\id MRK - Biblica® Open Ndebele Contemporary Bible
\ide UTF-8
\h UMakho
\toc1 Ivangeli LikaMakho
\toc2 UMakho
\toc3 Mak
\mt2 Ivangeli
\mt1 LikaMakho
\c 1
\s1 UJohane Umbhaphathizi Ulungisa Indlela
\p
\v 1 Ukuqala kwevangeli ngoJesu Khristu, indodana kaNkulunkulu. 
\v 2 Kulotshiwe kumphrofethi u-Isaya ukuthi:
\q1 “Ngizathuma isithunywa sami phambi kwakho,
\q2 esizalungisa indlela yakho”\f + \fr 1.2 \fr*\ft UMalaki 3.1\ft*\f*:
\q1
\v 3 “ilizwi lalowo omemezayo enkangala,
\q1 ‘Lungiselani iNkosi indlela,
\q2 yenzeleni izindledlana eziqondileyo.’\f + \fr 1.3 \fr*\ft U-Isaya 40.3\ft*\f*”
\m
\v 4 Kwasekufika uJohane Umbhaphathizi, etshumayela emangweni wasenkangala ubhaphathizo lokuphenduka ukuze kuthethelelwe izono. 
\v 5 Umango wonke waseJudiya kanye labantu bonke baseJerusalema baphuma baya kuye. Bevuma izono zabo, babhaphathizwa nguye eMfuleni uJodani. 
\v 6 UJohane wayevunula izigqoko ezazenziwe ngoboya bekamela, elebhanti lesikhumba okhalweni lwakhe, esidla intethe loluju lwezinyosi zeganga. 
\v 7 Intshumayelo yakhe yayisithi: “Ngemva kwami kuzafika omunye ozaba lamandla kulami, imichilo yamanyathela akhe akungilingananga ukuthi ngikhothame ngiyithukulule. 
\v 8 Mina ngilibhaphathiza ngamanzi, kodwa yena uzalibhaphathiza ngoMoya oNgcwele.”
\s1 Ukubhaphathizwa Lokulingwa KukaJesu
\p
\v 9 Ngalesosikhathi uJesu weza evela eNazaretha eseGalile wabhaphathizwa nguJohane kuJodani. 
\v 10 UJesu ephuma emanzini wabona izulu livuleka uMoya usehlela phezu kwakhe unjengejuba. 
\v 11 Kwafika ilizwi livela ezulwini lathi: “Wena uyiNdodana yami engiyithandayo; ngiyathokoza kakhulu ngawe.”
\p
\v 12 Masinyane uMoya wamthumela enkangala, 
\v 13 wahlala khona enkangala insuku ezingamatshumi amane elingwa nguSathane. Wayehlala lezinyamazana zeganga, izingilosi zazomnakekela.
\s1 UJesu Uqala Ukutshumayela
\p
\v 14 UJohane esevalelwe entolongweni, uJesu waya eGalile ememezela izindaba ezinhle zikaNkulunkulu. 
\v 15 Wathi, \wj “Isikhathi sesifikile. Umbuso kaNkulunkulu ususeduze. Phendukani likholwe izindaba ezinhle!”\wj*
\s1 Ukubizwa Kwabafundi Bokuqala
\p
\v 16 Kwathi uJesu ehambahamba okhunjini loLwandle lwaseGalile wabona uSimoni lomfowabo u-Andreya bephosa umambule olwandle ngoba babengabagoli benhlanzi. 
\v 17 Wathi kubo, \wj “Wozani lingilandele, ngizalenza abagoli babantu.”\wj* 
\v 18 Bahle batshiya omambule babo bamlandela.
\p
\v 19 Wathi esehambile elinye ibanga wabona uJakhobe indodana kaZebhediya elomfowabo uJohane besesikepeni, belungisa omambule babo. 
\v 20 Wahle wababiza, batshiya uyise uZebhediya esikepeni kanye lezisebenzi bamlandela.
\s1 UJesu Ukhupha Umoya Omubi
\p
\v 21 Baya eKhaphenawume, kwathi iSabatha selifikile, uJesu waya esinagogeni waqalisa ukufundisa. 
\v 22 Abantu bamangaliswa yikufundisa kwakhe ngoba wayefundisa njengomuntu olamandla, hatshi njengabafundisi bomthetho. 
\v 23 Khonokho nje indoda eyayisesinagogeni labo eyayiphethwe ngumoya omubi yamemeza yathi, 
\v 24 “Ufunani kithi, Jesu waseNazaretha? Ulande ukuza sibhubhisa na? Ngiyakwazi ukuthi ungubani, ungoNgcwele kaNkulunkulu!”
\p
\v 25 UJesu wakhwaza wathi kuye \wj “Thula! Phuma kuye!”\wj* 
\v 26 Umoya omubi wayidlukuza ngamandla indoda waphuma kuyo uklabalala.
\p
\v 27 Abantu bamangala baze babuzana bathi, “Kuyini lokhu? Yikufundisa okutsha njalo okulamandla! Ngoba ulaya imimoya emibi imlalele.” 
\v 28 Izindaba ngaye zamemetheka ngokuphangisa kuwo wonke umango waseGalile.
\s1 UJesu Usilisa Abanengi
\p
\v 29 Bonela ukusuka esinagogeni bahamba loJakhobe loJohane baya emzini kaSimoni lo-Andreya. 
\v 30 Uninazala kaSimoni wayelele phansi ephethwe ngumkhuhlane, basebetshela uJesu ngaye. 
\v 31 Ngakho wasesiya kuye, wambamba isandla wasemvusa. Umkhuhlane waphuma kuye, wahle waqalisa ukubaphakela.
\p
\v 32 Ngaleyontambama ilanga selitshonile abantu baletha kuJesu bonke abagulayo labaphethwe ngamadimoni. 
\v 33 Idolobho lonke lagcwala emnyango, 
\v 34 uJesu wasilisa abanengi ababelezifo ezehlukeneyo. Njalo wakhupha amadimoni amanengi, kodwa kaze awavumela amadimoni ukuthi akhulume ngoba ayemazi ukuthi ungubani.
\s1 UJesu Ukhuleka Ekusithekeni
\p
\v 35 Ekuseni kakhulu, kusesempondozankomo, uJesu wavuka, waphuma endlini waya endaweni esekusithekeni, lapho akhuleka khona. 
\v 36 USimoni labakhula bakhe bahamba ukuyamdinga, 
\v 37 sebembonile, bathi, “Abantu bonke bayakudinga!”
\p
\v 38 UJesu waphendula wathi, \wj “Kasiyeni kwenye indawo, emizini eseduze ukuze ngiyetshumayela lakhona. Yikho engakulandayo.”\wj* 
\v 39 Kanjalo walibhoda lonke elaseGalile etshumayela emasinagogweni abo njalo ekhupha amadimoni.
\s1 UJesu Usilisa Indoda Elobulephero
\p
\v 40 Kweza kuye indoda eyayilobulephero yamncenga iguqe phansi ngamadolo yathi, “Nxa uthanda ungangihlambulula.”
\p
\v 41 UJesu eyizwela isihawu welula isandla sakhe wayibamba indoda. Wathi, \wj “Ngiyathanda. Hlanzeka!”\wj* 
\v 42 Masinyane ubulephero baphela, wahlambuluka.
\p
\v 43 UJesu wahle wathi kahambe, wamqonqosela wathi, 
\v 44 \wj “Zwana, ungatsheli muntu ngalokhu. Kodwa hamba uyeziveza kumphristi ubusunikela umhlatshelo wokuhlanjululwa kwakho owamiswa nguMosi ukuze kube yibufakazi kubo.”\wj* 
\v 45 Kodwa wasuka wahle wavula isifuba sakhe wayisakaza indaba. Ngenxa yalokho uJesu wayengabe esangena obala edolobheni, kodwa wasehlala ngaphandle endaweni eziyinkangala. Loba kunjalo abantu babelokhu bethululeka besiza kuye beqhamuka inxa zonke.
\c 2
\s1 UJesu Usilisa Umuntu Oyisilima
\p
\v 1 Ngemva kwezinsukwana, uJesu esengenile njalo eKhaphenawume, abantu bezwa ukuthi wayesebuyile ekhaya. 
\v 2 Bathi cwi ndawonye kwaze kwasweleka indawo langasemnyango, watshumayela ilizwi kubo. 
\v 3 Kwafika amadoda amane ethwele eyayome umhlubulo. 
\v 4 Kwathi ngoba bengafinyeleli kuJesu ngenxa yexuku, bavula isikhala ephahleni malungana loJesu, emva kokuphendla ngaso, behlisela umendlalo owawulele indoda eyome umhlubulo. 
\v 5 Kwathi uJesu ebona ukholo lwawo wathi endodeni eyome umhlubulo, \wj “Ndodana, izono zakho sezithethelelwe.”\wj*
\p
\v 6 Khonapho kwakuhlezi abanye abafundisi bomthetho, benakana besithi, 
\v 7 “Umuntu lo ukhulumeleni kanjalo? Uyahlambaza! Ngubani ongathethelela izono ngaphandle kukaNkulunkulu yedwa?”
\p
\v 8 Masinyane uJesu wakwazi emoyeni wakhe ukuthi yilokho ababekucabanga ezinhliziyweni zabo, wasesithi kubo, \wj “Kungani linakana izinto ezinje ezinhliziyweni zenu?\wj* 
\v 9 \wj Yikuphi okulula: ukuthi kowome umhlubulo: ‘Izono zakho sezithethelelwe,’ loba ukuthi, ‘Phakama, thatha icansi lakho uhambe’?\wj* 
\v 10 \wj Kodwa ukuze lazi ukuthi iNdodana yoMuntu ilamandla emhlabeni ukuthethelela izono.”\wj* Wathi kowome umhlubulo, 
\v 11 \wj “Ngiyakutshela, phakama, thatha icansi lakho uye ekhaya.”\wj* 
\v 12 Waphakama wathatha icansi lakhe waphuma wahamba bonke bemkhangele. Lokho kwamangalisa umuntu wonke, bamdumisa uNkulunkulu besithi, “Kasikaze sikubone okunje!”
\s1 Ukubizwa KukaLevi
\p
\v 13 UJesu waphinde wayahambahamba eduzane lechibi. Ixuku elikhulu labantu leza kuye, wasebafundisa. 
\v 14 Wathi elokhu ehambahamba wabona uLevi indodana ka-Alifewu ihlezi endaweni yokuthelisa. UJesu wathi kuye, \wj “Ngilandela,”\wj* ULevi wasukuma wamlandela.
\p
\v 15 Kwathi uJesu esidla okwakusihlwa endlini kaLevi kwakulabathelisi abanengi “lezoni” zisidla laye kanye labafundi bakhe, ngoba babebanengi ababemlandela. 
\v 16 Kuthe abafundisi bomthetho ababe ngabaFarisi bembona esidla “lezoni” labathelisi babuza abafundi bakhe bathi, “Wenzelani ukudla labathelisi kanye ‘lezoni’?”
\p
\v 17 Wathi ekuzwa lokho uJesu wathi kubo, \wj “Abaphilayo kabamdingi umelaphi, kodwa abagulayo bayamdinga. Kangilandanga ukuzobiza abalungileyo, kodwa izoni.”\wj*
\s1 UJesu Ubuzwa Ngokuzila
\p
\v 18 Ngalesosikhathi abafundi bakaJohane labaFarisi babezila. Abanye abantu beza babuza uJesu bathi, “Kungani abafundi bakaJohane labafundi babaFarisi bezila, kodwa abakho kabazili?”
\p
\v 19 UJesu waphendula wathi, \wj “Izethekeli zomyeni zingazila kanjani eseselazo na? Zingeke, nxa elokhu eseselazo.\wj* 
\v 20 \wj Kodwa sizafika isikhathi lapho umyeni ezasuswa kuzo, zizazila mhlalokho-ke.\wj*
\p
\v 21 \wj Kakho othungela isichibi selembu elitsha esigqokweni esidala. Nxa ekwenza lokho, isichibi esitsha sizadonsa esidala, ukudabuka kuqhele ngamandla.\wj* 
\v 22 \wj Njalo kakho othela iwayini elitsha emigodleni yezikhumba emidala. Angakwenza lokho iwayini lizaziqhekeza izikhumba kuthi iwayini kanye lemigodla leyo yezikhumba kuhle konakale. Hatshi, uthela iwayini elitsha emigodleni yezikhumba emitsha.”\wj*
\s1 INkosi YeSabatha
\p
\v 23 Ngelinye iSabatha uJesu wayedabula emasimini amabele, kwathi abafundi bakhe belokhu behamba bakha izikhwebu zamabele. 
\v 24 AbaFarisi bathi kuye, “Khangela, bakwenzelani ukwephula umthetho ngokwenza lokhu ngeSabatha na?”
\p
\v 25 Waphendula wathi, \wj “Kalifundanga yini okwenziwa nguDavida labakhula bakhe lapho basebelambile sebeswele?\wj* 
\v 26 \wj Ngezinsuku zika-Abhiyatha umphristi omkhulu wangena endlini kaNkulunkulu wadla isinkwa esingcwelisiweyo, esivunyelwe ukudliwa ngabaphristi kuphela. Futhi wasabela abakhula bakhe.”\wj*
\p
\v 27 Wasesithi kubo, \wj “ISabatha lenzelwa abantu, hatshi ukuthi umuntu wenzelwa iSabatha.\wj* 
\v 28 \wj Yikho iNdodana yoMuntu iyiNkosi njalo yeSabatha.”\wj*
\c 3
\s1 UJesu Usilisa NgeSabatha
\p
\v 1 Ngesinye isikhathi uJesu wangena esinagogweni, kukhona lapho indoda elesandla esitshwabheneyo. 
\v 2 Abanye babo babedinga izaba lokubeka uJesu icala, yikho bamlinda ukubona ingabe wayezasilisa ngeSabatha. 
\v 3 UJesu wathi endodeni yesandla esitshwabheneyo, \wj “Sukuma ume phambi kwabo bonke.”\wj*
\p
\v 4 UJesu wasebabuza wathi, \wj “Kuyini okusemthethweni ngeSabatha; ukwenza okuhle loba ukwenza okubi, ukusindisa impilo kumbe ukubulala?”\wj* Kodwa bathula zwi.
\p
\v 5 Wabakhangela ngolaka, ehlutshwa yibuqholo bezinhliziyo zabo, wasesithi kuleyondoda, \wj “Yelula isandla sakho.”\wj* Yaselula, isandla sesilunge saphelela. 
\v 6 AbaFarisi basebephuma bayacebisana lamaHerodiya ukuthi bangambulala njani uJesu.
\s1 Amaxuku Alandela UJesu
\p
\v 7 UJesu wasuka labafundi bakhe baya ngasechibini, ixuku elikhulu labalandela lisuka eGalile. 
\v 8 Bathi ngokuzwa konke ayekwenza abantu abanengi beza kuye besuka eJudiya, eJerusalema, e-Idumiya lemimangweni engaphetsheya kweJodani lezindaweni zeThire leSidoni. 
\v 9 Ngenxa yobunengi babantu watshela abafundi bakhe ukuba bamlungisele isikepe esincane ukuze angaminyezelwa ngabantu. 
\v 10 Phela wayesesilise abanengi, yikho labo ababelezifo babeminyezela befuna ukumthinta. 
\v 11 Kwakusithi imimoya emibi ingambona iguqe phambi kwakhe imemeze ithi, “UyiNdodana kaNkulunkulu.” 
\v 12 Kodwa wayiqonqosela ukuthi ingaze yakhuluma ukuthi ungubani.
\s1 Ukukhethwa Kwabapostoli Abalitshumi Lambili
\p
\v 13 UJesu wakhwela waya ewatheni lwentaba wabiza labo ayebafuna, beza kuye. 
\v 14 Wakhetha abalitshumi lambili ukuthi babelaye ukuze abathume ukuyatshumayela 
\v 15 lokuthi babelamandla okuxotsha amadimoni.
\b
\li4
\v 16 Yilaba abalitshumi lambili abakhethayo:
\b
\li1 uSimoni (ametha ibizo wathi nguPhethro),
\li1
\v 17 uJakhobe indodana kaZebhediya lomfowabo uJohane (laba wabetha ibizo wathi bango Bhowanegesi, okutsho ukuthi Amadodana Omdumo),
\li1
\v 18 u-Andreya,
\li1 uFiliphu,
\li1 uBhatholomewu,
\li1 uMatewu,
\li1 uThomasi,
\li1 uJakhobe indodana ka-Alifewu,
\li1 uThediyasi,
\li1 uSimoni umZilothi
\li1
\v 19 loJudasi Iskariyothi onguye owamnikelayo.
\s1 UJesu LoBhelizebhubhi
\p
\v 20 UJesu wangena kwenye indlu kwaphinda njalo kwabuthana kuye ixuku, yena labafundi bakhe baze behluleka ukudla. 
\v 21 Kwathi abendlu yangakwabo bekuzwa lokho bamlanda ukuyambuyisa ngoba bathi, “usephambene.”
\p
\v 22 Kwathi abafundi bomthetho abehla bevela eJerusalema bathi, “Ungenwe nguBhelizebhubhi! Ukhupha amadimoni ngenkosi yamadimoni.”
\p
\v 23 Ngakho uJesu wasebabiza wakhuluma labo ngemizekeliso wathi, \wj “Kambe uSathane angamkhupha kanjani uSathane?\wj* 
\v 24 \wj Nxa umbuso udabuke phakathi, uvukelana, lowombuso ngeke ume.\wj* 
\v 25 \wj Nxa indlu ingabambananga, ivukelana, leyondlu ngeke ime.\wj* 
\v 26 \wj Njalo nxa uSathane eziphikisa, edabuke phakathi, ngeke ame; useyatshabalala.\wj* 
\v 27 \wj Ngempela, akakho ongangena endlini yesiqhwaga, abuthe impahla zaso ngaphandle kokuthi aqale asibophe lesosiqhwaga, andubana aphange indlu yaso.\wj* 
\v 28 \wj Ngeqiniso ngithi kini, abantu bazakuthethelelwa zonke izono lokuhlambaza kwabo,\wj* 
\v 29 \wj kodwa loba ngubani othuka uMoya oNgcwele akayikuthethelelwa; ulecala lesono saphakade.”\wj*
\p
\v 30 Wakutsho lokhu ngoba babesithi, “Ulomoya omubi.”
\s1 Unina KaJesu Labafowabo
\p
\v 31 Kwasekufika unina kaJesu labafowabo. Bema phandle bathuma omunye umuntu ukuyambiza. 
\v 32 Abantu abanengi babehlezi bemhanqile, basebemtshela bathi, “Unyoko labafowenu baphandle bayakudinga.”
\p
\v 33 Wabuza wathi, \wj “Ngobani abangumama labafowethu na?”\wj*
\p
\v 34 Wasekhangela labo ababehlezi laye bemhanqile wathi, \wj “Nampa abangumama labangabafowethu!\wj* 
\v 35 \wj Loba ngubani owenza intando kaNkulunkulu ungumfowethu, ungudadewethu njalo ngumama.”\wj*
\c 4
\s1 Umzekeliso Womhlanyeli
\p
\v 1 UJesu waphinda njalo wafundisa okhunjini lwesiziba. Ixuku labantu elaqoqana labuthana kuye laba likhulu kakhulu waze wangena esikepeni wahlala kuso siphakathi kwamanzi, kodwa abantu bonke bona bethe gwaqa okhunjini ekucineni kwamanzi. 
\v 2 Wabafundisa izinto ezinengi ngemizekeliso, ekufundiseni kwakhe wathi: 
\v 3 \wj “Lalelani! Umlimi waphuma wayahlanyela inhlanyelo yakhe.\wj* 
\v 4 \wj Kwathi eyihaza inhlanyelo, enye yawela endleleni, kwafika izinyoni zayidobha.\wj* 
\v 5 \wj Eyinye yawela okhetheni lapho okwakungela mhlabathi owaneleyo. Yamila masinyane ngoba umhlabathi wawungatshoni.\wj* 
\v 6 \wj Kodwa kwathi ilanga seliphumile, yahanguka yabuna ngoba yayingelampande.\wj* 
\v 7 \wj Enye inhlanyelo yawela emeveni asuka akhula aminya leyonhlanyelo yaze yehluleka ukuthela izikhwebu.\wj* 
\v 8 \wj Eyinye inhlanyelo yawela emhlabathini omuhle. Yamila, yakhula, yathela amabele yanda ngamatshumi amathathu, ayisithupha ngitsho langekhulu.”\wj*
\p
\v 9 UJesu wasesithi, \wj “Lowo olendlebe zokuzwa kezwe.”\wj*
\p
\v 10 Kwathi eseyedwa, abalitshumi lambili labanye ababeseduze laye bambuza mayelana lemizekeliso leyo. 
\v 11 Wabatshela wathi, \wj “Imfihlakalo yombuso kaNkulunkulu seliyambulelwe. Kodwa kulabo abangaphandle konke kukhulunywa ngemizekeliso\wj* 
\v 12 \wj ukuze,\wj*
\q1 \wj ‘bazahlala bebona kokuphela\wj*
\q2 \wj kodwa bengabonisisi, njalo bahlale besizwa\wj*
\q1 \wj kodwa bengaqedisisi funa baphenduke bathethelelwe!’\wj*\f + \fr 4.12 \fr*\ft U-Isaya 6.9-10\ft*\f*\wj ”\wj*
\p
\v 13 UJesu wasesithi kubo, \wj “Kaliwuzwisisi na umzekeliso lo? Pho lizawuzwa kanjani loba yiwuphi umzekeliso?\wj* 
\v 14 \wj Umlimi uhlanyela ilizwi.\wj* 
\v 15 \wj Abanye abantu bafana lenhlanyelo esendleleni okuhlanyelwe khona ilizwi. Bonela ukuthi balizwe uSathane uyafika alithathe ilizwi elihlanyelwe kubo.\wj* 
\v 16 \wj Abanye, njengenhlanyelo eyahlanyelwa okhetheni bayalizwa ilizwi bahle balamukele ngentokozo.\wj* 
\v 17 \wj Kodwa ngenxa yokuthi kabalampande bema okwesikhatshana kuphela. Kungafika uhlupho loba ukuhlukuluzwa komhlaba baphanga bawe.\wj* 
\v 18 \wj Kunjalo abanye, njengenhlanyelo ehlanyelwe emeveni, bayalizwa ilizwi;\wj* 
\v 19 \wj kodwa ukuphisekela izinto zalumhlaba, inkohliso yenotho kanye lezinkanuko zezinye izinto konke kuyeza kuliminyanise ilizwi, kulenze lingatheli.\wj* 
\v 20 \wj Abanye, njengenhlanyelo ehlanyelwe emhlabathini omuhle, bayalizwa ilizwi, balamukele, bathele izithelo, bedlule okwakuhlanyelwe ngamatshumi amathathu, ayisithupha loba ngekhulu.”\wj*
\s1 Isibane Oluthini
\p
\v 21 Wathi kubo, \wj “Uyalumathisa isibane usifake ngaphansi kwesitsha kumbe ngaphansi kombheda na? Kawusibeki oluthini lwaso yini?\wj* 
\v 22 \wj Ngoba loba yini efihliweyo kumele yambulwe, lalokho okuthukuziweyo kumele kuvezwe obala.\wj* 
\v 23 \wj Nxa ekhona olendlebe zokuzwa kezwe.”\wj*
\p
\v 24 Waqhubeka wathi, \wj “Kuqapheliseni lokho elikuzwayo. Ngaleso isilinganiso elisisebenzisayo lizalinganiselwa ngaso kumbe kuze kwedlulise.\wj* 
\v 25 \wj Lowo olakho uzakwengezelelwa; lowo ongelakho lalokho alakho uzakwemukwa.”\wj*
\s1 Umzekeliso Wenhlamvu Ekhulayo
\p
\v 26 Waphinda wathi, \wj “Umbuso wezulu ufana lalokhu. Indoda ihaza inhlanyelo emhlabathini.\wj* 
\v 27 \wj Ebusuku lemini ingabe ilele loba ikhangele inhlanyelo iyamila ikhule loba yona ingakwazi ukuthi kwenzeka njani.\wj* 
\v 28 \wj Umhlabathi uyiwo wodwa uthela amabele, kuqala ikhaba kuze isikhwebu besekusiza inhlamvu ezikhwetshini.\wj* 
\v 29 \wj Kuthi amabele angavuthwa iwavune ngesikela ngoba ukuvuna sekufikile.”\wj*
\s1 Umzekeliso Wentanga Yemastadi
\p
\v 30 Waphinde wathi, \wj “Sizakuthi umbuso kaNkulunkulu unjengani, kumbe sizasebenzisa umzekeliso bani ukuwuchaza?\wj* 
\v 31 \wj Unjengentanga yemastadi encinyane kulazo zonke intanga ezihlanyelwa emhlabathini.\wj* 
\v 32 \wj Kodwa nxa ihlanyeliwe iyakhula ibe yisihlahla esikhulu kulazo zonke esivandeni, sibe lengatsha ezinkulu ezihlalwa emthunzini waso yizinyoni zezulu.”\wj*
\p
\v 33 UJesu walikhuluma ilizwi kubo ngemizekeliso eminengi enjalo ukuze bazwisise. 
\v 34 Kazange atsho ulutho kubo engasebenzisanga umzekeliso. Kodwa nxa wayeyedwa labafundi bakhe wachaza konke.
\s1 UJesu Uthulisa Isiphepho
\p
\v 35 Ngalelolanga sekuntambama wathi kubafundi bakhe, \wj “Kasihambeni sichaphele ngaphetsheya.”\wj* 
\v 36 Batshiya ixuku, bahamba laye esikepeni enjalo. Zazikhona njalo ezinye izikepe zihamba laye. 
\v 37 Kwaqubuka isiphepho esesabekayo, amagagasi atshaya esikepeni kwaze kwangathi sesitshona. 
\v 38 UJesu wayengemuva ezilalele emendlalweni obuthakathaka. Abafundi bamvusa bathi, “Awu, mfundisi kawunanzi yini nxa sigalula?”
\p
\v 39 Waphakama wawukhuza umoya wathi emagagasini, “Thulani lithi cwaka!” Ngakho umoya wadeda, kwasekuthula cwaka.
\p
\v 40 Wathi kubafundi bakhe, \wj “Kungani lisesaba kangaka? Lilokhu lingakholwa na?”\wj*
\p
\v 41 Babethuthumela babuzana bathi, “Ungubani lo na? Kambe aze alalelwe ngumoya lamagagasi!”
\c 5
\s1 Ukusiliswa Kwendoda Eyayilamadimoni
\p
\v 1 Bawela ichibi bafika emangweni wamaGerazini. 
\v 2 Kwathi uJesu ephuma esikepeni, kwaqhamuka indoda elomoya omubi ivela emathuneni yamhlangabeza. 
\v 3 Indoda le yayihlala emathuneni, kungaselamuntu ongayibopha loba langeketane. 
\v 4 Ngoba yayihlezi ibotshiwe izandla lenyawo, kodwa iqamule amaketane lezinsimbi ezinyaweni zayo. Kwakungekho muntu owayelamandla okuyinqoba. 
\v 5 Ubusuku lemini yayihlaba umkhosi isemathuneni lasezintabeni, izisike ngamatshe.
\p
\v 6 Yathi ibona uJesu esesebucwala, yagijima yafika yazilahla phansi ngamadolo phambi kwakhe. 
\v 7 Yaklabalala ngelizwi elikhulu yathi, “Ufunani ngami, Jesu, Ndodana kaNkulunkulu oPhezukonke? Ngegama likaNkulunkulu ungangihlukuluzi!” 
\v 8 Ngoba uJesu wayesethe kuyo, \wj “Phuma kuyo indoda le, wena moya omubi!”\wj*
\p
\v 9 UJesu waseyibuza wathi, \wj “Ungubani ibizo lakho?”\wj*
\p Yaphendula yathi, “Ibizo lami nguLigiyoni, ngoba sibanengi.” 
\v 10 Yamncenga uJesu futhifuthi ukuthi angabaxotshi kulowomango.
\p
\v 11 Umhlambi omkhulu wengulube wawusidla ewatheni lwentaba eduzane. 
\v 12 Amadimoni amncenga uJesu athi, “Sithumele ezingulubeni; sivumele singene kuzo.” 
\v 13 Wawavumela, omoya ababi baphuma bayangena ezingulubeni. Umhlambi wazo, owawungaba zinkulungwane ezimbili, wagijima usehlela eliweni lodonga wangena echibini wagalula.
\p
\v 14 Labo ababezelusile babaleka bayabika lokho edolobheni kanye lasemaphandleni, yikho abantu baqubuka bayabona lokho okwakwenzakele. 
\v 15 Bathi befika kuJesu bayibona indoda eyayikade ilamadimoni ngobunengi bawo, ihlezi khonapho, igqokile njalo ingqondo isibuyile, besaba kakhulu. 
\v 16 Labo ababekubonile kusenzakala batshela abantu okwenzakalayo endodeni eyayilamadimoni, balandisa njalo langezingulube. 
\v 17 Abantu basebemncenga uJesu ukuthi asuke emangweni wakibo.
\p
\v 18 Kwathi uJesu esengena esikepeni indoda leyo eyayikade ilamadimoni yamncenga ukuthi ahambe layo. 
\v 19 UJesu kayivumelanga, kodwa wathi kuyo, \wj “Hamba ekhaya kwabakini ubatshele ukuba iNkosi ikwenzele okunganani, lokuthi ibe lesihawu kuwe.”\wj* 
\v 20 Ngakho indoda yasihamba yabatshela eDekhapholisi konke uJesu ayeyenzele khona. Bonke abantu bamangala.
\s1 Intombazana Efileyo Lomfazi Ogulayo
\p
\v 21 Kwathi lapho uJesu esewele njalo ngesikepe waya ngakuleliyana iphetsheya lechibi, kwabuthana kuye ixuku elikhulu ekhonapho eceleni kwechibi. 
\v 22 Kwasekufika omunye wabaphathi besinagogu okwakuthiwa nguJayirosi, wathi ebona uJesu wazilahla ezinyaweni zakhe. 
\v 23 Wamncenga kakhulu wathi, “Indodakazi yami encinyane iyafa. Ngicela ubuye uzobeka izandla zakho phezu kwayo ukuze isile njalo iphile.” 
\v 24 UJesu wahamba laye.
\p Ixuku elikhulu lamlandela laminyezela. 
\v 25 Kwakulowesifazane khonapho owayephethwe yikopha sekumhluphe iminyaka elitshumi lambili. 
\v 26 Wayesehlupheke kakhulu loba wayeselatshwa ngabelaphi, njalo esechithe konke ayelakho, kodwa ekubeni abe ngcono kwakusiya phambili. 
\v 27 Wathi esezwile ngoJesu, weza ngemva kwakhe phakathi kwexuku labantu wabamba isembatho sakhe, 
\v 28 ngoba wacabanga wathi, “Nxa ngingathinta izigqoko zakhe kodwa nje, ngizasila.” 
\v 29 Masinyane nje ukopha kwakhe kwaphela njalo wezwa emzimbeni wakhe ukuthi wayesekhululekile ekuhluphekeni kwakhe.
\p
\v 30 Khonokho uJesu wananzelela ukuthi amandla ayephumile kuye. Waphendukela exukwini labantu wabuza wathi, \wj “Ngubani othinte izigqoko zami?”\wj*
\p
\v 31 Abafundi bakhe bamphendula bathi, “Lawe uyababona abantu beminyezelana kuwe, kodwa uyabuza uthi, ‘Ngubani ongithintileyo?’ ”
\p
\v 32 Kodwa uJesu wala elokhu ethalaza ukuze abone ukuthi ngubani okwenzileyo lokho. 
\v 33 Ngakho owesifazane owayekwazi okwasekwenzakele kuye weza wazilahla ezinyaweni zakhe eqhaqhazela ngokwesaba wahle wafakaza iqiniso. 
\v 34 Wathi kowesifazane, \wj “Ndodakazi, ukholo lwakho lukusilisile. Hamba ngokuthula ukhululeke ekuhluphekeni kwakho.”\wj*
\p
\v 35 UJesu elokhu esakhuluma kweza amanye amadoda ephuma endlini kaJayirasi, umphathi wesinagogu. Athi, “Indodakazi yakho isifile. Kambe usamhluphelani umfundisi na?”
\p
\v 36 Akaze akunaka lokho ababekutsho uJesu, wasetshela induna yesinagogu wathi, \wj “Ungesabi, kholwa nje kuphela.”\wj*
\p
\v 37 Kavumelanga muntu ukuba amlandele ngaphandle kukaPhethro, loJakhobe loJohane umfowabo kaJakhobe. 
\v 38 Bathi befika emzini wenduna yesinagogu uJesu wabona isiphithiphithi abantu bekhala benqongoloza. 
\v 39 Wangena wathi kubo, \wj “Ngesani isiphithiphithi sonke lesi lomkhosi wonke lo? Umntwana kafanga, kodwa ulele.”\wj* 
\v 40 Kodwa bamhleka usulu.
\p Esebakhuphele phandle bonke wathatha uyise womntwana lonina kanye labafundi ayelabo wangena lapho umntwana ayekhona. 
\v 41 Wambamba ngesandla wathi kuye, \tl \+wj “Thalitha khumi!”\+wj*\tl* (okutsho ukuthi, \wj “Ntombazana, ngithi kuwe, sukuma!”\wj*) 
\v 42 Masinyane intombazana yasukuma yahambahamba (wayemdala okweminyaka elitshumi lambili). Lokhu kwabamangalisa baphela amandla. 
\v 43 Wabaqonqosela wathi bangazisi muntu ngalokho, wasesithi kabamuphe ukudla untombazana.
\c 6
\s1 Umphrofethi Ongeladumo
\p
\v 1 UJesu wasuka lapho waya edolobheni lakibo, ehamba labafundi bakhe. 
\v 2 Kwathi ngeSabatha wafundisa esinagogweni, abanengi abamuzwayo bamangala.
\p Babuzana bathi, “Indoda le yazithatha ngaphi izinto zonke lezi? Yinhlakanipho enganani le ayiphiwayo aze akwazi lokwenza imimangaliso! 
\v 3 Kanti angithi nguye yini umbazi lo? Kayisindodana kaMariya yini le, umnewabo kaJakhobe, loJosefa, loJuda loSimoni? Odadewabo angithi bakhona khonapha?” Lokho kwenza bamsola.
\p
\v 4 UJesu wathi kubo, \wj “Umphrofethi kalalo udumo kuphela edolobheni lakibo, phakathi kwezihlobo zakhe lendlini yakwabo.”\wj* 
\v 5 Wayengeke enze izimangaliso khona, ngaphandle kokubeka izandla ebantwini abalutshwana abagulayo ukuba abasilise. 
\v 6 Njalo wamangaliswa yikusilela kwabo ekukholweni.
\s1 UJesu Uthumela Abalitshumi Lambili
\p UJesu wasenquma efundisa imizi ngemizi. 
\v 7 Wabiza abalitshumi lambili beza kuye, wabathumela ngababili wabapha amandla phezu kwemimoya emibi.
\p
\v 8 Imilayo yakhe yayiyile: \wj “Lingathwali lutho kuloluhambo ngaphandle kwentonga, lingathwali isinkwa, isikhwama loba yimali emabhantini enu.\wj* 
\v 9 \wj Ligqoke amanyathela kodwa lingathwali esinye isigqoko.\wj* 
\v 10 \wj Lapho lingena endlini ethile, hlalani khona lize lisuke kulelodolobho.\wj* 
\v 11 \wj Nxa indawo ethile ingalamukeli loba ingalilaleli, dlulani kuleyondawo lithintithe uthuli ezinyaweni zenu kube yibufakazi bokubalahla.”\wj*
\p
\v 12 Basuka bahamba betshumayela ukuthi abantu kabaphenduke. 
\v 13 Bakhupha amadimoni amanengi njalo bagcoba abantu abanengi abagulayo ngamafutha babasilisa.
\s1 UJohane Umbhaphathizi Uqunywa Ikhanda
\p
\v 14 Inkosi uHerodi yezwa ngalokhu, ngoba ibizo likaJesu laselisaziwa kakhulu. Abanye babesithi, “UJohane uMbhaphathizi uvukile kwabafileyo, yikho amandla amangalisayo esebenza kuye.”
\p
\v 15 Abanye bathi, “Ungu-Elija.”
\p Kwabuye njalo abanye bathi, “Ungumphrofethi, njengomunye wabaphrofethi basendulo.”
\p
\v 16 Kodwa kwathi uHerodi ekuzwa lokhu wathi, “UJohane, indoda engayiquma ikhanda usevukile kwabafileyo!”
\p
\v 17 Ngoba uHerodi yena ngokwakhe wayekhuphe ilizwi lokuthi uJohane abanjwe, wathi kabotshwe aphoselwe entolongweni. Wakwenza lokho ngenxa kaHerodiyasi, umfazi womfowabo uFiliphu ayesemthethe. 
\v 18 Ngoba uJohane wayelokhu esithi kuHerodi, “Kawuvunyelwa ukuthi uthathele umfowenu umfazi.” 
\v 19 Ngakho uHerodiyasi wahlala elesikhwili loJohane efuna ukumbulala. Kodwa waswela indlela yokumbulala, 
\v 20 ngoba uHerodi wayemesaba uJohane emvikela, ngokumazi ukuthi wayeyindoda elungileyo njalo engcwele. Nxa wayemuzwa uJohane, wayedideka kakhulu, kodwa ethanda ukumlalela.
\p
\v 21 Ekucineni lafika elingaliyo. Ngelanga lesikhumbuzo sokuzalwa kwakhe uHerodi wenza idili lezikhulu zakhe labalawuli bempi kanye labakhokheli abaziwayo eGalile. 
\v 22 Kuthe indodakazi kaHerodiyasi isifikile yagida kamnandi yathokozisa uHerodi lezethekeli zakhe edilini.
\p Inkosi yasisithi entombazaneni, “Ngicela loba yini, ngizakupha.” 
\v 23 Wamthembisa wafunga wathi, “Loba yini oyicelayo ngizakupha kungaze kube yingxenye yombuso wami.”
\p
\v 24 Yaphuma intombazana yayakuthi kunina, “Kambe ngiceleni?”
\p Waphendula wathi, “Ikhanda likaJohane uMbhaphathizi.”
\p
\v 25 Masinyane intombazana yatheleka enkosini isilesicelo leso, yathi: “Ngifuna ukuthi ungiphe khathesi nje ikhanda likaJohane uMbhaphathizi lisemganwini.”
\p
\v 26 Inkosi yakhathazeka kakhulu, kodwa ngenxa yezifungo zayo langenxa yezethekeli zayo kayithandanga ukusala isicelo. 
\v 27 Ngakho yahle yathumela umbulali ukuba alethe ikhanda likaJohane. Yahamba indoda yamquma ikhanda uJohane entolongweni, 
\v 28 yaliletha ikhanda lisemganwini. Yalethula entombazaneni, yona yalipha unina. 
\v 29 Bathi bekuzwa lokho abafundi bakaJohane beza bathatha isidumbu bayasingcwaba ethuneni.
\s1 UJesu Upha Izinkulungwane Ezinhlanu Ukudla
\p
\v 30 Abapostoli babuthana kuJesu bambikela konke ababekwenzile labakufundisayo. 
\v 31 Kwathi ngoba kwakufika abantu abanengi kakhulu abanye besuka baze baswele ithuba lokudla, wathi kubo, \wj “Ngilandelani lodwa siye endaweni ethuleyo ukuze siphumule.”\wj*
\p
\v 32 Yikho bahamba bebodwa ngesikepe baya endaweni esithekileyo. 
\v 33 Kodwa abanengi abababonayo besuka babananzelela babaxhuma begijima ngezinyawo bevela kuwo wonke amadolobho babaqalela ukuyafika. 
\v 34 UJesu uthe esehla esikepeni wabona ixuku labantu elikhulu wabazwela usizi ngoba babenjengezimvu ezingelamelusi. Ngakho wasebafundisa izinto ezinengi.
\p
\v 35 Ngalesi isikhathi kwasekusemini kakhulu, ngakho abafundi bakhe beza kuye bathi, “Le yindawo esesikhaleni, njalo sekusemini kakhulu. 
\v 36 Tshela abantu bahambe ukuze baziyele emadolobheni lasemizini bayezithengela abangakudla.”
\p
\v 37 Kodwa waphendula wathi, \wj “Bapheni lina ukudla.”\wj*
\p Bathi kuye, “Lokho kungathatha umholo wendoda owenyanga eziyisificaminwembili! Uthi sihambe siyochitha imali engako sithenge isinkwa sibaphe badle?”
\p
\v 38 Wabuza wathi, \wj “Lilezinkwa ezingaki na? Ake liyokhangela.”\wj*
\p Sebezibonile bathi, \wj “Zinhlanu lenhlanzi ezimbili.”\wj*
\p
\v 39 UJesu wasebalaya ukuthi bahlalise bonke abantu phansi etshanini ngamaxuku. 
\v 40 Yikho bahlala phansi ngamaxuku alikhulu. Abanye ngamatshumi amahlanu. 
\v 41 Ethatha izinkwa ezinhlanu lenhlanzi ezimbili wakhangela ezulwini, wabonga, wasehlephuna izinkwa. Waseziqhubela abafundi bakhe ukuba bazabele abantu. Waphinda wabehlukanisela inhlanzi zombili. 
\v 42 Bonke badla basutha, 
\v 43 abafundi basebebutha imvuthu zezinkwa lenhlanzi bagcwalisa izitsha ezilitshumi lambili. 
\v 44 Abadlayo babengamadoda azinkulungwane ezinhlanu.
\s1 UJesu Uhamba Phezu Kwamanzi
\p
\v 45 Masinyane uJesu wenza ukuthi abafundi bakhe bangene esikepeni bahambe bamandulele eBhethisayida, yena esavalelisana labantu. 
\v 46 Esehlukene labo, waya ewatheni lwentaba ukuyakhuleka.
\p
\v 47 Kwathi sekuhlwile isikepe sasiphakathi laphakathi kwechibi, yena eyedwa emhlabathini. 
\v 48 Wabona abafundi begwedla ngamandla emagagasini ngoba umoya wawuphambana labo. Kwathi ngomlindo wesine ebusuku waya kubo ehamba phezu kwechibi. Wayengathi usesedlula kubo 
\v 49 kodwa bathi bembona ehamba phezu kwesiziba bacabanga ukuthi lithonga. Bahlaba umkhosi 
\v 50 ngoba bonke bambona besaba.
\p Masinyane wabakhulumisa wathi, \wj “Manini isibindi! Yimi. Lingesabi.”\wj* 
\v 51 Wasengena kubo esikepeni umoya wahle wathula. Bamangala kakhulu, 
\v 52 ngoba babengazwisisanga ngezinkwa; inhliziyo zabo zazilukhuni.
\p
\v 53 Bathi sebechaphile, bafikela eGenesaretha bamisa khonapho. 
\v 54 Bonela ukuphuma esikepeni abantu bahle bamnanzelela uJesu. 
\v 55 Bagijima indawana yonke kulowomango bethwala abagulayo ngamacansi bebasa kuzozonke indawo ababemzwela khona. 
\v 56 Loba wayengaze aye ngaphi, emizini, emadolobheni loba emaphandleni, babeka abagulayo ezindaweni zokuthengisela. Bamncenga ukuthi abavumele bathinte nje umphetho wesigqoko sakhe, kwathi bonke labo abamthintayo basila.
\c 7
\s1 Ukuhlanzeka Lokungahlanzeki
\p
\v 1 AbaFarisi labanye abafundisi bomthetho ababesuka eJerusalema babuthana kuJesu 
\v 2 babona abanye abafundi bakhe besidla ukudla ngezandla ezazingahlanzekanga, okutsho ukuthi zazingagezwanga. 
\v 3 (AbaFarisi labaJuda bonke kabadli bengagezanga izandla zabo ngokomthetho, belandela isiko labadala. 
\v 4 Nxa bevela emsikeni kabadli bengaqalanga bageza. Balandela amasiko amanengi, njengokugezisa amankomitsho, indiwo lamagedlela.)
\p
\v 5 Ngakho abaFarisi labafundisi bomthetho bambuza uJesu bathi, “Kungani abafundi bakho bengalandeli amasiko abadala kulokudla ukudla kwabo ngezandla ‘ezingahlanzekanga na’?”
\p
\v 6 Waphendula wathi, \wj “U-Isaya wayeqinisile aze aphrofithe ngani lina bazenzisi; njengoba kulotshiwe ukuthi:\wj*
\q1 \wj ‘Lababantu bangidumisa ngezindebe zabo,\wj*
\q2 \wj kodwa inhliziyo zabo zikhatshana lami.\wj*
\q1
\v 7 \wj Bangikhonza ngeze;\wj*
\q2 \wj imfundiso yabo yimithetho kuphela evela ebantwini.’\wj*\f + \fr 7.7 \fr*\ft U-Isaya 29.13\ft*\f*
\m
\v 8 \wj Seliyekele imilayo kaNkulunkulu labambelela emasikweni abantu.”\wj*
\p
\v 9 Wasesithi kubo, \wj “Lilendledlana yenu yokufuqela eceleni imilayo kaNkulunkulu ukuze lilandele amasiko enu!\wj* 
\v 10 \wj Phela uMosi wathi, ‘Hlonipha uyihlo lonyoko’\wj*\f + \fr 7.10 \fr*\ft U-Eksodasi 20.12; UDutheronomi 5.16\ft*\f* \wj njalo, ‘Lowo othuka uyise loba unina kumele abulawe.’\wj*\f + \fr 7.10 \fr*\ft U-Eksodasi 21.17; ULevi 20.9\ft*\f* 
\v 11 \wj Kodwa lina lithi nxa umuntu esithi lokho obekungaba lusizo kuyise kumbe unina liKhobhani (okutsho ukuthi yisipho esabelwe uNkulunkulu),\wj* 
\v 12 \wj beselisithi angamenzeli lutho uyise loba unina.\wj* 
\v 13 \wj Ngaleyondlela lichitha ilizwi likaNkulunkulu ngamasiko enu eliwedlulisela kuzizukulwane zenu. Futhi lenza izinto ezinengi ezinjalo.”\wj*
\p
\v 14 UJesu waphinda wabiza ixuku labantu wathi, \wj “Lalelani kimi lonke, lizwisise lokhu.\wj* 
\v 15 \wj Kakulalutho olungaphandle komuntu olungamenza ‘angahlanzeki’ ngokungena kuye. Kodwa yilokho okuphuma phakathi komuntu okuyikho okumenza ‘angahlanzeki.’\wj* [
\v 16 \wj Nxa ekhona olendlebe zokuzwa kezwe.\wj*]\wj ”\wj*\f + \fr 7.16 \fr*\ft Livesi ayikho kwamanye amaBhayibhili esiLungu.\ft*\f*
\p
\v 17 Esesukile exukwini labantu wangena endlini abafundi bakhe bambuza ngomzekeliso lo. 
\v 18 Wabuza wathi, \wj “Kaliqedisisi ngani na? Kalikuboni yini ukuthi kakulalutho olungena emuntwini lusuka ngaphandle olungamenza ‘angahlanzeki’?\wj* 
\v 19 \wj Ngoba kalungeni enhliziyweni yakhe kodwa luya esiswini sakhe luphinde luphume emzimbeni wakhe.”\wj* (Ngokutsho lokhu uJesu waphawula ukuthi konke ukudla kuhlanzekile.)
\p
\v 20 Waqhubeka wathi: \wj “Okuphuma phakathi komuntu yikho okumngcolisayo.\wj* 
\v 21 \wj Ngoba okusuka ngaphakathi, okusuka enhliziyweni, kuphuma imicabango emibi, ukuhlobonga, ubusela, ukubulala, ukufeba,\wj* 
\v 22 \wj ubuhwaba, umona, ubuqili, ukuxhwala, umhawu, ukugcona, ubuqholo lobuthutha.\wj* 
\v 23 \wj Zonke lezi izono ziphuma ngaphakathi zenze umuntu angcole.”\wj*
\s1 Ukholo lomfazi WomSirofenikhe
\p
\v 24 UJesu wasuka kuleyondawo waya emangweni waseThire. Wangena endlini kodwa kafunanga ukuthi kwaziwe; kodwa wayengeke azifihle ukuthi ukhona. 
\v 25 Owesifazane owayelendodakazi yakhe encinyane eyayilomoya omubi wonela ukuzwa ngaye weza wayazilahla ezinyaweni zakhe. 
\v 26 Umfazi lo wayengumGrikhi, owazalelwa eFenikhe yaseSiriya. Wancenga uJesu ukuthi akhuphe idimoni endodakazini yakhe.
\p
\v 27 Wamtshela wathi kuye, \wj “Qala wekele abantwana badle basuthe, ngoba kakulunganga ukuthatha isinkwa sabantwana usiphosele izinja.”\wj*
\p
\v 28 Wathi owesifazane, “Yebo, Nkosi, kodwa izinja lazo ezingaphansi kwetafula ziyadla imvuthuluka.”
\p
\v 29 UJesu wamtshela wathi, \wj “Ngenxa yempendulo enhle kangaka usungahamba; idimoni seliphumile endodakazini yakho.”\wj*
\p
\v 30 Owesifazane wabuyela ekhaya wafumana umntanakhe elele embhedeni, idimoni selihambile.
\s1 Ukusiliswa Kwendoda Eyisacuthe, Eyisimungulu
\p
\v 31 UJesu wasesuka endaweni yeThire wadabula eSidoni waze wayafika oLwandle lwaseGalile wehla waya emangweni waseDekhapholisi. 
\v 32 Khonale abantu bamlethela indoda eyayiyisacuthe isehluleka lokukhuluma, bamcela ukuthi abeke isandla sakhe phezu kwayo.
\p
\v 33 UJesu wayisusela eceleni kwexuku labantu wasefaka iminwe yakhe ezindlebeni zaleyondoda. Wasekhafula wathinta ulimi lwayo indoda. 
\v 34 Wakhangela ezulwini wakhokha umoya wathi kuyo, \tl \+wj “Efifatha!”\+wj*\tl* (okutsho ukuthi, \wj “Vuleka!”\wj*). 
\v 35 Ngalokhu indlebe zendoda zavuleka, ulimi lwayo lwatshwaphuluka yahle yaqalisa ukukhuluma kuhle.
\p
\v 36 UJesu wabaqonqosela ukuthi bangatsheli muntu. Kodwa wathi ngokwenza njalo baqhubeka ngamandla befakaza ngakho. 
\v 37 Abantu bamangala baphela amandla. Bathi, “Konke asekwenzile kuhle. Uyenza futhi lezacuthe zizwe, lezimungulu zikhulume.”
\c 8
\s1 UJesu Usuthisa Abazinkulungwane Ezine
\p
\v 1 Ngalezonsuku kwaphinde kwabuthana elinye ixuku labantu. Kwathi ngoba bengelalutho lokudla uJesu wabiza abafundi bakhe wathi kubo, 
\v 2 \wj “Ngilosizi ngalaba abantu; sebebe lami okwensuku ezintathu, kodwa bengadli lutho.\wj* 
\v 3 \wj Ngingababuyisela emakhaya belambile bazayatha endleleni ngoba abanye babo bavela khatshana.”\wj*
\p
\v 4 Abafundi bakhe baphendula bathi, “Kodwa kungaphi endaweni emi yodwa kanje umuntu angathola khona izinkwa ezanele ukubapha?”
\p
\v 5 UJesu wababuza wathi, \wj “Lilezinkwa ezingaki na?”\wj*
\p Bathi, “Eziyisikhombisa.”
\p
\v 6 Wasetshela ixuku labantu ukuthi lihlale phansi. Wathi esezithethe izinkwa eziyisikhombisa njalo esebongile, wazihlephula waziqhubela abafundi bakhe ukuba baqhubele abantu. Lakanye benza khonokho. 
\v 7 Njalo babelenhlanzi ezincane ezimbalwa, wazikhulekela lazo wathi abafundi bazabele abantu. 
\v 8 Abantu badla basutha. Ngemva kwalokho abafundi badobha imvuthu kwagcwala izitsha eziyisikhombisa. 
\v 9 Ababekhona kwakungamadoda azinkulungwane ezine. Esebabuyisele emakhaya, 
\v 10 wangena esikepeni labafundi bakhe baya emangweni waseDalimanutha.
\p
\v 11 AbaFarisi beza baqalisa ukumbuza uJesu. Bamlinga ngokuthi kabatshengise isibonakaliso esivela ezulwini. 
\v 12 Wakhokha umoya ngamandla wathi, \wj “Kungani isizukulwane lesi sicela isibonakaliso? Ngiqinisile ngithi kini, kakulasibonakaliso esizakuphiwa lesisizukulwane.”\wj* 
\v 13 Wasesuka kubo wabuyela esikepeni wachaphela ngakwelinye iphetsheya.
\s1 Imvubelo YabaFarisi LoHerodi
\p
\v 14 Abafundi bakhohlwa ukuza lesinkwa ngaphandle kwesisodwa ababelaso esikepeni. 
\v 15 UJesu wabaxwayisa wathi, \wj “Limukani, liqaphele imvubelo yabaFarisi lekaHerodi.”\wj*
\p
\v 16 Bakhulumisana ngalokhu bathi, “Utsho ngoba singelasinkwa.”
\p
\v 17 UJesu wakunanzelela ababekukhuluma, wasebabuza wathi, \wj “Kungani likhuluma ngokungabi lasinkwa na? Lilokhu lingaboni njalo lingazwisisi na? Inhliziyo zenu sezintunyile na?\wj* 
\v 18 \wj Kungani lithi lilamehlo lehluleke ukubona, lilezindlebe lehluleke ukuzwa? Kalikhumbuli yini?\wj* 
\v 19 \wj Ngize ngihlephunele abazinkulungwane ezinhlanu izinkwa ezinhlanu labutha izitsha ezingaki zemvuthu?”\wj*
\p Bathi, “Ezilitshumi lambili.”
\p
\v 20 \wj “Ngize ngihlephunele abazinkulungwane ezine izinkwa eziyisikhombisa labutha imvuthu kwaba yizitsha ezingaki na?”\wj*
\p Baphendula bathi, “Eziyisikhombisa.”
\p
\v 21 Wasesithi kubo, \wj “Lilokhu lingezwisisi yini?”\wj*
\s1 Ukusiliswa Kwesiphofu EBhethisayida
\p
\v 22 Bafika eBhethisayida, abanye abantu baletha indoda eyayiyisiphofu bancenga uJesu ukuba ayibeke izandla. 
\v 23 Wasithatha isiphofu leso wasibamba ngesandla wasiholela ngaphandle komuzi. Esekhafulele emehlweni aso wasibeka izandla uJesu wabuza wathi, \wj “Kukhona okubonayo na?”\wj*
\p
\v 24 Sathalaza sathi, “Ngibona abantu; bakhangeleka njengezihlahla ezihambahambayo.”
\p
\v 25 UJesu waphinde wabeka izandla zakhe emehlweni ayo indoda leyo. Amehlo ayo avuleka, yabona kuhle, isibona zonke izinto kakuhle. 
\v 26 UJesu wayibuyisela ekhaya layo wathi, \wj “Ungayi edolobheni ukuyakhuluma ngale indaba.”\wj*
\s1 Ubufakazi BukaPhethro NgoKhristu
\p
\v 27 UJesu labafundi bakhe baya emizini eduze leKhesariya Filiphi. Besendleleni wababuza wathi, \wj “Kambe abantu bathi ngingubani?”\wj*
\p
\v 28 Baphendula bathi, “Abanye bathi unguJohane uMbhaphathizi; abanye bathi ungu-Elija; njalo abanye bathi ungomunye wabaphrofethi.”
\p
\v 29 Wasebabuza wathi, \wj “Kodwa lina-ke? Lithi ngingubani?”\wj*
\p UPhethro waphendula wathi, “UnguKhristu.”
\p
\v 30 UJesu wabaqonqosela ukuthi bangatsheli muntu ngaye.
\s1 UJesu Ukhuluma Ngokufa Kwakhe
\p
\v 31 Waqalisa ukubafundisa ngokuthi iNdodana yoMuntu imele ihlupheke kakhulu, yaliwe ngabadala bebandla, abaphristi abakhulu labafundisi bomthetho, njalo lokuthi kumele ibulawe kuthi ngemva kwensuku ezintathu ivuke njalo. 
\v 32 Wakukhuluma kamhlophe lokho, uPhethro wamdonsela eceleni waqalisa ukumkhuza.
\p
\v 33 Kodwa waphenduka wakhangela abafundi bakhe, wasemkhuza uPhethro wathi, \wj “Suka emuva kwami, Sathane! Kawunakani ngezinto zikaNkulunkulu, kodwa ngezinto zabantu.”\wj*
\s1 Indlela Yesiphambano
\p
\v 34 Wasebiza ixuku labantu kanye labafundi bakhe wathi, \wj “Nxa umuntu efuna ukungilandela, kumele azidele athathe isiphambano sakhe angilandele.\wj* 
\v 35 \wj Ngoba yilowo ofuna ukulondoloza impilo yakhe izamlahlekela, kodwa olahlekelwa yimpilo yakhe ngenxa yami kanye levangeli uzayilondoloza.\wj* 
\v 36 \wj Kumsizani umuntu ukuzuza wonke umhlaba, kodwa alahlekelwe ngumphefumulo wakhe?\wj* 
\v 37 \wj Loba, kuyini umuntu angakunika kube yinhlawulo yomphefumulo wakhe na?\wj* 
\v 38 \wj Nxa umuntu eyangeka ngami kanye lamazwi ami kulesi isizukulwane esifebayo lesonayo, iNdodana yoMuntu izakuyangeka ngaye nxa isifika enkazimulweni kaYise lezingilosi ezingcwele.”\wj*
\c 9
\p
\v 1 Wasesithi kubo, \wj “Ngilitshela iqiniso ukuthi abanye abemiyo lapha kabayikukuzwa ukufa bengakawuboni umbuso kaNkulunkulu ufika ngamandla.”\wj*
\s1 Ukuguquka Isimo
\p
\v 2 Ngemva kwensuku eziyisithupha uJesu wathatha uPhethro, loJakhobe loJohane wakhwela labo entabeni ephakemeyo lapho ababa bodwa khona. Bekhona lapho waguquka isimo emehlweni abo. 
\v 3 Izigqoko zakhe zaba mhlophe njengokukhanya, zaba mhlophe okungazake kwenziwe muntu emhlabeni. 
\v 4 Khonapho kwabonakala u-Elija loMosi bekhuluma loJesu.
\p
\v 5 UPhethro wathi kuJesu, “Rabi, kumnandi kithi ukuba lapha. Kasakhe izihonqo ezintathu esakho, esinye esikaMosi lesinye esika-Elija.” 
\v 6 (Wayengazi ukuthi athini, babesesaba kakhulu.)
\p
\v 7 Kwabuya iyezi labagubuzela, ilizwi labuya livela eyezini lisithi, “Lo yiNdodana yami, engiyithandayo. Ilaleleni!”
\p
\v 8 Khonokho nje bathi bayakhangela kababe besabona muntu eduze kwabo ngaphandle kukaJesu.
\p
\v 9 Bathi sebesehla entabeni uJesu wabanika imilayo yokuthi bangatsheli muntu ngabakubonileyo iNdodana yoMuntu ize iqale ivuke kwabafileyo. 
\v 10 Indaba le bayigcina ezifubeni zabo, bebuzana ukuthi, “ukuvuka kwabafileyo” kwakusitshoni.
\p
\v 11 Bambuza bathi, “Kungani abafundisi bomthetho besithi u-Elija kumele afike kuqala?”
\p
\v 12 UJesu waphendula wathi, \wj “Ngeqiniso u-Elija uza kuqala abuyisele izinto zonke esimeni sazo. Kungani pho kulotshiwe ukuthi iNdodana yoMuntu imele ihlupheke kakhulu yaliwe?\wj* 
\v 13 \wj Kodwa ngiyalitshela, u-Elija usefikile, sebemenze konke ababekufisa kuye njengoba kulotshiwe ngaye.”\wj*
\s1 Ukusiliswa Komfana Olomoya Omubi
\p
\v 14 Bathi befika kwabanye abafundi babona bebuthanelwe ngabantu abanengi kulabafundisi bomthetho bephikisana labo. 
\v 15 Abantu bonke bonela ukubona uJesu bamangala kakhulu bamgijimela besiyambingelela.
\p
\v 16 Wabuza wathi, \wj “Kuyini eliphikisana labo ngakho na?”\wj*
\p
\v 17 Kwaphendula indoda ethile exukwini yathi, “Mfundisi, ngikulethele indodana yami ilomoya oyenza ibe yisimungulu. 
\v 18 Uthi ungayibamba uyilahlele phansi. Isuka ibhubhudle amagwebu, igedle amazinyo, yome qha umzimba. Ngibacelile abafundi bakho ukuthi bawukhuphe umoya, kodwa behluleka.”
\p
\v 19 UJesu waphendula wathi, \wj “Oh, lina sizukulwane esingakholwayo, ngizahlala lani kuze kube nini na? Ngilibekezelele kuze kube nini? Mletheni kimi umfana.”\wj*
\p
\v 20 Basebemletha kuye. Umoya wonela ukumbona uJesu wamlahla phansi umfana wazigiqagiqa ekhihliza amagwebu ngomlomo.
\p
\v 21 UJesu wabuza uyise womfana wathi, \wj “Sekulesikhathi esingakanani enje umfana?”\wj*
\p Wathi, “Kusukela ebuntwaneni. 
\v 22 Kuhlezi kumphosela emlilweni loba emanzini kufuna ukumbulala. Kodwa nxa kukhona ongakwenza ake usihawukele usisize.”
\p
\v 23 UJesu wathi, \wj “Uthi ‘engingakwenza?’ Yonke into iyeneliseka kulowo okholwayo.”\wj*
\p
\v 24 Masinyane uyise womfana wamemeza wathi, “Ngiyakholwa; ake ungisize ngehlule ukungakholwa kwami!”
\p
\v 25 UJesu esebona ukuthi ixuku laligijimela kuye wawukhuza umoya omubi wathi, \wj “Wena moya oyisacuthe lesimungulu, ngiyakulaya mina, ngithi phuma kuye ungaphindi ungene kuye futhi.”\wj*
\p
\v 26 Umoya waklabalala, wamgiqa phansi umfana, waphuma emva kokumhlukuluza okukhulu. Umfana wathi daca, waba njengesidumbu, abanengi bathi, “Usefile.” 
\v 27 Kodwa uJesu wambamba ngesandla wamdonsa wamisa ngezinyawo wema.
\p
\v 28 UJesu esesukile wayangena endlini abafundi bakhe bambuza ngasese bathi, “Kungani sehlulekile ukuwuxotsha na?”
\p
\v 29 Waphendula wathi, \wj “Lolu uhlobo luphuma ngomkhuleko kuphela.”\wj*
\s1 UJesu Ukhuluma Okwesibili Ngokufa Kwakhe
\p
\v 30 Basuka kuleyondawo badabula eGalile. UJesu kazange afune ukuthi kube khona owaziyo ukuthi babengaphi, 
\v 31 ngoba wayefundisa abafundi bakhe. Wathi kubo, \wj “INdodana yoMuntu izanikelwa ezandleni zabantu. Bazayibulala, kuthi ngemva kwensuku ezintathu izavuka.”\wj* 
\v 32 Kodwa kabezwisisanga ukuthi wayesitshoni njalo besaba ukumbuza ngakho.
\s1 Ngubani Omkhulu Kulabo Bonke?
\p
\v 33 Bafika eKhaphenawume. Wathi esendlini wababuza wathi, \wj “Beliphikisana ngani endleleni?”\wj* 
\v 34 Kodwa bathula zwi ngoba endleleni babephikisana ngokuthi ngubani omkhulu kulabanye bonke.
\p
\v 35 Wahlala phansi uJesu wabiza abalitshumi lambili wathi kubo, \wj “Nxa ekhona ofuna ukuba ngowokuqala, kabe ngosekucineni, abe yisisebenzi sabo bonke.”\wj*
\p
\v 36 Wathatha umntwana omncinyane wamisa phakathi kwabo. Wamthatha wamanga wathi kubo, 
\v 37 \wj “Yilowo owamukela oyedwa walababantwana abancinyane ebizweni lami wamukela mina; njalo lowo ongamukelayo kemukeli mina, kodwa wamukela lowo owangithumayo.”\wj*
\s1 Ongaphikisani Lathi Umi Lathi
\p
\v 38 UJohane wathi, “Mfundisi, sibone indoda ikhupha amadimoni ngebizo lakho, sayenqabela ngoba ingayisuye omunye wethu.”
\p
\v 39 UJesu wathi, \wj “Lingamaleli. Kakho ongenza umangaliso ngebizo lami aphinde masinyane ajike akhulume okubi ngami,\wj* 
\v 40 \wj ngoba lowo ongamelani lathi ukanye lathi.\wj* 
\v 41 \wj Ngilitshela iqiniso, lowo olipha inkezo yamanzi ngebizo lami ngoba lingabakaKhristu ngempela akayikulahlekelwa ngumvuzo wakhe.”\wj*
\s1 Ukwenzisa Isono
\p
\v 42 \wj “Nxa umuntu ekhubekisa oyedwa walaba abancinyane abakholwa kimi ukuba enze isono, bekungaba ngcono kuye ukuthi aphoselwe olwandle ebotshelwe ilitshe elikhulu entanyeni yakhe.\wj* 
\v 43 \wj Nxa isandla sakho sikwenza wone, siqume. Kungcono kuwe ukuthi ungene ekuphileni ungungini kulokuya esihogweni ulezandla ezimbili, lapho umlilo wakhona ongacitshiyo,\wj* [
\v 44 \wj lapho\wj*
\q1 \wj ‘impethu yakhona engafiyo\wj*
\q2 \wj lomlilo wakhona ongacitshiyo.’\wj*]\f + \fr 9.44 \fr*\ft Livesi ayikho kwamanye amaBhayibhili esiLungu.\ft*\f*
\m
\v 45 \wj Njalo nxa unyawo lwakho lukwenzisa isono, luqume. Kungcono kuwe ukuthi ungene ekuphileni uyisilima kulokuthi ulenyawo ezimbili uphoselwe esihogweni,\wj* [
\v 46 \wj lapho\wj*
\q1 \wj ‘impethu zakhona ezidlayo zingafi\wj*
\q2 \wj lomlilo ongacitshiyo.’\wj*]\f + \fr 9.46 \fr*\ft Livesi ayikho kwamanye amaBhayibhili esiLungu.\ft*\f*
\m
\v 47 \wj Njalo nxa ilihlo lakho likwenza wone, likopole liphume. Kungcono kuwe ukungena embusweni kaNkulunkulu ulelihlo elilodwa kulokuba lamehlo amabili kodwa uphoselwe esihogweni,\wj* 
\v 48 \wj lapho\wj*
\q1 \wj ‘impethu zakhona ezidlayo zingafi,\wj*
\q2 \wj lomlilo ongacitshiyo.’\wj*\f + \fr 9.48 \fr*\ft U-Isaya 66.24\ft*\f*
\m
\v 49 \wj Umuntu wonke uzakuvuvuzelwa itswayi ngomlilo.\wj*
\p
\v 50 \wj Itswayi lilungile, kodwa nxa lingalahlekelwa yibumunyu balo, ungalivuselela njani na? Wobani letswayi ngaphakathi kwenu, lihlalisane ngokuthula.”\wj*
\c 10
\s1 Ukuchitha Umtshado
\p
\v 1 UJesu wasesuka kuleyondawo waya emangweni waseJudiya langaphetsheya kweJodani. Njalo kweza kuye amaxuku abantu, kwathi njengenjayelo yakhe wabafundisa.
\p
\v 2 Abanye abaFarisi beza bamlinga ngokumbuza bathi, “Kusemthethweni yini ukuthi indoda imale umfazi wayo na?”
\p
\v 3 Waphendula wathi, \wj “UMosi walilaya wathini?”\wj*
\p
\v 4 Bathi, “UMosi wayivumela indoda ukuthi ibhale incwadi yokuquma umtshado ibisimxotsha.”
\p
\v 5 UJesu waphendula wathi, \wj “Kwakungenxa yokuthi zazilukhuni inhliziyo zenu okwenza uMosi walibhalela umthetho lo.\wj* 
\v 6 \wj Kodwa ekuqaleni kwendalo uNkulunkulu ‘wabenza baba ngowesilisa lowesifazane.’\wj*\f + \fr 10.6 \fr*\ft UGenesisi 1.27\ft*\f* 
\v 7 \wj ‘Ngalesisizatho indoda izatshiya uyise lonina imanyane lomfazi wayo,\wj* 
\v 8 \wj kuthi labo bobabili babe nyamanye.’\wj*\f + \fr 10.8 \fr*\ft UGenesisi 2.24\ft*\f* \wj Yikho kabasebabili, sebemunye.\wj* 
\v 9 \wj Ngakho, lokho uNkulunkulu asekuhlanganisile akungehlukaniswa muntu.”\wj*
\p
\v 10 Bathi sebengenile endlini njalo, abafundi bambuza uJesu ngalokhu. 
\v 11 Waphendula wathi, \wj “Loba ngubani olahla umfazi wakhe athathe omunye umfazi uyafeba kuye.\wj* 
\v 12 \wj Laye nxa elahla indoda yakhe endele kwenye, uyafeba.”\wj*
\s1 Abantwana Abancinyane LoJesu
\p
\v 13 Abantu babeletha abantwana abancinyane kuJesu ukuze ababeke izandla, kodwa abafundi babakhuza. 
\v 14 UJesu wathi ekubona lokho wacaphuka. Wathi kubo, \wj “Yekelani abantwana abancane beze kimi, lingabavaleli, ngoba umbuso kaNkulunkulu ungowabanjengalaba.\wj* 
\v 15 \wj Ngiqinisile ngithi kini, lowo ongayikwemukela umbuso kaNkulunkulu njengomntwana omncane kayikungena kuwo.”\wj* 
\v 16 Wasebathatha abantwana ebaphatha, wababeka izandla wababusisa.
\s1 Ijaha Elalinothile
\p
\v 17 UJesu wathi esesuka ehamba, indoda yagijimela kuye yafika yazilahla ngamadolo phambi kwakhe. Yabuza yathi, “Mfundisi olungileyo, ngingenzani ukuze ngizuze ilifa lokuphila kwaphakade na?”
\p
\v 18 UJesu waphendula wathi, \wj “Ungibizelani ngokuthi ngilungile na? Kakho olungileyo ngaphandle kukaNkulunkulu kuphela.\wj* 
\v 19 \wj Uyayazi imilayo: ‘Ungabulali, ungafebi, ungebi, ungaphi ubufakazi bamanga, ungadlelezeli, hlonipha uyihlo lonyoko.’\wj*\f + \fr 10.19 \fr*\ft U-Eksodasi 20.12-16; UDutheronomi 5.16-20\ft*\f*\wj ”\wj*
\p
\v 20 Wachaza wathi, “Mfundisi zonke lezi izinto ngiyazigcina kusukela ngisesengumfana.”
\p
\v 21 UJesu wamkhangela wamthanda. Wathi, \wj “Usilela ngento eyodwa. Hamba uyethengisa konke olakho uphe abampofu, lapho-ke inotho yakho izakuba sezulwini. Ubusubuya ungilandele.”\wj*
\p
\v 22 Isizwa lokhu indoda yathelwa ngamanzi. Yasukuma yahamba isidanile ngoba yayinothile kakhulu.
\p
\v 23 UJesu wathalaza wasesithi kubafundi bakhe, \wj “Koba nzima kakhulu ukuthi isinothi singene embusweni kaNkulunkulu!”\wj*
\p
\v 24 Abafundi bamangaliswa ngamazwi akhe lawo. Kodwa uJesu waphinda wathi, \wj “Bantwana, kunzima kanganani ukungena embusweni kaNkulunkulu!\wj* 
\v 25 \wj Kulula ukuba ikamela lingene embotsheni yenalithi kulokuba umuntu onothileyo angene embusweni kaNkulunkulu.”\wj*
\p
\v 26 Abafundi bamangala okwedlulayo, bathi omunye komunye, “Pho ngubani ongasindiswa na?”
\p
\v 27 UJesu wabakhangela wathi, \wj “Ngokwabantu kakwenzeki, kodwa hatshi ngoNkulunkulu; zonke izinto ziyenzakala ngoNkulunkulu.”\wj*
\p
\v 28 UPhethro wathi kuye, “Sesitshiye konke ukuba sikulandele!”
\p
\v 29 UJesu waphendula wathi, \wj “Ngilitshela iqiniso ngithi kakho osetshiye ikhaya kumbe abafowabo, loba odadewabo, kumbe unina loba uyise, loba umntwana kumbe amasimu ngenxa yami levangeli\wj* 
\v 30 \wj ozakwehluleka ukwamukeliswa okuphindwe ngekhulu kuso lesi isikhathi samanje: amakhaya, abafowabo, odadewabo, onina, abantwana lamasimu, kwengezwe ukuhlukunyezwa, lasesikhathini esizayo, ukuphila kwaphakade.\wj* 
\v 31 \wj Kodwa abanengi abangabokuqala bazakuba ngabokucina, abokucina babe ngabokuqala.”\wj*
\s1 UJesu Ufanisa Ukufa Kwakhe Njalo
\p
\v 32 Babesendleleni besiya eJerusalema, uJesu ekhokhele, abafundi bedidekile, kwathi labo ababelandela babesesaba. Waphinda njalo wathatha abalitshumi lambili wabadonsela eceleni wabatshela lokho okwakuzakwenzakala kuye. 
\v 33 Wathi, \wj “Sesisiya eJerusalema, iNdodana yoMuntu izanikelwa kubaphristi abakhulu labafundisi bomthetho. Bazayigwebela ukufa bayinikele kwabeZizwe,\wj* 
\v 34 \wj abazayiyangisa, bayikhafulele, bayitshaye njalo bayibulale. Ngemva kwensuku ezintathu izavuka.”\wj*
\s1 Isicelo SikaJakhobe LoJohane
\p
\v 35 Kwathi uJakhobe loJohane, amadodana kaZebhediya, beza kuye. Bathi, “Mfundisi, sifuna ukuthi usenzele loba yini esiyicelayo.”
\p
\v 36 Wababuza wathi, \wj “Lifuna ukuthi ngilenzeleni?”\wj*
\p
\v 37 Baphendula bathi, “Wothi omunye wethu ahlale ngakwesokunene kwakho, kuthi omunye kwesokhohlo ebukhosini bakho.”
\p
\v 38 UJesu wathi, \wj “Kalikwazi elikucelayo. Lingayinatha na inkezo engiyinathayo kumbe libhaphathizwe ngobhaphathizo engibhaphathizwa ngalo, na?”\wj*
\p
\v 39 Baphendula bathi, “Singakwenza.”
\p UJesu wathi kubo, \wj “Lizayinatha inkezo engiyinathayo njalo libhaphathizwe ngobhaphathizo engibhaphathizwa ngalo,\wj* 
\v 40 \wj kodwa ukuhlala kwesokunene kumbe kwesokhohlo kwami kakusikho kwami ukukuvumela. Izindawo lezi ngezalabo abazilungiselweyo.”\wj*
\p
\v 41 Kwathi abalitshumi bekuzwa lokhu bazondela uJakhobe loJohane. 
\v 42 UJesu wababizela ndawonye wathi, \wj “Liyakwazi ukuthi labo abangababusi kwabeZizwe bababusa kalukhuni, lezinduna zabo ezinkulu zitshengisa amandla phezu kwabo.\wj* 
\v 43 \wj Akunjalo kini. Kodwa lowo othanda ukuba mkhulu phakathi kwenu kumele abe yinceku yenu,\wj* 
\v 44 \wj lalowo ofuna ukuba ngowokuqala kabe yisigqili senu lonke.\wj* 
\v 45 \wj Ngoba leNdodana yoMuntu kayibuyelanga ukuzokhonzwa, kodwa ukuzokhonza lokunikela impilo yayo njengenhlawulo yabanengi.”\wj*
\s1 Isiphofu UBhatholomewu Uvulwa Amehlo
\p
\v 46 Basebefika eJerikho. Kwathi uJesu labafundi bakhe kanye lexuku elikhulu sebesuka edolobheni, indoda eyisiphofu, uBhathimewu (kutsho indodana kaThimewu) yayihlezi eceleni kwendlela icela. 
\v 47 Yathi isizwa ukuthi kwakunguJesu waseNazaretha yamemeza yathi, “Jesu, Ndodana kaDavida, ake ungihawukele!”
\p
\v 48 Abanengi bayikhuza bathi kayithule, kodwa yaqhubeka yamemeza ngamandla isithi, “Ndodana kaDavida, ake ungihawukele!”
\p
\v 49 UJesu wema wathi, \wj “Mbizeni.”\wj*
\p Basebeyibiza indoda eyisiphofu bathi, “Thokoza ndoda! Phakama! Uyakubiza.” 
\v 50 Walahla ijazi lakhe phansi wasukuma weza kuJesu.
\p
\v 51 UJesu wambuza wathi, “Ufuna ngikwenzeleni na?”
\p Indoda eyisiphofu yathi, “Rabi, ngifuna ukuthi ngibone.”
\p
\v 52 UJesu wathi, “Hamba-ke, ukukholwa kwakho sekukusilisile.” Masinyane yahle yabona yasilandela uJesu endleleni.
\c 11
\s1 Ukungena Ngobukhosi EJerusalema
\p
\v 1 Bathi sebesondele eJerusalema bafika eBhethifage leBhethani eNtabeni yama-Oliva. UJesu wathuma abafundi bakhe ababili 
\v 2 wathi kubo, \wj “Yanini emzini ophambi kwenu, okuzakuthi nxa lingena kuwo lizabona inkonyane kababhemi engakaze igadwe muntu ibotshelwe khonapho. Ikhululeni liyilethe lapha.\wj* 
\v 3 \wj Nxa kungaba lozalibuza ukuthi, ‘Likwenzeleni lokho na?’ limtshele ukuthi, ‘INkosi iyalifuna, izalibuyisa masinyane.’ ”\wj*
\p
\v 4 Bahamba bathola inkonyane kababhemi phandle maqondana lomnyango ibotshelwe. Bayikhulula, 
\v 5 abantu ababemi khonapho babuza bathi, “Lenzani, liyikhululelani inkonyane leyo na?” 
\v 6 Baphendula njengoba uJesu wayebatshelile, abantu basebebayekela bahamba. 
\v 7 Sebelilethile ithole kuJesu bendlala amajazi abo phezu kwalo uJesu waseligada. 
\v 8 Abantu abanengi bendlala amajazi abo endleleni, kukanti abanye bendlala ingatsha abaziqamula emasimini. 
\v 9 Labo ababehamba phambili lalabo ababelandela bamemeza besithi,
\q1 “Hosana!”\f + \fr 11.9 \fr*\ft AmaHubo 118.25-26\ft*\f*
\b
\q1 “Ubusisiwe lowo obuya ngebizo leNkosi!”
\b
\q1
\v 10 “Ubusisiwe umbuso ozayo okababa wethu uDavida!”
\b
\q1 “Hosana ezulwini eliphezulu!”
\p
\v 11 UJesu wangena eJerusalema waya ethempelini. Wathalaza wakhangela konke, kodwa kwathi ngoba kwasekuhlwile wehlela eBhethani labalitshumi lambili.
\s1 UJesu Uhlambulula IThempeli
\p
\v 12 Ngelanga elilandelayo bathi besuka eBhethani uJesu wayeselambile. 
\v 13 Wabona bucwadlana isihlahla somkhiwa sihlumile amahlamvu, wasondela ukuyabona ingabe sasilezithelo yini. Wafika wabona kungamahlamvu kuphela ngoba kwakungasiso isikhathi sezithelo zomkhiwa. 
\v 14 Wasesithi esihlahleni, \wj “Akungabi lamuntu lanini ozaphinda adle izithelo zakho.”\wj* Abafundi bakhe bamuzwa esitsho lokho.
\p
\v 15 Bathi befika eJerusalema uJesu wangena egumeni lethempeli wafika wabaxotsha labo ababethenga lababethengisa khona. Wagenqula amatafula abantshintshi bezimali lezihlalo zababethengisa amajuba, 
\v 16 kaze avumela muntu ukungenisa okuthengiswayo ezindlini zethempeli. 
\v 17 Wathi esabafundisa wathi, \wj “Kakulotshwanga yini ukuthi: ‘Indlu yami izabizwa ngokuthi yindlu yokukhuleka ezizweni zonke’\wj*\f + \fr 11.17 \fr*\ft U-Isaya 56.7\ft*\f*\wj ? Kodwa lina seliyenze ‘ubhalu lwabaphangi.’\wj*\f + \fr 11.17 \fr*\ft UJeremiya 7.11\ft*\f* \wj ”\wj*
\p
\v 18 Abaphristi abakhulu labafundisi bomthetho bakuzwa lokhu basebeqalisa ukudinga indlela yokumbulala, ngoba babemesaba ngoba ixuku lonke lalimangaliswa yikufundisa kwakhe.
\p
\v 19 Kusihlwa baphuma edolobheni.
\s1 Umkhiwa Obunileyo
\p
\v 20 Ekuseni babehambahamba basebebona isihlahla somkhiwa esasibunile kusukela empandeni. 
\v 21 UPhethro wakhumbula wasesithi kuJesu, “Rabi, khangela! Isihlahla somkhiwa owasiqalekisayo sibunile!”
\p
\v 22 UJesu waphendula wathi, \wj “Woba lokholo kuNkulunkulu.\wj* 
\v 23 \wj Ngilitshela iqiniso ukuthi nxa omunye esithi entabeni le, ‘Suka, ziphosele olwandle,’ engelakuthandabuza enhliziyweni yakhe, kodwa ekholwa ukuthi lokho akutshoyo kuzakwenzakala, kuzakwenziwa kuye.\wj* 
\v 24 \wj Ngakho ngiyalitshela ukuthi loba kuyini elikucelayo ngomkhuleko, kholwani ukuthi selikwamukele, sekuzakuba ngokwenu.\wj* 
\v 25 \wj Njalo nxa lisima likhuleka, nxa lilesikhwili komunye, mthetheleleni, ukuze uYihlo ezulwini alithethelele izono zenu.\wj* [
\v 26 \wj Kodwa nxa lingathetheleli, loYihlo osezulwini kazukulithethelela izono zenu.\wj*]\wj ”\wj*\f + \fr 11.26 \fr*\ft Livesi ayikho kwamanye amaBhayibhili esiLungu.\ft*\f*
\s1 Amandla KaJesu Ayathandabuzisa
\p
\v 27 Bafika njalo eJerusalema, kwathi uJesu ezihambela emagumeni ethempeli kweza kuye abaphristi abakhulu, labafundisi bomthetho kanye labadala. 
\v 28 Bambuza bathi, “Konke lokhu ukwenza ngawaphi amandla na? Ngubani owakupha amandla okwenza lokhu?”
\p
\v 29 UJesu waphendula wathi, \wj “Ngizalibuza umbuzo owodwa. Lingangiphendula ngizalitshela ukuthi ngizenza ngawaphi amandla lezizinto.\wj* 
\v 30 \wj Ukubhaphathiza kukaJohane, kwakuvela ezulwini loba ebantwini? Ngitshelani!”\wj*
\p
\v 31 Bahlanganisa amakhanda bathi, Singathi, “ ‘Kwakuvela ezulwini,’ uzabuza athi, ‘Kungani lingazange limkholwe?’ 
\v 32 Kodwa singathi, ‘Kwakuvela ebantwini’ … ” (Besaba abantu ngoba bonke babesithi ngeqiniso uJohane wayengumphrofethi.)
\p
\v 33 Ngakho bamphendula uJesu bathi, “Kasikwazi.”
\p UJesu wathi, \wj “Lami kangisalitsheli ukuthi izinto lezi ngizenza ngawaphi amandla.”\wj*
\c 12
\s1 Umzekeliso Wabaqhatshi Besivini
\p
\v 1 Wasekhuluma kubo ngemizekeliso wathi, \wj “Indoda yahlanyela isivini. Yakha umduli yasihonqolozela, yemba igodi lesihluzo yasisakha umphotshongo wesilindo. Yasiqhatshisa isivini kubalimi abathile yona yasuka yathatha uhambo.\wj* 
\v 2 \wj Ngesikhathi sokuvuna yathuma isisebenzi kubaqhatshi besivini ukuthi siyothatha ingxenye yezithelo zesivuno.\wj* 
\v 3 \wj Kodwa basidumela basitshaya basixotsha singaphathanga lutho.\wj* 
\v 4 \wj Yathuma esinye isisebenzi kubo; leyondoda bayitshaya ekhanda bayiphatha kubi.\wj* 
\v 5 \wj Yaphinde yathuma esinye njalo isisebenzi, leso bahle basigongoda basibulala. Yathuma ezinye ezinengi; ezinye zazo bazitshaya, ezinye bazibulala.\wj*
\p
\v 6 \wj Kwasekusele oyedwa wokuthuma, indodana, ayeyithanda. Wayithuma ekucineni kwabo bonke esithi, ‘Bazayihlonipha indodana yami.’\wj*
\p
\v 7 \wj Kodwa abaqhatshi besivini batshelana bathi, ‘Lo yindlalifa. Wozani, simbulale, ilifa libe ngelethu.’\wj* 
\v 8 \wj Ngakho bamthatha bambulala bamphosela ngaphandle kwesivini.\wj*
\p
\v 9 \wj Kambe kuyini azakwenza umnini wesivini na? Uzakuza afike ababulale labo baqhatshi besivini, isivini leso asinike abanye abalimi.\wj* 
\v 10 \wj Kalibalanga yini umbhalo lo othi:\wj*
\q1 \wj ‘Ilitshe elalahlwa ngabakhi\wj*
\q2 \wj seliyilona ilitshe lekhoneni;\wj*
\q1
\v 11 \wj iNkosi ikwenzile lokhu,\wj*
\q2 \wj kuyamangalisa emehlweni ethu’\wj*\f + \fr 12.11 \fr*\ft AmaHubo 118.22-23\ft*\f*\wj ?”\wj*
\p
\v 12 Basebedinga iqinga lokumbopha ngoba babesazi ukuthi wayekhulume umzekeliso lowo eqonde bona. Kodwa besaba ixuku labantu; basebemtshiya bahamba.
\s1 Ukuthela KuKhesari
\p
\v 13 Muva basebethumela abanye babaFarisi lamaHerodiya kuJesu ukuthi bambambe ngamazwi akhe. 
\v 14 Beza kuye bathi, “Mfundisi, siyakwazi ukuthi uyindoda eqotho. Kawuguqulwanga ngabantu ngoba kawulandeli ukuthi bangobani; kodwa ufundisa indlela kaNkulunkulu mayelana leqiniso. Kulungile yini ukuthela kuKhesari, kumbe hatshi? 
\v 15 Sithele yini kumbe hatshi?”
\p Kodwa uJesu wayekubona ukuzenzisa kwabo, wathi, \wj “Lizamelani ukungithiya na? Ake lingiphe idenari ngibone.”\wj* 
\v 16 Baluletha uhlamvu lolo, wasebabuza wathi, \wj “Ngumfanekiso kabani lo? Lombhalo ngokabani?”\wj*
\p Baphendula bathi, “NgokaKhesari.”
\p
\v 17 UJesu wasesithi kubo, \wj “Phanini uKhesari okukaKhesari loNkulunkulu okungokukaNkulunkulu.”\wj*
\p Bamangala kakhulu ngaye.
\s1 Ukuthathana Lokuvuka Ekufeni
\p
\v 18 Kwasekusithi abaSadusi abathi kakukho ukuvuka kwabafileyo, beza kuye belombuzo. 
\v 19 Bathi, “Mfundisi, uMosi wasibhalela ukuthi nxa umfowabo wendoda angafa atshiye umfazi, kodwa bengelabantwana, leyondoda kayimthathe umfelokazi izalele umfowabo abantwana. 
\v 20 Manje-ke, kwakulabafowabo abayisikhombisa. Owokuqala wathatha wasesifa engazalanga. 
\v 21 Owesibili wamthatha umfelokazi waphinda laye wafa engelamntwana. Kwabanjalo lakowesithathu. 
\v 22 Iqiniso yikuthi kakho kubo bonke beyisikhombisa owaba labantwana. Ekucineni kwafa yena umfazi. 
\v 23 Ekuvukeni kwabafileyo uzakuba ngumkabani njengoba bonke boyisikhombisa babemthethe?”
\p
\v 24 UJesu waphendula wathi, \wj “Kalilahleki yini ngoba lingayazi imibhalo loba amandla kaNkulunkulu?\wj* 
\v 25 \wj Nxa abafileyo sebevuka kabayikuthatha loba bende; bazakuba njengezingilosi ezulwini.\wj* 
\v 26 \wj Mayelana lokuvuka kwabafileyo, kalibalanga yini encwadini kaMosi, emlandweni wesixuku esasibhebha umlilo ukuthi uNkulunkulu wathi kuye, ‘NginguNkulunkulu ka-Abhrahama, uNkulunkulu ka-Isaka loNkulunkulu kaJakhobe’\wj*\f + \fr 12.26 \fr*\ft U-Eksodasi 3.6\ft*\f*\wj ?\wj* 
\v 27 \wj KasuNkulunkulu wabafileyo, kodwa owabaphilayo. Lilahlekile kakhulu!”\wj*
\s1 Umlayo Omkhulu Kulayo Yonke
\p
\v 28 Omunye wabafundisi bomthetho wafika wabezwa bephicana ngamazwi. Ngokubona ukuthi uJesu wayebaphe impendulo enhle, wabuza wathi, “Phakathi kwayo yonke imilayo yiwuphi oqakatheke okudlula yonke?”
\p
\v 29 UJesu waphendula wathi, “Oqakatheke kakhulu yilo: \wj ‘Zwana, wena Israyeli, iNkosi uNkulunkulu wethu, iNkosi yinye.\wj* 
\v 30 \wj Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke langamandla akho wonke.’\wj*\f + \fr 12.30 \fr*\ft UDutheronomi 6.4-5\ft*\f* 
\v 31 \wj Owesibili yilo: ‘Thanda umakhelwane wakho njengoba uzithanda.’\wj*\f + \fr 12.31 \fr*\ft ULevi 19.18\ft*\f* \wj Kawukho umlayo omkhulu kulale.”\wj*
\p
\v 32 Indoda yaphendula yathi, “Utsho kuhle, mfundisi. Uqondile nxa usithi uNkulunkulu munye, kakho omunye ngaphandle kwakhe. 
\v 33 Ukumthanda ngenhliziyo yakho yonke, ngokuzwisisa konke kwakho langamandla akho wonke, lokuthanda umakhelwane wakho njengoba uzithanda wena kuqakathekile kulayo yonke iminikelo yokutshiswa lemihlatshelo.”
\p
\v 34 UJesu wathi ebona ukuthi uphendule kuhle wathi kuye, \wj “Kawukho khatshana kombuso kaNkulunkulu.”\wj* Kusukela kulesosikhathi kakusabanga khona owaba lesibindi sokumbuza eminye imibuzo.
\s1 UKhristu UyiNdodana Kabani
\p
\v 35 Kwathi uJesu efundisa emagumeni ethempeli wabuza wathi, \wj “Kungani abafundisi bomthetho besithi uKhristu uyindodana kaDavida na?\wj* 
\v 36 \wj UDavida yena ngokwakhe ekhuluma ngoMoya oNgcwele wathi:\wj*
\q1 \wj ‘INkosi yathi eNkosini yami:\wj*
\q2 \wj “Hlala ngakwesokunene sami\wj*
\q1 \wj ngize ngibeke izitha zakho\wj*
\q2 \wj ngaphansi kwenyawo zakho.”\wj*\f + \fr 12.36 \fr*\ft AmaHubo 110.1\ft*\f*\wj ’\wj*
\m
\v 37 \wj UDavida yena ngokwakhe umbiza athi ‘Nkosi.’ Pho-ke angaba yindodana yakhe kanjani?”\wj*
\p Ixuku labantu elikhulu lamlalela ngokuthokoza.
\s1 Ukulimukisa NgabaFundisi BoMthetho
\p
\v 38 Wathi elokhu efundisa, uJesu wathi, \wj “Libananzelele abafundisi bomthetho. Bathanda ukuhambahamba becece ngezembatho ezinde eziphephezelayo lokube bebingelelwa emisikeni,\wj* 
\v 39 \wj futhi bathatha izihlalo eziphakemeyo emasinagogweni lezindawo zabahlonitshwa emadilini.\wj* 
\v 40 \wj Bahuquluza izindlu zabafelokazi njalo bazibonakalisa ngokwenza imikhuleko emide. Abantu abanjalo bazajeziswa kabuhlungu.”\wj*
\s1 Umnikelo Womfelokazi
\p
\v 41 UJesu wahlala phansi malungana lendawo yokunikela wakhangela inengi lifaka imali yalo esitsheni somnikelo ethempelini: Izikhulu ezinengi zazifaka imali ezwayo. 
\v 42 Kodwa kweza umfelokazi ongumyanga wafaka okuzinhlamvana kwethusi okubili okulingana lengxenyana yendibilitshi.
\p
\v 43 Esebizele kuye abafundi bakhe uJesu wathi kubo, \wj “Ngilitshela iqiniso ukuthi umfelokazi lo ongumyanga ufake okunengi esitsheni somnikelo kulabo bonke.\wj* 
\v 44 \wj Bona bonke baphe ngokwenotho yabo, kodwa yena, ebuyangeni bakhe ufake konke abelakho ukuthi kumphilise.”\wj*
\c 13
\s1 Ukubhidlizwa KweThempeli Lezibonakaliso Zokucina Kwesikhathi
\p
\v 1 Wathi esuka ethempelini omunye wabafundi wathi kuye, “Khangela, Mfundisi! Amatshe anganani! Bona ubuhle bezindlu!”
\p
\v 2 UJesu waphendula wathi, \wj “Liyazibona yini zonke lezi izindlu ezinkulu kangaka? Kakuyikusala litshe phezu kwelinye; wonke azaphoselwa phansi.”\wj*
\p
\v 3 Kwathi uJesu ehlezi eNtabeni yama-Oliva malungana lethempeli uPhethro, loJakhobe, loJohane lo-Andreya bambuza ngasese bathi, 
\v 4 “Sitshele, zizakwenzakala nini izinto lezi? Njalo kuzakuba lesibonelo bani ukuthi sezizagcwaliseka?”
\p
\v 5 UJesu wathi kubo: \wj “Qaphelani ukuze lingakhohliswa muntu.\wj* 
\v 6 \wj Banengi abazakuza ngebizo lami, besithi, ‘Nginguye,’ bakhohlise abanengi.\wj* 
\v 7 \wj Nxa lisizwa ngezimpi lamahungahunga ngezimpi, lingaze lethuka. Lezozinto kumele zenzakale, kodwa ukucina kulokhu kuseza.\wj* 
\v 8 \wj Isizwe sizavukela isizwe, lombuso uvukele umbuso. Kuzakuba lokuzamazama komhlaba ezindaweni ezinengi, lezindlala. Lezi ziyikuqala kokuhelelwa.\wj*
\p
\v 9 \wj Libohlala liqaphele. Bazalimangalela ezinkundleni zamacala njalo balibhaxabule emasinagogweni abo. Ngenxa yami lizamiswa phambi kwababusi lamakhosi libe ngofakazi kubo.\wj* 
\v 10 \wj Njalo ivangeli kufanele liqale litshunyayelwe ezizweni zonke.\wj* 
\v 11 \wj Lapho libotshwa njalo lilethwa emthethwandaba lingaze lazihlupha ngokuthi lizakuthini phambi kwabo. Khulumani ingqe yini eliyiphiwa ngalesosikhathi, ngoba kakusini elikhulumayo, kodwa nguMoya oNgcwele.\wj*
\p
\v 12 \wj Umfowabo uzanikela umfowabo ukuthi abulawe, loyise anikele umntanakhe. Abantwana bazahlamukela abazali babo bababulalise.\wj* 
\v 13 \wj Bonke abantu bazalizonda ngenxa yami, kodwa lowo oma aqine kuze kube sekupheleni uzasindiswa.\wj*
\p
\v 14 \wj Kodwa nxa libona ‘amanyala aletha incithakalo’\wj*\f + \fr 13.14 \fr*\ft UDanyeli 9.27; 11.31; 12.11\ft*\f* \wj kumi lapho okungesikwakhona, ofundayo kezwisise, lapho-ke akuthi labo abaseJudiya babalekele ezintabeni.\wj* 
\v 15 \wj Akungabikhona osephahleni lwendlu yakhe ozakwehla loba angene endlini ukuthatha ulutho.\wj* 
\v 16 \wj Akungabi loyedwa osensimini ozabuyela emuva ukuyathatha ijazi lakhe.\wj* 
\v 17 \wj Yeka ubulukhuni obuzakuba khona ngalezonsuku kwabesifazane abakhulelweyo labangabadlezane!\wj* 
\v 18 \wj Khulekani ukuthi lokhu kungenzakali ebusika,\wj* 
\v 19 \wj ngoba lezo zizakuba yizinsuku zokuhlukuluzeka okungakaze kube khona kwasekuqaleni, lapho uNkulunkulu adala umhlaba, kuze kube manje, njalo kakuzukubuye kube khona.\wj*
\p
\v 20 \wj Nxa iNkosi yayingaziphungulanga lezinsuku, kwakungeyi kuphepha muntu. Kodwa ngenxa yabakhethiweyo, eyabakhethayo, iziphungulile.\wj* 
\v 21 \wj Ngalesosikhathi nxa umuntu esithi kini, ‘Khangelani, nangu uKhristu!’ loba ‘Khangelani, nanguya,’ lingamkholwa.\wj* 
\v 22 \wj Ngoba oKhristu bamanga labaphrofethi bamanga bazavela benze izibonakaliso lezimangaliso ukukhohlisa abakhethiweyo, nxa lokho kungenzeka.\wj* 
\v 23 \wj Ngakho lilimuke; sengilitshelile konke ngaphambili.\wj*
\p
\v 24 \wj Kodwa ngalezonsuku, kulandela lokho kuhlukuluzeka,\wj*
\q1 \wj ‘ilanga lizafiphala,\wj*
\q2 \wj lenyanga kayiyikukhanya;\wj*
\q1
\v 25 \wj izinkanyezi zizakuwa esibhakabhakeni,\wj*
\q2 \wj lezisekelo zasezulwini zizazanyazanyiswa.’\wj*\f + \fr 13.25 \fr*\ft U-Isaya 13.10; 34.4\ft*\f*
\p
\v 26 \wj Ngalesosikhathi abantu bazayibona iNdodana yoMuntu isiza emayezini ilamandla amakhulu lobukhosi.\wj* 
\v 27 \wj Izathuma izingilosi zayo ziqoqe abakhethiweyo bayo kumagumbi womane omhlaba, kusukela emikhawulweni yomhlaba kusiya emikhawulweni yamazulu.\wj*
\p
\v 28 \wj Manje-ke, fundani lesisifundo esihlahleni somkhiwa: Amahlumela aso angaqalisa ukuba buthakathaka lamahlamvu aso ahlume, lihle lazi ukuthi ihlobo selisondele.\wj* 
\v 29 \wj Kanjalo-ke nxa lingabona lezizinto sezisenzakala, lazi ukuthi sekusondele, khonapho emnyango.\wj* 
\v 30 \wj Ngilitshela iqiniso, lesisizukulwane kasiyikudlula zize zenzakale zonke lezizinto.\wj* 
\v 31 \wj Izulu lomhlaba kuzedlula, kodwa amazwi ami kawayikwedlula lanini.”\wj*
\s1 Usuku Lesikhathi Kakwaziwa
\p
\v 32 \wj “Kodwa kakho olwaziyo lolosuku lehola, loba izingilosi zasezulwini, kumbe iNdodana, kodwa uBaba kuphela.\wj* 
\v 33 \wj Lindani! Qaphelani! Kalikwazi ukuthi sizafika nini lesosikhathi.\wj* 
\v 34 \wj Kunjengomuntu ezathatha uhambo: utshiya indlu yakhe ayinikele izisebenzi zakhe ukuba ziyilinde, yileso sabelwe owaso umsebenzi, atshele lowo olinda emnyango ukuthi aqaphele.\wj*
\p
\v 35 \wj Ngakho lindani ngoba kalikwazi ukuthi umninindlu uzabuya nini, mhlawumbe kusihlwa, kumbe phakathi kwamabili, loba inkukhu sezikhala kumbe emathathakusa.\wj* 
\v 36 \wj Nxa efika masinyane, akangalifici lilele.\wj* 
\v 37 \wj Engikutshoyo kini ngikutsho emuntwini wonke: ‘Lindani!’ ”\wj*
\c 14
\s1 UJesu Uyagcotshwa EBhethani
\p
\v 1 Kwasekusele insuku ezimbili kuphela ukuba ufike uMkhosi wePhasika loMkhosi weSinkwa esingelaMvubelo. Abaphristi abakhulu labafundisi bomthetho babedinga indlela ecatshileyo yokubopha uJesu ukuze bambulale. 
\v 2 Kodwa bathi, “Kakungabi ngesikhathi somkhosi, funa abantu benze isiphithiphithi.”
\p
\v 3 Kwathi eseBhethani eyeme etafuleni emzini wendoda eyayithiwa nguSimoni owayelobulephero, owesifazane weza ephethe imbodlela yamakha adulayo kakhulu, enziwe ngenadi elipheleleyo. Wayivula imbodlela wathela amakha ekhanda likaJesu.
\p
\v 4 Abanye balabo ababekhona bacaphuka babuzana bathi, “Udlaliselani amakha la? 
\v 5 Abengathengiswa ngokudlula umholo womnyaka wonke imali leyo iphiwe abampofu.” Bamkhuza ngokumkhahlameza kakhulu.
\p
\v 6 UJesu wathi, \wj “Myekeleni. Limkhathazelani kanti? Wenze into enhle kimi.\wj* 
\v 7 \wj Abampofu lizahlala lilabo, yikho lingabasiza noma yisiphi isikhathi elisifunayo. Kodwa kalisoze libe lami kokuphela.\wj* 
\v 8 \wj Wenze lokho abe lamandla okukwenza. Uthele amakha emzimbeni wami mandulo ukulungisela ukungcwatshwa kwami.\wj* 
\v 9 \wj Ngilitshela iqiniso ukuthi loba kungaphi okuzatshunyayelwa ivangeli emhlabeni wonke, lokho akwenzileyo kuzakhulunywa, kube yisikhumbuzo ngaye.”\wj*
\p
\v 10 Yikho uJudasi Iskariyothi, omunye wabalitshumi lambili waya kubaphristi abakhulu ukuyanikela uJesu kubo. 
\v 11 Bathokoza kakhulu bekuzwa lokhu, bathembisa ukumupha imali. Yikho walindela ithuba lokumnikela.
\s1 Isidlo SeNkosi
\p
\v 12 Ngelanga lokuqala loMkhosi weSinkwa esingelaMvubelo, lapho kwakungumkhuba ukwenza umhlatshelo wezinyane lePhasika, abafundi bakaJesu bambuza bathi, “Ufuna ukuthi seyekwenza ngaphi amalungiselelo okuthi udle iPhasika na?”
\p
\v 13 Ngakho wathuma ababili kubafundi bakhe wabatshela wathi, \wj “Yanini edolobheni, kuzakuthi indoda ezabe ithwele isigubhu samanzi izalihlangabeza. Ilandeleni.\wj* 
\v 14 \wj Libokuthi kumninindlu ezangena kuyo, ‘UMfundisi uyabuza uthi: Ingaphi indlu yezethekeli lapho engingadlela khona iPhasika labafundi bami?’\wj* 
\v 15 \wj Izalitshengisa ikamelo laphezulu elikhulu, elilungisiweyo. Senzeleni amalungiselelo khonapho.”\wj*
\p
\v 16 Abafundi basuka baya edolobheni bafica izinto zimi njengoba uJesu wayetshilo. Yikho basebelungisela iPhasika.
\p
\v 17 Kwathi kusihlwa uJesu wafika labalitshumi lambili. 
\v 18 Bathi beyeme etafuleni besidla wathi kubo, \wj “Ngilitshela iqiniso ukuthi omunye wenu uzanginikela, odla lami khonapha.”\wj*
\p
\v 19 Badana, bathi kuye ngamunye, “Pho kawutsho mina?”
\p
\v 20 Waphendula wathi, \wj “Ngomunye wabalitshumi lambili, omunye otsheba lami isinkwa emganwini.\wj* 
\v 21 \wj Indodana yoMuntu izahamba njengokulotshiweyo ngayo. Kodwa maye kuleyondoda enikela iNdodana yoMuntu! Kwakungaba ngcono kuyo aluba yayingazalwanga.”\wj*
\p
\v 22 Bathi belokhu besidla uJesu wathatha isinkwa, wabonga, wasihlephula, wasipha abafundi bakhe esithi, \wj “Sithatheni; lo ngumzimba wami.”\wj*
\p
\v 23 Wasethatha inkezo, esebongile, wabanika, bonke banatha kuyo.
\p
\v 24 Wathi kubo, \wj “Leli ligazi lami lesivumelwano, elichithelwa abanengi.\wj* 
\v 25 \wj Ngilitshela iqiniso ukuthi angisayikuphinda nginathe okwesithelo sevini njalo, kuze kube yilolosuku lapho engizakunatha khona kabutsha embusweni kaNkulunkulu.”\wj*
\p
\v 26 Bathi sebehlabele ihubo, baphuma baya eNtabeni yama-Oliva.
\s1 UJesu Ubonisa Ngokuphika KukaPhethro
\p
\v 27 UJesu wabatshela wathi, \wj “Lonke lizachitheka, ngoba kulotshiwe ukuthi:\wj*
\q1 \wj ‘Ngizatshaya umelusi,\wj*
\q2 \wj izimvu zihlakazeke.’\wj*\f + \fr 14.27 \fr*\ft UZakhariya 13.7\ft*\f*
\m
\v 28 \wj Kodwa ngemva kokuba sengivukile kwabafileyo, ngizalandulela ukuya eGalile.”\wj*
\p
\v 29 UPhethro walandula wathi, “Loba bonke bengahlakazeka, mina kangisoze ngikwenze.”
\p
\v 30 UJesu wamphendula wathi, \wj “Ngikutshela iqiniso ukuthi lamuhla lokhu, ngobusuku balamuhla, iqhude lingakakhali kabili, wena ngokwakho uzangiphika kathathu.”\wj*
\p
\v 31 Kodwa uPhethro waphika wagomela wathi, “Loba kungabe ngifanele ngife lawe, kangisoze ngikuphike.” Bonke abanye labo batsho khona lokho.
\s1 EGetsemane
\p
\v 32 Baya endaweni eyayithiwa yiGetsemane, uJesu wathi kubafundi bakhe, \wj “Hlalani lapha mina ngisayakhuleka.”\wj* 
\v 33 Wathatha uPhethro, uJakhobe loJohane wasuduluka labo, waseqala ukuhlulukelwa kakhulu lokukhathazeka. 
\v 34 Wathi kubo, \wj “Umphefumulo wami udabukile kakhulu kuze kuthi ngife. Hlalani lapha lilinde.”\wj*
\p
\v 35 Wahamba ibanganyana, wazilahla phansi wakhuleka ukuthi aluba kungenzeka lelohola lingedlula kuye. 
\v 36 Wathi, \wj “\+tl Abha,\+tl* Baba, konke kuyeneliseka kuwe. Ake ususe inkezo le kimi. Kodwa kakungabi yintando yami, kodwa kube yintando yakho.”\wj*
\p
\v 37 Wasephenduka kubafundi bakhe wabafica belele. Wathi kuPhethro, \wj “Simoni, ulele? Wehlulekile ukulinda ihola elilodwa kuphela?\wj* 
\v 38 \wj Lindani likhuleke ukuze lingaweli ekulingweni. Umoya uyathanda, kodwa umzimba ubuthakathaka.”\wj*
\p
\v 39 Waphinda wahamba wayakhuleka umkhuleko munye. 
\v 40 Wathi ekubuyeni wabafica njalo sebelele, ngoba ubuthongo babubaphethe. Baswela ukuthi bathini kuye.
\p
\v 41 Esebuya okwesithathu wathi kubo, \wj “Lilokhu lilele liphumula? Sekwanele! Isikhathi sesifikile. Khangelani, iNdodana yoMuntu isinikelwe ezandleni zezoni.\wj* 
\v 42 \wj Phakamani! Kasihambeni! Nangu usesiza onginikelayo.”\wj*
\s1 Ukubotshwa KukaJesu
\p
\v 43 Esakhuluma, uJudasi, omunye wabalitshumi lambili, wafika. Wayehamba lexuku behlomile ngezinkemba lezinduku, bethunyiwe ngabaphristi abakhulu labafundisi bomthetho kanye labadala.
\p
\v 44 Umthengisi wayelungise isiboniso sokubatshengisa wathi: “Lowo engizamanga nguye; limbophe lihle lihambe laye elindiwe.” 
\v 45 UJudasi wahle waqonda kuJesu wathi, “Rabi!” wamanga. 
\v 46 Amadoda ahle amdumela uJesu ambopha. 
\v 47 Kwasekusithi omunye owayemi khonapho wakhokha inkemba yakhe wagalela inceku yomphristi omkhulu wayiquma indlebe yayo.
\p
\v 48 UJesu wathi, \wj “Ngingumkhokheli womvukela yini, selingaze lize lihlomile ngezinkemba lezinduku ukuzangibamba?\wj* 
\v 49 \wj Bengilani insuku zonke ngifundisa emagumeni ethempeli, kodwa kalingibophanga. Kodwa iMibhalo kufanele igcwaliseke.”\wj* 
\v 50 Khonokho bonke bamtshiya babaleka.
\p
\v 51 Ijaha elalingagqokanga lutho ngaphandle kwelembu lelineni lalimlandela uJesu. Balibamba, 
\v 52 kodwa labaleka laze latshiya isembatho salo.
\s1 Phambi KoMphakathi ISanihedrini
\p
\v 53 UJesu bamthatha bamusa kumphristi omkhulu, kwathi bonke abaphristi abakhulu, labadala labafundisi bomthetho babuthana ndawonye. 
\v 54 UPhethro wamlandela ehambela khatshana, waze wayangena egumeni lomphristi omkhulu. Wahlala khonapho labalindi esotha umlilo.
\p
\v 55 Abaphristi abakhulu leSanihedrini yonke babedinga ubufakazi obumlahlayo uJesu ukuze bambulale, kodwa babuswela. 
\v 56 Abanengi bafakaza amanga ngaye, kodwa amazwi abo kawavumelananga.
\p
\v 57 Kwasekusukuma abanye bethula lobu ubufakazi bamanga ngaye, bathi, 
\v 58 “Samuzwa esithi, ‘Ngizalibhidliza ithempeli leli, elakhiwe ngabantu ngakhe elinye ngezinsuku ezintathu, elizabe lingasakhiwanga ngumuntu.’ ” 
\v 59 Lakulokhu kabuvumelananga ubufakazi babo.
\p
\v 60 Umphristi omkhulu wasesukuma phambi kwabo wabuza uJesu wathi, “Kawuyikuphendula na? Kuyini kanti lokhu okufakazwa ngamadoda la ngawe na?” 
\v 61 Kodwa uJesu wala elokhu ethule njalo kazange aphendule.
\p Umphristi omkhulu waphinde wambuza wathi, “Unguye uKhristu, iNdodana yoBusisiweyo na?”
\p
\v 62 UJesu wathi, \wj “Nginguye. Njalo lizayibona iNdodana yoMuntu ihlezi kwesokunene salowo Olamandla isehla ngamayezi ezulu.”\wj*
\p
\v 63 Umphristi omkhulu wadabula izigqoko zakhe wabuza wathi, “Sisabadingelani abanye ofakazi? 
\v 64 Selikuzwile ukuhlambaza. Lithini manje?”
\p Bonke bamlahla bathi ufanele ukufa. 
\v 65 Abanye basebeqalisa ukumkhafulela; bamvala amehlo ngokumbopha, bamdutshuza ngenqindi bathi, “Phrofitha!” Abalindi basebemthatha bayamtshaya.
\s1 UPhethro Ulandula UJesu
\p
\v 66 UPhethro wayengaphansi egumeni, enye yamantombazana ayeyizincekukazi zomphristi omkhulu yeza khonapho. 
\v 67 Yathi ibona uPhethro esotha umlilo yamkhangelisisa.
\p Yathi, “Lawe wawulomNazarini lowaya, uJesu.”
\p
\v 68 Walandula. Wathi, “Angikwazi njalo kangikuzwisisi lokho okhuluma ngakho.” Wahle waphuma waya esangweni.
\p
\v 69 Kuthe intombazana leyo isimbona khona lapho yathi kwababemi lapho, “Indoda le ingomunye wabo.” 
\v 70 Walandula njalo.
\p Ngemva kwesikhatshana ababemi lapho eduze kukaPhethro bathi, “Ngeqiniso ungomunye wabo, ngoba ungumGalile.”
\p
\v 71 Watshinga uPhethro, waziqalekisa wabuye wafunga kubo wathi, “Kangiyazi indoda le elikhuluma ngayo.”
\p
\v 72 Masinyane lakhala iqhude ngokwesibili. Khonapho uPhethro waselikhumbula ilizwi uJesu ayelitshilo kuye, ukuthi: \wj “Iqhude lingakakhali kabili uzangiphika kathathu.”\wj* Ngakho waphihlika wakhala.
\c 15
\s1 UJesu Ephambi KukaPhilathu
\p
\v 1 Ekuseni kakhulu abaphristi abakhulu, labadala, labafundisi bomthetho kanye leSanihedrini yonke bavumelana ngesinqumo sabo. Bambopha uJesu bamqhuba bayamethula kuPhilathu.
\p
\v 2 UPhilathu wambuza wathi, “Uyinkosi yamaJuda na?”
\p UJesu waphendula wathi, \wj “Usukutshilo lokho.”\wj*
\p
\v 3 Abaphristi abakhulu bamethesa amacala amanengi. 
\v 4 Ngakho uPhilathu wambuza njalo wathi, “Kanti kungani ungaphenduli na? Khangela, bakubeka amacala amanengi.”
\p
\v 5 Kodwa uJesu wala elokhu ethule, uPhilathu wamangala.
\p
\v 6 Kwakungumkhuba ukuthi ngomkhosi kukhululwe isibotshwa esasizabe sicelwe ngabantu. 
\v 7 Indoda eyayithiwa nguBharabhasi yayisentolongweni kanye labahlamuki ababebulele abantu kulowomvukela. 
\v 8 Ixuku labantu leza kuPhilathu ukuthi abenzele leyo nhlalayenza.
\p
\v 9 “Lifuna ukuthi ngilikhululele inkosi yamaJuda na?” UPhilathu wabuza, 
\v 10 esazi ukuthi kwakungenxa yomhawu okwenza abaphristi abakhulu banikela uJesu kuye. 
\v 11 Kodwa abaphristi abakhulu badunga abantu babakhuthaza ukuthi bacele uPhilathu abakhululele uBharabhasi.
\p
\v 12 UPhilathu wasebabuza wathi, “Pho ngithini ngalo elimbiza ngokuthi uyinkosi yamaJuda na?”
\p
\v 13 Bamemeza bathi, “Mbethele!”
\p
\v 14 UPhilathu wabuza wathi, “Yindaba? Woneni?”
\p Kodwa bamemeza ngamandla bathi, “Mbethele!”
\p
\v 15 UPhilathu wasebakhululela uBharabhasi ngoba wayefuna ukusuthisa ixuku labantu. Wathi uJesu katshaywe, ngemva kwalokho wasebapha ukuba bambethele.
\s1 Amabutho Ahoza UJesu
\p
\v 16 Amabutho amqhuba uJesu amusa esigodlweni (kutshiwo iPhrethoriyamu) basebebiza iviyo lonke lamabutho laqoqana ndawonye. 
\v 17 Bamgqokisa ijazi eliyibubende, basebeseluka umqhele wameva bamethesa wona. 
\v 18 Basebememeza besithi kuye, “Bayethe, nkosi yamaJuda!” 
\v 19 Bamtshaya ekhanda ngomqwayi baphindaphinda, bamkhafulela. Baguqa phansi ngamadolo bamkhonza. 
\v 20 Sebemhozile, bamhlubula ijazi eliyibubende bamgqokisa ezakhe izigqoko. Basebephuma laye bamqhuba ukuba bayombethela.
\s1 Ukubethelwa
\p
\v 21 Indoda ethile yaseKhureni, eyayithiwa nguSimoni, uyise ka-Alekizanda loRufasi, wayezedlulela khonapho evela emaphandleni, basebembamba ngamandla ukuthi athwale isiphambano. 
\v 22 Baletha uJesu endaweni eyayithiwa yiGoligotha (okutsho ukuthi, “Indawo yoKhakhayi”). 
\v 23 Basebemupha iwayini elihlanganiswe lemure, kodwa wala ukulinatha. 
\v 24 Basebembethela. Bahlukanisa izigqoko zakhe basebesenza inkatho ukuze babone ukuthi ngulowo athathe kuphi.
\p
\v 25 Kwakulihola lesithathu isikhathi abambethela ngaso. 
\v 26 Umbhalo wecala lakhe wawusithi:
\pc INkosi yamaJuda.
\p
\v 27 Babethela kanye laye abaphangi ababili, omunye kwesokunene sakhe, omunye kwesokhohlo. [ 
\v 28 Kwagcwaliseka umbhalo othi, “Wabalwa ndawonye lezephulamthetho.”]\f + \fr 15.28 \fr*\ft Livesi ayikho kwamanye amaBhayibhili esiLungu.\ft*\f* 
\v 29 Labo ababedlula lapho babemthuka benikina amakhanda abo besithi, “Ehe! Wena ozadiliza ithempeli ulakhe ngezinsuku ezintathu, 
\v 30 yehla esiphambanweni uzisindise!” 
\v 31 Ngaleyondlela labaphristi abakhulu labafundisi bomthetho bamklolodela behlekisana ngaye phakathi kwabo. Bathi, “Wasindisa abanye, kodwa uyehluleka ukuzisindisa yena! 
\v 32 Ake kuthi uKhristu lo, iNkosi le yako-Israyeli, yehle esiphambanweni ukuze sibone, sikholwe.” Lalabo ayebethelwe kanye labo, labo babemhlambaza.
\s1 Ukufa KukaJesu
\p
\v 33 Ngehola lesithupha ubumnyama bembesa ilizwe lonke kwaze kwaba lihola lesificamunwemunye. 
\v 34 Kwathi ngehola lesithathu emini uJesu wakhala ngelizwi elikhulu wathi, \tl \+wj “Eloyi, Eloyi, lamasabakithani?”\+wj*\tl*\f + \fr 15.34 \fr*\ft AmaHubo 22.1\ft*\f* (okutsho ukuthi, \wj “Nkulunkulu wami, Nkulunkulu wami, ungitshiyelani na?”\wj*).
\p
\v 35 Kwathi abanye balabo ababemi eduzane bekuzwa lokho bathi, “Zwanini, ubiza u-Elija.”
\p
\v 36 Enye indoda yagcwalisa uzipho ngewayini elimunyu, yaluxhumela oluthini, yasiluqhubela uJesu ukuthi anathe. Yasisithi, “Ake simyekele manje, kesibone ingabe u-Elija uzakuza azomehlisa.”
\p
\v 37 Ngomkhosi omkhulu, uJesu waphefumula okokucina.
\p
\v 38 Ikhetheni lethempeli ladabuka kabili lisuka phezulu kusiya phansi. 
\v 39 Kwathi induna yekhulu eyayimi khonapho phambi kukaJesu isizwa ukukhala kwakhe njalo ikubonile ukuthi ufe kanjani yathi, “Ngeqiniso indoda le ibe iyiNdodana kaNkulunkulu!”
\p
\v 40 Abanye abesifazane babebukele bebucwala. Phakathi kwabo kwakuloMariya Magadalini loMariya unina kaJakhobe omncinyane lokaJosefa loSalome. 
\v 41 Laba abesifazane babemlandele bemsebenzela eseGalile. Labanye abesifazane abanengi ababeze laye eJerusalema labo babekhona.
\s1 Ukungcwatshwa KukaJesu
\p
\v 42 Kwakulusuku lokuLungiselela (kutsho usuku olwandulela iSabatha). Kwathi sekuntambama 
\v 43 uJosefa wase-Arimathiya indoda elesithunzi eNkundleni, yona ngokwayo eyayilindele umbuso kaNkulunkulu, yaqunga isibindi yaya kuPhilathu yacela isidumbu sikaJesu. 
\v 44 UPhilathu wamangala ukuthi wayesefile. Wabiza induna yekhulu wayibuza ukuthi uJesu wayesefile yini. 
\v 45 Wathi esezwile ngenduna yekhulu ukuthi kwasekwenzakele, wamupha uJosefa isidumbu. 
\v 46 Ngakho uJosefa wasethenga amalembu elineni, wathatha isidumbu wasigoqela ngelineni wasibeka ethuneni elaligujwe edwaleni. Wasegiqela ilitshe emlonyeni wethuna. 
\v 47 UMariya Magadalini loMariya unina kaJosefa babona lapho abekwa khona.
\c 16
\s1 Ukuvuka KukaJesu
\p
\v 1 Kwathi iSabatha seledlule, uMariya Magadalini, loMariya unina kaJakhobe loSalome bathenga amakha ukuze bayeqhola ngawo isidumbu sikaJesu. 
\v 2 Ekuseni kakhulu ngosuku lokuqala lweviki, ilanga liphuma basebesendleleni besiya ethuneni, 
\v 3 babuzana bathi, “Ngubani ozasigiqela ilitshe lisuke emlonyeni wethuna na?”
\p
\v 4 Kodwa bathi bayakhangela babona ilitshe, elalilikhulu kakhulu, seligiqelwe eceleni. 
\v 5 Bathi bengena ethuneni babona ijaha ligqoke isembatho esimhlophe lihlezi ngakwesokunene, bethuka kakhulu.
\p
\v 6 Lathi, “Lingaze lethuka. Lidinga uJesu umNazarini obebethelwe. Usevukile! Kakho lapha. Bonani, nansi indawo lapho bebembeke khona. 
\v 7 Kodwa hambani liyotshela abafundi bakhe loPhethro lithi, ‘Usehamba phambi kwenu ukuya eGalile. Lizambona khonale, njengoba walitshela.’ ”
\p
\v 8 Ngokuthuthumela langokudideka, abesifazane baphuma bebaleka ethuneni. Kabakhulumanga lutho lakubani ngoba babesesaba.\f + \fr 16.8 \fr*\ft Eminye imibhalo iphetha ngovesi 8 lo 9 njalo umbhalo owodwa ulovesi 8 (kodwa weqa uvesi 9‑20): \ft*\fqa Ngakho baphanga babika zonke izeluleko lezo kuPhethro labanye ayelabo. Emva kwalokho uJesu ngokwakhe wabathuma ukuyatshumayela ivangeli elingcwele lelingapheliyo njalo elilensindiso yaphakade kusuka empumalanga kusiya entshonalanga. Amen.\fqa*\f*
\b
\p [ 
\v 9 UJesu esevukile ekuseni ngelanga lokuqala evikini waqala wabonakala kuMariya Magadalini yena lowo ayekhuphe kuye amadimoni ayisikhombisa. 
\v 10 Yena wahamba wayabikela labo uJesu ayephile labo ababesesililweni sakhe. 
\v 11 Bathi besizwa ukuthi uJesu uyaphila lokuthi uMariya wayembonile, kabazange bakukholwe.
\p
\v 12 Ngemva kwalokho uJesu wabonakala ngesinye isimo kwababili babo abafica behamba kulelolizwe emaphandleni. 
\v 13 Labo babuyela bayabikela abanye, kodwa labo kabazange babakholwe.
\p
\v 14 Ngemva kwalokho uJesu wabonakala kwabalitshumi lanye besidla; wabakhuza ngokungakholwa kwabo langobulukhuni benhliziyo zabo bengabakholwa labo ababembonile ngemva kokuvuka kwakhe.
\p
\v 15 Wathi kubo, \wj “Hambani emhlabeni wonke litshumayele ivangeli kukho konke okwadalwayo.\wj* 
\v 16 \wj Loba ngubani okholwayo abhaphathizwe uzasindiswa, kodwa lowo ongakholwayo uzalahlwa.\wj* 
\v 17 \wj Lezizibonakaliso zizabalandela labo abakholwayo: Ngebizo lami bazakhupha amadimoni; bazakhuluma ngendimi ezintsha;\wj* 
\v 18 \wj bazadobha izinyoka ngezandla zabo; bazakuthi banganatha okubulalayo kungaze kwabalimaza lakancinyane; bazabeka izandla zabo phezu kwabantu abagulayo, basile.”\wj*
\p
\v 19 Ngemva kokuba iNkosi uJesu esekhulume labo, wenyukiselwa ezulwini, wahlala ngakwesokunene sikaNkulunkulu. 
\v 20 Abafundi bahamba bayatshumayela ezindaweni zonke iNkosi yasebenza labo yaqinisa ilizwi layo ngezibonakaliso ezazilisekela.]