\id 2CO  
\h 2 Korintus 
\toc1 Sasuri Paulus ka dua hia dhèu parcaya ètu kota Korintus 2 Korintus 
\toc2 2 Korintus 
\toc3 2Kor 
\mt2 Sasuri Paulus ka dua  
\mt2 hia dhèu parcaya ètu kota Korintus  
\mt1 2 Korintus  
\c 1  
\s1 Lii Mahoꞌo  
\p
\v 1 Sasuri ne nèti jaꞌa, Paulus. Ama Lamatua pua-paleha jaꞌa sèna ka laku lole lula-nèti Yesus Kristus dènge dhèu asa mia-mia. Yesus Kristus èèna, dhu Ama Lamatua pajꞌujꞌu karèi nèti uru-uru ka. Ari èdhi Timotius ètu neꞌe kahèi. Na hia lii mahoꞌo.  
\p Jaꞌa paꞌadhu sasuri neꞌe mi dhèu parcaya aaꞌi-aaꞌi dhu biasa pakaboko ètu kota Korintus dènge propensi Akaya.\x + \xo 1:1 \xt Lii Lolo nèti Dhèu Pajuu-paleha 18:1\x*  
\v 2 Jaꞌa sabajꞌa mi Ama èdhi, nuka Ama Lamatua, dènge Kètu èdhi, Yesus Kristus. Jaꞌa manèngi ho Rèngu padꞌelo dꞌara hua iia Ra dènge miu, sèna ka miu mamuri dame dènge mera-milu.   
\s1 Paulus manèngi makasi mi Ama Lamatua  
\p
\v 3 Dadꞌèi jiꞌi ka ladhe dhèu aaꞌi-aaꞌi dedꞌe padedha-dedha kolongara Ama Lamatua. Te Nèngu èèna, Ama nèti Kètu èdhi, Yesus Kristus. Rasa kasia aaꞌi-aaꞌi kapua nèti Nèngu, aa Nèngu ka dhu paꞌèra dꞌara èdhi.  
\v 4 Nèngu ka pamahoꞌo dꞌara èdhi ladhe èdhi ètu dꞌara sasusa. Nèti èèna ka, èdhi kahèi bisa pamahoꞌo dhèu leo dhu paraga dènge sasusa. Te èdhi bisa paꞌèra dꞌara rèngu, sama sèmi Lamatua paꞌèra le dꞌara èdhi.  
\v 5 Kristus abhu le susa ae-ae hia èdhi. De, lula Kristus rasa le susa sèmi èèna, nèti èèna ka Ama Na paꞌèra dꞌara èdhi taruu, ladhe èdhi paraga dènge susa.  
\v 6 Ladhe jiꞌi ètu neꞌe abhu susa, Ama Lamatua paꞌèra dꞌara jiꞌi. Aa ladhe jiꞌi paraga dènge jꞌajꞌèra, hèia taha dènge dꞌara taleo, na, miu hudꞌi meꞌa kahèi, Lamatua pake jꞌara sèmi neꞌe sèna ka paꞌèra dꞌara miu, ho patalale miu nèti koasa bhabhelu-katubꞌa. Te ladhe miu abhu sasusa sama sèmi jiꞌi, Lamatua paꞌèra dꞌara miu, sèna ka miu bisa taha mere dènge dꞌara taleo kahèi.  
\v 7 Nèti èèna ka, jiꞌi ngeꞌa mèu, na, miu bisa taha mere dènge èra. Te jiꞌi ngeꞌa, na, ladhe miu abhu jꞌajꞌèra sama sèmi jiꞌi, Lamatua paꞌèra dꞌara miu, aa Nèngu paꞌèra dꞌara jiꞌi kahèi.   
\p
\v 8 Aꞌari aaꞌi-aaꞌi! Dadꞌèi jiꞌi sèna ka miu meꞌa mèu sasusa dhu jiꞌi abhu ètu propensi Asia. Jiꞌi rasa bia, risi nèti dhu jiꞌi bisa pasae, toke jiꞌi oe ele ngangee, lula jiꞌi pangee, na, jiꞌi madhe kèna.\x + \xo 1:8 \xt 1 Korintus 15:32\x*  
\v 9 Jiꞌi rasa bia, nuka sèmi dhèu èci ropa tadèngi hakim pamaꞌète hahuku pamadhe ne. Te ngaa aaꞌi-aaꞌi se jꞌajꞌi, sèna ka jiꞌi parcaya Ama Lamatua, aa baku parcaya ngiꞌu jiꞌi unu mi. Te Lamatua èèna ka dhu unu koasa ho pamamuri hari dhèu madhe.  
\v 10 Nèngu ka dhu pakajꞌèu \it le\it* jiꞌi nèti bhabhelu, lodꞌo jiꞌi oe madhe. Bèli-camèdꞌa Nèngu \it neo\it* pakajꞌèu jiꞌi nèti bhabhelu-katubꞌa kahèi. Aa jiꞌi maꞌète boe sanao, sèna ka Na pakajꞌèu \it taruu\it* jiꞌi nèti bhabhelu-katubꞌa.  
\v 11 Ladhe miu loe boe sabajꞌa hia jiꞌi, èèna ka soru-bara jiꞌi kahèi, te Ama Lamatua neo tao jꞌara dhu beꞌa ae-ae hia mi jiꞌi. Nèngu tao jꞌara èèna, lula dhèu ae dhu sabajꞌa hia jiꞌi. Hèia lodꞌo dhèu ae sanèdꞌe jiꞌi, rèngu manèngi makasi ae-ae mi Ama Lamatua kahèi.   
\s1 Paulus nelu tao dhu hiu  
\p
\v 12 Jiꞌi bisa koa-kadꞌiri iisi jiꞌi, lula jiꞌi ngeꞌa ètu dꞌara iiki jiꞌi, ngaa dhu jiꞌi adꞌu-ue ètu rai-haha ne, madhutu dadꞌèi Lamatua dhu Na pangèdꞌu mi jiꞌi. Jiꞌi rai boe nèti sasabꞌa-laꞌa ne, sèna ka dhèu aaꞌi-aaꞌi bisa rèdhi jiꞌi sabꞌa dènge dꞌara mola. Jiꞌi pakako sasabꞌa jiꞌi, pake boe mamèu\f + \fr 1:12 \ft Aꞌabhu Paulus ètu neꞌe, nuka ‘mamèu dhu tao dhèu ngangee madhera, do reꞌa jꞌara-jꞌara madhutu ngangee Lamatua’. Dènge sèmi èèna ‘mamèu’ ne, mesa boe nèti kahadhu di, te ngaa nèti dꞌara kahèi.\f* dhu mai nèti rai-haha ne, te ngaa mamèu dhu kapua na nèti Ama Lamatua. Te Lamatua padꞌelo dꞌara hua iia Na mi jiꞌi. Nèti èèna ka, jiꞌi bisa asa tabha èra ètu dꞌara sasabꞌa-laꞌa lodꞌo jiꞌi bera-bera dènge miu.  
\v 13 Jaꞌa suri hia miu dhodhoka jꞌara-jꞌara dhu miu bisa baca aa bisa meꞌa mèu. Limuri ne miu meꞌa le naneo jaꞌa cahagꞌe. Te ngaa jaꞌa sanao, sèna ka bèli-camèdꞌa miu bisa meꞌa mèu risi hari.  
\v 14 Neꞌe ne, miu meꞌa ciki era lula-nèti jiꞌi se. Te ngaa èèna na, lodꞌo Kètu èdhi, Yesus Kristus mai hari ka, jaꞌa keꞌa, na, miu meꞌa jꞌara ae-ae. Dènge jꞌara neꞌe, miu bisa koa-kadꞌiri jiꞌi, sama sèmi jiꞌi koa-kadꞌiri miu kahèi.   
\p
\v 15 Lula jaꞌa keꞌa, na, miu meꞌa jꞌara aaꞌi-aaꞌi se, nèti èèna ka ca hari na, jaꞌa pamaꞌète kore le, ho dhiu ngadꞌo hari miu, sèna ka miu bisa abhu mèngi-nale dua hari.  
\v 16 De uru èèna jaꞌa dhu pangee, ladhe jꞌajꞌi laku asa propensi Makedonia, na, jaꞌa bisa dhuli ngadꞌo miu. Ho ladhe jaꞌa lèpa nèti Makedonia, jaꞌa bisa dhuli hari paꞌasu-pareo dènge miu. Dènge sèmi èèna, miu bisa soru-bara jaꞌa, ho bisa laku taruu asa propensi Yudea.\x + \xo 1:16 \xt Lii Lolo nèti Dhèu Pajuu-paleha 19:21\x*   
\p
\v 17 Te ngaa tasamia? Lodꞌo-lodꞌo jaꞌa peka, neo dhiu pangadꞌo dènge miu, ele boe mi pangee, na, jaꞌa uri kore mèka, si? Do, miu pangee, na, jaꞌa dhodhoka pamaꞌète madhutu dadꞌèi dꞌara jaꞌa di, sama sèmi dhèu leo ètu rai-haha ne, si? Do, miu pangee, na, jaꞌa ne dhèu dhu peka leo, tao leo, ho dꞌèi, peka na, “Oo.” Aa te ngaa jaꞌa ngee ètu dꞌara jaꞌa, na, “Aadꞌo!” Ele boe miu pangee, na, jaꞌa sèmi èèna ka, si?  
\v 18 Èdhi bisa parcaya Ama Lamatua, lula Nèngu peka ca jꞌara, tatu Na tao madhutu. Nèti èèna ka, jiꞌi sama sèmi èèna kahèi. Ladhe jiꞌi dhaa, peka na, “Oo,” na jiꞌi pangee boe, na, “Aadꞌo.”   
\p
\v 19 Jaꞌa, Silas dènge Timotius dhu ajꞌa le miu lula-nèti Yesus Kristus, Ana Ama Lamatua. Nèngu dhu kapodꞌe-kabèli boe, peka na, “oo”, te ngaa aꞌabhu na, “aadꞌo”. Nèngu ne ubꞌa boe, te ladhe Na peka na, “oo”, aꞌabhu Na tareꞌa-reꞌa, “oo”.\x + \xo 1:19 \xt Lii Lolo nèti Dhèu Pajuu-paleha 18:5\x*  
\v 20 Madha jꞌara aaꞌi-aaꞌi dhu Ama Lamatua pajaji tèke, èèna na Na pajꞌajꞌi si. Nèti èèna ka, ladhe Yesus pamoa ca jꞌara, peka na, “oo”, èdhi bisa dhaa, na, “Tareꞌa! Lèke sèmi èèna!” Lula jiꞌi ngeꞌa le ngaa dhu Yesus neo tao. Jiꞌi peka jꞌara ne, sèna ka padꞌelo dadedha Ama Lamatua.  
\v 21 Lamatua neꞌe ka dhu hagꞌe nare miu dènge jiꞌi. Nèngu ka dhu dedꞌe nare èdhi, sèna ka jꞌajꞌi dhèu unu Na. Nèngu kahèi dhu tao èdhi taha taruu.  
\v 22 Nèngu ka dhu hia Roh Na, ho uri èdhi, aa padꞌelo hia èdhi ngaa dhu Nèngu neo tao. Èèna nuka sèmi dhèu èci dhu tao tadha mi mèdha èci, sèna ka peka na, mèdha èèna unu nèngu.   
\p
\v 23 Jaꞌa manèngi, sèna ka Lamatua mesa Na jꞌajꞌi sakasii mi lii padhai jaꞌa ne. Te Lamatua neꞌa dꞌara jaꞌa. Nèngu neꞌa, nga tao ka jaꞌa lake kore mèka dhiu asa Korintus. Jaꞌa koꞌo boe pamakae miu, nèti èèna ka jaꞌa dhae dhiu mèka.  
\v 24 Jiꞌi ngoꞌo boe pakapai ngiꞌu jꞌajꞌi dhèu kapai, ho laka-seti miu, peka na, miu hudꞌi parcaya mi cee. Te ngaa jiꞌi sabꞌa sama-sama dènge miu, sèna ka dꞌara miu bisa karejꞌe-karae. Te miu bisa taha paꞌèra, lula miu lèka Ama Lamatua.   
\c 2  
\p
\v 1 De jaꞌa unu ku dhu pamaꞌète, na, jaꞌa bisa mèka dhiu ngadꞌo miu, sèna ka baku pabia miu aaꞌi-aaꞌi mi.  
\v 2 Te ladhe jaꞌa pabia dꞌara miu, na, cee hari ka dhu pakarejꞌe dꞌara jaꞌa? Dhoka miu di. Te ngaa ladhe jaꞌa dhiu dꞌara lai-lai ne, jaꞌa pabia miu.  
\v 3 Nèti èèna ka, sasuri jaꞌa dhu uru èèna, peka na, jaꞌa lake kore mèka dhiu asa miu. Jaꞌa tatae era, sèna ka miu pamola mere ku lii langu miu. Hèia ropa jaꞌa dhiu, jaꞌa rasa bia heka, lula lii langu miu sèra. Te dhu lèke mola-mola, na, miu se ka dhu pakarejꞌe dꞌara jaꞌa. Jaꞌa tadhe mèu miu se aaꞌi-aaꞌi mi. Ka jaꞌa keꞌa mèu ladhe dꞌara jaꞌa karejꞌe, na, dꞌara miu sèmi èèna kahèi.  
\v 4 Lodꞌo jaꞌa suri sasuri dhu uru èèna hia miu, jaꞌa rasa susa dènge dꞌara jaꞌa roe. Jaꞌa pahaa èi madha ae-ae. Te ngaa jaꞌa suri sèmi èèna, sèna ka miu meꞌa sasue jaꞌa mi dedha miu. Te jaꞌa suri boe jꞌara ne, ho pasusa miu.   
\s1 Pabhèlu eele sasala dhèu  
\r (1 Korintus 5:1-13)  
\p
\v 5 Ètu talora jumaꞌat miu sèra, abhu ca dhèu dhu pasusa dꞌara dhèu ae. Dꞌara jaꞌa susa kahèi lula tatao dhèu èèna. Masi ka tatao nèngu ne lèke iia boe mi jaꞌa, te ngaa dhu lèke ae mi miu.  
\v 6 Jaꞌa padhai lii paꞌae heka, te ae ka nèti miu dhu pasanèdꞌe nèngu le, hèia na ele-hoꞌa le.  
\v 7 De limuri ne miu pabhèlu eele ka sasala na, aa padhai lii pabeꞌa-beꞌa ka dènge ne. Te mage dhoka dhèu ne pakajꞌèu iisi.  
\v 8 Nèti èèna ka, jaꞌa manèngi sèna ka miu paꞌasu-pareo dènge ne, ho paꞌèra dꞌara na, peka na, miu sue nèngu taruu.   
\p
\v 9 Jaꞌa suri sasuri jaꞌa dhu uru èèna, ho neo uji miu. Te neo keꞌa, na, miu tao dhu lèke, dènge tao madhutu aaꞌi-aaꞌi dhu jaꞌa paredha mi miu.  
\v 10 Ladhe miu tèka heka dꞌara, aa pabhèlu eele sasala dhèu, na, jaꞌa madhutu kahèi ngaa dhu miu pamaꞌète mere le. Ladhe abhu sasala na dhu jaꞌa parluu pabhèlu, na, jaꞌa pabhèlu eele sasala dhèu èèna kahèi. Jaꞌa tao sèmi èèna ka ètu madha Kristus, sèna ka jꞌajꞌi conto dhu beꞌa hia miu.  
\v 11 Te jaꞌa dꞌèi boe ladhe dhèu aae nidhu sii nare èdhi, sèna ka segi èdhi. Èdhi hudꞌi teꞌa ku naneo aapa nèngu. De baku pagoa iisi!   
\s1 Dꞌara Paulus mau boe ètu Troas  
\p
\v 12 Uru èèna, lodꞌo jaꞌa ètu kota Troas, ho ajꞌa dhèu lula-nèti Lii Lolo Beꞌa Yesus Kristus, Lamatua bhoke jꞌara hia jaꞌa.  
\v 13 Te ngaa dꞌara jaꞌa mau boe, lula jaꞌa paraga boe dènge ari jaꞌa Titus ètu nèi. Hèia jaꞌa palangu lii dènge dhèu parcaya ètu Troas sèra, ka pakèdꞌi asa propensi Makedonia.\x + \xo 2:13 \xt Lii Lolo nèti Dhèu Pajuu-paleha 20:1\x*   
\s1 Kristus ka hia èdhi segi  
\p
\v 14 Te ngaa, masi ka jaꞌa ètu mia èèna ka, jaꞌa manèngi makasi ae-ae mi Ama Lamatua. Te Kristus labꞌa le jꞌara-jꞌara dhu bhelu-katubꞌa, ka Na segi le. Aa èdhi paꞌèki dènge Ne kahèi. Nèti èèna ka, Ama Lamatua padꞌelo taruu, peka na, èdhi jꞌajꞌi dhèu unu Na. De ropa èdhi peka dènge dhèu lula-nèti Kristus, èèna nuka sèmi hèu mèngi èci, dhu dhèu aaꞌi-aaꞌi sangèdꞌu rare.  
\v 15-16 Uru-uru sèra, lodꞌo dhèu Yahudi tao korban tunu, sèbꞌu hèu gèmu na caꞌe asa Lamatua, ho pakarejꞌe dꞌara Na. Èdhi èci èèna kahèi dènge hèu mèngi èci, dhu pasanèdꞌe Lamatua lula-nèti Kristus. Te ngaa bagi mi dhèu cahagꞌe, èdhi èci èèna ka dènge hèu badha madhe. Te ladhe dhèu dhu mamuri pakajꞌèu nèti Lamatua rèdhi mamuri èdhi, èèna pasanèdꞌe rèngu, peka na, bèli-camèdꞌa rèngu madhe, aa cèri eele nèti Lamatua. Te ngaa mi dhèu cahagꞌe hari, èdhi èci èèna ka dènge hèu mèngi èci. Te ladhe dhèu dhu mamuri mola rèdhi mamuri èdhi, èèna pasanèdꞌe rèngu tasa mera mia Kristus hia mamuri mi èdhi, aa pala-bagi hia rèngu mamuri toke dꞌai mia-mia. Dhèu rai-haha cee ka dhu bisa adꞌu-ue jꞌara se aaꞌi-aaꞌi? Aadꞌo, sina ma?   
\p
\v 17 Sanèdꞌe, te jiꞌi se sama boe dènge dhèu leo dhu ajꞌa Lii Holo-Nori Lamatua, sèna ka abhu oto nuka sèmi pahia-pahèli pake Lii Holo-Nori Lamatua. Jiꞌi se sèmi boe èèna! Ladhe jiꞌi padhai lii, dhèu aaꞌi-aaꞌi bisa ladhe rèdhi iia-iia, peka na, jiꞌi ajꞌa-nori dènge dꞌara mola. Lii padhai jiꞌi kapua nèti Ama Lamatua. Aa mamuri jiꞌi paꞌèki dènge Kristus.   
\c 3  
\s1 Dhèu unu Lamatua dhu pakako Lii Pajaji Hiu  
\p
\v 1 Baku pangee, na, jiꞌi mulai padhai lii padedha iisi. Aadꞌo! Tao-tao miu pangee, na, jiꞌi sama sèmi dhèu leo dhu parluu ngèti sasuri hia miu dhu manèngi, ho miu sèmi jiꞌi dènge beꞌa, heka jiꞌi bisa pakako sasabꞌa-laꞌa jiꞌi, do? Do, jiꞌi parluu manèngi sasuri sèmi èèna kahèi nèti miu, ho ngèti asa dhèu leo? Aadꞌo, si?  
\v 2 Te sasuri ijin jiꞌi dhu abhu le. Sasuri ijin èèna nuka miu se. Te jiꞌi ngeꞌa jꞌara ae-ae nèti mamuri miu. Jꞌara se dhu tèke le ètu dꞌara jiꞌi. Dhèu aaꞌi-aaꞌi bisa baca mamuri miu; nèti jꞌara neꞌe ra tadhe hua-hela nèti sasabꞌa-laꞌa èdhi.  
\v 3 Te dhu lèke le, na, miu nuka sèmi sasuri èci dhu Kristus suri nare le. Hèia Na pangèdꞌu mi jiꞌi. Kristus pake boe tinta ho Na suri sasuri ne, te ngaa Na pake Roh Mola-Mèci nèti Lamatua dhu Mamuri. Kristus kahèi dule boe Lii Lolo Beꞌa Na ètu hadhu kabela, nuka sèmi Ama Lamatua tao hia Musa. Te ngaa Kristus dule ètu dꞌara èdhi dhu mamuri.\x + \xo 3:3 \xt Kalua nèti Masir 24:12, Yermia 31:33, Yeskial 11:19, 36:26\x*   
\p
\v 4 Jiꞌi bisa parcaya mi Ama Lamatua, na, jꞌara seꞌe mema lèke tareꞌa, lula Kristus ka dhu padꞌelo sèmi èèna.  
\v 5 Ladhe dhoka nèti ngiꞌu jiꞌi mesa mi, na, jiꞌi se unu boe koasa ho adꞌu-ue ngaa-ngaa. Te koasa dènge hak dhu ètu jiꞌi, kapua na nèti Ama Lamatua.  
\v 6 Lamatua ka dhu dedꞌe jiꞌi jꞌajꞌi dhèu sabꞌa Na, dhu lole dènge dhèu lula-nèti Lii Pajaji Hiu Na. Te ngaa Lii Pajaji Hiu Na èèna lula boe madhutu atora rupa-rupa, te ngaa lula-nèti dhèu paꞌèki dènge Roh Mola-Mèci. Ladhe dhoka tao madhutu iia dꞌara di atora sèra, èèna nuka sèmi dꞌara rèngu dhu madhe le dènge unu boe mamuri dhu lèke, dhu maꞌète boe èèna. Te ngaa ladhe dhèu mamuri paꞌèki dènge Roh Lamatua, nèngu unu mamuri dhu lèke.\x + \xo 3:6 \xt Yermia 31:31\x*   
\p
\v 7 Uru-uru sèra, ropa Ama Lamatua dule Atora Na ètu hadhu kabela sèra, èèna mema beꞌa seli eele. Te ngaa masi ka dhèu madhutu aaꞌi Atora sèra, rèngu pacèri era dènge Ama Lamatua. Ka ropa Musa sèmi nare Atora seꞌe, rèhu na kahaꞌa. Nèti èèna ka, dhèu Israꞌel bisa boe ladhe patae rèhu na. Te ngaa nèbhu-nèbhu ka, kahaꞌa ne ele.\x + \xo 3:7 \xt Kalua nèti Masir 34:29\x*  
\v 8 De ladhe dhu suri tèke ètu hadhu bisa abhu kaleꞌe sèmi èèna, na, tasamia hari dènge ngaa dhu Roh Lamatua tao tèke le ètu dꞌara èdhi? Tatu risi hari, si?  
\v 9 De Atora ne pajꞌujꞌu, na, èdhi hudꞌi pasae tare ku huku madhe, ho pacèri nèti Lamatua, lula èdhi tao boe madhutu Atora aaꞌi-aaꞌi sèra. Masi ka sèmi èèna, te ngaa Atora ne èra taruu era nèti Lamatua. Te ngaa Roh Lamatua èra risi eele hari nèti èèna, te Nèngu ka padꞌelo jꞌara sèna ka èdhi pabeꞌa hari dènge Ama Lamatua.  
\v 10 De Atora dhu uru èèna dhèu pangee, na, dedha titu kèna, limuri ne dadedha na sèmi heka uru èèna, te neꞌe ne abhu le dhu dedha risi.  
\v 11 Atora se dhu uru èèna, kahaꞌa nuka sèmi rèhu Musa, nèbhu-nèbhu ku heka kahaꞌa na ele. Musa dènge Atora se mema dedha tareꞌa, te ngaa dhu dedha risi hari, nuka dhu taha taruu dhu maꞌète boe.   
\p
\v 12 Jiꞌi aaꞌi-aaꞌi mi ngeꞌa mèu, na, Lii Pajaji Hiu Lamatua èèna taha taruu, dhu maꞌète boe ciki sa. Nèti èèna ka, jiꞌi padhai lii mola-mola dhu paꞌabhe boe.  
\v 13 Jiꞌi tao boe sama sèmi Musa. Te nèngu hudꞌi paꞌabhe ku rèhu na dènge bèla, sèna ka dhèu Israꞌel bisa boe rèdhi rèhu na, ho reꞌa na, kahaꞌa èèna ele le, do dhae.\x + \xo 3:13 \xt Kalua nèti Masir 34:33-35\x*  
\v 14 Te ngaa Ama Lamatua tao ngangee dhèu Israꞌel sèra topo. Te toke dꞌai sange neꞌe, ladhe rèngu baca ètu Sasuri Lamatua nèti Lii Pajaji dhu dhui èèna, nuka sèmi bèla èci dhu hutu nare kètu ra, ka roꞌo boe nanene aa roꞌo boe reꞌa. Abhu boe ca dhèu sa dhu bisa bhoke dꞌara rèngu, sèna ka rèngu bisa reꞌa mèu. Dhodhoka Kristus mesa Na.  
\v 15 Toke dꞌai sange neꞌe, ladhe dhèu Yahudi baca Sasuri Musa, rèngu nanene, te ngaa reꞌa iia boe. Neꞌe ne jꞌajꞌi lula rèngu nanene pake boe dꞌara ra, lula abhu dhu paꞌabhe dꞌara rèngu.   
\p
\v 16 Te ngaa ladhe abhu dhèu dhu mulai parcaya Kètu èdhi, Yesus Kristus, na, Kristus ka dhu bhoke dꞌara dhèu èèna, sèna ka nèngu bisa neꞌa mèu. Èèna sama sèmi dhu suri tèke ètu dꞌara Sasuri Lamatua, peka na, “Nèngu bhoke eele le bèla dhu pahutu rèhu na.”\x + \xo 3:16 \xt Kalua nèti Masir 34:34\x*  
\v 17 Ètu dꞌara Sasuri Mola-Mèci Lamatua, lodꞌo Musa padhai lii, peka na, “Lamatua”, sasoa na, Roh Ama Lamatua. Ladhe èdhi abhu le Roh ne, Nèngu tao èdhi jꞌajꞌi mi dhèu bebas.  
\v 18 Dènge jꞌara sèmi èèna, Na tao èdhi asa tabha èra, sama sèmi Nèngu. Rèhu èdhi parluu heka pahutu. Aa èdhi pangee dhoka dadedha Lamatua èdhi, te Roh Na ka dhu soru-bara èdhi.   
\c 4  
\s1 Mèdha kabꞌua dhu tèke ètu dꞌara èru rai  
\p
\v 1 Ama Lamatua ka dhu padꞌelo le rasa kasia Na mi dedha jiꞌi. Nèti èèna ka, Na pua le jiꞌi ho lole dènge dhèu lula-nèti Lii Pajaji Hiu Na. Nèti èèna ka, jiꞌi taha taruu, dhu ngeꞌa boe roe.  
\v 2 De karèi nèti uru ka jiꞌi pamaꞌète ngare le, na: jiꞌi peka-padhai mola-mola, na, jiꞌi tao boe jꞌara-jꞌara bhabhelu-katubꞌa sama sèmi dhèu leo. Dhèu sèra tao pahuni-pahuni sèna ka dhèu baku ladhe rèdhi. Aa rèngu dhu reꞌa boe makae. Te ngaa jiꞌi ngoꞌo boe kapodꞌe dhèu. Jiꞌi kahèi padhai lii hèbꞌa hua boe lula Lii Holo-Nori Ama Lamatua, te ngaa jiꞌi ajꞌa-nori dènge mola-mola madhutu ngaa dhu lèke. Dènge jꞌara neꞌe, dhèu aaꞌi-aaꞌi bisa parisa unu ra lii padhai jiꞌi ètu madha Lamatua, aa nile unu ra, jiꞌi se dhèu sèmi ngaa sa.  
\v 3 Ladhe dhèu roꞌo boe sèmi rare Lii Lolo Beꞌa Lamatua dhu jiꞌi ajꞌa sèra, rèngu laho kahèi, lula rèngu cèri eele nèti Ama Lamatua.   
\p
\v 4 Dhèu aae nidhu, nuka sèmi lamatua èci dhu dhèu lasi sogo-tagu. Na adꞌu-ue paꞌele iie kahadhu dhèu cahagꞌe, ka dꞌara dhèu se jꞌajꞌi maroga kiu-kiu. Rèngu se dhèu dhu parcaya boe Ama Lamatua èdhi. Lula rèngu bèdhu, bisa boe ladhe rèdhi saraa nèti Ama Lamatua. Nèti èèna ka rèngu bisa boe reꞌa Lii Lolo Beꞌa lula-nèti Kristus. Rèngu reꞌa boe kahèi dadedha Kristus. Te Kristus ne, ca ropa dènge Ama Lamatua.  
\v 5 Jiꞌi padhai lii boe padedha iisi jiꞌi. Te ngaa jiꞌi padhai lii padedha Kètu èdhi, Yesus Kristus. Dhu jiꞌi padhai lula ngiꞌu jiꞌi dhodhoka sèmi neꞌe di: nuka jiꞌi tao iisi jiꞌi nuka sèmi ana pua-paleha, sèna ka laladhe-leru miu lula jiꞌi jꞌajꞌi dhèu unu Yesus.  
\v 6 Uru-uru sèra Ama Lamatua dhu peka nèdhi le, na, “Hudꞌi dènge ku saraa dhu heo ètu era maroga.” Hèia Na tao saraa Na ho pasaraa dꞌara èdhi. Te Nèngu dꞌèi pala-bagi èdhi saraa Na. Sasoa na, ropa èdhi pangee lula-nèti Kristus, èdhi sanèdꞌe kahèi dadedha Ama Lamatua.\x + \xo 4:6 \xt Lii Lolo dhu Uru Tèka 1:3\x*   
\p
\v 7 Masi ka jiꞌi se dhèu rai-haha, te ngaa Lamatua hia mèdha dhu kabꞌua ètu dꞌara jiꞌi. Neꞌe nuka sèmi dhèu èci tèke mèdha na dhu kabꞌua ètu dꞌara èru rai. Mèdha dhu kabꞌua ne, nuka saraa Ama Lamatua. De dhu lèke ka, koasa dhu kapai dhu jiꞌi unu, mai boe nèti jiꞌi, te ngaa kapua na nèti Ama Lamatua.  
\v 8 De masi ka dhèu ènyi raruri jiꞌi ètu mia-mia, te ngaa jiꞌi taha taruu. Masi ka jiꞌi ngeꞌa aaꞌi boe, te ngaa jiꞌi ele boe ngangee.  
\v 9 Masi ka dhèu pajꞌèra jiꞌi ae-ae, te ngaa Ama Lamatua paꞌana-lalu eele boe jiꞌi. Masi ka dhèu dhedhe jiꞌi, te ngaa rèngu bisa boe palaho jiꞌi.  
\v 10 Lula jiꞌi abhu jꞌajꞌèra ae-ae, nèti èèna ka ladhe jiꞌi ètu mia, jiꞌi bisa lolo dènge dhèu, peka na, Yesus abhu jꞌajꞌèra ae-ae kahèi, lodꞌo Na madhe. Te masi ka dhèu pajꞌèra jiꞌi rupa-rupa, te ngaa jiꞌi madhe boe. Neꞌe ne pasanèdꞌe dhèu, peka na, Yesus mamuri taruu ètu dꞌara jiꞌi.  
\v 11 Mema tareꞌa! Ae le mamuri jiꞌi dhu abhu jꞌajꞌèra oe madhe, lula jiꞌi jꞌajꞌi dhèu unu Yesus. Dènge jꞌara neꞌe, dhèu aaꞌi-aaꞌi bisa reꞌa, na, Yesus pala mamuri dhu lèke mi jiꞌi, masi ka bèli-camèdꞌa jiꞌi madhe.  
\v 12 De masi ka lèpa limuri jiꞌi madhe, te ngaa jiꞌi madhaꞌu boe padhue-padhai lula-nèti Kristus. Te jiꞌi sadia madhe sèmi èèna, sèna ka miu abhu mamuri dhu lèke.   
\p
\v 13 Ètu dꞌara Sasuri Mola-Mèci Lamatua dhu suri, na, “Lula jaꞌa parcaya Lamatua, nèti èèna ka jaꞌa padhai lii.” Ngangee jiꞌi sama kahèi. Lula jiꞌi lèka Lamatua, nèti èèna ka jiꞌi hudꞌi lole ku dènge dhèu lula-nèti Yesus Kristus.\x + \xo 4:13 \xt Lii Sodꞌa Koa-Kio 116:10\x*  
\v 14 Jiꞌi ngeꞌa, na, Ama Lamatua ka dhu pamamuri hari Kètu èdhi, Yesus Kristus nèti mamadhe Na. Èèna na Nèngu kahèi ka dhu pamamuri hari èdhi, lula èdhi paꞌèki dènge Yesus. Bèli-camèdꞌa Ama Lamatua patitu èdhi aaꞌi-aaꞌi ti ètu madha Na, sèna ka sèmi nare èdhi.  
\v 15 Lamatua tao jꞌara seꞌe aaꞌi-aaꞌi, sèna ka soru-bara miu. Nèngu neo padꞌelo dꞌara hua iia Na kahèi mi dhèu dhu asa tabha ae. Èèna na lii manèngi makasi rèngu mi Lamatua asa tabha ae, aa ra mangaku dadedha Na kahèi.   
\s1 Èdhi parcaya taruu Lamatua  
\p
\v 16 Nèti èèna ka, èdhi taha taruu, aa ele boe ngangee. Masi ka ngiꞌu èdhi asa roe-bhilu, te ngaa Ama Lamatua asa paꞌèra dꞌara èdhi nèti ca lodꞌo asa ca lodꞌo.  
\v 17 Te madhutu ngangee èdhi, lodꞌo limuri ne èdhi dhu abhu sasusa rupa-rupa. Te ngaa èdhi hudꞌi sanèdꞌe ku, bèli-camèdꞌa Lamatua neo dedꞌe èdhi padedha-dedha. Nèti èèna ka èdhi hudꞌi teꞌa, na, ngaa dhu jꞌajꞌi seꞌe dènge boe sasoa!  
\v 18 De èdhi hudꞌi ngee paie-iie ku mi jꞌara-jꞌara dhu tèdhi mèka. Baku pangee dhoka mi dhu ladhe tèdhi di. Te jꞌara-jꞌara dhu ladhe tèdhi, taha boe nare nèbhu. Te ngaa jꞌara dhu tèdhi mèka sèra ka dhu taha taruu, aa dhu maꞌète boe.   
\c 5  
\p
\v 1 Te èdhi teꞌa, na, ngiꞌu aae ne, èdhi pake taha ètu rai-haha di, nuka sèmi paleo dhu èdhi patitu taha. Masi ka ngiꞌu aae èdhi ele iie, te ngaa èdhi baku pangee, lula Ama Lamatua dhu sadia tèke le era dhu beꞌa èci hia èdhi ètu sorga. Era neꞌe, jꞌajꞌi boe nèti paꞌue-ai dhèu rai-haha, te ngaa jꞌajꞌi nèti paꞌue-ai Lamatua. Nèti èèna ka, era neꞌe taha taruu.  
\v 2 Te ngiꞌu aae èdhi ne roe-bhilu ètu rai-haha ne. Ka èdhi neo titu kèna abhu ngiꞌu hiu dhu èdhi pake ètu sorga.  
\v 3 Hèia ropa èdhi dꞌai era nèi, èdhi sama boe sèmi dhèu dhu dènge boe mèdha-papake ètu ngiꞌu, te ngaa pake mèdha hiu ètu ua èdhi.\f + \fr 5:3 \ft Abhu sasuri Lii Yunani, peka na, “pake mèdha-papake”. Te ngaa cahagꞌe suri na, “bhoke mèdha-papake”\f* Te èdhi jꞌajꞌi boe samanga di, te ngaa ètu nèi èdhi abhu ngiꞌu hiu kahèi.  
\v 4 Ngiꞌu aae èdhi dhu ele iie ne, tao èdhi mangeta, lula rasa jꞌèra. Masi ka sèmi èèna, toꞌo boe madhe, ho tèke eele ngiꞌu aae ne. Aadꞌo! Èdhi neo abhu ngiꞌu dhu hiu, sèna ka tèke eele ngiꞌu dhui, gati dènge mamuri hiu dhu lèke.  
\v 5 Ama Lamatua neꞌe ka dhu paꞌèra èdhi ho sèmi tare mamuri dhu hiu. Nèngu kahèi bagi hia èdhi Roh Na, sèna ka jꞌajꞌi mi tadha nèti Lii Pajaji Na.   
\p
\v 6 Nèti èèna ka, èdhi taha dènge dꞌara èra taruu. Èdhi teꞌa, na, lodꞌo èdhi mamuri era ètu dꞌara ngiꞌu aae neꞌe ne, èdhi pakajꞌèu nèti Lamatua.  
\v 7 Nèti èèna ka èdhi mamuri dènge parcaya mi Ama Lamatua. Èdhi mamuri boe dènge ngaa dhu èdhi ladhe tèdhi ètu rai-haha ne di.  
\v 8 Te ngaa èdhi teꞌa tareꞌa-reꞌa kahèi, na, ladhe èdhi madhe tèke eele ngiꞌu aae ne, ho lati mamuri sama-sama dènge Ama Lamatua ètu sorga, na, tatu èdhi karejꞌe risi eele hari.  
\v 9 Masi ka èdhi mamuri taruu ètu rai-haha ne, do madhe ètu neꞌe sèna ka mamuri ètu nèi, te ngaa dhu lèke ka, èdhi hudꞌi pakarejꞌe ku dꞌara Lamatua. Te dadꞌèi èdhi kèna.  
\v 10 Baku bhèlu. Bèli-camèdꞌa dhèu aaꞌi-aaꞌi hudꞌi lasi paraga dènge Kristus. Nèngu neꞌe ka dhu Pamaꞌète Lii Langu madhutu tatao dhèu aaꞌi-aaꞌi dhu mamuri ètu rai-haha. Hèia Kristus bꞌala dhu pamèci dènge tatao dhu dhèu adꞌu-ue. Te Kristus neꞌa, dhèu ne tao beꞌa do tao dhu karehe.\x + \xo 5:10 \xt Roma 14:10\x*   
\s1 Èdhi pabeꞌa dènge Ama Lamatua, lula Kristus  
\p
\v 11 Lula jiꞌi ngeꞌa, na, bèli-camèdꞌa Kristus parisa mamuri jiꞌi, nèti èèna ka jiꞌi hudꞌi madhaꞌu, aa pakabꞌua Ne. Ka jiꞌi sabꞌa paꞌèra-èra ho pamako dhèu, sèna ka ra parcaya Kristus. Ama Lamatua dhu neꞌa dꞌara mola jiꞌi. Jaꞌa dꞌèi kahèi, ladhe miu meꞌa dꞌara mola jiꞌi se.  
\v 12 Jiꞌi padedha boe iisi jiꞌi ètu madha miu. Aadꞌo! Te ngaa jiꞌi dhoka hia miu jꞌara dhu beꞌa, sèna ka miu bisa pakabꞌua jiꞌi dhu dènge boe makae. Dènge jꞌara sèmi èèna, miu bisa dhaa lii dhèu dhu hèbꞌa aae. Te rèngu dhèu dhu koa iisi lula sasabꞌa-laꞌa rèngu dhu dhèu ladhe rèdhi, aa te ngaa dꞌara rèngu mola boe.  
\v 13 Ladhe miu pangee, na, jiꞌi se hujꞌu, hèia jiꞌi padhai lii sèmi èèna ho pakako sasabꞌa Lamatua. Masi ka miu meꞌa boe, te ngaa Lamatua neꞌa. Ladhe jiꞌi padhai lii pake ngangee dhu mola, na, jiꞌi padhai lii sèmi èèna, ho soru-bara miu.   
\p
\v 14 Kristus sue èdhi titu kèna. Neꞌe ne ka dhu paꞌèra dꞌara jiꞌi, ho pakako sasabꞌa-laꞌa jiꞌi. Te jiꞌi parcaya, na, Dhèu èci, nuka Kristus, madhe gati dhèu aaꞌi-aaꞌi. Sasoa na, èèna sama sèmi èdhi aaꞌi-aaꞌi ti madhe tèke eele mamuri dhui, aa dhu dènge heka hak ngaa-ngaa ètu rai-haha ne.  
\v 15 Kristus madhe pala dhèu aaꞌi-aaꞌi ra, sèna ka dhèu aaꞌi-aaꞌi dhu mamuri ètu rai-haha ne, mamuri heka madhutu dadꞌèi mesa ra. Te ngaa rèngu hudꞌi mamuri madhutu dadꞌèi Kristus, lula Nèngu madhe le gati rèngu, hèia Na mamuri hari.   
\p
\v 16 De karèi nèti deo neꞌe, èdhi baku nile dhèu madhutu dadꞌèi dhèu rai-haha. Masi ka uru èèna èdhi nile Kristus pake ngangee dhèu biasa. Te ngaa limuri ne, jiꞌi nile heka Nèngu sèmi èèna.  
\v 17 Nèti èèna ka, dhèu dhu paꞌèki dènge Kristus jꞌajꞌi le dhèu hiu, dhu unu mamuri hiu. Dhèu ne sèmi heka uru èèna, lula mamuri dhui na ele le. Te limuri ne, dhu hiu abhu le.  
\v 18 Aaꞌi-aaꞌi se, Ama Lamatua ka dhu tao. Nèngu ka dhu padame, sèna ka èdhi bisa pabeꞌa hari dènge Ne, lula Kristus saku eele le sasala-sasigo èdhi. Hèia Na pangèdꞌu èdhi sasabꞌa, ho èdhi padꞌelo jꞌara sèna ka dhèu leo kahèi bisa padame hari dènge Ama Lamatua.   
\p
\v 19 Sanèdꞌe, te lodꞌo Kristus pea ètu rai-haha ne era, Ama Lamatua dhu pake Ne ho lere nèti dhèu padame hari dènge Ama Lamatua. De Nèngu ige heka sasala dhèu, ka rèngu dui heka hahuku nèti sasala. Hèia Na pua èdhi lati peka dènge dhèu, na, rèngu bisa pabeꞌa dènge Nèngu.   
\p
\v 20 Te èdhi jꞌajꞌi duta Kristus. De Ama Lamatua pake èdhi ho tèti dhèu mai, sèna ka padame dènge Ne. Lula jiꞌi jꞌajꞌi duta Kristus, nèti èèna ka jiꞌi manèngi miu kahèi, na, “Lamatua dꞌèi titu kèna, ladhe miu pabeꞌa hari dènge Ne.”  
\v 21 Kristus mesa Na tao nèdhi boe sala. Te ngaa Ama Lamatua hia Ne pasae sasala-sasigo èdhi. Lamatua tao jꞌara ne hia èdhi, lula mamadhe Kristus bhoke jꞌara, sèna ka èdhi bisa mamuri dènge dꞌara mola, sama sèmi Lamatua dꞌara mola kahèi.   
\c 6  
\s1 Lamatua tao dhu hua iia hia èdhi  
\p
\v 1 Lula jiꞌi sabꞌa sama-sama dènge Lamatua, jiꞌi pasanèdꞌe miu sèmi neꞌe: Ama Lamatua padꞌelo le dꞌara hua iia Na ae-ae mi dedha miu. De miu baku sèmi mere dꞌara hua iia Na iia-iia dꞌara.  
\v 2 Te ètu dꞌara Sasuri Mola-Mèci Na dhu suri tèke, peka na,  
\q1 “Ropa dꞌai ka lodꞌo na, Jaꞌa nanene lii èu.  
\q2 Jaꞌa soru-bara èu kahèi, ropa Jaꞌa pala-bagi mamuri mi dhèu.”  
\p De nanene pabeꞌa-beꞌa! Neꞌe ne, dꞌai lodꞌo dhu hua iia èèna kèna. Te neꞌe ne, dꞌai lodꞌo Lamatua kèna ho pala-bagi mamuri mi dhèu.\x + \xo 6:2 \xt Yesaya 49:8\x*   
\p
\v 3 Nèti èèna ka, jiꞌi jꞌaga mamuri jiꞌi pabeꞌa-beꞌa sèna ka mamuri mola. Te jiꞌi ngoꞌo boe bhabhae dhèu dhu neo mai asa jꞌara mamuri Lamatua. Aa jiꞌi neo padhai mola-mola kahèi, sèna ka dhèu baku paꞌele iie kolongara jiꞌi.  
\v 4 Aa aaꞌi-aaꞌi dhu jiꞌi sabꞌa, jiꞌi tenge jꞌara ho padꞌelo, na, jiꞌi dhèu sabꞌa dhu beꞌa nèti Ama Lamatua. De masi ka jiꞌi abhu susa, do paraga dènge jꞌajꞌèra, do mamuri ètu dꞌara talora aae patao-palaha, jiꞌi taha taruu.  
\v 5 Jiꞌi taha kahèi ètu dꞌara lodꞌo dhèu gama jiꞌi, lodꞌo ra pamaso jiꞌi asa dꞌara bèdho, lodꞌo ra patao-palaha, lodꞌo jiꞌi sabꞌa bia, lodꞌo jiꞌi abhu boe pasaruru musi madha, aa lodꞌo jiꞌi manganga.\x + \xo 6:5 \xt Lii Lolo nèti Dhèu Pajuu-paleha 16:23\x*  
\v 6 Jiꞌi taha dènge dꞌara mola kahèi. Jiꞌi ngeꞌa ae lula-nèti Ama Lamatua. Jiꞌi taha dènge dꞌara taleo. Jiꞌi tao dhu beꞌa hia dhèu. Jiꞌi soro tèke Roh Lamatua ator jiꞌi. Sasue jiꞌi mola-mola mi dedha dhèu.  
\v 7 Ladhe jiꞌi padhai lii, jiꞌi padhai dhu lèke, dhu ngeꞌa boe monya. Jiꞌi sèmi ngare koasa nèti Lamatua kahèi, sèna ka tao dhu beꞌa. Jiꞌi nuka sèmi sordadꞌu dhu ngèdꞌu rèka dhu tesa nèti Lamatua, sèna ka labꞌa musu, aa segi taruu.  
\v 8 Jiꞌi taha kahèi masi ka dhèu pakabꞌua, do pahahe jiꞌi; masi ka dhèu padhai lii pamanahu jiꞌi, do ra jꞌaga kolongara jiꞌi; masi ka dhèu monya, peka na, jiꞌi kapodꞌe-kabèli dhèu, do ra peka na, jiꞌi padhai lii dhu lèke.  
\v 9 Abhu dhu tadhe boe jiꞌi, te ngaa abhu dhèu ae kahèi dhu reꞌa ngara jiꞌi. Pèri-pèri hari kèna, jiꞌi se oe madhe, te ngaa jiꞌi mamuri era. Dhèu huku jiꞌi bia pèri-pèri hari kèna, te ngaa jiꞌi madhe boe.  
\v 10 Masi ka jiꞌi rasa bia, te ngaa jiꞌi karejꞌe-karae taruu kahèi. Masi ka jiꞌi dènge boe doi-dhari, te ngaa jiꞌi tao dhèu ae jꞌajꞌi kaja ètu dꞌara ra. Èèna nuka sèmi jiꞌi unu boe ngaa-ngaa, te ngaa jiꞌi unu aaꞌi mèu-mèu kahèi.   
\p
\v 11 Jiꞌi padhai lii paledꞌa-ledꞌa hia miu dhu ètu kota Korintus ne. Aa jiꞌi sue miu tareꞌa-reꞌa.  
\v 12 Jiꞌi padꞌelo le sasue jiꞌi mi dedha miu dènge dꞌara kateme. Te ngaa sasue miu mi jiꞌi kura, lula dènge boe dꞌara kateme.  
\v 13 De jaꞌa neo holo miu nuka sèmi holo ana-ana jaꞌa. Beꞌa risi miu sue jiꞌi dènge dꞌara kateme.   
\s1 Baku pakadhebꞌe dènge dhèu dhu parcaya boe Lamatua  
\p
\v 14 Baku pakadhebꞌe dènge dhèu dhu parcaya boe Kristus. Te miu sama boe dènge rèngu. Dhèu parcaya dhu mamuri mola, sama boe dènge dhèu dhu labꞌa Lamatua, de nia boe ladhe ra tenge jꞌara ho sabꞌa paꞌèci. Dhèu beꞌa dènge dhèu beꞌa boe, pantas boe paꞌèci. Èèna nuka sèmi saraa bisa boe paꞌèci dènge maroga.  
\v 15 Kristus bisa boe dꞌara èci dènge dhèu aae nidhu, si?\f + \fr 6:15 \ft Lii Yunani ètu neꞌe suri na, \ft \+it Beliar\+it*. Beliar ne, ra pija nèti lii Ibrani \+it Belial\+it*. Sasoa na, “dhu bhelu, dhu karehe, dhu guna aadꞌo, aa dhèu aae nidhu”.\f* Sèmi èèna kahèi, dhèu dhu parcaya Ama Lamatua abhu pusaka, te ngaa dhèu dhu parcaya boe abhu boe pala.   
\p
\v 16 De aꞌabhu miu, sa mia? Ele boe miu pangee, na, miu bisa lami asa dꞌara èmu sabajꞌa Ama Lamatua sèna ka pahaha iisi mi Nèngu, èle na lami sogo-tagu hari asa èmu sogo-tagu nidhu, do? Bisa boe, si? Te Lamatua èèna, Ama Lamatua dhu mamuri. Nèngu jꞌajꞌi Kètu èdhi kahèi. Ka èdhi jꞌajꞌi le sama sèmi èmu sabajꞌa Na, lula Nèngu pea ètu dꞌara èdhi. Te Lamatua suri tèke ètu dꞌara Sasuri Mola-Mèci Na, peka na,  
\q1 “Èmu Jaꞌa ètu talora aae dhèu-dhèu Jaꞌa.  
\q2 Jaꞌa laku-mai nèti talora aae rèngu kahèi.  
\q1 Jaꞌa neo jꞌajꞌi Ama Lamatua rèngu.  
\q2 Rèngu jꞌajꞌi dhèu unu Jaꞌa kahèi.”\x + \xo 6:16 \xt Atora nèti Ama-ama Agama 26:11-12, Yeskial 37:26-27, 1 Korintus 3:16, 6:19, Epesus 2:21\x*   
\p
\v 17 Nèti èèna ka, Lamatua suri sèmi neꞌe kahèi, na,  
\q1 “Miu hudꞌi kalua nèti talora aae rèngu, aa pacèri nèti rèngu,  
\q2 sèna ka miu baku jꞌajꞌi sama sèmi rèngu.  
\q1 Dꞌara miu hudꞌi mola-mèci.  
\q2 Aa miu hudꞌi pakajꞌèu nèti aaꞌi-aaꞌi dhu pakajꞌalu dꞌara miu,  
\q2 dènge sèmi èèna, Jaꞌa sèmi kore miu dènge beꞌa.\x + \xo 6:17 \xt Yesaya 52:11\x*   
\q1
\v 18 Jaꞌa neo jꞌajꞌi Ama miu;  
\q2 aa miu jꞌajꞌi ana-ana Jaꞌa.  
\q1 Seꞌe se ka dhu Kètu èdhi peka tèke,  
\q2 Nèngu ka dhu unu Koasa Risi Aaꞌi.”\x + \xo 6:18 \xt 2 Samuel 7:14, 1 Sejara nèti Israꞌel dènge Yahuda 17:13, Yesaya 43:6, Yermia 31:9\x*   
\c 7  
\p
\v 1 Aꞌari pasue aaꞌi-aaꞌi! Lula Ama Lamatua padhadha tèke le ho pala-bagi èdhi jꞌara se aaꞌi-aaꞌi, nèti èèna ka èdhi hudꞌi pamèu ku dꞌara dènge mamuri èdhi. Baku tèke eele hahera ciki sa hèi ètu mamuri èdhi. Te èdhi neo sèna ka mamuri èdhi mola-mèci tareꞌa-reꞌa hia mi Ama Lamatua, sèna ka padꞌelo, na, èdhi madhaꞌu dènge pakabꞌua Nèngu.   
\s1 Jꞌara dhu pakarejꞌe dꞌara Paulus  
\p
\v 2 Aꞌari aaꞌi-aaꞌi! Hia jiꞌi tebho. Bhoke dꞌara miu ho sèmi mere jiꞌi dènge beꞌa. Baku soro kabodho mi jiꞌi. Te uru èèna, lodꞌo jiꞌi ètu talora aae miu, jiꞌi tao ngèdhi boe sala ngaa-ngaa mi dhèu èci sa. Jiꞌi dadugu ngèdhi mèka dhèu ho adꞌu-ue sasala. Jiꞌi kapodꞌe-kabèli ngèdhi mèka dhèu, sèna ka abhu oto nèti rèngu kahèi.  
\v 3 Lii padhai jaꞌa ne, neo boe pèci sasala asa dedha miu. Te jaꞌa dhu peka le, na, jiꞌi sue miu. De tasa mera mia èèna ka, jiꞌi se dhu paꞌèki dènge miu, masi ka jiꞌi madhe do mamuri.  
\v 4 Neꞌe ne jaꞌa parluu heka pangee ae-ae, te jaꞌa lèka miu. Jaꞌa koa miu, aa miu paꞌèra dꞌara jaꞌa kahèi. De masi ka jiꞌi abhu susa rupa-rupa, te ngaa dꞌara jaꞌa karejꞌe-karae taruu, lula miu.   
\p
\v 5 Uru èèna, lodꞌo jiꞌi dhiu asa propensi Makedonia, ngiꞌu jiꞌi roe-bhilu. Te jiꞌi abhu susa nèti gꞌana-kariu. Jiꞌi pabꞌala dꞌara lii dènge dhèu dhu parcaya boe. Dꞌara jiꞌi madhaꞌu kahèi.\x + \xo 7:5 \xt 2 Korintus 2:13\x*  
\v 6 Te ngaa Ama Lamatua ka dhu paꞌèra dhèu dhu ele ngangee. Hèia Nèngu paꞌèra dꞌara jiꞌi, ropa Na pua Titus mai dènge jiꞌi.  
\v 7 Nèti mamai Titus neꞌe ka dꞌara jiꞌi èra hari. Te nèngu peka na, lodꞌo nèngu ètu nèi era, miu dhu paꞌèra dꞌara na. Lii lolo nèngu neꞌe ka, paꞌèra dꞌara jiꞌi. Nèngu lolo kahèi, na, miu neo titu kèna mèdhi rèhu jaꞌa, aa miu manyasa kahèi lula lii langu dhu uru èèna jꞌajꞌi ètu talora aae miu. Aa Titus peka kahèi, na, miu tenge jꞌara ho soru-bara jaꞌa. Nèti èèna ka, dꞌara jaꞌa karejꞌe-karae.\x + \xo 7:7 \xt 2 Korintus 2:5\x*   
\p
\v 8 Jaꞌa keꞌa, na, isi sasuri jaꞌa uru èèna dhu pasanèdꞌe miu dènge lii sakaa, èèna ka dhu papèdꞌa dꞌara miu. Te ngaa jaꞌa manyasa boe jaꞌa suri sasuri èèna. (Aa te ngaa lodꞌo èèna jaꞌa ako manyasa, ropa keꞌa, na, nèti sasuri jaꞌa ka dꞌara miu pèdꞌa, masi ka nare boe nèbhu.)  
\v 9 Te ngaa limuri ne, dꞌara jaꞌa karejꞌe. Jaꞌa karejꞌe boe lula uru èèna miu ètu dꞌara susa. Aadꞌo! Jaꞌa karejꞌe lula lodꞌo èèna, sasuri jaꞌa dhu pamako miu sèna ka ele-hoꞌa. Hèia miu mangaku sasala miu, aa tèke eele jꞌara-jꞌara dhu karehe, sèna ka kabèli hari ho madhutu jꞌara mamuri mola nèti Lamatua. Te Lamatua ka dhu tao miu manyasa. Jꞌara ne, nèti boe jiꞌi dhu tao miu jꞌajꞌi maruru.  
\v 10 Te ladhe èdhi manyasa ètu dꞌara èdhi, madhutu dadꞌèi Lamatua, na, èdhi ae eele nèti tao jꞌara dhu bhèlu, hèia lèpa hari madhutu jꞌara mamuri dhu mola. Neꞌe ne ka dhu pakajꞌèu èdhi nèti hahuku Ama Lamatua, ka èdhi mamuri heka dènge dꞌara manyasa taruu. Te ngaa ladhe èdhi dhoka manyasa ètu hèbꞌa di, sama sèmi dhèu ètu rai-haha ne, èèna na èdhi cèri eele nèti Ama Lamatua.   
\p
\v 11 Miu pangee sèku! Lodꞌo miu baca sasuri jaꞌa, jaꞌa keꞌa na, miu manyasa kahèi. Èèna palèke dènge dadꞌèi Lamatua. Neꞌe ne ka paꞌèra miu ho miu core eele bhabhèlu nèti mamuri miu. Miu roe-bhilu le ètu dꞌara bhabhelu miu. Miu madhaꞌu kahèi, mage dhoka manahu hari asa dꞌara bhabhelu-katubꞌa. Miu neo mèdhi jaꞌa, aa paꞌèra taruu ho tao jꞌara beꞌa. Miu paꞌèra kahèi ho neo huku dhèu dhu adꞌu-ue sasala. Lula miu tao jꞌara dhu lèke sèmi èèna, nèti èèna ka miu mola-mèci. Dènge jꞌara neꞌe, abhu boe dhu bisa pèci sasala asa miu.  
\v 12 De sasuri jaꞌa uru èèna, hia boe mi dhèu dhu tao bhabhelu, do, mi dhèu dhu lèke jꞌajꞌèra nèti bhabhelu na. Te ngaa jaꞌa suri sasuri èèna hia miu, sèna ka jaꞌa padꞌelo, na, lii padhai miu ètu madha Lamatua èèna tareꞌa-reꞌa. Aa miu tareꞌa-reꞌa sue jiꞌi.  
\v 13 Seꞌe se aaꞌi-aaꞌi ra paꞌèra dꞌara jaꞌa.  
\p Miu paꞌèra dꞌara Titus kahèi, sèna ka dꞌara na bisa mera-milu. Sèra sa, asa pakarejꞌe dꞌara jiꞌi.  
\v 14 Jaꞌa koa-kadꞌiri miu ètu madha Titus, lula tatao miu dhu beꞌa. Jaꞌa peka kahèi dènge ne, na, miu pamakae mèdhi mèka jaꞌa. Te jꞌara aaꞌi-aaꞌi dhu jiꞌi lolo ngèdhi dènge miu sèra lèke tareꞌa. Aa jꞌara aaꞌi-aaꞌi dhu jiꞌi lolo dènge Titus lula-nèti miu lèke tareꞌa kahèi.  
\v 15 De lodꞌo-lodꞌo na ngee nèdhi tatao dènge lii padhai miu, sasue na mi dedha miu asa tabha. Aa nèngu sanèdꞌe kahèi ropa na dhiu asa miu, ka miu sèmi mere ne dènge beꞌa, te ngaa isi sasuri jaꞌa jꞌajꞌi ngangee mi miu.  
\v 16 Dꞌara jaꞌa karejꞌe-karae, lula jaꞌa bisa parcaya miu ètu madha jꞌara aaꞌi-aaꞌi ra. De dꞌara jaꞌa kabèdhi heka dènge miu!   
\c 8  
\s1 Rèngu hia sumbangan dènge dꞌara mola  
\p
\v 1 Aꞌari pasue aaꞌi-aaꞌi! Dadꞌèi jiꞌi ka ladhe miu meꞌa mèu dꞌara hua iia Ama Lamatua, dhu Na padꞌelo mi dedha jumaꞌat-jumaꞌat ètu propensi Makedonia.  
\v 2 Te masi ka rèngu abhu susa ae-ae, te ngaa dꞌara rèngu karejꞌe taruu. Nèti èèna ka, masi ka rèngu unu boe ngaa-ngaa, te ngaa ra hia doi ae-ae dènge dꞌara mola-mèci, ho soru-bara dhèu parcaya dhu abhu sasusa.  
\v 3 Jaꞌa bisa lole kahèi, na, dhu rèngu hia sèra, hia aaꞌi nèti dhu rèngu bisa hia. Aa ra hia risi nèti sèra sa kahèi. Abhu boe dhèu dhu laka-seti si.  
\v 4 Rèngu mesa ra ka dhu tareꞌa-reꞌa manèngi, sèna ka jiꞌi bhoke jꞌara hia si. Dènge jꞌara neꞌe, rèngu bisa abhu bagian ho soru-bara dhèu dhu abhu susa ètu Yerusalem.\x + \xo 8:4 \xt Roma 15:26\x*  
\v 5 Uru èèna, jiꞌi sanao sèna ka ra tao sèmi neꞌe, te ngaa dhu ra tao èèna, risi nèti dhu jiꞌi sanao! Dhu uru jꞌara, rèngu hia mamuri ra asa Ama Lamatua. Hèia ra peka kahèi, na, “Jiꞌi neo soro mamuri jiꞌi, sèna ka lalau-laloꞌo miu, lula èèna ka dhu madhutu dadꞌèi Lamatua.”   
\p
\v 6 Lula conto nèti jumaꞌat-jumaꞌat ètu Makedonia sèmi èèna, nèti èèna ka jiꞌi manèngi Titus lèpa hari asa miu ètu Korintus, sèna ka miu soru-bara kahèi dhèu unu Lamatua dhu abhu sasusa ètu Yerusalem. Te uru èèna, nèngu ka dhu mulai pakaboko doi-dhari ho hia si. Hèia limuri ne, jiꞌi manèngi sèna ka nèngu bisa tao pamèci sasabꞌa-laꞌa miu ho soru-bara dhèu.\x + \xo 8:6 \xt Titus 2:14\x*  
\v 7 Sasabꞌa miu hia Ama Lamatua èèna, beꞌa titu kèna. Conto sèmi: parcaya miu èra, lii padhai miu beꞌa; miu meꞌa ae jꞌara-jꞌara Lamatua; miu sabꞌa dènge majꞌèni; aa miu sue jiꞌi dꞌai seli. Nèti èèna ka, jaꞌa neo ho miu soru-bara kahèi dhèu unu Lamatua dhu abhu sasusa, dènge jꞌara hia si doi ae-ae.   
\p
\v 8 Jaꞌa paredha boe miu ètu Korintus, sèna ka hia si doi ae-ae, te ngaa jaꞌa neo cobꞌa miu. Te jumaꞌat-jumaꞌat ètu Makedonia neo le soru-bara dhèu sèra. De dènge jꞌara neꞌe miu bisa padꞌelo, na, miu tareꞌa-reꞌa sue dhèu dhu ètu dꞌara sasusa kahèi.  
\v 9 Te miu meꞌa, na, Kètu èdhi, Yesus Kristus padꞌelo le dꞌara hua iia Na mi miu. Mema Nèngu kaja. Te ngaa Na pamaꞌète nare ho tao iisi Na jꞌajꞌi dhèu unu boe ngaa-ngaa sèna ka soru-bara miu, ho miu jꞌajꞌi kaja ètu madha jꞌara ae-ae.   
\p
\v 10 Ranga-jahi na, miu mulai pakaboko le doi ho hia rèngu. Mesa boe miu hia doi-dhari di, te ngaa miu soru-bara nèti dꞌara miu kahèi. De madhutu aꞌabhu jaꞌa, miu hudꞌi tao ku sèmi neꞌe:  
\v 11 Uru èèna, miu pamaꞌète mere le neo soru-bara dhèu unu Lamatua dhu abhu sasusa ètu Yerusalem nèi. De jaꞌa manèngi sèna ka ngaa dhu miu dhae pakaboko mere mèka, na, paꞌoru aaꞌi si ho hia ka. Aa ca ngaa dhu miu bisa hia, na, hia laa. Dhu lèke ka, hia dènge dꞌara kateme.  
\v 12 Te ladhe èdhi hia dènge dꞌara kateme madhutu ngaa dhu èdhi bisa hia, èèna beꞌa kèna. Sadꞌi madhutu dadꞌèi èdhi. Te dhèu baku hia ngaa-ngaa dhu pabia nèngu, lula laka-seti nèti dhèu leo.   
\p
\v 13 Jaꞌa dꞌèi boe pabia miu, sèna ka dhèu leo abhu samaa. Te dadꞌèi jaꞌa ka, èdhi aaꞌi-aaꞌi ti tago sama-sama sasusa dhèu seꞌe.  
\v 14 Te limuri ne, miu dhu unu risi, aa rèngu dhu unu ciki. Lodꞌo limuri, rèngu bisa bꞌala kahèi, ladhe miu dhu unu ciki. Dènge jꞌara neꞌe, èdhi bisa tago sama-sama.  
\v 15 Èèna nuka sèmi dhu suri tèke ètu dꞌara Sasuri Mola-Mèci Lamatua, na,  
\q1 “Dhèu dhu abhu ae,  
\q2 risi boe nèti ngaa dhu rèngu parluu.  
\q1 Aa dhèu dhu abhu ciki,  
\q2 kura boe nèti ngaa dhu rèngu parluu.”\x + \xo 8:15 \xt Kalua nèti Masir 16:18\x*   
\s1 Titus, dènge dhèu leo dhu neo rèti bantuan  
\p
\v 16 Jaꞌa manèngi makasi mi Ama Lamatua, lula Nèngu ka dhu pamako Titus, sèna ka neo soru-bara miu, sama sèmi jaꞌa neo soru-bara miu.  
\v 17 Mema jiꞌi manèngi sèna ka nèngu dhiu ngadꞌo miu. Aa te ngaa, èèna madhutu dadꞌèi nèngu mesa na. Nèti èèna ka, nèngu mesa na neo dhiu soru-bara miu, nèti boe lii manèngi jaꞌa.  
\v 18 Te ngaa nèngu dhiu boe mesa na. Te jiꞌi pua le aꞌari jiꞌi ca dhèu, ho kako palere dènge ne. Jumaꞌat aaꞌi-aaꞌi ètu neꞌe tadhe mèu dhèu ne, lula nèngu sabꞌa bia ho peka-padhai dènge dhèu Lii Lolo Beꞌa Lamatua.  
\v 19 Kètu jumaꞌat se dhu pili ne kahèi, ho palere-lere dènge jiꞌi, sèna ka soru-bara jiꞌi ètu dꞌara sasabꞌa-laꞌa jiꞌi dhu hua iia ne. Jiꞌi pakako sasabꞌa ne, sèna ka padꞌelo dadedha Lamatua èdhi, aa tao dhu beꞌa hia dhèu susa sèra ètu Yerusalem.   
\p
\v 20 Jiꞌi tenge jꞌara sèna ka tao dhu lèke, ho baku abhu dhèu dhu pasala jiꞌi, peka na, jiꞌi sabꞌa lèke boe lodꞌo jiꞌi ngèti doi sèra papala mi dhèu dhu parluu.  
\v 21 Te jiꞌi pangee paie-iie, sèna ka tao dhu lèke nèti dꞌara dhu mola-mèci ètu madha Ama Lamatua, aa ètu madha dhèu ae kahèi.\x + \xo 8:21 \xt Lii Hini 3:4\x*   
\p
\v 22 Abhu aꞌari èci hari dhu jiꞌi pua dhiu palere dènge Titus si, ho rèti doi sèra. Jiꞌi ladhe paie-iie le mamuri nèngu. Aa jiꞌi ngeꞌa, na, nèngu neo sabꞌa bia hia miu kahèi. Dhèu ne majꞌèni, lula neꞌa le, na, miu tao dhu lèke.   
\p
\v 23 Ladhe dhèu karèi miu lula-nèti Titus, peka mi rèngu, na, Titus èèna aꞌari jaꞌa dhu sabꞌa taruu dènge jaꞌa hia miu. Dhèu parcaya ètu era leo kahèi hagꞌe rare le dhèu rèngu, sèna ka rèngu kahèi rèti doi sèra asa Yerusalem. Rèngu pakaboko le ho neo dhiu. Titus sama-sama dènge rèngu kahèi. Rèngu aaꞌi-aaꞌi ra padꞌelo dadedha Kristus sèmi èèna.  
\v 24 De miu hudꞌi padꞌelo sasue miu mi dhèu dhu rèti doi sèra. Aa padꞌelo dènge ra, tasamia ka jiꞌi koa-kadꞌiri miu. Dènge jꞌara èèna, dhèu-dhèu parcaya nèti jumaꞌat ètu mia-mia reꞌa, na, miu sue rèngu.   
\c 9  
\s1 Doi bantuan hia dhèu Kristen ètu Yerusalem  
\p
\v 1 Dhu lèke, jaꞌa parluu heka suri hia miu, ho manèngi miu soru-bara dhèu parcaya unu Lamatua.  
\v 2 Te jaꞌa keꞌa le, miu dꞌèi titu kèna soru-bara dhèu sèmi sèra. Jaꞌa dꞌèi palolo dènge dhèu parcaya ètu Makedonia kahèi, lula-nèti babeꞌa dꞌara miu. Jaꞌa palolo le, peka na, miu nèti propensi Akaya dhu paꞌèra le karèi nèti ranga-jahi ni, ho paꞌadhu doi bantuan. Jaꞌa lolo le kahèi, lula-nèti majꞌèni miu ka dhu pamako dhèu leo, ho soru-bara dhèu-dhèu susa.  
\v 3 Ka jaꞌa pua le aꞌari èdhi, sèna ka ra padꞌelo, na, ngaa dhu jiꞌi palolo lula-nèti miu se, leko-monya boe. Jaꞌa peka sèmi èèna, sèna ka miu paꞌèra mema.  
\v 4 Te ladhe abhu dhèu Makedonia mai palere dènge jaꞌa, aa miu dhae paꞌèra mèka, na, èdhi taꞌe makae. Mage dhoka lalèka jaꞌa mi dedha miu dènge boe kolo-kapua.  
\v 5 Nèti èèna ka, jaꞌa pangee, na, beꞌa risi ladhe aꞌari èdhi dhiu uuru asa miu, sèna ka miu aaꞌi-aaꞌi mi bisa ator uuru ku doi bantuan sèra, madhutu lii pamoa miu uru èèna. Miu hudꞌi hia nèti babeꞌa dꞌara miu, baku hia dènge dꞌara cabèka.   
\p
\v 6 Dhu mola-mola, sèmi neꞌe ka: “Dhèu dhu sèle hini ciki, èèna na abhu hua-hela ciki kahèi. Aa dhèu dhu sèle hini paꞌae-ae, èèna na abhu hari hua-hela ae-ae kahèi.”  
\v 7 Ca dhèu-dhèu ka hudꞌi pamaꞌète unu na, nèngu neo hia ca ngaa. Baku hia dènge dꞌara cabèka. Baku hia lula dhèu laka-seti. Te Ama Lamatua sue dhèu dhu hia dènge dꞌara karejꞌe.  
\v 8 Lamatua bisa hia miu mèngi-nale rupa-rupa. Nèngu bisa hia miu ae risi eele kahèi, sèna ka miu baku kura ngaa-ngaa. Te ladhe miu parluu, èèna na miu abhu risi nèti dhu miu parluu. Dènge jꞌara ne, miu bisa papala dhu karisi, sèna ka soru-bara sasabꞌa aaꞌi-aaꞌi dhu nèti babeꞌa.  
\v 9 Dhu suri tèke ètu dꞌara Sasuri Mola-Mèci Ama Lamatua, na,  
\q1 “Ama Lamatua dꞌèi pala-bagi hia dhèu unu aadꞌo,  
\q2 nèti dꞌara hua iia Na.  
\q1 Nèngu tao dhu lèke taruu,  
\q2 te dꞌara mola Na èèna, taha taruu.”\x + \xo 9:9 \xt Lii Sodꞌa Koa-Kio 112:9\x*   
\p
\v 10 Lamatua ka dhu hia hini, sèna ka dhèu sabꞌa sèle oka-tedhe. Lamatua ka dhu hia ngangaꞌa, sèna ka èdhi taꞌa. Lamatua èèna kahèi, ka dhu hia miu mèngi-nale, ho miu bisa tao dhu lèke. Èèna sama sèmi miu dhèu sabꞌa oka-tedhe, hèia Lamatua hia miu hini, ho miu sèle. Aa hua-hela dhu miu abhu sèra, Lamatua hia hari ae-ae, nèti ca lodꞌo asa ca lodꞌo.\x + \xo 9:10 \xt Yesaya 55:10\x*  
\v 11 Te Lamatua neo pala-bagi hia miu risi nèti dhu miu parluu, sèna ka miu bisa soru-bara dhèu leo, dènge dꞌara beꞌa miu. De ladhe miu soru-bara le dhèu leo, tatu dhèu se manèngi makasi mi Ama Lamatua.  
\v 12 Te bantuan dhu miu hia mi dhèu unu Lamatua ètu nèi, tatu pasamaa si. Aa dènge jꞌara neꞌe kahèi, miu manèngi makasi mi Lamatua.  
\v 13 Te lodꞌo miu soru-bara dhèu leo sèra, èèna jꞌajꞌi mi tadha dhu peka na, miu parcaya tareꞌa-reꞌa. Jꞌara neꞌe kahèi tao dhèu leo sèra koa-kio Ama Lamatua. Te rèngu bisa rèdhi dènge reꞌa, na, parcaya miu mi Lii Lolo Beꞌa Kristus leko-monya boe. Èèna, lula miu tao madhutu lalèka miu. Hèia ropa miu hia bantuan dènge dꞌara kateme mi rèngu, aa hia mi dhèu leo kahèi, na, èèna ka dhu tao rèngu koa-kio kolongara Ama Lamatua.   
\p
\v 14 Aa dhèu dhu sèmi rare bantuan nèti miu sèra, èèna na ra sabajꞌa hia miu. Rèngu neo rèdhi miu kahèi, lula Ama Lamatua dhu padꞌelo le dꞌara hua iia Na ae-ae mi dedha miu.  
\v 15 Te ngaa Ama Lamatua ka dhu hia iia èdhi Hadia èci dhu beꞌa titu kèna, nuka Yesus! Kabꞌua Na risi aaꞌi ngaa-ngaa! Nèti èèna ka, èdhi aaꞌi-aaꞌi ti sama-sama peka dènge Ama Lamatua, na, “Makasi!”   
\c 10  
\s1 Paulus siri iisi na, lula sasabꞌa-laꞌa na hia Kristus  
\p
\v 1 Jaꞌa, Paulus, ka dhu suri sasuri ne. Tatu abhu nèti miu dhu pangee, na, ladhe jaꞌa sama-sama dènge miu, jaꞌa makae padhai lii paledꞌa. Te ngaa ladhe miu dènge boe jaꞌa, na, jaꞌa bani padhai lii dhu paꞌabhe boe. Sèmi èèna ka, si? Aa te ngaa, jaꞌa dhu pasanèdꞌe le miu, na, Kristus ne dhu lii mako dènge dꞌara hua iia mi dedha miu.  
\v 2 Te ngaa abhu cahagꞌe nèti miu dhu roꞌo boe nanene lii jaꞌa. Rèngu peka, tatao jiꞌi beda boe dènge tatao dhèu leo ètu rai-haha ne. De ladhe jaꞌa dhiu, ele boe jaꞌa padhai lii dènge rèngu pake boe paꞌabhe. Nèti èèna ka, jaꞌa peka mema dènge miu aaꞌi-aaꞌi mi, sèna ka ladhe jaꞌa dꞌai èèna, jaꞌa tao heka lii taka dènge rèngu.  
\v 3 Masi ka èdhi se dhèu rai-haha, te ngaa ladhe èdhi pabꞌala lii dènge dhèu leo, èdhi pakadhii boe, sèmi dhèu ètu rai-haha ne dhu tadhe boe Ama Lamatua.  
\v 4 Ladhe èdhi patao dènge dhèu, baku bhèlu, te rèka èdhi sama boe dènge rèka dhèu rai-haha ne. Aa ladhe èdhi patao dènge dhèu kètu hadhu, na, èdhi unu koasa Lamatua, dhu bisa palaho ngangee rèngu.  
\v 5 Koasa Lamatua bisa palaho aaꞌi ngangee dènge tatao dhu palabꞌa dènge Lamatua, dhu tao dhèu ho roꞌo boe tadhe Lamatua. Koasa Nèngu kahèi bisa padꞌelo jꞌara, ho gati jꞌara ngangee èdhi dhu dhui, dènge jꞌara ngangee dhu hiu. Dènge jꞌara neꞌe, èdhi bisa pangee madhutu aꞌajꞌa Kristus.\x + \xo 10:5 \xt Roma 12:2\x*  
\v 6 Ae ka nèti miu mulai dꞌèi nanene Kristus, aa tao madhutu dadꞌèi Na aaꞌi-aaꞌi. Te ngaa abhu cahagꞌe nèti miu dhu roꞌo boe nanene Ne. De jiꞌi dhu paꞌèra le ho huku si.   
\p
\v 7 Miu dꞌèi laladhe ngaa dhu ladhe mèdhi ètu liꞌu di. Te ngaa miu hudꞌi ladhe ku dꞌara dhèu. De ladhe dhèu pangee, na, nèngu dhèu pajuu-paleha Kristus, sanèdꞌe paie-iie, te jiꞌi se dhèu pajuu-paleha Kristus kahèi, sèmi nèngu.  
\v 8 Ele boe miu pangee, na, jaꞌa padhai lii ae risi eele lula-nèti koasa dhu jiꞌi abhu nèti Lamatua. Sèmi èèna ka, si? Aadꞌo! Te Lamatua hia koasa èèna ho paꞌèra miu, aa paꞌele iie boe miu. De jaꞌa soro tèke eele boe dhèu dhu pamakae jaꞌa, lula rèngu paꞌele iie sasabꞌa-laꞌa jaꞌa.  
\v 9 Jaꞌa neo boe pamadhaꞌu miu dènge sasuri jaꞌa sèra.  
\v 10 Te ngaa dhèu sèra peka, na, “Baku pusi-pahae dènge Paulus. Te masi ka isi sasuri na bia dènge sakaa, te ngaa ladhe patoo madha, nèngu roe aala-aala, aa lii padhai dhu dènge boe koasa.”  
\v 11 Te ngaa sèna ka dhèu dhu padhai lii omo koso sèra reꞌa, na, ngaa dhu jiꞌi suri ètu dꞌara sasuri nèti kajꞌèu, beda boe dènge ngaa dhu jiꞌi peka-padhai, ladhe jiꞌi ètu talora aae miu.   
\p
\v 12 Dhèu sèra sa dꞌèi padedha iisi, peka na, rèngu ka dhèu pajuu-paleha dhu kapai nèti Kristus. Jiꞌi bani boe pasoro ngiꞌu jiꞌi dènge dhèu sèmi sèra. Meꞌa, sina ma? Ele boe jiꞌi se èra boe sama sèmi rèngu! Dhèu sèmi sèra sa, dhodhoka tenge dhèu dhu sama sèmi rèngu di. Sèna ka rèngu paꞌèra èci dènge èci, lula rèngu se ca ropa! Gagoa ra sèmi èèna ka!  
\v 13 Aa te ngaa jiꞌi padedha boe iisi, ladhe dènge boe kolo-kapua na. Jiꞌi dhoka padhai lii sèmi èèna lula-nèti sasabꞌa dhu Lamatua pangèdꞌu mi jiꞌi. Ngaa dhu jiꞌi tao hia miu sèra, dhoka tao madhutu ngaa dhu Lamatua pua jiꞌi sabꞌa. Te jiꞌi sabꞌa boe dhu leo nèti èèna.  
\v 14 Dhu lèke ka, jiꞌi se padhai lii karisi boe, lodꞌo jiꞌi koa-kadꞌiri miu. Te jiꞌi ka dhu mai lole Lii Lolo Beꞌa Kristus hia miu. Ka miu sèmi mere lii padhai jiꞌi kahèi. Ladhe Lamatua pua boe jiꞌi, te ngaa jiꞌi koa-kadꞌiri miu, na, èèna mema lèke boe.  
\v 15 Ladhe dhèu leo ka dhu sabꞌa, na, jiꞌi padedha boe iisi, peka na, èèna rui-jꞌajꞌèra jiꞌi na. Te madhutu mola-mola na, parcaya miu hudꞌi asa tabha èra. Dènge jꞌara neꞌe, rui-jꞌajꞌèra jiꞌi ètu dedha miu karèi nèti uru ka asa tabha taruu.  
\v 16 Hèia jiꞌi bisa laꞌa peka-padhai Lii Lolo Beꞌa Kristus asa era-era dhu pakajꞌèu nèti era miu, dhu abhu mèka dhèu sabꞌa ètu era sèra. Dènge jꞌara neꞌe, sasabꞌa jiꞌi patogo boe dènge sasabꞌa dhèu dhu ra pakako le ètu èèna.   
\p
\v 17 Te abhu ètu dꞌara Sasuri Mola-Mèci Ama Lamatua, dhu suri, na, “Ladhe dhèu neo padedha iisi, na, hudꞌi padedha iisi dhoka lula-nèti Kètu èdhi, Ama Lamatua di.”\x + \xo 10:17 \xt Yermia 9:24\x*  
\v 18 Ladhe abhu ca dhèu dhu padhai lii dedha lula-nèti mamuri nèngu unu na, èèna sasoa na hèbꞌa-hua. Te ngaa ladhe Lamatua ka dhu koa-kadꞌiri dhèu neꞌe, heka lèke kèna!   
\c 11  
\s1 Dhèu pajuu-paleha Kristus dhu mola, dènge dhu mola boe  
\p
\v 1 Jaꞌa neo padhai lii sama sèmi dhèu goa. De miu nanene sèku! Lii jaꞌa sèmi neꞌe ka:  
\v 2 jaꞌa nuka sèmi ama miu, aa miu nuka sèmi ana bhèni jaꞌa dhu dhèu lii dꞌai le. Dhèu dhu lii dꞌai miu èèna, nuka Kristus. Ka jaꞌa ate sale boe miu, sèna ka ladhe dꞌai lodꞌo miu kabꞌi, miu kalora iisi era. Hèia jaꞌa jꞌaga miu, sèna ka dhèu leo baku gagai miu, ho paꞌele iie parcaya miu.  
\v 3 Neꞌe ne miu madhutu jꞌara mamuri Kristus dènge dꞌara mola. Te ngaa jaꞌa madhaꞌu, mage dhoka dhèu tipu rare, miu sèna ka miu piku eele nèti jꞌara mola èèna, nuka sèmi uru èèna mege tipu nare Hawa. Mege ne bisa tipu sèmi èèna, lula nèngu baki nèti kapodꞌe-kabèli!\x + \xo 11:3 \xt Lii Lolo dhu Uru Tèka 3:1-5, 13\x*  
\v 4 Ladhe lodꞌo-lodꞌo miu paraga dènge dhèu sèmi sèra sa, ho ra ajꞌa-nori miu lula-nèti Yesus ropa leo dhu sama boe dènge Yesus dhu jiꞌi ajꞌa-nori miu, na, tasamia ka miu lèka lii padhai ra? Uru èèna, miu bhoke le dꞌara miu ho sèmi mere Roh Mola-Mèci Lamatua, sèna ka Na ator miu. Te ngaa tasamia ka limuri ne, miu neo hari sèmi mere roh ropa leo èci? Uru èèna, miu lèka Lii Lolo Beꞌa Kristus dhu jiꞌi ajꞌa miu. Te ngaa tasamia ka limuri ne miu parcaya hari aꞌajꞌa ropa leo?   
\p
\v 5 Dhèu se padedha iisi ra, peka na, rèngu ka dhèu pajuu-paleha Lamatua dhu kapai risi. Madhutu ngangee miu, hak rèngu se risi nèti hak jaꞌa, do? Aadꞌo! Jaꞌa pake boe ngangee sèmi sèra.  
\v 6 Masi ka jaꞌa dꞌèlu-mèu boe ètu dꞌara lii padhai pake lii dedha, te ngaa keꞌa mèu sasoa nèti ngaa dhu jaꞌa padhue-padhai. Miu dhu meꞌa le jꞌara seꞌe, lula jaꞌa peka pahari-pahari le dènge miu.   
\p
\v 7 Lodꞌo jaꞌa ajꞌa miu Lii Holo-Nori Ama Lamatua, jaꞌa manèngi boe miu ogo-oru hia jaꞌa. Jaꞌa tao iisi nuka sèmi ana iiki sa, sèna ka bisa dedꞌe padedha miu. Teko-teko nèti jꞌara neꞌe ka miu neo pasala jaꞌa, do?  
\v 8 Te dhèu parcaya nèti jumaꞌat era leo sèra ka dhu tago jaꞌa, sèna ka jaꞌa bisa ladhe-leru miu. Neꞌe èci èèna ka dènge jaꞌa kore nèti rèngu ho soru-bara miu.  
\v 9 Lodꞌo jaꞌa bera-bera dènge miu, ladhe jaꞌa parluu ngaa-ngaa, na, jaꞌa manèngi boe miu, aa pabia boe miu. Aꞌari èdhi dhu mai nèti propensi Makedonia ka dhu soru-bara jaꞌa. Te ngaa jaꞌa pabia kèdhi mèka miu, aa bèli-camèdꞌa jaꞌa pabia boe miu sèmi èèna kahèi.\x + \xo 11:9 \xt Pilipi 4:15-18\x*  
\v 10 Lii Holo-Nori Kristus ne lèke tareꞌa-reꞌa. Jaꞌa lèka mèu, na, lii padhai jaꞌa lèke kahèi, lula jaꞌa paꞌèki dènge Kristus. Abhu boe ca dhèu sa ètu propensi Akaya dhu bisa kutu hèbꞌa jaꞌa, aa kai jaꞌa sèna ka baku padhai lii padedha, peka na, jaꞌa pabia boe miu sèmi èèna.  
\v 11 Nga tao ka jaꞌa peka sèmi neꞌe? Ele boe, lula jaꞌa sue boe miu, do? Masi ka miu pangee sèmi èèna, te ngaa Ama Lamatua neꞌa, na, jaꞌa sue miu.   
\p
\v 12 Jꞌara-jꞌara dhu jaꞌa tao kèdhi le, jaꞌa tao taruu. Dènge sèmi èèna, dhèu dhu tema padedha iisi, peka na, tatao rèngu sèra èci èèna ka dènge tatao jiꞌi, na, padhai lii rèngu dènge boe kolo-kapua.  
\v 13 Rèngu peka, na, Lamatua ka dhu pajuu-paleha rèngu. Rèngu se, dhèu sabꞌa dhu dꞌèi leko-monya dhèu! Dhèu se tao iisi ra nuka sèmi dhèu pajuu-paleha dhu lèke nèti Kristus. Aa te ngaa rèngu se dhoka padhai lii hèbꞌa-hua!  
\v 14 Miu baku cagꞌagꞌa! Te dhèu aae nidhu kahèi tao iisi na sama sèmi ana-ana pajuu Ama Lamatua nèti sorga dhu nèti saraa aa dꞌara beꞌa.  
\v 15 Nèti èèna ka, miu baku malaa ladhe dhèu sabꞌa na neo tao iisi ra nuka sèmi dhèu dhu sabꞌa dènge dꞌara mola. Sanèdꞌe, te èèna na Ama Lamatua bꞌala bhabhelu-katubꞌa rèngu.   
\s1 Dhèu pajuu-paleha Kristus dhu lèke, pasae jꞌajꞌèra rupa-rupa lodꞌo ra peka-padhai lula-nèti Lamatua Yesus  
\p
\v 16 Ladhe moꞌo, na, jaꞌa padhai lii hari ciki sama sèmi dhèu goa. Te jaꞌa neo padhai lii padedha iisi ciki.  
\v 17 Dhu jaꞌa suri padedha iisi ne, dhoka neo padhai lii sama sèmi dhèu goa sa. Te lii padhai jaꞌa ne kapua na nèti boe Lamatua èdhi.  
\v 18 Abhu dhèu ae dhu dꞌèi dedꞌe padedha ngiꞌu ra madhutu tatao dhèu rai-haha ne. De jaꞌa neo padhai lii padedha iisi kahèi sama sèmi rèngu.  
\v 19 Te miu dhu pangee, na, ngangee miu mola ladhe paraga dènge ca dhèu dhu kahadhu bia, na, miu soro tèke ne, si?  
\v 20 Ladhe dhèu leo tao miu madhutu dadꞌèi rèngu, na, miu soro tèke si. Nuka sèmi: ladhe dhèu tao miu sèmi ènu sa, miu soro tèke ne, do? Ladhe abhu dhu manaꞌu mèdha miu, miu soro tèke ne, do? Ladhe abhu dhèu tipu miu, miu soro tèke ne, do? Ladhe dhèu tao iisi nuka sèmi dhèu kapai, aa pahahe miu nuka sèmi ana iiki sa, na, miu soro tèke ne, do? Sèmi èèna kahèi, ladhe abhu dhèu dhu tèbꞌe miu, na, miu soro tèke ne sène.  
\v 21 Te ngaa baku nasa! Te jaꞌa makae, lula jiꞌi roe aala-aala. Te jiꞌi lake ngare boe tao sèmi èèna, sama sèmi dhèu sèra tao mi dedha miu.  
\p Te ngaa ladhe rèngu neo padedha iisi lula ngaa sa, jaꞌa bani padedha iisi sèmi èèna kahèi. (Te ngaa baku bhèlu, te jaꞌa padhai lii sèmi dhèu goa na!)  
\v 22 Rèngu se dhèu Ibrani tareꞌa-reꞌa, do? Oo! Jaꞌa kahèi dhèu Ibrani. Rèngu dhèu Israꞌel, do? Oo! Jaꞌa kahèi. Rèngu sèra ana-èpu Abraham, do? Oo! Jaꞌa kahèi.  
\v 23 Rèngu sèra dhèu sabꞌa hia Kristus, do? Oo! Jaꞌa kahèi sèmi èèna. (Baku bhèlu, te jaꞌa padhai lii paleko ne!) Mema, jaꞌa peka na, jaꞌa sama sèmi rèngu. Aa te ngaa jaꞌa risi nèti rèngu. Te jaꞌa sabꞌa bia risi. Ra bèdho jaꞌa ae risi. Ra game jaꞌa ae risi. Jaꞌa kahèi oe madhe pahari-pahari ae risi nèti rèngu.\x + \xo 11:23 \xt Lii Lolo nèti Dhèu Pajuu-paleha 16:23\x*  
\v 24 Ètu dꞌara adhe-aai dhèu jaꞌa, dhèu Yahudi, ra hake paparu jaꞌa lèmi hari. Lodꞌo-lodꞌo ra hake paparu jaꞌa, na, ra hake tèlu nguru ceo hari pake gui.\x + \xo 11:24 \xt Lole Hari Jꞌara-jꞌara Mamuri 25:3\x*  
\v 25 Tèlu hari, dhèu hake jaꞌa pake ajꞌu. Ca tèka dhèu pèci neo pamadhe jaꞌa. Jaꞌa molo dènge kapa tèlu hari. Dꞌara ca mèu ca mèda, jaꞌa lebꞌo-lebꞌo ètu dꞌara dhasi.\x + \xo 11:25 \xt Lii Lolo nèti Dhèu Pajuu-paleha 16:22, 14:19\x*  
\v 26 Jaꞌa laku kajꞌèu asa mia-mia pahari-pahari. Ètu dꞌara kakako ne, jaꞌa paraga dènge jꞌajꞌèra rupa-rupa, dhu tao jaꞌa oe madhe. Nuka sèmi: nèti èi aae lala ètu dꞌara loko aae, nèti parapo, nèti dhèu jaꞌa dhèu Yahudi, nèti dhèu Yahudi boe, aa nèti dhèu dhu tao ngiꞌu ra sama sèmi aꞌari dhèu parcaya, aa te ngaa rèngu leko-monya. Jaꞌa oe madhe kahèi ètu talora lèu, ètu dꞌara kota, dènge era dhèu pea boe.\x + \xo 11:26 \xt Lii Lolo nèti Dhèu Pajuu-paleha 9:23, 14:5\x*  
\v 27 Jaꞌa sabꞌa bia, aa paraga dènge sasusa ae-ae. Lodꞌo ae ka dhu jaꞌa bisa boe bhèjꞌi. Jaꞌa manganga dènge koko-kamango kahèi. Pahari-pahari kuꞌa boe ngaa-ngaa. Abhu kahèi lodꞌo dhu jaꞌa unu boe mèdha-papake, ka maringi oe madhe.  
\v 28 Aa ladhe moꞌo boe ige jꞌara seꞌe, na, ige sèmi neꞌe ka: te bèli-bèli jaꞌa jꞌajꞌi ngangee kapai, lula ngee kèdhi aꞌari èdhi dhèu parcaya dhu pakaboko ètu mia-mia.  
\v 29 Ladhe abhu dhèu dhu rasa roe-bhilu dhu bisa boe sabꞌa ngaa-ngaa, na, sanèdꞌe jaꞌa. Te jaꞌa sèmi èèna kahèi. Ladhe abhu dhèu dhu dadugu dhèu-dhèu parcaya sèna ka tao jꞌara karehe sama-sama dènge rèngu, na, jaꞌa makae, aa nasa.   
\p
\v 30 Ladhe jaꞌa neo padedha iisi, na, beꞌa risi jaꞌa padedha iisi lula-nèti jꞌara-jꞌara dhu padꞌelo raroe jaꞌa. Tareꞌa!  
\v 31 Kètu èdhi Yesus, dènge Ama Na, Ama Lamatua reꞌa, na, jaꞌa monya boe. Dhu lèke, ladhe dhèu koa-kio Ne toke dꞌai mia-mia.   
\p
\v 32 Conto nuka sèmi, uru èèna ètu kota Damsik, gubernur nèti dhèu aae Aretas pua dhèu mate ho kèpe jaꞌa ètu hèbꞌa tedhe kota.  
\v 33 Te ngaa angalai jaꞌa pamaso jaꞌa asa dꞌara karogo èci. Ka ra dulu jaꞌa dènge dhari re liꞌu tembok kota. Hèia gubernur kèpe nare boe jaꞌa. De sanèdꞌe, ladhe jaꞌa mesa-mesa ku, tatu bisa boe, si?\x + \xo 11:33 \xt Lii Lolo nèti Dhèu Pajuu-paleha 9:23-25\x*   
\c 12  
\s1 Paulus ladhe nèdhi ngaa èci, nuka sèmi tanila sa  
\p
\v 1 Ladhe miu moꞌo, na, jaꞌa padedha iisi hari ciki, masi ka gaguna aadꞌo. Te ngaa jaꞌa neo peka dènge miu jꞌara-jꞌara dhu Lamatua èdhi padꞌelo le dènge jaꞌa ètu dꞌara tanila.  
\v 2-4 Jaꞌa tadhe ca dhèu unu Kristus. Canguru èpa tèu dhu laꞌe, abhu dhu dedꞌe ne asa dedha-liru dhu dedha aae. Te ngaa jaꞌa keꞌa boe, na caꞌe dènge ngiꞌu aae, do dhoka roh nèngu di. Dhodhoka Lamatua di neꞌa. Jaꞌa keꞌa kahèi, na, ropa dedꞌe ne asa era hua iia Lamatua èèna, nèngu tadèngi lii padhai dhu beꞌa titu kèna, dhu dhèu rai-haha bisa boe peka-padhai.  
\v 5 De mi dhèu sèmi èèna, jaꞌa neo padhai lii padedha. Te ngaa jaꞌa koꞌo boe padedha iisi lula-nèti ngiꞌu jaꞌa unu ku. Jaꞌa dedꞌe dhoka raroe-bhilu jaꞌa, aa jꞌara-jꞌara dhu jaꞌa bisa boe tao kore.  
\v 6 Ladhe jaꞌa neo padedha iisi, na, jaꞌa parluu boe monya, te jaꞌa dhu dènge jꞌara ae dhu lèke, dhu jaꞌa bisa peka-padhai. Te ngaa jaꞌa mau-mau, sèna ka dhèu baku pangee, na, jaꞌa dènge kolo-karisi nèti ngaa dhu rèngu tadèngi aa ladhe rèdhi nèti jaꞌa.  
\v 7 Risi-risi hari, Lamatua dhu padꞌelo le dènge jaꞌa jꞌara-jꞌara dhu kapai titu kèna.  
\p Te ngaa jaꞌa abhu susa kahèi, sèna ka jaꞌa baku pamone. Te dhèu aae nidhu pua ana pajuu na èci, ho mai kakèjꞌi taruu jaꞌa, nuka sèmi dhudhu dhu pakèjꞌi ètu dꞌara isi jaꞌa ne. Waa! Jaꞌa jꞌèra titu kèna!  
\v 8 Tèlu hari kèna, jaꞌa manèngi sèna ka Ama Lamatua pakajꞌèu eele jꞌajꞌèra ne nèti jaꞌa.  
\v 9 Te ngaa Lamatua peka na, “Jaꞌa padꞌelo le dꞌara hua iia Jaꞌa mi èu, de èèna dꞌai le, sèna ka èu meꞌa, na, nèti dꞌara raroe ka koasa Jaꞌa asa tabha.” Nèti èèna ka jaꞌa dꞌèi padedha iisi ètu dꞌara raroe jaꞌa, sèna ka jaꞌa keꞌa, na, koasa Kristus ètu dꞌara mamuri jaꞌa.  
\v 10 Nèti èèna ka, ladhe aꞌèra jaꞌa mesa ku bisa boe sabꞌa ngaa èci sa, na, dꞌara jaꞌa mau-mau sène. De ropa dhèu pahahe jaꞌa, do pasusa jaꞌa, do pajꞌèra jaꞌa, do game jaꞌa, lula jaꞌa jꞌajꞌi dhèu unu Kristus, na, dꞌara jaꞌa mau-mau sène. Te ladhe jaꞌa mesa ku bisa boe, na, jaꞌa abhu koasa nèti Kristus, ho bisa èra tao jꞌara sèra.   
\s1 Paulus jꞌajꞌi ngangee, lula tatao dhèu parcaya ètu Korintus  
\p
\v 11 Miu mamuri nuka sèmi meꞌa boe, na, Lamatua pua nèdhi mèka jaꞌa dhiu peka-padhai dènge miu. Nèti èèna ka, moꞌo do moꞌo boe, jaꞌa ako padhai lii ciki sèmi dhèu goa. Madhutu iia-iia na, miu seꞌe ka dhu padhai lii padedha jaꞌa. Jaꞌa ne mema dènge boe kabꞌua, te ngaa ladhe pasoro jaꞌa dènge “dhèu kapai sèra” dhu peka na, Lamatua pua-paleha rèngu, na, rèngu sèra risi boe jaꞌa.   
\p
\v 12 Ladhe Lamatua pua dhèu ho lole lula-nèti Nèngu, dhèu ne tao tadha malaa rupa-rupa pake koasa, sèna ka jꞌajꞌi mi tadha, na, Lamatua ka dhu pua-paleha nèngu. Te ngaa baku bhèlu, te lodꞌo jaꞌa ètu talora aae miu, jaꞌa tao tadha malaa kahèi sèmi sèra. Aa jaꞌa sabꞌa mau-mau.  
\v 13 Te ngaa baku nasa! Dhodhoka ca jꞌara di, dhu jaꞌa tao boe ètu talora miu, dhu dhèu leo tao ètu jumaꞌat leo. Nuka jaꞌa manèngi boe miu ogo jaꞌa.   
\p
\v 14 Sèmi neꞌe! Jaꞌa dhu tèlu hari kèna paꞌèra kore le ho dhiu ngadꞌo miu. Jaꞌa parluu boe miu ogo mamuri jaꞌa. Jaꞌa koꞌo boe mèdha-panyau miu kahèi. Te madhutu adꞌa èdhi, lèke boe ladhe ana iiki tèka mèdha-panyau hia ina-ama ra. Dhu lèke nuka ina-ama ka dhu sadia tèke mèdha-panyau hia ana niki ra. De jaꞌa parluu boe ladhe miu sadia tèke mèdha-panyau hia jaꞌa, te miu se sama sèmi ana-ana jaꞌa! Dhu jaꞌa parluu, dhoka mamuri dènge sasue miu.  
\v 15 Jaꞌa dꞌèi hèli mèdha hia miu. Jaꞌa dꞌèi sabꞌa bia kahèi, sèna ka miu bisa mamuri madhutu dadꞌèi Lamatua. Ladhe jaꞌa sue miu dꞌai seli, na, miu hudꞌi sue jaꞌa sèmi èèna kahèi. Nga tao ka miu papènyi sasue miu? Lèke boe, sina ma?   
\p
\v 16 Ètu talora miu, abhu dhu peka na, jaꞌa pabia boe miu. Te ngaa abhu kahèi dhu peka na, jaꞌa dhèu dhu mèu pakapodꞌe miu, sèna ka miu madhutu dadꞌèi jaꞌa.  
\v 17 De tasamia? Ele boe dhèu dhu jaꞌa pua dhiu asa miu sèra, tipu rare miu, do? Aadꞌo!  
\v 18 Te jaꞌa dhu pamako Titus ho dhiu asa miu. Jaꞌa pua aꞌari dhèu parcaya èci sèna ka dhiu palere dènge Titus kahèi. Titus pakapodꞌe miu, do? Aadꞌo, si? Te Titus dènge jaꞌa ne, ca ropa. Jiꞌi sabꞌa jꞌara dhu sama, te ngangee jiꞌi dua mi sama kahèi.   
\p
\v 19 Aꞌari dhu pasue! Tao-tao miu dhu pangee, na, jiꞌi siri iisi jiꞌi ètu madha miu, do? Aadꞌo! Te aaꞌi-aaꞌi dhu jiꞌi peka-padhai se, Ama Lamatua dhu neꞌa le. De jiꞌi bisa boe pahuni ngaa-ngaa nèti Nèngu. Jiꞌi paꞌèki kahèi dènge Kristus. Lula jiꞌi sue miu, nèti èèna ka aaꞌi-aaꞌi dhu jiꞌi tao sèra, sèna ka bisa paꞌèra miu.   
\p
\v 20 Bèli-camèdꞌa, ladhe jaꞌa jꞌajꞌi dhiu ngadꞌo miu, jaꞌa pangee mage dhoka miu jꞌajꞌi boe sama sèmi dadꞌèi jaꞌa. Te mage dhoka abhu dhu patao-palaha, dꞌèi boe dhèu karisi nèngu, tèka dꞌara, abhu dhu pangee dhoka mamuri nèngu mesa na, abhu dhu paꞌele iie kolongara dhèu, abhu dhu padhai-kakoli dhèu, abhu dhu padedha iisi, aa abhu dhu maruru jahu lulu-lulu. Mage dhoka jaꞌa kahèi jꞌajꞌi boe sama sèmi dadꞌèi miu.  
\v 21 Ladhe jaꞌa dhiu ka asa miu, jaꞌa jꞌajꞌi ngangee, lula tatao-tatao miu. Mage dhoka Ama Lamatua neo pamakae jaꞌa ètu madha miu. Mage dhoka jaꞌa pabia dhèu, lula, nèti miu abhu dhu mamuri ètu dꞌara bhelu-katubꞌa era, te ngaa ele-hoꞌa boe, sèna ka madhutu jꞌara mola nèti Lamatua. Rèngu se dhèu kajꞌalu! Te abhu dhu adꞌu jꞌara makae dènge mone do bhèni dhu dhèu èmu nèngu boe. Ra adꞌu-ue jꞌara makae rupa-rupa dhu reꞌa heka makae dꞌara.   
\c 13  
\s1 Jꞌaga paie-iie mamuri miu  
\p
\v 1 De neꞌe ne kali ka tèlu kèna jaꞌa neo dhiu ngadꞌo miu. Ladhe abhu dhu neo galaa dhèu, na, baku bhèlu atora na. Te Sasuri Mola-Mèci Ama Lamatua dhu suri, peka na, “Ladhe abhu dhu neo galaa dhèu èci, hudꞌi dènge ku dua do tèlu sakasii dhu lii èci, heka sèmi mere kèna. Te ladhe abhu boe lii èci sèmi èèna, baku sèmi mere lii galaa èèna.”\x + \xo 13:1 \xt Lole Hari Jꞌara-jꞌara Mamuri 17:6, 19:15\x*  
\v 2 Lodꞌo dhu jaꞌa dhiu kali ka dua asa miu uru èèna, jaꞌa pasanèdꞌe le dhèu dhu mamuri ètu dꞌara bhabhelu-katubꞌa sèra. Limuri ne, jaꞌa pasanèdꞌe hari rèngu sama-sama dènge dhèu aaꞌi-aaꞌi dhu mamuri ètu dꞌara bhelu-katubꞌa sèra. Nuka sèmi uru èèna, dhu jaꞌa peka kore le, na, ladhe jaꞌa jꞌajꞌi mai hari, jaꞌa soro tèke boe rèngu sèra.   
\p
\v 3 Miu tenge bukti, dhu peka na, Kristus padhai lii re jaꞌa. Ladhe Kristus neo ator miu, Na tao dènge koasa kapai ètu talora aae miu. Te Nèngu sabꞌa boe dènge roe.  
\v 4 Lodꞌo dhèu pamadhe Ne ètu ajꞌu palolo-palèbha, mema Na roe aala-aala, lula Na patalale eele koasa Na. Te ngaa Ama Lamatua pangèdꞌu le Kristus koasa, hèia Na mamuri hari le. Ka masi ka jiꞌi jꞌajꞌi dhèu unu Na, dhu rasa na, jiꞌi ètu dꞌara raroe era, te ngaa Ama Lamatua hia le jiꞌi mamuri hiu. Nèti èèna ka, jiꞌi bisa ladhe-leru miu pake koasa Nèngu.   
\p
\v 5 Parisa dꞌara miu unu mi dhu peka na, miu parcaya tareꞌa mi Kristus, do aadꞌo. Koasa Na bisa tèdhi ètu dꞌara mamuri miu, do aadꞌo? Uji mamuri miu sèmi èèna. Te ladhe Kristus paꞌèki boe dènge miu, miu jꞌajꞌi boe dhèu unu Na.  
\v 6 Ladhe miu parisa jiꞌi, na, miu bisa ladhe mèdhi koasa Kristus ètu dꞌara mamuri jiꞌi. Dènge jꞌara neꞌe, jiꞌi lolos.  
\v 7 Jiꞌi sabajꞌa kahèi manèngi Ama Lamatua, sèna ka miu baku manahu asa dꞌara sasala ngaa-ngaa. Jiꞌi pusi-pahae boe dhèu dꞌèi, do dꞌèi boe, nèti sasabꞌa-laꞌa jiꞌi. Te ngaa jiꞌi dꞌèi ladhe miu tao dhu lèke, masi ka dhèu cahagꞌe tule eele jiꞌi. Masi ka dhèu tule eele jiꞌi sèmi èèna, ngaa-ngaa tao boe.  
\v 8 Te jiꞌi bisa boe tao ngaa-ngaa, ho labꞌa jꞌara dhu lèke. Jiꞌi ngeꞌa dhoka tao dhu lèke di.  
\v 9 Ladhe miu jꞌajꞌi èra, aa jiꞌi jꞌajꞌi roe èèna ka, jiꞌi karejꞌe-karae. Te jiꞌi sabajꞌa, ho manèngi Lamatua tao pamèci miu.  
\v 10 Nèti èèna ka, masi ka jaꞌa pakajꞌèu dènge miu, jaꞌa suri tèke le jꞌara seꞌe se, ho ladhe dꞌai ka lodꞌo jaꞌa dhiu, jaꞌa tao heka lii sakaa dènge miu. Jaꞌa jꞌajꞌi dhèu pajuu-paleha Lamatua èdhi. Te ngaa Na pangèdꞌu hak dènge koasa mi jaꞌa, sèna ka paꞌele iie boe miu, te ngaa paꞌèra miu.   
\s1 Paulus paꞌèle sasuri na  
\p
\v 11 Aꞌari dhu pasue aaꞌi-aaꞌi! Lii jaꞌa dhu limuri tèka ne, dhoka lii mahoꞌo di. Pamola jꞌara aaꞌi-aaꞌi ra. Nanene paie-iie lii holo-nori jaꞌa. Mamuri dꞌara èci. Miu èci dènge èci hudꞌi pabeꞌa-beꞌa. Kapua sasue nèti Ama Lamatua. Jaꞌa manèngi sèna ka Ama Lamatua bera-bera taruu dènge miu, aa Na soru-bara miu, ho miu mamuri padame èci dènge èci.   
\p
\v 12 Miu hudꞌi pamahoꞌo aa paꞌuu dhu pantas dènge dhèu mola-mèci unu Ama Lamatua. Dhèu-dhèu unu Lamatua ètu seꞌe, paꞌadhu lii mahoꞌo kahèi hia miu.   
\p
\v 13 Jaꞌa manèngi sèna ka Kètu èdhi, Yesus Kristus padꞌelo dꞌara hua iia Na mi dedha miu. Jaꞌa manèngi ho Ama Lamatua padꞌelo sasue Na mi dedha miu. Jaꞌa manèngi kahèi sèna ka Roh Mola-Mèci Lamatua padꞌelo dꞌara beꞌa Na, ho hudꞌi laa miu mamuri dꞌara èci.  
\q2 Sange neꞌe ka,  
\q2 Paulus