\id 1PE - Biblica® Open Ndebele Contemporary Bible
\ide UTF-8
\h 1 UPhethro
\toc1 Incwadi Yakuqala KaPhethro
\toc2 1 UPhethro
\toc3 1Pe
\mt2 Incwadi Yakuqala
\mt1 KaPhethro
\c 1
\p
\v 1 UPhethro, umpostoli kaJesu Khristu,
\b
\p Kwabakhethiweyo bakaNkulunkulu, lasezihambini emhlabeni labahlakazekileyo kulolonke elasePhontusi, laseGalathiya, laseKhaphadokhiya, lase-Ezhiya kanye laseBhithiniya, 
\v 2 abakhethwe ngokumayelana lokwazi mandulo kukaNkulunkulu uBaba, ngomsebenzi ongcwelisayo kaMoya, ngokulalela uJesu Khristu langokuchelwa ngegazi lakhe:
\b
\p Umusa lokuthula kakube ngokwenu ngokwandileyo.
\b
\s1 Ukudumisa UNkulunkulu Ngenxa Yethemba Eliphilayo
\p
\v 3 Udumo kalube kuNkulunkulu uYise weNkosi yethu uJesu Khristu! Ngenxa yesihawu sakhe esikhulu usinike ukuzalwa kutsha ethembeni eliphilayo ngokuvuka kwabafileyo kukaJesu Khristu, 
\v 4 kanye laselifeni elingasoze libole, lonakale loba libune njalo eliligcinelweyo ezulwini. 
\v 5 Ngokukholwa livikelwe ngamandla kaNkulunkulu kuze kufike ukusindiswa okulungiselwe ukubonakaliswa ngesikhathi sokucina. 
\v 6 Liyathokoza kakhulu ngalokhu lanxa like lahlupheka okwesikhatshana ngezinsizi zezinhlobo zonke zezilingo. 
\v 7 Zifikile ukuze ukukholwa kwenu okulinganisiweyo, okuqakatheke kakhulu kulegolide, elonakalayo lanxa licengwe ngomlilo kubonakaliswe kuqotho njalo kulethe ukubonga, lenkazimulo kanye lodumo lapho uJesu Khristu esebonakaliswa. 
\v 8 Lanxa lingambonanga, liyamthanda; njalo lanxa lingamboni khathesi, liyakholwa kuye njalo ligcwele intokozo engakhulumekiyo lemangalisayo, 
\v 9 ngoba lamukela umvuzo wokukholwa kwenu, ukusindiswa kwemiphefumulo yenu.
\p
\v 10 Mayelana lokusindiswa lokhu, abaphrofethi abakhuluma ngomusa owawuzakuza kini, badingisisa ngesineke esikhulu, 
\v 11 bezama ukwazi isikhathi lomumo okwakutshiwo nguMoya kaKhristu owayekubo lapho atsho mandulo ngezinhlupheko zikaKhristu lenkazimulo eyayizalandela. 
\v 12 Kwabonakaliswa kubo ukuthi bona babengazisebenzeli kodwa besebenzela lina lapho babekhuluma ngezinto khathesi eselizitshelwe yilabo abatshumayele ivangeli kini ngoMoya oNgcwele owathunywa evela ezulwini. Lezingilosi ziyafisa ukuzibona lezizinto.
\s1 Wobani Ngcwele
\p
\v 13 Ngakho-ke, lungiselani ingqondo zenu okungenziwa; zithibeni; bekani ithemba lenu ngokupheleleyo emuseni elizawuthola lapho uJesu Khristu esebonakaliswa. 
\v 14 Njengabantwana abalalelayo lingavumeli izinkanuko ezimbi elalilazo lingakazi. 
\v 15 Kodwa njengoba lowo owalibizayo engcwele, ngakho wobani ngcwele kukho konke elikwenzayo; 
\v 16 ngoba kulotshiwe ukuthi: “Wobani ngcwele ngoba mina ngingcwele.”\f + \fr 1.16 \fr*\ft ULevi 11.44-45; 19.2\ft*\f*
\p
\v 17 Njengoba likhuleka kuYihlo owahlulela imisebenzi yomuntu ngamunye kungekho bandlululo, philani impilo yenu lapha njengezihambi ngokuhlonipha. 
\v 18 Ngoba liyakwazi ukuthi kalihlengwanga ngezinto ezifayo ezinjengegolide lesiliva endleleni yokuphila eyize elakutshiyelwa ngokhokho benu, 
\v 19 kodwa ngegazi eliligugu likaKhristu imvana engelacala loba isici. 
\v 20 Wakhethwa umhlaba ungakadalwa, kodwa wabonakaliswa ngalezi izikhathi zokucina ngenxa yenu. 
\v 21 Ngaye liyakholwa kuNkulunkulu, owamvusa kwabafileyo wamnika inkazimulo, ngakho ukukholwa kwenu lethemba kukuNkulunkulu.
\p
\v 22 Njengoba khathesi selizihlambulule ngokulalela iqiniso ukuze libe lothando oluqotho kubazalwane benu, thandanani kakhulu, kusuka enhliziyweni. 
\v 23 Ngoba selizelwe kutsha, kungasikho ngenhlanyelo ebolayo, kodwa ngengaboliyo, ngelizwi eliphilayo eliqinileyo likaNkulunkulu. 
\v 24 Ngoba,
\q1 “Abantu bonke banjengotshani,
\q2 bonke ubukhosi babo bunjengamaluba eganga;
\q1 utshani buyabuna njalo amaluba ayakhithika,
\q2
\v 25 kodwa ilizwi leNkosi limi kuze kube nini lanini.”\f + \fr 1.25 \fr*\ft U-Isaya 40.6-8\ft*\f*
\m Njalo leli yilo ilizwi elatshunyayelwa kini.
\c 2
\p
\v 1 Ngakho-ke, lahlani ububi bonke lenkohliso yonke, lokuzenzisa, lomona, kanye lesinyeyo senhlobo zonke. 
\v 2 Njengabantwana abasanda kuzalwa, funani uchago lwakomoya oluhlambukileyo, ukuze likhuliswe yilo ekusindisweni kwenu, 
\v 3 njengoba selibonile ukuthi iNkosi ilungile.
\s1 ILitshe Eliphilayo Kanye Labantu Abakhethiweyo
\p
\v 4 Lapho lisiza kuye, iLitshe eliphilayo, elalahlwa ngabantu, kodwa elakhethwa nguNkulunkulu njalo liligugu kuye, 
\v 5 lani futhi, njengamatshe aphilayo lakhiwa laba yindlu yakomoya ukuba libe ngabaphristi abangcwele, linikela imihlatshelo yakomoya eyamukelekayo kuNkulunkulu ngoJesu Khristu. 
\v 6 Ngoba emibhalweni kuthiwa:
\q1 “Khangelani, ngibeka ilitshe eZiyoni,
\q2 ilitshe lekhoneni elikhethiweyo eliligugu,
\q1 njalo lowo okholwa kuye
\q2 akayikuyangiswa.”\f + \fr 2.6 \fr*\ft U-Isaya 28.16\ft*\f*
\m
\v 7 Kini lina abakholwayo, ilitshe leli liligugu. Kodwa kulabo abangakholwayo,
\q1 “Ilitshe elalahlwa ngabakhi
\q2 seliyilona ilitshe lekhoneni,”\f + \fr 2.7 \fr*\ft AmaHubo 118.22\ft*\f*
\m
\v 8 njalo,
\q1 “Ilitshe elikhubekisa abantu
\q2 ledwala elibenza bawe.”\f + \fr 2.8 \fr*\ft U-Isaya 8.14\ft*\f*
\m Bayakhubeka ngoba badelela ilizwi okuyikho njalo abakumiselweyo.
\p
\v 9 Kodwa lina lingabantu abakhethiweyo, ubuphristi bobukhosi, isizwe esingcwele, abantu abangabakaNkulunkulu, ukuba limemezele indumiso yakhe yena owalibiza lisemnyameni ukuba lize ekukhanyeni kwakhe okumangalisayo. 
\v 10 Lake langabi ngabantu, kodwa khathesi selingabantu bakaNkulunkulu; lake laswela isihawu; kodwa khathesi selithole isihawu.
\s1 Ukuphila Ngokulunga Emphakathini Ongakholwayo
\p
\v 11 Bangane abathandekayo, ngiyalincenga, njengabezizweni lezihambi emhlabeni ukuba lizile izinkanuko zesono ezilwa lemiphefumulo yenu. 
\v 12 Philani impilo elungileyo phakathi kwabangakholwayo ukuze kuthi lanxa besithi lenza okubi, babone izenzo zenu ezilungileyo badumise uNkulunkulu mhla esiza kithi.
\s1 Ukuzehlisa Kubabusi Lasemakhosini
\p
\v 13 Zehliseni ngenxa yeNkosi emibusweni yonke ebekwe phakathi kwabantu: loba enkosini, njengamandla amakhulu, 
\v 14 loba kubabusi abathunywe yiyo ukuba bajezise labo abenza okubi kanye lokubonga labo abenza okulungileyo. 
\v 15 Ngoba kuyintando kaNkulunkulu ukuthi ngokwenza okulungileyo lizaqeda inkulumo yokungazi yabantu abayiziwula. 
\v 16 Philani njengabantu abakhululekileyo, kodwa lingasebenzisi inkululeko yenu njengezaba lokufihla ububi; philani njengezinceku zikaNkulunkulu. 
\v 17 Tshengisani inhlonipho eqondileyo kwabanye. Thandani izimuli zabazalwane, lihloniphe umuntu wonke, mesabeni uNkulunkulu, lihloniphe umbusi.
\p
\v 18 Zigqili, zehliseni emakhosini enu ngenhlonipho yonke, hatshi kuphela kulawo alungileyo lalozwelo, kodwa lakulawo alolaka. 
\v 19 Ngoba kuyabongeka nxa umuntu eqinisela ebuhlungwini bokuhlupheka okungafanelanga ngoba uyazi ngoNkulunkulu. 
\v 20 Kodwa kuba ludumo njani kini nxa litshayelwa ukwenza okungalunganga njalo likubekezelela? Kodwa nxa lihlukuluzelwa ukwenza okuhle njalo likubekezelela, lokhu kuyancomeka phambi kukaNkulunkulu. 
\v 21 Labizelwa lokhu, ngoba uKhristu walihluphekela, walitshiyela isibonelo ukuba lilandele ezinyathelweni zakhe.
\q1
\v 22 “Yena kenzanga sono,
\q2 njalo akukho nkohliso eyatholakala emlonyeni wakhe.”\f + \fr 2.22 \fr*\ft U-Isaya 53.9\ft*\f*
\m
\v 23 Kwathi bemthethisa, yena kaphindiselanga; lapho ehlupheka, kazange asonge. Kodwa wathembeka kulowo owahlulela ngokulunga. 
\v 24 “Yena ngokwakhe wathwala izono zethu”\f + \fr 2.24 \fr*\ft U-Isaya 53.5\ft*\f* emzimbeni wakhe esiphambanweni ukuze siphephe ezonweni njalo siphilele ukulunga; “lisilisiwe ngamanxeba akhe.”\f + \fr 2.24 \fr*\ft U-Isaya 53.5\ft*\f* 
\v 25 Ngoba “lina lalinjengezimvu ezilahlekileyo,”\f + \fr 2.25 \fr*\ft U-Isaya 53.6\ft*\f* kodwa khathesi selibuyele kuMalusi loMbonisi wemiphefumulo yenu.
\c 3
\s1 Abesifazane Labomkabo
\p
\v 1 Ngokunjalo, bafazi zehliseni kubomkenu ukuze kuthi lanxa abanye babo bengalikholwa ilizwi, baphenduke ngokuziphatha kwabomkabo kungekho kukhuluma, 
\v 2 lapho bebona ukuhlanzeka lenhlonipho yokuphila kwenu. 
\v 3 Ubuhle benu kabungaveli ekuziceciseni kwangaphandle, okunjengenwele ezelukiweyo lokugqiza izigqizo zegolide kanye lokugqoka izigqoko ezinhle. 
\v 4 Kodwa kumele bube ngobangaphakathi kwenu, ubuhle obungapheliyo bomoya omnene lothuleyo, oligugu elikhulu emehlweni kaNkulunkulu. 
\v 5 Ngoba le yiyo indlela abesifazane abangcwele bakudala ababethembe uNkulunkulu bejayele ukuzicola ngayo. Babezehlisa kubomkabo, 
\v 6 njengoSara owalalela u-Abhrahama wambiza ngokuthi yinkosi yakhe. Lingamadodakazi kaSara nxa lisenza okulungileyo njalo lingavumeli ukwesaba.
\p
\v 7 Ngokufanayo, madoda ekuphileni kwenu labomkenu wobani lozwelo, libaphathe ngenhlonipho njengababuthakathaka labazindlalifa kanye lani zesipho sokuphila esomusa, ukuze kungabi lalutho oluzavimbela imikhuleko yenu.
\s1 Ukuhluphekela Ukwenza Okulungileyo
\p
\v 8 Okokucina lonke hlalisanani ngokuthula; wobani lozwelo, lithandane njengabazalwane, libe lesihawu kanye lokuthobeka. 
\v 9 Lingaphindiseli okubi ngokubi loba inhlamba ngenhlamba, kodwa ngesibusiso, ngoba labizelwa ukuze lizuze ilifa lokubusiswa. 
\v 10 Ngoba,
\q1 “Lowo othanda ukuphila
\q2 abone lensuku ezinhle
\q1 kumele anqande ulimi lwakhe kokubi
\q2 lezindebe zakhe ekukhulumeni inkohliso.
\q1
\v 11 Kumele batshiye ububi benze okulungileyo;
\q2 kumele bafune ukuthula njalo bakunxwanele.
\q1
\v 12 Ngoba amehlo kaThixo akhangele abalungileyo
\q2 lezindlebe zakhe ziyezwa, imikhuleko yabo,
\q1 kodwa ubuso bukaJehova bumelana lalabo abenza okubi.”\f + \fr 3.12 \fr*\ft AmaHubo 34.12-16\ft*\f*
\p
\v 13 Ngubani ozalilimaza nxa litshisekela ukwenza okulungileyo na? 
\v 14 Kodwa lanxa lingahlupheka ngenxa yokulungileyo, libusisekile. “Lingakwesabi lokho abakwesabayo; kalingethuswa.”\f + \fr 3.14 \fr*\ft U-Isaya 8.12\ft*\f* 
\v 15 Kodwa yamukelani uKhristu ezinhliziyweni zenu njengeNkosi engcwele. Hlalani lilungele ukuphendula loba ngubani olibuza isizatho ngethemba elilalo. 
\v 16 Kodwa lokhu kwenzeni ngobumnene langenhlonipho, lilesazela esihle, ukuze kuthi labo abakhuluma okubi ngokuziphatha kwenu okuhle kuKhristu bayangeke ngokuhlambaza kwabo. 
\v 17 Ngoba kungcono nxa kuyintando kaNkulunkulu, ukuhlupheka ngenxa yokwenza okulungileyo kulokwenza okubi. 
\v 18 Ngoba uKhristu wafela izono zenu kwaba kanye, olungileyo efela abangalunganga, ukuze alise kuNkulunkulu. Wabulawa emzimbeni, kodwa wavuswa nguMoya, 
\v 19 wahamba ngaye wayatshumayela emimoyeni eyayisentolongweni yona 
\v 20 engalalelanga kudala lapho uNkulunkulu alinda khona ngokubekezela ensukwini zikaNowa umkhumbi usakhiwa. Phakathi kwawo abantu abalutshwana nje kuphela, abayisificaminwembili bebonke, basindiswa ngamanzi, 
\v 21 njalo amanzi la afanekisa umbhaphathizo osusilisa lani futhi, kungayisikho kususa ingcekeza emzimbeni kodwa kuyisibambiso sesazela esihle kuNkulunkulu. Siyalisilisa ngokuvuka kwabafileyo kukaJesu Khristu, 
\v 22 oseye ezulwini njalo usesandleni sokunene sikaNkulunkulu, lezingilosi, leziphathamandla kanye lezikhulu ekuzehliseni kuye.
\c 4
\s1 Ukuphilela UNkulunkulu
\p
\v 1 Ngakho, njengoba uKhristu wahlupheka emzimbeni wakhe, lani hlomani ngesimo esifanayo, ngoba lowo owahluphekayo emzimbeni wakhe usehlule isono. 
\v 2 Ngakho-ke, ukuphila kwakhe kwasemhlabeni okuseleyo kakuphileli izinkanuko ezimbi zabantu, kodwa intando kaNkulunkulu. 
\v 3 Ngoba selichithe isikhathi esaneleyo ngaphambili lisenza lokho abahedeni abakhetha ukukwenza, impilo yobudlova, inkanuko, lokudakwa, ukuzitika, ukuzivusa amadlabuzane kanye lezithombe eziyisinengiso. 
\v 4 Bakubona kumangalisa ukuthi kalibhudlukeli kanye labo kusikhukhula sinye sencithakalo, njalo bayalithuka kakhulu. 
\v 5 Kodwa kuzamela baziphendulele kuye olungele ukwahlulela abaphilayo kanye labafileyo. 
\v 6 Ngoba lesi yiso isizatho esenza kwatshunyayelwa ivangeli lakulabo khathesi asebefile, ukuze bahlulelwe ngokwabantu ngokomzimba, kodwa baphile ngokukaNkulunkulu ngokomoya.
\p
\v 7 Ukuphela kwezinto zonke sekusondele. Ngakho-ke, kumele liqedisise njalo lizithibe ukuze likhuleke. 
\v 8 Phezu kwakho konke, thandanani ngokupheleleyo, ngoba uthando lugqibela izono ezinengi. 
\v 9 Yamukelanani emakhaya enu kungekho kukhonona. 
\v 10 Lowo lalowo kumele asebenzise loba yisiphi isipho somoya asamukelayo ekusizeni abanye, njengenceku ezithembekileyo zomusa kaNkulunkulu ngesimo sawo olezimo ezehlukeneyo. 
\v 11 Nxa umuntu ekhuluma, kumele akhulume njengokhuluma amazwi kaNkulunkulu wona ngokwawo. Nxa umuntu ekhonza, kumele akhonze ngamandla awaphiwa nguNkulunkulu, ukuze kuthi ezintweni zonke uNkulunkulu adunyiswe ngoJesu Khristu. Udumo lamandla kakube kuye kuze kube nini lanini. Ameni.
\s1 Ukuhlupheka Ngenxa Yokuba NgumKhristu
\p
\v 12 Bangane bami abathandekayo, lingamangaliswa yibuhlungu besilingo elibuzwayo, kungathi kwenzakala into engaziwayo kini. 
\v 13 Kodwa thokozani ngokuthi liyahlanganyela ekuhluphekeni kukaKhristu, ukuze lithokoze kakhulu lapho inkazimulo yakhe isibonakaliswa. 
\v 14 Nxa lithukwa ngenxa yebizo likaKhristu, libusisiwe, ngoba uMoya wenkazimulo lokaNkulunkulu uhlezi phezu kwenu. 
\v 15 Nxa lihlupheka, akungabi njengombulali loba isela kumbe olunye uhlobo lwesigebenga loba lanjengongenelayo ezindabeni zabanikazi. 
\v 16 Kodwa-ke, nxa lihlupheka njengomKhristu, lingayangeki, kodwa dumisani uNkulunkulu ngebizo lakhe. 
\v 17 Ngoba kuyisikhathi sokuthi ukwahlulela kuqalise ngabendlu kaNkulunkulu; njalo nxa kuqalisa ngathi, isiphetho sizakuba yini kulabo abangalaleli ivangeli likaNkulunkulu na? 
\v 18 Njalo,
\q1 “Nxa kunzima ukuba abalungileyo basindiswe,
\q2 pho kuzakuba njani kwabangakholwayo labayizoni na?”\f + \fr 4.18 \fr*\ft Izaga 11.31\ft*\f*
\p
\v 19 Ngakho-ke, labo abahlupheka ngokwentando kaNkulunkulu kumele bazinikele kuMdali wabo othembekileyo njalo baqhubeke besenza okulungileyo.
\c 5
\s1 Ebadaleni Lemhlambini
\p
\v 1 Ebadaleni abaphakathi kwenu, ngiyakhalaza njengomunye wabadala, ufakazi wezinhlupheko zikaKhristu lomunye laye ozahlanganyela enkazimulweni ezabonakaliswa: 
\v 2 Wobani ngabelusi bomhlambi kaNkulunkulu eliwugcinayo, lisebenze njengababonisi, kungasikubanjwa ngamandla, kodwa ngenxa yokuthanda kwenu, njengoba uNkulunkulu efuna ukuba libe njalo; lingelamhawu wemali, kodwa lifisa ukusiza; 
\v 3 hatshi ukubusa ababekwe ezandleni zenu, kodwa liyisibonelo emhlambini. 
\v 4 Lapho uMalusi oMkhulu evela, lizakwamukela umqhele wenkazimulo engayikufiphala.
\p
\v 5 Majaha, ngokunjalo zehliseni ebadaleni. Lonke zembathiseni ngokuthobeka omunye komunye, ngoba,
\q1 “UNkulunkulu umelana labazigqajayo,
\q2 kodwa abe lomusa kwabathobekileyo.”\f + \fr 5.5 \fr*\ft Izaga 3.34\ft*\f*
\m
\v 6 Ngakho-ke, zithobeni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo. 
\v 7 Yethulani kuye konke ukukhathazeka kwenu ngoba yena uyalikhathalela.
\p
\v 8 Zithibeni, liqaphele. Isitha senu uSathane, siyazulazula njengesilwane esibhongayo sidinga esingamudla. 
\v 9 Menqabeni, liqine ekukholweni ngoba liyakwazi ukuthi abazalwane benu emhlabeni wonke baphakathi kwalezo zinhlupheko.
\p
\v 10 Njalo uNkulunkulu womusa wonke, yena owalibizela enkazimulweni kaKhristu engulaphakade, emva kokuba lihlupheke okwesikhatshana, yena uqobo uzalivuselela alenze libe lamandla, liqine njalo lithembeke. 
\v 11 Amandla kawabe kuye kuze kube nini lanini. Ameni.
\b
\s1 Ukuvalelisa
\p
\v 12 Ngosizo lukaSayilasi, engimthanda njengomzalwane othembekileyo, ngililobele ngamafitshane ngilikhuthaza njalo ngifakaza ukuthi lo ngumusa oqotho kaNkulunkulu. Bambelelani kuwo.
\b
\p
\v 13 Lowo oseBhabhiloni, owakhethwa kanye lani, uyalibingelela, loMakho indodana yami iyalibingelela.
\p
\v 14 Bingelelanani ngokwangana kothando.
\b
\p Ukuthula kakube kini lonke elikuKhristu.