\id 1JN  
\h 1 Yohanis 
\toc1 1 Yohanis Sasuri Yohanis ka èci dhu heka parcaya Yesus Kristus aa tèke eele agama bèi-baki ra 
\toc2 1 Yohanis 
\toc3 1Yoh 
\mt1 1 Yohanis  
\mt2 Sasuri Yohanis ka èci  
\c 1  
\s1 Yohanis suri lula-nèti Yesus Kristus  
\p
\v 1 Jaꞌa suri sasuri ne, lula-nèti \it Lii Holo-Nori dhu Hia Mamuri\it*.  
\p \it Lii Holo-Nori dhu Hia Mamuri\it* ne, abhu mema le karèi nèti rai-haha jꞌajꞌi. Neꞌe ne, jaꞌa dènge angalai jaꞌa ladhe ngèdhi le Nèngu dènge musi madha jiꞌi. Jiꞌi tadèngi le lii Na dènge roꞌa dhilu jiꞌi. Aa jiꞌi gꞌagꞌe ngèdhi le Nèngu dènge kacui-aai jiꞌi unu mi. Jiꞌi ladhe ngèdhi Ne sèmi èèna ka,\x + \xo 1:1 \xt Yohanis 1:1\x*  
\v 2 lula Na cèu mai ètu talora aae jiꞌi. Uru èèna, Nèngu pea dènge Ama Na, te ngaa limuri ne Na padꞌelo le ngiꞌu aae Nèngu mi jiꞌi. Nèti èèna ka, jiꞌi bani lole dènge miu tasa mera mia dhèu rai-haha bisa abhu mamuri mola dhu dènge boe too-lane. Te Nèngu ne \it Lii Holo-Nori dhu Hia Mamuri\it*.\x + \xo 1:2 \xt Yohanis 1:14\x*  
\v 3 Jiꞌi neo peka dènge miu, aaꞌi-aaꞌi dhu jiꞌi ngèdhi le aa aaꞌi-aaꞌi dhu jiꞌi tadèngi le, sèna ka miu dènge jiꞌi sama-sama bisa mamuri dꞌara èci. Te èdhi aaꞌi-aaꞌi ti dhu paꞌèki le dènge Ama Lamatua, aa dènge Ana Na dhu Nèngu pua mai, nuka Yesus Kristus.  
\v 4 De jiꞌi suri sasuri ne, sèna ka pamahoꞌo dꞌara miu. Dènge jꞌara neꞌe, dꞌara jiꞌi asa tabha karejꞌe kahèi.   
\s1 Dhèu parcaya hudꞌi mamuri ku ètu dꞌara saraa  
\p
\v 5 Aꞌajꞌa dhu Yesus lole dènge jiꞌi, èèna ka dhu limuri ne jiꞌi neo peka dènge miu. Sèmi neꞌe: Ama Lamatua beꞌa seli eele. Bhabhelu-katubꞌa ciki sa abhu boe ètu Nèngu. Te Nèngu ne nuka sèmi saraa dhu heo loꞌa-loꞌa, dhu pabꞌali boe dènge maroga ciki sa.  
\v 6 Ladhe èdhi padhai lii, peka na, “Èdhi mamuri dꞌara èci dènge Lamatua,” aa te ngaa èdhi mamuri tao bhelu era, na, èèna sama sèmi èdhi mamuri ètu dꞌara maroga. Te èdhi padhai lii kapodꞌe-kabèli aa mamuri madhutu boe jꞌara dhu mola.  
\v 7 Te ngaa ladhe èdhi mamuri madhutu jꞌara mola, èdhi èci èèna ka dènge dhèu dhu mamuri ètu dꞌara saraa Ama Lamatua. Dènge jꞌara ne, èdhi aaꞌi-aaꞌi ti bisa mamuri dꞌara èci. Aa dꞌara èdhi mola-mèci, lula mamadhe Yesus Kristus, Ana Ama Lamatua, aa raa Nèngu rase pamèu-mèu sasala èdhi.   
\s2 Dhèu dhu mamuri ètu dꞌara saraa, mamuri heka dènge tao sala  
\p
\v 8 Ladhe èdhi padhai lii, peka na, “Èdhi tao boe sala,” èèna jꞌajꞌi tadha, peka na, èdhi tipu ngiꞌu èdhi unu ti, aa teꞌa boe mia ka dhu lèke.  
\v 9 Te ngaa ladhe èdhi mangaku sasala èdhi, tatu Ama Lamatua dhu dꞌara mola, saku eele sasala èdhi madhutu lii pajaji Na, aa Na pamèu dꞌara èdhi.  
\v 10 Ladhe èdhi peka, na, “Èdhi tao tèdhi boe sasala,” sasoa na, èdhi tao Ama Lamatua dhèu leko-monya! Te Nèngu ka dhu peka tèke, na, dhèu aaꞌi-aaꞌi dhu manahu asa dꞌara sasala-sasigo. Aa ladhe lii padhai èdhi sèmi èèna, tadha na, Lii Holo-Nori Nèngu abhu boe ètu dꞌara èdhi.   
\c 2  
\p
\v 1 Ana pasue aaꞌi-aaꞌi! Jaꞌa suri seꞌe aaꞌi-aaꞌi, sèna ka miu mamuri dènge tao ia ka sasala. Te ngaa ladhe abhu dhèu dhu tao sala, èèna na abhu kahèi dhu sarii èdhi ètu madha Ama Lamatua. Dhu sarii èdhi èèna, nuka Yesus Kristus, Dhèu Mola-Mèci dhu Ama Lamatua pua mai le asa rai-haha ne.  
\v 2 Nèngu madhe jꞌajꞌi korban pala èdhi, sèna ka Ama Lamatua saku eele sasala-sasigo èdhi. Madha jꞌara ne hia boe mi èdhi mesa ti di, te ngaa hia mi dhèu aaꞌi-aaꞌi ètu rai-haha ne kahèi.   
\s2 Dhèu dhu mamuri ètu dꞌara saraa, tao madhutu paredha Ama Lamatua, risi-risi paredha lula-nèti sasue  
\p
\v 3 Èdhi teꞌa, na, èdhi tadhe mèu Ama Lamatua ladhe èdhi madhutu paredha Nèngu.  
\v 4 Dhèu bisa peka, na, “Jaꞌa tadhe Ama Lamatua.” Te ngaa ladhe nèngu madhutu boe paredha Lamatua, èèna jꞌajꞌi mi tadha, na, nèngu dhèu kapodꞌe-kabèli dhu padhai lii leo tao leo.  
\v 5 Te ngaa dhèu dhu tao madhutu paredha Lamatua, èèna jꞌajꞌi tadha, peka na, sasue nèngu mi Lamatua èèna, dhu lèke tareꞌa. Dènge jꞌara neꞌe, èdhi teꞌa, na, èdhi dhèu unu Lamatua.  
\v 6 De ladhe dhèu padhai lii, peka na, “Jaꞌa mamuri paꞌèki dènge Ama Lamatua,” sasoa na, nèngu hudꞌi mamuri ku sama sèmi Yesus Kristus.   
\p
\v 7 Ana pasue aaꞌi-aaꞌi! Lii paredha dhu jaꞌa suri hia miu ne, jꞌara hiu boe. Te paredha ne dhu suri le ètu dꞌara Lii Holo-Nori Lamatua dhu miu tadèngi le karèi nèti uru ka.\x + \xo 2:7 \xt Yohanis 13:34\x*  
\v 8 Masi ka sèmi èèna, te ngaa abhu jꞌara hiu dhu jaꞌa neo suri lula-nèti paredha Lamatua. Lii paredha ne, jꞌajꞌi le dènge beꞌa ètu dꞌara mamuri Yesus. Aa paredha ne mulai sabꞌa le ètu dꞌara miu, lula maroga ètu dꞌara miu mulai ele, aa saraa dhu tareꞌa èèna, pasaraa le ètu dꞌara mamuri miu.   
\p
\v 9 Dhèu bisa padhai lii, peka na, “Jaꞌa mamuri ètu dꞌara saraa.” Te ngaa ladhe nèngu tèka dꞌara dènge aꞌari na, sasoa na, nèngu mamuri ètu dꞌara maroga era.  
\v 10 Lula dhèu dhu mamuri ètu dꞌara saraa, nèngu hudꞌi pasue ku dènge aꞌari na, aa abhu boe bhabhelu-katubꞌa ètu dꞌara na dhu pamanahu nèngu.  
\v 11 Nèti èèna ka, ladhe abhu dhèu dhu tèka dꞌara dènge aꞌari na, èèna jꞌajꞌi tadha, na, nèngu mamuri ètu dꞌara maroga. Nèngu gogo ai lae-lae, lula maroga pabèdhu le musi madha na.   
\s2 Dhèu dhu mamuri ètu dꞌara saraa, mamuri boe madhutu dadꞌèi rai-haha  
\q1
\v 12 Ana-ana! Jaꞌa suri sasuri ne hia miu,  
\q2 lula Kristus madhe le gati miu,  
\q2 hèia Ama Lamatua saku eele le sasala miu.   
\q1
\v 13 Dhèu-dhèu heka! Jaꞌa suri sasuri ne hia miu,  
\q2 lula miu tadhe Yesus Kristus,  
\q2 dhu abhu mema le karèi nèti uru ka.  
\q1 Ana-ana ngèru! Jaꞌa suri sasuri ne hia miu,  
\q2 lula miu labꞌa le bhabhelu-katubꞌa,  
\q2 toke segi.   
\q1
\v 14 Ana-ana! Jaꞌa suri sasuri ne hia miu,  
\q2 lula miu tadhe Ama Lamatua.  
\q1 Dhèu-dhèu heka! Jaꞌa suri sasuri ne hia miu,  
\q2 lula miu tadhe Yesus Kristus,  
\q2 dhu abhu mema le karèi nèti uru ka.  
\q1 Ana-ana ngèru! Jaꞌa suri sasuri ne hia miu,  
\q2 lula miu tèka le Lii Holo-Nori ètu dꞌara miu,  
\q3 toke miu jꞌajꞌi èra,  
\q2 aa miu labꞌa le bhabhelu-katubꞌa,  
\q3 toke miu segi.   
\p
\v 15 Miu baku sue dadꞌèi rai-haha, dènge mèdha-panyau na. Te dhèu dhu sue rai-haha, bisa boe sue Ama Lamatua.  
\v 16 Madha jꞌara dhu abhu ètu rai-haha ne, paꞌèki boe dènge Ama Lamatua. Nuka sèmi, dhèu dhu mamuri pakarejꞌe dhoka ngiꞌu na; dhèu mangaꞌa; aa dhèu dhu dꞌèi padedha iisi lula kakaja-sasuꞌi na. Jꞌara sèmi seꞌe se mai boe nèti Ama Lamatua, te ngaa mai dhoka nèti rai-haha di.  
\v 17 Aa te ngaa rai-haha ne bèli-camèdꞌa ele, palere-lere dènge ngaa aaꞌi-aaꞌi dhu dhèu neo unu. Te ngaa dhèu dhu dꞌèi madhutu dadꞌèi Ama Lamatua, dhèu ne ele boe, te nèngu mamuri toke dꞌai mia-mia.   
\s2 Dhèu dhu mamuri ètu dꞌara saraa mage pamudꞌe, sèna ka baku lèke tipu  
\p
\v 18 Ana-ana! Lodꞌo-lodꞌo èle rai-haha ne oe dꞌai kèna. Miu tadèngi le, peka na, dhèu dhu labꞌa Kristus, bèli-camèdꞌa cèu mai. Madhutu iia-iia na, rèngu mai le. Te ètu mia-mia, abhu le dhu labꞌa Kristus. Seꞌe se jꞌajꞌi mi tadha, na, lodꞌo-lodꞌo èle rai-haha ne dètu ae le.\x + \xo 2:18 \xt 2 Tesalonika 2:1-12\x*  
\v 19 Dhèu palabꞌa sèra cèu nèti talora aae èdhi. Te ngaa rèngu se dhèu èdhi boe. Te, ladhe rèngu tareꞌa-reꞌa dhèu èdhi, tatu ra tèke eele boe èdhi, te ngaa ra taha taruu dènge èdhi. Aa te ngaa rèngu rai aaꞌi le nèti èdhi. De lèke tareꞌa, rèngu se dhèu èdhi boe, si?   
\p
\v 20 Te ngaa miu sama boe sèmi rèngu. Te miu dhu sèmi mere le Roh nèti Dhèu Mola-Mèci Ama Lamatua. Aa Nèngu soru-bara le miu, sèna ka meꞌa mèu ngaa dhu lèke.  
\v 21 Miu pangee, na, jaꞌa suri sasuri neꞌe, lula jaꞌa pangee, na, miu meꞌa boe ngaa dhu lèke, do? Aadꞌo! Te miu meꞌa mèu le mia ka dhu lèke, aa mia ka dhu leko-monya.   
\p
\v 22 Madhutu mola-mola na, abhu le ètu rai-haha ne dhèu kapodꞌe-kabèli. Tasamia sèna ka èdhi tadhe si? Rèngu sèra, nuka dhèu dhu padhai lii, peka na, Yesus èèna Kristus boe. Madhutu aꞌabhu rèngu, Yesus èèna, Dhèu Mola-Mèci boe, dhu Lamatua pajaji tèke hia mai. Dhèu dhu padhai lii sèmi sèra palabꞌa dènge Kristus, te rèngu tule eele Ama Lamatua dènge Ana Na.  
\v 23 Dhèu dhu tule eele Ana Ama Lamatua, rèngu tule eele Ama Na kahèi. Te ngaa ladhe dhèu mangaku Ana Ama Lamatua, sasoa na, dhèu sèra jꞌajꞌi le ana-ana Ama Lamatua.   
\p
\v 24 De miu hudꞌi kèpe ku paꞌèra-èra ngaa dhu miu tadèngi mere le karèi nèti uru sèra. Dènge jꞌara neꞌe, miu paꞌèki taruu dènge Ama Lamatua, aa dènge Ana Na kahèi.  
\v 25 Aa Nèngu unu Na ka dhu padhadha le dènge èdhi, peka na, pe èdhi mamuri taa-taa dènge Ne.   
\p
\v 26 Jaꞌa suri sasuri ne, sèna ka miu tadhe dhèu dhu neo leko-monya miu.  
\v 27 Miu sèmi mere le Roh Mola-Mèci Lamatua, aa miu mamuri paꞌèki le dènge Nèngu kahèi. De miu parluu heka dhèu leo ajꞌa-nori hari miu. Te Roh Lamatua nia le, lula Nèngu ka dhu bisa ajꞌa aaꞌi-aaꞌi dhu lèke. Roh ne kapodꞌe-kabèli boe, sèmi dhèu leko-monya sèra. De kèpe paꞌèra-èra mi ngaa dhu Nèngu nori le, ho miu mamuri dꞌara èci taruu dènge Kristus.   
\p
\v 28 De sèmi neꞌe ana-ana! Miu hudꞌi mamuri paꞌèki taruu dènge Kristus. Sèna ka ropa Na mai hari, miu madhaꞌu boe, aa dènge boe dꞌara makae lami titu ètu madha Na.  
\v 29 Lula miu dhu meꞌa le, na, Nèngu tao dhoka ngaa dhu lèke, nèti èèna ka bisa meꞌa kahèi, peka na, dhèu aaꞌi-aaꞌi, ladhe tao ngaa dhu lèke, rèngu jꞌajꞌi ana-ana Lamatua.   
\c 3  
\s1 Dhèu dhu jꞌajꞌi ana-ana Ama Lamatua, hudꞌi mamuri ku dènge mola  
\s2 Ana-ana Lamatua mamuri heka dènge tao sala  
\p
\v 1 Miu pajiko sèku sasue Ama ètu sorga mi dedha èdhi! Te sasue Na kapai titu kèna, toke Na dedꞌe nare èdhi jꞌajꞌi ana-ana Nèngu. Lèke si! Te ngaa dhèu dhu mamuri madhutu dadꞌèi rai-haha, reꞌa boe, na, èdhi se cee, lula rèngu tadhe boe Ama Lamatua.\x + \xo 3:1 \xt Yohanis 1:12\x*   
\p
\v 2 Ana-ana pasue! Èdhi jꞌajꞌi le ana-ana Ama Lamatua, te ngaa teꞌa tare mèka, bèli-camèdꞌa èdhi jꞌajꞌi sèmi ngaa sa. Dhu teꞌa, sèmi neꞌe ka: bèli-camèdꞌa ropa Kristus mai hari, èdhi jꞌajꞌi sama sèmi Nèngu kahèi, lula èdhi ladhe tèdhi Nèngu iia-iia.  
\v 3 Dhèu aaꞌi-aaꞌi dhu tatae mamai Kristus, tatu ra pamèu mamuri rèngu, sèna ka mamuri ra mola-mèci sama sèmi Kristus.  
\v 4 Sasala aaꞌi-aaꞌi ra ka dhu sisu paredha Lamatua. Nèti èèna ka, dhèu aaꞌi-aaꞌi dhu tao sala, sisu paredha Ama Lamatua aa palabꞌa dènge Ne.  
\v 5 Miu meꞌa le, peka na, Kristus jꞌajꞌi dhèu rai-haha sèna ka saku eele sasala-sasigo èdhi. Nèngu bisa tao jꞌara èèna, lula Nèngu mesa Na tao nèdhi boe sasala.\x + \xo 3:5 \xt Yohanis 1:29\x*  
\v 6 De dhèu dhu mamuri paꞌèki taruu dènge Ne, mamuri heka dènge tao sala. Te ngaa ladhe dhèu loe boe adꞌu-ue sasala, sasoa na, nèngu tadhe boe aa paꞌèki boe dènge Kristus.   
\p
\v 7 Ana-ana pasue! Baku lèke tipu. Te dhèu dhu mamuri madhutu ngaa dhu lèke, nèngu dhèu dꞌara mola èci èèna ka dènge Kristus.  
\v 8 Te ngaa dhèu dhu mamuri adꞌu-ue sasala, jꞌajꞌajꞌi ra nèti dhèu aae nidhu. Te dhèu aae nidhu ne, baki nèti bhabhelu-katubꞌa karèi nèti uru jꞌara ka. Nèti èèna ka, Ana Ama Lamatua mai ho dhedhe palaho bhabhelu nèti dhèu aae nidhu.   
\p
\v 9 Dhèu dhu jꞌajꞌi le ana Lamatua mamuri heka tao sala, lula Lamatua dhu pea le ètu dꞌara nèngu. Nèngu bisa heka adꞌu-ue sasala taruu, lula jꞌajꞌajꞌi na nèti Lamatua.  
\v 10 Dènge jꞌara neꞌe, èdhi bisa tadhe mèu, cee ka dhu jꞌajꞌi nèti Lamatua, aa cee ka dhu mai nèti dhèu aae nidhu. Te dhèu dhu madhutu boe jꞌara dhu lèke, aa dhu sue boe aꞌari na, sasoa na, jꞌajꞌajꞌi na nèti boe Ama Lamatua.   
\s2 Ana-ana Ama Lamatua hudꞌi pasue ku èci dènge èci  
\p
\v 11 Karèi nèti uru ka, miu tadèngi le lii moa dhu peka na, “Pasue èci dènge èci!”\x + \xo 3:11 \xt Yohanis 13:34\x*  
\v 12 Miu sanèdꞌe era lii lolo Kaen dènge Habel, si? Baku tao madhutu Kaen, te nèngu ne dhèu bhelu-katubꞌa, ka nèngu pamadhe ari na, Habel. Nga tao ka nèngu tao sèmi èèna? Lula Kaen tao jꞌara-jꞌara dhu bhelu, te ngaa ari na tao jꞌara-jꞌara dhu mola.\x + \xo 3:12 \xt Lii Lolo dhu Uru Tèka 4:8\x*   
\p
\v 13 Aꞌari aaꞌi-aaꞌi! Baku malaa ladhe dhèu dhu madhutu dadꞌèi rai-haha dꞌèi boe miu.  
\v 14 Èdhi teꞌa le dhu peka na, dhèu dhu mamuri ètu dꞌara sasala, ladhe madhe, nèngu cèri eele nèti Ama Lamatua. Te ngaa, lula èdhi pasue dènge aꞌari èdhi, èèna jꞌajꞌi mi tadha, peka na, ropa èdhi madhe, èdhi mamuri taruu dènge Lamatua. Te, ladhe dhèu aaꞌi-aaꞌi dhu mamuri dènge boe sasue, bèli-camèdꞌa madhe, na, rèngu pakajꞌèu nèti Ama Lamatua.\x + \xo 3:14 \xt Yohanis 5:24\x*  
\v 15 Te dhèu dhu sue boe aꞌari na, nèngu cakaraa dènge dhèu dhu pamadhe dhèu. De meꞌa le, na, dhèu dhu sèmi sèra sa, abhu boe mamuri taruu dènge Ama Lamatua.  
\v 16 Èdhi bisa teꞌa conto sasue dhu lèke nèti Kristus. Te Nèngu sue èdhi, ka soro ngiꞌu Na, sèna ka madhe gati èdhi. Nèti èèna ka, èdhi hudꞌi soro ngiꞌu èdhi kahèi bagi aꞌari èdhi.  
\v 17 Ladhe abhu dhèu dhu unu dꞌai, nèdhi aꞌari na ca dhèu dhu mamuri susa, te ngaa na tao boe madha-dhilu mi dhèu susa ne, na, tasamia ka nèngu peka na, “Jaꞌa sue Ama Lamatua!” Lèke boe!   
\p
\v 18 Ana-ana pasue! Baku dhoka sue ètu hèbꞌa di, te ngaa tao jꞌara dhu beꞌa, ho padꞌelo sasue dhu lèke.  
\v 19 Te, ladhe èdhi padꞌelo sasue dènge adꞌu-ue jꞌara dhu beꞌa sèmi èèna, èdhi teꞌa, na, èdhi abhu mamuri dhu lèke. Dènge sèmi èèna, èdhi madhaꞌu heka, aa èdhi bisa doa kètu ropa èdhi ara lati asa madha Ama Lamatua.  
\v 20 Masi ka dꞌara iiki èdhi galaa èdhi lula-nèti jꞌara dhu lèke boe dhu èdhi adꞌu-ue uru èèna, èdhi madhaꞌu ia ka. Te rasa kasia Ama Lamatua kapai risi nèti rasa kasia èdhi. Aa Nèngu dhu neꞌa aaꞌi mèu-mèu kahèi.   
\p
\v 21 Ana-ana pasue! Ladhe dꞌara iiki èdhi galaa boe èdhi, na, èdhi bisa bani aa makae boe, ropa èdhi ara lati asa madha Ama Lamatua.  
\v 22 Lula èdhi tao madhutu paredha Lamatua, aa pakarejꞌe dꞌara Na, nèti èèna ka èdhi bisa abhu ngaa aaꞌi-aaꞌi dhu èdhi manèngi nèti Nèngu.  
\v 23 Lii paredha Na sèmi neꞌe ka: parcaya taruu Ana Na Yesus Kristus, dhu Nèngu pua mai. Aa baku loe pasue èci dènge èci, sama sèmi lii paredha Yesus.\x + \xo 3:23 \xt Yohanis 13:34, 15:12, 17\x*  
\v 24 Dhèu dhu tao madhutu lii paredha Ama Lamatua sèra, mamuri na paꞌèki dènge Ne, aa Ama Lamatua paꞌèki dènge ne kahèi. Èdhi teꞌa, na, Ama Lamatua ètu dꞌara èdhi, lula Roh Na mamuri ètu dꞌara èdhi.   
\c 4  
\s2 Ana-ana Ama Lamatua hudꞌi mage-mage ku, sèna ka baku lèke tipu  
\p
\v 1 Ana-ana pasue! Baku lèka leli lii padhai ladhe dhèu mai, peka na, nèngu nèti lii moa Ama Lamatua. Te ngaa miu hudꞌi dadoo ne paie-iie, ho meꞌa mèu lii padhai na tareꞌa-reꞌa nèti Lamatua, do aadꞌo. Te limuri ne, ae le dhèu kapodꞌe-kabèli dhu kako pale-lème rai-haha ne. Dhèu se tipu dhèu, peka na, rèngu sèra dhèu rèti lii padhai Ama Lamatua.  
\v 2 Èdhi bisa teꞌa mèu lii moa dhu tareꞌa-reꞌa mai nèti Roh Lamatua, dènge jꞌara sèmi neꞌe: Ama Lamatua padhadha tèke le karèi nèti uru ka, sèna ka neo hia Ana Na mai asa rai-haha ne. Ladhe dhèu dhu nèti lii moa èèna mangaku, peka na, Yesus Kristus èèna tareꞌa-reꞌa Ana Ama Lamatua, dhu jꞌajꞌi dhèu rai-haha sama sèmi èdhi, na, lii moa èèna mema nèti Lamatua.  
\v 3 Te ngaa dhèu dhu mangaku boe Yesus sèmi èèna, nèngu mai boe nèti Ama Lamatua. Te èèna mai nèti dhu labꞌa Kristus. Miu tadèngi le dhu peka na, dhu labꞌa Kristus èèna, bèli-camèdꞌa cèu mai. Madhutu mola-mola na, dhu sèmi èèna abhu le ètu rai-haha ne.   
\p
\v 4 Ana-ana pasue! Miu se, mema mai nèti Ama Lamatua, aa koasa Na ètu dꞌara miu. Nèti èèna ka, miu segi le dhèu dhu labꞌa Lamatua. Te Roh Na dhu pea ètu dꞌara miu, èra risi nèti koasa dhu ètu rai-haha ne.  
\v 5 Dhèu dhu labꞌa Lamatua sèra, jꞌajꞌajꞌi ra nèti rai-haha. Nèti èèna ka, lii padhai lii ra paꞌèki mèno madhutu dadꞌèi rai-haha. Hèia dhèu rai-haha ne dꞌèi nanene si.  
\v 6 Te ngaa jꞌajꞌajꞌi èdhi nèti Ama Lamatua. Nèti èèna ka, dhèu dhu tadhe Lamatua dꞌèi nanene lii padhai èdhi. Te ngaa dhèu dhu mai boe nèti Lamatua, roꞌo boe nanene lii padhai èdhi. Dènge jꞌara neꞌe, ladhe dhèu peka na, nèngu nèti lii moa Lamatua, bisa teꞌa mia ka dhu lèke dhu mai nèti Roh Lamatua, aa mia ka dhu kapodꞌe-kabèli.   
\s2 Sasue dènge Parcaya — Sasue èèna, ngaa?  
\p
\v 7 Ana-ana pasue! Èdhi hudꞌi pasue ku èci dènge èci, lula kapua sasue nèti Ama Lamatua. Dhèu aaꞌi-aaꞌi dhu mamuri pasue mai nèti Ama Lamatua kahèi, aa ra tadhe mèu Ne.  
\v 8 Te ngaa dhèu dhu dènge boe sasue tadhe boe Lamatua. Lula Lamatua èèna, nuka sasue.  
\v 9 Lamatua padꞌelo sasue Na mi èdhi sèmi neꞌe: Na pua Ana Na dhu dhodhoka ca Dhèu èèna ka, mai asa rai-haha ne sèna ka bhoke jꞌara hia èdhi. Dènge jꞌara sèmi èèna, èdhi bisa mamuri taruu dènge Lamatua.  
\v 10 Ladhe neo meꞌa sasue dhu lèke tareꞌa, baku pasoro sasue èdhi dènge sasue Lamatua. Te ngaa ladhe sasue Lamatua mi dedha èdhi, lula Ama Lamatua pua Ana Na mai, ho jꞌajꞌi korban sèna ka gati èdhi. Dènge jꞌara neꞌe, Lamatua saku eele sasala-sasigo èdhi, sèna ka èdhi bisa pabeꞌa hari dènge Nèngu.   
\p
\v 11 Ana-ana pasue! Lula Ama Lamatua sue èdhi seli eele, na, èdhi hudꞌi pasue ku èci dènge èci kahèi.  
\v 12 Abhu boe ca dhèu sa dhu ladhe nèdhi mèu Ama Lamatua. Masi ka sèmi èèna, te ngaa ladhe èdhi pasue èci dènge èci, sasoa na, Ama Lamatua bera-bera dènge èdhi. Aa sasue Na asa tabha ètu dꞌara mamuri èdhi, toke jꞌajꞌi sasue dhu kateme.\x + \xo 4:12 \xt Yohanis 1:18\x*   
\p
\v 13 Ama Lamatua pangèdꞌu le Roh Na ètu dꞌara èdhi. Nèti èèna ka, teꞌa, na, èdhi mamuri dꞌara èci dènge Ne, aa Nèngu mamuri dꞌara èci dènge èdhi kahèi.  
\v 14 Jaꞌa dènge angalai jaꞌa ngèdhi le Ana Ama Lamatua dènge musi madha jiꞌi. Ka jiꞌi peka palème dènge dhèu aaꞌi-aaꞌi, na, Ama Lamatua hia le Ana Na mai, sèna ka patabuli dhèu ètu rai-haha ne nèti koasa sasala-sasigo ra.  
\v 15 Dhèu aaꞌi-aaꞌi dhu mangaku, peka na, Yesus, Ana Ama Lamatua, nèngu mamuri pabeꞌa dènge Ama Lamatua, aa Ama Lamatua pabeꞌa dènge nèngu kahèi.  
\v 16 Èdhi teꞌa kahèi, peka na, Lamatua sue èdhi titu kèna. Nèti èèna ka, èdhi parcaya, Nèngu sue èdhi taruu.  
\p Lamatua sue dhèu rai-haha ne titu kèna. De dhèu dhu mamuri pasue, nèngu mamuri dꞌara èci dènge Ama Lamatua, aa Lamatua mamuri dꞌara èci dènge nèngu kahèi.  
\v 17 Aa ladhe èdhi dꞌara èci dènge Lamatua, sasue èdhi jꞌajꞌi kateme. Hèia, ropa dꞌai lodꞌo èle ka rai-haha ne, Lamatua parisa mamuri dhèu aaꞌi-aaꞌi, na, èdhi madhaꞌu boe ara lati asa madha Na, lula èdhi dhu jꞌajꞌi le sèmi Kristus, lodꞌo dhu Na mamuri ètu rai-haha ne.  
\v 18 Ladhe èdhi mamuri pasue, na, èdhi dènge heka dꞌara madhaꞌu ciki sa. Te ladhe èdhi pasue dènge mola, èèna nuka sèmi èdhi pakajꞌèu eele aaꞌi le madhaꞌu nèti dꞌara èdhi. Ladhe dhèu madhaꞌu, dꞌara na susa, lula nèngu madhaꞌu lèke huku. Dhèu ne, nuka sèmi ana iiki dhu neꞌa mèka sue dhèu dènge mola.   
\p
\v 19 Èdhi pasue, lula Ama Lamatua dhu sue uuru le èdhi.  
\v 20 Ladhe dhèu padhai lii, peka na, “Jaꞌa sue Ama Lamatua”, te ngaa nèngu tèka dꞌara dènge aꞌari na, nèngu monya di. Te ladhe dhèu sue boe aꞌari na dhu ètu katanga madha nèngu, tasamia hari nèngu sue Ama Lamatua dhu nèdhi mèka? Bisa boe, sina ma?  
\v 21 Te Ama Lamatua unu Na ka dhu papuru paredha, peka na, èdhi baku sue dhodhoka Nèngu di, te ngaa sue ku aꞌari èdhi dhèu parcaya sèra.   
\c 5  
\p
\v 1 Dhèu parcaya aaꞌi-aaꞌi dhu peka na, Yesus, tareꞌa-reꞌa Kristus dhu Ama Lamatua pua mai, dhèu sèra jꞌajꞌi le ana-ana Ama Lamatua. Te dhèu dhu sue ca dhèu ama, tatu sue ana na kahèi.  
\v 2 Ladhe èdhi sue Lamatua, aa sabꞌa madhutu paredha Na, èèna peka na, èdhi sue ana-ana Lamatua kahèi.  
\v 3 De ladhe èdhi sue Nèngu, èdhi hudꞌi tao madhutu ku paredha Na sèra. Aa paredha Na bia boe.\x + \xo 5:3 \xt Yohanis 14:15\x*  
\v 4 Èdhi dhu jꞌajꞌi le ana-ana Lamatua, bisa segi dadꞌèi rai-haha ne, lula èdhi parcaya Ne.  
\v 5 Te dhèu dhu segi dadꞌèi rai-haha, nuka dhèu dhu parcaya, peka na, Yesus, Ana Ama Lamatua.   
\s2 Parcaya Yesus, gaguna na ngaa?  
\p
\v 6 Sadꞌi miu meꞌa, na, Yesus, dhèu rai-haha kahèi, aa Nèngu ne, Kristus kahèi dhu Ama Lamatua hia mai asa rai-haha ne. Lodꞌo Nèngu neo pakako sasabꞌa-laꞌa Na, Yohanis sarani Ne pake èi. Èle èèna ka, Nèngu madhe aa pasuti raa Na kahèi. De dhu lèke ka, mesa boe èi di dhu Yohanis pake sarani Nèngu, te ngaa raa Na dhu suti eele èèna dhu kabꞌua risi. Te Roh Ama Lamatua mesa Na ka dhu peka sèmi èèna, aa dhu neꞌa boe leko-monya.  
\v 7 Te abhu tèlu jꞌara dhu jꞌajꞌi sakasii:\f + \fr 5:7 \ft Abhu Alkitab dhu suri tabha, peka na, [“(7b) ètu sorga, nuka Ama, Lii Holo-Nori, dènge Roh Mola-Mèci. (8a) Ka tèlu jꞌara se, jꞌajꞌi mi èci. Aa abhu tèlu jꞌara dhu jꞌajꞌi sakasii ètu rai-haha,”]. Aa te ngaa, lii seꞌe abhu boe ètu dꞌara sasuri lii Yunani uru tèka. Lii seꞌe ra suri tabha ètu èci-dua Alkitab leo, karèi nèti abad ka-14.\f*  
\v 8 nuka Roh Lamatua, èi dhu Yohanis pake sarani Yesus, aa raa Yesus unu Na. Tèlu jꞌara seꞌe ka, padꞌelo ca jꞌara dhu sama lula-nèti Yesus.  
\v 9 Ladhe dhèu rai-haha ka jꞌajꞌi sakasii, na, èdhi bisa parcaya ne. Risi-risi hari ladhe Ama Lamatua unu Na ka dhu jꞌajꞌi sakasii lula-nèti Ana Nèngu unu Na. Aa te ngaa tèlu jꞌara seꞌe dhu Ama Lamatua pake, ho jꞌajꞌi mi tadha dhu peka na, Yesus mesa boe dhèu rai-haha biasa di, te ngaa Nèngu ne Kristus kahèi.  
\v 10 Dhèu dhu parcaya Ana Ama Lamatua, sasoa na, dhèu ne sèmi nare le Lii Holo-Nori Lamatua, lula-nèti Ana Na. Te ngaa dhèu dhu lèka boe Lamatua, nèngu nuka sèmi dhèu dhu padhai lii, peka na, “Ama Lamatua leko-monya!” Dènge jꞌara neꞌe, nèngu sèmi boe Lii Holo-Nori Lamatua lula-nèti Ana Na.  
\v 11 Isi nèti Lii Holo-Nori Lamatua nuka sèmi neꞌe: Lamatua hia le èdhi mamuri dhu lèke, toke dꞌai mia-mia. Aa èdhi abhu mamuri ne, lula èdhi parcaya Ana Na.\x + \xo 5:11 \xt Yohanis 3:36\x*  
\v 12 De dhèu dhu paꞌèki dènge Ana Ama Lamatua abhu mamuri toke dꞌai mia-mia dènge Ne. Te ngaa dhèu dhu paꞌèki boe dènge Ana Ama Lamatua, abhu boe mamuri sèmi èèna.   
\s1 Nga tao ka Yohanis suri sasuri ne?  
\p
\v 13 Jaꞌa suri madha jꞌara seꞌe aaꞌi-aaꞌi hia miu dhèu parcaya Ana Ama Lamatua, sèna ka meꞌa mèu, na, miu unu mamuri toke dꞌai mia-mia.   
\s1 Yohanis suri tabha jꞌara-jꞌara sabajꞌa  
\p
\v 14 Ladhe èdhi sabajꞌa mi Ama Lamatua, sadꞌi èdhi manèngi ngaa èèna ka madhutu dadꞌèi Na, èdhi bisa teꞌa tareꞌa-reꞌa, na, Nèngu tadèngi lii manèngi èdhi sèra.  
\v 15 Aa ladhe èdhi parcaya tareꞌa-reꞌa sèmi èèna, èdhi teꞌa kahèi, na, èdhi abhu ngaa-ngaa dhu èdhi manèngi nèti Ama Lamatua.   
\p
\v 16 Ladhe èu mèdhi aꞌari mu tao sala dhu nèti boe mamadhe, beꞌa risi èu sabajꞌa sèna ka Ama Lamatua soru-bara aꞌari èu èèna ho na abhu sodꞌa. Aꞌabhu jaꞌa sèmi neꞌe ka: abhu sasala dhu nèti boe dhèu asa dꞌara mamadhe. Abhu kahèi sasala dhu nèti dhèu asa mamadhe. Te ngaa jaꞌa pua boe miu ho sabajꞌa ladhe abhu sasala sèmi èèna.  
\v 17 Tatao karehe aaꞌi-aaꞌi, sala ètu madha Ama Lamatua. Te ngaa abhu kahèi sasala dhu nèti boe mamadhe.   
\s1 Yohanis pasanèdꞌe hari jꞌara-jꞌara dhu kabꞌua risi  
\p
\v 18 Dhèu dhu paꞌèki le dènge Ama Lamatua, mamuri heka tao sala, te Ana Ama Lamatua dhu ladhe-leru ne. Aa dhu bhelu-katubꞌa bisa boe segi ne kahèi.   
\p
\v 19 Èdhi teꞌa, na, èdhi kapua ètu dꞌara Ama Lamatua. Te ngaa èdhi teꞌa kahèi, na, dhu bhelu-katubꞌa dènge koasa ho ator dhèu aaꞌi-aaꞌi ètu rai-haha ne.   
\p
\v 20 Èdhi teꞌa, na, Ana Ama Lamatua mai le, sèna ka hia èdhi teꞌa mèu jꞌara seꞌe, ho èdhi bisa tadhe mèu Ama Lamatua dhu tareꞌa. Limuri ne, èdhi bisa mamuri pabeꞌa dènge Ne, lula èdhi mamuri dꞌara èci dènge Ana Na, Yesus Kristus. Te Yesus Kristus èèna, tareꞌa-reꞌa Lamatua kahèi.\f + \fr 5:20 \ft Sasuri Lii Yunani suri, peka na, “Ama èèna, θεός (\ft \+it theos\+it*, nuka Allah).” Aa “Ana Na, Yesus Kristus, θεός (\+it theos\+it*, nuka Allah) kahèi.”\f* Aa Nèngu ka hia dhèu abhu mamuri toke dꞌai mia-mia laꞌe.   
\p
\v 21 Ana-ana, ee! Jꞌaga paie-iie mamuri miu. Mage abhu dhu seti eele ho gati Ama Lamatua nèti dꞌara miu.  
\q2 Dꞌai sange neꞌe ka.  
\q2 Nèti jaꞌa, Yohanis