\id MAL - Biblica® Open Ndebele Contemporary Bible
\ide UTF-8
\h UMalaki
\toc1 UMalaki
\toc2 UMalaki
\toc3 Mal
\mt1 UMalaki
\c 1
\p
\v 1 Isiphrofethi, Ilizwi \nd likaThixo\nd* ku-Israyeli ngoMalaki.
\s1 U-Israyeli Uthandabuza Uthando LukaNkulunkulu
\p
\v 2 “Ngilithandile,” kutsho \nd uThixo\nd*.
\p “Kodwa liyabuza lithi, ‘Usithande njani?’ ”
\p UThixo uthi, “U-Esawu wayengasimfowabo kaJakhobe na? Yebo uJakhobe ngimthandile, 
\v 3 kodwa u-Esawu ngimzondile, futhi ngenze izintaba zakhe zaba lugwadule lelifa lakhe ladliwa ngamakhanka asenkangala.”
\p
\v 4 U-Edomi angathi, “Kungaze kube sinyathezelwe phansi kodwa sizawavuselela amanxiwa.”
\p Kodwa nanku okutshiwo \nd nguThixo\nd* uSomandla, uthi: “Bangakha, kodwa ngizadiliza. Bazakuthiwa Yilizwe Elibi, abantu abazahlala bethukuthelelwe \nd nguThixo\nd*. 
\v 5 Lizakubona ngawenu amehlo lithi, ‘Umkhulu \nd uThixo\nd*, angale kwemingcele yako-Israyeli!’ ”
\s1 Ukwephula Isivumelwano Ngemihlatshelo Engcolileyo
\p
\v 6 “Indodana iyamesaba uyise, lenceku iyayesaba inkosi yayo. Aluba nginguyihlo kungaphi pho ukwesatshwa kwami? Aluba ngiyinkosi kungaphi ukuhlonitshwa kwami na?” kutsho \nd uThixo\nd* uSomandla.
\p “Yini, hawu baphristi, eleyisa ibizo lami.
\p Kodwa lingabuza lithi, ‘Sileyise ngani ibizo lakho?’
\p
\v 7 Libeka ukudla okungcolileyo e-alithareni lami.
\p Kodwa lingabuza lithi, ‘Sikungcolise kanjani wena na?’
\p Ngokuthi itafula \nd likaThixo\nd* liyeyiseka. 
\v 8 Nxa liletha izifuyo eziyiziphofu ukuba ngumhlatshelo, kambe kakukubi lokho na? Nxa lisenza umhlatshelo ngezifuyo eziyizilima loba ezilezifo, kakukubi lokho na? Ake lizame ukukunika umbusi wenu! Angalithabela lina na? Angalithanda kambe lina yini?” kutsho \nd uThixo\nd* uSomandla.
\p
\v 9 “Ngakho-ke ncengani uNkulunkulu ukuthi abe lobubele kithi. Ngeminikelo enjalo ephuma ezandleni zenu, kambe angalamukela?” kutsho \nd uThixo\nd* uSomandla.
\p
\v 10 “Oh, sekuze kungathi omunye wenu angavala iminyango yethempeli ukuze lingabi lilokhu libasa imililo engelamsebenzi e-alithareni lami! Kangithokozi ngani lina,” kutsho \nd uThixo\nd* uSomandla, “njalo kangiyikwamukela umnikelo wezandla zenu. 
\v 11 Ibizo lami lizaba likhulu phakathi kwezizwe, kusukela ekuphumeni kwelanga kusiya ekutshoneni kwalo. Ezindaweni zonke impepha leminikelo ehlanzekileyo izalethwa ebizweni lami, ngoba ibizo lami lizakuba likhulu phakathi kwezizwe,” kutsho \nd uThixo\nd* uSomandla.
\p
\v 12 “Kodwa liyalingcolisa ngoba lithi, ‘Itafula kaThixo ingcolisiwe,’ lokudla okukulo, ‘Kuyadeleleka.’ 
\v 13 Njalo lichila amakhala ngokweyisa lithi, ‘Kuyasidina thina lokhu!’ ” Kutsho \nd uThixo\nd* uSomandla.
\p “Nxa liletha izifuyo ezilimeleyo kumbe ezigulayo lizozinikela zibe yimihlatshelo, lithi ngizemukele yini ezandleni zenu?” uyabuza \nd uThixo\nd*. 
\v 14 “Uqalekisiwe umkhohlisi olenqama enhle emhlambini wakhe, athembise ukunikela ngayo, kodwa abesenikela ngesifuyo esilesici kuThixo. Ngoba ngiyinkosi enkulu,” kutsho \nd uThixo\nd* uSomandla, “njalo ibizo lami kufanele lesatshwe phakathi kwezizwe.”
\c 2
\s1 Ukukhuzwa KwabaPhristi
\p
\v 1 “Manje-ke nanku owenu umlayo, lina baphristi. 
\v 2 Nxa lingalaleli, njalo nxa lingalungisi inhliziyo zenu ukuhlonipha ibizo lami,” kutsho \nd uThixo\nd* uSomandla, “ngizaletha isiqalekiso phezu kwenu, njalo ngiziqalekise izibusiso zenu. Yebo, kuvele nje sengiziqalekisile ngoba kalizimiselanga ezinhliziyweni zenu ukungesaba.
\p
\v 3 Ngenxa yenu ngizabakhalimela abantwabenu; ngizalihuqa ebusweni ngomswane wemihlatshelo yemikhosi yenu lithathwe linjalo lisiya ekuthunjweni. 
\v 4 Ngalokho lizakwazi ukuthi ngilithumele lesi isixwayiso ukuze isivumelwano sami loLevi siqhubeke,” kutsho \nd uThixo\nd* uSomandla. 
\v 5 “Isivumelwano sami wayelaso, isivumelwano sokuphila lokuthula, izinto engamupha zona; lokhu kwakuswela inhlonipho, lakanje wangihlonipha walesaba ibizo lami. 
\v 6 Imfundiso eqotho yayisemlonyeni wakhe njalo kakufunyanwanga lutho oluyinkohliso ezindebeni zakhe. Wahamba lami ngokuthula langobuqotho, waphendula abanengi ababesesonweni.
\p
\v 7 Ngoba izindebe zomphristi kumele zilonde ulwazi, abantu badinge kuye ukufundiswa ngoba uyisithunywa \nd sikaThixo\nd* uSomandla. 
\v 8 Kodwa seliphambukile endleleni, kwathi njalo ngokufundisa kwenu lenza abanengi bakhubeka; lisephule isivumelwano loLevi,” kutsho \nd uThixo\nd* uSomandla. 
\v 9 “Ngakho sengenze ukuthi leyiswe njalo liyangiswe phambi kwabantu bonke, ngoba kalilandelanga izindlela zami kodwa latshengisa ukubandlulula ekusebenziseni umthetho.”
\s1 Ukwephula Isivumelwano Ngokwehlukana
\p
\v 10 KasilaBaba munye thina sonke na? Kasidalwanga nguNkulunkulu munye na? Pho singcoliselani isivumelwano sabokhokho bethu na ngokungathembani thina ngokwethu?
\p
\v 11 UJuda ukhohlisile. Kwenziwe amanyala ko-Israyeli laseJerusalema: uJuda useyitshaphazile indlu engcwele \nd uThixo\nd* ayithandayo, ngokutshada lendodakazi kankulunkulu wabezizwe. 
\v 12 Leyondoda ekwenzayo lokho, lokuba ingubani, sengathi \nd uThixo\nd* angayisusa emathenteni kaJakhobe lanxa iletha iminikelo \nd kuThixo\nd* uSomandla.
\p
\v 13 Enye into eliyenzayo nansi: Ligcwalisa i-alithari \nd likaThixo\nd* ngezinyembezi. Liyakhala libubula ngoba kasayinanzi iminikelo yenu, njalo kasayamukeli ngokuthokoza ezandleni zenu. 
\v 14 Liyabuza lithi, “Kungani na?” Kungenxa yokuthi \nd uThixo\nd* umi njengomfakazi phakathi kwakho lomfazi wobutsha bakho, ngoba umkhohlisile yena eyingxenye yakho, umfazi wesivumelwano sakho somtshado.
\p
\v 15 \nd UThixo\nd* kabenzanga baba munye na? Enyameni lemphefumulweni bangabakhe. Kungani bemunye? Ngoba wayedinga inzalo ekholwayo kuNkulunkulu. Ngakho ziqaphele emphefumulweni wakho, ungaze wamkhohlisa umfazi wobutsha bakho.
\p
\v 16 “Ngiyakuzonda ukuchitha umtshado,” kutsho \nd uThixo\nd*, uNkulunkulu ka-Israyeli, uqhubeka esithi, “njalo ngiyayizonda indoda evala ngolaka kumkayo umkayo njengalokhu izivala ngesivunulo,” kutsho \nd uThixo\nd* uSomandla.
\p Ngakho ziqaphele wena emphefumulweni wakho, ungaze wakhohlisa.
\s1 Ukwephula Isivumelwano Ngokungahluleli Kuhle
\p
\v 17 Selimdinile \nd uThixo\nd* ngamazwi enu.
\p Lingabuza lithi, “Simdinise kanjani?”
\p Ngokuthi, “Bonke abenza ububi balungile emehlweni \nd kaThixo\nd*, njalo uyathokoza ngabo,” loba ngokuthi, “Ungaphi uNkulunkulu wokwahlulela kuhle na?”
\c 3
\p
\v 1 “Ngizathuma isithunywa sami esizangilungisela indlela. Kuzakuthi masinyane uThixo elimdingayo uzakuza ethempelini lakhe; isithunywa sesivumelwano, elisilangazelelayo sizakuza,” kutsho uThixo uSomandla.
\p
\v 2 Kodwa ngubani na ongalumela usuku lokuza kwaso? Ngubani ongema nxa eqhamuka na? Ngoba sizakuba njengomlilo womcengi wensimbi kumbe njengesepa yomgezisi. 
\v 3 Sizahlala njengomcengi lomhlambululi wesiliva; sizahlambulula abaLevi sibacenge njengesiliva legolide. Kulapho-ke \nd uThixo\nd* azakuba lawo amadoda azaletha iminikelo ngokulunga, 
\v 4 kuthi-ke iminikelo kaJuda leyeJerusalema yamukeleke \nd kuThixo\nd*, njengezinsukwini ezedlulayo, njengeminyakeni yekadeni.
\p
\v 5 “Ngakho ngizasondela kini ukuzakwahlulela. Ngizaphangisa ukufakaza okubi ngezangoma, ngeziphingi, labafungela amanga, lalabo abadlelezela izisebenzi ngomholo wazo, labo abancindezela abafelokazi lezintandane, abangahluleli kuhle abezizweni, kodwa abangangesabiyo mina,” kutsho \nd uThixo\nd* uSomandla.
\s1 Ukwephula Isivumelwano Ngokugodla Okwetshumi
\p
\v 6 “Mina \nd Thixo\nd* kangiguquki. Ngalokho lina, bazukulu bakaJakhobe, kalibhujiswanga. 
\v 7 Kulokhu kwasukela esikhathini sabokhokho benu laphambuka emilayweni yami kalaze layigcina. Buyani kimi, lami ngizabuya kini,” kutsho \nd uThixo\nd* uSomandla.
\p “Kodwa liyabuza lithi, ‘Sibuyele kanjani na?’
\p
\v 8 Umuntu angamphanga uNkulunkulu na? Lina liyangiphanga.
\p Kodwa liyabuza lithi, ‘Sikuphanga kanjani na?’
\p Ngokwetshumi langeminikelo. 
\v 9 Liphiwe isiqalekiso, isizwe sakini sonke ngoba liyangiphanga. 
\v 10 Lethani konke okwetshumi esiphaleni ukuze kube lokudla endlini yami.” Uthi \nd uThixo\nd* uSomandla, “Ngilingani kulokhu libone ingabe kangikuwavula amasango ezulu ngithulule izibusiso elizaze liswele ukuthi lizithele ngaphi. 
\v 11 Ngizaxotsha izibungu ukuze zingadli amabele enu, lamavini emasimini enu kawayikukhithiza izithelo zawo,” kutsho \nd uThixo\nd* uSomandla. 
\v 12 “Lapho izizwe zonke zizakuthi libusisiwe, ngoba elenu lizakuba yilizwe elibukekayo,” kutsho \nd uThixo\nd* uSomandla.
\s1 U-Israyeli Ukhuluma Kabuhlungu NgoThixo
\p
\v 13 Uthi \nd uThixo\nd*, “Selikhuluma amazwi abuhlungu ngami.
\p Kodwa liyabuza lithi, ‘Kuyini okubi esikutshiloyo ngawe na?’
\p
\v 14 Lithe lina, ‘Kakusizi ngalutho ukukhonza uNkulunkulu. Sazuzani ngokulandela izimiso zakhe, saziphatha njengabalilayo phambi \nd kukaThixo\nd* uSomandla na? 
\v 15 Kodwa manje isiqholo sithi singobusisiweyo. Ngeqiniso izigangi ziyaphumelela, kanye lalabo abamhwedelayo uNkulunkulu kabenziwa lutho.’ ”
\s1 Insalela Ethembekileyo
\p
\v 16 Kwathi labo ababemesaba \nd uThixo\nd* bakhulumisana, \nd uThixo\nd* walalela, wezwa. Umqulu wencwadi yesikhumbuzo walotshwa phambi kwakhe mayelana lalabo ababemesaba \nd uThixo\nd* ababehlonipha ibizo lakhe.
\p
\v 17 Uthi \nd uThixo\nd* uSomandla, “Bazakuba ngabami, ngosuku mhla ngibenza inotho yami eligugu. Ngizabayekela, njengoba indoda yayibe lesihawu ixolele indodana yayo eyincedisayo. 
\v 18 Njalo lizawubona umahluko phakathi kwabalungileyo lababi, phakathi kwalabo abamkhonzayo uNkulunkulu lalabo abangamkhonziyo.”
\c 4
\s1 Usuku \nd LukaThixo\nd*
\p
\v 1 “Ngeqiniso luyeza usuku; luzavutha njengesithando somlilo. Zonke iziqholo njalo zonke izixhwali zizakuba ngamabibi, njalo lolosuku oluzayo luzabathungela ngomlilo,” kutsho \nd uThixo\nd* uSomandla. “Kakuyikusala mpande loba gatsha kubo. 
\v 2 Kodwa lina elilesabayo ibizo lami, ilanga lokulunga lizaphuma lilokusiliswa emaphikweni alo. Njalo lizaphuma liqolotshe njengamathole evulelwe esibayeni sawo. 
\v 3 Lapho-ke lizabanyathezela phansi ababi; bazakuba ngumlotha ngaphansi kwezinyawo zenu ngosuku lolo engizazenza ngalo lezizinto,” kutsho \nd uThixo\nd* uSomandla.
\p
\v 4 “Khumbulani umthetho wenceku yami uMosi, izimiso kanye lemithetho engamupha yona eHorebhi ingeyawo wonke ama-Israyeli.
\p
\v 5 Khangelani, ngizalithumela umphrofethi u-Elija lungakafiki lolosuku olukhulu olwesabekayo \nd lukaThixo\nd*. 
\v 6 Uzaguqulela inhliziyo zaboyise ebantwaneni babo, lezinhliziyo zabantwana ziguqukele kuboyise; kungenjalo ngizakuza ngilitshaye ilizwe ngesiqalekiso.”