\id EXO - Biblica® Open Ndebele Contemporary Bible
\ide UTF-8
\h U-Eksodasi
\toc1 U-Eksodasi
\toc2 U-Eksodasi
\toc3 Eks
\mt1 U-Eksodasi
\c 1
\s1 Ukuncindezelwa Kwabako-Israyeli
\li4
\v 1 La ngamabizo amadodana ka-Israyeli aya eGibhithe loJakhobe, munye ngamunye lemuli yakhe:
\b
\li1
\v 2 uRubheni, uSimiyoni, uLevi loJuda;
\li1
\v 3 u-Isakhari, uZebhuluni loBhenjamini,
\li1
\v 4 uDani loNafithali;
\li1 uGadi lo-Asheri.
\b
\li4
\v 5 Inzalo yonke kaJakhobe yayingamatshumi ayisikhombisa. UJosefa wayevele eseseGibhithe.
\b
\p
\v 6 Kwathi uJosefa labo bonke abafowabo kanye lasosonke lesosizukulwane sebefile, 
\v 7 abako-Israyeli bazalana banda kakhulu, okokuthi ilizwe lonke lagcwala ngabo.
\p
\v 8 Kwasekusiba lenye inkosi eyayingazi lutho ngoJosefa, yaba ngumbusi eGibhithe. 
\v 9 Yathi ebantwini bayo, “Khangelani, abantu bako-Israyeli sebebanengi kakhulu kulathi. 
\v 10 Asiboneni amacebo esingawenza ngabo funa bande kakhulu kuthi lapho kuqhamuka impi, babambane lezitha zethu, balwe lathi, besebesuka elizweni.”
\p
\v 11 Ngakho babeka izinduna zezigqili ukuthi zibasebenzise kanzima, bakha iPhithomi leRamesesi aba ngamadolobho eziphala zikaFaro. 
\v 12 Kodwa kwathi ngokuhlutshwa kwabo ngamandla, labo banda kakhulu basabalala; okwenza amaGibhithe abesaba abako-Israyeli 
\v 13 asebasebenzisa ngochuku. 
\v 14 Enza impilo yabo yaba nzima kakhulu betshaya izitina lokuvoxa udaka besenza leminye yonke imisebenzi yemasimini. Kuyo yonke imisebenzi enzima amaGibhithe abasebenzisa ngochuku.
\p
\v 15 Inkosi yaseGibhithe yathi kubabelethisi bamaHebheru okwakuthiwa nguShifira loPhuwa, 
\v 16 “Nxa libelethisa abafazi bamaHebheru, lingabona kuzelwe umfana kufanele limbulale; kodwa nxa kuyinkazana, liyiyekele iphile.” 
\v 17 Kodwa ababelethisi babemesaba uNkulunkulu, ngakho abakwenzanga lokho ababekutshelwe yinkosi yaseGibhithe. 
\v 18 Sekube njalo, inkosi yaseGibhithe yababiza ababelethisi yathi kubo, “Kungani lenze lokhu? Kungani liyekele abafana baphila?”
\p
\v 19 Ababelethisi bamphendula uFaro bathi, “Abafazi bamaHebheru abafani labafazi bamaGibhithe; balamandla baphanga babelethe ababelethisi bengakafiki.”
\p
\v 20 Ngakho uNkulunkulu waba lomusa kubo ababelethisi, abantu banda baba banengi kakhulu. 
\v 21 Njalo njengoba ababelethisi bamesaba uNkulunkulu, wabapha ezabo izimuli.
\p
\v 22 UFaro wasesipha abantu bakhe bonke umlayo othi: “Wonke umfana womHebheru ozalwayo kufanele aphoselwe emfuleni uNayili, kodwa wonke amankazana liwayekele aphile.”
\c 2
\s1 Ukuzalwa KukaMosi
\p
\v 1 Kwasekusithi eyinye indoda esizweni sakoLevi yathatha owesifazane ongumLevi, 
\v 2 wazithwala wabeletha indodana. Wabona ukuthi umntwana wayemuhle kakhulu, wasemfihla okwezinyanga ezintathu. 
\v 3 Kodwa kwathi lapho sekusehlula ukuthi amfihle, wenza isitsha semizi, wasibhada ngodaka lengcino. Wafaka umntwana phakathi kwaso wayasibeka okhunjini lomfula uNayili phakathi kwemihlanga. 
\v 4 Udadewabo wema bucwala ukuba abone okwenzakala kuye.
\p
\v 5 Indodakazi kaFaro yehlela emfuleni ukuyageza, amantombazana ayikhangelayo ayehamba okhunjini lomfula. Yasisibona isitsha phakathi kwemihlanga yathuma incekukazi yayo ukuyasithatha. 
\v 6 Yasivula yambona umntwana. Wayekhala, yasimzwela usizi yathi, “Lo ngomunye wabantwana bamaHebheru.”
\p
\v 7 Udadewabo wasesithi endodakazini kaFaro, “Ngingayakudingela omunye wabesifazane bamaHebheru ukuthi akondlele umntwana na?”
\p
\v 8 Yasisithi, “Yebo, hamba.” Intombazana yasuka yayabiza unina womntwana. 
\v 9 Indodakazi kaFaro yathi kuye, “Mthathe lumntwana ungondlele yena, ngizakupha isondlo.” Ngakho owesifazane wamthatha umntwana wamondla. 
\v 10 Esekhulile umntwana, wamthatha wamusa endodakazini kaFaro wasesiba ngumntanayo. Yasimutha ibizo yathi nguMosi ngoba yathi, “Ngamkhupha emanzini.”
\s1 UMosi Ubalekela EMidiyani
\p
\v 11 Ngelinye ilanga, uMosi esekhulile, waya lapho okwakusebenzela khona abantu bakibo, wabona ukuthi babethwele nzima kanjani. Wabona umGibhithe etshaya umHebheru, omunye wabantu bakibo. 
\v 12 Wathi thala ngapha langapha wabona kungelamuntu, wasebulala umGibhithe wamfihla etshebetshebeni. 
\v 13 Ngelanga elilandelayo waphuma njalo wabona amaHebheru amabili esilwa. Wasebuza lo owayephambanisile wathi, “Kungani utshaya owakini ongumHebheru na?”
\p
\v 14 Indoda leyo yathi, “Ngubani okwenze waba ngumbusi lomahluleli wethu? Usucabanga ukungibulala na njengoba ubulele umGibhithe?” Ngalokho uMosi wesaba wacabanga ukuthi, “Engxenye engikwenzileyo sekusazakala.”
\p
\v 15 Kwathi uFaro ekuzwa lokho, wazama ukubulala uMosi, kodwa uMosi wabalekela eMidiyani, lapho afika khona wahlala phansi eduze komthombo. 
\v 16 Umphristi waseMidiyani wayelamadodakazi ayisikhombisa, afika ezokukha amanzi lokukhelela imikolo ukuze anathise izimvu zikayise. 
\v 17 Kwafika abelusi abathile bawaxotsha, kodwa uMosi wasukuma wawalamulela wanathisa izimvu zawo.
\p
\v 18 Kwathi izintombi sezibuyele kuyise eRuweli wazibuza esithi, “Kungani lamhla liphangisile ukuphenduka?”
\p
\v 19 Zaphendula zathi, “KulomGibhithe osilamulele kubelusi. Uze wasikhelela amanzi wanathisa lezimvu zethu.”
\p
\v 20 Wawabuza amadodakazi akhe wathi, “Ungaphi? Limtshiyeleni? Mbizeni ukuze azothola okokudla.”
\p
\v 21 UMosi wavuma ukuzehlala lale indoda, eyamnika indodakazi yayo uZiphora ukuthi abe ngumkakhe. 
\v 22 UZiphora wazala indodana, uMosi wayitha ibizo wathi nguGeshomu ngoba esithi, “Sengibe ngumuntu wezizweni endaweni yabezizweni.”
\p
\v 23 Emva kwesikhathi eside, inkosi yaseGibhithe yafa. Abako-Israyeli bakhala babubula ebugqilini babo, kwasekusithi ukukhala kwabo becela usizo ngenxa yobugqili ababekubo kwafinyelela kuNkulunkulu. 
\v 24 UNkulunkulu wakuzwa ukububula kwabo wasekhumbula isivumelwano asenza lo-Abhrahama, lo-Isaka loJakhobe. 
\v 25 Ngakho uNkulunkulu wakhangela abako-Israyeli, wakhathazeka ngabo.
\c 3
\s1 UMosi Lesixuku Esivutha Umlilo
\p
\v 1 Kwathi uMosi eselusa izimvu zikayisezala uJethro, umphristi waseMidiyani, waseqhuba izimvu zaya kude ohlangothini lwenkangala wasefika eHorebhi, intaba kaNkulunkulu. 
\v 2 Lapho-ke ingilosi \nd kaThixo\nd* yabonakala kuye iphakathi kwamalangabi omlilo esixukwini. UMosi wabona ukuthi loba isixuku sasibhebha kasizange sitshe. 
\v 3 Ngakho uMosi wacabanga esithi, “Ngizasondela ngiyebona isimanga lesi ukuba kungani isixuku singatshi silothe.”
\p
\v 4 Kwathi \nd uThixo\nd* ebona ukuthi usesondele ukuba ayekhangela, uNkulunkulu wasememeza ngelizwi elaliphuma kulesosixuku wathi, “Mosi! Mosi!”
\p UMosi wathi, “Ngilapha.”
\p
\v 5 UNkulunkulu wathi, “Ungasondeli. Khupha amanyathela akho, ngoba indawo omi kuyo ingumhlabathi ongcwele.” 
\v 6 Wasesithi njalo, “NginguNkulunkulu kayihlo, uNkulunkulu ka-Abhrahama, uNkulunkulu ka-Isaka loNkulunkulu kaJakhobe.” Ngalokhu, uMosi wafihla ubuso bakhe ngoba wayesesaba ukukhangela uNkulunkulu.
\p
\v 7 \nd UThixo\nd* wasesithi, “Impela ngilubonile usizi lwabantu bami eGibhithe. Ngibazwile bekhala ngenxa yezinduna zezigqili ezibancindezelayo, njalo ngiyakhathazeka ngokuhlupheka kwabo. 
\v 8 Ngakho ngehlile ukuzabakhulula ezandleni zamaGibhithe ngibakhuphe kulelolizwe ngibase elizweni elilendawo enengi, ilizwe eligeleza uchago loluju, endaweni yamaKhenani, amaHithi, ama-Amori, amaPherizi, amaHivi lamaJebusi. 
\v 9 Ukukhala kwabako-Israyeli sekufikile kimi, njalo sengibonile lendlela amaGibhithe ababahlukuluza ngayo. 
\v 10 Ngakho suka uhambe. Ngikuthuma kuFaro ukuthi uyekhupha abantu bami abako-Israyeli elizweni laseGibhithe.”
\p
\v 11 Kodwa uMosi wathi kuNkulunkulu, “Kambe ngingubani ukuba ngiye kuFaro ukuyakhupha abako-Israyeli elizweni laseGibhithe na?”
\p
\v 12 UNkulunkulu wasesithi, “Ngizakuba lawe. Lesi sizakuba yisibonakaliso sokuthi yimi engikuthumileyo: Nxa usubakhuphile abantu eGibhithe, lizakhonza uNkulunkulu kuyonale intaba.”
\p
\v 13 UMosi wathi kuNkulunkulu, “Aluba ngifika kwabako-Israyeli ngithi kubo, ‘UNkulunkulu waboyihlo ungithumile kini,’ besebengibuza bathi, ‘Ungubani ibizo lakhe?’ Ngizakuthini kubo?”
\p
\v 14 UNkulunkulu wathi kuMosi, “\nd Nginguye Onguye\nd*. Lokhu yikho ozakutsho kwabako-Israyeli ukuthi, ‘\nd Unguye\nd* ungithumile kini.’ ”
\p
\v 15 UNkulunkulu wabuye wathi kuMosi, “Tshono kwabako-Israyeli uthi, ‘\nd uThixo\nd*, uNkulunkulu waboyihlo, uNkulunkulu ka-Abhrahama, uNkulunkulu ka-Isaka, loNkulunkulu kaJakhobe ungithumile kini.’
\q1 Leli libizo lami laphakade,
\q2 ibizo engizakhunjulwa ngalo kusukela
\q2 kusizukulwane kusiya kwesinye isizukulwane.
\p
\v 16 Hamba uyebuthanisa abadala bako-Israyeli uthi kubo, ‘\nd uThixo\nd*, uNkulunkulu waboyihlo, uNkulunkulu ka-Abhrahama, ka-Isaka loJakhobe, ubonakele kimi wathi: Bengilikhangele njalo ngikubonile okwenziwe kini eGibhithe. 
\v 17 Futhi ngithembisile ukulikhupha osizini lwenu elikulo eGibhithe ngilise elizweni lamaKhenani, amaHithi, ama-Amori, amaPherizi, amaHivi lamaJebusi, ilizwe eligeleza uchago loluju.’
\p
\v 18 Abadala bako-Israyeli bazakulalela. Kuzakuthi wena kanye labadala liye enkosini yaseGibhithe lithi kuyo, ‘\nd uThixo\nd*, uNkulunkulu wamaHebheru uhlangane lathi. Sivumele sithathe uhambo lwezinsuku ezintathu siye enkangala ukuyanikela imihlatshelo \nd kuThixo\nd* uNkulunkulu wethu.’ 
\v 19 Kodwa ngiyakwazi ukuthi inkosi yaseGibhithe ayiyikulivumela ukuthi lihambe ngaphandle kokuba incindezelwe yisandla esilamandla. 
\v 20 Ngakho ngizakwelula isandla sami ngiwatshaye amaGibhithe ngazozonke izimanga engizazenza phakathi kwawo. Ngemva kwalokho, izalivumela lihambe.
\p
\v 21 Njalo ngizakwenza amaGibhithe abe lomusa kulababantu, ukuze kuthi mhla lisuka lingahambi lingaphethe lutho. 
\v 22 Wonke owesifazane kacele kumakhelwane wakhe lakuye wonke owesifazane ohlala endlini yakhe izinto eziligugu ezenziwe ngesiliva legolide kanye lezigqoko ezizagqokwa ngamadodana lamadodakazi enu. Ngaleyondlela lizawemuka impahla amaGibhithe.”
\c 4
\s1 Izibonakaliso ZikaMosi
\p
\v 1 UMosi waphendula wathi, “Pho bangayekela ukungikholwa loba ukulalela engikutshoyo bathi, ‘\nd uThixo\nd* kazange abonakale kuwe’?”
\p
\v 2 \nd UThixo\nd* wathi kuye, “Kuyini lokho okusesandleni sakho?”
\p Waphendula wathi, “Yintonga.”
\p
\v 3 \nd UThixo\nd* wathi, “Iphosele phansi emhlabathini.”
\p UMosi wayiphosa phansi yasiphenduka yaba yinyoka, wayibalekela. 
\v 4 \nd UThixo\nd* wasesithi kuye, “Yelula isandla sakho uyibambe ngomsila.” UMosi welula isandla wayibamba inyoka yasiphenduka yaba yintonga esandleni sakhe. 
\v 5 \nd UThixo\nd* wathi, “Lokhu yikwenzela ukuthi bakholwe ukuthi \nd uThixo\nd*, uNkulunkulu waboyise, uNkulunkulu ka-Abhrahama, uNkulunkulu ka-Isaka loNkulunkulu kaJakhobe ubonakele kuwe.”
\p
\v 6 \nd UThixo\nd* wabuye wathi, “Faka isandla sakho phakathi kwejazi lakho.” UMosi wasefaka isandla sakhe ejazini lakhe, kwathi lapho esesikhupha, sasesimhlophe njengongqwaqwane sesilobulephero.
\p
\v 7 Wathi njalo, “Sibuyisele isandla sakho ejazini lakho.” UMosi wasifaka isandla sakhe ejazini lakhe, wathi esesikhupha sasesibuyele esimeni saso, sesifanana lejwabu lakhe.
\p
\v 8 \nd UThixo\nd* wasesithi, “Nxa bengayikukholwa loba bengananzi izibonakaliso zokuqala, mhlawumbe bazakholwa ezesibili. 
\v 9 Kodwa nxa bengakholwa izibonakaliso lezi ezimbili loba bengakulaleli, uzathatha amanzi emfuleni uNayili uwathele emhlabathini owomileyo. Amanzi ozawathatha emfuleni azaphenduka abe ligazi emhlabathini owomileyo.”
\p
\v 10 UMosi wasesithi \nd kuThixo\nd*, “Oh \nd Thixo\nd*, ngixolele, angizange ngibe yisikhulumi kusukela emuva kuze kube lakhathesi ukhuluma lenceku yakho. Ngiyagagasa njalo ngilamalimi.”
\p
\v 11 \nd UThixo\nd* wathi kuye, “Ngubani owapha umuntu umlomo? Ngubani omenza abe yisacuthe loba abe yisimungulu? Ngubani omenza abone loba abe yisiphofu? Akusimi \nd uThixo\nd* na? 
\v 12 Ngakho hamba, ngizakusiza ukuthi ukhulume njalo ngikufundise lokuthi uthini.”
\p
\v 13 Kodwa uMosi wathi, “Oh Thixo, ngicela uthume omunye ukuthi ayekwenza lokhu.”
\p
\v 14 \nd UThixo\nd* wathukuthela, ulaka lwakhe lwavutha kuMosi, wathi, “Umfowenu u-Aroni, ongumLevi ke? Ngiyazi ukuthi uyenelisa ukukhuluma kuhle. Uvele usendleleni ukuzahlangana lawe, njalo inhliziyo yakhe izathokoza ukukubona. 
\v 15 Uzakhuluma laye ufake amazwi emlonyeni wakhe. Ngizaliphathisa lobabili ukuthi likhulume njalo ngizalifundisa ukuthi lenzeni. 
\v 16 Yena uzakukhulumela ebantwini, njalo kuzakuba sengani nguye ongumlomo wakho njalo kube angani wena unguNkulunkulu kuye. 
\v 17 Kodwa phatha intonga le esandleni sakho ukuze wenze izimangaliso ngayo.”
\s1 UMosi Ubuyela EGibhithe
\p
\v 18 UMosi wasebuyela kuyisezala uJethro wathi kuye, “Bengicela ukubuyela ebantwini bakithi eGibhithe ukuthi ngiyebona kumbe balokhu besaphilile.”
\p UJethro wathi kuye, “Hamba kuhle.”
\p
\v 19 \nd UThixo\nd* wayethe kuMosi eMidiyani, “Buyela eGibhithe, ngoba bonke abantu ababefuna ukukubulala sebafa.” 
\v 20 Ngakho uMosi wathatha umkakhe kanye lamadodana akhe, wabakhweza kubabhemi waqala uhambo lokubuyela eGibhithe. Wathatha intonga kaNkulunkulu wayiphatha ngesandla.
\p
\v 21 \nd UThixo\nd* wathi kuMosi, “Ekubuyeleni kwakho eGibhithe, bona ukuthi uyazenza zonke izimangaliso engikuphe amandla okuba uzenze phambi kukaFaro. Kodwa ngizakwenza inhliziyo yakhe ibe lukhuni ukuba angabavumeli abantu ukuthi basuke. 
\v 22 Uzakuthi kuFaro, ‘\nd uThixo\nd* uthi u-Israyeli yindodana yami elizibulo, 
\v 23 njalo ngakutshela ngathi, “Vumela indodana yami ihambe, ukuze iyengikhonza.” Kodwa wena wala ukuyivumela ukuba ihambe; ngakho ngizabulala indodana yakho elizibulo.’ ”
\p
\v 24 Kwathi besesendleleni, endlini yezihambi, \nd uThixo\nd* wahlangana loMosi wafuna ukumbulala. 
\v 25 Kodwa uZiphora wayisoka indodana yakhe, wathatha isikhumba sakhona wasethinta inyawo zikaMosi ngaso. Wathi, “Impela wena ungumyeni wegazi.” 
\v 26 Ngakho \nd uThixo\nd* wamyekela. (Ngalesosikhathi uZiphora wathi “umyeni wegazi,” esitsho ukusoka.)
\p
\v 27 \nd UThixo\nd* wathi ku-Aroni, “Hamba uye enkangala uhlangabezane loMosi.” Ngakho wasuka wayahlangana loMosi entabeni \nd kaThixo\nd* wamanga. 
\v 28 UMosi wamtshela u-Aroni konke \nd uThixo\nd* ayemthume ukuthi akutsho, njalo langazo zonke izibonakaliso ezimangalisayo ayemlaye ukuba azenze.
\p
\v 29 UMosi lo-Aroni bahamba bafika baqoqa bonke abadala bako-Israyeli, 
\v 30 u-Aroni wasebatshela konke \nd uThixo\nd* ayekutshele uMosi. Wenza lezibonakaliso phambi kwabantu, 
\v 31 bakholwa. Kwathi besizwa ukuthi \nd uThixo\nd* uyabakhathalela, njalo wayelubonile usizi lwabo, bakhothama phansi bamkhonza.
\c 5
\s1 Izitina Kungelatshani
\p
\v 1 Emva kwalokho uMosi lo-Aroni baya kuFaro. Bathi kuye, “Sikulethele ilizwi elivela \nd kuThixo\nd*, uNkulunkulu wabantu bako-Israyeli. Uthi, ‘Vumela abantu bami bahambe, ukuze bangenzele umkhosi enkangala.’ ”
\p
\v 2 UFaro wathi, “Ungubani \nd uThixo\nd* okufanele ngimlalele ngivumele abako-Israyeli ukuba bahambe na? Mina kangimazi \nd uThixo\nd*, njalo kangiyikubavumela abako-Israyeli ukuba bahambe.”
\p
\v 3 Ngakho-ke bona bathi, “UNkulunkulu wamaHebheru ubonakele kithi. Kumele sithathe uhambo lwamalanga amathathu siye enkangala ukuze siyenikela iminikelo \nd kuThixo\nd* uNkulunkulu wethu, funa asibulale ngemikhuhlane loba ngenkemba.”
\p
\v 4 Kodwa inkosi yaseGibhithe yathi, “Mosi lo-Aroni, kungani lisusa abantu emsebenzini wabo? Buyelani emisebenzini yenu.” 
\v 5 UFaro wasesithi, “Khangelani abantu sebebanengi elizweni, kodwa lina liyabamisa ukusebenza.”
\p
\v 6 Ngalelolanga uFaro wathumela lelilizwi ezinduneni zezigqili ezazisebenzisa abantu wathi: 
\v 7 “Lingabe lisabapha abantu utshani bokwenza izitina. Yekelani bayezidingela utshani babo kodwa lingehlisi inani lezitina okumele bazenze. 
\v 8 Kumele ukuthi batshaye inani abebelitshaya. Bangamavila, yikho besuka bakhale besithi, ‘Kasihambeni siyenikela kuNkulunkulu wethu.’ 
\v 9 Yenzani umsebenzi ubenzima kwabesilisa ukuze baqhubekele phambili ngomsebenzi batshiyane lokulalela amanga.”
\p
\v 10 Izinduna zezigqili kanye labaphathi baphuma bayatshela abantu bathi, “Nanku esikulaywe nguFaro, uthi, ‘Kangisoze ngilinike utshani futhi. 
\v 11 Hambani liyesika utshani lapho elingabuthola khona. Kodwa umsebenzi wenu kawusoze uphungulwe lakancinyane.’ ” 
\v 12 Ngakho abantu bahlakazeka kulolonke elaseGibhithe, besika imihlanga ukuze bayisebenzise esikhundleni sotshani. 
\v 13 Izinduna zezigqili zaqhubeka zibakhahlameza zisithi, “Qedani imisebenzi yansuku zonke njengalokho elalikwenza lisazuza utshani.” 
\v 14 Abaphathi bezisebenzi bako-Israyeli ababekhethwe yizinduna zezigqili zikaFaro batshaywa bebuzwa ukuthi, “Kungani inani lezolo lelanamuhla lingenelanga njengakuqala?”
\p
\v 15 Ngakho abaphathi bezisebenzi bako-Israyeli baya kuFaro bamncenga besithi, “Kungani uphatha izisebenzi zakho ngale indlela? 
\v 16 Izisebenzi zakho kazinikwa utshani, kodwa sitshelwa ukuthi, ‘Tshayani izitina!’ Izisebenzi zakho ziyatshaywa, kodwa umlandu ngowabantu bakho.”
\p
\v 17 UFaro wathi, “Mavila, yikho eliyikho, mavila! Yikho lihlala lisithi, ‘Siyekele siyenikela \nd kuThixo\nd*.’ 
\v 18 Buyelani emsebenzini. Akulatshani elizabuphiwa. Kodwa kumele lenze izitina ezifika inani ebelivele lilenza.”
\p
\v 19 Abaphathi bezisebenzi bako-Israyeli bananzelela ukuthi babesebunzimeni obukhulu baze batshelwe ukuthi, “Kakumelanga lehlise inani lezitina okumele lilenze nsuku zonke.” 
\v 20 Sebesukile kuFaro, bafica uMosi lo-Aroni bebalindele. 
\v 21 Basebesithi, “\nd uThixo\nd* kalikhangele alahlulele. Selenze ukuthi senyanyeke kuFaro lakuziphathamandla zakhe, lafaka inkemba ezandleni zabo ukuba basibulale.”
\s1 UNkulunkulu Uthembisa Ukukhululwa Kwabako-Israyeli
\p
\v 22 UMosi wabuyela \nd kuThixo\nd* wathi kuye, “\nd Thixo\nd*, kungani ulethe uhlupho ebantwini laba? Yiso yini isizatho sokungithuma. 
\v 23 Selokhu ngaya kuFaro ukuyakhuluma ngebizo lakho, uselethe uhlupho ebantwini laba, njalo kawubahlenganga abantu bakho lakancane.”
\c 6
\p
\v 1 \nd UThixo\nd* wasesithi kuMosi, “Uzabona esengizakwenza kuFaro khathesi. Ngenxa yamandla esandla sami uzabavumela bahambe, ngenxa yamandla esandla sami uzabaxotsha elizweni lakhe.”
\p
\v 2 UNkulunkulu waphinda wathi kuMosi, “\nd NginguThixo\nd*. 
\v 3 Ngazibonakalisa ku-Abhrahama, ku-Isaka lakuJakhobe njengoNkulunkulu uSomandla, kodwa ngegama lami elithi \nd Thixo\nd* kangizange ngizibonakalise kubo. 
\v 4 Ngaphinda ngenza isivumelwano labo ukuze ngibanike ilizwe leKhenani lapho ababehlala khona njengabezizweni. 
\v 5 Phezu kwalokho, sengikuzwile ukububula kwabantu bako-Israyeli besebugqilini ngaphansi kwamaGibhithe, njalo sengikhumbule isivumelwano sami.
\p
\v 6 Ngakho tshela abako-Israyeli ukuthi \nd nginguThixo\nd*, njalo ngizalikhulula embusweni wamaGibhithe onzima, ngizalikhulula ukuze lingabi yizigqili zabo, njalo ngizalikhulula ngesandla eseluliweyo langezimangaliso. 
\v 7 Ngizalemukela njengabantu bami njalo ngizakuba nguNkulunkulu wenu. Ngalokho lizakwazi ukuthi \nd nginguThixo\nd* uNkulunkulu wenu owalikhupha embusweni olukhuni wamaGibhithe. Ngizalikhulula ukuze lingabi yizigqili zabo. 
\v 8 Njalo ngizaliletha elizweni engafunga ngesandla sami esiphakemeyo ukulinika u-Abhrahama, u-Isaka loJakhobe. Ngizalinika lona ukuze libe ngelenu. Mina \nd nginguThixo\nd*.”
\p
\v 9 UMosi wabika lokhu kwabako-Israyeli, kodwa kabazange bamlalele ngenxa yokudangala kwabo ebugqilini obulochuku.
\p
\v 10 \nd UThixo\nd* wasesithi kuMosi, 
\v 11 “Hamba uyetshela uFaro inkosi yaseGibhithe ukuthi avumele abako-Israyeli baphume elizweni lakhe.”
\p
\v 12 Kodwa uMosi wathi \nd kuThixo\nd*, “Nxa abako-Israyeli bengangilaleli, kuyini okungenza ukuthi uFaro angilalele, njengoba ngikhuluma ngigagasa?”
\s1 Umbhalo Wendlu Yakwabo KaMosi Lo-Aroni
\p
\v 13 \nd UThixo\nd* wakhuluma loMosi lo-Aroni mayelana labako-Israyeli loFaro inkosi yaseGibhithe wabalaya ukuthi bavumele abantu bako-Israyeli ukuthi baphume eGibhithe.
\b
\li4
\v 14 Laba babezinhloko zezindlu zaboyise:
\b
\li1 Amadodana kaRubheni, izibulo lika-Israyeli ayeyila:
\li2 uHanokhi, uPhalu, uHezironi, loKhami.
\li4 Laba babengabosendo lukaRubheni.
\b
\li1
\v 15 Amadodana kaSimiyoni ayeyila:
\li2 uJemuyeli, uJamini, u-Ohadi, uJakhini, uZohari, loShawuli olonina oweyengumKhenani.
\li4 Laba babengabosendo lukaSimiyoni.
\b
\li1
\v 16 La ngamabizo amadodana kaLevi ngokwemibhalo yabo:
\li2 uGeshoni, uKhohathi loMerari.
\li4 ULevi waphila iminyaka elikhulu elilamatshumi amathathu lesikhombisa (137).
\li2
\v 17 Amadodana kaGeshoni ngezizukulwana zawo ayeyila:
\li3 uLibhini, uShimeyi, lemuli zabo.
\li2
\v 18 Amadodana kaKhohathi ayeyila:
\li3 u-Amramu, u-Izihari, uHebhroni lo-Uziyeli.
\li2 UKhohathi waphila iminyaka elikhulu elilamatshumi amathathu lantathu (133).
\li2
\v 19 Amadodana kaMerari ayeyila:
\li3 uMahili loMushi.
\li4 Laba babengabosendo lukaLevi, ngokwemibhalo yabo.
\b
\li1
\v 20 U-Amramu wathatha uJokhebhedi owayengudadewabo kayise. Wamzalela u-Aroni loMosi.
\li4 U-Amramu waphila iminyaka elikhulu elilamatshumi amathathu lesikhombisa (137).
\li1
\v 21 Amadodana ka-Izihari ayeyila;
\li2 uKhora, uNefegi loZikhiri.
\li1
\v 22 Amadodana ka-Uziyeli ayeyila:
\li2 uMishayeli, u-Elizafani loSithiri.
\li1
\v 23 U-Aroni wathatha u-Elishebha indodakazi ka-Aminadabi. U-Elishebha wayengudadewabo kaNahashoni. Wamzalela uNadabi, u-Abhihu, u-Eliyazari lo-Ithamari.
\b
\li1
\v 24 Amadodana kaKhora ayeyila;
\li2 u-Asiri, u-Elikhana lo-Abhiyasafi.
\li4 Laba babengabosendo lukaKhora.
\b
\li1
\v 25 U-Eliyazari indodana ka-Aroni wathatha omunye wamadodakazi kaPhuthiyeli. Wamzalela uFinehasi.
\b
\li4 Laba-ke yibo ababengabakhokheli bezimuli zakoLevi, ngendlu yinye ngayinye.
\b
\p
\v 26 Yibo labo o-Aroni loMosi \nd uThixo\nd* athi kubo, “Khokhelani abantu bami bako-Israyeli libakhuphe elizweni laseGibhithe ngamakhulu abo.” 
\v 27 Yibo laba abaya kuFaro inkosi yaseGibhithe mayelana lokukhupha abantu bako-Israyeli eGibhithe. Kwakuyibo oMosi lo-Aroni.
\s1 U-Aroni Ukhulumela UMosi
\p
\v 28 Ngesikhathi \nd uThixo\nd* ekhuluma loMosi eGibhithe, 
\v 29 wathi kuye, “\nd NginguThixo\nd*. Tshela uFaro inkosi yaseGibhithe yonke into engikutshela yona.”
\p
\v 30 Kodwa uMosi wathi \nd kuThixo\nd*, “Njengoba ngikhuluma ngigagasa, kambe kuyini okungenza ukuthi uFaro azihluphe ngokungilalela?”
\c 7
\p
\v 1 \nd UThixo\nd* wasesithi kuMosi, “Khangela, sengikwenze wafana loNkulunkulu kuFaro, njalo umfowenu u-Aroni uzakuba ngumphrofethi wakho. 
\v 2 Uzakhuluma konke engizakulaya khona njalo umfowenu u-Aroni uzatshela uFaro ukuthi avumele abako-Israyeli ukuba basuke elizweni lakhe. 
\v 3 Kodwa ngizakwenza inhliziyo kaFaro ibe lukhuni, njalo lanxa ngizakwandisa izimangaliso zami elizweni laseGibhithe, 
\v 4 kasoze alilalele. Sekunjalo ngizakwelula isandla sami phezu kweGibhithe, njalo ngezenzo zami zokwahlulela ezilamandla, ngizakwahlukanisa abantu. 
\v 5 Njalo abantu baseGibhithe bazakwazi ukuthi ngempela mina \nd nginguThixo\nd* lapho sengiselula isandla sami phezu kweGibhithe, besengikhupha abako-Israyeli kulelolizwe.”
\p
\v 6 UMosi lo-Aroni benza njengokulaywa kwabo \nd nguThixo\nd*. 
\v 7 UMosi wayeleminyaka engamatshumi ayisificaminwembili ubudala, u-Aroni wayeleminyaka engamatshumi ayisificaminwembili lantathu ngesikhathi bekhuluma loFaro.
\s1 Intonga Ka-Aroni Iba Yinyoka
\p
\v 8 \nd UThixo\nd* wathi kuMosi lo-Aroni, 
\v 9 “Nxa uFaro angathi kini limenzele isimangaliso, wena uzakuthi ku-Aroni, ‘Thatha intonga yakho uyiphose phambi kukaFaro,’ izaphenduka ibe yinyoka.”
\p
\v 10 Ngakho uMosi lo-Aroni baya kuFaro. Bafika benza njengokulaywa kwabo \nd nguThixo\nd*. U-Aroni waphosa intonga yakhe phansi phambi kukaFaro lezikhulu zakhe, yaphenduka yaba yinyoka. 
\v 11 UFaro wasebiza izanuse lezinyanga zaseGibhithe. Lazo zenza izimanga ngendlela efanayo. 
\v 12 Bonke baphosela intonga zabo phansi zaphenduka zaba zinyoka. Kodwa inyoka ka-Aroni yaziginya zonke izinyoka. 
\v 13 Kodwa-ke, lanxa kwabanjalo, inhliziyo kaFaro yala ilokhu ilukhuni; njengoba \nd uThixo\nd* wayetshilo.
\s1 Uhlupho Lwegazi
\p
\v 14 \nd UThixo\nd* wasesithi kuMosi, “Inhliziyo kaFaro ilukhuni; uyala ukuthi abantu bahambe. 
\v 15 Yana kuFaro ekuseni, ngesikhathi esehlela emfuleni. Ubokuma okhunjini lomfula uNayili, umhlangabeze uphethe intonga eyaphenduka yaba yinyoka. 
\v 16 Ubokuthi kuye, ‘\nd uThixo\nd*, uNkulunkulu wamaHebheru ungithumile njalo kuwe ukuba ngizekutshela ukuthi: Vumela abantu bami ukuthi bahambe, ukuze bayengikhonza enkangala. Kodwa kuze kube khathesi kawukalaleli. 
\v 17 \nd UThixo\nd* uthi, Ngalokhu uzakwazi ukuthi \nd nginguThixo\nd*: Ngentonga esesandleni sami ngizatshaya amanzi kaNayili njalo azaphenduka abe ligazi. 
\v 18 Inhlanzi kuNayili zizakufa, amanzi omfula azanuka athi phu, ngakho abantu baseGibhithe abangeke babe besawanatha.’ ”
\p
\v 19 \nd UThixo\nd* wasesithi kuMosi, “Tshela u-Aroni uthi ‘thatha intonga yakho welulele isandla sakho phezu kwamanzi eGibhithe, lakuyo yonke imifula yakhona lemisele yamanzi, amaxhaphozi, lamachibi, wonke amanzi alapho azaphenduka abe ligazi.’ Igazi lizagcwala eGibhithe lasezinkonxeni zezigodo lasezitsheni zamatshe.”
\p
\v 20 UMosi lo-Aroni benza njengokulaywa kwabo \nd nguThixo\nd*. Waphakamisa intonga yakhe phambi kukaFaro lezikhulu zakhe watshaya amanzi kaNayili aphenduka aba ligazi. 
\v 21 Inhlanzi zikaNayili zafa. Umfula wanuka kubi okokuthi abaseGibhithe babengeke bawanathe amanzi akhona. Igazi laseligcwele indawo yonke.
\p
\v 22 Kodwa izanuse zaseGibhithe lazo ngemilingo yazo zenza izimanga ezifananayo. Ngalokho inhliziyo kaFaro yala ilokhu ilukhuni. Kabalalelanga oMosi lo-Aroni njengoba \nd uThixo\nd* wayevele etshilo. 
\v 23 UFaro wabuyela esigodlweni sakhe engakunaki lokho. 
\v 24 Sekunjalo abaseGibhithe bemba imithombo okhunjini lomfula uNayili ukuba bathole amanzi okunatha, ngoba babengeke babe besawanatha awomfula.
\s1 Uhlupho Lwamaxoxo
\p
\v 25 Kwedlula insuku eziyisikhombisa ngemva kokuba \nd uThixo\nd* enze amanzi kaNayili aba ligazi.
\c 8
\nb
\v 1 \nd UThixo\nd* wathi kuMosi, “Buyela njalo kuFaro uthi kuye, ‘\nd UThixo\nd* uthi, Vumela abantu bami bahambe bayengikhonza. 
\v 2 Ungala ngizathumela uhlupho lwamaxoxo elizweni lakho. 
\v 3 Umfula uNayili uzagcwala amaxoxo. Azangena esigodlweni sakho lasendlini yakho yokulala, lasembhedeni wakho; angene lezindlini zezikhulu zakho lezabantu bakho. Azagcwala ezindaweni zenu zokuphekela, lasemiganwini yenu yokuvubela izinkwa. 
\v 4 Amaxoxo la azakuba phezu kwakho laphezu kwabantu bakho kanye lezikhulu zakho.’ ”
\p
\v 5 \nd UThixo\nd* wasesithi kuMosi, “Tshela u-Aroni akhombele intonga emifuleni, lasezifudlaneni lasezizibeni zonke zaseGibhithe ukuze kube lamaxoxo ezindaweni zonke zelizwe.”
\p
\v 6 U-Aroni welulela isandla sakhe emanzini eGibhithe, amaxoxo agcwala ilizwe lonke. 
\v 7 Kodwa-ke izanuse lazo zenzanjalo ngemilingo yazo yensitha, zenza kwaba lamaxoxo elizweni lonke leGibhithe.
\p
\v 8 UFaro wabiza uMosi lo-Aroni wathi kubo, “Ncengani \nd uThixo\nd* asuse amaxoxo kimi lebantwini bami, lami ngizavumela abantu bakhe ukuba bahambe bayenikela imihlatshelo \nd kuThixo\nd*.”
\p
\v 9 UMosi wathi, kuFaro “Ngikutshiya kuwe ukuba ubeke isikhathi sokuthi ngikukhulekele wena lezikhulu zakho labantu bakho ukuze lina lezindlu zenu lilanyulelwe emaxoxweni, ngaphandle kwalawo azasala kuNayili.”
\p
\v 10 UFaro wathi, “Kwenze kusasa.”
\p UMosi wasesithi, “Kuzakuba njengokutsho kwakho ukuze ukwazi ukuthi kakho omunye \nd onjengoThixo\nd* uNkulunkulu wethu. 
\v 11 Amaxoxo azasuka kini lezindlini zenu lezezikhulu labantu benu abesesala emfuleni uNayili kuphela.”
\p
\v 12 UMosi lo-Aroni basuka kuFaro. UMosi wakhala \nd kuThixo\nd* ukuba asuse amaxoxo ayewathumele kuFaro. 
\v 13 \nd UThixo\nd* wenza lokho uMosi ayekucelile. Amaxoxo afa ezindlini lemagumeni lemasimini. 
\v 14 Bawabuthelela aba zinqwabanqwaba; ilizwe lonke lanuka phu ngamaxoxo. 
\v 15 Kodwa uFaro ebona ukuthi udubo soluphungukile womisa inhliziyo yakhe wala ukulalela uMosi lo-Aroni njengokwakuvele kukhulunywe \nd nguThixo\nd*.
\s1 Uhlupho Lwentwala
\p
\v 16 \nd UThixo\nd* wasesithi kuMosi, “Tshela u-Aroni uthi, ‘Phakamisa intonga yakho utshaye uthuli lomhlabathi,’ uthuli luzaphenduka lube zintwala elizweni lonke laseGibhithe.” 
\v 17 Benza njengokulaywa kwabo, kwathi u-Aroni eselule isandla sakhe ephethe intonga watshaya uthuli, intwala zahlasela abantu lezifuyo zabo. Uthuli lonke eGibhithe lwaphenduka lwaba zintwala. 
\v 18 Izanuse lazo zazama ukwenza intwala ngemilingo yazo, kodwa zehluleka.
\p Njengoba intwala zazisebantwini lezinyamazaneni, 
\v 19 izanuse zathi kuFaro, “Lokhu kungumunwe kaNkulunkulu.” Kodwa inhliziyo kaFaro yayilukhuni, kabalalelanga njengoba \nd uThixo\nd* wayevele etshilo.
\s1 Uhlupho Lwempukane
\p
\v 20 \nd UThixo\nd* wasesithi kuMosi, “Kusasa ubovuka ekuseni kakhulu uhlangabeze uFaro lapho esiya emanzini. Ubokuthi kuye, ‘Vumela abantu bami bahambe bayengikhonza. 
\v 21 Ungala, ngizathumela umtshitshi wempukane kuwe, ebantwini bakho lezindlini zenu. Izindlu zabantu baseGibhithe zizagcwala impukane lomhlabathi ugcwale zona.
\p
\v 22 Kodwa ngalolosuku akuyikuba njalo eGosheni lapho okuhlala khona abantu bami. Akuyikuba lemitshitshi yempukane khona. Ngakho uzakwazi ukuthi mina \nd nginguThixo\nd* womhlaba wonke. 
\v 23 Ngizakwenza kube lomahluko phakathi kwabantu bami labantu bakho. Lesisimangaliso sizakwenzakala kusasa.’ ”
\p
\v 24 \nd UThixo\nd* wenza njengoba wayetshilo. Umtshitshi wempukane ezinengi okwesabeka kakhulukazi zagcwala esigodlweni sikaFaro lasezindlini zezikhulu zakhe, lakulo lonke ilizwe laseGibhithe; zalitshabalalisa.
\p
\v 25 UFaro wabiza uMosi lo-Aroni. Wathi kubo, “Hambani liyehlabela uNkulunkulu wenu likhonapha kulelilizwe.”
\p
\v 26 UMosi waphendula wathi, “Lokho akulunganga. Imihlatshelo yethu esinikela ngayo \nd kuThixo\nd* uNkulunkulu wethu iyanengeka ebantwini beGibhithe. Singanikela ngeminikelo abayizondayo kambe kabayikusitshaya ngamatshe na? 
\v 27 Kumele sithathe uhambo lwezizinsuku ezintathu siye enkangala siyemhlabela khonale \nd uThixo\nd* uNkulunkulu wethu njengokusilaya kwakhe.”
\p
\v 28 UFaro wathi, “Ngizalivumela lihambe liyenikela imihlatshelo \nd kuThixo\nd* uNkulunkulu wenu enkangala, kodwa lingayi khatshana. Khathesi ngikhulekelani.”
\p
\v 29 UMosi waphendula wathi, “Ngizakuthi ngisanda kusuka ngikhuleke \nd kuThixo\nd*, njalo kusasa umtshitshi wempukane uzasuka kuFaro, ezikhulwini zakhe lebantwini bakhe. Kodwa uFaro kangasikhohlisi futhi asuke angasavumeli abantu ukuba bahambe bayenikela imihlatshelo \nd kuThixo\nd*.”
\p
\v 30 Emva kwalokho uMosi wasuka kuFaro wasekhuleka \nd kuThixo\nd*. 
\v 31 \nd UThixo\nd* wenza lokho okwakucelwe nguMosi, umtshitshi wempukane wanyamalala kuFaro lezikhulu zakhe labantu bakhe, akwaze kwasala leyodwa. 
\v 32 Kodwa langalesosikhathi uFaro wenza inhliziyo yakhe yaba lukhuni kazabavumela abako-Israyeli ukuba bahambe.
\c 9
\s1 Uhlupho Ezifuyweni
\p
\v 1 \nd UThixo\nd* wasesithi kuMosi, “Yana kuFaro uthi kuye, ‘Nanku okutshiwo \nd nguThixo\nd*, uNkulunkulu wamaHebheru, ukuthi, “Yekela abantu bami bahambe, ukuze bayengikhonza.” 
\v 2 Ungabalela ukuthi bahambe ube ulokhu ubabambile 
\v 3 \nd uThixo\nd* uzakwehlisela isifo esibi ezifuyweni zakho emadlelweni, amabhiza enu, obabhemi, amakamela, inkomo, izimvu lembuzi. 
\v 4 Kodwa \nd uThixo\nd* uzakwenza umahluko phakathi kwezifuyo zabako-Israyeli lezamaGibhithe ukuze kungafi lasinye isifuyo sabako-Israyeli.’ ”
\p
\v 5 \nd UThixo\nd* wamisa isikhathi esithile wathi, “\nd uThixo\nd* uzakwenza lokhu kusasa elizweni leli.” 
\v 6 Lakanye ngelanga elilandelayo \nd uThixo\nd* wakwenza, zonke izifuyo zamaGibhithe zafa, kodwa akufanga ngitsho lasinye isifuyo sabako-Israyeli. 
\v 7 UFaro wathuma amadoda ukuyahlola umonakalo afumana ukuthi kwakungafanga sifuyo lasinye sabako-Israyeli. Kodwa inhliziyo yakhe yala ilokhu ilukhuni, wabalela abantu ukuthi bahambe.
\s1 Uhlupho Lwamathumba
\p
\v 8 \nd UThixo\nd* wasesithi kuMosi lo-Aroni, “Thathani umlotha omlutshwana eziko lifike kuFaro uMosi awuhazele emoyeni phambi kwakhe. 
\v 9 Uzakuba luthuli phezu kwelizwe lonke laseGibhithe, lapho-ke kuzaphihlika amathumba amabi ebantwini lasezinyamazaneni kulolonke ilizwe.”
\p
\v 10 Ngakho bathatha umlotha eziko baya kuFaro. UMosi wawuhazela emoyeni, abantu bonke lezinyamazana zonke kwamilwa ngamathumba aphihlikayo. 
\v 11 Izangoma zehluleka ukumisana loMosi ngenxa yamathumba ayezibulala kanye lamaGibhithe wonke. 
\v 12 Kodwa \nd uThixo\nd* wenza yaba lukhuni inhliziyo kaFaro wala ukulalela uMosi lo-Aroni njengoba \nd uThixo\nd* wayevele etshilo kuMosi.
\s1 Uhlupho Lwesiqhotho
\p
\v 13 \nd UThixo\nd* wasesithi kuMosi, “Vuka ekuseni kakhulu uye kuFaro, uthi kuye, ‘Nanku okutshiwo \nd nguThixo\nd*, uNkulunkulu wamaHebheru, uthi, yekela abantu bami bahambe ukuze bayengikhonza. 
\v 14 Kungenjalo kulesisikhathi ngizakwehlisa ubunzima bezinhlupho zami obulesihluku phezu kwakho, phezu kwezinceku zakho labantu bakho ukuze lazi ukuthi kakho omunye onjengami emhlabeni wonke. 
\v 15 Kunje nje ngabe sengiselulile isandla sami ngakutshaya kanye labantu bakho ngesifo ebesizakucitsha emhlabeni. 
\v 16 Kodwa ngikuphephisile ngayonale injongo yokuthi ngikubonise amandla ami, lokuthi ibizo lami lifakazwe kuwo wonke umhlaba. 
\v 17 Ulokhu utshingela abantu bami ubalela ukuthi bahambe. 
\v 18 Ngalokho-ke ngalesisikhathi kusasa ngizakwehlisa isiqhotho esingakaze sehlele eGibhithe lilokhu lababala laba khona ilizwe leli. 
\v 19 Wohle nje uthumezele ilizwi lokuthi izifuyo zakho lakho konke olakho emadlelweni kubuyiswe kuvalelwe esibayeni esivikelweyo ngoba isiqhotho leso sizatshaya umuntu wonke lesifuyo sonke esingabuthwanga nxa silokhu sisegangeni, konke kuzakufa.’ ”
\p
\v 20 Lezozikhulu zikaFaro ezalesabayo ilizwi \nd likaThixo\nd* zaphanga zangenisa izigqili zazo lezifuyo ngaphakathi. 
\v 21 Labo abangalinanzanga ilizwi \nd likaThixo\nd* izigqili zabo lezifuyo zabo bakuyekela kusegangeni.
\p
\v 22 \nd UThixo\nd* wasesithi kuMosi, “Yelula isandla sakho siye phezulu ukuze kune isiqhotho kulolonke iGibhithe, phezu kwabantu lezinyamazana laphezu kwakho konke okukhulayo emasimini aseGibhithe.” 
\v 23 UMosi wonela ukukhomba ngentonga yakhe phezulu, \nd uThixo\nd* wehlisa umdumo lesiqhotho, umbane wabaneka phansi emhlabathini. Ngakho \nd uThixo\nd* wanisa isiqhotho elizweni laseGibhithe. 
\v 24 Isiqhotho satshaya umbane wabaneka yonke indawo. Sasingakaze sibe khona isiphepho esinjalo sekulokhu isizwe saseGibhithe saba khona. 
\v 25 Isiqhotho satshaya saqothula yonke into egangeni, abantu lezinyamazana; sabhuqa konke okukhulayo emasimini, saphundla izihlahla zonke eGibhithe. 
\v 26 Indawo eyasilayo yiGosheni lapho okwakulabako-Israyeli khona.
\p
\v 27 UFaro wasebiza uMosi lo-Aroni. Wathi kubo, “Okwamanje ngenze isono. \nd UThixo\nd* ulungile, kukanti mina labantu bami siyizoni. 
\v 28 Khulekani \nd kuThixo\nd*, ngoba ukukhwaza kwezulu lesiqhotho sekwanele. Ngizaliyekela lihambe; akusadingeki ukuthi lihlale.”
\p
\v 29 UMosi waphendula wathi. “Nxa sengiphumile edolobheni ngizavula izandla zami ngikhuleke \nd kuThixo\nd*. Ukuduma kuzakhawula kungabe kusaba lesiqhotho, ukuze wazi ukuthi umhlaba \nd ngokaThixo\nd*. 
\v 30 Kodwa ngiyazi ukuthi wena lezikhulu zakho lilokhu lingamesabi \nd uThixo\nd* uNkulunkulu.”
\p
\v 31 (Amabele lebhali kwabhuqwa nya ngoba amabele ayeselezikhwebu lophoko selumumethe. 
\v 32 Ingqoloyi lenyawuthi khona kakuthintwanga ngoba kuvuthwa muva.)
\p
\v 33 UMosi wasesuka kuFaro waphuma edolobheni. Welulela izandla zakhe \nd kuThixo\nd*; ukuduma kwezulu lesiqhotho kwakhawula, izulu alabe lisana emhlabeni. 
\v 34 Kwathi uFaro ebona ukuthi izulu lesiqhotho lokukhwaza kwezulu kwasekukhawule waphinda wenza isono: Yena lezikhulu zakhe benza inhliziyo zabo zaba lukhuni. 
\v 35 Ngakho inhliziyo kaFaro yaba lukhuni akaze avumela abako-Israyeli ukuthi bahambe njengoba \nd uThixo\nd* wayetshilo ngoMosi.
\c 10
\s1 Uhlupho Lwentethe
\p
\v 1 Ngakho \nd uThixo\nd* wasesithi kuMosi, “Hamba kuFaro, ngoba sengiyenze yaba lukhuni inhliziyo yakhe lezinhliziyo zezikhulu zakhe ukuze ngenze izimanga zami kubo 
\v 2 ukuze lilandisele abantwabenu labazukulu benu ukuthi ngabahlukuluza njani abeGibhithe lokuthi ngabenzela izimanga, khona lizakwazi ukuthi mina \nd nginguThixo\nd*.”
\p
\v 3 Ngakho oMosi lo-Aroni baya kuFaro bathi kuye, “Nanku okutshiwo \nd nguThixo\nd*, uNkulunkulu wamaHebheru: ‘Uzakwala kuze kube nini ukuzithoba phambi kwami? Yekela abantu bami bahambe ukuze bayengikhonza. 
\v 4 Nxa usala ukuthi bahambe ngizaletha intethe elizweni lakho kusasa. 
\v 5 Zizakwembesa wonke umhlabathi usale ungasabonakali. Zizakudla ziphundle du lalokho okuncinyane okwatshiywa yisiqhotho kanye lezihlahla zonke ezikhula egangeni. 
\v 6 Zizagcwala ezindlini zakho lezezikhulu zakho zonke lezamaGibhithe, into oyihlo labokhokho bakho abangazange bayibone selokhu bahlala kulelilizwe kuze kube manje.’ ” Khonapho uMosi wabe efulathela esuka kuFaro.
\p
\v 7 Izikhulu zikaFaro zathi kuye, “Koze kube nini na indoda le ilokhu iyisifu kithi? Yekela abantu bahambe bayekhonza \nd uThixo\nd* uNkulunkulu wabo. Ulokhu ungaboni yini ukuthi ilizwe leGibhithe selichithekile?”
\p
\v 8 UMosi lo-Aroni basebebuyiswa kuFaro. Wathi, “Hambani liyokhonza \nd uThixo\nd* uNkulunkulu wenu. Kanti konje ngobani abahambayo?”
\p
\v 9 UMosi waphendula wathi, “Sizahamba labatsha labadala bethu; lamadodana lamadodakazi ethu, lemihlambi yethu ngoba kumele senzele \nd uThixo\nd* umkhosi.”
\p
\v 10 UFaro wathi, “\nd uThixo\nd* kabe lani, kumbe likhumbula ukuthi ngizaliyekela lihambe labesifazane labantwana! Kusobala ukuthi liqonde ukwenza okubi. 
\v 11 Hatshi! Akuhambe amadoda kuphela; amkhonze \nd uThixo\nd* ngoba phela yikho ebelivele likukhalela.” Ngakho uMosi lo-Aroni basebexotshwa phambi kukaFaro.
\p
\v 12 \nd UThixo\nd* wasesithi kuMosi, “Yelula isandla sakho phezu kweGibhithe ukuze kwehle isikhongwane, izintethe, kulolonke ilizwe zidle zigugude konke okukhulayo emangweni, konke lokho okwatshiywa yisiqhotho.”
\p
\v 13 UMosi wayiphakamisa intonga yakhe phezu kweGibhithe, \nd uThixo\nd* wasequbula umoya wempumalanga wavunguza elizweni lonke ngalelolanga lobusuku bakhona. Ekuseni umoya waletha izintethe. 
\v 14 Zalihlasela lonke elaseGibhithe zagcwala silikici kuzozonke izindawo zelizwe ngobunengi bazo. Kwakungakaze kube lesikhongwane esingako njalo singeyikufa saba khona njalo lanini. 
\v 15 Intethe lezo zavala umhlabathi waba mnyama bhuqe. Zatshaya zabhuqa konke okwakusele ngesikhathi sesiqhotho, konke okwakukhula emangweni kanye lezithelo zezihlahla. Akusalanga lutho oluluhlaza ezihlahleni loba isilimo bani kulolonke ilizwe laseGibhithe.
\p
\v 16 UFaro waphanga wabiza uMosi lo-Aroni wathi, “Ngonile \nd kuThixo\nd* uNkulunkulu wenu lakini. 
\v 17 Manje-ke ngixolelani njalo libuye likhuleke \nd kuThixo\nd* uNkulunkulu wenu ukuthi asuse loluhlupho olubhubhisayo.”
\p
\v 18 UMosi wasesuka kuFaro wayakhuleka \nd kuThixo\nd*. 
\v 19 \nd UThixo\nd* wasewuguqula umoya waphephetha uvelela entshonalanga ulamandla. Wazidudula izintethe wazitshovela oLwandle Olubomvu. Akusalanga ntethe layinye loba ngaphi eGibhithe. 
\v 20 Kodwa \nd uThixo\nd* wayenza yaba lukhuni inhliziyo kaFaro, kaze abavumela abako-Israyeli ukuthi bahambe.
\s1 Uhlupho Lomnyama
\p
\v 21 \nd UThixo\nd* wasesithi kuMosi, “Yelulela isandla sakho emkhathini ukwenzela ukuthi umnyama wembese iGibhithe lonke, umnyama obambekayo.” 
\v 22 Ngakho uMosi waseselulela isandla sakhe phezulu, kwathi gubu umnyama okhasa phansi, walembesa lonke elaseGibhithe okwensuku ezintathu. 
\v 23 Kakho owayesabona omunye njalo kakho owayengasuka endaweni yakhe okwalezonsuku ezintathu. Kodwa ama-Israyeli ayelakho ukukhanya ezindaweni ayehlala kuzo.
\p
\v 24 UFaro wasebiza uMosi wathi, “Hambani liyekhonza \nd uThixo\nd*. Ngitsho labesifazane benu labantwana hambani labo; litshiye kuphela imihlambi yezifuyo zenu.”
\p
\v 25 Kodwa uMosi wathi, “Kumele usivumele ukuthi siyokwenza imihlatshelo leminikelo yokutshiswa \nd kuThixo\nd* uNkulunkulu wethu. 
\v 26 Izifuyo zethu lazo zimele zihambe lathi kungasali lasinye. Kumele siyosebenzisa ezinye zazo ekukhonzeni \nd uThixo\nd* uNkulunkulu wethu. Phela kasisoze sazi ukuthi sizasebenzisa siphi isifuyo ukukhonza \nd uThixo\nd* size sifike khonale.”
\p
\v 27 Kodwa \nd uThixo\nd* wayenza yaba lukhuni inhliziyo kaFaro, kaze afuna ukubayekela bahambe. 
\v 28 UFaro wathi kuMosi, “Suka phambi kwami! Phinde ngikubone futhi. Mhla wangibona futhi ufile wena.”
\p
\v 29 UMosi waphendula wathi, “Akube njengokuba usitsho. Phinde ungibone njalo lapha.”
\c 11
\s1 Uhlupho Lokubulawa Kwamazibulo
\p
\v 1 Ngalesosikhathi \nd uThixo\nd* wathi kuMosi, “Sekusele ukuthi ngehlise uhlupho olulodwa kuFaro laphezu kweGibhithe. Ngemva kwalokho uzaliyekela lisuke lapha, njalo liphume eselixotsha lonke. 
\v 2 Tshela abantu ukuthi amadoda labafazi ngokufananayo bacele kubomakhelwane babo izinto zesiliva legolide.” 
\v 3 (\nd UThixo\nd* wenza amaGibhithe aba lomusa ebantwini, loMosi uqobo wahlonitshwa kakhulu yizikhulu zikaFaro langabantu.)
\p
\v 4 Ngakho uMosi wasesithi, “Nanku okutshiwo \nd nguThixo\nd*: ‘Phakathi kobusuku ngizahambahamba kulolonke elaseGibhithe. 
\v 5 Wonke owesilisa olizibulo eGibhithe uzakufa, kusukela ezibulweni likaFaro ohlezi esihlalweni sobukhosi kuthathe kanye lezibulo lesigqili sentombazana esisebenza ukuchola, kanye lamazibulo enkomo uqobo. 
\v 6 Kuzakuba lesililo esikhulu eGibhithe lonke, isililo esingakaze sibe khona njalo esingayikuba khona lanini. 
\v 7 Kodwa kwabako-Israyeli akuyikuba lanja ezakhonkotha umuntu loba inyamazana.’ Lapho-ke lizakwazi ukuthi \nd uThixo\nd* uyawehlukanisa amaGibhithe kwabako-Israyeli. 
\v 8 Zonke izikhulu zakho lezi zizakuza kimi zikhothamisele ubuso phansi phambi kwami zisithi, ‘Hambani, wena labo bonke abakulandelayo!’ Ngemva kwalokho ngizasuka.” UMosi wasesuka kuFaro elokhu ezonde evutha umlilo.
\p
\v 9 \nd UThixo\nd* wayesetshilo kuMosi wathi, “UFaro uzaqinisa intamo, ukuze zande izimangaliso zami eGibhithe.” 
\v 10 UMosi lo-Aroni bazenza zonke izimangaliso lezi emehlweni kaFaro, kodwa \nd uThixo\nd* wayenza yaba lukhuni inhliziyo kaFaro kaze abavumela abako-Israyeli ukuthi baphume elizweni lakhe.
\c 12
\s1 Umdabuko WePhasika LoMkhosi WeSinkwa EsingelaMvubelo
\p
\v 1 \nd UThixo\nd* wathi kuMosi lo-Aroni beseGibhithe, 
\v 2 “Inyanga le kayibe yinyanga yakuqala kini, inyanga yokuqala emnyakeni wenu. 
\v 3 Tshelani bonke abomndeni ka-Israyeli ukuthi ngelanga letshumi lale inyanga indoda ngayinye kayithathele abomuzi wayo izinyane libe linye indlu ngendlu. 
\v 4 Nxa abendlu bebalutshwana kakhulu ukuthi abangeke baliqede lelozinyane kababelane labomakhelwane abaseduze kwabo kusiya ngenani labo ukuthi bangaki. Kumele uphawule ukuthi kungadingeka izinyane elingakanani kusiya ngokuthi umuntu emunye angadla inyama engakanani. 
\v 5 Kumele ukhethe amazinyane amaduna alomnyaka owodwa angelasici, njalo ungakhetha ezimvini loba embuzini. 
\v 6 Agcine amazinyane lawo kuze kube lusuku lwetshumi lane lwenyanga, lapho isizwe sonke sako-Israyeli esizawahlaba khona nxa kuhwalala. 
\v 7 Lapho-ke kuzamele bathathe igazi baligcobe emaceleni laphezulu kwemigubazi yalezozindlu abazadlela khona amazinyane. 
\v 8 Ngalobobusuku kumele badle inyama eyoswe emlilweni, lesinkwa esingelamvubelo lemibhida ebabayo. 
\v 9 Lingayidli inyama iluhlaza loba iphekwe ngamanzi, kodwa yoseni emlilweni konke lenhloko yakhona lamangqina kanye lezangaphakathi. 
\v 10 Lingatshiyi lutho lwayo kuze kube sekuseni; kuthi nxa kukhona okuseleyo kwayo ekuseni kumele likutshise. 
\v 11 Liboyidla inkalo zenu zibotshiwe, amanyathela egqokiwe lentonga zenu zisezandleni. Lidle ngokuphangisa; kuliPhasika \nd likaThixo\nd*.
\p
\v 12 Ngalobobusuku ngizadabula phakathi kweGibhithe ngibulala wonke amazibulo abantu lawezinyamazana njalo ngizakwahlulela bonke onkulunkulu bamaGibhithe. Mina \nd nginguThixo\nd*. 
\v 13 Igazi lizakuba yisibonakaliso sezindlu lapho elikhona lina; kuzakuthi ngingabona igazi ngedlule kini. Akulasijeziso esibhidlizayo esizalithinta lina nxa sengichitha iGibhithe.
\p
\v 14 Leli akube lilanga lesikhumbuzo, kuthi zonke izizukulwane ezizayo ziligcine ngomkhosi omkhulu \nd kuThixo\nd*, kube yisimiso sanini lanini. 
\v 15 Okwensuku eziyisikhombisa kumele lidle isinkwa esingelamvubelo. Ngelanga lakuqala khuphani imvubelo ezindlini zenu, kuthi lowo odla loba yini elemvubelo ngelanga lakuqala kusiya kwelesikhombisa kumele akhutshwe ko-Israyeli. 
\v 16 Ngosuku lwakuqala lenze umbuthano ongcwele, liphinde omunye ngosuku lwesikhombisa. Lingenzi msebenzi ngamalanga lawa ngaphandle kokulungisa ukudla kwabantu, yikho kodwa elingakwenza.
\p
\v 17 Gcinani uMkhosi weSinkwa esingelaMvubelo ngoba kwakulilanga engehlukanisa ngalo amaviyo enu eGibhithe. Gcinani lelilanga njengesimiso sanini lanini kuzizukulwane ezizayo. 
\v 18 Ngenyanga yakuqala kumele lidle isinkwa esingelamvubelo, kusukela kusihlwa ngelanga letshumi lane kuze kube kusihlwa ngelanga lamatshumi amabili lanye. 
\v 19 Okwensuku eziyisikhombisa akumelanga kutholakale imvubelo ezindlini zenu. Akuthi lowo odla loba yini elemvubelo asuswe phakathi kwabantu bako-Israyeli, loba engowezizweni kumbe owosendo lwenu. 
\v 20 Lingadli lutho olufakwe imvubelo. Loba kungaphi elihlala khona libokudla isinkwa esingelamvubelo.”
\p
\v 21 Ngakho uMosi wasebiza bonke abadala bako-Israyeli wathi kubo, “Hambani khona manje liyokhetha amazinyane ezindlu zenu lihlabe izinyane lePhasika. 
\v 22 Lithathe ilixha lehisophi liyigxamuze emganwini olegazi beselithatha elinye igazi liligcobe phezulu lakunxa zonke zomgubazi. Akungabikhona lamunye wenu ozaphuma emnyango wendlu yakhe kuze kuse. 
\v 23 Lapho \nd uThixo\nd* edabula phakathi kwelizwe ebulala amaGibhithe uzalibona igazi phezulu lemaceleni omgubazi, aceze awedlule lowomnyango angamvumeli umbhubhisi ukungena endlini alibulale.
\p
\v 24 Lalelani imilayo le njengezimiso zaphakade kini lasezizukulwaneni zenu. 
\v 25 Nxa lingangena elizweni \nd uThixo\nd* azalinika lona njengokuthembisa kwakhe, liwugcine umkhosi lo. 
\v 26 Nxa abantwabenu belibuza besithi, ‘Umkhosi lo ngowani?’ 
\v 27 libatshele lithi, ‘UliPhasika lomhlatshelo \nd kaThixo\nd* owadlula eceza izindlu zabako-Israyeli eGibhithe, waphephisa imizi yethu mhla egadla amaGibhithe.’ ” Khonapho abantu bakhothama bakhonza. 
\v 28 Abako-Israyeli bakwenza lokho \nd uThixo\nd* akuyala uMosi lo-Aroni.
\p
\v 29 Phakathi kobusuku \nd uThixo\nd* wawagongoda wonke amazibulo eGibhithe, kusukela ezibulweni likaFaro owayesesihlalweni sobukhosi kusiya ezibulweni lesibotshwa esasisentolongweni, kanye lamazibulo ezifuyo. 
\v 30 UFaro lezikhulu zakhe zonke lawo wonke amaGibhithe bavuka ebusuku basiqhinqa isililo esikhulu eGibhithe ngoba kungekho ndlu layinye lapho okwakungafiwanga khona.
\s1 Ukuphuma EGibhithe
\p
\v 31 Ebusuku uFaro wabiza uMosi lo-Aroni wathi, “Hambani! Sukani ebantwini bami, lina labako-Israyeli. Hambani liyekhonza \nd uThixo\nd* njengokucela kwenu. 
\v 32 Thathani imihlambi yenu, njengokutsho kwenu lihambe. Njalo lingibusise.”
\p
\v 33 AmaGibhithe akhuthaza ukuthi baphangise baphume elizweni. Bathi, “Engxenye singafa sonke!” 
\v 34 Ngakho abantu bathatha inhlama yabo yesinkwa ingakafakwa mvubelo bayithwala emahlombe ngemiganu yokuvubela igoqelwe ngamalembu. 
\v 35 Abako-Israyeli benza lokho uMosi abayala khona, bacela kumaGibhithe izinto ezenziwe ngesiliva langegolide kanye lezigqoko. 
\v 36 \nd UThixo\nd* wenza amaGibhithe aba lomusa abapha konke abakucelayo. Ngakho bawemuka impahla ezinengi amaGibhithe.
\p
\v 37 Uhambo lwabako-Israyeli lwasukela eRamesesi baqonda eSukhothi. Kwakulamadoda azinkulungwane ezingamakhulu ayisithupha ehamba ngenyawo ngaphandle kwabesifazane labantwana. 
\v 38 Abanye abantu abanengi bahamba labo kanye lemihlambi eminengi yezifuyo, izimvu lenkomo. 
\v 39 Inhlama abaphuma layo eGibhithe bapheka ngayo isinkwa esingelamvubelo. Inhlama leyo yayingelamvubelo ngoba basuka eGibhithe sebexotshwa abazabe besaba lesikhathi sokuzilungisela umphako.
\p
\v 40 Abako-Israyeli babehlale eGibhithe okweminyaka engamakhulu amane lamatshumi amathathu (430). 
\v 41 Ekupheleni kwaleyominyaka engamakhulu amane lamatshumi amathathu (430) kungeqanga suku wonke amaviyo \nd kaThixo\nd* asuka eGibhithe. 
\v 42 Kwathi ngoba \nd uThixo\nd* walinda ngalobobusuku esakhupha abako-Israyeli eGibhithe, yikho-ke labo abako-Israyeli bonke kumele bawugcine umlindo lo behlonipha \nd uThixo\nd* kuzozonke izizukulwane ezizayo.
\s1 Izibopho ZePhasika
\p
\v 43 \nd UThixo\nd* wathi kuMosi lo-Aroni, “Nansi imilayo yePhasika:
\p Akungabi lamuntu wezizweni olidlayo. 
\v 44 Isigqili esithengwe ngemali singalidla nxa sesisokile, 
\v 45 kodwa isihambi sezizweni lesisebenzi esiqhatshiweyo kabavunyelwa ukulidla.
\p
\v 46 Kalidlelwe endlini eyodwa, kungabi lanyama ephumela phandle kwendlu. Akungabi lathambo elephulwayo. 
\v 47 Isizwe sonke sako-Israyeli kumele siwugcine lumkhosi.
\p
\v 48 Owezizweni ohlala phakathi kwenu nxa efuna ukulidla iPhasika \nd likaThixo\nd* kasoke bonke abesilisa abahlala endlini yakhe. Lapho-ke usengahlanganyela adle njengomunye wenzalo yalelolizwe. Owesilisa ongasokwanga kangalidli. 
\v 49 Umthetho lo ugoqela bonke abantu, abayinzalo yakini labezizweni abahlala phakathi kwenu.”
\p
\v 50 Bonke abako-Israyeli benza khona lokhu \nd uThixo\nd* ayekulaye uMosi lo-Aroni. 
\v 51 Njalo ngalelolanga \nd uThixo\nd* wakhupha abako-Israyeli eGibhithe ngamaviyo abo.
\c 13
\s1 Amazibulo Ahlukaniselwa \nd uThixo\nd*
\p
\v 1 \nd UThixo\nd* wathi kuMosi, 
\v 2 “Ngahlukanisela wonke amazibulo esilisa. Konke okuzalwa kuqala phakathi kwabako-Israyeli kungokwami, kungaba ngumuntu loba isifuyo.”
\p
\v 3 Ngakho uMosi wasesithi ebantwini, “Lugcineni lube lusuku lwesikhumbuzo lolu, ilanga elaphuma ngalo eGibhithe, liphuma elizweni lobugqili, ngoba \nd uThixo\nd* walikhupha khona ngamandla amakhulu. Lingadli lutho olulemvubelo. 
\v 4 Lamuhla ngenyanga ka-Abhibhi, liyasuka. 
\v 5 Kuzakuthi \nd uThixo\nd* angalifikisa elizweni lamaKhenani, amaHithi, ama-Amori, amaHivi lamaJebusi, ilizwe afunga kubokhokho benu ukuthi uzalinika lona, ilizwe eligeleza uchago loluju, kufanele liwugcine lumkhosi ngayonale inyanga. 
\v 6 Okwensuku eziyisikhombisa lidle isinkwa esingelamvubelo kuthi ngosuku lwesikhombisa lithakazelele umkhosi \nd kaThixo\nd*; 
\v 7 kungabonwa lutho olulemvubelo phakathi kwenu, kuvele kungabonwa mvubelo elizweni lenu lonke. 
\v 8 Ngalelolanga ngulowo lalowo atshele indodana yakhe athi, ‘Lokhu ngikwenza ngenxa yalokho \nd uThixo\nd* angenzela khona ekuphumeni kwami eGibhithe.’ 
\v 9 Lesisikhumbuzo kuwe sizakuba luphawu esandleni sakho lesikhumbuzo ebunzini lakho ukuthi umlayo \nd kaThixo\nd* ube sezindebeni zakho. Ngoba \nd uThixo\nd* wakukhupha eGibhithe ngesandla sakhe esilamandla amakhulu. 
\v 10 Kalibosigcina lesisimiso ngesikhathi esimisiweyo minyaka yonke.
\p
\v 11 Nxa \nd uThixo\nd* eselingenisile elizweni lamaKhenani walinika lona njengokuthembisa kwakhe kini lakubokhokho benu, 
\v 12 kumele lahlukanisele \nd uThixo\nd* konke okuzalwa kuqala yizo zonke izibeletho. Wonke amazibulo esilisa ezifuyo zenu \nd ngakaThixo\nd*. 
\v 13 Lizahlenga izibulo likababhemi ngezinyane, kodwa nxa lingalihlenganga lephuleni intamo. Lihlenge njalo wonke amadodana enu angamazibulo.
\p
\v 14 Nxa indodana yakho ikubuza ngesikhathi esizayo isithi, ‘Kutshoni lokhu?’ ubokuthi kuyo, ‘\nd uThixo\nd* wasikhupha eGibhithe ngesandla sakhe esilamandla amakhulu, wasikhupha elizweni lobugqili. 
\v 15 Kwathi uFaro eqholoza esala ukuthi sihambe, \nd uThixo\nd* wabulala wonke amazibulo eGibhithe, awabantu lawezinyamazana. Yikho-nje nginikela \nd kuThixo\nd* izibulo lesilisa lenzalo yonke ngiphinde ngihlenge wonke amadodana ami angamazibulo.’ 
\v 16 Lokhu kuzakuba njengophawu esandleni sakho lesibonelo ebunzini lakho ukuthi \nd uThixo\nd* wakukhupha eGibhithe ngesandla sakhe esilamandla amakhulu.”
\s1 Ukuchatshwa KoLwandle Olubomvu
\p
\v 17 UFaro esebavumele abantu ukuthi bahambe, uNkulunkulu kabakhokhelanga ngendlela edabula elizweni lamaFilistiya loba yona yayiquma. Ngoba uNkulunkulu wathi, “Nxa behlangana lempi mhlawumbe bangethuka babuyele eGibhithe.” 
\v 18 Yikho uNkulunkulu wabahola ngendlela yenkangala eya oLwandle Olubomvu. Abako-Israyeli baphuma eGibhithe behlomele impi.
\p
\v 19 \f + \fr 13.19 UGenesisi 50.25\fr*\f*UMosi wawathwala amathambo kaJosefa ngoba uJosefa wayenze isifungo lamadodana ka-Israyeli wathi, “Ngempela uNkulunkulu uzalikhulula. Lapho-ke libowathwala amathambo ami lisuke lawo kule indawo.”
\p
\v 20 Sebesukile eSukhothi bayamisa e-Ethamu indawo egudlene lenkangala. 
\v 21 Emini \nd uThixo\nd* wahamba phambi kwabo ngensika yeyezi ebahola endleleni yabo, kwathi ebusuku wabahola ngensika yomlilo ukubakhanyisela ukuze bahambe emini lebusuku. 
\v 22 Insika yeyezi emini loba insika yomlilo ebusuku kakuzange kusuke endaweni yakho phambi kwabantu.
\c 14
\p
\v 1 \nd UThixo\nd* wathi kuMosi, 
\v 2 “Tshela abako-Israyeli ukuthi babuyele emuva bayomisa ePhi-Hahirothi phakathi laphakathi kweMigidoli lolwandle. Kabamise eceleni kolwandle malungana leBhali-Zefoni. 
\v 3 UFaro uzacabanga ukuthi abako-Israyeli bayantula nje elizweni besangene ngoba sebesithwe yinkangala. 
\v 4 Njalo ngizayenza ibe lukhuni inhliziyo kaFaro abeselandela exotshana labo. Kodwa ngizazizuzela udumo ngoFaro kanye lempi yakhe yonke, lamaGibhithe azakwazi ukuthi mina \nd nginguThixo\nd*.” Ngakho abako-Israyeli bakwenza lokhu.
\p
\v 5 Kwathi inkosi yaseGibhithe isitsheliwe ukuthi abantu sebebalekile, uFaro lezikhulu zakhe baguqula ingqondo zabo ngabako-Israyeli bathi, “Sesenzeni manje? Sesiyekele abako-Israyeli bahamba salahlekelwa yikusetshenzelwa yibo!” 
\v 6 UFaro waselungisa inqola yakhe yamabhiza waphuma lempi yakhe. 
\v 7 Wathatha izinqola ezikhethekileyo ezingamakhulu ayisithupha zahamba kanye lezinye izinqola zaseGibhithe, yinye ngayinye ilenduna yayo. 
\v 8 \nd UThixo\nd* wayenza yaba lukhuni inhliziyo kaFaro inkosi yaseGibhithe, ngakho waxotshana labako-Israyeli ababehamba ngesibindi. 
\v 9 AmaGibhithe kugoqela wonke amabhiza kaFaro lezinqola, abagadi bamabhiza lamabutho, abaxhuma abako-Israyeli abedlula bemise ngasolwandle eduzane lePhi-Hahirothi malungana leBhali-Zefoni.
\p
\v 10 Kwathi uFaro esondela abako-Israyeli bathi bevusa amehlo babona nanko amaGibhithe asebanxwanele. Besaba bathuthumela bakhala \nd kuThixo\nd*. 
\v 11 Bathi kuMosi, “Kambe yikuthi kwakungelamangcwaba yini eGibhithe uze usilethe lapha enkangala ukuba sizofela khona? Manje wenzeni ngokusikhupha eGibhithe? 
\v 12 Asitshongo kuwe yini siseGibhithe ukuthi siyekele? Satsho sathi siyekele sikhonze amaGibhithe. Kwakuzaba ngcono kithi ukukhonza amaGibhithe kulokufela enkangala!”
\p
\v 13 UMosi wabaphendula abantu wathi, “Lingesabi. Manini isibindi, lizabona ukuthi \nd uThixo\nd* uzalihlenga njani lamuhla. AmaGibhithe eliwabonayo lamuhla kalisoze liphinde liwabone futhi. 
\v 14 \nd UThixo\nd* uzalilwela; lina manini lithule.”
\p
\v 15 Ngakho \nd uThixo\nd* wasesithi kuMosi, “Kanti ukhalelani kimi na? Tshela abako-Israyeli baphume bahambe. 
\v 16 Phakamisa intonga yakho welulele isandla sakho phezu kolwandle amanzi adabuke phakathi ukuze abako-Israyeli bahambe phakathi kolwandle emhlabathini owomileyo. 
\v 17 Ngizazenza zibe lukhuni inhliziyo zamaGibhithe ukuze angene abaxhume. Njalo ngizazuza udumo ngoFaro lempi yakhe yonke, langezinqola zakhe labagadi bakhe bamabhiza. 
\v 18 AmaGibhithe azakwazi ukuthi mina yimi \nd uThixo\nd* nxa sengizuza udumo ngoFaro, langezinqola zakhe labagadi bakhe bamabhiza.”
\p
\v 19 Kwathi khonapho ingilosi kaNkulunkulu eyayikade ihamba phambili kwempi yabako-Israyeli yasuka yabhoda ngemva kwabo. Insika yeyezi layo yasuka phambili yayakuma ngemva kwabo, 
\v 20 yehlukanisa impi yamaGibhithe leyabako-Israyeli. Ubusuku bonke iyezi laletha ubumnyama kwelinye icele labuye laletha ukukhanya ngakwelinye icele; ngakho kabakho abasondela kwabanye ubusuku bonke.
\p
\v 21 Ngakho uMosi waseselulela isandla sakhe phezu kolwandle, ngalobobusuku \nd uThixo\nd* wafuqela ulwandle emuva ngomoya wempumalanga olamandla kwasala umhlabathi owomileyo. Amanzi adabukana phakathi, 
\v 22 abako-Israyeli bazihambela phakathi kolwandle emhlabathini owomileyo amanzi ezindonga ngapha langapha kwabo.
\p
\v 23 AmaGibhithe abalandela, amabhiza wonke kaFaro, izinqola labagadi bamabhiza bonke babalandela phakathi kolwandle. 
\v 24 Kwathi ngomlindo wokucina wobusuku \nd uThixo\nd* wakhangela phansi esensikeni yomlilo leyezi, wakhangela phansi empini yamaGibhithe wayidunga yasanganiseka. 
\v 25 Wenza ukuthi amavili ezinqola zawo akhumuke okwenza kwaba nzima ukuthi aqhubeke lula. AmaGibhithe asesithi, “Kasehlukaneni labako-Israyeli! \nd UThixo\nd* uyabalwela ukuba behlule amaGibhithe.”
\p
\v 26 \nd UThixo\nd* wasesithi kuMosi, “Phakamisa isandla sakho phezu kolwandle ukuze amanzi abuyele ambokothe amaGibhithe lezinqola zawo labagadi bamabhiza.” 
\v 27 UMosi waseselula isandla sakhe phezu kolwandle, kwathi emadabukakusa amanzi abuyela endaweni yawo. AmaGibhithe ayebaleka eqonda emanzini, \nd uThixo\nd* wawagubuzela ngamanzi olwandle. 
\v 28 Amanzi aqubuka abuyela emuva ambokotha izinqola labagadi bamabhiza, layo yonke impi kaFaro eyalandela abako-Israyeli olwandle. Akusilanga loyedwa kubo.
\p
\v 29 Kodwa abako-Israyeli badabula olwandle emhlabathini owomileyo kulezindonga zamanzi esandleni sokudla lakwesokhohlo. 
\v 30 Ngalolosuku \nd uThixo\nd* wasindisa u-Israyeli ezandleni zamaGibhithe, njalo abako-Israyeli bawabona amaGibhithe ethe dandalazi okhunjini lolwandle esefile. 
\v 31 Kwathi abako-Israyeli bebona amandla amakhulu \nd uThixo\nd* awatshengisa kumaGibhithe, abantu bamesaba \nd uThixo\nd* babeka ithemba labo kuye lakuMosi inceku yakhe.
\c 15
\s1 Ingoma KaMosi LoMiriyemu
\p
\v 1 Ngakho uMosi labako-Israyeli basebehlabelela lelihubo \nd kuThixo\nd*:
\q1 “Ngizamhlabelela \nd uThixo\nd*
\q2 ngoba uphakeme kakhulu.
\q1 Ibhiza lomgadi walo
\q2 ukuphosele ngamandla olwandle.
\b
\q1
\v 2 \nd UThixo\nd* ungamandla ami lehubo lami;
\q2 useyikusindiswa kwami.
\q1 UnguNkulunkulu wami, ngizamdumisa;
\q2 uNkulunkulu kababa ngizamphakamisa.
\q1
\v 3 \nd UThixo\nd* ulibutho;
\q2 \nd nguThixo\nd* ibizo lakhe.
\q1
\v 4 Izinqola zikaFaro lempi yakhe
\q2 ukuphosele ngamandla olwandle.
\q1 Izikhulu zikaFaro ezithenjiweyo,
\q2 zigalule oLwandle oluBomvu.
\q1
\v 5 Inziki zamanzi zibagubuzele;
\q2 batshona ekujuleni njengelitshe.
\q1
\v 6 Isandla sakho sokunene, Oh \nd Thixo\nd*,
\q2 saba lamandla obukhosi.
\q1 Isandla sakho sokunene, Oh \nd Thixo\nd*,
\q2 sasihlikiza isitha.
\b
\q1
\v 7 Ebukhulwini bobukhosi bakho
\q2 wabasakazela phansi abakuphikisayo.
\q1 Wavulela ulaka lwakho oluvuthayo,
\q2 lwabatshisa njengencwathi.
\q1
\v 8 Ngokuphefumula kwamakhala akho
\q2 amanzi aqoqana aba yinqwaba.
\q1 Amanzi ageleza ngenhlokomo ema enza udonga;
\q2 amanzi azikileyo ajiya enzikini yolwandle.
\q1
\v 9 Isitha sakloloda sathi,
\q2 ‘Ngizabaxhuma, ngibedlule.
\q1 Ngizakwaba impango;
\q2 ngizazitika ngokungokwabo.
\q1 Ngizakhokha inkemba yami,
\q2 isandla sami sibabhubhise.’
\q1
\v 10 Kodwa wena wavuthela ngomoya wokuphefumula kwakho,
\q2 ulwandle lwabasibekela.
\q1 Batshona njengomnuso
\q2 emanzini esabekayo.
\q1
\v 11 Ngubani kubonkulunkulu bonke
\q2 onjengawe, \nd Thixo\nd*?
\q1 Ngubani onjengawe,
\q2 olobukhosi ebungcweleni bakhe,
\q1 owesabekayo ngenkazimulo,
\q2 owenza izimangaliso?
\b
\q1
\v 12 Welula isandla sakho sokunene
\q2 umhlabathi uziginye izitha zakho.
\q1
\v 13 Ngothando lwakho olungapheliyo uzabahola
\q2 abantu obahlengileyo.
\q1 Ngamandla akho uzabaholela
\q2 endaweni yakho engcwele.
\q1
\v 14 Izizwe zizakuzwa zithuthumele;
\q2 umhedehede ubahlukuluze abantu baseFilistiya.
\q1
\v 15 Izinduna zase-Edomi zizatshaywa luvalo,
\q2 abakhokheli baseMowabi bafikelwe yikwesaba,
\q1 abantu baseKhenani banyamalale nya!
\q2
\v 16 Ukwesaba lokuthuthumela kuzabehlela.
\q1 Ngamandla engalo yakho,
\q2 bazathula njengelitshe,
\q1 abantu bakho baze bedlule, Oh \nd Thixo\nd*,
\q2 abantu owabadalayo baze bedlule.
\q1
\v 17 Uzabangenisa ubahlanyele
\q2 entabeni yelifa lakho,
\q1 indawo, Oh \nd Thixo\nd*,
\q2 owayenzela ukuthi uhlale kuyo,
\q1 indawo engcwele, Oh \nd Thixo\nd*,
\q2 eyamiswa ngezandla zakho.
\b
\q1
\v 18 \nd UThixo\nd* uzabusa
\q2 kuze kube nini lanini.”
\p
\v 19 Kwathi lapho amabhiza kaFaro, izinqola kanye labagadi bamabhiza sebengenile olwandle, \nd uThixo\nd* wawabuyisa amanzi alo phezu kwabo, kodwa abako-Israyeli bona bazihambela badabula ulwandle phezu komhlabathi owomileyo. 
\v 20 Khonapho uMiriyemu umphrofethikazi, udadewabo ka-Aroni, wathatha isigubhu sakhe ngesandla, bamlandela bonke abesifazane bephethe izigubhu begida. 
\v 21 UMiriyemu wabahlabelela wathi:
\q1 “Mhlabeleleni \nd uThixo\nd*
\q2 ngoba uphakeme kakhulu.
\q1 Ibhiza lomgadi walo
\q2 ukuphosele ngamandla olwandle.”
\s1 Amanzi EMara Le-Elimi
\p
\v 22 UMosi wasebahola abako-Israyeli basuka oLwandle Olubomvu baya enkangala yeShuri bengatholi manzi. 
\v 23 Kwathi befika eMara behluleka ukunatha amanzi akhona ngoba ayebaba. (Yikho indawo leyo kuthiwa yiMara.) 
\v 24 Abantu basebekhonona kuMosi besithi, “Sinatheni-ke manje?”
\p
\v 25 UMosi wasekhala \nd kuThixo\nd*, \nd uThixo\nd* wasemtshengisa isigojwana. Wasiphosela emanzini, amanzi aphenduka aba mnandi.
\p Khonapho \nd uThixo\nd* wabenzela isimiso lomthetho, njalo khonapho wabalinga. 
\v 26 Wathi, “Nxa lilalela kakuhle ilizwi \nd likaThixo\nd* uNkulunkulu wenu, lenze okulungileyo kuye, lilandele imilayo yakhe njalo ligcine lezimiso zakhe, kangisoze ngilehlisele iziga lezo engazehlisela amaGibhithe; ngoba \nd nginguThixo\nd* olisilisayo.”
\p
\v 27 Basebefika e-Elimi lapho okwakulemithombo yamanzi elitshumi lambili khona, lezihlahla zelala ezingamatshumi ayisikhombisa. Basebemisa khona lapho eduze kwamanzi.
\c 16
\s1 Imana Lezagwaca
\p
\v 1 Uzulu wonke wako-Israyeli wasuka e-Elimi, wafika enkangala yeSini ephakathi laphakathi kwe-Elimi leSinayi ngelanga letshumi lanhlanu enyangeni yesibili besuke eGibhithe. 
\v 2 Enkangala uzulu wakhonona kuMosi lo-Aroni. 
\v 3 Abako-Israyeli bathi kubo, “Ngabe sazifela ngesandla \nd sikaThixo\nd* eGibhithe, lapho esasihlala sigombolozele imbiza zenyama lakho konke ukudla esasikufumana, kodwa lina selisilethe lapha enkangala ukuze ixuku lonke leli liyathe ngendlala.”
\p
\v 4 \nd UThixo\nd* wasesithi kuMosi, “Ngizalehlisela isinkwa sivela ezulwini. Abantu kumele baphume nsuku zonke bayebutha okwanela lelolanga. Ngale indlela ngizabalinga ukuze ngibone ukuthi bayayilandela yini imilayo yami. 
\v 5 Ngelanga lesithupha kumele balungise lokho abayabe bekulethile, okumele kube ngokuphindwe kabili kulokho abakubutha kwezinye insuku.”
\p
\v 6 Yikho-ke uMosi lo-Aroni bathi kubo bonke abako-Israyeli, “Kusihlwa lizakwazi ukuthi \nd nguThixo\nd* olikhuphe kweleGibhithe, 
\v 7 njalo ekuseni lizabona inkazimulo \nd kaThixo\nd* ngoba ukuzwile ukukhonona kwenu. Singobani thina ukuba lisisole?” 
\v 8 UMosi wathi, “Lizakwazi ukuthi \nd bekunguThixo\nd* nxa eselipha inyama yokudla kusihlwa lesinkwa sonke elisifunayo ekuseni ngenxa yokuthi usekuzwile ukukhonona kwenu kuye. Singobani? Kalikhononi kithi kodwa \nd kuThixo\nd*.”
\p
\v 9 Ngakho uMosi watshela u-Aroni wathi, “Khuluma lozulu wonke wako-Israyeli uthi, ‘Wozani \nd kuThixo\nd* ngoba usekuzwile ukukhonona kwenu.’ ”
\p
\v 10 Ngesikhathi u-Aroni ekhuluma lozulu wonke wako-Israyeli, bakhangela enkangala basebebona inkazimulo \nd kaThixo\nd* ibonakala eyezini.
\p
\v 11 \nd UThixo\nd* wathi kuMosi: 
\v 12 “Sengizwile ukukhonona kwabako-Israyeli. Batshele ukuthi, ‘Kusihlwa lizakudla inyama njalo ekuseni lizasuthiswa ngesinkwa. Lapho-ke lizakwazi ukuthi \nd nginguThixo\nd* uNkulunkulu wenu.’ ”
\p
\v 13 Ngalokhokuhlwa kweza izagwaca zagcwala indawo yonke ababehlala kuyo, njalo ekuseni kwaba lamazolo ngaphandle kwezihonqo. 
\v 14 Kwathi amazolo esenyamalele kwabonakala izicecedwana ezifana longqwaqwane phezu kwenkangala. 
\v 15 Kwathi abako-Israyeli bekubona lokhu bakhulumisana besithi, “Kuyini lokhu?” Ngoba babengakwazi ukuthi kwakuyini.
\p UMosi wathi kubo, “Yisinkwa elisiphiwe \nd nguThixo\nd* ukuthi lidle. 
\v 16 Lokhu yikho okulaywe \nd nguThixo\nd* ukuthi: ‘Umuntu emunye uzathatha okwaneleyo akuswelayo. Thathela umuntu ngamunye osethenteni lakho isilinganiso se-omeri.’ ”
\p
\v 17 Abako-Israyeli benza njengokulaywa kwabo. Abanye babutha okunengi abanye okulutshwana. 
\v 18 Bathi sebekulinganisa nge-omeri babona ukuthi lowo owabutha okunengi kabanga lokunengi kakhulu, lalowo owabutha okulutshwana kabanga lokulutshwana kakhulu. Umuntu wonke wabutha okwakumenela.
\p
\v 19 Ngakho-ke uMosi wathi kubo, “Akumelanga kubekhona ozagcina okunye kwalokho kuze kube sekuseni.”
\p
\v 20 Lanxa kunjalo abanye kabazange bamlalele uMosi: bagcina eyinye ingxenye kwaze kwaba sekuseni. Kodwa kwakugcwele impethu njalo kwasekulephunga elibi. UMosi wabathukuthelela.
\p
\v 21 Nsuku zonke ekuseni umuntu emunye wabutha isilinganiso ayesifuna, njalo ilanga lathi selitshisa kwancibilika. 
\v 22 Ngelanga lesithupha babutha isilinganiso esiphindwe kabili ama-omeri amabili umuntu emunye, njalo abakhokheli babantu beza ukuzobika kuMosi. 
\v 23 Wathi kubo, “Lokhu yikho okwalaywa \nd nguThixo\nd*: ‘Kusasa lilanga lokuphumula iSabatha elingcwele \nd kuThixo\nd*. Ngakho bhekhani konke elifuna ukukubhekha, libilise konke elifuna ukukubilisa. Gcinani konke okuseleyo kuze kube sekuseni.’ ”
\p
\v 24 Ngakho bakugcina kwaze kwaba sekuseni njengokulaya kukaMosi njalo kakuzange kube lephunga kumbe impethu. 
\v 25 UMosi wathi, “Kudleni namuhla, ngoba namuhla liSabatha \nd likaThixo\nd*, kalisoze lithole lutho phandle namuhla. 
\v 26 Okwensuku eziyisithupha lizakubutha, kodwa ngelanga lesikhombisa eleSabatha akusoze kube lalutho.”
\p
\v 27 Lanxa kunjalo abanye abantu ngelanga lesikhombisa bahamba ukuba bayobutha kodwa bafica kungelalutho. 
\v 28 \nd UThixo\nd* wasesithi kuMosi, “Kuzaze kube nini lisala ukulandela imithetho lemilayo yami na? 
\v 29 Kufakeni ezingqondweni zenu ukuthi \nd uThixo\nd* ulinikile iSabatha, yikho ngelanga lesithupha elinika isinkwa esenela insuku ezimbili. Wonke umuntu kumele ahlale lapho ayabe ekhona ngelanga lesikhombisa. Akulamuntu okumele aphume phandle.” 
\v 30 Yikho-ke abantu baphumula ngelanga lesikhombisa.
\p
\v 31 Abantu bako-Israyeli babiza isinkwa leso bathi yimana. Sasimhlophe njengentanga zekhoriyanda, sihlabusa njengamakhekhe enziwe ngoluju. 
\v 32 UMosi wathi, “Lokhu yikho okutshiwo \nd nguThixo\nd* ukuthi: ‘Thathani imana eyisilinganiso se-omeri ligcinele izizukulwane ezizayo ukuze zibone isinkwa engalinika sona ukuba lisidle enkangala ekulikhupheni kwami eGibhithe.’ ”
\p
\v 33 UMosi wasesithi ku-Aroni, “Thatha inkonxa ufake phakathi imana eyisilinganiso se-omeri. Ibeke phambi \nd kukaThixo\nd* ukuze igcinelwe izizukulwane ezizayo.”
\p
\v 34 Njengoba \nd uThixo\nd* walaya uMosi, u-Aroni wabeka imana lezibhebhedu zobufakazi ukuze igcinakale. 
\v 35 Abako-Israyeli badla imana okweminyaka engamatshumi amane baze bafika endaweni eyayihlala abantu, badla imana baze bafika emngceleni weKhenani.
\p
\v 36 (I-omere iyisilinganiso sokulitshumi sehefa.)
\c 17
\s1 Amanzi Ampompoza Edwaleni
\p
\v 1 Uzulu wonke wako-Israyeli wasuka enkangala yeSini, wahamba njengokulaya \nd kukaThixo\nd*. Bake bahlala okwesikhathi esifitshane eRefidimu kodwa kwakungelamanzi okuthi abantu banathe. 
\v 2 Ngakho baxabana loMosi basebesithi, “Sinike amanzi okunatha.”
\p UMosi waphendula wathi “Kungani lixabana lami? Kungani lilinga \nd uThixo\nd*?”
\p
\v 3 Kodwa abantu basebomele amanzi kuleyondawo, ngakho bakhonona kuMosi. Bathi kuye, “Wasikhupha eGibhithe ukwenzela ukuthi thina labantwabethu kanye lezifuyo sibulawe yikoma na?”
\p
\v 4 Ngakho uMosi wakhala \nd kuThixo\nd*, wathi, “Kambe ngithini ngalababantu? Sebezimisele ukuthi bangikhande ngamatshe.”
\p
\v 5 \nd UThixo\nd* waphendula uMosi wathi “Khokhela abantu. Thatha abanye abadala bako-Israyeli ubusuthatha njalo intonga leyana owake watshaya ngayo amanzi emfuleni uNayili lihambe. 
\v 6 Ngizakuma lapho phambi kwenu eduzane ledwala eHorebhi. Utshaye idwala; kuzaphuma amanzi kulo ukuba abantu banathe.” Ngakho uMosi wenza lokho abadala bako-Israyeli bekhangele. 
\v 7 Wabiza indawo leyo ngegama elithi Masa leMeribha ngenxa yokuthi abantu bako-Israyeli baxabana njalo balinga \nd uThixo\nd* besithi “Kambe \nd uThixo\nd* ulathi yini kumbe hatshi?”
\s1 Ukunqotshwa Kwama-Amaleki
\p
\v 8 Ama-Amaleki eza ukuzohlasela abako-Israyeli eRefidimu. 
\v 9 UMosi wathi kuJoshuwa, “Khetha amanye amadoda phakathi kwethu uphume liyekulwa lama-Amaleki. Kusasa ngizakuma phezu koqaqa ngiphethe intonga kaNkulunkulu ezandleni zami.”
\p
\v 10 Ngakho uJoshuwa walwa lama-Amaleki njengokulaya kukaMosi, njalo uMosi, u-Aroni loHuri bakhwela phezu koqaqa. 
\v 11 Kwakusithi nxa uMosi ephakamise izandla zakhe abako-Israyeli babenqoba, kodwa wayesithi angehlisa izandla zakhe ama-Amaleki yiwo ayenqoba. 
\v 12 Kwathi izandla zikaMosi sezidiniwe bathatha ilitshe balifaka ngaphansi kwakhe wasehlala phezu kwalo. U-Aroni loHuri baphakamisa izandla zakhe, omunye ekuleli icele omunye kwelinye ukuze izandla zakhe zale ziphakeme laze latshona ilanga. 
\v 13 Ngakho uJoshuwa wehlula ibutho lama-Amaleki ngenkemba.
\p
\v 14 \nd UThixo\nd* wasesithi kuMosi, “Bhala lokhu ogwalweni njengento okumele ikhunjulwe njalo ubone ukuthi uJoshuwa uyakuzwa lokhu ngenxa yokuthi ngizatshabalalisa umkhumbulo wonke omayelana lama-Amaleki ngaphansi kwezulu.”
\p
\v 15 UMosi wakha i-alithari walibiza ngokuthi \nd uThixo\nd* uLuphawu Lwami. 
\v 16 Wathi, “Ngoba izandla zaphakanyiselwa esihlalweni \nd sikaThixo\nd*. \nd UThixo\nd* uzakulwa impi lezizukulwane zama-Amaleki.”
\c 18
\s1 UJethro Wethekelela UMosi
\p
\v 1 UJethro, umphristi waseMidiyani owayenguyisezala kaMosi, wezwa konke uNkulunkulu ayekwenzele uMosi labantu bakhe bako-Israyeli, lokuthi \nd uThixo\nd* wayebakhuphe njani eGibhithe abako-Israyeli.
\p
\v 2 Ngemva kokuba uMosi esethumele umkakhe uZiphora kibo, uyisezala uJethro wamemukela, 
\v 3 lamadodana akhe amabili. Eyinye indodana kwakuthiwa nguGeshomu, ngoba uMosi wathi, “Sengibe ngumuntu wezizweni elizweni elingayisilo lami.” 
\v 4 Eyinye kwakuthiwa ngu-Eliyezari ngoba wathi, “UNkulunkulu kababa wayengumsizi wami: wangisindisa enkembeni kaFaro.”
\p
\v 5 UJethro, uyisezala kaMosi kanye lamadodana lenkosikazi kaMosi beza kuye enkangala lapho ayehlala khona eduzane lentaba kaNkulunkulu. 
\v 6 UJethro wayethumele ilizwi kuye wathi, “Mina uyihlozala uJethro ngiyeza kuwe lenkosikazi yakho lamadodana ayo amabili.”
\p
\v 7 Ngakho uMosi waphuma wayahlangabeza uyisezala wasemkhothamela, wamanga. Babingelelana basebengena ethenteni. 
\v 8 UMosi watshela uyisezala ngakho konke \nd uThixo\nd* ayekwenze kuFaro labantu baseGibhithe ngenxa yabantu bako-Israyeli langezinhlupho zonke ezabehlela endleleni lokuthi \nd uThixo\nd* wayebasindise njani.
\p
\v 9 UJethro wathokoza ukuzwa ngezinto zonke ezinhle \nd uThixo\nd* ayezenzele u-Israyeli ekubasindiseni esandleni samaGibhithe. 
\v 10 Wathi, “Kadunyiswe \nd uThixo\nd* owalisindisa esandleni samaGibhithe loFaro, njalo owasindisa abantu esandleni samaGibhithe. 
\v 11 Khathesi sengikwazi ukuthi \nd uThixo\nd* ulamandla ukwedlula abanye onkulunkulu ngenxa yokuthi wenza lokhu kubo bonke abaphatha u-Israyeli ngobuqholo.” 
\v 12 Lapho-ke uJethro, uyisezala kaMosi, waletha umnikelo wokutshiswa leminye imihlatshelo kuNkulunkulu, njalo u-Aroni weza labadala bako-Israyeli ukuze bazokudla isinkwa loyisezala kaMosi phambi kukaNkulunkulu.
\p
\v 13 Ngelanga elilandelayo uMosi wathatha isihlalo sakhe sokuba ngumthonisi wabantu, njalo bema bemgombolozele kusukela ekuseni kwaze kwaba ntambama. 
\v 14 Kwathi uyisezala esebone konke uMosi ayekwenzela abantu wathi, “Kuyini lokhu okwenzela abantu? Kungani uhlala unguwe wedwa ukuba ngumahluli, abantu bonke bemi bekuhanqile kusukela ekuseni kuze kube kusihlwa?”
\p
\v 15 UMosi wamphendula wathi, “Ngenxa yokuthi abantu beza kimi ukuzodinga intando kaNkulunkulu. 
\v 16 Lapho kusiba lengxabano, ilethwa kimi, njalo ngiyahlulela emaceleni womabili besengibatshela ngemithetho lemilayo kaNkulunkulu.”
\p
\v 17 Uyisezala kaMosi waphendula wathi, “Konke okwenzayo kakulunganga. 
\v 18 Wena labantu laba abeza kuwe lizazidinisa. Umsebenzi lo unzima kuwe: ungeke wawenza wedwa. 
\v 19 Ngilalela ngikucebise, njalo uNkulunkulu makabe lawe. Kumele ube ngummeli wabantu kuNkulunkulu, ulethe ingxabano zabo kuye. 
\v 20 Bafundise izimiso lemithetho yakhe, ubatshengise indlela yokuphila lokuthi baziphathe njani. 
\v 21 Kodwa khetha amadoda alamandla phakathi kwabantu bonke, amadoda amesabayo uNkulunkulu, azonda inzuzo eza ngobuqili, ubusubabeka babe zinduna zezinkulungwane, zamakhulu, zamatshumi amahlanu, lezamatshumi. 
\v 22 Benze babe ngabahluleli babantu ngezikhathi zonke, kodwa kabalethe wonke amacala anzima kuwe bona baqume amacala alula. Lokho kuzakwenza ukuthi umthwalo wakho ube lula ngoba bazabe besabelana lawe. 
\v 23 Nxa ungakwenza lokhu njengokulaya kukaNkulunkulu, uzakwenelisa ukuphumuza ingqondo njalo abantu bonke laba bazabuyela emakhaya besuthisekile.”
\p
\v 24 UMosi wamlalela uyisezala wenza konke ayekutshilo. 
\v 25 Wakhetha amadoda alamandla phakathi kwabako-Israyeli wonke wawenza abakhokheli babantu, izinduna zezinkulungwane, ezamakhulu, ezamatshumi amahlanu lezamatshumi. 
\v 26 Baba ngabahluleli babantu ngazozonke izikhathi. Amacala anzima bawaletha kuMosi, kodwa alula bawathonisa bona ngokwabo.
\p
\v 27 UMosi wavalelisana loyisezala, uJethro wasebuyela elizweni lakhe.
\c 19
\s1 Entabeni YeSinayi
\p
\v 1 Ngosuku olufanayo, emva kwezinyanga ezintathu abantu bako-Israyeli besuke eGibhithe bafika enkangala yeSinayi. 
\v 2 Sebesukile eRefidimu bangena enkangala yeSinayi bamisa amathente abo phansi kwentaba.
\p
\v 3 Lapho-ke uMosi wakhuphukela kuNkulunkulu entabeni, \nd uThixo\nd* esentabeni wabiza uMosi wathi kuye, “Tshela abantu bendlu kaJakhobe labantu bako-Israyeli, uthi 
\v 4 ‘Lina ngokwenu lizibonele engikwenze eGibhithe lokuthi ngilithwele ngamaphiko okhozi ngaliletha lapha kimi. 
\v 5 Ngakho-ke lingangilalela ligcine isivumelwano sami lani lizakuba ligugu kimi phakathi kwezizwe zonke. Lanxa umhlaba wonke ungowami, 
\v 6 lina kimi lizakuba ngumbuso wabaphristi lesizwe esingcwele.’ Yiwo amazwi okumele uwakhulume kwabako-Israyeli.”
\p
\v 7 UMosi wabuyela ebantwini, wafika wabuthanisa abakhokheli babantu wabatshela okwakutshiwo \nd nguThixo\nd*. 
\v 8 Bonke bavuma ngalizwi linye bathi, “Sizakwenza konke \nd uThixo\nd* athe sikwenze.” UMosi wambikela \nd uThixo\nd* okwakukhulunywe ngabantu.
\p
\v 9 \nd UThixo\nd* wasesithi kuMosi, “Ngizakuza kini nginjengeyezi elimnyama ukuze abantu bangizwe ngikhuluma lawe. Ngakho ngezikhathi zonke bazakholwa kuwe.” UMosi watshela \nd uThixo\nd* okwakutshiwo ngabantu.
\p
\v 10 Ngakho \nd uThixo\nd* wathi kuMosi, “Buyela ebantwini ubangcwelise lamhla lakusasa. Batshele bagezise izigqoko zabo 
\v 11 kuthi ngelanga lesithathu libe selilungiselele ngoba ngalelolanga \nd uThixo\nd* uzakwehlela entabeni yeSinayi abantu bonke bekhangele. 
\v 12 Yenzela abantu imingcele malungana lentaba, ubatshele uthi, ‘Limukani! Lingakhweli entabeni, kumbe ukufika phansi kwayo. Lowo ozasondela entabeni uzabulawa.’ 
\v 13 Ngempela uzatshaywa ngamatshe kumbe acitshwe ngemitshoko kodwa angathintwa ngesandla. Akukhathalekile ukuthi ngumuntu loba yinyamazana akusoze kuvunyelwe ukuphila. Bazakhwela entabeni kuphela nxa uphondo lwenqama selukhale isikhathi eside.”
\p
\v 14 Ngemva kokuba uMosi esehlile entabeni waya ebantwini wabangcwelisa basebegezisa lezigqoko zabo. 
\v 15 Wathi ebantwini, “Lungiselelani ilanga lesithathu. Zilani omkenu.”
\p
\v 16 Ekuseni ngelanga lesithathu kwaba lomdumo lombane othuthumelisayo, leyezi elikhulukazi lehlela phezu kwentaba, kwezwakala lomsindo omkhulu wecilongo. Abantu bonke ezihonqweni besaba, baqhaqhazela. 
\v 17 UMosi wasebakhokhela ebasusa emathenteni ebasa kuNkulunkulu. Bafika bema ngaphansi kwentaba. 
\v 18 Intaba yonke iSinayi yembeswa yintuthu ngoba \nd uThixo\nd* wehlela phezu kwayo ngesimo somlilo. Intuthu yathunqa ngamandla isiya phezulu kungathi iphuma emphongolweni. 
\v 19 Njalo umsindo wecilongo waya ulokhu ukhula. UMosi wakhuluma, kwathi ilizwi likaNkulunkulu lamphendula.
\p
\v 20 \nd UThixo\nd* wehlela phezu kwentaba iSinayi, wabizela uMosi khona. Ngakho uMosi wakhwela, 
\v 21 \nd UThixo\nd* wasesithi kuye, “Buyela phansi uyexwayisa abantu ukuba bangaqali ukweqa imingcele ukuba babone \nd uThixo\nd* ngoba bangafa ngobunengi. 
\v 22 Labaphristi abaya \nd kuThixo\nd* kumele bazenze babengcwele, funa \nd uThixo\nd* ababhubhise.”
\p
\v 23 UMosi wathi \nd kuThixo\nd*, “Akulamuntu ongakhwela entabeni yeSinayi ngoba wena ngokwakho wathi bangakwenzi lokho. Uthe ngenze imingcele egombolozela intaba ngitshele abantu bangasondeli kuyo ngoba ingcwele.”
\p
\v 24 Kodwa \nd uThixo\nd* wathi, “Yehla uyebuya lo-Aroni. Kodwa abaphristi labantu akumelanga ukuba beqe imingcele besiza lapho ngoba ngingabaphendukela.”
\p
\v 25 Ngakho uMosi wehla waya ebantwini wabatshela.
\c 20
\s1 ImiThetho EliTshumi
\p
\v 1 UNkulunkulu wakhuluma amazwi wonke la wathi:
\b
\li4
\v 2 “\nd NginguThixo\nd* uNkulunkulu wakho owakukhupha eGibhithe, elizweni lobugqili.
\b
\li1
\v 3 Ungabi labanye onkulunkulu ngaphandle kwami.
\li1
\v 4 Ungazenzeli isithombe ngesimo saloba yini esezulwini phezulu loba phansi emhlabeni kumbe ngaphansi kwamanzi. 
\v 5 Ungazikhothameli loba ukuzikhonza; ngoba mina \nd Thixo\nd* uNkulunkulu wakho nginguNkulunkulu olobukhwele, ojezisa abantwana ngenxa yezono zabazali babo kuze kube yisizukulwane sesithathu lesesine salabo abangizondayo, 
\v 6 kodwa ngitshengisela uthando kuzizukulwane eziyinkulungwane zalabo abangithandayo njalo begcina imilayo yami.
\li1
\v 7 Ungadlali ngebizo \nd likaThixo\nd* uNkulunkulu wakho ngoba \nd uThixo\nd* kayikumyekela olecala lokudlala ngebizo lakhe.
\li1
\v 8 Khumbula usuku lweSabatha ngokulwenza lubengcwele. 
\v 9 Okwensuku eziyisithupha uzasebenza wenze yonke imisebenzi yakho, 
\v 10 kodwa usuku lwesikhombisa luyiSabatha \nd kuThixo\nd* uNkulunkulu wakho. Ngalo awuyikwenza loba yiwuphi umsebenzi, wena, loba indodana yakho, loba indodakazi yakho, loba inceku kumbe incekukazi yakho, loba izifuyo zakho loba isihambi esikwethekeleleyo emzini wakho. 
\v 11 Ngoba ngensuku eziyisithupha \nd uThixo\nd* wenza amazulu lomhlaba, ulwandle lakho konke okukukho, kodwa waphumula ngosuku lwesikhombisa. Ngakho-ke walubusisa usuku lweSabatha walwenza lwaba ngcwele.
\li1
\v 12 Hlonipha uyihlo lonyoko ukuze impilo yakho ibende elizweni akunika lona \nd uThixo\nd* uNkulunkulu wakho.
\li1
\v 13 Ungabulali.
\li1
\v 14 Ungafebi.
\li1
\v 15 Ungantshontshi.
\li1
\v 16 Ungafakazi amanga ngomakhelwane wakho.
\li1
\v 17 Ungahawukeli indlu kamakhelwane wakho. Ungahawukeli umfazi kamakhelwane wakho, loba inceku kumbe incekukazi yakhe, inkabi yakhe loba ubabhemi wakhe loba yini ekamakhelwane wakho.”
\b
\p
\v 18 Kwathi abantu besizwa umdumo bebona lombane, besizwa icilongo njalo bebona intaba ithunqa intuthu, bathuthumela ngokwesaba. Bema khatshana, 
\v 19 bathi kuMosi, “Khuluma kithi wena sizakulalela. Kodwa uNkulunkulu kangakhulumi kithi yena ngokwakhe ngoba singafa.”
\p
\v 20 UMosi wathi, “Lingesabi, uNkulunkulu uzelihlola ukuze limesabe lokuze lingoni.”
\p
\v 21 Abantu basala belokhu bemi bucwadlanyana, uMosi wangena phakathi komnyama waya lapho okwakuloNkulunkulu khona.
\s1 Izithombe Lama-alithare
\p
\v 22 \nd UThixo\nd* wathi kuMosi, “Tshela abantu bako-Israyeli uthi, ‘Lizibonele lina ngokwenu ukuthi ngikhulume lani ngisezulwini. 
\v 23 Lingenzi onkulunkulu ukuba babekhona kanye lami; lingazenzeli onkulunkulu besiliva kumbe onkulunkulu begolide.
\p
\v 24 Ngakhelani i-alithari ngomhlabathi lenzele kulo umhlatshelo womnikelo wokutshiswa, leminikelo yobudlelwano, izimvu lembuzi kanye lenkomo zenu. Loba kungaphi lapho engizakwenza ibizo lami lihlonitshwe khona, ngizakuza kini ngilibusise. 
\v 25 Nxa lingakhela i-alithari ngamatshe, lingaze lawabaza lawomatshe ngoba lizalingcolisa nxa lingasebenzisa okokubaza kulo. 
\v 26 Lingaze laya e-alithareni lami ngezikhwelo funa ubunqunu benu bembulwe khona lapho.’ ”
\c 21
\s1 Imithetho Etshiyeneyo
\p
\v 1 “Nansi imithetho ozayethula phambi kwabo.”
\s2 Izinceku EzingamaHebheru
\p
\v 2 “Nxa ungathenga isisebenzi esingumHebheru kumele sikusebenzele okweminyaka eyisithupha. Kodwa emnyakeni wesikhombisa kuzamele usikhulule kungelanhlawulo. 
\v 3 Nxa sifike sodwa, kumele sikhululwe sihambe sodwa kodwa nxa silomfazi ekufikeni kwasokumele sihambe laye. 
\v 4 Nxa umqhatshi waso angasipha umfazi asizalele amadodana lamadodakazi, owesifazane labantwabakhe bazakuba ngabomqhatshi, njalo indoda izazihambela yodwa ikhululekile.
\p
\v 5 Kodwa nxa isisebenzi singathi, ‘Ngiyayithanda inkosi yami lomkami labantwabami, njalo kangifuni kukhululwa,’ 
\v 6 ngakho inkosi yaso kumele isihambise kubahluleli. Izasisa emnyango kumbe emgubazini abesesibhoboza indlebe yaso ngosungulo. Ngakho-ke sizakuba yisisebenzi sayo okwempilo yaso yonke.
\p
\v 7 Nxa indoda ingathengisa indodakazi yayo njengesigqili, indodakazi kayingakhululeki njengalokho okwenza ezinye inceku. 
\v 8 Nxa singathokozisi umnini waso oyabe esikhethile ukuze sibe ngesakhe kumele asiyekele sihlengwe. Akalamvumo yokusithengisa kwabezizwe, ngoba esikhohlisile. 
\v 9 Angasikhethela indodana yakhe kumele asinike amalungelo alingana lawendodakazi yakhe. 
\v 10 Angathatha omunye umfazi akumelanga asincitshe ukudla, izigqoko lamalungelo okwenda. 
\v 11 Angayekela ukusipha izinto lezi ezintathu sikhululekile ukuthi sizihambele kungahlawulwanga mali.”
\s2 Imithetho Ngabalimazanayo
\p
\v 12 “Wonke umuntu otshaya omunye ambulale laye kumele abulawe. 
\v 13 Kodwa nxa engakwenzanga ngabomo, uNkulunkulu evumele ukuba kwenzakale, kumele abalekele endaweni engizayiphawula. 
\v 14 Kodwa umuntu angaceba ukubulala omunye ngabomo, msuseni e-alithareni lami liyembulala.
\p
\v 15 Wonke umuntu ohlasela uyise kumbe unina kumele abulawe.
\p
\v 16 Wonke umuntu othumba omunye abesemthengisa kumbe aficwe elaye kumele abulawe.
\p
\v 17 Wonke umuntu othuka uyise kumbe unina kumele abulawe.
\p
\v 18 Nxa amadoda angaxabana omunye abesetshaya omunye ngelitshe kumbe ngenqindi, angafi kodwa agule alale phansi, 
\v 19 lowo ophose inqindi kasoze anikwe umlandu nxa omunye angavuka abesehambahamba ephethe intonga yakhe; lanxa kunjalo kumele ahlawule indoda elimeleyo ngokulahlekelwa yisikhathi njalo ayelaphise.
\p
\v 20 Nxa umuntu angatshaya isigqili sakhe sesilisa kumbe esesifazane ngomqwayi, isigqili besesisifa ngenxa yalesisenzo, kumele ajeziswe, 
\v 21 kodwa kasoze ajeziswe nxa isigqili singasila ngemva kwelanga elilodwa kumbe insuku ezimbili, ngoba isigqili siyimpahla yakhe.
\p
\v 22 Nxa amadoda alwayo angatshaya umfazi ozithweleyo abesebeletha isikhathi sakhe singakafiki, kodwa engalimalanga kakubi, owonileyo kumele ahlawuliswe lokho okuyabe kubizelwe yindoda yomfazi kwasekuvunywa ngumthethwandaba. 
\v 23 Kodwa kungangabi lokulimala okubi, kumele impilo ibhadalwe ngempilo, 
\v 24 ilihlo ngelihlo, izinyo ngezinyo, isandla ngesandla, unyawo ngonyawo. 
\v 25 Ukutshiswa ngokutshiswa, isilonda ngesilonda, ukulimala ngokulimala.
\p
\v 26 Nxa umuntu angatshaya isigqili sakhe sesilisa kumbe esesifazane elihlweni alipatshaze, kumele asiyekele isisebenzi sizihambele kube yinhlawulo yelihlo. 
\v 27 Angatshaya akhumule izinyo lesigqili sesilisa kumbe esesifazane, kumele asiyekele isisebenzi sizihambele kube yinhlawulo yezinyo.
\p
\v 28 Nxa inkunzi ingahlaba indoda kumbe umfazi afe, leyonkunzi kumele itshaywe ngamatshe ize ife njalo inyama yayo kayingadliwa. Kodwa umnikazi wenkunzi akumelanga etheswe umlandu. 
\v 29 Kodwa nxa inkunzi ivele ilomkhuba wokuhlaba abantu, njalo umnikazi eseke wakhuzwa kodwa wekela ukuyivalela ibisibulala indoda kumbe umfazi, inkunzi kumele ibulawe ngamatshe lomnikazi abulawe. 
\v 30 Kodwa kungathiwa kahlawule, angahlenga impilo yakhe ngokuhlawula lokho okuyabe kubiziwe. 
\v 31 Umthetho lo uyasebenza njalo nxa inkunzi ingahlaba indodana kumbe indodakazi. 
\v 32 Nxa inkunzi ingahlaba isigqili sesilisa kumbe esesifazane, umnikazi kumele ahlawule amashekeli angamatshumi amathathu esiliva kumnini wesigqili, njalo inkunzi kumele ibulawe ngamatshe.
\p
\v 33 Nxa umuntu etshiya umgodi ukhamisile, loba esimba umgodi angawusibekeli kuwele kuwo inkabi ingabe ubabhemi, 
\v 34 umninimgodi kahlawule; kahlawule umnikazi, isifuyo esifileyo besesisiba ngesakhe.
\p
\v 35 Nxa inkunzi yomuntu ingalimaza eyomunye kuzamele ukuthi bathengise leyo ephilayo, babelane imali lesidumbu saleyo efileyo ngokulinganayo. 
\v 36 Kodwa nxa kusaziwa ukuthi inkunzi ivele ilomkhuba wokuhlaba ezinye, kodwa umnikazi engayivaleli esibayeni, umnikazi kumele ahlawule isifuyo ngesinye isifuyo, njalo isifuyo esifileyo sizakuba ngesakhe.”
\c 22
\s2 Ukuvikelwa Kwempahla
\p
\v 1 “Nxa umuntu angantshontsha inkabi kumbe imvu abeseyibulala kumbe ayithengise, kumele ahlawule ngenkomo ezinhlanu zokuhlawula inkabi, lezimvu ezine zokuhlawula imvu.
\p
\v 2 Nxa isela lingafunyanwa ligqekeza ebusuku beselitshaywa life, lowo ozivikelayo kalacala lokuchitha igazi, 
\v 3 kodwa kungenzeka ilanga selikhwelile uyabe elomlandu wokuchitha igazi.
\p Isela kumele lihlawule sibili, kodwa nxa lingelalutho, kumele lithengiswe ukwenzela ukuthi lokhu kube yinhlawulo yokuntshontsha kwalo. 
\v 4 Nxa isifuyo esintshontshiweyo singatholakala siphila ezandleni zesela, kungaba yinkabi kumbe ubabhemi loba imvu, kumele lihlawule okuphindwe kabili.
\p
\v 5 Nxa umuntu angayadlisa izifuyo zakhe ensimini kumbe esivinini abeseziyekela zizihambela besezisiya kudla ensimini yeyinye indoda, kumele ahlawule ngezithelo ezinhle zensimu yakhe loba isivini sakhe.
\p
\v 6 Nxa kuthungelwa umlilo ulumatha emeveni kuze kutshe lamahlanga amabele loba amabele angakavunwa loba insimu, othungele umlilo kumele ahlawule konke.
\p
\v 7 Nxa umuntu anganika umakhelwane wakhe isiliva kumbe impahla ukuba amgcinele izinto lezi besezintshontshwa endlini kamakhelwane, isela lingabanjwa kumele lihlawule okuphindwe kabili. 
\v 8 Kodwa nxa isela lingabanjwanga, umnikazi wendlu kumele ame phambi kwabahluleli ukuze kubonakale ingabe uke wabeka izandla empahleni zalowo omgcinisileyo na. 
\v 9 Kuzozonke izehlakalo eziqondene lokugcina ngaphandle komthetho inkabi, ubabhemi, imvu, isigqoko kumbe yonke impahla elahlekileyo omunye umuntu angathi ngayo, ‘Lokhu ngokwami,’ wonke amacele womabili kumele alethe izindaba zawo phambi kwabahluleli. Lowo abahluleli abazakuthi ulecala kumele ahlawule okuphindwe kabili kumakhelwane wakhe.
\p
\v 10 Nxa umuntu angasisela umakhelwane wakhe ubabhemi, inkabi, imvu kumbe esinye isifuyo ukuze kugcinakale besekusifa kumbe kulimale kumbe kuthathwe kungelamuntu okhangeleyo, 
\v 11 udaba lwabantu laba luzaqedwa ngokufunga phambi \nd kukaThixo\nd* ukuthi umakhelwane konanga impahla yomunye umuntu. Umnikazi kumele akwemukele lokhu njalo akulanhlawulo edingakalayo. 
\v 12 Kodwa nxa isifuyo santshontshwa sikumasiselwa kumele ahlawule umnikazi. 
\v 13 Nxa isifuyo sidatshudatshulwe yinyamazana yeganga saba yiziqa, uzaletha izicucu eziseleyo njengobufakazi njalo akusoze kudingakale ukuthi ahlawulele isifuyo esidatshudatshuliweyo.
\p
\v 14 Nxa umuntu angaboleka isifuyo kumakhelwane wakhe, besesilimala kumbe sife ngesikhathi umniniso engekho, kumele ahlawule. 
\v 15 Kodwa nxa umnikazi ekhona, lowo owasebolekayo akumelanga ahlawule. Nxa isifuyo siqhatshiwe, imali ehlawulwe ukusiqhatsha igoqela inhlawulo yokulahlekelwa.”
\s2 Imithetho Yokuhlalisana
\p
\v 16 “Nxa indoda ingaqila intombi egcweleyo engakathenjiswa ilale layo, kumele ikhuphe amalobolo, leyontombi ibe ngumkayo. 
\v 17 Nxa uyise esala kokuphela ukuthi ayendisele, kumele akhuphe inhlawulo ekhutshelwa amantombazana agcweleyo.
\p
\v 18 Lingavumeli umthakathi ukuthi aphile.
\p
\v 19 Wonke umuntu olala lenyamazana kumele abulawe.
\p
\v 20 Loba ngubani onikela kwabanye onkulunkulu ngaphandle \nd kukaThixo\nd* kumele abhujiswe.
\p
\v 21 Lingahlukuluzi owezizweni ngoba lani lalingabezizweni eGibhithe.
\p
\v 22 Lingaqilibezeli umfelokazi kumbe intandane, 
\v 23 ngoba lingakwenza, besebekhala kimi ngizakuzwa ukukhala kwabo; 
\v 24 ulaka lwami luzavutha, ngibulale ngenkemba; abafazi benu babe ngabafelokazi labantwabenu babe zintandane.
\p
\v 25 Nxa lingebolekisa imali omunye wabantu bami ohluphekayo phakathi kwenu, akumelanga lenze njengebhizimisi yokweboleka abanye imali, lingamhlawulisi inzuzo. 
\v 26 Nxa ungathatha ijazi likamakhelwane wakho ulenze isibambiso, kumele ulibuyisele ilanga lingakatshoni, 
\v 27 ngoba ijazi lelo yilo lodwa embesa ngalo ubunqunu bakhe. Kambe kuyini okunye abangalala kukho? Nxa bengakhala kimi, ngizabezwa ngoba ngilozwelo.
\p
\v 28 Lingahlambazi uNkulunkulu kumbe lithuke umbusi wabantu bakini.
\p
\v 29 Lingagodli iminikelo eziphaleni zenu loba ezimbizeni zewayini lenu.
\p Kumele lilethe kimi amadodana enu angamazibulo. 
\v 30 Yenzani njalo ngenkomo lezimvu zenu. Yekelani zihlale labonina okwensuku eziyisikhombisa kodwa linginike zona ngosuku lwesificaminwembili.
\p
\v 31 Lizakuba ngabantu bami abangcwele. Ngakho lingaze ladla inyama yenyamazana eyabe idatshudatshulwe yizilo zeganga; iphoseleni izinja.”
\c 23
\s2 Imithetho Yokulunga Lomusa
\p
\v 1 “Ungahambi ukhuluma izindaba zamanga. Ungahlanganyeli lomuntu omubi ngoba ngufakazi olomona.
\p
\v 2 Ungenzi okubi ulandela inengi labantu. Nxa ufakaza emthethwandaba, ungaphenduleli iqiniso ngokuvumelana labanengi, 
\v 3 njalo ungazweli umuntu ecaleni ngoba engumyanga.
\p
\v 4 Ungahlangana lenkomo kumbe ubabhemi wesitha sakho elahlekile, mnqande umbuyisele kumnikazi. 
\v 5 Nxa ufica ubabhemi womuntu okuzondayo ewiswe ngumthwalo, ungamtshiyi, umncedise umvuse.
\p
\v 6 Ahlulela kuhle abayanga bakini emacaleni. 
\v 7 Ungabungeni ubufakazi bamanga, njalo ungabulali muntu ongelacala loba oqotho ngoba kangiyi kumyekela olecala.
\p
\v 8 Lingavumi ukufunjathiswa ngoba ukufunjathiswa kufiphaza ababonayo besebeguqula amazwi omuntu omsulwa.
\p
\v 9 Ungancindezeli owezizweni, lina ngokwenu liyakwazi ukuthi kunjani ukuba ngabezizweni, njengoba lalingabezizweni eGibhithe.”
\s2 Imithetho YeSabatha
\p
\v 10 “Okweminyaka eyisithupha lizalima amasimu enu livune amabele, 
\v 11 kodwa kuzakuthi ngomnyaka wesikhombisa liyekele amasimu enu alaluke engalinywanga. Ngakho abangabayanga phakathi kwenu bazazuza ukudla kuwo, kuthi lezinyamazana zeganga zidle okuseleyo. Lizakwenza njalo okufananayo ngezivini zenu kanye lezihlahla zenu zama-oliva.
\p
\v 12 Uzakwenza imisebenzi yakho okwensuku eziyisithupha, kodwa ngosuku lwesikhombisa ungasebenzi, ukuze inkabi yakho lobabhemi wakho kuphumule, kuthi isigqili esazalelwa endlini yakho kanye lowezizweni baphumule.
\p
\v 13 Qaphelisisani lenze konke engilitshela khona. Lingamemezi amabizo abanye onkulunkulu; kawangezwakali ephuma ezindebeni zenu.”
\s2 Imikhosi Emithathu Yomnyaka
\p
\v 14 “Kathathu ngomnyaka kufanele lingithakazelele umkhosi.
\p
\v 15 Lizathakazelela uMkhosi weSinkwa esingelaMvubelo; okwensuku eziyisikhombisa dlanini isinkwa esingelamvubelo, njengokulilaya kwami. Kwenzeni lokhu ngesikhathi esimisiweyo senyanga ka-Avivi, ngoba ngaleyonyanga yikho elaphuma khona eGibhithe.
\p Kakungabi lamuntu ozakuma phambi kwami engaphathanga lutho.
\p
\v 16 Lithakazelele uMkhosi wokuVuna lokolibo kwenu ezilimweni zenu zemasimini.
\p Lithakazelele uMkhosi wokuButhelela nxa selibutha izilimo zenu emasimini.
\p
\v 17 Kathathu ngomnyaka amadoda wonke kufanele ayebonakala phambi \nd kukaThixo\nd* Wobukhosi.
\p
\v 18 Linganikeli igazi lomhlatshelo kimi ndawonye laloba yini elemvubelo.
\p Amahwahwa eminikelo yemikhosi yami akumelanga agcinwe kuze kuse.
\p
\v 19 Lethani okolibo kwenu okuhle kakhulu endlini \nd kaThixo\nd* uNkulunkulu wenu.
\p Lingapheki izinyane lembuzi ngochago lukanina.”
\s1 Ingilosi KaNkulunkulu Izalungisa Indlela
\p
\v 20 “Khangelani, sengithumela ingilosi phambi kwenu ukuze ilivikele endleleni yenu njalo ize ilifikise endaweni engililungisele yona. 
\v 21 Liyinanzelele ingilosi yami njalo lilalele ekutshoyo. Lingayihlamukeli ngoba kayizukulithethelela nxa lingayihlamukela, njengoba iBizo lami likuyo. 
\v 22 Nxa lingalalelisisa ekutshoyo njalo lenze konke engikutshoyo, ngizakuba yisitha sezitha zenu njalo ngizamelana lalabo abamisana lani. 
\v 23 Ingilosi yami izahamba phambi kwenu ize ilingenise elizweni lama-Amori, lamaHithi, lamaPherizi, lamaKhenani lamaHivi kanye lamaJebusi njalo ngizababhubhisa. 
\v 24 Lingabakhothameli onkulunkulu babo, lingabakhonzi njalo lingalandeli imikhuba yabo. Kufanele libhidlize onkulunkulu babo njalo lidilize amatshe abo abawakhonzayo. 
\v 25 Mkhonzeni \nd uThixo\nd* uNkulunkulu wenu, kuzakuthi isibusiso sakhe sibe phezu kokudla laphezu kwamanzi enu. Ngizasusa imikhuhlane phakathi kwenu, 
\v 26 njalo kakho ozaswela loba abe yinyumba ezweni lenu. Ngizaphelelisa insuku zenu.
\p
\v 27 Ngizathumela uchuku lwami phambi kwenu njalo ngisanganise zonke izizwe elizahlangana lazo. Ngizakwenza zonke izitha zenu zifulathele zilibalekele. 
\v 28 Ngizathumela olonyovu phambi kwenu ukuze basuse amaHivi, amaKhenani kanye lamaHithi endleleni yenu. 
\v 29 Kodwa angiyikubasusa ngomnyaka munye, ngoba ilizwe lingasala lingasela muntu besekusithi izinyamazana zeganga zande zilikhulele. 
\v 30 Ngizabasusa kancanekancane phambi kwenu, lani lize lande lenelise ukuthatha ilizwe.
\p
\v 31 Ngizabeka imingcele kusukela oLwandle oluBomvu kusiya oLwandle lwamaFilistiya, njalo kusuka enkangala kusiya emfuleni uYufrathe. Ngakho abantu abahlala kulelolizwe ngizabanikela ezandleni zenu ukuze libadudule. 
\v 32 Lingenzi isivumelwano labo loba labonkulunkulu babo. 
\v 33 Kabangahlali lani ezweni lenu, funa balenze lingonele, ngoba ukukhonza kwabo onkulunkulu babo kuzakuba yisifu kini.”
\c 24
\s1 Ukumiswa Kwesivumelwano
\p
\v 1 Ngakho \nd uThixo\nd* wasesithi kuMosi, “Woza \nd kuThixo\nd*, wena lo-Aroni, uNadabi lo-Abhihu, kanye labadala bako-Israyeli abangamatshumi ayisikhombisa. Lizakhonza libucwala, 
\v 2 kodwa uMosi yedwa zwi uzasondela \nd kuThixo\nd*; abanye kabafanelanga ukusondela eduze. Kanti-ke abantu kabafanelanga ukuza laye.”
\p
\v 3 Kwathi uMosi esebuyele ebantwini wabatshela wonke amazwi kanye lemilayo \nd kaThixo\nd*, abantu bakwamukela, bavungama ngalizwi linye bathi, “Konke okutshiwo \nd nguThixo\nd* sizakwenza.” 
\v 4 UMosi waseloba konke \nd uThixo\nd* ayekutshilo.
\p Ngosuku olulandelayo uMosi wavuka kusesele wakha i-alithari ewatheni lwentaba wamisa khona izinsika zamatshe alitshumi lambili emele izizwe ezilitshumi lambili zako-Israyeli. 
\v 5 Wasethuma amajaha ako-Israyeli ahamba ayanikela umnikelo wokutshiswa njalo benza imihlatshelo ngenkunzi ezincane njengomnikelo wobudlelwano \nd kuThixo\nd*. 
\v 6 UMosi wasethatha ingxenye yegazi walithela emiganwini eyayizingubhe, elinye wachela ngalo phezu kwe-alithari. 
\v 7 Ngakho wathatha iNcwadi yeSivumelwano wayifundela abantu. Bona bavuma besithi, “Sizakwenza konke okutshiwo \nd nguThixo\nd*; sizamlalela.”
\p
\v 8 Ngemva kwalokho uMosi wathatha igazi wachela ngalo abantu esithi kubo, “Leli ligazi lesivumelwano \nd sikaThixo\nd* asenze lani ngokuqondene lawo wonke lamazwi.”
\p
\v 9 UMosi lo-Aroni, uNadabi lo-Abhihu kanye labadala bako-Israyeli abangamatshumi ayisikhombisa bakhwela 
\v 10 bayabona uNkulunkulu ka-Israyeli. Ngaphansi kwezinyawo zakhe kwakungani ngumgwaqo owenziwe ngesafaya, kukhanya njengokukhanya komkhathi uqobo. 
\v 11 Kodwa uNkulunkulu kazange abanine ngesandla sakhe laba bakhokheli bako-Israyeli; sebembonile uNkulunkulu badla banatha.
\p
\v 12 \nd UThixo\nd* wathi kuMosi, “Khwela uze kimi entabeni njalo uhlale lapha, ngizakunika izibhebhedu zamatshe, engilobe kuzo imithetho lemilayo eyiziqondiso zabo.”
\p
\v 13 Ngakho uMosi wasuka loJoshuwa umsizi wakhe, uMosi wasekhwela entabeni kaNkulunkulu. 
\v 14 Wathi ebadaleni, “Silindelani khonapha size siphenduke. U-Aroni loHuri bazasala lani, kuzakuthi abaxabanayo babonane labo.”
\p
\v 15 Kwathi uMosi esekhwele intaba, yasibekelwa liyezi, 
\v 16 inkazimulo \nd kaThixo\nd* yagcwala entabeni yaseSinayi. Iyezi lembesa intaba okwensuku eziyisithupha kwathi ngosuku lwesikhombisa \nd uThixo\nd* wabiza uMosi eseyezini. 
\v 17 Ebantwini bako-Israyeli inkazimulo \nd kaThixo\nd* yabonakala injengomlilo otshisa uqothule phezu kwentaba. 
\v 18 Ngakho uMosi wangena eyezini ekhwela intaba. Wahlala khonale entabeni okwensuku ezingamatshumi amane lobusuku obungamatshumi amane.
\c 25
\s1 Iminikelo YeThabanikeli
\p
\v 1 \nd UThixo\nd* wathi kuMosi, 
\v 2 “Tshela abako-Israyeli bangilethele umnikelo. Uzakwamukela umnikelo emuntwini munye ngamunye ofuqwa yinhliziyo yakhe ukuthi anikele.
\b
\li4
\v 3 Le yiyo iminikelo ozayamukela nxa sebenikela:
\b
\li1 igolide, isiliva kanye lethusi,
\li1
\v 4 okwelukiweyo lamalembu aluhlaza, ayibubende kanye labomvu, lelembu elicolekileyo,
\li1 loboya bembuzi,
\li1
\v 5 izikhumba zenqama eziphendulwe ngomphendulo obomvu, kanye lezikhumba zezinyamazana eziqinileyo,
\li1 lezigodo zesihlahla somʼakhakhiya,
\li1
\v 6 amafutha e-oliva awokukhanyisa isibane,
\li1 amakha azasetshenziswa lamafutha okugcoba abakhethiweyo lephunga lempepha elimnandi,
\li1
\v 7 amatshe e-onikisi, lamanye amatshe aligugu azathungelwa esembathweni semahlombe lesesifubeni.
\b
\p
\v 8 Bangakhele indlu engcwele, ngalokho ngizahlala phakathi kwabo. 
\v 9 Yenza ithabanikeli leli kanye leziceciso zalo ngendlela engizakutshengisa yona.”
\s1 Umtshokotsho Wesivumelwano
\p
\v 10 “Kabenze umtshokotsho ngezigodo zesihlahla somʼakhakhiya, ubude bawo kube zingalo ezimbili ezilengxenye, ububanzi kube yingalo elengxenye njalo ukuyaphezulu kwawo kube yingalo elengxenye. 
\v 11 Lilihuqe ngegolide elicolekileyo, ngaphakathi langaphandle, ubuye ulizingelezele ngomqolo wegolide. 
\v 12 Libumbele amasongo amane egolide liwanamathisele ezinyaweni zalo zozine, amabili kwelinye icele kuthi amabili kwelinye njalo. 
\v 13 Beselisenza imijabo ngesihlahla somʼakhakhiya liyihuqe ngegolide. 
\v 14 Hlomani imijabo kulawo masongo asemaceleni omtshokotsho kube yizibambo. 
\v 15 Izigodo lezi zizahlala emasongweni alumtshokotsho, zingakhitshwa. 
\v 16 Beselifaka ubufakazi emtshokotshweni engizakunika bona.
\p
\v 17 Yenzani isihlalo somusa ngegolide elicolekileyo, ubude baso bube zingalo ezimbili ezilengxenye lengxenye eyodwa ububanzi. 
\v 18 Lizakwenza amakherubhi amabili ngegolide elikhandiweyo, liwenze ekucineni kwesisibekelo esiyisihlalo somusa emaceleni womabili. 
\v 19 Yenzani ikherubhi elilodwa nganxanye kuthi ngakwelinye icele lenze elinye, uzawenza amakherubhi abe yinto yinye lesisibekelo emaceleni womabili. 
\v 20 Amakherubhi kumele elulele amaphiko awo phezulu embese isisibekelo ngawo. Kuzamele amakherubhi akhangelane, ubuso bawo bukhangele isisibekelo. 
\v 21 Bekani isisibekelo phezu komtshokotsho, ubusufaka ubufakazi engizakunika bona ebhokisini lesivumelwano. 
\v 22 Kulapho engizahlangana lawe khona ngikunika imithetho ka-Israyeli ngisesihlalweni somusa, phakathi laphakathi kwamakherubhi aphezu komtshokotsho wobufakazi.”
\s1 Itafula Yezinkwa
\p
\v 23 “Bazani itafula ngezigodo zesihlahla somʼakhakhiya, ubude bayo bube zingalo ezimbili, ububanzi bayo bube yingalo eyodwa, kuthi ukudepha kwayo kube yingalo elengxenye. 
\v 24 Liyihuqe ngegolide elicolekileyo, beseliyizingelezela ngomthando wegolide. 
\v 25 Lenze kuyo ibhanti eliyizingelezileyo, elilingana lobubanzi besandla, beselibumbela kuyo umthando wegolide phezu kwebhanti. 
\v 26 Lenze amasongo amane egolide liwafake emagumbini womane enyaweni zetafula. 
\v 27 Amasongo kumele asondelelane lebhanti ukuze abambe imijabo ezasetshenziswa ukuthwala itafula. 
\v 28 Lungisani imijabo ngesihlahla somʼakhakhiya, liyihuqe ngegolide ukuze lithwale itafula ngayo. 
\v 29 Njalo yenzani imiganu lezinditshi zayo ngegolide elicolekileyo kanye lenkezo, imiganu eyingubhe lezitsha zokuthululela iminikelo. 
\v 30 Libeke etafuleni isinkwa esiNgcwele ukuze sibe phambi kwami ngezikhathi zonke.”
\s1 Uluthi Lwesibane
\p
\v 31 “Lizakwenza uluthi lwesibane ngegolide elicolekileyo. Likhande isidindi salo lomqwayi walo, imbizana zalo lamahlumela alo lamaluba alo likwenze kube yinto yinye. 
\v 32 Ingatsha eziyisithupha zixhunywe emaceleni oluthi, ezintathu nganxanye kuthi ezintathu kwelinye icele. 
\v 33 Inkezo ezintathu ezibunjwe okwamaluba e-alimondi, amahlumela lamaluba kumele abe sogatsheni lunye, ezintathu egatsheni olulandelayo, kube njalo kuzozonke ingatsha ezixhunywe emqwayini woluthi lwesibane. 
\v 34 Kuzakuthi oluthini lwesibane kube lezimbizana ezine ezibunjwe okwamaluba e-alimondi, zilamahlumela lamaluba. 
\v 35 Kumele kube lehlumela ngaphansi kwengatsha ezimbili ezixhunywe oluthini lwesibane, ihlumela lesibili ngaphansi kwezinye ezimbili, kuthi ihlumela lesithathu lalo libe ngaphansi kwezinye njalo ezimbili, zonke ingatsha zibe yisithupha. 
\v 36 Amahlumela lezingatsha kuzakuba yinto yinye loluthi lwesibane, kukhandwe ngegolide elicolekileyo.
\p
\v 37 Ngakho lizalwenzela izibane eziyisikhombisa lizimise phezu kwalo ukuze zikhanyise phambi kwalo. 
\v 38 Incijana zentambo lembizana zalo zibe ngezegolide elicolekileyo. 
\v 39 Uluthi lwesibane kanye lakho konke okuphathelene laso kuzenziwa ngegolide elicolekileyo eliyisisindo sethalenta elilodwa. 
\v 40 Qaphela ukuba wenze konke njengalokhu owakutshengiswa entabeni.”
\c 26
\s1 IThabanikeli
\p
\v 1 “Lenze ithabanikeli ngamakhetheni alitshumi elembu eliphothwe kuhle ngentambo eziluhlaza, eziyibubende kanye lezibomvu, aceciswe ngamakherubhi elukelwe kuhle ngumuntu oleminwe. 
\v 2 Amakhetheni wonke kumele ukuthi alingane, abezingalo ezingamatshumi amabili lesificaminwembili ubude njalo ububanzi abezingalo ezine. 
\v 3 Lizahlanganisa amakhetheni amahlanu ndawonye, liphinde lenzenjalo lakwamanye amahlanu. 
\v 4 Lenze izihitshela ngelembu eliluhlaza emphethweni wekhetheni elisekucineni kwamakhetheni amahlanu elixheni lakuqala, lenze okufanayo elixheni lesibili. 
\v 5 Lizakwenza izihitshela ezingamatshumi amahlanu ekhethenini elilodwa liphinde lenze ezinye izihitshela ezingamatshumi amahlanu ekhethenini lokucina elixheni lesibili, izihitshela zikhangelene. 
\v 6 Emva kwalokho lizakwenza ingwegwe zegolide ezingamatshumi amahlanu, lizisebenzise ukuhlanganisa amakhetheni ukuze ithabanikeli libe yintonye.
\p
\v 7 Yenzani amakhetheni ngoboya bembuzi abe ngawethente lokubekwa phezu kwethabanikeli, abelitshumi lanye esewonke. 
\v 8 Amakhetheni wonke alitshumi lanye alingane, abezingalo ezingamatshumi amathathu ubude, ububanzi abezingalo ezine. 
\v 9 Hlanganisani amakhetheni amahlanu abelilixha elilodwa kuthi ayisithupha abe kwelinye ilixha. Ligoqe ikhetheni lesithupha liphindwe kabili phambi kwethente. 
\v 10 Yenzani izihitshela ezingamatshumi amahlanu zilandele umphetho wekhetheni elisekucineni kwelixha lakuqala, lenzenjalo lakwelinye ilixha. 
\v 11 Beselilungisa ingwegwe zethusi ezingamatshumi amahlanu lizifake ezihitsheleni ukuze zibophe ithente kube yinto yinye. 
\v 12 Kuzakuthi-ke isiqa esiseleyo sekhetheni lethente, ingxenye yekhetheni eseleyo, ilenge emuva kwethabanikeli. 
\v 13 Amakhetheni ethente azakwedlula ngengalo eyodwa inxa zonke, kuthi okuseleyo kulenge emaceleni ethabanikeli ukuze alembese. 
\v 14 Lenze isembeso sethente ngezikhumba zenqama eziphendulwe ngomphendulo obomvu, kuthi phezu kwalokho kube lesembeso sezikhumba eziqinileyo.
\p
\v 15 Yenzani amathala ethabanikeli amiswayo ngezigodo zesihlahla somʼakhakhiya. 
\v 16 Ithala linye kumele libe lide okuzingalo ezilitshumi, kuthi ububanzi bube yingalo elengxenye, 
\v 17 kube lemisuka emibili ephutshayo ilinganisene. Wonke amathala ethabanikeli enziwe ngale indlela. 
\v 18 Yenzani amathala ecele elisezansi kwethabanikeli angamatshumi amabili, 
\v 19 beselizenza izisekelo zesiliva ezingamatshumi amane ezizahamba ngaphansi kwawo, izisekelo ezimbili ethaleni linye, sibe sinye ngaphansi kwensika inye ngayinye. 
\v 20 Kulelicele elisenyakatho kwethabanikeli, misani amathala angamatshumi amabili 
\v 21 kanye lezisekelo zesiliva ezingamatshumi amane, ezimbili ngaphansi kwepulanka linye. 
\v 22 Yenzani amathala ayisithupha ecele elisekucineni ngentshonalanga kwethabanikeli, 
\v 23 lenze amathala amabili amagumbi asekucineni. 
\v 24 Emagumbini womabili la kumele abe lohlonzi oluphindwe kabili kusukela phansi kusiya phezulu, abesehlanganiswa ngesongo elilodwa, wonke abe njalo. 
\v 25 Ngakho kuzakuba lamathala ayisificaminwembili lezisekelo zesiliva ezilitshumi lesithupha, ezimbili ngaphansi kwethala linye.
\p
\v 26 Yenzani njalo imithando enqumayo ngezigodo zesihlahla somʼakhakhiya: emihlanu ibe ngeyamathala kwelinye icele lethabanikeli, 
\v 27 emihlanu ibe njalo kwelinye icele, kuthi eminye njalo emihlanu ibe ngeyamathala asentshonalanga, ekucineni kwethabanikeli. 
\v 28 Umthando waphakathi onqumayo uzakwedlula usuka kulelicele lokucina usiyacina kwelinye phakathi laphakathi kwamathala. 
\v 29 Huqani amathala ngegolide lenze amasongo egolide abambe imithando enqumayo. Njalo lihuqe imithando enqumayo ngegolide.
\p
\v 30 Limise ithabanikeli njengokutshengiswa kwakho entabeni.
\p
\v 31 Yenzani ikhetheni ngelembu elicolekileyo, eliphethwe kuhle ngentambo eziluhlaza, eziyibubende kanye lezibomvu, abe lamakherubhi elukelwe kuwo ngumuntu oleminwe. 
\v 32 Liwalengise ngezingwegwana zegolide ensikeni ezine zesihlahla somʼakhakhiya ezihuqwe ngegolide njalo zimiswe phezu kwezisekelo zesiliva. 
\v 33 Lengisani-ke ikhetheni ngezingwegwana beselibeka umtshokotsho wobufakazi ngemva kwekhetheni. Ikhetheni lizakwehlukanisa Indawo Engcwele kweNgcwelengcwele. 
\v 34 Bekani isisibekelo esiyisihlalo somusa phezu komtshokotsho wobufakazi osendaweni eNgcwelengcwele. 
\v 35 Bekani itafula ngaphandle kwekhetheni elisenyakatho kwethabanikeli, beselifaka uluthi lwesibane lukhangelane layo eceleni eliseningizimu.
\p
\v 36 Yenzani ikhetheni lesango lethente ngelembu eliphethwe kuhle ngentambo eziluhlaza, eziyibubende kanye lezibomvu kube ngumsebenzi wombalazi ngokuthunga. 
\v 37 Yenzelani ikhetheni ingwegwana zegolide kanye lezinsika ezinhlanu ezenziwe ngezigodo zesihlahla somʼakhakhiya ezihuqwe ngegolide. Njalo beseliwafakela izisekelo ezinhlanu ezibunjwe ngethusi.”
\c 27
\s1 I-alithari Leminikelo Yokutshiswa
\p
\v 1 “Lakhe i-alithari ngezigodo zesihlahla somʼakhakhiya libe zingalo ezintathu ukudepha, kumele lilingane inxa zonke, ubude balo bube zingalo ezinhlanu lobubanzi balo bube zingalo ezinhlanu. 
\v 2 Egumbini linye ngalinye le-alithari uzakwenza uphondo, kuthi impondo le-alithari kube yinto yinye, ubusulihuqa ngethusi. 
\v 3 Izinto zonke ezizasetshenziswa kulo uzazenza ngethusi, imbiza zalo zokubutha umlotha, amafotsholo alo, imiganu yokuchela, amafologwe enyama kanye lezindengezi zokubasela umlilo. 
\v 4 Lenzele iminxibo yokosa ngethusi njalo wenze isongo lethusi emagumbini wonke womane. 
\v 5 Libeke ngaphansi komphetho we-alithare okuyingxenye yokuya phezulu. 
\v 6 Libaze imijabo ye-alithare ngezigodo zesihlahla somʼakhakhiya liyihuqe ngethusi. 
\v 7 Lihlome imijabo le emasongweni asemaceleni womabili e-alithare ukuze ibe yizibambo nxa selithwalwa. 
\v 8 Beselithatha amapulanka lenze ngawo i-alithari libe ngumhome. Lenze njengalokhu owakutshengiswayo entabeni.”
\s1 Iguma Lethabanikeli
\p
\v 9 “Lilungise iguma lethabanikeli. Ubude becele lezansi bube zingalo ezilikhulu njalo libe lamakhetheni elembu eliphethwe kuhle, 
\v 10 lensika ezingamatshumi amabili lezisekelo ezingamatshumi amabili konke kwenziwe ngethusi kanye lengwegwe zesiliva lamabhanti ensikeni. 
\v 11 Icele lenyakatho lalo lizakuba yizingalo ezilikhulu ubude njalo libe lamakhetheni, libe lensika ezingamatshumi amabili lezisekelo ezingamatshumi amabili ethusi futhi kube lengwegwana lezibopho zesiliva ensikeni.
\p
\v 12 Icele lentshonalanga yeguma lizakuba zingalo ezingamatshumi amahlanu ububanzi, lilamakhetheni, lensika ezilitshumi kanye lezisekelo ezilitshumi. 
\v 13 Eceleni elisempumalanga, kusiya okuphuma khona ilanga, iguma lizakuba banzi okuzingalo ezingamatshumi amahlanu. 
\v 14 Amakhetheni azingalo ezilitshumi lanhlanu ubude azakuba nganxanye kwesango, elezinsika ezintathu kanye lezisekelo ezintathu. 
\v 15 Ngakwelinye icele lakho kuzakuba lamakhetheni azingalo ezilitshumi lanhlanu ubude kanye lezinsika ezintathu lezisekelo ezintathu.
\p
\v 16 Esangweni leguma, lifake ikhetheni elizingalo ezingamatshumi amabili ubude, elelukwe laphethwa kuhle ngentambo eluhlaza, eyibubende kanye lebomvu, kube ngumsebenzi wombalazi ngokuthunga, kube lezinsika ezine lezisekelo ezine. 
\v 17 Zonke izinsika ezihonqolozele iguma zibe lamabhanti lengwegwe zesiliva kanye lezisekelo zethusi. 
\v 18 Ubude beguma buzakuba zingalo ezilikhulu lobubanzi obuzingalo ezingamatshumi amahlanu lamakhetheni elembu elelukwe kuhle libe lide okuzingalo ezinhlanu, lezisekelo zethusi. 
\v 19 Zonke izinto ezizasetshenziswa emsebenzini wethabanikeli loba kuyini okwenziwayo kuhlanganisa lazozonke izikhonkwane zalo kanye lezeguma, kumele kube ngokwethusi.”
\s1 Amafutha Oluthi Lwesibane
\p
\v 20 “Laya abantu bako-Israyeli bakulethele amafutha acengekileyo, ahluzwe ema-oliveni, abe ngawokukhanyisa ukuze izibane zihlale zikhanyisa kokuphela. 
\v 21 Ethenteni lokuhlangana, ngaphandle kwekhetheni eligudle umtshokotsho wobufakazi, u-Aroni lamadodana akhe bazagcina izibane phambi \nd kukaThixo\nd* zibhebha kusukela ntambama kuze kuse. Lokhu kuzakuba yisimiso saphakade phakathi kwabako-Israyeli lakuzizukulwane ezizayo.”
\c 28
\s1 Izembatho ZobuPhristi
\p
\v 1 “Akulethwe kuwe phakathi kwabako-Israyeli umfowenu u-Aroni kanye lamadodana akhe uNadabi, u-Abhihu, u-Eliyazari lo-Ithamari, ubehlukanisele ukuba babe ngabaphristi bami. 
\v 2 Wenzele u-Aroni umfowenu izembatho ezingcwele, ezizamenza abe lesithunzi njalo ahlonipheke. 
\v 3 Atshele wonke amadoda azingcitshi lalenhlakanipho ngokuphathelane lalumsebenzi wokuthi benzele u-Aroni izembatho zokwahlukanisela umsebenzi wami wokuba ngumphristi. 
\v 4 Yilezi izembatho abazazenza: isembatho sesifubeni, isembatho semahlombe, isigqoko, ibhatshi elelukiweyo, iqhiye kanye lebhanti. Kumele benzele umfowenu u-Aroni lamadodana akhe izembatho lezi ezingcwele ukuze babe ngabaphristi bami. 
\v 5 Kabasebenzise intambo eziluhlaza, eziyibubende, ezibomvu kanye lelembu elicolekileyo.”
\s1 Isembatho Semahlombe
\p
\v 6 “Uzakwenza isembatho semahlombe ngelembu eliphethwe kuhle ngentambo eziligolide, eziluhlaza, eziyibubende kanye lezibomvu, kube ngumsebenzi womuntu oleminwe. 
\v 7 Kumele sibe leziqa zemahlombe ezimbili zithungelwe emaceleni aso womabili ukuze sibotshwe. 
\v 8 Kuzakuthi ibhanti laso lasekhalweni lelukwe ngobungcitshi lenziwe lifane laso, libe yinto yinye lesembatho semahlombe, lenziwe ngelembu eliphethwe kuhle ngentambo eligolide, eluhlaza, eyibubende kanye lebomvu.
\p
\v 9 Thatha amatshe amabili ohlobo lwe-onikisi udwebele kuwo amabizo amadodana ka-Israyeli 
\v 10 ngokulandelana kwawo, ayisithupha kwelinye ilitshe kuthi aseleyo uwadwebele kwelinye njalo. 
\v 11 Dwebela amabizo amadodana ka-Israyeli ematsheni womabili njengombazi wamatshe aligugu edwebela uphawu. Ubusuwazingelezela ngeziceciso zegolide 
\v 12 ubusuwathungela eziqeni zemahlombe kube ngamatshe esikhumbuzo samadodana ka-Israyeli. U-Aroni kumele athwale amabizo emahlombe akhe kube yisikhumbuzo phambi \nd kukaThixo\nd*. 
\v 13 Yenza iziceciso zegolide 
\v 14 kanye lamaketane enziwe ngegolide elicolekileyo alukelwe ndawonye njengegoda uwabophele ezicecisweni zegolide.”
\s1 Isembatho Sesifubeni
\p
\v 15 “Uzakwenza isembatho sesifuba sokwahlulela, senziwe ngumuntu oleminwe. Usenze njengesembatho semahlombe: ngelembu eliphothwe kuhle ngentambo eligolide, eluhlaza, eyibubende kanye lebomvu. 
\v 16 Kufanele silingane inxa zonke, isandla ubude lesandla ububanzi, sigoqwe saphindwa kabili. 
\v 17 Ubusuthungela kuso imizila emine yamatshe aligugu. Emzileni wakuqala kuzakuba lerubhi, ithophazi kanye lebheriyeli, 
\v 18 emzileni wesibili kube yi-emeralidi, isafaya, ledayimana, 
\v 19 emzileni wesithathu ijasinti, i-agathi kanye le-amethisi, 
\v 20 emzileni wesine ikhrisolathi, i-onikisi kanye lejaspa. Athungele ezicecisweni zegolide. 
\v 21 Kumele kube lamatshe alitshumi lambili, lilinye limele ibizo lamadodana ka-Israyeli, linye ngalinye lilotshwe njengokudweba kombazi wamatshe, kungani luphawu, kulotshwe kulelo lalelo ibizo lezizwana zako-Israyeli ezilitshumi lambili.
\p
\v 22 Isembatho sesifubeni selukelwe amaketane ngegolide elicolekileyo kube njengegoda. 
\v 23 Yenza amasongo amabili ngegolide ubusuwabophela emagumbini amabili esembatho sesifubeni. 
\v 24 Bophela amaketane amabili egolide emasongweni asemagumbini esembatho sesifubeni, 
\v 25 kuthi ngapha acina khona abotshelwe ezicecisweni ezimbili, liwahlanganise eziqeni zemahlombe phambili kwesembatho semahlombe. 
\v 26 Yenza amasongo amabili egolide uwabophele kwamanye amagumbi amabili esembatho sesifubeni ngaphakathi komphetho phansi kwesembatho semahlombe. 
\v 27 Yenza amanye amasongo egolide amabili ubusuwabophela ngaphansi kweziqa zemahlombe phambi kwesembatho semahlombe, eduze komphetho ngaphezudlwana kwebhanti lasekhalweni lwesembatho semahlombe. 
\v 28 Amasongo esembatho sesifubeni kumele abotshaniswe lamasongo esembatho semahlombe ngentambo eluhlaza, kusihlanganisa lebhanti lasokhalweni, ukwenzela ukuthi isembatho sesifubeni singatsheleli sehlukane lesembatho semahlombe.
\p
\v 29 Kuzakuthi lapho u-Aroni engena Endaweni Engcwele, agqize phezu kwenhliziyo yakhe isembatho sesifubeni sokwahlulela esilamabizo amadodana ka-Israyeli kube yisikhumbuzo esiqhubekayo phambi \nd kukaThixo\nd*. 
\v 30 Faka njalo i-Urimi kanye leThumimi esambathweni sesifubeni, ukuze ziqondane laphezu kwenhliziyo ka-Aroni loba kunini engena endaweni \nd kaThixo\nd*. Ngalokho u-Aroni uzabe ethwele amandla okunquma izinqumo kwabako-Israyeli phezu kwenhliziyo yakhe phambi \nd kukaThixo\nd*.”
\s1 Ezinye Izembatho ZabaPhristi
\p
\v 31 “Yenza isigqoko sesembatho semahlombe ngelembu eliluhlaza kuphela, 
\v 32 kube lesikhala sokungenisa ikhanda phakathi laphakathi. Kuzakuba lomphetho onjengebheqe othungwe walandelisela isikhala lesi ukuze isembatho singadabuki. 
\v 33 Wenze emphethweni wesembatho amaphomegranathi ngentambo eluhlaza, eyibubende kanye lebomvu, uwugabanise lamabhera egolide. 
\v 34 Amabhera egolide kumele agabane lamaphomegranathi emphethweni wesembatho. 
\v 35 U-Aroni kufanele asembathe nxa esenza umsebenzi wokukhonza. Umsindo wamabhera uyabe uzwakala lapho engena eNdaweni eNgcwele phambi \nd kukaThixo\nd* lalapho ephuma, ukuze angafi.
\p
\v 36 Yenza icence legolide elicolekileyo udwebe, uloba kulo njengombazi wamatshe udwebela uphawu oluthi:
\pc Ubungcwele kabube \nd kuThixo\nd*.
\m
\v 37 Ulibophele eqhiyeni ngentambo eluhlaza libe phambi kweqhiye. 
\v 38 Lizakuba sebunzini lika-Aroni ukuze athwale amacala aqondene lezipho ezingcwele ezinikelwa ngabako-Israyeli, kungakhathalekile ukuthi yisipho bani. Lizakuba sebunzini lika-Aroni kokuphela ukuze abako-Israyeli bemukeleke \nd kuThixo\nd*.
\p
\v 39 Thunga ibhatshi ngelembu elicolekileyo kanye leqhiye yelembu elicolekileyo, elihle. Ibhanti lokhalo kumele lenziwe ngumbalazi ngokuthunga. 
\v 40 Wenzele amadodana ka-Aroni amabhatshi, lamabhanti kanye lamaqhiye ukuze abe lesithunzi, ahlonipheke. 
\v 41 Emva kokugqokisa u-Aroni umfowenu kanye lamadodana akhe lezizembatho, bagcobe ubahlukanisele ukuba ngabaphristi bami.
\p
\v 42 Thunga izembatho zangaphansi ngelembu, zisukele ekhalweni kusiya emathangazini, zibe yizembatho zomzimba. 
\v 43 U-Aroni kanye lamadodana akhe bazazigqoka izikhathi zonke nxa bengena ethenteni lokuhlangana lanxa besondela e-alithareni ukwenza umsebenzi wokukhonza eNdaweni eNgcwele, ukuze bangabi lecala bafe.
\p Lokhu kuzakuba yisimiso esingapheliyo ku-Aroni lakuzizukulwane zakhe.”
\c 29
\s1 Ukugcotshwa KwabaPhristi
\p
\v 1 “Lokhu yikho ozakwenza nxa ubagcoba ukuze bangisebenzele njengabaphristi: Thatha inkunzi esesencane lenqama ezimbili ezingelasici. 
\v 2 Yenza izinkwa ezingelamvubelo ngefulawa ecolekileyo, izinkwa ezinkulu ezingelamvubelo, ezivutshwe ngamafutha e-oliva lezinkwa ezincane ezingelamvubelo, zigcotshwe ngamafutha e-oliva. 
\v 3 Uzifake esitsheni ubusuziletha ndawonye lenkunzi kanye lenqama ezimbili. 
\v 4 Emva kwalokho ulethe u-Aroni lamadodana akhe esangweni lethente lokuhlangana ubagezise ngamanzi. 
\v 5 Thatha izembatho ugqokise u-Aroni ibhatshi, lesembatho samahlombe, isembatho samahlombe sona ngokwaso kanye lesigqoko sesifuba, umbophele isembatho samahlombe ngebhanti lokhalo elelukwe ngobungcwethi obukhulu. 
\v 6 Mthwalise iqhiye yokuthandela ekhanda lakhe, unamathisele umqhele wamakhosi ongcwele eqhiyeni. 
\v 7 Thatha amafutha okugcobela isikhundla umgcobe ngokuwathela phezu kwekhanda lakhe. 
\v 8 Letha amadodana akhe uwagqokise amabhatshi 
\v 9 ubabophe ngamabhanti emakhanda, u-Aroni lamadodana akhe, ube usubathwalisa izingowane. Ubuphristi ngobabo ngesimiso esingapheliyo.
\p Ngale indlela uzagcoba u-Aroni lamadodana akhe.
\p
\v 10 Letha inkunzi phambi kwethente lokuhlangana, u-Aroni lamadodana akhe babeke izandla zabo phezu kwekhanda layo, 
\v 11 uyihlabe phambi \nd kukaThixo\nd* esangweni lethente lokuhlangana. 
\v 12 Uthathe igazi lenkunzi ulininde empondweni ze-alithare ngomunwe wakho, uthele igazi eliseleyo phansi e-alithareni. 
\v 13 Emva kwalokho uthathe lonke idanga eligoqela ezangaphakathi, amahwahwa aphezu kwesibindi, izinso zonke lamahwahwa akuzo, ukutshise konke lokhu e-alithareni. 
\v 14 Kodwa-ke inyama yenkunzi, isikhumba sayo lamathumbu ayo, ukutshisele ngaphandle kwesihonqo; kungumnikelo wesono.
\p
\v 15 Thatha enye yenqama, u-Aroni lamadodana akhe babeke izandla zabo phezu kwekhanda layo, 
\v 16 uyihlabe, uthathe igazi layo ulichele emaceleni wonke e-alithare. 
\v 17 Emva kwalokho uhlahlele inqama ibe yiziqa ugezise ezangaphakathi lemilenze ukufake ndawonye lenhloko kanye lezinye iziqa, 
\v 18 ubusutshisa inqama yonke e-alithareni. Lokhu kungumnikelo wokutshiswa \nd kuThixo\nd*, iphunga elimnandi, umnikelo onikelwa \nd kuThixo\nd* ngomlilo.
\p
\v 19 Thatha enye inqama, u-Aroni lamadodana akhe babeke izandla zabo phezu kwekhanda layo. 
\v 20 Uyihlabe, uthathe igazi layo ulininde esiqwini sendlebe yakwesokunene sika-Aroni lakwezamadodana akhe, lasezithupheni zabo zezandla zabo zokunene, lasemazwaneni amakhulu ezinyawo zabo zesandla sokunene. Emva kwalokho uchele igazi emaceleni wonke e-alithare. 
\v 21 Thatha igazi elise-alithareni lamafutha okugcoba uchele u-Aroni lezembatho zakhe kanye lamadodana akhe lezembatho zawo. Lapho-ke yena lamadodana akhe lezivunulo zabo kuzabe sekungcwelisiwe.
\p
\v 22 Thatha amahwahwa kule inqama, lomsila ononileyo, ledanga eligoqela ezangaphakathi, lamahwahwa aphezu kwesibindi, lezinso zombili lamahwahwa akuzo kanye lomlenze wesandla sokunene. (Le yinqama yokugcotshwa komphristi.) 
\v 23 Esitsheni esilesinkwa esingelamvubelo esiphambi \nd kukaThixo\nd*, thatha isinkwa esisodwa, isinkwa esisodwa esikhulu esixutshaniswe lamafutha e-oliva kanye lesinkwanyana. 
\v 24 Konke lokhu kufake ezandleni zika-Aroni lezamadodana akhe, bakuzunguze phambi \nd kukaThixo\nd* kube ngumnikelo wokuzunguzwa. 
\v 25 Emva kwalokho kuthathe ezandleni zabo ukutshise e-alithareni ndawonye lomnikelo wokutshiswa ukuze kube liphunga elimnandi \nd kuThixo\nd*, umhlatshelo wokudla onikelwa \nd kuThixo\nd*. 
\v 26 Emva kwalokho thatha isifuba senqama yokugcotshwa kuka-Aroni uzunguze phambi \nd kukaThixo\nd* njengomnikelo wokuzunguzwa njalo sizakuba yisabelo sakho.
\p
\v 27 Zenze zibengcwele lezozitho zenqama yokugcotshwa komphristi ezingezika-Aroni lamadodana akhe, isifuba esizunguziweyo lomlenze onikelweyo. 
\v 28 Lokhu kuzaqhubeka kokuphela kuyisabelo sika-Aroni lamadodana akhe esivela kwabako-Israyeli. Kungumnikelo abako-Israyeli abawenzayo \nd kuThixo\nd* uvela eminikelweni yabo yokuhlanganyela.
\p
\v 29 Izembatho zika-Aroni ezingcwele zizakuba ngezezizukulwana zakhe ukuze bagcotshwe babekwe ubuphristi begqoke zona. 
\v 30 Indodana yakhe ezakuba ngumphristi esikhundleni sakhe izazigqoka insuku eziyisikhombisa lapho isiza ethenteni lokuhlangana ukuzakhonza eNdaweni eNgcwele.
\p
\v 31 Thatha inqama yokugcotshwa komphristi uyiphekele endaweni engcwele. 
\v 32 Ethenteni lokuhlangana, u-Aroni lamadodana akhe bazakudla inyama yenqama lesinkwa esisesitsheni. 
\v 33 Kumele badle leyomnikelo okwenziwa ngayo inhlawulo yokubekwa lokugcotshwa kwabo. Kodwa omunye umuntu nje akayikukudla lokhu ngoba kungcwele. 
\v 34 Njalo nxa eyinye yenyama yenqama yokugcotshwa komphristi kumbe isinkwa kusele kuze kube sekuseni, kutshise ngomlilo. Akumelanga kudliwe ngoba kungcwele.
\p
\v 35 Menzele-ke u-Aroni lamadodana akhe konke engikulaye khona, ukugcotshwa kwabo kuthathe insuku eziyisikhombisa. 
\v 36 Nikela inkunzi eyodwa usuku ngosuku njengomnikelo wesono wokwenza inhlawulo. Yenza i-alithari libengcwele ngokulenzela inhlawulo, uligcobe ukuba ulingcwelise. 
\v 37 Yenza inhlawulelo ye-alithare okwensuku eziyisikhombisa ulingcwelise. Lapho-ke i-alithari lizakuba ngcwele kakhulu kuthi konke okulithintayo kube ngcwele.
\p
\v 38 Lokhu yikho ozakunikela e-alithareni usuku lunye ngalunye: amazinyane ezimvu amabili alomnyaka owodwa ezelwe. 
\v 39 Nikela elilodwa ekuseni, elinye unikele ngalo njalo kusihlwa. 
\v 40 Kanye lezinyane lakuqala nikela okwetshumi kwehefa yefulawa ecolekileyo ehlanganiswe lokwesine kwehini yamafutha e-oliva ahluziweyo, lokwesine kwehini yewayini ukuba kube ngumnikelo onathwayo. 
\v 41 Elinye izinyane linikele kusihlwa ngomnikelo ofanayo wamabele kanye lomnikelo wokunathwayo njengowekuseni ukuba kube liphunga elimnandi, umnikelo wokutshiswa onikelwa \nd kuThixo\nd*.
\p
\v 42 Kuzizukulwane ezizayo umnikelo wokutshiswa lo uzakwenziwa njalonjalo esangweni lethente lokuhlangana phambi \nd kukaThixo\nd*, lapho engizahlangana lawe khona ngikhulume lawe. 
\v 43 Lapho futhi yikho engizahlangana khona labako-Israyeli, indawo leyo ingcweliswe yinkazimulo yami.
\p
\v 44 Ngokunjalo ngizakwenza ithente lokuhlangana kanye le-alithari kube ngcwele ukuba bangisebenzele bengabaphristi. 
\v 45 Lapho-ke ngizahlala phakathi kwabantu bako-Israyeli ngibe nguNkulunkulu wabo. 
\v 46 Bazakwazi ukuthi mina \nd nginguThixo\nd* uNkulunkulu wabo, owabakhupha eGibhithe ukuze ngihlale phakathi kwabo. Mina \nd nginguThixo\nd* uNkulunkulu wabo.”
\c 30
\s1 I-Alithari Lokutshisela Impepha
\p
\v 1 “Yenza i-alithari lokutshisela impepha ngesihlahla somʼakhakhiya. 
\v 2 Amacele womane kumele alingane, kube yingalo ubude lengalo ububanzi, kuthi ukudepha kube zingalo ezimbili, impondo zalo zibe yinto yinye lalo. 
\v 3 Huqa phezulu lamacele wonke, lempondo zalo ngegolide elicolekileyo ubumbele umqolo wegolide inxa zonke. 
\v 4 Yenza amasongo egolide amabili e-alithare abe ngaphansi komqolo emaceleni amabili ehlukeneyo ukuba abambe imijabo yokulithwala. 
\v 5 Imijabo yenze ngesihlahla somʼakhakhiya uyihuqe ngegolide. 
\v 6 Beka i-alithari phambi kwekhetheni elisithe umtshokotsho wobufakazi, nganeno kwesihlalo somusa esiphezu kwezibhebhedu zesivumelwano somthetho lapho engizahlangana lawe khona.
\p
\v 7 U-Aroni kumele atshise impepha enuka mnandi e-alithareni nsuku zonke ekuseni elungisa izibane. 
\v 8 Kumele impepha ayitshise futhi kusihlwa lapho eselumathisa izibane ukuze impepha itshe kokuphela phambi \nd kukaThixo\nd* kuze kube kuzizukulwane ezizayo. 
\v 9 Linganikeli kuleli-alithare olunye uhlobo lwempepha kumbe umnikelo wokutshiswa loba umnikelo wamabele, njalo lingatheli umnikelo wokunathwa phezu kwalo. 
\v 10 Kanye ngomnyaka u-Aroni uzakwenza inhlawulelo empondweni zalo. Inhlawulo yeminyaka yonke le kumele yenziwe ngegazi lomnikelo wokuhlawulela izono zezizukulwane ezizayo. Ingcwele kakhulu \nd kuThixo\nd*.”
\s1 Imali Yenhlawulo
\p
\v 11 \nd UThixo\nd* wasesithi kuMosi, 
\v 12 “Lapho usubala abantu bako-Israyeli omunye lomunye kumele anike \nd uThixo\nd* inhlawulo yokuphila kwakhe. Ngalokho akuyikuba lesifo esizabehlela lapho ubabala. 
\v 13 Akuthi lowo lalowo odlulela ngakulabo asebebaliwe anike ingxenye yeshekeli, ngokweshekeli lendawo engcwele, okuyisisindo esingamagera angamatshumi amabili. Ingxenye yeshekeli le ingumnikelo \nd kuThixo\nd*. 
\v 14 Wonke umuntu obaliweyo, kusukela koleminyaka engamatshumi amabili kusiya phezulu, uzanikela umnikelo \nd kuThixo\nd*. 
\v 15 Abanothileyo akumelanga banikele ngokwedlula ingxenye yeshekeli, labayanga kabanganikeli ngokungaphansi lapho selinikela \nd kuThixo\nd* ukuba lenze inhlawulelo yokuphila kwenu. 
\v 16 Wamukele imali yenhlawulo kwabako-Israyeli uyisebenzise enkonzweni yethente lokuhlangana. Izakuba yisikhumbuzo kwabako-Israyeli phambi \nd kukaThixo\nd* ukwenzela inhlawulelo yokuphila kwenu.”
\s1 Inkonxa Yokugezela
\p
\v 17 \nd UThixo\nd* wasesithi kuMosi, 
\v 18 “Yenza inkonxa yethusi ibe lensika yethusi, izakuba ngeyokugezela. Uyibeke phakathi laphakathi kwethente lokuhlangana le-alithari, uthele amanzi phakathi kwayo. 
\v 19 U-Aroni lamadodana akhe bazageza izandla lezinyawo zabo ngamanzi akuyo. 
\v 20 Nxa bengena ethenteni lokuhlangana bazageza ngamanzi ukuze bangafi. Phezu kwalokho, lapho besondela e-alithareni ukuba bakhonze ngokwethula umnikelo wokutshiswa onikelwa \nd kuThixo\nd*, 
\v 21 bazageza izandla zabo lezinyawo ukuze bangafi. Lokhu kuzakuba yisimiso esingapheliyo ku-Aroni lenzalo yakhe lakuzizukulwane ezizayo.”
\s1 Amafutha Okugcoba Abakhethiweyo
\p
\v 22 \nd UThixo\nd* wasesithi kuMosi, 
\v 23 “Thatha lezinhlobo zamakha amahle: Amashekeli angamakhulu amahlanu (500) emure elingamanzi, isinamoni enuka mnandi eyingxenye yalokho (okuyikuthi amakhulu amabili lamatshumi amahlanu (250) amashekeli), amashekeli angamakhulu amabili lamatshumi amahlanu (250) ekhalamu elilephunga elimnandi, 
\v 24 amashekeli angamakhulu amahlanu (500) ekhasiya, konke kumayelana lamashekeli endawo engcwele, kanye lehini lamafutha ama-oliva. 
\v 25 Lokhu kwenze kube ngamafutha angcwele okugcoba abakhethiweyo alungiswe ngumenzi wamakha, azakuba ngamafutha angcwele okugcoba abakhethiweyo. 
\v 26 Ngawo-ke uzagcoba ithente lokuhlangana, umtshokotsho wobufakazi, 
\v 27 itafula kanye lezitsha zawo zonke, uluthi lwesibane lezitsha zawo, i-alithari lempepha, 
\v 28 i-alithari lomnikelo wokutshiswa lezitsha zawo lomganu wokugezela kanye lezinyawo zawo. 
\v 29 Uzakungcwelisa konke ukuba kube ngcwele kakhulu, njalo loba yini ekuthintayo izakuba ngcwele.
\p
\v 30 Mgcobe u-Aroni lamadodana akhe ubehlukanisele ukuba bangisebenzele bengabaphristi. 
\v 31 Batshele abako-Israyeli uthi, ‘Lokhu kuzakuba ngamafutha ami angcwele okugcoba abakhethiweyo lakuzizukulwane zenu ezizayo. 
\v 32 Lingawatheli emizimbeni yabantu, njalo lingenzi amanye amafutha ngale indlela yokuwenza. Ingcwele, izakuba ngcwele lakini. 
\v 33 Lowo ozakwenza amakha afana lawo kumbe agcobe ngawo umuntu ongasuye mphristi, uzasuswa ebantwini bakibo.’ ”
\s1 Impepha
\p
\v 34 \nd UThixo\nd* wabuye wathi kuMosi, “Thatha amakha anuka mnandi, isitakete, i-onika legalibhanumi kanye lenhlaka enhle, konke kungesilinganiso esifanayo, 
\v 35 wenze ingxube yempepha elephunga elimnandi njengomxubi wamakha, ifakwe itswayi ibenhle njalo ibe ngcwele. 
\v 36 Chola enye yayo ibe yimpuphu uyifake phambi komtshokotsho wobufakazi phakathi kwethente lokuhlangana lapho engizahlangana lawe khona. Izakuba ngcwele kakhulu kini. 
\v 37 Lingazenzeli eyenu impepha ngale indlela, iboneni njengento engcwele \nd kuThixo\nd*. 
\v 38 Lowo ozakwenza enye efana layo ukuba akholise ukunukelela kwayo kamnandi, kumele asuswe ebantwini bakibo.”
\c 31
\s1 Ukukhethwa KukaBhezaleli Lo-Oholiyabhi
\p
\v 1 \nd UThixo\nd* wathi kuMosi, 
\v 2 “Khangela, sengikhethe uBhezaleli indodana ka-Uri oyindodana kaHuri owesizwe sikaJuda 
\v 3 ngamgcwalisa ngomoya kaNkulunkulu, ukuhlakanipha, ukuqedisisa lolwazi ekwenzeni yonke imisebenzi yobungcitshi 
\v 4 ukuze adwebe imisebenzi yobungcitshi ngesimo sezinto ezenziwa ngegolide, isiliva kanye lethusi, 
\v 5 abaze amatshe awabeke kuhle, abaze izigodo kanye lokwenza yonke imisebenzi yomuntu oleminwe lobungcwethi. 
\v 6 Phezu kwalokho, ngikhethe lo-Oholiyabhi indodana ka-Ahisamakhi, owesizwe sikaDani ukuba amncedise.
\b
\li4 Nginike ulwazi kuzozonke izingcitshi ukuba zenze konke engikulaye ukuba kwenziwe:
\b
\li1
\v 7 ithente lokuhlangana,
\li1 umtshokotsho wobufakazi, isihlalo somusa esikuwo,
\li1 lakho konke okunye okokuhlobisa ithente:
\li2
\v 8 itafula lezitsha zalo,
\li2 uluthi lwesibane lwegolide elicolekileyo lezitsha zalo zonke,
\li2 i-alithari lempepha,
\li2
\v 9 i-alithari lomnikelo wokutshiswa kanye lezitsha zalo zonke,
\li2 lomkolo kanye lezinyawo zawo
\li1
\v 10 lezembatho ezelukiweyo,
\li2 lezembatho ezingcwele zika-Aroni umphristi
\li2 kanye lezembatho zamadodana akhe ezomsebenzi wabo wobuphristi,
\li1
\v 11 lamafutha okugcobela isikhundla, lempepha enuka mnandi eyeNdawo eNgcwele.
\b
\li4 Kumele bakwenze njengoba ngikulayile.”
\s1 ISabatha
\p
\v 12 \nd UThixo\nd* wasesithi kuMosi, 
\v 13 “Batshele abako-Israyeli uthi, ‘Kumele ligcine amaSabatha ami. Lokhu kuzakuba luphawu phakathi kwami lani kuzizukulwane zenu ezizayo, ukuze lazi ukuthi mina \nd nginguThixo\nd* olenza libengcwele.
\p
\v 14 Gcinani iSabatha ngoba lingcwele kini. Lowo olonayo kumele abulawe, lalowo osebenzayo ngalolosuku uzasuswa ebantwini bakibo. 
\v 15 Umsebenzi kawenziwe okwensuku eziyisithupha, kodwa usuku lwesikhombisa luliSabatha lokuphumula, lungcwele \nd kuThixo\nd*. Lowo osebenzayo ngosuku lweSabatha kumele abulawe. 
\v 16 Abako-Israyeli kumele bagcine iSabatha, baligcine kuzizukulwane zabo ezizayo njengesivumelwano esingapheliyo. 
\v 17 Lizakuba luphawu phakathi kwami labako-Israyeli nini lanini. Ngoba ngezinsuku eziyisithupha \nd uThixo\nd* wenza amazulu lomhlaba, kwathi ngosuku lwesikhombisa waphumula.’ ”
\p
\v 18 Kwathi lapho \nd uThixo\nd* eseqedile ukukhuluma loMosi entabeni yaseSinayi wamnika izibhebhedu ezimbili zamatshe obufakazi, izibhebhedu zamatshe alotshwe ngomunwe kaNkulunkulu.
\c 32
\s1 Ithole Legolide
\p
\v 1 Kwathi lapho abantu bebona uMosi esephuzile ukwehla entabeni, babuthana ku-Aroni bathi kuye, “Lalela, senzele onkulunkulu abazahamba phambi kwethu, ngoba umuntu lo, uMosi owasikhupha elizweni laseGibhithe, asikwazi osekwenzakale kuye.”
\p
\v 2 U-Aroni wabaphendula wathi, “Khuphani amacici egolide asendlebeni zamakhosikazi enu, amadodana enu lamadodakazi enu, liwalethe kimi.” 
\v 3 Ngakho abantu bonke bawakhupha amacici abo bawasa ku-Aroni. 
\v 4 Wathatha lokho abamnikeza khona wakwenza kwaba yisithombe esibunjwe ngesimo sethole esebenzisa insimbi yokukhanda. Basebesithi, “Laba yibo onkulunkulu benu, Oh Israyeli, abalikhupha elizweni laseGibhithe.”
\p
\v 5 Kwathi u-Aroni ebona lokhu wakha i-alithari phambi kwethole wamemezela wathi, “Kusasa kuzakuba lomkhosi \nd kaThixo\nd*.” 
\v 6 Ngakho ngosuku olwalandelayo abantu bavuka ekuseni kakhulu banikela umnikelo wokutshiswa, baletha lomnikelo wobudlelwano. Emva kwalokho bahlala phansi badla, banatha; basukuma bagida.
\p
\v 7 Lapho-ke \nd uThixo\nd* wathi kuMosi, “Yehla uye phansi ngoba abantu bakho owabakhupha elizweni laseGibhithe sebegcwele ububi. 
\v 8 Baphangisile badela konke engabalaya khona bazenzela isithombe esibunjwe safana lethole. Basikhothamele banikela iminikelo kiso bathi, ‘Laba yibo onkulunkulu benu, bako-Israyeli, abalikhupha eGibhithe.’ ”
\p
\v 9 \nd UThixo\nd* wasebuya wathi kuMosi, “Sengibabonile abantu laba; ngabantu abantamo zilukhuni. 
\v 10 Khathesi-ke ngiyekela ngingedwa ukuze ulaka lwami luvuthe phezu kwabo, ngibatshabalalise. Besengizakwenza isizwe esikhulu.”
\p
\v 11 Kodwa uMosi wacela umusa \nd kuThixo\nd* uNkulunkulu wakhe, wathi, “Awu \nd Thixo\nd*, kungani ulaka lwakho kumele luvuthele abantu bakho owabakhupha eGibhithe ngamandla amakhulu langesandla esiqinileyo na? 
\v 12 Kungani amaGibhithe kumele athi, ‘Wabakhupha elizweni ngenxa yenhloso embi ukuba ababulalele ezintabeni, ababhubhise baphele ebusweni bomhlaba’? Phenduka olakeni lwakho olwesabekayo, uthambise umoya wakho, ungaletheli abantu bakho ukubhujiswa. 
\v 13 Khumbula izinceku zakho u-Abhrahama, u-Isaka lo-Israyeli owafunga kubo wena ngokwakho wathi, ‘Ngizakwandisa inzalo yenu ibe ngangezinkanyezi zasemkhathini, ngiyinike lonke ilizwe engalithembisa lona ukuba libe yilifa layo kuze kube nini lanini.’ ” 
\v 14 Lapho-ke \nd uThixo\nd* waguquka ebubini ayesemise ukubehlisela ebantwini bakhe.
\p
\v 15 UMosi waphenduka wehla entabeni ephethe izibhebhedu ezimbili zamatshe obufakazi ezandleni zakhe. Zazilotshwe inxa zombili, phambili langemuva. 
\v 16 Izibhebhedu zamatshe zazingumsebenzi kaNkulunkulu; umbhalo ungumbhalo kaNkulunkulu owawulotshwe ezibhebhedwini zamatshe.
\p
\v 17 Kwathi lapho uJoshuwa esizwa umsindo wabantu beklabalala, wathi kuMosi, “Kulokuhlokoma kwempi ezihonqweni.”
\p
\v 18 UMosi waphendula wathi:
\q1 “Akusiyo nhlokomo yokunqoba,
\q2 akusiyo nhlokomo yokunqotshwa;
\q2 yinhlokomo yokuhlabela mina engiyizwayo.”
\p
\v 19 Kwathi uMosi esebanga ezihonqweni ebona ithole kanye lokugida okwakusenziwa, ulaka lwakhe lwavutha, walahla izibhebhedu ezazisezandleni zakhe, zahlephuka zaba yizicucu ewatheni lwentaba. 
\v 20 Wathatha ithole abebelenzile walitshisa emlilweni; walichola laba yimpuphu, wayiphosela emanzini, wathi bawanathe abako-Israyeli.
\p
\v 21 Wasesithi ku-Aroni, “Abantu laba benzeni kuwe uze ubakhokhelele esonweni esikhulu kangaka na?”
\p
\v 22 U-Aroni waphendula wathi, “Ungathukutheli nkosi yami. Uyakwazi ukuthi abantu laba bathanda ububi. 
\v 23 Bathe kimi, ‘Senzele onkulunkulu abazahamba phambi kwethu. Umuntu lo, uMosi owasikhupha elizweni laseGibhithe, asikwazi osokwenzakale kuye.’ 
\v 24 Ngakho mina ngathi kubo, ‘Loba ngubani olomceciso wegolide kawukhuphe.’ Basebengipha-ke igolide ngaliphosa emlilweni, kwasekuphuma ithole leli.”
\p
\v 25 UMosi wabona ukuthi abantu babengasabambeki kanye lokuthi u-Aroni wayesebaxhwalisile baze baba yinhlekisa ezitheni zabo. 
\v 26 Ngakho wema esangweni lezihonqo wathi, “Wonke \nd ongokaThixo\nd*, keze kimi.” Wonke amadodana kaLevi ayabuthana kuye.
\p
\v 27 Wasesithi kuwo, “Lokhu yikho okutshiwo \nd nguThixo\nd*, uNkulunkulu ka-Israyeli, ukuthi, ‘Indoda ngayinye kayibophele inkemba yayo ngebhanti eceleni kwayo, lihambahambe phakathi kwezihonqo lisuka kwelinye icele lazo lisiya kwelinye, indoda ngayinye ibulale umfowabo, umzalwane lomakhelwane wayo.’ ” 
\v 28 Amadodana kaLevi enza njengokulaywa kwawo nguMosi. Ngakho ngalolosuku kwafa abantu ababengaba zinkulungwane ezintathu. 
\v 29 UMosi wasesithi kubo, “Lamuhla lina selahlukaniselwe \nd uThixo\nd* ngoba limelane lamadodana enu labafowenu, ngalokho uselibusisile lamhla.”
\p
\v 30 Ngelanga elalandelayo uMosi wathi ebantwini, “Lenze isono esikhulu kakhulu. Kodwa khathesi ngizaqansa ngiye phezulu \nd kuThixo\nd*, mhlawumbe ngingenza inhlawulelo yesono senu.”
\p
\v 31 Ngakho uMosi wabuyela \nd kuThixo\nd* wathi kuye, “Awu, abantu laba sebenze isono esikhulu kakhulu. Bazenzele onkulunkulu ngegolide. 
\v 32 Ake ubathethelele izono zabo kodwa nxa kungenjalo, ngesula ogwalweni olulobileyo.”
\p
\v 33 \nd UThixo\nd* wamphendula uMosi wathi, “Lowo owenze isono kimi ngizamesula ogwalweni lwami. 
\v 34 Khathesi hamba, ukhokhelele abantu endaweni engakhuluma ngayo kuwe. Ingilosi yami izahamba phambi kwakho. Kodwa-ke nxa isikhathi sami sokujezisa sesifikile, ngizabajezisa ngenxa yesono sabo.”
\p
\v 35 \nd UThixo\nd* wabajezisa abantu ngesifo ngenxa yalokho abakwenza ngethole elalenziwe ngu-Aroni.
\c 33
\p
\v 1 \nd UThixo\nd* wasesithi kuMosi, “Suka kule indawo wena labantu owabakhupha elizweni laseGibhithe, uye elizweni engalithembisa u-Abhrahama lo-Isaka loJakhobe ngifunga ngisithi, ‘Ngizalinika inzalo yakho.’ 
\v 2 Ngizathuma ingilosi ihambe phambi kwakho ixotshe amaKhenani, ama-Amori, amaHithi, amaPherizi, amaHivi lamaJebusi. 
\v 3 Yana elizweni eligeleza uchago loluju. Kodwa mina angiyikuhamba lani ngoba lingabantu abantamo zilukhuni, hlezi ngilibhubhise endleleni.”
\p
\v 4 Kwathi lapho abantu sebezwe amazwi la adabukisayo baqalisa ukukhala, akwaze kwaba loyedwa owagqiza izigqizo zakhe. 
\v 5 Phela \nd uThixo\nd* wayethe kuMosi, “Tshela abako-Israyeli uthi, ‘Lina lingabantu abantamo zilukhuni. Nxa ngingahamba lani loba okomzuzwana nje, ngingalibhubhisa. Khathesi khululani izigqizo zenu; ngizakwenza isinqumo ukuthi ngenzeni ngani.’ ” 
\v 6 Ngakho-ke abako-Israyeli bazikhipha izigqizo zabo entabeni yeHorebhi.
\s1 Ithente Lokuhlangana
\p
\v 7 UMosi wayejwayele ukuthatha ithente ayelimisa ngaphandle bucwadlana lezihonqo. Walibiza ngokuthi “lithente lokuhlangana.” Ubani lobani owayedinga \nd uThixo\nd* wayesiya ethenteni lokuhlangana ngaphandle kwezihonqo. 
\v 8 Kwakusithi-ke lapho uMosi ephuma esiya kulelothente abantu bonke babesukuma bame eminyango yamathente abo bakhangele uMosi aze angene ethenteni. 
\v 9 Kwakusithi uMosi esengena ethenteni insika yeyezi yehlele phansi ime emnyango wethente lapho \nd uThixo\nd* ekhuluma loMosi. 
\v 10 Kwakusithi abantu bangabona insika yeyezi isimi emnyango wethente basukume bonke bakhonze; lowo lalowo emnyango wethente lakhe. 
\v 11 \nd UThixo\nd* wayekhuluma loMosi ubuso ngobuso njengomuntu ekhuluma lomngane wakhe. Ngemva kwalokho uMosi wayebuyela ezihonqweni, kodwa umncedisi wakhe owayesesemncane, uJoshuwa indodana kaNuni, wayengasuki ethenteni.
\s1 UMosi Lenkazimulo \nd KaThixo\nd*
\p
\v 12 UMosi wathi \nd kuThixo\nd*, “Ubulokhu ungitshela usithi, ‘Khokhela abantu laba,’ kodwa kawungazisanga ukuthi ngubani ozamthuma ukuba ahambe lami. Utshilo wathi, ‘Ngiyakwazi ngebizo, njalo ufumene umusa kimi.’ 
\v 13 Nxa uthokoza ngami, ngifundisa izindlela zakho ukuze ngikwazi, ngiqhubeke ngithola umusa kuwe. Khumbula futhi lokuthi isizwe lesi singabantu bakho.”
\p
\v 14 \nd UThixo\nd* waphendula wathi, “NgoBukhona bami ngizahamba lawe ngikuphumuze.”
\p
\v 15 UMosi wathi kuye, “Nxa uBukhona bakho bungahambi lathi, ungasisusi lapha. 
\v 16 Umuntu angakwazi njani ukuthi mina labantu bakho sifumene umusa kuwe ngaphandle kokuba uhamba lathi na? Kuyini okunye okungasiphawula, mina labantu bakho, kwabanye abantu bonke emhlabeni na?”
\p
\v 17 \nd UThixo\nd* wathi kuMosi, “Ngizakwenza khona kanye lokhu okucelileyo ngoba ngiyathokoza ngawe, njalo ngikwazi ngebizo.”
\p
\v 18 UMosi wasesithi, “Ngicela ukuba ungitshengise inkazimulo yakho.”
\p
\v 19 \nd UThixo\nd* wasesithi, “Ngizakwenza ukulunga kwami kudlule phambi kwakho, njalo ngizamemezela ibizo lami, \nd uThixo\nd*, phambi kwakho. Ngizakuba lesihawu kulowo engizakuba lesihawu kuye njalo ngibe lesisa kulowo engizakuba lesisa kuye.” 
\v 20 \nd UThixo\nd* waqhubeka wathi, “Kodwa, ubuso bami awungeke ububone, ngoba kakho ongangibona aphile.”
\p
\v 21 \nd UThixo\nd* wabuya wathi, “Kulendawo phansi kwami lapho ongema khona phezu kwedwala. 
\v 22 Kuzakuthi lapho inkazimulo yami isedlula eduze, ngizakufaka emnkenkeni wedwala ngikusithe ngesandla sami ngize ngidlule. 
\v 23 Emva kwalokho ngizasusa isandla sami ubone umhlane wami; kodwa ubuso bami akumelanga ububone.”
\c 34
\s1 Izibhebhedu Zamatshe Ezintsha
\p
\v 1 \nd UThixo\nd* wathi kuMosi, “Baza ezinye izibhebhedu zamatshe ezimbili zifanane lezakuqala. Ngizabhala kuzo amazwi ayesezibhebhedwini zakuqala owaziphahlazayo. 
\v 2 Ube usulungile ekuseni, ubuye phezulu entabeni iSinayi, uziveze kimi engqongweni yentaba. 
\v 3 Akungabi lamuntu oza lawe kumbe oke abonakale loba kungaphi entabeni; ngitsho lezimvu lenkomo kazingadli phambi kwaleyontaba.”
\p
\v 4 Ngakho uMosi wabaza izibhebhedu zamatshe ezimbili zaba njengezakuqala, wakhwela entabeni iSinayi ekuseni kakhulu njengokulaywa kwakhe \nd nguThixo\nd* ephethe izibhebhedu ezimbili zamatshe ezandleni zakhe. 
\v 5 \nd UThixo\nd* wehla ngeyezi wema khonapho laye wamemezela ibizo lakhe esithi, “\nd UThixo\nd*.” 
\v 6 Wedlula phambi kukaMosi ememezela esithi, “\nd UThixo\nd*, \nd uThixo\nd*; uNkulunkulu olesihawu lomusa, ophuzayo ukuthukuthela, ogcwele uthando lobuqotho, 
\v 7 olothando olungapheliyo kuzinkulungwane ethethelela ububi, iziphosiso lezono. Ikanti abalamacala kabayekeli bengajeziswanga; wehlisela ububi baboyise phezu kwabantwana, laphezu kwabantwana babantwana kusiya kusizukulwane sesithathu lesesine.”
\p
\v 8 UMosi waphanga wakhothamisela ikhanda lakhe phansi, wakhonza. 
\v 9 Wathi, “Awu Thixo, nxa ngithole umusa kuwe, ngiyacela, \nd uThixo\nd* kahambe lathi. Lanxa abantu laba bentamo zilukhuni, sithethelele ububi bethu lezono zethu, usithathe njengelifa lakho.”
\p
\v 10 \nd UThixo\nd* wasesithi, “Sengisenza isivumelwano lawe. Phambi kwabantu bakho bonke ngizakwenza izimangaliso ezingakaze zenziwe lanini lakusiphi isizwe emhlabeni wonke. Abantu ohlala phakathi kwabo bazabona ukuthi umangalisa njani umsebenzi, mina \nd Thixo\nd*, engizakwenzela wona. 
\v 11 Lalela lokhu engikulaya khona lamhla. Ngizawaxotsha phambi kwakho ama-Amori, amaKhenani, amaHithi, amaPherizi, amaHivi lamaJebusi. 
\v 12 Qaphela ukuba kungabi lesivumelwano osenza lalabo abahlala elizweni oya kulo ngoba bangaba yisifu kini. 
\v 13 Adilizeni ama-alithare abo, libhidlize lezithombe zabo, liqume lezinsika zika-Ashera wabo abamkhonzayo. 
\v 14 Lingakhonzi omunye unkulunkulu, ngoba \nd uThixo\nd*, obizo lakhe linguBukhwele, nguNkulunkulu olobukhwele.
\p
\v 15 Qaphelani lingenzi isivumelwano lalabo abahlala elizweni lelo ngoba nxa bephinga labonkulunkulu babo benikela iminikelo kubo, bazalinxusa beselisidla imihlatshelo yabo. 
\v 16 Njalo lapho likhetha amanye amadodakazi abo ukuba abe ngabafazi bamadodana enu kuzakuthi lapho amadodakazi lawo esezibhixa kubonkulunkulu bawo, ahugele amadodana enu ekwenzeni okunjalo.
\p
\v 17 Lingazenzeli onkulunkulu ababunjiweyo.
\p
\v 18 Gcinani uMkhosi weSinkwa esingelaMvubelo. Okwensuku eziyisikhombisa dlanini isinkwa esenziwe kungekho mvubelo, njengokulaya kwami. Lokho kwenzeni ngesikhathi esimisiweyo enyangeni ka-Abhibhi, ngoba ngaleyonyanga laphuma eGibhithe.
\p
\v 19 Inzalo yakuqala yonke ezelweyo ngeyami, kanye lamazibulo wonke amaduna ezifuyo zenu, loba engawenkomo kumbe awezimvu. 
\v 20 Izibulo likababhemi lihlengeni ngezinyane. Kodwa nxa lingangalihlengi lephuleni intamo yalo. Ahlengeni wonke amadodana enu angamazibulo.
\p Kakho ozakuza phambi kwami engaphethe lutho.
\p
\v 21 Lizasebenza insuku eziyisithupha, kodwa ngosuku lwesikhombisa lizaphumula; langesikhathi sokulima lesokuvuna kuzamele liphumule.
\p
\v 22 Thakazelelani uMkhosi wamaViki lokolibo kokuvuna kwenu ingqoloyi loMkhosi wokuButhelela ekupheleni komnyaka. 
\v 23 Kathathu ngomnyaka bonke abesilisa bakho kumele babonakale phambi \nd kukaThixo\nd* Wobukhosi, uNkulunkulu ka-Israyeli. 
\v 24 Ngizaxotsha izizwe eziphambi kwenu njalo ngiqhelise ilizwe lenu, kakho ozahawukela ilizwe lenu ngesikhathi lisiyabonakala kathathu ngomnyaka phambi \nd kukaThixo\nd* uNkulunkulu wenu.
\p
\v 25 Linganikeli igazi lomhlatshelo kimi ndawonye laloba yini elemvubelo, njalo akungabi lomhlatshelo woMkhosi wePhasika ogcinwa kuze kuse.
\p
\v 26 Lethani okolibo kwenu okuhle kakhulu endlini \nd kaThixo\nd* uNkulunkulu wenu.
\p Lingapheki izinyane lembuzi ngochago lukanina.”
\p
\v 27 \nd UThixo\nd* wasesithi kuMosi, “Loba amazwi la, ngoba ngamazwi la sengenze isivumelwano lawe kanye lo-Israyeli.” 
\v 28 UMosi wayekhonale \nd loThixo\nd* insuku ezingamatshumi amane lobusuku obungamatshumi amane engadli sinkwa kumbe ukunatha amanzi. Amazwi esivumelwano ayimiThetho eliTshumi, wawaloba ezibhebhedwini zamatshe.
\s1 Ubuso Obukhazimulayo BukaMosi
\p
\v 29 Kwathi lapho uMosi esehla entabeni yeSinayi ephethe izibhebhedu ezimbili zamatshe obufakazi, wayengazi ukuthi ubuso bakhe babukhazimula ngenxa yokuthi wayekhulume \nd loThixo\nd*. 
\v 30 Kwathi u-Aroni labo bonke abako-Israyeli bebona uMosi, ubuso bakhe bukhazimula, besaba ukusondela kuye. 
\v 31 Kodwa uMosi wababiza; ngakho u-Aroni lezinduna zonke zabantu beza kuye, wakhuluma labo. 
\v 32 Emva kwalokho bonke abako-Israyeli basondela kuye wabanika yonke imilayo \nd kaThixo\nd* ayemuphe yona entabeni yeSinayi.
\p
\v 33 UMosi eseqedile ukukhuluma labo, wamboza ubuso bakhe ngeveli. 
\v 34 Kodwa kwakusithi lapho esengena ukuba abe phambi \nd kukaThixo\nd* ukuze akhulume laye, wayelisusa iveli aze aphume. Wayesithi angaphuma, njalo esebatshelile abako-Israyeli lokho ayekulayiwe, 
\v 35 babebona ukuthi ubuso bakhe babukhazimula. Lapho-ke uMosi wayebumboza njalo ubuso bakhe ngeveli aze angene esiyakhuluma \nd loThixo\nd*.
\c 35
\s1 Imithetho YeSabatha
\p
\v 1 UMosi wabuthanisa isizwe sonke sako-Israyeli wathi kuso, “Lokhu yikho \nd uThixo\nd* alilaye ukuba likwenze: 
\v 2 Okwensuku eziyisithupha lizaqhuba imisebenzi, kodwa usuku lwesikhombisa luzakuba lusuku lwenu olungcwele, iSabatha lokuphumula \nd kuThixo\nd*. Loba ngubani ozakwenza umsebenzi ngalolosuku kuzamele abulawe. 
\v 3 Lingabasi umlilo loba kungaphi elihlala khona ngosuku lweSabatha.”
\s1 Impahla ZeThabanikeli
\p
\v 4 Ekhuluma lesizwe sonke sako-Israyeli uMosi wathi, “Lokhu yikho \nd uThixo\nd* athe kwenziwe: 
\v 5 Kulokho elilakho khiphani umnikelo \nd kaThixo\nd*. Wonke ozimiseleyo ukuletha \nd kuThixo\nd* umnikelo:
\b
\li1 wegolide, isiliva kanye lethusi,
\li1
\v 6 intambo eziluhlaza, eziyibubende kanye lezibomvu; lelembu elicolekileyo,
\li1 uboya bembuzi,
\li1
\v 7 izikhumba zenqama eziphendulwe ngomphendulo obomvu kanye lezikhumba zezinyamazana eziqinileyo;
\li1 lezigodo zesihlahla somʼakhakhiya;
\li1
\v 8 amafutha e-oliva awokukhanyisa isibane,
\li1 amakha azasetshenziswa lamafutha okugcoba abakhethiweyo lephunga lempepha elimnandi,
\li1
\v 9 amatshe e-onikisi lamanye amatshe aligugu azathungelwa esembathweni semahlombe lesesifubeni.
\b
\p
\v 10 Bonke abazingcitshi phakathi kwenu kumele beze bazokwenza konke lokho \nd uThixo\nd* alaye ukuthi kwenziwe:
\b
\li1
\v 11 ithabanikeli lethente lalo kanye lesisibekelo, ingwegwe, amathala, imithando enqumayo, izinsika lezisekelo;
\li1
\v 12 umtshokotsho wobufakazi lemijabo yawo kanye lesisibekelo esiyisihlalo somusa lekhetheni lokulisitha;
\li1
\v 13 itafula lemijabo yalo lezitsha zonke kanye lesinkwa esiNgcwele,
\li1
\v 14 uluthi lwesibane sokukhanyisa kanye lezitsha zalo, izibane lamafutha okukhanyisa,
\li1
\v 15 i-alithari lempepha lemijabo yalo, amafutha okugcoba abakhethiweyo kanye lempepha elephunga elimnandi,
\li1 ikhetheni lomnyango esangweni lokuya ethabanikeleni,
\li1
\v 16 i-alithari leminikelo yokutshiswa leminxibo yokosa eyenziwe ngethusi, imijabo kanye lezitsha zalo zonke,
\li1 inditshi yethusi kanye lesisekelo sayo,
\li1
\v 17 amakhetheni eguma kanye lezinsika zalo lezisekelo, njalo lekhetheni lesango leguma,
\li1
\v 18 izikhonkwane zethente, ezethabanikeli kanye lezeguma, lamagoda azo,
\li1
\v 19 izembatho ezelukiweyo ezisetshenziswa ekuphatheni umsebenzi endaweni engcwele, zonke izembatho ezingcwele zika-Aroni umphristi kanye lezembatho zamadodana akhe abazisebenzisayo emsebenzini wobuphristi.”
\b
\p
\v 20 Ngemva kwalokho isizwe sonke sako-Israyeli sasuka phambi kukaMosi, 
\v 21 kwathi wonke umuntu owayezimisele lowayefuqwa yinhliziyo waletha umnikelo \nd kuThixo\nd* ukuze usetshenziswe ethenteni lokuhlangana lakuzo zonke inkonzo zalo, kanye lakuzembatho ezingcwele. 
\v 22 Bonke ababezimisele, abesilisa labesifazane ngokufanayo, baletha izinto zokucecisa ezemihlobo ngemihlobo ezenziwe ngegolide: izipenede, amacici, indandatho kanye lazozonke izinto zokucecisa. Bonke baletha igolide labo kwaba ngumnikelo wokuzunguzwa phambi \nd kukaThixo\nd*. 
\v 23 Wonke umuntu owayelentambo eziluhlaza, eziyibubende, ezibomvu kumbe ilembu elicolekileyo, kumbe uboya bembuzi, izikhumba zenqama eziphendulwe ngomphendulo obomvu loba izikhumba zenyamazana zolwandle wakuletha. 
\v 24 Labo ababeleminikelo yesiliva kumbe eyethusi bayiletha njengomnikelo \nd kuThixo\nd*, kanti laye wonke umuntu owayelezigodo zesihlahla somʼakhakhiya ezazingasetshenziswa kuloba yiwuphi umsebenzi, waziletha. 
\v 25 Wonke owesifazane olobuciko bokweluka waletha ayekweluke ngezandla zakhe, intambo eziluhlaza, eziyibubende lezibomvu kumbe ilembu elicolekileyo. 
\v 26 Kanjalo bonke abesifazane ababezimisele futhi belobuciko beluka ngoboya bembuzi. 
\v 27 Abakhokheli baletha amatshe aligugu e-onikisi kanye lamanye njalo amatshe aligugu ukuthi athungelwe emahlombe lasesifubeni sesembatho. 
\v 28 Baletha njalo leziyoliso kanye lamafutha e-oliva awokukhanyisa lawokugcoba abakhethiweyo kanye lempepha elephunga elimnandi. 
\v 29 Bonke abako-Israyeli abesilisa labesifazane ababezimisele baletha iminikelo ngokukhululeka \nd kuThixo\nd* ukuze kwenziwe yonke imisebenzi \nd uThixo\nd* ayelaye uMosi ukuthi bayenze.
\s1 Ukukhethwa KukaBhezaleli Lo-Oholiyabhi
\p
\v 30 Ngalokho uMosi wathi kwabako-Israyeli, “Khangelani, \nd uThixo\nd* usekhethe uBhezaleli indodana ka-Uri, indodana kaHuri, owesizwe sikaJuda, 
\v 31 njalo usemgcwalise ngoMoya kaNkulunkulu, ukuhlakanipha, ukuqedisisa kanye lolwazi ekwenzeni yonke imisebenzi yobungcitshi 
\v 32 ukuba adwebe ngobungcitshi isimo sezinto ezizabazwa ngegolide, isiliva kanye lethusi, 
\v 33 ukubaza amatshe lokuwamisa, ukubaza izigodo njalo enze yonke imisebenzi yomuntu oleminwe lobungcitshi. 
\v 34 Njalo usenike uBhezaleli kanye lo-Oholiyabhi indodana ka-Ahisamakhi, owesizwe sikaDani ulwazi ekufundiseni abanye. 
\v 35 \nd UThixo\nd* usebagcwalise ngobuciko bokwenza yonke imihlobo yemisebenzi njengezingcitshi, abadwebi kumbe ababumbi bezinto ezingathungwa kumbe ezingabazwa, abathungi beziceciso zentambo eziluhlaza, eziyibubende lezibomvu kanye lamalembu acolekileyo, labeluki, bonke bezingcitshi ezilolwazi olukhulu lababumbi bezinto ezingathungwa kumbe ezingabazwa.
\c 36
\nb
\v 1 Ngakho uBhezaleli, u-Oholiyabhi lomuntu wonke \nd uThixo\nd* amuphe ubungcwethi lamandla okwazi ukwenza wonke lumsebenzi wokwakha indlu engcwele, kumele benze umsebenzi njengokulaywa kwabo \nd nguThixo\nd*.”
\p
\v 2 UMosi wasebiza uBhezaleli, u-Oholiyabhi labo bonke abalobungcwethi, \nd uThixo\nd* ayebaphe amandla lowayezimisele ukuzokwenza lowomsebenzi. 
\v 3 Bemukela abakuphiwa nguMosi okwakuyiminikelo yabako-Israyeli benikelela ukwakhiwa kwendlu engcwele. Abantu baqhubeka beletha iminikelo ngokukhululeka kwabo ukusa kwamalanga wonke. 
\v 4 Ngakho zonke izingcitshi ezazisenza umsebenzi wonke wokwakha indlu engcwele zatshiya yonke imisebenzi yazo 
\v 5 zathi kuMosi, “Abantu baletha okunengi kakhulu kulalokho \nd uThixo\nd* alaya ukuba kwenziwe.”
\p
\v 6 Ngakho uMosi wakhupha isiqondiso basebethumela ilizwi ezihonqweni elithi, “Kakho owesilisa loba owesifazane okusamele enze olunye ulutho ukuthi lube ngumnikelo wendlu engcwele.” Ngalokho abantu bavinjelwa ukuletha okunye futhi, 
\v 7 ngoba abasebelakho kwasekukunengi okwedlula lokho okwakuzaphetha umsebenzi.
\s1 IThabanikeli
\p
\v 8 Wonke amadoda alobungcwethi phakathi kwabasebenzayo akha ithabanikeli ngamakhetheni alitshumi enziwe ngelembu eliphothwe kuhle ngentambo eziluhlaza, eziyibubende kanye lezibomvu, laceciswe ngamakherubhi elukelwa kuhle yingcitshi. 
\v 9 Wonke amakhetheni ayelingana ubude bawo buzingalo ezingamatshumi amabili lesificaminwembili njalo ububanzi ezingalo ezine. 
\v 10 Babambanisa amakhetheni amahlanu ndawonye, benza njalo lakwamanye amahlanu. 
\v 11 Basebesenza izihitshela ngelembu eliluhlaza belandela umphetho wekhetheni elisekucineni kwelixha lakuqala, kwenziwa okufananayo elixheni lesibili. 
\v 12 Benza njalo ezinye izihitshela ezingamatshumi amahlanu ekhethenini elilodwa, benza futhi ezinye izihitshela ezingamatshumi amahlanu ekhethenini lokucina lelixha lesibili, izihitshela zazikhangelene. 
\v 13 Basebesenza ingwegwe zegolide ezingamatshumi amahlanu, bazisebenzisa ukuhlanganisa izixha zombili zamakhetheni ukuze ithabanikeli libe yintonye.
\p
\v 14 Benza amakhetheni ngoboya bembuzi aba ngawethente lokubekwa phezu kwethabanikeli, wonke abalitshumi lanye. 
\v 15 Wonke amakhetheni alitshumi lanye ayelingana, ezingalo ezingamatshumi amathathu ubude, ububanzi ezingalo ezine. 
\v 16 Bahlanganisa amakhetheni amahlanu aba lilixha layisithupha kwelinye ilixha. 
\v 17 Benza izihitshela ezingamatshumi amahlanu zilandela umphetho wekhetheni elisekucineni kwelixha lakuqala, benza okufananayo ekhethenini lelixha lesibili. 
\v 18 Balungisa ingwegwe zethusi ezingamatshumi amahlanu ukuze babophe ngazo ithente libe yinto yinye. 
\v 19 Benza isembeso sethente ngezikhumba zenqama eziphendulwe ngomphendulo obomvu, kwathi ngaphezu kwalokho benza isembeso ngezikhumba eziqinileyo.
\p
\v 20 Benza amathala ethabanikeli okumiswa ngezigodo zesihlahla somʼakhakhiya. 
\v 21 Ithala linye lalilide okuzingalo ezilitshumi, kwathi ububanzi laba yingalo elengxenye, 
\v 22 kulemisuka emibili ephutsha ilinganisene. Wonke amathala ethabanikeli enziwa ngale indlela. 
\v 23 Benza amathala ecele elisezansi kwethabanikeli angamatshumi amabili, 
\v 24 benza izisekelo zesiliva ezingamatshumi amane ezazihamba ngaphansi kwawo, izisekelo ezimbili ethaleni linye, isisekelo sinye ngaphansi kwensika inye ngayinye. 
\v 25 Kuleli elinye icele, icele elisenyakatho kwethabanikeli, bamisa amathala angamatshumi amabili 
\v 26 kanye lezisekelo zesiliva ezingamatshumi amane, ezimbili ngaphansi kwethala lilinye. 
\v 27 Benza amathala ayisithupha ecele elisekucineni ngentshonalanga kwethabanikeli, 
\v 28 benza amathala amabili emagumbini asekucineni. 
\v 29 Emagumbini womabili amathala ayelohlonzi oluphindwe kabili kusuka phansi kusiya phezulu, ehlanganiswe ngesongo elilodwa njalo womabili enziwa ngokufananayo. 
\v 30 Ngakho kwenziwa amathala ayisificaminwembili lezisekelo zesiliva ezilitshumi lesithupha, zimbili ngaphansi kwethala linye.
\p
\v 31 Benza njalo imithando enqumayo ngezigodo zesihlahla somʼakhakhiya: emihlanu ingeyamathala akwelinye icele lethabanikeli, 
\v 32 emihlanu yayingeyakwelinye icele, kwathi njalo eminye emihlanu yaba ngeyamathala asentshonalanga ekucineni kwethabanikeli. 
\v 33 Umthando onquma phakathi bawenza wedlula usuka kwelinye icele usiya kwelinye phakathi laphakathi kwamathala. 
\v 34 Bahuqa amathala ngegolide benza amasongo ngegolide abamba imithando. Njalo bahuqa imithando ngegolide.
\p
\v 35 Benza ikhetheni ngelembu elicolekileyo, eliphethwe kuhle ngentambo eziluhlaza, eziyibubende lezibomvu, aba lamakherubhi elukelwe kuwo ngumuntu oleminwe. 
\v 36 Bawenzela izinsika ezine ngezigodo zesihlahla somʼakhakhiya bazihuqa ngegolide. Izinsika bazenzela ingwegwe zegolide njalo bawamisela lezisekelo ezine zesiliva. 
\v 37 Benza ikhetheni lesango lethente ngelembu elicolekileyo elilentambo eziphothiweyo eziluhlaza, eziyibubende lezibomvu, kwaba ngumsebenzi wombalazi ngokuthunga; 
\v 38 njalo benza izinsika ezinhlanu zilengwegwe zazo. Bahuqa izihloko zensika kanye lamabhanti azo ngegolide njalo benza lezisekelo ezinhlanu ngethusi.
\c 37
\s1 Umtshokotsho Wesivumelwano
\p
\v 1 UBhezaleli wabaza umtshokotsho ngezigodo zesihlahla somʼakhakhiya ubude bawo kuzingalo ezimbili ezilengxenye, ububanzi kuyingalo elengxenye njalo ukuyaphezulu kwawo kuyingalo elengxenye. 
\v 2 Walihuqa ngegolide elicolekileyo, ngaphakathi langaphandle, wabuye walizingelezela ngomqolo wegolide. 
\v 3 Wawubumbela amasongo amane egolide wawanamathisela ezinyaweni zalo zozine, kwathi amasongo amabili kwelinye icele lamabili kwelinye njalo. 
\v 4 Wasebaza imijabo ngesihlahla somʼakhakhiya wayihuqa ngegolide. 
\v 5 Wasehloma imijabo leyo emasongweni ayesemaceleni komtshokotsho wesivumelwano ukuze uthwalwe ngayo.
\p
\v 6 Wenza isihlalo somusa ngegolide elicolekileyo, ubude baso buzingalo ezimbili ezilengxenye lengxenye, ububanzi saba yingalo elengxenye. 
\v 7 Njalo wenza amakherubhi amabili ngegolide elikhandiweyo ekucineni kwesihlalo somusa emaceleni womabili. 
\v 8 Wenza ikherubhi elilodwa nganxanye kwathi kwelinye icele wenza elinye aba yinto yinye lesisibekelo. 
\v 9 Amakherubhi ayelulele amaphiko awo phezulu, embese isisibekelo ngawo. Amakherubhi ayekhangelene, ubuso bawo bukhangele isisibekelo.
\s1 Itafula
\p
\v 10 Babaza itafula ngezigodo zesihlahla somʼakhakhiya, ubude bayo babuzingalo ezimbili, ububanzi buyingalo eyodwa, ukuphakama kwayo kuyingalo elengxenye. 
\v 11 Basebelihuqa ngegolide elicolekileyo njalo balizingelezela ngomthando wegolide. 
\v 12 Babuya benza ibhanti eliyizingelezileyo, elalingangesandla somuntu ububanzi, basebefaka umthando wegolide phezu kwebhanti. 
\v 13 Benza amasongo amane egolide bawafaka emagumbini womane enyaweni zetafula. 
\v 14 Amasongo afakwa eduze lebhanti ukuze abambe imijabo eyayisetshenziswa ukuthwala itafula. 
\v 15 Imijabo yokuthwalisa itafula yayenziwe ngezigodo zesihlahla somʼakhakhiya njalo ihuqwe ngegolide. 
\v 16 Njalo benza ngegolide elicolekileyo izitsha zetafula ezibalisa imiganu, izinditshi, imiganu eyingubhe kanye lezitsha zokuthululela iminikelo enathwayo.
\s1 Uluthi Lwesibane
\p
\v 17 Benza uluthi lwesibane ngegolide elicolekileyo, bakhanda isidindi salo lomqwayi walo kwaba ngumsebenzi okhandiweyo, imbizana zalo, amahlumela alo kanye lamaluba alo kwenziwa kwaba yinto yinye. 
\v 18 Ingatsha eziyisithupha zaxhunywa emaceleni oluthi lwesibane, ingatsha ezintathu nganxanye kwathi ezintathu kwelinye icele. 
\v 19 Inkezo ezintathu ezibunjwe okwamaluba e-alimondi, amahlumela lamaluba kwakusogatsheni lunye, ezinye ezintathu ogatsheni olulandelayo, kwabanjalo kuwo wonke ayisithupha exhunywe oluthini lwesibane. 
\v 20 Njalo oluthini lwesibane kwakulembizana ezine ezibunjwe okwamaluba e-alimondi elamahlumela kanye lamaluba. 
\v 21 Ihlumela elilodwa lalingaphansi kwengatsha ezimbili, ihlumela lesibili lingaphansi kwezinye ezimbili lehlumela lesithathu lalingaphansi kwengatsha ezimbili, ingatsha zonke zaziyisithupha. 
\v 22 Amahlumela lezingatsha kwakuyinto yinye loluthi lwesibane, kukhandwe ngegolide elicolekileyo.
\p
\v 23 Balwenzela izibane eziyisikhombisa, incijana lembizana zalo ezenziwe ngegolide elicolekileyo. 
\v 24 Uluthi lwesibane kanye lakho konke okuphathelene lalo kwenziwa ngegolide elicolekileyo eliyisisindo sethalenta elilodwa.
\s1 I-Alithari Lempepha
\p
\v 25 Benza i-alithari lempepha ngezigodo zesihlahla somʼakhakhiya. Lenziwa lalingana inxa zonke, ubude balo buyingalo eyodwa, lobubanzi buyingalo eyodwa, kanti ukudepha kuzingalo ezimbili, impondo zalo zenziwa zaba yinto yinye kanye lalo. 
\v 26 Balihuqa ngegolide elicolekileyo phezulu, lemaceleni kanye lempondo zalo ngegolide elicolekileyo njalo balibumbela umqolo wegolide inxa zonke. 
\v 27 Benza amasongo amabili kuleli icele lamanye amabili kwelinye njalo ukubambanisa imijabo yokuthwalisa i-alithari lempepha. 
\v 28 Benza imijabo ngesihlahla somʼakhakhiya bayihuqa ngegolide.
\p
\v 29 Benza njalo lamafutha angcwele okugcoba abakhethiweyo, lempepha elephunga elimnandi, kungumsebenzi womenzi wamakha.
\c 38
\s1 I-Alithari Lomnikelo Wokutshiswa
\p
\v 1 Bakha i-alithari lomnikelo wokutshiswa ngezigodo zesihlahla somʼakhakhiya laba zingalo ezintathu ukudepha, ubude balo laba zingalo ezinhlanu, ububanzi laba zingalo ezinhlanu, lilingana inxa zonke. 
\v 2 Benza uphondo kumagumbi womane e-alithare, kwathi impondo le-alithari kwaba yinto yinye, basebelihuqa ngethusi. 
\v 3 Benza zonke izinto ezisetshenziswa kulo ngethusi, imbiza zalo, amafotsholo, imiganu yokuchela, amafologwe enyama kanye lezindengezi zokubasela umlilo. 
\v 4 Benza iminxibo ye-alithare, bayenza ngethusi yaba ngaphansi kwesengamo se-alithare okuyingxenye yokuya phezulu. 
\v 5 Benza amasongo ethusi okubambisa imijabo yemagumbini womane yeminxibo yethusi. 
\v 6 Imijabo bayenza ngezigodo zesihlahla somʼakhakhiya bazihuqa ngethusi. 
\v 7 Basebehloma imijabo leyo emasongweni yaba semaceleni kwe-alithari ukuze lithwalwe ngayo. Balenza ngamapulanka lafana lomkolo.
\s1 Umkolo Wokugezela
\p
\v 8 Benza umkolo wethusi lensika yawo yethusi yenziwa ngezibuko zethusi ezazingezabesifazane ababesebenza esangweni lethente lokuhlangana.
\s1 Iguma Lethabanikeli
\p
\v 9 Ngemva kwalokho balungisa iguma lethabanikeli. Ubude becele lezansi babuzingalo ezilikhulu njalo lilamakhetheni elembu elelukwe kuhle, 
\v 10 lilensika ezingamatshumi amabili lezisekelo zethusi ezingamatshumi amabili, njalo lilezingwegwe zesiliva kanye lamabhanti ensikeni. 
\v 11 Icele lenyakatho lalo lalizingalo ezilikhulu ubude njalo lilensika ezingamatshumi amabili, lezisekelo zethusi ezingamatshumi amabili, kanye lengwegwe zesiliva lamabhanti ensikeni.
\p
\v 12 Icele lentshonalanga yeguma lalizingalo ezingamatshumi amahlanu ububanzi, lilamakhetheni, lilensika ezilitshumi, ingwegwe zesiliva kanye lamabhanti ensikeni. 
\v 13 Eceleni lempumalanga kusiya okuphuma khona ilanga, lakhona iguma lalibanzi okwezingalo ezingamatshumi amahlanu. 
\v 14 Amakhetheni azingalo ezilitshumi lanhlanu ubude ayenganxanye kwesango, kulezinsika ezintathu kanye lezisekelo ezintathu, 
\v 15 ngakwelinye icele lakho kwakulamakhetheni azingalo ezilitshumi lanhlanu ubude, kulezinsika ezintathu kanye lezisekelo ezintathu. 
\v 16 Wonke amakhetheni ayehonqolozele iguma lethabanikeli ayenziwe ngelembu eliphethwe kuhle. 
\v 17 Izisekelo zensika zazingezethusi. Ingwegwe kanye lamabhanti ensikeni kwakuyisiliva, njalo izihloko zazo zihuqwe ngesiliva, ngokunjalo zonke izinsika zeguma zazilamabhanti esiliva, njalo izihloko zazo zihuqwe ngesiliva, ngakho zonke izinsika zeguma zazilamabhanti esiliva.
\p
\v 18 Ikhetheni lesango leguma lalenziwe ngelembu eliphethwe kuhle ngentambo eluhlaza, eyibubende kanye lebomvu, kwaba ngumsebenzi wombalazi ngokuthunga. Ikhetheni lakhona lalizingalo ezingamatshumi amabili ubude, kanti njengekhetheni leguma ukudepha kwalo kwakuzingalo ezinhlanu, 
\v 19 lilensika ezine lezisekelo zethusi ezine. Ingwegwe zalo kanye lamabhanti kuyisiliva, njalo izihloko zalo zihuqwe ngesiliva. 
\v 20 Izikhonkwane zonke zethente lethabanikeli kanye lezizingelezele iguma zazenziwe ngethusi.
\s1 Okwasetshenziswa Ekwakheni
\p
\v 21 Lokhu yikho ngobunengi bakho, okwasetshenziswa ukwakha ithabanikeli, ithabanikeli lobufakazi, yikho okwalotshwa ngabaLevi ngokulawula kukaMosi ngaphansi kwesiqondiso sika-Ithamari indodana ka-Aroni, umphristi. 
\v 22 (UBhezaleli indodana ka-Uri, indodana kaHuri, owesizwe sakoJuda, wenza konke uMosi ayekulaywe \nd nguThixo\nd*, 
\v 23 wayelo-Oholiyabhi indodana ka-Ahisamakhi owesizwe sikaDani owayeyingcitshi yomsebenzi njalo engumdwebi, njalo engumbalazi ngokuthunga ngentambo eluhlaza, eyibubende lebomvu, kanye lelembu elicolekileyo.) 
\v 24 Isilinganiso segolide lonke lomnikelo wokuzunguzwa elasetshenziswa emsebenzini wonke wendawo engcwele lalingamathalenta ayisisindo esingamatshumi amabili lasificamunwemunye (29) kanye lamashekeli angamakhulu ayisikhombisa lamatshumi amathathu (730) kusiya ngamashekeli endawo engcwele.
\p
\v 25 Isiliva esavela kulabo abahlala khona ababebaliwe ngesikhathi sokubalwa kwabantu sasilesisindo esingamathalenta alikhulu (100) lamashekeli ayinkulungwane lamakhulu ayisikhombisa alamatshumi ayisikhombisa lanhlanu (1,775), kusiya ngamashekeli endawo engcwele, 
\v 26 ibhekha linye ngomuntu, okuyikuthi, ingxenye yeshekeli ngesilinganiso seshekeli endaweni engcwele, kubo bonke labo ababechaphele kwabasebebaliwe, abaleminyaka engamatshumi amabili okuzalwa loba ukwedlula lapho, kwaba ngamadoda azinkulungwane ezingamakhulu ayisithupha lantathu lamakhulu amahlanu lamatshumi amahlanu (603,550) esehlangene wonke. 
\v 27 Isiliva esiyisisindo samathalenta alikhulu (100) sasetshenziswa ekwenzeni izisekelo zendawo engcwele kanye lekhetheni, izisekelo ezilikhulu (100) zenziwa ngesiliva esingamathalenta alikhulu (100), isilinganiso sethalenta linye ukwenza isisekelo esisodwa. 
\v 28 Basebenzisa isiliva esilesisindo esingamashekeli ayinkulungwane elamakhulu ayisikhombisa lamatshumi ayisikhombisa lanhlanu (1,775) ukwenza ingwegwe zensika, ukuhuqa izihloko zensika, kanye lokwenza amabhanti ensika.
\p
\v 29 Isilinganiso sethusi lonke lomnikelo wokuzunguzwa sasingamathalenta angamatshumi ayisikhombisa (70) lamashekeli azinkulungwane ezimbili ezilamakhulu amane (2,400). 
\v 30 Balisebenzisa ukwenza izisekelo zesango lethente lokuhlangana, i-alithari lethusi, iminxibo yalo yethusi kanye lazozonke izitsha zalo, 
\v 31 izisekelo ezihonqolozele iguma lalezo ezisesangweni kanye lezikhonkwane zethabanikeli lazozonke ezihonqolozele iguma.
\c 39
\s1 Izembatho ZobuPhristi
\p
\v 1 Benza izembatho zokwenza umsebenzi endaweni engcwele ngokuzeluka ngentambo eluhlaza, eyibubende lebomvu. Basebesenza isembatho sika-Aroni esingcwele, njengalokhu \nd uThixo\nd* wayelaye uMosi.
\s1 Isembatho Semahlombe
\p
\v 2 Benza isembatho semahlombe ngegolide, kanye lentambo eluhlaza, eyibubende lebomvu langelembu elicolekileyo. 
\v 3 Bakhanda izicecedu zegolide bazisika zaba zincingo bazeluka ngentambo eluhlaza, eyibubende lebomvu, kanye lelembu elicolekileyo, kwaba ngumsebenzi womuntu oleminwe. 
\v 4 Benza iziqa zemahlombe esambathweni leso, ezathungelwa emaceleni womabili ukuze sibotshwe. 
\v 5 Ukhalo lwaso olwelukwa ngobuciko lwalufanana laso, luyinto yinye lesembatho semahlombe, lwenziwe ngentambo eligolide, eluhlaza, eyibubende lebomvu, kanye lelembu eliphothwe kuhle, njengalokhu \nd uThixo\nd* walaya uMosi.
\p
\v 6 Bathungela amatshe aligugu ohlobo lwe-onikisi ezicecisweni zegolide bawadwebela njengophawu elamabizo amadodana ka-Israyeli. 
\v 7 Basebewathungela eziqeni zemahlombe esembatho semahlombe njengamatshe esikhumbuzo samadodana ka-Israyeli, njengalokhu \nd uThixo\nd* walaya uMosi.
\s1 Isembatho Sesifubeni
\p
\v 8 Benza isembatho sesifubeni, kwaba ngumsebenzi wezingcwethi. Basenza njengesembatho semahlombe: ngegolide, ngentambo eluhlaza, eyibubende lebomvu, kanye lelembu eliphothwe kuhle. 
\v 9 Sasilingana inxa zonke, singumunwe ubude lomunwe ububanzi, sigoqwe saphindwa kabili. 
\v 10 Basebethungela imizila emine yamatshe aligugu. Emzileni wakuqala kwakulerubhi, ithophazi kanye lebheriyeli; 
\v 11 emzileni wesibili kwakule-emeralidi, isafaya kanye ledayimana; 
\v 12 emzileni wesithathu kwakulejasinti, i-agathi kanye le-amethisi; 
\v 13 emzileni wesine kwakulekhrisolathi, i-onikisi kanye lejaspa. Athungelwa esezicecisweni zegolide. 
\v 14 Kwakulamatshe alitshumi lambili, lilinye limele ibizo ngalinye lamadodana ka-Israyeli, linye ngalinye lilotshwe njengokudweba kombazi wamatshe, kungani luphawu, ngalinye lilotshwe ibizo lezizwana zako-Israyeli ezilitshumi lambili.
\p
\v 15 Isembatho sesifubeni selukelwa amaketane ngegolide elicolekileyo kungani ligoda. 
\v 16 Benza iziceciso zegolide ezimbili, kanye lamasongo amabili egolide, basebebophela amasongo amabili emagumbini esembatho sesifubeni. 
\v 17 Babophela amaketane amabili egolide emasongweni amabili asemagumbini esembatho sesifubeni, 
\v 18 kwathi ngapha acina khona bawabophela ezicecisweni ezimbili, bawahlanganisa eziqeni zemahlombe phambi kwesembatho semahlombe. 
\v 19 Benza amasongo amabili egolide bawabophela kwamanye amagumbi amabili esembatho sesifubeni ngaphakathi komphetho phansi kwesembatho semahlombe. 
\v 20 Baphinda benza njalo amanye amasongo egolide amabili bawabophela ngaphansi kweziqa zemahlombe, eduze komphetho ngaphezudlwana kwebhanti lasokhalweni lwesembatho semahlombe 
\v 21 Babophela amasongo esembatho sesifubeni emasongweni esembatho semahlombe ngentambo eziluhlaza, kuhlanganiselwa okhalweni ukuze isembatho sesifubeni singazunguzeki sehlukane lesembatho semahlombe njengalokhu \nd uThixo\nd* walaya uMosi.
\s1 Ezinye Izembatho ZobuPhristi
\p
\v 22 Benza isigqoko sesembatho semahlombe ngelembu eliluhlaza kuphela kungumsebenzi womeluki, 
\v 23 kulesikhala phakathi laphakathi kwesigqoko njengokuvuleka kwamabheqe; kulomphetho olandeliselwe isikhala lesi ukuze isembatho singadabuki. 
\v 24 Benza emphethweni wesigqoko amaphomegranathi ngentambo eluhlaza, eyibubende lebomvu, kanye lelembu eliphothwe kuhle. 
\v 25 Benza amabhera ngegolide elicolekileyo bawathungela emphethweni wesigqoko phakathi laphakathi kwamaphomegranathi. 
\v 26 Amabhera kanye lamaphomegranathi athungelwa agatshaniswa emphethweni wesembatho esasizagqokwa ekwenzeni umsebenzi wenkonzo, njengalokhu \nd uThixo\nd* walaya uMosi.
\p
\v 27 U-Aroni kanye lamadodana akhe bathungelwa amabhatshi ngelembu elicolekileyo, kungumsebenzi womeluki uqobo lwakhe, 
\v 28 kanye lamaqhiye elembu elicolekileyo, kanye lezembatho zangaphakathi zelembu elicolekileyo. 
\v 29 Ibhanti lekhalweni lathungwa ngelembu elicolekileyo kanye lentambo eluhlaza, eyibubende lebomvu, kwaba ngumsebenzi wombalazi ngokuthunga, njengalokhu \nd uThixo\nd* walaya uMosi.
\p
\v 30 Benza icence lomqhele ongcwele ngegolide elicolekileyo bawudwebela khona njengombhalo wophawu othi:
\pc Ubungcwele kabube \nd kuThixo\nd*.
\m
\v 31 Basebebophela intambo eluhlaza ukuze bakuhlanganise leqhiye, njengalokhu \nd uThixo\nd* walaya uMosi.
\s1 UMosi Uhlola IThabanikeli
\p
\v 32 Ngakho-ke wonke umsebenzi wethabanikeli lethente lokuhlangana wapheleliswa. Abako-Israyeli benza konke njengalokhu \nd uThixo\nd* walaya uMosi. 
\v 33 Basebeletha ithabanikeli kuMosi:
\b
\li1 ithente kanye lazozonke impahla zalo, ingwegwe, amathala, imithando, izinsika lezisekelo;
\li1
\v 34 isembeso esenziwe ngezikhumba zenqama eziphendulwe ngomphendulo obomvu, isembeso sezikhumba eziqinileyo kanye lekhetheni eliphothiweyo;
\li1
\v 35 umtshokotsho wobufakazi lemijabo yawo eyizibambo zawo kanye lesihlalo somusa;
\li1
\v 36 itafula lezitsha zalo zonke kanye lesinkwa esiNgcwele;
\li1
\v 37 uluthi lwesibane lwegolide elicolekileyo lodwendwe lwezibane lazozonke izinto ezisetshenziswa kulo, kanye lamafutha e-oliva okukhanyisa;
\li1
\v 38 i-alithari legolide, amafutha okugcoba abakhethiweyo, impepha elephunga elimnandi, kanye lekhetheni lesango lethente;
\li1
\v 39 i-alithari lethusi leminxibo yalo yethusi, izigodo zalo eziyizibambo lezitsha zalo zonke;
\li1 umkolo lezinyawo zawo; amakhetheni eguma lezinsika zawo kanye lezisekelo,
\li1
\v 40 lekhetheni lesango leguma;
\li1 amagoda lezikhonkwane zethente leguma;
\li1 zonke impahla zethabanikeli, ithente lokuhlangana;
\li1
\v 41 izembatho ezelukiweyo zokusetshenziswa emsebenzini wokukhonza endaweni engcwele, kuhlanganisa izembatho ezingcwele zika-Aroni lezamadodana akhe ababezazigqoka nxa besenza umsebenzi wobuphristi.
\b
\p
\v 42 Abako-Israyeli basebenza wonke umsebenzi njengokulaywa kukaMosi \nd nguThixo\nd*. 
\v 43 UMosi wawuhlola umsebenzi wabona ukuthi wawenziwe njengokulaya \nd kukaThixo\nd*. Ngakho uMosi wababusisa.
\c 40
\s1 Ukumiswa Kwethabanikeli
\p
\v 1 \nd UThixo\nd* wasesithi kuMosi: 
\v 2 “Misa ithabanikeli, ithente lokuhlangana, ngosuku lokuqala lwenyanga yakuqala. 
\v 3 Beka umtshokotsho wesivumelwano kulo ube ususitha umtshokotsho wobufakazi ngekhetheni. 
\v 4 Ngenisa itafula ube usufaka izinto ezibekwa phezu kwayo. Letha-ke uluthi lwesibane ube usuxhuma izibane zalo. 
\v 5 Beka i-alithari lempepha elenziwe ngegolide phambi komtshokotsho wobufakazi njalo ufake ikhetheni esangweni lethabanikeli.
\p
\v 6 Beka i-alithari lomnikelo wokutshiswa phambi kwesango lethabanikeli, ithente lokuhlangana; 
\v 7 beka umkolo phakathi laphakathi kwethente lokuhlangana le-alithari ube usuthela amanzi kuwo. 
\v 8 Lungisa iguma eliwugombolozeleyo ubusufaka ikhetheni esangweni leguma.
\p
\v 9 Thatha amafutha okugcoba abantu abakhethiweyo ezikhundleni, ugcobe ngawo ithabanikeli lakho konke okukulo, ulibusise kanye lempahla zalo, ngalokho lizakuba ngcwele. 
\v 10 Gcoba-ke i-alithari lomnikelo wokutshiswa lazozonke izitsha zalo; ubusise i-alithari ukuze libe ngcwelengcwele. 
\v 11 Gcoba umkolo lenyawo zawo ubusuwubusisa.
\p
\v 12 Letha u-Aroni lamadodana akhe ethenteni lokuhlangana ubusubagezisa ngamanzi. 
\v 13 Ubusugqokisa u-Aroni izembatho ezingcwele umgcobe ngamafutha umbusise ukuze angenzele umsebenzi wobuphristi. 
\v 14 Letha amadodana akhe uwagqokise amabhatshi. 
\v 15 Bagcobe labo njengokugcotshwa kukayise ukuze bangenzele umsebenzi wobuphristi. Ukugcotshwa kwabo kubapha umsebenzi wobuphristi kuzozonke izizukulwane ezizayo.” 
\v 16 UMosi wenza konke njengokulaywa kwakhe \nd nguThixo\nd*.
\p
\v 17 Lamiswa-ke ithabanikeli ngosuku lwakuqala ngenyanga yakuqala emnyakeni wesibili. 
\v 18 Kwathi uMosi emisa ithabanikeli, wafaka izisekelo endaweni yazo, wamisa amathala, wafaka imithando wasemisa izinsika. 
\v 19 Wasesendlala ithente phezu kwethabanikeli wafaka isembeso phezu kwethente njengokulaywa kwakhe \nd nguThixo\nd*.
\p
\v 20 Wathatha izibhebhedu zobufakazi wazibeka emtshokotshweni wesivumelwano, wahloma imijabo kuwo wasefaka isihlalo somusa phezu kwawo. 
\v 21 Wasengenisa umtshokotsho wobufakazi ethabanikeleni, waphanyeka ikhetheni lokusitha wawugubuzela, njengalokho okwakulaywe \nd nguThixo\nd*.
\p
\v 22 UMosi wasebeka itafula ethenteni lokuhlangana eceleni langenyakatho lethabanikeli ngaphandle kwekhetheni, 
\v 23 wasebeka isinkwa phezu kwalo phambi \nd kukaThixo\nd* njengokulaywa kwakhe \nd nguThixo\nd*.
\p
\v 24 Wabeka uluthi lwesibane ethenteni lokuhlangana lukhangele itafula eningizimu kwethabanikeli, 
\v 25 wasemisa izibane phambi \nd kukaThixo\nd*, njengokulaywa kwakhe \nd nguThixo\nd*.
\p
\v 26 UMosi wabeka i-alithari legolide ethenteni lokuhlangana phambi kwekhetheni, 
\v 27 wasetshisela impepha phezu kwalo njengokulaywa kwakhe \nd nguThixo\nd*.
\p
\v 28 Waselengisa ikhetheni esangweni lethabanikeli. 
\v 29 Wamisa i-alithari lomnikelo wokutshiswa phansi kwesango lethabanikeli lethente lokuhlangana, wanikela phezu kwalo iminikelo yokutshiswa leminikelo yezilimo njengokulaywa kwakhe \nd nguThixo\nd*.
\p
\v 30 Wasebeka umkolo phakathi laphakathi kwethente lokuhlangana le-alithari wasethela amanzi okugeza phakathi kwawo, 
\v 31 ngakho uMosi lo-Aroni kanye lamadodana akhe bawusebenzisa ukugeza izandla zabo kanye lezinyawo. 
\v 32 Babegeza ngasosonke isikhathi nxa bengena ethenteni lokuhlangana loba nxa besiya e-alithareni njengokulaywa kukaMosi \nd nguThixo\nd*.
\p
\v 33 Ngakho uMosi walungisa iguma elihonqolozele ithabanikeli le-alithari waselengisa ikhetheni esangweni leguma kwaba yikho ukuqeda kukaMosi umsebenzi.
\s1 Inkazimulo \nd KaThixo\nd*
\p
\v 34 Emva kwalokho iyezi lasibekela ithente lokuhlangana, kwathi inkazimulo \nd kaThixo\nd* yagcwala ithabanikeli. 
\v 35 UMosi kenelisanga ukungena ethenteni lokuhlangana ngenxa yeyezi elalimi phezu kwalo, inkazimulo \nd kaThixo\nd* yagcwala ethabanikeleni.
\p
\v 36 Kulolonke uhambo lwabako-Israyeli, kwakusithi iyezi lingaphakama lisuka phezu kwethabanikeli, labo baqhubeke; 
\v 37 kodwa kuthi nxa iyezi lingaphakamanga, labo babengaqhubekeli phambili, kuze kube mhla liphakama. 
\v 38 Ngokunjalo iyezi \nd likaThixo\nd* lalisiba phezu kwethabanikeli emini, kuthi ebusuku kube lomlilo eyezini, bekubona bonke abako-Israyeli ekuhambeni kwabo konke.