\id HOS - Biblica® Open Ndebele Contemporary Bible
\ide UTF-8
\h UHosiya
\toc1 UHosiya
\toc2 UHosiya
\toc3 Hos
\mt1 UHosiya
\c 1
\p
\v 1 Ilizwi \nd likaThixo\nd* lafika kuHosiya indodana kaBheri ngezinsuku zemibuso yabo-Uziya, loJothamu, lo-Ahazi loHezekhiya amakhosi akoJuda, kanye lasezinsukwini zokubusa kukaJerobhowamu indodana kaJowashi inkosi yako-Israyeli.
\b
\s1 UmkaHoseya Labantwana
\p
\v 2 Kwathi \nd uThixo\nd* eseqalise ukukhuluma ngoHosiya, \nd uThixo\nd* wathi kuye, “Hamba uyethatha umfazi oyisifebe ubelabantwana bobufebe, ngoba ilizwe lilecala lobufebe obubi kakhulu ngokweduka \nd kuThixo\nd*.” 
\v 3 Ngakho wathatha uGomeri indodakazi kaDibilayimi, njalo wathatha isisu wamzalela indodana.
\p
\v 4 \nd UThixo\nd* wasesithi kuHoseya, “Methe ibizo uthi nguJezerili, ngoba masinyane nje ngizayijezisa indlu kaJehu ngenxa yesihluku sokubulala abantu abanengi eJezerili, njalo ngizawuqeda umbuso wako-Israyeli. 
\v 5 Ngalolosuku ngizakwephula idandili lika-Israyeli eSigodini saseJezerili.”
\p
\v 6 UGomeri wathatha isisu futhi, wazala indodakazi. \nd UThixo\nd* wasesithi, “Muphe ibizo uthi nguLo-Ruhama, ngoba kangisoze ngibe lothando futhi endlini ka-Israyeli, ukuba ngibathethelele. 
\v 7 Kodwa ngizakuba lothando endlini kaJuda, njalo ngizabakhulula, kungayisikho ngedandili, inkemba kumbe impi, loba ngamabhiza langabagadi bamabhiza, kodwa \nd ngoThixo\nd* uNkulunkulu wabo.”
\p
\v 8 UGomeri eselumule uLo-Ruhama ebeleni, waba lenye indodana. 
\v 9 \nd UThixo\nd* wasesithi, “Muphe ibizo lokuthi nguLo-Ami, ngoba lina kalisibo bantu bami, lami kangisuye uNkulunkulu wenu.
\p
\v 10 Kodwa abako-Israyeli bazakuba njengetshebetshebe ekhunjini lolwandle elingeke lilinganiswe kumbe libalwe. Endaweni lapho okwakuthiwe khona kubo, ‘Kalisibo bantu bami,’ bazabizwa ngokuthi, ‘bantwana bakaNkulunkulu ophilayo.’ 
\v 11 Abantu bakoJuda labantu bako-Israyeli bazamanyana, njalo bazakhetha umkhokheli oyedwa baphume elizweni, ngoba luzakuba lukhulu usuku lukaJezerili.”
\c 2
\p
\v 1 “Tshono kubafowenu uthi, ‘Bantu bami,’ ngabodadewenu uthi, ‘Bathandekayo bami.’ ”
\s1 U-Israyeli Uyajeziswa Abuye Abuyiselwe
\q1
\v 2 “Mkhuze unyoko, mkhuze,
\q2 ngoba engasuye mkami,
\q2 lami kangisuye mkakhe.
\q1 Kasuse ukukhangeleka kobufebe ebusweni bakhe
\q2 kanye lokungathembeki phakathi kwamabele akhe.
\q1
\v 3 Funa ngimhlubule abe nqunu,
\q2 ngimenze abeze njengamhla ezalwa;
\q1 ngizamenza abe njengenkangala,
\q2 ngimenze abe yilizwe elomileyo
\q2 ngimbulale ngokomela amanzi.
\q1
\v 4 Kangiyikubonakalisa uthando lwami ebantwaneni bakhe,
\q2 ngoba bangabantwana bobufebe.
\q1
\v 5 Unina ubeyisifebe,
\q2 njalo ubemule ngehlazo.
\q1 Wathi, ‘Ngizazilandela izithandwa zami,
\q2 ezingipha ukudla kwami lamanzi ami,
\q2 iwulu yami lamalembu ami,
\q2 amafutha ami lokunathwayo kwami.’
\q1
\v 6 Ngakho-ke indlela yakhe ngizayivala ngamahlahla ameva;
\q2 ngizamhonqolozela ngomduli ukuze indlela yakhe angayifumani.
\q1
\v 7 Uzaxotshana lezithandwa zakhe kodwa angazifici,
\q2 uzazidinga kodwa angazitholi.
\q1 Ngakho uzakuthi,
\q2 ‘Ngizabuyela endodeni yami yakuqala,
\q2 ngoba ngalesosikhathi ngangingcono kulakhathesi.’
\q1
\v 8 Kavumanga ukuthi yimi engamnika amabele,
\q2 lewayini elitsha lamafutha ngamnika isiliva esinengi legolide
\q2 abakusebenzisela uBhali.
\b
\q1
\v 9 Ngakho-ke ngizawathatha amabele ami lapho esevuthiwe,
\q2 lewayini lami elitsha lapho selilungile.
\q1 Ngizayithatha lewulu yami kanye lelineni lami,
\q2 okwakumiselwe ukuvala ubunqunu bakhe.
\q1
\v 10 Ngakho khathesi ngizahlazulula ukuxhwala bakhe
\q2 emehlweni ezithandwa zakhe;
\q2 kakho ozamsusa ezandleni zami.
\q1
\v 11 Ngizayiqeda yonke imikhosi yakhe yokuthokoza:
\q2 imikhosi yakhe yeminyaka yonke, ukuThwasa kweziNyanga,
\q2 insuku zakhe zamaSabatha,
\q2 yonke imikhosi yakhe emisiweyo.
\q1
\v 12 Ngizatshabalalisa izivini zakhe lezihlahla zakhe zemikhiwa,
\q2 lokhu athi yinhlawulo yakhe evela kuzithandwa zakhe;
\q1 ngizazenza zibe liguswanyana
\q2 zidliwe yizinyamazana zeganga.
\q1
\v 13 Ngizamjezisela insuku atshisela ngazo
\q2 oBhali impepha;
\q1 wazicecisa ngamasongo langamangqongqo,
\q2 walandela izithandwa zakhe,
\q2 kodwa mina wangikhohlwa,” kutsho \nd uThixo\nd*.
\b
\q1
\v 14 “Ngakho sengizamhuga;
\q2 ngizamholela enkangala
\q2 ngikhulume laye kakuhle.
\q1
\v 15 Lapho-ke ngizambuyisela izivini zakhe,
\q2 ngenze iSigodi sase-Akhori sibe ngumnyango wethemba.
\q1 Khonapho uzahlabelela njengasezinsukwini zobutsha bakhe,
\q2 njengamhla ephuma eGibhithe.
\b
\q1
\v 16 Ngalolosuku,” kutsho \nd uThixo\nd*,
\q2 “lizangibiza ngokuthi ‘ndoda yami’;
\q2 kalisayikungibiza ngokuthi ‘nkosi yami.’
\q1
\v 17 Ngizawasusa amabizo aboBhali ezindebeni zakhe;
\q2 amabizo abo akusayikukhulekwa ngawo futhi.
\q1
\v 18 Ngalolosuku ngizabenzela isivumelwano
\q2 lezinyamazana zeganga lezinyoni zasemoyeni
\q2 kanye lezidalwa ezihuquzela emhlabathini.
\q1 Idandili lenkemba kanye lempi
\q2 ngizakuqeda elizweni
\q2 ukuze konke kulale phansi kuvikelekile.
\q1
\v 19 Ngizakwendisela kimi kuze kube nininini;
\q2 ngizakwendisa ngokulunga langemfanelo,
\q2 ngothando langesihawu.
\q1
\v 20 Ngizakwendisa ngokuthembeka,
\q2 njalo uzamamukela \nd uThixo\nd*.
\b
\q1
\v 21 Ngalolosuku ngizasabela,”
\q2 kutsho \nd uThixo\nd*,
\q1 “Ngizasabela emikhathini,
\q2 layo izasabela emhlabeni,
\q1
\v 22 lomhlaba uzasabela emabeleni
\q2 lasewayinini elitsha kanye lasemafutheni,
\q2 lokhu kuzasabela kuJezerili.
\q1
\v 23 Ngizazihlanyelela yena elizweni;
\q2 ngizabonakalisa uthando lwami
\q2 kulowo engambiza ngokuthi,
\q2 ‘Akasi sithandwa sami.’
\q1 Ngizakuthi kulabo ababizwa ngokuthi,
\q2 ‘Abangasibantu bami,’
\q2 ‘Lingabantu bami’;
\q1 bona bazakuthi,
\q2 ‘UnguNkulunkulu wethu.’ ”
\c 3
\s1 Ukubuyisana KukaHoseya Lomkakhe
\p
\v 1 \nd UThixo\nd* wasesithi kimi, “Hamba, utshengisele uthando lwakho kumkakho futhi, lanxa nje ethandwa ngomunye njalo eyisifebekazi. Mthande \nd njengoThixo\nd* ethanda abako-Israyeli, lanxa baphendukela kwabanye onkulunkulu njalo bethanda amakhekhe ezithelo ezonyisiweyo.”
\p
\v 2 Ngakho ngamthenga ngamashekeli esiliva alitshumi lanhlanu langokwakuphosa kube lihomeri leletheki lebhali. 
\v 3 Ngasengisithi kuye, “Uzahlala lami insuku ezinengi; akumelanga ube yisifebe loba wembathe lenye indoda, lami ngizahlala lawe.”
\p
\v 4 Ngoba abako-Israyeli bazahlala insuku ezinengi bengelankosi kumbe inkosana, bengelamhlatshelo kumbe amatshe angcwele, bengelasembatho semahlombe kumbe isithombe. 
\v 5 Muva abako-Israyeli bazaphenduka bamdinge \nd uThixo\nd* uNkulunkulu wabo kanye loDavida inkosi yabo. Bazakuza \nd kuThixo\nd* beqhaqhazela kanye lasezibusisweni zakhe ensukwini zokucina.
\c 4
\s1 Icala Eletheswa Abako-Israyeli
\q1
\v 1 Zwanini ilizwi \nd likaThixo\nd*, lina bako-Israyeli
\q2 ngoba kulecala \nd uThixo\nd* alethesa lina elihlala elizweni:
\q1 “Akulakwethembeka, akulathando, akukho ukumamukela
\q2 uNkulunkulu elizweni.
\q1
\v 2 Kulokuthuka kuphela, lokuqamba amanga lokubulala,
\q2 lokuntshontsha kanye lobufebe;
\q1 benza ububi bonke,
\q2 njalo ukuchithwa kwegazi kulandela ukuchithwa kwegazi.
\q1
\v 3 Ilizwe liyalila ngenxa yalokhu,
\q2 njalo bonke abahlala kulo bayacikizeka;
\q1 izinyamazana zeganga lezinyoni zasemoyeni
\q2 kanye lenhlanzi zasolwandle kuyafa.
\b
\q1
\v 4 Kodwa akungabi lamuntu omangalayo,
\q2 akungabi lomuntu owethesa omunye icala
\q1 ngoba abantu bakho bafana lalabo
\q2 abamangalela umphristi.
\q1
\v 5 Liyakhubeka emini lebusuku,
\q2 labaphrofethi bakhubeka kanye lani.
\q1 Ngakho unyoko ngizamchitha,
\q2
\v 6 abantu bami bachithwa yikungabi lolwazi.
\b
\q1 Njengoba likwalile ukwazi,
\q2 lami ngiyalala njengabaphristi bami;
\q1 ngoba kaliwunakanga umthetho kaNkulunkulu wenu,
\q2 lami angiyikubanaka abantwana benu.
\q1
\v 7 Ngokwanda kwabaphristi,
\q2 kwanda kanjalo lokona kwabo kimi,
\q2 benanisa uDumo lwabo ngento elihlazo.
\q1
\v 8 Badla izono zabantu bami
\q2 bajabuliswe yikuxhwala kwabo.
\q1
\v 9 Njalo kuzakuba kanje: Njengabantu, njengabaphristi.
\q2 Bonke ngizabajezisela izindlela zabo,
\q2 ngiphindisele kubo lezenzo zabo.
\b
\q1
\v 10 Bazakudla kodwa bangasuthi;
\q2 bazakwenza ubufebe kodwa bangandi,
\q1 ngoba bamdelile \nd uThixo\nd*
\q2 ukuba bazinikele 
\v 11 ebufebeni,
\q1 lewayini elidala kanye lelitsha
\q2 elisusa ukuqedisisa kwabantu bami.
\q1
\v 12 Badinga izeluleko esithombeni sesigodo
\q2 baphendulwe yiluthi lwesigodo.
\q1 Umoya wobufebe uyabedukisa;
\q2 kabathembekanga kuNkulunkulu wabo.
\q1
\v 13 Banikela imihlatshelo ezingqongweni zezintaba
\q2 batshise iminikelo phezu kwamaqaqa,
\q1 ngaphansi komʼokhi, lomphophila kanye lomtherebhinti,
\q2 lapho okulomthunzi omnandi.
\q1 Ngakho amadodakazi enu enza ubuwule,
\q2 labomalukazana benu benze ubufebe.
\b
\q1
\v 14 Angiyikuwajezisa amadodakazi enu
\q2 lapho esenza ubuwule
\q1 loba omalukazana benu
\q2 lapho besenza ubufebe,
\q1 ngoba amadoda uqobo azwana lezifebe anikele
\q2 imihlatshelo lezifebe ezisezindaweni zokukhonzela
\q2 abantu abangelakuqedisisa bazabhubha.
\b
\q1
\v 15 Lanxa ufeba, we Israyeli,
\q2 uJuda kangabi lecala.
\b
\q1 Lingayi eGiligali;
\q2 lingayi eBhethi-Aveni.
\q2 Njalo lingafungi lisithi,
\q2 ‘Ngeqiniso njengoba \nd uThixo\nd* ekhona!’
\q1
\v 16 Abako-Israyeli bayiziqholo,
\q2 njengethokazi eliyisiqholo.
\q1 Pho \nd uThixo\nd* angabelusela njani
\q2 emadlelweni njengezimvu na?
\q1
\v 17 U-Efrayimi uhlangene lezithombe;
\q2 myekeleni enjalo!
\q1
\v 18 Lalapho okunathwayo kwabo sekuphelile,
\q2 bayaqhubeka ngobufebe babo;
\q2 ababusi babo bazithanda kakhulu izindlela ezilihlazo.
\q1
\v 19 Isavunguzane sizabakhukhula,
\q2 lemihlatshelo yabo izabalethela ihlazo.”
\c 5
\s1 Ukwahlulela Okumelane Lo-Israyeli
\q1
\v 1 “Zwanini lokhu, lina baphristi!
\q2 Lalelani, lina bako-Israyeli.
\q1 Lalela, wena ndlu yobukhosi!
\q2 Ukwahlulela lokhu kumelane lani:
\q1 Kade lingumjibila eMizipha,
\q2 umambule owendlalwe eThabhori.
\q1
\v 2 Abahlamuki batshonile ekubulaleni,
\q2 ngizabalaya bonke.
\q1
\v 3 Mina ngazi konke ngo-Efrayimi;
\q2 u-Israyeli kafihlakalanga kimi.
\q1 Efrayimi, khathesi ususenza ubufebe;
\q2 u-Israyeli uxhwalile.
\b
\q1
\v 4 Izenzo zabo kazibavumeli
\q2 ukubuyela kuNkulunkulu wabo.
\q1 Umoya wobufebe usezinhliziyweni zabo;
\q2 kabamamukeli \nd uThixo\nd*.
\q1
\v 5 Ukuzigqaja kuka-Israyeli kufakaza okubi ngaye;
\q2 abako-Israyeli, kanye laye u-Efrayimi,
\q1 bayakhubeka ezonweni zabo.
\q2 LoJuda laye ukhubeka labo
\q1
\v 6 Lapho behamba lemihlambi yezimvu zabo leyenkomo
\q2 ukuyadinga \nd uThixo\nd*,
\q1 kabayikumfumana;
\q2 uzisusile kubo.
\q1
\v 7 Kabathembekanga \nd kuThixo\nd*;
\q2 bazala abantwana ngokungemthetho.
\q1 Khathesi imikhosi yabo yokuThwasa Kwezinyanga
\q2 izabaqothula kanye lamasimu abo.
\b
\q1
\v 8 Khalisani icilongo eGibhiya,
\q2 lophondo eRama.
\q1 Hlabani umkhosi wempi eBhethi-Aveni;
\q2 khokhela, wena Bhenjamini.
\q1
\v 9 U-Efrayimi uzachithwa
\q2 ngosuku lokwahlulela.
\q1 Phakathi kwezizwana zako-Israyeli
\q2 ngimemezela okuliqiniso.
\q1
\v 10 Abakhokheli bakoJuda
\q2 banjengalabo abatshedisa amatshe omngcele.
\q1 Ngizathululela ulaka lwami phezu kwabo
\q2 njengesikhukhula samanzi.
\q1
\v 11 U-Efrayimi uncindezelwe,
\q2 wanyathelwa ekwahluleleni,
\q2 ehlose ukulandela izithombe.
\q1
\v 12 Mina nginjengenondo ku-Efrayimi,
\q2 njengokubola ebantwini bakoJuda.
\b
\q1
\v 13 Kwathi u-Efrayimi ebona umkhuhlane wakhe,
\q2 loJuda ebona izilonda zakhe,
\q1 u-Efrayimi waya e-Asiriya,
\q2 wathumela ilizwi loncedo enkosini enkulu.
\q1 Kodwa kayenelisi ukukwelapha,
\q2 kayenelisi ukwelapha izilonda zakho.
\q1
\v 14 Ngoba ngizakuba njengesilwane ku-Efrayimi,
\q2 lanjengesilwane esikhulu kuJuda.
\q1 Ngizabadabudabula ngisuke ngihambe;
\q2 ngizabathwala ngihambe labo,
\q2 kungekho ozabahlenga.
\q1
\v 15 Ngizabuyela endaweni yami
\q2 baze balivume icala labo.
\q2 Njalo bazabudinga ubuso bami;
\q1 esizini lwabo
\q2 bazangidinga impela.”
\c 6
\s1 U-Israyeli Kaphenduki
\q1
\v 1 “Wozani sibuyele \nd kuThixo\nd*.
\q1 Usesidabule saba yizicucu
\q2 kodwa uzaselapha;
\q1 usilimazile
\q2 kodwa uzawabopha amanxeba ethu.
\q1
\v 2 Emva kwensuku ezimbili uzasivuselela;
\q2 ngosuku lwesithathu uzasibuyisela
\q2 ukuze sihlale lapho akhona.
\q1
\v 3 Kasimamukeleni \nd uThixo\nd*;
\q2 kasiqiniseni ukumamukela.
\q1 Ngoqotho njengoba ilanga liphuma,
\q2 uzabonakala;
\q1 uzakuza kithi njengezulu lebusika,
\q2 lanjengezulu lentwasa elithambisa umhlaba.”
\b
\q1
\v 4 “Ngingenzani ngawe, Efrayimi na?
\q2 Ngingenzani ngawe, Juda na?
\q1 Uthando lwenu lunjengenkungu yekuseni,
\q2 lunjengamazolo ekuseni anyamalalayo.
\q1
\v 5 Ngakho ngaliqumaquma ngabaphrofethi bami,
\q2 ngalibulala ngamazwi omlomo wami;
\q2 ukwahlulela kwami kwaphazima njengombane phezu kwenu.
\q1
\v 6 Ngoba mina ngifuna isihawu, hatshi umhlatshelo,
\q2 lokwamukela uNkulunkulu kuleminikelo yokutshiswa.
\q1
\v 7 Njengo-Adamu, sebesephule isivumelwano
\q2 babengathembekanga khonale.
\q1
\v 8 IGiliyadi lidolobho labantu abaxhwalileyo.
\q2 Lingcolile ngezinyathelo zegazi
\q1
\v 9 Njengezigebenga zicathamela umuntu,
\q2 zenzanjalo izigangi zabaphristi;
\q1 zibulala abantu emgwaqweni oya eShekhemu
\q2 zisenza izinto ezimbi.
\q1
\v 10 Sengibone into etshaqisayo endlini ka-Israyeli.
\q2 U-Efrayimi uwela khonapho,
\q2 lo-Israyeli ungcolisiwe.
\b
\q1
\v 11 Lakuwe futhi Juda,
\q2 ukuvuna sekulungiselwe.
\b
\q1 Lapho ngingabuyisela inotho yabantu bami.
\c 7
\q2
\v 1 Lapho engizakwelapha khona u-Israyeli,
\q1 izono zika-Efrayimi ziyadalulwa
\q2 lobubi beSamariya buyembulwa.
\q1 Benza inkohliso,
\q2 amasela agqekeza izindlu,
\q2 izigebenga ziyaphanga emigwaqweni
\q1
\v 2 kodwa kabananzeleli
\q2 ukuthi mina ngiyazikhumbula zonke izenzo zabo ezimbi.
\q1 Izono zabo ziyabaminza;
\q2 zihlezi ziphambi kwami.
\b
\q1
\v 3 Bathokozisa inkosi ngobuxhwali babo,
\q2 lababusi ngamanga abo.
\q1
\v 4 Bonke bayizifebe,
\q2 batshisa njengeziko
\q1 elimlilo walo akudingeki ukuba umpheki wezinkwa awukhwezele
\q2 kusukela ekuvoxeni inhlama ize ikhukhumale.
\q1
\v 5 Ngosuku lomkhosi wenkosi yethu
\q2 ababusi bathukutheliswa liwayini,
\q2 inkosi izihlanganise labaklolodayo.
\q1
\v 6 Inhliziyo zabo zinjengeziko,
\q2 inkosi bayilanda ngamacebo ensitha.
\q1 Ukufutheka kwabo kuyadeda ubusuku bonke;
\q2 ekuseni kuyavutha njengomlilo obhebhayo.
\q1
\v 7 Bonke batshisa njengeziko;
\q2 batshwabadele ababusi babo.
\q1 Wonke amakhosi abo ayawa,
\q2 kayikho ekhuleka kimi.
\b
\q1
\v 8 U-Efrayimi uxubana lezizwe;
\q2 u-Efrayimi ulikhekhe eliyisicecedu elingaphendulwanga.
\q1
\v 9 Abezizweni bacikiza amandla akhe,
\q2 kodwa yena kakunanzeleli.
\q1 Inwele zakhe sezilezimvu
\q2 kodwa yena kakunanzeleli.
\q1
\v 10 Ubuqholo buka-Israyeli bufakaza okubi ngaye,
\q2 kodwa phezu kwakho konke lokhu
\q1 kabuyeli \nd kuThixo\nd* uNkulunkulu wakhe
\q2 loba amdinge.
\b
\q1
\v 11 U-Efrayimi unjengejuba,
\q2 ukhohliseka lula kalangqondo
\q1 ucela usizo eGibhithe,
\q2 abuye alucele e-Asiriya.
\q1
\v 12 Lapho sebehamba, ngizaphosa umambule wami phezu kwabo;
\q2 ngizabadonsela phansi njengezinyoni zasemoyeni.
\q1 Ngizabezwa behamba bonke,
\q2 ngizababamba.
\q1
\v 13 Maye kubo
\q2 ngoba bedukile kimi!
\q1 Akube lencithakalo kubo
\q2 ngoba bangihlamukele!
\q1 Ngiyafisa ukubahlenga
\q2 kodwa bona bakhuluma amanga ngami.
\q1
\v 14 Kabakhalazi kimi ngezinhliziyo zabo
\q2 kodwa bakhalela emibhedeni yabo.
\q1 Babuthanela amabele lewayini elitsha
\q2 kodwa mina basuka bangidele.
\q1
\v 15 Ngabafundisa ngabaqinisa,
\q2 kodwa baceba okubi ngami.
\q1
\v 16 Kabaphendukeli koPhezukonke
\q2 banjengedandili elisolekayo.
\q1 Abakhokheli babo bazabulawa ngenkemba
\q2 ngenxa yamazwi abo okweyisa.
\q1 Ngalokhu bazahlekwa
\q2 elizweni laseGibhithe.”
\c 8
\s1 U-Israyeli Uzavuna Isavunguzane
\q1
\v 1 “Faka icilongo ezindebeni zakho!
\q2 Ukhozi lungaphezu kwendlu \nd kaThixo\nd*
\q1 ngoba abantu basephule isivumelwano sami
\q2 bahlamukela lomthetho wami.
\q1
\v 2 U-Israyeli uyakhalaza kimi esithi,
\q2 ‘Oh Nkulunkulu wethu, siyakwamukela!’
\q1
\v 3 Kodwa u-Israyeli ukwalile okuhle;
\q2 isitha sizaxotshana laye.
\q1
\v 4 Babeka amakhosi kungekho mvumo yami;
\q2 bakhetha ababusi kungekho mvumo yami.
\q1 Ngesiliva sabo langegolide,
\q2 bazenzela izithombe zibe yikubhujiswa kwabo.
\q1
\v 5 Lahla isithombe sakho sethole, wena Samariya!
\q2 Ulaka lwami luyavutha ngawe.
\q1 Koze kube nini bengelamandla okuhlambuluka na?
\q2
\v 6 Bavela ko-Israyeli!
\q1 Ithole leli labunjwa yingcwethi;
\q2 kalisuye Nkulunkulu.
\q1 Lizachobozwa libe yizicucu,
\q2 ithole lelo laseSamariya.
\b
\q1
\v 7 Bahlanyela umoya
\q2 bavune isavunguzane.
\q1 Ihlanga kalilasikhwebu;
\q2 kaliyikuthela ifulawa.
\q1 Aluba belingathela amabele,
\q2 abezizweni kade bezawamimiliza.
\q1
\v 8 U-Israyeli useginyiwe;
\q2 khathesi phakathi kwezizwe
\q2 unjengento engelasizo.
\q1
\v 9 Ngoba sebeye e-Asiriya
\q2 njengobabhemi weganga entula yedwa.
\q2 U-Efrayimi uzithengisile kuzithandwa.
\q1
\v 10 Lanxa bezithengisile phakathi kwezizwe,
\q2 ngizabaqoqela ndawonye.
\q1 Bazaqalisa ukucikizeka
\q2 bengaphansi kwencindezelo yenkosi elamandla.
\b
\q1
\v 11 Lanxa u-Efrayimi wakha ama-alithare amanengi eminikelo yezono,
\q2 asebe ngama-alithare okwenza izono.
\q1
\v 12 Ngabalobela izinto ezinengi zomthetho wami
\q2 kodwa bona bazithatha njengento engaziwayo.
\q1
\v 13 Banikela imihlatshelo njengezipho kimi
\q2 babuye badle inyama yakhona,
\q2 kodwa \nd uThixo\nd* kathokozi ngabo.
\q1 Khathesi usezakhumbula ukuxhwala kwabo
\q2 abajezisele izono zabo:
\q2 Bazabuyela eGibhithe.
\q1
\v 14 U-Israyeli usemkhohliwe uMenzi wakhe
\q2 wakha izindlu zamakhosi;
\q2 uJuda usevikele amadolobho amanengi ngezinqaba.
\q1 Kodwa ngizathumela umlilo emadolobheni abo
\q2 ozaqothula izinqaba zabo.”
\c 9
\s1 Isijeziso Sika-Israyeli
\q1
\v 1 Ungathokozi, we Israyeli;
\q2 ungajabuli njengezinye izizwe.
\q1 Ngoba ube ungathembekanga kuNkulunkulu wakho;
\q2 uthanda umholo wesifebe
\q2 ezizeni zonke zokubhulela.
\q1
\v 2 Iziza lezikhamelo zewayini kakuyikunika abantu ukudla;
\q2 iwayini elitsha lizabehlulekisa.
\q1
\v 3 Kabayikuhlala elizweni \nd likaThixo\nd*;
\q2 u-Efrayimi uzabuyela eGibhithe
\q2 adle ukudla okungcolileyo e-Asiriya.
\q1
\v 4 Kabayikuthululela iminikelo yewayini \nd kuThixo\nd*,
\q2 lemihlatshelo yabo kayiyikumthokozisa.
\q1 Imihlatshelo enje kubo izakuba njengesinkwa sabalilayo;
\q2 bonke abayidlayo bazangcola.
\q1 Ukudla lokhu kuzakuba ngokwabo;
\q2 akuyikufika ethempelini \nd likaThixo\nd*.
\b
\q1
\v 5 Lizakwenzani ngosuku lwemikhosi yenu emisiweyo,
\q2 ngensuku zamadili \nd kaThixo\nd* na?
\q1
\v 6 Lanxa bengaphunyuka ekubhujisweni,
\q2 iGibhithe izababutha,
\q2 njalo iMemfisi izabangcwaba.
\q1 Ingcebo yabo yesiliva izathathwa yimbabazane,
\q2 njalo ameva azagcwala emathenteni abo.
\q1
\v 7 Insuku zokujeziswa ziyeza,
\q2 insuku zokwahlulelwa sezifikile.
\q2 U-Israyeli kumele akwazi lokhu.
\q1 Ngoba izono zenu zinengi kakhulu
\q2 lenzondo yenu inkulu kakhulu,
\q1 umphrofethi ubalwa njengesiwula
\q2 umuntu oholwa ngomoya enziwe njengohlanya.
\q1
\v 8 Umphrofethi, ekanye loNkulunkulu wami,
\q2 ungumuntu olinda u-Efrayimi,
\q1 kodwa imijibila imlindele kuzozonke izindlela zakhe,
\q2 kanye lenzondo endlini kaNkulunkulu.
\q1
\v 9 Batshone baphelela ekonakaleni,
\q2 njengasezinsukwini zaseGibhiya.
\q1 UNkulunkulu uzakukhumbula ukuxhwala kwabo
\q2 abajezisele izono zabo.
\b
\q1
\v 10 “Ekufumaneni kwami u-Israyeli
\q2 kwakunjengokuthola amagrebisi enkangala;
\q1 ekuboneni kwami okhokho benu,
\q2 kwakunjengokubona izithelo zakuqala zomkhiwa.
\q1 Kodwa ekufikeni kwabo kuBhali-Pheyori,
\q2 bazinikela kulesosithombe esihlazisayo
\q2 benyanyeka njengaleyonto ababeyithanda.
\q1
\v 11 Udumo luka-Efrayimi luzaphapha luhambe njengenyoni,
\q2 akuyikuba lokuzala, lokukhulelwa, lokuthatha izisu.
\q1
\v 12 Loba bangaze bondle abantwana,
\q2 ngizabemuka bonke.
\q1 Maye kubo,
\q2 lapho sengibadelile!
\q1
\v 13 Ngimbonile u-Efrayimi, njengeThire,
\q2 ebekwe endaweni enhle.
\q1 Kodwa u-Efrayimi uzakhuphela
\q2 abantwana bakhe phandle kobulalayo.”
\b
\q1
\v 14 Baphe, Oh \nd Thixo\nd*
\q2 uzabaphani na?
\q1 Baphe izibeletho eziphunzayo
\q2 lamabele angelalutho.
\b
\q1
\v 15 “Ngenxa yokuxhwala kwabo konke eGiligali,
\q2 ngabazonda khonale.
\q1 Ngenxa yezenzo zabo eziyizono,
\q2 ngizabaxotsha endlini yami.
\q1 Kangisayikubathanda futhi;
\q2 bonke abakhokheli babo bangabahlamuki.
\q1
\v 16 U-Efrayimi udlekile,
\q2 impande zabo zomile,
\q2 kabatheli zithelo.
\q1 Loba bengazala abantwana,
\q2 ngizayibulala inzalo yabo abayithandayo.”
\b
\q1
\v 17 UNkulunkulu wami ubalile
\q2 ngoba kabamlalelanga;
\q2 bazakuba zinzulane phakathi kwezizwe.
\b
\c 10
\q1
\v 1 U-Israyeli wayelivini eliqhelayo,
\q2 wazizalela izithelo.
\q1 Ngokwanda kwezithelo zakhe
\q2 wakha ama-alithare amanengi;
\q1 kwathi ngokuphumelela kwelizwe lakhe
\q2 wahlobisa amatshe akhe akhonzwayo.
\q1
\v 2 Inhliziyo zabo ziyakhohlisa,
\q2 khathesi kufanele bathwale icala labo.
\q1 \nd UThixo\nd* uzawabhidliza ama-alithare abo,
\q2 uwachithile lamatshe abo, akhonzwayo.
\b
\q1
\v 3 Ngakho bazakuthi, “Thina kasilankosi
\q2 ngoba kasimhloniphanga \nd uThixo\nd*.
\q1 Kodwa loba sasingaba lenkosi,
\q2 kuyini eyayingasenzela khona?”
\q1
\v 4 Benza izithembiso ezinengi,
\q2 bafunge izifungo zamanga,
\q2 benze lezivumelwano;
\q1 ngakho amacala ayanda
\q2 njengokhula olubulalayo ensimini elinyiweyo.
\q1
\v 5 Abantu abahlala eSamariya bayesaba
\q2 ngenxa yesithombe sethole saseBhethi-Aveni.
\q1 Abantu bakhona bazasililela
\q2 benzenjalo labaphristi bakhona abakhonza izithombe,
\q1 labo abathokozela ubuhle baso
\q2 ngoba sithethwe kubo ekuthunjweni.
\q1
\v 6 Sizathwalelwa e-Asiriya
\q2 njengomthelo enkosini enkulu.
\q1 U-Efrayimi uzayangeka;
\q2 u-Israyeli uzakuba lenhloni ngezithombe zakhe zezigodo.
\q1
\v 7 ISamariya lenkosi yakhona kuzabhujiswa
\q2 kuzakhukhulwa kuhambe njengogatshanyana phezu kwamanzi.
\q1
\v 8 Izindawo zokukhonzela zobuxhwali zizachithwa,
\q2 kuyisono sika-Israyeli.
\q1 Ameva lokhula kuzakhula
\q2 kwembese ama-alithare abo.
\q1 Lapho-ke bazakuthi ezintabeni, “Sembeseni!”
\q2 Lakuwo amaqaqa bathi, “Welani phezu kwethu!”
\b
\q1
\v 9 “Kusukela ensukwini zaseGibhiya wenze isono, we Israyeli,
\q2 njalo ulokhu usele khonapho.
\q1 Kanje impi kayibaficanga yini
\q2 abenza okubi eGibhiya?
\q1
\v 10 Lapho sengifuna, ngizabajezisa;
\q2 izizwe zizaqoqanela ukumelana labo
\q2 ukuba zibabophele isono sabo esiphindiweyo.
\q1
\v 11 U-Efrayimi ulithokazi elifundisiweyo
\q2 elithanda ukubhula amabele;
\q1 ngakho ngizagaxa ijogwe
\q2 entanyeni yakhe enhle.
\q1 U-Efrayimi ngizamtshayela,
\q2 uJuda kumele alime
\q2 uJakhobe kumele abulale amagade.
\q1
\v 12 Zihlanyeleleni ukulunga,
\q2 vunani isithelo sothando olungapheliyo,
\q1 liqeqebule lomhlabathi wenu ongalinywanga; ngoba
\q2 kuyisikhathi sokudinga \nd uThixo\nd*,
\q1 aze abuye
\q2 athele ukulunga phezu kwenu.
\q1
\v 13 Kodwa lina lihlanyele ukuxhwala,
\q2 livune ububi,
\q2 lidle isithelo senkohliso.
\q1 Njengoba lithembe amandla enu
\q2 lamabutho enu amanengi,
\q1
\v 14 ukuhlokoma kwempi kuzakuba khona ebantwini bakini,
\q2 ngakho zonke izinqaba zenu zizabhidlizwa
\q1 njengalokhu uShalimani wabhidliza iBhethi-Abheli ngosuku lwempi,
\q2 lapho onina basakazelwa phansi labantwababo.
\q1
\v 15 Kuzakwenzakala kanjalo lakuwe, wena Bhetheli,
\q2 ngoba ukuxhwala kwakho kukhulu.
\q1 Lapho lolosuku lusisa,
\q2 inkosi yako-Israyeli izachithwa okupheleleyo.”
\c 11
\s1 Uthando LukaNkulunkulu Kwabako-Israyeli
\q1
\v 1 “U-Israyeli esesengumntwana, ngangimthanda
\q2 njalo indodana yami ngayikhupha eGibhithe.
\q1
\v 2 Kodwa kwathi lapho u-Israyeli ngimbiza kanengi
\q2 kwayikhona ehlehlela khatshana lami.
\q1 Banikela imihlatshelo kuboBhali,
\q2 batshisela lezifanekiso impepha.
\q1
\v 3 Yimi engafundisa u-Efrayimi ukuhamba,
\q2 ngibabambe ngezingalo;
\q1 kodwa kababonanga
\q2 ukuthi yimi engabelaphayo.
\q1
\v 4 Ngabakhokhela ngentambo zomusa woluntu,
\q2 ngezibopho zothando;
\q1 ngaba njengomuntu osusa
\q2 amajogwe entanyeni zabo,
\q2 ngakhothamela phansi ukuba angiphe ukudla.
\b
\q1
\v 5 Kabayikubuyela eGibhithe na,
\q2 njalo i-Asiriya kayiyikubabusa na
\q2 njengoba besala ukuphenduka?
\q1
\v 6 Izinkemba zizaphazima emadolobheni abo,
\q2 zizachitha imigoqo yamasango abo
\q2 ziqede amacebo abo.
\q1
\v 7 Abantu bami bazimisele ukungihlamukela.
\q2 Lanxa bekhuleka koPhezukonke
\q2 kasoze abaphakamise.
\b
\q1
\v 8 Ngingakukhalela kanjani, Efrayimi?
\q2 Ngingakunikela kanjani, Israyeli?
\q1 Ngingakuphatha kanjani njengo-Adima na?
\q2 Ngingakwenza kanjani, njengoZebhoyimi na?
\q1 Inhliziyo yami iguqukile phakathi kwami;
\q2 isihawu sami sonke siqubukile.
\q1
\v 9 Kangiyikwenza okwentukuthelo yami eyesabekayo,
\q2 kumbe ngiphenduke ngimqothule u-Efrayimi.
\q1 Ngoba nginguNkulunkulu, hatshi umuntu,
\q2 oNgcwele phakathi kwenu.
\q2 Kangiyikuza ngolaka.
\q1
\v 10 Bazamlandela \nd uThixo\nd*;
\q2 uzabhonga njengesilwane.
\q1 Lapho esebhonga,
\q2 abantwana bakhe bazakuza beqhaqhazela bevela entshonalanga.
\q1
\v 11 Bazakuza bevela eGibhithe
\q2 beqhaqhazela njengezinyoni
\q2 bevela e-Asiriya bephaphazela njengamajuba.
\q1 Ngizabahlalisa emakhaya abo,”
\q2 kutsho \nd uThixo\nd*.
\s1 Isono Sika-Israyeli
\q1
\v 12 “U-Efrayimi usengizingeleze ngamanga,
\q2 lendlu ka-Israyeli ngenkohliso.
\q1 LoJuda uluhlaza kuNkulunkulu,
\q2 kanye lakuye othembekileyo oNgcwele.”
\c 12
\q1
\v 1 U-Efrayimi udla umoya;
\q2 uxotshana lomoya wasempumalanga ilanga lonke
\q2 andise amanga lodlakela.
\q1 Wenza isivumelwano le-Asiriya,
\q2 athumele amafutha e-oliva eGibhithe.
\q1
\v 2 Kulecala \nd uThixo\nd* azalethesa uJuda;
\q2 uzajezisa uJakhobe mayelana lezindlela zakhe
\q2 aphindisele kuye mayelana lezenzo zakhe.
\q1
\v 3 Esiswini wabamba isithende sikamfowabo;
\q2 eseyindoda wabindana loNkulunkulu.
\q1
\v 4 Wabindana lengilosi wayehlula;
\q2 wakhala wacela umusa kuyo.
\q1 Wayifica eBhetheli
\q2 wakhuluma layo khonapho,
\q1
\v 5 \nd uThixo\nd* uNkulunkulu uSomandla,
\q2 \nd uThixo\nd* yilo ibizo lakhe lodumo!
\q1
\v 6 Kodwa kumele ubuyele kuNkulunkulu wakho;
\q2 ugcine uthando lokulunga,
\q2 umlindele kokuphela uNkulunkulu wakho.
\b
\q1
\v 7 Umthengisi usebenzisa izikali zenkohliso;
\q2 uthanda ukuqilibezela.
\q1
\v 8 U-Efrayimi uyazincoma esithi,
\q2 “Nginothe kakhulu; sengiyisipatsha.
\q1 Ngenotho yami kabayikufumana ububi
\q2 loba isono kimi.”
\b
\q1
\v 9 “Mina \nd nginguThixo\nd* uNkulunkulu wenu
\q2 owalikhupha eGibhithe;
\q1 ngizalenza lihlale emathenteni futhi,
\q2 njengasezinsukwini zemikhosi yenu emisiweyo.
\q1
\v 10 Ngakhuluma labaphrofethi,
\q2 ngabatshengisa imibono eminengi
\q2 ngakhuluma imizekeliso ngabo.”
\b
\q1
\v 11 IGiliyadi ixhwalile na?
\q2 Abantu bakhona bakhohlakele!
\q1 EGiligali bayanikela umhlatshelo wenkunzi na?
\q2 Ama-alithare abo azakuba njengezinqwaba zamatshe
\q2 ensimini elinyiweyo.
\q1
\v 12 UJakhobe wabalekela elizweni lase-Aramu;
\q2 u-Israyeli wasebenzela ukuthola umfazi,
\q2 njalo welusa izimvu ukuba amlobole.
\q1
\v 13 \nd UThixo\nd* wasebenzisa umphrofethi ekukhupheni u-Israyeli eGibhithe;
\q2 wamlondoloza ngomphrofethi.
\q1
\v 14 Kodwa u-Efrayimi umthukuthelise kabuhlungu;
\q2 UThixo wakhe uzaliyekela liphezu kwakhe
\q2 icala lokuchitha kwakhe igazi
\q2 njalo uzaphindisela kuye ukudelela kwakhe.
\c 13
\s1 Ulaka \nd LukaThixo\nd* Ku-Israyeli
\q1
\v 1 Lapho u-Efrayimi ekhuluma, abantu bathuthumela;
\q2 wabatshazwa ko-Israyeli.
\q2 Kodwa waba lecala lokukhonza uBhali wasesifa.
\q1
\v 2 Khathesi benza izono njalonjalo;
\q2 bazenzela izithombe ngesiliva sabo,
\q1 izifanekiso ezenziwe ngokuhlakanipha,
\q2 zonke ziyimisebenzi yezingcitshi.
\q1 Ngabantu laba kuthiwa,
\q2 “Banikela imihlatshelo yabantu,
\q2 bange izithombe zamathole.”
\q1
\v 3 Ngakho bazakuba njengenkungu yekuseni,
\q2 njengamazolo ekuseni anyamalalayo,
\q2 njengamakhoba asuka ezizeni,
\q2 njengentuthu iphuma ewindini.
\b
\q1
\v 4 “Kodwa mina \nd nginguThixo\nd* uNkulunkulu wenu,
\q2 owalikhupha elizweni laseGibhithe.
\q1 Kaliyikwamukela omunye uNkulunkulu ngaphandle kwami,
\q2 hatshi omunye uMsindisi ngaphandle kwami.
\q1
\v 5 Ngalilondoloza enkangala,
\q2 elizweni elilokutshisa okuvuthayo.
\q1
\v 6 Lapho ngibapha ukudla, basutha;
\q2 sebesuthi, basuka bazigqaja;
\q2 basebengikhohlwa.
\q1
\v 7 Ngizakwehlela phezu kwabo njengesilwane,
\q2 ngizacathama ngasendleleni njengengwe.
\q1
\v 8 Njengebhele elithathelwe imidlwane yalo
\q2 ngizabahlasela ngibaqhaqhe.
\q1 Ngizabadla njengesilwane,
\q2 inyamazana yeganga izabadabula.
\b
\q1
\v 9 Uchithiwe, wena Israyeli,
\q2 ngoba umelane lami, umelane lomsizi wakho.
\q1
\v 10 Ingaphi inkosi yakho, ukuba ikusize na?
\q2 Bangaphi ababusi bakho kuwo wonke amadolobho akho,
\q1 bona owathi ngabo,
\q2 ‘Ngipha inkosi lababusi’?
\q1
\v 11 Ngakho ngakunika inkosi ngithukuthele,
\q2 njalo ngolaka lwami ngayisusa.
\q1
\v 12 Icala lika-Efrayimi ligciniwe,
\q2 izono zakhe zigcinwe emibhalweni.
\q1
\v 13 Ufikelwa yibuhlungu obunjengowesifazane ehelelwa,
\q2 kodwa ungumntwana ongelalwazi;
\q1 lapho isikhathi sifika,
\q2 kabuyi ekuvulekeni kwesizalo.
\b
\q1
\v 14 Ngizabahlenga emandleni engcwaba;
\q2 ngizabasindisa ekufeni.
\q1 Zingaphi, we kufa izifo zakho?
\q2 Kungaphi, we ngcwaba, ukuchitha kwakho?
\b
\q1 Kangiyikuba lesihawu,
\q2
\v 15 lanxa ekhula phakathi kwabafowabo.
\q1 Umoya wasempumalanga ovela \nd kuThixo\nd* uzafika,
\q2 uphephetha uvela enkangala;
\q1 intwasa yakhe izakwehluleka,
\q2 lemithombo yakhe itshe.
\q1 Indlu yakhe yokugcinela izaphangwa
\q2 yonke ingcebo yayo.
\q1
\v 16 Abantu baseSamariya kuzamela balithwale icala labo,
\q2 ngoba bamhlamukele uNkulunkulu wabo.
\q1 Bazabulawa ngenkemba;
\q2 insane zabo zizasakazelwa phansi,
\q2 abesifazane babo abazithweleyo baqhaqhwe.”
\c 14
\s1 Ukuphenduka Kuzaletha Izibusiso
\q1
\v 1 Buyela, we Israyeli, \nd kuThixo\nd* uNkulunkulu wakho.
\q2 Izono zakho yizo ezikuwisileyo!
\q1
\v 2 Thatha amazwi
\q2 ubuyele \nd kuThixo\nd*.
\q1 Uthi kuye,
\q2 “Sithethelele zonke izono zethu
\q1 njalo usamukele ngomusa
\q2 ukuba sinikele isithelo sezindebe zethu.
\q1
\v 3 I-Asiriya ayingeke isikhulule;
\q2 kasiyikugada amabhiza empi.
\q1 Kasisoze siphinde sithi, ‘Onkulunkulu bethu’
\q2 kulokho okwenziwa yizandla zethu,
\q2 ngoba abazintandane bathola isihawu kuwe.”
\b
\q1
\v 4 “Ngizakwelapha ubuphakaphaka babo
\q2 ngibathande ngokukhululeka,
\q2 ngoba ukuthukuthela kwami sekusukile kubo.
\q1
\v 5 Ngizakuba njengamazolo ku-Israyeli;
\q2 uzaqhakaza njengeluba.
\q1 Uzatshonisa impande zakhe
\q2 phansi njengomsedari waseLebhanoni;
\q2
\v 6 amahlumela akhe amatsha azakhula.
\q1 Ubuhle bakhe buzakuba njengesihlahla se-oliva,
\q2 iphunga lakhe libe njengomsedari waseLebhanoni.
\q1
\v 7 Abantu bazahlala njalo emthunzini wakhe.
\q2 Uzakhula kuhle njengamabele.
\q1 Uzaqhakaza njengevini,
\q2 lodumo lwakhe luzakuba njengolwewayini laseLebhanoni.
\q1
\v 8 Awu Efrayimi, kuyini futhi engingakwenza ngezithombe?
\q2 Ngizamphendula ngimlondoloze.
\q1 Mina nginjengesihlahla sephayini esiluhlaza,
\q2 ukuthela kwakho izithelo kuvela kimi.”
\b
\q1
\v 9 Ngubani ohlakaniphileyo? Uzazibona lezizinto.
\q2 Ngubani oqedisisayo? Uzazizwisisisa.
\q1 Izindlela \nd zikaThixo\nd* zilungile
\q2 abalungileyo bahamba kuzo,
\q2 kodwa abahlamuki bayakhubeka kuzo.