen otlacuahqueh ocatcah naui mil tlacameh, uan amo tlapoualten in siuameh dion in coconeh. 
\m  
\v 39 Satepan Jesús oquinnauatih in tocniuan, uan otlehcoc itich in barca uan oyah itich in tlalmeh Magdala. 
\c 16  
\s1 In fariseos uan saduceos ictlahtlanih se iluicacnescayotl 
\r (Mr. 8:11-13; Lc. 12:54-56) 
\p  
\v 1 Oahsiqueh ompa siquin fariseos uan saduceos, tlen ocniquiah san ictlatlatasqueh Jesús, ica non octlahtlanilihqueh macchiua imixpan se nescayotl tlen macnexti nic yeh ualeua inauac Dios. 
\m  
\v 2 Pero yeh oquinnanquilih: 
\p —Ihcuac tiotlaquiya nanconihtouah: “In iluicac cualtzin tlatlactic, mostla cualtzin tonal isqui.” 
\m  
\v 3 Uan cualcantica nanconihtouah: “Axan amo cualtzin isqui in tonal, in iluicac tlatlactic uan icpia mixtli.” ¡Ometitoc namoxayac! ¿Quenih cuali nanconixyehyecouah tlenoh ictosniqui quen tlahtlamati in iluicac, uan yeh amo nancahsicamatih tlenoh ictosniqui tlen ualmochiutiu itich ninqueh tonalmeh? 
\m  
\v 4 In tocniuan tlen chanchiuah itich ninqueh tonalmeh amo cualimeh uan nintlaniltoquilis amo mocaua san iuan Dios. Masqui ictlahtlanih iluicacnescayotl, amo quitasqueh ocse tlamo sayeh in iluicacnescayotl tlen omochiu itich in teotlanauatani Jonás. 
\p Ihcuacon Jesús oquincauteu uan oyah. 
\s1 Ninlevadura in fariseos 
\r (Mr. 8:14-21) 
\p  
\v 5 Ihcuac oahsiqueh itich nocse itlaten in atl, nitlasalohcauan Jesús oquitaqueh nic oquilcauqueh icuicasqueh in pan. 
\m  
\v 6 Jesús oquimiluih: 
\p —¡Yec xontlachixtocan, amo yeh nanconcauah namechonmahmaua ninlevadura in fariseos uan in saduceos! 
\p  
\v 7 Nitlasalohcauan Jesús oquihtouayah inyolihtic: 
\p —Ohcon techiluia nic amo otcualicaqueh in pan. 
\p  
\v 8 Jesús ocahsicamat tlen ocyoluihtoyah uan oquimiluih: 
\p —¡Tlacameh, simi tzocotzin namotlaniltoquilis! ¿Tleca ohcon nanconyoluiah namoyolihtic, amo nanconpiah pan? 
\m  
\v 9 ¿Queutoc ayamo nanconahsicamatih uan amo nanconilnamiquih nic ica macuil pan oahsic otlacuahqueh macuil mil tlacameh? ¿Uan oc quesqui chiquiuitl pan onanconnichicohqueh? 
\m  
\v 10 ¿Dion amo nanconilnamiquih nic ica chicome pan oahsic otlacuahqueh naui mil? ¿Uan quesqui chiquiuitl pan oc onanconnichicohqueh? 
\m  
\v 11 ¿Quenih amo nanconahsicamatih nic neh amo ontlahtohtoya tleca amo onanconualicaqueh in pan? Tla yeh innamechonnehmachtia amo yeh namechonmahmaua ninlevadura in fariseos uan in saduceos. 
\p  
\v 12 Ihcuacon yocahsicamatqueh nic Jesús amo oquinnehmachtihtoya ica in levadura tlen ictlaliliah in pan, tlamo yeh oquinnehmachtihtoyah amo yeh quinmahmaua nintlamachtilis in fariseos uan in saduceos. 
\s1 Pedro quihtoua Jesús yehua in Cristo Temaquixtani 
\r (Mr. 8:27-30; Lc. 9:18-21) 
\p  
\v 13 Jesús oyah itich in tlalmeh Cesarea de Filipo. Ihcuac oahsic oquintlahtlanih nitlasalohcauan: 
\p —¿Tlenoh quihtouah in tocniuan ica niConeu in Tlacatl? ¿Aquih yeh? 
\p  
\v 14 Yehuan ocnanquilihqueh: 
\p —Siquin quihtouah touatzin yen Juan Tlacuatecaani; ocsiquin quihtouah touatzin yen teotlanauatani Elías; ocsiquin quihtoua touatzin yen Jeremías noso semehten tlen yauehcau teotlanauatanih. 
\p  
\v 15 Jesús oquimiluih: 
\p —Uan namehuantzitzin, ¿tlenoh nanconihtouah, aquih neh? 
\p  
\v 16 Simón Pedro ocnanquilih: 
\p —Tehuatzin yen Cristo Temaquixtani, iConetzin Dios naquin meuiltihticah. 
\p  
\v 17 Jesús oquiluih: 
\p —Tontlateochiualpaquini Simón, iconeu in Jonás, tlamilauca amo se tlalticpactlacatl omitzonmatiltih nin, tlamo yeh noTahtzin naquin meuiltihticah iluicac. 
\m  
\v 18 Uan neh noiuqui inmitzoniluia, touatzin tonPedro,\f + \fr 16:18 \ft Pedro ictosniqui titl.\f* uan ipan nin titl inquimiscaltis in tlaniltocanih, uan nichicaualis in miquilis amo uilis quintlanis. 
\m  
\v 19 Uan touatzin inmitzonmactis tlen tlatlapoua campa motlanauatilia Dios, uan nochi tlen itconilpis nican tlalticpac, quilpisqueh iluicac, uan nochi tlen itcontohtomas nican tlalticpac, noiuqui isqui tlatohtontli iluicac. 
\p  
\v 20 Ihcuacon Jesús oquinnahnauatih nitlasalohcauan amacah maquiluican nic yeh yen Cristo Temaquixtani. 
\s1 Jesús quinmatiltia nic icmictisqueh 
\r (Mr. 8:31–9:1; Lc. 9:22-27) 
\p  
\v 21 Itich non tonal Jesús opeu quinmatiltia nitlasalohcauan nic icpia tlen yasqui Jerusalén, uan ompa ictlahyouiltisqueh in tiquiuahqueh judíos, in teopixcatlayacanqueh uan in teotlamachtanih, uan icmictisqueh. Masqui ohcon, ipan yeyi tonal yancuicayolis. 
\m  
\v 22 Ihcuacon Pedro ocuicac sican uan opeu icchicaucanotza. Oquiluih: 
\p —¡Totecotzin, macamo Dios macmoniquilti! ¡Amo queman ohcon mamochiua motichtzin! 
\p  
\v 23 Jesús omocuip uan oquiluih in Pedro: 
\p —¡Ixmihcuani, amo ixnechixtzacuilihto, Satanás! Teh ticah queh se tlatzacuil nonauac, pues amo ittlalia motlachialis itich nitlaniquilis Dios, tlamo itich quen tlayoluiah in tlalticpactlacah. 
\p  
\v 24 Ihcuacon Jesús oquimiluih nitlasalohcauan: 
\p —Tla acah icniqui nouan uitz, acmo mamoyacana ica yeh itlaniquilis, macana in cruz den tlahyouilis uan mauiqui nouan. 
\m  
\v 25 Pues nochi naquin ictlaocolita niyolilis, icpolos; pero nochi naquin icpolos niyolilis nopampa, cahsis yolilistli. 
\m  
\v 26 Uan ¿tlenoh ica icmatlanis in tlacatl tla ictlani nochi tlen cah itich in tlalticpactli, uan yeh icpolos nialma? ¿Noso quexquich uilis ictlaxtlauas in tlacatl uan ohcon ocsipa icpias niyolilis? 
\m  
\v 27 Pues niConeu in Tlacatl ihcuac ualmouicas ica nimouisticchicaualis niTahtzin uan iuan niiluicactlatitlancauan, ihcuacon quintlaxtlauis sehse in tlalticpactlacameh ohcon quemeh oyah ninchiualis. 
\m  
\v 28 Tlamilauca innamechoniluia, siquin tlen cateh nican amo miquisqueh hasta namo quitasqueh niConeu in Tlacatl yoehcoc ica nitiquiuahcayo. 
\c 17  
\s1 Jesús octlamantli monextia 
\r (Mr. 9:2-13; Lc. 9:28-36) 
\p  
\v 1 Chicuasen tonal satepan, Jesús oquinotz in Pedro, Jacobo uan Juan nicniu in Jacobo, uan oquinuicac sican ipan se ueyi tipetl. 
\m  
\v 2 Ompa imixpan yehuan, Jesús omonextih octlamantli, nixayac opitlan quemeh in tonaltzin, uan nitlaquen omocuip tlailiuis istac quemeh tlanestli. 
\m  
\v 3 Ihcuacon ompa omonextihqueh in Moisés uan Elías, uan omononotztoyah iuan Jesús. 
\m  
\v 4 Pedro oquiluih Jesús: 
\p —ToTecotzin, ¡cuali nic tehuan nican itcateh! Tla itcomoniquiltia, inquinchiuas yeyi xiucalmeh: se inmitzonchiuilis touatzin, ocse Moisés, uan ocse in Elías. 
\p  
\v 5 Ihcuac Pedro oc ohcon otlahtohtoya, se mixtli pitlanqui oquinyaualoh, uan omocac itich mixtli se tlahtol tlen oquihtoh: 
\p —Nicancah yeh notlasohConetzin, naquin iuan inyolpaqui, Yehuatzin ixconcaquican. 
\p  
\v 6 Ihcuac ohcon occaqueh nitlasalohcauan, omotlatiuihqueh itich in tlali, nic simi omomohtihqueh. 
\m  
\v 7 Jesús omotoquih innauac, octlalih nima impan uan oquimiluih: 
\p —Xonmeuacan, amo xonmomohtican. 
\p  
\v 8 Ihcuac omixahcocuqueh, acmo acah oquitaqueh, tlamo sayen Jesús, isel ocatca. 
\p  
\v 9 Ihcuac yotimotoyah itich non tipetl, Jesús oquinnahnauatih: 
\p —Amacah itlah ixconiluican tlen onanconitaqueh, hasta ihcuac niConeu in Tlacatl yancuicayolis itich miquilistli. 
\p  
\v 10 Ihcuacon nitlasalohcauan octlahtlanihqueh: 
\p —¿Tleca in teotlamachtanih quihtouah moniqui uitz achtoh in Elías?\f + \fr 17:10 \ft In Teotlahtolamatl ictoua in teotlanauatani Elías uitz ocsipa, achtoh uan amo in Mesías. Siquin Biblias icpiah non tlahtol itich Mal. 4:5, ocsiquin itich Mal. 3:22.\f* 
\p  
\v 11 Jesús oquinnanquilih: 
\p —Yeh milauac, Elías uitz achtoh, uan itich nochi tlayectlaliquiu. 
\m  
\v 12 Pero tlamilauca mannamechonilui, Elías youalahca, uan yeh amo oquixmatqueh, yehyeh tlensa occhiuilihqueh quen yehuan ocniqueh. Noiuqui ohcon niConeu in Tlacatl tlahyouis inmac. 
\p  
\v 13 Ihcuacon nitlasalohcauan yocahsicamatqueh nic Jesús otlahtohtoya den Juan Tlacuatecaani. 
\s1 Jesús icpahtia se telpocatl tlen icpia amocuali ehecatl 
\r (Mr. 9:14-29; Lc. 9:37-43) 
\p  
\v 14 Ihcuac ocsipa oahsitoh campa ocatcah in tocniuan, se tlacatl oualah inauac Jesús, uan omotlancuaquitz iixpan uan oquiluih: 
\p  
\v 15 —NoTecotzin, ixconicnomati notelpocau, yeh mimiqui uan tlailiuis tlapanoua; micpa uitzi tlico, uan micpa itich in atl. 
\m  
\v 16 Onquiualiquilih motlasalohcauantzitzin, uan yeh amo uilitoqueh icpahtiah. 
\p  
\v 17 Jesús oquihtoh: 
\p —¡Ay, tocniuan amo tlaniltocanih uan tlahtlacouanih! ¿Max nochipa moniqui nisqui namouan? ¿Max nochipa moniquis innamechyolxicohtos? Ixnechonualiquilican nican in telpocatl. 
\p  
\v 18 Jesús ocahuac in amocuali ehecatl, uan necah amocuali ehecatl oquicau in telpocatl, uan sanniman ihcuacon in telpocatl opahtic. 
\p  
\v 19 Satepan nitlasalohcauan omotoquihqueh inauac Jesús uan octlahtlanihqueh sican: 
\p —¿Tleca tehuan amo otuiliqueh otquihquixtihqueh in amocuali ehecatl? 
\p  
\v 20 Jesús oquinnanquilih: 
\p —Yeh nic namehuantzitzin amo nanconpiah mic tlaniltoquilistli. Tlamilauca innamechoniluia, tla oxconpianih tlaniltoquilistli quemeh se iacho mostaza, nanconiluisqueh nin tipetl: “Ixmihcuani xioh nepa”, uan yeh mihcuanis. Uan amo isqui itlah tlen amo uilis nanconchiuasqueh. 
\m  
\v 21 [Nochtin ninqueh amocuali ehecameh amo uilis acah quinquihquixtis tla amo sectlatlautia Dios uan se mosaua.] 
\s1 Jesús ocsipa quinmatiltia nimiquilis 
\r (Mr. 9:30-32; Lc. 9:43-45) 
\p  
\v 22 Ihcuac sansican ocatcah Galilea, Jesús oquimiluih: 
\p —NiConeu in Tlacatl ictemactisqueh inmac in tlalticpactlacameh, 
\m  
\v 23 uan yehuan icmictisqueh. Masqui ohcon, ipan yeyi tonal yancuicayolis. 
\p Nitlasalohcauan ihcuac occaqueh non, simi otlaocoxqueh. 
\s1 Max moniqui sectlaxtlauas impuesto tlen tlahtlaniliah itich in teopantli 
\p  
\v 24 Ihcuac oahsiqueh Capernaúm, oualahqueh inauac in Pedro siquin naquin icnichicouah in tomin ipatca ome tonaltiquitl, tlen tetlahtlaniliah itich in teopantli. Oquiluihqueh: 
\p —¿Max namotemachtihcau amo ictlaxtlaua impuesto ipatca ome tonaltiquitl tlen tetlahtlaniliah itich in teopantli? 
\p  
\v 25 Pedro oquihtoh: 
\p —Quemah ictlaxtlaua. 
\p Ihcuac Pedro ocalactaya calihtic, Jesús achtoh otlahtoh uan amo Pedro, oquihtoh: 
\p —¿Touatzin, Simón, quen itconita? In cuahcual tiquiuahqueh itich in tlalticpactli, ¿aquihqueh quintlahtlaniliah mactemactican impuesto, yeh naquin pouih inuan noso yeh naquin amo? 
\p  
\v 26 Pedro otlananquilih: 
\p —Yeh nocsiquin naquin amo pouih inuan. 
\p Jesús oquiluih: 
\p —Tla ohcon in tlen pouih inuan amo ictlaxtlauah. 
\m  
\v 27 Masqui ohcon, amo inniqui mamohsiuican, ica non xoyau itich in mar, uan ixconpantlatiui in anzuelo, uan in pez tlen achtoh itconquixtis, ixcontzitzqui uan ixconcamatlapo, uan ompa itconahsis se tomin naui tonaltiquitl ipatca, ixconana uan ica xonmotlaxtlaua touatzin uan neh inauac in teopantli. 
\c 18  
\s1 ¿Aquih ocachi tlayacantoc? 
\r (Mr. 9:33-37; Lc. 9:46-48) 
\p  
\v 1 Ihcuacon nitlasalohcauan Jesús oualahqueh inauac uan octlahtlanihqueh: 
\p —¿Aquih isqui ocachi tlayacantoc campa motlanauatilia Dios? 
\p  
\v 2 Jesús oquinotz se conetl, uan octlalih ompa intlahcoyan, 
\m  
\v 3 uan oquihtoh: 
\p —Tlamilauca innamechoniluia, tla namehuantzitzin amo mopatla namoyolilis uan namonmocuipah queh se conetl, amo namoncalaquisqueh campa motlanauatilia Dios. 
\m  
\v 4 Ica non, nochi naquin micnotlalia quemeh conetl, yehua naquin ocachi tlayacantos campa motlanauatilia Dios. 
\m  
\v 5 Uan naquin icsilia ica neh notoocaa se conetl quemeh nin, nehua nechsilia. 
\s1 Ay tlasohtzintli naquin itich ualeua in tlatzacuil 
\r (Mr. 9:42-48; Lc. 17:1-2) 
\p  
\v 6 ’Pero nochi naquin ictlahtlacolchiualtia semeh ninqueh tzocotzitzin naquin tlaniltocah nonauac, ocachi cuali oisquia para yeh maquilpilican iquichtlan se ueyi titl tlen ica tlacuechouah in axnohten, uan macpantlatiuican campa ocachi tlauehcatlan iihtic in mar. 
\m  
\v 7 ¡Ay tlasohtzitzinten in tlalticpactlacameh, nic tentoc mic tlen uilis quintlahtlacolchiualtis! Tlamilauca nochipa isqui tlen tetlahtlacolchiualtis, pero ¡ay tlasohtzintli necah tlacatl naquin itich ualeua non! 
\p  
\v 8 ’Ica non, tlaqueh se moma noso mocxi mitztlahtlacolchiualtia, ixcotona uan ixmoquixtili. Ocachi cuali itcalaquis itmacotoctic noso itxocotoctic itich in iluicacyolilistli, uan amo ome momauan noso ome mocxiuan, uan yeh mitztlatiuisqueh itich in tlicotlatzacuiltilis tlen ica in sintitl nochipa. 
\m  
\v 9 Uan tlaqueh se moixtololo mitztlahtlacolchiualtia, ixcopina uan ixmoquixtili. Ocachi cuali itcalaquis san ica se moixtololo itich in iluicacyolilistli, uan amo ica ome moixtololouan uan yeh mitztlatiuisqueh tlicotlatzacuiltilis. 
\s1 Tlanihniuiltil ica in ichcatl tlen omixpoloh 
\r (Lc. 15:3-7) 
\p  
\v 10 ’Ixconitacan, amo yeh nanquimonchicoitah semeh ninqueh tzocotzitzin; tlamilauca innamechoniluia, yehuan nimiluicactlatitlancauan nochipa uili icmotiliah noTahtzin Dios naquin meuiltihticah iluicac. 
\m  
\v 11 [Tlamilauca, niConeu in Tlacatl oualah oquinmaquixtico naquin opoliutoyah.] 
\p  
\v 12 ’¿Quen nanconita? Tla se tlacatl quinpia se ciento ichcauan uan semeh yehuan mixpoloua, ¿xamo quincaua nocsiquin naui poual uan caxtolonnaui (99) itich in tipeyoh uan yaui ictemotiu tlen omixpoloh? 
\m  
\v 13 Uan tla cahsi, tlamilauca innamechoniluia, ocachi paqui ica yeh, uan amo ica in naui poual uan caxtolonnaui (99) tlen amo omopolohqueh. 
\m  
\v 14 Sannoiuqui ohcon, namoTahtzin naquin metzticah iluicac amo comoniquiltia mapoliui dion semeh ninqueh tzocotzitzin. 
\s1 Quenih icnamiqui moyectlalisqueh in tlaniltocanih 
\r (Lc. 17:3) 
\p  
\v 15 ’Tla se mocniu mitzonchiuilia itlah tlen amo cuali, xoyau campa xonican san touatzin uan yeh, uan ixconitalti niamocualichiualis. Tla mitzoncaqui, yotcomotlanilih non mocnitzin. 
\m  
\v 16 Uan tla amo mitzoncaqui, ixquimonnotza se noso ome tocniuan, uan ohcon imixpan ome noso yeyi mamoyectlali in tlanonotztli. 
\m  
\v 17 Uan tla dion yehuan amo quincaqui, ixconteixpanti iixpan in tlaniltocanih; uan tla amo quincaqui in tlaniltocanih, ixconmati non tocniu quemeh naquin amo quixmati Dios, uan queh se tiquiuahcatominnichicouani. 
\p  
\v 18 ’Tlamilauca innamechoniluia, nochi tlen nanconilpisqueh nican tlalticpac, quilpisqueh iluicac; uan nochi tlen nancontohtomasqueh nican tlalticpac, noiuqui isqui tlatohtontli iluicac. 
\p  
\v 19 ’Sannoiuqui innamechoniluia, tla omenten namehuantzitzin namonmotlahtolsintiliah nancontlahtlanilisqueh itlahtlen noTahtzin naquin meuiltihticah iluicac, Yehuatzin namechonmactis. 
\m  
\v 20 Tlamilauca innamechoniluia, campa ome noso yeyi monichicouah ica notoocaa, neh ompa nicah inuan. 
\p  
\v 21 Ihcuacon Pedro omotoquih uan octlahtlanih: 
\p —ToTecotzin, ¿quesquipa intlapohpoluis se nocniu ihcuac itlah nechchiuilia? ¿Max chicomepa? 
\p  
\v 22 Jesús ocnanquilih: 
\p —Amo inmitzoniluia san chicomepa, tlamo yeh chicomepa yeyi poual uan mahtlactli (70). 
\s1 Non ome tlateuiquilanih 
\p  
\v 23 ’Ixconmatican, nitiquiuahcayo Dios moniuilia iuan se ueyitiquiuahqui naquin oquinic mactlaxtlauilican nochi tlateuiquil tlen nitlaqueualuan ocpiayah inauac. 
\m  
\v 24 Ihcuac opeu icchiua non, ocualiquilihqueh se naquin ocuiquilaya tomin ipatca yeyi poual (60) millones tonaltiquitl. 
\m  
\v 25 Uan nic non tlaqueual amo ocpiaya tlenoh ica motlaxtlauas, in teteco otlatiquitih macnamacacan queh esclavo iuan nisiuau uan niconeuan uan nochi tlen ocpiaya, uan ohcon mamotlaxtlaua ica nitlateuiquil. 
\m  
\v 26 Ihcuacon non tlaqueual omotlancuaquitz uan omotlatlautaya: “Notecotzin, oc ixnechonihyoui, uan neh inmitzontlaxtlauilis nochi.” 
\m  
\v 27 Uan in teteco oquicnomat non itlaqueual, octlapohpoluih nitlateuiquil uan occahcau. 
\m  
\v 28 Pero ihcuac non tlacatl oyah, ocnamic se itlaqueualicniu naquin ocuiquilaya tomin ipatca se ciento tonaltiquitl. Octzitzquih uan yocquichpatzcatoya, oquiluaya: “¡Ixnechtlaxtlauili tlen itnechuiquilia!” 
\m  
\v 29 Ihcuacon nitlaqueualicniu omotlancuaquitz icxitlan, uan octlatlautaya: “Oc ixnechonihyoui, uan neh inmitzontlaxtlauilis nochi.” 
\m  
\v 30 Masqui ohcon octlatlautih, yeh amo oquinic, yehyeh octzacuato hasta namo mactlamitlaxtlauili tlen ocuiquilaya. 
\m  
\v 31 Nocsiqui nintlaqueualicniuan, ihcuac ohcon oquitaqueh, simi otlaocoxqueh, uan oyahqueh ocnonotzatoh ninteco nochi tlen omochiu. 
\m  
\v 32 Ihcuacon in teteco oquinotz non tlaqueual uan oquiluih: “¡Amo cuali tlaqueual! Nochi necah motlateuiquil, onmitztlapohpoluih nic otnechtlatlautih. 
\m  
\v 33 ¿Xamo noiuqui ocnamiquia teh itquicnomatis motlaqueualicniu quemeh neh onmitzicnomat?” 
\m  
\v 34 Uan in teteco ocualan uan octemactih inmac in tetlatzacuiltanih hasta namo mactlamitlaxtlaua nochi tlen octeuiquilaya. 
\p  
\v 35 Jesús oquimiluih: 
\p —Noiuqui ohcon icchiuas noTahtzin naquin metzticah iluicac, tla amo nancontlapohpoluiah ica nochi namoyolo nitlateuiquil namocniu. 
\c 19  
\s1 Tlen Dios ocsintilih, amo macxixini in tlacatl 
\r (Mr. 10:1-12; Lc. 16:18) 
\p  
\v 1 Ihcuac Jesús oquintlamiiluih non, oquis oquicau in tlali Galilea, uan oyah itich in tlalmeh tlen pouih Judea itich nocse itlaten in ueyatl Jordán. 
\m  
\v 2 Uan tlailiuis miqueh tocniuan oyahqueh iuan, uan ompa oquinpahtih naquin omococouayah. 
\p  
\v 3 Siquin fariseos omotoquihqueh inauac Jesús. Yehuan ocniquiah icuitzitisqueh itich itlah tlahtol, ica non octlahtlanihqueh: 
\p —¿Max in tlanauatil iccauilia se tlacatl maccaua nisiuau san ica tleyasa nitlamil? 
\p  
\v 4 Jesús oquimiluih: 
\p —¿Max amo nanconamapoutoqueh itich in Teotlahtolamatl nic Yehuatzin Dios itich nipeuyan nochi, oquichiu “mai tlacatl uan siuatl”, 
\m  
\v 5 uan oquihtoh: “Ica non in tlacatl iccauas nipapan uan nimaman, uan icmosetilis nisiuau, uan non ome mochiuaquiueh sa se”? 
\m  
\v 6 Uan ohcon yehuan acmo pouisqueh ome, tlamo sa se. Ica non, tlen Dios ocsintilih, amo macxixini in tlacatl. 
\p  
\v 7 Yehuan octlahtlanihqueh: 
\p —¿Tla ohcon, tleca Moisés otlatiquitih tla se tlacatl iccaua nisiuau maquihcuilo se amatl campa ictohtoc iccaua nisiuau, uan ohcon uili iccaua? 
\p  
\v 8 Jesús oquimiluih: 
\p —Ohcon onamechoncauilih Moisés ixconcauacan namosiuau, yeh nic namehuantzitzin simi namonyolchicauaqueh; tlen quemah, ixconmatican ipeuyan nochi amo oyah ohcon. 
\m  
\v 9 Ica non neh innamechoniluia, tla se tlacatl iccaua nisiuau, uan yeh in siuatl amo occahcayau iuan ocse, uan non tlacatl icmonamictia ocse siuatl, tlahtlacoua nic mocalaquia iuan ocse. Uan in tlacatl naquin icmonamictia in siuatl naquin occauqueh, sannoiuqui tlahtlacoua nic mocalaquia iuan naquin iixpan Dios oc tesiuau. 
\p  
\v 10 Nitlasalohcauan oquiluihqueh: 
\p —Tla ohcon icpanoua se tlacatl inauac nisiuau, ocachi cuali amo masemonamicti. 
\p  
\v 11 Ihcuacon Jesús oquimiluih: 
\p —Amo nochtin uilih icsiliah non, tlamo sayeh naquin Dios oquinmactih non ahsicamatilis. 
\m  
\v 12 Pues cateh tlen ohcon otlalticpanesqueh amo uilis isqueh iuan siuatl, uan cateh siquin tlen ohcon quinchiuah in tlacameh amo mauilican maican iuan siuatl, uan sannoiuqui cateh naquin innohmah ohcon icpihpinah amo isqueh iuan siuatl nic icniquih tiquitisqueh ictematiltisqueh nitiquiuahcayo Dios. Naquin uilis icsilis nin, macsili. 
\s1 Jesús quinteochiua in coconeh 
\r (Mr. 10:13-16; Lc. 18:15-17) 
\p  
\v 13 Satepan oquinualiquilihqueh Jesús siqui coconeh, maquintlali nimauan impan uan maquintlatlautili Dios; uan nitlasalohcauan oquimahuayah. 
\m  
\v 14 Pero Jesús oquimiluih: 
\p —Ixquimoncauacan in coconeh mauiquih nonauac, amo ixquimontzacuilican. Tlamilauca ixconmatican, naquin quemeh ninqueh coconeh, yehuan pouih iuan Dios campa motlanauatilia. 
\p  
\v 15 Uan ihcuac yoquintlalih nimauan impan in coconeh, oyah de ompa. 
\s1 Se tominehqui mononotza iuan Jesús 
\r (Mr. 10:17-31; Lc. 18:18-30) 
\p  
\v 16 Ihcuacon oualah se tlacatl inauac Jesús uan oquiluih: 
\p —Tlamachtani, ¿tlenoh cuali chiualistli moniqui inchiuas uan ohcon inpias in yolilistli tlen ica in sintitl nochipa? 
\p  
\v 17 Jesús ocnanquilih: 
\p —¿Tleca itnechontlahtlanilia ica tlen cuali? Amaquin cuali, tlamo san se, yen Dios. Uan tla itconniqui toncalaquis itich in yolilistli, ixquimontlacamati in tlanauatilten. 
\p  
\v 18 In tlacatl oquiluih: 
\p —¿Catliyehuan? 
\p Jesús oquiluih: 
\p —Amo ittemictis, amo itmocalaquis iuan naquin amo iuan itnamiqueh, amo ittlachtiquis, amo itteistlacatlalis, 
\m  
\v 19 ittlacachiuas mopapan uan momaman, uan ittlasohtlas mocniu quemeh teh itmotlasohtla. 
\p  
\v 20 In tlacatl ocnanquilih: 
\p —Nochi non [ihcuac oc inconetl onipeu] incualchiutiu. ¿Tlenoh ocachi moniqui inchiuas? 
\p  
\v 21 Jesús ocnanquilih: 
\p —Tla milauac itconniqui mochiualis mai mahsic cuali, xoyau, ixconnamaca tlen itconpia uan ixquimonxilui naquin amitlah icpiah. Uan ohcon itich in iluicac itconpias mic tlen moaxca. Uan xouiqui uan xoni notlasalohcau. 
\p  
\v 22 Ihcuac in tlacatl oquicac non tlahtol, oyah otlaocoxtah, nic yeh simi ocpiaya mic tlen iaxca. 
\p  
\v 23 Ihcuacon Jesús oquimiluih nitlasalohcauan: 
\p —Tlamilauca innamechoniluia, oueh calaquis campa motlanauatilia Dios se naquin tominehqui. 
\m  
\v 24 Uan ocsipa innamechoniluia, ocachi amo oueh panos se camello ic itich nicuitlapil se acoxah, uan amo se tominehqui calaquis campa motlanauatilia Dios. 
\p  
\v 25 Ihcuac ohcon occaqueh, nitlasalohcauan simi ocmotetzauihqueh non tlahtol uan octouayah: 
\p —Tla ohcon, ¿aquih uilis momaquixtis? 
\p  
\v 26 Jesús oquimixitac uan oquimiluih: 
\p —Iixcoyan in tlalticpactlacatl sansimi amo uilis, inauac Dios amo ohcon, pues Dios nochi mouilitia. 
\p  
\v 27 Pedro oquihtoh: 
\p —Ixconmotili, tehuan otcauqueh nochi uan mouantzin ityahtoqueh. ¿Tlenoh ittlanisqueh ica non? 
\p  
\v 28 Jesús ocnanquilih: 
\p —Tlamilauca innamechoniluia, ihcuac nochi isqui yancuicatlachiual, ihcuac niConeu in Tlacatl motlalis itich nimouistictiquiuahcaicpal, namehuantzitzin naquin namonyaueh nouan noiuqui namonmotlalisqueh itich mahtlactlamome tiquiuahcaicpalten, uan namontlanauatisqueh ipan in mahtlactlamome pantli de tocniuan tlen pouih Israel. 
\m  
\v 29 Nochi naquin oquicau ichan, icniuan, noso iueltiuan, noso ipapan, noso imaman, [noso isiuau,] noso iconeuan, noso itlaluan, ipampa notoocaa, icsilis macuil poual ocachi, uan iaxcatis in yolilistli tlen ica in sintitl nochipa. 
\m  
\v 30 Uan ixconmatican, miqueh naquin axan tlayacantoqueh, yehuan isqueh tlacuitlapan. Uan miqueh naquin axan cateh tlacuitlapan, yehuan tlayacantosqueh. 
\c 20  
\s1 Tlanihniuiltil ica siqui tiquitinih 
\p  
\v 1 ’Sannoiuqui ohcon nitiquiuahcayo Dios moniuilia iuan se teteco naquin cualcan oyah oquintemoto tiquitinih tlen matiquitican itich niuvahtlamilol. 
\m  
\v 2 Uan omocau iuan in tiquitinih quintlaxtlauis se denariohtomin ipatca se tonaltiquitl, uan oquintitlan matiquititin itich niuvahtlamilol. 
\m  
\v 3 Satepan oyah ocsipa quemeh chicnaui hora cualcan, uan oquimitac ocsiqui tocniuan tlen ocatcah itich in plaza uan amo ocpiayah tiquitl. 
\m  
\v 4 Oquimiluih: “Noiuqui xonyacan namehuantzitzin, xontiquititin itich nouvahtlamilol uan innamechontlaxtlauis tlen icnamiqui.” Uan yehuan oyahqueh. 
\m  
\v 5 Nipantlah ocsipa oquis, uan ocsipa quemeh yeyi hora tiotlac, uan noiuqui ohcon oquichiu. 
\m  
\v 6 Uan quemeh macuil hora tiotlac oquimahsic ocsiquin tlen amo ocpiayah tiquitl, uan oquimiluih: “¿Tleca nican yonamonsintonalohqueh uan amo canah namontiquitoqueh?” 
\m  
\v 7 Yehuan ocnanquilihqueh: “Amaquin techtlaqueutoc.” Yeh oquimiluih: “Xonyacan noiuqui itich nouvahtlamilol, uan innamechontlaxtlauis tlen icnamiqui.” 
\m  
\v 8 Ihcuac yotlapoyau, in teteco oquinotz naquin quinyacana nitlaqueualuan uan oquiluih: “Ixquimonnotza in tiquitinih uan ixquimontlaxtlaui nintonal, xonpeua iuan naquin satepanten uan tontlamitiu iuan naquin achtohten.” 
\m  
\v 9 Ihcuacon oualahqueh inauac, in tiquitinih tlen oehcoqueh macuil hora tiotlac, uan yehuan sehse ocsilih tlaxtlauil ipatca se tonaltiquitl. 
\m  
\v 10 Uan ihcuac oualahqueh naquin achtoh opeuqueh, yehuan ocyoluihqueh icsilisqueh ocachi, uan yeh sehse noiuqui ocsilihqueh tlaxtlauil ipatca se tonaltiquitl. 
\m  
\v 11 Ihcuac ocsilihqueh nintlaxtlauil, opeuqueh cualanih inauac in teteco, 
\m  
\v 12 oquihtouayah: “Ninqueh in tlen satepan oehcoqueh otiquitqueh yec san se hora, uan yeh otquimontlaxtlauih quemeh in tehuan, naquin otxicohqueh in chicauac tiquitl uan ottonaltlatlaqueh.” 
\m  
\v 13 Uan yeh oquinnanquilih, oquiluih semeh yehuan: “Nocnitzin, neh amo inchiutoc itlah tlen amo cuali monauac. ¿Xamo otmocauqueh inmitzontlaxtlauis se tonaltiquitl? 
\m  
\v 14 Ixconana motlaxtlauil, uan xoyau, neh nopaquilis intlaxtlauis naquin ocalac satepan ohcon quemeh touatzin. 
\m  
\v 15 ¿Quenat amo icnamiqui inchiuas quen neh inniquis ica tlen neh noaxca? ¿Noso itpia nixicolis nic neh incualiconetl?” 
\m  
\v 16 Ica non, naquin satepanten, yehuan isqueh achtohten. Uan naquin achtohten, yehuan isqueh satepanten. [Tlamilauca, miqueh naquin tlanotzalten, pero amo miqueh naquin tlapihpinten.] 
\s1 Jesús ya ic yexpa quinmatiltia nimiquilis 
\r (Mr. 10:32-34; Lc. 18:31-34) 
\p  
\v 17 Ihcuac Jesús oixtlehcotaya oyahtoya Jerusalén, oquinnotz sican in mahtlactlamome itlasalohcauan uan oquimiluih: 
\p  
\v 18 —Ixconitacan, tixtlehcotoqueh ityahtoqueh Jerusalén. Uan ompa ictemactisqueh niConeu in Tlacatl inmac in teopixcatlayacanqueh uan in teotlamachtanih. Yehuan quihtosqueh itich moniqui in miquilistli, 
\m  
\v 19 uan ictemactisqueh inmac naquin amo judíos. Yehuan icuitzcasqueh, ictacapitzosqueh, uan icsohsasqueh. Masqui ohcon, ipan yeyi tonal yancuicayolis. 
\s1 Nintlatlatlautilis Jacobo uan Juan 
\r (Mr. 10:35-45) 
\p  
\v 20 Ihcuacon nisiuau in Zebedeo omotoquih inauac Jesús sansican iuan niconeuan, yen Jacobo uan Juan. In siuatzintli omotlancuaquitz inauac Jesús ocniquia ictlatlautis itlah. 
\m  
\v 21 Jesús oquiluih: 
\p —¿Tlenoh itconniqui? 
\p Yeh ocnanquilih: 
\p —Xontlanauati itich motiquiuahcayotzin mamotlalican ninqueh ome noconeuan, se moyecmapantzinco uan nocse moopochmapantzinco. 
\p  
\v 22 Jesús oquinnanquilih: 
\p —Namehuantzitzin amo nanconmatih tlen nancontlahtlanih. ¿Max uilis nancononisqueh in copa de tlahyouilis tlen neh inconis [noso uilis namonmocuatequisqueh quen neh inmocuatequis]? 
\p Yehuan oquihtohqueh: 
\p —Quemah, ituilisqueh. 
\p  
\v 23 Yeh oquimiluih: 
\p —Tlamilauca, nocopa tlen neh inconis nancononisqueh, [uan namonmocuatequisqueh quen neh inmocuatequia,] pero naquin motlalis noyecmapan uan noopochmapan amo nehua inquihtos, ompa motlalisqueh sayeh naquin noTahtzin yoquihtoh ompa motlalisqueh. 
\p  
\v 24 Non oc mahtlactli itlasalohcauan, ihcuac occaqueh tlen octlahtlaniah, ocualanqueh iuan non ome icnimeh. 
\m  
\v 25 Pero Jesús oquinnotz uan oquimiluih: 
\p —Namehuantzitzin nanconmatih nic itich nocsiquin tlalmeh naquin tiquiuahqueh moteconiquih impan naquin quinnauatiah, uan in cuahcualtlayacanqueh ica ninchicaualis icchiuah tlen icniquih innauac. 
\m  
\v 26 Pero namehuantzitzin amo icnamiqui ohcon nanconchiuasqueh, yehyeh naquin semeh namehuantzitzin icniqui isqui ocachi ueyi, moniqui mocuipas queh intlaqueual nocsiquin; 
\m  
\v 27 uan naquin semeh namehuantzitzin icniqui tlayacantos, mamocuipa queh iesclavo nocsiquin. 
\m  
\v 28 Sannoiuqui ohcon niConeu in Tlacatl amo oualah queh teteco, tlamo queh tlaqueual, uan ohcon octemactico niyolilis tlen ica octlaxtlau nintemaquixtilis miqueh. 
\s1 Jesús quinpahtia ome popoyomeh 
\r (Mr. 10:46-52; Lc. 18:35-43) 
\p  
\v 29 Ihcuac yoccauqueh Jericó uan yoyahtoyah, incuitlapan oyayah tlailiuis miqueh tocniuan. 
\m  
\v 30 Ic ompa itenco in ohtli ome popoyomeh otolohtoyah. Ihcuac occaqueh nic Jesús opanotoya, octzahtzilihqueh, oquiluihqueh: 
\p —¡ToTecotzin, Ualeuani de David, ixtechonicnomati! 
\p  
\v 31 In tocniuan oquimahuayah masintlacaquican, masqui ohcon yehuan ocachi octzahtzilayah: 
\p —¡ToTecotzin, Ualeuani de David, ixtechonicnomati! 
\p  
\v 32 Ihcuacon Jesús omonactih, oquinnotz uan oquintlahtlanih: 
\p —¿Tlenoh nanconniquih manchiua namopampa? 
\p  
\v 33 Yehuan oquiluihqueh: 
\p —ToTecotzin, itniquih ittlachiasqueh. 
\p  
\v 34 Jesús oquimicnomat, octlalih nima itich nimixtololouan, uan sanniman otlachixqueh, uan opeuqueh yaueh iuan. 
\c 21  
\s1 Jesús calaqui Jerusalén 
\r (Mr. 11:1-11; Lc. 19:28-40; Jn. 12:12-19) 
\p  
\v 1 Ihcuac yoahsitoyah Jerusalén, itich in altipetl Betfagé, ic icah in tipetl Olivos, Jesús oquintitlan ome itlasalohcauan. 
\m  
\v 2 Oquimiluih: 
\p —Xonyacan itich necah altipetl tlen cah tlaixpan, uan ompa nanconahsisqueh ilpitoc se axnohtzin iuan ninanah. Ixcontohtomacan uan ixnechimonualiquilican. 
\m  
\v 3 Uan tla acah itlah namechoniluia, ixconiluican: “In toTeco icniqui quincuis, uan sanniman quiualcuipas.” 
\p  
\v 4 Uan ohcon omochiu in tlahtol tlen oquihtoh in teotlanauatani, ihcuac octematiltih: 
\q1  
\v 5 Ixconiluican in altipetl Sión: 
\q1 “Ixquita, moUeyitiquiuahcau uitz monauac, 
\q1 ica icnotecalistli, uan ualtolohtiu itich se axnoh, 
\q1 itich se axnohtzin, iconeu se tlahpial tlen tlameme.”\f + \fr 21:5 \ft Zac. 9:9\f* 
\p  
\v 6 Nitlasalohcauan oyahqueh, uan occhiuqueh ohcon quemeh Jesús oquintiquitih. 
\m  
\v 7 Ocualiquilihqueh in axnoh uan axnohtzin, uan oquintlapihpichtihqueh ica nintlaqueuan. Uan Jesús ipan omotlalih. 
\m  
\v 8 Ompa ocatcah tlailiuis miqueh tocniuan, uan yehuan oquinsouayah nintlaqueuan itich in ohtli, uan ocsiquin octiquiah itlamayo in pomeh uan ocsouayah itich in ohtli. 
\m  
\v 9 Uan in tocniuan tlen ocyacanayah uan tlen oyayah icuitlapan chicauac octouayah: 
\p —¡Ittlacachiuah naquin Ualeuani de David! ¡Tlateochiual naquin uitz ica nitoocaatzin in toTecotzin! ¡Ittlacachiuah in toTahtzin Dios naquin meuiltihticah iluicac! 
\p  
\v 10 Ihcuac Jesús ocalaquito Jerusalén, nochtin in tocniuan oualmoyonqueh uan ocmotlatlahtlanayah: 
\p —¿Aquih necah? 
\p  
\v 11 Uan in tocniuan octouayah: 
\p —Necah yen teotlanauatani Jesús de Nazaret tlen poui Galilea. 
\s1 Jesús quinquihquixtia tlen otlanamacayah itich in teopantli 
\r (Mr. 11:15-19; Lc. 19:45-48; Jn. 2:13-22) 
\p  
\v 12 Jesús ocalac icah niteopan Dios, uan oquinquihquixtih nochi tlen ompa otlanamacatoyah uan tlen otlacoutoyah ompa. Oquimixcuip ninmesas in tominpatlanih uan nimicpaluan in palomahnamacanih, 
\m  
\v 13 uan oquimiluih: 
\p —Itich in Teotlahtolamatl ihcuiliutoc: “Nocal isqui cali campa icmonochilisqueh Dios”;\f + \fr 21:13 \ft Is. 56:7\f* uan yeh namehuan yonaccuipqueh inchan ichtiqueh.\f + \fr 21:13 \ft Jer. 7:11\f* 
\p  
\v 14 Uan ompa icah in teopantli oualahqueh inauac tlen popoyomeh uan coxohten, uan yeh oquinpahtih. 
\m  
\v 15 Pero in teopixcatlayacanqueh uan in teotlamachtanih, ihcuac octaqueh in iluicacchiualisten tlen occhiuaya, uan in coconeh icah in teopantli quen chicauac octouayah: “¡Ittlacachiuah naquin Ualeuani de David!”, yehuan otlauelcalaqueh. 
\m  
\v 16 Uan oquiluihqueh Jesús: 
\p —¿Itconcactoc tlen ictouah ninqueh? 
\p Jesús oquinnanquilih: 
\p —Quemah, ¿max ayic nanconamapoutoqueh in Teotlahtolamatl campa ictoua: 
\q1 Ica nintetlacachiualis in coconeh uan tlen oc chichih, 
\q1 otconyecahxitih in tetlacachiualistli? 
\p  
\v 17 Jesús oquincauteu oquis itich Jerusalén, uan oyah Betania, uan ompa omocauato non youal. 
\s1 Jesús icchicaucanotza in icoxpouitl tlen amo mochiua 
\r (Mr. 11:12-14, 20-26) 
\p  
\v 18 Ihcuac otlanes Jesús oualmocuip Jerusalén, uan itich in ohtli omayanaco. 
\m  
\v 19 Uan oquitac se icoxpouitl inauac in ohtli, uan oyah octato, uan yeh amotlen tlatiyotl ocahxilih, sayeh nixiuyo. Uan Jesús oquiluih in icoxpouitl: 
\p —¡Ayic queman oc mamochiua tlatiyotl motich! 
\p Uan sanniman in icoxpouitl ouac. 
\m  
\v 20 Ihcuac nitlasalohcauan ohcon oquitaqueh, ocmotetzauihqueh uan oquiluihqueh Jesús: 
\p —¿Quenih cuali ohcon ihsiuca ouactiuitz in icoxpouitl? 
\p  
\v 21 Jesús oquimiluih: 
\p —Tlamilauca innamechoniluia, tla nanconpiah tlaniltoquilistli uan amo namonyolometih, amo san yeh nin uilis nanconchiuasqueh tlen neh onchiuilih in icoxpouitl, tlamo noiuqui tla nanconiluisqueh necah tipetl: “Ixmihcuani uan ixmopantitlani itich in mar”, tlamilauca ohcon mochiuas. 
\m  
\v 22 Nochi tlen ica tlaniltoquilis nancontlahtlanilisqueh Dios ihcuac nanmotlatlautisqueh inauac, nanconsilisqueh. 
\s1 Nichicaualis Jesús ualeua itich Dios 
\r (Mr. 11:27-33; Lc. 20:1-8) 
\p  
\v 23 Ihcuac Jesús ocsipa oehcoc icah in teopantli uan otlamachtihtoya, omotoquihqueh inauac in teopixcatlayacanqueh uan ocsiquin tiquiuahqueh judíos, uan octlahtlanihqueh: 
\p —¿Tlenoh mopanti para itconchiuas tlen otconchiu? ¿Aquih omitzonmactih non chicaualis? 
\p  
\v 24 Jesús oquinnanquilih: 
\p —Neh noiuqui innamechonchiuilis se tlahtlanilis, uan tla nannechonnanquiliah neh noiuqui innamechoniluis ica tlen chicaualis inchiua tlen inchiua. 
\m  
\v 25 ¿Nitlacuatequilis in Juan, canih oualeu, inauac Dios noso inauac in tlacameh? 
\p Yehuan opeu icmixyehyecoltiah: 
\p —Tla itquihtouah oualeu inauac Dios, yeh techtlahtlanis tleca amo otniltocaqueh. 
\m  
\v 26 Uan tla ittouah oualeu inauac in tlacameh, matquinmouilican in tocniuan, tlamilauca yehuan nochtin icyoluiah Juan yeh se teotlanauatani. 
\p  
\v 27 Ica non ihquin ocnanquilihqueh: 
\p —Amo itmatih. 
\p Jesús sannoiuqui oquimiluih: 
\p —Tla ohcon noiuqui neh amo innamechoniluis ica aquih ichicaualis inchiua tlen inchiua. 
\s1 Tlanihniuiltil ica ome teconeuan 
\p  
\v 28 Jesús oquimiluih: 
\p —¿Quen nanconitah? Se tlacatl oquinpiaya ome itelpocauan. Oyah inauac se uan oquiluih: “Noconeu, xioh nin tonal ixtiquitih itich nouvahtlamilol.” 
\m  
\v 29 Nitelpocau ocnanquilih: “¡Amo inniqui!” Masqui ohcon oquihtoh, satepan omoyoluih uan quemah oyah. 
\m  
\v 30 Satepan in tepapan oyah inauac nocse, uan noiuqui ohcon oquiluih, uan niconeu oquihtoh: “Quemah, nias papan.” Uan yeh masqui ohcon oquihtoh, amo oyah. 
\m  
\v 31 ¿Itich non ome teconeuan, catliyeh oquichiu nitlaniquilis in tepapan? 
\p Yehuan ocnanquilihqueh: 
\p —Yen tlen achtoh. 
\p Jesús oquimiluih: 
\p —Tlamilauca innamechoniluia, in tiquiuahcatominnichicouanih uan in siuameh naquin monamacah yehuan namechonpahpanauihtoqueh calactoqueh campa motlanauatilia Dios. 
\m  
\v 32 Pues Juan oualah onamechonmatiltico in tlen cuali ohtli, uan yeh namehuantzitzin amo onanconniltocaqueh; pero in tiquiuahcatominnichicouanih uan in siuameh naquin monamacah, quemah ocniltocaqueh. Uan namehuantzitzin, masqui onanconitaqueh non, amo onamonmoyolcuipqueh uan onanconniltocaqueh. 
\s1 Tlanihniuiltil ica tlen amo cuali medieros 
\r (Mr. 12:1-12; Lc. 20:9-19) 
\p  
\v 33 ’Ixconcaquican ocse tlanihniuiltil: Se tlacatl tlen ocpiaya se ueyi tlali, octoocac uva uan occolaltih. Oquichiu se tlaticochtli itich in titl campa icpatzcas in uva, uan oquichiu se cali uehcapan tlen itich ompa tlapihpiasqueh. 
\p ’Uan satepan oquintlaneutihteu in tlatoctli siqui medieros uan oyah uehca. 
\m  
\v 34 Uan ihcuac yoehcoc in tonal ihcuac yochicau uan ictiquih in uva, in teteco oquintitlan siqui itlaqueualuan innauac in medieros, octlahtlanitoh macxiluican tlen yeh iyohca. 
\m  
\v 35 Pero in medieros oquintzitzquihqueh in tlaqueualten uan se octiuihqueh, nocse ocmictihqueh, uan nocse ocmacaqueh ica titl. 
\m  
\v 36 In teteco ocsipa oquintitlan ocsiqui itlaqueualuan, ocachi miqueh uan amo achtoh, uan nochtin sannoiuqui ohcon oquinchiuilihqueh. 
\p  
\v 37 ’Satepan octitlan yehyeh niconeu, octitlan yeh nic ocyoluih: “Noconeu yeh quemah ictlepanitasqueh.” 
\m  
\v 38 Pero ihcuac in medieros oquitaqueh in teconeu, ocmosepaniluihqueh: “Yeh nin naquin nochi iaxcatis. Ixuiquican matmictican, uan matmoyohcatican tlen yeh oisquia iaxca.” 
\m  
\v 39 Ocquihquixtihqueh den uvahtlatoctli, uan ocmictihqueh. 
\p  
\v 40 Jesús oquimiluih: 
\p —Ihcuac uitz niteco non tlatoctli, ¿tlenoh nanconyoluiah quinchiuilis nonqueh medieros? 
\p  
\v 41 Yehuan oquiluihqueh: 
\p —Quinpohpoloquiu necateh amo cuali medieros uan amo quinpialis teicnoitalistli, uan quintlaneutis ocsiquin nitlatoc naquin quemah macxiluican in tlatiyotl ihcuac ahsis in tonal. 
\p  
\v 42 Jesús oquimiluih: 
\p —¿Max amo queman nanconamapoutoqueh in Teotlahtolamatl campa ihcuiliutoc: 
\q1 In titl tlen in calchiuanih ocsicantlalihqueh nic amo ocuilitaqueh, 
\q1 yehua omochiuaco tlayacantoc titl tlachicaualoni. 
\q1 Ohcon oquichiu yen toTecotzin, 
\q1 uan itmouisticmatih tehuan naquin itquitah ica in toixtololouan?\f + \fr 21:42 \ft Sal. 118:22-23\f* 
\m  
\v 43 Ica non innamechoniluia, in paquilis de namonpouisqueh itich nitiquiuahcayo Dios namechonquixtilisqueh namehuantzitzin, uan quinmactisqueh tocniuan naquin quemah mactemactican in tlen cuali tlen Dios ictlahtlani. 
\m  
\v 44 [Uan nochi naquin uitzis ipan non titl tlen in calchiuanih ocsicantlalihqueh motlamipohpostiquis, uan naquin ipan uitziquiu non titl, ictlamicuehcuechos.] 
\p  
\v 45 Ihcuac in teopixcatlayacanqueh uan in fariseos oquincaqueh in tlanihniuiltilten, ocahsicamatqueh Jesús oquincahcaquitihtoya yehuan nonqueh tlanihniuiltilten. 
\m  
\v 46 Uan yehuan ocniquiah ictzitzquisqueh, pero oquimixmouilayah in tocniuan, nic yehuan oquitayah Jesús quemeh se teotlanauatani. 
\c 22  
\s1 Tlanihniuiltil ica in tlanotzalten itich in monamictililuitl 
\p  
\v 1 Jesús ocsipa opeu quinnonotza ica tlanihniuiltil. Oquimiluih: 
\p  
\v 2 —Nitiquiuahcayo Dios moniuilia iuan se ueyitiquiuahqui tlen oquichiu se ueyi iluitl nic omonamictih nitelpocau, 
\m  
\v 3 uan oquintitlan nitlaqueualuan maquinnotzatin nitlanotzaluan mauiquih itich non monamictililuitl, uan yeh masqui oquinnotzatoh, nitlanotzaluan amo ocniqueh yasqueh. 
\m  
\v 4 Ocsipa oquintitlan ocsiquin itlaqueualuan, oquimiluih: “Ixquimoniluican notlanotzaluan ya tlachihchiutli in tlacual, nocuacuehuan uan notlahpialuan tlatomaualten yonquinmictih, uan nochi ya catqui, xouiquih itich in monamictililuitl.” 
\m  
\v 5 Masqui ohcon in tlanotzalten amo otlatlacamatqueh, yehyeh oyahqueh. Se oyah itlalpan, se oyah itich nitiquiu, 
\m  
\v 6 uan nocsiquin oquintzitzquihqueh in tlaqueualten uan tlensa oquinchiuilihqueh uan oquinmictihqueh. 
\m  
\v 7 Ihcuac in ueyitiquiuah oquimat, tlailiuis ocualan uan oquintitlan nisoldados, uan oquinpohpoloh necateh temictanih uan octlatih nimaltipeu. 
\m  
\v 8 Satepan oquimiluih nitlaqueualuan: “Ya tlachihchiutli nochi tlen moniqui itich nin monamictililuitl, uan yeh notlanotzaluan ocnextihqueh nic amo ocnamiquia isqueh nican. 
\m  
\v 9 Ica non, xonyacan itich in ohmeh, uan ixquimonnotzacan mauiquih itich in monamictililuitl nochi naquin nanconahsisqueh.” 
\m  
\v 10 Ihcuacon in tlaqueualten oyahqueh itich in ohmeh uan oquinnichicohqueh nochi naquin oquimahsiqueh, tlen cualimeh uan tlen amo. Uan itich in monamictililuitl oten ica tlanotzalten. 
\p  
\v 11 ’Ihcuac in ueyitiquiuahqui ocalac oquimitato in tlanotzalten, oquitac ompa se tlacatl naquin amo otlaquentoya ica tlaquemitl tlen quicuih itich monamictililuitl. 
\m  
\v 12 Oquiluih: “Tocniu, ¿quenih otoncalac nican uan yeh amo tontlaquentoc ica tlaquemitl tlen icmoquentiah itich monamictililuitl?” Uan in tlacatl amo ocnanquilih. 
\m  
\v 13 Ihcuacon in ueyitiquiuahqui oquintiquitih nitlaqueualuan: “Ixconxoihilpican uan ixconmaihilpican, uan ixcontlatiuican quiyauac itich in tlayouilotl; ompa chocas uan motlanquilotzcuas ica toneualis.” 
\m  
\v 14 Tlamilauca, masqui miqueh naquin tlanotzalten, amo miqueh naquin tlapihpinten. 
\s1 ¿Max cuali sectlaxtlauas impuesto noso amo? 
\r (Mr. 12:13-17; Lc. 20:20-26) 
\p  
\v 15 Ihcuacon in fariseos oyahqueh uan omotlahtolmacaqueh quenih icuitzitisqueh Jesús itich itlah itlahtol. 
\m  
\v 16 Ica non in fariseos oquintitlanqueh nintlasalohcauan iuan siquin non pouih iuan Herodes, oquiluitoh: 
\p —Tlamachtani, itmatih touatzin tontlahtoua ica tlen milauac uan tontlamachtia ica milaucatlahtol niohtectzin Dios. Touatzin amo tonmocamamohtia tontlahtos, pues amo tonmoyacana ica quen tlahtlamati acah. 
\m  
\v 17 Ica non ixtechonilui, quen itconita: ¿Max tecauilia nitlanauatil Moisés sectlaxtlauas impuesto inauac in ueyitiquiuahtlayacanqui romano, noso amo? 
\p  
\v 18 Pero Jesús ocmatia nimamocualyo, uan oquimiluih: 
\p —¡Ometitoc namoxayac! ¿Tleca nanconniquih nannechonuitzitisqueh? 
\m  
\v 19 Ixnechonnextilican se tomin tlen ica sectlaxtlaua impuesto. 
\p Uan Yehuan ocnextilihqueh se tomin tlen ipatca se tonaltiquitl. 
\m  
\v 20 Uan Jesús oquimiluih: 
\p —¿Aquih iixtipan uan aquih itoocaa catqui itich nin tomin? 
\p  
\v 21 Yehuan ocnanquilihqueh: 
\p —Yen ueyitiquiuahtlayacanqui. 
\p Jesús oquimiluih: 
\p —Tla ohcon, tlen iaxca in ueyitiquiuahtlayacanqui, ixconmactican in ueyitiquiuahtlayacanqui, uan tlen iaxca Dios, ixconmactican Dios. 
\p  
\v 22 Ihcuac ohcon occaqueh ocmotetzauihqueh, uan ihcuacon sa occauqueh uan oyahqueh. 
\s1 ¿Max yancuicayolisqueh tlen yomiqueh? 
\r (Mr. 12:18-27; Lc. 20:27-40) 
\p  
\v 23 Itich non tonal oualahqueh inauac Jesús siqui saduceos. Yehuan naquin quihtouah amo yancuicayolisqueh in miquemeh. Uan octlahtlanihqueh: 
\p  
\v 24 —Tlamachtani, Moisés oquihtoh tla se tlacatl namiqueh miqui uan amo iccauteua dion se iconeu, moniqui nicniu non tlacatl icmonamictis non siuatl. Ohcon ninconeuan pouisqueh quemeh iconeuan naquin yomic. 
\m  
\v 25 Uan ohcon, otquimixmatqueh chicome icnimeh. In tlayacayotl omonamictih, uan satepan omic, uan amo oquincauteu iconeuan iuan nisiuau. Ica non nicniu omonamictih iuan non siuatl. 
\m  
\v 26 Sannoiuqui ohcon omochiu iuan in teopa icniu, uan noiuqui iuan non ic yeyi, uan ohcon nochtin non chicome ocmonamictihqueh. 
\m  
\v 27 Satepan ihcuac omiqueh nochtin, noiuqui omic in siuatl. 
\m  
\v 28 Axan, itich in yancuicayolilis, ¿aquih pouis isiuau, tla nochtin in chicome icnimeh ocmonamictihqueh? 
\p  
\v 29 Jesús oquimiluih: 
\p —Tlamilauca namonmopolouah ica tlen nancontlahtlanih, nic amo nanconixmatih in Teotlahtolamatl dion nichicaualitzin Dios. 
\m  
\v 30 Tlamilauca, itich in yancuicayolilis acmo acah monamictis, dion ictemactisqueh acah mamonamicti. Naquin yancuicayolisqueh isqueh quemeh niiluicactlatitlancauan Dios tlen cateh iluicac. 
\m  
\v 31 Pero tla nancontlahtlanih max yancuicayolisqueh in miquemeh, ¿max amo nanconamapoutoqueh tlen Dios onamechoniluih, ihcuac oquihtoh: 
\m  
\v 32 “Neh iDios in Abraham, in Isaac, uan in Jacob”? Ica non ixconmatican, Dios amo iDios in miquemeh, tlamo yeh iDios naquin yoltoqueh. 
\p  
\v 33 Ihcuac in tocniuan ohcon occaqueh, ocmotetzauihqueh nitlamachtilis. 
\s1 In tlanauatil tlen ocachi tlayacantoc 
\r (Mr. 12:28-34) 
\p  
\v 34 Ihcuac in fariseos ocmatqueh nic Jesús oquinsintlacaquitih in saduceos, yehuan sannoiuqui omonichicohqueh, 
\m  
\v 35 uan semeh yehuan, se tlamachtani den tlanauatil, san oquinic ictlatlatas in Jesús, ica non octlahtlanih: 
\p  
\v 36 —Tlamachtani, ¿catliyeh in tlanauatil tlen ocachi tlayacantoc? 
\p  
\v 37 Jesús ocnanquilih: 
\p —“Ittlasohtlas moTecotzin Dios ica nochi moyolo, ica nochi moalma uan ica nochi motlayoluilis.” 
\m  
\v 38 Yehua nin in tlanauatil tlen ocachi ueyi uan ocachi tlayacantoc. 
\m  
\v 39 Uan non ya ic ome tlanauatil moniuilia iuan tlen achtoh: “Ittlasohtlas mocniu quemeh teh itmotlasohtla.” 
\m  
\v 40 Itich ninqueh ome tlanauatilten motlachicauilihtoc nochi nitlamachtilis in tlanauatil uan in teotlanauatanih. 
\s1 ¿Inauac aquih ualeuani in Cristo Temaquixtani? 
\r (Mr. 12:35-37; Lc. 20:41-44) 
\p  
\v 41 Uan quen oc ompa onichicautoyah in fariseos, 
\m  
\v 42 Jesús oquintlahtlanih: 
\p —¿Tlenoh nanconyoluiah den Cristo Temaquixtani? ¿Aquih iconeu? 
\p Yehuan ocnanquilihqueh: 
\p —De David. 
\p  
\v 43 Jesús oquimiluih: 
\p —Tla ohcon, ¿quenih David, ihcuac in Espíritu Santo octlahtolyacan, oquiluih iTecotzin? Pues oquihtoh: 
\q1  
\v 44 In toTecotzin Dios oquiluih noTecotzin: 
\q1 “Xonmotlalihtzino noyecmapan, 
\q1 uan inquintlalis itlampa mocxitzitzin aquihqueh mitzoncocoliah.” 
\m  
\v 45 ¿Tla ohcon, tla David icnotza in Cristo Temaquixtani iTecotzin, quenih uilis isqui iconeu? 
\p  
\v 46 Uan amacah ouilic itlah ocnanquilih. Itich non tonal opeu acmo acah omixeuaya itlah octlahtlanaya. 
\c 23  
\s1 Jesús quimixiluia tlen icchiuah in fariseos uan in teotlamachtanih 
\r (Mr. 12:38-40; Lc. 11:37-54; 20:45-47) 
\p  
\v 1 Satepan Jesús opeu quinnonotza in tocniuan uan nitlasalohcauan, oquimiluih: 
\p  
\v 2 —In fariseos uan teotlamachtanih cateh queh ipatca in Moisés nic icteahsicamatiltiah in tlanauatil. 
\m  
\v 3 Ica non, ixquimoncaquican uan ixconchiuacan nochi tlen namechoniluiah, uan tlen quemah, amo yeh nanconniuiliah ninchiualis, ixconmatican yehuan tlen tlamachtiah masecchiua, amo icchiuah. 
\m  
\v 4 Yehuan ictememeltiah tlamemel simi itic uan oueh secchiuas, uan ohcon quinpantlaliliah in tocniuan, uan yeh yehuan dion se inmahpil coliniah tlen ica icchiuasqueh tlen ictememeltiah. 
\m  
\v 5 Nochi tlen icchiuah, icchiuah yeh nic icniquih in tocniuan maquimitacan. Yehuan quinpatlaucachiuah imixcuac tlen itich icuicah in tlanauatil, uan icuiyaquiltiah nitenyac nintlaquen. 
\m  
\v 6 Campa tlatlacuatiueh icuilitah motlalisqueh campa motlaliah naquin cuahcualten, uan icuilitah motlalisqueh yec tlaixpan itich in teotlanauatilcalmeh. 
\m  
\v 7 Sannoiuqui icuilitah maquintlahpalocan ica tetlacachiualis itich in tianquisten, uan maquinnotzacan “notemachtihcau”. 
\p  
\v 8 ’Pero namehuantzitzin amo ixconcauacan manamechonnotzacan “notemachtihcau”; ixconmatican sanse namoTemachtihcau [uan non yen Cristo], uan nochtin namehuantzitzin namonpouih namonicnimeh. 
\m  
\v 9 Uan amaquin ixconnotzacan namotahtzin itich in tlalticpactli; ixconmatican sanse namoTahtzin cah, uan non yeh naquin meuiltihticah iluicac. 
\m  
\v 10 Uan amo ixconcauacan manamechonnotzacan “noteyacancau”; ixconmatican sanse namoTeyacancau cah, uan non yen Cristo Temaquixtani. 
\m  
\v 11 Naquin semeh namehuantzitzin ocachi ueyi, moniqui isqui queh itlaqueual nocsiquin. 
\m  
\v 12 Tlamilauca, nochi naquin mouehcapantlalia, ictlalpancauasqueh, uan naquin micnoteca icuehcapantlalisqueh. 
\p  
\v 13 ’¡Pero ay tlasohtzitzinten namehuan, teotlamachtanih uan fariseos, ometitoc namoxayac!, pues nanquimonixtzacuiliah in tocniuan calaquisqueh campa motlanauatilia Dios, uan yeh namehuantzitzin dion amo namoncalaquih, uan dion amo nanquimoncauah macalaquican naquin ictemohtoqueh ompa calaquisqueh. 
\p  
\v 14 [’¡Ay tlasohtzitzinten namehuan, teotlamachtanih uan fariseos, ometitoc namoxayac!, pues nanquimonchancuiliah in icnosiuameh, uan yeh masqui ohcon namonmoteixpantiah queh oisquia simi namoncualmeh coconeh quen simi uehcau namonmomachtihtoqueh. Ica nochi non nanconmotlanilihtoqueh ocachi ueyi tlatzacuiltilis.] 
\p  
\v 15 ’¡Ay tlasohtzitzinten namehuan, teotlamachtanih uan fariseos, ometitoc namoxayac! Nanconninimiliah in mar uan in tlali nic nanconniquih nanconchiuasqueh acah macsili in tlaniltoquilistli judío, uan ihcuac yonamonuiliqueh onanconchiuqueh non, nanconcuipah non tocniu opa ocachi iconeu in amocuali uan amo namehuan. 
\p  
\v 16 ’¡Ay tlasohtzitzinten namehuan, tlayacanqueh popoyomeh! Nancontouah: “Tla acah motencaua uan ictoocaayotia in teopantli, amo ocachi tlenoh non, uan tla acah motencaua uan ictoocaayotia yen oro tlen catqui itich in teopantli, uilica icchiuas tlen oquihtoh.” 
\m  
\v 17 ¡Sinquisa amo nanmoyoluiah uan nanpopoyomeh! ¿Ixnechoniluican tlenoh ocachi ueyi ipanti, in oro noso yen teopantli tlen icchiua mai tlateochiual in oro? 
\m  
\v 18 Uan noiuqui nanconihtouah: “Tla acah motencaua uan ictoocaayotiah in altar, amo ocachi tlenoh non, uan tla motencaua uan ictoocaayotia yen tlatemactil tlen cah itich in altar, uilica icchiuas tlen oquihtoh.” 
\m  
\v 19 ¡Sinquisa amo nanmoyoluiah uan nanpopoyomeh! ¿Ixnechoniluican tlenoh ocachi ueyi ipanti, in tlatemactil noso yen altar tlen icchiua mai tlateochiual in tlatemactil? 
\m  
\v 20 Pues naquin motencaua uan ictoocaayotia in altar, amo san ica in altar motencautoc, tlamo noiuqui ica nochi tlen cah itich; 
\m  
\v 21 uan naquin motencaua uan ictoocaayotia in teopantli, motencaua ica in teopantli uan ica Yehuatzin naquin metzticah ompa; 
\m  
\v 22 uan naquin motencaua uan ictoocaayotia in iluicac, motencaua ica in tiquiuahcaicpal tlen cah iluicac uan ica naquin tolohticah itich. 
\p  
\v 23 ’¡Ay tlasohtzitzinten namehuan, teotlamachtanih uan fariseos, ometitoc namoxayac! Pues nancontemactiah nimahtlacyo hasta yen menta uan in anís uan in comino, uan nanconilcauah nancontlacamatisqueh tlen ocachi tlayacantoc tetlahtlanilia in tlanauatil: masecchiua tlen cuali innauac in tocniuan, maseteicnoita, uan masetlatlacamati inauactzinco Dios. Yeh quemah, moniqui nancontemactisqueh nimahtlacyo nochi, pero amo nanconixpanauisqueh nanconchiuasqueh tlen yec uan nancontlacamatisqueh Dios. 
\m  
\v 24 ¡Tlayacanqueh popoyomeh, nanconihcuaniah in moyotl nic amo nanconniquih nancontolosqueh, uan yeh nancontolouah se camello! 
\p  
\v 25 ’¡Ay tlasohtzitzinten namehuan, teotlamachtanih uan fariseos, ometitoc namoxayac!, pues nacchipauah in vaso uan in caxitl san ic pani, uan yeh ic namoyolihtic tentoc ichticyotl uan amocualyotl. 
\m  
\v 26 ¡Fariseo popoyotl! Achtoh ixchipaua in vaso [uan mocax] ic tlahtic, uan ohcon chipauis ic pani. 
\p  
\v 27 ’¡Ay, tlasohtzitzinten namehuan, teotlamachtanih uan fariseos, ometitoc namoxayac! Namehuantzitzin quemeh in miqueticochten tlen ic pani quinpahpah istaqueh, uan ohcon ic pani motah cualtzitzin, uan yeh ic tlahtic tentoc ica iomiyo miquetl, uan tentoc ica palancayotl. 
\m  
\v 28 Sannoiuqui ohcon namehuantzitzin, tlamilauca ic pani namonmonextiah cualmeh coconeh innauac in tocniuan, uan yeh ic tlahtic tlailiuis ome namoxayac uan namontentoqueh ica amocualyotl. 
\p  
\v 29 ’¡Ay tlasohtzitzinten namehuan, teotlamachtanih uan fariseos, ometitoc namoxayac! Nanquimoniscaltiah incal ninmiqueticochuan in teotlanauatanih, uan nanquimonxohxochiyotiah tlen ica quimilnamiquih campa tooctoqueh naquin oyah yec ninchiualis. 
\m  
\v 30 Uan nanconihtouah: “Tla tehuan otchanchiuanih ihcuac ochanchiuqueh in toyauehcautahuan, amo inuan otteuantisquiah quen oquinmictihqueh in teotlanauatanih.” 
\m  
\v 31 Ohcon quen nanconihtouah, namehuantzitzin namonohmah nanconmopantiah nic namonpouih namonteconeuan innauac naquin oquinmictihqueh in teotlanauatanih. 
\m  
\v 32 ¡Ica non, ixcahxitican axan namehuan tlen ocpeualtihqueh namotahuan! 
\p  
\v 33 ’¡Cuahcual couameh, ipiluan couameh! ¿Quenih nanconcholouilisqueh in tlicotlatzacuiltilis? 
\m  
\v 34 Ica non neh inquintitlanis namonauac teotlanauatanih, tlaixmatqueh uan tlamachtanih. Siquin nanquinmictisqueh uan nanquinsohsasqueh, uan ocsiquin nanquintacapitzosqueh itich namoteotlanauatilcaluan, uan itich tleyasa altipetl tlensaso nanquinchiuilihtinimisqueh. 
\m  
\v 35 Uan ohcon namotich uitzis nintlahtlacol nochtin naquin ocxauanihqueh nimeso in tlacameh yolchipauaqueh, peua ica nieso in yolchipauac Abel uan tlami ica nieso in Zacarías iconeu in Berequías, naquin onacmictihqueh tlahcoyan campa ictlatiah in tlatemactil uan in teopantli. 
\m  
\v 36 Tlamilauca innamechiluia, nochi nin tlatzacuiltilis uitz impan in tocniuan tlen chanchiuah itich ninqueh tonalmeh. 
\s1 Jesús icchoquilia Jerusalén 
\r (Lc. 13:34-35) 
\p  
\v 37 ’¡Jerusalén, Jerusalén, teh naquin itquinmictia in teotlanauatanih, uan itquinmaca ica titl naquin quintitlanih monauac! ¡Quesquipa onicnic inquinnichicos mopiluan, quemeh se caxtil quintlampauia nipiluan itlampa nimaihtlapaluan, uan teh amo oticnic! 
\m  
\v 38 Ixconmatican, campa namonchanchiuah namechoncauilisqueh mahsic tlaiyocayan. 
\m  
\v 39 Tlamilauca innamechoniluia, acmo ocsipa nannechonitasqueh tlamo hasta ihcuac nanconihtosqueh: “Tlateochiual naquin uitz ica nitoocaatzin in toTecotzin.” 
\c 24  
\s1 Jesús quimiluia nic icuitzitisqueh in teopantli 
\r (Mr. 13:1-2; Lc. 21:5-6) 
\p  
\v 1 Ihcuac Jesús oquis itich in teopantli uan yoyahtoya, nitlasalohcauan omotoquihqueh inauac uan oquiluihqueh maquita quen cuahcual in calmeh tlen pouih itich in teopantli. 
\m  
\v 2 Jesús oquinnanquilih: 
\p —¿Nanconitah nochi nin? Tlamilauca innamechoniluia, amo mocauas nipaniutoc dion se titl tlen amo icuitzitisqueh. 
\s1 Tlenoh techmatiltis tla ya ehcotoc niyacatlamiyan in tonalmeh 
\r (Mr. 13:3-23; Lc. 21:7-24; 17:22-24) 
\p  
\v 3 Satepan ihcuac Jesús yocatca itich in tipetl Olivos ompa omotlalih, uan nitlasalohcauan omotoquihqueh inauac, uan ompa sican octlahtlanihqueh: 
\p —Ixtechonilui, ¿quemanian ohcon mochiuas? ¿Tlenoh achtoh panos tlen techmatiltis tla ya toualmouicas, uan tla ya ehcotoc niyacatlamiyan in tonalmeh? 
\p  
\v 4 Jesús oquinnanquilih: 
\p —Cuali xonmotlachialican amo yeh acah namechoncahcayaua itich non. 
\m  
\v 5 Ixconmatican, miqueh uitzeh ica notoocaa, cualihtohtasqueh: “Neh in Cristo Temaquixtani”, uan miqueh quincahcayauasqueh. 
\m  
\v 6 Uan nanconcaquisqueh quen motiuiah in tocniuan de ocsiqui tlatlamantli tlalmeh, uan nanconmatisqueh ocsican ya peuasqueh. Masqui ohcon mapanoto, amo xonmomohtican, pues ixconmatican nochi non icpia tlen ohcon panos; masqui tlamilauca non ayamo yehua niyacatlamiyan in tonalmeh. 
\m  
\v 7 Ualmahcocuisqueh, mixnamiquisqueh in tocniuan itich tlatlamantli tlalmeh, uan in cuahcual tiquiuahcayomeh den tlalticpactli mixnamiquisqueh. Uan ic miccan isqui [cocolistli queh chiyauistli,] mayantli uan chicauac tlalolinis. 
\m  
\v 8 Nochi nin isqui yaquin ipeualo in tlahyouilistli. 
\p  
\v 9 ’Ihcuacon namechontemactisqueh manamechontlapanoltican uan manamechonmictican, uan itich nochi in tlalticpactli temohtih namechoncocolisqueh nic nanconniltocah notoocaa. 
\m  
\v 10 Itich nonqueh tonalmeh miqueh acmo tlaniltocasqueh nonauac, uan moteteiluisqueh se uan ocse, uan se uan ocse temohtih mococolisqueh. 
\m  
\v 11 Uan miqueh tlen ictouah mach icsiliah tlahtol de Dios ualmoquitzteuasqueh uan quincahcayauasqueh miqueh. 
\m  
\v 12 Uan quen temohtih yomomiquiltih in tlen amo cuali, nintetlasohtlalis miqueh sehseuis. 
\m  
\v 13 Pero naquin icxicos ahsis itich niyacatlamiyan nochi, isqui tlamaquixtil. 
\m  
\v 14 Uan nin cuali tlahtol tlen techualmatiltihtiu nitiquiuahcayo Dios motematiltis itich nochi in tlalticpactli, uan itich nochtin in tlalmeh icmatisqueh, uan ihcuacon ehcos niyacatlamiyan in tonalmeh. 
\p  
\v 15 ’Uan ihcuac nanconitasqueh campa tlamouisticapan catqui in tlen tetlahiltih pitzotic, ohcon quemeh otechmatiltih in teotlanauatani Daniel —naquin camapoua nin tlahtol macahsicamati—, 
\m  
\v 16 ihcuacon naquin isqueh Judea macholocan itich in tipeyoh. 
\m  
\v 17 Naquin isqui ipan nical amo matimo icalihtic oc canatiu itlah. 
\m  
\v 18 Uan naquin isqui itich in acaual amo mamocuipa canatiu nitlaquen. 
\m  
\v 19 ¡Ay tlasohtzitzinten in siuameh naquin cocoxqueh ica conetl uan naquin tlachichitihtosqueh itich nonqueh tonalmeh! 
\m  
\v 20 Ixcontlatlautican Dios maconchiua ihcuac ahsis non tonal ihcuac namoncholosqueh, amo mai tlasiseyacatlah noso moseuilistonal. 
\m  
\v 21 Pues ihcuacon isqui ueyitemohtih tlahyouilistli, tlen amo queman ohcon motztoc desde ipeuyan in tlalticpactli hasta axan, uan dion ayic queman ocsipa ohcon mochiuas. 
\m  
\v 22 Uan tla Dios amo oquintzocotzintilani nonqueh tonalmeh, amaquin oisquia tlamaquixtil. Pero ipampa nitlapihpincauan, Yehuatzin quintzocotzintilis nonqueh tonalmeh. 
\p  
\v 23 ’Ihcuacon, tla acah namechoniluis: “Ixconitacan, nican catqui in Cristo Temaquixtani”, noso “Ne catqui”, amo ixconniltocacan. 
\m  
\v 24 Innamechoniluia non nic uitzeh tlen moteneuah mach cristos uan tlen ictouah mach icsiliah tlahtol de Dios. Yehuan quinchiuasqueh cuahcual iluicacnescayomeh uan iluicacchiualisten, uan ica tlacahcayauasqueh. Uan tla ouilisquia, noiuqui quincahcayauasqueh masqui naquin tlapihpinten. 
\m  
\v 25 Nochi nin innamechoniluihtoc achtoh. 
\m  
\v 26 Ica non, tla acah namechoniluis: “Ixquitacan, catqui nepa tlauaquilistlah”, amo ixconitatin; noso: “Catqui calihtic”, amo ixconniltocacan. 
\m  
\v 27 Tlamilauca innamechoniluia, ohcon quemeh ihcuac se tlapitlanil pitlani desde campa ic panquisa in tonaltzin hasta ic campa pancalaqui, ohcon noiuqui yec motas ihcuac ualmouicas niConeu in Tlacatl. 
\m  
\v 28 Sannoiuqui ohcon quemeh ihcuac nanconitah monichicouah in tzohpilomeh, nanconmatih ompa cah itlah mictoc. 
\s1 Ihcuac uitz niConeu in Tlacatl 
\r (Mr. 13:24-37; Lc. 21:25-33; 17:26-30, 34-36) 
\p  
\v 29 ’Itich nonqueh tonalmeh, san quen panoua non ueyitemohtih tlahyouilistli, in tonaltzin seuis uan in metztli acmo tlauis. In sitlalimeh tlen cateh iluicac uitzisqueh, uan nochi chicaualis tlen ica motzitzquihtoc in iluicac mahmacauis. 
\m  
\v 30 Ihcuacon itich in iluicac itlah monextis tlen techmatiltis ya ualahtoc niConeu in Tlacatl, uan ihcuacon nochi pantli de tocniuan itich in tlalticpactli tlauel chocasqueh, uan quitasqueh niConeu in Tlacatl ualahtoc itich in mixtli, ica mic chicaualistli uan ica mahsic nochi quen Yehuatzin mouistic. 
\m  
\v 31 Uan ihcuac mocaquis icpitzasqueh chicauac in trompeta, Yehuatzin quintitlanis niiluicactlatitlancauan, maquinnichicotin nitlapihpincauan itich ninaui yacapan in tlalticpac, mayeh ipeuyan uan itlamiyan in tlalticpac. 
\p  
\v 32 ’Xontlasalocan ica tlen namechonnextilia in icoxpouitl: Ihcuac nimaxiuyo youalsilis uan peua maxiuyoua, ya nanconmatih acmo uehcau ehcos in tonalah. 
\m  
\v 33 Sannoiuqui ohcon, ihcuac namehuantzitzin nanconitasqueh ya mochiutoc nochi non, ixconmatican niyacatlamiyan in tonalmeh ya ehcotoc, queh oisquia ya catqui caltenco. 
\m  
\v 34 Tlamilauca innamechoniluia, nochi nin mochiuas ihcuac ayamo miquisqueh in tocniuan tlen chanchiuah itich ninqueh tonalmeh. 
\m  
\v 35 In iluicac uan tlalticpactli poliuis, masqui ohcon neh notlahtol amo queman poliuis. 
\p  
\v 36 ’Uan tlen quemah, amacah icmati tlen tonal uan tlen hora ohcon mochiuas, dion in iluicactlatitlanten, dion niConeu Dios, tlamo sayeh noTahtzin icmomachitia. 
\p  
\v 37 ’Ohcon quemeh omochiu ihcuac ochanchiu Noé, noiuqui ohcon mochiuas ihcuac uitz niConeu in Tlacatl. 
\m  
\v 38 Itich nonqueh tonalmeh, ihcuac ayamo oualaya in tetzaucaquiyauitl, in tlen ochanchiuayah otlacuayah, oatliah, omonamictayah uan oquintemacayah nimichpocauan mamonamictican. Ohcon occhiutoyah hasta itich necah tonal ihcuac Noé ocalac itich in arca. 
\m  
\v 39 Uan amo otlaahsicamatqueh tlamo hasta ihcuac oualah in tetzaucaquiyauitl uan oquintlamiuicac. Sannoiuqui ohcon mochiuas ihcuac uitz niConeu in Tlacatl. 
\m  
\v 40 Ihcuacon ome tiquitosqueh itich in acaual, se icuicasqueh uan nocse iccauasqueh. 
\m  
\v 41 Ome siuameh tlapayantosqueh, se icuicasqueh uan nocse iccauasqueh. 
\p  
\v 42 ’Ica non xonyectlachixtocan, pues amo nanconmatih tlen tonal ehcoquiu namoTecotzin. 
\m  
\v 43 Tlamilauca innamechoniluia nin: Tla in teteco itich se calihtictli ocmatini tlen hora ehcos in ichtic, otlachixtosquia, uan amo occauasquia mactlachtiquili itich nicalihtic. 
\m  
\v 44 Ica non, noiuqui namehuantzitzin xonchihchiutocan; ixconmatican, niConeu in Tlacatl ehcoquiu ihcuac amo tzocotzin nanconchixtoqueh. 
\s1 Tlanihniuiltil ica non ome tlaqueualten 
\r (Lc. 12:41-48) 
\p  
\v 45 ’¿Aquih isqui quemeh in tlaqueual naquin inauac uili semoyolchicaua uan cuali tlayoluiliseh, naquin in teteco ictlalia matlachixto itich nicalihtic matetlamaca ihcuac icnamiqui? 
\m  
\v 46 Tlateochiualpaquini necah tlaqueual naquin ihcuac ehcos niteco, cahsiquiu icchiutoc ohcon. 
\m  
\v 47 Tlamilauca innamechoniluia, niteco ictlalis mactlachiali itich nochi tlen iaxca. 
\m  
\v 48 Pero tla necah tlaqueual yehyeh quisa amo cuali uan peua icyoluia: “Noteco oc uehcauas, amo niman uitz”, 
\m  
\v 49 uan yehyeh peua quintacapitzoua nitlaqueualicniuan, uan peua san tlacua uan tlauana iuan in tlauanqueh, 
\m  
\v 50 niteco uitz se tonal ihcuac yeh amo icyoluis, uan itich se hora ihcuac yeh amo icmatis. 
\m  
\v 51 Uan ihcuacon chicauac ictlatzacuiltis, uan iccauatiu matlahyoui inuan naquin ome inxayac. Ompa chocas uan motlanquilotzcuas ica toneualis. 
\c 25  
\s1 Tlanihniuiltil ica in mahtlactli ichpocameh 
\p  
\v 1 ’Sannoiuqui nitiquiuahcayo Dios moniuilis iuan tlen opanoc iuan mahtlactli ichpocameh, naquin ocanqueh nintlauil uan oyahqueh ocnamiquitoh in novio. 
\m  
\v 2 Macuilten cuali omoyoluayah uan macuilten amo. 
\m  
\v 3 In tlen amo omoyoluayah ocuicaqueh nintlauil, uan amo ocuicaqueh ocsiqui aceite. 
\m  
\v 4 Pero in tlen cuali omoyoluayah ocuicayah nintlauil, uan sican noiuqui ocuicaqueh aceite. 
\m  
\v 5 Uan nic in novio amo oehcoya, oquimahsic cochistli nochtin, uan ocochuitzqueh. 
\m  
\v 6 Uan quemeh tlahcoyouac omocac se chicauac tlahtol: “¡Yompauitz in novio, ixnamiquitin!” 
\m  
\v 7 Ihcuacon nochtin in ichpocameh omeuqueh uan oquinchihchiuqueh nintlauiluan. 
\m  
\v 8 Uan in tlen amo moyoluiah oquimiluihqueh naquin cuali moyoluiah: “Ixtechmactican siqui namoaceite, in totlauiluan ya seutoqueh.” 
\m  
\v 9 Pero naquin cuali moyoluiah oquinnanquilihqueh: “Tla ohcon itchiuah techpolos mayeh tehuan uan mayeh namehuan. Ocachi cuali ixyacan campa icnamacah uan ixmocouitin.” 
\m  
\v 10 Pero ihcuac yehuan oyahqueh ocmocouitoh, oehcoc in novio, uan in ichpocameh naquin omochihchiuqueh ocalaqueh iuan itich in monamictililuitl, uan omotzacu in calten. 
\m  
\v 11 Satepan oehcoqueh nocsiquin ichpocameh, oquihtouayah: “¡ToTecotzin, toTecotzin, ixtechontlatlapouili!” 
\m  
\v 12 Uan yeh oquinnanquilih: “Tlamilauca innamechiluia, amo innamechixmati.” 
\p  
\v 13 ’Ica non, xonyectlachixtocan, pues amo nanconmatih tlen tonal uan tlen hora uitz niConeu in Tlacatl. 
\s1 Tlanihniuiltil ica in tlaqueualten tlen oquinmactihqueh tomin mactiquitilican 
\p  
\v 14 ’Nitiquiuahcayo Dios moniuilia iuan tlen oquichiu se tlacatl naquin ihcuac oyah uehca, oquinnotz nitlaqueualuan uan oquimiluih mactlachialican itich tlen iaxca. 
\p  
\v 15 ’Se ocmactih macuil tomin ipatca simpoual uan mahtlactli mil (30,000) tonaltiquitl, ocse ocmactih ome tomin ipatca mahtlactlamome mil tonaltiquitl, uan ocse ocmactih se tomin ipatca chicuasen mil tonaltiquitl, uan ohcon ninteco oquinmactih sehse quemeh yehuan ouilisquiah ictiquitiltisqueh. Uan satepan oyah uehca. 
\m  
\v 16 Naquin ocsilih macuil tomin oyah uan octiquitiltih, uan oquitlan oc macuil tomin. 
\m  
\v 17 Sannoiuqui ohcon naquin ocsilih ome tomin, oquitlan oc ome tomin. 
\m  
\v 18 Pero naquin ocsilih se tomin oquichiu se tlacoyoctli itich in tlali, uan ompa octlaatih nitomin niteco. 
\p  
\v 19 ’Satepan ihcuac yopanoc mic tonal oualah ninteco ninqueh tlaqueualten, uan oquintlahtlanilico maquiluican quenih octiquitiltihqueh nitomin. 
\m  
\v 20 Naquin ocsilih macuil tomin oualah inauac niteco uan ocualiquilih oc macuil tomin, oquiluih: “Noteco, otnechonmactih macuil tomin, ixconita, onictlan oc macuil tomin.” 
\m  
\v 21 Niteco oquiluih: “Simi cuali, teh cuali itnotlaqueual uan monauac uili semoyolchicaua. Uan nic cuali otcontiquitiltih tlen san tzocotzin onmitzonmactih, neh inmitzonmactis ocachi mic, axan xoncalaqui uan nouan xonpaqui.” 
\m  
\v 22 Noiuqui oualah inauac niteco naquin ocsilih ome tomin, uan oquiluih: “Noteco, ome tomin otnechonmactih, ixconita, onictlan oc ome tomin.” 
\m  
\v 23 In teteco oquiluih: “Simi cuali, teh cuali itnotlaqueual uan monauac uili semoyolchicaua. Uan nic cuali otcontiquitiltih tlen san tzocotzin onmitzonmactih, neh inmitzonmactis ocachi mic, axan xoncalaqui uan nouan xonpaqui.” 
\m  
\v 24 Uan naquin ocsilih se tomin noiuqui oualah inauac niteco, uan oquiluih: “Noteco, inmitzonixmati simi chicauac motlahtoltzin, tonpixca campa amo otontoocac, uan tontlaeua campa amo otontlatipeu. 
\m  
\v 25 Ica non onmitzonmouilih, uan oniah ontlaltoocac motomintzin. Uan axan nicancah tlen moyohcatzin.” 
\m  
\v 26 Niteco ocnanquilih: “Tlaqueual amo cuali uan tlatziuqui, tla queh otmatia nic inpixca campa amo ontoocac uan in tlaeua campa amo ontlatipeu, 
\m  
\v 27 tla ohcon, ocnamiquia oxtlalani notomin itich in banco, uan ihcuac onehcosquia, otnechonmactisquia ya iuan tlen oquitlan.” 
\m  
\v 28 In teteco oquimiluih naquin ompa ocatcah: “Ixcuilican in tomin uan ixmactican naquin icpia in mahtlactli tomin. 
\m  
\v 29 Tlamilauca innamechoniluia, naquin icpia, ocachi icmactisqueh, uan icpias ocachi. Uan naquin amo icpia, mayeh tlen tzocotzin icpia iccuilisqueh. 
\m  
\v 30 Uan nicancah amo cuali tlaqueual, ixcontlatiuican quiyauac itich in tlayouilotl, ompa chocas uan motlanquilotzcuas ica toneualis.” 
\s1 In tonal ihcuac Yehuatzin conihtos tlenoh intich moniqui in tocniuan itich nochi in tlalmeh 
\p  
\v 31 ’Ihcuac niConeu in Tlacatl ualmouicas ica nimouisticchicaualitzin uan iuan nochtin in iluicactlatitlanten [iaxcauan Dios], ihcuacon motlalis itich nimouistictiquiuahcaicpal. 
\m  
\v 32 Uan inauac quinnichicosqueh in tlalticpactlacameh tlen pouih itich nochi in tlalmeh, uan Yehuatzin quinxilos in tocniuan, quemeh in tlahpixqui quinxiloua in ichcameh uan in chivos. 
\m  
\v 33 In ichcameh quintlalis iyecmapan, uan in chivos iopochmapan. 
\m  
\v 34 Ihcuacon Yehuatzin in Ueyitiquiuahqui quimiluis tlen cateh iyecmapan: “Ixuiquican, tlateochiualten iaxcauan noTahtzin, xoncalaquican nican campa intlanauatia, yeh nin tlen namoaxca tlen yocatca tlayectlalil ipeuyan in tlalticpactli. 
\m  
\v 35 Pues ihcuac onmayan onannechontlamacaqueh; ihcuac onamic, onannechonmactihqueh atl; ihcuac oncatca uehca nochan uan amo onpiaya canih inmocauas, onannechonsilihqueh namocalihtic. 
\m  
\v 36 Ihcuac amo onpiaya notilmah, namehuantzitzin onannechontlaquentihqueh; ihcuac onmococouaya, onannechoncahcalaquitoh; ihcuac ontzacutoya, onannechonitatoh.” 
\m  
\v 37 Ihcuacon naquin oyah yec ninchiualis ictlahtlanisqueh: “ToTecotzin, ¿quemanian otmitzonitaqueh tonmayana uan otmitzontlamacaqueh, noso otonamiquia uan otmitzonmactihqueh atl? 
\m  
\v 38 ¿Noso quemanian otmitzonitaqueh toncah uehca mochantzin uan otmitzonsilihqueh tochan, noso amo otconpiaya tlenoh itconmoquentis uan otmitzontlaquentihqueh? 
\m  
\v 39 ¿Uan quemanian otmitzonitaqueh tonmococoua noso otontzacutoya uan otmitzonitatoh?” 
\m  
\v 40 Ihcuacon Yehuatzin in Ueyitiquiuahqui quinnanquilis: “Tlamilauca innamechoniluia, nochi tlen onanconchiuqueh ipampa semeh ninqueh nocniuan tlen amitlah inpanti, ictosniqui yen nehua onannechonchiuilihqueh.” 
\p  
\v 41 ’Ihcuacon noiuqui quimiluis naquin cateh iopochmapan: “Ixmihcuanican de nonauac, namehuan naquin namopan cah nicualanilitzin Dios; ixyacan itich in tlicotlatzacuiltilis tlen ica in sintitl nochipa, tlen tlachiutli ompa yasqui in amocuali uan nitematlancauan. 
\m  
\v 42 Pues ihcuac onmayan, amo onannechtlamacaqueh; ihcuac onamic, amo onannechmactihqueh atl. 
\m  
\v 43 Ihcuac oncatca uehca nochan, amo onannechsilihqueh namocalihtic; ihcuac amo onpiaya notilmah, amo onannechtlaquentihqueh; ihcuac onmococouaya uan ontzacutoya, amo onannechitatoh.” 
\m  
\v 44 Ihcuacon yehuan noiuqui ictlahtlanisqueh: “ToTecotzin, ¿quemanian otmitzonitaqueh tonmayana, tonamiqui, toncah uehca mochantzin, amo itconpia motilmahtzin, tonmococoua, noso otontzacutoya, uan amo otmitzonmatlanqueh?” 
\m  
\v 45 Ihcuacon Yehuatzin quinnanquilis: “Tlamilauca innamechiluia, ohcon quen amo onanconchiuqueh innauac semeh ninqueh tlen ocachi amotlen inpanti, ictosniqui yen nehua amo onannechonchiuilihqueh.” 
\m  
\v 46 Ihcuacon yehuan ninqueh yasqueh itich in tlatzacuiltilistli tlen ica in sintitl nochipa, uan naquin oyah yec ninchiualis yasqueh itich in yolilistli tlen ica in sintitl nochipa. 
\c 26  
\s1 Motlahtolmacah quenih icmictisqueh Jesús 
\r (Mr. 14:1-2; Lc. 22:1-2; Jn. 11:45-53) 
\p  
\v 1 Satepan ihcuac Jesús oquintlaminonotz nochi nin tlahtol, oquimiluih nitlasalohcauan: 
\p  
\v 2 —Ya nanconmatih, sa ome tonal poliui uan peuas in pascuahiluitl, uan ihcuacon niConeu in Tlacatl ictemactisqueh macsohsacan. 
\p  
\v 3 Ic ihcuacon in teopixcatlayacanqueh, [in teotlamachtanih] uan in tiquiuahqueh judíos omonichicohqueh itich niquiyau in ueyiteopixcatlayacanqui Caifás, 
\m  
\v 4 uan omotlahtolmacaqueh quenih uilis ictzitzquisqueh Jesús ica itlah istlacatilis, uan ohcon icmictisqueh. 
\m  
\v 5 Octouayah: 
\p —Tla ohcon itchiuasqueh, amo ohcon itchiuasqueh yehyeh itich in iluitl, amo yeh ualmahcocui nochi in altipetl. 
\s1 Se siuatzintli ictlalilia ahuiyactli in Jesús itich in altipetl Betania 
\r (Mr. 14:3-9; Jn. 12:1-8) 
\p  
\v 6 Ihcuac Jesús ocatca Betania, ichan Simón naquin octoocaayotayah Palax, 
\m  
\v 7 se siuatzintli omotoquih inauac Jesús. In siuatzintli ocuicaya se cuacualtzin cocontzin tentoc ica ahuiyactli simi patioh, uan ocnoquih itich nitzonticon Jesús ihcuac ocatca icah mesa. 
\m  
\v 8 Ihcuac ohcon oquitaqueh nitlasalohcauan, ocualanqueh uan oquihtohqueh: 
\p —¿Tleca sannencah motlacauiloua nin? 
\m  
\v 9 Nin ahuiyactli ouilisquia secnamacas ica mic tomin uan ica osequinmatlanisquia naquin amitlah icpiah. 
\p  
\v 10 Jesús oquicac nochi non, uan oquimiluih: 
\p —¿Tleca nanconmohsiuiah nin siuatzintli? Ixconmatican, yeh oquichiu se cuali chiualis nonauac. 
\m  
\v 11 Tlamilauca, in tocniuan tlen amitlah icpiah nochipa nican nanquimonpiasqueh namouantzin, pero neh amo nochipa nannechonpiasqueh namouan. 
\m  
\v 12 Nin siuatzintli ihcuac onechtlalilih nin ahuiyactli, quisa queh icchihchiutoc notlalnacayo ihcuac yas itich in ticochtli. 
\m  
\v 13 Tlamilauca innamechoniluia, ic cansaso campa ictenonotzasqueh nin tlahtol tlen cualica temaquixtilistli, ic nouiyan itich nochi in tlalticpactli, noiuqui momatis tlen oquichiu nin siuatzintli, uan ica non moilnamictos. 
\s1 Judas motetiquiuia ictemactis Jesús 
\r (Mr. 14:10-11; Lc. 22:3-6) 
\p  
\v 14 Ihcuacon semeh nimahtlactlamome itlasalohcauan, naquin itoocaa Judas Iscariote, oyah innauac in teopixcatlayacanqueh 
\m  
\v 15 uan oquimiluih: 
\p —¿Quexquich nannechonmactiah uan neh innamechonmactis Jesús? 
\p Yehuan oquiluihqueh icmactisqueh simpoual uan mahtlactli platahtomin. 
\m  
\v 16 Uan itich non tonal Judas opeu sa ictemoua quenih ictemactis Jesús. 
\s1 Jesús icpeualtia in cenahilnamicocatl 
\r (Mr. 14:12-25; Lc. 22:7-23; Jn. 13:21-30; 1 Co. 11:23-26) 
\p  
\v 17 Itich in tonal ihcuac peua in iluitl ihcuac quicuah in pan tlen amo icpia levadura, nitlasalohcauan Jesús omotoquihqueh inauac uan octlahtlanihqueh: 
\p —¿Canih itconniqui matyectlalitin nochi uan ohcon itconcuas in pascuahtlacual? 
\p  
\v 18 Yeh oquimiluih: 
\p —Xonyacan itich in altipetl, ichan non se tlacatl, uan ixconiluican: “In toTemachtihcau ictoua: Nohora ya ehcotoc, uan itich mochantzin nicuas in pascuahtlacual iuan notlasalohcauan.” 
\p  
\v 19 Nitlasalohcauan occhiuqueh quemeh Jesús oquintiquitih, uan occhihchiuqueh in pascuahtlacual. 
\p  
\v 20 Ihcuac yotlayouac, Jesús omotlalih icah in mesa iuan nimahtlactlamome itlasalohcauan. 
\m  
\v 21 Uan ihcuac yotlacuahtoyah, oquimiluih: 
\p —Tlamilauca innamechoniluia, semeh namehuantzitzin nechtemactis. 
\p  
\v 22 Yehuan tlailiuis otlaocoxqueh, uan sehse opeu ictlahtlani: 
\p —¿Max yen neh, noTecotzin? 
\p  
\v 23 Jesús oquinnanquilih: 
\p —Naquin tlapaloua nouan itich in caxitl, yehua nechtemactis. 
\m  
\v 24 Tlamilauca, niConeu in Tlacatl yas itich in miquilistli, ohcon quemeh ihcuiliutoc itich in Teotlahtolamatl icpanos yeh.\f + \fr 26:24 \ft Sal. 41:9\f* ¡Tlen quemah, ay tlasohtzintli necah naquin ictemactis niConeu in Tlacatl! Ocachi cuali oisquia para non tlacatl amo otlacatini. 
\p  
\v 25 Judas, naquin octemactisquia, octlahtlanih: 
\p —Tlamachtani, ¿max yen neh? 
\p Jesús oquiluih: 
\p —Touatzin ohcon yotconihtoh. 
\p  
\v 26 Ihcuac otlacuahtoyah, Jesús oquian in pan, octeochiu, occocoton uan oquinmactih nitlasalohcauan, uan oquimiluih: 
\p —Ixconanacan, ixconcuacan, nin yeh notlalnacayo. 
\p  
\v 27 Satepan Jesús oquian in vino, uan ihcuac yomotlasohcamat inauactzinco Dios, oquinmactih, uan oquimiluih: 
\p —Ixconsepanonican nin vino namonochtin, 
\m  
\v 28 nicancah yeh noeso tlen ica cana chicaualis in yancuic tlahtolsintilil tlen Dios icchiua iuan in tlacameh. Nin noeso xauanis inpampa miqueh, uan ica cahsisqueh tetlapohpoluilis de nintlahtlacol. 
\m  
\v 29 Tlamilauca innamechoniluia, ipeuyan axan acmo ocsipa inconis niayo in uva, tlamo hasta necah tonal ihcuac inconis namouantzin niyancuic ayo in uva ompa campa motlanauatilia noTahtzin. 
\s1 Jesús quiluia Pedro nic yexpa quihtos amo quixmati 
\r (Mr. 14:26-31; Lc. 22:31-34; Jn. 13:36-38) 
\p  
\v 30 Satepan ihcuac yomocuicatihqueh ica salmos, oyahqueh itich in tipetl Olivos. 
\m  
\v 31 Ihcuacon Jesús oquimiluih: 
\p —Nochtin namehuantzitzin nannechoncauteuasqueh nin youal, pues ohcon ihcuiliutoc itich in Teotlahtolamatl: “Incohcocos in tlahpixqui, uan nichcauan tlen quinpia xixinisqueh.”\f + \fr 26:31 \ft Zac. 13:7\f* 
\m  
\v 32 Pero satepan ihcuac yonyancuicayol, intlayacanas nias Galilea. 
\p  
\v 33 Pedro oquiluih: 
\p —Masqui nochtin mamitzoncauacan, neh ayic inmitzoncauas. 
\p  
\v 34 Jesús ocnanquilih: 
\p —Tlamilauca inmitzoniluia, itich nin youal, achtoh ihcuac tzahtzis in gallo, yexpa itconihtos amo itnechonixmati. 
\p  
\v 35 Pedro oquiluih: 
\p —Masqui mouantzin manechmictican, neh amo queman inquihtos amo inmitzonixmati. 
\p Uan nochtin nitlasalohcauan ohcon oquihtouayah. 
\s1 Jesús yaui Getsemaní icmonochilitiu Dios 
\r (Mr. 14:32-42; Lc. 22:39-46) 
\p  
\v 36 Satepan Jesús oyah inuan nitlasalohcauan campa itoocaayan Getsemaní, uan oquimiluih: 
\p —Nican xonmotlalican, neh manioh nepa manmonochilih Dios. 
\p  
\v 37 Oquinuicac in Pedro uan non omen iconeuan in Zebedeo. Jesús opeu simi tlaocoya uan oyolnemiquia. 
\m  
\v 38 Ihcuacon oquimiluih: 
\p —Tlailiuis mic tlaocol inpia itich noyolo, inmachilia nechmictia. Xonmocauacan nican uan nouan xontlachixtocan. 
\p  
\v 39 Jesús oyah ocachi nepa tlaixpan, omotlancuaquitz uan omixcuatocac itich in tlali, uan ihquin octlatlautih Dios: 
\p —Notahtzin, tla itcomoniquiltia, amo ixconcaua manconi nin xaloh de tlahyouilistli. Tlen quemah, amo mamochiua quen neh inniqui, yehyeh mamochiua tlen Tehuatzin motlaniquilitzin. 
\p  
\v 40 Jesús oualmocuip campa ocatcah nitlasalohcauan, uan oquimahsico cohcochtoqueh; uan oquiluih in Pedro: 
\p —¿Queutoc, amo onanconxicohqueh dion se hora nouan namontlachixtosqueh? 
\m  
\v 41 Xontlachixtocan uan xonmotlatlautican inauactzinco Dios manamechonmatlani amo xonuitzican ihcuac namechonyoltilanas in tlahtlacol. Tlamilauca, namoespíritu icpia non cuali tlaniquilis, pero namotlalnacayo amo chicauac. 
\p  
\v 42 Uan ocsipa oyah ocmonochilito Dios, uan ic opa ihquin oquihtoh: 
\p —Notahtzin, tla amo uili itnechonihcuanilia nin xaloh de tlahyouilis uan uilica inconis, mamochiua motlaniquilitzin. 
\p  
\v 43 Ocsipa oualmocuip uan oquimahsico cohcochtoqueh, nic nimixtololouan sa omotzacuayah quen simi ocochmiquiah. 
\m  
\v 44 Oquincauteu uan oyah, uan ic yexpatica ocmonochilito Dios, uan ocsipa oquihtoh quemeh achtoh. 
\m  
\v 45 Satepan oualah innauac nitlasalohcauan uan oquimiluih: 
\p —¿Oc namoncochisqueh, oc namonmoseuisqueh? Ixconitacan, yoehcoc in hora ihcuac niConeu in Tlacatl ictemactisqueh inmac in tlahtlacouanih. 
\m  
\v 46 ¡Xonmoquitzteuacan uan chouehqueh! Ixconitacan, ya ualahtoc naquin nechtemactis. 
\s1 Ictzitzquiah Jesús 
\r (Mr. 14:43-50; Lc. 22:47-53; Jn. 18:2-11) 
\p  
\v 47 Oc otlahtohtoya Jesús, ihcuac oehcoc in Judas, semeh nimahtlactlamome itlasalohcauan. Iuan oualayah miqueh tlacameh ica espadas, uan ocsiquin ica sehse inpoh. Yehuan intlatitlancauan in teopixcatlayacanqueh uan in tiquiuahqueh judíos. 
\m  
\v 48 Judas, naquin octemactih, yoquimiluihca: 
\p —Naquin neh inquixtenamiquis, yeh yehua, uan yehua ixcontzitzquican. 
\p  
\v 49 Ihcuacon omotoquih inauac Jesús uan oquiluih: 
\p —¡Manmitzmotlahpaluilihtzino, tlamachtani! 
\p Uan oquixtenamic. 
\m  
\v 50 Jesús oquiluih: 
\p —Nocnitzin, ¿tlenoh ic otoualah? 
\p Ihcuacon nocsiqui tlacameh omotoquihqueh inauac Jesús, uan octzitzquihqueh, uan ocuicaqueh ictzacuasqueh. 
\p  
\v 51 Pero semeh tlen iuan ocatcah Jesús ocquixtih niespada uan occohcocoh nitlaqueual in ueyiteopixcatlayacanqui, octiquilih ninacas. 
\m  
\v 52 Jesús oquiluih: 
\p —Ixconcalticho moespada campa ocatca, pues nochtin naquin quicuih in espada, noiuqui ica espada miquisqueh. 
\m  
\v 53 ¿Quenat itconyoluia neh amo uilis intlatlautis noTahtzin, uan Yehuatzin sanniman nechiualtitlanilis ocachi uan amo mahtlactlamome mil iluicactlatitlanten? 
\m  
\v 54 ¿Pero ohcon, quenih mochiuas tlen ihcuiliutoc itich in Teotlahtolamatl, tlen ictoua uilica ohcon mochiuas? 
\p  
\v 55 Itich non hora Jesús oquimiluih tlen ompa ocatcah: 
\p —¿Tleca onamoualahqueh onannechontzitzquicoh ica espadas uan ica pouitl, quemeh oisquia onancontzitzquicoh se ichtic? Mostlah onmotlalaya namouan uan ontlamachtaya icah in teopantli, uan yeh ompa amo onannechontzitzquihqueh. 
\m  
\v 56 Tlamilauca, nochi nin ohcon panotoc para ohcon mochiuas tlen oquihcuilohqueh in teotlanauatanih itich in Teotlahtolamatl. 
\p Ihcuacon nochtin nitlasalohcauan occauteuqueh ompa isel uan ocholohqueh. 
\s1 Jesús icuicah inauac in tiquiuahqueh judíos 
\r (Mr. 14:53-65; Lc. 22:54-55, 63-71; Jn. 18:12-14, 19-24) 
\p  
\v 57 Naquin octzitzquihqueh Jesús ocuicaqueh inauac in ueyiteopixcatlayacanqui Caifás, campa onichicautoyah in teotlamachtanih uan in tiquiuahqueh judíos. 
\m  
\v 58 Pero Pedro san uehca oyaya icuitlapan Jesús, uan ohcon oyah uan oahsito itich niquiyau in ueyiteopixcatlayacanqui. Ocalac uan omotlalih iuan in teananih, nic ocniquia quitas quenih oyacatlamisquia nochi non. 
\p  
\v 59 In teopixcatlayacanqueh uan nochi in ueyitiquiuahcayotl judío octemouayah itlah istlacatilis tlen ica icteiluisqueh, uan ohcon uilis ictemactisqueh itich in miquilistli. 
\m  
\v 60 Pero amo ocahsiqueh, masqui omoteixpantihqueh miqueh tlen ocualpahpantihtayah tlensa in Jesús. Pero sauil tipitzin oehcoqueh ome naquin 
\m  
\v 61 oquihtohqueh: 
\p —Necah tlacatl oquihtoh: “Neh uilis inxitinis niteopan Dios, uan ipan yeyi tonal ocsipa inmanas.” 
\p  
\v 62 Ihcuacon in ueyiteopixcatlayacanqui omosinquitz uan octlahtlanih Jesús: 
\p —¿Amo itlah itconihtos tlen ica tonmopaleuis? ¿Tlenoh ictosniqui nin tlen ica mitzteiluiah? 
\p  
\v 63 Pero Jesús amo onauatia. Ihcuacon in ueyiteopixcatlayacanqui oquiluih: 
\p —Ica nitoocaatzin Dios inmitztiquitia, ixtechilui: ¿Max yen teh in Cristo Temaquixtani, niConetzin Dios? 
\p  
\v 64 Jesús ocnanquilih: 
\p —Touatzin ohcon yotconihtoh. Uan neh innamechoniluia, ipeuyan axan nanconitasqueh niConeu in Tlacatl tolohtos iyecmapantzinco Dios naquin nochi mouilitia, uan nanconitasqueh ualahtoc itich in mixtli. 
\p  
\v 65 Ihcuacon in ueyiteopixcatlayacanqui ocnextih nitlauel ocmotzayanilih nitilmah, uan oquihtoh: 
\p —Ica tlen oquihtoh quisa queh ictilchiutoc nitoocaatzin Dios. ¿Tlenoh ocachi moniqui ica macteiluican? Namehuantzitzin axan yonanconcaqueh quen ica tlen oquihtoh quisa queh octihtilchiu nitoocaatzin Dios. 
\m  
\v 66 ¿Quenih nanconitah? 
\p Uan yehuan otlananquilihqueh: 
\p —¡Itich moniqui in miquilistli! 
\p  
\v 67 Ihcuacon oquixchihchaqueh uan ocmacayah ica maitl, uan ocsiquin oquixtlatzinayah. 
\m  
\v 68 Uan oquiluayah: 
\p —¿Touatzin tonCristo Temaquixtani? ¡Tla ohcon ixtechonmatilti aquih omitzonmacac! 
\s1 Pedro ictoua amo quixmati Jesús 
\r (Mr. 14:66-72; Lc. 22:56-62; Jn. 18:15-18, 25-27) 
\p  
\v 69 Pedro otolohtoya quiyauac itich in quiyautli. Ihcuacon se siuatl tlaqueual omotoquih inauac uan oquiluih: 
\p —Touatzin noiuqui teuan otoncatca iuan Jesús, in galileo. 
\p  
\v 70 Masqui ohcon oquiluihqueh, Pedro amo ocmopantih, uan imixpan nochtin oquihtoh: 
\p —Amo inmati tlenoh itcontohtoc. 
\p  
\v 71 Pedro yoyahtoya caltenco, uan ompa ocse siuatlaqueual oquitac, uan oquimiluih tlen ompa ocatcah: 
\p —Nin tlacatl noiuqui iuan ocatca in Jesús de Nazaret. 
\p  
\v 72 Pedro ocsipa oquihtoh amo quixmati Jesús, oquihtoh: 
\p —¡Dios quitztoc neh dion amo inquixmati necah tlacatl! 
\p  
\v 73 Sauil tzocotzin tlen ompa ocatcah omotoquihqueh inauac Pedro, uan oquiluihqueh: 
\p —Yeh milauac, touatzin tonpoui iuan nitlasalohcauan, niman secmati, nic quen tontlahtoua niman icnextia canih touitz. 
\p  
\v 74 Ihcuacon Pedro opeu ictoua mauitzi tlatzacuiltilis itich, tla istlacatoc. Uan octentlalaya Dios, octouaya: 
\p —¡Neh amo inquixmati non tlacatl! 
\p Sanniman ihcuacon otzahtzic in gallo. 
\m  
\v 75 Ihcuacon Pedro oquilnamic tlen Jesús yoquiluihca: “Achtoh ihcuac tzahtzis in gallo touatzin yexpa itconihtos amo itnechonixmati.” Pedro ihcuacon oquis quiyauac uan tlailiuis otlaocolchocac. 
\c 27  
\s1 Jesús icteixpantiah inauac Pilato 
\r (Mr. 15:1; Lc. 23:1-2; Jn. 18:28-32) 
\p  
\v 1 Ihcuac otlanes, nochtin in teopixcatlayacanqueh uan in tiquiuahqueh judíos omonichicohqueh, omotlahtolsintilihqueh quenih ictemactisqueh macmictican Jesús. 
\m  
\v 2 Uan oquihilpihqueh, uan octemactitoh inauac in gobernador Poncio Pilato. 
\s1 Nimiquilis in Judas 
\p  
\v 3 Judas, naquin octemactih Jesús, ihcuac oquitac Jesús octemactihqueh macmictican, pitzotic oquimat, uan oquicuip in simpoual uan mahtlactli platahtomin innauac in teopixcatlayacanqueh uan in tiquiuahqueh judíos. 
\m  
\v 4 Uan oquimiluih: 
\p —Ontlahtlacoh, pues ontemactih macmictican naquin amo icpia dion tlen tlahtlacol. 
\p Pero Yehuan oquiluihqueh: 
\p —¡Tehuan amo totiquiu! Ompa teh itmati. 
\p  
\v 5 Ihcuacon Judas octlatiuih in tomin icah in teopantli, uan oyah omopiloh, uan ohcon omic. 
\p  
\v 6 In teopixcatlayacanqueh ocnichicohqueh in tomin, uan octohqueh: 
\p —In tlanauatil amo techcauilia mattlalican iuan in tomin tlen monichicoua itich in teopantli, pues ica nin tomin omotlaxtlau acah macmictican. 
\p  
\v 7 Ica non omotlahtolsintilihqueh iccouasqueh ica non tomin in tlali tlen itoocaa itlal in Soquichiuani. Non tlali occouqueh ompa quintlalpachosqueh in tlen amo ompa inchan. 
\m  
\v 8 Ica non, non tlali octoocaayotihqueh Istlal, tlen hasta axan ohcon mixmati. 
\m  
\v 9 Uan ohcon omochiu tlen oquihtoh in teotlanauatani Jeremías, ihcuac oquihtoh: “Ocanqueh in simpoual uan mahtlactli platahtomin, tlen in israelitas octohqueh ohcon ipatiu, 
\m  
\v 10 uan octemactihqueh occouqueh in tlali tlen itoocaa itlal in soquichiuani, ohcon quemeh onechtiquitih in toTecotzin.” 
\s1 Pilato ictlahtoltia Jesús 
\r (Mr. 15:2-5; Lc. 23:3-5; Jn. 18:33-38) 
\p  
\v 11 Ic ihcuac, Jesús ocatca iixpan in gobernador, uan yeh octlahtlanih: 
\p —¿Max yen touatzin toninUeyitiquiuahcau in judíos? 
\p Jesús ocnanquilih: 
\p —Touatzin ohcon yotconihtoh. 
\p  
\v 12 Uan masqui in teopixcatlayacanqueh uan in tiquiuahqueh Judíos octeteiluayah, Jesús amo onauatia. 
\m  
\v 13 Ica non Pilato oquiluih Jesús: 
\p —¿Amo itconcaqui nochi tlen ica mitzonteiluiah? 
\p  
\v 14 Pero Jesús amotlen ocnanquilih; ica non in gobernador simi ocmotetzauih. 
\s1 Jesús ictemactiah macmictican 
\r (Mr. 15:6-20; Lc. 23:13-25; Jn. 18:38–19:16) 
\p  
\v 15 Xiutica itich in pascuahiluitl, in gobernador occahcauaya semeh naquin tzacutoqueh, naquin in tocniuan octouayah. 
\m  
\v 16 Ihcuacon otzacutoya se tlacatl itoocaa Barrabás, tlen ic nouiyan ocmatiah quenih oyah nichiualis. 
\m  
\v 17 Uan ihcuac omonichicoh in altipetl, Pilato oquintlahtlanih: 
\p —¿Aquih nanconniquih, mancahcaua, yen Barrabás, noso yen Jesús, naquin quixmatih Cristo Temaquixtani? 
\p  
\v 18 Pilato ohcon oquihtoh nic ocmatia quen ocnixicolitayah in Jesús uan ica non octemactihqueh. 
\p  
\v 19 Ihcuac Pilato otolohtoya itich nitiquiuahcaicpal, nisiuau octlatitlanilih maquiluican: “Amo tlen ixconchiuili non tlacatl tlen amotlen itlahtlacol, nin youal temohtih quen onechtemicuih.” 
\p  
\v 20 Pero in teopixcatlayacanqueh uan in tiquiuahqueh judíos oquintlahtolmacaqueh in tlen miqueh ompa ocatcah mactlahtlanican maccahcauacan yen Barrabás, uan Jesús macmictican. 
\m  
\v 21 Ihcuacon in gobernador ocsipa oquintlahtlanih: 
\p —¿Catliyeh de ninqueh omen nanconniquih mancahcaua? 
\p Uan yehuan octohqueh: 
\p —Yen Barrabás. 
\p  
\v 22 Pilato oquintlahtlanih: 
\p —¿Uan tlenoh nanconniquih manchiua ica Jesús, naquin quixmatih Cristo Temaquixtani? 
\p Nochtin otlananquilihqueh: 
\p —¡Ixconsohsa! 
\p  
\v 23 Pilato oquimiluih: 
\p —¿Tleca? ¿Tlenoh amo cuali oquichiu? 
\p Pero yehuan yehyeh ocachi chicauac opohtzahtziqueh: 
\p —¡Ixconsohsa! 
\p  
\v 24 Ihcuac Pilato oquitac acmo ouilia itlah icchiua, yehyeh ocachi oualmahcocuiah, otlatitlan ica siqui atl uan omomahtiquih imixpan nochtin. Uan oquimiluih: 
\p —Neh amo notlahtlacol tla nanconmictiah nin tlacatl [tlen amotlen itlahtlacol]. Oncan namehuan ixcontacan. 
\p  
\v 25 Nochtin oquihtohqueh: 
\p —¡Tla isqui tlatzacuiltil, mauitzi topan uan ipan in toconeuan! 
\p  
\v 26 Ihcuacon Pilato occahcau in Barrabás, uan otlatiquitih mactacapitzocan Jesús, uan satepan octemactih macsohsacan. 
\p  
\v 27 Nisoldados in gobernador ocuicaqueh Jesús icah in palacio, uan ompa inauac oquinnichicohqueh nochi ninsoldadohicniuan. 
\m  
\v 28 Ocquixtilihqueh nitilmah, uan ocahaquiltihqueh se tlaquentli chicauac chichiltic. 
\m  
\v 29 Uan occuacoscatihqueh ica uitztli, uan octzitzquiltihqueh se acatl itich niyecma. Uan omotlatlancuaquitzayah iixpan, ocuitzcayah uan oquiluayah: 
\p —¡Itmitzmotlahpaluiliah, inUeyitiquiuahcau in judíos! 
\p  
\v 30 Noiuqui occhihchayah, uan occuilihqueh in acatl uan ica ocmacayah itich nitzonticon. 
\m  
\v 31 Ihcuac ohcon ica youitzcaqueh, ocquixtilihqueh in tlaquentli uan octlalilihqueh ocsipa nitilmah, uan yocuicaqueh yocsohsatoh itich in cruz. 
\s1 Jesús icsohsah itich in cruz 
\r (Mr. 15:21-32; Lc. 23:26-43; Jn. 19:17-27) 
\p  
\v 32 Ihcuac yoyayah itich in ohtli ocahsiqueh se tlacatl itoocaa Simón, naquin opouia itich in ueyi altipetl Cirene, yeh occhiualtihqueh macuica nicruz in Jesús. 
\p  
\v 33 Ihcuac oahsitoh campa itoocaayan Gólgota, tlen ictosniqui Miquetzonticontlah, 
\m  
\v 34 ompa ocmactihqueh vino maniltic iuan toneucapahtli chichic itoocaa Hiel; pero ihcuac ocyecoh, amo oquinic oconic. 
\p  
\v 35 Ihcuac yocsohsaqueh itich in cruz, in soldados ocmotlatlanilihqueh nitilmah uan ocmoxixiluihqueh. [Ohcon omochiu tlen oquihtoh in teotlanauatani: “Ocmosepanxixiluihqueh notilmah, uan ocmotlatlanilihqueh notlaquen.”] 
\m  
\v 36 Uan satepan omotlahtlalihqueh, uan ompa ocpihpixtoyah. 
\m  
\v 37 Tlacuac itich in cruz octlalihqueh se tlahcuilol tlen ocnextaya tleca octlatzacuiltihqueh, octouaya: “Nin yen Jesús, ninUeyitiquiuahcau in judíos.” 
\p  
\v 38 Noiuqui iuan ompa oquinsohsaqueh ome ichtictemictanih, se tlayecmapan uan ocse tlaopochmapan. 
\m  
\v 39 Naquin ic ompa opanouayah omocuauiuixouayah uan pitzotic octeneuayah, 
\m  
\v 40 oquiluayah: 
\p —Teh, naquin uilis itxitinis in teopantli uan ipan yeyi tonal ityancuicachiuas, teh mosel ixmopaleui. Tla milauac tiConeu Dios, ixtimo den cruz. 
\p  
\v 41 Sannoiuqui ohcon in teopixcatlayacanqueh iuan in teotlamachtanih, uan in fariseos uan in tiquiuahqueh judíos ica ouitzcayah, oquihtouayah: 
\p  
\v 42 —Ocsiquin oquinpaleuih, uan queutoc axan yeh amo uili mopaleuia. Tla yeh milauac yeh niueyitiquiuahcau Israel, axan matimo den cruz uan itniltocasqueh. 
\m  
\v 43 Moyolchicaua iuan Dios, macpaleui yeh tla milauac ictlasohtla, pues yeh oquihtoh: “Neh niConeu Dios.” 
\p  
\v 44 Sannoiuqui ohcon in ichtiqueh naquin inauac osohsatoyah ohcon tlensaso oquihiluayah. 
\s1 Jesús momiquilia 
\r (Mr. 15:33-41; Lc. 23:44-49; Jn. 19:28-30) 
\p  
\v 45 Ihcuac oahsic tlahcotonal, itich nochi in tlalticpactli otlayouac, uan ohcon otlayouatoya hasta ipan yeyi hora tiotlac. 
\m  
\v 46 Quemeh yeyi hora tiotlac, Jesús chicauac otzahtzic uan oquihtoh: 
\p —Elí, Elí, ¿lama sabactani? —tlen ictosniqui: NoDios, noDios, ¿tleca otnechmocauililih nosel? 
\p  
\v 47 Siquin tlen ic ompa ocatcah, ihcuac ohcon occaqueh, octohqueh: 
\p —Necah icnotztoc in teotlanauatani Elías. 
\p  
\v 48 Ihcuacon semeh yehuan omotlaloh, oquian se esponja, ocpaltilih ica vino xococ, uan ocyacatlalilih se acatl uan ocmactih maconi Jesús. 
\m  
\v 49 Pero ocsiquin oquiluihqueh: 
\p —Ixchia, itquitasqueh max uitz Elías icpaleuiquiu den miquilis. 
\p  
\v 50 Ihcuacon Jesús ocsipa chicauac otzahtzic, uan omomiquilih. 
\m  
\v 51 Itich non hora in tilmahtli tlen ica otlahcoxiliutoya in teopantli otlahcotzayan tlacpac hasta icxitlan, uan otlalolin, uan cuahcual timeh otlahcotlapanqueh, 
\m  
\v 52 uan in miqueticochten omotlapohqueh, uan miqueh iaxcatzitzin Dios tlen yomiccah, ocsipa oyolqueh. 
\m  
\v 53 Oquisqueh den miqueticochten, uan satepan ihcuac Jesús oyancuicayol oyahqueh itich in mouistic altipetl Jerusalén, uan ompa miqueh oquimitaqueh. 
\p  
\v 54 In soldadohtlayacanqui uan naquin ompa iuan oquitztoyah Jesús, tlailiuis omomohtihqueh ihcuac oquitaqueh in tlalolintli uan nochi tlen omochiu. Oquihtohqueh: 
\p —Tlamilauca, nin yehua niConetzin Dios. 
\p  
\v 55 Ompa ocatcah miqueh siuameh tlen san uehca onaltlachixtoyah. Yehuan oualahqueh iuan Jesús desde Galilea, uan ocmatlaniah. 
\m  
\v 56 Teuan ocatcah in María Magdalena, uan nocse María ninmaman in Jacobo uan José, uan in temaman de niconeuan in Zebedeo. 
\s1 Jesús iccauatiueh itich in ticochtli 
\r (Mr. 15:42-47; Lc. 23:50-56; Jn. 19:38-42) 
\p  
\v 57 Ihcuac yotlapoyauisquia, oualah se tlacatl tominehqui tlen poui de Arimatea, itoocaa José, yeh noiuqui ocatca itlasalohcau Jesús. 
\m  
\v 58 Yeh oyah inauac in Pilato uan octlahtlanilih nitlalnacayo Jesús. Uan Pilato yeh otlanauatih macmactican. 
\m  
\v 59 Uan José oquian nitlalnacayo Jesús, uan ocquiquimiloh ica se linohtilmahtli chipauac. 
\m  
\v 60 Satepan occauato itich se miqueticochtli yancuic, tlen yeh oquichiu ipoxpan se ueyi titl. Satepan ocxolau se ueyi titl tlen ica occaltentzacu in ticochtli uan oyah. 
\m  
\v 61 Ompa ocatca in María Magdalena uan nocse María, otolohtoyah iixpan in miqueticochtli. 
\s1 Tlatitlanih macpihpiacan in miqueticochtli 
\p  
\v 62 Ihcuac yopanoc in tonal ihcuac tlayectlaliah, oualimostic, ihcuac ya moseuilistonal, omonichicohqueh in teopixcatlayacanqueh uan in fariseos inauac in Pilato 
\m  
\v 63 uan oquiluihqueh: 
\p —Toteco, otquilnamiqueh nic necah tlacahcayauani, ihcuac oyoltoya, oquihtoh mach ipan yeyi tonal yancuicayolis. 
\m  
\v 64 Ica non, xontlatitlani yec matlapihpiatin itich in ticochtli hasta maahsi in yeyi tonal. Amo yeh yaueh nitlasalohcauan youac uan quichtiquih nitlalnacayo Jesús, uan satepan quimiluisqueh in tocniuan: “Oyancuicayol itich miquilistli.” Tla ohcon mochiua, ica nin tlacahcayaualis ocachi tlaouehtis uan amo ica in tlen achtoh. 
\p  
\v 65 Pilato oquimiluih: 
\p —Innamechinmactia ninqueh soldados tlen tlapihpiah. Xonyacan uan ixconchiuacan nochi tlen nanconyoluiah moniqui para amotlen mamochiua. 
\p  
\v 66 Ihcuacon oyahqueh uan cuali octzacuqueh in ticochtli, octlalilihqueh sello in titl, uan oquincauqueh in soldados matlapihpiacan. 
\c 28  
\s1 Jesús yancuicayoli 
\r (Mr. 16:1-8; Lc. 24:1-12; Jn. 20:1-10) 
\p  
\v 1 Opanoc in moseuilistonal uan oualimostic, ihcuac yotlanestaya, itich nipeuyan in semana, in María Magdalena uan nocse María oyahqueh octatoh in ticochtli. 
\m  
\v 2 Ihcuacon omochiu se ueyi tlalolintli, pues se iiluicactlatitlancau in toTecotzin oualtimoc iluicac, oehcoc icah in ticochtli, oquihcuanih in titl uan omotlalih ipan. 
\m  
\v 3 In iluicactlatitlantli otlahtlamatia quemeh se tlapitlanil, uan nitlaquen istac quemeh in istac sitl. 
\m  
\v 4 Ihcuac in tlapihpianih oquitaqueh, ouiuiyocaqueh ica mohcayotl, uan omocauqueh queh miquemeh. 
\m  
\v 5 Pero in iluicactlatitlantli oquimiluih in siuameh: 
\p —Namehuan amo xonmomohtican. Neh inmati nic namehuantzitzin nancontemouah Jesús, naquin ocsohsaqueh. 
\m  
\v 6 Yeh acmo nicancah, yeh yoyancuicayol ohcon quemeh oquihtoh. Xouiquih, ixconitaquih nican campa octlalihcah in toTecotzin. 
\m  
\v 7 Niman xonyacan ixquimoniluitin nitlasalohcauan nic yoyancuicayol itich miquilistli uan tlayacantos yas Galilea, ompa nanconitasqueh. Yehua nin tlen ica onechualtitlanqueh mannamechonnauatiqui. 
\p  
\v 8 Ihcuacon yehuan oquisqueh den ticochtli ica mohcayotl, uan noiuqui ica mic paquilistli, uan otzicuinqueh oquinmatiltitoh nitlasalohcauan Jesús. Uan ihcuac oyahtoyah quinmatiltitiueh nitlasalohcauan, 
\m  
\v 9 ihcuacon Jesús oquinnamic uan oquimiluih: 
\p —Innamechontlahpaloua. 
\p Yehuan omotoquihqueh, uan ocxonauahqueh uan octlacachiuqueh. 
\m  
\v 10 Jesús oquimiluih: 
\p —Amo xonmomohtican. Xonyacan, ixquimoniluican nocniuan mayacan Galilea, ompa nechitasqueh. 
\s1 Quinsintlacaquitiah ica tomin in soldados 
\p  
\v 11 Ihcuac in siuameh yoyayah itich in ohtli, siquin soldados tlen otlapihpixtoyah oyahqueh itich in altipetl uan oquinmatiltitoh in teopixcatlayacanqueh nochi tlen omochiu. 
\m  
\v 12 In teopixcatlayacanqueh omonichicohqueh iuan in tiquiuahqueh judíos, uan ohcon quen omotlahtolsintilihqueh oquinmactihqueh mic tomin in soldados, 
\m  
\v 13 uan oquimiluihqueh: 
\p —Namehuan ixquihtocan: “Nitlasalohcauan Jesús oahsiqueh youac uan oquichtiqueh ihcuac tehuan otcochtoyah.” 
\m  
\v 14 Uan tla in gobernador icmati non, tehuan itnamechtlahtouisqueh, uan amo itcauasqueh itlah manamechchiuili. 
\p  
\v 15 Yehuan ocanqueh in tomin, uan occhiuqueh quen oquinnauatihqueh. Uan hasta axan non tlahtol motematiltia iuan judíos. 
\s1 Jesús quintlatiquitia nitlasalohcauan 
\r (Mr. 16:14-18; Lc. 24:36-49; Jn. 20:19-23) 
\p  
\v 16 Uan in mahtlactlanse itlasalohcauan Jesús oyahqueh Galilea, itich in tipetl campa Jesús oquimiluih. 
\m  
\v 17 Uan ihcuac oquitaqueh, octlacachiuqueh; masqui ohcon, siquin oyolometiah. 
\m  
\v 18 Jesús omotoquih innauac uan oquimiluih: 
\p —Nochi chicaualistli onechmactihqueh itich in iluicac uan itich in tlalticpactli. 
\m  
\v 19 Ica non, xonyacan ic nouiyan itich nochi in tlalticpactli, ixquimonmachtitin maican notlasalohcauan. Ixquimoncuatequican ica nitoocaatzin noTahtzin, uan ica nitoocaatzin niConetzin, uan ica nitoocaatzin in Espíritu Santo, 
\m  
\v 20 uan ixquimonmachtican macchiuacan nochi tlen neh onnamechonnauatih. Ixconmatican, neh nisqui namouan ica in sintitl mostlah, hasta ihcuac yacatlamis in tlalticpactli. [Amén.]