\id ISA - Biblica® Open Ndebele Contemporary Bible
\ide UTF-8
\h U-Isaya
\toc1 U-Isaya
\toc2 U-Isaya
\toc3 Isa
\mt1 U-Isaya
\c 1
\p
\v 1 Umbono omayelana ngoJuda leJerusalema owabonwa ngu-Isaya indodana ka-Amozi ensukwini zokubusa kuka-Uziya, loJothamu, lo-Ahazi loHezekhiya amakhosi akoJuda.
\b
\s1 Isizwe Esihlamukayo
\q1
\v 2 Zwanini, mazulu! Lalelani, mhlaba!
\q2 Ngoba \nd uThixo\nd* usekhulumile:
\q1 “Ngondla abantwana ngabakhulisa,
\q2 kodwa sebengihlamukele.
\q1
\v 3 Inkabi iyamazi umniniyo,
\q2 lobabhemi uyasazi isibaya somnikazi wakhe,
\q1 kodwa u-Israyeli kazi,
\q2 abantu bami kabaqedisisi.”
\b
\q1
\v 4 Maye kuso isizwe esonayo,
\q2 abantu abathwele amacala,
\q1 inzalo yabenza okubi,
\q2 abantwana abaxhwalileyo!
\q1 Sebemlahlile \nd uThixo\nd*;
\q2 bamdelele oNgcwele ka-Israyeli,
\q2 bamfulathela.
\b
\q1
\v 5 Kungani kumele litshaywe futhi?
\q2 Kungani liqhubeka ngokuhlamuka?
\q1 Ikhanda lakho lonke lilimele,
\q2 yonke inhliziyo yakho ihlukuluziwe.
\q1
\v 6 Kusukela ngaphansi kwentende yonyawo lwakho kusiya esicholo sekhanda
\q2 lakho akukho kuphelela,
\q1 kodwa izilonda lemvivinya kuphela,
\q2 kanye lamanxeba;
\q1 akugeziswanga, akubotshwanga
\q2 kumbe kwathanjiswa ngamafutha.
\b
\q1
\v 7 Ilizwe lenu lichithekile,
\q2 amadolobho enu atshiswa ngomlilo,
\q1 umhlaba wenu uphundlwa ngabezizweni,
\q2 phambi kwenu uqobo,
\q2 uchitheka njengalapho udilizwa ngabezizweni.
\q1
\v 8 Indodakazi yaseZiyoni isele
\q2 njengedumba esivinini,
\q1 njengendlwana ensimini yamajodo,
\q2 njengedolobho elihonqolozelweyo.
\q1
\v 9 Aluba \nd uThixo\nd* uSomandla
\q2 kasitshiyelanga abalutshwana abasindayo,
\q1 sasizakuba njengeSodoma;
\q2 sasizafana leGomora.
\b
\q1
\v 10 Zwanini ilizwi \nd likaThixo\nd*,
\q2 lina babusi baseSodoma,
\q1 lalelani umthetho kaNkulunkulu wethu,
\q2 lina bantu baseGomora!
\q1
\v 11 “Ubunengi bemihlatshelo yenu
\q2 buyini kimi?”
\q2 kutsho \nd uThixo\nd*.
\q1 “Ngileminikelo yokutshiswa edlula efunekayo,
\q2 eyenqama lamahwahwa ezifuyo ezinonisiweyo;
\q1 igazi lenkunzi,
\q2 lelamawundlu lelembuzi kalingithokozisi.
\q1
\v 12 Lapho lisiza phambi kwami,
\q2 ngubani othe linyathele amaguma ami na?
\q1
\v 13 Yekelani ukuletha iminikelo eyize!
\q2 Impepha yenu iyisinengiso kimi.
\q1 Angingeke ngibekezelele imbuthano yenu yobubi,
\q2 eyokuThwasa kweNyanga, amaSabatha lemihlangano.
\q1
\v 14 Umphefumulo wami uyawazonda
\q2 amadili enu okuthwasa kwezinyanga
\q2 lemikhosi yenu emisiweyo.
\q1 Sekube ngumthwalo kimi;
\q2 sengikhathele ngokukuthwala.
\q1
\v 15 Lapho lichaya izandla zenu likhuleka,
\q2 ngizalifihlela amehlo ami;
\q1 loba selikhuleka imikhuleko eminengi,
\q2 angiyikulalela.
\b
\q1 Izandla zenu zigcwele igazi!
\b
\q1
\v 16 Gezani libe ngabahlambulukileyo.
\q2 Susani izenzo zenu ezimbi phambi kobuso bami;
\q2 yekelani ukwenza okubi.
\q1
\v 17 Fundani ukwenza okulungileyo; funani ukwahlulela okuhle.
\q2 Khuthazani abancindezelweyo.
\q1 Vikelani izintandane;
\q2 lamulelani umfelokazi.
\b
\q1
\v 18 Wozani, siqondisane sindawonye,”
\q2 kutsho \nd uThixo\nd*.
\q1 “Lanxa izono zenu zibomvu gebhu,
\q2 zizakuba mhlophe njengonqwaqwane,
\q1 loba zibomvu njengegazi,
\q2 zizakuba njengoboya bezimvu.
\q1
\v 19 Nxa livuma njalo lilalela,
\q2 lizakudla okuhle kwelizwe;
\q1
\v 20 kodwa nxa linqaba, lihlamuka,
\q2 lizadliwa yinkemba.”
\q1 Ngoba umlomo \nd kaThixo\nd* usukhulumile.
\b
\q1
\v 21 Khangelani ukuthi idolobho elithembekileyo
\q2 seliphenduke laba yisifebe kanjani!
\q1 Lake lagcwala ngokufaneleyo;
\q2 ukulunga kwakuhlala kulo,
\q2 kodwa khathesi sekuhlala ababulali!
\q1
\v 22 Isiliva senu sesingamanyele,
\q2 iwayini lenu elihle selihlanganiswe lamanzi.
\q1
\v 23 Ababusi benu bangabahlamuki,
\q2 abangane bamasela;
\q1 bonke bathanda izivalamlomo,
\q2 bafune izipho.
\q1 Izintandane kabazivikeli;
\q2 indaba yomfelokazi kayifiki kibo.
\b
\q1
\v 24 Ngakho-ke iNkosi, \nd uThixo\nd* uSomandla,
\q2 uMninimandla ka-Israyeli, uthi:
\q1 “Yebo! Ngizabhodlisela ezitheni zami,
\q2 ngibuye ngiphindisele kwabayizitha zami.
\q1
\v 25 Ngizaphakamisela isandla sami kini;
\q2 ngizawahlambulula ngokupheleleyo amanyele enu,
\q2 ngisuse lakho konke ukungcola kwenu.
\q1
\v 26 Ngizabuyisa abehluleli benu njengezinsukwini zakudala,
\q2 labeluleki benu njengasekuqaleni.
\q1 Muva uzabizwa ngokuthi
\q2 iDolobho Lokulunga,
\q2 iDolobho Elithembekileyo.”
\b
\q1
\v 27 IZiyoni izahlengwa ngemfanelo,
\q2 abaphendukayo bayo bahlengwe ngokulunga.
\q1
\v 28 Kodwa abahlamuki lezoni bazachithwa,
\q2 lalabo abalahla \nd uThixo\nd* bazabhubha.
\b
\q1
\v 29 “Lizayangeka ngenxa yezihlahla zomʼokhi ezingcwele
\q2 elazithokozisa ngazo.
\q1 Lizadana ngamasimu elawakhethayo.
\q1
\v 30 Lizafana lomʼokhi olamahlamvu asebuna,
\q2 lanjengensimu engelamanzi.
\q1
\v 31 Indoda elamandla izafana lencwathi,
\q2 umsebenzi wayo ufane lenhlansi;
\q1 kokubili kuzakutsha kanyekanye,
\q2 kungekho ozacitsha umlilo.”
\c 2
\s1 Intaba \nd KaThixo\nd*
\p
\v 1 Lokhu yikho okwabonwa ngu-Isaya indodana ka-Amozi mayelana loJuda leJerusalema:
\b
\p
\v 2 Ngezinsuku zokucina
\q1 intaba yethempeli \nd likaThixo\nd* izamiswa
\q2 njengenhloko phakathi kwezintaba;
\q1 izaphakanyiselwa phezu kwezintaba
\q2 njalo izizwe zonke zizabekelela zisiya kuyo.
\p
\v 3 Abantu abanengi bazakuza bathi,
\q1 “Wozani siye phezu kwentaba \nd kaThixo\nd*,
\q2 siye ethempelini likaNkulunkulu kaJakhobe.
\q1 Uzasifundisa izindlela zakhe,
\q2 ukuze sihambe emikhondweni yakhe.”
\q1 Umthetho uzavela eZiyoni,
\q2 ilizwi \nd likaThixo\nd* livele eJerusalema.
\q1
\v 4 Uzakwahlulela phakathi kwezizwe,
\q2 alamule ingxabano zabantu abanengi.
\q1 Bazakhanda izinkemba zabo zibe yimihlathi yamakhuba,
\q2 lemikhonto yabo ibe ngamahloka okuthena izihlahla.
\q1 Isizwe asiyikuhlomela isizwe ngenkemba
\q2 loba sifundele ukulwa impi futhi.
\b
\q1
\v 5 Woza, ndlu kaJakhobe,
\q2 kasihambe ekukhanyeni \nd kukaThixo\nd*.
\s1 Usuku \nd LukaThixo\nd*
\q1
\v 6 Wena, \nd Thixo\nd*, usubalahlile abantu bakho,
\q2 isizukulwane sikaJakhobe.
\q1 Bagcwele ukholo oluyize lwaseMpumalanga
\q2 benza lemisebenzi yobungoma njengamaFilisti,
\q2 njalo babambana izandla labangakholwayo.
\q1
\v 7 Ilizwe labo ligcwele isiliva legolide;
\q2 inotho yabo ayilakuphela.
\q1 Ilizwe labo ligcwele amabhiza;
\q2 izinqola zabo zempi kazipheli.
\q1
\v 8 Ilizwe labo ligcwele izithombe;
\q2 bakhothamela umsebenzi wezandla zabo,
\q2 lakulokho okwenziwa yiminwe yabo.
\q1
\v 9 Ngakho abantu bazakwehliselwa phansi
\q2 bonke bazehliswa
\q2 ungabathetheleli.
\b
\q1
\v 10 Ngenani ezimbalwini zamatshe lasemhlabathini,
\q2 licatshele ukwesabeka \nd kukaThixo\nd*
\q2 lenkazimulo yobukhosi bakhe!
\q1
\v 11 Amehlo omuntu oziphakamisayo azathotshiswa,
\q2 lokuziphakamisa kwabantu kwehliselwe phansi;
\q1 \nd uThixo\nd* kuphela nguye ozaphakanyiswa ngalolosuku.
\b
\q1
\v 12 \nd UThixo\nd* uSomandla ulosuku alubekele
\q2 bonke abazazigqajayo labazikhukhumezayo;
\q1 lakho konke okuphakemeyo
\q2 (kuzathotshiswa),
\q1
\v 13 olwazo zonke izihlahla zemisedari zaseLebhanoni ezinde leziphakemeyo,
\q2 lazozonke izihlahla zomʼOkhi zaseBhashani,
\q1
\v 14 olwazo zonke izintaba ezindekazi
\q2 lamaqaqa wonke aphakemeyo,
\q1
\v 15 olwayo yonke imiphotshongo ephakemeyo
\q2 layo yonke imiduli eyinqaba,
\q1
\v 16 olwemikhumbi yonke yaseThashishi
\q2 layo yonke imikolo emihle.
\q1
\v 17 Ukuziphakamisa kwabantu kuzakwehliselwa phansi,
\q2 ukuzazisa kwabantu kuthobekiswe;
\q1 \nd uThixo\nd* kuphela nguye ozadunyiswa ngalolosuku,
\q2
\v 18 izithombe zizanyamalala zithi nya.
\b
\q1
\v 19 Abantu bazabalekela ezimbalwini zamatshe
\q2 lasemilindini emhlabathini
\q1 bebalekela ukwesabeka \nd kukaThixo\nd*
\q2 lenkazimulo yobukhosi bakhe
\q2 lapho ephakama ukuba anyikinye umhlaba.
\q1
\v 20 Ngalolosuku abantu bazazilahlela
\q2 emvukuzaneni lakubomalulwane
\q1 izithombe zabo zesiliva lezegolide
\q2 abazenzela ukuba bazikhonze.
\q1
\v 21 Bazabalekela ezimbalwini zamatshe
\q2 lasezingoxweni zamawa
\q1 bebalekela ukwesabeka \nd kukaThixo\nd*
\q2 lenkazimulo yobukhosi bakhe,
\q2 lapho ephakama ukuba anyikinye umhlaba.
\b
\q1
\v 22 Yekelani ukwethemba umuntu
\q2 olomphefumulo nje kuphela emakhaleni akhe.
\q2 Ngoba uyini yena na?
\c 3
\s1 Ukwahlulelwa KweJerusalema Lelizwe LakoJuda
\q1
\v 1 Khangelani khathesi \nd UThixo\nd*,
\q2 \nd uThixo\nd* uSomandla
\q1 usezasusa eJerusalema lelizweni lakoJuda
\q2 okufunekayo losizo:
\q1 konke ukudla lamanzi,
\q2
\v 2 iqhawe lebutho,
\q1 umahluleli lomphrofethi,
\q2 isangoma lomuntu omdala,
\q1
\v 3 induna yebutho labangamatshumi amahlanu
\q2 lamadoda ayizikhulu,
\q1 umeluleki, ingcitshi yemisebenzi,
\q2 lesanuse esihlakaniphileyo.
\b
\q1
\v 4 “Ngizakwenza abafana babeyizikhulu zabo;
\q2 abantwana nje bazababusa.”
\b
\q1
\v 5 Abantu bazancindezelana,
\q2 umuntu avukele umuntu,
\q2 umakhelwane avukele umakhelwane.
\q1 Abatsha bazavukela abadala,
\q2 abeyisekayo bavukele abahlonitshwa.
\b
\q1
\v 6 Indoda izabamba omunye wabafowabo
\q2 emzini kayise ithi,
\q1 “Ulesembatho, woba ngumkhokheli wethu,
\q2 inqwaba yamanxiwa le
\q2 izakuba ngaphansi kombuso wakho.”
\q1
\v 7 Kodwa ngalolosuku uzakhala athi,
\q2 “Angilamasiza.
\q1 Endlini yami akulakudla loba izigqoko;
\q2 ungangenzi umkhokheli wabantu.”
\b
\q1
\v 8 IJerusalema liyadiyazela,
\q2 uJuda uyawa;
\q1 amazwi abo lezenzo zabo kuphambene \nd loThixo\nd*,
\q2 kweyisa ubukhosi bakhe.
\q1
\v 9 Ukukhangeleka kobuso babo kufakaza kubi ngabo;
\q2 babukisa izono zabo njengeSodoma;
\q2 kabazifihli.
\q1 Maye kubo!
\q2 Bazilethele incithakalo phezu kwabo.
\b
\q1
\v 10 Tshela abalungileyo ukuthi kuzakuba kuhle kubo,
\q2 ngoba bazakholisa izithelo zezenzo zabo.
\q1
\v 11 Maye kwababi!
\q2 Incithakalo isiphezu kwabo!
\q1 Bazaphindiselwa
\q2 ngalokho izandla zabo ezikwenzileyo.
\b
\q1
\v 12 Abatsha bancindezela abantu bami,
\q2 abesifazane bayababusa.
\q1 Awu, bantu bami, abakhokheli benu bayaliduhisa;
\q2 bayaliphambula endleleni.
\b
\q1
\v 13 \nd UThixo\nd* uphakama ukuba afakaze indaba yakhe,
\q2 uyasukuma ukuba ahlulele abantu.
\q1
\v 14 \nd UThixo\nd* uqalisa ukwahlulela
\q2 abadala labakhokheli babantu esithi,
\q1 “Yini elitshabalalise isivini sami;
\q2 elikuthumbe kubayanga kusezindlini zenu.
\q1
\v 15 Litshoni ngokuchoboza abantu bami
\q2 langokuchola ubuso babayanga?”
\q2 kutsho iNkosi, \nd uThixo\nd* uSomandla.
\b
\q1
\v 16 \nd UThixo\nd* uthi,
\q2 “Abesifazane baseZiyoni bayaziphakamisa,
\q1 bahamba belule izintamo,
\q2 behuga ngamehlo abo,
\q1 begwenxeka ngamanyathelo amancane,
\q2 izigqizo zikhencezela enqagaleni zabo.
\q1
\v 17 Ngakho-ke \nd uThixo\nd* uzakwenza amakhanda
\q2 abesifazane baseZiyoni abe lezilonda;
\q1 \nd uThixo\nd* uzakwenza
\q2 isikhumba samakhanda abo siphuceke.”
\p
\v 18 Ngalolosuku uThixo uzahluthuna imiceciso yabo: amasongo, imincwazi, lemigaxo yentanyeni 
\v 19 amacici, izigqizo lezimbombozo, 
\v 20 amaqhiye, izigetsho lamabhanti; amambodlela amakha lezintebe, 
\v 21 indandatho ezilophawu lamasongo empumulo, 
\v 22 izembatho ezinhle lezingubo lezigqoko, izikhwama 
\v 23 lezibuko, lezigqoko zelineni, imiqhele lamaveli.
\q1
\v 24 Endaweni yephunga elimnandi
\q2 kuzakuba lomnuko omubi;
\q2 endaweni yebhanti kuzakuba legoda,
\q1 endaweni yenwele ezilungiswe kuhle
\q2 kuzakuba lempabanga,
\q1 endaweni yezigqoko ezinhle
\q2 kuzakuba ngamasaka,
\q2 endaweni yobuhle, kuzakuba lihlazo.
\q1
\v 25 Amadoda akini azakuwa ngenkemba,
\q2 kanjalo lamabutho akini empini.
\q1
\v 26 Amasango aseZiyoni azakhala alile,
\q2 kuthi yona ihlale phansi ichithekile.
\c 4
\q1
\v 1 Ngalolosuku abesifazane abayisikhombisa
\q2 bazabamba indoda yinye
\q1 bathi, “Sizakudla ukudla kwethu
\q2 sigqoke izigqoko zethu;
\q1 sivumele kuphela nje ukuba sibizwe ngebizo lakho.
\q2 Susa ihlazo lethu.”
\s1 UGatsha \nd LukaThixo\nd*
\p
\v 2 Ngalolosuku uGatsha \nd lukaThixo\nd* luzakuba luhle lube yinkazimulo, lezithelo zelizwe zizakuba ligugu lenkazimulo kwabasindayo ko-Israyeli. 
\v 3 Labo abatshiywe eZiyoni, abasele eJerusalema, kuzathiwa bangcwele, labo bonke abalotshiweyo phakathi kwabaphilayo eJerusalema. 
\v 4 INkosi izagezisa ingcekeza yabesifazane baseZiyoni, izahlambulula amachatha egazi eJerusalema ngomoya wokwahlulela langomoya womlilo. 
\v 5 Lapho-ke, phezu kwayo yonke iNtaba iZiyoni langaphezulu kwabo bonke abahlangana khona, \nd uThixo\nd* uzakwenza iyezi lentuthu emini, lokukhanya kwamalangabi omlilo ebusuku; ngaphezu kwenkazimulo yonke kuzakuba lesivikelo esinjengophahla. 
\v 6 Sizakuba yisisitho lomthunzi wokuvika ukutshisa kwemini, isiphephelo lendawo yokucatshela isiphepho lezulu.
\c 5
\s1 Ingoma Yesivini
\q1
\v 1 Ngizahlabelela lowo engimthandayo
\q2 ingoma ngesivini sakhe:
\q1 Othandwa yimi wayelesivini
\q2 eqaqeni oluvundileyo.
\q1
\v 2 Wasigebha, wasusa amatshe kuso,
\q2 wahlanyela kuso amavini amahle.
\q1 Wakha umphotshongo ophakemeyo phakathi kwaso
\q2 njalo wagebha lesikhamelo sewayini kuso.
\q1 Walindela izithelo ezinhle,
\q2 kodwa amavini athela ezimbi kuphela.
\b
\q1
\v 3 “Manje-ke lina abahlala eJerusalema lani madoda akoJuda,
\q2 yahlulelani phakathi kwami lesivini sami.
\q1
\v 4 Kuyini okudlula lapho okwakumele kwenziwe esivinini sami
\q2 engingakwenzanga kuso na?
\q1 Lapho ngangilindele izithelo ezinhle
\q2 kungani sona sathela ezimbi kuphela na?
\q1
\v 5 Khathesi-ke sengizalitshela
\q2 engizakwenza esivinini sami:
\q1 Ngizasusa uthango lwaso;
\q2 sizadilizwa.
\q1 Ngizabhidliza umduli waso,
\q2 sizagxotshwa ngezinyawo.
\q1
\v 6 Ngizasenza sibe liganga
\q2 kungabikho ukuthenwa kumbe ukuhlakulwa;
\q2 inkotha lameva kuzakhula kuso.
\q1 Ngizalaya amayezi
\q2 anganisi zulu kuso.”
\b
\q1
\v 7 Isivini \nd sikaThixo\nd* uSomandla
\q2 yindlu ka-Israyeli;
\q1 abantu bakoJuda
\q2 bayinsimu eligugu kuye.
\q1 Wayelindele okufaneleyo,
\q2 kodwa wabona ukuchitheka kwegazi;
\q2 endaweni yokulunga, wezwa ukukhala kosizi.
\s1 Izikhalazo Lezahlulelo
\q1
\v 8 Maye kini elengeza izindlu ngezindlu
\q2 lihlanganise insimu ensimini
\q1 kuze kusweleke indawo eseleyo,
\q2 njalo lihlala lodwa elizweni.
\p
\v 9 \nd UThixo\nd* uSomandla usetshilo ngisizwa wathi:
\q1 “Ngeqiniso izindlu ezinengi zizakuba ngamanxiwa;
\q2 ezinkulu ezinhle zisale zingaselamuntu ohlala kuzo.
\q1
\v 10 Izindima ezilitshumi zesivini
\q2 zizathela ifatshi elilodwa lewayini,
\q2 ihomeri lenhlanyelo lithele ihefa lamabele.”
\b
\q1
\v 11 Maye kulabo abavuka ngovivi ekuseni
\q2 begijimela ukunatha utshwala;
\q1 abaqhubekayo kuze kube phakathi kobusuku
\q2 baze badakwe butshwala.
\q1
\v 12 Balamachacho lemihubhe emadilini abo,
\q2 amagedla, imihlanga, lewayini,
\q1 kodwa kabazinaki izenzo \nd zikaThixo\nd*,
\q2 akukho nhlonipho yomsebenzi wezandla zakhe.
\q1
\v 13 Ngakho-ke abantu bami bazakuya ekuthunjweni
\q2 ngenxa yokungazwisisi;
\q1 izikhulu zabo zizabulawa yindlala
\q2 lenengi labo lizakoma ngomhawu wamanzi.
\q1
\v 14 Ngakho indawo yabafileyo izakwelula imihlathi yayo,
\q2 ikhamise umlomo wayo okungelamkhawulo;
\q1 izikhulu zabo lenengi labo bawele phakathi
\q2 labo bonke abaxokozelayo labazithokozisayo.
\q1
\v 15 Abantu bazakwehliselwa phansi,
\q2 abantu bazathobekiswa,
\q2 amehlo abaziphakamisayo athotshiswe.
\q1
\v 16 Kodwa \nd uThixo\nd* uSomandla uzaphakanyiswa
\q2 ngokwahlulela kwakhe okuhle;
\q1 ubungcwele bukaNkulunkulu
\q2 buzabonakala ngokulunga kwakhe.
\q1
\v 17 Lapho-ke izimvu zizakudla angathi kusemadlelweni azo,
\q2 amazinyane adle emanxiweni ezinothi.
\b
\q1
\v 18 Maye kulabo abahudula isono ngentambo zenkohliso
\q2 lobubi kungathi kungamagoda enqola,
\q1
\v 19 kulabo abathi, “UNkulunkulu kaphangise,
\q2 kaphangisise umsebenzi wakhe
\q2 ukuze siwubone.
\q1 Kalisondele icebo loNgcwele ka-Israyeli
\q2 kalize ukuze silazi.”
\b
\q1
\v 20 Maye kulabo abathi okubi kuhle
\q2 bathi okuhle kubi,
\q1 ababeka umnyama esikhundleni sokukhanya;
\q2 ukukhanya esikhundleni somnyama;
\q1 ababeka okubabayo esikhundleni sokumnandi,
\q2 okumnandi esikhundleni sokubabayo.
\b
\q1
\v 21 Maye kulabo abahlakaniphileyo emehlweni abo
\q2 njalo besile ekuboneni kwabo.
\b
\q1
\v 22 Maye kulabo abangamaqhawe ekunatheni iwayini
\q2 njalo bezintshantshu ekuhlanganiseni okunathwayo,
\q1
\v 23 abakhulula abalamacala ngenxa yokufunjathiswa.
\q2 Kodwa banqabele abamsulwa imfanelo yabo.
\q1
\v 24 Ngakho-ke, njengalokhu umlilo utshisa inhlanga,
\q2 utshani obomileyo buphelela phakathi kwamalangabi,
\q2 ngokunjalo impande zabo zizabola.
\q1 Lamaluba abo aphephuke njengothuli;
\q2 ngoba bawalile umthetho \nd kaThixo\nd* uSomandla
\q2 balidelela ilizwi loNgcwele ka-Israyeli.
\q1
\v 25 Ngakho ulaka \nd lukaThixo\nd* luzavutha ebantwini bakhe;
\q2 isandla sakhe siphakeme njalo uyabatshaya.
\q1 Izintaba ziyanyikinyeka,
\q2 izidumbu zabafileyo zinjengezibi ezindleleni.
\b
\q1 Ikanti kukho konke lokhu ulaka lwakhe kaluphelanga,
\q2 isandla sakhe silokhu siphakanyisiwe.
\b
\q1
\v 26 Uphakamisela izizwe ezikude uphawu,
\q2 ubatshayela ikhwelo abasemaphethelweni omhlaba.
\q1 Nampa besiza
\q2 ngokuphangisa langejubane!
\q1
\v 27 Kakho omunye wabo odinwayo loba okhubekayo,
\q2 kakho owozelayo kumbe olalayo,
\q1 akukho bhanti elixegiswayo ekhalweni,
\q2 akukho ntambo yenyathelo equmekileyo.
\q1
\v 28 Imitshoko yabo ibukhali,
\q2 wonke amadandili abo agotshisiwe;
\q1 amasondo amabhiza abo afana lelitshe elilukhuni,
\q2 amavili ezinqola zabo zokulwa anjengesivunguzane.
\q1
\v 29 Ukubhonga kwabo kufana lokwesilwane,
\q2 babhonga njengezilwane ezikhulayo,
\q1 bayabhavuma lapho bebamba inyamazana edliwayo,
\q2 babaleke layo kungekho ongabemuka.
\q1
\v 30 Ngalolosuku bazabhavumela phezu kwayo
\q2 njengokubhavuma kolwandle.
\q1 Njalo nxa umuntu ekhangela ilizwe,
\q2 uzabona umnyama losizi;
\q2 lelanga lizakwenziwa libe mnyama ngamayezi.
\c 6
\s1 Ukuthunywa Kuka-Isaya
\p
\v 1 Ngomnyaka inkosi u-Uziya eyafa ngawo, ngabona uThixo ehlezi esihlalweni sobukhosi esiphezulu esiphakemeyo, injobo yesembatho sakhe igcwele ithempeli. 
\v 2 Ngaphezu kwakhe kwakulamaserafimu, elinye lelinye lilempiko eziyisithupha. Ayegubuzele ubuso bawo ngezimpiko ezimbili, egubuzele inyawo zawo ngezimbili, ephapha ngezimbili. 
\v 3 Elinye lamemezela kwelinye lisithi:
\q1 “Ungcwele, ungcwele, ungcwele \nd uThixo\nd* uSomandla,
\q2 umhlaba wonke ugcwele inkazimulo yakhe.”
\m
\v 4 Ekuzwakaleni kwamazwi awo imigubazi lombundu kwanyikinyeka, kwathi ithempeli lagcwala intuthu.
\p
\v 5 Mina ngakhala ngathi, “Maye mina! Sengibhujisiwe! Ngoba ngingumuntu olezindebe ezingcolileyo, njalo ngihlala phakathi kwabantu abalezindebe ezingcolileyo, lamehlo ami asebone iNkosi, \nd uThixo\nd* uSomandla.”
\p
\v 6 Lapho-ke elinye lamaserafimu laphaphela kimi liphethe ilahle elivuthayo esandleni salo elalilithethe ngodlawu e-alithareni. 
\v 7 Lathinta umlomo wami ngalo lathi, “Khangela, lokhu sekuthinte izindebe zakho; icala lakho selisusiwe, njalo lesono sakho sesihlawulelwe.”
\p
\v 8 Ngasengisizwa ilizwi leNkosi lisithi, “Ngizathuma bani na? Ngubani na ozasihambela?”
\p Mina ngathi, “Ngilapha. Ngithuma!”
\p
\v 9 Yasisithi, “Hamba uyetshela abantu uthi:
\q1 ‘Zwanini kokuphela, kodwa lingaqedisisi;
\q2 libone kokuphela, kodwa lingabonisisi.’
\q1
\v 10 Yenza inhliziyo yalababantu ibe lukhuni;
\q2 wenze indlebe zabo zibe buthundu,
\q2 uvale amehlo abo.
\q1 Hlezi babone ngamehlo abo,
\q2 bezwe ngezindlebe zabo,
\q2 baqedisise ngezinhliziyo zabo,
\q1 baphenduke basiliswe.”
\p
\v 11 Ngasengisithi, “Koze kube nini, Nkosi?”
\p Yona yaphendula yathi:
\q1 “Amadolobho aze achitheke
\q2 njalo kungaselabantu kuwo,
\q1 izindlu zize zisale zingaselabantu,
\q2 lamasimu ephundleke abhuquzeka,
\q1
\v 12 \nd uThixo\nd* aze axotshele umuntu wonke khatshana
\q2 njalo ilizwe lidelwe ngokupheleleyo.
\q1
\v 13 Lanxa ingxenye eyodwa etshumini isala elizweni
\q2 izachithwa futhi.
\q1 Kodwa njengezihlahla zetherebhinti lemi-okhi
\q2 zitshiya izidindi lapho seziganyulwe,
\q2 ngokunjalo inhlanyelo engcwele izakuba yisidindi elizweni.”
\c 7
\s1 Isibonakaliso Sika-Imanuweli
\p
\v 1 Kwathi u-Ahazi indodana kaJothamu, indodana ka-Uziya, eyinkosi yakoJuda, uRezini inkosi yase-Aramu loPhekha indodana kaRemaliya inkosi yako-Israyeli basuka bayahlasela iJerusalema, kodwa kabalinqobanga.
\p
\v 2 Indlu kaDavida yatshelwa kwathiwa, “I-Aramu isimanyene lo-Efrayimi,” inhliziyo ka-Ahazi lezabantu bakhe zanyikinyeka njengezihlahla zegusu zinyikinywa ngumoya.
\p
\v 3 \nd UThixo\nd* wasesithi ku-Isaya, “Hamba wena lendodana yakho uSheyari-Jashubi ukuba lihlangabeze u-Ahazi ekucineni komgelo wamanzi oweChibi Elingaphezulu, emgwaqweni oya Ensimini Yomgezisi. 
\v 4 Lithi kuye, ‘Nanzelela, hlala ngokuthula, njalo ungesabi. Inhliziyo yakho kayingadeli ngenxa yolaka olwesabekayo lukaRezini lo-Aramu lolwendodana kaRemaliya.’ ” 
\v 5 U-Aramu lo-Efrayimi lendodana kaRemaliya sebecebe ukukutshabalalisa besithi, 
\v 6 “Kasihlaseleni ilizwe lakoJuda; kasilidabuleni phakathi silabelane, senze indodana kaThabheli ibe yinkosi yalo.” 
\v 7 Kodwa-ke lokhu yikho okutshiwo \nd nguThixo\nd* Wobukhosi ukuthi:
\q1 “ ‘Akuyikuphumelela,
\q2 akuyikwenzakala,
\q1
\v 8 ngoba inhloko ye-Aramu yiDamaseko,
\q2 inhloko yeDamaseko nguRezini kuphela.
\q1 Phakathi kweminyaka engamatshumi ayisithupha lanhlanu
\q2 u-Efrayimi uzakuba esetshabalele engaseyiso sizwe.
\q1
\v 9 Inhloko ka-Efrayimi yiSamariya,
\q2 inhloko yeSamariya yindodana kaRemaliya kuphela.
\q1 Nxa lingami liqine okholweni lwenu
\q2 alisoze livele lime.’ ”
\p
\v 10 \nd UThixo\nd* wakhuluma njalo ku-Ahazi wathi, 
\v 11 “Cela isibonakaliso \nd kuThixo\nd* uNkulunkulu wakho, ingabe ekujuleni kwezulu loba phezulu engqongweni.”
\p
\v 12 Kodwa u-Ahazi wathi, “Angiyikucela. Angiyikulinga \nd uThixo\nd*.”
\p
\v 13 U-Isaya wasesithi, “Khathesi-ke zwana wena lendlu kaDavida. Akwenelanga na ukulinga ukubekezela kwabantu? Uzalinga lokubekezela kukaNkulunkulu wami njalo na? 
\v 14 Ngakho-ke iNkosi ngokwayo izanika isibonakaliso: Intombi egcweleyo izakhulelwa izale indodana bayibize ngokuthi ngu-Emanuweli. 
\v 15 Uzakudla amasi loluju lapho eselolwazi olwaneleyo ukuba ale okubi akhethe okulungileyo. 
\v 16 Kodwa-ke umfana engakazi okwaneleyo ukuba ale okubi akhethe okulungileyo, ilizwe lamakhosi amabili owesabayo lizachithwa. 
\v 17 \nd UThixo\nd* uzakwehlisela phezu kwakho laphezu kwabantu bakho, laphezu kwendlu kayihlo, isikhathi esingafani lesinye kusukela u-Efrayimi ebhazuka kuJuda, uzaletha inkosi yase-Asiriya.”
\s1 I-Asiriya, Isitsha \nd SikaThixo\nd*
\p
\v 18 Ngalelolanga \nd uThixo\nd* uzatshaya ikhwelo ebiza impukane ezisekudabukeni kwezifula zaseGibhithe lezinyosi eziselizweni lase-Asiriya. 
\v 19 Zizakuza zonke zihlale ezingoxweni ezingamawa, ezimbalwini zamadwala, ezihlahleni zonke zameva kuwo wonke amagodi amanzi. 
\v 20 Ngalolosuku iNkosi izasebenzisa impuco ebolekwe enkosini yase-Asiriya ngaphetsheya koMfula iYufrathe ukuphuca ikhanda lakho loboya obusembaleni yakho, lokugunda indevu zakho lazo. 
\v 21 Ngalolosuku umuntu uzafuya ithokazi elilodwa lembuzi ezimbili. 
\v 22 Ngenxa yobunengi bochago oluzavela kuzo, uzakuba lamasi azawadla. Bonke abazasala elizweni bazakudla amasi loluju. 
\v 23 Ngalolosuku, ezindaweni zonke lapho okwakulamavini ayinkulungwane alingana amashekeli esiliva ayinkulungwane, kuzakuba lokhula lameva kuphela. 
\v 24 Abantu bazakuya khona belamadandili lemitshoko ngoba ilizwe lizakuba seligcwele ukhula lameva. 
\v 25 Emaqaqeni wonke ake alinywa ngekhuba kawusayikuya khona ngenxa yokwesaba ukhula lameva, azakuba yindawo yokwelusela inkomo lamadlelo ezimvu.
\c 8
\s1 U-Isaya Labantwabakhe Njengezibonelo
\p
\v 1 \nd UThixo\nd* wathi kimi, “Thatha isibhebhedu selitshe esikhulu ulobe kuso ngolimi olujwayelekileyo ukuthi: Maheri-Shalali-Hashi-Bhazi (okutsho ukuthi: abaphanga ukuhuquluza okuphangiweyo). 
\v 2 Ngizabiza u-Uriya umphristi loZakhariya indodana kaJebherekhiya njengabofakazi bami abathembekileyo.” 
\v 3 Ngemva kwalokho ngaya kumphrofethikazi, wathatha isisu, wazala indodana. \nd UThixo\nd* wasesithi kimi, “Mbize ngokuthi nguMaheri-Shalali-Hashi-Bhazi. 
\v 4 Kuzakuthi umfana engakakwazi ukuthi ‘Ubaba’ loba ‘Umama,’ inotho yaseDamaseko lempahla ethunjwe eSamariya kuzathathwa yinkosi yase-Asiriya.”
\p
\v 5 \nd UThixo\nd* wakhuluma kimi futhi wathi:
\q1
\v 6 “Ngenxa yokuthi abantu laba sebewalile
\q2 amanzi ageleza kuhle aseShilowa
\q1 bethokozela uRezini
\q2 lendodana kaRemaliya,
\q1
\v 7 ngakho-ke iNkosi isiseduze ukubalethela
\q2 izikhukhula zamanzi ezilamandla,
\q2 eziyinkosi yase-Asiriya lobukhosi bayo bonke,
\q2 zivela eYufrathe.
\q1 Azachithekela ngaphandle kwayo yonke imigelo yawo,
\q2 ageleze phezu kwamakhumbi ayo wonke,
\q1
\v 8 afohlele koJuda, agcwale kulo,
\q2 adlule phakathi kwalo efika entanyeni.
\q1 Impiko zawo ezeluliweyo
\q2 zizakwembesa ububanzi belizwe lakho,
\q2 Awu, Emanuweli!”
\b
\q1
\v 9 Hlabani umkhosi wempi lina zizwe, lichithwe!
\q2 Lalelani lonke lina mazwe akude.
\q1 Lungiselani impi, lichithwe!
\q2 Lungiselani impi lichithwe!
\q1
\v 10 Lungisani icebo lenu, kodwa kalisoze liphumelele:
\q2 bumbani isu lenu, kodwa kaliyikuma,
\q2 ngoba uNkulunkulu ulathi.
\s1 Mesabeni \nd UThixo\nd*
\p
\v 11 \nd UThixo\nd* wakhuluma kimi isandla sakhe esilamandla siphezu kwami, engixwayisa ukuba ngingalandeli indlela yalababantu. Wathi:
\q1
\v 12 “Ungabokuthi kungamacebo amabi
\q2 konke abantu laba abathi kungamacebo amabi;
\q1 ungakwesabi abakwesabayo
\q2 njalo ungakuqhuqhi.
\q1
\v 13 \nd UThixo\nd* uSomandla
\q2 nguye okumele limazi engongcwele,
\q1 nguye okumele limesabe,
\q2 nguye okumele limqhuqhe.
\q1
\v 14 Uzakuba yisiphephelo;
\q2 kodwa kuzo zombili izindlu zako-Israyeli
\q1 uzakuba yilitshe elikhubekisa abantu
\q2 ledwala elibenza bawe.
\q1 Ebantwini baseJerusalema uzakuba
\q2 yisifu lomjibila.
\q1
\v 15 Inengi labo lizakhubeka;
\q2 bazakuwa bephuke,
\q2 bazathiywa bathunjwe.”
\b
\q1
\v 16 Bopha ubufakazi besixwayiso,
\q2 uqinise umthetho phakathi kwabafundi bakaNkulunkulu.
\q1
\v 17 Ngizamlindela \nd uThixo\nd*,
\q2 ofihlela indlu kaJakhobe ubuso bakhe.
\q1 Ngizabeka ithemba lami kuye.
\p
\v 18 Mina ngilapha, kanye labantwana \nd uThixo\nd* angiphe bona. Siyizibonakaliso lempawu ku-Israyeli ezivela \nd kuThixo\nd* uSomandla, ohlala entabeni iZiyoni.
\s1 Ubumnyama Buphenduka Ukukhanya
\p
\v 19 Nxa abantu bekutshela ukuthi buza abalamadlozi labalemimoya yobuthakathi, labanyenyezayo bengunguza, kambe abantu akumelanga babuzisise uNkulunkulu wabo na? Kungani abaphilayo libabuzela kwabafayo na? 
\v 20 Emthethweni lakubo ubufakazi! Nxa bengakhulumi ngokumayelana lelizwi leli, kabalakho ukukhanya kokusa. 
\v 21 Bazazula lelizwe behlulukelwe, belambile. Lapho sebephalwe yindlala, bazathukuthela, bathuke inkosi yabo loNkulunkulu wabo bekhangele phezulu. 
\v 22 Emva kwalokho bazakhangela emhlabeni babone usizi kuphela, lomnyama owesabekayo, njalo bazaphoselwa emnyameni opheleleyo.
\c 9
\s1 Sizalelwe Umntwana
\p
\v 1 Kodwa-ke akusayikuba khona ukudangala kulabo ababesosizini. Ensukwini ezedlulayo walithobisa ilizwe likaZebhuluni lelizwe likaNafithali. Kodwa ensukwini ezizayo uzayipha udumo iGalile yabezizweni, eNdleleni eya oLwandle elandela iJodani:
\q1
\v 2 Abantu abahamba emnyameni
\q2 sebebone ukukhanya okukhulu;
\q1 kulabo abahlala elizweni lethunzi lokufa
\q2 ukukhanya sekukhanyisile.
\q1
\v 3 Usikhulisile isizwe
\q2 wandisa intokozo yabo,
\q1 bayathokoza phambi kwakho
\q2 njengabantu bethokoza ekuvuneni,
\q1 njengempi ithokoza
\q2 isaba impango.
\q1
\v 4 Ngoba njengamhla wokwehlulwa kukaMidiyani
\q2 usulephule ijogwe elibasindayo,
\q1 umgoqo onqume emahlombe abo,
\q2 intonga yomncindezeli wabo.
\q1
\v 5 Lonke inyathela lebutho elisetshenziswe empini,
\q2 kanye lazozonke izigqoko ezigiqwe egazini
\q1 kuzakuya ekutshisweni;
\q2 kuzakuba ngokokubasisa umlilo.
\q1
\v 6 Ngoba sizalelwe umntwana,
\q2 siphiwe indodana,
\q2 umbuso uzakuba phezu kwamahlombe akhe.
\q1 Uzabizwa ngokuthi
\q2 uMeluleki Omangalisayo, uNkulunkulu uSomandla,
\q2 uBaba Waphakade, iNkosana yokuThula.
\q1
\v 7 Ukwanda kombuso wakhe lokuthula
\q2 akuyikuba lomkhawulo.
\q1 Uzabusa esihlalweni sobukhosi sikaDavida
\q2 laphezu kombuso wakhe,
\q1 ewumisa njalo ewuqinisa
\q2 ngokufaneleyo langokulunga,
\q2 kusukela ngalesisikhathi kuze kube nini lanini.
\q1 Ukutshiseka \nd kukaThixo\nd* uSomandla
\q2 kuzakufeza lokhu.
\s1 \nd UThixo\nd* Uthukuthelele Abako-Israyeli
\q1
\v 8 INkosi isithumele ilizwi lesixwayiso kuJakhobe
\q2 lizakwehlela phezu kuka-Israyeli.
\q1
\v 9 Abantu bonke bazakwazi
\q2 u-Efrayimi labakhele eSamariya,
\q1 abathi ngokuzigqaja
\q2 langokuzikhukhumeza kwenhliziyo,
\q1
\v 10 “Izitina sezidilikele phansi,
\q2 kodwa sizakwakha njalo ngamatshe abaziweyo;
\q1 imikhiwa isiganyulelwe phansi,
\q2 kodwa sizafaka imisedari endaweni yayo.”
\q1
\v 11 Kodwa \nd uThixo\nd* usebaqinisele izitha zikaRezini,
\q2 njalo usetshotshozele izitha zabo.
\q1
\v 12 Ama-Aramu avela empumalanga lamaFilistiya avela entshonalanga
\q2 asedle u-Israyeli ngomlomo ovulekileyo.
\b
\q1 Kodwa kukho konke lokhu, ukuthukuthela kwakhe akupheli,
\q2 isandla sakhe silokhu siphakanyisiwe.
\b
\q1
\v 13 Kodwa abantu abakabuyeli kuye owabatshayayo.
\q2 Loba badinge \nd uThixo\nd* uSomandla.
\q1
\v 14 Ngakho \nd uThixo\nd* uzaquma ko-Israyeli ikhanda lomsila,
\q2 ugatsha lwelala lomhlanga ngasuku lunye;
\q1
\v 15 abadala lezikhulu balikhanda,
\q2 abaphrofethi abafundisa amanga bangumsila.
\q1
\v 16 Labo abakhokhela abantu laba bayabalahlekisa,
\q2 labo abakhokhelwayo bayedukiswa.
\q1
\v 17 Ngakho iNkosi kayiyikuthokoza ngezinsizwa zabo,
\q2 izintandane labafelokazi kayiyikuba lozwelo kubo,
\q1 ngoba bonke bayameyisa uNkulunkulu, njalo babi;
\q2 imilomo yonke ikhuluma amanyala.
\b
\q1 Kodwa kukho konke lokhu,
\q2 ukuthukuthela kwayo akupheli,
\q2 isandla sayo silokhu siphakanyisiwe.
\b
\q1
\v 18 Ngeqiniso ububi butshisa njengomlilo,
\q2 budla ukhula lameva,
\q1 buthungela izixuku zehlathi zivuthe amalangabi
\q2 izikhatha zentuthu ziqonga zisiya phezulu.
\q1
\v 19 Ngolaka \nd lukaThixo\nd* uSomandla
\q2 ilizwe lizatshiswa,
\q1 abantu bazakuba zinkuni zomlilo,
\q2 kakho ozaphephisa umfowabo.
\q1
\v 20 Bazaqeda kwesokudla
\q2 kodwa babe belokhu belambile;
\q1 bazakudla kwesokhohlo,
\q2 kodwa bangasuthi.
\q1 Omunye lomunye uzakudla abantwabakhe:
\q2
\v 21 UManase uzakudla u-Efrayimi, u-Efrayimi adle uManase;
\q2 bobabili bazamelana loJuda.
\b
\q1 Kukho konke lokhu, ukuthukuthela kwakhe akupheli,
\q2 isandla sakhe silokhu siphakanyisiwe.
\b
\b
\c 10
\q1
\v 1 Maye kulabo abenza imithetho emibi,
\q2 lakulabo ababhala izimiso ezincindezelayo,
\q1
\v 2 ukuba kwamukwe abayanga amalungelo abo
\q2 lokugodla okufaneleyo kwabantu bami abancindezelweyo;
\q1 bazingela abafelokazi
\q2 baqhwage izintandane.
\q1
\v 3 Lizakwenzani ngosuku lokuthonisiswa
\q2 lapho incithakalo isiza ivela khatshana?
\q1 Lizabalekela kubani ukuba lithole usizo na?
\q2 Lizayitshiya ngaphi inotho yenu?
\q1
\v 4 Akukho okuzasala, kodwa ukuba baquthe phakathi kwabathunjiweyo
\q2 loba bafe lababuleweyo.
\b
\q1 Ikanti kukho konke lokhu, ukuthukuthela kwakhe akupheli,
\q2 isandla sakhe silokhu siphakanyisiwe.
\s1 UNkulunkulu Wahlulela I-Asiriya
\q1
\v 5 “Maye kumʼAsiriya, intonga yentukuthelo yami,
\q2 esandleni sayo kulesagila solaka lwami!
\q1
\v 6 Ngimthumela ukuyamelana lesizwe esingelankulunkulu,
\q2 ngimthumela ukuyamelana labantu abangithukuthelisayo,
\q1 ukuba athumbe ahluthune impahla yokuthunjwa,
\q2 lokubanyathelela phansi njengodaka ezindleleni.
\q1
\v 7 Kodwa lokhu akusikho akujongileyo,
\q2 lokhu akusikho okusengqondweni yakhe;
\q1 injongo yakhe yikutshabalalisa,
\q2 abhubhise izizwe ezinengi.
\q1
\v 8 Uthi, ‘Izinduna zami zebutho kazisimakhosi zonke na?
\q2
\v 9 IKhalino kaliphumelelanga njengeKharikhemishi na?
\q1 IHamathi kalinjenge-Ariphadi na?
\q2 LeSamariya kayinjengeDamaseko na?
\q1
\v 10 Lanjengoba isandla sami sabamba imibuso yezithombe,
\q2 imibuso ezifanekiso zayo zedlula ezeJerusalema lezeSamariya,
\q1
\v 11 angiyikuliphatha iJerusalema lezithombe zalo
\q2 ngendlela engaphatha ngayo iSamariya lezithombe zayo na?’ ”
\p
\v 12 Lapho uThixo esewuqedile wonke umsebenzi wakhe mayelana lentaba iZiyoni leJerusalema uzakuthi, “Ngizayijezisa inkosi yase-Asiriya ngenxa yokuzigqaja kwayo lokuzazisa okubonakala emehlweni ayo.” 
\v 13 Ngoba uthi:
\q1 “ ‘Ngamandla esandla sami langokuhlakanipha kwami
\q2 sengenze lokhu ngoba ngilokuqedisisa.
\q1 Ngayisusa imingcele yezizwe,
\q2 ngathumba inotho yazo;
\q2 njengolamandla nganqoba amakhosi azo.
\q1
\v 14 Njengomuntu efinyelela isidleke senyoni,
\q2 ngokunjalo isandla sami safinyelela enothweni yezizwe,
\q1 njengabantu bebutha amaqanda atshiyiweyo,
\q2 kanjalo ngaqoqa amazwe wonke;
\q1 akukho okwaphaphazelisa amaphiko
\q2 loba okwavula umlomo wakho kwatshiyoza.’ ”
\b
\q1
\v 15 Konje ihloka liyaziphakamisela ngaphezu kwalowo olizulisayo na,
\q2 loba isaha izincome imelane lalowo oyisebenzisayo na?
\q1 Njengangathi induku izanyikinya lowo oyiphakamisayo,
\q2 kumbe isagila sinyikinye lowo ongasiso sigodo!
\q1
\v 16 Ngakho-ke, iNkosi, \nd uThixo\nd* uSomandla,
\q2 uzathumela isifo esicikizayo emabuthweni ayo aqinileyo;
\q1 ngaphansi kobukhosi bayo kuzaphembeka umlilo
\q2 njengelangabi elibhebhayo.
\q1
\v 17 Ukukhanya kuka-Israyeli kuzakuba ngumlilo,
\q2 oNgcwele wabo abe lilangabi,
\q1 ngosuku olulodwa lizatshisa liqede
\q2 ameva akhe lokhula lwakhe.
\q1
\v 18 Ubuhle bamahlathi akhe lamasimu akhe avundileyo,
\q2 uzakuqeda ngokupheleleyo
\q2 njengalapho umuntu ogulayo ecikizeka.
\q1
\v 19 Izihlahla zamahlathi ezisalayo zizakuba zilutshwana,
\q2 okungathi lomntwana azibale.
\s1 Insalela Yako-Israyeli
\q1
\v 20 Ngalolosuku insalela yako-Israyeli,
\q2 abendlu kaJakhobe abasindayo,
\q1 kabasayikwethemba kuye
\q2 owabatshayayo wababhubhisa
\q1 kodwa ngeqiniso bazathembela \nd kuThixo\nd*,
\q2 oNgcwele ka-Israyeli.
\q1
\v 21 Insalela izabuyela, insalela kaJakhobe
\q2 izabuyela kuSomandla uNkulunkulu.
\q1
\v 22 Loba abantu bakho, we Israyeli, benjengetshebetshebe olwandle,
\q2 kuzabuya insalela kuphela.
\q1 Incithakalo isimenyezelwe,
\q2 iyabakhulela kodwa ilungile.
\q1
\v 23 INkosi, \nd uThixo\nd* uSomandla, uzasifeza isimemezelo
\q2 sokubhujiswa elizweni lonke.
\p
\v 24 Ngakho-ke lokho yikho iNkosi, \nd uThixo\nd* uSomandla akutshoyo:
\q1 “Awu bantu bami abahlala eZiyoni,
\q2 lingawesabi ama-Asiriya
\q1 alitshaya ngentonga
\q2 njalo lawo aliphakamisela isagila njengokwenziwa yiGibhithe.
\q1
\v 25 Masinyane ukulithukuthelela kwami kuzaphela,
\q2 ulaka lwami luzaqondiswa ekubhujisweni kwabo.”
\b
\q1
\v 26 \nd UThixo\nd* uSomandla uzabatshaya ngomchilo
\q2 njengalapho atshaya iMidiyani edwaleni lase-Orebi,
\q1 njalo uzaphakamisela intonga yakhe ngaphezu kwamanzi
\q2 njengalokhu akwenza eGibhithe.
\q1
\v 27 Ngalolosuku imithwalo yabo izasuswa emahlombe enu,
\q2 lejogwe labo entanyeni zenu;
\q1 ijogwe lizakwephulwa
\q2 ngoba selizimukile.
\b
\q1
\v 28 Bayangena e-Ayathi;
\q2 badabula phakathi kweMigironi;
\q2 bagcina impahla eMikhimashi.
\q1
\v 29 Badlula emkhandlwini bathi,
\q2 “Ebusuku sizalala eGebha.”
\q1 IRama liyathuthumela;
\q2 iGibhiya likaSawuli liyabaleka.
\q1
\v 30 Hlaba umkhosi, We! Ndodakazi kaGalimi,
\q2 lalela we Layisha!
\q2 Anathothi ozihawulelayo!
\q1
\v 31 IMadimena iyabaleka;
\q2 abantu baseGebhimu bazacatsha.
\q1
\v 32 Ngalolosuku bazakuma kancane, kancane eNobhi,
\q2 bazakhomba ngezinqindi zabo
\q1 intaba yeNdodakazi yeZiyoni,
\q2 eqaqeni lwaseJerusalema.
\b
\q1
\v 33 Khangelani, iNkosi, \nd uThixo\nd* uSomandla,
\q2 uzaquma ingatsha ngamandla amakhulu.
\q1 Izihlahla ezidephileyo zizaqunywa.
\q2 Ezinde zazo zizakwehliselwa phansi.
\q1
\v 34 Ngehloka uzagamula izixuku zehlathi;
\q2 iLebhanoni izakuwa phambi kwakhe olaMandla.
\c 11
\s1 UGatsha Oluvela KuJese
\q1
\v 1 Ihlumela lizavela esidindini sikaJese;
\q2 uGatsha oluhlume empandeni zakhe luzathela izithelo.
\q1
\v 2 UMoya \nd kaThixo\nd* uzakuba phezu kwakhe,
\q2 uMoya wokuhlakanipha lowokuqedisisa,
\q2 uMoya wokweluleka lowamandla,
\q2 uMoya wokwazi lowokwesaba \nd uThixo\nd*,
\q1
\v 3 njalo uzathokoziswa yikwesaba \nd uThixo\nd*.
\b
\q1 Kayikwahlulela ngalokho akubona ngamehlo akhe,
\q2 loba aqume ngalokho akuzwa ngendlebe zakhe;
\q1
\v 4 kodwa abaswelayo uzabehlulela ngokulunga
\q2 athathe izinqumo ngabayanga basemhlabeni ngokulunga.
\q1 Uzatshaya umhlaba ngentonga yomlomo wakhe;
\q2 ngomoya wendebe zakhe uzabulala ababi.
\q1
\v 5 Ukulunga kuzakuba libhanti lakhe,
\q2 ukwethembeka kube luzwezwe ekhalweni lwakhe.
\b
\q1
\v 6 Impisi izahlala lezinyane lemvu,
\q2 ingwe izalala phansi lembuzi,
\q1 ithole kanye lesilwane kudle ndawonye;
\q2 umntwana omncane akukhokhele.
\q1
\v 7 Inkomokazi izakudla lebhele,
\q2 amankonyane akho alale ndawonye;
\q2 njalo isilwane sizakudla utshani njengenkabi.
\q1
\v 8 Usane luzadlalela phansi komlindi webululu,
\q2 umntwana omncane angenise isandla sakhe
\q2 emlonyeni womlindi wenhlangwana.
\q1
\v 9 Abayikulimaza loba badilize
\q2 kuyo yonke intaba yami engcwele,
\q1 ngoba umhlaba uzagcwala ngolwazi \nd lukaThixo\nd*
\q2 njengamanzi egcwalisa ulwandle.
\p
\v 10 Ngalolosuku iMpande kaJese izakuma njengophawu ebantwini; izizwe zizabuthana kuye, indawo yakhe yokuphumula izakuba lodumo. 
\v 11 Ngalolosuku uThixo uzakwelula isandla sakhe okwesibili ukuba abuyise insalela zabantu bakhe abasala e-Asiriya, eGibhithe, ePhathrosi, eTiyopiya, eKhushi, e-Elamu, eShinari, eHamathi lasezihlengeni zolwandle.
\q1
\v 12 Uzaphakamisela izizwe uphawu
\q2 aqoqe abaxotshwayo ko-Israyeli.
\q1 Uzahlanganisa abantu bakoJuda abahlakazekileyo
\q2 bevela emagumbini amane omhlaba.
\q1
\v 13 Ubukhwele buka-Efrayimi buzaphela,
\q2 izitha zikaJuda zizaqunywa;
\q1 u-Efrayimi akayikukhwelezela uJuda,
\q2 kumbe uJuda abe lobutha ku-Efrayimi.
\q1
\v 14 Bazahwitha phansi emithezukweni yaseFilistiya ngasentshonalanga;
\q2 bebonke bazaphanga abantu basempumalanga.
\q1 Bazanqoba i-Edomi leMowabi lama-Amoni
\q2 azakuba ngaphansi kwabo.
\q1
\v 15 \nd UThixo\nd* uzacitsha
\q2 umsele wolwandle lwaseGibhithe,
\q1 ngomoya otshisayo uzadlulisa isandla sakhe
\q2 phezu komfula uYufrathe.
\q1 Uzawahlukanisa ube yizifula eziyisikhombisa
\q2 ukuze abantu bawuchaphe befake amanyathelo.
\q1
\v 16 Kuzakuba lomgwaqo omkhulu wezinsalela zabantu bakhe
\q2 abasele e-Asiriya,
\q1 njengoba kwakunjalo ko-Israyeli
\q2 ekubuyeni kwabo bevela eGibhithe.
\c 12
\s1 Izingoma Zokubonga
\p
\v 1 Ngalolosuku wena uzakuthi:
\q1 “Ngizakubonga Oh \nd Thixo\nd*.
\q2 Lanxa wawungithukuthelele
\q1 ulaka lwakho seluphelile,
\q2 njalo usungiduduzile.
\q1
\v 2 Ngeqiniso uNkulunkulu uyinsindiso yami;
\q2 ngizathemba ngingesabi.
\q1 \nd UThixo\nd*, \nd uThixo\nd* ngokwakhe ungamandla lengoma yami;
\q2 usebe yinsindiso yami.”
\q1
\v 3 Ngentokozo uzakukha amanzi
\q2 emithonjeni yensindiso.
\p
\v 4 Ngalolosuku uzakuthi:
\q1 “Mbongeni \nd uThixo\nd*, bizani ibizo lakhe,
\q2 zaziseni izizwe ngalokhu akwenzileyo,
\q2 limemezele ukuthi ibizo lakhe liphakeme.
\q1
\v 5 Hlabelelani \nd kuThixo\nd*, ngoba wenze izinto ezinhle kakhulu;
\q2 lokhu kwenzeni kwazakale emhlabeni wonke.
\q1
\v 6 Memezani kakhulu lihlabele ngokuthokoza, bantu baseZiyoni,
\q2 ngoba mkhulu oNgcwele ka-Israyeli phakathi kwenu.”
\c 13
\s1 Isiphrofethi NgeBhabhiloni
\p
\v 1 Leli yilizwi elimayelana leBhabhiloni elaboniswa u-Isaya indodana ka-Amozi:
\q1
\v 2 Phakamisa uphawu phezu koqaqa oluligceke,
\q2 umemezele kubo,
\q1 ubaqhwebe ngesandla
\q2 ukuba bangene emasangweni asesikhosini.
\q1
\v 3 Sengibalayile abangcwele bami,
\q2 sengiwalayile amaqhawe ami ukuba afeze ulaka lwami,
\q2 lawo athokozela ukunqoba kwami.
\b
\q1
\v 4 Lalelani, umsindo phezu kwezintaba,
\q2 onjengowexuku elikhulu.
\q1 Lalelani, ukuxokozela phakathi kwemibuso
\q2 njengezizwe zibuthana ndawonye!
\q1 \nd UThixo\nd* uSomandla ubutha
\q2 ibutho elibuthela impi.
\q1
\v 5 Bavela emazweni akude,
\q2 emikhawulweni yamazulu,
\q1 \nd uThixo\nd* lezikhali zolaka lwakhe,
\q2 ukuba kuchithwe ilizwe lonke.
\b
\q1
\v 6 Lilani ngoba usuku \nd lukaThixo\nd* seluseduze.
\q2 Luzafika njengokuchithakala okuvela kuSomandla.
\q1
\v 7 Ngenxa yalokhu izandla zonke zizakuba buthakathaka,
\q2 inhliziyo zabantu bonke zizaphela amandla.
\q1
\v 8 Bazakuba lokwesaba okukhulu,
\q2 baphathwe yibuhlungu losizi;
\q2 bazabhinqika njengowesifazane ehelelwa.
\q1 Bazakhangelana bemangele,
\q2 ubuso babo bungamalangabi.
\b
\q1
\v 9 Khangelani usuku \nd lukaThixo\nd* luyeza,
\q2 usuku lwesihluku, ulaka lokuthukuthela okukhulu,
\q1 ukwenza ilizwe lichitheke,
\q2 kubhujiswe izoni eziphakathi kwalo.
\q1
\v 10 Izinkanyezi zezulu lemithala yazo
\q2 akuyikukhanyisa.
\q1 Ilanga eliphumayo lizafiphazwa
\q2 lenyanga ayiyikukhanyisa.
\q1
\v 11 Umhlaba ngizawujezisa ngenxa yobubi bawo,
\q2 lababi ngenxa yezono zabo.
\q1 Ngizaqeda ukukloloda kwabazikhukhumezayo,
\q2 ngehlise ukuzigqaja kwabalesihluku.
\q1
\v 12 Ngizakwenza abantu basweleke okudlula igolide elicengekileyo,
\q2 basweleke okudlula igolide lase-Ofiri.
\q1
\v 13 Ngakho-ke ngizakwenza amazulu anyikinyeke;
\q2 lomhlaba uzamazame endaweni yawo
\q1 ngokuthukuthela \nd kukaThixo\nd* uSomandla,
\q2 ngosuku lolaka lwakhe oluvuthayo.
\b
\q1
\v 14 Njengempala ezingelwayo,
\q2 lanjengezimvu ezingelamelusi,
\q1 omunye lomunye uzabuyela ebantwini bakibo,
\q2 omunye lomunye uzabalekela elizweni lakibo.
\q1
\v 15 Lowo ozathunjwa uzagwazwa;
\q2 bonke abazabanjwa bazabulawa ngenkemba.
\q1
\v 16 Izingane zabo zizamahlazelwa phambi kwamehlo abo;
\q2 izindlu zabo zizakhuthuzwa, omkabo babanjwe ngodlakela.
\b
\q1
\v 17 Khangelani, ngizabavusela amaMede
\q2 angelandaba lesiliva,
\q2 njalo engalijabuleli legolide.
\q1
\v 18 Imitshoko yawo izabulala izinsizwa;
\q2 kawayikuba lozwelo ezinganeni
\q2 loba abe lesihawu ebantwaneni.
\q1
\v 19 IBhabhiloni, igugu lemibuso,
\q2 ubukhazikhazi bokuziqhenya kwamaKhaladiya,
\q1 lizachithwa nguNkulunkulu
\q2 njengeSodoma leGomora.
\q1
\v 20 Akuyikuhlalwa kulo futhi
\q2 loba kwakhiwe kulo kuzozonke izizukulwane;
\q1 akulama-Arabhu azamisa amathente awo khona,
\q2 loba umelusi ozaphumuza imihlambi yakhe khona.
\q1
\v 21 Kodwa izinyamazana zeganga zizahlala khona,
\q2 amakhanka azahlala ezindlini zakhona
\q1 lezikhova zizahlala khona,
\q2 lamagogo aqolotshe khona.
\q1
\v 22 Impisi zizakhala ezinqabeni zakhona,
\q2 amakhanka ezindlini ezinhle zobukhosi.
\q1 Isikhathi salo sesizafika
\q2 njalo insuku zalo kaziyikwandiswa.
\b
\b
\c 14
\q1
\v 1 \nd UThixo\nd* uzakuba lesihawu kuJakhobe;
\q2 uzamkhetha njalo u-Israyeli,
\q2 abahlalise elizweni labo.
\q1 Abezizwe bazahlangana labo
\q2 bamanyane lendlu kaJakhobe.
\q1
\v 2 Izizwe zizabathatha
\q2 zibase endaweni yabo.
\q1 Indlu ka-Israyeli izathumba izizwe
\q2 zibe yizisebenzi zesilisa lezesifazane elizweni \nd likaThixo\nd*.
\q1 Bazakwenza abathumbi babo babe yizigqili,
\q2 babuse abancindezeli babo.
\p
\v 3 Ngosuku \nd uThixo\nd* azaliphumuza ngalo ekuhluphekeni, ekutshikatshikeni, lasebugqilini obulesihluku, 
\v 4 lizakutsho la amazwi okukloloda enkosini yaseBhabhiloni lithi:
\q1 Umncindezeli usefikile ekucineni,
\q2 ukuthukuthela kwakhe sekuphelile!
\q1
\v 5 \nd UThixo\nd* useyephule intonga yababi,
\q2 induku yobukhosi eyababusi,
\q1
\v 6 abatshaya abantu ngokuthukuthela,
\q2 langokugalela okungapheliyo,
\q1 banqoba izizwe ngentukuthelo
\q2 langokuncindezela okungapheliyo.
\q1
\v 7 Amazwe wonke alokuphumula lokuthula;
\q2 aphahluka ahlabelele izingoma.
\q1
\v 8 Lezihlahla zamaphayini lemisedari yaseLebhanoni
\q2 ziyathokoza ngawe zithi,
\q1 “Njengoba khathesi usuwiselwe phansi
\q2 akula ozakuzasigamula.”
\b
\q1
\v 9 Ithuna ngaphansi liyanyakaza
\q2 ukuba likuhlangabeze ekufikeni kwakho.
\q1 Livusa imimoya yabafayo ukuba ikubingelele,
\q2 bonke labo ababengababusi emhlabeni;
\q1 libenza basukume ezihlalweni zabo zobukhosi,
\q2 bonke labo ababengamakhosi ezizwe.
\q1
\v 10 Bazaphendula bonke,
\q2 bazakuthi kuwe,
\q1 “Lawe usubuthakathaka njengathi,
\q2 usube njengathi.”
\q1
\v 11 Bonke ubukhosi bakho sebehliselwe phansi ethuneni,
\q2 kanye lomsindo wamachacho akho.
\q1 Impethu zendlaliwe ngaphansi kwakho,
\q2 inhlavane zikwembesile.
\b
\q1
\v 12 Yeka ukuwa kwakho uvela ezulwini,
\q2 wena nkanyezi yekuseni, ndodana yokusa!
\q1 Uphoselwe phansi emhlabeni,
\q2 wena owake wehlisela izizwe phansi!
\q1
\v 13 Wathi enhliziyweni yakho,
\q2 “Ngizakwenyukela ezulwini,
\q1 ngizaphakamisela isihlalo sami sobukhosi
\q2 ngaphezu kwezinkanyezi zikaNkulunkulu;
\q1 ngizahlala ebukhosini phezu kwentaba yombuthano,
\q2 ezingqongweni zentaba engcwele.
\q1
\v 14 Ngizakwenyukela phezu kwezindawo
\q2 eziphakemeyo emayezini;
\q2 ngizazenza ngibe njengoPhezukonke.”
\q1
\v 15 Kodwa ulethwe phansi ethuneni,
\q2 ekuzikeni kwegodi.
\b
\q1
\v 16 Labo abakubonayo bakudonsela amehlo,
\q2 bayacabanga ngowakudalelwayo bathi:
\q1 “Nguye lo na umuntu owanyikinya umhlaba
\q2 wenza imibuso yaqhaqhazela,
\q1
\v 17 umuntu owenza umhlaba waba lugwadule,
\q2 owadiliza amadolobho awo,
\q1 kazavumela abathunjwayo bakhe
\q2 ukubuyela ekhaya na?”
\b
\q1
\v 18 Wonke amakhosi ezizwe alele ebukhosini,
\q2 enye lenye ethuneni layo.
\q1
\v 19 Kodwa wena uphoselwe ngaphandle kwethuna
\q2 lakho njengogatsha olulahliweyo;
\q1 welekwe ngababulawayo,
\q2 lalabo abagwazwa ngenkemba,
\q2 labo abehlela ematsheni egodi.
\q1 Njengesidumbu esinyathelwe ngezinyawo,
\q2
\v 20 kawuyikuhlangana labo ekungcwatshweni;
\q1 ngoba usulichithile ilizwe lakho
\q2 wabulala labantu bakini.
\b
\b
\q1 Inzalo yababi
\q2 kakungakhulunywa ngayo futhi.
\q1
\v 21 Lungisa indawo yokubulalela abantwabakhe
\q2 ngenxa yezono zabokhokho babo.
\q1 Kabamelanga bavuke ukuba bathathe ilizwe
\q2 bagcwalise umhlaba ngamadolobho abo.
\b
\q1
\v 22 “Ngizabavukela,”
\q2 kutsho \nd uThixo\nd* uSomandla.
\q1 “Ngizakwesula iBhabhiloni labasindayo
\q2 abantwabakhe lezizukulwane,”
\q2 kutsho \nd uThixo\nd*.
\q1
\v 23 “Ngizalenza libe yindawo yezikhova
\q2 lelizwe elilixhaphozi.
\q1 Ngizalithanyela ngomthanyelo wencithakalo,”
\q2 kutsho \nd uThixo\nd* uSomandla.
\s1 Isiphrofethi Nge-Asiriya
\p
\v 24 \nd UThixo\nd* uSomandla ufungile wathi,
\q1 “Ngeqiniso, njengoba sengilungisile, kuzakuba njalo,
\q2 njalo njengoba ngikumisile kuzakuma kanjalo.
\q1
\v 25 Ngizamchoboza umʼAsiriya elizweni lami;
\q2 ezintabeni zami ngizamnyathelela phansi.
\q1 Ijogwe lakhe lizasuswa ebantwini bami,
\q2 umthwalo wakhe ususwe emahlombe abo.”
\b
\q1
\v 26 Lokhu yikho okumiselwe umhlaba wonke,
\q2 lesi yisandla eselulelwe phezu kwezizwe zonke.
\q1
\v 27 Ngoba \nd uThixo\nd* uSomandla usenze isimiso,
\q2 ngubani ongamvimbela na?
\q1 Isandla sakhe siphakanyisiwe,
\q2 ngubani ongasibuyisela emuva na?
\s1 Isiphrofethi Ngamafilistiya
\p
\v 28 Ilizwi leli lafika nyakana kusifa inkosi u-Ahazi:
\q1
\v 29 Lingathokozi, lonke lina maFilistiya,
\q2 lisithi intonga eyalitshayayo yephukile;
\q1 ngoba empandeni yenyoka leyana kuzavela inhlangwana,
\q2 inzalo yayo izakuba yinyoka elobuthi obutshokayo.
\q1
\v 30 Abangabayanga kubayanga bazathola amadlelo,
\q2 abaswelayo bazalala phansi bevikelekile.
\q1 Kodwa impande yakho ngizayitshabalalisa ngendlala;
\q2 izabulala abaseleyo bakho.
\b
\q1
\v 31 Lila wena sango! Bubula wena dolobho!
\q2 Chithekani lonke lina maFilistiya!
\q1 Iyezi lentuthu livela enyakatho;
\q2 njalo akulamatshida eviyweni lalo.
\q1
\v 32 Yimpendulo bani ezanikwa
\q2 izithunywa zalesosizwe na?
\q1 “\nd UThixo\nd* useyakhile iZiyoni,
\q2 abantu bakhe abahluphekileyo bazaphephela kuye.”
\c 15
\s1 Isiphrofethi NgeMowabi
\p
\v 1 Isiqalekiso esimayelana leMowabi:
\q1 I-Ari eMowabi itshabalalisiwe,
\q2 idilizwe ngobusuku obubodwa.
\q1 IKhiri eMowabi itshabalalisiwe;
\q2 idilizwe ngobusuku obubodwa.
\q1
\v 2 IDibhoni iya phezulu ethempelini layo;
\q2 ezindaweni zayo eziphakemeyo ukuyalila;
\q2 iMowabi ililela iNebho leMedebha.
\q1 Amakhanda wonke aphuciwe;
\q2 indevu zonke zigeliwe.
\q1
\v 3 Ezindleleni bagqoka amasaka,
\q2 phezu kwezimpahla zezindlu lasezindaweni zabantu bonke,
\q1 bayalila bonke,
\q2 baphele amandla ngokulila.
\q1
\v 4 IHeshibhoni le-Eliyale kuyakhala,
\q2 amazwi akho azwakala laseJahazi.
\q1 Ngakho-ke amabutho aseMowabi ayakhala,
\q2 inhliziyo zawo zidangele.
\b
\q1
\v 5 Inhliziyo yami ikhalela iMowabi,
\q2 ababalekayo bayo babaleka baze bayefika kude eZowari;
\q2 kude njengase-Egilathi Shelishiya.
\q1 Bahamba ngendlela eya eLuhithi,
\q2 bakhala ohanjweni lwabo;
\q1 endleleni eya eHoronayimi
\q2 balilela ukubhujiswa kwabo.
\q1
\v 6 Amanzi aseNimirimi acitshile,
\q2 utshani bubunile,
\q1 uhlaza kalusekho,
\q2 akukho lutho oluluhlaza oluseleyo.
\q1
\v 7 Ngakho inotho abayizuzileyo bayigcina,
\q2 bayithwalela ngaphetsheya kweSifula semiDubu.
\q1
\v 8 Ukuklabalala kwabo kuzwakele emngceleni waseMowabi,
\q2 ukukhala kwabo kufika kude e-Egilayimi,
\q2 ukulila kwabo kufika eBheri-Elimi.
\q1
\v 9 Amanzi aseDimoni agcwele igazi
\q2 kodwa ngizajinge ngilethe okunengi phezu kweDimoni,
\q1 isilwane phezu kwababalekayo baseMowabi,
\q2 lakulabo abazasala elizweni.
\b
\b
\c 16
\q1
\v 1 Thumelani izimvu njengendlela yokuhlonipha
\q2 kumbusi welizwe
\q1 evela eSela, edabula enkangala,
\q2 esiya entabeni yeNdodakazi yeZiyoni.
\q1
\v 2 Njengenyoni ephaphazelayo
\q2 isuswe esidlekeni,
\q1 banjalo abesifazane baseMowabi
\q2 emazibukweni ase-Arinoni.
\b
\q1
\v 3 UMowabi uthi, “Zinzisani ingqondo zenu
\q2 lenze isinqumo.
\q1 Yenzani isithunzi senu sibe njengobusuku
\q2 emini enkulu;
\q1 bafihleni ababalekayo,
\q2 linganikeli iziphepheli.
\q1
\v 4 Vumelani iziphepheli zamaMowabi zihlale kini;
\q2 libe yisiphephelo sazo kubachithi.”
\b
\q1 Umncindezeli uzakufa,
\q2 ukuchitheka kuzaphela,
\q2 umhlaseli uzanyamalala elizweni.
\q1
\v 5 Ngothando, kuzamiswa isihlalo sobukhosi;
\q2 ngokwethembeka, indoda izahlala kuso,
\q2 ivela endlini kaDavida,
\q1 yona ethi ekwahluleleni ifune imfanelo,
\q2 njalo iphangisisa indlela yokulunga.
\b
\q1
\v 6 Sizwile ngokuzigqaja kukaMowabi.
\q2 Ukuzigqaja kwakhe kokuzikhukhumeza lokuzazisa,
\q1 ukuzigqaja kwakhe lobuqholo bakhe,
\q2 kodwa ukuzikhukhumeza kwakhe kuyize.
\q1
\v 7 Ngakho-ke abaseMowabi bayalila,
\q2 balilela iMowabi bonke.
\q1 Khalani libubulele
\q2 izinkwa ezilezithelo zevini eKhiri-Haresethi.
\q1
\v 8 Amasimu aseHeshibhoni ayabuna,
\q2 anjalo lamavini aseSibhima.
\q1 Ababusi bezizwe
\q2 sebewanyathelele phansi amavini amahle
\q1 kuqala ayefika eJazeri,
\q2 njalo anda kusiya ngasenkangala.
\q1 Amahlumela awo anaba
\q2 aze ayafika ngasolwandle.
\q1
\v 9 Ngakho ngiyakhala njengalokhu iJazeri ikhala,
\q2 ngikhalela amavini aseSibhima.
\q1 Awu Heshibhoni lawe Eliyale,
\q2 ngilithambisa ngezinyembezi.
\q1 Ukuklabalalela izithelo zenu esezivuthiwe
\q2 ngentokozo lezivuno zenu sekuphelile.
\q1
\v 10 Ukuthokoza lokuthaba akusekho ezivinini;
\q2 kakho ohlabelayo loba amemeze ezivinini;
\q1 kakho onyathela iwayini ezikhamelweni
\q2 ngoba umsindo sengiwuqedile.
\q1
\v 11 Inhliziyo yami ikhalela uMowabi njengechacho,
\q2 ingaphakathi yami ikhalela iKhiri-Haresethi.
\q1
\v 12 Lapho uMowabi evela endaweni yakhe ephakemeyo
\q2 uyazidinisa nje kuphela;
\q1 lalapho esiya endaweni yakhe yokukhonzela
\q2 ukuba akhuleke akusizi lutho.
\p
\v 13 Leli yilizwi \nd uThixo\nd* avele eselikhulumile ngoMowabi. 
\v 14 Kodwa khathesi \nd uThixo\nd* uthi: “Phakathi kweminyaka emithathu, njengesisebenzi esibotshwe yisivumelwano singayibala, udumo lukaMowabi labantu bakhe bonke abanengi kuzakweyiswa, njalo abazasinda bakhona bazakuba balutshwana kakhulu njalo bengelamandla.”
\c 17
\s1 Isiphrofethi NgeDamaseko
\p
\v 1 Isiqalekiso esimayelana leDamaseko:
\q1 “Khangela iDamaseko kayisayikuba lidolobho
\q2 kodwa izakuba yinqumbi yamanxiwa.
\q1
\v 2 Amadolobho ase-Aroyeri azatshiywa,
\q2 etshiyelwa imihlambi ezalala phansi
\q2 kungekho ozayenza yesabe.
\q1
\v 3 Idolobho elivikelweyo lizanyamalala ko-Efrayimi
\q2 lamandla obukhosi eDamaseko;
\q1 insalela ka-Aramu izakuba
\q2 njengodumo lwabako-Israyeli,”
\q2 kutsho \nd uThixo\nd* uSomandla.
\b
\q1
\v 4 “Ngalolusuku udumo lukaJakhobe luzakwehla;
\q2 amafutha asemzimbeni wakhe azancipha.
\q1
\v 5 Kuzakuba njengalapho umvuni evuna amabele amiyo
\q2 evuna amabele ngengalo yakhe,
\q1 njenganxa umuntu edobha izikhwebu zamabele
\q2 eSigodini saseRefayi.
\q1
\v 6 Ikanti ezinye izikhwebu zizasala,
\q2 njengalapho isihlahla se-oliva sibhuliwe,
\q1 kusale ama-oliva amabili loba amathathu
\q2 ezingatsheni eziphezulu kakhulu,
\q2 amane loba amahlanu ezingabeni zezithelo,”
\q2 kutsho \nd uThixo\nd*, uNkulunkulu ka-Israyeli.
\b
\q1
\v 7 Ngalolosuku abantu bazathembela kuMenzi
\q2 wabo amehlo abo aphendukele koNgcwele ka-Israyeli.
\q1
\v 8 Abayikuthembela ema-alithareni,
\q2 umsebenzi wezandla zabo,
\q1 njalo kabayikuzinanza izinsika zika-Ashera
\q2 lama-alithare empepha enziwa yiminwe yabo.
\p
\v 9 Ngalolosuku amadolobho abo aqinileyo, abawatshiyayo ngenxa yama-Israyeli azafana lezindawo ezatshiyelwa izixukwana lezihlahlanyana. Konke kuzakuba yincithakalo.
\q1
\v 10 Selimkhohliwe uNkulunkulu uMsindisi wenu,
\q2 kalilikhumbulanga iDwala, inqaba yenu.
\q1 Ngakho lanxa ligxumeka izihlahla ezinhle,
\q2 lihlanyele lamavini avela ezizweni,
\q1
\v 11 lanxa lingawenza akhule ngelanga
\q2 elizawagxumeka ngalo,
\q1 loba liwenze ahlume
\q2 ngekuseni eliwahlanyele ngayo,
\q1 kodwa isivuno sizakuba yize
\q2 ngosuku lwesifo lobuhlungu obungelaphekiyo.
\b
\q1
\v 12 Maye, ukuhlokoma kwezizwe ezinengi,
\q2 zihlokoma njengokuhlokoma kolwandle!
\q1 Yeka ukuxokozela kwezizwe,
\q2 zihuba njengokuhuba kwamanzi amanengi!
\q1
\v 13 Lanxa izizwe zihuba njengokugubhuza kwamanzi,
\q2 nxa ezikhuza zibalekela khatshana,
\q1 njengamakhoba ephetshulwa ngumoya emaqaqeni,
\q2 lanjengothuli olubangwa yisivunguzane.
\q1
\v 14 Kusihlwa kuba lokuthuthumela.
\q2 Kungakasi, kabasekho.
\q1 Lesi yiso isabelo salabo abasikhuthuzayo,
\q2 isabelo salabo abasihlaselayo.
\c 18
\s1 Isiphrofethi NgeKhushi
\q1
\v 1 Maye ngelizwe elilokuphaphazela kwempiko
\q2 emifuleni yaseKhushi,
\q1
\v 2 elithuma izithunywa zihamba olwandle
\q2 ngezikepe zemihlanga phezu kwamanzi.
\b
\q1 Hambani, zithunywa ezilejubane,
\q1 liye ebantwini abade abalejwabu elibutshelezi,
\q2 ebantwini abesatshwayo ezindaweni zonke,
\q1 isizwe esilolaka, esilolimi olungaziwayo,
\q2 esilizwe laso lehlukaniswe yimifula.
\b
\q1
\v 3 Lonke lina bantu bomhlaba,
\q2 lina elihlala emhlabeni,
\q1 lapho uphawu luphakanyiswa phezu kwezintaba
\q2 lizalubona,
\q1 lalapho uphondo lukhala
\q2 lizaluzwa.
\q1
\v 4 Lokhu yikho \nd uThixo\nd* akutshoyo kimi:
\q2 “Ngizakwala ngithule,
\q2 ngikhangele ngisendaweni yami yokuhlala,
\q1 njengokucwebezela kokutshisa ekukhanyeni kwelanga,
\q2 lanjengenkungu yamazolo ngesikhathi sokuvuna.”
\q1
\v 5 Ngoba kungakavunwa, lapho ukukhahlela sekudlule,
\q2 amaluba esesiba livini elivuthiweyo,
\q1 uzaquma amahlumela ngamahloka okuthena,
\q2 aqume lengatsha ezinabayo, azisuse.
\q1
\v 6 Zonke zizatshiyelwa izinyoni zasezintabeni ezidla inyama,
\q2 lezinyamazana zeganga;
\q1 izinyoni zizakudla ihlobo lonke,
\q2 izinyamazana zeganga ubusika bonke.
\p
\v 7 Ngalesosikhathi izipho zizalethwa \nd kuThixo\nd* uSomandla
\q1 zivela ebantwini abade abalamajwabu abutshelezi,
\q2 zivela ebantwini abesatshwayo ezindaweni zonke.
\q1 Isizwe esilolaka, esilolimi olungaziwayo,
\q2 esilizwe laso lehlukaniswe yimifula,
\m izipho zizalethwa entabeni iZiyoni, endaweni yeBizo \nd likaThixo\nd* uSomandla.
\c 19
\s1 Isiphrofethi NgeGibhithe
\p
\v 1 Isiphrofethi esimayelana leGibhithe sithi:
\q1 Khangela \nd uThixo\nd* ukhwele phezu kweyezi elilesiqubu
\q2 esiza eGibhithe.
\q1 Izithombe zaseGibhithe ziyathuthumela phambi kwakhe,
\q2 njalo inhliziyo zamaGibhithe ziba buthakathaka ngaphakathi kwawo.
\b
\q1
\v 2 “Ngizadunga umGibhithe alwe lomGibhithe,
\q2 umuntu uzakulwa lomfowabo,
\q2 umakhelwane alwe lomakhelwane,
\q2 idolobho lilwe ledolobho,
\q2 umbuso ulwe lombuso.
\q1
\v 3 AbaseGibhithe bazaphelelwa lithemba,
\q2 njalo ngizakwenza amacebo abo abe yize;
\q1 bazabuza izithombe lemimoya yabafayo,
\q2 amadlozi lezanuse.
\q1
\v 4 AbaseGibhithe ngizabanikela
\q2 enkosini elesihluku,
\q1 inkosi eyesabekayo izababusa,”
\q2 kutsho iNkosi, \nd uThixo\nd* uSomandla.
\b
\q1
\v 5 Amanzi omfula azakutsha,
\q2 umfula uzacitsha, wome.
\q1
\v 6 Imigelo izanuka,
\q2 izifula zaseGibhithe zizakwentsha zitshe.
\q1 Imihlanga lebhuma kuzabuna,
\q2
\v 7 kanjalo lezihlahlanyana emakhunjini kaNayili
\q2 lapho umfula othela khona.
\q1 Konke okuhlanyelwe eduzane loNayili
\q2 Kuzakoma, kuphephukele khatshana Kungabikhona.
\q1
\v 8 Abagoli benhlanzi bazabubula balile,
\q2 bonke abaphosa amawuka kuNayili,
\q1 loba abajika amambule emanzini
\q2 bazaphela amandla.
\q1
\v 9 Labo abasebenzisa isikusha bazadangala,
\q2 abeluka ilineni elihle bazaphelelwa lithemba.
\q1
\v 10 Izisebenzi zasemalenjini zizadana,
\q2 njalo bonke abahola imiholo bazakuba lusizi.
\b
\q1
\v 11 Izikhulu zaseZowani azisilutho kodwa izithutha nje;
\q2 abaluleki bakaFaro abahlakaniphileyo banika izeluleko zobuwula.
\q1 Ungatsho kanjani kuFaro uthi,
\q2 “Mina ngingomunye wamadoda ahlakaniphileyo,
\q2 umfundi wamakhosi endulo?”
\b
\q1
\v 12 Khathesi bangaphi abantu bakini abahlakaniphileyo?
\q2 Kabalitshengise balazise
\q1 ngalokhu \nd uThixo\nd* uSomandla
\q2 asecebe ukukwenza emelana leGibhithe.
\q1
\v 13 Izikhulu zaseZowani sezibe yizithutha,
\q2 abakhokheli baseMemfisi bakhohlisiwe,
\q1 abazinsika zabantu bakhona
\q2 sebedukise iGibhithe.
\q1
\v 14 \nd UThixo\nd* usethele umoya wesiyezi phakathi kwabo;
\q1 benza iGibhithe ibhadazele kukho konke ekwenzayo,
\q2 njengesidakwa sidiyazela emahlanzweni aso.
\q1
\v 15 Akulalutho iGibhithe engalwenza,
\q2 ikhanda loba umsila, ugatsha lwelala loba umhlanga.
\p
\v 16 Ngalolosuku abaseGibhithe bazafana labesifazane. Bazathuthumela ngokwesaba isandla esiphakanyisiweyo \nd uThixo\nd* uSomandla abaphakamisele sona. 
\v 17 Lelizwe lakoJuda lizaletha ukwesaba kwabaseGibhithe. Bonke okuzakhulunywa kubo ngoJuda bazathuthumela, ngenxa yalokho \nd uThixo\nd* uSomandla aceba ukukwenza kubo.
\p
\v 18 Ngalolosuku amadolobho amahlanu aseGibhithe azakhuluma ulimi lwaseKhenani, afungele ukwethembeka \nd kuThixo\nd* uSomandla. Elinye lawo lizathiwa liDolobho leNcithakalo.
\p
\v 19 Ngalolosuku kuzakuba le-alithari \nd likaThixo\nd* phakathi kwelizwe laseGibhithe, lelitshe lesikhumbuzo sikaThixo emngceleni walo. 
\v 20 Lizakuba yisibonakaliso lobufakazi \nd kuThixo\nd* uSomandla elizweni laseGibhithe. Lapho bekhalaza \nd kuThixo\nd* ngenxa yabancindezeli babo, uzabathumela umsindisi lomvikeli, abahlenge. 
\v 21 Kanjalo \nd uThixo\nd* uzakwenza ukuba azakale kwabaseGibhithe, njalo ngalolosuku bazamvuma \nd uThixo\nd*. Bazakhonza ngemihlatshelo langeminikelo yamabele; bazakwenza izifungo \nd kuThixo\nd*, bazigcine. 
\v 22 \nd UThixo\nd* uzatshaya iGibhithe ngesifo; uzabatshaya aphinde abasilise. Bazaphendukela \nd kuThixo\nd*, njalo uzakuzwa imikhuleko yabo abasilise.
\p
\v 23 Ngalolosuku bazakuba lomgwaqo osuka eGibhithe usiya e-Asiriya. Abase-Asiriya bazakuya eGibhithe, abeGibhithe labo baye e-Asiriya. AbaseGibhithe labase-Asiriya bazakhonza ndawonye. 
\v 24 Ngalolosuku i-Israyeli izakuba ngeyesithathu kanye leGibhithe le-Asiriya kube yisibusiso emhlabeni. 
\v 25 \nd UThixo\nd* uSomandla uzababusisa esithi, “Kayibusiswe iGibhithe abantu bami, i-Asiriya umsebenzi wezandla zami le-Israyeli ilifa lami.”
\c 20
\s1 Isiphrofethi NgeGibhithe LeKhushi
\p
\v 1 Ngomnyaka indunankulu yebutho eyafika ngawo e-Ashidodi, ithunywe nguSagoni inkosi yase-Asiriya, yahlasela i-Ashidodi yayithumba, 
\v 2 ngalesosikhathi \nd uThixo\nd* wakhuluma ngo-Isaya indodana ka-Amozi wathi kuye, “Susa isaka oligqokileyo emzimbeni wakho ukhuphe lamanyathela ezinyaweni zakho.” Wenza njalo, wahamba nqunu njalo engagqokanga lutho ezinyaweni.
\p
\v 3 \nd UThixo\nd* wasesithi, “Njengoba inceku yami u-Isaya ihambe nqunu njalo ingagqokanga lutho ezinyaweni okweminyaka emithathu njengesibonakaliso lomhlolo kwabaseGibhithe labaseKhushi, 
\v 4 ngokunjalo inkosi yase-Asiriya izabaqhuba benqunu njalo bengafakanga manyathela ezinyaweni abaseGibhithe abathunjiweyo labaseKhushi abaxotshwayo elizweni lakibo, abatsha labadala, izibunu zisegcekeni, kube lihlazo eGibhithe. 
\v 5 Labo ababethembe iKhushi bezincoma ngeGibhithe, bazakwesaba bayangiswe. 
\v 6 Ngalolosuku abantu abahlala kulelicele eliseduze kolwandle bazakuthi, ‘Khangelani osokwenzakale kulabo ebesigwaba ngabo, labo esabalekela kubo ukuba sithole usizo lokukhululwa enkosini yase-Asiriya! Pho sizaphepha kanjani na?’ ”
\c 21
\s1 Isiphrofethi NgeBhabhiloni
\p
\v 1 Isiphrofethi mayelana leNkangala engasoLwandle:
\q1 Njengesivunguzane sidlula eNegebi,
\q2 umhlaseli uvela enkangala evelela
\q2 elizweni elesabekayo.
\b
\q1
\v 2 Ngitshengiswe umbono owesabekayo.
\q2 Umthengisi uyathengisa, umkhuthuzi uthatha impahla.
\q1 Elamu, hlasela! Mediya, vimbezela!
\q2 Mina ngizakuqeda konke ukububula akudalileyo.
\b
\q1
\v 3 Ngalokhu umzimba wami uyafuthelwa,
\q2 ngiphethwe yibuhlungu obufana lobowesifazane ehelelwa.
\q1 Ngithithibaliswa yilokhu engikuzwayo,
\q2 ngidideka ngalokhu engikubonayo.
\q1
\v 4 Inhliziyo yami iphela amandla,
\q2 ukwesaba kungenza ngiqhaqhazele;
\q1 ukuhlwa engibe ngikufisa,
\q2 sekusesabeka kimi.
\b
\q1
\v 5 Itafula bayilungisile,
\q2 bendlala amalembu
\q2 bayadla, bayanatha.
\q1 Sukumani lina zikhulu,
\q2 ligcobe amahawu!
\p
\v 6 Lokhu yikho uThixo akutshoyo kimi:
\q1 “Hamba uyefaka umlindi
\q2 ukuze abike akubonayo.
\q1
\v 7 Angabona izinqola zempi,
\q2 kulemihlambi yamabhiza,
\q1 abagadi phezu kwabobabhemi
\q2 loba abagadi phezu kwamakamela,
\q1 kaqaphele;
\q2 aqaphelisise sibili.”
\p
\v 8 Umlindi wasememeza esithi,
\q1 “Nkosi yami, usuku ngosuku ngiyema phezu komphotshongo wokulinda;
\q2 ubusuku ngabunye ngihlala ensikeni yami.
\q1
\v 9 Khangela, nangu umuntu esiza esenqoleni yempi
\q2 lomhlambi wamabhiza.
\q1 Uphendula esithi,
\q2 ‘IBhabhiloni isidilikile, isidilikile!
\q1 Zonke izifanekiso zezithombe zayo
\q2 zihlakazekele phansi!’ ”
\b
\q1
\v 10 Awu bantu bami elibhulelwe esizeni,
\q2 ngilitshela engikuzwileyo
\q1 kuvela \nd Thixo\nd* uSomandla,
\q2 uNkulunkulu ka-Israyeli.
\s1 Isiphrofethi Nge-Edomi
\p
\v 11 Isiphrofethi esimayelana leDuma:
\q1 Umuntu othile uyangimemeza eseSeyiri, esithi,
\q2 “Mlindi, kuyini okwebusuku okusaseleyo?
\q2 Mlindi, kuyini okwebusuku okusaseleyo?”
\q1
\v 12 Umlindi uphendula esithi,
\q2 “Ukusa kuyeza, kodwa lobusuku buyeza.
\q1 Nxa ufuna ukubuza, buza;
\q2 uphinde ubuye futhi.”
\s1 Isiphrofethi Nge-Arabhiya
\p
\v 13 Isiphrofethi esimayelana le-Arabhiya:
\q1 Lina zindwendwe zabakoDedani
\q2 ezimise emahlabathini ase-Arabhiya,
\q2
\v 14 lethelani abomileyo amanzi;
\q1 lina elihlala eThema,
\q2 lethelani ababalekayo ukudla.
\q1
\v 15 Babalekela inkemba,
\q2 inkemba eqhatshisiweyo,
\q1 babalekela idandili eligotshiweyo,
\q2 lokutshisa kwempi.
\p
\v 16 Lokhu yikho uThixo akutshoyo kimi ukuthi: “Phakathi komnyaka owodwa nje, njengendlela isisebenzi esiqhatshiweyo esingawubala ngayo, lonke udumo lweKhedari luzaphela. 
\v 17 Abasindayo kwabemitshoko, amabutho aseKhedari, bazakuba balutshwana.” \nd UThixo\nd*, uNkulunkulu ka-Israyeli, usekhulumile.
\c 22
\s1 Isiphrofethi NgeJerusalema
\p
\v 1 Isiphrofethi ngesiGodi soMbono:
\q1 Kuyini okukukhathazayo khathesi,
\q2 wena sewakhwela phezu kwezimpahla zezindlu,
\q1
\v 2 wena dolobho eligcwele iziphithiphithi,
\q2 wena dolobho lokuxokozela lokuthokoza?
\q1 Abafayo bakho ababulawanga ngenkemba,
\q2 njalo kabafelanga empini.
\q1
\v 3 Bonke abakhokheli bakho babaleke bebonke,
\q2 bathunjiwe bengazange basebenzise mtshoko.
\q1 Lonke lina elabanjwayo lathathwa ukuba libe yizibotshwa ndawonye,
\q2 libalekile isitha sisesekhatshana.
\q1
\v 4 Ngakho ngathi, “Sukani kimi;
\q2 lingiyekele ngikhale kabuhlungu.
\q1 Lingazami ukungiduduza
\q2 ngenxa yokuchithwa kwabantu bakithi.”
\b
\q1
\v 5 INkosi, \nd uThixo\nd* uSomandla, ulosuku
\q2 lokuxokozela lokugxoba lokwesaba
\q2 eSigodini soMbono, usuku
\q1 lokudiliza imiduli
\q2 lokumemezela ezintabeni.
\q1
\v 6 I-Elamu ithatha isikhwama semitshoko,
\q2 labatshayeli balo bezinqola zempi, lamabhiza;
\q2 iKhiri lambula ihawu.
\q1
\v 7 Izigodi zakho ezinhle kakhulu zigcwele izinqola zempi,
\q2 abagadi bamabhiza bamiswe emasangweni edolobho.
\b
\q1
\v 8 Ukuvikeleka kukaJuda kususiwe,
\q2 Ngalolosuku wathemba
\q2 izikhali eziseSigodlweni seHlathi,
\q1
\v 9 wabona ukuthi iDolobho likaDavida
\q2 lalilezikhala ezinengi ezivikelweni zalo;
\q2 wagcina amanzi eSizibeni esingaPhansi.
\q1
\v 10 Wabala izindlu zaseJerusalema,
\q2 wazidiliza ukuze kuqiniswe umduli.
\q1
\v 11 Phakathi kwemiduli yomibili wakha indawo yokugcinela
\q2 amanzi eSiziba esiDala.
\q1 Kodwa kawukhangelanga kuLowo owasenzayo,
\q2 kumbe umnake Lowo owaceba ukusenza kudala.
\b
\q1
\v 12 Ngalolosuku iNkosi, \nd uThixo\nd* uSomandla,
\q2 wakubiza ukuba
\q1 ukhale ulile,
\q2 usiphune inwele zakho, ugqoke isaka.
\q1
\v 13 Kodwa khangela, kulokuthaba lokuthokoza,
\q2 ukuhlatshwa kwezinkomo lokubalwa kwezimvu,
\q2 ukudliwa kwenyama lokunathwa kwewayini! Lithi,
\q1 “Kasidleni sinathe,
\q2 ngoba kusasa sizakufa!”
\p
\v 14 \nd UThixo\nd* uSomandla usekuvezile lokhu ngisizwa: “Lesisono kasiyikuthethelelwa kuze kube lusuku lwakho lokufa,” kutsho iNkosi, \nd uThixo\nd* uSomandla.
\p
\v 15 Lokhu yikho okutshiwo yiNkosi, \nd uThixo\nd* uSomandla, uthi:
\q1 “Hamba, uthi encekwini le,
\q2 kuShebhina ongumphathi wesigodlo:
\q1
\v 16 Wenzani lapha, njalo ngubani okuphe imvumo ukuba
\q2 uzimbele ingcwaba lapha,
\q1 ugubha ingcwaba lakho endaweni ephezulu,
\q2 ugubha indawo yakho yokuphumula edwaleni?”
\b
\q1
\v 17 Qaphela, sekuseduze ukuthi \nd uThixo\nd* akubambe aqinise,
\q2 akuphosele khatshana, wena ndoda elamandla.
\q1
\v 18 Uzakugoqa ngokuqinisa akubumbe njengebhola
\q2 akuphosele elizweni elikhulu.
\q1 Uzafela khonapho.
\q2 Lezigqoko zakho zempi ezinhle zizasala khonapho,
\q2 wenza ihlazo endlini yenkosi yakho!
\q1
\v 19 Ngizakususa esikhundleni sakho,
\q2 njalo uzaxotshwa emsebenzini wakho.
\p
\v 20 Ngalolosuku ngizabiza inceku yami, u-Eliyakhimu indodana kaHilikhiya. 
\v 21 Ngizamgqokisa izembatho zakho, ngimbophe ngebhanti lakho, ngimnike amandla akho. Uzakuba nguyise walabo abahlala eJerusalema lakwabendlu kaJuda. 
\v 22 Ngizabeka phezu kwamahlombe akhe isivulo sendlu kaDavida; akuvulayo kakho ongakuvala. 
\v 23 Ngizambethela njengesikhonkwane endaweni eqinileyo; uzakuba yisihlalo sobukhosi sasendlini kayise. 
\v 24 Lonke udumo lwakwabo luzakuba kuye, inzalo yakhona lezizukulwane zonke, izitsha zakhona ezincinyane, kusukela emiganwini kusiya enkonxeni zonke.
\p
\v 25 “Ngalolosuku,” kutsho \nd uThixo\nd* uSomandla, “isikhonkwane esabethelwa endaweni eqinileyo sizakhumuka; sizaqunywa siwe, umthwalo ophezu kwaso uzawela phansi.” \nd UThixo\nd* usekhulumile.
\c 23
\s1 Isiphrofethi NgeThire
\p
\v 1 Isiqalekiso esimayelana leThire:
\q1 Khalani lina mikhumbi yaseThashishi!
\q2 Ngoba iThire selichithiwe
\q2 lasala lingaselandlu
\q1 kumbe indawo yokungenisa imikhumbi.
\q2 Ilizwi selifikile kibo
\q2 livela elizweni laseKhithimi.
\b
\q1
\v 2 Thulani lina bantu basesihlengeni
\q2 lani bathengi baseSidoni,
\q2 asebanothiswa ngabahambi bolwandle.
\q1
\v 3 Amabele aseShihori
\q2 eza ephezu kwamanzi,
\q1 isivuno saseNayili sasiyinzuzo yeThire,
\q2 njalo yaba yindawo yezizwe yokuthengiselana.
\b
\q1
\v 4 Woba lenhloni wena Sidoni, lawe wena nqaba yasolwandle
\q2 ngoba ulwandle selukhulumile lwathi:
\q1 kangizange ngihelelwe kumbe ngizale;
\q2 “Kangizange ngondle amadodana kumbe ngikhulise amadodakazi.”
\q1
\v 5 Lapho ilizwi lifika eGibhithe
\q2 bazakuba lusizi ngombiko ovela eThire.
\b
\q1
\v 6 Khuphukelani ngaseThashishi;
\q2 khalani lina bantu basesihlengeni.
\q1
\v 7 Leli yilo na idolobho lenu lentokozo,
\q2 idolobho elidaladala,
\q1 elinyawo zalo zalithatha
\q2 ukuyalihlalisa emazweni akude?
\q1
\v 8 Ngubani ocebe lokhu ngeThire,
\q2 umethesi wemiqhele,
\q1 abathengisi bayo bangamakhosana,
\q2 abathengisi bayo badumile emhlabeni?
\q1
\v 9 \nd UThixo\nd* uSomandla wakuceba lokhu,
\q2 ukwehlisa ukuzigqaja kwenkazimulo yonke
\q2 lokuthobisa bonke abalodumo emhlabeni.
\b
\q1
\v 10 Lima insimu yakho malungana leNayili
\q2 wena Ndodakazi yaseThashishi
\q2 ngoba kawuselayo indawo yokungenisa imikhumbi.
\q1
\v 11 \nd UThixo\nd* useselulele isandla sakhe phezu kolwandle
\q2 wenza imibuso yalo yanyikinyeka.
\q1 Usekhuphe umlayo ngeKhenani
\q2 ukuba izinqaba zayo zidilizwe.
\q1
\v 12 Wathi, “Akusekho ukuthokoza kwakho
\q2 wena Ndodakazi Egcweleyo yaseSidoni esichoboziwe!
\b
\q1 Vuka ukhuphukele ngaseKhithimi;
\q2 lakhona awuyikuthola ukuphumula.”
\q1
\v 13 Khangela elizweni lamaKhaladiya,
\q2 abantu laba khathesi abangaselutho!
\q1 Abase-Asiriya sebelenze
\q2 laba yindawo yezidalwa zeganga;
\q1 bakhe imiphotshongo yabo yokuzivikela,
\q2 bazibhidlizile izinqaba zalo
\q2 balenza laba lunxiwa.
\b
\q1
\v 14 Khalani lina mikhumbi yaseThashishi,
\q2 inqaba yenu idiliziwe!
\p
\v 15 Ngalesosikhathi iThire izakhohlakala okweminyaka engamatshumi ayisikhombisa, ibanga lokuphila kwenkosi. Kodwa ekupheleni kwaleyominyaka engamatshumi ayisikhombisa, eThire kuzakwenzakala okunjengokutshiwo yingoma yewule ukuthi:
\q1
\v 16 “Thatha ichacho, uhambahambe phakathi kwedolobho
\q2 wena wule elikhohlakeleyo.
\q1 Litshaye kuhle ichacho, uhlabele izingoma ezinengi,
\q2 ukuze ukhunjulwe.”
\p
\v 17 Ekupheleni kweminyaka engamatshumi ayisikhombisa \nd uThixo\nd* uzakhumbula iThire. IThire lizabuyela ekuthengiseni kwalo njengesifebe, njalo lizabuyela emsebenzini walo wokuthengiselana lemibuso yonke esemhlabeni. 
\v 18 Inzuzo lemiholo yalo kuzakwahlukaniselwa \nd uThixo\nd*; kakuyikulondolozwa loba kubuthelelwe. Inzuzo yalo izakuya kulabo abahlala \nd loThixo\nd* ukuba babe lokudla okunengi lezigqoko ezinhle.
\c 24
\s1 Ukuchithwa Komhlaba \nd NguThixo\nd*
\q1
\v 1 Khangela, \nd uThixo\nd*
\q2 uzabhidliza umhlaba utshabalale;
\q2 uzawuchitha, ahlakaze abahlala kuwo.
\q1
\v 2 Kuzafanana
\q2 okuzenziwa kumphristi kuzenziwa lasebantwini,
\q2 okuzenziwa enkosini kuzenziwa lasencekwini,
\q2 okuzenziwa enkosikazini kuzenziwa lasencekukazini,
\q2 okuzenziwa kumthengisi kuzenziwa lakumthengi,
\q2 okuzenziwa kowebolekayo kuzenziwa lakumebolekisi,
\q2 okuzenziwa kokweledayo kuzenziwa lakokweledisayo.
\q1
\v 3 Umhlaba uzatshabalaliswa nya
\q2 uphangwe uqedwe du.
\q1 \nd UThixo\nd* uselikhulumile ilizwi leli.
\b
\q1
\v 4 Umhlaba uyoma ubune,
\q2 umhlaba uyahodoza ubune,
\q2 abaphakemeyo bomhlaba bayahodoza!
\q1
\v 5 Umhlaba ungcoliswa ngabantu bawo.
\q2 Kabayilalelanga imithetho,
\q1 beqe imilayo
\q2 bephula isivumelwano esingapheliyo.
\q1
\v 6 Ngakho-ke umhlaba uchithwa yisiqalekiso;
\q2 abantu bawo kumele bahlupheke ngenxa yokona kwabo.
\q1 Ngakho abantu abahlala emhlabeni bayatshiswa,
\q2 njalo balutshwana kakhulu abaseleyo.
\q1
\v 7 Iwayini elitsha liyaphela, amavini ayabuna;
\q2 bonke abenza umsindo bejabula bayabubula.
\q1
\v 8 Ukukhala kwamagedla kuthulisiwe,
\q2 umsindo wabajabulayo usuphelile,
\q2 ichacho lentokozo selithule.
\q1
\v 9 Kabasanathi iwayini behlabela,
\q2 utshwala buyababa kubanathi babo.
\q1
\v 10 Idolobho elidilikileyo litshabalele;
\q2 iminyango yezindlu zonke ivalekile.
\q1
\v 11 Emigwaqweni bakhalela iwayini,
\q2 yonke intokozo iba yikudana,
\q2 ukujabula konke kuphelile emhlabeni.
\q1
\v 12 Idolobho lisele selingamanxiwa,
\q2 isango lalo libhidlizwe laba yizicucu.
\q1
\v 13 Kuzakuba njalo emhlabeni
\q2 laphakathi kwezizwe,
\q1 njengalapho isihlahla somʼoliva sinyikinywa,
\q2 loba njengezithelo ezitholwa emva kokuvunwa kwamavini.
\b
\q1
\v 14 Baphakamisa amazwi abo, bahlabele ngentokozo;
\q2 bememezela ubukhosi \nd bukaThixo\nd* bengasentshonalanga.
\q1
\v 15 Ngakho-ke dumisani \nd uThixo\nd* empumalanga;
\q2 phakamisani \nd uThixo\nd*, uNkulunkulu ka-Israyeli,
\q2 ezihlengeni zolwandle.
\q1
\v 16 Sizwa ukuhlabelela okuvela emikhawulweni yomhlaba:
\q2 “Udumo kalube koLungileyo.”
\b
\q1 Kodwa mina ngathi, “Ngiyacikizeka, ngiyacikizeka!
\q2 Maye mina!
\q1 Abakhohlisi bayaceba!
\q2 Ngenkohliso abakhohlisi bayaceba!”
\q1
\v 17 Ukwesaba, igodi lomjibila kulilindele,
\q2 lina bantu basemhlabeni.
\q1
\v 18 Loba ngubani obalekela umsindo wokwesaba
\q2 uzawela egodini;
\q1 loba ngubani ophumayo egodini
\q2 uzabanjwa ngumjibila.
\b
\q1 Amasango asezulwini avuliwe,
\q2 izisekelo zomhlaba ziyanyikinyeka.
\q1
\v 19 Umhlaba usubhidlikile,
\q2 umhlaba usudabuke phakathi,
\q2 umhlaba usunyikinywe impela.
\q1
\v 20 Umhlaba udiyazela njengesidakwa,
\q2 uzunguzeka njengendlu kulesiphepho;
\q1 siwusinda kangaka isono sokuhlamuka kwawo
\q2 uze uwe, awuyikuvuka futhi.
\b
\q1
\v 21 Ngalolosuku \nd uThixo\nd* uzajezisa
\q2 amabutho asemazulwini phezulu
\q2 lamakhosi emhlabeni ngaphansi.
\q1
\v 22 Bazabuthelwa ndawonye
\q2 njengezibotshwa zibotshiwe emgodini oyintolongo.
\q1 Bazavalelwa entolongweni
\q2 bajeziswe emva kwensuku ezinengi.
\q1
\v 23 Inyanga izayangeka,
\q2 ilanga libelenhloni;
\q1 ngoba \nd uThixo\nd* uSomandla uzabusa ngenkazimulo phezu
\q2 kweNtaba iZiyoni laphakathi kweJerusalema,
\q2 laphambi kwabadala bakhona.
\c 25
\s1 Dumisani \nd UThixo\nd*
\q1
\v 1 Oh \nd Thixo\nd*, wena unguNkulunkulu wami;
\q2 ngizakudumisa ngibabaza ibizo lakho
\q1 ngoba ngokuthembeka okupheleleyo,
\q2 wenze izinto ezimangalisayo,
\q2 izinto ezamiswa endulo.
\q1
\v 2 Wenze idolobho laba yinqwaba yemfucuza;
\q2 idolobho elivikelweyo laba lunxiwa,
\q1 inqaba yabezizweni kayiseyilo dolobho;
\q2 kayiyikwakhiwa futhi.
\q1
\v 3 Ngakho-ke abantu abalamandla bazakudumisa,
\q2 amadolobho ezizwe ezilolunya azakwesaba.
\q1
\v 4 Ubuyisiphephelo sabayanga,
\q2 isiphephelo soswelayo osizini lwakhe,
\q1 isivikelo phakathi kwesiphepho
\q2 lomthunzi ekutshiseni kwelanga.
\q1 Ngoba umoya wabalesihluku
\q2 unjengesiphepho sitshayeka emdulini,
\q2
\v 5 lanjengokutshisa kwasenkangala.
\q1 Wena uthulisa umsindo wabezizweni;
\q2 njengokutshisa kusehliswa ngumthunzi weyezi,
\q2 ithuliswa kanjalo lengoma yaba lesihluku.
\b
\q1
\v 6 Phezu kwale intaba \nd uThixo\nd* uSomandla uzakwenzela
\q2 abantu bonke idili lokudla okumnandi,
\q1 idili lewayini elidala,
\q2 inyama enhle kakhulu lewayini elihle kakhulu.
\q1
\v 7 Phezu kwale intaba uzadiliza
\q2 isembeso esimboze abantu bonke,
\q1 ilembu elembese izizwe zonke;
\q2
\v 8 uzakuginya kokuphela ukufa.
\q1 \nd UThixo\nd* Wobukhosi uzakwesula inyembezi
\q2 ebusweni babantu bonke;
\q1 uzasusa ihlazo labantu bakhe
\q2 emhlabeni wonke.
\q1 \nd UThixo\nd* usekhulumile.
\p
\v 9 Ngalolosuku bazakuthi,
\q1 “Ngempela lo nguNkulunkulu wethu;
\q2 sethemba kuye, wasikhulula.
\q1 Lo \nd nguThixo\nd*, sethemba kuye;
\q2 kasithokozeni sithabe ngokusisindisa kwakhe.”
\b
\q1
\v 10 Isandla \nd sikaThixo\nd* sizahlala phezu kwalintaba;
\q2 kodwa uMowabi uzanyathelelwa ngaphansi ezweni lakhe
\q2 njengotshani bunyathelelwa phansi emqubeni.
\q1
\v 11 Bazakwelulela izandla zabo kuye,
\q2 njengenhlambi iselula izandla zayo ukuba intsheze.
\q1 UNkulunkulu uzakuqeda ukuzigqaja kwabo
\q2 phezu kokuhlakanipha kwezandla zabo.
\q1
\v 12 Uzadiliza izinqaba zenu eziphakemeyo
\q2 azibhidlizele phansi;
\q1 uzazidilizela phansi emhlabathini,
\q2 kulo kanye uthuli.
\c 26
\s1 Ingoma Yokubonga
\p
\v 1 Ngalolosuku ingoma le izahlatshelwa elizweni lakoJuda:
\q1 Siledolobho eliqinileyo;
\q2 uNkulunkulu wenza ukusindisa
\q2 kube yimiduli yalo lezivikelo.
\q1
\v 2 Vulani amasango
\q2 ukuze isizwe esilungileyo singene,
\q2 isizwe esigcina ukuthembeka.
\q1
\v 3 Lizamemeza abe lokuthula okupheleleyo
\q2 lowo olengqondo ebambelelayo,
\q2 ngoba wethemba kuwe.
\q1
\v 4 Thembani \nd uThixo\nd* kokuphela,
\q2 ngoba \nd uThixo\nd*, \nd uThixo\nd* ngokwakhe, uliDwala laphakade.
\q1
\v 5 Ubehlisela phansi abahlala engqongeni;
\q2 ulehlisela phansi idolobho eliphakemeyo,
\q1 ulidilizela emhlabathini,
\q2 aliphosele phansi othulini.
\q1
\v 6 Inyawo zilinyathelela phansi,
\q2 inyawo zabancindezelweyo,
\q2 amanyathelo abayanga.
\b
\q1
\v 7 Indlela yabalungileyo iqondile;
\q2 awu wena oQotho,
\q2 wenza indlela yabalungileyo ibe butshelezi.
\q1
\v 8 Yebo, \nd Thixo\nd*, sihamba endleleni yemithetho yakho,
\q2 siyakulindela;
\q1 ibizo lakho lodumo lwakho
\q2 kulangathelelwa zinhliziyo zethu.
\q1
\v 9 Umphefumulo wami uyakulangazelela ebusuku,
\q2 ekuseni umoya wami uyakukhumbula.
\q1 Lapho ukwahlulela kwakho kufika emhlabeni,
\q2 abantu basemhlabeni bayakufunda ukulunga.
\q1
\v 10 Lanxa ababi betshengiswa umusa,
\q2 kabakufundi ukulunga;
\q1 laselizweni lokulunga baqhubeka besenza okubi,
\q2 bengabunaki ubukhosi \nd bukaThixo\nd*.
\q1
\v 11 Oh \nd Thixo\nd*, isandla sakho siphakanyiselwe phezulu,
\q2 kodwa kabasiboni.
\q1 Babonise ukutshisekela kwakho abantu bakho bayangiswe;
\q2 umlilo olungiselwe izitha zakho kawubaqede.
\b
\q1
\v 12 \nd Thixo\nd*, usilethela ukuthula;
\q2 konke esesikufezile sikwenzelwe nguwe.
\q1
\v 13 Oh \nd Thixo\nd*, Nkulunkulu wethu, amanye amakhosi ngaphandle kwakho ake asibusa,
\q2 kodwa ibizo lakho yilo lodwa esilidumisayo.
\q1
\v 14 Khathesi asafa, kawasaphili;
\q2 imimoya leyana eyahambayo kayivuki.
\q1 Wawajezisa, wawatshabalalisa;
\q2 wesula konke ukukhunjulwa kwawo.
\q1
\v 15 Usandisile isizwe, Oh \nd Thixo\nd*;
\q2 usandisile isizwe.
\q1 Uzilethele udumo;
\q2 uyiqhelisile yonke imikhawulo yelizwe.
\b
\q1
\v 16 \nd Thixo\nd*, beza kuwe ekuhluphekeni kwabo;
\q2 kwathi lapho usubajezisile
\q2 banelisa ukunyenyeza umkhuleko.
\q1
\v 17 Njengowesifazane okhulelweyo lapho esezabeletha
\q2 uyabhinqika ekhaliswa yibuhlungu,
\q2 lathi sabanjalo phambi kwakho, Oh \nd Thixo\nd*.
\q1
\v 18 Sasikhulelwe, sabhinqika ebuhlungwini,
\q2 kodwa sazala umoya.
\q1 Kasilethanga nsindiso emhlabeni;
\q2 kasibazalelanga lutho abantu basemhlabeni.
\b
\q1
\v 19 Kodwa abafileyo bakho bazaphila \nd Thixo\nd*,
\q2 imizimba yabo izavuka.
\q1 Lina elihlala othulini,
\q2 vukani lihlabelele ngentokozo.
\q1 Amazolo enu afana lamazolo ekuseni;
\q2 umhlaba uzabaveza abafileyo bawo.
\b
\q1
\v 20 Hambani bantu bami, ngenani ezindlini zenu,
\q2 lizivalele phakathi;
\q1 lizifihle okwesikhatshana
\q2 ulaka lwakhe luze luphele.
\q1
\v 21 Khangelani, \nd uThixo\nd* uyaphuma lapho ahlala khona
\q2 ukuba ajezise abantu basemhlabeni ngenxa yezono zabo.
\q1 Umhlaba uzaveza igazi elachithwa kuwo;
\q2 kawusayikubafihla ababulawayo bawo.
\c 27
\s1 Ukukhululwa Kuka-Israyeli
\p
\v 1 Ngalolosuku,
\q1 \nd uThixo\nd* uzajezisa ngenkemba yakhe,
\q2 inkemba yakhe eyesabekayo, enkulu njalo elamandla,
\q1 uLeviyathani inyoka endizayo,
\q2 uLeviyathini inyoka egoqanayo;
\q1 uzayibulala inunu yasolwandle.
\p
\v 2 Ngalolosuku:
\q1 “Hlabelani ngesivini esithela izithelo.
\q2
\v 3 Mina \nd Thixo\nd*, ngiyasilinda;
\q2 ngiyasithelezela kokuphela.
\q1 Ngisilinda emini lebusuku
\q2 ukuze kungabikhona owenza okubi kuso.
\q2
\v 4 Angithukuthelanga.
\q1 Sengathi kungabe kulokhula lameva okumelana lami!
\q2 Bengizakulanda ngilwe lakho empini;
\q2 bengizakutshisa konke ngomlilo.
\q1
\v 5 Loba phela kabeze bazephephela kimi;
\q2 kabenze ukuthula lami,
\q2 yebo, kabenze ukuthula lami.”
\b
\q1
\v 6 Ensukwini ezizayo uJakhobe uzagxila,
\q2 u-Israyeli uzahluma akhahlele
\q2 agcwalise umhlaba wonke ngezithelo.
\b
\q1
\v 7 \nd UThixo\nd* usemtshayile na
\q2 njengokutshaya kwakhe abamtshayayo?
\q1 Usebulewe na
\q2 njengokubulawa kwalabo abambulalayo?
\q1
\v 8 Ngempi langokumxotsha elizweni ulwe laye,
\q2 ngesiphepho sakhe esesabekayo umsusela phandle,
\q2 njengamhla kuvunguza umoya wasempumalanga.
\q1
\v 9 Ngalokhu-ke ukona kukaJakhobe kuzahlawulelwa,
\q2 njalo lokhu kuzakuba yisithelo esigcweleyo
\q2 esokususwa kwesono sakhe:
\q1 Lapho esenza wonke amatshe e-alithare
\q2 abe njengamatshe ekalaga avuthuzwe izicucu,
\q1 akulazinsika zika-Ashera kumbe ama-alithare empepha
\q2 azatshiywa emi.
\q1
\v 10 Idolobho elivikelweyo libhidlikile,
\q2 indawo yokuhlala etshiyiweyo, yadelwa njengenkangala;
\q1 lapho asesidla khona amathole
\q2 lapho alala khona phansi;
\q2 aphundla ingatsha zalo zisale zize.
\q1
\v 11 Lapho ingatsha zalo sezomile, ziyephulwa
\q2 kuze abesifazane babase umlilo ngazo.
\q1 Ngoba laba ngabantu abangelakuzwisisa;
\q2 ngakho uMenzi wabo kalasihawu kubo,
\q2 loMdali wabo akayikuba lomusa kubo.
\p
\v 12 Ngalolosuku \nd uThixo\nd* uzabhula kusukela kuYufrathe ogelezayo kusiya eMhotsheni waseGibhithe, njalo lina abako-Israyeli lizabuthwa munye ngamunye. 
\v 13 Njalo ngalolusuku kuzakhaliswa icilongo elikhulu. Labo ababelahlekele elizweni lase-Asiriya lababexotshelwe elizweni laseGibhithe bazabuya bakhonze \nd uThixo\nd* phezu kwentaba engcwele eJerusalema.
\c 28
\s1 Maye Kubathungameli Bako-Efrayimi LakoJuda
\q1
\v 1 Maye kulowomqhele wamaluba,
\q2 iqhono lezidakwa zako-Efrayimi,
\q2 kuluba elibunayo, ubuhle obukhazimulayo,
\q1 obubekwe ngaphezulu kwesigodi esivundileyo,
\q2 kulelodolobho, iqhono lalabo asebelaliswe liwayini phansi!
\q1
\v 2 Khangelani, uThixo ulaye olamandla oqinileyo.
\q2 Njengesiqhotho lomoya odilizayo,
\q1 njengezulu lesiphepho lesihlambi esilamandla,
\q2 uzakuphosa phansi ngamandla amakhulu.
\q1
\v 3 Umqhele lowo wamaluba, iqhono lezidakwa zako-Efrayimi
\q2 kuzanyathelwa ngaphansi kwezinyawo.
\q1
\v 4 Leliyaluba elibunayo, ubuhle bakhe obukhazimulayo,
\q2 kuhlanyelwe ngaphezu kwesigodi esivundileyo,
\q1 lizakuba njengomkhiwa ovuthiweyo kungakavunwa
\q2 okuthi khonokho nje omunye ewubona awukhe ngesandla
\q2 awuginye.
\b
\q1
\v 5 Ngalolosuku \nd uThixo\nd* uSomandla
\q2 uzakuba ngumqhele okhazimulayo,
\q1 umqhele wamaluba omuhle
\q2 kulabo abayizinsalela zabantu bakhe.
\q1
\v 6 Uzakuba ngumoya wokulunga
\q2 kulowo owahlulelayo,
\q1 umthombo wamandla
\q2 kulabo ababuyisela impi emuva isisesangweni.
\b
\q1
\v 7 Lalaba bayadiyazela ngenxa yewayini,
\q2 babhadazele ngenxa yotshwala.
\q1 Abaphristi labaphrofethi bayadiyazela ngenxa yotshwala,
\q2 njalo baphambene ngenxa yewayini;
\q1 bayabhadazela ngenxa yotshwala,
\q2 bayadiyazela,
\q1 lapho bebona imibono,
\q2 bayakhininda lapho besenza izinqumo.
\q1
\v 8 Amatafula wonke agcwele amahlanzo
\q2 njalo akulandawo engelamanyala.
\b
\q1
\v 9 “Ngubani lowo ozama ukumfundisa?
\q2 Umbiko wakhe uwuchazela bani na?
\q1 Abantwana abangasamunyi,
\q2 kumbe abalunyuliweyo na?
\q1
\v 10 Ngoba kumi kanje:
\q2 Yenza lokhu, yenza lokhuya,
\q2 umthetho walokhu, umthetho walokhuya;
\q2 ingcosana lapha, lengconsana laphayana.”
\b
\q1
\v 11 Kungasenani, ngezindebe zabezizweni langolimi
\q2 olungaziwayo, uNkulunkulu uzakhuluma lalababantu,
\q1
\v 12 atshoyo kubo wathi,
\q2 “Le yindawo yokuphumula, abadiniweyo kabaphumule”;
\q1 njalo, “Le yindawo yokucambalala,”
\q2 kodwa kabalalelanga.
\q1
\v 13 Ngakho ilizwi \nd likaThixo\nd* kubo lizakuba ngelithi:
\q2 Yenza lokhu, yenza lokhuya,
\q2 umthetho walokhu, umthetho walokhuya,
\q2 ingcosana lapha, ingcosana laphaya,
\q1 ukuze bahambe bawe nyovane,
\q2 balimale, bathiywe, bathunjwe.
\b
\q1
\v 14 Ngakho-ke zwanini ilizwi \nd likaThixo\nd* lina bantu abaklolodayo,
\q2 ababusa abantu laba eJerusalema.
\q1
\v 15 Lizitshaya izifuba lisithi, “Senze isivumelwano lokufa,
\q2 senza isivumelwano lethuna.
\q1 Nxa isijeziso esikhulu sifika,
\q2 kasiyikusithinta,
\q1 ngoba senze amanga aba yisiphephelo sethu
\q2 lenkohliso yaba yindawo yethu yokucatsha.”
\p
\v 16 Ngakho lokhu yikho okutshiwo \nd nguThixo\nd* woBukhosi:
\q1 “Khangelani, ngibeka ilitshe eZiyoni,
\q2 ilitshe elihloliweyo,
\q2 ilitshe lengosi eliligugu;
\q1 elesisekelo esiqinisekileyo,
\q2 lowo othembayo akayikuphela amandla.
\q1
\v 17 Ngizakwenza okufaneleyo kube yintambo yokulinganisa,
\q2 ukulunga kube yintambo yokuqondisa;
\q1 isiqhotho sizakhukhula isiphephelo senu, amanga,
\q2 lamanzi azagabhela indawo yenu yokucatsha.
\q1
\v 18 Isivumelwano senu lokufa sizakwesulwa;
\q2 isivumelwano senu lengcwaba kasiyikuma.
\q1 Lapho isijeziso esikhulu sifika
\q2 sizalilahla phansi.
\q1
\v 19 Ngazozonke izikhathi esizafika ngazo sizalithatha;
\q2 ukusa ngokusa, emini lebusuku,
\q2 sizalikhukhula.”
\b
\q1 Ukulizwisisa ilizwi leli
\q2 kuzaletha ukwesaba khona ngokwakho.
\q1
\v 20 Umbheda mfitshane kakhulu ukuba unabe kuwo,
\q2 ingubo incane kakhulu ukuba ugoqelwe ngayo.
\q1
\v 21 \nd UThixo\nd* uzavuka njengalokho akwenzayo entabeni iPherazimu;
\q2 uzathukuthela njengaseSigodini seGibhiyoni,
\q1 ukuba enze umsebenzi wakhe, umsebenzi oyisimanga,
\q2 enze umsebenzi wakhe, umsebenzi ongaziwayo.
\q1
\v 22 Khathesi-ke yekelani ukukloloda kwenu
\q2 funa amaketane elibotshwe ngawo alisinde kakhulu;
\q1 iNkosi, \nd uThixo\nd* uSomandla usengitshele
\q2 ngesimiso sokutshabalalisa ilizwe lonke.
\b
\q1
\v 23 Lalelani lizwe ilizwi lami;
\q2 lalelani lizwe engikutshoyo.
\q1
\v 24 Lapho umlimi elima ukuba ahlanyele, ulima kokuphela na?
\q2 Uqhubeka elima umhlabathi ewubhuqa kokuphela na?
\q1
\v 25 Nxa umhlabathi esewendlale kuhle,
\q2 kahlanyeli ikharawayi ahlanyele lekhumini na?
\q1 Kahlanyeli ingqoloyi endaweni yayo;
\q2 ibhali ensimini yayo,
\q2 lespelithi ensimini yaso na?
\q1
\v 26 UNkulunkulu wakhe uyamfundisa,
\q2 amfundise indlela eqondileyo.
\b
\q1
\v 27 Ikharawayi kayibhulwa ngesileyi;
\q2 lenqola kayihanjiswa phezu kwekhumini,
\q1 kodwa ikharawayi ibhulwa ngentonga,
\q2 kuthi ikhumini ibhulwe ngombhulo.
\q1
\v 28 Amabele kumele acholwe ukuba kwenziwe isinkwa,
\q2 ngakho umuntu kawabhuli kokuphela.
\q1 Lanxa ehambisa inqola yakhe yokubhula phezu kwawo,
\q2 amabhiza akhe kawawacholi.
\q1
\v 29 Konke lokhu lakho kuvela \nd kuThixo\nd* uSomandla
\q2 omangalisayo ngokweluleka,
\q2 njalo olenhlakanipho emangalisayo.
\c 29
\s1 Maye Kulo Idolobho LikaDavida
\q1
\v 1 Maye kuwe Ariyeli, Ariyeli,
\q2 idolobho uDavida ahlala kulo!
\q1 Yengezelela umnyaka emnyakeni
\q2 Wenze ukulandelana kwemikhosi yakho kuqhubeke.
\q1
\v 2 Ikanti i-Ariyeli ngizalivimbezela,
\q2 lizakhala lilile,
\q2 kimi lizafana leziko le-alithari.
\q1
\v 3 Ngizakuhlasela amacele wonke,
\q2 ngizakuzungeza ngemiphotshongo
\q2 ngikuvimbezele ngemisebenzi yokukuhlasela.
\q1
\v 4 Nxa usudilizelwe phansi, uzakhuluma uphansi,
\q2 inkulumo yakho ayiyikuzwakala ivela othulini.
\q1 Ilizwi lakho lizafana lelethonga liphuma phansi emhlabathini.
\q2 Ilizwi lakho lizanyenyeza liphuma othulini.
\b
\q1
\v 5 Kodwa izitha zakho ezinengi,
\q2 zizakuba njengothuli olucolekileyo,
\q2 amaxuku alesihluku afane lamakhoba aphephukayo.
\q1 Masinyazana, ngesikhatshana nje,
\q2
\v 6 \nd UThixo\nd* uSomandla uzafika
\q1 ngomdumo langokunyikinyeka komhlaba langomsindo omkhulu;
\q2 ngesiphepho langesivunguzane langamalangabi omlilo oqothulayo.
\q1
\v 7 Lapho-ke amaxuku ezizwe zonke ezilwa le-Ariyeli,
\q2 ayihlaselayo kanye lezinqaba zayo,
\q1 njalo eyizungezile, azakuba njengephupho,
\q2 lilombono webusuku,
\q1
\v 8 njengomuntu olambileyo ephupha esidla,
\q2 kodwa aphaphame ukulamba kwakhe kulokhu kunjalo,
\q1 lanjengalapho umuntu owomileyo ephupha enatha
\q2 kodwa aphaphame engelamandla, ukoma kwakhe kungaphelanga.
\q1 Kuzakuba njalo lakumaxuku ezizwe zonke
\q2 ezilwa leNtaba iZiyoni.
\b
\q1
\v 9 Thithibalani limangale,
\q2 zenzeni iziphofu lingabe lisabona;
\q1 dakwani kodwa kungabi
\q2 ngenxa yotshwala.
\q1
\v 10 \nd UThixo\nd* ulehlisele ubuthongo obukhulu:
\q2 uwavalile amehlo enu (abaphrofethi);
\q2 wagubuzela amakhanda enu (izanuse).
\p
\v 11 Kini umbono wonke lo kawusilutho kodwa amazwi nje avalelwe encwadini egoqiweyo. Njalo nxa incwadi leyo liyiqhubela umuntu okwaziyo ukubala lithi kuye, “Ake ubale lokhu,” uzaphendula athi, “Anganelisi, ngoba ivaliwe.” 
\v 12 Loba nxa incwadi leyo liyiqhubela umuntu ongakwaziyo ukubala lithi kuye, “Ake ubale lokhu,” uzaphendula athi, “Angikwazi ukubala.”
\p
\v 13 UThixo uthi:
\q1 “Abantu laba basondela kimi ngemilomo yabo
\q2 bangikhonze ngezindebe zabo,
\q2 kodwa inhliziyo zabo zikude lami;
\q1 ukungikhonza kwabo
\q2 kwenziwa kuphela nje ngemilayo abayifundiswa ngabantu.
\q1
\v 14 Ngakho-ke abantu laba ngizaphinda ngibethuse
\q2 ngesimanga phezu kwesimanga;
\q1 inhlakanipho yabahlakaniphileyo izaphela,
\q2 ulwazi lwezazi lunyamalale.”
\q1
\v 15 Maye kulabo abatshona phansi ukuba
\q2 bafihlele \nd uThixo\nd* amacebo abo,
\q1 abenzela imisebenzi yabo emnyameni bacabange bathi,
\q2 “Ngubani osibonayo? Ngubani ozakwazi?”
\q1
\v 16 Lina lihlanekela izinto kube
\q2 sengathi kucatshangwa ukuthi umbumbi unjengebumba.
\q1 Okubunjiweyo kungatsho yini kokubumbileyo kuthi,
\q2 “Kangibumbanga”?
\q1 Imbiza ingatsho na kumbumbi ithi,
\q2 “Kazi lutho”?
\b
\q1
\v 17 Ngesikhatshana esifitshane nje,
\q2 iLebhanoni kayiyikuphendulwa ibe yinsimu evundileyo,
\q2 kuthi insimu evundileyo ifane legusu na?
\q1
\v 18 Ngalolosuku izacuthe zizawezwa amazwi omqulu,
\q2 njalo ekukhanyeni lebumnyameni
\q2 amehlo eziphofu abone emnyameni omkhulu.
\q1
\v 19 Abathobekileyo bazathokoza futhi \nd kuThixo\nd*,
\q2 abaswelayo bazathokoza koNgcwele ka-Israyeli.
\q1
\v 20 Abalesihluku bazanyamalala,
\q2 abahleka usulu abayikuba khona,
\q2 bonke abathanda ukwenza okubi bazabhujiswa,
\q1
\v 21 labo abenza umuntu abe lecala ngokufakaza amanga,
\q2 abathiya umvikeli enkundleni yamacala,
\q1 kuthi ngobufakazi obungamanga
\q2 benze omsulwa angehlulelwa ngemfanelo.
\p
\v 22 Ngakho-ke lokhu yikho \nd uThixo\nd* owahlenga u-Abhrahama akutshoyo kwabendlu kaJakhobe:
\q1 “UJakhobe kasayikuba lenhloni,
\q2 ubuso bakhe kabusayikudana.
\q1
\v 23 Lapho bebona abantwana babo,
\q2 umsebenzi wezandla zami,
\q1 bazakwenza ibizo lami libengcwele;
\q2 bazabubona ubungcwele boNgcwele kaJakhobe,
\q2 njalo bazamesaba uNkulunkulu ka-Israyeli.
\q1
\v 24 Abalahlekileyo emoyeni bazakuba lokuzwisisa;
\q2 abasolayo bazavuma ukufundiswa.”
\c 30
\s1 Maye Esizweni Esiyisiqholo
\q1
\v 1 “Maye ebantwaneni abalobuqholo,”
\q2 kutsho \nd uThixo\nd*,
\q1 “kulabo abafeza amacebo angasiwami,
\q2 abenza isivumelwano, kodwa kungesi ngoMoya wami,
\q2 besengeza isono phezu kwesono;
\q1
\v 2 labaya eGibhithe bengabuzanga kimi;
\q2 abadinga usizo lokuvikelwa nguFaro,
\q2 lomthunzi wokuphephela eGibhithe.
\q1
\v 3 Kodwa-ke ukuvikelwa nguFaro kuzakuba lihlazo kini,
\q2 umthunzi weGibhithe uzaliyangisa.
\q1
\v 4 Lanxa belabameli eZowani,
\q2 lezithunywa zabo sezifikile eHanesi,
\q1
\v 5 bonke bazayangeka
\q2 ngenxa yabantu abangalasizo kubo,
\q1 abangalethi sizo loba inzuzo,
\q2 kodwa ihlazo lokuyangeka kuphela.”
\p
\v 6 Isiphrofethi mayelana lezinyamazana zeNegebi sithi:
\q1 kulolonke ilizwe lobunzima losizi,
\q2 elezilwane lezilwanekazi,
\q2 elamabululu lezinyoka ezeqayo
\q1 izithunywa zithwala inotho yazo ngemihlane yabobabhemi,
\q2 impahla yazo eligugu ziyithwale ngamalunda amakamela,
\q1 zikusa ebantwini abangayikuba losizo kuzo.
\q2
\v 7 Zisiwa eGibhithe osizo lwayo lungelamsebenzi.
\q1 Ngakho ngiyibiza ngokuthi
\q2 nguRahabi ivilavoxo.
\b
\q1
\v 8 Hamba khathesi nje, ubalobele khona esibhebhedwini,
\q2 kulobe emqulwini,
\q1 ukuze kuthi ensukwini ezizayo
\q2 kube yibufakazi obungapheliyo.
\q1
\v 9 Laba ngabantu abangabahlamuki, abantwana abangabakhohlisi,
\q2 abantwana abangafuniyo ukulalela imfundiso \nd kaThixo\nd*.
\q1
\v 10 Bathi kwabayizanuse,
\q2 “Lingabe lisahlahlula futhi.”
\q1 Kubaphrofethi bathi,
\q2 “Lingasitsheli imibono ngalokho okuqondileyo.
\q1 Sitsheleni izinto ezinhle,
\q2 liphrofethe inkohliso.
\q1
\v 11 Tshiyani indlela le,
\q2 phambukani kulo umkhondo
\q1 liyekele ukusibelesela
\q2 ngoNgcwele ka-Israyeli!”
\p
\v 12 Ngakho okutshiwo ngoNgcwele ka-Israyeli yilokhu:
\q1 “Njengoba lilalile ilizwi leli,
\q2 lathembela ekuncindezelweni,
\q2 lagwaba ngokukhohliswa,
\q1
\v 13 isono lesi kini sizafana lomduli ophakemeyo,
\q2 olomnkenke njalo ohlephukayo,
\q2 odilika masinyane, ngesikhatshana nje.
\q1
\v 14 Uzadilika ube yizicucu, njengembiza yombumbi
\q2 ephahazeke kakubi
\q1 akwaze kwatholakala lesihlephu sokokha amalahle eziko
\q2 ezicucwini zayo kumbe ukukha amanzi emgqonyeni.”
\p
\v 15 Lokhu yikho okutshiwo \nd nguThixo\nd* Wobukhosi, oNgcwele ka-Israyeli, ukuthi:
\q1 “Ukusindiswa kwenu kusekuphendukeni lekuphumuleni,
\q2 amandla enu asekuthuleni lekwethembeni,
\q2 kodwa likwalile lokhu.
\q1
\v 16 Lithe, ‘Hatshi, sizabaleka ngamabhiza.’
\q2 Ngakho lizabaleka!
\q1 Lithe, ‘Sizagada amabhiza alejubane.’
\q2 Ngakho abalixotshayo bazakuba lejubane!
\q1
\v 17 Abayinkulungwane bazabaleka
\q2 besongelwe ngoyedwa nje;
\q1 ekusongeni kwabahlanu, lizabaleka lonke,
\q2 lize lisale linjengensika yophawu lwelizwe
\q1 elisengqongeni yentaba,
\q2 lanjengesiboniso phezu koqaqa.”
\b
\q1
\v 18 Kodwa \nd uThixo\nd* ulangatha ukuba lomusa kini;
\q2 uyavuka ukuba alitshengise isihawu.
\q1 Ngoba \nd uThixo\nd* unguNkulunkulu wokulunga.
\q2 Babusisiwe bonke abamlindeleyo!
\p
\v 19 Awu bantu baseZiyoni, abahlala eJerusalema, alisayikulila. \nd UThixo\nd* uzakuba lomusa kini nxa licela usizo. Uzaliphendula khonokho nje ekulizweni kwakhe. 
\v 20 Lanxa nje uThixo elinika isinkwa sokuhlupheka lamanzi osizi, abalifundisayo kabayikucatsha futhi; lizababona ngamehlo enu. 
\v 21 Loba liphambukele kwesokudla kumbe kwesenxele lizalizwa ilizwi ngemva kwenu lisithi, “Le yiyo indlela; hambani ngayo.” 
\v 22 Lapho-ke lizangcolisa izithombe zenu ezihuqwe ngesiliva lezifanekiso zenu ezinanyekwe ngegolide; lizazilahlela khatshana njengelembu lowesifazane obesesikhathini, lithi kuzo, “Sukani lapha!”
\p
\v 23 \nd UThixo\nd* uzalehlisela izulu lenhlanyelo yenu eliyihlanyele emhlabathini, lamabele azavela emhlabathini azakuba mahle njalo emanengi. Ngalolosuku inkomo zenu zizakudla emadlelweni abanzi. 
\v 24 Inkabi labobabhemi elilima ngakho umhlabathi kuzakudla utshani lamabele ahlungulwe ngefologwe langefotsholo. 
\v 25 Ngosuku lokubulawa okukhulu, lapho imiphotshongo isiwa, izifula zamanzi zizageleza kuzozonke izintaba ezinde lakuwo wonke amaqaqa adephileyo. 
\v 26 Inyanga izakhanya njengelanga, ukukhanya kwelanga kukhanye ngokuphindwe kasikhombisa, njengokukhanya kwensuku eziyisikhombisa ezigcweleyo, lapho \nd uThixo\nd* esebopha amanxeba abantu bakhe, epholisa lezilonda ezabangwa nguye.
\q1
\v 27 Khangelani, ibizo \nd likaThixo\nd* livela khatshana,
\q2 lolaka oluvuthayo kanye lokuthunqa kwentuthu enkulu;
\q1 izindebe zakhe zigcwele intukuthelo,
\q2 ulimi lwakhe lungumlilo ohangulayo.
\q1
\v 28 Umoya awuphefumulayo unjengesifula
\q2 esigcwele amanzi afika entanyeni.
\q1 Uhlungula izizwe ngesefa yokubhubhisa;
\q2 ufaka emihlathini yabantu
\q2 amatomu abasa ekulahlekeni.
\q1
\v 29 Lizahlabela
\q2 njengasebusuku bokuthakazelela umkhosi ongcwele;
\q1 inhliziyo zenu zizathokoza
\q2 njengalapho abantu besiya entabeni \nd kaThixo\nd*,
\q1 eDwaleni lika-Israyeli,
\q2 belemihubhe.
\q1
\v 30 \nd UThixo\nd* uzakwenza abantu balizwe ilizwi lakhe lobukhosi,
\q2 njalo uzakwenza bayibone ingalo yakhe isehla
\q1 ngokuthukuthela okukhulu langomlilo oqothulayo,
\q2 langesihlambo esikhulu, lomdumo kanye lesiqhotho.
\q1
\v 31 Ilizwi \nd likaThixo\nd* lizayichitha i-Asiriya;
\q2 abatshaye ngenduku yakhe yobukhosi.
\q1
\v 32 Imvimvinya yinye \nd uThixo\nd* abatshaya yona
\q2 ngentonga yakhe yokujezisa,
\q1 uzakuba ukanye lokutshaywa kwamagedla lemihubhe,
\q2 lapho esilwa labo impi ngezidutshulo zengalo yakhe.
\q1
\v 33 IThofethi sekukade yalungiswa;
\q2 seyenziwa yalungela inkosi.
\q1 Igodi layo lomlilo selenziwa latshona njalo laba banzi,
\q2 lomlilo lenkuni ezinengi;
\q1 umphefumulo \nd kaThixo\nd*,
\q2 utshisa njengokugeleza komlilo wesolufa,
\q2 uyawulumathisa.
\c 31
\s1 Maye Kulabo Abathemba IGibhithe
\q1
\v 1 Maye kulabo abaya eGibhithe ukuyafuna usizo,
\q2 abathemba amabhiza,
\q1 abathembe ubunengi bezinqola zabo zempi
\q2 lamandla amakhulu abagadi bamabhiza abo,
\q1 kodwa bengathembeli koNgcwele ka-Israyeli,
\q2 kumbe bacele usizo \nd kuThixo\nd*.
\q1
\v 2 Ikanti laye uhlakaniphile njalo angaletha incithakalo;
\q2 ilizwi lakhe kalibuyeli emuva.
\q1 Uzavukela abendlu yababi
\q2 lalabo abasiza abenza okubi.
\q1
\v 3 Kodwa amaGibhithe ngabantu kawasiNkulunkulu;
\q2 amabhiza awo yinyama kawasimoya.
\q1 Lapho \nd uThixo\nd* eselula isandla sakhe,
\q2 lowo osizayo uzakhubeka,
\q2 lowo osizwayo uzakuwa,
\q2 bobabili bazabhubha.
\p
\v 4 Lokhu yikho okutshiwo \nd nguThixo\nd* kimi, ukuthi:
\q1 “Njengesilwane sihwabha;
\q2 isilwane esikhulu sibhongela esikubambileyo,
\q1 lanxa ixuku lonke labelusi
\q2 libizwa ukuba lisihlasele,
\q1 kasethuswa yikuklabalala kwabo
\q2 kumbe sithikanyezwe ngumsindo wabo,
\q1 unjalo-ke \nd uThixo\nd* uSomandla uzakwehla
\q2 ukuba alwe entabeni iZiyoni laseziqongweni zayo.
\q1
\v 5 Njengezinyoni zitshaya amaphiko emoyeni,
\q2 \nd uThixo\nd* uSomandla uzavikela iJerusalema,
\q1 uzalivikela alikhulule,
\q2 uzadlula ‘ngaphezu’ kwalo alihlenge.”
\p
\v 6 Awu bantu bako-Israyeli, buyelani kulowo elamhlamukela kakubi. 
\v 7 Ngoba ngalolosuku lonke lizazilahla izithombe zenu zesiliva lezegolide elizenze ngezandla zenu ezonayo.
\q1
\v 8 “I-Asiriya izachithwa ngenkemba engesiyabantu,
\q2 inkemba engasiyo yabantu izababhubhisa.
\q1 Bazayibalekela inkemba,
\q2 izinsizwa zabo zizakwenziwa izigqili.
\q1
\v 9 Inqaba yabo izadilika ngenxa yokwesaba;
\q2 lapho bebona uphawu lwempi izinduna zabo zempi zizatshaywa luvalo,”
\q1 kutsho \nd uThixo\nd*
\q2 omlilo wakhe useZiyoni,
\q2 osithando sakhe siseJerusalema.
\c 32
\s1 Umbuso Wokulunga
\q1
\v 1 Khangelani, inkosi izabusa ngokulunga
\q2 lababusi bazabusa ngemfanelo.
\q1
\v 2 Umuntu ngamunye uzakuba njengesihonqo sokuvikela umoya,
\q2 lesiphephelo sokucatshela isiphepho,
\q1 njengezihotsha zamanzi enkangala
\q2 njengomthunzi wedwala elikhulu elizweni elomileyo.
\b
\q1
\v 3 Lapho-ke amehlo alabo ababonayo kawasayikuvaleka,
\q2 lezindlebe zalabo abezwayo zizalalela.
\q1
\v 4 Ingqondo yowalazelayo izakwazi, iqedisise,
\q2 ogagasayo ulimi lwakhe luzatshwaphuluka luzwakale kuhle.
\q1
\v 5 Isithutha kasisayikuthiwa ngumhlonitshwa,
\q2 lesigangi kasiyikuhlonitshwa.
\q1
\v 6 Ngoba isithutha sikhuluma ubuwula,
\q2 ingqondo yaso isebenza ububi:
\q1 Senza imisebenzi yenkohlakalo,
\q2 siqambe amanga \nd ngoThixo\nd*;
\q1 abalambayo kasibaniki lutho,
\q2 abomileyo sibancitsha amanzi okunatha.
\q1
\v 7 Izindlela zesigangi zimbi,
\q2 senza amacebo amabi
\q1 ukuba sichithe abayanga ngamanga,
\q2 lanxa isikhalazo sabaswelayo siqotho.
\q1
\v 8 Kodwa umuntu ohloniphekayo wenza amacebo ahloniphekayo,
\q2 njalo uma ngezenzo ezihloniphekayo.
\s1 Abesifazane BaseJerusalema
\q1
\v 9 Lina besifazane elingakhathazeki ngalutho,
\q2 vukani lilalele kimi;
\q1 lina madodakazi elizizwa livikelekile,
\q2 lalelani engikutshoyo!
\q1
\v 10 Ngesikhatshana nje esedlula umnyaka
\q2 lina elizizwa livikelekile lizathuthumela;
\q1 ukuvunwa kwevini akuyikuphumelela,
\q2 lokuvunwa kwezithelo akuyikuba khona.
\q1
\v 11 Thuthumelani lina madodakazi azizwa evikelekile;
\q2 qhaqhazelani lina madodakazi azizwa evikelekile!
\q1 Khululani izigqoko zenu,
\q2 lithandele inkalo zenu ngamasaka.
\q1
\v 12 Zitshayeni izifuba zenu ngenxa yamasimu amahle,
\q2 langenxa yezivini ezithela izithelo,
\q1
\v 13 langenxa yelizwe labantu bami,
\q2 ilizwe eligcwele ukhula lameva,
\q1 yebo, lilelani zonke izindlu zenjabulo
\q2 ledolobho lokuzitika lentokozo.
\q1
\v 14 Inqaba enkulu izatshiswa,
\q2 idolobho elilomsindo lizatshiywa;
\q1 inqaba lomphotshongo wokulinda
\q2 kuzakuba ngumhlabathi ongatheli lutho kokuphela,
\q2 kube yintokozo yabobabhemi lamadlelo emihlambi,
\q1
\v 15 umoya uze uthelwe phezu kwethu uvela phezulu,
\q2 inkangala ibe ngumhlaba ovundileyo,
\q2 umhlaba ovundileyo ube njengenhlabathi.
\q1
\v 16 Ukwahlulela kuhle \nd kukaThixo\nd* kuzakuba khona enkangala,
\q2 ukulunga kube khona emhlabeni ovundileyo.
\q1
\v 17 Izithelo zokulunga zizakuba yikuthula;
\q2 okufaneleyo kuzaletha ukuthula zwi lethemba kuze kube nininini.
\q1
\v 18 Abantu bami bazahlala ezindaweni ezilokuthula,
\q2 emakhaya avikelekileyo,
\q2 ezindaweni zokuphumula ezingelahlupho.
\q1
\v 19 Lanxa isiqhotho sitshabalalisa ihlathi
\q2 ledolobho lidilizwe laphela nya,
\q1
\v 20 yeka ukubusiswa elizakuba yikho,
\q2 lihlanyela inhlanyelo yenu emaceleni ezifula zonke,
\q2 njalo liyekela inkomo zenu labobabhemi benu ukuba kusabalale.
\c 33
\s1 Usizi Losizo
\q1
\v 1 Maye kuwe, wena mchithi,
\q2 wena ongachithwanga!
\q1 Maye kuwe, wena mthengisi,
\q2 wena ongacetshwanga!
\q1 Lapho uyekela ukuthengisa,
\q2 lawe uzacetshwa.
\b
\q1
\v 2 Awu \nd Thixo\nd*, woba lomusa kithi;
\q2 siyakulangazelela.
\q1 Woba ngamandla ethu ekuseni konke,
\q2 ube yinsindiso yethu esikhathini sosizi.
\q1
\v 3 Ekukhwazeni kwelizwi lakho, izizwe ziyabaleka;
\q2 lapho uphakama izizwe ziyahlakazeka.
\q1
\v 4 Elakuthumbayo, lina zizwe, kubuthwa sengangathi kuqoqwa yisikhongwane,
\q2 abantu beqela kukho njengomtshitshi wentethe.
\b
\q1
\v 5 \nd UThixo\nd* uphakeme ngoba uhlala phezulu,
\q2 uzagcwalisa iZiyoni ngokufaneleyo langokulunga.
\q1
\v 6 Uzakuba yisisekelo esithembekileyo sesikhathi senu,
\q2 isiphala esigcwele usindiso, ukuhlakanipha lokwazi;
\q2 ukumesaba \nd uThixo\nd* kuyisiqokoqela sokuzuza ingcebo le.
\b
\q1
\v 7 Khangelani, amaqhawe akibo ahlaba umkhosi emigwaqweni!
\q2 Izithunywa zokuthula ziyakhala kakhulu.
\q1
\v 8 Imigwaqo emikhulu ibetha umoya,
\q2 akulazihambi kuyo.
\q1 Isivumelwano sephulwe,
\q2 ofakazi baso beyisiwe,
\q2 kakho ohlonitshwayo.
\q1
\v 9 Ilizwe liyalila njalo liyachitheka.
\q2 ILebhanoni iyangekile njalo iyabuna;
\q1 iSharoni injengenkangala,
\q2 iBhashani leKhameli akhithizwa amahlamvu awo.
\b
\q1
\v 10 \nd UThixo\nd* uthi, “Khathesi sengizavuka,
\q2 khathesi sengizadunyiswa,
\q2 khathesi sengizaphakanyiswa.
\q1
\v 11 Liqukethe ngamakhoba,
\q2 lizale izibi;
\q2 umoya wenu eliwuphefumulayo ungumlilo oliqedayo.
\q1
\v 12 Abantu bazatshiswa bafane lekalaga;
\q2 bazathungelwa ngomlilo njengamahlahla ameva aganyuliweyo.”
\b
\q1
\v 13 Lina elikhatshana, zwanini engikwenzileyo;
\q2 lina abaseduze, vumani amandla ami!
\q1
\v 14 Izoni zaseZiyoni ziyathuthumela;
\q2 abangamesabiyo uNkulunkulu bayaqhaqhazela:
\q1 “Ngubani owakithi ongahlala lomlilo oqothulayo na?
\q2 Ngubani owakithi ongahlala lokutshisa okungapheliyo na?”
\q1
\v 15 Ngulowo owenza okulungileyo,
\q2 ekhuluma okuqotho
\q1 oyalayo inzuzo yokuncindezelwa,
\q2 ale ukwamukela isivalamlomo,
\q1 owalayo ukulalela amaqhinga okubulala,
\q2 avale amehlo akhe ukuze angaboni okubi,
\q1
\v 16 lo nguye umuntu ozahlala ekuphakameni,
\q2 osiphephelo sakhe sizakuba yinqaba yasentabeni.
\q1 Uzalethelwa isinkwa sakhe,
\q2 lamanzi kayikuwaswela.
\b
\q1
\v 17 Amehlo enu azayibona inkosi ebuhleni bayo,
\q2 abuke lelizwe elibanzi.
\q1
\v 18 Ezingqondweni zenu lizakhumbula ukwesaba kwakuqala lithi:
\q2 “Ingaphi induna yezikhulu leyana?
\q1 Ungaphi owayethatha imali yemithelo?
\q2 Singaphi isikhulu esigcina imiphotshongo na?”
\q1
\v 19 Abantu labayana abaklolodayo kalisayikubabona futhi,
\q2 abantu labayana abolimi olungazwakaliyo,
\q2 abolimi olungaziwayo, olungaqondakaliyo.
\b
\q1
\v 20 Khangelani iZiyoni, idolobho lemikhosi yethu;
\q2 amehlo enu azabona iJerusalema
\q2 indawo yokuhlala elokuthula, ithente elingeke lisuswe;
\q1 izikhonkwane zalo kaziyikusitshunwa
\q2 lezintambo zalo kaziyikuqamuka.
\q1
\v 21 Khonapho \nd uThixo\nd* uzakuba ngolaMandla wethu.
\q2 Kuzafana lendawo elemifula ebanzi kanye lezifula.
\q1 Akukho mkhumbi wempi ozagwedlwa khona,
\q2 akukho mkhumbi olamandla ozahamba khona.
\q1
\v 22 Ngoba \nd uThixo\nd* ungumahluleli wethu,
\q2 \nd uThixo\nd* usinika imithetho,
\q1 \nd uThixo\nd* yinkosi yethu;
\q2 nguye ozasikhulula.
\b
\q1
\v 23 Izintambo zakho zeseyili ziyaxega.
\q2 Insika kayiqiniswanga;
\q2 iseyili kayivulekanga.
\q1 Lapho-ke impango enengi izakwabiwa
\q2 kuthi labaqhulayo labo bazazuza impango.
\q1
\v 24 Akulamuntu ohlala eZiyoni ozakuthi, “Mina ngiyagula”;
\q2 labantu abahlala khona bazathethelelwa izono zabo.
\c 34
\s1 Ukwahlulelwa Kwezizwe
\q1
\v 1 Sondelani lina zizwe, lilalele;
\q2 zwanini lina bantu!
\q1 Umhlaba kawulalele, lakho konke okukiwo,
\q2 umhlaba, lakho konke okuvela kuwo!
\q1
\v 2 \nd UThixo\nd* uthukuthelele izizwe zonke,
\q2 ulaka lwakhe luphezu kwezitha zabo zonke.
\q1 Uzazibhubhisa ngokupheleleyo,
\q2 uzazinikela ekubulaweni.
\q1
\v 3 Ababuleweyo bakibo bazaphoselwa ngaphandle,
\q2 izidumbu zabo zizanuka;
\q2 izintaba zizacwila egazini labo.
\q1
\v 4 Zonke izinkanyezi zasemazulwini zizanyamalala,
\q2 umkhathi ugoqwe njengomqulu;
\q1 wonke amaxuku ezinkanyezi
\q2 azakuwa njengamahlamvu abunileyo evinini
\q2 lanjengomkhiwa oswabileyo usiwa esihlahleni somkhiwa.
\b
\q1
\v 5 Inkemba yami isinathe yanela emazulwini;
\q2 khangelani yehlela phezu kwe-Edomi ukulahlulela,
\q2 abantu esengibabhubhise baphela.
\q1
\v 6 Inkemba \nd kaThixo\nd* igxanyuzwe egazini,
\q2 igcwele amafutha
\q1 igazi lezimvu lelembuzi,
\q2 amafutha ezinso zenqama.
\q1 Ngoba \nd uThixo\nd* ulomhlatshelo eBhozira
\q2 lokubulawa okukhulu kwezifuyo e-Edomi.
\q1
\v 7 Inyathi zizakufa kanye lazo,
\q2 amathole azinkunzi kanye lenkunzi ezinkulu.
\q1 Ilizwe labo lizagcwala igazi,
\q2 umhlabathi uzakuba manzi ngamafutha.
\b
\q1
\v 8 Ngoba \nd uThixo\nd* ulosuku lokuphindisela,
\q2 umnyaka wokujezisa, ukuqinisa injongo yeZiyoni.
\q1
\v 9 Izifula zase-Edomi zizaphendulwa zibe yingcino,
\q2 umhlabathi wakhona ube ngumlilo wesolufa,
\q2 ilizwe lakhona lizakuba yingcino etshayo!
\q1
\v 10 Aliyikucitshwa ebusuku lemini;
\q2 intuthu yalo izathunqa kokuphela.
\q1 Lizakuba ngelichithiweyo
\q2 kusukela kusizukulwane kusiya kwesinye;
\q2 kakho ozadabula phakathi kwalo futhi.
\q1
\v 11 Isikhova senkangala lomandukulo kuzakwakha kulo;
\q2 isikhova esikhulu lewabayi kuzakwakha izidleke zakho kulo.
\q1 UNkulunkulu uzakwelulela phezu kwe-Edomi
\q2 intambo yokulinganisa incithakalo
\q2 lentambo yokulinganisa ukutshabalala.
\q1
\v 12 Izikhulu zalo kaziyikuba lalutho olungathiwa ngumbuso,
\q2 wonke amakhosana alo azanyamalala.
\q1
\v 13 Izinqaba zalo zizagcwala ameva,
\q2 imbabazane lokhula kugcwale kuziphephelo zalo.
\q1 Lizakuba yindawo yamakhanka,
\q2 lomuzi wezikhova.
\q1
\v 14 Izinyamazana zenkangala zizahlangana lezimpisi,
\q2 amagogo azakhalelana;
\q1 izidalwa zebusuku zizalala khona
\q2 zizifunele izindawo zokuphumula.
\q1
\v 15 Isikhova sizakwakha isidleke khona sibekele amaqanda,
\q2 sizawachamisela, sifukamele abantwana baso
\q2 ngaphansi komthunzi wempiko zaso,
\q1 lemizwazwa izabuthana khonapho,
\q2 yilowo lalowo lomngane wawo.
\p
\v 16 Khangelani encwadini \nd kaThixo\nd* lifunde okuthi:
\q1 Akukho lakunye kwalokhu okuzasweleka;
\q2 akukho okuzaswela umngane wakho.
\q1 Ngoba \nd nguThixo\nd* onike umlayo,
\q2 loMoya wakhe uzazigoqela ndawonye.
\q1
\v 17 Uzakwahlukanisela izabelo zakho;
\q2 isandla sakhe sizakwabela ngesilinganiso.
\q1 Isabelo sizakuba lilifa lakho kokuphela,
\q2 njalo sizahlala khona kusukela kusizukulwane kusiya kusizukulwane.
\c 35
\s1 Intokozo Yabahlengiweyo
\q1
\v 1 Inkangala lelizwe elomileyo kuzathokoza;
\q2 inkangala izajabula iqhakaze.
\q1 Njengeluba 
\v 2 izakhahlela,
\q2 ithokoze kakhulu, ihlabele isithi.
\q1 Inkazimulo yaseLebhanoni izanikezwa kuyo
\q2 ubuhle beKhameli leSharoni,
\q1 kuzabona inkazimulo \nd kaThixo\nd*
\q2 lobukhosi bukaNkulunkulu wethu.
\b
\q1
\v 3 Qinisani izandla ezibuthakathaka,
\q2 liqinise lamadolo axegayo;
\q1
\v 4 tshonini kulabo abalezinhliziyo ezilokwesaba lithi:
\q2 “Qinani, lingesabi;
\q1 uNkulunkulu wenu uzakuza,
\q2 uzakuza ezophindisela,
\q1 ajezise ngokulunga
\q2 uzakuza ukuba alikhulule.”
\b
\q1
\v 5 Lapho-ke amehlo eziphofu azavuleka,
\q2 lezindlebe zezacuthe zivuleke.
\q1
\v 6 Lapho-ke abaqhulayo bazakweqa njengempala,
\q2 izimungulu zihlabele ngokuthokoza.
\q1 Amanzi azampompoza ogwaduleni,
\q2 izifula zigeleze enkangala.
\q1
\v 7 Itshebetshebe elitshisayo lizakuba yisiziba,
\q2 umhlabathi owomileyo ube yimithombo echaphaka amanzi.
\q1 Ezindaweni amakhanka ake ahlala kuzo,
\q2 utshani lemihlanga lebhuma kuzakhula khona.
\b
\q1
\v 8 Njalo kuzakuba lomgwaqo omkhulu:
\q2 uzathiwa yiNdlela yobuNgcwele,
\q2 izakuba ngeyalabo abahamba ngokuqonda.
\q1 Abangcolileyo kabayikuhamba kuwo;
\q2 uzakuba ngowalabo abahamba kuleyoNdlela lezithutha
\q2 ezonayo kaziyikuhambahamba kuwo.
\q1
\v 9 Akuyikuba lesilwane khona,
\q2 loba esinye isilo esilolaka; sivuke kuwo
\q2 kaziyikutholwa khona.
\q1 Kodwa abahlengiweyo yibo kuphela abazahamba lapho,
\q2
\v 10 njalo labahlengiweyo \nd bakaThixo\nd* bazabuyela.
\q1 Bazangena eZiyoni behlabelela,
\q2 intokozo engapheliyo izakuba ngumqhele emakhanda abo.
\q1 Bazakuba lokuthula lenjabulo,
\q2 usizi lokububula kuzaphela.
\c 36
\s1 USenakheribhi Usongela IJerusalema
\p
\v 1 Ngomnyaka wetshumi lane wokubusa kwenkosi uHezekhiya, uSenakheribhi inkosi yase-Asiriya wahlasela wonke amadolobho avikelweyo akoJuda wawathumba. 
\v 2 Emva kwalokho inkosi yase-Asiriya yathuma umlawuli wayo lebutho elikhulu lisuka eLakhishi lisiya enkosini uHezekhiya eJerusalema. Kwathi umlawuli webutho esemi emgelweni wechibi elingaphezulu, elisendleleni eya eNsimini yoMgezisi, 
\v 3 u-Eliyakhimu indodana kaHilikhiya umgcini wesigodlo, loShebhina umabhalane kanye loJowa indodana ka-Asafi umbhali, baya kuye.
\p
\v 4 Umlawuli webutho wathi kubo, “Tshelani uHezekhiya ukuthi,
\pm ‘Nanku okutshiwo yinkosi enkulu, inkosi yase-Asiriya ithi: Uthembeni ngalesisibindi sakho na? 
\v 5 Uthi ulamaqhinga lamandla ebutho kodwa ukhuluma amazwi ayize. Uthembe bani uze ungihlamukele nje? 
\v 6 Khangela, ngiyazi uthembe iGibhithe, yona enjengomhlanga ozimvava osika isandla somuntu umlimaze nxa eweyamile. Unjalo uFaro inkosi yaseGibhithe kubo bonke abathembele kuye. 
\v 7 Njalo nxa lisithi kimi, “Thina sithembe \nd uThixo\nd* uNkulunkulu wethu,” kasuye yini uHezekhiya asusa izindawo zakhe eziphakemeyo lama-alithare akhe, esithi kuJuda leJerusalema, “Kumele likhonzele phambi kwaleli i-alithari”?
\pm
\v 8 Khathesi woza wenze isivumelwano lenkosi yami, inkosi yase-Asiriya: Ngizakunika amabhiza azinkulungwane ezimbili nxa bekhona abazawagada! 
\v 9 Pho ungayehlula njani induna eyodwa yezikhulu ezincane zenkosi yami, lanxa uthembele eGibhithe ekutholeni izinqola zempi labagadi bamabhiza na? 
\v 10 Phezu kwalokho, kanti ngizehlasela lokuzochitha ilizwe leli kungatshongo \nd uThixo\nd* na? \nd UThixo\nd* uqobo nguye othe ngizohlasela ilizwe leli ngilichithe.’ ”
\p
\v 11 Ngakho u-Eliyakhimu loShebhina loJowa bathi kumlawuli webutho, “Ake ukhulume ezincekwini zakho ngesi-Aramayikhi ngoba siyasizwa. Ungasikhulumisi ngesiHebheru lababantu abasemdulini besizwa.”
\p
\v 12 Kodwa umlawuli webutho waphendula esithi, “Inkosi yami ingithume ukuba izinto lezi ngizitsho kuphela enkosini yenu lakini, hatshi ebantwini abahlezi emdulini okuzakuthi labo njengani badle ubulongwe babo banathe lomchamo wabo na?”
\p
\v 13 Umlawuli webutho wasukuma wasememeza ngesiHebheru esithi, “Zwanini amazwi enkosi enkulu, inkosi yase-Asiriya! 
\v 14 Lokhu yikho okutshiwo yinkosi: Lingamvumeli uHezekhiya ukuba alikhohlise. Angeke alikhulule. 
\v 15 Lingamvumeli uHezekhiya elincenga ukuba lithembele \nd kuThixo\nd* lapho esithi ‘Ngempela \nd uThixo\nd* uzasikhulula; idolobho leli kaliyikuphiwa esandleni senkosi yase-Asiriya.’ ”
\p
\v 16 Lingamlaleli uHezekhiya. Nanku okutshiwo yinkosi yase-Asiriya: Yenza isivumelwano sokuthula lami, uphume uze kimi. Lapho-ke omunye lomunye uzakudla esivinini sakhe lasemikhiweni yakhe, anathe lamanzi emthonjeni wakhe, 
\v 17 ngize ngifike ngilithathe, ngilise elizweni elifanana lelakini, ilizwe lamabele lewayini elitsha, ilizwe lesinkwa lezivini.
\p
\v 18 “Lingavumeli uHezekhiya ukuthi alikhohlise esithi, ‘\nd UThixo\nd* uzasikhulula.’ Kulonkulunkulu wesinye isizwe osewake wakhulula ilizwe lakhe esandleni senkosi yase-Asiriya na? 
\v 19 Bangaphi onkulunkulu baseHamathi le-Ariphadi na? Bangaphi onkulunkulu baseSefavayimi na? Bayikhululile iSamariya esandleni sami na? 
\v 20 Nguphi kubo bonke onkulunkulu bamazwe la oke wenelisa ukukhulula ilizwe lakhe kimi na? Pho \nd uThixo\nd* angayikhulula njani iJerusalema esandleni sami na?”
\p
\v 21 Kodwa abantu bathula kabazange batsho lutho, ngoba inkosi yayilaye yathi, “Lingamphenduli.”
\p
\v 22 U-Eliyakhimu indodana kaHilikhiya umgcini wesigodlo loShebhina umabhalane loJowa indodana ka-Asafi umbhali, baya kuHezekhiya izigqoko zabo zidabukile bamtshela okwakutshiwo ngumlawuli webutho.
\c 37
\s1 Ukuhlengwa KweJerusalema Kuyabikwa
\p
\v 1 Kwathi lapho uHezekhiya, inkosi, esezwe lokhu, wadabula izigqoko zakhe wagqoka amasaka, wasesiya ethempelini \nd likaThixo\nd*. 
\v 2 Wathuma u-Eliyakhimu umphathi wesigodlo, uShebhina umabhalane labaphristi abangabakhokheli, bonke begqoke amasaka, baya kumphrofethi u-Isaya indodana ka-Amozi. 
\v 3 Bathi kuye, “UHezekhiya uthi: ilanga lanamhla lusuku losizi lokusolwa kanye lehlazo njengalapho abantwana sekufike isikhathi sokuthi bazalwe kodwa amandla okubeletha engekho. 
\v 4 Mhlawumbe \nd uThixo\nd* uNkulunkulu wakho izawezwa amazwi omlawuli webutho, onkosi yakhe, inkosi yase-Asiriya, emthume ukuba athuke uNkulunkulu ophilayo, lokuthi uzamthuka ngenxa yamazwi \nd uThixo\nd* uNkulunkulu wakho ewazwileyo. Ngakho-ke khulekela insali elokhu iphila.”
\p
\v 5 Kwathi izithunywa zenkosi uHezekhiya sezifikile ku-Isaya, 
\v 6 u-Isaya wathi kuzo, “Tshelani inkosi yenu lithi, ‘Nanku okutshiwo \nd nguThixo\nd*: Ungesabi lokhu okuzwileyo, amazwi lawana izinceku zenkosi yase-Asiriya ezingithuke ngawo. 
\v 7 Lalela! Ngizafaka umoya ozamenza athi nxa esizwa umbiko othile, afune ukubuyela elizweni lakhe, athi angafika khonale ngenze ukuba abulawe ngenkemba.’ ”
\p
\v 8 Kwathi lapho umlawuli webutho esezwile ukuthi inkosi yase-Asiriya yayisisukile eLakhishi, laye wasuka wayathola inkosi isilwa leLibhina.
\p
\v 9 USenakheribhi wemukela umbiko othi uThirihaka inkosi yaseKhushi, wayesiza ukuba amhlasele. Esezwe lokho wathumela izithunywa kuHezekhiya lombiko othi: 
\v 10 “Tshela uHezekhiya inkosi yakoJuda ukuthi: Ungavumi ukuthi unkulunkulu omthembileyo akukhohlise esithi, ‘IJerusalema kaliyikunikelwa enkosini yase-Asiriya.’ 
\v 11 Ngempela usukuzwile okwenziwa ngamakhosi ase-Asiriya emazweni wonke, ewabhidliza okupheleleyo. Wena-ke uzaphepha na? 
\v 12 Onkulunkulu bezizwe ezatshabalaliswa ngokhokho bami bake bazikhulula na, onkulunkulu beGozani, iHarani, iRezefi kanye labantu base-Edeni ababeseThelasari? 
\v 13 Ingaphi inkosi yaseHamathi, inkosi yase-Ariphadi, angaphi amakhosi aseLayiri leSefavayimi, loba eyaseHena kumbe eyase-Iva?”
\s1 Umkhuleko KaHezekhiya
\p
\v 14 UHezekhiya wemukela incwadi eyeza lezithunywa wayibala. Emva kwalokho waya ethempelini leNkosi, wayichaya phambi \nd kukaThixo\nd*. 
\v 15 UHezekhiya wakhuleka \nd kuThixo\nd* esithi: 
\v 16 “\nd Thixo\nd* Somandla, Nkulunkulu ka-Israyeli osebukhosini phakathi kwamaKherubhi, wena kuphela nguwe onguNkulunkulu wemibuso yonke yasemhlabeni. Nguwe owenza izulu lomhlaba. 
\v 17 Beka indlebe \nd Thixo\nd*, uzwe; vula amehlo akho \nd Thixo\nd*, ubone. Lalela uzwe wonke amazwi uSenakheribhi awathumele ukuzathuka uNkulunkulu ophilayo.
\p
\v 18 Kuliqiniso, \nd Thixo\nd*, ukuthi amakhosi ase-Asiriya abatshabalalisa bonke lababantu kanye lamazwe abo. 
\v 19 Aphosele onkulunkulu bawo emlilweni abatshabalalisa, ngoba kungesibo onkulunkulu kodwa yizigodo lamatshe kuphela, okubunjwe ngezandla zabantu. 
\v 20 Khathesi, \nd Thixo\nd*, Nkulunkulu wethu, sikhulule esandleni sakhe, ukuze imibuso yonke emhlabeni ibekwazi ukuthi wena \nd Thixo\nd*, nguwe wedwa onguNkulunkulu.”
\s1 Ukuwa KukaSenakheribi
\p
\v 21 U-Isaya indodana ka-Amozi wathumela ilizwi kuHezekhiya elithi, “Nanku okutshiwo \nd nguThixo\nd*, uNkulunkulu ka-Israyeli: Ngenxa yokuthi ukhulekile kimi mayelana ngoSenakheribhi inkosi yase-Asiriya, 
\v 22 nanti ilizwi \nd uThixo\nd* aselikhulume ngaye wathi:
\q1 INdodakazi eGcweleyo iZiyoni
\q2 iyakweyisa njalo iyakuklolodela.
\q1 INdodakazi iJerusalema
\q2 inqekuza ikhanda layo lapho wena ubaleka.
\q1
\v 23 Ngubani lowo omthukileyo wamhlazisa?
\q2 Ngubani lowo omphakamisele ilizwi lakho
\q1 wamphakamisela lamehlo akho ngokuzigqaja na?
\q2 NgoNgcwele ka-Israyeli!
\q1
\v 24 Ngezithunywa zakho
\q2 umthukile uThixo.
\q1 Utshilo njalo ukuthi,
\q2 ‘Ngezinqola zami ezinengi
\q1 ngikhwelile eziqongweni zezintaba
\q2 iziqongo eziphezulu kakhulu zaseLebhanoni.
\q1 Sengigamule ngawisa izihlahla ezinde zemisedari,
\q2 izihlahla ezikhethiweyo zamaphayini.
\q1 Ngifikile eziqongweni zalo ezikhatshana,
\q2 emaguswini alo amahle kakhulu.
\q1
\v 25 Ngigebhile imithombo ezizweni
\q2 nganatha amanzi khona.
\q1 Ngezinyawo zami
\q2 ngomisile zonke izifula zaseGibhithe.’
\b
\q1
\v 26 Kawuzwanga na?
\q2 Lokhu ngakumisa endulo.
\q1 Ngakuceba ensukwini zasendulo;
\q2 khathesi sengenze ukuba kufezeke,
\q1 ukuthi usudilize amadolobho avikelweyo
\q2 aba yizinqwaba zamatshe.
\q1
\v 27 Abantu bakhona, abangaselamandla,
\q2 badangele njalo bayangekile.
\q1 Banjengezilimo ensimini,
\q2 njengamahlumela aluhlaza,
\q1 lanjengotshani obuhluma ephahleni lwendlu
\q2 bubuye butshe bungakakhuli.
\b
\q1
\v 28 Kodwa ngiyakwazi lapho okhona,
\q2 lalapho usiza uphinde uhambe;
\q2 kanye lokuthi ungithukuthelela kangakanani.
\q1
\v 29 Ngenxa yokungithukuthelela kwakho
\q2 langenxa yokuthi ubuqholo bakho sebufikile ezindlebeni zami,
\q1 ngizafaka umkhala wami emakhaleni akho
\q2 lamatomu ami emlonyeni wakho,
\q1 njalo ngizakwenza ubuyele
\q2 ngendlela oze ngayo.
\p
\v 30 Lokhu kuzakuba yisibonakaliso kuwe, Hezekhiya:
\q1 Lonyaka lizakudla okuzikhulela kodwa,
\q2 ngomnyaka wesibili lidle umkhukhuzela wakhona.
\q1 Kodwa ngomnyaka wesithathu hlanyelani livune,
\q2 hlanyelani izivini lidle izithelo zazo.
\q1
\v 31 Futhi insali yendlu kaJuda
\q2 izagxilisa njalo impande phansi ithele izithelo ngaphezulu.
\q1
\v 32 Ngoba eJerusalema kuzavela insali,
\q2 kuthi entabeni iZiyoni kuphume ixuku labasindayo.
\q1 Ukutshiseka \nd kukaThixo\nd* uSomandla
\q2 kuzakwenza ukuba lokhu kufezeke.
\p
\v 33 Ngakho-ke mayelana lenkosi yase-Asiriya \nd uThixo\nd* uthi:
\q1 Kasoze angene kulelidolobho
\q2 loba atshoke umtshoko lapha.
\q1 Kasoze eze kulo elehawu
\q2 kumbe akhe umduli wokulivimbezela.
\q1
\v 34 Uzabuyela ngendlela eza ngayo;
\q2 kasoze angene kulelidolobho,
\q2 kutsho \nd uThixo\nd*.
\q1
\v 35 Idolobho leli ngizalivikela ngilihlenge,
\q2 ngenxa yami langenxa kaDavida inceku yami!
\p
\v 36 Lapho-ke ingilosi \nd kaThixo\nd* yasuka yayabulala abantu abalikhulu elilamatshumi ayisificaminwembili lanhlanu lezinkulungwane ezihonqweni zama-Asiriya. Kwathi lapho abantu bevuka ekuseni kwakhona bonke kwasekuyizidumbu kuphela! 
\v 37 Ngakho uSenakheribhi inkosi yama-Asiriya wasuka ezihonqweni wahamba. Wabuyela eNiniva wahlala khona.
\p
\v 38 Kwathi ngolunye usuku ekhonza ethempelini likaNisirokhi unkulunkulu wakhe, amadodana akhe u-Adrameleki loShareza ambulala ngenkemba asebalekela elizweni lase-Ararathi. U-Esarihadoni indodana yakhe yaba yinkosi esikhundleni sakhe.”
\c 38
\s1 Ukugula KukaHezekhiya
\p
\v 1 Ngalezonsuku uHezekhiya wagula eselengela ekufeni. Umphrofethi u-Isaya, indodana ka-Amozi waya kuye wathi, “Nanku okutshiwo \nd nguThixo\nd*: Lungisa indlu yakho ngoba uzakufa, awuyikusila.”
\p
\v 2 UHezekhiya waphenduka wakhangela emdulini wakhuleka \nd kuThixo\nd* esithi, 
\v 3 “Khumbula, \nd Thixo\nd*, ukuthi ngihambe phambi kwakho ngokuthembeka langokuzinikela ngenhliziyo yami yonke, njalo ngenze okuhle emehlweni akho.” UHezekhiya wakhala kabuhlungu.
\p
\v 4 Emva kwalokho kwafika ilizwi \nd likaThixo\nd* ku-Isaya lisithi: 
\v 5 “Yana kuHezekhiya uthi kuye, ‘Nanku okutshiwo \nd nguThixo\nd*, uNkulunkulu kayihlo uDavida, uthi: Ngiwuzwile umkhuleko wakho, njalo ngizibonile lezinyembezi zakho. Ngizakwengezelela iminyaka elitshumi lanhlanu ekuphileni kwakho. 
\v 6 Njalo ngizakukhulula wena, kanye ledolobho leli ezandleni zenkosi yase-Asiriya. Ngizavikela idolobho leli.
\p
\v 7 Lesi yisibonakaliso \nd sikaThixo\nd* kuwe sokuthi \nd uThixo\nd* uzakwenza njengokuthembisa kwakhe: 
\v 8 Ngizakwenza umthunzi obangelwe lilanga ubuyele emuva amanyathelo alitshumi umthunzi owehle ngawo emakhwelelweni ka-Ahazi.’ ” Ngakho ukukhanya kwelanga kwabuyela emuva ngamanyathela alitshumi elaselikhothame ngawo.
\b
\p
\v 9 La ngamazwi alotshwa nguHezekhiya inkosi yakoJuda emva kokuba esesilile ekuguleni kwakhe:
\q1
\v 10 Ngathi, “Ebuhleni bokuphila kwami
\q2 kumele ngedlule emasangweni okufa
\q2 ngamukwe iminyaka yami eseleyo na?”
\q1
\v 11 Ngathi, “Angiyikumbona futhi \nd uThixo\nd* ngokwakhe
\q2 elizweni labaphilayo;
\q1 angisayikubabona futhi abantu bakithi
\q2 loba ngibe lalabo abahlala kulumhlaba.
\q1
\v 12 Njengethente lomelusi indlu yami
\q2 idiliziwe ngayithathelwa.
\q1 Njengomaluki impilo yami ngiyigoqile,
\q2 ungisusile osungulweni;
\q2 emini lebusuku ungenze ngaphela.
\q1
\v 13 Ngalinda ngokubekezela kwaze kwasa,
\q2 kodwa amathambo ami uwephule wonke njengesilwane;
\q2 emini lebusuku ungenze ngaphela.
\q1
\v 14 Ngakhala njengenkonjane kumbe ihemu,
\q2 ngabubula njengejuba elililayo.
\q1 Amehlo ami afiphele ngokukhangela phezulu.
\q2 Awu Thixo, ngikhathazekile, woza ungisize!”
\b
\q1
\v 15 Kodwa ngingathini na?
\q2 Ukhulumile kimi, wena ngokwakho ukwenzile lokhu.
\q1 Ngizahamba ngokuzithoba ekuphileni kwami konke
\q2 ngenxa yobuhlungu bomoya wami.
\q1
\v 16 Thixo, abantu baphila ngezinto ezinje;
\q2 lomoya wami uthola ukuphila kuzo.
\q1 Wangibuyisela empilweni
\q2 wangenza ngaphila.
\q1
\v 17 Ngeqiniso kwaba lusizo kimi
\q2 ukuzwa ubuhlungu obungaka.
\q1 Ngothando lwakho wangivikela
\q2 emgodini wokutshabalaliswa;
\q1 izono zami zonke
\q2 uzibeke ngemva kwakho.
\q1
\v 18 Ngoba ingcwaba alingeke likubonge
\q2 lokufa akungeke kukudumise;
\q1 labo abangena emgodini
\q2 abangeke bathemba ubuqotho bakho.
\q1
\v 19 Abaphilayo, ngempela abaphilayo, bayakudumisa
\q2 njengalokhu engikwenzayo lamuhla;
\q1 abazali batshela abantwababo
\q2 ngobuqotho bakho.
\b
\q1
\v 20 \nd UThixo\nd* uzangisindisa;
\q2 njalo sizahlabelela ngamachacho
\q1 kuzozonke insuku zokuphila kwethu
\q2 ethempelini \nd likaThixo\nd*.
\p
\v 21 U-Isaya wayethe, “Lungisani isigaqa semikhiwa usifake phezu kwethumba, uzasila.”
\p
\v 22 UHezekhiya wayebuze wathi, “Kuyini okuzakuba yisibonakaliso sokuthi ngizakhwela ngiye phezulu ethempelini \nd likaThixo\nd* na?”
\c 39
\s1 Izithunywa Ezivela EBhabhiloni
\p
\v 1 Ngalesosikhathi uMerodakhi-Bhaladani indodana kaBhaladani inkosi yaseBhabhiloni, wathumela izincwadi lesipho kuHezekhiya, ngoba wayezwile ngokugula kwakhe lokusila kwakhe. 
\v 2 UHezekhiya wazamukela izithunywa ngokuthaba, wazitshengisa okwakusendlini yakhe yokugcinela impahla, isiliva, igolide, iziyoliso, amafutha acengekileyo, izikhali zakhe zonke, lakho konke okwakukhona enothweni yakhe. Akulalutho esigodlweni sakhe loba embusweni wakhe wonke angazitshengisanga khona.
\p
\v 3 Ngakho u-Isaya umphrofethi waya kuHezekhiya inkosi wambuza wathi, “Atheni amadoda lawana, njalo avela ngaphi?”
\p UHezekhiya waphendula wathi, “Avela elizweni elikhatshana. Aze kimi evela eBhabhiloni.”
\p
\v 4 Umphrofethi wabuza wathi, “Aboneni esigodlweni sakho?”
\p UHezekhiya wathi, “Abone konke okusesigodlweni sami. Akulalutho phakathi kwempahla zami eziligugu engingawatshengisanga khona.”
\p
\v 5 Ngakho u-Isaya wasesithi kuHezekhiya, “Zwana ilizwi \nd likaThixo\nd* uSomandla lithi: 
\v 6 Isikhathi sizafika sibili lapho konke okusesigodlweni sakho lakho konke oyihlo abakugcinayo kusiyafika lolosuku, kuzathwalelwa eBhabhiloni. Akuyikusala lutho, kutsho \nd uThixo\nd*. 
\v 7 Njalo abanye besizukulwane sakho, abenyama legazi lakho, abazazalwa nguwe, bazathathwa bayekuba ngabathenwa esigodlweni senkosi yaseBhabhiloni.”
\p
\v 8 UHezekhiya waphendula wathi, “Ilizwi \nd likaThixo\nd* olikhulumileyo lilungile.” Ngoba wayenakana esithi, “Kuzakuba lokuthula lokuvikeleka ekuphileni kwami.”
\c 40
\s1 Induduzo Ebantwini BakaNkulunkulu
\q1
\v 1 Duduzani, libaduduze abantu bami,
\q2 kutsho uNkulunkulu wenu.
\q1
\v 2 Khulumani ngomusa kulo iJerusalema,
\q2 limemezele kulo
\q1 ukuthi ukusebenza kwalo nzima sekuphelile,
\q2 ukuthi isono salo sihlawulwe,
\q1 ukuthi selamukele okuvela esandleni \nd sikaThixo\nd*
\q2 kuphindwe kabili kuzozonke izono zalo.
\b
\q1
\v 3 Ilizwi lomemezayo lithi:
\q1 “Enkangala lungiselani
\q2 \nd uThixo\nd* indlela,
\q1 lenzele uNkulunkulu wethu
\q2 umgwaqo oqondileyo enkangala.
\q1
\v 4 Zonke izigodi zizaphakanyiswa,
\q2 izintaba zonke lamaqaqa kuzakwehliselwa phansi.
\q1 Umhlabathi ongamakhilikithi uzakwendlaleka,
\q2 izindawo ezimadundulu zizakuba yisigcawu.
\q1
\v 5 Inkazimulo \nd kaThixo\nd* izabonakaliswa,
\q2 abantu bonke bazambona kanyekanye,
\q1 ngoba umlomo \nd kaThixo\nd* usukhulumile.”
\b
\q1
\v 6 Ilizwi lithi, “Memeza!”
\q2 Mina ngathi, “Ngimemeze ngisithini na?”
\b
\q1 “Abantu bonke banjengotshani
\q2 njalo ubuhle babo bunjengamaluba eganga.
\q1
\v 7 Utshani buyabuna amaluba ayakhithika,
\q2 ngoba umoya \nd kaThixo\nd* uyakuphephetha.
\q2 Ngempela abantu babutshani.
\q1
\v 8 Utshani buyabuna, amaluba ayakhithika,
\q2 kodwa ilizwi likaNkulunkulu limi kuze kube nininini.”
\b
\q1
\v 9 Wena oletha izindaba ezinhle eZiyoni,
\q2 khwela entabeni ende.
\q1 Wena oletha izindaba ezinhle eJerusalema,
\q2 phakamisa ilizwi lakho ngokumemeza;
\q1 liphakamise, ungesabi,
\q2 tshono emadolobheni akoJuda uthi:
\q2 “Nangu uNkulunkulu wenu!”
\q1
\v 10 Khangelani, \nd uThixo\nd* Wobukhosi uza elamandla,
\q2 isandla sakhe sizabusa.
\q1 Khangelani, umvuzo wakhe ulawo,
\q2 lenhlawulo yakhe uhamba elayo.
\q1
\v 11 Welusa umhlambi wakhe njengomelusi:
\q2 ubuthelela amawundlu ezingalweni zakhe
\q1 awathwale eseduzane lenhliziyo yakhe;
\q2 awakhokhele kuhle lawo alamazinyane.
\b
\q1
\v 12 Ngubani olinganise amanzi entendeni yesandla sakhe,
\q2 loba walinganisa amazulu ngobubanzi besandla sakhe na?
\q1 Ngubani owaphatha uthuli lomhlabathi ngesitsha
\q2 loba walinganisa izintaba ezilinganisweni
\q2 lamaqaqa esikalini na?
\q1
\v 13 Ngubani osewazwisisa imicabango \nd kaThixo\nd*,
\q2 kumbe wamfundisa njengomeluleki wakhe na?
\q1
\v 14 Ngubani owake wacelwa \nd nguThixo\nd* ukuba ameluleke,
\q2 njalo ngubani owamfundisa indlela elungileyo na?
\q1 Ngubani lowo owamfundisa ukwazi,
\q2 loba owamtshengisa indlela yokuqedisisa na?
\b
\q1
\v 15 Ngeqiniso izizwe zinjengethonsi emgqonyeni;
\q2 zibalwa njengothuli ezilinganisweni;
\q1 \nd uThixo\nd* ulinganisa izihlenge
\q2 angathi ziluthuli olucolekileyo.
\q1
\v 16 ILebhanoni kalaneli imililo ye-alithare,
\q2 lezinyamazana zalo kazaneli iminikelo yokutshiswa.
\q1
\v 17 Phambi kwakhe zonke izizwe zinjengeze;
\q2 yena uzikhangela njengento engasi yalutho
\q2 njalo zingaphansi kweze.
\b
\q1
\v 18 Pho ngubani elingamfanisa loNkulunkulu na?
\q2 Yisifanekiso bani elingasilinganisa laye na?
\q1
\v 19 Isithombe sibunjwa yingcwethi,
\q2 umkhandi wegolide asinameke ngegolide
\q2 asenzele imigaxo yesiliva.
\q1
\v 20 Umuntu ongumyanga onganelisiyo ukunikela ngomnikelo onjalo
\q2 ukhetha isigodo esingaboliyo.
\q1 Udinga ingcitshi elolwazi
\q2 ukuba imise isithombe esingayikubhidlika.
\b
\q1
\v 21 Kalazi yini?
\q2 Kalizwanga na?
\q1 Kalikutshelwanga kwasekuqaleni na?
\q2 Kalizwisisanga na selokhu umhlaba wadalwayo?
\q1
\v 22 \nd UThixo\nd* uhlezi ebukhosini ngaphezu kwendingiliza yomhlaba,
\q2 njalo abantu bakhe banjengezintethe.
\q1 Welula amazulu njengekhetheni,
\q2 awendlale njengethente lokuhlala kulo.
\q1
\v 23 Udiliza amakhosana,
\q2 enze ababusi bomhlaba lo babe yize.
\q1
\v 24 Banele ukugxunyekwa nje,
\q2 banele ukuhlanyelwa nje,
\q2 banele ukugxila impande emhlabathini
\q1 abe ephephetha phezu kwabo, babune,
\q2 isavunguzane sibakhukhulele khatshana njengamakhoba.
\b
\q1
\v 25 “Ngubani elizangilinganisa laye na?
\q2 Loba ngubani olingana lami na?” kutsho yena oNgcwele.
\q1
\v 26 Phakamisani amehlo enu likhangele phezulu:
\q2 Ngubani owadala konke lokhu na?
\q1 Yena okhupha amaxuku ezinkanyezi ngalinye ngalinye,
\q2 awabize ngalinye ngamabizo awo.
\q1 Ngenxa yamandla akhe amakhulu lokuqina okulamandla,
\q2 akukho lalinye elingekho.
\b
\q1
\v 27 Kungani usithi, we Jakhobe,
\q2 usole usithi, we Israyeli,
\q1 “Indlela yami ifihlakele \nd Thixo\nd*;
\q2 ilungelo lami kalinanzwa nguNkulunkulu wami na?”
\q1
\v 28 Kalazi yini?
\q2 Kalizwanga na?
\q1 \nd UThixo\nd* unguNkulunkulu waphakade,
\q2 uMdali wemikhawulo yomhlaba.
\q1 Kayikudinwa kumbe akhathale,
\q2 ukuqedisisa kwakhe kakho ongakulinganisa.
\q1
\v 29 Abakhatheleyo uyabanika amandla,
\q2 andise amandla ababuthakathaka.
\q1
\v 30 Labatsha baphelelwa ngamandla bakhathale,
\q2 lamajaha ayakhubeka awe,
\q1
\v 31 kodwa labo abathemba \nd uThixo\nd*
\q2 bazavuselelwa amandla abo.
\q1 Bazaqonga ngempiko njengezinkozi,
\q2 bazagijima kodwa bangadinwa,
\q2 bazahamba kodwa bangapheli amandla.
\c 41
\s1 Umsizi Ka-Israyeli
\q1
\v 1 “Thulani lithi zwi phambi kwami lina zihlenge!
\q2 Izizwe kazivuselele amandla azo!
\q1 Kazisondele phambili zikhulume;
\q2 kasihlanganeni sonke endaweni yokwahlulela.
\b
\q1
\v 2 Ngubani osevuse lowo ovela empumalanga,
\q2 embizela emsebenzini wakhe ngokulunga na?
\q1 Unikela izizwe kuye,
\q2 anqobe amakhosi phambi kwakhe.
\q1 Ngenkemba yakhe uwenza abe luthuli,
\q2 ngedandili lakhe awenze abe ngamakhoba aphetshulwa ngumoya.
\q1
\v 3 Uyawaxotsha yena adlule engathintwanga lutho,
\q2 endleleni angakaze ahambe ngayo.
\q1
\v 4 Ngubani owenze lokhu wakuphumelelisa,
\q2 ebiza izizukulwane kusukela ekuqaleni na?
\q1 Mina \nd uThixo\nd*, kusukela kwesokuqala sazo
\q2 kanye lesokucina, nginguye.”
\b
\q1
\v 5 Izihlenge zikubonile njalo ziyesaba;
\q2 imikhawulo yomhlaba iyathuthumela,
\q1 iyasondela ize ngaphambili;
\q2
\v 6 yilowo lalowo usiza omunye
\q2 athi kumfowabo, “Woba lesibindi!”
\q1
\v 7 Umbazi ukhuthaza umkhandi wegolide,
\q2 lalowo ololonga ngesando
\q2 utshotshozela otshaya ihandila.
\q1 Mayelana lokunusela uthi, “Kulungile.”
\q2 Ubethelela isithombe phansi
\q2 ngezipikili ukuze singawi.
\b
\q1
\v 8 “Kodwa wena we Israyeli, nceku yami,
\q2 Jakhobe, wena engikukhethileyo,
\q2 wena nzalo ka-Abhrahama, umngane wami,
\q1
\v 9 ngakuthatha emikhawulweni yomhlaba,
\q2 ngakubiza usemakhoneni akhatshana kakhulu.
\q1 Ngathi, ‘Wena uyinceku yami’;
\q2 ngikukhethile njalo angikulahlanga.
\q1
\v 10 Ngakho ungesabi, ngoba ngilawe;
\q2 ungakhathazeki, ngoba nginguNkulunkulu wakho.
\q1 Ngizakuqinisa, ngikusize;
\q2 ngizakusekela ngesandla sami sokudla esiqotho.
\b
\q1
\v 11 Bonke abakuthukutheleleyo,
\q2 ngoqotho bazayangeka babe lenhloni;
\q1 labo abakuphikisayo
\q2 bazakuba njengeze, babhubhe.
\q1
\v 12 Lanxa izitha zakho uzidinga,
\q2 awuyikuzithola.
\q1 Labo abalwa impi lawe
\q2 bazakuba yize.
\q1
\v 13 Ngoba mina \nd nginguThixo\nd* uNkulunkulu wakho,
\q2 okubamba ngesandla sakho sokudla
\q1 athi kuwe: Ungesabi;
\q2 ngizakusiza.
\q1
\v 14 Ungesabi, wena mpethu enguJakhobe,
\q2 wena Israyeli omncinyazana, ungesabi,
\q1 ngoba mina ngokwami
\q2 ngizakusiza,” kutsho \nd uThixo\nd*,
\q2 uMhlengi wakho, oNgcwele ka-Israyeli.
\q1
\v 15 “Khangela, ngizakwenza
\q2 ube yisileyi sokubhula esitsha
\q2 njalo esibukhali esilenhlendla ezinengi.
\q1 Uzabhula izintaba uzibhidlize.
\q2 Wenze amaqaqa abe ngamakhoba.
\q1
\v 16 Uzawahlungula, umoya uwathathe,
\q2 isavunguzane siwaphephulele khatshana.
\q1 Kodwa wena uzathokoza \nd kuThixo\nd*
\q2 njalo uzibule koNgcwele ka-Israyeli.
\b
\q1
\v 17 Abayanga labaswelayo badinga amanzi,
\q2 kodwa kawakho;
\q2 inlimi zabo sezitshile ngokoma.
\q1 Kodwa mina \nd Thixo\nd* ngizabaphendula;
\q2 mina, Nkulunkulu ka-Israyeli, angiyikubalahla.
\q1
\v 18 Ngizakwenza amanzi ageleze emiqolweni engelalutho
\q2 lemithombo phakathi kwezigodi.
\q1 Ngizaguqula inkangala ibe yiziziba zamanzi,
\q2 lomhlabathi owomileyo ube yimithombo yamanzi.
\q1
\v 19 Enkangala ngizamilisa khona
\q2 imisedari lemi-akhakhiya,
\q2 amamithili kanye lama-oliva.
\q1 Ogwaduleni ngizamisa izihlahla zamaphayini,
\q2 ndawonye lemifiri kanye lemisiphresi,
\q1
\v 20 ukuze abantu babone njalo bazi,
\q2 bacabange bazwisise
\q1 ukuthi isandla \nd sikaThixo\nd* yiso esenza lokhu,
\q2 lokuthi oNgcwele ka-Israyeli ukudalile.
\b
\q1
\v 21 Bikani indaba yenu,”
\q2 kutsho \nd uThixo\nd*.
\q1 “Bekani izizatho zenu,”
\q2 kutsho iNkosi kaJakhobe.
\q1
\v 22 “Lethani izithombe zenu
\q2 zisitshele okuzakwenzakala.
\q1 Sitsheleni izinto zendulo ukuthi zaziyini
\q2 ukuze sizihlole,
\q2 sazi isiphetho sazo.
\q1 Loba sitsheleni izinto ezizayo,
\q2
\v 23 lisazise okuqukethwe yizinsuku ezizayo,
\q2 ukuze sazi ukuthi lingonkulunkulu.
\q1 Yenzani okuthile, okuhle kumbe okubi,
\q2 ukuze sithuthumele, sibe lokwesaba.
\q1
\v 24 Kodwa lina liyize,
\q2 lemisebenzi yenu kayisilutho,
\q2 okhetha lina uyisinengiso.
\b
\q1
\v 25 Sengithukuthelise omunye enyakatho, njalo uyeza
\q2 omunye ovela empumalanga obiza ibizo lami.
\q1 Lowo unyathela phezu kwababusi
\q2 kube sengathi baludaka,
\q2 kube angathi ngumbumbi evoxa ibumba.
\q1
\v 26 Ngubani owabika lokhu kwasekuqaleni,
\q2 ukuze sazi,
\q1 kumbe ngaphambilini
\q2 ukuze sithi, ‘Wayeqinisile na’?
\q1 Kakho owabika ngalokhu,
\q2 kakho owakutsho ngaphambilini,
\q2 kakho owake wezwa amazwi aphuma kuwe.
\q1
\v 27 Mina yimi engaba ngowokuqala
\q2 ukutshela iZiyoni ukuthi,
\q2 ‘Khangela, nampa lapha!’
\q1 Nganika iJerusalema
\q2 isithunywa sezindaba ezinhle.
\q1
\v 28 Ngiyakhangela kodwa akulamuntu,
\q2 kakho phakathi kwabo onganika iseluleko,
\q2 kakho ongaphendula lapho ngibabuza.
\q1
\v 29 Khangela, bonke bayize!
\q2 Izenzo zabo kazisilutho;
\q1 izithombe zabo ezibunjiweyo
\q2 zingumoya lensambatheka.”
\c 42
\s1 Inceku \nd KaThixo\nd*
\q1
\v 1 “Nansi inceku yami engiyisekelayo,
\q2 okhethiweyo wami, engithokoza ngaye.
\q1 Ngizabeka umoya wami phezu kwakhe,
\q2 uzaletha ukulunga ezizweni.
\q1
\v 2 Kayikumemeza kumbe aklabalale,
\q2 loba aphakamise ilizwi lakhe emigwaqweni.
\q1
\v 3 Umhlanga ohluzukileyo akayikuwuquma,
\q2 lentambo yesibane etsha kancane akayikuyicima.
\q1 Ngokwethembeka uzaletha ukulunga;
\q2
\v 4 akayikudinwa kumbe ephulwe inhliziyo
\q1 aze alethe ukulunga emhlabeni.
\q2 Izihlenge zizakwethemba umthetho wakhe.”
\b
\q1
\v 5 Lokhu yikho okutshiwo nguNkulunkulu \nd uThixo\nd*,
\q1 yena owadala amazulu wawelula,
\q2 yena owendlala umhlaba lakho konke okuphuma kuwo,
\q2 yena onika abantu abakuwo ukuphefumula,
\q2 kuthi abahamba kuwo abanike ukuphila:
\q1
\v 6 “Mina, \nd uThixo\nd* ngikubizile ngokulunga;
\q2 ngizabamba isandla sakho.
\q1 Ngizakulondoloza
\q2 ngikwenze ube yisivumelwano sabantu
\q2 lokukhanya kwabeZizwe;
\q1
\v 7 uvule amehlo eziphofu,
\q2 ukhuphe abathunjiweyo entolongweni,
\q2 ubakhulule emigodini yezibotshwa labo abahlala emnyameni.
\b
\q1
\v 8 Mina \nd nginguThixo\nd*, lelo yilo ibizo lami!
\q2 Ubukhosi bami angiyikubunika omunye
\q2 loba nginike izithombe udumo lwami.
\q1
\v 9 Khangela, izinto zakuqala sezenzakele,
\q2 njalo ngimemezela izinto ezintsha;
\q1 zingakaveli ukuba zibe khona
\q2 ngiyakutshela ngazo.”
\s1 Ingoma Yokudumisa \nd UThixo\nd*
\q1
\v 10 Hlabelelani \nd uThixo\nd* ingoma entsha,
\q2 udumo lwakhe kusukela emikhawulweni yomhlaba,
\q1 lina eliya phansi olwandle, lakho konke okukulo,
\q2 lina zihlenge, labo bonke abahlala kini.
\q1
\v 11 Inkangala lamadolobho ayo kakuphakamise amazwi akho;
\q2 imizi uKhedari ahlala kuyo kayijabule.
\q1 Abantu baseSela kabahlabele ngentokozo;
\q2 kabaklabalale besezinqongweni zezintaba.
\q1
\v 12 Kabamdumise \nd uThixo\nd*,
\q2 amemezele udumo lwakhe ezihlengeni.
\q1
\v 13 \nd UThixo\nd* uzaphuma njengendoda elamandla,
\q2 njengebutho uzavuthela ukutshiseka kwakhe;
\q1 ngokuklabalala uzakhuza isaga sempi
\q2 azinqobe izitha zakhe.
\b
\q1
\v 14 “Bengithule okwesikhathi eside kakhulu,
\q2 bengithule ngizithiba.
\q1 Kodwa khathesi, njengowesifazane ebeletha,
\q2 ngiyakhala, ngiyakhefuzela ngiphefuzela.
\q1
\v 15 Ngizabhidliza izintaba lamaqaqa;
\q2 ngilomise lonke uhlaza lwabo;
\q1 ngizaphendula imifula ibe yizihlenge
\q2 ngomise lamachibi.
\q1
\v 16 Ngizakhokhela iziphofu ngezindlela ezingazaziyo,
\q2 ngizihole ngezindledlana ezingajwayelekanga.
\q1 Ngizaphendula umnyama ube yikukhanya phambi kwazo;
\q2 ngenze izindawo ezimakhilikithi zibe butshelezi.
\q1 Lezi yizo izinto engizazenza;
\q2 angiyikuziyekela.
\q1
\v 17 Kodwa labo abathemba izithombe,
\q2 abathi kuzifanekiso, ‘Lingonkulunkulu bethu,’
\q2 bazabuyiselwa emuva beyangeke impela.”
\s1 U-Israyeli Uyisiphofu Njalo Uyisacuthe
\q1
\v 18 “Zwanini, lina zacuthe;
\q2 khangelani, lina ziphofu, libone!
\q1
\v 19 Ngubani oyisiphofu ngaphandle kwenceku yami,
\q2 loyisacuthe njengesithunywa engisithumayo na?
\q1 Ngubani oyisiphofu njengalowo ozinikele kimi,
\q2 oyisiphofu njengenceku \nd kaThixo\nd* na?
\q1
\v 20 Selabona izinto ezinengi, kodwa kalinakanga;
\q2 indlebe zenu zivulekile, kodwa kalizwa lutho.”
\q1
\v 21 Kwamthokozisa \nd uThixo\nd*
\q2 ngenxa yokulunga kwakhe
\q2 ukuba akhulise umthetho wakhe ube mkhulu njalo ulodumo.
\q1
\v 22 Kodwa laba ngabantu abaphangiweyo bathunjwa;
\q2 bonke bavalelwe emiwolweni,
\q2 loba bafihlwa ezintolongweni.
\q1 Sebenziwe baba yimpahla yokuthunjwa,
\q2 kungela ozabasindisa;
\q1 sebephendulwe baba yinto yokuthunjwa
\q2 kungekho othi, “Babuyiseleni emuva.”
\b
\q1
\v 23 Ngubani wenu olalela lokhu,
\q2 kumbe asinake isikhathi esizayo na?
\q1
\v 24 Ngubani owanikela uJakhobe ukuba abe yinto yokuthunjwa
\q2 wanikela lo-Israyeli kubaphangi na?
\q1 Kwakungasuye \nd uThixo\nd*,
\q2 esamonelayo thina na?
\q1 Njengoba babengeke balandele izindlela zakhe;
\q2 kabalalelanga umthetho wakhe.
\q1
\v 25 Ngakho wathela ulaka lwakhe oluvuthayo phezu kwabo,
\q2 ukutshisa kwempi.
\q1 Wabamboza ngamalangabi, kodwa kabezwisisanga.
\q2 Wabaqothula, kodwa kabakhathalanga.
\c 43
\s1 UMsindisi Yedwa Ka-Israyeli
\q1
\v 1 Kodwa khathesi, nanku akutshoyo \nd uThixo\nd* uthi,
\q2 yena owakudalayo, wena Jakhobe,
\q2 yena owakubumbayo, wena Israyeli:
\q1 “Ungesabi, ngoba ngikuhlengile;
\q2 ngikubize ngebizo lakho; ungowami.
\q1
\v 2 Lapho udabula phakathi kwamanzi
\q2 ngizakuba lawe;
\q1 lalapho udabula emifuleni,
\q2 kayiyikukukhukhula.
\q1 Lapho uhamba phakathi komlilo, kawuyikutsha;
\q2 amalangabi kawayikukubhebhisa.
\q1
\v 3 Ngoba mina \nd nginguThixo\nd* uNkulunkulu wakho,
\q2 oNgcwele ka-Israyeli, uMsindisi wakho.
\q1 Ngizanikela iGibhithe njengenhlawulo yakho,
\q2 iKhushi leSebha ime esikhundleni sakho.
\q1
\v 4 Njengoba wena uligugu njalo udumile ebusweni bami,
\q2 futhi ngenxa yokuthi ngiyakuthanda,
\q1 ngizanikela abantu esikhundleni sakho,
\q2 labantu esikhundleni sempilo yakho.
\q1
\v 5 Ungesabi, ngoba ngilawe;
\q2 ngizakulethela inzalo yakho ivela empumalanga
\q2 ngikubuthe kusukela entshonalanga.
\q1
\v 6 Ngizakutsho kuyo inyakatho ngithi, ‘Bakhulule!’
\q2 Ngitsho kuyo iningizimu ngithi, ‘Ungabagodli.’
\q1 Buyisani amadodana ami
\q2 akude lamadodakazi ami asemikhawulweni yomhlaba,
\q1
\v 7 wonke umuntu obizwa ngebizo lami,
\q2 engamdalela udumo lwami,
\q2 engambumbayo, ngamenza.”
\b
\q1
\v 8 Phumani lalabo abayiziphofu amehlo belawo,
\q2 abayizacuthe indlebe belazo.
\q1
\v 9 Izizwe zonke kaziqoqane ndawonye
\q2 labantu babuthane.
\q1 Nguphi wabo owaphrofitha lokhu
\q2 wamemezela kithi ngezinto zendulo?
\q1 Kabalethe ofakazi babo babonakalise ukuthi baqinisile,
\q2 ukuze abanye bezwe, batsho bathi, “Kuqotho.”
\q1
\v 10 \nd UThixo\nd* uthi, “Lina lingofakazi bami,
\q2 lenceku zami engizikhethileyo,
\q1 ukuze lazi, likholwe kimi,
\q2 njalo lizwisise ukuthi mina nginguye.
\q1 Ngaphambi kwami kakho unkulunkulu owake wabakhona,
\q2 njalo kakho ozakuba khona emva kwami.
\q1
\v 11 Mina, mina uqobo, \nd nginguThixo\nd*,
\q2 ngaphandle kwami kakho omunye umsindisi.
\q1
\v 12 Ngivezile ngasindisa, ngamemezela, mina ngokwami,
\q2 hatshi unkulunkulu wezizweni ophakathi kwenu.
\q1 Lingofakazi bami, ngokuthi mina yimi uNkulunkulu”
\q2 kutsho \nd uThixo\nd*.
\q2
\v 13 “Ye, kusukela ensukwini zasendulo nginguye.
\q1 Kakho ongakhulula esandleni sami.
\q2 Lapho ngisenza, ngubani ongakuguqula na?”
\s1 Umusa KaNkulunkulu Lokungathembeki Kuka-Israyeli
\q1
\v 14 Lokhu yikho okutshiwo \nd nguThixo\nd*,
\q2 uMhlengi wenu, oNgcwele ka-Israyeli, uthi,
\q1 “Ngenxa yenu ngizathumela impi eBhabhiloni
\q2 ilethe bonke abaseBhabhiloni,
\q2 njengeziphepheli ngemikhumbi ababezigqaja ngayo.
\q1
\v 15 Mina \nd nginguThixo\nd*, oNgcwele wenu,
\q2 uMdali ka-Israyeli, iNkosi yenu.”
\b
\q1
\v 16 Nanku akutshoyo \nd uThixo\nd*,
\q2 yena owenza indlela olwandle
\q2 lomkhondo emanzini alamandla,
\q1
\v 17 yena owakhupha izinqola zempi lamabhiza,
\q2 ibutho, lamanye awokuliqinisa endawonye;
\q1 njalo lalala lapho, kalaze lavuka futhi;
\q2 licitshe, liqunywe njengentambo yesibane:
\q1
\v 18 “Khohlwani izinto zamandulo,
\q2 linganakani ngosekwedlulayo.
\q1
\v 19 Khangelani, ngenza okutsha!
\q2 Khathesi kuyavela ngokuphangisa; kalikuboni na?
\q1 Ngenza indlela enkangala
\q2 lezifula ogwaduleni.
\q1
\v 20 Izinyamazana zeganga ziyangidumisa;
\q2 amakhanka lezikhova,
\q1 ngoba ngenza kube lamanzi enkangala
\q2 lezifula ogwaduleni
\q1 ukuze nginathise abantu abakhethiweyo,
\q2
\v 21 abantu engazenzela bona
\q2 ukuba bangidumise.
\b
\q1
\v 22 Kodwa kawukhalazanga kimi wena Jakhobe,
\q2 kodwa ukhathele ngami wena Israyeli.
\q1
\v 23 Kawungilethelanga izimvu zomnikelo wokutshiswa,
\q2 kumbe wangidumisa ngemihlatshelo yakho.
\q1 Angikuhluphanga ngeminikelo yamabele
\q2 kumbe ngakudinisa ngokufuna impepha.
\q1
\v 24 Kawungithengelanga amakha ekhane anuka mnandi,
\q2 kumbe wangisuthisa ngamahwahwa emihlatshelo yakho.
\q1 Kodwa ungikhathazile ngezono zakho
\q2 njalo wangidinisa ngezinengiso zakho.
\b
\q1
\v 25 Mina, mina uqobo, nginguye owesula
\q2 iziphambeko zakho ngenxa yami,
\q2 ngingabe ngisazikhumbula futhi izono zakho.
\q1
\v 26 Ngikhumbuza ngesikhathi esedlulayo,
\q2 sibonisane ngaleyondaba
\q2 ulandise ngoba msulwa kwakho.
\q1
\v 27 Ukhokho wakho wokuqala wona;
\q2 labakhulumeli bakho bangihlamukela.
\q1
\v 28 Ngakho izikhulu zethempelini lakho ngizaziyangisa;
\q2 nginikele uJakhobe ekubhujisweni
\q2 lo-Israyeli ekweyisweni.”
\c 44
\s1 U-Israyeli Okhethiweyo
\q1
\v 1 “Kodwa khathesi lalela, wena Jakhobe,
\q2 nceku yami, Israyeli, engikukhethileyo.
\q1
\v 2 Nanku akutshoyo \nd uThixo\nd*,
\q2 yena owakwenzayo, owakubumba esiswini,
\q2 njalo yena ozakusiza, uthi:
\q1 Ungesabi, wena Jakhobe, nceku yami,
\q2 Jeshuruni engikukhethileyo.
\q1
\v 3 Ngoba ngizathela amanzi elizweni elomileyo,
\q2 lezifula emhlabathini owomileyo.
\q1 Ngizathela uMoya wami phezu kwenzalo yakho
\q2 lezibusiso zami phezu kwezizukulwane zakho.
\q1
\v 4 Zizahluma njengotshani emadlelweni,
\q2 lanjengeminyezane ezifuleni ezigelezayo.
\q1
\v 5 Omunye uzakuthi, ‘Mina \nd ngingokaThixo\nd*’;
\q2 lomunye azibize ngebizo likaJakhobe;
\q1 omunye laye uzaloba esandleni sakhe ukuthi, ‘\nd OkaThixo\nd*,’
\q2 azinike ibizo lika-Israyeli.”
\s1 \nd UThixo\nd* Hatshi Izithombe
\q1
\v 6 “Nanku akutshoyo \nd uThixo\nd*,
\q2 iNkosi loMhlengi ka-Israyeli, \nd uThixo\nd* uSomandla:
\q1 Mina ngingowokuqala njalo ngingowokucina;
\q2 ngaphandle kwami kakho uNkulunkulu.
\q1
\v 7 Pho ngubani onjengami? Kakumemezele lokho.
\q2 Katsho, achaze phambi kwami
\q1 okwenzakalayo kusukela ekubekeni kwami abantu bami bendulo;
\q2 akutsho lokuzakwenzakala;
\q2 yebo, kakuqambe okuzayo.
\q1
\v 8 Lingaqhaqhazeli, lingesabi.
\q2 Lokhu angikutshongo ngabika ngakho kudala na?
\q1 Lina lingofakazi bami. Kulomunye uNkulunkulu ngaphandle kwami na?
\q2 Hatshi, kalikho elinye iDwala; kalikho engilaziyo.”
\b
\q1
\v 9 Bonke abenza izithombe kabasilutho,
\q2 lezinto abaziqakathekisayo ziyize.
\q1 Labo abangabakhulumela bayiziphofu,
\q2 kabazi lutho, kulihlazo kubo.
\q1
\v 10 Ngubani obaza unkulunkulu abumbe isithombe,
\q2 okungeke kumsize ngalutho?
\q1
\v 11 Yena labanjengaye bazayangiswa;
\q2 izingcitshi kazisilutho, ngabantu nje.
\q1 Kaziqoqane zonke zime ndawonye;
\q2 bazakuba lokwesaba kanye lehlazo.
\b
\q1
\v 12 Umkhandi uthatha insimbi
\q2 ayifake emalahleni;
\q1 enze isithombe ngezando,
\q2 asikhande ngengalo yakhe elamandla.
\q1 Uyalamba aphelelwe ngamandla.
\q2 Anganathi manzi, amandla aphele.
\q1
\v 13 Umbazi welula intambo yokulinganisa
\q2 asidwebe ngosungulo,
\q1 asibaze ngetshizela,
\q2 asidwebe ngensimbi ecijileyo,
\q1 abaze umfanekiso womuntu,
\q2 umuntu olobuhle bonke,
\q2 ukuba sihlale endlini yokukhonzela.
\q1
\v 14 Ugamula isihlahla somsedari,
\q2 loba athathe umsayiphresi kumbe umʼOkhi.
\q1 Uyasikhulisa phakathi kwezihlahla zegusu,
\q2 kumbe ahlanyele iphayini, izulu lisikhulise.
\q1
\v 15 Lapho-ke siba zinkuni zomuntu zokubasa;
\q2 okunye kwaso uyathatha othe,
\q2 ubasa umlilo abhekhe izinkwa.
\q1 Kodwa, njalo, wenza unkulunkulu amkhonze;
\q2 abaze isithombe asikhothamele.
\q1
\v 16 Ingxenye yezinkuni ubasa ngayo umlilo,
\q2 apheke ngawo ukudla kwakhe.
\q2 Ose inyama yakhe adle asuthe.
\q1 Njalo uyotha umlilo athi,
\q2 “Ha! Ngiyafudumala;
\q2 ngiyawubona umlilo.”
\q1
\v 17 Ngeziseleyo wenza unkulunkulu,
\q2 isithombe sakhe; uyasikhothamela, asikhonze.
\q1 Uyakhuleka kuso athi,
\q2 “Ngisindisa, ungunkulunkulu wami.”
\q1
\v 18 Kabazi lutho, kabaqedisisi lutho;
\q2 amehlo abo abhadiwe ukuze bangaboni
\q2 lezingqondo zabo zivalekile ukuze bangaqedisisi.
\q1
\v 19 Kakho oke ame acabange,
\q2 kakho olokwazi loba ukuzwisisa ukuba athi,
\q1 “Ingxenye yazo ngabasa ngayo umlilo;
\q2 ngaze ngabhekha izinkwa emalahleni awo,
\q2 ngosa inyama ngayidla.
\q1 Ngokuseleyo ngizakwenza into enengisayo na?
\q2 Ngizasikhothamela na isigodo nje?”
\q1
\v 20 Udla umlotha, inhliziyo ekhohlisekileyo iyamlahla,
\q2 angeke azihlenge, kumbe athi,
\q2 “Into le esesandleni sami sokudla kayisimanga na?”
\b
\q1
\v 21 “Khumbula lezizinto, wena Jakhobe,
\q2 ngoba uyinceku yami, wena Israyeli.
\q1 Ngakubumba, uyinceku yami;
\q2 wena Israyeli, angiyikukukhohlwa.
\q1
\v 22 Ngesule iziphambeko zakho njengeyezi,
\q2 ngesula izono zakho njengenkungu yekuseni.
\q1 Buyela kimi,
\q2 ngoba ngikuhlengile.”
\b
\q1
\v 23 Hlabelelani ngentokozo, lina mazulu,
\q2 ngoba \nd uThixo\nd* usekwenzile lokhu;
\q2 hlaba umkhosi, wena mhlaba ngaphansi.
\q1 Tshayani ingoma lina zintaba,
\q2 lina mahlathi lazozonke izihlahla zenu,
\q1 ngoba \nd uThixo\nd* usemhlengile uJakhobe,
\q2 ubonakalisa udumo lwakhe ko-Israyeli.
\s1 Kuzahlalwa EJerusalema
\q1
\v 24 “Nanku akutshoyo \nd uThixo\nd*,
\q2 uMhlengi wakho, owakubumbayo esiswini:
\b
\q1 Mina \nd nginguThixo\nd*,
\q2 owenza izinto zonke,
\q2 owenza amazulu eyedwa,
\q2 owendlala umhlaba eyedwa,
\q1
\v 25 ofubisa izibonakaliso zabaphrofethi bamanga,
\q2 enze izanuse zibe yizithutha,
\q1 ochitha ulwazi lwezihlakaniphi
\q2 alwenze lube yibuthutha,
\q1
\v 26 ofeza amazwi ezinceku zakhe
\q2 aphelelise amacebo ezithunywa zakhe.
\b
\q1 Athi kulo iJerusalema, ‘Kuzahlalwa kulo,’
\q2 ngamadolobho akoJuda athi, ‘Azakwakhiwa.’
\q2 Ngamanxiwa awo uthi, ‘Ngizawavusa,’
\q1
\v 27 athi enzikini yamanzi, ‘Cima,
\q2 ngizakomisa izifula zakho,’
\q1
\v 28 athi ngoKhurosi, ‘Ungumelusi wami,
\q2 uzafeza konke engikufunayo;
\q1 uzakuthi ngeJerusalema, “Kalakhiwe futhi,”
\q2 ngethempeli athi, “Izisekelo zalo kazakhiwe.” ’ ”
\b
\b
\c 45
\q1
\v 1 “Nanku akutshoyo \nd uThixo\nd* kogcotshiweyo wakhe,
\q2 uKhurosi, engibamba isandla sakhe sokudla
\q1 ukuba nginqobe izizwe eziphambi kwakhe,
\q2 ngithathele amakhosi izihlangu zawo,
\q1 ngivule iminyango phambi kwakhe
\q2 ukuze amasango angavaleki:
\q1
\v 2 Ngizahamba phambi kwakho
\q2 ngenze izintaba zendlaleke.
\q1 Ngizadiliza amasango ethusi,
\q2 ngifohle emigoqweni yensimbi.
\q1
\v 3 Ngizakupha inotho yobumnyama,
\q2 lenotho egcinwe ezindaweni ezifihlakeleyo
\q1 ukuze wazi ukuthi mina \nd nginguThixo\nd*,
\q2 uNkulunkulu ka-Israyeli, okubiza ngebizo.
\q1
\v 4 Ngenxa kaJakhobe inceku yami,
\q2 lo-Israyeli okhethiweyo wami,
\q1 ngikubiza ngebizo
\q2 ngikunike ibizo lokuhlonipha,
\q2 lanxa wena unganginakanga.
\q1
\v 5 Mina \nd nginguThixo\nd*, njalo kakho omunye;
\q2 ngaphandle kwami akulaNkulunkulu.
\q1 Ngizakuqinisa,
\q2 lanxa wena unganginakanga,
\q1
\v 6 ukuze kuthi kusukela empumalanga
\q2 kusiya entshonalanga,
\q1 abantu bakwazi ukuthi kakho omunye ngaphandle kwami.
\q2 Mina \nd nginguThixo\nd*, njalo kakho omunye.
\q1
\v 7 Ngenza ukukhanya njalo ngidale umnyama,
\q2 ngiletha ukuphumelela njalo ngidale incithakalo;
\q2 mina \nd Thixo\nd* ngiyazenza zonke lezizinto.
\b
\q1
\v 8 Lina mazulu angaphezulu, nisani ukulunga;
\q2 amayezi kawakuthululele phansi.
\q1 Umhlaba kawuvuleke kabanzi
\q2 kuhlume ukusindiswa,
\q1 ukulunga akukhule lakho;
\q2 mina, \nd uThixo\nd*, ngikudalile.
\b
\q1
\v 9 Maye kulowo ophikisa uMdali wakhe,
\q2 kulowo oludengezi nje
\q2 phakathi kwendengezi emhlabathini.
\q1 Ibumba liyatsho na kumbumbi lithi,
\q2 ‘Kuyini okubumbayo?’
\q1 Umsebenzi wakho uyatsho na uthi,
\q2 ‘Kalazandla?’
\q1
\v 10 Maye kulowo othi kuyise,
\q2 ‘Kuyini owakuzalayo?’
\q1 loba athi kunina,
\q2 ‘Kuyini owakubelethayo?’
\b
\q1
\v 11 Nanku okutshiwo \nd nguThixo\nd*,
\q2 oNgcwele ka-Israyeli, loMdali wakhe uthi:
\q1 Mayelana lezinto ezizayo,
\q2 uyangibuza ngabatwabami na,
\q2 loba uyangilawula emsebenzini engiwenzayo na?
\q1
\v 12 Yimi engadala umhlaba,
\q2 ngenza labantu abahlala kuwo.
\q1 Ezami izandla yizo ezananabula amazulu;
\q2 ngahlela amaxuku ezinkanyezi zawo.
\q1
\v 13 Ngizamvusa uKhurosi ngokulunga kwami,
\q2 ngenze izindlela zakhe zonke ziqonde.
\q1 Uzalakha futhi idolobho lami,
\q2 akhulule abami abaxotshwayo elizweni,
\q1 kodwa kungekho nhlawulo kumbe umvuzo,
\q2 kutsho \nd uThixo\nd* uSomandla.”
\p
\v 14 Nanku akutshoyo \nd uThixo\nd*:
\q1 “Izithelo zaseGibhithe lempahla ethengiswayo yaseKhushi
\q2 lamaSebhina lawana amade,
\q1 bazakuza kuwe
\q2 babengabakho,
\q1 bazakhasabula ngemva kwakho,
\q2 beze kuwe bebotshwe ngamaketane.
\q1 Bazakukhothamela
\q2 bakuncenge besithi,
\q1 ‘Ngempela uNkulunkulu ulawe, kakho omunye,
\q2 kakho omunye uNkulunkulu.’ ”
\b
\q1
\v 15 Ngeqiniso unguNkulunkulu ozifihlayo,
\q2 Nkulunkulu loMsindisi ka-Israyeli.
\q1
\v 16 Bonke ababaza izithombe bazayangiswa badumazeke;
\q2 bonke bazahamba beyangekile.
\q1
\v 17 Kodwa u-Israyeli uzasindiswa \nd nguThixo\nd*
\q2 ngensindiso engapheliyo;
\q1 kaliyikuyangiswa kumbe libe lehlazo
\q2 kuze kube nininini.
\b
\q1
\v 18 Ngoba nanku okutshiwo \nd nguThixo\nd*
\q1 yena owadala amazulu,
\q2 unguNkulunkulu,
\q1 yena owabumba umhlaba wawenza,
\q2 wawusekela;
\q1 kawudalanga ukuba ungabi lalutho,
\q2 kodwa wawenza ukuba kuhlalwe kuwo,
\q1 uthi:
\q1 “Mina \nd nginguThixo\nd*,
\q2 kakho omunye.
\q1
\v 19 Angikhulumanga ensitha
\q2 kwenye indawo elizweni lomnyama;
\q1 angizange ngithi kuzizukulwane zikaJakhobe,
\q2 ‘Ngidingani lingangitholi.’
\q1 Mina \nd Thixo\nd* ngikhuluma iqiniso;
\q2 ngitsho okuqotho.
\b
\q1
\v 20 Qoqanani ndawonye lize kimi;
\q2 buthanani lina elabaleka ezizweni.
\q1 Labo abahamba bethwele izithombe zezigodo kabazi lutho;
\q2 labo abakhuleka kubonkulunkulu abangeke babasize.”
\q1
\v 21 Memezelani okufanele kube yikho, likubike,
\q2 kabemukele izeluleko ndawonye.
\q1 Ngubani owabika lokhu endulo,
\q2 ngubani owamemezela ngakho kudala le?
\q1 Kwakungayisimi mina \nd Thixo\nd* na?
\q2 Njalo kakho uNkulunkulu ngaphandle kwami,
\q1 uNkulunkulu olungileyo onguMsindisi;
\q2 kakho omunye, yimi kuphela.
\b
\q1
\v 22 “Phendukelani kimi lisindiswe,
\q2 lonke lina mikhawulo yomhlaba;
\q1 ngoba mina nginguNkulunkulu,
\q2 njalo kakho omunye.
\q1
\v 23 Ngifunge ngami,
\q2 ngobuqotho bonke
\q2 umlomo wami ukhulume ilizwi elingayikwesulwa.
\q1 Amadolo wonke azaguqa phambi kwami;
\q2 izindimi zonke zizafunga ngami.
\q1
\v 24 Zizakutsho ngami zithi, ‘Ukulunga lamandla
\q2 \nd kuThixo\nd* kuphela.’ ”
\q1 Bonke abamthukuthelelayo
\q2 bazakuza kuye bayangiswe.
\q1
\v 25 Kodwa \nd Thixo\nd* yonke inzalo
\q2 ka-Israyeli izafunyanwa ilungile,
\q2 ithokoze iziqhenya ngaye.
\c 46
\s1 Onkulunkulu BaseBhabhiloni
\q1
\v 1 UBheli uyakhothama, uNebho uyaguqa;
\q2 izithombe zabo zithwelwe yizifuyo zokuthwala.
\q1 Izifanekiso ezithwelweyo ziyasinda,
\q2 umthwalo osindayo kodiniweyo.
\q1
\v 2 Bayakhothama baguqe ndawonye;
\q2 benganelisi ukuhlenga umthwalo,
\q2 labo uqobo baya khona ekuthunjweni.
\b
\q1
\v 3 “Ngilalela wena ndlu kaJakhobe,
\q2 lonke lina eliseleyo abendlu ka-Israyeli,
\q1 lina engalisekelayo selokhu lemulwayo,
\q2 ngalithwala selokhu lazalwayo.
\q1
\v 4 Lasebudaleni benu, inwele zenu sezimhlophe,
\q2 mina nginguye, nginguye ozaliqinisa.
\q1 Sengilenzile njalo ngizalithwala;
\q2 ngizaliqinisa ngilihlenge.
\b
\q1
\v 5 Ngubani elingangilinganisa laye kumbe limbale njengolingana lami na?
\q2 Ngubani elingangifananisa laye ukuba siqathaniswe na?
\q1
\v 6 Abanye bathulula igolide emigodleni yabo
\q2 balinganise isiliva ezikalini;
\q1 baqhatshe abakhandi begolide ukuba benze unkulunkulu ngalo,
\q2 bakhothame, bamkhonze.
\q1
\v 7 Bayamphakamisela emahlombe abo bamthwale;
\q2 bayambeka endaweni yakhe, ame khonapho.
\q2 Angeke asuke kuleyondawo.
\q1 Lanxa umuntu ememeza, kaphenduli;
\q2 angeke amsize ekuhluphekeni kwakhe.
\b
\q1
\v 8 Khumbulani lokhu, likufake ezingqondweni zenu,
\q2 kukhumbuleni lina bahlamuki.
\q1
\v 9 Khumbulani izinto zakuqala ezendulo.
\q2 Mina nginguNkulunkulu,
\q1 kakho omunye; mina nginguNkulunkulu,
\q2 kakho onjengami.
\q1
\v 10 Mina ngenza isiphetho sazakale
\q2 kusukela ekuqaleni lokuzakwenzakala,
\q2 kusukela ezikhathini zasendulo.
\q1 Ngithi: ‘Injongo yami izakuma kokuphela,
\q2 njalo ngizakwenza konke engikufunayo.’
\q1
\v 11 Empumalanga ngibiza inyoni edla ezinye;
\q2 elizweni elikhatshana ngibiza umuntu
\q2 ukuba afeze injongo yami.
\q1 Lokho engikutshiloyo ngizakufeza;
\q2 lokho engikucebileyo ngizakwenza.
\q1
\v 12 Ngilalelani lina elilezinhliziyo ezilukhuni,
\q2 lina elikhatshana lokulunga.
\q1
\v 13 Ngiletha ukulunga kwami eduzane,
\q2 akukho khatshana;
\q2 lokusindisa kwami akuyikuphuziswa.
\q1 IZiyoni ngizayinika ukusindiswa,
\q2 u-Israyeli inkazimulo yami.”
\c 47
\s1 Ukuwa KweBhabhiloni
\q1
\v 1 “Yehla uhlale othulini
\q2 Ndodakazi emsulwa yaseBhabhiloni,
\q1 hlala emhlabathini ungelasihlalo sobukhosi,
\q2 ndodakazi yamaBhabhiloni.
\q1 Akusayikuthiwa
\q2 ubuthakathaka loba kuthiwe uthambile.
\q1
\v 2 Thatha amatshe okuchola uchole impuphu;
\q2 ukhuphe isimbombozo sakho.
\q1 Phakamisa izidwaba zakho, uveze imilenze yakho,
\q2 ugxabhaze udabule ezifuleni.
\q1
\v 3 Ubunqunu bakho buzavezwa,
\q2 ihlazo lakho lambuleke.
\q1 Ngizaphindisela,
\q2 kakho engizamyekela.”
\b
\q1
\v 4 Umhlengi wethu \nd uThixo\nd* uSomandla libizo lakhe
\q2 ungoNgcwele ka-Israyeli.
\b
\q1
\v 5 “Hlala ngokuthula, yana emnyameni,
\q2 ndodakazi yamaKhaladiya;
\q1 awuyikubizwa ngokuthi
\q2 ndlovukazi yemibuso futhi.
\q1
\v 6 Ngabathukuthelela abantu bami,
\q2 ngangcolisa ilifa lami,
\q1 ngabanikela ezandleni zakho,
\q2 kawaze waba lesihawu kubo.
\q1 Lasebeluphele,
\q2 wabethesa ijogwe elinzima.
\q1
\v 7 Wathi, ‘Ngizaqhubeka kokuphela
\q2 ngiyindlovukazi nini lanini.’
\q1 Kodwa kawuzinakanga lezizinto,
\q2 kumbe unakane ngokungenzakala.
\b
\q1
\v 8 Khathesi-ke lalela, wena sidalwa esingazibekanga,
\q2 wena ocambaleleyo uvikelekile
\q1 usithi ngenhliziyo yakho,
\q2 ‘Mina yimi, njalo kakho omunye ngaphandle kwami,
\q1 angisoze ngaba ngumfelokazi
\q2 kumbe ngifelwe ngabantwana.’
\q1
\v 9 Kodwa lokhu kokubili kuzakwehlela
\q2 ngokuphangisa, ngasuku lunye
\q2 ukufelwa ngabantwana lobufelokazi.
\q1 Lokhu kuzakwehlela phezu kwakho ngokugcweleyo,
\q2 bungakhathelekile ubuthakathi bakho
\q2 layo yonke imilingo yakho elamandla.
\q1
\v 10 Wethembele ebubini bakho,
\q2 njalo watsho wathi, ‘Kakho ongibonayo.’
\q1 Inhlakanipho yakho lolwazi lwakho kuyakukhohlisa
\q2 lapho usithi kuwe,
\q2 ‘Mina yimi, njalo kakho omunye ngaphandle kwami.’
\q1
\v 11 Incithakalo izakwehlela phezu kwakho,
\q2 njalo awuyikwazi ukuyivikela ngemilingo.
\q1 Umonakalo uzakwehlela phezu kwakho,
\q2 ongeke uwuvimbe ngenhlawulo,
\q1 lengozi ongeke uyikhumbulele
\q2 izakujuma.
\b
\q1
\v 12 Qhubeka-ke ngemilingo yakho,
\q2 langobuthakathi bakho obunengi
\q2 okusebenza kusukela ebantwaneni bakho.
\q1 Mhlawumbe uzaphumelela,
\q2 kumbe njalo wenze kube lokwesaba.
\q1
\v 13 Zonke izeluleko owazitholayo zikucobile.
\q2 Izazi zezinkanyezi kazisondele,
\q1 labahloli bezinkanyezi ababika ngokuzakwenzakala inyanga ngenyanga.
\q2 Kabakuhlenge kulokhu okuzakwehlela.
\q1
\v 14 Impela banjengamahlanga;
\q2 umlilo uzabatshisa futhi
\q1 bangeke bazihlenga
\q2 emandleni amalangabi.
\q1 Lapha akulamalahle okothiwa ngumuntu;
\q2 lapha akulamlilo wokotha.
\q1
\v 15 Lokho yikho abangakwenzela khona
\q2 labo owasebenza labo,
\q2 uthengiselana labo kusukela ebuntwaneni.
\q1 Omunye lomunye wabo uyaqhubeka ngesiphosiso sakhe;
\q2 kakho ongakusindisa.”
\c 48
\s1 U-Israyeli Oyisiqholo
\q1
\v 1 “Zwana lokhu, wena ndlu kaJakhobe,
\q2 lina elibizwa ngebizo lika-Israyeli
\q2 elingabosendo lukaJuda,
\q1 lina elifunga \nd ngoThixo\nd*,
\q2 licele usizo kuNkulunkulu ka-Israyeli,
\q2 kodwa kungasingeqiniso loba ngokulunga,
\q1
\v 2 lina elibizwa ngokuthi lingabasedolobheni elingcwele,
\q2 lethembe uNkulunkulu ka-Israyeli,
\q2 \nd uThixo\nd* uSomandla yilo ibizo lakhe:
\q1
\v 3 Ngamemezela ngezinto zakuqala endulo,
\q2 ngazitsho ngomlomo wami, ngazenza zazakala.
\q2 Ngazenza ngokuphangisa, zahle zenzakala.
\q1
\v 4 Ngoba ngangikwazi ukuthi ulenkani,
\q2 imisipha yentamo yakho zinsimbi,
\q2 ibunzi lakho lithusi.
\q1
\v 5 Ngakho-ke ngakutsho kudala ngalezizinto,
\q2 ngakwazisa ngazo zingakenzakali
\q1 ukuze wena ungaze wathi,
\q2 ‘Izithombe zami yizo ezazenzayo;
\q2 izithixo zami zezigodo lonkulunkulu wensimbi yibo abakumisayo.’
\q1
\v 6 Usuzizwile lezizinto; zikhangele zonke.
\q2 Awuyikuzivuma na?
\b
\q1 Kusukela khathesi ngizakutshela ngezinto ezintsha,
\q2 izinto ezifihlakeleyo wena ongazaziyo.
\q1
\v 7 Zidalwe khathesi nje, hatshi endulo;
\q2 awuzange uzwe ngazo mandulo.
\q1 Ngakho awungeke uthi,
\q2 ‘Yebo, kade ngizazi.’
\q1
\v 8 Kawuzange uzwe kumbe uqedisise;
\q2 kusukela endulo indlebe yakho ibingavulekanga.
\q1 Ngikwazi kuhle ukuthi wena uyingozi;
\q2 kwathiwa ungumhlamuki kusukela ekuzalweni kwakho.
\q1
\v 9 Ngenxa yebizo lami, ngiyaluphuzisa ulaka lwami;
\q2 ngenxa yodumo lwami ngiyalubamba ukuba lungehleli kuwe,
\q2 ukuze ngingakubhubhisi.
\q1
\v 10 Khangela, ngikulungisile lanxa kunganjengesiliva;
\q2 ngikuhlole emlilweni wokuhlupheka.
\q1
\v 11 Ngenxa yami, ngenxa yami, ngenza lokhu.
\q2 Ngingavuma njani ukuba ibizo lami ligconwe na?
\q2 Angiyikunika omunye udumo lwami.”
\s1 U-Israyeli Ukhululwe
\q1
\v 12 “Ngilalela wena Jakhobe,
\q2 Israyeli, engikubizileyo:
\q1 Mina nginguye;
\q2 ngingowokuqala njalo ngingowokucina.
\q1
\v 13 Isandla sami sabeka izisekelo zomhlaba,
\q2 isandla sami sokudla sendlala amazulu;
\q1 lapho ngikubiza,
\q2 kuyasukuma konke kanyekanye.
\b
\q1
\v 14 Buthanani ndawonye lonke lilalele:
\q2 Yisiphi sezithombe esamemezela ngalezizinto ngaphambilini na?
\q1 Umsekeli \nd kaThixo\nd* okhethiweyo
\q2 uzafeza inhloso yakhe yokuhlasela amaKhaladiya;
\q2 ingalo yakhe izamelana lamaKhaladiya.
\q1
\v 15 Mina, mina ngokwami, sengikhulumile;
\q2 yebo ngimbizile.
\q1 Ngizamletha,
\q2 njalo uzaphumelela kuyo inhloso yakhe.
\p
\v 16 Sondelani kimi lizwe lokhu:
\q1 Kusukela esimemezelweni sakuqala angikhulumelanga ensitha;
\q2 lapho kusenzakala, mina ngikhona.”
\b
\q1 Khathesi \nd uThixo\nd* Wobukhosi ungithumile
\q2 ngoMoya wakhe.
\b
\q1
\v 17 Nanku \nd uThixo\nd* akutshoyo,
\q2 uMhlengi wakho, oNgcwele ka-Israyeli:
\q1 “Mina \nd nginguThixo\nd* uNkulunkulu wakho,
\q2 okufundisa lokho okuhle kakhulu kuwe,
\q2 ekutshengisa indlela okumele uhambe ngayo.
\q1
\v 18 Aluba wawulalele imilayo yami nje,
\q2 ukuthula kwakho kwakuzakuba njengomfula,
\q2 ukulunga kwakho kunjengamagagasi olwandle.
\q1
\v 19 Inzalo yakho yayizakuba ngangetshebetshebe,
\q2 abantwabakho babe ngangezinhlamvu zalo ezingeke zibalwe;
\q1 ibizo labo belingayikwesulwa
\q2 kumbe lidilizwe phambi kwami.”
\b
\q1
\v 20 Sukani eBhabhiloni,
\q2 libalekele amaBhabhiloni!
\q1 Bikani lokhu lihlaba umkhosi ngentokozo
\q2 njalo likumemezele.
\q1 Kufikiseni emikhawulweni yomhlaba;
\q2 lithi, “\nd UThixo\nd* uyihlengile inceku yakhe uJakhobe.”
\q1
\v 21 Kabomanga ekubaholeni kwakhe bedabula ezinkangala;
\q2 wabenzela amanzi agelezayo ephuma edwaleni,
\q1 wadabula idwala
\q2 amanzi ampompoza.
\b
\q1
\v 22 \nd UThixo\nd* uthi, “Akukho ukuthula kwababi.”
\c 49
\s1 Inceku \nd KaThixo\nd*
\q1
\v 1 Ngilalelani lina zihlenge;
\q2 zwanini lokhu lina zizwe ezikude:
\q1 \nd uThixo\nd* wangibiza ngingakazalwa;
\q2 kusukela ekuzalweni kwami ubelitsho ibizo lami.
\q1
\v 2 Wenza umlomo wami waba njengenkemba eloliweyo,
\q2 wangifihla emthunzini wesandla sakhe.
\q1 Wangenza ngaba ngumtshoko ololiweyo,
\q2 wangifihla emxhakeni wakhe wemitshoko.
\q1
\v 3 Wathi kimi, “Wena Israyeli uyinceku yami,
\q2 engizabonakalisa inkazimulo yami ngayo.”
\q1
\v 4 Kodwa mina ngathi, “Mina ngisebenzele ize;
\q2 amandla ami ngiwachithele ize lobala,
\q1 ikanti okufanele mina kusesandleni \nd sikaThixo\nd*,
\q2 lomvuzo wami ukuNkulunkulu.”
\b
\q1
\v 5 Khathesi \nd uThixo\nd* uthi,
\q2 yena owangibumbayo esiswini ukuba ngibe yinceku yakhe
\q1 ukuze ngibuyisele uJakhobe
\q2 kuye lokuqoqela u-Israyeli kuye,
\q1 ngoba ngiphakanyisiwe emehlweni \nd kaThixo\nd*
\q2 njalo uNkulunkulu wami ubengamandla ami
\q1
\v 6 uthi:
\q1 “Kuyinto encane kakhulu kuwe ukuba yinceku yami
\q2 ukuze uvuselele izizwe zikaJakhobe
\q2 ubuyise labako-Israyeli engibalondolozileyo.
\q1 Ngizakwenza ube yikukhanya kwabeZizwe,
\q2 ukuze ufikise usindiso lwami emikhawulweni yomhlaba.”
\b
\q1
\v 7 Nanku okutshiwo \nd nguThixo\nd*,
\q2 uMhlengi loNgcwele ka-Israyeli,
\q1 utsho kuye oweyiswa, wenyanywa yisizwe,
\q2 kuyo inceku yababusi:
\q1 “Amakhosi azakubona asukume,
\q2 amakhosana azakubona akhothame,
\q1 ngenxa \nd kaThixo\nd* othembekileyo,
\q2 oNgcwele ka-Israyeli okukhethileyo.”
\s1 Ukubuyiselwa Kuka-Israyeli
\p
\v 8 Nanku okutshiwo \nd nguThixo\nd*:
\q1 “Ngesikhathi esifaneleyo kimi ngizakuphendula,
\q2 langosuku lwensindiso ngizakusiza.
\q1 Ngizakulondoloza ngikwenze
\q2 ube yisivumelwano sabantu,
\q1 ukubuyisela ilizwe
\q2 lokwaba kutsha amafa abo achithekayo,
\q1
\v 9 uthi kwabathunjiweyo, ‘Phumani,’
\q2 kulabo abasemnyameni uthi, ‘Khululekani!’
\b
\q1 Bazadlela emaceleni emigwaqo
\q2 bathole amadlelo kuwo wonke amaqaqa alugwadule.
\q1
\v 10 Kabayikulamba kumbe bome,
\q2 lokutshisa kwasenkangala kumbe okwelanga kabayikukuzwa.
\q1 Lowo obazwela isihawu uzabakhokhela
\q2 abase emithonjeni yamanzi.
\q1
\v 11 Izintaba zami zonke ngizazenza zibe yizindlela,
\q2 imigwaqo yami izaphakamela phezulu.
\q1
\v 12 Khangelani, bazakuza bevela khatshana,
\q2 abanye bevela enyakatho, abanye bevela entshonalanga
\q2 labanye bevela emangweni wase-Asiwani.”
\b
\q1
\v 13 Hlabelelani ngentokozo lina mazulu;
\q2 jabula lawe mhlaba;
\q2 tshayani ingoma lina zintaba.
\q1 Ngoba \nd uThixo\nd* uyabaduduza abantu bakhe
\q2 njalo uzakuba lesihawu kwabahluphekayo bakhe.
\b
\q1
\v 14 Kodwa iZiyoni yathi, “\nd UThixo\nd* ungilahlile,
\q2 \nd uThixo\nd* usengikhohliwe.”
\b
\q1
\v 15 “Owesifazane angamkhohlwa umntanakhe omunyayo na,
\q2 angabi lesihelo emntwaneni amzeleyo na?
\q1 Lanxa engamkhohlwa,
\q2 mina angiyikukukhohlwa!”
\q1
\v 16 Khangela, sengikudwebe ezintendeni zezandla zami;
\q2 imiduli yakho ihlezi iphambi kwami.
\q1
\v 17 Amadodana akho aphanga emuva,
\q2 lalabo abakuchithayo bayasuka kuwe.
\q1
\v 18 Phakamisa amehlo akho ukhangele emaceleni wonke,
\q2 wonke amadodana akho ayaqoqana eze kuwe.
\q1 \nd UThixo\nd* uthi, “Ngeqiniso elinjengoba ngiphila,
\q2 bonke uzabagqiza njengezigqizo,
\q2 ucece ngabo njengomlobokazi.
\b
\b
\q1
\v 19 Lanxa nje wadilizwa waba lunxiwa
\q2 lelizwe lakho lachithwa,
\q1 khathesi uzakuba mncane kakhulu ebantwini bakho;
\q2 lalabo abakuchithayo bazakuba khatshana.
\q1
\v 20 Abantwana abazalwa ngesikhathi sokufelwa kwakho
\q2 bazakutsho lawe usizwa bathi,
\q1 ‘Indawo le incinyane kakhulu kithi;
\q2 siphe enye njalo indawo yokuhlala.’
\q1
\v 21 Lapho-ke uzakuthi enhliziyweni yakho,
\q2 ‘Ngubani owangizalela laba na?
\q1 Ngafelwa njalo ngaba njengongazalanga;
\q2 ngaxotshwa elizweni, ngalahlwa.
\q2 Laba bondliwa ngubani?
\q1 Mina ngangisele ngedwa,
\q2 kodwa laba-ke, bavele ngaphi?’ ”
\p
\v 22 Nanku okutshiwo \nd nguThixo\nd* Wobukhosi:
\q1 “Khangela, ngizaqhweba abeZizwe.
\q2 Ngizaphakamisela uphawu lwami ebantwini;
\q1 bazaletha amadodana akho bewagonile,
\q2 amadodakazi akho bewathwele ngamahlombe abo.
\q1
\v 23 Amakhosi azakuba ngoyihlo bokukukhulisa,
\q2 amakhosikazi awo abe ngonyoko bokukondla.
\q1 Bazakhothama phambi kwakho ubuso babo buphansi, emhlabathini,
\q2 bazakhotha uthuli ezinyaweni zakho.
\q1 Lapho-ke uzakwazi ukuthi mina \nd nginguThixo\nd*;
\q2 labo abangithembayo abayikudaniswa.”
\b
\q1
\v 24 Amabutho angemukwa impango na,
\q2 kumbe abathunjiweyo bahlengwe kwabesabekayo na?
\p
\v 25 Kodwa nanku okutshiwo \nd nguThixo\nd*:
\q1 “Yebo, abathunjiweyo bazathathwa emabuthweni
\q2 lempango izahluthunwa futhi kwabesabekayo,
\q1 ngoba ngizamelana lalabo abamelana lawe,
\q2 abantwabakho ngizabahlenga.
\q1
\v 26 Ngizakwenza abancindezeli bakho badle inyama yemizimba yabo;
\q2 bazadakwa ngelabo igazi njengewayini.
\q1 Lapho-ke izizwe zonke zizakwazi
\q2 ukuthi mina \nd Thixo\nd*, nginguMsindisi wakho,
\q2 uMhlengi wakho, uMninimandla kaJakhobe.”
\c 50
\s1 Isono Sika-Israyeli Lokulalela Kwenceku
\p
\v 1 Nanku okutshiwo \nd nguThixo\nd*:
\q1 “Ingaphi incwadi kanyoko yokuchitha umtshado
\q2 engamxotsha ngayo na?
\q1 Kumbe nguphi kwababelezikwelede zami
\q2 engamthengisayo na?
\q1 Lathengiswa ngenxa yezono zenu,
\q2 lonyoko waliwa ngenxa yokona kwenu.
\q1
\v 2 Ekufikeni kwami, kungani kwakungelamuntu na?
\q2 Ekubizeni kwami, kungani kungekho muntu owasabelayo na?
\q1 Ingalo yami yayimfitshane kakhulu ukuba ilihlenge na?
\q2 Angilamandla okulikhulula na?
\q1 Ngokukhuza nje kuphela, ngiyalomisa ulwandle,
\q2 ngiphendule imifula ibe yinkangala;
\q1 inhlanzi zayo zibole ngenxa yokuswela amanzi,
\q2 zife ngenxa yokoma.
\q1
\v 3 Ngembathisa umkhathi ngomnyama.
\q2 Ngenze amasaka abe yisembeso sawo.”
\b
\q1
\v 4 \nd UThixo\nd* wobukhosi unginike ulimi olufundisiweyo
\q2 ukuba ngazi ilizwi lokuqinisa abadiniweyo.
\q1 Uyangivusa ekuseni kwansukuzonke,
\q2 avuse indlebe yami ukuba ilalele njengofundiswayo.
\q1
\v 5 \nd UThixo\nd* Wobukhosi uvule indlebe zami,
\q2 njalo angizange ngibe ngohlamukayo;
\q2 angibuyelanga emuva.
\q1
\v 6 Nganikela umhlana wami kulabo ababengitshaya,
\q2 lezihlathi zami kulabo abacutha indevu zami;
\q1 ubuso bami angibufihlanga
\q2 ekugconweni lekukhafulelweni.
\q1
\v 7 Ngenxa yokuthi \nd uThixo\nd* Wobukhosi uyangisiza
\q2 angiyikuyangeka.
\q1 Ngakho-ke sengiqinise ubuso bami babanjengelitshe lomlilo;
\q2 njalo ngiyazi ukuthi angiyikuyangeka.
\q1
\v 8 Lowo ongimelayo useduzane.
\q2 Ngubani-ke ongangethesa amacala?
\q2 Kasiqondane.
\q1 Ngubani ongimangalelayo na?
\q2 Kangiqonde!
\q1
\v 9 \nd NguThixo\nd* Wobukhosi ongisizayo.
\q2 Ngubani lowo ongathi ngilecala na?
\q1 Bonke bazaguga njengesigqoko,
\q2 inondo izabadla.
\b
\q1
\v 10 Ngubani phakathi kwenu omesabayo \nd uThixo\nd*
\q2 elalela ilizwi lenceku yakhe na?
\q1 Lowo ohamba emnyameni,
\q2 ongelakho ukukhanya,
\q1 kathembe ebizweni \nd likaThixo\nd*
\q2 abambelele \nd kuThixo\nd* wakhe.
\q1
\v 11 Kodwa khathesi, lonke lina eliphemba imililo
\q2 lizenzele amalangabi okukhanyisa,
\q1 sukani, lihambe ekukhanyeni kwemililo yenu,
\q2 lokwezibane elizikhanyisileyo.
\q1 Elizakwamukela esandleni sami yilokhu:
\q2 Lizalala phansi lisebuhlungwini.
\c 51
\s1 Insindiso Engapheliyo YeZiyoni
\q1
\v 1 “Lalelani kimi lina elilandela ukulunga
\q2 lidinga \nd loThixo\nd*:
\q1 Khangelani edwaleni elacezulwa kulo
\q2 lasegodini lamatshe elambiwa kulo;
\q1
\v 2 khangelani ku-Abhrahama, uyihlo,
\q2 lakuSara owalizalayo.
\q1 Ekumbizeni kwami wayemunye,
\q2 ngambusisa ngamandisa.
\q1
\v 3 Ngeqiniso \nd uThixo\nd* uzaduduza iZiyoni
\q2 abe lesihawu kuwo wonke amanxiwa alo;
\q1 uzakwenza izinkangala zalo zibe njenge-Edeni,
\q2 amazwe alo alugwadule afane lesivande sikaThixo.
\q1 Ukuthaba lentokozo kuzafunyanwa kulo,
\q2 kanye lokubonga lelizwi lokuhlabela.
\b
\q1
\v 4 Lalelani kimi, bantu bami;
\q2 ungizwe lawe sizwe sami:
\q1 Kuzaphuma umthetho uvela kimi;
\q2 ukulunga kwami kuzakuba yikukhanya ezizweni.
\q1
\v 5 Ukulunga kwami kusondela ngokuphangisa,
\q2 insindiso yami iyeza,
\q2 ingalo yami izaletha ukulunga ezizweni.
\q1 Izihlenge zizakhangela kimi,
\q2 zilinde zithembe amandla ami.
\q1
\v 6 Phakamiselani amehlo enu phezulu emazulwini,
\q2 likhangele lasemhlabeni phansi;
\q1 amazulu azanyamalala njengentuthu;
\q2 umhlaba uzaguga njengesigqoko
\q2 abakhe kuwo bafe njengempukane.
\q1 Kodwa insindiso yami izakuba khona kuze kube nininini,
\q2 ukulunga kwami akuyikuphela.
\b
\q1
\v 7 Ngizwani lina elikwaziyo okulungileyo
\q2 lina bantu abagcina umthetho wami ezinhliziyweni zenu:
\q1 Lingakwesabi ukugconwa ngabantu,
\q2 kumbe lethuswe yizithuko zabo.
\q1
\v 8 Ngoba inondo izabadla njengesigqoko;
\q2 impethu ibadle njengewulu.
\q1 Kodwa ukulunga kwami kuzakuba khona kuze kube nininini;
\q2 lensindiso yami ikhona kuzizukulwane zonke.”
\b
\q1
\v 9 Vuka, vuka, wena ngalo \nd kaThixo\nd*;
\q2 uzigqokise ngamandla akho!
\q1 Vuka njengasezinsukwini zendulo,
\q2 lanjengakuzizukulwane zakudala.
\q1 Kayisuwe yini owaquma uRahabi waba yiziqa,
\q2 wagwaza lesilo lesiyana na?
\q1
\v 10 Kawusuwe yini owomisa ulwandle,
\q2 amanzi atshona kakhulu,
\q1 wenza umgwaqo ezinzikini zolwandle
\q2 ukuze abahlengiweyo bachaphe na?
\q1
\v 11 Labahlengiweyo \nd bakaThixo\nd* bazabuyela.
\q2 Bazangena eZiyoni behlabelela,
\q2 intokozo engapheliyo izakuba ngumqhele emakhanda abo.
\q1 Bazakuba lokuthula lenjabulo,
\q2 usizi lokububula kuzaphela.
\b
\q1
\v 12 “Mina, mina uqobo, nginguye oliduduzayo.
\q2 Ungubani wena ukuba wesabe abantu abafayo,
\q2 amadodana abantu, abutshani nje,
\q1
\v 13 uze ukhohlwe \nd uThixo\nd*, uMenzi wakho,
\q2 owendlala amazulu
\q2 wabeka lezisekelo zomhlaba,
\q1 ukuthi uhlale ngokwesaba okungapheliyo nsuku zonke
\q2 ngenxa yolaka lomncindezeli,
\q2 ohlose ukuchitha na?
\q1 Ngoba lungaphi na ulaka lomncindezeli?
\q2
\v 14 Izibotshwa ezitshotshobeleyo zizakhululwa masinyazana,
\q1 aziyikufela emajele azo,
\q2 kumbe ziswele ukudla.
\q1
\v 15 Ngoba mina \nd nginguThixo\nd* uNkulunkulu wakho,
\q2 ophehla ulwandle ukuze amagagasi alo ahlokome,
\q2 ibizo lakhe \nd nguThixo\nd* uSomandla.
\q1
\v 16 Ngifake amazwi ami emlonyeni wakho
\q2 ngakwembesa ngomthunzi wesandla sami,
\q1 mina engabeka amazulu endaweni yawo,
\q2 ngabeka izisekelo zomhlaba,
\q2 njalo othi kuZiyoni, ‘Lina lingabantu bami.’ ”
\s1 Inkezo Yolaka \nd LukaThixo\nd*
\q1
\v 17 Vuka, vuka!
\q2 Phakama wena Jerusalema,
\q1 wena onathe enkezweni esandleni \nd sikaThixo\nd*
\q2 inkezo yolaka lwakhe,
\q1 wena oyikhoce wafika enzeceni zayo;
\q2 inkezo eyenza amadoda adiyazele.
\q1
\v 18 Kuwo wonke amadodana eliwazeleyo,
\q2 kayikho eyayingalikhokhela;
\q1 kuwo wonke amadodana elawondlayo,
\q2 kayikho eyayingalibamba ngesandla.
\q1
\v 19 Lezizingozi ezimbili zikwehlele;
\q2 ngubani ongakududuza na?
\q1 Incithakalo lokubhujiswa, indlala lenkemba,
\q2 ngubani ongakududuza na?
\q1
\v 20 Amadodana akho asephele amandla,
\q2 aselala ezihlokweni zemigwaqo yonke
\q2 njengebhalabhala elibanjwe ngumambule.
\q1 Agcwele ulaka \nd lukaThixo\nd*
\q2 lokukhuza kukaNkulunkulu wakho.
\b
\q1
\v 21 Ngakho-ke zwana lokhu wena ohluphekayo,
\q2 lodakisiweyo kodwa kungasingewayini.
\q1
\v 22 Nanku okutshiwo \nd nguThixo\nd* Wobukhosi bakho,
\q2 uNkulunkulu wakho ovikela abantu bakhe:
\q1 “Khangela, sengiyisusile esandleni sakho
\q2 inkezo ekwenza udiyazele;
\q1 leyonkezo engeyolaka lwami,
\q2 awuyikunatha ngayo futhi.
\q1
\v 23 Ngizayibeka ezandleni zabakuhluphayo,
\q2 abathi kuwe,
\q2 ‘Cambalala ukuze sihambe phezu kwakho.’
\q1 Wena-ke wenza umhlane wakho waba njengenhlabathi,
\q2 lanjengomgwaqo okungahanjwa kuwo.”
\b
\b
\c 52
\q1
\v 1 Vuka, vuka, wena Ziyoni,
\q2 uzembese ngamandla!
\q1 Gqoka izigqoko zakho zenkazimulo,
\q2 wena Jerusalema, muzi ongcwele.
\q1 Ongasokanga longcolileyo
\q2 akayikungena kuwe futhi.
\q1
\v 2 Thintitha uthuli lwakho;
\q2 sukuma, uhlale ebukhosini, wena Jerusalema.
\q1 Zikhulule izibopho ezisentanyeni yakho,
\q2 wena Ndodakazi ethunjiweyo yaseZiyoni.
\p
\v 3 Ngoba nanku okutshiwo \nd nguThixo\nd*:
\q1 “Lathengiswa ngeze,
\q2 njalo lizahlengwa kungekho mali.”
\p
\v 4 Ngoba nanku okutshiwo \nd nguThixo\nd* Wobukhosi:
\q1 “Ekuqaleni abantu bami baya eGibhithe besiyahlala khona;
\q2 muva i-Asiriya yabancindezela.
\p
\v 5 Khathesi kuyini engilakho lapha?” kubuza \nd uThixo\nd*.
\q1 “Ngoba abantu bami bathunjwa kungekho sizatho,
\q2 njalo labo abababusayo bayakloloda,”
\q2 kutsho \nd uThixo\nd*.
\q1 “Ilanga lonke
\q2 ibizo lami lihlanjazwa kokuphela.
\q1
\v 6 Ngakho-ke abantu bami bazalazi ibizo lami,
\q2 ngakho-ke ngalolosuku bazakwazi
\q1 ukuthi yimi engamemezela lokho ngaphambilini.
\q2 Yebo, yimi.”
\b
\q1
\v 7 Yeka ubuhle phezu kwezintaba,
\q2 bezinyawo zalabo abaletha izindaba ezinhle,
\q1 abamemezela ukuthula,
\q2 abaletha izindaba ezinhle,
\q2 abamemezela insindiso,
\q1 abathi kulo iZiyoni,
\q2 “UNkulunkulu wakho uyabusa!”
\q1
\v 8 Lalela! Abalindi bakho baphakamisa amazwi abo,
\q2 bonke bahlaba umkhosi ngokuthokoza.
\q1 Lapho \nd uThixo\nd* ebuyela eZiyoni
\q2 bazayibona iZiyoni ngamehlo abo.
\q1
\v 9 Hlokomani ndawonye ngezingoma zokuthokoza,
\q2 lina manxiwa aseJerusalema,
\q1 ngoba \nd uThixo\nd* usebaduduzile abantu bakhe,
\q2 uselihlengile iJerusalema.
\q1
\v 10 \nd UThixo\nd* uzaveza ingalo yakhe engcwele
\q2 phambi kwezizwe zonke,
\q1 njalo yonke imikhawulo yomhlaba
\q2 izabona insindiso kaNkulunkulu wethu.
\b
\q1
\v 11 Sukani, sukani, phumani lapho!
\q2 Lingathinti lutho olungcolileyo!
\q1 Phumani kulo libe ngabahlambulukileyo,
\q2 lina eliphatha izitsha \nd zikaThixo\nd*.
\q1
\v 12 Kodwa kaliyikusuka ngokuphangisa,
\q2 kumbe libaleka;
\q1 ngoba \nd uThixo\nd* uzahamba phambi kwenu,
\q2 uNkulunkulu ka-Israyeli uzakuba ngumvikeli wenu emva kwenu.
\s1 Ukuhlupheka Lodumo Lwenceku
\q1
\v 13 Khangelani, inceku yami izakwenza ngokuhlakanipha,
\q2 izaphakanyiswa ikhwezwe, iphiwe lodumo olukhulu.
\q1
\v 14 Njengoba babebanengi abanengwayo yiyo,
\q2 ubuso bayo babulimele okudlula okwabantu bonke,
\q2 lesimo sayo sonakele singase njengesomuntu,
\q1
\v 15 ngakho-ke izachela izizwe ezinengi,
\q2 amakhosi azavala imilomo yawo ngenxa yayo.
\q1 Ngoba lokho abangakutshelwanga bazakubona,
\q2 labangakuzwanga, bazakuqedisisa.
\b
\c 53
\q1
\v 1 Ngubani olikholiweyo ilizwi lethu,
\q2 njalo amandla \nd kaThixo\nd* abonakaliswe kubani na?
\q1
\v 2 Wakhula phambi kwakhe njengehlumela,
\q2 lanjengempande emhlabathini owomileyo.
\q1 Wayengelabuhle lobukhosi ukuba asikhange,
\q2 kungelalutho esimeni sakhe olungenza simfune.
\q1
\v 3 Weyiswa njalo waliwa ngabantu,
\q2 umuntu wezinsizi, njalo ekujayele ukuhlupheka.
\q1 Lowo abantu abangafuniyo ukukhangelana laye
\q2 weyiswa, asimhloniphanga.
\b
\q1
\v 4 Ngempela wathatha inhlungu zethu
\q2 wathwala insizi zethu,
\q1 kodwa thina sathi utshaywe nguNkulunkulu,
\q2 ebethwe nguye, njalo uhlutshiwe.
\q1
\v 5 Kodwa wagwazwa ngenxa yezono zethu,
\q2 wachobozwa ngenxa yokona kwethu,
\q1 ukuhlutshwa kwakhe kwasilethela ukuthula,
\q2 njalo sasiliswa ngamanxeba akhe.
\q1
\v 6 Thina sonke silahlekile njengezimvu,
\q2 munye ngamunye wethu uphambukele endleleni yakhe;
\q1 njalo \nd uThixo\nd* ubeke phezu kwakhe
\q2 ukona kwethu sonke.
\b
\q1
\v 7 Wancindezelwa wahlutshwa,
\q2 kodwa kawuvulanga umlomo wakhe;
\q1 wakhokhelwa ukuyabulawa njengewundlu,
\q2 njalo njengemvu ithule phambi komgundi wayo,
\q2 laye kawuvulanga umlomo wakhe.
\q1
\v 8 Ngokuncindezelwa langokwahlulela wathathwa.
\q2 Ngubani ongakhuluma ngesizukulwane sakhe na?
\q1 Ngoba wasuswa elizweni labaphilayo;
\q2 watshaywa ngenxa yeziphambeko zabantu bami.
\q1
\v 9 Wabelwa ingcwaba kanye lababi,
\q2 kanye labanothileyo ekufeni kwakhe,
\q1 lanxa kungeladlakela alwenzayo
\q2 njalo kungekho inkohliso emlonyeni wakhe.
\b
\q1
\v 10 Ikanti kwakuyintando \nd kaThixo\nd* ukumchoboza lokumenza ahlupheke,
\q2 njalo lanxa \nd uThixo\nd* esenza ukuphila kwakhe umnikelo wecala,
\q1 uzabona inzalo yakhe, andise insuku zokuphila kwakhe,
\q2 lentando kaThixo izaphumelela ngaye.
\q1
\v 11 Emva kokuhlupheka komoya wakhe,
\q2 uzabona ukukhanya kokuphila asuthiseke;
\q1 ngokwazi kwayo inceku yami elungileyo izalungisa abanengi,
\q2 ithwale izono zabo.
\q1
\v 12 Ngakho-ke ngizamnika isabelo phakathi kwabakhulu,
\q2 njalo uzakwabelana impango labalamandla
\q1 ngoba wanikela ukuphila kwakhe ekufeni,
\q2 wabalwa ndawonye lezoni;
\q1 ngoba wathwala izono zabanengi,
\q2 wancengela izoni.
\c 54
\s1 Inkazimulo Ezayo YaseZiyoni
\q1
\v 1 “Hlabela wena mfazi oyinyumba,
\q2 wena ongazange uzale umntwana;
\q1 susa ingoma, umemeze ngentokozo,
\q2 wena ongakaze uhelelwe
\q1 ngoba abantwana bomfazi olahliweyo banengi
\q2 kulabalowo olendoda,”
\q2 kutsho \nd uThixo\nd*.
\q1
\v 2 Qhelisa indawo yethente lakho,
\q2 yelula amakhetheni ethente
\q2 lakho abe banzi,
\q1 ungathikazi, yelula izintambo zakho,
\q2 uqinise izikhonkwane zakho.
\q1
\v 3 Ngoba uzaqhela usiya kwesokudla lesenxele;
\q2 inzalo yakho izazixotsha izizwe yakhe
\q2 emadolobheni azo adilikayo.
\b
\q1
\v 4 “Ungesabi, ngoba awuyikwehlelwa lihlazo.
\q2 Ungesabi ukuyangeka, ngoba awuyikudumazeka.
\q1 Uzalikhohlwa ihlazo lasebutsheni bakho,
\q2 ungakhumbuli lesithuko sobufelokazi bakho.
\q1
\v 5 Ngoba uMenzi wakho engumyeni wakho,
\q2 \nd uThixo\nd* uSomandla libizo lakhe
\q1 oNgcwele ka-Israyeli unguMhlengi wakho;
\q2 ubizwa ngokuthi nguNkulunkulu womhlaba wonke.
\q1
\v 6 \nd UThixo\nd* uzakubiza
\q2 njengowesifazane olahliweyo, odabukileyo emoyeni,
\q1 owesifazane owenda esesemncane,
\q2 waphanga waliwa,” kutsho uNkulunkulu wakho.
\q1
\v 7 “Ngakutshiya okomzuzwana omncane,
\q2 kodwa ngesihawu esikhulu ngizakubuyisa.
\q1
\v 8 Ngomfutho wokuthukuthela,
\q2 ngakufihlela ubuso bami okomzuzwana,
\q1 kodwa ngothando olungapheliyo,
\q2 ngizakuba lesihawu kuwe,”
\q2 kutsho \nd uThixo\nd* uMhlengi wakho.
\b
\q1
\v 9 “Kimi lokhu kunjengasezinsukwini zikaNowa,
\q2 lapho engafunga khona ngathi amanzi kaNowa
\q2 kawayikugcwala umhlaba futhi.
\q1 Ngakho khathesi sengifungile ngathi
\q2 angiyikukuthukuthelela futhi;
\q2 angiyikukusola njalo.
\q1
\v 10 Lanxa izintaba zinganyikinyiswa,
\q2 lamaqaqa asuswe,
\q1 kodwa uthando lwami olungapheliyo kuwe kaluyikunyikinyiswa,
\q2 kumbe isivumelwano sami sokuthula sisuswe,”
\q2 kutsho \nd uThixo\nd* olesihawu kuwe.
\b
\q1
\v 11 Wena dolobho elihluphekileyo,
\q2 elitshaywa yiziphepho alaze laduduzwa,
\q1 ngizakwakha ngamatshe amahle,
\q2 izisekelo zakho ngizakhe ngamasafire.
\q1
\v 12 Izakhiwo zakho zokuvikela ngizazenza ngamarubhi,
\q2 amasango akho ngiwenze ngamatshe akhazimulayo, yonke
\q2 imithangala yakho ngiyenze ngamatshe aligugu.
\q1
\v 13 Wonke amadodana akho azafundiswa \nd nguThixo\nd*,
\q2 njalo kuzakuba kukhulu ukuthula kwabantwana bakho.
\q1
\v 14 Uzaqiniswa ngokulunga:
\q1 uchuku luzakuba khatshana lawe,
\q2 awuyikwesaba lutho.
\q1 Ukwesaba kuzasuselwa khatshana,
\q2 akuyikusondela phansi kwakho.
\q1
\v 15 Nxa ekhona ozakuhlasela, kobe kungayisimi;
\q2 loba ngubani okuhlaselayo uzazinikela kuwe.
\b
\q1
\v 16 “Khangela, yimi engadala umkhandi wensimbi
\q2 ovuthela amalahle abe lilangabi,
\q2 akhande isikhali esilungele umsebenzi waso.
\q1 Njalo yimi engadala umchithi ukuba enze umonakalo;
\q2
\v 17 akulasikhali esikhandelwe wena esizaphumelela,
\q2 njalo bonke abakumangalelayo uzabehlula.
\q1 Leli yilifa lezinceku zikaThixo,
\q2 lokhu yikho ukwenaniswa kwazo yimi,”
\q2 kutsho \nd uThixo\nd*.
\c 55
\s1 Ukunxusa Kwabomileyo
\q1
\v 1 “Wozani, lonke lina abomileyo,
\q2 wozani emanzini,
\q1 lani lina elingelamali,
\q2 wozani, lithenge, lidle!
\q1 Wozani, thengani iwayini lochago
\q2 ingekho imali lendleko.
\q1
\v 2 Lichithelani imali kokungasikho kudla,
\q2 lokusebenza kwenu kulokho okungasuthisiyo na?
\q1 Lalelani, lalelani kimi, lidle okuhle,
\q2 umoya wenu uzathokoziswa yizibiliboco.
\q1
\v 3 Lalelani, lize kimi;
\q2 lingilalele ukuze umphefumulo wenu uphile.
\q1 Ngizakwenza isivumelwano esingapheliyo lani,
\q2 uthando lwami oluqotho olwathenjiswa uDavida.
\q1
\v 4 Khangelani, ngimenze waba ngufakazi ebantwini,
\q2 umkhokheli lomlawuli wabantu.
\q1
\v 5 Ngeqiniso lizabiza izizwe elingazaziyo,
\q2 lezizwe ezingalaziyo zizagijimela kini,
\q1 ngenxa \nd kaThixo\nd* uNkulunkulu wenu,
\q2 oNgcwele ka-Israyeli,
\q2 ngoba uselinike inkazimulo.”
\b
\q1
\v 6 Mdingeni \nd uThixo\nd* esatholakala,
\q2 mbizeni eseseduzane.
\q1
\v 7 Omubi kayekele indlela yakhe
\q2 loxhwalileyo alahle imicabango yakhe.
\q1 Kaphendukele \nd kuThixo\nd*, uzakuba lesihawu kuye,
\q2 lakuNkulunkulu wethu ngoba uzamthethelela ngesihle.
\b
\q1
\v 8 “Ngoba imicabango yami kayisiyo eyenu,
\q2 lezindlela zenu kayisizo ezami,”
\q2 kutsho \nd uThixo\nd*.
\q1
\v 9 “Njengomkhathi uphakeme kulomhlaba,
\q2 ngokunjalo izindlela zami ziphakeme kulezindlela zenu,
\q2 lemicabango yami iphakeme kulemicabango yenu.
\q1
\v 10 Njengoba izulu longqwaqwane
\q2 kusehla kuvela phezulu,
\q1 kungaphindi kubuyele khonale
\q2 kungathambisanga umhlaba
\q1 kuwenze ununkule ube lamahlumela,
\q2 ukuze unike umhlanyeli inhlanyelo, lodlayo umnike ukudla,
\q1
\v 11 linjalo lelizwi lami eliphuma emlonyeni wami:
\q2 kaliyikubuya kimi lize,
\q1 kodwa lizafeza engikufunayo
\q2 liphumelelise lokho engilithume khona.
\q1
\v 12 Lina lizaphuma ngokuthokoza
\q2 likhokhelwe ngokuthula;
\q1 izintaba lamaqaqa
\q2 kuzasusa ingoma phambi kwenu,
\q1 njalo zonke izihlahla zeganga
\q2 zizaqakeza izandla zazo.
\q1
\v 13 Endaweni yesihlahla sameva kuzamila iphayini,
\q2 lendaweni yokhula kuzamila isihlahla somithili.
\q1 Lokhu kuzakwenza \nd uThixo\nd* adunyiswe,
\q2 kube yisibonakaliso esingapheliyo,
\q2 esingayikudilizwa.”
\c 56
\s1 Ukusindiswa Kwabanye
\p
\v 1 Nanku okutshiwo \nd nguThixo\nd*:
\q1 “Londoloza ukulunga
\q2 wenze okuqondileyo,
\q1 ngoba ukusindisa kwami kuseduze
\q2 lokulunga kwami kuzabonakaliswa masinyane.
\q1
\v 2 Ubusisiwe umuntu okwenzayo lokhu,
\q2 umuntu obambelela kukho,
\q1 ogcina iSabatha engalingcolisi,
\q2 athibe isandla sakhe ekwenzeni okubi.”
\b
\q1
\v 3 Akungabi lowezizweni \nd okuThixo\nd* othi,
\q2 “Ngeqiniso \nd uThixo\nd* uzangehlukanisa labantu bakhe.”
\q1 Njalo lomthenwa kangavunyelwa ukusola athi,
\q2 “Mina ngiyisihlahla esomileyo.”
\p
\v 4 Ngoba \nd uThixo\nd* uthi:
\q1 “Abathenwa abagcina amaSabatha ami
\q2 bakhethe okungithokozisayo,
\q2 babambelele kusivumelwano sami,
\q1
\v 5 ngizabanika, phakathi kwethempeli lami lemiduli yalo,
\q2 isikhumbuzo lebizo
\q2 elingcono kulamadodana lamadodakazi.
\q1 Ngizabanika ibizo elingapheliyo.
\q2 Elingayikukhohlakala.
\q1
\v 6 Labezizwe abazinikela \nd kuThixo\nd*
\q2 ukuba bamkhonze,
\q1 bathande ibizo \nd likaThixo\nd*,
\q2 njalo bamkhonze,
\q1 bonke abagcina iSabatha bengalingcolisi,
\q2 babambelele kusivumelwano sami,
\q1
\v 7 laba ngizabaletha entabeni yami engcwele,
\q2 ngibaphe intokozo endlini yami yokukhulekela.
\q1 Iminikelo yabo yokutshiswa, lemihlatshelo,
\q2 kuzakwamukelwa e-alithareni lami;
\q1 ngoba indlu yami izathiwa
\q2 yindlu yokukhuleka yezizwe zonke.”
\q1
\v 8 \nd UThixo\nd* Wobukhosi,
\q2 yena oqoqa abaxotshwayo elizweni abako-Israyeli uthi:
\q1 “Ngizaqoqela abanye kubo futhi
\q2 ngaphandle kwalabo abavele sebeqoqiwe.”
\s1 \nd UThixo\nd* Usola Ababi
\q1
\v 9 Wozani lonke lina zilo zeganga;
\q2 wozani lidle, lonke lina zilo zamagusu!
\q1
\v 10 Abalindi bako-Israyeli bayiziphofu,
\q2 bonke kabazi lutho;
\q1 bonke bayimigaxa,
\q2 izinja ezingakhonkothiyo;
\q1 balala nje baphuphe;
\q2 bathanda ukulala.
\q1
\v 11 Bayizinja ezihlala zilomdlozela wokufuna ukudla,
\q2 azisuthi.
\q1 Bangabelusi abangaqedisisiyo,
\q2 bonke bazazenzela abakufunayo,
\q2 lowo lalowo udinga inzuzo yakhe.
\q1
\v 12 Lowo lalowo uthi, “Wozani, ngilethe iwayini.
\q2 Kasinatheni utshwala sibusuthe.
\q1 Kusasa kuzafana lanamuhla,
\q2 loba kube ngcono kakhulu.”
\b
\b
\c 57
\q1
\v 1 Abalungileyo bayabhubha,
\q2 kodwa kakho ocabanga ngakho enhliziyweni yakhe.
\q1 Abantu abazinikele ekukhonzeni bayasuswa,
\q2 njalo kakho okuzwisisayo ukuthi
\q1 abalungileyo basuswa
\q2 ukuba baphetshiswe ebubini.
\q1
\v 2 Labo abahamba ngokulunga
\q2 bayangena ekuthuleni;
\q2 bathola ukuphumula belele ekufeni.
\b
\q1
\v 3 “Kodwa lina wozani lapha lina,
\q2 madodana esanusekazi lina nzalo yezifebe leziphingi!
\q1
\v 4 Ngubani elimklolodelayo na?
\q2 Ngubani elimnemelayo
\q2 limkhuphela inlimi zenu?
\q1 Kalisinzalo yabahlamuki,
\q2 labantwana babaqamba amanga na?
\q1
\v 5 Liyatshiseka ngenkanuko ezihlahleni zomʼOkhi,
\q2 langaphansi kwezihlahla zonke eziyizithingithingi;
\q1 lenza umhlatshelo ngabantwabenu emakhelekehleni
\q2 langaphansi kwamawa.
\q1
\v 6 Izithombe eziphakathi kwamatshe abutshelezi emakhelekehleni yiso isabelo senu,
\q2 yizo, yizo eziyisabelo senu.
\q1 Yebo, kuzo lithele iminikelo yokunathwayo
\q2 lanikela leminikelo yamabele.
\q2 Ngenxa yalezizinto ngingaba lozwelo na?
\q1
\v 7 Wenze umbheda wakho phezu koqaqa oluphakemeyo,
\q2 wakhwela wayanikela imihlatshelo yakho khona.
\q1
\v 8 Ngemva kwezivalo zakho langemva kwezinsika zomnyango wakho
\q2 ubeke izifanekiso zakho zobuhedeni.
\q1 Wathi ungilahla wembula umbheda wakho,
\q2 wakhwela kuwo wawuvula waba banzi,
\q1 wavumelana lalabo othanda imibheda yabo,
\q2 wakhangela ubunqunu babo.
\q1
\v 9 Uye kuMoleki ulamafutha e-oliva,
\q2 wandisa lamakha akho.
\q1 Uthume izithunywa zakho khatshana
\q2 wangena ethuneni lona ngokwalo!
\q1
\v 10 Wadiniswa yizindlela zakho zonke,
\q2 kodwa wawungeke uthi, ‘Akusizi ngalutho.’
\q1 Wathola ukuvuselelwa kwamandla akho.
\q2 Ngakho kawuphelanga amandla.
\b
\q1
\v 11 Ngubani omesabe kangaka
\q2 waze waba lamanga kimi,
\q1 njalo kawaze wangikhumbula
\q2 loba ukucabanga lokhu enhliziyweni yakho na?
\q1 Akusingenxa yokuthi sengathula okwesikhathi eside kakhulu
\q2 waze wangasangesabi na?
\q1
\v 12 Ukulunga kwakho lemisebenzi yakho ngizakuveza obala,
\q2 njalo akuyikukusiza ngalutho.
\q1
\v 13 Lapho usukhalela ukusizwa,
\q2 iqoqo lezithombe zakho kalikuhlenge.
\q1 Umoya uzazithatha zonke,
\q2 lokuphephetha nje kuziphephulele khatshana.
\q1 Kodwa umuntu owenza mina isiphephelo sakhe
\q2 ilizwe lizakuba yilifa lakhe
\q2 lentaba yami engcwele ibe ngeyakhe.”
\s1 Induduzo Kwabazisolayo
\p
\v 14 Njalo kuzathiwa:
\q1 “Candani, candani, lungisani indlela!
\q2 Susani izikhubekiso endleleni yabantu bami.”
\q1
\v 15 Ngoba ophakemeyo ongaPhezulu,
\q2 yena ophila kokuphela, obizo lakhe lingcwele uthi:
\q1 “Ngihlala endaweni ephakemeyo lengcwele,
\q2 kodwa laye ozisolayo lothobekileyo emoyeni,
\q1 ukuba kuvuselelwe umoya wabathobekileyo,
\q2 kuvuselelwe lezinhliziyo zabazisolayo.
\q1
\v 16 Angiyikulisola kokuphela
\q2 kumbe ngihlale ngithukuthele,
\q1 ngoba umoya womuntu ungaphela phambi kwami,
\q2 umoya womuntu engawudalayo.
\q1
\v 17 Ngathukutheliswa yibuhwaba bakhe obubi;
\q2 ngamjezisa, ngafihla ubuso bami ngithukuthele,
\q2 kodwa waqhubeka ngezindlela zakhe zenkani.
\q1
\v 18 Izindlela zakhe sengizibonile, kodwa ngizamsilisa.
\q2 Ngizamkhokhela, ngimduduze futhi,
\q2
\v 19 ngenze ukubonga ezindebeni zabalilayo ko-Israyeli.
\q1 Ukuthula, ukuthula kwabakhatshana labaseduze,”
\q2 kutsho \nd uThixo\nd*.
\q1 “Ngizabasilisa.”
\q1
\v 20 Kodwa ababi banjengolwandle olugubhazelayo,
\q2 olungeke luphumule,
\q2 amagagasi alo ephosa udaka lengcekeza phezulu.
\q1
\v 21 “Akukho kuthula kwababi,” kutsho uNkulunkulu wami.
\c 58
\s1 Ukuzila Okuqotho
\q1
\v 1 “Memeza kakhulu, ungathuli.
\q2 Phakamisa ilizwi lakho njengecilongo.
\q1 Tshela abantu bami ngokuhlamuka kwabo,
\q2 lendlu kaJakhobe uyitshele ngezono zabo.
\q1
\v 2 Ngoba usuku ngosuku bayangidinga;
\q2 bafuna ukwazi izindlela zami,
\q1 sengathi bayisizwe esenza okulungileyo
\q2 esingalahlanga imilayo kaNkulunkulu waso.
\q1 Bacela izinqumo ezilungileyo kimi
\q2 bafune ukuthi uNkulunkulu asondele kubo.
\q1
\v 3 Bathi, ‘Kungani sizilile,
\q2 kodwa wena wangakuboni na?
\q1 Kungani sizithobile
\q2 kodwa wangakunaki na?’
\b
\q1 Ikanti ngosuku lokuzila kwenu lenza elikuthandayo,
\q2 lincindezele lezisebenzi zenu zonke.
\q1
\v 4 Ukuzila kwenu kucina ngengxabano lokulwa,
\q2 langokutshayana kubi ngenqindi.
\q1 Alingeke lizile njengelikwenzayo
\q2 lamhla lithembe ukuthi ilizwi lenu lizazwakala phezulu.
\q1
\v 5 Lokhu yikho ukuzila engikukhethileyo na,
\q2 ukuthi umuntu azithobe okosuku olulodwa nje?
\q1 Yikuthi umuntu akhothamise ikhanda lakhe njengomhlanga nje,
\q2 lokulala esakeni lemlotheni na?
\q1 Lokho yikho elithi yikuzila,
\q2 usuku olwamukelekayo \nd kuThixo\nd* na?
\b
\q1
\v 6 Lokhu akusikho yini ukuzila engikukhethileyo:
\q1 ukukhulula izibopho zokungalungi
\q2 lokuthukulula imichilo yejogwe,
\q1 kukhululwe abancindezelweyo,
\q2 kwephulwe amajogwe wonke na?
\q1
\v 7 Akusikwabela abalambayo ukudla kwakho
\q2 lokunika umnyanga ongumhambuma indawo yokuhlala,
\q1 lapho ubona abanqunu ubagqokise,
\q2 lokungafulatheli izihlobo zakho zegazi na?
\q1
\v 8 Lapho-ke ukukhanya kwakho kuzavela njengokusa,
\q2 lokusila kwakho kuzabonakala masinyane,
\q1 kuthi ukulunga kwakho kuhambe phambi kwakho,
\q2 inkazimulo \nd kaThixo\nd* izakuba yisivikelo ngemva kwakho.
\q1
\v 9 Lapho-ke uzabiza, \nd uThixo\nd* asabele;
\q2 uzacela usizo, yena uzakuthi: Ngilapha.
\b
\q1 Nxa ungalahla ijogwe lokuncindezela
\q2 lokukhomba ngomunwe kanye lezinkulumo ezimbi;
\q1
\v 10 njalo nxa unika abalambayo ukudla kwakho,
\q2 wanelise lenswelo zabancindezelweyo,
\q1 ukukhanya kwakho kuzavela emnyameni,
\q2 ubusuku bakho buzakuba njengemini.
\q1
\v 11 \nd UThixo\nd* uzakukhokhela kokuphela;
\q2 uzakwanelisa inswelo zakho elizweni elitshiswa lilanga,
\q2 aqinise amathambo akho.
\q1 Uzakuba njengesivande esithelezelwa kuhle,
\q2 lanjengomthombo olamanzi angacitshiyo.
\q1
\v 12 Abantu bakho bazawavusa amanxiwa amadala,
\q2 bavuse lezisekelo zakudala.
\q1 Uzabizwa ngokuthi uMakhi Wemiduli Eyadilikayo,
\q2 loMvuseleli wemiGwaqo leMizi.
\b
\q1
\v 13 Nxa ugcina inyawo zakho zingephuli iSabatha,
\q2 njalo ungenzi intando yakho ngosuku lwami olungcwele,
\q1 nxa iSabatha ulibiza ngokuthi yintokozo
\q2 njalo usuku \nd lukaThixo\nd* olungcwele usithi lulodumo,
\q1 njalo nxa uluhlonipha ngokungahambi ngendlela yakho,
\q2 langokungenzi intando yakho loba ukukhuluma amazwi ayize,
\q1
\v 14 lapho-ke uzathola intokozo \nd kuThixo\nd*,
\q2 njalo ngizakukhweza emiqolweni yelizwe,
\q2 ngikwenze udle ilifa likayihlo uJakhobe.”
\q1 Umlomo \nd kaThixo\nd* usukhulumile.
\c 59
\s1 Isono, Ukuvuma Lokuhlengwa
\q1
\v 1 Ngeqiniso ingalo \nd kaThixo\nd* kayimfitshane ukuba isindise,
\q2 lendlebe yakhe kayibuthundu ukuba izwe.
\q1
\v 2 Kodwa ububi benu sebulahlukanise loNkulunkulu wenu;
\q2 lezono zenu sezisithe ubuso bakhe kini ukuze angezwa.
\q1
\v 3 Ngoba izandla zenu zingcolisiwe ngegazi,
\q2 leminwe yenu ingcoliswe yibubi.
\q1 Izindebe zenu zikhulume amanga
\q2 lolimi lwenu luhlebeza izinto ezimbi.
\q1
\v 4 Kakho odinga ukwahlulela okuhle,
\q2 kakho okhuluma ecaleni lakhe ngobuqotho.
\q1 Bathembe ukuphika ngeze bekhuluma amanga;
\q2 bemula uhlupho, bazale ububi.
\q1
\v 5 Bachamisela amaqanda ezinhlangwana,
\q2 beluke ubulembu besayobe.
\q1 Langabe ngubani odla amaqanda azo uzakufa,
\q2 njalo nxa elinye lawo lichanyiselwe kuphuma ibululu.
\q1
\v 6 Ubulembu babo kabusizi ekugqokeni;
\q2 abangeke bazimboze ngabakwenzayo.
\q1 Izenzo zabo yizenzo ezimbi,
\q2 izenzo zodlakela zisezandleni zabo.
\q1
\v 7 Inyawo zabo zigijimela ukona;
\q2 bayaphangisa ukuchitha igazi elimsulwa.
\q1 Imicabango yabo yimicabango emibi;
\q2 ukuchitha lokubhubhisa kubonakalisa izindlela zabo.
\q1
\v 8 Indlela yokuthula kabayazi;
\q2 akukho kulunga ezindleleni zabo.
\q1 Sebenze zaba yimigwaqo ezombelezayo,
\q2 kakho ohamba ngazo ozakwazi ukuthula.
\b
\q1
\v 9 Ngakho-ke ukwahlulela okuhle kukhatshana lathi,
\q2 lokulunga akufiki kithi.
\q1 Sidinga ukukhanya, kodwa kulobumnyama kuphela;
\q2 sidinga ukucazimula, kodwa sihamba emathunzini amnyama.
\q1
\v 10 Njengeziphofu siphumputha silandela umduli,
\q2 siphumputhe indlela yethu njengabantu abangelamehlo.
\q1 Sikhubeka emini ingathi kukusihlwa;
\q2 kwabalamandla, sinjengabafileyo.
\q1
\v 11 Sonke siyahwabha njengamabhele,
\q2 sibubule ngosizi njengamajuba.
\q1 Sidinga ukwahlulela okuhle, kodwa kasikutholi;
\q2 sidinga ukuhlengwa, kodwa kukhatshana.
\b
\q1
\v 12 Ngoba ukona kwethu kuwe kunengi,
\q2 lezono zethu zifakaza okubi ngathi.
\q1 Ukona kwethu kuhlezi kulathi;
\q2 siyabuvuma ububi bethu,
\q1
\v 13 ukuhlamuka lokungathembeki \nd kuThixo\nd*,
\q2 ukufulathela uNkulunkulu wethu,
\q1 ukukhuthaza uncindezelo lomvukela,
\q2 ukukhuluma amanga esiwacabange ngezinhliziyo zethu.
\q1
\v 14 Ngakho ukwahlulela okuhle kufuqelwa emuva,
\q2 ukulunga kume khatshana;
\q1 iqiniso likhubekile ezindleleni,
\q2 ubuqotho bungeke bungene.
\q1
\v 15 Iqiniso kalitholwa ndawo;
\q2 oxwaya ububi uyahlaselwa.
\b
\q1 \nd UThixo\nd* wakhangela wadaniswa
\q2 yikuswelakala kokwahlulela okuhle.
\q1
\v 16 Wabona ukuthi kwakungelamuntu,
\q2 wanengwa yikuthi kakho owayengalamula;
\q1 ngakho waletha ukukhululwa ngamandla akhe,
\q2 ukulunga kwakhe kwamqinisa.
\q1
\v 17 Wagqoka ukulunga njengesivikelo sakhe sasesifubeni,
\q2 lengowane yensindiso ekhanda lakhe;
\q1 wagqoka izembatho zokuphindisela
\q2 njalo wazigoqela ngokutshiseka njengokuzigoqela ngengubo.
\q1
\v 18 Uzaphindisela ulaka ezitheni zakhe,
\q2 kusiya ngalokho abakwenzileyo;
\q1 lokujeziswa kwabamelana laye;
\q2 izihlenge uzaziphindisela ngemfanelo yazo.
\q1
\v 19 Kusukela entshonalanga abantu bazalesaba ibizo \nd likaThixo\nd*,
\q2 njalo kusukela ekuphumeni kwelanga bazadumisa ubukhosi bakhe.
\q1 Ngoba uzafika njengesikhukhula esifutheleneyo
\q2 esifuqwa ngumoya \nd kaThixo\nd*.
\b
\q1
\v 20 “Umhlengi uzafika eZiyoni,
\q2 kwabakaJakhobe abavuma izono zabo,”
\q2 kutsho \nd uThixo\nd*.
\p
\v 21 “Mina lesi yiso isivumelwano sami labo,” kutsho \nd uThixo\nd*. “Umoya wami okuwe, lamazwi ami engiwabeke emlonyeni wakho akuyikusuka emlonyeni wakho, kumbe emilonyeni yabantwabakho, loba emilonyeni yezizukulwane zabo kusukela ngalesisikhathi kuze kube nininini,” kutsho \nd uThixo\nd*.
\c 60
\s1 Inkazimulo YaseZiyoni
\q1
\v 1 “Vuka, khazimula, ngoba ukukhanya kwakho sekufikile,
\q2 lenkazimulo \nd kaThixo\nd* iyavela phezu kwakho.
\q1
\v 2 Khangela, umnyama wembese umhlaba,
\q2 umnyama omkhulu usibekele abantu.
\q1 Kodwa \nd uThixo\nd* uyakhanya phezu kwakho
\q2 lenkazimulo yakhe iyabonakala phezu kwakho.
\q1
\v 3 Izizwe zizakuza ekukhanyeni kwakho,
\q2 lamakhosi alande ukuqhama kokusa kwakho.
\b
\q1
\v 4 Phakamisa amehlo akho ukhangele amacele akho wonke:
\q2 bonke babuthana beze kuwe;
\q1 amadodana akho avela khatshana,
\q2 lamadodakazi akho athwelwe ngengalo.
\q1
\v 5 Ngakho uzakhangela ubobotheke ngokujabula,
\q2 inhliziyo yakho izatshaya ikhukhumale ngenxa yentokozo;
\q1 inotho yasolwandle izalethwa kuwe,
\q2 lenotho yezizwe izakuza kuwe.
\q1
\v 6 Imihlambi yamakamela izagcwala elizweni lakho,
\q2 amakamela asakhulayo aseMidiyani lase-Efa.
\q1 Wonke avela eShebha azakuza
\q2 ethwele igolide lempepha
\q2 ememezela udumo \nd lukaThixo\nd*.
\q1
\v 7 Yonke imihlambi yaseKhedari izabuthelwa kuwe;
\q2 inqama zaseNebhayothi zizakusiza;
\q1 zizakwamukeleka njengeminikelo e-alithareni lami,
\q2 njalo ngizahlobisa ithempeli lami elilodumo.
\b
\q1
\v 8 Ngobani laba abandiza njengamayezi
\q2 lanjengamajuba esiya ezidlekeni zawo na?
\q1
\v 9 Ngeqiniso izihlenge zithembe mina;
\q2 ekhokheleyo yimikhumbi yaseThashishi,
\q1 iletha amadodana akho avela khatshana,
\q2 lesiliva sawo kanye legolide
\q1 ukuba kudunyiswe \nd uThixo\nd* uNkulunkulu wakho,
\q2 oNgcwele ka-Israyeli,
\q2 ngoba ukunike inkazimulo.
\b
\b
\q1
\v 10 Abezizwe bazayakha futhi imiduli yakho,
\q2 lamakhosi abo azakukhonza.
\q1 Lanxa ekuthukutheleni kwami ngakutshaya,
\q2 kodwa ngomusa wami ngizakuba lesihawu kuwe.
\q1
\v 11 Amasango akho azahlala evulekile;
\q2 kawayikuvalwa emini loba ebusuku
\q1 ukuze abantu bakulethele inotho yezizwe,
\q2 amakhosi azo ekhokhelwe ludwendwe lokunqoba.
\q1
\v 12 Ngoba isizwe kumbe umbuso ongayikukukhonza uzatshabalala;
\q2 uzachitheka uphele nya.
\b
\q1
\v 13 Udumo lwaseLebhanoni luzakuza kuwe;
\q2 zonke izihlahla ezamaphayini, umfiri lomsiphresi,
\q1 ukuzehlobisa indlu yami engcwele;
\q2 lendawo yezinyawo zami ngizayenza ikhazimule.
\q1
\v 14 Amadodana abancindezeli bakho
\q2 azakuza akhothame phambi kwakho;
\q1 bonke abakweyisayo
\q2 bazakhothamela phansi ezinyaweni zakho,
\q1 njalo bazakubiza ngokuthi iDolobho \nd likaThixo\nd*,
\q2 iZiyoni yakhe oNgcwele ka-Israyeli.
\b
\q1
\v 15 Lanxa ubulahliwe, uzondakala,
\q2 kungekho ohamba edabula phakathi kwakho,
\q1 ngizakwenza ube ligugu elingapheliyo,
\q2 uthokozise izizukulwane zonke.
\q1
\v 16 Uzanatha uchago lwezizwe,
\q2 umunyiswe emabeleni asesikhosini.
\q1 Lapho-ke uzakwazi ukuthi \nd nginguThixo\nd*, uMsilisi wakho,
\q2 uMhlengi wakho, uMninimandla kaJakhobe.
\q1
\v 17 Esikhundleni sethusi ngizakulethela igolide,
\q2 lesiliva esikhundleni sensimbi.
\q1 Esikhundleni sezigodo ngizakulethela ithusi,
\q2 lensimbi esikhundleni samatshe.
\q1 Ngizakwenza ukuthula kube ngumbusi wakho,
\q2 lokulunga kube yinkosi yakho.
\q1
\v 18 Akusayikuba lodlakela elizweni lakho,
\q2 akusayikuba khona ukuchitheka
\q2 loba ukutshabalala phakathi kwelizwe lakini,
\q1 kodwa uzakuthi imiduli yakho yiNsindiso,
\q2 lamasango akho uthi yiNdumiso.
\q1
\v 19 Ilanga kalisayikuba yikukhanya kwakho emini
\q2 loba ukukhanya kwenyanga kukukhanyise,
\q1 ngoba \nd uThixo\nd* uzakuba yikukhanya kwakho okungapheliyo,
\q2 loNkulunkulu wakho abe yinkazimulo yakho.
\q1
\v 20 Ilanga lakho kaliyikutshona futhi,
\q2 lenyanga yakho ayisayikufiphala njalo.
\q1 \nd UThixo\nd* uzakuba yikukhanya kwakho okungapheliyo,
\q2 lezinsuku zakho zezinsizi zizaphela.
\q1
\v 21 Lapho-ke bonke abantu bakho bazakuba ngabalungileyo,
\q2 lelizwe lizakuba lilifa labo kokuphela.
\q1 Bangamahlumela engawahlanyelayo,
\q2 umsebenzi wezandla zami,
\q2 ukuba ngibonakalise inkazimulo yami.
\q1
\v 22 Ingcosana yakho izakuba yinkulungwane,
\q2 abancinyane bazakuba yisizwe esilamandla.
\q1 Mina \nd nginguThixo\nd*;
\q2 ngesikhathi esifaneleyo lokhu ngizakwenza ngokuphangisa.”
\c 61
\s1 Umnyaka Womusa \nd KaThixo\nd*
\q1
\v 1 Umoya \nd kaThixo\nd* Wobukhosi uphezu kwami,
\q2 ngoba \nd uThixo\nd* ungigcobile
\q2 ukuba ngitshumayele izindaba ezinhle kwabampofu.
\q1 Ungithumile ukuba ngibophe inhliziyo ezidabukileyo,
\q2 ngimemezele ukukhululwa kwabathunjiweyo,
\q2 lokukhululwa kwezibotshwa emnyameni,
\q1
\v 2 lokumemezela umnyaka womusa \nd kaThixo\nd*,
\q2 losuku lokuphindisela kukaNkulunkulu wethu;
\q1 ukududuza abalilayo,
\q2
\v 3 lokunakekela labo abadabukileyo eZiyoni,
\q1 ukubapha umqhele wobuhle
\q2 esikhundleni somlotha,
\q1 amafutha okujabula
\q2 esikhundleni sokulila,
\q1 lengubo yokudumisa
\q2 esikhundleni somoya wokulahla ithemba.
\q1 Bazabizwa ngokuthi yimʼokhi yokulunga,
\q2 ehlanyelwe \nd nguThixo\nd*
\q2 ukuba abonakalise inkazimulo yakhe.
\b
\q1
\v 4 Bazavuselela njalo amanxiwa asendulo
\q2 bavuse lezindawo ezadilizwa kudala.
\q1 Bazavuselela amadolobho adilikayo
\q2 aleminyaka eminengi adilika.
\q1
\v 5 Abezizwe bazakwelusa imihlambi yenu;
\q2 abezizwe bazalima amasimu enu lezivini zenu.
\q1
\v 6 Lizabizwa ngokuthi abaphristi \nd bakaThixo\nd*,
\q2 kuzathiwa liyizikhonzi zikaNkulunkulu.
\q1 Lizakudla inotho yezizwe,
\q2 lizincome ngenotho yazo.
\b
\q1
\v 7 Esikhundleni sehlazo labo
\q2 abantu bami bazaphiwa isabelo esiphindwe kabili,
\q1 njalo esikhundleni sokuyangeka
\q2 bazathokoza ngelifa labo;
\q1 ngakho isabelo selifa labo elizweni sizaphindwa kabili,
\q2 lentokozo engapheliyo izakuba ngeyabo.
\b
\q1
\v 8 “Ngoba mina, \nd uThixo\nd*, ngithanda ukulunga,
\q2 ngizonda ubugebenga lobubi.
\q1 Ngobuqotho bami ngizabanika umvuzo
\q2 ngenze isivumelwano esingapheliyo labo.
\q1
\v 9 Izizukulwane zabo zizakwaziwa phakathi kwezizwe,
\q2 lenzalo yabo yaziwe phakathi kwabantu.
\q1 Bonke abababonayo bazavuma
\q2 ukuthi bangabantu ababusiswe \nd nguThixo\nd*.”
\b
\q1
\v 10 Ngiyathokoza kakhulu \nd kuThixo\nd*;
\q2 umphefumulo wami uyajabula ngoNkulunkulu wami.
\q1 Ngoba ungigqokise izigqoko zokusindiswa,
\q2 wangicecisa ngezembatho zokulunga,
\q1 njengomyeni ececisa ikhanda lakhe njengomphristi,
\q2 lanjengomlobokazi ezicecise ngamatshe akhe aligugu.
\q1
\v 11 Ngoba njengomhlabathi owenza ihlumela limile,
\q2 lesivande esenza inhlanyelo ikhule,
\q1 ngokunjalo \nd uThixo\nd* Wobukhosi uzakwenza ukulunga
\q2 lodumo kuvele phambi kwezizwe zonke.
\c 62
\s1 Ibizo Elitsha LeZiyoni
\q1
\v 1 Ngenxa yeZiyoni angiyikuthula;
\q2 ngenxa yeJerusalema angiyikuhlala ngithule,
\q1 ukulunga kwayo kuze kukhanye njengokusa,
\q2 ukusindiswa kwayo kuze kukhanye njengezibane ezivuthayo.
\q1
\v 2 Izizwe zizakubona ukulunga kwakho,
\q2 lamakhosi wonke ayibone inkazimulo yakho.
\q1 Uzabizwa ngebizo elitsha
\q2 umlomo \nd kaThixo\nd* ozakunika lona.
\q1
\v 3 Uzakuba ngumqhele wenkazimulo esandleni \nd sikaThixo\nd*,
\q2 umqhele wobukhosi esandleni sikaNkulunkulu wakho.
\q1
\v 4 Kabasayikukubiza ngokuthi oTshiyiweyo
\q2 kumbe babize ilizwe lakho ngokuthi Chithakele.
\q1 Kodwa uzabizwa ngokuthi Hefiziba
\q2 ilizwe lakho kuthiwe yiBhiyula,
\q1 ngoba \nd uThixo\nd* uzathokoza ngawe,
\q2 lelizwe lakho lizakwenda.
\q1
\v 5 Njengejaha lithatha intombi,
\q2 ngokunjalo amadodana akho azakuthatha;
\q1 lanjengomyeni ethokozela umakoti wakhe,
\q2 ngokunjalo uNkulunkulu uzathokoza ngawe.
\b
\q1
\v 6 Ngibeke abalindi phezu kwemiduli yakho wena Jerusalema;
\q2 kabayikuthula lanini emini loba ebusuku.
\q1 Lina elimbizayo \nd uThixo\nd*,
\q2 musani ukuphumula,
\q1
\v 7 laye lingamphumuzi aze akhe iJerusalema
\q2 alenze libe lodumo emhlabeni.
\b
\q1
\v 8 \nd UThixo\nd* ufungile ngesandla sakhe sokudla
\q2 langengalo yakhe elamandla wathi;
\q1 “Angiyikuphinda lanini
\q2 ukunika izitha zenu amabele enu njengokudla kwazo,
\q1 njalo lanini abezizwe kabayikuphinda banathe iwayini elitsha
\q2 elilisebenzele nzima.
\q1
\v 9 Kodwa labo abawavunayo bazawadla
\q2 badumise \nd uThixo\nd*,
\q1 lalabo ababutha amavini bazalinatha
\q2 emagumeni endlu yami engcwele.”
\b
\q1
\v 10 Dlulani, dlulani emasangweni!
\q2 Lungiselani abantu indlela.
\q1 Candani, candani umgwaqo!
\q2 Susani amatshe.
\q1 Phakamiselani izizwe uphawu.
\b
\q1
\v 11 \nd UThixo\nd* usenze isimemezelo
\q2 emhlabeni wonke wathi;
\q1 “Wothini kuyo iNdodakazi yaseZiyoni,
\q2 ‘Khangela uMsindisi wakho uyeza!
\q1 Khangela umvuzo wakhe ulawo,
\q2 lenhlawulo yakhe ulayo.’ ”
\q1
\v 12 Bazabizwa ngokuthi ngaBantu abaNgcwele,
\q2 abaHlengiweyo \nd bakaThixo\nd*;
\q1 wena uzathiwa Ofunwayo,
\q2 iDolobho Elingasatshiywanga.
\c 63
\s1 Usuku LukaNkulunkulu Lokuphindisela Lokuhlenga
\q1
\v 1 Ngubani lo ovela e-Edomi,
\q2 ovela eBhozira egqoke izembatho ezibomvu na?
\q1 Ngubani lo ogqoke ubucwazicwazi,
\q2 ohamba ngobukhulu bamandla akhe na?
\b
\q1 “Yimi okhuluma ngokulunga,
\q2 olamandla okusindisa.”
\b
\q1
\v 2 Kungani izigqoko zakho zibomvu
\q2 njengezomuntu onyathela isikhamelo sewayini na?
\b
\q1
\v 3 “Nginyathele isikhamelo sewayini ngedwa;
\q2 kakho owezizwe owayelami.
\q1 Ngabagxoba ngithukuthele,
\q2 ngabanyathela ngilolaka;
\q1 igazi labo lachaphakela ezambathweni zami,
\q2 langcolisa zonke izigqoko zami.
\q1
\v 4 Ngoba usuku lokuphindisela lwalusenhliziyweni yami,
\q2 lomnyaka wokuhlenga kwami usufikile.
\q1
\v 5 Ngakhangela, kodwa kakho owayengasiza.
\q2 Nganengwa yikungabi khona kosekelayo,
\q1 ngakho ingalo yami yangilethela insindiso
\q2 lolaka lwami lwangiqinisa.
\q1
\v 6 Ngagxoba izizwe ngokuthukuthela kwami,
\q2 ngazidakisa ngolaka lwami,
\q2 ngathela igazi lazo phansi.”
\s1 Ukudumisa Lokukhuleka
\q1
\v 7 Ngizalandisa ngomusa \nd kaThixo\nd*,
\q2 izenzo okumele adunyiswe ngenxa yazo,
\q2 ngakho konke \nd uThixo\nd* asenzele khona,
\q1 yebo, izinto ezinengi ezinhle
\q2 azenzele indlu ka-Israyeli,
\q2 ngesihawu sakhe langomusa wakhe omkhulu.
\q1
\v 8 Wathi, “Ngeqiniso bangabantu bami;
\q2 amadodana angayikuba lamanga kimi”;
\q2 ngakho waba nguMsindisi wabo.
\q1
\v 9 Kukho konke ukuhlupheka kwabo laye waba losizi;
\q2 ukuba khona kwengilosi yakhe kwabasindisa.
\q1 Ngothando lwakhe langesihawu sakhe wabahlenga;
\q2 wabaphakamisela phezulu,
\q2 wabathwala insuku zonke zakudala.
\q1
\v 10 Kodwa bamvukela
\q2 badanisa uMoya wakhe oNgcwele.
\q1 Ngakho waphenduka waba yisitha sabo
\q2 walwa labo yena ngokwakhe.
\b
\q1
\v 11 Lapho-ke abantu bakhe bakhumbula insuku zakudala,
\q2 insuku zikaMosi labantu bakhe,
\q1 ungaphi lowo owabachaphisa ulwandle,
\q2 lomelusi wemihlambi yakhe na?
\q1 Ungaphi lowo owathela
\q2 uMoya wakhe oNgcwele phakathi kwabo,
\q1
\v 12 owathumela ingalo yakhe yamandla elodumo
\q2 ukuba ibe sesandleni sokudla sikaMosi,
\q1 owehlukanisa amanzi phambi kwabo
\q2 ukuba azizuzele udumo olungapheliyo,
\q1
\v 13 owabadabulisa ezinzikini na?
\q1 Njengebhiza emagcekeni,
\q2 kabakhubekanga;
\q1
\v 14 njengezinkomo zisehla esigodini,
\q2 baphunyuzwa nguMoya \nd kaThixo\nd*.
\q1 Wena wabakhokhela kanjalo abantu bakho
\q2 ukuze uzenzele ibizo elilodumo.
\b
\q1
\v 15 Khangela phansi usezulwini ubone,
\q2 usesihlalweni sakho sobukhosi esiphakemeyo,
\q2 esingcwele, esicwebezelayo.
\q1 Kungaphi ukutshiseka kwakho lamandla akho na?
\q2 Isisa sakho lesihawu sakho kugodliwe kithi.
\q1
\v 16 Kodwa wena unguBaba wethu,
\q2 lanxa u-Abhrahama engasazi thina
\q2 lo-Israyeli engasivumi;
\q1 wena, Oh \nd Thixo\nd*, unguBaba wethu,
\q2 uMhlengi wethu libizo lakho kusukela endulo.
\q1
\v 17 Kungani, \nd Thixo\nd*, usenza siphambuke ezindleleni zakho,
\q2 usenza lezinhliziyo zethu zibe lukhuni ukuba singakwesabi na?
\q1 Phenduka ubuye ngenxa yezinceku zakho,
\q2 izizwana eziyilifa lakho.
\q1
\v 18 Indawo yakho engcwele
\q2 yayingeyabantu bakho okwesikhathi esifitshane,
\q1 kodwa khathesi izitha zethu seziyicakazele phansi
\q2 indlu yakho engcwele.
\q1
\v 19 Thina singabakho kusukela endulo;
\q2 kodwa awukaze ubabuse,
\q2 kabazange babizwe ngebizo lakho.
\b
\b
\c 64
\q1
\v 1 Awu, sengathi ungaqhekeza amazulu wehlele phansi
\q2 ukuba izintaba zinyikinyeke phambi kwakho!
\q1
\v 2 Njengalapho umlilo utshisa incwathi
\q2 wenze amanzi abile,
\q1 yehlela phansi ukuba wenze ibizo lakho lazakale ezitheni zakho,
\q2 wenze lezizwe zithuthumele phambi kwakho.
\q1
\v 3 Ngoba wathi usenza izinto ezesabekayo esasingazilindelanga,
\q2 wehlela phansi, izintaba zathuthumela phambi kwakho.
\q1
\v 4 Kusukela endulo kakho owezwayo,
\q2 akulandlebe eyabambisisayo,
\q1 akulalihlo elabona omunye uNkulunkulu ngaphandle kwakho,
\q2 osebenzela labo abathembe kuye.
\q1
\v 5 Uyeza ukuba usize labo abenza ukulunga ngokuthaba,
\q2 abazikhumbulayo izindlela zakho.
\q1 Kodwa lapho saqhubeka sisona kubo
\q2 wathukuthela.
\q2 Pho singasindiswa kanjani na?
\q1
\v 6 Sonke sesaba njengomuntu ongcolileyo,
\q2 lemisebenzi yethu yokulunga yonke injengenjobo ezingcolileyo,
\q1 sonke siyabuna njengehlamvu,
\q2 lanjengomoya izono zethu zisiphephulela khatshana.
\q1
\v 7 Kakho okhuleka ebizweni lakho
\q2 lozamayo ukubambelela kuwe,
\q1 ngoba ubuso bakho ubufihlile kithi
\q2 wasenza sacikizeka ngenxa yezono zethu.
\b
\q1
\v 8 Ikanti wena \nd Thixo\nd* unguBaba wethu.
\q2 Thina silibumba, wena ungumbumbi;
\q2 sonke singumsebenzi wezandla zakho.
\q1
\v 9 Ungathukutheli wedlulise, awu \nd Thixo\nd*;
\q2 izono zethu ungazikhumbuli kokuphela.
\q1 Awu, ake usikhangele, siyakhuleka,
\q2 ngoba sonke singabantu bakho.
\q1
\v 10 Amadolobho akho angcwele aseyinkangala;
\q2 leZiyoni isiyinkangala, iJerusalema isiyincithakalo.
\q1
\v 11 Ithempeli lethu elingcwele njalo elikhazimulayo lapho okhokho ababekudumisela khona,
\q2 litshiswe ngomlilo,
\q2 njalo konke okwakuligugu kithi sekungamanxiwa.
\q1
\v 12 Emva kwakho konke lokhu \nd Thixo\nd*, uzazithinta na?
\q2 Uzazithulela, usijezise ngokudlulisileyo na?
\c 65
\s1 Ukwahlulela LeNsindiso
\q1
\v 1 “Ngaziveza kulabo abangangicelanga;
\q2 ngafunyanwa yilabo abangangidinganga.
\q1 Isizwe esingakhulekanga kimi
\q2 ngathi kuso, ‘Ngilapha, ngilapha.’
\q1
\v 2 Ilanga lonke ngelula izandla zami
\q2 ebantwini abayiziqholo,
\q1 abahamba ngezindlela ezingalunganga
\q2 belandela iminakano yabo,
\q1
\v 3 abantu abahlezi bengicunula
\q2 bengikhangele,
\q1 benikela imihlatshelo emasimini,
\q2 betshisa impepha phezu kwezitina;
\q1
\v 4 abahlala emangcwabeni
\q2 balale besenza imilindelo eyimfihlo ebusuku;
\q1 abadla inyama yengulube,
\q2 abambiza zabo zigcina umhluzi wenyama engcolileyo;
\q1
\v 5 abathi, ‘Hlala khatshana, ungasondeli phansi kwami,
\q2 ngoba ngingcwele kulawe!’
\q1 Abantu abanjalo banjengentuthu emakhaleni ami,
\q2 umlilo ovuthayo ilanga lonke.
\b
\q1
\v 6 Khangela, kulotshiwe phambi kwami ukuthi:
\q2 Angiyikuthula, kodwa ngizaphindisela ngokugcweleyo;
\q2 ngizaphindisela ngokupheleleyo,
\q1
\v 7 kokubili izono zenu lezono zabokhokho benu,”
\q2 kutsho \nd uThixo\nd*.
\q1 “Ngoba batshisa imihlatshelo phezu kwezintaba
\q2 bangihlambaza phezu kwamaqaqa.
\q1 Ngizaphindisela kubo ngokugcweleyo
\q2 ngenxa yezenzo zabo abazenza ngaphambili.”
\p
\v 8 Nanku akutshoyo \nd uThixo\nd*:
\q1 “Njengalapho umhluzi usatholakala ehlukuzweni lamavini
\q2 labantu besithi, ungalibhidlizi,
\q2 kusekhona okuhle kulo,
\q1 ngizazenzela okunjalo izinceku zami;
\q2 angiyikuzibhubhisa zonke.
\q1
\v 9 Ngizaletha isizukulwane esivela kuJakhobe,
\q2 lakoJuda kuvele abazakuba ngabanikazi bezintaba zami;
\q1 zizakuba yilifa labakhethiweyo bami,
\q2 izinceku zami zizahlala khona.
\q1
\v 10 ISharoni izakuba ngamadlelo emihlambi
\q2 lesiGodi sase-Akhori sibe yindawo yokuphumulela imihlambi,
\q2 yabantu bami abangidingayo.
\b
\q1
\v 11 Kodwa lina elilahla \nd uThixo\nd*
\q2 likhohlwe intaba yami engcwele;
\q1 liphakele unkulunkulu uNhlanhla ukudla
\q2 libuye ligcwalisele unkulunkulu uSimiselo iwayini elixutshiweyo,
\q1
\v 12 ngizalimisela inkemba,
\q2 njalo lonke lizakhothamela ukubulawa,
\q1 ngoba ngamemeza kodwa kalisabelanga,
\q2 ngakhuluma kodwa lina kalilalelanga.
\q1 Lenza okubi phambi kwami
\q2 lakhetha okungicunulayo.”
\p
\v 13 Ngakho-ke \nd uThixo\nd* Wobukhosi uthi:
\q1 “Izinceku zami zizakudla,
\q2 kodwa lina lizalamba;
\q1 izinceku zami zizanatha,
\q2 kodwa lina lizakoma;
\q1 izinceku zami zizathokoza,
\q2 kodwa lina lizayangiswa.
\q1
\v 14 Izinceku zami zizahlabelela
\q2 ngentokozo yezinhliziyo zazo,
\q1 kodwa lina lizakhala
\q2 ngobuhlungu bezinhliziyo
\q2 njalo lilile ngokudabuka komoya.
\q1
\v 15 Lizatshiya ibizo lenu
\q2 njengesithuko kwabakhethiweyo bami;
\q1 \nd uThixo\nd* Wobukhosi uzalibulala,
\q2 kodwa izinceku zakhe uzazinika elinye ibizo.
\q1
\v 16 Lowo okhulekela isibusiso elizweni
\q2 uzakwenza lokho ngoNkulunkulu weqiniso;
\q1 lalowo owenza isifungo elizweni,
\q2 uzafunga ngoNkulunkulu weqiniso.
\q1 Ngoba inhlupheko ezedlulayo
\q2 zizakhohlakala zifihlakale emehlweni ami.”
\s1 Izulu Elitsha Lomhlaba Omutsha
\q1
\v 17 “Khangelani, ngizadala
\q2 izulu elitsha lomhlaba omutsha.
\q1 Izinto zakuqala aziyikukhunjulwa,
\q2 kumbe zifike engqondweni.
\q1
\v 18 Kodwa thabani lijabule kokuphela
\q2 ngalokho engizakudala,
\q1 ngoba ngizadala iJerusalema libe yintokozo
\q2 labantu balo babe yinjabulo.
\q1
\v 19 Ngizathokoza ngeJerusalema
\q2 njalo ngijabule ngabantu bami;
\q1 ukulila lokukhala
\q2 akusayikuzwakala kulo futhi.
\b
\q1
\v 20 Kulo akusayikuba khona futhi
\q2 usane oluphila insuku ezilutshwane
\q2 kumbe umuntu omdala ongaphelelisi iminyaka yakhe;
\q1 lowo ofa elekhulu leminyaka
\q2 uzakhangelwa njengomntwana nje;
\q1 lowo ongafikiyo ekhulwini
\q2 uzakhangelwa njengoqalekisiweyo.
\q1
\v 21 Bazakwakha izindlu bahlale kuzo;
\q2 bazahlanyela izivini badle izithelo zazo.
\q1
\v 22 Kabasayikwakha izindlu zihlalwe ngabanye
\q2 kumbe bahlanyele, kudle abanye.
\q1 Ngoba njengezinsuku zesihlahla,
\q2 zizakuba njalo insuku zabantu bami;
\q1 abakhethiweyo bami bazakholisa
\q2 umsebenzi wezandla zabo okwesikhathi eside.
\q1
\v 23 Kabayikusebenzela ize,
\q2 kumbe abantwababo bazalelwe ukuhlupheka,
\q1 ngoba bazakuba ngabantu ababusisiweyo \nd nguThixo\nd*,
\q2 bona kanye lezizukulwane zabo.
\q1
\v 24 Ngizabaphendula bengakakhuleki;
\q2 ngibezwe besakhuluma.
\q1
\v 25 Impisi lewundlu kuzakudla ndawonye,
\q2 lesilwane sizakudla utshani njengenkomo,
\q2 kodwa inyoka izakudla uthuli.
\q1 Kaziyikulimaza kumbe zibhubhise
\q2 kuyo yonke intaba yami engcwele,”
\q2 kutsho \nd uThixo\nd*.
\c 66
\s1 Ukwahlulela Lethemba
\p
\v 1 Nanku okutshiwo \nd nguThixo\nd*:
\q1 “Izulu liyisihlalo sami sobukhosi,
\q2 lomhlaba uyisenabelo sami.
\q1 Ingaphi indlu elizangakhela yona na?
\q2 Indawo yami yokuphumula izakuba ngaphi na?
\q1
\v 2 Isandla sami kasizenzanga zonke lezizinto
\q2 ukuze zibe khona na?”
\q2 kutsho \nd uThixo\nd*.
\b
\q1 “Engimbukayo ngulo:
\q2 lowo othobekileyo ozisolayo emoyeni,
\q2 olesabayo ilizwi lami.
\q1
\v 3 Kodwa lowo onikela ngenkunzi
\q2 ufana lomuntu obulala omunye umuntu,
\q1 lalowo onikela ngewundlu,
\q2 ufana lowephula intamo yenja;
\q1 lowo onikela ngamabele
\q2 ufana lonikela ngegazi lengulube,
\q1 lalowo otshisa impepha yesikhumbuzo
\q2 ufana lokhonza isithombe.
\q1 Sebekhethe izindlela zabo,
\q2 lemiphefumulo yabo ithokoziswa yizinengiso zabo;
\q1
\v 4 ngakho-ke lami ngizakhetha ukubaphatha kalukhuni,
\q2 ngibehlisele lokho abakwesabayo.
\q1 Ngoba kwathi lapho ngibiza, kakho owasabelayo,
\q2 lapho ngikhuluma, kakho owalalelayo.
\q1 Benza okubi phambi kwami,
\q2 bakhetha okungicunulayo.”
\b
\q1
\v 5 Zwanini ilizwi \nd likaThixo\nd*
\q2 lina elilesabayo ilizwi lakhe. Uthi,
\q1 “Abafowenu abalizondayo,
\q2 labalixwayayo ngenxa yebizo lami, sebethe,
\q1 kadunyiswe \nd uThixo\nd*
\q2 ukuze sibone intokozo yenu!
\q2 Kodwa bazayangiswa.”
\q1
\v 6 Zwanini ukuxokozela okusedolobheni,
\q2 zwanini umsindo osethempelini!
\q1 Ngumsindo \nd kaThixo\nd*
\q2 ephindisela ezitheni zakhe ngakho konke okuzifaneleyo.
\b
\q1
\v 7 “Uthi engakahelelwa,
\q2 abelethe;
\q1 ubuhlungu bungakamfikeli,
\q2 azale indodana.
\q1
\v 8 Ngubani owake wezwa into enje na?
\q2 Ngubani owake wabona izinto ezinje na?
\q1 Ilizwe lingazalwa ngelanga elilodwa
\q2 loba isizwe sizalwe ngesikhatshana na?
\q1 Ikanti iZiyoni ithi ngokuhelelwa nje
\q2 ihle ibazale abantwana bayo.
\q1
\v 9 Kambe ngifikisa esikhathini sokukhululeka
\q2 ngingabe ngisabelethisa na?”
\q2 kutsho \nd uThixo\nd*.
\q1 “Ngiyasivala na isibeletho
\q2 ngesikhathi sengibelethisa na?”
\q2 kutsho \nd uThixo\nd*
\q1
\v 10 “Thokozani leJerusalema lilithabele,
\q2 lonke lina elilithandayo;
\q1 thokozani kakhulu lalo lonke
\q2 lina elilililelayo.
\q1
\v 11 Ngoba lizamunya lisuthe
\q2 emabeleni alo aduduzayo;
\q1 lizanatha kakhulu,
\q2 lithokoze ngenala yalo enengi.”
\p
\v 12 Ngoba lokhu yikho okutshiwo \nd nguThixo\nd*:
\q1 “Ngizaletha ukuthula kini okugeleza njengesifula esigcweleyo
\q2 lomnotho wezizwe njengesifula esithelayo,
\q1 limunye liphethwe ngengalo yazo
\q2 njalo lidlaliswe emathangazini azo.
\q1
\v 13 Njengomama eduduza umntanakhe,
\q2 kanjalo lami ngizaliduduza,
\q2 njalo lizaduduzeka eJerusalema.”
\b
\q1
\v 14 Lapho libona lokhu, inhliziyo zenu zizathokoza,
\q2 lani likhule njengotshani;
\q1 isandla \nd sikaThixo\nd* sizakwazakala ezincekwini zakhe
\q2 kodwa ulaka lwakhe luzabonakaliswa ezitheni zakhe.
\q1
\v 15 Khangelani, \nd uThixo\nd* uza ngomlilo,
\q2 izinqola zakhe zempi zinjengesivunguzane;
\q1 ulaka lwakhe uzalwehlisela phansi ngokufuthelana,
\q2 lokukhuza kwakhe kwehle ngamalangabi omlilo.
\q1
\v 16 Ngoba ngomlilo langenkemba yakhe
\q2 \nd uThixo\nd* uzakwahlulela abantu bonke,
\q2 njalo abanengi bazakuba yilabo ababulewe \nd nguThixo\nd*.
\p
\v 17 “Labo abazahlukanisayo, bazihlambulule ukungena emasimini belandela lowo ophakathi kwalabo abadla inyama yengulube lamagundwane kanye lezinye izinto ezinengisayo, isiphetho sabo sizafika sikhathi sinye,” kutsho \nd uThixo\nd*.
\p
\v 18 Ngenxa yezenzo zabo lemicabango yabo, sekuseduze ukuthi ngizebutha izizwe zonke lezindimi zonke; njalo bazakuza babone inkazimulo yami.
\p
\v 19 “Ngizabeka isibonakaliso phakathi kwabo, ngithumele abanye balabo abasalayo ezizweni zeThashishi, kumaLibhiya, lamaLudi (alodumo ekusebenziseni imitshoko), eThubhali leGrisi lasezihlengeni ezikhatshana ezingakaluzwa udumo lwami kumbe zibone inkazimulo yami. Bazamemezela udumo lwami phakathi kwezizwe. 
\v 20 Njalo bazababuyisa bonke abafowenu entabeni yami engcwele eJerusalema njengomnikelo \nd kuThixo\nd* bevela ezizweni zonke, bephezu kwamabhiza, izinqola zempi, imbongolo lamakamela,” kutsho \nd uThixo\nd*. “Bazababuyisa njengabako-Israyeli beletha iminikelo yabo yamabele ethempelini likaThixo ngezitsha ezihlambulukileyo ngokomkhuba. 
\v 21 Ngizakhetha abanye babo ukuba labo babe ngabaphristi labaLevi,” kutsho \nd uThixo\nd*.
\p
\v 22 “Njengamazulu amatsha lomhlaba omutsha engikwenzayo kuzakuma kokuphela phambi kwami,” kutsho \nd uThixo\nd*, “ngokunjalo ibizo lakho lenzalo yakho izakuma kokuphela. 
\v 23 Kusukela ekuThwaseni kwenye iNyanga kusiya ekuthwaseni kwenye, njalo kusukela kwelinye iSabatha kusiya kwelinye abantu bonke bazakuza bakhothame phambi kwami,” kutsho \nd uThixo\nd*. 
\v 24 “Bazaphuma babone izidumbu zabantu abangihlamukelayo; impethu yazo kayiyikufa, lomlilo wazo kawuyikucitshwa, njalo zizakwenyanyeka ebantwini bonke.”