\id MAT - Biblica® Open Ndebele Contemporary Bible
\ide UTF-8
\h UMatewu
\toc1 Ivangeli LikaMatewu
\toc2 UMatewu
\toc3 Mat
\mt2 Ivangeli
\mt1 LikaMatewu
\c 1
\s1 Usendo LukaJesu Khristu
\li4
\v 1 Umbhalo wosendo lukaJesu Khristu indodana kaDavida, indodana ka-Abhrahama:
\b
\li1
\v 2 U-Abhrahama wayenguyise ka-Isaka,
\li1 u-Isaka uyise kaJakhobe,
\li1 uJakhobe uyise kaJuda labafowabo,
\li1
\v 3 uJuda uyise kaPherezi loZera, unina owayenguThamari,
\li1 uPherezi uyise kaHezironi,
\li1 uHezironi uyise kaRamu,
\li1
\v 4 uRamu uyise ka-Aminadabi,
\li1 u-Aminadabi uyise kaNashoni,
\li1 uNahishoni uyise kaSalimoni,
\li1
\v 5 uSalimoni uyise kaBhowazi, unina owayenguRahabi,
\li1 uBhowazi uyise ka-Obhedi, unina owayenguRuthe,
\li1 u-Obhedi uyise kaJese,
\li1
\v 6 uJese uyise wenkosi uDavida.
\b
\li1 UDavida wayenguyise kaSolomoni, unina owayeke waba ngumka-Uriya,
\li1
\v 7 uSolomoni uyise kaRehobhowami,
\li1 uRehobhowami uyise ka-Abhija,
\li1 u-Abhija uyise ka-Asa,
\li1
\v 8 u-Asa uyise kaJehoshafathi,
\li1 uJehoshafathi uyise kaJehoramu,
\li1 uJehoramu uyise ka-Uziya,
\li1
\v 9 u-Uziya uyise kaJothamu,
\li1 uJothamu uyise ka-Ahazi,
\li1 u-Ahazi uyise kaHezekhiya,
\li1
\v 10 uHezekhiya uyise kaManase,
\li1 uManase uyise ka-Amoni,
\li1 u-Amoni uyise kaJosiya,
\li1
\v 11 uJosiya owayenguyise kaJekhoniya labafowabo ngesikhathi bethunjwe eBhabhiloni.
\b
\li4
\v 12 Emva kokuthunjwa eBhabhiloni:
\li1 uJekhoniya wayenguyise kaSheyalithiyeli,
\li1 uSheyalithiyeli uyise kaZerubhabheli,
\li1
\v 13 uZerubhabheli uyise ka-Abhiyudi,
\li1 u-Abhiyudi uyise ka-Eliyakhimu,
\li1 u-Eliyakhimu uyise ka-Azori,
\li1
\v 14 u-Azori uyise kaZadokhi,
\li1 uZadokhi uyise ka-Akhimu,
\li1 u-Akhimu uyise ka-Elihudi,
\li1
\v 15 u-Elihudi uyise ka-Eliyazari,
\li1 u-Eliyazari uyise kaMathani,
\li1 uMathani uyise kaJakhobe,
\li1
\v 16 uJakhobe uyise kaJosefa, umkaMariya, owazala uJesu obizwa ngokuthi nguKhristu.
\b
\li4
\v 17 Ngokunjalo-ke, kwakulezizukulwane ezilitshumi lane sezizonke kusukela ku-Abhrahama kusiya kuDavida, ezilitshumi lane kusukela kuDavida kusiya ekuthunjweni yiBhabhiloni njalo ezilitshumi lane kusukela ekuthunjweni kusiya kuKhristu.
\s1 Ukuzalwa KukaJesu Khristu
\p
\v 18 UJesu Khristu wazalwa kanje: Unina uMariya wayethembise ukuthi uzakwendela kuJosefa kodwa kwathi bengakahlangani wabonakala esezithwele kwenziwe ngoMoya oNgcwele. 
\v 19 Ngoba umkakhe uJosefa wayeyindoda elungileyo emthethweni, njalo engafuni ukumyangisa ebantwini, wacabanga ukumala ngasese.
\p
\v 20 Uthe esekucabangile lokhu, kwafika kuye ingilosi yeNkosi ephutsheni yathi, “Josefa ndodana kaDavida, ungesabi ukuthatha uMariya ukuba abe ngumkakho ngoba lokhu akhulelwe ngakho kuvela kuMoya oNgcwele. 
\v 21 Uzabeletha indodana ozayetha ibizo uthi nguJesu ngoba uzasindisa abantu bakhe ezonweni zabo.”
\p
\v 22 Konke lokhu kwenzakala ukuze kugcwaliseke okwatshiwo yiNkosi ngomphrofethi ukuthi: 
\v 23 “Intombi egcweleyo izakhulelwa izale indodana, bayibize ngokuthi ngu-Emanuweli”\f + \fr 1.23 \fr*\ft U-Isaya 7.14\ft*\f* (okutsho ukuthi, “uNkulunkulu ulathi”).
\p
\v 24 UJosefa esevukile ebuthongweni wenza lokho ingilosi yeNkosi eyayimlaye khona, wamthatha uMariya waba ngumkakhe. 
\v 25 Kodwa kazange embathe laye waze wabeletha indodana. Wayetha ibizo wathi nguJesu.
\c 2
\s1 Izazi Zethekelela UKhristu
\p
\v 1 UJesu esezelwe eBhethilehema laseJudiya ngesikhathi sokubusa kwenkosi uHerodi, kwafika eJerusalema iZazi zivela empumalanga, 
\v 2 zabuza zathi, “Ungaphi lowo ozalelwe ukuba yinkosi yamaJuda na? Sibone inkanyezi yakhe empumalanga ngakho size ukuzamkhonza.”
\p
\v 3 Kwathi inkosi uHerodi isikuzwile lokhu yakhathazeka, kanye leJerusalema lonke. 
\v 4 Kwathi esebizele ndawonye abaphristi abakhulu bonke labafundisi bomthetho, wababuza ukuthi uKhristu wayezazalelwa ngaphi. 
\v 5 Baphendula bathi, “EBhethilehema laseJudiya, ngoba lokhu yikho okwalotshwa ngumphrofethi ukuthi:
\q1
\v 6 ‘Kodwa wena Bhethilehema, elizweni lakoJuda,
\q2 kawumncinyane kulabo bonke ababusi bakoJuda;
\q1 ngoba kuzavela umbusi kuwe,
\q2 ozakuba ngumelusi wabantu bami bako-Israyeli.’\f + \fr 2.6 \fr*\ft UMikha 5.2\ft*\f*”
\p
\v 7 UHerodi wasezibiza iZazi ngasese wadingisisa kuzo isikhathi inkanyezi eyaphuma ngaso ngqe. 
\v 8 Wabathuma eBhethilehema wathi, “Hambani liyemdinga umntwana. Lingamfumana lingazise masinyane ukuze lami ngihambe ngiyemkhonza.”
\p
\v 9 Sezizwile okwatshiwo yinkosi, zasuka zahamba, inkanyezi leyo ezaziyibonile empumalanga yahamba phambi kwazo yaze yayakuma lapho umntwana ayekhona. 
\v 10 Zathi ziyibona inkanyezi zagcwala intokozo. 
\v 11 Zangena endlini zambona umntwana lonina uMariya, zakhothama zamkhonza. Zasezivula impahla zazo eziligugu zamkhunga ngezipho zegolide lempepha lemure. 
\v 12 Kwathi ngoba zixwayisiwe ephutsheni ukuthi zingabuyeli kuHerodi, zaqonda elizweni lakibo ngenye indlela.
\s1 Ukubalekela EGibhithe
\p
\v 13 Kwathi sezihambile, ingilosi yeNkosi yabonakala kuJosefa ngephupho. Yathi, “Vuka uthathe umntwana lonina libalekele eGibhithe. Lihlale khonale ngize ngilitshele ngoba uHerodi uzamdinga umntwana efuna ukumbulala.”
\p
\v 14 Ngakho wavuka wathatha umntwana lonina ebusuku waya eGibhithe 
\v 15 lapho abahlala khona uHerodi waze wafa. Ngakho kwagcwaliseka lokho iNkosi eyayikutshilo ngomphrofethi ukuthi, “Indodana yami ngayikhupha eGibhithe.”\f + \fr 2.15 \fr*\ft UHosiya 11.1\ft*\f*
\p
\v 16 Kwathi ukuba uHerodi ananzelele ukuthi iZazi zazimphicile wazonda kakhulu, wasekhupha umlayo wokuthi kubulawe bonke abantwana abangabafana eBhethilehema lasemangweni wonke oseduze, bonke ababeleminyaka emibili kusehla, kuhambelana lesikhathi leso ayesitshelwe yiZazi. 
\v 17 Ngakho lokho okwakutshiwo ngumphrofethi uJeremiya kwagcwaliseka ukuthi:
\q1
\v 18 “Ilizwi lizwakala eRama,
\q2 ukukhala lesililo esikhulu,
\q1 uRasheli ekhalela abantwana bakhe njalo
\q2 wala ukududuzwa,
\q2 ngoba kabasekho.”\f + \fr 2.18 \fr*\ft UJeremiya 31.15\ft*\f*
\s1 Ukubuyela ENazaretha
\p
\v 19 UHerodi esefile, ingilosi yeNkosi yabonakala ngephupho kuJosefa eseGibhithe 
\v 20 yathi, “Sukuma uthathe umntwana lonina liye elizweni lako-Israyeli ngoba labo ababefuna ukubulala umntwana sebefile.”
\p
\v 21 Ngakho wasukuma wathatha umntwana lonina waya elizweni lako-Israyeli. 
\v 22 Kodwa wathi ngokuzwa ukuthi u-Akhelasi wayebusa eJudiya esikhundleni sikayise uHerodi wesaba ukuya khona. Kwathi esexwayisiwe ephutsheni wahamba wayahlala eGalile, 
\v 23 edolobheni elalithiwa yiNazaretha. Ngalokho kwagcwaliseka okwatshiwo ngabaphrofethi ukuthi: Uzabizwa ngokuthi ngoweNazaretha.
\c 3
\s1 UJohane UMbhaphathizi Ulungisa Indlela
\p
\v 1 Ngalesosikhathi kwafika uJohane uMbhaphathizi etshumayela enkangala yaseJudiya 
\v 2 esithi, “Phendukani ngoba umbuso wezulu ususondele.” 
\v 3 Nguye lo okwakhulunywa ngaye ngumphrofethi u-Isaya kwathiwa:
\q1 “Ilizwi lomemezayo enkangala lithi,
\q1 ‘Lungiselani iNkosi indlela,
\q2 yenzani izindlela zayo ziqonde.’\f + \fr 3.3 \fr*\ft U-Isaya 40.3\ft*\f*”
\p
\v 4 Izigqoko zikaJohane zazenziwe ngoboya bekamela, elebhanti lesikhumba okhalweni lwakhe. Ukudla kwakhe kwakuzintethe loluju lwenyosi zeganga. 
\v 5 Abantu baphuma baya kuye bevela eJerusalema lakulo lonke elaseJudiya lemangweni wonke waseJodani. 
\v 6 Bevuma izono zabo, babhaphathizwa nguye emfuleni uJodani.
\p
\v 7 Kodwa wathi ebona abaFarisi labaSadusi abanengi besiza lapho ayebhaphathizela khona wathi kubo, “Lina nzalo yezinyoka! Lilimukiswe ngubani ukuthi libalekele ulaka oluzayo na? 
\v 8 Thelani izithelo ezihambelana lokuphenduka. 
\v 9 Njalo lingacabangi ukuthi lingazitshela ukuthi, ‘Silo-Abhrahama ongubaba wethu.’ Mina ngilitshela ukuthi kuwonala amatshe uNkulunkulu angamenzela u-Abhrahama abantwana. 
\v 10 Ihloka selivele selisezimpandeni zezihlahla njalo zonke izihlahla ezingatheli izithelo ezinhle zizaganyulwa, ziphoselwe emlilweni.
\p
\v 11 Mina ngilibhaphathiza ngamanzi okutshengisa ukuphenduka. Kodwa ngemva kwami kuza olamandla kulami njalo kakungilingananga ukuthwala amanyathela akhe. Uzalibhaphathiza ngoMoya oNgcwele langomlilo. 
\v 12 Isitsha sakhe sokwela sisesandleni sakhe njalo uzathanyela isiza sakhe, abuthele amabele akhe wonke esiphaleni, kuthi amakhoba awatshise ngomlilo ongacitshekiyo.”
\s1 Ukubhaphathizwa KukaJesu
\p
\v 13 UJesu weza eJodani evela eGalile ukuba abhaphathizwe nguJohane. 
\v 14 Kodwa uJohane wazama ukwenqaba ngokuthi, “Yimi engidinga ukubhaphathizwa nguwe, kanti pho ungeza njani kimi?”
\p
\v 15 UJesu waphendula wathi, \wj “Yekela kube njalo okwakhathesi ngoba kufanele ukuba sikwenze lokhu ukuze sigcwalise konke ukulunga.”\wj* Ngakho uJohane wasevuma.
\p
\v 16 Masinyane nje uJesu eqeda kubhaphathizwa waphuma emanzini. Khonokho nje izulu lavuleka, wasebona uMoya kaNkulunkulu usehla njengejuba njalo usehlela phezu kwakhe. 
\v 17 Ilizwi elavela ezulwini lathi, “Lo yiNdodana yami engiyithandayo; ngiyathokoza kakhulu ngayo.”
\c 4
\s1 Ukulingwa KukaJesu ENkangala
\p
\v 1 UJesu wasekhokhelwa nguMoya wamusa enkangala ukuthi ayelingwa nguSathane. 
\v 2 Emva kokuzila ukudla okwensuku ezingamatshumi amane lobusuku obungamatshumi amane wayeselambile. 
\v 3 Umlingi weza kuye wathi, “Nxa uyiNdodana kaNkulunkulu tshela amatshe la aphenduke abe yisinkwa.”
\p
\v 4 UJesu waphendula wathi, \wj “Kulotshiwe ukuthi: ‘Umuntu kayikuphila ngesinkwa kuphela kodwa ngelizwi lonke eliphuma emlonyeni kaNkulunkulu.’\wj*\f + \fr 4.4 \fr*\ft UDutheronomi 8.3\ft*\f*\wj ”\wj*
\p
\v 5 USathane wasemthatha wamusa emzini ongcwele, wamisa engqongweni yethempeli. 
\v 6 Wathi kuye, “Nxa uyiNdodana kaNkulunkulu, ziphosele phansi. Njengoba kulotshiwe ukuthi:
\q1 ‘Uzalaya izingilosi zakhe ngawe,
\q2 zikuqage ngezandla zazo,
\q2 ukuze ungatshayeki ngonyawo lwakho elitsheni.’\f + \fr 4.6 \fr*\ft AmaHubo 91.11-12\ft*\f*”
\p
\v 7 UJesu wamphendula wathi, \wj “Kulotshiwe ukuthi, ‘Ungayilingi iNkosi uNkulunkulu wakho.’\wj*\f + \fr 4.7 \fr*\ft UDutheronomi 6.16\ft*\f*\wj ”\wj*
\p
\v 8 Waphinda njalo uSathane wamusa entabeni ephakemeyo kakhulu, wamtshengisa yonke imibuso yomhlaba lokucwebezela kwayo. 
\v 9 Wathi, “Ngizakunika konke lokhu nxa ungangikhothamela, ungikhonze.”
\p
\v 10 UJesu wathi kuye, \wj “Suka kimi Sathane! Ngoba kulotshiwe ukuthi: ‘Khonza iNkosi uNkulunkulu wakho njalo usebenzele yena yedwa.’\wj*\f + \fr 4.10 \fr*\ft UDutheronomi 6.13\ft*\f*\wj ”\wj*
\p
\v 11 USathane wasemtshiya, izingilosi zabuya zazomkhonza.
\s1 UJesu Uqalisa Ukutshumayela
\p
\v 12 UJesu wathi esizwa ukuthi uJohane wayesevalelwe entolongweni, wabuyela eGalile. 
\v 13 Wasuka eNazaretha wayahlala eKhaphenawume eyayisokhunjini lomfula emangweni wakoZebhuluni lakoNafithali, 
\v 14 ukugcwalisa lokho okwatshiwo ngomphrofethi u-Isaya ukuthi:
\q1
\v 15 “Lizwe likaZebhuluni lelizwe likaNafithali,
\q2 iNdlela eya oLwandle, phetsheya kweJodani,
\q2 iGalile yabeZizweni,
\q1
\v 16 abantu ababehlezi emnyameni
\q2 sebebone ukukhanya okukhulu;
\q1 kulabo abahlezi elizweni lethunzi lokufa,
\q2 ukukhanya sekufikile.”\f + \fr 4.16 \fr*\ft U-Isaya 9.1-2\ft*\f*
\p
\v 17 Kusukela ngalesosikhathi uJesu waqalisa ukutshumayela esithi, \wj “Phendukani ngoba umbuso wezulu ususondele.”\wj*
\s1 Ukubizwa Kwabafundi Bakuqala
\p
\v 18 Kwathi uJesu ehamba okhunjini loLwandle lwaseGalile wabona izelamani ezimbili, uSimoni owayethiwa nguPhethro lomfowabo u-Andreya. Babephosela umambule olwandle ngoba bengabagoli benhlanzi. 
\v 19 UJesu wathi, \wj “Wozani lingilandele,\wj*\f + \fr 4.19 \fr*\ft UJesu ebabiza ukuthi bamlandele, wayebabizela ukuthi bazidele, balingise impilo yakhe.\ft*\f* \wj ngizalenza abagoli babantu.”\wj* 
\v 20 Masinyane nje batshiya omambule babo bamlandela.
\p
\v 21 Esuka lapho wabona ezinye izelamani ezimbili, uJakhobe indodana kaZebhediya lomfowabo uJohane. Babephakathi kwesikepe loyise uZebhediya, belungisa omambule babo. UJesu wababiza, 
\v 22 baphanga batshiya isikepe kanye loyise bamlandela.
\s1 UJesu Usilisa Abagulayo
\p
\v 23 UJesu wahamba kulolonke iGalile efundisa emasinagogweni abo, etshumayela izindaba ezinhle zombuso, esilisa zonke izifo lemikhuhlane ebantwini. 
\v 24 Udumo lwakhe lwagcwala kulolonke elase-Asiriya, abantu baletha kuye bonke ababegula belezifo ezehlukeneyo, labo ababesebuhlungwini obukhulu, ababephethwe ngamadimoni, ababelezithuthwane lababeyizilima, bonke wabasilisa. 
\v 25 Amaxuku amakhulu ayevela eGalile, eDekhapholisi, eJerusalema, eJudiya lasemangweni ongaphetsheya kweJodani amlandela.
\c 5
\s1 Intshumayelo Yasentabeni
\p
\v 1 Kwathi ebona amaxuku wakhwela entabeni wahlala phansi. Abafundi bakhe beza kuye.
\s1 Izibusiso
\m
\v 2 Waseqalisa ukubafundisa esithi:
\q1
\v 3 \wj “Babusisiwe abampofu emoyeni\wj*
\q2 \wj ngoba umbuso wezulu ungowabo.\wj*
\q1
\v 4 \wj Babusisiwe labo abakhalayo\wj*
\q2 \wj ngoba bazakududuzwa.\wj*
\q1
\v 5 \wj Babusisiwe abathobekileyo\wj*
\q2 \wj ngoba bazakuba zindlalifa zomhlaba.\wj*
\q1
\v 6 \wj Babusisiwe labo abalambela labomela ukulunga\wj*
\q2 \wj ngoba bazakusuthiswa.\wj*
\q1
\v 7 \wj Babusisiwe abalesihawu\wj*
\q2 \wj ngoba bazakuhawukelwa.\wj*
\q1
\v 8 \wj Babusisiwe abahlanzekileyo enhliziyweni\wj*
\q2 \wj ngoba bazabona uNkulunkulu.\wj*
\q1
\v 9 \wj Babusisiwe abagcina ukuthula\wj*
\q2 \wj ngoba bazathiwa ngamadodana kaNkulunkulu.\wj*
\q1
\v 10 \wj Babusisiwe abahlukunyezwayo ngenxa yokulunga,\wj*
\q2 \wj ngoba umbuso wezulu ungowabo.\wj*
\p
\v 11 \wj Libusisiwe lina nxa abantu belithuka, belihlukumeza njalo beligcona ngobubi bonke ngenxa yami.\wj* 
\v 12 \wj Thokozani lijabule ngoba mkhulu umvuzo wenu ezulwini, njengoba bahlukunyezwa ngaleyondlela abaphrofethi ababephambi kwenu.”\wj*
\s1 Itswayi Lokukhanya
\p
\v 13 \wj “Lina lilitswayi lomhlaba. Kodwa nxa itswayi lingalahlekelwa yibumunyu balo, lingavuselelwa njani na? Kaliselamsebenzi ngaphandle kokuthi lichithelwe phandle linyathelwe ngabantu.\wj*
\p
\v 14 \wj Lina liyikukhanya kwezwe. Idolobho elakhelwe entabeni kalisitheki.\wj* 
\v 15 \wj Njalo abantu kabalumathisi isibane basibeke ngaphansi kwesitsha. Kodwa basibeka phezu koluthi lwaso ukuze sikhanyisele bonke abasendlini.\wj* 
\v 16 \wj Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini.”\wj*
\s1 Ukugcwalisa Umthetho
\p
\v 17 \wj “Lingacabangi ukuthi ngilande ukuzadiliza uMthetho kumbe abaPhrofethi. Kangilandanga ukuzediliza kodwa ukuzogcwalisisa.\wj* 
\v 18 \wj Ngilitshela iqiniso ukuthi kuze kunyamalale izulu lomhlaba kakuyikususwa lutho eMthethweni, loba libadlana kumbe lichatshana elilotshiweyo, kuze kupheleliswe konke.\wj* 
\v 19 \wj Loba ngubani owephula owodwa nje wale imilayo emincinyane, afundise abanye ukwenzanjalo uzathiwa mncinyane embusweni wezulu kodwa loba ngubani olandela njalo afundise imilayo le njengokuba, uzathiwa mkhulu embusweni wezulu.\wj* 
\v 20 \wj Ngakho ngiyalitshela ukuthi ngaphandle kokuthi ukulunga kwenu kwedlule okwabaFarisi labafundisi bomthetho, ngempela kalizukuwungena umbuso wezulu.”\wj*
\s1 Ukubulala Umuntu
\p
\v 21 \wj “Lezwa ukuthi kwathiwa kwabasendulo, ‘Ungabulali; lowo obulalayo uzakwahlulelwa.’\wj*\f + \fr 5.21 \fr*\ft U-Eksodasi 20.13\ft*\f* 
\v 22 \wj Kodwa ngilitshela ngithi loba ngubani ozondela umfowabo loba udadewabo uzakwahlulelwa emthethwandaba. Njalo lowo othi kumfowabo loba kudadewabo, ‘\+tl Raca\+tl*,’ okutsho ukuthi ‘Silimandini,’ uzathonisiswa emphakathini. Njalo lowo othi, ‘Wena siwula!’ uzakuba sengozini yomlilo wesihogo.\wj*
\p
\v 23 \wj Ngakho-ke, nxa uletha isipho sakho e-alithareni ubusukhumbula ukuthi umfowenu kumbe udadewenu ulesikhwili lawe,\wj* 
\v 24 \wj tshiya khonapho isipho sakho phambi kwe-alithari. Qala uyebuyisana laye umfowenu kumbe udadewenu andubana ubuye uzonikela umnikelo wakho.\wj*
\p
\v 25 \wj Phangisa uqedelane lalowo okumangalelayo lisahamba lisiya emthethwandaba funa akunikele kumahluleli ozakunikela kumlindijele ukuthi akuphosele entolongweni.\wj* 
\v 26 \wj Ngilitshela iqiniso, kawusoze uphume uze uhlawule kanye lohlamvana lokucina lwemali.”\wj*
\s1 Ukuphinga
\p
\v 27 \wj “Lezwa ukuthi kwathiwa, ‘Ungaphingi.’\wj*\f + \fr 5.27 \fr*\ft U-Eksodasi 20.14\ft*\f* 
\v 28 \wj Kodwa ngilitshela ukuthi lowo okhangela owesifazane amfise usephinge laye enhliziyweni yakhe.\wj* 
\v 29 \wj Nxa ilihlo lakho lokunene likwenzisa isono, likopole, ulikhuphe ulilahlele khatshana. Kungcono kuwe ukuthi ulahlekelwe ngesisodwa isitho somzimba wakho kulokuthi umzimba wakho wonke uphoselwe esihogweni somlilo.\wj* 
\v 30 \wj Njalo nxa isandla sakho sokunene sikwenzisa isono, siqume usiphosele khatshana. Kungcono kuwe ukuthi ulahlekelwe ngesisodwa isitho somzimba wakho kulokuthi umzimba wakho wonke uye esihogweni somlilo.”\wj*
\s1 Ukwehlukana
\p
\v 31 \wj “Kwathiwa, ‘Lowo owehlukana lomkakhe kamuphe incwadi yokuquma umtshado.’\wj*\f + \fr 5.31 \fr*\ft UDutheronomi 24.1\ft*\f* 
\v 32 \wj Kodwa mina ngilitshela ngithi lowo ohlukana lomkakhe, ngaphandle kokuba ehlobongile, umenza afebe, njalo lowo othatha umfazi ohlukene lomkakhe uyaphinga.”\wj*
\s1 Izifungo
\p
\v 33 \wj “Njalo selezwa ukuthi kwathiwa kwabendulo, ‘Ungephuli isifungo sakho kodwa gcwalisa izifungo zakho ozenzileyo eNkosini.’\wj* 
\v 34 \wj Kodwa mina ngithi, lingafungi loba sokutheni, kumbe ngezulu ngoba liyisihlalo sobukhosi sikaNkulunkulu;\wj* 
\v 35 \wj loba ngomhlaba ngoba uyisinyathelo sakhe loba ngeJerusalema ngoba lidolobho leNkosi enkulu.\wj* 
\v 36 \wj Njalo ungafungi ngekhanda lakho ngoba ungeke wenze lalunye unwele lube mhlophe kumbe lube mnyama.\wj* 
\v 37 \wj Okumele likutsho yikuthi ‘Yebo’ kumbe ‘Hatshi’; okunye okungasilokhu kuvela komubi.”\wj*
\s1 Ilihlo Ngelihlo
\p
\v 38 \wj “Selezwa ukuthi kwathiwa, ‘Ilihlo ngelihlo njalo izinyo ngezinyo.’\wj*\f + \fr 5.38 \fr*\ft U-Eksodasi 21.24; ULevi 24.20; UDutheronomi 19.21\ft*\f* 
\v 39 \wj Kodwa mina ngiyalitshela ngithi, lingamelani lomuntu omubi. Nxa omunye angakutshaya esihlathini sokunene, muphe njalo esinye isihlathi.\wj* 
\v 40 \wj Njalo nxa omunye efuna ukukumangalela ukuze akuthathele isigqoko sakho, myekele athathe lejazi lakho njalo.\wj* 
\v 41 \wj Nxa omunye ekubamba ngamandla ukuthi uhambe ikhilomitha elilodwa, hamba laye abe mabili.\wj* 
\v 42 \wj Muphe lowo ocela kuwe njalo ungamfulatheli lowo ofuna ukweboleka kuwe.”\wj*
\s1 Ukuthanda Izitha
\p
\v 43 \wj “Selezwa ukuthi kwathiwa, ‘Thanda umakhelwane wakho, uzonde isitha sakho.’\wj*\f + \fr 5.43 \fr*\ft ULevi 19.18\ft*\f* 
\v 44 \wj Kodwa mina ngilitshela ukuthi, thandani izitha zenu, libakhulekele labo abalihlukuluzayo,\wj* 
\v 45 \wj ukuze libe ngamadodana kaYihlo osezulwini. Wenza ilanga lakhe liphume kwababi labalungileyo njalo anise izulu kwabalungileyo lakwabangalunganga.\wj* 
\v 46 \wj Nxa lithanda labo abalithandayo kuphela, lizazuza mvuzo bani na? Kabenzi njalo na labathelisi?\wj* 
\v 47 \wj Nxa libingelela abafowenu bodwa, kuyini elikwenzayo okwedlula abanye na? Kabenzi lokho labahedeni na?\wj* 
\v 48 \wj Ngakho wobani ngabapheleleyo njengalokhu uYihlo osezulwini ephelele.”\wj*
\c 6
\s1 Ukupha Abaswelayo
\p
\v 1 \wj “Qaphelani ukuthi lingenzi izenzo zokulunga phambi kwabantu ukuze balibone. Nxa lisenza njalo kaliyikuba lomvuzo ovela kuYihlo ezulwini.\wj*
\p
\v 2 \wj Ngakho nxa lisipha abaswelayo, lingamemezeli indawo yonke njengokwenziwa ngabazenzisi emasinagogweni lasezitaladini ukuze badunyiswe ngabantu. Ngilitshela iqiniso, sebewemukele owabo umvuzo ngokugcweleyo.\wj* 
\v 3 \wj Kodwa nxa lina lisipha abaswelayo isandla senu sokhohlo kasingakwazi lokho esikwenzayo esokunene,\wj* 
\v 4 \wj ukuze ukupha kwenu kube sensitha. Ngakho uYihlo obona okwenziwa ensitha uzalipha umvuzo wenu.”\wj*
\s1 Umkhuleko
\p
\v 5 \wj “Nxa likhuleka lingabi njengabazenzisi ngoba bona bathanda ukukhuleka bemi emasinagogweni lasemakhoneni ezitalada ukuze babonwe ngabantu. Ngilitshela iqiniso ukuthi sebewutholile owabo umvuzo ngokugcweleyo.\wj* 
\v 6 \wj Nxa likhuleka, ngenani ezindlini zenu, livale iminyango beselikhuleka kuYihlo ongabonakaliyo. Ngakho uYihlo obona okwenziwa ensitha uzalipha umvuzo wenu.\wj* 
\v 7 \wj Njalo nxa likhuleka lingenzi ubugabazi, linqongoloza njengabahedeni ngoba bacabanga ukuthi bazezwakala ngenxa yamazwi abo amanengi.\wj* 
\v 8 \wj Lingabi njengabo ngoba uYihlo uyakwazi elikuswelayo loba lingakakuceli kuye.”\wj*
\s1 Umkhuleko WeNkosi
\p
\v 9 \wj “Kumele likhuleke kanje:\wj*
\q1 \wj ‘Baba wethu osezulwini,\wj*
\q1 \wj kalidunyiswe ibizo lakho,\wj*
\q1
\v 10 \wj umbuso wakho kawuze,\wj*
\q1 \wj intando yakho kayenziwe emhlabeni\wj*
\q2 \wj njengalokhu isenziwa ezulwini.\wj*
\q1
\v 11 \wj Siphe lamuhla isinkwa sethu sansukuzonke.\wj*
\q1
\v 12 \wj Njalo usithethelele izono zethu,\wj*
\q2 \wj njengoba lathi sibathethelela abasonelayo.\wj*
\q1
\v 13 \wj Njalo ungasingenisi ekulingweni,\wj*
\q2 \wj kodwa usisindise komubi.’\wj*
\m
\v 14 \wj Ngoba nxa libathethelela abayabe belonile, uYihlo osezulwini laye uzalithethelela.\wj* 
\v 15 \wj Kodwa nxa lingabathetheleli abantu izono zabo, uYihlo kayikulithethelela lani izono zenu.”\wj*
\s1 Ukuzila Ukudla
\p
\v 16 \wj “Lapho lizila ukudla, lingabonakali linyukubele njengalokhu okwenziwa ngabazenzisi ngoba bakhangeleka bedanile ebusweni babo ukuze abantu babone ukuthi bazilile. Ngilitshela iqiniso ngithi sebewutholile owabo umvuzo ngokugcweleyo.\wj* 
\v 17 \wj Kodwa lina nxa lizila, gcobani amafutha emakhanda enu, ligeze ubuso benu,\wj* 
\v 18 \wj ukuze kungabonakali ebantwini ukuthi lizilile, kodwa kuYihlo kuphela ongabonakaliyo njalo yena obona okwenziwa ensitha uzalipha umvuzo wenu.”\wj*
\s1 Inotho Ezulwini
\p
\v 19 \wj “Lingazibutheleli inotho emhlabeni lapho okubhubhisa khona inondo lokuthomba njalo lapho okugqekeza khona amasela.\wj* 
\v 20 \wj Kodwa zibutheleleni inotho ezulwini lapho kungabhujiswa khona linondo lokuthomba njalo lapho okungagqekezi khona amasela.\wj* 
\v 21 \wj Ngoba lapho okulenotho yakho khona kulapho inhliziyo yakho ezakuba khona.\wj*
\p
\v 22 \wj Ilihlo liyisibane somzimba. Nxa amehlo akho elungile umzimba wakho wonke uzagcwala ukukhanya.\wj* 
\v 23 \wj Kodwa nxa amehlo akho engahlambulukanga umzimba wakho wonke uzagcwala ubumnyama. Nxa ukukhanya okungaphakathi kwakho kungumnyama, pho mkhulu kanganani lowomnyama!\wj*
\p
\v 24 \wj Kakulanceku engakhonza amakhosi amabili. Funa izonde enye kodwa ithande enye, kumbe izinikele kwenye yeyise enye. Lingezake likhonze uNkulunkulu lemali.”\wj*
\s1 Linganqineki
\p
\v 25 \wj “Ngakho ngiyalitshela ukuthi lingakhathazeki ngokuphila kwenu, ukuthi lizakudlani loba lizanathani; kumbe ngemizimba yenu, ukuthi lizagqokani. Impilo kayiqakathekanga ukwedlula ukudla na, lomzimba ukwedlula izigqoko na?\wj* 
\v 26 \wj Khangelani izinyoni zasemoyeni; kazihlanyeli, kazivuni kumbe ukubuthela eziphaleni kodwa uYihlo osezulwini uyazipha ukudla. Lina kaliqakathekanga ukwedlula zona na?\wj* 
\v 27 \wj Ngubani kini othi ngokukhathazeka angezelele ihola elilodwa empilweni yakhe na?\wj*
\p
\v 28 \wj Kanti lizihluphelani ngezigqoko na? Ake libone ukuthi amaluba eganga akhula njani. Kawasebenzi njalo aweluki.\wj* 
\v 29 \wj Kodwa ngilitshela ukuthi laye uSolomoni ekucwebezeleni kwakhe kazange acece njengawo.\wj* 
\v 30 \wj Nxa kuyiyo indlela uNkulunkulu ahlobisa ngayo utshani beganga, obukhona namuhla kodwa kusasa sebuphoselwa emlilweni, pho lina kazukuligqokisa ngcono yini, lina bokukholwa okuncinyane?\wj* 
\v 31 \wj Ngakho lingazihluphi lisithi, ‘Sizakudlani?’ kumbe ‘Sizanathani?’ loba ‘Sizavunulani na?’\wj* 
\v 32 \wj Ngoba abezizweni bagijimela zonke lezizinto kodwa uYihlo osezulwini uyakwazi ukuthi liyazidinga.\wj* 
\v 33 \wj Kodwa funani kuqala umbuso wakhe lokulunga kwakhe, kuzakuthi-ke zonke lezizinto liziphiwe lazo.\wj* 
\v 34 \wj Ngakho lingazihluphi ngelakusasa ngoba ikusasa lizazinqinekela lona. Usuku lunye ngalunye lulenhlupho zalo oluzaneleyo.”\wj*
\c 7
\s1 Ukwahlulela Abanye
\p
\v 1 \wj “Lingahluleli funa lani lahlulelwe.\wj* 
\v 2 \wj Ngoba ngaleyondlela elahlulela ngayo abanye lani lizakwahlulelwa ngayo, langalesosilinganiso elisisebenzisayo lani lizalinganiselwa ngaso.\wj*
\p
\v 3 \wj Kungani ukhangela uvava lokhuni oluselihlweni lomfowenu unganqinekeli ukhuni olukwelakho ilihlo na?\wj* 
\v 4 \wj Ungatsho kanjani kumfowenu ukuthi, ‘Wothi ngikukhuphe uvava oluselihlweni lakho,’ wena ulokhu ulokhuni kwelakho ilihlo?\wj* 
\v 5 \wj Wena mzenzisi, qala ukhuphe ukhuni oluselihlweni lakho ukuze ubone kuhle nxa usukhupha uvava oluselihlweni lomfowenu.\wj*
\p
\v 6 \wj Linganiki izinja okungcwele, lingaphoseli imiceciso ezingulubeni, ngoba lingakwenza lokhu zizayinyathela ngezinyawo ziphinde ziphenduke ziyidabudabule.”\wj*
\s1 Celani, Dingani, Qoqodani
\p
\v 7 \wj “Celani lizaphiwa; dingani lizafumana; qoqodani lizavulelwa.\wj* 
\v 8 \wj Ngoba wonke ocelayo uyaphiwa; odingayo uyafumana; lalowo oqoqodayo uzavulelwa umnyango.\wj*
\p
\v 9 \wj Ngubani kini bobaba okuthi nxa indodana yakhe icela isinkwa ayiphe ilitshe na?\wj* 
\v 10 \wj Loba ithi icela inhlanzi yena ayiphe inyoka?\wj* 
\v 11 \wj Nxa lina elibabi likwazi ukupha abantwabenu izipho ezilungileyo, pho uYihlo osezulwini uzabapha kangakanani izipho ezinhle labo abacela kuye!\wj* 
\v 12 \wj Kuzozonke izinto, yenzani kwabanye lokho elifuna bakwenze kini, ngoba lokhu yikho okugoqela uMthetho labaPhrofethi.”\wj*
\s1 Amasango Anciphileyo Labanzi
\p
\v 13 \wj “Ngenani ngesango elincinyane ngoba isango elikhulu lendlela ebanzi iholela ekubhujisweni njalo abanengi bangena ngalo.\wj* 
\v 14 \wj Kodwa isango elincinyane lendlela yalo encinyane iholela ekuphileni, njalo balutshwana abayifumanayo.”\wj*
\s1 Isihlahla Lezithelo Zaso
\p
\v 15 \wj “Qaphelani abaphrofethi bamanga abeza kini bezigqokise isikhumba semvu kodwa ngaphakathi bezimpisi ezifohlozayo.\wj* 
\v 16 \wj Lizabazi ngezithelo zabo. Abantu bayawakha na amavini esihlahleni sameva kumbe amakhiwane edolofiyeni na?\wj* 
\v 17 \wj Kanjalo-ke, sonke isihlahla esihle sithela izithelo ezinhle kodwa isihlahla esibi sithela ezimbi.\wj* 
\v 18 \wj Isihlahla esihle ngeke sithele izithelo ezimbi njalo lesihlahla esibi kasingethele izithelo ezinhle.\wj* 
\v 19 \wj Zonke izihlahla ezingatheli izithelo ezinhle ziyaganyulwa ziphoselwe emlilweni.\wj* 
\v 20 \wj Ngakho-ke, lizabazi ngezithelo zabo.”\wj*
\s1 Abafundi Bamanga Labeqiniso
\p
\v 21 \wj “Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini.\wj* 
\v 22 \wj Abanengi bazakuthi kimi ngalolosuku, ‘Nkosi, Nkosi, kasiphrofithanga ngebizo lakho, njalo ngebizo lakho sakhupha amadimoni, senza lezimangaliso na?’\wj* 
\v 23 \wj Lapho-ke, ngizabatshela kakuhle ngithi, ‘Ngivele kangilazi. Sudulukani kimi, lina benzi bobubi!’ ”\wj*
\s1 Umakhi Ohlakaniphileyo Loyisiwula
\p
\v 24 \wj “Ngakho lowo owezwayo amazwi ami la awenze unjengendoda ehlakaniphileyo eyakhela indlu yayo edwaleni.\wj* 
\v 25 \wj Latheleka izulu, izifula zagcwala, wavunguza umoya watshaya phezu kwaleyondlu; kodwa kayiwanga ngoba yayigxiliswe isisekelo sayo edwaleni.\wj* 
\v 26 \wj Kodwa lowo owezwayo amazwi ami la angawenzi unjengendoda eyisiwula eyakhela indlu yayo etshebetshebeni.\wj* 
\v 27 \wj Latheleka izulu, izifula zagcwala, umoya wavunguza watshaya phezu kwendlu leyo yawa yabhidlika.”\wj*
\p
\v 28 UJesu eseqedile ukukhuluma lezizinto, amaxuku abantu amangaliswa yikufundisa kwakhe, 
\v 29 ngoba wafundisa njengomuntu olamandla, hatshi njengabafundisi babo bomthetho.
\c 8
\s1 Indoda Eyayilobulephero
\p
\v 1 Kwathi esehlile entabeni amaxuku abantu amlandela. 
\v 2 Indoda eyayilobulephero yeza yaguqa phambi kwakhe yathi, “Nkosi nxa uthanda ungangenza ngihlambuluke.”
\p
\v 3 UJesu welula isandla sakhe wayithinta wathi, \wj “Ngiyathanda, hlambuluka!”\wj* Masinyane nje yasila ebulepherweni bayo. 
\v 4 UJesu wasesithi kuyo, \wj “Zwana, ungatsheli muntu ngalokhu. Kodwa hamba uyeziveza kumphristi, unikele ngesipho esamiswa nguMosi njengobufakazi ebantwini.”\wj*
\s1 Ukholo LweNduna YeKhulu
\p
\v 5 UJesu esengenile eKhaphenawume, kwafika kuye induna yekhulu izocela uncedo. 
\v 6 Yathi, “Nkosi, inceku yami ilele phansi endlini, yome umhlubulo, isebuhlungwini obukhulu.”
\p
\v 7 UJesu wathi kuyo, \wj “Ngizakuza ngizeyisilisa.”\wj*
\p
\v 8 Induna yekhulu yaphendula yathi, “Kakungilingananga ukuthi ungeza ungene ngaphansi kophahla lwami. Kodwa tshono ilizwi nje kuphela, inceku yami izasila. 
\v 9 Ngoba mina ngokwami ngingumuntu ongaphansi komthetho, ngilamabutho angaphansi kwami. Lo ngimtshela ngithi, ‘Hamba,’ ahambe; ngithi kuloyana, ‘Buya,’ lakanye abuye. Ngithi encekwini yami, ‘Yenza lokhu,’ ikwenze.”
\p
\v 10 UJesu wathi ekuzwa lokhu wamangala wathi kulabo ababemlandela, \wj “Ngilitshela iqiniso, kangikamboni loyedwa ko-Israyeli olokukholwa okukhulu kangaka.\wj* 
\v 11 \wj Ngithi kini abanengi bazavela empumalanga lentshonalanga, bahlale edilini lo-Abhrahama, lo-Isaka loJakhobe embusweni wezulu.\wj* 
\v 12 \wj Kodwa abanini bombuso bazaxotshelwa phandle emnyameni lapho okuzakuba khona ukukhala lokugedla kwamazinyo.”\wj*
\p
\v 13 UJesu wasesithi enduneni yekhulu, \wj “Hamba! Kuzakwenziwa njengalokhu ukholwa ukuthi kuzakwenziwa.”\wj* Inceku yayo yahle yasila ngalesosikhathi.
\s1 UJesu Usilisa Abanengi
\p
\v 14 Kwathi lapho uJesu esengenile endlini kaPhethro, wabona uninazala kaPhethro elele embhedeni ephethwe ngumkhuhlane woqhuqho. 
\v 15 Wamthinta esandleni umkhuhlane wahle waphuma kuye, wavuka waqala ukumphakela.
\p
\v 16 Sekuntambama abanengi ababelamadimoni balethwa kuye wayikhupha imimoya ngelizwi njalo wasilisa bonke abagulayo. 
\v 17 Lokhu kwakugcwalisa okwakhulunywa ngomphrofethi u-Isaya ukuthi:
\q1 “Wathatha ubuthakathaka bethu
\q2 wathwala izifo zethu.”\f + \fr 8.17 \fr*\ft U-Isaya 53.4\ft*\f*
\s1 Ubunzima Bokulandela UJesu
\p
\v 18 Wathi uJesu ebona amaxuku abantu abanengi bembuthanele, wathi akuchaphelwe ngaphetsheya ngakuleliyana icele lechibi. 
\v 19 Kwasekusiza kuye umfundisi womthetho wathi, “Mfundisi, ngizakulandela ungaze uye ngaphi.”
\p
\v 20 UJesu waphendula wathi, \wj “Amakhanka alemilindi lezinyoni zemoyeni zilezidleke, kodwa iNdodana yoMuntu kayilandawo yokufihla ikhanda layo.”\wj*
\p
\v 21 Omunye umfundi wathi kuye, “Nkosi, akuthi ngiqale ngihambe ngiyengcwaba ubaba.”
\p
\v 22 Kodwa uJesu wamtshela wathi, \wj “Ngilandela, uyekele abafileyo bangcwabe abafileyo babo.”\wj*
\s1 UJesu Uthulisa Isiphepho
\p
\v 23 UJesu wasengena esikepeni abafundi bakhe bamlandela. 
\v 24 Masinyane nje kwaphakama isiphepho esesabekayo echibini, amagagasi atshaya phezu kwesikepe. Kodwa uJesu wayelele. 
\v 25 Abafundi bahamba bayamvusa besithi, “Nkosi, sihlenge, Sesigalula!”
\p
\v 26 Waphendula wathi, \wj “Lina bokukholwa okuncinyane, kungani lisesaba kangaka?”\wj* Wasephakama wawukhuza umoya kanye lamagagasi, kwasekuthula cwaka.
\p
\v 27 Amadoda amangala abuza athi, “Ngumuntu bani lo? Oze alalelwe ngumoya kanye lamagagasi!”
\s1 Ukusiliswa Kwamadoda Amabili Alamadimoni
\p
\v 28 Wathi ekufikeni kwakhe ngakwelinye icele emangweni wamaGadarini wahlangabezwa ngamadoda amabili ayelamadimoni eqhamuka emathuneni. Ayelodlakela, kungasadluli muntu ngaleyondlela. 
\v 29 Amemeza athi, “Ufunani kithi, Ndodana kaNkulunkulu? Uze lapha ukuzasihlupha singakafiki isikhathi esimisiweyo na?”
\p
\v 30 Bucwala kwawo umhlambi omkhulu wengulube wawusidla. 
\v 31 Amadimoni amncenga uJesu athi, “Nxa usikhupha, sithumele emhlambini wengulube.”
\p
\v 32 Wathi kuwo, \wj “Hambani!”\wj* Aphuma ayangena engulubeni, umhlambi wonke waphaphatheka waqonda eliweni wangena echibini, wafela emanzini. 
\v 33 Labo ababezelusile baphaphatheka baqonda edolobheni bayabika konke lokhu, besitsho lalokho okwenzakala kulawomadoda ayelamadimoni. 
\v 34 Khonapho idolobho lonke laphuma ukuyahlangana loJesu. Bathi sebembonile bamncenga ukuba asuke emangweni wakibo.
\c 9
\s1 UJesu Usilisa Umuntu Owome Umhlubulo
\p
\v 1 UJesu wangena esikepeni wachaphela ngasedolobheni lakibo. 
\v 2 Amanye amadoda aletha kuye indoda eyayome umhlubulo ilele ecansini. UJesu ebona ukholo lwawo wathi kweyome umhlubulo, \wj “Woba lesibindi, ndodana; izono zakho sezithethelelwe.”\wj*
\p
\v 3 Bekuzwa lokho abanye abafundisi bomthetho bahleba bodwa bathi, “Umuntu lo uyahlambaza!”
\p
\v 4 Esazi imicabango yabo uJesu wathi kubo, \wj “Kungani licabanga izinto ezimbi ezinhliziyweni zenu na?\wj* 
\v 5 \wj Yikuphi okulula ukuthi, ‘Izono zakho sezithethelelwe’ kumbe ukuthi, ‘Sukuma uhambe’?\wj* 
\v 6 \wj Kodwa ngifuna lazi ukuthi iNdodana yoMuntu ilamandla okuthethelela izono emhlabeni.”\wj* Wasesithi kweyome umhlubulo, \wj “Sukuma uthathe icansi lakho uhambe uye ekhaya.”\wj* 
\v 7 Indoda yasukuma yaqonda ekhaya. 
\v 8 Ixuku labantu lathi likubona lokhu lesaba kakhulu; lamdumisa uNkulunkulu owayenike amandla la ebantwini.
\s1 Ukubizwa KukaMatewu
\p
\v 9 Kwathi uJesu eseqhubeka esuka lapho, wabona indoda eyayithiwa nguMatewu ihlezi endaweni yokuthelisa. UJesu wathi kuyo \wj “Ngilandela,”\wj* uMatewu wahle wasukuma wamlandela.
\p
\v 10 Kwathi uJesu esidla endlini kaMatewu kweza abathelisi abanengi lezoni bonke bezokudla laye kanye labafundi bakhe. 
\v 11 Kuthe abaFarisi bekubona lokho babuza abafundi bakhe bathi, “Kungani umfundisi wenu esidla labathelisi lezoni na?”
\p
\v 12 UJesu wakuzwa lokho wathi, \wj “Abaphilileyo kabayidingi inyanga kodwa idingwa ngabagulayo.\wj* 
\v 13 \wj Kodwa hambani liyefunda ukuthi kutshoni lokhu ukuthi, ‘Ngoba ngifuna isihawu hatshi umhlatshelo.’\wj*\f + \fr 9.13 \fr*\ft UHosiya 6.6\ft*\f* \wj Ngoba kangilandanga ukubiza abalungileyo, kodwa izoni.”\wj*
\s1 UJesu Ubuzwa Ngokuzila
\p
\v 14 Kwasekufika abafundi bakaJohane bambuza bathi, “Kungani thina labaFarisi sizila kodwa abafundi bakho kabazili?”
\p
\v 15 UJesu waphendula wathi, \wj “Izethekeli zomyeni zingalila kanjani esesekhona phakathi kwazo na? Sizafika isikhathi lapho umyeni ezasuswa kuzo; kulapho-ke ezizazila khona.\wj*
\p
\v 16 \wj Kakho umuntu othungela isichibi selembu elitsha elingakafinyeli esigqokweni esidala, ngoba isichibi sizadonsa esigqokweni ukudabuka kuqhele ngamandla.\wj* 
\v 17 \wj Futhi abantu kabatheli iwayini elitsha emigodleni emidala. Bangenzenjalo imigodla izadabuka, iwayini lichitheke lemigodla ihle iguge iphele. Kodwa, bathela iwayini elitsha emigodleni emitsha besekulondolozeka kuhle kokubili.”\wj*
\s1 Intombazana Efileyo Lomfazi Ogulayo
\p
\v 18 Wathi esakhuluma lokhu kwafika umbusi waguqa phambi kwakhe wathi, “Indodakazi yami isanda kufa. Kodwa ngicela uzebeka isandla sakho phezu kwayo, izaphila.” 
\v 19 UJesu wasuka wahamba laye kanye labafundi bakhe.
\p
\v 20 Khonokho owesifazane owayehlutshwa ngumopho okweminyaka elitshumi lambili weza ngemva kwakhe wabamba umphetho wesembatho sakhe. 
\v 21 Wazitshela wathi, “Nxa ngingathinta nje isembatho sakhe kodwa lokhu, ngizasila.”
\p
\v 22 UJesu wanyemukula wambona. Wathi kuye, \wj “Mana isibindi ndodakazi, ukholo lwakho lukusilisile.”\wj* Lakanye owesifazane lowo wasila ngalesosikhathi.
\p
\v 23 UJesu wathi esengenile endlini yombusi wesinagogu wabona ababetshaya imihubhe kanye lexuku elalixokozela, 
\v 24 wathi kubo, \wj “Phumani. Intombazana kayifanga kodwa ilele.”\wj* Kodwa bamhleka usulu. 
\v 25 Ixuku labantu selikhutshelwe phandle, wangena wayibamba ngesandla intombazana yaphakama. 
\v 26 Indaba yesehlakalo lesi yamemetheka kuwo wonke umango wakuleyondawo.
\s1 UJesu Usilisa Isiphofu Lesimungulu
\p
\v 27 Kwathi uJesu esuka lapho amadoda ayiziphofu amabili amlandela ememeza esithi, “Sihawukele, Ndodana kaDavida!”
\p
\v 28 Esengenile endlini iziphofu lezo zeza kuye wazibuza wathi, \wj “Liyakholwa na ukuthi ngingakwenza lokhu?”\wj*
\p Zamphendula zathi, “Yebo Nkosi.”
\p
\v 29 Wasezithinta amehlo wathi kuzo, \wj “Kuzakwenziwa kini njengokukholwa kwenu”;\wj* 
\v 30 zasiliswa zabona. UJesu waziqonqosela wathi, \wj “Akungabi lomuntu ozakwazi ngalokhu.”\wj* 
\v 31 Kodwa zasuka lapho zafakaza ngaye indawo yonke yelizwe lelo.
\p
\v 32 Ekuphumeni kwalezoziphofu, kwalethwa kuJesu indoda eyayiledimoni iyisimungulu. 
\v 33 Kwathi idimoni selikhutshiwe indoda leyo eyayiyisimungulu yakhuluma. Ixuku labantu lamangala, abantu bathi, “Akukaze kubonakale okunje ko-Israyeli.”
\p
\v 34 Kodwa abaFarisi bathi, “Amadimoni uwakhupha ngenkosi yamadimoni.”
\s1 Izisebenzi Zimbalwa
\p
\v 35 UJesu wangena kuwo wonke amadolobho lemizi efundisa emasinagogweni abo, etshumayela izindaba ezinhle ezombuso njalo eselapha zonke izifo lemikhuhlane. 
\v 36 Wathi ebona amaxuku abantu wawazwela usizi ngoba ayehlukuluzekile njalo ephelelwe, enjengezimvu ezingelamelusi. 
\v 37 Wasesithi kubafundi bakhe, \wj “Isivuno sinengi kodwa izisebenzi zimbalwa.\wj* 
\v 38 \wj Ngakho celani iNkosi yokuvuna ukuba ithumele izisebenzi ensimini yokuvuna.”\wj*
\c 10
\s1 UJesu Uthumela Abalitshumi Lambili
\p
\v 1 UJesu wabizela ndawonye abafundi bakhe abalitshumi lambili wabapha amandla okukhupha imimoya emibi lokusilisa zonke izifo lemikhuhlane.
\b
\li4
\v 2 Amabizo abafundi abalitshumi lambili ayeyila:
\b
\li1 Owokuqala wayenguSimoni, othiwa nguPhethro lomfowabo u-Andreya;
\li1 uJakhobe indodana kaZebhediya loJohane umfowabo;
\li1
\v 3 uFiliphu, uBhatholomewu;
\li1 uThomasi, uMatewu umthelisi;
\li1 uJakhobe indodana ka-Alifewu, uLabhewu osibongo sakhe sasinguThediyasi;
\li1
\v 4 uSimoni umZilothi loJudasi Iskariyothi onguye owamnikelayo.
\b
\p
\v 5 Laba abalitshumi lambili uJesu wabathuma, wabalaya wathi, \wj “Lingayi phakathi kwabeZizwe futhi lingangeni lakuliphi idolobho lamaSamariya.\wj* 
\v 6 \wj Kodwa hambani liyebutha izimvu ezilahlekileyo zako-Israyeli.\wj* 
\v 7 \wj Ekuhambeni kwenu, litshumayele lelilizwi: ‘Umbuso wezulu ususondele.’\wj* 
\v 8 \wj Silisani abagulayo, livuse abafileyo, lihlambulule abalobulephero, likhuphe amadimoni. Lamukelisiwe kungelambadalo ngakho lani phanini kungelambadalo.\wj*
\p
\v 9 \wj Lingaphathi igolide loba isiliva loba ithusi emixhakeni yamabhanti enu;\wj* 
\v 10 \wj lingathwali izikhwama ekuhambeni kwenu loba isigqoko sokuntshintsha, loba amanye amanyathela kumbe olunye udondolo ngoba osebenzayo kufanele aphiwe okokuziphilisa.\wj* 
\v 11 \wj Loba yiliphi idolobho kumbe umuzi elingena kuwo, dingani umuntu ofaneleyo ukuba lihlale endlini yakhe kokuphela lize lisuke khona.\wj* 
\v 12 \wj Akuthi nxa lingena kulowomuzi, liwunxusele ukuthula.\wj* 
\v 13 \wj Nxa lowomuzi ufanele, ukuthula kwenu akube kuwo, kodwa nxa lingemukelwa aginyeni amazwi enu okuthula.\wj* 
\v 14 \wj Nxa engekho olamukelayo kumbe olalela amazwi enu, sukani kulowomuzi kumbe idolobho lithintithe uthuli ezinyaweni zenu.\wj* 
\v 15 \wj Ngilitshela iqiniso ukuthi, kuzakuba ngcono elizweni leSodoma leGomora ngelanga lokwahlulelwa kulokuzakwehlela lelodolobho.\wj*
\p
\v 16 \wj Ngilithuma linjengezimvu phakathi kwempisi. Ngakho qaphani njengezinyoka kodwa libemsulwa njengamajuba.\wj* 
\v 17 \wj Libalimuke abantu; bazalimangalela ezinkundleni zamacala, balibhaxabule emasinagogweni abo.\wj* 
\v 18 \wj Ngenxa yami lizamiswa phambi kwababusi lamakhosi ukuze libe ngofakazi kubo lakwabeZizwe.\wj* 
\v 19 \wj Kodwa nxa belibopha lingazihluphi ngokuthi lizakuthini lokuthi likutsho kanjani. Ngalesosikhathi lizakwambulelwa okumele likutsho,\wj* 
\v 20 \wj ngoba akuzukuba yini elikhulumayo kodwa kuzakuba nguMoya kaYihlo ozabe ukhuluma ngani.\wj*
\p
\v 21 \wj Umuntu uzanikela umfowabo ukuthi abulawe, loyise anikele umntanakhe; abantwana bazahlamukela abazali babo bababulale.\wj* 
\v 22 \wj Bonke abantu bazalizonda ngenxa yebizo lami kodwa lowo oma aqine kuze kube sekupheleni uzasindiswa.\wj* 
\v 23 \wj Nxa lihlukuluzwa endaweni ethile, balekelani kwenye. Ngilitshela iqiniso ukuthi kaliyikuqeda ukuwahambela wonke amadolobho ako-Israyeli iNdodana yoMuntu ingakafiki.\wj*
\p
\v 24 \wj Umfundi ungaphansi kombalisi wakhe, lenceku ingaphansi kwenkosi yayo.\wj* 
\v 25 \wj Kwenele kumfundi ukuba njengombalisi wakhe, lenceku ukuba njengenkosi yayo. Nxa umninimuzi kungathiwa nguBhelizebhubhi pho kuzathiwani ngabendlu yakhe na?\wj*
\p
\v 26 \wj Ngakho lingabesabi. Ngoba kakukho okuthukuziweyo okungayi kubekwa obala, lokufihliweyo okungayikwaziwa.\wj* 
\v 27 \wj Lokhu engilitshela khona emnyameni kukhulumeni ekukhanyeni kwemini, okunyenyezwa ezindlebeni zenu kumemezeleni lisophahleni lwezindlu.\wj* 
\v 28 \wj Lingabesabi labo ababulala umzimba kodwa bengeke babulale umphefumulo. Kodwa yesabani lowo ongabhubhisa kokubili, umphefumulo lomzimba esihogweni.\wj* 
\v 29 \wj Intaka ezimbili kazithengiswa ngendibilitshi na? Kodwa kayikho leyodwa yazo ewela phansi ingavunyelwanga nguYihlo.\wj* 
\v 30 \wj Kwala zona inwele zamakhanda enu zibaliwe.\wj* 
\v 31 \wj Ngakho lingesabi; liligugu elidlula intaka ezinengi.\wj*
\p
\v 32 \wj Loba ngubani ongivuma phambi kwabantu lami ngizamvuma phambi kukaBaba ezulwini.\wj* 
\v 33 \wj Kodwa lowo ongiphikayo phambi kwabantu lami ngizamphika phambi kukaBaba ezulwini.\wj*
\p
\v 34 \wj Lingakhumbuli ukuthi ngilethe ukuthula emhlabeni. Kangilandanga ukuzeletha ukuthula kodwa inkemba.\wj* 
\v 35 \wj Ngoba ngize ukuxabanisa\wj*
\q1 \wj ‘indoda loyise,\wj*
\q2 \wj indodakazi lonina\wj*
\q1 \wj umalukazana loninazala,\wj*
\q2
\v 36 \wj izitha zomuntu zizakuba ngabendlu yakhe.’\wj*\f + \fr 10.36 \fr*\ft UMikha 7.6\ft*\f*
\p
\v 37 \wj Lowo othanda uyise loba unina kulami kangifanelanga; lowo othanda indodana yakhe loba indodakazi yakhe kulami kangifanelanga;\wj* 
\v 38 \wj njalo lowo ongathathi isiphambano sakhe angilandele kangifanelanga.\wj* 
\v 39 \wj Loba ngubani ozuza impilo yakhe izamlahlekela njalo lalowo olahlekelwa yimpilo yakhe ngenxa yami uzayizuza.\wj*
\p
\v 40 \wj Lowo olamukelayo wamukela mina, lalowo owamukela mina wamukela lowo ongithumileyo.\wj* 
\v 41 \wj Loba ngubani owamukele umphrofethi ngoba engumphrofethi uzazuza umvuzo womphrofethi njalo lalowo owamukela umuntu olungileyo ngoba engumuntu olungileyo uzakwamukela umvuzo womuntu olungileyo.\wj* 
\v 42 \wj Njalo nxa ekhona onika iloba yinkezo yamanzi aqandayo komunye walaba abancinyane ongumfundi wami, ngilitshela iqiniso, lowomuntu akayikulahlekelwa ngumvuzo wakhe.”\wj*
\c 11
\s1 UJesu LoJohane UMbhaphathizi
\p
\v 1 UJesu wathi eseqedile ukulaya abafundi bakhe abalitshumi lambili wasuka kuleyondawo ukuyafundisa lokutshumayela emadolobheni aseGalile.
\p
\v 2 UJohane esentolongweni wathi esizwa ukuthi uKhristu wayesenzani, wathuma abafundi bakhe 
\v 3 ukuba bayembuza bathi, “Unguye yini ozayo kumbe silindele omunye na?”
\p
\v 4 UJesu waphendula wathi, \wj “Buyelani liyebikela uJohane lokhu elikuzwayo lelikubonayo ukuthi\wj* 
\v 5 \wj Iziphofu zenziwa zibone, abaqhugezelayo bayahamba, abalobulephero bayahlanjululwa, izacuthe ziyezwa, abafileyo bayavuswa, levangeli liyatshunyayelwa kubayanga.\wj* 
\v 6 \wj Ubusisiwe umuntu ongakhubekiyo ngenxa yami.”\wj*
\p
\v 7 Kwathi abafundi bakaJohane sebesuka, uJesu waqala ukukhuluma labantu ngoJohane esithi: \wj “Laphuma lisiyabonani enkangala na? Umhlanga owazunguzwa ngumoya na?\wj* 
\v 8 \wj Nxa kungayisikho, pho lalisiyabonani? Indoda eyayicecile na? Hatshi, labo abagqoka izigqoko ezinhle basezigodlweni zamakhosi.\wj* 
\v 9 \wj Pho laphuma lisiyabonani na? Umphrofethi? Yebo, ngiyalitshela, odlula umphrofethi.\wj* 
\v 10 \wj Lo nguye okulotshwe ngaye ukuthi:\wj*
\q1 \wj ‘Ngizathuma isithunywa sami phambi kwakho,\wj*
\q2 \wj esizalungisa indlela yakho phambi kwakho.’\wj*\f + \fr 11.10 \fr*\ft UMalaki 3.1\ft*\f*
\m
\v 11 \wj Ngilitshela iqiniso ukuthi, phakathi kwabo bonke abazelwe ngabesifazane akukaveli loyedwa omkhulu kuloJohane uMbhaphathizi ikanti lowo ongomncinyane kakhulu embusweni wezulu mkhulu kulaye.\wj* 
\v 12 \wj Kusukela ensukwini zikaJohane uMbhaphathizi kuze kube khathesi, umbuso wezulu wala uqhubeka ngamandla ngoba abantu abalamandla bawubambile.\wj* 
\v 13 \wj Ngoba bonke abaPhrofethi kanye loMthetho baphrofitha kwaze kwafika uJohane.\wj* 
\v 14 \wj Ngakho nxa likwamukela lokhu, ungu-Elija okwathiwa uyeza.\wj* 
\v 15 \wj Lowo olendlebe zokuzwa, kezwe.\wj*
\p
\v 16 \wj Kambe ngingasifanisa lani isizukulwane lesi na? Banjengabantwana abahlezi emikambo bememeza abanye besithi:\wj*
\q1
\v 17 \wj ‘Salitshayela umhubhe,\wj*
\q2 \wj kodwa kaligidanga;\wj*
\q1 \wj salihlabelela ingoma yesililo\wj*
\q2 \wj kodwa kalililanga.’\wj*
\m
\v 18 \wj Ngoba uJohane wafika engadli njalo enganathi basebesithi, ‘Uledimoni,’\wj* 
\v 19 \wj INdodana yoMuntu yafika yadla, yanatha, bathi, ‘Nansi isidli lesidakwa, umngane wabathelisi lezoni.’ Kodwa, ukuhlakanipha kuziveza ukuthi kuqondile ngemisebenzi yakho.”\wj*
\s1 Maye Kuleyomizi Engaphendukanga
\p
\v 20 UJesu waseqalisa ukuwasola amadolobho lawo lapho izimangaliso zakhe ezinengi ezazenziwe khona ngoba kabazange baphenduke: 
\v 21 \wj “Maye kuwe Khorazini! Maye kuwe Bhethisayida! Aluba izimangaliso lezo ezenziwa kuwe zazenziwe eThire leSidoni, ngabe kudala baphenduka begqoke izigqoko zamasaka, bazibhuqa lemlotheni.\wj* 
\v 22 \wj Kodwa ngiyalitshela, kuzakuba ngcono eThire leSidoni ngosuku lokwahlulelwa kulalokho okuzalehlela lina.\wj* 
\v 23 \wj Lawe Khaphenawume, kambe uzaphakanyiselwa emazulwini na? Hatshi, uzatshona phansi uye eHadesi. Ngoba aluba izimangaliso ezenziwa kuwe zazenziwe eSodoma ngabe ikhona lanamuhla.\wj* 
\v 24 \wj Kodwa ngiyalitshela ukuthi kuzakuba ngcono elizweni leSodoma ngelanga lokwahlulelwa kulakuwe.”\wj*
\s1 Ukuphumula Kwabakhatheleyo
\p
\v 25 Ngalesosikhathi uJesu wathi, \wj “Ngiyakubonga Baba, Nkosi yezulu lomhlaba ngoba uzifihlile lezizinto kwabahlakaniphileyo labafundileyo, wazambulela abantwana abancinyane.\wj* 
\v 26 \wj Yebo Baba, lokhu kwaba yikuthanda kwakho.\wj*
\p
\v 27 \wj Zonke izinto zethulwe kimi nguBaba. Kakho oyaziyo iNdodana ngaphandle kukaBaba, njalo kakho omaziyo uBaba ngaphandle kweNdodana lalabo iNdodana ekhethe ukuba imveze kubo.\wj*
\p
\v 28 \wj Wozani kimi lina lonke elikhatheleyo lelisindwayo, ngizaliphumuza.\wj* 
\v 29 \wj Zithwaliseni ijogwe lami, lifunde kimi, ngoba ngimnene futhi ngithobekile enhliziyweni njalo lizazuza ukuphumula kwemiphefumulo yenu.\wj* 
\v 30 \wj Ngoba ijogwe lami lilula, lomthwalo wami kawusindi.”\wj*
\c 12
\s1 INkosi YeSabatha
\p
\v 1 Ngalesosikhathi uJesu wadabula phakathi kwamasimu amabele kulilanga leSabatha. Abafundi bakhe basebelambile, basebekhwebula izikhwebu zamabele badla. 
\v 2 AbaFarisi bakubona lokhu, bathi kuye, “Khangela! Abafundi bakho benza okuphambene lomthetho ngeSabatha.”
\p
\v 3 Waphendula wathi, \wj “Kalifundanga yini okwenziwa nguDavida lapho yena labakhula bakhe sebelambile?\wj* 
\v 4 \wj Wangena endlini kaNkulunkulu, yena labakhula bakhe, badla isinkwa esingcwelisiweyo, into eyayingavunyelwa ngomthetho ukuba bayenze, kodwa ivunyelwe abaphristi kuphela.\wj* 
\v 5 \wj Kumbe kalifundanga yini eMthethweni ukuthi ngeSabatha abaphristi ethempelini bayalungcolisa lolusuku kodwa kabalacala.\wj* 
\v 6 \wj Ngiyalitshela ukuthi lowo omkhulu kulethempeli ukhona lapha.\wj* 
\v 7 \wj Kube lalikwazile ukuthi amazwi la atshoni, ‘Ngifuna isihawu hatshi umhlatshelo’\wj*\f + \fr 12.7 \fr*\ft UHosiya 6.6\ft*\f* \wj belingasoze libalahle abangelacala.\wj* 
\v 8 \wj Phela iNdodana yoMuntu iyiNkosi yeSabatha.”\wj*
\p
\v 9 Esuka lapho wayangena esinagogweni labo, 
\v 10 khonapho kulendoda eyayitshwabhene isandla. Kwathi ngoba bedinga indlela yokubeka uJesu icala bambuza bathi, “Kuyavunyelwa emthethweni ukusilisa ngeSabatha na?”
\p
\v 11 Wathi kubo, \wj “Nxa omunye wenu engaba lemvu esuka iwele egodini ngeSabatha, kazukuyibamba ayikhuphe na?\wj* 
\v 12 \wj Pho umuntu uligugu elinganani kulemvu! Yikho-ke, kusemthethweni ukwenza okuhle ngeSabatha.”\wj*
\p
\v 13 Wasesithi kuleyondoda, \wj “Yelula isandla sakho.”\wj* Ngakho yaselula sahle sabuyela ngokupheleleyo, sesiqinile njengesinye. 
\v 14 Kodwa abaFarisi basuka lapho bayakwakha icebo lokuthi bangambulala njani uJesu.
\s1 Inceku KaNkulunkulu Ekhethiweyo
\p
\v 15 UJesu esekunanzelele lokho wasuka kuleyondawo. Abanengi bamlandela, wasilisa bonke abagulayo babo, 
\v 16 ebalaya ukuthi bangakhulumi ukuthi ungubani. 
\v 17 Lokhu kwakuyikugcwalisa lokho okwakukhulunywe ngumphrofethi u-Isaya ukuthi:
\q1
\v 18 “Nansi inceku yami engiyikhethileyo,
\q2 yona engiyithandayo, engithokoza ngayo;
\q1 ngizabeka uMoya wami phezu kwayo,
\q2 izamemezela ukulunga phakathi kwezizwe.
\q1
\v 19 Kayiyikuphika inkani loba imemeze;
\q2 kakho ozalizwa ilizwi layo emigwaqweni.
\q1
\v 20 Umhlanga ofecekileyo kayiyikuwephula
\q2 lentambo yesibane ethunqayo kayiyikuyicima,
\q1 ize ilethe ukunqoba kokulunga.
\q2
\v 21 Izizwe zizabeka ithemba lazo ebizweni layo.”\f + \fr 12.21 \fr*\ft U-Isaya 42.1-4\ft*\f*
\s1 UJesu LoBhelizebhubhi
\p
\v 22 Basebeletha kuye indoda eyayiledimoni, iyisiphofu njalo iyisimungulu. UJesu wayisilisa yakwazi ukukhuluma lokubona. 
\v 23 Bonke abantu bamangala bathi, “Kambe lo angabe eyiNdodana kaDavida na?”
\p
\v 24 Kodwa kwathi abaFarisi bekuzwa lokhu bathi, “Ngamandla kaBhelizebhubhi inkosi yamadimoni amenza enelise ukuxotsha amadimoni.”
\p
\v 25 UJesu wayeyazi imicabango yabo wasesithi kubo, \wj “Loba yiwuphi umbuso odabuke phakathi kwawumi njalo idolobho kumbe indlu edabuke phakathi kayimi.\wj* 
\v 26 \wj Nxa uSathane exotsha uSathane, wehlukene phakathi. Pho umbuso wakhe ungema kanjani?\wj* 
\v 27 \wj Nxa ngikhupha amadimoni ngoBhelizebhubhi, pho abalandeli benu bawakhupha ngobani? Ngakho bazakuba ngabahluleli benu.\wj* 
\v 28 \wj Kodwa nxa ngixotsha amadimoni ngoMoya kaNkulunkulu, kutsho ukuthi umbuso kaNkulunkulu usufikile kini.\wj*
\p
\v 29 \wj Umuntu angangena kanjani endlini yesiqhwaga aphange impahla zaso ngaphandle kokuba aqale asibophe isiqhwaga leso? Lapho-ke usengayiphanga indlu yaso\wj*.
\p
\v 30 \wj Lowo ongemanga lami uphikisana lami, lalowo ongabuthi lami uyachithiza.\wj* 
\v 31 \wj Ngakho ngiyalitshela ngithi imihlobo yonke yezono lezithuko izathethelelwa, kodwa ukuthuka uMoya akuyi kuthethelelwa.\wj* 
\v 32 \wj Lowo okhuluma okubi ngeNdodana yoMuntu uzathethelelwa kodwa lowo othuka uMoya oNgcwele akayikuthethelelwa kulesisikhathi kumbe esizayo.\wj*
\p
\v 33 \wj Ungenza isihlahla sibe sihle lezithelo zaso zizakuba zinhle loba ungenza isihlahla sibe sibi lezithelo zaso zizakuba zimbi ngoba isihlahla saziwa ngezithelo zaso.\wj* 
\v 34 \wj Lina nzalo yezinyoka, lingakukhuluma kanjani okuhle lina libabi na? Ngoba lokho okusenhliziyweni yikho umlomo okukhulumayo.\wj* 
\v 35 \wj Umuntu olungileyo uveza izinto ezinhle azigcine ngaphakathi kwakhe njalo lomuntu omubi ukhihliza izinto ezimbi azigcine ngaphakathi kwakhe.\wj* 
\v 36 \wj Kodwa ngiyalitshela ukuthi umuntu munye ngamunye uzaziphendulela ngosuku lokwahlulelwa ngawo wonke amazwi ayize awakhulumayo.\wj* 
\v 37 \wj Ngoba lizakhululwa ngamazwi enu njalo lizalahlwa ngamazwi enu.”\wj*
\s1 Isibonakaliso SikaJona
\p
\v 38 Abanye abaFarisi labafundisi bomthetho basebesithi kuye, “Mfundisi, sifuna ukubona isibonakaliso esivela kuwe.”
\p
\v 39 Waphendula wathi, \wj “Isizukulwane esixhwalileyo lesiphingayo sicela isibonakaliso! Kodwa kasisoze sisiphiwe ngaphandle kwesibonakaliso somphrofethi uJona.\wj* 
\v 40 \wj NjengoJona owahlala insuku ezintathu lobusuku obuthathu esiswini senhlanzi enkulu, kanjalo iNdodana yoMuntu izahlala insuku ezintathu lobusuku obuthathu phansi komhlabathi.\wj* 
\v 41 \wj Abantu baseNiniva bazasukuma kanye lalesi sizukulwane ngosuku lokwahlulelwa basilahle ngoba bona baphenduka ekutshumayeleni kukaJona, kodwa khathesi lowo omkhulu kuloJona uselapha.\wj* 
\v 42 \wj INdlovukazi yaseNingizimu izavuka mhla wokwahlulelwa kanye lalesi isizukulwane isilahle; ngoba yeza ivela emaphethelweni omhlaba izolalela uSolomoni; pho manje omkhulu kuloSolomoni usekhona.\wj*
\p
\v 43 \wj Nxa umoya omubi uphuma emuntwini, uyazula enkangala udinga ukuphumula kodwa uyakuswela.\wj* 
\v 44 \wj Ubususithi, ‘Ngizabuyela endlini engaphuma kuyo.’ Uthi ufika uthole leyondlu ingelamuntu, ithanyelwe yahlanzeka, konke kumi kuhle.\wj* 
\v 45 \wj Ubusuhamba uyethatha eminye imimoya eyisikhombisa exhwale okudlula wona, ingene ihlale khona. Isiphetho salowomuntu sizakuba sibi kulasekuqaleni. Kuzakuba njalo kulesisizukulwane esixhwalileyo.”\wj*
\s1 Unina KaJesu Labafowabo
\p
\v 46 UJesu elokhu esakhuluma lamaxuku abantu, unina labafowabo babemi phandle befuna ukukhuluma laye. 
\v 47 Omunye wamtshela wathi, “Unyoko labafowenu bemi phandle, bafuna ukukhuluma lawe.”
\p
\v 48 Wamphendula wathi, \wj “Ngubani umama njalo ngobani abangabafowethu na?”\wj* 
\v 49 Wakhomba abafundi bakhe wathi, \wj “Nampa abangumama labangabafowethu.\wj* 
\v 50 \wj Loba ngubani owenza intando kaBaba osezulwini ungumfowethu, ungudadewethu njalo ngumama.”\wj*
\c 13
\s1 Umzekeliso Womhlanyeli
\p
\v 1 Ngalolosuku uJesu waphuma endlini wayahlala eceleni kwechibi. 
\v 2 Amaxuku abantu aminyezelana kuye waze wangena esikepeni wahlala kuso, abantu bonke bona babemi okhunjini. 
\v 3 Wasebatshela izinto ezinengi esebenzisa imizekeliso, wathi, \wj “Umlimi waphuma wayahlanyela inhlanyelo yakhe.\wj* 
\v 4 \wj Kwathi eyihaza inhlanyelo, eyinye yawela endleleni, izinyoni zafika zayidobha yonke.\wj* 
\v 5 \wj Eyinye yawela okhetheni lapho okwakungela mhlabathi owaneleyo. Yaphanga yamila ngoba umhlabathi wawungatshoni.\wj* 
\v 6 \wj Kodwa kwathi ilanga seliphumile yahanguleka yabuna ngoba yayingelampande.\wj* 
\v 7 \wj Eyinye yawela phakathi kwameva, asuka akhula ayiminya inhlanyelo.\wj* 
\v 8 \wj Eyinye inhlanyelo yawela emhlabathini omuhle lapho eyathela khona izithelo eziphindwe okungabalikhulu, kumbe okungamatshumi ayisithupha loba okungamatshumi amathathu ukudlula leyo eyayihlanyelwe.\wj* 
\v 9 \wj Lowo olendlebe kezwe.”\wj*
\p
\v 10 Abafundi beza kuye bambuza bathi, “Kungani ukhuluma ebantwini ngemizekeliso na?”
\p
\v 11 Waphendula wathi, \wj “Ulwazi lwemfihlakalo yombuso wezulu luphiwe lina hatshi bona.\wj* 
\v 12 \wj Lowo olakho, uzaphiwa kwengezelelwe abesesiba lokunengi kakhulu. Lowo ongelakho, lalokho alakho uzakwemukwa.\wj* 
\v 13 \wj Lokhu yikho okungenza ngikhulume kubo ngemizekeliso:\wj*
\q1 \wj Ngoba loba bekhangele kababoni;\wj*
\q2 \wj loba belalele kabezwa njalo kabaqedisisi.\wj*
\m
\v 14 \wj Kubo isiphrofethi sika-Isaya siyagcwaliseka, esokuthi:\wj*
\q1 \wj ‘Lizahlala lisizwa kodwa lingaqedisisi;\wj*
\q2 \wj lizahlala libona kodwa lingabonisisi.\wj*
\q1
\v 15 \wj Ngoba inhliziyo zalababantu sezaba lukhuni;\wj*
\q2 \wj kabasezwa ngezindlebe zabo\wj*
\q2 \wj njalo sebawavala amehlo abo.\wj*
\q1 \wj Funa babone ngamehlo abo,\wj*
\q2 \wj bezwe ngezindlebe zabo,\wj*
\q2 \wj baqedisise ngezinhliziyo zabo,\wj*
\q1 \wj baphenduke bese ngibasilisa.’\wj*\f + \fr 13.15 \fr*\ft U-Isaya 6.9-10\ft*\f*
\m
\v 16 \wj Kodwa abusisiwe amehlo enu ngoba ayabona lezindlebe zenu ziyezwa.\wj* 
\v 17 \wj Ngoba ngilitshela iqiniso ukuthi abaphrofethi abanengi lamadoda alungileyo balangazela ukukubona lokhu elikubonayo kodwa kabakubonanga, lokuzwa lokhu elikuzwayo kodwa kabakuzwanga.\wj*
\p
\v 18 \wj Lalelani-ke lizwe ukuthi utshoni umzekeliso womhlanyeli:\wj* 
\v 19 \wj Nxa umuntu esizwa ilizwi ngombuso kodwa engabambisisi, omubi uyeza ahwithe lokho obekuhlanyelwe enhliziyweni yakhe. Yiyo le inhlanyelo eyahlanyelwa endleleni.\wj* 
\v 20 \wj Inhlanyelo eyawela okhetheni ngumuntu olizwayo ilizwi aphange alamukele ngentokozo.\wj* 
\v 21 \wj Kodwa ngenxa yokuthi kalampande, nxa okwesikhatshana kuphela. Nxa kufika uhlupho lokuhlukunyezwa ngenxa yelizwi uphanga akhubeke.\wj* 
\v 22 \wj Inhlanyelo eyawela phakathi kwameva ngumuntu olizwayo ilizwi kodwa lisuke landelwe yizinhlupheko zale impilo lenkohliso yenotho, lingabe lisaba lezithelo.\wj* 
\v 23 \wj Kodwa leyonhlanyelo eyawela emhlabathini ovundileyo ngumuntu olizwayo ilizwi alizwisise. Lo nguye othela izithelo ezinengi ngekhulu, ngamatshumi ayisithupha loba ngamatshumi amathathu okudlula lokho okwahlanyelwayo.”\wj*
\s1 Umzekeliso Wokhula
\p
\v 24 UJesu wabatshela omunye umzekeliso wathi, \wj “Umbuso wezulu unjengomuntu owahlanyela inhlanyelo enhle ensimini yakhe.\wj* 
\v 25 \wj Kodwa kwathi ngesikhathi wonke umuntu elele, isitha sakhe seza sahlanyela ukhula phakathi kwengqoloyi, sahamba.\wj* 
\v 26 \wj Kwathi ingqoloyi isikhahlele yabumba izikhwebu, ukhula lalo lwavela.\wj*
\p
\v 27 \wj Izinceku zomninisivini zeza kuye zathi, ‘Nkosi, kanti kawuhlanyelanga yini inhlanyelo enhle ensimini yakho na? Pho ukhula luvele ngaphi?’\wj*
\p
\v 28 \wj Waphendula wathi, ‘Kwenziwe yisitha lokhu.’\wj*
\p \wj Zambuza izinceku zathi, ‘Uyafuna yini ukuthi siyelusiphuna na?’\wj*
\p
\v 29 \wj Waphendula wathi, ‘Hatshi, ngoba lizakuthi lisiphuna ukhula liqabuke selisiphuna amabele kanye lalo.\wj* 
\v 30 \wj Kuyekeleni kukhule ndawonye kuze kube yisikhathi sokuvuna. Lapho-ke, ngizakuthi kubavuni, Qalani ngokuqoqa ukhula lilubophe izinyanda ukuba lutshiswe, beseliqoqa amabele liwalethe esiphaleni sami.’ ”\wj*
\s1 Umzekeliso Wentanga Yemastadi Lemvubelo
\p
\v 31 Wabatshela omunye umzekeliso wathi, \wj “Umbuso wezulu ufana lentanga yemastadi eyathathwa ngenye indoda yayihlanyela ensimini yayo.\wj* 
\v 32 \wj Lanxa incinyane kulentanga yenhlanyelo zonke, kodwa ithi ingakhula ibe yisihlahla esikhulu kulazo zonke, izinyoni zezulu zibuye, zithole ukuphumula ezingatsheni zaso.”\wj*
\p
\v 33 Waphinda wabatshela omunye umzekeliso wathi, \wj “Umbuso wezulu ufana lemvubelo eyathathwa ngowesifazane wayixubanisa lempuphu enengi, yabila yagcwala inhlama yonke.”\wj*
\p
\v 34 UJesu wakhuluma zonke lezizinto exukwini labantu ngemizekeliso; kazange akhulume lutho kubo engasebenzisanga umzekeliso. 
\v 35 Ngakho kwagcwaliseka okwakhulunywa ngomphrofethi ukuthi:
\q1 “Ngizavula umlomo wami ngemizekeliso,
\q2 ngizakutsho izinto ezifihliweyo selokhu kwadatshulwa umhlaba.”\f + \fr 13.35 \fr*\ft AmaHubo 78.2\ft*\f*
\s1 Umzekeliso Wokhula Uyachasiswa
\p
\v 36 Wasesuka exukwini waya endlini. Abafundi bakhe beza kuye bathi, “Sichazele umzekeliso wokhula ensimini.”
\p
\v 37 Waphendula wathi, \wj “Lowo owahlanyela inhlanyelo enhle yiNdodana yoMuntu.\wj* 
\v 38 \wj Insimu ngumhlaba njalo inhlanyelo enhle imele abantu bombuso. Ukhula lungabantu bomubi\wj* 
\v 39 \wj njalo isitha esiluhlanyelayo nguSathane. Isivuno siyikuphela kwesikhathi njalo abavuni yizingilosi.\wj*
\p
\v 40 \wj Njengalokhu ukhula lusitshunwa lutshiswe emlilweni, kuzakuba njalo ekupheleni kwesikhathi.\wj* 
\v 41 \wj Indodana yoMuntu izathuma izingilosi zayo, zikhuphe konke okuyizikhubekiso embusweni wayo, labo bonke abenza ububi.\wj* 
\v 42 \wj Zizabaphosela esihogweni somlilo ovuthayo okuzakuba khona ukukhala lokugedla kwamazinyo.\wj* 
\v 43 \wj Lapho-ke, abalungileyo bazakhazimula njengelanga embusweni kaYise wabo. Lowo olendlebe, kezwe.”\wj*
\s1 Umzekeliso Wenotho Efihliweyo Lowephareli
\p
\v 44 \wj “Umbuso wezulu unjengenotho efihliweyo esivandeni. Kwathi indoda isiyitholile yayifihla njalo, kwathi ngoba iphakathi kokuthokoza, yahamba yayathengisa konke eyayilakho yayathenga lesosivande.\wj*
\p
\v 45 \wj Njalo umbuso wezulu ufana lomthengi edinga amaphareli amahle.\wj* 
\v 46 \wj Kwathi esefumene elinye elalilentengo ephezulu wahamba wayathengisa konke ayelakho walithenga.”\wj*
\s1 Umzekeliso Womambule
\p
\v 47 \wj “Futhi umbuso wezulu ufana lomambule owehliselwa phansi echibini wagola zonke inhlobo zezinhlanzi.\wj* 
\v 48 \wj Wathi usugcwele, abagoli bezinhlanzi bawudonsela okhunjini. Basebehlala phansi, baqoqela ezitsheni zonke inhlanzi ezinhle kodwa ezimbi bazilahla.\wj* 
\v 49 \wj Lokhu yikho okuzakwenzakala ekupheleni kwesikhathi. Izingilosi zizakuza zehlukanise ababi kwabalungileyo,\wj* 
\v 50 \wj zibaphosele esihogweni somlilo ovuthayo, lapho okuzakuba khona lokukhala kanye lokugedla kwamazinyo.”\wj*
\p
\v 51 UJesu wababuza wathi, \wj “Selizizwisisile zonke lezizinto na?”\wj*
\p Bathi, “Yebo.”
\p
\v 52 Wathi kubo, \wj “Ngakho wonke umfundisi womthetho osephenduke waba ngumfundi wombuso wezulu unjengomnini wendlu okhupha esiphaleni sakhe amagugu amatsha lamadala.”\wj*
\s1 Umphrofethi Ongeladumo
\p
\v 53 UJesu eseqedile imizekeliso le wasuka lapho wahamba. 
\v 54 Wafika edolobheni lakibo waqalisa ukufundisa abantu esinagogweni labo, bamangala. Babuza bathi, “Indoda le yayithatha ngaphi inhlakanipho le lamandla la ayisimangaliso kangaka? 
\v 55 Kanti lo kayisiyo indodana yombazi na? Ibizo likanina kasuMariya na, labafowabo kakusiJakhobe, uJosefa, uSimoni loJudasi na? 
\v 56 Odadewabo kabakho lapha kanye lathi na? Pho indoda le yazizuza ngaphi izinto zonke lezi?” 
\v 57 Bakhubeka ngaye.
\p Kodwa uJesu wathi kubo, \wj “Umphrofethi kaladumo edolobheni lakibo lasendlini yakwabo.”\wj*
\p
\v 58 Kasenzanga izimangaliso ezinengi khona ngenxa yokusilela kwabo ekukholweni.
\c 14
\s1 UJohane Umbhaphathizi Uqunywa Ikhanda
\p
\v 1 Ngalesosikhathi uHerodi umbusi wezwa imibiko ngoJesu, 
\v 2 wasesithi ezincekwini zakhe, “Lo nguJohane uMbhaphathizi; usevukile kwabafileyo! Yikho izimangaliso zisenziwa nguye.”
\p
\v 3 UHerodi wayembophile uJohane, wamfaka insimbi, wamphosela entolongweni ngenxa kaHerodiyasi, umkamfowabo uFiliphu, 
\v 4 ngoba uJohane wayelokhu esithi kuye, “Kungaphandle komthetho ukuthi umthathe.” 
\v 5 UHerodi wayefuna ukumbulala uJohane kodwa wayesesaba abantu ngoba babesithi ungumphrofethi.
\p
\v 6 Ngelanga lesikhumbuzo sokuzalwa kukaHerodi indodakazi kaHerodiyasi yasinela izethekeli, yamjabulisa kakhulu uHerodi 
\v 7 waze wathembisa ngesifungo ukuyipha loba yini eyayingayicela. 
\v 8 Isicetshiswe ngunina yathi, “Ngipha ikhanda likaJohane uMbhaphathizi lisemganwini.” 
\v 9 Inkosi yadana kakhulu kodwa kwathi ngenxa yezifungo zayo langenxa yezethekeli zayo yalaya ukuba isicelo leso senziwe, 
\v 10 uJohane wahle waqunywa ikhanda entolongweni. 
\v 11 Ikhanda lakhe lalethwa lisemganwini laphiwa intombazana eyalithwalela kunina. 
\v 12 Abafundi bakaJohane beza bathatha isidumbu sakhe bayasingcwaba. Basebehamba bayatshela uJesu.
\s1 UJesu Upha Izinkulungwane Ezinhlanu Ukudla
\p
\v 13 UJesu wathi ekuzwa lokho okwenzakalayo wathi nyelele ngesikepe waya endaweni engelabantu. Amaxuku athi ekuzwa lokhu asuka emadolobheni amlandela ngenyawo. 
\v 14 UJesu uthe esehla esikepeni wabona ixuku labantu elikhulu walizwela usizi ngakho wasesilisa abagulayo babo.
\p
\v 15 Kwathi selithambeme abafundi beza kuye bathi, “Le yindawo ekhatshana kakhulu njalo sekuntambama. Wothi lababantu bahambe ukuze bayozithengela ukudla emizini.”
\p
\v 16 UJesu waphendula wathi, \wj “Kakudingeki ukuthi bahambe. Bapheni lina ukudla.”\wj*
\p
\v 17 Baphendula bathi, “Thina esilakho lapha yizinkwa ezinhlanu lenhlanzi ezimbili.”
\p
\v 18 Wathi, \wj “Kuletheni lapha.”\wj* 
\v 19 Waselaya abantu ukuthi bahlale phansi phezu kotshani. Wathatha izinkwa ezinhlanu lenhlanzi ezimbili wakhangela ezulwini wabonga, wasehlephuna izinkwa. Waseziqhubela abafundi, bazinika abantu. 
\v 20 Bonke badla basutha, abafundi bakhe babutha okuseleyo bagcwalisa izitsha ezilitshumi lambili. 
\v 21 Inani lalabo abadlayo lalingaba ngamadoda azinkulungwane ezinhlanu kungabalwa abesifazane labantwana.
\s1 UJesu Uhamba Phezu Kwamanzi
\p
\v 22 Masinyane nje uJesu wathi abafundi bakhe bangene esikepeni bamandulele ngakwelinye iphetsheya, yena esavalelisana labantu. 
\v 23 Esebakhulule, waya ewatheni lwentaba ukuyakhuleka eyedwa. Sekuhlwile ngalobobusuku wayekhonale eyedwa, 
\v 24 kodwa isikepe sasesihambe umango ukusuka okhunjini, siyaluziswa ngamagagasi ngoba sasiphikisana lomoya.
\p
\v 25 Kwathi ngomlindo wesine ebusuku uJesu waya kubo ehamba phezu kwechibi. 
\v 26 Kwathi abafundi bembona ehamba phezu kwechibi besaba kakhulu. Bakhala ngokwesaba bathi, “Lithonga.”
\p
\v 27 Kodwa uJesu waphanga wathi kubo, \wj “Manini isibindi! Yimi. Lingesabi.”\wj*
\p
\v 28 UPhethro waphendula wathi, “Nkosi, nxa kunguwe, tshono ukuba ngize kuwe phezu kwamanzi.”
\p
\v 29 Wathi, \wj “Woza.”\wj*
\p Khonapho uPhethro wasephuma esikepeni, wahamba phezu kwamanzi weza kuJesu. 
\v 30 Kodwa wathi ebona umoya wesaba, kwathi eseqala ukutshona wakhala wathi, “Nkosi, akungisize!”
\p
\v 31 Khonokho uJesu welula isandla sakhe wambamba. Wathi kuye, \wj “Wena olokholo oluncinyane, kungani uthandabuzile?”\wj*
\p
\v 32 Bonela ukungena esikepeni umoya wathula. 
\v 33 Kwathi labo ababesesikepeni bamkhonza bathi, “Ngempela uyiNdodana kaNkulunkulu.”
\p
\v 34 Bathi sebechaphile, bafikela eGenesaretha. 
\v 35 Kwathi amadoda akuleyondawo semnanzelele uJesu athumela ilizwi kuwo wonke umango wakulelo dolobho. Abantu baletha bonke abagulayo babo kuye 
\v 36 bamncenga ukuthi avumele labo abagulayo ukuthi bathinte nje umphetho wesigqoko sakhe, kwathi bonke labo abamthintayo basiliswa.
\c 15
\s1 Okuhlanzekileyo Lokungahlanzekanga
\p
\v 1 Ngalesosikhathi abanye abaFarisi labafundisi bomthetho beza kuJesu bevela eJerusalema bambuza bathi, 
\v 2 “Kungani abafundi bakho besephula isiko labadala na? Kabagezi izandla zabo bengakadli!”
\p
\v 3 UJesu waphendula wathi, \wj “Kungani lina lisephula umlayo kaNkulunkulu ngenxa yamasiko enu na?\wj* 
\v 4 \wj Phela uNkulunkulu wathi, ‘Hlonipha uyihlo lonyoko’\wj*\f + \fr 15.4 \fr*\ft U-Eksodasi 20.12; UDutheronomi 5.16\ft*\f* \wj njalo ‘Lowo othuka uyise loba unina ufanele ukubulawa.’\wj*\f + \fr 15.4 \fr*\ft U-Eksodasi 21.17; ULevi 20.9\ft*\f* 
\v 5 \wj Kodwa lina lithi nxa umuntu esithi lokho obekungaba lusizo kuyise kumbe unina kuphawulelwe uNkulunkulu,\wj* 
\v 6 \wj akasamelanga ahloniphe uyise lonina ngakho. Ngaleyondlela lichitha ilizwi likaNkulunkulu ngenxa yesiko lenu.\wj* 
\v 7 \wj Lina bazenzisi! U-Isaya wayeqinisile aze aphrofithe ngani esithi:\wj*
\q1
\v 8 \wj ‘Lababantu bangidumisa ngezindebe zabo,\wj*
\q2 \wj kodwa inhliziyo zabo zikhatshana lami.\wj*
\q1
\v 9 \wj Bangikhonza ngeze;\wj*
\q2 \wj imfundiso yabo yimithetho yabantu.’\wj*\f + \fr 15.9 \fr*\ft U-Isaya 29.13\ft*\f*\wj ”\wj*
\p
\v 10 UJesu wabizela ixuku labantu kuye wathi, \wj “Lalelani lizwisise.\wj* 
\v 11 \wj Lokho okungena emlonyeni womuntu ‘kakumngcolisi’ kodwa lokho okuphuma emlonyeni wakhe yikho ‘okumngcolisayo.’ ”\wj*
\p
\v 12 Abafundi basebesiza kuye bambuza bathi, “Uyakwazi yini ukuthi abaFarisi kubakhubile ukuzwa lokhu?”
\p
\v 13 Waphendula wathi, \wj “Zonke izihlahla ezingahlanyelwanga nguBaba osezulwini zizasitshunwa lezimpande zazo.\wj* 
\v 14 \wj Bayekeleni; ngabakhokheli abazimpumputhe. Nxa impumputhe ihola impumputhe zombili zizawela egodini.”\wj*
\p
\v 15 UPhethro wathi, “Sichasisele umzekeliso lowo.”
\p
\v 16 UJesu wababuza wathi, \wj “Lilokhu lingelakuqedisisa na?\wj* 
\v 17 \wj Kaliboni yini ukuthi noma yini engena emlonyeni iya esiswini besekuphuma emzimbeni?\wj* 
\v 18 \wj Kodwa lezozinto eziphuma emlonyeni womuntu zivela enhliziyweni yizo ezenza umuntu angcole.\wj* 
\v 19 \wj Ngoba enhliziyweni kuphuma imicabango emibi, ukubulala, ukufeba, ukuhlobonga, ubusela, ukufakaza amanga, ukunyeya lokuhlambaza.\wj* 
\v 20 \wj Lokhu yikho okwenza umuntu angcole, kodwa ukudla ngezandla ezingagezwanga kakumenzi angcole.”\wj*
\s1 Ukholo Lowesifazane WaseKhenani
\p
\v 21 Esuka kuleyondawo uJesu waya emangweni waseThire leSidoni. 
\v 22 Umfazi ongumKhenani wakuleyondawo weza kuye ezokhala esithi, “Nkosi, Ndodana kaDavida, ake ungihawukele! Indodakazi yami ithwele nzima, ihlutshwa ngamadimoni.”
\p
\v 23 UJesu kazange amphendule. Ngakho abafundi bakhe beza kuye bamkhuthaza bathi, “Mxotshe, nangu uselokhu ememeza esilandela.”
\p
\v 24 Waphendula wathi, \wj “Ngathunywa kuphela ezimvini ezilahlekileyo zako-Israyeli.”\wj*
\p
\v 25 Owesifazane lowo weza waguqa phambi kwakhe wathi, “Nkosi, ake ungisize.”
\p
\v 26 Waphendula uJesu wathi, \wj “Kakulunganga ukuthatha isinkwa sabantwana usiphosele izinja.”\wj*
\p
\v 27 Owesifazane wathi, “Yebo Nkosi, angithi izinja ziyayidla imvuthu eziwa etafuleni yabaninizo.”
\p
\v 28 UJesu wasephendula wathi, \wj “Nkosazana, ulokukholwa okukhulu! Isicelo sakho sesamukelwe.”\wj* Indodakazi yakhe yahle yasila ngalesosikhathi.
\s1 UJesu Usuthisa Izinkulungwane Ezine
\p
\v 29 UJesu wasuka lapho wehla egudlana loLwandle lwaseGalile. Wasekhwela entabeni wahlala phansi. 
\v 30 Kweza kuye amaxuku amakhulu abantu eletha abaqhulayo, iziphofu, izigoga, izimungulu labanye abanengi, bababeka phambi kwakhe; wabasilisa. 
\v 31 Abantu bamangala ukubona izimungulu sezikhuluma, izigoga sezitshwaphulukile, abaqhugezelayo sebezihambela leziphofu sezibona. Bamdumisa uNkulunkulu ka-Israyeli.
\p
\v 32 UJesu wabiza abafundi bakhe wathi, \wj “Ngibazwela usizi lababantu; sebehlale lami insuku ezintathu bengadlanga lutho. Angifuni kubakhulula belambile funa bayathe endleleni.”\wj*
\p
\v 33 Abafundi bakhe bamphendula bathi, “Singakuthatha ngaphi ukudla okwaneleyo endaweni ekhatshana kanje ukuba sisuthise ixuku elingaka na?”
\p
\v 34 UJesu wabuza wathi, \wj “Lilezinkwa ezingaki?”\wj*
\p Bathi, “Eziyisikhombisa lenhlanzi ezincane ezimbalwa.”
\p
\v 35 Wasetshela ixuku labantu ukuba lihlale phansi. 
\v 36 Wasethatha lezozinkwa eziyisikhombisa lenhlanzi, kwathi esebongile, wazihlephula waziqhubela abafundi, labo bazinika abantu. 
\v 37 Bonke badla basutha. Ngemva kwalokho abafundi babutha imvuthu kwagcwala izitsha eziyisikhombisa. 
\v 38 Inani lalabo abadlayo lalizinkulungwane ezine kungabalwa abafazi labantwana. 
\v 39 UJesu eselikhulule ixuku labantu, wangena esikepeni waya emangweni waseMagadani.
\c 16
\s1 Abafuna Isibonakaliso
\p
\v 1 AbaFarisi labaSadusi beza kuJesu bamlinga ngokumcela ukuthi abatshengise isibonakaliso esivela ezulwini.
\p
\v 2 Waphendula wathi, \wj “Nxa kufika ukuhlwa lithi, ‘Umkhathi uzakuba muhle ngoba isibhakabhaka sibomvu,’\wj* 
\v 3 \wj ekuseni lithi, ‘Lamuhla kuzaqubuka isiphepho ngoba isibhakabhaka sibomvu njalo kugubuzele.’ Liyakwazi ukuchaza umumo womkhathi kodwa kalenelisi ukuchaza izibonakaliso zesikhathi.\wj* 
\v 4 \wj Isizukulwane esixhwalileyo lesiphingayo sifuna isibonakaliso kodwa kasisoze sisiphiwe ngaphandle kwesibonakaliso sikaJona.”\wj* UJesu wasebatshiya wahamba.
\s1 Imvubelo YabaFarisi LabaSadusi
\p
\v 5 Bathi sebekhuphukele ngaphetsheya kwechibi, abafundi babekhohliwe ukuza lesinkwa. 
\v 6 UJesu wathi kubo, \wj “Limukani. Liqaphele imvubelo yabaFarisi labaSadusi.”\wj*
\p
\v 7 Bakhulumisana ngalokhu bathi, “Kungenxa yokuba kasizanga lesinkwa.”
\p
\v 8 UJesu wakwazi abakukhulumayo wasebuza wathi, \wj “Lina elilokholo oluncinyane, kungani likhulumisana ngokungabi lasinkwa na?\wj* 
\v 9 \wj Lilokhu lingaqedisisi yini? Kalikhumbuli na izinkwa ezinhlanu ezasuthisa abantu abazinkulungwane ezinhlanu, lokuthi laqoqa izitsha ezingaki?\wj* 
\v 10 \wj Kumbe izinkwa eziyisikhombisa ezasuthisa abantu abazinkulungwane ezine lokuthi laqoqa izitsha ezigcweleyo ezingaki?\wj* 
\v 11 \wj Kungani lingezwisisi ukuthi bengingakhulumi lani ngesinkwa? Kodwa qaphelani imvubelo yabaFarisi labaSadusi.”\wj* 
\v 12 Basebezwisisa ukuthi wayengabatsheli ukuqaphela imvubelo esetshenziswa esinkweni kodwa ukunanzelela imfundiso yabaFarisi labaSadusi.
\s1 Ubufakazi BukaPhethro NgoKhristu
\p
\v 13 Kwathi uJesu esefike emangweni waseKhesariya Filiphi wabuza abafundi bakhe wathi, \wj “Abantu bathi iNdodana yoMuntu ingubani na?”\wj*
\p
\v 14 Baphendula bathi, “Abanye bathi nguJohane uMbhaphathizi; abanye bathi ngu-Elija; abanye njalo bathi nguJeremiya loba omunye nje wabaphrofethi.”
\p
\v 15 Wabuza wathi, \wj “Lina-ke, lithi ngingubani?”\wj*
\p
\v 16 USimoni Phethro waphendula wathi, “UnguKhristu iNdodana kaNkulunkulu ophilayo.”
\p
\v 17 UJesu waphendula wathi, \wj “Ubusisiwe wena Simoni, ndodana kaJona ngoba lokhu kawukwambulelwanga ngumuntu wegazi lenyama kodwa nguBaba osezulwini.\wj* 
\v 18 \wj Ngakho ngiyakutshela ukuthi unguPhethro\wj*\f + \fr 16.18 \fr*\ft Ibala lesiGrikhi elithi \ft*\fq Phethro \fq*\ft litsho \ft*\fq idwala.\fq*\f* \wj njalo phezu kwalelidwala ngizakwakha ibandla lami, futhi amasango eHadesi akayikulehlula.\wj* 
\v 19 \wj Ngizakupha izihluthulelo zombuso wezulu; loba yini oyibophayo emhlabeni izabotshwa lasezulwini njalo loba yini oyithukululayo emhlabeni izathukululwa lasezulwini.”\wj* 
\v 20 Waseqonqosela abafundi bakhe ukuba bangatsheli muntu ukuthi wayenguKhristu.
\s1 UJesu Ukhuluma Ngokufa Kwakhe
\p
\v 21 Kusukela ngalesosikhathi uJesu waqalisa ukuchazela abafundi bakhe ukuthi kumele aye eJerusalema ayehlupheka ngezinto ezinengi ezandleni zabadala bebandla, abaphristi abakhulu labafundisi bomthetho njalo lokuthi kumele abulawe, kuthi ngelanga lesithathu avuswe kwabafileyo.
\p
\v 22 UPhethro wamdonsela eceleni waqalisa ukumkhuza wathi, “Ngeke kwenzeke Nkosi! Lokhu kakusoze kwafa kwenzeka kuwe!”
\p
\v 23 UJesu waphendula wathi kuPhethro, \wj “Suka emva kwami Sathane! Uyisikhubekiso kimi; engqondweni yakho kawulazo izinto zikaNkulunkulu kodwa ucabanga ezabantu.”\wj*
\p
\v 24 UJesu wasesithi kubafundi bakhe, \wj “Nxa ekhona ofuna ukungilandela, kazidele athathe isiphambano sakhe angilandele.\wj* 
\v 25 \wj Ngoba lowo ofuna ukusindisa impilo yakhe izamlahlekela kodwa lowo olahlekelwa yimpilo yakhe ngenxa yami uzayizuza.\wj* 
\v 26 \wj Kuzamsiza ngani umuntu ukuzuza wonke umhlaba kodwa alahlekelwe ngumphefumulo wakhe na? Kambe umuntu angaphani esikhundleni sempilo yakhe na?\wj* 
\v 27 \wj Phela iNdodana yoMuntu izakuza ngobukhosi bukaYise kanye lezingilosi zakhe, ibisisipha umvuzo emuntwini munye ngamunye ngalokho akwenzileyo.\wj*
\p
\v 28 \wj Ngilitshela iqiniso, abanye abemiyo khonapha kabayikukuzwa ukufa bengakayiboni iNdodana yoMuntu isiza embusweni wayo.”\wj*
\c 17
\s1 Ukukhazimuliswa KukaJesu
\p
\v 1 Ngemva kwensuku eziyisithupha, uJesu wathatha uPhethro, loJakhobe loJohane umfowabo kaJakhobe wakhwela labo entabeni ephakemeyo lapho ababa bodwa khona. 
\v 2 Bekhona lapho waguquka isimo emehlweni abo. Ubuso bakhe bakhazimula njengelanga lezigqoko zakhe zaba mhlophe njengokukhanya. 
\v 3 Khonokho kwasekubonakala uMosi lo-Elija bekhuluma loJesu.
\p
\v 4 UPhethro wathi kuJesu, “Nkosi, kuhle kithi ukuba lapha. Nxa uthanda ngizakwakha izihonqo ezintathu, esakho, esinye esikaMosi lesinye esika-Elija.”
\p
\v 5 Wathi elokhe esakhuluma, iyezi elikhazimulayo labagubuzela, ilizwi elavela eyezini lathi, “Le yiNdodana yami engiyithandayo; ngiyathokoza kakhulu ngayo. Ilaleleni!”
\p
\v 6 Abafundi bathi bekuzwa lokhu bathi mbo phansi ngobuso, besaba. 
\v 7 Kodwa uJesu weza wabathinta. Wathi, \wj “Sukumani. Lingesabi.”\wj* 
\v 8 Bathi bevusa amehlo kabasabonanga muntu ngaphandle kukaJesu.
\p
\v 9 Bathi sebesehla entabeni, uJesu wabalaya wathi, \wj “Lingatsheli muntu ngalokhu elikubonileyo iNdodana yoMuntu ize ivuswe kwabafileyo.”\wj*
\p
\v 10 Abafundi bambuza bathi, “Kungani pho abafundisi bomthetho besithi u-Elija kumele aqale afike?”
\p
\v 11 UJesu waphendula wathi, \wj “Ngeqiniso, u-Elija uyeza azolungisa kutsha izinto zonke.\wj* 
\v 12 \wj Kodwa ngiyalitshela ngithi u-Elija uvele sewafika njalo kabamazanga kodwa bazenzela kuye konke ababekufuna. INdodana yoMuntu bazayihlukuluza ngaleyondlela.”\wj* 
\v 13 Lapho-ke abafundi basebezwisisa ukuthi wayekhuluma labo ngoJohane uMbhaphathizi.
\s1 Ukusiliswa Komfana Owayeledimoni
\p
\v 14 Bathi sebefike exukwini labantu, indoda ethile yamqonda uJesu yaguqa phambi kwakhe. 
\v 15 Yathi, “Nkosi, ake uhawukele indodana yami. Ilezithuthwane njalo iyahlupheka kakhulu. Kanengi iwela emlilweni kumbe emanzini. 
\v 16 Ngiyilethile kubafundi bakho kodwa behlulekile ukuyisilisa.”
\p
\v 17 UJesu waphendula wathi, \wj “Oh, lina sizukulwane esingakholwayo lesonakeleyo. Ngizahlala lani kuze kube nini na? Ngizalibekezelela kuze kube nini na? Mletheni lapha kimi umfana lowo.”\wj* 
\v 18 UJesu walikhuza idimoni laphuma emfaneni wahle wasila ngalesosikhathi.
\p
\v 19 Abafundi basebesiza kuJesu ngasese bambuza bathi, “Kungani sehlulekile ukulikhupha idimoni na?”
\p
\v 20 Waphendula wathi, \wj “Ngoba ukholo lwenu luncinyane. Ngilitshela iqiniso ukuthi nxa lingaba lokukholwa loba kukuncinyane njengentanga yemastadi, lingathi entabeni le, ‘Suduluka lapha uye laphayana’ izasuduluka. Kakukho kini okungasoze kwenzeke. [\wj* 
\v 21 \wj Kodwa uhlobo olunje aluphumi ngaphandle kwangomkhuleko lokuzila ukudla.]”\wj*\f + \fr 17.21 \fr*\ft Imibhalo ekholekayo yekuqaleni lobunye ubufakazi bendulo kabulayo livesi UMakho 9.29.\ft*\f*
\s1 Ukuphrofitha Kwesibili KukaJesu Mayelana Lokufa Kwakhe
\p
\v 22 Bathi sebebuthene eGalile wathi kubo, \wj “INdodana yoMuntu izanikelwa ezandleni zabantu.\wj* 
\v 23 \wj Bazayibulala, kuthi ngosuku lwesithathu izavuswa kwabafileyo.”\wj* Abafundi badabuka kakhulu.
\s1 Umthelo WeThempeli
\p
\v 24 UJesu labafundi bakhe sebefikile eKhaphenawume, abaqoqi bomthelo wamadrakhima amabili beza kuPhethro babuza bathi, “Umfundisi wenu kawuhlawuli yini umthelo wethempeli?”
\p
\v 25 Wathi, “Yebo, uyawuthela.”
\p Kwathi uPhethro engena endlini, uJesu nguye owakhuluma kuqala, wabuza wathi, \wj “Ucabangani kambe Simoni? Amakhosi omhlaba ayithatha kubani inkongozelo lemithelo, emadodaneni abo na loba kwabanye abantu?”\wj*
\p
\v 26 UPhethro waphendula wathi, “Kwabanye abantu.”
\p UJesu wasesithi kuye, \wj “Ngakho-ke amadodana akhululekile.\wj* 
\v 27 \wj Kodwa ukuze singabakhubi, yana echibini uphosele iwuka yakho khona. Ubothatha inhlanzi yokuqala ozayibamba, uvule umlomo wayo uzafumana khona uhlamvu lwemali engamadrakhima amane. Uyithathe ubaphe ibe ngumthelo wami lowenu.”\wj*
\c 18
\s1 Omkhulu Kulabo Bonke Embusweni Wezulu
\p
\v 1 Ngalesosikhathi abafundi beza kuJesu babuza bathi, “Ngubani omkhulu kulabo bonke embusweni wezulu na?”
\p
\v 2 Wabiza umntwana omncinyane wamisa phakathi kwabo. 
\v 3 Wasesithi, \wj “Ngiqinisile ngithi kini, ngaphandle kokuba liguquke libe njengabantwana abancinyane, kalisoze lafa langena embusweni wezulu.\wj* 
\v 4 \wj Ngakho lowo ozithobayo njengomntwana lo nguye omkhulu kulabo bonke embusweni wezulu.\wj* 
\v 5 \wj Njalo lowo owamukela umntwana omncane njengalo ebizweni lami wamukela mina.”\wj*
\s1 Ukukhubekisa
\p
\v 6 \wj “Nxa umuntu ekhubekisa oyedwa walaba abancinyane abakholwa kimi ukuthi enze isono, kungabangcono kuye ukuthi kulengiswe entanyeni yakhe inkalakatha yembokodo yokuchola agaluliswe enzikini yolwandle.\wj* 
\v 7 \wj Maye kuwo umhlaba ngenxa yezinto ezenza abantu benze isono! Izinto ezinjalo zivele ziyafika kodwa maye kulowomuntu ezifika ngaye!\wj* 
\v 8 \wj Nxa isandla sakho loba unyawo lwakho kukwenzisa isono, kuqume ukulahle. Kungcono kuwe ukuba ungene ekuphileni uyingini kumbe ugogekile kulokuba lezandla zombili kumbe inyawo zombili uphoselwe emlilweni ongapheliyo.\wj* 
\v 9 \wj Nxa ilihlo lakho likwenzisa isono, likopole ulilahle. Kungcono kuwe ukungena ekuphileni ulelihlo elilodwa kulokuba lamehlo amabili kodwa uphoselwe esihogweni somlilo.”\wj*
\s1 Umzekeliso Wemvu Elahlekileyo
\p
\v 10 \wj “Nanzelelani ukuthi lingeyisi lamunye walaba abancinyane. Ngoba ngilitshela ukuthi izingilosi zabo zezulu zihlezi zibona ubuso bukaBaba ezulwini.\wj* [
\v 11 \wj INdodana yoMuntu yalanda ukusindisa okwakulahlekile.\wj*]\f + \fr 18.11 \fr*\ft Livesi ayikho kwamanye amaBhayibhili esiLungu.\ft*\f*
\p
\v 12 \wj Kambe likhumbulani? Nxa indoda ilezimvu ezilikhulu, enye iqambuke kwezinye, kayiyikuzitshiya yini lezo ezingamatshumi ayisificamunwemunye lasificamunwemunye ezintabeni iyedinga leyo eqambukileyo?\wj* 
\v 13 \wj Ithi ingayithola, ngilitshela iqiniso ukuthi, iyathokoza ngaleyo ukwedlula lezo ezingamatshumi ayisificamunwemunye lasificamunwemunye ezingazange zilahleke.\wj* 
\v 14 \wj Ngokufanayo, uYihlo osezulwini kafisi ukuthi lamunye walaba abancinyane abhubhe.”\wj*
\s1 Umfowenu Owenza Isono Kuwe
\p
\v 15 \wj “Nxa umfowenu ekona, yana kuye umtshengise isiphambeko sakhe lilodwa lobabili. Nxa ekulalela usumzuzile umfowenu.\wj* 
\v 16 \wj Kodwa nxa engakulaleli, biza omunye loba ababili ukuze ‘indaba yonke ivele obala ilabofakazi ababili loba abathathu.’\wj*\f + \fr 18.16 \fr*\ft UDutheronomi 19.15\ft*\f* 
\v 17 \wj Nxa esala ukubalalela, tshela ibandla, nxa esala ukulilalela lalo ibandla mthatheni njengomhedeni kumbe njengomthelisi.\wj*
\p
\v 18 \wj Ngilitshela iqiniso ukuthi, loba yini eliyibophayo emhlabeni izabotshwa lasezulwini njalo lokho elikuthukululayo emhlabeni kuzathukululwa lasezulwini.\wj*
\p
\v 19 \wj Njalo ngilitshela iqiniso ukuthi nxa ababili kini emhlabeni bevumelana loba ngalutho bani abalucelayo bazalwenzelwa nguBaba osezulwini.\wj* 
\v 20 \wj Ngoba lapho okuhlangana khona ababili loba abathathu ngebizo lami, ngizabe ngikhona lami.”\wj*
\s1 Umzekeliso Wenceku Engelasihawu
\p
\v 21 UPhethro weza kuJesu wabuza wathi, “Nkosi, umfowethu loba udadewethu ngizamthethelela kangaki nxa elokhu engona na? Kuze kube kasikhombisa na?”
\p
\v 22 UJesu waphendula wathi, \wj “Ngithi hatshi kasikhombisa kodwa okwezikhathi ezingamatshumi ayisikhombisa lesikhombisa.\wj*
\p
\v 23 \wj Ngakho umbuso wezulu unjengenkosi eyayifuna ukuqeda izikwelede zayo lezinceku zayo.\wj* 
\v 24 \wj Yathi isiqalisa ukuthonisa kwalethwa kuyo indoda eyayilesikwelede samathalenta azinkulungwane ezilitshumi.\wj* 
\v 25 \wj Kwathi ngoba ingelamandla okuhlawula inkosi yalaya ukuthi yona, umkayo, abantwana lakho konke eyayilakho kuthengiswe ukuze kuqedwe umlandu.\wj*
\p
\v 26 \wj Inceku yaguqa phambi kwenkosi yayincenga yathi, ‘Ake ungibekezelele, ngizahlawula konke.’\wj* 
\v 27 \wj Inkosi yenceku leyo yayizwela usizi, yayithethelela, yawesula umlandu yayiyekela yahamba.\wj*
\p
\v 28 \wj Kodwa leyo yonela ukuphuma, yafumana eyinye inceku eyayilesikwelede sayo samadenari alikhulu. Yayibamba ngomphimbo, yayiklinya, yathi ngolaka, ‘Hlawula isikwelede sami!’\wj*
\p
\v 29 \wj Leyonceku layo yawa ngamadolo yayincenga yathi, ‘Ake ungibekezelele, ngizakuhlawula.’\wj*
\p
\v 30 \wj Kodwa yona yala. Endaweni yalokho, yahamba yenza ukuba leyondoda iphoselwe entolongweni ize iqale ihlawule isikwelede.\wj* 
\v 31 \wj Kwathi ezinye izinceku sezibonile okwakwenzakele, zathukuthela kakhulu zayaceba enkosini ngalokho okwenzakeleyo.\wj*
\p
\v 32 \wj Inkosi yayibiza leyonceku, yathi, ‘Wena nceku embi. Ngikuthethelele, ngasesula sonke isikwelede sakho ngoba ungincengile.\wj* 
\v 33 \wj Kungani pho ungazwelanga omunye wakho isihawu njengalokhu ngenzile kuwe?’\wj* 
\v 34 \wj Inkosi yayo yathukuthela kakhulu, yayinikela kubaphathi bejele ukuthi bayihlukuluze ize isihlawule sonke isikwelede.\wj*
\p
\v 35 \wj Yiyo le indlela uBaba osezulwini azaphatha ngayo lowo lalowo wenu nxa lingathetheleli abazalwane kuphuma enhliziyweni.”\wj*
\c 19
\s1 Ukuchitha Umtshado
\p
\v 1 UJesu eseqedile ukutsho lezizinto, wasuka eGalile waya emangweni waseJudiya ngaphetsheya kweJodani. 
\v 2 Walandelwa ngamaxuku amakhulu abantu, wabasilisa khona lapho.
\p
\v 3 Abanye abaFarisi beza kuye ukuzamlinga. Bambuza bathi, “Kusemthethweni yini ukuthi indoda ilahle umkayo loba kungasiphi isizatho?”
\p
\v 4 Waphendula wathi, \wj “Kalikubalanga yini ukuthi ekuqaleni uMdali ‘wabenza baba ngowesilisa lowesifazane,’\wj*\f + \fr 19.4 \fr*\ft UGenesisi 1.27\ft*\f* 
\v 5 \wj wathi, ‘Ngalesi isizatho indoda izatshiya uyise lonina ihlanganiswe lomkayo, kuthi laba ababili bazakuba nyamanye?’\wj*\f + \fr 19.5 \fr*\ft UGenesisi 2.24\ft*\f* 
\v 6 \wj Ngakho kabasebabili, kodwa sebenyamanye. Ngakho, lokho uNkulunkulu asekuhlanganisile akungehlukaniswa muntu.”\wj*
\p
\v 7 Babuza bathi, “Kungani pho uMosi walaya ukuthi indoda imuphe umkayo incwadi yokuquma umtshado ibisimxotsha?”
\p
\v 8 UJesu waphendula wathi, \wj “UMosi walivumela ukuthi lilahle omkenu ngobulukhuni bezinhliziyo zenu. Kodwa kwakungenjalo ekuqaleni.\wj* 
\v 9 \wj Ngilitshela ukuthi lowo ohlukana lomkakhe, ngaphandle kokuba ehlobongile, athathe omunye umfazi, uyaphinga.”\wj*
\p
\v 10 Abafundi bathi kuye, “Nxa kumi kanjalo phakathi kwendoda lomkayo kungcono ukungathathi.”
\p
\v 11 UJesu waphendula wathi, \wj “Akusibo bonke abangalemukela lelilizwi, kodwa labo kuphela abaliphiweyo.\wj* 
\v 12 \wj Ngoba abanye bangabathenwa ngenxa yokuthi bazalwa benjalo, abanye benziwa ngabantu njalo abanye bakudela ukutshada ngenxa yombuso wezulu. Lowo ongakwamukela lokho kakwemukele.”\wj*
\s1 Abantwana Abancane LoJesu
\p
\v 13 Kwasekulethwa abantwana abancinyane kuJesu ukuba ababeke izandla lokubakhulekela. Kodwa abafundi babakhuza labo ababalethayo.
\p
\v 14 UJesu wathi, \wj “Yekelani abantwana beze kimi, lingabavimbeli ngoba umbuso wezulu ungowabanjengalaba.”\wj* 
\v 15 Esebabekile izandla wasuka lapho wahamba.
\s1 Insizwa Enothileyo
\p
\v 16 Kweza enye insizwa kuJesu yabuza yathi, “Mfundisi, ngingenzani okulungileyo ukuze ngizuze ukuphila okungapheliyo na?”
\p
\v 17 UJesu waphendula wathi, \wj “Ungibuzelani ngokulungileyo na? Munye kuphela olungileyo. Nxa ufuna ukungena ekuphileni, landela imilayo.”\wj*
\p
\v 18 Insizwa yabuza yathi, “Yiphi na?”
\p UJesu waphendula wathi, \wj “ ‘Ungabulali, ungaphingi, ungatshontshi, ungafakazeli amanga,\wj* 
\v 19 \wj hlonipha uyihlo lonyoko,’\wj*\f + \fr 19.19 \fr*\ft U-Eksodasi 20.12-16; UDutheronomi 5.16-20\ft*\f* \wj njalo ‘thanda umakhelwane wakho njengoba uzithanda wena.’\wj*\f + \fr 19.19 \fr*\ft ULevi 19.18\ft*\f*\wj ”\wj*
\p
\v 20 Insizwa yathi, “Yonke le ngiyigcinile. Pho ngisaswelani na?”
\p
\v 21 UJesu waphendula wathi, \wj “Nxa ufuna ukuthi uphelele, thengisa yonke inotho yakho uphe abampofu, lapho-ke inotho yakho izakuba sezulwini. Ubusubuya ungilandele.”\wj*
\p
\v 22 Kwathi insizwa ikuzwa lokho, yasuka idanile ngoba yayilenotho enengi kakhulu.
\p
\v 23 UJesu wasesithi kubafundi bakhe, \wj “Ngilitshela iqiniso ukuthi kunzima emuntwini onothileyo ukuthi angene embusweni wezulu.\wj* 
\v 24 \wj Njalo ngiyalitshela ukuthi kungaba lula ukuthi ikamela lingene embotsheni yenalithi kulokuthi umuntu onothileyo angene embusweni kaNkulunkulu.”\wj*
\p
\v 25 Kwathi abafundi sebekuzwile lokhu bamangala kakhulu babuza bathi, “Pho ngubani ongasindiswa na?”
\p
\v 26 UJesu wabakhangela wathi, \wj “Ngokwabantu, lokhu kakwenzeki kodwa ngoNkulunkulu zonke izinto ziyenzeka.”\wj*
\p
\v 27 UPhethro wamphendula wathi, “Sesitshiye konke ukuze sikulandele! Pho sizazuzani na?”
\p
\v 28 UJesu wathi kubo, \wj “Ngilitshela iqiniso ukuthi, emhlabeni omutsha, lapho iNdodana yoMuntu isihlezi esihlalweni sobukhosi, lina elingilandelayo lani lizahlala ezihlalweni zobukhosi ezilitshumi lambili, lahlulele izizwana ezilitshumi lambili zako-Israyeli.\wj* 
\v 29 \wj Njalo bonke labo abatshiye izindlu zabo, loba abafowabo, loba odadewabo kumbe uyise loba unina kumbe abantwana loba amasimu ngenxa yami bazakwamukeliswa okwandiswe ngekhulu njalo bazakudla ilifa lokuphila okungapheliyo.\wj* 
\v 30 \wj Kodwa abanengi abangabokuqala bazakuba ngabokucina njalo abanengi abangabokucina bazakuba ngabokuqala.”\wj*
\c 20
\s1 Umzekeliso Wezisebenzi Esivinini
\p
\v 1 \wj “Ngoba umbuso wezulu unjengomlimi owaphuma ekuseni kakhulu wayaqhatsha amadoda okusebenza esivinini sakhe.\wj* 
\v 2 \wj Wathembisa ukubaholisa idenari okwalolosuku wasebathumela esivinini sakhe.\wj*
\p
\v 3 \wj Waphuma njalo ngehola lesificamunwemunye ekuseni wabona abanye bezimele nje emsikeni bengenzi lutho.\wj* 
\v 4 \wj Wabatshela wathi, ‘Lani hambani liyesebenza esivinini sami, ngizaliholisa okufaneleyo.’\wj* 
\v 5 \wj Ngakho bahamba.\wj*
\p \wj Wabuye waphuma emini sekubanga ihola lesithathu emini wenza okufanayo.\wj* 
\v 6 \wj Sekusondele ihola lesihlanu waphuma wafumana abanye bezimele nje khonapho. Wababuza wathi, ‘Kungani belilokhu limi lapha ilanga lonke lingenzi lutho na?’\wj*
\p
\v 7 \wj Bamphendula bathi, ‘Ngoba kakho osiqhatshileyo.’\wj*
\p \wj Wathi kubo, ‘Lani hambani liyesebenza esivinini sami.’\wj*
\p
\v 8 \wj Kwathi sekuntambama, umninisivini wathi enduneni yezinceku, ‘Biza izinceku uziphe iholo lazo, uqalise ngabokucina usehla usiya kwabokuqala.’\wj*
\p
\v 9 \wj Izinceku ezaqhatshwa sekubanga ihola lesihlanu ntambama zeza ngamunye zaphiwa idenari.\wj* 
\v 10 \wj Kwathi sekufike labo abaqhatshwa kuqala balindela ukuphiwa okwedlulayo. Kodwa ngamunye wabo waphiwa idenari.\wj* 
\v 11 \wj Bonela ukuyamukela baqalisa ukumsola umnininsimu besithi,\wj* 
\v 12 \wj ‘Lababantu abaqhatshwe ekucineni basebenze ihola elilodwa kuphela kodwa usubalinganise lathi thina esithwale kanzima ngomsebenzi sitshiswa lilanga usuku lonke.’\wj*
\p
\v 13 \wj Kodwa waphendula omunye wabo wathi, ‘Mnakwethu, angikudlelezeli ngalutho. Kawuvumanga yini ukusebenzela idenari?\wj* 
\v 14 \wj Thatha umholo wakho uhambe. Mina ngithanda ukupha indoda leyo eqhatshwe muva okulingana lalokho engikunike khona.\wj* 
\v 15 \wj Kangilalungelo na lokwenza loba yini engiyithandayo ngemali yami? Kumbe ulomhawu ngokuphana kwami na?’\wj*
\p
\v 16 \wj Ngakho owokucina uzakuba ngowokuqala, lowokuqala abe ngowokucina.”\wj*
\s1 UJesu Ukhuluma Ngokufa Kwakhe Njalo
\p
\v 17 Kwathi uJesu esesiya eJerusalema wathatha abafundi abalitshumi lambili wema labo eceleni wathi kubo, 
\v 18 \wj “Sesisiya eJerusalema lapho iNdodana yoMuntu ezanikelwa khona kubaphristi abakhulu labafundisi bomthetho. Bazayigwebela ukufa,\wj* 
\v 19 \wj bayinikele kwabeZizwe ukuba iyangiswe, itshaywe njalo ibethelwe. Ngosuku lwesithathu izavuswa kwabafileyo!”\wj*
\s1 Isicelo Somzali Wesifazane
\p
\v 20 Kwasekufika unina wamadodana kaZebhediya kuJesu elamadodana akhe waguqa phansi wacela ukuthi enzelwe umusa.
\p
\v 21 UJesu wabuza wathi, \wj “Kuyini okufunayo?”\wj*
\p Yena wathi, “Tshono ukuthi omunye wala amadodana ami amabili uzahlala kwesokunene sakho kuthi omunye laye ahlale kwesokhohlo sakho embusweni wakho.”
\p
\v 22 UJesu wathi kubo, \wj “Kalikwazi elikucelayo. Lingayinatha na inkezo engizayinatha?”\wj*
\p Bathi, “Yebo singayinatha.”
\p
\v 23 UJesu wathi kubo, \wj “Yebo lizanatha kuyo inkezo yami kodwa ukuhlala kwesokunene kumbe kwesokhohlo kwami kakusikho kwami ukukuvumela. Izindawo lezi ngezalabo abazilungiselwe nguBaba.”\wj*
\p
\v 24 Kwathi abalitshumi bekuzwa lokhu bazithukuthelela lezozelamani. 
\v 25 UJesu wasebabizela ndawonye wathi, \wj “Liyakwazi ukuthi ababusi beZizwe bazibusa kalukhuni, kuthi lezikhulu zazo zikhonye phezu kwazo.\wj* 
\v 26 \wj Kakunjalo kini. Kodwa loba ngubani ofuna ukuba mkhulu phakathi kwenu kabe yinceku yenu,\wj* 
\v 27 \wj lalowo ofuna ukuba ngowokuqala kabe yinceku yenu,\wj* 
\v 28 \wj njengalokhu iNdodana yoMuntu ingezanga ukuzokhonzwa kodwa ukuzokhonza lokunikela impilo yayo njengenhlawulo yabanengi.”\wj*
\s1 Iziphofu Ezimbili Zenziwa Zibone
\p
\v 29 Kwathi uJesu labafundi bakhe sebesuka eJerikho ixuku elikhulu labantu lamlandela. 
\v 30 Amadoda amabili ayiziphofu ayehlezi eceleni komgwaqo athi esizwa ukuthi uJesu wayesedlula khonapho amemeza athi, “Nkosi, Ndodana kaDavida, sihawukele!”
\p
\v 31 Ixuku labantu lawakhuza lathi kawathule kodwa amemeza ngamandla athi, “Nkosi, Ndodana kaDavida, sihawukele!”
\p
\v 32 UJesu wema wawabiza, wawabuza wathi, \wj “Lifuna ukuba ngilenzeleni?”\wj*
\p
\v 33 Aphendula athi, “Nkosi, sifuna ukuthi sibone.”
\p
\v 34 UJesu wawazwela isihawu wawathinta emehlweni. Masinyane nje ahle abona asemlandela.
\c 21
\s1 UJesu Uza EJerusalema NjengeNkosi
\p
\v 1 Bathi sebesondela eJerusalema, bafika eBhethifage eNtabeni yama-Oliva, uJesu wathuma abafundi ababili, 
\v 2 wathi kubo, \wj “Yanini emzini ophambi kwenu, khonapho lizabona inkonyane kababhemi lobabhemi ebotshelwe khonapho. Libakhulule libuye labo kimi.\wj* 
\v 3 \wj Nxa kungaba lozalibuza, limtshele ukuthi iNkosi yiyo ebafunayo, uzahle abayekele bahambe masinyane.”\wj*
\p
\v 4 Lokhu kwenzeka ukuze kugcwaliseke okwakhulunywa ngomphrofethi ukuthi:
\q1
\v 5 “Tshela iNdodakazi yaseZiyoni ukuthi,
\q2 ‘Khangela, inkosi yakho iyeza kuwe,
\q1 imnene igade ubabhemi,
\q2 iphezu kwenkonyane, inkonyane kababhemi.’\f + \fr 21.5 \fr*\ft UZakhariya 9.9\ft*\f*”
\p
\v 6 Abafundi bahamba benza njengokulaywa kwabo nguJesu. 
\v 7 Baletha inkonyane kababhemi lobabhemi, bendlala amajazi abo phezu kwabobabhemi ukuze uJesu ahlale phezu kwawo. 
\v 8 Ixuku elikhulu lendlala amajazi alo endleleni, kukanti abanye bephula ingatsha ezihlahleni bazendlala endleleni. 
\v 9 Amaxuku ayehamba phambi kwakhe lalawo ayelandela amemeza athi,
\q1 “Hosana kuyo iNdodana kaDavida!”\f + \fr 21.9 \fr*\ft AmaHubo 118.26\ft*\f*
\b
\q1 “Ubusisiwe lowo obuya ngebizo likaThixo!”
\b
\q1 “Hosana ezulwini eliphezulu!”
\p
\v 10 Kwathi uJesu esengenile eJerusalema, umuzi wonke wanyakazela, abantu babuzana bathi, “Kanti ngubani lo?”
\p
\v 11 Amaxuku aphendula athi, “Lo nguJesu, umphrofethi waseNazaretha eGalile.”
\s1 UJesu EThempelini
\p
\v 12 UJesu wangena egumeni lethempeli wabaxotsha bonke ababethenga lababethengisa khona. Wagenqula amatafula alabo ababentshintshela abanye izimali lezihlalo zabathengisa amajuba. 
\v 13 Wathi kubo, \wj “Kulotshiwe ukuthi, ‘Indlu yami izabizwa ngokuthi yindlu yokukhuleka,’\wj*\f + \fr 21.13 \fr*\ft U-Isaya 56.7\ft*\f* \wj kodwa lina seliyenza ‘ubhalu lwabaphangi.’\wj*\f + \fr 21.13 \fr*\ft UJeremiya 7.11\ft*\f*\wj ”\wj*
\p
\v 14 Iziphofu labaqhugezelayo beza kuye ethempelini wabasilisa. 
\v 15 Kodwa kwathi abaphristi abakhulu labafundisi bomthetho bebona izimanga ayezenza labantwana bememeza egumeni lethempeli besithi, “Hosana kuyo iNdodana kaDavida,” banengeka.
\p
\v 16 Bambuza bathi, “Uyabezwa nje abantwana laba ukuthi bathini?”\f + \fr 21.16 \fr*\ft AmaHubo 8.2\ft*\f*
\p Waphendula uJesu wathi, \wj “Yebo, kalikaze lifunde ukuthi,\wj*
\q1 \wj ‘Ezindebeni zabantwana lensane\wj*
\q2 \wj wena Nkosi uyimisile indumiso’?”\wj*
\p
\v 17 Wasebatshiya waphuma edolobheni waya eBhethani lapho alala khona.
\s1 Isihlahla Somkhiwa Siyabuna
\p
\v 18 Ekuseni kakhulu esebuyela edolobheni wezwa eselambile. 
\v 19 Wabona isihlahla somkhiwa eceleni kwendlela, waqambukela kuso kodwa wathola kungelalutho kuso ngaphandle kwamahlamvu nje. Wasesithi kuso, \wj “Ungaphindi uthele izithelo lanini!”\wj* Khonapho nje isihlahla sahle sabuna.
\p
\v 20 Abafundi bathi bekubona lokhu bamangala kakhulu. Babuza bathi, “Kwenzeke kanjani ukuthi isihlahla somkhiwa sibune masinyane kangaka?”
\p
\v 21 UJesu waphendula wathi, \wj “Ngilitshela iqiniso ngithi nxa lilokukholwa njalo lingathandabuzi, kalisoze lenze okwenziwe kulesi isihlahla somkhiwa kuphela kodwa njalo lingathi kule intaba, ‘Suka, uziphosele olwandle,’ lakanye kuzenzeka.\wj* 
\v 22 \wj Nxa likholwa, lizaphiwa loba yini eliyicelayo ngomkhuleko.”\wj*
\s1 Kubuzwa Ngemvelo Yamandla KaJesu
\p
\v 23 UJesu wangena ethempelini, kwathi elokhu efundisa abaphristi abakhulu labadala babantu beza kuye. Bambuza bathi, “Izinto lezi uzenza ngawaphi amandla na? Ngubani okunike amandla la?”
\p
\v 24 UJesu waphendula wathi, \wj “Lami ngizalibuza umbuzo owodwa. Lingangiphendula, ngizalitshela ukuthi ngizenza ngawaphi amandla lezizinto.\wj* 
\v 25 \wj Ubhaphathizo lukaJohane lwavela ngaphi na? Lwavela ezulwini loba ebantwini na?”\wj*
\p Bangunguna bodwa ngalokho bathi, “Nxa singathi, ‘Lwavela ezulwini,’ uzakuthi, ‘Pho kungani lingazange limkholwe na?’ 
\v 26 Kodwa singathi, ‘Lwavela ebantwini,’ sesaba abantu ngoba bonke uJohane bamthatha njengomphrofethi.”
\p
\v 27 Ngakho bamphendula uJesu bathi, “Kasikwazi.”
\p Ngakho wasesithi, \wj “Lami kangiyikulitshela ukuthi izinto lezi ngizenza ngamandla bani.”\wj*
\s1 Umzekeliso Wamadodana Amabili
\p
\v 28 \wj “Likhumbulani kambe? Kwakulendoda eyayilamadodana amabili. Yaya kweyokuqala yathi, ‘Ndodana, lamuhla hamba uyesebenza esivinini.’\wj*
\p
\v 29 \wj Yaphendula yathi, ‘Kangisoze ngiye mina,’ kodwa yaphinde yazisola yahamba.\wj*
\p
\v 30 \wj Uyise wasesiya kwenye indodana watsho okufanayo. Yaphendula yathi, ‘Ngizahamba, baba,’ kodwa kayihambanga.\wj*
\p
\v 31 \wj Yiphi phakathi kwawo womabili eyenza lokho okwakufunwa nguyise na?”\wj*
\p Baphendula bathi, “Ngeyakuqala.”
\p UJesu wathi kubo, \wj “Ngilitshela iqiniso ngithi abathelisi lezifebe bazangena embusweni kaNkulunkulu kuqala kulani.\wj* 
\v 32 \wj Ngoba uJohane weza kini ukuzalitshengisa indlela yokulunga kodwa kalimkholwanga ikanti abathelisi lezifebe bamkholwa. Kwathi lokuba selikubonile konke lokhu kalimkholwanga.”\wj*
\s1 Umzekeliso Wabalimi Esivinini
\p
\v 33 \wj “Zwanini omunye umzekeliso: Kwakukhona umnini wesiqinti owahlanyela isivini. Wasihonqolozela ngomduli, wagebha isikhamelo sewayini phakathi, wasesakha isilindo. Waseqhatshisa isivini leso kubalimi wasuka wathatha uhambo.\wj* 
\v 34 \wj Kuthe sekufika isikhathi sokuvuna wathuma izinceku zakhe kulabobalimi ukuyathatha izithelo.\wj*
\p
\v 35 \wj Abalimi bazibamba izinceku zakhe; eyinye bayitshaya, eyinye bayibulala kwathi eyesithathu bayikhanda ngamatshe.\wj* 
\v 36 \wj Wasethuma ezinye izinceku kubo, ezinengi kulezakuqala, njalo abalimi baziphatha ngendlela efanayo.\wj* 
\v 37 \wj Ekucineni wasethumela indodana yakhe kubo. Wathi, ‘Bazayihlonipha indodana yami.’\wj*
\p
\v 38 \wj Kodwa kwathi abalimi beyibona indodana batshelana bathi, ‘Lo yindlalifa. Wozani simbulale sithathe ilifa lakhe.’\wj* 
\v 39 \wj Ngakho bamdumela bamphosela ngaphandle kwesivini bambulala.\wj*
\p
\v 40 \wj Ngakho-ke nxa umninisivini esesiza uzabathini abalimi labo na?”\wj*
\p
\v 41 Baphendula bathi, “Uzababonisa into yamehlo, abeseqhatshisa isivini sakhe kwabanye abalimi abazamnika ingxenye yakhe yezithelo ngesikhathi sokuvuna.”
\p
\v 42 UJesu wathi kubo, \wj “Kalibalanga yini emibhalweni ukuthi:\wj*
\q1 \wj ‘Ilitshe elalahlwa ngabakhi\wj*
\q2 \wj seliyilona ilitshe lensika;\wj*
\q1 \wj iNkosi ikwenzile lokhu,\wj*
\q2 \wj njalo kuyamangalisa emehlweni ethu?’\wj*\f + \fr 21.42 \fr*\ft AmaHubo 118.22-23\ft*\f*
\p
\v 43 \wj Ngakho ngiyalitshela ukuthi umbuso kaNkulunkulu lizawuthathelwa uphiwe abantu abazathela izithelo zawo.\wj* 
\v 44 \wj Lowo ozawela phezu kwalelilitshe uzavadlaka kodwa lowo elizawela phezu kwakhe uzafihlizwa.”\wj*
\p
\v 45 Kwathi abaphristi abakhulu labaFarisi besizwa imizekeliso kaJesu, bakwazi ukuthi wayekhuluma ngabo. 
\v 46 Badinga indlela yokumbopha kodwa besaba ixuku labantu ngoba abantu bambona njengomphrofethi.
\c 22
\s1 Umzekeliso Wedili Lomthimba
\p
\v 1 UJesu wakhuluma kubo njalo ngemizekeliso wathi: 
\v 2 \wj “Umbuso wezulu unjengenkosi eyalungisela indodana yayo idili lomthimba.\wj* 
\v 3 \wj Yathuma izinceku zayo kulabo ababenxusiwe edilini ukuba beze kodwa bala ukuza.\wj*
\p
\v 4 \wj Yaphinda yathuma ezinye izinceku yathi, ‘Batsheleni labo abanxusiweyo ukuthi sengililungisile idili. Ngihlabe inkabi lenkomo ezinonisiweyo, konke sekulungile. Wozani edilini lomthimba.’\wj*
\p
\v 5 \wj Kodwa kabakunanzanga lokho, bazihambela, omunye waya ensimini yakhe, omunye emsebenzini wakhe.\wj* 
\v 6 \wj Abanye bazibamba izinceku zayo, bazihlukuluza bazibulala.\wj* 
\v 7 \wj Inkosi yathukuthela. Yathumela impi yayo yababhuqa labobabulali yatshisa idolobho labo.\wj*
\p
\v 8 \wj Yasisithi ezincekwini zayo, ‘Idili lomthimba selilungile kodwa labo engibanxusileyo bebengasafanele ukuza.\wj* 
\v 9 \wj Hambani liye emahlanganweni ezindlela linxuse loba ngubani elimbonayo.’\wj* 
\v 10 \wj Ngakho izinceku zangena ezitaladini zabutha bonke abantu ezababonayo, abalungileyo lababi, indlu yomthimba yagcwala izethekeli.\wj*
\p
\v 11 \wj Kodwa kwathi inkosi ingena ukuzabona izethekeli, yananzelela khonapho indoda eyeyingavunulanga izigqoko zomthimba.\wj* 
\v 12 \wj Yabuza yathi, ‘Mngane, ungene njani lapha ungelazigqoko zomthimba?’ Indoda yatsha amathe.\wj*
\p
\v 13 \wj Inkosi yasitshela izinceku zayo yathi, ‘Mbopheni izandla lezinyawo limphosele ngaphandle ebumnyameni, lapho okuzakuba khona ukukhala lokugedla kwamazinyo.’\wj*
\p
\v 14 \wj Ngoba banengi ababiziweyo kodwa balutshwana abakhethiweyo.”\wj*
\s1 Ukuthela KuKhesari
\p
\v 15 Lapho-ke abaFarisi basuka baphuma bayaceba ukuthi bambambe ngamazwi akhe. 
\v 16 Bathuma abafundi babo kuye behamba lamaHerodiya. Bathi, “Mfundisi, siyazi ukuthi uyindoda eqotho lokuthi ufundisa indlela kaNkulunkulu ngokweqiniso. Kawusuye uthathekile ngoba kawulani lokuthi bangobani. 
\v 17 Sitshele-ke, uthini ngalokhu? Kusemthethweni na ukuthela kuKhesari kumbe hatshi?”
\p
\v 18 UJesu ngokwazi inhloso yabo embi wathi, \wj “Lina bazenzisi, lenzani lizama ukungithiya na?\wj* 
\v 19 \wj Ake lingitshengise uhlamvu lwemali okuthelwa ngayo.”\wj* Bamlethela idenari, 
\v 20 wasebabuza wathi, \wj “Ngumfanekiso kabani lo? Njalo luphawu lukabani lolu?”\wj*
\p
\v 21 Baphendula bathi, “NgokukaKhesari.”
\p Wasesithi kubo, \wj “Phanini uKhesari okungokukaKhesari loNkulunkulu okungokukaNkulunkulu.”\wj*
\p
\v 22 Bathi besizwa lokhu bamangala. Ngakho basuka kuye bahamba.
\s1 Ukuthathana Ekuvukeni Kwabafileyo
\p
\v 23 Ngalelolanga abaSadusi, abathi kakukho ukuvuka kwabafileyo, beza kuye belombuzo. 
\v 24 Bathi, “Mfundisi, uMosi wasitshela wathi, nxa indoda ingafa ingazalanga mntwana, umfowabo kamthathe umfelokazi amzalele abantwana. 
\v 25 Kwakulabafowabo abayisikhombisa phakathi kwethu. Wathatha owakuqala wasesifa, kwathi ngoba engazuzanga mntwana watshiyela umkakhe umfowabo. 
\v 26 Kwaphinda lokho kowesibili lowesithathu njalo kwaze kwaba ngowesikhombisa. 
\v 27 Ekucineni wafa lowomfazi. 
\v 28 Pho-ke, ekuvukeni kwabafileyo uzakuba ngumkabani phakathi kwabayisikhombisa njengoba bonke babemthethe?”
\p
\v 29 UJesu waphendula wathi, \wj “Liyalahleka ngoba kaliyazi imibhalo lamandla kaNkulunkulu.\wj* 
\v 30 \wj Ekuvukeni kwabafileyo abantu kabayikuthatha loba bendiswe; bazakuba njengezingilosi ezulwini.\wj* 
\v 31 \wj Kodwa mayelana lokuvuka kwabafileyo, kalibalanga yini lokho uNkulunkulu akutsho kini ukuthi,\wj* 
\v 32 \wj ‘NginguNkulunkulu ka-Abhrahama, uNkulunkulu ka-Isaka loNkulunkulu kaJakhobe’\wj*\f + \fr 22.32 \fr*\ft U-Eksodasi 3.6\ft*\f*\wj ? KasuNkulunkulu wabafileyo kodwa owabaphilayo.”\wj*
\p
\v 33 Kwathi amaxuku abantu esizwa lokhu amangaliswa yikufundisa kwakhe.
\s1 Umlayo Omkhulu Kulayo Yonke
\p
\v 34 AbaFarisi sebezwile ukuthi uJesu wayesebathulisile abaSadusi, bahlangana ndawonye. 
\v 35 Omunye wabo owayeyisazi somthetho wamlinga ngombuzo wathi, 
\v 36 “Mfundisi, yiwuphi umlayo omkhulu kulayo yonke eMthethweni?”
\p
\v 37 UJesu waphendula wathi, \wj “ ‘Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke.’\wj*\f + \fr 22.37 \fr*\ft UDutheronomi 6.5\ft*\f* 
\v 38 \wj Yiwo owokuqala njalo odlula yonke imilayo.\wj* 
\v 39 \wj Owesibili unjengawo: ‘Thanda umakhelwane wakho njengoba uzithanda wena.’\wj*\f + \fr 22.39 \fr*\ft ULevi 19.18\ft*\f* 
\v 40 \wj Wonke uMthetho labaPhrofethi kweyeme kuyonale imilayo emibili.”\wj*
\s1 UKhristu UyiNdodana Kabani?
\p
\v 41 Kwathi abaFarisi behlangene ndawonye uJesu wababuza wathi, 
\v 42 “Licabangani ngoKhristu? Uyindodana kabani?”
\p Baphendula bathi, “Yindodana kaDavida.”
\p
\v 43 Wathi kubo, \wj “Kungani pho uDavida wathi ekhuluma ngoMoya umbiza athi ‘Nkosi’? Ngoba uthi,\wj*
\q1
\v 44 \wj ‘INkosi yathi eNkosini yami:\wj*
\q2 \wj “Hlala ngakwesokunene sami\wj*
\q1 \wj ngize ngibeke izitha zakho\wj*
\q2 \wj ngaphansi kwenyawo zakho.” ’\wj*\f + \fr 22.44 \fr*\ft AmaHubo 110.1\ft*\f*
\m
\v 45 \wj Pho, nxa uDavida esithi kuye, ‘Nkosi,’ angaba yindodana yakhe njani?”\wj* 
\v 46 Kakho loyedwa owaba lelizwi lokumphendula. Kwathi-ke kusukela ngalolosuku kakho owaqunga isibindi sokumbuza eminye imibuzo.
\c 23
\s1 Izixwayiso Eziyisikhombisa
\p
\v 1 UJesu wasesithi emaxukwini abantu lakubafundi bakhe: 
\v 2 \wj “Abafundisi bomthetho labaFarisi bahlezi esihlalweni sikaMosi.\wj* 
\v 3 \wj Ngakho kumele libalalele lenze konke abalitshela khona. Kodwa lingakwenzi abakwenzayo, ngoba kabakulandeli lokho abakutshumayelayo.\wj* 
\v 4 \wj Baqoqa imithwalo enzima bayetshate emahlombe abantu kodwa bona bengafuni lokulokotha bayithwale.\wj*
\p
\v 5 \wj Konke abakwenzayo bakwenzela ukuba babonwe ngabantu, benza imicwatsho yabo yemibhalo ibe banzi lezintshaka zezigqoko zabo zibe zinde;\wj* 
\v 6 \wj bathanda izindawo eziphezulu emadilini lezihlalo eziqakathekileyo emasinagogweni,\wj* 
\v 7 \wj bathanda ukubingelelwa emisikeni lokuthi abantu bababize ngokuthi ‘Rabi.’\wj*
\p
\v 8 \wj Kodwa lina nxa lingabizwa kuthiwe ‘Rabi,’ ngoba munye kuphela oyiNkosi yenu njalo lina lonke liyizinini.\wj* 
\v 9 \wj Futhi lingabizi muntu emhlabeni ngokuthi ‘baba,’ ngoba liloYihlo oyedwa, yena osezulwini.\wj* 
\v 10 \wj Njalo lingabizwa ngokuthi bafundisi, ngoba liloMfundisi oyedwa, uKhristu.\wj* 
\v 11 \wj Omkhulu kulani lonke phakathi kwenu uzakuba yinceku yenu.\wj* 
\v 12 \wj Ngoba lowo oziphakamisayo uzathotshiswa, lalowo ozithobayo uzaphakanyiswa.”\wj*
\s1 Inhlupheko Eziyikhombisa Kubafundisi Bomthetho LakubaFarisi
\p
\v 13 \wj “Maye kini, bafundisi bomthetho lakubaFarisi, lina bazenzisi! Livalela abantu umbuso wezulu. Lina ngokwenu kalingeni liphinde livimbele labo abazama ukungena.\wj* [
\v 14 \wj Maye kini bafundisi bomthetho lakini baFarisi, lina bazenzisi! Liphanga izindlu zabafelokazi, beselizenzisa lisenza imikhuleko emide, ngalokho lizakwamukeliswa ukulahlwa okukhulu.\wj*]\f + \fr 23.14 \fr*\ft Livesi ayikho kwamanye amaBhayibhili esiLungu.\ft*\f*
\p
\v 15 \wj Maye kini bafundisi bomthetho lakini baFarisi, lina bazenzisi! Lidabula ilizwe lihambe laphezu kolwandle lidinga ukuphendula oyedwa zwi, lithi selimzuzile limphendule abe yindodana yesihogweni okuphindwe kabili kulani.\wj*
\p
\v 16 \wj Maye kini, baholi abayiziphofu! Lithi, ‘Nxa umuntu efunga ngethempeli kakutsho lutho; kodwa nxa umuntu efunga ngegolide lethempeli usezibophile ngesifungo sakhe.’\wj* 
\v 17 \wj Lina ziphofundini! Yikuphi okukhulu kulokunye: igolide kumbe ithempeli elenza igolide libengcwele?\wj* 
\v 18 \wj Lithi njalo, ‘Nxa umuntu efunga nge-alithare, akusilutho; kodwa nxa umuntu efunga ngesipho esikulo usezibophile ngesifungo sakhe.’\wj* 
\v 19 \wj Lina ziphofu zabantu! Yikuphi okudlula okunye: isipho langabe i-alithari elenza isipho sibe ngcwele?\wj* 
\v 20 \wj Ngakho lowo ofunga nge-alithare ufunga ngalo langakho konke okukulo.\wj* 
\v 21 \wj Njalo lowo ofunga ngethempeli ufunga ngalo njalo langaye lowo ohlala kulo.\wj* 
\v 22 \wj Njalo lalowo ofunga ngezulu ufunga ngesihlalo sobukhosi sikaNkulunkulu langaye ohlezi phezu kwaso.\wj*
\p
\v 23 \wj Maye kini, bafundisi bomthetho lakini baFarisi, bazenzisi! Linika okwetshumi okweziyoliso zenu, iminti ledili lekhamini. Kodwa liyekethise izinto ezimqoka emthethweni, eziyikulunga, isihawu kanye lokwethembeka. Bekufanele lithi likwenza lokhu lingawuyekethisanga umthetho.\wj* 
\v 24 \wj Lina baholi abayiziphofu! Liyacenga ukukhupha ubuyane kodwa liginye ikamela.\wj*
\p
\v 25 \wj Maye kini, bafundisi bomthetho lakini baFarisi, lina bazenzisi! Ligezisa inkezo lomganu ngaphandle kodwa ngaphakathi kugcwele ubuhwaba lokuzisuthisa.\wj* 
\v 26 \wj MFarisi oyisiphofu! Qala uhlambulule ingaphakathi yenkezo lomganu, ukuze ingaphandle layo ihlambuluke.\wj*
\p
\v 27 \wj Maye kini, bafundisi bomthetho lakini baFarisi, lina bazenzisi! Linjengamathuna aconjiweyo, akhanya ebukeka ngaphandle, kodwa ngaphakathi agcwele amathambo abantu abafileyo lakho konke okungcolileyo.\wj* 
\v 28 \wj Kanjalo, ngaphandle libonakala ebantwini linjengabalungileyo, kodwa ngaphakathi ligcwele ukuzenzisa lobubi.\wj*
\p
\v 29 \wj Maye kini, bafundisi bomthetho lakini baFarisi, lina bazenzisi! Lakhela abaphrofethi amathuna njalo licecise amathuna abalungileyo.\wj* 
\v 30 \wj Beselisithi, ‘Ngabe saphila ngezinsuku zabokhokho bethu sasingeyikuhlanganyela labo ekuchitheni igazi labaphrofethi.’\wj* 
\v 31 \wj Ngalokho yini elipha ubufakazi bokuthi liyisizukulwane salabo ababulala abaphrofethi.\wj* 
\v 32 \wj Nanko-ke, wohlani liqedise lesosono sabokhokho benu!\wj*
\p
\v 33 \wj Lina zinyoka! Lina nzalo yezinhlangwana! Lizaphepha kanjani ukuba lilahlelwe esihogweni na?\wj* 
\v 34 \wj Ngakho ngilithumela abaphrofethi lamadoda ahlakaniphileyo labafundisi. Abanye babo lizababulala libabethele; abanye lizababhaxabula emasinagogweni enu, lilandelelane labo kuleli laleliyana idolobho.\wj* 
\v 35 \wj Ngakho-ke, lonke igazi elilungileyo elachithwayo emhlabeni kusukela egazini lika-Abheli owayelungile kusiya egazini likaZakhariya indodana kaBherekhiya elambulala phakathi laphakathi kwethempeli le-alithari lizakwehliselwa phezu kwenu.\wj* 
\v 36 \wj Ngilitshela iqiniso, konke lokhu kuzakuba phezu kwalesi isizukulwane.\wj*
\p
\v 37 \wj Jerusalema, Jerusalema, wena obulala abaphrofethi, ubakhande ngamatshe labo abathunywe kuwe, sekukanengi ngiloyisa ukuqoqa ndawonye abantwabakho, njengesikhukhukazi siqoqa amatsiyane aso ngaphansi kwamaphiko aso, kodwa wena wawungathandi.\wj* 
\v 38 \wj Khangela, indlu yakho isitshiywe ilunxiwa.\wj* 
\v 39 \wj Ngoba ngiyalitshela, kalisayikungibona futhi lize lithi, ‘Ubusisiwe lowo obuya ngebizo likaThixo.’\wj*\f + \fr 23.39 \fr*\ft AmaHubo 118.26\ft*\f*\wj ”\wj*
\c 24
\s1 Ukubhidlizwa KweThempeli Lezibonakaliso Zokucina Kwesikhathi
\p
\v 1 UJesu wathi esuka ethempelini esehamba abafundi bakhe beza kuye bathi kake ananzelele izakhiwo zalo. 
\v 2 Wathi, \wj “Liyazibona na zonke lezizinto? Ngilitshela iqiniso ukuthi akulalitshe lapha elizasala liphezu kwelinye; wonke azabhidlizwa.”\wj*
\p
\v 3 Kwathi uJesu ehlezi eNtabeni yama-Oliva abafundi bakhe beza kuye ngasese bathi, “Sitshele, kuzakwenzakala nini lokhu na, njalo kuzakuba lesibonakaliso bani sokuza kwakho lokuphela kwesikhathi na?”
\p
\v 4 UJesu waphendula wathi, \wj “Qaphelani ukuze lingakhohliswa muntu.\wj* 
\v 5 \wj Ngoba abanengi bazakuza ngebizo lami besithi, ‘NginguKhristu,’ bakhohlise abanengi.\wj* 
\v 6 \wj Lizakuzwa ngezimpi lamahungahunga azo, kodwa lingaze lethuka. Izinto ezinjalo zizakwenzeka, kodwa ukucina kulokhu kuseza.\wj* 
\v 7 \wj Isizwe sizavukela isizwe, lombuso uvukele umbuso. Kuzakuba lendlala lokuzamazama komhlaba ezindaweni ezitshiyeneyo.\wj* 
\v 8 \wj Konke lokhu kuyikuqalisa kobuhlungu bokuhelelwa.\wj*
\p
\v 9 \wj Lapho lizanikelwa ukuba lihlutshwe njalo libulawe, futhi lizazondwa yizizwe zonke ngenxa yami.\wj* 
\v 10 \wj Ngalesosikhathi abanengi bazadela ukukholwa banikelane njalo bazondane,\wj* 
\v 11 \wj kuvele abaphrofethi bamanga abanengi abazakhohlisa abantu abanengi.\wj* 
\v 12 \wj Ngenxa yokwanda kobubi, uthando lwabanengi luzaphola,\wj* 
\v 13 \wj kodwa lowo oma aqine kuze kube sekupheleni uzasindiswa.\wj* 
\v 14 \wj Njalo lelivangeli lombuso lizatshunyayelwa kuwo wonke umhlaba njengobufakazi kuzozonke izizwe, besekufika ukuphela.\wj*
\p
\v 15 \wj Nxa libona kumi endaweni engcwele ‘amanyala aletha incithakalo,’\wj*\f + \fr 24.15 \fr*\ft UDanyeli 9.27; 11.31; 12.11\ft*\f* \wj okwakhulunywa ngomphrofethi uDanyeli, ofundayo kezwisise.\wj* 
\v 16 \wj Lapho-ke akuthi labo abaseJudiya babalekele ezintabeni.\wj* 
\v 17 \wj Akungabikhona osophahleni lwendlu ozakwehla phansi ukuyathatha ulutho endlini.\wj* 
\v 18 \wj Lowo osemasimini kangabuyeli ngekhaya ukuyathatha ijazi lakhe.\wj* 
\v 19 \wj Yeka ubulukhuni obuzakuba khona ngalezonsuku kwabesifazane abakhulelweyo labangabadlezane!\wj* 
\v 20 \wj Khulekelani ukuba ukuphaphatheka kwenu kungabi sebusika loba ngeSabatha.\wj* 
\v 21 \wj Ngoba ngalesosikhathi kuzakuba lokuhlupheka okukhulu, okungazange kube khona kulokhu kwadabuka umhlaba kuze kube manje, njalo kakusoze kube khona futhi.\wj*
\p
\v 22 \wj Aluba lezinsuku bezingaphungulwanga, kakho obezaphepha, kodwa ngenxa yabakhethiweyo lezinsuku zizaphungulwa.\wj* 
\v 23 \wj Nxa ngalesosikhathi omunye esithi kini, ‘Khangela, nangu uKhristu!’ loba ‘Ulaphaya!’ lingakukholwa lokho.\wj* 
\v 24 \wj Ngoba oKhristu bamanga labaphrofethi bamanga bazavela benze izibonakaliso lezimangaliso ezinkulu ukukhohlisa kanye labakhethiweyo, nxa lokho kungenzeka.\wj* 
\v 25 \wj Zwanini, sengihle ngalitshela mandulo kwesikhathi.\wj*
\p
\v 26 \wj Ngakho-ke, nxa umuntu elitshela esithi, ‘Nanguyana, laphayana egangeni,’ lingayi khona loba athi, ‘Nangu lapha ezindlini ezingaphakathi,’ lingaze lakukholwa lokho.\wj* 
\v 27 \wj Ngoba njengombane osuka empumalanga uhle ubonakale lasentshonalanga, kuzakuba njalo ukufika kweNdodana yoMuntu.\wj* 
\v 28 \wj Lapho okulesidumbu khona kulapho amanqe abuthana khona.\wj*
\p
\v 29 \wj Masinyane ngemva kokuhlupheka kwalezonsuku,\wj*
\q1 \wj ‘ilanga lizafiphala\wj*
\q2 \wj lenyanga kayiyikukhanya;\wj*
\q1 \wj izinkanyezi zizakuwa esibhakabhakeni,\wj*
\q2 \wj izisekelo zasezulwini zizazanyazanyiswa.’\wj*\f + \fr 24.29 \fr*\ft U-Isaya 13.10; 34.4\ft*\f*
\p
\v 30 \wj Kulesosikhathi isibonakaliso seNdodana yoMuntu sizavela emkhathini, kuthi zonke izizwe zomhlaba zilile. Zizabona iNdodana yoMuntu isiza ngamayezi esibhakabhakeni, ilamandla lobukhosi obukhulu.\wj* 
\v 31 \wj Njalo izathumela izingilosi zayo zitshaya icilongo ngomsindo omkhulu, beseziqoqa abakhethiweyo bayo emagumbini womane omhlaba, kusukela ngapha kwamazulu kusiya ngale kwawo.\wj*
\p
\v 32 \wj Manje-ke, fundani lesisifundo esihlahleni somkhiwa: Amahlumela aso angaqalisa ukuba buthakathaka lamahlamvu aso ahlume, lihle lazi ukuthi ihlobo selisondele.\wj* 
\v 33 \wj Kanjalo-ke, nxa lingabona zonke lezizinto, lazi ukuthi sekusondele, khonapho emnyango.\wj* 
\v 34 \wj Ngilitshela iqiniso, lesisizukulwane kasiyikudlula zize zenzakale zonke lezizinto.\wj* 
\v 35 \wj Izulu lomhlaba kuzedlula, kodwa amazwi ami kawayikwedlula lanini.”\wj*
\s1 Usuku Lehola Kakwaziwa
\p
\v 36 \wj “Kodwa kakho olwaziyo lolosuku lehola, loba izingilosi zasezulwini, kumbe iNdodana, kodwa uBaba kuphela.\wj* 
\v 37 \wj Njengoba kwakunjalo ensukwini zikaNowa, kuzakuba njalo ekufikeni kweNdodana yoMuntu.\wj* 
\v 38 \wj Ngoba ensukwini ezandulela uzamcolo, abantu babesidla, benatha, bethatha njalo besenda, kwaze kwafika usuku uNowa angena ngalo emkhunjini;\wj* 
\v 39 \wj futhi babengazi lutho ngalokho okwakuzakwenzeka uzamcolo waze wafika wabatshabalalisa. Kuzakuba njalo ekufikeni kweNdodana yoMuntu.\wj* 
\v 40 \wj Kuzakuthi amadoda emabili esensimini, eyodwa izathathwa, eyinye isale.\wj* 
\v 41 \wj Kuzakuthi abesifazane bebabili bechola ngembokodo, oyedwa uzathathwa omunye asale.\wj*
\p
\v 42 \wj Ngakho, lindani ngoba kalikwazi ukuthi iNkosi yenu izafika ngaluphi usuku.\wj* 
\v 43 \wj Kodwa zwisisani lokhu: Kube umninindlu wayekwazile ukuthi isela lizafika ngasiphi isikhathi sobusuku ngabe walinda kaze avumela ukuthi indlu yakhe igqekezwe.\wj* 
\v 44 \wj Ngakho lani hlalani lilindile, ngoba iNdodana yoMuntu izafika ngesikhathi leso elizabe lingayikhumbuleli sona.\wj*
\p
\v 45 \wj Ngubani kambe oyinceku ethembekileyo lehlakaniphileyo umninimuzi ayibeke esikhundleni sokukhangela izisebenzi zalapha ekhaya ukuthi azinike ukudla kwazo ngesikhathi esifaneleyo?\wj* 
\v 46 \wj Kuzakuba kuhle kuleyo nceku inkosi ezayifica isenza njalo ekuphendukeni kwayo.\wj* 
\v 47 \wj Ngilitshela iqiniso, izakumbeka ukuthi aphathe yonke impahla yayo.\wj* 
\v 48 \wj Kodwa cabanga mhlawumbe inceku leyo ikhohlakele njalo ingazitshela ithi, ‘Inkosi yami isesekhatshana ukubuya,’\wj* 
\v 49 \wj ibisiqalisa ukutshaya ezinye izinceku njalo lokudla inatha lezidakwa.\wj* 
\v 50 \wj Inkosi yaleyonceku izabuya ngosuku engacatshangelwa khona langesikhathi inceku engasaziyo.\wj* 
\v 51 \wj Izayiqumaquma, iyiphe indawo kanye labazenzisi, lapho okuzakuba khona ukukhala lokugedla kwamazinyo.”\wj*
\c 25
\s1 Umzekeliso Wezintombi Ezilitshumi
\p
\v 1 \wj “Kulesosikhathi umbuso wezulu uzakuba njengezintombi ezigcweleyo ezilitshumi ezathatha izibane zazo zaphuma ukuyahlangabeza umyeni.\wj* 
\v 2 \wj Ezinhlanu zazo zaziyiziwula, ezinhlanu zihlakaniphile.\wj* 
\v 3 \wj Eziyiziwula zathatha izibane zazo, kodwa kazithathanga amafutha.\wj* 
\v 4 \wj Kodwa ezihlakaniphileyo zathwala imbodlela zamafutha kanye lezibane zazo.\wj* 
\v 5 \wj Umyeni waphuza ukufika zonke zaze zawozela zajunywa yibuthongo.\wj*
\p
\v 6 \wj Phakathi kobusuku kwamenyezelwa kwathiwa, ‘Nangu umyeni! Phumani limhlangabeze!’\wj*
\p
\v 7 \wj Zasezivuka zonke izintombi zalumathisa izibane zazo.\wj* 
\v 8 \wj Lezo ezaziyiziwula zathi kwezihlakaniphileyo, ‘Ake lisiphe lathi amanye amafutha enu; izibane zethu sezicitsha.’\wj*
\p
\v 9 \wj Zaphendula ezihlakaniphileyo zathi, ‘Hatshi, kakulamafutha angasanela thina lani. Hambani liye kulabo abathengisa amafutha liyezithengela awenu.’\wj*
\p
\v 10 \wj Kodwa kwathi besayathenga amafutha umyeni wafika. Izintombi ezazizilungiselele zangena laye edilini lomthimba. Umnyango wasuvalwa.\wj*
\p
\v 11 \wj Ngemva kwesikhathi ezinye lazo zatsho sezifikile. Zathi, ‘Nkosi! Nkosi! Ake usivulele umnyango!’\wj*
\p
\v 12 \wj Kodwa waphendula wathi, ‘Ngilitshela iqiniso ukuthi, kangilazi.’\wj*
\p
\v 13 \wj Ngakho lindani ngoba kalilwazi usuku loba ihola.”\wj*
\s1 Umzekeliso Wamathalenta
\p
\v 14 \wj “Njalo unjengendoda eyathatha uhambo, yabiza izinceku zayo yazigcinisa impahla yayo.\wj* 
\v 15 \wj Oyedwa yamupha amathalenta amahlanu emali, omunye amabili omunye njalo ithalenta elilodwa, ngulowo kusiya ngamandla akhe. Yasisuka ingena uhambo lwayo.\wj* 
\v 16 \wj Leyondoda eyayiphiwe amathalenta amahlanu yahle yasuka yayayisebenzisa leyomali yazuza amanye amahlanu.\wj* 
\v 17 \wj Yenza njalo laleyo eyayiphiwe amabili, yazuza amanye amabili.\wj* 
\v 18 \wj Kodwa indoda eyayiphiwe ithalenta elilodwa yasuka yemba igodi emhlabathini yayifihla imali yenkosi yayo.\wj*
\p
\v 19 \wj Ngemva kwesikhathi eside umnini walezozinceku wabuya wafisa ukwazi ukuthi babehambise njani ngaleyomali.\wj* 
\v 20 \wj Leyondoda eyayiphiwe amathalenta amahlanu yaletha amanye amahlanu. Yathi, ‘Nkosi, wangethemba ngamathalenta amahlanu. Khangela, sengizuze amanye amahlanu.’\wj*
\p
\v 21 \wj Umnini wayo waphendula wathi, ‘Wenze kuhle, nceku elungileyo lethembekileyo! Uthembekile ezintweni ezilutshwane; ngizakugcinisa izinto ezinengi. Woza uzojabula kanye lenkosi yakho!’\wj*
\p
\v 22 \wj Indoda eyayilamathalenta amabili layo yeza. Yathi, ‘Nkosi, wangethemba ngamathalenta amabili; khangela, sengizuze amanye amabili.’\wj*
\p
\v 23 \wj Umniniyo waphendula wathi, ‘Wenze kuhle, nceku elungileyo lethembekileyo! Uthembekile ngezinto ezilutshwane; ngizakugcinisa izinto ezinengi. Woza uzojabula kanye lenkosi yakho!’\wj*
\p
\v 24 \wj Kwasekusiza leyondoda eyayiphiwe ithalenta elilodwa. Yathi, ‘Nkosi, bengikwazi ukuthi uyindoda elukhuni, evuna lapho engahlanyelanga khona njalo ibuthe lapho engazange ihaze khona inhlanyelo.\wj* 
\v 25 \wj Yikho ngesaba ngasuka ngayafihla ithalenta lakho emhlabathini. Khangela, nanku okungokwakho.’\wj*
\p
\v 26 \wj Inkosi yaphendula yathi, ‘Wena nceku embi lelivila! Utsho ukuthi wazile ukuthi ngivuna lapho engingahlanyelanga khona njalo ngibuthe lapho engingahazanga khona inhlanyelo?\wj* 
\v 27 \wj Kube imali yami uyifake ebhanga, ukuze kuthi ekubuyeni kwami ngiyizuze isizele.\wj*
\p
\v 28 \wj Mthatheleni ithalenta lelo liliphe lowo olamathalenta alitshumi.\wj* 
\v 29 \wj Ngoba lowo olakho uzaphiwa okunye njalo abesesiba lokunengi. Lowo ongelakho, lalokho alakho uzakwemukwa.\wj* 
\v 30 \wj Manje-ke, iphoseni ngaphandle inceku engelamsebenzi, ebumnyameni lapho okuzakuba khona ukukhala lokugedla kwamazinyo.’ ”\wj*
\s1 Izimvu Lembuzi
\p
\v 31 \wj “Nxa iNdodana yoMuntu isisiza ngenkazimulo yayo, ikanye lezingilosi zonke, izahlala esihlalweni sayo sobukhosi ilenkazimulo yasezulwini.\wj* 
\v 32 \wj Zonke izizwe zizabuthaniswa phambi kwayo, ibe isisahlukanisa abantu omunye komunye njengomelusi esehlukanisa izimvu embuzini.\wj* 
\v 33 \wj Izabeka izimvu ngasekwesokunene kwayo lembuzi ngakwesokhohlo.\wj*
\p
\v 34 \wj Lapho-ke iNkosi izakuthi kulabo abangakwesokunene sayo, ‘Wozani, lina elibusiswe nguBaba; thathani ilifa lenu, umbuso owalungiselwa lina kusukela ekudalweni komhlaba.\wj* 
\v 35 \wj Ngoba ngangilambile, langinika ulutho oludliwayo, ngangomile langipha okunathwayo, ngangiyisihambi langinxusela endlini,\wj* 
\v 36 \wj ngangiswele izembatho langigqokisa, ngangigula langonga, ngangisentolongweni lazongibona.’\wj*
\p
\v 37 \wj Abalungileyo bazamphendula bathi, ‘Nkosi, sakubona nini ulambile sakupha ukudla na, kumbe womile sakunathisa?\wj* 
\v 38 \wj Sakubona nini uyisihambi sakunxusela endlini na, kumbe uswele izembatho sakugqokisa?\wj* 
\v 39 \wj Sakubona nini ugula kumbe usentolongweni seza sazakubona na?’\wj*
\p
\v 40 \wj INkosi izaphendula ithi, ‘Ngilitshela iqiniso ukuthi loba yini elayenzela loba ngomncinyane kanganani walaba abazalwane bami, lakwenzela mina.’\wj*
\p
\v 41 \wj INkosi izakuthi kulabo abakwesokhohlo sayo, ‘Xekani kimi lina eliqalekisiweyo liye emlilweni ongapheliyo owalungiselwa uSathane lezingilosi zakhe.\wj* 
\v 42 \wj Ngoba ngangilambile, kalingiphanga lutho lokudla, ngangomile kalingiphanga lutho lokunatha,\wj* 
\v 43 \wj ngangiyisihambi kalinginxuselanga endlini, ngangiswele izembatho kalingigqokisanga, ngangigula njalo ngisentolongweni kalizange lingethekelele.’\wj*
\p
\v 44 \wj Labo bazaphendula bathi, ‘Nkosi, sakubona nini ulambile kumbe womile kumbe uyisihambi kumbe ungelazigqoko kumbe ugula noma usentolongweni asaze sakunceda na?’\wj*
\p
\v 45 \wj Izaphendula ithi, ‘Ngilitshela iqiniso ukuthi, loba kuyini elingakwenzelanga oyedwa nje omncinyane kulabo bonke walaba, kalikwenzelanga mina.’\wj*
\p
\v 46 \wj Bazasuka baye ekujezisweni kwaphakade, kodwa abalungileyo baye ekuphileni okungapheliyo.”\wj*
\c 26
\s1 Icebo Elibi NgoJesu
\p
\v 1 UJesu eseqedile ukukhuluma zonke lezi izinto, wathi kubafundi bakhe, 
\v 2 \wj “Njengoba lisazi, sekusele insuku ezimbili ukuba iPhasika lifike, njalo iNdodana yoMuntu izanikelwa ukuba ibethelwe.”\wj*
\p
\v 3 Abaphristi abakhulu labadala babantu basebeqoqana egumeni lomphristi omkhulu owayethiwa nguKhayifasi, 
\v 4 baceba ukubopha uJesu ngasese bambulale. 
\v 5 Bathi, “Kakungabi ngesikhathi somkhosi funa kube lesiphithiphithi ebantwini.”
\s1 UJesu Uyagcotshwa EBhethani
\p
\v 6 Kwathi uJesu eseBhethani endlini yendoda eyayithiwa nguSimoni owayelobulephero, 
\v 7 kweza kuye owesifazane ephethe imbodlela yamakha adula kakhulu wawathela ekhanda likaJesu owayeyeme etafuleni.
\p
\v 8 Abafundi bathi bekubona lokho bacasuka. Basebebuza bathi, “Adlaliselwani kanje na? 
\v 9 Amakha la abengathengiswa ngemali ephezulu leyomali iphiwe abampofu.”
\p
\v 10 UJesu esekunanzelele lokhu wathi kubo, \wj “Limkhathazelani owesifazane lo na? Wenze into enhle kimi.\wj* 
\v 11 \wj Abampofu lizahlala lilabo kokuphela, kodwa kalisoze libe lami kokuphela.\wj* 
\v 12 \wj Uthe ethululela amakha la emzimbeni wami ubesenzela ukungilungiselela ukungcwatshwa.\wj* 
\v 13 \wj Ngilitshela iqiniso ukuthi langaphi lapho okuzatshunyayelwa ivangeli leli emhlabeni wonke, lokhu akwenzileyo kuzakhulunywa, kube yisikhumbuzo ngaye.”\wj*
\s1 UJudasi Uvuma Ukunikela UJesu
\p
\v 14 Kwathi omunye wabalitshumi lambili, lowo owayethiwa nguJudasi Iskariyothi, waya kubaphristi abakhulu 
\v 15 wabuza wathi, “Lizangiphani nxa ngimnikela kini?” Base bembalela inhlamvu zesiliva ezingamatshumi amathathu. 
\v 16 Kusukela khonapho uJudasi wadinga ithuba lokuba amnikele.
\s1 Isidlo SeNkosi
\p
\v 17 Ngosuku lokuqala loMkhosi weSinkwa esingelaMvubelo abafundi beza kuJesu bambuza bathi, “Ufuna senzele ngaphi amalungiselelo okuthi udle iPhasika na?”
\p
\v 18 Waphendula wathi, \wj “Ngenani edolobheni komunye umuntu limtshele lithi, ‘UMfundisi uthi: Isikhathi sami esimisiweyo sesiseduze. Ngizakudla iPhasika labafundi bami endlini yakho.’ ”\wj* 
\v 19 Ngakho abafundi benza njengokulayelwa kwabo nguJesu balungisa iPhasika.
\p
\v 20 Kwathi kusihlwa, uJesu wayehlezi eyeme etafuleni elabalitshumi lambili. 
\v 21 Kwathi besidla wathi, \wj “Ngilitshela iqiniso ukuthi omunye wenu uzanginikela.”\wj*
\p
\v 22 Badana kakhulu basebesithi kuye ngamunye, “Pho kawutsho mina Nkosi?”
\p
\v 23 UJesu waphendula wathi, \wj “Lowo odle kanye lami emganwini uzanginikela.\wj* 
\v 24 \wj INdodana yoMuntu kwenzakala kuyo njengoba kulotshiwe ngayo. Kodwa maye kulowomuntu ozanikela iNdodana yoMuntu! Bekungaba ngcono kuye ngabe wayengazalwanga.”\wj*
\p
\v 25 Wasesithi uJudasi, lowo owayezamnikela, “Pho kawutsho mina, Rabi?”
\p UJesu waphendula wathi, \wj “Yebo, nguwe okutshoyo.”\wj*
\p
\v 26 Bathi besadla uJesu wathatha isinkwa wabonga, wasihlephula wasipha abafundi bakhe esithi, \wj “Thathani lidle; lokhu kungumzimba wami.”\wj*
\p
\v 27 Wasethatha inkezo, esebongile, wabanika esithi, \wj “Nathani kuyo, lonke.\wj* 
\v 28 \wj Leli ligazi lami lesivumelwano, elichithelwe abanengi ekuthethelelweni kwezono.\wj* 
\v 29 \wj Ngiyalitshela, angisayikuphinda nginathe okwesithelo sevini, kusukela manje kuze kube yilolosuku lapho engizakunatha khona kabutsha lani embusweni kaBaba.”\wj*
\p
\v 30 Bathi sebehlabele ihubo baphuma baya eNtabeni yama-Oliva.
\s1 UJesu Ubonisa Ngokuphika KukaPhethro
\p
\v 31 UJesu wasebatshela wathi, \wj “Ngabona lobubusuku lizakwenyela ngami, ngoba kulotshiwe ukuthi:\wj*
\q1 \wj ‘Ngizatshaya umelusi\wj*
\q2 \wj izimvu zomhlambi zizahlakazeka.’\wj*\f + \fr 26.31 \fr*\ft UZakhariya 13.7\ft*\f*
\m
\v 32 \wj Kodwa ngemva kokuba sengivukile kwabafileyo, ngizalandulela ukuya eGalile.”\wj*
\p
\v 33 UPhethro waphendula wathi, “Loba bonke bangaze benyele ngenxa yakho, mina kimi ngezake kwenzeke.”
\p
\v 34 UJesu waphendula wathi, \wj “Ngikutshela iqiniso ukuthi ngabona lobubusuku, iqhude lingakakhali uzangiphika kathathu.”\wj*
\p
\v 35 Kodwa uPhethro wala wagomela wathi, “Loba kungenzeka ukuba ngife lawe, ngeke lanini ngikuphike.” Abanye abafundi labo batsho njalo.
\s1 EGetsemane
\p
\v 36 UJesu wasehamba labafundi bakhe endaweni eyayithiwa yiGetsemane, wasesithi kubo, \wj “Hlalani lapha, mina ngisaya laphayana ukuyakhuleka.”\wj* 
\v 37 \wj Wathatha uPhethro lamadodana kaZebhediya womabili wahamba labo, waseqala ukuhlulukelwa lokukhathazeka.\wj* 
\v 38 Wasesithi kubo, \wj “Umphefumulo wami ugajelwa lusizi kuze kuthi ngife. Hlalani lapha lilinde lami.”\wj*
\p
\v 39 Wahamba ibanganyana, wazilahla phansi wathi mbo ngobuso wakhuleka wathi, \wj “Baba, nxa kungenzeka, sengathi inkezo le ingasuswa kimi. Kodwa akungabi yintando yami, kodwa kube yintando yakho.”\wj*
\p
\v 40 Wasephenduka kubafundi bakhe wabafica belele. Wabuza uPhethro wathi, \wj “Lina madoda kambe kulehlule ukulinda kanye lami okwehola elilodwa nje?\wj* 
\v 41 \wj Lindani likhuleke ukuze lingaweli ekulingweni. Umoya uyathanda kodwa umzimba ubuthakathaka.”\wj*
\p
\v 42 Wahamba njalo okwesibili wakhuleka wathi, \wj “Baba wami, nxa kungenzeki ukuthi linkezo isuswe ngaphandle kokuthi ngiyinathe, intando yakho mayenziwe.”\wj*
\p
\v 43 Wathi esebuya wabafica njalo sebelele, ngoba amehlo abo ayenzima. 
\v 44 Ngakho wasebatshiya waphinda wahamba njalo wayakhuleka okwesithathu ephinda into yinye.
\p
\v 45 Wasebuyela kubafundi wathi kubo, \wj “Lilele, liyaphumula na? Khangelani, isikhathi sesisondele, iNdodana yoMuntu isizanikelwa ezandleni zezoni.\wj* 
\v 46 \wj Phakamani! Kasihambeni! Nangu usesiza onginikelayo.”\wj*
\s1 Ukubotshwa KukaJesu
\p
\v 47 Wathi esakhuluma, uJudasi, omunye wabalitshumi lambili wafika. Wayehamba lexuku elikhulu lihlomile ngezinkemba lezinduku lithunywe ngabaphristi abakhulu labadala babantu. 
\v 48 Omnikelayo wayelungisile labo isiboniso wathi: “Lowo engizamanga nguye; mbopheni.” 
\v 49 UJudasi wahle waqonda kuJesu wathi, “Sabona, Rabi!” wamanga.
\p
\v 50 UJesu waphendula wathi, \wj “Mfowethu, yenza lokho okulandileyo.”\wj*
\p Asesondela amadoda, amdumela uJesu ambopha. 
\v 51 Khonapho omunye wabaphelekezeli bakaJesu wakhokha inkemba yakhe wagadla encekwini yomphristi omkhulu, wayiquma indlebe.
\p
\v 52 UJesu wathi kuye, \wj “Buyisela inkemba yakho endaweni yayo, ngoba bonke abakhokha inkemba bazakufa ngenkemba.\wj* 
\v 53 \wj Ucabanga ukuthi ngingaze ngacela kuBaba, masinyane nje angiphe amaviyo alitshumi lambili ezingilosi?\wj* 
\v 54 \wj Kodwa phela ibingagcwaliseka kanjani imibhalo ethi kumele kwenzeke ngale indlela na?”\wj*
\p
\v 55 Khonapho uJesu wathi exukwini labantu, \wj “Kanti ngikhokhela umvukela yini lize lihlome ngezinkemba lezinduku ukuzangibamba na? Insuku zonke ngangihlala emagumeni ethempeli ngifundisa, kodwa kalingibophanga.\wj* 
\v 56 \wj Kodwa lokhu kwenzeke ukuze kugcwaliseke imibhalo yabaphrofethi.”\wj* Khonapho abafundi bonke bamtshiya babaleka.
\s1 UJesu Phambi KweSanihedrini
\p
\v 57 Labo abambophayo uJesu bamusa kuKhayifasi, umphristi omkhulu, lapho okwasekubuthene khona abafundisi bomthetho labadala. 
\v 58 Kodwa uPhethro wayemlandela ehambela khatshana waze wayangena egumeni lomphristi omkhulu. Wangena wahlala phansi lamanxusa efuna ukubona okwakuzakwenzakala.
\p
\v 59 Abaphristi abakhulu leSanihedrini yonke babedinga ubufakazi bamanga ngoJesu ukuze bambulale. 
\v 60 Kodwa babuswela, lanxa abanengi ofakazi bamanga bavela.
\p Ekucineni ababili beza phambili 
\v 61 bathi, “Umfokazi lo wathi, ‘Ngilamandla okulidiliza ithempeli likaNkulunkulu ngiphinde ngilakhe kutsha ngezinsuku ezintathu.’ ”
\p
\v 62 Umphristi omkhulu wasesukuma wathi kuJesu, “Kawuyikuphendula na? Kuyini kanti lokhu okufakazwa ngamadoda la ngawe na?” 
\v 63 Kodwa uJesu wala elokhu ethule.
\p Umphristi omkhulu wathi kuye, “Ngiyakulaya, ngifunga ngoNkulunkulu ophilayo ngithi: Sitshele ingabe unguKhristu, iNdodana kaNkulunkulu.”
\p
\v 64 UJesu waphendula wathi, \wj “Yebo, kunjengoba usitsho. Kodwa ngithi kini lonke: Ngesikhathi esizayo lizayibona iNdodana yoMuntu ihlezi kwesokunene sikaMninimandla isehla ngamayezi ezulwini.”\wj*
\p
\v 65 Khonapho umphristi omkhulu wadabula izigqoko zakhe wathi, “Uyahlambaza! Sisafunelani abanye ofakazi na? Khangelani, manje selikuzwile ukuhlambaza. 
\v 66 Lithini ngakho?”
\p Baphendula bathi, “Ufanele ukufa.”
\p
\v 67 Basebemkhafulela emehlweni njalo bamdutshuza ngenqindi. Abanye bamakala 
\v 68 bathi, “Phrofitha kithi, wena Khristu. Ngubani okutshayileyo?”
\s1 UPhethro Ulandula UJesu
\p
\v 69 UPhethro wayehlezi phandle egumeni, kwasekusiza kuye intombazana eyincekukazi yathi kuye, “Lawe njalo wawuloJesu waseGalile.”
\p
\v 70 Kodwa walandula phambi kwabo bonke. Wathi, “Angikwazi lokho okhuluma ngakho.”
\p
\v 71 Wasesuka ephuma entubeni lapho abonwa khona ngenye intombazana eyathi ebantwini khonapho, “Umfokazi lo wayeloJesu waseNazaretha.”
\p
\v 72 Walandula njalo efunga esithi, “Kangiyazi indoda leyo!”
\p
\v 73 Ngemva kwesikhatshana labo ababemi khonapho baya kuPhethro bathi, “Ngempela ungomunye wabo ngoba indlela okhuluma ngayo iyakuceba.”
\p
\v 74 Wasekhihliza iziqalekiso phezu kwakhe wafunga kubo wathi, “Angimazi mina lowomuntu!”
\p Masinyane iqhude lakhala. 
\v 75 UPhethro waselikhumbula ilizwi elakhulunywa nguJesu esithi: \wj “Iqhude lingakakhali uzangilandula kathathu.”\wj* Waphumela ngaphandle wakhala kabuhlungu.
\c 27
\s1 UJudasi Uyazibophela
\p
\v 1 Ekuseni ngovivi bonke abaphristi abakhulu labadala babantu benza isinqumo sokumbulala uJesu. 
\v 2 Bambopha, bamqhuba, bamnikela kuPhilathu umbusi.
\p
\v 3 Kwathi uJudasi, owayemnikele, esebona ukuthi uJesu wayesegwetshiwe, wadabuka ngokuzisola, wabuyisela inhlamvu zesiliva ezingamatshumi amathathu kubaphristi abakhulu labadala. 
\v 4 Wathi, “Ngenze isono, ngoba nginikele igazi elingelacala.”
\p Baphendula bathi, “silani lalokho thina? Lokho kungumlandu wakho.”
\p
\v 5 Ngakho uJudasi wayiphosela ethempelini leyomali wahamba. Wasuka lapho wayazibophela.
\p
\v 6 Abaphristi abakhulu bazidobha inhlamvu zemali lezo bathi, “Kungaphandle komthetho ukufaka imali le esitsheni somnikelo ngoba yimali yegazi.” 
\v 7 Ngakho basebemisa ukuyisebenzisa ukuthenga isiqinti sombumbi sibe yindawo yamangcwaba abantu bezizweni. 
\v 8 Yikho yabizwa ngokuthi yiNsimu yeGazi kuze kube namuhla. 
\v 9 Kwasekugcwaliseka okwakhulunywa nguJeremiya umphrofethi ukuthi: “Bathatha inhlamvu zesiliva ezingamatshumi amathathu, intengo eyamiswa ngaye ngabantu bako-Israyeli, 
\v 10 bazisebenzisa ukuthenga insimu yombumbi, njengokulaywa kwami yiNkosi.”\f + \fr 27.10 \fr*\ft UZakhariya 11.12-13; UJeremiya 19.1-13; 32.6-9\ft*\f*
\s1 UJesu Ephambi KukaPhilathu
\p
\v 11 Ngalesosikhathi uJesu wamiswa phambi kombusi, umbusi wasebuza wathi, “Uyinkosi yamaJuda na?”
\p \wj “Njengoba usitsho,”\wj* kuphendula uJesu.
\p
\v 12 Wayesithi nxa ethonisiswa ngabaphristi abakhulu labadala angaze aphendula. 
\v 13 UPhilathu wasembuza wathi, “Awubuzwa yini ubufakazi abakwethesa bona?” 
\v 14 Kodwa uJesu wathula, kazaphendula lamlandu munye, okwamangalisa umbusi kakhulu.
\p
\v 15 Kwakungumkhuba wakhe umbusi ukuthi ngomkhosi akhulule isibotshwa esikhethwe lixuku labantu. 
\v 16 Ngalesosikhathi kwakulesibotshwa esasigange kubi, sithiwa nguJesu isibongo saso singuBharabhasi. 
\v 17 Kuthe abantu sebebuthene uPhilathu wababuza wathi, “Lifuna ngilikhululele wuphi na, uBharabhasi loba uJesu othiwa nguKhristu?” 
\v 18 Ngoba wayesazi ukuthi kwakungenxa yomhawu okwenza banikela uJesu kuye.
\p
\v 19 Kwathi uPhilathu esahlezi esihlalweni sakhe sokwahlulela, umkakhe wamthumela ilizwi wathi: “Ungayingeni indaba yomuntu lowo ongelacala, ngoba lamuhla ngihluphekile kakhulu ngaye emaphutsheni.”
\p
\v 20 Kodwa abaphristi abakhulu labadala bakhuthaza abantu ukuthi bacele uBharabhasi, bathi uJesu kabulawe.
\p
\v 21 Wabuza umbusi wathi, “Lifuna ngilikhululele wuphi phakathi kwalaba ababili na?”
\p Baphendula bathi, “UBharabhasi.”
\p
\v 22 UPhilathu wabuza wathi, “Pho ngenzeni ngoJesu othiwa nguKhristu?”
\p Bonke bamphendula bathi, “Mbethele!”
\p
\v 23 UPhilathu wabuza wathi, “Yindaba? Woneni?”
\p Kodwa bamemeza ngamandla bathi, “Mbethele!”
\p
\v 24 Kwathi uPhilathu esebona ukuthi akusela enye indlela, kwasekuzavuka isiyaluyalu, wathatha amanzi wageza izandla zakhe phambi kwexuku wathi, “Angilacala ngegazi lalumuntu. Ngumlandu wenu!”
\p
\v 25 Bonke abantu bamphendula bathi, “Yekela igazi lakhe libe phezu kwethu laphezu kwabantwabethu!”
\p
\v 26 Wasebakhululela uBharabhasi. Wathi uJesu katshaywe, wasemnikeza ukuba abethelwe.
\s1 Amabutho Aklolodela UJesu
\p
\v 27 Amabutho ombusi asemthatha uJesu amngenisa ePhritoriyamu, inkundla yombusi, wabuthanelwa liviyo lonke lamabutho. 
\v 28 Bamkhulula izigqoko zakhe bamgqokisa ijazi elibomvu, 
\v 29 basebeseluka umqhele wameva bamethesa wona. Bamphathisa intonga kwesokunene sakhe baguqa phambi kwakhe bamklolodela. Bathi, “Bayethe, Nkosi yamaJuda!” 
\v 30 Bamkhafulela, bamthathela lowomqwayi bamtshaya bemphindaphinda ekhanda. 
\v 31 Sebemklolodele, bamhlubula ijazi bamgqokisa ezakhe. Basebemqhuba besiya mbethela.
\s1 Ukubethelwa Kwakhe
\p
\v 32 Bathi sebephumela ngaphandle bahlangana lendoda yaseKhureni, ethiwa nguSimoni, bayibamba ngamandla ukuthi ithwale isiphambano. 
\v 33 Bafika endaweni ethiwa kuseGoligotha (okutsho ukuthi “Indawo yoKhakhayi”). 
\v 34 Khonapho uJesu bamupha iwayini ukuba anathe, lixutshaniswe lenyongo; kodwa wonela ukulinambitha wasesala ukulinatha. 
\v 35 Kwathi sebembethele behlukaniselana izigqoko zakhe ngokwenza inkatho. 
\v 36 Bahlala phansi bamlinda khonapho. 
\v 37 Phezu kwekhanda lakhe babeka umbhalo wecala lakhe owawusithi,
\pc Lo nguJesu, iNkosi yamaJuda.
\p
\v 38 Izigebenga ezimbili zabethelwa kanye laye, esinye ngakwesokunene sakhe, esinye ngakwesokhohlo. 
\v 39 Labo ababesedlula lapho babemhlambaza, benikina amakhanda besithi, 
\v 40 “Wena ozadiliza ithempeli ulakhe ngezinsuku ezintathu, zisindise! Yehla esiphambanweni nxa uyiNdodana kaNkulunkulu!” 
\v 41 Ngokunjalo abaphristi abakhulu, labafundisi bomthetho kanye labadala bamklolodela. 
\v 42 Bathi, “Wasindisa abanye, kodwa uyehluleka ukuzisindisa yena! UyiNkosi yako-Israyeli! Kehle manje esiphambanweni ukuze simkholwe. 
\v 43 Uthembele kuNkulunkulu. UNkulunkulu kamsindise phela manje nxa emfuna, ngoba wathi, \wj ‘NgiyiNdodana kaNkulunkulu.’\wj* ” 
\v 44 Ngaleyondlela izigebenga ezazibethelwe kanye laye lazo zamthethisa ngenhlamba.
\s1 Ukufa KukaJesu
\p
\v 45 Kusukela emini kwaze kwaba lihola lesithathu emini ubumnyama bembesa lonke ilizwe. 
\v 46 Ngehola lesithathu emini uJesu wamemeza ngelizwi elikhulu wathi, \tl \+wj “Eloyi, Eloyi, lamasabakithani?”\+wj*\tl*\f + \fr 27.46 \fr*\ft AmaHubo 22.1\ft*\f* (okutsho ukuthi, \wj “Nkulunkulu wami, Nkulunkulu wami, kungani usungidelile na?”\wj*).
\p
\v 47 Kwathi abanye kwababemi lapho bekuzwa lokho bathi, “Ubiza u-Elija.”
\p
\v 48 Masinyane omunye wabo wagijima wathatha isipontshi. Wasicwilisa phakathi kwewayini elimunyu, wasixhuma oluthini wasidlulisela kuJesu ukuthi anathe. 
\v 49 Abanengi bathi, “Myekele. Ake sibone ingabe u-Elija uzakuza azomsindisa.”
\p
\v 50 UJesu esephindile ukumemeza ngelizwi elikhulu, umoya wakhe waphuma.
\p
\v 51 Ngalesosikhathi ikhetheni lethempeli laqhekezeka kabili kusukela phezulu kusiya phansi. Umhlaba wazamazama lamatshe aqhekezeka. 
\v 52 Amathuna avuleka, izidumbu zabantu abanengi abangcwele abafayo zavuswa kwabafileyo. 
\v 53 Baphuma emathuneni, kwathi ngemva kokuvuka kukaJesu kwabafileyo baya edolobheni elingcwele bavela ebantwini abanengi.
\p
\v 54 Kwathi ukuba induna yekhulu kanye lalabo ababelinde uJesu bebona ukuzamazama komhlaba kanye lakho konke okwakwenzakele, besaba kakhulu, bababaza bathi, “Ngempela ubeyiNdodana kaNkulunkulu!”
\p
\v 55 Kwakulabesifazane abanengi, bebukele bebucwala. Babelandele uJesu besuka eGalile ukuthi banakekele izinswelo zakhe. 
\v 56 Phakathi kwabo kwakuloMariya Magadalini, loMariya unina kaJakhobe loJosefa kanye lonina wamadodana kaZebhediya.
\s1 Ukungcwatshwa KukaJesu
\p
\v 57 Kwathi ilanga selithambeme, kwafika indoda enothileyo yase-Arimathiya, eyayibizwa ngokuthi nguJosefa, yena owayesengumfundi kaJesu. 
\v 58 Waya kuPhilathu wayacela isidumbu sikaJesu, uPhilathu walaya ukuba asiphiwe. 
\v 59 UJosefa wasithatha isidumbu wasigoqela ngelembu elihlanzekileyo lelineni, 
\v 60 wayasibeka ethuneni lakhe elitsha ayeligubhe edwaleni. Wagiqela ilitshe elikhulu emlonyeni wethuna wasehamba. 
\v 61 UMariya Magadalini lomunye uMariya babehlezi khonapho malungana lethuna.
\s1 Abalindi Ethuneni
\p
\v 62 Ngosuku olulandelayo, oluza ngemva kosuku lokuLungisela, abaphristi abakhulu labaFarisi baya kuPhilathu. 
\v 63 Bathi, “Nkosi, siyakhumbula ukuthi esaphila umkhohlisi loyana wathi yena, \wj ‘Ngemva kwensuku ezintathu ngizavuka kwabafileyo.’\wj* 
\v 64 Ngakho yenza ukuthi ithuna lilindwe kuze kube lusuku lwesithathu. Engxenye abafundi bakhe bangeza bantshontshe isidumbu sakhe, batshele abantu ukuthi usevukile kwabafileyo. Inkohliso le ingabambi kakhulu kuleyakuqala.”
\p
\v 65 UPhilathu waphendula wathi, “Thathani abalindi. Hambani liyevikela ithuna njengokubona kwenu.” 
\v 66 Basebehamba ukuyalinda lokuqinisa ithuna ngokubeka uphawu phezu kwelitshe njalo bamisa abalindi.
\c 28
\s1 Ukuvuka Ekufeni
\p
\v 1 Ngemva kweSabatha, ekuseni ngovivi losuku lokuqala lweviki, uMariya Magadalini lomunye uMariya baya ethuneni besiyakhangela.
\p
\v 2 Kwaba lokuzamazama komhlaba okukhulu ngoba ingilosi yeNkosi yehla ivela ezulwini, yaya ethuneni yaligiqela ilitshe eceleni yahlala phezu kwalo. 
\v 3 Ukubonakala kwayo kwakunjengombane, lezigqoko zayo zimhlophe nke njengongqwaqwane. 
\v 4 Abalindi besaba baze bathuthumela baba njengabafileyo.
\p
\v 5 Ingilosi yathi kwabesifazane, “Lingesabi, ngoba ngiyazi ukuthi lidinga uJesu obebethelwe. 
\v 6 Kakho lapha; usevukile kwabafileyo njengoba watsho. Wozani libone indawo abelele kuyo. 
\v 7 Hambani masinyane liyetshela abafundi bakhe lithi: ‘Usevukile kwabafileyo, uselandulele ukuya eGalile. Kulapho elizambona khona.’ Mina sengilitshelile manje.”
\p
\v 8 Ngakho abesifazane basuka ngokuphangisa ethuneni, besesaba kodwa begcwele intokozo, bagijima ukuyatshela abafundi bakhe. 
\v 9 Khonokho uJesu wahlangana labo. Wathi, \wj “Salibonani.”\wj* Beza kuye, bamnamathela ngezandla ezinyaweni zakhe bamkhonza. 
\v 10 UJesu wasesithi kubo, \wj “Lingesabi. Hambani liyetshela abafowethu ukuthi baye eGalile; kulapho abazangibona khona.”\wj*
\s1 Umbiko Wabalindi
\p
\v 11 Kwathi abesifazane sebehambile besendleleni, abanye babalindi bangena edolobheni bayabika kubaphristi abakhulu ngakho konke okwakwenzakele. 
\v 12 Kwathi abaphristi abakhulu sebehlangene labadala babopha icebo, bafumbathisa abalindi imali ezwayo, 
\v 13 babatshela bathi, “Libokuthi, ‘Abafundi bakhe beze ebusuku bamntshontsha thina silele.’ 
\v 14 Nxa lelilizwi lifika kumbusi, sizamsuthisa ukuze lani lingangeni enkathazweni.” 
\v 15 Ngakho amabutho ayithatha imali enza njengokulaywa kwawo. Yikho indaba le seyandiswa yakhula phakathi kwamaJuda kuze kube lamuhla.
\s1 Umlayo Omkhulu
\p
\v 16 Abafundi abalitshumi lanye basuka baya eGalile, baqonda entabeni uJesu ayethe baye kuyo. 
\v 17 Bathi ukumbona bamkhonza; kodwa abanye bathandabuza. 
\v 18 UJesu weza kubo wathi, \wj “Wonke amandla ezulwini lasemhlabeni aphiwe mina.\wj* 
\v 19 \wj Ngakho hambani lenze abafundi ezizweni zonke, libabhaphathize ebizweni likaBaba, leleNdodana lelikaMoya oNgcwele,\wj* 
\v 20 \wj njalo libafundise ukulalela konke engililaye ngakho. Ngempela ngilani kokuphela, kuze kube sekupheleni kwesikhathi.”\wj*