\id PSA 
\ide UTF-8
\h SALMOS
\toc1 Salmos
\toc2 SALMOS
\toc3 Sal.
\mt1 Salmos
\c 1
\s1 Tlajtlacolchihuani huan tlacame tlen xitlahuaque iixpa Toteco
\q1
\v 1 Paqui nopa tlacatl tlen ax quitlacaquilía inintlajtol ax cuajcualme,
\q1 niyon ax quintoquilía tlajtlacolchihuani.
\q1 Niyon ax mohuica ininhuaya tlen ica paquij TOTECO.
\q1
\v 2 Nopa tlacatl quipantía hueyi paquilistli pampa quichijtinemi tlen quiijtohuaj itlanahuatilhua TOTECO,
\q1 huan ipan nopa tlanahuatili moyolilhuijtinemi tonaya huan tlayohua.
\q1
\v 3 Nopa tlacatl itztoc queja se cuahuitl tlen moscaltía nechca atemitl,
\q1 huan temaca itlajca quema ipohual huan ax quema xihuiyo tepehui.
\q1 Nochi tlen quichihua quisa cuali.
\q1
\v 4 Pero ax queja nopa ica tlacame tlen ax cuajcualme,
\q1 pampa inijuanti itztoque queja tlasoli tlen quihuica ajacatl.
\q1
\v 5 Yeca quema TOTECO tetlajtolsencahuas,
\q1 nopa ax cuajcualme ax huelise quiijiyohuise,
\q1 pampa yajaya tlahuel chicahuac quintlatzacuiltis.
\q1 Quena, ipan nopa tonal tlajtlacolchihuani ayoc huelis mocahuase ininhuaya tlacame tlen itztoque xitlahuaque iixpa.
\q1
\v 6 Pampa TOTECO quimati nopa ojtli tlen ipan nemij tlacame tlen itztoque xitlahuaque,
\q1 pero tlacame tlen quichihuaj tlen ax cuali, polihuise.
\c 2
\s1 Quema tlanahuatis Icone TOTECO
\q1
\v 1 Se huihuiyotl para tlanahuatiani huan inintlacajhua tlen ax quiixmatij TOTECO ma motlalanaca iixpa.
\q1 San tlapic mototonise huan quisencahuase tlen fiero quichihuase.
\q1
\v 2 Tlanahuatiani huan tlayacanca tequihuejme ipan tlaltepactli mosisinise,
\q1 huan mocamahuise tlachque huelis quichihuilise TOTECO huan nopa Tlanahuatijquetl Tlen Yajaya Quitlapejpenijtoc.
\q1
\v 3 Tlahuelchihuase huan moijilhuise:
\q1 “Ma timoquixtilica nopa tepos cadena tlen ica techilpitoc.
\q1 Ma timomanahuica para ayoc huelis technahuatis TOTECO.”
\q1
\v 4 Pero Toteco tlen itztoc nepa elhuicac huan quinahuatía nochi,
\q1 san quinhuetzquilis.
\q1 Quena, san ininca paquis,
\q1 pampa iixpa ya ax tleno ipati tlen inijuanti quipilsencahuase.
\q1
\v 5 Teipa quema quiyolaxitise TOTECO,
\q1 melahuac quinixcoilhuis.
\q1 Huan ica miyac cualantli quinmajmatis huan quiijtos:
\q1
\v 6 “Ya nijtlalijtoc notlanahuatijca para tlanahuatis ipan altepetl Jerusalén.
\q1 Yajaya mosehuis ipan isiyaj yejyectzi nepa ipan notepe tlatzejtzeloltic tlen itoca Sion.”
\q1
\v 7 Huan tlen TOTECO quitlapejpenijtoc para itlanahuatijca quiijtos:
\q1 Nitlayolmelahuas tlen TOTECO nechilhuijtoc huan ya ni tlen quiijto:
\q1 “Ta tiTlanahuatijquetl, tiNocone.
\q1 Ama nitlayolmelahua tlamiyacapa para na nimoTata.
\q1
\v 8 Xinechtlajtlani huan nimitzmacas nochi tlaltini huan inintlacajhua para moaxcahua.
\q1 Quena, tijselis hasta nochi tlaltepactli para moaxca.
\q1
\v 9 Xiquinnahuati chicahuac queja se tlanahuatijquetl tlen tlanahuatía ica tepostli imaco para ica tetlatzacuiltis.
\q1 Quena, xiquinomiyopojpostequi mosisinijca tlacame queja elisquíaj soqui chachapali.”
\q1 (Queja nopa TOTECO quitequimacac itlanahuatijca ma quichihua.)
\q1
\v 10 Yeca, intlanahuatiani huan intequitini ipan tlaltepactli,
\q1 ximotlalnamictica huan ximomocuitlahuica ica tlen inquichihuaj.
\q1 Ama xijtlacaquilica tlen nimechilhuía quema noja inhuelij.
\q1
\v 11 Xijtequipanoca TOTECO huan nojquiya xiquimacasica huan xijtlepanitaca pampa inmomacaj cuenta ajqueya ya.
\q1 Xijhueyichihuaca TOTECO ica paquilistli huan xiquimacasica inquichihuase tlen ax quinamiqui.
\q1
\v 12 Ximotlancuaquetzaca iixpa Icone TOTECO ica majmajtli huan xijtzoponica.
\q1 Intla axtle, huelis intlalochmiquise pampa yajaya nimantzi cualani.
\q1 Pero nelía paquij tlacame tlen motemachíaj ipan ya para ma quinpalehui.
\c 3
\s1 Se tlamaijtoli para Toteco Dios ma quipalehui
\q1
\v 1 TOTECO, nelía momiyaquilíaj nocualancaitacahua.
\q1 Quena, nelmiyac motlalanaj para nechtehuise.
\q1
\v 2 Miyac quiijtohuaj para ta ax quema tinechpalehuis.
\q1
\v 3 Pero TOTECO, ta tinechyahualohua para tinechmanahuis.
\q1 Ta tlen tinechhueyitlalía huan san ta tlen tihueli tinechyolchicahua.
\q1
\v 4 Chicahuac nimitztzajtzili, TOTECO,
\q1 para tinechpalehuis.
\q1 Huan ta tinechnanquili hasta campa tionitztoc nepa ipan motepe tlen tlatzejtzeloltic.
\q1
\v 5 Yeca nimotejqui huan cuali nicochqui.
\q1 Huan quema niisac,
\q1 ax tleno nopantitoya pampa ta, TOTECO, tinechmocuitlahuía.
\q1
\v 6 Ama ayoc nechmajmatise yonque majtlactli mil nocualancaitacahua nechyahualose para nechtehuise.
\q1
\v 7 Ximotlalana, TOTECO.
\q1 Xinechmaquixti, ta tinoTeco Dios.
\q1 Chicahuac xiquinmaquili nochi nocualancaitacahua ipan ininxayac.
\q1 Xiquintlanpojpostequi nopa mosisinijca tlacame,
\q1 para tlamis nochi ininchicahualis huan ax tleno huelis nechchihuilise.
\q1
\v 8 San ta, TOTECO, hueli titemaquixtía.
\q1 Hueyi paquilistli quipiyaj nochi motlacajhua.
\c 4
\s1 Monequi timotemachise ipan Toteco Dios
\q1
\v 1 Toteco Dios, ta tinechchijtoc nixitlahuac moixpa,
\q1 Nimitztlajtlanía, xinechnanquili quema nimitznojnotza.
\q1 Ta tlen nochipa tinechpalehuía quema nitlaijiyohuía,
\q1 ama sampa xinechtlasojtla huan xijcaqui quema nimomaijtohua.
\b
\q1
\v 2 Huan Toteco quinanquili:
\q1 “Intlacame, xijtlacaquilica ya ni:
\q1 ¿Hasta quema tlamis para noca inpaquise,
\q1 tlen más quinamiqui nijselis tlatlepanitacayotl?
\q1 ¿Hasta quema tlamis inquinhueyichihuase tlaixcopincayome tlen ax neli ya Tecojtli?
\q1 ¿Hasta quema tlamis inmocahuilise ma inmechcajcayahuaca?”
\b
\q1
\v 3 Intlacame, xijmatica ya ni.
\q1 TOTECO techiyocatlalijtoc para tiiaxcahuaj nochi tojuanti tlen techcojtoc.
\q1 Huan yajaya nechtlacaquilía quema nijnojnotza huan nechchihuilía tlen nijtlajtlanía.
\q1
\v 4 Yonque inhuihuipicaj ica cualantli,
\q1 amo xitlajtlacolchihuaca.
\q1 Quema inmotectose ipan imotlapech huan ax tleno molinía,
\q1 ximoyolilhuica tlen eltoc ipan imoyolo.
\q1
\v 5 Xijchihuaca tlen quinequi TOTECO huan ya nopa elis queja inquimacasquíaj se tlacajcahualistli tlen quipactía.
\q1 Quena, ximotemachica ipan ya.
\b
\q1
\v 6 Miyac quiijtohuaj:
\q1 “Axaca huelis techpalehuis.”
\q1 Pero ta tihueli, TOTECO.
\q1 Titechcualita huan titechtiochihua.
\q1
\v 7 Ta tijtlalijtoc ipan noyolo más paquilistli,
\q1 huan ax queja tlen quipiyaj tlacame tlen quipixcaj miyac trigo,
\q1 o quipiyaj miyac xocomecatl iayo.
\q1
\v 8 Yeca na nimotecas ica paquilistli ipan noyolo huan ica cuali nicochis,
\q1 pampa nijmati san ta, TOTECO, tinechmanahuía huan axaca huelis tleno nechchihuilis.
\c 5
\s1 Mojmostla cualca David momaijto
\q1
\v 1 TOTECO, xijtlacaquili notlajtol.
\q1 Xinechchihuili cuenta quema niayijtía.
\q1
\v 2 Ta tinoTeco Dios tlen tiitztoc tinotlanahuatijca, xinechtlacaquili quema nimitztlajtlanía xinechpalehui,
\q1 pampa axaca seyoc nijtlajtlanía.
\q1 San nimomaijtohua moca ta.
\q1
\v 3 Sese ijnaloc nelcualca nimitzpohuilía tlen nopanti, TOTECO.
\q1 Mojmostla nimitztlajtlanía tlen monequi,
\q1 huan san nimochiya para tinechnanquilis.
\q1
\v 4 Ta tiToteco Dios tlen ax mitzpactía tlen ax cuali.
\q1 Yeca ax tiquincahuilía ax cuajcualme ma itztoca mohuaya.
\q1
\v 5 Tlen mohueyimatij ax hueli moquetzase moixpa.
\q1 Ax tijnequi tiquinitas nochi nopa tlacame tlen quichihuaj tlen ax cuali.
\q1
\v 6 Tiquintzontlamiltía tlacame tlen istlacatij.
\q1 Quena, TOTECO, ax tijnequi tiquinitas tlen tlacajcayahuaj huan temictíaj.
\q1
\v 7 Pero na, pampa hueyi moteicnelijcayo,
\q1 huelis nicalaquis mochaj.
\q1 Quena, huelis nimitzhueyichihuas ipan motlatzejtzeloltijca tiopa,
\q1 pampa nimitztlepanita huan nimajmahui para nimitzixpanos.
\q1
\v 8 TOTECO, xinechyacana queja nohuaya timocajtoc tijchihuas,
\q1 pampa itztoque nocualancaitacahua.
\q1 Xinechnextili moojhui tlen xitlahuac.
\q1
\v 9 Nocualancaitacahua ax quema quiijtohuaj tlen melahuac.
\q1 Axaca hueli motemachía ipan inintlajtol.
\q1 Ipan ininyolo san quinequij tetzontlamiltise.
\q1 Inincamac eltoc fiero queja quema quitlapohuaj se mijca tlacoyoctli.
\q1 Tecamahuíaj ica tlajtoli tlen yejyectzi san para tlacajcayahuase.
\q1
\v 10 Xiquintlatzacuilti, noTeco Dios.
\q1 Xiquinmasilti ica tlen ax cuali moilhuijtoque quinchihuilise sequinoc.
\q1 Xiquinhuejcamajcahua pampa miyac inintlajtlacolhua.
\q1 Quena, xiquinhuejcamajcahua pampa mohuejcachijtoque tlen ta.
\q1
\v 11 Pero ma paquica nochi tlen motemachíaj ipan ta para xiquinpalehui.
\q1 Nochipa ma huicaca ica paquilistli pampa ta tiquinmanahuía.
\q1 Tlen mitzicnelíaj paquij ipan ta.
\q1
\v 12 Pampa ta, TOTECO, tiquintiochihua tlen quichihuaj tlen xitlahuac moixpa.
\q1 Moteicnelijcayo quinyahualohua queja se tepos pantzajcayotl tlen quinmocuitlahuía.
\c 6
\s1 Quejatza ma timomaijtoca quema timocuesohuaj
\q1
\v 1 TOTECO, amo xinechajhua quema ticualani.
\q1 Amo xinechtlatzacuilti quema tlahuel ticualantoc.
\q1
\v 2 Xinechtlasojtla, pampa nimococohua.
\q1 TOTECO, xinechchicahua, pampa tlahuel nechcocohua nochi notlacayo.
\q1
\v 3 Nihuihuipica ica majmajtli huan ax nijmati tlachque nijchihuas.
\q1 Huan ta TOTECO, ¿hasta quema tihualas para tinechtlalanas?
\q1
\v 4 Xihuala, TOTECO, xinechmanahuiqui para ax nimiquis.
\q1 Xinechmaquixti pampa tlahuel tinechicnelía.
\q1
\v 5 Axaca tlen mictoc huelis mitzilnamiquis.
\q1 ¿Ajqueya huelis mitzhueyichihuas intla mictoc huan ya quitlalpachojtoque?
\q1
\v 6 Ya tlanqui nofuerza ica choquistli.
\q1 Sesen yohuali nichoca miyac hasta nijtlamixolonía notzonteto.
\q1
\v 7 Nichocatoc miyac hasta nechcocohua noixtiyol huan ayoc hueli nitlachiya.
\q1 Quena, nichoca quema nimoilhuía tlen nocualancaitacahua nechchihuilijtoque.
\b
\q1
\v 8 Xinechtlalcahuica, tlajtlacolchijca tlacame,
\q1 pampa TOTECO quicactoc queja nichoca.
\q1
\v 9 Yajaya quicactoc tlen nijtlajtlanijtoc,
\q1 huan quiselijtoc notlamaijtol.
\b
\q1
\v 10 Nochi nocualancaitacahua mopinahuase huan huetzise.
\q1 Ica se tlalochtli TOTECO quincuepas ica pinahualistli.
\c 7
\s1 TOTECO tetlajtolsencahua xitlahuac
\q1
\v 1 TOTECO, ta tlen tinoDios,
\q1 ipan ta nimotemachía para tinechmanahuis.
\q1 Xinechmaquixti ininmaco nochi tlen nechtoquilijtinemij.
\q1
\v 2 Nocualancaitacahua itztoque queja tecuanime huan intla ta ax tinechmanahuis,
\q1 nechcocototzase huan axaca nechmaquixtis.
\q1
\v 3 TOTECO, intla nelía nijhuicasquía tlajtlacoli,
\q1 quinamiqui ma nechcocolica.
\q1
\v 4 Intla nijcuepilijtosquía ica tlen ax cuali se nohuampo tlen cuali itztoya nohuaya,
\q1 huajca quena.
\q1
\v 5 Intla queja nopa nijchijtosquía,
\q1 huajca ma nechtepotztoca nocualancaitaca.
\q1 Ma nechajsiti huan ma nechhuahuatatza,
\q1 huan ma nechpinahualti,
\q1 pero axaca queja nopa nijchihuilijtoc.
\q1
\v 6 Ximotlalana, TOTECO, ica cualantli.
\q1 Xicualani miyac ica nocualancaitacahua queja inijuanti nechcocolíaj.
\q1 Ximoquetza tlatlajco campa tojuanti,
\q1 huan xiquintetzopa ma nechchihuilica tlen xitlahuac.
\q1
\v 7 Se tonal tlacame tlen nochi tlaltini mitzyahualojtose,
\q1 huan ta tiquintlajtolsencahuas campa timosehuijtoc ipan mosiyaj yejyectzi nepa elhuicac.
\q1
\v 8 Quena, TOTECO tiquintlajtolsencahuas nochi tlacame ipan nochi tlaltini.
\q1 Huajca nojquiya tinechtlajtolsencahua na, TOTECO, ica tlen cuali nijchijtinentoc.
\q1 Ta tlen más tihueyi,
\q1 tinechnextijtoc iniixtla nochi tlacame para ax nijpiya tlajtlacoli.
\q1
\v 9 Ta, tiToteco Dios, tlen titetlajtolsencahua xitlahuac.
\q1 Xijtlachili inintlalnamiquilis tlacame huan xijyejyeco tlen quipiyaj ipan ininyolo.
\q1 Xijtlamilti tlen quichihuaj nopa ax cuajcualme,
\q1 pero xitechchihua tielise titemachme tojuanti tlen timonejnemiltíaj cuali moixpa.
\b
\q1
\v 10 Toteco Dios nechyahualohua para nechmanahuis.
\q1 Quinmaquixtía tlen quipiyaj ininyolo xitlahuac iixpa.
\q1
\v 11 Toteco Dios yajaya se juez tlen tetlajtolsencahua xitlahuac.
\q1 Mojmostla cualani ininca ax cuajcualme.
\q1
\v 12 Intla se tlacatl ax moyolcuepas,
\q1 Toteco Dios quitentis imachete para quitzontlamiltis.
\q1 Huan quicualtlalis icuahuitol tlen ica quimictis.
\q1
\v 13 Ya quicualtlalijtoc itlatehuijca teposhua huan quinhualica imaco para temictis.
\q1 Quipixtoc miyac cuatlamintli tlen lementoque para tetzontlamiltis intla ax moyolcuepaj.
\q1
\v 14 Se tlacatl tlen ax cuali san quinequi tecocos,
\q1 huan san moilhuía tlen fiero hueli quichihuas huan teipa icamaco quisa san istlacayotl.
\q1
\v 15 Se tlen quichihua se tlacoyoctli para quimasiltis seyoc,
\q1 teipa ya huetzis campa tlaxajqui.
\q1
\v 16 Queja nopa nojquiya ica tlen fiero se tlacatl quinchihuilía sequinoc,
\q1 teipa mocuepas ipan ya.
\q1
\v 17 Pero na nijtlascamatis TOTECO pampa yajaya xitlahuac.
\q1 Nihuicas tiohuicatl para nijhueyichihuas TOTECO, Yajaya Tlen Más Hueyi.
\c 8
\s1 Tlacame huan ihueyitilis Toteco Dios
\q1
\v 1 ¡TOTECO, ta Tlen Tijpiya Nochi Tlanahuatili!
\q1 Mohueyitilis quitemitía nochi tlaltepactli.
\q1 Huan motlatlanex quipano elhuicactli.
\q1 Nochi quimatij ta tlahuel tihueyi.
\q1
\v 2 Tiquinnextilijtoc coneme huan pilconetzitzi tlen noja chichij ma mitzpaquilismacaca.
\q1 Mocualancaitacahua quiitase huan momacase cuenta para tlahuel pano hueyi mochicahualis huan yeca ayoc molinise.
\q1
\v 3 Quema niquita elhuicactli tlen tijsencajqui,
\q1 huan nopa metztli huan sitlalime tlen tiquinchijchijqui,
\q1
\v 4 nimoyolilhuía:
\q1 ¿Ajqueya tojuanti titlacame para ta timocuatotonía huan timoilhuía tlen tojuanti?
\q1 Nelquentzi topati titlacame para ta titechmocuitlahuis.
\q1
\v 5 Titechchijtoc titlacame más tihuejhueyi moixpa que nochi sequinoc.
\q1 Titechmacatoc tohueyitilis moixpa huan tijsencajtoc para nochi tlen tijchijtoc ma techtlepanitaca.
\q1 San ta, TOTECO, tieltoc más tihueyi huan titechtlani ica mohueyitilis.
\q1
\v 6 Titechmacatoc titlacame tlanahuatili ica nochi tlapiyalime tlen tiquinchijtoc.
\q1 Quena, titechmacatoc titlacame para ma tijpiyaca tequihuejcayotl ica nochi tlamantli.
\q1
\v 7 Tiquinnahuatíaj nochi borregojme, huacaxme huan nochi tecuanime tlen mosisiníaj.
\q1
\v 8 Tijpiyaj tequihuejcayotl ica nochi tlamantli totome huan michime, huan ica nochi tlen itztoque ipan hueyi atl.
\q1
\v 9 ¡TOTECO, ta Tlen Tijpiya Nochi Tlanahuatili!
\q1 Nochi tlacame campa hueli ipan nochi tlaltepactli quimatij ta tlahuel tihueyi.
\c 9
\s1 Timitzpaquilismacase Toteco Dios ipampa nochi tlen cuajcualtzi tijchijtoc
\q1
\v 1 Nimitzpaquilismacas, TOTECO, ica nochi noyolo.
\q1 Nitepohuilis nochi tlen cuali tijchijtoc.
\q1
\v 2 Nijpiya hueyi paquilistli mopampa ta,
\q1 huan yeca nihuicas huan nimitzpaquilismacas, Toteco, ta Tlen Más tiHueyi.
\q1
\v 3 Nocualancaitacahua cholojtehuase.
\q1 Huetzise mictoque moixpa.
\q1
\v 4 Pampa ta tiquinpannextilijtoc tlacame para niitztoc xitlahuac moixpa.
\q1 Titenextilijtoc para nijchijtoc tlen cuali.
\q1 Timosehuijtoc ipan mosiyaj tlen yejyectzi huan titetlajtolsencahua xitlahuac.
\q1
\v 5 Tiquinajhuas nochi tlacame ipan nochi tlaltini tlen ax mitzneltocaj.
\q1 Tiquintzontlamiltis nochi inijuanti tlen ax cuajcualme.
\q1 Tiquinixpolos inintoca para nochipa.
\q1
\v 6 Nocualancaitacahua miquise,
\q1 huan ininhuaya polihuise nochi inialtepehua.
\q1 Pampa ta tiquintlamixolehuas huan ax tleno mocahuas.
\q1 Axaca quinilnamiquis.
\b
\q1
\v 7 Pero TOTECO tlanahuatis para nochipa.
\q1 Yajaya mosehuía ipan isiyaj tlen yejyectzi nepa elhuicac huan tetlajtolsencahua.
\q1 Tlen yajaya quichihua, ya nopa xitlahuac.
\q1
\v 8 Toteco quintlajtolsencahuas xitlahuac nochi tlaltini ipan tlaltepactli huan inintlacajhua.
\q1 Yajaya quintlatzacuiltis sese inijuanti queja quinamiqui ipampa nopa tlajtlacoli tlen quichijtoque.
\q1
\v 9 Nochi tlen pilteicneltzitzi huelis motemachise ipan TOTECO huan yajaya quinmocuitlahuis.
\q1 Huelis motlatise ipan ya quema tlaijiyohuíaj.
\b
\q1
\v 10 Quena, TOTECO, nochi tlen mitzixmatij motemachise ipan ta para tiquinpalehuis,
\q1 pampa ax quema tiquintlahuelcahuas tlen mitztemohuaj.
\b
\q1
\v 11 Xihuicaca huan xijpaquilismacaca TOTECO,
\q1 tlen mosehuía ipan isiyaj yejyectzi nepa ipan Jerusalén huan nochi quinahuatía.
\q1 Xiquinpohuilica nochi tlacame ipan tlaltepactli tlen yajaya quichijtoc.
\q1
\v 12 TOTECO quintzontlamiltis tlen temictíaj pampa queja nopa quinamiqui quincuepilis.
\q1 Quinilnamiqui tlen mocuesohuaj,
\q1 quintlacaquilía quema tlacame tlen tlaijiyohuíaj quitzajtzilíaj para ma quinpalehui.
\b
\q1
\v 13 Xinechtlasojtla, TOTECO.
\q1 Xiquita queja nitlaijiyohuía ica tlen nechchihuilíaj inijuanti tlen ax quinequij nechitase.
\q1 Xinechmanahui pampa quinequij nechmictise,
\q1
\v 14 huan na nimitzpaquilismacas iniixtla nochi tlacame.
\q1 Niquinpohuilis nochi tlen mosentilíaj ipan altepetl Jerusalén tlen tinechchihuilijtoc.
\q1 Nelía nipaquis pampa tinechmaquixtijtos.
\b
\q1
\v 15 Mosisinijca tlacame tlen nochi tlaltini huetzise ipan nopa tlacoyoctli tlen inijuantijya quichijque.
\q1 Quitlatijtoque se tlaquetztli para ma masica sequinoc,
\q1 pero inijuanti icxicuatacanise.
\q1
\v 16 TOTECO quichijtoc para nochi ma quimatica para yajaya xitlahuac tetlajtolsencahua.
\q1 Yajaya quichihua para ma huetzica ipan tlaquetztli tlen ica ininma quisencajtoque.
\q1
\v 17 Nochi ax cuajcualme yase mictla.
\q1 Quena, nepa ajsitij nochi tlacame tlen ax quiilnamiquij Toteco Dios.
\q1
\v 18 Pero Toteco ax quinilcahuas tlen teicneltzitzi.
\q1 Yajaya nochipa quinmacas tlen quichiyaj para quiselise.
\b
\q1
\v 19 Ximotlalana, TOTECO.
\q1 Amo xiquincahuili tlacame más ma quipiyaca chicahualistli.
\q1 Xiquintlajtolsencahua huan xiquintlatzacuilti nochi tlacame tlen ax mitzixmatij.
\q1
\v 20 Xijchihua ma majmahuica, TOTECO.
\q1 Ma momacaca cuenta nochi tlacame ipan nochi tlaltini para inijuanti san panoni.
\c 10
\s1 Se tlamaijtoli para quitlajtlanis TOTECO ma quipalehuiqui
\q1
\v 1 TOTECO, ¿para tlen huejca tiitztoc huan timotlatía quema na nijpiya cuesoli?
\q1
\v 2 ¡Xiquita, TOTECO!
\q1 Ax cuajcualme tlahuel mohueyimatij huan quintepotztocatinemij tlen teicneltzitzi para quincocose.
\q1 Ma masica ipan nopa tlaquetztli tlen inijuanti quisencajtoque para sequinoc.
\q1
\v 3 Nopa ax cuajcualme mohueyimatij ica nochi tlen fiero quinequij quichihuase.
\q1 Huan tlacame tlen quinequij san inijuanti quipiyase nochi tlamantli,
\q1 quintelchihuaj nochi sequinoc hasta ta, TOTECO, mitztelchihuaj nojquiya.
\q1
\v 4 Nopa ax cuajcualme nel mohueyimatij huan ax mitztemohuaj, Toteco Dios.
\q1 Ax quema mitzilnamiquij pampa moilhuíaj ax tiaqui para tiquintlatzintoquilis tlachque quichihuaj.
\q1
\v 5 Ama quisa cuali nochi tlen ax cuajcualme quichihuaj,
\q1 huan yeca san mohueyimatij,
\q1 huan motlanahuatil ax quichihuilíaj cuenta.
\q1 San quinhuetzquilíaj nochi inincualancaitacahua.
\q1
\v 6 Huan moilhuíaj:
\q1 “Ax quema topantis se tlenijqui.
\q1 Nochipa tipactose huan ax quema techajsis cuesoli.”
\q1
\v 7 ¡Xitlacaqui, TOTECO!
\q1 Quema camatij tlacame tlen ax cuajcualme,
\q1 san quisa tlatelchihuali, istlacayotl huan nochi tlen ica tlacajcayahua.
\q1 ¡Xiquita, TOTECO!
\q1 Nochipa tlacajcayahuaj huan quinyolcocohuaj sequinoc para ma quipiyaca cuesoli.
\q1
\v 8 Motlatíaj nechca pilaltepetzitzi para teojchiyase,
\q1 huan quema axaca quinita,
\q1 quimictíaj se tlen ax tleno quichijtoc.
\q1 Quinixtacachiyaj tlen teicneltzitzi huan quinmictíaj san pampa quinequij.
\q1
\v 9 Queja se tecuani tlen motlatijtoc campa tlacoyontoc,
\q1 tlacame tlen fiero inintlalnamiquilis san quichixtoque para quipantise se tlen ax quipiya fuerza para huetzise ipani.
\q1 Teipa quihuahuatatzase nopa teicneltzi campa axaca huelis quipalehuis.
\q1
\v 10 Tlen quinitzquijque quipiyaj miyac chicahualistli.
\q1 Yeca tlen teicneltzitzi nimantzi huetzij iniixtla.
\q1
\v 11 Nopa ax cuajcualme moilhuíaj:
\q1 “Toteco Dios ax quiilnamiqui tlen tijchihuaj.
\q1 Yajaya moixtzactoc huan ax quema quiita tleno.”
\q1
\v 12 Ximotlalana, TOTECO Dios, ximomatlalana.
\q1 Amo xiquinilcahua tlen teicneltzitzi huan tlen ax quipiyaj chicahualistli.
\q1
\v 13 Amo xiquincahuili ax cuajcualme ma mitzhuetzquilica.
\q1 Amo xiquincahuili ma moilhuica para ta ax tiquintlatzacuiltis.
\q1
\v 14 Toteco Dios, tiquitztoc tlen quichijtinemij.
\q1 Timomacatoc cuenta sesen tlamantli tlen ax cuali tlen inijuanti quisencahuaj.
\q1 Xiquinsencahuili nopa tlatzacuiltili tlen quinamiqui.
\q1 Tlen teicneltzitzi san motemachiyaj ipan ta para xiquinmanahui.
\q1 Ta tiinintlapalehuijca nochi tlen icnotzitzi.
\q1
\v 15 Xiquinmapostequi nopa tlacame tlen ax cuajcualme.
\q1 Xiquintlatzacuilti ipampa nochi tlen fiero quichijtoque.
\q1 Xiquintlaxtlahui ica sesen tlamantli tlen quichijtoque.
\q1 Amo xiquilcahua niyon se.
\q1
\v 16 TOTECO, ta tiTlanahuatijquetl tlen titlanahuatis para nochipa huan ax quema tlamis.
\q1 Tiquintzontlamiltis ipan motlal nochi tlacame tlen ax mitzixmatij,
\q1 inijuanti san polihuise.
\q1
\v 17 TOTECO, ta tiquintlacaquilía tlen mitztlajtlaníaj teicneltzitzi.
\q1 Tiquinfuerzajmaca huan tiquinpalehuía.
\q1 Tiquinchihuilía cuenta quema mitztzajtzilíaj.
\q1
\v 18 Ta tiquinmanahuía icnotzitzi huan tlen tlaijiyohuíaj.
\q1 Queja nopa, tlacame tlen san tlasencahualme ica soquitl ayoc huelis quintemajmajtise.
\c 11
\s1 Ma timotemachica ipan Toteco para techpalehuis
\q1
\v 1 Amo xinechilhui:
\q1 “Ximochololti cuatitla huan ximomanahuiti queja se tototl.”
\q1 Ax monequi nicholos pampa na nimotemachijtoc ipan TOTECO.
\q1
\v 2 Nochi quiijtohuaj:
\q1 “Xiquita, nopa tlacame tlen mosisiníaj quicualtlalíaj cuahuitoli huan cuatlamintli,
\q1 huan motlatijtoque para quinmaquilise tlacame tlen itztoque xitlahuaque.”
\q1 Yonque queja nopa quiijtohuaj, ax melahuac.
\q1
\v 3 Yonque quiijtohuaj:
\q1 “Ayoc oncas leyes huan axaca tlanahuatis xitlahuac,
\q1 huan huajca monequi tlacame tlen cuali ininyolo ma choloca pampa axaca huelis quinmanahuis”, ax neli inintlajtol.
\q1
\v 4 TOTECO noja itztoc ipan itiopa tlen tlatzejtzeloltic nepa elhuicac.
\q1 Quena, yajaya mosehuijtoc ipan isiyaj yejyectzi huan noja tlanahuatía.
\q1 Quiita nochi tlen quichihuaj tlacame.
\q1 Quitlajtlachilía sese iyolis.
\q1
\v 5 TOTECO quinyejyecohua tlen quichihuaj tlen cuali,
\q1 pero tlacame tlen ax cuajcualme huan tlen quinpactía mosisiníaj, ax quinequi quinitas.
\q1
\v 6 TOTECO quichihuas ma huetzi tlicoli tlen xahuantoc ininpani tlen quichihuaj tlen ax cuali.
\q1 Quena, quintitlanilis azufre tlen lementoc para ma huetzi ininpani,
\q1 huan quintlatis ica se ajacatl tlen tlahuel totonic.
\q1
\v 7 TOTECO, yajaya nelcuali.
\q1 Quinicnelía tlen nemij xitlahuac.
\q1 Huan tlacame tlen xitlahuac ininyolo quiixtlachilise,
\q1 huan quimatise para Toteco quicualita tlen quichihuaj.
\c 12
\s1 Xitechpalehui, TOTECO
\q1
\v 1 Xitechpalehui, TOTECO,
\q1 pampa ayoc aca tlen nelía mitzneltoquilía.
\q1 Ayoc acajme tlacame tlen quiijtohuaj tlen melahuac.
\q1
\v 2 Se ica seyoc moistlacahuíaj.
\q1 Quipiyaj ome ininxayac queja nojquiya quipatlaj inintlajtol.
\b
\q1
\v 3 TOTECO quintzontlamiltis nochi tlen quipiyaj ome ininxayac huan tlen mohueyimatij quema camatij.
\q1
\v 4 Quintzontlamiltis tlen quiijtohuaj:
\q1 “San ica totlajtol titlatlanise.
\q1 Intla tijnequij tiistlacatise,
\q1 tojuanti tijmatij.
\q1 Axaca huelis technahuatis.”
\q1
\v 5 Pero quej ni quiijtojtoc TOTECO:
\q1 “Inijuanti tlen teicneltzitzi huan tlen ax quipiyaj fuerza nechtzajtzilíaj ipampa nopa fiero tlacame tlen quintlaijiyohuiltíaj.
\q1 Yeca ama nimotlalanas para niquinpalehuis.
\q1 Niquinmaquixtis ininmaco tlen quincocolíaj.”
\q1
\v 6 Nelía temachtli tlen quiijtohua TOTECO.
\q1 Itlajtol senquistoc melahuac.
\q1 Quena, eltoc queja se cuali plata tlen quinelicxitijtoque,
\q1 huan quipajpactoque miyac hueltas hasta senquistoc cuali.
\b
\q1
\v 7 TOTECO, ta titechmocuitlahuía.
\q1 Titechmanahuis para nochipa ica tlacame tlen ax cuajcualme queja ama itztoque.
\q1
\v 8 Quena, yonque mosisinijca tlacame mooquichmajtinemij campa hueli huan nochi tlacame san quipatiitaj tlen ax cuali,
\q1 Ta titechmocuitlahuía.
\c 13
\s1 Se tlamaijtoli para quitlajtlanis itlapalehuil TOTECO
\q1
\v 1 TOTECO, ¿para nochipa tinechilcajtos?
\q1 ¿Ayoc quema tinechilnamiquis?
\q1 Nijmati timoixtlatía ica na quema nimitztemohua huan ax tinechchihuilía cuenta.
\q1
\v 2 ¿Hasta quema nijpiyas cuesoli ipan noyolo huan noyoltzi tlaijiyohuijtinemis?
\q1 ¿Hasta quema nocualancaitaca noja nechtlanis?
\q1
\v 3 Xinechtlachili huan xinechnanquili, TOTECO.
\q1 ¡NoTeco Dios!
\q1 Xinechmaca tlahuili para nitlachiyas ipan ni tzintlayohuilotl huan ax nimiquis.
\q1
\v 4 Amo xijcahuili nocualancaitaca ma quiijto nechtlanqui.
\q1 Amo xinechcahuili ma nihuetzi para ma ax noca huetzcaca inijuanti tlen nechcocolíaj.
\q1
\v 5 Na nimotemachijtoc ipan moteicnelijcayo tlen huejcahua para nochipa.
\q1 Nipaqui ipan noyolo pampa tinechmaquixtijtoc.
\q1
\v 6 Nihuicas para ta, TOTECO,
\q1 pampa miyac tlen cuali tinechchihuilijtoc.
\c 14
\s1 Se huihuiyotl tlen quichihuaj tlajtlacolchijca tlacame
\q1
\v 1 Nelía huihuitic nopa tlacatl tlen moilhuía axaca Dios.
\q1 Nochi tlen queja nopa quiijtohuaj mocuapolojtoque huan ax cuajcualme.
\q1 Nochi inijuanti monenpolojtoque huan ayoc quichihuaj tlen cuali.
\q1
\v 2 TOTECO hualtlachixtoc tlen elhuicac para quiitas intla huelis quipantis se tlacatl tlen nelía tlalnamiqui,
\q1 se tlen quitemohua huan quichihuasnequi ipaquilis.
\q1
\v 3 Pero axaca.
\q1 Nochi tlacame mocuapolojtoque ipan se ojtli tlen ax cuali.
\q1 Nochi monenpolojtoque.
\q1 Axaca quichihua tlen cuali.
\q1 ¡Niyon se!
\q1
\v 4 Nopa tlajtlacolchijca tlacame ax quema tlamachilise,
\q1 pampa ax quema quiilnamiquij TOTECO.
\q1 San quintzontlamiltíaj notlacajhua queja se tlacatl quitlamicua se pantzi.
\q1
\v 5 Pero teipa nochi nopa tlajtlacolchijca tlacame huihuipicase ica majmajtli,
\q1 pampa Toteco Dios ax itztoc ininhuaya.
\q1 San itztoc ininhuaya tlen itztoque xitlahuaque iixpa.
\q1
\v 6 TOTECO quinmanahuía teicneltzitzi pampa motemachíaj ipan ya quema tlajtlacolchijca tlacame quintlaijiyohuiltíaj.
\q1
\v 7 Tojuanti tinelpaquisquíaj intla ya ajsisquía nopa tonali,
\q1 quema Totemaquixtijca hualas tlen tepetl Sion para quinmaquixtis israelitame.
\q1 Ma huala nopa tonali quema TOTECO quinhualicas itlacajhua tlen campa hueli inincualancaitacahua quinhuicatoque para tlatequipanose.
\q1 Ipan nopa tonali mopaquilismacase nochi israelitame.
\q1 Quena, inijuanti tlen iteipa ixhuihua Jacob tlahuel paquise.
\c 15
\s1 Nopa tlacame tlen itztotij ipan itepe tlatzejtzeloltic Toteco Dios
\q1
\v 1 TOTECO, ¿ajqueya huelis calaquis ipan mochaj campa ta timocahua ipan motepe tlen tlatzejtzeloltic?
\q1 ¿Ajqueya huelis mocahuas nepa para tijmocuitlahuis?
\q1
\v 2 San calaquis ya tlen axaca huelis quiteilhuis ica niyon se tlamantli.
\q1 Quena, san yajaya tlen quichihua tlen cuali.
\q1 Huelis yas san tlen quiijtohua tlen melahuac ica nochi iyolo,
\q1
\v 3 huan ax tetlaijilhuía.
\q1 Itztoti nepa tlen ax quiistlacahuía tlen itztoc icalnechca,
\q1 huan tlen ax quinequi quinyolcocos sequinoc.
\q1
\v 4 Nepa calaquis tlen quihuejcamajcahua nochi tlen fiero,
\q1 huan quinicnelía tlen mitztlepanitaj huan quiimacasij mitzixpanose.
\q1 TOTECO, ipan mochaj itztose tlen quitlamichihuaj tlen mocajtoque quichihuase yonque nelohui huan quincocohua para quichihuase.
\q1
\v 5 Nepa calaquise tlen quentzi tlainamaj quema tetlanejtíaj tomi,
\q1 huan ax quinistlacahuíaj tlen ax tlaixpanotoque,
\q1 yonque sequinoc quintencahuilíaj tomi para ma istlacatica.
\q1 Quena, inijuanti tlen quichihuaj ni cuali tlamantli axaca hueli quintlanis,
\q1 pampa ta tiquinmocuitlahuis.
\c 16
\s1 Toteco tlen cuali tinechmacas
\q1
\v 1 Xinechmocuitlahui, Toteco Dios,
\q1 pampa ipan ta nimotemachijtoc para tinechmanahuis.
\q1
\v 2 TOTECO, na nimitzilhuijtoc:
\q1 “Ta tinoTeco huan axaca seyoc tlen huelis nechpalehuis.”
\q1
\v 3 Niquinicnelía inijuanti tlen mitzneltoquilíaj tlen itztoque ipan nopa tlali.
\q1 Inijuanti tlen nelía yejyectzitzi ininyolo.
\q1
\v 4 Pero mojmostla más mocuesose tlacame tlen quintoquilíaj sequinoc inintlaixcopincayohua.
\q1 Na ax quema nijtencahuasquía se tlacajcahualistli iniixtla inintotiotzitzi,
\q1 niyon ax quema niquintocaxtisquía.
\q1
\v 5 San ta, TOTECO, nimitzpixtoc, tiitztoc nochi para na,
\q1 yeca ayoc tleno nijtemos.
\q1 Ta tinechmaca nochi tlen notechmonequi para niyoltos.
\q1 Noyolis huan nochi tlen nijpixtoc eltoc momaco huan nijmati nelía temachtli.
\q1
\v 6 Nopa mecatl tlen ica tinechyejyecohuili campa nijselijtoc, huetzqui campa nelía cuali tlali.
\q1 Nelía tlayejyectzi campa tinechmacatoc.
\q1
\v 7 Nimitzhueyichihuas, TOTECO,
\q1 pampa tinechconsejomaca.
\q1 Tlajco yohual tinechmaca motlalnamiquilis huan tinechnextilía ipan noyolo tlachque monequi nijchihuas.
\q1
\v 8 Nochipa nimoilhuía tlen ta, TOTECO,
\q1 huan pampa tiitztoc nonechca, ax tleno nopantis.
\q1
\v 9 Yeca ipan noyolo nelía nijpiya paquilistli.
\q1 Nochi notlacayo motemachijtoc ipan ta.
\q1
\v 10 Pampa ax tijcahuas notlacayo ipan tlacoyoctli,
\q1 niyon ax tijcahuas ma palani itlacayo Yajaya Tlen Tlatzejtzeloltic.
\q1
\v 11 Xinechnextilis catlía ojtli quipiya yolistli.
\q1 Nijpiyas hueyi paquilistli nepa campa ta tiitztoc.
\q1 Quena, oncas hueyi paquili para nochipa nepa campa monejmatl.
\c 17
\s1 Se tlamaijtoli tlen quitlajtlanía TOTECO ma quimanahuis
\q1
\v 1 Xinechtlacaquili, TOTECO,
\q1 pampa nimitznojnotza.
\q1 Nijchijtoc tlen xitlahuac,
\q1 huan ax niistlacati.
\q1 Xinechtlacaquili tlen nimitztlajtlanía huan xinechpalehui.
\q1
\v 2 Xinechtlajtolsencahua iniixtla nochi tlacame.
\q1 Xiquinnextili para ax tleno nijchijtoc,
\q1 pampa nochipa tijmati tlen xitlahuac.
\q1
\v 3 Yonque tijhualtlachilía noyolo ica yohuali huan tinechyejyecojtoc,
\q1 ax tleno ax cuali tijpantijtoc.
\q1 Ax niquijtojtoc tlen ax monequi,
\q1
\v 4 queja quichihuaj ne sequinoc.
\q1 Na nimoiyocatlalijtoc tlen nopa iniojhui tlen ax cuajcualme.
\q1 Nijchijtoc senquistoc queja quiijtohua motlanahuatil.
\q1
\v 5 Nijtoquilijtoc moojhui huan ax nihuetztoc ipan tlajtlacoli.
\q1
\v 6 Nimitznojnotza, noTeco Dios, pampa nijmati tinechnanquilis.
\q1 Xinechtlacaquili huan xinechchihuili cuenta.
\q1
\v 7 Xinechnextili moteicnelijcayo tlen yejyectzi.
\q1 Taja tiquinmaquixtía ica mochicahualis tlen motemachiyaj ipan ta.
\q1
\v 8 Xinechmocuitlahui queja se quimocuitlahuía iixsitlal.
\q1 Queja se piyo quintlatía ipilconehua ieltlapaltzala,
\q1 nojquiya queja nopa xinechmocuitlahui.
\q1
\v 9 Xinechtlati tlen nopa ax cuajcualme tlen nechyahualojtoque para nechmictise.
\q1
\v 10 Nelía mocualnequij huan quema camatij,
\q1 san mohueyimatij.
\q1
\v 11 Nechtoquilijtinemij campa ninentinemi huan san quichiyaj nopa tlalochtli quema huelise nechmajcahuase tlalchi.
\q1
\v 12 Inijuanti itztoque queja tecuanime tlen tlahuel mayanaj huan quinequij tecuase,
\q1 huan motlatijtoque tlacoyoijtic para quema se tlacatl panos.
\q1
\v 13 Ximotlalana, TOTECO,
\q1 xiquinnamiquiti.
\q1 Xiquinchihuili ma motlancuaquetzaca moixtla.
\q1 Ica momachete, xinechmanahui tlen nopa ax cuajcualme.
\q1
\v 14 Ica mochicahualis, TOTECO,
\q1 xinechmaquixti ininmaco inijuanti tlen san quipiyaj tlen eltoc ipan ni tlaltepactli.
\q1 Tijmiyaquilijtoc tlen iniaxca nica.
\q1 Nojquiya xiquinmaca miyac tlatzacuiltili hasta mocahuas para ininconehua.
\q1
\v 15 Pero na niitztoc xitlahuac moixpa,
\q1 huan se tonal nimitzitas, TOTECO,
\q1 huan yeca nipaqui.
\q1 Se tonal quema niisas, nijpiyas nochi tlen nijtemojtinentoc,
\q1 pampa niitztos monechca huan ica paquilistli timoixtlachilise.
\c 18
\s1 David quitlascamati TOTECO pampa tlatlantoc
\q1
\v 1 Nimitzicnelía, TOTECO.
\q1 Na niitztoc momaco.
\q1
\v 2 TOTECO, mopan ta nimotlatía pampa temachtli tinechmaquixtis.
\q1 Tinechyahualohua para ax huelis nechajsise nocualancaitacahua.
\q1 Taja tinotlamanahuijca.
\q1 Ipan ta, noTeco Dios, nimotlatía,
\q1 pampa na niitztoc momaco.
\q1 Quena, san ipan ta nimotemachía.
\q1 Ta tinechyahualohua para tinechmocuitlahuía.
\q1 Taja tieli queja se huejcapantic tepancali tlen cuali huan temachtli.
\q1 Ica ta mochicahualis nitlatlanis.
\b
\q1
\v 3 San monequi nijnotzas TOTECO tlen quinamiqui para nijhueyichihuas,
\q1 huan yajaya nechmanahuis ininmaco nochi nocualancaitacahua.
\q1
\v 4 Eltoya queja nechpixtoya imaco miquistli.
\q1 Nochi tlen fiero tlen onca ipan ni tlaltepactli nechtlanisnequiyaya.
\q1
\v 5 Nopa mijca tlacoyoctli nechtlaquechilijtoya hasta ayoc nijpixqui fuerza.
\q1 San se quentzi más huan nimiquisquía.
\q1
\v 6 Pero quema más nimocuesohuayaya,
\q1 nijnotzqui TOTECO.
\q1 Nijtlajtlani ma nechpalehui noTeco Dios.
\q1 Huan yajaya nechtlacaquili hasta nepa ipan elhuicac.
\q1 Quena, quichihuili cuenta tlen niquilhui.
\q1
\v 7 Huajca chicahuac mojmolini tlali hasta momajmatijque nochi tepetini.
\q1 Moojolinijque nopa tepetini hasta campa ontlatzquitoque,
\q1 huan mohuihuixojque pampa Toteco Dios cualanqui.
\q1
\v 8 Elqui queja quisayaya poctli ipan iyacatzol,
\q1 huan ipan icamac quisayaya se tlitl tlen nochi quitlamitlatiyaya,
\q1 huan nochi quixolehuayaya.
\q1 Quena, quimajcahuayaya tlicoli xaxahuacatoc pampa nelcualanqui.
\q1
\v 9 Pampa Toteco Dios quitlapo nopa cortina tlen elhuicac,
\q1 huan temoc para nechpalehuis.
\q1 Nejnentihualayaya ipan miyac mixtli tlen nelyayahuic.
\q1
\v 10 Toteco Dios tlejcoc ipan ieltlapal se querubín elhuicac ejquetl,
\q1 huan patlantihualajqui ipan ajacatl.
\q1
\v 11 Yajaya motzajqui ica tzintlayohuilotl,
\q1 huan atl quiyahualo para axaca quiitasquía.
\q1
\v 12 Tlapetlanilotl quiyacantihualajqui quema ajsiyaya yajaya tlen tlahuel tlahuía.
\q1 Huan nojquiya huetzqui tesihuitl huan tlicoli xaxahuacatoc.
\q1
\v 13 TOTECO quichijqui ma quicaquica itos queja se tlatomonilotl tlen quisqui elhuicac.
\q1 Quena, Toteco Tlen Más Hueyi tlahuelchijqui.
\q1 ¡Tlahuel miyac tesihuitl huan tlicoli xaxahuacatoc huetzqui!
\q1
\v 14 Quimajcajqui cuatlamintli ma quinajsi nochi nocualancaitacahua,
\q1 huan inijuanti cholojtejque.
\q1 TOTECO quinhuitejqui ica hueyi tlapetlanilotl huan quintzontlamilti.
\q1
\v 15 Quema TOTECO tlailpitzqui,
\q1 nochi nopa atl ipan hueyi atl san sejco momanqui hasta nesqui nochi nopa tlali tlen mocahua atzintla campa más tlahuejcatla.
\q1 Ica itlajtol TOTECO mopannexti itzinpehualtil tlaltepactli, pampa yajaya cualanqui.
\q1
\v 16 Huan TOTECO quimelajqui ima hasta campa más huejcatla,
\q1 huan nechquixti tlen nopa hueyi atl.
\q1
\v 17 Nechmaquixti ininmaco nocualancaitacahua tlen quipixque huejhueyi chicahualistli.
\q1 Quena, nechmanahui tlen nocualancaitacahua tlen más quipixque chicahualistli que na.
\q1
\v 18 Inijuanti motlalijque noca na quema ax nijpixqui fuerza,
\q1 pero TOTECO nechtlalanqui.
\q1
\v 19 Nechquixti huan nechsehui campa ax mahuilili.
\q1 Nechmanahui pampa nechicnelía.
\q1
\v 20 TOTECO nechmacatoc tlen quinamiqui pampa nijchijtoc tlen xitlahuac.
\q1 Nechtlaxtlahuijtoc pampa cuali noyolis.
\q1
\v 21 Nijtoquilijtoc iojhui TOTECO huan ax nimoiyocacajtoc tlen ya.
\q1
\v 22 Niquilnamictoc nochi itlajtol huan ax quema nijcajtejtoc itlanahuatil.
\q1
\v 23 Xitlahuac niitztoc iixpa.
\q1 Nimoiyocatlalijtoc tlen nochi tlen fiero.
\q1
\v 24 Huan TOTECO nechtlaxtlahuijtoc queja quinamiqui ica tlen cuali nijchijtoc,
\q1 pampa quipantijtoc cuali noyolis iixpa.
\b
\q1
\v 25 TOTECO, tiquinicnelía huan tiitztoc temachtli ica tlen teicnelíaj huan tlen temachme.
\q1 Tiitztoc cuali ica tlen quihuejcacahua tlajtlacoli.
\q1
\v 26 Tiquintiochihua tlen tetiochihuaj,
\q1 pero tetic timotlalía ica inijuanti tlen mosisiníaj.
\q1
\v 27 Tiquinmaquixtía tlen moicnonequij,
\q1 pero tiquinpinahualtía tlen mohueyimatij.
\q1
\v 28 TOTECO, ta tlen tinoDios,
\q1 ta tinechmaca tlahuili.
\q1 Ta tijcueptoc nopa tzintlayohuilotl campa niitztoc ica tlahuili.
\q1
\v 29 Ica mochicahualis, noTeco Dios,
\q1 niquintehuis nocualancaitacahua,
\q1 huan niquixcopanos nopa tepamitl tlen ica quitzactoque inialtepe.
\b
\q1
\v 30 Iojhui Toteco Dios nelía xitlahuac.
\q1 Huan itlajtol tlen quitencahua,
\q1 cuali para ipan timotemachise.
\q1 TOTECO quinmanahuía nochi tlen ipan ya motemachíaj.
\q1
\v 31 Axaca seyoc Dios queja TOTECO.
\q1 Axaca seyoc tlen huelis ipan timotemachise huan techmanahuis.
\q1
\v 32 Toteco Dios nechmaca chicahualistli,
\q1 huan nechchihuilía ma ninejnemi xitlahuac.
\q1
\v 33 Yajaya nechfuerzajmaca para ma ax nihuetzi.
\q1 Noicxihua mochihuaj temachtli queja iicxihua se chivo quema moquetzaj campa tlahuejcapa huan tlaxixitlaca.
\q1
\v 34 Toteco Dios nechmachtía tlachque ma nijchihuas quema onca tlatehuijcayotl.
\q1 Nechfuerzajmaca para cuali ma niquitzqui nopa tetic tepos huitoli tlen quichijtoque ica bronce.
\b
\q1
\v 35 Toteco Dios, ta tinechmanahuía huan tinechmaquixtía.
\q1 Tinechitzquía ica monejmatl.
\q1 Ica mohueyi teicnelijcayo tinechhueyichijtoc.
\q1
\v 36 Tijchijtoc noojhui más patlahuac para ma ax nihuetzis.
\q1
\v 37 Niquintepotztocac nocualancaitacahua huan niquinajsito.
\q1 Huan ax nimocuepqui hasta quema niquintzontlamiltijtoya.
\q1
\v 38 Niquinhuejhuelo huan ayoc quema motlalanase.
\q1 Huetzque noicxitla.
\q1
\v 39 Toteco Dios, ta tinechfuerzajmacac ipan nopa tlatehuijcayotl huan tijchijqui para nocualancaitacahua ma motlancuaquetzaquij noixtla.
\q1
\v 40 Miyac moicancuepque para cholojtehuase huan queja nopa huelqui niquintzontlamilti.
\b
\q1
\v 41 Inijuanti tetzajtzilijque ma quinpalehuica,
\q1 pero axaca huelqui quinpalehui.
\q1 Quinotzque TOTECO,
\q1 pero yajaya ax quinnanquili.
\q1
\v 42 Queja se quitisi tlaltepoctli huan quihuica ajacatl,
\q1 na queja nopa niquinchijqui.
\q1 Huan ininpan nimoquejquetzqui queja soquitl ipan ojtli.
\q1
\v 43 TOTECO nechmanahuijtoc tlen nopa sequinoc altepetl ehuani tlen mosisiníaj huan quinequiyayaj nechtehuise.
\q1 Yajaya nechchijtoc ma nieli niinintlayacanca tlacame tlen campa hueli ehuaj.
\q1 Tlacame tlen ax niquinixmatiyaya hualahuij para nechtequipanose.
\q1
\v 44 Quema quicaquij notlajtol,
\q1 inijuanti nechneltoquilíaj.
\q1 Sequinoc altepetl ehuani huihuipicaj noixtla.
\q1
\v 45 Nochi motemacaj noixtla huan huihuipicatiyohuij quema quisaj campa motlatijtoque.
\q1
\v 46 Itztoc TOTECO.
\q1 Nijpaquilismacas yajaya tlen nechmocuitlahuía.
\q1 Ma tijhueyitlalica Toteco Dios,
\q1 notemaquixtijca.
\q1
\v 47 Yajaya nopa Dios tlen quincuepilía ica tlen fiero inijuanti tlen nechcocojtoque.
\q1 Quintlalijtoc tlacame ipan miyac tlali nomaco para ma niquinnahuati.
\q1
\v 48 Yajaya nechmanahuía tlen nocualancaitacahua huan nechhueyitlalía iniixtla tlen nechcocolíaj.
\b
\q1 TOTECO, ta tinechmaquixtijtoc ininmaco nopa tlatehuijca tlacame,
\q1
\v 49 yeca nitepohuilis tlen ta campa hueli.
\q1 Nihuicas huan nijhueyitlalis motoca.
\q1
\v 50 Miyac hueltas tijchijtoc para ma nitlatlani, na niDavid,
\q1 ninopa tlanahuatijquetl tlen tinechtlapejpenijtoc.
\q1 Tijpiya hueyi moyolo ica na tlen tinechtlalijtoc ma nitlanahuati.
\q1 Quena, hueyi moyolo nohuaya huan tijpiyas hueyi moyolo para nochipa ica noixhuihua.
\c 19
\s1 Ihueyitilis Toteco monextía ipan nochi tlen quichijtoc
\q1
\v 1 Elhuicactli tepohuilía ihueyitilis Toteco Dios.
\q1 Tlanempa technextilía tlen nelpano yejyectzi tlen yajaya hueli quisencahua.
\q1
\v 2 Quena, tonali huan yohuali elhuicactli quisenhuiquilía tepohuilía para tlahuel hueyi itlalnamiquilis.
\q1
\v 3 Yonque ax tleno caquisti huan ax tijcaquij niyon se tlajtoli,
\q1 nochi tlacame campa hueli quiitaj iyejyejca elhuicactli huan quimachilíaj tlen techpohuilía.
\q1
\v 4 Eltoc queja elhuicactli quipiya itos tlen ajsi hasta campa ontlantoc tlaltepactli,
\q1 huan teyolmelahua para itztoc Toteco Dios.
\q1 Ipan elhuicactli yajaya quiquetzqui ichaj tonati.
\q1
\v 5 Huan tonati quisa mojmostla huan yohui ipan iojhui ica paquilistli queja se telpocatl quisa ipan ichaj para mosihuajtiti.
\q1 Quena, nopa tonati mochihua queja se motlalojquetl tlen paqui motlalohua pampa quimati quintlanis ne sequinoc.
\q1
\v 6 Tonati quisa elhuicactli inacastla huan quimaca huelta hasta ne seyoc inacastla.
\q1 Axaca huelis motlatis para ax tonalmiquis.
\q1
\v 7 Ileyes TOTECO eltoc senquistoc cuali,
\q1 huan temaca yancuic yolistli.
\q1 Huelis timotemachise ipan itlajtol,
\q1 pampa ya nopa quichihua ma tlalnamiqui se tlacatl tlen moicnonequi.
\q1
\v 8 Quena, itlanahuatilhua TOTECO eltoc melahuac huan xitlahuac.
\q1 Quinmaca paquilistli tlacame ipan ininyolo.
\q1 Quena, sesen tlamantli tlen TOTECO techilhuijtoc ma tijchihuaca eltoc queja se tlahuili tlen chicahuac.
\q1 Techtlahuilía toojhui para tiquitase.
\q1
\v 9 Senquistoc cuali para ma tijtlepanitaca TOTECO huan ma tiquimacasica para tiquixpanose.
\q1 Elis cuali para nochipa.
\q1 Tlen TOTECO quiijtojtoc para ma tijchihuaca,
\q1 ya nopa melahuac.
\q1 Quena, ya nopa temachtli.
\q1
\v 10 Noja más nijpatiita que oro.
\q1 Quena, noja más cuali que miyac oro tlen senquistoc cuali.
\q1 Quema se tlacatl quiselía Itlajtol Toteco ipan iyolo,
\q1 eltoc más tzopelic que se sayolnectli tlen yancuic quipatzcatoque.
\q1
\v 11 Nopa miyac tlanahuatili nechmacaj tlalnamiquistli, na niitlatequipanojca,
\q1 para ma ax nitlajtlacolchihua.
\q1 Tlen quitoquilía itlanahuatil TOTECO quitlanis miyac.
\b
\q1
\v 12 Axaca huelis momacas cuenta tlen itlaixpanolhua sesen huelta quema quichihua tlen ax cuali.
\q1 TOTECO, xinechtlapojpolhui notlajtlacolhua tlen ax nijmatiyaya intla nijchijtoya.
\q1
\v 13 Huan xinechpalehui para ax nimohueyimatis,
\q1 huan ax quema ma nitlajtlacolchihuas ica nopaquilis.
\q1 ¡Axtle! Amo xijcahua tlajtlacoli ma nechnahuati.
\q1 Queja nopa nielis se tlacatl tlen axaca huelis nechteilhuis ica niyon se tlamantli.
\q1 Huan niitztos nitlatzejtzeloltic.
\q1
\v 14 Ma mitzpacti tlen niquijtohua huan tlen nimoilhuía, TOTECO,
\q1 ta tinotlamanahuijca huan tinotemaquixtijca.
\c 20
\s1 David quitlajtlanía Toteco ma quipalehui para quintlanis icualancaitacahua
\q1
\v 1 Ma TOTECO mitztlacaquili quema timocuesohua.
\q1 Ma mitzmanahui nopa Dios tlen huejcajquiya quimanahui Jacob.
\q1
\v 2 Hasta campa yajaya itztoc ipan ichaj,
\q1 ma quititlani tlapalehuili tlen quisa tlen altepetl Jerusalén.
\q1
\v 3 Ma quiilnamiqui nochi motlacajcahualis tlen tijmacatoc.
\q1 Ma moilhui tlen nopa tlacajcahualistli tlen tijtlati iixtla huan tlen yajaya quiseli ica paquilistli.
\q1
\v 4 Ma mitzmacas nopa tlen moyolo quinequi.
\q1 Ma quichihua ma quisa cuali nochi tlen timoilhuijtoc tijchihuas.
\q1
\v 5 Queja nopa tojuanti titzajtzise ica paquilistli pampa ta titlatlantoc,
\q1 huan tijtlalanase banderas ica itoca Toteco Dios pampa mitzpalehuijtoc.
\q1 Quena, TOTECO ma mitzmaca nochi tlen tijtlajtlanijtoc.
\q1
\v 6 Cuali nijmati para TOTECO nechmaquixtía niitlanahuatijca tlen nechtlapejpenijtoc.
\q1 Hasta tlen nepa elhuicac campa nelía tlatzejtzeloltic nechhualpalehuijtoc,
\q1 huan nechchihua ma nitlatlani ica ichicahualis.
\q1
\v 7 Tlacame ipan sequinoc tlaltini motemachíaj ipan inincarros huan inincahuajhua para momaquixtise quema onca tlatehuijcayotl.
\q1 Pero tojuanti timotemachíaj ipan TOTECO toDios.
\q1
\v 8 Inijuanti tlaijiyohuise huan huetzise,
\q1 pero tojuanti timotlalanase huan noja tijpiyase fuerza.
\b
\q1
\v 9 Toteco Dios, xijchihuas ma nitlatlani,
\q1 na nimotlanahuatijca.
\q1 Xinechnanquili quema timitznojnotzaj.
\c 21
\s1 Se huicatl pampa tlatlantoya
\q1
\v 1 ¡TOTECO! Na nitlanahuatijquetl,
\q1 nipaqui pampa tinechfuerzajmacatoc.
\q1 Nelía nipaqui pampa tijchijtoc ma nitlatlani.
\q1
\v 2 Tinechmacatoc tlen noyolo quinequiyaya.
\q1 Quena, tinechmactili tlen nimitztlajtlaniyaya.
\q1
\v 3 Tinechsehui nitlanahuatijquetl ica miyac tlatiochihualistli, huan tinechicpahuiltijtoc se tepos cuayohuali tlen senquistoc oro.
\q1
\v 4 Nimitztlajtlani xinechcahuili ma huejcahuas niitztos,
\q1 huan nelía tinechmacatoc se yolistli tlen huejcahuas para nochipa.
\q1
\v 5 Tinechpalehuijtoc ma nitlatlani miyac ica mohueyi chicahualis.
\q1 Huan yeca mopampa ta, nochi nechhueyitlepanitaj,
\q1 na nitlanahuatijquetl, huan nechhueyitlalíaj.
\q1
\v 6 Tinechtiochijtoc ica tlen huejcahuas para nochipa,
\q1 huan nelhueyi nopa paquilistli tlen nijpiya pampa timocahua nohuaya.
\q1
\v 7 Na nitlanahuatijquetl nimotemachía ipan ta, TOTECO.
\q1 Quena, nimotemachía ipan mohueyi teicnelilis ta Tlen Más tiHueyi,
\q1 yeca axaca huelis nechtlanis.
\q1
\v 8 TOTECO, ica mochicahualis tiquinajsiti nochi mocualancaitacahua.
\q1 Ica monejmatl tiquinitzquis nochi tlen mitzcocolíaj.
\q1
\v 9 Quema timonextis, inijuanti tlatlase moixtla queja itztosquíaj ipan se horno tlen xahuantoc.
\q1 TOTECO, quema tiquintlajtolsencahuas,
\q1 mocualancayo quintlamitlatis.
\q1
\v 10 Tiquintzontlamiltis hasta ininconehua huan iniixhuihua.
\q1
\v 11 Yonque tlacame tlen ax cuajcualme mitzcocolíaj huan quisencahuaj tlen ax cuali mitzchihuilise,
\q1 ax quisas cuali tlen moilhuijtoque.
\q1
\v 12 Inijuanti moicancuepase para cholojtehuase quema quiitase para tiquinmelactlachilis ica mocuahuitol tlasencahuali para tiquintehuis.
\q1
\v 13 Timitzhueyimatij, TOTECO,
\q1 pampa hueyi mochicahualis.
\q1 Huan timitzhueyichihuase ica huicatl pampa nelía tijpiya nochi chicahualistli.
\c 22
\s1 Se tlacatl quitzajtzilía Toteco huan teipa quipaquilismaca
\q1
\v 1 ¡NoTeco Dios! ¡NoTeco Dios!
\q1 ¿Para tlen tinechtlahuelcajtoc?
\q1 ¿Para tlen timohuejcachijtoc huan ax tihualajtoc para tinechmanahuiqui?
\q1 Ax tijtlacaquilía quema nimitztzajtzilía.
\q1
\v 2 NoTeco, tonali huan yohuali ax nimosiyajcahua nimitznotza,
\q1 pero ax tinechnanquilía.
\q1
\v 3 Huan yonque queja nopa eltoc,
\q1 ta quejipa titlatzejtzeloltic.
\q1 Nochi tohuejcapan tatahua tiisraelitame mitzyahualojque huan mitzhueyichijque.
\q1
\v 4 Totatahua mochixque ipan ta.
\q1 Quena, motemachijque mopan ta huan ta tiquinmanahui.
\q1
\v 5 Mitznojnotzque quema tlaijiyohuiyayaj huan tiquinmaquixti.
\q1 Mopan ta motemachijque huan ax tiquinpinahualti.
\q1
\v 6 Pero na nimomati queja se pilocuiltzi huan ax queja se tlacatl.
\q1 Sequin san nechhuetzquilíaj huan sequinoc nechcocolíaj.
\q1
\v 7 Nochi tlen nechitaj san noca paquij,
\q1 huan tlancuitzihuij huan mocuahuihuixohua,
\q1
\v 8 huan quiijtohuaj:
\q1 “Yajaya tlen motemachía ipan TOTECO,
\q1 huajca ma tiquitaca intla quimaquixtis.
\q1 Intla nelía quiicnelía,
\q1 ma quimanahuiqui.”
\m Queja nopa quiijtohuaj tlacame.
\q1
\v 9 Pero TOTECO, na nijmati para tinechpalehuijtoc.
\q1 Tinechquixti iijtico nonana.
\q1 Tinechmocuitlahuijtoc hasta tlen quema noja nichichiyaya.
\q1
\v 10 Huan quema nitlacatqui ya ipa nimotemachijtoc ipan ta.
\q1 Nochi tonali tieltihualajtoc tinoTeco Dios.
\q1
\v 11 Amo xinechtlalcahui pampa hualajtoc ni cuesoli huan axaca seyoc tlen huelis nechpalehuis.
\q1
\v 12 Miyac nocualancaitacahua nechyahualojtoque queja torojme tlen mosisiníaj.
\q1 Quena, nesij queja nopa huejhueyi torojme tlen itztoque ipan tlali Basán.
\q1
\v 13 Nanalcaj queja tecuanime tlen mosisiníaj.
\q1 Camachalohuaj huan nechmelactlachilíaj.
\q1
\v 14 Na nimomati queja atl tlen mopatzcatoc huan campa hueli toyajtoc.
\q1 Nochi noomiyo san lelecuecatoc.
\q1 Noyolo eltoc queja cera tlen atiya.
\q1
\v 15 Tlantoc nochi nochicahualis.
\q1 Nijpiya nocamac huactoc queja se chachapal tepalcatl,
\q1 huan nonenepil tlatzquitoc ica nocamacholec.
\q1 Tinechtlalijtoc campa tlahuactoc huan campa onca miquistli.
\q1
\v 16 Tlacame tlen ax cuajcualme nechyahualojtoque queja chichime.
\q1 Quicocoyotztoque noma huan noicxihua.
\q1
\v 17 Hasta huelis nijpohuas noomiyohua,
\q1 pampa sesen nechcocohua.
\q1 Nocualancaitacahua nechsentlachilijtoque huan san noca paquij.
\q1
\v 18 Momajmacaj tlen nimoquentiyaya.
\q1 Quena, mahuiltíaj ica piltetzitzi para quiitase ajqueya quitocaros sesen noyoyohua.
\q1
\v 19 Pero ta, TOTECO, amo xinechtlalcahui,
\q1 pampa na niitztoc momaco.
\q1 Xihuala nimantzi xinechpalehuiqui.
\q1
\v 20 Xinechmanahui tlen ininmachete ni mosisinijca tlacame tlen itztoque queja chichime.
\q1 Amo xiquincahuili ma nechmictica.
\q1
\v 21 Eltoc queja niitztoc inincamaco tecuanime,
\q1 huajca xinechmaquixti. Nopa tlacame itztoque queja torojme,
\q1 ma ax nechtompojhuica.
\q1
\v 22 Huan na niquinpohuilis noicnihua tlen ta, TOTECO,
\q1 huan quema oncas tlasentilistli,
\q1 nimitzhueyichihuas iniixpa nochi tlacame.
\q1
\v 23 TOTECO, tojuanti tlen timitztlepanitaj huan tiquimacasij timitzixpanose timitzpaquilismacaj.
\q1 Nochi tiiteipa ixhuihua Israel,
\q1 timitzhueyichihuaj.
\q1 Quena, timitzhueyimatij nochi tiisraelitame.
\q1
\v 24 Pampa ax titechilcajtoc quema titlaijiyohuíaj,
\q1 niyon ax titechhuejcamajcajtoc.
\q1 Ax neli titechixtlatilía.
\q1 ¡Axtle! Ta tinechtlacaquilía quema timitztlajtlaníaj xitechpalehuiqui.
\q1
\v 25 Huajca, TOTECO, ipan nopa hueyi tlasentililistli nimitzpaquilismacas iniixtla nochi motlacajhua,
\q1 pampa ta titemachtli.
\q1 Iniixtla tlen mitztlepanitaj huan quiimacasij mitzixpanose,
\q1 na nijchihuas tlen nimitztencahuilijtoc para nijchihuas.
\b
\q1
\v 26 Huajca nochi tlen teicneltzitzi tlacuase huan ixhuise.
\q1 Nochi tlen quitemohuaj TOTECO quipantise huan quipaquilismacase.
\q1 Quena, paquise para nochipa.
\q1
\v 27 Tlacame ipan nochi tlaltini campa hueli ipan tlaltepactli motepotztocase huan quiilnamiquise TOTECO.
\q1 Inijuanti pehuase quihueyimatise huan motlancuaquetzase iixpa.
\q1
\v 28 Pampa TOTECO, yajaya nopa tlanahuatijquetl tlen quinahuatía nochi tlaltini.
\q1
\v 29 Nochi tlen quipiyaj tomi huan nochi tlen teicneltzitzi ipan ni tlaltepactli motlancuaquetzase iixpa.
\q1 Quena, nochi tlaltepac ehuani tlen teipa miquise, quihueyimatise.
\q1
\v 30 Nojquiya noteipa ixhuihua quihueyimatise TOTECO huan tepohuilise tlen ya nochi ininnemilis.
\q1
\v 31 Quema toteipa ixhuihua tlacajtiyase,
\q1 tepohuilise para xitlahuac TOTECO huan nochi nopa huejhueyi tlamantli tlen techchihuilijtoc.
\c 23
\s1 TOTECO nechmocuitlahuía
\q1
\v 1 Queja se tlamocuitlahuijquetl quinmocuitlahuía pilborregojtzitzi,
\q1 TOTECO nechmocuitlahuía.
\q1 Huan yeca ax tleno nechpolohua.
\q1
\v 2 Yajaya nechsehuía campa onca yejyectzi sacatl tlen xoxohuic.
\q1 Nechhuica campa onca cuali atl tlen ax mahuilili.
\q1
\v 3 Quema ayoc hueli nimotlalana,
\q1 nechmaca yancuic chicahualistli.
\q1 Yajaya nechyacana ipan ojtli xitlahuac para nijchijtinemis tlen cuali,
\q1 huan queja nopa nochi quihueyitlalise.
\b
\q1
\v 4 Yonque ninemis ipan tzintlayohuilotl nechca miquistli,
\q1 ax tleno niquimacasis, pampa ta, TOTECO,
\q1 tiitztoc nohuaya.
\q1 Ica mocuatopil tinechmanahuía ica tlen ax cuali.
\q1 Huan ica mocuachijcol tlen huehueyac tinechtilana quema seyoc ojtli nijtoquilisnequi.
\q1
\v 5 Tinechsencahuilía se cuali tlacualistli iniixtla nocualancaitacahua.
\q1 Ica aceite tinechpajtía campa nimococojtoc.
\q1 Tinechtiochijtoc hasta mocahua.
\q1
\v 6 Nijmati para ta, TOTECO, tinechyacanas nochi noyolis ica moteicnelijcayo,
\q1 pampa tijpiya hueyi moyolo nohuaya.
\q1 Huan teipa nimocahuas mohuaya ipan mochaj nepa elhuicac para nochipa.
\c 24
\s1 Nopa tlanahuatijquetl tlen nochi tlaltepactli huan elhuicactli
\q1
\v 1 TOTECO iaxca ni tlaltepactli huan nochi tlen eltoc ipani.
\q1 Senquistoc nochi tlen itztoque ipan elhuicactli huan tlaltepactli iaxca.
\q1
\v 2 Pampa yajaya quitlatzquilti cuali huan quiquetzqui ni tlaltepactli tlatzintla ipan nopa atl tlen tlahuel huejcatla.
\q1
\v 3 ¿Ajqueya huelis tlejcos ipan itepe TOTECO?
\q1 ¿Ajqueya huelis itztos ipan itiopancal tlen tlatzejtzeloltic?
\q1
\v 4 Huelis itztose nepa san tlen quipiyaj ininma huan ininyolo tlapajpactic iixpa,
\q1 pampa yajaya quintlapojpolhuijtoc inintlajtlacolhua.
\q1 San yase nepa tlen ax quihueyichihuaj se tlaixcopincayotl huan tlen ax istlacatij quema quitestigojquetzaj TOTECO.
\q1
\v 5 Quena, quinmaquixtis TOTECO,
\q1 huan quintiochihuas huan quiijtos para inijuanti itztoque cuali iixpa.
\q1
\v 6 Tlen queja nopa quitemohuaj Toteco Dios,
\q1 huelise moquetzase iixpa huan quihueyichihuase Toteco Dios tlen Jacob huejcajquiya quitoquili.
\q1
\v 7 Ma motlapoca cuali nopa huejhueyi caltemitl tlen ipa eltoya huan nochipa eltos ipan altepetl Sion,
\q1 pampa calaquiqui nopa hueyi tlanahuatijquetl tlen quinahuatía nochi tlaltepactli huan elhuicac.
\q1
\v 8 ¿Ta tijmati ajqueya nopa hueyi tlanahuatijquetl tlen quinahuatía nochi elhuicactli huan tlaltepactli?
\q1 Yajaya TOTECO tlen tlahuel tetic huan hueyi ichicahualis.
\q1 Yajaya TOTECO tlen tlatlantinemi ipan nochi tlatehuijcayotl.
\q1
\v 9 Ma motlapoca cuali nopa caltemitl tlen ipa eltoya ipan altepetl Sion,
\q1 huan calaquis nopa hueyi tlanahuatijquetl tlen quinahuatía nochi tlaltepactli huan elhuicactli.
\q1
\v 10 ¿Ta tijmati ajqueya nopa hueyi tlanahuatijquetl tlen quinahuatía nochi tlaltepactli huan elhuicactli?
\q1 Yajaya TOTECO.
\q1 Yajaya nopa hueyi tlanahuatijquetl tlen quinahuatía nochi tlaltepactli huan elhuicactli.
\c 25
\s1 David quinejqui quimatis nopa ojtli tlen más xitlahuac
\q1
\v 1 Mopan ta, TOTECO, nimomaijtohua ica nochi noyoltzi.
\q1
\v 2 Mopan ta, noTeco Dios, nimotemachía.
\q1 Amo xinechcahua para ma nimopinahualti.
\q1 Amo xiquincahuili nocualancaitacahua ma nechhuetzquilica.
\q1
\v 3 Ax quema mopinahualtijtoc se tlen ipan ta motemachijtoc.
\q1 Ma mopinahuase inijuanti tlen nimantzi quinequij mitzixpanose.
\q1
\v 4 TOTECO, xinechnextili moojhui.
\q1 Quena, xinechnextili nopa pilojtzi campa tijnequi ma ninejnemi.
\q1
\v 5 Xinechyacana ipan moojhui tlen xitlahuac huan xinechmachti,
\q1 pampa ta tinoTeco Dios huan tinotemaquixtijca.
\q1 Mopan ta nimotemachía ipan tlen hueli hora.
\q1
\v 6 TOTECO, xiquilnamiqui moteicnelilis tlen tijpixtoc para nochipa,
\q1 huan tlen hasta huejcajquiya titenextilijtoc,
\q1 huan yeca xinechtlasojtla.
\q1
\v 7 Amo xiquilnamiqui notlajtlacolhua tlen nijchijqui quema nitelpocatixtoya.
\q1 Xiquilcahua quema nimotlepanitayaya moixpa.
\q1 TOTECO, xinechilnamiqui ica moteicnelilis pampa hueyi moyolo nohuaya.
\q1
\v 8 TOTECO, ta nelía ticuali huan tixitlahuac.
\q1 Yeca tiquinnextilía tlajtlacolchihuani nopa cuali ojtli tlen ipan ma nejnemise.
\q1
\v 9 Tiquinyacana tlen moicnonequij ipan nopa ojtli tlen más xitlahuac.
\q1 Quena, tiquinmachtía inijuanti tlen quitemohuaj tlachque mopaquilis.
\q1
\v 10 Quema se tlacatl quitoquilía motlanahuatil, TOTECO,
\q1 nochi ojtli tlen ipan tijhuica quinextilía moteicnelilis,
\q1 huan quinextilía para ta tiitztoc tixitlahuac.
\q1
\v 11 ¡TOTECO! Xinechtlapojpolhui notlajtlacol yonque nelía hueyi.
\q1 Xinechtlapojpolhui pampa queja nopa tiquijtojtoc tijchihuas.
\q1
\v 12 TOTECO, ica tlacame tlen quiimacasij mitzixpanose,
\q1 tiquinnextilis nopa cuali ojtli tlen tijtlapejpenijtoc para inijuanti.
\q1
\v 13 Tiquintiochihuas miyac,
\q1 huan ininconehua quiselise nopa tlali tlen tiquinmacas.
\q1
\v 14 TOTECO tiquinpohuilía tlen eltoc ipan moyolo inijuanti tlen mitztlepanitaj huan quiimacasij mitzixpanose.
\q1 Quena, tiquinnextilía nochi tlen ininhuaya timocajtoc tlacame.
\q1
\v 15 Nochipa nimitztemohua TOTECO,
\q1 huan nijchiya para tinechpalehuiqui,
\q1 pampa san ta tihuelis tinechmanahuis tlen ni tlaquetztli.
\q1
\v 16 Xinechtlachili, TOTECO,
\q1 huan xijpiya hueyi moyolo noca na,
\q1 pampa niitztoc noselti huan nimoyolcuesohua.
\q1
\v 17 Nimoyolcuesohua ica tlahuel miyac tlamantli tlen ohui.
\q1 Xinechmanahui tlen ni cuesoli.
\q1
\v 18 Xijtlachili ni cuesoli tlen nechcuatetzopa huan nechtlaijiyohuiltía.
\q1 Huan xinechtlapojpolhui nochi notlajtlacolhua.
\q1
\v 19 Xiquita quesqui nocualancaitacahua niquinpiya huan quejatza tlahuel nechcocolíaj.
\q1
\v 20 Xinechmocuitlahui huan xinechmaquixti para ax nechcocose.
\q1 Amo xijcahua ma nechpinahualtica,
\q1 pampa ipan ta nimotemachijtoc.
\q1
\v 21 Xinechmanahui pampa nitemachtli huan nijchihua tlen xitlahuac,
\q1 huan nimotemachijtoc ipan ta.
\q1
\v 22 NoTeco Dios, xitechmaquixti tiisraelitame tlen nochi tocuesol,
\q1 pampa timotlacajhua.
\c 26
\s1 Nopa nemilistli tlen tlahuel tlapajpactic
\q1
\v 1 TOTECO, xinechtlajtolsencahua.
\q1 Xiteyolmelahua para ax tleno tlen fiero nijchijtoc.
\q1 Nimotemachijtoc san ipan ta huan ax quema nimoilhuijtoc nimitzcahuas.
\q1
\v 2 Xinechyoltlachili, TOTECO,
\q1 huan xinechyejyeco.
\q1 Xijtlachili cuali noyolo huan notlalnamiquilis tlen más noyolijtic eltoc.
\q1
\v 3 Pampa na nijpatiita moteicnelilis, huan nochipa nijtoquilía motlajtol tlen melahuac.
\q1
\v 4 Ax quema ninejnentoc ininhuaya tlacame tlen tlacajcayahuaj,
\q1 niyon ax nimohuicatoc ininhuaya tlen quipiyaj ome ininxayac.
\q1
\v 5 Nijcocolía inintlasentililis ax cuajcualme.
\q1 Ax quema nimosentilijtoc ininhuaya tlen fiero quichihuaj.
\q1
\v 6 Tlapajpactli noma tlen nochi tlajtlacoli,
\q1 huan san queja nopa nimonechcahuis motlaixpa, TOTECO.
\q1
\v 7 Nepa nihuicas huicatl para nimitzhueyitlalis huan niteyolmelahuas nochi tlen yejyectzi tlen ta tijchijtoc.
\q1
\v 8 Tlahuel niquicnelía mochaj campa tiitztoc, TOTECO,
\q1 campa monextía motlatlanex.
\q1
\v 9 Amo xinechchihuili queja tiquinchihuilía tlajtlacolchihuani huan temictiani.
\q1
\v 10 Inijuanti quisencahuaj quejatza huelis tetlacuijcuilise.
\q1 Quipiyaj ininma temitoc ica tomi tlen tlaixtaca tlainantoque.
\q1
\v 11 Pero na ninemi xitlahuac.
\q1 Xijpiya hueyi moyolo noca na,
\q1 huan xinechmaquixti.
\q1
\v 12 Ipampa ta, cuali niijcatoc,
\q1 huan ax tinechcahuilijtoc ma nihuetzi.
\q1 Tlamiyacapa, TOTECO, nimitzhueyichihuas.
\c 27
\s1 TOTECO nechtlahuilía huan nechmaquixtía
\q1
\v 1 TOTECO nechtlahuilía huan nechmaquixtía.
\q1 ¿Ajqueya ma niquimacasis?
\q1 TOTECO yajaya nochicahualis,
\q1 huan na niitztoc imaco.
\q1 Axaca niquimacasis.
\q1
\v 2 Quema ax cuajcualme quinequise nechtehuise huan quinequise nechmictise,
\q1 motepotlamise huan huetzise.
\q1
\v 3 Yonque nochi isoldados se hueyi tlali motlalanase noixtla,
\q1 ax niyolmajmahuis.
\q1 Yonque nechtehuise,
\q1 na nimotemachijtos ipan TOTECO pampa yajaya itztoc nohuaya.
\q1
\v 4 San se tlamantli nijtlajtlanijtoc TOTECO.
\q1 San se tlamantli nijnequi.
\q1 Nijnequi niitztos ipan ichaj TOTECO nochi tonali.
\q1 Nijnequi nijhueyichihuas nepa huan nimopaquilismacas ica nochi ihueyitilis huan itlatlanex.
\q1 Quena, ipan ichaj nijtemos tlen ya ipaquilis.
\q1
\v 5 Quema ajsis tonali tlen ax cuali,
\q1 TOTECO nechmocuitlahuis.
\q1 Nechtlatis ipan itiopancal campa más tlatzejtzeloltic,
\q1 huan teipa nechquetzas ipan se hueyi tetl para nechhueyitlalis.
\q1
\v 6 Quena, nechhueyitlalis iniixtla nocualancaitacahua.
\q1 Yeca na nijtencahuas tlacajcahualistli ipan itiopacal,
\q1 huan nitzajtzis ica paquilistli.
\q1 Nihuicas huan nitlatzotzonas para nijpaquilismacas TOTECO.
\b
\q1
\v 7 TOTECO, xinechtlacaquili pampa nimitznojnotza.
\q1 Xijpiya hueyi moyolo noca na,
\q1 huan xinechnanquili.
\q1
\v 8 TOTECO, quema tinechilhuía:
\q1 “Xinechcamahuiqui”,
\q1 na nimitznanquilía:
\q1 “Nimitzcamahuiti”.
\q1
\v 9 ¡Amo xinechnenetlatili!
\q1 ¡Amo xinechhuejcamajcahua pampa ticualantoc nohuaya!
\q1 San ta tlen tinechpalehuía,
\q1 noTeco Dios, ta tlen tinotemaquixtijca.
\q1 Amo xinechiyocacahua, niyon amo xinechcajtehua noselti.
\q1
\v 10 Yonque notata huan nonana nechtlahuelcahuase,
\q1 TOTECO, ta nochipa tinechmocuitlahuis.
\q1
\v 11 TOTECO, xinechnextili tlen tijnequi ma nijchihua.
\q1 Xinechyacana san ipan nopa ojtli cuali campa tijnequi ma ninejnemi,
\q1 pampa nocualancaitacahua nechyahualohuaj.
\q1
\v 12 Amo xinechtemactili ininmaco queja inijuanti quinequij,
\q1 pampa noca na motlalantoque tlacame tlen istlacatij huan san quimatij tlen más fiero nechchihuilise.
\b
\q1
\v 13 Pero na cuali nijmati TOTECO nechmanahuis,
\q1 huan sampa niquitas quejatza cuali iyolo nohuaya ipan ni tlaltepactli campa niitztoc.
\q1
\v 14 Ximochiya ipan TOTECO.
\q1 Ximotemaca huan ximosemaca huan amo ximomajmati.
\q1 Quena, ximotemachi ipan TOTECO.
\c 28
\s1 Toteco quitlacaquilía quema timomaijtohuaj
\q1
\v 1 TOTECO, tinotlamanahuijca.
\q1 San ipan ta nimotlatía.
\q1 Ta tlen nimitztzajtzilía xinechpalehuiqui.
\q1 Amo ximotlahuelnequi para tinechnanquilis,
\q1 pampa intla ax tinechnanquilis,
\q1 san nimotemacas para ma nechmictica.
\q1
\v 2 Xijcaqui notlajtol quema nimitztlajtlanía tlapalehuili.
\q1 Xinechchihuili cuenta quema nimomatlalanas huan nijmelactlachilis mocaltiopa tlen tlahuel tlatzejtzeloltic.
\q1
\v 3 Amo xinechtlatzacuilti ininhuaya tlacame tlen ax cuajcualme tlen san quichihuaj tlen ax monequi.
\q1 Inijuanti camatij yejyectzi ica sequinoc,
\q1 pero quipiyaj nochi tlen ax cuali ipan ininyolo.
\q1
\v 4 Xiquincuepili nochi tlen ax cuali quichijtoque ica tlen ax cuali nojquiya.
\q1 Xiquintlaxtlahui ica tlen fiero san se queja fiero quinchihuilijtoque sequinoc.
\q1
\v 5 TOTECO, inijuanti ax quichihuilíaj cuenta nochi tlen tijchijtoc,
\q1 huajca tiquintzontlamiltis huan ax quema tiquintlalanas sampa.
\q1
\v 6 TOTECO, nimitzpaquilismacas pampa tijtlacaquilijtoc tlen nimitztlajtlanijtoc.
\q1
\v 7 TOTECO, yajaya nochicahualis huan notlamanahuijca ica nochi tlen mahuilili.
\q1 Ipan ya nimoneltemachijtoc huan nechpalehuijtoc,
\q1 yeca ipan noyolo nijpiya miyac paquilistli.
\q1 Nihuicas huan nimitztlascamatis, TOTECO.
\q1
\v 8 TOTECO, ta tiquinpixtoc momaco nochi motlacajhua.
\q1 Yeca san ipan ta motemachía motlanahuatijca tlen tijtlapejpenijtoc.
\q1
\v 9 Xijmaquixti moaltepe, TOTECO.
\q1 Huan xiquintiochihua inijuanti tlen moaxcahua.
\q1 Xitechmocuitlahui queja se quinmocuitlahuía ipilborregojhua.
\q1 Xitechhuica momaco para nochipa.
\c 29
\s1 Se huicatl tlen ihueyitilis TOTECO
\q1
\v 1 Xijhueyichihuaca TOTECO,
\q1 imojuanti inielhuicac ejcahua.
\q1 Xijhueyichihuaca TOTECO tlen quipiya hueyi ichicahualis huan itlatlanex.
\q1
\v 2 Xijhueyichihuaca TOTECO ipampa ihueyitilis,
\q1 pampa ya nopa quinamiqui para yajaya tlen tlahuel hueyi.
\q1 Xijhueyichihuatij TOTECO tlen itztoc campa tlahuel tlayejyectzi huan tlatzejtzeloltic.
\q1
\v 3 Quema TOTECO camati,
\q1 caquisti queja tlatomonilotl tlen chicahuac ipan hueyi atl.
\q1 Itos Toteco Dios tlen itztoc ipan elhuicac caquisti queja tlatomoni ipan elhuicac tlahuel chicahuac.
\q1 Quena, TOTECO itos monanquilía iixpa nopa hueyi atl ica nochi ihueyitilis.
\q1
\v 4 Itos TOTECO quipiya chicahualistli.
\q1 Quena, itos quipiya tlahuel miyac chicahualistli.
\q1
\v 5 Itos tlahuel temajmati huan quema TOTECO camati,
\q1 quichihua para ma ixtzayanica tiocuatini.
\q1 Quena, Toteco quintlapana nochi tiocuatini ipan tlali Líbano.
\q1
\v 6 Quichihua ma huihuipicaca nochi cuatitlamitl ipan tlaltini Líbano huan Sirión.
\q1 Quinchihuilía nopa cuatini ma molinica queja piltorojtzitzi huan pilhuacaxtzitzi tlen huitontehuaj.
\q1
\v 7 Quema TOTECO camati,
\q1 quimajcahua tlilelemectli.
\q1
\v 8 Quema TOTECO camati,
\q1 huihuipica nochi huactoc tlali.
\q1 Quena, hasta quichihua para ma huihuipica nopa huactoc tlali Cades.
\q1
\v 9 Quema TOTECO quiijtohua para oncas tlatomonilotl,
\q1 huajca quichihua ma ixtzayanica nopa ahua cuatini huan quicahua tlapepestic ipan cuatitlamitl.
\q1 Ipan ichaj nepa elhuicac nochi quihueyichihuaj huan quiijtohuaj: “Nelpano yejyectzi mohueyitilis.”
\q1
\v 10 TOTECO tlanahuatiyaya quema oncac nopa tlahuel miyac atl tlen momanqui ipan nochi tlaltepactli.
\q1 Huan TOTECO noja tlanahuatía huan tlanahuatis para nochipa.
\q1
\v 11 TOTECO quinmaca chicahualistli nochi itlacajhua.
\q1 Quena, TOTECO quintiochihua huan quinmaca tlasejseltili ipan ininyolo.
\c 30
\s1 Se huicatl para quitlascamati TOTECO
\q1
\v 1 TOTECO, nimitzhueyitlalía pampa tinechtlalanqui tlen más tlatzintla.
\q1 Ax tiquincahuilijtoc nocualancaitacahua ma noca paquica.
\q1
\v 2 TOTECO, nimitztlajtlani motlapalehuil para xinechchicahua quema nimococohuayaya,
\q1 huan ta tinechchicajqui.
\q1
\v 3 TOTECO, tinechmanahui quema niitztoya para nimiquis.
\q1 Tinechmacac noyolis sampa,
\q1 huan yeca ax niitztoc ostoijtic.
\q1
\v 4 TOTECO, nochi moaxcahua ma huicaca tiohuicatl moixtla.
\q1 Ma mitzhueyichihuaca ta tlen titlatzejtzeloltic.
\q1
\v 5 TOTECO, quema ticualani,
\q1 san elis para se tlalochtli,
\q1 pero ipan nochi tonemilis titechnextilía para tijpiya hueyi moyolo tohuaya.
\q1 Yonque tojuanti quemantzi tichocaj ica tlayohua,
\q1 ica ijnaloc tijpiyaj paquilistli ipan ta.
\q1
\v 6 Quema cuali niitztoya huan ax tleno nechpolohuayaya,
\q1 nimoilhui axaca huelis nechtlanis.
\q1
\v 7 TOTECO, ica moteicnelilis titechquetztoya cuali queja se hueyi tepetl tlen axaca hueli quiolinis.
\q1 Pero teipa, timoixtlati ica na huan nimajmajcamiquiyaya.
\q1
\v 8 Huan nimitznotzqui, TOTECO.
\q1 Nimitztzajtzili para xinechtlasojtla.
\q1
\v 9 Pampa, TOTECO, intla tinechcahuilisquía ma nimiqui,
\q1 tlachque tijtlanisquía.
\q1 Ayoc huelisquía nimitzhueyichihuasquía iniixtla nohuampoyohua.
\q1 Toteco, intla nimiquis, nimocuepas tlali,
\q1 huan tlali ax huelis mitzhueyichihuas.
\q1 Mijcatzitzi ax huelise tepohuilise para ta nelía titemachtli.
\q1
\v 10 Huajca, TOTECO, xinechtlacaquili huan xijpiya hueyi moyolo nohuaya.
\q1 TOTECO, ta xieli tinotlapalehuijca.
\q1
\v 11 Tinechtlacaquilijtoc huan tinechquixtilijtoc nopa cuesoli.
\q1 Tinechmacatoc hueyi paquilistli.
\q1 Tinechquixtilijtoc nopa yoyomitl tlen nimoquentijtoya pampa nimocuesohuayaya.
\q1 Huan tinechquentijtoc se cuali yoyomitl tlen tenextilía para nijpiya paquilistli.
\q1
\v 12 Yeca TOTECO, ax hueli nimocamatzacuas.
\q1 Nimitzhueyichihuas ica tiohuicatl huan nochipa nimitztlascamatis.
\c 31
\s1 Ma timotemachica miyac ipan Toteco
\q1
\v 1 TOTECO, ipan ta nimotemachijtoc.
\q1 Ax quema xiquincahuili sequinoc ma nechpinahualtica.
\q1 Xinechmanahui ta tlen nochipa tijchihua tlen xitlahuac.
\q1
\v 2 TOTECO, ximotzonpilo huan xinechtlacaquili.
\q1 Xinechmanahuiqui nimantzi.
\q1 Xinechcahuili ma nimotlati mopan ta.
\q1 Na niitztos momaco para tinechmanahuis.
\q1
\v 3 Ipan ta nimotemachía para tinechpalehuis.
\q1 Quena, ipan ta niitztoc ica temachili.
\q1 Tinechyacantiyas para nochi ma mitzhueyitlalica más.
\q1
\v 4 Ta tinotlamocuitlahuijca,
\q1 xinechmaquixti tlen ni tlaquetztli tlen nocualancaitacahua quitlatijtoque ipan noojhui para nechmasiltise.
\q1
\v 5 Nimitzmactilía notonal momaco.
\q1 Xinechmanahui, TOTECO, ta tlen tieli nopa Dios tlen titemachtli.
\q1
\v 6 Niquincocolía nochi tlen quinhueyichihuaj teteyome,
\q1 pampa teteyome ax tleno hueli quichihuaj.
\q1 Pero na nimotemachijtoc ipan ta, TOTECO.
\q1
\v 7 Nijpiya miyac paquilistli pampa tinechicnelía.
\q1 Ta tiquitztoc nochi nocuesol,
\q1 tiquixmajtoc nochi tlen nopantitoc.
\q1
\v 8 Amo xinechtemactili ininmaco nocualancaitacahua.
\q1 ¡Axtle! Campa tinechquetzqui eli tlacualca huan temachtli.
\s1 David tlaijiyohuiyaya ica cocolistli huan ica icualancaitacahua
\q1
\v 9 TOTECO, xinechtlasojtla pampa niitztoc ipan cuesoli.
\q1 Nisenchocatoc hasta nijmati tlantiyohuij noixtiyolhua.
\q1 Ipan noyolo huan notlacayo nijmati nitlamitlaijiyohuijtoc ica cuesoli.
\q1
\v 10 Ni tlacuajcualocayotl nechtzontlamiltía pampa san cuesoli nijmati.
\q1 Sesen xihuitl tlen pano san niayijtía.
\q1 Ya tlantinemi nochicahualis ipampa notlajtlacolhua hasta ya nitlacayohuactinemi.
\q1
\v 11 Nocualancaitacahua huan hasta nocalnechcahua nechijiyaj.
\q1 Tlen nechixmatij nechimacasij.
\q1 Tlen nechitaj ojtipa nechtlalcahuíaj.
\q1
\v 12 Nochi tlacame nechilcajtoque queja ya nimictosquía.
\q1 Nechtlahuelcajtoque queja se chachapal tepalcatl ipan tlasoli.
\q1
\v 13 Nijcaqui quejatza nocualancaitacahua nechistlacahuíaj.
\q1 Yeca nechitzquitoc se hueyi majmajtli huan nechmajmatía.
\q1 Inijuanti san sejco moijilhuíaj quejatza huelise nechmictise.
\q1
\v 14 Pero TOTECO, na nimotemachía ipan ta huan niquijtohua: “¡Taja tinoDios!”
\q1
\v 15 Sesen tonali tlen niitztoc momaco eltoc.
\q1 Xinechmanahui ininmaco nocualancaitacahua tlen nechtlaijiyohuiltijtinemij.
\q1
\v 16 TOTECO, ma monextis moteicnelijcayo ipan moxayac quema tinechtlachilía na,
\q1 nimotlatequipanojca.
\q1 Xinechmaquixti pampa ta tinechsenicnelijtoc.
\q1
\v 17 TOTECO, na nimitztemojtoc.
\q1 Amo xiquincahuili para ma nechpinahualtica.
\q1 Xiquinpinahualti tlacame tlen ax cuajcualme.
\q1 Quena, inijuanti mocamatzacuase quema tiquintzontlamiltis.
\q1
\v 18 TOTECO, ayoc molinis ininnenepil inijuanti tlen istlacatij quema ya mictose.
\q1 Ayoc itztose inijuanti tlen mohueyimatij quema camatij para techtlaijilhuise tojuanti tlen tinemij xitlahuac moixpa.
\q1 Quena, xiquinmicti tlen mohueyitlalíaj huan techmahuispolohuaj.
\q1
\v 19 Pero ta, nelía hueyi moyolo ica inijuanti tlen mitztlepanitaj huan tiquinmocuitlahuía.
\q1 Nelía cuali moteicnelilis tlen ticajcoctoc para tojuanti tlen timotemachijtoque ipan ta,
\q1 tojuanti tlen tlamiyacapa titematiltijtoque para san ta tihueli titechmanahuis.
\q1
\v 20 TOTECO, ta techtlatía campa ixtacatzi tojuanti tlen timitztlepanitaj,
\q1 huan nepa ta timocahua tohuaya.
\q1 Yeca fiero tlacame ax huelij techajsise ica tlen quisencajtoque.
\q1 Quena, momaco titechtlatía huan axaca tlen techmahuispolohua hueli techajsis.
\q1
\v 21 Nimitztlascamati, TOTECO,
\q1 pampa tijchijqui huejhueyi tlamantli para tinechnextilis moteicnelijcayo.
\q1 Ica temachili tinechyahualojtoc para tinechmanahuis tlen nocualancaitacahua.
\q1
\v 22 TOTECO, nimoilhuijtiquisqui para tinechtlahuelcajtoya.
\q1 ¡Pero ax neli!
\q1 Tijcajqui quema nimitztzajtzili xinechpalehuiqui, huan tinechnanquili.
\b
\q1
\v 23 Nochi imojuanti tlen iniaxcahua TOTECO,
\q1 xiquicnelica pampa yajaya quinmocuitlahuía tlen itztoque temachme.
\q1 Pero ica tlacame tlen mohueyimatij,
\q1 TOTECO quintlaxtlahuía hasta ica itlapanca nochi tlen ax cuali quichijtoque.
\q1
\v 24 Nochi imojuanti tlen inmotemachíaj ipan TOTECO,
\q1 xipaquica huan ximotemachica.
\c 32
\s1 Nelía paqui nopa tlacatl tlen TOTECO quitlapojpolhuijtoc
\q1
\v 1 Nelía paqui nopa tlacatl tlen TOTECO quitlapojpolhuijtoc itlajtlacolhua huan quiixpolojtoc nochi itlaixpanolhua.
\q1
\v 2 Quipiya paquilistli tlen ya quipohuilijtoc TOTECO itlajtlacolhua,
\q1 huan ayoc quitlajtlacoltía ica niyon se tlamantli.
\q1 Ipan iyolo ayoc mocajcayahua queja ax tleno quichijtoc.
\q1
\v 3 Quema aya nijpohuilijtoya TOTECO queja nitlajtlacolchijtoya,
\q1 semilhuitl nitlaijiyohuiyaya hasta nijmatqui para tlantoya nochicahualis.
\q1
\v 4 Tinechtlatzacuiltiyaya tonaya huan tlayohua.
\q1 Tinechtlatzacuilti hasta nijmatiyaya nicuahuaquiyaya queja soquiatl huaqui quema chicahuac tlatotoniya.
\q1
\v 5 Pero teipa nimitzpohuili nochi notlajtlacolhua huan niyon se ax nijtlati.
\q1 Nimotemacac nimitzpohuilis nochi notlaixpanolhua huan ta, TOTECO, nochi tinechtlapojpolhui,
\q1 huan tinechquixtili nopa tlaeticayotl.
\q1
\v 6 Monequi para nochi tlen moaxcahua mitztemose quema itztoque ipan cuesoli.
\q1 Monequi motemachise ipan ta,
\q1 huan yonque cuesoli momiyaquilis queja se atlajtli tlen chicahuac mixcuepa,
\q1 ax quinajsis.
\q1
\v 7 TOTECO, ipan ta nimotemachía quema onca cuesoli,
\q1 huan ta tinechmocuitlahuía.
\q1 Tijchijtoc para sequinoc ma nechyahualoca,
\q1 huan inijuanti huicaj chicahuac para mitzhueyichihuase pampa tinechmanahuijtoc.
\b
\q1
\v 8 TOTECO quiijtohua:
\q1 “Na nimitztlalnamictis huan nimitznextilis nopa ojtli tlen más cuali,
\q1 tlen monequi ipan timonejnemiltis.
\q1 Na nimitzconsejomacas huan nimitztlachilijtos.
\q1
\v 9 Amo ximochihua queja se cahuayo,
\q1 o se mula tlen ax quipiya tlalnamiquistli,
\q1 tlen monequi tijtlalilis se tepos camachali ica se mecatl huan tijtilanas para ma mitzneltocas.”
\b
\q1
\v 10 Ax cuajcualme quipantise miyac tlaijiyohuilistli,
\q1 pero tojuanti tlen timotemachíaj ipan TOTECO,
\q1 yajaya techyahualohua ica iteicnelilis.
\q1
\v 11 Xipaquica ipan TOTECO,
\q1 imojuanti tlen initztoque xitlahuaque iixpa.
\q1 Imojuanti tlen inquineltoquilíaj,
\q1 xitzajtzica ica paquilistli ipampa tlen TOTECO quichijtoc.
\c 33
\s1 Se huicatl para quihueyichihuase TOTECO
\q1
\v 1 Xihuicaca ica paquilistli para TOTECO imojuanti tlen initztoque xitlahuac iixpa.
\q1 Nelía yejyectzi para nochi tojuanti tlen tijchijtinemij tlen cuali ma tijhueyichihuaca.
\q1
\v 2 Xitlatzotzonaca ica arpa para xijhueyichihuaca, TOTECO.
\q1 Xihuicaca iixpa huan xijpaquilismacaca ica tlatzotzonali tlen nesi queja guitarra.
\q1
\v 3 Xijsencahuaca se huicatl tlen yancuic,
\q1 huan xijhuicatica TOTECO.
\q1 Xitlatzotzonaca cuali,
\q1 huan xitzajtzica ica paquilistli.
\q1
\v 4 Pampa nelía xitlahuac nochi tlen quiijtohua TOTECO.
\q1 Nochi tlen quichihua tenextilía para temachtli.
\q1
\v 5 TOTECO quipactía nochi tlen xitlahuac huan tlen melahuac.
\q1 Nochi tlen itztoque ipan tlaltepactli quiselíaj iteicnelilis TOTECO.
\q1
\v 6 TOTECO tlanahuati ma onca elhuicactli huan mochijqui.
\q1 San camatqui huan mochijqui metztli, tonati huan nochi sitlalime.
\q1
\v 7 Yajaya quisejcotili nochi atl tlen eltoc ipan hueyi atl.
\q1 Quiajcojqui nopa atl campa más tlahuejcatla.
\q1
\v 8 Nochi intlaltepac ehuani xijhueyitlepanitaca TOTECO.
\q1 Quena, nochi tlen initztoque ipan ni tlaltepactli xiquimacasica.
\q1
\v 9 Pampa nochi tlen yajaya quiijto,
\q1 ya nopa mochijqui.
\q1 Huan tlen yajaya tlanahuati ma eli,
\q1 ya nopa elqui.
\q1
\v 10 TOTECO quinxolehuilía inintlalnamiquilis tlacame ipan campa hueli tlaltini para ma ax quichihuaca tlen fiero moilhuijtoque.
\q1 San tlailpitzas huan quincuapolos tlaltini para ax huelise quichihuase tlen fiero quisencajtoque quichihuase.
\q1
\v 11 Pero tlen TOTECO moilhuijtoc quichihuas ax quema mopatlas.
\q1 Tlen ya quinequi,
\q1 ya nopa elis para nochipa.
\q1
\v 12 Paquij tlacame ipan nopa tlali tlen motemachíaj ipan TOTECO.
\q1 Quena, nelía paquij nopa tlacame tlen TOTECO quintlapejpenijtoc para iaxcahua.
\q1
\v 13 TOTECO tlen itztoc nepa elhuicac techhualtlachilijtoc nochi titlacame.
\q1
\v 14 Hasta nepa ipan elhuicac TOTECO techtlachilijtoc tlen tiitztoque ipan ni tlaltepactli.
\q1
\v 15 Yajaya TOTECO tlen techyolchijchijqui nochi titlaltepac ehuani huan techtlachilía nochi tlen tijchijtinemij.
\q1
\v 16 Se hueyi tlanahuatijquetl ax tlatlani pampa quinpiya miyac isoldados.
\q1 Niyon se soldado tlen motemaca ax tlatlani pampa quipiya miyac fuerza.
\q1
\v 17 Amo ximotemachi ipan se cahuayo para mitzmanahuis yonque nelía tetic.
\q1 San ica ifuerza ax hueli temanahuía.
\q1
\v 18 Pero TOTECO, quena, yajaya nochipa techtlachilijtoc tojuanti tlen tiquimacasij tiquixpanose.
\q1 Techmocuitlahuía tlen timochiyaj ipan iteicnelilis.
\q1
\v 19 Techmanahuía quema tiitztoque nechca miquistli.
\q1 Huan techtlamacas quema oncas mayantli para noja ma tiitztoca.
\q1
\v 20 Tojuanti ipan toyoltzi timotemachíaj ipan TOTECO.
\q1 Yajaya techpalehuía huan techmanahuía ica tlen ax cuali.
\q1
\v 21 Yeca ma tiyolpaquica ipan TOTECO,
\q1 pampa timoneltemachijtoque ipan yajaya tlen nelía tlatzejtzeloltic.
\b
\q1
\v 22 TOTECO, xijpiya moyolo tohuaya,
\q1 pampa san ipan ta timochiyaj.
\c 34
\s1 TOTECO techmocuitlahuía huan techmanahuía
\q1
\v 1 Nijtlascamatis TOTECO ajachica huan nochipa nijsenpaquilismacatos.
\q1
\v 2 Nijhueyitlalis huan niquinilhuis nochi tlacame tlen yajaya nechchihuilijtoc.
\q1 Inijuanti tlen teicneltzitzi quicaquise huan paquise.
\q1
\v 3 Ma tijhueyichihuaca huan ma tijhueyitlalica TOTECO san sejco.
\q1
\v 4 Nijtzajtzili TOTECO ma nechpalehuiqui,
\q1 huan yajaya nechtlacaquili huan nechmanahui tlen nochi tlen nechmajmatiyaya.
\q1
\v 5 Sequinoc tlen motemachíaj ipan Toteco ixcahuanij ica paquilistli nojquiya,
\q1 ipampa tlen yajaya quinchihuilijtoc.
\q1 Ax quema pinahuase.
\q1
\v 6 Yonque nipilteicneltzi,
\q1 nijtzajtzili TOTECO,
\q1 huan yajaya nechmaquixti ica nochi tlamantli tlen nechcuesohuayaya.
\q1
\v 7 Ielhuicac ejca TOTECO quinmocuitlahuía nochi tlen quiimacasij TOTECO,
\q1 huan yajaya quinmanahuía.
\q1
\v 8 Xijyejyecoca TOTECO huan inquiitase para melahuac cuali iyolo tohuaya.
\q1 Hueyi paquilistli quipiyaj nochi tlacame tlen ipan ya motemachíaj.
\q1
\v 9 Nochi imojuanti tlen iniaxcahua TOTECO, xiquimacasica,
\q1 pampa nochi tlen quitlepanitaj ax tleno quinpolohua.
\q1
\v 10 Nopa tecuanime tlen más quipiyaj chicahualistli quemantzi mayantinemij huan ax quipantíaj tlen quicuase,
\q1 pero tlacame tlen quitemohuaj TOTECO quipiyase nochi tlen cuali.
\q1
\v 11 Xihualaca noconehua, huan xinechtlacaquilica,
\q1 huan nimechmachtis quejatza monequi inquitlepanitase TOTECO,
\q1 huan inquiimacasise inquiixpanose.
\q1
\v 12 ¿Tijnequi tiitztos ica yejyectzi?
\q1 ¿Tijnequi tihuejcahuas ipan ni tlaltepactli,
\q1 huan tiquitas tlen cuali?
\q1
\v 13 Monequi xijmocuitlahuis monenepil para ax tiquinmahuispolos sequinoc ica istlacatili.
\q1
\v 14 Ximoiyocatlali ica tlen ax cuali,
\q1 huan xijchihua san tlen xitlahuac.
\q1 Xijchihuaca tlen inhuelij para ma oncas tlasejseltili ininhuaya nochi tlacame.
\q1 Quena, ya nopa xijtemoca ica nochi imoyolo.
\q1
\v 15 TOTECO quintlachilía tlen nemij xitlahuac iixpa,
\q1 huan san quichiya para quinmacas tlen quitlajtlanise.
\q1
\v 16 Pero TOTECO sencualantoc ica inijuanti tlen quichihuaj tlen fiero.
\q1 Quintzontlamiltis para ma axaca quinilnamiquis ipan ni tlaltepactli.
\q1
\v 17 Quema tlacame tlen itztoque xitlahuaque iixpa TOTECO quitzajtzilíaj,
\q1 yajaya quintlacaquilía.
\q1 Huan quinmanahuía tlen nochi inincuesolhua.
\q1
\v 18 TOTECO itztoc ininnechca tlacame tlen mocuesohuaj.
\q1 Huan quinmaquixtía tlen mocuesohuaj ica inintlajtlacolhua.
\q1
\v 19 Se tlacatl tlen itztoc xitlahuac iixpa TOTECO quipiya miyac cuesoli,
\q1 pero TOTECO quimanahuía ica nochi tlen ipanti.
\q1
\v 20 Pampa TOTECO quimocuitlahuía para ax postequis niyon se iomiyo.
\q1
\v 21 Se tlacatl tlen fiero iyolis miquis ipampa nopa tlamantli fiero tlen quichihua.
\q1 Quena, TOTECO quintlalilis tlatzacuiltili tlen quicocolíaj tlen cuali.
\q1
\v 22 TOTECO quinmaquixtía itlatequipanojcahua.
\q1 Quena, quintlapojpolhuía itlacajhua tlen motemachíaj ipan ya.
\c 35
\s1 Se tlamaijtoli para TOTECO ma quimaquixti
\q1
\v 1 TOTECO, xiquincamaijixnamiqui tlen noca cualanij.
\q1 Xiquintehui tlen quinequij nechtehuise.
\q1
\v 2 Xijcui nochi motlatehuijca teposhua,
\q1 huan xiquintehui para tinechmanahuis.
\q1
\v 3 Xijquixti mohacha tlen ica titlatehuía,
\q1 huan xiquinojtzacua tlen nechtepotztocatihualahuij.
\q1 Huan xinechilhui:
\q1 “Na nimitzmaquixtis.”
\b
\q1
\v 4 Ma mopinahuaca huan ma mocuapoloca tlen nechtemohuaj para nechmictise.
\q1 Ma mocuepaca ininchaj ica pinahualistli tlen quinequij nechchihuilise tlen fiero.
\q1
\v 5 Queja se ajacatl quihuica tlasoli,
\q1 ielhuicac ejca TOTECO ma quintotocatiyas tlen nechcocolíaj.
\q1
\v 6 Ma onca tzintlayohuilotl ipan iniojhui.
\q1 Ma tlaxixitlacas campa nemij para ma huetzica,
\q1 huan ielhuicac ejca Toteco ma quintepotztocatiyas para quinmictis.
\q1
\v 7 Pampa yonque ax tleno nijchijtoya,
\q1 quitlalijque se tlaquetztli para nechmasiltise.
\q1 Quixajque se tlacoyoctli para ipan ma nihuetzi.
\q1
\v 8 Ma quintlalochajsi se hueyi cuesoli.
\q1 Ma masica ipan nopa tlaquetztli tlen inijuanti quitlalijque huan ma motzontlamiltica.
\q1
\v 9 Huajca quena, na nipaquis ipan TOTECO.
\q1 Nijpiyas paquilistli pampa TOTECO nechmaquixtijtos.
\q1
\v 10 Ica nochi noyolo niquijtos:
\q1 “Axaca seyoc queja ta, TOTECO.
\q1 Tiquinmocuitlahuía tlen ax quipiyaj fuerza para tlacame tlen tetique ax huelis quinajsise.
\q1 Quena, tiquinmanahuía tlen teicneltzitzi huan tlen ax quipiyaj tlen inintechmonequi.
\q1 Tiquinmanahuía ininmaco tlen quinequij quintlacuijcuilise.”
\q1
\v 11 Motlalanaj tlacame tlen ax cuajcualme huan nechcocolíaj.
\q1 Inijuanti tlatestigojquetzaj tlen ax neli,
\q1 huan nechtlaijilhuíaj ica tlamantli tlen ax nijmati.
\q1
\v 12 Nechtlaxtlahuíaj ica tlen ax cuali,
\q1 yonque nelcuali niquinchihuilijtoc.
\q1 San quinequij nechcuesolmacase.
\q1
\v 13 Pero quema inijuanti mococojque,
\q1 nimocueso ininhuaya huan nimoyoyonti ica nopa fiero yoyomitl para nochi quimatise nimocuesohuayaya ininhuaya.
\q1 Hasta nimosajqui ininpampa inijuanti para nijtlajtlanis TOTECO ma quinchicahua.
\q1 Pero TOTECO ax quicajqui tlen niquilhui.
\q1
\v 14 Nimocuesojtinemiyaya queja se tlamantli fiero ipantitosquía se nohuampo o se noicni.
\q1 Nimocueso huan nichocatinemiyaya queja mictosquía nonana.
\q1
\v 15 Pero quema na nechajsic cuesoli, inijuanti pajque.
\q1 Quema nimotepotlami huan nihuetzqui,
\q1 inijuanti mosentilijque huan nechhuetzquilijque.
\q1 Tlacame tlen ax cuajcualme huan tlen nechixmatiyayaj nechijilnamiquiyayaj huan nechmaquiliyayaj yonque ax tleno nijchijtoya.
\q1
\v 16 Queja tlacame tlen ax cuajcualme quihuetzquilíaj tlen hueli,
\q1 inijuanti noca pajque huan motlancochhuehuechotzque noixtla ica cualantli.
\b
\q1
\v 17 TOTECO, ¿hasta quema noja san tijtlachilijtos nochi ni tlamantli?
\q1 Xinechmanahui para ax nechmictise,
\q1 pampa san setzi noyolis.
\q1 Xinechmaquixti tlen ni tlacame tlen mochihuaj queja tecuanime tlen quinequij nechhuejhuelose.
\q1
\v 18 Huan nimitztlascamatis tlamiyacapa ipan tlasentilistli.
\q1 Iniixtla nochi nopa miyac motlacajhua nimitzpaquilismacas.
\q1
\v 19 Amo xiquincahuili nocualancaitacahua tlen istlacatij ma noca paquica.
\q1 Amo xiquincahuili tlen nechcocolíaj ma moixijcopilica ica paquilistli noixtla pampa nimocuesohua.
\q1
\v 20 Inijuanti ax tenotzaj ica cuali.
\q1 San moilhuíaj quejatza huelis quincajcayahuase tlacame tlen itztoque ica yejyectzi ipan ni tlali.
\q1
\v 21 Nechtlaijilhuíaj huan quiijtohuaj:
\q1 “¡Xiquitaca tijnelitztoque tlen fiero quichijqui!”
\b
\q1
\v 22 TOTECO, ta tiquitztoc tlen quichihuaj.
\q1 Amo san xiitzto huan ax tleno tijchihuas.
\q1 ¡Amo xinechtlahuelcahua!
\q1
\v 23 Ximotlalana huan xinechchihuili tlen xitlahuac huan melahuac.
\q1 Quena, TOTECO, xiisihui huan xinechmanahuiqui.
\q1
\v 24 TinoTeco Dios, ta tlen ipa titetlajtolsencahua xitlahuac,
\q1 xitenextili para ax tleno nijchijtoc.
\q1 Amo xiquincahuili nocualancaitacahua ma noca huetzcaca.
\q1
\v 25 Ma ax nopanti tlen inijuanti quinequij.
\q1 Ma ax quiijtoca nechixpolojtoque.
\q1 Amo xiquincahuili ma moilhuica para inijuanti nechtlantoque.
\q1
\v 26 Xijchihua para inijuanti tlen noca paquij ipampa nocuesol ma mocuapoloca huan ma ayoc quimatica tlachque quichihuase.
\q1 Quena, xijcahua para inijuanti tlen moilhuíaj para más huejhueyi que na ma mopinahualtica huan ma ayoc aca quintlepanitas.
\q1
\v 27 Pero ma huicaca ica paquilistli inijuanti tlen nechpalehuíaj.
\q1 Ma paquica inijuanti tlen quiitaj para nijchihua tlen xitlahuac.
\q1 Huan nochipa ma quiijtoca:
\q1 “Nelía hueyi TOTECO tlen quipactía quipalehuis David,
\q1 pampa yajaya quitequipanohua.”
\q1
\v 28 Quena, xijtlacaquili tlen nimitztlajtlanía,
\q1 huan teipa nitepohuilis para nelía xitlahuac tlen tijchihua.
\q1 Quena, semilhuitl nimitzpaquilismacas.
\c 36
\s1 Inintlajtlacol tlacame huan iteicnelilis TOTECO
\q1
\v 1 Nijpixtoc ipan noyolo tlen nijnequi niteyolmelahuas tlen inintlajtlacol ax cuajcualme.
\q1 Ax cuajcualme quiilcahuaj Toteco Dios huan ax quiimacasij.
\q1
\v 2 Mohueyimatij ica ininselti hasta moilhuíaj yajaya ax hueli quichihuas cuenta nochi tlen fiero quichijtinemij,
\q1 huan yeca ax quintlatzacuiltis.
\q1
\v 3 Quisa inincamaco senquistoc tlen fiero huan tlen ax melahuac.
\q1 Quipolojtoque inintlalnamiquilis,
\q1 huan ayoc quichihuaj tlen cuali.
\q1
\v 4 Quema motecaj ipan inintlapech para cochise,
\q1 san quisencahuaj tlachque tlajtlacoli quichihuase.
\q1 Moneltlatzquilijtoque ipan iniojhui tlen fiero huan san tlen ax cuali quinequij.
\b
\q1
\v 5 TOTECO, motlasojtlacayo quinajsi nochi tlacame huan onajsi hasta elhuicac huan hasta campa mixtli.
\q1 Nelía titemachtli.
\q1
\v 6 Tiitztoc tlahuel tixitlahuac huan ax quema timopatla.
\q1 Tiitztoc temachtli queja nopa huejhueyi tepetini campa tlahuel tlahuejcapa.
\q1 Nelxitlahuac titetlajtolsencahua,
\q1 huan ax hueli tijmachilíaj motlanejnehuilis,
\q1 pampa eltoc queja nopa hueyi atl tlen onpano huejcatla.
\q1 ¡TOTECO! Ta san se tiquinmocuitlahuía queja tlacame huan tecuanime.
\q1
\v 7 Toteco Dios, nelía yejyectzi moteicnelilis tlen ax quema techcahua.
\q1 Yeca tlacame tlen quipiyaj tlanahuatili huan tlen teicneltzitzi monechcahuíaj campa ta para xiquinmanahui.
\q1 Quena, mochihuaj queja pilpiyotzitzi tlen calaquij ieltlapaltzala ininnana.
\q1
\v 8 Tlacame tlen mitztemohuaj ixhuij cuali ica nopa tlatiochihualistli tlen tiquinmaca nepa mochaj.
\q1 Eltoc queja se hueyi tlacualistli tlen titechtencahuilía toixtla.
\q1 Titechcahuilía ma tiatlica ipan nopa atlajtli tlen temaca ajhuiyac atl.
\q1 Quena, nochi tlen tijtlajtlaníaj titechmaca.
\q1
\v 9 Pampa ta titechmaca yolistli nochi tlen tiitztoque,
\q1 huan pampa titechmaca tlahuili, tojuanti tihuelij titlachiyaj.
\q1
\v 10 Nimitztlajtlanía para mojmostla xitechicneli tojuanti tlen timitzixmatij.
\q1 Nochipa titechchihuilía tlen xitlahuac nochi tojuanti tlen ipan toyolo tijnequij tijchihuase tlen cuali.
\q1
\v 11 Amo xijcahua para ma nopan moquejquetzaca inijuanti tlen mohueyimatij.
\q1 Niyon amo xiquincahuili ma nechtojtocaca ax cuajcualme.
\b
\q1
\v 12 Se tonal niquijtos:
\q1 ¡Xiquitaca quejatza ama huetztoque nochi tlajtlacolchijca tlacame tlen mosisiníaj!
\q1 Toteco Dios quinhuetziltijtoc para ayoc huelise motlalanase.
\c 37
\s1 Iniojhui cuajcualme huan ax cuajcualme
\q1
\v 1 Amo ximocueso ica ax cuajcualme.
\q1 Niyon amo xiquixtoca tlen quipiyaj tlacame tlen quichihuaj tlen ax monequi.
\q1
\v 2 Pampa nimantzi huetzise queja cuapachtli quema quitzontequij.
\q1 Huan polihuise queja xihuitl tlen huaqui.
\q1
\v 3 Ximotemachi ipan TOTECO huan xijchihua tlen cuali.
\q1 Queja nopa tipajcaitztos ipan motlal huan ax tleno mitzpolos.
\q1
\v 4 Ximohuampochihua ihuaya TOTECO,
\q1 huan yajaya mitzmacas tlen moyolo quinequi.
\q1
\v 5 Xijcahuili TOTECO ma mitznextili campa tinemis.
\q1 Ximotemachi ipan ya, huan yajaya quichihuas.
\q1
\v 6 Quipannextis tlen xitlahuac tijchihua.
\q1 Quena, quichihuas para nochi ma quiitaca motlalnamiquilis queja nochi quiitaj quema tlahuía tonati ipan tlajcotona.
\q1
\v 7 Xijpiya moyolo quema tiitztoc iixpa TOTECO.
\q1 Amo ximolini.
\q1 Xijchiya para yajaya quichihuas tlen moilhuijtoc quichihuas.
\q1 Amo xicualani ininhuaya tlen quipiyaj nochi tlen quinequij ama.
\q1 Amo xiquinchihuili cuenta inijuanti tlen quichijtinemij sesen tlamantli tlen fiero quisencajtoque.
\q1
\v 8 Amo ximocualancamaca.
\q1 Xijtlalcahui cualantli,
\q1 pampa cualantli noja más hueyi mochihuas huan mitzcocos.
\q1
\v 9 TOTECO quintzontlamiltis tlen mosisiníaj,
\q1 pero tlen motemachíaj ipan ya quintiochihuas huan moaxcatise nopa tlali.
\q1
\v 10 Ayoc huejcahuas noja itztose ax cuajcualme,
\q1 teipa yonque titlachiyas campa itztoyaj,
\q1 ax quema sampa tiquinpantis.
\q1
\v 11 Pero tlacame tlen moicnonequij iixpa Toteco itztose ipan nopa cuali tlali huan tlahuel paquise,
\q1 pampa yajaya quintiochihuas hasta mocahuas.
\q1
\v 12 Tlacame tlen quicocolíaj Toteco mosenilhuijtoque tlachque fiero tlamantli huelis quinchihuilise inijuanti tlen xitlahuac nemij.
\q1 Quintlachilíaj ica cualantli huan motlanhuehuechotzaj iniixpa.
\q1
\v 13 Pero Toteco quinhuetzquilía nopa tlacame,
\q1 pampa quimati para monechcahuía nopa hora quema quintzontlamiltis.
\q1
\v 14 Tlacame tlen quicocolíaj Toteco quicopinaj ininmachete para quinmajcahuilise tlen teicneltzitzi.
\q1 Quihuitolohuaj inincuahuitol huan quinmelactlachilíaj tlen moicnonequij iixpa Toteco.
\q1 Quena, quinchiyaj para quinmictise tlen xitlahuac monejnemiltíaj.
\q1
\v 15 Pero tlen inijuanti ininmachete calaquis ipan ininyolo,
\q1 huan inincuahuitolhua pojpostequis huan cuechtic elis.
\q1
\v 16 Más cuali nopa quentzi tlen quipiya se cuali tlacatl huan ax queja imiyaca nochi tlamantli pajpatiyo tlen quipiyaj tlajtlacolchihuani.
\q1
\v 17 Pampa TOTECO quinquixtilis ininchicahualis tlen ax itztoque tlapajpacme iixpa,
\q1 pero quinfuerzajmacas tlen monejnemiltíaj cuali iixpa.
\q1
\v 18 Mojmostla TOTECO quitlachilía tlen quichihuaj tlacame tlen itztoque xitlahuaque iixpa,
\q1 huan nopa tlali tlen quinmacas para iniaxca huejcahuas para nochipa.
\q1
\v 19 Quema ajsis tonali tlen ax cuali,
\q1 quinmocuitlahuis para ax más tlaijiyohuise.
\q1 Quema oncas mayantli, quinmacas tlen quicuase hasta mocahuas.
\q1
\v 20 Pero ax cuajcualme miquise.
\q1 Quena, queja huaquij nopa yejyectzitzi xochitl sacapetlaixco huan ayoc nesi ininyejyejca,
\q1 nojquiya polihuise icualancaitacahua TOTECO.
\q1 Quena, polihuise queja poctli tlen quisa huan ayoc nesi.
\q1
\v 21 Se tlacatl tlen ax cuali iyolo motlanehui se tlamantli huan ayoc quicuepa.
\q1 Pero tlacame tlen cuajcualme quipiyaj hueyi ininyolo huan temacaj hasta mocahua.
\q1
\v 22 Tlen TOTECO quintiochihua quiselise nopa tlali tlen yajaya quinmacas,
\q1 pero tlen TOTECO quintelchihua quintzontlamiltis.
\q1
\v 23 TOTECO quichihua ma eli temachtli sesen paso ipan iyolis se cuali tlacatl,
\q1 huan nopa tlacatl paqui miyac pampa nemi cuali.
\q1
\v 24 Yonque huetzis nopa cuali tlacatl, ax mocahuas nepa huetztoc,
\q1 pampa TOTECO quitlalanas ica ima.
\q1
\v 25 Na nojquiya nitelpocatixtoya huan ama ya nihuehuentzi,
\q1 pero ax quema niquitac TOTECO quitlahuelcahua se tlacatl tlen itztoc xitlahuac iixpa.
\q1 Niyon iconehua se cuali tlacatl ax niquinitztoc intla motlaejehuíaj para ica panose.
\q1
\v 26 Mojmostla se cuali tlacatl quintlasojtla sequinoc huan quintlanejtía tlen monequi.
\q1 Iconehua se cuali tlacatl tepalehuíaj.
\q1
\v 27 Huajca intla tijnequi tiitztos para nochipa,
\q1 xijtlalcahui tlajtlacoli huan xijchihua san tlen cuali.
\q1
\v 28 Pampa TOTECO quipactía tlen xitlahuac huan ax quema quinhuejcamajcahuas iaxcahua tlen itztoque temachme.
\q1 ¡Axtle! Techmocuitlahuis para nochipa.
\q1 Pero quintzontlamiltis nochi tlacame tlen ax cuajcualme,
\q1 huan ax quincahuilis niyon se iniixhui.
\q1
\v 29 Tlacame tlen itztoque xitlahuaque iixpa TOTECO moaxcatise nopa tlali tlen yajaya quinmacas,
\q1 huan nepa itztose para nochipa.
\q1
\v 30 Se tlacatl tlen itztoc cuali iixpa Toteco camati ica tlalnamiquilistli huan quiijtohua tlen xitlahuac.
\q1
\v 31 Quipiya Itlajtol Toteco Dios ipan iyolo,
\q1 huan yeca ax huetzis ipan tlajtlacoli.
\q1
\v 32 Tlacame tlen quicocolíaj Toteco Dios quintlachilíaj tlacame tlen monejnemiltíaj xitlahuac.
\q1 Quitemohuaj quejatza huelis quinteilhuise para ma quinmictica.
\q1
\v 33 Pero TOTECO ax quincahuas para cuali tlacame ma mocahuaca ininmaco inincualancaitacahua.
\q1 Quema ajsise iixpa se juez,
\q1 ax quincahuas ma quintlatzacuiltica tlen cuajcualme ica se tlamantli tlen ax quichijtoque.
\q1
\v 34 Ximotemachi ipan TOTECO huan xijchihua tlen yajaya quinequi,
\q1 pampa yajaya mitzhuejcapantlalis huan mitzmacas nopa tlali.
\q1 Huan tiquitas queja quintzontlamiltis tlen quinpactía tlajtlacolchihuase.
\q1
\v 35 Pampa na niquinitztoc tlacame tlen quicocolíaj Toteco,
\q1 inijuanti mohueyimatij huan temajmatíaj.
\q1 Pampa quipiyaj chicahualistli queja se cuahuitl hueyi huan xajcaltic.
\q1
\v 36 Pero panoc se ome tonal tlantiyajque huan ayoc niquinitac campa itztoyaj.
\q1 Huan yonque niquintemo, ayoc niquinpanti.
\q1
\v 37 Pero xijtlachili queja monejnemiltía se tlacatl tlen itztoc xitlahuac iixpa TOTECO,
\q1 yajaya tlen axaca hueli quiteilhuis.
\q1 Nopa tlacatl quipiyas tlasehuilistli huan itztos ica yejyectzi para nochipa.
\q1
\v 38 Pero TOTECO ica se huelta quintlamitzontlamiltis inijuanti tlen ax quitlepanitaj.
\q1 Huan ax quicajtehuase niyon se iniixhui.
\q1
\v 39 TOTECO quinmaquixtía tlen itztoque xitlahuaque iixpa.
\q1 Quinfuerzajmaca quema huala tlaohuijcayotl.
\q1
\v 40 TOTECO quinpalehuía huan quinmanahuía tlen cuajcualme.
\q1 Quinmanahuía ininmaco tlacame tlen quicocolíaj huan quinmaquixtía,
\q1 pampa inijuanti mochixtoque ipan ya.
\c 38
\s1 Itlamaijtol David quema tlajtlacolchijtoya
\q1
\v 1 TOTECO, amo xinechtlaijiyohuilti quema ticualani.
\q1 Huan amo xinechtlatzacuilti ica mohueyicualancayo.
\q1
\v 2 Miyac nechcocohua tlen ax cuali nijchijtoc.
\q1 Eltoc queja nochi mocuatlaminhua calactoc ipan na.
\q1 Quena, eltoc queja tinechajsitoc,
\q1 pampa nijmati ticualani nohuaya.
\q1
\v 3 Huan pampa ticualani pampa nitlajtlacolchijtoc,
\q1 nijmati queja nochi notlacayo mococohua.
\q1 Niyon se noomiyo ax cuali eltoc.
\q1
\v 4 Nochi notlajtlacolhua nopan huetztoc.
\q1 Eltoc queja nimisahuisquía campa miyac atl.
\q1 Notlajtlacolhua eltoc queja se tlamamali tlahuel etic tlen ax hueli niquijiyohuía.
\q1
\v 5 Palani notlacayo pampa nijchijqui se huihuiyotl.
\q1 Mijyotíaj nococohua.
\q1
\v 6 Nicuitlapanhuitoltic huan ax hueli nijtlalana notzonteco.
\q1 Semilhuitl nichocatinemi ipampa tlen nijchijtoc.
\q1
\v 7 Nochi notlacayo tliquisa.
\q1 Huan ya tlantinemi nochicahualis ipampa notlajtlacol.
\q1
\v 8 Nimomati queja nitlatejtetzontli.
\q1 Niyon quentzi fuerza ax nijpiya.
\q1 Nelía niayijtía ipan noyolo.
\q1
\v 9 NoTeco, ta tijmati queja nijnequi sampa niitztos cuali moixpa.
\q1 Nochi tlen nimoilhuía nempa nesi moixpa.
\q1 Ax tleno hueli nimitztlatilía.
\q1
\v 10 Noyolo nelhuihuipica,
\q1 huan ya tlantinemi nochicahualis.
\q1 Ayoc hueli nitlachiya cuali.
\q1
\v 11 Nonelhuampoyohua huan noteixmatcahua san nechhuejcaitaj, pampa quiijiyaj nococohua.
\q1
\v 12 Inijuanti tlen quinequij nechmictise quisencahuaj tlaquetztli para nechmasiltise.
\q1 Tlen quinequij nechcocose ajachica nechilhuíaj quejatza nechtzontlamiltise.
\q1 Semilhuitl quitemohuilíaj quejatza nechcajcayahuase.
\q1
\v 13 Pero na nimochihua queja ax nijcaqui tlen quiijtohuaj.
\q1 Nimochihua queja se ninono huan ax nijtlapohua nocamac para niquinnanquilis.
\q1
\v 14 Quena, na nimochihua queja ax nijcaqui inintlajtol,
\q1 huan ax tleno niquijtohua para ica nimomanahuis.
\q1
\v 15 Pampa san ipan ta nimochiya, TOTECO, tinoDios.
\q1 Na nijcajtoc momaco para xiquinnanquili huan xinechmanahui.
\q1
\v 16 San nimitztlajtlanía para amo xiquincahuili ma noca huetzcaca.
\q1 Amo xiquincahuili ma mohueyitlalica noixpa pampa nihuetzqui.
\q1
\v 17 Nijmati nimiquis pampa tlacuajcualocayotl ax nechcahua niyon se tlalochtli.
\q1
\v 18 TOTECO, nijnequi nimitzpannextilis nochi notlajtlacolhua,
\q1 pampa nelía nimocuesohua ica tlen nijchijtoc.
\q1
\v 19 Nocualancaitacahua momiyaquilijtoque huan moyoltetilijtoque.
\q1 Miyac nechcocolíaj, yonque ax tleno niquinchihuilijtoc.
\q1
\v 20 Yonque tlen cuali niquinchihuilijtoc, nechcuepilijtoque ica tlen fiero.
\q1 Nechcocolíaj pampa nijtoquilía tlen cuali.
\q1
\v 21 NoTeco Dios, amo xinechcajtehua noselti.
\q1 Amo ximoiyocatlali ica na.
\q1
\v 22 ¡Toteco! Xihuala nimantzi xinechpalehuiqui, ta tinotemaquixtijca.
\c 39
\s1 Ax huejcahuas toyolis
\q1
\v 1 Nimoilhuijtoya para nimomocuitlahuisquía miyac para ax nijchihuasquía tlen ax cuali.
\q1 Niquijtojtoya para nijmocuitlahuisquía nonenepil huan notlajtol para ax nitlajtlacolchihuas ica tlen niquijtohua.
\q1 Quena, ax tleno niquijtos quema niitztos iniixpa ax cuajcualme.
\q1
\v 2 Huajca nimochijqui queja se ninono.
\q1 Ax tleno niquijtohuayaya,
\q1 niyon tlen cuali, niyon tlen ax cuali.
\q1 Huan pampa nicajcoctoya nochi tlen nijmatiyaya ipan noyolo,
\q1 noja más nitlaijiyohuiyaya.
\q1
\v 3 Hasta nijmatiyaya queja noyolo tlatlayaya.
\q1 Huan quema san ya nopa nimosenilhuijtoya,
\q1 nijmatiyaya queja se tlitl lemeniyaya ipan noyolo.
\q1 Huajca ayoc niquijiyohui huan nicamatqui chicahuac,
\q1 huan niquilhui TOTECO:
\q1
\v 4 “TOTECO, xinechnextili quesqui tonali niitztos huan quema nimiquis.
\q1 Nijmati nelquentzi tonali niyoltos nica.
\q1
\v 5 Tinechmacatoc se yolistli tlen ax miyac xihuitl.
\q1 Huan nochi xihuitl tlen niyoltos elis san se tlalochtli moixpa,
\q1 pampa ta nochipa tiitztoc.
\q1 Nochi tlacame polijtehuaj nimantzi san queja ixpolihui iniijiyo quema tlaijiyotilanaj.
\q1
\v 6 Nochi tlacame panotehuaj queja se ecahuilotl.
\q1 San tlapic nochi inintequi.
\q1 Yonque quimiyaquilíaj tlamantli tlen ipati,
\q1 ax quimatij ajqueya iaxca elis teipa.
\q1
\v 7 Huajca, noTeco, ax tleno onca tlen ipan huelis nimotemachis.
\q1 Nimochiyas san ipan ta.
\q1
\v 8 Xinechmaquixti tlen notlajtlacolhua.
\q1 Amo xiquincahuili tlacame tlen huihuitique ma noca paquica ica tlen nijchijtoc.
\q1
\v 9 Nimocamatzacuas moixpa huan ayoc nimolinis ica tlen nopanti, pampa ta tinechtlatzacuiltía.
\q1
\v 10 Pero noTeco, ayoc xinechtlatzacuilti.
\q1 Nijmati nimiquis pampa tinechpanajsitoc.
\q1
\v 11 Quema se tlacatl tlajtlacolchihua, ta tijtlatzacuiltía.
\q1 Nopa tlamantli tlen más quiicnelía,
\q1 tiquixpolihuiltía queja mejtolime quitlamicualoltíaj toyoyo.
\q1 Niyon se tlacatl ax quipiya chicahualistli.
\q1 Nochi itztoque san queja se ajacatl tlen ica se tlalochtli panotehuaj.
\q1
\v 12 NoTeco, xinechtlacaquili quema nimomaijtos.
\q1 Xinechtlacaquili quema nimitztzajtzilía.
\q1 Amo san xitlachixto quema nimochoquilía, xinechpalehuiqui.
\q1 Queja nochi nohuejcapan tatahua, san niitztos nica se tlalochtli.
\q1 Queja niehuasquía seyoc altepetl huan san nipanosquía,
\q1 ax nihuejcahuas nica.
\q1
\v 13 Ayoc xinechtlatzacuilti.
\q1 Xinechcahuili sampa ma nijpiyas fuerza huan se quentzi paquilistli pampa se tonal nimiquis huan ayoc niitztos nica.”
\c 40
\s1 David quipaquilismaca TOTECO pampa quimanahui
\q1
\v 1 Nijpixqui noyolo huan nimochixqui para TOTECO ma nechpalehuiqui.
\q1 Huan yaja, quena, moechcapano huan nechtlacaquili quema nijnojnotzayaya.
\q1
\v 2 TOTECO nechtlalanqui quema nijmatiyaya niitztoya ipan se tlacoyoctli campa mahuilili.
\q1 Eltoya queja nimisahuijtinemiyaya ipan soqui atitla tlen huejcatla,
\q1 huan ayoc nijmatiyaya tlachque nijchihuas.
\q1 Pero TOTECO nechmaquixti tlen nopa cuesoli.
\q1 Quena, nechquetzqui ipan se hueyi tetl campa temachtli.
\q1 Huan teipa nechyacanqui ipan se cuali ojtli.
\q1
\v 3 Huan teipa noTeco Dios nechmacac se huicatl yancuic,
\q1 se huicatl tlen ica ma nijpaquilismacas.
\q1 Miyac tlen quicaquise nochi tlen TOTECO nechchihuilijtoc, motemachise ipan ya.
\q1
\v 4 Paqui nopa tlacatl tlen motemachía ipan TOTECO.
\q1 Huan ax motemachía ipan tlen mohueyimatij,
\q1 niyon ininpan tlen quinhueyichihuaj teteyome.
\b
\q1
\v 5 TOTECO noDios, ta tinechchihuilijtoc miyac tlamantli tlen huejhueyi.
\q1 Axaca quiaxilis mohueyi chicahualis.
\q1 Ta nochipa tinechpixtoc ipan motlalnamiquilis.
\q1 Quena, tlahuel miyac tlamantli tlen yejyectzi tijsencajtoc tinechchihuilis.
\q1 Intla nijnequisquía niteyolmelahuas sesen tlamantli tlen tinechchihuilijtoc,
\q1 ax nihuelisquía.
\q1 Pampa nochi tlen cuali tinechchihuilijtoc quionpano tlen hueli nijpohua.
\q1
\v 6 Ya nijmati nopa tlen más tijnequi para titlacame ma timitzmacaca.
\q1 Ax hueyi ipati moixpa nopa tlapiyalime huan sequinoc tlamantli tlacajcahualistli tlen tlacame mitzmacaj.
\q1 Ax hueyi ipati moixpa nopa tlacajcahualistli tlen tijtlatíaj moixpa ipampa totlajtlacolhua.
\q1 Tinechtlapohuilijtoc notlalnamiquilis para hueli nijmachilía tlen más tijnequi tlen tojuanti.
\q1 Tijnequi ma timotemacaca ipan ta.
\q1 Ya nopa, quena, hueyi ipati moixpa.
\q1
\v 7 Yeca nimitzilhuijtoc:
\q1 “Nica niitztoc.
\q1 Ya nihuala queja ijcuilijtoc nijchihuasquía ipan motlajtol.
\q1
\v 8 ¡NoTeco Dios!
\q1 Nechpactía nijchihuas mopaquilis,
\q1 huan motlamachtil nijhuica ipan noyolo.”
\q1
\v 9 Tlamiyacapa iniixtla motlacajhua niteyolmelajtoc para ta, TOTECO,
\q1 tiquinchihua tlacame xitlahuaque moixpa.
\q1 Cuali tijmati para ax san nicajcoctoc tlen nijmati.
\q1
\v 10 Ax nijtlatijtoc nopa cuali tlajtoli ipan noyolo para axaca niquilhuis.
\q1 Nochi tlacame niquinyolmelahua para ta tiquinmaquixtis.
\q1 Nochipa nitematiltis para ta nelía titemachtli huan titepalehuía.
\q1 Nepa tlamiyacapa nitepohuilis para titetlasojtla huan ax timoyolpatla.
\q1
\v 11 TOTECO, nijmati ax quema tijcahuas tinechtlasojtlas.
\q1 Nimochiya ipan moteicnelijcayo,
\q1 pampa ta nochipa tinechmocuitlahuis.
\q1
\v 12 Miyac cuesoli nijpiya campa hueli.
\q1 Ax hueli nijpohua nochi.
\q1 Notlajtlacolhua nechtlantoc huan nichoca hasta ax hueli nitlachiya.
\q1 Notlajtlacolhua nelmiyac hasta quipano imiyaca notzoncal.
\q1 Tlantinemi noyolo huan nochicahualis.
\q1
\v 13 TOTECO, xinechmanahuiqui.
\q1 Quena TOTECO, ximoisihuilti huan xinechpalehuiqui.
\q1
\v 14 Ma mopinahualtica huan ma mocuapoloca tlen quinequij nechtzontlamiltise.
\q1 Xiquintojtocatinemi tlen nechcocolíaj huan tlahuel xiquinpinahualti.
\q1
\v 15 Nochi tlen noca paquij ma huetzica.
\q1 Xiquincuepa san ica ininma.
\q1
\v 16 Pero ma paquise miyac nochi tlen mitztemohuaj.
\q1 Quena, paquij tlen mitzicnelíaj pampa tiquinmaquixtijtoc.
\q1 Nochipa quiijtohuaj:
\q1 “Nelía hueyi TOTECO.”
\q1
\v 17 Yonque nimocuesojtoc huan nechpolohua tlen nechmonequilía,
\q1 nijmati para ta TOTECO tinechilnamiqui.
\q1 Ta tinoTeco Dios, tinechpalehuis huan tinechmanahuis.
\q1 NoTeco Dios, amo xihuejcahua quema nimitznotza.
\q1 Nimantzi xinechpalehuiqui.
\c 41
\s1 David tlen mococohua quitlajtlanía Toteco ma quichicahua
\q1
\v 1 Paqui nopa tlacatl tlen mocuesohua pampa quinicnelía tlen teicneltzitzi,
\q1 pampa TOTECO quipalehuis quema hualas tlaohuijcayotl.
\q1
\v 2 TOTECO quimocuitlahuis para axaca quimictis.
\q1 Huan TOTECO quitiochihuas tlamiyacapa ipan tlali Israel.
\q1 Yajaya ax quicajtehuas,
\q1 niyon ax quicahuas ininmaco icualancaitacahua para ma quichihuilica tlen quinequise.
\q1
\v 3 Quema huetztos ipan tlaijiyohuilistli,
\q1 TOTECO quitlalanas ipan itlapech huan quiijcuenilis nopa cocolistli.
\q1
\v 4 Na niquilhui TOTECO:
\q1 “TOTECO, na nitlajtlacolchijtoc moca ta.
\q1 Xinechtlasojtla huan xinechchicahua.”
\q1
\v 5 Nocualancaitacahua quinequij ma nechajsi tlen fiero.
\q1 Noca camatij huan quinequij ma nimiqui huan ayoc aca ma nechilnamiquis.
\q1
\v 6 Quema nechpaxalohuaj, mochihuaj queja nohuampoyohua,
\q1 pero ax nelía tlen quiijtohuaj.
\q1 Quema itztoque nohuaya san quitlacaquilíaj tlachque onca para huelis quipatlase ica tlen más fiero,
\q1 huan teipa quisase huan teyolmelajtinemise tlen na.
\q1
\v 7 Quena, nocualancaitacahua mosentilíaj huan noca camatij.
\q1 Tepohuilíaj para ayoc onca pajtli para na huan nimantzi nimiquis.
\q1
\v 8 Quiijtohuaj:
\q1 “Nopa cocolistli tlen yajaya quipixtoc nelfiero.
\q1 Ayoc motlalanas tlen itlapech pampa nimantzi miquis.”
\q1 Queja nopa quiijtohuaj tlen na.
\q1
\v 9 Nojquiya nechcajtejtoc tlen eliyaya nonelhuampo.
\q1 Yajaya tlen ipan nimotemachiyaya huan tlen tlacuayaya nohuaya, ama nechtlahuelcajtoc.
\q1
\v 10 Pero ta, TOTECO, xinechtlasojtla.
\q1 Xinechtlalana tlen notlapech huan niquincuepilis queja nechchihuilijtoque.
\q1
\v 11 Nijmati tinechicnelía pampa ax tiquincahuilijtoc nocualancaitacahua ma nechtlanica.
\q1
\v 12 Xinechpalehui pampa nijchihua tlen xitlahuac huan tinechmacatoc tequihuejcayotl ma niitzto nepa moixpa para nochipa.
\b
\q1
\v 13 Ma tijhueyichihuaca TOTECO,
\q1 yajaya tlen iTeco tohuejcapan tata, Israel.
\q1 Quena, ma tijhueyichihuaca ama huan nochipa. Queja nopa ma eli.
\c 42
\s1 Israelitame tlen quinhuicatoque ipan seyoc tlali quiilnamiquij inintlal
\q1
\v 1 Queja se masatl tlen tlahuel amiqui quitemojtinemi se atlajtli para atlis,
\q1 queja nopa na nimitzyoltemohua, noTeco Dios.
\q1
\v 2 Quena, queja se tlen tlahuel amiqui,
\q1 na ipan noyolo nimitznequi Toteco,
\q1 ta tlen nelnelía tiitztoc.
\q1 ¿Hasta quema huelis niyas huan nimonextis moixpa?
\q1
\v 3 Yohuali huan tonali nichoca huan ax nitlacua.
\q1 Nocualancaitacahua ajachica nechtlatzintoquilíaj:
\q1 “¿Canque itztoc moDios?
\q1 ¿Para tlen ax mitzpalehuía?”
\q1 Queja nopa nechilhuía.
\b
\q1
\v 4 Quema niquilnamiqui queja eliyaya achtohuiya nepa ipan notlal, eltoc queja atiya noyolo.
\q1 Niyohuiyaya ininhuaya miyac tlacame hasta ichaj Toteco Dios.
\q1 Na niquinyacanayaya nochi tlacame hasta ichaj ipan nopa hueyi ilhuitl.
\q1 Titzajtzitiyohuiyayaj ica paquilistli,
\q1 huan tijtlascamatiyayaj Toteco Dios pampa para ya tiilhuichihuayayaj.
\q1
\v 5 Huajca nimoilhuía:
\q1 Ax monequi nimocuesos.
\q1 Na nimotemachijtoc ipan noTeco Dios,
\q1 huan sampa nijpaquilismacas,
\q1 pampa yajaya noDios huan notemaquixtijca.
\b
\q1
\v 6 Pero noTeco, nelía nimocuesohua nica campa niitztoc ipan ni tlali tlen huejca.
\q1 Yeca nimitzilnamiquis,
\q1 huan niquilnamiquis queja tijpixqui hueyi moyolo tohuaya tlen tiehuaj ipan motlal.
\q1 Niquilnamiqui nopa tlali yejyectzi tlen pehua campa motlalohua nopa atlajtli Jordán,
\q1 huan ontlami hasta campa motlalantoc nopa tepetini Hermón huan Mizar.
\q1
\v 7 Ama ta tinechtitlanilijtoc cuesoli tlen nechijiyomictía.
\q1 Quena, miyac cuesoli nechajsitoc queja imiyaca atl tlen huetzi tlen tepexico hasta ipan na.
\q1 Caquisti queja miyac atl tlen ajcahuacatoc,
\q1 huan nochi nopa atl nopan panotoc.
\b
\q1
\v 8 Pero ica ijnaloc TOTECO nechtitlanilis iteicnelilis.
\q1 Huan ica tlayohua yajaya nechmacas se huicatl para nijhueyichihuas,
\q1 huan nimomaijtohua ica ya.
\q1 Quena, nijnojnotza NoTeco tlen mojmostla nechmaca yolistli.
\q1
\v 9 Niquilhuis Toteco Dios:
\q1 “Ipan ta nimotlatía huan axaca hueli nechajsis.
\q1 ¿Para tlen tinechilcajtoc?
\q1 Na san nimocuesojtinemi,
\q1 pampa nocualancaitacahua nechtlaijiyohuiltíaj.
\q1
\v 10 Tlen nocualancaitacahua nechchihuilíaj nechcocohua hasta ajsi ipan noomiyohua,
\q1 pampa nechtlaijilhuíaj huan nechtlatzintoquilíaj ajachica:
\q1 ‘¿Canque itztoc moDios?
\q1 ¿Para tlen ax mitzpalehuía?’”
\q1
\v 11 Pero ax monequi nimocuesolmacas,
\q1 niyon nimocuesos.
\q1 Na nimotemachijtoc ipan noTeco Dios,
\q1 huan teipa sampa nijpaquilismacas pampa yajaya noDios huan noTemaquixtijca.
\c 43
\s1 Se tlamaijtoli para Toteco ma quincuepa ipan inintlal
\q1
\v 1 NoTeco Dios, xinechtlajtolsencahua xitlahuac huan xitenextili para ax tleno nijchijtoc.
\q1 Xinechmanahui tlen ni istlacatica tlacame huan ax cuajcualme tlen nechtelhuíaj.
\q1
\v 2 Pampa san ta tinoTeco huan tinoDios huan notlamanahuijca na.
\q1 ¿Para tlen tinechtlahuelcajtoc?
\q1 Nimocuesojtinemi huan más nechtlaijiyohuiltíaj nocualancaitacahua,
\q1 huan ax tleno tijchihua.
\q1
\v 3 Toteco Dios, xinechyacana ica motlahuil huan xinechnextili tlen melahuac.
\q1 Queja nopa, quena, huelis nimocuepas motlal huan campa motepe tlen tlatzejtzeloltic campa ta tiitztoc ipan motiopancal.
\q1
\v 4 Quena, noTeco Dios, nicalaquis huan niajsiti hasta motlaixpa campa tlacame mitzhueyichihuaj.
\q1 Nepa nimitzpaquilismacas ica arpa, ta tlen tinechmaca paquilistli,
\q1 pampa ta tinoTeco Dios.
\q1
\v 5 San tlapic nimocuesos.
\q1 Na nimotemachijtoc ipan ta, noTeco Dios, huan sampa nimitzpaquilismacas,
\q1 pampa, ta tinoDios, huan tinotemaquixtijca.
\c 44
\s1 Se tlacatl quitlajtlanía Toteco ma quimocuitlahuis
\q1
\v 1 Toteco Dios, tijcactoque tlachque techpohuilijtoque tohuejcapan tatahua tlen ta,
\q1 huan nochi nopa tlamantli tlen tiquinchihuili huejcajquiya.
\q1
\v 2 Quena, Toteco Dios, ica mohueyi chicahualis ta tiquintojtocac nopa fiero tlacame tlen quinhueyichihuayayaj teteyome ipan nopa tlali,
\q1 huan nopa tlali tiquinmacac totatahua.
\q1 Quena, tiquintlatzacuilti ne sequinoc huan tiquinpalehui tohuejcapan tatahua para ma momiyaquilica,
\q1 huan ma moaxcatica.
\q1
\v 3 Tohuejcapan tatahua ax quitlanque nopa tlali ica ininmachete, niyon ica ininchicahualis.
\q1 Tlatlanque ica nopa hueyi chicahualistli tlen ta tijpiya ipan monejmatl,
\q1 huan pampa hueyi moyolo ininhuaya,
\q1 huan achi más tiquinicnelía.
\q1
\v 4 Ta tinotlanahuatijca huan tinoTeco Dios.
\q1 Ta tiquinmanahuía huan tijchihua ma tlatlanica motlacajhua.
\q1
\v 5 Quena, ica motlapalehuil tiquintlanise tocualancaitacahua.
\q1 Huan ica mochicahualis ininpan timoquejquetzase tlen techtehuíaj.
\q1
\v 6 Pampa ax timotemachíaj ipan tocuahuitol huan tomachete para ma timomanahuica huan titlatlanise.
\q1
\v 7 Eltoc ta, Toteco, tlen tijchihua ma tiquintlanica tocualancaitacahua.
\q1 Ta tiquinpinahualtijtoc nochi tlen techcocolíaj.
\q1
\v 8 Mojmostla timitzpaquilismacase Toteco Dios.
\q1 Huan timitzhueyichihuase ica huicatl para nochipa.
\q1
\v 9 Pero amantzi eltoc queja titechtlahuelcajtoc huan titechpinahualtijtoc.
\q1 Niyon ayoc tinemi ininhuaya tosoldados quema tiontlatehuíaj.
\q1
\v 10 Tijchijqui ma ticholoca iniixpa tocualancaitacahua.
\q1 Quena, inijuanti tlen techcocolíaj techtlaxtequilíaj huan quihuicaj nochi tlen quinequij.
\q1
\v 11 Titechtemactilijtoc queja tipilborregojtzitzi tlen san quichiyaj para quinhuicase campa quinmictise.
\q1 Huan titechsemantoc campa hueli ipan sequinoc tlaltini campa quinhueyichihuaj teteyome.
\q1
\v 12 Titechnamacatoc timotlacajhua ica nelquentzi queja ax tleno topati elisquía.
\q1
\v 13 Nochi tlacame ipan nopa tlaltini tlen itztoque tonechca quiitaque tlen titechchihuilijtoc.
\q1 Yeca techtlaijilhuíaj huan toca paquij.
\q1
\v 14 Tijchijtoc para inijuanti tlen quinhueyichihuaj tlaixcopincayome ma toca huetzcaca.
\q1 Nochi quema techitaj, motzonhuihuixohuaj.
\q1
\v 15 Mojmostla toixpa eltoc nopa pinahualistli hasta tijnequisquíaj timoixtzacuase,
\q1
\v 16 pampa techtlaijilhuíaj huan techhuetzquilíaj nopa motlacuepilijca tlacame.
\q1 Quena, techpinahualtíaj tocualancaitacahua.
\q1
\v 17 Nochi ni tlamantli topantitoc,
\q1 yonque ax timitzilcajtoque,
\q1 niyon ax timoiyocacajtoque tlen nopa tlajtol sencahuali tlen tijchijqui ininhuaya tohuejcapan tatahua.
\q1
\v 18 Ax timoiyocatlalijtoque tlen ta,
\q1 niyon ax tijcajtejtoque moojhui.
\q1
\v 19 Pero titechtlahuelcajtoc campa axaca itztoc,
\q1 campa san itztoque tlapiyalime tlen mosisiníaj.
\q1 Titechcajtoc ipan se tzintlayohuilotl tlen eltoc queja miquistli.
\q1
\v 20 Toteco Dios, intla timitzilcajtosquíaj,
\q1 o tijhueyichijtosquíaj se totlaixcopincayo,
\q1
\v 21 ta tijmajtosquía,
\q1 pampa ta tijmati nochi tlen ixtacatzi eltoc ipan toyolo.
\q1 Pero ax tijchijtoque, Toteco.
\q1
\v 22 Pero yonque ax tleno tijchijtoque,
\q1 mopampa ta tiitztoque nechca miquistli.
\q1 Titechchihuilíaj queja tipilborregojtzitzi tlen san quichiyaj ajqueya quinmictis pampa timoaxcahua.
\q1
\v 23 ¡Toteco ximotlalana!
\q1 ¡Amo xicochi!
\q1 Amo ximoiyocatlali tlen tojuanti para nochipa.
\q1
\v 24 ¿Para tlen timoixtlatía?
\q1 Eltoc queja tiquilcajtoc para tojuanti titlaijiyohuíaj huan miyac techcocolíaj.
\q1
\v 25 Techmajcajtoque tlalchi.
\q1 Toxayac mocahua ipan tlaltejpoctli huan ax hueli timotlalanase.
\q1
\v 26 ¡Ximotlalana, Toteco!
\q1 Xitechpalehuiqui.
\q1 Xitechmaquixti pampa tlahuel titechicnelía.
\c 45
\s1 Se huicatl para ma huicaca quema nopa tlanahuatijquetl mosihuajtía
\q1
\v 1 Notlalnamiquilis temitoc ica tlajtoli tlen yejyectzitzi.
\q1 Niquijcuilos ni huicatl para ma tijhuicatica totlanahuatijca.
\q1 Tlahuel nijnequi nitepohuilis ni huicatl tlen nijsencajtoc, huan ya ni quiijtohua:
\q1
\v 2 Ta más tiyejyectzi tlen nochi sequinoc telpocame,
\q1 huan yejyectzi tlen tiquijtohua,
\q1 pampa Toteco Dios mitztiochijtoc para nochipa.
\q1
\v 3 Ximocualtlalili momachete para titlatehuis,
\q1 ta tlen nelía ax timajmahui.
\q1 Nelía tinesi tiyejyectzi pampa ta titlanahuatijquetl tlen más hueyi.
\q1
\v 4 Xicahuajtlejco huan xitlatlaniti ica nochi mohueyitilis.
\q1 Ta tiquinmanahuía tlen teicneltzitzi huan tlen quichihuaj tlen melahuac.
\q1 Titetlajtolsencahua xitlahuac.
\q1 Nelía huejhueyi tlamantli tijchihua.
\q1
\v 5 Tlatentili nopa cuatlamintli tlen tijhuica,
\q1 huan quinajsis ininyoltipa mocualancaitacahua quema tiquinmelactlachilis,
\q1 huan tiquinmajcahuilis.
\q1 Ma huetzica moicxitla nochi tlacame tlen campa hueli tlaltini campa quintlepanitaj teteyome.
\q1
\v 6 Toteco Dios, titlanahuatis para nochipa huan ax quema tlamis.
\q1 Quena, motlanahuatilis elis senquistoc xitlahuac.
\q1
\v 7 Tiquicnelía tlen melahuac huan tijcocolía tlen ax cuali.
\q1 Yeca Toteco Dios, yajaya tlen moTeco mitztequitlalijtoc titlanahuajtijquetl,
\q1 huan mitzmacatoc más paquilistli huan más tlatlepanitacayotl,
\q1 que nochi sequinoc tlanahuatiani.
\q1
\v 8 Nochi moyoyo mijyotía ica nopa tlaajhuiyacayotl mirra, áloe huan canela.
\q1 Huan mitzpaquilismacaj ica tlatzotzonali nepa ipan mochaj campa quiyejyectlalijtoque nochi tlapepecholi ica tlamantli tlen tlahuel yejyectzitzi huan pajpatiyo.
\q1
\v 9 Iniichpocahua sequinoc tlanahuatiani quipiyaj nopa hueyi tlatlepanitacayotl para mitztequipanose.
\q1 Huan ica monejmatl mosehuijtoc nopa ichpoca tlanahuatijquetl tlen elis mosihua tlen quiyejyectlalijtoque ica oro tlen onca tlali Ofir.
\b
\q1
\v 10 Xijtlacaquili ichpocatl.
\q1 Quena, xijtlacaquili cuali, nocone,
\q1 tlen nimitzilhuis:
\q1 Ayoc xiquintoquili motatahua,
\q1 moicnihua huan nochi tlen timomajtoya tijchihua.
\q1
\v 11 Nopa tlanahuatijquetl tlahuel mitzcualita,
\q1 huan nelía paqui ica moyejyejca.
\q1 Huajca monequi tijneltoquilis pampa ama ya moTeco.
\q1
\v 12 Hualase mitzpaxaloquij iichpocahua nopa tlanahuatijquetl tlen altepetl Tiro.
\q1 Quena, tlen más tominpixtoque ipan nopa altepetl hualase huan mitzmacase regalos.
\q1 Ya ni quichihuase pampa quinequise ximohuampochihua ininhuaya.
\b
\q1
\v 13 Nopa ichpoca monamictijquetl mocualtlalía ipan ichaj ica tlen más yejyectzi.
\q1 Yajaya iichpoca se tlanahuatijquetl huan ama mocuilis ne tlanahuatijquetl tlen hueyi.
\q1 Onpano yejyectzi nopa ichpocatl ica iyoyo tlen nelcuajcualtzi tlen tlajtzontli ica oro.
\q1
\v 14 Quena, yejyectzi quiyoyontijtoque ica iyoyo tlajtzontli huan ama quihuicase iixpa nopa tlanahuatijquetl tlen ihuaya monamictis.
\q1 Itepotzco yase iichpocapoyohua tlen quinnotztoc.
\q1
\v 15 Ica hueyi paquilistli calactiyohuij ipan nopa hueyi cali campa ichaj nopa tlanahuatijquetl.
\b
\q1
\v 16 Tlanahuatijquetl, se tonal tiquinpiyas moconehua,
\q1 huan tiquinmacas tequihuejcayotl para tlanahuatise queja mohuejcapan tatahua mitzmacaque.
\q1 Quena, teipa tiquinpiyas motelpocahua tlen mitzpalehuise.
\q1 Huan tijchihuas ma tlanahuatica hasta campa hueli techaj ipan nochi motlal.
\q1
\v 17 Huan na ica ni huicatl tlen niquijcuilojtoc para ta,
\q1 Toteco Dios, quichihuas para tlacame ma mitzilnamiquise sesen xihuitl tlen panotiyas.
\q1 Quena, tlacame ipan tlen hueli tlali camatise para nochipa tlen nopa huejhueyi tlamantli tlen ta tijchijqui.
\c 46
\s1 Tiitztoque imaco Toteco Dios
\q1
\v 1 Toteco Dios, yajaya totlamanahuijca huan tochicahualis.
\q1 Nimantzi techpalehuía quema onca tlaohuijcayotl.
\q1
\v 2 Yeca ax timajmahuise yonque ni tlaltepactli tlamixolehuis,
\q1 huan yonque misahuise tepetini hasta itlatzintla nopa hueyi atl.
\q1
\v 3 Ma tlatomonijto nopa hueyi atl huan ma posoni miyac.
\q1 Ma mojmolinica tepetini, pero ax nechmajmatis.
\q1
\v 4 Oncas se atlajtli tlen quinmacas paquilistli inijuanti tlen itztose ipan ialtepe Toteco.
\q1 Huan nepa campa más tlatzejtzeloltic itztoc Toteco Tlen Más Hueyi.
\q1
\v 5 Toteco Dios mocahua ipan nopa altepetl,
\q1 huan axaca huelis quixolehuas.
\q1 Quema hualase icualancaitacahua,
\q1 Toteco Dios ax huejcahuas, nimantzi quipalehuis ialtepe.
\q1
\v 6 Yonque tlahuelchihuaj tlacame ipan campa hueli tlaltini tlen ax quiixmatij Toteco,
\q1 huan yonque tlanahuatiani huan inintlacajhua tzajtzij ica cualantli,
\q1 ax tleno hueli quichihuase.
\q1 Quema Toteco Dios camatis,
\q1 quicaquise itos tlen caquistis queja tlatomoni,
\q1 huan inijuanti motlancuaquetzase iixpa ica majmajtli.
\q1 Huan ica itlajtol ni tlaltepactli atiyas.
\q1
\v 7 Toteco Dios Tlen Quinyacana Ielhuicac Ejcahua Ma Tlatehuitij itztoc tohuaya.
\q1 Yajaya tlen techmocuitlahuía ama,
\q1 yajaya iTeco tohuejcapan tata Jacob tlen huejcajquiya itztoya.
\q1
\v 8 Xihualaca xiquitaquij nochi nopa huejhueyi tlamantli tlen TOTECO quichijtoc.
\q1 Quitlamixolejtoc tlaltepactli huan ama tlatzitzicatoc mocajqui.
\q1
\v 9 Yajaya quiquetza nochi tlatehuijcayotl hasta campa ontlantoc nochi tlaltepactli.
\q1 Quipostectoc nochi cuahuitoli huan quixolejtoc nochi tlamantli para ica tlatehuise tlacame.
\q1 Huan quintlatijtoc nochi tlatehuijca carrojme.
\q1
\v 10 Huan yajaya quiijtohua:
\q1 “Ayoc ximolinica.
\q1 Ximomacaca cuenta para na niimoTeco Dios.
\q1 Na niquinnahuatía nochi tlacame ipan campa hueli tlali.
\q1 Nochi tlen itztoque ipan ni tlaltepactli nechhueyitlalise.”
\q1
\v 11 Itztoc tohuaya TOTECO Tlen Quinyacana Ielhuicac Ejcahua Ma Tlatehuitij.
\q1 Yajaya tlen iTeco tohuejcapan tata Jacob tlen huejcajquiya itztoya, yajaya tlen techmocuitlahuía ama.
\c 47
\s1 Toteco Dios yajaya nopa Tlanahuatijquetl tlen nochi ni tlaltepactli
\q1
\v 1 Nochi intlacame ximomatlajtlaxcaloca.
\q1 Xijpaquilismacaca Toteco Dios huan xihuicaca chicahuac.
\q1
\v 2 Pampa TOTECO yajaya tlen más hueyi huan temajmati.
\q1 Yajaya nopa hueyi tlanahuatijquetl tlen quinahuatía nochi ni tlaltepactli.
\q1
\v 3 Quintzontlamilti pilaltepetzitzi toixtla huan quitlalijtoc nochi tlaltini tomaco para tiquinnahuatise.
\q1 Yeca tojuanti tlahuel tipaquij.
\q1
\v 4 Yajaya quitlapejpenijtoc ni tlali para techaxcatis.
\q1 Techmaca tlen más cuali pampa techicnelía tojuanti tiitlacajhua.
\q1
\v 5 Toteco Dios tlejcotoc campa tlanahuatía.
\q1 Nochi tzajtziyaya ica paquilistli huan tlapitzayayaj ica tlapitzali quema TOTECO calaquiyaya.
\q1
\v 6 Xihuicaca tiohuicatl para ma tijpaquilismacaca Toteco Dios.
\q1 Xijhuicatica pampa yajaya totlanahuatijca.
\q1
\v 7 Toteco Dios, yajaya nopa tlanahuatijquetl tlen quinahuatía nochi ni tlaltepactli.
\q1 Xijcualtlalica se huicatl tlen yejyectzi huan xijhuicatica.
\q1
\v 8 Toteco Dios mosehuijtoc ipan isiyaj tlatzejtzeloltic,
\q1 huan tlanahuatía ipan nochi tlaltini.
\q1
\v 9 Nopa huejhueyi tlacame tlen quipiyaj tlanahuatili ipan campa hueli tlali ipan ni tlaltepactli mosejcotilíaj tohuaya.
\q1 Quinequij para ma san sejco tijhueyichihuase Toteco Dios,
\q1 yajaya tlen iTeco Abraham tlen huejcajquiya itztoya.
\q1 Iaxca ya nochi tlanahuatiani huan ininsoldados campa hueli ipan tlaltepactli,
\q1 huan inijuanti quihueyitlepanitaj.
\c 48
\s1 Sion, ialtepe TOTECO
\q1
\v 1 ¡Tlahuel hueyi TOTECO!
\q1 Quena, quinamiqui para tijpaquilismacase Toteco Dios tlen itztoc ipan ialtepe huan ipan itepe tlen tlatzejtzeloltic.
\q1
\v 2 Nelía yejyectzi nopa tepetl Sion huan ijcatoc tlahuejcapa ipan nopa altepetl.
\q1 Nopano mosehuía Jerusalén, ialtepe Toteco Dios,
\q1 nopa hueyi tlanahuatijquetl.
\q1
\v 3 Toteco Dios iselti itztoc ipan nopa huejcapantic cali campa monequi moquetzas tlen tlachixtoc para quimanahuis altepetl Jerusalén.
\q1 Tenextilijtoc para yajaya tlen quimanahuía huan quimocuitlahuía.
\q1
\v 4 Tlanahuatiani tlen campa hueli itztoque ipan ni tlaltepactli mosentilijque para san sejco quitehuise nopa altepetl.
\q1
\v 5 Pero quema quiitaj ajqueya quimocuitlahuía nopa altepetl huan para nelía hueyi ichicahualis,
\q1 momajmatíaj.
\q1 Huan nimantzi cholojtehuaj huan mocuepaj campa hualajtoque.
\q1
\v 6 Quena, quinitzquía se majmajtli huan nelía tlaijiyohuíaj,
\q1 queja se sihuatl quema conepiya,
\q1
\v 7 o queja se ajacatl chicahuac tlen quinxolehua nopa huejhueyi barcos tlen hualahuij tlali Tarsis.
\q1
\v 8 Ipa tijcactoque quejatza TOTECO quimocuitlahuía ialtepe,
\q1 huan ama tiquitztoque.
\q1 Quena, TOTECO Tlen Quinyacana Ielhuicac Ejcahua Ma Tlatehuitij,
\q1 quitlalijtoc para ialtepe Jerusalén ma huejcahuas para nochipa.
\b
\q1
\v 9 Toteco Dios, quema tiitztoque ipan motiopa,
\q1 tiquilnamiquij huan timoyolilhuíaj quejatza titechicnelía.
\q1
\v 10 Toteco, campa hueli tlacame mitzpaquilismacaj,
\q1 pampa quicactoque quejatza mohueyitilis.
\q1 Quicactoque hasta campa ontlami tlaltepactli.
\q1 Huan quimatij para ica mohueyi chicahualis titetlajtolsencahua xitlahuac.
\q1
\v 11 Huajca ma paquica nopa tlacame ipan tepetl Sion.
\q1 Ma huitonica ica paquilistli nochi tlen ehuaj ipan altepetini tlen tlali Judá pampa cuali huan xitlahuac titetlajtolsencahua.
\q1
\v 12 Nochi imojuanti tlen initlacajhua Toteco Dios,
\q1 xiyaca xijyahualotij nopa altepetl Jerusalén,
\q1 huan xijpohuaca quesqui tepancali huejhueyi quipiya campa soldados tlamocuitlahuíaj.
\q1
\v 13 Xijtlachilitij nopa hueyi ichaj nopa tlanahuatijquetl,
\q1 huan ximomacaca cuenta quejatza tlatzajtzactoque huan quiyejyectlalijtoque,
\q1 para queja nopa huelis inquinpohuilijtiyase imoteipa ixhuihua.
\q1
\v 14 Pampa ni Toteco Dios, yajaya elis toDios para nochipa,
\q1 huan ax quema tlamis ichicahualis.
\q1 Yajaya techyacanas mojmostla ama huan teipa quema ya timictose noja techyacanas.
\c 49
\s1 Quichihuaj se huihuiyotl tlen motemachíaj ipan inintomi
\q1
\v 1 Cuali xijtlacaquilica ya ni,
\q1 imojuanti tlen campa hueli initztoque ipan ni tlaltepactli.
\q1
\v 2 Notlajtol elis para nochi tlacame.
\q1 Elis para tlen tominpixtoque huan para tlen teicneltzitzi.
\q1 Elis para tlen quipiyaj tequihuejcayotl huan para tlen ax quipiyaj tequihuejcayotl.
\q1 Huajca xijtlacaquilica.
\q1
\v 3 Nicamatis ica tlalnamiquilistli.
\q1 Nimechpohuilis nochi tlen nimoyolilhuijtoc ipan noyolo.
\q1
\v 4 Achtohui nimechilhuis se tlatzintoquili tlen totlalnamijca huejcapan tatahua quiijtojque,
\q1 huan nitlatzotzonas ica se arpa huan nihuicas para nimechmatiltis tlachque quinequi quiijtos:
\q1
\v 5 ¿Para tlen monequi nimomajmatis quema hualas tlaohuijcayotl,
\q1 huan quema nopa tlajtlacolchijca tlacame tlen nechcocolíaj hualase nechyahualoquij?
\q1
\v 6 Inijuanti motemachiyaj ipan inintomi,
\q1 huan mohueyimatij pampa quipiyaj miyac tlamantli tlen pajpatiyo.
\q1
\v 7 Pero niyon se tlen inijuanti ax huelis momaquixtis tlen itlajtlacolhua,
\q1 niyon ax huelis quimaquixtise se iniicni.
\q1 Axaca huelis quitlaxtlahuis Toteco Dios para ma quimaquixtis.
\q1
\v 8 Pampa toyolis eltoc se tlamantli tlen miyac ipati.
\q1 Ax onca niyon se tomi ipan nochi tlaltepactli tlen ica huelis moixtlahuas.
\q1
\v 9 ¡Axtle! Axaca huelis quicohuas iyolis para itztos para nochipa huan para ax quema miquis.
\q1
\v 10 Nochi tlacame miquise.
\q1 Tlen tlalnamiquij huan tlen mohueyimatij,
\q1 huan nojquiya nochi tlen huihuitique,
\q1 san se ininpanti.
\q1 Mictehuaj huan quicajtehuaj nochi tlen pajpatiyo quipiyayayaj.
\q1 Huan sequinoc moaxcatise.
\q1
\v 11 Inijuanti moilhuíaj itztose para nochipa,
\q1 yeca quicualtlalíaj ininchajchaj huan quitlalíaj inintoca ipan inintlal,
\q1 queja elisquía iniaxca para nochipa.
\q1
\v 12 Pero se tlacatl ax huejcahuas yonque nelía tominpixtoc,
\q1 pampa nojquiya miqui san se queja se cuatitlan tlapiyali.
\q1
\v 13 Nochi tlacame tlen motemachijtoque san ipan ininseltitzi,
\q1 quipantise miquistli.
\q1 Huan nojquiya miquise nopa tlacame tlen quintoquilíaj huan quihueyitlalíaj inintlajtol.
\q1
\v 14 Nopa tlacame miquise queja miquij borregojme.
\q1 Quena, miquistli quinchiya nochi tlacame.
\q1 Pero se tonal nopa tlacame tlen itztoque xitlahuaque iixpa Toteco Dios quinnahuatise tlacame tlen ax cuajcualme.
\q1 Queja nopa elis quema ya palantose inintlacayohua nopa tlacame tlalijtic.
\q1 Huajca quena, ipan nopa tonali nopa tominpiyani quicajtejtose huejca ininchajchaj tlen yejyectzi.
\q1
\v 15 Pero Toteco Dios nechmaquixtis tlen ichicahualis miquistli huan nechhuicas ihuaya.
\q1
\v 16 Amo ximocueso intla se tlacatl moricojchihua,
\q1 huan mojmostla más quiyecchijchihua ichaj.
\q1
\v 17 Pampa quema miquis ax tleno huelis quihuicas.
\q1 ¡Axtle! Quema quitemohuise itlacayo tlalijtic,
\q1 niyon quentzi tlen yejyectzi quipixqui ax huelis yas ihuaya.
\q1
\v 18 Yonque se tlacatl itztos ica paquilistli quema noja yoltoc,
\q1 huan sequinoc quitlepanitase pampa moricojchijtoc,
\q1
\v 19 ajsis se tonal quema miquis queja ihuejcapan tatahua,
\q1 huan ayoc quema quiitas tlahuili.
\q1
\v 20 Se tlacatl tlen moricojchijtoc,
\q1 pero ax quiilnamiqui para ax huejcahuas iyolis ipan ni tlaltepactli,
\q1 mictehuas san se queja se cuatitlan tlapiyali.
\c 50
\s1 Toteco Dios techilhuía quejatza ma tijhueyichihuaca
\q1
\v 1 Yajaya TOTECO Tlen Más Quipiya Chicahualistli que nochi tlen quintocaxtíaj tiotzitzi,
\q1 quinnotztoc nochi tlacame tlen itztoque campa hueli ipan ni tlaltepactli.
\q1 Quinnotza tlen itztoque hasta campa quisa tonati huan hasta campa oncalaqui.
\q1
\v 2 Toteco Dios ica iyejyejca petlani huan tlahuía tlen Sion,
\q1 nopa tepetl campa ijcatoc itiopancal tlen senquistoc yejyectzi.
\q1
\v 3 Toteco Dios hualas ica chicahualistli,
\q1 huan iixpa hualas se hueyi tlitl tlen quixolejtihualas nochi tlen quipantis.
\q1 Tlatomonilotl huan tlapetlanilotl quiyahualohua.
\q1
\v 4 Toteco Dios quinnotza nochi tlen itztoque ipan elhuicactli huan ipan tlaltepactli,
\q1 para ma quihualtlachilica quejatza quintlajtolsencahuas itlacajhua.
\q1 Quiijtohua:
\q1
\v 5 “Xiquinsentilica notlacajhua tlen moiyocacajtoque noca na.
\q1 Quena, ma hualaca nochi inijuanti tlen quichijtoque tlajtol sencahuali nohuaya,
\q1 quema nechmacaque tlacajcahualistli huan quiijtojque para nechtoquilisquíaj.”
\q1
\v 6 Nochi elhuicactli tepohuilía para Toteco Dios itztoc xitlahuac.
\q1 Huan para yajaya nopa juez tlen tetlajtolsencahuas.
\b
\q1
\v 7 “Xijtlacaquilica nochi innotlacajhua,
\q1 xijcaquica nochi tlen niquijtos.
\q1 Nimechteilhuis tlamiyacapa ica nochi tlamantli tlen inquichijtoque,
\q1 pampa na niDios huan niimoTeco.
\q1
\v 8 Ax nimechajhuas pampa ax innechmacaj tlacajcahualistli,
\q1 niyon pampa ax inquinmictíaj tlapiyalime huan inquintlatíaj noixpa,
\q1 pampa quena, ya nopa inquichihuaj.
\q1
\v 9 Pero ax ya nopa tlen nijnequi.
\q1 Para na ax monequi xinechmacaca tlacajcahualistli,
\q1 queja becerros huan oquich chivojme tlen hualahuij imopotrero.
\q1
\v 10 Pampa na noaxcahua nochi tlapiyalime ipan cuatitlamitl huan nochi huacaxme tlen campa hueli tlacuajtinemij ipan senquistoc nochi tlachiquiltini.
\q1
\v 11 Niquinixmati nochi totome campa hueli huan nochi tlapiyalime tlen nemij cuatitla, pampa noaxcahua.
\q1
\v 12 Intla nimayanasquía, ax nimechtlajtlanisquía xinechtlamacaca,
\q1 pampa ni tlaltepactli huan nochi tlen eltoc ipani noaxca.
\q1
\v 13 ¿Inmoilhuíaj nimotlamaca ica torojme ininnacayo,
\q1 huan niqui inieso oquich chivojme?
\q1 ¡Axtle!
\q1
\v 14 Nijnequi xinechtlascamatilica ica nochi tlen nimechchihuilía huan ya nopa niquitas queja se tlacajcahualistli.
\q1 Xijtlamichihuaca nochi tlen inquiijtojtoque para inquichihuase.
\q1
\v 15 Huan xinechnojnotzaca quema inmocuesohuaj,
\q1 huan na nimechmanahuis huan imojuanti innechnextilise miyac tlatlepanitacayotl.”
\q1
\v 16 Pero Toteco quinilhuía tlacame tlen ax cuajcualme:
\q1 “Ax inquipiyaj tequihuejcayotl para incamatise tlen nopa tlajtol sencahuali,
\q1 tlen quiijtohua tlen nimechmacas,
\q1 niyon ax hueli intepohuilise notlanahuatilhua.
\q1
\v 17 Pampa ax inquicaquij quema nimechtlacahualtía,
\q1 niyon ax inquichihuilíaj cuenta notlajtol.
\q1
\v 18 Quema inquiitaj se tlaxtejquetl,
\q1 inmohuampochihuaj ihuaya,
\q1 huan nojquiya inmohuicaj ininhuaya tlen quichijtinemij tlen hueli ica tlen ax ininnamic.
\q1
\v 19 San campa hueli inquicalaquijtinemij imonenepil para inquiijtose tlen fiero.
\q1 Nimantzi inistlacatij.
\q1
\v 20 Inmosehuíaj huan inquiteilhuíaj se tlen imonelicni.
\q1 Quena, yajaya tlen nojquiya icone imonana huan san sejco inmoscaltijque,
\q1 inquitlaijilhuíaj.
\q1
\v 21 Nochi ya ni inquichijtoque,
\q1 huan na ax tleno niquijtojtoc.
\q1 Huajca inmoilhuijtoque para na nieli san se queja imojuanti.
\q1 Pero ama nimechixcoilhuis nochi tlen inquichijtoque,
\q1 huan nimechpannextilis nochi.
\q1
\v 22 Xijtlacaquilica ya ni,
\q1 imojuanti tlen innechilcahuaj na, niimoTeco Dios.
\q1 Intla ax innechilnamiquij,
\q1 nimechhuejhuelos huan axaca itztos tlen huelis inmechmanahuis nomaco.
\q1
\v 23 Pero quema innechtlascamatij ica nochi tlen nimechchihuilía,
\q1 eltoc queja se tlacajcahualistli tlen nechnextilía innechtlepanitaj.
\q1 Huan nopa tlacatl tlen moyolilhuía campa mocuapolojtoc,
\q1 huan mocuepa ipan noojhui tlen xitlahuac,
\q1 na nijmaquixtis.”
\c 51
\s1 Se tlamaijtoli para Toteco ma quitlapojpolhui
\q1
\v 1 ¡Ta, tinoTeco Dios tlen tinechicnelía,
\q1 nimitztlajtlanía xijpiya hueyi moyolo ica na!
\q1 ¡Xinechtlasojtla ta tlen tijpiya miyac moteicnelilis huan xinechtlapojpolhui nochi notlaixpanolhua!
\q1
\v 2 ¡Xinechpajpaca huan xinechquixtili ni notlajtlacol para sampa nielis nitlapajpactic!
\q1
\v 3 Pampa ya nimomacatoc cuenta para nelía nitlajtlacolchijtoc moixpa.
\q1 Huan san ya nopa nimosenilhuijtoc nochipa.
\q1
\v 4 San ica ta nitlajtlacolchijtoc.
\q1 Quena, san ica ta nijchijtoc ni hueyi tlajtlacoli tlen ta ax tijnequi tiquitas.
\q1 Ta tiquitac nochi tlen nijchijqui huan xitlahuac tinechtlajtolsencajtoc.
\q1
\v 5 Pero na ipa nitlajtlacolchijquetl hasta quema nitlacatqui.
\q1 Quena, ipa nitlajtlacolchijca tlacatl hasta quema pejqui nimoscaltía iijtico nonana.
\q1
\v 6 Ta tijnequi se tlacatl ma mitztlepanita ipan iyolo;
\q1 tijnequi ma tijchihuaca san tlen melahuac.
\q1 Xinechchihuili na ma nijmati motlalnamiquilis hasta campa más huejcatla ipan noyolo.
\q1
\v 7 Xiquijtzelo nopani nopa estli tlen tetlapajpacchihua,
\q1 huan queja nopa nimocahuas nitlapajpactic.
\q1 Quena, xinechpajpaca, huan nimocahuas onpano nichipahuac moixpa.
\q1
\v 8 Huan teipa quema ya tinechtlatzacuiltijtos,
\q1 xijchihuas para sampa ma niyolpaqui.
\q1 Huan elis queja sampa moyancuilise noomiyohua tlen tijtlatixchijtoc.
\q1
\v 9 Amo xijsenhuiquili xijtlachilijto notlajtlacolhua.
\q1 Xiquixpolo tlen moixpa nochi tlen ax cuali nijchijtoc.
\q1
\v 10 NoTeco Dios, xijchihua para noyolo ma eli yancuic huan tlapajpactic.
\q1 Xijchihua para ma nimoyolilhuis san ipan tlamantli tlen cuali,
\q1 huan para ma nijnequis nijchihuas san tlen xitlahuac.
\q1
\v 11 Amo xinechiyocacahua tlen ta moixpa,
\q1 niyon amo xinechquixtili moTonaltzi tlen tlatzejtzeloltic.
\q1
\v 12 Xijchihua para sampa ma nijmati nopa paquilistli tlen nijpixqui pampa ta tinechmaquixti.
\q1 Ica moTonaltzi xinechchihuili para nochipa ma nijnequis nimitztlepanitas.
\q1
\v 13 Huan huajca niquinnextilis moojhui sequinoc tlajtlacolchihuani tlen tlaixpanotoque queja na.
\q1 Huan tlajtlacolchihuani moyolcuepase huan hualase campa ta.
\q1
\v 14 Toteco Dios, ta tlen tinechmaquixtía,
\q1 xinechmanahui tlen ni tlaeticayotl tlen nijpiya pampa nitemicti.
\q1 Huan huajca nihuicas tiohuicatl para niteyolmelahuas para ta tijchihua tlen senquistoc xitlahuac.
\q1
\v 15 Toteco, xijchihua para sampa ma nihuica,
\q1 huan nitepohuilis nochi tlen tinechchihuilijtoc huan na nimitzpaquilismacas.
\q1
\v 16 Pampa ta ax tijnequi ma nimitzmaca tlacajcahualistli para tinechtlapojpolhuis.
\q1 Intla queja nopa elisquía,
\q1 huajca ica paquilistli nijchihuasquía.
\q1 Pero ax mitzpactía ma niquintlali tlapiyalime ipan tlaixpamitl para niquintlatis moixpa,
\q1 queja se tlacajcahualistli tlatlatili.
\q1
\v 17 Ta tijnequi ma nimoyolcoco,
\q1 huan ma nimocueso ica nochi tlen ax cuali nijchijtoc,
\q1 huan ma nimoyolcuepa.
\q1 Quena, nopa tlacatl tlen moechcapantlalía huan moyolcuepa,
\q1 ta tinoTeco Dios, temachtli tijtlacaquilía huan ax tijhuejcamajcahua.
\q1
\v 18 Huan, Toteco, amo xijtlatzacuilti altepetl Sion ipampa notlajtlacolhua.
\q1 Ta xiquinpalehui motlacajhua huan xijmocuitlahui moaltepe Jerusalén.
\q1
\v 19 Huan quema noyolo ya eltos xitlahuac moixpa,
\q1 tipaquis ica tlen cuali nijchihuas.
\q1 Huan tijselis nochi tlacajcahualistli quema niquinhuicas torojme para niquinmictis,
\q1 huan nimitzmacas ipan motlaixpa.
\c 52
\s1 Toteco tetlasojtla huan tetlajtolsencahua
\q1
\v 1 ¡Xijtlacaquili ta tlen timoilhuía para tlahuel tihueyi!
\q1 ¿Para tlen timohueyimati ica tlen fiero tiquinchihuili itlacajhua Toteco Dios?
\q1 Toteco Dios quipixtoc iteicnelilis para nochipa.
\q1
\v 2 Pero ta nochipa timoyolilhuía san tlen fiero tiquinchihuilis sequinoc.
\q1 Huan nochi istlacayotl tlen quisa mocamaco eli queja se cuchillo tlen tlahuel tlatequi.
\q1
\v 3 Achi más mitzpactía tijchihuas tlen fiero huan ax tlen cuali.
\q1 Huan nojquiya achi más mitzpactía istlacayotl huan ax tlen melahuac.
\q1
\v 4 Mitzpactía titeistlacahuis.
\q1 Huan mitzpactía tiquijtos tlajtoli tlen tecocohua.
\q1 ¡Tiistlacatica tlacatl!
\q1
\v 5 Yeca Toteco Dios mitztzontlamiltis para nochipa.
\q1 Mitzhuahuatatzas para mitzquixtis tlen mochaj,
\q1 huan ayoc tiitztos ipan ni tlaltepactli campa itztoque tlacame.
\q1
\v 6 Nochi tlacame tlen quitlepanitaj Toteco,
\q1 quiitase tlen yajaya quichihuilis nopa fiero tlacatl,
\q1 huan momajmatise.
\q1 Huajca inijuanti quihuetzquilise huan quiijtose:
\q1
\v 7 “Xiquitaca tlen ipantic ne tlacatl tlen ax quitlepanita Toteco Dios.
\q1 San motemachi ipan itomi huan nochi tlamantli pajpatiyo tlen yajaya quipiya,
\q1 huan quichijtinenqui tlen ax cuali.”
\q1
\v 8 Pero na cuali niijcatoc queja se olivo cuahuitl,
\q1 huan Toteco nechyahualohua para nechmocuitlahuis.
\q1 Na nimotemachía ipan Toteco para yajaya ma nechtlasojtla nochipa.
\b
\q1
\v 9 NoTeco Dios, na nochipa nimitztlascamatis ipampa nochi nopa cuali tlamantli tlen tijchijtoc.
\q1 Huan san ipan ta nimochiyas para tinechtlasojtlas,
\q1 pampa nochi quimatij para ta nelía tijpiya hueyi moyolo ica tlen moaxcahua.
\c 53
\s1 Tlacame tlen huihuitique
\q1
\v 1 San se tlacatl tlen tlahuel huihuitic moilhuisquía ipan iyolo para ax onca Dios.
\q1 ¿Para tlen queja nopa quiijtosquía?
\q1 Eltoc pampa iyolo tlahuel fiero huan san quichihua tlen ax cuali.
\q1 Axaca se tlacatl tlen quichihua tlen nelxitlahuac.
\q1
\v 2 Toteco Dios hasta nepa elhuicac quinhualtlachilía tlacame,
\q1 para quiitas intla onca se tlen nelía quitemohua huan quichihua tlen cuali.
\q1
\v 3 ¡Pero axtle!
\q1 Nochi tlacame mocueptoque ipan tlajtlacoli.
\q1 Quena, nochi tlajtlacolchijtoque huan moijtlacojtoque.
\q1 Axaca quichihua tlen senquistoc cuali,
\q1 niyon se.
\q1
\v 4 Ax quipiyaj inintlalnamiquilis nopa tlajtlacolchijca tlacame.
\q1 Inijuanti quintzontlamiltíaj motlacajhua queja elisquíaj pantzi tlen quicuaj huan ax quinequij quitemose Toteco Dios.
\q1
\v 5 Pero ajsis tonali quema Toteco Dios quinpinahualtis huan quintlatzacuiltis nopa tlacame.
\q1 Quena, quintzontlamiltis huan inintlacayohua mocahuase tepejtoque campa hueli.
\q1 Axaca quintlalpachos pampa yajaya quintlahuelcajtoc.
\q1
\v 6 ¡Cuali elisquía intla Toteco hualasquía tlen altepetl Jerusalén huan quinmaquixtis nochi israelitame!
\q1 Israelitame san huelis itztose ica paquilistli quema Toteco Dios quichihuas para inijuanti tlen itlacajhua ma tlatlanica.
\c 54
\s1 Se tlamaijtoli para Toteco ma quimanahui tlen icualancaitacahua
\q1
\v 1 ¡NoTeco Dios, xihuala xinechmaquixtiqui pampa nochi quimatij ta tihueyi!
\q1 ¡Xinechmanahuiqui ica mohueyi chicahualis!
\q1
\v 2 Xinechtlacaquili quema nimomaijtohua ica ta.
\q1 Quena, xijtlacaquili tlen nimitzpohuilía,
\q1
\v 3 pampa tlatehuijca tlacame motlanantoque ica na.
\q1 Quena, tlacame tlen ax quema mitzilnamiquij nechtemohuaj para nechmictise.
\b
\q1
\v 4 Pero Toteco Dios nochipa nechpalehuía,
\q1 huan ax quincahuilis ma nechmictica.
\q1
\v 5 Toteco quincuepilis nocualancaitacahua nochi nopa tlamantli ax cuali tlen inijuanti quisencajtoque nechchihuilise.
\b
\q1 Quena, TOTECO, ta tlen nelía titemachtli, xijchihua senquistoc queja tinechtencahuilijtoc,
\q1 huan xiquintzontlamilti nochi nocualancaitacahua.
\q1
\v 6 Ica paquilistli nimitzmacas notlacajcahualis.
\q1 Nimitzhueyimatis pampa ta nelía ticuali,
\q1
\v 7 pampa ta tinechmanahuijtoc tlen nochi tlaohuijcayotl,
\q1 huan niquitztoc quejatza tiquintlantoc nochi nocualancaitacahua.
\c 55
\s1 Se tlamaijtoli tlen se tlacatl tlen quicajcayajqui ihuampo
\q1
\v 1 NoTeco Dios, xinechtlacaquili quema nimomaijtohua ica ta.
\q1 Amo ximotlati quema nimitztzajtzilía.
\q1
\v 2 Xinechtlacaquili huan xinechnanquili,
\q1 pampa tlahuel nimocuesohua huan nichoca pampa nitlaijiyohuía.
\q1
\v 3 Nocualancaitacahua nechtzajtzilíaj chicahuac huan quinequij nechmictise.
\q1 Tlahuel nechcocolíaj huan ica nochi inincualancayo nechtoquilijtihualahui para nechtzontlamiltise.
\q1
\v 4 Nelía nechcocohua noyolo pampa nechitzquía se hueyi majmajtli.
\q1
\v 5 Quena, tlahuel nimajmahui huan nihuihuipica.
\q1
\v 6 ¡Cuali elisquía intla nijpiyasquía noeltlapal queja quipiya se paloma para huelisquía nipatlantehuasquía huan nimosiyajcahuati!
\q1
\v 7 Quena, nicholosquía hasta nepa campa huactoc tlaltini tlen mopantíaj huejca huan nepa nimocahuasquía.
\q1
\v 8 Nimoisihuiltisquía para nicholos huan nimotlatis tlen nochi ni tlaijiyohuilistli tlen hualajtoc nopani.
\q1 Eltoc queja se hueyi ajacatl hualajtoc tlen tlamitlaxolehua.
\q1
\v 9 Toteco, xiquintzontlamilti nocualancaitacahua.
\q1 Xijchihua ma mocuapoloca inijuanti ininseltitzi quema camatij.
\q1 Na niquitztoc para nochi tlatehuíaj campa hueli ipan ni moaltepe.
\q1
\v 10 Tlayohua huan tonaya yonque itztoque tosoldados tlen quiyahualojtinemij ni altepetl ipan nopa tepamitl para quimocuitlahuise tlen tocualancaitacahua,
\q1 inijuanti tlen nica ehuani ininseltitzi motehuíaj se ica seyoc ipan ni altepetl.
\q1
\v 11 Tlatlajco nopa altepetl quichihuaj miyac tlamantli tlen ax cuali,
\q1 huan ax onca tlatlepanitacayotl.
\q1 Ipan tianquis huan campa hueli momictíaj,
\q1 tlaxtequij huan tlacajcayahuaj.
\q1
\v 12 Ax elqui se nocualancaitaca tlen nechcajcayajqui,
\q1 pampa intla queja nopa eltosquía, huajca niquijiyohuijtosquía.
\q1 O hueltosquía nimotlatis huan nicholos.
\q1
\v 13 Pero elqui se tlen nemiyaya nohuaya,
\q1 se tlen nechyacanayaya huan tlen nonelhuampo.
\q1
\v 14 Quena, elqui yajaya tlen sentic timopohuiliyayaj nopa tlamantli tlen tijpixtoyaj ipan toyolo,
\q1 huan yejyectzi timocamahuiyayaj quema san sejco tiyohuiyayaj ipan mochaj, Toteco Dios.
\q1
\v 15 Ma tlalochmiquica nochi nocualancaitacahua huan ma yaca hasta mictla quema noja yoltoque,
\q1 pampa ipan ininchaj huan ipan ininyolo san onca tlajtlacoli.
\b
\q1
\v 16 Pero na san nijtzajtzilis Toteco Dios para ma nechmaquixti.
\q1 Huan quena, temachtli yajaya nechmaquixtis.
\q1
\v 17 Na nimomaijtos ica ijnaloc, ica tlajco tona huan ica tiotlac.
\q1 Huan yajaya nechtlacaquilis huan nechnanquilis.
\q1
\v 18 Ipan tlatehuijcayotl yajaya nechmanahuis,
\q1 yonque tlahuel miyac nocualancaitacahua nechtehuise chicahuac.
\q1
\v 19 Toteco Dios tlen ipa itztoc huan tlanahuatijtoc hasta tlen huejcajquiya,
\q1 yajaya nechtlacaquilis huan quintzontlamiltis.
\q1 Pampa nocualancaitacahua ax quipatlaj ininyolis tlen fiero,
\q1 niyon ax quitlepanitaj itlanahuatil.
\q1
\v 20 Nopa tlacame tlen ax cuajcualme momatlalanaj huan quintehuíaj hasta ininhuampoyohua.
\q1 Quiixpanoj nopa tlajtoli tlen quichihuaj ininhuaya sequinoc.
\q1
\v 21 Quitequihuíaj tlajtoli tlen nelyejyectzi huan yamanic queja mantequiya,
\q1 pero ipan ininyolo san moilhuíaj quejatza tlatehuise.
\q1 Nochi tlen quiijtohuaj eltoc alaxtic queja aceite,
\q1 pero ixtacatzi teyolcocohuaj ica tlajtoli queja quema timotzontequis ica machete.
\b
\q1
\v 22 Nochi mocuesol xijcahua imaco TOTECO huan yajaya mitzmacas temachili.
\q1 TOTECO ax quicahuas ma huetzi se tlen quitlepanita.
\b
\q1
\v 23 Pero ta tinoTeco Dios,
\q1 tiquintitlanis nocualancaitacahua ipan nopa tlacoyoctli tlen tlahuel huejcatla.
\q1 Nopa temictiani huan istlacatini ax itztose niyon tlajco tlen ininyolis,
\q1 pampa ax huejcahuase itztose ipan ni tlaltepactli.
\q1 Pero na nochipa nimotemachis ipan ta para tinechmaquixtis.
\c 56
\s1 David momaijtohua ica Toteco
\q1
\v 1 NoTeco Dios, xinechtlasojtla,
\q1 pampa nocualancaitacahua semilhuitl nechtepotztocatinemij.
\q1 Nochi se tonal nechtlaijiyohuiltíaj.
\q1
\v 2 Nochi se tonal nechcuatetzopaj huan noca paquij.
\q1 Tlahuel miyac itztoque tlen quinequij nechtlamiltise.
\q1
\v 3 Pero quema nijmati nimajmahui, na nimotemachía ipan ta.
\b
\q1
\v 4 Nijhueyichihua Toteco Dios huan nimotemachía ipan ya para nechmanahuis queja nechtlajtolcahuilijtoc quichihuas ipan itlajtol.
\q1 Huajca pampa nimotemachía ipan ya,
\q1 ¿tlachque huelis nechchihuilis se tlacatl?
\q1
\v 5 Ajachica quipatlaj notlajtol huan san moilhuíaj quejatza huelis nechchihuilise tlen ax cuali.
\q1
\v 6 Mosentilíaj huan quisencahuaj tlachque nechchihuilise.
\q1 Teipa motlatíaj ojteno huan nechchiyaj ma nipano para nechmictise.
\b
\q1
\v 7 Toteco Dios, xijtlachili nochi inintlaixpanolhua huan xiquintlatzacuilti.
\q1 Ica mohueyi cualancayo, xiquinmajcahua hasta tlalchi.
\q1
\v 8 Ta tinechitztoc quesqui hueltas nimochololtijtoc huan nimochoquilijtoc.
\q1 Nochi noixayo tijsentilijtoc huan ticajcoctoc ipan se frasco.
\q1 Huan ipan molibro tiquijcuilojtoc quesqui imiyaca.
\q1
\v 9 NoTeco Dios, quema nimitztzajtzilía para xinechpalehui,
\q1 nochi nocualancaitacahua nimantzi cholohuaj.
\q1 Queja nopa eli pampa cuali nijmati para ta tiitztoc nohuaya para tinechpalehuis.
\b
\q1
\v 10 Na nimotemachía ipan Toteco Dios.
\q1 Quena, nimopaquilismacas ipan TOTECO itlajtol,
\q1 ipampa nochi tlen nechtlajtolcahuilijtoc nechchihuilis.
\q1
\v 11 Quena, nimotemachía ipan Toteco Dios huan ax nimajmahui.
\q1 ¿Tlachque huelis nechchihuilis se tlacatl?
\b
\q1
\v 12 NoTeco Dios, nochi tlen nimitztlajtolcahuilijtoc, nijtlamichihuas.
\q1 Nimitztlascamatilis ica tiohuicatl pampa tinechpalehuijtoc miyac.
\q1
\v 13 Ta, Toteco Dios, tinechmanahuijtoc para ax nimiquis,
\q1 huan ax tinechcahuilijtoc ma nihuetzi ipan tlamantli tlen ax cuali.
\q1 Yeca ama noja hueli ninentinemis moixpa nica ipan ni tlaltepactli ica tlacame tlen itztoque.
\c 57
\s1 Se tlamaijtoli para Toteco ma quipalehui
\q1
\v 1 Xinechtlasojtla, noTeco Dios, xijnexti moteicnelilis noca na,
\q1 pampa san ipan ta nimotemachía para tinechmanahuis.
\q1 Queja se pilpiyotzi motlatía ieltlapaltzala inana,
\q1 na nojquiya nimotlatía ipan ta hasta panos ni hueyi tlaohuijcayotl tlen eltoc queja se hueyi ajacatl.
\b
\q1
\v 2 Nijtzajtzilis Toteco Dios Tlen Más Hueyi.
\q1 Quena, nijnojnotzas Toteco Dios tlen nochipa nechpalehuía ipan nochi tlamantli.
\q1
\v 3 Tlen elhuicac nechtitlanilía itlapalehuil para nechmaquixtis.
\q1 Yajaya nechchololtis ininmaco nocualancaitacahua tlen ica miyac cualantli nechtepotztocatinemij,
\q1 huan quinequij nechtzontlamiltise.
\q1 Pampa yajaya Toteco Dios temachtli huan tlahuel nechicnelía.
\q1
\v 4 Nechyahualojtoque tlacame tlen mosisiníaj queja tecuanime.
\q1 Inintlajtol eltoc queja tlitl tlen quisa inincamaco.
\q1 Inintlancoch tlajtlatequi queja cuatlamintli huan ininnenepil tlatequi queja machete.
\b
\q1
\v 5 NoTeco Dios, nochi ma mitzhueyichihuaca ipan nochi elhuicactli.
\q1 Mohueyitilis ma quitemiti ni tlaltepactli.
\q1
\v 6 Nocualancaitacahua quitlalijtoque se tlaquetztli para ma nimasi,
\q1 yeca tlahuel nimajmahui.
\q1 Nojquiya quichijque se tlacoyoctli ipan ojtli para ma nihuetzi ipani,
\q1 pero xiquita inijuantijya huetzque nopano.
\q1
\v 7 NoTeco Dios, ipan noyolo nipaqui huan nijpiya tlasehuilistli.
\q1 Huan yeca nimocualtlalijtoc para nihuicas huan nijsencahuas tiohuicatl para ta.
\q1
\v 8 Na nimocualtlalía para nijtzotzonas noarpa huan noguitarra.
\q1 Cualca niisa para nimitztlatzotzonilis.
\q1
\v 9 Na nimitztlascamatis iniixpa tlacame pampa ta, Toteco, tinechchihuilijtoc miyac tlamantli tlen yejyectzi.
\q1 Huan nihuicas para nimitzhueyimatis iniixpa tlacame tlen nochi tlaltini.
\q1
\v 10 Moteicnelijcayo nelhueyi queja ipatlajca elhuicactli huan huejcapantic hasta quionpano mixtli.
\q1 Ta tlahuel titemachtli.
\q1
\v 11 Toteco Dios, nochi ma mitzhueyichihuaca ipan nochi elhuicactli.
\q1 Mohueyitilis ma quitemiti ni tlaltepactli.
\c 58
\s1 Se tlamaijtoli para Toteco ma quintlatzacuilti tlen ax tlatlepanitaj
\q1
\v 1 ¡Imojuanti intlacame tlen inquipiyaj tequihuejcayotl para intetlajtolsencahuaj!
\q1 ¿Nelía xitlahuac inquintlajtolsencahuaj tlacame?
\q1
\v 2 ¡Axtle! San inmoilhuíaj tlen fiero huelis inquichihuase.
\q1 Inquichijtoque para noja más ma onca tlatehuijcayotl ipan imotlal.
\q1
\v 3 Nopa tlacame tlen ax quitlepanitaj Toteco pejque moiyocacahuaj hasta quema tlacatque.
\q1 Huan ipa istlacatij hasta quema pejque huelij camatij.
\q1
\v 4 Inijuanti tencocoque queja cohuame tlen temictíaj ica inintencococa.
\q1 Huan itztoque queja nopa cohuame tlen momatij quincaquij inintos inintecohua,
\q1 pero ayoc quinequij quinneltocase.
\q1
\v 5 Monacastzacuaj huan ayoc quichihuilíaj cuenta,
\q1 yonque ininteco quintlatzotzonilíaj yejyectzi para ma quinneltoquilica.
\q1 Huan nimantzi tetzacaníaj.
\q1 Queja nopa itztoque ni fiero tlacame.
\b
\q1
\v 6 NoTeco Dios, xiquintlamiltili ininchicahualis.
\q1 Quena, xiquinquixtili ininchicahualis nopa tlacame tlen mosisiníaj,
\q1 queja tiquinquixtilisquía inintlancoch huan inincamachal omiyo nopa tecuanime.
\q1
\v 7 Ma ixpolihuica queja ixpolihui nopa atl tlen toyahui ipan huactoc tlali.
\q1 Huan nopa tepostli tlen quipixtoque ininmaco para ica tlatehuíaj,
\q1 ma eli queja ax tleno ipati.
\q1
\v 8 Ma elica queja nopa cuachololojtli tlen achotiya quema noja nentinemi.
\q1 O ma elica queja se pilconetzi tlen tlacatqui mictoc huan tlen ax quema quiitac tlatlanextli.
\b
\q1
\v 9 Toteco Dios quinixpolihuiltis tlen huehuentzitzi huan tlen telpocame.
\q1 Quintzontlamiltis nelnimantzi queja se chachapali tlen nimantzi totoniya ica nopa tlitl tlen lementoc ica huitzcuahuitl.
\q1
\v 10 Pero tlen itztoque xitlahuaque iixpa Toteco,
\q1 paquise quema quiitase para Toteco ya momacueptoc ica nopa tlacame tlen ax tleno quitlepanitaj,
\q1 huan moixipajpacase ica inieso nopa tlacame.
\q1
\v 11 Huan huajca nochi tlacame quiijtose:
\q1 “Nelía quiselíaj se cuali tlaxtlahuili nopa tlacame tlen itztoque xitlahuaque,
\q1 pampa melahuac itztoc se Dios tlen tetlajtolsencahua xitlahuac ipan ni tlaltepactli.”
\c 59
\s1 Se tlamaijtoli para Toteco ma quimanahui David
\q1
\v 1 ¡NoTeco Dios, xinechmanahui ininmaco nocualancaitacahua!
\q1 ¡Xinechmocuitlahui tlen inijuanti tlen hualajtoque para nechtzontlamiltise!
\q1
\v 2 ¡Xinechmanahui ininmaco tlajtlacolchijca tlacame,
\q1 inijuanti tlen temictíaj!
\q1
\v 3 Nechpijpiyaj para quiitase quejatza nechmictise.
\q1 Tlacame tlen quipiyaj chicahualistli nechchixtoque yahualtic.
\q1 Pero ax pampa niquinchihuilijtoc se tlamantli tlen ax cuali
\q1 o pampa niquinixpanotoc.
\q1
\v 4 ¡Axtle! Ax tleno tlen fiero niquinchihuilijtoc,
\q1 pero inijuanti mocualtlalíaj para nechmictise.
\q1 ¡TOTECO, xiisa!
\q1 ¡Xihuala xinechpalehuiqui!
\q1
\v 5 TOTECO, Ta Tlen Tiquinyacana Moelhuicac Ejcahua Ma Tlatlanitij,
\q1 ta tlen titoDios tiisraelitame,
\q1 ximotlalana huan xiquintlatzacuilti nopa tlaltini tlen ax mitztlepanitaj.
\q1 Amo xiquintlapojpolhui nopa tlacame tlen mosisiníaj huan nimantzi tlaixpanoj.
\q1
\v 6 Mojmostla ica tlapoyahui hualahuij para quitlachilise quejatza huelis techtlanise.
\q1 Tzajtzitinemij queja chichime tlen quiyahualojtinemij ni altepetl.
\q1
\v 7 Nijcaqui camatij fiero hasta camaposonij,
\q1 huan mitztelchihuaj Toteco,
\q1 pampa inijuanti quiijtohuaj:
\q1 “Axaca techcaqui.”
\q1
\v 8 Pero ta TOTECO, san xiquinhuetzquili,
\q1 huan xiquinpinahualti ni tlacame tlen sequinoc tlaltini.
\q1
\v 9 NoTeco Dios, pampa nocualancaitacahua quipiyaj chicahualistli, ipan ta nimotemachis,
\q1 pampa ta tlen tinechmanahuía.
\q1
\v 10 NoTeco Dios, ta nochipa tinechicnelijtoc miyac,
\q1 yeca nijmati para temachtli tinechyacantiyas.
\q1 Tijchihuas ma niquitas tlen tlahuel nijnectoc ma ininpanti nocualancaitacahua.
\q1
\v 11 NoTeco, ta tlen tinechmanahuía,
\q1 amo xiquinmicti nimantzi ni nocualancaitacahua,
\q1 pampa huelis ni notlacajhua nimantzi quiilcahuase tlen ininpantis nopa mosisinijca tlacame.
\q1 Más cuali san xiquinsemana ica mohueyi chicahualis huan xiquinechcapantlali.
\q1
\v 12 Quena, xiquintlatzacuilti pampa nochi inijuanti tlahuel istlacatij, mohueyimatij huan tlatelchihuaj.
\q1
\v 13 Xiquintzontlamilti ica mohueyi cualancayo,
\q1 huan xiquintlamiixpolihuilti.
\q1 Huan queja nopa nochi tlacame quimatise para ta, Toteco Dios,
\q1 titlanahuatía ipan tlali Israel,
\q1 huan ipan nochi tlaltepactli.
\q1
\v 14 Nocualancaitacahua mocuepaj ica tiotlac huan tzajtzij queja chichime,
\q1 huan quiyahualojtinemij ni altepetl.
\q1
\v 15 Nentinemij campa hueli para quitemojtinemise inintlacualis.
\q1 Huan quema ax ixhuise,
\q1 tzajtzij seyohual queja chichime.
\q1
\v 16 Pero na sesen ijnaloc nihuicas ica nopa chicahualistli tlen tinechmaca.
\q1 Huan nimitzhueyimatis pampa tinechtlasojtla miyac.
\q1 San ta tinechmanahuía huan san ipan ta nimotemachía,
\q1 quema huala tlaohuijcayotl.
\q1
\v 17 Toteco Dios, momaco ta niitztoc temachtli,
\q1 yeca nimitzhueyimatis huan nihuicas para ta,
\q1 pampa san ta tinechmocuitlahuía huan tinechicnelía.
\c 60
\s1 Se tlamaijtoli para Toteco ma quimanahui David
\q1
\v 1 Toteco Dios, ta titechhuejcamajcajtoc huan ayoc tijmatij tlachque monequi tijchihuase.
\q1 Ticualantoc ica tojuanti huan titechtlahuelcajtoc.
\q1 Ama timitztlajtlaníaj para sampa ximoyoltlali tohuaya huan sampa xitechfuerzajmaca.
\q1
\v 2 Ni tlali tijchijqui ma huihuipica ica majmajtli.
\q1 Tlahuel tijtlaijiyohuiltijtoc.
\q1 Huajca ama, Toteco Dios, sampa xijcualtlali totlal tlen tlamitlatlapacatoc.
\q1
\v 3 Tijchijtoc para tojuanti timotlacajhua ma tijpanoca huejhueyi tlaijiyohuilistli.
\q1 Huan ica ni tlaijiyohuilistli techchihuilijtoc ma timomimilojtinemica queja elisquía tiihuintitoque.
\q1
\v 4 Pero ama titechmacatoc se bandera campa timosentilise nochi tojuanti tlen timitzimacasij huan timitztlepanitaj.
\q1 Huan quena, nochi tojuanti tlen tijchihuaj tlen melahuac timosentilise nopano,
\q1 para timomanahuise quema tocualancaitacahua techmajcahuilise cuatlamintli.
\q1
\v 5 Xitechnanquili huan xitechmanahui nochi tojuanti tlen titechicnelía.
\q1 Xijtequihui mohueyi chicahualis para titechmanahuis.
\b
\q1
\v 6 Toteco Dios, yajaya tlen itztoc ipan ichaj nepa elhuicac quiijtojtoc:
\q1 “Ica paquilistli nijxelos tlali Siquem,
\q1 huan nijyejyecos nopa tlamayamitl tlen itoca Sucot,
\q1 para nijmacas tlen nijnequis pampa nopa tlaltini noaxcahua.
\q1
\v 7 Huan nopa tlali Galaad huan Manasés nojquiya noaxcahua.
\q1 Ipan tlali Efraín hualase nosoldados tlen nechmanahuise queja notzontzajca,
\q1 huan ipan tlali Judá hualase notlanahuatijcahua.
\q1
\v 8 Tlen itztose ipan tlali Moab elise notlatequipanojcahua tlen teicneltzitzi.
\q1 Tlen itztoque ipan tlali Edom nechtequipanose.
\q1 Huan nitlahuejchihuas chicahuac quema ya niquintlantos nopa filisteos.”
\m Queja nopa quiijtohua Toteco.
\b
\q1
\v 9 ¿Ajqueya nechchihuas ma nicalaqui ipan nopa altepetini tlen moyahualtzactoque ica tepamitl ipan tlali Edom?
\q1 ¿Ajqueya nechchihuas ma niquintlani intla ax ta?
\q1
\v 10 San ta tinechyacanas ipan tlatehuijcayotl, noTeco Dios.
\q1 Amo xinechtlahuelcahua.
\q1 Intla ta ax tiyas ihuaya tosoldados para tlatehuise, Toteco,
\q1 axaca techpalehuis.
\q1
\v 11 Quena, Toteco Dios, xitechpalehui para tiquintlanise tocualancaitacahua,
\q1 pampa inintlapalehuil tlacame, ax tleno ipati.
\b
\q1
\v 12 Ica itlapalehuil Toteco Dios tijchihuase huejhueyi tlamantli.
\q1 Yajaya iselti quintzontlamiltis nochi tocualancaitacahua.
\c 61
\s1 David quinequi itztos ipan itiopa Toteco
\q1
\v 1 NoTeco Dios, xinechtlacaquili quema nimitztzajtzilía.
\q1 Xijtlacaquili notlamaijtol.
\q1
\v 2 Yonque niitztosquía campa hueli o hasta campa ontlantoc tlaltepactli,
\q1 na nimitztzajtzilisquía para nimitztlajtlanis motlapalehuil.
\q1 Quema nimajmahui o nimocuesohua,
\q1 tinechyacana huan tinechtlatía ipan se huejcapantic tetl,
\q1 campa ax tleno huelis nechajsis.
\q1
\v 3 Pampa san ipan ta nimotemachía para ax tleno nopantis.
\q1 Ta tiitztoc queja se huejcapantic cali tlen nechmanahuía,
\q1 para ax huelis nechajsise nocualancaitacahua.
\q1
\v 4 Nijnequi niitztos para nochipa ipan motiopa para tinechmocuitlahuis.
\q1 Nopano niitztos temachtli queja se pilpiyotzi tlen mocahua ieltlapaltzala inana.
\q1
\v 5 Ta tinoTeco Dios, tijcactoc tlen nimitztlajtolcahuilijtoc para nijchihuas.
\q1 Huan tinechmacatoc nopa tlatiochihualistli tlen ticajcoctoc para tiquinmacas tlacame tlen mitzimacasij huan mitztlepanitaj.
\q1
\v 6 Xijchihua para na nitlanahuatijquetl ma niitzto miyac xihuitl,
\q1 huan para noyolis ma eli yejyectzi.
\q1
\v 7 Xinechcahuili ma nitlanahuatis moixpa para nochipa.
\q1 Xinechmanahui huan xinechmocuitlahui ica moteicnelijcayo.
\q1
\v 8 Queja nopa nimitzpaquilismacas mojmostla.
\q1 Quena, sesen tonal nijtlamichihuas tlen nimitztencahuilijtoc para nijchihuas para ta.
\c 62
\s1 David motemachi san ipan Toteco
\q1
\v 1 Na san ipan Toteco Dios nimochiya para yajaya ma nechmanahui,
\q1 pampa san ya hueli temaquixtía.
\q1
\v 2 Nimotlatía ipan ya para ax tleno nechajsis.
\q1 San yajaya nechmaquixtía huan nechmocuitlahuía quema huala tlaohuijcayotl.
\q1 Ax tleno hueli nechpanos.
\q1
\v 3 Pero ¿hasta quema tlamis nocualancaitacahua nechtehuise?
\q1 Ayoc nijpiya más chicahualistli queja tlanahuatijquetl ipan notlanahuatilis.
\q1 Nocualancaitacahua quisencahuaj quejatza huelis nechmajcahuase.
\q1 Nechitaj queja se nitlapepecholi o nitepamitl tlen nihuetzisnequiya.
\q1
\v 4 Quena, san moilhuíaj san sejco quejatza huelis nechtzontlamiltise.
\q1 Quinpactía quitlacaquilise istlacayotl huan tlacajcayahualistli.
\q1 Ica inincamac nechcamahuíaj yejyectzi,
\q1 pero ipan ininyolo nechtelchihuaj.
\q1
\v 5 Pero na san nimochiya ipan Toteco Dios,
\q1 san nimochiya para yajaya ma nechmanahui,
\q1 pampa san ya hueli temaquixtía.
\q1
\v 6 Nimotlatía ipan ya para ax tleno nechajsis.
\q1 San yajaya nechmaquixtía huan nechmocuitlahuía quema huala tlaohuijcayotl,
\q1 yeca san ipan ya nimotemachía.
\q1
\v 7 San Toteco Dios hueli nechmaquixtis huan sampa nechhueyitlalis iniixpa sequinoc.
\q1 Yajaya nechtlatía huan nechfuerzajmaca.
\q1 Nechmocuitlahuía para ma ax nechajsi tlen fiero.
\q1
\v 8 ¡Innotlacajhua, nochipa ximotemachica ipan Toteco Dios!
\q1 Xijpohuilica nochi tlen eltoc ipan imoyolo,
\q1 pampa san yajaya hueli techmocuitlahuis ica tlen ax cuali.
\q1
\v 9 Ax tleno nelía ininpati tlacame iixpa Toteco,
\q1 yonque tlen tominpiyaj o tlen teicneltzitzi.
\q1 Intla se quintlalisquía ipan balanza para quinyejyecosquía intla etique queja se tlamantli tlen tlahuel ipati,
\q1 momacas cuenta para melahuac ax etique pampa tlacame itztoque san queja ajacatl.
\q1
\v 10 Tlacame, amo ximoilhuica para intlatehuise para inquitlanise más tomi.
\q1 Amo ximoilhuica para intlaxtequise para inmoricojchihuase.
\q1 Huan intla inmochihuase rico,
\q1 amo ximohueyimatica, niyon amo ximotemachica ipan imotomi.
\q1
\v 11 Nijmati ya ni, pampa miyac hueltas Toteco Dios nechilhuijtoc:
\q1 san yajaya quipiya nochi chicahualistli.
\b
\q1
\v 12 San ta, Toteco, titeicnelía mojmostla.
\q1 Huan tiquintlaxtlahuía sesen tlacatl queja quinamiqui ica tlen quichijtoque.
\c 63
\s1 Nijtemohua noTeco
\q1
\v 1 ¡Toteco Dios, ta tinoDios!
\q1 ¡Nelía tlahuel nimitztemohua!
\q1 ¡Queja se tlacatl tlen tlahuel amiqui ipan huactoc tlali campa ax onca atl,
\q1 na ica nochi noyolo huan ica nochi noalma nijnequi nimitzpantis!
\q1
\v 2 Nijnequi niquitas mochicahualis huan mohueyitilis queja niquitac ipan motiopa.
\q1
\v 3 Pampa moteicnelijcayo más hueyi ipati huan ax noyolis.
\q1 ¡Tlahuel nimitzhueyimati!
\q1
\v 4 Huan nochi tonali quema noja niitztos, nimitztiochihuas.
\q1 Huan moixpa nimomatlalanas huan nimomaijtos ica ta.
\q1
\v 5 Huan huajca, quena, nijmatis queja elisquía ya niixhuic ica se tlacualistli tlen ajhuiyac.
\q1 Huan nimitzhueyimatis ica miyac paquilistli.
\q1
\v 6 Nochi yohuali quema nimoteca ipan notlapech huan ax hueli nicochi,
\q1 nimoilhuía tlen ta.
\q1 Quena, nimoyolilhuía tlen ta sesen hora.
\q1
\v 7 Nimoilhuía quejatza tinechpalehuijtoc huan yeca sesen yohuali tlahuel nipaqui.
\q1 Queja se piyo quintlatía iconehua ieltlapaltzala,
\q1 queja nopa ta tinechtlatía na para ax tleno nechajsis.
\q1
\v 8 Nimotlatzquilijtoc ipan ta pampa san ta tinechmocuitlahuía ica mohueyi chicahualis.
\q1
\v 9 Nochi tlen quinequij nechmictise yase mictla.
\q1
\v 10 Pampa ya eltoc tlasencahuali para miquise,
\q1 huan para sequinoc quintzontlamiltise ica machete.
\q1 Huan inintlacayohua elis tlacualistli para nopa tepechichime.
\q1
\v 11 Pero na, nitlanahuatijquetl, nimopaquilismacas ipan ta, Toteco Dios.
\q1 Huan nojquiya paquise nochi sequinoc tlen senquistoc motemachíaj ipan ta.
\q1 Pero nochi tlen istlacatij,
\q1 ta, Toteco, tiquincamatzacuas.
\c 64
\s1 Se tlamaijtoli para Toteco ma quimocuitlahui
\q1
\v 1 NoTeco Dios, xijtlachili nocuesol.
\q1 ¡Xijmanahui noyolis tlen nocualancaitacahua tlen quinequij nechmictise!
\q1
\v 2 Xinechtlati tlen ni ax cuajcualme tlen ixtacatzi quisencahuaj para nechchihuilise tlen fiero.
\q1
\v 3 Nochi inintlajtol ajsi ipan noyolo,
\q1 huan tlahuel nechcocohua queja elisquía se cuatlamintli.
\q1
\v 4 Inijuanti ax majmahuij para nechtlatzacuiltise.
\q1 Motlatíaj campa axaca hueli quinita,
\q1 huan quinmajcahuilíaj cuatlamintli tlacame tlen ax tleno quichijtoque.
\q1 Niyon quentzi ax majmahuij ica tlen fiero quichihuaj.
\q1
\v 5 Se ica seyoc mofuerzajmacaj para quichihuase más tlen fiero.
\q1 Ixtacatzi mosentilíaj para quitlalise tlaquetztli.
\q1 Huan quiijtohuaj: “Nica tijtlalise ni tlaquetztli campa axaca huelis quiitas.”
\q1
\v 6 Ica miyac cuidado quisencahuaj quejatza quichihuase para temictise.
\q1 Ica yolic quitemolíaj quejatza quichihuase tlen fiero quisencajtoque quichihuase para ma cualquisa.
\q1 Iyolo huan itlalnamiquilis se tlacatl tlahuel quimati quisencahuas tlen fiero para quichihuas.
\b
\q1
\v 7 Pero Toteco Dios yajaya iselti quintlamicocos.
\q1 Elis queja quinmajcahuilis cuatlamintli quema ax quichiyaj,
\q1 huan nimantzi quintlanis.
\q1
\v 8 Quena, huetzise huan motzontlamiltise,
\q1 ipampa nopa tlajtoli tlen quiijtojtoque.
\q1 Huan nochi tlen quinitase momajmatise.
\q1
\v 9 Huajca nochi tlacame quitlepanitase Toteco Dios huan quiimacasise quiixpanose.
\q1 Tepohuilise nochi tlen yajaya quichijtoc.
\q1 Huan huajca quimachilise para san ya quichihua huejhueyi tlamantli.
\q1
\v 10 Huan nochi tlacame tlen itztoque xitlahuaque quipaquilismacase TOTECO,
\q1 huan más motemachise ipan ya huan quihueyimatise.
\c 65
\s1 David quihueyimati Toteco
\q1
\v 1 Toteco Dios, san ta quinamiqui ma timitzhueyimatica,
\q1 ta tlen tiitztoc ipan altepetl Jerusalén.
\q1 Huan quinamiqui ma timitzmacaca nochi tlen timitztlajtolcahuilijtoque timitzmacase.
\q1
\v 2 Ta titechnanquilía quema timomaijtohuaj huan titechmaca tlen timitztlajtlaníaj,
\q1 huajca nochi tlacame ipan tlaltepactli ma hualaca campa ta.
\q1
\v 3 Yonque toyolo temitoc ica tlajtlacoli,
\q1 ta titechtlapojpolhuía nochi totlaixpanolhua.
\q1
\v 4 ¡Nelía tipaquij miyac tojuanti tlen titechtlapejpenijtoc para ma tihualaca,
\q1 huan ma tiitztoquij mohuaya ipan motiopa tlen tlatzejtzeloltic!
\q1 ¡Ta titechmacas hueyi paquilistli huan nochi tlen cuali tlen onca nopano!
\q1
\v 5 Quema timitztlajtlaníaj se tlamantli,
\q1 ta titechnanquilía ica huejhueyi tlamantli.
\q1 Toteco Dios, nochi tlacame ipan tlaltepactli motemachíaj ipan ta.
\q1 Quena, yonque itztoque hasta campa ontlantoc hueyi atl,
\q1 nochi motemachíaj para ta tiquinpalehuis.
\q1
\v 6 Ta ica mohueyi chicahualis tiquinchijchijqui nopa tepetini huan tiquintlatzquilti campa eltoc.
\q1
\v 7 Ta tijseseltía nopa hueyi atl quema mosisinía.
\q1 Huan tiquinyoltlalía tlacame campa hueli quema quinequij motehuise.
\q1
\v 8 ¡Yeca nochi tlacame tlen itztoque hasta campa ontlantoc tlaltepactli,
\q1 mitztlepanitaj huan mitzimacasij para mitzixpanose quema quiitaj nopa huejhueyi tlamantli tlen tijchihua!
\q1 Tijchihua para tlacame ma paquica tlen quema tlanesi huan hasta quema tlayohuiya.
\q1
\v 9 Ta ticatequía ni tlaltepactli para ma tlaelilti,
\q1 ica nopa atemitl tlen ta moaxca tlen ax quema huaquij.
\q1 Ta tijcualtlalía ni tlali para motlacajhua ma quitocaca ininxinach,
\q1 huan teipa tijchihua para ma onca se hueyi pixquistli.
\q1
\v 10 Ta tijxolonía ica miyac atl nopa surcos ipan mila.
\q1 Tijchihua ma huetzi atl para ma yamanía nopa tlali huan ma poxoni nopa tlaltojtolomitl.
\q1 Huan tijchihua para ma ixhua nochi tlamantli tlatoctli ipan nochi tlaltepactli.
\q1
\v 11 Teipa sesen xihuitl tijtlamiltía ica se pixquistli tlen nelía yejyectzi.
\q1 Huan nopa mixtli tijchihua para tlaahuetziltía miyac.
\q1
\v 12 Onca sacatl ipan huactoc tlali,
\q1 huan campa tlaixtemolis moscaltíaj cuajcuali xihuitl,
\q1 huan temacaj ininxochiyo.
\q1 Nesi queja moscaltíaj ica miyac paquilistli.
\q1
\v 13 Ta tijchijtoc para nochi potreros ma temica ica borregojme para quicuase nopa sacatl.
\q1 Huan ipan nochi nopa tlamayamitl motlanantoc trigo mili.
\q1 Eltoc queja nochi tlen ta tijchijtoc ipan tlaltepactli tzajtzij ica paquilistli huan huicaj.
\c 66
\s1 Se huicatl para quitlascamatis Toteco
\q1
\v 1 ¡Nochi intlacame ipan tlaltepactli,
\q1 xihuicaca ica paquilistli para Toteco Dios!
\q1
\v 2 ¡Xihuicaca tiohuicatl tlen tepohuilía para tlahuel hueyi ya!
\q1 ¡Xijhueyimatica ipampa nochi tlen quichijtoc!
\q1
\v 3 Xiquilhuica Toteco Dios:
\q1 “¡Nelía tlahuel nelpano yejyectzi nochi tlen tijchijtoc!
\q1 ¡Tlahuel hueyi mochicahualis!
\q1 Yeca nochi mocualancaitacahua motemactilíaj ica ta pampa tlahuel temajmati tlen tijchihua.
\q1
\v 4 Nochi tlacame ipan tlaltepactli mitzhueyichihuase.
\q1 Inijuanti huicase para mitzhueyimatise,
\q1 huan tepohuilise tlen mohueyitilis.”
\q1
\v 5 Xihualaca huan xiquitaquij nochi nopa huejhueyi tlamantli tlen Toteco Dios quichijtoc.
\q1 ¡Quinchihuilijtoc tlacame huejhueyi chicahualnescayotl!
\q1
\v 6 Quihuatzqui nopa atl huan tlatlajco nopa hueyi atl quitlapo se ojtli huactoc campa panoque tohuejcapan tatahua.
\q1 ¡Nochi israelitame quipixque se hueyi paquilistli ipan nopa tonal!
\q1
\v 7 Toteco ica ichicahualis tlanahuatía para nochipa.
\q1 Yajaya quitlachilía sesen tlamantli tlen tlacame quichihuaj ipan nochi tlaltini ipan tlaltepactli.
\q1 Tlen ax quitlepanitaj huan tlen mohueyimatij,
\q1 yajaya quinechcapantlalis.
\q1
\v 8 Nochi intlacame xijtlascamatica Toteco Dios huan xijhueyimatica,
\q1 ipampa nochi tlen quichijtoc,
\q1
\v 9 pampa sesen tojuanti toyolis eltoc imaco.
\q1 Quena, yajaya techmocuitlahuijtoc huan techyacantoc xitlahuac ipan toojhui.
\b
\q1
\v 10 Pampa ta, tiToteco Dios, titechyejyecojtoc huan titechtlapajpacchijtoc,
\q1 queja nopa tepos plata tlen quimoloníaj ipan tlitl tlen tlahuel totonic,
\q1 para san mocahuas tlen senquistoc cuali.
\q1
\v 11 Ta titechmasilti ipan momatla huan tijtlali tocuitlapa tlamamali tlen tlahuel etic.
\q1
\v 12 Tijchijqui ma nemica topani tlen ehuaj sequinoc tlaltini.
\q1 Tipanoque ipan atl huan ipan tlitl.
\q1 Pero ama tinechtiochijtoc huan tinechmacatoc nochi tlen cuali.
\q1
\v 13 Ama nihualajtoc ipan motiopa para nimitzmacas tlacajcahualistli tlatlatili.
\q1 Huan queja nopa nijtlamichihuas tlen nimitztlajtolcahuilijtoc para nijchihuas.
\q1
\v 14 Pampa quema niitztoya ipan tlaohuijcayotl, nimitztlajtolcahuili ica nocamac,
\q1 para nimitzmacas miyac tlacajcahualistli.
\q1
\v 15 Yeca ama nimitzhualiquilía ni oquich borregojme, chivojme huan becerrojme tlen tomahuaque.
\q1 Huan ininpocyo tlejcos hasta ajsis moixpa.
\b
\q1
\v 16 Nochi imojuanti tlen inquitlepanitaj Toteco Dios huan inquiimacasij inquiixpanose,
\q1 xihualaca xijtlacaquiliquij,
\q1 huan nimechpohuilis nochi tlen yajaya nechchihuilijtoc.
\q1
\v 17 Chicahuac na nijtzajtzili para ma nechpalehui,
\q1 huan quema nijcamahuiyaya, nijhueyimatiyaya.
\q1
\v 18 Pero intla na ax niquilhuijtosquía Toteco notlajtlacolhua para ma nechtlapojpolhui,
\q1 huajca ax nechtlacaquilijtosquía.
\q1
\v 19 Pero pampa niquilhui Toteco Dios ma nechtlapojpolhui,
\q1 yajaya nechtlacaquili huan quichijqui tlen niquilhui.
\q1
\v 20 Xijpaquilismacaca Toteco Dios,
\q1 pampa yajaya nechtlacaquili huan ax quihuejcamajcajqui notlajtol quema nimomaijto.
\q1 Nechtlasojtlac huan nechicneli.
\c 67
\s1 Se huicatl para quitlascamatis Toteco
\q1
\v 1 Toteco Dios, xijpiya hueyi moyolo ica tojuanti huan xitechtiochihua.
\q1 Ma petlani moxayac pampa tipaqui ica tojuanti quema titechhualtlachilía hasta tlen nepa elhuicac.
\q1
\v 2 Nochi tlacame ipan tlaltepactli ma quiixmatica moojhui.
\q1 Tlacame ipan nochi tlaltini ma quimatica para ta titemaquixtía.
\q1
\v 3 NoTeco Dios, ma mitzpaquilismacaca nochi tlacame ipan tlaltepactli.
\q1 Quena, nochi tlacame ma mitzhueyimatica.
\q1
\v 4 ¡Ma paquica nochi tlacame ipan nochi tlaltini huan ma huicaca pampa ta, tiinintlanahuatijca!
\q1 Ta tiquintlajtolsencahuas queja quinamiqui,
\q1 huan nochi tlaltini tiquinyacanas xitlahuac.
\q1
\v 5 ¡NoTeco Dios, ma mitzpaquilismacaca nochi ipan tlaltepactli!
\q1 ¡Quena, nochi tlacame ma mitzhueyimatica!
\q1
\v 6 Ni tlali temacatoc miyac pixquistli, pampa ta, Toteco Dios,
\q1 tlen titoDios tojuanti, tlahuel titechtiochijtoc.
\q1
\v 7 Quena, noja más titechtiochihuas, Toteco Dios,
\q1 huan tlacame campa hueli ipan ni tlaltepactli mitztlepanitase huan quiimacasise mitzixpanose.
\c 68
\s1 Toteco Dios tlatlantoc
\q1
\v 1 ¡Ximotlalana, Toteco Dios, huan xiquinsemana nochi mocualancaitacahua!
\q1 Xiquinchihua ma choloca tlen moixpa nochi tlen ax mitzcualitaj.
\q1
\v 2 Xiquinixpolo queja poctli ixpolihui ipan ajacatl.
\q1 Xiquintlamilti queja nopa cera tlen atiya ipan tlitl.
\q1 Queja nopa ma ininpanti moixpa nochi ax cuajcualme.
\b
\q1
\v 3 Pero nochi tlacame tlen itztoque xitlahuaque ma paquica iixpa Toteco Dios huan ma huitonica ica paquilistli.
\q1
\v 4 Xijhuicatica Toteco huan xijpaquilismacaca.
\q1 Xijhueyitlalica yajaya tlen nejnemi iixco mixtli,
\q1 yajaya tlen itoca TOTECO.
\q1 Xipaquica miyac iixpa ya.
\q1
\v 5 Toteco Dios yajaya inintata tlen icnotzitzi.
\q1 Yajaya quinchihuilía tlen xitlahuac nopa cahual toahuihua,
\q1 pampa yajaya tlatzejtzeloltic.
\q1
\v 6 Toteco Dios quinmaca ininchampoyohua tlen itztoque ininseltitzi.
\q1 Huan quinmalacanía tlen quintzactoque.
\q1 Pero tlen motlepanitaj quintitlanilía mayantli huan tlaijiyohuilistli.
\b
\q1
\v 7 Toteco Dios, quema tiquinyacantiyajqui motlacajhua tlen tlali Egipto
\q1 huan tiquinhuicac ipan nopa huactoc tlali,
\q1
\v 8 nopa tlali mojmolini huan huetzqui atl tlen elhuicactli moixpa.
\q1 Nopa tepetl Sinaí mojmolini moixpa ta tlen titoTeco tiisraelitame.
\q1
\v 9 Toteco Dios, ta tijchijqui ma huetzi miyac atl ipan ni tlali tlen tiquinmacac motlacajhua.
\q1 Quena, ica nopa atl tiquinfuerzajmacac tlen moaxcahua quema tlahuel tlaxicojtoyaj.
\q1
\v 10 Yeca motlacajhua mocajque nica ipan ni tlali.
\q1 Huan ta ica moteicnelijcayo tiquinmacac nopa teicneltzitzi nochi tlen monequiyaya para ica mopanoltise.
\b
\q1
\v 11 Toteco quiijto para ya tlatlantoya,
\q1 huan miyac tlacame tzajtzique chicahuac para tepohuilise tlen panotoc.
\q1 Quiijtojque:
\q1
\v 12 “Cholojtejque nopa soldados tlen hualajtoyaj para techtzontlamiltise.”
\q1 Quena, ama nopa israelita sihuame momajmacaj nochi tlamantli tlen quicajtejque nopa soldados.
\q1
\v 13 Xiquitaca, yonque quinmocuitlahuiyayaj borregojme,
\q1 ama nopa sihuame hasta petlanij ica oro huan plata.
\q1 Nochi inintlacayo quitlamitzactoque ica tlamantzitzi tlen yejyectzitzi queja se paloma quitlamitzacua itlacayo ica ieltlapal.
\q1
\v 14 Toteco Dios Tlen Quipiya Nochi Chicahualistli quinsemana icualancaitacahua queja nopa setl tlen huetzi ipan tepetl Salmón.
\q1
\v 15 Nochi nopa tepetini tlen huejcapantique tlen mopantíaj ipan tlali Basán iaxcahua Toteco huan nelía yejyectzi inintzonatipa,
\q1
\v 16 pero ma ax mochicoitas ica nopa Tepetl Sion tlen TOTECO quitlapejpenijtoc para ipan itztos para nochipa.
\q1
\v 17 Toteco Dios quisqui ipan tepetl Sinaí ica millones icuacarrojhua huan ielhuicac ejcahua.
\q1 Yajaya yajqui ipan itiopa tlen tlatzejtzeloltic ipan tepetl Sion.
\q1
\v 18 Quema Toteco tlejcoc elhuicac campa más huejcapa,
\q1 quichihuayaya queja se tlatlanquetl tlen mocuepa ipan se tlatehuijcayotl,
\q1 huan quinhuicac ilpitoque nopa tlacame tlen quintlantoya para iaxcahua.
\q1 Huan nopa tonal Toteco quiseli regalos tlen nochi tlacame,
\q1 hasta nojquiya tlacame tlen ax quinejque quitlepanitase.
\q1 Huan ama TOTECO temachtli itztos ica tojuanti.
\q1
\v 19 Ma tijpaquilismacaca Toteco,
\q1 pampa yajaya mojmostla techmaca itlatiochihualis.
\q1 Yajaya Toteco tlen techpalehuía huan techmaquixtía.
\q1
\v 20 Toteco Dios, yajaya tlen techmalacanía tlen ininmaco tocualancaitacahua.
\q1 Huan yajaya Toteco tlen techmanahuía para ax timiquise.
\q1
\v 21 Temachtli Toteco quintzontlamiltis nochi icualancaitacahua,
\q1 pampa inijuanti tlahuel yoltetique huan ax quinequij quicahuase inintlajtlacolhua.
\q1
\v 22 Toteco quinilhuijtoc itlacajhua:
\q1 “Na niquinhualicas nochi imocualancaitacahua.
\q1 Niquincuiti yonque motlatijtose ipan nopa huejcapantic tepetl tlen itoca Basán,
\q1 o yonque motlatijtose hasta atzintlaj ipan nopa hueyi atl.
\q1
\v 23 Niquinhualicas pampa monequi nochi inquintzontlamiltise.
\q1 Inieso quixolonise imoicxihua huan imochichihua quipipitzose.”
\b
\q1
\v 24 NoTeco Dios, tinotlanahuatijca,
\q1 niquinita miyac tlacame mitztoquilíaj para yase ipan motiopa.
\q1
\v 25 Inijuanti tlen huicaj tlayacantiyohuij.
\q1 Tlatlajco yohuij nopa ichpocame tlen quitzilinijtiyohuij panderos.
\q1 Tlatepotzco yohuij tlen tlatzotzonaj.
\q1
\v 26 Huan quej ni huicaj:
\q1 “Nochi inisraelitame, xijhueyimatica Toteco Dios.
\q1 Xijpaquilismacaca Toteco tlen techmacatoc yolistli nochi tojuanti.”
\q1
\v 27 Tlayacantiyohuij iixhuihua Benjamín.
\q1 Huan tlatepotzco hualahuij nopa tlayacanani huan huehue tlacame tlen iixhuihua Judá,
\q1 huan nopa tlayacanani tlen iixhuihua Zabulón huan Neftalí.
\q1
\v 28 Toteco Dios, ica mohueyi chicahualis xijchihua nochi tlen titechilhuijtoc.
\q1 Quena, xijnexti mohueyi chicahualis para sequinoc ma quiitaca nopa huejhueyi tlamantli tlen ta titechchihuilijtoc.
\q1
\v 29 Nopa tlanahuatiani tlen nochi tlaltini quihualicaj iniofrendas ipan motiopa tlen eltoc ipan altepetl Jerusalén.
\q1
\v 30 Toteco Dios, xiquinajhua tocualancaitacahua.
\q1 Xiquinechcapantlali nopa tlacame tlen mosisiníaj queja torojme,
\q1 huan xiquinchihua ma motemactilica ica ta.
\q1 Ma mitzhualiquilica inintepos plata queja se ofrenda.
\q1 Xiquinsemana nopa mosisinijca tlacame tlen tlahuel quinpactía tlatehuise.
\q1
\v 31 Nopa Egipto ehuani quinhualicase inintelpocahua huan nochi tlamantli ininteposhua tlen yejyectzitzi huan pajpatiyo.
\q1 Huan nopa Etiopía ehuani momatlalanase moixpa para mitzhueyichihuase.
\b
\q1
\v 32 Nochi intlanahuatiani ipan nochi ni tlaltepactli,
\q1 xijhuicatica Toteco Dios.
\q1 Xihuicaca huan xijpaquilismacaca Toteco.
\q1
\v 33 Yajaya tlen nentinemi ipan nopa elhuicactli tlen hasta huejcajquiya eltoc.
\q1 Xijcaquica itos tlen chicahuac caquisti queja quema tlatomoni.
\q1
\v 34 Xiquinpohuilica nochi tlacame quejatza hueyi ichicahualis Toteco Dios.
\q1 Huan itlatlanex ajsi ipan nochi israelitame.
\q1 Quena, nelía tlahuel hueyi ichicahualis nepa elhuicac.
\b
\q1
\v 35 Ma tijhueyitlepanitaca Toteco Dios pampa temajmati ihueyitilis nopano ipan itiopa.
\q1 ToDios tiisraelitame quinmaca tetili huan chicahualistli nochi itlacajhua.
\q1 ¡Ma tijpaquilismacaca Toteco Dios!
\c 69
\s1 David quinotza Toteco ma quipalehuiqui
\q1
\v 1 NoTeco Dios, xinechmaquixti,
\q1 pampa ni tlaohuijcayotl tlahuel mochijtoc hueyi hasta nijmachilía nimiquis.
\q1 Eltoc queja atl tlen nechatzonpolihuiltisnequi,
\q1 huan ya ajsic hasta noquechtla.
\q1
\v 2 Eltoc queja nimasitoc ipan soquitl tlen huejcatla huan ax hueli niquisa.
\q1 O queja nechyahualosquía tlahuel miyac atl huan huejcatla.
\q1
\v 3 Tlahuel nichocatoc hasta nisiyajtoc.
\q1 Nimitztzajtzilijtoc, Toteco Dios, hasta nechcocohua noquechtla huan ayoc hueli nicamati.
\q1 Nochi noixtiyol semajtoc ica choquistli.
\q1 Ya niixcuati pampa campa hueli nitlachixtoc para niquitas intla tihuala, Toteco Dios, para tinechpalehuis.
\q1
\v 4 Tlahuel miyac nopa tlacame tlen nechcocolíaj yonque ax tleno niquinchihuilijtoc.
\q1 Nelía quipiyaj miyac chicahualistli nocualancaitacahua tlen quinequij nechmictise.
\q1 Pero na ax niquinixpanotoc.
\q1 Quinequij nechtlatzacuiltise ica se tlamantli tlen ax nijchijtoc.
\q1
\v 5 NoTeco Dios, ta tijmati para nelía nihuihuitic,
\q1 huan tiquixmati nochi notlajtlacolhua.
\q1
\v 6 TOTECO, ta tiDios Tlen Tijpiya Nochi Chicahualistli,
\q1 amo xiquincahuili ma huetzica ipan tlajtlacoli nopampa na notlajtlacol,
\q1 nopa tlacame tlen motemachíaj ipan ta.
\q1 Ta tlen titoTeco tiisraelitame,
\q1 amo xiquincahuili ma mopinahuaca sequinoc israelitame ica tlen nijchijtoc na.
\q1
\v 7 Pampa nimitzicnelía, niquijiyohuijtoc pinahualistli,
\q1 huan nechhuetzquilijtoque hasta ax nijmatqui tlachque nijchihuasquía.
\q1
\v 8 Hasta noicnihua nechchihuaj queja ax nechixmatij huan nechitaj,
\q1 queja se niseyoc altepetl ejquetl.
\q1
\v 9 Quena, niquicnelía motiopa ica nochi noyolo yonque ica ya nopa monequi nimiquis.
\q1 Huan tlen mitztlaijilhuíaj ta,
\q1 nojquiya nechtlaijilhuíaj na pampa nimitztequipanohua.
\q1
\v 10 ¡Quena, tlahuel nechhuetzquilíaj huan nechpinajtíaj,
\q1 quema nichoca huan nimosahua iixpa Toteco!
\q1
\v 11 ¡Tlahuel fiero camatij tlen na quema nimoquentía yoyomitl tlen sosoltic para nijnextis nimocuesohua ipampa notlajtlacolhua!
\q1
\v 12 Nopa tlayacanca tequihuejme tlen mosehuíaj ipuertajteno altepetl,
\q1 noca motlahuetzquiltíaj.
\q1 Huan nopa ihuintini noca huicatinemij.
\q1
\v 13 Pero TOTECO na nijsenhuiquilía nimitztemohua huan nimomaijtohua ipan ta,
\q1 pampa nijmati ajsis tonali para tinechtlacaquilis.
\q1 Toteco Dios, ica mohueyi teicnelilis xinechnanquili,
\q1 pampa ta nochipa tinechicnelijtoc.
\q1 Huajca xinechnanquili quema nimomaijtohua huan xinechmanahui.
\q1
\v 14 Xinechquixti tlen ni soquitl tlen huejcatla campa nimasitoc.
\q1 Amo xinechcahuili para niatzonpolihuis.
\q1 Xinechmanahui ininmaco tlen nechcocolíaj.
\q1 Xinechquixti tlen ni hueyi atl tlen nechyahualojtoc.
\q1
\v 15 Amo xijcahuili ma nechtlaijiyohuilti ni tlahuelatl,
\q1 niyon amo xijcahuili nopa atl ma nechtolo.
\q1 Xinechmanahui para ax nimasis ipan nopa tlalostotl tlen tlahuel huejcatla.
\q1
\v 16 TOTECO, xinechnanquili quema nimitztzajtzilía pampa ta nelía ticuali.
\q1 Ta tinechicnelía miyac huan tijpiya hueyi moyolo ica na.
\q1
\v 17 ¡Amo ximotlati quema nimitztemohua pampa tlahuel nitlaijiyohuía!
\q1 Ximoisihuilti, xihuala huan xinechmaquixtiqui.
\q1
\v 18 Xihuala, noTeco Dios huan xinechmanahuiqui.
\q1 Xinechmaquixti ininmaco nocualancaitacahua.
\q1
\v 19 Ta tijmati quejatza camatij fiero tlen na huan quejatza nechpinahualtijtoque.
\q1 Quichijtoque para ayoc aca ma nechtlepanita.
\q1 Ta tiquinixmati nochi nocualancaitacahua huan tijmati tlachque quiijtojtoque sesen inijuanti.
\q1
\v 20 Inijuanti tlahuel nechyolcocojtoque huan nechcuesolmacatoque.
\q1 Nijtemojtoc tlen nechtlasojtlasquía huan nechyoltlalisquía,
\q1 pero niyon se ax nijpanti.
\q1
\v 21 Quema nimayanayaya nechmacaque pajtli tlen temictía para notlacualis.
\q1 Huan quema niamiquiyaya nechmacaque ma niqui vinagre.
\q1
\v 22 Nopa paquilistli tlen inijuanti quipiyaj ma mocuepa ica cuesoli.
\q1 Huan nopa tlasehuilistli tlen quipiyaj ica ininhuampoyohua,
\q1 ma mocuepa ica cualantli.
\q1
\v 23 Ma huala ininpani tzintlayohuilotl huan ma huihuipicaca pampa ayoc quipiyase más fuerza.
\q1 Ma elica popoyotzitzi huan ma tlami nochi ininchicahualis.
\q1
\v 24 Xiquinnextili mohueyi cualancayo huan xiquintzontlamilti.
\q1
\v 25 Ipan inintequicalhua ma mocahua tlaxolejtoc,
\q1 huan ipan ininchajchaj ma tlatzitzicato.
\q1 Ayoc aca ma itzto.
\q1
\v 26 Pampa inijuanti más quitlaijiyohuiltíaj tlen ta tijcocojtoc,
\q1 huan quipinajtíaj tlen ta tijcuesolmacatoc.
\q1
\v 27 Xiquijcuilo nochi inintlajtlacolhua huan amo xiquintlapojpolhui.
\q1
\v 28 ¡Xiquixpolo inintoca ipan moama campa eltoc inintoca inijuanti tlen yoltoque!
\q1 ¡Ma ax quipiyaca tlasehuilistli queja quipiyaj nopa tlacame tlen itztoque xitlahuaque moixpa!
\q1
\v 29 Pero na tlen nitlaijiyohuía huan niteicneltzi,
\q1 xinechmaquixti huan xinechtlalana.
\q1 Quena, Toteco Dios, xinechtlali campa ta tiquitas quinamiqui.
\b
\q1
\v 30 Huan huajca nihuicas huan nijpaquilismacas Toteco Dios.
\q1 Quena, nijhueyimatis huan nijtlascamatis.
\q1
\v 31 Huan TOTECO achi más quipactis ya nopa,
\q1 huan ax queja intla nijmacasquía se toro o se becerro tlen tlacuacuajhuía huan quipiya iistihua.
\q1
\v 32 Inijuanti tlen teicneltzitzi quiitase Toteco Dios quema quinmacas itlapalehuil,
\q1 huan yeca tlahuel paquise.
\q1 Huan nochi tlen quitemohuaj Toteco Dios itztose ica paquilistli.
\q1
\v 33 Pampa TOTECO quintlacaquilía tlen teicneltzitzi,
\q1 huan ax quintlahuelcahua inijuanti tlen itztoque ipan tlatzactli.
\q1
\v 34 ¡Xijpaquilismacaca TOTECO nochi imojuanti tlen initztoque ipan elhuicactli huan tlaltepactli!
\q1 ¡Ma quihueyichihuaca nochi tlen itztoque ipan hueyi atl!
\q1
\v 35 Pampa Toteco Dios quimaquixtis ialtepe, Jerusalén,
\q1 huan sampa quincualtlalis nopa altepetini ipan tlali Judá.
\q1 Huan itlacajhua mochantise nopano huan moaxcatise nopa tlali.
\q1
\v 36 Huan teipa ininconehua nojquiya moaxcatise nopa tlali.
\q1 Huan nochi tlen quitequipanohuaj huan quiicnelíaj Toteco itztose nopano temachme.
\c 70
\s1 Se tlamaijtoli para Toteco ma quipalehuiqui
\q1
\v 1 ¡NoTeco Dios, xihuala xinechmanahuiqui ininmaco nocualancaitacahua!
\q1 ¡Quena, ximoisihuilti, Toteco Dios!
\q1 ¡Xihuala xinechpalehuiqui!
\q1
\v 2 Inijuanti nentinemij notepotzco huan paquij quema nechtlaijiyohuiltíaj.
\q1 Yeca nimitztlajtlanía xiquinpinahualti,
\q1 huan xiquincuepa para ayoc ma nechchihuilica tlen fiero.
\q1
\v 3 Xiquincuepa ica pinahualistli huan ayoc xiquincahuili ma nechpinajtica.
\q1
\v 4 Pero nochi tlacame tlen mitztemohuaj,
\q1 xiquinmaca miyac paquilistli.
\q1 Nochi tlen paquij pampa tiquinmaquixtijtoc, ma quiijtoca:
\q1 “Ma tijhueyitlalica Toteco Dios.”
\q1
\v 5 Pero na tlen tlahuel nitlaijiyohuía,
\q1 nimitztlajtlanía xihuala nimantzi huan xinechmanahuiqui,
\q1 pampa san ta hueli tinechpalehuis huan tinechmaquixtis.
\q1 ¡NoTeco Dios, amo xihuejcahua!
\c 71
\s1 Tlamaijtoli tlen se huehue tlacatl tlen itztoc xitlahuac iixpa Toteco
\q1
\v 1 ¡TOTECO, na san ipan ta nimotemachijtoc!
\q1 ¡Amo quema xinechpinahualti!
\q1
\v 2 ¡Xinechmanahui tlen nocualancaitacahua,
\q1 pampa ta tixitlahuac!
\q1 ¡Xinechmalacani ininmaco!
\q1 Ximopacho quentzi para tinechtlacaquilis huan xinechmaquixti.
\q1
\v 3 Nochipa san nimotlatijtoc huan nimotemachijtoc ipan ta para ax nechajsise nocualancaitacahua.
\q1 Nijmati para ta titlanahuatijtoc ma nechmaquixtica pampa san ipan ta huelis nimomanahuis.
\q1
\v 4 NoTeco Dios, xinechmanahui ininmaco ni mosisinijca tlacame huan temictiani.
\q1
\v 5 TOTECO, ta tlen titoTeco, san ipan ta nimotlatzquilijtoc,
\q1 huan san ipan ta nimotemachijtoc hasta tlen quema niconetzi.
\q1 Huan queja nopa nitelpocatixqui.
\q1
\v 6 Ta nochipa tiitztoc nohuaya hasta quema noja niitztoya iijtico nonana.
\q1 Quena, tlen iijtico nonana ta tinechquixti huan nochipa tinechpalehuijtoc.
\q1 ¡Yeca tlahuel nijnequi nimitzpaquilismacas para nochipa!
\q1
\v 7 Miyac san nechsentlachilíaj pampa quiitaj quejatza tinechmocuitlahuía.
\q1
\v 8 Semilhuitl nimitzpaquilismacas huan nimitzhueyimatis ipampa nochi tlen tinechchihuilijtoc.
\q1
\v 9 Amo xinechtlahuelcahua ama quema ya nihuehuentzi huan ayoc nijpiya fuerza.
\q1
\v 10 Pampa nocualancaitacahua nechijilnamiquij,
\q1 huan san sejco mosentilijque ininhuaya sequinoc tlen quinequij nechmictise.
\q1
\v 11 Huan quiijtohuaj:
\q1 “¡Ma tijtepotztocaca para tiquitzquise pampa iDios ya quitlahuelcajtoc,
\q1 huan axaca huelis quimanahuis!”
\q1
\v 12 ¡Toteco Dios, amo ximohuejcatlali tlen na!
\q1 ¡NoTeco, xihuala nimantzi xinechpalehuiqui!
\q1
\v 13 Xiquinpinahualti huan xiquintzontlamilti nopa nocualancaitacahua tlen quinequij nechchihuilise tlen fiero.
\q1 Quena, ma ayoc quimatica tlachque quichihuase.
\q1
\v 14 Pero na más nimotemachis mopan ta para tinechpalehuis.
\q1 Huan noja más nimitzpaquilismacas.
\q1
\v 15 Nochi tlacame niquinilhuis para san ta ticuali huan niquinpohuilis quejatza tinechmanahuijtoc,
\q1 huan tinechmocuitlahuijtoc mojmostla.
\q1 Ax hueli nijpohuas quesqui huelta tinechmanahuijtoc ica tlen ax cuali pampa tlahuel miyac.
\q1
\v 16 Nochi tonali ninejnemi ica nopa chicahualistli tlen tinechmaca, TOTECO, ta tlen tinoDios.
\q1 Huan nochi tlacame niquinilhuía para san ta tixitlahuac huan ticuali.
\q1
\v 17 ¡Toteco Dios, ta tinechpalehuijtoc hasta quema noja nieliyaya niconetzi!
\q1 Hasta ama noja niquinpohuilijtinemi sequinoc tlen nopa huejhueyi tlamantli tlen tijchijtoc.
\q1
\v 18 ¡Toteco Dios, ama quema ya nihuehuentzi huan nicuaichyojqui,
\q1 amo xinechtlahuelcahua!
\q1 Noja xinechmaca yolistli para niquinpohuilis tlen mohueyi chicahualis ni tlacame tlen itztoque ama huan tlen teipa tlacatise.
\q1
\v 19 Toteco Dios, mochicahualis huan tlen xitlahuac tijchihua onajsi hasta elhuicac.
\q1 Ta tijchijtoc huejhueyi tlamantli.
\q1 Ax onca seyoc Dios queja ta.
\q1
\v 20 Ta tinechcahuilijtoc ma nijpano huejhueyi tlaohuijcayotl huan cuesoli.
\q1 Pero nijmati para teipa, sampa tinechtlalanas tlen campa nopa tlacoyoctli,
\q1 huan tijchihuas ma nimoyolcui.
\q1 Huan sampa nijpiyas yolistli.
\q1
\v 21 Huan huajca achi más tinechhueyitlalis huan sampa tinechyoltlalis.
\q1
\v 22 Huan na nimitzpaquilismacas ica tlatzotzonali tlen arpa huan guitarra.
\q1 NoTeco Dios, nihuicas tiohuicatl tlen tepohuilía para tijchihua nochi tlen tiquijtohua.
\q1 Ta titoTeco tiisraelitame huan titlatzejtzeloltic huan nelía titemachtli.
\q1
\v 23 Ica paquilistli nitzajtzis huan nihuicas para niteilhuis quejatza tinechmaquixtijtoc.
\q1
\v 24 Semilhuitl nitepohuilis para ta tijchihua tlen xitlahuac,
\q1 pampa nochi tlen quinequiyayaj nechmictise tiquinpinahualti huan tiquinechcapantlali.
\c 72
\s1 Itlanahuatilis nopa tlanahuatijquetl tlen itztoc xitlahuac iixpa Toteco
\q1
\v 1 Toteco Dios, xinechmaca motlamachtil huan xinechpalehui na tlen nitlanahuatijquetl,
\q1 para ma nitetlajtolsencahua xitlahuac queja ta titetlajtolsencahua.
\q1 Huan xijpalehui nocone para ma monejnemilti xitlahuac teipa.
\q1
\v 2 Xijpalehui para ma quintlajtolsencahuas xitlahuac nochi motlacajhua,
\q1 huan tlen teicneltzitzi nojquiya.
\q1
\v 3 Xijchihua para nochi tlacame ipan ni tlali ma paquica pampa nopa tlanahuatijquetl quichihua tlen xitlahuac,
\q1 hasta eltoc queja nochi cuatini tlen onca ipan tepetini huan ipan tlachiquili nojquiya paquij huan temacaj cuali inintlajca.
\q1
\v 4 Yajaya quinmanahuis tlen itztoque ipan cuesoli huan tlen ax tleno quipiyaj.
\q1 Nojquiya ma quintlatzacuilti nopa tlacame tlen tetlaijiyohuiltíaj.
\q1
\v 5 Huan tlen teicneltzitzi huan ax tleno quipiyaj mitzimacasise mitzixpanose nochi tonali quema noja eltos tonati huan metztli.
\q1 ¡Quena, ma mitzhueyimatica para nochipa!
\q1
\v 6 Huan nochi altepetini ipan itlanahuatilis nocone ma eli yejyectzi huan temachtli,
\q1 queja nopa atl tlen huetzi para ma chamanica cuatini,
\q1 o queja nopa ajhuechtli tlen quixolonía nopa tlali.
\q1
\v 7 Huan nochi tlacame tlen itztoque xitlahuaque huan cuajcualme,
\q1 ma itztoca ica yejyectzi quema yajaya tlanahuatis.
\q1 Quema yajaya tlanahuatis, oncas miyac tlasehuilistli hasta itlamiya tonali.
\q1
\v 8 Itlanahuatilis nocone ma ajsi hasta campa pehua huan hasta campa ontlami nopa hueyi atl.
\q1 Ma ajsi tlen campa nopa hueyi atl Éufrates hasta campa ontlantoc tlaltepactli.
\q1
\v 9 Nochi tlacame tlen itztose ipan huactoc tlali mohuijtzomase iixpa,
\q1 huan icualancaitacahua motlancuaquetzase iixpa hasta quipipitzose tlaltejpoctli.
\q1
\v 10 Nochi nopa tlanahuatiani tlen itztoque itejteno nopa hueyi atl tlen itoca Mediterráneo,
\q1 huan nopa tlanahuatiani tlen tlali Tarsis huan nopa tlanahuatiani tlen tlali Sabá huan Seba quihualiquilise miyac regalos.
\q1
\v 11 Quena, nochi tlanahuatiani tlen campa hueli tlaltini motlancuaquetzase, huan moixtlapachose iixpa huan quitequipanose.
\q1
\v 12 Yajaya quinmanahuis nopa teicneltzitzi huan tlen ax tleno quipiyaj quema quitlajtlanise tlapalehuili.
\q1 Pampa inijuanti ax quipiyaj ajqueya quinpalehuis.
\q1
\v 13 Yajaya quintlasojtlas tlen ax quipiyaj chicahualistli huan tlen teicneltzitzi,
\q1 huan quinmanahuis.
\q1
\v 14 Quinmanahuis para ax quintlaijiyohuiltise huan para ax quintehuise.
\q1 Pampa quiitas para ininyolis tlahuel miyac ipati iixpa.
\q1
\v 15 Huan quema noja itztos nopa tlanahuatijquetl,
\q1 quimacase miyac oro tlen onca ipan tlali Sabá.
\q1 Huan itlacajhua quisenhuiquilijtose momaijtojtose ica Toteco huan mojmostla quitlascamatise.
\q1
\v 16 Ma oncas miyac trigo ipan nochi nopa tlali,
\q1 huan hasta nopa cuatini tlen onca ipan tepetini ma temacase inintlajca queja temacaj nopa cuatini tlen onca ipan tlali Líbano.
\q1 Huan ma onca miyac tlacame ipan altepetini,
\q1 queja imiyaca nopa xihuitini tlen onca ipan cuatitlamitl.
\q1
\v 17 Nochi ma quihueyimatica nopa tlanahuatijquetl para nochipa,
\q1 huan itequihuejcayo ma huejcahua queja huejcahuas tonati.
\q1 Nochi ma quiselica tlatiochihualistli ipampa ya.
\q1 Huan tlacame ipan nochi tlaltini ma quipaquilismacaca,
\q1 huan ma quiijtoca para Toteco quintiochijtoc.
\q1
\v 18 Ma tijhueyichihuaca TOTECO Dios tlen toDios tiisraelitame,
\q1 pampa san yajaya hueli quichihua huejhueyi tlamantli.
\q1
\v 19 Nochipa ma tijpaquilismacaca Toteco.
\q1 ¡Nochi tlaltepactli ma temi ica ihueyitilis!
\q1 ¡Queja nopa ma eli!
\q1
\v 20 Nica tlami momaijtohua David, icone Isaí.
\c 73
\s1 Iteicnelilis Toteco Dios
\q1
\v 1 Toteco Dios nelía cuali iyolo ica israelitame.
\q1 Quena, quinicnelía nochi tlen quipiyaj tlapajpactic ininyolo.
\q1
\v 2 San quentzi polihuiyaya para nihuetztosquía.
\q1 Noicxihua xitlaniyaya huan nechcatitoya para nimomimilos tlatepexico.
\q1
\v 3 Queja nopa nielqui pampa ax niquijiyohui para ax niquixtocas quema niquitac quejatza tlapijpiyayayaj nopa tlacame tlen mohueyimatij huan tlen tlaixpanoj.
\q1
\v 4 Itztoque cuali ipan nochi ininyolis,
\q1 huan ax mococohuaj.
\q1
\v 5 Ax quinajsi tlaohuijcayotl niyon cuesoli,
\q1 queja sequinoc quipiyaj.
\q1
\v 6 Yeca quema mohueyimatij, quiitaj para yejyectzi queja se costli tlen tlachijchihuali ica piltetzitzi tlen pajpatiyo.
\q1 Huan quema quichihuaj tlen ax cuali,
\q1 quiitaj queja ininyoyo tlen yejyectzi.
\q1
\v 7 Nopa tlaixpanoca tlacame ya quijquisaj iniixtiyol pampa tlahuel motomajtoque,
\q1 huan ya quipixtoque nochi tlen ininyolo quinequij.
\q1
\v 8 Inijuanti san quihuetzquilíaj Toteco huan quintemajmajtíaj itlacajhua.
\q1 Mohueyimatij quema camatij.
\q1
\v 9 Fiero quitlaijilhuíaj Toteco Dios tlen itztoc ipan elhuicactli.
\q1 Huan quintelchihuaj tlen itztoque ipan ni tlaltepactli.
\q1
\v 10 Yeca Toteco Dios quinhualicas sampa nochi itlacajhua ipan ni inialtepe,
\q1 huan quipiyase miyac atl nochi inijuanti.
\q1
\v 11 Huan quiijtose:
\q1 “¿Toteco nelía quimatis tlachque pano?
\q1 ¿Yajaya Tlen Más Hueyi nelía quichihuilía cuenta tlen pano nica?”
\q1
\v 12 Xiquitaca, ni tlacame tlen ax tleno quineltocaj ax tleno ininpati.
\q1 Quipiyaj se yejyectzi yolistli huan ajachica quimiyaquilíaj más inintomi.
\q1
\v 13 ¡Ax tleno nechpalehuía para nijpiya noyolo tlapajpactic,
\q1 huan san tlapic nimocuatotonía para ax nijchihuas tlajtlacoli!
\q1
\v 14 Pampa nochi se tonal nechtlatzacuiltíaj huan nechtlaijiyohuiltíaj sesen ijnaloc.
\b
\q1
\v 15 Intla nicamatitosquía queja inijuanti,
\q1 huajca niquincajcayajtosquía nochi motlacajhua.
\q1
\v 16 Quema nijnejqui nijmachili para tlen itztoque cuali nopa tlacame tlen quicocolíaj Toteco,
\q1 elqui tlahuel ohui para nijmachilis.
\b
\q1
\v 17 Pero se tonal nicalajqui ipan motiopa, Toteco Dios, para nimoyolilhuis tlen nopa tlamantli,
\q1 huan huajca nijmachili tlachque quinchiya.
\q1
\v 18 Tiquintlalijtoc ipan se ojtli tlen tlahuel alaxtic.
\q1 Quema tiquincuatopehuas,
\q1 huajca nimantzi huetzise ipan se hueyi tlacoyoctli huan nopano nenpolihuise.
\q1
\v 19 Quena, ica se tlalochtli tlamis nochi ininpaquilis.
\q1 Huan itztose ipan majmajtli para nochipa.
\q1
\v 20 ¡Nochi ininyolis eltoc queja se temictli!
\q1 Quena, queja quema se cochtoc huan isatiquisas,
\q1 Toteco, queja nopa quema timotlalanas huan tiquinhuejcamajcahuas.
\q1
\v 21 Quema niquitac ya ni,
\q1 nelía tlahuel nicualanqui huan hasta nechcocohuayaya noyolo.
\q1
\v 22 Pampa niquitac para tlahuel nihuihuitic nieltoya.
\q1 ¡Hasta ninesiyaya moixpa queja se nitlapiyali tlen ax quipiya itlalnamiquilis!
\q1
\v 23 Pero yonque ya ni nopantic, nochipa niitztoc mohuaya ta, Toteco,
\q1 huan tinechitzquitoc ipan noma nejmatl.
\q1
\v 24 Huan nijmati para motlamachtil quisenhuiquilis nechyacanas ipan nochi noyolis.
\q1 Huan teipa, quema nimiquis,
\q1 tinechselis nepa mochaj campa tlayejyectzi.
\q1
\v 25 Axaca seyoc nijpiya nepa elhuicac.
\q1 ¡San ta, tinoTeco Dios!
\q1 ¡Huan san ta nimitznequi ipan ni tlaltepactli huan axaca más!
\b
\q1
\v 26 Quemantzi nimococohua huan nimocuesohua.
\q1 ¡Pero Toteco Dios yajaya mocahua para nochipa!
\q1 Yajaya quifuerzajmaca noyolo huan san yajaya noaxca para nochipa.
\q1
\v 27 Pero Toteco quintzontlamiltis nochi tlen ax quinequij quihueyichihuase.
\q1 Quena, yajaya quintzontlamiltía nochi tlen quitlahuelcahuaj.
\q1
\v 28 Pero na achi más nimonechcahuis campa Toteco Dios,
\q1 pampa ya nopa tlen más cuali para na.
\q1 San ipan TOTECO nimotemachijtoc pampa yajaya noTeco.
\q1 Huan niquinpohuilis nochi tlacame nochi nopa yejyectzi tlamantli tlen yajaya nechchihuilía.
\c 74
\s1 Ma tijtemoca Toteco quema tocualancaitacahua techtlaijiyohuiltíaj
\q1
\v 1 Toteco Dios, ¿para tlen tinechtlahuelcajtoc para nochipa?
\q1 ¿Para tlen tlahuel ticualani ica tojuanti tlen tiitztoque queja timopilborregojhua?
\q1
\v 2 Xiquilnamiqui para tojuanti timotlacajhua tlen timocohui huejcajquiya quema titlatequipanohuayayaj san tlapic.
\q1 Quena, tinechtlapejpeni para titechchihuas timoaxcahua.
\q1 Nojquiya tijtlapejpeni nopa altepetl Jerusalén para tijchihuas queja elisquía mochaj ipan ni tlaltepactli.
\q1
\v 3 Xihuala xiquitaqui queja quitlamixolejtoque nopa altepetl,
\q1 huan xijtlachili quejatza tocualancaitacahua quixolejtoque motiopa.
\q1
\v 4 Nopano tzajtzique mocualancaitacahua ica paquilistli quema tlaxolehuayayaj.
\q1 Teipa san techhuetzquilijque huan quinquetzque ininteteyohua para quinextise ya techtlanquejya.
\q1
\v 5 Hualajque ica ininhachas huan huejhueyi martillos hasta nesiyaya queja cuajcuahuini tlatlajco cuatitlamitl.
\q1
\v 6 Huan ama ica ininteposhua quitlapanque huan quixolejtoque nochi tlamantli tlen ica tlayejyecchijtoyaj motiopa.
\q1
\v 7 Quena, motiopa quitlatijque,
\q1 huan quimahuispolojque moixpa nopa tlen quihuicayaya motoca,
\q1 huan quimajcajque tlalchi.
\q1
\v 8 Huan quiijtojque ipan ininyolo:
\q1 “Ma tijtlamixolehuaca nochi tlen onca ipan ni tlali.”
\q1 Huan yajque campa hueli huan quitlatijque nochi israelita tiopantini,
\q1 campa timosentiliyayaj para timitzhueyichihuase, Toteco Dios.
\q1
\v 9 Ayoc onca niyon se tlamantli tlen quinextía para timotlacajhua.
\q1 Ayoc onca tiocamanalohuani.
\q1 Ayoc aca huelis techilhuis hasta quema tlamis nochi ya ni.
\q1
\v 10 Toteco Dios, ¿hasta quema tlamis mitzmahuispolohuaj mocualancaitacahua?
\q1 ¿Huelis ax quema tiquintlatzacuiltis?
\q1
\v 11 ¿Para tlen tihuejcahua para titechpalehuis?
\q1 ¿Para tlen ax tijnextía mohueyi chicahualis huan titechpalehuía?
\q1
\v 12 Hasta tlen huejcajquiya Toteco Dios itztoc notlanahuatijca.
\q1 Yajaya nechpalehuijtoc ipan ni tlaltepactli huan campa hueli campa niyajtoc.
\q1
\v 13 Ica mochicahualis tijxelo hueyi atl.
\q1 Huan tiquintzontlamilti huejhueyi tlapiyalime tlen temajmatijque tlen itztoyaj ipan atl.
\q1
\v 14 Tijcuaxamani nopa hueyi tlapiyali tlen itoca Leviatán,
\q1 huan inacayo tiquinmacac ma quicuaca nopa tecuanime tlen itztoyaj ipan huactoc tlali.
\q1
\v 15 Tijchijqui ma meya atl ipan huejhueyi ameltini, huan tijchihua para miyac atemitl ma quipiyaca atl.
\q1 Nojquiya tiquinhuatzqui sequin atemitl tlen ax quema huactoyaj.
\q1
\v 16 Ta moaxca tonali huan yohuali.
\q1 Ta tijchijchijqui metztli huan tonati.
\q1
\v 17 Ta tijyejyeco hasta canque tlamis tlaltepactli.
\q1 Nojquiya ta tijchihua ma tlatotoniya huan ma tlaseseya.
\q1
\v 18 TOTECO, xiquita quejatza mitzmahuispolohuaj mocualancaitacahua,
\q1 huan quejatza mitztlaijilhuíaj nopa tlacame tlen mohueyimatij.
\q1
\v 19 ¡TOTECO, amo xinechtlahuelcahua!
\q1 Xijmanahui mopaloma imaco nopa cuajtli.
\q1 Quena, xiquinmanahui motlacajhua ininmaco nopa tlacame tlen itztoque queja tecuanime.
\q1
\v 20 ¡Xiquilnamiqui nopa tlajtol sencahuali tlen tijchijtoc tohuaya!
\q1 Pampa ni tlali temitoc ica tzintlayohuilotl huan ica tlacame tlen mosisiníaj.
\q1
\v 21 Amo xijcahua para ajachica ma techmahuispoloca tojuanti tlen tijpanotoque miyac tlaohuijcayotl.
\q1 Xiquinpalehui tlen teicneltzitzi huan ax tleno quipiyaj para huelis mitzpaquilismacase.
\q1
\v 22 Toteco Dios, ximotlalana huan ximomanahui ica tlen quiijtohuaj mocualancaitacahua.
\q1 Xiquilnamiqui nochi nopa tlajtoli tlen ica mitztlaijilhuijtoque nochi se tonal.
\q1
\v 23 Amo xiquilcahua quejatza mitztelchijtoque mocualancaitacahua,
\q1 pampa inijuanti noja más mitztlaijilhuíaj.
\c 75
\s1 Toteco quinicnotlalis sequin huan quinhueyitlalis sequinoc
\q1
\v 1 ¡Timitztlascamatij, Toteco Dios, pampa tiitztoc tonechca!
\q1 Pampa tlacame tepohuilíaj nochi huejhueyi chicahualnescayotl tlen tijchijtoc.
\q1
\v 2 Huan Toteco Dios quiijtohua:
\q1 “Quena, quema ya nimocualtlalijtos, na niquixtlalis se tonal.
\q1 ¡Huan niquintlatzacuiltis queja quinamiqui nochi nopa tlaixpanoca tlacame!
\q1
\v 3 Yonque ni tlaltepactli mojmolinis huan nochi tlacame huihuipicase,
\q1 itlaquetzalhua ax huetzise pampa na niquinquetztoc cuali ipan ininlugar.”
\q1
\v 4 Niquinilhui tlacame tlen mohueyimatij ma ax mohuihuinequica.
\q1 Huan niquinilhui tlaixpanoca tlacame ma ax mohueyimatica.
\q1
\v 5 Niquinilhuijtoc tlen quipiyaj chicahualistli ma ax tetlamiijilhuica.
\q1 Huan quema incamatij, amo ximoyacaquetzaca para inmohueyimatise.
\q1
\v 6 Pampa san Toteco hueli tehueyitlalía.
\q1 Axaca tlen huala tlen campa quisa tonati, o ica campa oncalaqui,
\q1 o campa huactoc tlali huelis quihueyitlalis se tlacatl. ¡Axtle!
\q1
\v 7 San Toteco Dios itztoc Juez.
\q1 San yajaya nopa tetlajtolsencajquetl tlen hueli tehueyitlalía huan temaca chicahualistli.
\q1 Huan sequin tlacame quinhueyitlalía huan sequin quinicnotlalía.
\q1
\v 8 Toteco quipixtoc imaco se caxitl tlen temitoc ica huino tlen nelía cococ.
\q1 Huan ya nopa eltoc nopa tlatzacuiltili tlen quintitlanilis tlaixpanoca tlacame ipan ni tlaltepactli.
\q1 Huan monequis quiise hasta quitlamise ica nochi itetejtzo.
\q1
\v 9 Pero na para nochipa nitepohuilis nochi tlen quichijtoc Toteco Dios,
\q1 yajaya tlen iTeco Jacob.
\q1
\v 10 Yajaya quiijtohua: “Na nijtlamiltis ininchicahualis nopa fiero tlacame,
\q1 pero tlen itztoque xitlahuaque noja niquinmacas más chicahualistli.”
\c 76
\s1 Se huicatl tlen huicaque quema ya tlatlanque
\q1
\v 1 Ipan tlali Judá huan hasta nochi tlali Israel nochi tlacame quiixmatij Toteco Dios para nelía hueyi.
\q1
\v 2 Itiopa eltoc ipan altepetl Jerusalén.
\q1 Quena, ipan tepetl Sion moquetza ichaj.
\q1
\v 3 Nopano quipojpostejqui nochi tlamantli ininteposhua tocualancaitacahua.
\q1
\v 4 ¡Nopa tepetini tlen eltoque tlen huejcajquiya ax quipiyaj ininyejyejca queja tepetl Sion quipiya!
\q1
\v 5 Nopa tocualancaitacahua tlen más quipiyayayaj chicahualistli,
\q1 quintlamitlacuijcuilijque.
\q1 Toixpa tepejtoque mictoque.
\q1 Niyon se tlen inijuanti ayoc hueli quitlalanas ima para techtehuis.
\b
\q1
\v 6 Quema ta tiToteco, tlen tiiDios Jacob, tiquinajhuac nopa cahuajme huan tlen tlejcotoyaj ininpani,
\q1 nochi huetzque hasta tlalchi.
\q1
\v 7 ¡Yeca nochi quiitaj para tlahuel titemajmati!
\q1 Huan axaca huelis quiijiyohuis ijcatos moixpa quema tlahuel ticualantoc.
\q1
\v 8 Hasta nepa elhuicac titlayolmelahua para titetlatzacuiltis.
\q1 Huan ni tlaltepactli majmahui huan ax molinía moixpa,
\q1
\v 9 quema timotlalanqui, Toteco Dios,
\q1 para tiquintlatzacuiltis tlen quichihuaj tlen ax cuali,
\q1 huan para tiquinmanahuis nochi tlen moicnochihuaj ipan ni tlaltepactli.
\q1
\v 10 Ta tijtequihuía inincualancayo tlacame para sequinoc ma mitzhueyimatica.
\q1 Huan tijtequihuis para más monextis moyejyejca.
\b
\q1
\v 11 Xijchihuaca nochi tlen inquitlajtolcahuilijtoque TOTECO para inquichihuase.
\q1 Sesen ma quihualica nopa tlamantli tlen quitencahuilijtoc para quimacas Toteco Dios.
\q1 Monequi ma tijhueyitlepanitaca huan ma tiquimacasica,
\q1
\v 12 pampa yajaya quintlamiltilía ininyolis nopa huejhueyi tlayacanani.
\q1 Quichihuas para nochi tlanahuatiani ipan tlaltepactli ma quiimacasica.
\c 77
\s1 Moyolilhui David tlen Toteco quichijqui huejcajquiya
\q1
\v 1 Chicahuac nijtzajtzilía Toteco Dios para ma nechpalehui.
\q1 Quena, nijnojnotza pampa nijnequi ma nechtlacaquilis.
\q1
\v 2 Quema nechajsic miyac tlaijiyohuilistli nimantzi nijtemo noTeco.
\q1 Seyohual nimomatlalantoya huan nimomaijtohuayaya,
\q1 huan ax nijcahuili niyon se tlalochtli.
\q1 Ax nipaquis hasta yajaya monextis huan nechcaquis.
\q1
\v 3 Nimoyolilhuía tlen Toteco Dios huan niyolpitzahuía huan nichoca.
\q1 Nimocuesohua pampa tlami nochicahualis,
\q1 yeca tlahuel nijnequi ma nechpalehui.
\b
\q1
\v 4 Toteco, ta ax tinechcahuili ma nicochis.
\q1 Ax tinechcahuilía nimomaijtos pampa tlahuel hueyi ni nocuesol.
\q1
\v 5 Ajachica nimoyolilhuía tlen nopa yejyectzi tonali huan nopa xihuitl tlen panoque huejcajquiya.
\q1
\v 6 Niquilnamiqui nopa miyac yohuali quema nihuicayaya ica paquilistli.
\q1 Quena, nimotlajtlachilía huan niquita para ama nochi tlamantli tlahuel mopatlatoc.
\b
\q1
\v 7 ¿Huelis Toteco nechtlahuelcajtoc para nochipa?
\q1 ¿Huelis ayoc quema nechpalehuis?
\q1
\v 8 ¿Huelis ya tlanqui iteicnelilis ica na?
\q1 ¿Huelis ya tlanqui tlen achtohuiya nechtlajtolcahuili nechmacas?
\q1
\v 9 ¿Huelis Toteco Dios ya quiilcajqui para monequi nechchihuilis tlen cuali na tlen niitztoc ipan cuesoli?
\q1 ¿Huelis tlahuel cualantoc huan yeca ayoc quinequi nechtlasojtlas?
\q1
\v 10 Huan ipan nohueyi cuesol nimoilhui:
\q1 “Toteco Tlen Más Hueyi mopatlatoc.
\q1 Achtohui niitztoya inejmatl huan nechtiochihuayaya miyac,
\q1 pero ama nechcocolía.
\q1
\v 11 Más cuali niquilnamiquis nochi nopa huejhueyi tiochicahualnescayotl tlen TOTECO nechchihuili huejcajquiya.”
\q1
\v 12 Quena, mojmostla nimoilhuis tlen nopa huejhueyi tlamantli para nochipa.
\q1 Ax hueli nijcahuas nimoyolilhuis tlen yajaya quichijtoc.
\b
\q1
\v 13 ¡NoTeco Dios, nelía tlatzejtzeloltic nochi moojhui!
\q1 Axaca seyoc dios tlen más quipiya chicahualistli que ta, titoTeco.
\q1
\v 14 ¡Ta tiDios tlen tijchihua huejhueyi chicahualnescayotl huan miyac tlamantli tlen tlacame quisentlachilíaj!
\q1 Huan hasta ama quejipa tijnextía mohueyi chicahualis.
\q1
\v 15 Ica mohueyi chicahualis titechmanahui,
\q1 timotlacajhua tlen tiiconehua Jacob huan José.
\q1
\v 16 Toteco Dios, nopa hueyi atl tlen itoca Chichiltic momajmati quema mitzitac.
\q1 Huan huihuipicac hasta tlatzintla campa más huejcatla.
\q1
\v 17 Nopa mixtli quichijqui ma tlaahuetzi chicahuac.
\q1 Huan tlatomonqui nepa elhuicac.
\q1 Huan nojquiya tlapetlanqui tlen se lado hasta seyoc.
\q1
\v 18 Caquistic tlatomonilotl ipan nopa hueyi ajcomalacatl.
\q1 Huan nopa tlapetlancayotl quitlahuili nochi tlaltepactli,
\q1 huan ni tlaltepactli huihuipicac.
\q1
\v 19 Tijchijqui se ojtli quema tiquixcotonqui nopa hueyi atl,
\q1 pero axaca quipanti campa tijquetztiyajqui moicxihua.
\q1
\v 20 Huan ipan ni ojtli tiquinyacanqui motlacajhua queja eltosquíaj pilborregojtzitzi ininmaco Moisés huan Aarón.
\c 78
\s1 Tlen huejcajquiya panoc ipan tlali Israel
\q1
\v 1 Notlacajhua, xijtlacaquilica notlamachtil huan nochi tlen niquijtohua,
\q1
\v 2 pampa nimechnextilis tlamantli tlen axaca más quimati tlen panoc huejcajquiya.
\q1
\v 3 Tlamantli tlen tijcactoque huan tijmajtoque pampa totatahua techpohuilijque.
\q1
\v 4 Quena, nimechmatiltis para inhuelise inquinpohuilise imoconehua nochi nopa yejyectzitzi huan huejhueyi tlamantli,
\q1 tlen TOTECO quichijqui ica ihueyi chicahualis.
\q1
\v 5 Toteco Dios quimacac miyac tlanahuatili Jacob ipan tlali Israel para ma monejnemiltica xitlahuac,
\q1 huan quinnahuati tohuejcapan tatahua ma quinnextilica ininconehua,
\q1
\v 6 huan iniixhuihua tlen tlacatise teipa.
\q1 Huan queja nopa nochi tlacame quinixmatise itlanahuatilhua Toteco.
\q1
\v 7 Yeca hasta ama miyac tlacame quintlepanitaj itlanahuatilhua Toteco Dios,
\q1 huan motemachíaj ipan ya para quinmocuitlahuis.
\q1 Huan ma ax quiilcahuaca nochi nopa huejhueyi tlamantli tlen quichijtoc Toteco.
\q1 Monequi ma quintoquilijtinemica nochi itlanahuatilhua.
\q1
\v 8 Pampa ax quinamiqui para elise queja ininhuejcapan tatahua tlen moyoltetilijque huan ax tlatlepanitaque.
\q1 Inijuanti ax elque temachme ica Toteco Dios,
\q1 niyon ax quimactilijque ininyolo, niyon ininyolis.
\q1
\v 9 Nopa tlacame tlen tlali Efraín mocuepatoj huan cholojque ipan nopa tonali quema yahuiyayaj tlatehuitij.
\q1 Quena, cholojque yonque quipiyayayaj miyac tepostli para tlatehuise.
\q1
\v 10 Ax quintlepanitaque itlanahuatilhua Toteco Dios,
\q1 huan ax quinejque nejnemise ipan iojhui.
\q1
\v 11 Quiilcajque nochi tlamantli tlen yajaya hueli quichihua.
\q1 Ax quiilnamijque nopa yejyectzi chicahualnescayotl tlen quichijqui Toteco.
\q1
\v 12 Quena, Toteco Dios quichijqui miyac tlamantli iniixpa ininhuejcapan tatahua ipan tlali Egipto campa itoca Zoán.
\q1
\v 13 Quitlajcoxelo nopa hueyi atl huan quichijqui ma panoca.
\q1 Ipan nochi ome lados nopa atl moquetzqui queja tepamitl.
\q1
\v 14 Ica tonaya quinyacanqui ica se mixtli para quinecahuilis,
\q1 huan ica tlayohua ica se mixtli tlen tlahuiyaya queja tlitl.
\q1
\v 15 Ipan huactoc tlali quitlapo nopa hueyi tetl huan quisqui miyac atl para atlique hasta aixhuique.
\q1
\v 16 ¡Quena, ipan tetl quisqui miyac atl tlen motlalo queja se atemitl!
\q1
\v 17 Pero inijuanti quisenhuiquilijque ax quitlepanitaque.
\q1 Huan nepa campa huactoc tlali tlajtlacolchijque ica Toteco Tlen Más Hueyi.
\q1
\v 18 Pampa quiyejyecojque Toteco Dios huan quitlajtlanijque tlacualistli tlen ininyolo quinequiyaya.
\q1
\v 19 Hasta cualanque ica Toteco huan quiijtojque:
\q1 “¿Toteco Dios huelis techtlamacas ipan ni huactoc tlali?
\q1
\v 20 Xiquitaca, Toteco Dios quitlapo nopa hueyi tetl huan quisqui miyac atl queja eltosquía se atemitl hasta atzonpolijqui tlali,
\q1 pero ¿nojquiya huelis techmacas tlacualistli?
\q1 ¿Huelis techtlamacas tiitlacajhua ica nacatl?”
\q1
\v 21 Huan quema TOTECO quicajqui ni tlamantli, tlahuel cualanqui.
\q1 Huan ipan icualancayo quisqui tlitl ica israelitame, inijuanti tlen iixhuihua Israel,
\q1
\v 22 pampa inijuanti ax quineltocaque Toteco Dios,
\q1 niyon ax motemachijque ipan ya para quipiya chicahualistli para quinmaquixtis.
\q1
\v 23 Pero yonque queja nopa quichijque,
\q1 Toteco Dios quinahuati nopa mixtli huan quitlapo elhuicactli.
\q1
\v 24 Huan quichijqui ma huetzi nopa tlacualistli tlen itoca maná para ma quicuaca queja quema huetzi atl.
\q1 Quinmacac tlacualistli tlen hualajqui tlen elhuicac.
\q1
\v 25 Tlacame quicuajque tlen elqui inintlacualis ielhuicac ejcahua Toteco.
\q1 Quena, quintlamacac hasta cuali ixhuique huan hasta mocajqui nopa tlacualistli.
\q1
\v 26 Ica ihueyi chicahualis quihualicac nopa ajacatl tlen huala campa quisa tonati huan tlen huala ica sur para ma tlaajaca campa elhuicactli.
\q1
\v 27 Quichijqui ma hualaca miyac totome queja imiyaca tlaltejpoctli.
\q1 Quena, hualajque totome queja mixtli huan queja imiyaca xali tlen onca iteno atemitl.
\q1
\v 28 Huan Toteco quichijqui para nopa totome ma huetzica tlatlajco campa quichijtoyaj ininyoyoncal.
\q1
\v 29 Huan nopa tlacame tlacuajque hasta ixhuique.
\q1 Toteco quinmacac nacatl queja ininyolo quinequiyaya.
\q1
\v 30 Pero quema sanoc tlantoyaj tlacuaj,
\q1 huan hasta noja quipixtoyaj nacatl ipan inincamac,
\q1
\v 31 Toteco Dios motlalanqui ica ihueyi cualancayo,
\q1 huan quintzontlamilti nochi nopa telpocame tlen más tlapejpenilme ipan tlali Israel.
\q1
\v 32 Pero yonque Toteco quinchihuili ya nopa,
\q1 nopa tlacame quisenhuiquilijque tlajtlacolchijque,
\q1 huan ax quineltocaque nopa huejhueyi chicahualnescayotl tlen yajaya quichijqui iniixpa.
\q1
\v 33 Yeca Toteco quintlaijiyohuilti ipan nochi ininyolis huan quintzontlamilti san ica se tlalochtli.
\q1
\v 34 Pero teipa, quema ya quintzontlamiltijtoya sequin,
\q1 huajca quena, ne sequinoc quitemojque Toteco Dios.
\q1 ¡Quena, nimantzi mocuepque huan quitoquilijque!
\q1
\v 35 Huan quiilnamijque para yajaya Toteco Dios tlen quinmocuitlahuiyaya para ax quinajsis tlen ax cuali.
\q1 Huan quiilnamijque para Toteco Tlen Más Hueyi san yajaya inintemaquixtijca.
\q1
\v 36 Pero nopa israelitame ax quitoquiliyayaj ica nochi ininyolo.
\q1 ¡Axtle! Quitoquiliyayaj san ica inincamac.
\q1
\v 37 Pampa ininyolo eltoya huejca tlen Toteco.
\q1 Huan ax quichihuayayaj tlen quitlajtolcahuilijtoyaj Toteco para quichihuase.
\q1
\v 38 Pero Toteco quipixqui hueyi iyolo ica inijuanti.
\q1 Quintlapojpolhuiyaya inintlajtlacolhua huan ax quintzontlamiltiyaya.
\q1 Miyac huelta quiquetzqui icualancayo para ax quintlatzacuiltis.
\q1
\v 39 Pampa Toteco quiilnamijqui para inijuanti san elque tlacame tlen ininyolis ixpolihui san ica se tlalochtli,
\q1 huan ax quema mocuepasquíaj sampa.
\q1
\v 40 Nepa ipan huactoc tlali,
\q1 tlahuel miyac huelta ax tlatlepanitaque ica Toteco Dios huan quiyolcocojque.
\q1
\v 41 Ajachica quiyejyecojque,
\q1 huan ica ya nopa mochihuilijque para Toteco ma quintzontlamilti.
\q1 Niyon ax quicahuilijque para Toteco ma quintiochihua,
\q1 yajaya tlen ininDios israelitame huan tlen Tlatzejtzeloltic.
\q1
\v 42 Quiilcajque ihueyi chicahualis huan iteicnelijcayo.
\q1 Huan quiilcajque quejatza quinmanahui ininmaco inincualancaitacahua.
\q1
\v 43 Quiilcajque quejatza Toteco quititlanqui tlatzacuiltili ipan tlali Zoán huan ipan tlali Egipto.
\q1
\v 44 Quiilcajque quejatza quicuepqui estli nopa atl huan ayoc aca huelqui quiic.
\q1
\v 45 Quiilcajque quejatza quintitlanqui tlahuel miyac sayolime hasta quitemitijque nopa tlali.
\q1 Quiilcajque quejatza nopa tamasolime quitemitijque nopa tlali Egipto.
\q1
\v 46 Toteco quintitlanqui ocuilime huan chapolime para ma quicuaca inintlatochui huan ininpixquilis.
\q1
\v 47 Ica tesihuitl quintzontlamilti ininxocomecamil huan ininhiguera mil.
\q1
\v 48 Ininhuacaxhua mijque ipan potrero pampa Toteco Dios quinmajcahuili tesihuitl tlen tlahuel huejhueyi.
\q1 Huan ininborregojhua mijque ica tlapetlancayotl.
\q1
\v 49 Quena, Toteco tlahuel cualanqui ica inijuanti,
\q1 huan yeca quintitlanili tlacuajcualocayotl huan tlaohuijcayotl.
\q1 Huan quintitlanili se pamitl tlen elhuicac ehuani tlen tetzontlamiltíaj.
\q1
\v 50 Cualanqui nelchicahuac huan ax quimanahui niyon se Egipto ejquetl.
\q1 San quintitlanili tlatzacuiltili huan huejhueyi cocolistli.
\q1
\v 51 Teipa Toteco quinmicti nopa achtohui ehuani ipan sesen familia tlen tlali Egipto.
\q1 Quena, quinmicti tlen elqui iniachtohui fuerza quema pejque quinpiyaj coneme.
\q1
\v 52 Pero quinquixti itlacajhua queja elisquíaj pilborregojtzitzi,
\q1 huan quinyacanqui ica yejyectzi ipan nopa huactoc tlali.
\q1
\v 53 Quinyacanqui ica miyac temachili para ma ax majmahuica.
\q1 Pero nopa hueyi atl quinatzonpolihuilti inincualancaitacahua.
\q1
\v 54 Huan quinhuicac hasta campa inepantipa nopa tlali tlen tlatzejtzeloltic.
\q1 Nopa tlali tlen quipiya miyac tepetini tlen Toteco quintlanili para inijuanti.
\q1
\v 55 Iniixtla quintotocac nopa tlacame tlen itztoyaj ipan nopa tlali.
\q1 Teipa quiyejyeco huan quinmajmacac nopa huejhueyi familias tlen israelitame para iniaxca.
\q1 Huan nopano quincajqui ma itztoca.
\q1
\v 56 Pero yonque quinchihuili ya nopa,
\q1 inijuanti quisenhuiquilijque quiyejyecohuaj huan quicualancamacaj Toteco Tlen Más Hueyi.
\q1 Huan ax quinejque quitlepanitase itlajtol.
\q1
\v 57 Yeca mocuepque para ax calaquise ipan nopa tlali tlatencahuali huan quicamaijixnamijque san se queja inintatahua quichijque.
\q1 Huan queja se cuatlamintli tlen huijcoltic ax yahui xitlahuac quema quimajcahuaj,
\q1 inijuanti nojquiya ax yajque xitlahuac para quichihuase ipaquilis Toteco.
\q1
\v 58 Quicualancamacaque Toteco pampa mochijchihuilijque teteyome huan tlaixpamitl para quinhueyichihuase ininteteyohua.
\q1
\v 59 Pero quema Toteco Dios quiitac ya ni,
\q1 tlahuel cualanqui huan pejqui quincualancaita.
\q1
\v 60 Huan quitlahuelcajqui itiopa tlen eltoya ipan altepetl Silo,
\q1 nopa yoyon cali campa ipan itztoya tlen quichijtoya nopano ininhuaya itlacajhua.
\q1
\v 61 Huan Toteco quincahuili inincualancaitacahua ma quihuicaca icaxa tlen quinpixtoya itlanahuatilhua.
\q1 Elqui queja quincuilijque ininchicahualis huan ininyejyejca.
\q1
\v 62 Nojquiya quintemactili itlacajhua ininmaco inincualancaitacahua para ma quinmictica ica machete,
\q1 pampa yajaya tlahuel cualantoya ininhuaya.
\q1
\v 63 Inintelpocahua quintlatijque,
\q1 huan iniichpocahua quintzontlamiltijque,
\q1 niyon ax quiaxilijque para monamictise huan huicase ipan nenamictili.
\q1
\v 64 Quintzontlamiltijque nopa totajtzitzi ica machete huan ininsihuajhua nojquiya mijque nimantzi,
\q1 niyon ax quinchoquilijque ininhuehuejhua.
\q1
\v 65 Huajca Toteco motlalanqui queja quema se acajya cochi huan mehua,
\q1 o queja se tetica tlacatl tlen tlahuel tzajtzi chicahuac pampa ihuintitoc.
\q1
\v 66 Huan Toteco quinixtacahui quintehui icualancaitacahua.
\q1 Quena, quinhuejcamajcajqui huan quintitlanqui ipan se lugar campa quipanose pinahualistli para nochipa.
\q1
\v 67 Pero Toteco quintlahuelcajqui nopa huejhueyi familias tlen hualajqui tlen José huan Efraín.
\q1
\v 68 San quintlapejpeni ihueyi familia Judá,
\q1 huan nopa tepetl Sion tlen yajaya tlahuel quiicneliyaya.
\q1
\v 69 Huan nopano quichijchijqui itiopa tlen yejyectzi huan temachtli,
\q1 huan tlen huejcahuasquía para nochipa queja huejcahua elhuicactli huan tlaltepactli.
\q1
\v 70 Quitlapejpeni itlatequipanojca, David,
\q1 quema quinmocuitlahuiyaya borregojme,
\q1
\v 71 quema yahuiyaya inintepotzco nopa tenan borregojme tlen quinpiyayayaj ininconehua,
\q1 huan quinhualicayaya para ma quinmocuitlahui.
\q1 Huan Toteco quichijqui David ma quinyacana itlacajhua,
\q1 nopa israelitame tlen quintlapejpenijtoya para iaxcahua.
\q1
\v 72 Huan quena, David quinmocuitlahui itlacajhua Toteco ica nochi ichicahualis huan ica nochi iyolo.
\c 79
\s1 Cuesoli pampa tlacame quixolejtoque Jerusalén
\q1
\v 1 ¡NoTeco Dios, tlacame tlen sequinoc tlaltini hualajque huan moaxcatijque motlal!
\q1 Quichijtoque motiopa ax tlapajpactic huan quitlamixolejtoque altepetl Jerusalén.
\q1
\v 2 Nochi inintlacayo motlacajhua quincuamajcajtoque para ma quincuaca totome.
\q1 Hasta quincuamajcajtoque ininnacayo mototajtzitzi,
\q1 nopa tlatzejtzeloltijca tlacame tlen moquetzque moixpa,
\q1 para ma quincuaca tecuanime.
\q1
\v 3 Quena, tocualancaitacahua quintzontlamiltijque nochi nopa tlacame ipan altepetl Jerusalén.
\q1 Huan inieso tlen toyajqui temoc queja se atemitl,
\q1 huan ax mocajqui niyon se para quintlalpachos.
\q1
\v 4 Huan ama nochi tlaltini tlen techyahualojtoque techpinajtíaj huan techhuetzquilíaj.
\q1
\v 5 Toteco Dios, ¿hasta quema tlamis ticualantos ica tojuanti?
\q1 ¿Huelis para nochipa mocualancayo eltos queja tlitl?
\q1
\v 6 Xijtitlani mohueyi cualancayo ipan nopa tlaltini campa ax mitzixmatij,
\q1 huan ipan altepetini campa axaca mitzhueyimati,
\q1 pero amo xijtitlani ipan tojuanti.
\q1
\v 7 Pampa inijuanti quintzontlamiltijque nochi moisraelita tlacajhua huan quinxolejque nochi caltini.
\q1
\v 8 ¡Amo xitechtlatzacuilti tojuanti ipampa inintlajtlacolhua tohuejcapan tatahua,
\q1 tlen inijuanti quichijque huejcajquiya!
\q1 Más cuali nimantzi xitechtlasojtla pampa ayoc tijpiyaj fuerza.
\q1
\v 9 Toteco Dios, titotemaquixtijca, xitechpalehui,
\q1 para queja nopa nochi mitzhueyitlepanitase.
\q1 ¡Xitechmaquixti huan xitechtlapojpolhui totlajtlacolhua ica mohueyi teicnelilis!
\q1
\v 10 Pampa intla ax titechpalehuis,
\q1 huajca nopa tlacame tlen ax mitzneltocaj quiijtose:
\q1 “¿Canque itztoc ininTeco Dios?”
\q1 Huajca xiquintlatzacuilti, Toteco, iniixpa nochi tlacame pampa quinmictijque motlacajhua.
\q1
\v 11 Xijtlacaquili inincuesol nopa tlacame tlen tzactoque,
\q1 huan ica mohueyitilis huan mohueyi chicahualis,
\q1 xiquinmanahui tlen quinixtlalijtoque para quinmictise.
\q1 Xiquinmaquixti para nochi ma quiitaca mohueyi chicahualis.
\q1
\v 12 TOTECO, xiquincuepili chicome huelta tlen mitzchihuilijque quema mitzpinahualtijque nopa tlaltini tlen san mitzhuetzquilíaj.
\q1
\v 13 Huan huajca tojuanti, timotlacajhua tlen tiitztoque queja timoborregojhua,
\q1 timitzhueyichihuase para nochi tonali huan timitzpaquilismacase ica huicatl para nochipa.
\c 80
\s1 Se tlamaijtoli para Toteco ma quicualtlali tlali Israel
\q1
\v 1 ¡Ta tlen tiinintlamocuitlahuijca israelitame huan techyacana queja tielisquíaj timoborregojhua,
\q1 xitechtlacaquili!
\q1 Ta tlen timosehuijtoc tlatlajco nopa querubines elhuicac ehuani,
\q1 ximohuijtzoma quentzi huan xitechtlacaquili quema timomaijtohuaj.
\q1 Xijnexti mohueyi chicahualis huan mohueyitilis tlen petlani.
\q1
\v 2 Xijchihua para nochi tiisraelitame,
\q1 hasta nojquiya iniixhuihua Efraín, Benjamín huan Manasés,
\q1 ma tiquitaca quejatza timotlalanas huan titechmanahuis ica mohueyi chicahualis.
\q1
\v 3 Toteco Dios, xijchihua ma timocuepaca ica ta.
\q1 Xitechtlachili ica moxayac tlen senpactoc.
\q1 Xitechicneli huan xitechmaquixti.
\q1
\v 4 TOTECO, ta tiDios Tlen Tijpiya Nochi Chicahualistli,
\q1 ¿hasta quema tlamis ticualantos ica tojuanti huan ax tijtlacaquilis quema timomaijtohuaj?
\q1
\v 5 Techmacatoc ma tijcuaca pantzi ica choquistli, huan ma tiquica toixayo.
\q1
\v 6 Tijcajtoc ma techpinahualtica nopa tlaltini tlen techyahualohuaj huan ma techhuetzquilica tocualancaitacahua.
\q1
\v 7 Toteco Dios, ta tiDios Tlen Tijpiya Nochi Chicahualistli, xijchihua ma timocuepaca ica ta.
\q1 Xitechtlachili ica moxayac tlen senpactoc.
\q1 Xitechicneli huan xitechmaquixti.
\q1
\v 8 Titechhualicac tlen tlali Egipto queja tieltosquíaj se xocomeca tzontli tlen selic.
\q1 Tiquintojtocac nopa sequinoc tlacame tlen ax mitzixmatque huan nopano titechtojqui.
\q1
\v 9 Tijcualtlali nopa tlali huan elque queja tijpixque miyac tonelhuayohua.
\q1 Huan tijtemitijque nopa tlali.
\q1
\v 10 Nopa tepetini tiquintlamitzajque ica toecahuil.
\q1 Huan tielque queja tiocuatini tlen huejcapantique tlen moaxcahua, Toteco.
\q1
\v 11 Tichamanque huan moscaltijque tomacuayohua.
\q1 Huan toecahuil tiisraelitame ajsic hasta campa nopa hueyi atl tlen itoca Mediterráneo huan hasta campa nopa atemitl Éufrates.
\q1
\v 12 Huajca ¿para tlen ayoc titechmocuitlahuía?
\q1 Eltoc queja tijtlamixolehua itepantzaca moxocomeca mil huan tijcahua ma quitlamicuaca nochi ojnemini.
\q1
\v 13 Inijuanti itztoque queja cuapitzome tlen hualahuij huan tlalpoxahuaj yahualtic tlen tojuanti,
\q1 huan eltoc queja nopa tecuanime ya techtlamicuaj.
\q1
\v 14 Yeca Toteco Dios Tlen Tijpiya Nochi Chicahualistli timitztlajtlaníaj,
\q1 ximocuepa huan xitechtiochihua.
\q1 Xitechhualtlachili tlen nopano elhuicac,
\q1 ximomaca cuenta quejatza tiitztoque huan xijmocuitlahui ni moxocomeca mil.
\q1
\v 15 Quena, xijmocuitlahui tlen ta tijtojqui huan nopa ichamanca tlen cuali tijtlatzquiltijtoc.
\q1
\v 16 Pampa tocualancaitacahua techhuejhuelojtoque huan techtlatijtoque.
\q1 ¡Xiquintzontlamilti ica mohueyi cualancayo!
\q1
\v 17 Xijmaca chicahualistli nopa telpocatl tlen tiquicnelía huan tijtlapejpenijtoc para tlanahuatis.
\q1
\v 18 Queja nopa ayoc quema timitztlahuelcahuase.
\q1 Xitechmaca yancuic yolistli huan sampa timitznotzase huan timomaijtose moixpa ta.
\q1
\v 19 Xitechchihuili ma timocuepaca sampa ica ta, TOTECO,
\q1 ta tiDios Tlen Tijpiya Nochi Chicahualistli.
\q1 Sampa xitechtlachili ica moxayac tlen senpactoc.
\q1 San ica ta motlapalehuil timomaquixtise tlen tocualancaitacahua.
\c 81
\s1 Toteco quipiya hueyi iyolo ica nopa tlaixpanoca israelitame
\q1
\v 1 ¡Xihuicaca ica paquilistli para Toteco Dios,
\q1 pampa yajaya techpixtoc imaco!
\q1 ¡Ma tijpaquilismacaca!
\q1 ¡Ma tihuicaca para Toteco Dios yajaya tlen iTeco Jacob!
\q1
\v 2 Ma tihuicaca huan ma tijtzilinica pandero.
\q1 Nojquiya ma tijtzotzonaca nopa arpa huan guitarra.
\q1
\v 3 Ma tijpitzaca tlapitzali quema yancuic metztli,
\q1 quema temitoc metztli,
\q1 huan ipan sequinoc tonali quema tiilhuichihuaj,
\q1
\v 4 pampa Toteco Dios tlen eli iTeco tohuejcapan tata Israel techmacatoc nopa tonali para ma tipaquica miyac.
\q1 Huan nojquiya eltoc ijcuilijtoc ipan itlanahuatilhua para ma tijchihuaca.
\q1
\v 5 Huan techmacac para ma tiquilnamiquica tlen quichijqui ica José,
\q1 huan quejatza motehuijqui ininhuaya nopa tlacame tlen tlali Egipto,
\q1 campa titlatequipanojque san tlapic.
\q1 Nijcajqui camatqui se tlen ax niquixmatqui huan quiijto:
\q1
\v 6 “Ama nimechquixtilis nopa tlamamali tlen inquihuicaj imoajcolpa,
\q1 huan ayoc inquitlalanase ica imoma tlamantli tlen tlahuel etic.”
\q1
\v 7 Nojquiya quiijto:
\q1 “Imojuanti innechtzajtzilijque quema initztoyaj ipan tlaohuijcayotl huan na nimechmaquixti.
\q1 Nimechnanquili hasta tlen nepa tepetl Sion campa motlatía nopa tlatomonilotl.
\q1 Nojquiya ipan tlali Meriba nimechyejyecohuili imotlaneltoquilis quema inmocuesohuayayaj pampa ax oncayaya atl.
\q1
\v 8 Yeca innoisraelita tlacajhua,
\q1 xinechtlacaquilica quema chicahuac nimechtlacahualtía.
\q1
\v 9 Ax quema xijhueyichihuaca seyoc tlen quitocaxtíaj ‘dios’.
\q1 Niyon amo xiquinpiyaca tlaixcopincayome ipan imocalijtic.
\q1
\v 10 Pampa elqui na, niIMOTECO huan imoDios,
\q1 tlen nimechquixti ipan tlali Egipto.
\q1 Xijtlapoca imocamac huan inquiitase intla ax nimechixhuitis.
\q1 Quena, inquiselise nochi tlamantli tlatiochihualistli tlen inmechpolohua.
\q1
\v 11 ¡Pero axtle! Notlacajhua ax quinejque nechtlacaquilise.
\q1 Israelitame ax quinejque ma niitzto tlatlajco inijuanti.
\q1
\v 12 Yeca niquintlahuelcajqui para ma huihuitiyaca huan ma elica queja popoyotzitzi.
\q1 Huan niquincahuili ma quichihuaca tlen inijuanti quinequiyayaj.
\q1
\v 13 Pero intla noisraelita tlacajhua nechtlacaquilijtosquíaj huan quitoquilijtosquíaj noojhui,
\q1
\v 14 huajca na san ipan se tlalochtli niquinicnotlalijtosquía inincualancaitacahua huan niquintzontlamiltijtosquía.”
\b
\q1
\v 15 Quena, nochi tlen quicocolíaj TOTECO,
\q1 nimantzi moechcapanojtosquíaj iixtla.
\q1 Huan itztosquíaj ipan tlatzacuiltili para nochipa.
\q1
\v 16 Pero Toteco Dios inmechtlamacasquía ica tlacualistli tlen más cuali.
\q1 Huan inmechmacasquía sayolnectli huan nochi tlen más inquinequij para inmechixhuitisquía.
\c 82
\s1 Toteco quinajhuac nopa jueces tlen ax tetlajtolsencahuaj xitlahuac
\q1
\v 1 Toteco Dios itztoc ipan se hueyi tlasentilistli nepa elhuicac.
\q1 Huan nopano tlayolmelahua quejatza quintlatzacuiltis nopa jueces huan quinilhuía:
\q1
\v 2 “¿Hasta quema tlamis intlacajcayahuaj quema intetlajtolsencahuaj?
\q1 ¿Hasta quema tlamis inquinchicoicnelise ax cuajcualme tlen fiero quichihuaj?
\q1
\v 3 Xiquintenpalehuica tlen aya quipiyaj tetili huan tlen icnotzitzi.
\q1 Xiquintlajtolsencahuaca tlen tlaijiyohuíaj huan tlen ax tleno quipiyaj.
\q1
\v 4 Xiquinmaquixtica tlen ayoc quipiyaj fuerza huan quinpolohua tlen ica panose.
\q1 Quena, xiquinmanahuica ininmaco nopa tlacame tlen axaca quitlepanitaj.
\q1
\v 5 Imojuanti tlen inquintlaijiyohuiltíaj ax tleno inquimatij huan ax tleno inquimachilíaj.
\q1 Innemij ipan tzintlayohuilotl huan nochi itzinpehualtil tlaltepactli huihuipica.
\q1
\v 6 Quena, na nimechtocaxtijtoc ‘indioses’ huan ‘innoconehua niDios Tlen Más Hueyi’,
\q1
\v 7 pero quema hualas miquistli, nimantzi inmiquise pampa imojuanti san intlacame.
\q1 Imopantis queja ipanti tlen hueli tlacatl tlen quipiya tequihuejcayotl,
\q1 pampa nochi miquise.”
\q1 Queja nopa quiijto Toteco.
\b
\q1
\v 8 ¡Toteco Dios, ximotlalana huan xijtlajtolsencahua ni tlaltepactli,
\q1 pampa nochi moaxca!
\q1 Nochi tlaltini huan tlanahuatiani eltoque momaco.
\c 83
\s1 Toteco, xiquintlatzacuilti tlen quicocolíaj Israel
\q1
\v 1 ¡Toteco Dios, amo san xitlacacto,
\q1 niyon amo san xitlachixto quema timomaijtohuaj!
\q1 Monequi xitechnanquili huan xitechmanahui,
\q1
\v 2 pampa mocualancaitacahua tlahuelchihuaj hasta queja nanalcaj huan mohueyimatij ica ta.
\q1
\v 3 Inijuanti tlahuel quimatij quejatza quitlalise tlaquetztli ica motlacajhua.
\q1 Huan quisencahuaj quejatza quichihuase para quinmictise tlen tiquintlapejpenijtoc.
\q1
\v 4 Huan quiijtohuaj:
\q1 “Ma tiyaca tiquintzontlamiltitij nochi nopa israelitame para ayoc ma elica se tlali ica itlacajhua.
\q1 Huan ayoc quema quiilnamiquis itoca Israel.”
\q1
\v 5 Ya nopa tlen quisencajque san sejco quema mosentilijque para mocamahuise.
\q1 Quena, san sejco quichijque se tlajtoli para fiero mitzchihuilise.
\q1
\v 6 Nopa tlacame elque iixhuihua Edom, Ismael, Agar huan Moab.
\q1
\v 7 Nojquiya inijuanti hualajque tlen nopa tlaltini Gebal, Amón, Amalec, Filistea huan Tiro.
\q1
\v 8 Huan nopa tlacame tlen tlali Asiria nojquiya mosejcotilijque ininhuaya.
\q1 Nojquiya iixhuihua Lot.
\q1
\v 9 Xiquinchihuili san se queja tiquinchihuili tlali Madián ehuani,
\q1 o queja tijchihuili Sísara huan Jabín ehuani ipan atemitl Cisón.
\q1
\v 10 O xiquinchihuili queja tijchijqui ica mocualancaitacahua ipan tlali Endor.
\q1 Inijuanti inintlacayohua mocajque tepejtoque tlalchi huan elque queja abono para tlali.
\q1
\v 11 Xijchihua para nopa tlacame tlen tlahuel tejtetique ma miquica queja Oreb huan Zeeb quinmictijque.
\q1 Huan nojquiya xijchihua para inintlayacancahua ma miquica queja nopa tlanahuatiani Zeba huan Zalmuna.
\q1
\v 12 Pampa inijuanti quiijtojque:
\q1 “Ma timoaxcatica nopa tlali tlen iaxca Dios.”
\q1
\v 13 NoTeco Dios, xiquinsemana ica moijiyo queja inijuanti elisquíaj tlaltejpoctli,
\q1 o queja tlasoli tlen quihuica ajacatl,
\q1
\v 14 o queja se hueyi tlitl tlen quitlamitlatía ipan se cuatitlamitl.
\q1
\v 15 Xiquintojtoca ica huejhueyi tlitl, ica tlatomonilotl,
\q1 huan ica huejhueyi ajcomalacatl.
\q1
\v 16 TOTECO, xiquinpinahualti nochi hasta mitzixmatise ta huan mohueyi chicahualis.
\q1
\v 17 Ayoc ma quimatica tlachque quichihuase.
\q1 Ma mopinahualtica huan ma huetzica ipan majmajtli.
\q1
\v 18 Quena, xiquinchihuili ya nopa hasta quimachilise para san ta tiTOTECO,
\q1 huan para ta tiDios Tlen Más Hueyi huan para san ta tijnahuatía nochi tlaltepactli.
\c 84
\s1 Tlacame tlahuel quinejque itztose ipan itiopa Toteco
\q1
\v 1 TOTECO, ta tiDios Tlen Tijpiya Nochi Chicahualistli,
\q1 tlahuel yejyectzi motiopa.
\q1
\v 2 Nelía tlahuel nijnequi nicalaquis ipan icalixpa nopa tiopamitl,
\q1 para nimonechcahuis huan nihuicas ica nochi noyolo para ta, Toteco Dios, tlen tiitztoc.
\q1
\v 3 TOTECO, ta tiDios Tlen Tijpiya Nochi Chicahualistli.
\q1 Ta tinotlanahuatijca huan tinoTeco.
\q1 Campa motlaixpa ipan mochaj nochi quipantíaj ininchaj,
\q1 hasta nopa cochome huan tototzitzi tlen nopano motepasoltíaj,
\q1 para nopano quintlacatiltíaj ininconehua.
\q1
\v 4 ¡Nelía paquij nopa tlacame tlen itztoque ipan motiopa huan quisenhuiquilíaj mitzpaquilismacaj!
\q1
\v 5 Cuali ininpanti nopa tlacame tlen itztoque momaco, Toteco,
\q1 huan quitoquilíaj moojhui huan yahuij Jerusalén para mitzhueyimatise.
\q1
\v 6 Quema panose campa ohui huan ipan nopa tlamayamitl tlen Choquistli,
\q1 quicuepase para elis queja se yejyectzi ameli tlen temitos ica atl quema tlaahuetzi,
\q1 pampa nopano quipantise miyac tlatiochihualistli,
\q1
\v 7 Huan queja nopa nejnentiyase mojmostla ica más fuerza,
\q1 huan ajsise ipan Jerusalén para nopano monextise moixpa, Toteco.
\q1
\v 8 TOTECO Dios, ta tiDios Tlen Tijpiya Nochi Chicahualistli, xinechtlacaquili quema nimomaijtohua.
\q1 Quena, xinechtlacaquili ta tiiTeco Israel.
\q1
\v 9 Toteco, ta tlen tinechmanahuía.
\q1 Xinechcualita huan xinechtiochihua na ninopa tlanahuatijquetl tlen tinechaltijtoc para nitlanahuatis ipan Israel.
\q1
\v 10 Achi más cuali ma niyolto se tonal huan ma niitzto ipan motiopa, noTeco,
\q1 huan ax niyoltos se mil tonali huan san ninentinemis campa hueli.
\q1 Quena, achi más cuali nimoquetzasquía campa ipuerta motiopa, noTeco,
\q1 huan ax niitztos ipan se hueyi cali campa onca tlajtlacoli.
\q1
\v 11 Pampa ta, Toteco Dios, titetlahuilía huan titemanahuía.
\q1 Ta titeicnelía huan titehueyitlalía.
\q1 Huan nochi tlen monejnemiltíaj xitlahuac ipan moojhui,
\q1 ta tiquinmacas nochi tlamantli cuajcuali tlen inijuanti quinequij.
\q1
\v 12 Toteco Dios, ta tiDios Tlen Tijpiya Nochi Chicahualistli,
\q1 nelía paquij nopa tlacame tlen motemachíaj ipan ta para tiquinmocuitlahuis.
\c 85
\s1 Tlamaijtoli para Toteco ma quintlasojtla nopa israelitame
\q1
\v 1 TOTECO, ta titechtitlanilijtoc miyac tlatiochihualistli tlen yejyectzitzi ipan ni tlali,
\q1 pampa sampa tiquinhualicac nica iixhuihua Jacob tlen itztoyaj ipan sequinoc tlaltini.
\q1
\v 2 Tiquinquixtili inintlaixpanolhua nochi motlacajhua.
\q1 Quena, tiquixtlalpacho nochi inintlajtlacolhua.
\q1
\v 3 Timoyoltlali tohuaya huan ayoc tlahuel ticualantoc.
\q1
\v 4 NoTeco Dios, ta tlen titemaquixtía,
\q1 ama xijchihua para sampa ma timitzicnelica para ayoc quema techajsis mohueyi cualancayo.
\q1
\v 5 ¿O huelis tijsenhuiquilis ticualantos tohuaya para nochipa?
\q1 ¿O huelis tijhueyilis mohueyi cualancayo para nochi xihuitl?
\q1
\v 6 Toteco Dios, sampa xitechtlalana,
\q1 huan tojuanti timotlacajhua sampa timopaquilismacase ipan ta.
\q1
\v 7 TOTECO, xitechnextili mohueyi teicnelilis,
\q1 huan xitechmaquixti.
\b
\q1
\v 8 Na nijtlacaquilijtoc nochi tlen quiijtohua TOTECO Dios,
\q1 pampa yajaya quincamahuis itlatzejtzeloltijca tlacajhua tlen quintlapejpenijtoc.
\q1 Huan tlen quiijtos quinmacas tlasehuilistli ipan ininyolo,
\q1 para inijuanti ma ayoc mocuepaca ipan nopa ojtli tlen huihuitic campa nemiyayaj ipan tlajtlacoli.
\q1
\v 9 Melahuac Toteco Dios itztoc nechca para quinmaquixtis tlacame tlen quitlepanitaj huan quiimacasij quiixpanose.
\q1 Se tonal ihueyitilis Toteco quitemitis totlal.
\q1
\v 10 Campa hueli mopantise teicnelijcayotl huan tlen melahuac.
\q1 Campa hueli nochi quimatise para quichihuase nochi tlen xitlahuac huan queja nopa oncas tlasehuilistli campa hueli.
\q1
\v 11 Tlen melahuac elis campa hueli ipan tlaltepactli,
\q1 huan yajaya tlen senquistoc xitlahuac hualtlachixtos tlen nepa elhuicac huan paquis ica tlen quiitas.
\q1
\v 12 Quena, TOTECO quititlanis itlatiochihual ipan ni totlal,
\q1 huan nochi totlatochui temacas itlajca.
\q1
\v 13 Campa hueli yas Toteco oncas tlen melahuac,
\q1 huan nochipa iojhui elis xitlahuac.
\c 86
\s1 Tlamaijtoli para Toteco ma quipalehui
\q1
\v 1 TOTECO, ximohuijtzoma quentzi huan xinechtlacaquili quema nimomaijtohua.
\q1 Xinechnanquili pampa niteicneltzi huan niitztoc ipan cuesoli huan tlaohuijcayotl.
\q1
\v 2 NoTeco Dios, xinechmanahui pampa na nijchihua campeca para nijchihuas tlen quiijtohuaj motlanahuatilhua.
\q1 Xinechmaquixti pampa na nimitztequipanohua huan san ipan ta nimotemachía para tinechmocuitlahuis.
\q1
\v 3 TOTECO, xijpiya hueyi moyolo ica na pampa nochi se tonal nimitztzajtzilijtoc,
\q1 huan ipan ta nimochiya para tinechpalehuis.
\q1
\v 4 Toteco, xinechmaca paquilistli pampa na san ta nimitzhueyichihua.
\q1
\v 5 Toteco, ta nelía ticuali huan timoquetztoc timocualtlalijtoc para titetlapojpolhuis.
\q1 Tiquinicnelía huan nimantzi tiquintlasojtla nochi tlen mitztlajtlaníaj motlapalehuil.
\q1
\v 6 TOTECO, xinechtlacaquili quema nimomaijtohua.
\q1 Quena, xinechtlacaquili quema nimitztzajtzilía.
\q1
\v 7 Nimitztzajtzilis ipan nopa tonali quema nechajsis tlaohuijcayotl,
\q1 pampa san ta tinechnanquilía huan tinechpalehuía.
\q1
\v 8 Ipan nochi sequinoc tlen quintocaxtíaj “dioses”,
\q1 ax onca seyoc queja ta, Toteco.
\q1 Huan axaca hueli quichihua huejhueyi tlamantli queja ta tijchihua.
\q1
\v 9 Elqui ta tlen tiquinchijchijqui nochi tlaltini ica inintlacajhua.
\q1 Yeca hualase huan mitzhueyichihuase, Toteco.
\q1 Huan mitzhueyitlalise ta tlen titlatzejtzeloltic,
\q1
\v 10 pampa ta tlahuel tihueyi huan tijchihua huejhueyi tlamantli.
\q1 ¡San ta nelía tiDios!
\q1
\v 11 TOTECO, xinechnextili moojhui huan nijtoquilis pampa san ya nopa temachtli.
\q1 Xijchihua para noyolo ma mitzhueyitlepanita,
\q1 huan ma quiimacasis mitzixpanos nochi noyolis.
\q1
\v 12 TOTECO Dios, nimitzpaquilismacas ica nochi noyolo huan nimitzhueyitlalis para nochipa,
\q1
\v 13 pampa tlahuel hueyi moteicnelilis noca na,
\q1 huan ax quema tlami.
\q1 Ta tinechmanahuijtoc para ax niyas mictla campa tlanahuatía miquistli.
\q1
\v 14 Toteco Dios, miyac tlacame tlen mohueyimatij huan tlen mosisiníaj motlanantoque para nechtehuise.
\q1 Huan miyac tlatehuijca tlacame huan tlaixpanoni quinequij nechmictise,
\q1 huan ax moyolilhuíaj tlen ta.
\q1
\v 15 Pero ta Toteco nelía titetlasojtla huan hueyi moyolo.
\q1 Ax nimantzi ticualani.
\q1 San ta titeicnelía huan san ta timelahuac.
\q1
\v 16 Xinechtlachili ica miyac teicnelijcayotl huan xinechmaca chicahualistli na nimotlatequipanojca.
\q1 Huan xijmanahui icone mosihua tlatequipanojca.
\q1
\v 17 Xijnexti se tlanextili para ta tinechcualita.
\q1 Queja nopa quiitase nocualancaitacahua,
\q1 huan mopinahuase pampa momacase cuenta para ta, TOTECO,
\q1 tlahuel tinechpalehuía huan tinechyoltlalía.
\c 87
\s1 Nelía elis se hueyi paquilistli para tlen ehuaj altepetl Jerusalén
\q1
\v 1 Altepetl Jerusalén eltoc ipan nopa tepetl tlatzejtzeloltic tlen iaxca Toteco.
\q1
\v 2 Huan TOTECO quiicnelía Jerusalén achi más que nopa sequinoc pilaltepetzitzi ipan tlali Israel.
\q1
\v 3 Quena, Jerusalén eltoc ialtepe Toteco Dios,
\q1 huan quema tlacame quiilnamiquij,
\q1 camatij nelyejyectzi tlen nopa altepetl.
\q1
\v 4 Quema niquintocaxtía tlaltini tlen nechixmati, niquintocaxtis Egipto, Babilonia, Filistea, Tiro huan Etiopía.
\q1 Mohueyimatij tlen tlacatqui ipan sesen nopa tlaltini.
\q1
\v 5 Pero ajsis tonali quema tlacame quiselise más hueyi tlatlepanitacayotl pampa tlacatque ipan altepetl Jerusalén,
\q1 pampa Toteco Tlen Más Hueyi quitiochihuas ni altepetl.
\q1
\v 6 Huan TOTECO quiijcuilos inintoca nochi tlen itztoque ipan nopa altepetl.
\q1 Huan nochi tlen tlacatque nopano quintlalilis se tlanextili campa ijcuilijtos inintoca.
\q1
\v 7 Huan quema ilhuichihuase inijuanti, huicase ica paquilistli huan quiijtose:
\q1 “Nochi noyolo nijtlalijtoc ipan Jerusalén.”
\c 88
\s1 Tlamaijtoli para Toteco ma quinmanahui imaco miquistli
\q1
\v 1 TOTECO, ta tlen tinoDios huan tinotemaquixtijca.
\q1 Tonali huan yohuali nimitztzajtzilijtoc para xinechpalehui.
\q1
\v 2 Xinechtlacaquili quema nimomaijtohua huan quema nimitztzajtzilía,
\q1
\v 3 pampa nijmati nisiyajtoc ica nochi tlen ax cuali hasta nijmati ya nechca eltoc para nimiquis.
\q1
\v 4 Miyac quiijtohuaj para ya tlantinemi noyolis huan para ayoc nijpiya chicahualistli.
\q1
\v 5 Tlacame nechtlahuelcajtoque para ma nimiqui.
\q1 Niitztoc queja se tlen ya mijqui ipan tlatehuijcayotl huan nochi quiilcahuaj intla itztoya.
\q1 Huan eltoc queja ta tinechilcajqui huan ayoc tinechmocuitlahuía.
\q1
\v 6 Ta tinechtlalijtoc ipan nopa tlacoyoctli tlen más huejcatla campa onca tzintlayohuilotl tlen más yayahuic.
\q1
\v 7 Mocualancayo nechtlaijiyohuiltía chicahuac huan ajachica nechtlatzintlanhuetziltía más.
\q1
\v 8 Tijchijtoc para noteixmatcahua ma nechtlahuelcahuaca huan ma nechijiyaca.
\q1 Eltoc queja niitztoc ipan se tlatzactli huan ax hueli niquisa.
\q1
\v 9 Ayoc hueli nitlachiya pampa tlahuel nimochoquilijtoc.
\q1 Mojmostla nimitztlajtlanía motlapalehuil,
\q1 huan nimomatlalana quema nimomaijtohua ica ta, TOTECO, para xinechtlasojtla.
\q1
\v 10 Pero nijmachilía para, quena, nimiquis nimantzi,
\q1 huan ¿tlachque ipati elis para na nopa chicahualnescayotl tlen tijchihuas quema ya nimictoc?
\q1 ¡Ax tleno! ¿Huelis nihuelis nimitzpaquilismacas quema ya nimictos?
\q1
\v 11 Se mijcatzi tlen ya quitlalpachojtoque ax huelis tepohuilis para tijpiya hueyi teicnelili.
\q1 Ax huelis tepohuilis para titemachtli.
\q1
\v 12 Nepa campa tzintlayohua ax huelise tepohuilise nopa huejhueyi chicahualnescayotl tlen tijchihua.
\q1 Mijcatzitzi itztoque ipan se tlali campa ayoc tleno quiilnamiquij,
\q1 huan ax huelis mitzilnamiquise para san ta tixitlahuac.
\q1
\v 13 Pero na nimitztzajtzilijtoc ta TOTECO,
\q1 huan sesen ijnaloc nochi tlen niquijtohua quema nimomaijtohua ica ta ajsi hasta moixtla.
\q1
\v 14 TOTECO, ¿para tlen tijcocolía noyolis?
\q1 ¿Para tlen tiquijcuenía moxayac huan titlachiya sejcoyoc?
\q1
\v 15 Na niitztoc ipan tlaijiyohuili huan cuesoli hasta quema noja niitztoya nitelpocatl.
\q1 Majmajtli huan miquistli tlen ta tinechtitlanilijtoc nechtoquilijtinemi,
\q1 huan ama ayoc nihueli más niquijiyohuía.
\q1
\v 16 Miyac huelta hualajtoc nopan na mohueyi cualancayo,
\q1 huan nopa majmajtli tlen tinechtitlanilijtoc tlahuel nechtlaijiyohuiltía.
\q1
\v 17 Quena, nochi nopa tlamantli nechyahualojtoc queja atl.
\q1
\v 18 Nochi tlen niquinicnelía huan tlen itztoyaj nohuampoyohua tiquinchijtoc ma nechtlahuelcahuaca,
\q1 ayoc nechchihuilíaj cuenta.
\q1 Huan noteixmatcahua tiquintlalijtoc ipan tzintlayohuilotl.
\c 89
\s1 Nopa tlajtolsencahuali tlen Toteco quichijqui ihuaya David
\q1
\v 1 Nimitzhuicatis, TOTECO, para nochipa pampa tlahuel hueyi moyolo ica na.
\q1 Quena, nochi telpocame huan huehuentzitzi niquinpohuilis para ta nelía titemachtli.
\q1
\v 2 Na niquijto: “Ta titetlasojtlas para nochipa.
\q1 Huan nochipa tiitztos titemachtli san queja para nochipa huejcahuas elhuicac campa tiitztoc.”
\q1
\v 3 Ta tiquijtojtoc para tijchijqui se tlajtolsencahuali ica motlatequipanojca David tlen tijtlapejpenijtoc.
\q1 Titlatestigojquetzqui tlen tijchihuilis.
\q1
\v 4 Tiquilhui para se iixhui mosehuis ipan isiyaj campa yajaya tlanahuatía,
\q1 huan nopano tlanahuatis para nochipa.
\q1
\v 5 TOTECO, tlen itztoque ipan elhuicac mitzpaquilismacaj ipampa nochi nopa chicahualnescayotl tlen tijchihua.
\q1 Huan miyac millones moelhuicac ejcahua mitzhueyimatise pampa titemachtli.
\q1
\v 6 Pampa ipan nochi elhuicac axaca seyoc tlen san se queja ta, Toteco Dios.
\q1 Huan niyon se elhuicac ejquetl ax quipiya chicahualistli queja tlen tijpiya ta, Toteco.
\q1
\v 7 Toteco Dios, ta nelía tihueyi huan titemajmati.
\q1 Nochi motlatzejtzeloltijca elhuicac ejcahua mitztlepanitaj.
\q1 Quena, nochi tlen mitzyahualojtoque, majmahuij quema moquetzaj moixpa.
\q1
\v 8 TOTECO, ta tiDios Tlen Tijpiya Nochi Chicahualistli,
\q1 ¿ajqueya seyoc tlahuel quipiya chicahualistli queja ta?
\q1 ¡Axaca seyoc! San ta TOTECO tlahuel tijpiya chicahualistli.
\q1 San ta nelía titemachtli.
\q1
\v 9 San ta tihueli tijnahuatía nopa hueyi atl quema mosisinía huan mocoxonía chicahuac.
\q1 Tijtlacahualtía huan quichihua tlen tiquilhuía.
\q1
\v 10 Ta tijtzontlamilti nopa tlen temajmatiyaya ipan hueyi atl.
\q1 Ica mohueyi chicahualis tiquinsemanqui mocualancaitacahua.
\q1
\v 11 Ta moaxca elhuicactli, tlaltepactli huan nochi tlen onca,
\q1 pampa nochi tijchijchijqui ta.
\q1
\v 12 Tijchijchijqui nopa norte huan sur.
\q1 Nopa tepetini Tabor huan Hermón paquij pampa ta tiquinchijchijqui.
\q1
\v 13 Moajcol tlahuel quipiya chicahualistli.
\q1 Huan monejmatl quipiya tetili huan miyac yajatili para tlatlanis.
\q1
\v 14 Motlanahuatilis motlatzquilijtoc ipan ome tlamantli:
\q1 Titetlajtolsencahua xitlahuac huan tijchihua tlen cuali.
\q1 Titeicnelía huan tiquijtohua tlen melahuac.
\q1
\v 15 Nelía paquij nopa tlacame tlen quicaquij nopa tlapistli tlen quinnotza ma mitzhueyichihuaca, TOTECO.
\q1 Inijuanti nemise nelía monechca huan ta tiquintlahuilis.
\q1
\v 16 Mojmostla mopaquilismacase ipan ta pampa tlahuel tihueyi huan tixitlahuac.
\q1
\v 17 Pampa san ta tijpiya mohueyitilis huan tiquinfuerzajmaca.
\q1 Titlacame tijpiyaj chicahualistli pampa ta titechpalehuía.
\q1
\v 18 Quena, Toteco Dios, ta tlen titlatzejtzeloltic titechmocuitlahuía tojuanti ipan tlali Israel.
\q1 Ta titotlanahuatijca.
\q1
\v 19 Ipan se tlanextili tijcamahui motlatzejtzeloltijca tiocamanalojca huan tiquilhui:
\q1 “Tlen nochi tlacame nijtlapejpenijtoc se yejyectzi telpocatl tlen tlahuel mosemaca,
\q1 huan nijtequitlali ma eli tlanahuatijquetl para na.
\q1
\v 20 Quena, nijpantijtoc notlatequipanojca David huan nicaltijtoc ica nopa aceite tlen ica niteiyocatlalía para ma nechtequipanoca.
\q1
\v 21 Nijchihuas ma eli temachtli huan nijmacas chicahualistli.
\q1
\v 22 Ax quiicnotlalise icualancaitacahua,
\q1 niyon ax quitlanise tlaixpanoca tlacame.
\q1
\v 23 Iixpa niquintzontlamiltis icualancaitacahua huan nochi tlen quicocolíaj.
\q1
\v 24 Na tlen nitemachtli nijmocuitlahuis huan nijtiochihuas ajachica,
\q1 huan tlahuel miyac niquicnelis.
\q1 Ica na notlapalehuil yajaya elis tlahuel hueyi.
\q1
\v 25 Na nijchihuas para itlanahuatilis pehuas campa atemitl Éufrates,
\q1 huan tlamis hasta campa hueyi atl tlen itoca Mediterráneo.
\q1
\v 26 Huan yajaya nechtzajtzilis huan nechilhuis:
\q1 ‘¡Ta tinoTata, ta tinoTeco Dios!
\q1 Ta tlen tinechmaquixtía huan tinechtlatía para ax tleno nechajsis.’
\q1
\v 27 Na niquitas nopa tlanahuatijquetl queja noachtohui cone.
\q1 Nijchihuas para yajaya ma eli nopa tlanahuatijquetl tlen más hueyi ipan nochi tlaltepactli.
\q1
\v 28 Niquicnelis para nochipa huan para nochipa nijchihuilis tlen cuali.
\q1 Huan nopa tlajtolsencahuali tlen nijchijtoc ihuaya, ax quema tlamis.
\q1
\v 29 Na nijtequimacas se iixhui para ma tlanahuatis campa yajaya tlanahuatiyaya.
\q1 Itlanahuatilis huejcahuas para nochipa queja huejcahuas elhuicactli.
\q1
\v 30 Pero intla iconehua quitlahuelcahuase noley huan ax monejnemiltise queja quiijtohua notlamachtil,
\q1
\v 31 o intla quiixpanose tlen niquinnahuatijtoc ma quichihuaca ipan ininyolis huan ax quintlepanitase notlanahuatilhua,
\q1
\v 32 huajca niquintlatzacuiltis pampa ya nopa quinextis para ax nechneltocatoque huan tlajtlacolchihuaj.
\q1
\v 33 Pero ax nijcahuas niquinicnelis,
\q1 niyon ax nijtlamiltis nopa tlajtoli tlen nijchijtoc ininhuaya.
\q1
\v 34 Ax niquilcahuas tlen ica nimocajtoc David huan ax nijpatlas notlajtol.
\q1
\v 35 Pampa na nitlatestigojquetzqui para nijchihuilis David nochi tlen nijtlajtolcahuilijtoc.
\q1 Huan na niDios tlen nitlatzejtzeloltic ax hueli niistlacatis.
\q1
\v 36 Iixhui mosehuis huan tlanahuatis para nochipa campa ya mosehui.
\q1 Itlanahuatilis huejcahuas san queja imiyaca tonali tlahuijtos tonati.
\q1
\v 37 Quena, itlanahuatilis tlahuel huejcahuas queja huejcahuas metztli,
\q1 o queja huejcahuas nochi tlen eltoc ipan elhuicac tlen eltoque queja notestigos.”
\m Quena, queja nopa tiquijto, Toteco.
\q1
\v 38 ¿Huajca para tlen tinechtlahuelcahua huan tinechhuejcamajcahua?
\q1 ¿Para tlen tlahuel ticualani ica yajaya tlen tijtlapejpenijtoc para elis tlanahuatijquetl?
\q1
\v 39 ¿Huelis tijxolejtoc nopa tlajtoli tlen tijchijqui ihuaya?
\q1 Pampa eltoc queja tijmajcahua icorona hasta tlalchi.
\q1
\v 40 Tijcahuili tocualancaitacahua ma quihuelonica nopa tepamitl tlen yahualtic quitzacuayaya toaltepe.
\q1 Huan quintlamixolejque nopa caltini tlen huejcapantique campa timomanahuiyayaj.
\q1
\v 41 Nochi tlen panoj nopano quiixtequij tlen inijuanti quinequij.
\q1 Huan nopa tlacame tlen itztoque tonechca san techhuetzquilíaj.
\q1
\v 42 Tiquinfuerzajmacatoc tocualancaitacahua,
\q1 huan tiquinchijtoc ma paquica pampa techtlantoque.
\q1
\v 43 Tijquixtili itlatequiyo tomachete tlen ica titlatehuiyayaj,
\q1 huan ax tijnejqui techpalehuis para ma titlatlanica.
\q1
\v 44 Tinechquixtili noyejyejca huan tijmajcajtoc hasta tlalchi notlanahuatilis.
\q1
\v 45 Tinechchihuilijtoc ma nitlalochhuehuentiya huan tinechpinahualtijtoc iniixpa nochi tlacame.
\q1
\v 46 TOTECO, ¿hasta quema tlamis ticualantos?
\q1 ¿Hasta quema noja timotlatijtos tlen tojuanti?
\q1 ¿Huelis para nochipa mohueyi cualancayo eltos queja tlitl?
\q1
\v 47 ¡Toteco, xiquilnamiqui para toyolis ax huejcahuas ipan ni tlaltepactli!
\q1 ¿Huelis ax tleno ipati nopa yolistli tlen tiquinmacatoc nochi tlacame?
\q1
\v 48 Niyon se tlacatl ax huelis itztos para nochipa. ¡Nochi miquise!
\q1 ¿Ajqueya huelis quimanahuis iyolis imaco miquistli?
\q1
\v 49 NoTeco Dios, ¿canque eltoc moteicnelilis tlen huejcajquiya?
\q1 ¿Para tlen ayoc tijpiya hueyi moyolo ica tojuanti?
\q1 Ta tiToteco tlen titemachtli, tijtlajtolcahuili David para melahuac ax quema tinechtlahuelcahuas.
\q1
\v 50 TOTECO, xijtlachili quejatza nochi tlacame techcocolíaj tojuanti timotlacajhua.
\q1
\v 51 Mocualancaitacahua quipinahualtíaj yajaya tlen tijtlapejpenijtoc para elis tlanahuatijquetl.
\b
\q1
\v 52 Ma tijpaquilismacaca TOTECO para nochipa.
\q1 Queja nopa ma eli.
\c 90
\s1 Tlacame ax huejcahuaj
\q1
\v 1 Toteco, ta nochipa titechmocuitlahuijtinentoc,
\q1 hasta tlen ipejya nochi xihuitl huan para nochi tonali.
\q1
\v 2 Hasta quema aya tiquinchijchihuayaya tepetini huan tlaltepactli, ta ipa tiitztoc.
\q1 Pampa ta, tiToteco Dios, ax quema tijpixqui mopejya,
\q1 huan ax quema tijpiyas motlamiya.
\q1
\v 3 Ta tijchihua para nochi tlacame ma mocuepaca tlali.
\q1 Quena, ticamati huan tiquijtohua:
\q1 “Ximiquica intlacame.”
\q1
\v 4 Pampa mil xihuitl ta tiquita queja se tonal tlen panoc yalohua,
\q1 o queja elisquía se eyi hora quema se tlamocuitlahuiyaya tlayohua.
\q1
\v 5 Toyolis motlaloti queja atl tlen hualtemo chicahuac ipan se atlajtli.
\q1 Huan ica se tlalochtli tiixpolijtehuaj queja se temictli.
\q1 Nojquiya tiitztoque queja se xihui cuahuitl.
\q1
\v 6 Ica ijnaloc moscaltía huan cahuani,
\q1 huan ica tiotlac quitzontequij huan huaqui.
\q1
\v 7 Pampa ica mohueyi cualancayo titechtlaijiyohuiltía huan titechtzontlamiltía.
\q1
\v 8 Totlajtlacolhua huan totlaixpanolhua tlanempa nestoc moixpa.
\q1
\v 9 Yeca nochi tonali huan nochi xihuitl tijpanoj huejhueyi tlaohuijcayotl,
\q1 tlen ta titechtitlanilía ica mohueyi cualancayo.
\q1
\v 10 San titechcahuilía titlacame ma tiitztoca setenta xihuitl.
\q1 Huan tlen quentzi más tejtetique san tiquincahuilía ma itztoca ochenta xihuitl.
\q1 Pero ipan nochi nopa xihuitl san tijpanoj tlaohuijcayotl huan cuesoli,
\q1 pampa nochi nopa xihuitl san panotiquisa huan tojuanti san tiixpolijtehuaj.
\q1
\v 11 ¿Ajqueya quimachilía nochi tlen tihuelis tijchihuas quema ticualani?
\q1 ¿Ajqueya tlen tojuanti mitzimacasi queja quinamiqui?
\q1
\v 12 Ax miyac tonali tijpiyaj,
\q1 huajca xitechnextili quejatza ma tijchihuaca para ax timotonalpolose,
\q1 huan para ma tijpiyaca tlalnamiquistli ipan toyolo nochi tonali.
\q1
\v 13 TOTECO, xihuala huan xitechtiochihua.
\q1 ¿Hasta quema tlamis ticualantos?
\q1 Xitechtlasojtla tojuanti timotlatequipanojcahua.
\q1
\v 14 Mojmostla ica ijnaloc xitechnextili moteicnelilis,
\q1 huan nochi toyolis timitzhuicatise huan tiyolpactose.
\q1
\v 15 Toteco, xitechmaca paquilistli queja ipatlaca nopa tlaohuijcayotl tlen tijpanoque.
\q1 Huan xitechcahuili ma tiitztoca ica yejyectzi para miyac xihuitl,
\q1 queja imiyaca nopa xihuitl quema tijpanoque tlamantli tlen fiero.
\q1
\v 16 Xijchihua para sampa ma tiquitaca nopa huejhueyi chicahualnescayotl tlen tijchihua.
\q1 Huan toconehua ma quiitaca nochi nopa yejyectzitzi tlamantli san se queja tijchihuayaya achtohuiya.
\q1
\v 17 TOTECO, ta titoDios,
\q1 titechtlahuilía ica motlatlanex huan titechnextilía para titechcualita.
\q1 Xitechpalehui para nochi tlen tijchihuase ma cualquisas huan ma huejcahuas.
\q1 Quena, Toteco, ma cualquisa nochi tlen toma quichihuas pampa ta titechfuerzajmaca.
\c 91
\s1 Ma timotlatzquilijtoca ipan Toteco
\q1
\v 1 Tlen motlatzquilijtoc ipan Toteco Dios Tlen Más Hueyi itztos temachtli imaco,
\q1 pampa mocahuas ica Toteco Tlen Quipiya Nochi Chicahualistli.
\q1
\v 2 Huan na niquijtos tlen TOTECO para yajaya nechmocuitlahuía ica ihueyi chicahualis.
\q1 Yajaya noTeco Dios huan san ipan ya nimotemachía.
\q1
\v 3 Pampa san yajaya hueli mitzmanahuis tlen nochi tlaquetztli tlen sequinoc quintlatise para mitzmasiltise.
\q1 Mitzmocuitlahuis para ax mitzajsis nopa cocolistli tlen tetzontlamiltía.
\q1
\v 4 Queja se tenanpiyo quintlatía ipilconehua ieltlapaltzala,
\q1 Toteco queja nopa nojquiya mitzmocuitlahuía.
\q1 Temachtli mitzchihuilis nochi tlen mitztlajtolcahuilijtoc,
\q1 pampa timotemachijtoc ipan ya para mitzmanahuis.
\q1
\v 5 Huajca ama ayoc ximajmahui ica tlayohua,
\q1 niyon amo xiquimacasi tlen hueli panos ipan tonaya.
\q1
\v 6 Amo xiquimacasi nopa tlaijiyohuilistli tlen huala ipan tzintlayohuilotl,
\q1 niyon nopa miquistli tlen ajsi ica tlajcotona.
\q1
\v 7 Yonque monechca miquise mil o majtlactli mil tlacame,
\q1 pero ta ax mitzajsis.
\q1
\v 8 Ica moixtiyol tiquitas quejatza quiselise tlatzacuiltili nopa tlaixpanoca tlacame.
\q1
\v 9 Intla timotemachijtoc ipan TOTECO para mitzmocuitlahuis,
\q1 huan timochiya ipan Toteco Tlen Más Hueyi para mitzpalehuis,
\q1
\v 10 huajca ax mitzajsis niyon se tlamantli tlen ax cuali,
\q1 niyon ax quiajsis mochaj.
\q1
\v 11 Pampa Toteco quintitlanis ielhuicac ejcahua para ma mitzmocuitlahuica,
\q1 huan mitzmocuitlahuijtinemise campa hueli ta tiyas.
\q1
\v 12 Huan ielhuicac ejcahua mitztlalanase ica ininma para ax timotepotlamis ipan ojtli.
\q1
\v 13 Niyon ax timajmahuis yonque tijquetzas moicxi ipan se león o se cohuatl tlen temictía.
\q1 Quena, ax tleno mopantis yonque timoquejquetzas ininpani.
\q1
\v 14 Pampa Toteco Dios quiijtohua:
\q1 “Na nijmanahuis pampa nechicnelía.
\q1 Nijhueyitlalis pampa motemachía ipan na.
\q1
\v 15 Quema nechtzajtzilis, na nijnanquilis.
\q1 Nojquiya niitztos ihuaya quema quipiyas cuesoli.
\q1 Nijmanahuis huan nijhueyitlalis.
\q1
\v 16 Nijchihuas ma itzto tlahuel miyac xihuitl huan nijmaquixtis.”
\c 92
\s1 Xijpaquilismacaca Toteco
\q1
\v 1 Nelía cuali para timitzhueyichihuase, TOTECO,
\q1 ta nopa Dios Tlen Más tiHueyi.
\q1 Cuali ma timitzpaquilismacaca ica huicatl.
\q1
\v 2 Ica ijnaloc ma titepohuilica moteicnelilis pampa hueyi moyolo,
\q1 huan ica tlapoyahui ma tipaquica miyac pampa nelía titemachtli.
\q1
\v 3 Ma tihuicaca huan ma titlatzotzonaca ica nopa tlatzotzonali tlen itoca arpa, guitarra huan lira.
\q1
\v 4 NoTeco Dios, ta nelía titechchihuilijtoc miyac tlamantli tlen cuali,
\q1 huan tinechchihuilijtoc ma nipaqui.
\q1 Yeca nihuica ica miyac paquilistli.
\q1
\v 5 ¡TOTECO, ta tijchihua huejhueyi chicahualnescayotl!
\q1 ¡Huan motlalnamiquilis axaca hueli quimachilía!
\q1
\v 6 Nopa tlacame tlen huihuitique ax quimatij niyon ax quimachilíaj.
\q1
\v 7 Tlacame tlen fiero ininyolis motlalanaj huan mohueyichihuaj ica tlamantli tlen ax cuali,
\q1 pero ax quimatij para teipa quintzontlamiltise huan ayoc quema motlalanase.
\q1
\v 8 Pero ta tiTOTECO, mitzhueyitlalijtose para nochipa pampa ta tiDios Tlen Más Hueyi.
\q1
\v 9 Xiquita nica itztoque mocualancaitacahua pero nojquiya nica tiquintzontlamiltis.
\q1 Quena, TOTECO, nochi tlacame tlen quichihuaj tlen ax cuali, ta tiquinenpolos.
\q1
\v 10 Pero tinechmacas na chicahualistli queja se toro tlen nemi cuatitla.
\q1 Huan sampa tinechaltis ica moaceite tlen temaca yancuic chicahualistli.
\q1
\v 11 Niquitas quejatza tiquintzontlamiltis nocualancaitacahua.
\q1 Huan nijcaquis quejatza quintzontlamiltise nopa tlaixpanoca tlacame tlen motlanantoque ica na.
\b
\q1
\v 12 Pero tlen itztoque xitlahuaque iixtla Toteco quipiyase chicahualistli.
\q1 Inijuanti yejyectzitzi queja ixochiyo apach cuahuitl.
\q1 Mohueyichihuase queja nopa tiocuatini tlen onca ipan tlali Líbano.
\q1
\v 13 Tlacame tlen cuajcualme quipiyase chicahualistli queja cuatini tlen quintoctoque ipan ichaj TOTECO,
\q1 huan Toteco Dios yajaya quinmocuitlahuis.
\q1
\v 14 Huan quema nopa cuajcualme huehuejtiyase, noja quipiyase fuerza.
\q1 Itztose queja cuatini tlen temacase inintlajca,
\q1 huan nochipa xoxohuixtose.
\q1
\v 15 Huan ya nopa quinextis para TOTECO tlen nechmocuitlahuía quichihua tlen melahuac.
\q1 Nochipa yajaya xitlahuac tetlajtolsencahua.
\c 93
\s1 Toteco tlahuel hueyi
\q1
\v 1 ¡TOTECO tlanahuatía!
\q1 Yajaya tlahuel hueyi hasta quipiya itlatlanex tlen onpano yejyectzi.
\q1 Quitlatzquilti nelcuali ni tlaltepactli,
\q1 huan ax hueli mojmolinis tlen itlatzinpehualtil.
\b
\q1
\v 2 Nochipa hasta tlen huejcajquiya ta tijpixtoc tlanahuatili,
\q1 huan nochi tlen itztoque ipan motlanahuatilis mocahuaj temachme.
\q1 San ta tiitztoc para nochipa.
\q1
\v 3 TOTECO, nochi atemitl caquisti para mitzpaquilismacaj quema mocoxoníaj.
\q1
\v 4 Pero ta, TOTECO, tlen tiitztoc hasta huejcapa tijpiya más chicahualistli,
\q1 huan ax queja nopa atl tlen mocoxonía ipan nochi huejhueyi atl ipan tlaltepactli.
\q1
\v 5 Motlanahuatilhua ax quema mopatlaj.
\q1 TOTECO, para nochi xihuitl huan para nochi tonali motequihuejcayo eltoc senquistoc tlatzejtzeloltic.
\c 94
\s1 Tlamaijtoli para Toteco ma quincuepili tocualancaitacahua
\q1
\v 1 TOTECO, ximonexti.
\q1 Ta tiDios tlen tijpiya motequi para tiquincuepilis tlen ax cuali techchihuilijtoque tocualancaitacahua.
\q1
\v 2 Ximotlalana huan xijtlatzacuilti ni tlali.
\q1 Nochi tlen mohueyimatij xiquintlatzacuilti queja quinamiqui.
\q1
\v 3 TOTECO, ¿hasta quema tlamis tlatlanise huan mopaquilismacase nopa tlacame tlen axaca quitlepanitaj?
\q1
\v 4 ¿Hasta quema tlamis tetlaijilhuise huan mohueyimatise nopa tlajtlacolchijca tlacame?
\q1
\v 5 TOTECO, inijuanti tlahuel quintlaijiyohuiltíaj huan quincuesolmacaj motlacajhua tlen tiquinicnelía.
\q1
\v 6 Inijuanti quinmictíaj cahual toahuihua tlen ehuani ipan sequinoc altepetini huan tlen icnotzitzi.
\q1
\v 7 Huan quiijtohuaj para ta, TOTECO, ax tiquita,
\q1 niyon ax timomaca cuenta.
\q1 Queja nopa quiijtohuaj tlen ta tlen tiiTeco tohuejcapan tata Jacob.
\b
\q1
\v 8 Imojuanti tlen inhuihuitique ipan ni tlacame, xijmachilica.
\q1 ¿Hasta quema inquitequihuise imotlalnamiquilis para intlamachilise?
\q1
\v 9 Toteco quisencajqui tonacashua,
\q1 huajca ¿inmoilhuíaj para ax quicaquis tlen inquiijtohuaj?
\q1 Yajaya quichijchijqui toixtiyol,
\q1 huan ¿inmoilhuíaj para ax quiitas tlen inquichihuaj?
\q1
\v 10 Yajaya quintlatzacuiltía tlacame ipan nochi tlaltini,
\q1 ¿inmoilhuíaj ax inmechtlatzacuiltis nojquiya?
\q1 Yajaya quimati nochi tlen pano,
\q1 huan ¿inmoilhuíaj ax quimati tlachque inquichihuaj?
\q1
\v 11 TOTECO quiixmati inintlalnamiquilis tlacame huan quimati para san moilhuíaj tlamantli tlen ax cuali.
\b
\q1
\v 12 Pero cuali ininpanti nopa tlacame tlen ta, TOTECO,
\q1 tiquintlatzacuiltis para tiquintlalnamictis.
\q1 Ya nopa quinpalehuía para quitoquilise moojhui,
\q1 huan para monejnemiltise xitlahuac ipan motlanahuatilhua.
\b
\q1
\v 13 Huan para itztose ica paquilistli quema ajsis nopa tonali tlen fiero.
\q1 Pero nopa tlacame tlen ax quitlepanitaj TOTECO mochihuilíaj se tlacoyoctli para ipan momasiltise huan motzontlamiltise.
\q1
\v 14 Pampa TOTECO ax quintlahuelcahuas itlacajhua pampa inijuanti iaxcahua.
\q1
\v 15 Se tonal Toteco tetlajtolsencahuas xitlahuac,
\q1 huan nochi tlen itztoque ica ininyolis xitlahuac,
\q1 inijuanti paquise miyac.
\q1
\v 16 ¿Ajqueya nechmanahuis ininmaco nopa mosisinijca tlacame?
\q1 ¿Ajqueya nechmocuitlahuis tlen nopa tlaixpanoca tlacame?
\q1
\v 17 Intla Toteco ax nechpalehuijtosquía,
\q1 huajca noyoltzi ya eltosquía campa tlatzitzicatoc pampa ya nimictosquía.
\q1
\v 18 Na nitzajtzic huan niquijto:
\q1 “TOTECO, moxitlanía noicxihua.”
\q1 Huan yajaya nechtlasojtlac huan nechmaquixti.
\b
\q1
\v 19 NoTeco, quema san nimoyolilhuía tlen miyac cuesoli huan san ya nopa nijmati,
\q1 ta tinechyoltlalía.
\q1 Tinechchihuilía ma nimotemachi ipan ta huan tinechmaca paquilistli.
\q1
\v 20 Se tlanahuatijquetl tlen ax quichihua tlen xitlahuac,
\q1 ax tijcahuas para mosentilis ica ta.
\q1 Niyon ax itztoc mohuaya tlen quichihua se tlanahuatili tlen ax xitlahuac.
\b
\q1
\v 21 Pero tlanahuatiani queja nopa mosentilíaj huan mocamahuíaj para quejatza quimictise se tlen ax tleno quichijtoc,
\q1 o se tlen cuali monejnemiltía.
\q1
\v 22 Pero TOTECO yajaya nechmocuitlahuía pampa tlahuel miyac chicahualistli quipiya.
\q1 Ipan noTeco Dios nimomaijtohua huan ax tleno huelis nechajsis pampa yajaya nechmanahuía.
\q1
\v 23 Huan Toteco Dios quichijtoc para ma huetzi ininpani nopa mosisinijca tlacame nochi nopa tlamantli tlen ax cuali quichijtoque.
\q1 Yajaya quintzontlamiltis senquistoc queja quisencajtoyaj quinchihuilise sequinoc.
\q1 Quena, TOTECO toDios yajaya quintzontlamiltis.
\c 95
\s1 Se huicatl para tijpaquilismacase huan tijhueyichihuase Toteco
\q1
\v 1 ¡Xihualaca, ma tihuicaca para TOTECO!
\q1 Quena, ma tihuicaca ica paquilistli para tijhueyimatise Toteco tlen techmaquixtía huan techtlatía para ax tleno techajsis.
\q1
\v 2 Ma tiyaca iixtla Toteco para tijtlascamatise ica nochi toyolo.
\q1 Ma tijpaquilismacaca ica huicatl.
\q1
\v 3 Pampa TOTECO yajaya se Dios Tlen Tlahuel Hueyi.
\q1 Yajaya nopa Hueyi Tlanahuatijquetl huan ax queja nochi sequinoc totiotzitzi tlen tlacame quinhueyichihuaj.
\q1
\v 4 Imaco eltoc nochi nopa tlacoyoctli tlen más huejcatla huan nopa tepetini tlen más huejcapantique.
\q1 Nochi iaxca ya.
\q1
\v 5 Yajaya iaxca nopa hueyi atl huan tlaltepactli,
\q1 pampa yajaya quichijchijqui.
\q1
\v 6 Xihualaca, ma tijhueyichihuaca huan ma timoixtlapachoca hasta tlalchi iixtla TOTECO,
\q1 yajaya tlen techchijchijqui.
\q1
\v 7 Pampa yajaya toDios huan tojuanti tiitlacajhua.
\q1 Tiitztoque queja tiiborregojhua tlen yajaya quinmocuitlahuía.
\q1 Xijtlacaquilica ama tlen quiijtohua:
\q1
\v 8 “Amo ximoyoltetilica queja israelitame quichijque huejcajquiya ipan nopa huactoc tlali tlen itoca Meriba huan Masah.
\q1
\v 9 Nopano imohuejcapan tatahua nechyejyecojque para quiitase tlachque nijchihuasquía.
\q1 Huan quichijque ya ni yonque ipa ya quiitztoyaj nopa huejhueyi chicahualnescayotl tlen na nijchijtoya iniixpa.
\q1
\v 10 Para cuarenta xihuitl nicualantoya ininhuaya,
\q1 pampa ininyolo huan inintlalnamiquilis eltoya huejca tlen na.
\q1 Huan hasta ama ax moselijtoque quitoquilise notlanahuatilhua.
\q1
\v 11 Yeca ica nohueyi cualancayo nitlatestigojquetzqui para ax quema calaquise campa nijsencajtoya ma mosiyajcahuaca.”
\c 96
\s1 Huicatl para tijpaquilismacase Toteco
\q1
\v 1 Nochi tlen initztoque ipan tlaltepactli,
\q1 xihuicaca para TOTECO.
\q1 Quena, xihuicaca se huicatl yancuic.
\q1
\v 2 Ma tijhuicatica TOTECO ipampa nochi tlen quichijtoc.
\q1 Ma tijpaquilismacaca huan ma tijtlascamatica ipampa nochi tlen techchihuilijtoc.
\q1 Huan mojmostla ma titepohuilica para yajaya temaquixtía.
\q1
\v 3 Ipan nochi tlaltepactli ma titepohuilica ihueyitilis huan nochi tlamantli yejyectzi tlen quichijtoc.
\q1 Huan nochi tlacame ma tiquinpohuilica nopa huejhueyi tlamantli tlen yajaya quichihua.
\q1
\v 4 Pampa TOTECO nelía tlahuel hueyi huan quinamiqui ma tijhueyimatica.
\q1 San yajaya nelía temajmati huan ne sequinoc tlen tlacame quintocaxtíaj tiotzitzi, axtle.
\q1
\v 5 Pampa nochi nopa tiotzitzi tlen quinhueyichihuaj ipan sequinoc tlaltini,
\q1 ax tleno ininpati.
\q1 Inijuanti san elij teteyome tlen tlacame quinchijchijtoque.
\q1 Pero TOTECO yajaya quichijchijqui elhuicactli.
\q1
\v 6 Campa itztoc Toteco senquistoc onca itlatlanex huan temitoc ica ihueyitilis.
\q1 Huan ipan itiopa onca ichicahualis huan iyejyejca.
\q1
\v 7 Nochi intlacame tlen nochi tlaltepactli,
\q1 xitepohuilica para san TOTECO quipiya chicahualistli huan san yajaya hueyi.
\q1
\v 8 Xijtlepanitaca TOTECO queja quinamiqui.
\q1 Xijhualiquilica tlacajcahualistli huan xiyaca itiopan calixpa.
\q1
\v 9 Xihualaca huan xijhueyichihuaca TOTECO.
\q1 Quena, xijhueyichihuaca ica se imoyolis tlen yejyectzi huan tlatzejtzeloltic.
\q1 Huan nochi tlaltepactli ma huihuipica iixtla.
\q1
\v 10 Xiquinpohuilica nochi tlaltini para Toteco tlanahuatía.
\q1 Tlaltepactli quitlalijtoc cuali huan ax quema mijcuenis campa quitlatzquiltijtoc.
\q1 Huan Toteco Dios xitlahuac quintlajtolsencahuas nochi altepetini.
\q1
\v 11 ¡Ma paqui elhuicactli huan nochi tlaltepactli!
\q1 ¡Nochi huejhueyi atl ma mocoxonica iixtla Toteco ica paquilistli!
\q1
\v 12 ¡Ma paqui nopa cuatitlamitl huan nochi tlen onca,
\q1 pampa nochi cuatini quinextíaj para Toteco tlahuel hueyi!
\q1 Quena, ma tzajtzica nopa cuatini para quipaquilismacase iixtla TOTECO,
\q1
\v 13 pampa yajaya huala.
\q1 Quena, yajaya hualas para quintlajtolsencahuas tlen itztoque ipan ni tlaltepactli.
\q1 Quena, quintlajtolsencahuas tlacame ipan nochi altepetini queja quinamiqui.
\q1 Quena, quema tetlajtolsencahuas,
\q1 nochi quimatise para quichihua tlen melahuac.
\c 97
\s1 Toteco nochi quinahuatía
\q1
\v 1 ¡Nochi tlaltepactli ma paqui pampa TOTECO tlanahuatía!
\q1 Huan nochi nopa pilaltepetzitzi tlen mopantíaj tlatlajco hueyi atl,
\q1 xiquinilhuica nojquiya ma paquica.
\q1
\v 2 Mixtli huan tzintlayohuilotl quiyahualojtoc Toteco.
\q1 Huan itlanahuatilis pejtoc ipan tlen melahuac huan tlen xitlahuac.
\q1
\v 3 Iixpa tlayacanti se tlitl tlen quintzontlamiltía icualancaitacahua.
\q1
\v 4 Nopa tlapetlanilotl tlen yajaya quititlani quitlahuilía nochi tlaltepactli.
\q1 Huan ni tlaltepactli huihuipica quema quiita.
\q1
\v 5 Nochi tepetini atiyaj queja cera iixtla TOTECO tlen iaxca nochi tlaltepactli.
\q1
\v 6 Elhuicactli tlayolmelahua para Toteco xitlahuac tetlajtolsencahua.
\q1 Huan nochi tlaltepactli quiita ihueyitilis.
\q1
\v 7 Ma mopinahuaca nochi tlen quinhueyichihuaj teteyome,
\q1 huan nochi tlen mohueyimatij ica inintlaixcopincayohua tlen ax tleno ininpati.
\q1 Nochi sequinoc imojuanti tlen tlacame inmechtocaxtíaj “intiotzitzi” ximotlancuaquetzaca iixtla Toteco.
\b
\q1
\v 8 TOTECO, nopa altepetl Jerusalén huan nochi altepetini ipan tlali Judá quipiyaj paquilistli ica motlamachtil.
\q1
\v 9 Pampa ta, tiTOTECO, tijnahuatía nochi tlaltepactli,
\q1 huan más tihueyi que nochi sequinoc tlen quintocaxtíaj tiotzitzi.
\q1
\v 10 TOTECO quinicnelía nochi tlen quicocolíaj tlen ax cuali.
\q1 Quinmocuitlahuía itlacajhua huan quinchololtía ininmaco tlaixpanoca tlacame.
\q1
\v 11 Tlen xitlahuac ininyolis nemi ipan itlahuil Toteco,
\q1 huan tlen cuali ininyolo quipantíaj paquilistli.
\q1
\v 12 Xipaquica ipan TOTECO nochi imojuanti tlen initztoque xitlahuac iixtla.
\q1 Xijhueyichihuaca huan nochipa xiquilnamictoca para Toteco yajaya senquistoc tlatzejtzeloltic.
\c 98
\s1 Ma tijpaquilismacaca Toteco pampa yajaya xitlahuac tetlajtolsencahua
\q1
\v 1 Ma tihuicaca para TOTECO se huicatl yancuic,
\q1 pampa yajaya quichijtoc nochi nopa huejhueyi chicahualnescayotl.
\q1 Yajaya ya tlatlantoc ica ihueyi chicahualis huan ica ima tlen tlatzejtzeloltic.
\q1
\v 2 TOTECO quipannextijtoc ipan nochi tlaltepactli para san yajaya temaquixtía.
\q1 Quinextijtoc iniixtla sequinoc tlaltini para xitlahuac tetlajtolsencahua.
\q1
\v 3 Yajaya quiilnamictoc tlen techtencahuilijtoc pampa techicneli tojuanti tiisraelitame.
\q1 Huan ama ipan nochi tlaltepactli quiitztoque quejatza Toteco Dios techmaquixtijtoc tiitlacajhua.
\q1
\v 4 Yeca ipan nochi tlaltepactli xijpaquilismacaca TOTECO huan xihuicaca ica miyac paquilistli.
\q1
\v 5 Xijhuicatica TOTECO.
\q1 Xijhueyimatica huan xitlatzotzonaca ica arpa.
\q1
\v 6 Xijpitzaca nochi tlamantli tlapitzali huan xihuicaca ica yejyectzi iixtla TOTECO,
\q1 yajaya tlen Tlanahuatijquetl.
\q1
\v 7 ¡Ma mojmolini chicahuac tlen ihuexca nopa hueyi atl huan ma quipaquilismaca Toteco!
\q1 Nochi tlaltepactli huan tlen itztoque ipani ma tzajtzica huan ma quiijtoca:
\q1 “Tijhueyitlalise Toteco.”
\q1
\v 8 Nochi atemitl ma paquica,
\q1 huan tlacame ma momatlaxcaloca,
\q1 huan nochi tepetini ma huicaca ica paquilistli
\q1
\v 9 iixtla TOTECO,
\q1 pampa yajaya huala para quintlajtolsencahuaqui xitlahuac nochi tlacame tlen itztoque ipan ni tlaltepactli.
\c 99
\s1 Toteco yajaya tlatzejtzeloltic
\q1
\v 1 ¡TOTECO tlanahuatía!
\q1 Nochi tlacame ipan nochi tlaltini ma huihuipicaca ica majmajtli.
\q1 Isiyaj campa mosehuía para tlanahuatis quipiya más tlanahuatili huan eltoc más huejcapa que nopa querubines elhuicac ehuani.
\q1 Nochi tlen onca huan nochi tlen itztoque ipan tlaltepactli,
\q1 ma moyolpitzahuilica.
\q1
\v 2 Ipan Tepetl Sion nochi quimatij para TOTECO nelía hueyi.
\q1 Yajaya más hueyi tlen nochi sequinoc tlanahuatiani ipan tlaltepactli.
\q1
\v 3 Nochi ma quihueyichihuaca Toteco, yajaya tlen hueyi huan temajmati.
\q1 San ya nelía tlatzejtzeloltic.
\q1
\v 4 Toteco yajaya se tlanahuatijquetl tlen quipiya nochi chicahualistli,
\q1 huan quipactía tetlajtolsencahuas xitlahuac.
\q1 Nochi tlen quichihua senquistoc cuali.
\q1 Yajaya quinchihuilijtoc tlen xitlahuac nochi israelitame.
\q1
\v 5 ¡Ma tijhueyitlalica TOTECO, yajaya toDios,
\q1 yajaya tlen tlatzejtzeloltic!
\q1 Ma timotlancuaquetzaca huan ma timoixtlapachoca hasta tlalchi iicxitla,
\q1 pampa san yajaya tlatzejtzeloltic.
\q1
\v 6 Quema nopa totajtzitzi Moisés huan Aarón, huan nopa tiocamanalojquetl Samuel,
\q1 quitzajtziliyayaj TOTECO para quitlajtlanise itlapalehuil,
\q1 yajaya quinnanquiliyaya.
\q1
\v 7 Toteco quincamahui ipan se mixtli,
\q1 huan inijuanti quichijque nochi tlen quiijto itlajtol huan itlanahuatilhua.
\q1 Quena, inijuanti quichijque nochi tlen quinilhui ma quichihuaca.
\b
\q1
\v 8 Quena, TOTECO, ta titoDios, ta tiquinnanquili.
\q1 Ta tieli se Dios tlen tiquintlapojpolhuía inintlajtlacolhua tlacame.
\q1 Pero nojquiya tiquintlatzacuiltía quema quichihuayayaj tlamantli tlen ax cuali.
\b
\q1
\v 9 Ma tijhueyitlalica TOTECO huan ma tijhueyichihuaca.
\q1 Ma timotlancuaixtlapachoca iixtla ipan nopa tepetl tlatzejtzeloltic tlen itoca Sion.
\c 100
\s1 Ma tijtlascamatica Toteco
\q1
\v 1 Xihuicaca ica paquilistli para TOTECO,
\q1 nochi intlacame tlen initztoque ipan ni tlaltepactli.
\q1
\v 2 Xijtequipanoca TOTECO ica paquilistli.
\q1 Huan quema inhualahuij iixtla, xihuicatihualaca.
\q1
\v 3 Xijmatica cuali para TOTECO, yajaya Toteco Dios.
\q1 Yajaya techchijchijqui.
\q1 Ax timochijchijtoque tojuanti.
\q1 Tojuanti tiitlacajhua huan tiitztoque queja tiiborregojhua tlen techpixtoc ipan ipotrero para techmocuitlahuis.
\q1
\v 4 Quema ticalaquij ipan itiopa, ma tijtlascamatica miyac.
\q1 Huan quema tinemij icalixpa, ma tihuicaca.
\q1 Quena, ma tijtlascamatica huan ma tijpaquilismacaca.
\q1
\v 5 Pampa TOTECO yajaya nelía cuali.
\q1 Nochipa teicnelía huan tetlasojtla.
\q1 Yajaya itztos temachtli para nochipa ica nochi tlacame tlen tlacajtihualahuij.
\c 101
\s1 Toteco, tijnequij tiitztose tixitlahuaque
\q1
\v 1 Na nijnequi nihuicas para ta,
\q1 TOTECO, pampa ta tinechicnelía huan tinechchihuilía tlen xitlahuac.
\q1 Quena, nimitzpaquilismacas ica huicatl.
\q1
\v 2 Nijnequi xitlahuac nimonejnemiltis ipan moojhui,
\q1 huan quema tihualas tinechitaqui,
\q1 ax tinechpantilis niyon se tlamantli tlen ax cuali.
\q1 Nojquiya nimonejnemiltis xitlahuac ipan nochaj.
\q1
\v 3 Ax nijnequi tlamantli tlen nenpolihui huan tlen ax tleno ipati.
\q1 Ax nijchihuas tlamantli tlen ax xitlahuac.
\q1
\v 4 Nijhuejcamajcahuas nochi tlalnamiquistli tlen nechchihuasquía ma nijchihua tlen fiero.
\q1 Ax nijnechcahuis tlamantli tlen ax cuali.
\q1
\v 5 Ax niquijiyohuis tlen quiixtacaijilnamiqui ihuampo.
\q1 Huan axaca nijcahuilis ma mohueyimati huan moyacaquetzas.
\q1
\v 6 Niquinmocuitlahuis nopa tlacame tlen temachme ipan notlal,
\q1 huan niquinnotzas para ma itztoca nohuaya ipan nochaj.
\q1 Huan san tlen nelía monejnemiltíaj xitlahuac,
\q1 niquincahuilis ma nechtequipanoca.
\q1
\v 7 Pero ax niquincahuilis ma itztoca ipan nochaj tlen tlacajcayahuaj huan istlacatij.
\q1
\v 8 Mojmostla ica ijnaloc niquintzontlamiltis nochi tlen ax tleno quitlepanitaj.
\q1 Huan queja nopa niquintlamiltis nochi tlen quichihuaj tlen fiero ipan ialtepe TOTECO.
\c 102
\s1 Itlamaijtol se tlen mocuesohua
\q1
\v 1 ¡TOTECO, xinechtlacaquili quema nimomaijtohua!
\q1 Xijchihua cuenta notlajtol quema nimitztzajtzilía para xinechpalehui.
\q1
\v 2 Amo ximohuejcatlali tlen na ipan nopa hora quema nitlaijiyohuía.
\q1 ¡Ximopacho para tinechtlacaquilis huan nimantzi xinechnanquili quema nimitznotza!
\q1
\v 3 Pampa mojmostla noyolis tlantiya queja poctli.
\q1 Huan noomiyohua nijmachilía queja tlatlasquía.
\q1
\v 4 Tlahuel nimococohua ipan noyolo.
\q1 Ayoc nijpiya chicahualistli.
\q1 Niitztoc queja se xihuitl tlen pilintoc.
\q1 Ayoc nimayana huan niquilcahua para nitlacuas.
\q1
\v 5 Huan pampa tlahuel nitlaayijhuijtoc,
\q1 tlamicuahuaqui nocuetlaxo ipan noomiyo.
\q1
\v 6 Nijmati queja nielisquía nopa tzopilotl tlen nemi ipan nopa tlali campa ax tleno eli,
\q1 o queja cuamojmojtli tlen iselti itztoc ipan huactoc tlali.
\q1
\v 7 Nochi yohuali ayoc nicochi.
\q1 Niitztoc queja nopa tototl tlen nemi iselti huan mosehuía itzonpac se cali.
\q1
\v 8 Nocualancaitacahua mojmostla nechpinajtíaj huan nechtelchihuaj.
\q1
\v 9 Ayoc nijcua pantzi.
\q1 Ama nijcua cuanextli huan tlen niqui momanelohua ica noixayo,
\q1
\v 10 pampa tlahuel ticualantoc ica na.
\q1 Ama tinechtlanantoc huan teipa tinechhuejcamajcajtoc.
\q1
\v 11 Noyolis panoti chicahuac queja tlayohuilotl.
\q1 Huan notlacayo pilinti queja xihuitl.
\q1
\v 12 Pero ta TOTECO, tiitztos para nochipa,
\q1 huan nochi tlen tlacajtiyase para nochipa mitzilnamictose.
\q1
\v 13 Na nijmati para ta timotlalanas huan tihualas para tijtlasojtlaqui altepetl Jerusalén.
\q1 Huan ama ya ajsic tonali para tijtlasojtlas huan tijpalehuis queja tijtlajtolcajtoc.
\q1
\v 14 Pampa motlacajhua tlahuel quinicnelíaj sese tetl ipan itepa Jerusalén,
\q1 huan hasta quitlasojtlaj nopa tlaltejpoctli tlen onca ipan icalles ni altepetl pampa nochi moaxca ta.
\b
\q1
\v 15 Huajca nochi tlaltini huan inintlanahuatijcahua ma huihuipicaca iixtla TOTECO.
\q1 Quena, huihuipicase quema quiitase ihueyitilis.
\q1
\v 16 Pampa TOTECO sampa quicualtlalis altepetl Jerusalén.
\q1 Huan nopano yajaya monextis ica nochi ihueyitilis.
\q1
\v 17 Yajaya quintlacaquilis nopa teicneltzitzi quema momaijtose,
\q1 pampa yajaya nochipa mochixtoc para quintlacaquilis huan quinmacas tlen quitlajtlaníaj.
\q1
\v 18 Niquijcuilohua ya ni para nochi tlen tlacajtiyase teipa ma nojquiya quihueyichihuase TOTECO ipampa nochi tlen quichijtoc.
\q1
\v 19 Pampa TOTECO quihualtlachili tlaltepactli tlen nepa elhuicac campa eltoc itiopa.
\q1 Quena, tlen elhuicac quitlachili tlen onca ipan tlaltepactli.
\q1
\v 20 Huan quintlacaquili quema tlaayijhuiyayaj itlacajhua tlen tlatequipanohuayayaj ipan sequinoc tlaltini.
\q1 Huan quinmanahui imaco miquistli.
\q1
\v 21 Huajca miyac tlacame sampa hualase ipan altepetl Jerusalén para quipaquilismacase TOTECO.
\q1 Quena, quipaquilismacase ipan nochi ni altepetl.
\q1
\v 22 Huan miyac tlanahuatiani tlen ni tlaltepactli hualase para quitequipanose huan quihueyichihuase TOTECO.
\q1
\v 23 Yajaya nechquixtili nochicahualis quema noja polihuiyaya tlajco para nimiquis,
\q1 huan noyolis quichijqui más cototzi.
\q1
\v 24 Pero nijtzajtzili huan niquilhui:
\q1 “NoTeco Dios, ta tiitztoc para nochipa.
\q1 Amo xinechcahuili nimiquis quema noja nechpolohua tlajco imiyaca tonali para niitztos.
\q1
\v 25 Hasta ipejya tonali ta tijtlali itzinpehualtil ni tlaltepactli,
\q1 huan ica moma tijsencajqui elhuicactli.
\q1
\v 26 Yonque nochi tlen tijsencajqui se tonali tlamis,
\q1 ta tiitztos para nochipa.
\q1 Quena, nochi tlen tijchijtoc sosolihuise queja se yoyomitl,
\q1 huan ta tiquinpatlas queja se tlacatl mopatla huan moquentía se iyoyo tlen yancuic,
\q1 huan nopa tlen sosoltic quimajcahua.
\q1
\v 27 Pero ta ax quema tihuehuentiyas.
\q1 Nochipa san se tiitztos.
\q1 Tiitztos para nochipa huan moyolis ax quema tlamis.
\q1
\v 28 Pero tojuanti tlen timotlatequipanojcahua,
\q1 hasta toixhuihua, itztose ica temachili,
\q1 huan hasta iniixhuihua tlen tlacajtiyase itztose cuali moixtla.”
\c 103
\s1 Ma tijpaquilismacaca Toteco ipampa nochi itlatiochihual
\q1
\v 1 Ica nochi noyolo nijpaquilismacas TOTECO yajaya tlen tlatzejtzeloltic.
\q1
\v 2 Quena, nijpaquilismacas TOTECO ica nochi noyolo,
\q1 huan ax niquilcahuas nopa huejhueyi tlamantli tlen nechchihuilijtoc.
\q1
\v 3 Yajaya nechtlapojpolhuía nochi notlajtlacolhua.
\q1 Huan nechchicahua quema nimococohua.
\q1
\v 4 Nechchololtía imaco miquistli.
\q1 Nechyahualohua ica iteicnelijcayo huan ica nochi nopa tlamantli tlen nechchihuilía,
\q1 pampa nechtlasojtla.
\q1
\v 5 Quitemitía noyolis ica tlamantli tlen cuali.
\q1 Huan mojmostla más nijpiya chicahualistli hasta nijpiya tetili queja se hueyi cuajtli.
\q1
\v 6 TOTECO quinchihuilía tlen cuali huan quintlajtolsencahua xitlahuac nochi tlacame tlen tlaijiyohuíaj ininmaco sequinoc.
\q1
\v 7 Toteco quinextili Moisés quejatza eltoc,
\q1 huan quinnextili iisraelita tlacajhua nopa huejhueyi tlamantli tlen quichihua ica ihueyi chicahualis.
\q1
\v 8 TOTECO tetlasojtla miyac huan quipiya hueyi iyolo.
\q1 Yajaya tlahuel huejcahua para pehuas cualanis.
\q1 Ax quema tlami iteicnelijcayo.
\q1
\v 9 Amo xitechtlaijilhui ajachica,
\q1 niyon ax huejcahua cualantoc.
\q1
\v 10 Yajaya ax techtlatzacuiltijtoc queja quinamiqui,
\q1 ipampa nochi totlajtlacolhua,
\q1
\v 11 pampa yajaya quipiya nelhueyi iyolo ica nochi tlen quiimacasij huan quitlepanitaj.
\q1 Quena, iteicnelijcayo nelhueyi queja ihuexca elhuicactli.
\q1
\v 12 Toteco techquixtili totlajtlacolhua huan quitlali huejca tlen tojuanti.
\q1 Quena, quitlali queja ihuejcaca campa quisa tonati huan hasta campa oncalaqui.
\q1
\v 13 Queja se tetata quintlasojtla iconehua,
\q1 queja nopa TOTECO quintlasojtla tlen quiimacasij huan quitlepanitaj.
\q1
\v 14 Pampa Toteco quimati para tojuanti san tielij tlaltejpoctli,
\q1
\v 15 huan toyolis san panotiquisa huan ax huejcahua.
\q1 Toyolis eltoc queja se xihuitl o queja se xochitl.
\q1
\v 16 Quema quiilpitza ajacatl,
\q1 ixpolihui toyolis huan ayoc aca hueli quimati intla nelía tiitztoyaj.
\q1
\v 17 Pero TOTECO mojmostla quinicnelía nochi tlen quiimacasij huan quitlepanitaj.
\q1 Huan quinchihuilis tlen xitlahuac nochi tlacame tlen itztoque ama huan nojquiya ininconehua tlen tlacajtiyase teipa.
\q1
\v 18 Quena, yajaya quinchihuilis tlen cuali inijuanti tlen quichihuaj tlen ica mocajtoque quichihuase,
\q1 huan inijuanti tlen quichihuaj tlen quiijtohuaj itlanahuatilhua.
\q1
\v 19 TOTECO quitlalijtoc isiyaj nepa elhuicac huan nopano mosehuía para tlanahuatis.
\q1 Yajaya quipiya tlanahuatili ica nochi tlen onca.
\q1
\v 20 Xijpaquilismacaca TOTECO nochi imojuanti inielhuicac ejcahua tlen tlahuel intejtetique.
\q1 Quena, imojuanti tlen inquitlacaquilíaj tlen inmechnahuatía huan nimantzi inquichihuaj,
\q1 xijpaquilismacaca.
\q1
\v 21 Quena, xijhueyimatica TOTECO nochi imojuanti inielhuicac ejcahua tlen initztoque queja isoldados.
\q1 Xijhueyimatica imojuanti tlen inquitequipanohuaj huan inquichihuaj tlen yajaya quinequi.
\q1
\v 22 ¡Nochi tlacame huan nochi tlamantli tlen mopantíaj campa hueli ipan nochi itlanahuatilis,
\q1 nochi ma quipaquilismacaca TOTECO!
\q1 Na nojquiya tlahuel nijpaquilismaca.
\c 104
\s1 Toteco quimocuitlahuía tlen quisencajtoc
\q1
\v 1 ¡Na nimitzpaquilismacas, TOTECO!
\q1 ¡TOTECO Dios, nelía tihueyi!
\q1 Campa ta timocahua nochi tlayejyectzi huan cuajcualtzi.
\q1
\v 2 Mitzyahualohua tlahuili tlen onpano yejyectzi.
\q1 Ta tijpatlajqui nopa elhuicactli queja se tlacatl quipatlajtosquía se yoyomitl.
\q1
\v 3 Eltoc queja quema timochanti,
\q1 tijtlali nopa cuatetomitl ipan atl tlen huejcapa,
\q1 huan tijsencajqui nopa mixtli para elisquía mocarros.
\q1 Ta tihueli tinejnemi san ajacatipa.
\q1
\v 4 Tiquintequihuía moelhuicac ejcahua queja motlatitlanilhua huan tiquinchihua ma elica queja tlilelemectli.
\q1
\v 5 Ta cuali tijtlatzquilti ni tlaltepactli para ma ax moijcuenis tlen campa eltoc.
\q1
\v 6 Tijchijqui ma onca tlahuelatl tlen quiixtzajqui nochi tlaltepactli queja elisquía iyoyo.
\q1 Quena, tijchijqui atl ma tlejco hasta quiixtzajqui nochi tepetini.
\q1
\v 7 Pero quema ta ticamatqui huan ticajhuac nopa atl,
\q1 nopa atl motlalojtejqui huan mosejcotilito ipan nopa hueyi atl pampa ta titlahuejchijqui.
\q1
\v 8 Tlejcoque tepetini huan nopa tlamayantini temoque ipan ininlugar campa ta titlanahuati ma mosehuica.
\q1
\v 9 Teipa tiquintlalili ininnepa nopa huejhueyi atl para ayoc quema ma quiixtzacuaca tlali.
\q1
\v 10 Ta tijchijqui atl ma motlalo ipan atlajtli campa tepetini,
\q1 huan ma temotihuala hasta quitemitía campa más tlatzintla nopa tlamayantini campa hueli.
\q1
\v 11 Ica nopa atl tiquinamaca nochi tlapiyalime para ma atlica.
\q1 Ipan nopa atlajtli aixhuij nopa burrojme tlen nemij cuatitla.
\q1
\v 12 Nopa totome quichihuaj inintepasol iteno nopa atlajtli,
\q1 huan huicaj quema itztoque ipan ininmacuayo nopa cuatini.
\q1
\v 13 Ta tijchihua ma huetzi atl ipan tepetini,
\q1 huan tijchihua ma tlaelilti nopa tlali.
\q1
\v 14 Quena, ta Toteco tijchihua ma moscalti sacatl para ma tlacuaca tlapiyalime.
\q1 Huan tijchihua ma onca quilitl,
\q1 cuatlajcayotl huan trigo tlen tlacame quitocaj para ma ica mopanoltica.
\q1
\v 15 Nojquiya tiquinmaca xocomecatl iayo para ma ica yolpactoca,
\q1 huan aceite para ma mopoloca ipan ininxayac,
\q1 huan nojquiya tiquinmaca tlacualistli para ma quipiyaca fuerza.
\q1
\v 16 Ica nopa atl moscaltíaj nopa tiocuatini tlen ta, TOTECO,
\q1 tijtojqui ipan tlali Líbano.
\q1 Nopa cuatini tlahuel huejcapantique huan quipiyaj miyac ininxochiyo.
\q1
\v 17 Ipan nopa cuatini motepasoltíaj nochi tlamantli totome.
\q1 Huan ipan nopa ciprés cuahuitl motepasoltía nopa tototl tlen itoca cigüeña.
\q1
\v 18 Inintzontipac nopa huejhueyi tepetini onca sacatl para nopa chivojme tlen nemij cuatitla.
\q1 Huan imatitla nopa tetini, mochantijtoque nopa pesojme.
\q1
\v 19 Toteco, ta tijchijqui metztli para quinextis ipan tlachque metztli itztoque tlacame.
\q1 Huan nopa tonati tijchijqui para tenextilis sesen tonal.
\q1
\v 20 Ta tijtitlani nopa tzintlayohuilotl huan mochihua yohuali,
\q1 huan quema tlayohua, quisaj nochi tecuanime tlen itztoque ipan cuatitlamitl.
\q1
\v 21 Nopa leones tlen noja conetzitzi nanalcaj pampa mayanaj.
\q1 Huan quitemohuaj nopa tlacualistli tlen ta, Toteco Dios, tiquinmacas.
\q1
\v 22 Quema quisas tonati sampa motlatíaj ipan iniosto.
\q1
\v 23 Huan tlacame quisaj para tlatequipanotij,
\q1 huan tequitij chicahuac hasta tiotlac.
\q1
\v 24 ¡TOTECO, nelía tijchijtoc miyac tlamantli!
\q1 Huan nochi tlamantli tijsencajtoc ica miyac tlalnamiquistli.
\q1 Nejmajtic tlaltepactli temitoc ica miyac tlamantli yejyectzitzi tlen ta tijchijtoc.
\q1
\v 25 Xiquitaca nopa hueyi atl tlen tlahuel patlahuac huan hueyi.
\q1 Nopano itztoque miyac tlamantli tlapiyalime pilsiltzitzi huan huejhueyi.
\q1
\v 26 Nopano nejnemij nopa huejhueyi barcos,
\q1 huan nopano itztoc nopa hueyi tlapiyali itoca leviatán tlen temajmati tlen ta tijchijqui para ma mahuilti ipan hueyi atl.
\q1
\v 27 Nochi ni tlapiyalime mochiyaj ipan ta para xiquintlamaca quema monequi.
\q1
\v 28 Huan quema tiquinmaca inintlacualis,
\q1 inijuanti quiselíaj.
\q1 Ta timomatlapohua ica moteicnelilis huan tiquintlamaca hasta ixhuij ica tlen más cuali.
\q1
\v 29 Pero intla tiquintlahuelcahua, inijuanti mocuesohuaj.
\q1 Huan intla tiquinquixtilía ininyolis, miquij huan mocuepaj tlaltejpoctli.
\q1
\v 30 Huan quema ta tijtitlani moTonaltzi tlen temaca yolistli,
\q1 tlacatij sampayano para sampa ma momiyaquilica huan tlacualnesis ipan ni tlaltepactli.
\b
\q1
\v 31 ¡Ma tijhueyitlalica TOTECO pampa ihueyitilis ax quema tlamis!
\q1 ¡Ma quipanti paquilistli TOTECO ipan nochi tlen quichijtoc!
\q1
\v 32 Quema Toteco quitlachilía tlaltepactli, ni tlaltepactli huihuipica.
\q1 Huan quema quinpanajsi tepetini, inijuanti lemenij.
\q1
\v 33 Nijhuicatis TOTECO nochi tonali tlen niitztos ipan ni tlali.
\q1 Quena, nijpaquilismacas Toteco Dios ica tiohuicatl hasta tlamis niyoltos.
\q1
\v 34 Ma quipacti TOTECO nochi tlen nimoyolilhuía tlen ya,
\q1 huan na nimopaquilismaca ipan ya.
\q1
\v 35 Ma miquica nochi tlen quinpactía tlajtlacolchihuaj ipan ni tlaltepactli.
\q1 Quena, ma ayoc itztoca tlen ax quinequij quitlepanitase TOTECO.
\q1 Pero na nijpaquilismacas ica nochi noyolo.
\q1 ¡Paquilistli!
\c 105
\s1 Nopa huejhueyi tlamantli tlen Toteco quinchihuili israelitame
\q1
\v 1 Xijtlascamatica TOTECO ipampa nochi nopa huejhueyi tlamantli tlen yajaya quichihua.
\q1 Xitepohuilica ipan nochi tlaltepactli tlen yajaya quichijtoc.
\q1
\v 2 ¡Xijhuicatica!
\q1 Quena, xijhuicatica tiohuicatl.
\q1 Xitecamahuica tlacame tlen nopa huejhueyi chicahualnescayotl tlen yajaya quichijtoc.
\q1
\v 3 ¡Ximopaquilismacaca ipan Toteco!
\q1 ¡Quena, xipaquica nochi imojuanti tlen inquihueyichihuaj TOTECO!
\q1
\v 4 Xijtemoca TOTECO huan ichicahualis.
\q1 Quena, nochipa xijtemoca para inquiixmatise más.
\q1
\v 5 Xiquilnamiquica nopa chicahualnescayotl tlen yajaya quichijqui imopampa imojuanti.
\q1 Xiquilnamiquica itlamachtil huan tlen yajaya quiijtojtoc.
\q1
\v 6 Iniixhuihua Abraham tlen itlatequipanojca Toteco,
\q1 huan imojuanti iniconehua Jacob tlen Toteco quitlapejpeni,
\q1 xiquilnamiquica.
\q1
\v 7 Yajaya TOTECO huan yajaya toDios.
\q1 Tlen yajaya tlanahuatijtoc para mochihuas, ya nopa monextía ipan nochi tlaltepactli.
\q1
\v 8 Yajaya ax quema quiilcahuas nopa tlajtolsencahuali tlen quichijqui,
\q1 yonque tlacajtiyase tlacame huan ininconehua huan mil hueltas tlacatise ininteipa ixhuihua,
\q1 yajaya ax quiilcahuas.
\q1
\v 9 Noja eltoc nopa tlajtolsencahuali tlen quichijqui ica Abraham huan Isaac.
\q1
\v 10 Teipa quiompahuij nopa tlajtolsencahuali ica Jacob para ma pano ica nochi israelitame,
\q1 huan elis para inijuanti para nochipa.
\q1
\v 11 Huan Toteco quiijto:
\q1 “Na nimechmacas nopa tlali Canaán para elis imoaxca para nochipa.”
\q1
\v 12 Quinilhui ya ni quema inijuanti noja aya eliyayaj miyac,
\q1 huan san itztoyaj queja paxalohuani ipan tlali Canaán.
\q1
\v 13 Teipa san panotinenque tlen se tlali hasta sejcoyoc,
\q1 huan tlen se tlanahuatilistli hasta seyoc tlanahuatilistli.
\q1
\v 14 Pero ipan nochi nopa tlamantli Toteco ax quincahuili ma quinajsi se tlamantli tlen ax cuali.
\q1 Huan tlanahuatiani tlen quichijque campeca para quinchihuilise tlen fiero,
\q1 Toteco quintlatzacuilti.
\q1
\v 15 Toteco Dios quinilhui:
\q1 “Amo xiquincuatotonica notlacajhua tlen niquintlapejpenijtoc,
\q1 niyon ax tleno xiquinchihuilica notiocamanalojcahua.”
\q1
\v 16 Toteco quititlanqui se hueyi mayantli ipan tlali Canaán,
\q1 huan quinquixtili nochi tlamantli tlacualistli tlen ica mopanoltiyayaj.
\q1
\v 17 Pero teipa Toteco quititlanqui se tlacatl ma quintlayacancuiliti para ma quinmanahuiti itlacajhua tlen nopa mayantli.
\q1 Quena, elqui José tlen quinamacatoyaj para ma tlatequipanoti san tlapic ipan tlali Egipto.
\q1
\v 18 Huan nepa ipan tlatzactli quimetzcocojque quema quimetzilpijque ica tepos mecatl,
\q1 huan quiilpilijque se tepostli ipan iquechtla.
\q1
\v 19 Nopano itztoya José hasta ajsic nopa tonali tlen TOTECO quiixtlalijtoya.
\q1 Quena, Toteco quiyejyeco José para quiitas intla cuali elqui ipan iyolo.
\q1
\v 20 Huajca Faraón tlen eliyaya hueyi tlanahuatijquetl, tlanahuati ma quiquixtica.
\q1 Huan quicajqui ma yahui malacantoc.
\q1
\v 21 Teipa nopa tlanahuatijquetl quitlali ma quinyacana nochi itlatequipanojcahua,
\q1 huan ma quimocuitlahui nochi tlen quipixtoya.
\q1
\v 22 Mocajqui ipan ya ima para quintlatzacuiltis itlatequipanojcahua tlen más hueyi,
\q1 huan para ma quintlalnamicti tlen huehuentzitzi.
\q1
\v 23 Teipa Israel ajsico ipan tlali Egipto,
\q1 huan itztoya nopano ihuaya iconehua ipan tlali Cam.
\q1
\v 24 Huan Toteco tlahuel quinmiyaquili iixhuihua Jacob,
\q1 huan quipixque más chicahualistli,
\q1 huan ax queja inincualancaitacahua tlen quinnahuatiyayaj.
\q1
\v 25 Teipa Toteco quinyolpatlac nopa egiptome,
\q1 huan quinchijqui ma quincocolica nopa israelitame.
\q1 Quena, quincocolijque huan quinchijque ma tlatequipanoca san tlapic.
\q1
\v 26 Pero teipa Toteco quititlanqui itlatequipanojca, Moisés,
\q1 huan Aarón tlen yajaya quintlapejpenijtoya.
\q1
\v 27 Huan inijuanti quichijque huejhueyi tlanescayotl huan chicahualnescayotl ipan tlali Egipto.
\q1
\v 28 Quena, Toteco quititlanqui tzintlayohuilotl ipan nochi nopa tlali,
\q1 pampa ax quichihuilijque cuenta itlanahuatil para ma quincahuaca itlacajhua ma yaca majcajtoque.
\q1
\v 29 Teipa quicuepqui estli nochi atl tlen oncayaya ipan nopa tlali.
\q1 Huan nopa michime mijque.
\q1
\v 30 Teipa quintitlanqui tlahuel miyac tamasolime ipan nochi nopa tlali,
\q1 huan calajque hasta ipan nopa cuarto campa cochqui nopa tlanahuatijquetl.
\q1
\v 31 Teipa quema Moisés camatqui,
\q1 hualajque miyac sayolime.
\q1 Huan atime quitlapachocoj nopa tlali.
\q1
\v 32 Nojquiya ax quintitlanili atl pero quintitlanili huejhueyi tesihuitl.
\q1 Huan tlapetlaniyaya campa hueli ipan nochi nopa tlali.
\q1
\v 33 Huan nopa tesihuitl quinenpolo nochi xocomeca mili, huan higuera cuatini,
\q1 huan quitlami pojpostejqui nopa huejhueyi cuatini.
\q1
\v 34 Teipa Toteco camatqui huan ajsicoj tlahuel miyac chapolime,
\q1 hasta axaca hueliyaya quinpohua.
\q1
\v 35 Huan quicuajque nochi tlamantli xihuitl tlen oncayaya ipan nopa tlali,
\q1 huan nojquiya quitlamicuajque nochi tlamantli pixquistli.
\q1
\v 36 Teipa quinmicti nopa coneme tlen achtohui tlacatque ipan sesen familia tlen tlali Egipto.
\q1 Quinmicti yonque nopa tetatme tlahuel paquiyayaj huan motlepanitayayaj ipampa nopa iniachtohui ejca cone.
\q1
\v 37 Huan Toteco quinquixti itlacajhua ica temachili,
\q1 huan quihuicaque miyac oro huan plata.
\q1 Huan ipan nopa tonali ax mococo niyon se itlaca Toteco.
\q1
\v 38 Huajca nopa egiptome nelía pajque quema quisque nopa israelitame,
\q1 pampa nochi inijuanti tlahuel quinimacasiyayaj.
\q1
\v 39 Toteco quipatlajqui inintzontipa se mixtli para quinecahuilis huan ax quintlatis tonati.
\q1 Huan ica tlayohua quitlaliyaya se tlilelemectli inintzontipa para ma quintlahuili.
\q1
\v 40 Quitlajtlanijque ma quinmaca nacatl para quicuase,
\q1 huan quintitlanili solime.
\q1 Nojquiya quinmacac nopa tlacualistli tlen itoca “maná” tlen huetzqui tlen elhuicac para ica ma ixhuica.
\q1
\v 41 Toteco quitlapo se tetl huan quisqui atl hasta mochijqui queja se atemitl,
\q1 tlen motlalo ipan nopa huactoc tlali campa ax tleno eliyaya.
\q1
\v 42 Pampa yajaya quiilnamijqui tlen ica mocajtoya itlatequipanojca Abraham.
\q1
\v 43 Huajca ica miyac paquilistli Toteco Dios quinquixti itlacajhua tlen quintlapejpenijtoc ipan tlali Egipto.
\q1
\v 44 Huan quinmacac itlacajhua nopa tlaltini tlen elque iniaxca tlacame tlen ax israelitame.
\q1 Huan moaxcatijque ica nochi nopa pixquistli tlen nopano oncayaya.
\q1 Quicuajque cuatlactli tlen sequinoc quitoctoyaj.
\q1
\v 45 Nochi ya ni quichijqui para ma quichijtinemica tlen quinilhuijtoya huan ma quintoquilijtinemica itlanahuatilhua.
\q1 ¡Paquilistli!
\c 106
\s1 Ininyolteticayo israelitame
\q1
\v 1 ¡Paquilistli!
\q1 ¡Ma tijtlascamatica TOTECO pampa yajaya nelía cuali iyolo huan iteicnelijcayo ax quema tlamis ica tojuanti!
\q1
\v 2 ¿Ajqueya huelis quitlamiijcuilos nopa yejyectzitzi chicahualnescayotl tlen TOTECO quichihua?
\q1 ¿Ajqueya huelis tepohuilis nochi tlen quichijtoc Toteco?
\q1
\v 3 Quipiyaj paquilistli nopa tlacame tlen nochipa quichijtinemij tlen cuali huan tlen xitlahuac.
\b
\q1
\v 4 TOTECO, xinechilnamiquis na quema tiquintiochihuas huan tiquinmaquixtis motlacajhua.
\q1
\v 5 Xinechcahuili ma niquitas tlen yejyectzi tiquinchihuilis motlacajhua tlen tiquintlapejpenijtoc.
\q1 Xinechcahuili para nojquiya ma nipaquis ininhuaya.
\q1 Xijcahua ma nimopaquilismacas ica inijuanti tlen moaxcahua.
\b
\q1
\v 6 Tojuanti nojquiya titlajtlacolchijtoque san se queja tohuejcapan tatahua.
\q1 Titlaixpanoque huan tijchijtoque tlen fiero.
\q1
\v 7 Tohuejcapan tatahua ax quimachilijque nopa huejhueyi chicahualnescayotl tlen Toteco quichijqui ipan tlali Egipto.
\q1 Niyon ax quiilnamijque para quipixqui hueyi iyolo ininhuaya.
\q1 Inijuanti moyoltetilijque ica Toteco nepa campa nopa hueyi atl tlen itoca Chichiltic.
\q1
\v 8 Pero Toteco quinmaquixti para ma quitlepanitaca,
\q1 huan tenextili ihueyi chicahualis ipan nochi tlaltepactli.
\q1
\v 9 Quiajhuac nopa hueyi atl tlen itoca Chichiltic huan quinahuati ma motlajcoxelo.
\q1 Huan queja nopa quitlapo se ojtli huactoc queja elisquía huactoc tlali,
\q1 huan quinnahuati tohuejcapan tatahua ma ipan panoca.
\q1
\v 10 Queja nopa quinmaquixti huan quinchololti ininmaco inincualancaitacahua.
\q1
\v 11 Huan nopa atl quinatzonpolihuilti inincualancaitacahua hasta ax mocajqui niyon se tlen ax mijqui.
\q1
\v 12 Huan huajca tohuejcapan tatahua quineltocaque itlajtol tlen Toteco quinilhuijtoya.
\q1 Huan teipa huicaque huan quipaquilismacaque.
\q1
\v 13 Pero sampa nimantzi quiilcajque nochi tlen Toteco quichijtoya.
\q1 Huan ax mochixque para Toteco ma quinmaca consejos.
\q1
\v 14 ¡Axtle! Nepa ipan huactoc tlali quiyejyecojque Toteco Dios ica tlen tlahuel quinequiyayaj ma quinmaca.
\q1 Quena, quifuerzajhuijque ma quinmaca nopa tlacualistli tlen inijuanti quinequiyayaj.
\q1
\v 15 Huajca Toteco quinmacac tlen quitlajtlanijque,
\q1 pero nojquiya quintitlanili cocolistli tlen ica mijque miyac nopa tlacame.
\q1
\v 16 Huan nopano campa quiquejquetztoyaj ininyoyoncal,
\q1 quichicoitaque Moisés,
\q1 huan quichicoitaque Aarón tlen TOTECO quiiyocatlalijtoya para ma eli itotajtzi.
\q1
\v 17 Huajca motlapo tlali huan quintolo Datán, Abiram huan nochi tlen quintoquiliyayaj.
\q1
\v 18 Huan Toteco quititlanqui tlitl tlen elhuicac,
\q1 huan quintlamitlati nopa tlaixpanoca tlacame.
\q1
\v 19 Nepa ipan tepetl Horeb mochihuilijque se becerro tlen oro huan ya nopa quihueyichijque.
\q1
\v 20 Quitlahuelcajque Toteco huan ihueyi chicahualis,
\q1 huan pejque quihueyimatij se becerro tlen oro,
\q1 iixcopinca se tlapiyali tlen quicua xihuitl.
\q1
\v 21 Huan queja nopa quiilcajque ininTeco Dios tlen quinmaquixtijtoya,
\q1 yajaya tlen quichijtoya huejhueyi tlamantli ipan tlali Egipto,
\q1
\v 22 huan ipan nopa hueyi atl tlen itoca Chichiltic.
\q1
\v 23 Huajca Toteco quiijto para quintzontlamiltisquía,
\q1 pero Moisés tlen Toteco quitlapejpenijtoya motlajcoquetzqui,
\q1 huan quitlajtlani Toteco para ma ax quintzontlamilti ica ihueyi cualancayo.
\q1
\v 24 Teipa nopa israelitame ax quinejque calaquise ipan nopa tlali tlen nelía cuali,
\q1 pampa ax quineltocaque para Toteco quinmocuitlahuisquía.
\q1
\v 25 Huan ipan ininchajchaj pejque quiilnamiquij TOTECO huan ax quitlacaquilijque tlen quinilhuiyaya ma quichihuaca.
\q1
\v 26 Yeca Toteco Dios momatlalanqui huan tlatestigojquetzqui para quintzontlamiltisquía ipan nopa huactoc tlali.
\q1
\v 27 Quiijto para ininconehua quinsemanasquía huan quintitlanisquía,
\q1 ipan sequinoc tlaltini para ma itztotij queja sequinoc altepetl ehuani.
\q1
\v 28 Nojquiya ipan tlali Peor tohuejcapan tatahua mosejcotilijque ininhuaya tlen quihueyichihuayayaj Baal,
\q1 huan hasta quinmacaque tlacajcahualistli mijcatzitzi.
\q1
\v 29 Huan ica ya ni quicualancamacaque Toteco.
\q1 Yeca Toteco quititlanqui se hueyi cocolistli ininpani huan miyaqui mijque.
\q1
\v 30 Huan Finees moneltlali huan motlalanqui,
\q1 huan quinmicti nopa tlacame tlen ica inintlajtlacolhua quichijtoyaj ma huala nopa cocolistli.
\q1 Huan ica ya nopa moquetzqui nopa cocolistli.
\q1
\v 31 Huan ni cuali tlamantli quichijqui Finees para ma quiilnamictoca para nochipa queja se tlacatl tlen cuali.
\q1
\v 32 Nojquiya campa atl Meriba,
\q1 nopa israelitame quicualancamacaque Toteco.
\q1 Quena, ininpampa inijuanti, Toteco cualanqui ica Moisés.
\q1
\v 33 Pampa quichijque ma cualani Moisés,
\q1 huan ma camatitiquisa ica tlen ax monequiyaya.
\q1
\v 34 Huan nojquiya nopa israelitame ax quintzontlamiltijque nochi nopa altepetini,
\q1 ipan nopa tlaltini tlen TOTECO quinnahuatijtoya ma quixolehuaca.
\q1
\v 35 San achi más mosejcotilijque ininhuaya tlen ax quitlepanitayayaj Toteco,
\q1 huan nojquiya quichijque tlen inijuanti momajtoyaj quichihuaj.
\q1
\v 36 Quinhueyimatque ininteteyohua,
\q1 huan mohuejcatlalijque tlen Toteco,
\q1 huan ica ya nopa mopolojque.
\q1
\v 37 Hasta quinmictijque ininconehua queja se tlacajcahualistli para iajacahua Axcualtlacatl.
\q1
\v 38 Huan pampa quinmictijque ininconehua tlen ax tleno quichijtoyaj para quinmacase nopa teteyome tlen tlali Canaán,
\q1 quinenpolojque nopa tlali ica inieso.
\q1
\v 39 Huan inijuanti nojquiya monenpolojque ica nochi tlamantli fiero tlen quichijque.
\q1 Pampa quema quinhueyichihuayayaj teteyome,
\q1 Toteco Dios quinitayaya queja elisquía momecatiyayaj ica seyoc tlen ax ininnamic.
\q1
\v 40 Yeca TOTECO tlahuel cualanqui ica itlacajhua,
\q1 huan ayoc quinejqui quinitas.
\q1
\v 41 Huan quintemactili ininmaco inincualancaitacahua tlen ehuayayaj ipan nopa tlaltini tlen ax quitlepanitayayaj Toteco,
\q1 para nopa tlacame ma quinnahuatica.
\q1
\v 42 Huan quena, inincualancaitacahua quintlaijiyohuiltijque
\q1 huan tlahuel quincocojque pampa itztoyaj ininmaco.
\q1
\v 43 Miyac huelta Toteco quinmanahui,
\q1 pero inijuanti quisenhuiquiliyayaj moyoltetilíaj ica ya.
\q1 Yeca teipa quicahuili ma motzontlamiltica ipampa inintlajtlacolhua.
\q1
\v 44 Pero yonque ya nopa quichihuayayaj,
\q1 Toteco quintlacaquiliyaya quema quitzajtziliyayaj,
\q1 huan quinpalehuiyaya quema tlacame quintlaijiyohuiltiyayaj.
\q1
\v 45 Quena, quiilnamiquiyaya nochi tlen quintlajtolcahuilijtoya para quinchihuilis.
\q1 Yeca quintlasojtlac huan moyolcuepqui pampa tlahuel quinicneliyaya.
\q1
\v 46 Huan hasta quichijqui para inincualancaitacahua tlen quintlaijiyohuiltiyayaj,
\q1 ma nojquiya quintlasojtlaca.
\b
\q1
\v 47 ¡TOTECO Dios, xitechmaquixti tlen tocualancaitacahua!
\q1 Sampa xitechsentili tlen campa hueli tlaltini para tihuelise timitztlascamatise ta tlen titlatzejtzeloltic,
\q1 huan para huelis tipaquise huan timitzhueyimatise.
\b
\q1
\v 48 Ma tijpaquilismacaca TOTECO Dios para nochipa,
\q1 yajaya tlen toTeco tiisraelitame.
\q1 Nochi itlacajhua ma quiijtoca:
\q1 “¡Queja nopa ma eli! ¡Paquilistli!”
\c 107
\s1 Toteco quinmanahuía tlacame
\q1
\v 1 ¡Xijtlascamatica TOTECO pampa yajaya nelía cuali!
\q1 ¡Iteicnelilis ax quema tlamis!
\q1
\v 2 Nochi imojuanti tlen TOTECO inmechmanahuijtoc, xitepohuilica.
\q1 Quena, xitepohuilica para yajaya inmechmaquixtijtoc ininmaco imocualancaitacahua.
\q1
\v 3 Yajaya quinsentilijtoc nochi nopa tlacame tlen itztoyaj campa hueli ipan tlaltepactli.
\q1 Quinsentili tlen itztoyaj ica ajco, ica tlani,
\q1 ica campa quisa tonati huan ica campa calaqui.
\q1
\v 4 Sequin nentinenque ipan huactoc tlali,
\q1 niyon ax quipiyayayaj ininchaj,
\q1 niyon ax quipixque se altepetl para ipan itztose.
\q1
\v 5 Amictinemiyayaj huan mayantinemiyayaj,
\q1 hasta quimachiliyayaj para miquisquíaj pampa ayoc quipiyayayaj chicahualistli.
\q1
\v 6 Huajca quitzajtzilijque TOTECO para ma quinpalehui,
\q1 huan yajaya quinpalehui.
\q1
\v 7 Quinyacanqui xitlahuac ipan se ojtli tlen temachtli.
\q1 Huan quinhuicac ipan se altepetl para nopano ma itztotij.
\q1
\v 8 Xijhueyimatica TOTECO pampa yajaya tlahuel tetlasojtla,
\q1 huan quichihua huejhueyi tlamantli tlen nochi quisentlachilíaj.
\q1
\v 9 Pampa Toteco quitlamaca tlen teicneltzi huan mayantinemi.
\q1 Quiaixhuitis tlen amictinemi.
\q1
\v 10 Sequin inijuanti itztoyaj ipan tzintlayohuilotl ipan tlatzactli huan nechca para miquise.
\q1 Itztoyaj ilpitoque ica tepos mecatl.
\q1
\v 11 Ya nopa ininpantic pampa inijuanti moyoltetilijque ica tlen TOTECO quinnahuatijtoya,
\q1 huan ax quitlacaquilijque Toteco Tlen Más Hueyi.
\q1
\v 12 Yeca Toteco quincajqui ma tlaijiyohuica ipan nopa tequitl tlen tlahuel teticayo.
\q1 Quena, huetzque huan axaca quinpalehui para sampa motlalanase.
\q1
\v 13 Huajca quema ayoc quimatiyayaj tlachque quichihuase ica nopa tlaijiyohuilistli,
\q1 quitzajtzilijque TOTECO,
\q1 huan yajaya quinmanahui tlen nopa tlaijiyohuilistli.
\q1
\v 14 Quinquixti ipan nopa tzintlayohuilotl huan quinmanahui para ax miquise.
\q1 Huan quicotonqui nopa tepos mecatl tlen ica quinilpitoyaj.
\q1
\v 15 Xijhueyimatica TOTECO pampa yajaya tlahuel tetlasojtla huan quichihua huejhueyi tlamantli tlen ica tlacame san quisentlachilíaj.
\q1
\v 16 Pampa yajaya quitlapanqui nopa puertas tlen bronce ipan tlatzacme,
\q1 huan quihuejhuelo nopa tepostli tlen ica quitzacuayayaj nopa puertas.
\q1
\v 17 Sequin tlacame tlahuel mohualiquilijque tlaohuijcayotl,
\q1 pampa moyoltetilijque ica Toteco huan quiixpanoque.
\q1
\v 18 Huan ipan nopa tlaijiyohuilistli ayoc mayanayayaj ipampa inincocolis huan pampa itztoyaj nechca para miquise.
\q1
\v 19 Pero quema ayoc quimatiyayaj tlachque quichihuase ica nopa tlaijiyohuilistli,
\q1 quitzajtzilijque TOTECO huan yajaya quinmanahui.
\q1
\v 20 Toteco camatqui huan mochicajque.
\q1 Huan queja nopa quinmaquixti para ax miquise.
\q1
\v 21 Xijhueyimatica TOTECO pampa yajaya tlahuel tetlasojtla huan quichihua huejhueyi tlamantli tlen nochi quisentlachilíaj.
\q1
\v 22 Xijpaquilismacaca Toteco huan yajaya quiitas queja elisquía se tlacajcahualistli.
\q1 Huan xihuicaca huan xitepohuilica nochi tlen yajaya quichijtoc.
\q1
\v 23 Nopa tlacame tlen nemij ica ininbarcos ipan hueyi atl,
\q1 huan yahuij ipan nochi tlaltepactli para tlanamacase huan tlacohuase,
\q1
\v 24 nojquiya quiitztoque nopa yejyectzitzi tlamantli tlen TOTECO quichijtoc ipan atl.
\q1
\v 25 Quiitztoque quema TOTECO camatqui huan quichijqui ma motlalana se ajacatl tlen chicahuac,
\q1 huan quitlalanqui nopa atl.
\q1
\v 26 Nopa barcos motlalanayayaj huan sampa atzintla huetziyayaj.
\q1 Huan nopa tlacame tlen itztoyaj ipan nopa barcos pejque huihuipicaj huan majmahuij.
\q1
\v 27 Inijuanti huihuipicaque huan momimilojque queja ihuintini,
\q1 huan ayoc quimatque tlachque quichihuase.
\q1
\v 28 Huajca quema itztoyaj ipan tlaohuijcayotl,
\q1 quitzajtzilijque TOTECO,
\q1 huan yajaya quinmaquixti tlen quincuesolmacayaya.
\q1
\v 29 Quema tlaahuetziyaya huan tlaajacayaya chicahuac,
\q1 yajaya quitlacahualti nopa hueyi atl para ma ayoc molini,
\q1 huan mochijqui itlajtol.
\q1
\v 30 Huan inijuanti pajque miyac quema quiitaque ya moquetzqui nopa atl.
\q1 Huan queja nopa Toteco quinyacanqui ica yejyectzi hasta nopa ateno campa monequi ajsise ica ininbarcos.
\q1
\v 31 Ma quihueyimatica TOTECO pampa yajaya tlahuel tetlasojtla,
\q1 huan quichihua huejhueyi tlamantli tlen nochi quisentlachilíaj.
\q1
\v 32 Ma quipaquilismacaca Toteco tlamiyacapa iniixtla nochi tlacame huan iniixtla nopa huehue tlacame tlen tlayacanaj ipan nopa tlali.
\q1
\v 33 Toteco quinhuatztoc miyac atemitl huan quinchijtoc queja huactoc tlali.
\q1 Nojquiya hueli quinhuatza campa meya atl.
\q1
\v 34 Nopa cuali tlali tlen tlahuel tlaeliltía quichijtoc ma ayoc tlaelilti.
\q1 Huan ya ni quichijqui ipampa inintlajtlacolhua nopa tlacame tlen itztoyaj nopano.
\q1
\v 35 Pero nojquiya nopa huactoc tlali campa ax tleno eli quichijqui ma tlaelilti.
\q1 Nojquiya quichijqui ma quipiya miyac atl tlen meya campa hueli.
\q1
\v 36 Huan quinhuicac nopa tlacame tlen mayantinemiyayaj para ma itztoca nopano,
\q1 huan ma quichihuaca inialtepe.
\q1
\v 37 Nojquiya quichijqui para ma tocaca ipan mila,
\q1 huan ma quichihuaca xocomeca mili,
\q1 huan ma quipixcaca tlahuel miyac inintlajca.
\q1
\v 38 TOTECO tlahuel quintiochijqui.
\q1 Nojquiya momiyaquilijque huan quinpixque miyac ininhuacaxhua.
\q1
\v 39 Teipa pejqui caxani ininmiyaca nopa tlacame,
\q1 huan nochi mocajque teicneltzitzi,
\q1 pampa quinajsic tlaohuijcayotl,
\q1 cuesoli huan tlaijiyohuilistli.
\q1
\v 40 Huan yajaya quinicnotlali nopa tlayacanani tlen mohueyimatiyayaj,
\q1 huan quinchijqui ma mocuapoloca campa ax oncac ojtli huan ax quimatque campa yahuiyayaj.
\q1
\v 41 Pero yajaya quinmanahui nopa teicneltzitzi.
\q1 Quinmiyaquili ininconehua queja elisquíaj pilborregojtzitzi hasta mochijque onpanoc miyac.
\q1
\v 42 Ma quiitaca nochi tlen quichijtoc TOTECO nochi tlen nemij xitlahuac iixtla,
\q1 huan ma paquica.
\q1 Pero nochi nopa fiero tlacame ma mocamatzacuaca.
\q1
\v 43 Tlacame tlen tlalnamiquini quimachilise nochi ni tlamantli tlen Toteco quichijtoc,
\q1 huan quiajcocuise ipan ininyolo.
\q1 Inijuanti moyolilhuise quejatza TOTECO quintlasojtlatihualajtoc itlacajhua.
\c 108
\s1 David quitlajtlani Toteco para itlapalehuil
\q1
\v 1 ¡NoTeco Dios, noyolo mocualtlalijtoc para nimitzhueyimatis!
\q1 Nipaquis huan nihuicas tiohuicatl moixtla ica nochi noyolo.
\q1
\v 2 ¡Quena, na nihuicas huan nitlatzotzonas ipan noguitarra huan noarpa!
\q1 Ica paquilistli na nihuicas ijnaltzi quema aya tlanesi.
\q1
\v 3 Nimitzpaquilismacas, TOTECO,
\q1 campa hueli iniixtla tlacame tlen nochi altepetini,
\q1 huan nimitzhueyimatis iniixtla tlacame tlen nochi tlaltini.
\q1
\v 4 Pampa ta tlahuel titemachtli huan onpano miyac moteicnelijcayo,
\q1 hasta quionajsi ihuejcapanca elhuicactli.
\q1
\v 5 Ma nochi mitzhueyimatica nepa elhuicac, Toteco Dios.
\q1 Huan ipan nochi tlaltepactli ma quisentlachilica tlacame mohueyitilis.
\q1
\v 6 Xijtlacaquili quejatza mitztzajtzilíaj moconehua tlen tiquinicnelía.
\q1 Xihuala ica miyac chicahualistli huan xinechmanahuiqui.
\b
\q1
\v 7 Toteco Dios camatqui ipan itiopa huan quiijto:
\q1 “Ica paquilistli nijxelos tlali Siquem huan nopa tlamayamitl tlen itoca Sucot.
\q1
\v 8 Pampa na noaxca tlali Galaad huan Manasés.
\q1 Nosoldados hualase ipan tlali Efraín.
\q1 Huan notlanahuatijcahua hualase ipan tlali Judá.
\q1
\v 9 Pero tlen itztoque ipan tlali Moab huan Edom nechtequipanose,
\q1 huan nitzajtzis ica paquilistli quema niquintlantos nopa filisteos.”
\q1
\v 10 ¿Ajqueya nechmacas chicahualistli para niquintlanis nopa altepetini tlen moyahualtzactoque ica tepamitl?
\q1 ¿Ajqueya nechyacanas para nicalaquis ipan tlali Edom?
\b
\q1
\v 11 ¿Atlac titechtlahuelcajtoc? ¿Ax elis ta, tiToteco Dios, tlen titechyacanas huan tiyas ica nosoldados para titlatehuitij?
\q1
\v 12 Xitechpalehui para tiquintlanise tocualancaitacahua pampa san motlapalehuil ipati.
\q1 Ax ipati yonque miyac tlacame techpalehuisquíaj intla ta, axtle.
\q1
\v 13 Pero ica ta motlapalehuil tijchihuase huejhueyi tlamantli.
\q1 Pampa san mopampa ta ipan hueli timoquejquetzase tocualancaitacahua.
\c 109
\s1 David momaijto para Toteco ma quintlatzacuilti icualancaitacahua
\q1
\v 1 NoTeco Dios tlen nimitzhueyitlalía,
\q1 xinechnanquili quema nimomaijtohua ica ta,
\q1 amo san xitlacacto.
\q1
\v 2 Pampa nopa tlajtlacolchijca tlacame nechijilnamiquij huan nechistlacahuíaj.
\q1
\v 3 Inijuanti nechcocolíaj huan nechyahualohuaj para nechilhuise tlajtoli tlen ax monequi.
\q1 Nechtehuíaj yonque ax tleno niquinchihuilijtoc.
\q1
\v 4 Na niquinicnelía huan nimomaijtohua para tiquintiochihuas.
\q1 Pero yonque ya nopa nijchihua,
\q1 noja más quichihuaj campeca para nechtzontlamiltise.
\q1
\v 5 Na niquinchihuilía tlen cuali,
\q1 pero inijuanti nechtlaxtlahuíaj ica tlen ax cuali.
\q1 Yonque niquinicnelía, inijuanti nechcocolíaj.
\b
\q1
\v 6 NoTeco, xiquintlali imaco se tlen fiero.
\q1 Se tlen quimati tetlatelhuía ma quinhuica iixtla se juez tlen fiero para ma quintlajtolsencahua.
\q1
\v 7 Huan quema ya quintlajtolsencajtose, xijchihua para nochi quimatise para quihuicaj tlajtlacoli.
\q1 Huan quema momaijtohuaj, xiquita queja elisquía tlajtlacolchihuaj.
\q1
\v 8 Nimitztlajtlanía para iyolis nocualancaitaca ma ax huejcahua ipan ni tlaltepactli.
\q1 Huan seyoc tlacatl ma quichihua nopa tequitl tlen yajaya quichihuayaya.
\q1
\v 9 Iconehua ma mocahuaca icnotzitzi huan isihua ma mocahua cahuali.
\q1
\v 10 Iconehua ma monejnencaquixtica huan ma motlaejehuijtinemica.
\q1 Ma quitemoca tlacualistli huejca tlen ininchaj tlen ya tlamisosolijtoc.
\q1
\v 11 Ma quitlamitlacuijcuilica tlen quitlatlanejtiyayaj,
\q1 huan tlen sejcoyoc ehuani ma quiquixtilica nochi tlen quitlantoc ica itequi.
\q1
\v 12 Axaca ma quipalehui ica niyon se tlamantli huan axaca ma quintlasojtla iconehua tlen icnotzitzi.
\q1
\v 13 Ma miquica nochi iconehua.
\q1 Ma tlamiixpolihuica huan ayoc aca ma quinilnamiqui inintoca.
\q1
\v 14 TOTECO, amo xiquilcahua nochi inintlajtlacolhua itatahua huan inanahua.
\q1 Huan amo xiquintlapojpolhui.
\q1
\v 15 Ma mocahua inintlajtlacolhua moixtla, TOTECO,
\q1 pero ayoc aca ma quinilnamiqui nopa tlacame ipan ni tlaltepactli.
\q1
\v 16 Pampa inijuanti ax quinejque quipalehuise ininhuampo.
\q1 Nojquiya quintojtocaque tlen teicneltzitzi huan quinmictijque tlen mocuesohuayayaj.
\q1
\v 17 Quinpactiyaya quintelchihuase ininhuampo.
\q1 Huajca ama ta nojquiya xiquintelchihua.
\q1 Ax quema quintiochijque sequinoc,
\q1 huajca ama nojquiya amo xiquintiochihua.
\q1
\v 18 Nopa tlatelchihualistli tlahuel quinpactía pampa eltoc ipan nochi tlen quichihuaj.
\q1 Tlatelchihuaj mojmostla queja mojmostla moquentíaj ininyoyo,
\q1 o quiij atl o quicuaj se tlacualistli tlen ajhuiyac.
\q1
\v 19 Huajca ama ipani ma huetzi nopa tlatelchihualistli,
\q1 queja elisquía se yoyomitl tlen quinpantzacuas o queja inintzinquechilpica.
\b
\q1
\v 20 Queja nopa, TOTECO, xiquintlaxtlahui nopa nocualancaitacahua tlen nechistlacahuíaj,
\q1 huan tlen quinequij nechmictise.
\q1
\v 21 Pero TOTECO, ta tlen tinoTeco,
\q1 xinechchihuili queja nielisquía nimocone tlen nijhuica motzonquisca.
\q1 Yeca xinechchololti imaco nocualancaitaca pampa ta titemachtli huan tinelcuali.
\q1
\v 22 Na nitlaijiyohuía huan tlahuel monequi motlapalehuil,
\q1 Tlahuel nechcocohua noyolo.
\q1
\v 23 Niyajtinemi para nimiquis huan nitlaijiyohuía queja se chapoli tlen quimajcahua se tlacatl.
\q1
\v 24 Notlancua ayoc quipiya chicahualistli pampa tlahuel nimosajtoc.
\q1 Huan notlacayo ayoc nacayo.
\q1
\v 25 Nochi tlacame ipan tlaltepactli nechhuetzquilíaj.
\q1 Yeca nochi tlen nechitaj quiojoliníaj inintzonteco huan nechpinajtíaj.
\q1
\v 26 ¡TOTECO Dios, xinechpalehui!
\q1 ¡Xinechmaquixti pampa ta tlahuel titetlasojtla!
\q1
\v 27 Xinechmaquixti tlamiyacapa,
\q1 para nochi ma quimatica tlen ta tijchijtoc, TOTECO.
\q1
\v 28 Huan teipa intla nechtelchihuaj, ax quenijqui,
\q1 pampa ta tinechtiochihuas.
\q1 Intla motlalanase ica na,
\q1 mopinahuase,
\q1 huan na nijsenhuiquilis nimopaquilismacas,
\q1 pampa na nimotlatequipanojca.
\q1
\v 29 Ma mopinahualtica tlamiyacapa inijuanti tlen nechistlacahuíaj.
\q1 Quena, xiquinpinahualti.
\b
\q1
\v 30 Pero na ajachica nijtlascamatis TOTECO,
\q1 huan nijpaquilismacas iniixtla nochi tlacame.
\q1
\v 31 Pampa yajaya itztoc ininhuaya tlen teicneltzitzi para quinmanahuis ininmaco inincualancaitacahua.
\c 110
\s1 Toteco quimaca tequihuejcayotl nopa tlanahuatijquetl
\q1
\v 1 TOTECO quiilhui nohueyiTeco:
\q1 “Ximosehui nica ica nonejmatl hasta nimitzmactilis mocualancaitacahua para xiquinnahuati.”
\q1
\v 2 TOTECO quichihuas para titlanahuatis tlen altepetl Jerusalén,
\q1 huan tiquinnahuatis mocualancaitacahua tlen campa hueli itztoque.
\q1
\v 3 Huan ipan nopa tonali quema titlatehuis huan monextis mochicahualis,
\q1 motlacajhua hualase campa ta huan motencahuase para tlatehuise para ta ica miyac paquilistli.
\q1 Moyoyontijtose ica ininyoyo tlen tlatzejtzeloltic para mitztequipanose,
\q1 huan ta tijpiyas yancuic chicahualistli mojmostla,
\q1 queja huetzi nopa yancuic ajhuechtli ica ijnaloc.
\q1
\v 4 TOTECO tlatestigojquetzqui huan ax moyolpatlas ica tlen quiijtojtoc quichihuas.
\q1 Quena, yajaya quiijtojtoc para ta tielis titotajtzi para nochipa queja Melquisedec.
\q1
\v 5 Toteco itztoc campa monejmatl para mitzmocuitlahuis.
\q1 Ipan nopa tonali quema yajaya tlahuel cualanis,
\q1 quintzontlamiltis miyac tlanahuatiani.
\q1
\v 6 Quintlatzacuiltilis miyac tlacame ipan nochi tlaltini,
\q1 huan quintemitis nopa tlaltini ica mijcatzitzi.
\q1 Miyac tlacame quincuaxamanis ipan miyac tlaltini.
\q1
\v 7 Pero ipan ojtli yajaya atlis ipan miyac atlajtini,
\q1 huan nopa atl quifuerzajmacas huan quiseseltis.
\c 111
\s1 Toteco quinmocuitlahuía itlacajhua
\q1
\v 1 ¡Paquilistli!
\q1 Ica nochi noyolo nijnequi nijtlascamatis TOTECO,
\q1 campa mosentilíaj tlacame tlen itztoque xitlahuaque.
\q1
\v 2 Huejhueyi tlamantli quichijtoc TOTECO.
\q1 Nochi tlen quiicnelíaj ma moyolilhuica tlen nochi ni tlamantli tlen quichijtoc.
\q1
\v 3 Pampa tlahuel yejyectzi nochi nopa huejhueyi chicahualnescayotl tlen quichihua.
\q1 Huan technextilía ihueyitilis huan para yajaya nochipa quichihua tlen xitlahuac.
\q1
\v 4 TOTECO quichijtoc huejhueyi tlamantli tlen axaca huelis quiilcahuas.
\q1 Quichijtoc tlamantli tlen technextilía para techicnelía huan para yajaya quipiya hueyi iyolo ica tojuanti.
\q1
\v 5 Yajaya quinmaca tlacualistli nochi tlen motemachíaj ipan ya.
\q1 Huan ax quema quiilcahuas tlen techtlajtolcahuilijtoc techchihuilis.
\q1
\v 6 Toteco quinextijtoc ihueyi chicahualis ica itlacajhua pampa yajaya quinmacac nopa tlali Israel,
\q1 yonque achtohuiya eliyaya iniaxca sequinoc tlamantli tlacame.
\q1
\v 7 Nochi tlen Toteco quichihua eltoc senquistoc xitlahuac huan cuali.
\q1 Huan nochi itlanahuatilhua nelía temachtli.
\q1
\v 8 Para nochipa technextilía tlen melahuac huan tlen xitlahuac,
\q1 huan monequi tijchihuase tlen melahuac huan tiquinneltocase.
\q1
\v 9 TOTECO ya tlaxtlajtoc nochi para quinmanahuis itlacajhua.
\q1 Huan quinilhuijtoc itlacajhua para quichihuas nochi tlen quintencajqui ipan nopa tlajtol sencahuali.
\q1 ¡Toteco nelía tlatzejtzeloltic huan temajmati!
\q1
\v 10 Para tipehuase tijpiyase tlalnamiquistli,
\q1 achtohui monequi tiquimacasise huan tijtlepanitase Toteco Dios.
\q1 Mochihuaj nelía tlalnamiquini nopa tlacame tlen quintlepanitaj itlanahuatilhua.
\q1 Ma tijpaquilismacaca para nochipa.
\c 112
\s1 Toteco quinhueyitlalía tlen quihueyitlepanitaj
\q1
\v 1 ¡Miyac paquilistli quipiya nopa tlacatl tlen quiimacasi TOTECO!
\q1 Quena, nochi tlen quinpactía quichijtinemise tlen quiijtohuaj itlanahuatilhua Toteco tlahuel paquij.
\q1
\v 2 Iniixhuihua ni tlacame quipantise tlatlepanitacayotl campa hueli,
\q1 Pampa Toteco quintiochihua hasta iixhuihua se tlen monejnemiltía xitlahuac iixtla.
\q1
\v 3 Ipan ichaj se tlacatl tlen quintlepanita itlanahuatilhua Toteco,
\q1 mopantis ica miyac tlamantli tlen cuali huan patiyo.
\q1 pampa nopa tlen yajaya quichihua tlen xitlahuac huan cuali,
\q1 ax quema quiilcahuase.
\q1
\v 4 Ni tlacatl itztoc queja se tlahuili tlen tlahuía ipan tzintlayohuilotl.
\q1 Yajaya tetlasojtla huan teicnelía huan techihuilía tlen xitlahuac.
\q1
\v 5 Se tlacatl tlen cuali iyolo tetlasojtla huan tetlanejtía tlen quipiya.
\q1 Nochi tlen quichihua quisa cuali,
\q1 huan quiyacana xitlahuac nochi tlamantli tlen eltoc imaco.
\q1
\v 6 Se tlacatl tlen quej ni quichihua,
\q1 ax huetzis quema hualas tlaohuijcayotl.
\q1 Tlacame tlen cuajcualme quiilnamiquise para nochipa.
\q1
\v 7 Yajaya ma ax majmahui yonque quiyolmelahuaj tlen se tlajtoli tlen temajmatía,
\q1 pampa yajaya senquistoc motemachijtoc ipan TOTECO para quimocuitlahuis.
\q1
\v 8 Yajaya quipiya temachili ipan iyolo huan ax majmahuis.
\q1 San mosemacas huan motehuis chicahuac ica icualancaitacahua.
\q1
\v 9 Yajaya quinpalehuía miyac tlen teicneltzitzi huan ax tleno quipiyaj.
\q1 Ipampa nochi nopa tlamantli cuali tlen quichihua,
\q1 ax quema quiilcahuase tlacame.
\q1 Nochi quicualitase huan quitlepanitase.
\q1
\v 10 Quema nopa fiero tlacame quiitase ni cuali tlacatl huan quejatza tlacame quitlepanitaj,
\q1 cualanise chicahuac hasta tlanhuehuechocase pampa quichicoitase.
\q1 Pero teipa san quisase ipan pinahualistli pampa momacase cuenta para ayoc tleno hueli quichihuase.
\c 113
\s1 Toteco quitlalana se tlen teicneltzi
\q1
\v 1 ¡Xijpaquilismacaca TOTECO!
\q1 ¡Quena, nochi imojuanti tlen initlatequipanojcahua TOTECO, xijhueyimatica!
\q1
\v 2 Ma tijhueyimatica TOTECO ama huan para nochipa.
\q1
\v 3 Quena, nochi tlacame tlen campa quisa tonati hasta campa oncalaqui ma quihueyimatica TOTECO.
\q1
\v 4 TOTECO quipiya tlanahuatili ica nochi tlen itztoque ipan nochi tlaltini.
\q1 Huan ihueyitilis conpano elhuicactli.
\q1
\v 5 ¿Ajqueya seyoc más hueyi queja TOTECO toDios tlen mosehuía nepa huejcapa para tlanahuatis?
\q1
\v 6 Tlatzintla tlen ya eltoc elhuicactli huan tlaltepactli.
\q1 Huan yajaya mohuijtzoma para tlachiyas ipan ni tlaltepactli.
\q1
\v 7 Huan quitlalana nopa teicneltzi tlen eltoc queja masitoc ipan soquitl tlen huejcatla.
\q1 Huan tlen huetztoc campa quitepehuaj tlasoli quitlalana huan quisehuía campa cuali.
\q1
\v 8 Quena, quitlalana huan quisehuía ininhuaya huejhueyi tlacame
\q1 tlen quinyacanaj ialtepe ehuani.
\q1
\v 9 Yajaya quichihua para nopa sihuatl tlen ax quema conepixqui
\q1 ma quinpiya iconehua huan ichaj.
\q1 Quena, quichihua ma eli se tenantzi tlen senpactoc.
\q1 ¡Paquilistli!
\c 114
\s1 Tlen Toteco quinchihuili nopa israelitame ipan tlali Egipto
\q1
\v 1 Huejcajquiya quema nopa israelitame quisque ipan tlali Egipto,
\q1 campa nopa tlacame camatij seyoc tlajtoli,
\q1
\v 2 hualajque huan quichijque itiopa Toteco ipan tlali Judá para nopano ma mocahua ininhuaya,
\q1 huan nochi tlali Israel eltoya itlal campa nojquiya yajaya tlanahuati.
\q1
\v 3 Quema nopa Hueyi Atl Chichiltic quinitac hualahuij nopa israelitame,
\q1 nimantzi moisihuilti huan motlapo para ma panoca campa tlahuactoc.
\q1 Nojquiya nopa atemitl Jordán motlapo para ma panoca.
\q1
\v 4 Nochi paquiyayaj hasta elqui queja nopa tepetini tzicuinque ica paquilistli queja chivojme,
\q1 huan nopa tlaixtemolis tzicuinque queja pilborregojtzitzi.
\q1
\v 5 ¿Tlachque panoc ica nopa Hueyi Atl Chichiltic?
\q1 ¿Para tlen motlajcoxelo?
\q1 Huan nopa atemitl Jordán, ¿para tlen moquetzqui?
\q1
\v 6 Huan nopa tepetini, ¿para tlen tzicuinque queja chivojme?
\q1 Huan nochi tlaixtemolistli,
\q1 ¿para tlen tzicuinque queja pilborregojtzitzi?
\q1 Elqui pampa nochi tlahuel quitlepanitaj Toteco.
\q1
\v 7 Nochi tlaltepactli huihuipica iixtla TOTECO,
\q1 yajaya tlen iTeco Jacob,
\q1
\v 8 pampa yajaya quichijqui para ipan nopa tetl ma meya atl.
\q1 Quena, yajaya quiquixti atl ipan nopa tetl huan mochijqui queja se atemitl.
\c 115
\s1 Toteco huan teteyome
\q1
\v 1 ¡TOTECO, amo xitechhueyitlali tojuanti!
\q1 ¡Ximohueyitlali ta!
\q1 Xijchihua para nochi ma mitzpaquilismacaca pampa ta tlahuel titetlasojtla huan tijchihua tlen nelía melahuac.
\q1
\v 2 Amo xiquincahuili para nopa tlacame ipan sequinoc tlaltini ma quiijtoca:
\q1 “¿Canque itztoc ininDios?”
\q1
\v 3 Ta toTeco Dios, tiitztoc nepa elhuicac,
\q1 huan nochi tlen tijnequi tijchihuas, ta tijchihua.
\q1
\v 4 Pero nopa tlacame quinitaj queja inintecohua nopa teteyome tlen quinchijchijtoque ica oro huan plata.
\q1
\v 5 Quipiyaj inincamac, pero ax camatij.
\q1 Quipiyaj iniixtiyolhua, pero ax tlachiyaj.
\q1
\v 6 Quipiyaj ininnacas, pero ax tlacaquij.
\q1 Quipiyaj ininyacatzol, pero ax tlaijiyotilanaj.
\q1
\v 7 Quipiyaj ininma, pero ax hueli quiitzquíaj niyon se tlamantli.
\q1 Quipiyaj ininmetz, pero ax nejnemij.
\q1 Ax huelij camatij.
\q1
\v 8 Huan nochi tlacame tlen quinchijchijtoque nopa tiotzitzi nelía huihuitique queja nopa teteyome,
\q1 huan nojquiya san se huihuitique tlen quinhueyichihuaj.
\b
\q1
\v 9 ¡Inisraelitame, ximotemachica ipan TOTECO,
\q1 pampa san yajaya inmechpalehuía huan inmechmanahuía
\q1 tlen nochi tlamantli tlen ax cuali!
\q1
\v 10 Intotajtzitzi tlen iniixhuihua Aarón huan iniaxcahua TOTECO,
\q1 ximotemachica ipan ya,
\q1 pampa san yajaya inmechpalehuía huan inmechmanahuía tlen nochi tlamantli tlen ax cuali.
\q1
\v 11 Nochi imojuanti tlen inquiimacasij huan inquitlepanitaj TOTECO ximotemachica ipan ya,
\q1 pampa san yajaya inmechpalehuía huan inmechmanahuía tlen nochi tlamantli tlen ax cuali.
\q1
\v 12 TOTECO ajachica techilnamiqui huan yeca temachtli techtiochihuas.
\q1 Techtiochihuas tiiisraelita tlacajhua.
\q1 Quintiochihuas nopa totajtzitzi tlen iixhuihua Aarón.
\q1
\v 13 Quena, Toteco quintiochihuas nochi tlen quiimacasij huan quitlepanitaj.
\q1 Quintiochihuas tlen huejhueyi huan tlen pilsiltzitzi.
\q1
\v 14 Tlahuel miyac TOTECO ma inmechtiochihuas imojuanti huan imoconehua.
\q1
\v 15 Quena, TOTECO tlen quichijqui elhuicactli huan tlaltepactli,
\q1 yajaya tlen inmechtiochihuas.
\q1
\v 16 Nochi elhuicactli iaxca TOTECO,
\q1 pero ni tlaltepactli quinmacatoc tlacame.
\q1
\v 17 Tlen mictoque ax huicaj huan quihueyimatij TOTECO.
\q1 Inijuanti ayoc hueli moliníaj.
\q1
\v 18 Pero tojuanti, quena, tojuanti tijhueyimatise TOTECO ama huan para nochipa.
\q1 ¡Xijhueyimatica TOTECO!
\q1 ¡Paquilistli!
\c 116
\s1 Tlascamatili pampa Toteco quimanahui tlen miquistli
\q1
\v 1 Nelía niquicnelía TOTECO pampa yajaya nechtlacaquilía quema nimomaijtohua huan nechnanquilía.
\q1
\v 2 Huan pampa mohuijtzoma huan nechnanquilía,
\q1 nimomaijtos ica ya nochi tonali quema niyoltos.
\q1
\v 3 Nechyahualojtoya miquistli.
\q1 Nijmachiliyaya queja niitztosquía ipan tlacoyoctli,
\q1 pampa nechajsic miyac cuesoli queja nimiquiyaya.
\q1
\v 4 Huajca nijtzajtzili TOTECO huan niquilhui:
\q1 “TOTECO, xinechmanahui.”
\q1
\v 5 ¡TOTECO nelía cuali iyolo!
\q1 ¡Yajaya senquistoc xitlahuac!
\q1 ¡Toteco tlahuel tetlasojtla!
\q1
\v 6 TOTECO quinmocuitlahuía tlen moicnonequij huan itztoque queja coneme.
\q1 Na ya nimictinemiyaya huan yajaya nechmanahui.
\q1
\v 7 Ama huelis nimosiyajcahuas pampa TOTECO nechchihuilijtoc tlen cuali.
\q1
\v 8 Nechmanahuijtoc imaco miquistli,
\q1 quihuatztoc noixayo huan nechpalehuijtoc para ma ax nihuetzi ipan tlajtlacoli.
\q1
\v 9 Ipan ni tlaltepactli campa itztoque tlacame,
\q1 nimonejnemiltis xitlahuac iixtla TOTECO.
\q1
\v 10 Na nijneltocayaya Toteco huajca niquijto:
\q1 “Nitlaijiyohuía miyac, Toteco.”
\q1
\v 11 Huan quema ayoc nijmatiyaya tlachque nijchihuas, niquijto:
\q1 “Nochi tlacame san istlacatij.”
\q1
\v 12 Huan ama ya niitztoc cuali.
\q1 ¿Quejatza huelis nijtlaxtlahuis TOTECO ipampa nochi tlen nechchihuilijtoc?
\q1
\v 13 Nijhualiquilis xocomecatl iayo queja se tlacajcahualistli,
\q1 huan nijhueyimatis TOTECO pampa nechmaquixtijtoc.
\q1
\v 14 Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas.
\q1
\v 15 TOTECO quiita para tlahuel ipati ininyolis itlacajhua tlen quinicnelía,
\q1 huan ax quincahuilía miquise san quej hueli.
\b
\q1
\v 16 TOTECO, na nimotlatequipanojca,
\q1 quena, niicone se nonana tlen nojquiya mitztequipano.
\q1 Huan tinechmanahuijtoc tlen campa niilpitoya.
\q1
\v 17 Nimitzpaquilismacas huan nimitztlascamatis huan ta tiquitas queja elisquía se tlacajcahualistli.
\b
\q1
\v 18 Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas.
\q1
\v 19 Quena, nijmacas TOTECO nopano ipan icalixpa ichaj tlen eltoc ipan altepetl Jerusalén.
\q1 ¡Paquilistli!
\c 117
\s1 Ma tijhueyichihuaca Toteco
\q1
\v 1 Xijpaquilismacaca TOTECO nochi intlacame ipan nochi tlaltini,
\q1 xijhueyimatica nochi imojuanti ipan nochi altepetini.
\q1
\v 2 Pampa yajaya techicnelía ica se hueyi teicnelijcayotl tlen ax quema tlamis.
\q1 Yajaya temachtli huan elis temachtli para nochipa.
\q1 ¡Paquilistli!
\c 118
\s1 Ma tijtlascamatica Toteco
\q1
\v 1 ¡Xijpaquilismacaca TOTECO pampa yajaya nelía cuali!
\q1 Iteicnelijcayo ax quema tlamis.
\q1
\v 2 Nochi inisraelitame xijhueyimatica Toteco huan xiquijtoca:
\q1 “Iteicnelijcayo Toteco ax quema tlamis.”
\q1
\v 3 Nochi intotajtzitzi tlen iniixhuihua Aarón nojquiya xiquijtoca:
\q1 “TOTECO iteicnelijcayo ax quema tlamis.”
\q1
\v 4 Nochi imojuanti tlen inquitlepanitaj TOTECO xiquijtoca:
\q1 “TOTECO iteicnelijcayo ax quema tlamis.”
\q1
\v 5 Quema nimocuesohuayaya,
\q1 nijtzajtzili TOTECO,
\q1 huan yajaya nechnanquili huan nechmanahui.
\q1
\v 6 TOTECO itztoc nohuaya para nechpalehuis,
\q1 yeca ayoc nimajmahui,
\q1 niyon ax niquimacasi tlen huelis nechchihuilise tlacame.
\q1
\v 7 TOTECO itztoc nonechca.
\q1 Yajaya nechpalehuis.
\q1 ¡Huan temachtli niquitas tlen nijnequi ma ininpanti nocualancaitacahua!
\q1
\v 8 Más cuali nimotemachis ipan TOTECO huan ax ipan se tlacatl.
\q1
\v 9 Más cuali nimomanahuis ipan TOTECO huan ax ipan se hueyi tlanahuatijquetl.
\q1
\v 10 Yonque nochi tlacame tlen nochi tlaltini ma nechyahualoca para nechtehuise,
\q1 na niquintzontlamiltis ica ichicahualis TOTECO.
\q1
\v 11 Quena, yonque nechyahualose huan nechtehuise,
\q1 pero na niquintlanis pampa nijhuica itequihuejcayo TOTECO.
\q1
\v 12 Nocualancaitacahua hualajque nopani queja sayolime,
\q1 huan cualanque chicahuac queja tlitl tlen quitlatía nochi huitztli.
\q1 Pero na niquintzontlamilti ica itequihuejcayo TOTECO.
\q1
\v 13 Nocualancaitacahua quichijque campeca para nechmictise,
\q1 pero TOTECO yajaya nechpalehui.
\q1
\v 14 TOTECO nechpixtoc imaco,
\q1 huan yeca nihuica para ya pampa nechchijtoc ma nitlatlani.
\q1
\v 15 Ipan ininchajchaj tlen monejnemiltíaj xitlahuac iixtla TOTECO tlahuelchihuaj huan huicaj ica paquilistli,
\q1 pampa TOTECO quinmaquixtía huan quichihua huejhueyi tlamantli.
\q1
\v 16 Ichicahualis TOTECO nelía hueyi huan quichihua huejhueyi tlamantli.
\q1
\v 17 Ax nimiquis.
\q1 Pero niitztos para nitepohuilis nochi tlen TOTECO quichijtoc.
\q1
\v 18 Toteco nechtlatzacuilti chicahuac,
\q1 pero ax nechtemactili para ma nimiqui.
\q1
\v 19 Xijtlapoca ipuertajyo itiopa TOTECO,
\q1 pampa nijnequi nicalaquis para nijtlascamatis TOTECO.
\q1
\v 20 Ipan ni puerta calaquij para yahuij hasta iixtla TOTECO,
\q1 huan nopano calaquise nochi tlen tlatzejtzeloltique iixtla.
\q1
\v 21 Nijhueyimatis noTeco Dios, huan nijtlascamatilis miyac,
\q1 pampa nechtlacaquili huan nechmaquixti tlen nocualancaitacahua.
\q1
\v 22 Calchihuani quihuejcamajcajque se hueyi tetl tlen ax quinejque quitequihuise,
\q1 pero ama nopa hueyi tetl eltoc tlen más monequi para yas calnacastla huan ipan quiquetzase nopa cali.
\q1
\v 23 Nochi ya ni quichijtoc TOTECO huan yejyectzi nesi.
\q1
\v 24 Ni nopa tonali tlen TOTECO quichijqui.
\q1 Ma tipactoca ipan ni tonali.
\q1
\v 25 Nijtlajtlanía TOTECO ama ma techmaquixti tojuanti tlen tocualancaitacahua.
\q1 “Xitechpalehui ama para titlatlanise.”
\b
\q1
\v 26 ¡Ma TOTECO mitztiochihua ta tlen tihuala ica itequihuejcayo [118:26 O ica itoca.]!
\q1 Timitztiochihuaj hasta campa ichaj TOTECO.
\b
\q1
\v 27 TOTECO yajaya Dios, huan yajaya techtlahuilía.
\q1 Nijhualiquilis notlacajcahualis huan nijtlalis ipan itlaixpa para nijmacas.
\q1
\v 28 Pampa yajaya noTeco Dios, yeca nijtlascamati huan nijhueyimati.
\q1
\v 29 ¡Xijtlascamatica TOTECO pampa yajaya nelía cuali!
\q1 Iteicnelijcayo ax quema tlamis.
\c 119
\s1 Toteco itlanahuatilhua nelía cuali
\q1
\v 1 Nelía paquij nochi tlen monejnemiltíaj xitlahuac,
\q1 huan tlen senquistoc quichijtinemij tlen quiijtohua iley TOTECO.
\q1
\v 2 Paquij nopa tlacame tlen quitemohuaj TOTECO ica nochi ininyolo huan quichijtinemij tlen yajaya quiijtohua.
\q1
\v 3 Pampa inijuanti ax quichihuaj tlen ax cuali.
\q1 Monejnemiltíaj senquistoc ipan iojhui TOTECO.
\q1
\v 4 Ta titechmacatoc motlanahuatilhua para ma tijchihuaca tlen quiijtohuaj.
\q1
\v 5 ¡Tlahuel nijnequisquía nijchijtinemis senquistoc tlen titechyolmelajtoc ma tijchihuaca!
\q1
\v 6 Queja nopa ax nimopinahuasquía intla niquinchijtinemis nochi motlanahuatilhua.
\q1
\v 7 Na nimitztlascamatis ica nochi noyolo quema ya nijmachilis nochi motlamachtilhua tlen xitlahuac.
\q1
\v 8 Na nijchihuas nochi tlen titechyolmelajtoc ma tijchihuaca ipan toyolis.
\q1 Yeca amo xinechtlahuelcahua.
\b
\q1
\v 9 ¿Tlachque monequi quichihuas se telpocatl para itztos tlapajpactic moixtla, TOTECO?
\q1 Monequi quipohuas motlajtol huan quichihuas tlen quiijtohua.
\q1
\v 10 Na ica nochi noyolo nimitztemojtoc, Toteco.
\q1 Amo xinechcahuili nimoiyocacahuas tlen motlanahuatilhua.
\q1
\v 11 Ipan noyolo nicajcoctoc nochi tlen tiquijtojtoc,
\q1 para ax nitlajtlacolchihuas ica ta.
\q1
\v 12 TOTECO, ta tlen nochi mitzhueyimatij,
\q1 xinechnextili quejatza nijchihuas nochi tlen tinechyolmelajtoc.
\q1
\v 13 Na nitepohuilijtoc nochi motlamachtilhua tlen ta tinechmacatoc.
\q1
\v 14 Más nimopaquilismacatoc pampa ninemi ipan moojhui huan nijchihua tlen ta tiquijtojtoc,
\q1 huan ax ipan ricojyotl.
\q1
\v 15 Nimoyolilhuis tlen motlanahuatilhua huan ninemis ipan nopa ojtli campa quiijtohuaj ma ninejnemi.
\q1
\v 16 Nimopaquilismacas ica tlen tinechyolmelajtoc,
\q1 huan ax quema niquilcahuas motlajtol.
\q1
\v 17 Xinechchihuili tlen cuali, na nimotlatequipanojca.
\q1 Xinechcahuili ma niitzto miyac tonali para nijsenhuiquilis nijtlepanitas motlajtol.
\q1
\v 18 Xinechixtlapo para niquitas nopa huejhueyi tlamachtilistli tlen quipiya moley.
\q1
\v 19 Na san nipaxalohua ipan ni tlaltepactli.
\q1 Amo xijtlati motlanahuatilhua tlen na pampa monequi ma nechyacana.
\q1
\v 20 Ipan noyolo tlahuel nijnequi nijchihuas nochi tlen xitlahuac queja quiijtohua motlamachtil.
\q1
\v 21 Ta tiquinajhua nopa tlaixpanoca tlacame tlen mohueyimatij.
\q1 Inijuanti itztoque queja tlatelchihualme pampa quinhuejcamajcahuaj motlanahuatilhua.
\q1
\v 22 Amo xiquincahuili ma nechpinahualtica pampa na nijtlepanita nochi tlen ta tiquijtohua.
\q1
\v 23 Hasta nopa huejhueyi tlacame tlen quipiyaj tequihuejcayotl mosehuijque para nechijilnamiquise,
\q1 pero na nimotlatequipanojca,
\q1 senquistoc nimoyolilhuía tlen nochi tlen ta tinechyolmelajtoc.
\q1
\v 24 Pampa motlajtol nechtlahuilía huan nechconsejomaca.
\q1
\v 25 Nelía nimocuesohua hasta nihuetztoc ipan tlaltejpoctli.
\q1 Xijyancuili noyolis ica motlajtol.
\q1
\v 26 Na nimitzpohuili nochi tlen nijsencajtoc nijchihuas huan ta tinechtlacaquili.
\q1 Ama xinechnextili quejatza nijchihuas nochi tlen tinechyolmelajtoc.
\q1
\v 27 Xinechchihuili ma nijmachili nopa ojtli tlen ipan ninemis para niquintoquilis nochi motlanahuatilhua.
\q1 Huan na nimoyolilhuis ipan nochi nopa huejhueyi tlamantli tlen tijchihua.
\q1
\v 28 Nichoca pampa tlahuel nitlaijiyohuía.
\q1 Xitechyolchicahua ica motlajtol.
\q1
\v 29 Xinechpalehui mojmostla para ax niistlacatis.
\q1 Huan pampa tinechicnelía, xinechpalehui ma nijmati nochi moley.
\q1
\v 30 Na nijtlapejpenijtoc nopa ojtli tlen melahuac,
\q1 huan san nimoilhuía tlen motlamachtil.
\q1
\v 31 Na nimotlatzquilijtoc ipan motlajtol huan nijchihuas tlen quiijtohua.
\q1 ¡TOTECO, amo xinechcahuili nihuetzis ipan pinahualistli!
\q1
\v 32 Intla tinechmacas noyolo tlen cuali moixtla,
\q1 huajca na achi más nijchijtinemis tlen quiijtohuaj motlanahuatilhua.
\q1
\v 33 TOTECO, tinechnextili quejatza nijchihuas nochi tlen tinechyolmelajtoc.
\q1 Huan nijchijtinemis nochi tonali hasta nimiquis.
\q1
\v 34 Xinechmaca tlalnamiquistli huan nijchijtinemis nochi tlen quiijtohua moley.
\q1 Quena, nijchijtinemis ica nochi noyolo.
\q1
\v 35 Xinechyacana ipan nopa ojtli tlen tinechnextilía motlanahuatilhua,
\q1 pampa san ya nopa nijnequi nijchihuas.
\q1
\v 36 Xijchihua para más ma nijnequi motlajtol huan ax tomi.
\q1
\v 37 Xinechhuejcatlali tlen nochi tlamantli tlen ax cuali para ax niquixtocas.
\q1 Más cuali ajachica tinechyolchicahuas para senquistoc ninemis ipan moojhui.
\q1
\v 38 Xinechmatilti na, nimotlatequipanojca, para temachtli tinechmacas tlen tinechtlajtolcahuilijtoc,
\q1 pampa san ta nimitzimacasi huan nimitztlepanita.
\q1
\v 39 Amo xinechcahuili ma niquinimacasi tlen nechpinahualtíaj pampa nimitztlepanita,
\q1 pampa motlamachtil senquistoc cuali huan xitlahuac.
\q1
\v 40 TOTECO, na tlahuel nijnequi nijchihuas tlen quiijtohuaj motlanahuatilhua.
\q1 Xijyancuili noyolis pampa ta senquistoc tixitlahuac.
\q1
\v 41 TOTECO, xinechtlasojtla huan xinechmaquixti tlen nocualancaitacahua,
\q1 san queja tiquijtojtoc tijchihuas.
\q1
\v 42 Queja nopa huelis niquinnanquilis inijuanti tlen nechpinahualtíaj,
\q1 huan niquinmatiltis para san nimotemachía ipan motlajtol.
\q1
\v 43 Amo xinechquixtili motlajtol tlen melahuac huan amo xinechcahuili ma niquilcahua,
\q1 pampa san ipan motlamachtil na nimotemachía.
\q1
\v 44 Na nijtlepanitas moley mojmostla.
\q1 Quena, para nochipa nijtlepanitas moley huan ax quema tlamis.
\q1
\v 45 Ninemis nimalacantoc pampa niquintemohua motlanahuatilhua para nijchihuas tlen quiijtohuaj.
\q1
\v 46 Na niquinpohuilis motlajtol tlanahuatiani,
\q1 huan ax nimopinahuas.
\q1
\v 47 Na nimopaquilismacas ipan motlanahuatilhua pampa tlahuel niquinicnelía.
\q1
\v 48 Nimomatlalanas para nijnextis notlatlepanitacayo ipampa motlanahuatilhua,
\q1 huan san nimoyolilhuijtinemis tlen nochi tlen tinechyolmelajtoc ma tijchihuaca ipan toyolis.
\q1
\v 49 Ax quema xiquilcahua tlen tinechtlajtolcahuilijtoc tinechchihuilis na, nimotlatequipanojca,
\q1 pampa san ya nopa nijchixtoc.
\q1
\v 50 Tlen tinechtencahuilijtoc tinechchihuilis nechyoltlalía quema nimopantía ipan tlaijiyohuilistli.
\q1 Quena, nochi tlen tiquijtojtoc nechmaca yancuic chicahualistli ipan noyolis.
\q1
\v 51 Nopa tlacame tlen mohueyimatij nechpinajtíaj pampa nimitztlepanita, Toteco,
\q1 pero yonque ya nopa, na ax nimohuejcatlalis tlen moley.
\q1
\v 52 TOTECO, na niquilnamiqui motlamachtil tlen huejcajquiya tinechmacac.
\q1 Huan motlamachtil nochipa nechyoltlalía.
\q1
\v 53 Nelía tlahuel nicualani ica nopa tlaixpanoca tlacame tlen quitlahuelcahuaj moley.
\q1
\v 54 Nochi tlen tinechyolmelajtoc nechhualiquilijtoc paquilistli,
\q1 huan nechchijtoc ma nihuica campa hueli campa niitztinentoc queja nisejcoyoc ejquetl.
\q1
\v 55 Ica tlayohua nimitzilnamiqui, TOTECO,
\q1 huan nijnequi nijchihuas tlen quiijtohua moley.
\q1
\v 56 Nijseli tlahuel miyac tlatiochihualistli pampa nijchijqui tlen quiijtohuaj motlanahuatilhua.
\q1
\v 57 ¡TOTECO, san ta nijpixtoc!
\q1 Na niquijtojtoc para nijtlepanitas tlen quiijtohua motlajtol.
\q1
\v 58 Ica nochi noyolo nijnequi motlatiochihualis.
\q1 Xinechtlasojtla senquistoc queja tinechtlajtolcahuilijtoc para tijchihuas.
\q1
\v 59 Nimotlachili quejatza nimonejnemilti
\q1 huan nimantzi nimocuepqui para nijchihuas tlen quiijtohua motlajtol.
\q1
\v 60 Quena, nimoisihuiltía para nijchihuas tlen quiijtohuaj motlanahuatilhua.
\q1
\v 61 Miyac tlaixpanoca tlacame nechyahualojtoque para nojquiya ma nitlajtlacolchihua ininhuaya,
\q1 pero na ax niquilcajtoc moley.
\q1
\v 62 Tlajco yohual nimehua para nimitztlascamatis ipampa motlamachtil tlen senquistoc xitlahuac.
\q1
\v 63 Na niquinita queja nohuampoyohua nochi tlen mitzimacasij huan mitztlepanitaj,
\q1 huan nochi tlen quichihuaj tlen quiijtohuaj motlanahuatilhua.
\q1
\v 64 ¡TOTECO, nochi tlaltepactli temitoc ica moteicnelijcayo!
\q1 Xinechnextili nochi tlen tinechyolmelajtoc ma nijchihua ipan noyolis.
\q1
\v 65 ¡TOTECO, tlahuel tinechchihuilijtoc tlen cuali na, nimotlatequipanojca!
\q1 Tinechtiochijtoc senquistoc queja tiquijtojtoc para tijchihuas.
\q1
\v 66 NoTeco, xinechchihuili ma nijmachili tlen cuali huan xinechmaca tlalnamiquistli,
\q1 pampa na niquinneltocatoc motlanahuatilhua.
\q1
\v 67 Achtohuiya quema aya tinechicnotlalijtoya para tinechtlatzacuiltis,
\q1 san nimocuapolojtinenqui.
\q1 Pero ama senquistoc nijchihua tlen quiijtohua motlajtol.
\q1
\v 68 Ta nelía ticuali huan tijchihua san tlen cuali.
\q1 Huajca xinechmachti quejatza ma nijchihua tlen tinechyolmelajtoc para nijchihuas.
\q1
\v 69 Nopa tlacame tlen mohueyimatij nechistlacahuijtoque,
\q1 pero na ica nochi noyolo nijchijtinemis tlen quiijtohuaj motlanahuatilhua.
\q1
\v 70 Inijuanti huihuitique huan tzactoc inintlalnamiquilis,
\q1 pero na nochipa nimopaquilismaca ipan moley.
\q1
\v 71 Nelía cuali para tinechicnotlali,
\q1 pampa tinechnextili para ma nijchihua nochi tlen tinechyolmelajtoc ma tijchihuaca ipan toyolis.
\q1
\v 72 Para na más ipati moleyes huan ax millones tlen oro huan plata.
\q1
\v 73 TOTECO, ta ica moma tijsencajqui notlacayo.
\q1 Huajca ama xinechpalehui ma niquinmachili motlanahuatilhua huan niquintzontecomatis.
\q1
\v 74 Nochi tlen mitztlepanitaj huan motemachíaj ipan ta,
\q1 paquise quema nechitase,
\q1 pampa na nimotemachía ipan motlajtol.
\q1
\v 75 TOTECO, na nijmati para motlamachtil senquistoc xitlahuac.
\q1 Huan nopa tlatzacuiltili tlen tinechmacatoc nojquiya xitlahuac,
\q1 huan nechhualiquilis tlamantli tlen cuali.
\q1
\v 76 Huajca ama xinechyoltlalis ica moteicnelijcayo,
\q1 senquistoc queja tinechilhuijtoc na, nimotlatequipanojca, para tijchihuas.
\q1
\v 77 Xinechyahualo ica moteicnelijcayo para ma niyolto,
\q1 pampa san ipan moley nijpantía paquilistli.
\q1
\v 78 Ma huetzica ipan pinahualistli nopa tlacame tlen mohueyimatij,
\q1 pampa tlahuel nechcocojtoque ica iniistlacaticayo.
\q1 Pero na san nimoyolilhuijtinemis tlen quiijtohuaj motlanahuatilhua.
\q1
\v 79 Ma sampa mosentilica nohuaya nopa tlacame tlen mitzimacasij huan mitztlepanitaj,
\q1 huan tlen quiixmatij motlajtol.
\q1
\v 80 Xijchihua para noyolo ma monejnemilti xitlahuac ipan nochi tlen tinechyolmelajtoc.
\q1 Huan queja nopa ax quema nimopinahualtis.
\q1
\v 81 Na nitlapolosnequi pampa nijchiya para tinechmaquixtis tlen nocualancaitacahua,
\q1 pampa nimotemachijtoc ipan tlen tiquijtojtoc para tinechchihuilis.
\q1
\v 82 Noixtiyolhua tlaxicohuaj pampa quinequij quiitase ma pano nochi tlen tinechtlajtolcahuilijtoc para tijchihuas.
\q1 ¿Hasta quema tinechyoltlalis ica motlapalehuil?
\q1
\v 83 Ya nihuehuentzi huan nitzocoyolijtoc queja se cuetlax bolsa tlen quitlalijtoque campa poctli,
\q1 pero ax niquilcajtoc tlen tinechyolmelajtoc.
\q1
\v 84 ¿Quesqui tonali monequi nijchiyas para tiquintlatzacuiltis tlen nechtoquilijtinemij?
\q1
\v 85 Nopa tlacame tlen mohueyimatij huan tlen quicocolíaj moleyes quichijtoque se hueyi tlacoyoctli para ma nimasi.
\q1
\v 86 Xinechpalehui, pampa motlanahuatilhua senquistoc xitlahuac,
\q1 huan nechtepotztocatinemij yonque ax tleno nijchijtoc.
\q1
\v 87 San quentzi nechixpolihuiltíaj,
\q1 pero na ax niquinixpanotoc motlanahuatilhua niyon ax niquincajtoc.
\q1
\v 88 Pampa hueyi moyolo, xinechcahuili ma niitzto.
\q1 Huan queja nopa nijsenhuiquilis nijchihuas tlen quiijtohua motlajtol.
\q1
\v 89 TOTECO, motlajtol eltos temachtli para nochipa nepa elhuicac.
\q1
\v 90 Mojmostla ta titemachtli huan tiitztos temachtli ica nochi tlen tlacajtiyase para nochipa.
\q1 Cuali ta tijtlatzquilti ni tlali huan queja nopa eltoc.
\q1
\v 91 Nochi tlamantli mocahua campa tiquinnahuati ma eltojca hasta ama ni tonal.
\q1 Quena, nochi tlamantli tlen tijchijqui mitzneltocaj huan mitztequipanohuaj.
\q1
\v 92 Intla ax nimopaquilismacatosquía ipan moley,
\q1 huajca ya nimictosquía ica cuesoli.
\q1
\v 93 Ax quema niquinilcahuas motlanahuatilhua,
\q1 pampa ica motlanahuatilhua tinechmacatoc yancuic chicahualistli.
\q1
\v 94 Na nimoaxca, xinechmaquixti pampa nochipa nijchijtinentoc tlen quiijtohuaj motlanahuatilhua.
\q1
\v 95 Yonque nopa tlaixpanoca tlacame motlatise ipan ojtli para nechtzontlamiltise,
\q1 na san nimoyolilhuijtos tlen motlajtol.
\q1
\v 96 Nochi tlamantli tlen más cuajcualtzi niquitztoc canque ontlami,
\q1 pero motlanahuatilhua, ax quipiyaj inintlamiya.
\q1
\v 97 ¡Tlahuel niquicnelía moley!
\q1 San tlen ya nimoyolilhuijtinemi se tonal.
\q1
\v 98 Motlanahuatilhua nechchijtoque más nitlalnamiqui que nocualancaitacahua.
\q1 Pampa motlanahuatilhua nechyacantiyohuij mojmostla.
\q1
\v 99 Quena, achi más nitlalnamiqui hasta niquintlani inijuanti tlen notlamachtijcahua,
\q1 pampa na nimoyolilhuijtinemi tlen motlajtol.
\q1
\v 100 Na más nijmachilía que nopa huehue tlacame,
\q1 pampa nijchihua tlen quiijtohuaj motlanahuatilhua.
\q1
\v 101 Ax quema nijnectoc nijtoquilis se ojtli tlen ax cuali,
\q1 pampa senquistoc nijnequi nijchihuas tlen quiijtohua motlajtol.
\q1
\v 102 Ax nimohuejcatlalijtoc tlen motlamachtil,
\q1 pampa ta tinechnextilía quejatza ma nimonejnemilti.
\q1
\v 103 Motlajtol nelía cuali queja se tlatzopelcayotl.
\q1 Achi más tzopelic nijmati que sayolnectli.
\q1
\v 104 Motlanahuatilhua nechmacaj tlalnamiquistli.
\q1 Yeca ax nijnequi niquitas niyon se tlamantli istlacayotl.
\q1
\v 105 Motlajtol eltoc queja se tlahuili tlen quitlahuilía noojhui campa ninejnemi para ax nimotepotlamis.
\q1
\v 106 Se huelta nitlatestigojquetzqui,
\q1 huan ama sampa nitlatestigojquetzas para nijchihuas tlen quiijtohuaj motlamachtilhua pampa nelía xitlahuac.
\q1
\v 107 TOTECO, nechca huala nopa tonali para nimiquis ininmaco nocualancaitacahua.
\q1 Xinechmaca yancuic chicahualistli queja tiquijtojtoc para tijchihuas.
\q1
\v 108 TOTECO, nimitztlajtlanía xijseli nopa tlascamatili tlen nimitzmaca queja se tlacajcahualistli.
\q1 Huan xinechnextili motlamachtil.
\q1
\v 109 Mojmostla nimopantía campa mahuilili para noyolis,
\q1 pero ax niquilcajtoc moley.
\q1
\v 110 Nopa tlaixpanoca tlacame quitlalíaj tlaquetztli para ma nimasi huan nihuetzis ipan tlajtlacoli,
\q1 pero na ax nimoiyocanequis tlen motlanahuatil.
\q1
\v 111 Na san nimoaxcatijtoc motlajtol,
\q1 pampa san ipan motlajtol nijpantía paquilistli.
\q1
\v 112 Ica nochi noyolo nijchihuas tlen quiijtohuaj motlanahuatilhua nochipa hasta nimiquis.
\q1
\v 113 Ax nijnequi niquinitas tlacame tlen quichihuaj ome ininxayac.
\q1 Pero na niquicnelía moley.
\q1
\v 114 Ipan ta nimotlatía para ax nechcocose nocualancaitacahua huan ipan ta nimomanahuía.
\q1 Pampa nimotemachía san ipan motlajtol.
\q1
\v 115 Ma nechtlalcahuica nopa tlacame tlen fiero inintlalnamiquilis.
\q1 Ma ax nechcuatotonica pampa na nijnequi nijchihuas tlen quiijtohuaj motlanahuatilhua, Toteco Dios.
\q1
\v 116 Huajca noTeco, xinechmaca yancuic fuerza senquistoc queja tinechtlajtolcahuili.
\q1 Huan queja nopa sequinoc ax quema huelis quiijtose para san tlapic nimochixtoc ipan ta.
\q1
\v 117 Xinechfuerzajmaca para nimomaquixtis ininmaco nocualancaitacahua,
\q1 huan nochipa nijpiyas paquilistli para nijchihuas tlen tinechyolmelajtoc.
\q1
\v 118 Ta tiquinhuejcamajcajtoc nochi tlen quitlahuelcahuaj tlen tinechyolmelajtoc.
\q1 Inijuanti quiijtohuaj tlalnamiquij, pero ax neli, san mocajcayahuaj.
\q1
\v 119 Nochi tlacame tlen quinpactía tlajtlacolchihuaj ipan ni tlaltepactli tiquinita queja itetejtzo tepostli tlen mocahua quema tijmolonía para tijtlapajpacchihuas.
\q1 Pero na niquicnelía huan nijtlepanita motlajtol.
\q1
\v 120 Nochi notlacayo huihuipica pampa mitzimacasi huan mitztlepanita, Toteco.
\q1 Huan nojquiya niquimacasi motlatzacuiltil,
\q1 huan yeca ax nijnequi nimitzixpanos.
\q1
\v 121 Na nijchijtoc tlen xitlahuac huan tlen melahuac moixtla.
\q1 Amo xinechtlahuelcahua ininmaco nocualancaitacahua,
\q1
\v 122 Xitlatestigojquetza para tinechtiochihuas na, nimotlatequipanojca.
\q1 Amo xiquincahuili ma nechtlaijiyohuiltica nopa tlacame tlen mohueyimatij.
\q1
\v 123 Campa hueli nitlachixtoc pampa nijchixtoc xinechmaquixtiqui tlen nocualancaitacahua,
\q1 hasta tlaxicojtoque noixtiyolhua.
\q1 Nijchixtoc xinechmanahui senquistoc queja tiquijtojtoc para tijchihuas.
\q1
\v 124 TOTECO, ipan moteicnelijcayo xinechchihuili tlen cuali na, nimotlatequipanojca.
\q1 Xinechnextili quejatza nijchihuas tlen tinechyolmelajtoc ma tijchihuaca.
\q1
\v 125 Na nimotlatequipanojca, xinechmaca tlalnamiquistli,
\q1 para niquixmatis motlajtol.
\q1
\v 126 TOTECO, ya ajsic hora para timonextis huan tijchihuas tlen tiquita para cuali.
\q1 Pampa ni tlaixpanoca tlacame ayoc quitlepanitaj moley.
\q1
\v 127 Pero na más niquinicnelía motlanahuatilhua huan ax queja oro tlen senquistoc cuali.
\q1
\v 128 Pampa nochi motlanahuatilhua nelía xitlahuac.
\q1 Yeca ax nijnequi niquitas niyon se tlamantli istlacayotl.
\q1
\v 129 Motlajtol nelía yejyectzi, TOTECO,
\q1 yeca nijtoquilijtinemi ica nochi noalma.
\q1
\v 130 Quema quiixtomaj motlajtol,
\q1 techtlahuilía huan techtlalnamictía nochi titlacame,
\q1 hasta nojquiya tlacame tlen san quentzi quimachilíaj.
\q1
\v 131 Yeca tlahuel nijnequi niquixmatis más tlen quiijtohuaj motlanahuatilhua,
\q1 huan ya nopa nijtemohua.
\q1
\v 132 Xinechtlachili huan xinechtlasojtla,
\q1 queja timomajtoc tiquinchihuilía tlen mitzicnelíaj.
\q1
\v 133 Xinechyacana ipan se cuali ojtli ica motlajtol para ax nechtlanis niyon se tlaixpanoli.
\q1
\v 134 Xinechmanahui tlen nopa tlacame tlen mosisiníaj huan quinequij nechtlaijiyohuiltise.
\q1 Huan queja nopa nijchihuas tlen quiijtohuaj motlanahuatilhua.
\q1
\v 135 Ma monexti moteicnelijcayo ipan moxayac quema tinechtlachilía na, nimotlatequipanojca,
\q1 huan xinechmachti nochi tlen tinechyolmelajtoc para ma tijchihuaca.
\q1
\v 136 Tlahuel nichoca pampa miyac tlacame ax quitlepanitaj moley.
\q1
\v 137 TOTECO, ta nelía tixitlahuac huan nochi tlatzacuiltili tlen titemaca nojquiya xitlahuac.
\q1
\v 138 Nochi motlajtol xitlahuac huan temachtli para ipan ma timotemachica.
\q1
\v 139 Nelía nimocuesohua huan nicualani,
\q1 pampa nocualancaitacahua ax quitlepanitztoque tlen ta tiquijtojtoc.
\q1
\v 140 Nochi moley nijyejyecojtoc huan niquitztoc para nelía tlatzejtzeloltic.
\q1 Yeca niquicnelía.
\q1
\v 141 Nelía niteicneltzi huan miyac ax quinequij nechitase,
\q1 pero na ax niquinilcajtoc motlanahuatilhua.
\q1
\v 142 Ta tijchihua tlen xitlahuac para nochipa huan moley senquistoc melahuac.
\q1
\v 143 Nopani huetztoc cuesoli huan tlaijiyohuilistli,
\q1 pero motlanahuatilhua san ya nopa nechyolchicahuaj.
\q1
\v 144 Motlajtol nochipa xitlahuac.
\q1 Xinechmaca tlalnamiquistli para nijmachilis huan queja nopa huelis niitztos.
\q1
\v 145 Ica nochi noyolo nimitztzajtzilía.
\q1 Xinechnanquili noTeco, huan nijchihuas tlen tinechyolmelajtoc.
\q1
\v 146 Na nimitztzajtzilía huan nimitzilhuía:
\q1 “Xinechmaquixti tlen nocualancaitacahua”,
\q1 huan nijchihuas tlen quiijtohua motlajtol.
\q1
\v 147 Nimehua ica ijnaloc quema aya quisa tonati,
\q1 huan nimitztzajtzilía, TOTECO, pampa san ipan motlajtol nimotemachía.
\q1
\v 148 Ica tlayohua ax nicochi pampa san nimoyolilhuía tlen nochi tlen tiquijtojtoc tinechchihuilis.
\q1
\v 149 Xinechtlacaquili pampa titetlasojtla, TOTECO.
\q1 Xinechmaca yancuic chicahualistli queja quiijtohua motlamachtil para tijchihuas.
\q1
\v 150 Nechca hualahuij nopa tlacame tlen mosisiníaj huan nechtepotztocatinemij.
\q1 Inijuanti mohuejcatlalijtoque tlen moley.
\q1
\v 151 Pero ta tinoTeco tiitztoc nonechca.
\q1 Nochi motlanahuatilhua senquistoc melahuac.
\q1
\v 152 Hasta quema niitztoya nipilsiltzi niquixmatqui motlajtol,
\q1 huan nijmatqui para motlajtol ax quema mopatlas para nochipa.
\q1
\v 153 Xijtlachili notlaijiyohuilis huan xinechmanahui,
\q1 pampa ax niquilcajtoc moley.
\q1
\v 154 Quena, xinechtenpalehui huan xinechmanahui queja tinechtlajtolcahuilijtoc para tijchihuas.
\q1
\v 155 Ax tiquinmaquixtis nopa tlacame tlen ax mitztlepanitaj.
\q1 pampa inijuanti ax quichihuilíaj cuenta tlen tinechyolmelajtoc.
\q1
\v 156 TOTECO, ta tlahuel tinechtlasojtla.
\q1 Xinechmaca yancuic chicahualistli queja quiijtohua motlamachtil para tijchihuas.
\q1
\v 157 Miyac nocualancaitacahua nechtepotztocatinemij huan quichihuaj campeca para ma nimitzixpano,
\q1 pero na ax nijcajtoc motlajtol.
\q1
\v 158 Na niquincocolía nopa tlacajcayahuani,
\q1 pampa inijuanti ax quichihuaj tlen quiijtohua motlajtol.
\q1
\v 159 Xiquita TOTECO, na tlahuel niquinicnelía motlanahuatilhua.
\q1 Xinechmaca yancuic chicahualistli pampa ta nelía ticuali,
\q1 huan hueyi moyolo.
\q1
\v 160 Nochi motlajtol senquistoc melahuac.
\q1 Quena, nochi motlamachtil senquistoc xitlahuac huan huejcahuas para nochipa.
\q1
\v 161 Tlacame tlen quipiyaj tequihuejcayotl nemij notepotzco para nechcocose yonque ax tleno niquinchihuilijtoc,
\q1 pero ipan noyolo san niquimacasi para niquixpanos motlajtol.
\q1
\v 162 Na nimopaquilismaca ipan motlajtol queja se tlen paqui miyac quema quipantijtoc tlen tlahuel patiyo.
\q1
\v 163 Nijcocolía nochi tlamantli istlacayotl,
\q1 pero niquicnelía miyac moley.
\q1
\v 164 Nimitzhueyimati chicome huelta ipan se tonal,
\q1 huan nimitztlascamati pampa xitlahuac motlamachtil.
\q1
\v 165 Nochi tlen quiicnelíaj moley quipiyaj miyac tlasehuilistli ipan ininyolo,
\q1 huan ax huetzise ipan tlajtlacoli.
\q1
\v 166 TOTECO, tlahuel nimochixtoc para tinechmaquixtis
\q1 huan yeca niquintlepanita motlanahuatilhua.
\q1
\v 167 Na nijneltoca motlajtol huan niquicnelía ica nochi noyolo.
\q1
\v 168 Na nijchihua tlen quiijtohuaj motlanahuatilhua huan motlajtol,
\q1 pampa ta tiquixmati nochi tlen nijchihua.
\q1
\v 169 TOTECO, xijtlacaquili tlen nimitztlajtlanía,
\q1 xinechmaca tlalnamiquistli senquistoc queja tiquijtojtoc para tijchihuas.
\q1
\v 170 Xijtlacaquili tlen nimitztlajtlanía quema nimomaijtohua,
\q1 huan xinechmanahui queja tiquijtojtoc tinechchihuilis.
\q1
\v 171 Na nimitzpaquilismacas,
\q1 pampa ta tinechnextilijtoc quejatza nijchihuas nochi tlen tinechyolmelajtoc ma tijchihuaca.
\q1
\v 172 Nitepohuilis nochi tlen tiquijtojtoc,
\q1 pampa nochi motlanahuatilhua senquistoc xitlahuac.
\q1
\v 173 Ximocualtlali para tinechmanahuis,
\q1 pampa na nijtlapejpenijtoc nijchihuas tlen quiijtohuaj motlanahuatilhua.
\q1
\v 174 TOTECO, nijnequi xinechmaquixtiqui,
\q1 pampa na san nimopaquilismaca ica moley.
\q1
\v 175 Xinechcahuili ma noja niitztos para nimitzhueyimatis.
\q1 Xijcahuili para motlamachtil ma nechpalehui.
\q1
\v 176 Na nimocuapolojtoc queja se pilborregojtzi,
\q1 yeca xihuala para xinechtemoqui,
\q1 pampa na ax niquilcajtoc para niquintlepanitas moley.
\c 120
\s1 Tlamaijtoli para Toteco ma quimanahui tlen nopa istlacatini
\q1
\v 1 Quema niitztoya ipan tlaijiyohuilistli,
\q1 nijtzajtzili TOTECO huan yajaya nechnanquili.
\q1 Niquilhui:
\q1
\v 2 “TOTECO, xinechmanahui ininmaco nopa tlacame,
\q1 tlen nechistlacahuíaj huan nechijilnamiquij.”
\q1
\v 3 Ma moilhuica nopa istlacatini tlachque elis tlen ininpantis ipampa iniistlacaticayo.
\q1
\v 4 Quintlamicocoyotzase ica cuatlamintli huan quintlatise ipan tlicoli.
\q1
\v 5 Nelía niteicneltzi na tlen niitztoc ininhuaya ni tlacame tlen tlali Mesec huan Cedar.
\q1 Nelía nitlaijiyohuía tlatlajco inijuanti,
\q1 pampa niyon se inijuanti ax mitztlepanita, Toteco.
\q1
\v 6 Ya nisiyajqui para niitztoc ininhuaya ni tlacame tlen ax quinequij ma onca tlasehuilistli.
\q1
\v 7 Quema niquincamahuía quejatza hueli tiitztose ica tlasehuilistli,
\q1 inijuanti quisencahuaj quejatza tlatehuise.
\c 121
\s1 Toteco yajaya mitzmocuitlahuis
\q1
\v 1 Quema nijtlalanas noxayac huan nitlachiyas ipan nopa tepetini,
\q1 nimoilhuía:
\q1 “¿Canque huala notlapalehuil?”
\q1
\v 2 Notlapalehuil huala tlen TOTECO,
\q1 yajaya tlen quichijchijqui elhuicactli huan tlaltepactli.
\q1
\v 3 Yajaya ax quema mitzcahuilis para timotepotlamis o tihuetzis.
\q1 Yajaya mitzmocuitlahuis huan ax monequi cochis.
\q1
\v 4 Quena, TOTECO tlen quinmocuitlahuía israelitame ax ixijcopi,
\q1 niyon ax cochi.
\q1
\v 5 TOTECO yajaya mitzmocuitlahuía.
\q1 Yajaya itztoc monechca para mitzmanahuis.
\q1
\v 6 Yajaya mitzmocuitlahuía tonaya huan tlayohua.
\q1
\v 7 TOTECO mitzmocuitlahuis para ax mitzajsis niyon se tlamantli tlen ax cuali.
\q1 Quena, yajaya quimocuitlahuis moyolis.
\q1
\v 8 TOTECO yajaya mitzmocuitlahuis campa hueli tiyas o tihualas,
\q1 ama huan para nochipa.
\c 122
\s1 Tlamaijtoli para ma onca tlasehuilistli ipan altepetl Jerusalén
\q1
\v 1 Na nipajqui quema nechilhuijque:
\q1 “Ma tiyacajya ichaj TOTECO.”
\q1
\v 2 Pero ama ya tiitztoque nica ipan altepetl Jerusalén.
\q1 Quena, ya ticalactoque campa ipuertas ipan nopa tepamitl.
\q1
\v 3 Jerusalén quisencajtoque para nopano nochi ma mosentilica.
\q1
\v 4 Nochi itlacajhua TOTECO ipan tlen hueli hueyi familia tlen israelitame hualahuij nica sesen xihuitl,
\q1 para quitlascamatise huan quipaquilismacase Toteco senquistoc queja quiijtohua itlajtol.
\q1
\v 5 Pampa nopano mosehuía para tetlajtolsencahuas nopa tlanahuatijquetl tlen iixhui David.
\q1
\v 6 Ximomaijtoca ica TOTECO para ma onca tlasehuilistli ipan altepetl Jerusalén.
\q1 Xijtiochihua Jerusalén ica ni tlajtoli:
\q1
\v 7 “Ma itztoca cuali nochi tlen quiicnelíaj ni altepetl Jerusalén.
\q1 Ma onca tlasehuilistli ica calijtic nopa tepamitl tlen quiyahualohua.
\q1 Ma itztoca ica paquilistli ipan nochi tequicaltini.”
\q1
\v 8 Pampa niquinicnelía noicnihua huan nohuampoyohua tlen itztoque nica, niquijtohua:
\q1 “Ma quipiya tlasehuilistli ni altepetl.
\q1
\v 9 Pampa niquicnelía ichaj TOTECO tlen mocahua nica,
\q1 ma onca tlasehuilistli ipan ni altepetl.”
\c 123
\s1 Tlamaijtoli para Toteco ma quitlasojtla
\q1
\v 1 Na nijtlalanas noxayac para nimitztlachilis ta, TOTECO,
\q1 tlen timosehuijtoc ipan elhuicac.
\q1
\v 2 Tojuanti timitztlachilíaj ta,
\q1 TOTECO toDios, para ma titechtlasojtla san se queja se tlatequipanojquetl quitlachilía iteco,
\q1 o queja se sihua tlatequipanojquetl quitlachilía iteco isihua para ma quichihuili tlen cuali.
\q1
\v 3 TOTECO, xitechtlasojtla.
\q1 Quena, xijpiya hueyi moyolo tohuaya.
\q1
\v 4 Ya tisiyajtoque ica nopa tlacame tlen techitaj queja ax tleno topati.
\q1 Inijuanti tlen mohueyimatij huan tlen itztoque ricos tlahuel techpinajtíaj,
\q1 hasta ya techyolajsi.
\c 124
\s1 David quihueyimatqui Toteco pampa quimanahui tlen icualancaitacahua
\q1
\v 1 Nochi israelitame ma quiijtoca tlachque tijchijtosquíaj intla TOTECO ax itztosquía tohuaya huan ax techpalehuijtosquía.
\q1
\v 2 Intla TOTECO ax itztosquía tohuaya quema nopa tlacame motlalanque para techtehuise,
\q1
\v 3 techtolojtosquíaj tiyoltoque huan techtzontlamiltijtosquíaj ica ininhueyi cualancayo.
\q1
\v 4 Inijuanti techhuahuatatztosquíaj queja atl tlatilana,
\q1 huan huajca eltosquía queja atemitl panotosquía topani.
\q1
\v 5 Quena, eltosquía queja topani panotosquía se tlahuelatl tlen tetetztic,
\q1 tlen tehuahuatatza huan titzonpolijtosquíaj.
\q1
\v 6 Ma tijtlascamatica TOTECO pampa ax quincahuili ma techcoco.
\q1
\v 7 Queja se tototl cholohua tlen se tlaquetztli,
\q1 queja nopa nojquiya Toteco techchololti ininmaco tocualancaitacahua,
\q1 tlen quinequiyayaj techmasiltise.
\q1 Nopa laso cotonqui huan tojuanti timocajque timalacantoque.
\q1
\v 8 Tojuanti totlapalehuil huala tlen TOTECO,
\q1 tlen quichijchijqui elhuicactli huan tlaltepactli.
\c 125
\s1 Toteco quinmocuitlahuía itlacajhua
\q1
\v 1 Tlacame tlen motemachíaj ipan TOTECO itztoque neltemachme,
\q1 queja nopa tepetl Sion tlen ax mojmolinía,
\q1 huan ijcatoc cuali para nochipa.
\q1
\v 2 Queja Jerusalén quiyahualojtoque miyac tepetini para quimanahuise,
\q1 queja nopa nojquiya TOTECO quinyahualojtoc itlacajhua huan quinmanahuía.
\q1
\v 3 Toteco ax quincahuilis ma tlanahuatica tlacame tlen fiero inintlalnamiquilis,
\q1 pampa huelis itlacajhua tlen itztoque xitlahuaque nojquiya pehuasquíaj quichihuasquíaj tlamantli tlen ax cuali.
\b
\q1
\v 4 TOTECO, xiquinchihuili tlen cuali tlacame tlen cuajcualme,
\q1 huan tlen xitlahuac ininyolo moixtla.
\q1
\v 5 Pero nopa tlacame tlen moiyocaquixtijtoque tlen nopa ojtli tlen cuali huan yohuij ipan se ojtli tlen ax cuali, xiquinhuica campa tiquintlatzacuiltis.
\q1 Huan ma onca paquilistli huan tlasehuilistli ipan tlali Israel.
\c 126
\s1 Toteco quicualtlalis itlal
\q1
\v 1 Quema TOTECO sampa quinhualicas ipan Jerusalén nochi itlacajhua tlen tlatequipanohuaj ipan sequinoc tlaltini,
\q1 elis queja tijtemiquij.
\q1
\v 2 ¡Nelía tihuetzcase huan tihuicase ica paquilistli!
\q1 Huan nopa tlacame tlen sequinoc tlaltini quiijtose:
\q1 “¡Dios quichijtoc huejhueyi tlamantli para nopa israelitame!”
\q1
\v 3 Quena, nelía melahuac TOTECO techchihuilis huejhueyi tlamantli.
\q1 ¡Ma tipaquica!
\b
\q1
\v 4 TOTECO, sampa techmacas tlamantli tlen cuali queja tijpixtoyaj achtohuiya.
\q1 Quena, queja nochi nopa atemitl tlen ajsij ipan nopa huactoc tlali huan quiyancuilía,
\q1 queja nopa xijyancuili toyolis, TOTECO.
\q1
\v 5 Tlen tocaj ica choquistli, ica paquilistli pixcase.
\q1
\v 6 Quena, yonque chocatiyase quema quitoctiyase ininxinach,
\q1 pero quema pixcatij huicatihualase ica paquilistli pampa ya quihualicase tlen quipixcatose.
\c 127
\s1 Nochi tlen cuali huala tlen Toteco
\q1
\v 1 Intla TOTECO ax quitlalana se cali tlen tlacame quichihuasnequij,
\q1 san tlapic inintequi tlen nopano tequitij.
\q1 Intla TOTECO ax quimocuitlahuía se altepetl,
\q1 san tlapic inintequi nopa tlacame tlen nopano tlamocuitlahuíaj.
\q1
\v 2 San tlapic inmehuase cualca para intequitise chicahuac huan ax inmosiyajcahuase hasta tlajcoyohual.
\q1 San tlapic para ica miyac cuesoli inquitemojtinemise imotlacualis huan san ya nopa inquimatise.
\q1 Pampa Toteco Dios quinequi ximotemachica ipan ya huan xicochica cuali.
\q1 Yajaya quinmacas nochi tlen quinicnelía nochi tlen monequi.
\q1
\v 3 Toconehua itztoque se regalo tlen TOTECO.
\q1 Quena, tlen tlacatij tlen totlacayo eltoc queja se tlatlancayotl.
\q1
\v 4 Nopa coneme tlen se quinpiya quema noja se telpoca tlacatl,
\q1 itztoque queja miyac cuatlamintli tlen quintequihuía se soldado para ica momanahuis ipan tlatehuijcayotl.
\q1
\v 5 Cuali ipanti se tlacatl tlen quinpiya miyac iconehua.
\q1 Nopa tlacatl ax mopinahuas intla icualancaitacahua quitelhuíaj iixtla se juez,
\q1 pampa nochi quitlepanitase tlen quinpiyas para ica momanahuis.
\c 128
\s1 Cuali ipanti nopa tlacatl tlen quitlepanita Toteco
\q1
\v 1 Nelía paqui nopa tlacatl tlen quiimacasi huan quitlepanita TOTECO.
\q1 Quena, paqui tlen nemi xitlahuac ipan iojhui.
\q1
\v 2 Quiselis itlaxtlahuil pampa tequiti cuali.
\q1 Yajaya paquis miyac huan nochi tlen quichihuas quisas cuali.
\q1
\v 3 Isihua paquis ipan ichaj.
\q1 Yajaya elis queja se cuali xocomeca tzontli tlen achi más quimocuitlahuíaj, huan tlen temaca miyac itlajca.
\q1 Quinpiyas miyac ininconehua tlen mosehuise campa imesa huan quipiyase miyac chicahualistli.
\q1 Quena, itztose queja olivo cuatini tlen nelía cuali.
\q1
\v 4 Queja nopa TOTECO quitiochihuas nopa tlacatl tlen quiimacasi huan quitlepanita.
\q1
\v 5 TOTECO quitiochihuas tlen altepetl Sion.
\q1 Quicahuilis para quiitas para nochi eltoc cuali ipan Jerusalén nochi tonali tlen iyolis.
\q1
\v 6 Quicahuilis para itztos hasta quinitas iixhuihua.
\q1 ¡Toteco quimacas tlasehuilistli nopa tlali Israel!
\c 129
\s1 Ma huetzica tlen quincocolíaj israelitame huan altepetl Jerusalén
\q1
\v 1 Nochi israelitame hueli quiijtose para hasta quema pejqui itztose israelitame,
\q1 huan pejqui timochihuaj se altepetl tlen san se toeso titlacame,
\q1 tocualancaitacahua techtepotztocatinentoque.
\q1
\v 2 Techcuesolmacatoque hasta quema tiisraelita tlacame tionpejque timoscaltíaj queja se telpocatl.
\q1 Pero ax quema hueltoque techtzontlamiltíaj.
\q1
\v 3 Tocuitlapa techtlamicocojque quema techmaquiliyayaj hasta huejcajquiya.
\q1
\v 4 Pero TOTECO yajaya nelía xitlahuac,
\q1 quicotonqui nopa tepos cadenas tlen ica techtatacatzohuayayaj nopa tlacame tlen ax quitlepanitaj TOTECO.
\q1
\v 5 Ma huetzica ipan se hueyi pinahualistli nochi tlen quicocolíaj altepetl Jerusalén.
\q1
\v 6 Ma elica queja nopa xihuitl tlen nimantzi pilini huan huaqui pampa ixhuatoc ipan tlali tlen ax huejcatla.
\q1
\v 7 Quena, ma elica queja nopa xihuitl tlen axaca quimehua,
\q1 niyon axaca quipixca itlajca pampa ax tleno ipati.
\q1
\v 8 Nimitztlajtlanía para niyon se tlen pano nopa fiero tlacame ma ax quintiochihuaca.
\q1 Axaca ma quiijto:
\q1 “Ma TOTECO inmechtiochihua.”
\q1 Niyon ma ax quiijtoca:
\q1 “Tojuanti timechtiochihuaj ica itequihuejcayo TOTECO.”
\c 130
\s1 Ximotemachica ipan Toteco para inmechmanahuis
\q1
\v 1 TOTECO, quema nimopantía ipan se hueyi tlaohuijcayotl,
\q1 na nimitztzajtzilía para xinechtitlanilis motlapalehuil.
\q1
\v 2 Toteco, xinechtlacaquili quema nimitznojnotza.
\q1 Xinechchihuili cuenta tlen nimitztlajtlanía huan xinechpalehui.
\q1
\v 3 TOTECO, intla tiquilnamiquisquía nochi totlajtlacolhua,
\q1 axaca huelisquía moquetzas moixtla.
\q1
\v 4 Pero ta nelía titetlapojpolhuía,
\q1 para nochi tlacame ma mitztlepanitaca.
\q1
\v 5 Na nimochiya ipan ta, TOTECO, para tinechpalehuis,
\q1 Quena, ica nochi noyolo nimotemachía ipan nopa tlen tinechtlajtolcahuilijtoc ipan motlajtol.
\q1
\v 6 Ipan noalma senquistoc nitlachixtoc para ta, TOTECO, xitequiti.
\q1 Nitlachixtoc para tinechpalehuis,
\q1 queja nopa tlamocuitlahuiani quichiyaj ma tlanesi.
\q1 Quena, más nitlachixtoc huan ax queja tlamocuitlahuiani tlen tlahuel quinequij ma tlanesi.
\b
\q1
\v 7 Nochi inisraelitame, ximotemachica ipan TOTECO,
\q1 pampa san yajaya quipiya hueyi iyolo huan san yajaya temaquixtía ajachica.
\q1
\v 8 Yajaya quinmaquixtis israelitame tlen nochi inintlajtlacolhua.
\c 131
\s1 Ximotemachica ipan Toteco
\q1
\v 1 TOTECO, na ax nimohueyimati,
\q1 niyon ax nimotlepanita.
\q1 Na ax nimoilhuía para achi más nicuali,
\q1 niyon ax nimoilhuía para más nijmati que sequinoc.
\q1
\v 2 Na ax nimolinía iixtla Toteco.
\q1 Nimochijtoc queja se piloquichpiltzi tlen sanoc quicajtoc chichi huan mosehuía icuaxanco inana.
\q1 Quena, ayoc tleno nimitztlajtlanijtoc.
\q1
\v 3 Huajca inisraelitame tlen ama huan para nochipa,
\q1 san ximotemachica ipan TOTECO.
\c 132
\s1 Tlamaijtoli para Toteco ma quitiochihua nopa tiopamitl
\q1
\v 1 TOTECO, xiquilnamiqui David huan quejatza tlaijiyohui.
\q1
\v 2 Xiquilnamiqui quejatza David tlatestigojquetzqui ica ta, TOTECO,
\q1 tlen tiiTeco Jacob, Tlen Tijpiya Nochi Chicahualistli.
\q1
\v 3 Quiijto:
\q1 “Ax nicalaquis nocalijtic,
\q1 niyon ax nimotecas ipan notlapech para nicochis.
\q1
\v 4 Ax niixijcopis, niyon ax nicochis niyon se tlalochtli,
\q1
\v 5 hasta nijpantis se lugar campa huelis nijchihuas ichaj TOTECO para ipan ma mocahua,
\q1 yajaya tlen iTeco Jacob, Tlen Quipiya Nochi Chicahualistli.”
\b
\q1
\v 6 Tijcajque camatij ipan tlali Efrata para icaxa TOTECO eltoya nopano,
\q1 huan teipa tijpantijque huejca tlen altepetini ipan cuatitlamitl.
\q1
\v 7 Huajca ama ma tiyaca ipan itiopa Toteco.
\q1 Ma tiyase timotlancuaquetzatij iixtla para tijhueyichihuase.
\b
\q1
\v 8 TOTECO, ximotlalana huan xicalaqui ipan nopa tiopamitl campa eltoc mocaxa,
\q1 tlen quiixnextía mochicahualis.
\q1
\v 9 Nopa totajtzitzi tlen tiquintlapejpenijtoc ma moquentica ininyoyo chipahuac tlen quinixnextía para tlatzejtzeloltique,
\q1 huan nochi tlacame tlen tiquiniyocatlalijtoc ma tzajtzica ica paquilistli.
\q1
\v 10 NoTeco, pampa tiquicnelía motlatequipanojca David,
\q1 amo ximoicancuepa tlen nopa tlanahuatijquetl tlen ta tijtlapejpeni,
\q1 para quinnahuatis motlacajhua.
\q1
\v 11 Pampa ta, TOTECO, tijtlajtolcahuili David,
\q1 huan ax quema tiquilcahua tijchihua tlen tijtlajtolcahua.
\q1 Huan ta tiquilhui para teipa tiquintlalis iixhuihua ipan isiyaj para tlanahuatise.
\q1
\v 12 Huan intla iixhuihua quichihuase tlen quiijtohua nopa tlajtolsencahuali tlen tijchijqui ica David huan intla quitlepanitase motlajtol,
\q1 huajca inijuanti nojquiya mosehuise ipan isiyaj para tlanahuatise para nochipa.
\q1
\v 13 Pampa ta TOTECO, tijtlapejpenijtoc altepetl Jerusalén para tiitztos nopano.
\q1
\v 14 Tiquijto:
\q1 “Ya ni elis nochaj campa niitztos para nochipa.
\q1 Nopano nimocahuas pampa ya nopa tlen nijnequi.
\q1
\v 15 Nijtiochihuas ni altepetl miyac huan niquintlamacas itlacajhua tlen teicneltzitzi.
\q1
\v 16 Niquinmaquixtis itotajtzitzi tlen nochi tlen quinequij quincocose,
\q1 huan itlatzejtzeloltijca tlacajhua tzajtzise ica paquilistli.
\q1
\v 17 Nopa chicahualistli tlen David quipixqui sampa nijchihuas para monextis ipan icone,
\q1 huan yajaya tlen nicaltijtoc para nijtequimacas queja tlanahuatijquetl elis queja se tlahuili para itlacajhua.
\q1
\v 18 Icualancaitacahua niquinmajcahuas ipan se hueyi pinahualistli,
\q1 pero yajaya tlen tlanahuatijquetl tlanahuatis cuali huan monextis nochi ihueyitilis.”
\c 133
\s1 Nelía yejyectzi nesi quema timosentilíaj ininhuaya toicnihua
\q1
\v 1 Xiquitaca, nelía cuali huan yejyectzi nesi para icnime ma mocahuaca san sejco ica san se ininyolo.
\q1
\v 2 Quema san se ininyolo tlacame, eltoc yejyectzi queja nopa aceite tlen quitequilijque Aarón ipan itzonteco,
\q1 huan temoc ipan itentzo huan yajqui hasta iteno iyoyo.
\q1
\v 3 Eltoc yejyectzi huan nesi queja nopa ajhuechtli tlen huetzi ipan tepetl Hermón huan temotiya ipan tepetl Sion.
\q1 Pampa campa itztoque san sejco ica san se ininyolo tlacame,
\q1 TOTECO nopano quititlani tlatiochihualistli huan yolistli para nochipa.
\c 134
\s1 Ma tijtlascamatica Toteco sesen tiotlac
\q1
\v 1 Ama xijhueyimatica TOTECO,
\q1 nochi imojuanti inintlatequipanojcahua.
\q1 Xijhueyimatica nochi imojuanti tlen sesen tlayohua intlamocuitlahuíaj ipan ichaj.
\q1
\v 2 Ximomatlalanaca huan xijtlascamatica TOTECO.
\q1
\v 3 Ma inmechtiochihua TOTECO tlen nopano ipan altepetl Sion,
\q1 Quena, ma inmechtiochihua Toteco tlen quichijchijqui elhuicactli huan tlaltepactli.
\c 135
\s1 Toteco nelía hueyi, pero teteyome ax tleno ininpati
\q1
\v 1 ¡Xijpaquilismacaca TOTECO!
\q1 Quena, xijpaquilismacaca nochi imojuanti inintlatequipanojcahua.
\q1
\v 2 Xijpaquilismacaca nochi imojuanti tlen initztoque ipan ichaj TOTECO huan tlen innentinemij icalixpa.
\q1
\v 3 Xijpaquilismacaca TOTECO pampa yajaya nelía cuali.
\q1 Xijhuicatica ica tiohuicatl pampa yajaya hueyi iyolo.
\q1
\v 4 Pampa TOTECO quitlapejpenijtoc Jacob para quiicnelis.
\q1 Quintlapejpeni nochi iixhuihua ma elica iaxcahua.
\q1
\v 5 Na nijmati para TOTECO tlahuel hueyi.
\q1 Nijmati para yajaya tlahuel más hueyi que nochi tlen quintocaxtíaj “tiotzitzi”.
\q1
\v 6 TOTECO quichihua nochi tlen quinequi quichihuas ipan elhuicactli, tlaltepactli,
\q1 huan ipan hueyi atl huan campa más huejcatla.
\q1
\v 7 Quichihua para ipan nochi tlaltepactli ma motlalana mixtli,
\q1 huan nojquiya quititlani tlapetlanilotl huan quichihua ma tlaahuetzi.
\q1 Yajaya quinahuatía ma quisa nopa ajacatl tlen campa quiajcojtoc.
\q1
\v 8 Quichijqui ma miqui nopa achtohui ejquetl ipan sesen familia tlen tlali Egipto,
\q1 huan nopa achtohui ejquetl tlen inintlapiyalhua.
\q1
\v 9 Quichijqui huejhueyi chicahualnescayotl ipan tlali Egipto iixtla Faraón huan itlatequipanojcahua.
\q1
\v 10 Quintzontlamilti miyac tlacame ipan miyac tlaltini.
\q1 Quinmicti tlanahuatiani tlen quipiyayayaj miyac chicahualistli.
\q1
\v 11 Quimicti Sehón tlen eliyaya inintlanahuatijca nopa amorreos.
\q1 Nojquiya quimicti Og tlanahuatijquetl tlen tlali Basán huan nochi nopa tlanahuatiani ipan tlali Canaán.
\q1
\v 12 Huan nochi nopa tlali tlen quinahuatiyayaj nopa tlanahuatiani quincuili,
\q1 huan quinmacac nopa tlaltini nopa israelitame queja elisquía se tlamantli tlen inintata quincahuilijtejqui.
\b
\q1
\v 13 TOTECO, tlacame mitzilnamictose para nochipa.
\q1 Nochi tlacame tlen tlacajtiyase mitzixmajtose para tlahuel tihueyi.
\b
\q1
\v 14 Pampa TOTECO quintlajtolsencahuas xitlahuac nochi itlacajhua,
\q1 huan yajaya quintlasojtlas itlatequipanojcahua.
\q1
\v 15 Nopa tlacame tlen itztoque ipan tlaltini tlen ax quiixmatij Toteco,
\q1 quinhueyichihuaj teteyome tlen oro huan plata tlen quinchijchijtoque ica ininma.
\q1
\v 16 Nopa teteyome quipiyaj inincamac, pero ax camatij,
\q1 quipiyaj iniixtiyol, pero ax tlachiyaj.
\q1
\v 17 Quipiyaj ininnacas, pero ax tlacaquij,
\q1 huan nojquiya ax hueli tlaijiyotilanaj.
\q1
\v 18 Nopa tlacame tlen quinchijchihuaj nopa teteyome nelía huihuitique,
\q1 san se queja nopa teteyome,
\q1 huan san se huihuitique tlen ininpan motemachíaj.
\b
\q1
\v 19 ¡Inisraelitame, xijpaquilismacaca, TOTECO!
\q1 Imojuanti intotajtzitzi tlen iniixhuihua Aarón, xijpaquilismacaca TOTECO.
\q1
\v 20 Iniixhuihua Leví, xijpaquilismacaca TOTECO.
\q1 Huan nochi imojuanti tlen inquiimacasij huan inquitlepanitaj TOTECO,
\q1 xijpaquilismacaca.
\q1
\v 21 Nochi tlacame ipan altepetl Jerusalén ma quipaquilismacaca TOTECO pampa yajaya itztoc nica ipan altepetl Jerusalén.
\q1 ¡Paquilistli!
\c 136
\s1 Ma tijtlascamatica Toteco
\q1
\v 1 Xijtlascamatica TOTECO pampa yajaya nelía cuali,
\q1 pampa iteicnelijcayo ax quema tlami.
\q1
\v 2 Xijtlascamatica Toteco Dios tlen más hueyi tlen nochi sequinoc “tiotzitzi”,
\q1 pampa iteicnelijcayo ax quema tlami.
\q1
\v 3 Xijtlascamatica Toteco Dios tlen ininTeco nochi tecojme,
\q1 pampa iteicnelijcayo ax quema tlami.
\q1
\v 4 Xijtlascamatica TOTECO pampa san ya hueli quichihua huejhueyi tlamantli,
\q1 pampa iteicnelijcayo ax quema tlami.
\q1
\v 5 Xijtlascamatica yajaya tlen quichijchijqui elhuicactli ica miyac tlalnamiquistli,
\q1 pampa iteicnelijcayo ax quema tlami.
\q1
\v 6 Xijtlascamatica yajaya tlen quitlali ni tlali ipani atl,
\q1 pampa iteicnelijcayo ax quema tlami.
\q1
\v 7 Xijtlascamatica yajaya tlen quinchijchijqui nopa tlahuili tlen onca nepa elhuicac,
\q1 pampa iteicnelijcayo ax quema tlami.
\q1
\v 8 Quichijchijqui nopa tonati para ma tlahui tonaya,
\q1 pampa iteicnelijcayo ax quema tlami.
\q1
\v 9 Huan quichijchijqui metztli huan sitlalime para ma tlahuica tlayohua,
\q1 pampa iteicnelijcayo ax quema tlami.
\q1
\v 10 Xijtlascamatica TOTECO tlen quintzontlamilti nopa achtohui ehuani tlen tlali Egipto,
\q1 pampa iteicnelijcayo ax quema tlami.
\q1
\v 11 Xijtlascamatica tlen quinquixti israelitame ipan inintlal nopa egiptome,
\q1 pampa iteicnelijcayo ax quema tlami.
\q1
\v 12 Quena, quinquixti ica ihueyi chicahualis huan ica inejmatl quinpalehui,
\q1 pampa iteicnelijcayo ax quema tlami.
\q1
\v 13 Xijtlascamatica yajaya tlen quixelo nopa Hueyi Atl Chichiltic para ma panoca itlacajhua,
\q1 pampa iteicnelijcayo ax quema tlami.
\q1
\v 14 Huan quinpanolti nopa israelitame ipan tlali huactoc tlatlajco nopa hueyi atl,
\q1 pampa iteicnelijcayo ax quema tlami.
\q1
\v 15 Pero quinatzonpolihuilti Faraón huan isoldados ipan nopa hueyi atl,
\q1 pampa iteicnelijcayo ax quema tlami.
\q1
\v 16 Xijtlascamatica Toteco tlen quinyacanqui itlacajhua ipan nopa huactoc tlali,
\q1 pampa iteicnelijcayo ax quema tlami.
\q1
\v 17 Xijtlascamatica yajaya tlen quinmanahui itlacajhua ininmaco tlanahuatiani tlen quipixque miyac chicahualistli,
\q1 pampa iteicnelijcayo ax quema tlami.
\q1
\v 18 Yajaya quintzontlamilti huejhueyi tlanahuatiani tlen tlahuel quipiyayayaj chicahualistli,
\q1 pampa iteicnelijcayo ax quema tlami.
\q1
\v 19 Quitzontlamilti Sehón, inintlanahuatijca nopa amorreos,
\q1 pampa iteicnelijcayo ax quema tlami.
\q1
\v 20 Nojquiya quimicti Og, tlanahuatijquetl tlen tlali Basán,
\q1 pampa iteicnelijcayo ax quema tlami.
\q1
\v 21 Huan inintlal nopa tlanahuatiani,
\q1 Toteco quinmacac itlacajhua queja se tlamantli tlen inintata quincahuilijtejqui,
\q1 pampa iteicnelijcayo ax quema tlami.
\q1
\v 22 Quena, quimacac itlatequipanojca Israel para ma moaxcati nopa tlali para nochipa,
\q1 pampa iteicnelijcayo ax quema tlami.
\q1
\v 23 Yajaya tlen techilnamijqui tiisraelitame quema ayoc tijpiyayayaj chicahualistli,
\q1 pampa iteicnelijcayo ax quema tlami.
\q1
\v 24 Yajaya techmanahui ininmaco tocualancaitacahua,
\q1 pampa iteicnelijcayo ax quema tlami.
\q1
\v 25 Yajaya quinmaca tlacualistli nochi tlamantli tlen yoltoque,
\q1 pampa iteicnelijcayo ax quema tlami.
\q1
\v 26 Xijtlascamatica Toteco Dios tlen quinahuatía elhuicactli,
\q1 pampa iteicnelijcayo ax quema tlami.
\c 137
\s1 Inincuesol israelitame tlen itztoque ipan tlali Babilonia
\q1
\v 1 Ipan tlali Babilonia timosehuiyayaj iteno atemitl,
\q1 huan timochoquiliyayaj,
\q1 pampa tiquilnamiquiyayaj altepetl Jerusalén,
\q1 huan quejatza onpano cuali elqui.
\q1
\v 2 Tiquintlahuelcajtoyaj toarpas huan tiquincuapilojtoyaj ipan ininmacuayo nopa cuatini.
\q1
\v 3 Ax hueliyaya tihuicaj.
\q1 Pero inijuanti tlen techhualicaque ica fuerza ipan inintlal,
\q1 techtlajtlanijque ma tihuicaca ica paquilistli nopa yejyectzitzi huicatl tlen tihuicayayaj quema tiitztoyaj ipan altepetl Jerusalén.
\q1
\v 4 Pero ax tihuelque.
\q1 Ax hueli tihuicase se huicatl para Toteco ipan sejcoyoc ica tlacame tlen ax tiquinixmatij.
\q1
\v 5 Intla niquilcahuasquía altepetl Jerusalén,
\q1 ma quipolo ichicahualis nonejmatl,
\q1 huan ma ayoc huelis quitzotzonas nopa arpa.
\q1
\v 6 Xijcahua nonenepil ma tlatzqui ipan nocamachal para ayoc hueli nihuicas,
\q1 intla ayoc niquicnelisquía Jerusalén más tlen nochi tlamantli tlen nechpaquilismaca.
\b
\q1
\v 7 TOTECO, amo xiquilcahua tlen nopa tlali Edom ehuani quiijtojque,
\q1 quema nopa soldados tlen tlali Babilonia quixolehuayayaj altepetl Jerusalén.
\q1 Inijuanti quiijtohuayayaj:
\q1 “Xijxolehuaca nopa altepetl hasta campa tlatzquijtoc.”
\b
\q1
\v 8 Teicneltzi ni tlali Babilonia,
\q1 pampa nojquiya quixolehuase.
\q1 Nelía paquis nopa tlacatl tlen quitlamixolehuas huan quintzontlamiltis itlacajhua.
\q1
\v 9 ¡Tlahuel paquis nopa tlacatl tlen quinitzquis coneme tlen Babilonia huan quinxaxamatzas ipan tetl,
\q1 ipampa tlen fiero quichijtoque inintatahua ipan altepetl Jerusalén!
\c 138
\s1 Tlascamatili ipampa itlapalehuil Toteco
\q1
\v 1 Ica nochi noyolo nimitztlascamatis, TOTECO,
\q1 huan nihuicas para ta iniixtla nopa moelhuicac ejcahua.
\q1
\v 2 Nimotlancuaquetza iixmelac motiopa tlen tlatzejtzeloltic,
\q1 huan nimitztlascamatis pampa nelía titetlasojtla huan titemachtli.
\q1 Nochi tlen tinechtlajtolcahuilijtoc para tijchihuas,
\q1 tijtlamichihuas pampa motlajtol nelía temachtli queja ta titemachtli.
\q1
\v 3 Quema nimitztzajtzilía,
\q1 ta tinechnanquilía huan tinechfuerzajmaca.
\q1
\v 4 TOTECO, nochi tlanahuatiani tlen itztoque ipan ni tlaltepactli mitztlascamatise,
\q1 pampa nochi inijuanti quicaquise tlen tijtlajtolcajtoc.
\b
\q1
\v 5 Quena, huicase ipampa nochi nopa huejhueyi tlamantli tlen quichijtoc TOTECO,
\q1 pampa ihueyitilis nelhueyi.
\q1
\v 6 Yonque TOTECO tlahuel hueyi,
\q1 yajaya quintlacaquilía tlen moicnonequij.
\q1 Pero tlen mohueyimatij,
\q1 monequi moquetzase huejca tlen Toteco,
\q1 pampa yajaya ax quinequi quinitas.
\b
\q1
\v 7 Intla niitztoc ipan tlaijiyohuilistli, ta TOTECO,
\q1 tinechmanahuía huan tinechmaquixtía.
\q1 Huan quema nechtehuíaj nocualancaitacahua,
\q1 ta tijxitlahua moma huan tinechmaquixtía ica mohueyi chicahualis.
\q1
\v 8 TOTECO, ta tijchihuas nochi tlen timoilhuijtoc para tijchihuas ipan na noyolis.
\q1 Pampa nopa teicnelijcayotl tlen tijpiya ica na, TOTECO,
\q1 ax quema tlami.
\q1 Amo xinechtlahuelcahua pampa ta tinechchijchijqui.
\c 139
\s1 Toteco itztoc campa hueli
\q1
\v 1 TOTECO, ta tinechyoltlachilijtoc huan tijmati nochi tlen na.
\q1
\v 2 Ta cuali tijmati intla nimosehuía o nimoquetza.
\q1 Huan quema niitztoc huejca,
\q1 ta tijmati tlachque nijpixtoc ipan notlalnamiquilis.
\q1
\v 3 Ta tinechnextilía nopa ojtli tlen monequi nijtoquilis,
\q1 huan tinechilhuía canque nicalaquis huan canque nimosiyajcahuas.
\q1 Sesen tlalochtli ta tijmati canque niitztoc.
\q1
\v 4 Ta TOTECO, tijmati tlachque niquijtos hasta quema aya nicamati.
\q1
\v 5 Ta tinechyahualojtoc pampa tiya ica noixtla huan ica noica,
\q1 huan nopani tijtlalía moma para tinechtiochihuas.
\q1
\v 6 Nochi ni tlamantli tlen ta tijmati nelía yejyectzi,
\q1 huan ohui para nijneltocas.
\q1
\v 7 Ax cana hueli nimotlatis tlen moTonaltzi.
\q1 Ax cana huelis nimotlatis huan ax tiitztos nopano.
\q1
\v 8 Intla nitlejcos hasta elhuicac para nimotlatis,
\q1 ta nopano tiitztoc.
\q1 Huan intla niyasquía ipan nopa hueyi tlacoyoctli campa itztoque mijcatzitzi,
\q1 ta nepa tiitztoc.
\q1
\v 9 Intla nijpiyasquía noeltlapal huan nipatlanisquía,
\q1 huan niquixcotonasquía nopa hueyi atl,
\q1
\v 10 hasta nepa tinechyacanasquía ica mohueyi chicahualis.
\q1
\v 11 Intla nijchihuasquía campeca para nimotlatis ipan tzintlayohuilotl,
\q1 nopa tzintlayohuilotl mocuepasquía tlahuili yahualtic tlen na,
\q1 pampa ta tiitztos nopano.
\q1
\v 12 Pampa niyon nopa tzintlayohuilotl ax hueli nechtlatis moixtla, Toteco.
\q1 Pampa para ta nopa yohuali tlahuía queja elisquía tonaya.
\q1 Nopa tzintlayohuilotl huan tlahuili ta tiquita san se.
\q1
\v 13 Ta tijsencajqui sesen tlamantli tlen onca iijtic notlacayo.
\q1 Huan tijmotzquilti sesen tlamantli tlen nijpiya,
\q1 quema niitztoya iijtico nonana.
\q1
\v 14 Nimitztlascamati pampa nochi tinechsencajqui ma nieli se tlamantli tlen nelía cuajcualtzi.
\q1 Quena, nopa tequitl tlen tijchijqui quema tinechsencajqui onpano yejyectzi.
\q1 San nijsentlachilía para nimoilhuis nochi tlen tijchijtoc ipan notlacayo.
\q1
\v 15 Ta tijtlachiliyaya quema na nipejqui nimoscaltía nopano ipan iijtico nonana, nel nimotlatijtoya tlen nochi sequinoc.
\q1 Quema axaca más quitlachiliyaya,
\q1 ta tinechchijchijqui ica mohueyi yajatil,
\q1 queja se tlen cuali quimati tlaxinepalohua.
\q1
\v 16 Ta tinechitac quema aya nitlacatiyaya.
\q1 Huan quema aya nitlaijiyotilanayaya,
\q1 tiquixtlali quesqui tonali niitztosquía.
\q1 Huan sesen tonal tlen niitztosquía huan tlachque nopantis,
\q1 ta tiquijcuilo ipan molibro.
\q1
\v 17 Toteco Dios, nelía yejyectzi quema nimomaca cuenta para ta tijsenhuiquilía timoyolilhuía tlen na.
\q1
\v 18 Hasta ax hueli nijpohua quesqui huelta timoyolilhuía tlen na ipan se tonali.
\q1 Huan ica ijnaloc quema niisa,
\q1 ta noja timoyolilhuijtoc tlen na.
\q1
\v 19 Toteco Dios, nelía elisquía cuali intla tiquintzontlamiltisquía nochi tlacame tlen ax mitztlepanitaj.
\q1 Xijchihua ma nechtlalcahuica nopa temictiani,
\q1
\v 20 pampa inijuanti mitztlaijilhuíaj,
\q1 huan san quiahuilmatij motoca.
\q1
\v 21 TOTECO, ¿ax tiquita para quinamiqui ma niquincocoli inijuanti tlen mitzcocolíaj?
\q1 ¿Ax quinamiqui nicualanis ica mocualancaitacahua?
\q1
\v 22 Quena, tlahuel niquincocolía,
\q1 pampa niquinita queja nojquiya elisquíaj nocualancaitacahua na.
\q1
\v 23 NoTeco Dios, xijtlachili noyolo huan xiquita nochi tlen eltoc nopano.
\q1 Huan xijyejyeco notlalnamiquilis para tiquitas intla xitlahuac tlen nimoilhuía.
\q1
\v 24 Xinechnextili intla onca ipan notlalnamiquilis se tlalnamiquistli tlen ax mitzpactía,
\q1 huan xinechyacantiya ipan nopa ojtli tlen tehuica campa onca yolistli para nochipa.
\c 140
\s1 Toteco xinechmanahui ininmaco ax cuajcualme
\q1
\v 1 TOTECO, xinechmanahui ininmaco nopa tlaixpanoca tlacame.
\q1 Xinechmocuitlahui para tlatehuijca tlacame ax huelis nechcocose.
\q1
\v 2 Inijuanti nochi se tonal quisencahuaj quejatza quichihuase tlamantli tlen ax cuali.
\q1 Ajachica quinequij quipehualtise cualantli.
\q1
\v 3 Inintlajtol tecocohua queja itencococa se cohuatl o se colotl.
\q1
\v 4 TOTECO, xinechmocuitlahui para ax nihuetzis ininmaco tlacame tlen ax cuajcualme,
\q1 huan tlen tetlaijilhuíaj,
\q1 pampa inijuanti moilhuijtoque quejatza nechtlaijilhuise.
\q1
\v 5 Nopa tlacame tlen mohueyimatij quitlalijtoque se tlaquetztli para ma nimasi.
\q1 Quitlalijtoque se laso para ica nechcuapilose para ma nimohuisos ajacatipa.
\q1 Nechchiyaj ica se matlatl para nechmasiltise.
\q1
\v 6 Na nimitzilhuijtoc, TOTECO, para ta tinoDios.
\q1 Xinechtlacaquili quema nimitztzajtzilía.
\q1
\v 7 Ta tiTOTECO Dios, tinotemaquixtijca,
\q1 ta tijpiya nochi chicahualistli para tinechmaquixtis.
\q1 Ta tinechmocuitlahuía quema onca tlatehuijcayotl.
\q1
\v 8 TOTECO, amo xiquincahua ma tlatlanica nopa tlacame tlen ax mitztlepanitaj.
\q1 Amo xiquinpalehui para ma quisa cuali tlen quinequij quichihuase para ma ax mohueyimatica.
\q1
\v 9 Xijchihua para nochi tlamantli tlen moilhuijtoque quichihuase ma huetzi ininpani.
\q1 Ma motzontlamiltica senquistoc queja quisencajtoyaj nechtzontlamiltise na.
\q1
\v 10 Ipan inintzonteco ma huetzi tlicoli,
\q1 o xiquinmajcahua ipan tlitl,
\q1 o ipan tlacoyoctli tlen tlahuel huejcatla campa ayoc huelise quisase.
\q1
\v 11 Amo xiquincahuili ma tlatlanica ipan totlal nopa tlacame tlen quinpactía istlacatise.
\q1 Más cuali nimantzi xiquintlatzacuilti.
\q1
\v 12 Pero na cuali nijmati para ta, TOTECO,
\q1 tiquinpalehuis nopa teicneltzitzi tlen inijuanti quintepotztocatinemij.
\q1 Ta tiquinpalehuis tlen teicneltzitzi para ma quisa cuali para inijuanti queja quinamiqui.
\q1
\v 13 Huan tlacame tlen itztoque xitlahuaque mitztlascamatise,
\q1 pampa quimatij para temachtli itztotij moixtla.
\c 141
\s1 Tlamaijtoli para Toteco ma quimanahui
\q1
\v 1 TOTECO, na nimitznotza.
\q1 Ximoisihuilti xinechpalehuiqui.
\q1 Xinechtlacaquili quema nimomaijtohua ica ta.
\q1
\v 2 Xijseli notlamaijtolis queja elisquía copali tlen quitlatíaj moixtla,
\q1 huan quema nimomatlalana para nimitzhueyimati,
\q1 xiquita queja se tlacajcahualistli tlen nimitzmactilía ica tiotlac.
\q1
\v 3 TOTECO, xinechmocuitlahui para ma ax nicamati quej hueli.
\q1 Xinechpalehui para nimocamatzacuas.
\q1
\v 4 Amo xinechcahuili nijnequis tlamantli tlen ax cuali.
\q1 Amo xinechcahuili ma niquinpalehuis tlaixpanoca tlacame ica tlen quichihuaj.
\q1 Ma ax niquixtoca nijcuas nopa cuali tlamantli tlen quipiyaj.
\q1
\v 5 Quema monequi se nechtlalnamictis,
\q1 xijchihua para tlen monejnemiltíaj xitlahuac moixtla ma nechtlatzacuiltica.
\q1 Ya nopa niquitasquía queja se tlamantli cuali tlen nechchihuilíaj.
\q1 Intla tlacame tlen cuajcualme nechtlacahualtise,
\q1 elis queja se pajtli para na.
\q1 Amo xinechcahuili para nijhuejcamajcahuas inon.
\q1 Pero na ajachica nimomaijtohua para ma quiselica tlatzacuiltili tlaixpanoca tlacame.
\q1
\v 6 Quema nijchihuas para mocuamimilose inintlayacanca ipan tepexico,
\q1 quicaquise notlajtol huan quipantise para nelcuali.
\q1
\v 7 Nopa fiero tlacame quiselise tlatzacuiltili huan iniomiyohua quitepehuase ipan campa hueli tlali.
\q1
\v 8 TOTECO, ta tlen titoTeco, na san nimitzchiya para tinechpalehuis.
\q1 Ipan ta nimotemachía para tinechmocuitlahuis.
\q1 Amo xiquincahuili ma nechmictica.
\q1
\v 9 Xinechpalehui para ax nimasis ipan nopa tlaquetztli tlen quitlalijtoque nopa fiero tlacame.
\q1
\v 10 Xijchihua para nopa ax cuajcualme ininseltitzi ma momasiltica ica nopa tlaquetztli tlen quisencajtoque para sequinoc.
\q1 Pero na ma nipano nimalacantoc huan ax tleno ma nopanti.
\c 142
\s1 David tlajtlanqui tlapalehuili quema itztoya ipan tlaohuijcayotl
\q1
\v 1 Chicahuac nijtzajtzilis TOTECO huan nijtlajtlanis ma nechtlasojtla.
\q1
\v 2 Iixtla ya nijpohuilía nochi tlen nechcuesolmaca.
\q1
\v 3 Quema eltoc queja nimisahuía ipan tlaohuijcayotl,
\q1 huan ayoc nijmati tlachque nijchihuas, nijnojnotza.
\q1 San ya quimati tlachque ojtli monequi nijtoquilis para nimomanahuis tlen nopa tlaquetztli,
\q1 tlen quitlalijtoque nocualancaitacahua.
\q1 Quena, campa hueli quitlatijtoque tlaquetztli ipan noojhui.
\q1
\v 4 Nijtlachili campa hueli huan niquitac.
\q1 Axaca moyolilhuía tlen na.
\q1 Axaca quinequi nechpalehuis.
\q1 Axaca nechmocuitlahuía, niyon axaca quichihuilía cuenta noyolis.
\b
\q1
\v 5 Huajca na nimitztzajtzili, TOTECO, huan nimitzilhui:
\q1 “TOTECO, san ipan ta nimotemachía para tinechmocuitlahuis.
\q1 San ta hueli tinechmanahuis para ax tleno nopantis.
\q1
\v 6 Xijtlacaquili tlen nimitztlajtlanía,
\q1 pampa tlahuel nechtlaijiyohuiltíaj tlacame.
\q1 Xinechmanahui ininmaco tlen nechtepotztocatinemij,
\q1 pampa inijuanti achi más quipiyaj chicahualistli que na.
\q1
\v 7 Xinechquixti ipan ni tlatzactli campa niitztoc para nihuelis nimitztlascamatis.
\q1 Huan huajca nopa tlacame tlen itztoque xitlahuaque,
\q1 nechyahualose huan paquise pampa tijpiyas hueyi moyolo nohuaya para nochipa.”
\c 143
\s1 Tlamaijtoli para Toteco ma quimanahui huan ma quiyacana
\q1
\v 1 ¡TOTECO, xijtlacaquili tlen nimomaijtohua ica ta!
\q1 Xinechnanquili pampa ta titemachtli huan san tlen cuali tijchihua.
\q1
\v 2 Amo ximochihua queja se juez huan xinechtlajtolsencahua,
\q1 pampa moixtla ta axaca se tlacatl tlen itztoc xitlahuac.
\q1
\v 3 Nocualancaitacahua nechtepotztocatoque huan nechitzquijque.
\q1 Nechmajcajque huan nechchihuilijque ma niitzto ipan tzintlayohuilotl queja tlen ya mictoque.
\q1
\v 4 Nelía senquistoc nimoyolcuesohua,
\q1 hasta ayoc nijmati tlachque nijchihuas.
\q1
\v 5 Niquilnamiqui quejatza eltoya ipan nopa tonali tlen panoc.
\q1 Nimoyolilhuía tlen nochi huejhueyi tlamantli tlen tijchijqui.
\q1
\v 6 Yeca nimomatlalana moixtla huan nimitztemohua.
\q1 Ipan noyolo tlahuel nimitznequi queja se tlali tlen huactoc quinequi atl.
\q1
\v 7 TOTECO, nimantzi xinechnanquili pampa tlahuel nitlaijiyohuía ipan noyolo.
\q1 Amo ximoicancuepa tlen na para ax nimiquis.
\q1
\v 8 Ica ijnaloc, xinechnextili moteicnelijcayo,
\q1 pampa ipan ta nimotemachijtoc para tinechmocuitlahuis.
\q1 Xinechnextili nopa ojtli tlen monequi nijtoquilis,
\q1 pampa san ta nimitzilhuía tlen eltoc ipan noyolo.
\q1
\v 9 TOTECO, xinechmanahui tlen nocualancaitacahua,
\q1 pampa ipan ta nimotemachía para ax tleno nopantis.
\q1
\v 10 Xinechmachti ma nijchihua tlen ta tijnequi pampa ta tinoTeco Dios.
\q1 MoTonaltzi ma nechyacana campa cuali nopa ojtli.
\q1
\v 11 TOTECO, xinechmaquixti para ma monextis mohueyitilis.
\q1 Xinechquixti tlen ni tlaijiyohuilistli pampa ta tijchihua tlen xitlahuac.
\q1
\v 12 Pampa ta tinechicnelía, xiquinhuejhuelo nochi nocualancaitacahua.
\q1 Xiquintzontlamilti nochi tlen quinequij nechchihuilise tlen ax cuali,
\q1 pampa nimotlatequipanojca.
\c 144
\s1 Tlamaijtoli para Toteco ma quipalehui para tlatlanis
\q1
\v 1 Ma nochi quipaquilismacaca TOTECO tlen nechtlatíaj para ax nechajsise nocualancaitacahua.
\q1 Yajaya nechyacana huan nechnextilía quejatza nitlatehuis.
\q1
\v 2 Yajaya nechtlasojtla huan yajaya nechpixtoc campa temachtli.
\q1 Yajaya nechpixtoc imaco huan nechchololtis tlen nocualancaitacahua.
\q1 Yajaya notlamanahuijca huan ipan ya nimotemachijtoc.
\q1 Yajaya quintlalijtoc nomaco miyac tlaltini ica inintlacajhua para ma niquinnahuatis.
\b
\q1
\v 3 TOTECO, ¿tlachque topati titlacame para toca timocuatotonía?
\q1 ¿Tlachque topati para tlahuel ta titechpatiita?
\q1
\v 4 Pampa toyolis san panotehua queja se ajacatl huan queja se ecahuilotl.
\q1
\v 5 TOTECO, xijcuelpacho nopa elhuicactli huan xitemo xinechpaxaloqui.
\q1 Intla tiquinpanajsis nopa tepetini, popocase.
\q1
\v 6 Xijtitlani tlapetlanilotl queja elisquía cuatlamintli,
\q1 huan xiquinsemana nochi mocualancaitacahua huan ax quimatise tlachque quichihuase.
\q1
\v 7 Hasta tlen nepa elhuicac xijxitlahua moma huan xinechmaquixti.
\q1 Xinechchololti ininmaco ni nocualancaitacahua tlen sequinoc tlaltini ehuaj huan tlahuel quipiyaj chicahualistli.
\q1 Na nijmati queja nimisahuisquía ipan se atl tlen tlahuel huejcatla.
\q1
\v 8 Inijuanti san quinpactía istlacatise.
\q1 Tlatestigojquetzaj para quiijtose tlen melahuac,
\q1 huan nimantzi istlacatij.
\q1
\v 9 NoTeco Dios, na nihuicas huicatl tlen yancuic,
\q1 huan nitlatzotzonas ipan noarpa tlen quipiya majtlactli cuerdas.
\q1
\v 10 Pampa ta tlen tiquinchihua ma tlatlanica tlanahuatiani.
\q1 Ta tlen tinechmaquixti na nimotlatequipanojca, David, para ma ax nechmictica ica machete.
\q1
\v 11 Nojquiya xinechmaquixti huan xinechmanahui ininmaco nocualancaitacahua,
\q1 pampa inijuanti san teistlacahuíaj huan tlacajcayahuaj.
\q1
\v 12 Xijchihua para totelpocahua ma elica tejtetique huan huejcapantique queja cuatini tlen yejyectzi moscaltíaj.
\q1 Huan toichpocahua ma elica yejyectzitzi,
\q1 queja nopa tlaquetzaltini tlen quinyejyecchijtoque,
\q1 huan quinquetztoque ipan ininchajchaj tlanahuatiani.
\q1
\v 13 Xijchihua para tocoxtalhua ma temica ica miyac tlamantli pixquistli.
\q1 Huan toborregojhua ma momiyaquilica hasta ma mochihuaca miles huan millones ipan topotrero.
\q1
\v 14 Xijchihua totorojhua ma quipiyaca miyac chicahualistli para tequitise.
\q1 Amo xijcahuili niyon se tocualancaitaca ma quiyahualo nopa tepamitl tlen quiyahualohua toaltepe.
\q1 San xitechmaca tlasehuilistli campa hueli.
\q1 Amo xijcahuili para niyon se tlen totlacajhua monequi tetzajtzilis para tlapalehuili pampa quipanti tlen fiero ipan tocalles.
\q1
\v 15 Quena, nelía paquij nopa tlacame ipan se altepetl tlen quej ni eltoc,
\q1 huan ax quipiya tlen fiero.
\q1 Quena, nelía paquij cuali tlacame tlen quipiyaj TOTECO para ininDios,
\q1 huan ipan ya motemachíaj.
\c 145
\s1 Toteco nelía cuali huan quipiya nochi chicahualistli
\q1
\v 1 Nochi noyolis huan para nochipa nimitzhueyimatis tinoTeco huan tinotlanahuatijca.
\q1
\v 2 Mojmostla nimitzhueyichihuas.
\q1 Quena, ama huan para nochipa nimitzpaquilismacas.
\q1
\v 3 Nelía tihueyi, TOTECO, huan quinamiqui ma timitzhueyimatica nochi titlacame.
\q1 Axaca quitlamimachilía nochi mohueyitilis.
\q1
\v 4 Nochi coneme tlen moscaltijtiyase quiilnamiquise tlen tijchihua,
\q1 huan tepohuilise nopa tlamantli tlen tijchijtihualajtoc ica mohueyi chicahualis.
\q1
\v 5 Na san nimoyolilhuis tlen moyejyejca huan mohueyitilis,
\q1 huan nopa tlatlanextli tlen mitzyahualohua.
\q1 Nimoilhuis tlen nopa huejhueyi chicahualnescayotl tlen tijchijtoc.
\q1
\v 6 Tlacame camatise tlen nopa huejhueyi tlamantli tlen tijchijtoc.
\q1 Huan na nitepohuilis tlen mohueyitilis.
\q1
\v 7 Nochi tlacame ipan tlaltepactli camatise para nelía ticuali huan hueyi moyolo.
\q1 Quiijtose para tijchihua san tlen xitlahuac.
\q1
\v 8 TOTECO, hueyi moyolo huan tlahuel titetlasojtla.
\q1 Ax nimantzi ticualani huan titeicnelía miyac.
\q1
\v 9 TOTECO ta cuali moyolo ica nochi tlacame huan moteicnelijcayo monextía ipan sesen tlamantli tlen tijsencajtoc.
\q1
\v 10 TOTECO, nochi tojuanti tlen ta titechchijchijtoc timitztlascamatij.
\q1 Quena, nochi tojuanti tlen timitztoquilíaj timitzpaquilismacase.
\q1
\v 11 Tojuanti san sejco timocamahuise tlen ihueyitilis motlanahuatilis campa ta titlanahuatía,
\q1 huan ticamatise quejatza tijpiya hueyi chicahualistli.
\q1
\v 12 Titepohuilise tlen nopa huejhueyi chicahualnescayotl tlen tijchijtoc,
\q1 huan tlen moyejyejca huan tlen ihueyitilis motlanahuatilis campa ta titlanahuatía.
\q1
\v 13 Pampa motlanahuatilis ax quema tlamis.
\q1 Ta tijpiyas tlanahuatili ica nochi tlacame tlen tlacajtiyase para nochipa.
\q1
\v 14 Ta TOTECO tiquintlalana nochi tlen huetzij,
\q1 huan tiquinfuerzajmaca tlen itztoque ipan cuesoli.
\q1
\v 15 Nochi tlacame ipan tlaltepactli mitztemohuaj,
\q1 huan mitzchiyaj para xiquinpalehui.
\q1 Ta tiquinmaca inintlacualis queja quinmonequilijtihuala.
\q1
\v 16 Ta ica moma tiquintiochihua nochi tlen yoltoque,
\q1 pampa tiquinmaca tlen quicuase huan tlen quiise.
\b
\q1
\v 17 TOTECO quichihua san tlen xitlahuac,
\q1 huan quinextía para hueyi iyolo ipan nochi tlen quichihua.
\q1
\v 18 TOTECO itztoc ininnechca nochi tlen quinotzaj.
\q1 Quena, itztoc ininnechca nochi tlen quitemohuaj ica nochi ininyolo.
\q1
\v 19 Yajaya quinmaca tlen quinequij nochi tlacame tlen quiimacasij huan quitlepanitaj.
\q1 Quintlacaquilía quema quitzajtzilíaj ma quinpalehui huan quinmaquixtía tlen nopa tlen ax cuali.
\q1
\v 20 TOTECO quinmocuitlahuía nochi tlen quiicnelíaj,
\q1 pero nochi tlen ax quitlepanitaj,
\q1 Toteco quintzontlamiltis.
\q1
\v 21 Nijpaquilismacas TOTECO ica nocamac.
\q1 Nochi tlacame tlen itztoque campa hueli quipaquilismacase para nochipa huan ax quema tlamis.
\c 146
\s1 San ma timotemachica ipan Toteco
\q1
\v 1 Na nijhueyimatis TOTECO ica nochi noyolo.
\q1
\v 2 Nochi tonali ipan noyolis nijpaquilismacas TOTECO.
\q1 Nihuicas tiohuicatl para noTeco Dios hasta nimiquis.
\q1
\v 3 Amo ximotemachica ipan huejhueyi tlacame tlen quipiyaj tequihuejcayotl,
\q1 niyon ipan se tlen hueli tlacatl pampa niyon se tlacatl ax huelis mitzmaquixtis.
\q1
\v 4 Pampa se tonal miquise nochi tlacame huan mocuepase tlali.
\q1 Quena, tlamis iniijiyo huan ininyolis,
\q1 huan ica se tlalochtli tlamis nochi tlen moilhuijtoyaj quichihuase.
\q1
\v 5 Pero nelía paqui nopa tlacatl tlen quipixtoc queja itlapalehuijca yajaya tlen iTeco Jacob,
\q1 huan san ipan TOTECO iDios motemachía para quimocuitlahuis.
\q1
\v 6 Yajaya tlen quichijchijqui elhuicactli,
\q1 tlaltepactli, hueyi atl huan nochi tlen itztoque nopano.
\q1 Yajaya tlen quichihua nochi tlen quitlajtolcajtoc para quichihuas.
\q1
\v 7 TOTECO quinchihuilía tlen xitlahuac nochi teicneltzitzi tlen sequinoc quintlaijiyohuiltíaj.
\q1 Huan quintlamaca tlen mayanaj.
\q1 Quinchihua ma yaca malacantoque tlen tzactoque yonque ax tleno quichijtoque.
\q1
\v 8 TOTECO quintlachiyaltía popoyotzitzi.
\q1 Quintlalana tlen nechca itztoque para huetzise.
\q1 Huan quinicnelía tlen monejnemiltíaj xitlahuac iixtla.
\q1
\v 9 TOTECO quinmocuitlahuía nopa sejcoyoc ehuani.
\q1 Yajaya quinmocuitlahuía tlen icnotzitzi huan tlen cahual toahuihua.
\q1 Pero yajaya quixolehua tlen quisencahuaj tlacame tlen ax quitlepanitaj.
\q1
\v 10 TOTECO tlanahuatis para nochipa.
\q1 Imojuanti ipan altepetl Jerusalén,
\q1 imoTeco Dios elis nopa Tlanahuatijquetl,
\q1 tlen quinnahuatis nochi tlacame tlen tlacajtiyase para nochipa.
\q1 ¡Paquilistli!
\c 147
\s1 Ma tijpaquilismacaca Toteco pampa quipalehuijtoc Jerusalén
\q1
\v 1 Xijpaquilismacaca TOTECO pampa nelía cuali para tihuicase tiohuicatl para ya.
\q1 ¡Nelía yejyectzi huan quinamiqui!
\q1
\v 2 TOTECO sampa quicualtlalis altepetl Jerusalén,
\q1 huan quinsentilis nopa israelitame tlen quinsemanqui,
\q1 huan itztoque ipan sequinoc tlaltini queja sejcoyoc ehuani.
\q1
\v 3 Yajaya quinyolchicahua tlen quipiyaj yolcuesoli huan quinpajtía campa mococojtoque.
\q1
\v 4 Yajaya quimati quesqui imiyaca sitlalime onca huan sesen quintocatlalijtoc.
\q1
\v 5 Toteco nelía hueyi huan quipiya miyac chicahualistli.
\q1 Itlalnamiquilis axaca hueli quitlamimachilía.
\q1
\v 6 TOTECO quinhueyitlalía tlen moicnonequij,
\q1 pero nochi ax cuajcualme quinmajcahuas tlalchi.
\q1
\v 7 Xihuicaca para inquitlascamatise TOTECO.
\q1 Xihuicaca ipampa nochi tlen quichijtoc toDios huan xitlatzotzonaca ica arpa.
\q1
\v 8 Toteco yajaya quitzacua elhuicactli ica mixtli.
\q1 Yajaya tlaahuetziltía ipan tlaltepactli.
\q1 Quichihua ma moscalti xihuitl ipan cuatitlamitl.
\q1
\v 9 Yajaya quintlamaca nopa tecuanime tlen nemij cuatitla.
\q1 Ininpilconehua nopa cacalotl quintlamaca,
\q1 quema pehuaj chocaj pampa mayanaj.
\q1
\v 10 Quema Toteco quiita se cahuayo tlen motlalohua chicahuac,
\q1 o quema quiita se tlacatl tlen quipiya miyac fuerza,
\q1 ax quipantía miyac paquilistli ipan ininchicahualis.
\q1
\v 11 Pero TOTECO quipantía miyac paquilistli ipan tlacame tlen quitlepanitaj.
\q1 Quipantía miyac paquilistli ipan tlen mochiyaj ipan ya iteicnelilis.
\q1
\v 12 Nochi imojuanti ipan ni altepetl Jerusalén,
\q1 xijhueyimatica TOTECO.
\q1 Quena, nochi tlen itztoque ipan tepetl Sion,
\q1 xijpaquilismaca imoDios.
\q1
\v 13 Pampa yajaya cuali quitzactoc ipuertas imoaltepe para ax hueli quitlapos niyon se imocualancaitaca.
\q1 Huan yajaya tlahuel quintiochijtoc imoconehua.
\q1
\v 14 Yajaya quititlanis tlasehuilistli ipan nochi imotlal,
\q1 huan inmechmacas trigo tlen más cuali para ica ximopanoltica.
\q1
\v 15 Yajaya quintitlanis itlanahuatilhua ipan nochi tlaltepactli.
\q1 Huan quema yajaya camatis,
\q1 itlajtol nimantzi ajsis hasta campa hueli techaj.
\q1
\v 16 Yajaya quichihuas ma huetzi sitlal setl tlen chipahuac queja nextli.
\q1 Huan quisemanas setl iixtla tlali campa hueli.
\q1
\v 17 ¿Ajqueya hueli quiijiyohuis nopa tlasesecayotl?
\q1
\v 18 Pero teipa yajaya quinahuatis ma huala tlatotonilotl huan atiyas nopa setl.
\q1 Quichihuas ma pehua tlaajacas huan nopa atl tlen mochijqui setl ipan atlajtli sampa motlalos.
\q1
\v 19 Yajaya quinmacac israelitame itlanahuatilhua,
\q1 huan quinilhuijtoc nochi tlen cuali ma quichihuaca ipan inialtepe,
\q1 para tetlajtolsencahuase xitlahuac.
\q1
\v 20 TOTECO ax quinchihuilijtoc ni tlamantli tlacame ipan sequinoc tlaltini.
\q1 Inijuanti aya quiixmatij itlanahuatilhua, pero tojuanti, quena.
\q1 ¡Paquilistli!
\c 148
\s1 Ma quihueyimatica Toteco nochi tlamantli tlen yajaya quisencajtoc
\q1
\v 1 ¡Ma quipaquilismacaca TOTECO nochi tlen itztoque ipan elhuicactli!
\q1 Quena, nochi tlen ajacatipa xijpaquilismacaca TOTECO.
\q1
\v 2 Nochi imojuanti inielhuicac ejcahua,
\q1 xijpaquilismacaca TOTECO.
\q1 Quena, xijpaquilismacaca nochi imojuanti tlen inquitequipanohuaj nepa elhuicac.
\q1
\v 3 Ma quipaquilismacaca tonati huan metztli.
\q1 Ma quipaquilismacaca nochi nopa sitlalime tlen yejyectzi tlahuíaj.
\q1
\v 4 Ma quipaquilismacaca nopa elhuicactli tlen eltoc más huejcapa,
\q1 huan nopa ayajtli tlen mopantía ajacatipa.
\q1
\v 5 Xijpaquilismacaca TOTECO pampa yajaya camatqui huan mochijqui tlen ama onca.
\q1
\v 6 Yajaya quinchijqui para eltose para nochipa,
\q1 huan quichijqui se tlanahuatili tlen ica ax quema moyolcuepas.
\q1
\v 7 Ma quipaquilismacaca TOTECO nochi tlen itztoque ipan ni tlaltepactli.
\q1 Ma quipaquilismacaca nopa huejhueyi tlapiyalime tlen itztoque tlatzintla hueyi atl.
\q1
\v 8 Ma quipaquilismacaca nopa tlitl, tesihuitl, setl, ayajtli,
\q1 huan nopa ajacatl tlen quichihuaj ipaquilis.
\q1
\v 9 Ma quipaquilismacaca nochi tepetini, nochi tlachiquili,
\q1 huan nochi cuatini tlen temacaj inintlajca huan nochi tiocuatini.
\q1
\v 10 Ma quipaquilismacaca TOTECO nochi tlamantli tlapiyalime,
\q1 huan nochi tecuanime, cohuame, huan totome.
\q1
\v 11 Ma quipaquilismacaca nochi tlanahuatiani tlen itztoque ipan tlaltepactli,
\q1 huan nochi tlajtolsencahuani,
\q1 huan nochi tlacame ipan nochi tlaltini.
\q1
\v 12 Ma quipaquilismacaca telpocame, ichpocame, huehuentzitzi, huan coneme.
\q1
\v 13 Ma quipaquilismacaca TOTECO pampa san yajaya quinamiqui tijhueyimatise.
\q1 Ihueyitilis nelhueyi hasta quipano elhuicactli huan tlaltepactli.
\q1
\v 14 Yajaya quinfuerzajmacatoc itlacajhua.
\q1 Ma quipaquilismacaca TOTECO nochi itlatzejtzeloltijca tlacajhua,
\q1 nochi tojuanti tlen tiisraelitame tlen yajaya techiyocatlalijtoc para ma tiitztoca más inechca.
\q1 ¡Xijpaquilismacaca TOTECO!
\c 149
\s1 Nochi ma quipaquilismacaca Toteco
\q1
\v 1 Xijpaquilismacaca TOTECO.
\q1 Xihuicaca para TOTECO se huicatl yancuic.
\q1 Nochi imojuanti initlacajhua,
\q1 xijhuicatica Toteco ipampa nochi tlen quichijtoc.
\q1
\v 2 Inisraelitame, ximopaquilismacaca ipan Toteco pampa yajaya inmechchijchijqui.
\q1 Intlacame ipan altepetl Jerusalén,
\q1 ximopaquilismacaca ipan imotlanahuatijca.
\q1
\v 3 Xijpaquilismacaca TOTECO ica mijtotilistli.
\q1 Huan xihuicaca ica pandero huan ica arpa.
\q1
\v 4 Pampa Toteco quipantía paquilistli ipan itlacajhua,
\q1 huan quinmaquixtía tlen moicnonequij iixtla.
\q1
\v 5 Nochi tlen iaxcahua TOTECO ma paquica pampa yajaya tlahuel hueyi ihueyitilis.
\q1 Huan hasta quema ya motectoque ipan inintlapech noja ma quihuicatica.
\q1
\v 6 Ma quihueyitlalica TOTECO nochi itlacajhua.
\q1 Quipixtoc ipan ima se machete tlen oncac tlatequi,
\q1
\v 7 para ica quincuepilis nopa sequinoc tlaltini tlen quinchihuilijque tlen ax cuali,
\q1 huan para ica quintlatzacuiltis.
\q1
\v 8 Ma quinilpica inintlanahuatijcahua huan inintlayacancahua ica tepos mecatl,
\q1
\v 9 para quiselise nopa tlatzacuiltili tlen eltojca tlasencahuali.
\q1 Huan ica ni TOTECO quinhueyitlalis nochi itlatzejtzeloltijca tlacajhua.
\q1 ¡Ma nochi quipaquilismacaca TOTECO!
\c 150
\s1 Xijpaquilismacaca Toteco ica miyac tlamantli tepos tlatzotzontli
\q1
\v 1 ¡Xijpaquilismacaca TOTECO!
\q1 Xijpaquilismacaca TOTECO ipan itiopa.
\q1 Xijpaquilismacaca nepa ipan elhuicac tlen yajaya quichijchijqui ica ihueyi chicahualis.
\q1
\v 2 Xijpaquilismacaca ipampa nochi nopa huejhueyi tlamantli tlen yajaya quichihua.
\q1 Xijpaquilismacaca pampa tlahuel hueyi ichicahualis.
\q1
\v 3 Xijpaquilismacaca ica tlapitzali,
\q1 Xijpaquilismacaca ica guitarra huan ica arpa.
\q1
\v 4 Xijpaquilismacaca ica panderos huan ximijtotica.
\q1 Xijpaquilismacaca ica nochi tlamantli tlatzotzontli tlen quipiyaj cuerdas,
\q1 huan ica acatlapitzali.
\q1
\v 5 Xijpaquilismacaca ica platiyos tlen yejyectzi tzilinij.
\q1
\v 6 Nochi tlen yoltoque ma quipaquilismacaca TOTECO.
\q1 ¡Xijpaquilismacaca!