\id JHN - Biblica® Open Ndebele Contemporary Bible
\ide UTF-8
\h UJohane
\toc1 Ivangeli LikaJohane
\toc2 UJohane
\toc3 Joh
\mt2 Ivangeli
\mt1 LikaJohane
\c 1
\s1 ULizwi Waba Yinyama
\p
\v 1 Ekuqaleni wayekhona uLizwi, uLizwi wayeloNkulunkulu, njalo uLizwi wayenguNkulunkulu. 
\v 2 WayeloNkulunkulu ekuqaleni. 
\v 3 Izinto zonke zenziwa ngaye; ngaphandle kwakhe kube akukho okwenziwayo. 
\v 4 Kwakukhona ukuphila kuye, lokho kuphila kwakuyikukhanya kwabantu. 
\v 5 Ukukhanya kukhanya emnyameni, kodwa umnyama awukakuzwisisi.
\p
\v 6 Kwafika umuntu ethunywe nguNkulunkulu, ibizo lakhe wayenguJohane. 
\v 7 Weza njengomfakazi ezoqinisa mayelana lalokho kukhanya ukuze kuthi ngaye bonke abantu bakholwe. 
\v 8 Yena qobo lwakhe wayengesi lokho kukhanya; weza nje njengomfakazi wokukhanya lokho.
\p
\v 9 Ukukhanya okuliqiniso okunika ukukhanya emuntwini wonke kwakusiza emhlabeni. 
\v 10 Wayesemhlabeni, kodwa lanxa umhlaba wenziwa ngaye, umhlaba kawumazanga. 
\v 11 Weza kulokho okwakungokwakhe, kodwa khona kakumemukelanga. 
\v 12 Ikanti kulabo bonke abamamukelayo, kulabo abakholwayo ebizweni lakhe, wabapha ilungelo lokuba ngabantwana bakaNkulunkulu, 
\v 13 abantwana abangazalwanga ngokwemvelo, kumbe ngokukhetha komuntu, loba ngokufuna kwendoda kodwa bezelwe nguNkulunkulu.
\p
\v 14 ULizwi waba yinyama, wahlala phakathi kwethu. Siyibonile inkazimulo yakhe; inkazimulo yeNdodana eyiyo yodwa, eyavela kuYise, igcwele umusa leqiniso.
\p
\v 15 UJohane wafakaza ngayo. Wamemeza esithi, “Lo nguye engangikhuluma ngaye ngisithi, ‘Lowo oza ngemva kwami usengedlule ngoba wayevele ephambi kwami.’ ” 
\v 16 Ngenxa yokujula komusa wakhe sonke sesamukele umusa emuseni esasivele siwuphiwe. 
\v 17 Ngoba umthetho walethwa ngoMosi; umusa leqiniso kweza ngoJesu Khristu. 
\v 18 Kakho osewake wambona uNkulunkulu, kodwa iNdodana eyiyo yodwa, yona enguNkulunkulu njalo eseceleni eduze kukaYise, isimenze waziwa.
\s1 UJohane UMbhaphathizi Ulandula Ukuthi UnguKhristu
\p
\v 19 Lobu yibo ubufakazi bukaJohane lapho abakhokheli bamaJuda aseJerusalema abathuma khona abaphristi labaLevi ukuyambuza ukuthi wayengubani. 
\v 20 Kehlulekanga ukuzichaza, kodwa wazichaza ekhululekile wathi, “Kangisuye uKhristu.”
\p
\v 21 Bambuza bathi, “Pho ungubani na? Ungu-Elija yini?”
\p Wathi, “Kangisuye.”
\p “Ungumphrofethi na?”
\p Waphendula wathi, “Hatshi.”
\p
\v 22 Bacina ngokuthi, “Ungubani? Siphe impendulo esizayisa kulabo abasithumileyo. Uzibiza ngokuthi ungubani na?”
\p
\v 23 UJohane wabaphendula ngamazwi ka-Isaya umphrofethi wathi, “Ngiyilizwi lalowo omemezayo enkangala lisithi, ‘Lungiselani iNkosi indlela iqonde.’\f + \fr 1.23 \fr*\ft U-Isaya 40.3\ft*\f*”
\p
\v 24 Kwasekusithi abaFarisi ababethunyiwe 
\v 25 bambuza bathi, “Kungani pho ubhaphathiza nxa ungasuye uKhristu, kumbe u-Elija loba umphrofethi na?”
\p
\v 26 UJohane waphendula wathi, “Mina ngibhaphathiza ngamanzi, kodwa phakathi kwenu kumi elingamaziyo. 
\v 27 Nguye lowo ozayo ngemva kwami, mina engingafanelanga ukuthukulula imichilo yamanyathela akhe.”
\p
\v 28 Konke lokhu kwenzeka eBhethani ngaphetsheya kweJodani lapho uJohane ayebhaphathiza khona.
\s1 UJohane Ufakaza NgoJesu
\p
\v 29 Ngelanga elilandelayo uJohane wabona uJesu esiza kuye wathi, “Khangelani, nanti iWundlu likaNkulunkulu elisusa isono somhlaba! 
\v 30 Nguye lo engangimutsho ngize ngithi, ‘Umuntu ozayo ngemva kwami usengedlule ngoba wayevele ephambi kwami.’ 
\v 31 Mina ngokwami bengingamazi, kodwa okwenze ngeza ngibhaphathiza ngamanzi kwakuyikwenzela ukuthi abonakaliswe ku-Israyeli.”
\p
\v 32 UJohane waseletha lobubufakazi: “Ngabona uMoya esehla evela ezulwini enjengejuba wahlala phezu kwakhe. 
\v 33 Lami uqobo lwami ngangingamazi, kodwa lowo owangithumayo ukubhaphathiza ngamanzi wathi, ‘Lowomuntu ozabona uMoya usehla uhlala kuye nguye kanye ozabhaphathiza ngoMoya oNgcwele.’ 
\v 34 Sengibonile yikho sengifakaza ukuthi lo ungoKhethiweyo kaNkulunkulu.”
\s1 Abafundi Bokuqala BakaJesu
\p
\v 35 Ngelanga elilandelayo uJohane wayekhonapho, elabafundi bakhe ababili. 
\v 36 Wathi ebona uJesu esedlula lapho wathi, “Khangelani, nanti iWundlu likaNkulunkulu!”
\p
\v 37 Abafundi ababili labo bathi bekuzwa lokhu basebelandela uJesu. 
\v 38 UJesu wathi enyemukula wababona bemlandela, wababuza wathi, \wj “Lifunani na?”\wj*
\p Bathi, “Rabi” (okutsho ukuthi “Mfundisi”), “uhlala ngaphi?”
\p
\v 39 Waphendula wathi, \wj “Wozani, lizabona.”\wj*
\p Ngakho bahamba bayabona lapho ayehlala khona, batshona laye mhlalokho. Kwakungaba lihola letshumi.
\p
\v 40 U-Andreya, umfowabo kaSimoni Phethro wayengomunye wababili abezwayo okwakukhulunywa nguJohane njalo abayibo abalandela uJesu. 
\v 41 Into yokuqala ayenzayo u-Andreya yikudinga umfowabo uSimoni wamtshela wathi, “Sesimfumene uMesiya” (okutsho uKhristu). 
\v 42 Wasemletha kuJesu.
\p UJesu wamkhangela wathi, \wj “UnguSimoni indodana kaJohane. Usuzathiwa unguKhefasi”\wj* (okuchasiswa ngokuthi, nguPhethro).
\s1 UJesu Ubiza UFiliphu LoNathaneli
\p
\v 43 Ngelanga elilandelayo uJesu wafuna ukusuka aye eGalile. Wabona uFiliphu wathi kuye, \wj “Ngilandela.”\wj*
\p
\v 44 UFiliphu wayengowedolobheni lase-Bhethisayida, njengo-Andreya loPhethro. 
\v 45 UFiliphu wadinga uNathaneli wamtshela wathi, “Sesimfumene lowo uMosi aloba ngaye eMthethweni, njalo abaphrofethi labo abaloba ngaye, uJesu waseNazaretha, indodana kaJosefa.”
\p
\v 46 UNathaneli wabuza wathi, “ENazaretha! Kulolutho oluhle olungavela khona na?”
\p UFiliphu wathi, “Woza uzebona.”
\p
\v 47 Kwathi uJesu ebona uNathaneli eqhamuka laphaya wathi ngaye, \wj “Nangu umʼIsrayeli oqotho, okungekho nkohliso kuye.”\wj*
\p
\v 48 UNathaneli wambuza wathi, “Ungazela ngaphi na?”
\p UJesu waphendula wathi, \wj “Ngikubonile usahlezi ngaphansi kwesihlahla somkhiwa uFiliphu engakakubizi.”\wj*
\p
\v 49 UNathaneli wasefakaza wathi, “Rabi, uyindodana kaNkulunkulu; uyiNkosi ka-Israyeli.”
\p
\v 50 UJesu wathi, \wj “Ukholwa ngoba ngithe ngikubone ngaphansi kwesihlahla somkhiwa. Usazobona izinto ezinkulu kulalokho.”\wj* 
\v 51 Waphinda wengeza wathi, \wj “Ngikutshela iqiniso, uzabona izulu livuleka, lezingilosi zikaNkulunkulu zikhwela zisehlela eNdodaneni yoMuntu.”\wj*
\c 2
\s1 UJesu Uphendula Amanzi Abe Liwayini
\p
\v 1 Ngosuku lwesithathu kwaba khona umthimba eKhana laseGalile. Unina kaJesu wayekhona, 
\v 2 loJesu labafundi bakhe labo babenxusiwe emthimbeni. 
\v 3 Kwathi iwayini seliphelile unina kaJesu wathi kuye, “Sebephelelwe liwayini.”
\p
\v 4 UJesu waphendula wathi, \wj “Mama, mina lawe singena njani kulokho na? Isikhathi sami kasikafiki.”\wj*
\p
\v 5 Unina wasesithi ezincekwini, “Libokwenza loba kuyini azalitshela khona.”
\p
\v 6 Eduze kwalapho kwakumi imbiza zamatshe eziyisithupha, uhlobo lolo amaJuda ayelusebenzisa enkonzweni yokuzihlambulula, imbiza yinye ingagcwala amalitha alikhulu kusiya ekhulwini elilamatshumi amahlanu.
\p
\v 7 UJesu wathi ezincekwini, \wj “Zigcwaliseni amanzi imbiza lezi”\wj*; ngakho bazigcwalisa zathi phamu.
\p
\v 8 Wasezitshela wathi, \wj “Khanini-ke liphe umphathi wedili.”\wj*
\p Benza njalo, 
\v 9 umphathi wedili wahubula wawanambitha amanzi ayesephendulwe abaliwayini. Kakwazanga ukuthi lavela ngaphi, kodwa izinceku ezaziwakhile amanzi zazisazi. Wasebizela umyeni eceleni 
\v 10 wathi, “Wonke umuntu uletha iwayini elimnandi kuqala, kuthi nxa izethekeli sezinathe kakhulu abesekhupha elibi; kodwa wena ugodle elimnandi kuze kube khathesi.”
\p
\v 11 Lo waba ngumangaliso wakhe wokuqala, uJesu awenza eKhana laseGalile. Wabonakalisa kanjalo inkazimulo yakhe, abafundi bakhe basebebeka ukholo lwabo kuye.
\p
\v 12 Ngemva komthimba wasuka waya eKhaphenawume wayahlala insukwana ezimbalwa elonina, labafowabo labafundi bakhe.
\s1 UJesu Uhlambulula IThempeli
\p
\v 13 Kwasekuyisikhathi sePhasika lamaJuda eleminyaka yonke, uJesu wasesiya eJerusalema. 
\v 14 Emagumeni ethempeli wafumana abantu bethengisa inkomo, izimvu lamajuba, labanye behlezi ematafuleni bentshintsha izimali. 
\v 15 Waseseluka izintambo wenza isaswebhu wabadudula bonke emagumeni ethempeli, konke izimvu lenkomo; wayichithiza imali yabantshintshi bayo, wagenqula lamatafula abo. 
\v 16 Wathi kulabo ababethengisa amajuba, \wj “Akhupheni lapha! Likuthatha ngaphi ukwenza indlu kaBaba umsika wokuthengiselana na?”\wj* 
\v 17 Abafundi bakhe bakhumbula ukuthi kulotshiwe ukuthi: “Ukunqinekela indlu yakho kuzangidla ngaphakathi.”\f + \fr 2.17 \fr*\ft AmaHubo 69.9\ft*\f*
\p
\v 18 Lapho amaJuda asemncindezela ngokuthi, “Ungasitshengisa simangaliso bani ukubonisa amandla akho okwenza zonke lezizinto?”
\p
\v 19 Wabaphendula uJesu wathi, \wj “Dilizani ithempeli leli, kodwa mina ngizalimisa njalo ngezinsuku ezintathu.”\wj*
\p
\v 20 AmaJuda aphendula athi, “Sekuthethe iminyaka engamatshumi amane lesithupha ukwakha ithempeli leli, kodwa wena ungalivusa ngezinsuku ezintathu na?” 
\v 21 Kodwa ithempeli ayekhulume ngalo kwakungumzimba wakhe. 
\v 22 Ngemva kokuvuswa kwabafileyo abafundi bakhe bakukhumbula lokho ayekukhulumile. Ngakho bawukholwa uMbhalo kanye lamazwi uJesu awakhulumayo.
\p
\v 23 Kwathi ngesikhathi eseMkhosini wePhasika eJerusalema, abantu abanengi bayibona imimangaliso ayeyenza basebekholwa ebizweni lakhe. 
\v 24 Kodwa uJesu kazange azidele kubo, ngoba wayebazi bonke abantu. 
\v 25 Wayengabudingi ubufakazi bomuntu ngoba wayekwazi okungaphakathi komuntu munye ngamunye.
\c 3
\s1 UJesu Ufundisa UNikhodimasi
\p
\v 1 Kwakulendoda engumFarisi eyayithiwa nguNikhodimasi, ililunga lomphakathi wamaJuda abusayo. 
\v 2 Yaya kuJesu ebusuku yathi, “Rabi, siyazi ukuthi ungumfundisi ovela kuNkulunkulu. Ngoba kakho obengayenza imimangaliso oyenzayo wena nxa uNkulunkulu engelaye.”
\p
\v 3 UJesu waphendula wathi, \wj “Ngempela ngiqinisile ngithi kini, akakho ozawubona umbuso kaNkulunkulu ngaphandle kokuba azalwe kutsha.”\wj*
\p
\v 4 UNikhodimasi wathi, “Kanti umuntu angazalwa kanjani yena esemdala na? Ngeqiniso, angazake angene ngokwesibili esiswini sikanina ukuze azalwe!”
\p
\v 5 UJesu waphendula wathi, \wj “Ngempela ngiqinisile ngithi, ngaphandle kokuthi umuntu azalwe ngamanzi langoMoya, angeke awungene umbuso kaNkulunkulu.\wj* 
\v 6 \wj Inyama izala inyama, kodwa uMoya uzala umoya.\wj* 
\v 7 \wj Ungamangaliswa yikuthi ngithi, ‘Kumele lizalwe kutsha.’\wj* 
\v 8 \wj Umoya uphephethela loba kungaphi lapho othanda khona. Ungakuzwa ukuvunguza kwawo, kodwa ungeke utsho ukuthi uvela ngaphi loba ukuthi uya ngaphi. Ngakho kunjalo emuntwini wonke ozelwe ngoMoya.”\wj*
\p
\v 9 UNikhodimasi wabuza wathi, “Lokhu kungenzeka kanjani na?”
\p
\v 10 UJesu wathi, \wj “Ungumfundisi wako-Israyeli, pho kungani ungazwisisi izinto lezi na?\wj* 
\v 11 \wj Ngiqinisile ngithi sikhuluma ngesikwaziyo njalo sifakaza ngesikubonileyo, kodwa lina bantu kalibamukeli ubufakazi bethu.\wj* 
\v 12 \wj Ngikhulume kini ngezinto zalapha emhlabeni, kodwa kalikholwa; pho lizakholwa kanjani nxa ngingakhuluma ngokwasezulwini?\wj* 
\v 13 \wj Kakho osewake waya ezulwini ngaphandle kwalowo owavela ezulwini, iNdodana yoMuntu.\wj* 
\v 14 \wj NjengoMosi owaphakamisa inyoka enkangala, ngokunjalo iNdodana yoMuntu kumele iphakanyiswe,\wj* 
\v 15 \wj ukuze kuthi lowo lalowo okholwa kuyo abe lokuphila okungapheliyo.”\wj*
\p
\v 16 UNkulunkulu walithanda ilizwe kangaka waze wanikela iNdodana yakhe eyiyo yodwa ukuze kuthi loba ngubani okholwa kuyo angabhubhi, kodwa abe lokuphila okungapheliyo. 
\v 17 Ngoba uNkulunkulu kathumanga iNdodana yakhe emhlabeni ukuze iwulahle umhlaba, kodwa ukuze umhlaba usindiswe ngayo. 
\v 18 Loba ngubani okholwa kuyo kalahlwa, kodwa ongakholwayo uvele uselahliwe ngoba kakholwanga ebizweni leNdodana eyiyo yodwa kaNkulunkulu. 
\v 19 Nanku ukuqunywa kwecala: Ukukhanya sekufikile emhlabeni, kodwa abantu bathanda ubumnyama kulokukhanya ngoba imisebenzi yabo yayimibi. 
\v 20 Wonke umuntu owenza ububi uyakuzonda ukukhanya, njalo kezi ekukhanyeni ngoba esesaba ukuthi izenzo zakhe zizabekwa obala. 
\v 21 Kodwa loba ngubani ophila ngeqiniso uyeza ekukhanyeni ukuze kubonakale kamhlophe ukuthi lokho akwenzileyo ukwenze ngoNkulunkulu.
\s1 Ubufakazi BukaJohane NgoJesu
\p
\v 22 Ngemva kwalokhu uJesu labafundi bakhe basuka baya emaphandleni aseJudiya lapho ahlala labo okwesikhathi esithile ebhaphathiza. 
\v 23 Ngalesosikhathi uJohane laye wayebhaphathiza e-Ayenoni eduze leSalimi ngoba kwakulamanzi amanengi njalo abantu babethululeka kokuphela bezobhaphathizwa. 
\v 24 (Lokhu kwakumandulo kokuphoselwa kukaJohane entolongweni.) 
\v 25 Kwavuka ukuphikisana phakathi kwabanye abafundi bakaJohane lomunye umJuda mayelana lomkhuba wokuzihlambulula. 
\v 26 Beza kuJohane bathi kuye, “Rabi, indoda leyana eyayilawe ngaphetsheya kweJodani; yona leyana owafakaza ngayo; iyabhaphathiza bonke abantu sebesiya kuyo.”
\p
\v 27 Waphendula uJohane wathi, “Umuntu wamukela kuphela lokho akuphiwayo kuvela ezulwini. 
\v 28 Lina ngokwenu lingakufakaza ukuthi ngathi, ‘Kangisuye uKhristu, kodwa ngithunyiwe ukumandulela.’ 
\v 29 Umtshakazi ngowomyeni. Umkhaphi womyeni uyamnakekela, amlalele, abelokuthokoza nxa esizwa ilizwi lomyeni. Lokho kuthokoza ngokwami njalo okwamanje sekuphelele. 
\v 30 Yena ufanele abemkhulu; mina kufanele kunciphe ukuqakatheka kwami.”
\p
\v 31 Lowo ovela phezulu ungaphezulu kwakho konke; lowo ovela emhlabeni ungowomhlaba, ukhuluma njengalowo ovela emhlabeni. Lowo ovela ezulwini ungaphezu kwakho konke. 
\v 32 Ufakaza ngalokho akubonileyo lakuzwileyo, kodwa kakho owamukela ubufakazi bakhe. 
\v 33 Lowomuntu obamukelayo usegcizelele ukuthi uNkulunkulu uqinisile. 
\v 34 Ngoba lowo uNkulunkulu amthumileyo ukhuluma amazwi kaNkulunkulu; yena uNkulunkulu umupha umoya kungelakulinganiswa. 
\v 35 UYise uyayithanda iNdodana njalo useyiphe amandla phezu kwezinto zonke. 
\v 36 Loba ngubani obeke ithemba lakhe eNdodaneni ulokuphila okungapheliyo, kodwa loba ngubani oyilahlayo iNdodana kazukuyibona leyompilo ngoba ulaka lukaNkulunkulu lohlala luphezu kwakhe.
\c 4
\s1 UJesu Ukhuluma Lomfazi WaseSamariya
\p
\v 1 UJesu wezwa ukuthi abaFarisi basebekuzwile ukuthi usebhaphathize abantu wabuye waba labafundi abanengi kuloJohane, 
\v 2 loba nje iqiniso kuyikuthi kwakungasuye uJesu owayebhaphathiza, kodwa kubhaphathiza abafundi bakhe. 
\v 3 Kwathi esekuzwile lokho, wasuka eJudiya wabuyela futhi eGalile.
\p
\v 4 Manje kwakumele adabule eSamariya. 
\v 5 Ngakho wafika emzini waseSamariya owawuthiwa yiSikhari, eduzane lesiqinti uJakhobe ayesinike indodana yakhe uJosefa. 
\v 6 Umthombo kaJakhobe wawukhonapho, uJesu wathi esediniwe ngohambo, wahlala phansi malungana lomthombo. Kwakusemini enkulu.
\p
\v 7 Kwathi umfazi waseSamariya efika ukuzakukha amanzi uJesu wathi kuye, \wj “Ake unginathise.”\wj* 
\v 8 (Abafundi bakhe babeye emzini ukuyathenga ukudla.)
\p
\v 9 Umfazi waseSamariya wathi kuye, “UngumJuda, mina ngingumfazi waseSamariya. Pho ungacela kanjani ukuthi unathiswe yimi?” (Phela amaJuda kawadlelani lamaSamariya.)
\p
\v 10 UJesu wamphendula wathi, \wj “Aluba ubusazi isipho sikaNkulunkulu lokuthi ungubani lowo ocela ukuthi umnathise, ngabe umcelile wakupha amanzi okuphila.”\wj*
\p
\v 11 Umfazi wathi, “Nkosi, wena kawulakho okokukhisa amanzi, futhi umthombo uyatshona. Ungawathatha ngaphi lawomanzi okuphila na? 
\v 12 Wena umkhulu na kulobaba uJakhobe owasipha umthombo lo laye wanatha kuwo kanye lamadodana akhe lezimvu zakhe kanye lezifuyo zakhe?”
\p
\v 13 UJesu waphendula wathi, \wj “Wonke umuntu onatha amanzi la uzaphinda ome futhi,\wj* 
\v 14 \wj kodwa lowo onatha amanzi engimnika wona, kasoze abuye ome lanini. Ngempela amanzi engimnika wona azakuba ngumfula ogelezela ekuphileni okungapheliyo.”\wj*
\p
\v 15 Umfazi wathi kuye, “Nkosi, ngipha lawomanzi ukuze ngingaphindi ngome, ngingabi ngilokhu ngisiza lapha ngizokukha amanzi.”
\p
\v 16 Wathi kowesifazane, \wj “Hamba uyebiza umkakho uze laye lapha.”\wj*
\p
\v 17 Waphendula wathi, “Kangilandoda.”
\p UJesu wathi kuye, \wj “Uqondile nxa usithi kawulandoda.\wj* 
\v 18 \wj Iqiniso yikuthi usube lamadoda amahlanu, futhi indoda le olayo khathesi kayisiyakho. Lokho okutshiloyo kuliqiniso.”\wj*
\p
\v 19 Owesifazane wathi, “Nkosi, sengibona ukuthi ungumphrofethi. 
\v 20 Okhokho bethu babekhonza phezu kwentaba le, kodwa lina maJuda lithi indawo okumele sikhonzele kuyo iseJerusalema.”
\p
\v 21 UJesu wathi, \wj “nkosazana, ngikholwa, siyeza isikhathi lapho elingezukumkhonza uBaba entabeni kumbe eJerusalema.\wj* 
\v 22 \wj Lina maSamariya likhonza elingakwaziyo; thina sikhonza lokho esikwaziyo, ngoba insindiso ivela kumaJuda.\wj* 
\v 23 \wj Kodwa siyeza isikhathi, yebo manje sesifikile lapho abakhonzi beqiniso bezamkhonza uBaba ngomoya langeqiniso, ngoba yibo abakhonzi abanjalo uBaba abadingayo.\wj* 
\v 24 \wj UNkulunkulu ungumoya, labo abamkhonzayo kumele bamkhonze ngomoya langeqiniso.”\wj*
\p
\v 25 Owesifazane wathi, “Ngiyakwazi ukuthi uMesiya (othiwa nguKhristu) uyeza. Esefikile uzasichazela konke.”
\p
\v 26 \wj UJesu wasesithi, “Mina engikhuluma lawe nginguye.”\wj*
\s1 Abafundi Bahlangana Njalo LoJesu
\p
\v 27 Ngalesosikhathi abafundi bakhe baphenduka, bamangala ukufumana uJesu ekhuluma lowesifazane. Kodwa kakho owabuzayo wathi, “Ufunani na?” kumbe athi, “Kungani ukhuluma lowesifazane na?”
\p
\v 28 Owesifazane watshiya inkonxa yakhe wabuyela emzini wakibo wathi ebantwini, 
\v 29 “Wozani lizobona indoda engitshele konke esengake ngakwenza. Kambe angaba nguye yini uKhristu?” 
\v 30 Baphuma emzini lowo baqonda kuye.
\p
\v 31 Kusenzakala konke lokhu abafundi bakhe bamncenga bathi, “Rabi, ake udle ulutho.”
\p
\v 32 Kodwa wathi kubo, \wj “Ngilokudla engikudlayo elingakwaziyo lina.”\wj*
\p
\v 33 Abafundi babuzana bathi, “Kambe ngabe ukhona omlethele ukudla na?”
\p
\v 34 UJesu wathi, \wj “Okwami ukudla yikwenza intando yalowo ongithumileyo lokuphelelisa umsebenzi wakhe.\wj* 
\v 35 \wj Kanti angithi lithi, ‘Kusele izinyanga ezine ukuthi kufike isikhathi sokuvuna’? Ngithi vulani amehlo enu likhangele amasimu! Amabele aselungele ukuvunwa.\wj* 
\v 36 \wj Khathesi lokhu, umvuni uvele usehle ezuza iholo lakhe, usebuthela amabele ekuphileni kwaphakade, ukuze umhlanyeli lomvuni bajabule ndawonye.\wj* 
\v 37 \wj Ngakho ilizwi elithi, ‘Omunye uyahlanyela, omunye avune’ liliqiniso.\wj* 
\v 38 \wj Ngalithuma ukuyavuna lokho elingakusebenzelanga. Abanye bawenzile umsebenzi onzima, lina selivune umvuzo womsebenzi wabo.”\wj*
\s1 AmaSamariya Amanengi Ayakholwa
\p
\v 39 AmaSamariya amanengi akulowomuzi akholwa kuye ngenxa yobufakazi bowesifazane owathi, “Ungitshele konke esengake ngakwenza.” 
\v 40 Ngakho amaSamariya esefike kuye amcela ukuthi ahlale labo, wasehlala insuku ezimbili. 
\v 41 Ngenxa yamazwi akhe abanengi baba ngamakholwa.
\p
\v 42 Bathi kowesifazane, “Kasisakholwa kuphela ngenxa yalokho okutshiloyo; manje sesizizwele thina ngokwethu, ngakho sesisazi ukuthi umuntu lo ngeqiniso unguMsindisi womhlaba.”
\s1 UJesu Usilisa Indodana Yesikhulu
\p
\v 43 Ngemva kwalezonsuku ezimbili, uJesu wasuka waya eGalile. 
\v 44 (Phela uJesu yena ngokwakhe wayetshilo ukuthi umphrofethi kalalo udumo elizweni lakibo.) 
\v 45 Wathi efika eGalile, amaGalile amamukela ngokumthakazelela. Ayekubonile konke lokho akwenzayo eJerusalema, eMkhosini wePhasika, ngoba lawo ayekhona khonale.
\p
\v 46 Wabuya njalo wethekelela eKhana laseGalile, lapho aphendula khona amanzi abaliwayini. Kwakukhona lapho isiphathamandla sasesikhosini esasigulelwa yindodana yaso eKhaphenawume. 
\v 47 Kwathi indoda leyo isizwile ukuthi uJesu wayesefikile eGalile evela eJudiya, yaya kuye yamncenga ukuthi eze azosilisa indodana yayo eyayisibangwa lezibi.
\p
\v 48 UJesu wasitshela wathi, \wj “Ngaphandle kokuthi lina bantu libone izibonakaliso ezididayo lezimangaliso kalisoze lafa lakholwa.”\wj*
\p
\v 49 Sathi isiphathamandla sasesikhosini, “Nkosi, woza umntanami engakafi.”
\p
\v 50 UJesu waphendula wathi, \wj “Usungahamba. Indodana yakho izaphila.”\wj*
\p Indoda yalikholwa ilizwi likaJesu yahamba. 
\v 51 Yathi ilokhu isesendleleni, izinceku zayo zayihlangabeza zayibikela ukuthi indodana yayo yayisiluleme. 
\v 52 Isibuzile ukuthi kwakuyisikhathi bani lapho indodana yayo eyasila ngaso, zathi kuyo, “Umkhuhlane uyixolele izolo ngehola lakuqala emini.”
\p
\v 53 Uyise wananzelela ukuthi leso yiso kanye isikhathi uJesu atsho kuye ukuthi, \wj “Indodana yakho izaphila.”\wj* Ngakho yena kanye labendlu yakhe bonke bakholwa.
\p
\v 54 Lo kwakungumangaliso wesibili uJesu awenzayo esefikile eGalile evela eJudiya.
\c 5
\s1 Ukusilisa Echibini
\p
\v 1 Emva kwesikhathi esithile uJesu waya eJerusalema emkhosini wamaJuda. 
\v 2 EJerusalema kukhona ichibi eduze lesango leZimvu, elithiwa ngesi-Aramu yiBhethisayida, elalihonqolozelwe ngensika ezinhlanu ezibiyelweyo. 
\v 3 Khonapho abantu abayizilima abanengi babandise ukuhlala khona, iziphofu, abaqhulayo, abome imihlubulo [belindele ukudungwa kwamanzi; 
\v 4 ngoba kwakusithi ngezikhathi ezithile ingilosi yeNkosi yayisehlela echibini, idungadunge amanzi besekusithi umuntu oqalayo ukungena emanzini ngemva kokudungeka kwawo asiliswe loba kuwuphi umkhuhlane owawumbambile].\f + \fr 5.4 \fr*\ft Livesi kayikho kwamanye amaBhayibhili esiLungu.\ft*\f* 
\v 5 Omunye owayelapho wayeyisigoga okweminyaka engamatshumi amathathu lesificaminwembili. 
\v 6 Kwathi uJesu embona elele khonapho njalo esetsheliwe ukuthi kade abanjalo okwesikhathi eside, wambuza wathi, \wj “Uyafuna na ukusila?”\wj*
\p
\v 7 Oyisilima waphendula wathi, “Nkosi, kangilamuntu wokungisiza angingenise echibini lapho amanzi edungwa. Ngithi lapho ngizama ukungena omunye angingenele kuqala.”
\p
\v 8 UJesu wasethi kuye, \wj “Sukuma! Thatha icansi lakho uhambe.”\wj* 
\v 9 Khonokho nje indoda yasila; yathatha icansi layo yahamba.
\p Lokhu kwenzakala ngelanga leSabatha, 
\v 10 amaJuda asesithi endodeni eyayisilisiwe, “KuliSabatha; umthetho uyakwalela ukuthi uthwale icansi lakho.”
\p
\v 11 Kodwa yaphendula yathi, “Umuntu ongisilisileyo uthe, \wj ‘Thatha icansi lakho uhambe.’\wj* ”
\p
\v 12 Aseyibuza athi, “Ngubani yena lowo okutshele ukuthi uthathe icansi uhambe?”
\p
\v 13 Indoda leyo eyasiliswayo yayingafanisi lakufanisa ukuthi kambe ngabe wayengubani, ngoba uJesu wayesethe nyelele wangena phakathi kwabantu.
\p
\v 14 Emva kwalokho uJesu wayifumana ethempelini indoda leyo wathi kuyo, \wj “Khangela-ke ususilile njalo. Khawula ukwenza isono funa okubi ukwedlula okokuqala kukwehlele.”\wj* 
\v 15 Indoda leyo yasuka yayatshela amaJuda ukuthi kwakunguJesu owayeyisilisile.
\s1 Ukuphila NgeNdodana
\p
\v 16 Ngakho amaJuda amkhahlameza uJesu ngoba wayesenza izinto lezi ngeSabatha. 
\v 17 UJesu wathi kubo, \wj “UBaba uhlezi esemsebenzini wakhe kuze kube namuhla, lami njalo ngiyasebenza.”\wj* 
\v 18 Ngalesisizatho amaJuda azama kakhulu ukumbulala; wayengephuli iSabatha kuphela kodwa wayebiza uNkulunkulu ngokuthi nguYise, ezenza yena olingana loNkulunkulu.
\p
\v 19 UJesu wabanika impendulo le: \wj “Ngiqinisile ngithi iNdodana ingeke yenze lutho ngokwayo; ingenza kuphela lokho ebona uYise ekwenza, ngoba loba kuyini uYise akwenzayo leNdodana iyakwenza.\wj* 
\v 20 \wj Ngoba uYise uyayithanda iNdodana, uyitshengisa konke akwenzayo. Yebo, lizamangala ukuthi uzayitshengisa izinto ezinkulu kulalezi.\wj* 
\v 21 \wj Njengalokhu uYise evusa abafileyo abaphe ukuphila, kanjalo iNdodana inika ukuphila kulabo ethanda ukubanika khona.\wj* 
\v 22 \wj Okunye njalo, uYise kahluleli muntu, kodwa usebeke konke ukwahlulela ezandleni zeNdodana,\wj* 
\v 23 \wj ukuze bonke bayidumise iNdodana njengalokhu bedumisa uYise. Lowo ongayidumisiyo iNdodana kamdumisi uYise oyithumileyo.\wj*
\p
\v 24 \wj Ngiqinisile ngithi lowo owezwayo amazwi ami amkholwe lowo ongithumileyo ulokuphila okungapheliyo njalo kazukulahlwa; usechaphile wasuka ekufeni waya ekuphileni.\wj* 
\v 25 \wj Ngiqinisile ngithi, isikhathi siyeza njalo sivele sesifikile lapho abafileyo bezalizwa ilizwi leNdodana kaNkulunkulu, kuthi bonke abezwayo baphile.\wj* 
\v 26 \wj Njengoba uYise elokuphila kuye yena ngokwakhe, ngakho useyinikile iNdodana ukuba ibe lokuphila kuyo yona ngokwayo.\wj* 
\v 27 \wj Njalo useyiphile amandla okwahlulela ngoba iyiNdodana yoMuntu.\wj*
\p
\v 28 \wj Kakungalimangalisi lokhu ngoba siyeza isikhathi lapho bonke abasemathuneni abo bezalizwa ilizwi layo\wj* 
\v 29 \wj baphume, labo abenze okuhle bazavuka baphile, lalabo abenze ububi bazavuka balahlwe.\wj* 
\v 30 \wj Mina ngokwami ngingeke ngenze lutho; ngahlulela njengokutshelwa kwami, futhi ukwahlulela kwami kuqondile, ngoba kangidingi kuzithabisa, kodwa ukuthabisa lowo ongithumileyo.”\wj*
\s1 Ubufakazi NgoJesu
\p
\v 31 \wj “Nxa ngizifakazela mina ngokwami ubufakazi bami kabuqinisekanga.\wj* 
\v 32 \wj Ukhona omunye ofakaza kuhle ngami njalo ngiyazi ukuthi ubufakazi bakhe ngami buqinisekile.\wj*
\p
\v 33 \wj Selike lathumela kuJohane yena walifakazela iqiniso.\wj* 
\v 34 \wj Kakutsho ukuthi ngamukela ubufakazi bomuntu; kodwa ngikuthinta lokhu ukuze lisindiswe.\wj* 
\v 35 \wj UJohane wayeyisibane esabhebhayo sanika ukukhanya, lakhetha ukuthokoza ngokukhanya kwakhe okwesikhatshana.\wj*
\p
\v 36 \wj Ngilabo ubufakazi obulesisindo esikhulu kulobukaJohane. Ngoba umsebenzi uBaba anginike wona ukuba ngiwuqedise, wona engiwenzayo uyafakaza ukuthi uBaba ungithumile.\wj* 
\v 37 \wj Njalo uBaba ongithumileyo usefakazile yena ngokwakhe ngami. Kalikaze lilizwe ilizwi lakhe kumbe libone isimo sakhe\wj* 
\v 38 \wj njalo ilizwi lakhe kalihlali kini ngoba kalimkholwa lowo amthumileyo.\wj* 
\v 39 \wj Liphenyisisa imibhalo liyihlola ngoba licabanga ukuthi ngayo lilakho ukuphila okungapheliyo. Yiyo le imibhalo efakaza ngami,\wj* 
\v 40 \wj ikanti liyala ukuza kimi lizozuza ukuphila.\wj*
\p
\v 41 \wj Kangilwamukeli udumo olusuka ebantwini,\wj* 
\v 42 \wj kodwa ngiyalazi lina. Ngiyazi ukuthi kalilalo uthando lukaNkulunkulu ezinhliziyweni zenu.\wj* 
\v 43 \wj Ngibuye ngebizo likaBaba kodwa kalingamukeli; kodwa nxa omunye efika ngebizo lakhe, lizamamukela.\wj* 
\v 44 \wj Lingakholwa kanjani nxa lisamukela udumo elizipha lona kodwa lingenzi mizamo yokuzuza udumo oluvela kuNkulunkulu onguye yedwa na?\wj*
\p
\v 45 \wj Kodwa lingacabangi ukuthi ngizalethesa icala phambi kukaBaba. Umangaleli wenu nguMosi, okukuye elibeke khona amathemba enu.\wj* 
\v 46 \wj Kube lamkholwa uMosi, ngabe liyangikholwa ngoba wabhala ngami.\wj* 
\v 47 \wj Kodwa njengoba lingakukholwa lokho akubhalayo, lizakukholwa kanjani lokho engikutshoyo na?”\wj*
\c 6
\s1 UJesu Usuthisa Abazinkulungwane Ezinhlanu
\p
\v 1 Ngemva kwalokhu uJesu wachaphela ngaphetsheya koLwandle lwaseGalile (kutshiwo uLwandle lwaseThibheriyasi), 
\v 2 njalo walandelwa lixuku elikhulu labantu ngoba babona imimangaliso ayeyenzile kwababegula. 
\v 3 UJesu wasesiya eceleni kwentaba wahlala khona labafundi bakhe. 
\v 4 UMkhosi wePhasika wamaJuda wawususondele.
\p
\v 5 UJesu wathi uyakhangela wabona ixuku labantu elikhulu lisiza kuye, wathi kuFiliphu, \wj “Singasithenga ngaphi isinkwa ukuze abantu laba badle?”\wj* 
\v 6 Wabuza lokhu emlinga nje kuphela ngoba wayevele esekwazi ayezakwenza.
\p
\v 7 UFiliphu wamphendula wathi, “Amadenari angamakhulu amabili ngeke athenge isinkwa esenela ukuthi umuntu munye nje azuze ucezwana!”
\p
\v 8 Omunye wabafundi bakhe, u-Andreya, umfowabo kaSimoni Phethro wakhuluma wathi, 
\v 9 “Nangu umfana olezinkwa zebhali ezinhlanu lenhlanzi ezimbili ezincinyane, kodwa zingafika ngaphi ebantwini abanengi kangaka na?”
\p
\v 10 UJesu wathi, \wj “Hlalisani abantu phansi.”\wj* Kwakulotshani obunengi kuleyondawo, asehlala phansi (amadoda ubunengi bawo bungaba zinkulungwane ezinhlanu). 
\v 11 UJesu wasezithatha izinkwa, wakhuleka, wasezabela labo abasebehlezi phansi, wabapha njengokufuna kwabo. Wenza njalo langenhlanzi.
\p
\v 12 Kwathi bonke sebesuthi, wasesithi kubafundi bakhe, \wj “Buthani imvuthu eziseleyo. Kakungalahlwa lutho.”\wj* 
\v 13 Ngakho bazibutha bagcwalisa izitsha ezilitshumi lambili ngemvuthu zezinkwa zebhali ezatshiywa yilabo ababedlile.
\p
\v 14 Abantu sebewubonile umangaliso awenzayo uJesu baqalisa ukuthi, “Ngeqiniso lo nguye uMphrofethi ozafika emhlabeni.” 
\v 15 UJesu esazi ukuthi babeqonde ukuzomenza inkosi ngenkani, wathi nyelele wabuyela entabeni yedwa.
\s1 UJesu Uhamba Phezu Kwamanzi
\p
\v 16 Kwathi kusihlwa abafundi behlela esizibeni, 
\v 17 lapho abawela khona isikepe bachapha isiziba baya eKhaphenawume. Ngalesosikhathi kwasekuhlwile, uJesu elokhu engakabuyi kubo. 
\v 18 Kwakuvunguza umoya omkhulu amanzi asequbuka kubi. 
\v 19 Sebegwedle okwamakhilomitha amahlanu loba ayisithupha bambona uJesu esiza esikepeni ehamba phezu kwamanzi; bethuka kakhulu. 
\v 20 Kodwa wathi kubo, \wj “Yimi; lingesabi.”\wj* 
\v 21 Babefuna ukumngenisa esikepeni, kwathi masinyane isikepe sahle safika ekhunjini lapho ababeqonde khona.
\p
\v 22 Ngelanga elilandelayo ixuku labantu elalisele ekhunjini elinganeno lananzelela ukuthi kwakukade kulesikepe esisodwa, lokuthi uJesu kangenanga kuso kanye labafundi bakhe, kodwa babehambe bodwa. 
\v 23 Kwasekufika ezinye izikepe zivela eThibheriyasi zamiswa eduze lalapho abantu ababedlele khona isinkwa ngemva kokuba iNkosi isiqale yakhuleka. 
\v 24 Ixuku lonela ukunanzelela ukuthi uJesu kanye labafundi bakhe babengasekho lapho, bangena ezikepeni baya eKhaphenawume ukuyadinga uJesu.
\s1 UJesu Yisinkwa Sokuphila
\p
\v 25 Bathi sebemfumene ngaphetsheya kwechibi bambuza bathi, “Rabi, kanti ufike nini lapha?”
\p
\v 26 UJesu waphendula wathi, \wj “Ngiqinisile ukuthi kalingidingi ngoba libone imimangaliso, kodwa ngoba lidle izinkwa lasutha.\wj* 
\v 27 \wj Lingasebenzeli ukudla okubolayo, kodwa sebenzelani ukudla okuhlala okwempilo engapheliyo elizakuphiwa yiNdodana yoMuntu. UBaba uNkulunkulu usebeke kuyo uphawu lwakhe.”\wj*
\p
\v 28 Basebembuza bathi, “Kumele senzeni ukuze senze umsebenzi kaNkulunkulu na?”
\p
\v 29 UJesu waphendula wathi, \wj “Umsebenzi kaNkulunkulu yilo: ukukholwa kulowo amthumileyo.”\wj*
\p
\v 30 Basebembuza bathi, “Uzasitshengisa simangaliso bani esizasibona ukuze sikukholwe na? Kuyini ozakwenza? 
\v 31 Okhokho badla imana enkangala; njengoba kulotshiwe ukuthi: ‘Wabapha isinkwa sivela ezulwini ukuba badle.’\f + \fr 6.31 \fr*\ft U-Eksodasi 16.4; UNehemiya 9.15; AmaHubo 78.24-25\ft*\f*”
\p
\v 32 UJesu wathi kubo, \wj “Ngiqinisile ngithi, kakusuye uMosi olinike isinkwa sivela ezulwini, kodwa nguBaba olinika isinkwa seqiniso sivela ezulwini.\wj* 
\v 33 \wj Ngoba isinkwa sikaNkulunkulu singulowo owehla ezulwini anike ukuphila emhlabeni.”\wj*
\p
\v 34 Bathi, “Nkosi, kusukela manje siphe lesisinkwa sokuphila.”
\p
\v 35 UJesu wachaza wathi, \wj “Ngiyisinkwa sokuphila. Lowo ozayo kimi kasoze afa alamba, lalowo okholwa kimi kasoze aphinde ome.\wj* 
\v 36 \wj Kodwa njengoba ngilitshelile selingibonile, kodwa lokhe lingakholwa.\wj* 
\v 37 \wj Konke lokho uBaba anginika khona kuzakuza kimi njalo lowo oza kimi kangisoze ngimlahle.\wj* 
\v 38 \wj Ngoba ngehlile ezulwini, hatshi ukuzokwenza eyami intando kodwa ukwenza intando yalowo ongithumileyo.\wj* 
\v 39 \wj Intando yakhe ongithumileyo yile, ukuthi ngingalahlekelwa langokukodwa kwalokho anginike khona, kodwa ngibavuse ngosuku lokucina.\wj* 
\v 40 \wj Ngoba intando kaBaba iyikuthi bonke abakhangela eNdodaneni bakholwe kuyo bazakuba lokuphila okungapheliyo njalo ngizabavusa ngosuku lokucina.”\wj*
\p
\v 41 Esizwa lokhu amaJuda aqalisa ukukhonona ngaye ngoba wathi, \wj “Ngiyisinkwa esehlayo sivela ezulwini.”\wj* 
\v 42 Athi, “Kanti kasuJesu lo indodana kaJosefa na? Oyise lonina kasibazi na? Pho angakutsho kanjani manje ukuthi, \wj ‘Ngehla ngivela ezulwini’\wj*?”
\p
\v 43 UJesu wathi, \wj “Yekelani ukukhonona phakathi kwenu.\wj* 
\v 44 \wj Kakho ongeza kimi ngaphandle kokuthi uBaba ongithumileyo amsondeze, mina-ke ngizamvusa ngosuku lokucina.\wj* 
\v 45 \wj Kulotshiwe kubaphrofethi ukuthi: ‘Bonke bazafundiswa nguNkulunkulu.’\wj*\f + \fr 6.45 \fr*\ft U-Isaya 54.13\ft*\f* \wj Wonke lowo olalela uBaba afunde kuye uyeza kimi.\wj* 
\v 46 \wj Kakho osewake wambona uBaba ngaphandle kwalowo ovela kuNkulunkulu; nguye kuphela ombonileyo uBaba.\wj* 
\v 47 \wj Ngiqinisile ukuthi lowo okholwayo ulokuphila okungapheliyo.\wj* 
\v 48 \wj Ngiyisinkwa sokuphila.\wj* 
\v 49 \wj Okhokho benu bayidla imana enkangala, kodwa bafa.\wj* 
\v 50 \wj Kodwa nansi isinkwa esehla sivela ezulwini, umuntu angasidla angabe esafa.\wj* 
\v 51 \wj Ngiyisinkwa esiphilayo esehlela phansi sivela ezulwini. Nxa umuntu angasidla lesisinkwa, uzaphila laphakade. Lesosinkwa siyinyama yami engizayinikela ukuphila komhlaba.”\wj*
\p
\v 52 Lapho-ke, amaJuda aseqalisa ukuphikisana ngamandla esithi, “Umuntu lo angasipha kanjani inyama yakhe ukuba siyidle na?”
\p
\v 53 UJesu wathi kubo, \wj “Ngiqinisile ngithi, ngaphandle kokuba lidle inyama yeNdodana yoMuntu, linathe igazi layo, kalilakuphila phakathi kwenu.\wj* 
\v 54 \wj Lowo odla inyama yami njalo anathe igazi lami ulokuphila okungapheliyo njalo ngizamvusa ngosuku lokucina.\wj* 
\v 55 \wj Ngoba inyama iyikhona kudla okuqotho legazi lami liyikunatha okuqotho.\wj* 
\v 56 \wj Lowo odla inyama yami njalo anathe igazi lami uhlala kimi, lami kuye.\wj* 
\v 57 \wj Njengoba uBaba ophilayo wangithuma njalo ngiphila ngenxa kaBaba, kanjalo lowo odla mina uzaphila ngenxa yami.\wj* 
\v 58 \wj Lesi yiso isinkwa esehla sivela ezulwini. Okhokho benu badla imana, kodwa bafa, kodwa odla lesisinkwa uzaphila lanininini.”\wj* 
\v 59 Wakutsho lokhu efundisa esinagogweni eKhaphenawume.
\s1 Abafundi Abanengi Bahlamukela UJesu
\p
\v 60 Bathi bekuzwa lokhu abafundi bakhe abanengi bathi, “Le yimfundiso enzima. Kambe ngubani ongayamukela na?”
\p
\v 61 UJesu wathi ngokunanzelela ukuthi abafundi bakhe babekhonona ngalokhu wathi kubo, \wj “Lokhu kuyalikhuba yini?\wj* 
\v 62 \wj Kungaba njani pho nxa lingayibona iNdodana yoMuntu isenyuka ibuyela lapho eyayikhona ngaphambilini!\wj* 
\v 63 \wj UMoya unika ukuphila; inyama kayisizi lutho. Amazwi engiwakhulume kini angumoya njalo ayikuphila.\wj* 
\v 64 \wj Kodwa bakhona abanye benu abangakholwayo.”\wj* Ngoba uJesu wayevele esazi kusukela ekuqaleni ukuba yibaphi phakathi kwabo ababengakholwa lokuthi ngubani owayezamnikela. 
\v 65 Waqhubeka wathi, \wj “Yikho ngalitshela ngathi kakho ongeza kimi ngaphandle kokuba ephiwe amandla nguBaba.”\wj*
\p
\v 66 Kusukela kulesosikhathi abafundi bakhe abanengi bamdela ababe besamlandela.
\p
\v 67 UJesu wabuza abalitshumi lambili wathi, \wj “Lina kalifuni kudela lihambe na?”\wj*
\p
\v 68 USimoni Phethro wamphendula wathi, “Nkosi, sizakuya kubani na? Wena ulamazwi okuphila okungapheliyo. 
\v 69 Thina siyakholwa njalo siyazi ukuthi ungoNgcwele kaNkulunkulu.”
\p
\v 70 UJesu wasephendula wathi, \wj “Kangilikhethanga yini, lina elilitshumi lambili na? Ikanti omunye wenu unguSathane!”\wj* 
\v 71 (Wayesitsho uJudasi, indodana kaSimoni Iskariyothi, owathi loba engomunye wabalitshumi lambili wamnikela.)
\c 7
\s1 UJesu Uya Emkhosini WeziHonqo
\p
\v 1 Ngemva kwalokhu uJesu wahambahamba eGalile, kazathanda ukuya eJudiya ngoba amaJuda alapho ayefuna indlela yokumbulala. 
\v 2 Kwathi uMkhosi wamaJuda weziHonqo ususondele 
\v 3 abafowabo bakaJesu bathi kuye, “Sekumele usuke lapha uye eJudiya ukuze abafundi bakho babone imimangaliso oyenzayo. 
\v 4 Kakho umuntu othi efuna ukuba lodumo asebenzele ensitha. Njengoba usenza izinto lezi ziveze emhlabeni.” 
\v 5 Ngoba labafowabo babengakholwa kuye.
\p
\v 6 Ngakho uJesu wabatshela wathi, \wj “Kasikafiki isikhathi sami salokho; kini loba yisiphi isikhathi sililungele.\wj* 
\v 7 \wj Umhlaba ngeke ulizonde, kodwa mina uyangizonda ngoba ngiveza ukuthi lokho okwenzayo kubi.\wj* 
\v 8 \wj Hambani lina emkhosini. Mina kangikayi emkhosini lowo ngoba kimi kasikafiki isikhathi esifaneleyo.”\wj* 
\v 9 Esetsho lokhu wazihlalela eGalile.
\p
\v 10 Kodwa ngemva kokuba abafowabo sebehambile emkhosini laye waya khona, hatshi obala kodwa wahamba ensitha. 
\v 11 Khonapho emkhosini amaJuda ayemlindele ebuza esithi, “Ingaphi indoda leyana?”
\p
\v 12 Phakathi kwamaxuku abantu kwakulokunyenyezelana ngaye. Abanye bathi, “Ungumuntu olungileyo.”
\p Abanye baphendula bathi, “Hatshi, ukhohlisa abantu.” 
\v 13 Kodwa kakho owakhuluma ngaye obala ngokwesaba amaJuda.
\s1 UJesu Ufundisa Emkhosini
\p
\v 14 Kwathi isikhathi somkhosi sesiphakathi laphakathi uJesu wasesiya egumeni lethempeli waqalisa ukufundisa. 
\v 15 AmaJuda amangala, abuza athi, “Indoda le yaluzuza kanjani ulwazi olungaka yona ingafundanga?”
\p
\v 16 UJesu waphendula wathi, \wj “Imfundiso yami kayisiyami. Ivela kulowo ongithumileyo.\wj* 
\v 17 \wj Nxa umuntu ekhetha ukwenza intando kaNkulunkulu uzabona ingabe imfundiso yami ivela kuNkulunkulu loba ngiyazikhulumela.\wj* 
\v 18 \wj Lowo ozikhulumelayo wenzela ukuzizuzela udumo, kodwa lowo osebenzela udumo lwalowo omthumileyo ngumuntu weqiniso; kakulankohliso kuye.\wj* 
\v 19 \wj UMosi kalinikanga yini umthetho? Kodwa kakho lamunye kini owugcinayo umthetho. Kungani lifuna ukungibulala na?”\wj*
\p
\v 20 Ixuku labantu laphendula lathi, “Ulamadimoni wena. Ngubani ofuna ukukubulala?”
\p
\v 21 UJesu wathi kubo, \wj “Ngenza umangaliso owodwa lamangala kakhulu lonke.\wj* 
\v 22 \wj Kodwa ngoba uMosi walipha ukusoka (loba iqiniso liyikuthi kakuvelanga kuMosi kodwa kubokhokho), liyamsoka umntwana ngeSabatha.\wj* 
\v 23 \wj Manje-ke, nxa umntwana engasokwa ngeSabatha kungabi yikuwephula umthetho kaMosi, pho mina lingizondelani ngokuthi ngisilise umuntu ngokupheleleyo ngeSabatha na?\wj* 
\v 24 \wj Khawulani ukusola ngokubona kwamehlo kodwa yahlulelani ngokuqondileyo.”\wj*
\s1 Impikiswano Ngokuthi UJesu Ungubani
\p
\v 25 Ngalesosikhathi abanye abantu baseJerusalema babuza bathi, “Kanti kasuye yini umuntu lo abafuna ukumbulala na? 
\v 26 Nangu phela ekhuluma egcekeni kodwa kabatsho lutho kuye. Kambe iziphathamandla zingabe sezibone ukuthi nguye uKhristu na? 
\v 27 Kodwa siyakwazi thina lapha indoda le edabuka khona; nxa uKhristu esefika, kakho ozakwazi lapho avela khona.”
\p
\v 28 Kwathi uJesu elokhu esafundisa egumeni lethempeli, wamemeza wathi, \wj “Yebo, liyangazi njalo liyakwazi lapho engivela khona. Kangizibuyelanga lapha kodwa lowo ongithumileyo uqinisile. Kalimazi\wj* 
\v 29 \wj kodwa mina ngiyamazi ngoba ngivela kuye, nguye ongithumileyo.”\wj*
\p
\v 30 Besizwa lokhu bazama ukumbamba kodwa kakho owambeka isandla ngoba isikhathi sakhe sasingakafiki. 
\v 31 Loba kunjalo, abanengi exukwini labantu bakholwa kuye. Bathi, “Nxa uKhristu angafika, kambe uzakwenza imimangaliso okwedlula umuntu lo?”
\p
\v 32 AbaFarisi bezwa abantu benyenyeza izinto ezinjalo ngaye. AbaFarisi labaphristi abakhulu basebethuma amanxusa ethempelini ukuba ayembopha.
\p
\v 33 UJesu wathi, \wj “Ngilani okwesikhathi esifitshane, besengihamba ngisiya kuye ongithumileyo.\wj* 
\v 34 \wj Lizangidinga kodwa lingangifumani; lalapho engikhona lingeke lifike.”\wj*
\p
\v 35 AmaJuda abuzana athi, “Umuntu lo ufuna ukuya ngaphi lapho esingeke samfumana khona na? Uzakuya ebantwini bakithi abahlakazekileyo abahlala phakathi kwamaGrikhi, afundise amaGrikhi na? 
\v 36 Ubesitshoni esithi, \wj ‘Lizangidinga, kodwa lingangifumani,’\wj* njalo wathi, \wj ‘Lapho engikhona lingeke lifike’\wj*?”
\p
\v 37 Ngelanga lokucina elaliqakatheke kakhulu emkhosini, uJesu wasukuma wakhuluma ngelizwi elikhulu wathi, \wj “Nxa ekhona owomileyo keze kimi azonatha.\wj* 
\v 38 \wj Loba ngubani okholwa kimi njengoba uMbhalo utshilo, imifula yamanzi aphilayo izageleza ngaphakathi kwakhe.”\wj* 
\v 39 Ngalokhu wayesitsho uMoya, okwakuzakuthi labo abakholwa kuye bamamukele ngesikhathi esizayo. Kuze kube yilesosikhathi uMoya wawungakathelwa ebantwini, njengoba uJesu wayengakakhazimuliswa.
\p
\v 40 Sebewazwile amazwi akhe abanye bathi, “Ngeqiniso umuntu lo nguye umphrofethi.”
\p
\v 41 Abanye bathi, “Nguye uKhristu.”
\p Abanye njalo babuza bathi, “Kungenzeka kanjani ukuthi uKhristu avele eGalile na? 
\v 42 UMbhalo kawutsho yini ukuthi uKhristu uzavela kusendo lukaDavida, eBhethilehema, umuzi lapho uDavida ayehlala khona.” 
\v 43 Kanjalo abantu badabukana phakathi ngenxa kaJesu. 
\v 44 Abanye babefuna ukumbamba, kodwa kakho owambeka isandla.
\s1 Ukungakholwa Kwabakhokheli BamaJuda
\p
\v 45 Amanxusa ethempelini acina esebuyela kubaphristi abakhulu labaFarisi athi, “Kungani lingezanga laye?”
\p
\v 46 Amanxusa afakaza athi, “Kakho osewake wakhuluma njengaloyamuntu.”
\p
\v 47 AbaFarisi bakhwaza bathi, “Litsho ukuthi lani uselikhohlisile? 
\v 48 Ukhona na kubabusi loba kubaFarisi osebeke ithemba lakhe kuye? 
\v 49 Hatshi! Kodwa inkunkuma yabantu le engazilutho ngezomthetho, iqalekisiwe.”
\p
\v 50 UNikhodimasi owayeye kuJesu mandulo, owayengomunye wabo wabuza wathi, 
\v 51 “Kanti umthetho wakithi uyamlahla na umuntu engaqalanga wabuzwa ukuthi yena uthini ngokwakhe?”
\p
\v 52 Baphendula bathi, “Lawe uvela eGalile yini? Ake ukudingisise, uzabona ukuthi kakulamphrofethi ongaphuma eGalile.”\f + \fr 7.52 \fr*\ft Ingwalo ezaqalayo kanye labanye ofakazi kabala UJohane 7.53 – 8.11. Ingwalo ezimbalwa zigoqela indinyana lezi, kungaba yingxenye yazo kumbe ngokugcweleyo UJohane 7.36, UJohane 21.25, ULukha 21.38 kumbe ULukha 24.53.\ft*\f*
\p [ 
\v 53 Ngakho bonke basuka baya emizini yabo.
\c 8
\nb
\v 1 Kodwa uJesu waya eNtabeni yama-Oliva.
\p
\v 2 Kwathi kusisa wabonakala njalo emagumeni ethempeli, abantu bonke babuthana kuye, wahlala phansi wabafundisa. 
\v 3 Abafundisi bomthetho labaFarisi baletha owesifazane owayebanjwe ephinga. Bamisa phambi kwabantu 
\v 4 bathi kuJesu, “Mfundisi, owesifazane lo ukhandwe efeba. 
\v 5 EMthethweni uMosi wasilaya ukuthi abesifazane abanjalo kabakhandwe ngamatshe. Manje wena uthini?” 
\v 6 Umbuzo lo wawungumjibila wabo ukuze bazuze izaba lokumbeka icala.
\p Kodwa uJesu wakhothama waseloba phansi ngomunwe. 
\v 7 Kwathi ngoba belokhu bephikelela ngokumbuza wabakhangela wathi kubo, \wj “Nxa ekhona phakathi kwenu ongelasono kaqale ukumkhanda ngamatshe.”\wj* 
\v 8 Waphinda wakhothama waloba phansi emhlabathini.
\p
\v 9 Esetshonjalo labo abezwayo baqala ukuthi nyelele munye ngamunye bahamba, kwaqala ngabadala bakhona, kwaze kwasala uJesu yedwa lowesifazane lowo elokhu emi khonapho. 
\v 10 UJesu wamkhangela wambuza wathi, \wj “Mama, kanti sebeye ngaphi? Kasekho yini okwethesa icala?”\wj*
\p
\v 11 Owesifazane wathi, “Kabasekho, nkosi.”
\p UJesu waphendula wathi, \wj “Lami-ke, kangikulahli, zihambele, kodwa ungaphindi wenze isono futhi.”\wj*]
\s1 Ubuqotho Bobufakazi BukaJesu
\p
\v 12 Kwathi uJesu esekhuluma ebantwini njalo wathi, “Ngiyikukhanya komhlaba. Loba ngubani ongilandelayo kasoze ahambe ebumnyameni lanini kodwa uzakuba lokukhanya kokuphila.”
\p
\v 13 AbaFarisi bahle bamqaga bathi, “Nanko-ke, wena uyazifakazela; ubufakazi bakho kabulaqiniso.”
\p
\v 14 UJesu waphendula wathi, \wj “Loba ngizifakazela mina, ubufakazi bami buqinisile ngoba ngiyakwazi lapho engavela khona lalapho engiyakhona. Kodwa lina kumnyama nje kini ukuthi ngivela ngaphi lokuthi ngiya ngaphi.\wj* 
\v 15 \wj Lina lahlulela ngendlela yabantu; mina kangahluleli muntu.\wj* 
\v 16 \wj Kodwa ngithi nxa ngingehlulela, izinqumo zami zilungile ngoba kangingedwa. Ngimi loBaba ongithumileyo.\wj* 
\v 17 \wj Emthethweni wenu kulotshiwe ukuthi ubufakazi babantu ababili buqinisile.\wj* 
\v 18 \wj Yimi ngokwami engizifakazelayo; omunye umfakazi nguBaba ongithumileyo.”\wj*
\p
\v 19 Basebembuza bathi, “Ungaphi uyihlo?”
\p UJesu waphendula wathi, \wj “Kalingazi mina kanye loBaba. Aluba belingazi, belizamazi loBaba njalo.”\wj* 
\v 20 Wawakhuluma amazwi la efundisa egumeni lethempeli eduze lalapho okwakubekwa khona iminikelo. Kodwa kakho owambambayo ngoba isikhathi sakhe sasingakafiki.
\s1 Imibuzo NgoJesu
\p
\v 21 Waphinda njalo uJesu wathi kubo, \wj “Ngiyasuka lapha, futhi lizangidinga, kodwa lizafela esonweni senu. Lapho engiyakhona alingeke lize khona.”\wj*
\p
\v 22 AmaJuda asebuzana athi, “Uzazibulala yini? Yikho yini esithi, \wj ‘Lapho engiyakhona lingeke lize khona’\wj*?”
\p
\v 23 Kodwa waqhubeka wathi, \wj “Lina lingabalapha phansi; mina ngivela phezulu. Lingabomhlaba; mina kangisiwalo umhlaba.\wj* 
\v 24 \wj Ngilitshelile ukuthi lizafela ezonweni zenu; nxa lingakholwa ukuthi nginguye engithi nginguye, ngempela lizafela ezonweni zenu.”\wj*
\p
\v 25 Bambuza bathi, “Uvele ungubani?”
\p UJesu waphendula wathi, \wj “Khonokho ebengivele ngikutsho sonke lesisikhathi.\wj* 
\v 26 \wj Kunengi engingalahlulela ngakho. Kodwa lowo ongithumileyo uthembekile njalo lokho engikuzwileyo kusuka kuye ngikutshela umhlaba.”\wj*
\p
\v 27 Kabazange bazwisise ukuthi wayebatshela ngoYise. 
\v 28 Ngakho uJesu wasesithi, \wj “Lapho seliyiphakamisile iNdodana yoMuntu lizakwazi ukuthi ngingubani lokuthi kangenzi lutho ngokwami kodwa ngikhuluma kuphela lokho uBaba angifundise khona.\wj* 
\v 29 \wj Lowo ongithumileyo ulami; kangitshiyanga ngingedwa ngoba ngihlezi ngisenza lokho okumthokozisayo.”\wj* 
\v 30 Wathi esakhuluma lokhu abanengi bakholwa kuye.
\s1 Abantwana Baka-Abhrahama
\p
\v 31 UJesu wathi kumaJuda amkholwayo, \wj “Nxa libambelela emfundisweni yami lingabafundi bami ngempela.\wj* 
\v 32 \wj Ngakho lizalazi iqiniso, njalo iqiniso lizalikhulula.”\wj*
\p
\v 33 Amphendula athi, “Siyinzalo ka-Abhrahama futhi kasizange lanini sibe yizigqili zamuntu. Ukutsho kanjani pho ukuthi sizakhululwa?”
\p
\v 34 UJesu waphendula wathi, \wj “Ngiqinisile ngithi wonke owenza isono uyisigqili sesono.\wj* 
\v 35 \wj Phela isigqili kasilandawo emiyo emulini, kodwa oyindodana ungowakhona lanininini.\wj* 
\v 36 \wj Ngakho-ke, nxa iNdodana ilikhulula, lizakhululeka ngempela.\wj* 
\v 37 \wj Ngiyakwazi ukuthi lingabosendo luka-Abhrahama. Kodwa selizimisele ukungibulala ngoba ilizwi lami kalilandawo kini.\wj* 
\v 38 \wj Ngilitshela lokho engikubone phambi kukaBaba kodwa lina lenza lokho elikuzwileyo ngoyihlo.”\wj*
\p
\v 39 Aphendula athi, “U-Abhrahama nguye ubaba.”
\p UJesu wathi, \wj “Aluba belingabantwana baka-Abhrahama ngabe lenza izinto ezenziwa nguye u-Abhrahama.\wj* 
\v 40 \wj Kodwa kunje nje lizimisele ukungibulala, mina muntu oselitshele iqiniso engilizwileyo livela kuNkulunkulu. U-Abhrahama kazenzanga izinto ezinjalo.\wj* 
\v 41 \wj Lenza izinto ezenziwa ngowenu uyihlo.”\wj*
\p Amvukela athi, “Kasisibantwana abazuzwa ngobufebe thina. UBaba esilaye kuphela nguNkulunkulu ngokwakhe.”
\s1 Abantwana BakaSathane
\p
\v 42 UJesu wathi kuwo, \wj “Kube uNkulunkulu ubenguYihlo, belizangithanda ngoba ngavela kuNkulunkulu, okwamanje sengilapha. Kangizibuyelanga kodwa uNkulunkulu wangithuma.\wj* 
\v 43 \wj Kungani lingaluzwisisi ulimi engilukhulumayo na? Ngoba liyehluleka ukuzwa engikutshoyo.\wj* 
\v 44 \wj Lingabakayihlo uSathane ngakho lifuna ukusenza isifiso sikayihlo. Wavele waba ngumbulali mdabuko wakhe, kemanga eqinisweni ngoba uvele engelalo iqiniso. Uthi nxa ewaqamba amanga, akhulume ulimi lomdabuko wakhe ngoba ungusomangase loyise wamanga.\wj* 
\v 45 \wj Kodwa kalingikholwa ngoba ngilitshela iqiniso!\wj* 
\v 46 \wj Ukhona na kini ongaveza ukuthi ngilecala lesono? Nxa ngikhuluma iqiniso kungani lingangikholwa na?\wj* 
\v 47 \wj Lowo ongokaNkulunkulu uyakuzwa lokho uNkulunkulu akutshoyo. Isizatho sokuthi lingezwa yikuthi kalisibo bakaNkulunkulu.”\wj*
\s1 UJesu Akutshoyo Ngaye
\p
\v 48 AmaJuda aphendula athi, “Siyalahleka yini nxa sisithi ungumSamariya njalo ulamadimoni?”
\p
\v 49 UJesu wathi, \wj “Kangiladimoni mina, kodwa ngidumisa uBaba ikanti lina liyangigcona.\wj* 
\v 50 \wj Kangizidingeli udumo mina kodwa ukhona olufunayo, yena ungumahluleli.\wj* 
\v 51 \wj Ngiyaqinisa ngithi, nxa umuntu egcina ilizwi lami kasoze akubone ukufa lanini.”\wj*
\p
\v 52 Esizwa lokhu amaJuda ababaza athi, “Khathesi sesisazi ukuthi uledimoni! U-Abhrahama wafa kanye labo abaphrofethi kodwa wena uthi nxa umuntu egcina ilizwi lakho kasoze akuzwe ukufa lanini. 
\v 53 Wena umkhulu kulobaba u-Abhrahama na? Wafa, kanye labo abaphrofethi. Wena uzenza bani na?”
\p
\v 54 UJesu waphendula wathi, \wj “Nxa ngizidumisa mina ngokwami, luyize udumo lwami. UBaba, elithi unguNkulunkulu wenu nguye ongidumisayo.\wj* 
\v 55 \wj Lanxa lina lingamazi, mina ngiyamazi. Ngabe ngithe kangimazi, bengizabe ngingumqambi wamanga njengani kodwa ngiyamazi njalo ngiyaligcina ilizwi lakhe.\wj* 
\v 56 \wj Uyihlo u-Abhrahama wathakazelela umnakano wokulubona usuku lwami; walubona wathokoza.”\wj*
\p
\v 57 AmaJuda athi kuye, “Kawukafikisi iminyaka engamatshumi amahlanu obudala, kodwa uthi usumbonile u-Abhrahama!”
\p
\v 58 UJesu waphendula wathi, \wj “Ngilitshela iqiniso ukuthi u-Abhrahama engakazalwa, mina ngasengikhona!”\wj* 
\v 59 Besizwa lokhu badobha amatshe befuna ukumkhanda kodwa uJesu wasithela, waphunyuka wasuka emagumeni ethempeli.
\c 9
\s1 UJesu Usilisa Indoda Eyazalwa Iyisiphofu
\p
\v 1 UJesu wathi elokhu ehamba wabona indoda eyayiyisiphofu kusukela ekuzalweni kwayo. 
\v 2 Abafundi bakhe bambuza bathi, “Rabi, ngubani owenza isono, indoda le loba abazali bayo ukuze izalwe iyisiphofu na?”
\p
\v 3 UJesu wathi, \wj “Kakusikho ukuthi abazali bayo loba yona indoda le yenza isono kodwa lokhu kwenzakala ukuze umsebenzi kaNkulunkulu ubonakaliswe empilweni yayo.\wj* 
\v 4 \wj Nxa kulokhu kusemini kumele siwenze umsebenzi wakhe ongithumileyo. Ubusuku buyeza lapho kungelamuntu ongasebenza khona.\wj* 
\v 5 \wj Nxa ngisesemhlabeni, ngiyikukhanya komhlaba.”\wj*
\p
\v 6 Esekutshilo lokhu wakhafulela emhlabathini, wavuba udaka ngamathe walunameka emehlweni endoda. 
\v 7 Wayitshela wathi, \wj “Hamba uyegeza esizibeni saseSilowami”\wj* (ibizo leli litsho ukuthi “Ukuthunywa”). Ngakho indoda yahamba yayageza, yabuyela ekhaya isibona.
\p
\v 8 Omakhelwane bayo lalabo abahlezi beyibona icela babuza bathi, “Kakusiyo yini indoda le eyayihlala icela?”
\p
\v 9 Abanye baqinisa ukuthi kwakuyiyo. Abanye bathi, “Hatshi, lo ufana layo nje kuphela.”
\p Kodwa yona yagcizelela yathi, “Ngiyiyo leyondoda.”
\p
\v 10 Bamjinga ngemibuzo bathi, “Pho amehlo akho avuleke kanjani?”
\p
\v 11 Waphendula wathi, “Indoda abayithi nguJesu ivube udaka yalunameka emehlweni ami. Ingitshele yathi kangiye eSilowami ngiyegeza. Ngakho ngiyile ngayageza, ngasengibona.”
\p
\v 12 Bayibuza bathi, “Ingaphi leyondoda?”
\p Wathi, “Kangazi.”
\s1 AbaFarisi Badingisisa Ngalokho Kusiliswa
\p
\v 13 Indoda leyo eyayikade iyisiphofu yalethwa kubaFarisi. 
\v 14 Usuku uJesu enza ngalo udaka wavula amehlo endoda leyo lwaluyiSabatha. 
\v 15 AbaFarisi baphinde bayibuzisisa ukuthi kwenziwani ukuze ibone. Indoda yaphendula yathi, “Uninde udaka emehlweni ami, ngageza, manje sengibona.”
\p
\v 16 Abanye abaFarisi bathi, “Umuntu lo kaveli kuNkulunkulu ngoba kaligcini iSabatha.”
\p Kodwa abanye babuza bathi, “Isoni singayenza kanjani imimangaliso enje na?” Kanjalo adabukana.
\p
\v 17 Bacina sebephendukela endodeni eyayiyisiphofu njalo bathi, “Wena uthini ngaye? Ngamehlo akho awavulileyo.”
\p Indoda yaphendula yathi, “Ungumphrofethi.”
\p
\v 18 AmaJuda kawazange akholwe ukuthi indoda le yayikade iyisiphofu lokuthi yayisiyenziwe yabona kwaze kwabizwa abazali bayo. 
\v 19 Bababuza bathi, “Lo yindodana yenu yini? Nguye lo elithi wazalwa eyisiphofu? Sekwenzeke kanjani ukuthi khathesi usebona?”
\p
\v 20 Abazali baphendula bathi, “Thina sazi ukuthi uyindodana yethu, njalo siyakwazi ukuthi wazalwa eyisiphofu. 
\v 21 Kodwa ukuthi khathesi usebona lokuthi amehlo akhe avulwe ngubani kasikwazi. Mbuzeni. Usekhulile; uzazikhulumela.” 
\v 22 Abazali bakhe bakutsho lokhu ngoba babesesaba amaJuda, ngoba amaJuda ayesevele aquma ukuthi loba ngubani owayezakuthi uJesu nguKhristu wayezaxotshwa esinagogweni. 
\v 23 Yikho abazali bakhe bathi, “Usekhulile; mbuzeni yena.”
\p
\v 24 Aphinda ayibiza okwesibili indoda eyayiyisiphofu athi, “Nika udumo kuNkulunkulu. Siyakwazi ukuthi umuntu lo uyisoni.”
\p
\v 25 Yaphendula yathi, “Ukuthi uyisoni kumbe hatshi kangikwazi. Mina kunye engikwaziyo. Bengiyisiphofu kodwa manje sengibona!”
\p
\v 26 Aseyibuza athi, “Wenzeni kuwe na? Uwavule njani amehlo akho?”
\p
\v 27 Yaphendula yathi, “Sengilitshelile kodwa kalifunanga ukuzwa. Lifunelani ukukuzwa njalo? Lani lifuna ukuba ngabafundi bakhe na?”
\p
\v 28 Khonapho asemthuka esithi, “Ungumfundi walumuntu! Thina singabafundi bakaMosi! 
\v 29 Siyakwazi ukuthi uNkulunkulu wakhuluma kuMosi, kodwa umfokazi lo kasimazi lokuthi uvela ngaphi.”
\p
\v 30 Indoda yaphendula yathi, “Manje lokhu kuyamangalisa! Kalimazi lapho avela khona kodwa uwavulile amehlo ami. 
\v 31 Siyakwazi ukuthi uNkulunkulu kazilaleli izoni. Ulalela umuntu olobunkulunkulu, owenza intando yakhe. 
\v 32 Kakho osewake wezwa ngokuvulwa kwamehlo omuntu owazalwa eyisiphofu. 
\v 33 Aluba umuntu lo ubengaveli kuNkulunkulu ubengasoze enze lutho.”
\p
\v 34 Aphendula lokhu ngokuthi, “Wazalwa ucwile nya esonweni; ngeke sifundiswe nguwe thina!” Asemxotshela phandle.
\s1 Ubuphofu KokwakoMoya
\p
\v 35 UJesu wakuzwa ukuthi ayemxotshele phandle, wathi esembonile wathi kuye, \wj “Uyakholwa eNdodaneni yoMuntu na?”\wj*
\p
\v 36 Indoda yabuza yathi, “Ingubani na, nkosi? Ngitshela ukuze ngikholwe kuyo.”
\p
\v 37 UJesu wathi, \wj “Khathesi usuyibonile; iqiniso yikuthi yiyo le ekhuluma lawe.”\wj*
\p
\v 38 Indoda yasisithi, “Nkosi, ngiyakholwa,” yasimkhonza.
\p
\v 39 UJesu wathi, \wj “Ngeza lapha emhlabeni ukuzakwahlulela, ukuze iziphofu zibone kuthi labo ababonayo babonakale beyiziphofu.”\wj*
\p
\v 40 Abanye abaFarisi ababelaye bamuzwa uJesu esitsho lokhu babuza bathi, “Uthini? Lathi siyiziphofu yini?”
\p
\v 41 UJesu waphendula wathi, \wj “Kube beliyiziphofu ngabe kalilamlandu wesono. Kodwa umlandu wenu umi ngoba lizenza abakwaziyo abakwenzayo.”\wj*
\c 10
\s1 Umelusi Olungileyo Lomhlambi Wakhe
\p
\v 1 \wj “Ngikhuluma iqiniso ukuthi umuntu ongangeni ngesango esibayeni sezimvu kodwa akhwele kwenye indawo ulisela lomphangi.\wj* 
\v 2 \wj Umuntu ongena ngesango nguye umelusi wezimvu.\wj* 
\v 3 \wj Umlindi wesango uyamvulela, lezimvu ziyalilalela ilizwi lakhe. Izimvu zakhe uzibiza ngamabizo azikhokhele.\wj* 
\v 4 \wj Nxa esezivulele zonke ezakhe, uhamba phambi kwazo, izimvu zakhe zimlandele ngoba ziyalazi ilizwi lakhe.\wj* 
\v 5 \wj Kodwa kazisoze zilandele owemzini; iqiniso yikuthi zizambalekela ngoba kazilazi ilizwi lowemzini.”\wj* 
\v 6 UJesu wasebenzisa umzekeliso lo kodwa kabakuzwisisanga lokho ayebatshela khona.
\p
\v 7 Ngakho uJesu waphinda wathi, \wj “Ngilitshela iqiniso ukuthi mina ngiyilo isango lezimvu.\wj* 
\v 8 \wj Bonke asebake bafika phambi kwami babengamasela labaphangi kodwa izimvu kazibalalelanga.\wj* 
\v 9 \wj Mina ngiyilo isango; loba ngubani ongena ngami uzasindiswa. Uzangena, aphume, afumane idlelo.\wj* 
\v 10 \wj Isela lilanda ukweba lokubulala lokubhubhisa kuphela; mina ngilande ukuze zibe lokuphila, zibe lakho ngokugcweleyo.\wj*
\p
\v 11 \wj Ngingumelusi olungileyo. Umelusi olungileyo unikela ukuphila kwakhe izimvu zakhe.\wj* 
\v 12 \wj Oqhatshiweyo kasuye umelusi ongumnini wezimvu. Yikho nxa ebona iganyana lisiza, uyazitshiya izimvu abaleke. Iganyana beseliwuhlasela umhlambi liwuhlakaze.\wj* 
\v 13 \wj Umuntu lo ubaleka ngoba eyisiqhatshwa, kazikhathaleli izimvu.\wj*
\p
\v 14 \wj Mina ngingumelusi olungileyo; ngiyazazi izimvu zami njalo lezimvu zami ziyangazi\wj* 
\v 15 \wj njengoba uBaba engazi lami ngiyamazi, nginikela ukuphila kwami ezimvini zami.\wj* 
\v 16 \wj Ngilazo ezinye izimvu ezingasizo zalumhlambi. Lazo kumele ngizilethe. Lazo futhi zizalilalela ilizwi lami ukuze kube lomhlambi owodwa lomelusi oyedwa.\wj* 
\v 17 \wj Isizatho sokuba uBaba angithande yikuthi ngiyayinikela impilo yami, ngizaphinde ngiyithathe futhi.\wj* 
\v 18 \wj Kakho ongithathela yona kodwa ngiyinikela ngokufisa kwami. Ngilalo ilungelo lokuyinikela lelungelo lokuphinde ngiyithathe. Umlayo lo ngawamukela uvela kuBaba.”\wj*
\p
\v 19 Amazwi aphinda enza amaJuda adabuka phakathi. 
\v 20 Amanengi kuwo athi, “Uledimoni, uyawumana njalo uyahlanya. Limlalelelani?”
\p
\v 21 Kodwa amanye athi, “La kayisiwo mazwi omuntu oledimoni. Idimoni lingawavula njani amehlo esiphofu?”
\s1 Ukungakholwa KwamaJuda
\p
\v 22 Kwafika uMkhosi Wokuzinikela eJerusalema. Kwakusebusika, 
\v 23 uJesu esemagumeni ethempeli ezihambela eKhulusini likaSolomoni. 
\v 24 AmaJuda ayembuthanele athi kuye, “Kuzaze kube nini ulokhu usitshiya silengile na? Nxa unguye uKhristu, sitshele kuhle.”
\p
\v 25 UJesu waphendula wathi, \wj “Ngalitshela kodwa kalikholwa. Imimangaliso engiyenzayo ngebizo likaBaba iyangifakazela,\wj* 
\v 26 \wj kodwa kalikholwa ngoba kalisizo zimvu zami.\wj* 
\v 27 \wj Ezami izimvu ziyalilalela ilizwi lami; ngiyazazi lazo ziyangilandela.\wj* 
\v 28 \wj Ngizipha ukuphila okungapheliyo, kazisoze zabhubha; kakho ongazihlwitha esandleni sikaBaba.\wj* 
\v 29 \wj UBaba wami yena ongiphe zona mkhulu kulakho konke, kakho ongazihlwitha esandleni sikaBaba\wj* 
\v 30 \wj Mina loBaba simunye.”\wj*
\p
\v 31 Aphinda njalo amaJuda adobha amatshe ukuba amkhande, 
\v 32 kodwa uJesu wathi kuwo, \wj “Ngilitshengisile imimangaliso emikhulu eminengi evela kuBaba. Yiwuphi phakathi kwayo elingikhandela wona ngamatshe?”\wj*
\p
\v 33 “Kasikukhandeli misebenzi emihle oyenzileyo kodwa sikukhandela ukuhlambaza, ngoba wena, umuntu nje, uzenza uNkulunkulu.”
\p
\v 34 UJesu waphendula wathi, \wj “Kakulotshwanga yini eMthethweni wenu ukuthi, ‘Ngitshilo ukuthi “lingonkulunkulu?”\wj*\f + \fr 10.34 \fr*\ft AmaHubo 82.6\ft*\f*\wj ’\wj* 
\v 35 \wj Nxa wababiza ngokuthi ‘ngonkulunkulu,’ bona labo ilizwi elafika kubo, njalo uMbhalo kawephulwa\wj* 
\v 36 \wj pho-ke kungathiwani kulowo uBaba amkhethileyo ukuba ngowakhe wamthumela emhlabeni na? Kungani pho lingibeka icala lokuhlambaza ngoba ngithe ngiyiNdodana kaNkulunkulu?\wj* 
\v 37 \wj Lingangikholwa ngaphandle kokuba ngenze okwenziwa nguBaba.\wj* 
\v 38 \wj Kodwa nxa ngikwenza, lanxa lingangikholwa, kholwani ubufakazi bemimangaliso ukuze lifunde njalo lizwisise ukuthi uBaba ukimi, lami ngikuBaba.”\wj* 
\v 39 Baphinda njalo bazama ukumbamba kodwa waphunyuka.
\p
\v 40 UJesu wabuyela ngaphetsheya kweJodani kuleyondawo lapho uJohane ayebhaphathizela khona ensukwini ezedlulayo. Wahlala khona, 
\v 41 abantu abanengi beza kuye. Bathi, “Lanxa uJohane engazange enze umangaliso, kodwa konke lokho uJohane akutshoyo ngomuntu lo kwakuliqiniso.” 
\v 42 Kuleyondawo abanengi bakholwa kuJesu.
\c 11
\s1 Ukufa KukaLazaro
\p
\v 1 Kwakulendoda eyayithiwa nguLazaro eyayigula. YayingeyaseBhethani, umuzi okwakuhlala khona uMariya lodadewabo uMatha. 
\v 2 (UMariya lo olomnewabo uLazaro owayephethwe ngumkhuhlane nguye owathela amakha ezinyaweni zeNkosi wazesula ngenwele zakhe.) 
\v 3 Ngakho odadewabo laba bathumela ilizwi kuJesu bathi, “Nkosi, lowo omthandayo uyagula.”
\p
\v 4 UJesu esekuzwile lokhu wathi, \wj “Ukugula lokhu kakuzukucina ngokufa. Kodwa kungokodumo lukaNkulunkulu ukuze iNdodana kaNkulunkulu idunyiswe ngakho.”\wj* 
\v 5 UJesu wayemthanda uMatha lodadewabo kanye loLazaro. 
\v 6 Kodwa loba esezwile ukuthi uLazaro wayegula wazihlalela khona lapho ayekhona okwezinye insuku ezimbili. 
\v 7 Wasesithi kubafundi bakhe, \wj “Kasibuyeleni eJudiya.”\wj*
\p
\v 8 Bathi, “Oh, Rabi, muvana nje amaJuda ake azama ukukukhanda ngamatshe kodwa wena usubuyela khona futhi?”
\p
\v 9 UJesu waphendula wathi, \wj “Kakusikho yini ukuthi kulamahola alitshumi lambili okukhanyisa kwelanga na? Umuntu ohamba emini kayikukhubeka ngoba ebona ngokukhanya kwalapha emhlabeni.\wj* 
\v 10 \wj Ukhubeka nxa ehamba ebusuku ngoba kalakho ukukhanya.”\wj*
\p
\v 11 Esekutshilo lokhu wasebatshela wathi, \wj “Umngane wethu uLazaro uselele kodwa ngiya khonale ukuyamvusa.”\wj*
\p
\v 12 Abafundi bakhe baphendula bathi, “Nkosi, nxa kuvuma ukuthi alale, uzabangcono.” 
\v 13 UJesu wayekhuluma ngokufa kwakhe kodwa abafundi bakhe babesithi kumbe utsho ukulala okujayelekileyo.
\p
\v 14 Wasebatshela ephumela egcekeni wathi, \wj “ULazaro usefile,\wj* 
\v 15 \wj kodwa ukuze lina likholwe, ngiyathaba ukuthi bengingekho lapho. Kodwa kasiyeni khona.”\wj*
\p
\v 16 UThomasi (othiwa nguDidimasi) wathi kwabanye abafundi, “Lathi kasihambeni ukuze siyekufa laye.”
\s1 UJesu Ududuza Odadewabo BakaLazaro
\p
\v 17 Ekufikeni kwakhe uJesu uLazaro wayesehlale ethuneni okwensuku ezine. 
\v 18 EBhethani kwakungaphansi kwamakhilomitha amathathu usuka eJerusalema, 
\v 19 yikho amaJuda amanengi ayebuyile ukuzakhalela uMatha loMariya ngokulahlekelwa kwabo ngumnewabo. 
\v 20 Kwathi uMatha esizwa ukuthi uJesu wayesiza, waphuma wamhlangabeza kodwa uMariya wasala ngekhaya.
\p
\v 21 UMatha wathi kuJesu, “Nkosi, aluba ubukhonapha ngabe umnewethu kafanga. 
\v 22 Kodwa ngiyazi ukuthi lamanje uNkulunkulu uzakunika loba yini oyicelayo.”
\p
\v 23 UJesu wathi kuye, \wj “Umfowenu uzavuka njalo.”\wj*
\p
\v 24 UMatha waphendula wathi, “Ngiyazi ukuthi uzavuka futhi ekuvukeni kwabafileyo ngosuku lokucina.”
\p
\v 25 UJesu wathi kuye, \wj “Mina ngiyikuvuka kwabafileyo lokuphila. Lowo okholwa kimi uzaphila loba engafa;\wj* 
\v 26 \wj njalo lowo ophilayo ekholwa kimi kasoze afa lanini. Uyakukholwa lokhu na?”\wj*
\p
\v 27 Waphendula wathi, “Yebo Nkosi, ngiyakholwa ukuthi unguye uKhristu, iNdodana kaNkulunkulu, ozabuya emhlabeni.”
\p
\v 28 Esekutshilo lokho wabuyela ngekhaya wabizela udadewabo uMariya eceleni wathi, “UMfundisi usekhona, uyakucela.” 
\v 29 UMariya wathi ekuzwa lokhu wasuka masinyane waya kuJesu. 
\v 30 UJesu wayelokhu engakangeni phakathi komuzi elokhu elapho ayehlangane khona loMatha. 
\v 31 Kwathi amaJuda ayeloMariya endlini emduduza esebonile ukuthi wasukuma masinyane njani ephuma, amlandela ecabanga ukuthi mhlawumbe wayesiya ethuneni ukuyakhalela khona.
\p
\v 32 UMariya wonela ukufika lapho uJesu ayekhona, wambona, wazilahla phansi ezinyaweni zakhe wathi, “Nkosi, kube ubukhona lapha, umnewethu ngabe kafanga.”
\p
\v 33 UJesu embona ekhala kanye lamaJuda ayemlandele wadabuka kakhulu emoyeni, wakhathazeka. 
\v 34 \wj Wabuza wathi, “Limbeke ngaphi na?”\wj*
\p Baphendula bathi, “Woza uzobona Nkosi.”
\p
\v 35 UJesu wakhala.
\p
\v 36 AmaJuda asesithi, “Liyabona ukuthi wayemthanda njani!”
\p
\v 37 Kodwa amanye awo athi, “Kanti yena lo owavula amehlo endoda eyayiyisiphofu wehlulekile ukwenza ukuthi umuntu lo angafi na?”
\s1 UJesu Uvusa ULazaro Kwabafileyo
\p
\v 38 UJesu waphinda njalo wadabuka, wasondela ethuneni. Ithuna lalilubhalu, kulelitshe elalivale intuba. 
\v 39 Wathi, \wj “Lisuseni ilitshe.”\wj*
\p UMatha, udadewabo wendoda efileyo wathi, “Nkosi, khathesi sekulephunga elibi ngoba selensuku ezine simbekile.”
\p
\v 40 UJesu wasesithi, \wj “Kangikutshelanga ukuthi nxa ukholwa uzabona inkazimulo kaNkulunkulu na?”\wj*
\p
\v 41 Ngakho balisusa ilitshe. UJesu wasekhangela phezulu wathi, \wj “Baba ngiyakubonga ukuthi ungizwile.\wj* 
\v 42 \wj Mina bengisazi ukuthi uhlala ungizwa, kodwa ngikutshela lokhu ngisenzela abantu abemi lapha ukuze bakholwe ukuthi ungithumile.”\wj*
\p
\v 43 Esekutshilo lokhu uJesu wamemeza ngelizwi elikhulu wathi, \wj “Lazaro, phuma!”\wj* 
\v 44 Umuyi waphuma, izandla lenyawo zakhe zithandelwe ngamaqhele elineni, kulelinye ilembu elalembese ubuso bakhe.
\p UJesu wathi kubo, \wj “Khuphani izivunulo zokungcwaba limyekele ahambe.”\wj*
\s1 Icebo Lokubulala UJesu
\p
\v 45 Ngakho amaJuda amanengi ayeze ukuzakhalela uMariya esekubonile uJesu akwenzayo, amkholwa. 
\v 46 Kodwa amanye aya kubaFarisi bayabatshela lokho okwakwenziwe nguJesu. 
\v 47 Abaphristi abakhulu labaFarisi basebebiza umhlangano weSanihedrini.
\p Babuzana bathi, “Kanti sivele senzani? Nangu phela umuntu lo esenza imimangaliso eminengi. 
\v 48 Singamyekela aqhubeke ngalindlela, wonke umuntu uzakholwa kuye njalo amaRoma azakuza athathe indawo yethu lesizwe sethu.”
\p
\v 49 Kwasekusithi omunye wabo owayethiwa nguKhayifasi, owayengumphristi omkhulu ngalowomnyaka, wakhuluma wathi, “Kalazi lutho! 
\v 50 Kalikuboni lina ukuthi kungcono ukuba umuntu oyedwa afele abantu kulokuthi kubhubhe isizwe sonke.”
\p
\v 51 Lokhu kazikhulumelanga yena ngokwakhe, kodwa njengomphristi omkhulu kwabanye ngalowomnyaka waphrofitha ukuthi uJesu wayezafela isizwe samaJuda, 
\v 52 kungasisizwe leso sodwa, kodwa labantwana bakaNkulunkulu abahlakazekileyo ukuze balethwe ndawonye, benziwe babemunye. 
\v 53 Kusukela ngalesosikhathi bakha amacebo okumbulala.
\p
\v 54 Ngakho uJesu wayengasahambahambi obala phakathi kwamaJuda. Wasuka lapho waya emangweni owawuseduze kwenkangala, emzini owawuthiwa yi-Efrayimu, lapho ahlala khona labafundi bakhe.
\p
\v 55 Kwathi sekuzakuba yisikhathi sePhasika lamaJuda, abanengi baqubuka elizweni baya eJerusalema ukuyahlanjululwa ngokomkhuba kungakabi yiPhasika. 
\v 56 Babelokhu bethalaza befuna uJesu, kwathi bemi egumeni lethempeli babuzana bathi, “Licabangani? Ukuthi angaphutha yini emkhosini?” 
\v 57 Kodwa abaphristi abakhulu labaFarisi basebelayele ukuthi nxa ekhona owayekwazi ukuthi uJesu wayengaphi, ahle abike ukuze bambophe.
\c 12
\s1 UJesu Uyagcotshwa EBhethani
\p
\v 1 Kwasekusele insuku eziyisithupha ukuthi kufike iPhasika, uJesu waya eBhethani, lapho okwakuhlala khona uLazaro owayevuswe kwabafileyo nguJesu. 
\v 2 Kwaphekwa ukudla kwakusihlwa kuhlonitshwa yena uJesu. UMatha nguye owayedidizela, uLazaro ehlezi labanye etafuleni loJesu. 
\v 3 UMariya wasethatha amafutha enadi acengekileyo njalo adulayo kakhulu, ayengaba yingxenye yelitha, wawathela ezinyaweni zikaJesu wasezesula ngenwele zakhe. Indlu yagcwala ngephunga elimnandi lamakha lawo.
\p
\v 4 Kodwa omunye wabafundi bakhe, uJudasi Iskariyothi owayezamnikela wasola wathi, 
\v 5 “Kungani amakha la engathengiswanga imali yaphiwa abampofu? Intengo yawo ibinganela umholo womnyaka wonke.” 
\v 6 Kakutshongo lokhu ngoba ebanakekela abampofu, kodwa ngoba elisela; njengomgcinisikhwama wayandise ukuzisiza ngalokho okwakufakwa phakathi kwaso.
\p
\v 7 UJesu waphendula wathi, \wj “Myekele. Kwakuqondwe ukuthi amakha la awabekele usuku lokungcwatshwa kwami.\wj* 
\v 8 \wj Lizahlala lilabo abampofu phakathi kwenu kodwa mina kaliyikuhlala lilami.”\wj*
\p
\v 9 Ngalesosikhathi ixuku elikhulu lamaJuda lezwa ukuthi uJesu wayelapho, leza lingalandanga yena kuphela kodwa lokuthi libone uLazaro ayemvuse kwabafileyo. 
\v 10 Ngakho abaphristi abakhulu benza amacebo okuba bambulale laye uLazaro, 
\v 11 ngoba ngenxa yakhe amaJuda amanengi ayesiya kuJesu ebeka ukholo lwawo kuye.
\s1 Ukungena Ngobukhosi
\p
\v 12 Ngosuku olulandelayo ixuku elikhulu elalize emkhosini lezwa ukuthi uJesu wayesendleleni esiza eJerusalema. 
\v 13 Lathatha amagatsha elala laphuma ukuyamhlangabeza, limemeza lisithi,
\q1 “Hosana!”\f + \fr 12.13 \fr*\ft AmaHubo 118.25-26\ft*\f*
\b
\q1 “Ubusisiwe lowo obuya ngebizo likaThixo!”
\b
\q1 “Ubusisiwe oyiNkosi ka-Israyeli!”
\m
\v 14 UJesu wathola inkonyane kababhemi wayigada njengoba kulotshiwe ukuthi:
\q1
\v 15 “Ungesabi, Oh Ndodakazi yeZiyoni;
\q2 khangela, inkosi yakho iyeza,
\q2 ihlezi phezu kwenkonyane kababhemi.”\f + \fr 12.15 \fr*\ft UZakhariya 9.9\ft*\f*
\p
\v 16 Kuqala abafundi bakhe kabakuzwisisanga konke lokhu. Kwaze kwaba ngemva kokuba uJesu esekhazimulisiwe lapho abananzelela khona ukuba izinto lezi zazilotshwe ngaye lokuthi babezenzile kuye lezozinto.
\p
\v 17 Ngalesosikhathi ixuku elalilaye mhla ebiza uLazaro ethuneni wabuye wamvusa ekufeni laqhubeka lilifakaza ilizwi. 
\v 18 Abantu abanengi bahamba ukuyamhlangabeza ngoba basebezwile ukuthi wayewenzile umangaliso lo. 
\v 19 AbaFarisi bakhulumisana besithi, “Liyabona, into le izasitshiya esikhaleni. Khangelani ukuthi umhlaba wonke usuthe zalezale kuye!”
\s1 UJesu Ukhuluma Ngokufa Kwakhe
\p
\v 20 Kwakukhona amaGrikhi phakathi kwalabo abayakhonza emkhosini. 
\v 21 Beza kuFiliphu owayevela eBhethisayida eGalile lesicelo esithi, “Nkosi, sifuna ukubona uJesu.” 
\v 22 UFiliphu wayatshela u-Andreya; u-Andreya loFiliphu basebemtshela uJesu.
\p
\v 23 UJesu waphendula wathi, \wj “Sesifikile isikhathi sokuba iNdodana yoMuntu ikhazimuliswe.\wj* 
\v 24 \wj Ngilitshela iqiniso ukuthi ngaphandle kokuthi uhlamvu lwengqoloyi luwele emhlabathini lufe, lusala lulokhu luluhlamvu olulodwa. Kodwa lungaze lufe luthela inhlamvu ezinengi.\wj* 
\v 25 \wj Umuntu othanda impilo yakhe izamlahlekela ikanti umuntu ozonda impilo yakhe kulo umhlaba uzayilondolozela ingunaphakade.\wj* 
\v 26 \wj Lowo ongikhonzayo kumele angilandele, lalapho engikhona lesikhonzi sami sikhona. UBaba uzamdumisa lowo ongikhonzayo.\wj*
\p
\v 27 \wj Khathesi inhliziyo yami ikhathazekile. Kambe ngingatsho na ngithi, ‘Baba, ngihlenga singafiki lesosikhathi’? Hatshi, kwakungenxa yalesisizatho ukuze ngingene kulesisikhathi.\wj* 
\v 28 \wj Baba, khazimulisa ibizo lakho!”\wj*
\p Kwasekufika ilizwi livela ezulwini lisithi, “Sengilikhazimulisile, ngizaphinda ngilikhazimulise.” 
\v 29 Ixuku labantu elalilapho elalizwayo ilizwi lathi kube lomdumo wezulu; abanye bathi ingilosi yayikhulume laye.
\p
\v 30 UJesu wathi, \wj “Ilizwi leli belingelokusiza lina, hayi mina.\wj* 
\v 31 \wj Manje sekuyisikhathi sokwahlulela kulo umhlaba; manje inkosi yalo umhlaba isizaxotshwa.\wj* 
\v 32 \wj Kodwa mina nxa sengiphakanyisiwe ngisuswa emhlabeni, ngizabadonsela kimi bonke abantu.”\wj* 
\v 33 Wakutsho lokhu eveza ukuthi wayezakufa ukufa okunjani.
\p
\v 34 Ixuku labhoboka lathi, “Sezwa eMthethweni ukuthi uKhristu uzahlala kokuphela, pho ukutsho kanjani ukuthi, \wj ‘INdodana yoMuntu imele iphakanyiswe na’\wj*? Ingubani yona ‘iNdodana yoMuntu’ le?”
\p
\v 35 UJesu wabatshela wathi, \wj “Lizakuba lakho ukukhanya okwesikhatshana esithile. Hambani liseselakho ukukhanya, ubumnyama bungakaligubuzeli. Umuntu ophumputha emnyameni kakwazi lapho aya khona.\wj* 
\v 36 \wj Bekani ithemba lenu ekukhanyeni liseselakho ukuze libe ngamadodana okukhanya.”\wj* Wathi eseqedile ukukhuluma uJesu wasuka kubo wayazifihla.
\s1 Ukukholwa Lokungakholwa KwamaJuda
\p
\v 37 Lanxa uJesu wayeseyenze yonke imimangaliso le emehlweni abo babelokhu bengakholwa kuye. 
\v 38 Lokhu kwakugcwalisa ilizwi lika-Isaya umphrofethi elithi:
\q1 “Nkosi, ngubani olikholiweyo ilizwi lethu na,
\q2 njalo amandla eNkosi ambulelwe ubani na?”\f + \fr 12.38 \fr*\ft U-Isaya 53.1\ft*\f*
\p
\v 39 Ngalesisizatho babengeke bakholwa ngoba u-Isaya uyatsho komunye umbhalo ukuthi:
\q1
\v 40 “Uwafiphazile amehlo abo
\q2 wathundubeza inhliziyo zabo
\q1 ukuze bangaboni ngamehlo abo
\q2 njalo bangezwisisi ngenhliziyo zabo,
\q2 loba baphenduke, ukuze ngibasilise.”\f + \fr 12.40 \fr*\ft U-Isaya 6.10\ft*\f*
\m
\v 41 U-Isaya wakutsho lokhu ngoba wayibona inkazimulo kaJesu njalo wayekhuluma ngaye.
\p
\v 42 Kodwa loba kunjalo, abanengi labanye abakhokheli bakholwa kuye. Kodwa ngenxa yabaFarisi kabalufakazanga ukholo lwabo besesaba ukuthi bazaxotshwa esinagogweni; 
\v 43 ngoba babethanda ukubukwa ngabantu okwedlula ukubukwa okuvela kuNkulunkulu.
\p
\v 44 UJesu wasememeza wathi, \wj “Nxa umuntu ekholwa kimi, kakholwa kimi kuphela kodwa kuye lowo ongithumileyo.\wj* 
\v 45 \wj Nxa ekhangela mina ubona yena lowo ongithumileyo.\wj* 
\v 46 \wj Ngibuye emhlabeni ngiyikukhanya ukuze angabikhona okholwa kimi ozahlala ebumnyameni.\wj*
\p
\v 47 \wj Nxa umuntu ewezwa amazwi ami kodwa angawagcini, angimahluleli mina. Phela kangilandanga ukuzowahlulela umhlaba kodwa ukuzowusindisa.\wj* 
\v 48 \wj Ukhona umahluleli walowo ongalayo, ongawemukeliyo amazwi ami; lawomazwi engawakhulumayo uqobo azamlahla ngosuku lokucina.\wj* 
\v 49 \wj Ngoba kangizikhulumelanga ngokwentando yami kodwa uBaba owangithumayo wangilaya ukuthi ngithini lokuthi ngikutsho kanjani.\wj* 
\v 50 \wj Ngiyazi ukuthi umlayo wakhe uholela ekuphileni kwaphakade. Ngakho loba kuyini engikutshoyo yikho lokho uBaba angitshele khona ukuthi ngikutsho.”\wj*
\c 13
\s1 UJesu Ugezisa Inyawo Zabafundi Bakhe
\p
\v 1 Kwakuyisikhathi lapho uMkhosi wePhasika ususondele. UJesu wayekwazi ukuthi isikhathi sokuthi asuke kulumhlaba aye kuYise sasesisondele. Wayehlezi ebathanda abakhe abasemhlabeni, lesi kwasekuyisikhathi sokubatshengisa ukujula kothando lwakhe.
\p
\v 2 Kwathi kudliwa ukudla kwakusihlwa, uSathane wayevele esemtshutshisile uJudasi Iskariyothi, indodana kaSimoni, ukuthi anikele uJesu. 
\v 3 UJesu wayekwazi ukuthi uYise wayenikele zonke izinto emandleni akhe, lokuthi yena wayevela kuNkulunkulu njalo wayebuyela kuNkulunkulu, 
\v 4 ngakho wasukuma ekudleni, wakhulula isembatho saphezulu, wabophela ithawulo ekhalweni lwakhe. 
\v 5 Ngemva kwalokho, wathela amanzi enditshini waseqalisa ukugezisa inyawo zabafundi bakhe, wazesula ngethawulo leyo ayezibophe ngayo.
\p
\v 6 Wafika kuSimoni Phethro owathi kuye, “Nkosi, kambe wena nguwe ongagezisa inyawo zami na?”
\p
\v 7 UJesu waphendula wathi, \wj “Kawukuzwisisi lokhu engikwenzayo khathesi kodwa uzakuzwisisa ngesikhathi esizayo.”\wj*
\p
\v 8 UPhethro wathi, “Hatshi, kawusoze lanini ugezise inyawo zami.”
\p UJesu waphendula wathi, \wj “Nxa ngingakugezisi kawulabudlelwano lami.”\wj*
\p
\v 9 UPhethro waphendula wathi, “Nkosi, nxa kunjalo, kakungabi zinyawo zami zodwa kodwa lezandla zami kanye lekhanda lami!”
\p
\v 10 UJesu waphendula wathi, \wj “Lowo ogeze umzimba udinga ukugeza inyawo zakhe kuphela, ngoba umzimba wakhe wonke uhlanzekile. Njalo lina lihlanzekile loba nje kungayisini lonke elihlanzekileyo.”\wj* 
\v 11 Ngoba wayemazi lowo owayezamnikela, yikho wathi kakusibo bonke ababehlanzekile.
\p
\v 12 Eseqedile ukubagezisa inyawo, wagqoka isembatho saphezulu wasebuyela endaweni yakhe. Wababuza wathi, \wj “Liyakuzwisisa na esengilenzele khona?\wj* 
\v 13 \wj Lingibiza lithi ‘Mfundisi’ lokuthi ‘Nkosi,’ lisitsho liqondile, ngoba ngiyikho lokho.\wj* 
\v 14 \wj Manje-ke njengoba mina, iNkosi yenu loMfundisi, sengigezise inyawo zenu, lani kumele ligezisane inyawo.\wj* 
\v 15 \wj Sengilenzele isibonelo ukuthi lenze njengoba ngilenzele mina.\wj* 
\v 16 \wj Ngempela ngiqinisile ngithi kini kakulanceku enkulu kulenkosi yayo, njalo isithunywa kasisikhulu kulalowo osithumileyo.\wj* 
\v 17 \wj Lingaze lizazi lezizinto lizabusiswa nxa lizenza.”\wj*
\s1 UJesu Ukhuluma Ngokunikelwa Kwakhe
\p
\v 18 \wj “Kangikhulumi ngani lonke; ngiyabazi labo esengibakhethile. Kodwa lokhu kuyikugcwalisa umbhalo othi: ‘Lowo obesidla lami isinkwa usengihlamukele.’\wj*\f + \fr 13.18 \fr*\ft AmaHubo 41.9\ft*\f*
\p
\v 19 \wj Ngilazisa khathesi kungakenzakali, ukwenzela ukuthi lapho sekusenzakala, likholwe ukuthi ngiNguye.\wj* 
\v 20 \wj Ngilitshela iqiniso ukuthi lowo owamukela loba ngubani engimthumayo wamukela mina njalo lowo owamukela mina wamukela lowo ongithumileyo.”\wj*
\p
\v 21 UJesu esatsho lokhu wakhathazeka kakhulu wafakaza wathi, \wj “Ngilitshela iqiniso ukuthi omunye wenu uzanginikela.”\wj*
\p
\v 22 Abafundi bakhe bakhangelana bedidekile ukuthi kambe angabe esitsho wuphi kubo. 
\v 23 Omunye wabo owayethandwa nguJesu wayeyeme etafuleni eduzane laye. 
\v 24 USimoni Phethro wasemqhweba lowomfundi wathi kuye, “Mbuze ukuthi utsho bani.”
\p
\v 25 Waseseyama kuJesu wambuza wathi, “Nkosi, ngubani?”
\p
\v 26 UJesu waphendula wathi, \wj “Kungulowo engizamupha ucezu lwesinkwa nxa sengisitshebile emganwini.”\wj* Kwathi esesitshebile isinkwa wasiqhubela uJudasi Iskariyothi, indodana kaSimoni. 
\v 27 Wonela ukusithatha isinkwa uJudasi uSathane wasengena kuye.
\p UJesu wathi kuye, \wj “Lokho osufuna ukukwenza, kwenze masinyane.”\wj* 
\v 28 Kodwa kakho etafuleni owazwisisayo ukuthi kungani uJesu watsho njalo kuye. 
\v 29 Ngenxa yokuthi uJudasi nguye owayephatha imali, abanye bacabanga ukuthi uJesu wayemtshela ukuthi athenge lokho okwakuzafuneka emkhosini kumbe ukuthi anike okuthile kwabampofu. 
\v 30 Wonela ukuthi athathe isinkwa waphuma. Kwasekusebusuku.
\s1 UJesu Ukhuluma Ngokuphikwa Kwakhe NguPhethro
\p
\v 31 Esehambile uJesu wathi, \wj “Khathesi iNdodana yoMuntu isikhazimulisiwe njalo uNkulunkulu ukhazimulisiwe kuyo.\wj* 
\v 32 \wj Nxa uNkulunkulu ekhazimulisiwe kuyo, uNkulunkulu laye uzayikhazimulisa iNdodana kuye njalo uzayikhazimulisa masinyane.\wj*
\p
\v 33 \wj Bantwabami, ngizakuba lani okwesikhatshana esincane. Lizangidinga kodwa njengoba ngawatshela amaJuda, lani sengilitshela khathesi ukuthi: Lapho engiyakhona, alingeke lifike.\wj*
\p
\v 34 \wj Ngilinika umlayo omutsha: Thandanani. Kumele lithandane njengoba lami ngilithandile.\wj* 
\v 35 \wj Bonke abantu bazakwazi ukuthi lingabafundi bami nxa lithandana.”\wj*
\p
\v 36 USimoni Phethro wambuza wathi, “Nkosi, kanti uya ngaphi na?”
\p UJesu waphendula wathi, \wj “Lapho engiyakhona ungazake ungilandele khathesi kodwa uzangilandela ngesikhathi esizayo.”\wj*
\p
\v 37 Wabuza uPhethro wathi, “Nkosi, kungani ngingahle ngikulandele khathesi? Ngizanikela ukuphila kwami kuwe.”
\p
\v 38 UJesu wasemphendula wathi, \wj “Kambe uzinikele ukuphila kwakho ngenxa yami? Ngiqinisile ngithi uzangiphika kathathu iqhude lingakakhali!”\wj*
\c 14
\s1 UJesu Ududuza Abafundi Bakhe
\p
\v 1 \wj “Inhliziyo zenu kazingakhathazeki. Kholwani kuNkulunkulu; likholwe lakimi.\wj* 
\v 2 \wj Emzini kaBaba kulezindlu ezinengi; aluba kwakungenjalo ngabe ngalitshela. Ngiya khona ukuyalilungisela indawo.\wj* 
\v 3 \wj Njalo nxa sengiyile ukulilungisela indawo ngizabuya ngizolithatha ukuthi libe lami, ukuze libe lami lapho engikhona.\wj* 
\v 4 \wj Liyayazi indlela eya lapho engiyakhona.”\wj*
\s1 UJesu Yindlela Eya KuBaba
\p
\v 5 UThomasi wathi kuye, “Nkosi, kasikwazi lapho oya khona, pho singayazi kanjani indlela na?”
\p
\v 6 UJesu waphendula wathi, \wj “Mina ngiyiyo indlela njalo ngiliqiniso lokuphila. Kakho oza kuBaba ngaphandle kwami.\wj* 
\v 7 \wj Aluba belingazi ngempela, belizamazi loBaba. Kusukela khathesi, selimazi njalo selimbonile.”\wj*
\p
\v 8 UFiliphu wathi, “Nkosi, sitshengise uBaba ngoba yikho lokho okuzasanelisa.”
\p
\v 9 UJesu waphendula wathi, \wj “Lokhe ungangazi na Filiphu, emva kwesikhathi eside kangaka ngilani? Lowo ongibonileyo usembonile uBaba. Ungatsho kanjani ukuthi, ‘Sitshengise uBaba’?\wj* 
\v 10 \wj Kawukholwa yini ukuthi ngikuBaba lokuthi uBaba ukimi? Amazwi engiwakhulumayo kini akusiwami. Kodwa nguBaba ophila kimi owenzayo umsebenzi wakhe.\wj* 
\v 11 \wj Kholwani kimi nxa ngisithi ngikuBaba loBaba ukimi; loba ukukholwa ubufakazi bemimangaliso ngokwayo nje zwi.\wj* 
\v 12 \wj Ngiqinisile ukuthi lowo okholwa kimi uzakwenza lokho ebengikwenza. Uzakwenza izinto ezinkulu kulalezi ngoba ngiya kuBaba.\wj* 
\v 13 \wj Njalo ngizakwenza noma yini eliyicelayo ngebizo lami ukuze iNdodana ilethe inkazimulo kuBaba.\wj* 
\v 14 \wj Lingacela noma yini ngebizo lami, ngizakwenza.”\wj*
\s1 UJesu Uthembisa UMoya ONgcwele
\p
\v 15 \wj “Nxa lingithanda, gcinani imilayo yami.\wj* 
\v 16 \wj Ngizacela kuBaba ukuthi alinike omunye umeli ukuthi alisize abe lani kuze kube laphakade,\wj* 
\v 17 \wj uMoya weqiniso. Ilizwe ngeke limamukele ngoba kalimboni njalo kalimazi. Kodwa lina liyamazi ngoba uhlala lani njalo uzakuba lani.\wj* 
\v 18 \wj Kangisoze ngilitshiye lizintandane, ngizabuya kini.\wj* 
\v 19 \wj Kakusekhatshana ukuthi umhlaba ungabe usangibona njalo kodwa lina lizangibona. Ngenxa yokuthi ngiyaphila, lani lizaphila futhi.\wj* 
\v 20 \wj Ngalolosuku lizakunanzelela ukuthi ngikuBaba, lina likimi, lami ngikini.\wj* 
\v 21 \wj Lowo olayo imilayo yami, ayigcine, nguye ongithandayo. Lowo ongithandayo uzathandwa nguBaba njalo lami ngizamthanda ngiziveze kuye.”\wj*
\p
\v 22 Ngakho uJudasi (hatshi uJudasi Iskariyothi) wathi, “Kodwa Nkosi, kungani ujonge ukuziveza kithi, hatshi emhlabeni na?”
\p
\v 23 UJesu waphendula wathi, \wj “Lowo ongithandayo uzalalela imfundiso yami. UBaba uzamthanda njalo sizakuza kuye sakhe umuzi wethu kanye laye.\wj* 
\v 24 \wj Lowo ongangithandiyo kayikulalela imfundiso yami. Amazwi la eliwezwayo kayisiwo wami, ngakaBaba ongithumileyo.\wj*
\p
\v 25 \wj Konke lokhu ngikukhulume ngiseselani.\wj* 
\v 26 \wj Kodwa uMeli, uMoya ONgcwele, uBaba azamthumela ebizweni lami, uzalifundisa zonke izinto njalo uzalikhumbuza konke engikukhulume kini.\wj* 
\v 27 \wj Ukuthula ngikutshiya kini; ukuthula kwami ngilinika khona. Kangiliniki njengokunika komhlaba. Lingakhathazeki ezinhliziyweni zenu njalo lingesabi.\wj*
\p
\v 28 \wj Langizwa ngisithi, ‘Ngiyahamba njalo ngizabuya kini.’ Kube belingithanda, ngabe liyathokoza ukuthi ngiya kuBaba, ngoba uBaba mkhulu kulami.\wj* 
\v 29 \wj Sengilitshelile manje kungakenzakali ukuze kuthi nxa sekusenzakala likholwe.\wj* 
\v 30 \wj Kangisayikukhuluma okunengi kini ngoba inkosi yalo umhlaba isisiza. Kayilamandla phezu kwami,\wj* 
\v 31 \wj kodwa umhlaba umele wazi ukuthi ngiyamthanda uBaba lokuthi ngenza khona kanye uBaba angilaye khona.\wj*
\p \wj Wozani manje; kasisukeni lapha.”\wj*
\c 15
\s1 Ivini Lamagatsha
\p
\v 1 \wj “Mina ngilivini eliqotho, uBaba ungumlimi.\wj* 
\v 2 \wj Zonke ingatsha ezingatheli izithelo uyaziquma, kuthi zonke ingatsha ezithelayo uyazithena kuhle ukuze zithele kakhulu.\wj* 
\v 3 \wj Lina selihlambulukile ngenxa yelizwi esengilikhulume kini.\wj* 
\v 4 \wj Hlalani kimi, lami ngizahlala kini. Kalukho ugatsha olungathela izithelo ngokwalo kodwa kumele luhlale lusevinini. Lani lingeke lithele izithelo ngaphandle kokuthi lihlale kimi.\wj*
\p
\v 5 \wj Mina ngilivini; lina lizingatsha. Nxa umuntu ehlala kimi lami kuye, uzathela izithelo ezinengi; ngaphandle kwami kakukho elingakwenza.\wj* 
\v 6 \wj Nxa lingahlali kimi, lizabe lifana logatsha olulahliweyo lwabuna; ingatsha ezinjalo ziyathezwa, zibaswe besezisitsha.\wj* 
\v 7 \wj Nxa lihlala kimi lamazwi ami ehlala kini, celani loba yini eliyifunayo, lizayiphiwa.\wj* 
\v 8 \wj Lokhu kungokwenkazimulo kaBaba ukuze lithele izithelo ezinengi, lizitshengisa ukuthi lingabafundi bami.\wj*
\p
\v 9 \wj Njengoba uBaba engithanda, lami ngilithande ngendlela angithanda ngayo. Ngakho-ke, hlalani ethandweni lwami.\wj* 
\v 10 \wj Nxa ligcina imilayo yami, lizahlala lisethandweni lwami, njengoba lami ngilalele imilayo kaBaba ngihlala ngisethandweni lwakhe.\wj* 
\v 11 \wj Ngilitshele lokhu ukuze ukuthokoza kwami kube kini lokuthi ukuthokoza kwenu kuphelele.\wj* 
\v 12 \wj Umlayo wami yilo: Thandanani njengoba ngilithandile lani.\wj* 
\v 13 \wj Kakho olothando olukhulu kulonikela ukuphila kwakhe ngenxa yabangane bakhe.\wj* 
\v 14 \wj Lingabangane bami nxa lisenza lokho engililaya khona.\wj* 
\v 15 \wj Kangisalibizi ngokuthi liyizinceku ngoba inceku kayiwazisisi umsebenzi wenkosi yayo. Kodwa ngithe kini lingabangane ngoba konke engakufunda kuBaba ngilazisile.\wj* 
\v 16 \wj Kalingikhethanga, kodwa yimi engalikhethayo, ngalibeka ukuze liyethela izithelo, izithelo ezizahlala isikhathi eside ukuze kuthi konke elikucela ngebizo lami uBaba alinike khona.\wj* 
\v 17 \wj Nanku umlayo wami: Thandanani.”\wj*
\s1 Umhlaba Uzonda Abafundi
\p
\v 18 \wj “Nxa umhlaba ulizonda, khumbulani ukuthi wangizonda kuqala.\wj* 
\v 19 \wj Ngabe belingabomhlaba, ubuzalithanda njengabantu bawo. Njengoba kunje, kalisibo abomhlaba, kodwa ngilikhethe lisemhlabeni. Yikho umhlaba ulizonda.\wj* 
\v 20 \wj Khumbulani amazwi engawakhuluma kini ngisithi: ‘Kakulanceku enkulu kuleNkosi yayo.’\wj*\f + \fr 15.20 \fr*\ft UJohane 13.16\ft*\f* \wj Nxa bangihlukuluza, lani bazalihlukuluza. Nxa balalela imfundiso yami, bazayilalela leyenu.\wj* 
\v 21 \wj Bazaliphatha ngaleyondlela ngenxa yebizo lami, ngoba kabamazi lowo ongithumileyo.\wj* 
\v 22 \wj Aluba bengingezanga ngakhuluma kubo bebengayikuba lomlandu wesono. Kodwa manje kabaselaxolo ngesono sabo.\wj* 
\v 23 \wj Lowo ozonda mina uzonda loBaba.\wj* 
\v 24 \wj Aluba angenzanga umangaliso ongenziwanga ngomunye wabo phakathi kwabo, babengayikuba lomlandu wesono. Kodwa khathesi sebeyibonile imimangaliso le, kodwa baphinde bangizonde mina kanye loBaba.\wj* 
\v 25 \wj Kodwa lokhu kwenzeka ukuze kugcwalise okulotshiweyo eMthethweni wabo ukuthi: ‘Bangizonda kungelasizatho.’ ”\wj*\f + \fr 15.25 \fr*\ft AmaHubo 35.19; 69.4\ft*\f*
\s1 Umsebenzi KaMoya OyiNgcwele
\p
\v 26 \wj “Angaze afike uMeli engizamthumela kini evela kuBaba, uMoya weqiniso ophuma kuBaba, uzafakaza ngami;\wj* 
\v 27 \wj lani kumele lifakaze, ngoba laba lami kusukela ekuqaleni.”\wj*
\c 16
\p
\v 1 \wj “Ngilitshela konke lokhu ukuze ukholo lwenu lunganyikinyeki.\wj* 
\v 2 \wj Bazalixotsha esinagogweni; ngempela siyeza isikhathi lapho abazalibulala khona bezitshela ukuthi benzela uNkulunkulu into enhle.\wj* 
\v 3 \wj Bazakwenza lokhu ngoba kabamazanga uBaba loba mina.\wj* 
\v 4 \wj Ngilitshela lokhu ukuze kuthi isikhathi lesi sifika likhumbule ukuthi ngalixwayisa ngaso. Kangilitshelanga lokhu ekuqaleni ngoba ngangilani.”\wj*
\s1 Umsebenzi KaMoya ONgcwele
\p
\v 5 \wj “Kodwa khathesi sengisiya kuye ongithumileyo. Kakho kini ongibuzayo ukuthi, ‘Uya ngaphi na?’\wj* 
\v 6 \wj Kodwa ngenxa yokuba sengizitshilo lezizinto, selihlulukelwe.\wj* 
\v 7 \wj Ngilitshela iqiniso ngithi: Kulungele lina ukuba ngihambe. Ngaphandle kokuthi ngihambe, uMeli akayikuza kini; kodwa nxa ngihamba, ngizamthuma kini.\wj* 
\v 8 \wj Lapho efika uzatshengisa umhlaba ukuthi ulahlekile ngesono, ngokulunga langokwahlulelwa:\wj* 
\v 9 \wj ngokwesono, ngoba abantu kabakholwa kimi;\wj* 
\v 10 \wj ngokulunga, ngoba ngiya kuBaba, lapho elingasayi kungibona khona njalo;\wj* 
\v 11 \wj langokwahlulelwa, ngoba umbusi walo umhlaba usemiselwe ukulahlwa.\wj*
\p
\v 12 \wj Kusasekunengi engingakutsho kini, kodwa kungalisinda.\wj* 
\v 13 \wj Kodwa yena uMoya weqiniso nxa esefikile uzalikhokhelela kulolonke iqiniso. Kazukuzikhulumela yena; uzakhuluma lokho akuzwayo kuphela, njalo uzalitshela lokho okusazobuya.\wj* 
\v 14 \wj Uzaletha inkazimulo kini ngokuthatha kulokho okungokwami akwenze kwazakale kini.\wj* 
\v 15 \wj Konke okungokukaBaba ngokwami. Yikho ngithe uMoya uzathatha kokungokwami akwenze kwazakale kini.”\wj*
\s1 Usizi Lwabafundi Luzakuba Yintokozo
\p
\v 16 UJesu waqhubeka esithi, \wj “Ngesikhatshana aliyi kungibona, kodwa ngemva kwesikhatshana lizangibona.”\wj*
\p
\v 17 Abanye babafundi bakhe bakhulumisana bathi, “Utshoni ngokuthi, \wj ‘Ngemva kwesikhatshana kalisayikungibona,’\wj* njalo athi, \wj ‘Kuthi ngemva kwesikhatshana lizangibona njalo, Ngoba ngiya kuBaba’\wj* na?” 
\v 18 Babelokhu bebuza besithi, “Utshoni nxa esithi \wj ‘isikhatshana’\wj*? Kasikuzwisisi lokho akutshoyo.”
\p
\v 19 UJesu wabona ukuthi babefuna ukumbuza ngalokhu, wasesithi kubo, \wj “Liyabuzana ukuthi bengisitshoni ngize ngithi, ‘Ngemva kwesikhatshana kalisayikungibona’?\wj* 
\v 20 \wj Ngilitshela iqiniso ukuthi lizakhala lilile kodwa umhlaba wona uthokoza. Lizakuba losizi, kodwa usizi lwenu luzakuba yintokozo.\wj* 
\v 21 \wj Owesifazane nxa ebeletha uzwa ubuhlungu ngoba isikhathi sakhe sesifikile; kodwa nxa umntwana esezelwe uyabukhohlwa ubuhlungu lobo ngenxa yentokozo yokuthi sekuzelwe umntwana emhlabeni.\wj* 
\v 22 \wj Kunjalo lakini: Manje yisikhathi senu sosizi, kodwa ngizaphinda ngilibone beselithokoza, njalo kakho ozaphinda alemuke intokozo yenu.\wj* 
\v 23 \wj Ngalolosuku kaliyi kungibuza lutho. Ngiqinisile ngithi kini, uBaba wami uzalinika loba yini eliyicela ngebizo lami.\wj* 
\v 24 \wj Kuze kube manje kalikaceli lutho ngebizo lami. Celani, lizakwamukeliswa, ukuze ukuthokoza kwenu kuphelele.\wj*
\p
\v 25 \wj Lanxa bengikhuluma ngemizekeliso, siyeza isikhathi lapho ngingasayikukhuluma ngaleyondlela, kodwa engizalitshela khona kamhlophe ngoBaba.\wj* 
\v 26 \wj Ngalelolanga lizacela ngebizo lami. Kangitsho ukuthi ngizalicelela kuBaba.\wj* 
\v 27 \wj Hatshi, uBaba yena ngokwakhe uyalithanda ngoba lingithandile, lakukholwa ukuthi ngavela kuNkulunkulu.\wj* 
\v 28 \wj Ngavela kuBaba ngangena emhlabeni; okwamanje sengiwutshiya umhlaba sengibuyela kuBaba.”\wj*
\p
\v 29 Abafundi bakaJesu basebesithi, “Khathesi usukhuluma kamhlophe ungasazekelisi. 
\v 30 Khathesi sesibona ukuthi uyazazi izinto zonke lokuthi kakudingeki ukuthi ubuzwe imibuzo. Lokhu kwenza ukuthi sikholwe ukuba wavela kuNkulunkulu.”
\p
\v 31 UJesu waphendula wathi, \wj “Khathesi selikholwa na?\wj* 
\v 32 \wj Kodwa siyeza isikhathi, sesifikile, lapho elizachitheka khona, ngulowo aye ngakibo. Lizangitshiya ngedwa lonke. Ikanti kangingedwa ngoba uBaba ulami.\wj*
\p
\v 33 \wj Ngilitshele izinto lezi ukuze libe lokuthula kimi. Kulumhlaba lizahlupheka. Kodwa wobani lesibindi! Sengiwunqobile umhlaba.”\wj*
\c 17
\s1 UJesu Uyazikhulekela
\p
\v 1 UJesu esekutshilo lokhu, wakhangela ezulwini wakhuleka wathi:
\pm \wj “Baba, isikhathi sesifikile. Khazimulisa iNdodana yakho, ukuze iNdodana yakho ikukhazimulise.\wj* 
\v 2 \wj Ngoba wayinika amandla phezu kwabantu bonke ukuthi ibaphe ukuphila okungapheliyo kubo bonke labo obanike yona.\wj* 
\v 3 \wj Manje-ke yilokhu ukuphila okungapheliyo: ukuthi bakwazi wena, onguwe wedwa uNkulunkulu weqiniso, loJesu Khristu omthumileyo.\wj* 
\v 4 \wj Sengikulethele inkazimulo emhlabeni ngokuphelelisa umsebenzi owanginika wona ukuthi ngiwenze.\wj* 
\v 5 \wj Manje, Baba, akungikhazimulise phambi kwakho ngaleyonkazimulo esasilayo sobabili umhlaba ungakabi khona.”\wj*
\s1 UJesu Ukhulekela Abafundi Bakhe
\pm
\v 6 \wj “Ngikuvezile kulabo owangipha bona emhlabeni. Babengabakho; wangipha bona njalo labo balilalele ilizwi lakho.\wj* 
\v 7 \wj Khathesi sebesazi ukuthi konke lokho onginike khona kuvela kuwe.\wj* 
\v 8 \wj Ngoba ngabanika amazwi owanginika wona bawemukela. Bakwazi ngeqiniso ukuthi ngavela kuwe njalo bakholwa ukuthi ungithumile.\wj* 
\v 9 \wj Ngikhulekela bona. Kangikhulekeli umhlaba kodwa labo onginike bona ngoba bangabakho.\wj* 
\v 10 \wj Konke engilakho ngokwakho, lakho konke olakho ngokwami. Lenkazimulo isikimi ngabo.\wj* 
\v 11 \wj Kangisayikuhlala emhlabeni kusukela khathesi ngoba sengisiza kuwe, kodwa bona balokhu besemhlabeni. Baba Ongcwele, bavikele ngamandla ebizo lakho, ibizo owanginika lona ukuze babemunye njengalokhu thina simunye.\wj* 
\v 12 \wj Ngesikhathi ngiphakathi kwabo ngabavikela, ngabagcina bephephile ngalelobizo owanginika lona. Kakulahlekanga loyedwa ngaphandle koyedwa owayefanele ukubhubha ukuze kugcwaliseke uMbhalo.\wj*
\pm
\v 13 \wj Sengisiza kuwe manje, kodwa ngiyazitsho lezizinto ngisesemhlabeni ukuze babe lentokozo yami ngokugcweleyo ngaphakathi kwabo.\wj* 
\v 14 \wj Ngibaphile ilizwi lakho ngakho umhlaba usubazonda ngoba bengaseyibo bomhlaba njengoba lami ngingasuye womhlaba.\wj* 
\v 15 \wj Umkhuleko wami kawusi wokuthi ubasuse emhlabeni, kodwa ukuthi ubavikele komubi.\wj* 
\v 16 \wj Kabasibo bomhlaba, njengoba lami ngingasiwawo.\wj* 
\v 17 \wj Bangcwelise ngalo iqiniso; ilizwi lakho liliqiniso.\wj* 
\v 18 \wj Njengalokhu wangithuma emhlabeni, lami ngibathumile emhlabeni.\wj* 
\v 19 \wj Ngenxa yabo ngiyazingcwelisa ukuze labo bangcweliswe ngobuqotho.”\wj*
\s1 UJesu Ukhulekela Wonke Amakholwa
\pm
\v 20 \wj “Umkhuleko wami kawusiwabo bodwa. Ngikhulekela njalo labo abazakholwa kimi ngenxa yobufakazi babo,\wj* 
\v 21 \wj ukuthi bonke babemunye Baba njengoba wena ukimi lami ngikuwe. Sengathi labo bangaba kithi ukuze umhlaba ukholwe ukuthi ungithumile.\wj* 
\v 22 \wj Ngibaphile inkazimulo owangipha yona ukuze babemunye njengalokhu thina simunye:\wj* 
\v 23 \wj mina ngibe kubo lawe ukimi. Sengathi bangaba lokumanyana okupheleleyo ukutshengisa umhlaba ukuthi ungithumile njalo ubathandile njengalokhu ungithandile lami.\wj*
\pm
\v 24 \wj Baba, ngifuna ukuthi labo ongiphe bona babe lami lapho engikhona njalo bayibone inkazimulo yami, inkazimulo onginike yona ngoba wangithanda umhlaba ungakadalwa.\wj*
\pm
\v 25 \wj Baba olungileyo, loba umhlaba ungakwazi, mina ngiyakwazi, njalo bayakwazi ukuthi ungithumile.\wj* 
\v 26 \wj Ngikuvezile wena kubo njalo ngizaqhubeka ukwenza ukuthi waziwe ukuze kuthi uthando olalo kimi lube ngolwabo njalo lokuthi mina ngokwami ngibe kubo.”\wj*
\c 18
\s1 UJesu Uyabotshwa
\p
\v 1 Wathi eseqedile ukukhuleka, uJesu wasuka kanye labafundi bakhe bakhuphuka iSigodi seKhidroni. Ngaphetsheya kwakulensimu yama-Oliva lapho angena khona labafundi bakhe.
\p
\v 2 UJudasi owamnikelayo wayeyazi leyondawo ngoba uJesu wayehlezi esiyahlangana khona labafundi bakhe. 
\v 3 Ngakho uJudasi weza ensimini leyo, ehola ixuku lamanxusa kanye lezinye izikhulu ezazivela kubaphristi abakhulu labaFarisi. Babephethe izibane lezikhali.
\p
\v 4 UJesu esazi konke okwakuzakwenzakala kuye waya phambili wababuza wathi, \wj “Lifuna bani na?”\wj*
\p
\v 5 Baphendula bathi, “uJesu waseNazaretha.”
\p UJesu wathi, \wj “Nginguye.”\wj* (UJudasi, umthengisi wayemi khonapho labo.) 
\v 6 UJesu esethe, \wj “Nginguye,”\wj* batsheda bawela phansi.
\p
\v 7 Wababuza njalo wathi, “Lifuna bani na?”
\p Bathi, “UJesu waseNazaretha.”
\p
\v 8 UJesu waphendula wathi, \wj “Ngilitshelile ngathi nginguye. Nxa lidinga mina, yekelani amadoda la azihambele.”\wj* 
\v 9 Lokhu kwenzakala ukuze amazwi awakhulumayo athi: \wj “Kangilahlekelwanga lamunye walabo ongiphe bona agcwaliseke.”\wj*\f + \fr 18.9 \fr*\ft UJohane 6.39\ft*\f*
\p
\v 10 Kwasekusithi uSimoni Phethro owayelenkemba, wayikhokha wagalela inceku yomphristi omkhulu, wayiquma indlebe yayo yakwesokunene. (Ibizo lenceku leyo lalinguMalikhusi.)
\p
\v 11 UJesu wamkhalimela uPhethro wathi, \wj “Beka khatshana inkemba yakho! Ngingayinathi inkezo uBaba asengiphe yona na?”\wj*
\s1 UJesu Usiwa Ku-Anasi
\p
\v 12 Kwasekusithi iqembu lamanxusa lomlawuli walo kanye lezikhulu zamaJuda bambamba uJesu. Bambopha, 
\v 13 bamusa ku-Anasi kuqala owayenguyisezala kaKhayifasi owayengumphristi omkhulu ngalowomnyaka. 
\v 14 UKhayifasi nguye owayecebise amaJuda ukuthi kwakuzaba kuhle ukuthi indoda eyodwa ifele abantu.
\s1 Ukuphika Kwakuqala KukaPhethro
\p
\v 15 USimoni Phethro lomunye umfundi babemlandela uJesu. Kwathi ngoba lowomfundi wayesaziwa ngumphristi omkhulu wangena loJesu egumeni lomphristi omkhulu, 
\v 16 kodwa uPhethro yena walinda ngaphandle komnyango. Lowomfundi owayesaziwa ngumphristi omkhulu wabuya wakhuluma lentombazana eyayilindile khonapho, wasengenisa uPhethro.
\p
\v 17 Intombazana eyayilinde emnyango yambuza uPhethro yathi, “Konje wena lawe ungomunye wabafundi bendoda le?”
\p Waphendula wathi, “Kangisuye.”
\p
\v 18 Kwakuqanda, ngakho izinceku lezikhulu zazimi zisotha umlilo ezaziwubasile. UPhethro laye wayemi lazo esotha umlilo.
\s1 Umphristi Omkhulu Uthetha Icala LikaJesu
\p
\v 19 Ngalesosikhathi umphristi omkhulu wayebuzabuza uJesu mayelana labafundi bakhe langemfundiso yakhe.
\p
\v 20 UJesu waphendula wathi, \wj “Ngikhulume obala kuwo umhlaba. Kokuphela ngangifundisa emasinagogweni kumbe ethempelini lapho amaJuda onke abuthana khona. Kangikhulumanga lutho ensitha.\wj* 
\v 21 \wj Libuzelani mina? Buzani labo abangizwayo. Ngiqinisile bayakwazi engakukhulumayo.”\wj*
\p
\v 22 UJesu esetshonjalo, omunye wezikhulu ezaziseduze kwakhe wamhlankala ebusweni, wambuza wathi, “Yiyo indlela yokuphendula umphristi omkhulu leyo na?”
\p
\v 23 UJesu waphendula wathi, \wj “Nxa ngikhulume okungafanelanga kutsho. Kodwa nxa ngikhulume iqiniso, ungitshayelani na?”\wj* 
\v 24 U-Anasi wasemedlulisela kuKhayifasi umphristi omkhulu elokhu ebotshiwe.
\s1 Ukuphika KukaPhethro Kwesibili Lokwesithathu
\p
\v 25 USimoni Phethro wayelokhu emi esotha umlilo, abanye bambuza bathi, “Kakusiqiniso yini ukuthi ungomunye wabafundi bakhe na?”
\p Waphika wathi, “Kangisuye.”
\p
\v 26 Omunye wezinceku zomphristi omkhulu, owayeyisihlobo sendoda eyaqunywa indlebe nguPhethro yamqonda yathi, “Kangikubonanga yini ulaye esivandeni sama-oliva na?” 
\v 27 UPhethro waphika njalo, khonokho nje iqhude lakhala.
\s1 UJesu Phambi KukaPhilathu
\p
\v 28 AmaJuda asemthatha uJesu kuKhayifasi amusa esigodlweni sombusi ongumRoma. Khonapho kwasekusempondozankomo njalo ukuze angazingcolisi ngokwenkonzo yawo amaJuda kawangenanga esigodlweni; ayefuna ukuthi akulungele ukudla iPhasika. 
\v 29 Ngakho uPhilathu waphuma weza kuwo wawabuza wathi, “Limbeka cala bani lumuntu na?”
\p
\v 30 Aphendula athi, “Kube ubengesiso isikliwi besingasoze simlethe kuwe.”
\p
\v 31 UPhilathu wathi, “Mthatheni lina limahlulele ngokomthetho wenu.”
\p AmaJuda atshinga athi, “Phela thina kasilawo amandla okuquma umuntu.” 
\v 32 Lokhu kwenzakala ukuze amazwi uJesu ayewakhulumile ngendlela ayezakufa ngayo agcwaliseke.
\p
\v 33 UPhilathu wasengena njalo esigodlweni, wabiza uJesu wambuza wathi, “Wena uyinkosi yamaJuda na?”
\p
\v 34 UJesu waphendula wathi, \wj “Lowo ngumcabango wakho yini kumbe kulabanye abake bakhuluma lawe ngami?”\wj*
\p
\v 35 UPhilathu waphendula wathi, “Ucabanga ukuthi ngingumJuda na? Ngabantu bakini labaphristi abakhulu abakulethe lapha kimi. Kanti uvele woneni?”
\p
\v 36 UJesu wathi, \wj “Umbuso wami kawusi walumhlaba. Aluba kwakunjalo izinceku zami bezizakulwa ukwenqabela ukuthi ngingabotshwa ngamaJuda. Kodwa hatshi, umbuso wami uvela kwenye indawo.”\wj*
\p
\v 37 UPhilathu wathi, “Ngakho uyinkosi phela?”
\p UJesu waphendula wathi, \wj “Uqondile ukuthi ngiyinkosi. Ngeqiniso ngazalelwa lokho njalo ngalanda khona emhlabeni, ukuzafakaza iqiniso. Bonke abemi eqinisweni bayangilalela.”\wj*
\p
\v 38 UPhilathu wabuza wathi, “Yiliphi iqiniso?” Esekutshilo lokhu waphinda waphuma waya kumaJuda wathi, “Angifumani lutho lokumbeka icala. 
\v 39 Kodwa kungumkhuba wenu ukuthi ngilikhululele esinye isibotshwa ngesikhathi sePhasika. Lifuna ukuthi ngilikhululele inkosi yamaJuda na?”
\p
\v 40 Amemeza athi, “Hatshi, hayi lo! Siphe uBharabhasi!” UBharabhasi wayephatheke ekukhokheleni umvukela.
\c 19
\s1 UJesu Ugwetshelwa Ukubethelwa
\p
\v 1 UPhilathu wasemthatha uJesu wathi katshaywe ngemvubu. 
\v 2 Amabutho eluka umqhele wameva awubeka ekhanda lakhe. Amgqokisa isigqoko esiyibubende 
\v 3 aya kuye aphindaphinda ememeza esithi, “Bayethe! Nkosi yamaJuda!”
\p
\v 4 UPhilathu waphinda waphuma wathi kumaJuda, “Khangelani, sengimkhupha ngimlethe kini ngilazisa ukuthi kangifumani sizatho sokumethesa icala.” 
\v 5 Kwathi uJesu ephuma egqoke umqhele wameva, egqoke isigqoko esiyibubende, uPhilathu wathi kubo, “Iboneni-ke, nansi indoda!”
\p
\v 6 Abaphristi abakhulu lezikhulu zabo bonela ukumbona bamemeza bathi, “Mbethele! Mbethele!”
\p Kodwa uPhilathu waphendula wathi, “Mthatheni limbethele lina. Mina, kangifumani sizatho sokumethesa icala.”
\p
\v 7 AmaJuda aphikelela athi, “Thina silomthetho, ngakho mayelana lalowomthetho kumele afe ngoba uzithi uyiNdodana kaNkulunkulu.”
\p
\v 8 UPhilathu wathi ekuzwa lokhu wesaba kakhulu, 
\v 9 wasebuyela esigodlweni. Wabuza uJesu wathi, “Ungowangaphi wena?” Kodwa uJesu kamphendulanga. 
\v 10 UPhilathu wathi, “Kawufuni kukhuluma lami? Awuboni yini ukuthi mina ngilamandla okukukhulula lawokukubethela?”
\p
\v 11 UJesu waphendula wathi, \wj “Kawulawo amandla phezu kwami ongawaphiwanga evela phezulu. Ngakho-ke, lowo onginikele kuwe ulecala lesono esikhulu kakhulu.”\wj*
\p
\v 12 Kusukela lapho uPhilathu wazama ukukhulula uJesu, kodwa amaJuda aqhubeka ememeza esithi, “Nxa uyekela umuntu lo ahambe, kawulabungane loKhesari. Lowo ozitshaya inkosi uphikisana loKhesari.”
\p
\v 13 UPhilathu esezwe lokhu, wamletha phandle uJesu, yena wasehlala esihlalweni sakhe sokwahlulela endaweni eyayithiwa yisiGcawu Esigandelwe Ngamatshe (okuthiwa ngesiHebheru yiGabatha). 
\v 14 Kwakulusuku lokuLungisela iViki yePhasika, ngehola lesithupha.
\p UPhilathu wathi kumaJuda, “Nansi inkosi yenu.”
\p
\v 15 Kodwa amemeza athi, “Msuse! Msuse! Mbethele!”
\p UPhilathu wabuza wathi, “Ngibethele inkosi yenu na?”
\p Abaphristi abakhulu bamphendula bathi, “Kasilankosi ngaphandle kukaKhesari.”
\p
\v 16 Ekucineni uPhilathu wamnikela kubo ukuba abethelwe.
\s1 Ukubethelwa KukaJesu
\p Ngakho amabutho amthatha uJesu. 
\v 17 Wathwala isiphambano, wasuka waya endaweni yoKhakhayi (okuthiwa ngesiHebheru yiGoligotha). 
\v 18 Bambethela khona lapho kanye labanye ababili, ngapha langapha kwakhe, uJesu waba phakathi.
\p
\v 19 UPhilathu waloba umbhalo wananyathiselwa esiphambanweni. Wawubhalwe ukuthi:
\pc UJesu waseNazaretha, iNkosi yamaJuda.
\m
\v 20 AmaJuda amanengi awufunda umbhalo lowo ngoba lapho uJesu ayebethelwe khona kwakuseduze ledolobho, umbhalo lowo wawulotshwe ngesiHebheru, ngesiLathini langesiGrikhi. 
\v 21 Abaphristi abakhulu bamaJuda basola kuPhilathu bathi, “Ungalobi uthi ‘INkosi yamaJuda,’ kodwa umuntu lo wayezibiza ngokuthi uyinkosi yamaJuda.”
\p
\v 22 UPhilathu waphendula wathi, “Esengikulobile, sengikulobile.”
\p
\v 23 Kwathi amabutho esembethele uJesu, athatha izigqoko zakhe azabelana, zaba zingxenye ezine, zilingene ibutho linye ngalinye, kwasala isigqoko sangaphansi. Sona sasingelamthungo, silukwe sonke kusukela phezulu kusiya phansi.
\p
\v 24 Bacebisana bathi, “Kasingasidabuli. Kasikhetheni ngenkatho ukuthi sibe ngesikabani.”\f + \fr 19.24 \fr*\ft AmaHubo 22.18\ft*\f*
\p Lokhu kwenzakala ukuze kugcwaliseke umbhalo owathi:
\q1 “Babelana izembatho zami
\q2 benza inkatho ngezigqoko zami.”
\m Yikho lokhu amabutho akwenzayo.
\p
\v 25 Eduze kwesiphambano sakhe uJesu kwakumi unina, udadewabo kanina, uMariya umkaKlopasi loMariya Magadalini. 
\v 26 UJesu wathi ebona unina lapho lomfundi ayemthanda emi lapho eduze, wathi kunina, \wj “Mama, nansi indodana yakho,”\wj* 
\v 27 wathi kumfundi, \wj “Nangu unyoko.”\wj* Kusukela kulesosikhathi umfundi lowo wamthatha unina wamusa ekhaya lakhe.
\s1 Ukufa KukaJesu
\p
\v 28 Ngemva kwalesosikhathi, uJesu esesazi ukuthi konke kwasekuphelele njalo ukuze umbhalo ugcwaliseke, wathi, \wj “Ngomile.”\wj* 
\v 29 Kwakubekwe imbodlela yewayini yeviniga khonapho, basebegxamuza kuyo uzipho baluxhuma eluthini lwesihlahlakazana sehisophi, baluphakamisela endebeni zikaJesu. 
\v 30 Esenathile wathi, \wj “Sekuphelile.”\wj* Esetshonjalo wagobisa ikhanda lakhe wafa.
\p
\v 31 Lolo kwakulusuku lokuLungiselela, ngosuku olulandelayo kwakuzakuba liSabatha eliqakathekileyo. Ngenxa yokuthi amaJuda ayengafuni izidumbu zisale eziphambanweni ngeSabatha, acela uPhilathu ukuthi kwephulwe amalunga emilenze lezidumbu zethulwe. 
\v 32 Yikho amabutho eza ephula imilenze yendoda yakuqala eyayibethelwe loJesu, aphinda lakweyinye. 
\v 33 Kodwa athi efika kuJesu ebona ukuthi wayevele esefile, kawasazephulanga izitho zakhe. 
\v 34 Endaweni yalokho elinye ibutho lamciba uJesu ngomkhonto ohlangothini, kwantshaza igazi lamanzi. 
\v 35 Umuntu owakubonayo usebulethile ubufakazi, njalo ubufakazi bakhe buliqiniso. Uyazi ukuthi ukhuluma iqiniso njalo ufakazela ukuthi lani libe lokukholwa. 
\v 36 Lezizinto zenzakala ukuze kugcwaliseke umbhalo othi: “Kalikho lalinye ithambo lakhe elizakwephulwa,”\f + \fr 19.36 \fr*\ft U-Eksodasi 12.46; AmaNani 9.12; AmaHubo 34.20\ft*\f* 
\v 37 lomunye umbhalo uthi, “Bazakhangela kulowo abamgwazayo.”\f + \fr 19.37 \fr*\ft UZakhariya 12.10\ft*\f*
\s1 Ukungcwatshwa KukaJesu
\p
\v 38 Ngemva kwalokho, uJosefa wase-Arimathiya wacela isidumbu sikaJesu kuPhilathu. UJosefa lo wayengumfundi kaJesu kodwa wayekufihla ngoba wayesesaba amaJuda. Eselemvumo kaPhilathu weza wasithatha isidumbu. 
\v 39 Wayephathiswa nguNikhodimasi, indoda leyana eyayike yeza kuJesu ebusuku. UNikhodimasi weza lamakha emure lenhlaba engaba lesisindo samaphawundi angamatshumi ayisikhombisa lanhlanu. 
\v 40 Bobabili bathatha isidumbu sikaJesu basigcoba ngalawomakha njalo basigoqela ngamaqhele elineni. Lokhu kwakungumkhuba wamaJuda wokungcwaba. 
\v 41 Endaweni lapho uJesu abethelwa khona kwakulesivande, esivandeni kulethuna elitsha okwakungakaze kungcwatshwe muntu kulo. 
\v 42 Ngenxa yokuthi kwakulusuku lokulungiselela lwamaJuda njalo ngenxa yokuthi ithuna laliseduze, bamngcwaba khonapho uJesu.
\c 20
\s1 Ithuna Elingelalutho
\p
\v 1 Ekuseni kakhulu ngosuku lokuqala lweviki, kulokhu kusemnyama, uMariya Magadalini waya ethuneni wafumana ukuthi ilitshe laselisusiwe emlonyeni wethuna. 
\v 2 Ngakho wafika egijima kuSimoni Phethro elomunye umfundi, lowo uJesu ayemthanda, wathi, “Sebeyithethe iNkosi ethuneni, kodwa kasazi ukuthi bayise ngaphi!”
\p
\v 3 Yikho uPhethro lalowomfundi omunye baqonda ethuneni. 
\v 4 Bobabili babegijima, kodwa lowo omunye umfundi wamtshiya uPhethro wayafika kuqala ethuneni. 
\v 5 Wakhothama walunguza phakathi wabona amaqhele elineni ekhonapho, kodwa kangenanga. 
\v 6 Khonokho uSimoni Phethro owayengemuva kwakhe wafika wangena ethuneni. Wawabona amaqhele elineni ethe qekele khonapho, 
\v 7 kanye lelembu lokungcwaba elalithandele ikhanda likaJesu. Ilembu lelo laseligoqiwe lodwa lingekho kwawelineni. 
\v 8 Ekucineni lowo omunye umfundi owayefike kuqala ethuneni laye wangena. Wabona, wakholwa. 
\v 9 (Babelokhu bengezwisisi emibhalweni ukuthi uJesu wayemele avuke kwabafileyo.) 
\v 10 Abafundi basebebuyela emizini yabo.
\s1 UJesu Ubonakala KuMariya Magadalena
\p
\v 11 Kodwa uMariya wasala emi ngaphandle kwethuna ekhala. Wathi elokhu ekhala wakhothama walunguza ethuneni 
\v 12 wabona izingilosi ezimbili zigqoke okumhlophe zihlezi lapho isidumbu sikaJesu sasikade sikhona, enye ngasemakhanda, enye ngasezinyaweni.
\p
\v 13 Zambuza zathi, “Mama, ukhalelani na?”
\p Wathi, “Bayisusile iNkosi yami, kangazi ukuthi bayibeke ngaphi.” 
\v 14 Wasephenduka wabona uJesu emi khonapho, kodwa kananzelelanga ukuthi kwakunguJesu.
\p
\v 15 Wathi, \wj “Mama, ukhalelani na? Ufuna ubani na?”\wj*
\p UMariya wayesithi kumbe ngumlimi, wasesithi, “Nkosi, nxa kunguwe omthetheyo, ngitshela ukuthi umbeke ngaphi ukuze ngiyemthatha.”
\p
\v 16 UJesu wathi, \wj “Mariya.”\wj*
\p Waphendukela kuye wamemeza ngesiHebheru wathi, \tl “Rabhoni!”\tl* (okutsho ukuthi “Mfundisi”).
\p
\v 17 UJesu wathi, \wj “Ungangibambi, ngoba kangikabuyeli kuBaba. Kodwa hamba kubafowethu ubatshele uthi, ‘Sengibuyela kuBaba njalo uYihlo, kuNkulunkulu wami, uNkulunkulu wenu.’ ”\wj*
\p
\v 18 UMariya Magadalini waya kubafundi elombiko othi, “ngiyibonile iNkosi!” Njalo wabatshela ukuthi wayekutshilo lokhu kuye.
\s1 UJesu Uziveza Kubafundi
\p
\v 19 Kusihlwa ngalolosuku lokuqala lweviki, abafundi babendawonye behluthulele iminyango ngoba besesaba amaJuda, uJesu wafika wema phakathi kwabo wathi, \wj “Ukuthula kakube kini!”\wj* 
\v 20 Esekutshilo lokhu wabatshengisa izandla zakhe lohlangothi lwakhe. Abafundi bathaba kakhulu beyibona iNkosi.
\p
\v 21 UJesu waphinda wathi, \wj “Ukuthula kakube kini! Njengoba uBaba engithumile, lami ngiyalithuma.”\wj* 
\v 22 Esitsho lokho wabaphefumulela wathi, \wj “Yamukelani uMoya oNgcwele.\wj* 
\v 23 \wj Nxa lithethelela loba ngubani izono zakhe, zizathethelelwa lezenu, kodwa nxa lingathetheleli ezabanye kazisoze zithethelelwe lezenu.”\wj*
\s1 UJesu Uziveza KuThomasi
\p
\v 24 UThomasi (othiwa nguDidimasi), omunye wabalitshumi lambili, wayengekho kwabanye abafundi uJesu aze afike. 
\v 25 Kwathi lapho abanye abafundi bemtshela bathi “sesiyibonile iNkosi,” wathandabuza wathi, “Ngaphandle kokuthi ngibone amanxeba ezipikili ezandleni zakhe ngibeke umunwe wami emanxebeni ezipikili, ngifake isandla sami ehlangothini lwakhe, kangisoze ngikholwe.”
\p
\v 26 Sekudlule iviki abafundi bakhe babesendlini njalo, loThomasi elabo. Njengoba iminyango yayihluthulelwe uJesu wafika wema phakathi kwabo wathi, \wj “Ukuthula kakube kini!”\wj* 
\v 27 Wasesithi kuThomasi, \wj “Faka umunwe wakho lapha; bona izandla zami. Yelula isandla sakho usibeke ehlangothini lwami. Yekela ukuthandabuza ukholwe.”\wj*
\p
\v 28 UThomasi wathi kuye, “Nkosi yami, Nkulunkulu wami!”
\p
\v 29 UJesu wasemtshela wathi, \wj “Usukholiwe ngoba usungibonile; babusisiwe labo abathi bengabonanga, kodwa sebekholiwe.”\wj*
\s1 Injongo YeVangeli LikaJohane
\p
\v 30 UJesu wenza eminye imimangaliso eminengi abafundi bakhe bekhangele, kodwa engabhalwanga kule incwadi. 
\v 31 Kodwa le ibhaliwe ukuze likholwe ukuthi uJesu unguKhristu, iNdodana kaNkulunkulu, njalo ukuze kuthi ngokukholwa libe lokuphila ngebizo lakhe.
\c 21
\s1 UJesu Lomangaliso Wokubamba Inhlanzi
\p
\v 1 Ngemva kwesikhathi uJesu waphinda waziveza kubafundi bakhe oLwandle lwaseThibheriyasi. Kwenzakala kanje: 
\v 2 USimoni Phethro, loThomasi (othiwa nguDidimasi) loNathaneli waseKhana eseGalile, lamadodana kaZebhediya labanye abafundi ababili babendawonye. 
\v 3 USimoni Phethro wabatshela wathi, “Ngisayagola inhlanzi” bona bathi, “Sizahamba lawe.” Ngakho baphuma bayangena esikepeni kodwa kababambanga lutho ngalobobusuku.
\p
\v 4 Ekuseni kakhulu uJesu wema ekhunjini kodwa abafundi kabananzelelanga ukuthi kwakunguJesu.
\p
\v 5 Wabamemeza wathi, \wj “Bangane, lilokhu lingabambanga nhlanzi yini?”\wj*
\p Baphendula bathi, “Hatshi.”
\p
\v 6 Wathi, \wj “Phoselani umambule wenu ngakwesokunene kwesikepe lizagola khona.”\wj* Bathe sebenze njalo behluleka ukudonsa umambule ngenxa yobunengi benhlanzi.
\p
\v 7 Lowomfundi owayethandwa nguJesu wathi kuPhethro, “YiNkosi!” USimoni Phethro wonela ukuzwa esithi, “YiNkosi,” wazembathisa ngesigqoko sakhe sejazi (ngoba wayesikhulule) weqela emanzini. 
\v 8 Abanye abafundi balandela ngesikepe bedonsa umambule ugcwele inhlanzi ngoba babengakhatshana lasokhunjini, kwakungaba yizinyathelo ezilikhulu. 
\v 9 Ekufikeni kwabo okhunjini babona umlilo wamalahle uvutha kulenhlanzi phezulu kanye lesinkwa.
\p
\v 10 UJesu wathi kubo, \wj “Lethani ezinye inhlanzi elizibambileyo.”\wj* 
\v 11 USimoni Phethro wagada esikepeni, wadonsela umambule okhunjini. Wawugcwele inhlanzi ezinkulu, zilikhulu lamatshumi amahlanu lantathu (153), kodwa loba zinengi kangaka umambule kawudabukanga. 
\v 12 UJesu wathi kubo, \wj “Wozani lizokudla.”\wj* Kakho kubafundi owaqunga isibindi sokumbuza ukuthi, “Ungubani wena?” Bakwazi ukuthi yiNkosi. 
\v 13 UJesu weza, wathatha isinkwa wabanika, wenza njalo langenhlanzi. 
\v 14 Lesi kwasekuyisikhathi sesithathu uJesu ezibonakalisa kubafundi bakhe ngemva kokuvuswa kwabafileyo.
\s1 UJesu Ukhuthaza UPhethro
\p
\v 15 Sebeqedile ukudla, uJesu wathi kuSimoni Phethro, \wj “Simoni, ndodana kaJohane, ungithanda ngeqiniso na okudlula laba abanye?”\wj*
\p Wathi, “Yebo, Nkosi, uyakwazi ukuthi ngiyakuthanda.”
\p UJesu wathi, \wj “Phana amawundlu ami ukudla.”\wj*
\p
\v 16 UJesu waphinda wathi, \wj “Simoni, ndodana kaJohane, uyangithanda ngeqiniso na?”\wj*
\p Waphendula wathi, “Yebo, Nkosi, uyakwazi ukuthi ngiyakuthanda.”
\p UJesu wathi, \wj “Gcina izimvu zami.”\wj*
\p
\v 17 Wasesithi kuye okwesithathu, “Simoni, ndodana kaJohane, uyangithanda na?”
\p UPhethro wadabuka ngoba uJesu wambuza okwesithathu wathi, \wj “Uyangithanda na?”\wj* Wathi, “Nkosi, uyazazi izinto zonke; uyakwazi ukuthi ngiyakuthanda.”
\p UJesu wathi, \wj “Phana izimvu zami ukudla.\wj* 
\v 18 \wj Ngikutshela iqiniso ngithi, usesemutsha wawuzigqokisa, uziyele lapho othanda khona; kodwa nxa usuluphele, uzakwelula izandla zakho, ugqokiswe ngomunye, akuhole akuse lapho ongafuni ukuya khona.”\wj* 
\v 19 UJesu wakutsho lokhu ebonisa indlela yokufa uPhethro ayezadumisa uNkulunkulu ngayo. Wasesithi kuye, \wj “Ngilandela!”\wj*
\p
\v 20 UPhethro wanyemukula wabona umfundi uJesu ayemthanda ebalandela. (Nguye lowo oweyama kuJesu esidlweni, owabuzayo wathi, “Nkosi, ngubani ozakuthengisa?”) 
\v 21 UPhethro wathi embona wathi, “Nkosi, kanti lo-ke?”
\p
\v 22 UJesu waphendula wathi, “Nxa ngifuna ukuthi asale ephila ngize ngibuye kulani lawe lokho? Wena kumele ungilandele.” 
\v 23 Ngenxa yalokhu, kwaba lehungahunga phakathi kwabazalwane lokuthi umfundi lo wayengezukufa. Kodwa uJesu katshongo ukuthi wayengezukufa; wathi nje kuphela, \wj “Nxa ngifuna ukuthi asale ephila ngize ngibuye, kulani lawe lokho?”\wj*
\p
\v 24 Lo nguye umfundi ozifakazayo lezizinto, onguye owazibhala phansi. Siyazi ukuthi ubufakazi bakhe buqotho.
\p
\v 25 UJesu wenza ezinye izinto ezinengi njalo. Aluba zonke zazingabhalwa phansi, ngibona ingathi lomhlaba wonke wawuzaswela indawo yezincwadi ezazingabhalwa.