\id JOS - Biblica® Open Ndebele Contemporary Bible
\ide UTF-8
\h UJoshuwa
\toc1 UJoshuwa
\toc2 UJoshuwa
\toc3 Josh
\mt1 UJoshuwa
\c 1
\s1 \nd UThixo\nd* Ulaya UJoshuwa
\p
\v 1 Ngemva kokufa kukaMosi inceku \nd kaThixo\nd*, \nd uThixo\nd* wathi kuJoshuwa indodana kaNuni, umsekeli kaMosi: 
\v 2 “UMosi inceku yami usefile. Ngakho-ke, wena labantu bonke laba, lungiselelani ukuchapha umfula uJodani liye elizweni esengizalinika lona, abako-Israyeli. 
\v 3 Ngizalinika zonke izindawo lapho elizanyathela khona ngezinyawo zenu njengokuthembisa engakwenza kuMosi. 
\v 4 Ilizwe lenu lizasukela enkangala yeLebhanoni lasemfuleni omkhulu uYufrathe, ilizwe lonke lamaHithi, lize liyekhawula olwandle olukhulu entshonalanga. 
\v 5 Kakulamuntu ozenelisa ukumelana lani zonke insuku zokuphila kwenu. Njengoba ngangiloMosi, ngizakuba lawe; kangisoze ngikutshiye, kangisoze ngikudele. 
\v 6 Qina ube lesibindi ngenxa yokuthi uzakhokhela abantu laba ukuze bayethatha ilizwe elilifa labo engafunga kubokhokho babo ukuthi ngizabanika lona.
\p
\v 7 Qina ube lesibindi. Ugcine yonke imithetho owayiphiwa nguMosi inceku yami, ungaze waphambuka kuyo uye kwesokunene kumbe kwesokhohlo ukuze uphumelele kuzozonke izindawo ozakuya kuzo. 
\v 8 INcwadi yoMthetho le kayingasuki emlonyeni wakho, cabanga ngayo emini lebusuku ukuze unanzelele ukugcina konke okulotshwe kuyo. Ngokwena njalo uzaphumelela. 
\v 9 Angikulayanga na? Qina ube lesibindi, ungethuki njalo ungalahli ithemba, ngoba \nd uThixo\nd* uNkulunkulu wakho uzakuba lawe loba kungaphi lapho oya khona.”
\p
\v 10 Ngakho-ke uJoshuwa walaya iziphathamandla zabantu wathi: 
\v 11 “Dabulani phakathi kwezihonqo litshele abantu ukuthi, ‘Lungisani imiphako yenu. Ensukwini ezintathu kusukela lamhla lizachapha uJodani lapha ukuze lingene liyethatha ilizwe \nd uThixo\nd* uNkulunkulu wenu alinika lona ukuba libe ngelenu!’ ”
\p
\v 12 UJoshuwa wathi kwabakoRubheni, labakoGadi lengxenye yesizwana sikaManase, 
\v 13 “Khumbulani umlayo uMosi inceku \nd kaThixo\nd* alinika wona owokuthi: ‘\nd UThixo\nd* uNkulunkulu wenu uzaliphumuza ngokulinika ilizwe leli.’ 
\v 14 Amakhosikazi enu, abantwabenu lezifuyo zenu zingahlala elizweni elalinikwa nguMosi empumalanga yeJodani, kodwa ibutho lenu lonke, lihlome liphelele, kumele lichaphe ngaphambi kwabafowenu. Kuzamele lincedise abafowenu, 
\v 15 \nd uThixo\nd* aze abaphumuze, njengalokho alenzele khona lina, labo baze bathathe ilizwe lelo \nd uThixo\nd* uNkulunkulu wenu abanika lona. Ngemva kwalokho selingabuyela liyehlala elizweni lenu, uMosi inceku \nd kaThixo\nd* alinika lona ngempumalanga yeJodani.”
\p
\v 16 Baphendula uJoshuwa bathi, “Konke osilaya khona sizakwenza, lalapho osithuma khona sizahamba. 
\v 17 Njengalokhu salalela uMosi ngokupheleleyo, lawe sizakulalela. Sifisa ukuthi \nd uThixo\nd* uNkulunkulu wakho abe lawe njengoba wayeloMosi. 
\v 18 Yiloba ngubani ohlamukela ilizwi lakho njalo engalaleli lokho okutshoyo, lalokho oyabe ukulaya, kumele abulawe. Kumele uqine ube lesibindi!”
\c 2
\s1 URahabi Lezinhloli
\p
\v 1 UJoshuwa indodana kaNuni wasethumela inhloli ezimbili ngasese zisuka eShithima. Wathi kuzo, “Hambani liyehlola ilizwe lakhona, ikakhulu iJerikho.” Ngakho zahamba zayangena endlini yesifebe esithiwa nguRahabi, zahlala khona.
\p
\v 2 Inkosi yaseJerikho yatshelwa ukuthi “Khangela! Abanye abantu bako-Israyeli bafike lapha ebusuku ukuzohlola ilizwe lethu.” 
\v 3 Ngakho inkosi yaseJerikho yathumela ilizwi kuRahabi yathi, “Khupha amadoda angene endlini yakho, ngoba alande ukuzohlola ilizwe lonke.”
\p
\v 4 Kodwa owesifazane wayethethe amadoda womabili wawafihla. Wasesithi, “Liqiniso amadoda afikile kimi, kodwa bengingazi ukuthi abevela ngaphi. 
\v 5 Kusihlwa, sesifikile isikhathi sokuvala isango ledolobho, amadoda asuke azihambela. Kangikwazi ukuthi aqonde ngaphi. Axhumeni masinyane. Engxenye lingawafica.” 
\v 6 (Kodwa wayebakhweze phezu kophahla wabafihla ngaphansi kwezinqwaba zesikusha ayesichaye ophahleni). 
\v 7 Ngakho amadoda aphuma ijumo elandela inhloli emgwaqweni oya ezibukweni leJodani, njalo athi esanda kuphuma isango lavalwa.
\p
\v 8 Inhloli zathi zingakalali ngalobobusuku, wakhwela phezu kophahla 
\v 9 wasesithi kuzo, “Ngiyazi ukuthi \nd uThixo\nd* uselinike lelilizwe lokuthi sonke sesehlelwe yikwesaba okukhulu ngenxa yenu, okwenza ukuthi bonke abahlala kulelilizwe babelomhedehede wokulesaba. 
\v 10 Sesizwile ukuthi \nd uThixo\nd* walenzela amanzi oLwandle Olubomvu atsha ngesikhathi liphuma eGibhithe, lalokho elakwenza kuSihoni lo-Ogi amakhosi amabili ama-Amori empumalanga yeJodani elawatshaya lawaqothula. 
\v 11 Sathi sikuzwa lokho inhliziyo zethu zahle zaphela amandla njalo wonke umuntu kazabe esaba lesibindi ngenxa yenu ngoba \nd uThixo\nd* uNkulunkulu wenu unguNkulunkulu ophezulu ezulwini laphansi emhlabeni.
\p
\v 12 Ngakho-ke ngicela ukuthi lifunge kimi \nd ngoThixo\nd* ukuthi lizakuba lomusa emulini yami ngoba lami ngitshengise umusa kini. 
\v 13 Nginikani isiqiniseko sokuthi lizaphephisa impilo kababa lomama, abanewethu labodadewethu labo bonke abangababo, njalo lizasisindisa ekufeni.”
\p
\v 14 Amadoda amthembisa athi, “Ukuphila kwethu yikuphila kwenu! Ungayekela ukuveza lokho esikwenzayo sizakwenzela umusa lokwethembeka lapho \nd uThixo\nd* esesipha ilizwe.”
\p
\v 15 Ngakho-ke wabehlisela phansi ngentambo baphuma ngefasitela kalokho indlu ayehlala kuyo yayingumduli munye lalowo owawugombolozele idolobho. 
\v 16 Wayethe kubo, “Qondani emaqaqeni ukwenzela ukuthi abaxhuma umzila wenu bangaze balifica. Licatshe khonale okwensuku ezintathu baze baphenduke beseliqhubeka ngendlela yenu.”
\p
\v 17 Amadoda athi kuye, “Isifungo osifungise sona sizakuba yize 
\v 18 ngaphandle kokuthi nxa sesingena kulelilizwe sifice ubophele leliqhele elibomvu ewindini osikhuphe ngalo, njalo usulethe uyihlo lonyoko, abafowenu lemuli yakho yonke endlini yakho. 
\v 19 Nxa umuntu angaphuma phandle kwendlu yakho abesesiya esitaladeni, igazi lakhe lizakuba sekhanda lakhe: kawusoze ube ngumlandu wethu. Kuye wonke oyabe ephakathi kwendlu kanye lawe, igazi lakhe lizakuba sekhanda lethu nxa angavele athintwe. 
\v 20 Kodwa ungavele uveze lokhu esikwenzayo, sizabe sesikhululiwe esifungweni osifungise sona.”
\p
\v 21 Waphendula wathi, “Ngiyavuma, kakube njengokutsho kwenu.”
\p Ngakho wavalelisana labo basebezihambela. Wasebophela iqhele elibomvu ewindini.
\p
\v 22 Bathi besuka lapho baqonda emaqaqeni lapho abahlala khona okwensuku ezintathu ababebaxhuma baze badela ukubadinga emgwaqweni wonke, basebebuyela bengababonanga. 
\v 23 Ngakho-ke amadoda womabili aphindela emuva. Ehla emaqaqeni, achapha umfula, afika kuJoshuwa indodana kaNuni amtshela konke okwakwenzakele kuwo. 
\v 24 Athi kuJoshuwa, “\nd UThixo\nd* ngeqiniso uphe ilizwe lonke ezandleni zethu; bonke abantu bayathuthumela ngokwesaba, ngenxa yethu.”
\c 3
\s1 Ukuchapha UJodani
\p
\v 1 Ekuseni kakhulu uJoshuwa labo bonke abako-Israyeli basuka eShithima baqonda eJodani lapho abamisa khona izihonqo zabo bengakachaphi. 
\v 2 Ngemva kwensuku ezintathu iziphathamandla zangena phakathi kwezihonqo, 
\v 3 zinika imilayo ebantwini zisithi, “Lapho libona umtshokotsho wesivumelwano \nd sikaThixo\nd* uNkulunkulu wenu labaphristi abangabaLevi belithwele kuzamele litshiye izindawo zenu lililandele. 
\v 4 Ngakho lizakwazi ukuthi lilandele yiphi indlela, njengoba lingakaze libe kuwonalo umango. Kodwa kumele ligcine ibanga elingaba yizingalo eziyinkulungwane ezimbili phakathi kwenu lomtshokotsho; lingasondeli phansi kwalo.”
\p
\v 5 UJoshuwa wathi ebantwini, “Zihlambululeni ngoba kusasa \nd uThixo\nd* uzakwenza izimanga phakathi kwenu.”
\p
\v 6 UJoshuwa wathi kubaphristi, “Thathani umtshokotsho wesivumelwano beselikhokhela phambi kwabantu.” Ngakho bawuthatha basebehamba phambi kwabo.
\p
\v 7 \nd UThixo\nd* wasesithi kuJoshuwa, “Lamhla ngizaqalisa ukukuphakamisa emehlweni abako-Israyeli bonke ukuze babone ukuthi ngilawe njengoba ngangiloMosi. 
\v 8 Tshela abaphristi abathwala umtshokotsho wesivumelwano uthi, ‘Lingafika okhunjini lwamanzi kaJodani, lingene liyekuma phakathi komfula.’ ”
\p
\v 9 UJoshuwa wathi kwabako-Israyeli, “Wozani lapha lizolalela amazwi \nd kaThixo\nd* uNkulunkulu wenu. 
\v 10 Lokhu yikho okuzakwenza ukuthi lazi ukuthi uNkulunkulu ophilayo uphakathi kwenu njalo ngempela uzaxotsha phambi kwenu amaKhenani, amaHithi, amaHivi, amaPherizi, amaGigashi, ama-Amori lamaJebusi. 
\v 11 Khangelani, umtshokotsho wesivumelwano seNkosi womhlaba wonke lizangena phakathi kweJodani phambi kwenu. 
\v 12 Ngakho-ke, khethani amadoda alitshumi lambili esuka ezizwaneni zako-Israyeli, oyedwa esizwaneni esisodwa. 
\v 13 Kuzakuthi masinyazana abaphristi abathwele umtshokotsho \nd kaThixo\nd*, iNkosi yomhlaba wonke, sebengene eJodani, amanzi omfula ogelezayo azakwehlukaniswa abesesima abe yinqwaba.”
\p
\v 14 Ngakho kwathi abantu sebesuke ezihonqweni ukuze bayechapha uJodani, abaphristi ababethwele umtshokotsho wesivumelwano bahamba phambili. 
\v 15 UJodani wayehlala egcwele ngezikhathi zonke zokuvuna. Kukanti kwathi abaphristi ababethwele umtshokotsho befika eJodani inyawo zabo zazithinta amanzi, 
\v 16 amanzi ayevelela ngaphezulu ema ukugeleza. Abuthana aba yinqwaba ema khatshana laphaya, malungana ledolobho elithiwa yi-Adamu duzane leZarethani kukanti amanzi ayegelezela phansi ngekuyeni olwandle lwe-Arabha (okutsho uLwandle Lwetswayi) ahle ehlukaniswa ngokupheleleyo. Ngakho-ke abantu bachaphela ngaphetsheya malungana leJerikho. 
\v 17 Abaphristi ababethwele umtshokotsho wesivumelwano \nd sikaThixo\nd* bema bathi mpo emhlabathini owomileyo phakathi kweJodani, ngesikhathi abantu bonke bako-Israyeli bechapha isizwe sonke saze saqeda ukuchapha emhlabathini owomileyo.
\c 4
\p
\v 1 Kwathi isizwe sonke sesimchaphile uJodani, \nd uThixo\nd* wathi kuJoshuwa, 
\v 2 “Khetha amadoda alitshumi lambili phakathi kwabantu, yileyo imele isizwana sako-Israyeli, 
\v 3 ubusubatshela ukuthi bathathe amatshe alitshumi lambili phakathi laphakathi kweJodani kusukela lapho okwakumi khona abaphristi, beseliwathwala liwabeke endaweni elizalala kuyo lamuhla ebusuku.”
\p
\v 4 Ngakho-ke uJoshuwa wabiza amadoda alitshumi lambili ayewakhethe phakathi kwabako-Israyeli, eyodwa ivela esizwaneni. 
\v 5 Wasesithi kuwo, “Hambani phambi komtshokotsho wesivumelwano \nd sikaThixo\nd* uNkulunkulu wenu liye phakathi laphakathi kweJodani. Omunye lomunye wenu kumele athwale ilitshe ehlombe lakhe, kusiya ngenani lezizwana zako-Israyeli, 
\v 6 ukuze kube luphawu phakathi kwenu. Kwelizayo nxa abantwana benu belibuza besithi, ‘Kanti amatshe la atshoni?’ 
\v 7 Libatshele ukuthi ukugeleza kweJodani kwamiswa phambi komtshokotsho wesivumelwano \nd sikaThixo\nd*. Kwathi lapho umtshokotsho uchapha iJodani, amanzi omfula uJodani ehlukaniswa. Amatshe la azakuba yisukhumbuzo ebantwini bako-Israyeli nini lanini.”
\p
\v 8 Ngakho-ke abako-Israyeli benza njengokulaya kukaJoshuwa. Bathatha amatshe alitshumi lambili phakathi laphakathi kweJodani, kusiya ngenani lezizwana zako-Israyeli, njengokulaywa kukaJoshuwa \nd nguThixo\nd*; basebewathwalela ezihonqweni zabo lapho abafika bawabeka khona phansi. 
\v 9 UJoshuwa wamisa amatshe alitshumi lambili ayekade ephakathi laphakathi kweJodani, endaweni lapho abaphristi ababethwele umtshokotsho wesivumelwano abafika bema khona njalo lokhu ekhonapho kuze kube lamhlanje.
\p
\v 10 Abaphristi ababethwele umtshokotsho baqhubeka bemi phakathi kweJodani abantu baze baqeda konke \nd uThixo\nd* ayekulaye uJoshuwa, njengokuqondiswa kukaJoshuwa nguMosi. Abantu bedlula ngokuphangisa 
\v 11 njalo bathi bonke sebechaphile, umtshokotsho wesivumelwano \nd sikaThixo\nd* labaphristi beza kwelinye icele abantu bekhangele. 
\v 12 Amadoda akoRubheni, akoGadi lengxenye yesizwana sakoManase achapha ehlomile phambi kwabako-Israyeli njengokuqondisa kukaMosi. 
\v 13 Abantu abaphose bafike kunkulungwane ezingamatshumi amane ababehlomele impi bachapha phambi \nd kukaThixo\nd* besiya emagcekeni eJerikho ukuyakulwa impi.
\p
\v 14 Ngalelolanga \nd uThixo\nd* waphakamisa uJoshuwa emehlweni abo bonke abako-Israyeli; njalo bamhlonipha okwempilo yakhe yonke, njengoba babehloniphe uMosi.
\p
\v 15 \nd UThixo\nd* wathi kuJoshuwa, 
\v 16 “Laya abaphristi abathwele umtshokotsho woBufakazi bakhuphuke baphume eJodani.”
\p
\v 17 Ngakho uJoshuwa walaya abaphristi wathi, “Phumani phakathi kweJodani.”
\p
\v 18 Abaphristi baphuma emfuleni bethwele umtshokotsho wesivumelwano \nd sikaThixo\nd*. Bonela ukunyathela umhlabathi owomileyo amanzi eJodani ahle abuyela endaweni yawo, ageleza okomfula ogcweleyo njengakuqala.
\p
\v 19 Ngelanga letshumi enyangeni yakuqala abantu basuka eJodani bayamisa izihonqo eGiligali emngceleni ongempumalanga yeJerikho. 
\v 20 UJoshuwa wamisa amatshe alitshumi ayethethwe phakathi kweJodani eGiligali. 
\v 21 Wakhuluma kwabako-Israyeli wathi, “Kwelizayo nxa izizukulwane zenu zingabuza abazali bazo zisithi, ‘Amatshe la atshoni?’ 
\v 22 Kumele libatshele ukuthi ‘Abako-Israyeli bachapha uJodani emhlabathini owomileyo!’ 
\v 23 Ngoba \nd uThixo\nd* uNkulunkulu wenu womisa umfula uJodani phambi kwenu laze lachapha. \nd UThixo\nd* uNkulunkulu wenu wenza kuJodani lokho akwenza oLwandle Olubomvu aze alomise phambi kwethu saze sachapha sonke. 
\v 24 Wenza lokhu ukuze abantu bonke bomhlaba bakwazi ukuthi isandla \nd sikaThixo\nd* silamandla lokuthi lihlale limesaba \nd uThixo\nd* uNkulunkulu wenu.”
\c 5
\p
\v 1 Kwathi amakhosi ama-Amori ayebusa entshonalanga kweJodani lamakhosi wonke amaKhenani ayebusa ezigcawini ezisekela ulwandle esizwa ukuthi \nd uThixo\nd* wayomise njani uJodani phambi kwabako-Israyeli baze bachapha, inhliziyo zawo zathuthumela aswela izibindi zokumelana labako-Israyeli.
\s1 Ukusokwa LePhasika EGiligali
\p
\v 2 Ngalesosikhathi \nd uThixo\nd* wathi kuJoshuwa, “Khanda izingqamu ezibukhali ubususoka abako-Israyeli njalo.” 
\v 3 Ngakho-ke uJoshuwa wakhanda izingqamu ezibukhali wasesoka abako-Israyeli eGibhiya Haralothi.
\p
\v 4 Lokhu wakwenzela ukuthi: Bonke labo abaphuma eGibhithe, wonke amadoda ayengabuthelwa empini afela enkangala esemangweni wokusuka eGibhithe. 
\v 5 Bonke abantu abaphumayo babesokiwe, kodwa bonke abantu ababezalelwe enkangala phakathi kohambo lokusuka eGibhithe babengasokwanga. 
\v 6 Abako-Israyeli babezulazule enkangala okweminyaka engamatshumi amane, amadoda wonke ayefanele ukubuthelwa empini ngesikhathi esuka eGibhithe aze afa, njengoba engazange amlalele \nd uThixo\nd*. Ngoba \nd uThixo\nd* wayefunge waqinisa kubo wathi ayengasoze alibone ilizwe ayelithembise okhokho babo ukuthi bazalinikwa, ilizwe eligeleza uchago loluju. 
\v 7 Ngakho wondla amadodana ezikhundleni zawo, njalo yiwo la asokwa nguJoshuwa. Ayelokhu engakasokwa ngoba kungazange kube lethuba lokubasoka endleleni. 
\v 8 Kwathi isizwe sonke sesisokiwe, sahlala ezihonqweni baze baphola.
\p
\v 9 \nd UThixo\nd* wasesithi kuJoshuwa, “Lamuhla ngisuse ihlazo laseGibhithe kini.” Yikho indawo leyo lokhu ibizwa ngokuthi yiGiligali kuze kube lamhlanje.
\p
\v 10 Kusihlwa ngelanga letshumi lane kuleyo nyanga, bathi belokhu besamise izihonqo zabo eGiligali emagcekeni eJerikho, abako-Israyeli bagcina iPhasika. 
\v 11 Ngokusa olwalandela usuku lwePhasika badla okunye kwesivuno sabo ababekuvunile: isinkwa esingelamvubelo lamabele akhanzingiweyo. 
\v 12 Imana yema ukukhithika ngelanga elalandela lelo abadla ngalo ukudla okwakuvela emhlabathini; ngakho kwakungasela mana yabako-Israyeli, kodwa ngalowomnyaka badla okwelizwe leKhenani.
\s1 Ukuwa KweJerikho
\p
\v 13 Kwathi uJoshuwa esesondele eJerikho, wakhangela wabona indoda eyayimi phambi kwakhe ilomhedla esandleni sayo, uJoshuwa wasondela kuyo wayibuza wathi “Ungowakithi kumbe ungowezitha zethu?”
\p
\v 14 Yaphendula yathi “Angikho ndawo, kodwa njengomlawuli webutho \nd likaThixo\nd* sengifikile.” UJoshuwa wathi mbo phansi ngobuso edumisa waseyibuza esithi, “Kambe iNkosi yami ilombiko bani wenceku yayo?”
\p
\v 15 Umlawuli wamabutho \nd kaThixo\nd* waphendula wathi, “Khulula izicathulo zakho ngoba indawo omi kuyo ingcwele.” UJoshuwa wenza njalo.
\c 6
\p
\v 1 IJerikho yayivalwe ngci ngenxa yabako-Israyeli. Akulamuntu owayephuma loba owayengena.
\p
\v 2 Ngakho \nd uThixo\nd* wathi kuJoshuwa, “Khangela, senginikele iJerikho, inkosi yayo kanye lamabutho ayo ezandleni zakho. 
\v 3 Hambani libhode idolobho kanye lamadoda wonke ahlomileyo. Kwenzeni lokhu okwensuku eziyisithupha. 
\v 4 Abaphristi abayisikhombisa kabathwale amacilongo enziwe ngempondo zenqama phambi komtshokotsho wesivumelwano. Ngosuku lwesikhombisa libhode idolobho kasikhombisa, abaphristi bevuthela amacilongo. 
\v 5 Nxa lingabezwa sebetshaya amacilongo bedonsa, abantu bonke kabahlabe umkhosi; umduli wedolobho uzadilika abantu bahle bangene, yilowo lalowo aqonde phambili.”
\p
\v 6 Ngakho uJoshuwa indodana kaNuni wabiza abaphristi wathi kubo, “Thathani umtshokotsho wesivumelwano \nd sikaThixo\nd* kuthi abaphristi abayisikhombisa bahambe phambi kwawo bethwele amacilongo.” 
\v 7 Waselaya abantu esithi, “Akuhanjwe! Hambani libhode idolobho, amabutho ahlomileyo ehamba phambi komtshokotsho wesivumelwano \nd sikaThixo\nd*.”
\p
\v 8 Kwathi uJoshuwa esekhulume labantu, abaphristi abayisikhombisa ababethwele amacilongo ayisikhombisa phambi \nd kukaThixo\nd* bahamba phambili bevuthela amacilongo, njalo umtshokotsho wesivumelwano ubalandela. 
\v 9 Amabutho ayehlomile ahamba phambi kwabaphristi ababevuthela amacilongo, njalo amabutho angemuva ayelandela umtshokotsho. Ngasosonke lesisikhathi amacilongo ayekhala. 
\v 10 Kodwa uJoshuwa wayelaye abantu wathi, “Lingaze lahlaba umkhosi wempini, lingakhwezi amazwi enu, lingakhulumi lutho kuze kufike isikhathi engizalitshela ngaso ukuthi limemeze. Beselihlaba-ke umkhosi.” 
\v 11 Ngakho umtshokotsho wesivumelwano \nd sikaThixo\nd* bawuthwala babhoda lawo idolobho kanye. Abantu babuyela ezihonqweni bayalala.
\p
\v 12 UJoshuwa wavuka kusesele ngelanga elilandelayo njalo abaphristi bathwala umtshokotsho wesivumelwano \nd sikaThixo\nd*. 
\v 13 Abaphristi abayisikhombisa ababethwele amacilongo ayisikhombisa bahamba phambili bekhokhele umtshokotsho wesivumelwano \nd sikaThixo\nd*, bevuthela amacilongo. Amadoda ayehlomile ayehamba phambi kwabo njalo amabutho angemuva ayelandela umtshokotsho wesivumelwano \nd sikaThixo\nd*, kukanti-ke amacilongo aqhubeka ekhala. 
\v 14 Ngosuku lwesibili babhoda idolobho kanye basebebuyela ezihonqweni. Bakwenza lokhu okwensuku eziyisithupha.
\p
\v 15 Ngelanga lesikhombisa bavuka emadabukakusa babhoda idolobho kasikhombisa ngendlela efanayo, ngaphandle kokuthi ngalelolanga babhoda kasikhombisa. 
\v 16 Ngokwesikhombisa, kwathi abaphristi bekhalisa amacilongo, uJoshuwa walaya abantu wathi, “Memezani! Ngoba \nd uThixo\nd* useliphile idolobho. 
\v 17 Idolobho lakho konke okukulo kuzakwahlukaniselwa \nd uThixo\nd*. URahabi isifebe lalabo ahlala labo endlini yakhe yibo abazasindiswa ngenxa yokuthi wafihla inhloli esazithumayo. 
\v 18 Kodwa xwayani izinto ezahlukaniselwe ukubhujiswa, ukwenzela ukuthi lingazehliseli ukubhujiswa ngokuthatha okunye kwalezozinto. Lokho kungenza ukuthi izihonqo zako-Israyeli zehlelwe luhlupho njalo zitshabalaliswe. 
\v 19 Sonke isiliva, igolide lezinto zonke ezenziwe ngethusi langensimbi ezingcwele ziletheni \nd kuThixo\nd* njalo kumele zifakwe esiphaleni sakhe sengcebo.”
\p
\v 20 Kwathi amacilongo ekhala abantu bahlaba umkhosi; ekukhaleni kwecilongo, abantu sebehlaba umkhosi omkhulu, umduli wabhidlika, ngakho wonke umuntu wangena phakathi balithatha idolobho. 
\v 21 Idolobho balehlukanisela \nd uThixo\nd* basebecakaza ngenkemba yonke into ephilayo eyayihlala kulo, amadoda labesifazane, abatsha labadala, inkomo, izimvu labobabhemi.
\p
\v 22 UJoshuwa wakhuluma emadodeni amabili ayeke athunywa njengezinhloli zelizwe wathi, “Yanini endlini yesifebe liyesikhupha lezihlobo zaso zonke ligcwalise isifungo elasenza kuso.” 
\v 23 Ngakho amadoda ayahambe ukuyahlola angena akhupha uRahabi, uyise lonina labanewabo lazozonke izihlobo zakhe. Bakhupha imuli yonke bayifaka endaweni eyayingaphandle kwezihonqo zako-Israyeli.
\p
\v 24 Basebetshisa idolobho lonke lakho konke okwakuphakathi kwalo, kodwa befake isiliva legolide lezinto ezilungiswe ngethusi lensimbi esiphaleni sengcebo yendlu \nd kaThixo\nd*. 
\v 25 Kodwa uJoshuwa waphephisa uRahabi isifebe lemuli yakhe labo bonke abangabakhe ngenxa yokuthi wafihla amadoda ayethunywe nguJoshuwa ukuba zinhloli eJerikho, futhi ulokhu ehlala phakathi kwabako-Israyeli kuze kube lamhlanje.
\p
\v 26 Ngalesosikhathi uJoshuwa wenza isifungo esiqinileyo esithi, “Iqalekisiwe phambi \nd kukaThixo\nd* indoda ezimisela ukwakha kutsha lelidolobho laseJerikho:
\q1 Ngempilo yezibulo lakhe lendodana
\q2 uzakwenza izisekelo;
\q1 ngempilo yecinathunjana
\q2 uzalungisa amasango alo.”
\p
\v 27 \nd UThixo\nd* wayeloJoshuwa, udumo lwakhe lwanda elizweni lonke.
\c 7
\s1 Isono Sika-Akhani
\p
\v 1 Kodwa abako-Israyeli bephula umthetho ngokuphathelane lengcebo eyayehlukaniselwe \nd uThixo\nd*; u-Akhani indodana kaKhami, indodana kaZabhidi, indodana kaZera, owesizwana sakoJuda, wathatha ezinye zakhona. Ngakho ulaka \nd lukaThixo\nd* lwavutha kwabako-Israyeli.
\p
\v 2 UJoshuwa wasethumela amadoda esuka eJerikho esiya e-Ayi eseduzane leBhethi-Aveni ngempumalanga yeBhetheli wathi kubo: “Hambani liyehlola lelolizwe.” Ngakho amadoda aphuma ayalihlola ilizwe.
\p
\v 3 Bathi bephindela kuJoshuwa bafika bathi, “Akudingeki ukuthi lonke ibutho liyelwisana le-Ayi. Thumela amadoda azinkulungwane ezimbili kumbe ezintathu nje ukuze ayoyithumba njalo ungaze wadinisa ibutho lonke, ngenxa yokuthi lelodolobho lilabantu abalutshwana.” 
\v 4 Amadoda angaba zinkulungwane ezintathu asuka ahamba kodwa ehlulwa ngamadoda e-Ayi, wona 
\v 5 abulala amadoda angamatshumi amathathu lesithupha. Baxotsha abako-Israyeli besuka esangweni ledolobho baze bayabatshiya enkwalini bababulalela ekwehleni. Bathi besizwa lokhu abantu baba lokwesaba okukhulu, baphelelwa ngamandla.
\p
\v 6 UJoshuwa wadabula izigqoko zakhe wathi mbo phansi ngobuso phambi komtshokotsho wesivumelwano \nd sikaThixo\nd*, wala elokhu enjalo kwaze kwahlwa. Abadala bako-Israyeli labo benza njalo, basebezithela ngothuli emakhanda abo. 
\v 7 UJoshuwa wasesithi, “Maye, \nd Thixo\nd* Wobukhosi, wabachaphiselani iJodani lababantu ukuzabanikela ezandleni zama-Amori ukuze asibhubhise? Ngabe sasuthiseka ngokuzihlalela kwelinye iphetsheya leJodani! 
\v 8 Maye, Thixo kuyini engingakutsho, njengoba u-Israyeli esebhuqwe yizitha zakhe? 
\v 9 AmaKhenani labanye abantu belizwe bazakuzwa ngalokhu besebesihanqa besule ibizo lethu emhlabeni. Pho kuyini ozakwenzela ibizo lakho elikhulu kangaka na?”
\p
\v 10 \nd UThixo\nd* wathi kuJoshuwa, “Sukuma. Kuyini okwenzayo uthe mbo ngobuso bakho? 
\v 11 Abako-Israyeli bonile; bephule isivumelwano sami engabalaya ukuthi basigcine. Sebethethe ezinye izinto ezahlukaniselwe mina; bebile, baqamba amanga, sebezifake empangweni yabo. 
\v 12 Yikho abako-Israyeli bengeke bamelana lezitha zabo; bayabafulathela bebaleka ngoba sebeyinto efanele ukubhujiswa. Kangisoze ngibe lani ngaphandle kokuthi lichithe lokho okwakwehlukaniselwe ukubhujiswa.
\p
\v 13 Hamba ungcwelise abantu. Ubatshele uthi, ‘Zingcweliseni ukulungiselela kusasa; ngoba lokhu yikho okutshiwo \nd nguThixo\nd*, uNkulunkulu wako-Israyeli ukuthi: Lokho okwahlukaniselwe \nd uThixo\nd* kuphakathi kwenu, lina bako-Israyeli. Kalingeke limelane lezitha zenu ngaphandle kokuba selikukhuphile.
\p
\v 14 Ekuseni kumele lisondeze isizwana ngesizwana. Isizwana esikhethwa \nd nguThixo\nd* kuzamele sisondele phambili usendo ngosendo; usendo oluzakhethwa \nd nguThixo\nd* luzasondela imuli ngemuli; imuli ezakhethwa \nd nguThixo\nd* izasondela umuntu ngamunye. 
\v 15 Lowo ozafunyanwa elezinto ezahlukaniselwe \nd uThixo\nd* uzatshiswa ngomlilo, lakho konke alakho. Wephule isivumelwano \nd sikaThixo\nd* njalo wenze into elihlazo phakathi kuka-Israyeli.’ ”
\p
\v 16 Kusesele ngelanga elilandelayo uJoshuwa wenza u-Israyeli wasondela ngezizwana, inkatho yadla koJuda. 
\v 17 Insendo zakoJuda zasondela, inkatho yadla abakoZera. Wasondeza insendo zakoZera ngezimuli. Inkatho yadla uZabhidi. 
\v 18 UJoshuwa wasondeza imuli kaZabhidi indoda yinye ngayinye, inkatho yadla u-Akhani indodana kaKhami, indodana kaZabhidi, indodana kaZera owesizwana sakoJuda.
\p
\v 19 UJoshuwa wathi ku-Akhani, “Ndodana yami, dumisa \nd uThixo\nd*, uNkulunkulu ka-Israyeli, umuphe udumo. Ngitshela lokho okwenzileyo, ungaze wangifihlela.”
\p
\v 20 U-Akhani waphendula wathi, “Liqiniso! Ngonile phambi \nd kukaThixo\nd*, uNkulunkulu wako-Israyeli. Nanku engikwenzileyo: 
\v 21 Ngathi ngibona phakathi kwempango ingubo enhle yaseBhabhiloni, lamashekeli esiliva angamakhulu amabili lomgqala wegolide olesisindo samashekeli angamatshumi amahlanu ngakuhawukela, ngakuthatha. Ngakumbela phansi ethenteni lami, isiliva singaphansi.”
\p
\v 22 UJoshuwa wathuma izithunywa, zagijima zaya ethenteni lakhe, zakufumana kufihlilwe ethenteni lakhe, isiliva singaphansi. 
\v 23 Bathatha izinto ezazisethenteni, baziletha kuJoshuwa lebantwini bonke bako-Israyeli, bazichaya phambi \nd kukaThixo\nd*.
\p
\v 24 UJoshuwa labo bonke abako-Israyeli bathatha u-Akhani indodana kaZera lesiliva, ingubo, lomgqala wegolide, lamadodana lamadodakazi akhe, lenkomo zakhe, obabhemi kanye lezimvu, ithente lakhe lakho konke ayelakho bakusa esiHotsheni se-Akhori. 
\v 25 UJoshuwa wathi, “Kungani usilethele uhlupho olungaka? \nd UThixo\nd* uzakwehlisela uhlupho lamhlanje.”
\p Bonke abako-Israyeli bamkhanda ngamatshe, njalo bathi sebeqedile ukukhanda labanye ngamatshe babatshisa. 
\v 26 Babuthelela inqwaba yamatshe amakhulu phezu kuka-Akhani alokhu ekhona lalamhlanje. Ukuvutha kolaka \nd lukaThixo\nd* kwahle kwaphela. Ngakho leyondawo lalamhlanje ilokhu isabizwa ngokuthi yisiGodi sika-Akhori.
\c 8
\s1 Ukutshabalaliswa Kwe-Ayi
\p
\v 1 \nd UThixo\nd* wathi kuJoshuwa, “Ungesabi, ungalahli ithemba. Thatha ibutho lonke uhambe uyehlasela i-Ayi, ngoba senginikele inkosi yase-Ayi, abantu bayo, idolobho layo lelizwe layo ezandleni zakho. 
\v 2 Khonale uzakwenza owakwenza eJerikho lenkosini yakhona, kodwa lingazithathela impahla zonke eliyabe lizithumbile lezifuyo kube ngokwenu. Cathamani ngemva kwedolobho.”
\p
\v 3 Ngakho uJoshuwa lebutho lonke baphuma bayahlasela i-Ayi. Wakhetha amabutho azinkulungwane ezingamatshumi amathathu ayezingcitshi ukwedlula amanye ekulweni, wasewathuma ebusuku. 
\v 4 Wawalaya wathi, “Lalelisisani, kumele licathame ngemva kwedolobho. Lingaze laya khatshana lalo. Lonke kumele lihlale liqaphele. 
\v 5 Mina lalabo engizabe ngilabo sizaqhubeka siqonde edolobheni, kuthi nxa amadoda ephuma ukusihlasela njengalokho akwenza kuqala, sizawabalekela. 
\v 6 Bazaxotshana lathi size sibahugele khatshana ledolobho, ngoba bazakuthi, ‘Bayasibalekela njengalokhu abakwenza kuqala.’ Ngakho nxa sesibabalekela, 
\v 7 lina lizavuka lapho eliyabe licathame khona beselithumba idolobho. \nd UThixo\nd* uNkulunkulu wenu uzalinikela ezandleni zenu. 
\v 8 Nxa selilithumbile idolobho, lithungeleni ngomlilo. Yenzani lokho okulaywe \nd nguThixo\nd*. Wobani leqiniso lokuthi lilandela iziqondiso zami.”
\p
\v 9 UJoshuwa wasebalaya ukuthi bahambe, basebesiya endaweni okwakumele bacathame kuyo phakathi kweBhetheli le-Ayi, entshonalanga ye-Ayi kodwa uJoshuwa waqeda ubusuku lobo elabantu.
\p
\v 10 Ekuseni ngelanga elilandelayo uJoshuwa waqoqa amabutho akhe, kwathi yena labadala bako-Israyeli bahamba phambi kwabo besiya e-Ayi. 
\v 11 Iviyo lonke lalabo ayelabo lahamba laya edolobheni lafika lema phambi kwabo. Bamisa izihonqo enyakatho ye-Ayi, isigodi siphakathi kwabo ledolobho. 
\v 12 UJoshuwa wayethethe amadoda aphosa afike kunkulungwane ezinhlanu wawacathamisa phakathi kweBhetheli le-Ayi entshonalanga yedolobho. 
\v 13 Benza ukuthi amabutho aye ezikhundleni zawo zonke ezaziphakathi kwezihonqo enyakatho yedolobho lendaweni yokucathamela eyayisentshonalanga yalo. Ngalobobusuku uJoshuwa waya esigodini.
\p
\v 14 Inkosi yase-Ayi yathi ibona lokhu yona lawo wonke amadoda akulelodolobho aphanga aphuma kusesele ekuseni ukuze ayehlangana lo-Israyeli empini kweyinye indawo ekhangelane le-Arabha. Kodwa yayingazi ukuthi kwakulamabutho ayeyicathamele ngemva kwedolobho. 
\v 15 UJoshuwa labantu bonke bako-Israyeli bathambela ukubuyiselwa emuva, babalekela enkangala. 
\v 16 Wonke amadoda e-Ayi atshelwa ukuthi abaxotshe, basebexotshana loJoshuwa badonselwa khatshana ledolobho. 
\v 17 Kakukho lendoda eyodwa eyasala e-Ayi kumbe eBhetheli engazanga ixotshane labako-Israyeli.
\p
\v 18 \nd UThixo\nd* wasesithi kuJoshuwa, “Phakamisa umkhonto osesandleni ukhombe e-Ayi, ngenxa yokuthi idolobho leli ngizalinikela ezandleni zakho.” Ngakho uJoshuwa wakhombela e-Ayi ngomkhonto wakhe. 
\v 19 Wathi esanda kwenza lokhu, amadoda ayecathamele ukuhlasela aphakama masinyane ezindaweni ayekuzo agijimela phambili. Angena edolobheni alithumba, aphanga alithungela ngomlilo.
\p
\v 20 Amadoda e-Ayi anyemukula abona intuthu eyayisuka edolobheni iqonga emayezini kodwa aswela ukuthi azabalekela ngaphi ngoba abako-Israyeli ababebalekele enkangala basebephendukele labo ababebaxotsha. 
\v 21 Kwathi uJoshuwa labako-Israyeli bonke bebona ukuthi labo ababecatheme basebethumbe idolobho lokuthi intuthu yayiqonga emayezini ivela edolobheni, batshibilika baqalisa ukuhlasela amadoda ase-Ayi. 
\v 22 Amadoda ayecatheme lawo aphuma edolobheni abahlasela, okwenza ukuthi babe phakathi laphakathi, inxa zombili zilabako-Israyeli. Abako-Israyeli babatshaya bababhuqa akwaze kwasala muntu owaphunyukayo. 
\v 23 Kodwa bathatha inkosi yase-Ayi iphila basebeyiletha kuJoshuwa.
\p
\v 24 Kwathi abako-Israyeli sebeqedile ukubulala wonke amadoda ase-Ayi emagcekeni enkangala lapho ababewaxotshele khona, njalo wonke esegwazwe ngenkemba, bonke abako-Israyeli babuyela e-Ayi babulala abantu bonke abakulelo dolobho. 
\v 25 Amadoda labesifazane abazinkulungwane ezilitshumi lambili bafa ngalelolanga, bonke kungabantu be-Ayi, 
\v 26 ngoba uJoshuwa kazange ehlise isandla sakhe esiphethe umkhonto ngawo baze babhujiswa bonke abantu ababehlala e-Ayi. 
\v 27 Kodwa abako-Israyeli bathatha zonke izifuyo lempango yonke eyayithunjwe kulelodolobho njengokulaywa kukaJoshuwa \nd nguThixo\nd*.
\p
\v 28 UJoshuwa watshisa i-Ayi wayenza yaba lunxiwa oluyinqwaba, indawo engelakuhlalwa muntu kuze kube lamhlanje. 
\v 29 Walengisa inkosi yase-Ayi esigodweni wayitshiya kwaze kwaba ntambama. Ekutshoneni kwelanga uJoshuwa walaya ukuthi bethule isidumbu sayo basiphosele esangweni ledolobho. Babuthelela inqumbi yamatshe phezu kwaso, njalo lokhu kunjalo kuze kube lamhlanje.
\s1 Ukuvuselelwa Kwesivumelwano ENtabeni Yase-Ebhali
\p
\v 30 UJoshuwa wasesakhela \nd uThixo\nd*, uNkulunkulu wako-Israyeli i-alithari e-Ebhali. 
\v 31 Njengokulaya okwenziwa nguMosi inceku \nd kaThixo\nd* kwabako-Israyeli, walakha njengokulaywa okulotshwe eNcwadini yoMthetho kaMosi i-alithari lamatshe angabazwanga, okungazanga kusetshenziswe nsimbi phezu kwawo. Kulo banikela \nd kuThixo\nd* iminikelo yokutshiswa leminikelo yokuthula. 
\v 32 Lapho, phambi kwabako-Israyeli uJoshuwa waloba ematsheni umthetho kaMosi ayewubhalile. 
\v 33 Bonke abako-Israyeli, abezizweni labayinzalo yalelolizwe, labadala babo, iziphathamandla labahluleli babemi emaceleni womabili omtshokotsho wesivumelwano \nd sikaThixo\nd* bekhangelane lalabo ababelithwele, abaphristi, ababengabaLevi. Ingxenye yabantu yema phambi kwentaba yeGerizimu kwathi eyinye ingxenye yema phambi kwentaba ye-Ebhali, njengokulaya kukaMosi inceku \nd kaThixo\nd* owayelaye ukuthi kubusiswe abantu bako-Israyeli.
\p
\v 34 Emva kwalokho uJoshuwa wafunda wonke amazwi omthetho, izibusiso leziqalekiso, njengokulotshwa okwenziwe eNcwadini yeMithetho. 
\v 35 Kakulalizwi elalaywa nguMosi elingazanga lifundwe nguJoshuwa phambi kombuthano wonke wako-Israyeli kugoqela abesifazane labantwana labezizweni ababehlala phakathi kwabo.
\c 9
\s1 Ubuqili BamaGibhiyoni
\p
\v 1 Kwathi amakhosi wonke ayebusa ngentshonalanga yeJodani, layeselizweni lamaqaqa, layesewatheni lwamaqaqa angentshonalanga, layesekele uLwandle oLukhulu kusiyafika eLebhanoni, amakhosi amaHithi, ama-Amori, amaKhenani, amaPherizi, amaHivi lamaJebusi esizwa ngalezizinto 
\v 2 ahlangana ukuze alwisane uJoshuwa labako-Israyeli.
\p
\v 3 Kodwa kwathi ngesikhathi abantu beGibhiyoni sebezwe konke uJoshuwa ayekwenze eJerikho le-Ayi, 
\v 4 benza ubuqili: Bahamba njengamanxusa ayelabobabhemi ababethwele amasaka adabukileyo lezigxingi zewayini ezindala ezazidabuke zangcinwa. 
\v 5 Amadoda ayegqoke amanyathela ayedabukile njalo exaxelwe, begqoke lezigqoko ezigugileyo. Zonke izinkwa ababezithwele njengomphako zazomile njalo zikhuntile. 
\v 6 Baya kuJoshuwa esihonqweni seGiligali bathi kuye lakwabako-Israyeli, “Sivela elizweni elikude; ngakho yenzani isivumelwano lathi.”
\p
\v 7 Abako-Israyeli baphendula amaHivi bathi, “Kodwa mhlawumbe lihlala eduzane lathi, pho singasenza kanjani isivumelwano lani?”
\p
\v 8 Bathi kuJoshuwa “Siyizinceku zenu.”
\p Kodwa uJoshuwa wababuza wathi, “Lingobani njalo livela ngaphi?”
\p
\v 9 Baphendula bathi, “Izinceku zakho zivela elizweni elikude njalo zikhangwe yindumela \nd kaThixo\nd* uNkulunkulu wenu. Ngoba sesezwa imibiko eminengi ngaye: konke akwenza eGibhithe, 
\v 10 lakho konke akwenza emakhosini amabili ama-Amori empumalanga yeJodani, uSihoni inkosi yeHeshibhoni lo-Ogi inkosi yaseBhashani owayebusa e-Ashitharothi. 
\v 11 Abadala bethu labo bonke abakhileyo elizweni lakithi bathi kithi, ‘Thwalani umphako wohambo lwenu; lihambe liyehlangana labo lithi kubo, “Sizinceku zenu: yenzani isivumelwano lathi.” ’ 
\v 12 Isinkwa sethu lesi sasifudumala ngesikhathi sisifaka emigodleni yethu sisesemakhaya ngelanga esasuka ngalo sisiza kini. Kodwa-ke khangelani ukuthi sesome njalo sakhunta njani. 
\v 13 Izigxingi lezi zewayini esazigcwalisisayo zazizintsha, kodwa-ke khangelani ukuthi sezidabuke njani. Izigqoko lamanyathela ethu sekudatshulwe yibude bomango.”
\p
\v 14 Abako-Israyeli bahlola imiphako yabo kodwa-ke kabasabuzanga \nd kuThixo\nd*. 
\v 15 Ngakho uJoshuwa wenza isivumelwano sokuthula labo wabavumela ukuthi bahlale, njalo abathungameli bebandla bavumelana lalokhu ngesifungo.
\p
\v 16 Sekwedlule insuku ezintathu benze isivumelwano lamaGibhiyoni, abako-Israyeli bezwa ukuthi lababantu babengomakhelwana, ababehlala eduzane labo. 
\v 17 Abako-Israyeli baya emadolobheni abo ayebalisa iGibhiyoni, iKhefira, iBherothi leKhiriyathi-Jeyarimi. 
\v 18 Kodwa abako-Israyeli kabazange babahlasele ngenxa yokuthi abathungameli bebandla babefunge \nd ngoThixo\nd*, uNkulunkulu wako-Israyeli.
\p Ibandla lonke lakhonona ngabadala bebandla; 
\v 19 kodwa bona bonke baphendula bathi, “Sibanike isifungo sethu \nd ngoThixo\nd*, uNkulunkulu wako-Israyeli njalo asingeke sabathinta khathesi. 
\v 20 Lokhu yikho esizakwenza kubo: Sizabayekela bahlale, ukuze ulaka lungezi kithi ngenxa yokwephula isifungo esasenza phambi kwabo.” 
\v 21 Baqhubeka bathi, “Bayekeleni bahlale, kodwa bazakuba ngababandi benkuni labakhi bamanzi abazasebenzela uzulu wonke.” Ngakho-ke isivumelwano sabakhokheli sagcinwa.
\p
\v 22 UJoshuwa wabiza wonke amaGibhiyoni wathi kuwo, “Kungani lisikhohlisile ngokuthi, ‘Sihlala khatshana lani, lina lihlala eduzane lathi kangaka?’ 
\v 23 Seliqalekisiwe: kalisoze liyekele ukuba ngababandi benkuni labakhi bamanzi lisebenzela indlu kaNkulunkulu wami.”
\p
\v 24 Baphendula uJoshuwa bathi, “Izinceku zakho zatshelwa mgceke ukuthi \nd uThixo\nd* uNkulunkulu wenu walaya njani inceku yakhe uMosi ukuthi alinike ilizwe lonke lokuthi litshabalalise bonke ababakhele kulo lina lingakafiki. Ngakho-ke sesabela impilo zethu ngenxa yenu, yikho okwenze senza lokhu. 
\v 25 Sesizinikele ezandleni zenu. Yenzani kithi konke elikubona kufanele njalo kuqondile kini.”
\p
\v 26 Ngakho-ke uJoshuwa wabasindisa esandleni sika-Israyeli, njalo kabasababulalanga. 
\v 27 Ngalelolanga wenza ukuthi amaGibhiyoni abe ngababandi benkuni labakhi bamanzi besebenzela uzulu njalo besebenza e-alithareni \nd likaThixo\nd* endaweni eyayikhethwe \nd nguThixo\nd*. Yikho abayikhona kuze kube lamhlanje.
\c 10
\s1 Ilanga Lima Mpo
\p
\v 1 U-Adoni-Zedekhi inkosi yaseJerusalema wezwa ukuthi uJoshuwa wayesethumbe i-Ayi wayitshabalalisa, njengalokho akwenza eJerikho lenkosini yayo, lokuthi abantu baseGibhiyoni babenze isivumelwano sokuthula labako-Israyeli njalo sebehlala labo. 
\v 2 Yena labantu bakhe besaba kakhulu ngalokhu, ngenxa yokuthi iGibhiyoni kwakulidolobho eliqakatheke kakhulu, njengelinye lamadolobho esikhosini; lalilikhulu kule-Ayi, njalo amadoda alo wonke ayezingwazi ezilamandla. 
\v 3 Ngakho u-Adoni-Zedekhi inkosi yaseJerusalema wakhalaza kuHohamu inkosi yaseHebhroni, kuPhiramu inkosi yaseJamuthi, kuJafiya inkosi yaseLakhishi lakuDebhiri inkosi yase-Egiloni. 
\v 4 Wathi kubo, “Wozani lizongincedisa ukuhlasela iGibhiyoni ngenxa yokuthi yenze isivumelwano sokuthula loJoshuwa labako-Israyeli.”
\p
\v 5 Ngakho amakhosi womahlanu ama-Amori, aseJerusalema, eHebhroni, eJamuthi, eLakhishi lase-Egiloni abambana. Aphuma lamabutho awo wonke ayihonqolozela iGibhiyoni ayihlasela.
\p
\v 6 AmaGibhiyoni athumela ilizwi kuJoshuwa ezihonqweni zaseGiligali athi: “Ungalahli izinceku zakho. Woza ngapha kithi ngokuphangisa uzosisiza! Sincede, ngoba wonke amakhosi ama-Amori abusa emazweni asemaqaqeni asebambene ukuze alwisane lathi.”
\p
\v 7 Ngakho uJoshuwa wasuka eGiligali, wenyuka kanye lebutho lakhe lonke, elaligoqela wonke amadoda ayekwazi ukulwa. 
\v 8 \nd UThixo\nd* wathi kuJoshuwa, “Ungabesabi; sengibanikele esandleni sakho. Kakho loyedwa ozakwenelisa ukumelana lawe.”
\p
\v 9 Ngemva kokuhamba okobusuku bonke besuka eGiligali, uJoshuwa wabajuma. 
\v 10 \nd UThixo\nd* wenza ukuthi basanganiseke phambi kuka-Israyeli, wabehlula ngokunqoba okukhulu eGibhiyoni. Abako-Israyeli baxotshana labo emgwaqweni oya eBhethi-Horoni, baxhumana labo baze bayafika e-Azekha leMakheda. 
\v 11 Lapho bebalekela abako-Israyeli emgwaqweni osuka eBhethi-Horoni usiya e-Azekha, \nd uThixo\nd* wehlisa isiqhotho esikhulu sivela emkhathini, njalo inengi labo lafa libulawa yisiqhotho ukwedlula ababulawa zinkemba zabako-Israyeli.
\p
\v 12 Ngalelolanga \nd uThixo\nd* wanikela ngalo ama-Amori kwabako-Israyeli, uJoshuwa wathi \nd kuThixo\nd* phambi kwabako-Israyeli:
\q1 “We langa, mana uthi mpo ngaphezu kweGibhiyoni,
\q2 lawe nyanga, mana ngaphezu kweSigodi se-Ayijaloni.”
\q1
\v 13 Ngakho ilanga lema lathi mpo,
\q2 lenyanga yema,
\q2 isizwe saze saphindisela ngokupheleleyo ezitheni zaso,
\m njengoba kulotshiwe oGwalweni lukaJasha.
\p Ilanga lema phakathi laphakathi kwesibhakabhaka laphuza ukutshona okosuku lonke. 
\v 14 Kakuzange kube losuku olwafana lalo ngaphambili kumbe kuze kube lamhlanje, usuku lapho \nd uThixo\nd* alalela khona umuntu. Ngeqiniso \nd uThixo\nd* wayelwela u-Israyeli!
\p
\v 15 Ngakho uJoshuwa waphindela labo bonke abako-Israyeli ezihonqweni zaseGiligali.
\s1 Ukubulawa Kwamakhosi Amahlanu Ama-Amori
\p
\v 16 Amakhosi lawo womahlanu abaleka ayacatsha ebhalwini lwaseMakheda. 
\v 17 Kwathi uJoshuwa esetshelwe ukuthi amakhosi womahlanu ayetholakale ecatshile ebhalwini lweMakheda, 
\v 18 wathi, “Giqani amatshe amakhulu liwafake emlonyeni wobhalu, beselisithi amanye amadoda alinde. 
\v 19 Kodwa lingemi! Xotshani izitha zenu, lingazivumeli ukuthi zifike emadolobheni azo, ngoba \nd uThixo\nd* uNkulunkulu wenu esezinikele ezandleni zenu.”
\p
\v 20 Ngakho uJoshuwa labako-Israyeli bababhubhisa baphosa baphela bonke kodwa abalutshwana abasalayo banelisa ukufika emadolobheni abo ayezinqaba. 
\v 21 Ibutho lonke lenelisa ukuphenduka ngokuthula kuJoshuwa esihonqweni seMakheda, njalo kakho owake wakhuluma okubi ngabako-Israyeli.
\p
\v 22 UJoshuwa wathi, “Vulani umlomo wobhalu beseliletha amakhosi womahlanu eze kimi.” 
\v 23 Ngakho bakhupha amakhosi womahlanu ebhalwini, inkosi yaseJerusalema, eyeHebhroni, yeJamuthi, eyeLakhishi kanye leyase-Egiloni. 
\v 24 Bathi sebelethe amakhosi la kuJoshuwa, wabiza wonke amadoda ako-Israyeli wasesithi kubo bonke abalawuli bamabutho ababeze laye, “Wozani lapha lizofaka inyawo zenu entanyeni zala amakhosi.” Ngakho beza phambili basebefaka inyawo zabo entanyeni zawo.
\p
\v 25 UJoshuwa wathi kubo, “Lingesabi; lingadangali qinani libe lezibindi. Lokhu yikho okuzakwenziwa \nd nguThixo\nd* kuzozonke izitha elizalwisana lazo.” 
\v 26 Ngakho uJoshuwa wawabulala amakhosi la wawalengisa ensikeni ezinhlanu, alenga lapho kwaze kwahlwa.
\p
\v 27 Ekutshoneni kwelanga uJoshuwa walaya ukuthi bawethule bawaphose ebhalwini lapho ayekade ecatshe khona. Emlonyeni wobhalu bafaka amatshe amakhulu alokhu ekhona lanamhlanje.
\s1 Ukunqotshwa Kwamadolobho Aseningizimu
\p
\v 28 Ngalelolanga uJoshuwa wathumba iMakheda. Wahlasela idolobho kanye lenkosi yalo ngenkemba, wabhubhisa wonke umuntu owayephakathi kwalo. Kakho owatshiywa ephila. Wenza enkosini yeMakheda lokho ayekwenze enkosini yaseJerikho.
\p
\v 29 Ngakho uJoshuwa labo bonke abako-Israyeli ababelaye basuka eMakheda baya eLibhina balihlasela. 
\v 30 \nd UThixo\nd* waphinda wanikela lelodolobho lenkosi yalo esandleni sika-Israyeli. UJoshuwa wahlasela ngenkemba idolobho laye wonke umuntu owayephakathi kwalo. Kakho owatshiywa ephila lapho. Wenza enkosini yalo lokho ayekwenze enkosini yeJerikho.
\p
\v 31 Ngakho uJoshuwa labo bonke abako-Israyeli ayelabo bahamba besuka eLibhina besiya eLakhishi; balihanqa basebelihlasela. 
\v 32 \nd UThixo\nd* wanikela iLakhishi ku-Israyeli, uJoshuwa wayithatha ngelanga lesibili. Idolobho laye wonke umuntu owayephakathi kwalo wakuhlasela ngenkemba, njengalokho ayekwenze eLibhina. 
\v 33 Kunjalo-nje uHoramu inkosi yaseGezeri yayize ukuzoncedisa iLakhishi kodwa uJoshuwa wayehlula ndawonye lebutho layo, kakho owatshiywa ephila.
\p
\v 34 Ngakho uJoshuwa labo bonke abako-Israyeli ababelaye basuka eLakhishi baya edolobheni le-Egiloni; basebelihanqa balihlasela. 
\v 35 Balithumba ngalelolanga, balihlakaza ngenkemba basebebhubhisa wonke umuntu owayephakathi kwalo, njengalokho ababekwenze eLakhishi.
\p
\v 36 Ngakho uJoshuwa labo bonke abako-Israyeli ababelaye bahamba besuka e-Egiloni baya eHebhroni bayihlasela. 
\v 37 Balithumba lelodolobho ngenkemba ndawonye lamakhosi alo, imizana yalo laye wonke umuntu owayephakathi kwalo, kakho owatshiywa ephila. Njengalokho abakwenza e-Egiloni, balitshabalalisa laye wonke umuntu owayephakathi kwalo.
\p
\v 38 Ngakho uJoshuwa labo bonke abako-Israyeli ayelabo baphenduka bahlasela iDebhiri. 
\v 39 Bathumba lelidolobho, inkosi lemizi yalo, bayihlasela ngenkemba. Bonke abantu ababephakathi kwalo babhujiswa baphela. Kakho owatshiywa ephila. Benza eDebhiri lenkosini yakhona lokho abakwenza eLibhina lenkosini yakhona kanye leHebhroni.
\p
\v 40 Ngakho uJoshuwa wasinqoba sonke isabelo, okugoqela ilizwe lamaqaqa, iNegebi, emawatheni ezintaba entshonalanga lemithezukweni yezintaba ndawonye lamakhosi alapho wonke. Kakho owatshiywa ephila. Wabhubhisa bonke abebephefumula, njengoba \nd uThixo\nd*, uNkulunkulu ka-Israyeli wayebalayile. 
\v 41 UJoshuwa wabanqoba kusukela eKhadeshi Bhaneya kusiya eGaza lakuso sonke isabelo seGosheni kusiya eGibhiyoni. 
\v 42 Wonke amakhosi la lamazwe awo athunjwa nguJoshuwa ekuhlaseleni kunye, ngenxa yokuthi \nd uThixo\nd*, uNkulunkulu ka-Israyeli, walwela u-Israyeli.
\p
\v 43 Ngakho uJoshuwa waphindela laye wonke u-Israyeli ezihonqweni zaseGiligali.
\c 11
\s1 Ukunqotshwa Kwamakhosi Asenyakatho
\p
\v 1 Kwathi uJabhini inkosi yeHazori isizwa lokhu yathumela ilizwi kuJobhabhi inkosi yeMadoni lasemakhosini eShimroni le-Akhishafi, 
\v 2 lasemakhosini enyakatho ayesezintabeni ze-Arabha eningizimu yeKhinerethi emawatheni amaqaqa entshonalanga kanye laseNafothi Dori entshonalanga; 
\v 3 lakumaKhenani empumalanga lentshonalanga; lakuma-Amori, amaHithi, amaPherizi lamaJebusi elizweni elilamaqaqa; kanye lakumaHivi ngaphansi kweHemoni esabelweni seMizipha. 
\v 4 Baphuma lamabutho abo wonke lenani elikhulu lamabhiza lezinqola, ibutho elikhulu, ubunengi lingangetshebetshebe okhunjini lolwandle. 
\v 5 Wonke amakhosi la abambana asesakha izihonqo ndawonye eManzini aseMeromi, ukulwa labako-Israyeli.
\p
\v 6 \nd UThixo\nd* wathi kuJoshuwa, “Ungabesabi, ngoba ngalesisikhathi kusasa ngizabanikela bonke kwabako-Israyeli sebefile. Uzaquma imisipha yamabhiza abo njalo utshise izihonqo zabo.”
\p
\v 7 Ngakho uJoshuwa lebutho lakhe lonke bahlangana labo mathupha eManzini eMeromi wasebahlasela, 
\v 8 \nd uThixo\nd* wabanikela esandleni sika-Israyeli. Babanqoba, baxotshana labo baze babafikisa eSidoni Enkulu kusiya eMisirefothi-Mayimi, leSigodini seMizipha empumalanga kwaze kwasala kungelamuntu ophilayo. 
\v 9 UJoshuwa wenza kibo lokho ayekulaywe \nd nguThixo\nd*: Waquma imisipha yamabhiza abo njalo watshisa izinqola zabo.
\p
\v 10 Ngalesosikhathi uJoshuwa waphenduka wabuyela emuva wathumba iHazori wasehlasela inkosi yakuleyo ndawo ngenkemba. (IHazori yayiyisigodlo sayo yonke imibuso leyo.) 
\v 11 Wonke umuntu owayephakathi kwayo wabhujiswa ngenkemba. Bababhubhisa baphela, abaze batshiya lutho oluphefumulayo, watshisa iHazori ngokwayo.
\p
\v 12 UJoshuwa wathumba wonke amadolobho esikhosini lamakhosi awo wawahlasela ngenkemba. Wawabhubhisa wonke, njengokulaya kukaMosi inceku \nd kaThixo\nd*. 
\v 13 Kukanti-ke u-Israyeli kazange atshise loba yiwaphi amadolobho ayakhelwe emadundulwini ngaphandle kweHazori, eyatshiswa nguJoshuwa. 
\v 14 Abako-Israyeli bathatha zaba ngezabo zonke impahla ababezithumbile okwakugoqela izifuyo zamadolobho la bahamba lakho kodwa bonke abantu bababhubhisa ngenkemba baphela du, bengatshiyi lutho oluphefumulayo. 
\v 15 Njengoba \nd uThixo\nd* walaya inceku yakhe uMosi, uMosi laye walaya uJoshuwa, uJoshuwa wakwenza lokho: katshiyanga lutho lungenziwanga ezintweni zonke \nd uThixo\nd* owazilaya uMosi.
\p
\v 16 Ngakho uJoshuwa wathatha ilizwe lonke: ilizwe lamaqaqa, yonke iNegebi, isabelo sonke seGosheni, amawatha asentshonalanga, i-Arabha, lezintaba zako-Israyeli lamawatha azo, 
\v 17 kusukela entabeni yeHalakhi, ephakama ngokuya eSeyiri, kusiya eBhali-Gadi esiGodini seLebhanoni ngaphansi kwentaba iHemoni. Wathumba wonke amakhosi awo, wawehlula, wawabulala. 
\v 18 UJoshuwa walwa impi lawo wonke amakhosi okwesikhathi eside. 
\v 19 Ngaphandle kwamaHivi ayehlala eGibhiyoni, kalikho idolobho loba elilodwa elenza isivumelwano sokuthula labako-Israyeli, kwabawathumba empini. 
\v 20 Ngoba \nd kwakunguThixo\nd* owenza inhliziyo zawo zaba lukhuni zafuna ukulwa impi lo-Israyeli, ukwenzela ukuthi enelise ukubachitha baphele, ebabhubhisa okungelazwelo, njengokulaywa kukaMosi \nd nguThixo\nd*.
\p
\v 21 Ngalesosikhathi uJoshuwa waphuma wawabhubhisa ama-Anakhi elizweni lamaqaqa: kusukela eHebhroni, eDebhiri le-Anabhi, kusukela elizweni lonke lamaqaqa akoJuda. UJoshuwa wabhubhisa wababhuqa bona kanye lamadolobho abo. 
\v 22 Akula ma-Anakhi asala esabelweni sabako-Israyeli; ngaphandle kweGaza iGathi le-Ashidodi lapho okwasila abanye bakhona.
\p
\v 23 Ngakho uJoshuwa wathumba ilizwe lonke njengoba \nd uThixo\nd* walaya uMosi, waselinika abako-Israyeli njengelifa kusiya ngokwahlukaniswa kwezizwana zabo. Ngakho-ke ilizwe laphumula ekulweni izimpi.
\c 12
\s1 Uluhlu Lwamakhosi Ehlulwayo
\li4
\v 1 La ngamakhosi amazwe anqotshwa ngabako-Israyeli njalo alezabelo ezathunjwa empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:
\b
\li1
\v 2 USihoni inkosi yama-Amori, wayebusa eHeshibhoni.
\li2 Wayebusa kusukela e-Aroweri emaphethelweni oDonga lwase-Arinoni, kusukela phakathi laphakathi kodonga kusiyafika emfuleni uJabhoki, oyiwo umngcele wama-Amoni. Lokhu kwakugoqela ingxenye yeGiliyadi.
\li2
\v 3 Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTswayi) kusiya eBhethi-Jeshimothi, eningizimu phansanyana kwemithezuko yasePhisiga:
\li1
\v 4 Lelizwe lika-Ogi inkosi yaseBhashani, omunye wamaRefayi okucina owayebusa e-Ashitharothi le-Edreyi.
\li2
\v 5 Wabusa eNtabeni yaseHemoni, eSalekha, iBhashani yonke kusiya emngceleni wabantu beGeshuri leMahakhathi, lengxenye yeGiliyadi kusiya emngceleni kaSihoni inkosi yeHeshibhoni.
\b
\li4
\v 6 UMosi inceku \nd kaThixo\nd*, labako-Israyeli babanqoba. UMosi inceku \nd kaThixo\nd* wanika ilizwe labo abakoRubheni labakoGadi lengxenye yesizwana sakoManase ukuthi libe ngelabo.
\b
\p
\v 7 La yiwo amakhosi elizwe lelo uJoshuwa labako-Israyeli abalithumbayo eceleni elisentshonalanga yeJodani, kusukela eBhali-Gadi esiGodini seLebhanoni kusiya eNtabeni yeHalakhi ekhangele eSeyiri (amazwe abo uJoshuwa wawanika njengelifa ezizwaneni zako-Israyeli kusiya ngezigaba zezizwana zabo, 
\v 8 indawo elamaqaqa, amawatha asentshonalanga, i-Arabha, lemithezukweni yezintaba, inkangala leNegebi, amazwe amaHithi, ama-Amori, amaKhenani, amaPherizi, amaHivi, lamaJebusi):
\b
\li4 La ayengamakhosi:
\b
\li1
\v 9 inkosi yeJerikho, eyodwa
\li1 inkosi ye-Ayi (eduze leBhetheli), eyodwa
\li1
\v 10 inkosi yeJerusalema, eyodwa
\li1 inkosi yeHebhroni, eyodwa
\li1
\v 11 inkosi yeJamuthi, eyodwa
\li1 inkosi yeLakhishi, eyodwa
\li1
\v 12 inkosi ye-Egiloni, eyodwa
\li1 inkosi yeGezeri, eyodwa
\li1
\v 13 inkosi yeDebhiri, eyodwa
\li1 inkosi yeBhethi-Gaderi, eyodwa
\li1
\v 14 inkosi yeHoma, eyodwa
\li1 inkosi ye-Aradi, eyodwa
\li1
\v 15 inkosi yeLibhina, eyodwa
\li1 inkosi ye-Adulami, eyodwa
\li1
\v 16 inkosi yeMakheda, eyodwa
\li1 inkosi yeBhetheli, eyodwa
\li1
\v 17 inkosi yeThaphuwa, eyodwa
\li1 inkosi yeHeferi, eyodwa
\li1
\v 18 inkosi ye-Afekhi, eyodwa
\li1 inkosi yeLasharoni, eyodwa
\li1
\v 19 inkosi yeMadoni, eyodwa
\li1 inkosi yeHazori, eyodwa
\li1
\v 20 inkosi yeShimron Meroni, eyodwa
\li1 inkosi ye-Akhishafi, eyodwa
\li1
\v 21 inkosi yeThanakhi, eyodwa
\li1 inkosi yeMegido, eyodwa
\li1
\v 22 inkosi yeKhedeshi, eyodwa
\li1 inkosi yeJokhiniyamu eseKhameli, eyodwa
\li1
\v 23 inkosi yeDori (eNafothi Dori), eyodwa
\li1 inkosi yeGoyimi eseGiligali, eyodwa
\li1
\v 24 inkosi yeThiza, eyodwa.
\b
\li4 Amakhosi angamatshumi amathathu lanye esewonke.
\c 13
\s1 Ilizwe Elisazathunjwa
\p
\v 1 UJoshuwa esemdala njalo eseluphele kakhulu, \nd uThixo\nd* wathi kuye, “Usuluphele kakhulu, njalo lokhu usasalelwe yilizwe elikhulu kakhulu okumele ulithumbe.
\b
\li4
\v 2 Nanti ilizwe elisaseleyo:
\b
\li1 zonke izabelo zamaFilistiya lamaGeshuri: 
\v 3 kusukela emfuleni uShihori empumalanga yeGibhithe kusiya esabelweni se-Ekroni enyakatho, lonke libaliswa njengelamaKhenani lanxa libanjwe ngababusi beFilistiya abahlanu eGaza, e-Ashidodi, e-Ashikheloni, eGathi le-Ekroni
\li1 ilizwe lama-Avi; 
\v 4 kusukela eningizimu,
\li1 lonke ilizwe lamaKhenani, kusukela eMeyara yamaSidoni kusiyafika e-Afekhi, isabelo sama-Amori,
\li1
\v 5 indawo yamaGebhali;
\li1 layo yonke iLebhanoni ngempumalanga, kusukela eBhali-Gadi ngaphansi kweNtaba yeHemoni kusiya eLebho Hamathi.
\b
\p
\v 6 Bonke abakhele ezabelweni ezisezintabeni kusukela eLebhanoni kusiya eMisirefothi-Mayimi, okutsho wonke amaSidoni, mina ngokwami ngizabaxotsha phambi kwabako-Israyeli. Wobani leqiniso lokuthi lelilizwe labelwe abako-Israyeli ukuze libe yilifa labo njengokulilaya kwami, 
\v 7 njalo lilabe njengelifa phakathi kwezizwana eziyisificamunwemunye lengxenye yesizwana sakoManase.”
\s1 Ukwabiwa Kwelizwe Elisempumalanga YeJodani
\li4
\v 8 Eyinye ingxenye yakoManase, eyakoRubheni leyakoGadi yayizuze ilifa eyalinikwa nguMosi empumalanga yeJodani njengalokho inceku \nd kaThixo\nd* eyayibaphe lona.
\li1
\v 9 Lasuka e-Aroweri emaphethelweni oDonga lwe-Arinoni lasedolobheni eliphakathi kodonga, njalo ligoqela amagceke eMedebha kusiyafika eDibhoni, 
\v 10 lamadolobho wonke kaSihoni inkosi yama-Amori, owabusa eHeshibhoni, kusiyafika emngceleni wama-Amoni.
\li1
\v 11 Laligoqela iGiliyadi, isabelo sabantu baseGeshuri leMahakhathi, leNtaba yonke yeHemoni leBhashani yonke kusiyafika eSalekha, 
\v 12 okutsho ukuthi, umbuso wonke ka-Ogi eBhashani, yena owabusa e-Ashitharothi le-Edreyi njalo wayengomunye wamaRefayi ayelokhu esaphila. UMosi wayebanqobile wathatha ilizwe labo. 
\v 13 Kodwa abako-Israyeli kabazange babaxotshe abantu beGeshuri leMahakhathi, yikho lokhu behlala phakathi kwabako-Israyeli kuze kube lamhlanje.
\b
\li1
\v 14 Kodwa abesizwana sabaLevi kazange abanike ilifa, njengoba iminikelo eyayisenziwa ngomlilo \nd kuThixo\nd*, uNkulunkulu wako-Israyeli iyilifa labo njengokubathembisa kwakhe.
\b
\li4
\v 15 Lokhu yikho uMosi akunika isizwana sakoRubheni, usendo lunye ngalunye:
\li1
\v 16 Isigaba esisuka e-Aroweri emaphethelweni oDonga lwe-Arinoni, lokusuka edolobheni eliphakathi koDonga lawo wonke amagceke adabula eMedebha 
\v 17 kusiya eHeshibhoni lawo wonke amadolobho asemagcekeni agoqela iDibhoni, iBhamothi-Bhali, iBhethi-Bhali-Meyoni, 
\v 18 iJahazi, iKhedemothi, iMefahathi, 
\v 19 iKhiriyathayimi, iSibhima, iZerethi-Shahari eqaqeni olusesigodini, 
\v 20 iBhethi-Pheyori, lemithezuko yasePhisiga, leBhethi-Jeshimothi, 
\v 21 wonke amadolobho asemagcekeni lombuso wonke kaSihoni inkosi yama-Amori, owayebusa eHeshibhoni. UMosi wayemehlule yena lezinduna zamaMidiyani, u-Evi, uRekhemu, uZuri, uHuri, loRebha, wonke engamakhosana amanyane loSihoni owayehlala kulelolizwe. 
\v 22 Phezu kwalabo ababulawa empini abako-Israyeli babebulele ngenkemba uBhalamu indodana kaBheyori, owayeyisanuse.
\li4
\v 23 Umngcele wamaRubheni wawusokhunjini lweJodani. Amadolobho la lemizana yawo ayeyilifa labakoRubheni, usendo lunye ngalunye:
\b
\li4
\v 24 Lokhu yikho uMosi akupha isizwana sakoGadi usendo lunye ngalunye:
\li1
\v 25 Isabelo seJazeri, amadolobho wonke eGiliyadi lengxenye yelizwe lama-Amoni kusiyafika e-Aroweri, eduzane leRabha; 
\v 26 lokusuka eHeshibhoni kusiya eRamathi Mizipha leBhethonimi, lokusuka eMahanayimi kusiya esigabeni seDebhiri; 
\v 27 esigodini iBhethi-Haramu, iBhethi-Nimra, iSukhothi leZafoni lawo wonke umbuso kaSihoni inkosi yeHeshibhoni (icele elisempumalanga yeJodani, isabelo esisekucineni kolwandle lweKhinerethi).
\li4
\v 28 Amadolobho la ndawonye lemizana yawo ayeyilifa labakoGadi; usendo lunye ngalunye.
\b
\li4
\v 29 Lokhu yikho uMosi ayekunike ingxenye yesizwana sakoManase, okutsho ingxenye yemuli eyayiyinzalo kaManase, usendo lunye ngalunye:
\li1
\v 30 Umango owawusuka eMahanayimi ugoqela iBhashani, wonke umbuso ka-Ogi inkosi yaseBhashani, yonke imizana yeJayiri eBhashani, amadolobho angamatshumi ayisithupha, 
\v 31 ingxenye yeGiliyadi, le-Ashitharothi le-Edreyi (amadolobho obukhosi ka-Ogi eBhashani).
\li4 Lokhu kwakungokwezizukulwane zikaMakhiri indodana kaManase, kungokwengxenye yamadodana kaMakhiri usendo lunye ngalunye.
\b
\li4
\v 32 Leli yilo ilifa uMosi ayelabile lapho esasemagcekeni eMowabi ngaphetsheya kweJodani empumalanga yeJerikho. 
\v 33 Kodwa esizwaneni sabaLevi, uMosi kazange asabele ilifa; \nd uThixo\nd*, uNkulunkulu wako-Israyeli, nguye ilifa labo njengokubathembisa kwakhe.
\c 14
\s1 Ukwabiwa Komhlaba ENtshonalanga YeJodani
\p
\v 1 Lezi yizo izindawo abako-Israyeli abazamukela njengelifa elizweni laseKhenani, u-Eliyazari umphristi, uJoshuwa indodana kaNuni lezinhloko zezizwana zako-Israyeli abazabela zona. 
\v 2 Ilifa labo labiwa ngokwenza inkatho ezizwaneni eziyisificamunwemunye lengxenye, njengokulaya \nd kukaThixo\nd* ngoMosi. 
\v 3 UMosi wayenike izizwe ezimbili lengxenye ilifa lazo empumalanga yeJodani, kodwa wayengabelanga abaLevi ilifa phakathi kwazo, 
\v 4 ngoba amadodana kaJosefa ayeyizizwana ezimbili, esikaManase lesika-Efrayimi. AbaLevi kabazuzanga sabelo ngaphandle kwamadolobho okuhlala lamadlelo emihlambi yezimvu leyenkomo. 
\v 5 Ngakho abako-Israyeli behlukanisa umhlaba, njengokulaywa kukaMosi \nd nguThixo\nd*.
\s1 IHebhroni Inikwa UKhalebi
\p
\v 6 Amadoda akoJuda aya kuJoshuwa eGiligali, uKhalebi indodana kaJefune umKhenizi wathi kuye, “Uyakwazi ukuthi \nd uThixo\nd* wathini kuMosi umuntu kaNkulunkulu eKhadeshi Bhaneya ngawe lami. 
\v 7 Ngangileminyaka engamatshumi amane lapho uMosi inceku \nd kaThixo\nd* yangithuma ngisuka eKhadeshi Bhaneya ukuyahlola ilizwe. Ngaletha kuye umbiko owawuphathelane lemibono yami, 
\v 8 kodwa abazalwane engahamba labo benza ukuthi inhliziyo zabantu zithuthumele ngokwesaba. Mina, lanxa kunjalo, ngalandela \nd uThixo\nd* uNkulunkulu wami ngenhliziyo yami yonke. 
\v 9 \f + \fr 14.9 UDutheronomi 1.36\fr*\f*Ngakho ngalelolanga uMosi wafunga kimi wathi, ‘Umhlabathi lowo onyathelwe yizinyawo zakho uzakuba yilifa lakho labantwabakho kuze kube nini lanini, ngenxa yokuthi ulandele \nd uThixo\nd* uNkulunkulu wami ngenhliziyo yakho yonke.’
\p
\v 10 Ngakho-ke, njengoba \nd uThixo\nd* wayethembisile, usengigcine ngiphila okweminyaka engamatshumi amane lanhlanu kusukela ngezikhathi lapho akhuluma lokhu kuMosi, u-Israyeli esazulazula enkangala. Ngakho nanku sengilapha lamuhla, sengileminyaka yokuzalwa engamatshumi ayisificaminwembili lanhlanu! 
\v 11 Lokhu ngisaqinile lanamuhla njengelanga uMosi angithuma ngalo; lokhu ngiselamandla okuyakulwa impi khathesi okufanana lalokho engangiyikho khona ngalesosikhathi. 
\v 12 Ngakho nginika lelilizwe lamaqaqa engalithenjiswa \nd nguThixo\nd* ngalelolanga. Wena ngokwakho wezwa ngalesosikhathi ukuthi ama-Anakhi ayekhona lapho njalo amadolobho awo ayemakhulu ehonqolozelwe, kodwa ngokuncediswa \nd nguThixo\nd*, ngizawaxotsha njengokutsho kwakhe.”
\p
\v 13 Ngakho UJoshuwa wabusisa uKhalebi indodana kaJefune, wamnika iHebhroni yaba yilifa lakhe. 
\v 14 Ngakho iHebhroni yaba lilifa likaKhalebi indodana kaJefune umKhenizi kusukela ngalesosikhathi ngenxa yokuthi walandela \nd uThixo\nd*, uNkulunkulu ka-Israyeli ngenhliziyo yakhe yonke. 
\v 15 (IHebhroni yayithiwa yiKhiriyathi Aribha ibizwa ngo-Abhe owayeyindoda eyayiyisikhulu esesabekayo phakathi kwama-Anakhi).
\p Ngakho ilizwe laba lokuphumula ekulweni izimpi.
\c 15
\s1 Isabelo SikaJuda
\li4
\v 1 Isabelo sesizwe sikaJuda, usendo lunye ngalunye sasiqhele sehla sayafika elizweni le-Edomi, sisiyakhawula eNkangala yeZini eningizimu kude le.
\b
\li1
\v 2 Umngcele wabo weningizimu wawuqalisela ethekwini oluseningizimu emaphethelweni oLwandle lweTswayi, 
\v 3 uchaphela eningizimu yoMkhandlu weNkume, uqhubeka usiya eZini, usiyaphutsha eningizimu yeKhadeshi Bhaneya. Wasusedlula eHezironi usiyafika e-Adari wabhoda unquma wayaphutsha ususeKhakha. 
\v 4 Wasusedlula usiya e-Azimoni usiyaxhumana lesiHotsha saseGibhithe, uphelela olwandle. Lo yiwo umngcele wabo waseningizimu.
\li1
\v 5 Umngcele wempumalanga luLwandle lweTswayi kuze kufike lapho okuthela khona iJodani.
\li1 Umngcele weningizimu waqalela okhunjini lolwandle ekuqaleni kweJodani, 
\v 6 wakhwela usiya eBhethi-Hogla, wabuye waqhubeka usiya Bhethi-Arabha uqonda eLitsheni likaBhohani indodana kaRubheni. 
\v 7 Umngcele wasuqansa usiya eDebhiri usuka esigodini sika-Akhori, wasujika usiya enyakatho ukhangela eGiligali ekhangelane loMkhandlu ka-Adumimu eningizimu yodonga. Waqhubeka usiya emanzini ase-Eni Shemeshi wasufika e-Eni Rogeli. 
\v 8 Wasuqonda esigodini seBheni-Hinomu emthezukweni wangeningizimu yedolobho lamaJebusi (okutsho iJerusalema). Usuka lapho waqansa phezu koqaqa entshonalanga yesigodi seHinomu ekucineni kwangenyakatho yesigodi seRefayi. 
\v 9 Usuka engqongeni yoqaqa, umngcele waqonda emthonjeni wamanzi aseNefuthowa, wasuphutsha emadolobheni eNtabeni ye-Efroni wasusehla usiya eBhala (okutsho iKhiriyathi-Jeyarimi). 
\v 10 Wasujika usiya entshonalanga usuka eBhala usiya entabeni yeSeyiri, wedlula emthezukweni wangenyakatho yentaba iJeyarimi (okutsho iKhesaloni) waqhubeka usiya eBhethi-Shemeshi uchaphela eThimina. 
\v 11 Waqonda emthezukweni wenyakatho owe-Ekroni, wajika ukhangele eShikheroni, wedlule usiya eNtabeni yeBhala wafika eJabhiniyeli. Umngcele waphelela olwandle.
\li1
\v 12 Umngcele wangentshonalanga likhumbi loLwandle oLukhulu.
\b
\li4 Le yiyo imingcele eyayigombolozele abantu bakoJuda usendo lunye ngalunye.
\b
\p
\v 13 Njengokulaya \nd kukaThixo\nd* kuye, uJoshuwa wanika uKhalebi indodana kaJefune ingxenye eseJuda, iKhiriyathi Aribha, okutsho iHebhroni (u-Abha wayengukhokho ka-Anakhi). 
\v 14 Esuka eHebhroni uKhalebi waxotsha ama-Anakhi amathathu abalisa uSheshayi, u-Ahimani loThalimayi abantwana baka-Anakhi. 
\v 15 Esuka lapho wahamba ehlasela abantu ababehlala eDebhiri (okwakuthiwa yiKhiriyathi-Sefa). 
\v 16 UKhalebi wathi, “Ngizakwendisela indodakazi yami u-Akhisa endodeni ezahlasela ithumbe iKhiriyathi-Sefa.” 
\v 17 U-Othiniyeli indodana kaKhenazi, umfowabo kaKhalebi, wayithumba; ngakho uKhalebi wendisela indodakazi yakhe u-Akhisa kuye.
\p
\v 18 Ngelinye ilanga u-Akhisa wafika ku-Othiniyeli wamkhuthaza ukuthi acele insimu kuyise. Lapho esehlile kubabhemi wakhe, uKhalebi wambuza wathi, “Kuyini engingakwenzela khona?”
\p
\v 19 Waphendula wathi, “Ngicela ungenzele umusa obalulekileyo. Njengoba unginike umhlaba eNegebi, ngicela unginike lemithombo yamanzi.” Ngakho uKhalebi wamnika imithombo eyayingaphezulu leyayingaphansi.
\b
\li4
\v 20 Leli lilifa lesizwe sikaJuda ngezinsendo zaso:
\b
\li1
\v 21 Amadolobho aseningizimu kwesizwe sikaJuda eNegebi ekuyeni emngceleni we-Edomi ayeyila:
\li2 IKhabhizeli, i-Ederi, iJaguri, 
\v 22 iKhina, iDimona, i-Adada, 
\v 23 iKhedeshi, iHazori, i-Ithinani, 
\v 24 iZifi, iThelemu, iBheyalothi, 
\v 25 iHazori-Hadatha, iKheriyothi Hezironi (okutsho iHazori), 
\v 26 i-Amamu, iShema, iMolada, 
\v 27 iHazari-Gada, iHeshimoni, iBhethi Phelethi, 
\v 28 iHazari-Shuwali, iBherishebha, iBhiziyothiya, 
\v 29 iBhala, i-Iyimu, i-Ezema, 
\v 30 i-Elitholadi, iKhesili, iHoma 
\v 31 iZikhilagi, iMadimana, iSansana, 
\v 32 iLebhayothi, iShilihimu, i-Ayini leRimoni, esewonke kwakungamadolobho angamatshumi amabili lesificamunwemunye lemizana yawo.
\li1
\v 33 Emawatheni asentshonalanga kwakulamadolobho la:
\li2 I-Eshithawoli, iZora, i-Ashina, 
\v 34 iZanowa, i-Eni-Ganimu, iThaphuwa, i-Enamu, 
\v 35 iJamuthi, i-Adulami, iSokho, i-Azekha, 
\v 36 iShaharayimu, i-Adithayimu leGedera (kumbe iGederothayimu) amadolobho alitshumi lane lemizi yawo.
\li2
\v 37 IZenani, iHadasha, iMigidali-Gadi, 
\v 38 iDiliyeni, iMizipha, iJokhitheyeli, 
\v 39 iLakhishi, iBhozikhathi, i-Egiloni, 
\v 40 iKhabhoni, iLahimasi, iKhithilishi 
\v 41 iGederothi, iBhethi-Dagoni, iNahama leMakheda, amadolobho alitshumi lesithupha lemizi yawo.
\li2
\v 42 ILibhina, i-Etheri, i-Ashani, 
\v 43 i-Ifitha, i-Ashina, iNezibhi, 
\v 44 iKheyila, i-Akhizibhi leMaresha, amadolobho ayisificamunwemunye lemizi yawo.
\li2
\v 45 I-Ekroni, lemizana eyigqagqeleyo; 
\v 46 entshonalanga ye-Ekroni, wonke ayeseduzane le-Ashidodi, ndawonye lemizana yawo; 
\v 47 i-Ashidodi lemizana eyigqagqeleyo leGaza, imizana eyigqagqeleyo kusiyafika esiHotsheni saseGibhithe lekhunjini loLwandle oLukhulu.
\li1
\v 48 Elizweni lamaqaqa kwakule:
\li2 IShamiri, iJathiri, iSokho, 
\v 49 iDana, iKhiriyathi-Sana (okutsho iDebhiri), 
\v 50 i-Anabhi, i-Eshithemo, i-Animi, 
\v 51 iGosheni, iHoloni leGilo, amadolobho alitshumi lanye lemizana yawo.
\li2
\v 52 I-Arabhu, iDuma, i-Eshani, 
\v 53 iJanimu, iBhethi-Thaphuwa, i-Afeka, 
\v 54 iHumtha, iKhiriyathi Aribha (okutsho iHebhroni) leZiwori, amadolobho ayisificamunwemunye lemizana yawo.
\li2
\v 55 IMawoni, iKhameli, iZifi, iJutha, 
\v 56 iJezerili, iJokideyamu, iZanowa, 
\v 57 iKhayini, iGibhiya leThimina, amadolobho alitshumi lemizana yawo.
\li2
\v 58 IHalihuli, iBhethi Zuri, iGedori, 
\v 59 iMaharathi, iBhethi-Anothi le-Elithekhoni, amadolobho ayisithupha lemizana yawo.
\li2
\v 60 IKhiriyathi-Bhali (okutsho ukuthi iKhiriyathi-Jeyarimi) leRabha, amadolobho amabili lemizana yawo.
\li1
\v 61 Enkangala:
\li2 IBhethi-Arabha, iMidini, iSekhakha, 
\v 62 iNibhishani, iDolobho letswayi le-Eni-Gedi, amadolobho ayisithupha lemizana yawo.
\b
\p
\v 63 UJuda wehluleka ukususa amaJebusi ayehlala eJerusalema; lanamuhla amaJebusi lokhu ehlala lapho labantu bakoJuda.
\c 16
\s1 Isabelo Sika-Efrayimi LoManase
\li1
\v 1 Isabelo sikaJosefa saqala eJodani, empumalanga yamanzi eJerikho, sakhwela sisuka lapho sisiya enkangala singena elizweni lamaqaqa eBhetheli. 
\v 2 Sadabula sisuka eBhetheli (okutsho iLuzi) sachaphela esabelweni sama-Arikhithi e-Atharothi, 
\v 3 sehlela entshonalanga esabelweni samaJafilethi sisiyabamba ekhunjini lweBhethi-Horoni, sibuye siqonde eGezeri, sisiyaphelela olwandle.
\b
\li4
\v 4 Ngakho uManase lo-Efrayimi, izizukulwane zikaJosefa, bemukela ilifa labo.
\b
\b
\li4
\v 5 Leli kwakulilizwe lika-Efrayimi ngokosendo lwakhe:
\b
\li1 Umngcele welifa labo wawusuka e-Atharothi-Ada empumalanga usiya eBhethi-Horoni Ephezulu 
\v 6 waqhubeka usiya olwandle. Usuka eMikhimethathi enyakatho wajika empumalanga usiya eThahanathi-Shilo, usedlula eJanowa empumalanga. 
\v 7 Wasusehlela phansi usuka eJanowa usiya e-Atharothi leNara, wagudla iJerikho wayaphutshela kuJodani. 
\v 8 Usuka eThaphuwa umngcele waya entshonalanga eDongeni lweKhana wayaphelela olwandle. Leli kwakuyilifa lesizwana sako-Efrayimi, usendo lunye ngalunye.
\li1
\v 9 Wawugoqela njalo wonke amadolobho lemizana yawo eyayehlukaniselwe abako-Efrayimi phakathi kwelifa labakoManase.
\b
\p
\v 10 Kabazange bawadudule amaKhenani ayehlala eGezeri; kuze kube lamhla amaKhenani ahlala phakathi kwabantu bako-Efrayimi kodwa besenziswa umsebenzi wesibhalo.
\c 17
\p
\v 1 Lesi kwakuyisabelo sesizwana sikaManase njengezibulo likaJosefa. UMakhiri izibulo likaManase, ukhokho wamaGiliyadi, wathatha iGiliyadi leBhashani ngenxa yokuthi amaMakhire ayengamaqhawe amakhulu. 
\v 2 Ngakho isabelo lesi sasingesabantu bonke bakoManase, insendo zika-Abhiyezeri, uHelekhi, u-Asiriyeli, uShekhemu, uHeferi loShemida. Lezi ngezinye izizukulwane zesilisa zikaManase indodana kaJosefa ngokwensendo zazo.
\p
\v 3 UZelofehadi indodana kaHeferi, indodana kaGiliyadi, indodana kaMakhiri indodana kaManase, wayengelamadodana kodwa wayelamadodakazi wodwa, amabizo awo kwakunguMahila, uNowa, uHogila, uMilikha loThiza. 
\v 4 Aya ku-Eliyazari umphristi, loJoshuwa indodana kaNuni kanye labakhokheli athi, “\nd UThixo\nd* walaya uMosi ukuthi asabele ilifa kanye labanewethu.” Ngakho uJoshuwa wabanika ilifa ndawonye labanewabo bakayise, kulandelwa umlayo \nd kaThixo\nd*. 
\v 5 Isabelo sikaManase sasigoqela iziqinti ezilitshumi zomhlabathi emhlubulweni weGiliyadi leBhashani empumalanga yeJodani, 
\v 6 ngenxa yokuthi amadodakazi esizwana sikaManase athola ilifa kanye labafowabo. IGiliyadi yayingeyezizukulwana zikaManase.
\b
\li1
\v 7 Ilizwe likaManase lalisukela e-Asheri lisiya eMikhimethathi empumalanga kweShekhemu. Umngcele wawudabula usiya usiyagoqela abantu ababehlala e-Eni-Thaphuwa. 
\v 8 (UManase wayelomhlaba elizweni leThaphuwa, kodwa iThaphuwa ngokwayo, emngceleni kaManase, yayingeyama-Efrayimi.) 
\v 9 Umngcele waqhubeka eningizimu usiya oDongeni lweKhana. Kwakulamadolobho ka-Efrayimi ayakhelwe phakathi kwamadolobho kaManase, kodwa umngcele kaManase wawulicele langenyakatho lodonga njalo uphelela olwandle. 
\v 10 Eningizimu ilizwe lalingelika-Efrayimi, enyakatho lingelikaManase. Ilizwe likaManase lalifika olwandle njalo lingcelezelane lo-Asheri enyakatho kanye lo-Isakhari empumalanga.
\li1
\v 11 Phakathi kuka-Isakhari lo-Asheri uManase wayeloBhethi-Shani, u-Ibhiliyami labantu beDori, abe-Endo, abeThanakhi leMegido, ndawonye lemizana ababakhelane layo (owesithathu eluhlwini kwakunguNafothi).
\b
\p
\v 12 Kodwa-ke abakoManase kabenelisanga ukuthatha amadolobho la ngoba amaKhenani ayezimisele ukuhlala kuleyondawo. 
\v 13 Lanxa kunjalo, kwathi abako-Israyeli sebelamandla amakhulu, benza amaKhenani izigqili zabo kodwa kababaxotshanga kokuphela.
\p
\v 14 Abantu bakoJosefa bathi kuJoshuwa, “Kungani lisinike isabelo esisodwa kuphela lengxenye eyodwa yelifa na? Singabantu abanengi kakhulu njalo \nd uThixo\nd* usibusise kakhulu.”
\p
\v 15 UJoshuwa wabaphendula wathi; “Nxa libanengi kakhulu, njalo nxa ilizwe lamaqaqa elako-Efrayimi lilincinyane kini, ngenani eguswini liyecenta umhlaba ube ngowenu elizweni lamaPherizi lelamaRefayi.”
\p
\v 16 Abantu bakoJosefa baphendula bathi, “Ilizwe lamaqaqa kaliseneli njalo amaKhenani wonke ahlala emagcekeni alezinqola zensimbi, bonke abaseBhethi-Shani lemizana yakhona lalabo ababehlala esigodini seJezerili.”
\p
\v 17 Kodwa uJoshuwa wakhuluma labendlu kaJosefa, ku-Efrayimi loManase wathi, “Libanengi njalo lilamandla amakhulu kakhulu. Kalisoze libe lesabelo esisodwa kuphela, 
\v 18 kodwa lelizwe lamaqaqa aliligusu. Licenteni lize liyefika lapho eliphelela khona kube ngelenu; lanxa amaKhenani elezinqola zensimbi njalo lanxa elamandla, lingawaxotsha.”
\c 18
\s1 Ukwabiwa Kwelizwe Elalisele
\p
\v 1 Ibandla lonke lako-Israyeli labuthana eShilo laselimisa ithente lokuhlangana khonapho. Ilizwe lalethwa ngaphansi kombuso wabo, 
\v 2 kodwa kwakulokhu kulezizwana zako-Israyeli eziyisikhombisa ezazingakemukeli ilifa lazo.
\p
\v 3 Ngakho uJoshuwa wathi kwabako-Israyeli, “Lizakuma okwesikhathi esingakanani lingakathathi ilizwe \nd uThixo\nd*, uNkulunkulu wabokhokho benu alinike lona na? 
\v 4 Khethani amadoda amathathu esizweni sinye ngasinye. Ngizawathuma ukuthi ayehlola ilizwe abeseloba ngesimo salo, kusiya ngelifa lesizwana ngasinye. Azaphenduka kimi. 
\v 5 Lizakwaba umhlaba ube yizigaba eziyisikhombisa. UJuda uzaqhubeka eselizweni lakhe eningizimu njalo indlu kaJosefa iselizweni layo enyakatho. 
\v 6 Ngemva kokuba selibhale izimo zezigaba eziyisikhombisa zelizwe, lizilethe kimi lapha njalo ngizalenzela inkatho phambi \nd kukaThixo\nd* uNkulunkulu wethu. 
\v 7 Kodwa abaLevi kabayikuzuza lutho phakathi kwenu, ngoba umsebenzi wobuphristi \nd kuThixo\nd* yilifa labo. Njalo uGadi, uRubheni lengxenye yesizwe sikaManase sebathola ilifa labo eceleni elingasempumalanga yeJodani. UMosi inceku \nd kaThixo\nd* wabanika lona.”
\p
\v 8 Kwathi amadoda engena indlela esiyahlola umhlaba, uJoshuwa wawalaya wathi, “Hambani liyehlola umhlaba beselibhala isimo sawo. Emva kwalokho beseliphenduka kimi, khona ngizalenzela inkatho lapha eShilo phambi \nd kukaThixo\nd*.” 
\v 9 Ngakho amadoda asuka adabula phakathi kwelizwe. Abhala isimo salo emqulwini, idolobho ngedolobho, ezigabeni eziyisikhombisa, asephindela kuJoshuwa esihonqweni seShilo.
\b
\li4
\v 10 UJoshuwa wawenzela inkatho eShilo phambi \nd kukaThixo\nd*, njalo lapho wabela ilizwe kwabako-Israyeli kusiya ngokwehlukaniswa kwezizwana zabo.
\s1 Isabelo SikaBhenjamini
\li4
\v 11 Inkatho yakuqala yawela esizwaneni sakoBhenjamini ngensendo zaso. Ilizwe labo elabiwayo laliphakathi kwezizwana zakoJuda loJosefa:
\li1
\v 12 Eceleni elisenyakatho umngcele wabo wawuqalisela kuJodani, usedlula emthezukweni wangenyakatho yeJerikho usiya entshonalanga elizweni elilamaqaqa, uthutshela enkangala yeBhethi-Aveni. 
\v 13 Usuka lapho wawuchaphela emthezukweni weningizimu weLuzi (okutsho iBhetheli) usehlela e-Atharothi-Ada eqaqeni eliseningizimu ngaphansi kweBhethi-Horoni.
\li1
\v 14 Usuka eqaqeni elikhangelane leBhethi-Horoni eningizimu ulandela icele elisentshonalanga wasuthutshela eKhiriyathi-Bhali (okutsho iKhiriyathi-Jeyarimi) idolobho labantu bakoJuda. Leli kwakulicele elisentshonalanga.
\li1
\v 15 Icele leningizimu laliqalisela emaphethelweni asentshonalanga kweKhiriyathi-Jeyarimi, njalo umngcele waba semthonjeni wamanzi eNefuthowa. 
\v 16 Umngcele wehla waya ewatheni lentaba ekhangelane leSigodi seBheni-Hinomu, enyakatho yeSigodi seRefayi. Waqhubeka usehla eSigodini seHinomu ulandela umthezuko wedolobho lamaJebusi usiya e-Eni Rogeli. 
\v 17 Wasubhoda usiya enyakatho, waya e-Eni Shemeshi, waqhubeka usiya eGelilothi ekhangele uMkhandlu we-Adumimu, wehla phansi usiya elitsheni likaBhohani indodana kaRubheni. 
\v 18 Waqhubeka ukhangele enyakatho, emthezukweni weBhethi Arabha usehla ungena e-Arabha. 
\v 19 Wasusiya emthezukweni ongasenyakatho eBhethi-Hogla wasuphumela ewatheni elingenyakatho koLwandle lweTswayi lapho okuthela khona iJodani eningizimu. Lo kwakungumngcele oseningizimu.
\li1
\v 20 IJodani yenza umngcele eceleni langempumalanga.
\li4 Le kwakuyimingcele eyayiphawula ilifa lensendo zikaBhenjamini emaceleni wonke.
\b
\li4
\v 21 Isizwana sikaBhenjamini, usendo ngosendo sasilamadolobho alandelayo:
\li1 IJerikho, iBhethi-Hogla, i-Emeki Khezizi, 
\v 22 iBhethi-Arabha, iZemarayimu, iBhetheli, 
\v 23 i-Avimu, iPhara, i-Ofira, 
\v 24 iKhefa-Amoni, i-Ofini leGebha, amadolobho alitshumi lambili kanye lemizana yawo.
\li1
\v 25 IGibhiyoni, iRama, iBherothi, 
\v 26 iMizipha, iKhefira, iMoza, 
\v 27 iRekhemu, i-Iphiyeli, iTharala, 
\v 28 iZela, iHayelefi, idolobho lamaJebusi (okuyikuthi iJerusalema), iGibhiya leKhiriyathi, amadolobho alitshumi lane kanye lemizana yawo.
\li4 Leli kwakuyilifa likaBhenjamini lensendo zakhe.
\c 19
\s1 Isabelo SikaSimiyoni
\li4
\v 1 Inkatho yesibili yawela esizwaneni sikaSimiyoni ngensendo zaso. Ilifa labo laliphakathi kwelizwe likaJuda. 
\v 2 Laligoqela:
\li1 iBherishebha (noma Shebha), iMolada, 
\v 3 iHazari-Shuwali, iBhala, i-Ezema, 
\v 4 i-Elitholadi, iBhethuli, iHoma, 
\v 5 iZikhilagi, iBhethi-Makhabhothi, iHazari-Susa, 
\v 6 iBhethi-Lebhawothi leSharuheni, amadolobho alitshumi lantathu lemizana yawo;
\li1
\v 7 i-Ayini, iRimoni, i-Etheri le-Ashani, amadolobho amane lemizana yawo, 
\v 8 layo yonke imizana eyakhelene lalawo madolobho kusiyafika eBhalathi-Bheri (iRama eseNegebi).
\li4 Leli kwakuyilifa lesizwana sikaSimiyoni ngensendo zaso. 
\v 9 Ilifa labakoSimiyoni lathathwa kungxenye kaJuda ngenxa yokuthi isigaba sakoJuda sasisikhulu kakhulu. Ngakho abakoSimiyoni bathola ilifa labo phakathi kwelizwe lakoJuda.
\s1 Isabelo SikaZebhuluni
\li4
\v 10 Inkatho yesithathu yawela uZebhuluni lensendo zakhe:
\li1 Umngcele welifa labo wawufika eSaridi. 
\v 11 Waqonda entshonalanga wadabula usiya eMarala, wathinta iDabheshethi, waqhela usiya odongeni eduze leJokhiniyamu. 
\v 12 Wajikela empumalanga usuka eSaridi ukhangele empumalanga elizweni likaKhisilothi-Thabhori njalo waqhela usiya eDabherathi ukhwela usiya eJafiya. 
\v 13 Waqhubeka ukhangele empumalanga usiya eGathi-Heferi le-Ethi Khazini; wathutshela eRimoni wasujikela eNeya. 
\v 14 Lapho umngcele wabhoda enyakatho usiya eHanathoni wakhawula eSigodini se-Ifitha Eli.
\li1
\v 15 Kwakukhona njalo iKhathathi, iNahalali, iShimroni, i-Idala leBhethilehema. Kwakulamadolobho alitshumi lambili lemizana yawo.
\li4
\v 16 Amadolobho la lemizana yawo ayeyilifa likaZebhuluni lensendo.
\s1 Isabelo Sika-Isakhari
\li4
\v 17 Inkatho yesine yawela u-Isakhari ngensendo zakhe. 
\v 18 Ilizwe labo laligoqela:
\li1 iJezerili, iKhesulothi, iShunemi, 
\v 19 iHafarayimi, iShiyoni, i-Anaharathi, 
\v 20 iRabhithi, iKhishiyoni, i-Ebhezi 
\v 21 iRemethi, i-Eni-Ganimu, i-Eni-Hada leBhethi-Phazezi.
\li1
\v 22 Umngcele wawugudla iThabhori, iShahazuma leBhethi-Shemeshi wasukhawula eJodani.
\li1 Kwakulamadolobho alitshumi lesithupha lemizana yawo.
\li4
\v 23 Amadolobho la lemizi yawo kwakuyilifa lesizwana sika-Isakhari lensendo zakhe.
\s1 Isabelo Sika-Asheri
\li4
\v 24 Inkatho yesihlanu yawela esizwaneni sika-Asheri ngensendo zakhe. 
\v 25 Ilizwe labo laligoqela:
\li1 iHelikhathi, iHali, iBhetheni, i-Akhishafi, 
\v 26 i-Alameleki, i-Amadi leMishali. Entshonalanga umngcele wagudla iKhameli leShihori-Libhinathi. 
\v 27 Wajikela empumalanga ukhangele eBhethi-Dagoni, ugudla iZebhuluni leSigodi se-Ifitha Eli, waqonda enyakatho usiya eBhethi-Emekhi leNeyiyeli, usedlula eKhabhuli kwesenxele. 
\v 28 Waya e-Abhidoni, eRehobhi, eHamoni leKhana usiyafika eSidoni enkulu. 
\v 29 Umngcele waphinda wajika ukhangele eRama wasusiya edolobheni eliyinqaba eleThire, wajika ukhangele iHosa wathutshela olwandle olusesabelweni se-Akhizibhi, 
\v 30 i-Uma, i-Afekhi leRehobhi.
\li1 Kwakulamadolobho angamatshumi amabili lambili lemizana yawo.
\li4
\v 31 Amadolobho la lemizana yawo ayeyilifa lesizwana sika-Asheri lensendo zakhe.
\s1 Isabelo SikaNafithali
\li4
\v 32 Inkatho yesithupha yawela uNafithali ngensendo zakhe:
\li1
\v 33 Umgcele wasuka eHelefi kanye lesihlahla somʼOkhi eZananimi usedlula e-Adami Nekhebi leJabhiniyeli usiya eLakhumi njalo uphelela eJodani. 
\v 34 Umngcele wadabula entshonalanga phakathi kwe-Azinothi-Thabhori wayaphuma ususeHukhokhi. Wagudla iZebhuluni eningizimu, i-Asheri entshonalanga kweJuda usiya empumalanga yeJodani.
\li1
\v 35 Amadolobho ayelezinqaba yiZidimu, iZeri, iHamathi, iRakhathi, iKhinerethi, 
\v 36 i-Adama, iRama, iHazori, 
\v 37 iKhedeshi, i-Edreyi, i-Eni-Hazo, 
\v 38 iYironi, iMigidali-Eli, iHoremu, iBhethi-Anathi leBhethi-Shemeshi.
\li1 Kwakulamadolobho alitshumi lesificamunwemunye lemizana yawo.
\li4
\v 39 Amadolobho la lemizana yawo kwakuyilifa lesizwana sikaNafithali ngensendo zakhe.
\s1 Isabelo SikaDani
\li4
\v 40 Inkatho yesikhombisa yawela isizwana sikaDani ngensendo zakhe. 
\v 41 Ilizwe lelifa labo laligoqela:
\li1 iZora, i-Eshithawoli, i-Iri Shemeshi, 
\v 42 iShayalabhini, i-Ayijaloni, i-Ithila, 
\v 43 i-Eloni, iThimina, i-Ekroni, 
\v 44 i-Elithekhe, iGibhethoni, iBhalathi, 
\v 45 iJehudi, iBhene-Bherakhi, iGathi-Rimoni, 
\v 46 iMe-Jarikhoni leRakhoni lendawo ekhangele iJopha.
\li4
\v 47 (Kwathi abakoDani sebenqotshiwe bathathelwa ilizwe labo, basuka bayahlasela iLeshemu ngenkemba, bayithumba. Bahlala eLeshemu bayibiza ngokuthi yiDani, ibizo likakhokho wabo.)
\li4
\v 48 Amadolobho la lemizana yawo ayeyilifa lesizwe sikaDani ngensendo zakhe.
\s1 Isabelo SikaJoshuwa
\li1
\v 49 Bathi sebeqede ukwabelana umhlaba ngendlela eyayiphawulwe yinkatho, abako-Israyeli banika uJoshuwa indodana kaNuni ilifa phakathi kwabo, 
\v 50 njengokulaya \nd kukaThixo\nd*. Bamnika idolobho ayelicelile, iThimnathi-Sera elizweni lamaqaqa ko-Efrayimi. Wakha idolobho wahlala khona.
\b
\li4
\v 51 La yiwo amazwe u-Eliyazari umphristi, uJoshuwa indodana kaNuni labakhokheli bonke lensendo zezizwana zako-Israyeli abazehlukanisela wona ngenkatho eShilo phambi \nd kukaThixo\nd* entubeni yethente lokuhlangana. Ngakho-ke baqeda ukwaba umhlaba.
\c 20
\s1 Amadolobho Okuphephela
\p
\v 1 \nd UThixo\nd* wasesithi kuJoshuwa: 
\v 2 “Tshela abako-Israyeli ukuthi baphawule amadolobho okuphephela njengokulilaya engakwenza ngoMosi, 
\v 3 ukuze wonke umuntu obulala omunye ngengozi hatshi ngabomo abalekele kulo ukuze aphephe esandleni somphindiseli wegazi. 
\v 4 Lapho ebalekela kwelinye lala amadolobho, kumele eme esangweni ledolobho abesesitsho ukuthi ukhala ngani ebadaleni balelodolobho. Abadala sebezamamukela-ke edolobheni labo besebemnika indawo yokuhlala phakathi kwabo. 
\v 5 Nxa umphindiseli wegazi emlandela, akumelanga bamnikele lowo owetheswa umlandu ngoba kambulalanga ngabomo kumbe ngenhliziyo embi. 
\v 6 Usezahlala kulelodolobho kuze kufike isikhathi sokuthonisiswa phambi kwebandla njalo kuze kufe umphristi omkhulu oyabe ephethe umsebenzi ngalesosikhathi. Lapho usengabuyela ngakibo, edolobheni abaleka kulo.”
\p
\v 7 Ngakho behlukanisa iKhedeshi eseGalile elizweni lamaqaqa koNafithali, iShekhemu elizweni lamaqaqa ko-Efrayimi leKhiriyathi Aribha (okutsho iHebhroni) elizweni lamaqaqa koJuda. 
\v 8 Empumalanga yeJodani leJerikho baphawula iBhezeri enkangala esemagcekeni esizwaneni sikaRubheni, iRamothi eseGiliyadi esizwaneni sikaGadi, leGolani eseBhashani esizwaneni sikaManase. 
\v 9 Iloba ngubani owako-Israyeli kumbe omunye owezizweni ohlala phakathi kwabo owabulala omunye umuntu ngengozi wayengabalekela emadolobheni aqanjiweyo, aphephe ekubulaweni ngumphindiseli wegazi engakamiswa phambi kwebandla ukuba athonisiswe.
\c 21
\s1 Amadolobho AbaLevi
\p
\v 1 Abakhokheli bezimuli zabaLevi balanda u-Eliyazari umphristi, uJoshuwa indodana kaNuni, labakhokheli bezinye izimuli ezizwaneni zako-Israyeli 
\v 2 eShilo eseKhenani bathi kubo, “\nd UThixo\nd* walaya ngoMosi wathi lisinike amadolobho okuhlala, alamadlelo ezifuyo zethu.”
\b
\li4
\v 3 Ngakho njengoba \nd uThixo\nd* wayelayile, abako-Israyeli banika abaLevi amadolobho alandelayo lamadlelo kuvela elifeni labo:
\b
\li1
\v 4 Inkatho yakuqala yawela amaKhohathi ngensendo zawo. AbaLevi ababeyizizukulwane zika-Aroni umphristi babelwa amadolobho alitshumi lantathu ezizwaneni zakoJuda, ezakoSimiyoni lezakoBhenjamini.
\li1
\v 5 Izizukulwane zonke zikaKhohathi zabelwa amadolobho alitshumi kuzinsendo zezizwana zako-Efrayimi, ezakoDani lengxenye yakoManase.
\li1
\v 6 Izizukulwane zikaGeshoni zabelwa amadolobho alitshumi lantathu kuzinsendo zezizwana zako-Isakhari, ezako-Asheri, ezakoNafithali lengxenye yesizwana sakoManase eBhashani.
\li1
\v 7 Izizukulwane zikaMerari ngensendo zazo zathola amadolobho alitshumi lambili ezizwaneni zakoRubheni, ezakoGadi lezakoZebhuluni.
\b
\li4
\v 8 Ngakho abako-Israyeli babela abaLevi amadolobho la lamadlelo awo, njengokulaya \nd kukaThixo\nd* ngoMosi.
\b
\li1
\v 9 Ezizwaneni zakoJuda lezakoSimiyoni amadolobho abiwayo nanka ngamabizo awo 
\v 10 Amadolobho la anikwa izizukulwane zika-Aroni ezazivela kuzinsendo zamaKhohathi phakathi kwabaLevi ngoba inkatho yakuqala yawela kuzo:
\li2
\v 11 Bazinika iKhiriyathi Aribha (okutsho iHebhroni) emadlelweni akulowomango elizweni lamaqaqa koJuda (u-Abha wayengukhokho ka-Anakhi). 
\v 12 Kodwa amasimu lemizana okwakuseduzane ledolobho babekunike uKhalebi indodana kaJefune ukuba kube ngokwakhe. 
\v 13 Ngakho izizukulwane zika-Aroni umphristi bazinika iHebhroni (idolobho lokuphephela kwalabo abalamacala okubulala), iLibhina, 
\v 14 iJathiri, i-Eshithemowa 
\v 15 iHoloni, iDebhiri, 
\v 16 i-Ayini, iJutha leBhethi-Shemeshi, ndawonye lamadlelo awo, amadolobho ayisificamunwemunye esuka ezizwaneni lezi zombili.
\li1
\v 17 Esizweni sakoBhenjamini bazinika
\li2 iGibhiyoni, iGebha, 
\v 18 i-Anathothi le-Alimoni, ndawonye lamadlelo awo kwaba ngamadolobho amane.
\li4
\v 19 Wonke amadolobho abaphristi, izizukulwane zika-Aroni, ayelitshumi lantathu ndawonye lamadlelo awo.
\b
\li4
\v 20 Ezinye zonke insendo zikaKhohathi phakathi kwabaLevi zabelwa amadolobho esizwaneni sako-Efrayimi.
\li1
\v 21 Elizweni elilamaqaqa ko-Efrayimi zanikwa
\li2 iShekhemu (idolobho lokuphephela kwalabo abalamacala okubulala) leGezeri, 
\v 22 iKhibhizayimi leBhethi-Horoni, ndawonye lamadlelo awo, kwaba ngamadolobho amane.
\li1
\v 23 Esizwaneni sakoDani zathola,
\li2 i-Elithekhe, iGibhethoni, 
\v 24 i-Ayijaloni leGathi-Rimoni, ndawonye lamadlelo awo, kwaba ngamadolobho amane.
\li1
\v 25 Kungxenye yesizwe sakoManase zathola
\li2 iThanakhi leGathi-Rimoni, ndawonye lamadlelo awo, kwakungamadolobho amabili.
\li4
\v 26 Wonke la amadolobho alitshumi lamadlelo awo anikwa kuzozonke insendo zamaKhohathi.
\b
\li4
\v 27 Insendo zamaLevi ezeGeshoni zanikwa:
\li1 kungxenye yesizwana sakoManase,
\li2 iGolani eseBhashani (idolobho lokuphephela kwalabo abalamacala okubulala) leBheshithera, ndawonye lamadlelo awo, amadolobho amabili;
\li1
\v 28 esizwaneni sika-Isakhari,
\li2 iKhishiyoni, iDabherathi, 
\v 29 iJamuthi le-Eni-Ganimu, ndawonye lamadlelo awo, amadolobho amane;
\li1
\v 30 esizwaneni sika-Asheri,
\li2 iMishali, i-Abhidoni, 
\v 31 iHelikhathi leRehobhi, ndawonye lamadlelo awo, amadolobho amane;
\li1
\v 32 kusukela esizwaneni sakoNafithali,
\li2 iKhedeshi eseGalile (idolobho lokuphephela kwalabo abalamacala okubulala), iHamothi-Dori leKhathani, ndawonye lamadlelo awo, amadolobho amathathu.
\li4
\v 33 Wonke amadolobho ensendo zamaGeshoni ayelitshumi lantathu, ndawonye lamadlelo awo.
\b
\li4
\v 34 Insendo zamaMerari (okutsho bonke abaLevi) zanikwa kanje
\li1 esizwaneni sikaZebhuluni,
\li2 iJokhiniyamu, iKhatha, 
\v 35 iDimina leNahalali ndawonye lamadlelo awo, amadolobho amane.
\li1
\v 36 Esizwaneni sakoRubheni,
\li2 iBhezeri, iJahazi, 
\v 37 iKhedemothi leMefahathi ndawonye lamadlelo awo, amadolobho amane.
\li1
\v 38 Esizwaneni sakoGadi,
\li2 iRamothi eseGiliyadi (idolobho lokuphephela kwalabo abalamacala okubulala), iMahanayimi, 
\v 39 iHeshibhoni leJazeri ndawonye lamadlelo awo, amadolobho amane esewonke.
\li4
\v 40 Wonke amadolobho abelwa insendo zamaMerari, eyingxenye yonke eseleyo yabaLevi, ayelitshumi lambili.
\b
\li4
\v 41 Amadolobho abaLevi elizweni eliphansi kwabako-Israyeli ayengamatshumi amane lasificaminwembili mibili esewonke ndawonye lamadlelo awo. 
\v 42 Linye ngalinye lamadolobho la lalilamadlelo aligombolozeleyo. Konke kwakunjalo ngawo wonke la amadolobho.
\b
\p
\v 43 Ngakho \nd uThixo\nd* wanika abako-Israyeli wonke umhlaba ayefunge ukuwunika okhokho babo, bawuthatha bakha khonapho. 
\v 44 \nd UThixo\nd* wabapha ukuphumula enhlangothini zonke, njengokufunga ayekwenze kubokhokho babo. Akulasitha lesisodwa esenelisa ukumelana labo; \nd uThixo\nd* wanikela zonke izitha zabo kubo. 
\v 45 Asikho lesisodwa sazo zonke izithembiso ezinhle \nd zikaThixo\nd* endlini ka-Israyeli esingagcwalisekanga; zonke zagcwaliseka.
\c 22
\s1 Izizwana ZeMpumalanga Ziphindela Ekhaya
\p
\v 1 UJoshuwa wamema abakoRubheni, abakoGadi lengxenye yesizwe sikaManase 
\v 2 wathi kubo, “Selenze konke uMosi inceku \nd kaThixo\nd* eyakulayayo, njalo lingilalele kukho konke engililaye ngakho. 
\v 3 Okwesikhathi eside khathesi, kuze kube lamuhla, kalizange lihlamukele abafowenu kodwa lenze umsebenzi lowo \nd uThixo\nd* uNkulunkulu wenu alinike wona. 
\v 4 Njengoba \nd uThixo\nd* uNkulunkulu wenu wanika abafowenu ukuphumula njengokuthembisa kwakhe, buyelani emakhaya enu elizweni uMosi inceku \nd kaThixo\nd* alinika lona ngaphetsheya kweJodani. 
\v 5 Kodwa linanzelele kakhulu ukuthi lilondoloza umlayo lomthetho uMosi inceku \nd kaThixo\nd* alinika wona: Ukuthanda \nd uThixo\nd* uNkulunkulu wenu, ukuhamba ezindleleni zakhe zonke, ukulalela imilayo yakhe, ukubambelela kuye lokumsebenzela ngenhliziyo yenu yonke lomphefumulo wenu wonke.”
\p
\v 6 UJoshuwa wasebabusisa wathi kabahambe; yikho basebesiya emizini yabo. 
\v 7 Ingxenye yesizwana sakoManase uMosi wayeyinike ilizwe eBhashani, kwathi eyinye ingxenye yesizwana uJoshuwa wayeyinike indawo lapho okwakwakhele abafowabo eJodani. Kwathi uJoshuwa esethe kabahambe emakhaya, wababusisa 
\v 8 wathi, “Buyelani emakhaya enu lenotho yenu enengi, lilemihlambi emikhulu yezifuyo, lilesiliva, igolide ithusi lensimbi, lamalembu amanengi, beselisabelana labafowenu lokho elakuthumba ezitheni zenu.”
\p
\v 9 Ngakho abakoRubheni, abakoGadi lengxenye yesizwana sakoManase batshiya abako-Israyeli eShilo eseKhenani babuyela eGiliyadi, ilizwe labo, ababelizuze kulandela umlayo \nd kaThixo\nd* awethula ngoMosi.
\p
\v 10 Bathi sebefike eGelithothi eduzane leJodani elizweni leKhenani, abakoRubheni, abakoGadi lengxenye yesizwana sakoManase bakha i-alithari elikhulu eduzane leJodani. 
\v 11 Kwathi abako-Israyeli sebezwe ukuthi sebakhe i-alithari emngceleni weKhenani eGelithothi duzane leJodani eceleni lako-Israyeli, 
\v 12 umphakathi wonke wako-Israyeli wabuthana eShilo ukulungiselela ukulwa labo empini.
\p
\v 13 Ngakho abako-Israyeli bathuma uFinehasi indodana ka-Eliyazari, umphristi elizweni leGiliyadi kuRubheni, uGadi lengxenye yesizwana sakoManase. 
\v 14 Waphelekezelwa zinduna ezilitshumi, inye ngayinye ivela phakathi kwezizwe zonke zako-Israyeli njalo iyinhloko yesigaba semuli yensendo zako-Israyeli.
\p
\v 15 Ekuyeni kwabo eGiliyadi, kuRubheni loGadi lengxenye yesizwana sakoManase bathi kubo: 
\v 16 “Umphakathi wonke \nd kaThixo\nd* uthi: ‘Kungani lisuke langathembeki kuNkulunkulu wako-Israyeli ngale indlela? Kungani lilahle uNkulunkulu lizakhela i-alithari njengokumhlamukela khathesi. 
\v 17 Kambe ukona kukaPheyori kakwanelanga kithi na? Kuze kube lamhla kasikazihlambululi esonweni leso, lanxa umkhuhlane wake wahlasela isizwe \nd sikaThixo\nd*! 
\v 18 Selibalekela \nd uThixo\nd* na?
\p Nxa lingahlamukela \nd uThixo\nd* lamhla, kusasa uzazondela isizwe sonke sako-Israyeli: 
\v 19 Nxa umhlaba elilawo ungcolisiwe wozani emhlabeni \nd kaThixo\nd* lapho ithabanikeli \nd likaThixo\nd* elimi khona beselisabelana umhlaba lathi. Kodwa lingahlamukeli \nd uThixo\nd* kumbe thina ngokuzakhela i-alithari lenu, ngaphandle kwe-alithari \nd likaThixo\nd* uNkulunkulu wethu. 
\v 20 Lapho u-Akhani indodana kaZera aze angathembeki ezintweni ezingcwelisiweyo, isijeziso kasehlelanga isizwe sonke sako-Israyeli yini? Kayisuye yedwa owafela isono sakhe.’ ”
\p
\v 21 Ngakho uRubheni, uGadi lengxenye yesizwe sakoManase baphendula abakhokheli bezinsendo zako-Israyeli bathi: 
\v 22 “USomandla, uNkulunkulu \nd uThixo\nd*! USomandla uNkulunkulu \nd uThixo\nd*! Uyazi! Njalo u-Israyeli kabe lolwazi! Nxa lokhu bekuyikuhlamukela kumbe ukuqholozela \nd uThixo\nd*, lingasisindisi lamhlanje. 
\v 23 Nxa sazakhela i-alithari lethu ukwenzela ukubalekela \nd uThixo\nd* lokunikela ngeminikelo yokutshiswa leminikelo yamabele, kumbe ukunikela ngeminikelo yokuthula kulo, \nd uThixo\nd* ngokwakhe kasijezise.
\p
\v 24 Hatshi! Sakwenza sisesaba ukuthi kwelinye ilanga izizukulwane zenu zingathi kwezethu, ‘Lilani \nd loThixo\nd*, uNkulunkulu wako-Israyeli? 
\v 25 \nd UThixo\nd* sewenza iJodani ibe ngumngcele phakathi kwethu lani lina maRubheni lamaGadi! Kalilasabelo \nd kuThixo\nd*.’ Ngakho izizukulwane zenu zingenza ukuthi ezethu ziyekele ukwesaba \nd uThixo\nd*.
\p
\v 26 Yikho sathi, ‘Kasilungiseni sakhe i-alithari, kodwa hatshi eleminikelo yokutshiswa kumbe imihlatshelo.’ 
\v 27 Ngeyinye indlela, kuzakuba yibufakazi phakathi kwethu lani lezizukulwane ezizalandela, ukuthi sizekhonza \nd uThixo\nd* endlini yakhe engcwele ngeminikelo yokutshiswa, iminikelo yethu kanye leyokuthula. Ngakho kwelakusasa izizukulwane zenu kazisoze zithi kwezethu, ‘Kalilasabelo \nd kuThixo\nd*.’
\p
\v 28 Njalo sathi, ‘Bangavele batsho lokhu kithi kumbe kuzizukulwane zethu, sizaphendula sithi: Khangelani emfanekisweni we-alithari \nd likaThixo\nd*, elakhiwa ngobaba, hatshi eleminikelo yokutshiswa lemihlatshelo, kodwa njengobufakazi phakathi kwethu lani.’
\p
\v 29 Kukhatshana kithi ukuthi sihlamukele \nd uThixo\nd* simfulathele lamhla ngokwakha i-alithari leminikelo yokutshiswa, iminikelo yamabele lemihlatshelo, ngaphandle kwe-alithari \nd likaThixo\nd* uNkulunkulu wethu elimi phambi kwethabanikeli lakhe.”
\p
\v 30 Kwathi uFinehasi umphristi labakhokheli besizwe, abakhokheli bezinsendo zako-Israyeli, sebezwe okwakutshiwo nguRubheni, uGadi loManase bathokoza. 
\v 31 UFinehasi indodana ka-Eliyazari, umphristi, wathi kuRubheni, uGadi loManase, “Lamhla siyazi ukuthi \nd uThixo\nd* ulathi, ngenxa yokuthi kalizange liyekele ukwethembeka phambi \nd kukaThixo\nd* kuloludaba. Khathesi selihlenge abako-Israyeli esandleni \nd sikaThixo\nd*.”
\p
\v 32 UFinehasi indodana ka-Eliyazari, umphristi, labakhokheli babuyela eKhenani bevela emhlanganweni wabo labakoRubheni labakoGadi eGiliyadi basebebika kwabako-Israyeli. 
\v 33 Bathokoza ukuzwa umbiko basebedumisa uNkulunkulu. Kabasakhulumanga njalo ngokuya empini yokubalwisa ukwenzela ukutshabalalisa ilizwe lapho abakoRubheni labakoGadi ababehlala khona.
\p
\v 34 Njalo abakoRubheni labakoGadi banika i-alithari lelibizo: UBufakazi Phakathi Kwethu ukuthi \nd uThixo\nd* unguNkulunkulu.
\c 23
\s1 UJoshuwa Uvalelisa Abakhokheli
\p
\v 1 Ngemva kwesikhathi eside njalo \nd uThixo\nd* esephumuze abako-Israyeli kuzozonke izitha zabo ezazibagombolozele, uJoshuwa ngalesosikhathi esekhulile eseleminyaka eminengi, 
\v 2 wabiza bonke abako-Israyeli, abadala babo, abakhokheli babo, abahluleli babo leziphathamandla zabo wathi kubo: “Sengimdala njalo sengiluphele kakhulu. 
\v 3 Lina ngokwenu selikubonile konke lokho \nd uThixo\nd* uNkulunkulu wenu akwenzileyo kuzozonke lezi izizwe esenzela lina; \nd nguThixo\nd* uNkulunkulu wenu owalilwelayo. 
\v 4 Khumbulani ukuthi ngalabela njani ukuba kube yilifa lenu lezizwana zenu wonke umhlaba wezizwe ezasalayo, izizwe engazinqobayo, phakathi kweJodani loLwandle Olukhulu entshonalanga. 
\v 5 \nd UThixo\nd* uNkulunkulu wenu ngokwakhe uzabaxotsha endleleni yenu. Uzabasusa lina lingakafiki, njalo lina lizathatha umhlaba wabo, njengokuthembisa \nd kukaThixo\nd* uNkulunkulu.
\p
\v 6 Qinani kakhulu; linanzelele ukuthi lilalela konke okulotshwe eGwalweni lwemiThetho kaMosi, lingaphambukelanga kwesokudla kumbe esenxele. 
\v 7 Lingaze lazisondeza ezizweni lezi eziphakathi kwenu; lingaze labiza amagama abonkulunkulu bazo kumbe lifunge ngabo. Akumelanga ukuthi libasebenzele lokubakhothamela. 
\v 8 Kodwa kumele libambelele \nd kuThixo\nd* uNkulunkulu wenu njengalokhu eselikwenze kwaze kwaba khathesi.
\p
\v 9 \nd UThixo\nd* usezixotshile phambi kwenu izizwe ezilamandla; kuze kube lamhla kakho owenelisa ukumelana lani. 
\v 10 Oyedwa wenu uyenelisa ukwehlula abantu abayinkulungwane eyodwa ngenxa yokuthi \nd uThixo\nd* uNkulunkulu wenu uyalilwela njengokuthembisa kwakhe. 
\v 11 Ngakho-ke nanzelelani ukuthi liyamthanda \nd uThixo\nd* uNkulunkulu wenu.
\p
\v 12 Kodwa lingabaleka beselisiba lobungane lalabo abasindileyo phakathi kwezizwe lezi ezizasala phakathi kwenu njalo lingavumelana lokuthathana lokudlelana lazo, 
\v 13 lapho lingaba leqiniso lokuthi \nd uThixo\nd* uNkulunkulu wenu kasoze azixotshe izizwe phambi kwenu. Kodwa-ke zizakuba yimijibila lezithiyo kini, zizakuba yiziswebhu emihlane yenu lameva emehlweni enu, lize libhujiswe elizweni leli elihle \nd uThixo\nd* uNkulunkulu wenu alinika lona.
\p
\v 14 Khathesi sengizahamba ngendlela yomhlaba wonke. Liyazi ngezinhliziyo zenu lemiphefumulo ukuthi kasikho isithembiso lasinye esihle phakathi kwalezo elazinikwa \nd nguThixo\nd* uNkulunkulu wenu esehlulekayo. Zonke izithembiso sezagcwaliswa; kasikho lesisodwa esehlulekayo. 
\v 15 Kodwa njengoba zonke izithembiso ezinhle \nd zikaThixo\nd* uNkulunkulu wenu seziphumelele, kunjalo \nd uThixo\nd* uzalilethela bonke ububi alethusela ngabo, aze alibhubhise elizweni leli elihle alinike lona. 
\v 16 Lingephula isivumelwano \nd sikaThixo\nd* uNkulunkulu wenu, owalilayayo ngaso liyokhonza abanye onkulunkulu libakhothamele, ulaka \nd lukaThixo\nd* luzavutha kini, njalo lizabhubha ngokuphangisa elizweni elihle alinike lona.”
\c 24
\s1 Ukuvuselelwa Kwesivumelwano EShekhemu
\p
\v 1 Ngakho uJoshuwa wabuthanisa zonke izizwana zako-Israyeli eShekhemu. Wamema bonke abadala, abakhokheli, abahluleli leziphathamandla zako-Israyeli, njalo bazethula phambi kukaNkulunkulu.
\p
\v 2 UJoshuwa wathi ebantwini bonke, “\nd UThixo\nd*, uNkulunkulu wako-Israyeli uthi: ‘Kudala okhokho benu, okugoqela uThera uyise ka-Abhrahama loNahori, babehlala ngaphetsheya koMfula njalo bekhonza abanye onkulunkulu. 
\v 3 Kodwa ngathatha uyihlo u-Abhrahama elizweni elingaphetsheya koMfula ngamkhokhelela eKhenani ngamnika izizukulwane ezinengi. Ngamnika u-Isaka, 
\v 4 njalo u-Isaka ngamnika uJakhobe lo-Esawu. Nganika ilizwe lonke elilamaqaqa eleSeyiri ku-Esawu, kodwa uJakhobe lamadodana akhe baya eGibhithe.
\p
\v 5 Ngasengithuma uMosi lo-Aroni, njalo ngajezisa amaGibhithe ngalokho engakwenza khonale ngasengilikhupha khona. 
\v 6 Ekukhupheni kwami okhokho benu eGibhithe, beza olwandle njalo amaGibhithe axotshana labo ngezinqola lamabhiza baze bayafika eLwandle Olubomvu. 
\v 7 Kodwa bakhala \nd kuThixo\nd* befuna uncedo yena waseletha umnyama phakathi kwenu lamaGibhithe; waletha ulwandle phezu kwabo wabembesa ngalo. Lazibonela ngamehlo enu lokho engakwenza kumaGibhithe. Laselihlala enkangala okwesikhathi eside.
\p
\v 8 Ngaliletha elizweni lama-Amori ayehlala empumalanga yeJodani. Balwisana lani, kodwa mina ngabanikela ezandleni zenu. Ngababhubhisa phambi kwenu njalo laselithatha ilizwe labo. 
\v 9 Lapho uBhalaki indodana kaZiphori inkosi yaseMowabi, alungiselela ukulwisana lo-Israyeli, wathumela uBhalamu indodana kaBheyori ukuthi aliqalekise. 
\v 10 Kodwa ngala ukulalela uBhalamu, ngakho walibusisa njalonjalo mina ngasengilihlenga esandleni sakhe.
\p
\v 11 Laselichapha uJodani leza eJerikho. Izakhamizi zeJerikho zalwisana lani njengalokho okwenziwa ngama-Amori, amaPherizi, amaKhenani, amaHithi, amaGigashi, amaHivi lamaJebusi, kodwa ngabanikela ezandleni zenu. 
\v 12 Ngathumela olonyovu phambi kwenu, olwabaxotsha phambi kwenu kanye lamakhosi amabili ama-Amori. Kalizange likwenze ngenkemba yenu langedandili lenu. 
\v 13 Ngakho ngalinika ilizwe elingazanga liliginqele lamadolobho elingazange liwakhe; njalo lihlala phakathi kwawo njalo lisidla ezivinini zama-oliva elingazihlanyelanga.’
\p
\v 14 Ngakho mesabeni \nd uThixo\nd* limkhonze ngokuthembeka konke. Lahlani onkulunkulu ababekhonzwa ngokhokho benu ngaphetsheya koMfula laseGibhithe, likhonze \nd uThixo\nd*. 
\v 15 Kodwa nxa ukukhonza \nd uThixo\nd* kukhanya kungathandeki kini, khethani phakathi kwenu namhlanje lowo elizamkhonza, kumbe ngonkulunkulu okhokho benu ababebakhonza ngaphetsheya koMfula kumbe onkulunkulu bama-Amori, lawo elihlala elizweni lawo. Kodwa mina lendlu yami sizakhonza \nd uThixo\nd*.”
\p
\v 16 Abantu basebephendula besithi, “Akube khatshana lathi ukuthi silahle \nd uThixo\nd* ukuze sikhonze abanye onkulunkulu! 
\v 17 \nd KwakunguThixo\nd* uNkulunkulu wethu ngokwakhe owasikhuphayo thina kanye labobaba eGibhithe sisuka elizweni lobugqili, wasesenza izimanga ezinkulu emehlweni ethu. Wasivikela kulolonke uhambo lwethu lakuzo zonke izizwe. 
\v 18 Njalo \nd uThixo\nd* wazixotsha phambi kwethu zonke izizwe, okugoqela ama-Amori ayehlala elizweni. Lathi sizamkhonza \nd uThixo\nd* ngoba unguNkulunkulu wethu.”
\p
\v 19 UJoshuwa wathi ebantwini, “Kalenelisi ukumkhonza \nd uThixo\nd*. UnguNkulunkulu ongcwele; unguNkulunkulu olobukhwele. Kasoze alixolele ekuhlamukeni kwenu lezonweni zenu. 
\v 20 Nxa lingatshiya \nd uThixo\nd* beselikhonza abanye onkulunkulu bezizweni uzaliphendukela alehlisele umonakalo aliqede du, yena ubelungile.”
\p
\v 21 Kodwa abantu bathi kuJoshuwa, “Hatshi! Sizamkhonza \nd uThixo\nd*.”
\p
\v 22 UJoshuwa wathi, “Yini elizifakazelayo ukuthi selikhethe ukukhonza \nd uThixo\nd*.
\p ” Baphendula bathi, “Yebo singofakazi.”
\p
\v 23 UJoshuwa wathi kubo, “Ngakho-ke lahlani bonke onkulunkulu bezizweni abaphakathi kwenu beselinikela inhliziyo zenu \nd kuThixo\nd*, uNkulunkulu wako-Israyeli.”
\p
\v 24 Abantu bathi kuJoshuwa, “Sizamkhonza \nd uThixo\nd* uNkulunkulu wethu simlalele.”
\p
\v 25 Ngalelolanga uJoshuwa wenzela abantu isivumelwano, njalo wabenzela imithetho lemilayo khonapho eShekhemu. 
\v 26 UJoshuwa waloba konke lokhu oGwalweni lwemiThetho kaNkulunkulu. Wasethatha ilitshe elikhulu walimisa phansi kwesihlahla somʼOkhi eduzane lendawo engcwele \nd kaThixo\nd*.
\p
\v 27 Wathi ebantwini bonke, “Khangelani! Ilitshe leli lizakuba yibufakazi kithi sonke. Selizwile wonke amazwi akhulunywe \nd nguThixo\nd* kithi. Lizakuba ngofakazi wokulilahla nxa lingakhulumi iqiniso kuNkulunkulu.”
\p
\v 28 UJoshuwa wasetshela abantu ukuba bahambe, yilowo esiya elifeni lakhe.
\s1 Ungcwatshelwa Elizweni Lesithembiso
\p
\v 29 Ngemva kwezinto lezi, uJoshuwa indodana kaNuni, inceku \nd kaThixo\nd* wafa eseleminyaka elikhulu letshumi. 
\v 30 Njalo bamngcwaba elizweni alizuza njengelifa, eThimnathi-Sera elizweni elilamaqaqa elako-Efrayimi enyakatho yentaba yeGashi.
\p
\v 31 Abako-Israyeli bamkhonza \nd uThixo\nd* ngezinsuku zokuphila kukaJoshuwa labadala kulaye ababesele bephila njalo bebone zonke izinto \nd uThixo\nd* ayezenzele abako-Israyeli.
\p
\v 32 Njalo amathambo kaJosefa, abako-Israyeli ababesuke lawo eGibhithe, angcwatshelwa eShekhemu esiqintini somhlaba leso uJakhobe asithenga ngenhlamvu ezilikhulu zesiliva emadodaneni kaHamori, uyise kaShekhemu. Leli laba yilifa lezizukulwane zikaJosefa.
\p
\v 33 U-Eliyazari indodana ka-Aroni wafa wasengcwatshelwa eGibhiya, eyayabelwe indodana yakhe uFinehasi elizweni lamaqaqa elako-Efrayimi.