\id DEU - Biblica® Open Ndebele Contemporary Bible
\ide UTF-8
\h UDutheronomi
\toc1 UDutheronomi
\toc2 UDutheronomi
\toc3 Duth
\mt1 UDutheronomi
\c 1
\s1 Umlayo Wokusuka EHorebhi
\p
\v 1 La ngamazwi akhulunywa nguMosi kubo bonke abako-Israyeli enkangala, empumalanga yeJodani, lokhu kuyikuthi, e-Arabha, maqondana leSufi, phakathi kwePharani leThofeli, eLabhani, eHazerothi kanye laseDizahabi. 
\v 2 (Loluhambo luthatha insuku ezilitshumi lanye ukusuka eHorebhi kusiya eKhadeshi Bhaneya ngomgwaqo odlula eNtabeni yaseSeyiri.)
\p
\v 3 Ngomnyaka wamatshumi amane, ngosuku lwakuqala lwenyanga yetshumi lanye, uMosi wamemezela kwabako-Israyeli konke lokho \nd uThixo\nd* ayemlaye ngakho ngabo. 
\v 4 Lokhu kwakungemva kokuba esenqobe uSihoni inkosi yama-Amori, owayebusa eHeshibhoni, njalo wayesenqobe e-Edreyi u-Ogi inkosi yaseBhashani, owayebusa e-Ashitharothi.
\p
\v 5 Empumalanga kweJodani elizweni laseMowabi, uMosi waqalisa ukufundisa ngalo umthetho, esithi:
\b
\p
\v 6 “\nd UThixo\nd* uNkulunkulu wethu wakhuluma lathi siseHorebhi wathi, ‘Selihlale isikhathi eseneleyo kule intaba. 
\v 7 Dilizani izihonqo zenu ledlulele elizweni lamaqaqa lama-Amori; yanini kubo bonke abangomakhelwane e-Arabha, ezintabeni, emawatheni angentshonalanga, eNegebi lilandelele ukhumbi, liye ezweni lamaKhenani kanye laseLebhanoni, lidabule lize liyefika emfuleni omkhulu, iYufrathe. 
\v 8 Khangelani, sengiliphile lelilizwe. Ngenani lilithumbe lelilizwe \nd uThixo\nd* afunga wathi uzalipha okhokho benu, u-Abhrahama, u-Isaka, uJakhobe kanye lezizukulwane zabo emva kwabo.’ ”
\s1 Ukukhethwa Kwabakhokheli
\p
\v 9 “Ngalesosikhathi ngathi kini, ‘Lina lingumthwalo omkhulu kakhulu onzima ukuthi ngiwuthwale ngingedwa. 
\v 10 \nd UThixo\nd* uNkulunkulu wenu usengezelele amanani enu okokuthi lamuhla selilingana lezinkanyezi zemkhathini. 
\v 11 Sengathi \nd uThixo\nd*, uNkulunkulu wabokhokho benu, angalibusisa njalo alandise ngokuphindwe kankulungwane njengokuthembisa kwakhe! 
\v 12 Kodwa ngingazithwala njani inhlupho zenu lemithwalo yenu kanye lezingxabano zenu ngingedwa na? 
\v 13 Khethani amadoda akhaliphileyo, azwisisayo lahloniphekayo phakathi kwezizwana zakini zonke, mina ngizawabeka alikhokhele.’
\p
\v 14 Langiphendula lathi, ‘Lokho ofisa ukukwenza kulungile.’
\p
\v 15 Ngakho ngathatha abakhokheli bezizwana zenu, amadoda akhaliphileyo njalo ahloniphekayo, ngabanika amandla phezu kwenu ukuze babe ngabalawuli bezinkulungwane, bamakhulu, bamatshumi amahlanu, betshumi kanye lokuba yizikhulu zezizwana zenu. 
\v 16 Njalo ngapha isiqondiso kubahluleli ngalesosikhathi ngathi: ‘Hluzani ingxabano phakathi kwabafowenu njalo lahlulele ngokufaneleyo, kungakhathalekile ukuthi yingxabano phakathi kwabako-Israyeli bodwa loba kungowako-Israyeli oxabana lowezizweni. 
\v 17 Lingathathi hlangothi ekwahluleleni; hluzani amacala abancinyane labakhulu ngokufananayo. Lingesabi loba ngubani, ngoba ukwahlulela ngokukaNkulunkulu. Kuthi icala elinzima lililethe kimi, ngizalihluza ngilahlulele.’ 
\v 18 Njalo ngalesosikhathi ngalitshela konke okwakumele likwenze.”
\s1 Kuthunywa Inhloli
\p
\v 19 “Kwathi-ke, njengoba \nd uThixo\nd* wethu wayesilayile, sasuka eHorebhi saqonda ezweni lama-Amori elilamaqaqa sadabula inkangala enkulu eyesabekayo eseliyibonile, saze sayafika eKhadeshi Bhaneya. 
\v 20 Ngakho ngathi kini, ‘Selifikile elizweni lama-Amori elamaqaqa, ilizwe \nd uThixo\nd* uNkulunkulu wethu asinika lona. 
\v 21 Khangelani, \nd uThixo\nd* uNkulunkulu wenu uselinike lelilizwe. Hambani lilithumbe njengoba \nd uThixo\nd*, uNkulunkulu wabokhokho benu alitshela. Lingesabi; lingadangali.’
\p
\v 22 Kusenjalo lina lonke leza kimi lathi, ‘Asithumeni amadoda ahambe phambili ayehlola lelolizwe abuye azositshengisa indlela esizangena ngayo kanye leyokuthumba amadolobho esizafikela kuwo.’
\p
\v 23 Lokho kwakhanya kungumbono omuhle kimi; lakanye ngakhetha abalitshumi lababili phakathi kwenu, indoda eyodwa esizwaneni ngasinye. 
\v 24 Basuka baya ezweni lamaqaqa njalo bafika bahlola isihotsha sase-Eshikholi. 
\v 25 Bathatha ezinye izithelo zelizwe babuya lazo kithi, njalo bethula umbiko othi, ‘Yilizwe elihle \nd uThixo\nd* uNkulunkulu wethu asipha lona.’ ”
\s1 Ukuhlamukela \nd uThixo\nd*
\p
\v 26 “Kodwa lina lalingazimiselanga ukuhamba; lahlamukela \nd uThixo\nd* uNkulunkulu wenu ngokungalaleli umlayo wakhe. 
\v 27 Lina lakhonona lisemathenteni enu lathi, ‘\nd UThixo\nd* uyasizonda; kutsho ukuthi wasikhipha eGibhithe ukuze asinikele ezandleni zama-Amori ukuthi asibhubhise. 
\v 28 Singaya ngaphi na? Abafowethu sebesithelele ubuthakathaka. Bathi bona, “Abantu bakhona balamandla njalo bade kulathi; amadolobho akhona makhulu, alemiduli etshaya emkhathini. Size sabona lama-Anakhi khonale.” ’
\p
\v 29 Mina ngasengisithi kini, ‘Lingethuki; lingabesabi. 
\v 30 \nd UThixo\nd* uNkulunkulu wenu ohamba phambi kwenu uzalilwela, njengalokho alenzela khona eGibhithe lizibonela ngamehlo enu, 
\v 31 njalo lasenkangala. Khonale lazibonela ukuthi \nd uThixo\nd* uNkulunkulu wenu walithwala, njengobaba ethwala indodana yakhe, uhambo lwenu lonke laze lafika lapha.’
\p
\v 32 Lanxa kunjalo, kalizange limethembe \nd uThixo\nd* uNkulunkulu wenu, 
\v 33 yena owahamba phambi kwenu kuloluhambo, elikhokhela ngomlilo ebusuku kanti kusiba leyezi emini, elidingela izindawo zokumisa izihonqo zenu lokulitshengisa lapho okumele liye khona.
\p
\v 34 Kwathi \nd uThixo\nd* esezwile elalikutsho, wathukuthela, wafunga wathi: 
\v 35 ‘Kakho loyedwa kulesisizukulwane esingalunganga ozalibona lelolizwe engafungela ukulipha okhokho benu, 
\v 36 ngaphandle kukaKhalebi indodana kaJefune. Yena uzalibona, njalo ngizamupha yena lesizukulwane sakhe lelolizwe azafikela kilo, ngoba walalela \nd uThixo\nd* ngenhliziyo yakhe yonke.’
\p
\v 37 Ngenxa yenu \nd uThixo\nd* wangithukuthelela lami njalo wathi, ‘Wena lawe awuyikungena khona. 
\v 38 Kodwa umsekeli wakho, uJoshuwa indodana kaNuni, uzangena kulelolizwe. Umkhuthaze yena, ngoba uzakhokhela abako-Israyeli kulo ukuba libe yilifa labo. 
\v 39 Kanti njalo lalabo abancane elalisithi bazathunjwa, abantwabenu abangakehlukanisi phakathi kokubi lokuhle, bazangena kulelolizwe. Ngizabapha lona njalo bazalithatha libe ngelabo. 
\v 40 Kodwa lina, phendukani njalo lisuke liqonde enkangala lilandele indlela eya oLwandle oluBomvu.’
\p
\v 41 Lina laphendula lathi, ‘Sonile \nd kuThixo\nd*. Sizahamba siyekulwa, njengokulaywa kwethu \nd nguThixo\nd* uNkulunkulu wethu.’ Ngalokho lonke lahloma ngezikhali linakana ukuthi kulula ukungena elizweni lamaqaqa.
\p
\v 42 Kodwa \nd uThixo\nd* wathi kimi, ‘Wothi kubo, “Lingayi ukuyakulwa, ngoba kangiyikuba lani. Lizakwehlulwa yizitha zenu.” ’
\p
\v 43 Ngakho ngalitshela, kodwa kalizange lilalele. Lahlamukela umlayo \nd kaThixo\nd* kwathi ngobuqholo benu layangena elizweni lamaqaqa. 
\v 44 Kwathi ama-Amori ayehlala kulawomaqaqa alihlangabeza alihlasela; alixotsha njengomtshitshi wenyosi, alibhuqa kusukela eSeyiri indlela yonke kusiya eHoma. 
\v 45 Laphenduka lafika lakhala phambi \nd kukaThixo\nd* kodwa kazange alalele ukukhala kwenu walifulathela. 
\v 46 Ngakho lahlala eKhadeshi okwensuku ezinengi, okwesikhathi sonke elasichitha likhonale.”
\c 2
\s1 Ukuntula Enkangala
\p
\v 1 “Sasesiphenduka siqonda enkangala ngendlela yoLwandle oluBomvu njengokulaywa kwami \nd nguThixo\nd*. Okwesikhathi eside sasilokhu sibhoda ezweni lamaqaqa aseSeyiri.
\p
\v 2 \nd UThixo\nd* wasesithi kimi, 
\v 3 ‘Selibhode labhoda ezweni lamaqaqa sekwanele; khathesi phendukani likhangele enyakatho. 
\v 4 Nika abantu leziziqondiso: “Khathesi selizakwedlula elizweni labafowenu isizukulwane sika-Esawu, abahlala eSeyiri. Bazalesaba, kodwa libolimuka linanzelele. 
\v 5 Lingaboqala livuse impi ngoba angiyikulipha ilizwe labo, sengisitsho lesiqinti esilingana unyawo olulodwa. Nganika u-Esawu ilizwe laseSeyiri elamaqaqa ukuthi libe ngelakhe. 
\v 6 Lizababhadala ngesiliva libhadalela ukudla elizakudla lamanzi elizawanatha.” ’
\p
\v 7 \nd UThixo\nd* uNkulunkulu wenu uyibusisile imisebenzi yezandla zenu. Ulikhokhele kulolonke uhambo lwenu phakathi kwenkangala enkulu kangaka. Iminyaka engamatshumi amane \nd uThixo\nd* wenu ube lani, kalizange liswele lutho.
\p
\v 8 Ngakho sahamba sedlula ezihlotsheni zethu isizukulwane sika-Esawu abahlala eSeyiri. Saphenduka sisuka emgwaqweni wase-Arabha okhwela usuka e-Elathi le-Eziyoni-Gebheri, sahamba ngomgwaqo wenkangala yaseMowabi.
\p
\v 9 \nd UThixo\nd* wasesithi kimi, ‘Lingahlukuluzi amaMowabi loba ukubavusela impi, ngoba angiyikulinika ngitsho lesiqintshana selizwe labo. Senginike ele-Ari isizukulwane sikaLothi ukuba kube yisabelo sabo.’ ”
\p
\v 10 (Ama-Emi ake ahlala khonapho, abantu abalamandla njalo abanengi kakhulu, futhi bebade njengama-Anakhi. 
\v 11 Labo njengama-Anakhi babebalwa njengamaRefayi, kodwa amaMowabi ayebabiza ngokuthi ngama-Emi. 
\v 12 AmaHori ayekade ehlala eSeyiri, kodwa adudulwa yisizukulwane sika-Esawu. Babhubhisa amaHori ayelapho basebesakha endaweni yawo, njengalokho okwenziwa ngabako-Israyeli ezweni abaliphiwa \nd nguThixo\nd* ukuba libe yisabelo sabo.)
\p
\v 13 “\nd UThixo\nd* wasesithi, ‘Khathesi sukani lichaphe isiHotsha saseZeredi.’ Ngakho sachapha isihotsha.
\p
\v 14 Kwedlula iminyaka engamatshumi amathathu leyisificaminwembili sisuke eKhadeshi Bhaneya sisiyachapha isiHotsha saseZeredi. Ngalesosikhathi, amadoda ebutho alesosizukulwane ayesebhubhile, njengokufungelwa kwabo \nd nguThixo\nd*. 
\v 15 \nd UThixo\nd* wamelana labo waze wabatshabalalisa bonke ezihonqweni.
\p
\v 16 Kwathi-ke sekufe abokucina emadodeni ebutho, 
\v 17 \nd uThixo\nd* wathi kimi, 
\v 18 ‘Lamuhla uzakwedlula emangweni waseMowabi ngase-Ari. 
\v 19 Ekufikeni kwakho kuma-Amoni, ungawahlukuluzi loba ukuwavusela impi, ngoba angiyikukunika loba yiliphi ilizwe lama-Amoni. Ngilinike lesisizukulwane sikaLothi ukuba kube yisabelo sabo.’ ”
\p
\v 20 (Leli lalo laliphathwa njengelizwe lamaRefayi ayehlala khonapho; kodwa ama-Amoni ayebabiza ngokuthi ngamaZamzumu. 
\v 21 Babengabantu abalamandla bebanengi kakhulu, njalo bebade njengama-Anakhi. \nd UThixo\nd* wababhubhisa phambi kwama-Amoni, wona abadudulayo njalo ahlala endaweni yabo. 
\v 22 \nd UThixo\nd* wayenze njalo esizukulwaneni sika-Esawu, esasiseSeyiri, ekubhubhiseni kwakhe amaHori phambi kwabo. Babadudula basebehlala endaweni yabo kuze kube lamuhla. 
\v 23 Kanti-ke okunjengama-Avi ayehlala emizini ekhatshana njengeGaza, amaKhafithori ayevela eKhafithori ababhubhisa asehlala endaweni yabo.)
\s1 Ukwehlulwa KukaSihoni Inkosi YaseHeshibhoni
\p
\v 24 “ ‘Suka khathesi uchaphe uDonga lwase-Arinoni. Uyabona, senginikele esandleni sakho uSihoni umʼAmori inkosi yaseHeshibhoni kanye lelizwe lakhe. Qalisa ukuthatha lelilizwe ulwe impi laye. 
\v 25 Kusukela lamuhla ngizaqalisa ukuthelela izizwe zonke ngaphansi kwezulu ukukwesaba. Zizakuzwa indumela yakho zethuke zesabe zihlukuluzeke ngenxa yakho.’
\p
\v 26 Kusukela enkangala yaseKhedemothi ngathumela izithunywa kuSihoni inkosi yaseHeshibhoni ngisithi akubekhona ukuthula njalo ngisithi, 
\v 27 ‘Sivumele sidabule elizweni lakho. Sizahamba ngomgwaqo omkhulu kuphela, asiyikuphambukela ngakwesokudla loba ngakwesokunxele. 
\v 28 Sithengisele ukudla lamanzi okunatha ngentengo yesiliva. Sivumele nje sedlule ngezinyawo, 
\v 29 njengezizukulwane zika-Esawu ezihlala eSeyiri, kanye lamaMowabi ahlala e-Ari, asenzela khona, size sichaphe uJodani singene elizweni \nd uThixo\nd* uNkulunkulu wethu asinika lona.’ 
\v 30 Kodwa uSihoni inkosi yaseHeshibhoni yala ukuthi sedlule. Ngoba \nd uThixo\nd* uNkulunkulu wenu wayeyenze umoya wakhe waba lobuqholo lenhliziyo yakhe yaba lukhuni ukuze amnikele ezandleni zenu, njengoba esekwenzile khathesi.
\p
\v 31 \nd UThixo\nd* wathi kimi, ‘Khangela, sengiqalisile ukunikela uSihoni lelizwe lakhe kuwe. Qalisa khathesi ukunqoba uthathe ilizwe lakhe.’
\p
\v 32 Kwathi uSihoni ephuma lebutho lakhe ukusihlangabeza ekuhlaseleni eJahazi, 
\v 33 \nd uThixo\nd* uNkulunkulu wethu wamnikela kithi sambulala, yena kanye lamadodana akhe lebutho lakhe lonke. 
\v 34 Ngalesosikhathi sathatha amadolobho akhe sawabhidliza, amadoda, abesifazane kanye labantwana. Kakho owasilayo. 
\v 35 Kodwa izifuyo lakho konke esakuthumbayo emadolobheni esawanqobayo sazithathela khona. 
\v 36 Kusukela e-Aroweri emngceleni wodonga lwase-Arinoni, kanye lokusuka edolobheni elisedongeni, kusiya khonale eGiliyadi, akuladolobho elalingamelana lathi. \nd UThixo\nd* uNkulunkulu wethu wawanikela wonke kithi. 
\v 37 Kodwa kusiya ngokulaya \nd kukaThixo\nd* uNkulunkulu wethu, alizange lingene elizweni lama-Amoni, kumbe elizweni elisemingceleni yomfula uJabhoki loba lelo elilamadolobho asemaqaqeni.”
\c 3
\s1 Ukunqotshwa Kuka-Ogi Inkosi YeBhashani
\p
\v 1 “Sasuka sasesiphenduka sakhwela njalo sisekele umgwaqo oya eBhashani, kanti u-Ogi inkosi yaseBhashani kanye lamabutho akhe wonke wayesihlangabeza ukuze alwe lathi e-Edreyi. 
\v 2 \nd UThixo\nd* wathi kimi, ‘Ungamesabi ngoba sengimnikele kuwe lamabutho akhe wonke kanye lelizwe lakhe. Menze konke owakwenza kuSihoni inkosi yama-Amori, owayebusa eHeshibhoni.’
\p
\v 3 Ngakho \nd uThixo\nd* uNkulunkulu wethu wanikela u-Ogi inkosi yaseBhashani lamabutho akhe wonke ezandleni zethu. Sababulala bonke, kakho loyedwa owaphephayo. 
\v 4 Ngalesosikhathi sathumba wonke amadolobho akhe. Akusalanga dolobho lalinye esingalithumbanga phakathi kwawo wonke angamatshumi ayisithupha, umhlubulo wonke welizwe le-Agobhi, ilizwe lika-Ogi eBhashani. 
\v 5 Wonke amadolobho la ayevikelwa ngemiduli ephakemeyo langemigoqo yokuvala amasango lemijabo yokunxiba, kanti njalo yayiminengi eminye imizi eyayingahonqolozelwanga ngemiduli yokuvikela. 
\v 6 Satshaya sabhuqa konke, kwaba njengalokhu esakwenza kuSihoni inkosi yaseHeshibhoni, sabhidliza wonke amadolobho, amadoda, abesifazane kanye labantwana. 
\v 7 Kanti-ke izifuyo zonke kanye lesakuthumba emadolobheni abo sazithathela kwaba ngokwethu.
\p
\v 8 Ngakho ngalesosikhathi kulawo makhosi womabili ama-Amori sathumba ilizwe elisempumalanga yeJodani, kusukela ezindongeni zase-Arinoni kuze kuyefika ezintabeni zaseHemoni.” 
\v 9 (IHemoni ibizwa ngokuthi yiSiriyoni ngamaSidoni, kanti-ke ama-Amori ayibiza ngokuthi yiSeniri.) 
\v 10 “Sathumba wonke amadolobho emagcekeni, kanye lawo wonke eGiliyadi, laseBhashani yonke kusiya eSalekha lase-Edreyi, engamadolobho ombuso ka-Ogi eBhashani.” 
\v 11 (U-Ogi inkosi yaseBhashani nguye yedwa owayesesele emthonselaneni wamaRefayi. Umbheda wakhe wawungowensimbi njalo umude ukwedlula izingalo ezilitshumi lantathu kanti ububanzi bawo buzingalo eziyisithupha. Wona ulokhu useRabha yase-Amoni.)
\s1 Ukwahlukaniswa Kwelizwe
\p
\v 12 “Phakathi kwelizwe esalithumbayo ngalesosikhathi, nganika abakoRubheni labakoGadi ilizwe elisenyakatho yase-Aroweri endongeni zase-Arinoni, kuhlanganisa lengxenye yelizwe lamaqaqa aseGiliyadi, kanye lamadolobho akhona. 
\v 13 EleGiliyadi lonke kanye lalo lonke eleBhashani, lombuso ka-Ogi, ngalinika abayingxenye yesizukulwane sikaManase.” (Umhlubulo wonke welizwe le-Agobhi ngaseBhashani lalisaziwa ngokuthi yilizwe lamaRefayi. 
\v 14 UJayiri, owosendo lukaManase, wathatha sonke isiqinti esisukela emangweni we-Agobhi kusiya emngceleni weGeshuri lamaMahakhathi; saba yisiqinti esabizwa ngaye, okokuthi lalamuhla iBhashani ibizwa ngokuthi yiHavothi-Jayiri.) 
\v 15 “IGiliyadi ngayinika uMakhiri. 
\v 16 Kodwa abakoRubheni labakoGadi ngabanika isiqinti selizwe elisuka eGiliyadi lisiya ezindongeni zase-Arinoni (phakathi laphakathi kwendonga kungumngcele) kusehla kusiya eMfuleni uJabhoki, ongumngcele wama-Amoni. 
\v 17 Umngcele wentshonalanga kuyiJodani ngase-Arabha, kusukela eKhinerethi kusiya oLwandle lwase-Arabha (uLwandle lweTswayi) ngaphansi ekwehleni okungapha ngePhisiga.
\p
\v 18 Ngalilaya ngalesosikhathi ngathi: ‘\nd UThixo\nd* uNkulunkulu wakho ukuphile lelilizwe, lithathe libe ngelakho. Kodwa wonke amadoda asaqinile, ahlomele ukulwa, kumele achaphe kuqala phambi kwabafowenu abako-Israyeli. 
\v 19 Kanti-ke abafazi benu, abantwana lezifuyo zenu (ngiyazi lifuyile kakhulu) bangazihlalela emadolobheni engilinike wona, 
\v 20 kuze kuthi \nd uThixo\nd* aphumuze abafowenu njengalokhu akwenzileyo kini, kanti labo njalo bazabe sebelithethe ilizwe abaliphiwe \nd nguThixo\nd* uNkulunkulu wenu, ngaphetsheya kweJodani. Ngemva kwalokho, lonke ngamunye kuzamele libuyele eziqintini engilinike zona.’ ”
\s1 UMosi Walelwa Ukuchapha IJodani
\p
\v 21 “Ngalesosikhathi ngalaya uJoshuwa ngathi: ‘Usuzibonele ngamehlo akho konke \nd uThixo\nd* uNkulunkulu wakho akwenze emakhosini amabili la. \nd UThixo\nd* uzakwenza khonokho kuzozonke izizwe oya kuzo. 
\v 22 Ungazesabi lezozizwe, \nd uThixo\nd* uNkulunkulu wakho uzakulwela yena uqobo lwakhe.’
\p
\v 23 Ngalesosikhathi ngacela \nd kuThixo\nd* ngathi: 
\v 24 ‘Oh \nd Thixo\nd* wobukhosi, usuqalisile ukutshengisa inceku yakho ubukhulu bakho lesandla sakho esilamandla amakhulu. Kambe nguphi unkulunkulu ezulwini loba emhlabeni ongenza lokhu okwenzileyo lemisebenzi emikhulu oyenzayo? 
\v 25 Ngivumela ngiye khona ngiyebona ilizwe elingaphetsheya kweJodani, ilizwe elihle lamaqaqa kanye leLebhanoni.’
\p
\v 26 Kodwa ngenxa yenu \nd uThixo\nd* wangithukuthelela akazange athande ukungizwa. \nd UThixo\nd* wathi kimi, ‘Kwanele, ungabe usakhuluma kimi futhi ngalindaba. 
\v 27 Khwela phezu kwePhisiga ukhangele entshonalanga, enyakatho, eningizimu lasempumalanga. Ukhangele ulibone ngawakho amehlo ilizwe njengoba ungasoze uchaphe uJodani. 
\v 28 Kodwa beka uJoshuwa esikhundleni, umkhuthaze njalo umqinise, ngoba uzakhokhela lababantu abachaphise njalo uzakwenza balithathe lelolizwe ozalibona libe yilifa labo.’ 
\v 29 Ngakho sahlala esihotsheni phansi kweBhethi-Pheyori.”
\c 4
\s1 Abako-Israyeli Balaywa Ukugcina Imithetho
\p
\v 1 “Zwana-ke khathesi, Oh Israyeli, izimiso lemithetho engizalifundisa yona. Ilandeleni ukuze liphile njalo libe lakho ukuyalithatha lelolizwe \nd uThixo\nd* uNkulunkulu wabokhokho benu alinika lona. 
\v 2 Lingangezeleli kulokho engililaya khona njalo lingaphunguli loba yikuphi kwakhona, kodwa gcinani imilayo \nd kaThixo\nd* uNkulunkulu wenu engilinika yona.
\p
\v 3 Lazibonela ngawenu amehlo okwenziwa \nd nguThixo\nd* eBhali-Pheyori. \nd UThixo\nd* uNkulunkulu wenu wabatshabalalisa bonke ababekhonza uBhali wasePheyori, 
\v 4 kodwa lina lonke elabambelela \nd kuThixo\nd* uNkulunkulu wenu lilokhu lisaphila lalamuhla lokhu.
\p
\v 5 Liyabona sengalifundisa izimiso lemithetho \nd uThixo\nd* wami angilaya ngazo, ukuze liyigcine elizweni elingena kulo ukuba lilithathe. 
\v 6 Lizigcine ngonanzelelo ngoba lokhu kuzaveza obala ukuhlakanipha lokuzwisisa kwenu ezizweni ezizakuzwa ngalezizimiso njalo zitsho zithi, ‘Ngeqiniso lesisizwe esilodumo yisizwe sabantu abahlakaniphileyo njalo abazwisisayo.’ 
\v 7 Yisiphi esinye isizwe esilodumo esilabonkulunkulu baso ababaseduze laso \nd njengoThixo\nd* uNkulunkulu wethu oba lathi nxa sikhuleka kuye? 
\v 8 Yisiphi esinye isizwe esilezimiso eziqondileyo lemithetho enjengale imithetho engiyethula phambi kwenu lamuhla na?
\p
\v 9 Kodwa linanzelele, liqaphelisise ukuze lingakhohlwa izinto elizibonileyo loba zilibaleke ezinhliziyweni zenu ekuphileni kwenu konke. Fundisani abantwabenu ngalezizinto njalo labo babofundisa abantwababo labantwana babantwana abalandela emva kwabo. 
\v 10 Khumbulani usuku elema ngalo phambi \nd kukaThixo\nd* uNkulunkulu wenu eHorebhi, lapho athi khona kimi, ‘Buthanisa abantu ukuze bezwe amazwi ami ukuze bakwazi ukungidumisa nxa belokhu besahlala elizweni njalo bafundise abantwababo.’ 
\v 11 Lasondela lema ngaphansi kwentaba ilavuka amalangabi eqonga phezulu, kulamayezi amnyama lomnyama owesabekayo. 
\v 12 Ngakho \nd uThixo\nd* wakhuluma lani ephakathi komlilo. Lezwa umdumo welizwi kodwa alizange libone lutho; kwaba yilizwi lodwa nje. 
\v 13 Wakhupha ilizwi lokubuyisana lesivumelwano sakhe, imiThetho eliTshumi, waselilaya ukuba liyilandele njalo wayiloba ezibhebhedwini zamatshe ezimbili. 
\v 14 Kungalesosikhathi lapho \nd uThixo\nd* angiqondisa ukuba ngilifundise izimiso lemilayo okuzamele liyilandele ekuchapheni kwenu uJodani lisiya elizweni elizalithumba libe ngelenu.”
\s1 Izithombe Azivunyelwa
\p
\v 15 “Akulalutho loba yisimo bani elasibonayo mhla \nd uThixo\nd* ekhuluma lani eHorebhi ephakathi kwelangabi lomlilo. Kunjalo-nje kumele lizinanzelele okuqinileyo, 
\v 16 ukuze lingaxhwali libe selizenzela isithombe, loba umfanekiso olesimo bani, loba ngesilesimo sesilisa loba esesifazane, 
\v 17 loba yiphi inyamazana emhlabeni loba inyoni endizayo emkhathini, 
\v 18 loba yisiphi isinanakazana esihuquzelayo emhlabathini loba yinhlanzi ngaphansi kwamanzi. 
\v 19 Njalo nxa likhangela phezulu esibhakabhakeni libona ilanga, inyanga kanye lezinkanyezi, zonke ezihlobise zacecisa isibhakabhaka, lingalingeki lizikhothamele beselikhonza izinto \nd uThixo\nd* uNkulunkulu wenu azibekela izizwe zonke ngaphansi kwezulu. 
\v 20 Kodwa-ke lina, \nd uThixo\nd* walithatha walenyula eziko lokuncibilikisa insimbi, walikhipha eGibhithe, ukuze libe ngabantu belifa lakhe, njengoba linje lamuhla.
\p
\v 21 \nd UThixo\nd* wangithukuthelela ngenxa yenu, wafunga waphelela wathi angiyikuchapha uJodani ngingene elizweni \nd uThixo\nd* uNkulunkulu wenu alinika lona ukuba libe yilifa lenu. 
\v 22 Mina ngizafela kulelilizwe; angiyikuchapha uJodani, kodwa lina seliseduze ukuba lichaphe liyelithumba lelolizwe elihle. 
\v 23 Nanzelelani ukuthi lingalibali isivumelwano sikaNkulunkulu wenu asenza lani; lingazenzeli isithombe loba singesesimo bani salokho \nd uThixo\nd* uNkulunkulu wenu akwalileyo. 
\v 24 Ngoba \nd uThixo\nd* uNkulunkulu wenu ungumlilo oqothulayo, uNkulunkulu olobukhwele.
\p
\v 25 Ngemva kokuba selike laba labantwana, lesizukulwane njalo selihlale ezweni okwesikhathi eside, lingasuka libe selixhwala beselizenzela loba yisiphi isithombe, lisenza okubi emehlweni \nd kaThixo\nd* uNkulunkulu wenu limthukuthelisa, 
\v 26 ngibiza izulu lomhlaba ukuthi libe ngufakazi wami ukuze libhujiswe masinyazana lingangeni elizweni elizachapha uJodani ukuze lilithumbe. Aliyikuhlala kulo isikhathi eside kodwa iqiniso yikuthi lizatshabalaliswa. 
\v 27 \nd UThixo\nd* uzalihlakaza ezizweni, njalo abalutshwana benu yibo abazasinda ezizweni \nd uThixo\nd* azalifuqela khona. 
\v 28 Khonale lizakhonza onkulunkulu ababunjwe ngabantu ngezigodo langamatshe, abangeke babone loba bezwe loba badle loba bezwe ukunuka. 
\v 29 Kodwa nxa likhonale lingadinga \nd uThixo\nd* uNkulunkulu wenu, lizamfumana nxa limdinga ngezinhliziyo zenu ezipheleleyo langemiphefumulo yenu yonke. 
\v 30 Nxa selisosizini zonke lezizinto sezilehlela, lapho-ke ngezinsuku ezizayo lizabuyela \nd kuThixo\nd* uNkulunkulu wenu limlalele. 
\v 31 Phela \nd uThixo\nd* uNkulunkulu wenu nguNkulunkulu olomusa; kayikulidela loba alibhubhise loba alibale isivumelwano sakhe asenza labokhokho benu, leso asiqinisa kubo ngesifungo.”
\s1 \nd UThixo\nd* UnguNkulunkulu
\p
\v 32 “Buzani khathesi ngezinsuku ezedlulayo, kudala lingakabi khona, kusukela ngosuku uNkulunkulu adala ngalo umuntu emhlabeni; buzani kusukela ngapha kwamazulu kusiya ngale kwamazulu. Kambe kukhona yini okukhulu kangaka okwedlula lokhu osekuke kwenzakala loba kwezwakala na? 
\v 33 Sikhona na esinye isizwe esake sezwa uNkulunkulu ekhuluma ephakathi kwelangabi lomlilo, njengalokhu eselikuzwile, saphila na? 
\v 34 Kukhona na unkulunkulu oseke wazama ukuzithathela esinye isizwe phakathi kwesinye, ngokuhlola, ngemilingo yezibonakaliso, lezimangaliso, lezimpi, ngesandla esilamandla langokwelula ingalo, loba izenzo ezinkulu ezesabekayo, njengakho konke \nd uThixo\nd* uNkulunkulu wenu alenzela khona eGibhithe lizibonela ngamehlo enu?
\p
\v 35 Lakutshengiswa konke lokhu ukuze lazi ukuthi \nd uThixo\nd* unguNkulunkulu; ngaphandle kwakhe kakho omunye futhi. 
\v 36 Esemazulwini wakwenza ukuthi lilizwe ilizwi lakhe ukuze libe lobuntu. Emhlabeni walitshengisa amalangabi omlilo akhe omkhulu, njalo lawezwa amazwi akhe ephuma emlilweni. 
\v 37 Ngenxa yokuthi wabathanda okhokho benu wakhetha izizukulwane zabo ezalandela ngemva kwabo, walikhipha eGibhithe ngoBukhona bakhe kanye langamandla akhe amakhulu, 
\v 38 ukuxotsha zonke izizwe phambi kwenu, izizwe ezilamandla kulezenu lokulingenisa elizweni lazo ukuze aliphe lona libe yilifa lenu, njengoba kunjalo lamuhla.
\p
\v 39 Yamukelani njalo likugcine ezinhliziyweni zenu lamuhla ukuthi \nd uThixo\nd* unguNkulunkulu ezulwini phezulu lasemhlabeni phansi. Kakho omunye. 
\v 40 Gcinani izimiso zakhe lemilayo yakhe, engilinika yona lamuhla, ukuze kulihambele kahle lina kanye labantwabenu lokuthi liphile isikhathi eside elizweni eliliphiwa \nd nguThixo\nd* uNkulunkulu wenu ukuze libe ngelenu kokuphela.”
\s1 Amadolobho Okuphephela
\p
\v 41 Ngakho uMosi wasekhetha amadolobho amathathu empumalanga yeJodani, 
\v 42 ukuze kuthi wonke oyabe ebulele omunye abalekele khona nxa eyabe ebulele umakhelwane kungekho mona kodwa kube yingozi. Bangabalekela kwelinye lala amadolobho ukuze baphephise impilo zabo. 
\v 43 Amadolobho lawo kwakuyila: iBhezeri emagcekeni asenkangala, lingelabakoRubheni; iRamothi eGiliyadi, lingelabakoGadi; kanye lelaseGolani eBhashani lona lingelabakoManase.
\s1 Ukwethulwa KoMthetho
\p
\v 44 Lo ngumthetho owethulwa nguMosi kwabako-Israyeli. 
\v 45 Lezi kwakuyizilinganiso, izimiso lemithetho eyethulwa nguMosi kubo ekuphumeni kwabo eGibhithe 
\v 46 njalo babesesigodini esiseduzane leBhethi-Pheyori empumalanga yeJodani elizweni likaSihoni inkosi yama-Amori, yena owabusa eHeshibhoni njalo wehlulwa nguMosi labako-Israyeli bephuma eGibhithe. 
\v 47 Bathatha ilizwe lakhe kanye lelizwe lika-Ogi inkosi yaseBhashani, amakhosi ama-Amori womabili empumalanga yeJodani. 
\v 48 Ilizwe leli lalisuka e-Aroweri emaphethelweni ezindonga zase-Arinoni kusiya entabeni yaseSiyoni (khona kuyiHemoni), 
\v 49 kuhlanganisa layo yonke i-Arabha empumalanga yeJodani kuze kuyefika oLwandle lwe-Arabha, ngaphansi komthezuko wasePhisiga.
\c 5
\s1 ImiThetho EliTshumi
\p
\v 1 UMosi wabizela ndawonye wonke u-Israyeli wathi kuye:
\p “Zwana, wena Israyeli, izimiso lemithetho engizayethula ngesibopho phambi kwakho lamuhla. Ifunde njalo ube leqiniso ukuthi uyayilandela. 
\v 2 \nd UThixo\nd* uNkulunkulu wethu wenza isivumelwano lathi eHorebhi. 
\v 3 \nd UThixo\nd* kenzanga isivumelwano lesi labazali bethu, kodwa wasenza lathi, thina sonke esilokhe siphila kuze kube lamuhla. 
\v 4 \nd UThixo\nd* wakhuluma lawe likhangelene ubuso ngobuso ephakathi komlilo phezu kwentaba. 
\v 5 (Ngalesosikhathi ngema phakathi \nd kukaThixo\nd* lawe ukuze ngikwethulele ilizwi \nd likaThixo\nd*, ngoba wawusesaba umlilo njalo awuzange ukhwele entabeni.)
\p Wasesithi:
\b
\li4
\v 6 ‘\nd NginguThixo\nd* uNkulunkulu wakho owakukhupha eGibhithe, elizweni lobugqili.
\b
\li1
\v 7 Ungabi labanye onkulunkulu ngaphandle kwami.
\li1
\v 8 Ungazenzeli isithombe ngesimo saloba yini esezulwini phezulu loba phansi emhlabeni kumbe ngaphansi kwamanzi. 
\v 9 Ungazikhothameli loba ukuzikhonza; ngoba Mina, \nd Thixo\nd* uNkulunkulu wakho, nginguNkulunkulu olobukhwele, ojezisa abantwana ngenxa yezono zabazali babo kuze kube yisizukulwane sesithathu lesesine salabo abangizondayo, 
\v 10 kodwa ngitshengisela uthando kuzizukulwane eziyinkulungwane zalabo abangithandayo njalo begcina imilayo yami.
\li1
\v 11 Ungalisebenzisi ngeze ibizo \nd likaThixo\nd* uNkulunkulu wakho, ngoba \nd uThixo\nd* kayikumyekela olecala lokudlala ngebizo lakhe.
\li1
\v 12 Gcina usuku lweSabatha ngokulwenza lubengcwele njengokulaywa kwakho \nd nguThixo\nd* uNkulunkulu wakho. 
\v 13 Okwensuku eziyisithupha uzasebenza wenze yonke imisebenzi yakho, 
\v 14 kodwa usuku lwesikhombisa luyiSabatha \nd kuThixo\nd* uNkulunkulu wakho. Ngalo awuyikwenza loba yiwuphi umsebenzi, wena, indodana yakho loba indodakazi yakho, inceku loba incekukazi yakho, inkabi yakho, ubabhemi wakho loba yisiphi isifuyo sakho, loba isihambi esikwethekeleleyo, ukuze izisebenzi zakho zesilisa kanye lezesifazane ziphumule njengawe. 
\v 15 Khumbula ukuthi wawuyisigqili eGibhithe lokuthi \nd uThixo\nd* uNkulunkulu wakho wakukhipha khona ngesandla esilamandla lengalo eyelulekileyo. Ngalokho \nd uThixo\nd* uNkulunkulu wakho ukulaye ukuthi ugcine usuku lweSabatha.
\li1
\v 16 Hlonipha uyihlo lonyoko, njengokulaywa \nd nguThixo\nd* uNkulunkulu wakho, ukuze impilo yakho ibende lokuthi kukulungele elizweni \nd uThixo\nd* uNkulunkulu wakho akunika lona.
\li1
\v 17 Ungabulali.
\li1
\v 18 Ungafebi.
\li1
\v 19 Ungantshontshi.
\li1
\v 20 Ungafakazi amanga ngomakhelwane wakho.
\li1
\v 21 Ungahawukeli umfazi kamakhelwane wakho. Ungahawukeli indlu kamakhelwane wakho loba isiqinti sakhe, inceku loba incekukazi yakhe, inkabi yakhe loba ubabhemi wakhe loba yini ekamakhelwane wakho.’
\b
\p
\v 22 Le yiyo imilayo eyatshiwo \nd nguThixo\nd* ngelizwi eliphakemeyo liphuma elangabini lomlilo leyezi kanye lomnyama owesabekayo; lina libuthene lonke entabeni, njalo kazange engezelele lutho. Ngakho wasekubhala konke lokhu ezibhebhedwini ezimbili zamatshe anginika zona.
\p
\v 23 Lathi lisizwa ilizwi livela emnyameni, intaba ivutha amalangabi omlilo, wonke amadoda angabakhokheli labadala bezizwana zenu beza kimi. 
\v 24 Lathi, ‘\nd UThixo\nd* wethu usitshengisile inkazimulo yakhe kanye lobukhosi bakhe, njalo silizwile ilizwi lakhe livela elangabini lomlilo. Lamuhla sesibonile ukuthi umuntu angaphila noma eke wakhuluma loNkulunkulu. 
\v 25 Kodwa khathesi, kanti sizafelani pho? Umlilo omkhulu kangaka uzasiqeda du, njalo sizakufa nxa singaphinda sizwe ilizwi \nd likaThixo\nd* uNkulunkulu wethu. 
\v 26 Ngoba ngubani umuntu wenyama onjengathi owake wezwa ilizwi likaNkulunkulu ophilayo ekhuluma ephakathi komlilo, waphila na? 
\v 27 Sondela eduzane ulalele lokho okutshiwo \nd nguThixo\nd* uNkulunkulu wethu. Ubususitshela lokho \nd uThixo\nd* uNkulunkulu wethu azakutshela khona. Sizakulalela njalo sikulandele.’
\p
\v 28 \nd UThixo\nd* walizwa ekukhulumeni kwenu lami wasesithi kimi, ‘Ngizwile okutshiwo ngabantu kuwe. Konke abakutshiloyo kulungile. 
\v 29 Sengathi ngabe inhliziyo zabo zingagxila ekungesabeni njalo bayigcine imilayo yami, ukuze kubalungele bona kanye labantwababo kuze kube laphakade!
\p
\v 30 Hamba uyebatshela ukuthi babuyele emathenteni abo. 
\v 31 Kodwa wena hlala khonapha lami ukuze ngikuphe yonke imilayo, izimiso lemithetho ozabafundisa ukuthi bayigcine bayilandele elizweni lelo engizabanika lona ukuba libe ngelabo.’
\p
\v 32 Ngakho nanzelelani lenze lokho \nd uThixo\nd* uNkulunkulu wenu alilaya ngakho; lingaphambukeli yiloba kwesokudla loba kwesenxele. 
\v 33 Hambani ngaleyondlela \nd uThixo\nd* uNkulunkulu wenu alilaye ngayo, ukuze liphile liphumelele njalo lengezelele insuku zenu elizweni elizakuba ngelenu.”
\c 6
\s1 Thandani \nd UThixo\nd* Wenu
\p
\v 1 “Le yiyo imilayo, izimiso lemithetho \nd uThixo\nd* uNkulunkulu wenu angithuma ukuthi ngilifundise ukuyigcina elizweni elizachapha uJodani lilithathe libe ngelenu, 
\v 2 ukuze lina, labantwabenu kanye labantwababo abezayo bamesabe \nd uThixo\nd* uNkulunkulu wenu ekuphileni kwenu ngokugcina izimiso lemilayo engizalinika yona, ukuze libe lempilo ende. 
\v 3 Zwana, wena Israyeli, njalo unanzelele ukuthi uyalalela ukuze kukulungele njalo wande kakhulu elizweni eligeleza uchago loluju, njengokuthembisa \nd kukaThixo\nd*, uNkulunkulu wabokhokho benu.
\p
\v 4 Zwana, wena Israyeli: \nd UThixo\nd* uNkulunkulu wethu, \nd nguThixo\nd* munye. 
\v 5 Thanda \nd uThixo\nd* uNkulunkulu wakho ngenhliziyo yakho yonke langomphefumulo wakho wonke kanye langamandla akho wonke. 
\v 6 Imilayo le engikupha yona lamuhla kumele ibe sezinhliziyweni zenu. 
\v 7 Igcizeleleni ebantwaneni benu. Likhulume ngayo nxa lihlezi emakhaya enu lalapho lihamba endleleni, lapho lilala lanxa livuka. 
\v 8 Ibopheleni ezandleni zenu ibe luphawu, liyibophele lasemabunzini enu. 
\v 9 Ibhaleni emigubazini yezindlu zenu kanye lasemasangweni enu.
\p
\v 10 Kuzakuthi \nd uThixo\nd* uNkulunkulu wenu eselingenisa elizweni afunga ngalo kuboyihlo, u-Abhrahama, u-Isaka loJakhobe, ukulinika lona, ilizwe elilamadolobho amakhulu, aphumelelayo kodwa elingazakhelanga wona, 
\v 11 izindlu ezigcwele konke okuhle elingazange likuhluphekele, imithombo yamanzi elingazange liyigebhe, kanye lezivini lezihlahla zama-oliva elingazihlanyelanga, ukuze kuthi lingadla lisuthe, 
\v 12 linanzelele ukuthi alimkhohlwa \nd uThixo\nd*, yena owalikhupha eGibhithe, elizweni lobugqili.
\p
\v 13 Mesabeni \nd uThixo\nd* uNkulunkulu wenu, mkhonzeni yena yedwa njalo lifunge ngebizo lakhe. 
\v 14 Lingabalandeli abanye onkulunkulu babantu elakhelene labo; 
\v 15 ngoba \nd uThixo\nd* uNkulunkulu wenu, ophakathi kwenu, \nd nguThixo\nd* olobukhwele njalo ongalithukuthelela, alitshabalalise ebusweni bomhlaba. 
\v 16 Lingamlingi \nd uThixo\nd* uNkulunkulu wenu njengalokhu elakwenza eMasa. 
\v 17 Nanzelelani ukuthi liyayigcina imilayo \nd kaThixo\nd* uNkulunkulu wenu lezimiso kanye lemilayo aliphe yona. 
\v 18 Yenzani okuqondileyo lokuhle emehlweni \nd kaThixo\nd*, ukuze konke kulihambele kuhle njalo lingene liyethatha ilizwe \nd uThixo\nd* alithembisa okhokho benu ngesifungo, 
\v 19 lidudule zonke izitha eziphambi kwenu, njengokutsho \nd kukaThixo\nd*.
\p
\v 20 Kuzakuthi ngokuqhubeka kwesikhathi nxa indodana yakho ikubuza isithi, ‘Zitshoni izimiso, imilayo lemithetho leyo \nd uThixo\nd* uNkulunkulu wethu alipha yona?’ 
\v 21 Wena uzakuthi: ‘Sasiyizigqili zikaFaro eGibhithe, kodwa \nd uThixo\nd* wasikhupha eGibhithe ngesandla sakhe esilamandla. 
\v 22 Thina sazibonela ngawethu amehlo \nd uThixo\nd* ethumela izibonakaliso lezimangaliso ezinkulu lezesabekayo phezu kweleGibhithe laphezu kukaFaro labo bonke abendlu yakhe. 
\v 23 Kodwa wasikhupha khonale wasiletha lapha ukuze asinike ilizwe alithembisa okhokho bethu ngesifungo. 
\v 24 \nd UThixo\nd* wasilaya ukuba silalele zonke lezi zimiso lokwesaba \nd uThixo\nd* uNkulunkulu wethu, ukuze sithole ukuphumelela lokuphila, njengoba kunje lamhlanje. 
\v 25 Kanti-ke nxa sinanzelela silalela wonke umthetho lo phambi \nd kukaThixo\nd* uNkulunkulu wethu, njengokusilaya kwakhe, lokhu kuzakuba yikulunga kwethu.’ ”
\c 7
\s1 Ukuxotshwa Kwezizwe
\p
\v 1 “Lapho \nd uThixo\nd* uNkulunkulu wenu elingenisa elizweni alinika lona ukuba libe ngelenu uxotsha izizwe ezinengi phambi kwenu, amaHithi, amaGigashi, ama-Amori, amaKhenani, amaPherizi, amaHivi lamaJebusi, izizwe eziyisikhombisa ezinkulu njalo ezilamandla kulani, 
\v 2 kuthi lapho \nd uThixo\nd* uNkulunkulu wenu esezinikele ezandleni zenu lani selizinqobile kufanele lizitshabalalise ngokupheleleyo. Lingabi lesivumelwano lazo, njalo lingabi lesihawu kuzo. 
\v 3 Lingendiselani lazo. Lingendiseli amadodakazi enu emadodaneni azo, kumbe lithathele amadodana enu amadodakazi azo, 
\v 4 ngoba azaphambula amadodana enu ekungikhonzeni abesekhonza abanye onkulunkulu, kuthi ulaka \nd lukaThixo\nd* luvuthe lulitshabalalise. 
\v 5 Nanku okumele likwenze kulezi zizwe: Dilizani ama-alithare azo, libhidlize amatshe eziwakhonzayo, ligamule izinsika zika-Ashera njalo litshise izithombe zazo ngomlilo. 
\v 6 Phela lina lingabantu abangcwele \nd kuThixo\nd* uNkulunkulu wenu. \nd UThixo\nd* uNkulunkulu wenu ulikhethile phakathi kwabantu bonke emhlabeni ukuthi libe ngabantu bakhe, isipho sakhe esiligugu.
\p
\v 7 \nd UThixo\nd* kazange ehlisele uthando lwakhe phezu kwenu ngoba libanengi kulezinye izizwe, phela lina livele liyisizwe sabantu abalutshwana. 
\v 8 Kodwa kungenxa yokuthi \nd uThixo\nd* walithanda wagcina isifungo asifunga kubokhokho benu walikhupha ngesandla esilamandla walihlenga ezweni lobugqili, emandleni kaFaro inkosi yaseGibhithe. 
\v 9 Yazini-ke ukuthi \nd uThixo\nd* uNkulunkulu wenu unguNkulunkulu; unguNkulunkulu othembekileyo, ogcina isivumelwano sothando kuze kufike esizukulwaneni senkulungwane salabo abamthandayo njalo begcina imilayo yakhe. 
\v 10 Kodwa
\q1 labo abamzondayo uzaphindisela kubo ngokubabhubhisa;
\q2 kayikuphuza ukuphindisela kulabo abamzondayo.
\m
\v 11 Kungakho, nanzelelani lilandele imilayo, izimiso kanye lemithetho engilinika yona lamuhla.
\p
\v 12 Nxa linanzelela limithetho njalo liyilandela, \nd uThixo\nd* uNkulunkulu wenu uzagcina isivumelwano sakhe sothando kini, njengoba wafunga kubokhokho benu. 
\v 13 Uzalithanda alibusise andise ubunengi benu. Uzabusisa izithelo zenzalo yezisu zenu, izilimo zamasimu enu, amabele enu, iwayini elitsha kanye lamafutha, amathole emihlambi yenkomo zenu kanye lamazinyane emihlambi yezimvu zenu elizweni afunga ukuthi uzalinika okhokho benu ukuba balinike lona. 
\v 14 Lina lizabusiswa okungaphezu kwabanye abantu; kakho phakathi kwamadoda labafazi kini ozaswela umntwana, njalo lezifuyo zenu ngeke ziswele amankonyane. 
\v 15 \nd UThixo\nd* uzaliphephisa emikhuhlaneni yonke. Kayikulehlisela imikhuhlane yonke eyesabekayo elaliyibona eGibhithe, kodwa uzayehlisela kulabo abalizondayo. 
\v 16 Libobhubhisa bonke abantu \nd uThixo\nd* uNkulunkulu wenu abanikela ezandleni zenu. Lingabazweli usizi, lingakhonzi onkulunkulu babo, ngoba lokho kuzakuba yisifu kini.
\p
\v 17 Mhlawumbe lizakuthi: ‘Lezizizwe zilamandla kulathi. Sizazixotsha njani lapha?’ 
\v 18 Kodwa lingazesabi; khumbulani ukuthi \nd uThixo\nd* uNkulunkulu wenu wenzani kuFaro kanye lakulo lonke elaseGibhithe. 
\v 19 Lazibonela ngawenu amehlo imilingo emikhulu, izibonakaliso zemilingo lezimanga, isandla esilamandla lokwelulwa kwengalo, khona okwasetshenziswa \nd nguThixo\nd* wenu ukulikhupha. \nd UThixo\nd* uNkulunkulu wenu uzakuphinda khonokho kubo laba abantu elibesabayo. 
\v 20 Phezu kwalokho \nd uThixo\nd* uNkulunkulu wenu uzathumela olonyovu phakathi kwabo kuze kuthi labasilileyo balicatshela babhujiswe. 
\v 21 Lingabesabi, ngoba \nd uThixo\nd* uNkulunkulu wenu ophakathi kwenu, \nd nguThixo\nd* omkhulu njalo owesabekayo. 
\v 22 \nd UThixo\nd* uNkulunkulu wenu uzazidudula lezozizwe phambi kwenu kancanekancane. Aliyikuvunyelwa ukuzibhubhisa ngasikhathi sinye ngoba izinyamazana zeganga zinganda zilihanqe. 
\v 23 Kodwa \nd uThixo\nd* uNkulunkulu wenu uzabanikela kini, abaphazamise baze babhujiswe. 
\v 24 Amakhosi azo uzawanikela ezandleni zenu, njalo lizakwesula amabizo awo ngaphansi komkhathi. Kakho ozakwenelisa ukumelana lani, lizababhubhisa. 
\v 25 Izithombe zabonkulunkulu bazo lizazitshisa ngomlilo. Lingahawukeli isiliva legolide eliphezu kwezithombe, lingazigcineli lona, ngoba lizabe selizibambisile emjibileni ngalo, ngoba liyisinengiso \nd kuThixo\nd* uNkulunkulu wenu. 
\v 26 Lingalethi okunengisayo ezindlini zenu, ngoba lani njengakho lokho lizakhethelwa ukubhujiswa. Kwenyanyeni linengeke ngakho, ngoba kumiselwe ukutshabalaliswa.”
\c 8
\s1 Lingamlibali \nd UThixo\nd*
\p
\v 1 “Nanzelelani njalo lilandele yonke imilayo engilinika yona lamuhla, ukuze liphile njalo lande khona lizangena lithumbe ilizwe \nd uThixo\nd* alinika okhokho benu ethembisa ngesifungo. 
\v 2 Likhumbule ukuthi \nd uThixo\nd* uNkulunkulu wenu walikhokhela njani lidabula inkangala okweminyaka engamatshumi amane, elichumisa lokulilinga ukuthi abone okwakusezinhliziyweni zenu, ukuthi kambe lizayigcina imiyalo yakhe na loba hayi. 
\v 3 \nd UThixo\nd* walichumisa, walenza lalamba kanti njalo walipha ukudla okuyimana, ukudla lokho laboyihlo abangazange bakwazi, kuyikulifundisa ukuthi umuntu kaphili ngesinkwa kuphela zwi kodwa ngalo lonke ilizwi eliphuma emlonyeni \nd kaThixo\nd*. 
\v 4 Izigqoko zenu aziguganga njalo lezinyawo zenu azivuvukanga kuleyo minyaka engamatshumi amane. 
\v 5 Gcinani lokhu ezinhliziyweni zenu lazi ukuthi njengendoda ikhuza indodana yayo, ngokufananayo \nd uThixo\nd* uNkulunkulu wenu uyalikhuza.
\p
\v 6 Gcinani imilayo \nd kaThixo\nd* uNkulunkulu wenu lihambe endleleni yakhe njalo limkhonze. 
\v 7 Ngakho \nd uThixo\nd* uNkulunkulu wenu ulisa elizweni elihle, ilizwe elilezifula leziziba zamanzi, intombo zamanzi ezimpompoza ezigodini lasemaqaqeni; 
\v 8 elizweni lengqoloyi lebhali, amavini lemikhiwa, amaphomegranathi, amafutha ama-oliva lenyosi; 
\v 9 elizweni lapha okungasayi kusweleka khona isinkwa njalo aliyikuswela lutho; elizweni lapho amatshe akhona ayinsimbi kanti njalo lingemba ikhopha emaqaqeni.
\p
\v 10 Lizakuthi selidlile lasutha, lidumise \nd uThixo\nd* uNkulunkulu wenu ngelizwe elihle alinike lona. 
\v 11 Linanzelele ukuthi alilibali \nd uThixo\nd* uNkulunkulu wenu, lingehluleki ukugcina imilayo yakhe, imithetho kanye lezimiso engilinika zona lamuhla. 
\v 12 Kungenzeka ukuthi lithi selidlile lasutha, selakhe izindlu ezinhle lahlala lazinza, 
\v 13 njalo imihlambi yezifuyo zenu leyezimvu zenu isiqhelile yanda kuze kuthi lesiliva legolide lenu selilinengi kanye lakho konke okwenu sekukunengi kuphindwe kanenginengi, 
\v 14 liziqhenye ezinhliziyweni zenu, libe selikhohlwa \nd uThixo\nd* uNkulunkulu wenu, yena owalikhupha eGibhithe, walikhupha elizweni lobugqili. 
\v 15 \nd UThixo\nd* walikhokhela enkangala enkulu eyesabekayo, eyomileyo engelamanzi, elobuthi benyoka lenkume. Walinika amanzi aphuma edwaleni. 
\v 16 Walinika imana ukuba lidle enkangala, into abangazange bayazi oyihlo, ukulichumisa njalo lokulilinga ukuze kuthi ekucineni kulihambele kuhle. 
\v 17 Mhlawumbe lingathi, ‘Ngokuzimisela kwami langamandla ezandla zami sengizidalele inotho.’ 
\v 18 Kodwa khumbulani \nd uThixo\nd* uNkulunkulu wenu ngoba kunguye olipha amandla okunotha, lokho kuyikho ukugcwaliseka kwesivumelwano sakhe, sona afunga kubokhokho benu, okulokhu kunjalo lalamuhla.
\p
\v 19 Nxa lizake likhohlwe \nd uThixo\nd* uNkulunkulu wenu beselilandela abanye onkulunkulu libakhonze libakhothamele, ngiyalifungela lamuhla ukuthi lizabhujiswa ngempela. 
\v 20 Njengezizwe \nd uThixo\nd* azibhubhisa phambi kwenu lani lizabhujiswa \nd nguThixo\nd* uNkulunkulu wenu.”
\c 9
\s1 Akungenxa Yokulunga Kuka-Israyeli
\p
\v 1 “Zwana, We Israyeli. Khathesi ususiyachapha iJodani ukuze ungene uyethathela izizwe ezinkulu ezilamandla kulawe, ezilamadolobho amakhulu alemiduli etshaya emkhathini. 
\v 2 Abantu bakhona balamandla njalo bade, ngama-Anakhi. Liyakwazi konke ngabo njalo selike layizwa indumela yabo yokuthi: ‘Ngubani ongamelana lama-Anakhi?’ 
\v 3 Kodwa qinisekani lamuhla ngoba \nd uThixo\nd* uNkulunkulu wenu nguye ozachapha phambi kwenu njengomlilo otshisa ubhuqe. \nd UThixo\nd* uzababhubhisa; uzabanyathela phambi kwenu. Lizabaxotsha libabhubhise masinyane, njengokuthembisa \nd kukaThixo\nd*.
\p
\v 4 Ngemva kokuba \nd uThixo\nd* uNkulunkulu wenu esebanqobile phambi kwenu, lingabozikhohlisa lisithi, ‘\nd UThixo\nd* ungilethe lapha ukuba ngilithathe libe ngelami lelilizwe ngenxa yokulunga kwami.’ Akunjalo, kungenxa yezono zalezizizwe okuzakwenza ukuthi \nd uThixo\nd* azisuse phambi kwakho. 
\v 5 Akusikho ukuthi kungenxa yokulunga kwakho loba ukuziphatha ngobuntu bakho okuzakwenza ungene kulelolizwe ulithathe; kodwa kungenxa yezono zalezozizwe, \nd uThixo\nd* uNkulunkulu wakho uzazixotsha phambi kwakho lezizizwe ukuze kugcwaliseke isifungo \nd uThixo\nd* wakho asenza kuboyihlo, u-Abhrahama, u-Isaka kanye loJakhobe. 
\v 6 Zwisisa manje, ukuthi akungenxa yokulunga kwakho ukuthi \nd uThixo\nd* uNkulunkulu wakho ukunika lelilizwe ukuba libe ngelakho, ngoba lina simo senu lingontamozilukhuni.”
\s1 Ithole Legolide
\p
\v 7 “Khumbulani lokhu njalo lingakhohlwa ukuthi lamthukuthelisa njani \nd uThixo\nd* uNkulunkulu wenu enkangala waze wazonda. Kusukela ngosuku elasuka ngalo eGibhithe lize lizofika lapha, belilokhu lihlamukela \nd uThixo\nd*. 
\v 8 EHorebhi lavusa ulaka \nd lukaThixo\nd* ngalokho wazonda okokuthi wayezalibhubhisa. 
\v 9 Kwathi ekukhweleni kwami intaba ngisiyakwamukela izibhebhedu zamatshe, izibhebhedu zesivumelwano \nd uThixo\nd* asenza lani, ngahlala entabeni okwensuku ezingamatshumi amane lobusuku obungamatshumi amane; angidlanga sinkwa njalo angizange nginathe amanzi. 
\v 10 \nd UThixo\nd* wanginika izibhebhedu zamatshe ezimbili okwakulotshwe kuzo ngomunwe kaNkulunkulu. Kulezizibhebhedu kwakulotshwe yonke imilayo eyayethulwe \nd nguThixo\nd* kini phezu kwentaba ephakathi komlilo, ngosuku lombuthano.
\p
\v 11 Ekupheleni kwensuku ezingamatshumi amane njalo lobusuku obungamatshumi amane, \nd uThixo\nd* wangipha izibhebhedu zamatshe ezimbili, izibhebhedu zesivumelwano. 
\v 12 \nd UThixo\nd* wangitshela wathi, ‘Suka lapha wehle ngokuphangisa, ngoba abantu bakho owabakhupha eGibhithe sebexhwalile. Sebephambukile masinyane kulokho engangibalaye ngakho njalo sebezibumbele isithombe.’
\p
\v 13 \nd UThixo\nd* wathi kimi, ‘Sengibabonile lababantu, njalo bangontamozilukhuni ngeqiniso! 
\v 14 Ngiyekela ukuze ngibabhubhise njalo ngesule amabizo abo ngaphansi kwamazulu. Njalo ngizakwenza ube yisizwe esilamandla futhi esikhulu kulesabo.’
\p
\v 15 Ngasengiphenduka ngehla entabeni yona ivutha ilangabi lomlilo. Kanti njalo izibhebhedu zombili zesivumelwano zazisezandleni zami. 
\v 16 Ngathi ngiyakhangela ngabona ukuthi lonile phambi \nd kukaThixo\nd* uNkulunkulu wenu; laselizibumbele isithombe esibunjwe ngesimo sethole. Laseliphambukile masinyane lasuka endleleni \nd uThixo\nd* ayelilaye ngayo. 
\v 17 Ngalokho ngathatha izibhebhedu zombili ezazisezandleni zami ngazisakazela phansi, zaphahlazeka zaba yizicucu phambi kwenu.
\p
\v 18 Kanti-ke njalo ngazilahla ngawa phambi \nd kukaThixo\nd* okwensuku ezingamatshumi amane njalo lobusuku obungamatshumi amane; angidlanga sinkwa njalo angizange nginathe amanzi, ngenxa yezono zonke elaselizidalile, lisenza okubi emehlweni \nd kaThixo\nd* njalo lamthukuthelisa waze wazonda. 
\v 19 Ngesaba intukuthelo lolaka \nd lukaThixo\nd*, ngoba wayezonde kangangokuba wayengalibhubhisa. Kodwa-ke futhi \nd uThixo\nd* wangilalela. 
\v 20 \nd UThixo\nd* wamthukuthelela u-Aroni kangangokuba wayengamtshabalalisa, kodwa-ke ngalesosikhathi laye u-Aroni ngamkhulekela. 
\v 21 Ngabuye ngathatha into yokona kwenu, ithole leli elalilibumbile, ngalitshisa emlilweni. Ngasengilichoboza njalo ngalichola laba yimpuphu ecoleke njengothuli ngaluhaza esifuleni esigeleza entabeni.
\p
\v 22 Laphinda njalo lamthukuthelisa \nd uThixo\nd* eThabhera, laseMasa kanye laseKhibhrothi Hathava.
\p
\v 23 Kanti \nd uThixo\nd* wathi elisusa eKhadeshi Bhaneya, wathi, ‘Qhubekani njalo liyethatha ilizwe engilinike lona.’ Kodwa lahlamukela umlayo \nd kaThixo\nd* uNkulunkulu wenu. Alizange limethembe loba ukumlalela. 
\v 24 Belivele limhlamukela \nd uThixo\nd* kusukela ngiqalisa ukulazi.
\p
\v 25 Ngazilahla ngawa phambi \nd kukaThixo\nd* okwensuku ezingamatshumi amane kanye lobusuku obungamatshumi amane ngoba \nd uThixo\nd* wayethe uzalibhubhisa. 
\v 26 Ngakhuleka njalo \nd kuThixo\nd* ngathi, ‘Oh! \nd Thixo\nd* Wobukhosi, ungabhubhisi abantu bakho, ilifa lakho owalihlenga ngamandla akho amakhulu wabakhipha eGibhithe ngesandla sakho esilamandla. 
\v 27 Khumbula izinceku zakho u-Abhrahama, u-Isaka kanye loJakhobe. Xola ebuqholweni balababantu, ebubini lasezonweni zabo. 
\v 28 Nxa kungenjalo ilizwe owasisusa kilo lizakuthi, “Ngoba \nd uThixo\nd* wehluleka ukubangenisa elizweni ayebathembise lona, njalo langenxa yokuthi wayebazonda, wabakhupha ukuze bayefela enkangala.” 
\v 29 Kodwa ngabantu bakho, abayilifa lakho owalikhupha ngamandla akho amakhulu langengalo yakho eyeluliweyo.’ ”
\c 10
\s1 Izibhebhedu Ezifana Lezakuqala
\p
\v 1 “Ngalesosikhathi \nd uThixo\nd* wathi kimi, ‘Baza ezinye izibhebhedu zamatshe ezimbili zifanane lezakuqala uze lazo kimi entabeni. Uphinde njalo wenze ibhokisi ngezigodo. 
\v 2 Ngizabhala kulezozibhebhedu amazwi ayesezibhebhedwini zakuqala owaziphahlazayo. Ube usuzifaka kulelobhokisi.’
\p
\v 3 Ngakho ngenza ibhokisi lesivumelwano ngezigodo zesihlahla somʼakhakhiya ngasengibaza izibhebhedu ezimbili zamatshe ezifanana lezakuqala, ngasengikhwela entabeni ngiphethe lezo zibhebhedu ezimbili. 
\v 4 \nd UThixo\nd* wabhala kulezozibhebhedu lokho ayekubhale kwezakuqala, imiThetho eliTshumi ayeyimemezele kini ephakathi komlilo, entabeni, ngosuku lokuhlangana. \nd UThixo\nd* wasenginika zona izibhebhedu. 
\v 5 Ngakho ngasengibuya ngisehla entabeni ngafika ngafaka izibhebhedu ebhokisini engangilenzile njengokulaywa kwami \nd nguThixo\nd*, yikho zilokhu zikhona lakhathesi.”
\p
\v 6 (Abako-Israyeli bahamba besuka emithonjeni yaseBherothi-Bheni-Jakhani kusiya eMosera. Kulapho u-Aroni afela khona njalo wangcwatshwa khona, kwathi indodana yakhe u-Eliyazari yathatha isikhundla sakhe sobuphristi. 
\v 7 Besuka lapho bahamba baya eGudigoda bedlulela eJothibhatha, ezweni elilezifula ezilamanzi. 
\v 8 Ngalesosikhathi \nd uThixo\nd* wehlukanisa abaLevi ukuze bathwale umtshokotsho wesivumelwano \nd sikaThixo\nd*, ukuma phambi \nd kukaThixo\nd* besenza umsebenzi wokukhonza kanye lokwethula izibusiso ngebizo lakhe, njengoba bekwenza lanamuhla. 
\v 9 Yikho abaLevi bengelasabelo loba ilifa phakathi kwabafowabo; elabo ilifa \nd nguThixo\nd*, njengoba \nd uThixo\nd* uNkulunkulu wenu wabatshela.)
\p
\v 10 “Ngasengihlale phezu kwentaba insuku ezingamatshumi amane lobusuku obungamatshumi amane, njengalokhu engangikwenze kuqala, lakanye \nd uThixo\nd* wangilalela futhi okwalesosikhathi. Kwakungasikufisa kwakhe ukulibhubhisa. 
\v 11 \nd UThixo\nd* wathi kimi, ‘Hamba uyekhokhela abantu endleleni yabo, ukwenzela ukuthi bangene bathathe ilizwe engafunga kuboyise ukuthi ngizabapha lona.’ ”
\s1 Mesabeni \nd UThixo\nd*
\p
\v 12 “Khathesi-ke, Oh Israyeli, kuyini \nd uThixo\nd* uNkulunkulu wakho angakucela kuwe ngaphandle kokuba umesabe \nd uThixo\nd* wakho, ukuhamba ezindleleni zakhe, ukumthanda, ukumsebenzela \nd uThixo\nd* uNkulunkulu wakho ngenhliziyo yakho yonke langomoya wakho wonke, 
\v 13 lokugcina imilayo \nd kaThixo\nd* kanye lezimiso lezi engilinika zona lamhlanje ukuze kulilungele?
\p
\v 14 Amazulu \nd ngakaThixo\nd* uNkulunkulu wenu, lamazulu aphakameyo, umhlaba kanye lakho konke okukiwo. 
\v 15 Kanti-ke \nd uThixo\nd* watshengisela isihawu sakhe kubokhokho benu njalo wabathanda, ngalokho wakhetha lina, eliyizizukulwane zabo, phezu kwazo zonke ezinye izizwe, njengoba kunjalo lalamuhla. 
\v 16 Ngakho-ke, sokani inhliziyo zenu, njalo lingabe lisaba ngontamozilukhuni futhi. 
\v 17 Ngoba \nd uThixo\nd* uNkulunkulu wenu nguNkulunkulu wabonkulunkulu njalo unguMbusi wababusi, uNkulunkulu omkhulu, olamandla njalo owesabekayo, ongelabandlululo futhi ongemukeli isivalamlomo. 
\v 18 Uyawavikela amalungelo ezintandane kanye labafelokazi, njalo uyabathanda abangabezizweni phakathi kwenu, ubanika ukudla lezembatho. 
\v 19 Ngakho kuzamele lithande abezizweni, njengoba lina lalingabezizweni eGibhithe. 
\v 20 Mesabeni \nd uThixo\nd* uNkulunkulu wenu njalo limkhonze. Bambelelani kuye njalo lenze izifungo zenu ngebizo lakhe. 
\v 21 Uyindumiso yenu, unguNkulunkulu wenu, owalenzela lezozimanga ezinkulu lezesabekayo elazibona ngamehlo enu. 
\v 22 Okhokho benu abaya eGibhithe babengamatshumi ayisikhombisa kuphela, kanti khathesi \nd uThixo\nd* uNkulunkulu wenu uselenze laba banengi njengezinkanyezi esibhakabhakeni.”
\c 11
\s1 Thanda Njalo Ulalele \nd UThixo\nd*
\p
\v 1 “Thandani \nd uThixo\nd* uNkulunkulu wenu lilondoloze okwakhe, izimiso, imithetho lemilayo yakhe ngazozonke izikhathi. 
\v 2 Khumbulani lamuhla ukuthi abantwabenu akusibo ababubonayo njalo babazi ubukhulu \nd bukaThixo\nd* uNkulunkulu wenu; ubukhosi bakhe, isandla sakhe esilamandla, lengalo yakhe eyelulekileyo; 
\v 3 izibonakaliso azenzayo kanye lakho konke akwenzayo phakathi kwelizwe leGibhithe, ezenza kuFaro iNkosi yeGibhithe laselizweni lakhe lonke; 
\v 4 lalokho akwenza kubutho leGibhithe, lasemabhizeni lezinqola zawo, ukuthi wakunqoba njani konke lokhu ngamanzi oLwandle oluBomvu mhla bexotshana lani, kanye lokuthi \nd uThixo\nd* wabachitha baphela du. 
\v 5 Akusibantwabenu ababona alenzela khona enkangala laze lazafika lapha, 
\v 6 kanye lalokho akwenza kuDathani lo-Abhiramu, amadodana ka-Eliyabi wako-Rubheni. Lapho umhlaba owavuleka khona phambi kwabako-Israyeli wabaginya bonke kanye lezimuli zabo, lamathente abo lakho konke okuphilayo okwakungokwabo. 
\v 7 Kodwa-ke kwakungawenu amehlo abona zonke lezizinto ezazenziwe \nd nguThixo\nd*.
\p
\v 8 Yikho-ke gcinani lilalele yonke imilayo engilinika yona lamuhla, ukuze lizuze amandla okuchapha iJodani liyelithumba lelolizwe, 
\v 9 njalo lihlale kulo isikhathi eside ilizwe \nd uThixo\nd* alinika okhokho benu lezizukulwane zenu, ilizwe eligeleza uchago loluju. 
\v 10 Lelolizwe elizangena kulo lilithumbe alifanani lelizwe laseGibhithe, lapho elivela khona, lapho elalihlanyela inhlanyelo yenu lithwala amanzi nzima lithelela njengesivandeni semibhida. 
\v 11 Kodwa ilizwe elilichaphela uJodani ukuze lilithumbe libe ngelenu yilizwe lezintaba lezihotsha ezinatha zigcwale ngamanzi ezulu. 
\v 12 Yilizwe \nd uThixo\nd* uNkulunkulu wenu alikhathalelayo, amehlo \nd kaThixo\nd* wenu aphezu kwalo kusukela ekuqaleni komnyaka kuze kube sekupheleni kwawo.
\p
\v 13 Ngakho lingalalela ngokwethembeka imilayo yami engilinika yona lamuhla, ukuthanda \nd uThixo\nd* uNkulunkulu wenu njalo limkhonze ngenhliziyo zenu zonke, langemiphefumulo yenu yonke, 
\v 14 ngalokho ngizanisa izulu emhlabeni wenu ngesikhathi salo, ekwindla kanye lasentwasa, ukuze libe lenala yamabele njalo livune, iwayini elitsha kanye lamafutha. 
\v 15 Ngizamilisa utshani egangeni obuzadliwa zinkomo zenu, lina lizakudla lisuthe.
\p
\v 16 Qaphelani linanzelele ukuthi aliyikuhugeka lihlamuke likhonze abanye onkulunkulu libakhothamele. 
\v 17 Kungaba njalo ulaka \nd lukaThixo\nd* luzavutha kini, njalo uzavala amazulu akhe ukuze kungabi lezulu elizakuna kuthi umhlaba wenu ungatheli izithelo, kuthi lina libhubhe masinyane elizweni elihle \nd uThixo\nd* alinika lona. 
\v 18 Gcinani amazwi ami la ezinhliziyweni lasengqondweni zenu, abopheleni njengezimpawu ezandleni zenu, liwabophele lemabunzini enu. 
\v 19 Afundiseni abantwabenu, lixoxe ngawo nxa lihlezi emakhaya enu kanye lalapho lihamba endleleni, lapho lilala lanxa livuka. 
\v 20 Abhaleni emigubazini yezindlu zenu kanye lasemasangweni enu, 
\v 21 ukuze kuthi insuku zenu kanye lezabantwabenu zande elizweni \nd uThixo\nd* afunga ukulinika okhokho benu, kuze kube laphakade.
\p
\v 22 Nxa lingamhlonipha lilandele imilayo yami le engilinika yona ukuba liyilandele, ukuthanda \nd uThixo\nd* uNkulunkulu wenu, ukuhamba ngezindlela zakhe libambelele kuye ngokuqinileyo, 
\v 23 ngalokho \nd uThixo\nd* uzazixotsha zonke izizwe phambi kwenu njalo lani lizazemuka izizwe ezinkulu kulani, njalo ezilamandla kulani. 
\v 24 Yonke indawo elizanyathela kuyo izakuba ngeyenu: umhlaba wenu uzaqhela ukusuka enkangala usiya eLebhanoni, kusuka emfuleni iYufrathe kusiya olwandle olusentshonalanga. 
\v 25 Kakho ozamelana lani. \nd UThixo\nd* uNkulunkulu wenu, njengokulithembisa kwakhe, uzaletha ukuthuthumela ngani lokulesaba elizweni lonke, ngaphi langaphi elihamba khona.
\p
\v 26 Khangelani, lamuhla ngifaka phambi kwenu isibusiso lesithuko, 
\v 27 isibusiso nxa lilalela imilayo \nd kaThixo\nd* uNkulunkulu wenu engilinika yona lamuhla; 
\v 28 isithuko nxa lingalaleli imilayo \nd kaThixo\nd* uNkulunkulu wenu njalo libe selitshiya indlela engilikhomba yona ngokulandela abanye onkulunkulu elingabaziyo. 
\v 29 Nxa \nd uThixo\nd* uNkulunkulu wenu eselifikisile elizweni eselingena kulo ukuba lilithumbe, kalibomemezela liseNtabeni iGerizimu lezozibusiso, kuthi liseNtabeni ye-Ebhali limemezele izithuko. 
\v 30 Njengoba lisazi, izintaba zingaphetsheya kweJodani, entshonalanga yomgwaqo okhangele entshonalanga, eduzane lezihlahla ezinkulu zaseMore, elizweni lalawo maKhenani ahlala e-Arabha eduzane kweGiligali. 
\v 31 Seliseduze ukuchapha iJodani ukuba lingene lithumbe lelolizwe \nd uThixo\nd* uNkulunkulu wenu alinika lona. Kuzakuthi nxa selilithethe selihlala khona, 
\v 32 libe leqiniso lokuthi liyalalela zonke izimiso lemithetho engilibekela yona lamuhla.”
\c 12
\s1 Yinye Indawo Yokukhonzela
\p
\v 1 “Lezi yizo izimiso lemilayo okumele likugcine ngonanzelelo elizweni \nd uThixo\nd* uNkulunkulu wabokhokho benu alinika lona ukuba libe ngelenu nxa lilokhu lisahlala kulelolizwe. 
\v 2 Dilizani ngokupheleleyo zonke izindawo izizwe elizinqobayo ezazikhonzela onkulunkulu bazo khona, ezintabeni eziphakemeyo lasemaqaqeni kanye langaphansi kwezihlahla ezinabileyo. 
\v 3 Dilizani ama-alithare ezizwe, libhidlize amatshe abawakhonzayo litshise izinsika zika-Ashera emlilweni, dilizelani phansi izithombe zabo lihle lichithe licitshe amabizo abo kulezondawo.
\p
\v 4 Lingalandeli izindlela zabo zokukhonza \nd uThixo\nd* uNkulunkulu wenu. 
\v 5 Kodwa lizadinga indawo \nd uThixo\nd* uNkulunkulu wenu azayikhetha phakathi kwazo zonke izizwana zenu, ukuze abeke iBizo lakhe lapho, ahlale khona. Kumele liye kuleyondawo; 
\v 6 khonapho lilethe iminikelo yenu yokutshiswa lemihlatshelo, lokwetshumi kwenu lezipho zenu eziqakathekileyo, lokho elifunge ukukunikela kanye leminikelo yenu yokuzithandela, amazibulo emihlambi yenu yenkomo leyezimvu. 
\v 7 Khonapho, phambi \nd kukaThixo\nd* uNkulunkulu wenu, lina kanye labantwabenu lizakudla njalo lijabule ngakho konke elike labeka izandla zenu kukho, ngoba \nd uThixo\nd* uNkulunkulu wenu ulibusisile.
\p
\v 8 Lingabokwenza njengalokhu esikwenza lamuhla, ngamunye esenza njengokuthanda kwakhe, 
\v 9 ngoba alikangeni endaweni yokuphumula kanye lelifeni \nd uThixo\nd* uNkulunkulu wenu alinika lona. 
\v 10 Kodwa lizachapha uJodani liyekwakha lihlale elizweni \nd uThixo\nd* uNkulunkulu wenu alinika lona ukuba libe yilifa lenu, njalo uzaliphumuza ezitheni zenu elakhelene lazo ukuze lihlale livikelekile. 
\v 11 Okumayelana lendawo \nd uThixo\nd* uNkulunkulu wenu azayikhetha ibe likhaya leBizo lakhe, kulapho elizaletha konke engililaya ngakho: iminikelo yenu yokutshiswa lemihlatshelo, okwetshumi kwenu lezipho zenu eziqakathekileyo, kanye lazozonke impahla elikhethe ukufunga ngazo \nd kuThixo\nd*. 
\v 12 Khona lapho lijabule phambi \nd kukaThixo\nd* uNkulunkulu wenu, lina, amadodana lamadodakazi enu, izinceku lezincekukazi zenu, kanye labaLevi abavela emadolobheni enu, abangelasabelo loba ilifa abaliphiwayo libe ngelabo. 
\v 13 Limukani linganikeleli iminikelo yenu yokutshiswa ingqe kungaphi elithanda khona. 
\v 14 Nikelelani kuphela endaweni \nd uThixo\nd* azayikhetha phakathi kwezizwana zenu kuthi selilapho linanzelele konke engililaya ngakho.
\p
\v 15 Ngalokho-ke, selilakho ukuhlaba izifuyo zenu lizibulale njengalokhu okwenziwayo emadolobheni enu njalo lidle yonke leyonyama elifisa ukuyidla, kungani lithaka loba imbabala, kusiya ngesibusiso leso lowo lalowo ayabe ebusiswe ngaso \nd nguThixo\nd* uNkulunkulu wenu. Bonke labangahlanzekanga labahlanzekileyo ngokomkhuba bavunyelwe ukuyidla. 
\v 16 Kodwa lingadli igazi lazo; lilahleni kungathi lichitha amanzi phansi. 
\v 17 Lingakudli emadolobheni enu okwetshumi kwamabele enu kanye lokwewayini elitsha lamafutha, loba amazibulo emihlambi yezifuyo zenu, lakho konke eselifunge lathembisa ukuba lizanikela ngakho, leminikelo yenu yokuzithandela loba izipho eziqakathekileyo. 
\v 18 Kodwa kumele likudle phambi \nd kukaThixo\nd* uNkulunkulu wenu endaweni ezakhethwa \nd nguThixo\nd* uNkulunkulu wenu, lina, amadodana lamadodakazi enu, izinceku lezincekukazi zenu, kanye labaLevi abavela emadolobheni enu, lina labo lizajabula phambi \nd kukaThixo\nd* uNkulunkulu wenu ngakho konke elikuphatha ngezandla zenu. 
\v 19 Linanzelele lingalibali beselikhohlwa abaLevi nxa lilokhu lisahlala elizweni lenu.
\p
\v 20 Nxa \nd uThixo\nd* uNkulunkulu wenu eseqhelisile ilizwe lenu njengokulethembisa kwakhe, libe seliloyisa ukudla inyama lithi, ‘Ngifisa ukudla inyama,’ kulapho elizakudla khona lize lifike lapho elithanda khona. 
\v 21 Nxa indawo leyo lapho \nd uThixo\nd* uNkulunkulu wenu akhetha ukubeka iBizo lakhe ikhatshana kakhulu lani, lingahlaba emihlambini yezifuyo leyezimvu njengokuyiphiwa kwenu \nd nguThixo\nd*, njengoba ngililayile, kuthi emadolobheni enu lizidle lezozifuyo njengokuthanda kwenu. 
\v 22 Lidle kungathi lidla ithaka lembabala. Bonke abangahlanzekanga ngokomkhuba labahlanzekileyo bangadla. 
\v 23 Kodwa linanzelele lingadli igazi, ngoba igazi yiyo impilo ngakho akufanelanga ukuthi lidle impilo lenyama. 
\v 24 Lingabokudla igazi; lichitheleni emhlabathini kungathi lilahla amanzi. 
\v 25 Lingadli, ukuze kulihambele kuhle lina kanye labantwabenu abezayo, ngoba lizabe lenze okuhle emehlweni \nd kaThixo\nd*.
\p
\v 26 Kodwa thathani lokho okugcotshiweyo lalokho elifunge ukukunikela lisuke liye endaweni ezakhethwa \nd nguThixo\nd*. 
\v 27 Lethani iminikelo yenu yokutshiswa e-alithareni \nd likaThixo\nd* uNkulunkulu wenu, konke inyama kanye legazi. Igazi leminikelo yenu lilichithele phansi kwe-alithari \nd likaThixo\nd* uNkulunkulu wenu, kodwa lingadla inyama yakhona. 
\v 28 Linanzelele lilandele iziqondiso zonke engilinika zona, ukuze kulihambele kuhle lina kanye labantwabenu abezayo ngemva kwenu, ngoba lizabe lenze okuhle njalo kulungile emehlweni \nd kaThixo\nd* uNkulunkulu wenu.
\p
\v 29 \nd UThixo\nd* uNkulunkulu wenu uzazichitha phambi kwenu zonke izizwe okufanele lizihlasele libe selizemuka okungokwazo. Kodwa nxa selizinqobile lazichitha selihlezi elizweni lazo, 
\v 30 njalo nxa sezichithiwe phambi kwenu, liqaphele lingahugeki ngokubuza ngabonkulunkulu bazo lisithi, ‘Kanti zona lezizizwe zibakhonza njani onkulunkulu bazo? Lathi sizakwenza okufananayo.’ 
\v 31 Lingabokhonza \nd uThixo\nd* uNkulunkulu wenu ngendlela abakhonza ngayo, ngoba ekukhonzeni kwabo onkulunkulu babo, benza konke okunengisayo okungasoze kwamukeleke \nd kuThixo\nd*. Baya baze batshise amadodana lamadodakazi abo emlilweni bethi bayanikela kubonkulunkulu babo.
\p
\v 32 Nanzelelani ukuthi lenza lokho engililaya ngakho, lingengezeleli loba liphungule kulokho.”
\c 13
\s1 Ukukhonza Abanye Onkulunkulu
\p
\v 1 “Nxa umphrofethi, loba umuntu oboniswa ngamaphupho, angavela phakathi kwenu abesebika imilingo loba isimanga, 
\v 2 kuthi leyomilingo loba lesosimanga ayabe ekhulume ngaso, kubonakale kusenzakala, abesesithi, ‘Asilandeleni abanye onkulunkulu’ (onkulunkulu elingabaziyo) ‘njalo asibakhonzeni,’ 
\v 3 lingalaleli amazwi alowo mphrofethi loba umuntu wamaphupho. \nd UThixo\nd* uNkulunkulu wenu uzabe elilinga efuna ukubona kumbe liyamthanda yini ngezinhliziyo zenu kanye langemiphefumulo yenu yonke. 
\v 4 \nd NguThixo\nd* uNkulunkulu wenu okumele limlandele, kanti nguye uqobo okumele limesabe. Gcinani imilayo yakhe njalo limlalele; mkhonzeni libambelele liqine kuye. 
\v 5 Lowo mphrofethi loba lowomuntu wamaphupho akhe kumele abulawe, ngoba utshumayele wakhuthaza ukuhlamukela \nd uThixo\nd* uNkulunkulu wenu, owalikhupha eGibhithe njalo walihlenga elizweni lobugqili; njalo ngumuntu obezama ukuliphambula endleleni \nd uThixo\nd* uNkulunkulu wenu alilaya ngayo ukuba liyilandele. Kumele lihlambulule ububi phakathi kwenu.
\p
\v 6 Nxa umfowenu uqobo, loba indodana loba indodakazi yakho, loba umfazi wakho omthandayo, loba umngane wakho osekhwapheni, angavele akuhuge ensitha, esithi, ‘Asihambe siyekhonza abanye onkulunkulu’ (onkulunkulu lina laboyihlo elingazange libazi, 
\v 7 onkulunkulu babantu elakhelene labo, eduzane loba khatshana, kusukela emaphethelweni esigaba kusiyaphutsha ngale kwaso), 
\v 8 lingamvumeli futhi lingamlaleli. Lingamtshengiseli uzwelo. Lingamphephisi njalo lingamvikeli. 
\v 9 Kumele ngeqiniso abulawe. Isandla senu kumele sibe yiso esikhokhela ukubulawa kwakhe, kulandele zonke ezabanye abantu. 
\v 10 Mkhandeni ngamatshe limbulale, ngoba uzame ukuliphambula elisusa \nd kuThixo\nd* uNkulunkulu wenu, owalikhupha eGibhithe, walikhupha elizweni lobugqili. 
\v 11 Ngalokho wonke u-Israyeli uzakuzwa esabe, kakho loyedwa phakathi kwenu ozake aphinde enze into enjalo futhi.
\p
\v 12 Lingezwa kuthiwa kuledolobho elikwenzayo lokhu phakathi kwamadolobho eliwaphiwe \nd nguThixo\nd* uNkulunkulu wenu ukuba lihlale kuwo 
\v 13 kulamadoda aphakathi kwenu asedukise abantu balawo madolobho, esithi, ‘Asihambeni siyokhonza abanye onkulunkulu’ (onkulunkulu elingakaze libazi), 
\v 14 kufanele libuzisise, lichwayisise lihlole ngokupheleleyo. Kuthi nxa kuliqiniso njalo kugcwaliseke ukuthi lesisinengiso sikhona phakathi kwenu, 
\v 15 kumele lifake inkemba ngeqiniso kulabo bonke abahlala kulelodolobho. Lilichithe litshabalale ngeqiniso, abantu bakhona kanye lezifuyo zakhona. 
\v 16 Buthelelani konke okuthunjiweyo kulelodolobho phakathi enzikini yalo enkundleni yokuhlanganela kwabantu lilithungele litshe lilobe lelodolobho kanye lempahla zalo zonke njengomnikelo wokutshiswa \nd kuThixo\nd* uNkulunkulu wenu. Kumele lisale lilunxiwa lelodolobho kokuphela, lingakhiwa kutsha futhi. 
\v 17 Akungabi lokukodwa kwalokho okusoliweyo okuzafunyanwa ezandleni zenu, ukuze \nd uThixo\nd* adedise ulaka lwakhe oluvuthayo; alitshengisele umusa wakhe, abe lozwelo kini, andise amanani enu, njengoba wathembisa ngesifungo kubokhokho benu, 
\v 18 ngoba lilalela \nd uThixo\nd* uNkulunkulu wenu, ligcina imilayo yakhe le engilinika yona lamuhla njalo lisenza okulungileyo emehlweni akhe.”
\c 14
\s1 Ukudla Okuhlanzekileyo Lokungahlanzekanga
\p
\v 1 “Lingabantwana \nd bakaThixo\nd* uNkulunkulu wenu. Lingabozisika loba liphuce amakhanda enu lizilela abafileyo, 
\v 2 ngoba lingabantu abangcwele \nd kuThixo\nd* uNkulunkulu wenu. Ebantwini bonke abasemhlabeni, \nd uThixo\nd* ulikhethile lina ukuthi libe ngabantu bakhe abaligugu.
\p
\v 3 Lingadli loba kuyini okunengisayo. 
\v 4 Nanzi izinyamazana elingazidla: inkomo, imvu, imbuzi, 
\v 5 umziki, impala, umziki obomvu, imbuzi yeganga, imbuzi mawa, umtshwayeli lemvu yentaba. 
\v 6 Lingadla zonke izinyamazana ezilenklagu ezivulekileyo lezentshisayo. 
\v 7 Kodwa-ke kulezo ezilenklagu ezivulekileyo loba lezo ezentshisayo zilani lingadli ikamela, umvundla loba imbila. Zingcolile kini ngokomkhuba. 
\v 8 Ingulube layo ayihlanzekanga; lanxa ilenklagu ezivulekileyo kayentshisi. Lingabokudla inyama yazo, lingathinti lezidumbu zazo.
\p
\v 9 Kuzozonke izidalwa ezihlala emanzini, lingadla zonke lezo ezilempiko lamaxolo. 
\v 10 Kodwa konke lokho okungelampiko lamaxolo akumelanga likudle; kungcolile kini.
\p
\v 11 Lingadla loba yiphi inyoni ehlanzekileyo. 
\v 12 Kodwa lezi lingazidli: ukhozi, ilinqe elimnyama, 
\v 13 uhelwane olubomvu, uhelwane olumnyama, loba yiwuphi umhlobo womzwazwa 
\v 14 loba yiphi imihlobo yamawabayi, 
\v 15 isikhova esilesicholo, ingabuzane, idada lolwandle, loba wuphi umhlobo wokhozi, 
\v 16 umandukulo, isikhova esikhulu, isikhova esimhlophe, 
\v 17 isikhova senkangala, ukhozi lwenhlanzi, itshayamanzi, 
\v 18 ingabuzane, lawuphi umhlobo welanda, imvenduna lomalulwane.
\p
\v 19 Zonke izibungu eziphaphayo zingcolile kini; lingabozidla. 
\v 20 Kodwa konke okulempiko okuhlanzekileyo kudleni.
\p
\v 21 Lingabokudla ingcuba. Lingakunika loba ngubani owezizweni ohlezi loba kukuliphi phakathi kwamadolobho enu, yena angakudla, ulakho njalo ukuthi angathengisela omunye laye owezizweni. Kodwa lina lingabantu abangcwele \nd kuThixo\nd* uNkulunkulu wenu.
\p Lingapheki izinyane lembuzi ngochago lukanina.”
\s1 Okwetshumi
\p
\v 22 “Wobani leqiniso ukuthi libeka eceleni lokhu okuyingxenye eyodwa yetshumi yesivuno somnyaka. 
\v 23 Dlanini okwetshumi kwamabele enu, iwayini elitsha lamafutha, kanye lamazibulo emihlambi yenkomo zenu lawezimvu emehlweni \nd kaThixo\nd* uNkulunkulu wenu endaweni azalikhethela yona ukuba ibe leBizo lakhe, ukuze lifunde ukumphakamisa \nd uThixo\nd* uNkulunkulu wenu ngezikhathi zonke. 
\v 24 Kodwa nxa leyondawo ikhatshana kakhulu lina libusisiwe \nd nguThixo\nd* uNkulunkulu wenu njalo lingenelisi ukuthwala okwetshumi kwenu (ngenxa yokuthi lapho \nd uThixo\nd* akhethe ukubeka khona iBizo lakhe kukhatshana kakhulu), 
\v 25 thengisani okwetshumi kwenu ngesiliva, libe selithatha lihambe lesiliva liye endaweni leyo ezabe ikhethwe \nd nguThixo\nd* uNkulunkulu wenu. 
\v 26 Sebenzisani isiliva lithenge ngaso loba yini elifuna ukuyithenga: inkomo, izimvu, iwayini loba kuyini elikufunayo. Ngakho lina kanye labendlu yenu lizakudla khonapho phambi \nd kukaThixo\nd* uNkulunkulu wenu njalo libe lokujabula. 
\v 27 Njalo lingakhohlwa abaLevi abahlala emadolobheni enu, ngoba abalaso isabelo esingesabo njalo abaphiwanga ilifa.
\p
\v 28 Ekupheleni kweminyaka emithathu, lethani okwetshumi kwesivuno salowomnyaka likugcine emadolobheni enu, 
\v 29 yikho kuzakuthi abaLevi (bona abangelasabelo loba ilifa elingelabo) kanye labezizweni, izintandane ezingelaboyise labafelokazi abahlala emadolobheni enu beze labo bazokudla basuthe, njalo kuze kuthi \nd uThixo\nd* uNkulunkulu wenu alibusise kuyo yonke imisebenzi yezandla zenu.”
\c 15
\s1 Umnyaka Wokwesulwa Kwezikwelede
\p
\v 1 “Ekupheleni kweminyaka eyisikhombisa kumele lesule izikwelede. 
\v 2 Nanso indlela elizakuphatha ngayo: Wonke umuntu owake waboleka omunye wakibo wako-Israyeli impahla yakhe kumele esule lesosikwelede. Akusafanelanga ukuthi adinge ukuhlawulwa ngomunye wakhe wako-Israyeli loba umfowabo, ngoba isikhathi \nd sikaThixo\nd* sokwesula izikwelede sesimenyezelwe. 
\v 3 Lilakho ukuthi lihlawulwe ngabezizweni, kodwa kumele lesule isikwelede umfowenu ayabe elaso kini. 
\v 4 Kodwa akungabi lomuntu oswelayo phakathi kwenu, ngoba elizweni lelo \nd uThixo\nd* uNkulunkulu wenu alinika lona ukuze libe yilifa lenu, uzalibusisa kakhulu, 
\v 5 nxa lizalalela \nd uThixo\nd* uNkulunkulu wenu linanzelele njalo ukuthi liyayilandela yonke imilayo yakhe engilethulela yona lamuhla. 
\v 6 Kungenxa yalokho \nd uThixo\nd* uNkulunkulu wenu azalibusisa njengokulithembisa kwakhe, njalo lizakweboleka izizwe ezinengi kodwa lina aliyikweboleka lutho kuzo. Lizabusa phezu kwezizwe ezinengi kodwa lina akulasizwe esizalibusa.
\p
\v 7 Nxa ekhona ongumyanga phakathi kwabafowenu emadolobheni la \nd uThixo\nd* uNkulunkulu wenu alinika wona lasemazweni eliwaphiweyo, lingabi lezinhliziyo ezilukhuni loba ukuba ngabancitshanayo kumfowenu ongumyanga. 
\v 8 Kuhle ukuthi libe ngabaphanayo limeboleke ngokukhululeka loba yini ayiswelayo. 
\v 9 Limukani lingagcini umnakano omubi othi: ‘Umnyaka wesikhombisa, umnyaka wokwesulwa kwezikwelede, ususondele,’ ukuze lingabi lomoya omubi ngomfowenu oswelayo lingabe lisamnika lutho. Kungenzeka acele \nd kuThixo\nd* ukuba alihlanekele, libe selifunyanwa lilesono. 
\v 10 Mupheni okunengi njalo lokhu likwenze ngezinhliziyo ezingelamona; kanti-ke ngenxa yalokho \nd uThixo\nd* uNkulunkulu wenu uzalibusisa kuyo yonke imisebenzi yenu lakukho konke elibeka izandla zenu kukho. 
\v 11 Kuzahlala kulokhu kulabantu abangabayanga elizweni. Ngakho ngiyalilaya ukuba phanini ngezandla ezivulekileyo kubafowenu kanye lakubo bonke abangabayanga labaswelayo elizweni lenu.”
\s1 Ukukhulula Izisebenzi
\p
\v 12 “Nxa omunye wenu ongumHebheru, owesilisa loba owesifazane, ezithengisile kini, angasebenza iminyaka eyisithupha, ngomnyaka wesikhombisa kumele limkhulule azihambele. 
\v 13 Mhla limkhulula lingamyekeli ehamba eze engaphethe lutho. 
\v 14 Mnikeni emihlambini yenu ngomoya wokuphana, lasemabeleni asebhuliwe kanye lewayini eselihluziwe. Mnikeni njengokubusiswa kwenu \nd nguThixo\nd* uNkulunkulu wenu. 
\v 15 Khumbulani ukuthi laliyizigqili eGibhithe \nd uThixo\nd* uNkulunkulu wenu walikhulula. Yikho ngilinika umlayo lo lamuhla.
\p
\v 16 Kodwa nxa isisebenzi senu singathi kini, ‘Angifuni ukusuka lapha,’ ngenxa yokuthi siyalithanda lina labendlu yenu njalo sihlezi kuhle lani, 
\v 17 thathani usungulo libhobozele indlebe yaso emnyango, sihle sibe yisisebenzi senu kokuphela. Lokhu likwenze lasesigqilini sesifazane.
\p
\v 18 Lingakuthathi njengomthwalo onzima ukukhulula izisebenzi zenu, ngoba umsebenzi esiyabe sikwenzele wona eminyakeni eyisithupha uyalingana lomsebenzi ophindwe kabili owenziwa ngoqhatshiweyo. Ngakho \nd uThixo\nd* uNkulunkulu wenu uzalibusisa kukho konke elikwenzayo.”
\s1 Amazibulo Ezifuyo
\p
\v 19 “Yehlukaniselani \nd uThixo\nd* uNkulunkulu wenu amazibulo wonke amaduna emihlambini yenu kanye leyezimvu. Lingasebenzisi loba yiliphi izibulo emhlambini loba owezimvu njalo lingagundi uboya bamazibulo ezimvu zenu. 
\v 20 Ngayo yonke iminyaka lina kanye labendlu yenu lizawadla phambi \nd kukaThixo\nd* uNkulunkulu wenu endaweni azayikhetha yena. 
\v 21 Nxa inyamazana ilesici, iqhula loba iyisiphofu, loba ilokunye okusolekayo, linganikeli ngayo \nd kuThixo\nd* uNkulunkulu wenu. 
\v 22 Leyo lizayidlela emadolobheni enu. Bonke abahlanzekileyo labangahlanzekanga ngokomkhuba balakho ukuyidla, kungani badla ithaka lembabala. 
\v 23 Kodwa lingadli igazi lazo, lichitheleni emhlabathini kungathi lichitha amanzi.”
\c 16
\s1 IPhasika
\p
\v 1 “Gcinani inyanga ka-Abhibhi njalo lihloniphe iPhasika \nd likaThixo\nd* uNkulunkulu wenu, ngoba ngenyanga ka-Abhibhi walikhupha eGibhithe ngobusuku. 
\v 2 Nikelani okwePhasika \nd kuThixo\nd* uNkulunkulu wenu ngesifuyo esivela emhlambini wenu loba emhlambini wezimvu endaweni ezakhethwa \nd nguThixo\nd* uNkulunkulu wenu ukuba ibe yindawo yebizo lakhe. 
\v 3 Lingasidli ndawonye lesinkwa esilemvubelo, kodwa okwensuku eziyisikhombisa kumele lidle isinkwa esingelamvubelo, isinkwa sokuhlupheka, ngoba lasuka eGibhithe ngokujaha ukuze insuku zonke zokuphila kwenu likhumbule isikhathi elasuka ngaso eGibhithe. 
\v 4 Akungafunyanwa mvubelo kini lakulo lonke ilizwe lenu okwensuku eziyisikhombisa. Njalo lingatshiyi inyama yomhlatshelo wantambama ivuke ilokhu ikhona ngosuku olulandelayo.
\p
\v 5 Linganikeli okwePhasika loba kukuliphi idolobho \nd uThixo\nd* uNkulunkulu wenu azalinika lona 
\v 6 ngaphandle kwalapho azakhetha khona ukuba kube yindawo yeBizo lakhe. Kulapho elizakwenzela khona umhlatshelo wePhasika ntambama, ekutshoneni kwelanga, kuyisikhumbuzo selanga elasuka ngalo eGibhithe. 
\v 7 Yoseni libe seliyidlela endaweni \nd uThixo\nd* uNkulunkulu wenu azalikhethela yona. Kuzakuthi ekuseni libuyele emathenteni enu. 
\v 8 Okwensuku eziyisithupha lizakudla isinkwa esingelamvubelo kuthi ngosuku lwesikhombisa libuthane \nd kuThixo\nd* uNkulunkulu wenu lingenzi msebenzi.”
\s1 UMkhosi WamaViki
\p
\v 9 “Balani amaviki ayisikhombisa kusukela mhla liqalisa ukuvuna amabele. 
\v 10 Beselithakazelela uMkhosi wamaViki \nd kuThixo\nd* uNkulunkulu wenu ngokupha umnikelo wokuzithandela kusiya ngezibusiso \nd uThixo\nd* uNkulunkulu wenu aliphe zona. 
\v 11 Ngakho thokozani phambi \nd kukaThixo\nd* uNkulunkulu wenu endaweni azayikhethela ukuba ngeyeBizo lakhe, lina lamadodana lamadodakazi enu, izinceku lezincekukazi zenu zesifazane, abaLevi abasemadolobheni enu, kanye labezizweni, izintandane labafelokazi abahlezi phakathi kwenu. 
\v 12 Khumbulani ukuthi laliyizigqili eGibhithe, ngakho landelani leziziqondiso ngonanzelelo.”
\s1 UMkhosi WeziHonqo
\p
\v 13 “Gcinani uMkhosi weziHonqo okwensuku eziyisikhombisa ngemva kokubutha amabele enu ezindaweni zokubhulela lezokuhluzela iwayini. 
\v 14 Thokozani emkhosini wenu, lina, amadodana enu kanye lamadodakazi enu, izinceku lezincekukazi zenu, kanye labaLevi, abezizweni, izintandane kanye labafelokazi abahlezi emadolobheni enu. 
\v 15 Okwensuku eziyisikhombisa thakazelelani umkhosi \nd kuThixo\nd* uNkulunkulu wenu ezindaweni ezakhethwa \nd nguThixo\nd*. Ngoba \nd uThixo\nd* uNkulunkulu wenu uzalibusisa esivunweni senu sonke kanye lemisebenzini yezandla zenu, ukuze kupheleliswe intokozo yenu.
\p
\v 16 Kathathu ngomnyaka, wonke amadoda kumele aziveze phambi \nd kukaThixo\nd* uNkulunkulu wenu endaweni azayikhetha, eMkhosini weSinkwa esingelaMvubelo, eMkhosini wamaViki kanye leMkhosini weziHonqo. Akungabi lamuntu ozabuya phambi \nd kukaThixo\nd* engaphathanga lutho: 
\v 17 Ngamunye phakathi kwenu kumele lize liphethe isipho kusiya ngokuthi liphiwe labusiswa ngokunganani \nd nguThixo\nd* uNkulunkulu wenu.”
\s1 Abahluleli
\p
\v 18 “Khethani abehluleli lezikhulu ezizwaneni zenu zonke kuwo wonke amadolobho enu elizawaphiwa \nd nguThixo\nd* uNkulunkulu wenu, njalo bahlulele abantu ngemfanelo. 
\v 19 Lingonakalisi ukulunga loba libandlulule. Lingavumi ukufunjathiswa ngoba ukufunjathiswa kufiphaza amehlo abahlakaniphileyo kulahlekise amazwi omuntu ongelacala. 
\v 20 Landelani ukulunga lilandele khona kuphela, khona lizaphila lilithumbe ilizwe \nd uThixo\nd* uNkulunkulu wenu alinika lona.”
\s1 Ukukhonza Abanye Onkulunkulu
\p
\v 21 “Lingazimiseli o-Ashera bezigodo phansi kwe-alithari elizalakhela \nd uThixo\nd* uNkulunkulu wenu, 
\v 22 njalo lingamisi ilitshe elizakuthi lina lingcwele, ngoba \nd uThixo\nd* uNkulunkulu wenu uyakuzonda lokho.”
\c 17
\p
\v 1 “Lingenzi umhlatshelo \nd kuThixo\nd* uNkulunkulu wenu ngenkabi loba imvu elesici lesolekayo, ngoba lokho kuyisinengiso kuye.
\p
\v 2 Nxa kulendoda loba owesifazane ohlala phakathi kwenu kwelinye lamadolobho eliwaphiwa \nd nguThixo\nd* uNkulunkulu wenu limfumana esona emehlweni \nd kaThixo\nd* uNkulunkulu wenu esephula isivumelwano, 
\v 3 njalo ngokwephula imilayo yami esezikhonzela abanye onkulunkulu, ebakhothamela loba ekhonza ilanga loba inyanga loba izinkanyezi zezulu, 
\v 4 kube kanti lokhu sekubikiwe kini, kutsho ukuthi kuzamele likuchwayisise ngokupheleleyo. Nxa kuliqiniso njalo sekubonakele ukuthi kuliqiniso lokhu okuyisinengiso okwenzakele ko-Israyeli, 
\v 5 thathani leyondoda loba owesifazane lowo owenze lesi senzo esibi limuse esangweni ledolobho lenu limkhande ngamatshe aze afe. 
\v 6 Ngobufakazi bababili loba abathathu indoda izabulawa, kodwa kakho ozabulawa ngobufakazi bomuntu oyedwa kuphela. 
\v 7 Akuthi ofakazi labo kube yibo abaqalisayo ukumkhanda, besekulandela bonke abanye abantu. Kumele lisuse ububi phakathi kwenu.”
\s1 Imithethwandaba
\p
\v 8 “Nxa amacala eza phambi kwemithethwandaba yenu enzima ukuwahlulela, loba awokuchitha igazi, ukwephula imithetho loba awokuhlaselwa, athatheni liye lawo endaweni \nd uThixo\nd* uNkulunkulu wenu azayikhetha. 
\v 9 Hambani kubaphristi, abangabaLevi, kanye lakumahluleli osesikhundleni okwalesosikhathi. Buzani kibo bona bazalinika isigwebo esifaneleyo. 
\v 10 Lina-ke kumele lenze njengokucebisa kwabo endaweni \nd uThixo\nd* azayikhetha. Linanzelele ukuthi lenza lokho kanye abaliqondisa ukuba likwenze. 
\v 11 Yenzani ngokomthetho njengalokho abalifundisa ngakho lezinqumo abalipha zona. Lingaphambuki kulokho abalitshela khona, liye kwesokudla loba kwesenxele. 
\v 12 Indoda etshengisela ukudelela iseyisa umahluleli loba umphristi owenza umsebenzi wokukhonza khonapho \nd uThixo\nd* uNkulunkulu wenu kumele ibulawe. Kumele lisuse bonke ububi phakathi kuka-Israyeli. 
\v 13 Bonke abantu bazakuzwa besabe, bangabe besadelela futhi.”
\s1 Inkosi
\p
\v 14 “Ekungeneni kwenu elizweni \nd uThixo\nd* uNkulunkulu wenu alinika lona selilithethe laba ngelenu njalo selihlezi kulo, njalo selisithi, ‘Asibekeni inkosi isibuse ukuze sifanane lezinye izizwe esakhelene lazo,’ 
\v 15 wobani leqiniso lokuthi libeka inkosi ekhethwe \nd nguThixo\nd* uNkulunkulu wenu. Kumele abe ngomunye wabafowenu. Lingafaki umuntu wezizweni ukuba alibuse, ongasiye wakini ko-Israyeli. 
\v 16 Inkosi njalo akumelanga izifuyele amabhiza amanengi loba ithume abantu babuyele eGibhithe ukuyazuza amanye khona ngoba \nd uThixo\nd* ulitshelile wathi, ‘Lingaphindi liyihambe njalo leyondlela.’ 
\v 17 Kayingathathi abafazi abanengi funa inhliziyo yayo idukiswe. Kayingazinothisi ngesiliva langegolide elinengi kakhulu.
\p
\v 18 Nxa isithatha isihlalo sobukhosi bombuso wayo kayithathe umqulu izilobele kulo umthetho lo iwuthatha encwadini yabaphristi abangabaLevi. 
\v 19 Umqulu lowo kawuhlale ukuyo, ihlale iwubala zonke insuku zokuphila kwayo ukuze ifunde ukwesaba \nd uThixo\nd* uNkulunkulu wayo, ilandele ngokunanzelela wonke amazwi omthetho lo lalezi izimiso, 
\v 20 njalo ukuze ingazenzi ongcono kulabanye abakibo, ingaphambuki emthethweni iye ngakwesokunene loba ngakwesokhohlo. Ngakho yona kanye lezizukulwane zayo bazabusa isikhathi eside embusweni wayo ko-Israyeli.”
\c 18
\s1 Iminikelo YabaPhristi LabaLevi
\p
\v 1 “Abaphristi abangabaLevi ngempela, isizwana sonke sabaLevi kabangabi lesabelo loba ilifa ndawonye labako-Israyeli. Bazaphila ngemihlatshelo yokudla enikelwa \nd kuThixo\nd*, ngoba leli yilo ilifa labo. 
\v 2 Abayikuba lelifa phakathi kwabafowabo; \nd uThixo\nd* uyilifa labo, njengokuthembisa kwakhe.
\p
\v 3 Le yiyo ingxenye yabaphristi ezavela emihlatshelweni yabantu eyenkunzi loba eyemvu: umkhono, inhloko kanye lezangaphakathi. 
\v 4 Kufanele libaphe izithelo zakuqala zamabele enu, iwayini elitsha lamafutha, uboya bakuqala ekugundweni kwezimvu zenu, 
\v 5 ngoba \nd uThixo\nd* uNkulunkulu wenu ubakhethile bona kanye lezizukulwane zabo phakathi kwazo zonke izizwana zenu ukuze kube yibo abazakwenza umsebenzi wokukhonza ebizweni \nd likaThixo\nd* ngezikhathi zonke.
\p
\v 6 Nxa umLevi angasuka kwelinye lamadolobho enu loba kungaphi kwelabako-Israyeli lapho abehlala khona, abeseziletha ngokuzimisela endaweni ezakhethwa \nd nguThixo\nd*, 
\v 7 angenza umsebenzi wokukhonza ebizweni \nd likaThixo\nd* uNkulunkulu wakhe njengabo bonke abafowabo abangabaLevi abasebenzela khonapho phambi \nd kukaThixo\nd*. 
\v 8 Uzakwabelana labanye bakhe ngokulinganayo kulokho abakuzuzayo, lanxa yena esezuze imali ekuthengisweni kwempahla yakwabo.”
\s1 Izenzo Ezinengekayo
\p
\v 9 “Lapho selingena elizweni \nd uThixo\nd* uNkulunkulu wenu alinika lona, lingabozifundisa ukulingisa izenzo ezinengekayo zezinye izizwe khonale. 
\v 10 Akungabi lamuntu phakathi kwenu ozakwenza umhlatshelo ngendodana yakhe loba indodakazi yakhe ngomlilo, kangabi ovumisayo loba ochasisa ngemibono, ochasisa imilingo njalo oyenza okuphathelane lobuthakathi, 
\v 11 ophosayo, loba isanuse loba isangoma loba obuza kwabafileyo. 
\v 12 Loba ngubani owenza lezizinto uyisinengiso \nd kuThixo\nd*, kanti njalo ngenxa yezenzo lezi ezinengekayo \nd uThixo\nd* uNkulunkulu wenu azazixotsha phambi kwenu lezizizwe. 
\v 13 Kumele libemsulwa phambi \nd kukaThixo\nd* uNkulunkulu wenu.”
\s1 Umphrofethi
\p
\v 14 “Izizwe elizazithathela ilizwe zilalela okwalabo abathakathayo labavumisayo. Kodwa lina, \nd uThixo\nd* uNkulunkulu wenu kalivumeli ukukwenza lokho. 
\v 15 \nd UThixo\nd* uNkulunkulu wenu uzalivusela umphrofethi phakathi kwabafowenu njengami. Libomlalela. 
\v 16 Lokhu yikho elakucela \nd kuThixo\nd* uNkulunkulu wenu eHorebhi mhla wosuku lokuhlangana lapho elathi, ‘Asingalizwa ilizwi \nd likaThixo\nd* uNkulunkulu wethu njalo singaboni umlilo omkhulu futhi, ngoba singafa.’
\p
\v 17 \nd UThixo\nd* wathi kimi: ‘Lokho abakutshoyo kuhle. 
\v 18 Ngizabavezela umphrofethi onjengawe phakathi kwabafowabo; ngizamfunza amazwi ami, yena nguye ozabatshela konke engizamlaya ngakho. 
\v 19 Nxa loba ngubani ongayikulalela amazwi ami azakhulunywa ngumphrofethi ngebizo lami, mina ngokwami yimi engizamelana laye. 
\v 20 Kodwa-ke umphrofethi ozenza okhuluma amazwi ami wona kungesiwo engimlaye ngawo ukuba awatsho, loba umphrofethi okhuluma ngebizo labanye onkulunkulu, kumele abulawe.’
\p
\v 21 Lingazitshela lokhu lithi, ‘Singakwazi njani ukuthi lelilizwi kaliveli \nd kuThixo\nd* na?’ 
\v 22 Nxa lokho okumenyezelwa ngumphrofethi ngebizo \nd likaThixo\nd* kungenzakali loba kungagcwaliseki, lokho kuyilizwi eliyabe lingaveli \nd kuThixo\nd*. Lowo mphrofethi uyabe ekhuluma ize. Lingamesabi.”
\c 19
\s1 Amadolobho Okuphephela
\p
\v 1 “Kuzakuthi lapho \nd uThixo\nd* uNkulunkulu wenu esebhubhise izizwe zelizwe lelo alinika lona, futhi lani selizixotshile njalo lahlala emadolobheni kanye lasezindlini zazo, 
\v 2 kulapho-ke eselingazikhethela amadolobho amathathu enkabazwe yelizwe lelo \nd uThixo\nd* uNkulunkulu wenu alinika lona ukuba libe ngelenu. 
\v 3 Yakhani imigwaqo eqonda kuwo njalo lehlukanise ilizwe lelo \nd uThixo\nd* uNkulunkulu wenu alinike lona njengelifa lenu libe yizigaba ezintathu, ukuze kuthi loba ngubani obulala umuntu abalekele khona.
\p
\v 4 Lesi yisimiso maqondana lomuntu obulala omunye abesebalekela khona ukuze asindise impilo yakhe, lowo obulala umakhelwane wakhe engakunxwanelanga ngomona njalo engamqophanga. 
\v 5 Njengokuthi, umuntu angaya egangeni ukuyagamula inkuni lomakhelwane wakhe, kuthi lapho egamula isihlahla ngehloka lakhe, ihloka likhumuke emphinini litshaye umakhelwane wakhe afe. Lowomuntu angabalekela kwelinye lamadolobho lawo ukuze asindise impilo yakhe. 
\v 6 Phela kungenzeka ukuthi umphindiseli wegazi axotshane lombulali ngentukuthelo, amfice nxa umango umude kakhulu, ambulale lanxa lowombulali ubengafanelanga ukufa, ngoba engambulalanga ngabomo langenxa yenzondo umakhelwane wakhe. 
\v 7 Yikho-nje ngilaye ukuthi lizehlukanisele amadolobho amathathu.
\p
\v 8 Nxa \nd uThixo\nd* uNkulunkulu wenu angaqhelisa isabelo senu njengokuthembisa kwakhe okhokho benu ngesifungo, aliphe lonke ilizwe abathembisa lona, 
\v 9 ngoba lilandela ngokunanzelela yonke imithetho engililaya yona lamuhla, ukuthanda \nd uThixo\nd* uNkulunkulu wenu lokuhamba kokuphela ngezindlela zakhe, kufanele ukuthi likhethe amanye njalo amadolobho amathathu. 
\v 10 Kwenzeni lokhu ukuze kungachitheki igazi elingelacala elizweni lenu, lelo \nd uThixo\nd* uNkulunkulu wenu alinika lona njengelifa lenu, njalo lokuthi lingabi lecala lokuchitha igazi.
\p
\v 11 Kodwa nxa umuntu emzonda umakhelwane wakhe, amcathamele, amtshaye ambulale, abesebalekela kwelinye lamadolobho la, 
\v 12 abakhokheli bedolobho lakibo bazamthumela abantu, bamlande kulelodolobho babuye laye, bamnikele kumphindiseli wegazi ukuba afe. 
\v 13 Lingamzweli isihawu. Kufanele liqede ububi bokuchitha igazi elingelacala ko-Israyeli ukuze kulilungele.
\p
\v 14 Lingabosusa izikhonkwane zomngcele wendawo kamakhelwane wenu ezabethelwa ngabalandulelayo kulo ilifa eliliphiwa elizweni \nd uThixo\nd* uNkulunkulu wenu alinika lona ukuba libe ngelenu.”
\s1 Ofakazi
\p
\v 15 “Ufakazi oyedwa angeke afakaze kwanele ukuthi umuntu olomlandu wokwenza loba licala bani etheswe icala. Indaba ingaqiniswa ngofakazi ababili loba abathathu.
\p
\v 16 Nxa ufakazi wamanga emelana lendoda eyetheswa icala, 
\v 17 amadoda la womabili axabeneyo afanele ukuthi ame phambi \nd kukaThixo\nd* phambi kwabaphristi kanye labehluleli abayabe besesikhundleni ngalesosikhathi. 
\v 18 Abahluleli kumele bachwayisise ngokupheleleyo kuthi lapho bangafumana ukuthi ufakazi uqamba amanga, esipha ubufakazi bamanga ngomzalwane wakhe, 
\v 19 lizakwenza kuye khonokho abehlose ukukwenza kumzalwane wakhe. Kumele liqede ububi phakathi kwenu. 
\v 20 Abanye bonke abantu bazakuzwa ngalokhu besabe, ngakho akusayikwenziwa futhi phakathi kwenu ububi obunjalo. 
\v 21 Lingabi lozwelo: ukuphila akwenanwe yikuphila, ilihlo ngelihlo, izinyo ngezinyo, isandla ngesandla, unyawo ngonyawo.”
\c 20
\s1 Imithetho Yempi
\p
\v 1 “Lapho liphuma ukuyakulwa lesitha senu empini libe selibona amabhiza lezinqola kanye lebutho elikhulu ukwedlula elenu, lingabesabi, ngoba \nd uThixo\nd* uNkulunkulu wenu, owalikhupha eGibhithe, uzakuba lani. 
\v 2 Nxa selilungele ukuhlasela, umphristi uzakuza akhulume lebutho. 
\v 3 Uzakuthi: ‘Zwana, wena Israyeli, namuhla liya ekuhlaseleni izitha zenu. Lingapheli amandla kumbe lesabe; lingatshaywa luvalo njalo lethuke phambi kwabo. 
\v 4 Ngoba \nd uThixo\nd* uNkulunkulu wenu nguye ohamba lani ukuyalilwela ezitheni zenu ukuba linqobe.’
\p
\v 5 Izikhulu zizakuthi ebuthweni: ‘Ukhona owakhe indlu entsha ongakayihlali na? Kabuyele emzini wakhe, funa afe empini kuthi omunye asale esezihlalela endlini yakhe. 
\v 6 Ukhona ohlanyele isivini kodwa engakadli izithelo zaso na? Kabuyele emzini wakhe, funa afe empini kuthi omunye azidlele izithelo zaso. 
\v 7 Ukhona osethembise owesifazane kodwa engakamthathi ukuthi abe ngumkakhe na? Kabuyele emzini wakhe, funa afe empini kuthi omunye umuntu amthathe’ 
\v 8 Izikhulu zizaqhubeka zithi, ‘Ikhona indoda eyesabayo kumbe ephelelwa ngamandla na? Kayibuyele emzini wayo ukuze abafowabo labo bangaphelelwa ngamandla.’ 
\v 9 Kuzakuthi lapho izikhulu seziqedile ukukhuluma lebutho, zizakhetha abalawuli bebutho.
\p
\v 10 Nxa lisiya edolobheni ukuthi lihlasele, khulumani labantu bakulelodolobho lidinga ukuthula. 
\v 11 Bangavuma njalo balivulele amasango abo, bonke abantu bakulelodolobho bazakuba yizichaka zenu balisebenzele. 
\v 12 Kodwa bangala ukwamukela amazwi enu okuthula balihlasele, livimbezeleni lelodolobho. 
\v 13 Kuzakuthi lapho \nd uThixo\nd* uNkulunkulu wenu esenikele idolobho lelo kini, libulale amadoda wonke ngenkemba. 
\v 14 Kodwa abesifazane, abantwana, izifuyo kanye lakho konke okukulelodolobho kuzakuba yimpango yenu. Yonke impango yezitha zenu \nd uThixo\nd* uNkulunkulu wenu alinika yona izakuba ngeyenu. 
\v 15 Lokhu yikho okumele likwenze emadolobheni wonke akude lani njalo angasiwo ezizwe ezihlala eduzane lani.
\p
\v 16 Kanti-ke, emadolobheni ezizwe \nd uThixo\nd* uNkulunkulu wenu alinika wona njengelifa, lingatshiyi lutho oluphefumulayo luphila. 
\v 17 Lizawabhubhisa liwaqede wonke amaHithi, ama-Amori, amaKhenani, amaPherizi, amaHivi kanye lamaJebusi njengokulaywa kwenu \nd nguThixo\nd* uNkulunkulu wenu. 
\v 18 Funa balifundise ukwenza imikhuba yabo enengekayo yokukhonza onkulunkulu babo, lone \nd kuThixo\nd* uNkulunkulu wenu.
\p
\v 19 Nxa idolobho selilivimbezele okwesikhathi eside, lilihlasela ukuze lilithumbe, lingatshabalalisi izihlahla zalo ngokuzigamula, ngoba lingadla izithelo zazo. Lingazigamuli. Kambe izihlahla zeganga zingabantu ukuthi lingazivimbezela na? 
\v 20 Kodwa-ke lingagamula izihlahla elizaziyo ukuthi azitheli izithelo ezidliwayo ukuze lizisebenzise ekwakheni amadumba lize linqobe ledolobho lelo empini.”
\c 21
\s1 Ukuhlawulelwa Kokubulala
\p
\v 1 “Nxa kungafunyanwa umuntu obuleweyo egangeni, elizweni \nd uThixo\nd* uNkulunkulu wenu alinika lona ukuba libe ngelenu, kungaziwa ukuthi ubulewe ngubani, 
\v 2 abakhokheli kanye labehluleli benu bazakuya balinganise umango phakathi kwalowo obuleweyo lamadolobho aseduze. 
\v 3 Kuzakuthi abakhokheli bamadolobho aseduzane lesidumbu leso bathathe ithokazi elingakaze lisetshenziswe futhi okungakaze kugaxwe ijogwe phezu kwalo 
\v 4 balithintele esigodini esingakaze silinywe kumbe kuhlanyelwe ulutho kiso njalo lapho okulesifula esigelezayo khona. Kabephule intamo yalo khonapho esigodini leso. 
\v 5 Abaphristi, amadodana kaLevi, bazasondela, ngoba \nd uThixo\nd* uNkulunkulu wenu ubakhethile ukuba benze inkonzo njalo bamemezele izibusiso ebizweni \nd likaThixo\nd* bahlulele amacala okuxabana lawokulwa. 
\v 6 Abakhokheli balawo madolobho aseduzane lesidumbu leso bazagezela izandla zabo phezu kwethokazi elephulelwe intamo esigodini, 
\v 7 bafakaze bathi: ‘Izandla zethu kazilichithanga leligazi, futhi asibonanga kusenzeka. 
\v 8 Yamukela lindlela yokubuyisana yabantu bakho abako-Israyeli, obahlengileyo, Oh \nd Thixo\nd*, ungabeki icala phezu kwabantu bakho ngenxa yegazi lomuntu omsulwa.’ Ngakho ukuchithwa kwegazi kuzahlawulelwa. 
\v 9 Ngalokho lizazigeza emlandwini wokuchitha igazi elingelacala, njengoba selenzile okuhle emehlweni \nd kaThixo\nd*.”
\s1 Ukuthatha Umfazi Othunjiweyo
\p
\v 10 “Nxa usiya empini ukuyahlasela izitha zakho kuthi \nd uThixo\nd* uNkulunkulu wenu anikele izitha zenu ezandleni zenu, lizithumbe, 
\v 11 ungabona owesifazane omuhle njalo akukhange, ungamthatha abe ngumkakho. 
\v 12 Uzamusa emzini wakho, aphuce ikhanda lakhe, aqume inzipho zakhe njalo 
\v 13 akhulule izigqoko athunjwe ezigqokile. Kuzakuthi lapho eseqede inyanga eyodwa esemzini wakho elilela uyise lonina, usungamthatha abe ngumkakho, 
\v 14 kodwa nxa engakuthokozisi, umkhulule ayelapho athanda khona. Ungamthengisi kumbe umphathe njengesigqili, ngoba usumngcolisile.”
\s1 Ilungelo Lezibulo
\p
\v 15 “Nxa indoda ilabafazi ababili, ithande omunye kodwa omunye ingamthandi, kuthi bobabili bayizalele amadodana kodwa izibulo libe yindodana yomfazi engamthandiyo, 
\v 16 nxa ehlela ukwabela amadodana akhe impahla yakhe, akumelanga emuke izibulo lakhe ilungelo lalo aliphe indodana yomfazi amthandayo esikhundleni sezibulo langempela, indodana yomfazi engamthandiyo. 
\v 17 Kufanele itshengisele ukuthi indodana yomfazi ongathandwayo yilo izibulo ngokuyinika isabelo esiphindwe kabili sempahla yayo yonke. Indodana leyo iyisibonakaliso sakuqala samandla kayise. Ilungelo lobuzibulo ngelayo.”
\s1 Indodana Engumhlamuki
\p
\v 18 “Nxa indoda ilendodana eyisiqholo njalo engumhlamuki engalaleli uyise lonina nxa beyikhuza, 
\v 19 uyise lonina bazayibamba bayise ebadaleni esangweni ledolobho lakibo. 
\v 20 Kumele bafike ebadaleni balelodolobho bathi, ‘Indodana yethu le iyisiqholo njalo ingumhlamuki. Ayisilaleli. Iyisixhwali njalo iyisidakwa.’ 
\v 21 Ngakho wonke amadoda akulelodolobho azayitshaya ngamatshe ize ife. Kufanele liqede bonke ububi phakathi kwenu. U-Israyeli wonke uzakuzwa lokhu esabe.”
\s1 Eminye Imithetho
\p
\v 22 “Nxa umuntu olecala elikhulu ebulawa kuthi isidumbu silengiswe esihlahleni, 
\v 23 lingaboyekela isidumbu sakhe silenga esihlahleni ubusuku bonke. Kangcwatshwe mhlalokho, ngoba umuntu olengiswa esihlahleni uqalekisiwe nguNkulunkulu. Lingangcolisi ilizwe \nd uThixo\nd* uNkulunkulu wenu alinika lona njengelifa.”
\c 22
\p
\v 1 “Ungabona inkabi loba imvu yomfowenu iduha, ungayiyekeli kodwa ibuyisele kuye. 
\v 2 Nxa umzalwane wakho engahlali eduze lawe loba ungakwazi ukuthi isifuyo lesi ngesikabani, sithathe uhambe laso emzini wakho usigcine aze afike esidinga. Usungasibuyisela kuye. 
\v 3 Wenzenjalo ungafumana ubabhemi loba ibhatshi lomzalwane wakho loba kuyini okumlahlekeleyo. Ungakuyekeli.
\p
\v 4 Ungabona ubabhemi loba inkabi yomfowenu iwele endleleni, ungayiyekeli. Msize umfowenu ngokuyivusa.
\p
\v 5 Owesifazane angagqoki izigqoko zesilisa, lowesilisa angagqoki izigqoko zowesifazane, ngoba \nd uThixo\nd* uNkulunkulu wenu uyanengeka ngalowo owenza lokho.
\p
\v 6 Nxa ungafumana isidleke senyoni eceleni kwendlela, sisesihlahleni loba phansi, unina efukamele amatsiyane kumbe amaqanda akhe, ungathathi unina labantwabakhe. 
\v 7 Ungathatha abantwana, uyekele unina ahambe ukuze kube kuhle kuwe njalo ube lempilo ende.
\p
\v 8 Nxa usakha indlu entsha, uzakwakha umduli oluthango ophahleni lwayo ukuze kungabi lomuntu owayo ophahleni lwendlu yakho ube lecala lokuchitha igazi.
\p
\v 9 Ungahlanyeli inhlanyelo eziyimihlobo emibili esivinini sakho; ungakwenza, akuyikuba yizilimo ozihlanyelayo kuphela eziqalekiswayo, kodwa lezithelo zevini.
\p
\v 10 Ungabophi ndawonye ejogeni inkabi lobabhemi nxa ulima.
\p
\v 11 Ungagqoki isigqoko eselukwe ngewulu lelineni ndawonye.
\p
\v 12 Yenza intshaka uzithungele emiphethweni yomine yebhatshi lakho oligqokileyo.”
\s1 Ukwephulwa Kwemithetho Yokuthathana
\p
\v 13 “Nxa indoda ithatha umfazi, kuthi ngemva isike yalala laye, ingamthakazeleli 
\v 14 imgcone imbize ngamagama amabi, isithi, ‘Ngathatha umfazi lo, kodwa ngathi ngilala laye ngafumana ukuthi kaseyiyontombi egcweleyo,’ 
\v 15 ngakho uyise lonina wentombi bazaletha ubufakazi ebadaleni bakulelodolobho esangweni bokutshengisa ukuthi ibikade iyintombi. 
\v 16 Uyise wentombi uzakuthi ebadaleni, ‘Ngendisela indodakazi yami endodeni le, kodwa ayisamfuni. 
\v 17 Khathesi isiyigcona isithi, “Indodakazi yakho kangiyifumananga iyintombi egcweleyo.” Kodwa nampu ubufakazi bokuthi indodakazi yami iyintombi egcweleyo.’ Ngakho abazali bentombi bazakwendlala ilembu phambi kwabadala bakulelodolobho, 
\v 18 kuthi abadala bayijezise leyondoda. 
\v 19 Bazayihlawulisa amashekeli esiliva alikhulu, bawanike uyise wentombi, ngoba indoda le isigcone intombi yako-Israyeli. Intombi izaqhubeka ingumfazi wayo indoda; okwempilo yayo yonke akumelanga iyale lintombi.
\p
\v 20 Nxa kungenzeka ukuthi umlandu ewetheswayo uliqiniso njalo kungaze kwafunyanwa ubufakazi bobuntombi bayo, 
\v 21 izalethwa emnyango wendlu kayise kuthi amadoda akulelodolobho ayikhandele khona ngamatshe ize ife. Yenze into eyangisayo ko-Israyeli ngokungaziphathi ngesikhathi isahlala emzini kayise. Kumele liqede ububi phakathi kwenu.
\p
\v 22 Nxa indoda ingafunyanwa ilele lomfazi wenye indoda bobabili kumele babulawe. Kufanele liqede ububi ko-Israyeli.
\p
\v 23 Nxa kungenzeka ukuthi indoda ihlangane lentombi esikhombile edolobheni ilale layo, 
\v 24 lizabathatha bobabili libase esangweni lakulelodolobho libakhande ngamatshe khona baze bafe ngoba intombi kayihlabanga mkhosi ukuthi ilanyulelwe yona isedolobheni, njalo indoda isixhwalise umfazi wenye indoda. Kumele liqede ububi phakathi kwenu.
\p
\v 25 Kodwa nxa kungenzeka ukuthi indoda ihlangane lentombi esikhombile egangeni ibe isiyibamba, indoda ekwenzileyo lokhu yiyo kuphela ezakufa. 
\v 26 Lingenzi lutho entombini; kayenzanga sono esingabangela ukuthi ife. Lindaba iyafanana leyomuntu ohlasela abulale umakhelwane wakhe, 
\v 27 ngoba indoda ifumene inkazana egangeni, loba intombi le ekhombileyo ibihlabe umkhosi, bekungelamuntu wokuyilamulela.
\p
\v 28 Nxa kungenzeka ukuthi indoda ihlangane lentombi engakakhombi ibe isiyidlwengula njalo kwazakale. 
\v 29 Indoda leyo izahlawula uyise wentombi amashekeli esiliva angamatshumi amahlanu. Kumele iyithathe ibe ngumfazi wayo ngoba isiyingcolisile. Akumelanga iyale ukuphila kwayo konke.
\p
\v 30 Akumelanga ukuthi umuntu athathe umkayise; angahlazisi umbheda kayise.”
\c 23
\s1 Abangavunyelwayo
\p
\v 1 “Loba ngubani olimele amaphambili, kungaba ngokuthenwa kumbe ukugxotshwa kavunyelwa ukungena ebandleni \nd likaThixo\nd*.
\p
\v 2 Loba ngubani ozelwe ngobufebe loba izizukulwane zakhe kuze kube ngesetshumi, kavunyelwa ukungena ebandleni \nd likaThixo\nd*.
\p
\v 3 Kakho umʼAmoni loba owaseMowabi loba isizukulwane sakhe kuze kufike esizukulwaneni setshumi ozavunyelwa ukungena embuthanweni \nd kaThixo\nd*. 
\v 4 Kungenxa yokuthi abalihlangabezanga beliphathele isinkwa kanye lamanzi endleleni yenu ekuphumeni kwenu eGibhithe, bona basuka baqhatsha uBhalamu indodana kaBheyori owePhethori e-Aramu Naharayimu ukuba ehlisele isiqalekiso phezu kwenu. 
\v 5 Kodwa-ke, \nd uThixo\nd* uNkulunkulu wenu kazangalalele uBhalamu kodwa waphendula isiqalekiso saba yisibusiso kini, ngenxa yokuthi \nd uThixo\nd* uNkulunkulu wenu uyalithanda. 
\v 6 Lingadingi ukwakha ubungane labo ekuphileni kwenu konke.
\p
\v 7 Lingamenyanyi owase-Edomi, ngoba ungumfowenu. Lingamenyanyi umGibhithe, ngoba laphila njengabezizweni elizweni lakhe. 
\v 8 Isizukulwane sesithathu sabantwana abazalwa lapho bangangena ebandleni \nd likaThixo\nd*.”
\s1 Ukungahlanzeki Ezihonqweni
\p
\v 9 “Nxa lithobelene lezitha zenu ekuhlaseleni, xekani lakho konke okungahlanzekanga. 
\v 10 Nxa kukhona indoda phakathi kwenu ezichithele ngobudoda ebusuku, kumele iphumele ngaphandle kwezihonqo ihle iyehlala khonale. 
\v 11 Kodwa-ke akuthi ilanga selithambeka igeze, kuthi-ke ngokutshona kwelanga ibuyele ezihonqweni.
\p
\v 12 Khethani indawo ngaphandle kwezihonqo lapho elizayela ngaphandle khona. 
\v 13 Wobani lesikhali sokugebha kuthi lingaya ngaphandle, ligebhe igodi ligqibele leyongcekeza. 
\v 14 Ngenxa yokuthi \nd uThixo\nd* uNkulunkulu wenu uyahambahamba phakathi kwezihonqo zenu ukuze alivikele ezitheni zenu. Izihonqo zenu kumele zibengcwele, ukuze angaboni lutho olungalunganga phakathi kwenu okuzakwenza alifulathele.”
\s1 Eminye Imithetho
\p
\v 15 “Nxa isigqili sidinga ukuphephela kini lingasibuyiseli kumnikazi waso. 
\v 16 Siyekeleni sizihlalele lapho esifuna ukuhlala khona njalo sizihlalele kulelodolobho esifuna ukuhlala kulo. Lingasincindezeli.
\p
\v 17 Akungabi lowesilisa wako-Israyeli loba owesifazane ozakuba yisifebe sethempelini. 
\v 18 Lingaboletha inzuzo yowesifazane ofebayo loba owesilisa ofebayo endlini \nd kaThixo\nd* uNkulunkulu wenu ezobhadala loba yisiphi isithembiso, ngoba \nd uThixo\nd* uNkulunkulu wenu uyanengeka ngabo bonke.
\p
\v 19 Umfowenu ungamhlawulisi inzuzo, loba ngeyemali loba ngeyokudla loba yini engamlethela inzuzo. 
\v 20 Owezizweni lingamhlawulisa inzuzo, kodwa hatshi umfowenu wako-Israyeli, ukuze \nd uThixo\nd* uNkulunkulu wenu alibusise kukho konke elikwenza ngezandla zenu elizweni elizangena kulo ukuba libe ngelenu.
\p
\v 21 Nxa lingenza isifungo \nd kuThixo\nd* uNkulunkulu wenu, lingaphuzi ukusibhadala, ngoba \nd uThixo\nd* uNkulunkulu wenu uzakufuna kini loba sekutheni njalo lizakuba lomlandu wesono. 
\v 22 Kodwa nxa lingayekela ukwenza isifungo kaliyikuba lomlandu. 
\v 23 Konke lokho okuphuma endebeni zenu kumele libe leqiniso ukukwenza, ngoba lenze lesosifungo ngokukhululeka lithembisa \nd kuThixo\nd* uNkulunkulu wenu ngemilomo yenu.
\p
\v 24 Nxa lingangena esivinini sikamakhelwane wenu, lingadla wonke amagrebisi elifisa ukuwadla, kodwa lingafaki lelilodwa esitsheni senu. 
\v 25 Nxa lingena ensimini kamakhelwane eyamabele, lilakho ukudobha okuwileyo ngezandla, kodwa limukani lingasebenzisi isikela emabeleni alokhu emi ngamahlanga.”
\c 24
\s1 Imithetho Mayelana Lokuqunywa Kwemitshado
\p
\v 1 “Nxa indoda ingathatha umfazi kodwa angayithokozisi ngoba indoda ifumene ihlazo ngaye ibe isimlobela incwadi yokuquma umtshado, imnike, ibisimxotsha endlini yayo, 
\v 2 kuthi esesukile endlini yaleyondoda athathwe ngeyinye indoda, 
\v 3 layo leyondoda yesibili imsole imnike incwadi yokwehlukana, imqhubele ibe isimxotsha emzini wayo, kumbe leyondoda ife, 
\v 4 kutsho ukuthi indoda yakhe yakuqala, eyamalayo, ayivunyelwa ukumthatha futhi ngemva kokuba eselalelihlazo. Lokho kungaba yisinengiso emehlweni \nd kaThixo\nd*. Lingalethi isono elizweni \nd uThixo\nd* uNkulunkulu wenu alinika lona ukuba libe yilifa lenu.
\p
\v 5 Nxa indoda isanda kuthatha, akufanelanga ukuba ithunyelwe empini loba ukuthi iphiwe umsebenzi oqakathekileyo.”
\s1 Eminye Imithetho
\p
\v 6 “Lingathathi ilitshe lokuchola lembokodo loba imbokodo yodwa nje ukuba kube yisibambiso senhlawulo, ngoba ngokwenza njalo uthatha ukuphila kube yisibambiso.
\p
\v 7 Nxa owesilisa angafunyanwa ethumba umfowabo wako-Israyeli abesesiyamgcina njengesigqili loba amthengise, kumele afe. Kumele liqede ububi phakathi kwenu.
\p
\v 8 Nxa kuyisifo sobulephero kumele linanzelele kakhulu lenze lokho abaphristi abangabaLevi abalilaya khona. Kumele lilandele khona kanye engabalaya ngakho. 
\v 9 Khumbulani lokho okwenziwa \nd nguThixo\nd* uNkulunkulu wenu kuMiriyemu endleleni emva kokusuka kwenu eGibhithe.
\p
\v 10 Nxa umakhelwane wakho umeboleka loba yini ungangeni endlini yakhe ukuba uthathe lokho abambisa ngakho. 
\v 11 Mana phandle uyekele lowo omebolekayo alethe isibambiso kuwe. 
\v 12 Nxa kuyindoda engumyanga, ungayilala isibambiso sakhe silokhu sikuwe. 
\v 13 Buyisela isembatho sakhe lingakatshoni ukuze alale esembethe. Yena uzakubonga, kuzaphathwa njengesenzo sokulunga phambi \nd kukaThixo\nd* uNkulunkulu wakho.
\p
\v 14 Ungabodlelezela umuntu oqhatshiweyo ongumyanga loba oswelayo, loba engumfowenu wako-Israyeli loba owezizweni ohlala kwelinye lamadolobho enu. 
\v 15 Muphe iholo lakhe insuku zonke ilanga lingakatshoni, ngoba ungumyanga uthembe leloholo. Funa asuke akhale \nd kuThixo\nd* ekusola, ube lomlandu wesono.
\p
\v 16 Abazali abayikufela abantwababo, loba abantwana bafele abazali babo; ngulowo lalowo uzafela isono sakhe.
\p
\v 17 Ungavaleli owezizweni loba intandane ilungelo layo loba uthathe isembatho somfelokazi ukuze sibe yisibambiso. 
\v 18 Khumbula ukuthi wawuyisigqili eGibhithe \nd uThixo\nd* uNkulunkulu wakho wakuhlenga khona. Yikho ngikulaya ukuba wenze lokhu.
\p
\v 19 Nxa uvuna ensimini yakho ube usutshiya isikhwebu, ungabuyeli emuva ukuyasithatha, sitshiyele owezizweni, intandane, lomfelokazi, ukuze \nd uThixo\nd* uNkulunkulu wakho akubusise kuwo wonke umsebenzi wezandla zakho. 
\v 20 Nxa ubhula ama-oliva ezihlahleni zakho ungabuyeli ukuhlola amagatsha njalo. Okuseleyo tshiyela owezizweni, intandane lomfelokazi. 
\v 21 Nxa uvuna izithelo zesivini sakho, ungabuyeleli futhi ukuvuna lapho osuvune khona. Okuseleyo tshiyela owezizweni, intandane lomfelokazi. 
\v 22 Khumbulani ukuthi laliyizigqili eGibhithe. Yikho ngililaya ukuba lenze lokhu.”
\c 25
\p
\v 1 “Nxa amadoda exabana, ingxabano yawo kumele isiwe emthethwandaba ukuze kuthi abehluleli bakhuphe isinqumo ngaleyondaba, bakhulule omsulwa njalo bamlahle olecala. 
\v 2 Nxa olecala kufanele atshaywe, umahluleli uzakuthi kalale acambalale athi katshaywe laye ekhona ngalezonswazi ezilingene lelocala, 
\v 3 kodwa akufanelanga zedlule ezingamatshumi amane. Nxa etshaywe inswazi ezedlula lapho, umfowenu usezabe esuswe isithunzi emehlweni akho.
\p
\v 4 Ungafaki inkabi yakho isayeke nxa ibhula amabele.
\p
\v 5 Nxa amadodana endoda ehlala kwenye indawo omunye abe esesifa engelandodana, umfelokazi akumelanga ayekwendela kwenye indawo. Umfowabo wendoda kumele amthathe ukuze agcwalise umlandu womfowabo kulowomfelokazi. 
\v 6 Indodana yakuqala ezazalwa lapho kumele ibizwe ngomfowabo owafayo ukuze ibizo lakhe lingatshabalali ko-Israyeli.
\p
\v 7 Kodwa-ke, indoda nxa ingafuni ukuthatha umfazi womfowabo, kuzamele umfazi lowo aye ebadaleni esangweni ledolobho afike athi, ‘Umfowabo wendoda yami uyala ukuqhuba ibizo lomfowabo ko-Israyeli. Kafuni ukuthi agcwalise umlandu womfowabo.’ 
\v 8 Ngakho abadala balelodolobho lakhe bazambiza bakhulume laye. Nxa angala kokuphela esithi, ‘Angifuni ukumthatha,’ 
\v 9 umfelokazi lowo uzamqonda phambi kwabadala, bamkhuphe inyathelo elilodwa, amkhafulele emehlweni athi, ‘Lokhu yikho okwenziwa endodeni engafuniyo ukuvusela umfowabo indlu yakhe.’ 
\v 10 Usendo lwaleyondoda ko-Israyeli luzakwaziwa njengeNdlu engelaNyathelo.
\p
\v 11 Nxa amadoda amabili esilwa kube sekusithi umfazi wenye athelele, ancedise indoda yakhe, abesexhakalaza leyondoda ngamaphambili, 
\v 12 kumele liqume isandla sowesifazane lowo. Lingabi lesihawu kuye lakancane.
\p
\v 13 Ungabokuba lezilinganiso zesisindo ezimbili emgodleni wakho ezehlukeneyo, esinye esinzima lesinye esilula. 
\v 14 Ungabi lezilinganiso ezimbili ezehlukeneyo endlini yakho, esinye esikhulu lesinye esincinyane. 
\v 15 Kumele libe lezilinganiso eziqondileyo leziqotho loba ngezesisindo loba ngezobukhulu, ukuze libe lempilo ende elizweni \nd uThixo\nd* uNkulunkulu wenu alinika lona. 
\v 16 Ngoba \nd uThixo\nd* uNkulunkulu wenu uyanengeka ngomuntu owenza lezizinto, yiloba ngubani owenza izinto zobuqili.
\p
\v 17 Khumbula okwenziwa ngama-Amaleki kuwe endleleni uphuma eGibhithe. 
\v 18 Kwathi lapho usudinwe kakhulu ungaselamandla, akuhlangabeza ohanjweni lwakho, abachitha bonke ababesalela emuva; ayengamesabi uNkulunkulu. 
\v 19 Mhla \nd uThixo\nd* uNkulunkulu wakho ekunika ukuphumula kuzozonke izitha zakho ezikuhanqileyo elizweni akunika lona ukuba libe yilifa lakho, uzatshabalalisa nya ibizo lama-Amaleki ngaphansi kwezulu. Ungakhohlwa!”
\c 26
\s1 Izithelo Zakuqala Lokwetshumi
\p
\v 1 “Nxa usungenile elizweni \nd uThixo\nd* uNkulunkulu wakho akunika lona njengelifa njalo usulithethe wahlala kulo 
\v 2 thatha ezinye zezithelo zakuqala zazo, zonke izilimo zomhlabathi welizwe \nd uThixo\nd* uNkulunkulu wakho akunika lona uzifake esitsheni. Uhambe uye endaweni leyo \nd uThixo\nd* uNkulunkulu wakho azayikhetha njengendawo yokuhlala yeBizo lakhe 
\v 3 uthi kumphristi osesikhundleni ngalesosikhathi, ‘Ngiyamemezela lamuhla \nd kuThixo\nd* uNkulunkulu wakho ukuthi sengifikile elizweni \nd uThixo\nd* afunga kubokhokho bethu ukuthi uzasinika lona.’ 
\v 4 Umphristi uzakwamukela isitsha esisezandleni zakho asibeke phansi phambi kwe-alithari \nd likaThixo\nd* uNkulunkulu wakho. 
\v 5 Ngakho uzakutsho phambi \nd kukaThixo\nd* uNkulunkulu wakho uthi: ‘Ubaba wayeluzulani lomʼAramu, wehla waya eGibhithe elabantu abalutshwana bafika bahlala khona baze baba yisizwe esikhulu kakhulu, esilamandla njalo esilabantu abanengi kakhulu. 
\v 6 Kodwa amaGibhithe asiphatha ngochuku, asihlupha, asisebenzisa nzima. 
\v 7 Ngakho sakhala \nd kuThixo\nd*, uNkulunkulu wabokhokho bethu, \nd uThixo\nd* walizwa ilizwi lethu njalo wabona lokuhlupheka kwethu, ukutshikatshika kwethu kanye lokuncindezelwa kwethu. 
\v 8 Ngenxa yalokho \nd uThixo\nd* wasikhupha elizweni laseGibhithe ngesandla esilamandla langengalo eyeluliweyo, ngezenzo ezesabekayo langezibonakaliso kanye lezimangaliso. 
\v 9 Wasiletha kulindawo njalo wasinika lelilizwe, ilizwe eligeleza uchago loluju; 
\v 10 khathesi sengiletha izithelo zakuqala zomhlabathi lowo, Oh Thixo, onginike wona.’ Uzabeka isitsha phambi \nd kukaThixo\nd* uNkulunkulu wakho umkhothamele. 
\v 11 Ngakho wena labaLevi kanye labezizweni abahlala phakathi kwenu lizathokoza ezintweni zonke ezinhle \nd uThixo\nd* uNkulunkulu wakho akunike zona wena kanye labendlu yakho.
\p
\v 12 Kuzakuthi lapho usuqedile ukwahlukanisa okwetshumi kwaso sonke isivuno sakho ngomnyaka wesithathu, okungumnyaka wokwetshumi, wena uzakunika umLevi, owezizweni, intandane kanye lomfelokazi, ukuze badle basuthe emadolobheni akho. 
\v 13 Tshono futhi \nd kuThixo\nd* uNkulunkulu wakho uthi: ‘Sengikhuphile isabelo esingcwele endlini yami ngasinika umLevi, owezizweni, intandane lomfelokazi, njengokulaya kwakho. Kangeqanga imilayo yakho kumbe ukukhohlwa eminye yayo. 
\v 14 Angizange ngidle lutho lwesabelo esingcwele ngesikhathi sokulila, kumbe ukususa okunye kwakho ngesikhathi ngingongcolileyo, loba ukunikela ingxenye yakho kwabafileyo. Ngikulalele \nd Thixo\nd* Nkulunkulu wami; ngenzile konke ongilaye khona. 
\v 15 Khangela phansi usezulwini, indawo yakho yokuhlala engcwele, ubusise abantu bakho bako-Israyeli kanye lelizwe osinike lona njengesithembiso owasenza ngesifungo kubokhokho bethu, ilizwe eligeleza uchago loluju.’ ”
\s1 Landelani Imilayo \nd KaThixo\nd*
\p
\v 16 “\nd UThixo\nd* uNkulunkulu wakho uyakulaya lamuhla ukuba ulandele izimiso kanye lemithetho le; uyigcine ngonanzelelo olukhulu ngenhliziyo yakho yonke kanye langomphefumulo wakho wonke. 
\v 17 Lamuhla usuvume obala ukuthi \nd uThixo\nd* unguNkulunkulu wakho lokuthi uzahamba ezindleleni zakhe, ukuthi uzagcina izimiso zakhe, imilayo, lemithetho yakhe, lokuthi uzamlalela. 
\v 18 Futhi \nd uThixo\nd* ukuvumile lamuhla ukuthi lina lingabantu bakhe, liyisabelo sakhe esiligugu njengokuthembisa kwakhe njalo kumele ligcine yonke imilayo yakhe. 
\v 19 Umemezele ukuthi uzaliphakamisa ngodumo, ngokwaziwa langenhlonipho phezu kwezizwe zonke azidalayo lokuthi lizakuba ngabantu abangcwele \nd kuThixo\nd* uNkulunkulu wenu njengokuthembisa kwakhe.”
\c 27
\s1 I-alithari Phezu KweNtaba Yase-Ebhali
\p
\v 1 UMosi kanye labadala bako-Israyeli balaya abantu bathi: “Gcinani imilayo yonke esilipha yona lamuhla. 
\v 2 Kuzakuthi lapho selichaphile umfula uJodani langena elizweni lelo \nd uThixo\nd* uNkulunkulu wenu alinika lona, lizamisa amatshe amakhulu liwahuqe ngekalaga. 
\v 3 Lizabhala kuwo wonke amazwi alumthetho nxa selichaphile umfula langena elizweni lelo \nd uThixo\nd* uNkulunkulu wenu alinika lona, ilizwe eligeleza uchago loluju, njengalokhu \nd uThixo\nd*, uNkulunkulu wabokhokho benu walithembisa. 
\v 4 Kuzakuthi lapho selichaphile umfula uJodani, lizamisa amatshe la phezu kweNtaba yase-Ebhali, njengalokhu ngililayile lamuhla, liwahuqe ngekalaga. 
\v 5 Khonapho yakhelani \nd uThixo\nd* uNkulunkulu wenu i-alithari, i-alithari lamatshe. Lingasebenzisi lutho olwenziwe ngensimbi phezu kwawo. 
\v 6 Yakhani i-alithari \nd likaThixo\nd* uNkulunkulu wenu ngamatshe angabazwanga linikele phezu kwalo iminikelo yokutshiswa \nd kuThixo\nd* uNkulunkulu wenu. 
\v 7 Lizanikela iminikelo yokuthula khonapho, liyidle lithokoze phambi \nd kukaThixo\nd* uNkulunkulu wenu. 
\v 8 Ngakho lizabhala kancane wonke amazwi alumthetho phezu kwamatshe la eliwamisileyo.”
\s1 Iziqalekiso Ezivela eNtabeni Yase-Ebhali
\p
\v 9 Ngemva kwalokho uMosi kanye labaphristi abangabaLevi, bathi kubo bonke abako-Israyeli, “Thula uthi zwi wena Israyeli, njalo ulalele! Khathesi selingabantu \nd bakaThixo\nd* uNkulunkulu wenu. 
\v 10 Lalelani \nd uThixo\nd* uNkulunkulu wenu futhi lilandele imilayo kanye lezimiso engilitshela zona namuhla.”
\p
\v 11 Ngalolosuku uMosi walaya abantu wathi:
\p
\v 12 “Nxa selichaphile umfula uJodani, kuzakuthi izizwana ezibalisa esakoSimiyoni, esakoLevi, esakoJuda, esako-Isakhari, esakoJosefa kanye lesakoBhenjamini zizakuma eNtabeni yaseGerizimu ukuze zibusise abantu. 
\v 13 Kodwa izizwana ezibalisa esakoRubheni, esakoGadi, esako-Asheri, esakoZebhuluni, esakoDani kanye lesakoNafithali, zizakuma eNtabeni yase-Ebhali zimemezele iziqalekiso.
\p
\v 14 AbaLevi bazamemezela kubo bonke abantu bako-Israyeli ngelizwi elikhulu bathi:
\p
\v 15 ‘Kaqalekiswe umuntu obaza isithombe loba isithombe esibunjiweyo, into eyisinengiso \nd kuThixo\nd*, umsebenzi wezandla zomuntu olobungcwethi, asimise ensitha.’
\pr Ngakho abantu bonke bazakuthi, ‘Ameni!’
\p
\v 16 ‘Kaqalekiswe umuntu othelela uyise loba unina ihlazo.’
\pr Ngakho abantu bonke bazakuthi, ‘Ameni!’
\p
\v 17 ‘Kaqalekiswe umuntu osusa isikhonkwane somngcele wendawo kamakhelwane wakhe.’
\pr Ngakho abantu bonke bazakuthi, ‘Ameni!’
\p
\v 18 ‘Kaqalekiswe umuntu oduhisa isiphofu endleleni.’
\pr Ngakho abantu bonke bazakuthi, ‘Ameni!’
\p
\v 19 ‘Kaqalekiswe umuntu ovimbela ukuthonisiswa ngokulunga kowezizweni, lentandane kanye lomfelokazi.’
\pr Ngakho abantu bonke bazakuthi, ‘Ameni!’
\p
\v 20 ‘Kaqalekiswe umuntu olala lomfazi kayise, ngoba ethelela umbheda kayise ihlazo.’
\pr Ngakho abantu bonke bazakuthi, ‘Ameni!’
\p
\v 21 ‘Kaqalekiswe umuntu olala lenyamazana.’
\pr Ngakho abantu bonke bazakuthi, ‘Ameni!’
\p
\v 22 ‘Kaqalekiswe umuntu olala lodadewabo, indodakazi kayise loba indodakazi kanina.’
\pr Ngakho abantu bonke bazakuthi, ‘Ameni!’
\p
\v 23 ‘Kaqalekiswe umuntu olala loninazala.’
\pr Ngakho abantu bonke bazakuthi, ‘Ameni!’
\p
\v 24 ‘Kaqalekiswe umuntu obulala umakhelwane wakhe ensitha.’
\pr Ngakho abantu bonke bazakuthi, ‘Ameni!’
\p
\v 25 ‘Kaqalekiswe umuntu owamukela isivalamlomo ukuze ayebulala umuntu ongelacala.’
\pr Ngakho abantu bonke bazakuthi, ‘Ameni!’
\p
\v 26 ‘Kaqalekiswe umuntu ongalaleli amazwi okumlaya ngokuwenza.’
\pr Ngakho bonke abantu bazakuthi, ‘Ameni!’ ”
\c 28
\s1 Izibusiso Zokulalela
\p
\v 1 “Nxa limlalela ngokupheleleyo \nd uThixo\nd* uNkulunkulu wenu njalo lilandele yonke imilayo yakhe engilitshela yona lamuhla ngonanzelelo, \nd uThixo\nd* uNkulunkulu wenu uzaliphakamisa libe phezu kwezizwe zonke emhlabeni. 
\v 2 Lezizibusiso zonke zizakwehlela phezu kwenu zibe ngezenu nxa limlalela \nd uThixo\nd* uNkulunkulu wenu.
\pm
\v 3 Lizabusiswa edolobheni libusiswe futhi lemaphandleni.
\pm
\v 4 Inzalo yenu izabusiswa, lezithelo zomhlabathi wenu kanye lenzalo yezifuyo zenu, amathole emihlambi yenu kanye lamazinyane emihlambi yenu.
\pm
\v 5 Kuzabusiswa isitsha senu kanye lomganu wenu wokuxovela izinkwa.
\pm
\v 6 Uzabusiswa nxa ungena ubusiswe lanxa uphuma.
\p
\v 7 \nd UThixo\nd* uzakwenza ukuthi izitha zakho ezikuvukelayo zinqotshwe phambi kwakho. Zizakulihlasela zivelela endleleni eyodwa, kodwa zizabaleka ngezindlela eziyisikhombisa.
\p
\v 8 \nd UThixo\nd* uzakwehlisela isibusiso phezu kweziphala zenu, lakukho konke elizakwenza. \nd UThixo\nd* uNkulunkulu wenu uzalibusisa elizweni lelo alinika lona.
\p
\v 9 \nd UThixo\nd* uzalimisa njengabantu bakhe abangcwele, njengokulithembisa kwakhe ngesifungo, nxa lingagcina imilayo \nd kaThixo\nd* uNkulunkulu wenu lihambe ngezindlela zakhe. 
\v 10 Ngalokho bonke abantu emhlabeni bazabona ukuthi lina libizwa ngebizo \nd likaThixo\nd*, balesabe. 
\v 11 \nd UThixo\nd* uzalenza liphumelele kakhulu, enzalweni yenu, lenzalo yezifuyo zenu kanye lezithelo zomhlabathi wenu elizweni afunga ngalo kubokhokho benu ukuthi uzalinika lona.
\p
\v 12 \nd UThixo\nd* uzavula amazulu, isiphala sakhe esiphuphumayo, ukuze anise izulu phezu kwelizwe lenu ngesikhathi salo njalo abusise yonke imisebenzi eliyenzayo. Lizakweboleka izizwe ezinengi kodwa lina lingeboleki lutho kuzo. 
\v 13 \nd UThixo\nd* uzalenza libe yinhloko, hatshi umsila. Nxa lizalalelisisa imilayo \nd kaThixo\nd* uNkulunkulu wenu engilinika yona lamuhla njalo liyilandele ngonanzelelo, lizahlala njalo liphezulu, lingabi ngaphansi lanini. 
\v 14 Lingaphambuki loba lakuwuphi wemilayo engilinika yona lamuhla, lingaphambukeli kwesokunene loba kwesenxele, lilandela abanye onkulunkulu lokubakhonza.”
\s1 Iziqalekiso Zokungalaleli
\p
\v 15 “Kodwa-ke, nxa lingayikumlalela \nd uThixo\nd* uNkulunkulu wenu futhi lingalandeli yonke imilayo yakhe ngonanzelelo kanye lezimiso zakhe engilinika zona lamuhla, zonke leziziqalekiso zizakuba phezu kwenu zilehlele:
\pm
\v 16 Lizaqalekiswa edolobheni, liqalekiswe futhi emaphandleni.
\pm
\v 17 Isitsha senu kanye lomganu wenu wokuxovela izinkwa kuzaqalekiswa.
\pm
\v 18 Inzalo yenu izaqalekiswa, lezithelo zomhlabathi wenu, lamathole emihlambi yenu kanye lamazinyane emihlambi yenu.
\pm
\v 19 Lizaqalekiswa ekungeneni kwenu libuye liqalekiswe lasekuphumeni kwenu.
\p
\v 20 \nd UThixo\nd* uzakwehlisela phezu kwenu iziqalekiso, ukuphambana kanye lezithuko emisebenzini yenu yonke eliyenzayo, lize libhujiswe njalo lichithwe ngenxa yobubi elibenzileyo ngokumdela. 
\v 21 \nd UThixo\nd* uzalehlisela isifo lemikhuhlane ize ilibhubhise iliqede elizweni elingena kulo ukuba libe ngelenu. 
\v 22 \nd UThixo\nd* uzalitshaya ngomkhuhlane olidla kancanekancane, langokutshisa kwelanga lendlala, ngofuba langesikhwekhwe, konke lokhu kuzalehlela kuze kuliqede. 
\v 23 Isibhakabhaka ngaphezu kwenu sizakuba lithusi, kuthi umhlabathi ngaphansi kwenu ube yinsimbi. 
\v 24 \nd UThixo\nd* uzaguqula izulu elina elizweni lenu kube zintuli lothuli, kuzakwehla kuvela esibhakabhakeni lize libhujiswe.
\p
\v 25 \nd UThixo\nd* uzavumela ukuthi izitha zenu zilehlule. Lizakuya kuzo lihamba ngendlela eyodwa kodwa lizabaleka ngezindlela eziyisikhombisa, futhi lizakuba yinto eyenyanyekayo kuyo yonke imibuso yasemhlabeni. 
\v 26 Izidumbu zenu zizakuba yikudla kwezinyoni zonke zasemoyeni, kanye lezinyamazana zasemhlabeni, njalo aziyikwethuswa muntu. 
\v 27 \nd UThixo\nd* uzalitshaya ngamathumba aseGibhithe langesifo sokuvuvuka, izilonda ezibhibhidlayo lamaqhubu alumayo, okungelaphekiyo. 
\v 28 \nd UThixo\nd* uzalehlisela umkhuhlane wokuphambana kwengqondo, ubuphofu lowokudungeka kwengqondo. 
\v 29 Lizaphumputha loba kusemini njengesiphofu emnyameni. Aliyikuphumelela kukho konke elikwenzayo; lizaphangwa njalo lincindezelwe insuku ngensuku, kungekho muntu ongalihlenga.
\p
\v 30 Uzathembisana lowesifazane ukuba lithathane, kodwa kuthi enye indoda imthathe ilale laye. Uzakwakha indlu, kodwa kawusoze uhlale kuyo. Uzahlanyela isivini, kodwa kawusoze ukholise izithelo zaso. 
\v 31 Inkabi yakho izahlatshwa phambi kwakho, kodwa kawusoze uyidle. Uzathathelwa ubabhemi wakho ngenkani kodwa angabuyiselwa kuwe. Izimvu zakho zizanikwa izitha zakho, kodwa kakho ozakuzihlenga. 
\v 32 Amadodana akho kanye lamadodakazi akho azanikwa esinye isizwe, njalo amehlo akho azafiphala ngokuwalindela insuku zonke, ungelamandla okuphakamisa isandla. 
\v 33 Abantu ongabaziyo bazakudla izithelo zomhlabathi kanye lomsebenzi wezandla zakho, akulalutho ozaluzuza ngaphandle kokuncindezelwa ngesihluku insuku zakho zonke. 
\v 34 Izinto ozibonayo zizakwenza uphambane ingqondo. 
\v 35 \nd UThixo\nd* uzakutshaya amadolo akho lemilenze yakho ngamathumba abuhlungu njalo angelaphekiyo, amemetheke esuka ngaphansi kwezinyawo zakho kuze kuyefika ekhanda.
\p
\v 36 \nd UThixo\nd* uzalinikela esizweni elingasaziyo lina kumbe okhokho benu, lina kanye lenkosi yenu elayibekayo ukuthi ilibuse. Khonale lizakhonza abanye onkulunkulu, onkulunkulu abenziwe ngezigodo langamatshe. 
\v 37 Lizakuba yinto eyenyanyekayo lento yokuchothozwa lokweyiswa kuzozonke izizwe lapho \nd uThixo\nd* azalixotshela khona.
\p
\v 38 Lizahlanyela inhlanyelo enengi emasimini enu kodwa lizavuna okuyingcosana, ngoba izikhongwane zizabhuqa amabele enu. 
\v 39 Lizahlanyela izivini njalo lizihlakulele kodwa kaliyikunatha iwayini loba ukukha izithelo zazo, ngoba zizadliwa yimihogoyi. 
\v 40 Lizakuba lezihlahla zama-oliva zigcwele ilizwe lenu lonke kodwa kaliyikuwasebenzisa amafutha azo, ngoba izithelo zama-oliva zizakhithikela phansi. 
\v 41 Lizakuba lamadodana kanye lamadodakazi kodwa kaliyikubondla, ngoba bazathunjwa. 
\v 42 Isikhongwane sizabhuqa zonke izihlahla zenu kanye lamabele elizwe lenu.
\p
\v 43 Owezizwe ohlala phakathi kwenu uzaphakama phezu kwenu njalonjalo, kodwa lina lehlele phansi njalonjalo. 
\v 44 Yena uzaleboleka, kodwa lina kaliyikumeboleka lutho. Yena uzakuba yinhloko, lina libe ngumsila.
\p
\v 45 Iziqalekiso zonke lezi zizalehlela. Zizalilandelela zilihlasele lize libhubhe, ngoba lingamlalelanga \nd uThixo\nd* uNkulunkulu wenu langagcini imilayo yakhe kanye lezimiso zakhe alinika zona. 
\v 46 Lizakuba yisibonakaliso lesimangaliso phezu kwenu laphezu kwezizukulwane zenu kuze kube nininini. 
\v 47 Ngoba alizange limkhonze \nd uThixo\nd* uNkulunkulu wenu ngentokozo langenjabulo ngesikhathi senu sempumelelo, 
\v 48 ngakho lizasebenzela izitha \nd uThixo\nd* azalithumela zona lina lilambile njalo lomile, lihambaze ebuyangeni obukhulu. \nd UThixo\nd* uzafaka ijogwe lensimbi entanyeni zenu aze alibhubhise.
\p
\v 49 \nd UThixo\nd* uzaletha isizwe esizamelana lani esivela kude emikhawulweni yomhlaba, njengokhozi oluhwithayo, isizwe esikhuluma ulimi elingaluzwayo, 
\v 50 isizwe sabantu abesabekayo abangahloniphi abantu abadala loba ukuba lozwelo kwabancinyane. 
\v 51 Bazakudla inzalo yezifuyo zenu kanye lamabele elizwe lenu lize libhujiswe. Kabayikulitshiyela amabele, iwayini loba amafutha, kumbe amathole enkomo zenu kumbe amazinyane emihlambini yenu lize lichithwe. 
\v 52 Bazalivimbezela emadolobheni enu wonke aselizweni lenu kuze kuwe imiduli yawo eqinileyo emide njalo eliyithembileyo. Bazavimbezela amadolobho enu wonke aselizweni lelo \nd uThixo\nd* uNkulunkulu wenu alinika lona.
\p
\v 53 Ngenxa yokuhlupheka kwenu okuzabangelwa yikuvinjezelwa kwenu yizitha zenu, lizakudla inzalo yenu, inyama yamadodana kanye lamadodakazi \nd uThixo\nd* uNkulunkulu wenu alinike wona. 
\v 54 Loba indoda ethobekileyo kakhulu lelozwelo phakathi kwenu ayiyikuba lesihawu kumfowabo kumbe umfazi wayo emthandayo loba abantwabayo abasaphila, 
\v 55 kayiyikupha loba ngubani wabo inyama yabantwabayo eyabe iyidla. Kuzabe kuyikho kodwa okuseleyo ngenxa yokuhlupheka okwehliselwe phezu kwenu yizitha zenu ngesikhathi zilivimbezele emadolobheni enu wonke. 
\v 56 Owesifazane obuthakathaka njalo olozwelo phakathi kwenu, olozwelo njalo obuthakathaka okokuthi angeke athinte umhlabathi ngenyawo zakhe uzakuba lolaka endodeni yakhe ayithandayo lasendodaneni lendodakazini yakhe, 
\v 57 inzalo yethumbu lakhe abantwana abazeleyo. Ngoba esehlose ukubadla ensitha ngesikhathi sokuvinjezelwa lokuhlupheka isitha senu esizalehlisela khona phezu kwenu emadolobheni enu.
\p
\v 58 Lingayekela ukulandela ngonanzelelo wonke amazwi alo umthetho, alotshwe kule incwadi, njalo lingalesabi lelibizo lenkazimulo eyesabekayo \nd uThixo\nd* uNkulunkulu wenu, 
\v 59 uzakwehlisela phezu kwenu kanye lezizukulwane zenu izifo ezesabekayo, inhlupheko ezimangalisayo ezizathatha isikhathi eside, lemikhuhlane enzima engapheliyo. 
\v 60 Uzakwehlisela phezu kwenu imikhuhlane yonke yaseGibhithe elaliyesaba, inamathele phezu kwenu. 
\v 61 \nd UThixo\nd* uzakwehlisela futhi phezu kwenu inhlobo zonke zemikhuhlane kanye lezinhlupheko ezimangalisayo ezingalotshwanga kule iNcwadi yoMthetho, lize libhujiswe. 
\v 62 Lina elalibanengi njengezinkanyezi zasemkhathini lizasala selibalutshwana, ngoba lingalalelanga \nd uThixo\nd* uNkulunkulu wenu. 
\v 63 Njengalokho kwamthokozisa \nd uThixo\nd* ukuba aliphumelelise njalo alengezelele inani lenu, ngokufanayo kuzamthokozisa ukulichitha njalo alibhubhise. Lizasuswa elizweni lelo eselilungele ukungena kulo ukuthi lilithathe.
\p
\v 64 \nd UThixo\nd* uzalihlakazela ezizweni zonke, kusukela komunye umkhawulo womhlaba kuze kuyefika komunye njalo. Khonale lizakhonza abanye onkulunkulu, onkulunkulu abenziwe ngezigodo labenziwe ngamatshe, elingazange libazi lina kumbe okhokho benu. 
\v 65 Phakathi kwalezozizwe kaliyikufumana ukuphumula, kumbe indawo yokuphumuza inyawo zenu. Khonapho \nd uThixo\nd* uzalipha ingqondo ekhathazekileyo lamehlo akhatheleyo ngokufisa, kanye lenhliziyo ethuthumelayo. 
\v 66 Lizahlalela ovalweni izikhathi zonke, ligcwele ukwesaba emini lebusuku, lingelaqiniso ngempilo yenu. 
\v 67 Ekuseni lizakuthi, ‘Aluba sekuntambama!’ ntambama lithi, ‘Ngabe kusekuseni!’ ngenxa yokwesaba okuzakwehlela inhliziyo zenu lengxenye yezinto elizazibona ngamehlo enu. 
\v 68 \nd UThixo\nd* uzalithumela futhi eGibhithe ngemikhumbi uhambo engathi aliyikuluhamba futhi. Lapho lizazithengisa ezitheni njengezigqili zesilisa lezesifazane, kodwa kakho ozalithenga.”
\c 29
\s1 Ukuvuselelwa Kwesivumelwano
\p
\v 1 Lezi yizimiso zesivumelwano \nd uThixo\nd* alaya uMosi ukuthi azenze labako-Israyeli eMowabi, phezu kwesivumelwano leso asenza labo eHorebhi.
\p
\v 2 UMosi wabiza bonke abako-Israyeli wathi kubo:
\b
\p “Amehlo enu akubonile konke \nd uThixo\nd* akwenza kuFaro eGibhithe, ezikhulwini zakhe zonke lakulo lonke ilizwe lakhe. 
\v 3 Ngamehlo enu lazibonela imilingo emikhulu, lezibonakaliso ezimangalisayo kanye lezimanga ezesabekayo. 
\v 4 Kodwa kuze kube lamuhla \nd uThixo\nd* kaliphanga ingqondo ezwisisayo, kumbe amehlo abonayo, loba indlebe ezizwayo. 
\v 5 Okweminyaka engamatshumi amane ngilihola enkangala, izigqoko zenu kazizange ziguge, loba izicathulo ezinyaweni zenu. 
\v 6 Alidlanga sinkwa loba ukunatha iwayini kumbe ukunatha okudakayo. Ngakwenza lokhu ukuze lazi ukuthi mina \nd nginguThixo\nd* uNkulunkulu wenu.
\p
\v 7 Kwathi ekufikeni kwenu kulindawo, uSihoni inkosi yaseHeshibhoni kanye lo-Ogi inkosi yaseBhashani balihlangabeza ukuze balwe lani, kodwa sabehlula. 
\v 8 Salithatha ilizwe labo salipha abakoRubheni, abakoGadi kanye lengxenye yesizwana sakoManase njengelifa.
\p
\v 9 Ngakho gcinani izimiso zalesisivumelwano ukuze liphumelele kukho konke elikwenzayo. 
\v 10 Lonke limi lapha lamuhla phambi \nd kukaThixo\nd* uNkulunkulu wenu, abakhokheli benu kanye lezinduna zenu, abadala benu kanye lezikhulu zenu, kanye lawo wonke amanye amadoda ako-Israyeli, 
\v 11 ndawonye labantwabenu kanye labafazi benu, labezizweni abahlala ezihonqweni zenu beligamulela inkuni njalo belikhela amanzi. 
\v 12 Selimi lapha ukuze lingene esivumelwaneni \nd loThixo\nd* uNkulunkulu wenu, isivumelwano \nd uThixo\nd* asenzayo lani lamuhla esiqinisa ngesifungo, 
\v 13 eveza ngokugcweleyo ukuthi lina lamuhla selingabantu bakhe, lokuthi abe nguNkulunkulu wenu njengokulithembisa kwakhe njalo wafunga kubokhokho benu, u-Abhrahama, u-Isaka loJakhobe. 
\v 14 Ngenza lesisivumelwano, langesifungo saso, hatshi lani kuphela 
\v 15 elimiyo kanye lathi lamuhla phambi \nd kukaThixo\nd* uNkulunkulu wethu kodwa lalabo abangekhoyo lamuhla.
\p
\v 16 Lina ngokwenu liyakwazi ukuthi sasiphila njani eGibhithe lokuthi sadabula njani phakathi kwezizwe sisiza kulindawo. 
\v 17 Labona phakathi kwabo izithombe zabo ezinengisayo ezenziwe ngezigodo lezamatshe, ezesiliva kanye lezegolide. 
\v 18 Wobani leqiniso lokuthi akulandoda loba owesifazane, abosendo kumbe isizwana phakathi kwenu lamuhla olenhliziyo ezafulathela \nd uThixo\nd* uNkulunkulu wethu ukuze akhonze onkulunkulu bezizwe lezo; qaphelani funa kubelempande phakathi kwenu ethela izithelo ezilempethu.
\p
\v 19 Lapho umuntu onjalo esizwa amazwi alesisifungo, athokozele ukuthi isibusiso sehlele phezu kwakhe abesezitshela ukuthi, ‘Ngizavikeleka, lanxa ngiqhubeka ngizihambela ngezindlela zami.’ Lokhu kuzaletha uhlupho olukhulu emhlabathini omanzi lowomileyo. 
\v 20 \nd UThixo\nd* kazimiselanga ukumthethelela; ulaka lwakhe kanye lokutshiseka kwakhe kuzavutha phezu kwalowomuntu. Zonke iziqalekiso ezilotshwe kule incwadi zizakwehlela phezu kwakhe, njalo \nd uThixo\nd* uzacitsha ibizo lakhe ngaphansi kwezulu. 
\v 21 \nd UThixo\nd* uzamehlukanisa amsuse phakathi kwezizwana zonke zako-Israyeli amehlisele uhlupho, kusiya ngazozonke iziqalekiso zesivumelwano ezilotshwe kule iNcwadi yoMthetho.
\p
\v 22 Abantwabenu abazakuza ngemva kwenu ezizukulwaneni ezilandelayo kanye labezizwe abavela emazweni akude bazabona inhlupheko ezehlele lelilizwe lezifo \nd uThixo\nd* azehlisele kulo. 
\v 23 Ilizwe lonke lizakuba ngelichithiweyo latshiswa laba litswayi lesolufa kungekho lutho oluhlanyelweyo, kungelalutho oluhlumayo, kungekho zimila kulo. Kuzafana lokutshabalaliswa kweSodoma leGomora, i-Adima kanye leZebhoyimi, \nd uThixo\nd* awachitha ngolaka lwakhe oluvuthayo. 
\v 24 Izizwe zonke zizabuza zithi: ‘\nd UThixo\nd* ukwenzeleni lokhu elizweni leli na? Kungani ehlise ulaka oluvuthayo lolwesabekayo kangaka na?’
\p
\v 25 Impendulo izakuba yikuthi: ‘Kungenxa yokuthi abantu badela isivumelwano \nd sikaThixo\nd*, uNkulunkulu wabokhokho babo, isivumelwano asenza labo ekubakhupheni kwakhe eGibhithe. 
\v 26 Badukile bakhonza abanye onkulunkulu babakhothamela, onkulunkulu abangazange babazi, onkulunkulu angazange abaphe bona. 
\v 27 Ngalokho ulaka \nd lukaThixo\nd* lwavutha phezu kwalelilizwe, waze wehlisela phezu kwalo zonke iziqalekiso ezilotshwe kule incwadi. 
\v 28 \nd UThixo\nd* wabasiphula elizweni labo ngentukuthelo enkulu langolaka olukhulu wabalahlela kwelinye ilizwe, njengoba kunjalo lakhathesi.’
\p
\v 29 Okufihlakeleyo \nd ngokukaThixo\nd* uNkulunkulu wethu, kodwa izinto ezambuliweyo zingezethu kanye labantwabethu kuze kube nininini, ukuze silandele wonke amazwi alo umlayo.”
\c 30
\s1 Ukuphumelela Ngemva Kokuphendukela \nd kuThixo\nd*
\p
\v 1 “Kuzakuthi zonke lezizibusiso lalezi ziqalekiso engilimisele zona sezehlele phezu kwenu beselizigcina ezinhliziyweni zenu kuyo yonke indawo lapho \nd uThixo\nd* uNkulunkulu wenu azalihlakazela khona phakathi kwezizwe, 
\v 2 lalapho lina labantwabenu selibuyela \nd kuThixo\nd* uNkulunkulu wenu limlalela ngenhliziyo yenu yonke langomphefumulo wenu wonke kusiya njengokulilaya kwami lamuhla, 
\v 3 kulapho \nd uThixo\nd* uNkulunkulu wenu ezabuyisela ukuphumelela kwenu abe lozwelo kini njalo alibuthe yena lapho alihlakazela khona ezizweni. 
\v 4 Kungaze kube khatshana okunganani ngaphansi kwelanga lapho elizabe lixotshelwe khona, kusukela khonapho \nd uThixo\nd* uNkulunkulu wenu uzalithatha libuye ekhaya. 
\v 5 Uzalikhokhelela elizweni alinika okhokho benu, lina-ke lizalithatha libe ngelenu. Uzalenza liphumelele njalo lande ukwedlula okhokho benu. 
\v 6 \nd UThixo\nd* uNkulunkulu wenu uzasoka inhliziyo zenu kanye lezinhliziyo zezizukulwane zenu, ukuze limthande ngezinhliziyo zenu zonke langomoya wenu wonke, liphile. 
\v 7 \nd UThixo\nd* uNkulunkulu wenu uzakwehlisela zonke leziziqalekiso phezu kwezitha zenu ezilizondayo lezilihlukuluzayo. 
\v 8 Lizaphinda njalo limlalele \nd uThixo\nd* wenu njalo liyilandele imilayo yakhe engilinika yona lamuhla. 
\v 9 Ngakho \nd uThixo\nd* uNkulunkulu wenu uzaliphumelelisa kakhulu kuyo yonke imisebenzi yezandla zenu njalo alibusise ngenzalo langamazinyane ezifuyo zenu lamabele amasimu enu. \nd UThixo\nd* uzathokoza ngani njalo aliphumelelise, njengoba wathokoza ngokhokho benu, 
\v 10 nxa lizalalela \nd uThixo\nd* uNkulunkulu wenu ligcine imilayo lezimiso lezo ezabhalwa kule iNcwadi yoMthetho liphendukele \nd kuThixo\nd* uNkulunkulu wenu ngenhliziyo yenu yonke langomphefumulo wenu wonke.”
\s1 Isamukeliso Sokuphila Loba Ukufa
\p
\v 11 “Engililaya ngakho lamuhla akunzima kakhulu njalo akukhatshana lani ukuba likufinyelele. 
\v 12 Akukho phezulu ezulwini, okungabangela ukuthi libuze lithi: ‘Ngubani ozakwenyukela ezulwini ayesithathela ukuze akwethule kithi sibe lakho ukukulandela sikwenze na?’ 
\v 13 Kanti njalo akukho ngaphetsheya kolwandle, okungabangela ukuthi libuze lithi, ‘Ngubani ozachapha ulwandle ayesithathela ukuze akwethule kithi sibe lakho ukukulandela sikwenze na?’ 
\v 14 Akunjalo, ilizwi liseduzane lawe kakhulu, lisemlonyeni wakho lasenhliziyweni yakho ukuze ulilalele.
\p
\v 15 Khangelani, ngiletha phambi kwenu lamuhla ukuphila lokuphumelela, ukufa lokubhidlika. 
\v 16 Ngakho ngiyalilaya lamuhla ukuthi lithande \nd uThixo\nd* uNkulunkulu wenu, lihambe ezindleleni zakhe, kanye lokugcina imilayo yakhe, izimiso lemithetho; ngalokho lizaphila lande, njalo \nd uThixo\nd* uNkulunkulu wenu uzalibusisa elizweni eselingena kulo ukuba lilithathe libe ngelenu.
\p
\v 17 Kodwa nxa inhliziyo zenu zifulathela lingabe lisalalela ngokuzithoba, njalo lingaholelwa ekuthini likhonze abanye onkulunkulu libe selibakhonza, 
\v 18 ngiyalitshela lamuhla ukuthi ngeqiniso lizabhujiswa. Aliyi kuphila isikhathi eside ezweni elizalithatha ekuchapheni kwenu iJodani.
\p
\v 19 Lamuhla nginxusa izulu lomhlaba ukuba ngofakazi bami ukumelana lani ngisithi sengimise phambi kwenu ukuphila lokufa, izibusiso leziqalekiso. Khathesi zikhetheleni ukuphila, ukuze kuthi lina kanye labantwabenu libe lokuphila 
\v 20 kanye lokuthi limthande \nd uThixo\nd* uNkulunkulu wenu, lilalele ilizwi lakhe, libambelele liqine kuye, ngoba \nd uThixo\nd* uyikuphila kwenu, njalo nguye ozalinika iminyaka eminengi lihlezi elizweni afunga ukuba uzalinika okhokho benu, u-Abhrahama, u-Isaka loJakhobe.”
\c 31
\s1 UJoshuwa Uzathatha Isikhundla SikaMosi
\p
\v 1 UMosi waphuma wayakwethula lamazwi kubo bonke abako-Israyeli wathi: 
\v 2 “Sengileminyaka elikhulu lamatshumi amabili yokuzalwa angisenelisi ukulikhokhela. \nd UThixo\nd* usethe kimi, ‘Awusayi kuchapha iJodani.’ 
\v 3 \nd UThixo\nd* uNkulunkulu wenu nguye ozachapha phambi kwenu. Uzabhubhisa lezizizwe phambi kwenu, lina lizathatha ilizwe lazo libe ngelenu. UJoshuwa laye uzachapha ahambe phambi kwenu, njengokutsho \nd kukaThixo\nd*. 
\v 4 \nd UThixo\nd* uzakwenza lokho akwenza kuSihoni lo-Ogi, amakhosi ama-Amori, ababhubhisa wabatshabalalisa lamazwe abo. 
\v 5 \nd UThixo\nd* uzabanikela kini, lina-ke kufanele lenze lokho engililaye khona. 
\v 6 Qinani libe lesibindi. Lingesabi lithithibale ngenxa yabo, ngoba \nd uThixo\nd* uNkulunkulu wenu uhamba lani, kayikulitshiya njalo kayikulifulathela.”
\p
\v 7 Ngakho uMosi wasebiza uJoshuwa wasesithi kuye phambi kwakhe wonke u-Israyeli, “Qina njalo iba lesibindi, ngoba kumele uhambe lalababantu kulelolizwe \nd uThixo\nd* afunga kubokhokho babo ukubanika, njalo uzamele ubabele lona ubahlukanisele libe yilifa labo. 
\v 8 \nd UThixo\nd* ngokwakhe uhamba phambi kwakho njalo uzakuba lawe; kasoze akutshiye loba akufulathele. Ungesabi; ungapheli amandla.”
\s1 Ukufundwa Komthetho
\p
\v 9 UMosi wawuloba phansi umthetho wawuqhubela abaphristi, amadodana abaLevi, ababethwala umtshokotsho wesivumelwano \nd sikaThixo\nd*, kanye labadala bonke bako-Israyeli. 
\v 10 UMosi wasebalaya wathi, “Ekupheleni kweminyaka eyisikhombisa, ngomnyaka wokwesulelana izikwelede, ngoMkhosi weziHonqo, 
\v 11 ngesikhathi abako-Israyeli bonke bezokuma phambi \nd kukaThixo\nd* uNkulunkulu wenu endaweni azabe eyikhethile, lizawubala lumthetho phambi kwabo bezizwela. 
\v 12 Lizabuthanisa abantu, amadoda, abafazi labantwana, kanye labezizweni abahlala emadolobheni enu ukuze bazizwele bafunde ukwesaba \nd uThixo\nd* uNkulunkulu wenu balandele ngonanzelelo wonke amazwi alumthetho. 
\v 13 Abantwababo, abangawaziyo lumthetho, kumele bawuzwe njalo bafunde ukwesaba \nd uThixo\nd* uNkulunkulu wenu ngasosonke isikhathi lisahlezi kulelilizwe elizachapha uJodani ukuba liyelithatha.”
\s1 Kuyeza Ukuhlamuka Kuka-Israyeli
\p
\v 14 \nd UThixo\nd* wathi kuMosi, “Usuku lokubhubha kwakho selusondele. Biza uJoshuwa lize lobabili ethenteni lokuhlangana, lapho engizamgcobela khona.” Ngakho uMosi loJoshuwa bahamba bayazethula ethenteni lokuhlangana.
\p
\v 15 \nd UThixo\nd* wasebonakala ethenteni ngensika yeyezi, njalo iyezi lelo lema phezu komnyango wethente. 
\v 16 \nd UThixo\nd* waphinda wathi kuMosi: “Ususiyaphumula laboyihlo, kanti-ke lababantu bazahugeka masinyazana bakhonze onkulunkulu balelilizwe abazangena kulo. Bazangifulathela bephule isivumelwano engasenza labo. 
\v 17 Ngalolosuku ngizabathukuthelela ngibafulathele; ngizabafihlela ubuso bami, njalo bazabhujiswa. Bazakwehlelwa zingozi ezinengi lobunzima phezu kwabo, njalo ngalolosuku bazabuza bathi: ‘Kambe akusikuthi ingozi lezi zisehlela kubi kangaka ngoba uNkulunkulu wethu kakho phakathi kwethu na?’ 
\v 18 Ngiqinisile ubuso bami ngizabufihla ngalolosuku ngenxa yobubi babo ngokuphendukela kwabanye onkulunkulu.
\p
\v 19 Lobani lingoma liyifundise abako-Israyeli ukuze bayihlabele ibe ngufakazi wami wokumelana labo. 
\v 20 Ngizakuthi sengibangenise elizweni eligeleza uchago loluju, ilizwe engalithembisa okhokho babo ngesifungo, bathi nxa sebedle basutha baphumelela, bazaphendukela kwabanye onkulunkulu babakhonze, bangiphike njalo bephule isivumelwano sami. 
\v 21 Kuzakuthi nxa sebehlaselwa zingozi lobunzima, ingoma le izakuba yibufakazi bokumelana labo ngoba ayiyikukhohlakala lakuzizukulwane zabo. Ngiyakwazi okulula kubo ukuba bakwenze, lanxa ngingakabangenisi elizweni engibathembise lona ngesifungo.” 
\v 22 Ngakho uMosi wabhala leyongoma mhlalokho wahle wayifundisa abako-Israyeli.
\p
\v 23 \nd UThixo\nd* wanika uJoshuwa indodana kaNuni umlayo othi “Qina ube lesibindi, ngoba uzangenisa abako-Israyeli elizweni engabathembisa lona ngesifungo, njalo mina ngokwami ngizakuba lawe.”
\p
\v 24 Ngemva kokuba uMosi eseqedile ukuloba ogwalweni amazwi alowomthetho kusukela ekuqaleni kusiya ekucineni, 
\v 25 walaya abaLevi ababethwala umtshokotsho wesivumelwano \nd sikaThixo\nd* wathi: 
\v 26 “Thathani iNcwadi yoMthetho le liyifake eceleni komtshokotsho wesivumelwano \nd sikaThixo\nd* uNkulunkulu wenu, izahlala lapha njengofakazi walokho elikwenzayo. 
\v 27 Mina ngiyakwazi ukuhlamuka kwenu lokuba ngontamozilukhuni kwenu. Nxa kade lihlamukela \nd uThixo\nd* ngisaphila njalo ngiselani, kuzakuba nganani ukuhlamuka kwenu nxa sengifile! 
\v 28 Buthanisani phambi kwami bonke abadala bezizwana zenu kanye lezikhulu zenu zonke ukuze ngethule lamazwi bezizwela nginxuse izulu lomhlaba ukuba kufakaze ububi babo. 
\v 29 Ngoba ngiyakwazi ukuthi nxa ngingasekho sengifile lizaxhwala liphambuke endleleni engililaye yona. Ensukwini ezizayo, lizawelwa yingozi ngoba lizakwenza ububi phambi \nd kukaThixo\nd* limvuse ulaka ngemisebenzi emibi yezandla zenu.”
\s1 Ingoma KaMosi
\p
\v 30 Ngakho uMosi wawaphinda amazwi engoma leyo kusukela ekuqaleni kusiya ekuphetheni ibandla lonke lako-Israyeli lilalele:
\c 32
\q1
\v 1 “Lalelani, we mazulu, ngizakhuluma,
\q2 zwana, we mhlaba, amazwi omlomo wami.
\q1
\v 2 Akuthi imfundiso yami inethe njengezulu
\q2 kuthi amazwi ami ehle njengamazolo,
\q1 njengemifefezo etshanini obutsha,
\q2 njengezulu elinengi phezu kwamahlumela.
\b
\q1
\v 3 Ngizaliphakamisa ibizo \nd likaThixo\nd*.
\q2 Yebo dumisani ubukhulu bukaNkulunkulu wethu!
\q1
\v 4 UliDwala, imisebenzi yakhe iphelele,
\q2 njalo zonke izindlela zakhe zilungile.
\q1 UNkulunkulu othembekileyo ongenzi okubi,
\q2 uqotho njalo ulungile yena.
\b
\q1
\v 5 Sebenze okubi phambi kwakhe;
\q2 balihlazo kabase bantwabakhe,
\q2 kodwa isizukulwane esixhwalileyo lesingaqondanga.
\q1
\v 6 Yiyonale na indlela yokubonga kwenu \nd uThixo\nd*,
\q2 lina ziwula zabantu abangelakuhlakanipha?
\q1 KasuYihlo, uMdali wenu,
\q2 owalenzayo njalo owalibumbayo na?
\b
\q1
\v 7 Khumbulani insuku zakudala;
\q2 likhumbule izizukulwane zasendulo.
\q1 Buza uyihlo yena uzakutshela,
\q2 abadala benu, njalo bazakuchasisela.
\q1
\v 8 Kwathi oPhezukonke esephe izizwe ilifa lazo,
\q2 eselwahlukanisile uluntu,
\q1 walufakela imingcele,
\q2 kusiya ngenani lamadodana ka-Israyeli.
\q1
\v 9 Ngoba isabelo \nd sikaThixo\nd* ngabantu bakhe,
\q2 uJakhobe yisabelo sakhe esikhethiweyo.
\b
\q1
\v 10 Wamfica elizweni eliyinkangala,
\q2 indawo engatheli lutho njalo elodlame.
\q1 Wamvikela, wamonga;
\q2 wamsingatha njengegugu lakhe,
\q1
\v 11 njengokhozi lunyakazisa isidleke salo,
\q2 beselundiza phezu kwamachwane alo,
\q1 lwelule amaphiko alo ukuwagola,
\q2 luwathwale ngamaphiko alo.
\q1
\v 12 Nguye yedwa \nd uThixo\nd* owamkhokhelayo;
\q2 kungekho unkulunkulu wezizweni owayelaye.
\b
\q1
\v 13 Wamkhweza engqongeni yelizwe
\q2 wamondla ngezithelo zeganga.
\q1 Wamondla ngoluju olwaluvela edwaleni,
\q2 langamafutha aphuma ezingoxweni zeliwa,
\q1
\v 14 lezankefu langochago oluvela emihlambini yenkomo leyezimvu;
\q2 lamazinyane anonisiweyo ezimvu lembuzi,
\q1 lenqama zekhethelo zaseBhashani,
\q2 kanye lengqoloyi elezinhlamvu ezinhle.
\q1 Wanatha igazi eliphuphumayo lesithelo samavini.
\b
\q1
\v 15 UJeshuruni wazimuka watshakala;
\q2 esesuthi ukudla, wakhuluphala waba butshelezi.
\q1 Wamlahla uNkulunkulu owamdalayo
\q2 waliphika iDwala uMsindisi wakhe.
\q1
\v 16 Bambangela ubukhwele ngabonkulunkulu babo bezizweni
\q2 bamthukuthelisa ngezithombe zabo ezinengekayo.
\q1
\v 17 Benza imihlatshelo kuwo amadimoni, wona angasiNkulunkulu,
\q2 onkulunkulu ababengazange babazi,
\q2 onkulunkulu ababesanda kuvela,
\q2 onkulunkulu ababengakhonzwa ngoyihlo.
\q1
\v 18 Walihlamukela iDwala, elinguyihlo;
\q2 wakhohlwa uNkulunkulu owakuzalayo.
\b
\q1
\v 19 \nd UThixo\nd* wakubona lokhu wabafulathela
\q2 ngoba wathukutheliswa ngamadodana lamadodakazi akhe.
\q1
\v 20 ‘Ngizabufihla ubuso bami kubo,’ watsho \nd uThixo\nd*,
\q2 ‘ngize ngibone ukuthi bazaphetha ngani;
\q1 ngoba bayisizukulwana esixhwalileyo
\q2 abantwana abangathembekanga.
\q1
\v 21 Bangenza ngaba lobukhwele ngalokho okwakungasinkulunkulu
\q2 njalo bangithukuthelisa ngezithombe zabo ezingasizi lutho.
\q1 Ngizabavusela umhawu ngesizwe esingesibantu balutho;
\q2 ngibazondise ngesizwe esingazwisisiyo.
\q1
\v 22 Ngoba umlilo usulunyathiswe yikuthukuthela kwami,
\q2 wona otshisa ujule uze uyethinta ukufa ngaphansi.
\q1 Uzahangula udle umhlaba kanye lesivuno sawo
\q2 uthungele lezinsika zezintaba.
\b
\q1
\v 23 Ngizabehlisela izigigaba,
\q2 imitshoko yami iphelele phezu kwabo.
\q1
\v 24 Ngizabathumela inkengane eqeda amandla,
\q2 izifo ezibhubhisayo lomkhuhlane otshabalalisayo;
\q1 ngizabathumela amazinyo abukhali ezinyamazana zeganga,
\q2 ubuthi bezinhlangwana ezihuquzelayo emhlabathini.
\q1
\v 25 Ezindleleni inkemba izabaswelisa abantwana,
\q2 emizini kuzabusa uchuku.
\q1 Amadodana lamadodakazi azabhujiswa aphele,
\q2 abantwana abancinyane kanye lamadoda alenwele ezimhlophe.
\q1
\v 26 Ngithe ngizabachitha
\q2 ngisuse imbali yabo bakhohlakale emhlabeni,
\q1
\v 27 kodwa ngesaba ukweyisa kwesitha,
\q2 funa isitha singezwisisi
\q1 besesisithi, “Isandla sethu sinqobile,
\q2 njalo \nd uThixo\nd* kakwenzanga konke lokhu.” ’
\b
\q1
\v 28 Bayisizwe esingelangqondo,
\q2 akukho ukuqedisisa kubo.
\q1
\v 29 Ngabe kodwa bahlakaniphile njalo bezwisise lokhu,
\q2 babe lokuqedisisa ukuthi sizakuba yini isiphetho sabo!
\q1
\v 30 Kungenzeka njani ukuthi umuntu oyedwa axotshane lenkulungwane,
\q2 loba ababili basukele izinkulungwane ezilitshumi zibaleke na,
\q1 ngaphandle kokuthi iDwala labo nxa labathengisa;
\q2 langaphandle kokuthi \nd uThixo\nd* wabo esebahlanekele?
\q1
\v 31 Ngoba elabo idwala alinjengelethu iDwala,
\q2 njengoba lezitha zethu zivuma.
\q1
\v 32 Iwayini labo livela esivinini saseSodoma
\q2 lasemasimini aseGomora.
\q1 Amagrebisi abo agcwele itshefu,
\q2 lamaxha awo amunyu.
\q1
\v 33 Iwayini labo liyibuthi bezinyoka,
\q2 ubuhlungu obubulalayo bezinhlangwana.
\b
\q1
\v 34 ‘Kambe lokhu angikugodlanga na
\q2 ngakugcikela eziphaleni zami na?
\q1
\v 35 Ukuphindisela ngokwami; ngizabuyisela.
\q2 Ngesikhathi esifaneleyo unyawo lwabo luzatshelela;
\q1 usuku lwabo lokubhujiswa luseduze,
\q2 ukuchitheka kwabo kubalanda ngesiqubu.’
\b
\q1
\v 36 \nd UThixo\nd* uzakwahlulela abantu bakhe,
\q2 abe lozwelo ezincekwini zakhe
\q1 lapho esebona amandla abo ephela
\q2 njalo kakho ozasala, isigqili loba okhululekileyo.
\q1
\v 37 Uzakuthi: ‘Kanti bangaphi onkulunkulu babo,
\q2 lelodwala ababephephela kulo,
\q1
\v 38 onkulunkulu abadla amafutha emihlatshelo yabo
\q2 njalo banatha iwayini elingumnikelo wokunathwayo kwabo?
\q1 Kabaphakame balincedise!
\q2 Kabaliphe umthunzi wokuphephela!
\b
\q1
\v 39 Angithi liyazibonela ukuthi Mina ngiNguye!
\q2 Kakho omunye unkulunkulu ngaphandle kwami.
\q1 Ngiyabhubhisa njalo ngiyaphilisa.
\q2 Ngilimazile njalo ngizelapha,
\q2 kakho ongaphunyuka esandleni sami.
\q1
\v 40 Ngiphakamisela isandla sami ezulwini ngithi:
\q2 Njengoba ngeqiniso ngiphila nini lanini,
\q1
\v 41 nxa ngilola inkemba yami ephazimayo
\q2 lesandla sami siyibamba ekwehluleleni,
\q1 ngizaphindisela kuzozonke izitha zami,
\q2 ngiphindisele kulabo abangizondayo.
\q1
\v 42 Imitshoko yami izagava igazi,
\q2 kanti inkemba izakudla enyameni:
\q1 igazi lalabo ababulawayo labathunjwayo,
\q2 amakhanda alabo abangabakhokheli bezitha.’
\b
\q1
\v 43 Jabulani, lina zizwe, kanye labantu bakhe,
\q2 ngoba uzaphindisela igazi lezinceku zakhe,
\q1 uzaphindisela ezitheni zakhe,
\q2 njalo enzele ilizwe lakhe labantu bakhe indlela yokubuyisana.”
\p
\v 44 UMosi weza loJoshuwa indodana kaNuni wethula wonke amazwi engoma le abantu bonke besizwa. 
\v 45 UMosi wathi eqeda ukuwethula lamazwi phambi kwabo bonke abako-Israyeli, 
\v 46 wathi kubo, “Alondolozeni ezinhliziyweni zenu wonke lamazwi engiwethule phambi kwenu ngesifungo lamuhla, ukuze libe lakho ukubalaya abantwabenu ukuba bawalalele ngonanzelelo amazwi alo umthetho. 
\v 47 Akusimazwi alula nje kini, ayikuphila kwenu. Ngala amazwi lizaphila isikhathi eside elizweni eselingena kulo lichapha uJodani ukuba lilithathe libe ngelenu.”
\s1 UMosi Uzafela Entabeni YaseNebho
\p
\v 48 Ngalolosuku \nd uThixo\nd* watshela uMosi wathi, 
\v 49 “Khwela uye okhahlamba lwezintaba zase-Abharimi eNtabeni yaseNebho kwelamaMowabi, ngaphetsheya kweJerikho, ukuze ubone iKhenani, ilizwe engilinika abako-Israyeli ukuba balithathe libe ngelabo. 
\v 50 Phezu kwaleyontaba okhwele phezu kwayo uzakufa umbelwe uye kubokhokho bakho njengoba u-Aroni laye wafela entabeni yaseHori wembelwa kwabakibo. 
\v 51 Lokhu kungenxa yokuthi lina lobabili lalahla ithemba lenu kimi phambi kwabako-Israyeli emachibini aseMeribha Khadeshi, eNkangala yaseZini langenxa yokuthi alizange lime ngobungcwele bami phambi kwabako-Israyeli. 
\v 52 Ngenxa yalokho, ilizwe uzalibonela kude, awusoze ungene elizweni esengilinika abako-Israyeli ukuba bangene kulo.”
\c 33
\s1 UMosi Ubusisa Izizwana Zako-Israyeli
\p
\v 1 Lesi yiso isibusiso esethulwa nguMosi umuntu kaNkulunkulu kwabako-Israyeli engakafi. 
\v 2 Wathi:
\q1 “\nd UThixo\nd* wehla evela eSinayi
\q2 njalo wakhazimula kubo ngaseSeyiri;
\q2 wakhanyisa njalo kusiya eNtabeni yasePharani.
\q1 Wabuya labazinkulungwane ezilitshumi zabangcwele
\q2 bevelela eningizimu, emehlweni ezintaba zakhe.
\q1
\v 3 Ngempela nguwe othanda abantu,
\q2 bonke abangcwele basezandleni zakho.
\q1 Ezinyaweni zakho bayakhothama
\q2 bonke bamukele iziqondiso ezivela kuwe,
\q1
\v 4 umthetho esawuphiwa nguMosi,
\q2 inotho yebandla likaJakhobe.
\q1
\v 5 Wayeyinkosi phezu kukaJeshuruni
\q2 lapho abakhokheli babantu bebuthene,
\q2 ndawonye lezizwana zako-Israyeli.
\b
\q1
\v 6 Kaphile uRubheni njalo angafi,
\q2 abesilisa bakhe bangaphunguki babebalutshwana.”
\p
\v 7 Lokhu wakutsho ngoJuda:
\q1 “Zwana, wena \nd Thixo\nd* wami, ukukhala kukaJuda;
\q2 mlethe ebantwini bakhe.
\q1 Ngezandla zakhe uvikela lokho akumeleyo.
\q2 Yebo, msize amelane lezitha zakhe!”
\p
\v 8 NgoLevi wathi:
\q1 “IThumimi kanye le-Urimi yakho ngokwayo
\q2 inceku yakho ethembekileyo.
\q1 Wamhlola eMasa;
\q2 waba laye emachibini aseMeribha.
\q1
\v 9 Wathi ngoyise lonina,
\q2 ‘Angilandaba labo mina.’
\q1 Kazange akwamukele ukuthi ulabafowabo
\q2 njalo kazange ananze abantwabakhe,
\q1 kodwa walilondoloza ilizwi lakho
\q2 wasigcina isivumelwano sakho.
\q1
\v 10 Ufundisa amanyathelo akho kuJakhobe
\q2 lomthetho wakho ku-Israyeli.
\q1 Unikela ngempepha phambi kwakho
\q2 langeminikelo egcweleyo yokutshiswa e-alithareni.
\q1
\v 11 Busisa bonke ubuciko bakhe, \nd Thixo\nd*,
\q2 ujabule ngomsebenzi wezandla zakhe.
\q1 Babhubhise labo abamvukelayo;
\q2 zitshaye izitha zakhe zingaphindi zimvukele.”
\p
\v 12 NgoBhenjamini wathi:
\q1 “Yekelani othandekayo \nd kaThixo\nd*
\q2 aphumule kuye evikelekile,
\q1 ngoba umvikela ilanga lonke,
\q2 kanti njalo lowo \nd uThixo\nd* amthandayo
\q2 uphumula emahlombe akhe.”
\p
\v 13 NgoJosefa wathi:
\q1 “Sengathi \nd uThixo\nd* angabusisa umhlaba wakhe
\q2 ngamazolo aligugu avela phezulu ezulwini
\q2 langamanzi ajulileyo ageleza ngaphansi;
\q1
\v 14 langobuhle obuyingqala obulethwa lilanga
\q2 kanye lokucoleka okungalethwa yinyanga;
\q1
\v 15 lezipho zekhethelo zasezintabeni zendulo
\q2 lokuthela kwezithelo zamaqaqa emi nini lanini;
\q1
\v 16 langezipho eziyingqala zomhlaba lokugcwala kwawo
\q2 lozwelo lwakhe yena owayesesixukwini esivuthayo.
\q1 Konke lokhu akube sekhanda likaJosefa,
\q2 ebunzini lobuso benkosana phakathi kwabafowabo.
\q1
\v 17 Ebukhosini unjengenkunzi encane elizibulo;
\q2 impondo zakhe zinjengezenyathi.
\q1 Ngazo uzagweba abhuqe izizwe,
\q2 aze agwebe lalezo ezisemaphethelweni omhlaba.
\q1 Banjalo abezinkulungwane zamatshumi baka-Efrayimi;
\q2 banjalo abezinkulungwane zikaManase.”
\p
\v 18 NgoZebhuluni wathi:
\q1 “Jabula, Zebhuluni, ekuphumeni kwakho,
\q2 lawe wena, Isakhari, emathenteni akho.
\q1
\v 19 Bazabizela abantu ezintabeni khonale
\q2 banikele imihlatshelo yabo yokulunga;
\q1 bazakudla baminze ngobunengi bokusolwandle
\q2 ngawo amagugu afihlakele etshebetshebeni.”
\p
\v 20 NgoGadi wathi:
\q1 “Ubusisiwe lowo oqhelisa umbuso kaGadi!
\q2 UGadi uhlala khona njengesilwane,
\q2 edlithiza engalweni loba ekhanda.
\q1
\v 21 Wazikhethela umhlaba omuhle okwamagama waba ngowakhe;
\q2 isabelo somkhokheli sagcinelwa yena.
\q1 Kwathi ekuhlanganeni kwabakhokheli babantu,
\q2 wakwenza lokho okufunwa \nd nguThixo\nd* olungileyo,
\q2 kanye lokwahlulela kwakhe kwabako-Israyeli.”
\p
\v 22 NgoDani wathi:
\q1 “UDani ngumdlwane wesilwane,
\q2 otshakala uphuma eBhashani.”
\p
\v 23 NgoNafithali wathi:
\q1 “UNafithali uyaphuphuma ngozwelo \nd lukaThixo\nd*
\q2 njalo ugcwele izibusiso zakhe;
\q2 elakhe ilifa uzazuza kusiya eningizimu ngechibini.”
\p
\v 24 Ngo-Asheri wathi:
\q1 “Obusisiweyo kakhulu kulawo wonke amadodana ngu-Asheri;
\q2 ababelozwelo kuye abafowabo,
\q2 myekeleni ageze inyawo zakhe emafutheni.
\q1
\v 25 Amabhawudo emasangweni akho azakuba ngawensimbi lethusi
\q2 njalo amandla akho azalingana insuku zakho.
\b
\q1
\v 26 Kakho ofana loNkulunkulu kaJeshuruni,
\q2 ophezulu emazulwini ukuze akuncede
\q2 kanti njalo lasemayezini ngobukhosi bakhe.
\q1
\v 27 UNkulunkulu ongusimakade uyisiphephelo sakho,
\q2 njalo ngaphansi kuzingalo ezingelakuphela.
\q1 Uzazixotsha izitha phambi kwakho
\q2 esithi, ‘Mbulale!’
\q1
\v 28 Ngakho u-Israyeli uzaphila yedwa evikelekile,
\q2 umthombo kaJakhobe uvikelekile,
\q1 elizweni lamabele kanye lewayini elitsha,
\q2 lapho amazulu phezulu akhithizela khona amazolo.
\q1
\v 29 Ubusisiwe wena, Oh Israyeli!
\q2 Ngubani onjengawe,
\q2 abantu abahlengwa \nd nguThixo\nd*?
\q1 Ulihawu lakho lomsizi wakho
\q2 njalo uyinkemba yakho ekhazimulayo.
\q1 Izitha zakho zizatshotshobala phambi kwakho
\q2 njalo uzazinyathela phansi
\q2 zonke izindawo zabo zokukhonza eziphakemeyo.”
\c 34
\s1 Ukufa KukaMosi
\p
\v 1 UMosi wasekhwela eNtabeni yaseNebho evelela emagcekeni eMowabi esiya phezu kwePhisiga, ngaphetsheya malungana leJerikho. Kukhonale \nd uThixo\nd* amtshengisa khona ilizwe lonke, kusukela eGiliyadi kusiya kwelikaDani, 
\v 2 lonke elikaNafithali, ilizwe lika-Efrayimi lelikaManase, lonke ilizwe likaJuda kusiyafika olwandle olungentshonalanga, 
\v 3 iNegebi kanye lomhlaba wonke osuka eSigodini seJerikho, iDolobho laMalala, kusiya kude khonale eZowari. 
\v 4 Ngakho \nd uThixo\nd* wathi kuye, “Leli yilo ilizwe engathembisa ngesifungo u-Abhrahama, u-Isaka loJakhobe, lapho engathi khona, ‘Ngizalinika izizukulwane zenu.’ Ngikuvumele ukuthi ulibone ngawakho amehlo, kodwa awusoze uchaphele kulo.”
\p
\v 5 Ngakho uMosi inceku \nd kaThixo\nd* wafela khonapho kwelamaMowabi, njengokwakutshiwo \nd nguThixo\nd*. 
\v 6 Wamngcwaba eMowabi, esigodini esikhangelene leBhethi-Pheyori, kodwa kuze kube lamuhla lokhu kakho loyedwa olaziyo ingcwaba lakhe. 
\v 7 UMosi wayeseleminyaka elikhulu lamatshumi amabili ekufeni kwakhe, ikanti amehlo akhe ayesabona kuhle njalo engakaphelelwa ngamandla. 
\v 8 Abako-Israyeli bamlilela uMosi emagcekeni aseMowabi okwensuku ezingamatshumi amathathu, kwaze kwedlula insuku zokukhala lokulila.
\p
\v 9 UJoshuwa indodana kaNuni wayegcwele umoya wokuhlakanipha ngoba uMosi wayembeke izandla. Ngakho abako-Israyeli bamlalela njalo benza lokho \nd uThixo\nd* ayekulaye uMosi.
\p
\v 10 Kusukela lapho, kakukabi lomunye njalo umphrofethi ko-Israyeli onjengoMosi, owayesaziwa \nd nguThixo\nd* ubuso ngobuso, 
\v 11 owenza zonke lezozimanga lezibonakaliso ayethunywe \nd nguThixo\nd* ukuba ayezenza eGibhithe, kuFaro lakuzo zonke izikhulu zakhe lakulo lonke ilizwe lakhe. 
\v 12 Ngoba kakho oyake atshengisele amandla amakhulu kangako loba ukwenza izenzo ezesabekayo uMosi azenzayo emehlweni abo bonke abako-Israyeli.