\id JOB - Biblica® Open Ndebele Contemporary Bible
\ide UTF-8
\h UJobe
\toc1 UJobe
\toc2 UJobe
\toc3 Job
\mt1 UJobe
\c 1
\s1 Isingeniso
\p
\v 1 Elizweni lase-Uzi kwakuhlala indoda eyayithiwa nguJobe. Indoda le yayingelasici, iqotho; yayimesaba uNkulunkulu njalo ikuxwaya okubi. 
\v 2 Yayilamadodana ayisikhombisa lamadodakazi amathathu, 
\v 3 ilezimvu eziyizinkulungwane eziyisikhombisa, amakamela azinkulungwane ezintathu, izipani zenkabi ezingamakhulu amahlanu labobabhemi abangamakhulu amahlanu, njalo ilezisebenzi ezinengi. Yayinothile kulabo bonke abantu beMpumalanga.
\p
\v 4 Amadodana akhe ayesenza amazopha okwenza amadili okuthakazelela amalanga okuzalwa kwawo ezindlini zawo, anxuse odadewabo bobathathu ukuzakudla anathe labo. 
\v 5 Kwakusithi mhla idili liphela, uJobe wayewabiza azowahlambulula. Ekuseni kakhulu wayesenza umnikelo wokutshiswa wamunye ngamunye esithi, “Mhlawumbe abantwabami benzile isono bathuka uNkulunkulu ezinhliziyweni zabo.” Lo waba ngumkhuba wakhe uJobe.
\s1 Ukulingwa Kokuqala KukaJobe
\p
\v 6 Ngelinye ilanga izingilosi zeza ukuzezethula phambi \nd kukaThixo\nd*, loSathane weza lazo. 
\v 7 \nd UThixo\nd* wathi kuSathane, “Uvela ngaphi?”
\p USathane wamphendula \nd uThixo\nd* wathi, “Ngivela ekuzulazuleni emhlabeni, ngihambahamba ngisiya le lale.”
\p
\v 8 \nd UThixo\nd* wasesithi kuSathane, “Usuke wayinanzelela yini inceku yami uJobe? Kakho emhlabeni onjengaye; kalasici, uqondile, indoda emesabayo uNkulunkulu, exwaya okubi.”
\p
\v 9 USathane waphendula wathi, “Kambe uJobe umesaba kungelasizatho na uNkulunkulu? 
\v 10 Kawumbiyelanga ngothango yini yena lendlu yakhe, kanye lakho konke alakho? Uwubusisile umsebenzi wezandla zakhe kuze kuthi imihlambi yakhe yezimvu leyenkomo igcwale ilizwe lonke. 
\v 11 Kodwa ake welule isandla sakho uchithe konke alakho, uzabona uzakuthuka ebusweni bakho.”
\p
\v 12 \nd UThixo\nd* wathi kuSathane, “Kulungile, konke alakho kusezandleni zakho, kodwa yena ngokwakhe ungamthinti.”
\p USathane wasesuka phambi \nd kukaThixo\nd*.
\p
\v 13 Ngelinye ilanga amadodana kaJobe lamadodakazi akhe ayezitika ngokudla, enatha iwayini endlini yomnewabo omdala, 
\v 14 isithunywa safika kuJobe sathi, “Inkabi bezilima labobabhemi besidla eduze khonapho, 
\v 15 kwafika amaSabhini ahlasela aqhuba konke ahamba. Izisebenzi azicakazile ngenkemba kwasala mina ngedwa engisindileyo ukuzakubikela!”
\p
\v 16 Sisakhuluma esinye isithunywa safika sathi, “Umlilo kaNkulunkulu wehle uvela ezulwini wazitshisa izimvu lezisebenzi, kusele mina ngedwa engisindileyo ukuzakubikela!”
\p
\v 17 Elokhu esakhuluma kwafika esinye isithunywa sathi, “AmaKhaladiya abe ngamaqembu amathathu ehlela emakameleni akho awaqhuba ahamba lawo. Izisebenzi azicakazile ngenkemba kwasila mina ngedwa ukuzakubikela!”
\p
\v 18 Elokhu esakhuluma kwafika njalo esinye isithunywa sathi, “Amadodana lamadodakazi akho abesidla edilini enatha iwayini endlini yomnewabo omdala, 
\v 19 kwathi masinyane vungu isavunguzane siqhamuka enkangala saphekula amagumbi womane endlu. Yathi mbo phezu kwabo bahle bafa, kwasila mina ngedwa ukuzakubikela!”
\p
\v 20 Ekuzwa lokho uJobe wasukuma wadabula isembatho sakhe, waphuca ikhanda lakhe. Wazilahla phansi wakhonza 
\v 21 wathi:
\q1 “Ngaphuma ngize esiswini sikamama,
\q2 njalo ngizasuka ngize.
\q1 \nd UThixo\nd* wapha njalo usethethe;
\q2 kalidunyiswe ibizo \nd likaThixo\nd*.”
\p
\v 22 Phakathi kwakho konke lokhu uJobe kazange enze isono ngokubeka umlandu wokuthi athi uNkulunkulu wonile.
\b
\c 2
\s1 Ukulingwa Kwesibili KukaJobe
\p
\v 1 Kwelinye ilanga njalo izingilosi zeza phambi \nd kukaThixo\nd*, loSathane laye weza lazo ukuzezethula kuye. 
\v 2 \nd UThixo\nd* wasesithi kuSathane, “Uvela ngaphi?”
\p USathane wamphendula wathi, “Ngivela ekuzulazuleni emhlabeni, ngihambahamba ngisiya le lale kuwo.”
\p
\v 3 \nd UThixo\nd* wasesithi kuSathane, “Usuke wayinanzelela yini inceku yami uJobe? Kakho emhlabeni onjengaye; kalasici, uqondile, indoda emesabayo uNkulunkulu, exwaya okubi. Ulokhu emi kubo ubuqotho bakhe lanxa wangiphoqa ukuthi ngimdilize kungelasizatho.”
\p
\v 4 USathane waphendula wathi, “Isikhumba ngesikhumba! Umuntu anganikela loba yini alayo ukusiza impilo yakhe. 
\v 5 Kodwa yelula isandla sakho umtshaye inyama lamathambo akhe, uzabona uzakuthuka ebusweni bakho.”
\p
\v 6 \nd UThixo\nd* wathi kuSathane, “Kulungile, usezandleni zakho, kodwa ungayithinti impilo yakhe.”
\p
\v 7 Ngakho uSathane wasesuka phambi \nd kukaThixo\nd* wathela uJobe izilonda ezibuhlungu kusukela ngaphansi kwezinyawo zakhe kusiyafika esicholo sekhanda lakhe. 
\v 8 UJobe wasethatha ucezu lodengezi wazihwaya ngalo ehlezi esilotheni.
\p
\v 9 Umkakhe wathi kuye, “Ulokhu ubambelele kubo ubuqotho bakho na? Mthuke uNkulunkulu uzifele!”
\p
\v 10 Wamphendula wathi, “Ukhuluma njengomfazi oyisiwula. Sizakwamukela okuhle kuNkulunkulu singalwamukeli uhlupho na?”
\p Kukho konke lokhu uJobe kenzanga isono ngakutshoyo.
\s1 Abangane BakaJobe Abathathu
\p
\v 11 Kwathi abangane bakaJobe abathathu, u-Elifazi umThemani, uBhilidadi umShuhi loZofari umNahama sebezwile ngazozonke inhlupho ezazimwele, basuka emakhaya abo bahlangana bavumelana ukuthi bahambe bayomqinisa njalo bamduduze. 
\v 12 Bathi bembona besesebucwala kabaze bamazi; baqhinqa isililo, badabula izembatho zabo, bathela uthuli emakhanda abo. 
\v 13 Basebehlala phansi laye okwensuku eziyisikhombisa lobusuku obuyisikhombisa. Kakho kubo owatsho ulutho kuye ngoba babona ubuhlungu obukhulu ayephakathi kwabo.
\c 3
\s1 Inkulumo KaJobe
\p
\v 1 Ngemva kwalokho uJobe wavula umlomo wakhe waliqalekisa ilanga azalwa ngalo. 
\v 2 Wathi:
\q1
\v 3 “Sengathi ilanga lokuzalwa kwami lingatshabalala,
\q2 lalobobusuku okwathiwa, ‘Kuzelwe umfana!’
\q1
\v 4 Lolosuku sengathi lungaphenduka ubumnyama;
\q2 sengathi uNkulunkulu ophezulu angangalunanzi;
\q2 lokukhanya kucime ngalo.
\q1
\v 5 Sengathi ubumnyama lethunzi elikhulu kungaluginya njalo;
\q2 sengathi iyezi lingalusibekela;
\q2 sengathi umnyama ungalugubuzela.
\q1
\v 6 Lobobusuku, sengathi ubumnyama bungabuthi jwamu;
\q2 sengathi bungayekelwa ukubalwa kanye lezinsuku zomnyaka
\q2 futhi bungangeniswa lakuyiphi inyanga.
\q1
\v 7 Sengathi lobobusuku bungaba yinyumba;
\q2 sengathi kungeze kwezwakala umsindo wentokozo ngalo.
\q1
\v 8 Sengathi labo abaqalekisa insuku bangaluqalekisa lolosuku,
\q2 labo abazimisele ukuhlokoza uLeviyathani.
\q1
\v 9 Sengathi izinkanyezi zalo zokusa zingafiphala;
\q2 lulindele imini kube yize
\q2 lungayiboni imisebe yokuqala yokusa,
\q1
\v 10 ngoba kaluyivalanga iminyango yesibeletho ngisiza
\q2 ukufihla uhlupho emehlweni ami.
\b
\q1
\v 11 Kungani ngingafanga ngizalwa,
\q2 ngahle ngacitsha ngisaphuma esiswini na?
\q1
\v 12 Kungani kwaba lamadolo okungemukela
\q2 lamabele okungimunyisa na?
\q1
\v 13 Ngoba manje ngabe ngilele ekuthuleni;
\q2 ngabe ngisebuthongweni ekuphumuleni
\q1
\v 14 kanye lamakhosi lababusi bomhlaba,
\q2 ababezakhele izindawo okwamanje sezingamanxiwa,
\q1
\v 15 kanye lamakhosana ayelegolide,
\q2 egcwalise izindlu zawo ngesiliva.
\q1
\v 16 Kumbe kungani ngingathukuzwanga emhlabathini njengomphunzo na,
\q2 njengosane oluvele lungazange lubone ukukhanya kosuku?
\q1
\v 17 Khonale ababi kabasaxokozeli,
\q2 njalo khonale abakhatheleyo basekuphumuleni.
\q1
\v 18 Abathunjiweyo labo bazuza ukukhululeka;
\q2 kabasakuzwa ukuhaladwa ngumtshayeli wabathunjiweyo.
\q1
\v 19 Abantukazana lezikhulu bakhonale,
\q2 lesigqili siyakhululwa enkosini yaso.
\b
\q1
\v 20 Kungani ukukhanya kuphiwa labo abasosizini na,
\q2 lokuphila kulabo abalobuhlungu emphefumulweni,
\q1
\v 21 kulabo abakhalela ukufa okungafikiyo,
\q2 abakuthungathayo ukwedlula ingcebo efihliweyo,
\q1
\v 22 abaphuphuma ngenjabulo
\q2 bathokoza nxa sebefika engcwabeni?
\q1
\v 23 Kungani impilo iphiwa umuntu
\q2 ondlela yakhe ifihliwe,
\q2 uNkulunkulu amhonqolozeleyo na?
\q1
\v 24 Ngoba ukububula sokuphenduke ukudla kwami kwansukuzonke;
\q2 ukugomela kwami kuthululeka njengamanzi.
\q1
\v 25 Ebengikwesaba sekungehlele,
\q2 obekungitshayisa ngovalo sekwenzakele kimi.
\q1
\v 26 Kangilakho ukuchelesa, kangilakho ukuthula;
\q2 kangilakuphumula, kodwa ukuhlupheka kuphela.”
\c 4
\s1 Impendulo Ka-Elifazi
\p
\v 1 Wasephendula u-Elifazi umThemani wathi:
\q1
\v 2 “Nxa umuntu angaphosa ilizwi nje kuwe uzacunuka na?
\q2 Kodwa ngubani ongathula angakhulumi na?
\q1
\v 3 Khumbula ukuthi sewabafundisa njani abanengi,
\q2 ukuthi ubaqinise njani abalezandla ezibuthakathaka.
\q1
\v 4 Amazwi akho abasekele labo abakhubekayo;
\q2 uwaqinisile amadolo axegayo.
\q1
\v 5 Kodwa manje uhlupho luze kuwe, usuphela amandla;
\q2 lukutshaya ubusudela ithemba.
\q1
\v 6 Kungani ukukholwa kwakho kungabi yiso isibindi sakho na
\q2 lezindlela zakho ezimsulwa zibe lithemba lakho na?
\b
\q1
\v 7 Khumbula manje: Ngubani owathi engelacala wabhubha na?
\q2 Kungaphi lapho abaqotho abake babhujiswa khona na?
\q1
\v 8 Ngokubona kwami labo abalima okubi
\q2 lalabo abahlanyela ububi bavuna bona.
\q1
\v 9 Ngokuphefumula kukaNkulunkulu bayabhubha;
\q2 ngokukhwaza kolaka lwakhe bayafa.
\q1
\v 10 Izilwane zingabhonga zihwabhe,
\q2 kodwa amazinyo ezilwane ezinkulu ayephuka.
\q1
\v 11 Isilwane siyafa ngokuswela ukudla
\q2 besekuthi imidlwane yesilwanekazi ihlakazeke.
\b
\q1
\v 12 Kulethwe ilizwi kimi ngasese,
\q2 indlebe zami zilizwile linyenyezwa.
\q1
\v 13 Phakathi kwamaphupho adungayo ebusuku,
\q2 lapho abantu belele obukabhuka,
\q1
\v 14 ukwesaba lokuthuthumela kwangifikela
\q2 kwenza wonke amathambo ami aqhaqhazela.
\q1
\v 15 Kwathi tshazi umoya emehlweni ami,
\q2 wahlasimula umzimba wami lenwele zami zema.
\q1
\v 16 Umoya lowo wema,
\q2 kodwa kangikwazanga ukuthi kuyini.
\q1 Kwakumi into phambi kwamehlo ami,
\q2 ngasengisizwa ilizwi elihelezayo:
\q1
\v 17 ‘Kambe umuntu angalunga ukwedlula uNkulunkulu na?
\q2 Umuntu angahlanzeka kuloMenzi wakhe na?
\q1
\v 18 Nxa uNkulunkulu engazethembi izinceku zakhe,
\q2 nxa ebeka izingilosi zakhe umlandu ngokona,
\q1
\v 19 pho-ke kuzakuba njani kulabo abahlala ezindlini zodaka,
\q2 ozisekelo zazo zisothulini,
\q2 abahlifizeka lula njengenondo!
\q1
\v 20 Phakathi kokusa lokuhlwa bayabhidlizwa babe yizicucu;
\q2 bengananzwa langubani, bayabhubha kokuphela.
\q1
\v 21 Izintambo zamatende abo kazidonswa na,
\q2 bafe bengelalwazi?’ ”
\b
\c 5
\s1 U-Elifazi Uqhubeka Ekhuluma
\q1
\v 1 “Memeza nxa uthanda, kodwa ngubani ozakuphendula na?
\q2 Uzaphendukela kuwuphi wabangcwele na?
\q1
\v 2 Ukucaphuka kuyasibulala isiwula
\q2 lomhawu uyamqeda oyisithutha.
\q1
\v 3 Mina ngokwami sengasibona isiwula siphumelela,
\q2 kodwa masinyane nje indlu yaso yayisiqalekisiwe.
\q1
\v 4 Abantwabaso kabavikelekanga lakancinyane,
\q2 baphoselwa entolongweni bengelamvikeli.
\q1
\v 5 Abalambileyo bayazidlela isivuno sakhe,
\q2 besithatha kanye lasemeveni,
\q2 labomileyo bahahabela inotho yakhe.
\q1
\v 6 Ngoba ubunzima kabugobhozi emhlabathini,
\q2 loba uhlupho luhlume phansi.
\q1
\v 7 Kodwa umuntu uzalelwa ukuhlupheka
\q2 njengoba ngeqiniso inhlansi zomlilo ziqhatshela phezulu.
\b
\q1
\v 8 Kodwa aluba ubuyimi, bengizamncenga uNkulunkulu;
\q2 bengizakwethula udubo lwami kuye.
\q1
\v 9 Uyazenza izimanga ezingelakulinganiswa,
\q2 imimangaliso engelakubalwa.
\q1
\v 10 Uyanisa izulu emhlabeni;
\q2 uthumela amanzi elizweni.
\q1
\v 11 Abaphansi uyabakhweza phezulu,
\q2 lalabo abakhalayo ubaphakamisela ekuphepheni.
\q1
\v 12 Uyawafubisa amacebo amaqili,
\q2 ukuze izandla zawo zingaphumeleli.
\q1
\v 13 Uyababamba abahlakaniphileyo ebuqilini babo,
\q2 kuthi amaqhinga eziphoxo achitheke.
\q1
\v 14 Ubumnyama buyabehlela emini;
\q2 phakathi kwemini bayaphumputha kungathi kusebusuku.
\q1
\v 15 Uyabasindisa abaswelayo baphephe inkemba emlonyeni wabo;
\q2 uyabasindisa ekubanjweni ngabalamandla.
\q1
\v 16 Ngakho abayanga balalo ithemba,
\q2 ukwahlulela kubi kuvala owakho umlomo.
\b
\q1
\v 17 Ubusisiwe umuntu oqondiswa nguNkulunkulu;
\q2 ngakho ungaseyisi isijeziso sikaSomandla.
\q1
\v 18 Ngoba uyagwaza, kodwa aphinde abophe amanxeba;
\q2 uyalimaza kodwa izandla zakhe njalo ziyapholisa.
\q1
\v 19 Uzakuhlenga ezinhluphekweni eziyisithupha;
\q2 kweziyisikhombisa kawuyikuwelwa yingozi.
\q1
\v 20 Ngesikhathi sendlala uzakuhlenga ekufeni,
\q2 lasempini akuhlenge ekugaleleni kwenkemba.
\q1
\v 21 Uzavikelwa ekuhletshweni,
\q2 ungaze wesaba nxa kufika incithakalo.
\q1
\v 22 Uzakuhleka ukuchithakala kanye lendlala,
\q2 njalo ungaze wazesaba izilo zomhlaba.
\q1
\v 23 Ngoba uzakuba lesivumelwano lamatshe eganga,
\q2 lezinyamazana zeganga zizahlalisana kuhle lawe.
\q1
\v 24 Uzakwazi ukuthi ithente lakho livikelekile;
\q2 uzahlolisisa impahla yakho uthole kungelalutho olungekho.
\q1
\v 25 Uzakwazi ukuthi abantwabakho bazakuba banengi,
\q2 lesizukulwane sakho sibe ngangotshani bomhlaba.
\q1
\v 26 Uzakuza engcwabeni usukhulile okugcweleyo
\q2 njengezikhwebu zamabele eziqoqwa seziphelele.
\b
\q1
\v 27 Sesikuhlolile lokhu, kuliqiniso.
\q2 Ngakho kuzwisise, ukulandele wena ngokwakho.”
\c 6
\s1 Impendulo KaJobe
\p
\v 1 Wasephendula uJobe wathi:
\q1
\v 2 “Nxa ubuhlungu bami bungalinganiswa
\q2 lokuhlupheka kwami konke kufakwe esikalini!
\q1
\v 3 Ngempela bungasinda ukwedlula itshebetshebe yolwandle,
\q2 akungamangalisi ukuthi amazwi ami abhede kanje.
\q1
\v 4 Imitshoko kaSomandla iphakathi kwami,
\q2 umoya wami unatha itshefu yayo;
\q2 inhlupho zokuhlukuluza zikaNkulunkulu ziqondiswe kimi.
\q1
\v 5 Kambe ubabhemi weganga uyakhala yini utshani bukhona,
\q2 loba inkabi ikhonye yona ukudla ilakho?
\q1
\v 6 Ukudla okuduma kuyadleka na kungelatswayi,
\q2 kumbe okumhlophe kweqanda kuyanambitheka yini?
\q1
\v 7 Ngiyala ukukuthinta;
\q2 ukudla okunjalo kubuyisa inhliziyo yami.
\b
\q1
\v 8 Oh, aluba ngingazuza isicelo sami,
\q2 uNkulunkulu angiphe lokho engikufisayo,
\q1
\v 9 ukuthi uNkulunkulu avume ukungichoboza,
\q2 ekele nje isandla sakhe singiqede!
\q1
\v 10 Lalapho ngizabe ngilokhu ngilale induduzo
\q2 intokozo yami ebuhlungwini obungadediyo,
\q2 ukuthi bengingawaphikanga amazwi akhe oNgcwele.
\b
\q1
\v 11 Ngilamandla bani okuthi ngibe lokhu ngithemba?
\q2 Ngisamelelwe yini ukuba ngibe ngilokhu ngibekezela?
\q1
\v 12 Ngilamandla elitshe yini?
\q2 Inyama yami ilithusi na?
\q1
\v 13 Ngilawo yini amandla okuzisiza,
\q2 manje njengoba sengemukwe impumelelo?
\b
\q1
\v 14 Iloba ngubani ogodla umusa kumkhula wakhe
\q2 udela ukwesaba uSomandla.
\q1
\v 15 Kodwa abafowethu kabathenjwa
\q2 njengemifula egeleza icitsha,
\q2 njengemifula echithayo
\q1
\v 16 ileliqhwa eselincibilika,
\q2 njalo igcwele ngongqwaqwane osencibilikile,
\q1
\v 17 kodwa ikhawule ukugeleza ngesikhathi sokoma,
\q2 kuthi sekutshisa amanzi anyamalale ezindleleni zawo.
\q1
\v 18 Indwendwe zamakamela ziyaphambuka ezindleleni zazo;
\q2 zintule enkangala zifele khona.
\q1
\v 19 Indwendwe zamakamela aseThema zidinga amanzi,
\q2 abathengisi baseShebha balinde bethembile.
\q1
\v 20 Bayadana ngoba bebekade bethembile;
\q2 bayafika khonale bafike badane.
\q1
\v 21 Lani selitshengise ukuthi kalilancedo;
\q2 libona into eyesabekayo beselisesaba.
\q1
\v 22 Sengake ngatsho yini ukuthi, ‘Ake lingihlawulele lokhu,
\q2 ngihlengani ngempahla yenu,
\q1
\v 23 ngikhululani esandleni sesitha,
\q2 ngihlengani ekufithizelweni ngabalesihluku’?
\b
\q1
\v 24 Ngifundisani, ngizathula;
\q2 ake lingitshengise lapho engiphambanise khona.
\q1
\v 25 Abuhlungu kanganani amazwi eqiniso!
\q2 Kodwa ukuphikisa kwenu kutshengisani?
\q1
\v 26 Lizama ukuqondisa engikutshoyo,
\q2 amazwi omuntu oselahlekelwe lithemba liwathethe njengomoya nje na?
\q1
\v 27 Lina lingenza inkatho ngezintandane,
\q2 lithengise lomngane wenu.
\b
\q1
\v 28 Kodwa okwamanje wobani lomusa lingizwele.
\q2 Ngingaqamba amanga phambi kwenu na?
\q1
\v 29 Dedani, lingenzi okungaqondanga;
\q2 khumbulani kutsha, phela ubuqotho bami busengozini.
\q1
\v 30 Kukhona okubi na okusezindebeni zami?
\q2 Kambe umlomo wami kawukwehlukanisi okubi na?”
\b
\c 7
\s1 UJobe Uqhubeka Ekhuluma
\q1
\v 1 “Umuntu kakho ekutshikatshikeni okunzima yini emhlabeni?
\q2 Insuku zakhe kazifani lezomuntu oqhatshiweyo na?
\q1
\v 2 Njengesigqili siloyisa amathunzi okuhlwa,
\q2 lanjengoqhatshiweyo elindele umholo wakhe,
\q1
\v 3 kanjalo ngibekelwe izinyanga ezingelambadalo,
\q2 lobusuku bosizi sebabelwe mina.
\q1
\v 4 Ngithi nxa ngilala ngicabange ngithi, ‘Kuzakusa nini na’?
\q2 Ubusuku buyadonsa ngiqwayize kuze kuse.
\q1
\v 5 Umzimba wami uphihlika impethu lamathuthuva,
\q2 isikhumba sami siyobukile siyabhibhidla.
\b
\q1
\v 6 Insuku zami ziyaphangisa kulosungulo lomaluki,
\q2 zisuka ziphele kungekho ithemba.
\q1
\v 7 Khumbula, Oh Nkulunkulu, ukuthi impilo yami ngumoya nje;
\q2 amehlo ami kawayikufa akubona njalo ukuthokoza.
\q1
\v 8 Ilihlo elingibonayo khathesi alisayikuphinde lingibone futhi;
\q2 lizangidinga, kodwa ngizakuba ngingasekho.
\q1
\v 9 Njengeyezi elinyamalalayo liphele,
\q2 kanjalo lowo ongena engcwabeni kaphenduki.
\q1
\v 10 Kasoze lanini aphinde angene endlini yakhe;
\q2 indawo yakhe kayisayikubuye imazi lanini.
\b
\q1
\v 11 Ngakho-ke kangizukuthula;
\q2 ngizakhuluma ubuhlungu obusemoyeni wami,
\q2 ngizasola ngokudabuka komphefumulo wami.
\q1
\v 12 Ngilulwandle yini, kumbe ngiyisilo semanzini
\q2 okungaze lihlale lingilindile?
\q1
\v 13 Ngithi lapho ngicabanga ukuthi umbheda wami uzangiduduza
\q2 lecansi lami liphungule ukusola kwami,
\q1
\v 14 lakhona lapho liyangethusa ngamaphupho
\q2 njalo lingethusele ngemibono,
\q1
\v 15 okwenza ngiqome ukuklinywa lokufa,
\q2 kulalo umzimba wami.
\q1
\v 16 Ngiyayeyisa impilo yami; kangiloyisi ukuphila okwaphakade.
\q2 Ngiyekelani; insuku zami kazisatsho lutho.
\b
\q1
\v 17 Umuntu uyini ongaze uzihluphe kangaka ngaye,
\q2 ungaze umnake kangaka,
\q1
\v 18 uze umhlole ekuseni insuku zonke
\q2 njalo umlinge imizuzwana yonke na?
\q1
\v 19 Kawusoze uke ukhangele eceleni kwami na,
\q2 loba uke ungixekele okomzuzwana yini?
\q1
\v 20 Aluba ngenze isono, kuyini engikwenzileyo kuwe,
\q2 wena mlindi wabantu?
\q1 Kungani ukhethe ukuhlukuluza mina na?
\q2 Sengingumthwalo kuwe na?
\q1
\v 21 Kungani ungaxoleli iziphambeko zami na,
\q2 uthethelele izono zami?
\q1 Ngoba kakusekhatshana ukuthi ngilale othulini;
\q2 uzangidinga, kanti ngizabe ngingasekho.”
\c 8
\s1 Inkulumo KaBhilidadi
\p
\v 1 UBhilidadi umShuhi wasephendula wathi:
\q1
\v 2 “Koze kube nini ukhuluma izinto ezinjalo?
\q2 Amazwi akho angumoya ophenquzayo.
\q1
\v 3 Kambe uNkulunkulu uyakuhlanekela ukulunga na?
\q2 Kambe uSomandla uyakuhlanekela okuhle na?
\q1
\v 4 Lapho abantwabakho besona kuye,
\q2 wabapha isijeziso sokona kwabo.
\q1
\v 5 Kanti nxa wena uzakhangela kuNkulunkulu
\q2 uncenge kuSomandla,
\q1
\v 6 nxa umsulwa ulungile,
\q2 lamanje nje uzaphakama akusize
\q2 akubuyisele esimeni sakho.
\q1
\v 7 Lapho owaqalisa khona kuzakhanya sekukuncinyane,
\q2 ngoba ngezinsuku ezizayo uzabe usuphumelela kakhulu.
\b
\q1
\v 8 Buza izizukulwane ezingaphambili
\q2 udinge ukuthi okhokho babo bafundani,
\q1
\v 9 ngoba thina sizelwe izolo nje, kasazi lutho,
\q2 lezinsuku zethu emhlabeni zilithunzi kuphela.
\q1
\v 10 Kambe kaziyikukulaya zikutshele na?
\q2 Kaziyikuletha amazwi okuzwisisa na?
\q1
\v 11 Konje imihlanga ingakhula ibe mide ingekho exhaphozini na?
\q2 Imizi ingaphila kungelamanzi na?
\q1
\v 12 Nxa leyonqodi isakhula ingakaqunywa
\q2 imane ibune masinyane kulotshani.
\q1
\v 13 Sinjalo isiphetho sabo bonke abakhohlwa uNkulunkulu;
\q2 litshabalala kanjalo ithemba lalowo ongakholwayo.
\q1
\v 14 Lokho akuthembayo kufohlozeka lula;
\q2 lokho eyeme kukho yibulembu besayobe.
\q1
\v 15 Uyeyama kulobubulembu bakhe, kodwa bubhidlike;
\q2 uyabambelela kubo, kodwa bukhithike.
\q1
\v 16 Unjengesihlahla esithelelwa kakhulu sikhula elangeni,
\q2 esisabalalisa ingatsha zaso esivandeni;
\q1
\v 17 sinxibanise impande zaso enqunjini yamatshe,
\q2 sizama ukuzuza ukugxila kuhle ematsheni.
\q1
\v 18 Kodwa singasitshulwa kuleyondawo,
\q2 leyondawo isisilandula ithi, ‘Angikaze ngikubone.’
\q1
\v 19 Ngeqiniso impilo yaso iyabuna,
\q2 ezinye izihlahla zibe zilokhu zikhula emhlabathini lowo.
\b
\q1
\v 20 Ngeqiniso uNkulunkulu kamlahli umuntu ongelasici
\q2 futhi kaqinisi izandla zezigangi.
\q1
\v 21 Usazogcwalisa umlomo wakho ngohleko
\q2 lezindebe zakho ngokumemeza ngentokozo.
\q1
\v 22 Izitha zakho zizakwembathiswa ngehlazo,
\q2 lamathente ababi azatshabalala.”
\c 9
\s1 Impendulo KaJobe
\p
\v 1 Wasephendula uJobe wathi:
\q1
\v 2 “Ngeqiniso ngiyazi ukuthi lokhu kuliqiniso.
\q2 Kodwa umuntu wenyama angalunga yini kuNkulunkulu?
\q1
\v 3 Loba umuntu ubengafisa ukuphikisana laye
\q2 ngeke amphendule lakanye emibuzweni eyinkulungwane.
\q1
\v 4 Ukuhlakanipha kwakhe kujulile, amandla akhe makhulu.
\q2 Ngubani kambe oke wamelana laye wasinda?
\q1
\v 5 Uyazidudula izintaba zona zingazi lutho,
\q2 azigenqule nxa esezondile.
\q1
\v 6 Uyawunyikinya umhlaba endaweni yawo,
\q2 axukuxe izinsika zawo.
\q1
\v 7 Uyalitshela ilanga ukuba lingakhanyi;
\q2 asibekele ukukhanya kwezinkanyezi.
\q1
\v 8 Nguye kuphela owelula amazulu,
\q2 ohamba phezu kwamagagasi olwandle.
\q1
\v 9 UnguMenzi wezinkanyezi iNgulube leZinja,
\q2 iSilimela lomthala waseningizimu.
\q1
\v 10 Wenza imimangaliso engafinyelelekiyo,
\q2 izimanga ezingelakubalwa.
\q1
\v 11 Uthi nxa esedlula kimi, ngingamboni;
\q2 ahambe khonapho ngingezwa lutho.
\q1
\v 12 Nxa ehluthuna, ngubani ongamalela?
\q2 Ngubani ongathi kuye, ‘Wenzani wena?’
\q1
\v 13 UNkulunkulu kalunqandi ulaka lwakhe;
\q2 labasekeli bakaRahabi besaba bawela ezinyaweni zakhe.
\b
\q1
\v 14 Pho mina ngingaphikisana laye njani?
\q2 Ngingawathatha ngaphi amazwi okujijana laye?
\q1
\v 15 Laloba ngingelamlandu, ngeke ngimphendule;
\q2 ngingancenga uMahluleli wami kuphela ukuthi angihawukele.
\q1
\v 16 Lanxa bengingambiza asabele,
\q2 angikholwa ukuthi ubengangilalela.
\q1
\v 17 Ubengangicobodisa ngesiphepho
\q2 andise amanxeba ami kungelasizatho.
\q1
\v 18 Ubengasoze angiphe ithuba lokukhokha umoya
\q2 kodwa ubezahle angincindezele ngosizi.
\q1
\v 19 Nxa kungokwamandla, alamandla amakhulu!
\q2 Nxa kungokokwahlulela ngokulunga, ngubani ongamthonisisa?
\q1
\v 20 Loba ngingabe ngimsulwa, umlomo wami ubungangilahla;
\q2 lanxa ngimsulwa wona ubuzakuthi ngilecala.
\b
\q1
\v 21 Lanxa ngingelacala,
\q2 angizihluphi ngami;
\q2 ngiyayeyisa impilo yami.
\q1
\v 22 Kuyafanana konke; yikho ngisithi,
\q2 ‘Ubhubhisa bonke abangelacala lababi.’
\q1
\v 23 Nxa isifo esibi sibulala ngokuphangisa,
\q2 uyabahleka abangelacala ngokulahla kwabo ithemba.
\q1
\v 24 Nxa ilizwe liwela ezandleni zababi,
\q2 wembesa amehlo abahluleli balo.
\q2 Nxa kungayisuye, pho ngubani?
\b
\q1
\v 25 Amalanga ami alesiqubu esidlula esesithunywa;
\q2 ayaphapha anyamalale kungela mthonselanyana wokuthokoza.
\q1
\v 26 Antweza edlule njengezikepe zelala,
\q2 njengenkozi zisehla zihwitha ezikudlayo.
\q1
\v 27 Nxa ngingathi, ‘Ngizakubeka eceleni ukusola kwami,
\q2 ngicitshe ukunyukubala kwami, ngibobotheke,’
\q1
\v 28 ngilokhu ngihemahema ngezinhlupho zami,
\q2 ngoba ngiyazi ukuthi kawuzukungigeza.
\q1
\v 29 Njengoba ngivele sengibekwe icala,
\q2 ngizazihluphelani ngokulwela ize na?
\q1
\v 30 Loba ngingaze ngigeze ngesepa
\q2 lezandla zami ngesoda yokuhlambulula,
\q1
\v 31 uzavele ungiphosele emgodini olodaka
\q2 ngize ngenyanywe yizigqoko zami.
\b
\q1
\v 32 Akasumuntu njengami ukuthi ngingamphendula,
\q2 ukuthi singamisana emthethwandaba.
\q1
\v 33 Aluba ubengabakhona osilamulayo,
\q2 abeke isandla sakhe phezu kwethu sobabili,
\q1
\v 34 omunye nje ongasusa uswazi lukaNkulunkulu kimi,
\q2 ukuze ngingatshukunyiswa yikwesaba lokhu.
\q1
\v 35 Lapho-ke bengizakhuluma ngingesabi yena,
\q2 kodwa okwakhathesi kunje, ngeke.”
\b
\c 10
\s1 UJobe Uqhubeka Ekhuluma
\q1
\v 1 “Senginengwa yimpilo yami;
\q2 ngakho sengizasola ngingasathikazi
\q2 ngithulule ubuhlungu bomphefumulo wami.
\q1
\v 2 Ngizakuthi kuNkulunkulu: Ungangilahli,
\q2 kodwa ngitshela ukuthi ungethesa cala bani.
\q1
\v 3 Kuyakuthabisa na ukungizwisa ubuhlungu,
\q2 ukulahla umsebenzi wezandla zakho,
\q2 ikanti uyahlekelela ngamacebo ababi?
\q1
\v 4 Ulamehlo enyama na?
\q2 Ubona njengokubona kwabantu na?
\q1
\v 5 Insuku zakho ziyafanana lezabantu yini,
\q2 kumbe iminyaka yakho njengeyomuntu yini,
\q1
\v 6 osungaze uphenye iziphambeko zami
\q2 njalo ulandelele isono sami,
\q1
\v 7 loba wena ukwazi ukuthi angilacala
\q2 lokuthi kakho ongangikhulula esandleni sakho?
\b
\q1
\v 8 Izandla zakho zangibumba zangenza.
\q2 Pho usuzaphenduka ungibhidlize na?
\q1
\v 9 Khumbula ukuthi wangibumba njengomdaka.
\q2 Pho usuzabuye ungiphendule uthuli na?
\q1
\v 10 Kawungichithanga yini njengochago
\q2 njalo wangijiyisa njengolaza,
\q1
\v 11 wangigqokisa ngesikhumba lenyama,
\q2 wangithungela ndawonye ngamathambo lemisipha?
\q1
\v 12 Wangipha ukuphila wangitshengisa umusa,
\q2 ukunanza kwakho kwawelusa umoya wami.
\b
\q1
\v 13 Kodwa lokhu yikho owakufihla enhliziyweni yakho,
\q2 njalo ngiyazi ukuthi lokhu kwakukhona engqondweni yakho:
\q1
\v 14 Nxa ngona, ngabe wawungikhangele
\q2 wawungeke wekela ukona kwami kungajeziswa.
\q1
\v 15 Aluba ngilecala, maye mina!
\q2 Laloba ngimsulwa, akukho engingakwenza,
\q1 ngoba ngiyafa ngenhloni
\q2 njalo ngiyagalula ekuhluphekeni kwami.
\q1
\v 16 Nxa ngingathi ngivusa ikhanda ungicwathela njengesilwane
\q2 uphinde utshengise amandla akho esabekayo kimi.
\q1
\v 17 Uletha ofakazi abatsha abangilahlayo,
\q2 wandise ulaka lwakho kimi;
\q2 amabutho akho angihlasela amaviyo ngamaviyo.
\b
\q1
\v 18 Pho kungani wangikhupha esibelethweni na?
\q2 Ngifisa ukuthi ngabe ngafa ngingakabonwa laloba yiliphi ilihlo.
\q1
\v 19 Aluba ngavele ngingabi ngophilayo,
\q2 loba ngathwalwa ngisuka esibelethweni ngasiwa ethuneni!
\q1
\v 20 Insuku zami ezilutshwane kaseziphelile nje?
\q2 Akungifulathele ukuze ngizuze umzuzwana wentokozo nje
\q1
\v 21 ngingakayi lapho okungabuywa khona,
\q2 elizweni lobumnyama lethunzi elikhulu,
\q1
\v 22 elizweni lobusuku obujule ngempela,
\q2 elethunzi elinzima lengxubevange,
\q2 lapho lokukhanya kunjengobumnyama.”
\c 11
\s1 Impendulo KaZofari
\p
\v 1 UZofari umNahama wasephendula wathi:
\q1
\v 2 “Uthi amazwi wonke la angayekelwa ukuphendulwa na?
\q2 Uwawane lolu luyekelwe nje lubheda?
\q1
\v 3 Umbhedo wakho lo ungenza abantu bathule na?
\q2 Uthi ungangakhuzwa muntu wena ukhulumela eceleni?
\q1
\v 4 Uthi kuNkulunkulu, ‘Inkolo yami kayilansolo
\q2 njalo ngimsulwa phambi kwakho.’
\q1
\v 5 Oh, ngize ngifise ukuthi ngabe uNkulunkulu uyakhuluma,
\q2 avule izindebe zakhe ekusola
\q1
\v 6 akuvulele imfihlo zokuhlakanipha,
\q2 ngoba inhlakanipho yeqiniso ikabili.
\q1 Yazi lokhu:
\q2 UNkulunkulu uvele usezikhohliwe ezinye izono zakho.
\b
\q1
\v 7 Kambe ungayifinyelela yini imfihlakalo kaNkulunkulu?
\q2 Ungaziphenya iziphetho zikaSomandla na?
\q1
\v 8 Ziqongile ngaphezu kwamazulu, ungenzani kambe?
\q2 Zizikile kulokujula kolwandle, kuyini ongakwazi pho?
\q1
\v 9 Ukulinganiswa kwazo kude kulomhlaba
\q2 njalo kubanzi kulolwandle.
\b
\q1
\v 10 Nxa engeza lapha akuphosele entolongweni
\q2 abize inkundla, ngubani ongamphikisa na?
\q1
\v 11 Liqiniso ukuthi uyababona abantu abakhohlisayo;
\q2 njalo nxa ebona okubi, kananzeleli na?
\q1
\v 12 Kodwa umuntu oyisithutha ngeke ahlakaniphe
\q2 njengoba ubabhemi weganga engeke azalwa ngumuntu.
\b
\q1
\v 13 Kodwa nxa ugxilisa inhliziyo yakho kuye
\q2 uphakamisele izandla zakho kuye,
\q1
\v 14 nxa ulahla isono esisesandleni sakho
\q2 ungavumeli bubi buhlale ethenteni lakho,
\q1
\v 15 lapho-ke uzabuveza ubuso bakho ungelanhloni;
\q2 uzakuma uqine ungesabi.
\q1
\v 16 Uzalukhohlwa ngempela uhlupho lwakho,
\q2 lufike nje engqondweni njengezikhukhula ezadlulayo.
\q1
\v 17 Impilo izakhanya kulemini enkulu,
\q2 lobumnyama buzakuba njengasekuseni.
\q1
\v 18 Uzavikeleka, ngoba ithemba likhona;
\q2 uzakhangela ofuna khona uzuze ukuphumula uvikelekile.
\q1
\v 19 Uzazilalela, kungekho okwethusayo,
\q2 njalo abanengi bazabe sebezisondeza kuwe.
\q1
\v 20 Kodwa amehlo ababi azafiphala,
\q2 behluleke lokubaleka;
\q2 ithemba labo libe yikuhotsha umoya wokufa.”
\c 12
\s1 Impendulo KaJobe
\p
\v 1 Wasephendula uJobe wathi:
\q1
\v 2 “Wo, lina yini elizibona kuyini abantu,
\q2 njalo lolwazi luzakufa lani!
\q1
\v 3 Kodwa lami ngilayo ingqondo njengani;
\q2 kalingedluli ngalutho.
\q2 Ngubani ongazaziyo izinto zonke lezi?
\b
\q1
\v 4 Sengiyinto yokuhlekisa ebanganini bami,
\q2 lanxa ngacela kuNkulunkulu waphendula,
\q2 inhlekisa sibili, kodwa ngilungile, ngimsulwa!
\q1
\v 5 Abantu abahlezi kuhle bayakweyisa ukwehlelwa ngumnyama,
\q2 bathi kuyimfanelo yalabo onyawo zabo sezitshelela.
\q1
\v 6 Amathente ezigebenga avikelekile,
\q2 lalabo abamthukuthelisayo uNkulunkulu bavikelekile,
\q2 uNkulunkulu ulabo ezandleni zakhe.
\b
\q1
\v 7 Kodwa ake ubuze izinyamazana, zizakufundisa,
\q2 kumbe izinyoni zemoyeni, zizakutshela;
\q1
\v 8 kumbe khuluma lomhlaba, uzakufundisa,
\q2 loba uthi inhlanzi zolwandle zikwazise.
\q1
\v 9 Yikuphi kwalezizinto okungaziyo na
\q2 ukuthi yisandla \nd sikaThixo\nd* esikwenzileyo lokhu?
\q1
\v 10 Esandleni sakhe kulempilo yazo zonke izidalwa
\q2 lokuphefumula kwabantu bonke.
\q1
\v 11 Indlebe kayiwahloli yini wonke amazwi
\q2 njengolimi lunambitha ukudla?
\q1
\v 12 Angithi ukuhlakanipha kufunyanwa ebadaleni na?
\q2 Angithi impilo ende iletha ukuzwisisa na?
\b
\q1
\v 13 NgokukaNkulunkulu ukuhlakanipha lamandla;
\q2 ukweluleka lokuzwisisa kungokwakhe.
\q1
\v 14 Lokho akubhidlizayo kungeke kwamiswa njalo;
\q2 lowo amvalelayo ngeke avulelwe.
\q1
\v 15 Angaze awavale amanzi, kuba lokoma;
\q2 angawavulela kuba lomonakalo elizweni.
\q1
\v 16 Angawakhe amandla lenhlakanipho;
\q2 okhohliswayo lomkhohlisi ngabakhe bonke.
\q1
\v 17 Abeluleki uyabakhupha bahambe beze
\q2 enze abehluleli babe yiziphukuphuku.
\q1
\v 18 Uyanyomula izibopho ezibotshwe ngamakhosi
\q2 azibophe ngelembu ekhalweni.
\q1
\v 19 Abaphristi uyabakhupha beze
\q2 awagenqule amadoda abesithi asegxilile.
\q1
\v 20 Uyazithulisa izindebe zabeluleki
\q2 abathenjiweyo asuse ulwazi lwabadala.
\q1
\v 21 Izikhulu uzihleka usulu
\q2 abalamandla abathathele lawomandla.
\q1
\v 22 Uyembula imfihlo ezenzeka emnyameni
\q2 amathunzi azikileyo awalethe ekukhanyeni.
\q1
\v 23 Wenza izizwe zikhule, abesezidiliza;
\q2 uyaziqhelisa izizwe, aphinde azichithe.
\q1
\v 24 Abakhokheli basemhlabeni ubemuka ukuhlakanipha kwabo;
\q2 ubenza bantule enkangala.
\q1
\v 25 Bayaphumputha emnyameni kungelakukhanya;
\q2 ubenza badiyazele njengezidakwa.”
\b
\c 13
\s1 UJobe Uqhubeka Ekhuluma
\q1
\v 1 “Amehlo ami asekubonile konke lokhu,
\q2 indlebe zami zikuzwile zakuqedisisa lokhu.
\q1
\v 2 Elikwaziyo lina lami ngiyakwazi;
\q2 kalingcono ngalutho kulami.
\q1
\v 3 Kodwa ngiloyisa ukukhuluma loSomandla,
\q2 ngiphikisane loNkulunkulu ngendaba yami.
\q1
\v 4 Kodwa lina lingigcona ngamanga;
\q2 lonke lizinyanga ezingelamsebenzi!
\q1
\v 5 Thulani lithi zwi lonke!
\q2 Lokho kungaba yikuhlakanipha kini.
\q1
\v 6 Zwanini-ke manje engikutshoyo;
\q2 lalelani ukuncenga kwezindebe zami.
\q1
\v 7 Lingakhuluma okubi limele uNkulunkulu na?
\q2 Lingamkhulumela inkohliso na?
\q1
\v 8 Limtshengisa ukuthi liyabandlulula yini?
\q2 Yini elimkhulumelayo uNkulunkulu akutshoyo?
\q1
\v 9 Kungalilungela yini nxa engalihlola?
\q2 Kambe lingamkhohlisa njengoba lingakhohlisa abantu na?
\q1
\v 10 Ngempela angaligcona
\q2 nxa lingabe litshengisa ukubandlulula.
\q1
\v 11 Inkazimulo yakhe ingezake ilethuse na?
\q2 Ukwesabeka kwakhe kungezake kulehlele na?
\q1
\v 12 Izitsho zenu ziyizaga zomlotha;
\q2 lezivikelo zenu yizivikelo zebumba kuphela.
\b
\q1
\v 13 Thulani ngikhulume mina;
\q2 kungivelele loba kuyini okuvelayo.
\q1
\v 14 Ngizifakelani engozini na
\q2 ngiphathe impilo yami ezandleni zami?
\q1
\v 15 Lanxa engangibulala kodwa ngizakwala ngimethemba;
\q2 ngizazivikela izindlela zami phambi kwakhe.
\q1
\v 16 Ngeqiniso lokhu kuzangihlenga,
\q2 ngoba kakho umuntu ongakholwayo ongasondela kuye!
\q1
\v 17 Ake lilalele kuhle amazwi ami;
\q2 vulani indlebe zenu lizwe engikutshoyo.
\q1
\v 18 Manje-ke njengoba sengiyilungisile indaba yami,
\q2 ngiyabona ukuthi ngizakhululwa.
\q1
\v 19 Ngubani kambe ongangethesa icala?
\q2 Nxa ekhona, ngizathula ngife.
\b
\q1
\v 20 Akungiphe lezizinto ezimbili nje, Oh Nkulunkulu,
\q2 lapho-ke angiyikukucatshela:
\q1
\v 21 Sisusele khatshana lami isandla sakho,
\q2 ukhawule ukungethusa ngokwesabeka kwakho.
\q1
\v 22 Ubusungibizela ecaleni, ngizaphendula,
\q2 kumbe ungiyekele ngikhulume, lawe uphendule.
\q1
\v 23 Sengenze iziphambeko lezono ezinganani na?
\q2 Ngitshengisa isiphambeko sami lesono sami.
\q1
\v 24 Kungani ufihla ubuso bakho
\q2 ungithathe njengesitha sakho?
\q1
\v 25 Uzahluphana lehlamvu eliphetshulwa ngumoya na?
\q2 Uzaxotshana lomule owomileyo na?
\q1
\v 26 Ngoba ubhala izinto ezibuhlungu ngami
\q2 ungenze ngivune izono zobutsha bami.
\q1
\v 27 Ukhina inyawo zami ngezibopho;
\q2 ulandelela zonke izindlela zami
\q2 ngokudweba uphawu ezinyathelweni zezinyawo zami.
\b
\q1
\v 28 Yikho-ke umuntu ecikizeka njengento ebolileyo,
\q2 njengesigqoko esidliwe yinondo.”
\b
\c 14
\s1 UJobe Uqhubeka Ekhuluma
\q1
\v 1 “Umuntu ozelwe ngumfazi ulensuku ezilutshwane
\q2 njalo ezigcwele inhlupho.
\q1
\v 2 Uyaqhakaza njengeluba aphinde abune;
\q2 njengesithunzi esithi tshazi, akemi.
\q1
\v 3 Onjalo ungala ulokhu umkhangele na?
\q2 Ungamisa phambi kwakho umthonisise na?
\q1
\v 4 Ngubani ongaveza okuhlambulukileyo kokungcolileyo na?
\q2 Kakho!
\q1
\v 5 Insuku zomuntu zimisiwe;
\q2 uzibekile izinyanga zokuphila kwakhe
\q2 wabeka lemikhawulo angeke ayeqe.
\q1
\v 6 Ngakho-ke myekele ungazihluphi ngaye,
\q2 aze aqede lesosikhathi sakhe njengomuntu oqhatshiweyo.
\b
\q1
\v 7 Kungaba lethemba ngesihlahla;
\q2 singaganyulwa siyahluma njalo,
\q2 amahlumela aso kawayikwehluleka ukukhula.
\q1
\v 8 Impande zaso zingaguga phansi emhlabathini
\q2 lesiphunzi saso sife emhlabathini,
\q1
\v 9 kodwa singezwa amanzi siyahluma
\q2 sikhuphe ingatsha njengesihlahla esitsha.
\q1
\v 10 Kodwa umuntu uyafa alaliswe phansi;
\q2 uphefumula okokucina angabe esabakhona.
\q1
\v 11 Njengamanzi esitsha olwandle
\q2 lanjengomfula ucitsha amanzi wome qha,
\q1
\v 12 ngokunjalo umuntu ulala phansi angabe esavuka;
\q2 kuze kutshabalale amazulu abantu kabayikuvuka
\q2 kumbe baphatshanyiswe ebuthongweni babo.
\b
\q1
\v 13 Kube uyangifihla ethuneni
\q2 ungithukuze ulaka lwakho luze ludlule!
\q1 Kube ungibekela isikhathi
\q2 ube usungikhumbula!
\q1
\v 14 Umuntu angafa uphinde aphile na?
\q2 Zonke insuku zokutshikatshika kwami
\q2 ngizalindela isikhathi sokuyekelwa kwami.
\q1
\v 15 Uzabiza lami ngizasabela;
\q2 uzasifisa lesosidalwa esenziwa yizandla zakho.
\q1
\v 16 Ngeqiniso lapho uzabala izinyathelo zami
\q2 kodwa kawuyikulandelela izono zami.
\q1
\v 17 Iziphambeko zami zizananyekwa emgodleni;
\q2 uzasigubuzela isono sami.
\b
\q1
\v 18 Kodwa njengentaba ikhumuzeka ize ibhidlike,
\q2 lanjengedwala ligudluka endaweni yalo,
\q1
\v 19 njengamanzi awagubhayo amatshe
\q2 lezikhukhula zikhukhula umhlabathi,
\q2 kanjalo uyalibhidliza ithemba lomuntu.
\q1
\v 20 Umehlula kanye angaphindi abekhona, adlule;
\q2 uyabuguqula ubuso bakho umxotshe.
\q1
\v 21 Nxa amadodana akhe ezuza udumo, kawakwazi;
\q2 nxa izizukulwane zakhe zisehliswa, kazikuboni.
\q1
\v 22 Bezwa kuphela ubuhlungu bemizimba yabo
\q2 bazikhalele bona.”
\c 15
\s1 Impendulo Ka-Elifazi
\p
\v 1 Wasephendula u-Elifazi umThemani wathi:
\q1
\v 2 “Kambe indoda ehlakaniphileyo ingaphendula ngeze nje
\q2 loba igcwalise isisu sayo ngomoya otshisayo wempumalanga na?
\q1
\v 3 Ingadaza inkani ngamazwi angatsho lutho,
\q2 ngezinkulumo ezingelasisindo na?
\q1
\v 4 Wena uze weyise ukulunga
\q2 njalo uphazame lokukhonza uNkulunkulu.
\q1
\v 5 Isono sakho sikhuthaza umlomo wakho;
\q2 usuthethe ulimi lwamaqili.
\q1
\v 6 Umlomo wakho yiwo okulahlayo, hatshi owami;
\q2 izindebe zakho zifakaza ububi bakho.
\b
\q1
\v 7 Nguwe yini umuntu wokuqala ukuzalwa?
\q2 Wabakhona kuqala kulezintaba na?
\q1
\v 8 Uyake ulalele yini enkundleni kaNkulunkulu?
\q2 Nguwe wedwa yini ololwazi?
\q1
\v 9 Kuyini okwaziyo wena thina esingakwaziyo?
\q2 Ulemibono bani wena thina esingelayo?
\q1
\v 10 Asebezimpunga lamakhehla bavumelana lathi,
\q2 amadoda amadala kuloyihlo.
\q1
\v 11 Induduzo zikaNkulunkulu kazikwanelisi yini,
\q2 amazwi akhulunywa kamnandi kuwe?
\q1
\v 12 Kungani uvumela ukufuqwa yinhliziyo na,
\q2 kungani amehlo akho eqwayiza,
\q1
\v 13 uze ubhodlise ulaka lwakho kuNkulunkulu
\q2 ukhihlize amazwi anjalo ngomlomo wakho?
\b
\q1
\v 14 Umuntu uyini ukuthi abe ngohlanzekileyo na,
\q2 lozelwe ngowesifazane ongaba ngcwele?
\q1
\v 15 Nxa uNkulunkulu engazethembi izingilosi zakhe,
\q2 njalo lamazulu engathembekanga kuye,
\q1
\v 16 pho umuntu ongcolileyo ke, oxhwalileyo,
\q2 onatha ububi njengamanzi!
\b
\q1
\v 17 Lalela kimi ngikuchazele;
\q2 wothi ngikutshele esengakubonayo,
\q1
\v 18 lokho osekwafakazwa yizihlakaniphi,
\q2 bengafihli lutho abaluthatha kubokhokho babo
\q1
\v 19 (abayibo kuphela abaphiwa ilizwe
\q2 njalo akwaze kwedlula muntu wezizweni phakathi kwabo):
\q1
\v 20 Ngezinsuku zakhe zonke umuntu omubi uhlutshwa yizinhlungu,
\q2 kube yisihluku seminyaka yonke ayibekelweyo.
\q1
\v 21 Imisindo eyesabisayo iyagcwala ezindlebeni zakhe;
\q2 nxa kusithi kuyalunga, izikliwi zimhlasele.
\q1
\v 22 Ulahlekelwa lithemba lokuwuphepha umnyama;
\q2 umiselwe inkemba.
\q1
\v 23 Uyantula nje abe yikudla kwamanqe;
\q2 uyazi ukuthi usuku lobumnyama selusondele.
\q1
\v 24 Usizi lobuhlungu emoyeni bumlethela uvalo;
\q2 inhlupho ziyamgabhela, njengenkosi isilungele ukuhlasela,
\q1
\v 25 ngoba efumbathele uNkulunkulu inqindi,
\q2 ezimisela ukulwa loSomandla,
\q1
\v 26 aqholoze amhlasele
\q2 ngesihlangu esiqinileyo, esilohlonzi.
\b
\q1
\v 27 Lanxa ezimuke ubuso bungaka,
\q2 umkhaba ulenga ngedanga,
\q1
\v 28 uzahlala emadolobheni angamanxiwa
\q2 lezindlini ezingahlali muntu,
\q2 izindlu eziwohlokayo zibe yinqumbi.
\q1
\v 29 Kasayikunotha futhi lenotho yakhe kayiyikuma,
\q2 lezifuyo zakhe kazisayikugcwala ilizwe lonke.
\q1
\v 30 Kayikuphepha emnyameni;
\q2 ilangabi lizabunisa amahlumela akhe
\q2 lomoya wokuphefumula komlomo kaNkulunkulu uzamthwalela kude.
\q1
\v 31 Makangazikhohlisi ngokuthemba okuyize,
\q2 ngoba akazukuzuza lutho ngakho.
\q1
\v 32 Singakapheli isikhathi sakhe uzajeziswa,
\q2 lezingatsha zakhe kaziyikuhluma.
\q1
\v 33 Uzaba njengevini eliphundlwe izithelo zalo zingakavuthwa,
\q2 njengesihlahla se-oliva sikhithiza impoko zaso.
\q1
\v 34 Ngoba ixuku labangamesabiyo uNkulunkulu kalizukuba lezithelo,
\q2 lomlilo uzawahangula amathente alabo abathanda isivalamlomo.
\q1
\v 35 Bazithwala uhlupho babelethe ububi;
\q2 isibeletho sabo sibumba inkohliso.”
\c 16
\s1 UJobe Uyaphendula
\p
\v 1 UJobe wasephendula wathi:
\q1
\v 2 “Sengezwa izinto ezinengi ezifana lalezi;
\q2 lingabaduduzi ababi lina lonke!
\q1
\v 3 Zizaphela nini inkulumo zokubhuda kwenu lokhu?
\q2 Kuyini okulihluphayo laphikelela nje lidaza inkani?
\q1
\v 4 Lami bengingakhuluma njengani
\q2 aluba yini elisesikhundleni sami;
\q1 ngabe ngikhupha inkulumo ezimnandi ngilisola
\q2 ngize nginikine ikhanda lami.
\q1
\v 5 Kodwa umlomo wami ngabe uyaliqinisa;
\q2 induduzo yezindebe zami idedise inhlungu zenu.
\b
\q1
\v 6 Kodwa nxa ngikhuluma, ubuhlungu obukimi kabudedi;
\q2 loba ngingaze ngithule, kabupheli.
\q1
\v 7 Ngeqiniso, Nkulunkulu, usungiqede amandla;
\q2 usuyitshabalalisile yonke imuli yami.
\q1
\v 8 Usungibophile sekuyibo ubufakazi balokho;
\q2 lokucikizeka kwami kuyakhula kungilahla.
\q1
\v 9 UNkulunkulu uyanginxwanela angidlikize ngolaka lwakhe,
\q2 angigedlele amazinyo;
\q2 isitha sami singinyonkoloze ngamehlo ahlabayo.
\q1
\v 10 Abantu bavula imilomo yabo bengihoza;
\q2 bangimakala esihlathini bengihlambaza
\q2 babambane bangihlanganyele.
\q1
\v 11 UNkulunkulu usenginikele ebantwini ababi
\q2 wangiphosela ezandleni zezigangi.
\q1
\v 12 Konke kwakukuhle kimi, kodwa wangibhidliza;
\q2 wangixhakalaza ngentamo wangichoboza.
\q1 Usengenze ngaba yinto yakhe yokunenjwa;
\q2
\v 13 abacibi bemtshoko bakhe bangihanqile.
\q1 Ungiciba izinso zami engelazwelo
\q2 achithele inyongo yami phansi.
\q1
\v 14 Ungisukela njalonjalo;
\q2 angidumele njengebutho.
\b
\q1
\v 15 Sengithungele isembatho sesaka emzimbeni wami
\q2 ngathukuza ibunzi lami othulini.
\q1
\v 16 Ubuso bami sebubomvu ngokukhala,
\q2 amathunzi anzima ahonqolozela amehlo ami;
\q1
\v 17 kodwa izandla zami kaziluqhelanga udlakela,
\q2 lomkhuleko wami uhlanzekile.
\b
\q1
\v 18 Awu mhlaba, ungaligqibeli igazi lami;
\q2 sengathi lokukhala kwami kungaze kwacitshwa lanini!
\q1
\v 19 Lakhathesi ufakazi wami usezulwini;
\q2 umeli wami uphezulu khonale.
\q1
\v 20 Umeli wami ngumngane wami
\q2 nxa amehlo ami empompoza inyembezi kuNkulunkulu;
\q1
\v 21 uyamncengela umuntu kuNkulunkulu
\q2 njengomuntu encengela umngane wakhe.
\b
\q1
\v 22 Kusasele iminyakana engemingaki
\q2 andubana ngiye lapho kungabuywa khona.”
\c 17
\s1 UJobe Uqhubeka Ekhuluma
\q1
\v 1 “Umoya wami udabukile,
\q2 insuku zami ziqunyiwe,
\q2 ithuna lingimelele.
\q1
\v 2 Impela abaklolodayo bangihanqile;
\q2 amehlo ami asehlezi elinde ulaka lwabo.
\b
\q1
\v 3 Ngipha, Oh Nkulunkulu, lesosibambiso osifunayo.
\q2 Kambe ngubani omunye ongangenzela lesosibambiso na?
\q1
\v 4 Usuzivalile ingqondo zabo kabasazwisisi;
\q2 ngakho kawuzukubayekela bagiye.
\q1
\v 5 Nxa umuntu angaphika umngane wakhe ukuze ahlawulwe,
\q2 amehlo abantwabakhe azafiphala.
\b
\q1
\v 6 UNkulunkulu usengenze ngaba yisiga ebantwini bonke,
\q2 umuntu okhafulelwa ngabanye emehlweni.
\q1
\v 7 Amehlo ami asethundubele ngosizi;
\q2 umdumbu wami wonke usuyisithunzi nje.
\q1
\v 8 Abantu abaqotho kuyabanenga lokhu;
\q2 abangelacala bayacaphuka ngabangakholwayo.
\q1
\v 9 Kungenani, abalungileyo bazabambelela ezindleleni zabo,
\q2 kuthi labo abalezandla ezihlanzekileyo baqine.
\b
\q1
\v 10 Kodwa khathesi lina lonke ake lizame futhi!
\q2 Kangiboni loyedwa ohlakaniphileyo kini.
\q1
\v 11 Sezidlule insuku zami, amacebo ami asedilikile,
\q2 kunjalo lezifiso zenhliziyo yami.
\q1
\v 12 Lababantu bathatha ubusuku njengemini;
\q2 bathi bebona ubumnyama bathi, ‘Ukukhanya sekusondele.’
\q1
\v 13 Nxa ikhaya engilithembileyo lilingcwaba kuphela,
\q2 nxa ngisendlala umbheda wami emnyameni,
\q1
\v 14 nxa ngisithi ekuboleni, ‘Baba,’
\q2 ngithi empethwini, ‘Mama’ kumbe ‘Dadewethu,’
\q1
\v 15 pho lingaphi ithemba lami na?
\q2 Ngubani ongabona ithemba ngami?
\q1
\v 16 Kuzakwehlela emasangweni okufa na?
\q2 Sizakwehlela ndawonye othulini na?”
\c 18
\s1 Impendulo KaBhilidadi
\p
\v 1 Kwathi lapho uBhilidadi umShuhi waphendula wathi:
\q1
\v 2 “Koze kube nini ulokhu uphethe emlonyeni?
\q2 Nakana andubana sikhulume.
\q1
\v 3 Kungani usithatha njengezinkomo
\q2 kube ingathi siyizithutha kuwe na?
\q1
\v 4 Wena ozidabudabulayo ube yiziqa ngokuthukuthela kwakho,
\q2 uthi sesingawudela umhlaba ngenxa yakho?
\q2 Loba uthi amadwala agudlulwe ezindaweni zawo na?
\b
\q1
\v 5 Isibane somubi siyacima;
\q2 ilangabi lomlilo wakhe liyaphela ukubhebha.
\q1
\v 6 Ukukhanya ethenteni lakhe kuyafiphala;
\q2 isibane esiseceleni kwakhe siyacima.
\q1
\v 7 Izisinde zakhe zamandla ziyadeda;
\q2 lamacebo akhe yiwo amlahla phansi.
\q1
\v 8 Inyawo zakhe zimbeka emambuleni
\q2 acine esemthandele.
\q1
\v 9 Umjibila umhwiphula ngesithende;
\q2 isihitshela simuthi nki.
\q1
\v 10 Isihitshela usifihlelwe phansi;
\q2 umjibila uthukuziwe endleleni yakhe.
\q1
\v 11 Uyethuka ngokwesaba inxa zonke
\q2 kumlandelele langaphi aya khona.
\q1
\v 12 Umonakalo umlambele;
\q2 incithakalo imlindele nxa esiwa.
\q1
\v 13 Kudla ingxenye yesikhumba sakhe;
\q2 izibulo lokufa lidla izitho zakhe.
\q1
\v 14 Uyasuswa ekuvikelekeni kwethente lakhe
\q2 aqhutshwe asiwe enkosini yokwesaba.
\q1
\v 15 Umlilo uhlala ethenteni lakhe;
\q2 isolufa evuthayo ichithachithwe emzini wakhe.
\q1
\v 16 Impande zakhe ziyabuna ngaphansi
\q2 lamagatsha akhe abune ngaphezulu.
\q1
\v 17 Ukukhunjulwa kwakhe kuyaphela emhlabeni;
\q2 kalabizo elizweni.
\q1
\v 18 Uyasuswa ekukhanyeni aye ebumnyameni
\q2 njalo axotshwe emhlabeni.
\q1
\v 19 Kalabantwana loba isizukulwane ebantwini bakibo,
\q2 kakho loyedwa owakhe lapho ake ahlala khona.
\q1
\v 20 Abantu bentshonalanga bayanengwa yisiphetho sakhe;
\q2 abantu bempumalanga bayatshaqeka.
\q1
\v 21 Ngempela linjalo ikhaya lomuntu omubi;
\q2 yiyo indawo yalowo ongamaziyo uNkulunkulu.”
\c 19
\s1 Impendulo KaJobe
\p
\v 1 Wasephendula uJobe wathi:
\q1
\v 2 “Koze kube nini lilokhu lingichukuluza,
\q2 lingicobodisa ngamazwi na?
\q1
\v 3 Selingithethise amahlandla alitshumi manje;
\q2 lingihlasela lingelanhloni.
\q1
\v 4 Nxa kuliqiniso ukuthi ngiphambukile,
\q2 isiphambeko sami ngumlandu wami ngedwa.
\q1
\v 5 Nxa isibili liziphakamisa ngaphezulu kwami,
\q2 lingincindezele ngokuyangeka kwami,
\q1
\v 6 yazini ukuthi uNkulunkulu ungonile
\q2 wangithandela ngomambule wakhe.
\b
\q1
\v 7 Loba ngingaze ngikhale ngithi, ‘Ngiyahlukuluzwa bo!’
\q2 angitholi mpendulo;
\q1 loba ngicela uncedo,
\q2 kangahlulelwa ngokulunga.
\q1
\v 8 Uyivalile indlela yami akudluleki;
\q2 izindlela zami uzembese ngomnyama.
\q1
\v 9 Usengiphucile konke ukuhlonitshwa
\q2 wangethula umqhele ekhanda lami.
\q1
\v 10 Ungidabula inxa zonke ngize ngiphele du;
\q2 usiphuna ithemba lami njengesihlahla.
\q1
\v 11 Ulaka lwakhe luyavutha kimi;
\q2 ungibalela phakathi kwezitha zakhe.
\q1
\v 12 Amabutho akhe eza ngamandla;
\q2 angakhela isihonqo sokungivimbezela
\q2 amise egqagqele ithente lami.
\b
\q1
\v 13 Usenze abafowethu bangihlamuka;
\q2 abangane bami sebemelana lami.
\q1
\v 14 Izihlobo zami sezihambile;
\q2 abangane bami sebekhohliwe ngami.
\q1
\v 15 Izethekeli zami lezincekukazi zami zithi ngingowemzini;
\q2 zingikhangela njengowezizweni.
\q1
\v 16 Ngithi nxa ngibiza isisebenzi sami singasabeli,
\q2 lokuba ngisincenga ngomlomo wami.
\q1
\v 17 Ukuphefumula kwami kuyamnukela umkami;
\q2 ngiyenyanyeka kubafowethu.
\q1
\v 18 Labafanyana bayangiklolodela;
\q2 ngithi nxa ngiqhamuka bangihoze.
\q1
\v 19 Bonke abangane bami abasekhwapheni bayanengeka ngami;
\q2 labo engibathandayo sebengifulathele.
\q1
\v 20 Angiselalutho ngaphandle kwesikhumba lamathambo kuphela;
\q2 ngiphephe manayinayi.
\b
\q1
\v 21 Ngizwelani usizi, bangane bami, wobani losizi,
\q2 ngoba isandla sikaNkulunkulu singitshayile.
\q1
\v 22 Lingilandelelani njengoNkulunkulu na?
\q2 Lizakufa lasutha ngenyama yami na?
\b
\q1
\v 23 Oh, uthi ngabe amazwi ami ayalotshwa,
\q2 ngabe abhaliwe emqulwini,
\q1
\v 24 ngabe athwetshulwe ngensimbi phezu komnuso,
\q2 loba agujwe edwaleni lanininini!
\q1
\v 25 Ngiyazi ukuthi uMhlengi wami uyaphila,
\q2 lokuthi ekupheleni uzakuma emhlabeni.
\q1
\v 26 Kuzakuthi nxa isikhumba sami sesibhujisiwe,
\q2 kodwa ngikuyo inyama yami ngizambona uNkulunkulu;
\q1
\v 27 mina ngokwami ngizambona ngawami amehlo,
\q2 mina hatshi omunye.
\q2 Inhliziyo yami iyagubhazela ngokulangatha!
\b
\q1
\v 28 Lingaze lithi, ‘Sizamzingela qho
\q2 ngoba nguye ozilethele ukuhlupheka,’
\q1
\v 29 yini okumele liyesabe inkemba;
\q2 ngoba intukuthelo izaletha isijeziso ngenkemba,
\q2 lapho-ke lizakwazi ukuthi kulokwahlulela.”
\c 20
\s1 Impendulo KaZofari
\p
\v 1 Wasephendula uZofari umNahama wathi:
\q1
\v 2 “Imicabango yami ekhathazekileyo ingifuqa ukuthi ngiphendule
\q2 ngoba sengikhubekile kakhulu.
\q1
\v 3 Ngizwa kulokukhuzwa okungilulazisayo
\q2 njalo ukuzwisisa kwami kungifuqela ukuthi ngiphendule.
\b
\q1
\v 4 Ngempela uyakwazi ukuthi kwakuvele kunjani lendulo,
\q2 kusukela ukubekwa komuntu emhlabeni,
\q1
\v 5 ukuthi injabulo yomubi imfitshane,
\q2 intokozo yongakholwayo ngeyomzuzwana nje.
\q1
\v 6 Loba ukuzigqaja kwakhe kufika emazulwini
\q2 lekhanda lakhe lithinta emayezini,
\q1
\v 7 uzabhubha okwaphakade, njengobulongwe bakhe;
\q2 labo abake bambona bazakuthi, ‘Ungaphi kanti?’
\q1
\v 8 Njengephupho uyanyamalala angabe esabonwa njalo,
\q2 axotshwe njengombono webusuku.
\q1
\v 9 Ilihlo elake lambona kalisayikumbona njalo;
\q2 indawo yakhe ingeke ibe isambona.
\q1
\v 10 Abantwabakhe bazazincengela ebayangeni
\q2 ngezandla zakhe abuyisele inotho yakhe.
\q1
\v 11 Amadlabuzane obutsha alawo emathanjeni akhe
\q2 azalala kanye laye othulini.
\b
\q1
\v 12 Loba ububi bumnandi emlonyeni wakhe,
\q2 ebufihla ngaphansi kolimi lwakhe,
\q1
\v 13 loba esehluleka ukutshiyana labo
\q2 abugcine emlonyeni wakhe,
\q1
\v 14 kodwa ukudla kwakhe kuzahloba esiswini sakhe;
\q2 kuzaphenduka kube yibuhlungu bezinyoka ngaphakathi kwakhe.
\q1
\v 15 Uzayihlanza yonke inotho ayiginyayo;
\q2 uNkulunkulu uzakwenza isisu sakhe sikuhlanze konke.
\q1
\v 16 Uzamunya ubuhlungu bezinyoka;
\q2 amazinyo ebululu azambulala.
\q1
\v 17 Akayikuyikholisa imifula,
\q2 leyomifula egeleza uluju lolaza.
\q1
\v 18 Lokho akuginqeleyo kumele akubuyise engakudlanga;
\q2 akayikuyikholisa inzuzo yokuthengiselana kwakhe.
\q1
\v 19 Ngoba ubebancindezela abayanga basala bengelalutho;
\q2 wathumba izindlu angazakhanga.
\b
\q1
\v 20 Ngempela akayikudeda kulobubuhwaba bakhe;
\q2 ngeke azisindise ngenotho yakhe.
\q1
\v 21 Akusela lutho angabe esaludla;
\q2 ukuphumelela kwakhe kakuyikuma.
\q1
\v 22 Phakathi kwenotho yakhe uzahlaselwa zinhlupho;
\q2 ubuhlungu buzamehlela ngamandla.
\q1
\v 23 Nxa esesigcwalisile isisu sakhe,
\q2 uNkulunkulu uzabhodlisela ulaka lwakhe oluvuthayo kuye
\q2 akhwele ehle ngezidutshulo phezu kwakhe.
\q1
\v 24 Lanxa angaze abalekele isikhali sensimbi
\q2 umtshoko wethusi uzamciba.
\q1
\v 25 Uyawuhwatsha emhlane wakhe,
\q2 umcijo wawo ocazimulayo awuhwatshe esibindini.
\q1 Uzangenwa yikwesaba okukhulu;
\q2
\v 26 umnyama omkhulu uyilindele inotho yakhe.
\q1 Umlilo ongungumayo uzamqeda
\q2 utshise lokho okuseleyo ethenteni lakhe.
\q1
\v 27 Amazulu azabembula ububi bakhe;
\q2 umhlaba uzamvukela.
\q1
\v 28 Isikhukhula sizayithwala indlu yakhe,
\q2 kungamanzi azimpophoma mhla wosuku lolaka lukaNkulunkulu.
\q1
\v 29 Sinjalo isiphetho uNkulunkulu asimisele ababi,
\q2 ilifa abalikhethelwe nguNkulunkulu.”
\c 21
\s1 UJobe Uyaphendula
\p
\v 1 UJobe wasephendula wathi:
\q1
\v 2 “Lalelani kuhle amazwi ami;
\q2 lokhu akube yinduduzo elingipha yona.
\q1
\v 3 Ake lingibekezelele nxa ngisakhuluma,
\q2 ngithi nxa sengikhulumile liklolode.
\b
\q1
\v 4 Ukusola kwami kuqonde umuntu yini?
\q2 Ngingayekelelani ukucunuka pho?
\q1
\v 5 Ngikhangelani, lizamangala;
\q2 vulani imilomo yenu ngezandla.
\q1
\v 6 Nxa ngikhumbula ngalokhu ngitshaywa luvalo;
\q2 ngizwa umzimba wami uqhaqhazela.
\q1
\v 7 Kungani ababi bephila impilo ende,
\q2 baluphale nje amandla abo esanda?
\q1
\v 8 Babona abantwababo bezinza benamile,
\q2 inzalo yabo layo beyikhangele.
\q1
\v 9 Imizi yabo ihlezi kayilakwesaba;
\q2 induku kaNkulunkulu kayikho phezu kwabo.
\q1
\v 10 Inkunzi zabo zikhuthele ziyazala;
\q2 amankomokazi abo azala kuhle kawaphunzi.
\q1
\v 11 Abantwababo bayazihambela njengomhlambi;
\q2 izingane zabo ziyazigidela zichelesile.
\q1
\v 12 Bayahlabela betshaya izigubhu lamachacho;
\q2 bayazithokozisa ngomsindo wemiqangala.
\q1
\v 13 Yonke iminyaka yabo ngeyokuphumelela
\q2 baze bayongena egodini belokuthula.
\q1
\v 14 Kodwa bathi kuNkulunkulu, ‘Tshiyana lathi!
\q2 Kasifisi ukuzazi izindlela zakho.
\q1
\v 15 Ungubani yena uSomandla ofuna ukuthi simkhonze na?
\q2 Sizazuzani nxa sikhuleka kuye na?’
\q1
\v 16 Kodwa ukuphumelela kwabo kakukho ezandleni zabo,
\q2 ngakho kangisondeli ezelulekweni zababi.
\b
\q1
\v 17 Kodwa kukangaki na isibane sababi sicinywa?
\q2 Kukangaki besehlelwa ngamabhadi na,
\q2 abawabelwa nguNkulunkulu ezondile?
\q1
\v 18 Kukangaki besiba njengomule emoyeni na,
\q2 njengamakhoba ephetshulwa yisivunguzane?
\q1
\v 19 Kuthiwa, ‘UNkulunkulu ulomba isijeziso somuntu
\q2 asibekele amadodana akhe.’
\q1 Kajezise yena umuntu ngokwakhe
\q2 ukuze akwazi!
\q1
\v 20 Amehlo akhe kawakubone
\q2 ukuchithwa kwakhe;
\q2 kalunathe ulaka lukaSomandla.
\q1
\v 21 Ngoba uvele uzihlupha ngani ngemuli avele ezayitshiya
\q2 nxa izinyanga zakhe azabelweyo seziphelile na?
\b
\q1
\v 22 Kambe ukhona ongafundisa uNkulunkulu ulwazi,
\q2 njengoba yena esahlulela labaphezulu na?
\q1
\v 23 Umuntu uyafa ephilile kuhle,
\q2 kukuhle konke ekhululekile,
\q1
\v 24 umzimba wakhe uzimukile,
\q2 amathambo akhe egcwele umnkantsho.
\q1
\v 25 Omunye ufa elobuhlungu emphefumulweni wakhe,
\q2 evele engakaze akholise lutho oluhle.
\q1
\v 26 Bobabili balaliswe ndawonye eceleni komunye othulini,
\q2 impethu zinyakaze phezu kwabo bobabili.
\b
\q1
\v 27 Ngiyazi kamhlophe ukuthi licabangani,
\q2 amacebo elidinga ukungilimaza ngawo.
\q1
\v 28 Lithi, ‘Ingaphi-ke manje indlu yesikhulu,
\q2 amathente okwakuhlala kuwo abantu ababi?’
\q1
\v 29 Kalikaze libuze labo abahambayo na?
\q2 Kalize lananzelela izinto abazilandisayo,
\q1
\v 30 ukuthi umuntu omubi uyaphepha ngosuku lokubhujiswa na,
\q2 ukuthi uyakhululwa ngosuku lwesiphithiphithi?
\q1
\v 31 Kambe ngubani omtshela ngobubi bakhe ebusweni bakhe na?
\q2 Ngubani ophindiselayo ngalokho akwenzileyo na?
\q1
\v 32 Uthwalelwa engcwabeni,
\q2 lilindwe ingcwaba lakhe ngemfanelo.
\q1
\v 33 Inhlabathi esigodini leso imnandi kuye;
\q2 bonke abantu bayamlandela,
\q2 banengi kakhulu njalo abahamba kuqala kulaye.
\b
\q1
\v 34 Pho-ke lingangiduduza njani likhuluma ize nje?
\q2 Akusalanga lutho elilutshoyo ngaphandle kwenkohliso.”
\c 22
\s1 Impendulo Ka-Elifazi
\p
\v 1 U-Elifazi umThemani wasephendula wathi:
\q1
\v 2 “Umuntu angasiza uNkulunkulu na?
\q2 Lesihlakaniphi uqobo kambe singamsiza na?
\q1
\v 3 Bekungamupha ntokozo bani uSomandla ukulunga kwakho na?
\q2 Ubengazuzani ngabe kuthiwa kawulasici na?
\b
\q1
\v 4 Yikumesaba kwakho yini akukhuzela khona
\q2 lakwethesela khona amacala na?
\q1
\v 5 Kabubukhulu ububi bakho na?
\q2 Lezono zakho angithi kazipheli na?
\q1
\v 6 Wawubiza isibambiso kubafowenu kungelasizatho;
\q2 uhlubula abantu izigqoko zabo basale beze.
\q1
\v 7 Abakhatheleyo wawubancitsha amanzi,
\q2 abalambileyo ungabaphi ukudla,
\q1
\v 8 lanxa wena wawuyindoda elamandla, ulepulazi,
\q2 indoda ehlonitshwayo, uphila kulo.
\q1
\v 9 Abafelokazi wabaxotsha ungabaphanga lutho
\q2 izintandane waziqeda amandla.
\q1
\v 10 Kungenxa yalokho usuhanqwe yimijibila,
\q2 usuhlukuluzwa luhlupho masinyane,
\q1
\v 11 yikho kumnyama kangaka ungasaboni,
\q2 njalo yikho ususibekelwa zimpophoma zamanzi.
\b
\q1
\v 12 UNkulunkulu kakho esiqongweni samazulu na?
\q2 Ake ubone phela ukuthi ziphakeme njani izinkanyezi ezisesiqongweni!
\q1
\v 13 Kodwa wena uthi, ‘UNkulunkulu wazini?
\q2 Angahlulela phakathi komnyama onje?
\q1
\v 14 Usithwe ngamayezi amakhulu, ngakho kasiboni
\q2 nxa ehambahamba ezulwini eliphezulu.’
\q1
\v 15 Wena-ke uzakwalela endleleni endala na
\q2 eseyahanjwa ngababi?
\q1
\v 16 Bedluliswa singakafiki isikhathi sabo,
\q2 izisekelo zabo zakhukhulwa nguzamcolo.
\q1
\v 17 Bathi kuNkulunkulu, ‘Tshiyana lathi!
\q2 USomandla angasenzani na?’
\q1
\v 18 Ikanti kunguye owagcwalisa izindlu zabo ngezinto ezinhle,
\q2 ngakho kangingeni ezelulekweni zababi.
\q1
\v 19 Abalungileyo bayakubona lokho bathokoze;
\q2 abangelacala bayabahleka bathi,
\q1
\v 20 ‘Ngempela izitha zethu zichithiwe,
\q2 lokuseleyo kwenotho yazo sekubhuqwe ngumlilo.’
\b
\q1
\v 21 Zehlise kuNkulunkulu ukuze uwelelane laye;
\q2 ngaleyondlela ukuphumelela kuzakuza kuwe.
\q1
\v 22 Yamukela iziqondiso eziphuma emlonyeni wakhe,
\q2 amazwi akhe uwabeke enhliziyweni yakho.
\q1
\v 23 Nxa ubuyela kuSomandla, uzavuselelwa;
\q2 nxa ususa ububi bube kude lethente lakho
\q1
\v 24 lomthuso wakho uwulahlele othulini,
\q2 igolide lakho lase-Ofiri ulilahlele emadwaleni ezifuleni,
\q1
\v 25 lapho-ke uSomandla uzakuba ligolide lakho,
\q2 lesiliva esikhethekileyo kuwe.
\q1
\v 26 Ngempela uzazuza ukuthokoza kuSomandla
\q2 uphakamisele ubuso bakho kuNkulunkulu.
\q1
\v 27 Uzakhuleka kuye, yena akuzwe,
\q2 njalo uzagcwalisa izifungo zakho.
\q1
\v 28 Lokho okumisileyo kuzakwenziwa,
\q2 lokukhanya kuzazikhanyisa izindlela zakho.
\q1
\v 29 Nxa abantu besehliswa ubususithi, ‘Baphakamiseni!’
\q2 lapho-ke uzabasiza abahlulukelweyo.
\q1
\v 30 Uzabasiza lalabo abonayo,
\q2 abazakhululwa ngenxa yokubamsulwa kwakho.”
\c 23
\s1 UJobe Uyaphendula
\p
\v 1 Waphendula uJobe wathi:
\q1
\v 2 “Lalamuhla ukusola kwami kulokhu kubuhlungu kabi,
\q2 isandla sakhe siyasinda loba ngibubula kangaka.
\q1
\v 3 Ngabe ngiyakwazi lapho engingamfumana khona;
\q2 aluba nje bengingaya emzini wakhe!
\q1
\v 4 Bengizayibeka kuhle indaba yami phambi kwakhe
\q2 ngigcwalise umlomo wami ngamazwi empikiswano.
\q1
\v 5 Bengizakuzwa ukuthi yena uphendula athini,
\q2 ngikuhlolisise lokho akutshoyo.
\q1
\v 6 Kambe angangiphikisa ngamandla na?
\q2 Hatshi, angazake angethese cala.
\q1
\v 7 Lapho umuntu oqotho ubengendlala indaba yakhe phambi kwakhe,
\q2 njalo bengizakhululwa lanini kumahluleli wami.
\b
\q1
\v 8 Kodwa nxa ngisiya empumalanga, yena kakho khona;
\q2 nxa ngisiya entshonalanga, kangimfumani khona.
\q1
\v 9 Nxa esemsebenzini enyakatho,
\q2 kangimboni;
\q1 angaphendukela eningizimu,
\q2 kangiboni lokuthi tshazi kwakhe.
\q1
\v 10 Kodwa uyayazi indlela engihamba ngayo;
\q2 nxa esengilingile, ngizaphuma senginjengegolide.
\q1
\v 11 Inyawo zami bezilokhu zilandelana lezinyathelo zakhe;
\q2 ngalela endleleni yakhe angaze ngaphambuka.
\q1
\v 12 Angigudlukanga emilayweni yezindebe zakhe;
\q2 ngiwenze igugu amazwi omlomo wakhe
\q2 ukwedlula isinkwa sami sansukuzonke.
\b
\q1
\v 13 Kodwa uzimele yedwa, ngubani ongaphikisana laye na?
\q2 Uyenza loba yini ayifunayo.
\q1
\v 14 Uyagcwalisa isimiso sakhe ngami,
\q2 njalo manengi amacebo anjalo awagcinileyo.
\q1
\v 15 Yikho-nje ngithuthumela ukuma phambi kwakhe;
\q2 ngithi ngingakukhumbula konke lokhu ngimesabe.
\q1
\v 16 UNkulunkulu usenze inhliziyo yami yaphela amandla;
\q2 uSomandla usengethusile.
\q1
\v 17 Kodwa kawuyikungithulisa umnyama lo,
\q2 umnyama lo onzima ovala ubuso bami.”
\b
\c 24
\s1 UJobe Uqhubeka Ekhuluma
\q1
\v 1 “Kungani uSomandla engabeki izikhathi zokwahlulela na?
\q2 Kungani labo abamaziyo belindela ize bengazazi lezinsuku na?
\q1
\v 2 Abantu bayayiguqula imingcele ngokususa izikhonkwane;
\q2 bayayelusa imihlambi entshontshiweyo.
\q1
\v 3 Bayathatha bahambe lobabhemi wentandane,
\q2 bathathe inkabi yomfelokazi ibe yisibambiso.
\q1
\v 4 Abaswelayo bayabagudlula endleleni
\q2 bancindezele abayanga belizweni baze bayocatsha.
\q1
\v 5 Njengabobabhemi beganga enkangala,
\q2 abayanga babhudula ukudla;
\q2 egwaduleni kulapho okuzuzwa khona ukudla kwabantwababo.
\q1
\v 6 Babutha ukudla kwenkomo emasimini
\q2 badobhe okuseleyo ezivinini zababi.
\q1
\v 7 Ngoba bengelazigqoko balala beze ubusuku bonke;
\q2 kabalalutho lokuzembesa emqandweni.
\q1
\v 8 Bagxonxwa lizulu lezintabeni
\q2 bakhusele emadwaleni beswele indawo yokuphephela.
\q1
\v 9 Umntwana oyintandane uhluthunwa ebeleni;
\q2 usane lomyanga luyathunjelwa isikwelede.
\q1
\v 10 Ngoba bengelazigqoko bahamba nqunu;
\q2 bathwala izikhwebu zamabele kodwa belambile.
\q1
\v 11 Bahluza ama-oliva emigelweni;
\q2 bagidagida esikhamelweni sewayini kodwa bomile.
\q1
\v 12 Ukububula kwabafayo kuzwakala kuphuma edolobheni,
\q2 lemiphefumulo yabalimeleyo ikhala icela uncedo.
\q2 Kodwa uNkulunkulu kabeki muntu icala ngenxa yokona.
\b
\q1
\v 13 Bakhona labo abahlamukela ukukhanya,
\q2 abangazaziyo izindlela zalokho kukhanya
\q2 loba ukuhlala kuzo.
\q1
\v 14 Nxa ukukhanya kwemini sekuhambile
\q2 isigebenga siyaphuma sibulale abampofu labaswelayo;
\q2 ebusuku siyanyonyoba njengesela.
\q1
\v 15 Ilihlo lesiphingi lilindela ukuhlwa;
\q2 sikhumbula sithi, ‘Akulamuntu ozangibona,’
\q2 sihlala sibusithile ubuso baso.
\q1
\v 16 Ebumnyameni abantu bayagqekeza izindlu,
\q2 kodwa emini bayazivalela endlini;
\q2 kabakufuni ukukhanya.
\q1
\v 17 Bonke labo ubumnyama obukhulu buyikusa kubo;
\q2 bathandana lezinto ezesabekayo ezobumnyama.
\b
\q1
\v 18 Ikanti baligwebu phezu kwamanzi;
\q2 esabo isabelo selizwe siqalekisiwe,
\q2 ukuze kungayi muntu ezivinini.
\q1
\v 19 Njengalokhu ukutshisa lokoma kuhangula ungqwaqwane oncibilikayo,
\q2 kanjalo ingcwaba liyabahlwitha abenze isono.
\q1
\v 20 Isibeletho siyabakhohlwa,
\q2 impethu zizitike phezu kwabo;
\q1 abantu ababi kabasakhunjulwa
\q2 kodwa bayafohlozwa njengesihlahla.
\q1
\v 21 Bancindezela owesifazane oyinyumba longelamntwana,
\q2 kumfelokazi kabalamusa.
\q1
\v 22 Kodwa uNkulunkulu uyazihudulela kude izikhulu ngamandla akhe.
\q2 Noma bangaze bahlale bazinze kodwa kabalathemba lempilo.
\q1
\v 23 Angabayekela bahlale besizwa bevikelekile,
\q2 kodwa amehlo akhe ayazibona izindlela zabo.
\q1
\v 24 Okwesikhatshana nje balodumo, baphinde banyamalale;
\q2 bayehliswa njalo bafe njengabo bonke abanye;
\q2 bayaqunywa njengezihloko zamabele.
\b
\q1
\v 25 Aluba lokhu kungenjalo, ngubani ongathi ngilamanga
\q2 alulazise amazwi ami abe yize?”
\c 25
\s1 UBhilidadi Uyaphendula
\p
\v 1 Kwathi-ke uBhilidadi umShuhi waphendula wathi:
\q1
\v 2 “Umbuso lesizotha kukuye uNkulunkulu;
\q2 nguye omisa konke ngemfanelo ezulwini eliphezulu.
\q1
\v 3 Amabutho akhe angabalwa na?
\q2 Ngubani ongaphunyelwa yikukhanya kwakhe na?
\q1
\v 4 Pho umuntu angaba ngolungileyo njani kuNkulunkulu na?
\q2 Angenza njani ozelwe ngowesifazane ukuthi ahlanzeke na?
\q1
\v 5 Khangela, nxa inyanga ngokwayo ingakhazimuli,
\q2 lezinkanyezi zingahlanzekanga emehlweni akhe,
\q1
\v 6 pho umuntu-ke usilela kanganani, oyimpethu nje,
\q2 umuntu, oyinhlava nje kuphela!”
\c 26
\s1 UJobe Uyaphendula
\p
\v 1 UJobe wasephendula wathi:
\q1
\v 2 “Usumsize njani ongelamandla!
\q2 Usuyilamulele njani ingalo ebuthakathaka!
\q1
\v 3 Yiseluleko esinjani osusiphe lowo ongelakuhlakanipha!
\q2 Njalo usubonise mbono bani!
\q1
\v 4 Ngubani okuncedisileyo ukukhuluma amazwi la na?
\q2 Ngokabani umoya okhulume ngomlomo wakho na?
\b
\q1
\v 5 Abafileyo basebuhlungwini obukhulu,
\q2 labo abangaphansi kwamanzi lalabo abahlala kuwo.
\q1
\v 6 UKufa kwambulekile phambi kukaNkulunkulu;
\q2 ikhamisile indawo yokubhubha.
\q1
\v 7 Uyawendlala umkhathi wenyakatho endaweni engelalutho;
\q2 aphanyeke umhlaba phezu kweze.
\q1
\v 8 Ugoqele amanzi emayezini akhe,
\q2 kodwa amayezi kawapatshaki yikusindwa ngamanzi.
\q1
\v 9 Uyayigubuzela inyanga egcweleyo,
\q2 endlale amayezi phezu kwayo.
\q1
\v 10 Umisa umkhawulo wokwengama umkhathi emanzini
\q2 kube ngumngcele phakathi kokukhanya lobumnyama.
\q1
\v 11 Izinsika zamazulu ziyazamazama,
\q2 zisethuswa yikukhuza kwakhe.
\q1
\v 12 Ngamandla akhe waluthulisa ulwandle;
\q2 ngenhlakanipho yakhe waquma uRahabi waba yiziqa.
\q1
\v 13 Ngomoya wakhe umkhathi wacethula;
\q2 isandla sakhe sayigwaza inyoka ibaleka.
\q1
\v 14 Njalo le yimisebenzi yakhe engaphandle nje ekucineni;
\q2 esikuzwayo yilizwana nje lokunyenyeza kwakhe!
\q2 Pho ngubani ongawuzwisisa umdumo wamandla akhe na?”
\c 27
\s1 Amazwi KaJobe Okucina Ebanganini Bakhe
\p
\v 1 UJobe waqhubeka ngenkulumo yakhe wathi:
\q1
\v 2 “Ngifunga ngoNkulunkulu ophilayo,
\q2 ngubani ongithathele ilungelo lami lokwahlulelwa ngokulunga,
\q2 uSomandla, ongizwise ubuhlungu bomphefumulo,
\q1
\v 3 nxa ngilokhu ngiselempilo ngaphakathi kwami,
\q2 umphefumulo kaNkulunkulu usemakhaleni ami,
\q1
\v 4 izindebe zami kazisoze zikhulume ububi,
\q2 lolimi lwami kaluyikukhuluma inkohliso.
\q1
\v 5 Kangisoze ngivume ukuthi lina lilungile ngelikutshoyo;
\q2 ngizaze ngiyekufa ngingabulandulanga ubuqotho bami.
\q1
\v 6 Ngizakugcina ukulunga kwami ngingakuyekeli;
\q2 umzwangedwa wami kawuyikungihlupha empilweni yami.
\b
\q1
\v 7 Sengathi izitha zami zingaba njengababi,
\q2 abaxabana lami babe njengabangaqondanga!
\q1
\v 8 Ngoba ulethemba bani ongakholwayo nxa esefile,
\q2 uNkulunkulu angathatha impilo yakhe na?
\q1
\v 9 UNkulunkulu uyakulalela yini ukukhala kwakhe
\q2 nxa usizi lumehlela na?
\q1
\v 10 Uzakuthola yini ukuthokoza kuSomandla?
\q2 Uzacela kuNkulunkulu sonke isikhathi na?
\b
\q1
\v 11 Ngizalifundisa mayelana lamandla kaNkulunkulu;
\q2 izindlela zikaSomandla kangiyikuzifihla.
\q1
\v 12 Lonke lizibonele lokhu ngokwenu.
\q2 Pho, ngeyani inkulumo yonke le eyize na?
\b
\q1
\v 13 Nansi isabelo uNkulunkulu asiqumela ababi,
\q2 ilifa elemukelwa ngumuntu olesihluku sivela kuSomandla:
\q1
\v 14 Loba bebanengi njani abantwabakhe, isabelo sabo yinkemba;
\q2 lenzalo yakhe kayisoze lanini izuze ukudla okwaneleyo.
\q1
\v 15 Isifo esibi sizabangcwaba labo abatshiywa nguye besaphila,
\q2 labafelokazi babo kabayikubalilela.
\q1
\v 16 Lokuba angaze abuthelele isiliva njengothuli
\q2 lezigqoko zibe yinqwaba njengodaka,
\q1
\v 17 lokho akubuthelelayo abalungileyo bazakugqokela,
\q2 labangelacala bazakwaba isiliva sakhe.
\q1
\v 18 Indlu ayakhayo injengesidleke sobulembu,
\q2 njengedumba elenziwe ngumlindi.
\q1
\v 19 Uthi esiyalala enothile, kodwa kasayikuphinda njalo;
\q2 uthi esevula amehlo, konke sekuphelile.
\q1
\v 20 Utshaywa luvalo kungathi ufuqwa yisikhukhula;
\q2 isiphepho siyamhwitha ebusuku.
\q1
\v 21 Umoya wempumalanga udlula laye, anyamalale;
\q2 uyamkhukhula endaweni yakhe.
\q1
\v 22 Utshaya phezu kwakhe ngesihluku
\q2 esithi uyabaleka ecambalele evika amandla awo.
\q1
\v 23 Utshaya izandla umhleka ulunya
\q2 uvunguza laye umsusa endaweni yakhe.”
\c 28
\s1 Lapho Okutholakala Khona Inhakanipho
\q1
\v 1 Kulomgodi wesiliva
\q2 lendawo lapho okucengwa khona igolide.
\q1
\v 2 Insimbi ithathwa emhlabathini,
\q2 lethusi lincibilikiswa emanyeleni.
\q1
\v 3 Umuntu uyawuxotsha umnyama;
\q2 uguduza ezingoxweni eziphansi kude
\q2 edinga amanyele emnyameni othe bhuqe.
\q1
\v 4 Khatshana kwezindawo zabantu ugebha umgodi,
\q2 ezindaweni lapho okungafiki nyawo lwamuntu;
\q2 khatshana kwabantu uyalenga, azunguzeke.
\q1
\v 5 Umhlaba, okuphuma kuwo ukudla,
\q2 uyaguquka ngaphansi ingathi utshiswe ngomlilo;
\q1
\v 6 amasafire amatshe amahle ayaphuma emadwaleni,
\q2 uthuli lwawo lugcwele igolide.
\q1
\v 7 Kakukho nyoni edla inyama eyaziyo leyondlela efihlekileyo,
\q2 kakulalihlo laluphi ukhozi oselwake lwayibona.
\q1
\v 8 Izilo ezizithembileyo kazilubeki unyawo kuyo,
\q2 njalo kakulasilwane esizingela khona.
\q1
\v 9 Isandla somuntu yiso esihlasela idwala eliyinsengetshe
\q2 siveze obala impande zezintaba.
\q1
\v 10 Uyaligubha idwala angene;
\q2 ilihlo lakhe liwabone wonke amagugu alo.
\q1
\v 11 Uyathungatha lapho okudabuka khona imifula
\q2 aveze obala izinto ezifihlekileyo.
\b
\q1
\v 12 Kodwa ukuhlakanipha kungafunyanwa ngaphi na?
\q2 Kuhlala ngaphi na ukuzwisisa?
\q1
\v 13 Umuntu kakuzwisisi ukuqakatheka kwakho;
\q2 kakufunyanwa elizweni labaphilayo.
\q1
\v 14 Phansi ekujuleni kuthi, “Kakukho kimi”;
\q2 ulwandle luthi, “Kangilakho mina.”
\q1
\v 15 Kungeke kwathengwa ngegolide elicolekileyo,
\q2 njalo lentengo yakho ingeke yalinganiswa ngesiliva.
\q1
\v 16 Kungeke kwathengwa ngegolide lase-Ofiri,
\q2 loba nge-onikisi kumbe isafire.
\q1
\v 17 Kungazake kulinganiswe legolide loba amatshe akhazimulayo,
\q2 njalo kakuzuzwa ngemiceciso yegolide.
\q1
\v 18 Amatshe amahle ekhorali lejaspa lawo kawabalwa lapha;
\q2 intengo yokuhlakanipha ingaphezulu kwamarubhi.
\q1
\v 19 Ithophazi yaseKhushi ngeke ilinganiswe lakho;
\q2 ngeke kuthengwe langegolide elicolekileyo.
\b
\q1
\v 20 Pho kuvela ngaphi ukuhlakanipha na?
\q2 Kuhlala ngaphi ukuzwisisa?
\q1
\v 21 Kufihliwe emehlweni ento yonke ephilayo,
\q2 kucatshisiwe lakuzo izinyoni zasemoyeni.
\q1
\v 22 INcithakalo loKufa kuthi,
\q2 “Amahungahunga akho yiwo kuphela esiwezwayo.”
\q1
\v 23 UNkulunkulu uyayizwisisa indlela yakho
\q2 njalo nguye yedwa okwaziyo lapho okuhlala khona,
\q1
\v 24 ngoba uyayikhangela imikhawulo yomhlaba
\q2 akubone konke okungaphansi kwamazulu.
\q1
\v 25 Wathi emisa umfutho womoya,
\q2 elinganisa isimo samanzi,
\q1
\v 26 wathi ebeka umthetho wezulu elinayo
\q2 lendlela yezulu elilesiphepho,
\q1
\v 27 wasekukhangela ukuhlakanipha wakuhlola butsha;
\q2 wakukholwa wakuqinisa, wakulinga ukuthi kuqinile.
\q1
\v 28 Wathi emuntwini,
\q2 “Ukumesaba uThixo yikho ukuhlakanipha,
\q2 lokuxwaya ububi yikho ukuzwisisa.”
\c 29
\s1 Ukuzigeza KukaJobe Kokucina
\p
\v 1 UJobe waqhubeka ngenkulumo yakhe wathi:
\q1
\v 2 “Ngiyaziloyisa lezozinyanga esezadlulayo,
\q2 lezinsuku uNkulunkulu esangilinda,
\q1
\v 3 lapho isibane sakhe sisakhanyisa phezu kwekhanda lami
\q2 ngihamba ngokukhanya kwakhe emnyameni!
\q1
\v 4 Oh, lezinsuku ngisazizwa ukuthi ngiyimi,
\q2 lapho ubudlelwano obukhulu loNkulunkulu busesendlini yami,
\q1
\v 5 lapho uSomandla eseselami
\q2 labantwabami besaphila lami,
\q1
\v 6 lapho indlela yami ifafazwe ngolaza ledwala
\q2 lingithululela impophoma zamafutha e-oliva.
\b
\q1
\v 7 Ekuyeni kwami emasangweni edolobho
\q2 ngafika ngahlala enkundleni,
\q1
\v 8 amajaha angibona agudluka ema eceleni,
\q2 abadala baphakama bema ngezinyawo;
\q1
\v 9 amadoda ayizikhulu athula akaze akhuluma
\q2 avala imilomo yawo ngezandla zawo;
\q1
\v 10 amazwi ezikhulu ehliselwa phansi,
\q2 inlimi zazo zanamathela olwangeni lwazo.
\q1
\v 11 Loba ngubani owangizwayo wakhuluma kuhle ngami,
\q2 kwathi labo abangibonayo bangibuka,
\q1
\v 12 ngoba ngalamulela abayanga abacela uncedo,
\q2 lezintandane ezazingelamsizi.
\q1
\v 13 Indoda eyayisifa yangibusisa;
\q2 ngenza inhliziyo yomfelokazi yahlabelela.
\q1
\v 14 Ngavunula ukulunga njengezigqoko zami;
\q2 ukwahlulela ngokulunga kwaba yisembatho sami lengwane yami.
\q1
\v 15 Ngangingamehlo kwabayiziphofu
\q2 lezinyawo kwabaqhulayo.
\q1
\v 16 Nganginguyise kwabaswelayo;
\q2 ngayimela indaba yesihambi.
\q1
\v 17 Ngawephula amazinyo ababi
\q2 ngahluthuna labo ababebabambile ngamazinyo abo.
\b
\q1
\v 18 Ngakhumbula ngathi, ‘Ngizafela endlini yami,
\q2 insuku zami zinengi njengezinhlamvu zetshebetshebe.
\q1
\v 19 Impande zami zizafinyelela emanzini,
\q2 amazolo azalala emagatsheni ubusuku bonke.
\q1
\v 20 Udumo lwami luzahlala lulutsha kimi,
\q2 idandili lami lilitsha esandleni sami.’
\b
\q1
\v 21 Abantu babengilalela belethemba,
\q2 belindele ukwelulekwa bethule zwi.
\q1
\v 22 Nxa sekukhulume mina, kungakhulumi omunye njalo;
\q2 amazwi ami ayengena kamnandi ezindlebeni zabo.
\q1
\v 23 Babengilindela njengokulindela izulu,
\q2 bawanathe amazwi ami njengezulu lentwasa.
\q1
\v 24 Ngangisithi ngingababobothekela, bathabe bangakholwa;
\q2 ukukhanya kobuso bami kwakuligugu kubo.
\q1
\v 25 Yimi engangibakhethela ukuthi benzeni ngoba ngisanduna kubo;
\q2 ngangihlala njengenkosi phakathi kwamabutho ayo;
\q2 ngangifana lomduduzi wabalilayo.”
\b
\c 30
\s1 UJobe Uqhubeka Ekhuluma
\q1
\v 1 “Kodwa manje bayangiklolodela,
\q2 amadoda angabantwana kimi,
\q1 oyise engangingabehlisa
\q2 ngibelusise izimvu zami.
\q1
\v 2 Amandla ezandla zabo ayengangisiza ngani mina,
\q2 ngoba amadlabuzane abo ayesephelile;
\q1
\v 3 sebejujukile ngokuswela langendlala,
\q2 bazula elizweni elomileyo
\q2 emangweni eyinkangala engelalutho ebusuku.
\q1
\v 4 Enkotheni khonale bakha imibhida emunyu,
\q2 ukudla kwabo kuzimpande zezihlahla.
\q1
\v 5 Baxotshwa ebantwini bakibo,
\q2 bathethiswa kungathi babengamasela.
\q1
\v 6 Kwasekumele bahlale ezihotsheni zezifula ezomileyo,
\q2 ezimbalwini emadwaleni lemilindini emhlabathini.
\q1
\v 7 Bakhonya phakathi kwezihlahla
\q2 baququbala ezixukwini.
\q1
\v 8 Base bengabantu abaphansi abangaselabizo,
\q2 sebexotshiwe elizweni.
\b
\q1
\v 9 Kodwa manje amadodana abo asengihaya ngengoma;
\q2 sengiyisiga kubo.
\q1
\v 10 Bayangenyanya njalo bamela khatshana lami;
\q2 kabathikazi ukungikhafulela ebusweni.
\q1
\v 11 Khathesi njengoba uNkulunkulu eselithukulule idandili lami
\q2 wangitshaya ngezinhlupheko,
\q2 sebeklamasa kabasazithinti.
\q1
\v 12 Kwesokunene kwami ixuku liyangihlasela;
\q2 bathiya inyawo zami ngemijibila
\q2 bakhe imibundu yokungivimbezela.
\q1
\v 13 Badiliza indlela yami;
\q2 bayaphumelela ukungibhidliza
\q2 besithi ‘Akekho ozamsiza.’
\q1
\v 14 Bahlasela ingathi bafohlela esikhaleni esivulekileyo;
\q2 beza bethululeka phezu kwezinqwaba zamanxiwa.
\q1
\v 15 Ukwesaba okukhulu kungiphethe;
\q2 isithunzi sami sobuntu singathi siphethwe ngumoya,
\q2 ukuvikeleka kwami kunyamalala njengeyezi.
\b
\q1
\v 16 Manje impilo yami isincipha;
\q2 insuku zokuhlupheka zingibambe nko.
\q1
\v 17 Ubusuku bugwaza amathambo ami;
\q2 lokuqaqamba kobuhlungu bami kakupheli.
\q1
\v 18 Ngamandla akhe amakhulu uNkulunkulu unjengelembu kimi;
\q2 uyangikhama ngamabheqe entanyeni yami.
\q1
\v 19 Ungivoxela edakeni,
\q2 ngicina sengiluthuli lomlotha.
\b
\q1
\v 20 Ngikhala kuwe, Oh Nkulunkulu, kodwa kawuphenduli;
\q2 ngiyasukuma, kodwa uyangikhangela kuphela.
\q1
\v 21 Ungisukela ngesihluku;
\q2 ungihlasela ngamandla esandla sakho.
\q1
\v 22 Uyangihlwitha ngiphetshulwe ngumoya;
\q2 ngiphoseke le lale phakathi kwesiphepho.
\q1
\v 23 Ngiyazi ukuthi uzangilalisa phansi ekufeni,
\q2 endaweni emiselwe konke okuphilayo.
\b
\q1
\v 24 Ngempela kakho ombeka isandla umuntu oswelayo
\q2 nxa ekhalela ukusizwa esebunzimeni.
\q1
\v 25 Kangibakhalelanga yini labo abahluphekileyo?
\q2 Umoya wami kawubazwelanga usizi abayanga na?
\q1
\v 26 Kodwa ngathi ngilindele ubuhle, kweza ububi;
\q2 ngathi ngilindele ukukhanya kweza ubumnyama.
\q1
\v 27 Ukudunguluka ngaphakathi kwami kakukhawuli;
\q2 insuku zokuhlupheka zingijamele.
\q1
\v 28 Ngihamba nje ngimnyama kubi, kungesikutshiswa lilanga;
\q2 ngiyasukuma enkundleni ngicele uncedo.
\q1
\v 29 Sengingumfowabo wamakhanka,
\q2 umkhula wezikhova.
\q1
\v 30 Isikhumba sami siba mnyama, siyaxathuka;
\q2 umzimba wami uyatshisa ngomkhuhlane.
\q1
\v 31 Ichacho lami selilungiselwe isililo,
\q2 lomqangala wami ulindele umkhosi wokukhala.”
\b
\c 31
\s1 UJobe Uqhubeka Ekhuluma
\q1
\v 1 “Ngasenza isivumelwano lamehlo ami
\q2 ukuthi angakhangeli intombi ayihawukele.
\q1
\v 2 Siyini isabelo somuntu asabelwe nguNkulunkulu ophezulu na,
\q2 ilifa lakhe elivela kuSomandla phezulu?
\q1
\v 3 Akusikubhujiswa kwababi
\q2 lokutshabalaliswa kwalabo abenza okubi na?
\q1
\v 4 Kanti kaziboni yini izindlela zami
\q2 abale zonke izinyathelo zami?
\b
\q1
\v 5 Nxa ngike ngahamba ngokwamanga
\q2 loba unyawo lwami lwakhuthalela inkohliso
\q1
\v 6 uNkulunkulu akangikale esikalini sakhe esiqotho
\q2 ukuze abone ukuthi angilasici,
\q1
\v 7 nxa izinyathelo zami zike zaphambuka endleleni,
\q2 nxa inhliziyo yami ikhokhelwe ngamehlo ami,
\q2 noma kumbe izandla zami zike zangcoliswa,
\q1
\v 8 lapho-ke abanye kabazidlele lokho engikuhlanyeleyo,
\q2 njalo amabele ami kawasitshunwe.
\b
\q1
\v 9 Nxa inhliziyo yami ike yakhangwa ngowesifazane,
\q2 kumbe nxa ngike ngacathama ngasemnyango kamakhelwane,
\q1
\v 10 lapho-ke owami umfazi kacholele enye indoda,
\q2 njalo amanye amadoda kawalale laye.
\q1
\v 11 Ngoba lokho bekuzakuba lihlazo,
\q2 isono esifanele ukwahlulelwa.
\q1
\v 12 Kungumlilo otshisayo onguMaqothula;
\q2 ngabe kwasiphuna isivuno sami.
\b
\q1
\v 13 Nxa ngingaphathanga kuhle izisebenzi zami,
\q2 esesilisa lesesifazane
\q2 nxa kukhona abakusolayo kimi,
\q1
\v 14 ngizakuthini lapho uNkulunkulu esengibuza ngakho na?
\q2 Ngizaphendula ngithini nxa sekumele ngichaze na?
\q1
\v 15 Yena lowo owangenzayo esibelethweni kabenzanga labo na?
\q2 Kasuye yini yena kanye owasenzayo sonke
\q2 phakathi kwezisu zabomama na?
\b
\q1
\v 16 Nxa ngilahlele eceleni izifiso zabayanga
\q2 loba ngayekela amehlo omfelokazi edinwa yizinyembezi,
\q1
\v 17 nxa ngizidlele ngedwa isinkwa sami,
\q2 ngingasabelani lezintandane,
\q1
\v 18 kodwa ebutsheni bami ngabondla njengaboyise,
\q2 njalo kusukela ekuzalweni kwami ngamkhokhela umfelokazi,
\q1
\v 19 nxa ngike ngabona umuntu esifa ngokuswela izigqoko,
\q2 loba umuntu oswelayo engelasivunulo,
\q1
\v 20 njalo inhliziyo yakhe ayingibusisanga
\q2 ngokumfudumeza ngoboya bezimvu zami,
\q1
\v 21 nxa ngike ngaphakamisa isandla sami phezu kwentandane,
\q2 kodwa mina ngikwazi ukuthi bayangilalela emthethwandaba,
\q1
\v 22 nxa kunjalo kayikhumuke ingalo yami kusukela ehlombe,
\q2 kayephulwe endololwaneni.
\q1
\v 23 Ngoba ngesaba ukubhubhisa kukaNkulunkulu,
\q2 kwathi ngokwesaba inkazimulo yakhe,
\q2 ngayekela ukwenza izinto ezinjalo.
\b
\q1
\v 24 Nxa ngifake ithemba lami phezu kwegolide,
\q2 loba ngathi kulo igolide elicolekileyo, ‘Ulithemba lami,’
\q1
\v 25 nxa bengithokoziswa yinotho yami enengi,
\q2 lenzuzo evele ngezandla zami,
\q1
\v 26 nxa ngilikhangele ilanga libenyezela
\q2 loba inyanga ihamba ngenkazimulo,
\q1
\v 27 yaze yayengeka inhliziyo yami ngaphakathi
\q2 nganga isandla sami ukuzikhonza,
\q1
\v 28 lezi lazo yizono ebezifanele ukwahlulelwa,
\q2 ngoba bengizabe ngingathembekanga kuNkulunkulu ophezulu.
\b
\q1
\v 29 Nxa ngike ngathokoza ngomnyama owehlele isitha sami
\q2 kumbe ngagqabhaza ngohlupho olumehleleyo,
\q1
\v 30 kangivumelanga umlomo wami ukuba wenze isono
\q2 ngokuqalekisa ukuphila kwakhe,
\q1
\v 31 nxa abantu bendlu yami bengakaze bathi,
\q2 ‘Ngubani ongazange azitike ngenyama kaJobe na?’
\q1
\v 32 kodwa kakulasihambi esake salala emgwaqweni,
\q2 ngoba umnyango wami wawuhlala uvulelwe izihambi
\q1
\v 33 nxa ngisithukuzile isono sami njengokwenziwa ngabantu,
\q2 ngokufihla umlandu wami enhliziyweni yami
\q1
\v 34 ngoba ngisesaba abantu
\q2 ngithuthunyeliswa yikweyiswa ngabosendo
\q2 ngazithulela ngaze ngala lokuphumela phandle.
\b
\q1
\v 35 (Oh, kube ukhona ongizwayo!
\q2 Sengisayina incwadi yokuzivikela kwami,
\q1 uSomandla kangiphendule;
\q2 ongimangalelayo kabhale phansi
\q2 icala angethesa lona.
\q1
\v 36 Leyoncwadi ngingayithwala ehlombe lami,
\q2 ngingayithwala ekhanda njengomqhele.
\q1
\v 37 Bengingamchazela ngokugcweleyo
\q2 ngazozonke izinyathelo zami;
\q2 ngisondele kuye njengenkosana.)
\b
\q1
\v 38 Nxa ilizwe lakithi lingiphika
\q2 lemifolo yalo imanzi ngezinyembezi,
\q1
\v 39 nxa ngike ngadla izithelo zalo angaze ngabhadala
\q2 loba ngephula imimoya yabanikazi,
\q1
\v 40 nxa kunjalo kakumile ameva esikhundleni sengqoloyi,
\q2 lokhula esikhundleni sebhali.”
\p Aphela lapha amazwi kaJobe.
\c 32
\s1 Inkulumo Ka-Elihu
\p
\v 1 Amadoda la womathathu ema ukuphendula uJobe ngoba wayelungile ngokubona kwakhe. 
\v 2 Kodwa u-Elihu indodana kaBharakeli umBhuzi, owendlu kaRamu, wamzondela uJobe ngokuzigeza yena endaweni yokugezwa nguNkulunkulu. 
\v 3 Wayebazondele njalo labangane labo bobathathu ngoba babengayitholanga indlela yokuphikisa uJobe kodwa bemlahlile ngokumsola. 
\v 4 U-Elihu wayeke wema ukukhuluma loJobe ngoba babebadala kulaye. 
\v 5 Kodwa kwathi esebona ukuthi wonke amadoda womathathu ayengaselalutho ayengalutsho, ulaka lwakhe lwavutha.
\p
\v 6 Ngakho-ke u-Elihu indodana kaBharakeli umBhuzi wathi:
\q1 “Ngimncinyane ngeminyaka,
\q2 lina libadala;
\q1 yikho bengisesaba,
\q2 ngithikaza ukutsho engikwaziyo.
\q1
\v 7 Ngikhumbule ngathi, ‘Kakukhulume ubudala;
\q2 iminyaka yokukhula kayifundise ukuhlakanipha.’
\q1
\v 8 Kodwa kungumoya osemuntwini,
\q2 ukuphefumula kukaSomandla, okumupha ukuqedisisa.
\q1
\v 9 Kakusibo bodwa abadala abahlakaniphileyo,
\q2 njalo kakusibo bodwa abalupheleyo abakuzwisisayo okulungileyo.
\b
\q1
\v 10 Ngakho ngithi: Lalelani kimi;
\q2 lami ngizalitshela engikwaziyo.
\q1
\v 11 Bengithule lisakhuluma,
\q2 ngikulalele ukucabanga kwenu;
\q1 lathi lisadinga amazwi,
\q2
\v 12 ngalilalela ngokupheleleyo.
\q1 Kodwa kakho lamunye kini otshengise ukuthi uJobe ulahlekile;
\q2 kakho omunye wenu osephendule imibono yakhe.
\q1
\v 13 Lingaze lathi, ‘Sesikutholile ukuhlakanipha;
\q2 uNkulunkulu kaveze ukuphosisa kwakhe, hatshi umuntu.’
\q1
\v 14 Kodwa uJobe kakaqondisisi amazwi akhe kimi,
\q2 futhi kangiyikumphendula ngendlela yenu yokuphikisa.
\b
\q1
\v 15 Sebededile kabaselakho okunye abangakutsho;
\q2 sebesilela amazwi.
\q1
\v 16 Ngike ngime na njengoba sebethule,
\q2 sebemi nje laphayana bengaselampendulo?
\q1
\v 17 Lami ngisake ngikhulume;
\q2 lami ngizakutsho engikwaziyo.
\q1
\v 18 Ngoba manengi amazwi engilawo,
\q2 umoya ongaphakathi kwami uyangifuqa;
\q1
\v 19 ngaphakathi ngiyafuthelana njengewayini elivalelwe embodleleni;
\q2 njengemixhaka yewayini esifuna ukudubuka.
\q1
\v 20 Kumele ngikhulume ukuze ngibhodle;
\q2 kumele ngivule indebe zami ngiphendule.
\q1
\v 21 Kangizukutshengisa ubandlululo loba kukubani,
\q2 futhi kangisoze ngiyenge muntu;
\q1
\v 22 ngoba ngabe ngangiligabazi ekukhulumeni,
\q2 uMenzi wami ubezangisusa masinyane.”
\b
\c 33
\s1 U-Elihu Uqhubeka Ekhuluma
\q1
\v 1 “Khathesi-ke, Jobe, lalela amazwi ami;
\q2 lalelisisa konke engikutshoyo.
\q1
\v 2 Sengizawuvula umlomo wami;
\q2 amazwi ami asesolimini lwami.
\q1
\v 3 Amazwi ami aphuma enhliziyweni eqotho;
\q2 izindebe zami zikhuluma ngokukholwa lokho engikwaziyo.
\q1
\v 4 UMoya kaNkulunkulu wangenza;
\q2 umphefumulo kaSomandla ungipha impilo.
\q1
\v 5 Ngiphendula nxa usenelisa;
\q2 zilungiselele ukuthi ungiphikise.
\q1
\v 6 Lami nginjengawe phambi kukaNkulunkulu;
\q2 lami njalo ngathathwa emhlabathini.
\q1
\v 7 Ukungesaba kwakho makungakwethusi,
\q2 njalo isandla sami masingasindi kuwe.
\b
\q1
\v 8 Kodwa ukhulumile ngisizwa,
\q2 ngiwezwile amazwi wona kanye,
\q1
\v 9 ‘Ngimsulwa njalo kangilasono;
\q2 ngihlanzekile kangilamlandu.
\q1
\v 10 Ikanti uNkulunkulu ubone okusolekayo kimi;
\q2 ungithatha njengesitha sakhe.
\q1
\v 11 Uyazikhina inyawo zami ngezibopho;
\q2 uyaziqaphelisisa zonke izindlela zami.’
\b
\q1
\v 12 Kodwa ngiyakutshela ukuthi lapha uyalahleka,
\q2 uNkulunkulu mkhulu kulomuntu.
\q1
\v 13 Kungani umsola
\q2 usithi kaphenduli amazwi omuntu na?
\q1
\v 14 Ngempela uNkulunkulu uyakhuluma,
\q2 khathesi akhulume ngale indlela,
\q1 aphinde akhulume ngenye
\q2 lokuba umuntu angaze akunanzelela.
\q1
\v 15 Kungaba ngephupho, kube ngombono ebusuku
\q2 lapho abantu belele befile
\q2 bethe nya emibhedeni yabo,
\q1
\v 16 angakhuluma ezindlebeni zabo,
\q2 abethuse ngezixwayiso,
\q1
\v 17 ukuze aguqule umuntu ekwenzeni okubi
\q2 aqede ukuzikhukhumeza kwakhe,
\q1
\v 18 ukulondoloza umphefumulo wakhe ungayi egodini,
\q2 lempilo yakhe ingabhubhi ngenkemba.
\b
\q1
\v 19 Loba umuntu angajeziswa ngobuhlungu esembhedeni wakhe,
\q2 langokuqaqamba okungathuliyo emathanjeni akhe,
\q1
\v 20 aze ezwe umzimba wakhe usunengwa yikudla
\q2 lomoya wakhe usenyanya lokudla okumnandi kakhulu.
\q1
\v 21 Inyama yakhe iyacikizeka iphele,
\q2 lamathambo akhe ayekade evaliwe abonakale egcekeni.
\q1
\v 22 Umoya wakhe uyasondela egodini,
\q2 lempilo yakhe kuzo izithunywa zokufa.
\q1
\v 23 Kodwa nxa kulengilosi eceleni kwakhe,
\q2 engumeli, eyodwa phakathi kwenkulungwane,
\q2 ukutshela umuntu okuyikho okumfaneleyo,
\q1
\v 24 ukuba lomusa kuye isithi,
\q2 ‘Mxolele angayingena egodini;
\q2 sengimzuzele inhlawulo yakhe yokumhlenga
\q1
\v 25 bese inyama yakhe ivuselelwa njengeyomntwana;
\q2 iyavuselelwa ibe njengezinsukwini zobutsha bakhe.’
\q1
\v 26 Uyakhuleka kuNkulunkulu amthokozele,
\q2 abubone ubuso bukaNkulunkulu amemeze ngentokozo;
\q2 uyabuyiselwa nguNkulunkulu esimeni sakhe sokulunga.
\q1
\v 27 Kuthi-ke abesebuya ebantwini athi,
\q2 ‘Ngenza isono, ngahlanekela okulungileyo,
\q2 kodwa kangisazuzanga obekungifanele.
\q1
\v 28 Wawuhlenga umphefumulo wami ukuze ungayi egodini,
\q2 ngakho ngizaphila ukuze ngikholise ukukhanya.’
\b
\q1
\v 29 UNkulunkulu uyazenza zonke lezizinto emuntwini
\q2 kabili, noma kathathu
\q1
\v 30 ukubuyisa umphefumulo wakhe ungayi egodini,
\q2 ukuthi isibane sokuphila sikhanye kuye.
\b
\q1
\v 31 Nanzelela, Jobe, ulalele kimi;
\q2 thula kukhulume mina.
\q1
\v 32 Nxa ulolutho lokutsho, ngiphendula;
\q2 khuluma sibili, ngoba ngifuna ukuthi ugezwe umlandu.
\q1
\v 33 Kodwa nxa lungekho lalela kimi;
\q2 thula zwi mina ngizakufundisa ukuhlakanipha.”
\c 34
\s1 U-Elihu Uqhubeka Ekhuluma
\p
\v 1 U-Elihu waqhubeka esithi:
\q1
\v 2 “Zwanini amazwi ami, lina madoda ahlakaniphileyo;
\q2 lalelani kimi, lina madoda ayizifundiswa.
\q1
\v 3 Phela indlebe iyawahlola amazwi
\q2 njengolimi lunambitha ukudla.
\q1
\v 4 Asizihluzeleni thina okulungileyo;
\q2 kasifundeni ndawonye okuhle.
\b
\q1
\v 5 UJobe uthi, ‘Kangilacala,
\q2 kodwa uNkulunkulu kangahluleli ngokulunga.
\q1
\v 6 Loba mina ngiqondile,
\q2 kuthiwa ngilamanga;
\q1 loba ngingelacala,
\q2 umtshoko wakhe ungihlaba isilonda esingelaphekiyo.’
\q1
\v 7 UJobe kanti ungumuntu bani,
\q2 onatha ukuklolodela njengamanzi?
\q1
\v 8 Uzwanana labantu abenza ububi;
\q2 uhambisana labantu ababi.
\q1
\v 9 Ngoba uthi, ‘Umuntu kakumsizi ngalutho
\q2 ukuzama ukuthokozisa uNkulunkulu.’
\b
\q1
\v 10 Ngakho lalelani kimi lina madoda azwisisayo.
\q2 Kakube khatshana laye uNkulunkulu
\q2 ukwenza ububi, khatshana kukaSomandla ukona.
\q1
\v 11 Uyamphindisela umuntu ngalokho akwenzileyo;
\q2 umehlisela lokho okufanele ukuziphatha kwakhe.
\q1
\v 12 Kakungeni engqondweni
\q2 ukuthi uNkulunkulu angenza ububi,
\q2 ukuthi uSomandla
\q2 angakutshila ukwahlulela ngokulunga.
\q1
\v 13 Ngubani owambekayo phezu komhlaba na?
\q2 Ngubani owathi kalawule umhlaba wonke na?
\q1
\v 14 Aluba wayengathanda
\q2 asuse umoya wakhe lokuphefumula,
\q1
\v 15 bonke abantu babengatshabalala kanyekanye,
\q2 umuntu wayezabuyela othulini.
\b
\q1
\v 16 Nxa lilokuzwisisa, zwanini lokhu;
\q2 lalelani lokhu engikutshoyo.
\q1
\v 17 Kambe lowo ozonda ukwahlulela ngokulunga angabusa na?
\q2 Liyamlahla yini Yena oqotho njalo olamandla?
\q1
\v 18 Kayisuye yini othi emakhosini, ‘Kalisizi lutho,’
\q2 athi kwabayizikhulu, ‘Libabi,’
\q1
\v 19 ongatshengisi ukwazisa amakhosana kulabanye
\q2 loba athande abanothileyo kulabayanga,
\q2 ngoba bonke bangumsebenzi wezandla zakhe?
\q1
\v 20 Bayafa nje masinyane, loba phakathi kobusuku;
\q2 abantu bayanyikinywa bedlule;
\q2 abalamandla bayasuswa kungelasandla somuntu.
\b
\q1
\v 21 Amehlo akhe aphezu kwezindlela zabantu;
\q2 ubona zonke izinyathelo zabo.
\q1
\v 22 Akulandawo emnyama loba ithunzi elisithileyo,
\q2 lapho abenzi bobubi abangacatsha khona.
\q1
\v 23 UNkulunkulu kasweli ukuthi aphinde abahlolisise abantu,
\q2 ukuze abalethe ekwahlulelweni phambi kwakhe.
\q1
\v 24 Engaqalanga wahlola uyabaphahlaza abalamandla
\q2 abeke abanye endaweni yabo.
\q1
\v 25 Ngoba ezinanzelela izenzo zabo,
\q2 uyabagenqula ebusuku bahlifizeke.
\q1
\v 26 Uyabajezisa ngenxa yobubi babo
\q2 kube segcekeni emuntwini wonke,
\q1
\v 27 ngoba baphambuka ekumlandeleni
\q2 abaze banaka layiphi indlela yakhe.
\q1
\v 28 Benza ukukhala kwabayanga kweza phambi kwakhe,
\q2 laye wakuzwa ukukhala kwabasweleyo.
\q1
\v 29 Kodwa nxa elokhu ezithulele, ngubani ongamsola na?
\q2 Angafihla ubuso bakhe ngubani ongambona na?
\q1 Kanti uphezu komuntu lesizwe ngokufanayo,
\q2
\v 30 ukwalela ongamesabiyo uNkulunkulu ukuthi abuse,
\q2 ukuze angafakeli abantu izifu.
\b
\q1
\v 31 Akesithi umuntu athi kuNkulunkulu,
\q2 ‘Ngilecala kodwa kangisayikona njalo.
\q1
\v 32 Ngifundisa lokho engingakuboniyo;
\q2 nxa ngenze okubi, kangisayikuphinda ngikwenze.’
\q1
\v 33 Pho uNkulunkulu akuvuze ngokwentando yakho na,
\q2 wena usala ukuphenduka?
\q1 Kumele ukhethe wena, hatshi mina;
\q2 ngakho ngitshela lokho okwaziyo.
\b
\q1
\v 34 Amadoda alokuqedisisa azakutsho,
\q2 amadoda ahlakaniphileyo abangizwayo ngisithi kini,
\q1
\v 35 ‘UJobe ukhuluma engelalwazi;
\q2 amazwi akhe kawalambono.’
\q1
\v 36 Oh, uJobe angasake alingwe ngokweqileyo
\q2 ngoba uphendule njengomuntu omubi!
\q1
\v 37 Phezu kwesono sakhe wengeza ukuhlamuka;
\q2 uyakloloda ngokuqakeza izandla zakhe phakathi kwethu
\q2 andise amazwi akhe aphikisa uNkulunkulu.”
\c 35
\s1 U-Elihu Uqhubeka Ekhuluma
\p
\v 1 U-Elihu wasesithi:
\q1
\v 2 “Ukhumbula ukuthi lokhu kulungile yini?
\q2 Uthi, ‘Ngizagezwa nguNkulunkulu.’
\q1
\v 3 Kodwa uyambuza uthi, ‘Kungisiza ngani lokhu na,
\q2 njalo ngizuzani ngokungenzi isono?’
\b
\q1
\v 4 Ngithanda ukukuphendula
\q2 kanye labangane bakho abalapha.
\q1
\v 5 Ake ukhangele emazulwini ubone;
\q2 khangela amayezi aphakeme kangaka ngaphezu kwakho.
\q1
\v 6 Ungaze wenze isono, lokho kumthinta ngani na?
\q2 Nxa izono zakho zizinengi, kwenzani lokho kuye na?
\q1
\v 7 Nxa ulungile, kuyini omnika khona wena na,
\q2 kumbe yena wamukelani esandleni sakho?
\q1
\v 8 Ububi bakho bulimaza kuphela umuntu onjengawe,
\q2 lokulunga kwakho kuthinta amadodana abantu kuphela.
\b
\q1
\v 9 Abantu bayakhala ngomthwalo wokuncindezelwa;
\q2 bacela ukuphunyuzwa ezingalweni zalabo abalamandla.
\q1
\v 10 Kodwa kakho othi, ‘Ungaphi uNkulunkulu uMenzi wami na,
\q2 opha amahubo ebusuku,
\q1
\v 11 osifundisayo thina kulezinyamazana zalapha emhlabeni
\q2 asenze sihlakaniphe kulezinyoni zasemoyeni?’
\q1
\v 12 Kaphenduli nxa abantu bebiza
\q2 ngenxa yokuziphakamisa kwababi.
\q1
\v 13 Ngempela uNkulunkulu kakulaleli ukuncenga kwabo kwamanga;
\q2 uSomandla kayilaleli into enjalo.
\q1
\v 14 Kuzakuba njani pho, angakulalela
\q2 nxa usithi kawumboni,
\q1 usithi indaba yakho iphambi kwakhe
\q2 ngakho kuzamele ulinde yena,
\q1
\v 15 njalo futhi, ukuthi ulaka lwakhe kalujezisi
\q2 njalo akabunanzi lakancane ububi.
\q1
\v 16 Yikho uJobe evula umlomo wakhe ekhuluma ize;
\q2 ngokuswela ulwazi wandisa amazwi.”
\c 36
\s1 U-Elihu Uqhubeka Ekhuluma
\p
\v 1 U-Elihu waqhubeka esithi:
\q1
\v 2 “Ake lingibekezelele okwesikhatshana ukuze ngilitshengise
\q2 ukuthi kunengi okumele kutshiwo ngobuhle bukaNkulunkulu.
\q1
\v 3 Ngiluzuza kude ulwazi lwami;
\q2 ngithi ukwahlulela okulungileyo ngokukaMenzi wami.
\q1
\v 4 Yiba leqiniso ukuthi amazwi ami aqinisile;
\q2 yena opheleleyo elwazini ulawe.
\b
\q1
\v 5 UNkulunkulu ulamandla, kodwa keyisi muntu;
\q2 ulamandla njalo katshedi ezimisweni zakhe.
\q1
\v 6 Ababi kabayekeli bephila
\q2 kodwa abahluphekayo uyabapha okubafaneleyo.
\q1
\v 7 Kawasusi amehlo akhe kwabalungileyo;
\q2 ubakhweza esihlalweni kanye lamakhosi
\q2 abaphakamise nini lanini.
\q1
\v 8 Kodwa nxa abantu bebotshwe ngamaketane,
\q2 bethiwe nko ngezibopho zezinhlupheko,
\q1
\v 9 uyabatshela lokho abakwenzileyo,
\q2 ukuthi benze isono ngokuziphakamisa.
\q1
\v 10 Ubenza balalele ukuqondiswa
\q2 abalaye ukuthi baphenduke ebubini babo.
\q1
\v 11 Nxa bemlalela bamkhonze,
\q2 zonke insuku zabo eziseleyo zizaphumelela,
\q2 leminyaka yabo ibe ngeyokusuthiseka.
\q1
\v 12 Kodwa nxa bengalaleli,
\q2 bazabhubha ngenkemba,
\q2 bafe bengelalwazi.
\b
\q1
\v 13 Abangamesabiyo uNkulunkulu bagodle ukusola enhliziyweni;
\q2 loba angaze ababophe kabaceli ukusizwa.
\q1
\v 14 Bafa besesebatsha,
\q2 bephakathi kweziphingi ezingamadoda,
\q2 ezihlala ezindaweni zokukhonzela.
\q1
\v 15 Kodwa labo abahluphekayo
\q2 uyabakhulula ekuhluphekeni kwabo;
\q2 ukhuluma labo besezinkathazweni zabo.
\b
\q1
\v 16 Uyakulimukisa ukuthi uphume emihlathini yosizi
\q2 uye endaweni ebanzi,
\q1 ekhululekileyo njalo engelazibopho,
\q2 ebumnandini betafula yakho igcwele izidlo ezimnandi.
\q1
\v 17 Kodwa manje usindwa yikwahlulelwa okulungele ababi;
\q2 ukuthonisiswa lokwahlulelwa ngokulunga
\q2 yikho osekukuduba.
\q1
\v 18 Qaphela kungabikhona okulingayo ngenotho;
\q2 ungavumeli ukuthengwa ngemali kukususe endleleni.
\q1
\v 19 Kambe inotho yakho loba konke ukutshikatshika kwakho
\q2 kungakusekela ukuze ungangeni osizini na?
\q1
\v 20 Ungalangazeleli ubusuku,
\q2 ukuze uyohudula abantu ezindaweni zabo.
\q1
\v 21 Qaphela ungangeni kokubi,
\q2 okukhanya ingathi uyakuthanda kulokuhlupheka.
\b
\q1
\v 22 UNkulunkulu uphakeme ngamandla akhe.
\q2 Ngubani ongafundisa njengaye na?
\q1
\v 23 Ngubani omisele izindlela zakhe na,
\q2 loba othe kuye, ‘Usuwenze okungalunganga?’
\q1
\v 24 Khumbula ukukhulisa umsebenzi wakhe,
\q2 abantu abawudumisileyo ngengoma.
\q1
\v 25 Bonke abantu jikelele bakubonile lokhu;
\q2 abantu bakukhangela bemi khatshana.
\q1
\v 26 Ubukhulu bukaNkulunkulu bungaphezulu kokuzwisisa kwethu!
\q2 Iminyaka yakhe ingezake yaziwe.
\b
\q1
\v 27 Uyawadonsa amathonsi amanzi,
\q2 aqulungane abe lizulu elingena ezifuleni;
\q1
\v 28 amayezi athulula amanzi awo
\q2 kune izulu elikhulu ebantwini.
\q1
\v 29 Ngubani ongakuzwisisa ukuthi uwendlala njani amayezi na,
\q2 ukuthi ukhwaza njani esesiqongweni sakhe na?
\q1
\v 30 Ake libone ukuthi uwuhlakaza njani umbane wakhe azizingelezele ngawo,
\q2 abhukutshe ezinzikini zolwandle.
\q1
\v 31 Yiyo indlela abusa ngayo izizwe
\q2 aziphe ukudla okunengi.
\q1
\v 32 Ugcwalisa izandla zakhe ngombane
\q2 awukhombise lapho omele utshaye khona.
\q1
\v 33 Ukuduma kwakhe kubika isiphepho esizayo;
\q2 lenkomo ziyatshengisa ukuza kwaso.”
\b
\c 37
\s1 U-Elihu Uqhubeka Ekhuluma
\q1
\v 1 “Konke lokhu kwenza inhliziyo yami itshaye
\q2 ize itshede endaweni yayo.
\q1
\v 2 Lalela! Lalela ukubhonga kwelizwi lakhe,
\q2 ukuzamazama okuphuma emlonyeni wakhe.
\q1
\v 3 Uyawukhulula umbane wakhe ngaphansi kwawo wonke amazulu
\q2 awuthumele emikhawulweni yomhlaba.
\q1
\v 4 Ngemva kwalokho kuza umdumo wokubhonga kwakhe;
\q2 uduma ngelizwi lakhe lobukhosi.
\q1 Nxa ilizwi lakhe seliqaqamba
\q2 ulikhulula lonke angaligodli.
\q1
\v 5 Ilizwi likaNkulunkulu liduma ngezindlela ezimangalisayo;
\q2 wenza izinto ezinkulu ngaphezu kokuzwisisa kwethu.
\q1
\v 6 Utshela ungqwaqwane athi, ‘Khithika phezu komhlaba,’
\q2 lezulu athi kulo, ‘Thululeka ube yisihlambo esikhulu.’
\q1
\v 7 Ukuze kuthi bonke abantu abadalayo bakwazi ukusebenza kwakhe,
\q2 uyamisa umuntu wonke emsebenzini wakhe.
\q1
\v 8 Izinyamazana ziyacatsha;
\q2 zihlale ezikhundleni zazo.
\q1
\v 9 Isiphepho siyaphuma ekamelweni laso,
\q2 umqando uphume entshongolweni esikayo.
\q1
\v 10 Ukuphefumula kukaNkulunkulu kukhupha iliqhwa,
\q2 amanzi aluwaca ajiye abe yilitshe.
\q1
\v 11 Ugcwalisa amayezi ngamanzi;
\q2 ahlakaze umbane wakhe ngawo.
\q1
\v 12 Ngokuqondisa kwakhe ayaqhela embese umhlaba wonke
\q2 ukuze enze loba yini awalaya yona.
\q1
\v 13 Uyawaletha amayezi ajezise ngawo abantu,
\q2 loba ukuthelezela umhlaba wakhe ukuze atshengise uthando lwakhe.
\b
\q1
\v 14 Lalela lokhu, Jobe;
\q2 akume ukhumbule izimangaliso zikaNkulunkulu.
\q1
\v 15 Uyakwazi na ukuthi uNkulunkulu uwalawula njani amayezi
\q2 enze umbane wakhe ulavuke?
\q1
\v 16 Uyakwazi na ukuthi amayezi emi njani elengile,
\q2 leyomimangaliso yakhe yena lowo opheleleyo elwazini?
\q1
\v 17 Wena oginqiswa yikutshisa kwezigqoko zakho
\q2 nxa umhlaba uthule zwi kubetha umoya waseningizimu,
\q1
\v 18 ungamncedisa yini ukwendlala isibhakabhaka,
\q2 esilukhuni njengesibuko sensimbi yethusi?
\b
\q1
\v 19 Ake usitshele ukuthi pho sithini kuye;
\q2 ngeke siyimise kuhle indaba yethu ngoba kumnyama nje lapha kithi.
\q1
\v 20 Atshelwe kambe ukuthi ngifuna ukukhuluma?
\q2 Ukhona umuntu ongacela ukuthi aginywe?
\q1
\v 21 Phela kakho ongalikhangela ilanga,
\q2 njengoba licazimula kangaka esibhakabhakeni
\q2 nxa umoya uwaphephule wonke amayezi kwacethula.
\q1
\v 22 Esuka enyakatho uqhamuka ngenkazimulo enjengegolide;
\q2 uNkulunkulu uqhamuka ngobukhosi obesabekayo.
\q1
\v 23 USomandla asingeke simfinyelele njalo uphakeme ulamandla;
\q2 ekwahluleleni kwakhe okuhle lokulunga okukhulu kancindezeli.
\q1
\v 24 Ngakho-ke abantu bayamhlonipha,
\q2 ngoba kanti kabanaki yini bonke abahlakaniphileyo enhliziyweni?”
\c 38
\s1 \nd UThixo\nd* Uyakhuluma
\p
\v 1 \nd UThixo\nd* wasekhuluma loJobe ephakathi kwesiphepho. Wathi:
\q1
\v 2 “Ngubani na lowo odunga amacebo ami
\q2 ngamazwi okungazi?
\q1
\v 3 Qina njengendoda;
\q2 ngizakubuza,
\q2 lawe uzangiphendula.
\b
\q1
\v 4 Wawungaphi lapho ngibeka izisekelo zomhlaba na?
\q2 Ngitshela nxa uqedisisa.
\q1
\v 5 Ngubani owamisa izilinganiso zawo na? Phela angithi uyazi!
\q2 Ngubani owayidonsayo intambo yokulinganisa kuwo na?
\q1
\v 6 Izinsika zawo zamiswa phezu kwani na,
\q2 loba ngubani owamisa ilitshe lawo lekhoneni na
\q1
\v 7 lapho izinkanyezi zokusa zazihlabelela kanyekanye
\q2 lezingilosi zonke zamemeza ngentokozo?
\b
\q1
\v 8 Ngubani owavalela ulwandle ngemva kwezivalo
\q2 lapho selufohla esiswini na,
\q1
\v 9 lapho ngisenza amayezi aba yisembatho salo na
\q2 ngalugoqela ngomnyama omkhulu,
\q1
\v 10 lapho ngalubekela imikhawulo
\q2 ngamisa iminyango yalo lemigoqo endaweni yayo,
\q1
\v 11 lapho engathi, ‘Ungeza uze ufike lapha kodwa ungedluli;
\q2 kulapha amagagasi akho azigqajayo aphelela khona?’
\b
\q1
\v 12 Sewake wabekela ikuseni umthetho na,
\q2 loba watshengisa ukusa indawo yakho
\q1
\v 13 ukuba kuphakamise umhlaba ngemiphetho
\q2 kuthintithe ababi abakuwo?
\q1
\v 14 Umhlaba ubumbeka isimo njengebumba ufakwe uphawu;
\q2 imibala yawo ikhanye ithi bha njengelembu.
\q1
\v 15 Ababi bayacitshelwa ukukhanya,
\q2 lengalo yabo ephakanyisiweyo iyephulwa.
\b
\q1
\v 16 Sewake wahamba emithonjeni yolwandle na
\q2 loba wahamba ezingoxweni zenziki yalo na?
\q1
\v 17 Amasango okufa aseke abonakaliswa kuwe na?
\q2 Usuke wawabona amasango ethunzi lokufa na?
\q1
\v 18 Ubuqedisisile na ubukhulu bobubanzi bomhlaba?
\q2 Ngitshela nxa ukwazi konke lokhu.
\b
\q1
\v 19 Yiphi indlela eya ekhaya elihlala ukukhanya na?
\q2 Ubumnyama bona buhlala ngaphi?
\q1
\v 20 Ungakusa ezindaweni zakho na?
\q2 Uyazazi izindlela eziya emizini yazo na?
\q1
\v 21 Ye uyakwazi, ngoba wawuvele usuzelwe!
\q2 Usuphile iminyaka yonke le!
\b
\q1
\v 22 Sewake wangena eziphaleni zikangqwaqwane
\q2 loba wabona iziphala zesiqhotho na,
\q1
\v 23 engizilindisele izikhathi zohlupho,
\q2 insuku zempi lokuhlasela na?
\q1
\v 24 Ingaphi indlela eya esigodlweni sokwaba umbane,
\q2 loba indawo yokuhlakaza umoya wempumalanga phezu komhlaba na?
\q1
\v 25 Ngubani ogubhe intshukuntshu yezihlambo zezulu,
\q2 lendlela yomdumo wesiphepho;
\q1
\v 26 ukuthelezela ilizwe elingahlali muntu,
\q2 inkangala okungelamuntu kuyo,
\q1
\v 27 ukusuthisa ilizwe elilugwadule
\q2 kulenze lihlume utshani na?
\q1
\v 28 Izulu elinayo liloyise na?
\q2 Ngubani onguyise wamathonsi amazolo na?
\q1
\v 29 Ngesikabani isisu esizala iliqhwa na?
\q2 Ngubani ozala umtshazo ovela phezulu na
\q1
\v 30 lapho amanzi abalukhuni njengelitshe,
\q2 lapho iphezulu yolwandle ijiyile?
\b
\q1
\v 31 Ungasibopha na isiLimela lesi esihle?
\q2 Ungazithukulula yini izintambo zeziNja?
\q1
\v 32 Ungawuletha na uMthala ngesikhathi sawo
\q2 loba ukhuphe inkanyezi ethiwa yiNgulube lemidlwane yayo?
\q1
\v 33 Uyayazi imithetho yasezulwini na?
\q2 Ungawakha yini umbuso kaNkulunkulu emhlabeni?
\b
\q1
\v 34 Ungawamemeza yini amayezi
\q2 uthi akunethise ngesihlambo samanzi?
\q1
\v 35 Uyakuthuma yini ukuphazima kombane?
\q2 Uyabika kuwe yini uthi, ‘Ngilapha’?
\q1
\v 36 Ngubani owapha inhliziyo ukuhlakanipha
\q2 kumbe owapha ingqondo ukuzwisisa na?
\q1
\v 37 Ngubani ololwazi lokubala amayezi na?
\q2 Ngubani ongagenqula amaqhaga asezulwini na
\q1
\v 38 nxa uthuli seluqina
\q2 lamagade omhlabathi esebumbene?
\b
\q1
\v 39 Uyasizingelela na isilwanekazi ukudla kwaso,
\q2 uyiqede indlala yezilwane
\q1
\v 40 lapho zilele ezikhundleni zazo
\q2 kumbe zicwathile ezixukwini?
\q1
\v 41 Ngubani opha iwabayi ukudla
\q2 lapho amatsiyane alo ekhala kuNkulunkulu
\q2 ezulazula ehayila ngendlala na?”
\b
\c 39
\s1 \nd UThixo\nd* Uqhubeka Ekhuluma
\q1
\v 1 “Uyakwazi na ukuthi amagogo azala nini?
\q2 Uyawubukele yini nxa impalakazi izala izinyane layo?
\q1
\v 2 Uyawuzibale yini izinyanga zize zizale?
\q2 Uyasazi isikhathi ezizazala ngaso na?
\q1
\v 3 Ziyalala phansi zizale abantwana bazo;
\q2 kube sekuphela ubuhlungu bokuhelelwa kwazo.
\q1
\v 4 Amazinyane azo ayaqina akhule abe lamandla egangeni;
\q2 ayasuka ahambe angabuyi.
\b
\q1
\v 5 Ngubani owakhulula ubabhemi weganga na?
\q2 Ngubani owathukulula igoda lakhe na?
\q1
\v 6 Ngamupha ugwadule lwaba likhaya lakhe,
\q2 lenkangala yetswayi ibe ngumango wakhe.
\q1
\v 7 Uyazincifela iziphithiphithi zedolobho;
\q2 kakuzwa ukukhahlanyezwa ngumtshayeli.
\q1
\v 8 Uyazihambela abhode izintaba emadlelweni akhe
\q2 edinga loba yini eluhlaza.
\b
\q1
\v 9 Inyathi kambe izavuma ukukusebenzela na?
\q2 Izahlala esibayeni sakho ebusuku na?
\q1
\v 10 Ungayibamba ngomchilo ulime ngayo na?
\q2 Ingazilima na izigodi zakho?
\q1
\v 11 Ungayithemba yini ngenxa yamandla ayo amakhulu na?
\q2 Ungawuyekelela yona umsebenzi wakho onzima na?
\q1
\v 12 Ungayithemba ukuthi izalayitsha amabele akho na
\q2 iwase esizeni?
\b
\q1
\v 13 Impiko zentshe zitshaya kakuhle,
\q2 kodwa ngeke zilinganiswe
\q2 lempiko kanye lezinsiba zengabuzane.
\q1
\v 14 Ibekela amaqanda ayo emhlabathini
\q2 iwayekele afudumale etshebetshebeni,
\q1
\v 15 inganakananga ukuthi unyawo oluthile lungawahlifiza,
\q2 ukuthi inyamazana yeganga ethile ingawanyathela.
\q1
\v 16 Amatsiyane ayo iyawakhahlameza, kube sengathi akusi wayo;
\q2 ingakhathali ukuthi ukubekela kwayo kwaba yize,
\q1
\v 17 ngoba uNkulunkulu kayiphanga ukuhlakanipha
\q2 loba ingqondo yokubona okufaneleyo.
\q1
\v 18 Kodwa nxa isiselula impiko zayo ukuthi igijime,
\q2 iyalihleka ibhiza lomgadi walo.
\b
\q1
\v 19 Uyalipha na wena ibhiza amandla
\q2 kumbe ugqokise intamo yalo ngomhlonga na?
\q1
\v 20 Uyalenza leqe njengentethe na,
\q2 lingethuse ngokuhwabha kwalo kokuziqenya?
\q1
\v 21 Liyaphanda ngenkani, lithokoziswa ngamandla alo,
\q2 lidlubulunde lihlasela isitha.
\q1
\v 22 Liyakuhleka ukwesaba, kalesabi lutho;
\q2 kaliyikhekhelezi inkemba.
\q1
\v 23 Umxhaka wemitshoko ukhehlezela emhlubulweni walo,
\q2 ndawonye lomkhonto obenyezelayo kanye lomdikadika.
\q1
\v 24 Liyafuthelana ngamadlabuzane ligijime limbe phansi;
\q2 kakulivumeli ukuma nxa icilongo selikhala.
\q1
\v 25 Konela ukuthi likhale icilongo lihwabhe lithi, ‘Aha!’
\q2 Lihle lilizwe iphunga lempi isesekhatshana,
\q2 ukukhwaza kwezinduna lomkhosi wempi.
\b
\q1
\v 26 Ukhozi luphatshiswa yikuhlakanipha kwakho na
\q2 lwelule impiko zalo ziqonde eningizimu?
\q1
\v 27 Ukhozi luntweza ngokutshelwa nguwe yini
\q2 kanye lokwakhela isidleke salo esiqongweni?
\q1
\v 28 Luhlala eliweni, lulale khona ebusuku;
\q2 idwala elililiwa yilo inqaba yalo.
\q1
\v 29 Ludinga ukudla kwayo lusuka khona;
\q2 amehlo alo akubona ekude.
\q1
\v 30 Amatsiyane alo azitika ngegazi,
\q2 kuthi lapho okulokubuleweyo khona lalo lukhona.”
\c 40
\s1 \nd UThixo\nd* Uqhubeka Ekhuluma
\p
\v 1 \nd UThixo\nd* wathi kuJobe:
\q1
\v 2 “Lowo ophikisana loSomandla angamqondisa na?
\q2 Yena lowo obeka uNkulunkulu icala kamphendule!”
\p
\v 3 Ngakho uJobe wasephendula \nd uThixo\nd* wathi:
\q1
\v 4 “Kakungilingananga, ngingakuphendula njani na?
\q2 Ngivala umlomo wami ngesandla sami.
\q1
\v 5 Ngikhulumile kanye, kodwa kangilampendulo,
\q2 kabili, kodwa kangisayikukhuluma njalo.”
\p
\v 6 \nd UThixo\nd* wasekhuluma loJobe ephakathi kwesiphepho wathi:
\q1
\v 7 “Qina njengendoda;
\q2 ngizakubuza,
\q2 wena uzangiphendula.
\b
\q1
\v 8 Ungakusola na ukwahlulela kwami ngokulunga?
\q2 Ungangilahla ukuze uzigeze na?
\q1
\v 9 Ulayo ingalo enjengekaNkulunkulu na,
\q2 njalo ilizwi lakho lingaduma njengelakhe yini?
\q1
\v 10 Nxa kunjalo zicecise ngobukhosi langenkazimulo,
\q2 uzembathise ngodumo lobukhosi.
\q1
\v 11 Khulula ukuvutha kolaka lwakho,
\q2 khangela wonke umuntu ozigqajayo umthobise,
\q1
\v 12 khangela wonke umuntu ozigqajayo umbeke phansi,
\q2 ubacobodise ababi khonapho abakhona.
\q1
\v 13 Bambele bonke ndawonye othulini;
\q2 goqela ubuso babo engcwabeni.
\q1
\v 14 Lapho-ke lami ngizavuma kuwe
\q2 ukuthi isandla sakho sokunene singakusindisa.
\b
\q1
\v 15 Khangela imvubu,
\q2 engayidala kanye lawe
\q2 njalo edla utshani njengenkomo.
\q1
\v 16 Ilamandla amangalisayo okhalweni lwayo,
\q2 amandla angaka emisipheni yesisu sayo!
\q1
\v 17 Umsila wayo uyazunguza njengomsedari;
\q2 imisipha yemilenze yayo yalukene.
\q1
\v 18 Amathambo ayo alezimbobo zethusi,
\q2 lezitho zayo zinjengemiqwayi yensimbi.
\q1
\v 19 Iyingqala yezidalwa zikaNkulunkulu,
\q2 kodwa uMenzi wayo angayehlula ngenkemba yakhe.
\q1
\v 20 Izintaba zimlethela izithelo zazo,
\q2 kuthi zonke izilo zeganga zidlalele eduze.
\q1
\v 21 Ilala ngaphansi kwezihlahla ezibukekayo,
\q2 isithekile phakathi kwemihlanga exhaphozini.
\q1
\v 22 Izihlahla ezinhle ziyayisitha ngemithunzi yazo;
\q2 imidubu okhunjini lomfula iyihonqolozele.
\q1
\v 23 Nxa umfula uthwele izikhukhula kayethuki;
\q2 kayithi thiki lokuba iJodani ithululela impophoma emlonyeni wayo.
\q1
\v 24 Ukhona yini ongayibamba ngamehlo,
\q2 kumbe ayithiye ayibhoboze amakhala na?”
\b
\c 41
\s1 \nd UThixo\nd* Uqhubeka Ekhuluma
\q1
\v 1 “Ungambamba na uLeviyathani ngewuka
\q2 loba uhitshele ulimi lwakhe ngentambo na?
\q1
\v 2 Ungawufaka umkhala yini emakhaleni akhe
\q2 kumbe ubhoboze umhlathi wakhe ngewuka na?
\q1
\v 3 Uzabe elokhu ekuncenga yini ukuthi umzwele?
\q2 Uzakhuluma lawe ngamazwi apholileyo yini?
\q1
\v 4 Uzakwenza isivumelwano lawe na
\q2 ukuthi abe yisichaka sakho kokuphela?
\q1
\v 5 Ungamenza abe yisifuyo sokudlalisa njengenyoni na
\q2 kumbe umfake umkhungo adlaliswe ngamantombazana na?
\q1
\v 6 Abathengi bazabhejelana ngentengo yakhe na?
\q2 Bazakwahlukaniselana ngaye na abathengi?
\q1
\v 7 Ungasibhoboza yini isikhumba sakhe ngenhlendla
\q2 loba ikhanda lakhe ngemikhonto yokuciba inhlanzi?
\q1
\v 8 Ungabeka isandla phezu kwakhe,
\q2 uzahlala ukukhumbula ukutshukana kwenu ungaphindi futhi!
\q1
\v 9 Ukucabanga ukuthi ungamehlula kuyize;
\q2 ukumbona nje kodwa kuqeda amandla.
\q1
\v 10 Kakho ongaba lesibindi sokuthi alwe laye.
\q2 Pho ngubani ongamelana lami na?
\q1
\v 11 Ngubani engilomlandu kuye othi kangihlawule na?
\q2 Konke okukhona ngaphansi kwezulu ngokwami.
\b
\q1
\v 12 Kangisoze ngikhawule ukubabaza izitho zakhe,
\q2 amandla akhe langesimo sakhe esihle.
\q1
\v 13 Ngubani ongaxebula isikhumba sakhe na?
\q2 Ngubani ongasondela kuye ngamatomu na?
\q1
\v 14 Ngubani ongaqunga isibindi avule iminyango yomlomo wakhe,
\q2 ogqagqelwe zingavula zamazinyo na?
\q1
\v 15 Umhlane wakhe ulezinhlu zamahawu
\q2 abophene silikici;
\q1
\v 16 yilelo lithe mba kwelinye
\q2 okuthi kakungeni moya phakathi kwawo.
\q1
\v 17 Anamathelene ndawonye;
\q2 abambene okokuthi angeke ehlukaniswe.
\q1
\v 18 Ukuthimula kwakhe kukhupha inhlansi zomlilo;
\q2 amehlo akhe anjengemisebe yokusa.
\q1
\v 19 Amalangabi omlilo alavuka emlonyeni wakhe;
\q2 inhlansi zomlilo ziqhatsha ziphuma khona.
\q1
\v 20 Intuthu ithunqa iphuma emakhaleni akhe
\q2 kungathi isuka embizeni ebilayo phezu komlilo wemihlanga.
\q1
\v 21 Ukuphefumula kwakhe kulumathisa amalahle,
\q2 njalo kulavuka amalangabi emlonyeni wakhe.
\q1
\v 22 Amandla akhe asentanyeni yakhe;
\q2 okuphambi kwakhe kuhle kuphele amandla.
\q1
\v 23 Amavinqo enyama yakhe abambene nki;
\q2 aqine nko kawehlukaniseki.
\q1
\v 24 Isifuba sakhe silukhuni njengelitshe,
\q2 siqine njengengaphansi kwembokodo.
\q1
\v 25 Uthi nxa ephakama kwesabe amaqhawe ngokwawo;
\q2 atshede ebalekela ukubhula komsila wakhe.
\q1
\v 26 Inkemba leyo emfikelayo kayenzi lutho,
\q2 kumbe umkhonto, loba umtshoko loba isijula.
\q1
\v 27 Insimbi uyithatha njengotshani
\q2 lethusi kungathi luluthi olubolileyo.
\q1
\v 28 Imitshoko kayimenzi abaleke;
\q2 lamatshe esavutha anjengomule kuye.
\q1
\v 29 Induku kuye ingumuca wotshani;
\q2 uyahleka esizwa ukukhenceza komdikadika.
\q1
\v 30 Ingaphansi yomzimba wakhe injengendengezi ezibukhali,
\q2 itshiya umzila odakeni kungathi yisileyi esizunguzekayo.
\q1
\v 31 Udunga inziki zamanzi ayabuke njengembiza enkulu ibila,
\q2 aluvube ulwandle njengembiza yamagcobo.
\q1
\v 32 Ngemva kwakhe utshiya umzila okhazimulayo;
\q2 umuntu angazathi ulwandle luloboya obumhlophe.
\q1
\v 33 Kakukho emhlabeni okulingana laye,
\q2 isidalwa esingesabiyo.
\q1
\v 34 Ubakhangelela phansi bonke abathi bazithembile;
\q2 uyinkosi phezu kwabo bonke abazigqajayo.”
\c 42
\s1 UJobe Uyaphendula
\p
\v 1 UJobe wasemphendula \nd uThixo\nd* wathi:
\q1
\v 2 “Ngiyazi ukuthi ungazenza zonke izinto;
\q2 kalikho icebo lakho elingavinjwa.
\q1
\v 3 Ubuzile wathi,
\q2 ‘Ngubani lo ovala iseluleko sami engelalwazi na?’
\q1 Ngeqiniso ngikhulumile ngezinto ebengingazizwisisi,
\q2 izinto ezimangalisayo engingeke ngizazi.
\b
\q1
\v 4 Wena uthe, ‘Lalela manje, mina ngizakhuluma;
\q2 ngizakubuza,
\q2 wena uzangiphendula.’
\q1
\v 5 Indlebe zami zasezizwile ngawe
\q2 kodwa manje amehlo ami asekubonile.
\q1
\v 6 Ngakho sengizeyisa,
\q2 sengiphenduka ngizilahla othulini lasemlotheni.”
\s1 Isiphetho Sendaba
\p
\v 7 Kwathi \nd uThixo\nd* esetshilo lezizinto kuJobe wathi ku-Elifazi umThemani, “Ngikuzondele wena kanye labangane bakho bobabili, ngoba kalikhulumanga ngami okulungileyo njengenceku yami uJobe. 
\v 8 Ngakho manje thathani inkunzi eziyisikhombisa lenqama eziyisikhombisa liye encekwini yami uJobe liyekwenza umnikelo wenu wokutshiswa. Inceku yami uJobe izalikhulekela, mina ngizawamukela umkhuleko wayo ngingaze ngalijezisa okufanele ubuthutha benu. Kalikhulumanga ngami okulungileyo njengenceku yami uJobe.” 
\v 9 Ngakho u-Elifazi umThemani, uBhilidadi umShuhi loZofari umNahama benza lokho abakutshelwa \nd nguThixo\nd*; njalo \nd uThixo\nd* wawemukela umkhuleko kaJobe.
\p
\v 10 UJobe esebakhulekele abangane bakhe, \nd uThixo\nd* wamenza waphumelela njalo wamupha okunengi okuphindwe kabili kulokho ayelakho kuqala. 
\v 11 Bonke abafowabo labodadewabo kanye lobani owayemazi ngaphambili weza ukuzakudla laye endlini yakhe. Bamkhalela, bamzwela ngakho konke ukuhlupheka \nd uThixo\nd* ayemehlisele khona, kwathi ngulowo lalowo wamupha ulutho lwesiliva kanye lesongo legolide.
\p
\v 12 \nd UThixo\nd* wayibusisa impilo yokucina kaJobe ukwedlula eyokuqala. Waba lezimvu eziyizinkulungwane ezilitshumi lane, izinkulungwane eziyisithupha zamakamela, inkulungwane yezipani zenkabi labobabhemi abayinkulungwane. 
\v 13 Waphinda njalo waba lamadodana ayisikhombisa lamadodakazi amathathu. 
\v 14 Indodakazi yokuqala wayetha ibizo elithi Jemima, eyesibili yayinguKheziya, eyesithathu yaba nguKhereni-Haphutshi. 
\v 15 Kakuzange kube khona elizweni lonke abesifazane ababebahle njengamadodakazi kaJobe, njalo uyise wawabela ilifa kanye labanewabo.
\p
\v 16 Ngemva kwalokhu uJobe waphila iminyaka elikhulu lamatshumi amane; wababona abantwabakhe labantwababo kwaze kwaba yisizukulwane sesine. 
\v 17 UJobe wafa esemdala njalo eseluphele.