\id EZK - Biblica® Open Ndebele Contemporary Bible
\ide UTF-8
\h UHezekhiyeli
\toc1 UHezekhiyeli
\toc2 UHezekhiyeli
\toc3 Hez
\mt1 UHezekhiyeli
\c 1
\s1 Izidalwa Eziphilayo LeNkazimulo \nd KaThixo\nd*
\p
\v 1 Ngomnyaka wamatshumi amathathu, ngenyanga yesine ngosuku lwesihlanu, lapho ngangiphakathi kwabathunjwayo, eduze komfula uKhebhari, amazulu avuleka ngabona umbono kaNkulunkulu.
\p
\v 2 Ngosuku lwesihlanu lwenyanga ngomnyaka wesihlanu wokuthunjwa kwenkosi uJehoyakhini 
\v 3 ilizwi \nd likaThixo\nd* lafika kuHezekhiyeli umphristi, indodana kaBhuzi, phansi komfula uKhebhari elizweni lamaBhabhiloni. Khonapho isandla \nd sikaThixo\nd* sasiphezu kwakhe.
\p
\v 4 Ngakhangela, ngabona isiphepho sisiza sivela enyakatho, kuliyezi elikhulukazi lokuphazima kombane njalo lizungezwe yikukhanya okubenyezelayo. Phakathi laphakathi komlilo kwakungathi yinsimbi evuthayo, 
\v 5 njalo phakathi komlilo kwakulokwakungathi yizidalwa ezine eziphilayo. Ngokukhangeleka isimo sazo sasingesomuntu, 
\v 6 kodwa ngasinye sazo sasilobuso obune lempiko ezine. 
\v 7 Imilenze yazo yayiqondile; inyawo zazo zinjengezethole njalo zinkanyazela njengethusi elilolongiweyo. 
\v 8 Ngaphansi kwempiko zazo emaceleni azo amane zazilezandla zomuntu. Zonke zozine zazilobuso lempiko, 
\v 9 njalo impiko zazo zazithintana. Esinye lesinye sazo saya phambili; kaziphendukanga ekuhambeni kwazo.
\p
\v 10 Ubuso bazo babukhangeleka kanje: Esinye lesinye sazo sasilobuso bomuntu, njalo eceleni langakwesokudla esinye lesinye sasilobuso besilwane, ngakwesenxele silobuso benkabi; njalo ngasinye sasilobuso bengqungqulu. 
\v 11 Babunjalo ubuso bazo. Impiko zazo zazichayekele phezulu; ngasinye silamaphiko amabili olunye luthinta uphiko lwesinye isidalwa emaceleni womabili, lempiko ezimbili zigubuzele umzimba waso. 
\v 12 Esinye lesinye saya phambili. Loba kungaphi lapho umoya owaya khona lazo zaya khona zingaphenduki ekuhambeni kwazo. 
\v 13 Isimo sezidalwa eziphilayo sasinjengamalahle avuthayo omlilo loba njengezibane. Umlilo wahamba usiya phambili lasemuva phakathi kwezidalwa; wawukhazimula, njalo umbane uphazima uphuma kuwo. 
\v 14 Izidalwa zagijima zisiya emuva laphambili njengokuphazima kombane.
\p
\v 15 Kwathi lapho ngizikhangele izidalwa eziphilayo, ngabona ivili phansi eceleni kwesidalwa ngasinye silobuso obune. 
\v 16 Nansi isimo lokwakhiwa kwamavili: Ayecazimula njengekhrisoli, njalo wonke womane ayefanana. Elinye lelinye lalingathi lenziwa lanquma kwelinye ivili. 
\v 17 Ekuhambeni, ayesiya loba kuliphi lamacele amane lapho izidalwa ezazikhangele khona, njalo amavili ayengaphenduki lapho izidalwa zihamba. 
\v 18 Amarimu awo ayephakeme njalo esesabeka, njalo womane amarimu ayelamehlo indawo yonke.
\p
\v 19 Lapho izidalwa eziphilayo zihamba, lamavili eceleni kwazo ayehamba, njalo lapho izidalwa eziphilayo ziphakama emhlabathini amavili lawo ayephakama lazo. 
\v 20 Loba kungaphi lapho umoya owaya khona lazo zaya khona, njalo lamavili ayephakama lazo, ngoba umoya wezidalwa eziphilayo wawusemavilini. 
\v 21 Kwakusithi izidalwa zingahamba lawo ahambe, kuthi izidalwa zingema lawo ame; njalo kuthi lapho izidalwa ziphakama emhlabathini lawo aphakame lazo, ngoba umoya wezidalwa eziphilayo wawusemavilini.
\p
\v 22 Ngaphezu kwamakhanda ezidalwa eziphilayo kwakwendlaleke okwakungathi ngumkhathi, kucazimula njengongqwaqwane, njalo kusesabeka. 
\v 23 Ngaphansi komkhathi impiko zazo zazelulekile olunye kolunye, njalo esinye lesinye sasilezimpiko ezimbili ezembese umzimba waso. 
\v 24 Lapho izidalwa zihamba ngezwa umsindo wezimpiko zazo, unjengokuhlokoma kwamanzi ahamba ngesiqubu, njengelizwi likaSomandla, njengokuxokozela kwebutho. Lapho sezimi, zehlisa impiko zazo.
\p
\v 25 Emva kwalokho kweza ilizwi elavela ngaphezu komkhathi ngaphezu kwamakhanda azo lapho zazimi impiko zazo zehlisiwe. 
\v 26 Ngaphezu komkhathi phezu kwamakhanda azo kwakulokwakungathi yisihlalo sobukhosi esenziwe ngesafire, njalo ngaphezulu esihlalweni sobukhosi kwakulolutho olwalufana lomuntu. 
\v 27 Lokho ngakubona kokwakungathi lukhalo lwakhe kusiya phezulu ekhanya angathi yinsimbi evuthayo, kungathi kugcwele umlilo, njalo kusukela ekhalweni kusehla wayengathi ngumlilo, njalo ehonqolozelwe yikukhanya okucazimulayo. 
\v 28 Ukukhanya okucazimulayo okwakumzungezile kwakunjengomchilo wamakhosikazi emayezini ngosuku lokuna kwezulu.
\p Lokhu kwakuyisimo sesifanekiso senkazimulo \nd kaThixo\nd*. Ngathi ngikubona ngawela phansi ngobuso, ngasengisizwa ilizwi lalowo owayekhuluma.
\c 2
\s1 Ukubizwa KukaHezekhiyeli
\p
\v 1 Wathi kimi, “Ndodana yomuntu, sukuma ume ngezinyawo zakho ngikhulume lawe.” 
\v 2 Esakhuluma uMoya wafika kimi wangimisa ngezinyawo zami, ngamuzwa esekhuluma lami.
\p
\v 3 Wathi, “Ndodana yomuntu, ngiyakuthuma kuma-Israyeli, isizwe esihlamukayo esangihlamukelayo, laboyise bangihlamukela kuze kube yilolusuku. 
\v 4 Abantu engikuthuma kubo balenkani njalo bayiziqholo. Wothi kubo, ‘Nanku okutshiwo \nd nguThixo\nd* Wobukhosi.’ 
\v 5 Njalo langabe bayalalela loba bangalaleli ngoba bayindlu ehlamukayo, bazakwazi ukuthi umphrofethi ubekhona phakathi kwabo. 
\v 6 Njalo wena ndodana yomuntu, ungabesabi kumbe wesabe amazwi abo. Ungesabi lanxa usuhonqolozelwe ngameva njalo usuhlala phakathi kwabofezeya. Ungakwesabi lokho abakutshoyo loba uthuthunyeliswe yibo, lanxa beyindlu ehlamukayo. 
\v 7 Kumele ukhulume amazwi ami kubo langabe bayalalela loba kabalaleli, ngoba bangabahlamuki. 
\v 8 Kodwa wena, ndodana yomuntu, lalela lokhu engikutshoyo kuwe. Ungahlamuki njengendlu leyana ehlamukayo; vula umlomo wakho udle lokhu engikupha khona.”
\p
\v 9 Ngakhangela ngabona isandla esaselulelwe kimi. Phakathi kwaso kwakulomqulu, 
\v 10 awutshombulula phambi kwami. Emaceleni awo womabili kwakubhalwe amazwi okukhala lokulila kanye losizi.
\c 3
\p
\v 1 Wasesithi kimi, “Ndodana yomuntu, dlana okuphambi kwakho, dlana umqulu lo; ube ususiyakhuluma kuyo indlu ka-Israyeli.” 
\v 2 Ngakho ngavula umlomo wami, wasengipha umqulu ukuba ngiwudle.
\p
\v 3 Wasesithi kimi, “Ndodana yomuntu, dlana umqulu lo engikunika wona ugcwalise isisu sakho ngawo.” Ngakho ngawudla, njalo emlonyeni wami wawuzwakala umnandi njengoluju.
\p
\v 4 Wasesithi kimi, “Ndodana yomuntu, hamba khathesi nje endlini ka-Israyeli ukhulume amazwi ami kubo. 
\v 5 Kawuthunywa ebantwini abalolimi olungaziwayo lolunzima, kodwa endlini ka-Israyeli, 
\v 6 hatshi ebantwini abanengi abolimi olungaziwayo lolunzima, ongeke uzwe abakutshoyo. Ngeqiniso aluba kade ngikuthume kubo kade bezakulalela. 
\v 7 Kodwa indlu ka-Israyeli kayifuni ukukulalela ngoba kabafuni kungilalela, ngoba yonke indlu ka-Israyeli ilukhuni njalo ilenkani. 
\v 8 Kodwa lawe ngizakwenza ube lenkani lobulukhuni njengabo. 
\v 9 Ngizakwenza ubuso bakho bube njengelitshe elilukhuni kulawo wonke, elilukhuni kulelitshe lomlilo. Ungabesabi kumbe bakuthuthumelise, lanxa beyindlu ehlamukayo.”
\p
\v 10 Njalo wathi kimi, “Ndodana yomuntu, lalela kakuhle njalo uwabeke enhliziyweni wonke amazwi engiwatsho kuwe. 
\v 11 Hamba khathesi nje ebantwini belizwe lakini abasekuthunjweni ukhulume labo. Uthi kubo, ‘Nanku okutshiwo \nd nguThixo\nd* Wobukhosi,’ loba bezalalela kumbe bangalaleli.”
\p
\v 12 Lapho-ke uMoya wangiphakamisa, kwathi ngemva kwami ngezwa umdumo ondindizelayo sengathi yinkazimulo \nd kaThixo\nd* eyaphakama endaweni eyayime kuyo! 
\v 13 Umdumo wezimpiko zezidalwa eziphilayo zigudlana lomdumo wamavili eceleni kwazo, umdumo wokundindizela okukhulu. 
\v 14 UMoya wasungiphakamisela phezulu ungisusa, njalo ngahamba ngomoya otshisekayo lokuthukuthela komoya wami lesandla esilamandla \nd sikaThixo\nd* siphezu kwami. 
\v 15 Ngafika kwababethunjiwe ababehlala eTheli Abhibhi phansi koMfula uKhebhari. Khonapho-ke, lapho ababehlala khona, ngahlala labo insuku eziyisikhombisa ngiphelelwe ngamandla.
\s1 Umsebenzi kaHezekhiya Njengomlindi
\p
\v 16 Ekupheleni kwensuku eziyisikhombisa ilizwi \nd likaThixo\nd* lafika kimi lisithi, 
\v 17 “Ndodana yomuntu, sengikwenze umlindi wendlu ka-Israyeli; ngakho zwana ilizwi engilikhulumayo ubanike isixwayiso esivela kimi. 
\v 18 Nxa ngisithi emuntwini omubi, ‘Wena uzakufa impela,’ wena ungamxwayisi kumbe ukhulume ukuba umyekelise izindlela zakhe ezimbi ukuze asindise ukuphila kwakhe, lowomuntu omubi uzafela izono zakhe, kuthi wena ngikubeke icala legazi lakhe. 
\v 19 Kodwa nxa umuntu omubi umxwayisa yena angaphenduki ebubini bakhe kumbe ezindleleni zakhe ezimbi, uzafela izono zakhe, kodwa wena uyabe uziphephisile.
\p
\v 20 Njalo nxa umuntu olungileyo eguquka ekulungeni kwakhe enze okubi, mina ngibeke isikhubekiso phambi kwakhe, uzakufa. Njengoba nxa wena ungamxwayisanga, uzafela izono zakhe. Izinto ezilungileyo azenzayo kaziyikukhunjulwa, njalo wena ngizakubeka icala legazi lakhe. 
\v 21 Kodwa nxa uxwayisa umuntu olungileyo ukuba angoni lakanye uyabe uziphephisile.”
\p
\v 22 Isandla \nd sikaThixo\nd* sasiphezu kwami lapho, njalo wathi kimi, “Sukuma uye egcekeni ngizakhuluma lawe khona.” 
\v 23 Ngakho ngasukuma ngaya egcekeni. Inkazimulo \nd kaThixo\nd* yayimi lapho, injengenkazimulo engangiyibone phansi koMfula uKhebhari, ngathi mbo phansi ngobuso.
\p
\v 24 Lapho-ke uMoya wangena kimi wangimisa ngezinyawo zami. Wakhuluma wathi kimi, “Hamba uyezivalela endlini yakho. 
\v 25 Njalo, wena ndodana yomuntu, bazakubopha ngemichilo; uzabotshwa ukuze ungayi phandle ebantwini. 
\v 26 Ngizakwenza ulimi lwakho lunamathele elwangeni lomlomo wakho ukuze uthule unganelisi ukubakhuza lanxa beyindlu ehlamukayo. 
\v 27 Kodwa nxa sengikhuluma lawe ngizavula umlomo wakho, njalo uzakuthi kubo, ‘Nanku okutshiwo \nd nguThixo\nd* Wobukhosi.’ Loba ngubani ozalalela myekele alalele, njalo loba ngubani ozakwala myekele ale; ngoba bayindlu ehlamukayo.”
\c 4
\s1 Ukuvinjezelwa KweJerusalema Kuyafanekiswa
\p
\v 1 “Khathesi-ke, ndodana yomuntu, thatha umcephe webumba uwubeke phambi kwakho, udwebe kuwo idolobho laseJerusalema. 
\v 2 Dweba ukuvinjezelwa kwalo: Misa izindawo zokuvinjezelwa kwalo, yakha umthezuko ngaphezu kwalo, misa inkamba zokulihlasela uphinde ulihonqolozele ngezigodo zokubhidliza. 
\v 3 Emva kwalokho thatha umganu wensimbi, uwubeke unjengomduli wensimbi phakathi kwakho lomuzi ube usuphendulela ubuso bakho kuwo. Wena ukhangele ngakuwo umuzi, umuzi ube ngovinjezelweyo, wena ube ngumvimbezeli. Lokhu kuzakuba yisibonakaliso endlini ka-Israyeli.
\p
\v 4 Emva kwalokho lala ngomhlubulo wenxele, ubeke isono sendlu ka-Israyeli phezu kwakho. Kumele uthwale isono sabo okwalezonsuku ulele ngomhlubulo wakho. 
\v 5 Sengikumisele inani linye lezinsuku njengeminyaka yezono zabo. Ngakho izono zendlu ka-Israyeli uzazithwala okwensuku ezingamakhulu amathathu lamatshumi ayisificamunwemunye (390).
\p
\v 6 Emva kokuba usuqede lokhu, lala phansi futhi, khathesi kube ngomhlubulo wakho wokunene, uthwale isono sendlu kaJuda. Ngikumisele insuku ezingamatshumi amane (40), usuku olulodwa lumele umnyaka munye ngamunye. 
\v 7 Phendulela ubuso bakho ekuvinjezelweni kweJerusalema kuthi izingalo zakho zingembeswanga uphrofithe kubi ngeJerusalema. 
\v 8 Ngizakubopha ngentambo ukuze ungatshibiliki usuka kwelinye icele usiya kwelinye uze uqede insuku zokuvinjezelwa kwakho.
\p
\v 9 Thatha ingqoloyi lebhali, indumba lelentili, inyawuthi lophoko; ukubeke embizeni yokugcinela ukusebenzise ekwenzeni ukudla kwakho. Kumele ukudle phakathi kwensuku ezingamakhulu amathathu lamatshumi ayisificamunwemunye (390) ulele ngomhlubulo wakho. 
\v 10 Linganisa amashekeli angamatshumi amabili okudla ozakudla usuku ngalunye njalo ukudle ngezikhathi ezimisiweyo. 
\v 11 Njalo linganisa okukodwa kwesithupha kwehini lamanzi uwanathe ngezikhathi ezimisiweyo. 
\v 12 Dlana ukudla njengalapho usidla ikhekhe lebhali, ukupheke abantu bekhangele, inkuni zakho kube ngamalongwe abantu.” 
\v 13 \nd UThixo\nd* wathi, “Ngokunjalo abantu bako-Israyeli bazakudla ukudla okungcolileyo phakathi kwezizwe engizabaxotshela kuzo.”
\p
\v 14 Lapho-ke mina ngathi, “Akunjalo, \nd Thixo\nd* Wobukhosi. Angikaze ngizingcolise. Kusukela ebutsheni bami kuze kube khathesi angikaze ngidle loba yini etholakale ifile kumbe edlithizwe yizinyamazana. Akulanyama engcolileyo eseyake yangena emlonyeni wami.”
\p
\v 15 Wasesithi, “Kulungile. Ngizakuvumela ukuba upheke isinkwa sakho ngamalongwe enkomo esikhundleni samalongwe abantu.”
\p
\v 16 Waphinda wathi kimi, “Ndodana yomuntu, ngizavala ukungeniswa kokudla eJerusalema. Abantu bazakudla ukudla kokwabelwa benqineka, banathe lamanzi okwabelwa bengelathemba, 
\v 17 ngoba ukudla lamanzi kuzakuba yingcosana. Bazakwethuka lapho bebonana, njalo bazacikizeka ngenxa yezono zabo.”
\c 5
\s1 Insingo KaNkulunkulu Yokwahlulela
\p
\v 1 “Khathesi, ndodana yomuntu, thatha inkemba ebukhali uyisebenzise njengempuco yomgeli ekuphuceni ikhanda lakho kanye lezindevu zakho. Emva kwalokho thatha izilinganiso wehlukanise inwele. 
\v 2 Lapho insuku zokuvinjezelwa kwenu seziphelile, tshisa ingxenye yesithathu yezinwele ngomlilo phakathi kwedolobho. Thatha ingxenye yesithathu uyigwaze ngenkemba ubhoda lonke idolobho, uhlakazele ingxenye yesithathu emoyeni. Ngoba ngizabalandela ngiphethe inkemba ekhokhiweyo. 
\v 3 Kodwa thatha inwele ezilutshwane uzithungele emiphethweni yesembatho sakho. 
\v 4 Thatha njalo emilutshwana yayo uyiphosele emlilweni uyitshise. Umlilo uzamemetheka usuka lapho uye kuyo yonke indlu ka-Israyeli.
\p
\v 5 Nanku okutshiwo \nd nguThixo\nd* Wobukhosi ukuthi: Le yiJerusalema engiyimise phakathi kwezizwe, kulamazwe kuwo wonke amacele ayo. 
\v 6 Kodwa ngenxa yobubi bayo isihlamukele imithetho yami lezimiso zami okudlula izizwe lamazwe ayihanqileyo. Iyalile imithetho yami kayaze yalandela izimiso zami.
\p
\v 7 Ngakho-ke nanku okutshiwo \nd nguThixo\nd* Wobukhosi ukuthi: Ube ngoxhwale okudlula izizwe ezikuhanqileyo njalo kawulandelanga izimiso zami kumbe ugcine imithetho yami. Futhi kalilaleli lezimiso zezizwe ezilihanqileyo.
\p
\v 8 Ngakho-ke nanku okutshiwo \nd nguThixo\nd* Wobukhosi ukuthi: Mina ngokwami ngimelane lawe, wena Jerusalema, njalo ngizabeka isijeziso phezu kwakho izizwe zikhangele. 
\v 9 Ngenxa yezithombe zakho zonke ezinengekayo, kuwe ngizakwenza engingakaze ngikwenze ngaphambili njalo engingayikukwenza futhi. 
\v 10 Ngakho phakathi kwenu oyise bazakudla abantwana babo, labantwana bazakudla oyise. Ngizabeka isijeziso phezu kwakho kuthi bonke abasindileyo bakho ngibahlakazele emoyeni. 
\v 11 Ngakho ngeqiniso elinjengoba ngikhona, kutsho \nd uThixo\nd* Wobukhosi, ngoba ungcolise indlu yami engcwele ngezifanekiso zakho zonke ezingamanyala langezenzo zakho ezenyanyekayo, mina ngokwami ngizasusa umusa wami; angiyikuba lesihawu kuwe loba ngiyekele ukukubhubhisa. 
\v 12 Ingxenye yesithathu yabantu bakho izabulawa yisifo loba ibhujiswe yindlala phakathi kwakho; ingxenye yesithathu izakufa ngenkemba ngaphandle kwemiduli yakho; ingxenye yesithathu ngizayihlakazela emoyeni ngiphinde ngiyilandele ngiphethe inkemba.
\p
\v 13 Lapho-ke ukuthukuthela kwami kuzaphela, lolaka lwami kubo luzadeda, njalo ngizabe sengiphindisele. Njalo lapho ulaka lwami sengiluqedele kubo, bazakwazi ukuthi mina \nd Thixo\nd* ngikhulume ngokutshiseka kwami.
\p
\v 14 Ngizakwenza ube lunxiwa lehlazo phakathi kwezizwe ezikuhanqileyo, emehlweni abo bonke abadlula khona. 
\v 15 Uzakuba lihlazo lenhlekisa, isixwayiso lento eyesabekayo ezizweni ezikuhanqileyo lapho sengibeka isijeziso phezu kwakho ngentukuthelo langolaka, ngikhuza kabuhlungu. Mina \nd Thixo\nd* sengikhulumile. 
\v 16 Lapho ngikutshoka ngemitshoko yami ebhubhisayo, langemitshoko echithayo yendlala, ngizatshoka ukuba ngikutshabalalise. Ngizakwandisela indlala ngivale ukulethwa kokudla kwakho. 
\v 17 Ngizakulethela indlala lezinyamazana zeganga ukuba kukuhlasele, kuzakutshiya ungaselamntwana. Isifo lokuchithwa kwegazi kuzadabula phakathi kwakho, njalo ngizaletha inkemba ukuba ikuhlasele. Mina \nd Thixo\nd* sengikhulumile.”
\c 6
\s1 Isiphrofethi Ngezintaba Zako-Israyeli
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho ezintabeni zako-Israyeli; phrofetha ngazo uzisola 
\v 3 uthi, Lina zintaba zako-Israyeli, zwanini ilizwi \nd likaThixo\nd* Wobukhosi. Nanku okutshiwo \nd nguThixo\nd* Wobukhosi ezintabeni lasemaqaqeni, ezingoxweni lasezigodini ukuthi: Sekuseduze ukuthi ngililethele inkemba yokulihlasela, njalo ngizadiliza izindawo zenu eziphakemeyo.” 
\v 4 Ama-alithare enu azabhidlizwa kuthi lama-alithare enu empepha aphahlazwe; njalo abantu benu ngizababulalela phambi kwezithombe zenu. 
\v 5 Izidumbu zabako-Israyeli ngizazibeka phambi kwezithombe zabo, njalo amathambo enu ngizawahlakaza emaceleni ama-alithare enu. 
\v 6 Loba kungaphi elihlala khona amadolobho akhona azadilizwa lezindawo eziphakemeyo zidilizwe, ukuze ama-alithare enu achithwe abhuqwe, kuthi izithombe zenu ziphahlazwe ziqothulwe, ama-alithare enu empepha adilizwe, kuthi elikwenzileyo kutshabalaliswe. 
\v 7 Abantu benu bazabulawa phakathi kwenu, njalo lizakwazi ukuthi mina \nd nginguThixo\nd*.
\p
\v 8 “Kodwa abanye ngizabaphephisa, ngoba abanye benu bazaphunyuka enkembeni lapho selihlakazekele emazweni lasezizweni. 
\v 9 Lapho-ke, ezizweni abathunjelwa kuzo, labo abaphunyukayo bazangikhumbula ukuthi ngadabuka njani ngenxa yezinhliziyo zabo ezilobufebe, esezasukayo kimi, langamehlo abo akhanuka izithombe zabo. Bazazenyanya bona ngokwabo ngenxa yobubi ababenzileyo langenxa yezenzo zonke ezenyanyekayo.” 
\v 10 Njalo bazakwazi ukuthi mina \nd nginguThixo\nd*. Kangisongelanga ize lapho ngathi ngizabehlisela umonakalo lo.
\p
\v 11 Nanku okutshiwo \nd nguThixo\nd* Wobukhosi ukuthi: “Tshaya izandla zakho unyathele inyawo zakho ukhale uthi Maye! Ngenxa yobubi bonke lezenzo ezenyanyekayo zendlu ka-Israyeli, bonke bazakufa ngenkemba, langendlala kanye langesifo.” 
\v 12 Lowo okhatshana uzakufa ngesifo, kuthi lowo oseduze afe ngenkemba, lalowo osindileyo waphepha uzabulawa yindlala. Ngizaluqeda kanjalo ulaka lwami phezu kwabo. 
\v 13 Njalo bazakwazi ukuthi mina \nd nginguThixo\nd*, lapho abantu babo sebelele befile phakathi kwezithombe zabo emaceleni wonke ama-alithare abo, phezu kwamaqaqa wonke aphakemeyo kanye lasezingqongweni zonke zezintaba, ngaphansi kwezihlahla zonke eziluhlaza lemʼokhi yonke elamahlamvu amanengi, izindawo abanikelela kuzo impepha elephunga elimnandi kuzozonke izithombe zabo. 
\v 14 “Njalo ngizakwelulela isandla sami kubo ngenze ilizwe libe lugwadule olungelalutho kusukela enkangala kusiya eDibila lapho abahlala khona. Lapho-ke bazakwazi ukuthi mina \nd nginguThixo\nd*.”
\c 7
\s1 Isiphetho Sesifikile
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, nanku okutshiwo \nd nguThixo\nd* Wobukhosi elizweni lako-Israyeli:
\q1 ‘Isiphetho! Isiphetho sesifikile
\q2 emagumbini amane elizwe.
\q1
\v 3 Isiphetho sesifikile kini
\q2 njalo ngizakwehlisela ulaka lwami phezu kwenu.
\q1 Ngizalahlulela ngokumayelana lezenzo zenu
\q2 ngiliphe imivuzo kukho konke ukwenza kwenu okunengekayo.
\q1
\v 4 Kangiyikulikhangela ngesihawu
\q2 loba ngiliyekele,
\q1 ngeqiniso ngizalinika umvuzo wezenzo zenu
\q2 kanye lowokwenza kwenu okunengekayo phakathi kwenu.
\m Lapho-ke lizakwazi ukuthi mina \nd nginguThixo\nd*.’
\b
\p
\v 5 Nanku okutshiwo \nd nguThixo\nd* Wobukhosi ukuthi:
\q1 ‘Umonakalo! Umonakalo ongakaze ubonakale!
\q2 Khangela, uyeza.
\q1
\v 6 Isiphetho sesifikile!
\q2 Isiphetho sesifikile!
\q1 Sizivusele ukumelana lani.
\q2 Bona, sesifikile!
\q1
\v 7 Incithakalo isifikile kini,
\q2 kini lina elihlala elizweni.
\q1 Isikhathi sesifikile,
\q2 ilanga selisondele;
\q1 kulokuphamazela,
\q2 hatshi intokozo, phezu kwezintaba.
\q1
\v 8 Sekuseduze ukuba ngithululele ulaka lwami phezu kwenu
\q2 ngiqedele ukuthukuthela kwami kini.
\q1 Ngizalahlulela ngokumayelana lezenzo zenu
\q2 ngiliphe imivuzo kukho konke ukwenza kwenu okunengekayo.
\q1
\v 9 Kangiyikulikhangela ngesihawu,
\q2 kangiyikuliyekela,
\q1 ngizalinika umvuzo ngokumayelana lezenzo zenu
\q2 kanye lokwenza okunengekayo phakathi kwenu.
\m Lapho-ke lizakwazi ukuthi yimi mina \nd Thixo\nd* otshayayo.
\q1
\v 10 Usuku selukhona!
\q2 Bona, selufikile!
\q1 Incithakalo isipatshakile,
\q2 induku isihlumile,
\q2 ukuziphakamisa sekuqhakazile.
\q1
\v 11 Udlakela selukhule
\q2 lwaba yinduku yokujezisa ububi;
\q1 kakho ebantwini ozatshiywa;
\q2 kakho kuleliya xuku,
\q1 akula notho,
\q2 akulalutho oluligugu.
\q1
\v 12 Isikhathi sesifikile,
\q2 usuku selufikile.
\q1 Umthengi kangathokozi
\q2 kumbe umthengisi abe lusizi,
\q2 ngoba ulaka luphezu kwexuku lonke.
\q1
\v 13 Umthengisi kayikuyifumana
\q2 impahla eyathengiswayo,
\q2 nxa owathengisayo lowathengayo besaphila,
\q1 ngoba umbono ngexuku lonke
\q2 kawuyikuhlehliselwa emuva.
\q1 Ngenxa yezono zabo kakho lamunye wabo
\q2 ozalondoloza ukuphila kwakhe.
\b
\q1
\v 14 Loba bekhalisa icilongo
\q2 benze izinto zonke zilunge,
\q1 kakho ozakuya empini,
\q2 ngoba ulaka lwami luphezu kwexuku lonke.
\q1
\v 15 Ngaphandle kulempi,
\q2 ngaphakathi kulesifo lendlala,
\q1 labo abasemaphandleni
\q2 bazabulawa ngenkemba,
\q1 njalo labo abaphakathi kwedolobho
\q2 bazaqothulwa yindlala lesifo.
\q1
\v 16 Bonke abaphunyukayo babaleke
\q2 bazakuba sezintabeni,
\q1 bebubula njengamajuba asezigodini,
\q2 yilowo lalowo ngenxa yezono zakhe.
\q1
\v 17 Izandla zonke zizaxega,
\q2 lamadolo wonke abe buthakathaka njengamanzi.
\q1
\v 18 Bazagqoka amasaka
\q2 babe lokwesaba.
\q1 Ubuso babo buzakuba lehlazo
\q2 lamakhanda abo aphucwe.
\b
\q1
\v 19 Bazalahlela isiliva sabo emigwaqweni,
\q2 legolide labo lizakuba njengento engcolileyo.
\q1 Isiliva sabo legolide labo
\q2 akuyikwanelisa ukubakhulula
\q2 ngosuku lolaka \nd lukaThixo\nd*.
\q1 Bangeke baqede ukulamba kwabo
\q2 kumbe bagcwalise izisu zabo,
\q2 ngoba sekubenze bakhubeka esonweni.
\q1
\v 20 Babeziqhenya ngeziceciso zabo ezinhle
\q2 abazisebenzisa ekwenzeni izithombe zabo ezinengekayo.
\q1 Benza lemifanekiso yabo enyanyekayo,
\q2 ngakho ngizakwenza kube yinto engcolileyo kubo.
\q1
\v 21 Ngizanika inotho yabo njengempango kwabezizwe
\q2 lakwababi basemhlabeni njengezinto ezithunjiweyo,
\q2 njalo bazakungcolisa.
\q1
\v 22 Ngizasusa ubuso bami kubo,
\q2 njalo bazangcolisa indawo yami eligugu;
\q1 abaphangi bazangena,
\q2 bayingcolise.
\b
\q1
\v 23 Lungisani amaketane
\q2 ngoba ilizwe ligcwele ukuchitheka kwegazi
\q2 ledolobho ligcwele udlakela.
\q1
\v 24 Ngizaletha izizwe ezimbi kakhulu
\q2 ukuthi zithathe izindlu zabo.
\q1 Ngizaqeda ukuzigqaja kwabalamandla
\q2 lezindawo zabo ezingcwele zizangcoliswa.
\q1
\v 25 Lapho ukwesaba kufika,
\q2 bazafuna ukuthula.
\q1
\v 26 Kuzafika umonakalo phezu komonakalo,
\q2 lamahungahunga phezu kwamahungahunga.
\q1 Bazadinga umbono kumphrofethi,
\q2 ukufundiswa komthetho ngumphristi akusoze kube khona
\q2 lokweluleka kwabadala kuzaphela.
\q1
\v 27 Inkosi izalila,
\q2 inkosana izaphelelwa lithemba,
\q2 lezandla zabantu belizwe zizaqhaqhazela.
\q1 Kubo ngizakwenza okumayelana lezenzo zabo.
\q2 Ngizabahlulela ngemithetho yabo.
\m Lapho-ke bazakwazi ukuthi mina \nd nginguThixo\nd*.’ ”
\c 8
\s1 Ukukhonza Izithombe EThempelini
\p
\v 1 Ngomnyaka wesithupha, ngenyanga yesithupha ngosuku lwesihlanu, lapho ngangihlezi endlini yami labadala bakoJuda behlezi phambi kwami, isandla \nd sikaThixo\nd* Wobukhosi sehlela phezu kwami khonapho. 
\v 2 Ngakhangela, ngabona ulutho olwalulesimo somuntu. Kusukela kokwakungathi lukhalo lwakhe kusiya phansi wayenjengomlilo, njalo kusukela lapho kusiya phezulu ukubonakala kwakhe kwakhazimula njengensimbi evuthayo. 
\v 3 Welula okwakukhanya angathi yisandla wangibamba ngenwele zekhanda lami. UMoya wangiphakamisela phezulu phakathi komhlaba lezulu, kwathi ngemibono kaNkulunkulu wangisa eJerusalema, ekungeneni kwesango langasenyakatho yeguma langaphakathi, lapho okwakumi khona isithombe esibangela ubukhwele. 
\v 4 Njalo khonapho phambili kwami kwakulenkazimulo kaNkulunkulu ka-Israyeli, njengasembonweni engawubona egcekeni.
\p
\v 5 Wasesithi kimi, “Ndodana yomuntu, khangela ngasenyakatho.” Ngakho ngakhangela, kwathi entubeni esenyakatho kwesango le-alithari ngabona lesisithombe sobukhwele.
\p
\v 6 Wasesithi kimi, “Ndodana yomuntu, uyakubona yini abakwenzayo, izinto ezenyanyekayo kakhulu indlu ka-Israyeli ezenzayo lapha, izinto ezizangixotshela khatshana lendawo yami engcwele? Kodwa wena uzabona izinto ezenyanyekayo kakhulukazi kulalezi.”
\p
\v 7 Emva kwalokho wangisa entubeni yeguma. Ngakhangela, ngabona imbobo emdulini. 
\v 8 Wasesithi kimi, “Ndodana yomuntu, khathesi gubha umduli.” Ngakho ngawugubha umduli ngasengibona umnyango khona.
\p
\v 9 Wasesithi kimi, “Ngena ubone izinto ezimbi lezenyanyekayo abazenzayo lapha.” 
\v 10 Ngakho ngangena phakathi ngakhangela, ngabona indawo yonke emidulini kufanekiswe inhlobo zezinto zonke ezihuquzelayo lezinyamazana ezenyanyekayo kanye lezithombe zonke zasendlini ka-Israyeli. 
\v 11 Phambi kwazo kwakumi abadala bendlu ka-Israyeli abangamatshumi ayisikhombisa, loJazaniya indodana kaShafani emi phakathi kwabo. Omunye lomunye wayephethe udengezi lokutshisela impepha ngesandla, luthunqa intuthu elephunga elimnandi elempepha.
\p
\v 12 Wathi kimi, “Ndodana yomuntu, ukubonile yini okwenziwa ngabadala bendlu ka-Israyeli emnyameni, omunye lomunye esendaweni yokukhonzela isithombe sakhe? Bathi, ‘\nd UThixo\nd* kasiboni; \nd uThixo\nd* uselilahlile ilizwe.’ ” 
\v 13 Wabuye wathi, “Uzababona besenza izinto ezenyanyeka okudlula lokho.”
\p
\v 14 Emva kwalokho wangisa ekungeneni kwesango lasenyakatho kwendlu \nd kaThixo\nd*, ngabona abesifazane behlezi khona belilela uThamuzi. 
\v 15 Wasesithi kimi, “Uyakubona lokhu na, ndodana yomuntu? Uzabona izinto ezenyanyeka kakhulu kulalokhu.”
\p
\v 16 Wasengisa egumeni lendlu \nd kaThixo\nd* elingaphakathi, njalo khonapho ekungeneni kwethempeli, phakathi komkhandlu le-alithari, kwakulamadoda ayengaba ngamatshumi amabili lanhlanu. Ayekhothamele phansi elangeni empumalanga, efulathele ithempeli \nd likaThixo\nd*. Ubuso bawo bukhangele empumalanga.
\p
\v 17 Wathi kimi, “Sewake wakubona lokhu na ndodana yomuntu? Kuyinto encane na ukuthi indlu kaJuda yenze izinto ezenyanyekayo abazenza lapha? Kumele ilizwe baligcwalise futhi ngodlakela, njalo bangithukuthelise kokuphela na? Bakhangele bebeka ugatsha empumulweni yabo! 
\v 18 Ngakho ngizabaphatha ngentukuthelo; angiyikuba lesihawu kubo ngibayekele. Lanxa sebeklabalalela ezindlebeni zami, kangiyikubalalela.”
\c 9
\s1 Abakhonzi Bezithombe Bayabulawa
\p
\v 1 Lapho-ke ngamuzwa ememeza ngelizwi elikhulu esithi, “Letha abalindi bedolobho lapha, omunye lomunye elesikhali esandleni sakhe.” 
\v 2 Ngasengibona amadoda ayisithupha evelela malungana lesango langaphezulu, elikhangele enyakatho, ngamunye ephethe izikhali ezibulalayo ezandleni zakhe. Ayelenye indoda eyayigqoke ilineni eyayilezinto zokubhala emhlubulweni wayo. Angena ema phansi kwe-alithari lethusi.
\p
\v 3 Khathesi inkazimulo kaNkulunkulu ka-Israyeli yaya phezulu isuka ngaphezu kwamakherubhi, lapho eyayikade ikhona, yasudukela emnyango wethempeli. Lapho-ke \nd uThixo\nd* wabiza indoda eyayigqoke ilineni ilezinto zokubhala emhlubulweni wayo 
\v 4 wathi kuyo, “Yana ezindaweni zonke zedolobho laseJerusalema ubeke uphawu emabunzini alabo ababubulayo bekhala ngenxa yezinto zonke ezenyanyekayo ezenziwa kulo.”
\p
\v 5 Ngisalalele, wathi kwabanye, “Mlandeleni kulolonke idolobho libulale, kungekho sihawu kumbe uzwelo. 
\v 6 Qothulani amaxhegu, amajaha lezintombi, amanina labantwana, kodwa lingathinti loba ngubani olophawu. Qalisani endlini yami engcwele.” Ngakho baqalisa ngabadala ababephambi kwethempeli.
\p
\v 7 Wasesithi kubo, “Ngcolisani ithempeli ligcwalise amaguma ngababuleweyo. Hambani!” Ngakho bahamba baqalisa ukubulala edolobheni lonke. 
\v 8 Kwathi lapho bebulala, mina ngisele ngedwa, ngathi mbo phansi ngobuso, ngakhala ngathi, “Awu \nd Thixo\nd* Wobukhosi! Uzaqothula yonke insalela yako-Israyeli kulokhu kuphuphuma kolaka lwakho phezu kweJerusalema na?”
\p
\v 9 Wangiphendula wathi, “Isono sendlu ka-Israyeli lekaJuda sikhulu kakhulu; ilizwe ligcwele ukuchithwa kwegazi, ledolobho ligcwele ukungalungi. Bathi, ‘\nd UThixo\nd* uselidelile ilizwe; \nd uThixo\nd* kaboni.’ 
\v 10 Ngakho angiyikuba lesihawu kubo kumbe ngibayekele, kodwa lokhu abakwenzileyo ngizakwehlisela phezu kwamakhanda abo.”
\p
\v 11 Lapho-ke indoda eyayigqoke ilineni ilezinto zokubhala emhlubulweni yaletha ilizwi isithi, “Ngenze njengokulaya kwakho.”
\c 10
\s1 Inkazimulo Iyasuka EThempelini
\p
\v 1 Ngakhangela ngabona okwakufana lesihlalo sobukhosi esenziwe ngesafire ngaphezu komkhathi owawungaphezu kwamakhanda amakherubhi. 
\v 2 \nd UThixo\nd* wathi emuntwini owayegqoke ilineni, “Ngena phakathi kwamavili ngaphansi kwamakherubhi. Gcwalisa izandla zakho ngamalahle atshisayo avela kumakherubhi uwahaze phezu kwedolobho.” Ngathi ngisabukele wangena.
\p
\v 3 Amakherubhi ayesemi ngaseningizimu kwethempeli lapho umuntu lowo engena phakathi, iyezi lagcwala iguma langaphakathi. 
\v 4 Lapho-ke inkazimulo \nd kaThixo\nd* yaphakama isuka ngaphezu kwamakherubhi yasudukela ngasemnyango wethempeli. Iyezi lagcwala ethempelini, kwathi iguma lagcwala ukukhanya kwenkazimulo \nd kaThixo\nd*. 
\v 5 Umdumo wezimpiko zamakherubhi wawuzwakala khatshana le egumeni langaphandle, unjengelizwi likaNkulunkulu uSomandla nxa ekhuluma.
\p
\v 6 Kwathi lapho \nd uThixo\nd* elaya umuntu owayegqoke ilineni esithi, “Thatha umlilo phakathi kwamavili, phakathi kwamakherubhi,” umuntu lowo wangena wema phansi kwevili. 
\v 7 Elinye lamakherubhi lelulela isandla salo emlilweni owawuphakathi kwawo. Lawokha lawubeka ezandleni zomuntu owayegqoke ilineni, owawuthathayo wasephuma. 
\v 8 (Ngaphansi kwempiko zamakherubhi kwakubonakala okwakungathi yizandla zomuntu.)
\p
\v 9 Ngakhangela, ngabona amavili amane eceleni kwamakherubhi, lilinye eceleni kwekherubhi ngalinye, amavili ayecazimula njengethophazi. 
\v 10 Ukukhangeleka kwawo, amane awo ayekhanya efanana; elinye lelinye lingathi livili elalinqume phakathi kwelinye. 
\v 11 Ekuhambeni kwawo, ayesiya loba kuluphi lwezinhlangothi ezine lapho amakherubhi ayekhangele khona; amavili ayengaphenduki lapho amakherubhi ehamba. Amakherubhi ayesiya loba kuluphi uhlangothi ikhanda elalikhangele kulo, kungekho kuphenduka ekuhambeni kwawo. 
\v 12 Imizimba yawo yonke, kugoqela imihlane yawo, lezandla zawo kanye lempiko zawo, kwakugcwele amehlo, njengoba ayenjalo lamavili awo amane. 
\v 13 Amavili ngezwa kuthiwa athiwa “ngamavili atshibilika ngesiqubu esikhulu.” 
\v 14 Ikherubhi ngalinye lalilobuso obune: Obunye ubuso babungobekherubhi, obesibili bungobomuntu, obesithathu bungobesilwane, obesine bungobengqungqulu.
\p
\v 15 Amakherubhi aphakama aya phezulu. La ayeyizidalwa eziphilayo engangizibone phansi komfula uKhebhari. 
\v 16 Kwathi lapho amakherubhi ehamba, lamavili emaceleni awo ahamba; njalo kwathi lapho amakherubhi eselula impiko zawo ukuba aphakame esuka phansi, amavili kawasasukanga emaceleni awo. 
\v 17 Njalo kwathi lapho amakherubhi esima, amavili lawo ema, kuthi lapho amakherubhi ephakama, amavili lawo aphakame, ngoba umoya wezidalwa eziphilayo wawukuwo.
\p
\v 18 Inkazimulo \nd kaThixo\nd* yasuka ngasemnyango wethempeli yayakuma ngaphezu kwamakherubhi. 
\v 19 Amakherubhi elula amaphiko awo ngikhangele, aphakama esuka phansi, njalo kwathi lapho esehamba amavili ahamba lawo. Ema ekungeneni kwesango langasempumalanga lendlu \nd kaThixo\nd*, njalo inkazimulo kaNkulunkulu ka-Israyeli yayingaphezu kwawo.
\p
\v 20 Lezi kwakuyizidalwa eziphilayo engangizibone ngaphansi kukaNkulunkulu ka-Israyeli ngasemfuleni uKhebhari, ngananzelela ukuthi kwakungamakherubhi. 
\v 21 Lelo lalelo lalilobuso obune lamaphiko amane, njalo ngaphansi kwamaphiko kwakulokwakungathi yizandla zomuntu. 
\v 22 Ubuso bawo babufanana lobalawana engawabona ngasemfuleni uKhebhari. Lelo lalelo lahamba liqonde phambili.
\c 11
\s1 Ukwahlulelwa Kwabakhokheli Bako-Israyeli
\p
\v 1 Lapho-ke uMoya wangiphakamisela phezulu wangisa esangweni lendlu \nd kaThixo\nd* elikhangele empumalanga. Khonapho ekungeneni kwesango kwakulamadoda angamatshumi amabili lanhlanu, njalo phakathi kwawo ngabona uJazaniya indodana ka-Azuri kanye loPhelathiya indodana kaBhenayiya, abakhokheli babantu. 
\v 2 \nd UThixo\nd* wathi kimi, “Ndodana yomuntu, laba yibo abantu abenza amacebo amabi, benika lezeluleko ezimbi kulelidolobho. 
\v 3 Bathi, ‘Masinyane nje akuyikuba yiso na isikhathi sokwakha izindlu? Idolobho leli liyimbiza yokupheka, njalo thina siyinyama.’ 
\v 4 Ngakho-ke phrofetha okubi ngabo; phrofetha ndodana yomuntu.”
\p
\v 5 Lapho-ke uMoya \nd kaThixo\nd* weza kimi wangitshela ukuba ngithi, Nanku okutshiwo \nd nguThixo\nd*: “Lokho yikho wena okutshoyo, wena ndlu ka-Israyeli, kodwa mina ngiyakwazi okusengqondweni yakho. 
\v 6 Sewabulala abantu abanengi phakathi kwedolobho leli wagcwalisa imigwaqo yalo ngabafileyo.”
\p
\v 7 Ngakho-ke nanku okutshiwo \nd nguThixo\nd* Wobukhosi: “Izidumbu oziphosele lapho ziyinyama njalo idolobho leli liyimbiza, kodwa wena ngizakuxotshela ngaphandle kwalo. 
\v 8 Inkemba uyayesaba, njalo inkemba yiyo engizayiletha ukuba imelane lawe, kutsho \nd uThixo\nd* Wobukhosi. 
\v 9 Ngizakuxotshela ngaphandle kwedolobho ngikunikele kwabezizweni ngiphinde ngikujezise. 
\v 10 Uzabulawa ngenkemba, njalo ngizakwahlulela emingceleni yako-Israyeli. Lapho-ke uzakwazi ukuthi mina \nd nginguThixo\nd*. 
\v 11 Idolobho leli kaliyikuba yimbiza yakho, kumbe wena ube yinyama phakathi kwalo; ngizakwahlulela emingceleni yako-Israyeli. 
\v 12 Njalo uzakwazi ukuthi mina \nd nginguThixo\nd*, ngoba izimiso zami kawuzilandelanga kumbe wagcina imithetho yami kodwa ulandele izenzo zezizwe ezikuhanqileyo.”
\p
\v 13 Kwathi lapho ngisaphrofitha, uPhelathiya indodana kaBhenayiya wafa. Ngakho ngathi mbo phansi ngobuso ngakhala ngelizwi eliphezulu ngisithi, “Awu, \nd Thixo\nd* Wobukhosi! Uzaqothula insalela ka-Israyeli na?”
\s1 Isithembiso Sokuphenduka Kwe-Israyeli
\p
\v 14 Ilizwi \nd likaThixo\nd* lafika kimi lisithi: 
\v 15 “Ndodana yomuntu, abafowenu, abafowenu abayizihlobo zakho zegazi kanye lendlu yonke ka-Israyeli, yibo labo abantu baseJerusalema abathe ngabo: ‘Bakhatshana \nd loThixo\nd* kakhulu; ilizwe leli saliphiwa ukuba libe yilifa lethu.’ ”
\s1 Ukubuyela Kuka-Israyeli Kuyathenjiswa
\p
\v 16 “Ngakho-ke wothi: ‘Nanku okutshiwo \nd nguThixo\nd* Wobukhosi: Lanxa ngabasa khatshana phakathi kwezizwe njalo ngabahlakazela phakathi kwamazwe, ikanti okwesikhatshana ngibe yindlu engcwele kubo emazweni abaye kuwo.’
\p
\v 17 Ngakho-ke wothi: ‘Nanku okutshiwo \nd nguThixo\nd* Wobukhosi: Ngizakubutha ezizweni ngikubuyise ngikususa emazweni owawuhlakazekele kuwo, njalo ngizakunika ilizwe lako-Israyeli futhi.’
\p
\v 18 Bazabuyela kulo basuse zonke izifanekiso zalo ezihlazisayo kanye lezithombe ezenyanyekayo. 
\v 19 Ngizabanika inhliziyo engehlukananga ngifake lomoya omutsha phakathi kwabo; ngizasusa kubo inhliziyo yabo yelitshe ngibaphe inhliziyo yenyama. 
\v 20 Lapho-ke bazalandela izimiso zami baqaphele ukugcina imithetho yami. Bazakuba ngabantu bami, lami ngizakuba nguNkulunkulu wabo. 
\v 21 Kodwa labo abanhliziyo zabo zinikelwe ezifanekisweni zabo ezihlazisayo lasezithombeni ezenyanyekayo, lokhu abakwenzileyo ngizakwehlisela phezu kwamakhanda abo, kutsho \nd Thixo\nd* Wobukhosi.”
\p
\v 22 Lapho-ke amakherubhi, ayelamavili emaceleni, elula impiko zawo, njalo inkazimulo kaNkulunkulu ka-Israyeli yayingaphezu kwawo. 
\v 23 Inkazimulo \nd kaThixo\nd* yaya phezulu isuka phakathi kwedolobho yayakuma ngaphezu kwentaba ngasempumalanga kwedolobho. 
\v 24 UMoya wangiphakamisela phezulu wangisa kwabathunjiweyo eBhabhiloni ngombono owawulethwe nguMoya kaNkulunkulu.
\p Emva kwalokho umbono engangiwubonile wasuka kimi, 
\v 25 ngasengitshela abathunjiweyo konke \nd Thixo\nd* ayengitshengise khona.
\c 12
\s1 Ukuthunjwa Kuyafanekiswa
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, uhlala phakathi kwabantu abahlamukayo. Balamehlo ukuba babone kodwa kababoni, njalo balendlebe ukuba bezwe kodwa kabezwa, ngoba bangabantu abahlamukayo.
\p
\v 3 Ngakho-ke ndodana yomuntu, lungisa impahla zakho zasekuthunjweni njalo kuthi emini, bekhangele, uphume usuke lapho okhona uye kwenye indawo. Mhlawumbe bazazwisisa, lanxa beyindlu ehlamukayo. 
\v 4 Ngezikhathi zemini, bekhangele, khuphela impahla zakho phandle zilungiselwe ukuya ekuthunjweni. Kuthi kusihlwa, bekhangele, uphume njengabaya ekuthunjweni. 
\v 5 Bekhangele, bhoboza umduli ukhuphele impahla zakho ngaphandle kwawo. 
\v 6 Zetshathe ehlombe bekhangele uhambe lazo kusihlwa. Mboza ubuso bakho ukuze ilizwe ungaliboni, ngoba sengikwenze waba luphawu endlini ka-Israyeli.”
\p
\v 7 Ngakho ngenza njengokulaywa kwami. Ngezikhathi zemini ngakhupha impahla zami zilungiselwe ukuya ekuthunjweni. Kusihlwa ngabhoboza umduli ngezandla zami. Impahla zami ngazikhuphela ngaphandle kuhwalala, ngizetshethe emahlombe ami bekhangele.
\p
\v 8 Ekuseni ilizwi \nd likaThixo\nd* lafika kimi lisithi: 
\v 9 “Ndodana yomuntu, indlu leyana ehlamukayo yako-Israyeli kayikubuzanga na yathi, ‘Wenzani na?’
\p
\v 10 Wothi kubo, ‘Nanku okutshiwo \nd nguThixo\nd* Wobukhosi: Izilo leli limayelana lenkosana eJerusalema kanye lendlu yonke ka-Israyeli ekhonale.’ 
\v 11 Wothi kubo, ‘Ngiluphawu lwesitshengiselo kini.’
\p Njengoba ngenzile, kuzakwenziwa kanjalo kubo. Bazakuya ekuthunjweni beyizigqili.”
\p
\v 12 Oyinkosana phakathi kwabo uzakwetshatha impahla zakhe kuhwalala asuke, njalo imbobo izakwenziwa emdulini ukuba aphume ngayo. Uzamboza ubuso bakhe ukuze ilizwe angaliboni. 
\v 13 Ngizamendlalela imbule lami, njalo uzabanjwa yisifu sami; ngizamusa eBhabhiloniya ilizwe lamaKhaladiya, kodwa kasoze alibone, njalo uzafela khona. 
\v 14 Ngizabahlakazela emimoyeni bonke labo abamhanqileyo, izisebenzi zakhe kanye lamabutho akhe wonke njalo ngizaxotshana labo ngiphethe inkemba.
\p
\v 15 “Bazakwazi ukuthi \nd nginguThixo\nd* lapho sengibachithachithela phakathi kwezizwe njalo ngibahlakazela emazweni. 
\v 16 Kodwa ngizaphephisa abalutshwana babo ekuhlaselweni yinkemba, indlala kanye lesifo, ukuze kuthi ezizweni abaya kuzo bazivume zonke izenzo zabo ezinengayo. Lapho-ke bazakwazi ukuthi \nd nginguThixo\nd*.”
\p
\v 17 Ilizwi \nd likaThixo\nd* lafika kimi lisithi: 
\v 18 “Ndodana yomuntu, qhaqhazela nxa unatha amanzi akho. 
\v 19 Yitsho ebantwini belizwe uthi: ‘Nanku okutshiwo \nd nguThixo\nd* Wobukhosi mayelana lalabo abahlala eJerusalema kanye laselizweni lako-Israyeli: Bazakudla ukudla kwabo benqineka njalo banathe lamanzi abo bengelathemba, ngoba ilizwe lizaphundlwa konke okukulo ngenxa yodlakela lwabo bonke abahlala khona. 
\v 20 Amadolobho okuhlalwa kuwo azaqothulwa ilizwe lichitheke. Lapho-ke bazakwazi ukuthi \nd nginguThixo\nd*.’ ”
\s1 Akuyi Kuphuzwa
\p
\v 21 Ilizwi \nd likaThixo\nd* lafika kimi lisithi: 
\v 22 “Ndodana yomuntu, yisaga bani lesi na elilaso elizweni lako-Israyeli esithi: ‘Insuku ziyedlula njalo imibono yonke iba yize’? 
\v 23 Wothi kubo, ‘Nanku okutshiwo \nd nguThixo\nd* Wobukhosi: Ngizasiqeda isaga lesi, njalo kabayikusitsho futhi ko-Israyeli.’ Wothi kubo, ‘Insuku sezisondele lapho imibono yonke izagcwaliseka khona. 
\v 24 Ngoba akusayikuba lemibono yamanga futhi kumbe ubungoma benkohliso ko-Israyeli. 
\v 25 Kodwa mina \nd Thixo\nd* ngizakhuluma engikufunayo, njalo kuzagcwaliseka ngokuphangisa. Ngoba ensukwini zakho, wena ndlu ehlamukayo ngizagcwalisa loba kuyini engikutshoyo, kutsho \nd uThixo\nd* Wobukhosi.’ ”
\p
\v 26 Ilizwi \nd likaThixo\nd* lafika kimi lisithi: 
\v 27 “Ndodana yomuntu, indlu ka-Israyeli ithi, ‘Umbono awubonayo ngoweminyaka eminengi kusukela khathesi, njalo uphrofetha ngesikhathi esizayo esikhatshana kakhulu.’
\p
\v 28 Ngakho wothi kubo, ‘Nanku okutshiwo \nd nguThixo\nd* Wobukhosi: Akukho lalinye ilizwi lamazwi ami elizaphuza; loba kuyini engikutshoyo kuzagcwaliseka, kutsho \nd uThixo\nd* Wobukhosi.’ ”
\c 13
\s1 Abaphrofethi Bamanga Bayasolwa
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, phrofitha umelana labaphrofethi bako-Israyeli abaphrofethayo khathesi. Uthi kulabo abaphrofetha okuvela emicabangweni yabo: ‘Zwanini ilizwi \nd likaThixo\nd*! 
\v 3 Nanku okutshiwo \nd nguThixo\nd* Wobukhosi: Maye kubaphrofethi abayizithutha abalandela umoya wabo kodwa bengabonanga lutho! 
\v 4 Abaphrofethi bakho, we Israyeli, banjengamakhanka asemanxiweni. 
\v 5 Kawuyanga phezulu ezikhexeni emdulini ukuba uwulungisele indlu ka-Israyeli ukuze uqine empini ngosuku \nd lukaThixo\nd*. 
\v 6 Imibono yabo iyinkohliso njalo lobungoma babo bungamanga. Bathi, “\nd uThixo\nd* uthi,” yena \nd uThixo\nd* engabathumanga; kodwa bathembe ukuthi amazwi abo azagcwaliseka. 
\v 7 Kalikayiboni imibono yenkohliso na, njalo lakhuluma ubungoma bamanga lapho lisithi, “\nd uThixo\nd* uthi,” lanxa mina ngingatshongo?
\p
\v 8 Ngakho-ke nanku okutshiwo \nd nguThixo\nd* Wobukhosi: Ngenxa yamazwi enu enkohliso kanye lemibono yenu yamanga, ngimelana lani, kutsho \nd uThixo\nd* Wobukhosi. 
\v 9 Isandla sami sizamelana labaphrofethi ababona imibono yenkohliso bakhulume ubungoma bamanga. Kabayikuba ngabenhlangano yabantu bami kumbe balotshwe emibhalweni yendlu ka-Israyeli, loba bangene elizweni lako-Israyeli. Lapho-ke lizakwazi ukuthi \nd nginguThixo\nd* Wobukhosi.
\p
\v 10 Ngenxa yokuthi bedukisa abantu bami, besithi “Ukuthula,” khona ukuthula kungekho, njalo ngoba, nxa kwakhiwe umduli ongaqinanga, bayawubhada ngekalaga, 
\v 11 ngakho tshela labo abawubhada ngekalaga ukuthi uzadilika. Kuzakuza isihlambi sezulu, njalo ngizaletha isiqhotho esitshaya phansi, kuqhamuke umoya olamandla. 
\v 12 Lapho umduli udilika, abantu kabayikulibuza na bathi, “Ingaphi ikalaga elawubhada ngayo?”
\p
\v 13 Ngakho-ke nanku okutshiwo \nd nguThixo\nd* Wobukhosi: Ngolaka lwami ngizadedela umoya olamandla, kuthi ngokuthukuthela kwami isiqhotho lesihlambi sezulu kune ngentukuthelo ebhubhisayo. 
\v 14 Ngizadiliza umduli eliwubhade ngekalaga ngiwuwisele phansi ukuze isisekelo sawo sibe segcekeni. Nxa ususiwa lizafela kuwo; njalo lizakwazi ukuthi \nd nginguThixo\nd*. 
\v 15 Ngakho ngizachitha ulaka lwami ngimelane lomduli kanye lalabo abawubhada ngekalaga. Ngizakuthi kini, “Umduli kawusekho njalo yiso leso lakulabo abawucomba ngekalaga, 
\v 16 labobaphrofethi bako-Israyeli abaphrofetha ngeJerusalema babona imibono yokuthula ngalo, khona ukuthula kungekho, kutsho \nd uThixo\nd* Wobukhosi.” ’
\p
\v 17 Khathesi-ke ndodana yomuntu, melana lamadodakazi abantu bakini aphrofetha okwemicabango yawo. Phrofetha umelana lawo 
\v 18 uthi, ‘Nanku okutshiwo \nd nguThixo\nd* Wobukhosi: Maye kwabesifazane abathungela intebe ezihlakaleni zabo zonke benze lezimbombozo zamakhanda abo ezilobude obehlukeneyo ukuze bathiye abantu. Lizathiya impilo yabantu bami kodwa lilondoloze eyenu na? 
\v 19 Lingithukile phakathi kwabantu bami ngenxa yohetshezana lwebhali kanye lemvuthuluka yesinkwa. Ngokuqamba amanga ebantwini bami, abawalalelayo amanga, selibabulele labo ababengamelanga bafe, kodwa layekela abangafanelanga ukuphila.
\p
\v 20 Ngakho nanku okutshiwo \nd nguThixo\nd* Wobukhosi: Ngimelana lezintebe zenu elithiya abantu ngazo njengenyoni njalo ngizazidabula ezingalweni zenu; ngizabakhulula abantu elibathiya njengenyoni. 
\v 21 Izimbombozo zenu ngizazidabula ngikhulule abantu bami ezandleni zenu, njalo kabayikuba ngaphansi kwamandla okubazingela kwenu. Lapho-ke lizakwazi ukuthi \nd nginguThixo\nd*. 
\v 22 Ngenxa yokuthi lenyelisa inhliziyo zabalungileyo ngamanga enu, lapho ngangingabalethelanga sizi, njalo ngoba lakhuthaza ababi ukuba bangaphenduki ezindleleni zabo ezimbi ngalokho basilise ukuphila kwabo, 
\v 23 ngakho kaliyikubona imibono yamanga futhi loba izenzo zobungoma. Abantu bami ngizabahlenga ezandleni zenu. Lapho-ke lizakwazi ukuthi \nd nginguThixo\nd*.’ ”
\c 14
\s1 Abakhonza Izithombe Bayasolwa
\p
\v 1 Abanye babadala bako-Israyeli beza kimi bahlala phambi kwami. 
\v 2 Ilizwi \nd likaThixo\nd* laselifika kimi lisithi: 
\v 3 “Ndodana yomuntu, abantu laba sebebeke izithombe ezinhliziyweni zabo, bafaka lezikhubekiso ezimbi phambi kobuso babo. Ngibavumele ukungibuza na? 
\v 4 Ngakho khuluma labo ubatshele uthi, ‘Nanku okutshiwo \nd nguThixo\nd* Wobukhosi: Lapho loba nguphi umʼIsrayeli ebeka izithombe enhliziyweni yakhe, afake lesikhubekiso esibi phambi kobuso bakhe abesesiyaphrofetha, mina \nd Thixo\nd* ngizamphendula mina ngokwami ngokuhambelana lokukhonza kwakhe izithombe okukhulu. 
\v 5 Ngizakwenza lokhu ukuze ngizibambe futhi inhliziyo zabantu bako-Israyeli asebengidelile bonke ngenxa yezithombe zabo.’
\p
\v 6 Ngakho-ke tshono endlini ka-Israyeli uthi: ‘Nanku okutshiwo \nd nguThixo\nd* Wobukhosi: Phendukani! Tshiyani izithombe zenu lilahle imikhuba yenu enengayo!
\p
\v 7 Lapho owako-Israyeli loba omunye wabezizweni ohlala ko-Israyeli ezehlukanisa lami abeke izithombe enhliziyweni yakhe njalo afake lesikhubekiso esibi phambi kobuso bakhe, abesesiya kumphrofethi ukuyabuza ngami, mina \nd Thixo\nd* ngizamphendula mina ngokwami. 
\v 8 Ngizamelana lalowomuntu ngobuso bami njalo ngimenze isibonelo kanye lesiga. Ngizamsusa ebantwini bami. Lapho-ke lizakwazi ukuthi \nd nginguThixo\nd*.
\p
\v 9 Njalo nxa umphrofethi ekhohliseke ukuba akhulume isiphrofethi, mina \nd Thixo\nd* yimi engikhohlise umphrofethi lowo, njalo ngizakwelula isandla sami ngimelane laye ngimbhubhise phakathi kwabantu bami u-Israyeli. 
\v 10 Bazathwala icala labo, umphrofethi uzakuba lecala njengalowo ombuzayo. 
\v 11 Lapho-ke abantu bako-Israyeli kabasayikungifulathela kumbe bazingcolise futhi ngazozonke izono zabo. Bazakuba ngabantu bami, mina ngibe nguNkulunkulu wabo, kutsho \nd uThixo\nd* Wobukhosi.’ ”
\s1 Ukwahlulelwa KweJerusalema Akubalekelwa
\p
\v 12 Ilizwi \nd likaThixo\nd* lafika kimi lisithi: 
\v 13 “Ndodana yomuntu, nxa ilizwe lisona kimi ngokungathembeki besengiselula isandla sami ukuba ngivale ukulethwa kokudla kwalo, ngithumele indlala kulo ibulale abantu bakhona kanye lezifuyo zabo, 
\v 14 lanxa amadoda amathathu la, uNowa, loDanyeli kanye loJobe, angabe ayekhona kulo, ayezazihlenga wona kuphela ngokulunga kwawo, kutsho \nd uThixo\nd* Wobukhosi.
\p
\v 15 Loba nxa ngingathuma izilo zeganga ukuba zidabule phakathi kwalelolizwe zilitshiye lingaselabantwana njalo libe lugwadule okwenza kungabi lamuntu odlula phakathi kwalo ngenxa yezilo, 
\v 16 ngeqiniso elinjengoba ngikhona, kutsho \nd uThixo\nd* Wobukhosi, lanxa amadoda la amathathu engabe ayekhona kulo ayengeke awahlenge amadodana awo kumbe amadodakazi. Wona kuphela yiwo ayengahlengwa, kodwa ilizwe lalizachitheka.
\p
\v 17 Loba nxa ngingaletha inkemba imelane lalelolizwe ngithi, ‘Inkemba kayidlule phakathi kwelizwe lonke,’ ngibulale abantu kanye lezifuyo zabo, 
\v 18 ngeqiniso elinjengoba ngikhona, kutsho \nd uThixo\nd* Wobukhosi, lanxa amadoda la amathathu kungabe ayekulo, ayengeke awahlenge amadodana awo kumbe amadodakazi. Wona kuphela yiwo ayengahlengwa.
\p
\v 19 Loba nxa ngithumela isifo kulelolizwe, ngithululele ulaka lwami phezu kwalo ngokuchithwa kwegazi, sibulale abantu balo kanye lezifuyo zabo, 
\v 20 ngeqiniso elinjengoba ngikhona, kutsho \nd uThixo\nd* Wobukhosi, lanxa uNowa, loDanyeli kanye loJobe bengabe bekulo bebengeke bahlenge indodana kumbe indodakazi. Bebengazihlenga bona kuphela ngokulunga kwabo.
\p
\v 21 Ngoba nanku okutshiwo \nd nguThixo\nd* Wobukhosi: Kuzakuba kubi kakhulu okunjani na lapho sengithumela eJerusalema izahlulelo zami ezine, inkemba lendlala lezilo zeganga kanye lesifo ukuba kubulale abantu balo kanye lezifuyo zabo! 
\v 22 Kodwa kuzakuba labanye abasilayo, amadodana lamadodakazi abazakhutshelwa ngaphandle kwalo. Bazakuza kuwe, njalo lapho ubona ukuziphatha kwabo lezenzo zabo, uzaduduzeka ngomonakalo engiwehlisela phezu kweJerusalema, wonke umonakalo engawehlisela phezu kwalo. 
\v 23 Uzaduduzeka lapho usubona ukuziphatha kwabo kanye lezenzo zabo, ngoba uzakwazi ukuthi angenzanga lutho phakathi kwalo kungekho sizatho, kutsho \nd uThixo\nd* Wobukhosi.”
\c 15
\s1 IJerusalema Livini Elingelasizo
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, isigodo sevini silwedlula ngani ugatsha lwaloba yisiphi sezihlahla eziseguswini na? 
\v 3 Isigodo siyake sithathwe kulo ukuba kwenziwe ulutho olusizayo na? Bayazenza izikhonkwane ngalo ukuba kulengiswe izinto kuzo na? 
\v 4 Njalo emva kokuba sesiphoselwe emlilweni njengokhuni, umlilo usitshise izihloko zombili lomzaca waphakathi uhaqazeke, siselosizo ekwenzeni olunye ulutho na? 
\v 5 Nxa sasingelasizo ekwenzeni ulutho sisaphelele, kuncane kangakanani okungenziwa ukuthi sibe yilutho olusizayo lapho umlilo ususitshisile njalo sesililahle na?
\p
\v 6 Ngakho nanku okutshiwo \nd nguThixo\nd* Wobukhosi: Njengoba nginike isigodo sevini phakathi kwezihlahla zegusu njengokhuni lomlilo, ngizabaphatha kanjalo abantu abahlala eJerusalema. 
\v 7 Ngizamelana labo ngobuso bami. Lanxa sebephumile phakathi komlilo, umlilo usezabaqeda. Njalo lapho sengimelane labo ngobuso bami, lizakwazi ukuthi \nd nginguThixo\nd*. 
\v 8 Ngizakwenza ilizwe libe lugwadule ngoba bebengathembekanga, kutsho \nd uThixo\nd* Wobukhosi.”
\c 16
\s1 IJerusalema Njengomfazi Oyisifebe
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, melana leJerusalema ngezenzo zalo ezinengayo 
\v 3 uthi, ‘Nanku okutshiwo \nd nguThixo\nd* Wobukhosi kulo iJerusalema: Umdabuko wenu kanye lozalo ngokwaselizweni lamaKhenani; uyihlo wayengumʼAmori unyoko engumHithi. 
\v 4 Ngosuku owazalwa ngalo ufokothi lwakho kaluqunywanga, njalo kawugeziswanga ngamanzi ukuba uhlambuluke, kumbe uhlikihlwe ngetswayi loba ugoqelwe ngamalembu. 
\v 5 Kakho owaba lozwelo kuwe loba owaba lesihawu ukuba akwenzele okunye kwalezizinto. Kodwa waphoselwa etshatshalazini leganga, ngoba ngosuku owazalwa ngalo weyiswa.
\p
\v 6 Kwathi lapho ngidlula eduze ngakubona uqhatshaqhatsha phakathi kwegazi lakho, njalo kwathi ulele phakathi khonapho kwegazi lakho ngathi kuwe, “Phila!” 
\v 7 Ngakukhulisa njengesihlahla seganga. Wakhula waqina waba yilitshe eliligugu elihle kakhulu kulawo wonke. Waphuhla lenwele zakho zakhula, wena owawunqunu uze.
\p
\v 8 Muva ngadlula eduze futhi, kwathi lapho sengikukhangele ngabona ukuthi wawusukhulile okwanela uthando, ngelulela isembatho sami phezu kwakho ngavala ubunqunu bakho. Ngakufungela ngesifungo sami esiqinisekileyo, ngenza isivumelwano lawe, kutsho \nd uThixo\nd* Wobukhosi, njalo waba ngowami.
\p
\v 9 Ngakugezisa ngamanzi, ngagezisa legazi kuwe, ngasengikugcoba ngamafutha. 
\v 10 Ngakugqokisa isigqoko esicecisiweyo ngakufaka amanyathelo esikhumba. Ngakugqokisa ilineni elihle ngakwembesa izembatho ezidulayo. 
\v 11 Ngakuhlobisa ngamatshe aligugu: Ngafaka amasongo ezingalweni zakho kanye lomgaxo entanyeni yakho, 
\v 12 ngasengifaka lesongo empumulweni yakho, lamacici ezindlebeni zakho kanye lomqhele omuhle ekhanda lakho. 
\v 13 Waceciswa kanjalo ngegolide langesiliva; izigqoko zakho zazenziwe ngelineni elihle langamalembu adulayo kanye lamalembu acecisiweyo. Waba muhle kakhulu waze wakhuphuka waba yindlovukazi. 
\v 14 Udumo lwakho lwagcwala phakathi kwezizwe ngenxa yobuhle bakho, ngoba ubucwazicwazi engangikuphe bona benza ubuhle bakho baphelela, kutsho \nd uThixo\nd* Wobukhosi.
\p
\v 15 Kodwa wena wathemba ubuhle bakho wasebenzisa lodumo lwakho ekubeni yisifebe. Wachithela umusa wakho emuntwini wonke odlulayo kwathi ubuhle bakho baba ngobakhe. 
\v 16 Wathatha ezinye zezembatho zakho wenza ubucwazicwazi bezindawo eziphakemeyo, lapho owaqhubekela khona ngobuwule bakho. Izinto ezinje akumelanga zenzakale, loba zike zivele zenzeke. 
\v 17 Njalo wathatha leziceciso ezinhle zamatshe aligugu engakupha zona, iziceciso ezenziwa ngegolide lami lesiliva, wazenzela izithombe ezinduna wawula lazo. 
\v 18 Wathatha lezigqoko zakho ezicecisiweyo ukuba wembese izithombe, wanikela amafutha ami lempepha phambi kwazo. 
\v 19 Lokudla engakupha khona, ifulawa ecolekileyo, amafutha e-oliva kanye loluju engakupha khona ukuba udle, wakunikela phambi kwazo njengempepha elephunga elimnandi. Lokhu yikho okwenzakalayo, kutsho \nd uThixo\nd* Wobukhosi.
\p
\v 20 Wathatha futhi amadodana akho kanye lamadodakazi owangizalela wona wawanikela njengokudla ezithombeni. Ubufebe bakho babunganelanga na? 
\v 21 Wabulala abantwabami wabanikela ezithombeni. 
\v 22 Phakathi kwazo zonke izenzo zakho ezinengayo kanye lobufebe bakho kawuzikhumbulanga insuku zebutsheni bakho, lapho wawunqunu njalo uze, uqhatshaqhatsha phakathi kwegazi lakho.
\p
\v 23 Maye! Maye kuwe, kutsho \nd uThixo\nd* Wobukhosi. Phezu kobubi bakho bonke, 
\v 24 wazakhela indunduma wenza lezindawo zokukhonzela ezidephileyo ezinkundleni zonke. 
\v 25 Ekuqaliseni kwemigwaqo yonke wakha izindawo zakho zokukhonzela ezidephileyo wonakalisa ubuhle bakho, wanikela umzimba wakho ngokuxabanisa okukhulu kuloba ngubani odlulayo. 
\v 26 Wenza ubufebe lamaGibhithe, omakhelwane bakho abalesigweba, wangithukuthelisa ngokuba ngubuyazonke kwakho okukhulu. 
\v 27 Ngakho ngelula isandla sami ukuba ngimelane lawe nganciphisa ilizwe lakho; ngakunikela ekuphangeni kwezitha zakho, amadodakazi amaFilistiya, ethuswa yikuziphatha kwakho kobuxhwali! 
\v 28 Wenza ubuwule lama-Asiriya futhi, ngoba wawungasuthiseki; njalo langasemva kwalokho wawulokhu ungakholwanga. 
\v 29 Ngakho wandisa ukuxubanisa kwakho ukuba kungenise leBhabhiloni, ilizwe labathengisi, kodwa langalokhu kawusuthisekanga.
\p
\v 30 Yeka ubuthakathaka bakho enhliziyweni, kutsho \nd uThixo\nd* Wobukhosi, lapho usenza zonke lezizinto, usenza njengesifebe esingelanhloni! 
\v 31 Lapho usakha amadundulu akho ekuqaliseni kwemigwaqo yonke usenza lezindawo zakho zokukhonzela ezidephileyo ezinkundleni zonke, wawunganjengesifebe, ngoba wala imbadalo ngokweyisa okukhulu.
\p
\v 32 Wena mfazi oyisifebe! Uthanda izihambi kulomkakho. 
\v 33 Izifebe zonke zamukela imbadalo, kodwa zonke izithandwa zakho uzinika izipho, uzithenga ukuba zize kuwe zivela ezindaweni zonke zilanda ubufebe bakho. 
\v 34 Ngakho ukufeba kwakho kwehlukile kokwabanye; kakho okudingayo ukuba afebe lawe. Wena wehlukile, ngoba uyabhadala kodwa awubhadalwa.
\p
\v 35 Ngakho-ke, wena sifebe, zwana ilizwi \nd likaThixo\nd*! 
\v 36 Nanku okutshiwo \nd nguThixo\nd* Wobukhosi: Njengoba wachitha inotho yakho waveza lobunqunu bakho ebufebeni bakho lezithandwa zakho, njalo ngenxa yazo zonke izithombe zakho ezinengayo, langenxa yokuthi wazipha igazi labantwana bakho, 
\v 37 ngakho-ke ngizaziqoqa zonke izithandwa zakho, owawuthokoza lazo, lezo owawuzithanda kanye lalezo owawuzizonda. Ngizaziqoqa ukuba zimelane lawe zivela ezindaweni zonke ngikunqunule phambi kwazo, njalo zizabubona bonke ubunqunu bakho. 
\v 38 Ngizakunika isigwebo sokujeziswa kwabesifazane abafebayo njalo abachitha igazi; ngizakwehlisela phezu kwakho impindiselo yegazi yolaka lwami kanye lentukuthelo yobukhwele. 
\v 39 Emva kwalokho ngizakunikela kuzithandwa zakho, zizabhidliza amadundulu akho zidilize lezindawo zakho zokukhonzela ezidephileyo. Zizakuhlubula izigqoko zakho zithathe lemiceciso yakho yamatshe aligugu zikutshiye unqunu njalo uze. 
\v 40 Zizaletha ixuku elizamelana lawe, elizakutshaya ngamatshe, likuqumaqume ube yiziqa ngezinkemba zalo. 
\v 41 Bazatshisa izindlu zakho zilobe, bakujezise phambi kwabesifazane abanengi. Ngizabuqeda ubuwule bakho, njalo kawusayikuzibhadala futhi izithandwa zakho. 
\v 42 Lapho-ke ulaka lwami kuwe luzadeda, lokuthukuthela kwami kobukhwele kuzasuka kuwe; ngizaphola ngingabe ngisathukuthela futhi.
\p
\v 43 Ngenxa yokuthi insuku zobutsha bakho kawuzikhumbulanga kodwa wangithukuthelisa ngezinto zonke lezi, ngeqiniso lokhu okwenzileyo ngizakwehlisela phezu kwekhanda lakho, kutsho \nd uThixo\nd* Wobukhosi. Kanje kawenzanga isigwebo kuzozonke lezizenzo zakho ezinengayo na?
\p
\v 44 Bonke abatsho izaga bazasitsho isaga lesi ngawe esithi: “Indodakazi ifuna unina.” 
\v 45 Wena uyindodakazi kanyoko sibili, owayeseyisa umkakhe kanye labantwana bakhe; njalo ngeqiniso ungudade wabodadewenu, abeyisa omkabo labantwana babo. Unyoko wayengumHithi uyihlo engumʼAmori. 
\v 46 Udadewenu omdala wayenguSamariya, owayehlala ngasenyakatho kwakho labantwana bakhe; njalo udadewenu omncane owayehlala ngaseningizimu kwakho lamadodakazi akhe nguSodoma. 
\v 47 Kawuhambanga ezindleleni zabo nje kuphela njalo walingisa lezenzo zabo ezinengayo, kodwa kuzozonke izindlela zakho wena waphanga waxhwala kakhulu kulabo. 
\v 48 Ngeqiniso elinjengoba ngikhona, kutsho \nd uThixo\nd* Wobukhosi, udadewenu uSodoma lamadodakazi akhe kazange akwenze okwenziwa nguwe lamadodakazi akho.
\p
\v 49 Isono sikadadewenu uSodoma sasiyilesi: Yena lamadodakazi akhe babezigqaja, badla bedlulisa njalo bengakhathali; kababasizanga abayanga labaswelayo. 
\v 50 Babezazisa njalo besenza izinto eziyangisayo phambi kwami. Ngakho ngabasusa njengoba ubonile. 
\v 51 USamariya kenzanga ingxenye yezono wena osuzenzile. Wenze izinto ezinengekayo kulabo, wenza odadewenu bangathi balungile ngenxa yezinto zonke lezi ozenzileyo. 
\v 52 Lithwale ihlazo lakho, ngoba usunike isizatho esilungileyo ngabodadewenu. Ngoba izono zakho zazizimbi kakhulu kulezabo, bakhanya belunge kakhulu kulawe. Ngakho, woba lenhloni uthwale ihlazo lakho, ngoba wenze odadewenu bakhanya belungile.
\p
\v 53 Kodwa-ke, ngizayibuyisela inhlanhla yeSodoma lamadodakazi ayo kanye leyeSamariya lamadodakazi ayo, lenhlanhla yakho kanye labo, 
\v 54 ukuze uthwale ihlazo lakho njalo ube lenhloni ngokubaduduza. 
\v 55 Njalo odadewenu, iSodoma lamadodakazi alo kanye leSamariya lamadodakazi alo, bazabuyela kulokho ababeyikho kuqala. 
\v 56 Udadewenu, uSodoma wawungeke umutsho ngezinsuku zokuzigqaja kwakho, 
\v 57 ububi bakho bungakavezwa. Lanxa kunjalo, khathesi usuhlekwa ngamadodakazi ase-Edomi labo bonke omakhelwane bayo kanye lamadodakazi amaFilistiya, bonke labo abakuhanqileyo abakweyisayo. 
\v 58 Uzathwala umvuzo wesagweba sakho kanye lezenzo zakho ezinengayo kutsho \nd uThixo\nd*.
\p
\v 59 Nanku okutshiwo \nd nguThixo\nd* Wobukhosi: Ngizakuphatha njengalokhu okukufaneleyo, ngoba udelele isifungo sami ngokwephula isivumelwano. 
\v 60 Kodwa ngizasikhumbula isivumelwano engasenza lawe ensukwini zobutsha bakho, njalo ngizakwenza isivumelwano esingapheliyo lawe. 
\v 61 Lapho-ke uzazikhumbula izindlela zakho ube lenhloni lapho ususamukela odadewenu, labo abadala kulawe kanye lalabo abancane. Ngizakunika bona njengamadodakazi, kodwa hatshi ngenxa yesivumelwano sami lawe. 
\v 62 Ngakho ngizamisa isivumelwano sami lawe njalo uzakwazi ukuthi mina \nd nginguThixo\nd*. 
\v 63 Ngakho, lapho sengikwenzela inhlawulelo yakho konke okwenzileyo, uzakhumbula ube lenhloni ungawuvuli futhi umlomo wakho ngenxa yokuthotshiswa kwakho, kutsho \nd uThixo\nd* Wobukhosi.’ ”
\c 17
\s1 Ingqungqulu Ezimbili Levini
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, yenza umzekeliso utshele indlu yako-Israyeli umfanekiso. 
\v 3 Wothi kubo, ‘Nanku okutshiwo \nd nguThixo\nd* Wobukhosi: Ingqungqulu enkulu elezimpiko ezilamandla, izinsiba ezinde njalo zinengi zimibalabala yafika eLebhanoni. Ibambe isihloko somsedari, 
\v 4 yephula ihlumela elalingaphezu kwawo wonke yalisa elizweni labathengisi lapho eyalihlanyela khona edolobheni labathengisi.
\p
\v 5 Yathatha enye yenhlanyelo yelizwe lakini yayifaka emhlabathini ovundileyo: Yayihlanyela njengomnyezane phansi kwamanzi amanengi, 
\v 6 yahluma yaba livini elifitshane elinabayo. Ingatsha zalo zaphendukela kuyo, kodwa impande zalo zaba ngaphansi kwalo. Ngakho laba livini laba lezingatsha ezilamahlamvu amanengi.
\p
\v 7 Kodwa kwakulenye ingqungqulu enkulu elezimpiko ezilamandla lezinsiba ezinengi. Khathesi ivini lakhuphela impande zalo kuyo zisuka esivandeni elalihlanyelwe kuso njalo lelulela ingatsha zalo kuyo zifuna amanzi. 
\v 8 Lalihlanyelwe emhlabathini omuhle phansi kwamanzi amanengi ukuze liveze ingatsha, lithele izithelo libe livini elihle.’
\p
\v 9 Wothi kubo, ‘Nanku okutshiwo \nd nguThixo\nd* Wobukhosi: Kambe lizakhula kuhle na? Kaliyikusitshunwa izithelo zalo ziqhululwe ukuba libune na? Wonke amahlumela alo azabuna. Akuyikusweleka ingalo elamandla kumbe abantu abanengi ukuba balisiphune. 
\v 10 Lanxa lingayagxunyekwa kwenye indawo lingakhula kuhle na? Kambe kaliyikubuna okupheleleyo nxa umoya wasempumalanga ulihangula libune esivandeni elakhulela kuso na?’ ”
\p
\v 11 Ilizwi \nd likaThixo\nd* laselifika kimi lisithi: 
\v 12 “Tshono kule indlu ehlamukayo uthi, ‘Kalazi ukuthi izinto lezi zitshoni na?’ Tshono kubo uthi, ‘Inkosi yaseBhabhiloni yaya eJerusalema yathumba inkosi yalo kanye lezikhulu zalo yabuyela labo eBhabhiloni. 
\v 13 Yathatha omunye wabenzalo yasesikhosini, yenza isivumelwano laye, yamfungisa. Yathumba lamanye amadoda elizwe adumileyo, 
\v 14 ukuze umbuso uye phansi, ungavuki futhi, ume nje kuphela ngokugcina isivumelwano sayo. 
\v 15 Kodwa inkosi yamhlamukela ngokuthuma isithunywa eGibhithe ukuba ziyethatha amabhiza kanye lebutho elikhulu. Kambe izaphumelela na? Kambe lowo owenza izinto ezinje uzaphunyuka na? Kambe uzakwephula isivumelwano kodwa aphunyuke na?
\p
\v 16 Ngeqiniso elinjengoba ngikhona, kutsho \nd uThixo\nd* Wobukhosi, uzafela eBhabhiloni, elizweni lenkosi eyambeka esihlalweni sobukhosi, esifungo sayo wasidelela wephula lesivumelwano sayo. 
\v 17 UFaro lebutho lakhe elilamandla kanye lexuku elikhulu akuyikumsiza empini, lapho sekwakhiwe amadundulu kwamiswa lemiduli yokuvimbezela ukuba kuchithwe imiphefumulo eminengi. 
\v 18 Wadelela isifungo ngokwephula isivumelwano. Ngoba wazibopha ngesifungo kodwa wasesenza zonke lezizinto akayikuphunyuka.
\p
\v 19 Ngakho nanku okutshiwo \nd nguThixo\nd* Wobukhosi: Ngeqiniso elinjengoba ngikhona, ngizakwehlisela phezu kwekhanda lakhe isifungo sami asidelayo kanye lesivumelwano sami asephulayo. 
\v 20 Ngizamendlalela imbule lami, njalo uzabanjwa yisifu sami. Ngizamusa eBhabhiloni, ngenzele khona ukumahlulela kwami ngoba wayengathembekanga kimi. 
\v 21 Wonke amabutho akhe abalekayo azabulawa ngenkemba, abasindayo bazahlakazelwa emimoyeni. Lapho-ke lizakwazi ukuthi mina \nd Thixo\nd* sengikhulumile.
\p
\v 22 Nanku okutshiwo \nd nguThixo\nd* Wobukhosi: Mina ngokwami ngizathatha ihlumela kuso kanye isihloko somsedari ngilihlanyele; ngizakwephula ihlumela elibuthakathaka eklintini lawo eliphezulu kakhulu kulamanye ngilihlanyele phezu kwentaba ende ephakemeyo. 
\v 23 Ngizalihlanyela ezingqongeni zentaba yako-Israyeli; lizaveza ingatsha lithele lezithelo njalo libe ngumsedari omuhle. Izinyoni zezinhlobo zonke zizakwakhela izidleke zazo kuwo; zizathola ukusitheka emthunzini wezingatsha zawo. 
\v 24 Zonke izihlahla zeganga zizakwazi ukuthi mina \nd Thixo\nd* ngifinyeza isihlahla eside ngenze esifitshane sikhule sibeside. Ngomisa isihlahla esiluhlaza ngenze esomileyo sihlume.
\p Mina \nd Thixo\nd* sengikhulumile, njalo ngizakwenza.’ ”
\c 18
\s1 Umphefumulo Owonayo Uzakufa
\p
\v 1 Ilizwi \nd likaThixo\nd* lafika kimi lisithi: 
\v 2 “Litshoni lina bantu nxa libetha isaga lesi ngelizwe lako-Israyeli lisithi:
\q1 ‘Oyise badla amavini amunyu,
\q2 amazinyo abantwana asetshelela’?
\p
\v 3 Ngeqiniso elinjengoba ngikhona, kutsho \nd uThixo\nd* Wobukhosi, kalisayikusitsho isaga lesi ko-Israyeli. 
\v 4 Ngoba yonke imphefumulo ephilayo ngeyami, uyise kanye lendodana, bobabili ngokufanayo ngabami. Umphefumulo owonayo yiwo ozakufa.
\q1
\v 5 Kasithi kulomuntu olungileyo
\q2 owenza okufaneleyo lokuqondileyo.
\q1
\v 6 Kadleli ezindaweni zokukhonzela zasentabeni loba
\q2 athembe izithombe zendlu ka-Israyeli.
\q1 Kangcolisi umfazi kamakhelwane wakhe
\q2 loba alale lowesifazane esemazibukweni.
\q1
\v 7 Kancindezeli muntu
\q2 kodwa uyabuyisela akuthathayo njengesibambiso sokwebolekwayo.
\q1 Kabenzi ubuphangi
\q2 kodwa unika abalambileyo ukudla kwakhe
\q2 labanqunu abanike izigqoko.
\q1
\v 8 Kabolekisi ukuba athole inzuzo
\q2 loba athathe inzuzo edlulisileyo.
\q1 Uyasithinta isandla sakhe ekwenzeni okubi
\q2 njalo ehlulele kuhle phakathi komuntu lomuntu.
\q1
\v 9 Uyazilandela izimiso zami
\q2 agcine lemithetho yami ngokuthembeka.
\q1 Lowomuntu ulungile;
\q2 ngempela uzaphila,
\q2 kutsho \nd uThixo\nd* Wobukhosi.
\p
\v 10 Kasithi ulendodana elodlakela echitha igazi kumbe yenze loba yikuphi kwalezizinto 
\v 11 (lanxa uyise engenzanga lanye yazo):
\q1 Idlela ezindaweni zokukhonzela ezisentabeni.
\q1 Iyamngcolisa umfazi kamakhelwane wayo.
\q1
\v 12 Incindezela abayanga labaswelayo.
\q1 Yenza ubuphangi.
\q1 Kayibuyiseli eyakuthatha kuyisibambiso.
\q1 Yethemba izithombe.
\q1 Yenza izinto ezinengisayo.
\q1
\v 13 Yebolekisa ukuba ithole inzuzo njalo ithatha inzuzo edlulisileyo.
\m Umuntu onjalo uzaphila na? Kasoze aphile! Ngenxa yokuba enze zonke lezizinto ezinengisayo uzabulawa mpela legazi lakhe lizakuba phezu kwekhanda lakhe.
\p
\v 14 Kodwa kasithi indodana le ilendodana ezibonayo zonke izono ezenziwa nguyise, kodwa lanxa izibona, yona kayizenzi izinto ezinje:
\q1
\v 15 Kayidleli ezindaweni zokukhonzela ezisentabeni,
\q2 kumbe yethembe izithombe zendlu ka-Israyeli.
\q1 Kayimngcolisi umfazi kamakhelwane wayo.
\q1
\v 16 Kayincindezeli muntu
\q2 kumbe ifune isibambiso ekwebolekiseni.
\q1 Kayibenzi ubuphangi
\q2 kodwa abalambileyo iyabapha ukudla kwayo
\q2 inike labanqunu izigqoko.
\q1
\v 17 Iyasithinta isandla sayo ekoneni
\q2 njalo kayithathi nzuzo loba inzuzo edlulisileyo.
\q1 Iyagcina imilayo yami ilandele lezimiso zami.
\m Kayiyikufela izono zikayise; izaphila impela. 
\v 18 Kodwa uyise uzafela izono zakhe yena ngokwakhe, ngoba wabamba ngamandla, waphanga umfowabo wenza okubi ebantwini bakibo.
\p
\v 19 Ikanti liyabuza lithi, ‘Kungani indodana ingabi lecala likayise na?’ Njengoba indodana yenze okufaneleyo lokuqondileyo njalo inaka ukugcina izimiso zami, izaphila impela. 
\v 20 Umphefumulo owonayo yiwo ozakufa. Indodana kayiyikuba lecala likayise, loba uyise abe lecala lendodana. Ukulunga komuntu olungileyo kuzabalelwa kuye, lobubi bomubi buzamelana laye.
\p
\v 21 Kodwa nxa umuntu omubi ephenduka kuzozonke izono azenzayo njalo agcine izimiso zami zonke enze okufaneleyo lokuqondileyo, uzaphila impela, akayikufa. 
\v 22 Akukho kona kwakhe okuzakhunjulwa. Ngenxa yezinto ezilungileyo azenzileyo uzaphila. 
\v 23 Ngiyathokoza ngokufa komuntu omubi na? kutsho \nd uThixo\nd* Wobukhosi. Esikhundleni salokho, kangithabi na nxa bephenduka ezindleleni zabo njalo baphile?
\p
\v 24 Kodwa nxa umuntu olungileyo eguquka ekulungeni kwakhe enze izono njalo enze zona kanye izinto ezinengayo ezenziwa ngumuntu omubi, kambe uzaphila na? Akukho okwezinto ezilungileyo azenzayo okuzakhunjulwa. Ngenxa yecala lokungathembeki langenxa yezono azenzayo, uzakufa.
\p
\v 25 Kodwa lina lithi, ‘Indlela kaThixo kayilunganga.’ Zwana, wena ndlu ka-Israyeli: Indlela yami kayifanelanga na? 
\v 26 Nxa umuntu olungileyo eguquka ekulungeni kwakhe enze izono, uzakufela lokho; ngenxa yezono azenzileyo uzakufa. 
\v 27 Kodwa nxa umuntu omubi ephenduka ebubini abenzileyo enze okufaneleyo lokuqondileyo, uzasilisa ukuphila kwakhe. 
\v 28 Ngoba ucabanga konke okubi akwenzayo aphenduke kukho, uzaphila impela; akayikufa. 
\v 29 Ikanti indlu ka-Israyeli ithi, ‘Indlela kaThixo kayilunganga.’ Izindlela zami kazilunganga na, wena ndlu ka-Israyeli?
\p
\v 30 Ngakho-ke wena ndlu ka-Israyeli, lowo lalowo ngizamahlulela ngokumayelana lezindlela zakhe, kutsho \nd uThixo\nd* Wobukhosi. Phendukani! Tshiyani ububi benu bonke; ngalokho isono kasiyikuba yikufa kwenu. 
\v 31 Zikhululeni kukho konke okubi elikwenzileyo, lizuze inhliziyo entsha lomoya omutsha. Kungani na uzakufa, wena ndlu ka-Israyeli? 
\v 32 Ngoba angithokozi ngokufa loba ngokukabani, kutsho \nd uThixo\nd* Wobukhosi. Phendukani liphile!”
\c 19
\s1 Ukulilela Amakhosana Ako-Israyeli
\p
\v 1 “Qhinqani isililo ngamakhosana ako-Israyeli 
\v 2 lithi:
\q1 ‘Yeka isilwanekazi esasingunyoko
\q2 phakathi kwezilwane!
\q1 Salala phansi phakathi kwezilwane ezisakhulayo
\q2 sondla imidlwane yaso.
\q1
\v 3 Sakhulisa omunye wemidlwane yaso
\q2 waba yisilwane esilamandla
\q1 wafunda ukudabula okubanjelwe ukudliwa,
\q2 wadla labantu.
\q1
\v 4 Izizwe zezwa ngawo
\q2 wasuthiywa egodini lazo.
\q1 Zawuhola ngezingwegwe
\q2 zawusa elizweni laseGibhithe.
\b
\q1
\v 5 Kwathi sibona ithemba laso lingagcwalisekanga,
\q2 ithemba laso lingasekho,
\q1 sathatha omunye wemidlwane yaso
\q2 sawenza waba yisilwane esilamandla.
\q1
\v 6 Wanyonyoba phakathi kwezilwane ngoba
\q2 wawuyisilwane esilamandla.
\q1 Wafunda ukudabula okubanjelwe ukudliwa,
\q2 wadla labantu.
\q1
\v 7 Wadiliza izinqaba zabo
\q2 wachitha lamadolobho abo.
\q1 Ilizwe kanye labo bonke ababekulo
\q2 bathuthumeliswa yikubhonga kwawo.
\q1
\v 8 Izizwe zawuvukela,
\q2 zivela ezindaweni eziwuzingelezileyo.
\q1 Zendlala amambule azo phezu kwawo
\q2 wawela egodini labo.
\q1
\v 9 Bawudonsela ekhejini ngezingwegwe
\q2 bawusa enkosini yaseBhabhiloni.
\q1 Bawufaka entolongweni,
\q2 ngakho ukubhonga kwawo akuzwakalanga futhi
\q2 ezintabeni zako-Israyeli.
\b
\q1
\v 10 Unyoko wayenjengevini
\q2 elihlanyelwe ngasemanzini esivinini sakho;
\q1 sasithela izithelo njalo silezingatsha ezinengi
\q2 ngenxa yamanzi amanengi.
\q1
\v 11 Ingatsha zaso zaziqinile
\q2 zifanele intonga yombusi.
\q1 Sasiphakeme siphezulu le
\q2 ngaphezu kwamahlamvu aminyeneyo,
\q1 sibonakala ngobude baso
\q2 langezingatsha zaso ezinengi.
\q1
\v 12 Kodwa sasitshunwa ngokuthukuthela
\q2 saphoselwa phansi.
\q1 Umoya wasempumalanga wasomisa,
\q2 izithelo zaso zaqhululwa;
\q1 ingatsha zaso eziqinileyo zabuna
\q2 umlilo wazitshisa.
\q1
\v 13 Khathesi sesihlanyelwe enkangala,
\q2 elizweni elitshisayo lelomileyo.
\q1
\v 14 Umlilo umemetheke usuka kolunye lwezingatsha ezinkulu,
\q2 watshisa izithelo zaso.
\q1 Akulagatsha oluqinileyo oluseleyo kuso
\q2 olufanele intonga yombusi.’
\m Lesi yisililo njalo sizasetshenziswa njengesililo.”
\c 20
\s1 U-Israyeli Ohlamukayo
\p
\v 1 Ngomnyaka wesikhombisa, ngenyanga yesihlanu ngosuku lwetshumi, abanye babadala bako-Israyeli bafika bezebuza \nd uThixo\nd*, bahlala phansi phambi kwami.
\p
\v 2 Ilizwi \nd likaThixo\nd* lafika kimi lisithi: 
\v 3 “Ndodana yomuntu, khuluma labadala bako-Israyeli uthi kubo, ‘Nanku okutshiwo \nd nguThixo\nd* Wobukhosi: Lilande ukuzangibuza na? Ngeqiniso elinjengoba ngikhona, kangiyikulivumela ukuthi lingibuze, kutsho \nd uThixo\nd* Wobukhosi.’
\p
\v 4 Uzabahlulela na? Uzabahlulela na, ndodana yomuntu? Ngakho batshele ngezenzo zaboyise ezinengayo 
\v 5 uthi kubo: ‘Nanku okutshiwo \nd nguThixo\nd* Wobukhosi: Ngosuku engakhetha ngalo u-Israyeli, ngafunga kuyo inzalo yendlu kaJakhobe isandla siphakanyisiwe njalo ngiziveza kuyo iGibhithe. Isandla siphakanyisiwe ngathi kubo, “Mina \nd nginguThixo\nd* uNkulunkulu wenu.” 
\v 6 Ngalolosuku ngafunga kubo ukuthi ngizabakhupha eGibhithe ngibase elizweni engabadingela lona, ilizwe eligeleza uchago loluju, elihle kakhulu kulamazwe wonke. 
\v 7 Njalo ngathi kubo, “Lowo lalowo wenu kalahle izifanekiso ezenyanyekayo elibeke amehlo enu kuzo, njalo lingazingcolisi ngezithombe zaseGibhithe. Mina \nd nginguThixo\nd* uNkulunkulu wenu.”
\p
\v 8 Kodwa bangihlamukela kabaze bangilalela; kabazilahlanga izithombe zabo ezenyanyekayo ababebeke amehlo abo kuzo, loba balahle izithixo zabo zaseGibhithe. Ngakho ngathi ngizathululela ulaka lwami phezu kwabo ngiqede lokuthukuthela kwami ngimelane labo eGibhithe. 
\v 9 Kodwa ngenxa yebizo lami, ngenza okwakuzalivikela ekungcolisweni phambi kwezizwe ababehlala phakathi kwazo engiziveze emehlweni azo kwabako-Israyeli ngokubakhupha eGibhithe. 
\v 10 Ngakho ngabakhupha eGibhithe ngabasa enkangala. 
\v 11 Ngabanika izimiso zami ngabazisa lemithetho yami, ngoba umuntu oyilalelayo uzaphila ngayo. 
\v 12 Njalo ngabanika lamaSabatha ami njengesibonakaliso phakathi kwami labo, ukuze bakwazi ukuthi mina \nd Thixo\nd* ngabenza baba ngcwele.
\p
\v 13 Kodwa abantu bako-Israyeli bangihlamukela enkangala. Kabazilandelanga izimiso zami kodwa bayala imithetho yami, njalo batshaphaza amaSabatha ami kakhulu, ngakho umuntu oyilalelayo uzaphila ngayo. Ngokunjalo ngathi ngizathululela ulaka lwami phezu kwabo ngibaqede du enkangala. 
\v 14 Kodwa ngenxa yebizo lami, ngenza okwakuzalivikela ekungcolisweni phambi kwezizwe engabakhupha zikhangele. 
\v 15 Njalo isandla siphakanyisiwe ngafunga kubo enkangala ukuthi angiyikubafikisa elizweni engangibaphe lona, ilizwe eligeleza uchago loluju, elihle kakhulu kulamazwe wonke, 
\v 16 ngoba imithetho yami bayala njalo kabalandelanga izimiso zami, batshaphaza lamaSabatha ami futhi. Ngoba inhliziyo zabo zazinamathele ezithombeni zabo. 
\v 17 Ikanti ngabazwela isihawu kangaze ngababhubhisa kumbe ngibaqede enkangala. 
\v 18 Ngatsho ebantwaneni babo enkangala ngathi, “Lingalandeli izimiso zaboyihlo loba ligcine imithetho yabo loba lizingcolise ngezithombe zabo. 
\v 19 Mina \nd nginguThixo\nd* uNkulunkulu wenu; landelani izimiso zami linanzelele ukugcina imithetho yami. 
\v 20 Gcinani amaSabatha engcwele, ukuba abe yisibonakaliso phakathi kwami lani. Lapho-ke lizakwazi ukuthi mina \nd nginguThixo\nd* uNkulunkulu wenu.”
\p
\v 21 Kodwa abantwana bangihlamukela: Kabazilandelanga izimiso zami, kabananzanga ukugcina imithetho yami lanxa umuntu oyilalelayo ezaphila ngayo njalo batshaphaza amaSabatha ami. Ngakho ngathi ngizathululela ulaka lwami phezu kwabo ngiqedele ukuthukuthela kwami kubo enkangala. 
\v 22 Kodwa ngazithiba, njalo ngenxa yebizo lami ngenza okwakuzalivikela ekungcolisweni phambi kwezizwe engabakhupha zikhangele. 
\v 23 Njalo isandla siphakanyisiwe ngafunga kubo enkangala ukuthi ngangizabahlakazela phakathi kwezizwe ngibachithachithele emazweni, 
\v 24 ngoba babengayilalelanga imithetho yami kodwa bezalile izimiso zami batshaphaza amaSabatha ami, lamehlo abo alangazela izithombe zaboyise. 
\v 25 Futhi ngabanikela ezimisweni ezazingalunganga kanye lemithetho ababengeke baphile ngayo; 
\v 26 ngabayekela bangcoliswa yizipho zabo, imihlatshelo yamazibulo wonke ukuze ngibenze besabe khona bezakwazi ukuthi mina \nd nginguThixo\nd*.’
\p
\v 27 Ngakho-ke, ndodana yomuntu, khuluma labantu bako-Israyeli uthi kubo, ‘Nanku okutshiwo \nd nguThixo\nd* Wobukhosi: Ngakho lokhu, labokhokho benu bangithuka ngokungilahla. 
\v 28 Kwathi lapho sengibangenisile elizweni engangifunge ngathi ngizabapha lona, bathi bebona loba luphi uqaqa oluphakemeyo, loba siphi isihlahla esilamahlamvu amanengi, khonapho banikelela khona imihlatshelo yabo, banikela iminikelo eyangithukuthelisayo, banikela impepha yabo elephunga elimnandi, bathulula leminikelo yabo yokunathwayo. 
\v 29 Ngasengisithi kubo: Iyini indawo le ephakemeyo eliya kuyo?’ ” (Ithiwa yiBhama lalamhlanje.)
\s1 Ukwahlulelwa Lokubuyiswa
\p
\v 30 “Ngakho tshono endlini ka-Israyeli uthi: ‘Nanku okutshiwo \nd nguThixo\nd* Wobukhosi: Lizazingcolisa yini njengabokhokho benu njalo lilangazele izithombe zabo ezenyanyekayo na? 
\v 31 Lapho linikela izipho zenu, imihlatshelo yamadodana enu emlilweni, liyaqhubeka lizingcolisa ngazozonke izithombe zenu kuze kube lamhla. Kumele ngivume na ukuba ungibuze, wena ndlu ka-Israyeli? Ngeqiniso elinjengoba ngikhona, kutsho \nd uThixo\nd* Wobukhosi, kangiyikuvuma ukuba lingibuze.
\p
\v 32 Lina lithi, “Sifuna ukuba njengezizwe, njengabantu basemhlabeni, abakhonza izigodo lamatshe.” Kodwa lokho elilakho engqondweni akusoze kwenzakale. 
\v 33 Ngeqiniso elinjengoba ngikhona, kutsho \nd uThixo\nd* Wobukhosi, ngizalibusa ngesandla esilamandla langengalo eyeluliweyo kanye lolaka oluphuphumayo. 
\v 34 Ngizalithatha ezizweni ngiliqoqe emazweni elalihlakazelwe kuwo ngesandla esilamandla langengalo eyeluliweyo kanye lolaka oluphuphumayo. 
\v 35 Ngizalisa enkangala yezizwe, kuthi khonapho sikhangelene ubuso ngobuso, ngizaletha ukwahlulela kwami phezu kwenu. 
\v 36 Njengoba ngahlulela okhokho benu enkangala yelizwe laseGibhithe, lani ngizalahlulela kanjalo, kutsho \nd uThixo\nd* Wobukhosi. 
\v 37 Ngizalinanzelela lapho lisedlula ngaphansi kwentonga yami, ngenze lani isibopho sesivumelwano. 
\v 38 Ngizabakhupha phakathi kwenu labo abahlamukayo bangivukele. Lanxa ngizabakhupha elizweni abahlala kulo, kodwa kabayikungena elizweni lako-Israyeli. Lapho-ke lizakwazi ukuthi mina \nd nginguThixo\nd*.
\p
\v 39 Kuwe-ke, wena ndlu ka-Israyeli, nanku okutshiwo \nd nguThixo\nd* Wobukhosi: Hambani liyekhonza izithombe zenu, lonke! Kodwa emva kwalokho ngeqiniso lizangilalela lingalingcolisi futhi ibizo lami ngezipho zenu langezithombe. 
\v 40 Ngoba entabeni yami engcwele, intaba ephakemeyo yako-Israyeli, kutsho \nd uThixo\nd* Wobukhosi, khonapho phakathi kwelizwe, yonke indlu ka-Israyeli izangikhonza, njalo khonapho ngizabamukela. Khonapho ngizafuna iminikelo yenu lezipho zenu zekhethelo ndawonye lemihlatshelo yenu yonke engcwele. 
\v 41 Ngizalamukela njengempepha elephunga elimnandi lapho sengilikhupha ezizweni njalo sengiliqoqa emazweni elalihlakazelwe kuwo, njalo ngizazibonakalisa ngingongcwele phakathi kwenu phambi kwezizwe. 
\v 42 Lizakwazi ukuthi mina \nd nginguThixo\nd* lapho sengilingenisa elizweni lako-Israyeli, ilizwe engafunga ngesandla esiphakanyisiweyo ukuthi ngizalipha okhokho benu. 
\v 43 Khonapho-ke lizakhumbula ukuziphatha kwenu lazozonke izenzo elizingcolise ngazo, njalo lizazenyanya ngenxa yobubi bonke elibenzileyo. 
\v 44 Lizakwazi ukuthi mina \nd nginguThixo\nd* lapho sengilijezisa ngenxa yebizo lami kodwa kungayisikho mayelana lezindlela zenu ezimbi kanye lezenzo zenu ezixhwalileyo, lina ndlu ka-Israyeli, kutsho \nd uThixo\nd* Wobukhosi.’ ”
\s1 Isiphrofethi Ngeningizimu
\p
\v 45 Ilizwi \nd likaThixo\nd* lafika kimi lisithi: 
\v 46 “Ndodana yomuntu, khangela ngaseningizimu; tshumayela okubi ngeningizimu uphrofithe okubi ngelizwe laseningizimu. 
\v 47 Tshono ehlathini laseningizimu uthi: ‘Zwana ilizwi \nd likaThixo\nd*. Nanku okutshiwo \nd nguThixo\nd* Wobukhosi: Sekuseduze ukuthi ngilithungele ngomlilo njalo uzaziqeda zonke izihlahla zenu, ezimanzi lezomileyo. Ilangabi elivuthayo kaliyikucitshwa, njalo ubuso bonke kusukela eningizimu kusiya enyakatho buzatshiswa yiwo. 
\v 48 Umuntu wonke uzabona ukuthi mina \nd Thixo\nd* yimi engiwuthungeleyo; kawuyikucitsha.’ ”
\p
\v 49 Ngasengisithi, “Awu \nd Thixo\nd* Wobukhosi! Bathi kimi, ‘Kakhulumi imifanekiso kuphela nje na?’ ”
\c 21
\s1 IBhabhiloni, Inkemba KaNkulunkulu Yokwahlulela
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho eJerusalema utshumayele okubi ngendawo engcwele. Phrofetha okubi ngelizwe lako-Israyeli 
\v 3 uthi kulo: ‘Nanku okutshiwo \nd nguThixo\nd* Wobukhosi: Ngixabane lani. Ngizahwatsha inkemba yami emxhakeni wayo ngisuse kuwe abalungileyo lababi. 
\v 4 Ngoba ngizasusa abalungileyo lababi, inkemba yami izahwatshelwa ukumelana labo bonke abavela eningizimu kanye lasenyakatho. 
\v 5 Lapho-ke abantu bonke bazakwazi ukuthi mina \nd nginguThixo\nd* sengihwatshe inkemba yami emxhakeni wayo, kayiyikubuyela futhi.’
\p
\v 6 Ngakho-ke bubula ndodana yomuntu! Bubula phambi kwabo ngenhliziyo edabukileyo kanye losizi olukhulu. 
\v 7 Nxa bekubuza besithi, ‘Kungani na ububula?’ uzakuthi, ‘Ngenxa yezindaba ezifikayo. Zonke inhliziyo zizenyela lezandla zonke zibe buthakathaka, imimoya yonke izaphela amandla lamadolo wonke abe buthakathaka njengamanzi.’ Kuyeza! Ngempela kuzakwenzakala, kutsho \nd uThixo\nd* Wobukhosi.”
\p
\v 8 Ilizwi \nd likaThixo\nd* lafika kimi lisithi: 
\v 9 “Ndodana yomuntu, phrofetha uthi, ‘Nanku okutshiwo nguThixo:
\q1 Umhedla, umhedla,
\q2 ilolwe njalo yalolongwa,
\q1
\v 10 Ilolelwe ukubulala,
\q2 ilolongelwe ukuphazima njengombane.
\p Kambe sizathokoza na ngentonga yobukhosi yendodana yami uJuda? Inkemba iyazeyisa zonke izigodo ezinjalo.
\q1
\v 11 Inkemba ibekelwe ukuba ilolongwe,
\q2 ukuba iphathwe ngesandla;
\q1 iyalolwa ilolongwe,
\q2 yenziwe ilungele isandla sombulali.
\q1
\v 12 Hlaba umkhosi ulile, ndodana yomuntu,
\q2 ngoba imelane labantu bami;
\q2 imelane lamakhosana wonke ako-Israyeli.
\q1 Aphoselwa kuyo inkemba
\q2 ndawonye labantu bami.
\q1 Ngakho-ke bamba isihlathi sakho.
\p
\v 13 Ukuhlolwa kuyeza impela. Njalo kuzakuba njani nxa intonga kaJuda yobukhosi, edelelwa yinkemba, ingasaqhubeki? kutsho \nd uThixo\nd* Wobukhosi.’
\q1
\v 14 Ngakho-ke, ndodana yomuntu,
\q2 phrofetha uqakeze izandla zakho.
\q1 Inkemba kayigadle kabili,
\q2 lanxa kungaba kathathu.
\q1 Yinkemba yokubulala,
\q2 inkemba yokubulala kakhulu,
\q2 ebahanqayo ivela macele wonke.
\q1
\v 15 Ukuze inhliziyo zibe buthakathaka
\q2 labawileyo babebanengi,
\q1 sengibeke inkemba yokubulala
\q2 kuwo wonke amasango abo.
\q1 Bheka! Yenzelwe ukuphazima njengombane,
\q2 iphathelwe ukubulala.
\q1
\v 16 Wena nkemba, geca kwesokudla,
\q2 uphinde kwesenxele,
\q2 loba kungaphi ubukhali bakho obuphendukela khona.
\q1
\v 17 Lami futhi ngizaqakeza izandla zami,
\q2 njalo ulaka lwami luzadeda.
\q1 Mina \nd Thixo\nd* sengikhulumile.”
\p
\v 18 Ilizwi \nd likaThixo\nd* lafika kimi lisithi: 
\v 19 “Ndodana yomuntu, canda imigwaqo emibili yenkemba yenkosi yaseBhabhiloni ukuba ihambe kuyo, yomibili iqalise elizweni linye. Yenza insika yesiqondiso lapho okuphambuka khona umgwaqo oya edolobheni. 
\v 20 Canda omunye umgwaqo wenkemba ukuba izemelana leRabha yama-Amoni, lomunye ukumelana loJuda kanye leJerusalema elivikelweyo. 
\v 21 Ngoba inkosi yaseBhabhiloni izakuma lapho imigwaqo eyehlukana khona, lapho okuhlangana khona imigwaqo emibili, ukuba ifune ibika: Izaphosa inkatho ngemitshoko, izabuza izithombe zayo, izahlola isibindi. 
\v 22 Esandleni sayo sokudla kuzakuza inkatho yeJerusalema, lapho ezamisa khona imigqala yokudiliza, lokunika umlayo wokubulala, lokuhlaba umkhosi wempi, lokumisa imigqala yokudiliza amasango, lokwakha amadundulu kanye lokumisa izindawo zokuvimbezela. 
\v 23 Kuzakhanya angathi libika amanga kulabo asebefungele ukuthobeka kuyo, kodwa yona izabakhumbuza icala labo ibathumbe.
\p
\v 24 Ngakho nanku okutshiwo \nd nguThixo\nd* Wobukhosi: ‘Njengoba lina bantu lingikhumbuze icala lenu ngokuhlamuka kwenu okusobala, libonakalisa izono zenu kukho konke elikwenzayo njengoba lenze lokhu, lizathunjwa.
\p
\v 25 Wena nkosana yako-Israyeli exhwalileyo njalo embi, usuku lwakho selufikile, lesikhathi sokujeziswa kwakho sesifike emaphethelweni, 
\v 26 nanku okutshiwo \nd nguThixo\nd* Wobukhosi: Khupha iqhiye, yethula umqhele. Akuyikuba njengoba kwakunjalo: Abaphansi bazaphakanyiswa kuthi abaphakemeyo behliselwe phansi. 
\v 27 Unxiwa! Unxiwa! Ngizawenza ube lunxiwa! Kawuyikubuyiselwa kuze kufike lowo ongowakhe ngokuqondileyo, onguye engizamnika wona.’
\p
\v 28 Njalo wena, ndodana yomuntu, phrofetha uthi, ‘Nanku okutshiwo \nd nguThixo\nd* Wobukhosi ngama-Amoni kanye lezithuko zawo:
\q1 Inkemba, inkemba,
\q2 ihwatshelwe ukubulala,
\q1 ilolongelwe ukuqothula
\q2 lokuphazima njengombane!
\q1
\v 29 Langaphezu kwemibono yamanga ngawe,
\q2 lokuhlahlula okungamanga ngawe,
\q1 izabekwa entanyeni zababi
\q2 okumele babulawe,
\q1 abasuku lwabo selufikile,
\q2 abasikhathi sokujeziswa kwabo sesifike emaphethelweni aso.
\b
\q1
\v 30 Buyisela inkemba emxhakeni wayo.
\q2 Endaweni owadalelwa kuyo,
\q1 elizweni labokhokho bakho,
\q2 ngizakwahlulela khona.
\q1
\v 31 Ngizathululela ulaka lwami phezu kwakho
\q2 ngiphefumlele lentukuthelo yami etshisayo kuwe;
\q1 ngizakunikela ebantwini abalesihluku,
\q2 abantu abakwaziyo ukuqothula.
\q1
\v 32 Uzakuba zinkuni zomlilo,
\q2 igazi lakho lizachithelwa elizweni lakini,
\q2 kawuyikukhunjulwa futhi;
\q1 ngoba mina \nd Thixo\nd* sengikhulumile.’ ”
\c 22
\s1 Izono ZeJerusalema
\p
\v 1 Ilizwi \nd likaThixo\nd* lafika kimi lisithi:
\b
\p
\v 2 “Ndodana yomuntu, uzalahlulela na? Uzalahlulela na lelidolobho lokuchithwa kwegazi? Ngakho melana lalo kanye lezono zalo ezenyanyekayo 
\v 3 uthi: Nanku okutshiwo \nd nguThixo\nd* Wobukhosi: Wena dolobho elizilethela ukutshabalala ngokuchitha igazi phakathi kwakho njalo uzingcolisa ngokwenza izithombe, 
\v 4 usube lecala ngenxa yegazi olichithileyo njalo usungcoliswe yizithombe ozenzileyo. Usulethe insuku zakho ekupheleni, lesiphetho seminyaka yakho sesifikile. Ngakho ngizakwenza ube yinto yokuklolodelwa ezizweni lenhlekisa emazweni wonke. 
\v 5 Labo abaseduze kanye lalabo abakhatshana bazakuhoza, wena dolobho elidumazekileyo, eligcwele ukuxokozela.
\p
\v 6 ‘Khangela ubone ukuthi yileyo laleyo inkosana yako-Israyeli ephakathi kwakho isebenzisa amandla ayo ekuchitheni igazi. 
\v 7 Phakathi kwakho iphathe uyise lonina ngokweyisa; phakathi kwakho incindezele abezizweni, njalo yaphatha kubi izintandane labafelokazi. 
\v 8 Uzeyisile izinto zami ezingcwele watshaphaza lamaSabatha ami. 
\v 9 Phakathi kwakho kulabantu abahlebayo, abahlose ukuchitha igazi; phakathi kwakho kulalabo abadlela ezindaweni zokukhonzela entabeni benze lezenzo zesigweba. 
\v 10 Phakathi kwakho kulalabo abangcolisa imibheda yaboyise; phakathi kwakho kulalabo abadlwengula abesifazane besesikhathini sabo, lapho bengahlanzekanga ngokomkhuba. 
\v 11 Phakathi kwakho indoda yenza ukona okwenyanyekayo lomfazi kamakhelwane wayo, enye ingcolise umalukazana wayo ngendlela ehlazisayo; enye njalo idlwengula udadewabo, indodakazi kayise uqobo. 
\v 12 Phakathi kwakho abantu bayavuma ukuthengwa ukuba bachithe igazi; uthatha inzuzo lomvuzo odlulisileyo emalini ebolekisiweyo, uthole inzuzo engafanelanga kumakhelwane wakho umbamba ngamandla. Njalo usungikhohliwe, kutsho \nd uThixo\nd* Wobukhosi.
\p
\v 13 Ngeqiniso ngizatshaya izandla zami ngibabaza inzuzo engafanelanga osuyenzile kanye legazi osulichithe phakathi kwakho. 
\v 14 Isibindi sakho sizaqinisela yini loba izandla zakho ziqine ngosuku ngiqondana lawe na? Mina \nd Thixo\nd* sengikhulumile, njalo ngizakwenza lokho. 
\v 15 Ngizakuhlakazela phakathi kwezizwe ngikuchithachithele emazweni; lokungcola kwakho ngizakuqeda. 
\v 16 Lapho usungcolisiwe phambi kwezizwe, uzakwazi ukuthi mina \nd nginguThixo\nd*.’ ”
\p
\v 17 Ilizwi \nd likaThixo\nd* laselifika kimi lisithi: 
\v 18 “Ndodana yomuntu, indlu ka-Israyeli isibe ngamanyala kimi. Bonke balithusi, lomnuso, lensimbi kanye lomthofi okusele phakathi kwemvutho. Kungamanyele esiliva. 
\v 19 Ngakho nanku okutshiwo \nd nguThixo\nd* Wobukhosi: ‘Ngoba lonke selibe ngamanyele, ngizaliqoqela eJerusalema. 
\v 20 Njengabantu beqoqela isiliva, lethusi, lensimbi, lomthofi kanye lomnuso emvuthweni ukuba kuncibilikiswe ngomfutho womlilo, ngizaliqoqa kanjalo ngokuthukuthela kwami langolaka lwami ngilibeke phakathi kwedolobho ngilincibilikise. 
\v 21 Ngizaliqoqa njalo ngizalivuthela ngolaka lwami oluvuthayo, njalo lizancibilikiswa phakathi kwalo. 
\v 22 Njengesiliva sincibilikiselwa phakathi kwemvutho, kanjalo lani lizancibilikiselwa phakathi kwalo, njalo lizakwazi ukuthi mina \nd Thixo\nd* sengithululele ulaka lwami phezu kwenu.’ ”
\p
\v 23 Ilizwi \nd likaThixo\nd* lafika futhi kimi lisithi: 
\v 24 “Ndodana yomuntu, tshono elizweni uthi, ‘Uyilizwe elingazange libe lezulu kumbe imikhizo ngosuku lwentukuthelo.’ 
\v 25 Kulokucetshwa kwamacebo amabi ngamakhosana alo phakathi kwalo njengesilwane esibhongayo sidlithiza esikubuleleyo; adla abantu, athathe inotho kanye lezinto eziligugu, andise labafelokazi phakathi kwalo. 
\v 26 Abaphristi balo bephula umthetho wami njalo bahlambaza lezinto zami ezingcwele; kabehlukanisi phakathi kokungcwele okujayelekileyo; bafundisa besithi akulamehluko phakathi kokungcolileyo lokungangcolanga; njalo bavala amehlo abo ekugcineni amaSabatha ami, okwenza ngithukwe phakathi kwabo. 
\v 27 Izikhulu zalo phakathi kwalo zinjengezimpisi zidlithiza ezikubuleleyo; zichitha igazi zibulale labantu ukuba zithole inzuzo engafanelanga. 
\v 28 Abaphrofethi balo bacomba izenzo zazo ngemibono yamanga lokuhlahlula okungamanga. Bathi, ‘Nanku okutshiwo \nd nguThixo\nd* Wobukhosi’ kodwa \nd uThixo\nd* engakhulumanga. 
\v 29 Abantu belizwe benza imisebenzi yokuqilibezela lokuphanga abanye; bancindezela abayanga labaswelayo, baphathe kubi labezizweni, babenqabele ukulunga.
\p
\v 30 Ngadinga umuntu phakathi kwabo owayengakha umduli ame phambi kwami esikhaleni emele ilizwe ukuze ngingalitshabalalisi, kodwa ngamswela. 
\v 31 Ngakho ngizathululela ukuthukuthela kwami phezu kwabo ngibaqede ngolaka lwami oluvuthayo, ngikwehlisele phezu kwamakhanda abo bonke abakwenzayo, kutsho \nd uThixo\nd* Wobukhosi.”
\c 23
\s1 ODade Ababili Abayizifebe
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, kwakulabesifazane ababili, amadodakazi omfazi munye. 
\v 3 Baba yizifebe eGibhithe, beqalise ubuwule kusukela ebutsheni babo. Kulelolizwe amabele abo abanjwabanjwa lengaphambili yabo yaphathwaphathwa. 
\v 4 Omdala wayethiwa ngu-Ohola, umnawakhe engu-Oholibha. Babengabami njalo bazala amadodana lamadodakazi. U-Ohola yiSamariya, u-Oholibha kuyiJerusalema.
\p
\v 5 U-Ohola waqalisa ubuwule esesengowami; njalo wakhanuka izithandwa zakhe, ama-Asiriya, amabutho 
\v 6 agqoke okulifefe, ababusi kanye labalawuli bebutho, bonke babengamajaha amahle, kanye labagada amabhiza. 
\v 7 Wazinikela njengesifebe kubo bonke abaphakemeyo base-Asiriya njalo wazingcolisa ngezithombe zabo bonke abakhanukayo. 
\v 8 Kabudelanga ubufebe abuqalisa eGibhithe, lapho amajaha alala laye ebutsheni bakhe, ambambabamba ngaphambili, athululela lezinkanuko zawo phezu kwakhe.
\p
\v 9 Ngakho ngamnikela kuzithandwa zakhe, ama-Asiriya, ayewakhanuka. 
\v 10 Amnqunula, athatha amadodana lamadodakazi akhe yena ambulala ngenkemba. Waba yisiga phakathi kwabesifazane, wajeziswa.
\p
\v 11 Umnawakhe u-Oholibha wakubona lokhu, kodwa ngenkanuko lobufebe bakhe wayexhwale kakhulu kulodadewabo. 
\v 12 Laye wakhanuka ama-Asiriya, ababusi labalawuli bebutho, lamabutho agqoke okupheleleyo, labagadi bamabhiza, lawo wonke amajaha amahle. 
\v 13 Ngabona ukuthi laye wazingcolisa; bobabili bahamba ndlelanye.
\p
\v 14 Kodwa yena ubufebe bakhe bengezeleleka futhi. Wabona amadoda efanekisiwe emdulini, izithombe zamaKhaladiya ezifanekiswe ngokubomvu, 
\v 15 zilamabhanti ezinkalweni zazo njalo zilamaqhiye alengayo emakhanda azo; zonke zikhanya angathi yizikhulu zezinqola zempi zamaKhaladiya, inzalo yaseBhabhiloni. 
\v 16 Kwathi khonokho nje ebabona wahle wabafisa wasethuma isithunywa kubo eKhaladiya. 
\v 17 Ngakho amaBhabhiloni afika kuye, alala laye, njalo ezinkanukweni zawo amngcolisa. Emva kokuba esengcoliswe yiwo, wasuka kuwo enengekile. 
\v 18 Kwathi lapho esesenza ubufebe bakhe obala njalo eveza lobunqunu bakhe, ngasuka kuye nginengekile, njengoba ngangisukile kudadewabo. 
\v 19 Kodwa banda ngamandla ubuwule bakhe esekhumbula insuku zobutsha bakhe, lapho wayeyisifebe eGibhithe. 
\v 20 Khonale wakhanuka izithandwa zakhe, ezazilezitho zangaphambili ezazifana lezabobabhemi, zikhihliza okufana lokwamabhiza. 
\v 21 Ngakho walangazela isagweba sasebutsheni bakho, lapho okwathi useGibhithe isifuba lamabele akho kwabanjwabanjwa.
\p
\v 22 Ngakho-ke, Oholibha, nanku okutshiwo \nd nguThixo\nd* Wobukhosi: Ngizakwenza izithandwa zakho zikuvukele, lezo owazitshiya unengekile, njalo ngizaziletha kuwe ukuba zimelane lawe zivela emaceleni wonke, 
\v 23 abaseBhabhiloni lamaKhaladiya wonke, amadoda asePhekhodi laseShowa kanye leKhowa, lama-Asiriya wonke elawo, amajaha amahle, wonke angababusi labalawuli bebutho, izinduna zezinqola zempi lamanye amadoda alezikhundla ezinkulu, bonke begade amabhiza. 
\v 24 Bazakuzakuhlasela ngezikhali, izinqola zempi lezinqola zokuthwala, njalo belexuku elikhulu labantu; bazaviva ukulwa lawe emaceleni wonke belamahawu amakhulu lamancane njalo belezingowane. Ngizakunikela kubo ukuba bakujezise, njalo bazakujezisa ngokumayelana lemithetho yabo. 
\v 25 Ngizakwenza intukuthelo yobukhwele bami imelane lawe, njalo bazakuphatha ngolaka. Bazaquma impumulo zenu lezindlebe zenu, njalo abenu labo abazasala bazabulawa ngenkemba. Bazathumba amadodana enu lamadodakazi, njalo abenu labo abazasala bazaqothulwa ngumlilo. 
\v 26 Njalo bazakuhlubula izigqoko zakho bathathe leziceciso zakho ezinhle. 
\v 27 Kanjalo-ke ngizaqeda isagweba lobufebe owabuqalisela eGibhithe. Kawuyikukhangela lezizinto uzikhanuke loba ukhumbule iGibhithe futhi.
\p
\v 28 Ngoba nanku okutshiwo \nd nguThixo\nd* Wobukhosi: Sekuseduze ukuba ngikunikele kulabo abakuzondayo, kulabo owasuka kubo unengekile. 
\v 29 Bazakuphatha ngenzondo njalo bathumbe yonke into owayisebenzelayo. Bazakutshiya unqunu uze, njalo ihlazo lobufebe bakho lizavela obala. Isagweba sakho lobufebe 
\v 30 kwehlisele lokhu phezu kwakho, ngoba ufebe lezizwe, wazingcolisa wena ngokwakho ngezithombe zazo. 
\v 31 Ulandele indlela kadadewenu; ngakho ngizabeka inkezo yakhe esandleni sakho.
\p
\v 32 Nanku okutshiwo \nd nguThixo\nd* Wobukhosi:
\q1 Uzanatha inkezo kadadewenu,
\q2 inkezo enkulu ezikileyo futhi;
\q1 izaletha ukuhlekwa lokuklolodelwa,
\q2 ngoba ithwele lukhulu.
\q1
\v 33 Uzakhulelwa yikudakwa losizi,
\q2 inkezo yokuchitheka lokuphundleka,
\q2 inkezo kadadewenu iSamariya.
\q1
\v 34 Uzayinatha uyibhije;
\q2 uzayiphahlaza ibe yizicucu
\q2 ufucuze amabele akho.
\m Sengikhulumile, kutsho \nd uThixo\nd* Wobukhosi.
\b
\p
\v 35 Ngakho nanku okutshiwo \nd nguThixo\nd* Wobukhosi: Njengoba usungikhohliwe wangifuqela ngemva kwakho, kumele uthwale imivuzo yesagweba sakho kanye lobufebe bakho.”
\p
\v 36 \nd UThixo\nd* wathi kimi: “Ndodana yomuntu, uzakwahlulela u-Ohola lo-Oholibha na? Ngakho melana labo ngezenzo zabo ezinengayo, 
\v 37 ngoba benze ubufebe njalo lezandla zabo zilegazi. Bafeba lezithombe zabo; banikela labantwana babo ababengizalele bona, njengokudla kuzo. 
\v 38 Njalo benze lokhu kimi: Ngasonaleso isikhathi bangcolisa indlu yami engcwele batshaphaza lamaSabatha ami. 
\v 39 Ngalo kanye usuku abanikela ngalo abantwana babo ezithombeni zabo, bangena endlini yami engcwele bayingcolisa. Lokho yikho abakwenzayo endlini yami.
\p
\v 40 Bathuma lesithunywa ebantwini ukuba beze bevela khatshana, kwathi sebefikile wabagezela, wacomba amehlo akho wasufaka leziceciso zakho. 
\v 41 Wahlala embhedeni omuhle, kuletafula elilungisiweyo phambi kwawo owawufake phezu kwayo impepha yami lamafutha ami.
\p
\v 42 Umsindo wexuku elalithokoza wawumzungezile; amaSebhiya ayelethwe evela enkangala kanye lamadoda avela exukwini elixokozelayo, njalo bafaka amasongo ezingalweni zowesifazane lodadewabo kanye lemiqhele emihle emakhanda abo. 
\v 43 Lapho-ke ngalowo owayesegugiswe yibufebe ngathi, ‘Khathesi kabamsebenzise njengewule, ngoba lokho yikho konke ayikho.’ 
\v 44 Balala laye. Njengabesilisa belala lesifebe, ngokunjalo balala lalabobafazi abalesagweba, u-Ohola lo-Oholibha. 
\v 45 Kodwa abantu abalungileyo bazabanika isijeziso sabesifazane abafebayo njalo bachithe legazi, ngoba bayizifebe njalo lezandla zabo zilegazi.
\p
\v 46 Nanku okutshiwo \nd nguThixo\nd* Wobukhosi: Baletheleni ixuku limelane labo beselibanikela kukho ukwesaba lokuphangwa. 
\v 47 Ixuku lizabatshaya ngamatshe libajuqe ngezinkemba; lizabulala amadodana lamadodakazi abo litshise izindlu zabo ngomlilo.
\p
\v 48 Ngizakuqeda kanjalo ukuxhwala elizweni, ukuze bonke abesifazane baxwayiseke njalo bangenzi njengani. 
\v 49 Lizajeziselwa ukuxhwala kwenu njalo lithwale lemivuzo yezono zenu zokukhonza izithombe. Lapho-ke lizakwazi ukuthi mina \nd nginguThixo\nd* Wobukhosi.”
\c 24
\s1 Imbiza Yokupheka
\p
\v 1 Ngomnyaka wesificamunwemunye, ngenyanga yetshumi, ngosuku lwetshumi, ilizwi \nd likaThixo\nd* lafika kimi lisithi: 
\v 2 “Ndodana yomuntu, bhala usuku lolu, usuku lolu lona ngokwalo, ngoba iNkosi yaseBhabhiloni isivimbezele iJerusalema ngalo kanye lolusuku. 
\v 3 Tshela indlu le ehlamukayo umfanekiso uthi kubo: ‘Nanku okutshiwo \nd nguThixo\nd* Wobukhosi:
\q1 Beka imbiza yokupheka eziko;
\q2 ibeke phezu kwamaseko uthele amanzi phakathi kwayo.
\q1
\v 4 Faka phakathi kwayo amaqatha enyama,
\q2 wonke amaqatha amahle, umlenze lesiphanga.
\q1 Igcwalise ngamathambo amahle;
\q2
\v 5 thatha okukhethiweyo emhlambini.
\q1 Basela kakhulu ngenkuni usenzela amathambo;
\q2 ixhwathise
\q2 upheke amathambo phakathi kwayo.
\b
\m
\v 6 Ngoba nanku okutshiwo \nd nguThixo\nd* Wobukhosi:
\q1 Maye kulo idolobho lokuchithwa kwegazi,
\q2 kuyo imbiza esithombile,
\q2 ukuthomba kwayo okungayikuphela!
\q1 Thulula imbiza
\q2 ukhuphe amaqhatha ngalinye ngalinye
\q2 kungekho inkatho.
\b
\q1
\v 7 Ngakho igazi elachithwa lidolobho leli liphakathi kwalo:
\q2 lalithululela edwaleni elize;
\q1 kalilithululelanga phansi
\q2 lapho umhlabathi owawungaligqibela khona.
\q1
\v 8 Ukuze ngivuse intukuthelo njalo ngiphindisele,
\q2 ngabeka igazi lelo phezu kwedwala elize,
\q2 ukuze lingagqitshelwa.
\b
\m
\v 9 Ngakho nanku okutshiwo \nd nguThixo\nd* Wobukhosi:
\q1 Maye kulo idolobho lokuchithwa kwegazi!
\q2 Lami futhi, ngizakwenza ibonda lenkuni eliphakemeyo.
\q1
\v 10 Ngakho faka inkuni
\q2 uphembe umlilo.
\q1 Ipheke kuhle inyama,
\q2 uhlanganisa leziyoliso;
\q2 uyekele amathambo atshe.
\q1
\v 11 Emva kwalokho beka imbiza engelalutho phezu kwamalahle
\q2 ize itshise lethusi layo livuthe
\q1 ukuze ukungcola kwayo kutshe kuphele
\q2 lokuthomba kwayo kutshe kuphele.
\q1
\v 12 Isiphuthise imizamo yonke;
\q2 uqweqwe lokuthomba kwayo kalususwanga,
\q2 loba langomlilo.
\p
\v 13 Khathesi ukungcola kwakho yisigwebo. Ngoba ngizamile ukukuhlambulula kodwa ubungeke uhlanjululwe ekungcoleni kwakho, kawuyikuhlambuluka futhi ukukuthukuthelela kwami kuze kudede.
\b
\p
\v 14 Mina \nd Thixo\nd* sengikhulumile. Isikhathi sokuba ngenze sesifikile. Kangiyikuzithiba; kangiyikuba lesihawu, kumbe ngiyekethise. Uzakwahlulelwa mayelana lokuziphatha kwakho kanye lezenzo zakho, kutsho \nd uThixo\nd* Wobukhosi.’ ”
\s1 Ukufa KomkaHezekhiyeli
\p
\v 15 Ilizwi \nd likaThixo\nd* lafika kimi lisithi: 
\v 16 “Ndodana yomuntu, sekuseduze ukuthi ngokugalela okukodwa nje ngisuse kuwe intokozo yamehlo akho. Kodwa ungalili kumbe ukhale loba wehlise inyembezi. 
\v 17 Bubula uthule; ungalileli abafileyo. Bophela iqhiye yakho lamanyathela akho ezinyaweni zakho; ungambozi ingxenye yaphansi yobuso bakho loba udle ukudla komkhuba wabalilayo.”
\p
\v 18 Ngakho ngakhuluma labantu ekuseni, umkami wafa kusihlwa. Ekuseni kwakusisa ngenza njengokulaywa kwami.
\p
\v 19 Abantu basebengibuza besithi, “Kawuyikusitshela na ukuthi izinto lezi zilani lathi?”
\p
\v 20 Ngakho mina ngathi kubo, “Ilizwi \nd likaThixo\nd* lafika kimi lisithi: 
\v 21 Tshono endlini ka-Israyeli uthi, ‘Nanku okutshiwo \nd nguThixo\nd* Wobukhosi: Sekuseduze ukuthi ngingcolise indlu yami engcwele, inqaba eliziqhenya ngayo, intokozo yamehlo enu, into eliyithanda kakhulu. Amadodana lamadodakazi eliwatshiyileyo azabulawa ngenkemba. 
\v 22 Njalo lizakwenza njengoba ngenzile. Kaliyikumboza ingxenye yaphansi yobuso benu loba lidle ukudla komkhuba wabalilayo. 
\v 23 Lizafaka amaqhiye enu emakhanda enu lamanyathela enu ezinyaweni zenu. Kaliyikulila kumbe likhale kodwa lizacikizeka ngenxa yezono zenu njalo libubule phakathi kwenu. 
\v 24 UHezekhiyeli uzakuba yisibonakaliso kini; lizakwenza njengoba enzile. Nxa lokhu kusenzakala, lizakwazi ukuthi mina \nd nginguThixo\nd* Wobukhosi.’
\p
\v 25 Njalo wena, ndodana yomuntu, ngosuku engizasusa ngalo inqaba yabo, intokozo yabo lodumo, injabulo yamehlo abo, isifiso senhliziyo yabo, kanye lamadodana lamadodakazi abo futhi, 
\v 26 ngalolosuku isiphepheli yiso esizalandisa izindaba. 
\v 27 Ngalesosikhathi umlomo wakho uzavuleka; uzakhuluma laye njalo kawuyikuthula futhi. Ngakho uzakuba yisibonakaliso kubo, njalo bazakwazi ukuthi \nd nginguThixo\nd*.”
\c 25
\s1 Isiphrofethi Ngokumelana Lama-Amoni
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho umelane lama-Amoni, uphrofithe okubi ngawo. 
\v 3 Tshono kuwo uthi, ‘Zwanini ilizwi \nd likaThixo\nd* Wobukhosi. Nanku okutshiwo \nd nguThixo\nd* Wobukhosi: Ngoba lina lathi “Aha!” ngendlu yami engcwele lapho yayingcolisiwe langelizwe lako-Israyeli lapho lalichithiwe kanye langabantu bakoJuda lapho babethunjiwe, 
\v 4 ngakho ngizalinikela ebantwini baseMpumalanga njengenotho yabo. Bazakwakha izihonqo zabo bamise amathente abo phakathi kwenu; bazakudla izithelo zenu banathe lochago lwenu. 
\v 5 Ngizakwenza iRabha ibe lidlelo lamakamela le-Amoni ibe yindawo yokuphumulela izimvu. Lapho-ke lizakwazi ukuthi \nd nginguThixo\nd*. 
\v 6 Ngoba nanku okutshiwo \nd nguThixo\nd* Wobukhosi: Ngoba liqakeze izandla zenu lagida langezinyawo zenu, lithokoza ngabo bonke ububi benhliziyo yenu ngelizwe lako-Israyeli, 
\v 7 ngakho ngizakwelula isandla sami ngimelane lani, ngilinikele ezizweni. Ngizaliqeda du phakathi kwezizwe, ngibuye ngilisuse emazweni enu. Ngizaliqothula, njalo lizakwazi ukuthi \nd nginguThixo\nd*.’ ”
\s1 Isiphrofethi Ngokumelana LeMowabi.
\p
\v 8 “Nanku okutshiwo \nd nguThixo\nd* Wobukhosi: ‘Ngenxa yokuthi iMowabi kanye leSeyiri athi, “Khangelani, indlu kaJuda isinjengezinye izizwe zonke,” 
\v 9 ngakho-ke ngizakwambula uhlangothi lweMowabi, kusukela emadolobheni asemingceleni yeBhethi-Jeshimothi, leBhali-Meyoni kanye leKhiriyathayimi, udumo lwelizwe. 
\v 10 Ngizanikela iMowabi ndawonye lama-Amoni ebantwini baseMpumalanga njengenotho, ukuze ama-Amoni angakhunjulwa phakathi kwezizwe; 
\v 11 njalo ngizaletha isijeziso eMowabi. Bazakwazi ukuthi mina \nd nginguThixo\nd*.’ ”
\s1 Isiphrofethi Ngokumelana Le-Edomi
\p
\v 12 “Nanku okutshiwo \nd nguThixo\nd* Wobukhosi: ‘Ngoba i-Edomi yaphindisela endlini kaJuda yasisiba lecala elikhulu ngokwenza njalo, 
\v 13 ngakho nanku okutshiwo \nd nguThixo\nd* Wobukhosi: Ngizakwelula isandla sami ngimelane le-Edomi ngibulale abantu bayo kanye lezifuyo. Ngizayichitha, njalo kusukela eThemani kusiya eDedani, bazabulawa ngenkemba. 
\v 14 Ngizaphindisela e-Edomi ngesandla sabantu bami u-Israyeli, njalo i-Edomi bazayiphatha mayelana lentukuthelo yami kanye lolaka lwami; bazayazi impindiselo yami, kutsho \nd uThixo\nd* Wobukhosi.’ ”
\s1 Isiphrofethi Ngokumelana LeFilistiya
\p
\v 15 “Nanku okutshiwo \nd nguThixo\nd* Wobukhosi: ‘Ngoba amaFilistiya enza impindiselo njalo aphindisela ngolunya ezinhliziyweni zawo, njalo ngenzondo yasendulo afuna ukuchitha uJuda, 
\v 16 ngakho nanku okutshiwo \nd nguThixo\nd* Wobukhosi: Sekuseduze ukuba ngelule ingalo yami ngimelane lamaFilistiya, njalo ngizaqothula amaKherethi ngichithe lalabo abaseleyo ngasolwandle. 
\v 17 Ngizakwenza impindiselo enkulu kubo njalo ngibajezise ekuthukutheleni kwami. Ngakho bazakwazi ukuthi \nd nginguThixo\nd*, lapho sengiphindisela kubo.’ ”
\c 26
\s1 Isiphrofethi Ngokumelana leThire
\p
\v 1 Ngomnyaka wetshumi lanye, ngosuku lwakuqala lwenyanga, ilizwi \nd likaThixo\nd* lafika kimi lisithi: 
\v 2 “Ndodana yomuntu, ngoba iThire itshilo kulo iJerusalema yathi, ‘Aha!’ Isango lokuya ezizweni lidilikile, leminyango isivulekele mina; njengoba khathesi selingamanxiwa ngizaphumelela, 
\v 3 ngakho-ke nanku okutshiwo \nd nguThixo\nd* Wobukhosi: Ngimelana lawe, wena Thire, njalo ngizakulethela izizwe ezinengi zimelane lawe njengolwandle luphosa amagagasi alo phezulu. 
\v 4 Zizadiliza imiduli yaseThire, ziwisele phansi imiphotshongo yalo; ngizaphala inkunkuma yalo ngilenze libe lidwala elingelalutho. 
\v 5 Elwandle lizakuba yindawo yokuchayela amambule enhlanzi, ngoba sengikhulumile, kutsho \nd uThixo\nd* Wobukhosi. Lizakuba yimpango yezizwe, 
\v 6 lemizana yalo ephakathi kwelizwe izachithwa ngenkemba. Lapho-ke bazakwazi ukuthi \nd nginguThixo\nd*.
\p
\v 7 Ngoba nanku okutshiwo \nd nguThixo\nd* Wobukhosi: Ngizaletha uNebhukhadineza inkosi yaseBhabhiloni, inkosi yamakhosi, evela enyakatho ukuba amelane leThire, ngamabhiza lezinqola zempi, ngabagadi bamabhiza kanye lebutho elikhulu. 
\v 8 Uzachitha imizana yakho phakathi kwelizwe ngenkemba; uzamisa izindawo zokuvimbezela, akhe idundulu kusiya phezulu emdulini wakho njalo akuphakamisele lamahawu amelane lawe. 
\v 9 Uzaqondisa imigqala yakhe yokudiliza emidulini yakho, abhidlize imiphotshongo yakho ngezikhali zakhe. 
\v 10 Amabhiza akhe azakuba manengi kakhulu okuzakwenza akwembese ngothuli. Imiduli yakho izanyikinyiswa ngumsindo wamabhiza empi, izinqola zokuthwala kanye lezinqola zempi lapho esengena emasangweni akho njengabantu abangena edolobheni elilemiduli efohliweyo. 
\v 11 Amasondo amabhiza akhe azanyathela zonke izitalada zakho; uzabulala abantu bakho ngenkemba; lezinsika zakho eziqinileyo zizawela phansi. 
\v 12 Bazaphanga inotho yakho bathumbe impahla yakho ethengiswayo; bazadiliza imiduli yakho babhidlize lezindlu zakho ezinhle njalo baphosele amatshe akho, lezigodo kanye lenkunkuma elwandle. 
\v 13 Ngizaqeda umsindo wezingoma zakho; lomculo wamachacho akho awuyikuzwakala futhi. 
\v 14 Ngizakwenza ube lidwala elize, njalo uzakuba yindawo yokuchayela amambule enhlanzi. Kawuyikwakhiwa futhi, ngoba mina \nd Thixo\nd* sengikhulumile, kutsho \nd uThixo\nd* Wobukhosi.
\p
\v 15 Nanku okutshiwo \nd nguThixo\nd* Wobukhosi kuyo iThire: Kambe amazwe angasolwandle kawayikunyikinyeka yini ngomsindo wokuwa kwakho, lapho abalimeleyo sebebubula njalo lokubulala sekusenzakala phakathi kwakho na? 
\v 16 Lapho-ke wonke amakhosana angasolwandle azakwehla ezihlalweni zawo zobukhosi akhuphe izembatho zawo njalo ahlubule lezembatho zawo ezicecisiweyo. Ephethwe yikwesaba, azahlala phansi, eqhaqhazela isikhathi sonke, ngokwesaba wena. 
\v 17 Lapho-ke azaqhinqa isililo ngawe athi kuwe:
\q1 ‘Yeka ukuchitheka kwakho, wena dolobho lodumo,
\q2 ogcwele ngabantu basolwandle!
\q1 Wawulamandla elwandle
\q2 wena kanye labakhe kuwe;
\q1 waletha ukwesabeka kwakho
\q2 kubo bonke ababehlala khona.
\q1
\v 18 Khathesi amazwe angasolwandle ayathuthumela
\q2 ngosuku lokuwa kwakho;
\q1 izihlenge zasolwandle
\q2 ziyakwesaba ukuwa kwakho.’
\p
\v 19 Nanku okutshiwo \nd nguThixo\nd* Wobukhosi: Lapho ngikwenza ube lidolobho elichithekileyo, njengamadolobho angasahlali muntu, njalo lapho ngiletha inziki zolwandle phezu kwakho kuthi amanzi alo amanengi kakhulu akwembese, 
\v 20 lapho-ke ngizakuletha phansi lalabo abaya phansi egodini, ebantwini basendulo. Ngizakuhlalisa ngaphansi komhlaba, kunjengasemanxiweni endulo, lalabo abaya phansi egodini, njalo kawuyikuphenduka loba ube lendawo yakho elizweni labaphilayo. 
\v 21 Ngizakwenza ukucina kwakho kube ngokwesabekayo uhle utshabalale. Uzadingwa, kodwa ungatholakali futhi, kutsho \nd uThixo\nd* Wobukhosi.”
\c 27
\s1 Ukulilela IThire
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khala isililo ngeThire, 
\v 3 uthi kuyo iThire esesangweni lasolwandle, yona engumthengiseli wabantu abanengi abangasolwandle, ‘Nanku okutshiwo \nd nguThixo\nd* Wobukhosi:
\q1 Wena Thire uthi,
\q2 “Ngiphelele ngobuhle.”
\q1
\v 4 Umbuso wakho wawuphakathi kolwandle;
\q2 abakhi bakho baphelelisa ubuhle bakho.
\q1
\v 5 Wonke amapulanka akho
\q2 bawenza ngezihlahla zejanipha ezivela eSeniri;
\q1 bathatha umsedari eLebhanoni
\q2 ukuba bakwenzele insika.
\q1
\v 6 Ngemi-okhi eyavela eBhashani
\q2 bakwenzela amaphini okugwedla izikepe;
\q1 ngezigodo zomsipresi ezavela ngasolwandle lwaseKhithimi
\q2 benza indawo yokuhamba kuyo, yendlalwe impondo zendlovu.
\q1
\v 7 Iseyili lakho kwakuyilineni elihle elicecisiweyo elavela eGibhithe,
\q2 elaba yilona phawu lwakho;
\q1 amaseyili akho okusitha ilanga ayengawokuluhlaza lokuyibubende
\q2 okwavela ngasolwandle lwase-Elisha.
\q1
\v 8 Amadoda aseSidoni le-Avadi ayengabagwedli bakho;
\q2 izazi zakho, wena Thire,
\q2 zazisemkhunjini njengabatshayeli bomkhumbi.
\q1
\v 9 Izingcwethi ezindala zaseGebhali zaziphakathi komkhumbi
\q2 njengabalungisi bemikhumbi ukuba bagcike imiphetho yakho.
\q1 Yonke imikhumbi yasolwandle labatshayeli bayo
\q2 yeza ikanye lawe ukuzathenga impahla zakho.
\b
\q1
\v 10 Amadoda asePhezhiya, leLudi kanye lePhuthi
\q2 asebenza njengamabutho ebuthweni lakho.
\q1 Alengisa amahawu awo lezingowane emidulini yakho,
\q2 akulethela ubuhle obukhulu.
\q1
\v 11 Amadoda ase-Avadi kanye leHelekhi
\q2 abakhona emidulini yakho ezinhlangothini zonke;
\q1 amadoda aseGamadi
\q2 ayesemiphotshongweni yakho.
\q1 Aphanyeka amahawu awo inxa zonke zemiduli yakho;
\q2 aphelelisa ubuhle bakho.
\p
\v 12 IThashishi yathengiselana lawe ngenxa yenotho yezimpahla zakho ezinengi; impahla yakho ethengiswayo bayithenga ngesiliva, insimbi, ithusi kanye lomnuso.
\p
\v 13 IJavani, leThubhali kanye leMesheki athengiselana lawe, athenga impahla zakho ngezigqili langezinto ezenziwe ngethusi.
\p
\v 14 Abantu baseBhethi Thogarima bathenga impahla zakho ngamabhiza omsebenzi, amabhiza empi kanye lezimbongolo.
\p
\v 15 Abantu baseRodesi bathengiselana lawe, njalo amazwe amanengi angasolwandle athenga kuwe, akubhadala ngempondo zendlovu langesihlahla esithiwa yi-ebhoni.
\p
\v 16 I-Aramu yathengiselana lawe ngenxa yezimpahla zakho ezinengi, impahla zakho ezithengiswayo bazithenga ngamatshe aligugu aluhlaza, amalembu alubende, umsebenzi ocecisiweyo, ilineni elihle, ikhorali langelitshe eliligugu elibomvu.
\p
\v 17 UJuda lo-Israyeli bathengiselana lawe; impahla zakho ezithengiswayo bazithenga ngengqoloyi eyavela eMinithi langokumnandi, uluju, amafutha kanye lenhlaka.
\p
\v 18 Ngenxa yezimpahla zakho ezinengi kanye lenotho enkulu yempahla, iDamaseko yathengiselana lawe ngewayini elivela eHelibhoni langewulu evela eZahari.
\p
\v 19 AbakoDani lamaGrikhi avela e-Uzali athenga impahla zakho; azithenga ngensimbi ekhandiweyo, langekhasiya kanye lekhalamusi.
\p
\v 20 IDedani yathengiselana lawe ngezingubo zezihlalo.
\p
\v 21 I-Arabhiya lazozonke izikhulu zaseKhedari babethenga kuwe; bathengiselana lawe ngezimvu, inqama kanye lembuzi.
\p
\v 22 Abathengi baseShebha labaseRahama bathengiselana lawe; impahla zakho bazithenga ngezinhlobo zonke ezinhle zeziyoliso langamatshe aligugu kanye legolide.
\p
\v 23 IHarani, leKhane le-Edeni kanye labathengi baseShebha, le-Asiriya kanye leKhilimadi bathengiselana lawe. 
\v 24 Endaweni yakho yokuthengiselana, bakuthengisela izembatho ezinhle, amalembu aluhlaza, imisebenzi ececisiweyo kanye lamajali alemibala eminengi lezintshaka eziphothiweyo njalo zilamafindo abotshwe aqina.
\q1
\v 25 Imikhumbi yaseThashishi
\q2 isebenza ukuthwala impahla zakho.
\q1 Ugcwele impahla ezinzima
\q2 enzikini yolwandle.
\q1
\v 26 Abagwedli bakho
\q2 bakusa elwandle olukhulu.
\q1 Kodwa umoya wasempumalanga uzakwephula ube
\q2 yiziqayiqa enzikini yolwandle.
\q1
\v 27 Inotho yakho, okuthengiswayo kanye lempahla,
\q2 abatshayeli bakho, labaqondisi kanye labalungisi bemikhumbi,
\q1 abathengisi bakho lawo wonke amabutho akho,
\q2 labanye bonke abaphakathi komkhumbi
\q1 bazatshona enzikini yolwandle
\q2 ngosuku lokonakala komkhumbi.
\q1
\v 28 Amazwe angaselwandle azanyikinyeka
\q2 lapho abahambisa umkhumbi bakho sebehlaba umkhosi.
\q1
\v 29 Bonke abaphethe amaphini okugwedla
\q2 bazayitshiya imikhumbi yabo;
\q1 abatshayeli bayo kanye labaqondisi bayo bonke
\q2 bazakuma ekhunjini.
\q1
\v 30 Bazaphakamisa amazwi abo
\q2 bakhale kabuhlungu ngawe;
\q1 bazathela uthuli emakhanda abo
\q2 bagiqike emlotheni.
\q1
\v 31 Bazaphuca amakhanda abo ngenxa yakho
\q2 njalo bazagqoka amasaka.
\q1 Bazaqhinqa isililo ngawe
\q2 ngesililo esibuhlungu.
\q1
\v 32 Lapho bekukhalela bekulilela
\q2 bazaqhinqa isililo ngawe bathi,
\q1 “Ngubani owake wathuliswa njengeThire,
\q2 elizungezwe lulwandle na?”
\q1
\v 33 Ekuphumeni kwempahla yakho elwandle
\q2 wasuthisa izizwe ezinengi;
\q1 ngenotho yakho enengi langempahla yakho
\q2 wanothisa amakhosi omhlaba.
\q1
\v 34 Khathesi usuphahlazwe lulwandle
\q2 ezinzikini zamanzi:
\q1 impahla yakho lenhlanganiso yakho yonke
\q2 kuzatshona phansi kanye lawe.
\q1
\v 35 Bonke abahlala emazweni angasolwandle
\q2 balokwesaba ngawe;
\q1 amakhosi abo ayathuthumela ngokwesaba
\q2 lobuso bawo bunyukubaliswe luvalo.
\q1
\v 36 Abathengi phakathi kwezizwe bayakuncifela;
\q2 usufike ekucineni okwesabekayo,
\q2 njalo kawuyikuba khona futhi.’ ”
\c 28
\s1 Isiphrofethi Ngokumelana Lenkosi YaseThire
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, tshono kumbusi waseThire uthi, ‘Nanku okutshiwo \nd nguThixo\nd* Wobukhosi:
\q1 Ngokuzigqaja kwenhliziyo yakho
\q2 uthi, “Ngingunkulunkulu;
\q1 ngihlala esihlalweni sobukhosi sikankulunkulu
\q2 enzikini yezilwandle.”
\q1 Kodwa wena ungumuntu hatshi uNkulunkulu,
\q2 lanxa ucabanga ukuthi uhlakaniphe njengoNkulunkulu.
\q1
\v 3 Kambe uhlakaniphile kuloDanyeli na?
\q2 Akulamfihlo esithekileyo kuwe na?
\q1
\v 4 Ngenhlakanipho yakho lokuqedisisa
\q2 uzizuzele inotho
\q1 njalo wabuthela igolide lesiliva
\q2 eziphaleni zengcebo yakho.
\q1
\v 5 Ngolwazi lwakho olukhulu ekuthengiseni
\q2 uyandisile inotho yakho,
\q1 njalo ngenxa yenotho yakho,
\q2 inhliziyo yakho isizigqaja.
\p
\v 6 Ngakho nanku okutshiwo \nd nguThixo\nd* Wobukhosi:
\q1 Njengoba ucabanga ukuthi uhlakaniphile,
\q2 uhlakaniphe njengoNkulunkulu,
\q1
\v 7 ngizaletha abezizweni ukuba bamelane lawe,
\q2 izizwe ezilesihluku kakhulu;
\q1 zizahwatsha inkemba zazo zimelane lobuhle bakho
\q2 kanye lenhlakanipho,
\q2 zone lobuhle bakho obukhazimulayo.
\q1
\v 8 Zizakwehlisela phansi egodini,
\q2 njalo uzakufa kabuhlungu
\q2 enzikini yezilwandle.
\q1
\v 9 Lapho-ke uzakutsho na phambi kwalabo abakubulalayo ukuthi,
\q2 “Mina ngingunkulunkulu?”
\q1 Uzakuba ngumuntu nje, hatshi unkulunkulu,
\q2 ezandleni zalabo abakubulalayo.
\q1
\v 10 Uzakufa ukufa kwabangasokanga
\q2 ezandleni zabezizweni.
\m Sengikhulumile, kutsho \nd uThixo\nd* Wobukhosi.’ ”
\b
\p
\v 11 Ilizwi \nd likaThixo\nd* lafika kimi lisithi: 
\v 12 “Ndodana yomuntu, khala isililo ngenkosi yaseThire uthi kuyo: ‘Nanku okutshiwo \nd nguThixo\nd* Wobukhosi:
\q1 Wawuyisibonelo sokuphelela
\q2 ugcwele inhlakanipho lobuhle obupheleleyo.
\q1
\v 13 Wawuse-Edeni
\q2 isivande sikaNkulunkulu;
\q1 waceca ngawo wonke amatshe aligugu:
\q2 irubhi, lethophazi le-emeralidi,
\q2 ikhrisolithe, i-onikisi lejaspa,
\q2 isafire, ithukhwayizi lebherili.
\q1 Izibonakaliso zakho lezisekelo kwakwenziwe ngegolide;
\q2 kwalungiswa ngosuku owadalwa ngalo.
\q1
\v 14 Wagcotshwa njengekherubhi elondlayo,
\q2 ngoba ngakumisela lokho.
\q1 Wawuphezu kwentaba engcwele kaNkulunkulu;
\q2 wahamba phakathi kwamatshe avutha umlilo.
\q1
\v 15 Wawungelasici ezindleleni zakho
\q2 kusukela ngosuku owadalwa ngalo
\q2 ububi baze bafunyanwa kuwe.
\q1
\v 16 Ngenxa yokuthengisa kwakho ezindaweni ezinengi
\q2 wagcwala udlakela,
\q2 wasusona.
\q1 Ngakho ngakususa njengehlazo entabeni kaNkulunkulu,
\q2 njalo ngakuxotsha, wena kherubhi elondlayo,
\q2 phakathi kwamatshe avutha umlilo.
\q1
\v 17 Inhliziyo yakho yazigqaja
\q2 ngenxa yobuhle bakho,
\q1 njalo wonakalisa inhlakanipho yakho
\q2 ngenxa yobucwazicwazi bakho.
\q1 Ngakho ngakuphosela emhlabeni;
\q2 ngakwenza umbukiso phambi kwamakhosi.
\q1
\v 18 Ngezono zakho ezinengi lokuthengisa lobuqili
\q2 usungcolise izindawo zakho ezingcwele.
\q1 Ngakho ngaphemba umlilo phakathi kwakho
\q2 wakutshisa wakuqeda,
\q1 njalo ngakwenza waba ngumlotha emhlabathini
\q2 phambi kwabo bonke ababekhangele.
\q1
\v 19 Zonke izizwe ezazikwazi
\q2 zithithibele ngawe;
\q1 usufike ekucineni okwesabekayo
\q2 njalo kawuyikuba khona futhi.’ ”
\s1 Isiphrofethi Ngokumelana LeSidoni
\p
\v 20 Ilizwi \nd likaThixo\nd* lafika kimi lisithi: 
\v 21 “Ndodana yomuntu, khangelisa ubuso bakho eSidoni; uphrofithe okubi ngalo 
\v 22 uthi: ‘Nanku okutshiwo \nd nguThixo\nd* Wobukhosi:
\q1 Ngimelana lawe, wena Sidoni,
\q2 njalo ngizathola udumo phakathi kwakho.
\q1 Bazakwazi ukuthi mina \nd nginguThixo\nd*
\q2 lapho sengiletha isijeziso kulo
\q2 njalo ngizibonakalisa ngingongcwele phakathi kwalo.
\q1
\v 23 Ngizathumela isifo kulo,
\q2 ngenze igazi ligeleze ezindleleni zalo.
\q1 Abafileyo bazakuba phakathi kwalo,
\q2 inkemba imelane lalo amacele wonke.
\q1 Lapho-ke bazakwazi ukuthi mina \nd nginguThixo\nd*.
\p
\v 24 Abantu bako-Israyeli kabasayikuba labomakhelwane abalenhliziyo ezimbi njalo abangameva abuhlungu lameva ahlabayo. Lapho-ke bazakwazi ukuthi mina \nd nginguThixo\nd* Wobukhosi.
\p
\v 25 Nanku okutshiwo \nd nguThixo\nd* Wobukhosi: Lapho sengiqoqa abantu bako-Israyeli ezizweni ababehlakazelwe kuzo, ngizazibonakalisa ngingongcwele phakathi kwabo phambi kwezizwe. Emva kwalokho bazahlala elizweni labo, engalinika inceku yami uJakhobe. 
\v 26 Bazahlala kulo bevikelekile njalo bazakwakha izindlu bahlanyele lezivini; bazahlala bevikelekile lapho sengiletha isijeziso kubo bonke omakhelwane babo ababaphatha kubi. Lapho-ke bazakwazi ukuthi mina \nd nginguThixo\nd* uNkulunkulu wabo.’ ”
\c 29
\s1 Isiphrofethi Ngokumelana LeGibhithe
\p
\v 1 Ngomnyaka wetshumi, ngenyanga yetshumi ngosuku lwetshumi lambili, ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho kuFaro inkosi yaseGibhithe uphrofithe okubi ngaye langelizwe lonke laseGibhithe. 
\v 3 Khuluma laye uthi: ‘Nanku okutshiwo \nd nguThixo\nd* Wobukhosi:
\q1 Ngimelane lawe, Faro nkosi yaseGibhithe,
\q2 wena silo esikhulu esilele phakathi kwezifula zaso.
\q1 Uthi, “INayili ngeyakho;
\q2 wazenzela yona.”
\q1
\v 4 Kodwa ngizafaka iwuka emihlathini yakho
\q2 nginamathisele inhlanzi zezifula zakho, emaxolweni akho.
\q1 Ngizakukhuphela ngaphandle kwezifula zakho,
\q2 lenhlanzi zonke zinamathele emaxolweni akho.
\q1
\v 5 Ngizakutshiya enkangala,
\q2 wena kanye lenhlanzi zonke zasezifuleni zakho.
\q1 Uzawela egcekeni egangeni
\q2 njalo ungabuthwa loba udojwe.
\q1 Ngizakunikela njengokudla
\q2 ezinyamazaneni zomhlaba lezinyoni zasemoyeni.
\m
\v 6 Lapho-ke bonke abahlala eGibhithe bazakwazi ukuthi mina \nd nginguThixo\nd*.
\b
\p Ube uludondolo lomhlanga lwendlu ka-Israyeli. 
\v 7 Kwathi bekubamba ngezandla zabo, wacezuka waqhaqha amahlombe abo; kwathi lapho beseyama kuwe wephuka lamaqolo abo aqhuzuka.
\p
\v 8 Ngakho-ke nanku okutshiwo \nd nguThixo\nd* Wobukhosi: Ngizaletha inkemba imelane lawe ngibulale abantu bakho kanye lezifuyo zabo. 
\v 9 IGibhithe izakuba yinkangala echithekileyo. Lapho-ke bazakwazi ukuthi mina \nd nginguThixo\nd*.
\p Ngoba wathi, “INayili ngeyakho; nguwe owayenzayo,” 
\v 10 ngakho ngimelana lawe kanye lezifula zakho, njalo ngizakwenza ilizwe laseGibhithe libe lunxiwa logwadule oluphundlekileyo kusukela eMigidoli kusiya e-Asiwani, kuze kuyefika emngceleni weKhushi. 
\v 11 Akulanyawo lomuntu loba olwenyamazana oluzadabula phakathi kwalo; akulamuntu ozahlala khona okweminyaka engamatshumi amane. 
\v 12 Ngizakwenza ilizwe laseGibhithe libe ngeliphundlekileyo phakathi kwamazwe achithekileyo, njalo amadolobho alo azaphundleka okweminyaka engamatshumi amane phakathi kwamadolobho angamanxiwa. AmaGibhithe ngizawachithela phakathi kwezizwe ngiwahlakazele emazweni.
\p
\v 13 Kodwa nanku okutshiwo \nd nguThixo\nd* Wobukhosi: Ekupheleni kweminyaka engamatshumi amane ngizaqoqa amaGibhithe ezizweni ayehlakazelwe kuzo. 
\v 14 Ngizawabuyisela evela ekuthunjweni yiGibhithe, ePhathrosi, ilizwe labokhokho babo. Lapho bazakuba ngumbuso omncane. 
\v 15 Uzakuba ngumbuso omncane kakhulu emibusweni njalo kawuyikuziphakamisela phezulu kwezinye izizwe futhi. Ngizawenza ungabi lamandla ukuze ungabusi izizwe futhi. 
\v 16 IGibhithe kaliyikuba ngumthombo wethemba futhi wabantu bako-Israyeli kodwa lizakuba yisikhumbuzo sesono sabo sokuyafuna usizo kulo. Lapho-ke bazakwazi ukuthi mina \nd nginguThixo\nd* Wobukhosi.’ ”
\s2 Umvuzo KaNebhukhadineza
\p
\v 17 Ngomnyaka wamatshumi amabili lesikhombisa, ngenyanga yakuqala ngelanga lakuqala, ilizwi \nd likaThixo\nd* lafika kimi lisithi: 
\v 18 “Ndodana yomuntu, uNebhukhadineza inkosi yaseBhabhiloni waqhuba ibutho lakhe ukuyakulwa impi enzima leThire, amakhanda wonke aphuculwa aphuceka, lamahlombe wonke aba buhlungu. Ikanti yena lebutho lakhe kabatholanga mvuzo empini ayikhokhela ekuhlaseleni iThire. 
\v 19 Ngakho nanku okutshiwo \nd nguThixo\nd* Wobukhosi: IGibhithe ngizalinikela kuNebhukhadineza inkosi yaseBhabhiloni, njalo uzathumba inotho yalo. Uzaliphundla aliphange ilizwe njengeholo lebutho lakhe. 
\v 20 Ngimnike iGibhithe njengomvuzo wemizamo yakhe ngoba yena lebutho lakhe lokho bakwenzela mina, kutsho \nd uThixo\nd* Wobukhosi.
\p
\v 21 Ngalolosuku ngizakwenza uphondo lukhulele indlu ka-Israyeli, njalo ngizavula umlomo wakho phakathi kwabo. Lapho-ke bazakwazi ukuthi mina \nd nginguThixo\nd*.”
\c 30
\s1 Ukulilela IGibhithe
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, phrofetha uthi: ‘Nanku okutshiwo \nd nguThixo\nd* Wobukhosi:
\q1 Lilani lithi,
\q2 “Maye ngalolosuku!”
\q1
\v 3 Ngoba usuku seluseduze,
\q2 usuku \nd lukaThixo\nd* seluseduze
\q1 usuku lwamayezi,
\q2 isikhathi sokutshabalala kwezizwe.
\q1
\v 4 Inkemba izakumelana leGibhithe,
\q2 losizi luzakwehlela phezu kukaKhushi.
\q1 Lapho ababuleweyo besiwa eGibhithe
\q2 inotho yalo izathunjwa
\q2 lezisekelo zalo zidilizelwe phansi.
\m
\v 5 IKhushi lePhuthi, iLudi le-Arabhiya yonke, iLibhiya kanye labantu belizwe lesivumelwano bazabulawa ngenkemba ndawonye leGibhithe.
\p
\v 6 Nanku okutshiwo \nd nguThixo\nd* Wobukhosi:
\q1 Abasekeli beGibhithe bazakufa,
\q2 lamandla alo aziqhenyayo azaphela.
\q1 Kusukela eMigidoli kusiya e-Asiwani
\q2 bazakuwa ngenkemba phakathi kwalo,
\q2 kutsho \nd uThixo\nd* Wobukhosi.
\q1
\v 7 Bazachitheka
\q2 phakathi kwamazwe achithekileyo,
\q1 njalo amadolobho abo
\q2 azakuba phakathi kwamadolobho adiliziweyo.
\q1
\v 8 Lapho-ke bazakwazi ukuthi mina \nd nginguThixo\nd*,
\q2 lapho sengithungela iGibhithe ngomlilo
\q2 labasizi balo bonke sebeqothulwe.
\p
\v 9 Ngalolosuku izithunywa zizaphuma zisuka kimi ngemikhumbi ziyetshayisa iKhushi ngovalo, kuphele ukungazikhathazi kwalo. Bazakwehlelwa lusizi ngosuku lokutshabalala kweGibhithe, ngoba ngempela kuzafika.
\b
\p
\v 10 Nanku okutshiwo \nd nguThixo\nd* Wobukhosi:
\q1 Ngizawaqeda amaxuku aseGibhithe
\q2 ngesandla sikaNebhukhadineza inkosi yaseBhabhiloni.
\q1
\v 11 Yena lebutho lakhe, abalolunya olukhulu phakathi kwezizwe,
\q2 bazalethwa ukuba bachithe ilizwe.
\q1 Bazahwatsha izinkemba zabo ukuba bamelane leGibhithe
\q2 bagcwalise ilizwe ngababuleweyo.
\q1
\v 12 Ngizakomisa izifula zeNayili
\q2 lelizwe ngilithengisele abantu ababi;
\q1 ngesandla sabezizweni,
\q2 ngizalichitha ilizwe, lakho konke okukulo.
\m Mina \nd Thixo\nd* sengikhulumile.
\b
\p
\v 13 Nanku okutshiwo \nd nguThixo\nd* Wobukhosi:
\q1 Ngizachitha izithombe
\q2 ngiqede izifanekiso eMemfisi.
\q1 Akusayikuba khona inkosana eGibhithe,
\q2 njalo ngizaletha ukwesaba kulolonke ilizwe.
\q1
\v 14 Ngizachitha iPhathrosi,
\q2 ngithungele iZowani ngomlilo,
\q2 besengiletha isijeziso phezu kweThebesi.
\q1
\v 15 Ngizakwehlisela ulaka lwami phezu kwePhelusiyami,
\q2 inqaba yaseGibhithe,
\q2 ngiqede lamaxuku aseThebesi.
\q1
\v 16 Ngizathungela iGibhithe ngomlilo;
\q2 iPhelusiyami izajanqula ngobuhlungu.
\q1 IThebesi izathunjwa ngesidumo esikhulu;
\q2 iMemfisi izakuba sosizini olumiyo.
\q1
\v 17 Amajaha aseHeliyopholisi leBhubhastisi
\q2 azabulawa ngenkemba,
\q2 lamadolobho wona ngokwawo azathunjwa.
\q1
\v 18 EThahiphanesi imini izakuba mnyama,
\q2 lapho ngisephula ijogwe leGibhithe;
\q2 khonale-ke amandla alo aziqhenyayo azaphela.
\q1 Azakwembeswa ngamayezi,
\q2 njalo imizi yalo izakuya ekuthunjweni.
\q1
\v 19 Ngokunjalo ngizakwehlisela isijeziso phezu kweGibhithe,
\q2 njalo bazakwazi ukuthi mina \nd nginguThixo\nd*.’ ”
\p
\v 20 Ngomnyaka wetshumi lanye, ngenyanga yakuqala ngosuku lwesikhombisa, ilizwi \nd likaThixo\nd* lafika kimi lisithi: 
\v 21 “Ndodana yomuntu, sengiyephule ingalo kaFaro inkosi yaseGibhithe. Kayibotshwanga ukuba iphole kumbe ifakwe uhlaka ukuze iqine okwanele ukuthi iphathe inkemba. 
\v 22 Ngakho-ke nanku okutshiwo \nd nguThixo\nd* Wobukhosi: Ngimelana loFaro inkosi yaseGibhithe. Ngizazephula zombili izingalo zakhe, eqinileyo kanye leyephukileyo, ngenze inkemba iwe esandleni sakhe. 
\v 23 Ngizachithela amaGibhithe phakathi kwezizwe ngiwahlakazele emazweni. 
\v 24 Ngizaqinisa izingalo zenkosi yaseBhabhiloni ngifake inkemba yami ezandleni zayo, kodwa izingalo zikaFaro ngizazephula, njalo uzabubula phambi kwayo njengomuntu olimale okokufa. 
\v 25 Ngizaqinisa izingalo zenkosi yaseBhabhiloni, kodwa izingalo zikaFaro zizakuba buthakathaka. Lapho-ke bazakwazi ukuthi mina \nd nginguThixo\nd* lapho sengifaka inkemba yami esandleni senkosi yaseBhabhiloni layo isiyizunguza imelane leGibhithe. 
\v 26 Ngizachithela amaGibhithe phakathi kwezizwe ngiwahlakazele emazweni futhi. Lapho-ke azakwazi ukuthi mina \nd nginguThixo\nd*.”
\c 31
\s1 Umsedari ELebhanoni
\p
\v 1 Ngomnyaka wetshumi lanye, ngenyanga yesithathu ngosuku lwakuqala, ilizwi \nd likaThixo\nd* lafika kimi lisithi: 
\v 2 “Ndodana yomuntu, tshono kuFaro inkosi yaseGibhithe lakumaxuku akhe uthi:
\q1 ‘Ngubani ongalinganiswa lawe ngobucwazicwazi?
\q1
\v 3 Cabanga i-Asiriya, eyake yaba ngumsedari eLebhanoni,
\q2 olamagatsha amahle embese ihlathi ngomthunzi;
\q1 wawumude uphezulu le,
\q2 isihloko sawo singaphezu kwamahlamvu avitshileyo.
\q1
\v 4 Amanzi awondla,
\q2 imithombo etshonayo yawenza wakhula waba mude;
\q1 izifudlana zayo zageleza
\q2 emaceleni esidindi sawo sonke,
\q1 imisele yazo ayafika
\q2 kuzozonke izihlahla zeganga.
\q1
\v 5 Wawuphakeme kanjalo umude
\q2 kulazo zonke izihlahla zeganga;
\q1 ingatsha zawo zanda,
\q2 ingatsha zawo zakhula zaba zinde
\q2 zendlalekile ngenxa yobunengi bamanzi.
\q1
\v 6 Zonke izinyoni zasemoyeni
\q2 zakhela izidleke zazo ezingatsheni zawo,
\q1 zonke izinyamazana zeganga
\q2 zazalela ngaphansi kwezingatsha zawo;
\q1 zonke izizwe ezinkulu
\q2 zahlala emthunzini wawo.
\q1
\v 7 Wawunkanyazela ngobuhle bawo,
\q2 ngezingatsha zawo ezendlalekileyo,
\q1 ngoba impande zawo zazitshona
\q2 phansi emanzini amanengi.
\q1
\v 8 Imisedari esivandeni sikaNkulunkulu
\q2 yayingeke ilingane lawo,
\q1 kumbe izihlahla zemiphayini
\q2 zibe lezingatsha ezingafana lezawo,
\q1 akukho sihlahla esivandeni sikaNkulunkulu
\q2 esasingaba sihle njengawo.
\q1
\v 9 Ngawenza waba muhle
\q2 ngezingatsha ezinengi,
\q1 wahawukelwa yizihlahla zonke zase-Edeni
\q2 esivandeni sikaNkulunkulu.
\p
\v 10 Ngakho-ke nanku okutshiwo \nd nguThixo\nd* Wobukhosi: Ngoba wawumude uphezulu le, isihloko sawo siphakamele ngaphezu kwezingatsha ezivitshileyo, njalo ngenxa yokuthi wawuziqhenya ngobude bawo, 
\v 11 ngawunikela kumbusi wezizwe ukuba awuphathe ngokufanele ububi bawo. Ngawulahlela eceleni, 
\v 12 njalo isizwe sasezizweni esilesihluku kulazo zonke sawucakazela phansi sawutshiya. Ingatsha zawo zawela phezu kwezintaba lasezigodini zonke, amagatsha awo ephukela ezindongeni zonke zelizwe. Zonke izizwe zasemhlabeni zasuka emthunzini wawo zawutshiya. 
\v 13 Zonke izinyoni zasemoyeni zahlala phezu kwesihlahla esiwileyo, lezinyamazana zonke zeganga zaziphakathi kwezingatsha zaso. 
\v 14 Ngakho kazikho ezinye izihlahla ngasemanzini ezizaphakama ngokuziqhenya phezulu le, zifikise izihloko zazo ngaphezu kwezingatsha. Kazikho ezinye izihlahla ezizuza amanzi kuhle kanjalo ezizake zifike phezulu kangako; zonke zimiselwe ukufa, emhlabeni ongaphansi, phakathi kwabantu abafayo, kanye lalabo abehlela egodini.
\p
\v 15 Nanku okutshiwo \nd nguThixo\nd* Wobukhosi: Ngosuku owehliselwa ngalo engcwabeni, ngavala imithombo etshonayo ngokulilelwa kwawo, ngamisa izifudlana zawo, lamanzi awo amanengi avinjelwa. Ngenxa yawo ngembesa iLebhanoni ngomnyama, njalo zonke izihlahla zeganga zabuna. 
\v 16 Ngenza izizwe zathuthunyeliswa ngumdumo wokuwa kwawo lapha ngawehlisela phansi engcwabeni kanye lalabo abehlela phansi egodini. Lapho-ke zonke izihlahla zase-Edeni, ezikhethekileyo lezinhle kakhulu zaseLebhanoni, zonke izihlahla ezazithola amanzi kuhle, zaduduzeka ngaphansi komhlaba. 
\v 17 Labo ababehlala emthunzini wawo, ababevumelana lawo phakathi kwezizwe, basebehlele phansi engcwabeni kanye lawo, bahlangana lalabo ababulawa ngenkemba.
\p
\v 18 Yisiphi sezihlahla zase-Edeni esingafaniswa lawe ngobuhle langobucwazicwazi na? Ikanti lawe futhi uzakwehliselwa phansi ngaphansi komhlaba kanye lezihlahla zase-Edeni; uzalala phakathi kwabangasokanga, lalabo ababulawa ngenkemba.
\p Lo nguFaro kanye lamaxuku akhe wonke, kutsho \nd uThixo\nd* Wobukhosi.’ ”
\c 32
\s1 Ukulilela UFaro
\p
\v 1 Ngomnyaka wetshumi lambili, ngenyanga yetshumi lambili ngosuku lokuqala, ilizwi \nd likaThixo\nd* lafika kimi lisithi: 
\v 2 “Ndodana yomuntu, khala isililo ngoFaro inkosi yaseGibhithe uthi kuye:
\q1 ‘Wena unjengesilwane phakathi kwezizwe;
\q2 unjengesilo phakathi kolwandle,
\q1 uvubavuba amanzi ezifuleni zakho,
\q2 uchaphaze amanzi ngezinyawo zakho,
\q2 ungcolisa lezifula ngodaka.
\p
\v 3 Nanku okutshiwo \nd nguThixo\nd* Wobukhosi:
\q1 Ngoquqaba olukhulu lwabantu
\q2 ngizaphosela imbule lami phezu kwakho
\q2 njalo bazakudonsela phezulu ngomambule wami.
\q1
\v 4 Ngizakuphosela emhlabathini
\q2 ngikudonsele egcekeni egangeni.
\q1 Ngizakwenza zonke izinyoni zasemoyeni zihlale phezu kwakho
\q2 lezinyamazana zonke zasemhlabeni zizitike kuwe.
\q1
\v 5 Ngizachaya inyama yakho phezu kwezintaba
\q2 njalo ngigcwalise izigodi ngezidumbu zakho.
\q1
\v 6 Ngizathambisa ilizwe ngegazi lakho
\q2 eligeleza indawo yonke kusiya ezintabeni,
\q2 lezindonga zizagcwala inyama yakho.
\q1
\v 7 Lapho sengikucitsha, ngizakwembesa amazulu
\q2 ngenze izinkanyezi zawo zibe mnyama;
\q1 ngizakwembesa ilanga ngeyezi,
\q2 lenyanga ingabe isakhanyisa.
\q1
\v 8 Zonke izibane ezikhanyisa emazulwini
\q2 ngizazenza zibe mnyama
\q2 elizweni lakho, kutsho \nd uThixo\nd* Wobukhosi.
\q1
\v 9 Ngizakhathaza inhliziyo zabantu abanengi
\q2 lapho sengiletha ukuchithwa kwakho phakathi kwezizwe,
\q2 phakathi kwamazwe ongazange uwazi.
\q1
\v 10 Ngizakwenza abantu abanengi bamangale ngawe,
\q2 lamakhosi abo azathuthumela ngokwesaba ngenxa yakho
\q2 lapho nginyikinya inkemba yami phambi kwawo.
\q1 Ngosuku lokuwa kwakho
\q2 lowo lalowo wabo uzaqhaqhazela
\q2 isikhathi sonke sokuphila kwakhe.
\p
\v 11 Ngoba nanku okutshiwo \nd nguThixo\nd* Wobukhosi:
\q1 Inkemba yenkosi yaseBhabhiloni
\q2 izamelana lawe.
\q1
\v 12 Ngizakwenza amaxuku akho abulawe
\q2 ngezinkemba zamadoda alamandla
\q2 alesihluku kakhulu phakathi kwezizwe zonke.
\q1 Azachoboza ukuziqhenya kweGibhithe,
\q2 njalo wonke amaxuku alo azanqotshwa.
\q1
\v 13 Ngizabulala zonke inkomo zabo
\q2 ngaseduzane lamanzi amanengi
\q1 angaphindi adungwe lunyawo lomuntu futhi
\q2 kumbe angcoliswe ngamasondo enkomo ngodaka.
\q1
\v 14 Lapho-ke ngizakwenza amanzi alo azinze
\q2 lezifula zalo zigeleze njengamafutha,
\q2 kutsho \nd uThixo\nd* Wobukhosi.
\q1
\v 15 Lapho iGibhithe sengilichitha
\q2 ngiphundla ilizwe lakho konke okukulo,
\q1 lapho sengibacakazela phansi bonke abahlala khona,
\q2 lapho-ke bazakwazi ukuthi mina \nd nginguThixo\nd*.’
\p
\v 16 Lesi yisililo esizaculelwa iGibhithe. Amadodakazi ezizwe azasicula: azasiculela iGibhithe kanye lamaxuku alo wonke, kutsho \nd uThixo\nd* Wobukhosi.”
\p
\v 17 Ngomnyaka wetshumi lambili, ngosuku lwetshumi lanhlanu lwenyanga, ilizwi \nd likaThixo\nd* lafika kimi lisithi: 
\v 18 “Ndodana yomuntu, lilela amaxuku aseGibhithe njalo wehlisele ngaphansi komhlaba kokubili lona iGibhithe kanye lamadodakazi ezizwe ezilamandla, lalabo abehlela phansi egodini. 
\v 19 Tshono kubo uthi, ‘Lina liyathandwa kakhulu kulabanye na? Yehlelani phansi lilale phakathi kwabangasokanga.’ 
\v 20 Bazafela phakathi kwalabo ababulawa ngenkemba. Inkemba isihwatshiwe; iGibhithe kalihudulwe lamaxuku alo wonke. 
\v 21 Abakhokheli abalamandla bazakutsho ngeGibhithe labamanyene layo bephakathi kwengcwaba bathi, ‘Sebehlele phansi njalo balele labangasokanga, lalabo ababulawa ngenkemba.’
\p
\v 22 I-Asiriya ikhona lebutho layo lonke; izungezwe ngamangcwaba abo bonke abayo ababuleweyo; bonke ababulawe ngenkemba. 
\v 23 Amangcwaba abo asekuzikeni kwegodi njalo ibutho layo lilele lihanqe ingcwaba layo. Bonke abandisa ukwesaba elizweni labaphilayo babulewe, bebulawa ngenkemba.
\p
\v 24 I-Elamu ikhona, lamaxuku ayo wonke azungeze ingcwaba layo. Bonke babulewe, bebulawa ngenkemba. Bonke abandisa ukwesaba elizweni labaphilayo behlela phansi ngaphansi komhlaba bengasokanga. Bathwele ihlazo labo belalabo abehlela phansi egodini. 
\v 25 Yenzelwa umbheda phakathi kwababuleweyo, lamaxuku ayo wonke ehanqe ingcwaba layo. Bonke kabasokanga, babulawa ngenkemba. Ngoba ukwesatshwa kwabo kwasekugcwele elizweni labaphilayo, bathwala ihlazo labo lalabo abehlela phansi egodini; babekwa phakathi kwababuleweyo.
\p
\v 26 IMesheki leThubhali akhona, lamaxuku awo wonke ezungeze amangcwaba awo. Wonke amaxuku kawasokanga, abulewe ngoba andisa ukwesatshwa kwawo elizweni labaphilayo. 
\v 27 Kanje kawalele lamanye amabutho angasokanga awafayo, wona ehlela phansi engcwabeni lezikhali zawo zempi, azinkemba zawo zabekwa ngaphansi kwamakhanda awo na? Isijeziso sezono zawo sahlala phezu kwamathambo awo, lanxa ukwesatshwa kwamabutho la kwagcwala elizweni labaphilayo.
\p
\v 28 Lawe futhi, wena Faro, uzakwephulwa njalo ulale phakathi kwabangasokanga, lalabo ababulawa ngenkemba.
\p
\v 29 I-Edomi ikhona, amakhosi ayo lamakhosana ayo wonke; phezu kwamandla abo, balaliswa lalabo ababulawa ngenkemba. Balele labangasokanga, lalabo abehlela phansi egodini.
\p
\v 30 Wonke amakhosana asenyakatho kanye lamaSidoni wonke bakhona; behlela phansi lababulawayo behlazekile lanxa kulokwesaba okwabangelwa ngamandla abo. Balele bengasokanga kanye lalabo ababulawa ngenkemba njalo bathwala ihlazo labo lalabo abehlela phansi egodini.
\p
\v 31 UFaro lebutho lakhe uzababona njalo uzaduduzeka ngamaxuku akhe wonke abulawa ngenkemba, kutsho \nd uThixo\nd* Wobukhosi. 
\v 32 Lanxa ngamenza wandisa ukwesaba elizweni labaphilayo, uFaro kanye lamaxuku akhe wonke, bazalaliswa phakathi kwabangasokanga, lalabo ababulawa ngenkemba, kutsho \nd uThixo\nd* Wobukhosi.”
\c 33
\s1 UHezekhiyeli Ungumlindi
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khuluma labantu bakini uthi kubo, ‘Lapho ngiletha inkemba ukumelana lelizwe, abantu balelolizwe bakhethe omunye wamadoda akibo bamenze abe ngumlindi, 
\v 3 abone inkemba isizamelana lelizwe abesetshaya icilongo exwayisa abantu, 
\v 4 lapho-ke nxa loba ngubani ozwa icilongo kodwa angasinaki isixwayiso njalo inkemba ifike imbulale, igazi lakhe lizakuba phezu kwekhanda lakhe. 
\v 5 Njengoba ukukhala kwecilongo ekuzwile kodwa kaze asinaka isixwayiso, igazi lakhe lizakuba phezu kwekhanda lakhe. Aluba ubesinakile isixwayiso, ubezazisindisa. 
\v 6 Kodwa nxa umlindi ebona inkemba isiza angatshayi icilongo axwayise abantu, njalo inkemba ifike ibulale omunye wabo, lowomuntu uzasuswa ngenxa yesono sakhe, kodwa mina ngizabeka umlandu wegazi lakhe kumlindi.’
\p
\v 7 Ndodana yomuntu, sengikwenze umlindi wendlu ka-Israyeli; ngakho zwana ilizwi engilikhulumayo ubanike isixwayiso esivela kimi. 
\v 8 Lapho ngisithi komubi, ‘Wena muntu omubi, uzakufa impela,’ njalo wena ungabe usakhuluma ukuba umyekelise izindlela zakhe, lowomuntu omubi uzafela izono zakhe, njalo mina ngikubeka umlandu wegazi lakhe. 
\v 9 Kodwa nxa umxwayisa umuntu omubi ukuba aphenduke ezindleleni zakhe kodwa angenzi njalo, uzafela izono zakhe, kodwa wena uzakuba uzisindisile.
\p
\v 10 Ndodana yomuntu, tshono kuyo indlu ka-Israyeli uthi, ‘Nanku elikutshoyo ukuthi, “Iziphambeko zethu lezono ziyasisinda, njalo siyacikizeka ngenxa yazo. Pho singaphila njani na?” ’ 
\v 11 Tshono kubo uthi, ‘Ngeqiniso elinjengoba ngikhona, kutsho \nd uThixo\nd* Wobukhosi, kangithokozi ngokufa kwababi, kodwa ukuba baphenduke ezindleleni zabo baphile. Phendukani! Phendukani ezindleleni zenu ezimbi! Kungani umele ufe, wena ndlu ka-Israyeli?’
\p
\v 12 Ngakho-ke, ndodana yomuntu, tshono ebantwini bakini uthi, ‘Ukulunga komuntu olungileyo kakuyikumsindisa lapho engalaleli, njalo lobubi bomuntu omubi kabuyikumwisa lapho ephenduka kubo. Umuntu olungileyo, lapho esona, kasoke avunyelwe ukuphila ngenxa yokulunga kwakhe kwakuqala.’ 
\v 13 Nxa ngitshela umuntu olungileyo ukuthi impela uzaphila, kodwa abe esethemba ukulunga kwakhe enze okubi, akukho okwezinto ezilungileyo azenzayo okuzakhunjulwa; uzafela okubi asekwenzile. 
\v 14 Njalo nxa ngisithi emuntwini omubi, ‘Impela uzakufa,’ kodwa aphenduke ezonweni zakhe enze okufaneleyo lokulungileyo, 
\v 15 lapho ebuyisela lokho akuthatha kuyisibambiso salokho akwebolekisayo, abuyisele akwebayo, alandele izimiso ezinika ukuphila, angenzi okubi, uzaphila impela; kasoze afe. 
\v 16 Akukho lasinye sezono azenzayo esizakhunjulwa ngaye. Usenze okufaneleyo lokulungileyo; uzaphila impela.
\p
\v 17 Ikanti abantu bakini bathi, ‘Indlela kaThixo kayilunganga.’ Kodwa ngeyabo indlela engalunganga. 
\v 18 Nxa umuntu olungileyo eguquka ekulungeni kwakhe enze okubi, uzakufela lokho. 
\v 19 Njalo nxa umuntu omubi ephenduka ebubini bakhe enze okufaneleyo lokulungileyo, uzaphila ngenxa yokwenzanjalo. 
\v 20 Ikanti, wena ndlu ka-Israyeli, uthi, ‘Indlela kaThixo kayilunganga.’ Kodwa mina ngizakwahlulela lowo lalowo wenu ngokufanele izindlela zakhe.”
\s1 Ukuwa KweJerusalema Kuyachasiswa
\p
\v 21 Ngomnyaka wetshumi lambili wokuthunjwa kwethu, ngenyanga yetshumi ngosuku lwesihlanu, umuntu owayebalekele eJerusalema wafika kimi wathi, “Idolobho selinqotshiwe!” 
\v 22 Kusihlwa umuntu lowo engakafiki, isandla \nd sikaThixo\nd* sasiphezu kwami, njalo wavula umlomo wami umuntu lowo engakafiki ekuseni. Ngakho umlomo wami wawusuvuliwe njalo ngangingasathulanga.
\p
\v 23 Ilizwi \nd likaThixo\nd* laselifika kimi lisithi: 
\v 24 “Ndodana yomuntu, abantu abahlala emanxiweni lawana elizweni lako-Israyeli bathi, ‘U-Abhrahama wayengumuntu oyedwa nje kuphela, ikanti ilizwe lalingelakhe. Kodwa thina sibanengi; impela ilizwe siliphiwe njengelifa lethu.’ 
\v 25 Ngakho tshono kubo uthi, ‘Nanku okutshiwo \nd nguThixo\nd* Wobukhosi: Njengoba lisidla inyama ilokhu ilegazi lithembe izithombe zenu njalo lichithe legazi, kambe lingaba ngabanikazi belizwe na? 
\v 26 Lithembe inkemba yenu, lenza izinto ezenyanyekayo, njalo omunye lomunye wenu ungcolisa umfazi kamakhelwane wakhe. Kambe lingaba ngabanikazi belizwe na?’
\p
\v 27 Tshono lokhu kubo uthi: ‘Nanku okutshiwo \nd nguThixo\nd* Wobukhosi: Ngeqiniso elinjengoba ngikhona, labo abaseleyo emanxiweni bazabulawa ngenkemba, labo abangaphandle egangeni ngizabanikela ezinyamazaneni zeganga ukuba badliwe, njalo labo abasezinqabeni lasezimbalwini bazabulawa yisifo. 
\v 28 Ngizakwenza ilizwe libe lugwadule oluphundlekileyo, njalo ukuziqhenya kwamandla alo kuzaphela, lezintaba zako-Israyeli zizachitheka kuze kungabikhona odlula kuzo. 
\v 29 Lapho-ke bazakwazi ukuthi mina \nd nginguThixo\nd*, nxa sengenze ilizwe laba lugwadule oluphundlekileyo ngenxa yezinto ezenyanyekayo abazenzileyo.’
\p
\v 30 Okunjengawe, ndodana yomuntu, abantu bakini bakhulumisana ngawe emidulini laseminyango yezindlu besithi, omunye komunye, ‘Woza uzekuzwa ilizwi eselifike livela \nd kuThixo\nd*.’ 
\v 31 Abantu bami bayafika kuwe, njengabajayele ukukwenza, bahlale phambi kwakho ukuba bezwe amazwi akho, kodwa akutshoyo kabakwenzi. Ngemilomo yabo batsho ukuzinikela, kodwa inhliziyo zabo zihawukela inzuzo engafanelanga. 
\v 32 Ngempela, kubo wena kawusilutho olungedlula umuntu ohlabela izingoma zothando ngelizwi elihle njalo esitshaya kuhle isiginci, ngoba amazwi akho bayawezwa, kodwa akutshoyo kabakwenzi.
\p
\v 33 Nxa konke lokhu sekugcwalisekile njalo impela kuzakwenzakala, lapho-ke bazakwazi ukuthi umphrofethi ubekhona phakathi kwabantu.”
\c 34
\s1 Abelusi Lezimvu
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, phrofetha okubi ngabelusi bako-Israyeli; phrofetha uthi kubo: ‘Nanku okutshiwo \nd nguThixo\nd* Wobukhosi: Maye kini lina belusi bako-Israyeli elizikhathalelayo lina ngokwenu kuphela! Abelusi akumelanga bakhathalele umhlambi wezimvu na? 
\v 3 Lidla izankefu, ligqoke uboya njalo lihlabe ezinonileyo, kodwa imihlambi yenu kaliyelusi. 
\v 4 Ezibuthakathaka kaliziqinisanga kumbe lelapha ezigulayo loba labopha ezilimeleyo. Kalinqandanga eziphambukileyo loba ladinga ezilahlekileyo. Lizibuse ngochuku langesihluku. 
\v 5 Ngakho zahlakazeka ngoba kwakungelamelusi, njalo kwathi lapho sezihlakazekile zaba yikudla kwazo zonke izinyamazana zeganga. 
\v 6 Izimvu zami zantula phezu kwezintaba zonke laphezu kwamaqaqa wonke. Zazihlakazekele emhlabeni wonke, njalo kakho owazidingayo loba owazicingayo.
\p
\v 7 Ngakho, lina belusi, zwanini ilizwi \nd likaThixo\nd* elithi: 
\v 8 Ngeqiniso elinjengoba ngikhona, kutsho \nd uThixo\nd* Wobukhosi, ngoba umhlambi wami uswela umelusi ngakho usuphangiwe njalo usube yikudla kwezinyamazana zonke zeganga, njalo ngenxa yokuthi abelusi bami kabawudinganga umhlambi kodwa bazikhathalela bona ngokwabo kulomhlambi wami, 
\v 9 ngakho-ke lina belusi, zwanini ilizwi \nd likaThixo\nd* elithi: 
\v 10 Nanku okutshiwo \nd nguThixo\nd* Wobukhosi: Ngimelana labelusi njalo ngizababeka umlandu wezimvu zami. Ngizabasusa ekweluseni umhlambi, abelusi bangabe besaba lokudla. Ngizawuhluthuna umhlambi wami emilonyeni yabo, njalo kawuyikuba yikudla kwabo futhi.
\p
\v 11 Ngoba nanku okutshiwo \nd nguThixo\nd* Wobukhosi: Mina ngokwami ngizadinga izimvu zami ngizeluse. 
\v 12 Njengomelusi eluse umhlambi wakhe ohlakazekileyo elawo, ngizazelusa kanjalo izimvu zami. Ngizazihlenga ezindaweni zonke ezahlakazekela kuzo ngosuku lwamayezi lomnyama. 
\v 13 Ngizazikhupha ezizweni ngizibuthe emazweni, njalo ngizazisa elizweni lazo uqobo. Ngizazidlisa phezu kwezintaba zako-Israyeli, ezihotsheni kanye lasemizaneni yonke eselizweni. 
\v 14 Ngizazelusela emadlelweni amahle, njalo iziqongo zezintaba zako-Israyeli zizakuba ngumhlaba wedlelo lazo. Khonapho zizalala phansi emhlabeni olidlelo elihle, njalo khonapho zizakudla edlelweni elivundileyo phezu kwezintaba zako-Israyeli. 
\v 15 Mina ngokwami ngizazelusa izimvu zami njalo ngizazilalisa phansi, kutsho \nd uThixo\nd* Wobukhosi. 
\v 16 Ngizadinga ezilahlekileyo nginqande eziphambukileyo. Ngizabopha ezilimeleyo ngiqinise ezibuthakathaka. Ezinonileyo leziqinileyo ngizazibulala. Umhlambi ngizawelusa ngokulunga.
\p
\v 17 Okunjengawe, mhlambi wami, nanku okutshiwo \nd nguThixo\nd* Wobukhosi: Ngizakwahlulela phakathi kwenye imvu lenye kanye laphakathi kwenqama lembuzi. 
\v 18 Kwanele yini kini ukudla emadlelweni amahle na? Kambe kumele lize linyathele amanye amadlelo enu ngezinyawo zenu na? Kakwanelanga kini na ukunatha amanzi ahlanzekileyo? Kambe kumele lingcolise aseleyo ngezinyawo zenu na? 
\v 19 Umhlambi kumele udle elikunyatheleyo njalo unathe lokho elikungcolise ngezinyawo zenu na?
\p
\v 20 Ngakho-ke nanku okutshiwo \nd nguThixo\nd* Wobukhosi kuzo: Khangelani, mina ngokwami ngizakwahlulela phakathi kwezimvu ezinonileyo lezimvu ezicakileyo. 
\v 21 Ngoba liyafuqa ngemihlubulo langamahlombe, ligqubule zonke imbuzi ezibuthakathaka ngempondo zenu lize lizixotshele khatshana. 
\v 22 Ngizahlenga umhlambi wami, njalo kawuyikuphangwa futhi. Ngizakwahlulela phakathi kwenye imvu lenye. 
\v 23 Phezu kwazo ngizabeka umelusi oyedwa, inceku yami uDavida, uzazelusa; uzazelusa abe ngumelusi wazo. 
\v 24 Mina \nd Thixo\nd* ngizakuba nguNkulunkulu wazo, njalo inceku yami uDavida izakuba yinkosana phakathi kwazo. Mina \nd Thixo\nd* sengikhulumile.
\p
\v 25 Ngizakwenza isivumelwano sokuthula lazo njalo ngixotshe izilo zeganga elizweni ukuze ziyehlala enkangala kuthi izimvu zihlale emahlathini zigcinakale. 
\v 26 Ngizazibusisa kanye lezindawo ezihanqe intaba yami. Ngizakwehlisa imikhizo ngesikhathi sayo; kuzakuba lemikhizo yesibusiso. 
\v 27 Izihlahla zeganga zizathela izithelo zazo njalo lomhlabathi uzathela izilimo zawo; abantu bazahlaliseka elizweni labo. Bazakwazi ukuthi mina \nd nginguThixo\nd*, lapho sengisephula imigoqo yejogwe labo njalo ngibahlenga ezandleni zalabo ababenza izigqili. 
\v 28 Kabayikuphangwa yizizwe futhi, lezinyamazana zeganga kaziyikubadla. Bazahlala ngokuvikeleka, njalo kakho ozabenza besabe. 
\v 29 Ngizabanika ilizwe elidumileyo ngezilimo zalo, njalo kabayikuhlutshwa yindlala futhi elizweni loba bathwale ihlazo lezizwe. 
\v 30 Lapho-ke bazakwazi ukuthi mina, UThixo uNkulunkulu wabo, ngilabo kanye lokuthi bona, indlu ka-Israyeli, bangabantu bami, kutsho \nd uThixo\nd* Wobukhosi. 
\v 31 Lina zimvu zami, zimvu zedlelo lami, lingabantu bami, njalo mina nginguNkulunkulu wenu, kutsho \nd uThixo\nd* Wobukhosi.’ ”
\c 35
\s1 Isiphrofethi Nge-Edomi
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho eNtabeni iSeyiri; uphrofithe okubi ngayo 
\v 3 uthi: ‘Nanku okutshiwo \nd nguThixo\nd* Wobukhosi: Ngimelane lawe, Ntaba Seyiri, njalo ngizakwelula isandla sami ukumelana lawe ngikwenze ube lugwadule oluphundlekileyo. 
\v 4 Ngizakwenza amadolobho akho abe ngamanxiwa lawe uzachithwa. Lapho-ke uzakwazi ukuthi mina \nd nginguThixo\nd*.
\p
\v 5 Ngoba wagcina inzondo yasendulo wanikela ama-Israyeli enkembeni ngesikhathi sosizi lwawo, lapho isijeziso sawo sasesifike ekucineni, 
\v 6 ngakho-ke ngeqiniso elinjengoba ngikhona, kutsho \nd uThixo\nd* Wobukhosi, ngizakunikela ekuchithekeni kwegazi njalo kuzakulandela. 
\v 7 Ngizakwenza iNtaba iSeyiri ibe lugwadule oluphundlekileyo, njalo ngiqede kuyo bonke abafika bahambe. 
\v 8 Ngizagcwalisa izintaba zakho ngababuleweyo; labo ababulawe ngenkemba bazawela phezu kwamaqaqa akho lasezigodini zakho kanye lasezindongeni zakho zonke. 
\v 9 Ngizakwenza uchitheke okwanininini; amadolobho akho kawayikuhlalwa muntu. Lapho-ke uzakwazi ukuthi mina \nd nginguThixo\nd*.
\p
\v 10 Ngoba wena uthe, “Izizwe lezi ezimbili lamazwe la amabili kuzakuba ngokwethu njalo sizakuthatha,” lanxa mina \nd Thixo\nd* ngangikhonapho. 
\v 11 Ngakho-ke ngeqiniso elinjengoba ngikhona, kutsho \nd uThixo\nd* Wobukhosi, ngizakuphatha ngokufanele ukuthukuthela lobukhwele owakubonakalisayo ekubazondeni kwakho njalo ngizakwenza mina ngazakale phakathi kwabo lapho sengikwahlulela. 
\v 12 Lapho-ke uzakwazi ukuthi mina \nd Thixo\nd* sengizizwile zonke izinto ezenyanyekayo owazitshoyo ngezintaba zako-Israyeli. Wathi, “Sezichithiwe njalo sezinikelwe kithi ukuba sizitshwabadele.” 
\v 13 Wazikhukhumeza kubi ngami njalo wakhuluma kubi ngami kungekho kuzibamba, njalo ngakuzwa lokho. 
\v 14 Nanku okutshiwo \nd nguThixo\nd* Wobukhosi: Kuzakuthi umhlaba wonke uthokoze, mina ngizakwenza uphundleke. 
\v 15 Ngoba wena wathokoza lapho ilifa lendlu ka-Israyeli lichitheka, leyo yiyo indlela engizakuphatha ngayo. Uzaphundleka, wena Ntaba yeSeyiri, wena kanye le-Edomi yonke. Lapho-ke bazakwazi ukuthi mina \nd nginguThixo\nd*.’ ”
\c 36
\s1 Ithemba Lezintaba Zako-Israyeli
\p
\v 1 “Ndodana yomuntu, phrofetha kuzo izintaba zako-Israyeli uthi: ‘Lina zintaba zako-Israyeli, zwanini ilizwi \nd likaThixo\nd*. 
\v 2 Nanku okutshiwo \nd nguThixo\nd* Wobukhosi: Isitha satsho ngani sathi, “Awu! Iziqongo zasendulo sezibe yilifa lethu.” ’ 
\v 3 Ngakho-ke phrofetha uthi, ‘Nanku okutshiwo \nd nguThixo\nd* Wobukhosi: Ngoba baliphanga njalo balixotsha bevela ezinhlangothini zonke laze laba yilifa lezinye izizwe lento yokunyeywa lokuchothozwa ngabantu, 
\v 4 ngakho-ke, lina zintaba zako-Israyeli, zwanini ilizwi \nd likaThixo\nd* Wobukhosi: Nanku okutshiwo \nd nguThixo\nd* Wobukhosi kuzo izintaba lamaqaqa, ezindongeni lasezigodini, emanxiweni aphundlekileyo lasemadolobheni atshiyiweyo aphangwayo njalo ahlekwa ngezinye izizwe ezikuhanqileyo, 
\v 5 nanku okutshiwo \nd nguThixo\nd* Wobukhosi: Ngokutshiseka kwami okukhulu sengikhulume ngimelana lezinye izizwe njalo lange-Edomi lonke, ngoba ngokuthaba langenzondo ezinhliziyweni zabo benza ilizwe lami elabo ukuze baphange amadlelo alo.’ 
\v 6 Ngakho phrofetha ngelizwe lako-Israyeli uthi kuzo izintaba lamaqaqa, indonga lezigodi: Nanku okutshiwo \nd nguThixo\nd* Wobukhosi: Ngikhuluma ngolaka lwami olulobukhwele ngoba lithwale isithuko sesizwe. 
\v 7 Ngakho-ke nanku okutshiwo \nd nguThixo\nd* Wobukhosi: Ngifunga izandla ziphakanyiselwe phezulu ukuthi izizwe ezilihanqileyo lazo zizathwala isithuko.
\p
\v 8 Kodwa lina, lina zintaba zako-Israyeli, lizaveza ingatsha lezithelo zabantu bami u-Israyeli, ngoba sebezakuza ekhaya masinyane nje. 
\v 9 Ngiyalinqinekela njalo ngizalikhangela ngomusa; lizalinywa lihlanyelwe, 
\v 10 njalo ngizakwandisa inani labantu phezu kwenu, lakuyo yonke indlu ka-Israyeli. Amadolobho kuzahlalwa kuwo futhi lamanxiwa avuselelwe. 
\v 11 Ngizakwandisa inani labantu lelezinyamazana phezu kwenu: njalo kuzazalana kwande. Ngizahlalisa abantu phezu kwenu njengakudala njalo ngizalenza liphumelele kakhulu kulakudala. Lapho-ke lizakwazi ukuthi mina \nd nginguThixo\nd*. 
\v 12 Ngizakwenza abantu, abantu bami bako-Israyeli bahambe phezu kwenu. Bazalenza libe ngababo, njalo lizakuba yilifa labo; kaliyikubemuka abantwana babo futhi.
\p
\v 13 Nanku okutshiwo \nd nguThixo\nd* Wobukhosi: Ngoba abantu bathi kini, ‘Lidla abantu lemuke isizwe senu abantwana baso, 
\v 14 ngakho-ke kaliyikudla abantu futhi loba lenze isizwe senu singabi labantwana, kutsho \nd uThixo\nd* Wobukhosi. 
\v 15 Angiyikulenza lizwe izibhinqo zezizwe, njalo kalisayikuthwala izithuko zabantu loba ngenze ukuba isizwe senu siwe, kutsho \nd uThixo\nd* Wobukhosi.’ ”
\s1 Ukuvuselelwa Kuka-Israyeli Kuyaqiniswa
\p
\v 16 Ilizwi \nd likaThixo\nd* lafika kimi njalo lisithi: 
\v 17 “Ndodana yomuntu, abantu bako-Israyeli besahlala elizweni labo, balingcolisa ngendlela abaziphatha ngayo langezenzo zabo. Ukuziphatha kwabo kwakufana lokungcola kowesifazane kwanyanga zonke emehlweni ami. 
\v 18 Ngakho ngehlisela ulaka lwami phezu kwabo ngoba babechithe igazi elizweni njalo ngoba babelingcolisile ngezithombe zabo. 
\v 19 Ngabachithela phakathi kwezizwe, njalo bahlakazekela emazweni; ngabahlulela ngokufanele ukuziphatha kwabo kanye lezenzo zabo. 
\v 20 Loba ngaphi abaya khona phakathi kwezizwe balingcolisa ibizo lami elingcwele, ngoba kwathiwa ngabo, ‘Laba ngabantu \nd bakaThixo\nd*, kodwa basuswa elizweni.’ 
\v 21 Nganqinekela ibizo lami elingcwele, elangcoliswa yindlu ka-Israyeli phakathi kwezizwe abaya kuzo.
\p
\v 22 Ngakho tshono endlini ka-Israyeli uthi, ‘Nanku okutshiwo \nd nguThixo\nd* Wobukhosi: Akusingenxa yakho, wena ndlu ka-Israyeli, ukuthi ngizakwenza izinto lezi, kodwa ngenxa yebizo lami elingcwele, osulingcolisile phakathi kwezizwe lapho oye khona. 
\v 23 Ngizabonakalisa ubungcwele bebizo elikhulu, eselingcolisiwe phakathi kwezizwe, ibizo osulingcolisile phakathi kwazo. Lapho-ke izizwe zizakwazi ukuthi mina \nd nginguThixo\nd*, kutsho \nd uThixo\nd* Wobukhosi, lapho sengizibonakalisa ngingcwele ngawe phambi kwamehlo azo.
\p
\v 24 Ngoba ngizakususa ezizweni; ngizakuqoqa emazweni wonke ngikubuyisele elizweni lakho. 
\v 25 Ngizakuchela ngamanzi ahlanzekileyo, uzahlambuluka; ngizakuhlambulula kukho konke ukungcola kwakho kanye lakuzo zonke izithombe zakho. 
\v 26 Ngizakunika inhliziyo entsha ngifake lomoya omutsha phakathi kwakho; ngizasusa kuwe inhliziyo yakho yelitshe ngikunike inhliziyo yenyama. 
\v 27 Njalo ngizafaka uMoya wami phakathi kwakho ngikwenze ulandele izimiso zami njalo unanzelele ukugcina imithetho yami. 
\v 28 Lizahlala elizweni engalinika okhokho benu; lizakuba ngabantu bami, mina ngizakuba nguNkulunkulu wenu. 
\v 29 Ngizalikhulula kukho konke ukungcola kwenu. Ngizabiza amabele ngiwenze abe manengi njalo angiyikuletha indlala kini. 
\v 30 Ngizakwandisa izithelo zezihlahla kanye lamabele emasimini, ukuze lingabi lehlazo futhi phakathi kwezizwe ngenxa yendlala. 
\v 31 Lapho-ke lizakhumbula izindlela zenu ezimbi kanye lezono zenu ezingalunganga, njalo lizazizonda lina ngokwenu ngenxa yezono kanye lezenzo zenu ezenyanyekayo. 
\v 32 Ngifuna ukuba likwazi ukuthi lokhu angikwenzeli lina, kutsho \nd uThixo\nd* Wobukhosi. Yangeka ube lenhloni ngenxa yokuziphatha kwakho, wena ndlu ka-Israyeli!
\p
\v 33 Nanku okutshiwo \nd nguThixo\nd* Wobukhosi: Ngosuku engizakuhlambulula ngalo ezonweni zakho zonke, ngizahlalisa abantu emadolobheni akho, njalo lamanxiwa azavuselelwa. 
\v 34 Ilizwe eliphundlekileyo lizalinywa kulokuthi lihlale liphundlekile emehlweni abo bonke abadabula phakathi kwalo. 
\v 35 Bazakuthi, “Ilizwe leli elaselenziwe laba lugwadule selibe njengesivande se-Edeni; amadolobho ayesengamanxiwa, ephundlekile njalo echithekile, khathesi asevikelwe ngezinqaba njalo sekuhlala abantu kuwo.” 
\v 36 Lapho-ke izizwe ezilihanqileyo eziseleyo zizakwazi ukuthi mina \nd Thixo\nd* sengikwakhe kutsha okwakudiliziwe njalo sengikuhlanyele kutsha okwakuphundlekile. Mina \nd Thixo\nd* sengikhulumile njalo ngizakwenza lokhu.’
\p
\v 37 Nanku okutshiwo \nd nguThixo\nd* Wobukhosi: Ngizasivuma njalo isicelo sendlu ka-Israyeli ngibenzele lokhu: Ngizakwenza abantu bakibo babebanengi njengezimvu, 
\v 38 babebanengi njengemihlambi yemihlatshelo eJerusalema ngesikhathi semikhosi yalo emisiweyo. Ngokunjalo amadolobho achithekayo azagcwala ngamaxuku abantu. Lapho-ke bazakwazi ukuthi mina \nd nginguThixo\nd*.”
\c 37
\s1 Isigodi Samathambo Omileyo
\p
\v 1 Isandla \nd sikaThixo\nd* sasiphezu kwami, njalo wangikhuphela phandle ngoMoya \nd kaThixo\nd* wangibeka phakathi kwesigodi; sasigcwele amathambo. 
\v 2 Wangisa emuva laphambili phakathi kwawo, njalo ngabona amathambo amanengi kakhulu phansi esigodini, amathambo ome kakhulu. 
\v 3 Wangibuza wathi, “Ndodana yomuntu, kambe amathambo la angaphila na?”
\p Mina ngathi, “Awu \nd Thixo\nd* Wobukhosi, wena kuphela nguwe owaziyo.”
\p
\v 4 Wasesithi kimi, “Phrofetha emathanjeni la uthi kuwo, ‘Mathambo omileyo, zwanini ilizwi \nd likaThixo\nd*! 
\v 5 Nanku okutshiwo \nd nguThixo\nd* Wobukhosi emathanjeni la: Ngizakwenza umoya ungene phakathi kwenu, njalo lizakuba lokuphila. 
\v 6 Ngizaxhuma imisipha kini ngenze inyama ihlume phezu kwenu njalo ngibeke ijwabu phezu kwenu; ngizafaka umoya phakathi kwenu, njalo lizakuba lokuphila. Lapho-ke lizakwazi ukuthi mina \nd nginguThixo\nd*.’ ”
\p
\v 7 Ngakho ngaphrofitha njengokulaywa kwami. Kwathi ngisaphrofitha, kwaba lomsindo, umsindo okhehlezelayo, njalo amathambo aqoqana ndawonye, ithambo ethanjeni. 
\v 8 Ngakhangela, imisipha lenyama kwavela phezu kwawo kwathi ijwabu lawembesa, kodwa kwakungelamoya phakathi kwawo.
\p
\v 9 Wasesithi kimi, “Phrofetha emoyeni, phrofetha, ndodana yomuntu, uthi kuwo, ‘Nanku okutshiwo \nd nguThixo\nd* Wobukhosi: Woza, wena moya, uvela ezindaweni zonke, uphefumulele kubo ababulawayo, ukuba baphile.’ ” 
\v 10 Ngakho ngaphrofitha njengokungilaya kwakhe, umoya wasungena kuwo; aba lokuphila njalo ema ngenyawo zawo, kulixuku elikhulukazi.
\p
\v 11 Wasesithi kimi: “Ndodana yomuntu, amathambo la ayiyo yonke indlu ka-Israyeli. Bona bathi, ‘Amathambo ethu omile njalo ithemba lethu selitshabalele; sesihunundiwe.’ 
\v 12 Ngakho phrofetha uthi kubo: ‘Nanku okutshiwo \nd nguThixo\nd* Wobukhosi: Awu bantu bami, ngizavula amangcwaba enu ngilivuse kuwo; ngizalibuyisela elizweni lako-Israyeli. 
\v 13 Lapho-ke, lina bantu bami, lizakwazi ukuthi mina \nd nginguThixo\nd*, lapho sengivula amangcwaba enu ngilivusa kuwo. 
\v 14 Ngizafaka uMoya wami phakathi kwenu njalo lizaphila, futhi ngizalihlalisa elizweni lenu. Lapho-ke lizakwazi ukuthi mina \nd Thixo\nd* sengikhulumile, njalo sengikwenzile lokho, kutsho \nd uThixo\nd*.’ ”
\s1 Isizwe Sinye Ngaphansi KweNkosinye
\p
\v 15 Ilizwi \nd likaThixo\nd* lafika kimi lisithi: 
\v 16 “Ndodana yomuntu, thatha uluthi lwesigodo, ulobe kulo ukuthi, ‘NgolukaJuda labako-Israyeli amanyane laye.’ Emva kwalokho thatha olunye njalo uluthi lwesigodo, ulobe kulo ukuthi, ‘Uluthi luka-Efrayimi, olukaJosefa kanye lendlu yonke ka-Israyeli emanyene laye.’ 
\v 17 Zihlanganise ndawonye zibe yiluthi olulodwa ukuze zibe luthilunye esandleni sakho.
\p
\v 18 Lapho abantu bakini bekubuza besithi, ‘Kawuyikusitshela na ukuthi utshoni ngalokhu?’ 
\v 19 uthi kubo, ‘Nanku okutshiwo \nd nguThixo\nd* Wobukhosi: Ngizathatha uluthi lukaJosefa olusesandleni sika-Efrayimi lolwezizwana zako-Israyeli ezimanyene laye, ngiluhlanganise loluthi lukaJuda, ngizenze zibe yiluthi lunye lwesigodo, njalo zizakuba ngolulodwa esandleni sami.’ 
\v 20 Izinti olobe kuzo ziphathe phambi kwamehlo abo 
\v 21 uthi kubo, ‘Nanku okutshiwo \nd nguThixo\nd* Wobukhosi: Ngizakhupha ama-Israyeli ezizweni aya kuzo. Ngizawaqoqa ezindaweni zonke ngiwabuyisele elizweni lawo. 
\v 22 Ngizawenza abe yisizwe sinye elizweni, phezu kwezintaba zako-Israyeli. Kuzakuba lenkosi eyodwa phezu kwabo bonke njalo akuyikuba lezizwe ezimbili futhi kumbe behlukaniswe ukuba yimibuso emibili. 
\v 23 Kabasayikuzingcolisa ngezithombe zabo langezifanekiso zabo ezenyanyekayo loba ngezinye zeziphambeko zabo, ngoba ngizabasindisa kukho konke ukuhlehlela kwabo emuva esonweni, njalo ngizabahlambulula. Bazakuba ngabantu bami, mina ngizakuba nguNkulunkulu wabo.
\p
\v 24 Inceku yami uDavida uzakuba yinkosi yabo, njalo bonke bazakuba lomelusi munye. Bazalandela imithetho yami njalo bananzelele ukugcina izimiso zami. 
\v 25 Bazahlala elizweni engalinika inceku yami uJakhobe, ilizwe lapho oyihlo ababehlala khona. Bona labantwana babo kanye labantwana babantwana babo bazahlala khona kokuphela, njalo uDavida inceku yami uzakuba yinkosana yabo kokuphela. 
\v 26 Ngizakwenza isivumelwano sokuthula labo; sizakuba yisivumelwano esingayikuphela. 
\v 27 Indawo yami yokuhlala izakuba kubo; ngizakuba nguNkulunkulu wabo, njalo bona bazakuba ngabantu bami. 
\v 28 Lapho-ke izizwe zizakwazi ukuthi mina \nd Thixo\nd* ngenza u-Israyeli abengcwele, nxa indlu yami engcwele iphakathi kwabo nini lanini.’ ”
\c 38
\s1 Isiphrofethi Ngokumelana LoGogi
\p
\v 1 Ilizwi \nd likaThixo\nd* lafika kimi lisithi: 
\v 2 “Ndodana yomuntu, khangelisa ubuso bakho bumelane loGogi, owaselizweni laseMagogi, inkosana enkulu yaseMesheki kanye laseThubhali; phrofetha kubi ngaye 
\v 3 uthi: ‘Nanku okutshiwo \nd nguThixo\nd* Wobukhosi: Ngimelana lawe, wena Gogi, nkosana enkulu yaseMesheki kanye laseThubhali. 
\v 4 Ngizakutshibilikisa, ngifake amawuka emihlathini yakho ngikukhuphe lebutho lakho lonke, amabhiza akho, abagadi bamabhiza bakho behlome bephelele, lexuku elikhulukazi lilamahawu amancane lamakhulu, bonke benyikinya izinkemba zabo. 
\v 5 IPhezhiya, leKhushi kanye lePhuthi bazakuba belabo, bonke belamahawu lezingowane, 
\v 6 njalo leGomeri lamabutho ayo wonke, kanye leBhethi Thogarima ivela khatshana enyakatho lamabutho ayo wonke, izizwe ezinengi ezilawe.
\p
\v 7 Lunga; zilungisele, wena kanye lamaxuku wonke abuthene emaceleni akho wonke, uwalawule. 
\v 8 Emva kwensuku ezinengi uzabizelwa empini. Eminyakeni ezayo uzahlasela ilizwe eselisindile empini, elilabantu balo ababuthwa ezizweni ezinengi basiwa ezintabeni zako-Israyeli ezaziphundlekile okwesikhathi eside. Babekhutshiwe ezizweni, khathesi bonke bahlezi ekuvikelekeni. 
\v 9 Wena lamabutho akho wonke kanye lezizwe ezinengi ezilawe lizakuya khonale, liqhubeka njengesiphepho; lizakuba njengeyezi lisibekele ilizwe.
\p
\v 10 Lokhu yikho okutshiwo \nd nguThixo\nd* Wobukhosi: Ngalolosuku kuzafika imicabango engqondweni yakho njalo uzaceba isu elibi. 
\v 11 Uzakuthi, “Ngizahlasela ilizwe elilemizi engelamithangala; ngizahlasela abantu abalokuthula abanganakaneli lutho, bonke abahlezi bengelamithangala njalo bengelamasango lemigoqo. 
\v 12 Ngizaphanga njalo ngithumbe ngiphinde ngiguqulele isandla sami ekumeleni amanxiwa asahlaliswa abantu lasebantwini abaqoqwa ezizweni, abalezifuyo ezinengi lempahla, abahlala enkabeni yelizwe.” 
\v 13 IShebha leDedani kanye labathengisi bonke baseThashishi lemizi yalo yonke bazakuthi kuwe, “Lande ukuzaphanga na? Uqoqe amaxuku akho ukuba uthumbe, uthathe isiliva legolide, uthathe izifuyo kanye lempahla njalo uthumbe impango enengi na?” ’
\p
\v 14 Ngakho, ndodana yomuntu, phrofetha uthi kuGogi: ‘Nanku okutshiwo \nd nguThixo\nd* Wobukhosi: Ngalolosuku, lapho abantu bami u-Israyeli sebehlala ekuvikelweni, kawuyikukubona na? 
\v 15 Uzakuza uvela endaweni yakho khatshana le enyakatho, wena kanye lezizwe ezinengi ezilawe, zonke zigade amabhiza, ixuku elikhulukazi, ibutho elilamandla. 
\v 16 Uzaqhubeka umelana labantu bami u-Israyeli njengeyezi elisibekele ilizwe. Ensukwini ezizayo, wena Gogi, ngizakwenza umelane lelizwe lami, ukuze izizwe zingazi lapho sengizibonakalisa ngingcwele ngawe phambi kwazo.
\p
\v 17 Nanku okutshiwo \nd nguThixo\nd* Wobukhosi: Kanti kawusuwe yini engakhuluma ngawe ensukwini zakudala ngezinceku zami abaphrofethi bako-Israyeli na? Ngalesosikhathi baphrofetha iminyaka eminengi ukuthi ngangizakwenza umelane labo. 
\v 18 Nanku okuzakwenzakala ngalolosuku: Lapho uGogi esehlasela ilizwe lako-Israyeli ulaka lwami oluvuthayo luzavuka, kutsho \nd uThixo\nd* Wobukhosi. 
\v 19 Ngokutshiseka kwami langolaka lwami oluvuthayo ngithi ngalesosikhathi kuzakuba lokuzamazama komhlaba okukhulu elizweni lako-Israyeli. 
\v 20 Inhlanzi zasolwandle, izinyoni zasemoyeni, izinyamazana zeganga, zonke izidalwa ezihamba phansi, labantu bonke abasemhlabeni kuzathuthumela ngokuba khona kwami. Izintaba zizagenqulwa, amawa azabhidlika njalo lemiduli yonke izawela phansi. 
\v 21 Ngizalaya inkemba imelane loGogi kuzozonke izintaba zami, kutsho \nd uThixo\nd* Wobukhosi. Inkemba yomuntu ngamunye izamelana lomfowabo. 
\v 22 Ngizamahlulela ngesifo langokuchithwa kwegazi; ngizathululela phansi izihlambi zezulu, isiqhotho lesolufa etshisayo phezu kwakhe laphezu kwamabutho akhe kanye laphezu kwezizwe ezinengi ezilaye. 
\v 23 Ngalokho ngizabonakalisa ubukhulu bami lobungcwele bami, njalo ngizakwenza ngazakale phambi kwezizwe ezinengi. Lapho-ke bazakwazi ukuthi mina \nd nginguThixo\nd*.’ ”
\c 39
\s1 Impi KaGogi Iyatshabalaliswa
\p
\v 1 “Ndodana yomuntu, phrofetha kubi ngoGogi uthi, ‘Nanku okutshiwo \nd nguThixo\nd* Wobukhosi: Ngimelana lawe, wena Gogi, nkosana enkulu yaseMesheki kanye laseThubhali. 
\v 2 Ngizakutshibilikisa ngikuhudule. Ngizakuthatha khatshana enyakatho ngikuse ekumelaneni lezintaba zako-Israyeli. 
\v 3 Lapho-ke ngizatshaya idandili lakho esandleni senxele ngenze imitshoko yakho iwe esandleni sakho sokudla. 
\v 4 Phezu kwezintaba zako-Israyeli uzakuwa, wena lamabutho akho kanye lezizwe ezilawe. Ngizakunikela kuzozonke izinhlobo zezinyoni ezidla ingcuba kanye lasezinyamazaneni zeganga. 
\v 5 Uzafela egangeni, ngoba sengikhulumile, kutsho \nd uThixo\nd* Wobukhosi. 
\v 6 Ngizathumela umlilo eMagogi lakulabo abahlezi ngokuvikeleka emazweni angasolwandle, njalo bazakwazi ukuthi mina \nd nginguThixo\nd*.
\p
\v 7 Ngizakwenza ibizo lami elingcwele lazakale phakathi kwabantu bami u-Israyeli. Kangisayikuyekela ibizo lami elingcwele lingcoliswa futhi, lezizwe zizakwazi ukuthi mina \nd Thixo\nd* ngingoNgcwele ka-Israyeli. 
\v 8 Kuyeza! Kuzakwenzakala impela, kutsho \nd uThixo\nd* Wobukhosi. Lolu yilo usuku engakhuluma ngalo.
\p
\v 9 Lapho-ke labo abahlala emadolobheni ako-Israyeli bazaphuma basebenzise izikhali njengenkuni bazibase zitshe amahawu amancane lamakhulu, amadandili lemitshoko, izagila zempi kanye lemikhonto. Bazazisebenzisa ekubaseni umlilo iminyaka eyisikhombisa. 
\v 10 Akuyikusweleka ukuba batheze inkuni egangeni loba bazigamule emahlathini, ngoba bazabasa izikhali. Njalo bazaphanga labo ababaphangayo bathathele lalabo ababathathelayo, kutsho \nd uThixo\nd* Wobukhosi.
\p
\v 11 Ngalolosuku uGogi ngizamupha indawo yokungcwabela ko-Israyeli, esigodini salabo abahamba besiya empumalanga beqonde elwandle. Sizavimba indlela yezihambi, ngoba uGogi lamaxuku akhe wonke bazangcwatshwa khonapho. Ngakho sizabizwa ngokuthi yisiGodi sikaHamoni Gogi.
\p
\v 12 Indlu ka-Israyeli izabangcwaba izinyanga eziyisikhombisa ukuze kuhlanjululwe ilizwe. 
\v 13 Abantu bonke belizwe bazabangcwaba, njalo usuku engizadunyiswa ngalo luzakuba lusuku olukhunjulwayo kubo, kutsho \nd uThixo\nd* Wobukhosi. 
\v 14 Abantu bazakuba beqhatshwa ngezikhathi ukuba bahlambulule ilizwe. Abanye bazahamba ilizwe lonke njalo, phezu kwabo, abanye bazangcwaba labo abasala phezu komhlabathi.
\p Ekupheleni kweminyaka eyisikhombisa bazaqalisa ukudinga kwabo. 
\v 15 Behamba phakathi kwelizwe omunye wabo angabona ithambo lomuntu, uzamisa isibonakaliso phansi kwalo abagebhi bamangcwaba baze balimbele esiGodini sikaHamoni Gogi. 
\v 16 Idolobho elithiwa yiHamona lalo lizakuba khonapho. Ilizwe bazalihlambulula kanjalo.’
\p
\v 17 Ndodana yomuntu, nanku okutshiwo \nd nguThixo\nd* Wobukhosi: Memezela kuzozonke inhlobo zezinyoni lakuzo zonke izinyamazana zeganga uthi: ‘Buthanani livela ezindaweni zonke lize ndawonye emhlatshelweni engililungisela wona, umhlatshelo omkhulu phezu kwezintaba zako-Israyeli. Lapho lizakudla inyama linathe igazi. 
\v 18 Lizakudla inyama yamadoda alamandla linathe legazi lezikhulu zasemhlabeni kube angathi bebezinqama lamawundlu, imbuzi lenkunzi, konke kuyizifuyo ezinonisiweyo ezivela eBhashani. 
\v 19 Emhlatshelweni engililungisela wona, lizakudla amahwahwa lize lisuthisise njalo linathe legazi lize lidakwe. 
\v 20 Etafuleni lami lizakudla lisuthe amabhiza labagadi, amadoda alamandla kanye lamabutho ezinhlobo zonke,’ ” kutsho \nd uThixo\nd* Wobukhosi.
\p
\v 21 “Ngizabonakalisa inkazimulo yami phakathi kwezizwe, njalo izizwe zonke zizasibona isijeziso engisilethayo lesandla engisibeka phezu kwabo. 
\v 22 Kusukela ngalolosuku kusiya phambili indlu ka-Israyeli izakwazi ukuthi mina \nd nginguThixo\nd* uNkulunkulu wabo. 
\v 23 Lezizwe zizakwazi ukuthi abantu bako-Israyeli bathunjwa ngenxa yesono sabo, ngoba ngabanikela ezitheni zabo, njalo bonke babulawa ngenkemba. 
\v 24 Ngabaphatha ngokufanele ukungcola kwabo kanye leziphambeko zabo, njalo ngabafihlela ubuso bami.
\p
\v 25 Ngakho-ke nanku okutshiwo \nd nguThixo\nd* Wobukhosi: Khathesi sengizambuyisa uJakhobe evela ekuthunjweni njalo ngizatshisekela ibizo lami elingcwele. 
\v 26 Bazalikhohlwa ihlazo labo lakho konke ukungathembeki abakwenza kimi lapho babehlezi bevikelekile elizweni labo engekho owayengabenza besabe. 
\v 27 Lapho sengibabuyisile bevela ezizweni njalo sengibaqoqile bevela emazweni ezitha zabo, ngizazibonakalisa ngingcwele ngabo phambi kwezizwe ezinengi. 
\v 28 Lapho-ke bazakwazi ukuthi mina \nd nginguThixo\nd* uNkulunkulu wabo, ngoba lanxa ngabasa ekuthunjweni phakathi kwezizwe, ngizabaqoqela elizweni labo, ngingatshiyi lamunye emuva. 
\v 29 Kangisayikubafihlela ubuso bami futhi, ngoba ngizathululela uMoya wami phezu kwendlu ka-Israyeli, kutsho \nd uThixo\nd* Wobukhosi.”
\c 40
\s1 Indawo YeThempeli Elitsha
\p
\v 1 Ngomnyaka wamatshumi amabili lanhlanu wokuthunjwa kwethu, ekuqaliseni komnyaka, ngosuku lwetshumi lwenyanga, ngomnyaka wetshumi lane emva kokuthunjwa kwedolobho, ngalolosuku isandla \nd sikaThixo\nd* sasiphezu kwami njalo wangithatha wangisa khona. 
\v 2 Ngemibono kaNkulunkulu wangisa elizweni lako-Israyeli wangibeka phezu kwentaba ende kakhulu, eceleni langaseningizimu kwayo kulezindlu ezazingathi lidolobho. 
\v 3 Wangisa khonapho, ngasengibona umuntu owayengathi lithusi, wayemi esangweni esandleni ephethe intambo yelineni loluthi lokulinganisa. 
\v 4 Umuntu lowo wathi kimi, “Ndodana yomuntu, khangela ngamehlo akho njalo uzwe ngezindlebe zakho, uqaphelisise konke engizakutshengisa khona, ngoba leso yiso isizatho osilethelwe lapha. Tshela indlu yako-Israyeli konke okubona lapha.”
\s1 Isango Lasempumalanga Eliya Egumeni Laphandle
\p
\v 5 Ngabona umduli uzingeleze ithempeli ngokupheleleyo. Ubude boluthi lokulinganisa olwaluphethwe ngumuntu lowo babuzingalo eziyisithupha, eyodwa kuyingalo lobubanzi besandla. Walinganisa umduli; ubuqatha bawo babululuthi lokulinganisa olulodwa lobude bululuthi olulodwa.
\p
\v 6 Emva kwalokho waya esangweni elikhangele empumalanga. Wakhwela ngezinyathelo zalo walinganisa umbundu wesango; wawululuthi olulodwa ukutshona kwawo. 
\v 7 Izindlwana zabalindi zaziluluthi olulodwa ubude loluthi olulodwa ububanzi; imiduli eyayiphumele emikhandlweni yezindlwana yayizingalo ezinhlanu ubuqatha. Umbundu wesango eduze lentuba ekhangele ithempeli wawuyingalo eyodwa ukutshona kwawo.
\p
\v 8 Wabuya walinganisa intuba yesango; 
\v 9 yayizingalo ezificaminwembili ukutshona kwalo lezinsika zalo zazizingalo ezimbili. Intuba yesango yayikhangele ethempelini.
\p
\v 10 Ngaphakathi kwesango langasempumalanga kwakulezindlwana ezintathu icele ngalinye; zontathu izilinganiso zazo zazifanana, lobuso bemiduli eyayiphumele phambili izilinganiso zabo amacele wonke zazifanana. 
\v 11 Wabuya walinganisa ububanzi bentuba yokuya esangweni; babuzingalo ezilitshumi lobude bayo buzingalo ezilitshumi lantathu. 
\v 12 Phambi kwendlwana ngayinye kwakulomduli owawuyingalo eyodwa ukuphakama kwawo, njalo izindlwana zizingalo eziyisithupha icele ngalinye. 
\v 13 Walinganisa isango kusukela phezu komduli ongemuva kwenye indlwana kusiya phezu kwenye emaqondana layo; ibanga lalizingalo ezingamatshumi amabili lanhlanu kusukela emnyango womunye umduli omncane kusiya komaqondana lawo. 
\v 14 Walinganisa elandela ubuso bemiduli ephumele phandle konke langaphakathi kwesango kwaba zingalo ezingamatshumi ayisithupha. Ukulinganisa kwakufike esangweni elikhangele iguma. 
\v 15 Ibanga kusukela ekungeneni kwesango kusiya ekucineni kwesango lalo lalizingalo ezingamatshumi amahlanu. 
\v 16 Phezu kwezindlwana lemiduli ephumele phandle ngaphakathi kwesango kwakulezikhadlanyana indawo yonke emdulini omncane, lalinjalo lentuba; izikhadlanyana indawana yonke zazikhangele ngaphakathi. Ubuso bemiduli ephumele phandle babuceciswe ngezihlahla zelala.
\s1 Iguma Langaphandle
\p
\v 17 Emva kwalokho wangisa egumeni elingaphandle. Lapho ngabona izindlu lendawo yokuhamba egandelweyo izingeleze iguma lonke; kwakulezindlu ezingamatshumi amathathu ezazisekele indawo egandelweyo. 
\v 18 Yayeyame amacele amasango njalo ububanzi bayo babulingana lobude bawo; le yayiyindawo engaphansi yokuhamba egandelweyo. 
\v 19 Wabuye walinganisa ibanga elisukela ngaphakathi kwesango langaphansi lisiyafika egumeni langaphakathi; lalizingalo ezilikhulu eceleni lasempumalanga kanye lasenyakatho.
\s1 Isango Lasenyakatho
\p
\v 20 Wabuya walinganisa ubude lobubanzi besango elikhangele enyakatho, elokuya egumeni laphandle. 
\v 21 Izikhala zalo ezintathu icele ngalinye, imiduli yalo ephumele phandle lentuba yalo kwakulingana lokwesango lakuqala. Kwakuzingalo ezingamatshumi amahlanu ubude lezingalo ezingamatshumi amabili lanhlanu ububanzi. 
\v 22 Izikhadlanyana zalo, intuba yalo kanye lemiceciso yezihlahla zelala, ubude lobubanzi bakho, kwakulingana lokwesango elikhangele empumalanga. Kwakungamanyathelo ayisikhombisa ukuya kulo, lilentuba yalo maqondana lawo. 
\v 23 Kwakulesango egumeni langaphakathi likhangele isango lasenyakatho, njengelalikhona empumalanga. Walinganisa esuka kwelinye isango kusiya kwelimaqondana lalo; kwakuzingalo ezilikhulu.
\s1 Isango Laseningizimu
\p
\v 24 Wabuya wangisa eceleni langaseningizimu ngabona isango elalikhangele eningizimu. Walinganisa izinsika zalo lentuba yalo, ubude lobubanzi bakho babulingana lobokunye. 
\v 25 Isango lentuba yalo kwakulezikhala ezincane indawo yonke njengezikhala zokunye. Lalizingalo ezingamatshumi amahlanu ubude lezingalo ezingamatshumi amabili lanhlanu ububanzi. 
\v 26 Kwakungamanyathelo ayisikhombisa ukuya kulo, intuba yalo imaqondana lawo; lalilemiceciso yesihlahla selala ebusweni bemiduli eyayiphumele phambili icele ngalinye. 
\v 27 Iguma langaphakathi lalo lalilesango elikhangele eningizimu, njalo walinganisa esuka kuleli isango kusiya esangweni langaphandle eceleni laseningizimu; lalizingalo ezilikhulu.
\s1 Amasango Okungena Egumeni Langaphakathi
\p
\v 28 Wabuya wangingenisa egumeni langaphakathi ngesango laseningizimu, waselinganisa isango laseningizimu; ubude lobubanzi balo babulingana lobamanye. 
\v 29 Izindlwana zalo, imiduli yalo ephumele phambili kanye lentuba yalo, ubude lobubanzi bakho babulingana lobokunye. Isango lentuba yalo kwakulezikhala indawo yonke. Lalizingalo ezingamatshumi amahlanu ubude lamatshumi amabili lanhlanu ububanzi. 
\v 30 (Amangenelo amasango ayezingeleze iguma langaphakathi ayezingalo ezingamatshumi amabili lanhlanu lezingalo ezinhlanu ukutshona.) 
\v 31 Intuba yalo yayikhangele iguma langaphandle; izihlahla zelala zazicecise izinsika zalo, njalo lamanyathelo ayisificaminwembili ayesiya kulo.
\p
\v 32 Wabuya wangisa egumeni langaphakathi, eceleni lasempumalanga, waselinganisa isango; ubude lobubanzi balo babulingana lobamanye. 
\v 33 Izindlwana zalo, imiduli yalo ephumele phambili kanye lentuba yalo, ubude lobubanzi bakho babulingana lobokunye. Isango lentuba yalo kwakulezikhala indawo yonke. Lalizingalo ezingamatshumi amahlanu ubude balo lezingalo ezingamatshumi amabili lanhlanu ububanzi balo. 
\v 34 Intuba yalo yayikhangele iguma langaphandle; izihlahla zelala zazicecise izinsika zalo amacele womabili, njalo amanyathelo ayisificaminwembili ayesiya kulo.
\p
\v 35 Wabuya wangisa esangweni lasenyakatho walilinganisa. Ubude lobubanzi balo babulingana lobamanye, 
\v 36 zinjalo lezindlwana zalo, imiduli yalo ephumele phambili kanye lentuba yalo, njalo yayilezikhala indawo yonke. Lalizingalo ezingamatshumi amahlanu ubude balo lezingalo ezingamatshumi amabili lanhlanu ububanzi balo. 
\v 37 Intuba yalo yayikhangele iguma langaphandle; izihlahla zelala zazicecise izinsika zalo amacele womabili, njalo amanyathelo ayisificaminwembili ayesiya kulo.
\s1 Izindlu Zokulungisela Imihlatshelo
\p
\v 38 Indlu eyayilomnyango yayiseduze lentuba kulelo lalelo isango langaphakathi, lapho iminikelo yokutshiswa eyayigeziselwa khona. 
\v 39 Entubeni lesango kwakulamatafula amabili icele ngalinye, lapho okwakuhlatshelwa khona iminikelo yokutshiswa, iminikelo yesono kanye leminikelo yecala. 
\v 40 Phansi komduli wangaphandle owengenelo lesango, eduze kwamanyathelo ekungeneni kwesango lasenyakatho kwakulamatafula amabili. 
\v 41 Ngakho kwakulamatafula amane kwelinye icele lesango lamane njalo kwelinye, amatafula ayisificamunwemunye esewonke, phezu kwawo yikho okwakuhlatshelwa khona imihlatshelo. 
\v 42 Kwakulamatafula amane futhi awamatshe abaziweyo awomnikelo wokutshiswa, lilinye liyingalo eyodwa lengxenye ubude, ingalo eyodwa lengxenye ububanzi kanye lengalo eyodwa ukuphakama kwalo. Izinto zokuhlaba umnikelo wokutshiswa leminye imihlatshelo zazibekwa phezu kwawo. 
\v 43 Njalo kwakulezingwegwe ezigwegwa inxa zonke, enye lenye ingangobubanzi besandla ubude bayo, zixhunyelwe emdulini indawo yonke. Amatafula ayengawenyama yeminikelo.
\s1 Izindlu ZabaPhristi
\p
\v 44 Ngaphandle kwesango langaphakathi, phakathi kweguma langaphakathi, kwakulezindlu ezimbili, enye iseceleni lesango lenyakatho njalo ikhangele eningizimu, enye njalo iseceleni lesango langaseningizimu njalo ikhangele enyakatho. 
\v 45 Wathi kimi, “Indlu ekhangele eningizimu ngeyabaphristi abaphethe ithempeli, 
\v 46 njalo indlu ekhangele enyakatho ngeyabaphristi abaphethe i-alithari. Laba bangamadodana kaZadokhi abayibona baLevi kuphela abangasondela phansi \nd kukaThixo\nd* ukuba bamkhonze.”
\p
\v 47 Emva kwalokho walinganisa iguma: Lalilingana inxa zonke, lalizingalo ezilikhulu ubude lezingalo ezilikhulu ububanzi. I-alithari laliphansi kwethempeli.
\s1 IThempeli
\p
\v 48 Wabuya wangisa entubeni lethempeli waselinganisa izinsika zengenelo; zazizingalo ezinhlanu ububanzi amacele womabili. Ububanzi bentuba babuzingalo ezilitshumi lane njalo imiduli yayo ephumele phandle ububanzi bayo babuzingalo ezintathu amacele womabili. 
\v 49 Intuba lalizingalo ezingamatshumi amabili ububanzi, lezingalo ezilitshumi lambili kusukela phambili kusiya emuva. Kulo kwakufikwa ngezinyathelo, njalo kwakulezisekelo emaceleni wonke ezinsika.
\c 41
\p
\v 1 Emva kwalokho umuntu lowo wangisa endaweni engcwele phandle walinganisa izinsika; ububanzi bezinsika babuzingalo eziyisithupha icele ngalinye. 
\v 2 Intuba yayizingalo ezilitshumi ububanzi bayo. Imiduli ephumele phambili eceleni ngalinye layo yayizingalo ezinhlanu ububanzi bayo. Walinganisa lendawo engcwele yaphandle; yayizingalo ezingamatshumi amane ubude bayo lezingalo ezingamatshumi amabili ububanzi.
\p
\v 3 Wangena endaweni engcwele yangaphakathi walinganisa izinsika zentuba; nganye zazizingalo ezimbili ububanzi. Intuba yayizingalo eziyisithupha ububanzi, lemiduli ephumele phambili eceleni ngalinye yayizingalo eziyisikhombisa ububanzi. 
\v 4 Walinganisa lobude bendawo engcwele yangaphakathi; babuzingalo ezingamatshumi amabili; lobubanzi bayo babuzingalo ezingamatshumi amabili ngale kwendawo engcwele yangaphandle. Wathi kimi, “Le yindawo eNgcwele kakhulu.”
\p
\v 5 Emva kwalokho walinganisa umduli wethempeli; wawuyizingalo eziyisithupha ubuqatha, njalo enye lenye yezindlu zasemaceleni ezazihanqe ithempeli yayizingalo ezine ububanzi. 
\v 6 Izindlu zasemaceleni zazelekene ngezigaba ezintathu, enye phezu kwenye, amatshumi amathathu mzila munye. Kwakulezisekelo emdulini wonke wethempeli ezazisekela izindlu zasemaceleni ukuze izinsika zingakhelwa phakathi komduli wethempeli. 
\v 7 Izindlu zasemaceleni ezazizingelezele ithempeli zazibanzi phezulu kusukela kwenye indlu kusiya kwenye engaphezu kwayo. Izakhiwo ezazizingelezele ithempeli zazakhiwe zingamabanga akhwelayo esiya phezulu, okwenza izindlu zibe banzi nxa umuntu esiya phezulu. Kwakulamakhwelelo ayesuka ezindlini ezingaphansi esiya kweziphezulu edlula ezindlini eziphakathi.
\p
\v 8 Ngabona ukuthi ithempeli lalilombundu olizingelezileyo owawuyisonasisekelo sezindlu zasemaceleni. Wawulingana loluthi, uzingalo eziyisithupha ubude. 
\v 9 Umduli wangaphandle wezindlu zasemaceleni wawuzingalo ezinhlanu ubuqatha bawo. Indawo eligceke phakathi kwezindlu zasemaceleni zethempeli 
\v 10 lezindlu zabaphristi yayizingalo ezingamatshumi amabili ububanzi bayo inxa zonke zethempeli. 
\v 11 Kwakulentuba zokuya ezindlini zasemaceleni zivelela endaweni eligceke, elinye enyakatho lelinye eningizimu; njalo isisekelo esasixhumane lendawo eligceke sasizingalo ezinhlanu inxa zonke.
\p
\v 12 Indlu eyayikhangele iguma lethempeli eceleni lasentshonalanga yayizingalo ezingamatshumi ayisikhombisa ububanzi bayo. Umduli wendlu leyo wawuzingalo ezinhlanu ubuqatha bawo indawo zonke, ubude bawo buzingalo ezingamatshumi ayisificamunwemunye munye.
\p
\v 13 Waselinganisa ithempeli; lalizingalo ezilikhulu ubude balo, leguma lethempeli lendlu kanye lemiduli yalo lakho kwakuzingalo ezilikhulu ubude. 
\v 14 Ububanzi beguma lethempeli ngasempumalanga, kanye langaphambi kwethempeli, babuzingalo ezilikhulu.
\p
\v 15 Waselinganisa ubude bendlu eyayikhangele iguma ngemva kwethempeli, kanye lemiduli yayo icele ngalinye; babuzingalo ezilikhulu.
\p Indawo engcwele yangaphandle, lendawo engcwele yangaphakathi lentuba elikhangele iguma, 
\v 16 kanye leminyango lamawindi amancane kanye lemiduli ezingeleze ezintathu zakhona, konke okuphambili laphaya kubalwa leminyango kwakuvalwe ngamapulanka. Iphansi, imiduli kusiya phezulu emawindini, kanye lamawindi kwakuvaliwe. 
\v 17 Indawo eyayiphezu kwangaphandle kwesango lendawo engcwele yangaphakathi kanye lasemidulini izibanga ezilinganayo inxa zonke zendawo engcwele engaphakathi lengaphandle 
\v 18 kwakulamakherubhi abaziweyo kanye lezihlahla zelala. Izihlahla zelala zazigabana lamakherubhi. Ikherubhi ngalinye lalilobuso obubili: 
\v 19 ubuso bomuntu obukhangele esihlahleni selala kwelinye icele, lobuso besilwane obukhangele esihlahleni selala ngakwelinye icele. Kwakubaziwe inxa zonke zethempeli. 
\v 20 Kusukela phansi kusiya ngaphezu kwesango, amakherubhi lezihlahla zelala kwakubaziwe emdulini wendawo engcwele yangaphandle.
\p
\v 21 Indawo engcwele yangaphandle yayilemigubazi emide ukuyaphezulu imifitshane ukunquma kwayo njalo leyaphambili kweNdawo eNgcwele kakhulu yayinjalo. 
\v 22 Kwakule-alithare lezigodo lizingalo ezimbili ukuphakama kwalo njalo lizingalo ezimbili ubude lobubanzi; izingosi zalo, lesidindi salo kanye lamacele alo kwakwenziwe ngezigodo. Umuntu lowo wathi kimi, “Leli litafula eliphambi \nd kukaThixo\nd*.” 
\v 23 Kokubili indawo engcwele yangaphandle leNdawo eNgcwele kakhulu kwakulezivalo ezimbili. 
\v 24 Isivalo ngasinye sasilempiko ezimbili, impiko ezimbili ezivulekayo zisesivalweni sinye ngasinye. 
\v 25 Njalo ezivalweni zendawo engcwele yangaphandle kwakulamakherubhi abaziweyo kanye lezihlahla zelala njengokwakubazelwe emidulini, njalo kwakulophahla lwezigodo ngaphambi kwesango. 
\v 26 Emidulini yemaceleni yengenelo kwakulamawindi amancane alezihlahla zelala ezibazelwe kucele ngalinye. Izindlu zemaceleni zethempeli lazo zazilophahla.
\c 42
\s1 Izindlu ZabaPhristi
\p
\v 1 Umuntu lowo wangikhokhelela enyakatho egumeni langaphandle wangisa ezindlini eziqondane leguma lethempeli maqondana lomduli waphandle eceleni lasenyakatho. 
\v 2 Indlu elomnyango owawukhangele enyakatho yayizingalo ezilikhulu ubude lezingalo ezingamatshumi amahlanu ububanzi. 
\v 3 Kokubili ehlangothini izingalo ezingamatshumi amabili kusukela egumeni langaphakathi lasehlangothini oluqondane lendawo egandelweyo yeguma langaphandle, umduli wawukhangele umduli ezigabeni ezintathu. 
\v 4 Phambi kwezindlu kwakulendawo yokuhamba izingalo ezilitshumi ububanzi lezingalo ezilikhulu ubude. Iminyango yazo yayingenyakatho. 
\v 5 Izindlu zangaphezulu zazincane ngoba imikhandlu yayithethe indawo enengi kuzo kulezindlini ezingaphansi leziphakathi zesakhiwo. 
\v 6 Izindlu zaphezulu zazingelansika, njengamaguma ayelazo, ngakho iphansi lazo lalilincane kulalezo ezazisesitezi esingaphansi lesiphakathi. 
\v 7 Kwakulomduli wangaphandle owawusekelene lezindlu kanye leguma langaphandle; wawuquma ngaphambi kwezindlu okwezingalo ezingamatshumi amahlanu. 
\v 8 Lanxa udwendwe lwezindlu eceleni elaliseduze leguma langaphandle lwaluzingalo ezingamatshumi amahlanu ubude, udwendwe olwaluseceleni eliseduze lendlu engcwele lwaluzingalo ezilikhulu ubude. 
\v 9 Izindlu zangaphansi zazilentuba ngasempumalanga lapho umuntu angena lakhona evela egumeni langaphandle.
\p
\v 10 Eceleni langaseningizimu kulandela ubude bomduli weguma langaphandle, kuxhume iguma lethempeli maqondana lomduli wangaphandle, kwakulezindlu 
\v 11 ezilendawo yokuhamba phambi kwazo. Lezi zazinjengezindlu ezingenyakatho; ubude lobubanzi bazo babulingana, zileminyango yokuphuma efananayo kanye lobukhulu. Njengeminyango yangenyakatho, 
\v 12 iminyango yezindlu zangaseningizimu layo yayinjalo. Kwakulomnyango ekuqaliseni kwendawo yokuhamba eyayisekelane lomduli owawuhambelana layo usiya empumalanga, okuyiwo umuntu owayengena ngawo ezindlini.
\p
\v 13 Wasesithi kimi, “Izindlu ezingenyakatho leziseningizimu ezikhangele iguma lethempeli yizindlu zabaphristi lapho abaphristi abasondela \nd kuThixo\nd* abazadlela khona iminikelo engcwele kakhulu. Bazayibeka khonapho iminikelo engcwele kakhulu, iminikelo yamabele, iminikelo yesono kanye leminikelo yecala ngoba indawo ingcwele. 
\v 14 Abaphristi bangavele bangene endaweni engcwele, akumelanga baye egumeni langaphandle baze batshiye ngemuva izembatho abakhonza bezigqokile, ngoba lezi zingcwele. Kumele bagqoke ezinye izigqoko bengakayi eduze lezindawo ezingezabantu.”
\p
\v 15 Wathi eseqede ukulinganisa okwakuphakathi kwendawo yethempeli, wangisa phandle ngesango lasempumalanga walinganisa indawo yonke. 
\v 16 Walinganisa icele lasempumalanga ngoluthi lokulinganisa; lalizingalo ezingamakhulu amahlanu. 
\v 17 Walinganisa icele lasenyakatho; lalizingalo ezingamakhulu amahlanu ngoluthi lokulinganisa. 
\v 18 Walinganisa icele laseningizimu; lalizingalo ezingamakhulu amahlanu ngoluthi lokulinganisa. 
\v 19 Waphendukela eceleni langasentshonalanga walinganisa; lalizingalo ezingamakhulu amahlanu ngoluthi lokulinganisa. 
\v 20 Ngakho walinganisa indawo yamacele wonke amane. Yayilomduli owawuyizingelezele, izingalo ezingamakhulu amahlanu ubude lezingalo ezingamakhulu amahlanu ububanzi, ukwehlukanisa okungcwele kokwabantu bonke.
\c 43
\s1 Inkazimulo \nd KaThixo\nd* Ibuyela EThempelini
\p
\v 1 Emva kwalokho umuntu lowo wangisa esangweni elikhangele empumalanga, 
\v 2 ngabona inkazimulo kaNkulunkulu ka-Israyeli isiza ivela empumalanga. Ilizwi lakhe lalinjengokuhamba kwamanzi ageleza ngesiqubu esikhulu, lelizwe laselikhazimula ngenkazimulo yakhe. 
\v 3 Umbono engawubonayo wawunjengombono engangiwubone lapho wayezediliza idolobho njalo wawunjengombono engangiwubone ngasemfuleni iKhebhari, ngathi mbo phansi ngobuso. 
\v 4 Inkazimulo \nd kaThixo\nd* yangena ethempelini ngesango elikhangele empumalanga. 
\v 5 UMoya wangiphakamisa wangisa egumeni langaphakathi, njalo inkazimulo \nd kaThixo\nd* yagcwala ethempelini.
\p
\v 6 Kwathi umuntu lowo emi phansi kwami, ngezwa omunye engikhulumisa engaphakathi kwethempeli. 
\v 7 Wathi, “Ndodana yomuntu, le yindawo yesihlalo sami sobukhosi lendawo yokunyathela ngezinyawo zami. Lapha yikho engizahlala khona phakathi kwama-Israyeli kuze kube laphakade. Indlu ka-Israyeli kayisayikulingcolisa futhi ibizo lami, bona loba amakhosi abo, ngobuwule babo langezithombe ezingaphiliyo zamakhosi abo ezindaweni zawo eziphakemeyo. 
\v 8 Lapho babeka iminyango yabo phansi komnyango wami lemigubazi yabo eceleni kwemigubazi yami, kulomduli nje kuphela phakathi kwami labo, bangcolisa ibizo lami ngezenzo zabo ezinengekayo. Ngakho ngabaqeda ekuthukutheleni kwami. 
\v 9 Khathesi-ke kabasusele kude lami ubuwule babo kanye lezithombe zamakhosi abo ezingaphiliyo, njalo ngizahlala phakathi kwabo kuze kube laphakade.
\p
\v 10 Ndodana yomuntu, chazela abantu bako-Israyeli ngethempeli ukuze bayangeke ngezono zabo. Wothi bacabange ngokumele kwenziwe ngobunono, 
\v 11 njalo nxa belenhloni ngakho konke abakwenzayo, bazise ngesimo sethempeli, ukumiswa kwalo, izindawo zalo zokuphuma lezokungena, isimo salo sonke lezimiso zalo zonke kanye lemithetho yakhona. Bhala lokhu phansi phambi kwabo ukuze bathembeke kuso isifanekiso salo njalo balandele zonke izimiso zalo.
\p
\v 12 Nanku umthetho wethempeli: Wonke umango oseduze phezu kwentaba uzakuba ngcwele kakhulu. Lowo yiwo umthetho wethempeli.”
\s1 Ukuvuselelwa Kwe-alithari Elikhulu
\p
\v 13 “Lezi yizilinganiso ze-alithare ngezingalo, ingalo kuyingalo lobubanzi besandla: Isidindi salo sasiyingalo eyodwa ukuphakama kwaso lengalo eyodwa ububanzi, silomqolo ongangobubanzi besandla emphethweni waso. Njalo nampu ubude be-alithare ukuphakama kwalo: 
\v 14 Kusukela esidindini phansi kusiya elitsheni elingaphansi lizingalo ezimbili ukuphakama lezingalo ezimbili ububanzi, njalo kusukela elitsheni elincane kusiya elitsheni elikhulu lizingalo ezine ukuphakama lengalo eyodwa ububanzi. 
\v 15 Iziko le-alithari lizingalo ezine ukuphakama njalo impondo ezine zikhokhekele phezulu zisuka eziko. 
\v 16 Iziko le-alithari liyalingana amacele wonke, izingalo ezilitshumi lambili ubude lezingalo ezilitshumi lambili ububanzi. 
\v 17 Uhlangothi lwangaphezulu lalo luyalingana macele wonke, izingalo ezilitshumi lane ubude lobubanzi lulomphetho oyingxenye yengalo lesidindi esiyingalo eyodwa inxa zonke. Izinyathelo ze-alithare zikhangele empumalanga.”
\p
\v 18 Wasesithi kimi, “Ndodana yomuntu, nanku okutshiwo \nd nguThixo\nd* Wobukhosi: Le izakuba yimithetho yokunikela iminikelo yokutshiswa lokuchela igazi phezu kwe-alithari lapho selakhiwe: 
\v 19 Kumele unikele inkunzi eseseliguqa njengomnikelo wesono kubaphristi, abangabaLevi, abendlu kaZadokhi abasondela eduze ukuba bakhonze phambi kwami, kutsho \nd uThixo\nd* Wobukhosi. 
\v 20 Kumele uthathe elinye igazi ulifake empondweni ezine ze-alithare lasemagumbini amane elitshe langaphezulu lasemphethweni inxa zonke, ngokunjalo uhlambulule i-alithari njalo ulenzele inhlawulelo. 
\v 21 Kumele uthathe inkunzi yomnikelo wesono uyitshisele endaweni ekhethiweyo yethempeli ngaphandle kwendawo engcwele.
\p
\v 22 Ngosuku lwesibili kumele unikele imbuzi enduna engelasici ukuba ngumnikelo wesono, njalo le-alithari kumele lihlanjululwe njengokuhlanjululwa elakwenziwa ngenkunzi. 
\v 23 Lapho usuqedile ukulihlambulula, kumele unikele inkunzi eseseliguqa kanye lenqama evela emhlambini, kokubili kungelasici. 
\v 24 Kumele ukunikele phambi \nd kukaThixo\nd*, njalo abaphristi kumele bavuvuzele itswayi phezu kwakho bakunikele njengomnikelo wokutshiswa \nd kuThixo\nd*.
\p
\v 25 Okwensuku eziyisikhombisa kuzamele unikele imbuzi enduna nsuku zonke ukuba ngumnikelo wesono; njalo kumele unikele inkunzi eseseliguqa kanye lenqama evela emhlambini, kokubili kungelasici. 
\v 26 Okwensuku eziyisikhombisa bazakwenzela i-alithari inhlawulelo, balihlambulule, kanjalo balenze libengcwele. 
\v 27 Ekupheleni kwalezizinsuku, kusukela ngosuku lwesificaminwembili kusiya phambili, abaphristi kumele bethule iminikelo yakho yokutshiswa kanye leminikelo yobuzalwane e-alithareni. Lapho-ke ngizalamukela, kutsho \nd uThixo\nd* Wobukhosi.”
\c 44
\s1 Inkosana, AbaLevi, AbaPhristi
\p
\v 1 Emva kwalokho umuntu lowo wangibuyisela esangweni langaphandle lendlu engcwele, leli elikhangele empumalanga, njalo lalivaliwe. 
\v 2 \nd UThixo\nd* wasesithi kimi, “Isango leli kumele lihlale livaliwe. Akumelanga livulwe; akulamuntu ongangena ngalo. Kumele lihlale livaliwe ngoba \nd uThixo\nd*, uNkulunkulu ka-Israyeli, ungene ngalo. 
\v 3 Inkosana yona ngokwayo yiyo kuphela engahlala phakathi kwesango ukuba idle phambi \nd kukaThixo\nd*. Kuzamele ingene ngendlela yengenelo lesango njalo iphume ngayonaleyo indlela.”
\p
\v 4 Indoda leyo yangisa phambi kwethempeli ngendlela yesango lasenyakatho. Ngakhangela ngabona inkazimulo \nd kaThixo\nd* igcwele ethempelini \nd likaThixo\nd*, ngathi mbo phansi ngobuso.
\p
\v 5 \nd UThixo\nd* wasesithi kimi, “Ndodana yomuntu, khangela ngokunanzelela, ulalelisise njalo uqaphele konke engikutshela khona mayelana lemithetho yonke eqondane lethempeli \nd likaThixo\nd*. Qaphela intuba lethempeli layo yonke iminyango yokuphuma yendlu engcwele. 
\v 6 Tshono kuyo indlu ehlamukayo ka-Israyeli uthi, ‘Nanku okutshiwo \nd nguThixo\nd* Wobukhosi: Wena ndlu ka-Israyeli, kaziphele izenzo zakho ezinengayo! 
\v 7 Phezu kwazo zonke ezinye izenzo zakho ezinengayo ungenise abezizweni abangasokanga enhliziyweni lasenyameni endlini yami engcwele, ungcolisa ithempeli lami lapho unginika ukudla, amafutha legazi, njalo wephula isivumelwano sami. 
\v 8 Ekubeni wenze okumele ukwenze mayelana lezinto zami ezingcwele, wena wabeka abanye ukuba baphathe indlu yami engcwele. 
\v 9 Nanku okutshiwo \nd nguThixo\nd* Wobukhosi: Akulamuntu wezizweni ongasokanga enhliziyweni lasenyameni ozangena endlini yami engcwele ngitsho labezizweni abahlala phakathi kwama-Israyeli.
\p
\v 10 AbaLevi abaya khatshana lami lapho u-Israyeli wayeduhile njalo sebehlanhlathekele ezithombeni zabo besuka kimi, kumele bathwale umvuzo wesono sabo. 
\v 11 Bangakhonza endlini yami engcwele, bephethe amasango ethempeli njalo bekhonza phakathi kwalo; bangahlabela abantu iminikelo leminikelo yokutshiswa njalo bame phambi kwabantu babasebenzele. 
\v 12 Kodwa ngenxa yokuthi babasebenzela phambi kwezithombe zabo benza indlu ka-Israyeli yawela esonweni, ngakho sengifunge ngesandla siphakanyisiwe ukuthi kumele bathwale umvuzo wesono sabo, kutsho \nd uThixo\nd* Wobukhosi. 
\v 13 Akumelanga basondele eduze ukuba bangikhonze njengabaphristi loba basondele eduze kwaloba yiphi yezinto zami ezingcwele loba iminikelo yami engcwele kakhulu; kumele bathwale ihlazo lezenzo zabo ezinengayo. 
\v 14 Ikanti ngizabenza baphathe imisebenzi yasethempelini kanye lemisebenzi yonke okumele yenziwe phakathi kwalo.
\p
\v 15 Kodwa abaphristi, abangabaLevi njalo beyinzalo kaZadokhi abasebenza ngokuthembeka imisebenzi yasendlini yami engcwele lapho ama-Israyeli ayengihlamukele, kumele basondele eduze ukuba bakhonze phambi kwami; kumele bame phambi kwami ukuba banikele umhlatshelo wamafutha legazi, kutsho \nd uThixo\nd* Wobukhosi. 
\v 16 Bona kuphela kumele bangene endlini yami engcwele; bona kuphela kumele basondele phansi kwetafula lami ukuba bakhonze phambi kwami benze umsebenzi wami.
\p
\v 17 Lapho bengena emasangweni eguma langaphakathi kumele bagqoke izigqoko zelineni; akumelanga bagqoke isigqoko sewulu lapho bekhonza emasangweni eguma kumbe phakathi kwethempeli. 
\v 18 Kumele bagqoke amaqhiye elineni emakhanda abo lezigqoko zangaphansi zelineni ezinkalweni zabo. Akumelanga bagqoke into ezabaginqisa. 
\v 19 Lapho besiya phandle egumeni langaphandle lapho okulabantu khona, kumele bakhuphe izigqoko ababekhonza bezigqokile njalo kumele bazitshiye ezindlini ezingcwele, bagqoke ezinye izigqoko, ukuze bangangcwelisi abantu ngezembatho zabo.
\p
\v 20 Akumelanga baphuce amakhanda abo kumbe bayekele inwele zabo zikhula zisiba zinde; kodwa kumele bagcine inwele zabo zigundiwe. 
\v 21 Akulamphristi ozanatha iwayini lapho engena iguma langaphakathi. 
\v 22 Akumelanga bathathe abafelokazi loba abesifazane abehlukana labomkabo; kumele bathathe izintombi ezimsulwa kuphela ezenzalo yako-Israyeli loba abafelokazi babaphristi. 
\v 23 Kumele bafundise abantu bami umahluko phakathi kokungcwele lokwabantu bonke babatshengise indlela yokwehlukanisa phakathi kokungcolileyo lokuhlanzekileyo.
\p
\v 24 Lapho kulombango abaphristi bazasebenza njengabahluleli baqume mayelana lezimiso zami. Kumele bagcine imithetho yami lezimemezelo zami kuyo yonke imikhosi yami emisiweyo, njalo kumele bagcine amaSabatha ami engcwele.
\p
\v 25 Umphristi akumelanga azingcolise ngokuya phansi komuntu ofileyo; kodwa-ke nxa umuntu ofileyo ubenguyise loba unina, indodana yakhe kumbe indodakazi, umfowabo kumbe udadewabo ongendanga, lapho angazingcolisa. 
\v 26 Emva kokuba esehlanjululiwe, uzakuma insuku eziyisikhombisa. 
\v 27 Ngosuku azakuya ngalo egumeni langaphakathi lendlu engcwele ukuba enze inkonzo endlini engcwele, kumele azinikelele umnikelo wesono, kutsho \nd uThixo\nd* Wobukhosi.
\p
\v 28 Mina ngizakuba yilona lifa kuphela abaphristi abalalo. Akukho lifa ozabapha lona ko-Israyeli; mina ngizakuba yilifa labo. 
\v 29 Bazakudla iminikelo yamabele, iminikelo yesono leminikelo yecala; kanye lakho konke okuko-Israyeli okwahlukaniselwe \nd uThixo\nd* kuzakuba ngokwabo. 
\v 30 Okuhle kakhulu kwazo zonke izithelo zakho zakuqala lokwezipho zenu ezikhethiweyo kuzakuba ngokwabaphristi. Kumele libaphe ingxenye yakuqala yempuphu yenu echoliweyo ukuze isibusiso sihlale endlini yenu. 
\v 31 Abaphristi akumelanga badle loba yini, inyoni kumbe inyamazana, etholakale ifile kumbe idlithizwe yizinyamazana zeganga.’ ”
\c 45
\s1 Ukwabiwa Kwelizwe
\p
\v 1 “ ‘Lapho usaba ilizwe njengelifa kuzamela wethule \nd kuThixo\nd* ingxenye yelizwe njengesifunda esingcwele, izingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezingamatshumi amabili (20,000) ububanzi; umango wonke uzakuba ngcwele. 
\v 2 Kulokhu indawo ezingalo ezingamakhulu amahlanu (500) ubude lobubanzi izakuba ngeyendlu engcwele; kulezingalo ezingamatshumi amahlanu eziyizingelezileyo yelizwe elingelalutho. 
\v 3 Esifundeni esingcwele linganisa ingxenye ezingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi. Phakathi kwayo kuzakuba lendlu engcwele, iNdawo eNgcwele kakhulu. 
\v 4 Izakuba yingxenye engcwele yelizwe ingeyabaphristi, abakhonzayo endlini engcwele njalo abasondela eduze ukuba bakhonze phambi \nd kukaThixo\nd*. Izakuba yindawo yezindlu zabo kanye lendawo engcwele yendlu engcwele. 
\v 5 Umango ozingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi izakuba ngeyabaLevi, abakhonza ethempelini, njengesabelo sabo samadolobho okuhlala kuwo.
\p
\v 6 Kumele unike idolobho njengelifa lalo umango ozingalo eziyinkulungwane ezinhlanu (5,000) ububanzi lengalo eziyinkulungwane ezinhlanu (5,000) ubude, obambane lengxenye engcwele; uzakuba ngowayo yonke indlu ka-Israyeli.
\p
\v 7 Inkosana izathatha ilizwe eliphetha eceleni ngalinye lendawo eyisifunda esingcwele lelifa ledolobho. Lizaqhela lisiya entshonalanga lisuka eceleni langentshonalanga njalo liye empumalanga lisuka eceleni langasempumalanga, lilandele ubude kusukela emngceleni wentshonalanga kusiya kowempumalanga osekelane lowesabelo sabantu. 
\v 8 Ilizwe leli lizakuba yisabelo sayo ko-Israyeli. Njalo inkosana yami kayisayikuncindezela abantu bami kodwa izavumela indlu ka-Israyeli ukuba bathathe ilizwe mayelana lezizwana zabo.
\p
\v 9 Nanku okutshiwo \nd nguThixo\nd* Wobukhosi: Eselikwenzile kwanele, lina makhosana ako-Israyeli! Yekelani udlakela lwenu lokuncindezela lenze okufaneleyo lokulungileyo. Khawulani ukuxotsha abantu bami ezindaweni zabo, kutsho uThixo Wobukhosi. 
\v 10 Kumele lisebenzise izikali eziqotho, ihefa eliqotho kanye lebhathi eliqotho. 
\v 11 Ihefa lebhathi kumele kulingane, ibhathi lilengxenye yetshumi yehomeri njalo lehefa ingxenye yehomeri; ihomeri lizakuba yisilinganiso esamukelekayo kukho kokubili. 
\v 12 Ishekeli lizakuba ngamagera angamatshumi amabili. Amashekeli angamatshumi amabili, lamashekeli angamatshumi amabili lanhlanu kanye lamashekeli alitshumi lanhlanu kuba limina elilodwa.
\p
\v 13 Lesi yisipho esiqakathekileyo okumele usinikele: Ingxenye yesithupha yehefa kuhomeri ngalinye lamabele lengxenye yesithupha yehefa kuhomeri ngalinye lebhali. 
\v 14 Ingxenye emisiweyo yamafutha, elinganiswa ngebhathi, iyingxenye yetshumi yebhathi kukhori ngalinye (elingamabhathi alitshumi loba ihomeri elilodwa, ngoba amabhathi alitshumi alingana lehomeri.) 
\v 15 Njalo imvu eyodwa kumele ithathwe emhlambini ngamunye wezingamakhulu amabili emadlelweni ako-Israyeli alamanzi amanengi. Lezi zizasetshenziswa eminikelweni yamabele, eminikelweni yokutshiswa kanye laseminikelweni yobuzalwane ukwenzela abantu inhlawulelo, kutsho \nd uThixo\nd* Wobukhosi. 
\v 16 Bonke abantu belizwe bazahlanganyela kulesisipho esiqakathekileyo ukuba sisetshenziswe yinkosana yako-Israyeli. 
\v 17 Kuzakuba ngumsebenzi wenkosana ukunika iminikelo yokutshiswa, iminikelo yamabele kanye leminikelo yokunathwayo emikhosini, ekuThwaseni kweziNyanga langamaSabatha, kuyo yonke imikhosi yako-Israyeli. Izanikela iminikelo yesono, iminikelo yamabele leminikelo yobuzalwane ukwenzela indlu ka-Israyeli inhlawulelo.
\p
\v 18 Nanku okutshiwo \nd nguThixo\nd* Wobukhosi: Ngenyanga yakuqala ngosuku lwakuqala kumele uthathe inkunzi eliguqa engelasici uhlambulule indlu engcwele. 
\v 19 Umphristi kumele athathe elinye legazi lomnikelo wesono alifake emigubazini yethempeli, ezingosini ezine zelitshe langaphezulu le-alithari lasezinsikeni zesango leguma langaphakathi. 
\v 20 Kuzamele wenze khonokho ngosuku lwesikhombisa lwenyanga ukwenzela loba ngubani owenza isono kungasikho ngabomu loba ngenxa yokungazi; ngokunjalo uzakwenzela ithempeli inhlawulelo.
\p
\v 21 Ngenyanga yakuqala ngosuku lwetshumi lane kumele kube lomkhosi wePhasika, umkhosi ozathatha insuku eziyisikhombisa, ngalesosikhathi kumele udle isinkwa esingelamvubelo. 
\v 22 Ngalolosuku inkosana izanikela inkunzi njengomnikelo wesono izinikelela yona ngokwayo kanye labantu bonke belizwe. 
\v 23 Nsuku zonke phakathi kwensuku eziyisikhombisa zomkhosi kumele inikele inkunzi eziyisikhombisa lenqama eziyisikhombisa ezingelasici njengomnikelo wokutshiswa \nd kuThixo\nd*, lempongo yomnikelo wesono. 
\v 24 Kuzamela inikele njengomnikelo wamabele ihefa elilodwa lenkunzi ngayinye lehefa elilodwa lenqama ngayinye ndawonye lehini lamafutha elilodwa kuhefa ngalinye.
\p
\v 25 Phakathi kwensuku eziyisikhombisa zomkhosi oqalisa ngenyanga yesikhombisa ngosuku lwetshumi lanhlanu, kumele inikele okufanayo okomnikelo wesono, umnikelo wokutshiswa, umnikelo wamabele kanye lamafutha.’ ”
\c 46
\s1 Eminye Imithetho Ehlukehlukeneyo
\p
\v 1 “ ‘Nanku okutshiwo \nd nguThixo\nd* Wobukhosi: Isango leguma langaphakathi elikhangele empumalanga kumele livalwe ngezinsuku eziyisithupha zokusebenza, kodwa ngosuku lweSabatha langosuku lokuThwasa kweNyanga kumele livulwe. 
\v 2 Inkosana izangena ngentuba lesango ivela phandle ibe isisima phansi kwensika yesango. Abaphristi kuzamele banikele umnikelo wayo wokutshiswa kanye leminikelo yayo yobuzalwane. Izakhonza ekungeneni kwesango ibe isiphuma, kodwa isango kaliyikuvalwa kuze kube kusihlwa. 
\v 3 NgamaSabatha lasekuThwaseni kweziNyanga abantu belizwe kumele bakhonze phambi \nd kukaThixo\nd* ekungeneni kwalelosango. 
\v 4 Umnikelo wokutshiswa olethwa yinkosana \nd kuThixo\nd* ngosuku lweSabatha uzakuba ngamazinyane amaduna ayisithupha kanye lenqama, konke kungelasici. 
\v 5 Umnikelo wamabele onikelwa lenqama uzakuba lihefa, njalo umnikelo wamabele onikelwa lamazinyane uzakuya ngokuthanda kwayo, kanye lehini lamafutha kuhefa ngalinye. 
\v 6 Ngosuku lokuThwasa kweNyanga kumele inikele inkunzi eliguqa, amazinyane ayisithupha kanye lenqama, konke kungelasici. 
\v 7 Kuzamele inike njengomnikelo wamabele ihefa elilodwa kanye lenkunzi, ihefa elilodwa kanye lenqama, kuthi lamazinyane kube yilokho ethande ukukunika, kanye lehini lamafutha kuhefa ngalinye. 
\v 8 Lapho inkosana ingena kuzamele ingene ngentuba lesango, njalo kumele iphume ngaleyondlela.
\p
\v 9 Lapho abantu belizwe besiza phambi \nd kukaThixo\nd* emikhosini emisiweyo, loba ngubani ongena ngesango lenyakatho ukuzakhonza uzaphuma ngesango leningizimu; njalo loba ngubani ongena ngesango leningizimu uzaphuma ngesango lenyakatho. Kakho ozabuyela ngesango angene ngalo, kodwa lowo lalowo uzaphuma ngesango aqondane lalo. 
\v 10 Inkosana kumele ibe phakathi kwabo, ingene lapho bengena njalo iphume lapho bephuma. 
\v 11 Emadilini lasemikhosini emisiweyo, umnikelo wamabele kumele ube lihefa kanye lenkunzi, ihefa kanye lenqama, njalo lamazinyane kuzakuya ngokuthanda komuntu, kanye lehini lamafutha kuhefa ngalinye.
\p
\v 12 Lapho inkosana inika umnikelo ngokuzithandela \nd kuThixo\nd* loba kungumnikelo wokutshiswa kumbe iminikelo yobuzalwane, kumele ivulelwe isango elikhangele empumalanga. Izanikela umnikelo wayo wokutshiswa kumbe umnikelo wayo wobuzalwane njengekwenzayo ngosuku lweSabatha. Emva kwalokho izaphuma, njalo emva kokuba isiphumile, isango lizavalwa.
\p
\v 13 Insuku zonke kuzamele unike izinyane elilomnyaka owodwa elingelasici ukuba ngumnikelo wokutshiswa \nd kuThixo\nd*; uzalinika nsuku zonke ekuseni. 
\v 14 Kuzamele unike kanye lalo nsuku zonke ekuseni umnikelo wamabele kuhlanganiswe ingxenye yesithupha yehefa lengxenye yesithathu yehini lamafutha ukuba athambise impuphu. Ukwethulwa kwalo umnikelo wamabele \nd kuThixo\nd* kuyisimiso esingapheliyo. 
\v 15 Ngakho izinyane lomnikelo wamabele kanye lamafutha kuzanikwa nsuku zonke ekuseni kube ngumnikelo wokutshiswa wansuku zonke.
\p
\v 16 Nanku okutshiwo \nd nguThixo\nd* Wobukhosi: Nxa inkosana inika enye yamadodana ayo isipho elifeni layo, sizakuba ngesezizukulwane zayo futhi; sizakuba yimpahla yazo ngokudla ilifa. 
\v 17 Kodwa-ke nxa inika esinye sezisebenzi zayo isipho elifeni layo, isisebenzi singasigcina kuze kube ngumnyaka wokukhululwa; lapho isipho sesibuyela kuyo inkosana. Ilifa layo lingathathwa ngamadodana ayo kuphela; ngelawo. 
\v 18 Inkosana akumelanga ithathe ilifa labantu, ibaxotsha empahleni yabo. Kumele inike amadodana ayo ilifa empahleni yayo, ukuze kungabikhona ebantwini bami owehlukaniswa lempahla yakhe.’ ”
\p
\v 19 Emva kwalokho umuntu lowo wangikhupha ngentuba eseceleni kwesango ukuya ezindlini ezingcwele ezikhangele enyakatho ezazingezabaphristi, wangitshengisa indawo ekucineni ngasentshonalanga. 
\v 20 Wathi kimi, “Le yindawo lapho abaphristi abazaphekela khona umnikelo wecala lomnikelo wesono bachochombise lomnikelo wamabele, ukuba kuxwaywe ukuya layo egumeni langaphandle kungcweliswe abantu.”
\p
\v 21 Wabuya wangisa egumeni langaphandle wangibhodisa ezingosini ezine, njalo engosini ngayinye ngabona elinye iguma. 
\v 22 Ezingosini ezine zeguma langaphandle kwakulamaguma ayebiyelwe, ezingalo ezingamatshumi amane ubude lezingalo ezingamatshumi amathathu ububanzi; wonke amaguma ezingosini ezine ayelingana. 
\v 23 Ngaphakathi kwalelo lalelo lamaguma amane kwakulesakhiwo samatshe, silezindawo ezakhelwe umlilo indawo yonke ngaphansi kwaso. 
\v 24 Wasesithi kimi, “Le yimikulu lapho labo abakhonzayo ethempelini abazaphekela khona imihlatshelo yabantu.”
\c 47
\s1 Umfula Ophuma EThempelini
\p
\v 1 Umuntu lowo wangibuyisela entubeni yethempeli, ngasengibona amanzi ephuma ngaphansi kwasekungeneni kwethempeli esiya empumalanga (ngoba ithempeli lalikhangele empumalanga.) Amanzi ayegelezela phansi evela ngaphansi kwecele langaseningizimu lethempeli, eningizimu kwe-alithari. 
\v 2 Wasengikhupha ngesango lenyakatho wangibhodisa ngaphandle engisa esangweni elikhangele empumalanga, njalo amanzi ayegeleza evela eceleni langaseningizimu.
\p
\v 3 Kwathi umuntu lowo esiya empumalanga ephethe isilinganiso ngesandla, walinganisa ingalo eziyinkulungwane wasengidabulisa phakathi kwamanzi ayetshona okufika enqagaleni. 
\v 4 Walinganisa ezinye izingalo eziyinkulungwane wasengidabulisa phakathi kwamanzi ayetshona okufika emadolweni. Walinganisa enye inkulungwane wasengidabulisa phakathi kwamanzi ayefika ekhalweni. 
\v 5 Walinganisa enye inkulungwane, kodwa khathesi kwasekungumfula engangingeke ngiwuchaphe ngoba amanzi ayesephakeme esetshona okuvumela ukuntsheza kuwo, umfula okungekho owayengawuchapha. 
\v 6 Wangibuza wathi, “Ndodana yomuntu, uyakubona lokhu na?”
\p Emva kwalokho wangibuyisela emuva ekhunjini lomfula. 
\v 7 Sengifike lapho ngabona izihlahla ezinengi kakhulu eceleni ngalinye lomfula. 
\v 8 Wasesithi kimi, “Amanzi la agelezela esigabeni sempumalanga njalo ehlela phansi e-Arabha lapho angena khona ulwandle. Lapho esengene elwandle amanzi azakuba mahle. 
\v 9 Uquqaba lwezidalwa eziphilayo luzahlala loba kungaphi lapho umfula ogelezela khona. Kuzakuba lenhlanzi ezinengi kakhulu, ngoba amanzi la agelezela khona njalo enza amanzi aletswayi abe mahle; ngakho lapho umfula ogelezela khona izinto zonke zizaphila. 
\v 10 Abagoli bezinhlanzi bazakuma besekele ulwandle; kusukela e-Eni-Gedi kusiya e-Eni Egilayimi kuzakuba lezindawo zokwendlala amambule. Inhlanzi zizakuba ngezezinhlobo ezinengi njengenhlanzi zoLwandle olukhulu. 
\v 11 Kodwa amaxhaphozi lamatete kawayikuba mahle. Azasala eyizindawo zetswayi. 
\v 12 Inhlobo zonke zezihlahla zezithelo zizakhula emakhunjini womabili omfula. Amahlamvu azo kawayikubuna, lezithelo zazo kazisoze ziphuthe. Zizathela nyanga zonke ngoba amanzi avela endlini engcwele agelezela kuzo. Izithelo zazo zizakuba yikudla kuthi amahlamvu azo abe ngawokwelapha.”
\s1 Imingcele Yelizwe
\p
\v 13 Nanku okutshiwo \nd nguThixo\nd* Wobukhosi: “Le yimingcele ozakwehlukanisa ngayo ilizwe lokuba yilifa phakathi kwezizwana ezilitshumi lambili zako-Israyeli, kulezigaba ezimbili zikaJosefa. 
\v 14 Kumele ulehlukanise ngokulingana, ngoba ngafunga isandla siphakanyiselwe phezulu ukulinika okhokho benu, ilizwe leli lizakuba yilifa lenu.
\b
\li4
\v 15 Nanku okuzakuba ngumngcele welizwe:
\b
\li1 Ngenhla usuke oLwandle Olukhulu ulandele umgwaqo iHethiloni udlule eLebho Hamathi usiya eZedadi, 
\v 16 eBherotha kanye laseSibhirayimi (esemngceleni ophakathi kweDamaseko leHamathi), uze uyefika eHazeri Hathikhoni, esemngceleni weHawurani. 
\v 17 Umngcele uzaqhubeka usuka elwandle usiya eHazari-Enani ulandela umngcele wangasenyakatho weDamaseko, umngcele weHamathi usenyakatho. Lo uzakuba ngumngcele wenyakatho.
\li1
\v 18 Empumalanga umngcele uzahamba phakathi kweHawurani leDamaseko, ulandela iJodani phakathi kweGiliyadi lelizwe lako-Israyeli, uye elwandle lwasempumalanga uze uyefika eThamari. Lo uzakuba ngumngcele wasempumalanga.
\li1
\v 19 Eningizimu uzahamba usuka eThamari uze uyefika emanzini aseMeribha Khadeshi, ube usulandela iSihotsha saseGibhithe usiyafika eLwandle Olukhulu. Lo uzakuba ngumngcele waseningizimu.
\li1
\v 20 Entshonalanga uLwandle Olukhulu luzakuba ngumngcele kuze kube malungana leLebho Hamathi. Lo uzakuba ngumngcele wentshonalanga.
\b
\p
\v 21 Lizakwahlukaniselana ilizwe leli phakathi kwenu mayelana lezizwana zako-Israyeli. 
\v 22 Kumele lilabe njengelifa lenu kanye labezizweni asebehlezi phakathi kwenu njalo abalabantwana. Kumele libathathe njengabantu bakini ko-Israyeli; kanye lani bazakwabelwa ilifa phakathi kwezizwana zako-Israyeli. 
\v 23 Loba kuphakathi kwasiphi isizwana owezizweni ahlale kuso, kumele limnike ilifa lakhe khonapho,” kutsho \nd uThixo\nd* Wobukhosi.
\c 48
\s1 Ukwabiwa Kwelizwe
\li4
\v 1 “Lezi yizizwana, zihlelwe ngamabizo:
\b
\li1 Emngceleni wasenyakatho, uDani uzakuba lesigaba esisodwa; sizalandela umgwaqo weHethiloni oya eLebho Hamathi; iHazari-Enani lasemngceleni weDamaseko wasenyakatho eduze leHamathi kuzakuba yingxenye yomngcele kusukela empumalanga kusiya entshonalanga.
\li1
\v 2 U-Asheri uzakuba lesigaba esisodwa; sizangcelezelana lelizwe likaDani kusukela empumalanga kusiya entshonalanga.
\li1
\v 3 UNafithali uzakuba lesigaba esisodwa; sizangcelezelana lelizwe lika-Asheri kusukela empumalanga kusiya entshonalanga.
\li1
\v 4 UManase uzakuba lesigaba esisodwa; sizangcelezelana lelizwe likaNafithali kusukela empumalanga kusiya entshonalanga.
\li1
\v 5 U-Efrayimi uzakuba lesigaba esisodwa; sizangcelezelana lelizwe likaManase kusukela empumalanga kusiya entshonalanga.
\li1
\v 6 URubheni uzakuba lesigaba esisodwa; sizangcelezelana lelizwe lika-Efrayimi kusukela empumalanga kusiya entshonalanga.
\li1
\v 7 UJuda uzakuba lesigaba esisodwa; sizangcelezelana lelizwe likaRubheni kusukela empumalanga kusiya entshonalanga.
\b
\p
\v 8 Okungcelelana lelizwe likaJuda kusukela empumalanga kusiya entshonalanga kuzakuba yisigaba ozasethula njengesipho esiqakathekileyo. Sizakuba zingalo eziyinkulungwane ezingamatshumi amabili lanhlanu (25,000) ububanzi, njalo ubude baso kusukela empumalanga kusiya entshonalanga buzalingana lobesinye sezigaba zezizwana; indlu engcwele izakuba phakathi kwaso.
\p
\v 9 Isigaba esiqakathekileyo ozasipha \nd uThixo\nd* sizakuba zingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi. 
\v 10 Lesi sizakuba yisigaba esingcwele sabaphristi. Sizakuba zingalo eziyinkulungwane ezingamatshumi amabili lanhlanu (25,000) ubude ngasenyakatho, ingalo eziyinkulungwane ezilitshumi (10,000) ububanzi ngasentshonalanga, ingalo eziyinkulungwane ezilitshumi (10,000) ububanzi ngasempumalanga kanye lengalo eziyinkulungwane ezingamatshumi amabili lanhlanu (25,000) ubude ngaseningizimu. Phakathi enkabeni yaso kuzakuba lendlu engcwele \nd kaThixo\nd*. 
\v 11 Lesi sizakuba ngesabaphristi abangcwelisiweyo, amaZadokhi, ababethembekile ekungikhonzeni njalo abangadukanga njengokwenziwa ngabaLevi ekudukeni kwama-Israyeli. 
\v 12 Sizakuba yisipho esiqakathekileyo kubo sivela esigabeni esingcwele selizwe, isigaba esingcwele kakhulu, esingcelelane lesigaba sabaLevi.
\p
\v 13 AbaLevi bazakuba lesabelo esizingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi njalo sisekelane lesabaphristi. Ubude baso sonke buzakuba zingalo eziyinkulungwane ezingamatshumi amabili lanhlanu (25,000) ububanzi baso buzingalo eziyinkulungwane ezilitshumi (10,000). 
\v 14 Akumelanga basithengise loba bantshintshe ngokunye kwaso. Lesi ngesihle kakhulu selizwe njalo akumelanga siphiwe abanye abantu ngoba singcwele \nd kuThixo\nd*.
\p
\v 15 Indawo eseleyo, ingalo eziyinkulungwane ezinhlanu (5,000) ububanzi lengalo eziyinkulungwane ezingamatshumi amabili lanhlanu (25,000) ubude, izasetshenziswa nguzulu wedolobho, ngeyezindlu lamadlelo. Idolobho lizakuba phakathi kwayo 
\v 16 njalo lizakuba lalezi izilinganiso: Icele lasenyakatho izingalo eziyinkulungwane ezine lamakhulu amahlanu (4,500), icele laseningizimu izingalo eziyinkulungwane ezine lamakhulu amahlanu (4,500), icele lasempumalanga izingalo eziyinkulungwane ezine lamakhulu amahlanu (4,500), lecele lasentshonalanga izingalo eziyinkulungwane ezine lamakhulu amahlanu (4,500). 
\v 17 Amadlelo edolobho azakuba zingalo ezingamakhulu amabili lamatshumi amahlanu (250) ngasenyakatho, izingalo ezingamakhulu amabili lamatshumi amahlanu (250) ngaseningizimu, izingalo ezingamakhulu amabili lamatshumi amahlanu (250) ngasempumalanga, lezingalo ezingamakhulu amabili lamatshumi amahlanu (250) ngasentshonalanga. 
\v 18 Indawo esalayo, engcelelane lesigaba esingcwele njalo ilandela ubude baso izakuba zingalo eziyinkulungwane ezilitshumi (10,000) ngaseceleni lasempumalanga lezingalo eziyinkulungwane ezilitshumi (10,000) ngaseceleni lasentshonalanga. Izithelo zayo zizakuba yikudla kwezisebenzi zedolobho. 
\v 19 Izisebenzi ezivela edolobheni eziyilimayo zizavela kuzozonke izizwana zako-Israyeli. 
\v 20 Isigaba sonke sizalingana inxa zonke, izingalo eziyinkulungwane ezingamatshumi amabili lanhlanu (25,000) icele ngalinye. Njengesipho esiqakathekileyo uzaphawula isigaba esingcwele ndawonye lempahla yedolobho.
\p
\v 21 Okusalayo emaceleni womabili endawo eyisigaba esingcwele lempahla yedolobho kuzakuba ngokwenkosana. Kuzaqhubekela empumalanga kusukela ezingalweni eziyinkulungwane ezingamatshumi amabili lanhlanu (25,000) zesigaba esingcwele kusiya emngceleni wasempumalanga, kuphinde kuye entshonalanga kusukela kuzingalo eziyinkulungwane ezingamatshumi amabili lanhlanu (25,000) kusiya emngceleni wasentshonalanga. Izindawo lezi zombili ezilandela ubude bezigaba zezizwana zizakuba ngezenkosana, njalo isigaba esingcwele esilendawo engcwele yethempeli sizakuba phakathi kwazo. 
\v 22 Ngakho impahla yabaLevi lempahla yedolobho kuzakuba phakathi kwendawo engeyenkosana. Indawo yenkosana izakuba phakathi komngcele kaJuda lomngcele kaBhenjamini.
\b
\li4
\v 23 Izizwana eziseleyo:
\b
\li1 UBhenjamini uzakuba lesigaba esisodwa; sizaqhubeka sisukela eceleni lasempumalanga sisiya eceleni lasentshonalanga.
\li1
\v 24 USimiyoni uzakuba lesigaba esisodwa; sizangcelezelana lelizwe likaBhenjamini kusukela empumalanga kusiya entshonalanga.
\li1
\v 25 U-Isakhari uzakuba lesigaba esisodwa; sizangcelezelana lelizwe likaSimiyoni kusukela empumalanga kusiya entshonalanga.
\li1
\v 26 UZebhuluni uzakuba lesigaba esisodwa; sizangcelezelana lelizwe lika-Isakhari kusukela empumalanga kusiya entshonalanga.
\li1
\v 27 UGadi uzakuba lesigaba esisodwa; sizangcelezelana lelizwe likaZebhuluni kusukela empumalanga kusiya entshonalanga.
\li1
\v 28 Umngcele wangaseningizimu kaGadi uzahamba eningizimu usuka eThamari emanzini aseMeribha Khadeshi, ubuye ulandele uMhotsha waseGibhithe uye eLwandle Olukhulu.
\b
\li4
\v 29 Leli yilizwe okumele ulabele izizwana zako-Israyeli njengelifa, njalo lezi zizakuba yizigaba zazo,” kutsho \nd uThixo\nd* Wobukhosi.
\s1 Amasango Edolobho Elitsha
\li4
\v 30 “Lezi zizakuba zintuba zedolobho zokuphuma:
\b
\li1 Kusukela eceleni lenyakatho, elizingalo eziyinkulungwane ezine lamakhulu amahlanu (4,500) ubude, 
\v 31 amasango amathathu eceleni langenyakatho azakuba lisango likaRubheni, isango likaJuda lesango likaLevi.
\li1
\v 32 Eceleni langempumalanga, elizingalo eziyinkulungwane ezine lamakhulu amahlanu (4,500) ubude, kuzakuba lamasango amathathu: isango likaJosefa, isango likaBhenjamini lesango likaDani.
\li1
\v 33 Eceleni leningizimu, elizingalo eziyinkulungwane ezine lamakhulu amahlanu (4,500), kuzakuba lamasango amathathu: isango likaSimiyoni, isango lika-Isakhari lesango likaZebhuluni.”
\li1
\v 34 Eceleni langentshonalanga, elizingalo eziyinkulungwane ezine lamakhulu amahlanu (4,500) ubude, kuzakuba lamasango amathathu: isango likaGadi, isango lika-Asheri lesango likaNafithali.
\b
\li4
\v 35 “Ubude obubhoda indawo yonke buzakuba zingalo eziyinkulungwane ezilitshumi lasitshiyagalombili (18,000).
\b
\p Njalo ibizo ledolobho kusukela ngalesosikhathi kusiya phambili lizakuba: ‘\nd uThixo\nd* ulapha.’ ”