\id REV - Biblica® Open Ndebele Contemporary Bible
\ide UTF-8
\h Isambulo
\toc1 Isambulo
\toc2 Isambulo
\toc3 Isb
\mt1 Isambulo
\c 1
\s1 Isandulelo
\p
\v 1 Isambulo esivela kuJesu Khristu, asiphiwa nguNkulunkulu ukuba atshengise izinceku zakhe okufanele kwenzakale masinyane. Wakwenza kwazakala ngokuthuma ingilosi yakhe encekwini yakhe uJohane 
\v 2 ofakaza konke akubonayo, lona ilizwi likaNkulunkulu kanye lobufakazi bukaJesu Khristu. 
\v 3 Ubusisiwe lowo ofunda amazwi alesisiphrofethi njalo babusisiwe lalabo abakuzwayo bakugcine ezinhliziyweni okulotshwe kuso ngoba isikhathi sesisondele.
\b
\s1 Ukubingelela Lehubo Lokubonga
\p
\v 4 Johane,
\b
\p Emabandleni ayisikhombisa esifundeni sase-Ezhiya:
\b
\p Umusa lokuthula kakube kini okuvela kuye okhona, lowayekhona, lozakubakhona, lokuvela kubomoya abayisikhombisa phambi kwesihlalo sakhe sobukhosi, 
\v 5 lokuvela kuJesu Khristu, ongufakazi othembekileyo, izibulo kwabafileyo, lombusi wamakhosi asemhlabeni.
\b
\b
\p Kuye osithandayo lowasikhululayo ezonweni zethu ngegazi lakhe, 
\v 6 njalo osenze saba ngumbuso labaphristi ukuba sisebenzele uNkulunkulu wakhe loYise, kakube kuye udumo lamandla kuze kube nininini! Ameni.
\q1
\v 7 “Khangelani uyeza ngamayezi,
\q2 amehlo wonke azakumbona,
\q1 lalabo abamgwazayo”\f + \fr 1.7 \fr*\ft UDanyeli 7.13\ft*\f*;
\q2 labantu bonke abasemhlabeni “bazalila ngenxa yakhe.”\f + \fr 1.7 \fr*\ft UZakhariya 12.10\ft*\f*
\qc Kuzakuba njalo! Ameni.
\p
\v 8 “Ngingu-Alfa lo-Omega,” kutsho iNkosi uNkulunkulu, “okhona, lowayekhona, lozakubakhona, uSomandla.”
\b
\s1 Umbono KaJohane NgoKhristu
\p
\v 9 Mina Johane, umzalwane wenu lomkhula wenu ekuhluphekeni lasembusweni kanye lekubekezeleni ngesineke okungokwethu kuJesu, ngangisesihlengeni sasePhathimosi ngenxa yelizwi likaNkulunkulu lobufakazi bukaJesu. 
\v 10 NgoSuku lweNkosi ngangenwa nguMoya kwathi ngemva kwami ngezwa ilizwi elikhulu kungathi licilongo, 
\v 11 elathi: \wj “Loba emqulwini lokhu okubonayo uwuthumele emabandleni ayisikhombisa: kwelase-Efesu, lelaseSimina, lelasePhegamami, lelaseThiyathira, lelaseSadisi, lelaseFiladelifiya kanye lelaseLodikheya.”\wj*
\p
\v 12 Ngatshibilika ukuze ngimbone lowo owayekhuluma lami. Sengiphendukile ngabona izinti zezibane zegolide eziyisikhombisa, 
\v 13 njalo phakathi kwezinti zezibane kwakulomuntu owayenjengendodana yomuntu,\f + \fr 1.13 \fr*\ft UDanyeli 7.13\ft*\f* egqoke isembatho esasifika phansi ezinyaweni zakhe, ibhanti legolide libophe isifuba sakhe. 
\v 14 Ikhanda lakhe lezinwele zakhe kwakumhlophe njengotshinda, kumhlophe nke njengongqwaqwane, lamehlo akhe ayenjengomlilo ovuthayo. 
\v 15 Inyawo zakhe zazinjengethusi elikhazimulayo emvuthweni, ilizwi lakhe linjengokuhuba kwamanzi agelezayo. 
\v 16 Esandleni sakhe sokunene wayephethe izinkanyezi eziyisikhombisa, emlonyeni wakhe kwaphuma insingo. Ubuso bakhe babunjengelanga likhanyisa ngenkazimulo yalo yonke.
\p
\v 17 Kwathi ngimbona ngawela ezinyaweni zakhe njengofileyo. Wabeka isandla sakhe sokunene phezu kwami, wathi: \wj “Ungesabi. Mina ngiyisiQalo lesiPhetho.\wj* 
\v 18 \wj NgingoPhilayo; ngangifile njalo khangela ngiyaphila kuze kube nininini! Njalo ngiphethe izihluthulelo zokufa kanye leHadesi.\wj*
\p
\v 19 \wj Ngakho-ke, loba lokhu okubonileyo, okukhona khathesi kanye lokuzakwenzakala muva.\wj* 
\v 20 \wj Imfihlakalo yezinkanyezi eziyisikhombisa ozibone esandleni sami sokunene kanye lezinti zezibane zegolide eziyisikhombisa yile: Izinkanyezi eziyisikhombisa yizingilosi zamabandla ayisikhombisa, izinti zezibane ngamabandla ayisikhombisa.”\wj*
\c 2
\s1 Ebandleni Lase-Efesu
\p
\v 1 \wj “Ingilosi yebandla lase-Efesu ilobele uthi:\wj*
\b
\pi1 \wj La ngamazwi akhe lowo ophethe izinkanyezi eziyisikhombisa esandleni sakhe sokunene ehamba phakathi kwezinti zezibane zegolide eziyisikhombisa.\wj*
\b
\pi1
\v 2 \wj Ngiyazazi izenzo zakho lokusebenza kwakho nzima kanye lokubekezela kwakho. Ngiyakwazi ukuthi awungeke ubabekezelele abantu abaxhwalileyo lokuthi ubahlolile labo abathi bangabapostoli, kodwa bengayisibo, njalo wabafumana bengabalamanga.\wj* 
\v 3 \wj Ubekezele waqinisela ebunzimeni ngenxa yebizo lami, kawaze wadinwa.\wj* 
\v 4 \wj Kodwa ngilale insolo ngawe: Usuludelile uthando lwakho obulalo kuqala.\wj* 
\v 5 \wj Khumbula isiqongo owe kuso! Phenduka wenze izinto owawuzenza kuqala. Nxa ungaphenduki, ngizakuza kuwe, ngisuse uluthi lwakho lwesibane endaweni yalo.\wj* 
\v 6 \wj Kodwa ulalokhu okuhle ngawe: Uyayizonda imikhuba yamaNikholayitha, engiyizondayo lami.\wj* 
\v 7 \wj Lowo olendlebe, akezwe okutshiwo nguMoya emabandleni. Lowo onqobayo ngizamnika ilungelo lokudla esihlahleni sokuphila esisepharadise kaNkulunkulu.”\wj*
\s1 Ebandleni LaseSimina
\p
\v 8 \wj “Ingilosi yebandla laseSimina ilobele uthi:\wj*
\b
\pi1 \wj La ngamazwi akhe yena oyisiQalo lesiPhetho, owafayo wabuya wavuka.\wj*
\b
\pi1
\v 9 \wj Ngiyazazi inhlupheko zakho kanye lobuyanga bakho, kanti-ke unothile! Ngiyakwazi ukuhlambaza kwalabo abathi bangamaJuda bengayisiwo, kodwa beyisinagogu kaSathane.\wj* 
\v 10 \wj Ungazesabi inhlupheko esezizakwehlela. Ngiyakutshela ukuthi uSathane uzabeka abanye benu entolongweni ukuba alilinge njalo lizahlukuluzwa okwensuku ezilitshumi. Thembeka, lanxa kuselungeni lokufa, mina ngizakupha umqhele wokuphila.\wj* 
\v 11 \wj Lowo olendlebe, akezwe okutshiwo nguMoya emabandleni. Lowo onqobayo kasoze alinyazwe lakancane yikufa kwesibili.”\wj*
\s1 Ebandleni LasePhegamumi
\p
\v 12 \wj “Ingilosi yebandla lasePhegamami ilobele uthi:\wj*
\b
\pi1 \wj La ngamazwi akhe lowo ophethe insingo.\wj*
\b
\pi1
\v 13 \wj Ngiyakwazi lapho ohlala khona, lapho uSathane alesihlalo sakhe. Ikanti wena uqhubeke uqotho ebizweni lami. Kawukuphikanga ukukholwa kwakho kimi, lasezinsukwini zika-Antiphasi, ufakazi wami othembekileyo, owabulawayo edolobheni lakini, lapho uSathane ahlala khona.\wj* 
\v 14 \wj Kodwa-ke, kulezinto ezimbalwa engilensolo ngazo kuwe: Kulabantu khonapho ababambelele emfundisweni kaBhalamu, owafundisa uBhalaki ukuhugela abako-Israyeli ekwenzeni isono ngokudla ukudla okwakunikelwe ezithombeni kanye langokuxhwala kobufebe.\wj* 
\v 15 \wj Njalo ulabanye ababambelele emfundisweni yamaNikholayitha.\wj* 
\v 16 \wj Ngakho-ke, phenduka! Hlezi ngize kuwe ngilwe labo ngenkemba yomlomo wami.\wj* 
\v 17 \wj Lowo olendlebe, akezwe okutshiwo nguMoya emabandleni. Lowo onqobayo, ngizamupha enye yemana efihliweyo. Ngizamupha lelitshe elimhlophe okulotshwe kulo ibizo elitsha, elaziwa ngulowo kuphela olamukelayo.”\wj*
\s1 Ebandleni LaseThiyathira
\p
\v 18 \wj “Ingilosi yebandla laseThiyathira ilobele uthi:\wj*
\b
\pi1 \wj La ngamazwi eNdodana kaNkulunkulu, emehlo ayo anjengomlilo ovuthayo lezinyawo zayo zinjengethusi elikhazimulayo.\wj*
\b
\pi1
\v 19 \wj Ngiyayazi imisebenzi yakho, uthando lokholo lwakho, kanye lokuthi khathesi ususenza okunengi kulakuqala.\wj* 
\v 20 \wj Kodwa-ke, ngilale insolo ngawe: Uyambekezelela owesifazane lowana uJezebheli, ozibiza ngokuthi ngumphrofethikazi. Ngemfundiso yakhe udukisela izinceku zami ekuxhwaleni kobufebe lekudleni ukudla okunikelwe ezithombeni.\wj* 
\v 21 \wj Ngimnike isikhathi ukuba aphenduke ekuxhwaleni kwakhe, kodwa kafuni.\wj* 
\v 22 \wj Ngakho ngizamphosela phezu kombheda wokuhlupheka, njalo labo afeba labo ngizabenza bahlupheke kakhulu, ngaphandle kokuba baphenduke ezindleleni zakhe.\wj* 
\v 23 \wj Abantwabakhe ngizabatshaya bafe. Ngakho-ke, amabandla wonke azakwazi ukuthi mina nginguye ohlola inhliziyo lezingqondo njalo ngizavuza omunye lomunye wenu ngemisebenzi yenu.\wj* 
\v 24 \wj Manje-ke, ngithi kwabanye benu eThiyathira, kini elingabambelelanga emfundisweni yakhe njalo lingafundanga okuthiwa zimfihlo ezizikileyo zikaSathane, ‘Kangiyikulethesa omunye umthwalo,\wj* 
\v 25 \wj lina bambelelani kuphela kulokho elilakho ngize ngifike.’\wj* 
\v 26 \wj Lowo onqobayo esenza intando yami kuze kube sekupheleni ngizamnika amandla phezu kwezizwe,\wj* 
\v 27 \wj ‘Uzazibusa ngentonga yensimbi; aziphahlaze zibe yizicucu njengokwenziwa ngebumba,’\wj*\f + \fr 2.27 \fr*\ft AmaHubo 2.9\ft*\f* \wj njengalokhu ngiphiwe amandla avela kuBaba.\wj* 
\v 28 \wj Ngizamupha lendonsakusa.\wj* 
\v 29 \wj Lowo olendlebe, akezwe okutshiwo nguMoya emabandleni.”\wj*
\c 3
\s1 Ebandleni LaseSadisi
\p
\v 1 \wj “Ingilosi yebandla laseSadisi ilobele uthi:\wj*
\b
\pi1 \wj La ngamazwi akhe lowo ophethe omoya abayisikhombisa bakaNkulunkulu kanye lezinkanyezi eziyisikhombisa.\wj*
\b
\pi1 \wj Ngiyazazi izenzo zakho; ulodumo lokuba ngophilayo, kodwa ufile.\wj* 
\v 2 \wj Vuka! Qinisa okuseleyo osekuseduze lokufa, ngoba izenzo zakho angizifumananga ziphelele emehlweni kaNkulunkulu.\wj* 
\v 3 \wj Ngakho, khumbula okwamukeleyo lokuzwileyo; kulalele, uphenduke. Kodwa nxa ungavuki, ngizakuza njengesela njalo kawusoze wazi ukuthi ngizafika kuwe ngasiphi isikhathi.\wj* 
\v 4 \wj Kodwa ulabantu abalutshwana eSadisi abangangcolisanga izigqoko zabo. Bazahamba lami begqoke ezimhlophe, ngoba bazifanele.\wj* 
\v 5 \wj Lowo onqobayo uzagqoka ezimhlophe njengabo. Ibizo lakhe kangisoze ngilesule encwadini yokuphila, kodwa ibizo lakhe ngizalivuma phambi kukaBaba lezingilosi zakhe.\wj* 
\v 6 \wj Lowo olendlebe, akezwe okutshiwo nguMoya emabandleni.”\wj*
\s1 Ebandleni LaseFiladelifiya
\p
\v 7 \wj “Ingilosi yebandla laseFiladelifiya ilobele uthi:\wj*
\b
\pi1 \wj La ngamazwi akhe lowo ongcwele loqotho, ophethe isihluthulelo sikaDavida. Akuvulileyo kakho ongakuvala; lakuvalileyo kakho ongakuvula.\wj*
\b
\pi1
\v 8 \wj Ngiyazazi izenzo zakho. Khangela phambi kwakho sengibeke umnyango okungelamuntu ongawuvala. Ngiyakwazi ukuthi ulamandla amancinyane, kodwa ilizwi lami uligcinile njalo ibizo lami kawuliphikanga.\wj* 
\v 9 \wj Ngizakwenza labo abangabesinagogu likaSathane, abathi bangamaJuda bona bengayisiwo, kodwa beqamba amanga beze kuwe bawele phansi ngasezinyaweni zakho bavume ukuthi ngikuthandile.\wj* 
\v 10 \wj Njengoba ugcine umlayo wami ukuba ubekezele ngesineke, lami ngizakugcina esikhathini sokulingwa esizafika emhlabeni wonke ukuhlola labo abahlala emhlabeni.\wj* 
\v 11 \wj Ngiyeza masinyane. Bambelela kulokho olakho, ukuze kungabikhona othatha umqhele wakho.\wj* 
\v 12 \wj Lowo onqobayo ngizamenza abe yinsika ethempelini likaNkulunkulu. Kasoze asuke kulo futhi. Ngizaloba phezu kwakhe ibizo likaNkulunkulu wami kanye lebizo ledolobho likaNkulunkulu wami, iJerusalema elitsha, elehlela phansi liphuma ezulwini livela kuNkulunkulu wami; njalo ngizaloba phezu kwakhe lebizo lami elitsha.\wj* 
\v 13 \wj Lowo olendlebe, akezwe okutshiwo nguMoya emabandleni.”\wj*
\s1 Ibandla LaseLodikheya
\p
\v 14 \wj “Ingilosi yebandla laseLodikheya ilobele uthi:\wj*
\b
\pi1 \wj La ngamazwi ka-Ameni, ufakazi othembekileyo loqotho, umbusi wendalo kaNkulunkulu.\wj*
\b
\pi1
\v 15 \wj Ngiyazazi izenzo zakho, ukuthi kawuqandi njalo kawutshisi. Ngifisa ukuthi ngabe uyilokhu loba lokhuyana.\wj* 
\v 16 \wj Ngakho-ke, njengoba ubuthukuthuku, ungatshisi njalo ungaqandi, sekuseduze ukuba ngikukhafule emlonyeni wami.\wj* 
\v 17 \wj Wena uthi, ‘Nginothile; sengazuza inotho njalo kangisweli lutho.’ Kodwa kawunanzeleli ukuthi uyahlupheka, ulusizi, ungumyanga, uyisiphofu njalo unqunu.\wj* 
\v 18 \wj Ngiyakucebisa ukuba uthenge kimi igolide elihlanjululwe emlilweni ukuze unothe; ugqoke izigqoko ezimhlophe ukuze uvale ubunqunu bakho obulihlazo, lamafutha okugcoba amehlo akho ukuze ubone.\wj* 
\v 19 \wj Labo engibathandayo ngiyabakhuza ngibajezise. Ngakho-ke, woba lokutshiseka uphenduke.\wj* 
\v 20 \wj Mina ngilapha! Ngimi emnyango ngiqoqoda. Nxa kukhona ozwa ilizwi lami avule umnyango, ngizangena ngidle laye, laye adle lami.\wj* 
\v 21 \wj Lowo onqobayo, ngizamnika ilungelo lokuhlala lami esihlalweni sami sobukhosi, njengoba lami nganqoba ngasengihlala loBaba esihlalweni sakhe sobukhosi.\wj* 
\v 22 \wj Lowo olendlebe, akezwe okutshiwo nguMoya emabandleni.”\wj*
\c 4
\s1 Isihlalo Sobukhosi Ezulwini
\p
\v 1 Emva kwalokhu ngakhangela, ngabona umnyango phambi kwami uvulekile ezulwini. Ilizwi engangilizwe kuqala lingikhulumisa kungathi licilongo lathi, \wj “Woza lapha ngikutshengise okuzakwenzakala emva kwalokhu.”\wj* 
\v 2 Khonokho nje ngahle ngehlelwa nguMoya, kwathi phambi kwami ngabona isihlalo sobukhosi ezulwini kulomuntu owayehlezi kuso. 
\v 3 Lowo owayehlezi lapho wayefana lejaspa lekhaneliya. Umchilowamakhosikazi owawufana le-emeralidi wawuzingeleze isihlalo sobukhosi. 
\v 4 Kwakulezinye izihlalo zobukhosi ezingamatshumi amabili lane ezazizingelezele isihlalo sobukhosi leso, kuzo kuhlezi abadala abangamatshumi amabili lane. Babegqoke okumhlophe njalo belemiqhele yegolide emakhanda abo. 
\v 5 Esihlalweni sobukhosi kwaba lokuphazima kombane, lokundindizela kanye lokukhwaza kwezulu. Phambi kwesihlalo sobukhosi kwakuvutha izibane eziyisikhombisa. Lezi zazingomoya abayisikhombisa bakaNkulunkulu. 
\v 6 Phambi kwesihlalo futhi kwakulokungani lulwandle lwengilazi, kucwebezela njengelitshe elikhazimulayo.
\p Phakathi, emaceleni wonke esihlalo sobukhosi, kwakulezidalwa ezine eziphilayo, zilamehlo phambili langemuva. 
\v 7 Isidalwa sakuqala esiphilayo sasinjengesilwane, esesibili sinjengenkabi, esesithathu sasilobuso obunjengobomuntu, esesine sasinjengokhozi oluphaphayo. 
\v 8 Esinye lesinye salezozidalwa eziphilayo sasilempiko eziyisithupha njalo sigcwele amehlo amacele wonke, kanye langaphansi kwempiko. Emini lebusuku kazizange zithule ukuthi:
\qc “ ‘Ingcwele, Ingcwele, Ingcwele,
\qc iNkosi uNkulunkulu uSomandla,’\f + \fr 4.8 \fr*\ft U-Isaya 6.3\ft*\f*
\qc owayekhona, okhona, njalo ozabuya.”
\m
\v 9 Kuthi lapho izidalwa eziphilayo zimdumisa, zimhlonipha njalo zimbonga lowo ohlezi esihlalweni sobukhosi njalo ophila kuze kube nininini, 
\v 10 abadala abangamatshumi amabili lane bawela phansi phambi kwakhe ohlezi esihlalweni sobukhosi, bamkhonza yena ophila kuze kube nininini. Babeka imiqhele yabo phambi kwesihlalo sobukhosi bathi:
\q1
\v 11 “Ufanele, Nkosi yethu loNkulunkulu wethu,
\q2 ukwamukela udumo lenhlonipho kanye lamandla,
\q1 ngoba wena wadala izinto zonke,
\q2 njalo zadalwa ngentando yakho,
\q2 njalo zilabo ubukhona bazo.”
\c 5
\s1 Umqulu LeWundlu
\p
\v 1 Esandleni sokunene salowo owayehlezi esihlalweni sobukhosi ngabona umqulu ulombhalo emaceleni womabili ungcinwe ngempawu eziyisikhombisa. 
\v 2 Ngabuya ngabona ingilosi elamandla imemeza ngelizwi eliphakemeyo isithi, “Ngubani ofanele ukuqhaqha impawu avule umqulu na?” 
\v 3 Kodwa kakho ezulwini loba emhlabeni loba ngaphansi komhlaba owayengawuvula umqulu kumbe akhangele phakathi kwawo. 
\v 4 Ngakhala, ngakhala ngoba kakho owatholakala efanele ukuwuvula umqulu loba ukukhangela phakathi kwawo. 
\v 5 Omunye wabadala wathi kimi, “Ungakhali! Khangela, iNgonyama yesizwe sakoJuda, iMpande kaDavida, sinqobile. Sizakwanelisa ukuwuvula umqulu lezimpawu zawo eziyisikhombisa.”
\p
\v 6 Ngabona iWundlu, kukhanya angathi lalibulewe, limi phakathi laphakathi kwesihlalo sobukhosi, lizingelezwe yizidalwa eziphilayo ezine labadala. Lalilempondo eziyisikhombisa lamehlo ayisikhombisa, okungomoya abayisikhombisa bakaNkulunkulu abathunywe emhlabeni wonke. 
\v 7 Leza lathatha umqulu esandleni sokunene salowo owayehlezi esihlalweni sobukhosi. 
\v 8 Esewuthethe, izidalwa ezine eziphilayo labadala abangamatshumi amabili lane bawela phansi phambi kweWundlu. Omunye lomunye wabo wayelechacho njalo babephethe imiganu yegolide igcwele impepha, eyimikhuleko yabangcwele. 
\v 9 Bahlabela ingoma entsha besithi:
\q1 “Wena ufanele ukuwuthatha umqulu
\q2 lokuvula impawu zawo,
\q1 ngoba wahlatshwa,
\q2 kwathi ngegazi lakho wahlengela uNkulunkulu
\q2 abantu bezizwana zonke lezindimi labantu kanye lezizwe.
\q1
\v 10 Usubenze baba ngumbuso labaphristi ukuba bakhonze uNkulunkulu wethu,
\q2 njalo bazabusa emhlabeni.”
\p
\v 11 Ngakhangela ngasengisizwa amazwi ezingilosi ezinengi, ezaziyizinkulungwane lezinkulungwane, lezinkulungwane ezilitshumi ziphindwe okuzinkulungwane ezilitshumi. Zazizingeleze isihlalo sobukhosi lezidalwa eziphilayo kanye labadala. 
\v 12 Zahlabela ngamazwi aphezulu zisithi:
\q1 “Lifanele iWundlu, elahlatshwayo,
\q2 ukwamukela amandla lenotho lenhlakanipho lokuqina
\q2 lodumo lenkazimulo kanye lokudunyiswa!”
\p
\v 13 Ngezwa izidalwa zonke ezulwini lasemhlabeni langaphansi komhlaba lasolwandle lakho konke okukukho, kuhlabela kusithi:
\q1 “Kuye ohlezi esihlalweni sobukhosi lakulo iWundlu
\q2 kakube lenhlonipho lodumo lenkazimulo kanye lamandla kuze
\qc kube nininini!”
\m
\v 14 Izidalwa ezine eziphilayo zathi, “Ameni,” kwathi abadala bawela phansi bakhonza.
\c 6
\s1 Impawu
\p
\v 1 Ngakhangela iWundlu livula uphawu lwakuqala kweziyisikhombisa. Ngasengisizwa esinye sezidalwa ezine eziphilayo sisithi, ngelizwi elinjengomdumo wezulu, “Woza!” 
\v 2 Ngakhangela, khonapho phambi kwami kwakulebhiza elimhlophe! Umgadi walo wayephethe idandili njalo waphiwa umqhele, wasuka wahamba njengomnqobi ehlose ukunqoba.
\p
\v 3 Kwathi iWundlu selivula uphawu lwesibili, ngezwa isidalwa sesibili esiphilayo sisithi, “Woza!” 
\v 4 Kwaphuma elinye ibhiza; libomvu okomlilo. Umgadi walo wanikwa amandla okususa ukuthula emhlabeni lokuthi abantu babulalane. Waphiwa inkemba enkulu.
\p
\v 5 Kwathi iWundlu livula uphawu lwesithathu, ngezwa isidalwa sesithathu esiphilayo sisithi, “Woza!” Ngakhangela, khonapho phambi kwami kwakulebhiza elimnyama! Umgadi walo wayephethe isikali sokulinganisa. 
\v 6 Ngasengisizwa okwakungathi yilizwi phakathi kwezidalwa ezine eziphilayo lisithi, “Ikhilogramu elilodwa lamabele umholo wosuku, lamakhilogramu amathathu ebhali umholo wosuku njalo ungoni amafutha lewayini!”
\p
\v 7 Kwathi iWundlu livula uphawu lwesine, ngezwa ilizwi lesidalwa sesine esiphilayo lisithi, “Woza!” 
\v 8 Ngakhangela, khonapho phambi kwami kwakulebhiza eliliganu! Umgadi walo wayethiwa nguKufa, leHadesi lalimlandela eduzane emva kwakhe. Babephiwe amandla phezu kwengxenye yesine yomhlaba ukuba babulale ngenkemba langendlala langezifo kanye langezilo zeganga zasemhlabeni.
\p
\v 9 Kwathi livula uphawu lwesihlanu ngabona ngaphansi kwe-alithari imiphefumulo yalabo ababebulewe ngenxa yelizwi likaNkulunkulu lobufakazi abema ngabo. 
\v 10 Yamemeza ngelizwi elikhulu yathi, “Koze kube nini, Thixo wobukhosi, engcwele leqotho ukuze wahlulele abasemhlabeni uphindisele igazi lethu na?” 
\v 11 Lapho-ke omunye lomunye wayo waphiwa isembatho esimhlophe ukuba alinde okwesikhatshana, inani lezinceku ezingabakhula bayo labazalwane ababezabulawa njengayo lize liphelele.
\p
\v 12 Ngakhangela lapho livula uphawu lwesithupha. Kwaba lokuzamazama okukhulu komhlaba. Ilanga laphenduka laba mnyama tshu njengesigqoko samasaka esenziwe ngoboya bembuzi, inyanga yonke yaphenduka yaba bomvu okwegazi, 
\v 13 izinkanyezi emkhathini zawela emhlabeni njengemikhiwa yamuva ikhithika esihlahleni somkhiwa lapho sinyikinywa ngumoya olamandla. 
\v 14 Umkhathi wahlehla wagoqeka njengomqulu, kwathi izintaba zonke lezihlenge kwasuswa ezindaweni zakho.
\p
\v 15 Amakhosi omhlaba lamakhosana lezinduna zamabutho lezinothi labalamandla lezigqili zonke kanye labantu bonke abakhululekileyo bacatsha ezimbalwini kanye lasemadwaleni ezintaba. 
\v 16 Babiza izintaba lamadwala besithi, “Welani phezu kwethu lisifihle ebusweni balowo ohlezi esihlalweni sobukhosi kanye lasolakeni lweWundlu! 
\v 17 Ngoba usuku olukhulu lolaka lwabo selufikile, pho ngubani ongema na?”
\c 7
\s1 Abazinkulungwane Ezilikhulu Lamatshumi Amane Lane Bafakwa Uphawu
\p
\v 1 Emva kwalokhu ngabona izingilosi ezine zimi emagumbini womane omhlaba, zivimbele imimoya emine yomhlaba zisenqabela loba yiwuphi umoya ukuvunguza elizweni loba olwandle loba kwesinye isihlahla. 
\v 2 Ngabuya ngabona enye ingilosi isiza ivela empumalanga, ilophawu lukaNkulunkulu ophilayo. Yamemeza ngelizwi elikhulu ezingilosini ezine ezaziphiwe amandla okulimaza umhlaba lolwandle, isithi: 
\v 3 “Lingawulimazi umhlaba loba ulwandle loba izihlahla size sibeke uphawu emabunzini ezinceku zikaNkulunkulu wethu.” 
\v 4 Ngasengisizwa inani lalabo ababekwa uphawu: Abazinkulungwane ezilikhulu lamatshumi amane lane (144,000) abezizwana zonke zako-Israyeli.
\b
\li1
\v 5 Abesizwana sakoJuda abazinkulungwane ezilitshumi lambili (12,000) bafakwa uphawu,
\li1 abesizwana sakoRubheni abazinkulungwane ezilitshumi lambili (12,000),
\li1 abesizwana sakoGadi abazinkulungwane ezilitshumi lambili (12,000),
\li1
\v 6 abesizwana sako-Asheri abazinkulungwane ezilitshumi lambili (12,000),
\li1 abesizwana sakoNafithali abazinkulungwane ezilitshumi lambili (12,000),
\li1 abesizwana sakoManase abazinkulungwane ezilitshumi lambili (12,000),
\li1
\v 7 abesizwana sakoSimiyoni abazinkulungwane ezilitshumi lambili (12,000),
\li1 abesizwana sakoLevi abazinkulungwane ezilitshumi lambili (12,000),
\li1 abesizwana sako-Isakhari abazinkulungwane ezilitshumi lambili (12,000),
\li1
\v 8 abesizwana sakoZebhuluni abazinkulungwane ezilitshumi lambili (12,000),
\li1 abesizwana sakoJosefa abazinkulungwane ezilitshumi lambili (12,000),
\li1 abesizwana sikaBhenjamini abazinkulungwane ezilitshumi lambili (12,000).
\s1 Ixuku Elikhulukazi Elabembethe Ezimhlophe
\p
\v 9 Emva kwalokhu ngakhangela khonapho phambi kwami kwakulexuku elikhulukazi elingela kubalwa livela ezizweni zonke lezizwaneni lasebantwini kanye lasezindimini zonke limi phambi kwesihlalo sobukhosi laphambi kweWundlu. Babegqoke izembatho ezimhlophe bephethe ingatsha zelala ngezandla zabo. 
\v 10 Bamemeza ngelizwi elikhulu besithi:
\q1 “Ukusindisa ngokukaNkulunkulu wethu,
\q1 ohlezi esihlalweni sobukhosi,
\q1 kanye lokweWundlu.”
\m
\v 11 Izingilosi zonke zazimi zizingeleze isihlalo sobukhosi njalo zizingeleze abadala kanye lezidalwa ezine eziphilayo. Zathi mbo phansi ngobuso bazo phambi kwesihlalo sobukhosi zakhonza uNkulunkulu 
\v 12 zisithi:
\q1 “Ameni!
\q1 Udumo lobukhosi
\q1 lokuhlakanipha lokubongwa lokuhlonitshwa
\q1 lamandla kanye lokuqina
\q1 kakube kuNkulunkulu wethu nini lanini.
\q1 Ameni!”
\p
\v 13 Emva kwalokho omunye wabadala wangibuza wathi, “Laba abezembatho ezimhlophe ngobani, njalo bavele ngaphi?”
\p
\v 14 Ngaphendula ngathi, “Nkosi, uyakwazi.”
\p Wasesithi, “Laba yibo abaphume ekuhluphekeni okukhulu; bagezise izembatho zabo egazini leWundlu bazenza zaba mhlophe. 
\v 15 Ngakho-ke,
\q1 baphambi kwesihlalo sobukhosi sikaNkulunkulu
\q2 bemkhonza emini lebusuku ethempelini lakhe;
\q1 njalo yena ohlezi esihlalweni sobukhosi
\q2 uzakubavikela ngobukhona bakhe.
\q1
\v 16 ‘Kabasoze balambe futhi;
\q2 njalo kabasoze bome futhi.
\q1 Ilanga kalisayikuhlaba phezu kwabo’\f + \fr 7.16 \fr*\ft U-Isaya 49.10\ft*\f*
\q2 loba ukutshisa okuhangulayo.
\q1
\v 17 Ngoba iWundlu elingaphakathi kwesihlalo sobukhosi lizakuba ngumelusi wabo;
\q2 lizabaholela emithonjeni yamanzi okuphila.
\q1 ‘UNkulunkulu uzazesula zonke
\q2 inyembezi emehlweni abo.’\f + \fr 7.17 \fr*\ft U-Isaya 49.10\ft*\f*”\f + \fr 7.17 \fr*\ft U-Isaya 25.8\ft*\f*
\c 8
\s1 Uphawu Lwesikhombisa Lomganu Wegolide Wokutshisela Impepha
\p
\v 1 Kwathi lapho iWundlu livula uphawu lwesikhombisa kwaba lokuthula ezulwini okwesikhathi esasingaba yingxenye yehola.
\p
\v 2 Ngasengibona izingilosi eziyisikhombisa ezima phambi kukaNkulunkulu ziphiwa amacilongo ayisikhombisa.
\p
\v 3 Enye ingilosi eyayilomganu wegolide wokutshisela impepha yeza yema ngase-alithareni. Yanikwa impepha enengi ukuba iyinikele lemikhuleko yabangcwele bonke e-alithareni legolide phambi kwesihlalo sobukhosi. 
\v 4 Intuthu yempepha kanye lemikhuleko yabangcwele kwaya phezulu phambi kukaNkulunkulu kusuka esandleni sengilosi leyo. 
\v 5 Ingilosi yasithatha umganu wokutshisela impepha yawugcwalisa ngomlilo osuka e-alithareni yasiwuphosela emhlabeni kwasekusiba lokukhwaza kwezulu lokundindizela lokuphazima kombane kanye lokuzamazama komhlaba.
\s1 Amacilongo
\p
\v 6 Izingilosi eziyisikhombisa ezazilamacilongo ayisikhombisa zalungisela ukuwakhalisa.
\p
\v 7 Ingilosi yokuqala yakhalisa icilongo layo kwasekusiba lesiqhotho lomlilo kuhlangene legazi kwasekuphoselwa phansi emhlabeni. Ingxenye yesithathu yomhlaba yatsha lotshani bonke obuluhlaza batsha.
\p
\v 8 Ingilosi yesibili yakhalisa icilongo layo, kwathi ulutho olwalunjengentaba enkulu olwalubhebha, lwaphoselwa olwandle. Ingxenye yesithathu yolwandle yaphenduka yaba ligazi, 
\v 9 kwathi ingxenye yesithathu yezidalwa eziphilayo olwandle yafa, kwathi lengxenye yesithathu yemikhumbi yatshabalaliswa.
\p
\v 10 Ingilosi yesithathu yakhalisa icilongo layo, kwathi inkanyezi enkulukazi eyayivutha njengesibane yawa ivela emkhathini yawela phezu kwengxenye yesithathu yemifula lasemithonjeni yamanzi, 
\v 11 ibizo lenkanyezi leyo nguMhlonyane. Ingxenye yesithathu yamanzi yaphenduka yababa, abantu abanengi bafa ngenxa yamanzi ayesebaba.
\p
\v 12 Ingilosi yesine yakhalisa icilongo layo, kwathi ingxenye yesithathu yelanga yatshaywa, lengxenye yesithathu yenyanga kanye lengxenye yesithathu yezinkanyezi, okwenza ingxenye yesithathu yalokhu yaphenduka yaba mnyama. Ingxenye yesithathu yemini yayingelakukhanya, kanye lengxenye yesithathu yobusuku.
\p
\v 13 Kwathi ngilokhu ngikhangele ngezwa ingqungqulu iphapha emkhathini imemeza ngelizwi elikhulu isithi, “Maye! Maye! Maye kwabahlezi emhlabeni ngenxa yokukhala kwamacilongo asezakhaliswa ngezinye izingilosi ezintathu!”
\c 9
\p
\v 1 Ingilosi yesihlanu yakhalisa icilongo layo ngasengibona inkanyezi eyavela emkhathini iwela emhlabeni. Inkanyezi leyo yayiphiwe isihluthulelo soMgodi ongelamkhawulo. 
\v 2 Isivule umgodi ongelamkhawulo kwaphuma kuwo izikhatha zentuthu ezazifana leziphuma esihogweni somlilo esikhulukazi. Ilanga lomkhathi kwaba mnyama ngenxa yezikhatha lezi ezaphuma emgodini ongelamkhawulo. 
\v 3 Entuthwini leyo kwaphuma izintethe zehlela phansi emhlabeni ziphiwe amandla anjengawezinkume zasemhlabeni. 
\v 4 Zazitshelwe ukuthi zingalimazi tshani basemhlabeni loba olunye ulutho olwamilayo loba isihlahla, kodwa kuphela labobantu ababengelalo uphawu lukaNkulunkulu emabunzini abo. 
\v 5 Zazingaphiwanga amandla okubabulala, kodwa ukubazwisa ubuhlungu okwezinyanga ezinhlanu. Ubuhlungu ababuzwayo babufana lobuhlungu benkume lapho intinyela umuntu. 
\v 6 Ngalezonsuku abantu bazadinga ukufa, kodwa bazakuswela; bazafisa ukufa, kodwa ukufa kuzababalekela.
\p
\v 7 Izintethe lezo zazifana lamabhiza alungele impi. Emakhanda azo zazigqoke ulutho olwalunjengemiqhele yegolide, ubuso bazo babufana lobuso babantu. 
\v 8 Uboya bazo babunjengenwele zabesifazane, amazinyo azo enjengamazinyo esilwane. 
\v 9 Zazilezivikelo zesifuba ezinjengezivikelo zensimbi njalo umdumo wempiko zazo wawunjengomdumo wamabhiza amanengi lezinqola zempi zigijimela empini. 
\v 10 Zazilemisila elobuhlungu njengezinkume, njalo emisileni yazo zazilamandla okuzwisa abantu ubuhlungu okwezinyanga ezinhlanu. 
\v 11 Inkosi yazo ezazilayo yingilosi yoMgodi ongelamkhawulo, ebizo layo ngesiHebheru lalingu-Abhadoni, ngesiGrikhi lingu-Apholiyoni (okuyikuthi, uMtshabalalisi).
\p
\v 12 Uhlupho lwakuqala selwedlule; ezinye inhlupho ezimbili zisazobuya.
\p
\v 13 Ingilosi yesithupha yakhalisa icilongo layo ngasengisizwa ilizwi livela empondweni ze-alithare legolide eliphambi kukaNkulunkulu. 
\v 14 Lathi engilosini yesithupha eyayiphethe icilongo, “Khulula izingilosi ezine ezibotshiweyo emfuleni omkhulu uYufrathe.” 
\v 15 Ngakho izingilosi ezine lezo ezazigcinwe zilindele lesisikhathi losuku lenyanga kanye lomnyaka zakhululelwa ukubulala ingxenye yesithathu yoluntu. 
\v 16 Inani lamabutho ayegade amabhiza laliyizigidi ezingamakhulu amabili. Ngalizwa inani lawo.
\p
\v 17 Amabhiza labagadi engakubona embonweni wami kwakukhanya kunje: Inqaba zabo zesifuba zazibomvu okomlilo, ziluhlazanyana njalo zilithanga njengesolufa. Amakhanda amabhiza ayenjengamakhanda ezilwane njalo emilonyeni yawo kwaphuma umlilo lentuthu kanye lesolufa. 
\v 18 Ingxenye yesithathu yoluntu yabulawa yizifo ezintathu zomlilo lentuthu kanye lesolufa okwaphuma emilonyeni yawo. 
\v 19 Amandla amabhiza ayesemilonyeni yawo lasemisileni yawo ngoba imisila yawo yayinjengezinyoka ilamakhanda elimaza ngawo.
\p
\v 20 Abanengi boluntu ababengabulawanga yizifo lezi kabazange baphenduke emisebenzini yezandla zabo; kabayekelanga ukukhonza amadimoni lezithombe zegolide lezesiliva lezethusi, lezamatshe kanye lezezigodo, izithombe ezingeke zibone loba zizwe loba zihambe. 
\v 21 Njalo kabaphendukanga ezenzweni zabo zokubulala, lasebuthakathini babo, ekuxhwaleni kwabo kobufebe loba ebuseleni babo.
\c 10
\s1 Ingilosi Lomqulu Omncane
\p
\v 1 Ngabuya ngabona enye ingilosi elamandla isehla ivela ezulwini. Yayembethe iyezi kulomchilo wamakhosikazi ngaphezu kwekhanda layo; ubuso bayo babunjengelanga; imilenze yayo injengensika zomlilo. 
\v 2 Yayiphethe umqulu omncane, uvulekile usezandleni zayo. Yagxilisa unyawo lwayo lokwesokunene olwandle kwathi unyawo lwayo lwesokunxele lwaba semhlabathini 
\v 3 njalo yamemeza ngelizwi elikhulu njengokubhonga kwesilwane. Ekumemezeni kwayo imidumo eyisikhombisa yakhuluma. 
\v 4 Kwathi imidumo eyisikhombisa ikhuluma ngasengilungele ukuloba kodwa ngezwa ilizwi elavela ezulwini lisithi, “Vala lokho okutshiwo yimidumo eyisikhombisa njalo ungakulobi.”
\p
\v 5 Ingilosi engangiyibone imi olwandle lasemhlabathini yaphakamisela isandla sayo sokunene ezulwini. 
\v 6 Yafunga ngaye ophilayo kuze kube nini lanini, owadala amazulu lakho konke okukuwo, lomhlaba lakho konke okukuwo lolwandle lakho konke okukulo, yathi, “Kakusayikuba khona ukuphuza futhi! 
\v 7 Kodwa ngezinsuku lapho ingilosi yesikhombisa isizakhalisa icilongo layo imfihlakalo kaNkulunkulu izafezeka njengokutsho kwakhe ezincekwini zakhe abaphrofethi.”
\p
\v 8 Ilizwi engangilizwe livela ezulwini lakhuluma lami futhi lathi: “Hamba uyethatha umqulu ovulekileyo esandleni sengilosi emi olwandle lasemhlabathini.”
\p
\v 9 Ngakho ngaya kuleyongilosi ngacela ukuba ingiphe lowomqulu omncane. Yathi kimi, “Uthathe uwudle. Uzaqubula isisu sakho ngokubaba, kodwa emlonyeni wakho uzakuba mnandi njengoluju.”\f + \fr 10.9 \fr*\ft UHezekhiyeli 3.3\ft*\f* 
\v 10 Ngawuthatha umqulu omncane esandleni sengilosi ngawudla. Emlonyeni wami wanambitheka mnandi njengoluju, kodwa sengiwudlile isisu sami saqubuka, sababa. 
\v 11 Ngasengitshelwa ukuthi, “Kumele uphrofithe futhi ngabantu abanengi, langezizwe, langezindimi kanye langamakhosi.”
\c 11
\s1 Ofakazi Ababili
\p
\v 1 Ngaphiwa umhlanga njengomqwayi wokulinganisa, ngasengitshelwa ukuthi, “Hamba uyelinganisa ithempeli likaNkulunkulu le-alithari, ubale labakhonza khona. 
\v 2 Kodwa utshiye iguma langaphandle ungalilinganisi ngoba liphiwe abeZizweni. Bazanyathela idolobho elingcwele izinyanga ezingamatshumi amane lambili (42). 
\v 3 Ofakazi bami ababili ngizabanika amandla njalo bazaphrofitha insuku eziyinkulungwane lamakhulu amabili lamatshumi ayisithupha (1,260), begqoke izigqoko zamasaka.” 
\v 4 Laba “bayizihlahla ezimbili zama-oliva”\f + \fr 11.4 \fr*\ft UZakhariya 4.3, 11, 14\ft*\f* lezinti ezimbili zezibane “ezimi phambi kweNkosi yomhlaba.” 
\v 5 Umuntu angazama ukuzilimaza, kuphuma umlilo emilonyeni yazo uqothule izitha zazo. Le yiyo indlela umuntu ofuna ukuzilimaza afa ngayo. 
\v 6 Abantu laba balamandla okuvala umkhathi ukuba izulu lingani lapho bephrofitha njalo balamandla okuphendula amanzi abe ligazi lawokutshaya umhlaba ngezinhlobo zonke zezifo kanengi njengokuthanda kwabo.
\p
\v 7 Kuzakuthi lapho sebeqedile ukufakaza kwabo isilo esiphuma eMgodini ongelamkhawulo sizabahlasela sibehlule sibabulale. 
\v 8 Izidumbu zabo zizalala emgwaqweni wedolobho elikhulu okuthi ngokufaniswa libizwe ngokuthi yiSodoma leGibhithe lapho leNkosi yabo eyabethelwa khona esiphambanweni. 
\v 9 Okwensuku ezintathu lengxenye yosuku abantu abavela emihlotsheni yonke yabantu lasezizwaneni zonke lasezindimini zonke kanye lasezizweni zonke bazakhangela izidumbu zabo bale ukuba zingcwatshwe. 
\v 10 Abantu basemhlabeni bazazikhangela ngokuthokoza bazijabulise ngokuthumela izipho ngoba abaphrofethi ababili laba babebahluphile abahlala emhlabeni.
\p
\v 11 Kodwa emva kwalezonsuku ezintathu lengxenye yosuku umoya wokuphila owavela kuNkulunkulu wabangena, basebesima ngezinyawo zabo, kwathi labo abababonayo besaba kakhulu. 
\v 12 Bezwa ilizwi elikhulu livela ezulwini lisithi kubo, “Wozani phezulu lapha.” Baya phezulu ezulwini bephakathi kweyezi izitha zabo zilokhu zikhangele.
\p
\v 13 Ngalesosikhathi kwaba lokuzamazama okukhulu komhlaba kwathi ingxenye yetshumi yedolobho yabhidlika. Abantu abazinkulungwane eziyisikhombisa bafa ekuzamazameni komhlaba, abaphephayo, besaba kakhulu bamdumisa uNkulunkulu wasezulwini.
\p
\v 14 Uhlupho lwesibili selwedlule; uhlupho lwesithathu luyeza masinyane.
\s1 Icilongo Lesikhombisa
\p
\v 15 Ingilosi yesikhombisa yakhalisa icilongo layo kwasekusiba lamazwi amakhulu ezulwini, ayesithi:
\q1 “Umbuso wasemhlabeni usube
\q2 ngumbuso weNkosi yethu loKhristu wayo,
\q2 njalo izabusa kuze kube nininini.”
\m
\v 16 Abadala abangamatshumi amabili lane ababehlezi ezihlalweni zobukhosi phambi kukaNkulunkulu bathi mbo phansi ngobuso babo bakhonza uNkulunkulu, 
\v 17 besithi:
\q1 “Siyakubonga Nkosi Nkulunkulu Somandla,
\q2 onguye okhona lowayekhona,
\q1 ngoba usuwathethe amandla akho amakhulu
\q2 njalo usuqalisile ukubusa.
\q1
\v 18 Izizwe zazithukuthele;
\q2 lolaka lwakho selufikile.
\q1 Isikhathi sokwahlulela abafileyo sesifikile
\q2 kanye lesokuvuza izinceku zakho abaphrofethi
\q1 labangcwele bakho kanye lalabo abalihloniphayo ibizo lakho,
\q2 abancinyane labakhulu
\q1 kanye lesokuchitha labo abachitha umhlaba.”
\p
\v 19 Emva kwalokho ithempeli likaNkulunkulu lavulwa ezulwini phakathi kwethempeli lakhe kwabonakala umtshokotsho wesivumelwano sakhe. Kwasekusiba lokuphazima kwemibane lokundindizela lokukhwaza kwezulu lokuzamazama komhlaba kanye lesiqhotho esikhulu.
\c 12
\s1 Owesifazane Lomgobho
\p
\v 1 Isibonakaliso esikhulu lesimangalisayo sabonakala ezulwini: owesifazane egqoke ilanga, inyanga ingaphansi kwezinyawo zakhe, umqhele wezinkanyezi ezilitshumi lambili usekhanda lakhe. 
\v 2 Wayezithwele njalo ekhala ngobuhlungu bomhelo ngoba wayesezabeletha. 
\v 3 Kwabuya kwabonakala esinye isibonakaliso ezulwini: umgobho omkhulukazi obomvu olamakhanda ayisikhombisa lempondo ezilitshumi kanye lemiqhele eyisikhombisa emakhanda awo. 
\v 4 Umsila wawo wakhucula ingxenye yesithathu yezinkanyezi emkhathini waziphosela emhlabeni. Umgobho wema phambi kowesifazane owayesezabeletha ukuze kuthi umntwana angazalwa uhle umtshwabadele. 
\v 5 Wazala indodana, “eyayizabusa izizwe zonke ngentonga yensimbi.”\f + \fr 12.5 \fr*\ft AmaHubo 2.9\ft*\f* Umntanakhe wahluthunelwa phezulu kuNkulunkulu lasesihlalweni sakhe sobukhosi. 
\v 6 Owesifazane wabalekela enkangala endaweni ayeyilungiselwe nguNkulunkulu lapho ayezagcinakala khona okwensuku eziyinkulungwane lamakhulu amabili lamatshumi ayisithupha (1,260).
\p
\v 7 Kwaba lempi ezulwini. UMikhayeli lezingilosi zakhe balwa lomgobho kwathi umgobho kanye lezingilosi zawo lawo walwa labo. 
\v 8 Kodwa wawungelamandla kangako njalo wona lezingilosi zawo balahlekelwa yindawo yabo ezulwini. 
\v 9 Umgobho omkhulu waphoselwa phansi, inyoka leyana endala ethiwa ngoMubi loba uSathane odukisa umhlaba wonke. Waphoselwa emhlabeni ekanye lezingilosi zakhe.
\p
\v 10 Ngasengisizwa ilizwi elikhulu ezulwini lisithi:
\q1 “Khathesi ukusindiswa sekufikile lamandla
\q2 kanye lombuso kaNkulunkulu wethu
\q2 kanye lobukhosi bukaKhristu wakhe.
\q1 Ngoba umangaleli wabazalwane bethu,
\q2 obamangalelayo
\q2 phambi kukaNkulunkulu wethu emini lebusuku,
\q2 usephoselwe phansi.
\q1
\v 11 Bamnqobile
\q2 ngegazi leWundlu
\q2 langelizwi lobufakazi babo;
\q1 kabakuthandanga kakhulu ukuphila kwabo
\q2 ukuba besabe ukufa.
\q1
\v 12 Ngakho-ke, thokozani lina mazulu
\q2 kanye lani elihlala kuwo!
\q1 Kodwa maye kuwo umhlaba lolwandle
\q2 ngoba omubi useze phansi kini!
\q1 Ugcwele intukuthelo
\q2 ngoba uyakwazi ukuthi isikhathi sakhe sifitshane.”
\p
\v 13 Kwathi umgobho ubona ukuthi wawusuphoselwe emhlabeni wamdinga owesifazane owayebelethe umntwana wesilisa. 
\v 14 Owesifazane lowo wayephiwe amaphiko amabili okhozi olukhulu ukuze andizele endaweni ayilungiselwayo enkangala lapho ayezagcinwa khona okwesikhathi lezikhathi lengxenye yesikhathi lapho inyoka eyayingeke ifike khona. 
\v 15 Inyoka yasikhupha amanzi emlonyeni wayo angathi ngumfula ukuze ifice owesifazane imkhucule ngesikhukhula. 
\v 16 Kodwa umhlaba wasiza owesifazane ngokuvula umlomo wawo wasuginya umfula owawukhutshwe ngumgobho emlonyeni wawo. 
\v 17 Ngakho-ke, umgobho wamthukuthelela owesifazane wasusuka usiyakulwa impi lenzalo yonke yowesifazane, labo abagcina imilayo kaNkulunkulu bebambelele kubo ubufakazi bukaJesu. Umgobho wema okhunjini lolwandle.
\c 13
\s1 Isilo Siphuma Olwandle
\p
\v 1 Ngabuya ngabona isilo siphuma olwandle. Sasilempondo ezilitshumi lamakhanda ayisikhombisa silemiqhele elitshumi phezu kwempondo zaso njalo ekhanda ngalinye kulebizo elihlambazayo. 
\v 2 Isilo engasibonayo sasinjengengwe, kodwa silenyawo ezifana lezebhele lomlomo onjengowesilwane. Umgobho wanika isilo leso amandla awo lesihlalo sawo sobukhosi kanye lamandla amakhulu. 
\v 3 Elinye lamakhanda esilo leso lalingathi lalike laba lenxeba elibulalayo, kodwa inxeba elibulalayo lelo laselipholile. Umhlaba wonke wamangala wasilandela isilo. 
\v 4 Abantu bawukhonza umgobho ngoba wawunike isilo amandla, lesilo basikhonza bebuza besithi, “Ngubani onjengesilo? Ngubani ongalwa impi laso na?”
\p
\v 5 Isilo saphiwa umlomo ukuba sikhulume amazwi okuzigqaja lokuhlambaza kanye lokuthi sisebenzise amandla aso okwezinyanga ezingamatshumi amane lambili. 
\v 6 Savula umlomo waso ukuba sihlambaze uNkulunkulu lokuba sichothoze ibizo lakhe lendawo yakhe yokuhlala kanye lalabo abahlala ezulwini. 
\v 7 Sasiphiwe amandla okulwa impi labangcwele kanye lokubanqoba. Saphiwa lamandla phezu kwezizwana zonke labantu lezindimi kanye lezizwe zonke. 
\v 8 Bonke abantu abahlala emhlabeni bazasikhonza isilo leso, bonke abalamabizo abo angalotshwanga encwadini yokuphila yeWundlu elahlatshwayo kusukela ekudalweni komhlaba.
\p
\v 9 Lowo olendlebe, akezwe.
\q1
\v 10 “Nxa umuntu kumele aye ekuthunjweni,
\q2 uzakuya ekuthunjweni.
\q1 Nxa umuntu kumele abulawe ngenkemba,
\q2 uzabulawa ngayo inkemba.”\f + \fr 13.10 \fr*\ft UJeremiya 15.2\ft*\f*
\m Lokhu kufuna ukubekezela okuqinileyo lokuthembeka kwabangcwele.
\s1 Isilo Siphuma Emhlabeni
\p
\v 11 Ngabuya ngabona esinye isilo siphuma emhlabeni. Sasilempondo ezimbili njengewundlu, kodwa sikhuluma njengomgobho. 
\v 12 Sasisebenzisa wonke amandla esilo sakuqala esikhundleni saso njalo senza umhlaba labahlezi kuwo bakhonze isilo sakuqala, esinxeba laso eselapholayo. 
\v 13 Njalo senza izibonakaliso ezinkulu lezimangalisayo, kanye lokwenza ukuthi umlilo wehlele phansi usuka ezulwini usiza emhlabeni abantu bezibonela. 
\v 14 Ngenxa yezibonakaliso saphiwa amandla okumela isilo sakuqala, sakhohlisa abahlezi emhlabeni. Sabalaya ukuba bamise umfanekiso wokuhlonipha isilo esalinyazwa ngenkemba, kodwa saphila. 
\v 15 Saphiwa amandla okuba umfanekiso wesilo sakuqala siwunike umphefumulo ukuze sikhulume njalo sibangele ukuthi bonke abala ukukhonza umfanekiso babulawe. 
\v 16 Njalo sabamba abantu bonke ngamandla, abancane labakhulu, abanothileyo labayanga, abakhululekileyo kanye lezigqili ukuba babekwe uphawu ezandleni zabo zokudla loba emabunzini abo 
\v 17 ukuze angabikhona ozathenga kumbe athengise ngaphandle kokuba elophawu lolo olulibizo lesilo leso loba inombolo yebizo laso.
\p
\v 18 Lokhu kufuna inhlakanipho. Umuntu olombono lengqondo ebonayo, kayidingisise inombolo yesilo ngoba yinombolo yomuntu. Inombolo yaso ngamakhulu ayisithupha lamatshumi ayisithupha lesithupha (666).
\c 14
\s1 IWundlu Kanye Labazinkulungwane Ezilikhulu Lamatshumi Amane Lane (144,000)
\p
\v 1 Ngabuya ngakhangela, khonapho phambi kwami kwakuleWundlu, limi phezu kweNtaba iZiyoni, lilabazinkulungwane ezilikhulu lamatshumi amane lane (144,000) ababelotshwe ibizo lalo lelikaYise emabunzini abo. 
\v 2 Ngezwa umdumo ovela ezulwini ufana lokuhuba kwamanzi agelezayo lanjengokukhwaza okukhulu kwezulu. Umdumo engawuzwayo wawunjengowabatshayi bamachacho betshaya amachacho abo. 
\v 3 Bahlabela ingoma entsha phambi kwesihlalo sobukhosi laphambi kwezidalwa ezine eziphilayo kanye laphambi kwabadala. Kakho owayengayifunda ingoma leyo ngaphandle kwaba zinkulungwane ezilikhulu lamatshumi amane lane (144,000) ababehlengwe emhlabeni. 
\v 4 Laba yilabo abangazingcolisanga ngabesifazane ngoba bazigcina behlambulukile. Balandela iWundlu loba kungaphi lapho eliya khona. Bahlengwa phakathi kwabantu banikelwa njengezithelo zakuqala kuNkulunkulu laseWundlwini. 
\v 5 Akulamanga atholakala emilonyeni yabo; kabalasici.
\s1 Izingilosi Ezintathu
\p
\v 6 Ngabuya ngabona enye ingilosi indiza emoyeni ilevangeli elingapheliyo ukuba ilitshumayele kulabo abahlezi emhlabeni lasezizweni zonke lasezizwaneni lasezindimini kanye lasebantwini. 
\v 7 Ngelizwi elikhulu yathi, “Mesabeni uNkulunkulu limdumise ngoba isikhathi sokwahlulela kwakhe sesifikile. Mkhonzeni yena owadala amazulu, lomhlaba, lolwandle kanye lemithombo yamanzi.”
\p
\v 8 Ingilosi yesibili yalandela yathi, “Liwile! Liwile iBhabhiloni eliKhulu elenza izizwe zonke zanatha iwayini layo elihlanyisayo ngobufebe balo.”\f + \fr 14.8 \fr*\ft U-Isaya 21.9\ft*\f*
\p
\v 9 Ingilosi yesithathu yazilandela yathi ngelizwi elikhulu, “Nxa umuntu angakhonza isilo lomfanekiso waso afakwe uphawu lwaso ebunzini loba esandleni, 
\v 10 laye uzanatha iwayini lentukuthelo kaNkulunkulu elithelwe ngamandla agcweleyo enkezweni yolaka lwakhe. Uzahlukuluzwa ngesolufa elitshisayo phambi kwezingilosi ezingcwele laphambi kweWundlu. 
\v 11 Intuthu yokuhlukuluzwa kwabo ithunqa kuze kube nininini. Akukho suku loba ubusuku bokuphumula kulabo abakhonza isilo lomfanekiso waso loba lowo owemukela uphawu lwebizo laso.” 
\v 12 Lokhu kufuna ukubekezela okuqinileyo kwabangcwele abagcina imilayo kaNkulunkulu baqhubeke bethembekile kuJesu.
\p
\v 13 Ngasengisizwa ilizwi livela ezulwini lisithi, “Loba ukuthi: Babusisiwe abafileyo befela eNkosini kusukela khathesi kusiya phambili.”
\p “Yebo,” kutsho uMoya, “bazaphumula ekutshikatshikeni kwabo ngoba izenzo zabo zizabalandela.”
\s1 Ukuvuna Emhlabeni
\p
\v 14 Ngakhangela khonapho phambi kwami kwakuleyezi elimhlophe njalo phezu kweyezi lelo kwakuhlezi ofana lendodana yomuntu\f + \fr 14.14 \fr*\ft UDanyeli 7.13\ft*\f* elomqhele wegolide ekhanda lakhe lesikela ebukhali esandleni sakhe. 
\v 15 Enye ingilosi yaphuma ethempelini yamemezela ngelizwi elikhulu kulowo owayehlezi phezu kweyezi isithi, “Thatha isikela uvune ngoba isikhathi sokuvuna sesifikile kalokho isivuno emhlabeni sesivuthiwe.” 
\v 16 Ngakho-ke, lowo owayehlezi phezu kweyezi watshibilikisela isikela yakhe emhlabeni, umhlaba wavunwa.
\p
\v 17 Enye ingilosi yaphuma ethempelini ezulwini layo futhi yayilesikela ebukhali. 
\v 18 Enye njalo ingilosi eyayilamandla phezu komlilo yeza ivela e-alithareni yamemezela ngelizwi elikhulu kulowo owayelesikela ebukhali isithi, “Thatha isikela yakho ebukhali ubuthe amahlukuzo amavini esivinini somhlaba, ngoba amavini aso asevuthiwe.” 
\v 19 Ingilosi leyo yatshibilikisela isikela yayo emhlabeni yabutha amavini awo yawaphosela esikhamelweni sewayini solaka lukaNkulunkulu. 
\v 20 Avoxwa phakathi kwesikhamelo sewayini ngaphandle kwedolobho, igazi lageleza liphuma esikhamelweni, laphakama okufika ematomini ebhiza okwebanga elingaba ngamakhilomitha angamakhulu amathathu (300).
\c 15
\s1 Izingilosi Eziyisikhombisa Lezifo Eziyisikhombisa
\p
\v 1 Ezulwini ngabona esinye isibonakaliso esikhulu lesimangalisayo: Izingilosi eziyisikhombisa zilezifo zokucina eziyisikhombisa, ezokucina ngoba ngazo ulaka lukaNkulunkulu luyapheleliswa. 
\v 2 Ngabuya ngabona okwakungathi lulwandle lwamangilazi axutshaniswe lomlilo njalo eceleni kolwandle kwakumi labo ababesinqobile isilo lomfanekiso waso kanye lenombolo yebizo laso. Babephethe amachacho ababewaphiwe nguNkulunkulu 
\v 3 behlabela ingoma kaMosi inceku kaNkulunkulu kanye lengoma yeWundlu besithi:
\q1 “Mikhulu iyamangalisa imisebenzi yakho
\q2 Nkosi Nkulunkulu Somandla.
\q1 Zilungile njalo ziqotho izindlela zakho,
\q2 Nkosi yezikhathi zonke.
\q1
\v 4 Ngubani ongayikukwesaba wena Nkosi,
\q2 adumise ibizo lakho na?
\q1 Ngoba nguwe kuphela ongcwele.
\q1 Zonke izizwe zizakuza
\q2 zikhonze phambi kwakho,
\q1 ngoba imisebenzi yakho elungileyo isibonakalisiwe.”
\p
\v 5 Emva kwalokhu ngakhangela ngabona ezulwini ithempeli, okulithabanikeli lobufakazi livuliwe. 
\v 6 Ethempelini kwaphuma izingilosi eziyisikhombisa zilezifo eziyisikhombisa. Zazigqoke ilembu elihlanzekileyo, elicazimulayo njalo zibophe izifuba zazo ngamabhanti egolide. 
\v 7 Esinye sezidalwa ezine eziphilayo sanika izingilosi eziyisikhombisa imiganu yegolide eyisikhombisa igcwele ulaka lukaNkulunkulu ophila kuze kube nininini. 
\v 8 Ithempeli lagcwala intuthu evela enkazimulweni kaNkulunkulu lasemandleni akhe, njalo kakho owayengangena ethempelini izifo eziyisikhombisa zezingilosi eziyisikhombisa zingakapheli.
\c 16
\s1 Imiganu Eyisikhombisa Yolaka LukaNkulunkulu
\p
\v 1 Ngezwa ilizwi elikhulu livelela ethempelini lisithi ezingilosini eziyisikhombisa, “Hambani, lithululele emhlabeni imiganu eyisikhombisa yolaka lukaNkulunkulu.”
\p
\v 2 Ingilosi yakuqala yahamba yathululela umganu wayo emhlabeni kwasekuphihlika izilonda ezenyanyekayo njalo ezibuhlungu ebantwini ababelophawu lwesilo njalo bekhonza umfanekiso waso.
\p
\v 3 Ingilosi yesibili yathululela umganu wayo olwandle lwaphenduka lwaba ligazi elinjengelomuntu ofileyo, kwathi yonke into ephilayo esolwandle yafa.
\p
\v 4 Ingilosi yesithathu yathululela umganu wayo emifuleni lasemithonjeni yamanzi yaba ligazi. 
\v 5 Ngasengisizwa ingilosi eyayingumphathi wamanzi isithi:
\q1 “Ulungile ngalezizahlulelo, wena oNgcwele
\q2 wena okhona lowayekhona,
\q1
\v 6 ngoba bachitha igazi labangcwele bakho lelabaphrofethi,
\q2 ngakho ubanike igazi ukuba balinathe njengokubafaneleyo.”
\m
\v 7 Ngezwa i-alithari liphendula lisithi:
\q1 “Yebo, Nkosi Nkulunkulu Somandla,
\q2 ziqotho njalo zilungile lezi zahlulelo zakho.”
\p
\v 8 Ingilosi yesine yathululela umganu wayo elangeni, ilanga laseliphiwa amandla okutshisa abantu ngomlilo. 
\v 9 Bosiwa yikutshisa okukhulu kwelanga njalo balithuka ibizo likaNkulunkulu, owayelamandla phezu kwezifo lezi, kodwa bala ukuba baphenduke bamdumise.
\p
\v 10 Ingilosi yesihlanu yathululela umganu wayo phezu kwesihlalo sobukhosi sesilo, umbuso waso wembeswa yibumnyama. Abantu baxhanxatha inlimi zabo ngobuhlungu, 
\v 11 bamthuka uNkulunkulu wasezulwini ngenxa yobuhlungu bezilonda zabo, kodwa bala ukuphenduka kulokho ababekwenzile.
\p
\v 12 Ingilosi yesithupha yathululela umganu wayo emfuleni omkhulu uYufrathe, amanzi awo asesitsha ukuba kulungiswe indlela yamakhosi avela empumalanga. 
\v 13 Ngabuya ngabona imimoya emibi emithathu eyayifana lamaxoxo eyaphuma emlonyeni womgobho lasemlonyeni wesilo kanye lasemlonyeni womphrofethi wamanga. 
\v 14 Yimimoya yamadimoni eyenza izibonakaliso ezimangalisayo njalo iyahamba iye emakhosini omhlaba wonke iwaqoqela impi ngosuku olukhulu lukaNkulunkulu uSomandla.
\b
\mi
\v 15 \wj “Khangelani, ngiza njengesela! Ubusisiwe lowo ohlala elindile egcina izigqoko zakhe zikuye ukuze angahambi nqunu abelihlazo.”\wj*
\b
\m
\v 16 Basebeqoqela amakhosi ndawonye endaweni ethiwa yi-Amagedoni ngesiHebheru.
\p
\v 17 Ingilosi yesikhombisa yathululela umganu wayo emoyeni kwasekuphuma ilizwi elikhulu ethempelini livela esihlalweni sobukhosi, lisithi, “Sokwenziwe!” 
\v 18 Kwasekusiba lokuphazima kwemibane lemidumo lokukhwaza kwezulu kanye lokuzamazama okukhulu komhlaba. Akulakuzamazama komhlaba okunjengakho okwake kwenzeka selokhu umuntu waba semhlabeni, kwakukukhulu kakhulu lokho kuzamazama komhlaba. 
\v 19 Idolobho elikhulu lehlukana laba yizigaba ezintathu, amadolobho ezizwe abhidlika. UNkulunkulu wakhumbula iBhabhiloni eliKhulu walinika inkezo yewayini egcwele ukuvutha kolaka lwakhe. 
\v 20 Izihlenge zonke zabaleka kwathi izintaba zanyamalala. 
\v 21 Emkhathini kwehla amatshe amakhulukazi esiqhotho, lilinye lingaba ngamakhilogramu angamatshumi amathathu, awela phezu kwabantu. Bamthuka uNkulunkulu ngenxa yohlupho lwesiqhotho ngoba uhlupho lolo lwalusesabeka.
\c 17
\s1 Owesifazane Phezu Kwenyamazana
\p
\v 1 Enye yezingilosi eziyisikhombisa ezazilemiganu eyisikhombisa yeza kimi yathi, “Woza ngikutshengise ukujeziswa kwesiphingi esikhulu esihlezi phezu kwamanzi amanengi. 
\v 2 Amakhosi omhlaba afeba laso njalo abahlezi emhlabeni badakwa yiwayini yobufebe baso.”
\p
\v 3 Ingilosi yasingithatha ngiseMoyeni yangisa enkangala. Khonapho ngabona owesifazane ehlezi phezu kwesilo esibomvu gebhu sigcwele amabizo ahlambazayo njalo yayilamakhanda ayisikhombisa lempondo ezilitshumi. 
\v 4 Owesifazane lowo wayegqoke okuyibubende lokubomvu gebhu njalo wayekhazimula ngegolide langamatshe aligugu kanye langobuhlalu. Esandleni sakhe wayephethe inkezo igcwele izinto ezenyanyekayo kanye lamanyala obufebe bakhe. 
\v 5 Umbhalo owawulotshwe ebunzini lakhe wawusesabeka:
\pc iBhabhiloni eliKhulu
\pc uNina weziPhingi
\pc kanye lamaNyala wonke oMhlaba.
\m
\v 6 Ngabona ukuthi owesifazane lowo wayedakwe ligazi labangcwele, igazi lalabo abalobufakazi bukaJesu.
\p Ekumboneni kwami ngamangala kakhulu. 
\v 7 Ingilosi yasisithi kimi, “Kungani umangala? Ngizakuchazela imfihlakalo yowesifazane lesilo asigadileyo esilamakhanda ayisikhombisa lempondo ezilitshumi. 
\v 8 Isilo osibonileyo sake saba khona, kodwa khathesi kasisekho njalo sizaphuma eMgodini ongelamkhawulo siye ekubhujisweni kwaso. Abahlezi emhlabeni abalamabizo abo angalotshwanga encwadini yokuphila kusukela ekudalweni komhlaba bazamangala lapho besibona lesosilo ngoba sake saba khona, kodwa khathesi kasisekho, kodwa sizabuya sivele.
\p
\v 9 Lokhu kufuna ingqondo elokuhlakanipha. Amakhanda ayisikhombisa ngamaqaqa ayisikhombisa owesifazane ahlezi phezu kwawo. 
\v 10 Njalo angamakhosi ayisikhombisa. Amahlanu kudala awa, eyodwa ikhona, enye kayikaveli, kodwa nxa isisiza kumele ihlale isikhatshana. 
\v 11 Isilo esake saba khona njalo khathesi esingasekho yinkosi yesificaminwembili. Ngenye yalawo ayisikhombisa njalo isisiya ekubhujisweni kwayo.
\p
\v 12 Impondo ezilitshumi ozibonileyo ngamakhosi alitshumi angakatholi mbuso, kodwa azathola amandla obukhosi okwehola elilodwa kanye lesilo. 
\v 13 Alenjongo yinye njalo azakupha isilo amandla awo kanye lelungelo. 
\v 14 Azakulwa impi leWundlu, kodwa iWundlu lizawanqoba ngoba liyiNkosi yamakhosi loMbusi wababusi, njalo lizabe lilababiziweyo balo abangabalandeli abakhethiweyo labathembekileyo.”
\p
\v 15 Ingilosi yabuya yathi kimi, “Amanzi owabonileyo lapho isiphingi esihlezi khona ngabantu bemihlobo yonke, amaxuku lezizwe kanye lezindimi. 
\v 16 Isilo lempondo ezilitshumi ozibonileyo kuzasizonda isiphingi. Zizasichitha zisitshiye size; zizakudla inyama yomzimba waso zisitshise ngomlilo. 
\v 17 Ngoba uNkulunkulu ubeke ezinhliziyweni zazo ukuba afeze injongo yakhe ngokuvuma ukunika isilo amandla azo okubusa amazwi kaNkulunkulu aze agcwaliseke. 
\v 18 Owesifazane ombonileyo lidolobho elikhulu elibusa amakhosi omhlaba.”
\c 18
\s1 Ukudilika KweBhabhiloni
\p
\v 1 Emva kwalokhu ngabona enye ingilosi isehla ivela ezulwini. Yayilamandla amakhulu njalo umhlaba wakhanyiswa yikukhazimula kwayo. 
\v 2 Yamemeza ngelizwi elikhulu yathi:
\q1 “ ‘Liwile! Liwile iBhabhiloni eliKhulu!’\f + \fr 18.2 \fr*\ft U-Isaya 21.9\ft*\f*
\q2 Selibe likhaya lamadimoni
\q1 lomango wabomoya ababi,
\q2 lomango wezinyoni zonke ezingcolileyo lezenyanyekayo.
\q1
\v 3 Ngoba izizwe zonke zinathe
\q2 iwayini elihlanyisayo lobufebe balo.
\q1 Amakhosi omhlaba afeba lalo,
\q2 labathengisi basemhlabeni banothiswa yinotho yalo edlulisileyo.”
\s1 Izixwayiso Zokwahlulelwa KweBhabhiloni
\p
\v 4 Ngabuya ngezwa elinye ilizwi livela ezulwini lisithi:
\q1 “ ‘Bantu bami, phumani kulo,’\f + \fr 18.4 \fr*\ft UJeremiya 51.45\ft*\f*
\q2 ukuze lingahlanganyeli ezonweni zalo
\q2 ukuze lingehlelwa yizifo zalo;
\q1
\v 5 ngoba izono zalo ziyinqwaba efika ezulwini,
\q2 njalo uNkulunkulu usekhumbule amacala alo.
\q1
\v 6 Lipheni njengokupha kwalo;
\q2 buyiselani ngokuphindiweyo kulokho elikwenzileyo.
\q2 Thelani kabili isilinganiso enkezweni yalo.
\q1
\v 7 Lizwiseni uchuku olukhulu losizi
\q2 okulingana inkazimulo lenotho elizipha khona.”\f + \fr 18.7 \fr*\ft U-Isaya 47.7-8\ft*\f*
\q1 Enhliziyweni yalo liyazincoma lisithi,
\q2 ngihlezi njengendlovukazi; kangisumfelokazi,
\q2 njalo kangisoze ngilile.
\q1
\v 8 Ngakho-ke, ngosuku olulodwa izifo zalo zizalifica:
\q2 ukufa lokukhala kanye lendlala.
\q1 Lizahangulwa ngumlilo
\q2 ngoba ilamandla iNkosi uNkulunkulu olahlulelayo.
\s1 Izixwayiso Ezintathu Ngokuwa KweBhabhiloni
\p
\v 9 Lapho amakhosi asemhlabeni afeba lalo njalo abelana lalo inotho yalo ebona intuthu yokutsha kwalo azalikhalela alililele. 
\v 10 Azesaba ngenxa yokuhlukuluzwa kwalo eme khatshana akhale esithi:
\q1 Maye! Maye, Oh dolobho elikhulu,
\q2 Oh Bhabhiloni, dolobho lamandla!
\q1 Ngehola linye nje incithakalo yakho ifikile!
\p
\v 11 Abathengisi basemhlabeni bazalikhalela balililele ngoba kungasekho othenga impahla yabo, 
\v 12 imithwalo yegolide leyesiliva leyamatshe aligugu leyobuhlalu; eyelineni elihle leliyibubende, ilembu lesilika lelembu elibomvu gebhu; inhlobo zonke zezigodo zesithironi lezinhlobo zonke zezinto ezenziwe ngempondo zendlovu lezigodo ezidulayo lethusi lensimbi kanye lelitshe elimhlophe; 
\v 13 imithwalo yesinamoni leyeziyoliso, eyempepha leyemure kanye leyamakha, eyewayini lamafutha e-oliva, eyefulawa ecolekileyo kanye lengqoloyi; inkomo lezimvu; amabhiza lezinqola lezigqili kanye lemiphefumulo yabantu.
\p
\v 14 Bazakuthi, “Izithelo owawuzilangathela zisukile kuwe. Yonke inotho yakho lenkazimulo sekunyamalele, kakuyikutholakala futhi.” 
\v 15 Abathengisi ababethengisa lezizinto bezuza inotho yabo kuyo bazakuma khatshana, besesaba ngokuhlukuluzwa kwalo. Bazalila babubule 
\v 16 njalo bakhale kakhulu besithi:
\q1 “Maye! Maye, Oh dolobho elikhulu,
\q2 eligqoke ilineni elihle, okuyibubende lokubomvu,
\q1 elikhazimulayo ngegolide langamatshe
\q2 aligugu kanye lobuhlalu!
\q1
\v 17 Ngehola linye nje inotho enengi kangaka isichithiwe!”
\p Izinduna zonke zemikhumbi labo bonke abahamba ngayo labatshayeli labo bonke abazuza ukuphila kwabo olwandle bazakuma khatshana. 
\v 18 Lapho bebona izikhatha zokutsha kwalo bazachaza bathi, “Kambe kwake kwaba ledolobho elinjengaleli idolobho elikhulu na?” 
\v 19 Bazathela uthuli emakhanda abo balile babubule bekhala besithi:
\q1 “Maye! Maye, Oh dolobho elikhulu,
\q2 lapho bonke ababelemikhumbi olwandle
\q2 abanothiswa khona yinotho yalo!
\q1 Ngehola linye nje selichithiwe!
\b
\q1
\v 20 Thokoza ngalo, Oh Zulu!
\q2 Thokozani bangcwele labapostoli kanye labaphrofethi!
\q1 UNkulunkulu uselahlulele
\q2 ngendlela elaliphatha ngayo.”
\s1 Isinqumo Sokubhujiswa KweBhabhiloni
\p
\v 21 Ingilosi elamandla yasidobha ilitshe elingangembokodo enkulu yaliphosela olwandle, yathi:
\q1 “Idolobho elikhulu laseBhabhiloni lizaphoselwa phansi,
\q2 ngodlakela olunje,
\q2 lingaphindi libonakale futhi.
\q1
\v 22 Umculo wabatshayi bamachacho labahlabeleli labatshayi bemihlanga lamacilongo,
\q2 kawusoze uzwakale kuwe futhi.
\q1 Akukho sisebenzi lesawuphi umsebenzi
\q2 esizatholakala kuwe futhi.
\q1 Umsindo wembokodo
\q2 kawusoze uzwakale kuwe futhi.
\q1
\v 23 Ukukhanya kwesibane
\q2 akusoze kukhanye kuwe futhi.
\q1 Ilizwi lomyeni lelomlobokazi
\q2 kalisoze lizwakale kuwe futhi.
\q1 Abathengisi bakho babeyizikhulu zomhlaba.
\q2 Izizwe zonke zadukiswa yibuthakathi bakho.
\q1
\v 24 Kuwe kwafunyanwa igazi labaphrofethi lelabangcwele,
\q2 kanye lelabo bonke ababulawayo emhlabeni.”
\c 19
\s1 Haleluya Ngokuwa KweBhabhiloni!
\p
\v 1 Emva kwalokhu ngezwa umsindo onjengokuhlokoma kwexuku elikhulu ezulwini limemeza lisithi:
\q1 “Haleluya!
\q1 Ukusindisa lodumo lamandla ngokukaNkulunkulu wethu
\q2
\v 2 ngoba ukwahlulela kwakhe kuqotho njalo kulungile.
\q1 Usilahlile isiphingi esikhulu
\q2 esaxhwalisa umhlaba ngobufebe baso.
\q1 Uphindisele kuso igazi lezinceku zakhe.”
\p
\v 3 Bamemeza njalo bathi:
\q1 “Haleluya!
\q1 Intuthu yokutsha kwaso ithunqa kuze kube nininini.”
\p
\v 4 Abadala abangamatshumi amabili lane lezidalwa ezine eziphilayo bawela phansi bakhonza uNkulunkulu owayehlezi esihlalweni sobukhosi. Bamemeza njalo bathi:
\q1 “Ameni, Haleluya!”
\p
\v 5 Kwasekuzwakala ilizwi elavela esihlalweni sobukhosi, lisithi:
\q1 “Dumisani uNkulunkulu wethu,
\q2 lonke lina zinceku zakhe,
\q1 lina elimesabayo,
\q2 abancane labakhulu!”
\p
\v 6 Ngabuya ngezwa okwakungathi lixuku elikhulu, kunjengokuhlokoma kwamanzi agelezayo lanjengokukhwaza kwezulu besithi:
\q1 “Haleluya!
\q2 Ngoba iNkosi yethu uNkulunkulu uSomandla uyabusa.
\q1
\v 7 Kasithokozeni sijabule
\q2 simuphe udumo.
\q1 Ngoba umthimba weWundlu usufikile,
\q2 lomlobokazi walo usezilungisele.
\q1
\v 8 Ilineni elihle elicazimulayo
\q2 elihlanzekileyo uliphiwe ukuba agqoke.”
\m (Ilineni elihle limele imisebenzi emihle yabangcwele.)
\b
\p
\v 9 Ingilosi yasisithi kimi, “Loba ukuthi: Babusisiwe labo abanxusiweyo edilini lomtshado weWundlu!” Yengeza yathi, “La ngamazwi aqotho kaNkulunkulu.”
\p
\v 10 Ngawela ezinyaweni zayo ngayikhonza. Kodwa yathi kimi, “Ungakwenzi lokhu! Mina ngiyinceku kanye lawe kanye labazalwane bakho abalobufakazi bukaJesu. Khonza uNkulunkulu! Ngoba ubufakazi bukaJesu bungumoya wesiphrofethi.”
\s1 Umgadi Webhiza Elimhlophe
\p
\v 11 Ngabona izulu livulekile njalo khonapho phambi kwami kwakulebhiza elimhlophe, umgadi walo ethiwa nguThembekile loQiniso. Wahlulela ngokulunga alwe impi. 
\v 12 Amehlo akhe anjengomlilo ovuthayo njalo ekhanda lakhe kulemiqhele eminengi. Ulebizo elilotshwe kuye elingaziwa muntu ngaphandle kwakhe yena ngokwakhe. 
\v 13 Ugqoke isembatho esigxanyuzwe egazini njalo ibizo lakhe nguLizwi likaNkulunkulu. 
\v 14 Amabutho asezulwini ayemlandela egade amabhiza amhlophe njalo egqoke ilineni elihle elimhlophe njalo lihlanzekile. 
\v 15 Emlonyeni wakhe kuphuma inkemba ebukhali agalela ngayo izizwe. “Uzazibusa ngentonga yensimbi.”\f + \fr 19.15 \fr*\ft AmaHubo 2.9\ft*\f* Unyathela isikhamelo sewayini sentukuthelo yolaka lukaNkulunkulu uSomandla. 
\v 16 Esambathweni sakhe lasemlenzeni wakhe kulotshwe ibizo leli elithi:
\pc INkosi yamakhosi loMbusi wababusi.
\p
\v 17 Ngasengibona ingilosi imi elangeni eyamemezela ngelizwi elikhulu ezinyonini zonke ezazindiza emoyeni isithi, “Wozani libuthanele idili elikhulu likaNkulunkulu 
\v 18 ukuze lidle inyama yemizimba yamakhosi, eyezinduna zempi, eyamadoda alamandla, eyamabhiza labagadi bawo kanye leyabantu bonke abakhululekileyo lezigqili, abancane labakhulu.”
\p
\v 19 Ngabuya ngabona isilo lamakhosi asemhlabeni lamabutho awo ebuthanele ukulwa impi lomgadi webhiza kanye lebutho lakhe. 
\v 20 Kodwa isilo sathunjwa ndawonye lomphrofethi wamanga owayenze izibonakaliso ezimangalisayo emele sona. Ngalezi zibonakaliso wabedukisa labo ababebekwe uphawu lwesilo bakhonza umfanekiso waso. Sona lomphrofethi wamanga baphoselwa bephila echibini lomlilo wesolufa ovuthayo. 
\v 21 Abanye babo babulawa ngenkemba eyaphuma emlonyeni womgadi webhiza njalo izinyoni zonke zazitika ngenyama yemizimba yabo.
\c 20
\s1 Iminyaka Eyinkulungwane
\p
\v 1 Ngasengibona ingilosi isehlela phansi isuka ezulwini ilesihluthulelo soMgodi ongelamkhawulo iphethe ngesandla sayo iketane enkulu. 
\v 2 Yabamba umgobho, inyoka leyana endala, engoMubi loba uSathane, yambopha okweminyaka eyinkulungwane. 
\v 3 Yamphosela eMgodini ongelamkhawulo, yawuhluthulela, yawuvala silikici, ukumvimbela ukuba angakhohlisi izizwe futhi kuze kuphele iminyaka eyinkulungwane. Emva kwalokho kumele akhululwe okwesikhatshana.
\p
\v 4 Ngabona izihlalo zobukhosi okwakuhlezi kuzo labo ababephiwe amandla okwahlulela. Ngabona imiphefumulo yalabo ababequnywe amakhanda ngenxa yobufakazi bukaJesu langenxa yelizwi likaNkulunkulu. Babengasikhonzanga isilo loba umfanekiso waso njalo bengabekwanga uphawu lwaso emabunzini abo loba ezandleni zabo. Bavuka baphila njalo babusa loKhristu iminyaka eyinkulungwane. 
\v 5 (Inengi labafileyo kalivukanga kwaze kwaphela iminyaka eyinkulungwane.) Lokhu yikuvuka ekufeni kwakuqala. 
\v 6 Babusisiwe njalo bangcwele labo abahlanganyela ekuvukeni kwakuqala. Ukufa kwesibili akulamandla phezu kwabo, kodwa bazakuba ngabaphristi bakaNkulunkulu labakaKhristu njalo bazabusa laye okweminyaka eyinkulungwane.
\s1 Ukulahlwa KukaSathane
\p
\v 7 Iminyaka eyinkulungwane isidlule uSathane uzakhululwa entolongweni yakhe 
\v 8 aphume ukuyakhohlisa izizwe emagumbini womane omhlaba, uGogi loMagogi, ukuba abaqoqele empini. Ngobunengi bangangenhlabathi okhunjini lolwandle. 
\v 9 Badabula phakathi komhlaba bahonqolozela izihonqo zabantu bakaNkulunkulu, idolobho alithandayo. Kodwa kwehla umlilo uvela ezulwini wabaqothula. 
\v 10 Omubi owayebakhohlisile waphoselwa echibini lesolufa elivuthayo, lapho okwakuphoselwe khona isilo lomphrofethi wamanga. Bazakutsha emini lebusuku kuze kube nininini.
\s1 Ukwahlulelwa Kwabafileyo
\p
\v 11 Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho. 
\v 12 Ngasengibona abafileyo, abancane labakhulu, bemi phambi kwesihlalo sobukhosi, kwasekuvulwa izincwadi. Kwavulwa enye incwadi, eyincwadi yokuphila. Abafileyo bahlulelwa mayelana lalokho ababekwenzile okwakulotshwe ezincwadini. 
\v 13 Ulwandle lwakhupha abafileyo ababekulo, ukufa leHadesi kwakhupha abafileyo ababekukho, umuntu ngamunye wahlulelwa mayelana lalokho akwenzayo. 
\v 14 Ukufa leHadesi kwaphoselwa echibini lomlilo. Ichibi lomlilo liyikufa kwesibili. 
\v 15 Nxa umuntu ibizo lakhe lalitholakala lingalotshwanga encwadini yokuphila wayephoselwa echibini lomlilo.
\c 21
\s1 Izulu Elitsha Lomhlaba Omutsha
\p
\v 1 Ngabuya ngabona “izulu elitsha lomhlaba omutsha,”\f + \fr 21.1 \fr*\ft U-Isaya 65.17\ft*\f* ngoba izulu lakuqala lomhlaba wakuqala kwasekudlule njalo ulwandle lwalungasekho. 
\v 2 Ngabona iDolobho eliNgcwele, iJerusalema elitsha, lisehlela phansi liphuma ezulwini kuNkulunkulu lilungiswe njengomlobokazi ececele umkakhe. 
\v 3 Ngezwa ilizwi elikhulu livela esihlalweni sobukhosi lisithi, “Khathesi ikhaya likaNkulunkulu selisebantwini, uzahlala labo. Bazakuba ngabantu bakhe njalo uNkulunkulu yena uqobo uzakuba labo abe nguNkulunkulu wabo. 
\v 4 Uzazesula zonke inyembezi emehlweni abo. Akusayikuba khona futhi ukufa loba ukulila loba ukukhala loba ubuhlungu ngoba umumo omdala wezinto usudlule.”\f + \fr 21.4 \fr*\ft U-Isaya 25.8\ft*\f*
\p
\v 5 Lowo owayehlezi esihlalweni sobukhosi wathi, “Ngenza izinto zonke zibe zintsha!” Wabuya wathi, “Kulobe lokhu ngoba amazwi la aqotho njalo aliqiniso.”
\p
\v 6 Wasesithi kimi, “Sekwenzakele. Ngingu-Alfa lo-Omega, isiQalo lesiPhetho. Lowo owomileyo ngizamnathisa emthonjeni wamanzi okuphila kungekho mbadalo. 
\v 7 Lowo onqobayo uzakudla ilifa lakho konke lokhu njalo ngizakuba nguNkulunkulu wakhe yena abe yindodana yami. 
\v 8 Kodwa amagwala, abangakholwayo, abaxhwalileyo, ababulali, iziphingi, abathakathi, abakhonza izithombe labo bonke abaqamba amanga; indawo yabo izakuba sechibini lomlilo wesolufa ovuthayo. Lokhu yikufa kwesibili.”
\s1 IJerusalema Elitsha, Umlobokazi LeWundlu
\p
\v 9 Enye yezingilosi eziyisikhombisa eyayilemiganu eyisikhombisa eyayigcwele izifo zokucina eziyisikhombisa yeza yathi kimi, “Woza, ngizakutshengisa umlobokazi, umkaWundlu.” 
\v 10 Yangithwala ngiseMoyeni yangisa entabeni enkulu ende yangitshengisa iDolobho eliNgcwele, iJerusalema lisehla liphuma ezulwini kuNkulunkulu. 
\v 11 Lakhanyisa ngenkazimulo kaNkulunkulu, ukucwebezela kwalo kwakufana lokwelitshe eliligugu, njengejaspa, licwebezela njengelitshe elikhanyisayo. 
\v 12 Lalilomduli omkhulu, ophakemeyo lamasango alitshumi lambili kanye lezingilosi ezilitshumi lambili emasangweni. Emasangweni kwakulotshwe amabizo ezizwana ezilitshumi lambili zako-Israyeli. 
\v 13 Kwakulamasango amathathu ngasempumalanga, lamathathu ngasenyakatho, lamathathu ngaseningizimu, kanye lamathathu ngasentshonalanga. 
\v 14 Umduli wedolobho wawulezisekelo ezilitshumi lambili njalo phezu kwazo kwakulamabizo abapostoli beWundlu abalitshumi lambili.
\p
\v 15 Ingilosi eyakhuluma lami yayilomqwayi wegolide owokulinganisa idolobho, amasango alo lomduli walo. 
\v 16 Idolobho lalakhiwe lalingana inxa zonke, lilide okungangobubanzi balo. Yalilinganisa idolobho ngomqwayi yathola lingaba ngamakhilomitha azinkulungwane ezimbili lamakhulu amabili (2,200) ubude njalo libanzi liphakeme okulingana lobude balo. 
\v 17 Yalinganisa umduli walo isebenzisa isilinganiso sabantu, wawuzingalo ezilikhulu lamatshumi amane lane (144) ubuqatha bawo. 
\v 18 Umduli wawakhiwe ngejaspa, idolobho lakhiwe ngegolide elicengeke njengengilazi. 
\v 19 Izisekelo zemiduli yedolobho zaziceciswe ngezinhlobo zonke zamatshe aligugu. Isisekelo sakuqala sasiyijaspa, esesibili kuyisafire, esesithathu kuyikhalisedoni, esesine kuyi-emaralidi, 
\v 20 esesihlanu kuyisadonikisi, esesithupha kuyikhaneliyani, esesikhombisa kuyikhrisolithe, esesificaminwembili kuyibherili, esesificamunwemuye kuyithophazi, esetshumi kuyikhrisophirase, esetshumi lanye kuyijasinti, esetshumi lambili kuyi-amethisithi. 
\v 21 Amasango alitshumi lambili ayengamatshe obuhlalu alitshumi lambili, isango ngalinye lenziwe ngelitshe elilodwa lobuhlalu. Umgwaqo omkhulu wedolobho wawuligolide elicengekileyo njengengilazi elibonisa okungale kwalo.
\p
\v 22 Kangibonanga thempeli edolobheni ngoba iNkosi uNkulunkulu uSomandla leWundlu balithempeli lalo. 
\v 23 Idolobho kalisweli langa loba inyanga yokukhanyisa kulo ngoba inkazimulo kaNkulunkulu ilinika ukukhanya leWundlu liyisibane salo. 
\v 24 Izizwe zizahamba ekukhanyeni kwalo lamakhosi omhlaba azaletha ubukhazikhazi bawo kulo. 
\v 25 Akulasuku lapho amasango alo azake avalwe ngalo ngoba akuyikuba lobusuku khona. 
\v 26 Inkazimulo lodumo lwezizwe kuzalethwa kulo. 
\v 27 Akulalutho olungcolileyo oluzake lungene kulo, loba ngubani owenza amanyala kumbe inkohliso, kodwa labo kuphela abalamabizo abo alotshwe encwadini yokuphila yeWundlu.
\c 22
\s1 Umfula Wokuphila
\p
\v 1 Ingilosi yasingitshengisa umfula wamanzi okuphila acengekileyo kakhulu egeleza evela esihlalweni sobukhosi sikaNkulunkulu leseWundlu 
\v 2 esehla ephakathi komgwaqo omkhulu wedolobho. Eceleni ngalinye lomfula kwakulesihlahla sokuphila sithela izithelo ezilitshumi lambili, sithela izithelo zaso nyanga zonke. Amahlamvu esihlahla leso ngawokwelapha izizwe. 
\v 3 Akusoze kube lesiqalekiso futhi. Isihlalo sobukhosi sikaNkulunkulu leseWundlu zizakuba sedolobheni njalo izinceku zakhe zizamkhonza. 
\v 4 Zizabubona ubuso bakhe lebizo lakhe lizakuba semabunzini azo. 
\v 5 Akusayikuba lobusuku futhi. Kaziyikukuswela ukukhanya kwesibane loba okwelanga ngoba iNkosi uNkulunkulu izazikhanyisela. Njalo zizabusa kuze kube nininini.
\s1 UJesu Uyeza
\p
\v 6 Ingilosi yasisithi kimi, “Amazwi la aqotho njalo aliqiniso. INkosi, uNkulunkulu wemimoya yabaphrofethi wathuma ingilosi yakhe ukuba itshengise izinceku zakhe izinto okumele zenzakale masinyane.”
\b
\p
\v 7 \wj “Khangelani, ngiyeza masinyane! Ubusisiwe lowo ogcina amazwi esiphrofethi asencwadini le.”\wj*
\b
\p
\v 8 Mina Johane, yimi engazibonayo njalo ngazizwa izinto lezi. Kwathi lapho sengizwile njalo ngazibona, ngawela phansi ukuba ngikhonze ezinyaweni zengilosi eyayingitshengisa zona. 
\v 9 Kodwa yathi kimi, “Ungakwenzi lokhu! Mina ngiyinceku njengawe kanye labazalwane bakho abaphrofethi labo bonke abagcina amazwi encwadi le. Khonza uNkulunkulu!”
\p
\v 10 Yabuya yathi kimi, “Ungawagciki amazwi esiphrofethi sencwadi le, ngoba isikhathi sesiseduze. 
\v 11 Owenza okubi kaqhubeke esenza okubi; oxhwalileyo kaqhubeke ngokuxhwala; olungileyo kaqhubeke esenza okulungileyo; njalo ongcwele kaqhubeke engcwele.”
\b
\s1 Isiphetho: Unxuso Kanye Lesixwayiso
\p
\v 12 \wj “Khangelani, ngiyeza masinyane! Ngilomvuzo wami, njalo ngizakupha umuntu munye ngamunye ngalokho akwenzayo.\wj* 
\v 13 \wj Ngingu-Alfa lo-Omega, ngiyiKuqala loKucina, isiQalo lesiPhetho.\wj*
\b
\p
\v 14 \wj Babusisiwe labo abagezisa izembatho zabo ukuze babe lelungelo esihlahleni sokuphila njalo bangene ngesango edolobheni.\wj* 
\v 15 \wj Ngaphandle kulezinja, labo abenza imisebenzi yobuthakathi, izifebe ezixhwalileyo, lababulali, labakhonza izithombe labo bonke abathanda inkohliso njalo beyenza.\wj*
\b
\p
\v 16 \wj Mina Jesu, ngithume ingilosi yami ukuba ilinike ubufakazi lobu emabandleni. NgiyiMpande leNzalo kaDavida, kanye leNdonsakusa ekhanyayo.”\wj*
\b
\p
\v 17 UMoya lomlobokazi bathi, “Woza!” Ozwayo katsho athi, “Woza!” Loba ngubani owomileyo, keze; njalo loba ngubani ofisayo, kathathe isipho esingahlawulelwayo samanzi okuphila.
\b
\p
\v 18 Ngiyabaxwayisa bonke abezwa amazwi esiphrofethi sencwadi le: Nxa umuntu ezakwengeza olunye ulutho kuwo, uNkulunkulu uzazengeza kuye izifo ezibaliswe kule incwadi. 
\v 19 Njalo nxa umuntu esusa amazwi kule incwadi yesiphrofethi, uNkulunkulu uzamthathela isabelo sakhe esihlahleni sokuphila laseDolobheni eliNgcwele, okubaliswe kule incwadi.
\b
\p
\v 20 Yena lowo ofakaza izinto lezi uthi, \wj “Yebo, ngiyeza masinyane.”\wj*
\p Ameni. Woza, Nkosi Jesu.
\b
\p
\v 21 Umusa weNkosi uJesu kawube sebantwini bakaNkulunkulu. Ameni.