\id HAG - Biblica® Open Ndebele Contemporary Bible
\ide UTF-8
\h UHagayi
\toc1 UHagayi
\toc2 UHagayi
\toc3 Hag
\mt1 UHagayi
\c 1
\s1 Inkuthazo Yokuba Kwakhiwe Indlu \nd KaThixo\nd*
\p
\v 1 Ngomnyaka wesibili wenkosi uDariyu, ngosuku lokuqala lwenyanga yesithupha, ilizwi \nd likaThixo\nd* lafika ngomphrofethi uHagayi lisiya kuZerubhabheli, indodana kaSheyalithiyeli, umbusi wakoJuda, lakuJoshuwa, indodana kaJozadaki, umphristi omkhulu:
\p
\v 2 Nanku okutshiwo \nd nguThixo\nd* uSomandla: “Abantu laba bathi, ‘Isikhathi sokwakha indlu \nd kaThixo\nd* kasikafiki.’ ”
\p
\v 3 Ngakho ilizwi \nd likaThixo\nd* lafika ngomphrofethi uHagayi lisithi: 
\v 4 “Kuyisikhathi senu lina ngokwenu ukuba lihlale ezindlini zenu ezinhle, kodwa indlu le ilokhu ilunxiwa na?”
\p
\v 5 Khathesi nanku okutshiwo \nd nguThixo\nd* uSomandla: “Cabangani kuhle ngezindlela zenu. 
\v 6 Lihlanyele okunengi kodwa livuna okulutshwana. Liyadla, kodwa kalisuthi. Liyanatha, kodwa kalikholwa. Liyagqoka izigqoko, kodwa kalifudumali. Lihola imiholo liyifake esikhwameni esivuzayo.”
\p
\v 7 Nanku okutshiwo \nd nguThixo\nd* uSomandla: “Cabangani kuhle ngezindlela zenu. 
\v 8 Khwelani ezintabeni lehlise izigodo lakhe indlu ukuze ngithokoze ngayo njalo ngidunyiswe,” kutsho \nd uThixo\nd*. 
\v 9 “Kade lilindele okunengi, kodwa khangelani, kusuke kwaba yingcosana. Elikulethe ekhaya, mina ngikuphephulele khatshana. Kungani na?” kutsho \nd uThixo\nd* uSomandla. “Kungenxa yendlu yami elokhu ilunxiwa, ngesikhathi lina, omunye lomunye wenu, ebambeke ngendlu yakhe. 
\v 10 Ngakho-ke, ngenxa yenu amazulu asegodle amazolo lomhlaba amabele. 
\v 11 Ngilethe ukoma emasimini lasezintabeni, emabeleni, ewayinini elitsha, emafutheni lakukho konke okuvela emhlabathini, ebantwini lasenkomeni kanye lasemsebenzini wezandla zenu.”
\b
\p
\v 12 Lapho-ke uZerubhabheli, indodana kaSheyalithiyeli, loJoshuwa, indodana kaJozadaki, umphristi omkhulu lensalela yonke yabantu balilalela ilizwi \nd likaThixo\nd* uNkulunkulu wabo kanye lombiko kaHagayi umphrofethi ngoba wayethunywe \nd nguThixo\nd* uNkulunkulu wabo. Abantu bamesaba \nd uThixo\nd*.
\p
\v 13 Emva kwalokho, uHagayi isithunywa \nd sikaThixo\nd*, wanika abantu ilizwi \nd likaThixo\nd* leli: “Ngilani,” kutsho \nd uThixo\nd*. 
\v 14 Ngakho \nd uThixo\nd* waqubula umoya kaZerubhabheli indodana kaSheyalithiyeli, umbusi wakoJuda, lomoya kaJoshuwa indodana kaJozadaki, umphristi omkhulu, lomoya wensalela yabantu. Beza baqalisa ukusebenza endlini \nd kaThixo\nd* uSomandla uNkulunkulu wabo, 
\v 15 ngosuku lwamatshumi amabili lane lwenyanga yesithupha ngomnyaka wesibili wenkosi uDariyu.
\c 2
\s1 Inkazimulo Eyathenjiswayo Ngendlu Entsha
\p
\v 1 Ngosuku lwamatshumi amabili lanye lwenyanga yesikhombisa ilizwi \nd likaThixo\nd* lafika ngoHagayi umphrofethi lisithi: 
\v 2 “Khuluma loZerubhabheli indodana kaSheyalithiyeli, umbusi wakoJuda, loJoshuwa indodana kaJozadaki, umphristi omkhulu kanye lensalela yabantu. Babuze uthi, 
\v 3 ‘Ngubani kini owasalayo owabona indlu le enkazimulweni yayo yakuqala na? Khathesi ikhangeleka injani kini na? Kayikhangeleki njengeze na? 
\v 4 Kodwa khathesi qina wena Zerubhabheli,’ kutsho \nd uThixo\nd*. ‘Qina wena Joshuwa ndodana kaJozadaki, umphristi omkhulu. Qinani, lonke lina bantu belizwe,’ kutsho \nd uThixo\nd*. ‘Lisebenze, ngoba ngilani,’ kutsho \nd uThixo\nd* uSomandla. 
\v 5 ‘Lokhu yikho engakuvumelana lani ekuphumeni kwenu eGibhithe. UMoya wami uhlala phakathi kwenu. Lingesabi.’
\p
\v 6 Nanku okutshiwo \nd nguThixo\nd* uSomandla: ‘Ngesikhatshana nje ngizaphinda nginyikinye amazulu lomhlaba, ulwandle lelizwe elomileyo. 
\v 7 Ngizanyikinya izizwe zonke, abathandwayo kuzozonke izizwe bazakuza, njalo indlu le ngizayigcwalisa ngenkazimulo,’ kutsho \nd uThixo\nd* uSomandla, 
\v 8 ‘Isiliva ngesami legolide ngelami,’ kutsho \nd uThixo\nd* uSomandla. 
\v 9 ‘Inkazimulo yale indlu yakhathesi izakuba nkulu kuleyendlu yakuqala,’ kutsho \nd uThixo\nd* uSomandla. ‘Njalo indawo le ngizayipha ukuthula,’ kutsho \nd uThixo\nd* uSomandla.”
\s1 Izibusiso Zabantu Abangcolisiweyo
\p
\v 10 Ngosuku lwamatshumi amabili lane lwenyanga yesificamunwemunye, ngomnyaka wesibili kaDariyu, ilizwi \nd likaThixo\nd* lafika kuHagayi umphrofethi lisithi: 
\v 11 “Nanku okutshiwo \nd nguThixo\nd* uSomandla uthi: ‘Buza abaphristi ukuthi umthetho uthini: 
\v 12 Nxa umuntu ethwele inyama engcwele ngomphetho wesigqoko sakhe, umphetho lowo uthinte isinkwa loba inyama ephekiweyo, iwayini, amafutha loba okunye ukudla, kuba ngcwele na?’ ”
\p Abaphristi baphendula bathi, “Hatshi.”
\p
\v 13 UHagayi wasesithi, “Nxa umuntu ongcoliswe yikuthinta isidumbu ethinta okunye kwalezizinto, kuyangcola na?”
\p “Ye,” kwaphendula abaphristi, “kuyangcola.”
\p
\v 14 UHagayi wasesithi, “ ‘Kunjalo-ke emehlweni ami ngabantu laba langesizwe lesi,’ kutsho \nd uThixo\nd*. ‘Lokho abakwenzayo loba abakunikelayo lapho kungcolile.
\p
\v 15 Khathesi cabangani kuhle ngalokhu kusukela ngalolusuku kusiya phambili, khumbulani ukuthi izinto zazinjani kungakabekwa elinye ilitshe phezu kwelinye ethempelini \nd likaThixo\nd*. 
\v 16 Kwakusithi lapho umuntu efika enqunjini yezilinganiso ezingamatshumi amabili, kwakulezilitshumi kuphela. Kuthi lapho umuntu eye efatshini lewayini ukuba akhe izilinganiso ezingamatshumi amahlanu, kwakulezingamatshumi amabili kuphela. 
\v 17 Wonke umsebenzi wezandla zenu ngawutshaya ngomkhuhlane, ngesikhwekhwe langesiqhotho, kodwa kaliphendukelanga kimi,’ kutsho \nd uThixo\nd*. 
\v 18 ‘Kusukela lamhla kusiya phambili, kusukela ngalolusuku lwamatshumi amabili lane lwenyanga yesificamunwemunye, cabangani kuhle ngosuku okwabekwa ngalo isisekelo sethempeli \nd likaThixo\nd*. Cabangani kuhle: 
\v 19 Kuselenhlanyelo eseleyo esiphaleni na? Kuze kube khathesi, ivini lomkhiwa, iphomegranathi lesihlahla se-Oliva asikatheli izithelo.
\p Kusukela ngalolusuku kusiya phambili ngizalibusisa.’ ”
\s1 UZerubhabheli Lisongo Eliluphawu \nd LukaThixo\nd*
\p
\v 20 Ilizwi \nd likaThixo\nd* lafika ngokwesibili kuHagayi ngosuku lwamatshumi amabili lane lwenyanga lisithi: 
\v 21 “Tshela uZerubhabheli umbusi wakoJuda ukuthi ngizanyikinya amazulu lomhlaba. 
\v 22 Ngizagenqula izihlalo zobukhosi ngichithe amandla emibuso yezizweni. Ngizagenqula izinqola zempi labagadi bazo; amabhiza labagadi bawo bazakuwa, ngamunye ngenkemba yomfowabo.
\p
\v 23 ‘Ngalolosuku,’ kutsho \nd uThixo\nd* uSomandla, ‘ngizakuthatha wena nceku yami Zerubhabheli ndodana kaSheyalithiyeli,’ kutsho \nd uThixo\nd*, ‘njalo ngizakwenza ube njengesongo eliluphawu lwami, ngoba sengikukhethile,’ kutsho \nd uThixo\nd* uSomandla.”