\id ZEC - Biblica® Open Ndebele Contemporary Bible
\ide UTF-8
\h UZakhariya
\toc1 UZakhariya
\toc2 UZakhariya
\toc3 Zak
\mt1 UZakhariya
\c 1
\s1 Ubizo Lokubuyela \nd KuThixo\nd*
\p
\v 1 Ngenyanga yesificaminwemibili yomnyaka wesibili kaDariyu, ilizwi \nd likaThixo\nd* lafika kumphrofethi uZakhariya indodana kaBherekhiya, indodana ka-Ido lisithi:
\p
\v 2 “\nd UThixo\nd* wazondiswa kakhulu ngokhokho benu. 
\v 3 Ngakho tshela abantu uthi: Nanku akutshoyo \nd uThixo\nd* uSomandla: ‘Buyelani kimi,’ kutsho \nd uThixo\nd* uSomandla, ‘lami ngizabuya kini,’ utsho njalo \nd uThixo\nd* uSomandla. 
\v 4 Lingabi njengabokhokho benu, okwatsho kubo abaphrofethi bamandulo, bathi: Nanku okutshiwo \nd nguThixo\nd* uSomandla, uthi: ‘Phendukani ezindleleni zenu zobubi lezenzo zenu ezimbi.’ Kodwa kabafunanga ukulalela loba ukukunanza okwakutshiwo, kutsho \nd uThixo\nd*. 
\v 5 Bangaphi manje okhokho benu na? Bona abaphrofethi kambe baphila okungapheliyo na? 
\v 6 Kodwa amazwi ami lemithetho yami engangilaye ngakho izinceku zami abaphrofethi kakuzange kuze kubafice yini okhokho benu?
\p Kwayikhona bephenduka besithi, ‘\nd UThixo\nd* uSomandla wenzile kithi okufanele izindlela zethu lezenzo njengalokho amisa ukukwenza.’ ”
\s1 Indoda Iphakathi Kwezihlahla Zomethile
\p
\v 7 Ngelanga lamatshumi amabili lane ngenyanga yetshumi lanye, inyanga uShebhathi, ngomnyaka wesibili kaDariyu, ilizwi \nd likaThixo\nd* lafika kumphrofethi uZakhariya indodana kaBherekhiya, indodana ka-Ido.
\p
\v 8 Ebusuku ngafikelwa ngumbono, khonapho phambi kwami kwakulendoda egade ibhiza elibomvu! Yayimi phakathi kwezihlahla zomethile edongeni. Ngemva kwayo kwakulamanye amabhiza, elibomvu, eliyinsundu lelimhlophe.
\p
\v 9 Ngayibuza ngathi, “Kuyini lokhu, nkosi yami na?”
\p Ingilosi eyayikhuluma lami yaphendula yathi, “Ngizakutshengisa ukuthi kuyini.”
\p
\v 10 Kwasekusithi leyondoda eyayimi ezihlahleni zomethile yachaza yathi, “Laba yibo \nd uThixo\nd* abathumileyo ukuba bahambe emhlabeni wonke.”
\p
\v 11 Basebebika engilosini \nd kaThixo\nd* eyayimi phakathi kwezihlahla zomethile bathi, “Sesiwuhambile wonke umhlaba safumana ukuthi ilizwe lihlezi kuhle phakathi kokuthula.”
\p
\v 12 Ingilosi \nd kaThixo\nd* yasisithi, “\nd Thixo\nd* Somandla, koze kube nini ulokhu ugodla isihawu sakho phezu kweJerusalema lamadolobho akoJuda olokhu uwathukuthelele yonke iminyaka le engamatshumi ayisikhombisa?” 
\v 13 Ngakho \nd uThixo\nd* wasekhuluma amazwi omusa, aduduzayo kuleyongilosi eyayikhuluma lami.
\p
\v 14 Kwasekusithi ingilosi eyayikhuluma lami yathi, “Memezela leli ilizwi: Nanku akutshoyo \nd uThixo\nd* uSomandla, uthi: ‘Ngilobukhwele ngeJerusalema leZiyoni, 
\v 15 kodwa ngizondile ngalezozizwe ezihlezi zanaba zaziba. Ngangithukuthele kancane kodwa zawengezelela lowo monakalo.’
\p
\v 16 Ngakho-ke nanku okutshiwo \nd nguThixo\nd*: ‘Ngizabuya eJerusalema ngilomusa, khonapho indlu yami izakwakhiwa kutsha. Intambo yesilinganiso izakwelulwa eJerusalema,’ kutsho \nd uThixo\nd* uSomandla.
\p
\v 17 Memezela njalo uthi: Nanku akutshoyo \nd uThixo\nd* uSomandla, uthi: ‘Amadolobho ami azaphinda njalo aphuphume ngenotho, njalo \nd uThixo\nd* uzaphinda ayiduduze iZiyoni, ayikhethe iJerusalema.’ ”
\s1 Impondo Ezine Labakhandi Abane
\p
\v 18 Ngase ngiphakamisa amehlo ami, phambi kwami kwakulempondo ezine! 
\v 19 Ngabuza ingilosi leyo eyayikhuluma lami, ngathi, “Kuyini lokhu?”
\p Yaphendula yathi, “Lezi yizo impondo ezachitha uJuda, lo-Israyeli leJerusalema.”
\p
\v 20 \nd UThixo\nd* wasengitshengisa abakhandi abane. 
\v 21 Ngabuza ngathi, “Laba bazekwenzani na?”
\p Waphendula wathi, “Lezi yimpondo ezachitha uJuda ukuze angabikhona ovusa ikhanda, kodwa abakhandi balande ukuxegisa amadolo abo, bazilahlele phansi impondo lezi ezezizwe ezaphakamisa impondo zazo phezu kwelizwe lakoJuda ukuchitha abantu balo.”
\c 2
\s1 Indoda Elentambo Yokulinganisa
\p
\v 1 Ngaphakamisa amehlo, phambi kwami kwakulomuntu ophethe intambo yokulinganisa! 
\v 2 Ngabuza ngathi, “Uya ngaphi na?”
\p Wangiphendula wathi, “Ngiyalinganisa iJerusalema, ukubona ukuthi ibanzi njalo inde kanganani.”
\p
\v 3 Ingilosi leyo eyayikhuluma lami yasisuka, kweza enye ingilosi iyihlangabeza 
\v 4 yathi kuyo: “Gijima utshele ijaha leliyana uthi, ‘IJerusalema izakuba lidolobho elingelamiduli ngenxa yobunengi babantu lezifuyo phakathi kwalo. 
\v 5 Mina ngokwami ngizakuba ngumduli womlilo olizungezileyo,’ kutsho \nd uThixo\nd*, ‘njalo ngizakuba yinkazimulo ngaphakathi kwalo.’
\p
\v 6 Wozani! Wozani! Balekani kulelolizwe lasenyakatho,” kutsho \nd uThixo\nd*, “ngoba ngilichithachithile kuyo yonke imimoya yomine yezulu,” kutsho \nd uThixo\nd*.
\p
\v 7 “Woza, yeyi wena Ziyoni! Balekani lina elihlala eNdodakazini yaseBhabhiloni!” 
\v 8 Ngoba lokhu kutshiwo \nd nguThixo\nd* uSomandla, uthi: “Ngemva kokuba Olodumo esengithumile ukumelana lezizwe eziliphangileyo ngoba loba ngubani oke alithinte lina uthinta igugu lakhe 
\v 9 ngempela ngizaphakamisela isandla sami kubo ukuze izigqili zabo zibaphange. Lapho-ke lizakwazi ukuthi \nd uThixo\nd* uSomandla nguye ongithumileyo.
\p
\v 10 Memeza ujabule, we Ndodakazi yaseZiyoni. Ngoba ngiyeza, njalo ngizahlala phakathi kwenu,” kutsho \nd uThixo\nd*. 
\v 11 “Izizwe ezinengi zizahlanganiswa \nd loThixo\nd* ngalelolanga njalo zizakuba ngabantu bami. Ngizahlala phakathi kwenu njalo lizakwazi ukuthi \nd uThixo\nd* uSomandla ungithumile kini. 
\v 12 \nd UThixo\nd* uzamthatha uJuda njengelifa abe yisabelo sakhe elizweni elingcwele njalo uzaphinda ayikhethe iJerusalema. 
\v 13 Pholani lithule phambi \nd kukaThixo\nd*, bantu lonke, ngoba uphakamile waphuma endaweni yakhe engcwele.”
\c 3
\s1 Izembatho Ezihlanzekileyo ZomPhristi Omkhulu
\p
\v 1 Yase ingitshengisa uJoshuwa umphristi omkhulu emi phambi kwengilosi \nd kaThixo\nd*, loSathane emi kwesokunene sakhe ephikisana laye. 
\v 2 \nd UThixo\nd* wathi kuSathane, “\nd UThixo\nd* uyakukhuza, Sathane! \nd UThixo\nd* oyikhethileyo iJerusalema, uyakukhuza! Umuntu lo kasisikhuni esihwatshwe sibhebha na?”
\p
\v 3 UJoshuwa wema phambi kwengilosi egqoke ezingcolileyo. 
\v 4 Ingilosi yasisithi kulabo ababemi phambi kwayo, “Mkhululeni izigqoko lezi ezingcolileyo.”
\p Yasisithi kuJoshuwa, “Uyabona, sengisisusile isono sakho, yikho sengizakugqokisa izigqoko ezinhle kakhulu.”
\p
\v 5 Ngasengisithi, “Mthwaliseni iqhiye ehlanzekileyo ekhanda lakhe.” Basebemthwalisa iqhiye ehlanzekileyo ekhanda, bamgqokisa njalo, ingilosi \nd kaThixo\nd* ilokhu imi khonapho.
\p
\v 6 Ingilosi \nd kaThixo\nd* yasimupha umlayo lo uJoshuwa, yathi: 
\v 7 “Nanku akutshoyo \nd uThixo\nd* uSomandla: ‘Nxa uzahamba ngezindlela zami ugcine izimiso zami, lapho-ke uzabusa indlu yami, uwaphathe lamaguma ami, njalo mina ngizakupha indawo phakathi kwalaba abemiyo lapha.
\p
\v 8 Lalela, wena mphristi omkhulu Joshuwa, kanye labakhula bakho abahlezi phambi kwakho, abangamadoda ayisitshengiselo sezinto ezizayo: Ngizaletha inceku yami iHlumela. 
\v 9 Uyabona, ilitshe engilimise phambi kukaJoshuwa! Kulamehlo ayisikhombisa phezu kwelitshe lilinye, njalo ngizagubha umbhalo kulo,’ kutsho \nd uThixo\nd* uSomandla, ‘njalo ngizasisusa isono salelilizwe ngelanga elilodwa zwi.
\p
\v 10 Ngalelolanga lowo lalowo wenu uzamema umakhelwane wakhe ukuthi ahlale ngaphansi kwevini lomkhiwa wakhe,’ kutsho \nd uThixo\nd* uSomandla.”
\c 4
\s1 Uluthi Lwesibane Lwegolide Lezihlahla Ze-oliva Ezimbili
\p
\v 1 Ingilosi eyayikhuluma lami yabuya njalo yazangivusa njengomuntu evuswa ebuthongweni. 
\v 2 Yangibuza yathi, “Ubonani na?”
\p Ngaphendula ngathi, “Ngibona uluthi lwesibane olwenziwe ngokugcweleyo ngegolide, lulomganu phezulu lezibane eziyisikhombisa lezimbobo zezibane eziyisikhombisa. 
\v 3 Njalo kulezihlahla zama-oliva ezimbili eduze kwalo, esinye ngakwesokunene komganu, esinye kwesokhohlo.”
\p
\v 4 Ngayibuza ingilosi eyayikhuluma lami, ngathi, “Kuyini lokhu, nkosi yami?”
\p
\v 5 Yaphendula yathi, “Kawukwazi ukuthi yizinto bani lezi?”
\p Ngathi, “Hatshi, nkosi yami.”
\p
\v 6 Yasisithi kimi, “Nanti ilizwi \nd likaThixo\nd* kuZerubhabheli, ‘Hatshi ngempi kumbe ngamandla, kodwa ngoMoya wami,’ kutsho \nd uThixo\nd* uSomandla.
\p
\v 7 Uvele uyini, wena ntaba enkulu? KuZerubhabheli uzakuba ngumhlabathi owendlalekileyo. Khonapho usezaletha ilitshe lokuphetha abantu bememeza besithi, ‘Nkulunkulu libusise! Nkulunkulu libusise!’ ”
\p
\v 8 Kwasekufika ilizwi \nd likaThixo\nd* kimi lisithi: 
\v 9 “Izandla zikaZerubhabheli zisibekile isisekelo saleli ithempeli; izandla zakhe zizaliqedisa ukulakha. Ngakho lizakwazi ukuthi \nd uThixo\nd* uSomandla ungithumile kini.
\p
\v 10 Ngubani oludelelayo usuku lwezinto ezincane? Amehlo \nd kaThixo\nd* ayisikhombisa agcwala umhlaba wonke jikelele azathokozelela ukubona intambo yokuqondisa esandleni sikaZerubhabheli?”
\p
\v 11 Ngasengiyibuza ingilosi, ngathi, “Lezi zihlahla ezimbili zama-oliva kwesokunene lakwesokhohlo phezu koluthi lwesibane ngezani?”
\p
\v 12 Ngayibuza futhi ngathi, “Amahlumela la amabili omʼoliva eceleni kwezinti ezimbili zegolide okumpompoza kuzo amafutha aligolide zona ziyini?”
\p
\v 13 Yaphendula yathi, “Kawuzazi ukuthi ziyini na?”
\p Ngathi, “Hatshi, nkosi yami.”
\p
\v 14 Yasisithi, “Laba yibo ababili abagcotshiweyo ukukhonza iNkosi yomhlaba wonke.”
\c 5
\s1 Umqulu Wencwadi Ondizayo
\p
\v 1 Ngaphinde ngakhangela, phambi kwami kwakulomqulu wencwadi ondizayo!
\p
\v 2 Yangibuza yathi, “Ubonani na?”
\p Ngaphendula ngathi, “Ngibona umqulu wencwadi ondizayo, omude izingalo ezingamatshumi amathathu lobubanzi obulitshumi lanhlanu.”
\p
\v 3 Yasisithi kimi, “Lesi yisithuko esizakwehlela lonke ilizwe; ngoba ithi incwadi kwelinye icele layo, amasela wonke azaxotshwa elizweni, ibisisithi ngakwelinye icele, wonke lowo ofunga ngamanga uzaxotshwa elizweni. 
\v 4 \nd UThixo\nd* uSomandla uthi, ‘Ngizayithumezela ingene endlini yesela lasendlini yalowo ofunga ngebizo lami. Umqulu lo uzahlala endlini yakhe, uchithize izigodo zayo kanye lamatshe.’ ”
\s1 Owesifazane Phakathi Kwesilulu
\p
\v 5 Ingilosi eyayikhuluma lami yasisondela yathi kimi, “Vusa amehlo ubone ukuthi kuyini lokhuyana okuvelayo.”
\p
\v 6 Ngabuza ngathi, “Kuyini?”
\p Yaphendula yathi, “Yisilulu sokulinganisa.” Yengeza yathi, “Lobu yibubi babantu elizweni lonke leli.”
\p
\v 7 Kwasekusibukulwa isiciko sesilulu leso, kwabonakala phakathi kuhlezi owesifazane! 
\v 8 Yathi, “Lobu yibubi,” yasimfuqela phakathi esilulwini wavala ngesiciko emlonyeni wesilulu.
\p
\v 9 Ngasengikhangela, khonapho phambi kwami kwakulabesifazane ababili belempiko ezigcwele umoya! Babelempiko ezifana lezengabuzane, baphakamisa isilulu saba phakathi kwezulu lomhlaba.
\p
\v 10 Ngabuza ingilosi eyayikhuluma lami ngathi, “Basisa ngaphi isilulu lesi na?”
\p
\v 11 Yaphendula yathi, “Basisa elizweni laseBhabhiloni ukuyasakhela indlu khonale. Nxa isiphelile isilulu sizahlaliswa kuhle khonale endaweni yaso.”
\c 6
\s1 Izinqola Zokulwa Ezine
\p
\v 1 Ngaphinde ngaphakamisa amehlo njalo phambi kwami kwakulezinqola zempi ezine ziqhamuka okhalweni lwezintaba ezimbili, izintaba zethusi! 
\v 2 Inqola yakuqala yayilamabhiza abomvu, eyesibili ilamnyama, 
\v 3 eyesithathu amhlophe, eyesine alamabala, wonke elamandla. 
\v 4 Ngayibuza ingilosi eyayikhuluma lami ngathi, “Kuyini lokhu, nkosi yami?”
\p
\v 5 Ingilosi yangiphendula yathi, “Le yimimoya emine yasezulwini, ephumayo ekumeni phambi kukaThixo womhlaba wonke. 
\v 6 Le elamabhiza amnyama iqonda elizweni elisenyakatho, eyawamhlophe iqonda entshonalanga, kuthi eyawamabala iqonda eningizimu.”
\p
\v 7 Kwathi lawomabhiza alamandla esephuma ayesadalala ezama ukuya kuwo wonke umhlaba. Yathi kuwo, “Hambani kuwo wonke umhlaba.” Lakanye aya kuwo wonke umhlaba.
\p
\v 8 Yase ingibiza yathi, “Uyabona, lawana aqonda elizweni elisenyakatho asenike uMoya wami ukuphumula elizweni lasenyakatho.”
\s1 Umqhele KaJoshuwa
\p
\v 9 Ilizwi \nd likaThixo\nd* lafika kimi lathi: 
\v 10 “Thatha isiliva legolide kwabathunjiweyo uHelidayi loThobhiya loJedaya asebebuyile eBhabhiloni. Hamba ngalelolanga endlini kaJosiya indodana kaZefaniya. 
\v 11 Thatha isiliva legolide wenze umqhele uwethese umphristi omkhulu uJoshuwa indodana kaJozadaki. 
\v 12 Umtshele ukuthi nanku okutshiwo \nd nguThixo\nd* uSomandla, uthi: ‘Nansi indoda obizo layo liHlumela, njalo uzahluma endaweni yakhe akhe ithempeli \nd likaThixo\nd*. 
\v 13 Nguye ozakwakha ithempeli \nd likaThixo\nd*, njalo uzagqokiswa ubukhosi, futhi uzahlala esihlalweni sakhe sobukhosi. Njalo uzakuba ngumphristi esihlalweni sakhe sobukhosi. Lokhu kokubili kuzahambelana kuhle.’ 
\v 14 Umqhele uzaphiwa uHelidayi, loThobhiya, loJedaya kanye loHeni indodana kaZefaniya njengesikhumbuzo ethempelini \nd likaThixo\nd*. 
\v 15 Labo abasekudeni bazakuza bazakwelekelela ukwakha ithempeli \nd likaThixo\nd* njalo lizakwazi ukuthi \nd uthixo\nd* uSomandla ungithumile kini. Lokhu kuzakwenzeka nxa limlalela ngokukhuthala \nd uThixo\nd* uNkulunkulu wenu.”
\c 7
\s1 Ukwahlulela Kuhle Lesihawu, Kungesikuzila
\p
\v 1 Ngomnyaka wesine wenkosi uDariyu, ilizwi \nd likaThixo\nd* lafika kuZakhariya ngelanga lesine lenyanga yesificamunye, inyanga ethiwa nguKhisilevu. 
\v 2 Abantu baseBhetheli babethume uShareza loRegemi-Meleki, kanye lamadoda asuka kubo ukuyancenga \nd uThixo\nd* uSomandla 
\v 3 ngokucela abaphristi bendlu \nd kaThixo\nd* uSomandla labaphrofethi ukuthi, “Ngilile yini njalo ngizile ukudla ngenyanga yesihlanu njengalokhu engihlala ngikwenza okweminyaka eminengi na?”
\p
\v 4 Laselifika ilizwi \nd likaThixo\nd* uSomandla kimi lisithi: 
\v 5 “Buza bonke abantu belizwe kanye labaphristi uthi, ‘Lapho lalizila ukudla lilila ngenyanga yesihlanu leyesikhombisa okweminyaka engamatshumi ayisikhombisa esidlule kambe lalizilela mina ngeqiniso na? 
\v 6 Njalo nxa lalisidla, linatha, angithi lalizikholisela lina na? 
\v 7 Kawasiwo yini la amazwi amenyezelwa \nd nguThixo\nd* ngabaphrofethi bamandulo lapho iJerusalema lamadolobho aseduzane ayelokuthula ephumelela, leNegebi kanye lamaqaqa asentshonalanga kwakhiwe kuhle na?’ ”
\p
\v 8 Laphinde lafika njalo ilizwi \nd likaThixo\nd* kuZakhariya lathi: 
\v 9 “Nanku okutshiwo \nd nguThixo\nd* uSomandla, uthi: ‘Yahlulelani ngobuqotho; litshengise isihawu lozwelo omunye komunye. 
\v 10 Lingamcindezeli umfelokazi noma intandane, lowezizweni noma umyanga. Lingakhumbulelani okubi ezinhliziyweni zenu.’
\p
\v 11 Kodwa bala ukulalela; baqholoza bafulathela njalo bagcika indlebe zabo. 
\v 12 Benza inhliziyo zabo zaba lukhuni njengelitshe kabaze balalela umlayo loba amazwi \nd kaThixo\nd* uSomandla ayewathumile ngoMoya ngabaphrofethi bamandulo. Yikho \nd uThixo\nd* uSomandla wathukuthela kabuhlungu.
\p
\v 13 ‘Ngababiza, kodwa kabalalelanga; yikho labo sebememeza kangibalalelanga,’ kutsho \nd uThixo\nd* uSomandla. 
\v 14 ‘Ngabachithachitha ngesivunguzane baya ezizweni zonke lapho ababa yizihambi khona. Ilizwe lasala selilihlane nje kungasahlaleki kulo futhi kungasedluleki khona. Balenza lajujuka kanjalo ilizwe elihle laba yinkangala.’ ”
\c 8
\s1 Inkosi Ithembisa Ukubusisa IJerusalema
\p
\v 1 Lafika njalo kimi ilizwi \nd likaThixo\nd* uSomandla.
\p
\v 2 Nanku okutshiwo \nd nguThixo\nd* uSomandla: “Ngilobukhwele kabi ngeZiyoni; ngiyatsha ngobukhwele ngayo.”
\p
\v 3 Nanku okutshiwo \nd nguThixo\nd*: “Ngizabuyela eZiyoni ngihlale eJerusalema. Lapho-ke iJerusalema izathiwa nguMuzi weQiniso, lentaba \nd kaThixo\nd* uSomandla izabizwa ngokuthi yiNtaba eNgcwele.”
\p
\v 4 Nanku okutshiwo \nd nguThixo\nd* uSomandla, uthi: “Kuzakwenzakala njalo ukuthi amaxhegu lezalukazi bahlale nje ezitaladini zeJerusalema, ngulowo lodondolo lwakhe esandleni ngenxa yokuluphala. 
\v 5 Izitalada zedolobho zizaphithizela abafana lamantombazana bezidlalela khona.”
\p
\v 6 Nanku okutshiwo \nd nguThixo\nd* uSomandla, uthi: “Kungabonakala njengesimanga kwabayinsalela yalababantu ngalesosikhathi, kodwa kambe kungabonakala njengesimanga kimi na?” kutsho \nd uThixo\nd* uSomandla.
\p
\v 7 Nanku okutshiwo \nd nguThixo\nd* uSomandla, uthi: “Ngizabasindisa abantu bami emazweni asempumalanga lasemazweni asentshonalanga. 
\v 8 Ngizababuyisela bayehlala eJerusalema; bazakuba ngabantu bami, lami ngizathembeka njalo ngibe lokulunga kubo njengoNkulunkulu wabo.”
\p
\v 9 Nanku okutshiwo \nd nguThixo\nd* uSomandla, uthi: “Lina okwamanje eliwezwayo amazwi la akhulunywa ngabaphrofethi ababekhona kubekwa isisekelo sendlu \nd kaThixo\nd* uSomandla, qinisani izandla zenu ukuze ithempeli lakhiwe. 
\v 10 Mandulo kwesikhathi leso kwakungekho imbadalo ngomsebenzi womuntu loba owenyamazana. Umuntu loba engubani wayengazihambeli loba azenzele okwakhe ekhululekile ngenxa yezitha, ngoba abantu ngasengibaxabanise labomakhelwane babo. 
\v 11 Kodwa khathesi kangisayikwenza kulaba abayinsalela njengalokho engakwenzayo endulo,” kutsho \nd uThixo\nd* uSomandla.
\p
\v 12 “Inhlanyelo izakhula kuhle, ivini lizakhupha izithelo zalo, umhlabathi uzakhulisa amabele, lamazulu azakwehlisa amazolo awo. Zonke lezizinto ngizazinika njengelifa kwabayinsalela yalababantu. 
\v 13 Njengoba beliyinto eqalekisiweyo phakathi kwezizwe, wena Juda lo-Israyeli, ngakho ngizalisindisa libe yisibusiso. Lingesabi, kodwa qinisani izandla zenu.”
\p
\v 14 Nanku akutshoyo \nd uThixo\nd* uSomandla, uthi: “Kanjengalokhu ngasengimisile ukwehlisela umonakalo phezu kwenu angaze ngatshengisa uzwelo lapho okhokho benu bangizondisa,” kutsho \nd uThixo\nd* uSomandla, 
\v 15 “yikho manje sengimisile ukwenza ubuhle njalo eJerusalema lakoJuda. Lingesabi. 
\v 16 Nanzi izinto okumele lizenze: Khulumani iqiniso omunye komunye, njalo lehlulelane ngeqiniso langokuqonda emithethwandaba yenu; 
\v 17 lingakheli umakhelwane wenu amacebo amabi, njalo lingaze lathanda ukufunga ngokungamanga. Konke lokhu ngiyakuzonda,” kutsho \nd uThixo\nd*.
\p
\v 18 Ilizwi \nd likaThixo\nd* uSomandla laphinda labuya kimi.
\p
\v 19 Nanku akutshoyo \nd uThixo\nd* uSomandla, uthi, “Amazilo awenyanga yesine, leyesihlanu, leyesikhombisa kanye leyetshumi azakuba yizikhathi zokuthokoza lokujabula, abe yimikhosi yokuthaba koJuda. Ngakho-ke thandani iqiniso lokuthula.”
\p
\v 20 Nanku akutshoyo \nd uThixo\nd* uSomandla: “Abantu abanengi lezakhamizi zamadolobho amanengi basezakuza, 
\v 21 njalo izakhamizi zedolobho leli zizakuya kwezakuleliyana zifike zithi, ‘Kasihambe khathesi lokhu siyoncenga \nd uThixo\nd*, simfune \nd uThixo\nd* uSomandla. Mina sengihamba.’ 
\v 22 Kuzakuthi abantu abanengi lezizwe ezilamandla zizakuza eJerusalema ukuzafuna \nd uThixo\nd* uSomandla bezocela kuye.”
\p
\v 23 Nanku akutshoyo \nd uThixo\nd* uSomandla, uthi: “Ngalezonsuku amadoda alitshumi aphuma kuzozonke izindimi lezizwe azagagadlela umphetho wengubo yomJuda oyedwa athi, ‘Wothi sihambe lawe ngoba sesizwile ukuthi uNkulunkulu ulani.’ ”
\c 9
\s1 Ukwahlulelwa Kwezitha Zika-Israyeli Isiqalekiso
\p
\v 1 Isiphrofethi:
\q1 Ilizwi \nd likaThixo\nd* liqophe ilizwe laseHadiraki
\q2 lize liyokweyama phezu kweDamaseko
\q1 ngoba amehlo abantu lawezizwana zonke zika-Israyeli
\q2 \nd akuThixo\nd*
\q1
\v 2 laphezu kweHamathi layo, engcelelane layo,
\q2 laphezu kweThire leSidoni, lokuba nje zilobungcitshi.
\q1
\v 3 IThire isizakhele inqaba;
\q2 isibuthelele isiliva kwangathi luthuli;
\q2 legolide njengomhlabathi wemigwaqweni.
\q1
\v 4 Kodwa uThixo uzayemuka inotho yayo
\q2 achithe lamandla ayo asolwandle,
\q2 kuthi yona iqedwe ngumlilo.
\q1
\v 5 I-Ashikheloni izakubona lokho yesabe;
\q2 iGaza izathuthumela izwe ubuhlungu,
\q2 le-Ekroni layo, ngoba ithemba layo lizabuna.
\q1 IGaza izabhujelwa yinkosi yayo
\q2 le-Ashikheloni isale ingaselamuntu.
\q1
\v 6 Abezizwe bazayithatha i-Ashidodi bahlale kuyo,
\q2 njalo ngizakuqeda ukuzigqaja kwamaFilistiya.
\q1
\v 7 Ngizathatha igazi emilonyeni yabo,
\q2 okuyikudla okungavunyelwayo ngikukhuphe emazinyweni abo.
\q1 Labo abaseleyo bazakuba ngabakaNkulunkulu wethu
\q2 njalo babengabakhokheli koJuda,
\q2 le-Ekroni izakuba njengamaJebusi.
\q1
\v 8 Kodwa ngizayivikela indlu yami
\q2 kulabo abangabaphangi.
\q1 Kakusayikuphinda kwenzeke ukuthi umncindezeli achithe abantu bami,
\q2 ngoba manje sengihlezi ngiqaphele.
\s1 Ukuza KweNkosi YaseZiyoni
\q1
\v 9 Thokoza kakhulu, wena Ndodakazi yaseZiyoni!
\q2 Memeza, Ndodakazi yaseJerusalema!
\q1 Khangela, inkosi yakho iyeza kuwe,
\q2 iza ilungile ilensindiso,
\q1 imnene, ihamba igade ubabhemi,
\q2 iphezu kwenkonyane, inkonyane kababhemi.
\q1
\v 10 Ngizazisusa izinqola zempi ko-Efrayimi
\q2 lamabhiza empi eJerusalema,
\q2 ledandili lempi lizakwephulwa.
\q1 Izamemezela ukuthula phakathi kwezizwe.
\q2 Umbuso wayo uzasukela elwandle usiya elwandle,
\q2 njalo kusukela eMfuleni kusiya emaphethelweni omhlaba.
\q1
\v 11 Wena pho, ngenxa yegazi lesivumelwano lawe,
\q2 ngizakhulula izibotshwa zakho emgodini ongelamanzi.
\q1
\v 12 Buyelani enqabeni yenu, lina zibotshwa ezilethemba;
\q2 sengihle ngibika ukuthi
\q2 ngizalibuyisela izibusiso ngokuphindwe kabili.
\q1
\v 13 Ngizamgoba uJuda njengalokhu ngigoba idandili lami
\q2 besengigcwalisa ngo-Efrayimi.
\q1 Ngizawahlokoza amadodana akho, wena Ziyoni,
\q2 avukele amadodana akho, wena Grisi,
\q2 ngikwenze ube njengenkemba yebutho.
\s1 \nd UThixo\nd* Uzaqhamuka
\q1
\v 14 Kulapho-ke \nd uThixo\nd* azaqhamuka ngaphezu kwabo;
\q2 umtshoko wakhe uzabenyezela njengonyezi.
\q1 \nd UThixo\nd* Wobukhosi uzatshaya icilongo;
\q2 uzahaluzela ngeziphepho zaseningizimu,
\q1
\v 15 njalo \nd uThixo\nd* uSomandla uzabavikela.
\q2 Bazabhubhisa njalo banqobe ngamatshe ezavutha.
\q1 Bazanatha baklabalale njengabadakwe liwayini;
\q2 bazagcwala lona njengomganu
\q2 osetshenziswa kuchelwa amagumbi e-alithare.
\q1
\v 16 \nd UThixo\nd* uNkulunkulu wabo uzabasindisa ngalelolanga
\q2 njengoba bengumhlambi wezimvu zakhe.
\q1 Bazakhazimula elizweni lakhe
\q2 njengamatshe aligugu acecise umqhele.
\q1
\v 17 Yeka ukukhanga kwabo lobuhle abazakuba yibobona!
\q2 Isivuno esihle sizatshwaphulula izinsizwa,
\q2 lewayini elitsha lithokozise izintombi.
\c 10
\s1 \nd UThixo\nd* Uzamnakekela UJuda
\q1
\v 1 Celani \nd kuThixo\nd* izulu ngesikhathi sentwasahlobo;
\q2 nguye \nd uThixo\nd* owenza amayezi aleziphepho.
\q1 Unika imikhizo yezulu ebantwini,
\q2 lezihlahla zeganga ebantwini bonke.
\q1
\v 2 Izithombe zikhuluma inkohliso,
\q2 izangoma zibona imibono yamanga;
\q1 zikhuluma amaphupho amanga;
\q2 ziphe induduzo engesulutho.
\q1 Kungakho abantu bephumputheka njengezimvu
\q2 bahlupheke ngoba bengelamelusi.
\b
\q1
\v 3 “Ulaka lwami luyavutha kubelusi,
\q2 njalo ngizabajezisa abaholi;
\q1 ngoba \nd uThixo\nd* uSomandla uzawunakekela
\q2 umhlambi wezimvu zakhe, indlu kaJuda,
\q2 abenze babe njengebhiza elilesithunzi empini.
\q1
\v 4 Ilitshe lekhoneni lizavela kuJuda,
\q2 kuye kuzavela isikhonkwane sethente,
\q1 kuye kuzavela idandili lokulwa impi,
\q2 kuye kuzavela bonke ababusi.
\q1
\v 5 Ndawonye bazakuba njengamaqhawe alamandla empini
\q2 enyathelela izitha zawo odakeni lwemigwaqo.
\q1 Bazakulwa ngoba \nd uThixo\nd* ephakathi kwabo,
\q2 babanqobe abagadi bamabhiza.
\b
\q1
\v 6 Ngizayiqinisa indlu kaJuda,
\q2 ngisindise indlu kaJosefa.
\q1 Ngizababuyisa ngoba ngilesihawu kubo.
\q2 Bazakuba sengathi kangizange ngibakhalale,
\q1 ngoba \nd nginguThixo\nd* uNkulunkulu wabo
\q2 njalo ngizabaphendula.
\q1
\v 7 Abako-Efrayimi bazakuba njengamaqhawe,
\q2 lezinhliziyo zabo zizajabula kungathi banathe iwayini.
\q1 Abantwababo bazakubona lokho bathokoze;
\q2 inhliziyo zabo zizathokoza \nd kuThixo\nd*.
\q1
\v 8 Ngizabamema
\q2 ngibabuthe ndawonye.
\q1 Ngempela ngizabahlenga;
\q2 bazakuba banengi njengakuqala.
\q1
\v 9 Lanxa ngibahlakazile phakathi kwezizwe,
\q2 kodwa bazangikhumbula khonale emazweni akude.
\q1 Bona kanye labantwababo bazaphila,
\q2 njalo bazabuya.
\q1
\v 10 Ngizababuyisa basuke eGibhithe
\q2 ngibaqoqe e-Asiriya.
\q1 Ngizabaletha eGiliyadi leLebhanoni,
\q2 kuze kungasabi lendawo ebaneleyo.
\q1
\v 11 Bazadabula phakathi kolwandle lokuhlupheka;
\q2 ulwandle oluphuphumayo luzadediswa
\q2 lezinziki zonke zeNayili zizakoma qha.
\q1 Ukuzikhukhumeza kwe-Asiriya kuzakwehliswa
\q2 lentonga yobukhosi yaseGibhithe izaphela.
\q1
\v 12 Ngizabaqinisa \nd kuThixo\nd*,
\q2 bona bazahamba ngebizo lakhe,”
\q2 kutsho \nd uThixo\nd*.
\b
\c 11
\q1
\v 1 Vula iminyango yakho, wena Lebhanoni,
\q2 ukuze umlilo uqhunqise imisedari yakho!
\q1
\v 2 Lila, wena sihlahla sephayini, ngoba imisedari isiwile;
\q2 ngoba izihlahla zobukhosi ziqhunqile!
\q1 Lilani, mi-okhi yaseBhashani;
\q2 igusu elivitshileyo selicakazelwe phansi!
\q1
\v 3 Lalela ukulila kwabelusi;
\q2 amadlelo abo amahle asetshabalalisiwe!
\q1 Lalela ukubhonga kwezilwane;
\q2 ihlathi elihle leJodani liqhunqile!
\s1 Abelusi Ababili
\p
\v 4 Nanku okutshiwo \nd nguThixo\nd* uNkulunkulu wami, uthi: “Sana emadlelweni umhlambi wezimvu zokuhlatshwa. 
\v 5 Abathengi bazo bayazihlaba bangajeziswa. Labo abazithengisayo bathi, ‘Makadunyiswe \nd uThixo\nd*, senginothile!’ Abelusi bazo ngokwabo labo kabaziyekeli. 
\v 6 Ngoba kangisayikuba lozwelo ebantwini belizwe,” kutsho \nd uThixo\nd*. “Ngulowo lalowo ngizamnikela kumakhelwane wakhe lenkosini yakhe. Bazalincindezela ilizwe, kodwa kangiyikubalamulela ezandleni zabo.”
\p
\v 7 Ngakho ngizafaka emadlelweni izimvu ezasezikhethelwe ukuya esilaheni, ikakhulu lezo ezaziphathwa kabuhlungu. Ngasengithatha ingwegwe ezimbili ngabiza enye ngokuthi nguThandeka kwathi enye ngathi nguNhlanganiso, ngasengizelusa izimvu. 
\v 8 Ngenyanga eyodwa ngaxotsha abelusi abathathu.
\p Izimvu zanengeka ngami, lami zangidina 
\v 9 ngathi, “Kangisayikuba ngumelusi wenu. Yekela efayo ife, lebhubhayo ibhubhe. Yekela lezo eziseleyo zidlane inyama yazo.”
\p
\v 10 Ngasengithatha ingwegwe yami ethiwa nguThandeka ngayephula, ngidiliza isivumelwano engangisenzile lezizwe zonke. 
\v 11 Sadilizwa ngalelolanga, yikho abadubekayo emhlambini ababengikhangele bakwazi ukuthi lokho kwakulilizwi \nd likaThixo\nd*.
\p
\v 12 Ngabatshela ngathi, “Nxa libona kufanele, ngiphani iholo lami; nxa njalo kungenjalo, yekelani.” Yikho basebengiholisa inhlamvu zesiliva ezingamatshumi amathathu.
\p
\v 13 \nd UThixo\nd* wasesithi kimi, “Iphosele kumbumbi,” imali engaka ababengilinganisele yona! Ngasengizithatha lezonhlamvu zesiliva ezingamatshumi amathathu ngaziphosela kumbumbi wembiza endlini \nd kaThixo\nd*.
\p
\v 14 Ngasengiqamula ingwegwe yami yesibili ethiwa nguNhlanganiso, ngiqamula ubuzalwane phakathi kukaJuda lo-Israyeli.
\p
\v 15 \nd UThixo\nd* wasesithi kimi, “Thatha futhi izikhali zomelusi oyisithutha. 
\v 16 Ngoba ngizamisa umelusi welizwe leli ongezukunanza ngezilahlekileyo, angawadingi amazinyane, angawelaphi alimeleyo, angawaphi ukudla aphilayo, kodwa adle inyama yezinonileyo, adlithize lamangqina azo.
\q1
\v 17 Maye kumelusi oyisithutha,
\q2 ohlamukela izifuyo!
\q1 Sengathi angadliwa yinkemba
\q2 igalele engalweni lelihlweni lakhe lakwesokunene!
\q1 Sengathi ingalo yakhe ingahle yome qha,
\q2 ilihlo lakhe langakwesokunene lihle life kokuphela!”
\c 12
\s1 Izitha ZeJerusalema Mazibhujiswe Isiqalekiso
\p
\v 1 Isiphrofethi: ilizwi \nd likaThixo\nd* mayelana lo-Israyeli.
\b
\p \nd UThixo\nd* owachayayo amazulu, obeka isisekelo somhlaba, njalo owenza umphefumulo womuntu phakathi kwakhe, uthi: 
\v 2 “Ngizakwenza iJerusalema ibe njengenkezo ezadakisa bonke abantu abakhelene layo. UJuda uzavinjezelwa laye njengeJerusalema. 
\v 3 Ngalelolanga, lapho izizwe zonke zomhlaba sezihlangene ukulwa laye, ngizakwenza iJerusalema ibe lidwala elingagudlukiyo elezizwe zonke. Bonke abazama ukulitshedisa bazazilimaza. 
\v 4 Ngalelolanga ngizakwenza wonke amabhiza ethuke labagadi bawo bahlanye,” kutsho \nd uThixo\nd*. “Indlu kaJuda ngizahlala ngiyiqaphele, kodwa ngizaphumputhekisa wonke amabhiza ezizwe. 
\v 5 Lapho abakhokheli bakoJuda bazakuthi ezinhliziyweni zabo, ‘Abantu baseJerusalema baqinile, ngoba \nd uThixo\nd* uSomandla unguNkulunkulu wabo.’
\p
\v 6 Ngalelolanga ngizakwenza abakhokheli bakoJuda babe njengebhodo phezu kwezikhuni, njengobhaqa oluvuthayo phakathi kwezithungo. Bazathungela ngapha langapha kutshe bonke abantu abakhelene labo, kodwa iJerusalema izasala imi injalo endaweni yayo.
\p
\v 7 \nd UThixo\nd* uzasindisa imizi yakoJuda kuqala ukuze udumo lwendlu kaDavida lolwezakhamizi zaseJerusalema lungabi lukhulu kulolukaJuda. 
\v 8 Ngalelolanga \nd uThixo\nd* uzabavikela labo abahlala eJerusalema, kuze kuthi lobuthakathaka kakhulu phakathi kwabo uzakuba njengoDavida, lendlu kaDavida izakuba njengoNkulunkulu, njengeNgilosi \nd kaThixo\nd* ihamba phambi kwabo. 
\v 9 Ngalelolanga ngizaphuma ngiyebhubhisa zonke izizwe ezihlasela iJerusalema.”
\s1 Ukulilela Lowo Abamgwazayo
\p
\v 10 “Ngizathululela phezu kwendlu kaDavida laphezu kwabakhileyo eJerusalema umoya womusa lobubele. Bazakhangela kimi, mina abamgwazayo, bangililele njengomuntu elilela umntanakhe ozelwe yedwa, bamkhalele kabuhlungu njengomuntu ekhalela indodana yakhe elizibulo. 
\v 11 Ngalelolanga isililo eJerusalema sizakuba sikhulu njengesililo sikaHadadi-Rimoni emagcekeni aseMegido. 
\v 12 Ilizwe lizalila, yilesosizwana sisodwa, labafazi babo bebodwa; isizwana sendlu kaDavida labafazi babo, isizwana sendlu kaNathani labafazi babo, 
\v 13 isizwana sendlu kaLevi labafazi babo, isizwana sikaShimeyi labafazi babo, 
\v 14 lazozonke izizwana labafazi bazo.”
\c 13
\s1 Ukuhlanjululwa Ezonweni
\p
\v 1 “Ngalelolanga umthombo uzavulelwa indlu kaDavida labakhileyo eJerusalema, ukubahlanza izono lokungcola.
\p
\v 2 Ngalelolanga ngizawasusa amabizo ezithombe elizweni ukuze zingakhunjulwa njalo,” kutsho \nd uThixo\nd* uSomandla. “Ngizabasusa abaphrofethi kanye lomoya wokungcola phakathi kwelizwe. 
\v 3 Nxa ezabe elokhu ekhona ophrofethayo, uyise lonina abamzalayo bazakuthi kuye, ‘Kumele ufe ngoba usukhulume amanga ngegama \nd likaThixo\nd*.’ Uzakuthi ephrofitha abazali bakhe ngokwabo bazamgwaza.
\p
\v 4 Ngalelolanga ngulowo lalowo umphrofethi uzaba lamanhloni ngombono wakhe wokuphrofetha. Akayikwembatha isivunulo somphrofethi esoboya ezama ukukhohlisa. 
\v 5 Uzakuthi, ‘Kangisuye umphrofethi, ngingumlimi; umhlabathi uyilapho okulokuphila kwami kusukela ebutsheni bami’ 
\v 6 Aluba ebuzwa kuthiwe, ‘Ngawani amanxeba la asemzimbeni wakho?’ Uzaphendula athi, ‘Ngamanxeba engawazuza endlini yabangane bami.’
\s1 Umelusi Utshayiwe, Izimvu Zahlakazwa
\q1
\v 7 Vuka, wena nkemba, vukela umelusi wami,
\q2 uvukele umuntu osekhwapheni lami!”
\q2 kutsho \nd uThixo\nd* uSomandla.
\q1 “Tshaya umelusi,
\q2 izimvu zizahlakazeka,
\q2 njalo ngizaphendula isandla sami ngitshaye ezincinyane.
\q1
\v 8 Kulolonke ilizwe,” kutsho \nd uThixo\nd*,
\q2 “ezimbili kwezintathu zizatshaywa zife;
\q2 kodwa ingxenye yesithathu izasala kulo.
\q1
\v 9 Le ingxenye yesithathu ngizayifaka emlilweni;
\q2 ngizabancibilikisa ngibacenge njengesiliva
\q2 ngibahlolisise njengegolide.
\q1 Bazalibiza ibizo lami,
\q2 lami ngizabaphendula;
\q1 ngizakuthi, ‘Bangabantu bami,’
\q2 labo bazakuthi, ‘\nd UThixo\nd* unguNkulunkulu wethu.’ ”
\c 14
\s1 \nd UThixo\nd* Uyeza Njalo Uyabusa
\p
\v 1 Usuku \nd lukaThixo\nd* luyeza mhla impango yenu izakwabiwa phakathi kwenu.
\p
\v 2 Ngizaqoqa zonke izizwe eJerusalema zilwe layo, idolobho lizathunjwa, izindlu ziguduzwe, abesifazane badlwengulwe. Ingxenye yedolobho izathunjwa isiwe ebugqilini, kodwa abaseleyo edolobheni kabayikubuthwa bathathwe. 
\v 3 Kuzakuthi kunjalo \nd uThixo\nd* uzaphuma alwe lalezozizwe, njengokulwa kwakhe nxa kulilanga lempi. 
\v 4 Ngalelolanga inyawo zakhe zizakuma phezu kwentaba yama-Oliva, empumalanga kweJerusalema njalo intaba yama-Oliva izadabuka phakathi kusuka empumalanga kusiya entshonalanga, kudaleke isigodi esikhulu, ingxenye yentaba isudukele enyakatho, enye ingxenye yentaba iye enyakatho kuthi enye ingxenye isondele eningizimu. 
\v 5 Lizabaleka ngesigodi sami sentaba ngoba sihamba size siyofika e-Azeli. Lizabaleka njengalokho elakwenza libalekela ukuzamazama komhlaba ngezinsuku zika-Uziya inkosi yakoJuda. Lapho-ke \nd uThixo\nd* uNkulunkulu wami uzakuza elabo bonke abangcwele bakhe.
\p
\v 6 Mhlalokho akuyikuba lokukhanya, kumbe ukuqanda loba ungqwaqwane. 
\v 7 Kuzakuba lusuku olungajayelekanga, olungelamini njalo olungelabusuku, usuku olwaziwa \nd nguThixo\nd*. Ukuhlwa kungafika kuzavela ukukhanya.
\p
\v 8 Ngalolosuku amanzi aphilisayo azageleza esuka eJerusalema, ingxenye iyethela olwandle lwempumalanga kuthi eyinye ithele entshonalanga, ehlobo kanye lebusika.
\p
\v 9 \nd UThixo\nd* uzakuba yinkosi kuwo wonke umhlaba. Ngalolosuku kuzakuba \nd loThixo\nd* oyedwa, lebizo lakhe libe yilo lodwa ibizo.
\p
\v 10 Ilizwe lonke kusukela eGebha kusiya eRimoni eningizimu kweJerusalema lizakuba njenge-Arabha. Kodwa iJerusalema izaphakanyiswa ihlale isendaweni yayo, kusukela eNtubeni kaBhenjamini kusiya eNtubeni Yokuqala, eNtubeni yaseJikweni, njalo kusukela emphotshongweni kaHananeli kusiya esikhamelweni sewayini. 
\v 11 Kuzakuba yindawo ehlala abantu, kayisayikuphinde njalo ibhidlizwe lanini. IJerusalema izahlala ivikelekile.
\p
\v 12 Lesi yiso isifo \nd uThixo\nd* azatshaya ngaso zonke izizwe ezalwa leJerusalema. Inyama yabo izabola bona belokhu besazihambela ngezinyawo zabo, amehlo abo azabolela ezingoxweni zawo, lezindimi zabo zizabolela emilonyeni yabo. 
\v 13 Ngalelolanga abantu bazakwehliselwa \nd nguThixo\nd* ukwethuka okwesabekayo. Ngulowo uzaxhakalaza isandla somunye, bahlaselane. 
\v 14 UJuda laye uzakulwa eJerusalema. Inotho yazo zonke izizwe eziseduze izabuthwa, inqwaba yegolide lesiliva kanye lezigqoko. 
\v 15 Isifo esifana lalesi sizakwehlela amabhiza, imbongolo, amakamela labobabhemi lazozonke izinyamazana ezizabe zikulezozihonqo.
\p
\v 16 Kuzakuthi bonke abayinsalela kulezozizwe ezahlasela iJerusalema, bazakhuphuka umnyaka ngomnyaka ukuyakhonza Inkosi, \nd uThixo\nd* uSomandla lokuthakazelela uMkhosi weziHonqo. 
\v 17 Nxa bezakuba khona abesinye isizwe emhlabeni abangayikuya eJerusalema ukuyakhonza Inkosi, \nd uThixo\nd* uSomandla, labo kabayikunelwa lizulu. 
\v 18 Aluba abantu baseGibhithe bengayi ukuyakhonza, kabayikuzuza izulu. \nd UThixo\nd* uzabehlisela isifo asehlisela lezozizwe ezingayiyo ukuyathakazelela uMkhosi weziHonqo. 
\v 19 Lesi sizakuba yisijeziso seGibhithe lesijeziso sazo zonke izizwe ezingayiyo ukuyathakazelela uMkhosi weziHonqo.
\p
\v 20 Ngalolosuku kuzalotshwa ukuthi “Kungcwele \nd kuThixo\nd*” ezinsimbini ezikhencezayo zamabhiza, lezimbiza zokupheka endlini \nd kaThixo\nd* zizakuba njengemiganu engcwele ephambi kwe-alithari. 
\v 21 Yiphi layiphi imbiza eJerusalema lakoJuda izaba ngcwele \nd kuThixo\nd* uSomandla, njalo bonke abafikayo ukuza kwenza umhlatshelo bazathatha ezinye zezimbiza bapheke ngazo. Njalo ngalolosuku kakusayikuba lomKhenani endlini \nd kaThixo\nd* uSomandla.