\id NUM - Biblica® Open Ndebele Contemporary Bible
\ide UTF-8
\h AmaNani
\toc1 AmaNani
\toc2 AmaNani
\toc3 Nan
\mt1 AmaNani
\c 1
\s1 Ukubalwa Kwabantu
\p
\v 1 \nd UThixo\nd* wakhuluma kuMosi ethenteni lokuhlangana enkangala yaseSinayi ngosuku lwakuqala lwenyanga yesibili emnyakeni wesibili ngemva kokuphuma kwabako-Israyeli eGibhithe. \nd UThixo\nd* wathi, 
\v 2 “Balani abantu bonke bako-Israyeli ngensendo langezindlu zabo, lenze uluhlu lwamabizo amadoda, inye ngayinye. 
\v 3 Wena lo-Aroni lizaqoqa ngezigaba wonke amadoda ako-Israyeli kusukela kwabaleminyaka engamatshumi amabili kusiya phezulu abangaba libutho. 
\v 4 Kuzozonke izizwe lithathe indoda eyodwa, eyinhloko yendlu yakibo, ukuze balincedise.
\b
\li4
\v 5 La yiwo amabizo amadoda azaliphathisa:
\b
\li1 esizweni sikaRubheni, u-Elizuri indodana kaShedewuri:
\li1
\v 6 esizweni sikaSimiyoni, uShelumiyeli indodana kaZurishadayi;
\li1
\v 7 esizweni sikaJuda, uNahashoni indodana ka-Aminadabi;
\li1
\v 8 esizweni sika-Isakhari, uNethaneli indodana kaZuwari;
\li1
\v 9 esizweni sikaZebhuluni, u-Eliyabi indodana kaHeloni;
\li1
\v 10 emadodaneni kaJosefa kwakuyila:
\li2 esizweni sika-Efrayimi, u-Elishama indodana ka-Amihudi;
\li2 esizweni sikaManase, uGamaliyeli indodana kaPhedazuri;
\li1
\v 11 esizweni sikaBhenjamini, u-Abhidani indodana kaGidiyoni;
\li1
\v 12 esizweni sikaDani, u-Ahiyezeri indodana ka-Amishadayi;
\li1
\v 13 esizweni sika-Asheri, uPhagiyeli indodana ka-Okhirani;
\li1
\v 14 esizweni sikaGadi, u-Eliyasafi indodana kaDuweli;
\li1
\v 15 esizweni sikaNafithali; u-Ahira indodana ka-Enani.”
\b
\li4
\v 16 La yiwo amadoda akhethwa ebantwini bakuleyondawo, bengabakhokheli bezizwe zabokhokho babo. Babezinhloko zezizwana zako-Israyeli.
\b
\p
\v 17 UMosi lo-Aroni bathatha amadoda la alamabizo ayeqanjiwe 
\v 18 basebebizela ndawonye bonke abantu ngosuku lwakuqala lwenyanga yesibili. Baziveza umdabuko wabo ngensendo langezindlu zabo, ngakho kusukela emadodeni aleminyaka engamatshumi amabili kusiya phezulu kwabhalwa amabizo awo, inye ngayinye, 
\v 19 njengokulaywa kukaMosi \nd nguThixo\nd*. Ngakho wababala enkangala yaseSinayi:
\b
\li1
\v 20 Ezizukulwaneni zikaRubheni indodana ka-Israyeli elizibulo:
\li2 Wonke amadoda aleminyaka efika kumatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 21 Inani labesizwana sikaRubheni lalizinkulungwane ezingamatshumi amane lesithupha, lamakhulu amahlanu (46,500).
\b
\li1
\v 22 Ezizukulwaneni zikaSimiyoni:
\li2 Wonke amadoda aleminyaka efika kwengamatshumi amabili kusiya phezulu ayengaba libutho abalwa kwabhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 23 Inani labesizwana sikaSimiyoni lalizinkulungwane ezingamatshumi amahlanu lasificamunwemunye, lamakhulu amathathu (59,300).
\b
\li1
\v 24 Ezizukulwaneni zikaGadi:
\li2 Wonke amadoda aleminyaka efika kwengamatshumi amabili kusiya phezulu ayengaba libutho kwabhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 25 Inani labesizwana sikaGadi lalizinkulungwane ezingamatshumi amane lanhlanu, lamakhulu ayisithupha lamatshumi amahlanu (45,650).
\b
\li1
\v 26 Ezizukulwaneni zikaJuda:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 27 Inani labesizwana sikaJuda lalizinkulungwane ezingamatshumi ayisikhombisa lane lamakhulu ayisithupha (74,600).
\b
\li1
\v 28 Ezizukulwaneni zika-Isakhari:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 29 Inani labesizwana sika-Isakhari lalizinkulungwane ezingamatshumi amahlanu lane, lamakhulu amane (54,400).
\b
\li1
\v 30 Ezizukulwaneni zikaZebhuluni:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 31 Inani lesizwe sikaZebhuluni lalizinkulungwane ezingamatshumi amahlanu lasikhombisa, lamakhulu amane (57,400).
\b
\li4
\v 32 Emadodaneni kaJosefa:
\li1 Ezizukulwaneni zika-Efrayimi:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 33 Inani labesizwe sika-Efrayimi lalizinkulungwane ezingamatshumi amane lamakhulu amahlanu (40,500).
\li1
\v 34 Ezizukulwaneni zikaManase:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 35 Inani labesizwe sikaManase lalizinkulungwane ezintathu lambili, lamakhulu amabili (32,200).
\b
\li1
\v 36 Ezizukulwaneni zikaBhenjamini:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 37 Inani labesizwe sikaBhenjamini lalizinkulungwane ezingamatshumi amathathu lanhlanu, lamakhulu amane (35,400).
\b
\li1
\v 38 Ezizukulwaneni zikaDani:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 39 Inani labesizwe sikaDani lalizinkulungwane ezingamatshumi ayisithupha lambili, lamakhulu ayisikhombisa (62,700).
\b
\li1
\v 40 Ezizukulwaneni zika-Asheri:
\li2 Wonke amadoda aleminyaka angamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 41 Inani labesizwe sika-Asheri lalizinkulungwane ezingamatshumi amane lanye, lamakhulu amahlanu (41,500).
\b
\li1
\v 42 Ezizukulwaneni zikaNafithali:
\li2 Wonke amadoda aleminyaka engamatshumi amabili kusiya phezulu ayengaba libutho abhalwa amabizo awo, inye ngayinye, kulandelwa imbali yosendo langezindlu zokuzalwa kwawo. 
\v 43 Inani labesizwe sikaNafithali lalizinkulungwane ezingamatshumi amahlanu lantathu, lamakhulu amane (53,400).
\b
\li4
\v 44 La yiwo amadoda abalwa nguMosi lo-Aroni kanye labakhokheli bako-Israyeli abalitshumi lambili, munye ngamunye emele abendlu yakhe. 
\v 45 Wonke ama-Israyeli aleminyaka esukela kwengamatshumi amabili kusiya phezulu ayengaba libutho abalwa ngezindlu zawo. 
\v 46 Inani lawo esehlangene wonke lalizinkulungwane ezingamakhulu ayisithupha lantathu, lamakhulu amahlanu, lamatshumi amahlanu (603,550).
\b
\p
\v 47 Abendlu yesizwe sikaLevi, bona-ke, ababalwanga kanyekanye labanye. 
\v 48 \nd UThixo\nd* wayethe kuMosi: 
\v 49 “Ungabali abesizwe sikaLevi njalo ungabahlanganisi kulokhu kubalwa kwabanye laba abako-Israyeli. 
\v 50 Kodwa, beka abaLevi ukuthi baphathe ithabanikeli lobufakazi, impahla zalo zonke kanye lazozonke izinto ezisetshenziswa kulo. Yibo abazathwala ithabanikeli lempahla zalo; bazalinakekela njalo bazalihonqolozela. 
\v 51 Ngezikhathi zonke nxa ithabanikeli lisuswa abaLevi yibo abazalethula, kuthi-ke nxa selimiswa njalo, abaLevi yibo abazalimisa. Loba ngubani osondela phansi kwalo uzabulawa. 
\v 52 Abako-Israyeli bazakwakha amathente abo ngezigaba zabo, indoda ngayinye esihonqweni sayo ngaphansi kophawu lwayo. 
\v 53 Kodwa abaLevi bazamisa amathente abo ehonqolozele ithabanikeli loBufakazi ukuze isizwe sabako-Israyeli singayikwehlelwa lulaka. AbaLevi bazasebenza ukulinda iThabanikeli loBufakazi.”
\p
\v 54 Abako-Israyeli benza konke njengokulaywa kukaMosi \nd nguThixo\nd*.
\c 2
\s1 Ukuhlelwa Kwezihonqo Ngezizwana
\p
\v 1 \nd UThixo\nd* wathi kuMosi lo-Aroni: 
\v 2 “Abako-Israyeli bazahlala ezihonqweni begombolozele ithente lokuhlangana bucwadlana lalo, indoda ngayinye ngaphansi kophawu lwayo kanye lezibonakaliso zendlu yayo.”
\b
\li4
\v 3 Empumalanga,
\li1 isigaba sezihonqo zakoJuda sizakuba ngaphansi kophawu lwazo. Umkhokheli wabantu bakoJuda nguNahashoni indodana ka-Aminadabi. 
\v 4 Iviyo lakhe lizinkulungwane ezingamatshumi ayisikhombisa lane, lamakhulu ayisithupha (74,600).
\li1
\v 5 Izihonqo zesizwana sika-Isakhari zibe seduze khonapho. Umkhokheli wabantu besizwana sika-Isakhari nguNethaneli indodana kaZuwari. 
\v 6 Iviyo lakhe lizinkulungwane ezingamatshumi amahlanu lane, lamakhulu amane (54,400).
\li1
\v 7 Kulandele isizwana sikaZebhuluni. Umkhokheli wabantu besizwana sikaZebhuluni ngu-Eliyabi indodana kaHeloni. 
\v 8 Iviyo lakhe lizinkulungwane ezingamatshumi amahlanu lasikhombisa, lamakhulu amane (57,400).
\li4
\v 9 Wonke amadoda akhethelwe izihonqo zakoJuda, ngamaviyo awo, azinkulungwane ezilikhulu lamatshumi ayisificamunwemunye lesithupha, lamakhulu amane (186,400). Yibo abazaqala ukusuka.
\b
\li4
\v 10 Eningizimu kuzakuba
\li1 ngamaviyo ezihonqo zikaRubheni ngaphansi kophawu lwazo. Umkhokheli wabantu bakoRubheni ngu-Elizuri indodana kaShedewuri. 
\v 11 Iviyo lakhe lizinkulungwane ezingamatshumi amane lesithupha, lamakhulu amahlanu (46,500).
\li1
\v 12 Izihonqo zesizwana sikaSimiyoni zibe seduzane khonapho. Umkhokheli wabantu bakoSimiyoni nguShelumiyeli indodana kaZurishadayi. 
\v 13 Iviyo lakhe lizinkulungwane ezingamatshumi amahlanu lasificamunwemunye, lamakhulu amathathu (59,300).
\li1
\v 14 Kulandele isizwana sikaGadi. Umkhokheli wabantu bakoGadi ngu-Eliyasafi indodana kaRuweli. 
\v 15 Iviyo lakhe lizinkulungwane ezingamatshumi amane lanhlanu, lamakhulu ayisithupha alamatshumi amahlanu (45,650).
\li4
\v 16 Wonke amadoda akhethelwe izihonqo zakoRubheni ngamaviyo awo azinkulungwane ezilikhulu lamatshumi amahlanu lanye, lamakhulu amane alamatshumi amahlanu (151,450). Bazakuba ngabesibili ukusuka.
\b
\li1
\v 17 Emva kwalokho kuzasuka ithente lokuhlangana labezihonqo zabaLevi konke kube phakathi kwamaviyo ezihonqo. Bonke abantu bazalandelana ekuhambeni kwabo njengokuma kwezihonqo zabo kube yilowo lalowo endaweni yakhe ngaphansi kophawu lwakhe.
\b
\li4
\v 18 Entshonalanga kuzakuba:
\li1 ngamaviyo ezihonqo zika-Efrayimi ngaphansi kophawu lwawo. Umkhokheli wabantu bako-Efrayimi ngu-Elishama indodana ka-Amihudi. 
\v 19 Iviyo lakhe lizinkulungwane ezingamatshumi amane lamakhulu amahlanu (40,500).
\li1
\v 20 Isizwana sikaManase sibe seduzane khonapho. Umkhokheli wabantu bakoManase nguGamaliyeli indodana kaPhedazuri. 
\v 21 Iviyo lakhe lizinkulungwane ezingamatshumi amathathu lambili, lamakhulu amabili (32,200).
\li1
\v 22 Kulandele isizwana sikaBhenjamini. Umkhokheli wabantu bakoBhenjamini ngu-Abhidani indodana kaGidiyoni. 
\v 23 Iviyo lakhe lizinkulungwane ezingamatshumi amathathu lanhlanu, lamakhulu amane (35,400).
\li4
\v 24 Wonke amadoda ayekhethelwe izihonqo zako-Efrayimi, ngokwamaviyo awo, ayezinkulungwane ezilikhulu lasificaminwembili lekhulu (108,100). Bazakuba ngabesithathu ekusukeni.
\b
\li4
\v 25 Enyakatho kuzakuba
\li1 ngamaviyo ezihonqo zikaDani, ngaphansi kophawu lwawo. Umkhokheli wabantu bakoDani ngu-Ahiyezeri indodana ka-Amishadayi. 
\v 26 Iviyo lakhe lizinkulungwane ezingamatshumi ayisithupha lambili, lamakhulu ayisikhombisa (62,700).
\li1
\v 27 Izihonqo zesizwana sika-Asheri zibe seduzane khonapho. Umkhokheli wabantu bako-Asheri nguPhagiyeli indodana ka-Okhirani. 
\v 28 Iviyo lakhe lizinkulungwane ezingamatshumi amane lanye, lamakhulu amahlanu (41,500).
\li1
\v 29 Kulandele isizwana sikaNafithali. Umkhokheli wabantu bakoNafithali ngu-Ahira indodana ka-Enani. 
\v 30 Iviyo lakhe lizinkulungwane ezingamatshumi amahlanu lantathu, lamakhulu amane (53,400).
\li4
\v 31 Wonke amadoda ezihonqo zakoDani azinkulungwane ezilikhulu lamatshumi amahlanu lesikhombisa, lamakhulu ayisithupha (157,600). Bazasuka ekucineni, ngaphansi kophawu lwabo.
\b
\li4
\v 32 Laba yibo abako-Israyeli, ababalwa ngezindlu zabo. Bonke labo ababesezihonqweni, ngamaviyo abo, inani labo kuzinkulungwane ezingamakhulu ayisithupha lantathu, lamakhulu amahlanu alamatshumi amahlanu (603,550). 
\v 33 AbaLevi bona kababalwanga ndawonye labanye bonke abako-Israyeli njengokulaywa kukaMosi \nd nguThixo\nd*.
\b
\p
\v 34 Ngakho abako-Israyeli benza konke \nd uThixo\nd* ayelaye ngakho uMosi; kwaba yiyo indlela abahlala ngayo ezihonqweni ngaphansi kwempawu zabo, njalo yiyo indlela ababesuka ngayo nxa sekuhanjwa, munye ngamunye ngesizwana sakibo langendlu yakhe.
\c 3
\s1 AbaLevi
\p
\v 1 Lezi yizizukulwane zika-Aroni lezikaMosi ngesikhathi sokukhuluma \nd kukaThixo\nd* kuMosi entabeni yaseSinayi.
\b
\p
\v 2 Amabizo amadodana ka-Aroni kwakunguNadabi izibulo lo-Abhihu, u-Eliyazari kanye lo-Ithamari. 
\v 3 La ngamabizo amadodana ka-Aroni, agcotshwayo abekwa ukuba ngabaphristi. 
\v 4 Kodwa, uNadabi lo-Abhihu bafa phambi \nd kukaThixo\nd* ngenxa yokunikela ngomlilo ongemukelekiyo \nd kuThixo\nd* enkangala yaseSinayi. Babengelamadodana; kungakho u-Eliyazari lo-Ithamari babangabaphristi ngesikhathi uyise u-Aroni esaphila.
\p
\v 5 \nd UThixo\nd* wathi kuMosi, 
\v 6 “Letha abesizwe sikaLevi ubethule ku-Aroni umphristi ukuze bamncedise. 
\v 7 Bazamsebenzela yena kanye lesizwana sonke ethenteni lokuhlangana beqhuba umsebenzi wethabanikeli. 
\v 8 Bazalondoloza yonke impahla yethente lokuhlangana, benzele abako-Israyeli imisebenzi nxa besenza inkonzo ethabanikeleni. 
\v 9 Yethula abaLevi ku-Aroni lakumadodana akhe; bangabako-Israyeli okumele bethulwe ngokugcweleyo kuye. 
\v 10 Khetha u-Aroni lamadodana akhe ukuthi babe ngabaphristi; loba ngubani omunye ozasondela endaweni engcwele kumele abulawe.”
\p
\v 11 \nd UThixo\nd* waphinda wathi kuMosi, 
\v 12 “AbaLevi sengibakhetha phakathi kwabako-Israyeli esikhundleni samazibulo angabafana esizweni sonke sako-Israyeli. AbaLevi ngabami, 
\v 13 njengoba wonke amazibulo engawami. Ekubulaleni kwami wonke amazibulo aseGibhithe, ngazehlukanisela wonke amazibulo ako-Israyeli, awabantu loba awezinyamazana. Kumele abe ngawami. Mina \nd nginguThixo\nd*.”
\p
\v 14 \nd UThixo\nd* wathi kuMosi eNkangala yaseSinayi, 
\v 15 “Bala abaLevi ngezindlu zabo langosendo lwabo. Bala bonke abesilisa kusukela kwabalenyanga eyodwa bezelwe kusiya phezulu.” 
\v 16 Ngakho uMosi wababala, njengokulaywa kwakhe yilizwi \nd likaThixo\nd*.
\b
\li1
\v 17 La ngamabizo amadodana kaLevi:
\li2 uGeshoni, uKhohathi kanye loMerari.
\li1
\v 18 La ngamabizo abosendo lukaGeshoni:
\li2 uLibhini loShimeyi.
\li1
\v 19 Abosendo lukaKhohathi babeyilaba:
\li2 u-Amramu, u-Izihari, uHebhroni kanye lo-Uziyeli.
\li1
\v 20 Abosendo lukaMerari babeyilaba:
\li2 uMahili loMushi.
\b
\li4 Laba kwakungabosendo lwabaLevi, kusiya ngezindlu zabo.
\b
\li4
\v 21 KuGeshoni kwavela usendo lwamaLibhini lolwamaShimeyi; laba yibo abosendo lwamaGeshoni.
\li1
\v 22 Inani lamadoda wonke kusukela kwabalenyanga eyodwa bezelwe kusiya phezulu ababalwayo babezinkulungwane eziyisikhombisa lamakhulu amahlanu (7,500).
\li1
\v 23 Abosendo lwamaGeshoni babezahlala ezihonqweni zabo entshonalanga, ngemuva kwethabanikeli.
\li1
\v 24 Umkhokheli wabezindlu zabakoGeshoni kwakungu-Eliyasafi indodana kaLayeli.
\li1
\v 25 Umsebenzi wamadodana kaGeshoni ethenteni lokuhlangana wawungowokulondoloza ithabanikeli, ithente, isembeso salo, ikhetheni lesango lethente lokuhlangana, 
\v 26 amakhetheni eguma, ikhetheni lesango leguma elihonqolozele ithabanikeli kanye le-alithari, lamagoda, lakho konke okuphathelane lalowo msebenzi.
\b
\li4
\v 27 Abosendo lukaKhohathi kwakungama-Amramu, ama-Izihari, amaHebhroni kanye lama-Uziyeli. Laba yibo abosendo lwamaKhohathi.
\li1
\v 28 Inani lamadoda wonke kusukela kwabalenyanga eyodwa bezelwe kusiya phezulu babezinkulungwane eziyisificaminwembili lamakhulu ayisithupha (8,600).
\li1 AmaKhohathi yiwo ayelomlandu wokugcina indawo engcwele.
\li1
\v 29 Abosendo lwamaKhohathi bahlala ezihonqweni zabo eningizimu yethabanikeli.
\li1
\v 30 Umkhokheli wabezindlu zabosendo lwamaKhohathi kwakungu-Elizafani indodana ka-Uziyeli.
\li1
\v 31 Babelomlandu wokugcina umtshokotsho wesivumelwano, itafula, uluthi lwezibane, ama-alithare, impahla zendawo engcwele ezazisetshenziswa emsebenzini wokukhonza.
\li1
\v 32 U-Eliyazari indodana ka-Aroni, umphristi, wayengumkhokheli omkhulu wabaLevi. Wabekwa phezu kwalabo ababelomlandu wokugcina indawo engcwele.
\b
\li4
\v 33 Abosendo lukaMerari kwakungamaMahili lamaMushi; laba babengabosendo lwamaMerari.
\li1
\v 34 Inani lamadoda asukela kwabalenyanga eyodwa bezelwe kusiya phezulu ababalwayo babezinkulungwane eziyisithupha lamakhulu amabili (6,200).
\li1
\v 35 Umkhokheli wezindlu zosendo lwamaMerari kwakunguZuriyeli indodana ka-Abhihayili;
\li1 babezahlala ezihonqweni zabo enyakatho yethabanikeli.
\li1
\v 36 Abosendo lwamaMerari babelomlandu wokugcina amathala ethabanikeli, imithando, izinsika, izisekelo, izitsha zalo zonke lakho konke okuphathelane lemisebenzi yakho, 
\v 37 kanye lezinsika lezisekelo zazo ezihonqolozele iguma, izikhonkwane zethente kanye lamagoda.
\b
\li1
\v 38 UMosi kanye lo-Aroni lamadodana akhe babezahlala ezihonqweni zabo empumalanga yethabanikeli, phambi kwethente lokuhlangana.
\li1 Babelomlandu wokugcinela abako-Israyeli indawo engcwele.
\li1 Loba ngubani omunye owayezasondela endaweni engcwele kwakumele abulawe.
\b
\li4
\v 39 Inani labaLevi bonke ababalwayo njengokulaywa kukaMosi lo-Aroni \nd nguThixo\nd* kulandelwa insendo zawo, kusukela kwabesilisa ababelenyanga eyodwa yokuzalwa kusiya phezulu, babezinkulungwane ezingamatshumi amabili lambili (22,000).
\b
\p
\v 40 \nd UThixo\nd* wathi kuMosi, “Bala wonke amazibulo esilisa ako-Israyeli kusukela kwabalenyanga eyodwa bezelwe kusiya phezulu wenze uluhlu lwamabizo abo. 
\v 41 Esikhundleni samabizo ako-Israyeli nginika abaLevi, njalo lezifuyo zabaLevi esikhundleni samazibulo ezifuyo zabako-Israyeli. Mina \nd nginguThixo\nd*.”
\p
\v 42 Ngalokho-ke uMosi wabala wonke amazibulo abako-Israyeli, njengokulaywa kwakhe \nd nguThixo\nd*. 
\v 43 Inani lawo wonke amazibulo esilisa kusukela kwalenyanga eyodwa yokuzalwa kusiya phezulu, ebhalwe ngoluhlu lwamabizo, ayezinkulungwane ezingamatshumi amabili lambili, lamakhulu amabili alamatshumi ayisikhombisa lantathu (22,273).
\p
\v 44 \nd UThixo\nd* wabuya wathi kuMosi, 
\v 45 “Esikhundleni samazibulo ako-Israyeli thatha abaLevi, lezifuyo zabaLevi esikhundleni sezifuyo zabo. AbaLevi kumele babengabami. Mina \nd nginguThixo\nd*. 
\v 46 Ukuhlenga amazibulo ako-Israyeli angamakhulu amabili alamatshumi ayisikhombisa lantathu (273) abangaphezu kwenani labaLevi, 
\v 47 thatha amashekeli amahlanu omunye ngamunye wabo, kusiya ngeshekeli lendawo engcwele, elilesisindo samagera angamatshumi amabili. 
\v 48 Imali yokuhlenga abako-Israyeli abangaphezu kwenani uyiphe u-Aroni lamadodana akhe.”
\p
\v 49 Lakanye uMosi wayibutha imali yokuhlenga labo ababelinani eledlula kwabahlengwa ngabaLevi. 
\v 50 Wamukela kuvela emazibulweni abako-Israyeli isiliva esingamashekeli ayinkulungwane elamakhulu amathathu lamatshumi ayisithupha lanhlanu (1,365) ngesilinganiso seshekeli lendawo engcwele. 
\v 51 UMosi waqhubela u-Aroni lamadodana akhe imali yokuhlenga, njengokulaywa kwakhe \nd nguThixo\nd*.
\c 4
\s1 AmaKhohathi
\p
\v 1 \nd UThixo\nd* wathi kuMosi lo-Aroni: 
\v 2 “Balani ingxenye yabaLevi abangamaKhohathi libabale ngosendo langezindlu zabo. 
\v 3 Balani wonke amadoda kusukela kwabaleminyaka engamatshumi amathathu kusiya kwabaleminyaka engamatshumi amahlanu yokuzalwa abeza bezosebenza emsebenzini wethente lokuhlangana.
\p
\v 4 Lo yiwo umsebenzi ozakwenziwa ngamaKhohathi ethenteni lokuhlangana, ukulondoloza yonke into engcwelengcwele. 
\v 5 Nxa kuthuthwa kusukwa ezihonqweni, u-Aroni lamadodana akhe kabangene bayekwethula ikhetheni elisithileyo basibekele ibhokisi lobufakazi ngalo. 
\v 6 Lokhu bazakugubuzela ngezikhumba zezinyamazana, bendlale ilembu eliluhlaza okwesibhakabhaka phezu kwalokho besebefaka izibambo endaweni yazo.
\p
\v 7 Phezu kwetafula yoBukhona \nd bukaThixo\nd* kumele bendlale ilembu eliluhlaza okwesibhakabhaka bafake phezu kwalo imiganu, izinditshi lengubhe, lenkezo zeminikelo enathwayo; kuthi lesosinkwa esihlala sikhonapho sisale phezu kwayo. 
\v 8 Phezu kwalokhu bazakwendlala ilembu elibomvu, bembese lokho ngezikhumba zezinyamazana besebefaka izibambo ezindaweni zazo.
\p
\v 9 Kumele bathathe ilembu eliluhlaza okwesibhakabhaka bembese ngalo uluthi lwesibane sokukhanyisa, kanye lezibane zalo, izintambo zesibane kanye lezibambiso zakhona, lemiganu, lezitsha zamafutha zokuthelisa kuso. 
\v 10 Besebelugoqela kanye lezinto zalo zonke ngezikhumba zezinyamazana balufakele izibambo zokuthwala.
\p
\v 11 Phezu kwe-alithari legolide kabendlale ilembu eliluhlaza okwesibhakabhaka bakugoqele ngezikhumba zezinyamazana besebefaka izibambo zokuthwalisa endaweni yazo.
\p
\v 12 Bazathatha zonke izinto zokusebenzisa endaweni engcwelengcwele, bazigoqele ngelembu eliluhlaza okwesibhakabhaka, bembese lokho ngezikhumba zezinyamazana bafake phezu kwethala lokuthwalisa.
\p
\v 13 Kumele babuthe umlotha bawususe phezu kwe-alithari elilithusi besebesendlala ilembu eliyibubende phezu kwalo. 
\v 14 Besebefaka phezu kwalo zonke izitsha ezisetshenziswa emsebenzini we-alithari, kuhlanganisa lezindengezi zeziko, izitsha zokosa inyama, amafotsholo lemiganu yokuchelisa. Phezu kwalo kumele bendlale isembeso sezikhumba zezinyamazana babe sebefaka izibambo zokuthwalisa endaweni yazo.
\p
\v 15 Ngemva kokuba u-Aroni lamadodana akhe sebeqedile ukwembesa impahla zonke ezendawo engcwele lazozonke izinto ezingcwele, kanye lokuthi sebelungele ukusuka, amaKhohathi yiwo okumele eze azothwala. Kodwa akumelanga bathinte izinto ezingcwele ngoba bazakufa. AmaKhohathi azathwala lezozinto ezisethenteni lokuhlangana.
\p
\v 16 U-Eliyazari indodana ka-Aroni, umphristi, uzakhangela amafutha esibane, impepha, umnikelo ojayelekileyo wamabele lamafutha okugcoba abakhethiweyo. Uzagcina ithabanikeli ngonanzelelo layo yonke into ephakathi kwalo, kanye lempahla ezingcwele lezitsha zalo.”
\p
\v 17 \nd UThixo\nd* watshela uMosi lo-Aroni wathi, 
\v 18 “Nanzelelani ukuthi izizwe zosendo lwamaKhohathi azehlukaniswa labaLevi. 
\v 19 Lokhu kuyikuthi baphile bengafi nxa bethe basondela phansi kwezinto ezingcwelengcwele, balungiseleni lokhu: U-Aroni lamadodana akhe bazakuya endaweni engcwele bayekwabela indoda yinye ngayinye umsebenzi wayo kanye lalokho okumele bakuthwale. 
\v 20 Kodwa amaKhohathi akumelanga angene ukuthi ayebona izinto ezingcwele, loba okomzuzwana nje kuphela, ngoba bazakufa.”
\s1 AmaGeshoni
\p
\v 21 \nd UThixo\nd* wathi kuMosi, 
\v 22 “Bala njalo amaGeshoni ngezindlu langosendo lwawo. 
\v 23 Bala wonke amadoda kusukela kwabaleminyaka engamatshumi amathathu kusiya kwabaleminyaka engamatshumi amahlanu yokuzalwa labo abezayo ukuzosebenza ethenteni lokuHlangana.
\p
\v 24 Lo ngumsebenzi okumele wenziwe ngabosendo lwamaGeshoni ekusebenzeni kwabo lekuthwaleni kwabo imithwalo: 
\v 25 Bazathwala amakhetheni ethabanikeli, ithente lokuhlangana, isembeso salo kanye lesangaphandle esezikhumba zezinyamazana, amakhetheni entuba yethente lokuhlangana, 
\v 26 amakhetheni eguma elihonqolozele ithabanikeli le-alithari, ikhetheni lesango, izintambo lakho konke okusetshenziswa kulo umsebenzi. AmaGeshoni azakwenza konke okumele kwenziwe ngalezizinto. 
\v 27 Imisebenzi yabo yonke abayenzayo, kumbe yikuthwala kumbe ngumsebenzi othile, bazayenza ngokuqondisa kuka-Aroni lamadodana akhe. Uzabapha kube ngumlandu wabo ukuthwala lokho ozabe uthe bakuthwale. 
\v 28 Lokhu kuzakuba ngumsebenzi wabosendo lwamaGeshoni ethenteni lokuhlangana. Umsebenzi wabo bazawenza ngokuqondisa kuka-Ithamari indodana ka-Aroni, umphristi.”
\s1 AmaMerari
\p
\v 29 “Bala amaMerari ngosendo langezindlu zawo. 
\v 30 Bala wonke amadoda kusukela kwabaleminyaka engamatshumi amathathu kusiya kwabaleminyaka engamatshumi amahlanu yokuzalwa abezayo ukusebenza ethenteni lokuhlangana. 
\v 31 Lo yiwo ozakuba ngumsebenzi wabo ethenteni lokuhlangana: ukuthwala amathala ethabanikeli, imithando yalo, izinsika lezisekelo, 
\v 32 kanye lezinsika ezihonqolozele iguma kanye lezisekelo zazo, izikhonkwane zethente, amagoda, izitsha zakhona lakho konke okuhambelana lokusetshenziswa kwazo. Batshengise bonke munye ngamunye lezozinto abafanele bazithwale. 
\v 33 Lo yiwo umsebenzi ozakwenziwa ngabosendo lwamaMerari ekusebenzeni kwabo ethenteni lokuhlangana beqondiswa ngu-Ithamari indodana ka-Aroni, umphristi.”
\s1 Ukubalwa Kwabosendo LwamaLevi
\li1
\v 34 UMosi, u-Aroni labakhokheli babantu babala amaKhohathi ngosendo langezindlu zawo.
\li2
\v 35 Wonke amadoda aleminyaka esukela kwabaleminyaka engamatshumi amathathu kusiya kwabaleminyaka engamatshumi amahlanu abezayo ukusebenza ethenteni lokuhlangana, 
\v 36 bebalwa ngensendo, babazinkulungwane ezimbili lamakhulu ayisikhombisa alamatshumi amahlanu (2,750). 
\v 37 Leli linani eligcweleyo lalabo abosendo lwamaKhohathi abasebenza ethenteni lokuhlangana. UMosi lo-Aroni babala njengokulaywa kwabo \nd nguThixo\nd* etshela uMosi.
\b
\li1
\v 38 AmaGeshoni abalwa ngensendo langezindlu zawo.
\li2
\v 39 Wonke amadoda aleminyaka yokuzalwa engamatshumi amathathu kusiya kwabaleminyaka engamatshumi amahlanu ababesebenza ethenteni lokuhlangana, 
\v 40 bebalwa ngensendo langezindlu zabo, babazinkulungwane ezimbili lamakhulu ayisithupha alamatshumi amathathu (2,630). 
\v 41 Leli linani eligcweleyo lwensendo zamaGeshoni abasebenza ethenteni lokuhlangana. UMosi lo-Aroni babala njengokulaywa kwabo \nd nguThixo\nd*.
\b
\li1
\v 42 AmaMerari abalwa ngensendo langezindlu zawo.
\li2
\v 43 Wonke amadoda ayeleminyaka yokuzalwa esukela kwabalamatshumi amathathu kusiya kwabaleminyaka engamatshumi amahlanu ababezosebenza ethenteni lokuhlangana, 
\v 44 sebebaliwe ngensendo zabo, babazinkulungwane ezintathu lamakhulu amabili (3,200). 
\v 45 Leli kwaba linani eligcweleyo kwabosendo lwamaMerari. UMosi lo-Aroni babala njengokulaya \nd kukaThixo\nd* elaya uMosi.
\b
\li4
\v 46 Ngalokho uMosi, u-Aroni labakhokheli bako-Israyeli babala bonke abaLevi ngensendo langezindlu zabo. 
\v 47 Wonke amadoda asukela kwabaleminyaka engamatshumi amathathu kusiya kwabaleminyaka engamatshumi amahlanu yokuzalwa abeza ukulungisa kanye lokuthwala ithente lokuhlangana 
\v 48 babezinkulungwane eziyisificaminwembili lamakhulu amahlanu alamatshumi ayisificaminwembili (8,580). 
\v 49 Ngokulaya \nd kukaThixo\nd* elaya uMosi, ngulowo lalowo wabelwa umsebenzi wakhe ayezawenza lokwakumele akuthwale.
\b
\p Yiyo le indlela ababalwa ngayo, njengokulaywa kukaMosi \nd nguThixo\nd*.
\c 5
\s1 Ubungcwele Bezihonqo
\p
\v 1 \nd UThixo\nd* wathi kuMosi, 
\v 2 “Tshela abako-Israyeli ukuthi basuse ezihonqweni wonke olobulephero loba ophuma ubovu loba bungobunjani, loba engongcolileyo ngokomkhuba ngenxa yesidumbu sofileyo. 
\v 3 Susani ngokufananayo loba ngowesilisa loba ngowesifazane; kumele limsuse ukuze angangcolisi isihonqo sakwabo; ngoba ngihlala khona phakathi kwabo.” 
\v 4 Abako-Israyeli bakwenza lokho; babakhuphela ngaphandle kwezihonqo. Bakwenza njengokulaywa kukaMosi \nd nguThixo\nd*.
\s1 Umlayo Omayelana Lokuhlawula Komuntu Olecala
\p
\v 5 \nd UThixo\nd* wathi kuMosi, 
\v 6 “Tshono kwabako-Israyeli uthi: ‘Nxa indoda loba umfazi onele omunye loba ngayiphi indlela etshengisele ukungathembeki \nd kuThixo\nd*, lowomuntu ulomlandu 
\v 7 njalo kumele avume isono sakhe. Kahlawule ngokugcweleyo icala lakhe, engezelele ingxenye yesihlanu ekuhlawuleni lowo amoneleyo. 
\v 8 Kodwa uba lowo engelasihlobo okungahlawulwa kuso icala, inhlawulo \nd ngekaThixo\nd*, kodwa lizaphiwa umphristi, kanye lenqama azamenzela ngayo indlela yokubuyisana. 
\v 9 Izipho zonke ezingcwele ezilethwa ngabako-Israyeli kumphristi zizakuba ngezakhe. 
\v 10 Izipho zendoda inye ngayinye ezingcwele ngezayo, kodwa lokho indoda ezakupha umphristi ngokomphristi.’ ”
\s1 Ukuhlolwa Koyendileyo Ongathembekanga
\p
\v 11 \nd UThixo\nd* wathi kuMosi, 
\v 12 “Khuluma labako-Israyeli ubatshele ukuthi: ‘Nxa umfazi wendoda ephambuka engathembeki endodeni 
\v 13 ngokulala lamanye amadoda kodwa lokhu kungesobala endodeni yakhe lehlazo lelo lingabonakali (njengoba kungelamfakazi njalo engabanjwanga ekwenza), 
\v 14 kodwa indoda ikhulelwe yibukhwele ibisimnakanela umfazi wayo ukuthi ungcolile, loba ilobukhwele imnakanela kodwa yena engangcolanga, 
\v 15 kumele ithathe umfazi wayo iye laye kumphristi. Phezu kwalokho kumele imphathele ifulawa yebhali eyingxenye yetshumi yehefa. Akumelanga ithele amafutha e-oliva phezu kwayo loba afake impepha phezu kwayo ngoba kungumnikelo wobukhwele wamabele, umnikelo wokubonisa ukuthi kulecala.
\p
\v 16 Umphristi uzamletha owesifazane amise phambi \nd kukaThixo\nd*. 
\v 17 Abesethatha amanzi angcwele ngembiza yomdaka athele emanzini uthuli olubuthwe phansi ethabanikeleni. 
\v 18 Ngemva kokuba umphristi eseke wamisa owesifazane phambi \nd kukaThixo\nd* kumele atshombulule inwele zakhe abesefaka ezandleni zakhe umnikelo wokukhumbuza, umnikelo wobukhwele wamabele, umphristi yena uzabe ephethe amanzi ababayo aletha isithuko. 
\v 19 Ngalokho-ke umphristi uzafungisa owesifazane athi kuye, “Nxa kungelandoda eke yalala lawe loba ungazange uphambuke ungcole wena wendile, akuthi lamanzi ababayo aletha isithuko angakulimazi. 
\v 20 Kodwa nxa uphambukile wena wendile wazingcolisa ngokulala lenye indoda engasumkakho,” 
\v 21 lapho umphristi kufanele afungise owesifazane ngesithuko lesi athi, “sengathi \nd uThixo\nd* angenza abakini bakuthuke, bakuhlamukele lapho ekwenza ukuba uswele kuthi isisu sakho sikhukhumale. 
\v 22 Akuthi amanzi la aletha isithuko angene emzimbeni wakho ukuze isisu sakho sikhukhumale kumbe uswele.”
\p Ngakho owesifazane uzakuthi, “Ameni. Akube njalo.”
\p
\v 23 Umphristi uzaloba lezi zithuko ogwalweni azigezisele emanzini ababayo. 
\v 24 Uzanathisa owesifazane amanzi ababayo aletha isithuko, wona amanzi azamzwisa ubuhlungu nxa esewanathile. 
\v 25 Umphristi uzasusa ezandleni zowesifazane umnikelo wamabele obukhwele, awuzunguze phambi \nd kukaThixo\nd* abesewuletha e-alithareni. 
\v 26 Umphristi abesechupha-ke ngesandla umnikelo wamabele njengomnikelo wesikhumbuzo awutshisele e-alithareni; ngemva kwalokho kumele anathise owesifazane amanzi la. 
\v 27 Nxa ezingcolisile ngokungathembeki kumkakhe, kuzakuthi lapho enatha amanzi aletha isithuko, angene emzimbeni abangele ubuhlungu; isisu sakhe sizakhukhumala njalo aswele, abe ngoqalekisiweyo ebantwini bakibo. 
\v 28 Kodwa-ke nxa lo owesifazane engazingcolisanga, emsulwa, uzakhululwa kulelo cala abelakho ukuthola inzalo.
\p
\v 29 Ngakho-ke, lo yiwo umlayo wobukhwele nxa owesifazane ephambukile wazingcolisa yena endile, 
\v 30 loba nxa indoda ifikelwa yibukhwele ngoba ilesazela ngomkayo. Umphristi uzamisa owesifazane phambi \nd kukaThixo\nd* asebenzise lumlayo ngokugcweleyo kowesifazane. 
\v 31 Indoda izabe imsulwa ekoneni konke, kodwa owesifazane uzathwala izehlakalo zonke zesono sakhe.’ ”
\c 6
\s1 UmNaziri
\p
\v 1 \nd UThixo\nd* wathi kuMosi, 
\v 2 “Khuluma labako-Israyeli ubatshele lokhu: ‘Nxa owesilisa loba owesifazane efuna ukwenza isifungo esibalulekileyo, isifungo sokuzahlukanisela \nd kuThixo\nd* ukuba abe ngumNaziri, 
\v 3 kumele angabe esanatha iwayini loba yikuphi okunathwayo okulemvubelo njalo akumelanga ukuthi anathe iviniga eyenziwe ngewayini loba okunathwayo okulemvubelo. Kanganathi umhluzi wezithelo zevini, njalo angadli izithelo zevini ezimanzi loba ezomileyo. 
\v 4 Nxa elokhu engumNaziri kangadli lutho oluvela esivinini kungakhathalekile ukuthi zintanga loba ngamakhasi esithelo.
\p
\v 5 Ngasosonke isikhathi esemi esifungweni sokuzahlukanisela akumelanga kube lempuco ekhanda lakhe. Kumele abengcwele size sedlule isikhathi sakhe sokuzahlukanisela \nd uThixo\nd*; kayekele inwele zakhe zikhule zibende.
\p
\v 6 Kusosonke isikhathi sakhe sokuzahlukanisela \nd uThixo\nd* kangasondeli esidunjini. 
\v 7 Loba kungaze kube kufe uyise loba unina loba umfowabo loba udadewabo, akumelanga azingcolise ngokomkhuba ngenxa yabo, ngoba uphawu lokuzahlukanisela uNkulunkulu lusekhanda lakhe. 
\v 8 Ngasosonke isikhathi sokuzahlukanisela kwakhe ungokhethiweyo \nd kuThixo\nd*.
\p
\v 9 Nxa kungafa umuntu emehlweni akhe, ngakho besekungcolisa inwele zakhe asezinikele, kumele aphuce ikhanda ngosuku lokuhlanjululwa kwakhe, usuku lwesikhombisa. 
\v 10 Ngakho ngosuku lwesificaminwembili kalethe kumphristi esangweni lethente lokuhlangana amajuba amabili loba inkwilimba ezincane ezimbili. 
\v 11 Umphristi uzanikela umnikelo wesono ngenye inyoni kuthi enye ibe ngumnikelo wokutshiswa ukumenzela indlela yokubuyisana ngoba enze isono ngoba lapho okulesidumbu khona. Ngalo lolosuku kumele angcwelise ikhanda lakhe. 
\v 12 Kazinikele \nd kuThixo\nd* okwesikhathi leso azahlukanisele sona njalo alethe izinyane lemvu elilomnyaka owodwa eliduna libe njengomnikelo wecala. Insuku ezadlulayo kazibalwa, ngoba ube ngongcolileyo ngesikhathi sokuzahlukanisela kwakhe.
\p
\v 13 Lo ngumlayo womNaziri nxa isikhathi sakhe sokuzahlukanisela sesiphelile. Kumele alethwe esangweni lethente lokuhlangana. 
\v 14 Kethule lapho umnikelo wakhe \nd kuThixo\nd*: izinyane lemvu elilomnyaka owodwa eliduna elingelasici libe ngumnikelo wokutshiswa, izinyane lemvu elisikazi elilomnyaka owodwa elingelasici libe ngumnikelo wesono, inqama engelasici ibe ngumnikelo wobudlelwano, 
\v 15 ndawonye leminikelo yamabele leyokunathwayo, kanye lesitsha sesinkwa esingelamvubelo, amakhekhe enziwe ngefulawa ecolekileyo ixutshwe ngamafutha, njalo lamaqebelengwane agcotshwe ngamafutha.
\p
\v 16 Umphristi uzakwethula lokhu phambi \nd kukaThixo\nd* enze umnikelo wesono lowokutshiswa. 
\v 17 Umphristi uzakwethula isitsha esilesinkwa esingelamvubelo njalo enze umhlatshelo ngenqama kube ngumnikelo wobudlelwano \nd kuThixo\nd*, ndawonye lomnikelo wakho wamabele lowokunathwayo.
\p
\v 18 Ngakho umNaziri uzaphucela inwele zakhe zokwahlukanisela esangweni lethente lokuhlangana. Uzaphosela inwele lezo emlilweni ongaphansi komnikelo wobudlelwano.
\p
\v 19 Nxa umNaziri esephuce inwele zokuzahlukanisela kwakhe, umphristi uzabeka ezandleni zakhe umkhono wenqama ephekiweyo, kanye lekhekhe leqebelengwane esitsheni, kokubili kungela mvubelo. 
\v 20 Umphristi uzakuzunguza phambi \nd kukaThixo\nd* njengomnikelo wokuzunguzwa; kungcwele njalo kungokomphristi, kuhlanganisela lesifuba esizunguziweyo kanye lomlenze owethuliweyo. Ngemva kwalokho, umNaziri usenganatha iwayini.
\p
\v 21 Lo ngumlayo womNaziri ofunga ngokunikela \nd kuThixo\nd* kusiya ngokuzahlukanisela, kuyikwengeza kulokho ayabe ekwenelisile. Kagcwalise isifungo asenzileyo, ngokomlayo womNaziri.’ ”
\s1 Ukubusiswa Kwabantu NgabaPhristi
\p
\v 22 \nd UThixo\nd* wathi kuMosi, 
\v 23 “Tshela u-Aroni lamadodana akhe uthi, ‘Le yiyo indlela elizabusisa ngayo abako-Israyeli. Khulumani lithi kubo:
\q1
\v 24 “\nd UThixo\nd* alibusise
\q2 njalo aligcine;
\q1
\v 25 \nd UThixo\nd* kakhazimulise ubuso bakhe phezu kwenu
\q2 njalo abe lomusa kini;
\q1
\v 26 \nd UThixo\nd* kakhangelise ubuso bakhe kini
\q2 njalo aliphe ukuthula.” ’
\p
\v 27 Ngokunjalo bazabiza ibizo lami phezu kwabako-Israyeli, mina ngizababusisa.”
\c 7
\s1 Iminikelo Ekubusisweni KweThabanikeli
\p
\v 1 Kwathi uMosi eseqedile ukumisa ithabanikeli, waligcoba njalo walibusisa kanye lempahla yalo yonke. Wabuye wagcoba njalo wabusisa i-alithari kanye lezitsha zalo zonke. 
\v 2 Kwasekusithi abakhokheli bako-Israyeli, inhloko zezimuli ezazingabakhokheli zensendo ziphethe labo ababebalwa, zanikela. 
\v 3 Zaletha izipho zazo \nd kuThixo\nd*, izinqola eziyisithupha ezembesiweyo lenkabi ezilitshumi lambili, kuyikuthi umkhokheli munye anikele ngenkabi eyodwa kuthi ababili bahlanganyele inqola eyodwa. Lokhu bakuletha ethabanikeleni.
\p
\v 4 \nd UThixo\nd* wathi kuMosi, 
\v 5 “Yamukela izipho ezivela kubo ukuze zisetshenziswe ethenteni lokuhlangana. Yabela abaLevi kusiya ngomsebenzi wendoda yinye ngayinye.”
\p
\v 6 Ngakho uMosi wathatha izinqola kanye lenkabi wazinika abaLevi. 
\v 7 Wanika abakoGeshoni izinqola ezimbili kanye lenkabi ezine, kusiya ngomsebenzi wabo, 
\v 8 abakoMerari bona wabapha izinqola ezine kanye lenkabi eziyisificaminwembili, kusiya ngomsebenzi wabo. Bonke babelawulwa ngu-Ithamari indodana ka-Aroni, umphristi. 
\v 9 Kodwa uMosi kazange aphe lokukodwa kumaKhohathi, ngenxa yokuthi kwakungumlandu wabo wokuthwala ngamahlombe abo zonke izinto ezingcwele.
\p
\v 10 Ekugcotshweni kwe-alithari, abakhokheli baletha phambi kwalo iminikelo yabo yokulahlukanisela. 
\v 11 Ngoba \nd uThixo\nd* wayethe kuMosi, “Umkhokheli oyedwa ngelanga uzaletha umnikelo wakhe wokwahlukaniselwa kwe-alithari.”
\b
\li4
\v 12 Owaletha umnikelo wakhe ngosuku lwakuqala nguNahashoni indodana ka-Aminadabi owesizwana sakoJuda.
\li1
\v 13 Umnikelo wakhe:
\li2 wawungumganu wesiliva isisindo sawo singamashekeli alikhulu lamatshumi amathathu, lomganu oyingubhe wokuchela wesiliva, isisindo sawo ungamashekeli angamatshumi ayisikhombisa, yomibili kulinganiswa ngeshekeli lendlu engcwele, ngamunye ugcwele ifulawa ecolekileyo ixutshaniswe lamafutha njengomnikelo wamabele;
\li2
\v 14 inditshi yegolide eyodwa elesisindo esingamashekeli alitshumi, igcwele impepha;
\li2
\v 15 inkunzi eliguqa, inqama eyodwa lezinyane lemvu eliduna elilomnyaka owodwa, kungumnikelo wokutshiswa;
\li2
\v 16 impongo eyodwa kungumnikelo wesono;
\li2
\v 17 kanye lenkabi ezimbili, inqama ezinhlanu, impongo ezinhlanu kanye lamazinyane amaduna ezimvu alomnyaka owodwa, ukuze kube ngumhlatshelo womnikelo wobudlelwano.
\li4 Lo kwaba ngumnikelo kaNahashoni indodana ka-Aminadabi.
\b
\li4
\v 18 Ngosuku lwesibili uNethaneli indodana kaZuwari umkhokheli wabendlu ka-Isakhari, waletha umnikelo wakhe.
\li1
\v 19 Umnikelo awulethayo:
\li2 kwakungumganu wesiliva isisindo sawo ungamashekeli alikhulu elilamatshumi amathathu, lomganu owodwa wesiliva oyingubhe owokuchela olesisindo samashekeli angamatshumi ayisikhombisa, yomibili kulinganiswa ngeshekeli lendlu engcwele, ngamunye ugcwele ifulawa ecolekileyo ixutshaniswe lamafutha njengomnikelo wamabele;
\li2
\v 20 inditshi yegolide eyodwa elesisindo esingamashekeli alitshumi, igcwele impepha;
\li2
\v 21 inkunzi eliguqa, inqama eyodwa kanye lezinyane lemvu eliduna elilomnyaka owodwa, kungumnikelo wokutshiswa;
\li2
\v 22 impongo eyodwa kungumnikelo wesono;
\li2
\v 23 lenkabi ezimbili, inqama ezinhlanu, impongo ezinhlanu kanye lamazinyane ezimvu amahlanu alomnyaka owodwa, kube ngumhlatshelo womnikelo wobudlelwano.
\li4 Lo kwaba ngumnikelo kaNethaneli indodana kaZuwari.
\b
\li4
\v 24 Ngosuku lwesithathu, u-Eliyabi indodana kaHeloni, umkhokheli wabantu bakaZebhuluni, waletha umnikelo wakhe.
\li1
\v 25 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo, exutshaniswe lamafutha njengomnikelo wamabele;
\li2
\v 26 inditshi yegolide eyodwa elesisindo esingamashekeli alitshumi, igcwele impepha;
\li2
\v 27 inkunzi eliguqa, inqama kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 28 impongo eyodwa kungumnikelo wesono;
\li2
\v 29 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna alomnyaka owodwa, kube ngumhlatshelo womnikelo wobudlelwano.
\li4 Lo kwakungumnikelo ka-Eliyabi indodana kaHeloni.
\b
\li4
\v 30 Ngosuku lwesine u-Elizuri indodana kaShedewuri, umkhokheli wabantu bakaRubheni, waletha umnikelo wakhe.
\li1
\v 31 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 32 inditshi yegolide eyodwa elesisindo esingamashekeli alitshumi, igcwele impepha;
\li2
\v 33 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 34 impongo eyodwa kungumnikelo wesono;
\li2
\v 35 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano.
\li4 Lo kwakungumnikelo ka-Elizuri indodana kaShedewuri.
\b
\li4
\v 36 Ngosuku lwesihlanu uShelumiyeli indodana kaZurishadayi, umkhokheli wabantu bakaSimiyoni waletha umnikelo wakhe.
\li1
\v 37 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 38 inditshi yegolide eyodwa elesisindo esingamashekeli alitshumi, igcwele impepha;
\li2
\v 39 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 40 impongo eyodwa kungumnikelo wesono;
\li2
\v 41 kanye lenkabi ezimbili, lenqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano.
\li4 Lo kwakungumnikelo kaShelumiyeli indodana kaZurishadayi.
\b
\li4
\v 42 Ngosuku lwesithupha u-Eliyasafi indodana kaDuweli, umkhokheli wabantu bakaGadi, waletha umnikelo wakhe.
\li1
\v 43 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 44 inditshi yegolide eyodwa elesisindo esingamashekeli alitshumi, igcwele impepha;
\li2
\v 45 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 46 impongo eyodwa kungumnikelo wesono;
\li2
\v 47 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano.
\li4 Lo kwakungumnikelo ka-Eliyasafi indodana kaDuweli.
\b
\li4
\v 48 Ngosuku lwesikhombisa u-Elishama indodana ka-Amihudi, umkhokheli wabantu baka-Efrayimi, waletha umnikelo wakhe.
\li1
\v 49 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 50 inditshi yegolide eyodwa elesisindo esingamashekeli alitshumi igcwele impepha;
\li2
\v 51 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 52 impongo eyodwa kungumnikelo wesono;
\li2
\v 53 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa ukuba kube ngumhlatshelo womnikelo wobudlelwano.
\li4 Lo kwakungumnikelo ka-Elishama indodana ka-Amihudi.
\b
\li4
\v 54 Ngosuku lwesificaminwembili uGamaliyeli indodana kaPhedazuri, umkhokheli wabantu bakaManase, waletha umnikelo wakhe.
\li1
\v 55 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 56 inditshi yegolide eyodwa elesisindo esingamashekeli alitshumi, igcwele impepha;
\li2
\v 57 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 58 impongo eyodwa kungumnikelo wesono;
\li2
\v 59 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano.
\li4 Lo kwakungumnikelo kaGamaliyeli indodana kaPhedazuri.
\b
\li4
\v 60 Ngosuku lwesificamunwemunye u-Abhidani indodana kaGidiyoni, umkhokheli wabantu bakaBhenjamini, waletha umnikelo wakhe.
\li1
\v 61 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 62 inditshi yegolide eyodwa elesisindo esingamashekeli alitshumi, igcwele impepha;
\li2
\v 63 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 64 impongo eyodwa kungumnikelo wesono;
\li2
\v 65 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano.
\li4 Lo kwakungumnikelo ka-Abhidani indodana kaGidiyoni.
\b
\li4
\v 66 Ngosuku lwetshumi u-Ahiyezeri indodana ka-Amishadayi, umkhokheli wabantu bakaDani, waletha umnikelo wakhe.
\li1
\v 67 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 68 inditshi yegolide eyodwa elesisindo esingamashekeli alitshumi, igcwele impepha;
\li2
\v 69 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 70 impongo eyodwa kungumnikelo wesono;
\li2
\v 71 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano.
\li4 Lo kwakungumnikelo ka-Ahiyezeri indodana ka-Amishadayi.
\b
\li4
\v 72 Ngosuku lwetshumi lanye uPhagiyeli indodana ka-Okhirani, umkhokheli wabantu baka-Asheri, waletha umnikelo wakhe.
\li1
\v 73 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 74 inditshi yegolide eyodwa elesisindo esingamashekeli alitshumi, igcwele impepha;
\li2
\v 75 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 76 impongo eyodwa kungumnikelo wesono;
\li2
\v 77 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano.
\li4 Lo kwakungumnikelo kaPhagiyeli indodana ka-Okhirani.
\b
\li4
\v 78 Ngosuku lwetshumi lambili u-Ahira indodana ka-Enani, umkhokheli wabantu bakaNafithali, waletha umnikelo wakhe.
\li1
\v 79 Umnikelo wakhe:
\li2 wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili ibe lesilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;
\li2
\v 80 inditshi yegolide eyodwa elesisindo esingamashekeli alitshumi, igcwele impepha;
\li2
\v 81 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;
\li2
\v 82 impongo eyodwa kungumnikelo wesono;
\li2
\v 83 kanye lenkabi ezimbili, inqama ezinhlanu, impongo ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano.
\li4 Lo kwakungumnikelo ka-Ahira indodana ka-Enani.
\b
\li1
\v 84 Le yayiyiminikelo yabakhokheli bako-Israyeli yokwahlukaniselwa kwe-alithari mhla ligcotshwa:
\li2 imiganu elitshumi lambili yesiliva, imiganu yokuchela yesiliva eyingubhe elitshumi lambili kanye lenkezo zegolide ezilitshumi lambili. 
\v 85 Umganu munye wesiliva ulesisindo samashekeli alikhulu lamatshumi amathathu, njalo umganu oyingubhe wokuchela ngamunye ulesisindo samashekeli angamatshumi ayisikhombisa. Sezihlangene, izitsha zesiliva zazilesisindo esingamashekeli azinkulungwane ezimbili lamakhulu amane, kulinganiswa ngesisindo seshekeli lendlu engcwele. 
\v 86 Izinditshi ezilitshumi lambili zegolide zigcwele impepha zilesisindo samashekeli alitshumi inye, kulinganiswa ngesisindo seshekeli lendlu engcwele. Sezindawonye, inkezo zegolide zilesisindo samashekeli alikhulu elilamatshumi amabili.
\li2
\v 87 Inani lezinyamazana zonke ezomnikelo wokutshiswa zazibalisa itshumi lambili lenkunzi ezingamaguqa, itshumi lambili lenqama kanye letshumi lambili lamazinyane ezimvu amaduna alomnyaka owodwa, kanye lomnikelo wazo wamabele. Impongo ezilitshumi lambili zaba ngezomnikelo wesono.
\li2
\v 88 Sezihlangene zonke izinyamazana zomhlatshelo womnikelo wobudlelwano kwaba zinkabi ezingamatshumi amabili lane, inqama ezingamatshumi ayisithupha, impongo ezingamatshumi ayisithupha kanye lamazinyane amaduna ezimvu alomnyaka owodwa angamatshumi ayisithupha.
\b
\li4 Le kwakuyiminikelo yokwahlukaniselwa kwe-alithari emva kokugcotshwa kwalo.
\b
\p
\v 89 Kwathi uMosi engena ethenteni lokuhlangana ukuba ayekhuluma \nd loThixo\nd*, wezwa ilizwi likhuluma laye liphuma sengathi liphahlwe ngamakherubhi amabili ngaphezu kwesisibekelo sesihlalo somusa, phezu kwebhokisi lobuFakazi. Wasekhuluma laye.
\c 8
\s1 Ukumiswa Kwezibane
\p
\v 1 \nd UThixo\nd* wathi kuMosi, 
\v 2 “Tshono ku-Aroni uthi, ‘Nxa usumisa izibane eziyisikhombisa, kufanele zikhanyise indawo ephambi koluthi lwezibane.’ ”
\p
\v 3 U-Aroni wenza njalo; wamisa izibane oluthini zikhangele phambili, njengokulaywa kukaMosi \nd nguThixo\nd*. 
\v 4 Uluthi lwesibane lwalwenziwe ngale indlela: Lwalwenziwe ngegolide elikhandiweyo kusukela esidindini salo kusiya embaxeni zamaluba alo. Uluthi lwesibane lwenziwa lwafana xathu lalokho \nd uThixo\nd* ayekutshengise uMosi.
\s1 Ukwahlukaniswa KwabaLevi
\p
\v 5 \nd UThixo\nd* wathi kuMosi: 
\v 6 “Yahlukanisa abaLevi kwabanye bonke abako-Israyeli ubahlambulule ngokomkhuba. 
\v 7 Nanku ozakwenza nxa usubahlambulula: Bachele ngamanzi okuhlambulula, uthi baphuce imizimba yabo yonke njalo bagezise izigqoko zabo, bazihlambulule. 
\v 8 Kabathathe inkunzi eliguqa ndawonye lomnikelo wayo wamabele ayifulawa ecolekileyo exutshaniswe lamafutha; ubusuthatha inkunzi yesibili ibe ngumnikelo wesono. 
\v 9 Letha abaLevi phambi kwethente lokuhlangana ubusubuthanisa isizwe sonke sako-Israyeli. 
\v 10 Letha abaLevi phambi \nd kukaThixo\nd*, abako-Israyeli babeke izandla zabo phezu kwabaLevi. 
\v 11 U-Aroni kethule abaLevi phambi \nd kukaThixo\nd* njengomnikelo wabako-Israyeli wokuzunguzwa, ukuze balungele ukwenza umsebenzi \nd kaThixo\nd*.
\p
\v 12 Nxa abaLevi sebebeke izandla zabo phezu kwamakhanda enkunzi, uzakwenza umnikelo wesono \nd kuThixo\nd* ngenye yazo kanye lomnikelo wokutshiswa, ukwenzela abaLevi indlela yokubuyisana. 
\v 13 Misa abaLevi phambi kuka-Aroni kanye lamadodana akhe ubethule njengomnikelo wokuzunguzwa phambi \nd kukaThixo\nd*. 
\v 14 Ngalokhu uzabe usubahlukanisile abaLevi kwabanye bonke abako-Israyeli, ngakho abaLevi bazakuba ngabami.
\p
\v 15 Ngemva kokuba usuhlambulule wethula abaLevi njengomnikelo wokuzunguzwa, kabeze benze umsebenzi wabo ethenteni lokuhlangana. 
\v 16 Bangabako-Israyeli abaphiwe mina ngokugcweleyo. Sengibathethe baba ngabami esikhundleni samazibulo, wonke umntwana ongumfana wokuqala ozelwe ngowesifazane wako-Israyeli. 
\v 17 Wonke amazibulo ako-Israyeli, awabantu kumbe awezinyamazana, angawami. Ngazehlukanisela wona mhla ngibulala amazibulo wonke eGibhithe. 
\v 18 Ngakho-ke sengithethe abaLevi esikhundleni samazibulo wonke angabafana bako-Israyeli. 
\v 19 Kubo bonke abako-Israyeli, senginike abaLevi ku-Aroni kanye lamadodana akhe ukuba babe yizipho ukuze benzele abako-Israyeli umsebenzi kanye lendlela yokubuyisana ethenteni lokuhlangana ukuze abako-Israyeli bangahlaselwa yisifo nxa besondela endlini engcwele.”
\p
\v 20 UMosi lo-Aroni kanye labo bonke abako-Israyeli benza njalo kubaLevi njengalokhu \nd uThixo\nd* walaya uMosi. 
\v 21 AbaLevi bazihlambulula njalo bagezisa izigqoko zabo. Ngakho u-Aroni wabethula phambi \nd kukaThixo\nd* njengomnikelo wokuzunguzwa njalo wabenzela indlela yokubuyisana ebahlambulula. 
\v 22 Ngemva kwalokho, abaLevi beza ethenteni lokuhlangana ukuzokwenza umsebenzi wabo ngaphansi kuka-Aroni kanye lamadodana akhe. Benza njalo kubaLevi njengokulaywa kukaMosi \nd nguThixo\nd*.
\p
\v 23 \nd UThixo\nd* wathi kuMosi, 
\v 24 “Lokhu kuqondane labaLevi: Abesilisa abaleminyaka engamatshumi amabili lanhlanu kusiya phezulu bazakwenza umsebenzi ethenteni lokuhlangana, 
\v 25 kodwa asebeleminyaka engamatshumi amahlanu okuzalwa bazamiswa ukuphatha imisebenzi yabo yensuku ngensuku bangabe besasebenza futhi. 
\v 26 Bangasiza nje abafowabo nxa besenza imisebenzi yabo ethenteni lokuhlangana, kodwa bona ngokwabo bangasebenzi. Le yiyo-ke indlela ozakupha ngayo abaLevi imisebenzi.”
\c 9
\s1 IPhasika
\p
\v 1 Ngenyanga yakuqala ngomnyaka wesibili ngemva kokuphuma kwabo eGibhithe \nd uThixo\nd* wakhuluma loMosi enkangala yaseSinayi, wathi, 
\v 2 “Yenza abako-Israyeli bagcine iPhasika ngesikhathi esimisiweyo. 
\v 3 Gcinani umkhosi walo ngesikhathi esimisiweyo, kusihlwa ngosuku lwetshumi lane lwayonale inyanga, ngokwezimiso kanye lemithetho yawo.”
\p
\v 4 Ngakho uMosi watshela abako-Israyeli ukuthi bagcine iPhasika, 
\v 5 benza njalo kusihlwa ngosuku lwetshumi lane lwenyanga yakuqala enkangala yaseSinayi. Abako-Israyeli benza konke njengokulaywa kukaMosi \nd nguThixo\nd*.
\p
\v 6 Kodwa abanye babo abazange bagcine iPhasika ngalolosuku ngoba babengcolile ngokomkhuba ngenxa yesidumbu. Ngakho beza kuMosi lo-Aroni ngalolosuku 
\v 7 bathi kuMosi, “Sesingcolile ngenxa yesidumbu, kambe kungani sinqatshelwa ukwethula umnikelo \nd kaThixo\nd* kanye labanye bako-Israyeli ngesikhathi esimisiweyo na?”
\p
\v 8 UMosi wabaphendula wathi, “Manini, ukuze ngizwe ukuthi \nd uThixo\nd* uzakuthini ngani.”
\p
\v 9 Ngakho \nd uThixo\nd* wathi kuMosi, 
\v 10 “Tshono kwabako-Israyeli uthi: ‘Nxa omunye wenu loba ubani wakini kumbe izizukulwane zenu ezingcoliswe yisidumbu kumbe ethethe uhambo, angagcina iPhasika \nd likaThixo\nd*. 
\v 11 Bangagcina lumkhosi kusihlwa ngosuku lwetshumi lane lwenyanga yesibili. Kabadle iwundlu, kanye lesinkwa esingelamvubelo lemibhida ebabayo. 
\v 12 Bangatshiyi lutho lwakho kuze kuse kumbe ukwephula loba yiliphi lamathambo alo. Nxa begcina iPhasika, kabalandele yonke imithetho yalo. 
\v 13 Kodwa nxa umuntu ehlambulukile ngokomkhuba njalo engekho ohanjweni ehluleke ukugcina iPhasika, lowomuntu kasuswe ebantwini bakibo ngoba engethulanga umnikelo \nd kaThixo\nd* ngesikhathi esimisiweyo. Lowomuntu uzathwala umlandu wesono sakhe.
\p
\v 14 Owezizweni ohlala phakathi kwenu ofuna ukugcina iPhasika \nd likaThixo\nd* kakwenze ngokwezimiso kanye lemithetho yalo. Wobani lezimiso zinye kowezizweni kanye lowakini.’ ”
\s1 Iyezi Phezu KweThabanikeli
\p
\v 15 Ngosuku okwamiswa ngalo ithabanikeli, ithente lobuFakazi lamiswa, iyezi lalisibekela. Kusukela kusihlwa kwaze kwasa iyezi elaliphezu kwethabanikeli lalinjengomlilo. 
\v 16 Laqhubeka linjalo; lembeswe liyezi, ebusuku lalinjengomlilo. 
\v 17 Kwakusithi iyezi lingaphakama lisuka phezu kwethente, abako-Israyeli labo babesuka bahambe kuthi lapho elima khona, abako-Israyeli bamise izihonqo zabo khona. 
\v 18 Abako-Israyeli babesuka bahambe ngokulaya \nd kukaThixo\nd*, kuthi njalo ngokulaya kwakhe bamise izihonqo zabo. Ngesikhathi sonke iyezi limi phezu kwethabanikeli, abako-Israyeli bahlala ezihonqweni zabo. 
\v 19 Lapho iyezi lihlala isikhathi eside phezu kwethabanikeli, abako-Israyeli bamlalela \nd uThixo\nd* abaze bahamba. 
\v 20 Kwesinye isikhathi iyezi lalisima phezu kwethabanikeli okwezinsukwana nje kuphela; ngokulaya \nd kukaThixo\nd* babehlala ezihonqweni khonapho, kuthi njalo ngokulaya kwakhe basuke bahambe. 
\v 21 Kwesinye isikhathi iyezi lalisima kusukela kusihlwa kuze kuse, kuthi nxa lisuka ekuseni, labo bahambe. Kungakhathalekile ukuthi kusemini loba kusebusuku, sonke isikhathi lapho iyezi lisuka babesuka bahambe. 
\v 22 Loba iyezi lalisima phezu kwethabanikeli okwensuku ezimbili, kumbe okwenyanga eyodwa loba okomnyaka, abako-Israyeli babehlala khonapho ezihonqweni bangasuki; kodwa nxa lingasuka, labo babesuka. 
\v 23 Ngokulaya \nd kukaThixo\nd* babehlala ezihonqweni, langokulaya kwakhe njalo babesuka bahambe. Balalela okwakutshiwo \nd nguThixo\nd* ngokulaya kwakhe ngoMosi.
\c 10
\s1 Amacilongo Esiliva
\p
\v 1 \nd UThixo\nd* wathi kuMosi: 
\v 2 “Yenza amacilongo amabili ngesiliva esikhandiweyo, ukuze uwasebenzise nxa ubizela abako-Israyeli ndawonye lanxa izihonqo sezifanele ukususwa ukuba kuhanjwe. 
\v 3 Kuzakuthi nxa amacilongo womabili angakhala sikhathi sinye, isizwe sonke sako-Israyeli sibuthane phambi kwakho esangweni lethente lokuHlangana. 
\v 4 Kungakhala elilodwa nje, abakhokheli, inhloko zezizwana zako-Israyeli, kumele babuthane phambi kwakho. 
\v 5 Nxa icilongo lingakhala kakhulu, izizwana ezihlala ezihonqweni ezisempumalanga zizasuka. 
\v 6 Lingakhala kakhulu okwesibili izihonqo ezingeningizimu zizasuka. Ukukhala kakhulu kwecilongo kutsho ukuthi kakusukwe. 
\v 7 Ekubuthanisweni kwabantu ndawonye, lizakhalisa amacilongo, kodwa kube lomahluko ukukhala kwawo.
\p
\v 8 Amadodana ka-Aroni, abaphristi, yibo abazatshaya amacilongo. Lesi siyisimiso esizakuma njalo kini lakuzizukulwane ezizayo. 
\v 9 Nxa lisilwa impi lesitha esilincindezelayo elizweni lakini, lizakhalisa kakhulu amacilongo. Ngalokho \nd uThixo\nd* uNkulunkulu wenu uzalikhumbula njalo lisindiswe ezitheni zenu. 
\v 10 Njalo lasezikhathini zenu zentokozo, emikhosini emisiweyo kanye lemadilini okuThwasa kwenyanga, lizakhalisa amacilongo phezu kweminikelo yokutshiswa kanye leminikelo yobudlelwano, ngakho izakuba yisikhumbuzo senu phambi kukaNkulunkulu wenu. Mina \nd nginguThixo\nd* uNkulunkulu wenu.”
\s1 Abako-Israyeli Basuka ESinayi
\p
\v 11 Ngosuku lwamatshumi amabili ngenyanga yesibili ngomnyaka wesibili, iyezi lasuka phezu kweThabanikeli lobuFakazi. 
\v 12 Ngalokho abako-Israyeli basuka enkangala yaseSinayi bazula indawo ngendawo iyezi laze layakuma enkangala yasePharani. 
\v 13 Basuka, okwehlandla lakuqala ngokulaya \nd kukaThixo\nd* ngoMosi.
\p
\v 14 Izigaba zezihonqo zakoJuda zasuka kuqala, ngophawu lwazo. Zazilawulwa nguNahashoni indodana ka-Aminadabi. 
\v 15 UNethaneli indodana kaZuwari ekhokhele izigaba zesizwana sika-Isakhari, 
\v 16 kuthi u-Eliyabi indodana kaHeloni ekhokhele izigaba zesizwana sikaZebhuluni. 
\v 17 Ngakho basebechitha ithabanikeli, kwathi amaGeshoni lamaMerari ayelithwala, lawo asuka.
\p
\v 18 Kwalandela izigaba zezihonqo zikaRubheni, lazo zingaphansi kophawu lwazo. U-Elizuri indodana kaShedewuri wayekhokhele. 
\v 19 UShelumiyeli indodana kaZurishadayi ekhokhele isigaba sesizwana sikaSimiyoni, 
\v 20 kanti u-Eliyasafi indodana kaDuweli wayekhokhele isigaba sesizwana sikaGadi. 
\v 21 Kwasekusuka amaKhohathi, wona asuka ethwele izinto ezingcwele. Ithabanikeli kwakumele limiswe abako-Israyeli bengakafiki.
\p
\v 22 Izigaba zezihonqo zika-Efrayimi zalandela, ngaphansi kophawu lwazo. Owayekhokhele ngu-Elishama indodana ka-Amihudi. 
\v 23 UGamaliyeli indodana kaPhedazuri wayekhokhele isigaba sesizwana sikaManase, 
\v 24 kanti u-Abhidani indodana kaGidiyoni wakhokhela isigaba sezihonqo zesizwana sikaBhenjamini.
\p
\v 25 Ekucineni, beliviyo elalivimbe emuva kwazo zonke izigaba, kwaba ngabezihonqo zesizwana sikaDani, abasuka ekucineni labo bengaphansi kophawu lwabo. Owayekhokhele kwakungu-Ahiyezeri indodana ka-Amishadayi. 
\v 26 UPhagiyeli indodana ka-Okhirani wayekhokhele isigaba sesizwana sika-Asheri, 
\v 27 kanti u-Ahira indodana ka-Enani wayekhokhele isigaba sesizwana sikaNafithali. 
\v 28 Lokhu kwakuyindlela yokulandelana kokuhamba kwezigaba zabako-Israyeli ekusukeni kwabo.
\p
\v 29 UMosi wathi kuHobhabhi indodana kaRuweli onguMidiyani uyisezala kaMosi, “Sesisuka sisiya elizweni lelo elatshiwo \nd nguThixo\nd* ukuthi ‘Ngizalipha lona.’ Woza sihambe lawe thina sizakuphatha kuhle, \nd uThixo\nd* uthembise abako-Israyeli izinto ezinhle.”
\p
\v 30 Waphendula wathi, “Hatshi, angiyikuhamba, ngizabuyela kwelakithi ebantwini bakithi.”
\p
\v 31 Kodwa uMosi wathi, “Ngiyakuncenga ungasuki phakathi kwethu. Nguwe owazi lapha okufanele sihlale khona enkangala, njalo ongaba ngamehlo ethu. 
\v 32 Nxa ungahamba lathi, sizakwabelana lawe izinto ezinhle esiyabe siziphiwe \nd nguThixo\nd*.”
\p
\v 33 Ngakho basuka entabeni \nd kaThixo\nd* bahamba okwensuku ezintathu. Umtshokotsho wesivumelwano \nd sikaThixo\nd* wahamba phambi kwabo okwalezonsuku ezintathu ukubafunela indawo yokuphumula. 
\v 34 Iyezi \nd likaThixo\nd* lalisiba phezu kwabo emini lapho sebesuka ezihonqweni.
\p
\v 35 Kwakusithi lapho umtshokotsho wesivumelwano usuka, uMosi athi,
\q1 “Phakama, \nd Thixo\nd*!
\q2 Sengathi izitha zingahlakazeka;
\q2 sengathi izitha zakho zingabaleka phambi kwakho.”
\p
\v 36 Kwakusithi lingema, athi,
\q1 “Buya, \nd Thixo\nd*,
\q2 kuzinkulungwane zako-Israyeli ezingebalwe.”
\c 11
\s1 Umlilo Ovela \nd kuThixo\nd*
\p
\v 1 Abantu basola ngobunzima ababelabo \nd uThixo\nd* esizwa, kwathi ekuzwa lokho wathukuthela kakhulu. Kwasekusithi umlilo ovela \nd kuThixo\nd* wavutha phakathi kwabo waze waqothula lezinye izindawo ezisemaphethelweni ezihonqo. 
\v 2 Kwathi lapho abantu sebekhale kuMosi, yena wakhuleka \nd kuThixo\nd* ngakho umlilo wadeda. 
\v 3 Indawo leyo yasibizwa ngokuthi yiThabhera, ngoba umlilo \nd kaThixo\nd* wavutha phakathi kwabo.
\s1 Izagwaca Ezivela \nd kuThixo\nd*
\p
\v 4 Uquqaba lwabantu olwaluphakathi kwabo lwaqala ukufisa okunye ukudla, ngakho labako-Israyeli baqala ukulila bathi, “Aluba besingazuza inyama yokudla nje kodwa lokhu! 
\v 5 Sesikhumbula inhlanzi esasizidla eGibhithe kungelambadalo lamakhomane, amakhabe, amalikhi lemihlobo yonke yehanyanisi kanye legalikhi. 
\v 6 Pho khathesi lapha sesize singasakhwabithi lokudla; kasiboni lutho ngaphandle kwemana yonale zwi!”
\p
\v 7 Imana yayiphose ilingane lentanga yekhoriyanda ilombala ofana lowenhlaka. 
\v 8 Abantu babephuma bayeyibutha, bayichole kumbe bayigige. Babeyipheka embizeni kumbe benze amaqebelengwana ngayo. Yayinambitheka njengento ephekwe ngamafutha e-oliva. 
\v 9 Kwakusithi nxa kusiba lamazolo ezihonqweni ebusuku, imana layo ikhithika.
\p
\v 10 UMosi wezwa abantu bendlu inye ngayinye bekhala, ngulowo esemnyango wethente lakhe. \nd UThixo\nd* wathukuthela kakhulu, njalo uMosi wakhathazeka. 
\v 11 UMosi wathi \nd kuThixo\nd*, “Kungani wehlisele ubunzima encekwini yakho na? Kuyini engikwenzileyo okungakuthokozisanga ukuze ungeleke ngobunzima babantu bonke laba na? 
\v 12 Ngingunina wabo na? Yimi engabazalayo yini? Kungani usithi ngibaphathe ngezandla zami njengomongikazi ephethe usane, ngibase elizweni lesithembiso owafunga ngalo kubokhokho babo na? 
\v 13 Ngingayithatha ngaphi inyama yokupha abantu bonke laba? Lokhu bengikhalela besithi, ‘Sinike inyama sidle!’ 
\v 14 Ngeke ngibathwale abantu bonke laba ngingedwa; umthwalo lo unzima kakhulu kimi. 
\v 15 Nxa kuyiyo indlela ozangiphatha ngayo, ngibulala khathesi, nxa ngifumane umusa kuwe, ukuze ngingaboni ukuhlupheka kwami.”
\p
\v 16 \nd UThixo\nd* wathi kuMosi: “Ngilethela ebadaleni bako-Israyeli abangamatshumi ayisikhombisa obaziyo ukuthi bangabakhokheli futhi yizikhulu zabantu. Balethe ethenteni lokuhlangana ukuze bame lawe khonapho. 
\v 17 Ngizakwehla ngizekhuluma lawe khonapho, ngizathatha ingxenye yoMoya okuwe ngiwufake phezu kwabo. Bazakuncedisa ukuthwala umthwalo wabantu bako-Israyeli ukuze ungawuthwali wedwa.
\p
\v 18 Tshela abantu uthi: Zingcweliseni lilungiselela usuku lwakusasa, lapho elizakudla khona inyama. \nd UThixo\nd* ulizwile likhala kuye lisithi, ‘Ngubani ozasipha inyama ukuba sidle? Kwakungcono kithi siseGibhithe!’ Khathesi \nd uThixo\nd* uzalinika inyama, njalo lizayidla. 
\v 19 Aliyikuyidla okosuku olulodwa loba ezimbili, loba ezinhlanu, ezilitshumi loba ezingamatshumi amabili, 
\v 20 kodwa lizayidla okwenyanga yonke, ize iphume ngamakhala enu, ilitshiphele, ngoba limhlamukele \nd uThixo\nd* ephakathi kwenu, njalo likhalile phambi kwakhe, lisithi, ‘Kanti sivele sasukelani eGibhithe.’ ”
\p
\v 21 Kodwa uMosi wathi, “Mina ngilapha phakathi kwamadoda azinkulungwane ezingamakhulu ayisithupha (600,000) ahamba ngezinyawo, kodwa wena uthi, ‘Ngizabanika inyama abazayidla okwenyanga yonke!’ 
\v 22 Bebengeneliswa na aluba bebehlatshelwe imihlambi yezimvu leyezifuyo? Babezakweneliswa na aluba begolelwe inhlanzi zonke zasolwandle?”
\p
\v 23 \nd UThixo\nd* wamphendula uMosi wathi, “Kambe ingalo \nd kaThixo\nd* imfitshane na? Uzabona-ke khathesi longabe yebo loba hayi ukuthi engikutshoyo kuzagcwaliseka kuwe.”
\p
\v 24 Ngakho uMosi waphuma wayatshela abantu lokho okwakutshiwo \nd nguThixo\nd*. Wahlanganisa abadala abangamatshumi ayisikhombisa wabamisa bahonqolozela ithente. 
\v 25 Ngalokho \nd uThixo\nd* wehla ngeyezi wakhuluma laye, yena wasethatha uMoya owawuphezu kwakhe wawethulela phezu kwabadala bebandla abangamatshumi ayisikhombisa. Kwathi uMoya usuphezu kwabo, baphrofitha, kodwa kabazange baphinde bakwenze emva kwalokho.
\p
\v 26 Kodwa-ke, kwakukhona amadoda amabili, kungu-Elidadi loMedadi ababesele esihonqweni. Lanxa babebalelwa ebadaleni, kodwa kabazange baphume ukuya eThenteni. Kanti-ke uMoya wawehlele phezu kwabo labo, njalo babephrofitha besesihonqweni. 
\v 27 Ijahana elincinyane lagijima layabikela uMosi lathi, “U-Elidadi loMedadi bayaphrofitha besesihonqweni.”
\p
\v 28 UJoshuwa indodana kaNuni, owayekade engumsekeli kaMosi kusukela ebutsheni bakhe, waphakamisa ilizwi wathi, “Mosi, nkosi yami, bathulise!”
\p
\v 29 Kodwa uMosi waphendula wathi, “Uyangikhwelezela na? Ngiyafisa ukuthi ngabe bonke abantu \nd bakaThixo\nd* bangabaphrofethi njalo lokuthi \nd UThixo\nd* wehlisele uMoya wakhe phezu kwabo!” 
\v 30 Ngakho uMosi labadala bako-Israyeli babuyela ezihonqweni.
\p
\v 31 Kwasekuphephetha umoya uvela \nd kuThixo\nd* wathinta izagwaca zivela olwandle. Zakhithika zelekana ukusuka phansi okwezingalo ezimbili ezihonqweni, zendlaleka okomango ongahanjwa okosuku lonke inxa zonke. 
\v 32 Mhlalokho emini lebusuku njalo langosuku olulandelayo abantu baphuma bayabutha izagwaca. Akekho owabutha izagwaca ezinganeno kwamahomeri alitshumi. Ngakho basebezichaya indawana zonke ezihonqweni. 
\v 33 Kodwa kwathi belokhu besayihlafuna inyama bengakayiginyi, ulaka \nd lukaThixo\nd* lwavutha phezu kwabantu, njalo wabatshaya ngokubehlisela umkhuhlane. 
\v 34 Ngakho indawo leyo yabizwa ngokuthi yiKhibhrothi Hathava, ngoba kulapho okwangcwatshwa khona abantu ababebukhali kokunye ukudla.
\p
\v 35 Ekusukeni kwabo eKhibhrothi Hathava abantu bahamba baze bayafika eHazerothi bahlala khona.
\c 12
\s1 UMiriyemu Lo-Aroni Baphikisa UMosi
\p
\v 1 UMiriyemu lo-Aroni basuka basebeqalisa ukusola uMosi ngenxa yomkakhe ongumKhushi, njengoba wayethethe umKhushi. 
\v 2 Babuzana bathi: “Kambe uMosi nguye yedwa ongumlomo \nd kaThixo\nd* na? Kanti lathi kazange asenze izikhulumeli zakhe na?” \nd UThixo\nd* wakuzwa lokhu.
\p
\v 3 (UMosi wayeyindoda ethobeke kakhulu, ethobeke ukwedlula wonke amadoda asemhlabeni.)
\p
\v 4 Khonokho nje \nd uThixo\nd* wathi kuMosi, u-Aroni loMiriyemu, “Phumani lize ethenteni lokuhlangana, lonke lobathathu.” Lakanye beza bobathathu. 
\v 5 \nd UThixo\nd* wehla ngensika yeyezi; wema esangweni lethente wasebiza u-Aroni loMiriyemu. Kwathi lapho sebesondele bobabili, 
\v 6 \nd uThixo\nd* wasesithi, “Lalelani amazwi ami:
\q1 Nxa kulomphrofethi \nd kaThixo\nd* phakathi kwenu,
\q2 ngiziveza kuye ngemibono,
\q2 ngikhuluma laye emaphutsheni.
\q1
\v 7 Kodwa akunjalo ngenceku yami uMosi;
\q2 uthembekile endlini yami yonke.
\q1
\v 8 Nxa ngikhuluma laye siqondana ubuso ngobuso,
\q2 ngokucacileyo kungesikuphicana;
\q2 uyasibona isimo \nd sikaThixo\nd*.
\q1 Kungani pho belingesabi
\q2 ukusola inceku yami uMosi na?”
\p
\v 9 Ulaka \nd lukaThixo\nd* lwavutha phezu kwabo, \nd uThixo\nd* wasesuka kubo.
\p
\v 10 Ekusukeni kweyezi phezu kwethente, kwabonakala uMiriyemu esemi lapho eselobulephero obunjengongqwaqwane. U-Aroni uthe emkhangela wambona eselobulephero; 
\v 11 wasesithi kuMosi, “Awu, nkosi yami, ungasibeki icala ngenxa yesono esisenze ngobuwula. 
\v 12 Ungamyekeli enjengomntwana ozelwe efile, inyama yakhe idliwe nganxanye.”
\p
\v 13 Ngakho uMosi wakhala \nd kuThixo\nd* wathi, “Nkulunkulu, ngiyakucela, msilise.”
\p
\v 14 \nd UThixo\nd* waphendula uMosi wathi, “Kambe ngabe uyise ubemkhafulele ebusweni, ubengayikuthwala ihlazo okwensuku eziyisikhombisa na? Mkhupheni ahlale ngaphandle kwezihonqo okwensuku eziyisikhombisa; ngemva kwalokho selingambuyisa.” 
\v 15 Ngakho uMiriyemu wahlaliswa ngaphandle kwezihonqo okwensuku eziyisikhombisa, ngakho abantu kabaqhubekanga ngohambo waze waphenduka.
\p
\v 16 Ngemva kwalokho, abantu basuka eHazerothi bayamisa izihonqo enkangala yasePharani.
\c 13
\s1 Ukuhlolwa Kwelizwe LaseKhenani
\p
\v 1 \nd UThixo\nd* wathi kuMosi, 
\v 2 “Thuma amadoda athile ukuba ayehlola ilizwe laseKhenani, engilinika abako-Israyeli. Kusendo ngalunye lwesizwe thuma umkhokheli oyedwa.”
\p
\v 3 Ngakho ngokulaya \nd kukaThixo\nd* uMosi wabakhupha labo enkangala yePharani. Bonke babengabakhokheli bako-Israyeli.
\b
\li4
\v 4 Nanka amabizo abo:
\b
\li1 esizweni sikaRubheni, kwakunguShamuwa indodana kaZakhuri;
\li1
\v 5 esizweni sikaSimiyoni, kwakunguShafathi indodana kaHori;
\li1
\v 6 esizweni sikaJuda, kwakunguKhalebi indodana kaJefune;
\li1
\v 7 esizweni sika-Isakhari, kwakungu-Igali indodana kaJosefa;
\li1
\v 8 esizweni sika-Efrayimi, kwakunguHosheya indodana kaNuni;
\li1
\v 9 esizweni sikaBhenjamini, kwakunguPhalithi indodana kaRafu;
\li1
\v 10 esizweni sikaZebhuluni, kwakunguGadiyeli indodana kaSodi;
\li1
\v 11 esizweni sikaManase (owesizwe sikaJosefa), kwakunguGadi indodana kaSusi;
\li1
\v 12 esizweni sikaDani, kwakungu-Amiyeli indodana kaGemali;
\li1
\v 13 esizweni sika-Asheri, kwakunguSethuri indodana kaMikhayeli;
\li1
\v 14 esizweni sikaNafithali, kwakunguNabhi indodana kaVofisi;
\li1
\v 15 esizweni sikaGadi, kwakunguGewuweli indodana kaMakhi.
\b
\li4
\v 16 La ngamabizo alawomadoda athunywa nguMosi ukuyahlola ilizwe. (UMosi wetha uHosheya indodana kaNuni ibizo elithi Joshuwa.)
\b
\p
\v 17 Ekubathumeni kwakhe ukuyahlola ilizwe laseKhenani, uMosi wathi kubo, “Hambani liye eNegebi likhuphukele elizweni lezintaba. 
\v 18 Likhangele ukuthi ilizwe lakhona linjani njalo lokuthi abantu bakhona balamandla kumbe babuthakathaka, balutshwana kumbe banengi. 
\v 19 Ilizwe abahlala kulo linjani? Lihle na loba libi? Amadolobho abahlala kuwo anjani? Agonjolozelwe ngemiduli loba asegcekeni nje? 
\v 20 Umhlabathi wakhona unjani? Uvundile na loba ulugwadule? Langabe lilezihlahla loba hayi? Yenzani ubungcono benu libuye lezinye zezithelo zakulelolizwe.” (Kwakuyisikhathi sokuvuthwa kwezithelo zakuqala zevini.)
\p
\v 21 Ngakho bahamba ukuyahlola ilizwe besukela eNkangala yaseZini kuze kuyefika eRehobhi, ngokuya eLebho Hamathi. 
\v 22 Bahamba-ke badabula eNegebi baze bayafika eHebhroni, lapho okwakuhlala khona u-Ahimani, loSheshayi kanye loThalimayi, izizukulwane zika-Anakhi. (IHebhroni yakhiwa iminyaka eyisikhombisa kungakakhiwa idolobho laseZowani eGibhithe.) 
\v 23 Bathi befika esihotsheni sase-Eshikholi baquma ugatsha olwalulesixha sezithelo zevini. Ababili babo basithwala besigaxe egodweni ndawonye lamaphomegranathi kanye lomkhiwa. 
\v 24 Lindawo yabizwa ngokuthi yisihotsha sase-Eshikholi ngenxa yesixha sezithelo zevini esaqunywa khona ngabako-Israyeli. 
\v 25 Ngemva kwensuku ezingamatshumi amane zokuhlola ilizwe inhloli zabuyela emuva.
\s1 Umbiko Mayelana Lokuhlolwa Kwelizwe
\p
\v 26 Babuyela kuMosi lo-Aroni lakuso sonke isizwe sako-Israyeli eKhadeshi, enkangala yasePharani. Babikela uMosi lo-Aroni kanye labo bonke abako-Israyeli njalo batshengisa lezithelo zakulelolizwe. 
\v 27 Balandisela uMosi bathi: “Sihambile elizweni lelo obukade usithume kulo, ngempela ligeleza uchago loluju! Nanzi izithelo zalo. 
\v 28 Kodwa abantu abahlala khona balamandla kanti lamadolobho akhona makhulu njalo avikelwe. Size sabona lezizukulwane zika-Anakhi khonale. 
\v 29 Ama-Amaleki ahlala eNegebi; amaHithi, lamaJebusi lama-Amori bahlala elizweni lezintaba, amaKhenani wona ahlala eduzane lolwandle esekele umfula uJodani.”
\p
\v 30 Emva kwalokho uKhalebi wathulisa abantu phambi kukaMosi wasesithi, “Kufanele ukuthi sihambe siyethatha ilizwe leli libe ngelethu, ngoba singakwenza sibili.”
\p
\v 31 Kodwa amadoda lawo ayehambe laye athi, “Asingeke sibahlasele abantu labo; balamandla kulathi.” 
\v 32 Basebetshela abantu bako-Israyeli umbiko omubi ngelizwe ababelihlolile. Bathi, “Ilizwe esilihlolileyo liyabagabhela labantu abahlala kulo. Bonke abantu esibabone khonale yiziqhwaga. 
\v 33 Sibone khona amaNefilimi (isizukulwane sika-Anakhi sivela kumaNefilimi.) Emehlweni ethu besingangentethe phambi kwabo, lasemehlweni abo besinjalo.”
\c 14
\s1 Ukuhlamuka Kwabantu
\p
\v 1 Ngalobobusuku abantu bonke emphakathini baphakamisa amazwi abo bakhala kakhulu. 
\v 2 Bonke abako-Israyeli bakhonona besola uMosi lo-Aroni, lonke ibandla lathi kubo, “Ngabe sahle sazifela eGibhithe, kumbe khonapha enkangala! 
\v 3 Kungani \nd uThixo\nd* esilethe kulelilizwe ukuthi sife sibulawa ngenkemba na? Amakhosikazi ethu kanye labantwabethu bazakuba yimpango. Kambe kakungcono yini ukuthi sibuyele eGibhithe na?” 
\v 4 Bakhulumisana besithi, “Asikhetheni omunye umkhokheli asibuyisele eGibhithe.”
\p
\v 5 Ngakho uMosi lo-Aroni bathi mbo ngobuso phansi phambi kwabantu bako-Israyeli bonke ababebuthene lapho. 
\v 6 Kwathi uJoshuwa indodana kaNuni kanye loKhalebi indodana kaJefune, ababengabanye balabo ababeyehlola ilizwe, badabula izigqoko zabo 
\v 7 bathi kubo bonke abako-Israyeli ababebuthene, “Ilizwe esadabula kulo salihlola lihle kakhulu. 
\v 8 Nxa \nd uThixo\nd* ethokoza ngathi, uzasikhokhelela kulo, ilizwe eligeleza uchago loluju, njalo uzakusinika lona. 
\v 9 Kuphela nje lingamhlamukeli \nd uThixo\nd*. Futhi lingabesabi abantu bakulelolizwe, ngoba sizabadla sibaqede. Kabaselaso isivikelo, kodwa \nd uThixo\nd* ulathi. Lingabesabi.”
\p
\v 10 Kodwa ibandla wonke wathi kabakhandwe ngamatshe. Inkazimulo \nd kaThixo\nd* yasibonakala kubo bonke abako-Israyeli ethenteni lokuhlangana. 
\v 11 \nd UThixo\nd* wasesithi kuMosi, “Koze kube nini abantu laba bengeyisa na? Kuzaze kube nini bengangikholwa, loba sengenze izinto ezimangalisayo phakathi kwabo na? 
\v 12 Ngizabatshaya ngomkhuhlane ngibabhubhise, kodwa wena ngizakwenza ube yisizwe esikhulu njalo esilamandla kulabo.”
\p
\v 13 UMosi wasesithi \nd kuThixo\nd*, “AmaGibhithe azakuzwa lokhu! Abantu laba bakhutshwa nguwe phakathi kwabo ngamandla akho. 
\v 14 Ngakho bazatshela abakhileyo kulelilizwe ngalesisehlakalo. Bavele sebezwile ukuthi wena, Oh \nd Thixo\nd*, ulabo lababantu njalo lokuthi wena, \nd Thixo\nd*, ubonakale uqondene labo ubuso ngobuso, lokuthi iyezi lakho lihlala liphezu kwabo, njalo lokuthi uhamba phambi kwabo ngensika yeyezi lakho emini kuthi ebusuku ngensika yomlilo. 
\v 15 Pho ungababhubhisa abantu bonke laba ngasikhathi sinye, izizwe esezizwile ngalezizindaba ngawe zizakuthi, 
\v 16 ‘\nd UThixo\nd* wehlulekile ukungenisa abantu laba elizweni abathembisa lona ngesifungo; ngakho usebabhubhisele enkangala.’
\p
\v 17 Amandla kaThixo kabonakaliswe khathesi, njengokutsho kwakho ukuthi: 
\v 18 ‘\nd UThixo\nd* uyaphuza ukuthukuthela, ugcwele ngothando njalo uyathethelela isono lokuhlamuka. Kodwa kayikubayekela abalecala bengajeziswanga; ujezisa abantwana ngenxa yezono zaboyise kuze kube kusizukulwane sesithathu lesesine.’ 
\v 19 Thethelela isono salababantu, ngenxa yothando lwakho olukhulu, ubaxolele njengokubaxolela kwakho kusukela ngesikhathi abasuka ngaso eGibhithe kuze kube khathesi.”
\p
\v 20 \nd UThixo\nd* waphendula wathi, “Sengibathethelele njengesicelo sakho. 
\v 21 Impela njengoba ngiphila, lanjengoba inkazimulo \nd kaThixo\nd* igcwalise umhlaba wonke, 
\v 22 akulamuntu loyedwa owabona inkazimulo yami kanye lezibonakaliso zezimanga engazenza eGibhithe lasenkangala kodwa kaze angilalela njalo wangilinga okungaba ngamahlandla alitshumi, 
\v 23 akukho loyedwa wabo ozalibona ilizwe engalithembisa okhokho babo ngesifungo. Futhi kakho loyedwa ongidelelayo ozalibona. 
\v 24 Kodwa ngenxa yokuthi inceku yami uKhalebi ulomoya owehlukileyo njalo ungilandela ngenhliziyo yakhe yonke, ngizamngenisa elizweni afika kulo, lizakuba yilifa lezizukulwane zakhe. 
\v 25 Njengoba ama-Amaleki lamaKhenani ehlala ezigodini, lina phendukani kusasa liqonde enkangala ngendlela yasoLwandle oLubomvu.”
\p
\v 26 \nd UThixo\nd* wathi kuMosi lo-Aroni: 
\v 27 “Koze kube nini lababantu abangalunganga bekhonona bengisola na? Sengizwile ukusola lokukhonona kwabako-Israyeli. 
\v 28 Ngakho batshele uthi, ‘Njengoba ngiphila impela, kutsho \nd uThixo\nd*, ngizakwenza kini zona lezozinto engilizwe lizikhuluma. 
\v 29 Izidumbu zenu zizagcwala enkangala yonale, lina lonke elabalwayo ngesikhathi sokubalwa kwabantu elileminyaka yokuzalwa engamatshumi amabili kusiya phezulu labo bonke abakade bekhonona bengisola. 
\v 30 Kakho loyedwa wenu ozangena elizweni engafunga ngokuphakamisa isandla ukuthi libe likhaya lenu, ngaphandle kukaKhalebi indodana kaJefune loJoshuwa indodana kaNuni. 
\v 31 Mayelana labantwana benu labo elathi bazakuba yimpango, ngizabangenisa elizweni lelo elilalileyo ukuze bathokoze kulo. 
\v 32 Kodwa lina, izidumbu zenu zizawohlokela kule inkangala. 
\v 33 Abantwabenu bazakuba ngabelusi lapha okweminyaka engamatshumi amane, behlupheka ngenxa yokungathembeki kwenu, kuze kungcwatshwe isidumbu sokucina enkangala. 
\v 34 Okweminyaka engamatshumi amane, umnyaka munye umele usuku lunye elahlola ngalo ilizwe, lizahlupheka ngenxa yezono zenu lize lazi ukuthi kuyinto enjani nxa mina ngimelana lani.’ 
\v 35 Mina \nd Thixo\nd*, sengikhulumile, njalo ngempela ngizazenza lezizinto ebantwini laba bonke, abamanyeneyo bemelana lami. Bazabhubha kuyonale inkangala; bazafela khonapha.”
\p
\v 36 Ngakho amadoda ayethunywe nguMosi ukuthi ayehlola ilizwe, lawo athi ekuphendukeni kwawo amemethekisa umbiko omubi owabangela ukuthi abantu bakhonone besola uMosi, 
\v 37 lawomadoda amemethekisa umbiko ongalunganga mayelana lelizwe atshaywa ngomkhuhlane afa phambi \nd kukaThixo\nd*. 
\v 38 Emadodeni ayeyehlola ilizwe, kwasila kuphela uJoshuwa indodana kaNuni kanye loKhalebi indodana kaJefune.
\p
\v 39 Kwathi lapho uMosi esebikele bonke abako-Israyeli, bakhala kabuhlungu. 
\v 40 Ngosuku olulandelayo ekuseni kakhulu baqonda elizweni lamaqaqa. Bathi, “Sonile, sizakuya kuleyondawo esayithenjiswa \nd nguThixo\nd*.”
\p
\v 41 Kodwa uMosi wathi kubo, “Kungani lingalaleli umlayo \nd kaThixo\nd* na? Lokhu elikwenzayo akusoze kuphumelele! 
\v 42 Lingakhuphuki, ngoba \nd uThixo\nd* kalisekeli. Lizakwehlulwa yizitha zenu, 
\v 43 ngoba lizaqondana lama-Amaleki kanye lamaKhenani khonale. Ngenxa yokuthi limhlamukele \nd uThixo\nd*, yena kayikuba lani ngakho lizabhujiswa ngenkemba.”
\p
\v 44 Loba kunjalo, baqhubeka beqonde elizweni lamaqaqa benganakile, loba uMosi kumbe umtshokotsho wesivumelwano \nd sikaThixo\nd* kungasukanga ezihonqweni. 
\v 45 Ngakho ama-Amaleki lamaKhenani ayehlala kulelolizwe lamaqaqa ehla abahlasela, ababhuqa ebaxotsha baze bayafika eHoma.
\c 15
\s1 Eminye Iminikelo
\p
\v 1 \nd UThixo\nd* wathi kuMosi, 
\v 2 “Tshela abako-Israyeli uthi kubo: ‘Ngemva kokungena kwenu elizweni engilinika lona ukuba libe likhaya lenu, 
\v 3 kumele lethule iminikelo yenu eyenziwa ngomlilo \nd kuThixo\nd*, kusukela emihlambini yenkomo leyezimvu, kube liphunga elimnandi \nd kuThixo\nd*, kungakhathalekile ukuthi ngumnikelo wokutshiswa kumbe ngumhlatshelo, kungokwezifungo eziqakathekileyo loba iminikelo yokuzithandela loba eyemikhosi emisiweyo, 
\v 4 ngakho lowo oletha umnikelo wakhe uzakwethula \nd kuThixo\nd* umnikelo wamabele oyingxenye eyodwa etshumini lehefa lefulawa ecolekileyo exutshaniswe lamafutha ayingxenye eyodwa kokune kwehini. 
\v 5 Lungisa lewundlu ngalinye elomnikelo wokutshiswa loba umhlatshelo ingxenye eyodwa kokune yehini yewayini njengomnikelo wokunathwayo.
\p
\v 6 Kuthi ngenqama ulungise umnikelo wamabele ube yisilinganiso sokubili kokulitshumi kwehefa lefulawa ecolekileyo exutshaniswe lamafutha ayisilinganiso esisodwa kokuthathu kwehini, 
\v 7 lewayini eliyisilinganiso sehini esisodwa kokuthathu kube ngumnikelo wokunathwayo. Kunikele kube liphunga elimnandi \nd kuThixo\nd*.
\p
\v 8 Nxa ulungisa inkunzi eliguqa njengomnikelo wokutshiswa loba umhlatshelo, kusenzelwa isifungo esiqakathekileyo loba umnikelo wobudlelwano \nd kuThixo\nd*, 
\v 9 letha ndawonye lenkunzi umnikelo wamabele acholiweyo aba yifulawa ecolekileyo eyisilinganiso sehefa sokuthathu etshumini exutshaniswe lamafutha ayingxenye yehini. 
\v 10 Letha njalo lewayini eliyizilinganiso zengxenye yehini kube ngumnikelo wokunathwayo. Lokhu kuzakuba ngumhlatshelo wokudla, iphunga elimnandi \nd kuThixo\nd*. 
\v 11 Ngakho inkunzi inye ngayinye loba inqama, iwundlu linye ngalinye loba izinyane lembuzi, akulungiswe ngale indlela. 
\v 12 Lokhu kwenze emnikelweni ngamunye loba ulungise emingaki.
\p
\v 13 Wonke ozalwa lapha kumele enze lezizinto ngale indlela lapho eletha umnikelo wakhe owenziwe ngomlilo njengephunga elimnandi \nd kuThixo\nd*. 
\v 14 Ezizukulwaneni ezilandelayo, owezizweni loba ngubani ohlezi lani nxa esethula umnikelo owenziwa ngomlilo njengoqhatshi olumnandi \nd kuThixo\nd*, kumele enze khona lokho elikwenzayo. 
\v 15 Imithetho le kumele uyilandele wena labantu bonke kanye labezizweni abahlala phakathi kwenu; lesi yisimiso esimi njalo lakuzizukulwane ezilandelayo. Lina kanye labezizweni lizafanana phambi \nd kukaThixo\nd*: 
\v 16 Lizabuswa ngemithetho lemilayo efananayo lina kanye labezizwe abahlala phakathi kwenu.’ ”
\p
\v 17 \nd UThixo\nd* wathi kuMosi, 
\v 18 “Tshela abako-Israyeli uthi: ‘Ekungeneni kwenu elizweni engilisa kulo 
\v 19 lingadla ukudla kwalelolizwe, yethulani ingxenye yakho ibe ngumnikelo \nd kuThixo\nd*. 
\v 20 Lethani isinkwa esenziwe ngempuphu yakuqala lisethule njengomnikelo ovela esizeni. 
\v 21 Kuzozonke izizukulwane ezilandelayo lizakwethula umnikelo \nd kuThixo\nd* uthethwe emputshini yenu yakuqala.’ ”
\s1 Umnikelo Wezono Ezingenziwanga Ngabomo
\p
\v 22 “ ‘Kungakho nxa wehlulekile ukugcina loba yiphi imilayo \nd uThixo\nd* ayinika uMosi ungananzelelanga, 
\v 23 loba yiphi imilayo \nd kaThixo\nd* alitshele yona ngoMosi, kusukela ngosuku \nd uThixo\nd* amupha yona kuqhubekela ezizukulwaneni ezilandelayo, 
\v 24 kanti njalo lokhu kwenzakele ngephutha abantu bengakunanzelele, kutsho ukuthi abantu bonke bakuleyondawo bazanikela ngenkunzi eliguqa kube ngumnikelo wokutshiswa olephunga elimnandi \nd kuThixo\nd*, ndawonye lomnikelo wamabele lowokunathwayo, kanye lempongo yomnikelo wesono njengokumisiweyo. 
\v 25 Umphristi uzakwenzela isizwe sonke sako-Israyeli indlela yokubuyisana, ngakho bazathethelelwa, ngoba bekungayisingabomo njalo banikele \nd kuThixo\nd* ngokona kwabo umhlatshelo wokudla kanye lomnikelo wesono. 
\v 26 Abantu bonke bako-Israyeli kanye labezizwe abahlala labo bazathethelelwa, ngoba bonke lababantu babengonanga ngabomo.
\p
\v 27 Kodwa nxa kungumuntu oyedwa owonayo kungesikho ngabomo, kumele alethe imbuzi ensikazi elomnyaka owodwa ibe ngumnikelo wesono. 
\v 28 Umphristi uzamenzela lowo owone ngokwenza isono kungesikho ngabomo indlela yokubuyisana phambi \nd kukaThixo\nd*, kuthi ngemva kokuba indlela yokubuyisana isiyenziwe, uzathethelelwa. 
\v 29 Wonalo umthetho ngowomuntu wonke owonayo kungesikho ngabomo, kungakhathalekile ukuthi ungowako-Israyeli ozalelwe khonapha kumbe ngowezizweni.
\p
\v 30 Kodwa loba ngubani owenza isono ngabomo, kungaba ngowakini loba owezizweni, athuke \nd uThixo\nd*, lowomuntu uzaxotshwa ebantwini bakibo. 
\v 31 Ngenxa yokweyisa ilizwi \nd likaThixo\nd* lokwephula imilayo yakhe, lowomuntu ngempela kaxotshwe kwabakibo; uhlala elokhu elalo icala.’ ”
\s1 Ukubulawa Komuntu Owephula Umthetho WeSabatha
\p
\v 32 Ngesikhathi abako-Israyeli besenkangala, indoda ethile yatholakala itheza inkuni ngosuku lweSabatha. 
\v 33 Kwathi labo abamficayo etheza bamusa kuMosi lo-Aroni kanye lakubo bonke abantu, 
\v 34 ngoba kungakazakali ukuthi kumele enziweni; wavalelwa entolongweni. 
\v 35 \nd UThixo\nd* wasesithi kuMosi, “Indoda leyo kumele ife. Abantu bonke kumele bamkhande ngamatshe ngaphandle kwezihonqo.” 
\v 36 Ngakho abantu bamusa ngaphandle kwezihonqo bamkhanda ngamatshe waze wafa, njengokulaywa kukaMosi \nd nguThixo\nd*.
\s1 Intshaka Ezambathweni
\p
\v 37 \nd UThixo\nd* wathi kuMosi, 
\v 38 “Tshela abako-Israyeli uthi kubo: ‘Kuzozonke izizukulwane ezizayo, kumele lithungele izixha zentshaka emiphethweni yezembatho zenu, isixha ngasinye sibe lentambo eluhlaza. 
\v 39 Lizakhumbula imilayo yonke \nd kaThixo\nd* njalo liyilalele izikhathi zonke nxa likhangela intshaka lezi ukuze lingazibhixi ngokulandela izinkanuko zezinhliziyo zenu kanye lamehlo enu liduhe. 
\v 40 Ngakho lizakhumbula ukuyilandela yonke imilayo yami ukuze lehlukaniselwe uNkulunkulu wenu. 
\v 41 Mina \nd nginguThixo\nd* uNkulunkulu wenu, owalikhupha eGibhithe ukuze ngibe nguNkulunkulu wenu. \nd NginguThixo\nd* uNkulunkulu wenu.’ ”
\c 16
\s1 UKhora, LoDathani Lo-Abhiramu
\p
\v 1 UKhora indodana ka-Izihari, indodana kaKhohathi, indodana kaLevi, labathile abakoRubheni, uDathani kanye lo-Abhiramu, amadodana ka-Eliyabi, kanye lo-Oni indodana kaPhelethi baqala ukuba yiziqholo 
\v 2 bavukela uMosi. Bakwenza lokhu bendawonye lamanye amadoda angamakhulu amabili alamatshumi amahlanu (250) ako-Israyeli, abakhokheli abadumileyo babantu bakuleyondawo ababekhethelwe ukuthi babe ngamalunga enkundla. 
\v 3 Beza beliqembu ukuzomelana loMosi lo-Aroni bathi kubo, “Seledlulise amalawulo! Abantu bonke bako-Israyeli bangcwele, bonke ngamunye wabo, njalo \nd uThixo\nd* uyabasekela. Pho kungani liziphakamisa ngaphezu kwabantu \nd bakaThixo\nd* na?”
\p
\v 4 UMosi wathi ekuzwa lokhu, wawela phansi ngobuso. 
\v 5 Wasesithi kuKhora lakubalandeli bakhe: “Kusasa ekuseni \nd uThixo\nd* uzaveza obala ukuthi ngubani ongowakhe lokuthi ngubani ongcwele, njalo uzamvumela lowomuntu ukuthi asondele kuye. Indoda azayikhetha uzayivumela ukuthi isondele phansi kwakhe. 
\v 6 Wena, Khora, kanye labalandeli bakho yenzani lokhu: Thathani indengezi 
\v 7 kuthi kusasa libasele umlilo njalo litshisele impepha kuzo phambi \nd kukaThixo\nd*. Indoda ezakhethwa \nd nguThixo\nd* yiyo engcwele. Lina baLevi seledlulise amalawulo!”
\p
\v 8 UMosi wabuye wathi kuKhora, “Khathesi lalelani-ke, lina baLevi! 
\v 9 Kanti akulanelisanga yini ukuthi uNkulunkulu ka-Israyeli ulikhethile phakathi kwabo bonke abako-Israyeli njalo walisondeza phansi kwakhe ukuze lenze umsebenzi ethabanikeleni \nd likaThixo\nd* lokuthi lizakuma phambi kwesizwe lisenzele inkonzo na? 
\v 10 Ukusondezile wena kanye labanye bakho abangabaLevi phansi kwakhe, kodwa-ke khathesi selifuna lobuphristi. 
\v 11 Ukubambana kwakho kanye labalandeli bakho kuyikumelana \nd loThixo\nd* limphikisa. Kambe ungubani u-Aroni elingakhonona ngaye?”
\p
\v 12 Ngakho uMosi wabiza uDathani lo-Abhiramu amadodana ka-Eliyabi. Kodwa bona bathi, “Vele kasibuyi! 
\v 13 Kambe bekungenelanga yini ukuthi wasikhipha elizweni eligeleza uchago loluju ukuzasibulalela enkangala na? Khathesi usufuna lokuba yinkosi phezu kwethu? 
\v 14 Kunjalo-nje, awukasingenisi elizweni eligeleza uchago loluju kumbe ukusipha ilifa lamasimu kanye lezivini. Ufuna ukukopola amehlo amadoda la na? Hatshi, kasibuyi!”
\p
\v 15 Ngalokho uMosi wathukuthela kakhulu wasesithi \nd kuThixo\nd*, “Ungawemukeli umnikelo wabo. Angithathanga lutho kubo ngitsho lobabhemi kodwa lokhu, njalo kakho loyedwa engimoneleyo.”
\p
\v 16 UMosi wathi kuKhora, “Wena kanye labo bonke abalandeli bakho kumele lime phambi \nd kukaThixo\nd* kusasa, wena, bona kanye lo-Aroni. 
\v 17 Indoda inye nganye kumele ithathe udengezi ifake impepha kulo, indengezi ezingamakhulu amabili alamatshumi amahlanu, (250) njalo iwethule phambi \nd kukaThixo\nd*. Wena kanye lo-Aroni lani kufanele liveze ezenu indengezi.” 
\v 18 Ngakho indoda inye ngayinye yathatha udengezi lwayo, yafaka umlilo kanye lempepha kulo, njalo yema loMosi lo-Aroni esangweni lethente lokuhlangana. 
\v 19 Kwathi uKhora esebaqoqile abalandeli bakhe bephikisana labo esangweni lethente lokuhlangana, inkazimulo \nd kaThixo\nd* yabonakala kubo bonke abantu ababebuthene kuleyondawo. 
\v 20 \nd UThixo\nd* wathi kuMosi lo-Aroni, 
\v 21 “Sukani phakathi kwalaba ababutheneyo ukuze ngibabhubhise khathesi.”
\p
\v 22 Kodwa uMosi lo-Aroni bawa phansi ngobuso bakhala bathi, “Oh Nkulunkulu, Nkulunkulu wemiphefumulo yabantu bonke, uzathukuthelela abantu bonke jikelele ngenxa yomuntu oyedwa owonileyo na?”
\p
\v 23 Ngakho \nd uThixo\nd* wathi kuMosi, 
\v 24 “Tshela ibandla uthi, ‘Sukani eduze kwamathente aboKhora, loDathani lo-Abhiramu.’ ”
\p
\v 25 UMosi wasukuma waya kuDathani lo-Abhiramu, kwathi labadala bako-Israyeli bamlandela. 
\v 26 Waqonqosela ibandla wathi, “Buyelani emuva lisuke emathenteni abantu laba ababi! Lingathinti lutho olungolwabo ngoba lingenzenjalo lizakhuculwa ngenxa yezono zabo.” 
\v 27 Ngakho basuka emathenteni kaKhora, uDathani lo-Abhiramu. UDathani lo-Abhiramu basebephume phandle bemi labomkabo, labantwababo kanye labancane emasangweni amathente abo.
\p
\v 28 UMosi wasesithi, “Nansi indlela elizabona ngayo ukuthi \nd uThixo\nd* ungithumile ukuzokwenza konke lokhu engikwenzayo kanye lokuthi akusingqondo yami. 
\v 29 Nxa amadoda la ezazifela ngendlela abantu abazifela ngayo, kumbe nxa bengethekelelwa emva kokwethekelela kwabantu bonke kuzabe kusitsho ukuthi \nd uThixo\nd* kangithumanga. 
\v 30 Kodwa nxa \nd uThixo\nd* ezakwenza esingakaze sikubone okunye okutsha kwenzakale ukuthi umhlaba uvuleke ubaginye kanye lakho konke okungokwabo, bangene bephila engcwabeni, kulapho elizakwazi khona ukuthi amadoda la ameyisile \nd uThixo\nd*.”
\p
\v 31 Kwathi eqeda ukutsho lokhu, umhlaba wavuleka ngaphansi kwabo, 
\v 32 wavuleka wabaginya bona, kanye labantwababo lamadoda wonke ayekhokhelwa nguKhora kanye lempahla zawo. 
\v 33 Batshona engcwabeni bephila, lakho konke okwakungokwabo; umhlabathi wabambokotha, kwaba yikutshabalala kwabo, basuswa kwabakibo. 
\v 34 Besizwa ukukhala kwabo, bonke abako-Israyeli ababelapho babaleka, beklabalala besithi, “Umhlaba uzasiginya lathi!”
\p
\v 35 Kwavela umlilo \nd kuThixo\nd* watshaya waqothula amadoda angamakhulu amabili alamatshumi amahlanu (250) ayenikela ngempepha.
\p
\v 36 \nd UThixo\nd* wathi kuMosi, 
\v 37 “Tshela u-Eliyazari indodana ka-Aroni, umphristi, ukuthi athathe indengezi azikhiphe emlotheni achithele amalahle endaweni ekhatshana, ngoba indengezi lezi zingcwele, 
\v 38 indengezi zamadoda onileyo aze alahlekelwa yimpilo yawo. Khanda lezondengezi ukuze zendlaleke e-alithareni, ngoba zethulwa phambi \nd kukaThixo\nd* zaba ngezingcwele. Azibe yisibonakaliso kwabako-Israyeli.”
\p
\v 39 Ngakho u-Eliyazari umphristi wabutha indengezi zethusi ezazilethwe yilabo abatshayo, walungisa ukuba zikhandwe zendlalwe e-alithareni, 
\v 40 njengokulaywa kukaMosi \nd nguThixo\nd*. Lokhu kwakuzakhumbuza abako-Israyeli ukuthi kakho ovunyelwayo ukutshisa impepha phambi \nd kukaThixo\nd* ngaphandle kuka-Aroni lesizukulwane sakhe, funa abe njengoKhora labalandeli bakhe.
\p
\v 41 Ngosuku olulandelayo abako-Israyeli bonke bakhonona basola uMosi lo-Aroni. Bathi, “Selibulele abantu \nd bakaThixo\nd*.”
\p
\v 42 Kodwa kwathi ibandla selibuthene bephikisa uMosi lo-Aroni njalo sebekhangele ethenteni lokuhlangana, masinyane iyezi lalisibekela kwavela inkazimulo \nd kaThixo\nd*. 
\v 43 Ngakho uMosi lo-Aroni baya phambi kwethente lokuhlangana, 
\v 44 \nd uThixo\nd* wasesithi kuMosi, 
\v 45 “Suka kulelibandla ukuze ngibatshabalalise.” Ngakho bawa phansi ngobuso.
\p
\v 46 Kusenjalo uMosi wathi ku-Aroni, “Thatha udengezi lwakho uthele impepha kulo, ndawonye lomlilo ovela e-alithareni, uphange uye ebandleni ukuze ubenzele indlela yokubuyisana. Ulaka \nd lukaThixo\nd* lubonakele; isifo sesiqalisile.” 
\v 47 U-Aroni wenza okwakutshiwo nguMosi, waphanga wangena phakathi kwebandla. Isifo sesivele sesiqalisile ebantwini, kodwa u-Aroni wanikela impepha wabenzela indlela yokubuyisana. 
\v 48 Wema phakathi kwabaphilayo lasebefile, isifo saphela. 
\v 49 Kodwa kwasekufe abantu abazinkulungwane ezilitshumi lane lamakhulu ayisikhombisa (14,700) bebulawa yisifo, phezu kwalabo ababefe ngenxa kaKhora. 
\v 50 Ngemva kwalokho u-Aroni wabuyela kuMosi esangweni lethente lokuhlangana, njengoba isifo sasesiphelile.
\c 17
\s1 Ukuhluma Kwentonga Ka-Aroni
\p
\v 1 \nd UThixo\nd* wathi kuMosi, 
\v 2 “Tshela abako-Israyeli ukuthi bakuphe intonga ezilitshumi lambili, kuphume ibenye kumkhokheli munye ngamunye wesizwana sabokhokho bakhe. Bhala ibizo lendoda ngayinye entongeni yayo. 
\v 3 Entongeni kaLevi uzabhala ibizo lika-Aroni, ngoba kumele kube lentonga eyodwa emele inhloko inye ngayinye yesizwana sabokhokho bayo. 
\v 4 Zifake ethenteni lokuhlangana phambi komtshokotsho wobufakazi, lapho engihlangana lawe khona. 
\v 5 Intonga yendoda engizayikhetha izahluma, njalo mina ngizahle ngikuqede lokhu kukhonona okulokhu kuqhubeka kusolwa wena ngabako-Israyeli.”
\p
\v 6 Ngakho uMosi wakhuluma kwabako-Israyeli, abakhokheli babo bamnika intonga ezilitshumi lambili, ngayinye ingeyomkhokheli wesizwana sabokhokho bakhe, kwathi leka-Aroni yayibalelwa kuzo. 
\v 7 UMosi wabeka intonga lezo phambi \nd kukaThixo\nd* ethenteni lobufakazi.
\p
\v 8 Ngosuku olulandelayo uMosi wangena ethenteni lobufakazi wabona ukuthi intonga ka-Aroni eyayimele indlu kaLevi, yayisihlumile yaqhakaza, isilamaluba njalo isithele izithelo ze-alimondi. 
\v 9 Ngakho uMosi wazisusa zonke intonga phambi \nd kukaThixo\nd* waziletha phambi kwabo bonke abako-Israyeli. Bazikhangela, ngulowo wathatha eyakhe intonga.
\p
\v 10 \nd UThixo\nd* wathi kuMosi, “Buyisela intonga ka-Aroni phambi komtshokotsho wobufakazi, igcinwe khonapho ibe yisibonakaliso kulabo abahlamukayo. Lokhu kuzaqeda ukukhonona kwabo ngami, ukuze bangafi.” 
\v 11 UMosi wenza khona lokho kanye \nd uThixo\nd* ayemlaye ngakho.
\p
\v 12 Abako-Israyeli bathi kuMosi, “Sizakufa! Sifile, sonke sesifile! 
\v 13 Loba ngubani ozasondela phansi kwethabanikeli \nd likaThixo\nd* uzakufa. Sizakufa sonke na?”
\c 18
\s1 Imisebenzi YabaPhristi LeyabaLevi
\p
\v 1 \nd UThixo\nd* wathi ku-Aroni, “Wena, lamadodana akho labemuli kayihlo lizakuba lomlandu wokukhangela ukwephulwa kwemithetho yendawo yokukhonzela, njalo wena kanye lamadodana akho yini lodwa elizakuba lomlandu walabo abonela abaphristi. 
\v 2 Letha abaLevi bakini bevela ezizwaneni zabokhokho benu bazohlanganyela kunye lani bakuphathise wena lamadodana akho lapho lisenza inkonzo phambi kwethente lobufakazi. 
\v 3 Bazakuba ngaphansi kwakho njalo benze yonke imisebenzi yasethenteni, kodwa akumelanga basondele phansi kwezimpahla zendlu engcwele kumbe e-alithareni, funa lonke, wena kanye labo life. 
\v 4 Kumele bahlanganele lawe babelomlandu wokunakekela ithente lokuhlangana, wonke umsebenzi wethenteni, njalo akungabibikho loyedwa ozasondela lapho wena okhona.
\p
\v 5 Wena uzakuba lomlandu wokugcina indlu engcwele le-alithari, ukuze abako-Israyeli bangehlelwa lulaka njalo. 
\v 6 Mina ngokwami ngibakhethile abafowenu abaLevi phakathi kwabako-Israyeli ukuba babe yisipho kuwe, behlukanisele \nd uThixo\nd* ukuba benze umsebenzi ethenteni lokuhlangana. 
\v 7 Kodwa wena kanye lamadodana akho yini lodwa elivunyelwayo ukwenza umsebenzi wobuphristi kukho konke okuse-alithareni langaphakathi kwekhetheni. Ngikunika umsebenzi wobuphristi kukho konke okuse-alithareni langaphakathi kwekhetheni. Ngikunika umsebenzi wobuphristi njengesipho. Loba ngubani omunye ozasondela endaweni engcwele kumele abulawe.”
\s1 Iminikelo YabaPhristi LabaLevi
\p
\v 8 \nd UThixo\nd* wasesithi ku-Aroni, “Mina ngokwami yimi engikunike umlandu wokukhangela iminikelo eyethulelwa mina, yonke iminikelo engcwele engiyiphiwa ngabako-Israyeli ngiyinika wena lamadodana akho ukuba kube yingxenye yesabelo sakho esimi njalo. 
\v 9 Kumele uzuze leyongxenye yomnikelo ongcwelengcwele ongatshiswanga. Kuzozonke izipho abaziletha kimi zingumnikelo ongcwelengcwele, loba ngowamabele loba ngowesono kumbe owecala, leyongxenye yomnikelo ngeyakho lamadodana akho. 
\v 10 Idle njengento engcwelengcwele; wonke owesilisa kumele ayidle. Kumele akuphathe njengento engcwele.
\p
\v 11 Lokhu lakho ngokwakho: konke okubekwa eceleni kwalezizipho zonke zomnikelo wokuzunguzwa zako-Israyeli. Lokhu ngikunika wena lamadodana akho lamadodakazi akho ukuba kube yisabelo esimi njalo. Kuzakuthi wonke owendlu yakho ohlambulukileyo ngokomkhuba avunyelwe ukudla.
\p
\v 12 Ngikunika wonke amafutha acengekileyo e-oliva lewayini lonke elitsha elicengekileyo kanye lamabele abawanika \nd uThixo\nd* kuyizithelo zakuqala zesivuno sabo. 
\v 13 Zonke izithelo zakuqala zomlimela abaziletha \nd kuThixo\nd* ngezakho. Kuzakuthi wonke owendlu yakho ohlambulukileyo ngokomkhuba avunyelwe ukudla.
\p
\v 14 Yonke into yako-Israyeli emiselwe \nd uThixo\nd* ngeyakho. 
\v 15 Amazibulo wonke azelweyo, kuhlanganisela awabantu kanye lawezinyamazana, anikelwe \nd kuThixo\nd* ngawakho. Kodwa uzahlenga wonke amadodana angamazibulo kanye lawo wonke amazibulo amaduna ezinyamazana ezingcolileyo. 
\v 16 Kuzakuthi zingafikisa inyanga eyodwa zizelwe uzihlenge ngentengo yokuhlenga ayisilinganiso samashekeli amahlanu esiliva, kusiya ngesilinganiso seshekeli lendlu engcwele, eyisisindo esingamagera angamatshumi amabili.
\p
\v 17 Kodwa ungahlengi amazibulo enkomo, loba awemvu loba awembuzi; ngoba angcwele. Chela igazi lawo e-alithareni ubusutshisa amahwahwa awo kube ngumhlatshelo wokudla, iphunga elimnandi elithokozisa \nd uThixo\nd*. 
\v 18 Inyama yawo izakuba ngeyakho njengoba isifuba somnikelo wokuzunguzwa kanye lomlenze kungokwakho. 
\v 19 Loba kuyini okubekwe eceleni eminikelweni engcwele eyethulwe ngabako-Israyeli \nd kuThixo\nd* ngikunika wena kanye lamadodana njalo lamadodakazi akho ukuba kube yisabelo senu senjayelo. Lesi yisivumelwano setswayi esingapheliyo phambi \nd kukaThixo\nd*, esakho kanye lenzalo yakho.”
\p
\v 20 \nd UThixo\nd* wathi ku-Aroni, “Wena kawuyikuba lelifa elizweni labo, njalo awuyikuba lesabelo phakathi kwabo; mina ngiyisabelo sakho kanye lelifa lakho phakathi kwabako-Israyeli.
\p
\v 21 AbaLevi ngibanika konke okwetshumi kwelako-Israyeli kube yilifa labo ngenxa yomsebenzi abawenza ethenteni lokuhlangana. 
\v 22 Kusukela khathesi abako-Israyeli akumelanga basondele ethenteni lokuhlangana, funa babelomlandu wesono sabo bafe. 
\v 23 NgabaLevi okufanele benze umsebenzi ethenteni lokuhlangana njalo baphathe umsebenzi wokukhangela abonayo ethenteni. Lesi yisimiso esingapheliyo lakuzizukulwane ezizayo. Kabayikuzuza ilifa phakathi kwabako-Israyeli. 
\v 24 Kodwa-ke abaLevi ngibanika okwetshumi okwethulwa ngabako-Israyeli njengomnikelo \nd kuThixo\nd* kube yilifa labo. Kokuqondene labo yikho ngathi: ‘Kabayikuba lelifa phakathi kwabako-Israyeli.’ ”
\p
\v 25 \nd UThixo\nd* wathi kuMosi, 
\v 26 “Tshela abaLevi utsho lokhu kubo: ‘Lapho lisamukela okwetshumi engilinika khona kuvela kwabako-Israyeli njengelifa lenu, kumele likhuphe ingxenye yetshumi kokwetshumi kube ngumnikelo \nd kuThixo\nd*. 
\v 27 Umnikelo wenu uzabalelwa kini njengamabele avela esizeni loba umhluzi ovela esihluzweni sewayini. 
\v 28 Ngale indlela lani lizakwethula eyenu iminikelo \nd kuThixo\nd* kukho konke okwetshumi elizakwamukela kuvela kwabako-Israyeli. Kulokho okwetshumi kumele liphe okuyisabelo \nd sikaThixo\nd* ku-Aroni umphristi. 
\v 29 Kumele lethule njengesabelo \nd sikaThixo\nd* okuhle ukwedlula konke njalo kungokungcwelengcwele kwakho konke elikuphiweyo.’
\p
\v 30 Tshela abaLevi uthi: ‘Nxa lisethula okuhle kakhulu, kuzaphathwa kini njengesithelo esivela esizeni loba esihluzweni sewayini. 
\v 31 Lina kanye labezindlu zenu lingadla konke okunye ngaphi langaphi, ngoba kuyinkokhelo yenu yomsebenzi ethenteni lokuhlangana. 
\v 32 Ngokwethula okuhle kulakho konke aliyikuba lecala kulokho; ngakho kaliyikungcolisa iminikelo engcwele yako-Israyeli, njalo kaliyikufa.’ ”
\c 19
\s1 Ukuhlanjululwa Kwabangcolileyo
\p
\v 1 \nd UThixo\nd* wathi kuMosi lo-Aroni: 
\v 2 “Lokhu yikho okukhangelelwe ngomthetho njengokulaya \nd kukaThixo\nd*: Tshela abako-Israyeli bakuphe ithokazi elibomvu elipheleleyo njalo lingelasici kanti njalo kumele kube ngelingakaze lifakwe ejogeni. 
\v 3 Liqhubeleni u-Eliyazari umphristi; kumele likhitshelwe ngaphandle kwesihonqo njalo lihlatshelwe khona. 
\v 4 Ngakho u-Eliyazari umphristi uzathatha elinye igazi lalo ngomunwe alichele kasikhombisa eqondise phambi kwethente lokuhlangana. 
\v 5 Ithokazi lizatshiswa ekhangele, isikhumba salo, inyama, igazi lomswane. 
\v 6 Umphristi uzathatha ezinye inkuni zesihlahla somsedari, ihisophi kanye lewulu ebomvu akuphosele phezu kwethokazi elitshayo. 
\v 7 Ngemva kwalokho umphristi kumele agezise izigqoko zakhe abesegeza yena ngamanzi. Ngemva kwalokhu usengangena-ke ezihonqweni, kodwa uzakuba ngongcolileyo kuze kube kusihlwa. 
\v 8 Indoda ezatshisa ithokazi kumele layo igezise izigqoko zayo njalo layo igeze ngamanzi, izakuba ngengcolileyo kuze kube kusihlwa.
\p
\v 9 Indoda ehlambulukileyo izabutha umlotha wethokazi iwufake endaweni ehlambulukileyo ngokomlayo ngaphandle kwesihonqo. Umlotha lo uzagcinwa ngabantu bako-Israyeli ukuze bawusebenzise emanzini okuhlambulula; ungowokuhlanza izono. 
\v 10 Indoda ebutha umlotha wethokazi kumele layo igezise izigqoko zayo, kanti njalo layo izabe ingengcolileyo kuze kube kusihlwa. Lo ngumlayo omi njalo kwabako-Israyeli labezizwe abahlala phakathi kwabo.
\p
\v 11 Lowo ozathintwa yisidumbu sofileyo uzabe engongcolileyo okwensuku eziyisikhombisa. 
\v 12 Kumele azihlambulule ngamanzi ngosuku lwesithathu langosuku lwesikhombisa; kodwa nxa engazihlambululi ngosuku lwesithathu langolwesikhombisa uzabe engahlambulukanga. 
\v 13 Lowo othinta isidumbu sofileyo abesesehluleka ukuzihlambulula ungcolisa ithabanikeli \nd likaThixo\nd*. Lowomuntu kumele axotshwe kwabako-Israyeli. Ngenxa yokuthi kachelwanga ngamanzi okuhlambulula, ungongcolileyo; uzahlala engcolile.
\p
\v 14 Lo ngumthetho osebenza nxa umuntu efele ethenteni: Loba ngubani ongena ethenteni njalo loba ngubani ophakathi kwalo uzakuba ngongcolileyo okwensuku eziyisikhombisa, 
\v 15 njalo siphi lasiphi isitsha esingasibekelwanga sizabe singcolile.
\p
\v 16 Loba ngubani ofice isidumbu somuntu obulewe ngenkemba egangeni loba esomuntu ozifeleyo asithinte, kumbe loba ngubani othinta ithambo lomuntu ofileyo loba ingcwaba, uzakuba ngongcolileyo okwensuku eziyisikhombisa.
\p
\v 17 Umuntu ongcolileyo, mfakele embizeni umlotha womnikelo otshisiweyo wokuhlambulula ube usuthela amanzi ahlambulukileyo phezu kwawo. 
\v 18 Kuzakuthi-ke indoda ehlambulukileyo ngokomlayo ithathe ihisophi, iligxamuze emanzini ibe isichela ithente kanye lezitsha zonke labantu abakade belapho. Kumele ichele wonke umuntu oke wathinta ithambo lofileyo loba ingcwaba loba umuntu obuleweyo loba umuntu ozifeleyo. 
\v 19 Indoda ehlambulukileyo izachela lowo ongcolileyo ngosuku lwesithathu langosuku lwesikhombisa, kuthi-ke ngosuku lwesikhombisa ibisimhlambulula. Umuntu ohlanjululwayo kumele agezise izigqoko zakhe abesegeza umzimba wakhe ngamanzi, Ngalokhokuhlwa uzabe esehlambululukile. 
\v 20 Kodwa umuntu ongcolileyo nxa engazihlambululanga, kumele axotshwe ebantwini, ngoba uzabe eletha ihlazo endlini engcwele \nd kaThixo\nd*. Njengoba engachelwanga ngamanzi angcwele, kutsho ukuthi ungcolile. 
\v 21 Lesi yisimiso esimi njalo kubo.
\p Indoda echela ngamanzi okuhlambulula layo kumele igezise izigqoko zayo, kanti njalo laye wonke ozathinta amanzi okuhlambulula uzakuba ngongcolileyo kuze kube kusihlwa. 
\v 22 Konke okuthintwe ngumuntu ongcolileyo kuzakuba ngokungcolileyo, kuthi loba ngubani okuthintayo abe ngongcolileyo kuze kuhlwe.”
\c 20
\s1 Amanzi Aphuma Edwaleni
\p
\v 1 Ngenyanga yakuqala abantu bonke bako-Israyeli bafika enkangala yaseZini, basebehlala eKhadeshi. UMiriyemu wafela lapho njalo wangcwatshelwa khona.
\p
\v 2 Abantu baswela amanzi, ngakho babambana ekuphikiseni uMosi lo-Aroni. 
\v 3 Baxabana loMosi kanye lo-Aroni bathi, “Ngabe lathi sahle sazifela mhla abafowethu besifa phambi \nd kukaThixo\nd*! 
\v 4 Labalethelani abantu \nd bakaThixo\nd* kule inkangala na? Ukuze thina kanye lezifuyo zethu sizefela lapha na? 
\v 5 Lasikhuphelani eGibhithe lisiletha endaweni le embi kangaka na? Ayilamabele kumbe imikhiwa, amavini loba amaphomegranathi. Njalo akulamanzi okunatha!”
\p
\v 6 UMosi lo-Aroni basuka embuthanweni wabantu baya esangweni lethente lokuhlangana bawa phansi ngobuso, inkazimulo \nd kaThixo\nd* yasibonakala kubo. 
\v 7 \nd UThixo\nd* wathi kuMosi, 
\v 8 “Thatha intonga kuthi wena lomfowenu u-Aroni libizele abantu ndawonye. Khulumani elitsheni phambi kwabo ngakho lona lizakhupha amanzi alo. Lizathatha amanzi aphuma edwaleni liphe abantu ukuze banathe bona kanye lezifuyo zabo.”
\p
\v 9 Ngakho uMosi wathatha intonga phambi \nd kukaThixo\nd*, njengokulaywa kwakhe \nd nguThixo\nd*. 
\v 10 UMosi lo-Aroni basebebizela abantu ndawonye phambi kwedwala, uMosi wasesithi kubo, “Lalelani, lina bahlamuki. Silikhuphele amanzi kulelidwala na?” 
\v 11 Ngakho uMosi waphakamisa ingalo yakhe watshaya idwala kabili ngentonga yakhe. Amanzi antshantshaza ephuma edwaleni, Kwathi abantu kanye lezifuyo zabo banatha.
\p
\v 12 Kodwa \nd uThixo\nd* wathi kuMosi lo-Aroni, “Ngenxa yokuthi kalingethembanga okokungipha udumo njengongcwele phambi kwabako-Israyeli, kaliyikukhokhelela lababantu ekungeneni elizweni engibapha lona.”
\p
\v 13 La ngamanzi aseMeribha, lapho abako-Israyeli abaphikisana khona \nd loThixo\nd* njalo kulapho \nd uThixo\nd* abonakalisa ubungcwele bakhe phakathi kwabo.
\s1 U-Edomi Uvimbela Abako-Israyeli Ukuthi Bedlule
\p
\v 14 UMosi wathumela izithunywa enkosini yase-Edomi zisuka eKhadeshi, esithi:
\pm “Nanku okutshiwo ngumfowenu u-Israyeli: Uyabazi bonke ubunzima obusehleleyo. 
\v 15 Okhokho bethu basuka baya eGibhithe, sahlala khona okweminyaka eminengi. AmaGibhithe asiphatha ngochuku kanye labobaba, 
\v 16 kodwa sakhala \nd kuThixo\nd* wezwa ukukhala kwethu wasithumela ingilosi yasikhipha eGibhithe.
\pm Khathesi silapha eKhadeshi idolobho elisemngceleni welizwe lakho. 
\v 17 Ake usivumele sidlule elizweni lakho. Kasiyikudabula phakathi lakuwaphi amasimu loba isivini sakho, kumbe ukunatha amanzi loba kuwuphi umthombo. Sizahamba silandela umgwaqo wenkosi njalo kasiyikuphambukela kwesokudla kumbe kwesokunxele size sedlule elizweni lakho.”
\p
\v 18 Kodwa u-Edomi waphendula wathi:
\pm “Ngeke lidlule lapha, lingake lilinge, sizaphuma silihlasele ngenkemba.”
\p
\v 19 Abako-Israyeli baphendula bathi:
\pm “Sizahamba ngomgwaqo omkhulu, njalo thina loba izifuyo zethu singanatha amanzi enu, sizawabhadala. Sifuna ukuzedlulela ngenyawo kuphela nje.”
\p
\v 20 Abase-Edomi baphendula njalo bathi:
\pm “Lingadluli lapha.”
\p Ngakho u-Edomi waphuma kanye lebutho elikhulu elilamandla ukuyahlasela abako-Israyeli. 
\v 21 Njengoba u-Edomi wala ukuthi badabule elizweni labo, abako-Israyeli baphenduka bahamba ngenye indlela.
\s1 Ukufa Kuka-Aroni
\p
\v 22 Isizwe sonke sako-Israyeli sasuka eKhadeshi sahamba saze sayafika entabeni yaseHori. 
\v 23 Sebesentabeni yaseHori, eduze lomngcele wase-Edomi, \nd uThixo\nd* wathi kuMosi lo-Aroni, 
\v 24 “U-Aroni usezakufa angcwatshwe. Akayikungena elizweni engilinika abako-Israyeli, ngoba lina lobabili langihlamukela emanzini aseMeribha. 
\v 25 Biza u-Aroni kanye lendodana yakhe u-Eliyazari ukhwele labo entabeni yaseHori. 
\v 26 Uhlubule u-Aroni izembatho zakhe uzigqokise indodana yakhe u-Eliyazari, ngoba u-Aroni uzalandela abakibo; uzafela khona.”
\p
\v 27 UMosi wenza njengokulaywa kwakhe \nd kuThixo\nd*: Bakhwela entabeni yaseHori isizwe sonke sibakhangele. 
\v 28 UMosi wamhlubula u-Aroni izembatho zakhe wazigqokisa indodana yakhe u-Eliyazari. Ngakho u-Aroni wafela khonapho phezu kwentaba. Ngemva kwalokhu uMosi lo-Eliyazari behla entabeni, 
\v 29 Kwathi abantu bonke sebezwile ukuthi u-Aroni wayesefile, yonke indlu ka-Israyeli yamlilela okwensuku ezingamatshumi amathathu.
\c 21
\s1 Ukuchithwa Kwe-Aradi
\p
\v 1 Kwathi inkosi yase-Aradi engumKhenani eyayihlala eNegebi isizwa ukuthi abako-Israyeli babesiza behamba ngomgwaqo beqonde e-Atharimi, yabahlasela abako-Israyeli yaze yathumba abanye babo. 
\v 2 Ngakho u-Israyeli wenza lesisifungo \nd kuThixo\nd* wathi: “Nxa unganikela lababantu ezandleni zethu, sizachithiza amadolobho abo nya.” 
\v 3 \nd UThixo\nd* walalela ukuncenga kwabako-Israyeli wasenikela amaKhenani kubo. Abako-Israyeli bawaqothula amaKhenani bachithiza kanye lamadolobho awo; ngakho indawo leyo yabizwa ngokuthi yiHoma.
\s1 Inyoka Yethusi
\p
\v 4 Bahamba besuka entabeni yaseHori ngendlela eqonda oLwandle oluBomvu, ukuze baceze ilizwe lase-Edomi. Kodwa besendleleni abantu basebenengekile sebephelelwe yikubekezela; 
\v 5 bakhuluma kubi besola uNkulunkulu kanye loMosi, bathi, “Lasikhuphelani na eGibhithe ukuze sizefela enkangala? Akulasinkwa! Akulamanzi! Futhi lalokhu ukudla kwenu okubi siyakuzonda.”
\p
\v 6 Ngakho \nd uThixo\nd* wasebathumela izinyoka ezazilobuhlungu obesabekayo kakhulu, zabaluma abantu bako-Israyeli abanengi bafa. 
\v 7 Abantu baya kuMosi bathi, “Sonile ngokukhuluma kwethu kubi \nd ngoThixo\nd* langokukhuluma kwethu ngawe. Akukhuleke ukuthi \nd uThixo\nd* asuse izinyoka lezi phakathi kwethu.” Ngakho wabakhulekela abantu.
\p
\v 8 \nd UThixo\nd* wathi kuMosi, “Yenza inyoka yethusi uyiphanyeke esigodweni; loba ngubani olunyiweyo angakhangela kuyo uzaphila.” 
\v 9 Ngakho uMosi wenza inyoka yethusi wayiphanyeka esigodweni. Kwakusithi lowo olunywe yinyoka angakhangela inyoka yethusi aphile.
\s1 Uhambo Lokuya EMowabi
\p
\v 10 Abako-Israyeli basuka baqhubeka baze bayamisa izihonqo zabo e-Obhothi. 
\v 11 Basuka njalo e-Obhothi bayamisa izihonqo zabo e-Iye-Abharimi, enkangala eyayimalungana leMowabi ngokuya ngempumalanga. 
\v 12 Besuka lapho baqhubeka ngohambo baze bayamisa izihonqo zabo esigodini saseZeredi. 
\v 13 Basuka lapho bayamisa izihonqo zabo eduze le-Arinoni esenkangala eqhelela elizweni lama-Amori. I-Arinoni isemngceleni welaseMowabi, phakathi laphakathi kweMowabi kanye lama-Amori. 
\v 14 Kungakho uGwalo lweziMpi \nd zikaThixo\nd* lusithi:
\q1 “Lokho akwenza oLwandle oLubomvu
\q2 lakwenza emifuleni yeWahebhi eseSufa
\q2 lemifuleni yase-Arinoni 
\v 15 lamawa ezindonga
\q1 ehlela endaweni yase-Ari
\q2 lasekela umngcele weMowabi.”
\m
\v 16 Besuka lapho baqhubeka baze bayafika eBheri, emthonjeni lapho \nd uThixo\nd* athi kuMosi, “Buthanisa abantu ngibanike amanzi.”
\p
\v 17 Ngakho abako-Israyeli bahlabela ingoma le ethi:
\q1 “Mpompoza, wemthombo!
\q2 Hlabelelani ngawo,
\q1
\v 18 ngomthombo owenjiwa ngamakhosana,
\q2 owenjiwa yizikhulu zabantu,
\q2 izikhulu ezilentonga zobukhosi kanye lezinduku.”
\m Basuka-ke enkangala bayafika eMathana, 
\v 19 besuka eMathana baya eNahaliyeli, besuka eNahaliyeli, baya eBhamothi, 
\v 20 kwathi besuka eBhamothi baqonda esigodini eMowabi, lapho isiqongo sentaba yasePhisiga esikhangele elizweni elilugwadule.
\s1 Ukwehlulwa KukaSihoni Lo-Ogi
\p
\v 21 U-Israyeli wathumela izithunywa kuSihoni inkosi yama-Amori wathi:
\pm
\v 22 “Sivumele sidabule elizweni lakho. Kasiyikuphambukela loba lakuliphi icele ukuze singene loba kuwaphi amasimu akho kumbe isivini, loba ukunatha amanzi emthonjeni loba yiwuphi. Sizazihambela nje ngomgwaqo omkhulu weNkosi size sedlule elizweni lakho.”
\p
\v 23 Kodwa uSihoni kavumanga ukuthi u-Israyeli adabule elizweni lakhe. USihoni waqoqa ibutho lakhe waphuma waqonda enkangala ukuyahlasela u-Israyeli. Wathi esefikile eJahazi walwa lo-Israyeli. 
\v 24 Kodwa u-Israyeli wamnqoba ngenkemba, wambhubhisa njalo wamthathela ilizwe lakhe kusukela e-Arinoni kusiya eJabhoki, kusiyafika elizweni lama-Amoni kuphela, ngoba umngcele walo wawuvikelwe ngemithangala. 
\v 25 U-Israyeli wathatha wonke amadolobho ama-Amori wahlala kuwo, kwakugoqela iHeshibhoni kanye leziqinti ezaziyigombolozele. 
\v 26 IHeshibhoni kwakulidolobho likaSihoni inkosi yama-Amori, owayelwe lenkosi yamaMowabi eyayikade ibusa khona wayinqoba wayithathela ilizwe layo lonke kuze kuyefika e-Arinoni.
\p
\v 27 Yingakho izimbongi zisithi:
\q1 “Wozani eHeshibhoni; kayivuselelwe yakhiwe njalo;
\q2 akuthi idolobho likaSihoni livuselelwe.
\b
\q1
\v 28 Umlilo wavutha eHeshibhoni
\q2 ilangabi lavela edolobheni likaSihoni.
\q1 Laqothula i-Ari laseMowabi,
\q2 abantu basemiqolweni yase-Arinoni.
\q1
\v 29 Maye kuwe, Mowabi!
\q2 Selibhujisiwe lina, Oh bantu baseKhemoshi!
\q1 Usedele amadodana akhe njengeziphepheli
\q2 lamadodakazi njengabathunjiweyo
\q2 bethunjwa nguSihoni inkosi yama-Amori.
\b
\q1
\v 30 Kodwa thina sibehlule;
\q2 iHeshibhoni siyitshabalalisile kuze kuyefika eDibhoni.
\q1 Sibachithile kwaze kwaba seNofa,
\q2 eqhelela eMedebha.”
\p
\v 31 Ngakho u-Israyeli wahlala elizweni lama-Amori.
\p
\v 32 Ngemva kokuba uMosi esethumele inhloli eJazeri, abako-Israyeli bathumba iziqinti eziseduze njalo baxotsha ama-Amori ayehlala khona. 
\v 33 Basebephenduka bahamba ngomgwaqo oya eBhashani. U-Ogi inkosi yaseBhashani kanye lebutho lakhe lonke baphuma ukuyahlangana labako-Israyeli ukubahlasela e-Edreyi.
\p
\v 34 \nd UThixo\nd* wathi kuMosi, “Ungamesabi, ngoba sengimnikele kuwe lamabutho akhe wonke kanye lelizwe lakhe. Menze konke owakwenza kuSihoni inkosi yama-Amori, owayebusa eHeshibhoni.”
\p
\v 35 Ngakho bambulala ndawonye lamadodana akhe kanye lebutho lakhe lonke, kakho loyedwa owaphephayo. Basebethatha ilizwe lakhe.
\c 22
\s1 UBhalaki Unxusa UBhalamu
\p
\v 1 Abako-Israyeli basuka lapho baya emagcekeni aseMowabi bamisa izihonqo zabo zisekele umfula iJodani ngaphetsheya kweJerikho.
\p
\v 2 UBhalaki indodana kaZiphori wabona konke okwenziwa ngu-Israyeli kuma-Amori, 
\v 3 ngakho uMowabi wesaba ngoba abantu bako-Israyeli babebanengi kakhulu. Ngempela uMowabi watshaywa luvalo ngenxa yokwesaba abako-Israyeli.
\p
\v 4 AmaMowabi athi ebadaleni bamaMidiyani, “Ixuku leli lizahuquluza konke esilakho, njengenkabi isidla utshani emadlelweni.
\p ” Ngakho uBhalaki indodana kaZiphori, owayeyinkosi yamaMowabi ngalesosikhathi, 
\v 5 wathumela izithunywa ukuyabiza uBhalamu indodana kaBheyori, owayehlala ePhethori eduzane lomfula iYufrathe elizweni lakibo lomdabuko. UBhalaki wathi,
\pm “Kulabantu abanengi kakhulu abavela eGibhithe; bagcwele ilizwe lonke njalo bahlezi eduze kwami. 
\v 6 Woza khathesi uzeletha isithuko phezu kwabo, ngoba balamandla kulami. Mhlawumbe ngalokho ngingabehlula ngibaxotshe elizweni. Ngoba ngiyazi ukuthi labo obabusisayo bayabusiseka, njalo labo obaqalekisayo bayaqalekiswa.”
\p
\v 7 Abadala bamaMowabi labamaMidiyani basuka, bathatha imbadalo yokuhlahlula. Bathe befika kuBhalamu, bamtshela lokho okwatshiwo nguBhalaki.
\p
\v 8 “Lalani lapha okwalamuhla,” watsho uBhalamu kubo, “Ngizalilethela impendulo engizayiphiwa \nd nguThixo\nd*.” Ngakho amakhosana amaMowabi ahlala laye.
\p
\v 9 UNkulunkulu weza kuBhalamu wambuza wathi, “Amadoda la olawo ngobani?”
\p
\v 10 UBhalamu wathi kuNkulunkulu, “UBhalaki indodana kaZiphori inkosi yamaMowabi ungithumele lelizwi elithi: 
\v 11 ‘Kulabantu abavele eGibhithe abagcwele elizweni lonke. Woza masinyane uzongiqalekisela lababantu. Mhlawumbe ngingaba lakho ukubalwisa ngibaxotshe lapha.’ ”
\p
\v 12 Kodwa uNkulunkulu wathi kuBhalamu, “Ungahambi labo. Ungabaqalekisi lababantu, ngoba babusisiwe.”
\p
\v 13 Ekuseni ngosuku olulandelayo uBhalamu wavuka esithi kumakhosana kaBhalaki, “Buyelani ezweni lenu, ngoba \nd uThixo\nd* walile ukuthi ngihambe lani.”
\p
\v 14 Ngakho amakhosana amaMowabi abuyela kuBhalaki athi, “UBhalamu walile ukubuya lathi.”
\p
\v 15 Ngakho uBhalaki wathumela amanye amakhosana amanengi njalo adumileyo kulawakuqala. 
\v 16 Eza kuBhalamu afika athi:
\pm “Nanku okutshiwo nguBhalaki indodana kaZiphori: Akungabi lalutho olungakuvimbela ukuza kimi, 
\v 17 ngoba ngizakunika umvuzo omuhle njalo ngenze konke okutshoyo. Woza uzongiqalekisela lababantu.”
\p
\v 18 Kodwa uBhalamu wabaphendula wathi, “Loba uBhalaki enganginika isigodlo sakhe sigcwele isiliva legolide, angingeke ngenze ulutho olukhulu loba oluncane oluphambene lelizwi \nd likaThixo\nd* uNkulunkulu wami. 
\v 19 Khathesi hlalani lapha okwalobubusuku njengalokhu okwenziwe ngabanye, mina ngizadingisisa ukuthi kuyini okunye \nd uThixo\nd* azangitshela khona.”
\p
\v 20 Ngalobobusuku uNkulunkulu weza kuBhalamu wathi, “Njengoba ethunywe ukuzakubiza, hamba lawo, kodwa wenze lokho kuphela engizakutshela khona.”
\s1 Ubabhemi KaBhalamu
\p
\v 21 UBhalamu wavuka ekuseni, wagada ubabhemi wakhe wahle wahamba lamakhosana amaMowabi. 
\v 22 Kodwa uNkulunkulu wathukuthela kakhulu ngokuhamba kwakhe, ngakho ingilosi \nd kaThixo\nd* yajama phambi kwakhe yamvimbela. UBhalamu wayegade ubabhemi wakhe elezinceku zakhe ezimbili. 
\v 23 Kwathi ubabhemi ebona ingilosi \nd kaThixo\nd* imi endleleni iphethe inkemba esandleni sayo, waphambuka endleleni waqonda iganga. UBhalamu wamtshaya ubabhemi embuyisela endleleni.
\p
\v 24 Ngakho ingilosi \nd kaThixo\nd* yayakuma emkhandlwini phakathi kwezivini ezimbili, kulemiduli inxa zonke. 
\v 25 Kwathi ubabhemi ebona ingilosi \nd kaThixo\nd*, ubabhemi wasondela emdulini, ehluzulela unyawo lukaBhalamu emdulini. Ngalokho wamtshaya njalo ubabhemi.
\p
\v 26 Ngakho ingilosi \nd kaThixo\nd* yaya phambili yema emkhandlwini onciphileyo lapho okwakungelandlela yokuphendukela kwesokudla loba esenxele. 
\v 27 Kwathi ubabhemi ebona ingilosi \nd kaThixo\nd*, ubabhemi walala phansi, uBhalamu wathukuthela kakhulu wamtshaya ubabhemi ngentonga yakhe. 
\v 28 Ngalokho \nd uThixo\nd* wavula umlomo kababhemi, wathi kuBhalamu, “Kanti ngenzeni na kuwe uze ungitshaye okwamahlandla amathathu?”
\p
\v 29 UBhalamu waphendula ubabhemi wathi, “Ungenze isiwula! Ngabe bengilenkemba esandleni sami bengizakubulala khathesi.”
\p
\v 30 Ubabhemi wathi kuBhalamu, “Kanti kangisubabhemi wakho na ovele uhlezi umgada insuku zonke kuze kube namhlanje? Kambe ngiyake ngikwenze lokhu kuwe na?”
\p UBhalamu waphendula wathi, “Hatshi.”
\p
\v 31 Ngakho \nd uThixo\nd* wavula amehlo kaBhalamu, wabona ingilosi \nd kaThixo\nd* imi endleleni iqaphise inkemba. Ngakho wakhothama wawa phansi ngobuso.
\p
\v 32 Ingilosi \nd kaThixo\nd* yambuza yathi, “Kungani utshaye ubabhemi wakho okwamahlandla amathathu na? Ngize lapha ukukuvimbela ngoba indlela yakho iyibutshapha phambi kwami. 
\v 33 Ubabhemi ungibonile waphambuka okwamahlandla amathathu. Alubana kaphambukanga, ngabe khathesi sengikubulele wena, ngayekela ubabhemi.”
\p
\v 34 UBhalamu wathi engilosini \nd kaThixo\nd*, “Ngonile. Angizange nginanzelele ukuthi umi endleleni ukungivimbela. Nxa kungakuthokozisi khathesi, ngizabuyela emuva.”
\p
\v 35 Ingilosi \nd kaThixo\nd* yathi kuBhalamu, “Hamba lawo lamadoda, kodwa ukhulume lokho engikutshela khona kuphela.” Ngakho uBhalamu wahamba lamakhosana kaBhalaki.
\p
\v 36 Kwathi uBhalaki esizwa ukuthi uBhalamu uyeza, waphuma ukumhlangabeza edolobheni lamaMowabi emngceleni wase-Arinoni emaphethelweni elizwe lakhe. 
\v 37 UBhalaki wathi kuBhalamu, “Angikuthumelanga ilizwi lokuphangisa na? Kungani ungezanga kimi? Kambe kangenelisi ukukupha umvuzo na?”
\p
\v 38 UBhalamu waphendula wathi, “Yebo, sengifikile kuwe khathesi. Kodwa angiyikukhuluma loba yini engiyifunayo. Ngizakhuluma lokho uNkulunkulu azakubeka emlonyeni wami kuphela.”
\p
\v 39 Ngakho uBhalamu wahamba loBhalaki eKhiriyathi-Huzothi. 
\v 40 UBhalaki wenza umhlatshelo wenkomo lezimvu, njalo ezinye wazipha uBhalamu ezinye wazipha amakhosana ayehamba lawo. 
\v 41 Ekuseni ngosuku olulandelayo uBhalaki wathatha uBhalamu waya eBhamothi-Bhali, kulapho abona khona izihonqo zabako-Israyeli.
\c 23
\s1 Ukwambulelwa Kwakuqala KukaBhalamu
\p
\v 1 UBhalamu wathi, “Ngakhela ama-alithare ayisikhombisa lapha, ube usungilungisela inkunzi eziyisikhombisa kanye lenqama eziyisikhombisa.” 
\v 2 UBhalaki wenza njengokutshiwo nguBhalamu, kwathi bobabili babo banikela ngenkunzi langenqama eyodwa e-alithareni linye ngalinye.
\p
\v 3 Ngakho uBhalamu wasesithi kuBhalaki, “Hlala lapha eceleni lomnikelo wakho mina ngisaya eceleni. Mhlawumbe \nd uThixo\nd* uzabuya azohlangana lami. Lokho azakuveza kimi ngizakutshela.” Wasesuka waya endaweni ephakemeyo eligceke.
\p
\v 4 UNkulunkulu wahlangana laye, njalo uBhalamu wathi, “Sengakhe ama-alithare ayisikhombisa njalo e-alithareni linye ngalinye nginikele ngenkunzi langenqama eyodwa.”
\p
\v 5 Ngakho \nd uThixo\nd* watshela uBhalamu wathi, “Buyela kuBhalaki uyemupha umbiko lo.”
\p
\v 6 Ngakho wabuyela kuBhalaki wamfica emi eceleni komnikelo wakhe, kanye lawo wonke amakhosana amaMowabi. 
\v 7 Ngakho uBhalamu wasesitsho umbiko wakhe:
\q1 “UBhalaki ungilethe ngivela e-Aramu,
\q2 inkosi yamaMowabi evela ezintabeni zasempumalanga.
\q1 ‘Woza,’ watsho njalo, ‘ngiqalekisela uJakhobe;
\q2 woza, mchothoze u-Israyeli.’
\q1
\v 8 Ngingabaqalekisa njani
\q2 labo abangaqalekiswanga nguNkulunkulu?
\q1 Ngingachothoza njani
\q2 labo abangazange bachothozwe \nd nguThixo\nd*?
\q1
\v 9 Eziqongweni zamatshe ngiyababona,
\q2 khonale phezulu bayangikhanyela.
\q1 Ngibona abantu abahlezi ngokwehluka,
\q2 njalo kabaziboni bengabalezizizwe.
\q1
\v 10 Ngubani ongabala uthuli lukaJakhobe
\q2 loba ingxenye yesine yabako-Israyeli na?
\q1 Yekela ngife ukufa kwabalungileyo,
\q2 njalo sengathi isiphetho sami singafana lesabo!”
\p
\v 11 UBhalaki wathi kuBhalamu, “Kuyini osungenzele khona na? Ngize lawe ukuze uqalekise izitha zami, kodwa akulalutho olwenzileyo ngaphandle kokuzibusisa!”
\p
\v 12 UBhalamu, waphendula wathi, “Ngingakukhulumi na engikutshelwe \nd nguThixo\nd*?”
\s1 Ukwambulelwa Kwesibili KukaBhalamu
\p
\v 13 Ngakho uBhalaki wathi kuBhalamu, “Woza asiye kwenye indawo lapha ozababona khona; uzabona ingxenye kuphela kungeyisibo bonke. Khonapho-ke ungiqalekisele bona.” 
\v 14 Wasesuka laye waya emangweni waseZofimu phezu kwentaba iPhisiga, kulapho akha khona ama-alithare ayisikhombisa wanikela ngenkunzi langenqama e-alithareni linye ngalinye.
\p
\v 15 UBhalamu wathi kuBhalaki, “Hlala lapha eceleni komnikelo wakho mina ngisayahlangana laye ngale.”
\p
\v 16 \nd UThixo\nd* wahlangana loBhalamu wamtshela wathi, “Buyela kuBhalaki uyemnika umbiko lo.”
\p
\v 17 Wasebuyela kuBhalaki wamfica emi eceleni komnikelo wakhe, kanye lamakhosana amaMowabi. UBhalaki wambuza wathi, “Utheni \nd uThixo\nd*?”
\p
\v 18 Wasesitsho umbiko wakhe:
\q1 “Vuka, Bhalaki, njalo ulalele; zwana mina,
\q2 ndodana kaZiphori.
\q1
\v 19 UNkulunkulu kasumuntu, ukuthi angaqamba amanga,
\q2 loba indodana yomuntu, yona eguquguqula ingqondo yayo.
\q1 Kambe ukhuluma angenzi na?
\q2 Uyathembisa angagcwalisi isithembiso na?
\q1
\v 20 Ngamukele umlayo wokubusisa;
\q2 usebusisile, njalo ngingeke ngikuguqule lokho.
\b
\q1
\v 21 Akulamabhadi ehlela kuJakhobe,
\q2 akulasizi olubonakala ku-Israyeli.
\q1 \nd UThixo\nd* uNkulunkulu wabo ukanye labo;
\q2 umkhosi weNkosi uphakathi kwabo.
\q1
\v 22 UNkulunkulu wabakhipha eGibhithe;
\q2 balamandla enyathi.
\q1
\v 23 Akulamilingo engalinga uJakhobe,
\q2 akulamasalamusi angamelana lo-Israyeli.
\q1 Khathesi sekuzathiwa ngoJakhobe
\q2 kanye lo-lsrayeli, ‘Khangela okwenziwe nguNkulunkulu!’
\q1
\v 24 Abantu bayavuka njengesilwanekazi;
\q2 badlwanguluka njengesilwane
\q1 sona esingaphumuliyo size sitshwabadele inyamazana yaso
\q2 njalo sinathe igazi layo.”
\p
\v 25 Ngakho uBhalaki wasesithi kuBhalamu, “Ungabaqalekisi, njalo ungababusisi!”
\p
\v 26 UBhalamu waphendula wathi, “Angikutshelanga na ukuthi ngenza engikutshelwe \nd nguThixo\nd*?”
\s1 Isambulelo Sesithathu SikaBhalamu
\p
\v 27 Ngakho uBhalaki wathi kuBhalamu, “Woza, kahle ngikuse kwenye indawo. Mhlawumbe kuzamthokozisa uNkulunkulu akuvumele ukuthi ungiqalekisele bona ukhonale.” 
\v 28 Ngakho uBhalaki wahamba loBhalamu baya phezu kwePheyori ekhangele enkangala.
\p
\v 29 UBhalamu wathi, “Ngakhela ama-alithare ayisikhombisa khonapha, ungilungisele inkunzi eziyisikhombisa lenqama eziyisikhombisa.” 
\v 30 UBhalaki wenza lokho ayekutshelwe nguBhalamu, wanikela inkunzi eyodwa lenqama e-alithareni linye ngalinye.
\c 24
\p
\v 1 Kwathi uBhalamu esebonile ukuthi kuyamthokozisa \nd uThixo\nd* ukubusisa u-Israyeli, kasadinganga njalo imilingo njengakuqala, kodwa waphenduka wakhangela enkangala. 
\v 2 Kwathi uBhalamu ekhangela wabona u-Israyeli emise izihonqo zakhe ngokwezizwe zakhe, uMoya kaNkulunkulu wehlela phezu kwakhe 
\v 3 wasesitsho isambulelo sakhe:
\q1 “Isambulelo sikaBhalamu indodana kaBheyori,
\q2 isambulelo salowo omehlo akhe abonisisa kuhle,
\q1
\v 4 isambulelo salowo ozwa amazwi kaNkulunkulu,
\q2 lowo obona umbono ovela kuSomandla,
\q1 lowo owela phansi ngokuzehlisa,
\q2 njalo omehlo akhe avulekile:
\b
\q1
\v 5 Aze aba mahle amathente akho, Oh Jakhobe,
\q2 izindawo zakho zokuhlala, Oh Israyeli!
\b
\q1
\v 6 Njengezigodi zisabalele,
\q2 njengezivande zisekele umfula,
\q1 sanhlaba ehlanyelwe \nd nguThixo\nd*,
\q2 njengezihlahla zomsedari ezingasemanzini.
\q1
\v 7 Amanzi azageleza emigqonyeni yabo;
\q2 inhlanyelo yabo ibe semanzini amanengi.
\b
\q1 Inkosi yabo izakuba nkulu kulo-Agagi;
\q2 umbuso wabo uzakuba ngophakemeyo.
\b
\q1
\v 8 UNkulunkulu wabakhupha eGibhithe;
\q2 balamandla anjengawenyathi.
\q1 Bayazitshwabadela izizwe eziyizitha
\q2 njalo bephule amathambo azo abe yizicucu;
\q2 ngemitshoko yabo babacibe.
\q1
\v 9 Njengesilwane bayaqutha bacathame phansi,
\q2 njengesilwanekazi, ngubani olesibindi sokubavusa na?
\b
\q1 Akuthi labo abakubusisayo babusiswe
\q2 njalo lalabo abakuqalekisayo baqalekiswe!”
\p
\v 10 Ngakho uBhalaki wamthukuthelela kakhulu uBhalamu. Watshaya izandla zakhe wathi, “Ngikubizele ukuthi uzengiqalekisela izitha zami, kodwa wena usubabusise okwamahlandla la amathathu. 
\v 11 Wohle usuke nje khathesi ubuyele kini! Ngithe ngizakupha umvuzo omuhle kakhulu, pho-ke \nd uThixo\nd* usekuvimbele ukwamukeliswa umvuzo.”
\p
\v 12 UBhalamu wamphendula uBhalaki wathi, “Kanti kangizitshelanga yini izithunywa zakho owazithuma kimi ukuthi, 
\v 13 ‘Loba uBhalaki enganginika isigodlo sakhe sigcwele isiliva legolide, akulalutho lolulodwa ebengizalwenza ngokwentando yami, okuhle kumbe okubi, okuphambene lomlayo \nd kaThixo\nd*, kufanele ngitsho lokho kuphela \nd uThixo\nd* akutshoyo na’? 
\v 14 Khathesi sengibuyela ebantwini bakithi, kodwa woza, ngikuxwayise ukuthi kuyini okuzakwenziwa ngabantu laba ebantwini bakho ensukwini ezilandelayo.”
\s1 Isambulo Sesine SikaBhalamu
\p
\v 15 Ngakho uBhalamu wasesitsho isambulelo sakhe:
\q1 “Isambulelo sikaBhalamu indodana kaBheyori,
\q2 isambulelo salowo omehlo akhe abonisisa kuhle,
\q1
\v 16 isambulelo salowo olalela ezwe amazwi kaNkulunkulu,
\q2 ololwazi oluvela koPhezukonke,
\q1 obona umbono ovela kuSomandla, owela phansi ngokuzehlisa,
\q2 njalo omehlo akhe avulekile:
\b
\q1
\v 17 Ngiyambona, kodwa hatshi khathesi;
\q2 ngiyambona, kodwa kungesikho eduze.
\q1 Inkanyezi izaphuma ivela kuJakhobe;
\q2 intonga yobukhosi izaphakama ivela ku-Israyeli.
\q1 Uzacobodisa amabunzi kaMowabi,
\q2 inkakhayi zamadodana wonke kaSethi.
\q1
\v 18 I-Edomi izanqotshwa;
\q2 uSeyiri, oyisitha sakhe, uzanqotshwa,
\q2 kodwa u-Israyeli uzakhula abe lamandla.
\q1
\v 19 Umbusi uzavela kuJakhobe
\q2 njalo uzabhubhisa abaseleyo balelodolobho.”
\s1 Isambulelo Sesihlanu SikaBhalamu
\p
\v 20 Ngakho uBhalamu wabona u-Amaleki wasesitsho isambulelo sakhe:
\q1 “U-Amaleki wayengowokuqala ezizweni,
\q2 kodwa ekucineni uzakuba lunxiwa.”
\s1 Isambulelo Sesithupha SikaBhalamu
\p
\v 21 Ngakho wasebona amaKheni wasesitsho isambulelo sakhe njalo:
\q1 “Indawo yakho yokuhlala ivikelekile,
\q2 isidleke sakho sakhelwe edwaleni;
\q1
\v 22 kanti-ke lina maKheni lizabhujiswa
\q2 ekuthunjweni kwenu yi-Asiriya.”
\s1 Isambulelo Sesikhombisa SikaBhalamu
\p
\v 23 Ngakho wasitsho isambulelo sakhe:
\q1 “Kambe ngubani ongaphila nxa uNkulunkulu esenza lokhu na?
\q2
\v 24 Imikhumbi izakuza ivela okhunjini lwaseKhithimi;
\q1 bazayehlula u-Asiriya kanye le-Ebha,
\q2 kodwa laba bazachithwa babe ngamanxiwa.”
\p
\v 25 Ngakho uBhalamu wasukuma wasebuyela kibo loBhalaki wahamba ngeyakhe indlela.
\c 25
\s1 AmaMowabi Adukisa U-Israyeli
\p
\v 1 Ngesikhathi u-Israyeli esehlala eShithima, amadoda aqala ukuhlobonga labafazi bamaMowabi, 
\v 2 bona abamema amadoda ako-Israyeli ukuba eze emihlatshelweni yabonkulunkulu babo. Abantu laba babesidla ukudla kwabonkulunkulu labo njalo bebakhothamele. 
\v 3 Ngakho u-Israyeli wahlanganyela ekukhonzeni uBhali wasePheyori. Yikho \nd uThixo\nd* wabathukuthelela kakhulu.
\p
\v 4 \nd UThixo\nd* wathi kuMosi, “Thatha bonke abakhokheli balababantu, ubabulale njalo ubeke izidumbu zabo egcekeni emini libalele phambi \nd kukaThixo\nd*, ukuze intukuthelo eyesabekayo \nd kaThixo\nd* isuke ku-Israyeli.”
\p
\v 5 Ngakho uMosi wathi kubahluleli bako-Israyeli, “Kumele ukuthi munye ngamunye wenu abulale amadoda akini lawo asehlanganyela ekukhonzeni uBhali wasePheyori.”
\p
\v 6 Kwathi indoda ethile yako-Israyeli yaletha umfazi woMidiyani emulini yayo khonapho phambi kukaMosi laphambi kwabako-Israyeli bonke ababebuthene bekhala esangweni lethente lokuhlangana. 
\v 7 Kwathi uFinehasi indodana ka-Eliyazari indodana ka-Aroni, umphristi, ekubona lokho, watshiya ababebuthene, 
\v 8 wathatha umkhonto wayilandela indoda leyo ethenteni. Wagadla ngomkhonto wabagwaza bobabili wayathutsha ngale komʼIsrayeli wangena wayathutshela esiswini sowesifazane. Ngakho sasesiphela isifo esasesihlasele abako-Israyeli; 
\v 9 kodwa labo abasebefile ngenxa yesifo babezinkulungwane ezingamatshumi amabili lane (24,000).
\p
\v 10 \nd UThixo\nd* wathi kuMosi, 
\v 11 “UFinehasi indodana ka-Eliyazari indodana ka-Aroni umphristi, uqedile ukuthukuthelela kwami abantu bako-Israyeli, ngoba wayetshisekela udumo lwami phakathi kwabo njengami, ukuze ngesihawu sami ngingabaqedi. 
\v 12 Ngalokho umtshele ukuthi sengisenza isivumelwano sokuthula laye. 
\v 13 Yena kanye lezizukulwane zakhe bazakuba lesivumelwano sobuphristi esimi kokuphela, ngoba utshisekelele udumo lukaNkulunkulu wakhe njalo wenzele abako-Israyeli indlela yokubuyisana.”
\p
\v 14 Ibizo lendoda yako-Israyeli eyabulawa kanye lowesifazane weMidiyani kwakunguZimri indodana kaSalu, umkhokheli wabemuli yamaSimiyoni. 
\v 15 Njalo ibizo lowesifazane woMidiyani owabulawayo lalinguKhozibhi indodakazi kaZuri, induna yesizwana semuli yamaMidiyani.
\p
\v 16 \nd UThixo\nd* wathi kuMosi, 
\v 17 “Kumele liphathe amaMidiyani njengezitha njalo liwabulale, 
\v 18 ngoba aliphathe njengezitha alikhohlisa ngendaba kaPheyori kanye lodadewabo uKhozibhi indodakazi yomkhokheli wamaMidiyani, owesifazane owabulawa ngesikhathi sokuhlasela kwesifo esabakhona ngenxa kaPheyori.”
\c 26
\s1 Ukubalwa Kwabantu Kwesibili
\p
\v 1 Ngemva kwesifo \nd uThixo\nd* wathi kuMosi lo-Eliyazari indodana ka-Aroni, umphristi, 
\v 2 “Balani abantu bonke abako-Israyeli ngezimuli zabo bonke abaleminyaka esukela kwengamatshumi amabili yokuzalwa kusiya phezulu abangaba libutho lako-Israyeli.” 
\v 3 Ngakho uMosi lo-Eliyazari umphristi batshela abantu basemagcekeni aseMowabi eduze lomfula uJodani ngaphetsheya kweJerikho bathi kubo, 
\v 4 “Balani amadoda aleminyaka yokuzalwa esukela kwengamatshumi amabili kusiya phezulu, njengokulaywa kukaMosi \nd nguThixo\nd*.”
\b
\li4 Laba ngabako-Israyeli abaphuma eGibhithe:
\b
\li1
\v 5 Izizukulwane zikaRubheni izibulo lika-Israyeli, kwakuyilezi:
\li2 uHanokhi, wadabula abosendo lwamaHanokhi;
\li2 uPhalu, wadabula abosendo lwamaPhalu;
\li2
\v 6 uHezironi wadabula abosendo lwamaHezironi;
\li2 uKhami wadabula abosendo lwamaKhami.
\li4
\v 7 Laba babengabezinsendo zikaRubheni; inani labo lalizinkulungwane ezingamatshumi amane lantathu, lamakhulu ayisikhombisa alamatshumi amathathu (43,730).
\li2
\v 8 Indodana kaPhalu kwakungu-Eliyabi, 
\v 9 njalo amadodana ka-Eliyabi kwakunguNemuweli, uDathani kanye lo-Abhiramu. Bona laba uDathani lo-Abhiramu yibo ababeyizikhulu zabantu abahlamukela uMosi lo-Aroni njalo babengabanye babalandeli bakaKhora ngesikhathi behlamukela \nd uThixo\nd*. 
\v 10 Umhlaba wavuleka wabaginya kanye loKhora, kanye labalandeli babo abafa beqothulwa ngumlilo bengamadoda angamakhulu amabili alamatshumi amahlanu (250). Njalo baba yisixwayiso. 
\v 11 Loba kunjalo, inzalo kaKhora kayibhubhanga yonke, yaphela.
\b
\li1
\v 12 Izizukulwane zikaSimiyoni ngokwensendo zazo kwakuyilezi:
\li2 uNemuweli wadabula abosendo lwamaNemuweli;
\li2 uJamini wadabula abosendo lwamaJamini;
\li2 uJakhini wadabula abosendo lwamaJakhini;
\li2
\v 13 uZera wadabula abosendo lwamaZera;
\li2 uShawuli wadabula abosendo lwamaShawuli.
\li4
\v 14 Laba babengabezinsendo zikaSimiyoni; inani labo lalingamadoda azinkulungwane ezingamatshumi amabili lambili, lamakhulu amabili (22,200).
\b
\li1
\v 15 Izizukulwane zikaGadi ngokwensendo zazo kwakuyilezi:
\li2 uZifoni wadabula abosendo lwamaZifoni;
\li2 uHagi wadabula abosendo lwamaHagi;
\li2 uShuni wadabula abosendo lwamaShuni;
\li2
\v 16 u-Ozini wadabula abosendo lwama-Ozini;
\li2 u-Eri wadabula abosendo lwama-Eri;
\li2
\v 17 u-Arodi wadabula abosendo lwama-Arodi;
\li2 u-Areli wadabula abosendo lwama-Areli.
\li4
\v 18 Laba bengabensendo zikaGadi; inani labo lalizinkulungwane ezingamatshumi amane lamakhulu amahlanu (40,500).
\b
\li4
\v 19 U-Eri lo-Onani babengamadodana kaJuda, kodwa bafela eKhenani.
\li1
\v 20 Izizukulwane zikaJuda ngokwensendo zazo kwakuyilezi:
\li2 uShela wadabula abosendo lwakoShela;
\li2 uPherezi wadabula abosendo lwamaPherezi;
\li2 uZera wadabula abosendo lwamaZera.
\li2
\v 21 Izizukulwane zikaPherezi kwakuyilezi:
\li3 uHezironi wadabula abosendo lwamaHezironi;
\li3 uHamuli wadabula abosendo lwamaHamuli.
\li4
\v 22 Laba babezinsendo zikaJuda; inani labo lalizinkulungwane ezingamatshumi ayisikhombisa lesithupha, lamakhulu amahlanu (76,500).
\b
\li1
\v 23 Izizukulwane zika-Isakhari ngokwensendo zazo kwakuyilezi:
\li2 uThola wadabula abosendo lwamaThola;
\li2 uPhuwa wadabula abosendo lwamaPhuwa;
\li2
\v 24 uJashubi wadabula abosendo lwamaJashubi;
\li2 uShimroni wadabula abosendo lwamaShimroni.
\li4
\v 25 Laba ngabensendo zika-Isakhari; inani labo lalizinkulungwane ezingamatshumi ayisithupha lane, lamakhulu amathathu (64,300).
\b
\li1
\v 26 Izizukulwane zikaZebhuluni ngokwensendo zazo kwakuyilezi:
\li2 uSeredi wadabula abosendo lwamaSeredi;
\li2 u-Eloni wadabula abosendo lwama-Eloni;
\li2 uJaliyeli wadabula abosendo lwamaJahileli.
\li4
\v 27 Laba ngabensendo zikaZebhuluni, inani labo lalizinkulungwane ezingamatshumi ayisithupha lamakhulu amahlanu (60,500).
\b
\li4
\v 28 Izizukulwane zikaJosefa ngokwensendo zabo bezalwa nguManase lo-Efrayimi kwakuyilezi:
\li4
\v 29 Izizukulwane zikaManase ngokwensendo zazo kwakuyilezi:
\li2 uMakhiri wadabula abosendo lwamaMakhiri (uMakhiri wayenguyise kaGiliyadi);
\li2 uGiliyadi wadabula abosendo lwamaGiliyadi.
\li2
\v 30 Laba yizizukulwane zikaGiliyadi:
\li3 u-Iyezeri wadabula abosendo lwama-Iyezeri;
\li3 uHelekhi wadabula abosendo lwamaHeleki;
\li3
\v 31 u-Asiriyeli wadabula abosendo lwama-Asiriyeli;
\li3 uShekhemu wadabula abosendo lwamaShekhemu;
\li3
\v 32 uShemida wadabula abosendo lwamaShemida;
\li3 uHeferi wadabula abosendo lwamaHeferi.
\li3
\v 33 (UZelofehadi indodana kaHeferi wayengelamadodana; wayelamadodakazi wodwa, amabizo awo ayenguMahila, uNowa, uHogila, uMilikha kanye loThiza.)
\li4
\v 34 Laba kwakungabensendo zikaManase; inani labo lalizinkulungwane ezingamatshumi amahlanu lambili, lamakhulu ayisikhombisa (52,700).
\li1
\v 35 Laba kwakuyizizukulwane zika-Efrayimi ngokwensendo zazo:
\li2 uShuthela wadabula abosendo lwamaShuthela;
\li2 uBhekheri wadabula abosendo lwamaBhekheri;
\li2 uThahani wadabula abosendo lwamaThahani.
\li2
\v 36 Laba kwakuyizizukulwane zikaShuthela:
\li3 u-Erani wadabula abosendo lwama-Erani.
\li4
\v 37 Laba kwakungabensendo zika-Efrayimi; inani labo lalizinkulungwane ezingamatshumi amathathu lambili, lamakhulu amahlanu (32,500).
\li4 Laba kwakuyizizukulwane zikaJosefa ngokwensendo zazo.
\b
\li1
\v 38 Izizukulwane zikaBhenjamini ngokwensendo zazo kwakuyilezi:
\li2 uBhela wadabula abosendo lwamaBhela;
\li2 u-Ashibheli wadabula abosendo lwama-Ashibheli;
\li2 u-Ahirami wadabula abosendo lwama-Ahirami;
\li2
\v 39 uShufamu wadabula abosendo lwamaShufamu;
\li2 uHufamu wadabula usendo lwamaHufamu
\li2
\v 40 Izizukulwane zikaBhela ezazalwa ngu-Adi kanye loNamani yilezi:
\li3 u-Adi wadabula abosendo lwama-Adithe;
\li3 uNamani wadabula abosendo lwamaNamani.
\li4
\v 41 Laba kwakungabensendo zikaBhenjamini; inani labo lalizinkulungwane ezingamatshumi amane lanhlanu, lamakhulu ayisithupha (45,600).
\b
\li1
\v 42 Laba babeyizizukulwane zikaDani ngokwensendo zazo:
\li2 uShuhamu wadabula abosendo lwamaShuhamu.
\li4 Laba babengabezinsendo zikaDani: 
\v 43 Bonke babengabosendo lwamaShuhamu; njalo inani labo lalizinkulungwane ezingamatshumi ayisithupha lane, lamakhulu amane (64,400).
\b
\li1
\v 44 Izizukulwane zika-Asheri ngokwensendo zazo kwakuyilezi:
\li2 u-Imna wadabula abosendo lwama-Imna;
\li2 u-Ishivi wadabula abosendo lwama-Ishivi;
\li2 uBheriya wadabula abosendo lwamaBheriya;
\li2
\v 45 njalo izizukulwane ezadatshulwa nguBheriya yilezi:
\li3 uHebheri wadabula abosendo lwamaHebheri;
\li3 uMalikhiyeli wadabula abosendo lwamaMalikhiyeli.
\li4
\v 46 (U-Asheri wayelendodakazi okwakuthiwa nguSera.)
\li4
\v 47 Laba babengabezinsendo zika-Asheri; inani labo lalizinkulungwane ezingamatshumi amahlanu lantathu, lamakhulu amane (53,400).
\b
\li1
\v 48 Izizukulwane zikaNafithali ngokwensendo zazo kwakuyilezi:
\li2 uJaziyeli wadabula abosendo lwamaJaziyeli;
\li2 uGuni wadabula abosendo lwamaGuni;
\li2
\v 49 uJezeri wadabula abosendo lwamaJezeri;
\li2 uShilemu wadabula abosendo lwamaShilemu.
\li4
\v 50 Laba babengabezinsendo zikaNafithali; inani labo lalizinkulungwane ezingamatshumi amane lanhlanu, lamakhulu amane (45,400).
\b
\li4
\v 51 Inani lamadoda wonke ako-Israyeli lalizinkulungwane ezingamakhulu ayisithupha lanye, lamakhulu ayisikhombisa alamatshumi amathathu (601,730).
\b
\p
\v 52 \nd UThixo\nd* wathi kuMosi, 
\v 53 “Ilizwe lizakwahlukaniselwa abantu njengelifa labo kusiya ngenani lamabizo abo. 
\v 54 Isizwe esikhulu uzasinika isabelo esikhulu, kuthi isizwana esincinyane usiphe isabelo esincane; isizwana ngasinye sizakwabelwa ilifa laso ngokuya ngenani lamabizo alabo ababhaliweyo. 
\v 55 Iba leqiniso lokuthi ilizwe labiwa ngenkatho. Isabelo seqembu ngalinye sizakuya ngamabizo esizwana sabokhokho baso. 
\v 56 Isabelo ngasinye selizwe sizakwehlukaniswa ngokwenza inkatho phakathi kwezizwana ezinkulu lezincinyane.”
\b
\li1
\v 57 Laba ngabaLevi ababalwa kulandelwa insendo zabo:
\li2 uGeshoni wadabula abosendo lwamaGeshoni;
\li2 uKhohathi wadabula abosendo lwamaKhohathi;
\li2 uMerari wadabula abosendo lwamaMerari.
\li1
\v 58 Laba labo babengabezinsendo zabaLevi:
\li2 usendo lwamaLibhini,
\li2 usendo lwamaHebhroni,
\li2 usendo lwamaMahili,
\li2 usendo lwamaMushi,
\li2 usendo lwamaKhora.
\li2 (UKhohathi wayengukhokho ka-Amramu; 
\v 59 inkosikazi ka-Amramu kwakunguJokhebhedi, oyisizukulwane sikaLevi, owayezalelwe eGibhithe ngabaLevi. Wazala lo-Amramu u-Aroni, loMosi kanye lodadewabo uMiriyemu. 
\v 60 U-Aroni wayenguyise kaNadabi, u-Abhihu, u-Eliyazari kanye lo-Ithamari. 
\v 61 Kodwa uNadabi lo-Abhihu bafa baze banikele \nd kuThixo\nd* ngomlilo ongavunyelwayo.)
\b
\li4
\v 62 Bonke abaLevi abesilisa ababalwayo kusukela kwabalenyanga eyodwa yokuzalwa kusiya phezulu babezinkulungwane ezingamatshumi amabili lantathu (23,000). Kababalwanga ndawonye labanye abako-Israyeli ngoba kabanikwanga isabelo esiyilifa phakathi kwabo.
\b
\p
\v 63 Laba yibo ababalwa nguMosi lo-Eliyazari umphristi mhla bebala abako-Israyeli emagcekeni aseMowabi nganeno komfula iJodani malungana leJerikho. 
\v 64 Kwakungekho loyedwa phakathi kwabo owayekhona mhla uMosi lo-Aroni bebala abako-Israyeli enkangala yaseSinayi. 
\v 65 Ngoba \nd uThixo\nd* wayetshilo kwabako-Israyeli labo ukuthi ngempela babezakufa enkangala, njalo kakho loyedwa wabo owasalayo ngaphandle kukaKhalebi indodana kaJefune loJoshuwa indodana kaNuni.
\c 27
\s1 Amadodakazi KaZelofehadi
\p
\v 1 Amadodakazi kaZelofehadi indodana kaHeferi, indodana kaGiliyadi, indodana kaMakhiri, indodana kaManase babengabezinsendo zikaManase indodana kaJosefa. Amabizo alawomadodakazi ayenguMahila, uNowa, uHogila, uMilikha, loThiza. Aya 
\v 2 esangweni leThente lokuHlangana ema phambi kukaMosi lo-Eliyazari umphristi, abakhokheli kanye lebandla lonke, athi, 
\v 3 “Ubaba wafela enkangala. Wayengekho phakathi kwabalandeli bakaKhora, bona ababambana ekuphikiseni kwabo \nd uThixo\nd*, kodwa wafela isono sakhe njalo katshiyanga madodana. 
\v 4 Kungani ibizo likababa licitsha kwabosendo lwakhe ngokungabi lendodana na? Sipheni ilifa lethu lathi ezihlotsheni zikababa.”
\p
\v 5 Ngakho uMosi wethula indaba yawo phambi \nd kukaThixo\nd*, 
\v 6 \nd uThixo\nd* wathi kuye, 
\v 7 “Lokho okutshiwo ngamadodakazi kaZelofehadi kuqondile. Kufanele ubaphe isabelo sabo selifa ezihlotsheni zikayise njalo ubaphe ilifa likayise.
\p
\v 8 Tshono uthi kwabako-Israyeli, ‘Nxa indoda ife ingelandodana, ilifa layo kaliphiwe indodakazi yayo. 
\v 9 Nxa ingelandodakazi, ilifa layo kaliphiwe abafowabo. 
\v 10 Nxa ingelabafowabo ilifa layo kaliphiwe abafowabo bakayise. 
\v 11 Nxa uyise engelabafowabo, ilifa layo kaliphiwe oyisihlobo esiseduze kwabosendo lwayo, ukuze libe ngelakhe. Lokho kumele kube ngumthetho oyisimiso kwabako-Israyeli, njengokulaywa kukaMosi \nd nguThixo\nd*.’ ”
\s1 UJoshuwa Uzathatha Isikhundla SikaMosi
\p
\v 12 \nd UThixo\nd* wasesithi kuMosi, “Khwela entabeni le yase-Abharimi ukuze ubone ilizwe engilinike abako-Israyeli. 
\v 13 Ngemva kokuba usulibonile, lawe uzalandela abakini, ufe njengomfowenu u-Aroni, 
\v 14 ngoba ekuhlamukeni kwabantu emanzini asenkangala yaseZini, lina lobabili kalilandelanga ukulaya kwami, ukungidumisa ngobungcwele bami emehlweni abo.” (La ayengamanzi aseMeribha Khadeshi, enkangala yaseZini.)
\p
\v 15 UMosi wathi \nd kuThixo\nd*, 
\v 16 “Akuthi \nd uThixo\nd*, uNkulunkulu wemimoya yabantu bonke akhethe indoda ezakhokhela abantu laba 
\v 17 ekuphumeni lasekungeneni, lowo ozabakhokhela ekuphumeni lekungeneni kwabo, ukuze abantu \nd bakaThixo\nd* bangafanani lezimvu ezingelamelusi.”
\p
\v 18 Ngakho \nd uThixo\nd* wathi kuMosi, “Thatha uJoshuwa indodana kaNuni, indoda elomoya wobukhokheli, ubeke isandla sakho phezu kwayo. 
\v 19 Umise phambi kuka-Eliyazari umphristi laphambi kwebandla lonke ubusumbeka esikhundleni phambi kwabo. 
\v 20 Umnike ingxenye yamandla akho ukuze isizwe sonke sako-Israyeli simlalele. 
\v 21 Kumele ame phambi kuka-Eliyazari umphristi, yena ozamtholela izinqumo ngokubuza i-Urimi phambi \nd kukaThixo\nd*. Ngokulawula kwakhe yena kanye labantu bonke bako-Israyeli bazaphuma, kuthi njalo ngokulawula kwakhe bangene.”
\p
\v 22 UMosi wenza njengokulaywa kwakhe \nd nguThixo\nd*. Wathatha uJoshuwa wamisa phambi kuka-Eliyazari umphristi kanye laphambi kwebandla lonke. 
\v 23 Wasebeka izandla zakhe phezu kwakhe embeka esikhundleni, njengokulaya \nd kukaThixo\nd* ngoMosi.
\c 28
\s1 Iminikelo Yezinsuku Zonke
\p
\v 1 \nd UThixo\nd* wathi kuMosi, 
\v 2 “Phana abako-Israyeli umlayo lo uthi kubo, ‘Nanzelelani ukuthi lingilethele ngesikhathi esimisiweyo imihlatshelo yokudla, njengephunga elimnandi kimi.’ 
\v 3 Tshono uthi kubo: ‘Lo ngumnikelo owenziwe ngomlilo okumele liwuse \nd kuThixo\nd*: amazinyane emvu amabili angelasici njalo alomnyaka owodwa ezelwe, kube ngumnikelo wokutshiswa wansuku zonke. 
\v 4 Linikele izinyane lemvu elilodwa ekuseni beselinikela elinye kusihlwa, 
\v 5 ndawonye lomnikelo wamabele ayisilinganiso sokwetshumi kwehefa yefulawa ecolekileyo exutshaniswe lengxenye yesine yehini yamafutha ahluzwe ema-oliveni. 
\v 6 Lo ngumnikelo wokutshiswa wezikhathi zonke owamiswa entabeni yaseSinayi njengephunga elimnandi, umnikelo owenzelwa \nd uThixo\nd* ngomlilo. 
\v 7 Umnikelo wokunathwayo ozakwenziwa ndawonye lengxenye yesine yehini yokunathwayo okulemvubelo ndawonye lezinyane lemvu. Thela umnikelo wokunathwayo phambi \nd kukaThixo\nd* endlini engcwele. 
\v 8 Unikele izinyane lesibili kusihlwa ndawonye lomnikelo wamabele ofanayo lomnikelo wokunathwayo ofana lalowo owunikele ekuseni. Lo ngumhlatshelo wokudla, iphunga elimnandi \nd kuThixo\nd*.’ ”
\s1 Iminikelo YeSabatha
\p
\v 9 “ ‘Ngosuku lweSabatha, ulungise umnikelo wamazinyane emvu amabili alomnyaka owodwa ezelwe engelasici, ndawonye lomnikelo wokunathwayo kanye lomnikelo wamabele ozingxenye ezimbili zehefa etshumini zefulawa ecolekileyo exutshaniswe lamafutha. 
\v 10 Lo ngumnikelo wokutshiswa kuwo wonke amasabatha, phezu komnikelo wokutshiswa lowokunathwayo ojayelekileyo.’ ”
\s1 Iminikelo Yenyanga Zonke
\p
\v 11 “ ‘Ngosuku lwakuqala inyanga zonke, letha \nd kuThixo\nd* umnikelo wokutshiswa wenkunzi ezingamaguqa ezimbili, inqama eyodwa lamazinyane ezimvu amaduna alomnyaka ezelwe, angelasici. 
\v 12 Inkunzi eyodwa izahamba lomnikelo wamabele ozingxenye ezintathu etshumini zehefa yefulawa ecolekileyo exutshaniswe lamafutha; inqama izahamba lomnikelo wamabele ayingxenye ezimbili etshumini zehefa yefulawa ecolekileyo exutshaniswe lamafutha; 
\v 13 izinyane lemvu ngalinye lizahamba lomnikelo wamabele oyingxenye eyodwa etshumini lehefa yefulawa ecolekileyo exutshaniswe lamafutha. Lokhu ngokomnikelo wokutshiswa, iphunga elimnandi, umnikelo owenzelwa \nd uThixo\nd* ngomlilo. 
\v 14 Inkunzi nganye izahamba lomnikelo wokunathwayo okuyingxenye yehini yewayini; lenqama, ingxenye yesithathu yehini; kuthi izinyane lemvu ngalinye lihambe lengxenye yesine yehini. Lo ngumnikelo wokutshiswa owenyanga zonke okumele wenziwe ekuthwaseni kwezinyanga zonke ngomnyaka. 
\v 15 Ngaphandle komnikelo wokutshiswa ojayelekileyo kanye lomnikelo wakhona wokunathwayo, impongo eyodwa kumele iphiwe \nd uThixo\nd* njengomnikelo wesono.’ ”
\s1 IPhasika
\p
\v 16 “ ‘Ngosuku lwetshumi lane ngenyanga yakuqala kuzakuba lePhasika \nd likaThixo\nd*. 
\v 17 Ngosuku lwetshumi lanhlanu lwaleyonyanga kuzakuba lomkhosi; okwensuku eziyisikhombisa lizakudla isinkwa esingelamvubelo. 
\v 18 Ngosuku lwakuqala lenze umbuthano ongcwele njalo lingenzi imisebenzi yenu yansuku zonke. 
\v 19 Kodwa linikele \nd kuThixo\nd* umnikelo owenziwe ngomlilo, umnikelo wokutshiswa owenkunzi ezingamaguqa ezimbili, inqama eyodwa kanye lamazinyane ezimvu amaduna ayisikhombisa alomnyaka owodwa ezelwe, konke kungelasici. 
\v 20 Kuzakuthi inkunzi nganye liyinikele kanye lomnikelo wamabele ayingxenye yokuthathu etshumini lehefa yefulawa ecolekileyo exutshaniswe lamafutha; kuthi inqama ihambe lokubili etshumini; 
\v 21 kuthi-ke linye ngalinye izinyane lemvu kwayisikhombisa, lihambe lokukodwa etshumini. 
\v 22 Akubekhona lempongo eyodwa ukuba ibe ngumnikelo wesono ukuzenzela indlela yokubuyisana. 
\v 23 Phezu kwalokho lungisani umnikelo wokutshiswa wekuseni ojayelekileyo. 
\v 24 Ngaleyondlela nikelani umhlatshelo wokudla okwensuku eziyisikhombisa kube liphunga elimnandi \nd kuThixo\nd*; lokhu kumele kulungiswe kusengezelela umnikelo ojayelekileyo wokutshiswa kanye lomnikelo wakho wokunathwayo. 
\v 25 Ngosuku lwesikhombisa lizakuba lombuthano ongcwele njalo lingenzi imisebenzi yenu yansuku zonke.’ ”
\s1 UMkhosi WamaViki
\p
\v 26 “ ‘Ngosuku lwezithelo zakuqala, nxa lisethula \nd kuThixo\nd* umnikelo wamabele amatsha ngesikhathi soMkhosi wamaViki, wobani lombuthano ongcwele njalo lingenzi imisebenzi yensukwini. 
\v 27 Nikelani umnikelo wokutshiswa ngenkunzi ezingamaguqa ezimbili, inqama eyodwa kanye lamazinyane amaduna ayisikhombisa awezimvu alomnyaka owodwa ezelwe kube liphunga elimnandi \nd kuThixo\nd*. 
\v 28 Kuzakuthi inkunzi nganye liyilungise kanye lomnikelo wamabele ayingxenye yokuthathu etshumini lehefa yefulawa ecolekileyo exutshaniswe lamafutha; kuthi inqama ihambe lokubili etshumini; 
\v 29 kuthi-ke linye ngalinye izinyane lemvu ngalinye kwayisikhombisa, lihambe lokukodwa etshumini. 
\v 30 Akubekhona lempongo eyodwa ukuba ibe ngumnikelo wesono ukuzenzela indlela yokubuyisana. 
\v 31 Lungisani lokho ndawonye leminikelo yokunathwayo, ukwengezelela eminikelweni ejayelekileyo yokutshiswa kanye lomnikelo wawo wamabele. Nanzelelani ukuthi lezozifuyo azilasici.’ ”
\c 29
\s1 UMkhosi WamaCilongo
\p
\v 1 “ ‘Ngosuku lwakuqala ngenyanga yesikhombisa yenzani umbuthano ongcwele njalo lingenzi imisebenzi yansuku zonke. Lusuku lwenu lokutshaya amacilongo. 
\v 2 Lungisani umnikelo wokutshiswa, kube liphunga elimnandi \nd kuThixo\nd*, inkunzi eliguqa eyodwa, inqama eyodwa lamazinyane ezimvu amaduna ayisikhombisa alomnyaka owodwa wokuzalwa, konke kungelasici. 
\v 3 Kuzakuthi inkunzi leyo liyilungise kanye lomnikelo wamabele azingxenye ezintathu kokulitshumi kwehefa yefulawa ecolekileyo exutshaniswe lamafutha; kuthi inqama ibe lokubili etshumini; 
\v 4 kuthi-ke linye ngalinye izinyane lemvu kwayisikhombisa, lihambe lokukodwa etshumini. 
\v 5 Akubekhona lempongo eyodwa ukuba ibe ngumnikelo wesono ukuzenzela indlela yokubuyisana. 
\v 6 Lokhu kuzabe kusengezelela iminikelo yokutshiswa yenyanga zonke kanye leyezinsuku zonke ndawonye leminikelo yamabele leyokunathwayo njengokumisiweyo. Le yimihlatshelo yokudla eyenzelwa \nd uThixo\nd*, iphunga elimnandi.’ ”
\s1 Usuku Lokubuyisana
\p
\v 7 “ ‘Ngosuku lwetshumi lwaleyonyanga yesikhombisa yenzani umbuthano ongcwele. Kumele lizidele njalo lingasebenzi. 
\v 8 Nikelani umnikelo wokutshiswa, kube liphunga elimnandi \nd kuThixo\nd*, inkunzi eliguqa eyodwa, inqama eyodwa lamazinyane ezimvu amaduna ayisikhombisa alomnyaka owodwa wokuzalwa, konke kungelasici. 
\v 9 Kuzakuthi inkunzi leyo uyilungise kanye lomnikelo wamabele azingxenye ezintathu kokulitshumi zehefa zingezefulawa ecolekileyo exutshaniswe ngamafutha; kuthi inqama ihambe lokubili etshumini; 
\v 10 kuthi-ke linye ngalinye izinyane lemvu kwayisikhombisa, lihambe lokukodwa etshumini. 
\v 11 Akubekhona lempongo eyodwa ukuba ibe ngumnikelo wesono, phezu komnikelo wesono, owokubuyisana kanye lomnikelo wokutshiswa wansuku zonke lomnikelo wawo wamabele, kanye leminikelo yayo yokunathwayo.’ ”
\s1 UMkhosi WeziHonqo
\p
\v 12 “ ‘Ngosuku lwetshumi lanhlanu ngenyanga yesikhombisa, yenzani umbuthano ongcwele njalo lingenzi imisebenzi yensukwini. Thakazelelani lumkhosi \nd kuThixo\nd* okwensuku eziyisikhombisa. 
\v 13 Nikelani umnikelo wokutshiswa, kube liphunga elimnandi \nd kuThixo\nd*, umnikelo wokutshiswa wenkunzi ezingamaguqa ezilitshumi lantathu, inqama ezimbili lamazinyane ezimvu amaduna alitshumi lane alomnyaka ezelwe, konke kungelasici. 
\v 14 Kuthi inkunzi inye ngayinye kwezilitshumi lantathu liyilungise kanye lomnikelo wamabele azingxenye ezintathu kokulitshumi kwehefa lefulawa ecolekileyo exutshaniswe lamafutha; kuthi inqama nganye kwezimbili, ihambe lokubili etshumini; 
\v 15 kuthi-ke linye ngalinye izinyane lemvu kwalitshumi lane, lihambe lokukodwa etshumini. 
\v 16 Akube lempongo eyodwa ezakuba ngumnikelo wesono, phezu komnikelo wokutshiswa wansuku zonke ndawonye lomnikelo wawo wamabele kanye lowokunathwayo.
\p
\v 17 Ngosuku lwesibili lungisani inkunzi ezingamaguqa ezilitshumi lambili, inqama ezimbili lamazinyane ezimvu amaduna alitshumi lane alomnyaka owodwa wokuzalwa, konke kungelasici. 
\v 18 Ndawonye lenkunzi, inqama kanye lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 19 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wawo wamabele, kanye leminikelo yayo yokunathwayo.
\p
\v 20 Ngosuku lwesithathu nikelani inkunzi ezilitshumi lanye, inqama ezimbili kanye lamazinyane ezimvu alitshumi lane alomnyaka owodwa wokuzalwa, konke kungelasici. 
\v 21 Ndawonye lenkunzi, inqama, kanye lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 22 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wakho wamabele kanye lomnikelo wokunathwayo.
\p
\v 23 Ngosuku lwesine nikelani inkunzi ezilitshumi, inqama ezimbili kanye lamazinyane ezimvu alitshumi lane amaduna alomnyaka owodwa wokuzalwa, konke kungelasici. 
\v 24 Ndawonye lenkunzi, inqama kanye lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 25 Akube lempongo eyodwa ezakuba ngumnikelo wesono, phezu komnikelo wokutshiswa wansuku zonke ndawonye lomnikelo wawo wamabele kanye lowokunathwayo.
\p
\v 26 Ngosuku lwesihlanu nikelani inkunzi eziyisificamunwemunye, inqama ezimbili kanye lamazinyane ezimvu alitshumi lane amaduna alomnyaka owodwa wokuzalwa, konke kungelasici. 
\v 27 Ndawonye lenkunzi, inqama kanye lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 28 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wakho wamabele kanye lomnikelo wakho wokunathwayo.
\p
\v 29 Ngosuku lwesithupha nikelani inkunzi eziyisificaminwembili, inqama ezimbili lamazinyane ezimvu amaduna alitshumi lane alomnyaka owodwa wokuzalwa, konke kungelasici. 
\v 30 Ndawonye lenkunzi, inqama kanye lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 31 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wakho wamabele kanye lomnikelo wakho wokunathwayo.
\p
\v 32 Ngosuku lwesikhombisa nikelani inkunzi eziyikhombisa, inqama ezimbili lamazinyane ezimvu amaduna alitshumi lane alomnyaka owodwa wokuzalwa, konke kungelasici. 
\v 33 Ndawonye lenkunzi, inqama lamawundlu, linikele iminikelo yakho yamabele kanye leyokunathwayo kusiya ngenani elimisiweyo. 
\v 34 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wakho wokunathwayo.
\p
\v 35 Ngosuku lwesificaminwembili buthanani njalo lingenzi imisebenzi yensukwini. 
\v 36 Nikelani umnikelo owenziwe ngomlilo kube liphunga elimnandi \nd kuThixo\nd*, umnikelo wokutshiswa owenkunzi eyodwa, inqama eyodwa kanye lamazinyane ezimvu amaduna ayisikhombisa alomnyaka owodwa wokuzalwa, konke kungelasici. 
\v 37 Ndawonye lenkunzi, inqama kanye lamazinyane ezimvu, linikele iminikelo yakho yamabele kanye leminikelo yakho yokunathwayo kusiya ngenani elimisiweyo. 
\v 38 Akube lempongo eyodwa ukuba ibe ngumnikelo wesono, phezu komnikelo wokutshiswa wansuku zonke ndawonye lomnikelo wakho wamabele kanye lomnikelo wakho wokunathwayo.
\p
\v 39 Ukwengezelela kulokho elinikela ngakho ngesifungo loba iminikelo yenu yokuzithandela, nikelani lokhu \nd kuThixo\nd* emikhosini yenu emisiweyo: iminikelo yenu yokutshiswa, iminikelo yamabele, iminikelo yokunathwayo kanye leminikelo yobudlelwano.’ ”
\p
\v 40 UMosi watshela abako-Israyeli konke lokho \nd uThixo\nd* ayemlaye ngakho.
\c 30
\s1 Izifungo Zabesifazane
\p
\v 1 UMosi wathi kwabazinhloko zezizwana zabako-Israyeli: “Nanku ukulaya \nd kukaThixo\nd*: 
\v 2 Nxa indoda isenza isifungo \nd kuThixo\nd* loba isenza isifungo iziphe icala ngokuthembisa, akumelanga yephule isithembiso sayo kodwa kumele igcwalise ngokwenza konke ekutshiloyo.
\p
\v 3 Nxa intombazana elokhu isezandleni zabazali bayo isenza isifungo \nd kuThixo\nd* loba iziphe icala ngokuthembisa 
\v 4 kuthi uyise abesesizwa ngesifungo loba isithembiso sayo kodwa uyise angaze atsho lutho ngalokho kuyo, kutsho ukuthi izinqumo kanye lezithembiso zayo njengokuzethesa kwayo lowomlandu kuzakuma kunjalo. 
\v 5 Kodwa uyise angakuzwa lokho ayalise asikho isifungo lesithembiso sayo esizasebenza; \nd uThixo\nd* uzayikhulula leyontombazana ngoba yalelwe nguyise.
\p
\v 6 Nxa ingenda ngemva kokwenza isifungo loba kube ngemva kokuba indebe zayo zike zatsho isithembiso ngokucunuka izethesa icala 
\v 7 kuthi indoda yayo ikuzwe lokho kodwa ingatsho lutho kuyo, lokho-ke kutsho ukuthi izifungo zayo loba izithembiso eyazethesa icala ngazo zizakuma zinjalo. 
\v 8 Kodwa nxa umkayo eyalela ekukuzweni kwakhe, kutsho ukuthi umkayo usesuse icala lesifungo loba isithembiso ngokujaha kwayo, ngakho \nd uThixo\nd* uzayikhulula.
\p
\v 9 Loba yisiphi isifungo loba isithembiso esenziwe ngumfelokazi loba umfazi owehlukana lendoda yakhe kuyisibopho kuye.
\p
\v 10 Nxa owesifazane ohlala lomkakhe esenza isinqumo loba ezethesa icala lesithembiso ngesifungo 
\v 11 kuthi indoda yakhe ikuzwe kodwa ingaze yatsho lutho kuye ingamaleli, kutsho ukuthi izifungo zakhe zonke lezithembiso zokuzethesa icala zizakuma zinjalo. 
\v 12 Kodwa indoda yakhe ingakuzwa lokho imalise, kutsho ukuthi akukho isifungo loba isithembiso esivela endebeni zakhe esizakuma njalo. Indoda yakhe isikwalile lokho, ngakho \nd uThixo\nd* uzamkhulula. 
\v 13 Indoda yakhe ilakho ukuqinisa loba ukwala loba yisiphi isifungo azasenza loba yisiphi isifungo sesithembiso sokuzidela kwakhe. 
\v 14 Kodwa nxa indoda yakhe ingatshongo lutho kuye ngakho okwensuku, kuzakutsho ukuthi iyaziqinisa zonke izifungo loba izithembiso eziyisibopho kowesifazane. Indoda yakhe iyakuqinisa lokho ngokungatsho lutho kuye ekukuzweni kwakhe lokho. 
\v 15 Kodwa-ke, nxa angakwenqabela ngemva kwesikhathi ezwile ngakho, kutsho ukuthi usethwele icala lakhe.”
\p
\v 16 Le yiyo imithetho eyaphiwa uMosi \nd nguThixo\nd* emayelana lokuhlalisana kwendoda lomkayo, njalo phakathi kukayise lendodakazi yakhe esakhulayo elokhu isesezandleni zakhe.
\c 31
\s1 Ukuphindisela KumaMidiyani
\p
\v 1 \nd UThixo\nd* wathi kuMosi, 
\v 2 “Phindisela kumaMidiyani usenzela abako-Israyeli. Ngemva kwalokho, uzalandela okhokho bakho.”
\p
\v 3 Ngakho uMosi wathi ebantwini, “Hlomisani amanye amadoda aye empini ayekulwa lamaMidiyani kanye lokuphindisela \nd kukaThixo\nd* kuwo. 
\v 4 Thumelani amadoda ayinkulungwane avela esizwaneni ngasinye sako-Israyeli ukuyahlasela.” 
\v 5 Ngakho amadoda azinkulungwane ezilitshumi lambili ahlomela ukuyahlasela, kuyinkulungwane yamadoda avela esizwaneni ngasinye, ebuthwe ngosendo lunye ngalunye kwabako-Israyeli. 
\v 6 UMosi wabathumela ukuyahlasela, kuyinkulungwane evela esizwaneni ngasinye, kanye loFinehasi indodana ka-Eliyazari, umphristi, owathatha izitsha endlini engcwele kanye lamacilongo okubikelana.
\p
\v 7 Balwa lamaMidiyani, njengokulaywa kukaMosi \nd nguThixo\nd*, babulala amadoda wonke. 
\v 8 Phakathi kwababulawayo kwakulamakhosi amahlanu amaMidiyani abalisa u-Evi, uRekhemu, uZuri, uHuri kanye loRebha. Babulala loBhalamu indodana kaBheyori ngenkemba. 
\v 9 Abako-Israyeli bathumba abesifazane bamaMidiyani labantwana, basebethumba lemihlambi yenkomo zamaMidiyani, leyezimvu kanye lokubutha impahla njengempango. 
\v 10 Batshisa wonke amadolobho lapha okwakuhlala khona amaMidiyani, kanye lezihonqo zawo zonke. 
\v 11 Bathatha konke ababekubuthile lababekuthumbile, kuhlanganisa abantu lezifuyo, 
\v 12 njalo basebeletha abathunjwa, okuthunjiweyo lokubuthiweyo kuMosi lo-Eliyazari umphristi kanye lebandleni lonke lako-Israyeli ezihonqweni zabo zasemagcekeni aseMowabi, ngaseJodani ngaphetsheya ukuvelela eJerikho.
\p
\v 13 UMosi, u-Eliyazari umphristi kanye labo bonke abakhokheli babantu baphuma ukuyabahlangabeza ngaphandle kwezihonqo. 
\v 14 UMosi wathukuthelela abalawuli bamabutho, ababelawula amaxuku ezinkulungwane lababelawula amaxuku angamakhulu, ababevela ekuhlaseleni.
\p
\v 15 UMosi wababuza wathi, “Selivumele abesifazane ukuthi baphile na? 
\v 16 Yibo ababelandela ukucebisa kukaBhalamu njalo bahugela abako-Israyeli ekungathembekini \nd kuThixo\nd* kulokhu okwenzakala ePheyori, kwaze kwathi abantu \nd bakaThixo\nd* behlelwa yisifo. 
\v 17 Khona khathesi bulalani abafana bonke. Njalo libulale wonke owesifazane oseke walala lendoda, 
\v 18 kodwa lizigcinele loba yiphi intombazana engakaze ilale lendoda.
\p
\v 19 Lina lonke elibulele loba ngubani loba lina elike lathinta loba ngubani obuleweyo lizahlala ngaphandle kwezihonqo okwensuku eziyisikhombisa. Ngosuku lwesithathu langosuku lwesikhombisa lizihlambulule lina kanye labathunjwa benu. 
\v 20 Lihlambulule zonke izembatho kanye lakho konke okwenziwe ngesikhumba, uboya bembuzi loba okwezigodo.”
\p
\v 21 Ngakho u-Eliyazari umphristi wathi kwabebutho ababeye empini, “Nanku okufaneleyo ngokomthetho owaphiwa uMosi \nd nguThixo\nd*: 
\v 22 Igolide, isiliva, ithusi, insimbi, izenge lomnuso, 
\v 23 kanye lakho konke okunye okungatshi kutshabalale emlilweni kumele kudlule emlilweni, ngalokho kuzabe sekuhlambulukile. Kodwa kumele njalo kube sekuhlanjululiwe ngamanzi okuhlambulula. Kanti njalo kuthi lakuphi okungeke kwamelana lomlilo kumele kudluliswe kulawomanzi. 
\v 24 Ngosuku lwesikhombisa gezisani izigqoko zenu ukuze lihlambuluke. Ngemva kwalokho selingangena ezihonqweni.”
\s1 Ukwabiwa Kwempango
\p
\v 25 \nd UThixo\nd* wathi kuMosi, 
\v 26 “Wena kanye lo-Eliyazari umphristi kanye labazinhloko zezimuli zabantu lizabala abantu bonke lezinyamazana, konke okwathunjwayo. 
\v 27 Yabelani amabutho ayesempini kanye labantu bonke impango ngokulinganayo. 
\v 28 Emabuthweni alwayo empini, thathani okukodwa emakhulwini amahlanu kube yisabelo \nd sikaThixo\nd*, kumbe ngabantu, inkomo, obabhemi, izimvu loba imbuzi. 
\v 29 Thathani lesisabelo engxenyeni yesabo liyiphe u-Eliyazari umphristi ibe yingxenye \nd kaThixo\nd*. 
\v 30 Kungxenye yabako-Israyeli, khethani okukodwa ematshumini amahlanu, phakathi kwabantu, inkomo, obabhemi, izimvu, imbuzi loba ezinye izifuyo. Zipheni abaLevi, bona abalomlandu wokunakekela ithabanikeli \nd likaThixo\nd*.” 
\v 31 Ngakho uMosi lo-Eliyazari umphristi benza njengokulaywa kukaMosi \nd nguThixo\nd*.
\p
\v 32 Impango eyayisele kulokho okwathathwa ngamabutho kwakuyizimvu eziyizinkulungwane ezingamakhulu ayisithupha lamatshumi ayisikhombisa lanhlanu (675,000), 
\v 33 inkomo eziyizinkulungwane ezingamatshumi ayisikhombisa lambili (72,000), 
\v 34 obabhemi abazinkulungwane ezingamatshumi ayisithupha lanye (61,000) 
\v 35 kanye labesifazane abazinkulungwane ezingamatshumi amathathu lambili (32,000) ababengakaze balale lamadoda.
\b
\li4
\v 36 Ingxenye yesabelo salabo abalwayo empini:
\b
\li1 sasingesezimvu eziyizinkulungwane ezingamakhulu amathathu lamatshumi amathathu alesikhombisa, lamakhulu amahlanu (337,500), 
\v 37 lapho abakhipha khona umnikelo \nd kaThixo\nd* oyizimvu ezingamakhulu ayisithupha lamatshumi ayisikhombisa lanhlanu (675);
\li1
\v 38 lenkomo eziyizinkulungwane ezingamatshumi amathathu lesithupha (36,000), okwakhitshwa kizo ezomnikelo \nd kaThixo\nd* ezingamatshumi ayisikhombisa lambili;
\li1
\v 39 obabhemi abazinkulungwane ezingamatshumi amathathu lamakhulu amahlanu (30,500), kwathi umnikelo \nd kaThixo\nd* waba ngamatshumi ayisithupha lanye;
\li1
\v 40 abantu abazinkulungwane ezilitshumi lasithupha (16,000), kwanikelwa \nd kuThixo\nd* ngabangamatshumi amathathu lambili.
\b
\p
\v 41 UMosi wanika u-Eliyazari umphristi isabelo \nd sikaThixo\nd*, njengokulaywa kukaMosi \nd nguThixo\nd*.
\p
\v 42 Ingxenye yesabelo sabako-Israyeli uMosi wayeseyehlukanise leyamabutho, 
\v 43 ingxenye eyayingeyabantu yaba yizimvu eziyizinkulungwane ezingamakhulu amathathu lamatshumi amathathu lesikhombisa, lamakhulu amahlanu (337,500), 
\v 44 inkomo eziyizinkulungwane ezingamatshumi amathathu lasithupha (36,000), 
\v 45 obabhemi abazinkulungwane ezingamatshumi amathathu lamakhulu amahlanu (30, 500) 
\v 46 kanye labantu abazinkulungwane ezilitshumi lasithupha (16,000). 
\v 47 Engxenyeni yesabelo sabako-Israyeli, uMosi waqambula okukodwa ematshumini amahlanu abantu lasezifuyweni, njengokulaywa kwakhe \nd nguThixo\nd*, njalo wakuqhubela abaLevi, bona ababelomlandu wokunakekela ithabanikeli \nd likaThixo\nd*.
\p
\v 48 Ngakho izikhulu ezaziphethe izigaba zebutho, abalawuli bamaxuku azinkulungwane kanye labalawuli bamaxuku angamakhulu baya kuMosi 
\v 49 bafika bathi kuye, “Izinceku zakho seziwabalile amabutho eziwalawulayo, akukho lelilodwa ibutho elingekho. 
\v 50 Ngakho sesilethe njengomnikelo \nd kuThixo\nd* izinto zegolide esizitholileyo munye ngamunye, izigqizo, amasongo, izindandatho, amacici kanye lezigqizo zentanyeni, ukuzenzela indlela yokubuyisana phambi \nd kukaThixo\nd*.”
\p
\v 51 UMosi lo-Eliyazari umphristi bemukela igolide elalivela kubo, konke lokho kungokubaziweyo. 
\v 52 Lonke igolide elalethwa ngabalawuli emunye elawula amaxuku azinkulungwane labalawuli emunye elawula ikhulu lelo uMosi lo-Eliyazari abalethula njengesipho \nd kuThixo\nd* lalilesisindo samashekeli azinkulungwane ezilitshumi lesithupha, lamakhulu ayisikhombisa alamatshumi amahlanu (16,750). 
\v 53 Ibutho ngalinye lazithumbela okwalo lalo. 
\v 54 UMosi lo-Eliyazari umphristi bemukela igolide elalivela kubalawuli emunye elawula amaxuku azinkulungwane lakubalawuli emunye elawula amaxuku angamakhulu, balisa ethenteni lokuhlangana ukuze kube yisikhumbuzo kwabako-Israyeli phambi \nd kukaThixo\nd*.
\c 32
\s1 Izizwana Zangaphetsheya KweJodani
\p
\v 1 AbakoRubheni labakoGadi ababelemihlambi emikhulu yenkomo leyezimvu babona ukuthi amadlelo emangweni weJazeri leGiliyadi ayemahle ezifuyweni. 
\v 2 Ngakho baya kuMosi laku-Eliyazari umphristi lakubakhokheli babantu, bathi, 
\v 3 “Umhlaba we-Atharothi, leDibhoni, leJazeri, leNimra, leHeshibhoni, le-Eliyale, leSebhami, leNebho kanye leBheyoni, 
\v 4 \nd uThixo\nd* awunqoba phambi kwabako-Israyeli, ngumhlaba olungele izifuyo, njalo thina nceku zenu silezifuyo.” 
\v 5 Basebesithi, “Nxa sifumene umusa emehlweni enu, lelilizwe aliphiwe izinceku zenu libe yisabelo sethu. Lingenzi ukuba sichaphe uJodani.”
\p
\v 6 UMosi wabuza abakoGadi labakoRubheni wathi, “Kambe lingahlala lapha amanye amadoda akini esiya empini na? 
\v 7 Kungani lithelela abako-Israyeli ukwesaba ukuchaphela elizweni abaliphiwa \nd nguThixo\nd* na? 
\v 8 Yikho lokhu okwenziwa ngoyihlo ekubathumeni kwami besuka eKhadeshi Bhaneya ukuyahlola ilizwe. 
\v 9 Bathi sebehambe baze bayafika eSigodini sase-Eshikholi balibona ilizwe, bathelela abako-Israyeli ukwesaba ukungena elizweni abaliphiwa \nd nguThixo\nd*. 
\v 10 Ulaka \nd lukaThixo\nd* lwaqubuka ngalolosuku waze wenza lesisifungo. 
\v 11 ‘Ngenxa yokuthi abangilandelanga ngezinhliziyo zabo ezipheleleyo, kakho loyedwa emadodeni wonke aleminyaka engamatshumi amabili kusiya phezulu okuzalwa kwabavela eGibhithe ozabona ilizwe engalithembisa u-Abhrahama, u-Isaka loJakhobe ngesifungo, 
\v 12 kakho loyedwa ngaphandle kukaKhalebi indodana kaJefune umKhenizi kanye loJoshuwa indodana kaNuni, ngoba laba balandela \nd uThixo\nd* ngezinhliziyo ezipheleleyo.’ 
\v 13 Ulaka \nd lukaThixo\nd* lwavutha wabazondela abako-Israyeli njalo wabenza bantula enkangala okweminyaka engamatshumi amane, kwaze kwaphela bonke abentanga yalabo ababonile phambi \nd kukaThixo\nd*.
\p
\v 14 Khathesi nanku-ke lina, nzalo yezoni, selimi endaweni yaboyihlo libangela ukuthi \nd uThixo\nd* athukuthelele abako-Israyeli ngamandla. 
\v 15 Nxa lingala ukumlandela, \nd uThixo\nd* uzaphinde atshiye bonke lababantu bakhe enkangala, njalo kuzabe kuyini elibangele incithakalo yabo.”
\p
\v 16 Ngakho beza kuye bathi, “Sifuna ukwakha izibaya zezifuyo zethu njalo sakhele omkethu labantwabethu amadolobho. 
\v 17 Kodwa thina sesilungele ukuzihlomisa ukuze sikhokhele abako-Israyeli size siyebafikisa endaweni yabo. Kunjalo-nje omkethu labantwabethu bazasala emadolobheni avikelekileyo, ukuze bangahlaselwa ngabanikazi balelolizwe. 
\v 18 Kasiyikubuyela kweyethu imizi wonke owako-Israyeli aze azuze isabelo sakhe. 
\v 19 Thina kasiyikuzuza isabelo kanye labo ngale kweJodani, ngoba esethu isabelo sisithole ngapha ngempumalanga kweJodani.”
\p
\v 20 Ngakho uMosi wathi kubo, “Nxa lizakwenza lokhu, lizihlomisele ukuhlasela phambi \nd kukaThixo\nd*, 
\v 21 njalo nxa lonke lizahamba lihlomile ngale kweJodani phambi \nd kukaThixo\nd* aze adudule izitha phambi kwakhe, 
\v 22 kuthi nxa ilizwe selinqotshiwe phambi \nd kukaThixo\nd* selingaphenduka njalo liyabe selikhululekile emlandwini wenu \nd kuThixo\nd* laku-Israyeli. Ngalokho-ke lelilizwe lizakuba yisabelo senu phambi \nd kukaThixo\nd*.
\p
\v 23 Kodwa lingehluleka ukwenza lokhu, lizabe lonile phambi \nd kukaThixo\nd*; njalo yazini ukuthi isono senu sizalifumana. 
\v 24 Yakhelani abesifazane benu labantwabenu amadolobho, njalo lakhele izifuyo zenu izibaya, kodwa yenzani lokho elikuthembisileyo.”
\p
\v 25 AbakoGadi labakoRubheni bathi kuMosi, “Thina izinceku zakho sizakwenza njengokulaya kwenkosi yethu. 
\v 26 Abantwabethu labomkethu, imihlambi yezimvu zethu leyenkomo zethu kuzasala lapha emadolobheni aseGiliyadi. 
\v 27 Kodwa thina zinceku zakho, yonke indoda ehlomele ukuhlasela, izachapha iyekulwa phambi \nd kukaThixo\nd*, njengokutsho kwenkosi yethu.”
\p
\v 28 UMosi wasekhupha ilizwi lesiqondiso ngabo ku-Eliyazari umphristi lakuJoshuwa indodana kaNuni kanye lakulabo abazinhloko zezimuli zezizwana zako-Israyeli. 
\v 29 Wathi kubo, “Nxa abakoGadi labakoRubheni, wonke amadoda ayabe ehlomele ukuhlasela, angachaphela ngale kweJodani kunye lani phambi \nd kukaThixo\nd*, kube sekusithi nxa ilizwe selinqotshiwe phambi kwenu banikeni ilizwe laseGiliyadi libe yisabelo sabo. 
\v 30 Kodwa nxa bengachaphanga lani behlomile, kumele bemukele isabelo sabo kunye lani eKhenani.”
\p
\v 31 AbakoGadi labakoRubheni baphendula bathi, “Izinceku zakho zizakwenza okutshiwo \nd nguThixo\nd*. 
\v 32 Sizachaphela ngale phambi \nd kukaThixo\nd* singene eKhenani sihlomile, kodwa ilifa eliyisabelo sethu lizakuba nganeno kweJodani.”
\p
\v 33 Ngakho uMosi wasenika abakoGadi, labakoRubheni kanye lengxenye yesizwana sakoManase indodana kaJosefa umbuso kaSihoni inkosi yama-Amori kanye lombuso ka-Ogi inkosi yaseBhashani, ilizwe lonke kanye lamadolobho alo kanye lamazwe ayebagqagqele.
\p
\v 34 AbakoGadi bakha iDibhoni, i-Atharothi, i-Aroweri, 
\v 35 i-Athirothi-Shofani, iJazeri, iJogibheha, 
\v 36 iBhethi-Nimra kanye leBhethi-Harani aba ngamadolobho ahonqolozelwe ngemithangala, njalo bakha lezibaya zemihlambi yezifuyo zabo. 
\v 37 Kanti-ke abakoRubheni bakha kakutsha iHeshibhoni, i-Eliyale kanye leKhiriyathayimi, 
\v 38 kanye lokwakha iNebho kanye leBhali-Meyoni (la amabizo aguqulwa) leSibhima. Betha amadolobho abawakha kutsha amabizo.
\p
\v 39 Izizukulwane zikaMakhiri indodana kaManase zaya eGiliyadi, zalithumba njalo zaxotsha ama-Amori ayekulelolizwe. 
\v 40 Ngakho uMosi wapha elaseGiliyadi kumaMakhiri, izizukulwane zikaManase, basebehlala khona. 
\v 41 UJayiri, umzukulu kaManase, wathumba imizi yabo wayibiza ngokuthi yiHarothi Jayiri. 
\v 42 Kanti uNobha wathumba iKhenathi kanye lemizi eyigqagqeleyo njalo wayetha ibizo lakhe wathi yiNobha.
\c 33
\s1 Amalombolombo Ohambo Lwabako-Israyeli
\p
\v 1 Nanka amalombolombo ohambo lwabako-Israyeli ekuphumeni kwabo eGibhithe ngamaviyo abo bekhokhelwa nguMosi lo-Aroni. 
\v 2 Ngokulaya \nd kukaThixo\nd* waloba walonda izigaba zamalombolombo ohambo lwabo. Nantu uhambo lwabo ngezigaba zakhona:
\b
\pi1
\v 3 Abako-Israyeli basuka eRamesesi ngosuku lwetshumi lanhlanu lwenyanga yakuqala, ngosuku kwedlule iPhasika. Baphuma ngesibindi bekhangelwe ngamaGibhithe wonke, 
\v 4 wona eyephathekile engcwaba wonke amazibulo awo, lawo ayebulewe \nd nguThixo\nd* phakathi kwawo; ngoba \nd uThixo\nd* wayehlulele ngokujezisa onkulunkulu bawo.
\pi1
\v 5 Abako-Israyeli basuka eRamesesi bayamisa izihonqo zabo eSukhothi.
\pi1
\v 6 Basuka eSukhothi bayamisa izihonqo zabo e-Ethamu, emaphethelweni enkangala.
\pi1
\v 7 Basuka e-Ethamu, baphenduka baya ePhi-Hahirothi; beqonda empumalanga yaseBhali-Zefoni, babuye njalo bamisa izihonqo zabo eMigidoli.
\pi1
\v 8 Basuka ePhi-Hahirothi badabula olwandle bangena enkangala, bathi sebehambe okwensuku ezintathu enkangala ye-Ethamu, bamisa izihonqo zabo eMara.
\pi1
\v 9 Basuka eMara baya e-Elimi, lapho okwakulezintombo zamanzi ezilitshumi lambili kanye lezihlahla zohlobo lwelala ezingamatshumi ayisikhombisa, bafika bamisa izihonqo khonapho.
\pi1
\v 10 Basuka e-Elimi bayamisa izihonqo zabo besekele uLwandle oluBomvu.
\pi1
\v 11 Basuka oLwandle oluBomvu bayamisa enkangala yaseSini.
\pi1
\v 12 Basuka enkangala yeSini bayamisa eDofuka.
\pi1
\v 13 Basuka eDofuka bayamisa e-Alusha.
\pi1
\v 14 Basuka e-Alusha bayamisa eRefidimu, lapho okwakungelamanzi okunathwa ngabantu.
\pi1
\v 15 Basuka eRefidimu bayamisa enkangala yeSinayi.
\pi1
\v 16 Basuka enkangala yeSinayi bayamisa eKhibhrothi Hathava.
\pi1
\v 17 Basuka eKhibhrothi Hathava bayamisa eHazerothi.
\pi1
\v 18 Basuka eHazerothi bayamisa eRithima.
\pi1
\v 19 Basuka eRithima bayamisa eRimoni-Pherezi.
\pi1
\v 20 Basuka eRimoni-Pherezi bayamisa eLibhina.
\pi1
\v 21 Basuka eLibhina bayamisa eRisa.
\pi1
\v 22 Basuka eRisa bayamisa eKhehelatha.
\pi1
\v 23 Basuka eKhehelatha bayamisa eNtabeni yaseShefa.
\pi1
\v 24 Basuka eNtabeni yaseShefa bayamisa eHarada.
\pi1
\v 25 Basuka eHarada bayamisa eMakhelothi.
\pi1
\v 26 Basuka eMakhelothi bayamisa eThahathi.
\pi1
\v 27 Basuka eThahathi bayamisa eThera.
\pi1
\v 28 Basuka eThera bayamisa eMithika.
\pi1
\v 29 Basuka eMithika bayamisa eHashimona.
\pi1
\v 30 Basuka eHashimona bayamisa eMosera.
\pi1
\v 31 Basuka eMosera bayamisa eBhene Jayakhani.
\pi1
\v 32 Basuka eBhene Jayakhani bayamisa eHori-Hagidigadi.
\pi1
\v 33 Basuka eHori-Hagidigadi bayamisa eJothibhatha.
\pi1
\v 34 Basuka eJothibhatha bayamisa e-Abhurona.
\pi1
\v 35 Basuka e-Abhurona bayamisa e-Eziyoni-Gebheri.
\pi1
\v 36 Basuka e-Eziyoni-Gebheri bayamisa eKhadeshi, eNkangala yaseZini.
\pi1
\v 37 Basuka eKhadeshi bayamisa eNtabeni yaseHori, emngceleni wase-Edomi. 
\v 38 Ngokulaya \nd kukaThixo\nd*, u-Aroni umphristi wakhwela eNtabeni yaseHori, lapho afela khona ngosuku lwakuqala lwenyanga yesihlanu yomnyaka wamatshumi amane emva kokuphuma kwabako-Israyeli eGibhithe. 
\v 39 U-Aroni wayeseleminyaka elikhulu elileminyaka engamatshumi amabili lemithathu yokuphila ekufeni kwakhe eNtabeni yaseHori.
\pi1
\v 40 Inkosi yase-Aradi engumKhenani eyayihlala eNegebi yaseKhenani, yezwa ukuthi abako-Israyeli babesiza.
\pi1
\v 41 Basuka eNtabeni yaseHori bayamisa eZalimona.
\pi1
\v 42 Basuka eZalimona bayamisa ePhunoni.
\pi1
\v 43 Basuka ePhunoni bayamisa e-Obhothi.
\pi1
\v 44 Basuka e-Obhothi bayamisa e-Iye-Abharimi, emngceleni waseMowabi.
\pi1
\v 45 Basuka e-Iye-Abharimu bayamisa eDibhoni Gadi.
\pi1
\v 46 Basuka eDibhoni Gadi bayamisa e-Alimoni-Dibhilathayimi.
\pi1
\v 47 Basuka e-Alimoni-Dibhilathayimi bayamisa ezintabeni zase-Abharimi, phansi kweNebho.
\pi1
\v 48 Basuka ezintabeni zase-Abharimi bayamisa emagcekeni aseMowabi besekele uJodani ngaphetsheya malungana leJerikho. 
\v 49 Khonapho emagcekeni aseMowabi bamisa izihonqo zabo belandela umfula uJodani kusukela eBhethi-Jeshimothi kusiya e-Abheli-Shithima.
\b
\p
\v 50 Emagcekeni aseMowabi ngasemfuleni uJodani ngaphetsheya uvelela ngaseJerikho \nd uThixo\nd* wathi kuMosi, 
\v 51 “Khuluma kwabako-Israyeli ubatshele lokhu uthi: ‘Nxa lichapha uJodani lingena eKhenani, 
\v 52 xotshani phambi kwenu bonke abahlala kulelolizwe. Dilizani zonke izithombe zabo ezibaziweyo kanye lezibunjiweyo, njalo libhidlize zonke izindawo eziphakemeyo zokukhonzela. 
\v 53 Thumbani ilizwe lelo lihlale kulo, ngoba ngilinike ukuthi libe ngelenu. 
\v 54 Yabelanani ilizwe ngenkatho, kusiya ngokwensendo zenu. Ixuku elikhulu kaliphiwe isabelo esikhulu, kuthi ixuku elincinyane liphiwe isabelo esincinyane. Okuzakuya kubo ngenkatho akube ngokwabo. Kwabelananeni kusiya ngezizwana zabokhokho benu.
\p
\v 55 Kodwa nxa lingaxotshanga abahlala kulelolizwe, abaseleyo babo bazakuba lukhophe emehlweni enu njalo babe ngameva enyameni yenu. Bazakuba luhlupho ezweni elizahlala kulo. 
\v 56 Ngakho-ke ngizakwenza kini lokho engizimisele ukukwenza kubo.’ ”
\c 34
\s1 Imingcele YaseKhenani
\li4
\v 1 \nd UThixo\nd* wathi kuMosi, 
\v 2 “Laya abako-Israyeli uthi kubo: ‘Nxa lingena eKhenani, ilizwe elizaliphiwa ukuba libe yisabelo senu lizakuba lale imingcele:
\b
\li1
\v 3 Icele leningizimu yenu lizahlanganisa isigaba esithile seNkangala yaseZini kulandela umngcele we-Edomi. Empumalanga, umngcele wenu weningizimu uzasukela ekucineni koLwandle lweTswayi, 
\v 4 udabula eningizimu yoMkhandlu weNkume, kusiya ngaseZini njalo kuye eningizimu yeKhadeshi Bhaneya. Usuka lapho uzaqonda eHazari Adari njalo wedlulele e-Azimoni, 
\v 5 lapho ozajika khona, kuhlangane lesiHotsha saseGibhithe njalo uyephelela oLwandle lwaseMedithereniyeni.
\li1
\v 6 Umngcele wenu wentshonalanga uzakuba ligumbi loLwandle oLukhulu. Lo uzakuba ngumngcele wenu entshonalanga.
\li1
\v 7 Okomngcele wenu wenyakatho, usekela uLwandle oLukhulu usiya eNtabeni yaseHori 
\v 8 njalo usuka eNtabeni yaseHori uye eLebho Hamathi. Umngcele uzasuka lapho uqonde eZedadi, 
\v 9 ubusuqhubeka usiya eZifironi uze uyekuma eHazari-Enani. Lo yiwo umngcele wenu enyakatho.
\li1
\v 10 Okomngcele wenu wempumalanga, sukelani eHazari-Enani kusiya eShefamu. 
\v 11 Umngcele uzakwehla usuka eShefamu usiya eRibhila engempumalanga kwe-Ayini njalo uqhubeke ulandela umthezuko empumalanga koLwandle lwaseKhinerethi. 
\v 12 Kusuka lapho umngcele uzakwehla ulandela umfula uJodani uze uyecina oLwandle lweTswayi.
\b
\li4 Leli lizakuba yilizwe lenu, ngemingcele yalo inxa zonke.’ ”
\b
\p
\v 13 UMosi walaya abako-Israyeli wathi: “Yabelanani lelilizwe ngenkatho njengelifa lenu. \nd UThixo\nd* usekhuphe isiqondiso sokuthi aliphiwe izizwana eziyisificamunwemunye kanye lesizwana esiyingxenye, 
\v 14 ngenxa yokuthi abezimuli zesizwana sikaRubheni, abesizwana sikaGadi kanye lengxenye yesizwana sikaManase sebethole isabelo sabo. 
\v 15 Izizwana lezi ezimbili kanye lalesi esiyingxenye sezithole isabelo sazo empumalanga komfula uJodani malungana leJerikho, ngokuya ngempumalanga.”
\p
\v 16 \nd UThixo\nd* wathi kuMosi, 
\v 17 “La ngamabizo amadoda azalabela ilizwe njengelifa lenu: u-Eliyazari umphristi kanye loJoshuwa indodana kaNuni. 
\v 18 Beselikhetha umkhokheli oyedwa esizwaneni ngasinye ukuncedisa ukwaba ilizwe:
\b
\li4
\v 19 La yiwo amabizo abo:
\b
\li1 uKhalebi indodana kaJefune, owesizwana sakoJuda;
\li1
\v 20 uShemuyeli indodana ka-Amihudi, owesizwana sakoSimiyoni;
\li1
\v 21 u-Elidadi indodana kaKhisiloni, owesizwana sakoBhenjamini;
\li1
\v 22 uBhukhi indodana kaJogili, umkhokheli ovela esizwaneni sakoDani;
\li1
\v 23 uHaniyeli indodana ka-Efodi, ongumkhokheli ovela esizwaneni sikaManase indodana kaJosefa;
\li1
\v 24 uKhemuweli indodana kaShifuthani, engumkhokheli ovela esizwaneni sako-Efrayimi indodana kaJosefa;
\li1
\v 25 u-Elizafani indodana kaPhanaki, umkhokheli ovela esizwaneni sikaZebhuluni;
\li1
\v 26 uPhalithiyeli indodana ka-Azani, umkhokheli ovela esizwaneni sika-Isakhari,
\li1
\v 27 u-Ahihudi indodana kaShelomi, umkhokheli ovela esizwaneni sika-Asheri;
\li1
\v 28 uPhedaheli indodana ka-Amihudi, umkhokheli ovela esizwaneni sikaNafithali.”
\b
\li4
\v 29 La yiwo amadoda \nd uThixo\nd* alaya ukuthi ahlukanisele abako-Israyeli isabelo sabo selizwe laseKhenani.
\c 35
\s1 Amadolobho AbaLevi
\p
\v 1 Ngasemagcekeni aseMowabi kusekele umfula uJodani nganeno malungana leJerikho, \nd uThixo\nd* wathi kuMosi, 
\v 2 “Laya abako-Israyeli ukuthi bakhethe elifeni labo amadolobho bawanike abaLevi ukuze bahlale kuwo. Njalo babanike lamadlelo eduze lamadolobho lawo. 
\v 3 Ngalokho bazakuba lamadolobho okuhlala kanye lamadlelo enkomo zabo, imihlambi yezimvu kanye leyezinye izifuyo zabo zonke.
\p
\v 4 Amadlelo azingelezele amadolobho elizawanika abaLevi, azakuba zingalo eziyinkulungwane ukuqhela kwawo kusukela emidulini yamadolobho. 
\v 5 Ngempumalanga, ngaphandle kwedolobho, kuzakuba zingalo eziyizinkulungwane ezimbili kube njalo laseningizimu izingalo eziyizinkulungwane ezimbili, entshonalanga izingalo eziyizinkulungwane ezimbili, kufane laseceleni lenyakatho izingalo eziyizinkulungwane ezimbili, idolobho liphakathi laphakathi. Le kuzakuba yindawo yabo yamadlelo emadolobheni.”
\s1 Amadolobho Okuphephela
\p
\v 6 “Phakathi kwamadolobho elizawanika abaLevi, ayisithupha azakuba ngawokuphephela, yikho lapho okuzakuthi umuntu angabulala omunye abalekele khona. Phezu kwalawo, bapheni amanye amadolobho angamatshumi amane lamabili. 
\v 7 Wonke esehlangene abaLevi bapheni amadolobho angamatshumi amane lasificaminwembili, kuhlanganisa lamadlelo abo. 
\v 8 Amadolobho eliwanika abaLevi elizweni labako-Israyeli kawabiwe ngokuya ngelifa lesizwana ngasinye: Thathani amadolobho amanengi esizwaneni esilamadolobho amanengi, kodwa lithathe amalutshwana kwesilamalutshwana.”
\p
\v 9 Ngakho \nd uThixo\nd* wasesithi kuMosi: 
\v 10 “Khuluma labako-Israyeli njalo ubatshele uthi: ‘Ekuchapheni kwenu uJodani lingena eKhenani, 
\v 11 khethani amanye amadolobho abe ngawokuphephela, lapho okuzakuthi nxa umuntu ebulele omunye ngengozi abalekele khona. 
\v 12 Azakuba zindawo zokuphephela ukuzivikela kwabaphindiselayo, ukuze kuthi lowo owetheswa icala lokubulala angafi engakathonisiswa phambi kwebandla. 
\v 13 Amadolobho ayisithupha la elibapha wona azakuba ngamadolobho enu okuphephela. 
\v 14 Bapheni amathathu ngakulelicele lomfula uJodani kuthi amathathu abe ngamadolobho okuphephela eKhenani. 
\v 15 Amadolobho la ayisithupha azakuba yindawo yokuphephela kwabako-Israyeli, labezizweni kanye labo bonke abantu abahlezi phakathi kwabo, ukuze kuthi loba ngubani obulele omunye ngengozi abalekele khona.
\p
\v 16 Nxa indoda itshaya umuntu ngento eyinsimbi afe, ingumbulali; umbulali kumele abulawe. 
\v 17 Kumbe nxa omunye ephethe ilitshe abesetshaya omunye afe, ungumbulali; umbulali kumele abulawe. 
\v 18 Njalo nxa omunye ephethe ulutho oluyisigodo abesetshaya omunye afe, ungumbulali; umbulali kumele abulawe. 
\v 19 Umphindiseli wegazi kumele ambulale umbulali; nxa ehlangana laye, kumele ambulale. 
\v 20 Loba ngubani olomona ohlezi eqophile engafuqa omunye loba amjikijele ngolutho oluthile ngabomo kubangele ukufa kwakhe 
\v 21 loba kuthi ngolaka amtshaye ngenqindi afe, lowomuntu kumele abulawe; ungumbulali. Umphindiseli wegazi kumele abulale umbulali nxa ehlangana laye.
\p
\v 22 Kodwa nxa kungayisikho ngolaka, umuntu aqabuke esefuqe omunye loba amjikijele ngolutho engaqondile 
\v 23 loba engamboni, amgxobe ngelitshe elingambulala, afe, ngakho njengoba engasisositha sakhe njalo engaqondanga ukumlimaza, 
\v 24 ibandla kumele lahlulele phakathi kwakhe lomphindiseli wegazi kulandelwa lezi zimiso. 
\v 25 Ibandla kumele livikele owetheswa icala lokubulala kumphindiseli wegazi njalo abuyiselwe edolobheni lokuphephela azabe ebalekele kulo. Kumele ahlale khonale kuze kufe umphristi omkhulu, owagcotshwa ngamafutha angcwele.
\p
\v 26 Kodwa lowo owetheswa icala angaba ngaphandle kwedolobho lokuphephela lelo ayabe ebalekele kulo 
\v 27 kuthi umphindiseli wegazi amfumane ngaphandle kwalelodolobho, umphindiseli wegazi angambulala lowo owetheswe icala kodwa angabi lacala lokubulala. 
\v 28 Owetheswe icala kumele ahlale edolobheni lakhe lokuphephela kuze kufe umphristi omkhulu; uzaze abuyele emzini wakhe kuphela nxa umphristi omkhulu esefile.
\p
\v 29 Le kumele kube yimithetho yesimiso kini lakuzizukulwane ezizayo, loba kungaphi lapho elizahlala khona.
\p
\v 30 Loba ngubani obulala umuntu kumele abulawe njengombulali ngobufakazi balabo abayabe bebonile kuphela. Kodwa akungabikho loyedwa ozabulawa ngobufakazi bofakazi oyedwa.
\p
\v 31 Lingemukeli inhlawulo yokuhlenga impilo yombulali, yena kumele afe, loba kutheni kabulawe.
\p
\v 32 Lingemukeli inhlawulo yokuhlenga loba ngubani obalekele edolobheni lokuphephela libe selimvumela ukuba abuyele ukuyahlala emzini wakhe umphristi omkhulu engakafi.
\p
\v 33 Lingalingcolisi ilizwe lelo elihlala kulo. Ukuchitha igazi kungcolisa ilizwe, njalo indlela yokubuyisana ingeke yenzelwe lapho okuchithwe khona igazi, ngaphandle kwegazi lalowo olichithileyo. 
\v 34 Lingalingcolisi ilizwe elihlezi kilo kanye lalapho engihlala khona, ngoba Mina, \nd Thixo\nd*, ngihlala phakathi kwabako-Israyeli.’ ”
\c 36
\s1 Ilifa Lamadodakazi KaZelofehadi
\p
\v 1 Inhloko zezindlu zosendo lukaGiliyadi indodana kaMakhiri, indodana kaManase, ababengabensendo zezizukulwane zikaJosefa, beza bakhuluma loMosi kanye labakhokheli, abazinhloko zezimuli zako-Israyeli. 
\v 2 Bathi kubo, “Lapho \nd uThixo\nd* walaya inkosi yami ukuba iphe ilizwe njengelifa ngenkatho kwabako-Israyeli, yakhupha isiqondiso sokuthi uphe ilifa lomfowethu uZelofehadi kumadodakazi akhe. 
\v 3 Khathesi akesithi thina nxa bendele emadodeni ezinye izizwana zako-Israyeli; kuzakutsho ukuthi ilifa lizasuswa kwelabokhokho bethu liyekwengezelela elalesosizwana abazakwendela kuso. Ngakho kutsho ukuthi ingxenye yelifa esaliphiwayo sizayithathelwa. 
\v 4 Kuzakuthi ngomnyaka weJubhili kwabako-Israyeli, ilifa labo lizakwengezelela elalesosizwana abendele kuso, njalo impahla yabo izasuswa elifeni lesizwana sabokhokho bethu.”
\p
\v 5 Ngakho ngokulaya \nd kukaThixo\nd* uMosi wakhipha lesisiqondiso kwabako-Israyeli: “Lokho okutshiwo yisizukulwane sesizwana sikaJosefa kuqondile. 
\v 6 Lokhu yikho ukulaya \nd kukaThixo\nd* ngamadodakazi kaZelofehadi: Bakhululekile ukwendela loba kukubani obathathayo kodwa akube ngabosendo lwesizwana sikayise. 
\v 7 Kalikho ilifa ko-Israyeli elizasuka esizwaneni lisiya kwesinye isizwana, ngoba wonke owako-Israyeli kumele agcine ilizwe lesizwana eliyilifa labokhokho bakhe. 
\v 8 Yonke indodakazi ezakuba yindlalifa yelizwe esizwaneni sako-Israyeli kumele yendele emuntwini wesizwana sosendo lukayise, ukuze wonke owako-Israyeli abe lelifa laboyise. 
\v 9 Kalikho ilifa elizasuka esizwaneni lisiya kwesinye isizwana, ngoba loba yisiphi isizwana sako-Israyeli kumele sigcine ilizwe eliyilifa laso.”
\p
\v 10 Ngakho amadodakazi kaZelofehadi enza njengokulaywa kukaMosi \nd nguThixo\nd*. 
\v 11 Amadodakazi kaZelofehadi uMahila, loThiza, loHogila, loMilikha kanye loNowa, bendela emadodaneni abafowabo bakayise. 
\v 12 Bendela kwabezinsendo zezizukulwane zikaManase indodana kaJosefa, njalo ilifa labo lasala kwabosendo lukayise lesizwaneni sakhe.
\b
\p
\v 13 Le yiyo imilayo lemithetho eyaphiwa abako-Israyeli \nd nguThixo\nd* ngoMosi emagcekeni aseMowabi ngasemfuleni waseJodani ngakuleli iphetsheya malungana leJerikho.