\id PSA 
\ide UTF-8
\h SALMOS
\toc1 Salmos
\toc2 SALMOS
\toc3 Sal.
\mt1 Salmos
\c 1
\s1 Tajtacolchihuani huan cati itztoque xitahuaque iixpa Toteco
\q1
\v 1 Paqui nopa masehuali cati amo quitacaquilía inincamanal amo cuajcualme,
\q1 yon amo quintoquilía tajtacolchihuani.
\q1 Yon amo mohuica inihuaya cati ica paquij TOTECO.
\q1
\v 2 Nopa masehuali quipantía hueyi paquilisti pampa quichijtinemi cati quiijtohuaj itanahuatilhua TOTECO,
\q1 huan ipan nopa tanahuatilme moyolilhuijtinemi tonaya huan tayohua.
\q1
\v 3 Nopa masehuali itztoc quej se cuahuit cati moscaltía nechca atenti,
\q1 huan temaca itajca quema ipohual huan amo quema xihuiyo tepehui.
\q1 Nochi cati quichihua quisa cuali.
\q1
\v 4 Pero amo quej nopa ica masehualme cati amo cuajcualme,
\q1 pampa inijuanti itztoque quej tasoli cati quihuica ajacat.
\q1
\v 5 Yeca quema TOTECO tetajtolsencahuas,
\q1 nopa amo cuajcualme amo huelise quiijyohuise,
\q1 pampa yaya tahuel chicahuac quintatzacuiltis.
\q1 Quena, ipan nopa tonali tajtacolchihuani ayecmo huelis itztose inihuaya masehualme cati itztoque xitahuaque iixpa.
\q1
\v 6 Pampa TOTECO quiixmati nopa ojti cati quitoquilíaj masehualme cati itztoque xitahuaque,
\q1 pero masehualme cati quichihuaj cati amo cuali, polihuise.
\c 2
\s1 Quema tanahuatis Icone TOTECO
\q1
\v 1 Se huihuiyot para tanahuatiani huan inimasehualhua cati amo quiixmatij TOTECO motananase iixpa.
\q1 San tapic para mocualtalise quichihuase ten fiero.
\q1
\v 2 Tanahuatiani huan tayacanca tequichihuani ipan taltipacti mosisinise,
\q1 huan mocamanalhuise taya huelis quichihuilise TOTECO huan nopa Tanahuatijquet Cati Yaya Quitapejpenijtoc.
\q1
\v 3 Tahuejchihuase huan moilhuise:
\q1 “Ma timoquixtilica nopa tepos cadena cati ica techilpitoc.
\q1 Ma timomanahuica para ayecmo huelis technahuatis TOTECO.”
\q1
\v 4 Pero Toteco cati itztoc nepa ilhuicac huan quinahuatía nochi,
\q1 san quinhuetzquilis.
\q1 Quena, san ininca paquis,
\q1 pampa iixpa ya amo teno ipati cati inijuanti quipilsencahuase.
\q1
\v 5 Teipa quema quiyolaxitise TOTECO,
\q1 melahuac quinixcoilhuis.
\q1 Huan ica miyac cualanti quinmajmatis huan quiijtos:
\q1
\v 6 “Ya nijtalijtoc notanahuatijca para tanahuatis ipan altepet Jerusalén.
\q1 Yaya mosehuis ipan isiyaj cuajcualtzi nepa ipan notepe tatzejtzeloltic cati itoca Sion.”
\q1
\v 7 Huan cati TOTECO quitapejpenijtoc para itanahuatijca quiijtos:
\q1 Nitayolmelahuas cati TOTECO nechilhuijtoc huan ya ni cati quiijto:
\q1 “Ta tiTanahuatijquet, tiNocone.
\q1 Ama nitayolmelahua miyacapa para na nimoTata.
\q1
\v 8 Techtajtani huan nimitzmacas nochi talme huan inimasehualhua para moaxcahua.
\q1 Quena, tijselis hasta nochi taltipacti para moaxca.
\q1
\v 9 Xiquinnahuati chicahuac quej se tanahuatijquet cati tanahuatía ica teposti imaco para ica tetatzacuiltis.
\q1 Quena, xiquinomiyopojpostequi mosisinijca masehualme quej elisquíaj soqui chachapalme.”
\q1 (Quej nopa TOTECO quitequimacac itanahuatijca ma quichihua.)
\q1
\v 10 Yeca, antanahuatiani huan antequichihuani ipan taltipacti,
\q1 ximotalnamictica huan ximomocuitahuica ica cati anquichihuaj.
\q1 Ama xijtacaquilica cati nimechilhuía quema noja anhuelij.
\q1
\v 11 Xijtequipanoca TOTECO pero nojquiya xiquimacasica huan xijtepanitaca pampa anmomacaj cuenta ajquiya ya.
\q1 Xijhueyichihuaca TOTECO ica paquilisti huan xiquimacasica anquichihuase cati amo quinamiqui.
\q1
\v 12 Ximotancuaquetzaca iixpa Icone TOTECO ica majmajti huan xijtzoponica.
\q1 Sinta amo, antalochmiquise pampa nimantzi cualani.
\q1 Pero nelía paquij masehualme cati motemachíaj ipan ya para ma quinpalehui.
\c 3
\s1 Se netatajtili para Toteco Dios ma quipalehui
\q1
\v 1 TOTECO, nelía momiyaquilíaj nocualancaitacahua.
\q1 Quena, nelmiyaqui motananaj para techtehuise.
\q1
\v 2 Miyaqui quiijtohuaj para ta amo quema techpalehuis.
\q1
\v 3 Pero TOTECO, ta techyahualohua para techmanahuis.
\q1 Ta cati techhueyitalía huan san ta cati tihueli techyolchicahua.
\q1
\v 4 Chicahuac nimitztzajtzili, TOTECO,
\q1 para techpalehuis.
\q1 Huan ta technanquili hasta campa tionitztoc nepa ipan motepe cati tatzejtzeloltic.
\q1
\v 5 Yeca nimotejqui huan cuali nicochqui.
\q1 Huan quema niisac,
\q1 amo teno nopantitoya pampa ta, TOTECO, techmocuitahuía.
\q1
\v 6 Ama ayecmo nechmajmatise masque majtacti mil nocualancaitacahua nechyahualose para nechtehuise.
\q1
\v 7 Ximotanana, TOTECO.
\q1 Techmaquixti, ta tinoTeco Dios.
\q1 Chicahuac xiquinmaquili nochi nocualancaitacahua ipan inixayac.
\q1 Xiquintanpojpostequi nopa mosisinijca masehualme,
\q1 para tamis nochi ininchicahualis huan amo teno huelis nechchihuilise.
\q1
\v 8 San ta, TOTECO, hueli titemaquixtía.
\q1 Hueyi paquilisti quipiyaj nochi momasehualhua.
\c 4
\s1 Monequi timotemachise ipan Toteco Dios
\q1
\v 1 Toteco Dios, ta techchijtoc nixitahuac moixpa,
\q1 Se favor technanquili quema nimitznojnotza.
\q1 Ta cati nochipa techpalehuía quema nitaijyohuía,
\q1 ama sempa techtasojta huan xijcaqui quema nimotatajtía.
\b
\q1
\v 2 “Anmasehualme, xijtacaquilica ya ni:
\q1 ¿Hasta quema tamis para anpaquise ica na cati más quinamiqui nijselis tatepanitacayot?
\q1 ¿Hasta quema noja anquinhueyichihuase taixcopincayome cati amo neli Dios?
\q1 ¿Hasta quema noja anmocahuase ma amechcajcayahuaca?”
\b
\q1
\v 3 Anmasehualme, xijmatica ya ni.
\q1 TOTECO techiyocatalijtoc para tiiaxcahua nochi tojuanti cati techcojtoc.
\q1 Huan yaya nechtacaquilía quema nijnojnotza huan nechchihuilía cati nijtajtanía.
\q1
\v 4 Masque anhuihuipicaj ica cualanti,
\q1 amo xitajtacolchihuaca.
\q1 Quema anmotectose ipan amotapech huan amo teno molinía,
\q1 ximoyolilhuica cati eltoc ipan amoyolo.
\q1
\v 5 Xijchihuaca cati quinequi TOTECO huan ya nopa elis quej anquimacasquíaj se tacajcahualisti cati quipactía.
\q1 Quena, ximotemachica ipan ya.
\b
\q1
\v 6 Miyac quiijtohuaj:
\q1 “Amo aqui huelis techpalehuis.”
\q1 Pero ta tihueli, TOTECO.
\q1 Techcualita huan techtiochihua.
\q1
\v 7 Ta tijtalijtoc ipan noyolo más paquilisti,
\q1 huan amo quej cati quipiyaj masehualme cati quipixcaj miyac trigo,
\q1 o quipiyaj miyac xocomecat iayo.
\q1
\v 8 Yeca na nimotecas ica paquilisti ipan noyolo huan ica cuali nicochis,
\q1 pampa nijmati san ta, TOTECO, techmanahuía huan amo teno huelis se masehuali nechchihuilis.
\c 5
\s1 David motatajtiyaya cualca mojmosta
\q1
\v 1 TOTECO, xijtacaquili nocamanal.
\q1 Xijchihuili cuenta quema niaxti.
\q1
\v 2 Ta tinoTeco Dios cati tiitztoc tinotanahuatijca, techtacaquili quema nimitztajtanía techpalehui,
\q1 pampa amo aqui seyoc nijtajtanía.
\q1 San nimotatajtía ica ta.
\q1
\v 3 Sese ijnaloc nelcualca nimitzpohuilía cati nopanti, TOTECO.
\q1 Mojmosta nimitztajtanía cati monequi,
\q1 huan san nimochiya para technanquilis.
\q1
\v 4 Ta tiToteco Dios cati amo mitzpactía cati amo cuali.
\q1 Yeca amo tiquincahuilía amo cuajcualme ma itztoca mohuaya.
\q1
\v 5 Cati mohueyimatij amo hueli moquetzase moixpa.
\q1 Tiquincualancaita nochi cati quichihuaj cati amo cuali.
\q1
\v 6 Tiquintzontamiltía masehualme cati istacatij.
\q1 Quena, TOTECO, amo tijnequi tiquinitas cati tacajcayahuaj huan temictíaj.
\q1
\v 7 Pero na, pampa hueyi motaicnelijcayo,
\q1 huelis nicalaquis mochaj.
\q1 Quena, huelis nimitzhueyichihuas ipan motatzejtzeloltijca tiopa,
\q1 pampa nimitztepanita huan nimajmahui para nimitzixpanos.
\q1
\v 8 TOTECO, techyacana quej nohuaya timocajtoc tijchihuas,
\q1 pampa itztoque nocualancaitacahua.
\q1 Technextili moojhui cati xitahuac.
\q1
\v 9 Nocualancaitacahua amo quema quiijtohuaj cati melahuac.
\q1 Amo aqui hueli motemachía ipan inincamanal.
\q1 Ipan iniyolo san quinequij tetzontamiltise.
\q1 Inincamac eltoc fiero quej quema quitapohuaj se mijca ostot.
\q1 Tecamanalhuíaj ica camanali cati cuajcualtzi san para tacajcayahuase.
\q1
\v 10 Xiquintatzacuilti, noTeco Dios.
\q1 Xiquinmasilti ica cati amo cuali moilhuijtoque quinchihuilise sequinoc.
\q1 Xiquinhuejcamajcahua pampa miyac inintajtacolhua.
\q1 Quena, xiquinhuejcamajcahua pampa mohuejcatalijtoque ten ta.
\q1
\v 11 Pero ma paquica nochi cati motemachíaj ipan ta para xiquinpalehui.
\q1 Nochipa ma huicaca ica paquilisti pampa ta tiquinmanahuía.
\q1 Cati mitzicnelíaj paquij ipan ta.
\q1
\v 12 Pampa ta, TOTECO, tiquintiochihua cati quichihuaj cati xitahuac moixpa.
\q1 Motaicnelijcayo quinyahualohua quej se tepos tzajcayot cati quinmocuitahuía.
\c 6
\s1 Quenicatza ma timotatajtica quema timotequipachohuaj
\q1
\v 1 TOTECO, amo techajhua quema ticualani.
\q1 Amo techtatzacuilti quema tahuel ticualantoc.
\q1
\v 2 Techtasojta, pampa nimococohua.
\q1 TOTECO, techchicahua, pampa tahuel nechcocohua nochi notacayo.
\q1
\v 3 Nihuihuipica ica majmajti huan amo nijmati taya nijchihuas.
\q1 Huan ta TOTECO, ¿hasta quema tihualas para techtananas?
\q1
\v 4 Xihuala, TOTECO, techmanahuiqui para amo nimiquis.
\q1 Techmaquixti pampa tahuel techicnelía.
\q1
\v 5 Amo aqui cati mictoc huelis mitzelnamiquis.
\q1 ¿Ajquiya huelis mitzhueyichihuas sinta mictoc huan ya quitalpachojtoque?
\q1
\v 6 Ya tanqui nofuerza ica choquisti.
\q1 Sese tayohua nichoca miyac hasta nijtamixolonía notzonteto.
\q1
\v 7 Nichocatoc miyac hasta nechcocohua noixteyol huan ayecmo hueli nitachiya.
\q1 Quena, nichoca quema nimoilhuía cati nocualancaitacahua nechchihuilijtoque.
\b
\q1
\v 8 Techtalcahuica, tajtacolchijca masehualme,
\q1 pampa TOTECO quicactoc quenicatza nichoca.
\q1
\v 9 Yaya quicactoc cati nijtajtanijtoc,
\q1 huan quiselijtoc nonetatajtilis.
\b
\q1
\v 10 Nochi nocualancaitacahua pinahuase huan huetzise.
\q1 Ica se talojtzi TOTECO quintahuisos ipan pinahualisti.
\c 7
\s1 TOTECO tetajtolsencahua xitahuac
\q1
\v 1 TOTECO, ta cati tinoDios,
\q1 ipan ta nimotemachía para techmanahuis.
\q1 Techmaquixti inimaco nochi cati nechtoquilijtinemij.
\q1
\v 2 Nocualancaitacahua itztoque quej tecuanime huan sinta ta amo techmanahuis,
\q1 nechcocototzase huan amo aqui nechmaquixtis.
\q1
\v 3 TOTECO, sinta nelía nijhuicasquía tajtacoli,
\q1 quinamiqui ma nechcualancaitaca.
\q1
\v 4 Sinta nijcuepilijtosquía ica cati amo cuali se nohuampo cati cuali itztoya nohuaya,
\q1 huajca quena.
\q1
\v 5 Sinta quej nopa nijchijtosquía,
\q1 huajca ma nechtepotztoca nocualancaitaca.
\q1 Ma nechajsiti huan ma nechhuilana,
\q1 huan ma nechpinahualti,
\q1 pero amo aqui quej nopa nijchihuilijtoc.
\q1
\v 6 Ximotanana, TOTECO, ica cualanti.
\q1 Xicualani miyac ica nocualancaitacahua quej inijuanti nechcualancaitaj.
\q1 Ximoquetza iniixpa nocualancaitacahua cati tahuel cualantoque.
\q1 Xiquinfuerzajhui ma nechchihuilica cati xitahuac.
\q1
\v 7 Se tonali masehualme ten nochi talme mitzyahualojtose,
\q1 huan ta tiquintajtolsencahuas campa timosehuijtoc ipan mosiyaj cuajcualtzi nepa ilhuicac.
\q1
\v 8 Quena, TOTECO tiquintajtolsencahuas nochi masehualme ipan nochi talme.
\q1 Huajca nojquiya techtajtolsencahua na, TOTECO, ica cati cuali nijchijtinentoc.
\q1 Ta cati más tihueyi,
\q1 technextijtoc iniixpa nochi masehualme para amo nijpiya tajtacoli.
\q1
\v 9 Ta, tiToteco Dios, cati titetajtolsencahua xitahuac.
\q1 Xijtachili inintalnamiquilis masehualme huan xijyejyeco cati quipiyaj ipan iniyolo.
\q1 Xijtamilti cati quichihuaj nopa amo cuajcualme,
\q1 pero techchihua tielise titemachme tojuanti cati timonejnemiltíaj cuali moixpa.
\b
\q1
\v 10 Toteco Dios nechyahualojtoc para nechmanahuis.
\q1 Quinmaquixtía cati quipiyaj iniyolo xitahuac iixpa.
\q1
\v 11 Toteco Dios yaya se juez cati tetajtolsencahua xitahuac.
\q1 Mojmosta cualani ica amo cuajcualme.
\q1
\v 12 Sinta se masehuali amo moyolcuepas,
\q1 Toteco Dios quitentis imacheta para quitzontamiltis.
\q1 Huan quicualtalis icuahuitol cati ica quimictis.
\q1
\v 13 Ya quicualtalijtoc itatehuijca teposhua huan quinhualica imaco para temictis.
\q1 Quipixtoc miyac cuataminti cati lementoque para tetzontamiltis sinta amo moyolcuepaj.
\q1
\v 14 Se masehuali cati amo cuali san quinequi tecocos,
\q1 huan san moilhuía cati fiero hueli quichihuas huan teipa icamaco quisa san istacatili.
\q1
\v 15 Se cati quichihua se ostot para quimasiltis seyoc,
\q1 teipa ya huetzis campa taxajqui.
\q1
\v 16 Pampa nochi tamanti cati amo cuali cati se masehuali quinchihuilía sequinoc,
\q1 teipa mocuepas ipan ya.
\q1
\v 17 Pero na nijtascamatis TOTECO pampa yaya xitahuac.
\q1 Nihuicas tiohuicat para nijhueyichihuas TOTECO, Yaya Cati Más Hueyi.
\c 8
\s1 Masehualme huan ihueyitilis Toteco Dios
\q1
\v 1 ¡TOTECO, ta Cati Tijpiya Nochi Tanahuatili!
\q1 Mohueyitilis quitemitía nochi taltipacti.
\q1 Huan motatanex quipano ilhuicacti.
\q1 Nochi quimatij ta tahuel tihueyi.
\q1
\v 2 Tiquinnextilijtoc coneme huan pilconetzitzi cati noja chichij ma mitzpaquilismacaca.
\q1 Mocualancaitacahua quiitase huan momacase cuenta para tahuel pano hueyi mochicahualis huan yeca ayecmo molinise.
\q1
\v 3 Quema niquita ilhuicacti cati tijsencajqui,
\q1 huan nopa metzti huan sitalime cati tijchijchijqui,
\q1
\v 4 nimoyolilhuía:
\q1 ¿Ajquiya tojuanti timasehualme para ta timocuatotonía huan timoilhuía ten tojuanti?
\q1 Nelquentzi topati timasehualme para ta techmocuitahuis.
\q1
\v 5 Techchijtoc timasehualme más tihuejhueyi moixpa que nochi sequinoc.
\q1 Techmacatoc tohueyitilis moixpa huan tijchijtoc para nochi cati tijchijchijtoc ma techtepanitaca.
\q1 San ta, TOTECO, tieltoc más tihueyi huan techtani ica mohueyitilis.
\q1
\v 6 Techmacatoc timasehualme tanahuatili ica nochi tapiyalme cati tiquinchijtoc.
\q1 Quena, techmacatoc timasehualme para ma tijpiyaca tequiticayot ica nochi tamanti.
\q1
\v 7 Tiquinnahuatíaj nochi borregojme, huacaxme huan nochi tecuanime cati mosisiníaj.
\q1
\v 8 Tijpiyaj tequiticayot ica nochi tamanti totome huan michime, huan ica nochi cati itztoque ipan hueyi at.
\q1
\v 9 ¡TOTECO, ta Cati Tijpiya Nochi Tanahuatili!
\q1 Nochi masehualme campa hueli ipan nochi taltipacti quimatij ta tahuel tihueyi.
\c 9
\s1 Timitzpaquilismacase Toteco Dios por nochi cati cuajcualtzi tijchijtoc
\q1
\v 1 Nimitzpaquilismacas, TOTECO, ica nochi noyolo.
\q1 Nitepohuilis nochi cati cuali tijchijtoc.
\q1
\v 2 Nijpiya hueyi paquilisti por ta,
\q1 huan yeca nihuicas huan nimitzpaquilismacas, Toteco, ta Cati Más tiHueyi.
\q1
\v 3 Nocualancaitacahua cholojtehuase.
\q1 Huetzise mictoque moixpa.
\q1
\v 4 Pampa ta tiquinpanextilijtoc masehualme para niitztoc xitahuac moixpa.
\q1 Titenextilijtoc para nijchijtoc cati cuali.
\q1 Timosehuijtoc ipan mosiyaj cati cuajcualtzi huan titetajtolsencahua xitahuac.
\q1
\v 5 Tiquinajhuas nochi masehualme ipan nochi talme cati amo mitzneltocaj.
\q1 Tiquintzontamiltis nochi inijuanti cati amo cuajcualme.
\q1 Tiquixpolos inintoca para nochipa.
\q1
\v 6 Nocualancaitacahua miquise,
\q1 huan inihuaya polihuise nochi inialtepehua.
\q1 Pampa ta tiquintamitasosolos huan amo teno mocahuas.
\q1 Amo aqui quinelnamiquis.
\b
\q1
\v 7 Pero TOTECO tanahuatis para nochipa.
\q1 Yaya mosehuía ipan isiyaj cati cuajcualtzi nepa ilhuicac huan tetajtolsencahua.
\q1 Cati yaya quichihua, ya nopa xitahuac.
\q1
\v 8 Toteco quintajtolsencahuas xitahuac nochi talme ipan taltipacti huan inimasehualhua.
\q1 Yaya quintatzacuiltis sese inijuanti quej quinamiqui por nopa tajtacoli cati quichijtoque.
\q1
\v 9 Nochi cati pilteicneltzitzi huelis motemachise ipan TOTECO huan yaya quinmocuitahuis.
\q1 Huelis motatise ipan ya quema taijyohuíaj.
\b
\q1
\v 10 Quena, TOTECO, nochi cati mitzixmatij motemachise ipan ta para tiquinpalehuis,
\q1 pampa amo quema tiquintahuelcahuas cati mitztemohuaj.
\b
\q1
\v 11 Xihuicaca huan xijpaquilismacaca TOTECO,
\q1 cati mosehuía ipan isiyaj cuajcualtzi nepa ipan Jerusalén huan nochi quinahuatía.
\q1 Xiquinpohuilica nochi masehualme ipan taltipacti cati yaya quichijtoc.
\q1
\v 12 TOTECO quintzontamiltis cati temictíaj pampa quej nopa quinamiqui quincuepilis.
\q1 Quinelnamiqui cati motequipachohuaj,
\q1 quintacaquilía quema masehualme cati taijyohuíaj quitzajtzilíaj para ma quinpalehui.
\b
\q1
\v 13 Techtasojta, TOTECO.
\q1 Xiquita quenicatza nitaijyohuía inimaco cati amo quinequij nechitase.
\q1 Techmanahui pampa quinequij nechmictise,
\q1
\v 14 huan na nimitzpaquilismacas iniixpa nochi masehualme.
\q1 Niquinpohuilis nochi cati mosentilíaj ipan altepet Jerusalén cati techchihuilijtoc.
\q1 Nelía nipaquis pampa techmaquixtijtos.
\b
\q1
\v 15 Mosisinijca masehualme ten nochi talme huetzise ipan nopa ostot cati inijuantijya quichijque.
\q1 Quitatijtoque se taquetzti para ma masica sequinoc,
\q1 pero inijuanti masise.
\q1
\v 16 TOTECO quichijtoc para nochi ma quimatica para yaya xitahuac tetajtolsencahua.
\q1 Yaya quichihua para ma huetzica ipan taquetzti cati ica inimax
\q1
\v 17 Nochi amo cuajcualme yase micta.
\q1 Quena, nepa ajsitij nochi masehualme cati amo quielnamiquij Toteco Dios.
\q1
\v 18 Pero Toteco amo quinelcahuas cati teicneltzitzi.
\q1 Yaya nochipa quinmacas cati quichiyaj para quiselise.
\b
\q1
\v 19 Ximotanana, TOTECO.
\q1 Amo xiquincahuili masehualme más ma quipiyaca chicahualisti.
\q1 Xiquintajtolsencahua huan xiquintatzacuilti nochi masehualme cati amo mitzixmatij.
\q1
\v 20 Xijchihua ma majmahuica, TOTECO.
\q1 Ma momacaca cuenta nochi masehualme ipan nochi talme para inijuanti san panoni.
\c 10
\s1 Se netatajtili para quitajtanis TOTECO ma quipalehuiqui
\q1
\v 1 TOTECO, ¿para ten huejca tiitztoc huan timotatía quema na nijpiya tequipacholi?
\q1
\v 2 ¡Xiquita, TOTECO!
\q1 Amo cuajcualme tahuel mohueyimatij huan quintepotztocatinemij cati teicneltzitzi para quincocose.
\q1 Ma masica ipan nopa taquetzti cati inijuanti quisencajtoque para sequinoc.
\q1
\v 3 Nopa amo cuajcualme mohueyimatij ica nochi cati fiero quinequij quichihuase.
\q1 Huan masehualme cati quinequij san inijuanti quipiyase nochi tamanti,
\q1 quintelchihuaj nochi sequinoc hasta ta, TOTECO, mitztelchihuaj nojquiya.
\q1
\v 4 Nopa amo cuajcualme nel mohueyimatij huan amo mitztemohuaj, Toteco Dios.
\q1 Amo quema mitzelnamiquij pampa moilhuíaj amo tiaqui para tiquintatzintoquilis taya quichihuaj.
\q1
\v 5 Ama quisa cuali nochi cati amo cuajcualme quichihuaj,
\q1 huan yeca san mohueyimatij,
\q1 huan motanahuatilhua amo quintepanitaj.
\q1 San quinhuetzquilíaj nochi inincualancaitacahua.
\q1
\v 6 Huan moilhuíaj:
\q1 “Amo quema topantis se tenijqui.
\q1 Nochipa tipactose huan amo quema techajsis tequipacholi.”
\q1
\v 7 ¡Xitacaqui, TOTECO!
\q1 Quema camanaltij masehualme cati amo cuajcualme,
\q1 san quisa tatelchihuali, istacatili huan nochi cati ica tacajcayahuaj.
\q1 ¡Xiquita, TOTECO!
\q1 Nochipa tacajcayahuaj huan quinyolcocohuaj sequinoc para ma quipiyaca tequipacholi.
\q1
\v 8 Motatíaj nechca pilaltepetzitzi para teojchiyase,
\q1 huan quema amo aquij quinita,
\q1 quimictíaj se cati amo teno quichijtoc.
\q1 Quinichtacachiyaj cati teicneltzitzi huan quinmictíaj san pampa quinequij.
\q1
\v 9 Quej se tecuani cati motatijtoc campa tacoyontoc,
\q1 masehualme cati fiero inintalnamiquilis san quichixtoque para quipantise se cati amo quipiya fuerza para quiitzquise.
\q1 Teipa quihuilanase nopa teicneltzi campa amo aqui huelis quipalehuis.
\q1
\v 10 Cati quinitzquijque quipiyaj miyac chicahualisti.
\q1 Yeca cati teicneltzitzi nimantzi huetzij iniixpa.
\q1
\v 11 Nopa amo cuajcualme moilhuíaj:
\q1 “Toteco Dios amo quielnamiqui ten tijchihuaj.
\q1 Yaya moixtzactoc huan amo quema quiita teno.”
\q1
\v 12 Ximotanana, TOTECO Dios, ximomatanana.
\q1 Amo xiquinelcahua cati teicneltzitzi huan cati amo quipiyaj chicahualisti.
\q1
\v 13 Amo xiquincahuili amo cuajcualme ma mitzhuetzquilica.
\q1 Amo xiquincahuili ma moilhuica para ta amo tiquintatzacuiltis.
\q1
\v 14 Toteco Dios, tiquitztoc ten quichijtinemij.
\q1 Tiquitztoc sesen tamanti cati amo cuali cati inijuanti quisencahuaj.
\q1 Xiquinsencahuili nopa tatzacuiltili cati quinamiqui.
\q1 Cati teicneltzitzi san motemachiyaj ipan ta para xiquinmanahui.
\q1 Ta tiinintapalehuijca nochi cati icnotzitzi.
\q1
\v 15 Xiquinmapostequi nopa masehualme cati amo cuajcualme.
\q1 Xiquintatzacuilti por nochi cati fiero quichijtoque.
\q1 Xiquintaxtahui por sesen tamanti cati quichijtoque.
\q1 Amo xiquelcahua yon se.
\q1
\v 16 TOTECO, ta tiTanahuatijquet cati titanahuatis para nochipa huan amo quema tamis.
\q1 Tiquintzontamiltis ipan motal nochi masehualme cati amo mitzixmatij,
\q1 inijuanti san polihuise.
\q1
\v 17 TOTECO, ta tijtacaquilía cati mitztajtaníaj teicneltzitzi.
\q1 Tiquinfuerzajmaca huan tiquinpalehuía.
\q1 Tiquinchihuilía cuenta quema mitztzajtzilíaj.
\q1
\v 18 Ta tiquinmanahuía icnotzitzi huan cati taijyohuíaj.
\q1 Quej nopa, masehualme cati san tasencahualme ica soquit ayecmo huelis quintemajmajtise.
\c 11
\s1 Ma timotemachica ipan Toteco para techpalehuis
\q1
\v 1 Amo techilhui:
\q1 “Ximochololti cuatita huan ximomanahuiti quej se totot.”
\q1 Amo monequi nicholos pampa na nimotemachijtoc ipan TOTECO.
\q1
\v 2 Nochi quiijtohuaj:
\q1 “Xiquita, nopa masehualme cati mosisiníaj quicualtalíaj cuahuitoli huan cuataminti,
\q1 huan motatijtoque para quinmaquilise masehualme cati itztoque xitahuaque.”
\q1 Masque quej nopa quiijtohuaj, amo melahuac.
\q1
\v 3 Masque quiijtohuaj:
\q1 “Ayecmo oncas leyes huan amo aqui tanahuatis xitahuac,
\q1 huan huajca monequi masehualme cati cuali iniyolo ma choloca pampa amo aqui huelis quinmanahuis”, amo melahuac inincamanal.
\q1
\v 4 Pero TOTECO itztoc ipan itiopa cati tatzejtzeloltic nepa ilhuicac.
\q1 Yaya mosehuijtoc ipan isiyaj cuajcualtzi nepa ilhuicac huan noja tanahuatía.
\q1 Quiita nochi ten quichihuaj masehualme.
\q1 Quitajtachilía sese inemilis.
\q1
\v 5 TOTECO quinyejyecohua cati quichihuaj cati cuali,
\q1 pero masehualme cati amo cuajcualme huan cati quinpactía mosisiníaj, amo quinequi quinitas.
\q1
\v 6 TOTECO quichihuas ma huetzi ticoli cati xahuantoc ininpani cati quichihuaj cati amo cuali.
\q1 Quena, quintitanilis azufre cati lementoc para ma huetzi ininpani,
\q1 huan quintatis ica se ajacat cati tahuel totonic.
\q1
\v 7 TOTECO, yaya nelcuali.
\q1 Quinicnelía cati nemij xitahuac.
\q1 Huan masehualme cati xitahuac iniyolo quiitase ixayac,
\q1 huan quimatise para Toteco quicualita cati quichihuaj.
\c 12
\s1 Techpalehui, TOTECO
\q1
\v 1 Techpalehui, TOTECO,
\q1 pampa ayecmo aquijme cati nelía mitzneltoquilía.
\q1 Ayecmo aquijme masehualme cati quiijtohuaj cati melahuac.
\q1
\v 2 Se ica seyoc moistacahuíaj.
\q1 Quipiyaj ome inixayac huan quipataj inincamanal.
\b
\q1
\v 3 TOTECO quintzontamiltis nochi cati quipiyaj ome inixayac huan cati mohueyimatij quema camanaltij.
\q1
\v 4 Quintzontamiltis cati quiijtohuaj:
\q1 “San ica tocamanal titatanise.
\q1 Sinta tijnequij tiistacatise,
\q1 tojuanti tijmatij.
\q1 Amo aqui huelis technahuatis.”
\q1
\v 5 Pero quej ni quiijtojtoc TOTECO:
\q1 “Inijuanti cati teicneltzitzi huan cati amo quipiyaj fuerza nechtzajtzilíaj por nopa fiero masehualme cati quintaijyohuiltíaj.
\q1 Yeca ama nimotananas para niquinpalehuis.
\q1 Niquinmaquixtis inimaco cati quincualancaitaj.”
\q1
\v 6 Nelía temachti cati quiijtohua TOTECO.
\q1 Icamanal senquisa melahuac.
\q1 Quena, eltoc quej se cuali plata cati quinelicxitijtoque,
\q1 huan quipajpactoque miyac huelta hasta senquisa cuali.
\b
\q1
\v 7 TOTECO, ta techmocuitahuía.
\q1 Techmanahuis para nochipa ica masehualme cati amo cuajcualme quej ama itztoque.
\q1
\v 8 Quena, masque mosisinijca masehualme mooquichmajtinemij campa hueli huan nochi masehualme san quipatiitaj cati amo cuali,
\q1 Ta techmocuitahuía.
\c 13
\s1 Se netatajtili para quitajtanis itapalehuil TOTECO
\q1
\v 1 TOTECO, ¿hasta quema techelcajtos?
\q1 ¿Ayecmo quema techelnamiquis?
\q1 Nijmati techcuanecatatilía quema nimitztemohua.
\q1
\v 2 ¿Hasta quema nijpiyas tequipacholi ipan noyolo huan noyoltzi taijyohuijtinemis?
\q1 ¿Hasta quema nocualancaitaca noja nechtanis?
\q1
\v 3 Techtachili huan technanquili, TOTECO.
\q1 ¡NoTeco Dios!
\q1 Techmaca taahuili para nitachiyas ipan ni tzintayohuilot huan amo nimiquis.
\q1
\v 4 Amo xijcahuili nocualancaitaca ma quiijto nechtanqui.
\q1 Amo techcahuili ma nihuetzi para amo nechhuetzquilise inijuanti cati nechcualancaitaj.
\q1
\v 5 Na nimotemachijtoc ipan moteicnelijcayo cati huejcahua para nochipa.
\q1 Nipaqui ipan noyolo pampa techmaquixtijtoc.
\q1
\v 6 Nihuicas para ta, TOTECO,
\q1 pampa miyac cati cuali techchihuilijtoc.
\c 14
\s1 Se huihuiyot cati quichihuaj tajtacolchijca masehualme
\r (Salmo 53)
\q1
\v 1 Nelía huihuitic nopa masehuali cati moilhuía amo aqui Dios.
\q1 Nochi cati quej nopa quiijtohuaj mocuapolojtoque huan amo cuajcualme.
\q1 Nochi inijuanti monenpolojtoque huan ayecmo quichihuaj cati cuali.
\q1
\v 2 TOTECO hualtachixtoc ten ilhuicac para quiitas sinta huelis quipantis se masehuali cati nelía talnamiqui,
\q1 se cati quitemohua huan quichihuasnequi ipaquilis.
\q1
\v 3 Pero amo aqui.
\q1 Nochi masehualme mocuapolojtoque ipan se ojti cati amo cuali.
\q1 Nochi monenpolojtoque.
\q1 Amo aqui quichihua cati cuali.
\q1 ¡Yon se!
\q1
\v 4 Nopa tajtacolchijca masehualme amo quema tamachilise,
\q1 pampa amo quema quielnamiquij TOTECO.
\q1 San quintzontamiltíaj nomasehualhua quej se masehuali quitamicua se pantzi.
\q1
\v 5 Pero teipa nochi nopa tajtacolchijca masehualme huihuipicase ica majmajti,
\q1 pampa Toteco Dios amo itztoc inihuaya.
\q1 San itztoc inihuaya cati itztoque xitahuaque iixpa.
\q1
\v 6 TOTECO quinmanahuía teicneltzitzi pampa motemachíaj ipan ya quema tajtacolchijca masehualme quintaijyohuiltíaj.
\q1
\v 7 Tojuanti tinelpaquisquíaj sinta ya ajsisquía nopa tonali,
\q1 quema Totemaquixtijca hualas ten tepet Sion para quinmaquixtis israelitame.
\q1 Ma huala nopa tonali quema TOTECO quinhualicas imasehualhua ten campa hueli campa inincualancaitacahua quinhuicatoque para tetequipanose.
\q1 Ipan nopa tonali mopaquilismacase nochi israelitame.
\q1 Quena, inijuanti cati iteipan ixhuihua Jacob tahuel paquise.
\c 15
\s1 Nopa masehualme cati itztotij ipan itepe tatzejtzeloltic Toteco Dios
\q1
\v 1 TOTECO, ¿ajquiya huelis calaquis ipan mochaj campa ta timocahua ipan motepe cati tatzejtzeloltic?
\q1 ¿Ajquiya huelis itztos nepa para tijmocuitahuis?
\q1
\v 2 San calaquis ya cati amo aqui huelis quitelhuis ica yon se tamanti cati amo cuali.
\q1 Quena, san yaya cati quichihua cati cuali.
\q1 Huelis yas san cati quiijtohua cati melahuac ica nochi iyolo,
\q1
\v 3 huan amo tetaijilhuía.
\q1 Itztoti nepa cati amo quimahuispolohua cati itztoc icalnechca,
\q1 huan cati amo quinequi quinyolcocos sequinoc.
\q1
\v 4 Nepa calaquis cati quihuejcamajcahua nochi cati fiero,
\q1 huan quinicnelía cati mitztepanitaj huan quiimacasij mitzixpanose.
\q1 TOTECO, ipan mochaj itztose cati quitamichihuaj cati mocajtoque quichihuase masque nelohui huan quincocohua para quichihuase.
\q1
\v 5 Nepa calaquise cati tainamaj pilquentzi itanca quema tetanejtíaj tomi,
\q1 huan amo quinistacahuíaj cati amo taixpanotoque,
\q1 masque sequinoc quintencahuilíaj tomi para ma istacatica.
\q1 Quena, inijuanti cati quichihuaj ni cuali tamanti amo aqui hueli quintanis,
\q1 pampa ta tiquinmocuitahuis.
\c 16
\s1 Toteco techmacas cati cuali
\q1
\v 1 Techmocuitahui, Toteco Dios,
\q1 pampa ipan ta nimotemachijtoc para techmanahuis.
\q1
\v 2 TOTECO, na nimitzilhuijtoc:
\q1 “Ta tinoTeco huan amo aqui seyoc cati huelis nechpalehuis.”
\q1
\v 3 Niquinicnelía inijuanti cati mitzneltocaj cati itztoque ipan nopa tali.
\q1 Inijuanti cati nelía cuajcualtzitzi iniyolo.
\q1
\v 4 Pero mojmosta más motequipachose masehualme cati quintoquilíaj sequinoc inintaixcopincayohua.
\q1 Na amo quema nijtencahuas se tacajcahualisti iniixpa inintaixcopincayohua,
\q1 yon amo quema niquintocaxtisquía.
\q1
\v 5 San ta, TOTECO, nimitzpixtoc,
\q1 yeca ayecmo teno nijtemos.
\q1 Ta techmaca nochi notacualis huan noa cati nechpolohua para niitztos.
\q1 Nonemilis huan nochi cati nijpixtoc eltoc momaco huan nijmati nelía temachti.
\q1
\v 6 Nopa lazo cati ica techtatamachihuili campa nijselijtoc huetzqui campa nelía cuali tali.
\q1 Nelía tacuajcualtzi campa techmacatoc.
\q1
\v 7 Nimitzhueyichihuas, TOTECO,
\q1 pampa techconsejomaca.
\q1 Tajco yohual techmaca motalnamiquilis huan technextilía ipan noyolo taya monequi nijchihuas.
\q1
\v 8 Nochipa nimoilhuía ten ta, TOTECO,
\q1 huan pampa tiitztoc nonechca, amo teno nopantis.
\q1
\v 9 Yeca ipan noyolo nelía nijpiya paquilisti.
\q1 Nochi notacayo motemachijtoc ipan ta.
\q1
\v 10 Pampa amo tijcahuas notacayo ipan ostot,
\q1 yon amo tijcahuas ma palani itacayo Yaya Cati Tatzejtzeloltic.
\q1
\v 11 Technextilis catijqui ojti quipiya nemilisti.
\q1 Nijpiyas hueyi paquilisti nepa campa ta tiitztoc.
\q1 Quena, oncas hueyi paquilisti para nochipa nepa campa monejmat.
\c 17
\s1 Motatajtía para quitajtanis TOTECO ma quimanahui
\q1
\v 1 Techtacaquili, TOTECO,
\q1 pampa nimitznojnotza.
\q1 Nijchijtoc cati xitahuac,
\q1 huan amo niistacati.
\q1 Xijtacaquili cati nimitztajtanía huan techpalehui.
\q1
\v 2 Techtajtolsencahua iniixpa nochi masehualme.
\q1 Xiquinnextili para amo teno nijchijtoc,
\q1 pampa nochipa tijmati cati xitahuac.
\q1
\v 3 Masque tijhualtachilía noyolo ica tayohua huan techyejyecojtoc,
\q1 amo teno amo cuali tijpantijtoc.
\q1 Amo niquijtojtoc cati amo monequi,
\q1
\v 4 quej quichihuaj ne sequinoc.
\q1 Na nimoiyocatalijtoc ten iniojhui amo cuajcualme.
\q1 Nijchijtoc senquisa quej quiijtohua motanahuatil.
\q1
\v 5 Nijtoquilijtoc moojhui huan amo nihuetztoc ipan tajtacoli.
\q1
\v 6 Nimitznojnotza, noTeco Dios, pampa nijmati technanquilis.
\q1 Techtacaquili huan techchihuili cuenta.
\q1
\v 7 Technextili moteicnelijcayo cati cuajcualtzi.
\q1 Ta tiquinmaquixtía ica mochicahualis cati motemachiyaj ipan ta.
\q1
\v 8 Techmocuitahui quej se quimocuitahuía iixsital.
\q1 Quej se piyo quintatía ipilconehua ieltapaltzala,
\q1 nojquiya quej nopa techmocuitahui.
\q1
\v 9 Techtati ten nopa amo cuajcualme cati nechyahualojtoque para nechmictise.
\q1
\v 10 Nelía mocualnequij huan quema camanaltij,
\q1 san mohueyimatij.
\q1
\v 11 Nechtoquilijtinemij campa ninentinemi huan san quichiyaj nopa talojtzi quema huelise nechtahuisose talchi.
\q1
\v 12 Inijuanti itztoque quej tecuanime cati tahuel mayanaj huan quinequij tecuase,
\q1 huan motatijtoque ostoijtic para quiitzquise se masehuali quema panos.
\q1
\v 13 Ximotanana, TOTECO,
\q1 xiquinnamiquiti.
\q1 Xiquinchihualti ma motancuaquetzaca moixpa.
\q1 Ica momacheta, techmanahui ten nopa amo cuajcualme.
\q1
\v 14 Ica mochicahualis, TOTECO,
\q1 techmaquixti inimaco inijuanti cati san quipiyaj cati eltoc ipan ni taltipacti.
\q1 Tijmiyaquilijtoc cati iniaxca nica.
\q1 Nojquiya xiquinmaca miyac tatzacuiltili hasta mocahuas para ininconehua.
\q1
\v 15 Pero na niitztoc xitahuac moixpa,
\q1 huan se tonali nimitzitas, TOTECO,
\q1 huan yeca nipaqui.
\q1 Se tonali quema niisas nijpiyas nochi cati nijtemojtinentoc,
\q1 pampa niitztos monechca huan ica paquilisti timoixtachilise.
\c 18
\s1 David quitascamati TOTECO pampa tatantoc
\r (2 S. 22:1-51)
\q1
\v 1 Nimitzicnelía, TOTECO.
\q1 Na niitztoc momaco.
\q1
\v 2 TOTECO, ipan ta nimotatía pampa temachti techmaquixtis.
\q1 Techyahualojtoc para amo huelis nechajsise nocualancaitacahua.
\q1 Ta tinotamanahuijca.
\q1 Ipan ta, noTeco Dios, nimotatía,
\q1 pampa na niitztoc momaco.
\q1 Quena, san ipan ta nimotemachía.
\q1 Ta techyahualojtoc para techmocuitahuía.
\q1 Ta tieli quej se huejcapantic tepancali cati cuali huan temachti.
\q1 Ica ta mochicahualis nitatanis.
\b
\q1
\v 3 San monequi nijnotzas TOTECO cati quinamiqui para nijhueyichihuas,
\q1 huan yaya nechmanahuis inimaco nochi nocualancaitacahua.
\q1
\v 4 Eltoya quej nechpixtoya imaco miquilisti.
\q1 Nochi cati fiero cati onca ipan ni taltipacti nechtanisnequiyaya.
\q1
\v 5 Nopa mijca ostot nechtaquechilijtoya hasta ayecmo nijpixqui fuerza.
\q1 San se quentzi más huan nimiquisquía.
\q1
\v 6 Pero quema más nimotequipachohuayaya,
\q1 nijnotzqui TOTECO.
\q1 Nijtajtani ma nechpalehui noTeco Dios.
\q1 Huan yaya nechtacaquili hasta nepa ipan ilhuicac.
\q1 Quena, quichihuili cuenta cati niquilhui.
\q1
\v 7 Huajca chicahuac mohuiso tali hasta momajmatijque nochi tepeme.
\q1 Moojolinijque nopa tepeme hasta campa tatzquitoque,
\q1 huan mohuihuixojque pampa Toteco Dios cualanqui.
\q1
\v 8 Elqui quej quisayaya pocti ipan iyacatzol,
\q1 huan ipan icamac quisayaya se tit cati nochi quitamitatiyaya,
\q1 huan nochi quisosolohuayaya.
\q1 Quena, quimajcahuayaya ticoli xaxahuacatoc pampa nelcualanqui.
\q1
\v 9 Pampa Toteco Dios quitapo nopa cortina ten ilhuicac,
\q1 huan temoc para nechpalehuis.
\q1 Nejnentihualayaya ipan miyac mixti cati nelyayahuic.
\q1
\v 10 Toteco Dios tejcoc ipan ieltapal se iilhuicac ejca cati itoca querubín,
\q1 huan patantihualajqui ipan ajacat.
\q1
\v 11 Yaya motzajqui ica tzintayohuilot,
\q1 huan moyahualo ica at para amo aqui quiitas.
\q1
\v 12 Tapetanilot quiyacantihualajqui quema ajsico yaya cati tahuel cahuani.
\q1 Huan nojquiya huetzqui tesihuit huan ticoli xaxahuacatoc.
\q1
\v 13 TOTECO quichijqui ma quicaquica itoscac quej se tatomonilot cati quisqui ilhuicac.
\q1 Quena, Toteco Cati Más Hueyi tahuejchijqui.
\q1 ¡Tahuel miyac tesihuit huan ticoli xaxahuacatoc huetzqui!
\q1
\v 14 Quimajcajqui cuataminti ma quinajsi nochi nocualancaitacahua,
\q1 huan inijuanti cholojtejque.
\q1 TOTECO quintzohuitejqui ica se hueyi tapetanilot huan quintzontamilti.
\q1
\v 15 Quema TOTECO tailpitzqui,
\q1 nochi nopa at ipan hueyi at san sejco momanqui hasta nesqui nochi nopa tali cati mocahua atatzinta campa más tahuejcata.
\q1 Ica icamanal TOTECO mopanexti itzinpehualtil taltipacti, pampa yaya cualanqui.
\q1
\v 16 Huan TOTECO quicalaqui imax hasta campa más huejcata,
\q1 huan nechquixti ten nopa hueyi at.
\q1
\v 17 Nechmaquixti inimaco nocualancaitacahua cati quipiyayayaj miyac chicahualisti.
\q1 Quena, nechmanahui ten nocualancaitacahua cati más quipiyayayaj chicahualisti que na.
\q1
\v 18 Inijuanti nechtanque ica na quema amo nijpixqui fuerza,
\q1 pero TOTECO nechtananqui.
\q1
\v 19 Nechquixti huan nechsehui campa amo mahuilili.
\q1 Nechmanahui pampa nechicnelía.
\q1
\v 20 TOTECO nechmacatoc cati quinamiqui pampa nijchijtoc cati xitahuac.
\q1 Nechtaxtahuijtoc pampa cuali nonemilis.
\q1
\v 21 Nijtoquilijtoc iojhui TOTECO huan amo nimoiyocacajtoc ten ya.
\q1
\v 22 Niquelnamictoc nochi icamanal huan amo quema nijcajtejtoc itanahuatil.
\q1
\v 23 Xitahuac niitztoc iixpa.
\q1 Nimoiyocatalijtoc ten nochi cati fiero.
\q1
\v 24 Huan TOTECO nechtaxtahuijtoc quej quinamiqui ica cati cuali nijchijtoc,
\q1 pampa quiitztoc para cuali nonemilis iixpa.
\b
\q1
\v 25 TOTECO, tiquinicnelía huan tiitztoc temachti ica cati teicnelíaj huan cati temachme.
\q1 Tiitztoc cuali ica cati quihuejcacahua tajtacoli.
\q1
\v 26 Tiquintiochihua cati tetiochihuaj,
\q1 pero timochihua titetic ica inijuanti cati mosisiníaj.
\q1
\v 27 Tiquinmaquixtía cati moechcapanohuaj,
\q1 pero tiquinpinahualtía cati mohueyimatij.
\q1
\v 28 TOTECO, ta cati tinoDios,
\q1 ta techmaca taahuili.
\q1 Ta tijcuectoc nopa tzintayohuilot campa niitztoc ica taahuili.
\q1
\v 29 Ica mochicahualis, noTeco Dios,
\q1 niquintehuis nocualancaitacahua,
\q1 huan nipanos iixco nopa tepamit cati ica quitzactoque inialtepe.
\b
\q1
\v 30 Iojhui Toteco Dios nelía xitahuac.
\q1 Huan icamanal cati quitencahua,
\q1 cuali para ipan timotemachise.
\q1 TOTECO quinmanahuía nochi cati ipan ya motemachíaj.
\q1
\v 31 Amo cana aqui seyoc Dios quej TOTECO.
\q1 Amo aqui seyoc cati huelis ipan timotemachise huan techmanahuis.
\q1
\v 32 Toteco Dios nechmaca chicahualisti,
\q1 huan nechchihualtía ma ninejnemi xitahuac.
\q1
\v 33 Yaya nechfuerzajmaca para amo ma nihuetzi.
\q1 Noicxihua mochihuaj temachti quej iicxihua se chivo quema moquetzaj campa tahuejcapa huan talxixitaca.
\q1
\v 34 Toteco Dios nechmachtía taya ma nijchihuas quema onca tatehuilisti.
\q1 Nechfuerzajmaca para cuali ma niquitzqui nopa tetic tepos huitoli cati quichijtoque ica bronce.
\b
\q1
\v 35 Toteco Dios, ta techmanahuía huan techmaquixtía.
\q1 Techitzqui ica monejmat.
\q1 Ica mohueyi teicnelijcayo techhueyichijtoc.
\q1
\v 36 Tijchijtoc noojhui más patahuac para ma amo nihuetzis.
\q1
\v 37 Niquintepotztocac nocualancaitacahua huan niquinajsito.
\q1 Huan amo nimocuetqui hasta quema niquintzontamiltijtoya.
\q1
\v 38 Niquinhuejhuelo huan ayecmo quema motananase.
\q1 Huetzque noicxita.
\q1
\v 39 Toteco Dios, ta techfuerzajmacac ipan nopa tatehuilisti huan tijchijqui para nocualancaitacahua ma motancuaquetzaquij noixpa.
\q1
\v 40 Miyaqui moicancuetque para cholojtehuase huan quej nopa huelqui niquintzontamilti.
\b
\q1
\v 41 Inijuanti tetzajtzilijque para ma quinpalehuiquij,
\q1 pero amo aqui huelqui quinpalehui.
\q1 Quinotzque TOTECO,
\q1 pero yaya amo quinnanquili.
\q1
\v 42 Quej se quitisi talcuajnexti huan quihuica ajacat,
\q1 na quej nopa niquinchijqui.
\q1 Huan ininpa nimoquejquetzqui quej soquit ipan ojti.
\q1
\v 43 TOTECO nechmanahuijtoc ten nopa sequinoc altepet ehuani cati mosisiníaj huan quinequiyayaj nechtehuise.
\q1 Yaya nechchijtoc ma nieli niinintayacanca masehualme cati campa hueli ehuani.
\q1 Masehualme cati amo niquinixmatiyaya hualahuij para nechtequipanose.
\q1
\v 44 Quema quicaquij nocamanal,
\q1 inijuanti nechneltoquilíaj.
\q1 Cati ehuani ipan sequinoc altepeme huihuipicaj noixpa.
\q1
\v 45 Nochi motemacaj noixpa huan huihuipicatiyahuij quema quisaj campa motatijtoque.
\q1
\v 46 Itztoc TOTECO.
\q1 Nijpaquilismacas yaya cati nechmocuitahuía.
\q1 Ma tijhueyitalica Toteco Dios,
\q1 notemaquixtijca.
\q1
\v 47 Yaya nopa Dios cati momacuepa ica cati fiero inijuanti cati nechcocojtoque.
\q1 Quintalijtoc masehualme ipan miyac tali nomaco para ma niquinnahuati.
\q1
\v 48 Yaya nechmanahuía ten nocualancaitacahua huan nechhueyitalía iniixpa cati nechcualancaitaj.
\b
\q1 TOTECO, ta techmaquixtijtoc inimaco nopa tatehuijca masehualme,
\q1
\v 49 yeca nitepohuilis ten ta campa hueli.
\q1 Nihuicas huan nijhueyitalis motoca.
\q1
\v 50 Miyac huelta tijchijtoc para ma nitatani, na niDavid,
\q1 ninopa nitanahuatijquet cati techtapejpenijtoc.
\q1 Tijpiya hueyi moyolo ica na cati techtalijtoc ma nitanahuati.
\q1 Quena, hueyi moyolo ica na huan tijpiyas hueyi moyolo para nochipa ica noixhuihua.
\c 19
\s1 Ihueyitilis Toteco monextía ipan nochi cati quichijtoc
\q1
\v 1 Ilhuicacti tepohuilía ihueyitilis Toteco Dios.
\q1 Tanemijya technextilía cati pano cuajcualtzi yaya hueli quisencahua.
\q1
\v 2 Quena, tonaya huan tayohua ilhuicacti quisenhuiquilía tepohuilía para tahuel hueyi italnamiquilis.
\q1
\v 3 Masque amo teno caquisti huan amo tijcaquij yon se camanali,
\q1 nochi masehualme campa hueli quiitaj iyejyejca ilhuicacti huan quimachilíaj cati techpohuilía.
\q1
\v 4 Eltoc quej ilhuicacti quipiya itoscac cati ajsi hasta campa ontantoc taltipacti,
\q1 huan teyolmelahua para itztoc Toteco Dios.
\q1 Ipan ilhuicacti yaya quiquetzqui ichaj tonati.
\q1
\v 5 Huan tonati quisa mojmosta huan yahui ipan iojhui ica paquilisti quej se telpocat quisa ipan ichaj para mosihuajtiti.
\q1 Quena, nopa tonati mochihua quej se motalojquet cati paqui motalohua pampa quimati quintanis ne sequinoc.
\q1
\v 6 Tonati quisa ilhuicacti inacasta huan quimaca huelta hasta ne seyoc inacasta.
\q1 Amo aqui huelis motatis para amo quitonalmictis.
\q1
\v 7 Ileyes TOTECO eltoc senquisa cuali,
\q1 huan temaca yancuic nemilisti.
\q1 Huelis timotemachise ipan icamanal,
\q1 pampa ya nopa quichihua ma talnamiqui se masehuali cati moechcapanohua.
\q1
\v 8 Itanahuatilhua TOTECO eltoc melahuac huan xitahuac.
\q1 Quinmaca paquilisti masehualme ipan iniyolo.
\q1 Quena, sesen tamanti cati TOTECO techilhuijtoc ma tijchihuaca eltoc quej se taahuili cati chicahuac.
\q1 Quitaahuilía toojhui para tiquitase.
\q1
\v 9 Senquisa cuali para ma tijtepanitaca TOTECO huan ma tiquimacasica para tiquixpanose.
\q1 Elis cuali para nochipa.
\q1 Cati TOTECO quiijtojtoc para ma tijchihuaca,
\q1 ya nopa melahuac.
\q1 Quena, ya nopa temachti.
\q1
\v 10 Noja más nijpatiita que oro.
\q1 Quena, noja más cuali que miyac oro cati senquisa cuali.
\q1 Quema se masehuali quiselía Icamanal Toteco ipan iyolo,
\q1 eltoc más tzopelic que se sayolnecti cati yancuic quipatzcatoque.
\q1
\v 11 Nopa tanahuatilme nechmacaj talnamiquilisti, na niitequipanojca,
\q1 para amo ma nitajtacolchihua.
\q1 Cati quintoquilía itanahuatilhua TOTECO hueyi quitanis.
\b
\q1
\v 12 Amo aqui momaca cuenta ten itaixpanolhua sese huelta quema quichihua cati amo cuali.
\q1 TOTECO, techtapojpolhui notajtacolhua cati amo nijmatiyaya sinta nijchijtoya.
\q1
\v 13 Huan techpalehui para amo nimohueyimatis,
\q1 huan para amo quema ma nitajtacolchihua ica nopaquilis.
\q1 ¡Amo! Amo xijcahua tajtacoli ma nechnahuati.
\q1 Quej nopa nielis se masehuali cati amo aqui huelis nechtelhuis ica yon se tamanti.
\q1 Huan niitztos nitatzejtzeloltic.
\q1
\v 14 Ma mitzpacti cati niquijtohua huan cati nimoilhuía, TOTECO,
\q1 ta tinotamanahuijca huan tinotemaquixtijca.
\c 20
\s1 David quitajtanía Toteco ma quipalehui quintanis icualancaitacahua
\q1
\v 1 Ma TOTECO mitztacaquili quema timotequipachohua.
\q1 Ma mitzmanahui nopa Dios cati huejcajquiya quimanahui Jacob.
\q1
\v 2 Hasta campa yaya itztoc ipan ichaj,
\q1 ma quititani tapalehuili cati quisa ten altepet Jerusalén.
\q1
\v 3 Ma quielnamiqui nochi motacajcahualis cati tijmacatoc.
\q1 Ma moilhui ten nopa tacajcahualisti cati tijtati iixpa huan cati yaya quiseli ica paquilisti.
\q1
\v 4 Ma mitzmaca nopa cati moyolo quinequi.
\q1 Ma quichihua ma quisa cuali nochi cati timoilhuijtoc tijchihuas.
\q1
\v 5 Quej nopa tojuanti titzajtzise ica paquilisti pampa ta titatantoc,
\q1 huan tijtananase banderas ica itoca Toteco Dios pampa mitzpalehuijtoc.
\q1 Quena, TOTECO ma mitzmaca nochi cati tijtajtanijtoc.
\q1
\v 6 Cuali nijmati para TOTECO nechmaquixtía niitanahuatijca cati nechtapejpenijtoc.
\q1 Hasta ten nepa ilhuicac campa nelía tatzejtzeloltic nechhualpalehuijtoc,
\q1 huan nechchihua ma nitatani ica ichicahualis.
\q1
\v 7 Masehualme ipan sequinoc talme motemachíaj ipan inincarros huan inincahuayojhua para momaquixtise quema onca tatehuilisti.
\q1 Pero tojuanti timotemachíaj ipan TOTECO toDios.
\q1
\v 8 Inijuanti taijyohuise huan huetzise,
\q1 pero tojuanti timotananase huan noja tijpiyase fuerza.
\b
\q1
\v 9 Toteco Dios, xijchihua ma nitatani,
\q1 na nimotanahuatijca.
\q1 Technanquili quema timitznojnotzaj.
\c 21
\s1 Se huicat pampa tatantoya
\q1
\v 1 ¡TOTECO! Na nitanahuatijquet,
\q1 nipaqui pampa techfuerzajmacatoc.
\q1 Nelía nipaqui pampa tijchijtoc ma nitatani.
\q1
\v 2 Techmacatoc cati noyolo quinequiyaya.
\q1 Quena, techmactili cati nimitztajtaniyaya.
\q1
\v 3 Techmacatoc miyac tatiochihualisti, huan techicpahuiltijtoc se corona cati senquisa oro.
\q1
\v 4 Nimitztajtani techcahuili ma huejcahuas niitztos,
\q1 huan nelía techmacatoc se nemilisti cati huejcahuas para nochipa.
\q1
\v 5 Techpalehuijtoc ma nitatani miyac ica mohueyi chicahualis.
\q1 Huan yeca por ta, nochi nechhueyitepanitaj,
\q1 na nitanahuatijquet, huan nechhueyitalíaj.
\q1
\v 6 Techtiochijtoc ica cati huejcahuas para nochipa,
\q1 huan nelhueyi nopa paquilisti cati nijpiya pampa tiitztoc nohuaya.
\q1
\v 7 Na nitanahuatijquet nimotemachía ipan ta, TOTECO.
\q1 Quena, nimotemachía ipan mohueyi teicnelilis ta Cati Más tiHueyi,
\q1 yeca amo aqui huelis nechtanis.
\q1
\v 8 TOTECO, ica mochicahualis tiquinajsiti nochi mocualancaitacahua.
\q1 Ica monejmat tiquinitzquis nochi cati mitzcualancaitaj.
\q1
\v 9 Quema timonextis, inijuanti tatase moixpa quej itztosquíaj ipan se horno cati xahuantoc.
\q1 TOTECO, quema tiquintajtolsencahuas,
\q1 mocualancayo quintamitatis.
\q1
\v 10 Tiquintzontamiltis hasta ininconehua huan iniixhuihua.
\q1
\v 11 Masque masehualme cati amo cuajcualme mitzcualancaitaj huan quisencahuaj cati amo cuali mitzchihuilise,
\q1 amo quisas cuali cati moilhuijtoque.
\q1
\v 12 Inijuanti moicancuepase para cholojtehuase quema quiitase para tiquinmelaita ica mocuahuitol para tiquintehuis.
\q1
\v 13 Timitzhueyimatij, TOTECO,
\q1 pampa hueyi mochicahualis.
\q1 Huan timitzhueyichihuase ica huicat pampa nelía tijpiya nochi chicahualisti.
\c 22
\s1 Se tacat quitzajtzilía Toteco huan teipa quipaquilismaca
\q1
\v 1 ¡NoTeco Dios! ¡NoTeco Dios!
\q1 ¿Para ten techtahuelcajtoc?
\q1 ¿Para ten timohuejcatalijtoc huan amo tihualajtoc para techmanahuiqui?
\q1 Amo tijtacaquilía quema nimitztzajtzilía.
\q1
\v 2 NoTeco, tonaya huan tayohua amo nimosiyajquetza nimitznotza,
\q1 pero amo technanquilía.
\q1
\v 3 Huan masque quej nopa eltoc,
\q1 ta quejipa titatzejtzeloltic.
\q1 Nochi tohuejcapan tatahua tiisraelitame mitzyahualojque huan mitzhueyichijque.
\q1
\v 4 Totatahua mochixque ipan ta.
\q1 Quena, motemachijque ipan ta huan ta tiquinmanahui.
\q1
\v 5 Mitznojnotzque quema taijyohuiyayaj huan tiquinmaquixti.
\q1 Ipan ta motemachijque huan amo tiquinpinahualti.
\q1
\v 6 Pero na nimomati quej se pilocuiltzi huan amo nise masehuali.
\q1 Sequij san nechhuetzquilíaj huan sequinoc nechcualancaitaj.
\q1
\v 7 Nochi cati nechitaj san noca paquij,
\q1 huan nechhuihuiitaj huan motzonojoliníaj,
\q1
\v 8 huan quiijtohuaj:
\q1 “Yaya motemachía ipan TOTECO,
\q1 huajca ma tiquitaca sinta quimaquixtis.
\q1 Sinta nelía quiicnelía,
\q1 ma quimanahuiqui.”
\m Quej nopa quiijtohuaj masehualme.
\q1
\v 9 Pero TOTECO, na nijmati para techpalehuijtoc.
\q1 Techquixti iijtico nonana.
\q1 Techmocuitahuijtoc hasta ten quema noja nichichiyaya.
\q1
\v 10 Huan quema nitacatqui ya ipa nimotemachijtoc ipan ta.
\q1 Nochi tonali tieltihualajtoc tinoTeco Dios.
\q1
\v 11 Amo techtalcahui san pampa hualajtoc ni tequipacholi huan amo aqui seyoc cati hueli nechpalehuis.
\q1
\v 12 Miyaqui nocualancaitacahua nechyahualojtoque quej torojme cati mosisiníaj.
\q1 Quena, nesij quej nopa huejhueyi torojme cati itztoque ipan tali Basán.
\q1
\v 13 Nanalcaj quej tecuanime cati mosisiníaj.
\q1 Camachalohuaj huan nechmelaitaj.
\q1
\v 14 Na nimomati quej at cati mopatzcatoc huan campa hueli toyajtoc.
\q1 Nochi noomiyo lelecuecatoc.
\q1 Noyolo eltoc quej cera cati atiya.
\q1
\v 15 Tantoc nochi nochicahualis.
\q1 Nijpiya nocamac huactoc quej se chachapal tepalcat,
\q1 huan nonenepil tatzquitoc ica nocholec.
\q1 Techtalijtoc campa tahuactoc huan campa onca miquilisti.
\q1
\v 16 Masehualme cati amo cuajcualme nechyahualojtoque quej chichime.
\q1 Quicocoyotztoque nomax huan noicxihua.
\q1
\v 17 Hasta hueli nijpohuas noomiyohua,
\q1 pampa sese nechcocohua.
\q1 Nocualancaitacahua nechtachilijtoque huan san noca paquij.
\q1
\v 18 Momajmacaj cati nimoquentiyaya.
\q1 Quena, mahuiltíaj ica piltetzitzi para quiitase ajquiya quitocaros sesen noyoyo.
\q1
\v 19 Pero ta, TOTECO, amo techtalcahui,
\q1 pampa na niitztoc momaco.
\q1 Xihuala nimantzi techpalehuiqui.
\q1
\v 20 Techmanahui ten inimacheta ni mosisinijca masehualme cati itztoque quej chichime.
\q1 Amo xiquincahuili ma nechmictica.
\q1
\v 21 Eltoc quej niitztoc inincamaco tecuanime,
\q1 huajca techmaquixti. Nopa masehualme itztoque quej torojme,
\q1 amo ma nechtompojhuica.
\q1
\v 22 Huan na niquinpohuilis noicnihua ten ta, TOTECO,
\q1 huan quema oncas tasentilisti,
\q1 nimitzhueyichihuas iniixpa nochi.
\q1
\v 23 TOTECO, tojuanti cati timitztepanitaj huan tiquimacasij timitzixpanose timitzpaquilismacaj.
\q1 Nochi tiiteipan ixhuihua Israel,
\q1 timitzhueyichihuaj.
\q1 Quena, timitzhueyimatij nochi tiisraelitame.
\q1
\v 24 Pampa amo techelcajtoc quema titaijyohuíaj,
\q1 yon amo techhuejcamajcajtoc.
\q1 Amo cana techcuanecatatilía.
\q1 ¡Amo! Ta techtacaquilía quema timitztajtaníaj techpalehuiqui.
\q1
\v 25 Huajca, TOTECO, ipan nopa hueyi tasentilisti nimitzpaquilismacas iniixpa nochi momasehualhua,
\q1 pampa ta titemachti.
\q1 Iniixpa cati mitztepanitaj huan quiimacasij mitzixpanose,
\q1 na nijchihuas cati nimitztencahuilijtoc para nijchihuas.
\b
\q1
\v 26 Huajca nochi cati teicnetzitzi tacuase huan ixhuise.
\q1 Nochi cati quitemohuaj TOTECO quipantise huan quipaquilismacase.
\q1 Quena, paquise para nochipa.
\q1
\v 27 Masehualme ten nochi talme campa hueli ipan taltipacti motepotztocase huan quielnamiquise TOTECO.
\q1 Inijuanti pehuase quihueyimatise huan motancuaquetzase iixpa.
\q1
\v 28 Pampa TOTECO, yaya nopa tanahuatijquet cati quinnahuatía nochi talme.
\q1
\v 29 Nochi cati quipiyaj tomi huan nochi cati teicneltzitzi ipan ni taltipacti motancuaquetzase iixpa.
\q1 Quena, nochi taltipac ehuani cati teipa miquise, quihueyimatise.
\q1
\v 30 Nojquiya noteipan ixhuihua quihueyimatise TOTECO huan tepohuilise ten ya nochi ininemilis.
\q1
\v 31 Quema toteipan ixhuihua tacactiyase,
\q1 tepohuilise para xitahuac TOTECO huan nochi nopa huejhueyi tamanti cati techchihuilijtoc.
\c 23
\s1 TOTECO techmocuitahuía
\q1
\v 1 Quej se tamocuitahuijquet quinmocuitahuía pilborregojtzitzi,
\q1 TOTECO techmocuitahuía.
\q1 Huan yeca amo teno techpolohua.
\q1
\v 2 Yaya techsiyajquetza campa onca cuajcualtzi sacat cati xoxohuic.
\q1 Techhuica campa onca cuali at cati amo mahuilili.
\q1
\v 3 Quema ayecmo hueli nimoquetza,
\q1 techmaca yancuic chicahualisti.
\q1 Yaya techyacana ipan ojti xitahuac para nijchijtinemis cati cuali,
\q1 huan quej nopa nochi quihueyitalise.
\b
\q1
\v 4 Masque ninemis ipan tzintayohuilot nechca miquilisti,
\q1 amo teno niquimacasis, pampa ta, TOTECO,
\q1 tiitztoc nohuaya.
\q1 Ica mocuatopil techmanahuía ten cati amo cuali.
\q1 Huan ica mocuachicol ten huehueyac, techtilana quema seyoc ojti nijtoquilisnequi.
\q1
\v 5 Techsencahuilía se cuali tacualisti iniixpa nocualancaitacahua.
\q1 Ica aceite techtzonaltía.
\q1 Techtiochijtoc hasta mocahua.
\q1
\v 6 Nijmati para ta, TOTECO, techyacanas nochi nonemilis ica motaicnelijcayo,
\q1 pampa tijpiya hueyi moyolo ica na.
\q1 Huan teipa nimocahuas mohuaya ipan mochaj nepa ilhuicac para nochipa.
\c 24
\s1 Nopa hueyi tanahuatijquet ipan nochi taltipacti huan ilhuicacti
\q1
\v 1 TOTECO iaxca ni taltipacti huan nochi cati eltoc ipani.
\q1 Nochi cati itztoque ipan ilhuicacti huan taltipacti iaxca.
\q1
\v 2 Pampa yaya quitatzquilti cuali huan quiquetzqui ni taltipacti tatzinta ipan nopa at cati tahuel huejcata.
\q1
\v 3 ¿Ajquiya huelis tejcos ipan itepe TOTECO?
\q1 ¿Ajquiya huelis itztos ipan itiopa cati tatzejtzeloltic?
\q1
\v 4 Huelis itztose nepa san cati quipiyaj inimax huan iniyolo tapajpacti iixpa,
\q1 pampa yaya quintapojpolhuijtoc inintajtacolhua.
\q1 San yase nepa cati amo quihueyichihuaj se taixcopincayot huan cati amo istacatij quema quitestigojquetzaj TOTECO.
\q1
\v 5 Quena, quinmaquixtis TOTECO,
\q1 huan quintiochihuas huan quiijtos para inijuanti itztoque cuali iixpa.
\q1
\v 6 Cati quej nopa quitemohuaj Toteco Dios,
\q1 huelise moquetzase iixpa huan quihueyichihuase Toteco Dios cati Jacob huejcajquiya quitoquili.
\q1
\v 7 Ma motapoca cuali nopa huejhueyi caltemit cati ipa eltoya huan nochipa eltos ipan altepet Sion,
\q1 pampa calaquiqui nopa hueyi tanahuatijquet cati quinahuatía nochi taltipacti huan ilhuicacti.
\q1
\v 8 ¿Ta tijmati ajquiya nopa hueyi tanahuatijquet cati quinahuatía nochi ilhuicacti huan taltipacti?
\q1 Yaya TOTECO cati quipiya fuerza huan hueyi ichicahualis.
\q1 Yaya TOTECO cati tatantinemi ipan nochi tatehuilisti.
\q1
\v 9 Ma motapoca cuali nopa caltemit cati ipa eltoya huan para nochipa eltos ipan altepet Sion,
\q1 huan calaquis nopa hueyi tanahuatijquet cati quinahuatía nochi taltipacti huan ilhuicacti.
\q1
\v 10 ¿Ta tijmati ajquiya nopa hueyi tanahuatijquet cati quinahuatía nochi taltipacti huan ilhuicacti?
\q1 Yaya TOTECO.
\q1 Yaya nopa hueyi tanahuatijquet cati quinahuatía nochi taltipacti huan ilhuicacti.
\c 25
\s1 David quinejqui quimatis nopa ojti cati más xitahuac
\q1
\v 1 Ipan ta, TOTECO, nimotatajtía ica nochi noyolo.
\q1
\v 2 Ipan ta, noTeco Dios, nimotemachía.
\q1 Amo techcahuili ma nimopinahualti.
\q1 Amo xiquincahuili nocualancaitacahua ma nechhuetzquilica.
\q1
\v 3 Amo quema mopinahualtijtoc se cati ipan ta motemachijtoc.
\q1 Ma pinahuaca inijuanti cati nimantzi quinequij mitzixpanose.
\q1
\v 4 TOTECO, technextili moojhui.
\q1 Quena, technextili nopa pilojtzi campa tijnequi ma ninejnemi.
\q1
\v 5 Techyacana ipan moojhui cati xitahuac huan techmachti,
\q1 pampa ta tinoTeco Dios huan tinotemaquixtijca.
\q1 Ipan ta nimotemachía ipan ten hueli hora.
\q1
\v 6 TOTECO, xiquelnamiqui moteicnelilis cati tijpixtoc para nochipa,
\q1 cati hasta ten huejcajquiya titenextilijtoc,
\q1 huan yeca techtasojta.
\q1
\v 7 Amo xiquelnamiqui notajtacolhua cati nijchijqui quema nitelpocatixtoya.
\q1 Xiquelcahua quema nimotepanitayaya moixpa.
\q1 TOTECO, techelnamiqui ica motaicnelilis pampa hueyi moyolo icana.
\q1
\v 8 TOTECO, ta nelía ticuali huan tixitahuac.
\q1 Yeca tiquinnextilía tajtacolchihuani nopa cuali ojti cati ipan ma nejnemica.
\q1
\v 9 Tiquinyacana cati moechcapanohuaj ipan nopa ojti cati más xitahuac.
\q1 Quena, tiquinmachtía inijuanti cati quitemohuaj taya mopaquilis.
\q1
\v 10 Quema se masehuali quitoquilía motanahuatil, TOTECO,
\q1 nochi ojti cati ipan tijhuica quinextilía motaicnelilis,
\q1 huan quinextilía para ta tiitztoc tixitahuac.
\q1
\v 11 ¡TOTECO! Techtapojpolhui notajtacol masque nelía hueyi.
\q1 Techtapojpolhui pampa quej nopa tiquijtojtoc tijchihuas.
\q1
\v 12 TOTECO, ica masehualme cati quiimacasij mitzixpanose,
\q1 tiquinnextilis nopa cuali ojti cati tijtapejpenijtoc para inijuanti.
\q1
\v 13 Tiquintiochihuas miyac,
\q1 huan ininconehua quiselise nopa tali cati tiquinmacas.
\q1
\v 14 TOTECO tiquinpohuilía cati eltoc ipan moyolo inijuanti cati mitztepanitaj huan quiimacasij mitzixpanose.
\q1 Quena, tiquinnextilía nochi cati inihuaya timocajtoc masehualme.
\q1
\v 15 Nochipa nimitztemohua TOTECO,
\q1 huan nijchiya para techpalehuiqui,
\q1 pampa san ta tihuelis techmanahuis ten ni taquetzti.
\q1
\v 16 Techtachili, TOTECO,
\q1 huan xijpiya hueyi moyolo ica na,
\q1 pampa niitztoc noselti huan nimoyoltequipachohua.
\q1
\v 17 Nimoyoltequipachohua ica tahuel miyac tamanti cati ohui.
\q1 Techmanahui ten nopa tequipacholi.
\q1
\v 18 Xijtachili nopa tequipacholi cati nechcuatetzopa huan nechtaijyohuiltía.
\q1 Huan techtapojpolhui nochi notajtacolhua.
\q1
\v 19 Xiquita quesqui nocualancaitacahua niquinpiya huan quenicatza tahuel nechcualancaitaj.
\q1
\v 20 Techmocuitahui huan techmaquixti para amo nechcocose.
\q1 Amo xijcahua ma nechpinahualtica,
\q1 pampa ipan ta nimotemachijtoc.
\q1
\v 21 Techmanahui pampa nitemachti huan nijchihua cati xitahuac,
\q1 huan nimotemachijtoc ipan ta.
\q1
\v 22 NoTeco Dios, techmaquixti tiisraelitame ten nochi totequipachol,
\q1 pampa timomasehualhua.
\c 26
\s1 Nopa nemilisti cati tahuel tapajpacti
\q1
\v 1 TOTECO, techtajtolsencahua.
\q1 Xiteyolmelahua para amo teno cati fiero nijchijtoc.
\q1 Nimotemachijtoc san ipan ta huan amo quema nimoilhuijtoc nimitzcahuas.
\q1
\v 2 Techyoltachili, TOTECO,
\q1 huan techyejyeco.
\q1 Xijtachili cuali noyolo huan notalnamiquilis cati más noyolijtic eltoc.
\q1
\v 3 Pampa na nijpatiita motaicnelilis, huan nochipa nijtoquilía mocamanal cati melahuac.
\q1
\v 4 Amo quema ninejnentoc inihuaya masehualme cati tacajcayahuaj,
\q1 yon amo nimohuicatoc inihuaya cati quipiyaj ome inixayac.
\q1
\v 5 Nijcualancaita inintasentilis amo cuajcualme.
\q1 Amo quema nimosentilijtoc inihuaya cati fiero quichihuaj.
\q1
\v 6 Tapajpacti nomax ten nochi tajtacoli,
\q1 huan san quej nopa nimonechcahuis motaixpa, TOTECO.
\q1
\v 7 Nepa nihuicas huicat para nimitzhueyitalis huan niteyolmelahuas nochi cati cuajcualtzi cati ta tijchijtoc.
\q1
\v 8 Tahuel niquicnelía mochaj campa tiitztoc, TOTECO,
\q1 campa monextía motatanex.
\q1
\v 9 Amo techchihuili quej tiquinchihuilía tajtacolchihuani huan temictiani.
\q1
\v 10 Inijuanti quisencahuaj quenicatza huelis tetacuijcuilise.
\q1 Quipiyaj inimax temitoc ica tomi cati ichtaca tainantoque.
\q1
\v 11 Pero na ninemi xitahuac.
\q1 Xijpiya hueyi moyolo ica na,
\q1 huan techmaquixti.
\q1
\v 12 TOTECO, nimitzhueyichihua miyacapa.
\q1 Ica ta, cuali niijcatoc,
\q1 huan amo techcahuilijtoc ma nihuetzi.
\c 27
\s1 TOTECO nechtaahuilía huan nechmaquixtía
\q1
\v 1 TOTECO nechtaahuilía huan nechmaquixtía.
\q1 ¿Ajquiya niquimacasis?
\q1 TOTECO yaya nochicahualis,
\q1 huan na niitztoc imaco.
\q1 Amo aqui niquimacasis.
\q1
\v 2 Quema amo cuajcualme quinequise nechtehuise huan quinequise nechmictise,
\q1 motepotanise huan huetzise.
\q1
\v 3 Masque nochi isoldados se hueyi tali motananase noixpa,
\q1 amo niyolmajmahuis.
\q1 Masque nechtehuise,
\q1 na nimotemachijtos ipan TOTECO pampa yaya itztoc nohuaya.
\q1
\v 4 San se tamanti nijtajtanijtoc TOTECO.
\q1 San se tamanti nijnequi.
\q1 Nijnequi niitztos ipan ichaj TOTECO nochi tonali.
\q1 Nijnequi nijhueyichihuas nepa huan nimopaquilismacas ica nochi ihueyitilis huan itatanex.
\q1 Quena, ipan ichaj nijtemos cati ya ipaquilis.
\q1
\v 5 Quema ajsis tonali cati amo cuali,
\q1 TOTECO nechmocuitahuis.
\q1 Nechtatis ipan itiopa campa más tatzejtzeloltic,
\q1 huan teipa nechquetzas ipan se hueyi tet para nechhueyitalis.
\q1
\v 6 Quena, nechhueyitalis iniixpa nocualancaitacahua.
\q1 Yeca na nijtencahuas tacajcahualisti ipan itiopa,
\q1 huan nicuatzajtzis ica paquilisti.
\q1 Nihuicas huan nitatzotzonas para nijpaquilismacas TOTECO.
\b
\q1
\v 7 TOTECO, techtacaquili pampa nimitznojnotza.
\q1 Xijpiya hueyi moyolo ica na,
\q1 huan technanquili.
\q1
\v 8 TOTECO, quema techilhuía:
\q1 “Techcamanalhuiqui”,
\q1 na nimitznanquilía:
\q1 “Nimitzcamanalhuiti”.
\q1
\v 9 ¡Amo techcuanecatatili!
\q1 ¡Amo techhuejcamajcahua pampa ticualantoc ica na!
\q1 San ta cati techpalehuía,
\q1 noTeco Dios, ta cati tinotemaquixtijca.
\q1 Amo techiyocacahua, yon amo techcajtehua noselti.
\q1
\v 10 Masque notata huan nonana nechtahuelcahuase,
\q1 TOTECO, ta nochipa techmocuitahuis.
\q1
\v 11 TOTECO, technextili cati tijnequi ma nijchihua.
\q1 Techyacana san ipan nopa ojti cati cuali campa tijnequi ma ninejnemi,
\q1 pampa nocualancaitacahua nechyahualojtoque.
\q1
\v 12 Amo techtemactili inimaco quej inijuanti quinequij,
\q1 pampa ica na motanantoque masehualme cati istacatij huan san quimatij cati más fiero nechchihuilise.
\b
\q1
\v 13 Pero na cuali nijmati TOTECO nechmanahuis,
\q1 huan sempa niquitas quenicatza cuali iyolo ica na ipan ni taltipacti campa niitztoc.
\q1
\v 14 Ximochiya ipan TOTECO.
\q1 Ximosemaca huan ximoyolchicahua huan amo ximomajmati.
\q1 Quena, ximotemachi ipan TOTECO.
\c 28
\s1 Toteco quitacaquilía quema timotatajtíaj
\q1
\v 1 TOTECO, tinotamanahuijca.
\q1 San ica ta nimotatía.
\q1 Ta cati nimitztzajtzilía techpalehuiqui.
\q1 Amo ximohuexnequi para technanquilis,
\q1 pampa sinta amo technanquilis,
\q1 san nimotemacas para ma nechmictica.
\q1
\v 2 Xijcaqui nocamanal quema nimitztajtanía tapalehuili.
\q1 Techchihuili cuenta quema nimomatanana huan nitachía imelac motiopa cati tahuel tatzejtzeloltic.
\q1
\v 3 Amo techtatzacuilti inihuaya masehualme cati amo cuajcualme cati san quichihuaj cati amo monequi.
\q1 Inijuanti camanaltij cuajcualtzi ica sequinoc,
\q1 pero quipiyaj nochi cati amo cuali ipan iniyolo.
\q1
\v 4 Xiquincuepili nochi cati amo cuali quichijtoque ica cati amo cuali nojquiya.
\q1 Xiquintaxtahui ica cati fiero san se quej fiero quinchihuilijtoque sequinoc.
\q1
\v 5 TOTECO, inijuanti amo quichihuilíaj cuenta nochi cati tijchijtoc,
\q1 huajca tiquintzontamiltis huan amo quema tiquintananas sempa.
\q1
\v 6 TOTECO, nimitzpaquilismacas pampa tijtacaquilijtoc cati nimitztajtanijtoc.
\q1
\v 7 TOTECO, yaya nochicahualis huan notamanahuijca ten nochi cati mahuilili.
\q1 Ipan ya nimoneltemachijtoc huan nechpalehuijtoc,
\q1 yeca ipan noyolo nijpiya miyac paquilisti.
\q1 Nihuicas huan nimitztascamatis, TOTECO.
\q1
\v 8 TOTECO, ta tiquinpixtoc momaco nochi momasehualhua.
\q1 Yeca san ipan ta motemachía motanahuatijca cati tijtapejpenijtoc.
\q1
\v 9 Xijmaquixti moaltepe, TOTECO.
\q1 Huan xiquintiochihua inijuanti cati moaxcahua.
\q1 Techmocuitahui quej se quinmocuitahuía ipilborregojhua.
\q1 Techhuica momaco para nochipa.
\c 29
\s1 Se huicat ten ihueyitilis TOTECO
\q1
\v 1 Xijhueyichihuaca TOTECO,
\q1 amojuanti aniilhuicac ejcahua.
\q1 Xijhueyichihuaca TOTECO cati quipiya hueyi ichicahualis huan itatanex.
\q1
\v 2 Xijhueyichihuaca TOTECO por ihueyitilis,
\q1 pampa ya nopa quinamiqui para yaya cati tahuel hueyi.
\q1 Xijhueyichihuatij TOTECO cati itztoc campa tahuel tacuajcualtzi huan tatzejtzeloltic.
\q1
\v 3 Quema TOTECO camanalti,
\q1 caquisti quej tatomonilot cati chicahuac ipan hueyi at.
\q1 Itoscac Toteco Dios cati itztoc ipan ilhuicac caquisti quej tatomonilot ipan ilhuicac tahuel chicahuac.
\q1 Quena, TOTECO itoscac monanquilía iixpa nopa hueyi at ica nochi ihueyitilis.
\q1
\v 4 Itoscac TOTECO quipiya chicahualisti.
\q1 Quena, itoscac quipiya tahuel miyac chicahualisti.
\q1
\v 5 Itoscac tahuel temajmati huan quema TOTECO camanalti,
\q1 quichihua para ma ixtzayanica tiocuame.
\q1 Quena, Toteco quintapana nochi tiocuame ipan tali Líbano.
\q1
\v 6 Quichihua ma huihuipicaca nochi cuatitamit ipan talme Líbano huan Sirión.
\q1 Quinchihualtía nopa cuame ma mojmolinica quej piltorojtzitzi huan pilhuacaxtzitzi cati huitontehuaj.
\q1
\v 7 Quema TOTECO camanalti,
\q1 quimajcahua tilelemecti.
\q1
\v 8 Quema TOTECO camanalti,
\q1 huihuipica nochi huactoc tali.
\q1 Quena, hasta quichihua para ma huihuipica nopa huactoc tali Cades.
\q1
\v 9 Quema TOTECO quiijtohua para oncas tatomonilot,
\q1 huajca quichihua ma ixtzayanica nopa ahuacuame huan quicahua tapepestic ipan cuatitamit.
\q1 Ipan ichaj nepa ilhuicac nochi quihueyichihuaj huan quiijtohuaj: “Tahuel cuajcualtzi mohueyitilis.”
\q1
\v 10 TOTECO tanahuatiyaya quema oncac nopa tahuel miyac at cati momanqui ipan nochi taltipacti.
\q1 Huan TOTECO noja tanahuatía huan tanahuatis para nochipa.
\q1
\v 11 TOTECO quinmaca chicahualisti nochi imasehualhua.
\q1 Quena, TOTECO quintiochihua huan quinmaca tasehuilisti ipan iniyolo.
\c 30
\s1 Se huicat para quitascamati TOTECO
\q1
\v 1 TOTECO, nimitzhueyitalía pampa techtananqui ten más tatzinta.
\q1 Amo tiquincahuilijtoc nocualancaitacahua ma noca paquica.
\q1
\v 2 TOTECO, nimitztajtani motapalehuil para techchicahua quema nimococohuayaya,
\q1 huan ta techchicajqui.
\q1
\v 3 TOTECO, techmanahuij quema ya niitztoya para nimiquis.
\q1 Techmacac nonemilis sempa,
\q1 huan yeca amo niitztoc ostoijtic.
\q1
\v 4 TOTECO, nochi moaxcahua ma huicaca tiohuicat moixpa.
\q1 Ma mitzhueyichihuaca ta cati titatzejtzeloltic.
\q1
\v 5 TOTECO, quema ticualani,
\q1 san huejcahua se talojtzi,
\q1 pero ipan nochi tonemilis technextilía para tijpiya hueyi moyolo ica tojuanti.
\q1 Masque tojuanti quemantica tichocaj ica tayohua,
\q1 ica ijnaloc tijpiyaj paquilisti ipan ta.
\q1
\v 6 Quema cuali niitztoya huan amo teno nechpolohuayaya,
\q1 nimoilhui amo aqui huelis nechtanis.
\q1
\v 7 TOTECO, ica motaicnelil techquetztoya cuali quej se hueyi tepet cati amo aqui hueli quiolinis.
\q1 Pero teipa, techcuanecatatili huan nimajmajca miquiyaya.
\q1
\v 8 Huan nimitznotzqui, TOTECO.
\q1 Nimitztzajtzili para techtasojta.
\q1
\v 9 Pampa, TOTECO, sinta techcahuilisquía ma nimiqui,
\q1 taya tijtanisquía.
\q1 Ayecmo huelisquía nimitzhueyichihuasquía iniixpa nohuampoyohua.
\q1 Toteco, sinta nimiquis, nimocuepas tali,
\q1 huan tali amo huelis mitzhueyichihuas. ¿Amo que?
\q1 ¿Mijcatzitzi amo huelise tepohuilise para ta nelía titemachti?
\q1
\v 10 Huajca, TOTECO, techtacaquili huan xijpiya hueyi moyolo ica na.
\q1 TOTECO, ta xieli tinotapalehuijca.
\q1
\v 11 Techtacaquilijtoc huan techquixtilijtoc nopa tequipacholi.
\q1 Techmacatoc hueyi paquilisti.
\q1 Techquixtilijtoc nopa yoyomit cati nimoquentijtoya pampa nimotequipachohuayaya.
\q1 Huan techquentijtoc se cuali yoyomit cati tenextilía para nijpiya paquilisti.
\q1
\v 12 Yeca TOTECO, amo hueli nimocamatzacuas.
\q1 Nimitzhueyichihuas ica tiohuicat huan nochipa nimitztascamatis.
\c 31
\s1 Ma timotemachica miyac ipan Toteco
\q1
\v 1 TOTECO, ipan ta nimotemachijtoc.
\q1 Amo quema xiquincahuili sequinoc ma nechpinahualtica.
\q1 Techmanahui ta cati nochipa tijchihua cati xitahuac.
\q1
\v 2 TOTECO, ximoechcapano para techtacaquilis.
\q1 Techmanahuiqui nimantzi.
\q1 Techcahuili ma nimotati ipan ta.
\q1 Na niitztos momaco para techmanahuis.
\q1
\v 3 Ipan ta nimotemachía para techpalehuis.
\q1 Quena, ipan ta niitztoc ica temachili.
\q1 Techyacantiyas para nochi ma mitzhueyitalica más.
\q1
\v 4 Ta tinotamocuitahuijca,
\q1 techmaquixti ten ni taquetzti cati nocualancaitacahua quitatijtoque ipan noojhui para nechmasiltise.
\q1
\v 5 Nimitzmactilía notonal momaco.
\q1 Techmanahui, TOTECO, ta tiDios cati titemachti.
\q1
\v 6 Niquincualancaita nochi cati quinhueyichihuaj teteyome,
\q1 pampa teteyome amo teno hueli quichihuaj.
\q1 Pero na nimotemachijtoc ipan ta, TOTECO.
\q1
\v 7 Nijpiya miyac paquilisti pampa techicnelía.
\q1 Ta tiquitztoc nochi notequipachol,
\q1 tiquitztoc nochi cati nopantitoc.
\q1
\v 8 Amo techtemactili inimaco nocualancaitacahua.
\q1 ¡Amo! Campa techquetzqui tacualca huan temachti.
\s1 David taijyohuiyaya ica cocolisti huan ica icualancaitacahua
\q1
\v 9 TOTECO, techtasojta pampa niitztoc ipan tequipacholi.
\q1 Nisenchocatoc hasta nijmati tantiyahuij noixteyolhua.
\q1 Ipan noyolo huan notacayo nijmati nitamitaijyohuijtoc ica tequipacholi.
\q1
\v 10 Ni tacuajcualoli nechtzontamiltía pampa san tequipacholi nijpano.
\q1 Sese xihuit cati pano san niaxti.
\q1 Ya tantinemi nochicahualis por notajtacolhua hasta ya nitacayohuactinemi.
\q1
\v 11 Nocualancaitacahua huan hasta nocalnechcahua nechijiyaj.
\q1 Cati nechixmatij nechimacasij.
\q1 Cati nechitaj ojtipa nechtalcahuíaj.
\q1
\v 12 Nochi masehualme nechelcajtoque quej ya nimictosquía.
\q1 Nechtahuelcajtoque quej se chachapal tepalcat ipan tasoli.
\q1
\v 13 Nijcaqui quenicatza nocualancaitacahua nechistacahuíaj.
\q1 Yeca nechitzquitoc se hueyi majmajti huan nechmajmatía.
\q1 Inijuanti san sejco moijilhuíaj quenicatza huelise nechmictise.
\q1
\v 14 Pero TOTECO, na nimotemachía ipan ta huan niquijtohua: “¡Ta tinoDios!”
\q1
\v 15 Sesen tonali cati niitztoc momaco eltoc.
\q1 Techmanahui inimaco nocualancaitacahua cati nechtaijyohuiltijtinemij.
\q1
\v 16 TOTECO, ma monexti moteicnelijcayo ipan moxayac quema techtachilía na,
\q1 nimotequipanojca.
\q1 Techmaquixti pampa ta techsenicnelijtoc.
\q1
\v 17 TOTECO, na nimitztemojtoc.
\q1 Amo xiquincahuili ma nechpinahualtica.
\q1 Xiquinpinahualti masehualme cati amo cuajcualme.
\q1 Quena, inijuanti mocamatzacuase quema tiquintzontamiltis.
\q1
\v 18 TOTECO, ayecmo molinis ininenepil inijuanti cati istacatij quema ya mictose.
\q1 Ayecmo itztose inijuanti cati mohueyimatij quema camanaltij para techtaijilhuise tojuanti cati tinemij xitahuac moixpa.
\q1 Quena, xiquinmicti cati mohueyitalíaj huan techmahuispolohuaj.
\q1
\v 19 Pero ta, nelía hueyi moyolo ica inijuanti cati mitztepanitaj huan tiquinmocuitahuía.
\q1 Nelía cuali motaicnelilis cati ticajoctoc para tojuanti cati timotemachijtoque ipan ta,
\q1 tojuanti cati miyacapa titematiltijtoque para san ta tihueli techmanahuis.
\q1
\v 20 TOTECO, ta techtatía campa ixtacatzi tojuanti cati timitztepanitaj,
\q1 huan nepa ta timocahua tohuaya.
\q1 Yeca fiero masehualme amo hueli techajsise ica cati quisencajtoque.
\q1 Quena, momaco techtatía huan amo aqui cati techmahuispolohua hueli techajsis.
\q1
\v 21 Nimitztascamati, TOTECO,
\q1 pampa tijchijqui huejhueyi tamanti para technextilis moteicnelijcayo.
\q1 Ica temachili techyahualojtoc para techmanahuis ten nocualancaitacahua.
\q1
\v 22 TOTECO, nimoilhuijtiquisqui para techtahuelcajtoya.
\q1 ¡Pero amo cana!
\q1 Tijcajqui quema nimitztzajtzili techpalehuiqui, huan technanquili.
\b
\q1
\v 23 Nochi amojuanti cati aniaxcahua TOTECO,
\q1 xiquicnelica pampa yaya quinmocuitahuía cati itztoque temachme.
\q1 Pero ica masehualme cati mohueyimatij,
\q1 TOTECO quintaxtahuía hasta ica itanca nochi cati amo cuali quichijtoque.
\q1
\v 24 Nochi amojuanti cati anmotemachíaj ipan TOTECO,
\q1 xipaquica huan ximosemacaca.
\c 32
\s1 Nelía paqui nopa masehuali cati TOTECO quitapojpolhuijtoc
\q1
\v 1 Nelía paqui nopa masehuali cati TOTECO quitapojpolhuijtoc itajtacolhua huan quiixpolojtoc nochi itaixpanolhua.
\q1
\v 2 Quipiya paquilisti cati ya quipohuilijtoc TOTECO itajtacolhua,
\q1 huan ayecmo quitajtacoltía ica yon se tamanti.
\q1 Ipan iyolo ayecmo mocajcayahua quej amo teno quichijtoc.
\q1
\v 3 Quema ayemo nijpohuilijtoya TOTECO quenicatza nitajtacolchijtoya,
\q1 semilhuit niaxtiyaya hasta nijmatqui para tantoya nochicahualis.
\q1
\v 4 Techtatzacuiltiyaya tonaya huan tayohua.
\q1 Techtatzacuiltij hasta nijmatiyaya nicuahuaquiyaya quej soquiat huaqui quema chicahuac tatotoniya.
\q1
\v 5 Pero teipa nimitzpohuili nochi notajtacolhua huan yon se amo nijtati.
\q1 Nimotemacac nimitzpohuilis nochi notaixpanolhua huan ta, TOTECO, nochi techtapojpolhui,
\q1 huan techquixtili nopa taeticayot.
\q1
\v 6 Monequi para nochi cati moaxcahua mitztemose quema itztoque ipan tequipacholi.
\q1 Monequi motemachise ipan ta,
\q1 huan masque tequipacholi momiyaquilis quej se atajti cati chicahuac mixcuepa,
\q1 amo quinajsis.
\q1
\v 7 TOTECO, ipan ta nimotemachía quema onca tequipacholi,
\q1 huan ta techmocuitahuía.
\q1 Tijchijtoc para sequinoc ma nechyahualoca,
\q1 huan inijuanti huicaj chicahuac para mitzhueyichihuase pampa techmanahuijtoc.
\b
\q1
\v 8 TOTECO quiijtohua:
\q1 “Na nimitztalnamictis huan nimitznextilis nopa ojti cati más cuali,
\q1 cati monequi ipan timonejnemiltis.
\q1 Na nimitzconsejomacas huan nimitztachilijtos.
\q1
\v 9 Amo ximochihua quej se cahuayo,
\q1 o se mula cati amo quipiya talnamiquilisti,
\q1 cati monequi tijtalilis se tepos camachali ica se lazo huan tijtilanas para mitzneltocas.”
\b
\q1
\v 10 Amo cuajcualme quipantise miyac taijyohuilisti,
\q1 pero tojuanti cati timotemachíaj ipan TOTECO,
\q1 yaya techyahualojtoc ica itaicnelilis.
\q1
\v 11 Xipaquica ipan TOTECO,
\q1 amojuanti cati anitztoque xitahuaque iixpa.
\q1 Amojuanti cati anquineltoquilíaj,
\q1 xitzajtzica ica paquilisti por cati TOTECO quichijtoc.
\c 33
\s1 Se huicat para quihueyichihuase TOTECO
\q1
\v 1 Xihuicaca ica paquilisti para TOTECO amojuanti cati anitztoque xitahuac iixpa.
\q1 Nelía cuajcualtzi para nochi tojuanti cati tijchijtinemij cati cuali ma tijhueyichihuaca.
\q1
\v 2 Xitatzotzonaca ica arpa para xijhueyichihuaca, TOTECO.
\q1 Xihuicaca iixpa huan xijpaquilismacaca ica tatzotzonali cati nesi quej guitarra.
\q1
\v 3 Xijsencahuaca se huicat cati yancuic,
\q1 huan xijhuicatica TOTECO.
\q1 Xitatzotzonaca cuali,
\q1 huan xitzajtzica ica paquilisti.
\q1
\v 4 Pampa nelía xitahuac nochi cati quiijtohua TOTECO.
\q1 Nochi cati quichihua tenextilía para temachti.
\q1
\v 5 TOTECO quipactía nochi cati xitahuac huan cati melahuac.
\q1 Nochi cati itztoque ipan taltipacti quiselíaj itaicnelilis TOTECO.
\q1
\v 6 TOTECO tanahuati ma onca ilhuicacti huan mochijqui.
\q1 San camanaltic huan mochijqui metzti, tonati huan nochi sitalime.
\q1
\v 7 Yaya quisejcotili nochi at cati eltoc ipan hueyi at.
\q1 Quiajojqui nopa at campa más tahuejcata.
\q1
\v 8 Nochi antaltipac ehuani xijhueyitepanitaca TOTECO.
\q1 Quena, nochi cati anitztoque ipan ni taltipacti xiquimacasica.
\q1
\v 9 Pampa nochi cati yaya quiijto,
\q1 ya nopa mochijqui.
\q1 Huan cati yaya tanahuati ma eli,
\q1 ya nopa monexti.
\q1
\v 10 TOTECO quinsosolhuilía inintalnamiquilis masehualme ipan campa hueli talme para amo ma quichihuaca cati fiero moilhuijtoque.
\q1 San tailpitzas huan quincuapolos talme para amo huelise quichihuase cati fiero quisencajtoque quichihuase.
\q1
\v 11 Pero cati TOTECO moilhuijtoc quichihuas amo quema mopatas.
\q1 Cati ya quinequi,
\q1 ya nopa elis para nochipa.
\q1
\v 12 Paquij masehualme ipan nopa tali cati motemachíaj ipan TOTECO.
\q1 Quena, nelía paquij nopa masehualme cati TOTECO quintapejpenijtoc para iaxcahua.
\q1
\v 13 TOTECO cati itztoc nepa ilhuicac techhualtachilijtoc nochi timasehualme.
\q1
\v 14 Hasta nepa ipan ilhuicac TOTECO techtachilijtoc cati tiitztoque ipan ni taltipacti.
\q1
\v 15 Yaya TOTECO cati quichijchijqui toyolo nochi titaltipac ehuani huan quitachilía nochi cati tijchijtinemij.
\q1
\v 16 Se hueyi tanahuatijquet amo tatani pampa quinpiya miyac isoldados.
\q1 Yon se soldado cati motemaca amo tatani pampa quipiya miyac fuerza.
\q1
\v 17 Amo ximotemachi ipan se cahuayo para mitzmanahuis masque nelía tetic.
\q1 San ica ifuerza amo hueli temanahuía.
\q1
\v 18 Pero TOTECO, quena, yaya nochipa techtachilijtoc tojuanti cati tiquimacasij tiquixpanose.
\q1 Techmocuitahuía cati timochiyaj ipan itaicnelilis.
\q1
\v 19 Techmanahuía quema tiitztoque nechca miquilisti.
\q1 Huan techtamacas quema oncas mayanti para noja ma tiitztoca.
\q1
\v 20 Tojuanti ipan toyolo timotemachíaj ipan TOTECO.
\q1 Yaya techpalehuía huan techmanahuía ten cati amo cuali.
\q1
\v 21 Yeca ma tiyolpaquica ipan TOTECO,
\q1 pampa timoneltemachijtoque ipan yaya cati nelía tatzejtzeloltic.
\b
\q1
\v 22 TOTECO, xijpiya moyolo ica tojuanti,
\q1 pampa san ipan ta timochiyaj.
\c 34
\s1 TOTECO techmocuitahuía huan techmanahuía
\q1
\v 1 Nijtascamatis TOTECO talojtzitzi huan nochipa nijsenpaquilismacatos.
\q1
\v 2 Nijhueyitalis huan niquinilhuis nochi masehualme cati yaya nechchihuilijtoc.
\q1 Inijuanti cati teicneltzitzi quicaquise huan paquise.
\q1
\v 3 Ma tijhueyichihuaca huan ma tijhueyitalica TOTECO san sejco.
\q1
\v 4 Nijtzajtzili TOTECO ma nechpalehuiqui,
\q1 huan yaya nechtacaquili huan nechmanahui ten nochi cati nechmajmatiyaya.
\q1
\v 5 Sequinoc cati motemachíaj ipan Toteco ixcahuanij ica paquilisti nojquiya,
\q1 por cati yaya quinchihuilijtoc.
\q1 Amo quema pinahuase.
\q1
\v 6 Masque nipilteicneltzi,
\q1 nijtzajtzili TOTECO,
\q1 huan yaya nechmaquixti ten nochi tamanti cati nechtequipachohuayaya.
\q1
\v 7 Iilhuicac ejca TOTECO quinmocuitahuía nochi cati quiimacasij TOTECO,
\q1 huan yaya quinmanahuía.
\q1
\v 8 Xijyejyecoca TOTECO huan anquiitase para melahuac cuali iyolo ica tojuanti.
\q1 Hueyi paquilisti quipiyaj nochi masehualme cati ipan ya motemachíaj.
\q1
\v 9 Nochi amojuanti cati aniaxcahua TOTECO, xiquimacasica,
\q1 pampa nochi cati quitepanitaj amo teno quinpolohua.
\q1
\v 10 Nopa tecuanime cati más quipiyaj chicahualisti quemantica mayantinemij huan amo quipantíaj ten quicuase,
\q1 pero masehualme cati quitemohuaj TOTECO quipiyase nochi cati cuali.
\q1
\v 11 Xihualaca noconehua, huan techtacaquilica,
\q1 huan nimechmachtis quenicatza monequi anquitepanitase TOTECO,
\q1 huan anquiimacasise anquiixpanose.
\q1
\v 12 ¿Tijnequi tiitztos ica cuajcualtzi?
\q1 ¿Tijnequi tihuejcahuas ipan ni taltipacti,
\q1 huan tiquitas cati cuali?
\q1
\v 13 Monequi xijmocuitahuis monenepil para amo tiquinmahuispolos sequinoc ica istacatili.
\q1
\v 14 Ximoiyocatali ica cati amo cuali,
\q1 huan xijchihua san cati xitahuac.
\q1 Xijchihuaca cati anhuelij para ma onca tasehuilisti inihuaya nochi masehualme.
\q1 Quena, ya nopa xijtemoca ica nochi amoyolo.
\q1
\v 15 TOTECO quintachilía cati nemij xitahuac iixpa,
\q1 huan san quichiya para quinmacas cati quitajtanise.
\q1
\v 16 Pero TOTECO sencualantoc ica inijuanti cati quichihuaj cati fiero.
\q1 Quintzontamiltis para ayecmo aqui quinelnamiquis ipan ni taltipacti.
\q1
\v 17 Quema masehualme cati itztoque xitahuaque iixpa TOTECO quitzajtzilíaj,
\q1 yaya quintacaquilía.
\q1 Huan quinmanahuía ten nochi inincuesolhua.
\q1
\v 18 TOTECO itztoc ininechca masehualme cati motequipachohuaj.
\q1 Huan quinmaquixtía cati motequipachohuaj ica inintajtacolhua.
\q1
\v 19 Se masehuali cati itztoc xitahuac iixpa TOTECO quipiya miyac tequipacholi,
\q1 pero TOTECO quimanahuía ica nochi cati ipanti.
\q1
\v 20 Pampa TOTECO quimocuitahuía para amo postequis yon se iomiyo.
\q1
\v 21 Se masehuali cati fiero inemilis miquis por nopa tamanti fiero cati quichihua.
\q1 Quena, TOTECO quintalilis tatzacuiltili cati quicualancaitaj cati cuali.
\q1
\v 22 TOTECO quinmaquixtía itequipanojcahua.
\q1 Quena, quintapojpolhuía imasehualhua cati motemachíaj ipan ya.
\c 35
\s1 Se netatajtili para TOTECO ma quimaquixti inimaco icualancaitacahua
\q1
\v 1 TOTECO, xiquincamaijixnamiqui cati noca cualanij.
\q1 Xiquintehui cati quinequij nechtehuise.
\q1
\v 2 Xijcui nochi motatehuijca teposhua,
\q1 huan ximotanana para techmanahuiqui.
\q1
\v 3 Xijquixti mohacha cati ica titatehui,
\q1 huan xiquinojtzacua cati nechtepotztocatihualahuij.
\q1 Huan techilhui:
\q1 “Na nimitzmaquixtis.”
\b
\q1
\v 4 Ma pinahuaca huan ma mocuapoloca cati nechtemohuaj para nechmictise.
\q1 Ma mocuepaca ininchaj ica pinahualisti cati quinequij nechchihuilise cati fiero.
\q1
\v 5 Quej se ajacat quihuica tasoli,
\q1 iilhuicac ejca TOTECO ma quintojtocatiya cati nechcualancaitaj.
\q1
\v 6 Ma onca tzintayohuilot ipan iniojhui.
\q1 Ma talxixitaca campa nemij para ma huetzica,
\q1 huan nopa ilhuicac ejquet ma quintepotztocatiyas para quinmictis.
\q1
\v 7 Pampa masque amo teno nijchijtoya,
\q1 quitalijque se taquetzti para nechmasiltise.
\q1 Quixajque se ostot para ipan ma nihuetzi.
\q1
\v 8 Ma quintalochajsi se hueyi tequipacholi.
\q1 Ma masica ipan nopa taquetzti cati inijuanti quitalijque huan ma motzontamiltica.
\q1
\v 9 Huajca quena, na nipaquis ipan TOTECO.
\q1 Nijpiyas paquilisti pampa TOTECO nechmaquixtijtos.
\q1
\v 10 Ica nochi noyolo niquijtos:
\q1 “Amo aqui seyoc quej ta, TOTECO.
\q1 Tiquinmocuitahuía cati amo quipiyaj fuerza para masehualme cati tetique amo teno huelis quinchihuilise.
\q1 Quena, tiquinmanahuía cati teicneltzitzi huan cati amo quipiyaj cati quinpolohua.
\q1 Tiquinmanahuía inimaco cati quinequij quintacuijcuilise.”
\q1
\v 11 Motananaj masehualme cati amo cuajcualme huan nechcualancaitaj.
\q1 Inijuanti quitestigojquetzaj cati amo melahuac,
\q1 huan nechtaijilhuíaj ica tamanti cati amo nijmati.
\q1
\v 12 Nechtaxtahuíaj ica cati amo cuali,
\q1 masque nelcuali niquinchihuilijtoc.
\q1 San quinequij nechtequipacholmacase.
\q1
\v 13 Pero quema inijuanti mococojque,
\q1 nimotequipacho inihuaya huan nimoyoyonti ica nopa fiero yoyomit para nochi quimatise nimotequipachohuayaya inihuaya.
\q1 Hasta nimosajqui por inijuanti para nijtajtanis TOTECO ma quinchicahua.
\q1 Pero TOTECO amo quicajqui cati niquilhui.
\q1
\v 14 Nimotequipachojtinemiyaya quej se tamanti fiero ipantitosquía se nohuampo o se noicni.
\q1 Nimotequipacho huan nichocatinemiyaya quej mictosquía nonana.
\q1
\v 15 Pero quema na nechajsic tequipacholi, inijuanti pajque.
\q1 Quema nimotepotani huan nihuetzqui,
\q1 inijuanti mosentilijque huan nechhuetzquilijque.
\q1 Masehualme cati amo cuajcualme huan cati nechixmatiyayaj nechejelnamiquiyayaj huan nechmaquiliyayaj masque amo teno nijchijtoya.
\q1
\v 16 Quej masehualme cati amo cuajcualme quihuetzquilíaj ten hueli,
\q1 inijuanti noca pajque huan motancochhuehuechotzque noixpa ica cualanti.
\b
\q1
\v 17 TOTECO, ¿hasta quema noja san tijtachilijtos nochi ni tamanti?
\q1 Techmanahui para amo nechmictise,
\q1 pampa san setzi nonemilis.
\q1 Techmaquixti ten ni masehualme cati mochihuaj quej tecuanime cati quinequij nechhuejhuelose.
\q1
\v 18 Huan nimitztascamatis miyacapa ipan tasentilisti.
\q1 Iniixpa nochi nopa miyaqui momasehualhua nimitzpaquilismacas.
\q1
\v 19 Amo xiquincahuili nocualancaitacahua cati istacatij ma noca paquica.
\q1 Amo xiquincahuili cati nechcualancaitaj ma moixijcopilica ica paquilisti noixpa por notequipachol.
\q1
\v 20 Inijuanti amo quitemohuaj tasehuilisti.
\q1 San moilhuíaj quenicatza huelis quincajcayahuase masehualme cati itztoque ica cuajcualtzi ipan ni tali.
\q1
\v 21 Nechtaijilhuíaj huan quiijtohuaj:
\q1 “¡Xiquitaca tijnelitztoque cati fiero quichijqui!”
\b
\q1
\v 22 TOTECO, ta tiquitztoc cati quichihuaj.
\q1 Amo san xiitzto huan amo teno tijchihuas.
\q1 ¡Amo techtahuelcahua!
\q1
\v 23 Ximotanana huan techchihuili cati xitahuac huan melahuac.
\q1 Quena, TOTECO, xiisihui huan techmanahuiqui.
\q1
\v 24 TinoTeco Dios, ta cati ipa titetajtolsencahua xitahuac,
\q1 xitenextili para amo teno nijchijtoc.
\q1 Amo xiquincahuili nocualancaitacahua ma noca huetzcaca.
\q1
\v 25 Ma amo nopanti cati inijuanti quinequij.
\q1 Ma amo quiijtoca nechixpolojtoque.
\q1 Amo xiquincahuili ma moilhuica para inijuanti nechtantoque.
\q1
\v 26 Xijchihua para inijuanti cati noca paquij por notequipachol ma mocuapoloca huan ma ayecmo quimatica taya quichihuase.
\q1 Quena, xijcahua para inijuanti cati moilhuíaj para más huejhueyi que na ma mopinahualtica huan ayecmo aqui ma quintepanita.
\q1
\v 27 Pero ma huicaca ica paquilisti inijuanti cati nechpalehuíaj.
\q1 Ma paquica inijuanti cati quiitaj para nijchihua cati xitahuac.
\q1 Huan nochipa ma quiijtoca:
\q1 “Nelía hueyi TOTECO cati quipactía quipalehuis David,
\q1 pampa yaya quitequipanohua.”
\q1
\v 28 Quena, xijtacaquili cati nimitztajtanía,
\q1 huan teipa nitepohuilis para nelía xitahuac cati tijchihua.
\q1 Quena, semilhuit nimitzpaquilismacas.
\c 36
\s1 Inintajtacol masehualme huan iteicnelilis TOTECO
\q1
\v 1 Nijpixtoc ipan noyolo cati nijnequi niteyolmelahuas ten inintajtacol amo cuajcualme.
\q1 Amo cuajcualme quielcahuaj Toteco Dios huan amo quiimacasij.
\q1
\v 2 Mohueyimatij ica iniselti hasta moilhuíaj para yaya amo quichihuilía cuenta nochi cati fiero quichijtinemij,
\q1 huan yeca amo quintatzacuiltis.
\q1
\v 3 Quisa inincamaco senquisa cati fiero huan cati amo melahuac.
\q1 Quipolojtoque inintalnamiquilis,
\q1 huan ayecmo quichihuaj cati cuali.
\q1
\v 4 Quema motecaj ipan inintapech para cochise,
\q1 san moilhuíaj taya tajtacoli quichihuase.
\q1 Moneltatzquilijtoque ipan iniojhui cati fiero huan san cati amo cuali quinequij.
\b
\q1
\v 5 TOTECO, motasojtacayo quinajsi nochi masehualme huan onajsi hasta ilhuicac huan hasta campa mixti.
\q1 Nelía titemachti.
\q1
\v 6 Tiitztoc tahuel tixitahuac huan amo quema timopata.
\q1 Tiitztoc temachti quej nopa huejhueyi tepeme campa tahuel tahuejcapa.
\q1 Nelxitahuac titetajtolsencahua,
\q1 huan amo hueli tijmachilíaj motalnamiquilis,
\q1 pampa eltoc quej nopa hueyi at cati tahuel huejcata.
\q1 ¡TOTECO! Ta san se tiquinmocuitahuía quej masehualme huan tecuanime.
\q1
\v 7 Toteco Dios, nelía cuajcualtzi moteicnelilis cati amo quema techcahua.
\q1 Yeca masehualme cati quipiyaj tanahuatili huan cati teicneltzitzi monechcahuíaj campa ta para xiquinmanahui.
\q1 Quena, mochihuaj quej pilpiyotzitzi cati calaquij ieltapaltzala ininana.
\q1
\v 8 Masehualme cati mitztemohuaj ixhuij cuali ica nopa tatiochihualisti cati tiquinmaca nepa mochaj.
\q1 Eltoc quej se hueyi tacualisti cati techtencahuilía toixpa.
\q1 Techcahuilía ma tiatica ipan nopa atajti cati temaca ajhuiyac at.
\q1 Quena, nochi cati tijtajtaníaj techmaca.
\q1
\v 9 Pampa ta techmaca nemilisti nochi cati tiitztoque,
\q1 huan pampa techmaca taahuili, tojuanti tihuelij titachiyaj.
\q1
\v 10 Nimitztajtanía para mojmosta techicneli tojuanti cati timitzixmatij.
\q1 Nochipa techchihuilía cati xitahuac nochi tojuanti cati ipan toyolo tijnequij tijchihuase cati cuali.
\q1
\v 11 Amo xijcahua para ma moquejquetzaca nopani inijuanti cati mohueyimatij.
\q1 Yon amo xiquincahuili ma nechquixtica amo cuajcualme.
\b
\q1
\v 12 Se tonali niquijtos:
\q1 “¡Xiquitaca quenicatza ama huetztoque nochi tajtacolchijca masehualme cati mosisiníaj!
\q1 Toteco Dios quintahuisojtoc para ayecmo huelise motananase.”
\c 37
\s1 Iniojhui cuajcualme huan amo cuajcualme
\q1
\v 1 Amo ximotequipacho ica amo cuajcualme.
\q1 Yon amo xiquixtoca cati quipiyaj masehualme cati quichihuaj cati amo monequi.
\q1
\v 2 Pampa nimantzi pilinise quej sacat quema quitzontequij.
\q1 Huan polihuise quej xihuit cati huaqui.
\q1
\v 3 Ximotemachi ipan TOTECO huan xijchihua cati cuali.
\q1 Quej nopa tipajcaitztos ipan motal huan amo teno mitzpolos.
\q1
\v 4 Ximohuampojchihua ihuaya TOTECO,
\q1 huan yaya mitzmacas cati moyolo quinequi.
\q1
\v 5 Xijcahuili TOTECO ma mitznextili campa tinemis.
\q1 Ximotemachi ipan ya, huan yaya quichihuas.
\q1
\v 6 Quipanextis cati xitahuac tijchihua.
\q1 Quena, quichihuas para nochi ma quiitaca motalnamiquilis quej nochi quiitaj quema taahuía tonati ipan tajcotona.
\q1
\v 7 Xijpiya moyolo quema tiitztoc iixpa TOTECO.
\q1 Amo ximolini.
\q1 Xijchiya para yaya quichihuas cati quinequi.
\q1 Amo xicualani inihuaya cati quipiyaj nochi cati quinequij ama.
\q1 Amo xiquinchihuili cuenta inijuanti cati quichijtinemij sesen tamanti cati fiero moilhuijtoque quichihuase.
\q1
\v 8 Amo ximocualancamaca.
\q1 Xijtalcahui cualanti,
\q1 pampa cualanti noja más hueyi mochihuas huan mitzcocos.
\q1
\v 9 TOTECO quintzontamiltis cati mosisiníaj,
\q1 pero cati motemachíaj ipan ya quintiochihuas huan moaxcatise nopa tali.
\q1
\v 10 Ayecmo huejcahuase itztose amo cuajcualme,
\q1 teipa masque titachiyas campa itztoyaj amo quema sempa tiquinpantis.
\q1
\v 11 Pero masehualme cati moechcapanohuaj iixpa Toteco itztose ipan nopa cuali tali huan tahuel paquise,
\q1 pampa yaya quintiochihuas hasta mocahuas.
\q1
\v 12 Masehualme cati quicualancaitaj Toteco mosenilhuijtoque taya fiero tamanti huelis quinchihuilise inijuanti cati xitahuac nemij.
\q1 Quintachilíaj ica cualanti huan motanhuehuechotzaj iniixpa.
\q1
\v 13 Pero Toteco quinhuetzquilía nopa masehualme,
\q1 pampa quimati para monechcahuía nopa hora quema quintzontamiltis.
\q1
\v 14 Masehualme cati quicualancaitaj Toteco quicopinaj inimacheta para quinmajcahuilise cati teicneltzitzi.
\q1 Quihuitolohuaj inincuahuitol huan quinmelaitaj cati moechcapanohuaj iixpa Toteco.
\q1 Quena, quinchiyaj para quinmictise cati xitahuac monejnemiltíaj.
\q1
\v 15 Pero cati inijuanti inimacheta calaquis ipan iniyolo,
\q1 huan inincuahuitolhua pojpostequis huan cuechtic elis.
\q1
\v 16 Más cuali nopa quentzi cati quipiya se cuali masehuali huan amo miyac tamanti pajpatiyo cati quipiyaj tajtacolchihuani.
\q1
\v 17 Pampa TOTECO quinquixtilis ininchicahualis cati amo itztoque tapajpacme iixpa,
\q1 pero quinfuerzajmacas cati monejnemiltíaj cuali iixpa.
\q1
\v 18 Mojmosta TOTECO quitachilía cati quichihuaj masehualme cati itztoque xitahuaque iixpa,
\q1 huan nopa tali cati quinmacas para iniaxca huejcahuas para nochipa.
\q1
\v 19 Quema ajsis tonali cati amo cuali,
\q1 quinmocuitahuis para amo más taijyohuise.
\q1 Quema oncas mayanti, quinmacas ten quicuase hasta mocahuas.
\q1
\v 20 Pero amo cuajcualme miquise.
\q1 Quena, quej huaquij nopa cuajcualtzitzi xochime sacapetaixco huan ayecmo nesi iniyejyejca,
\q1 nojquiya polihuise icualancaitacahua TOTECO.
\q1 Quena, polihuise quej pocti cati quisa huan ayecmo nesi.
\q1
\v 21 Se masehuali cati amo cuali iyolo motanehui se tamanti huan ayecmo quicuepa.
\q1 Pero masehualme cati cuajcualme quipiyaj hueyi iniyolo huan temacaj hasta mocahua.
\q1
\v 22 Cati TOTECO quintiochihua quiselise nopa tali cati yaya quinmacas,
\q1 pero cati TOTECO quintelchihua quintzontamiltis.
\q1
\v 23 TOTECO quichihua ma eli temachti sese paso ipan inemilis se cuali masehuali,
\q1 huan nopa masehuali paqui miyac pampa nemi cuali.
\q1
\v 24 Masque huetzis nopa cuali masehuali, amo mocahuas huetztoc,
\q1 pampa TOTECO quitananas ica imax.
\q1
\v 25 Na nojquiya nitelpocatixtoya huan ama ya nihuehuentzi,
\q1 pero amo quema niquitac TOTECO quitahuelcahua se masehuali cati itztoc xitahuac iixpa.
\q1 Yon iconehua se cuali masehuali amo niquinitztoc sinta motaejehuíaj para ica panose.
\q1
\v 26 Mojmosta se cuali masehuali quintasojta sequinoc huan quintanejtía cati monequi.
\q1 Iconehua se cuali tacat tepalehuíaj.
\q1
\v 27 Huajca sinta tijnequi tiitztos para nochipa,
\q1 xijtalcahui tajtacoli huan xijchihua san cati cuali.
\q1
\v 28 Pampa TOTECO quipactía cati xitahuac huan amo quema quinhuejcamajcahuas iaxcahua cati itztoque temachme.
\q1 ¡Amo! Techmocuitahuis para nochipa.
\q1 Pero quintzontamiltis nochi masehualme cati amo cuajcualme,
\q1 huan amo quincahuilis yon se iniixhui.
\q1
\v 29 Masehualme cati itztoque xitahuaque iixpa TOTECO moaxcatise nopa tali cati yaya quinmacas,
\q1 huan nepa itztose para nochipa.
\q1
\v 30 Se masehuali cati itztoc cuali iixpa Toteco camanalti ica talnamiquilisti huan quiijtohua cati xitahuac.
\q1
\v 31 Quipiya Icamanal Toteco Dios ipan iyolo,
\q1 huan yeca amo huetzis ipan tajtacoli.
\q1
\v 32 Masehualme cati quicualancaitaj Toteco Dios quintachilíaj masehualme cati monejnemiltíaj xitahuac.
\q1 Quitemohuaj quenicatza huelis quintelhuise para ma quinmictica.
\q1
\v 33 Pero TOTECO amo quincahuas para cuali masehualme ma mocahuaca inimaco inincualancaitacahua.
\q1 Quema ajsise iixpa se juez,
\q1 amo quincahuas ma quintatzacuiltica cati cuajcualme ica se tamanti cati amo quichijtoque.
\q1
\v 34 Ximotemachi ipan TOTECO huan xijchihua cati yaya quinequi,
\q1 pampa yaya mitzhuejcapantalis huan mitzmacas nopa tali.
\q1 Huan tiquitas quenicatza quintzontamiltis cati quinpactía tajtacolchihuase.
\q1
\v 35 Pampa na niquinitztoc masehualme cati quicualancaitaj Toteco,
\q1 inijuanti mohueyimatij huan temajmatíaj.
\q1 Pampa quipiyaj chicahualisti quej se cuahuit cati hueyi huan xajcaltic.
\q1
\v 36 Pero panoc se ome tonali tantiyajque huan ayecmo niquinitac campa itztoyaj.
\q1 Huan masque niquintemo, ayecmo niquinpanti.
\q1
\v 37 Pero xijtachili quenicatza monejnemiltía se masehuali cati itztoc xitahuac iixpa TOTECO,
\q1 yaya cati amo aqui hueli quitelhuis ica se tamanti cati amo monequi.
\q1 Nopa masehuali quipiyas tasehuilisti huan itztos ica cuajcualtzi para nochipa.
\q1
\v 38 Pero TOTECO ica se huelta quintamitzontamiltis inijuanti cati amo quitepanitaj.
\q1 Huan amo quicajtehuase yon se iniixhui.
\q1
\v 39 TOTECO quinmaquixtía cati itztoque xitahuaque iixpa.
\q1 Quinfuerzajmaca quema huala taohuijcayot.
\q1
\v 40 TOTECO quinpalehuía huan quinmanahuía cati cuajcualme.
\q1 Quinmanahuía inimaco masehualme cati quicualancaitaj huan quinmaquixtía,
\q1 pampa inijuanti mochixtoque ipan ya.
\c 38
\s1 Inetatajtil David quema tajtacolchijtoya
\q1
\v 1 TOTECO, amo techtaijyohuilti quema ticualani.
\q1 Huan amo techtatzacuilti ica mohueyicualancayo.
\q1
\v 2 Miyac nechcocohua cati amo cuali nijchijtoc.
\q1 Eltoc quej nochi mocuataminhua calactoc ipan na.
\q1 Quena, eltoc quej techajsitoc,
\q1 pampa nijmati ticualani ica na.
\q1
\v 3 Huan pampa ticualani pampa nitajtacolchijtoc,
\q1 nijmati quenicatza nochi notacayo mococohua.
\q1 Yon se noomiyo amo cuali eltoc.
\q1
\v 4 Nochi notajtacolhua huetztoc nopani.
\q1 Eltoc quej nimisahuisquía campa miyac at.
\q1 Notajtacolhua eltoc quej se tamamali tahuel etic cati amo hueli niquijyohuía.
\q1
\v 5 Palani notacayo pampa nijchijqui se huihuiyot.
\q1 Mijyotíaj nococohua.
\q1
\v 6 Nicuitapanhuitoltic huan amo hueli nijtanana notzonteco.
\q1 Semilhuit nichocatinemi por cati nijchijtoc.
\q1
\v 7 Nochi notacayo tiquisa.
\q1 Huan ya tantinemi nochicahualis por notajtacol.
\q1
\v 8 Nimomati quej nitatejtejtzonti.
\q1 Yon quentzi fuerza amo nijpiya.
\q1 Nelía niaxti ipan noyolo.
\q1
\v 9 NoTeco, ta tijmati quenicatza nijnequi sempa niitztos cuali moixpa.
\q1 Nochi cati nimoilhuía tanemijya nesi moixpa.
\q1 Amo teno hueli nimitztatilía.
\q1
\v 10 Noyolo nelhuihuipica,
\q1 huan ya tantinemi nochicahualis.
\q1 Ayecmo hueli nitachiya cuali.
\q1
\v 11 Nonelhuampoyohua huan noteixmatcahua san nechhuejcaitaj, pampa quiijiyaj nococohua.
\q1
\v 12 Inijuanti cati quinequij nechmictise quisencahuaj taquetzti para nechmasiltise.
\q1 Cati quinequij nechcocose talojtzitzi nechilhuíaj quenicatza nechtzontamiltise.
\q1 Semilhuit quitemohuaj quenicatza nechcajcayahuase.
\q1
\v 13 Pero na nimochihua quej amo nijcaqui cati quiijtohuaj.
\q1 Nimochihua quej se cati amo hueli camanalti huan amo nijtapohua nocamac para niquinnanquilis.
\q1
\v 14 Quena, na nimochihua quej amo nijcaqui inincamanal,
\q1 huan amo teno niquijtohua para ica nimomanahuis.
\q1
\v 15 Pampa san ipan ta nimochiya, TOTECO, tinoDios.
\q1 Na nijcajtoc momaco para xiquinnanquili huan techmanahui.
\q1
\v 16 San nimitztajtanía para amo xiquincahuili ma noca huetzcaca.
\q1 Amo xiquincahuili ma mohueyitalica noixpa pampa nihuetzqui.
\q1
\v 17 Nijmati nimiquis pampa tacuajcualoli amo nechcahua yon se talojtzi.
\q1
\v 18 TOTECO, nijnequi nimitzpanextilis nochi notajtacolhua,
\q1 pampa nelía nimotequipachohua ica cati nijchijtoc.
\q1
\v 19 Nocualancaitacahua momiyaquilijtoque huan moyoltetilijtoque.
\q1 Miyac nechcualancaitaj, masque amo teno niquinchihuilijtoc.
\q1
\v 20 Masque cati cuali niquinchihuilijtoc, nechcuepilijtoque ica cati fiero.
\q1 Nechcualancaitaj pampa nijtoquilía cati cuali.
\q1
\v 21 NoTeco Dios, amo techcajtehua noselti.
\q1 Amo ximoiyocatali ten na.
\q1
\v 22 ¡Toteco! Xihuala nimantzi techpalehuiqui, ta tinotemaquixtijca.
\c 39
\s1 Amo huejcahuas tonemilis
\q1
\v 1 Nimoilhuijtoya para nimomocuitahuisquía miyac para amo nijchihuasquía cati amo cuali.
\q1 Niquijtojtoya para nijmocuitahuisquía nonenepil huan nocamanal para amo nitajtacolchihuas ica cati niquijtohua.
\q1 Quena, amo teno niquijtos quema niitztos iniixpa amo cuajcualme.
\q1
\v 2 Huajca nimochijqui quej se cati amo hueli camanalti.
\q1 Amo teno niquijtohuayaya,
\q1 yon cati cuali, yon cati amo cuali.
\q1 Huan pampa nicajoctoya nochi cati nijmatiyaya ipan noyolo,
\q1 noja más nitaijyohuiyaya.
\q1
\v 3 Hasta nijmatiyaya quej noyolo tatayaya.
\q1 Huan quema san ya nopa nimosenilhuijtoya,
\q1 nijmatiyaya quej se tit lemeniyaya ipan noyolo.
\q1 Huajca ayecmo niquijyohui huan nicamanaltic chicahuac,
\q1 huan niquilhui TOTECO:
\q1
\v 4 “TOTECO, technextili quesqui tonali niitztos huan quema nimiquis.
\q1 Nijmati nelquentzi tonali niyoltos nica.
\q1
\v 5 Techmacatoc se nemilisti cati nelquentzi xihuit.
\q1 Huan nochi xihuit cati niyoltos elis san se talojtzi moixpa,
\q1 pampa ta nochipa tiitztoc.
\q1 Nochi masehualme polijtehuaj nimantzi san quej ixpolihui iniijyoyo quema taijyotilanaj.
\q1
\v 6 Nochi masehualme panotehuaj quej se ecahuili.
\q1 San tapic nochi inintequi.
\q1 Masque quimiyaquilíaj tamanti cati ipati,
\q1 amo quimatij ajquiya iaxca elis teipa.
\q1
\v 7 Huajca, noTeco, amo teno onca cati ipan huelis nimotemachis.
\q1 Nimochiyas san ipan ta.
\q1
\v 8 Techmaquixti ten notajtacolhua.
\q1 Amo xiquincahuili masehualme cati huihuitique ma noca paquica ica cati nijchijtoc.
\q1
\v 9 Nimocamatzacuas moixpa huan ayecmo nimolinis por cati nopanti, pampa ta techtatzacuiltía.
\q1
\v 10 Pero noTeco, ayecmo techtatzacuilti.
\q1 Nijmati nimiquis pampa techtejtzontoc ica momax.
\q1
\v 11 Quema se masehuali tajtacolchihua, ta tijtatzacuiltía.
\q1 Nopa tamanti cati más quiicnelía,
\q1 tiquixpolihuiltía quej mejtolime quitamicualoltíaj se yoyomit.
\q1 Yon se masehuali amo quipiya chicahualisti.
\q1 Nochi itztoque san quej se ajacat cati ica se talojtzi panotehuaj.
\q1
\v 12 NoTeco, xijtacaquili quema nimotatajtis.
\q1 Techtacaquili quema nimitztzajtzilía.
\q1 Amo san xitachixto quema nimochoquilía, techpalehuiqui.
\q1 Quej nochi nohuejcapan tatahua, san niitztos nica se talojtzi.
\q1 Quej elisquía niehua seyoc altepet huan san nipano,
\q1 amo nihuejcahuas nica.
\q1
\v 13 Ayecmo techtatzacuilti.
\q1 Techcahuili sempa ma nijpiya fuerza huan se quentzi paquilisti pampa se tonali nimiquis huan ayecmo niitztos nica.”
\c 40
\s1 David quipaquilismaca TOTECO pampa quimanahui
\r (Salmo 70)
\q1
\v 1 Nijpixqui noyolo huan nimochixqui para TOTECO ma nechpalehuiqui.
\q1 Huan yaya, quena, moechcapano huan nechtacaquili quema nijnojnotzayaya.
\q1
\v 2 TOTECO nechtananqui quema nijmatiyaya niitztoya ipan se ostot campa mahuilili.
\q1 Eltoya quej nimisahuijtinemiyaya ipan soqui atoli cati huejcata,
\q1 huan ayecmo nijmatiyaya taya nijchihuas.
\q1 Pero TOTECO nechmaquixti ten nopa tequipacholi.
\q1 Quena, nechquetzqui ipan se hueyi tet campa temachti.
\q1 Huan teipa nechyacanqui ipan se cuali ojti.
\q1
\v 3 Huan teipa noTeco Dios nechmacac se huicat yancuic,
\q1 se huicat cati ica ma nijpaquilismacas.
\q1 Miyac cati quicaquise nochi cati TOTECO nechchihuilijtoc, motemachise ipan ya.
\q1
\v 4 Paqui nopa masehuali cati motemachía ipan TOTECO,
\q1 huan amo motemachía ipan cati mohueyimatij,
\q1 yon ininpan cati quinhueyichihuaj teteyome.
\b
\q1
\v 5 TOTECO noDios, ta techchihuilijtoc miyac tamanti cati huejhueyi.
\q1 Amo aqui quiaxilis mohueyi chicahualis.
\q1 Ta nochipa techpixtoc ipan motalnamiquilis.
\q1 Quena, tahuel miyac tamanti cati cuajcualtzi tijsencajtoc techchihuilis.
\q1 Sinta nijnequisquía niteyolmelahuas sesen tamanti cati techchihuilijtoc,
\q1 amo nihuelisquía.
\q1 Pampa nochi cati cuali techchihuilijtoc quipano cati hueli nijpohua.
\q1
\v 6 Ya nijmati nopa cati más tijnequi para timasehualme ma timitzmacaca.
\q1 Amo hueyi ipati moixpa nopa tapiyalme huan sequinoc tamanti tacajcahualisti cati masehualme mitzmacaj.
\q1 Amo hueyi ipati moixpa nopa tacajcahualisti cati tijtatíaj moixpa por totajtacolhua.
\q1 Techtapohuilijtoc notalnamiquilis para hueli nijmachilía cati más tijnequi ten tojuanti.
\q1 Tijnequi ma timotemacaca ica ta.
\q1 Ya nopa, quena, hueyi ipati moixpa.
\q1
\v 7 Yeca nimitzilhuijtoc:
\q1 “Nica niitztoc.
\q1 Ya nihuala quej ijcuilijtoc ipan mocamanal para nijchihuasquía.
\q1
\v 8 ¡NoTeco Dios!
\q1 Nechpactía nijchihuas mopaquilis,
\q1 huan motamachtil nijhuica ipan noyolo.”
\q1
\v 9 Miyacapa iniixpa momasehualhua niteyolmelajtoc para ta, TOTECO,
\q1 tiquinchihua masehualme xitahuaque moixpa.
\q1 Cuali tijmati para amo san nicajoctoc cati nijmati.
\q1
\v 10 Amo nijtatijtoc nopa cuali camanali ipan noyolo para amo aqui niquilhuis.
\q1 Nochi masehualme niquinyolmelahua para ta tiquinmaquixtis.
\q1 Nochipa nitematiltis para ta nelía titemachti huan titepalehuía.
\q1 Nepa miyacapa nitepohuilis para titetasojta huan amo timoyolpata.
\q1
\v 11 TOTECO, nijmati amo quema tijcahuas techtasojtas.
\q1 Nimochiya ipan moteicnelijcayo,
\q1 pampa ta nochipa techmocuitahuis.
\q1
\v 12 Miyac tequipacholi nijpiya campa hueli.
\q1 Amo hueli nijpohua nochi.
\q1 Notajtacolhua nechtantoc huan nichoca hasta amo hueli nitachiya.
\q1 Notajtacolhua nelmiyac hasta quipano imiyaca notzoncal.
\q1 Tantinemi noyolo huan nochicahualis.
\q1
\v 13 TOTECO, techmanahuiqui.
\q1 Quena TOTECO, ximoisihuilti huan techpalehuiqui.
\q1
\v 14 Ma mopinahualtica huan ma mocuapoloca cati quinequij nechtzontamiltise.
\q1 Xiquinquixti cati nechcualancaitaj huan tahuel xiquinpinahualti.
\q1
\v 15 Nochi cati noca paquij ma huetzica.
\q1 Xiquincuepa san ica inimax.
\q1
\v 16 Pero ma paquica miyac nochi cati mitztemohuaj.
\q1 Quena, paquij cati mitzicnelíaj pampa tiquinmaquixtijtoc.
\q1 Nochipa quiijtohuaj:
\q1 “Nelía hueyi TOTECO.”
\q1
\v 17 Masque nimotequipachojtoc huan nechpolohua ten ica nipanos,
\q1 nijmati para ta TOTECO techelnamiqui.
\q1 Ta tinoTeco Dios, techpalehuis huan techmanahuis.
\q1 NoTeco Dios, amo xihuejcahua quema nimitznotza.
\q1 Nimantzi techpalehuiqui.
\c 41
\s1 David cati mococohua quitajtanía Toteco ma quichicahua
\q1
\v 1 Paqui nopa masehuali cati motequipachohua pampa quinicnelía cati teicneltzitzi,
\q1 pampa TOTECO quipalehuis quema hualas taohuijcayot.
\q1
\v 2 TOTECO quimocuitahuis para amo aqui quimictis.
\q1 Huan TOTECO quitiochihuas miyacapa ipan tali Israel.
\q1 Yaya amo quicajtehuas,
\q1 yon amo quicahuas inimaco icualancaitacahua para ma quichihuilica cati inijuanti quinequise.
\q1
\v 3 Quema huetztos ipan taijyohuilisti,
\q1 TOTECO quitananas ipan itapech huan quiijcuenilis nopa cocolisti.
\q1
\v 4 Na niquilhui TOTECO:
\q1 “TOTECO, na nitajtacolchijtoc ica ta.
\q1 Techtasojta huan techchicahua.”
\q1
\v 5 Nocualancaitacahua quinequij ma nechajsi cati fiero.
\q1 Camanaltij fiero ten na huan quinequij ma nimiqui huan ayecmo aqui nechelnamiquis.
\q1
\v 6 Quema nechpaxalohuaj, mochihuaj quej nohuampoyohua,
\q1 pero amo melahuac ten quiijtohuaj.
\q1 Quema itztoque nohuaya san quitacaquilíaj taya onca para huelis quipatase ica cati más fiero,
\q1 huan teipa quisase huan teyolmelajtinemise ten na.
\q1
\v 7 Quena, nocualancaitacahua mosentilíaj huan noca camanaltij.
\q1 Tepohuilíaj para ayecmo onca pajti para na huan nimantzi nimiquis.
\q1
\v 8 Quiijtohuaj:
\q1 “Nopa cocolisti cati yaya quipixtoc nelfiero.
\q1 Ayecmo motananas ten itapech pampa nimantzi miquis.”
\q1 Quej nopa quiijtohuaj ten na.
\q1
\v 9 Nojquiya nechcajtejtoc cati eliyaya nonelhuampo.
\q1 Yaya cati ipan nimotemachiyaya huan cati tacuayaya nohuaya, ama nechtahuelcajtoc.
\q1
\v 10 Pero ta TOTECO, techtasojta.
\q1 Techtanana ten notapech huan niquincuepilis quej nechchihuilijtoque.
\q1
\v 11 Nijmati techicnelía pampa amo tiquincahuilijtoc nocualancaitacahua ma nechtanica.
\q1
\v 12 Techpalehui pampa nijchihua cati xitahuac huan techmacatoc tequiticayot ma niitzto nepa moixpa para nochipa.
\b
\q1
\v 13 Ma tijhueyichihuaca TOTECO,
\q1 yaya cati iTeco tohuejcapan tata, Israel.
\q1 Quena, ma tijhueyichihuaca ama huan nochipa. Quej nopa ma eli.
\c 42
\s1 Israelitame cati quinhuicatoque seyoc tali quielnamiquij inintal
\q1
\v 1 Quej se masat cati tahuel amiqui quitemojtinemi se atajti para atis,
\q1 quej nopa na nimitzyoltemohua, noTeco Dios.
\q1
\v 2 Quena, quej se cati tahuel amiqui,
\q1 na ipan noyolo nimitznequi Toteco,
\q1 ta cati nelnelía tiitztoc.
\q1 ¿Hasta quema huelis niyas huan nimonextis moixpa?
\q1
\v 3 Tayohua huan tonaya nichoca huan amo nitacua.
\q1 Nocualancaitacahua talojtzitzi nechtatzintoquilíaj:
\q1 “¿Canque itztoc moDios?
\q1 ¿Para ten amo mitzpalehuía?”
\q1 Quej nopa nechilhuíaj.
\b
\q1
\v 4 Quema niquelnamiqui quenicatza eliyaya achtohuiya nepa ipan notal, eltoc quej atiya noyolo.
\q1 Niyahuiyaya inihuaya miyaqui masehualme hasta ichaj Toteco Dios.
\q1 Na niquinyacanayaya nochi hasta ichaj ipan nopa hueyi ilhuit.
\q1 Titzajtzitiyahuiyayaj ica paquilisti,
\q1 huan tijtascamatiyayaj Toteco Dios pampa para ya tiilhuichihuayayaj.
\q1
\v 5 Huajca nimoilhuía:
\q1 “Amo monequi nimotequipachos.
\q1 Na nimotemachijtoc ipan noTeco Dios,
\q1 huan sempa nijpaquilismacas,
\q1 pampa yaya noDios huan notemaquixtijca.”
\b
\q1
\v 6 Pero noTeco, nelía nimotequipachohua nica campa niitztoc ipan ni tali cati huejca.
\q1 Yeca nimitzelnamiquis,
\q1 huan niquelnamiquis quenicatza tijpixqui hueyi moyolo ica tojuanti cati tiehuani ipan motal.
\q1 Niquelnamiqui nopa tali cuajcualtzi cati pehua campa motalohua nopa atajti Jordán,
\q1 huan ontami hasta campa motanantoc nopa tepeme Hermón huan Mizar.
\q1
\v 7 Ama ta techtitanilijtoc tequipacholi cati nechijyomictía.
\q1 Quena, miyac tequipacholi nechajsitoc quej imiyaca at cati huetzi ten tepeixco hasta ipan na.
\q1 Caquisti quej miyac at cati ajcahuacatoc,
\q1 huan nochi nopa at nopan panotoc.
\b
\q1
\v 8 Pero ica ijnaloc TOTECO nechtitanilis itaicnelilis.
\q1 Huan ica tayohua yaya nechmacas se huicat para nijhueyichihuas,
\q1 huan nimotatajtis ica ya.
\q1 Quena, nijnojnotza NoTeco cati mojmosta nechmaca nemilisti.
\q1
\v 9 Niquilhuis Toteco Dios:
\q1 “Ipan ta nimotatía huan amo aqui hueli nechajsis.
\q1 ¿Para ten techelcajtoc?
\q1 Na san nimotequipachojtinemi,
\q1 pampa nocualancaitacahua nechtaijyohuiltíaj.
\q1
\v 10 Cati nocualancaitacahua nechchihuilíaj nechcocohua hasta ajsi ipan noomiyohua,
\q1 pampa nechtaijilhuíaj huan nechtatzintoquilíaj talojtzitzi:
\q1 ‘¿Canque itztoc moDios?
\q1 ¿Para ten amo mitzpalehuía?’ ”
\q1
\v 11 Pero amo monequi nimocuesihuilmacas,
\q1 yon nimotequipachos.
\q1 Na nimotemachijtoc ipan noTeco Dios,
\q1 huan teipa sempa nijpaquilismacas pampa yaya noDios huan noTemaquixtijca.
\c 43
\s1 Se netatajtili para quitajtanis Toteco ma quinhuica ipan inintal
\q1
\v 1 NoTeco Dios, techtajtolsencahua xitahuac huan xitenextili para amo teno nijchijtoc.
\q1 Techmanahui ten ni istacatica masehualme huan amo cuajcualme cati nechtelhuíaj.
\q1
\v 2 Pampa san ta tinoTeco huan tinoDios huan notamanahuijca na.
\q1 ¿Para ten techtahuelcajtoc?
\q1 Nimotequipachojtinemi huan más nechtaijyohuiltíaj nocualancaitacahua,
\q1 huan amo teno tijchihua.
\q1
\v 3 Toteco Dios, techyacana ica motaahuil huan technextili cati melahuac.
\q1 Quej nopa, quena, huelis niyas ipan motal huan campa motepe cati tatzejtzeloltic campa ta tiitztoc ipan motiopa.
\q1
\v 4 Quena, noTeco Dios, nicalaquis huan niajsiti hasta motaixpa campa masehualme mitzhueyichihuaj.
\q1 Nepa nimitzpaquilismacas ica arpa, ta cati techmaca paquilisti,
\q1 pampa ta tinoTeco Dios.
\q1
\v 5 San tapic nimotequipachos.
\q1 Na nimotemachijtoc ipan ta, noTeco Dios, huan sempa nimitzpaquilismacas,
\q1 pampa, ta tinoDios, huan tinotemaquixtijca.
\c 44
\s1 Se tacat quitajtanía Toteco ma quimocuitahui
\q1
\v 1 Toteco Dios, tijcactoque taya techpohuilijtoque tohuejcapan tatahua ten ta,
\q1 huan nochi nopa tamanti cati tiquinchihuili huejcajquiya.
\q1
\v 2 Quena, Toteco Dios, ica mohueyi chicahualis ta tiquinquixti nopa fiero masehualme cati quinhueyichihuayayaj teteyome ipan nopa tali,
\q1 huan nopa tali tiquinmacac totatahua.
\q1 Quena, tiquintatzacuilti ne sequinoc huan tiquinpalehui tohuejcapan tatahua para ma momiyaquilica,
\q1 huan ma moaxcatica.
\q1
\v 3 Tohuejcapan tatahua amo quitanque nopa tali ica inimacheta, yon ica ininchicahualis.
\q1 Tatanque ica nopa hueyi chicahualisti cati ta tijpiya ipan monejmat,
\q1 huan pampa hueyi moyolo ica inijuanti,
\q1 huan achi más tiquinicnelía.
\q1
\v 4 Ta tinotanahuatijca huan tinoTeco Dios.
\q1 Ta tiquinmanahuía huan tijchihua ma tatanica momasehualhua.
\q1
\v 5 Quena, ica motapalehuil tiquintanise tocualancaitacahua.
\q1 Huan ica mochicahualis ininpan timoquejquetzase cati techtehuíaj.
\q1
\v 6 Pampa amo timotemachíaj ipan tocuahuitol huan tomacheta para techmanahuise huan titatanise.
\q1
\v 7 Eltoc ta, Toteco, cati tijchihua ma tiquintanica tocualancaitacahua.
\q1 Ta tiquinpinahualtijtoc nochi cati techcualancaitaj.
\q1
\v 8 Mojmosta timitzpaquilismacase tinoTeco Dios.
\q1 Huan timitzhueyichihuase ica huicat para nochipa.
\q1
\v 9 Pero amantzi eltoc quej techtahuelcajtoc huan techpinahualtijtoc.
\q1 Yon ayecmo tinemi inihuaya tosoldados quema tiontatehuíaj.
\q1
\v 10 Tijchijqui ma ticholoca iniixpa tocualancaitacahua.
\q1 Quena, inijuanti cati techcualancaitaj techtachtequilíaj huan quihuicaj nochi cati quinequij.
\q1
\v 11 Techtemactilijtoc quej tipilborregojtzitzi cati san quichiyaj para quinhuicase campa quinmictise.
\q1 Huan techsemantoc campa hueli ipan sequinoc talme campa quinhueyichihuaj teteyome.
\q1
\v 12 Technamacatoc timomasehualhua ica nelquentzi quej elisquía amo teno topati.
\q1
\v 13 Nochi masehualme ipan nopa talme cati itztoque tonechca quiitaque cati techchihuilijtoc.
\q1 Yeca techtaijilhuíaj huan toca paquij.
\q1
\v 14 Tijchijtoc para inijuanti cati quinhueyichihuaj taixcopincayome ma toca huetzcaca.
\q1 Nochi quema techitaj, motzonojoliníaj.
\q1
\v 15 Mojmosta toixpa eltoc nopa pinahualisti hasta tijnequisquíaj timoixtzacuase,
\q1
\v 16 pampa techtaijilhuíaj huan techhuetzquilíaj nopa motacuepilijca masehualme.
\q1 Quena, techpinahualtíaj tocualancaitacahua.
\q1
\v 17 Nochi ni tamanti topantitoc,
\q1 masque amo timitzelcajtoque,
\q1 yon amo timoiyocacajtoque ten nopa camanal sencahuali cati tijchijqui inihuaya tohuejcapan tatahua.
\q1
\v 18 Amo timoiyocatalijtoque ten ta,
\q1 yon amo tijcajtejtoque moojhui.
\q1
\v 19 Pero techtahuelcajtoc campa amo aqui itztoc,
\q1 campa san itztoque tapiyalme cati mosisiníaj.
\q1 Techcajtoc ipan se tzintayohuilot cati eltoc quej miquilisti.
\q1
\v 20 Toteco Dios, sinta timitzelcajtosquíaj,
\q1 o tijhueyichijtosquíaj se totaixcopincayo,
\q1
\v 21 ta tijmajtosquía,
\q1 pampa ta tijmati nochi cati ixtacatzi eltoc ipan iyolo se masehuali.
\q1 Pero amo tijchijtoque, Toteco.
\q1
\v 22 Pero masque amo teno tijchijtoque,
\q1 por ta tiitztoque nechca miquilisti.
\q1 Techchihuaj quej tipilborregojtzitzi cati san quichiyaj ajquiya quinmictis pampa timoaxcahua.
\q1
\v 23 ¡Toteco ximotanana!
\q1 ¡Amo xicochi!
\q1 Amo ximoiyocatali ten tojuanti para nochipa.
\q1
\v 24 ¿Para ten timoixtatía?
\q1 Eltoc quej tiquelcajtoc para tojuanti titaijyohuíaj huan miyac techcualancaitaj.
\q1
\v 25 Techtahuisojtoque hasta talchi.
\q1 Toxayac eltoc ipan taltepocti huan amo hueli timotananase.
\q1
\v 26 ¡Ximotanana, Toteco!
\q1 Techpalehuiqui.
\q1 Techmaquixti pampa tahuel techicnelía.
\c 45
\s1 Se huicat para ma huicaca quema nopa tanahuatijquet mosihuajtía
\q1
\v 1 Notalnamiquilis temitoc ica camanali cati cuajcualtzitzi.
\q1 Niquijcuilos ni huicat para ma tijhuicatica totanahuatijca.
\q1 Tahuel nijnequi nitepohuilis ni huicat cati nijsencajtoc, huan ya ni quiijtohua:
\q1
\v 2 Ta más ticuajcualtzi ten nochi sequinoc telpocame,
\q1 huan cuajcualtzi cati tiquijtohua,
\q1 pampa Toteco Dios mitztiochijtoc para nochipa.
\q1
\v 3 Ximocualtalili momacheta para titatehuis,
\q1 ta cati nelía amo timajmahui.
\q1 Nelía tinesi ticuajcualtzi pampa ta titanahuatijquet cati más hueyi.
\q1
\v 4 Xitejco ipan cahuayo huan xitataniti ica nochi mohueyitilis.
\q1 Ta tiquinmanahuía cati teicneltzitzi huan cati quichihuaj cati melahuac.
\q1 Titetajtolsencahua xitahuac.
\q1 Nelía huejhueyi tamanti tijchihua.
\q1
\v 5 Tatentili nopa cuataminti cati tijhuica,
\q1 huan quinajsis iniyoltipa mocualancaitacahua quema tiquinmelaitas,
\q1 huan tiquinmajcahuilis.
\q1 Ma huetzica moicxita nochi ten campa hueli talme campa quintepanitaj teteyome.
\q1
\v 6 Toteco Dios, titanahuatis para nochipa huan amo quema tamis.
\q1 Quena, motanahuatilis elis senquisa xitahuac.
\q1
\v 7 Tiquicnelía cati melahuac huan tijcualancaita cati amo cuali.
\q1 Yeca Toteco Dios, yaya cati moTeco mitztequitalijtoc titanahuatijquet,
\q1 huan mitzmacatoc más paquilisti huan más tatepanitacayot,
\q1 que nochi sequinoc tanahuatiani.
\q1
\v 8 Nochi moyoyo mijyotía ica nopa taajhuiyacayot mirra, áloe huan canela.
\q1 Huan mitzpaquilismacaj ica tatzotzonali nepa ipan mochaj campa quiyejyectalijtoque nochi tapepecholi ica tamanti cati tahuel cuajcualtzitzi huan pajpatiyo.
\q1
\v 9 Iniichpocahua sequinoc tanahuatiani quipiyaj nopa hueyi tatepanitacayot para mitztequipanose.
\q1 Huan ica monejmat mosehuijtoc nopa ichpoca tanahuatijquet cati elis mosihua cati quiyectalijtoque ica oro cati onca ipan tali Ofir.
\b
\q1
\v 10 Xijtacaquili ichpocat.
\q1 Quena, xijtacaquili cuali, nocone,
\q1 cati nimitzilhuis:
\q1 Ayecmo xiquintoquili motatahua,
\q1 moicnihua huan nochi cati timomajtoya tijchihua.
\q1
\v 11 Nopa tanahuatijquet tahuel mitznequi,
\q1 huan nelía paqui ica moyejyejca.
\q1 Huajca monequi tijneltocas pampa ama ya moTeco.
\q1
\v 12 Hualase mitzpaxaloquij iichpocahua nopa tanahuatijquet ten altepet Tiro.
\q1 Quena, cati más tominpixtoque ipan nopa altepet hualase huan mitztamajmacaquij.
\q1 Ya ni quichihuase pampa quinequise ximohuampojchihua inihuaya.
\b
\q1
\v 13 Nopa ichpoca monamictijquet mocualtalía ipan ichaj ica tamanti cati más cuajcualtzi.
\q1 Yaya iichpoca se tanahuatijquet huan ama mocuilis ne tanahuatijquet cati hueyi.
\q1 Tahuel cuajcualtzi nopa ichpocat ica iyoyo cati nelcuajcualtzi cati tajtzonti ica oro.
\q1
\v 14 Quena, cuajcualtzi quiyoyontijtoque ica iyoyo tajtzonti huan ama quihuicase iixpa nopa tanahuatijquet cati ihuaya monamictis.
\q1 Itepotzco yase iichpocapoyohua cati quinnotztoc.
\q1
\v 15 Ica hueyi paquilisti calactiyahuij ipan nopa hueyi cali campa ichaj nopa tanahuatijquet.
\b
\q1
\v 16 Tanahuatijquet, se tonali tiquinpiyas moconehua,
\q1 huan tiquinmacas tequiticayot para tanahuatise quej mohuejcapan tatahua mitzmacaque.
\q1 Quena, teipa tiquinpiyas motelpocahua cati mitzpalehuise.
\q1 Huan tijchihuas ma tanahuatica hasta campa hueli techaj ipan nochi motal.
\q1
\v 17 Huan na ica ni huicat cati niquijcuilojtoc para ta,
\q1 Toteco Dios, quichihuas para masehualme ma mitzelnamiquica sese xihuit cati panotiyas.
\q1 Quena, masehualme ipan ten hueli tali camanaltise para nochipa ten nopa huejhueyi tamanti cati ta tijchijqui.
\c 46
\s1 Tiitztoque imaco Toteco Dios
\q1
\v 1 Toteco Dios ya totamanahuijca huan tochicahualis.
\q1 Nimantzi techpalehuía quema onca taohuijcayot.
\q1
\v 2 Yeca amo timajmahuise masque ni taltipacti tamisosolihuis,
\q1 huan masque misahuise tepeme hasta tatzinta ten nopa hueyi at.
\q1
\v 3 Masque ajcahuacatos nopa hueyi at huan posonis miyac,
\q1 huan masque mojmolinise tepeme, amo nechmajmatis.
\q1
\v 4 Oncas se atajti cati quinmacas paquilisti inijuanti cati itztose ipan ialtepe Toteco.
\q1 Huan nepa campa más tatzejtzeloltic itztoc Toteco Cati Más Hueyi.
\q1
\v 5 Toteco Dios itztoc ipan nopa altepet,
\q1 huan amo aqui huelis quisosolos.
\q1 Quema hualase icualancaitacahua,
\q1 Toteco Dios amo huejcahuas, nimantzi quipalehuis ialtepe.
\q1
\v 6 Masque tahuejchihuaj masehualme ipan campa hueli talme cati amo quiixmatij Toteco,
\q1 huan masque tanahuatiani huan inimasehualhua tzajtzij ica cualanti,
\q1 amo teno hueli quichihuase.
\q1 Quema Toteco Dios camanaltis,
\q1 quicaquise itoscac cati caquisti quej tatomoni,
\q1 huan inijuanti motancuaquetzase iixpa ica majmajti.
\q1 Huan ica icamanal ni taltipacti atiyas.
\q1
\v 7 Toteco Dios cati quinyacana nopa miyac millones iilhuicac ejcahua para tatehuitij itztoc tohuaya.
\q1 Yaya cati techmocuitahuía ama,
\q1 yaya iTeco tohuejcapan tata Jacob cati huejcajquiya itztoya.
\q1
\v 8 Xihualaca xiquitaquij nochi nopa huejhueyi tamanti cati TOTECO quichijtoc.
\q1 Quitamisosolojtoc taltipacti huan ama tatzitzicatoc mocajqui.
\q1
\v 9 Yaya quitamiltía nochi tatehuilisti hasta campa ontantoc nochi taltipacti.
\q1 Quipostectoc nochi cuahuitoli huan quisosolojtoc nochi tamanti cati ica tatehuisquíaj masehualme.
\q1 Huan quintatijtoc nochi tatehuijca carros.
\q1
\v 10 Huan yaya quiijtohua:
\q1 “Ayecmo ximolinica.
\q1 Ximomacaca cuenta para na niamoTeco Dios.
\q1 Na niquinnahuatía nochi masehualme ipan campa hueli tali.
\q1 Nochi cati itztoque ipan ni taltipacti nechhueyitalise.”
\q1
\v 11 Itztoc tohuaya TOTECO cati quinyacana nopa miyac millones iilhuicac ejcahua para tatehuitij.
\q1 Yaya cati iTeco tohuejcapan tata Jacob cati huejcajquiya itztoya, yaya cati techmocuitahuía ama.
\c 47
\s1 Toteco Dios yaya nopa Tanahuatijquet ten nochi ni taltipacti
\q1
\v 1 Nochi anmasehualme ximomatajtatzinica.
\q1 Xijpaquilismacaca Toteco Dios huan xihuicaca chicahuac.
\q1
\v 2 Pampa TOTECO yaya cati más hueyi huan temajmati.
\q1 Yaya nopa hueyi tanahuatijquet cati quinahuatía nochi ni taltipacti.
\q1
\v 3 Quintzontamilti pilaltepetzitzi toixpa huan quitalijtoc nochi talme tomaco para tiquinnahuatise.
\q1 Yeca tojuanti tahuel tipaquij.
\q1
\v 4 Yaya quitapejpenijtoc ni tali para techaxcatis.
\q1 Techmaca cati más cuali pampa techicnelía tojuanti tiimasehualhua.
\q1
\v 5 Toteco Dios tejcotoc campa tanahuatía.
\q1 Nochi tzajtziyayaj ica paquilisti huan tapitzayayaj ica tapitzali quema TOTECO calajqui.
\q1
\v 6 Xihuicaca tiohuicat para tijpaquilismacase Toteco Dios.
\q1 Xijhuicatica pampa yaya totanahuatijca.
\q1
\v 7 Toteco Dios, yaya nopa tanahuatijquet cati quinahuatía nochi ni taltipacti.
\q1 Xijcualtalica se huicat cati cuajcualtzi huan xijhuicatica.
\q1
\v 8 Toteco Dios mosehuijtoc ipan isiyaj tatzejtzeloltic,
\q1 huan tanahuatía ipan nochi talme.
\q1
\v 9 Nopa huejhueyi masehualme cati quipiyaj tanahuatili ipan campa hueli tali ipan ni taltipacti mosejcotilíaj tohuaya.
\q1 Quinequij para san sejco tijhueyichihuase Toteco Dios,
\q1 yaya cati iTeco Abraham cati huejcajquiya itztoya.
\q1 Iaxca ya nochi tanahuatiani huan inisoldados campa hueli ipan taltipacti,
\q1 huan inijuanti quihueyitepanitaj.
\c 48
\s1 Sion, ialtepe TOTECO
\q1
\v 1 ¡Tahuel hueyi TOTECO!
\q1 Quena, quinamiqui para tijpaquilismacase Toteco Dios cati itztoc ipan ialtepe huan ipan itepe cati tatzejtzeloltic.
\q1
\v 2 Nelía cuajcualtzi nopa tepet Sion huan ijcatoc tahuejcapa ipan nopa altepet.
\q1 Nopona mosehuía Jerusalén, ialtepe Toteco Dios,
\q1 nopa hueyi tanahuatijquet.
\q1
\v 3 Toteco Dios iselti itztoc ipan nopa huejcapantic cali campa monequi moquetzas cati tachixtoc para quimanahuis altepet Jerusalén.
\q1 Tenextilijtoc para yaya cati quimanahuía huan quimocuitahuía.
\q1
\v 4 Tanahuatiani ten campa hueli itztoque ipan ni taltipacti mosentilijque para san sejco quitehuise nopa altepet.
\q1
\v 5 Pero quema quiitaj ajquiya quimocuitahuía nopa altepet huan para nelía hueyi ichicahualis,
\q1 momajmatíaj.
\q1 Huan nimantzi cholojtehuaj huan mocuepaj campa hualajtoque.
\q1
\v 6 Quena, quinitzquía se majmajti huan nelía taijyohuíaj,
\q1 quej se sihuat quema conepiya,
\q1
\v 7 o quej se ajacat chicahuac cati quinsosolohua nopa huejhueyi barcos cati hualahuij tali Tarsis.
\q1
\v 8 Ipa tijcactoque quenicatza TOTECO quimocuitahuía ialtepe,
\q1 huan ama tiquitztoque.
\q1 Quena, TOTECO yaya cati quinyacana nochi nopa miyac millones iilhuicac ejcahua para tatehuitij.
\q1 Quitalijtoc para ialtepe Jerusalén ma huejcahuas para nochipa.
\b
\q1
\v 9 Toteco Dios, quema tiitztoque ipan motiopa,
\q1 tiquelnamiquij huan timoyolilhuíaj quenicatza techicnelía.
\q1
\v 10 Toteco, campa hueli masehualme mitzpaquilismacaj,
\q1 pampa quicactoque quenicatza mohueyitilis.
\q1 Quicactoque hasta campa ontami taltipacti.
\q1 Huan quimatij para ica mohueyi chicahualis titetajtolsencahua xitahuac.
\q1
\v 11 Huajca ma paquica nopa masehualme ipan tepet Sion.
\q1 Ma huitonica ica paquilisti nochi cati ehuani ipan altepeme ten tali Judá pampa cuali huan xitahuac titetajtolsencahua.
\q1
\v 12 Nochi amojuanti cati animasehualhua Toteco Dios,
\q1 xiyaca xijyahualotij nopa altepet Jerusalén,
\q1 huan xijpohuaca quesqui tepancali huejhueyi quipiya campa soldados tamocuitahuíaj.
\q1
\v 13 Xijtachilitij nopa hueyi ichaj nopa tanahuatijquet,
\q1 huan xiquitaca quenicatza tatzajtzactoque huan quiyectalijtoque,
\q1 para quej nopa huelis anquinpohuilijtiyase amoteipan ixhuihua.
\q1
\v 14 Pampa ni Toteco Dios, yaya elis toDios para nochipa,
\q1 huan amo quema tamis ichicahualis.
\q1 Yaya techyacanas mojmosta hasta más nepa quema ya timictose.
\c 49
\s1 Quichihuaj se huihuiyot cati motemachíaj ipan inintomi
\q1
\v 1 Cuali xijtacaquilica ya ni,
\q1 amojuanti cati campa hueli anitztoque ipan ni taltipacti.
\q1
\v 2 Nocamanal elis para nochi.
\q1 Elis para cati tominpixtoque huan para cati teicneltzitzi.
\q1 Elis para cati quipiyaj tequiticayot huan para cati amo quipiyaj tequiticayot.
\q1 Huajca xijtacaquilica.
\q1
\v 3 Nicamanaltis ica talnamiquilisti.
\q1 Nimechpohuilis nochi cati nimoyolilhuijtoc ipan noyolo.
\q1
\v 4 Achtohui nimechilhuis se tatzintoquili cati totalnamijca huejcapan tatahua quiijtojque,
\q1 huan nitatzotzonas ica se arpa huan nihuicas para nimechmatiltis taya quinequi quiijtos:
\q1
\v 5 ¿Para ten monequi nimomajmatis quema hualas taohuijcayot,
\q1 huan quema nopa tajtacolchijca masehualme cati nechcualancaitaj hualase nechyahualoquij?
\q1
\v 6 Inijuanti motemachiyaj ipan inintomi,
\q1 huan mohueyimatij pampa quipiyaj miyac tamanti cati pajpatiyo.
\q1
\v 7 Pero yon se ten inijuanti amo huelis momaquixtis ten itajtacolhua,
\q1 yon amo huelis quimaquixtise se iniicni.
\q1 Amo aqui huelis quitaxtahuis Toteco Dios para ma quimaquixti.
\q1
\v 8 Pampa tonemilis eltoc se tamanti cati miyac ipati.
\q1 Amo onca yon se tomi ipan nochi taltipacti cati ica huelis moixtahuas.
\q1
\v 9 ¡Amo! Amo aqui huelis quicohuas inemilis para itztos para nochipa huan para amo quema miquis.
\q1
\v 10 Nochi masehualme miquise.
\q1 Cati talnamiquij huan cati mohueyimatij,
\q1 huan nojquiya nochi cati huihuitique,
\q1 san se ininpantis.
\q1 Mictehuaj huan quicajtehuaj nochi cati pajpatiyo quipiyayayaj.
\q1 Huan sequinoc moaxcatise.
\q1
\v 11 Inijuanti moilhuíaj itztose para nochipa,
\q1 yeca quicualtalíaj ininchajchaj huan quitalíaj inintoca ipan inintal,
\q1 quej elisquía iniaxca para nochipa.
\q1
\v 12 Pero se masehuali amo huejcahuas masque nelía tominpixtoc,
\q1 pampa nojquiya miqui san se quej se cuatitan tapiyali.
\q1
\v 13 Nochi masehualme cati motemachijtoque san ipan inijuanti iniselti,
\q1 quipantise miquilisti.
\q1 Huan nojquiya miquise nopa masehualme cati quintoquilíaj huan quihueyitalíaj inincamanal.
\q1
\v 14 Nopa masehualme miquise quej miquij borregojme.
\q1 Quena, miquilisti quinchiya nochi.
\q1 Pero se tonali nopa masehualme cati itztoque xitahuaque iixpa Toteco Dios quinnahuatise masehualme cati amo cuajcualme.
\q1 Quej nopa elis quema ya palantose inintacayohua nopa masehualme ostoijtic.
\q1 Huajca quena, ipan nopa tonali nopa tominpiyani quicajtejtose huejca ininchajchaj cati cuajcualtzi.
\q1
\v 15 Pero Toteco Dios nechmaquixtis ten ichicahualis miquilisti huan nechhuicas ihuaya.
\q1
\v 16 Amo ximotequipacho sinta se masehuali moricojchihua,
\q1 huan mojmosta más quiyecchijchihua ichaj.
\q1
\v 17 Pampa quema miquis amo teno huelis quihuicas.
\q1 ¡Amo! Quema quitemohuise itacayo ostoijtic,
\q1 yon quentzi cati cuajcualtzi quipixqui amo huelis quihuicas.
\q1
\v 18 Masque se masehuali itztos ica paquilisti quema noja yoltoc,
\q1 huan sequinoc quitepanitase pampa moricojchijtoc,
\q1
\v 19 ajsis se tonali quema miquis quej ihuejcapan tatahua,
\q1 huan ayecmo quema quiitas taahuili.
\q1
\v 20 Se masehuali cati moricojchijtoc,
\q1 pero amo quielnamiqui para amo huejcahuas inemilis ipan ni taltipacti,
\q1 mictehuas san se quej se cuatitan tapiyali.
\c 50
\s1 Toteco Dios techilhuía quenicatza ma tijhueyichihuaca
\q1
\v 1 Yaya TOTECO Cati Más Quipiya Chicahualisti que nochi cati quintocaxtíaj dioses,
\q1 quinnotztoc nochi masehualme cati itztoque campa hueli ipan ni taltipacti.
\q1 Quinnotza cati itztoque hasta campa quisa tonati huan hasta campa oncalaqui.
\q1
\v 2 Toteco Dios ica iyejyejca petani huan taahuía ten Sion,
\q1 nopa tepet campa ijcatoc itiopa cati senquisa cuajcualtzi.
\q1
\v 3 Toteco Dios hualas ica chicahualisti,
\q1 huan iixpa hualas se hueyi tit cati quisosolojtihualas nochi cati quipantis.
\q1 Tatomonilot huan tapetanilot quiyahualohua.
\q1
\v 4 Toteco Dios quinnotza nochi cati itztoque ipan ilhuicacti huan ipan taltipacti,
\q1 para ma contachilica quenicatza quintajtolsencahuas imasehualhua.
\q1 Quiijtohua:
\q1
\v 5 “Xiquinsentilica nomasehualhua cati moiyocacajtoque ten na.
\q1 Quena, ma hualaca nochi inijuanti cati quichijtoque se camanali nohuaya,
\q1 quema nechmacaque tacajcahualisti huan quiijtojque para nechtoquilisquíaj.”
\q1
\v 6 Nochi ilhuicacti tepohuilía para Toteco Dios itztoc xitahuac.
\q1 Huan para yaya nopa juez cati tetajtolsencahuas.
\b
\q1
\v 7 “Xijtacaquilica nochi annomasehualhua,
\q1 xijcaquica nochi cati niquijtos.
\q1 Nimechtelhuis miyacapa ica nochi tamanti cati anquichijtoque,
\q1 pampa na niDios huan niamoTeco.
\q1
\v 8 Amo nimechajhuas pampa amo antechmacaj tacajcahualisti,
\q1 yon pampa amo anquinmictíaj tapiyalme huan anquintatíaj noixpa,
\q1 pampa quena, ya nopa anquichihuaj.
\q1
\v 9 Pero amo ya nopa cati nijnequi.
\q1 Amo monequi techmacaca tacajcahualisti,
\q1 quej becerros huan oquich chivojme cati hualahuij ten amopotrero.
\q1
\v 10 Pampa na noaxcahua nochi tapiyalme ipan cuatitamit huan nochi huacaxme cati tacuajtinemij ipan nochi tachiquilme.
\q1
\v 11 Niquinixmati nochi totome campa hueli huan nochi tapiyalme cati nemij cuatita, pampa noaxcahua.
\q1
\v 12 Sinta nimayanasquía, amo nimechtajtanisquía techtamacaca,
\q1 pampa ni taltipacti huan nochi cati eltoc ipani noaxca.
\q1
\v 13 ¿Anmoilhuíaj nimotacualtía ica torojme ininacayo,
\q1 huan niqui inieso oquich chivojme?
\q1 ¡Amo!
\q1
\v 14 Nijnequi techtascamatilica ica nochi cati nimechchihuilía huan ya nopa niquitas quej se tacajcahualisti.
\q1 Xijtamichihuaca nochi cati anquiijtojtoque para anquichihuase.
\q1
\v 15 Huan technojnotzaca quema anmotequipachohuaj,
\q1 huan na nimechmanahuis huan amojuanti antechnextilise miyac tatepanitacayot.”
\q1
\v 16 Pero Toteco quinilhuía masehualme cati amo cuajcualme:
\q1 “Amo anquipiyaj tequiticayot para ancamanaltise ten nopa camanal sencahuali,
\q1 cati quiijtohua cati nimechmacas,
\q1 yon amo hueli antepohuilise notanahuatilhua.
\q1
\v 17 Pampa amo anquicaquij quema nimechtacahualtía,
\q1 yon amo anquichihuilíaj cuenta nocamanal.
\q1
\v 18 Quema anquiitaj se tachtejquet,
\q1 anmohuampochihuaj ihuaya,
\q1 huan nojquiya anmohuicaj inihuaya cati quichijtinemij ten hueli ica cati amo inintahuical.
\q1
\v 19 San campa hueli anquicalaquijtinemij amonenepil para anquiijtose cati fiero.
\q1 Nimantzi anistacatij.
\q1
\v 20 Anmosehuíaj huan anquitelhuíaj se cati amonelicni.
\q1 Quena, yaya cati nojquiya icone amonana huan san sejco anmoscaltijque,
\q1 anquitaijilhuíaj.
\q1
\v 21 Nochi ya ni anquichijtoque,
\q1 huan na amo teno niquijtojtoc.
\q1 Huajca anmoilhuijtoque para na nieli san se quej amojuanti.
\q1 Pero ama nimechixcoilhuis nochi cati anquichijtoque,
\q1 huan nimechpannextilis nochi.
\q1
\v 22 Xijtacaquilica ya ni,
\q1 amojuanti cati antechelcahuaj na, niamoTeco Dios.
\q1 Sinta amo antechelnamiquij,
\q1 nimechhuejhuelos huan amo aqui huelis amechmanahuis nomaco.
\q1
\v 23 Pero quema antechtascamatij ica nochi cati nimechchihuilía,
\q1 eltoc quej se tacajcahualisti cati nechnextilía antechtepanitaj.
\q1 Huan nopa masehuali cati momaca cuenta para mocuapolojtoc,
\q1 huan mocuepa ipan noojhui cati xitahuac,
\q1 na nijmaquixtis.”
\c 51
\s1 Se netatajtili para Toteco ma quitapojpolhui
\q1
\v 1 ¡Ta, tinoTeco Dios cati techicnelía,
\q1 nimitztajtanía xijpiya hueyi moyolo ica na!
\q1 ¡Techtasojta ta cati tijpiya miyac motaicnelilis huan techtapojpolhui nochi notaixpanolhua!
\q1
\v 2 ¡Techpajpaca huan techquixtili ni notajtacol para sempa nielis nitapajpactic!
\q1
\v 3 Pampa ya nimomacac cuenta para nelía nitajtacolchijtoc moixpa.
\q1 Huan san ya nopa nimosenilhuijtoc nochipa.
\q1
\v 4 San ica ta nitajtacolchijtoc.
\q1 Quena, san ica ta nijchijtoc ni hueyi tajtacoli cati ta amo tijnequi tiquitas.
\q1 Ta tiquitac nochi cati nijchijqui huan xitahuac techtajtolsencajtoc.
\q1
\v 5 Pero na ipa nitajtacolchijquet hasta quema nitacatqui.
\q1 Quena, ipa nitajtacolchijca masehuali hasta quema pejqui nimoscaltía iijtico nonana.
\q1
\v 6 Ta tijnequi se masehuali ma mitztepanita ipan iyolo;
\q1 tijnequi ma tijchihuaca san cati melahuac.
\q1 Techchihua na ma nijmati motalnamiquilis hasta campa más tatzinta ipan noyolo.
\q1
\v 7 Xiquijtzelo nopani nopa esti cati tetapajpacchihua,
\q1 huan quej nopa nimocahuas nitapajpactic.
\q1 Quena, techpajpaca, huan nimocahuas tahuel nichipahuac moixpa.
\q1
\v 8 Huan teipa quema ya techtatzacuiltijtos,
\q1 xijchihuas para sempa ma niyolpaqui.
\q1 Huan elis quej sempa moyancuilise noomiyohua cati tijtatixchijtoc.
\q1
\v 9 Amo xijsenhuiquili xijtachilijto notajtacolhua.
\q1 Xiquixpolo ten moixpa nochi cati amo cuali nijchijtoc.
\q1
\v 10 NoTeco Dios, xijchihua para noyolo ma eli yancuic huan tapajpactic.
\q1 Xijchihua para ma nimoyolilhui san ipan tamanti cati cuali,
\q1 huan ma nijnequi nijchihuas san cati xitahuac.
\q1
\v 11 Amo techiyocacahua ten ta moixpa,
\q1 yon amo techquixtili moTonaltzi cati tatzejtzeloltic.
\q1
\v 12 Xijchihua para sempa ma nijmati nopa paquilisti cati nijpixqui pampa ta techmaquixti.
\q1 Ica moTonaltzi techchihua para nochipa ma nijnequi nimitztepanitas.
\q1
\v 13 Huan huajca niquinnextilis moojhui sequinoc tajtacolchihuani cati taixpanotoque quej na.
\q1 Huan tajtacolchihuani moyolcuepase huan hualase campa ta.
\q1
\v 14 Toteco Dios, ta cati techmaquixtía,
\q1 techmanahui ten ni taeticayot cati nijpiya pampa nitemicti.
\q1 Huan quej nopa nihuicas tiohuicat para niteyolmelahuas para ta tijchihua cati senquisa xitahuac.
\q1
\v 15 Toteco, xijchihua para sempa ma nihuica,
\q1 huan nitepohuilis nochi cati techchihuilijtoc huan na nimitzpaquilismacas.
\q1
\v 16 Pampa ta amo tijnequi ma nimitzmaca tacajcahualisti para techtapojpolhuis.
\q1 Sinta quej nopa elisquía,
\q1 huajca ica paquilisti nijchihuasquía.
\q1 Pero amo mitzpactía ma niquintali tapiyalme ipan taixpamit para niquintatis moixpa,
\q1 quej se tacajcahualisti tatatili.
\q1
\v 17 Ta tijnequi ma nimoyolcoco,
\q1 huan ma nimotequipacho ica nochi cati amo cuali nijchijtoc,
\q1 huan ma nimoyolcuepa.
\q1 Quena, nopa masehuali cati moechcapantalía huan moyolcuepa,
\q1 ta tinoTeco Dios, temachti tijtacaquilía huan amo tijhuejcamajcahua.
\q1
\v 18 Huan, Toteco, amo xijtatzacuilti altepet Sion por notajtacolhua.
\q1 Ta xiquinpalehui momasehualhua huan xijmocuitahui moaltepe Jerusalén.
\q1
\v 19 Huan quema noyolo ya eltos xitahuac moixpa,
\q1 tipaquis ica cati cuali nijchihuas.
\q1 Huan tijselis nochi tacajcahualisti quema niquinhuicas torojme para niquinmictis,
\q1 huan nimitzmacas ipan motaixpa.
\c 52
\s1 Toteco tetasojta huan tetajtolsencahua
\q1
\v 1 ¡Xijtacaquili ta cati timoilhuía para tahuel tihueyi!
\q1 ¿Para ten timohueyimati ica cati fiero tiquinchihuili imasehualhua Toteco Dios?
\q1 Toteco Dios quipixtoc itaicnelilis para nochipa.
\q1
\v 2 Pero ta nochipa timoyolilhuía san cati fiero tiquinchihuilis sequinoc.
\q1 Huan nochi istacatili cati quisa mocamaco eli quej se cuchillo cati tahuel tatequi.
\q1
\v 3 Achi más mitzpactía tijchihuas ten fiero huan amo cati cuali.
\q1 Huan nojquiya achi más mitzpactía istacatili huan amo cati melahuac.
\q1
\v 4 Mitzpactía titeistacahuis.
\q1 Huan mitzpactía tiquijtos camanali cati tecocohua.
\q1 ¡Tiistacatica tacat!
\q1
\v 5 Yeca Toteco Dios mitztzontamiltis para nochipa.
\q1 Mitzhuilanas para mitzquixtis ten mochaj,
\q1 huan ayecmo tiitztos ipan ni taltipacti campa itztoque masehualme.
\q1
\v 6 Nochi masehualme cati quitepanitaj Toteco,
\q1 quiitase cati yaya quichihuilis nopa fiero masehuali,
\q1 huan momajmatise.
\q1 Huajca inijuanti quihuetzquilise huan quiijtose:
\q1
\v 7 “Xiquitaca cati ipantic ne masehuali cati amo quitepanita Toteco Dios.
\q1 San motemachi ipan itomi huan nochi tamanti pajpatiyo cati yaya quipiya,
\q1 huan quichijtinenqui cati amo cuali.”
\q1
\v 8 Pero na cuali niijcatoc quej se olivo cuahuit,
\q1 huan Toteco nechyahualohua para nechmocuitahuis.
\q1 Na nimotemachía ipan Toteco para yaya ma nechtasojta nochipa.
\b
\q1
\v 9 NoTeco Dios, na nochipa nimitztascamatis por nochi nopa cuali tamanti cati tijchijtoc.
\q1 Huan san ipan ta nimochiyas para techtasojtas,
\q1 pampa nochi quimatij para ta nelía tijpiya hueyi moyolo ica cati moaxcahua.
\c 53
\s1 Masehualme cati huihuitique
\r (Salmo 14:1-7)
\q1
\v 1 San se masehuali cati tahuel huihuitic moilhuía ipan iyolo para amo onca Dios.
\q1 ¿Para ten quej nopa quiijtohua?
\q1 Eltoc pampa iyolo tahuel fiero huan san quichihua cati amo cuali.
\q1 Amo aqui se masehuali cati quichihua cati nelxitahuac.
\q1
\v 2 Toteco Dios hasta nepa ilhuicac quinhualtachilía masehualme,
\q1 para quiitas sinta onca se cati nelía quitemohua huan quichihua cati cuali.
\q1
\v 3 ¡Pero amo!
\q1 Nochi masehualme mocuectoque ipan tajtacolot.
\q1 Quena, nochi tajtacolchijtoque huan mochijtoque amo tapajpactique.
\q1 Amo aqui quichihua cati senquisa cuali,
\q1 yon se.
\q1
\v 4 ¿Huelis amo quipiyaj inintalnamiquilis nopa tajtacolchijca masehualme?
\q1 Inijuanti quintzontamiltíaj momasehualhua quej elisquíaj pantzi cati quicuaj huan amo quinequij quitemose Toteco Dios.
\q1
\v 5 Pero ajsis tonali quema Toteco Dios quinpinahualtis huan quintatzacuiltis nopa masehualme.
\q1 Quena, quintzontamiltis huan inintacayohua mocahuase tepejtoque campa hueli.
\q1 Amo aqui quintalpachos pampa yaya quintahuelcajtoc.
\q1
\v 6 ¡Cuali elisquía sinta Toteco hualasquía ten altepet Jerusalén huan quinmaquixtis nochi israelitame!
\q1 Israelitame san huelis itztose ica paquilisti quema Toteco Dios quichihuas para inijuanti cati imasehualhua ma tatanica.
\c 54
\s1 Se netatajtili para Toteco ma quimanahui ten icualancaitacahua
\q1
\v 1 ¡NoTeco Dios, xihuala techmaquixtiqui pampa nochi quimatij ta tihueyi!
\q1 ¡Techmanahuiqui ica mohueyi chicahualis!
\q1
\v 2 Techtacaquili quema nimotatajtía ica ta.
\q1 Quena, xijtacaquili cati nimitzpohuilía,
\q1
\v 3 pampa tatehuijca masehualme motanantoque ica na.
\q1 Quena, masehualme cati amo quema mitzelnamiquij nechtemohuaj para nechmictise.
\b
\q1
\v 4 Pero Toteco Dios nochipa nechpalehuía,
\q1 huan amo quincahuilis ma nechmictica.
\q1
\v 5 Toteco quincuepilis nocualancaitacahua nochi nopa tamanti amo cuali cati inijuanti quisencajtoque nechchihuilise.
\b
\q1 Quena, TOTECO, ta cati nelía titemachti, xijchihua senquisa quej techtencahuilijtoc,
\q1 huan xiquintzontamilti nochi nocualancaitacahua.
\q1
\v 6 Ica paquilisti nimitzmacas notacajcahualis.
\q1 Nimitzhueyimatis pampa ta nelía ticuali,
\q1
\v 7 pampa ta techmanahuijtoc ten nochi taohuijcayot,
\q1 huan niquitztoc quenicatza tiquintantoc nochi nocualancaitacahua.
\c 55
\s1 Se netatajtili ten se masehuali cati quicajcayajqui ihuampo
\q1
\v 1 NoTeco Dios, techtacaquili quema nimotatajtía ica ta.
\q1 Amo ximotati quema nimitztzajtzilía.
\q1
\v 2 Techtacaquili huan technanquili,
\q1 pampa tahuel nimotequipachohua huan nichoca pampa nitaijyohuía.
\q1
\v 3 Nocualancaitacahua nechtzajtzilíaj chicahuac huan quinequij nechmictise.
\q1 Tahuel nechcualancaitaj huan ica nochi inincualancayo nechtepotztocatihualahuij para nechtzontamiltise.
\q1
\v 4 Nelía nechcocohua noyolo pampa nechitzquía se hueyi majmajti.
\q1
\v 5 Quena, tahuel nimajmahui huan nihuihuipica.
\q1
\v 6 ¡Cuali elisquía sinta nijpiyasquía noeltapal quej quipiya se paloma para huelisquía nipatantehuas huan nimosiyajquetzati!
\q1
\v 7 Quena, nicholosquía hasta nepa campa huactoc talme cati mopantíaj huejca huan nepa nimocahuasquía.
\q1
\v 8 Nimoisihuiltisquía para nicholos huan nimotatis ten nochi ni taijyohuilisti cati hualajtoc nopani.
\q1 Eltoc quej se hueyi ajacat hualajtoc cati tamitasosolohua.
\q1
\v 9 Toteco, xiquintzontamilti nocualancaitacahua.
\q1 Xijchihua ma mocuapoloca inijuanti iniselti quema camanaltij.
\q1 Na niquitztoc para nochi tatehuíaj campa hueli ipan ni moaltepe.
\q1
\v 10 Tayohua huan tonaya masque itztoque cati quiyahualojtinemij ni altepet ipan itepa para quimocuitahuise ten tocualancaitacahua,
\q1 inijuanti cati nica ehuani iniselti motehuíaj se ica seyoc ipan ni altepet.
\q1
\v 11 Tatajco nopa altepet quichihuaj miyac tamanti cati amo cuali,
\q1 huan amo onca tatepanitacayot.
\q1 Ipan tianquis huan campa hueli momictíaj,
\q1 tachtequij huan tacajcayahuaj.
\q1
\v 12 Amo elqui se nocualancaitaca cati nechcajcayajqui,
\q1 pampa sinta quej nopa eltosquía, huajca niquijyohuijtosquía.
\q1 O hueltosquía nicholos huan nimotatis.
\q1
\v 13 Pero elqui se cati nemiyaya nohuaya,
\q1 se cati nechyacanayaya huan cati nonelhuampo.
\q1
\v 14 Quena, elqui yaya cati sentic timopohuiliyayaj nopa tamanti cati tijpixtoyaj ipan toyolo,
\q1 huan cuajcualtzi timocamanalhuiyayaj quema san sejco tiyahuiyayaj ipan mochaj, Toteco Dios.
\q1
\v 15 Ma talochmiquica nochi nocualancaitacahua huan ma yaca hasta micta quema noja yoltoque,
\q1 pampa ipan ininchaj huan ipan iniyolo san onca tajtacolot.
\b
\q1
\v 16 Pero na san nijtzajtzilis Toteco Dios para ma nechmaquixti.
\q1 Huan quena, temachti yaya nechmaquixtis.
\q1
\v 17 Na nimotatajtis ica ijnaloc, ica tajco tona huan ica tiotac.
\q1 Huan yaya nechtacaquilis huan nechnanquilis.
\q1
\v 18 Ipan tatehuilisti yaya nechmanahuis,
\q1 masque tahuel miyac nocualancaitacahua nechtehuise chicahuac.
\q1
\v 19 Toteco Dios cati ipa itztoc huan tanahuatijtoc hasta ten huejcajquiya,
\q1 yaya nechtacaquilis huan quintzontamiltis.
\q1 Pampa nocualancaitacahua amo quipataj ininemilis cati fiero,
\q1 yon amo quitepanitaj itanahuatil.
\q1
\v 20 Nopa masehualme cati amo cuajcualme momatananaj para quintehuíaj hasta inihuampoyohua.
\q1 Quiixpanoj nopa camanali cati quichihuaj inihuaya sequinoc.
\q1
\v 21 Quitequihuíaj camanali cati nelcuajcualtzi huan yamanic quej mantequilla,
\q1 pero ipan iniyolo san moilhuíaj quenicatza tatehuise.
\q1 Nochi cati quiijtohuaj eltoc alaxtic quej aceite,
\q1 pero ixtacatzi teyolcocohuaj ica camanali quej quema timotzontequis ica macheta.
\b
\q1
\v 22 Nochi motequipachol xijcahua imaco TOTECO huan yaya mitzmacas temachili.
\q1 TOTECO amo quicahuas ma huetzi se cati quitepanita.
\b
\q1
\v 23 Pero ta tinoTeco Dios,
\q1 tiquintitanis nocualancaitacahua ipan nopa ostot cati tahuel huejcata.
\q1 Nopa temictiani huan istacatini amo itztose yon tajco ten ininemilis,
\q1 pampa amo huejcahuase itztose ipan ni taltipacti.
\q1 Pero na nochipa nimotemachis ipan ta para techmaquixtis.
\c 56
\s1 David motatajtía ica Toteco
\q1
\v 1 NoTeco Dios, techtasojta,
\q1 pampa nocualancaitacahua semilhuit nechtepotztocatinemij.
\q1 Nochi se tonal nechtaijyohuiltíaj.
\q1
\v 2 Nochi se tonal nechcuatetzopaj huan noca paquij.
\q1 Tahuel miyaqui itztoque cati quinequij nechtamiltise.
\q1
\v 3 Pero quema nijmati nimajmahui, na nimotemachía ipan ta.
\b
\q1
\v 4 Nijhueyichihua Toteco Dios huan nimotemachía ipan ya para nechmanahuis quej techtajtolcahuilijtoc quichihuas ipan icamanal.
\q1 Huajca pampa nimotemachía ipan ya,
\q1 ¿taya huelis nechchihuilis se masehuali?
\q1
\v 5 Talojtzitzi quipataj nocamanal huan san moilhuíaj quenicatza huelis nechchihuilise cati amo cuali.
\q1
\v 6 Mosentilíaj huan quisencahuaj taya nechchihuilise.
\q1 Teipa motatíaj ojtenti huan nechchiyaj ma nipano para nechmictise.
\b
\q1
\v 7 Toteco Dios, xijtachili nochi inintaixpanolhua huan xiquintatzacuilti.
\q1 Ica mohueyi cualancayo, xiquintahuiso hasta talchi.
\q1
\v 8 Ta techitztoc quesqui hueltas nimochololtijtoc huan nimochoquilijtoc.
\q1 Nochi noixayo tijsentilijtoc huan ticajoctoc ipan se frasco.
\q1 Huan ipan moamatapohual tiquijcuilojtoc quesqui imiyaca.
\q1
\v 9 NoTeco Dios, quema nimitztzajtzilía para techpalehui,
\q1 nochi nocualancaitacahua nimantzi cholohuaj.
\q1 Quej nopa eli pampa cuali nijmati para ta tiitztoc nohuaya para techpalehuis.
\b
\q1
\v 10 Na nimotemachía ipan Toteco Dios.
\q1 Quena, nimopaquilismacas ipan TOTECO icamanal,
\q1 por nochi cati nechtajtolcahuilijtoc nechchihuilis.
\q1
\v 11 Quena, nimotemachía ipan Toteco Dios huan amo nimajmahui.
\q1 ¿Taya huelis nechchihuilis se masehuali?
\b
\q1
\v 12 NoTeco Dios, nochi cati nimitztajtolcahuilijtoc, nijtamichihuas.
\q1 Nimitztascamatilis ica tiohuicat pampa techpalehuijtoc miyac.
\q1
\v 13 Ta Toteco Dios techmanahuijtoc para amo nimiquis,
\q1 huan amo techcahuilijtoc ma nihuetzi ipan tamanti cati amo cuali.
\q1 Yeca ama noja hueli ninentinemi moixpa nica ipan ni taltipacti ica masehualme cati itztoque.
\c 57
\s1 Se netatajtili para Toteco ma quipalehui
\r (Salmo 108:1-5)
\q1
\v 1 Techtasojta, noTeco Dios, xijnexti motaicnelilis ica na,
\q1 pampa san ipan ta nimotemachía para techmanahui.
\q1 Quej se pilpiyotzi motatía ieltapaltzala inana,
\q1 na nojquiya nimotatía ipan ta hasta panos ni hueyi taohuijcayot cati eltoc quej se hueyi ajacat.
\b
\q1
\v 2 Nijtzajtzilis Toteco Dios Cati Más Hueyi.
\q1 Quena, nijnojnotzas Toteco Dios cati nochipa nechpalehuía ipan nochi tamanti.
\q1
\v 3 Ten ilhuicac nechtitanilía itapalehuil para nechmaquixtis.
\q1 Yaya nechchololtis inimaco nocualancaitacahua cati ica miyac cualanti nechtepotztocatinemij,
\q1 huan quinequij nechtzontamiltise.
\q1 Pampa yaya Toteco Dios temachti huan tahuel nechicnelía.
\q1
\v 4 Nechyahualojtoque masehualme cati mosisiníaj quej tecuanime.
\q1 Inincamanal eltoc quej tit cati quisa inincamaco.
\q1 Inintancoch tajtatequi quej cuataminti huan ininenepil tatequi quej macheta.
\b
\q1
\v 5 NoTeco Dios, nochi ma mitzhueyichihuaca ipan nochi ilhuicacti.
\q1 Mohueyitilis ma quitemiti ni taltipacti.
\q1
\v 6 Nocualancaitacahua quitalijtoque se taquetzti para ma nimasi,
\q1 yeca tahuel nimajmahui.
\q1 Nojquiya quichijque se ostot ipan ojti para ma nimoostohui,
\q1 pero xiquita inijuanti huetzque nopona.
\q1
\v 7 NoTeco Dios, ipan noyolo nipaqui huan nijpiya tasehuilisti.
\q1 Huan yeca nimocualtalijtoc para nihuicas huan nijsencahuas tiohuicat para ta.
\q1
\v 8 Na nimocualtalía para nijtzotzonas noarpa huan noguitarra.
\q1 Cualca niijsa para nimitztatzotzonilis.
\q1
\v 9 Na nimitztascamatis iniixpa masehualme pampa ta, Toteco, techchihuilijtoc miyac tamanti cati cuajcualtzi.
\q1 Huan nihuicas para nimitzhueyimatis iniixpa masehualme ten nochi talme.
\q1
\v 10 Motaicnelijcayo nelhueyi quej ipatajca ilhuicacti huan huejcapantic hasta quipano mixti.
\q1 Ta tahuel titemachti.
\q1
\v 11 Toteco Dios, nochi ma mitzhueyichihuaca ipan nochi ilhuicacti.
\q1 Mohueyitilis ma quitemiti ni taltipacti.
\c 58
\s1 Se netatajtili para Toteco ma quintatzacuilti cati amo tatepanitaj
\q1
\v 1 ¡Amojuanti anmasehualme cati anquipiyaj tequiticayot para antetajtolsencahuaj!
\q1 ¿Nelía xitahuac anquintajtolsencahuaj?
\q1
\v 2 ¡Amo! San anmoilhuíaj cati fiero huelis anquichihuase.
\q1 Anquichijtoque para noja más ma onca tatehuilisti ipan amotal.
\q1
\v 3 Nopa masehualme cati amo quitepanitaj Toteco pejque moiyocacahuaj hasta quema tacatque.
\q1 Huan ipa istacatij hasta quema pejque huelij camanaltij.
\q1
\v 4 Inijuanti tencocoque quej cohuame cati temictíaj ica inintencococa.
\q1 Huan itztoque quej nopa cohuame cati momatij quicaquij inintoscac inintecohua,
\q1 pero ayecmo quinequij quinneltocase.
\q1
\v 5 Monacastzacuaj huan ayecmo quichihuilíaj cuenta,
\q1 masque inintecohua quintatzotzonilíaj cuajcualtzi para ma quinneltocaca.
\q1 Huan nimantzi tetzacaníaj.
\q1 Quej nopa itztoque ni fiero masehualme.
\b
\q1
\v 6 NoTeco Dios, xiquintamiltili ininchicahualis.
\q1 Quena, xiquinquixtili ininchicahualis nopa masehualme cati mosisiníaj,
\q1 quej tiquinquixtilisquía inintancoch huan inintacuayo nopa tecuanime.
\q1
\v 7 Ma ixpolihuica quej ixpolihui nopa at cati toyahui ipan huactoc tali.
\q1 Huan nopa teposti cati quipixtoque inimaco para ica tatehuíaj,
\q1 ma eli quej amo teno ipati.
\q1
\v 8 Ma elica quej nopa tenaquisti cati atiya quema noja nentinemi.
\q1 O ma elica quej se pilconetzi cati tacatqui mictoc huan cati amo quema quiitac tatanexti.
\b
\q1
\v 9 Toteco Dios quinixpolihuiltis cati huehuentzitzi huan cati telpocame.
\q1 Quintzontamiltis nelnimantzi quej se chachapali cati nimantzi totoniya ica nopa tit cati lementoc ica huitzcuahuit.
\q1
\v 10 Pero cati itztoque xitahuaque iixpa Toteco,
\q1 paquise quema quiitase para Toteco ya momacuectoc ica nopa masehualme cati amo teno quitepanitaj,
\q1 huan moicxipajpacase ica inieso nopa masehualme.
\q1
\v 11 Huan huajca nochi masehualme quiijtose:
\q1 “Nelía quiselíaj se cuali taxtahuili nopa masehualme cati itztoque xitahuaque,
\q1 pampa melahuac itztoc se Dios cati tetajtolsencahua xitahuac ipan ni taltipacti.”
\c 59
\s1 Se netatajtili para Toteco ma quimanahui David
\q1
\v 1 ¡NoTeco Dios, techmanahui inimaco nocualancaitacahua!
\q1 ¡Techmocuitahui ten inijuanti cati hualajtoque para nechtzontamiltise!
\q1
\v 2 ¡Techmanahui inimaco tajtacolchijca masehualme,
\q1 inijuanti cati temictíaj!
\q1
\v 3 Nechtachilíaj para quiitase quenicatza nechmictise.
\q1 Masehualme cati quipiyaj chicahualisti nechchixtoque yahualtic.
\q1 Pero amo pampa niquinchihuilijtoc se tamanti cati amo cuali
\q1 o pampa niquinixpanotoc.
\q1
\v 4 ¡Amo! Amo teno cati fiero niquinchihuilijtoc,
\q1 pero inijuanti mocualtalíaj para nechmictise.
\q1 ¡TOTECO, xiisa!
\q1 ¡Xihuala techpalehuiqui!
\q1
\v 5 TOTECO, Ta Cati Tijpiya Nochi Chicahualisti,
\q1 ta cati titoDios tiisraelitame,
\q1 ximotanana huan xiquintatzacuilti nopa talme campa itztoque masehualme cati amo israelitame,
\q1 pampa techyahualojtoque.
\q1 Amo xiquintapojpolhui nopa masehualme cati mosisiníaj huan nimantzi taixpanoj.
\q1
\v 6 Mojmosta ica tapoyahui hualahuij para quitachilise quenicatza huelis techtanise.
\q1 Tzajtzitinemij quej chichime cati quiyahualojtinemij ni altepet.
\q1
\v 7 Nijcaqui camanaltij fiero hasta camaposonij,
\q1 huan mitztelchihuaj Toteco,
\q1 pampa inijuanti quiijtohuaj:
\q1 “Amo aqui techcaqui.”
\q1
\v 8 Pero ta TOTECO, san xiquinhuetzquili,
\q1 huan xiquinpinahualti ni masehualme ten sequinoc talme cati nechyahualojtoque.
\q1
\v 9 NoTeco Dios, pampa nocualancaitacahua quipiyaj chicahualisti, ipan ta nimotemachis,
\q1 pampa ta cati techmanahuía.
\q1
\v 10 NoTeco Dios, ta nochipa techicnelijtoc miyac,
\q1 yeca nijmati para temachti techyacantiyas.
\q1 Tijchihuas ma niquita cati tahuel nijnectoc ma ininpanti nocualancaitacahua.
\q1
\v 11 NoTeco, ta cati techmanahuía,
\q1 amo xiquinmicti nimantzi ni nocualancaitacahua,
\q1 pampa huelis ni nomasehualhua nimantzi quielcahuase cati ininpantis nopa mosisinijca masehualme.
\q1 Más cuali san xiquinsemana ica mohueyi chicahualis huan xiquinechcapantali.
\q1
\v 12 Quena, xiquintatzacuilti pampa nochi inijuanti tahuel istacatij, mohueyimatij huan tatelchihuaj.
\q1
\v 13 Xiquintzontamilti ica mohueyi cualancayo,
\q1 huan xiquintamiixpolihuilti.
\q1 Huan quej nopa nochi masehualme quimatise para ta, Toteco Dios,
\q1 titanahuatía ipan tali Israel,
\q1 huan ipan nochi taltipacti.
\q1
\v 14 Nocualancaitacahua mocuepaj ica tiotac huan tzajtzij quej chichime,
\q1 huan quiyahualojtinemij ni altepet.
\q1
\v 15 Nentinemij campa hueli para quitemojtinemise inintacualis.
\q1 Huan quema amo ixhuij,
\q1 tzajtzij seyohual quej chichime.
\q1
\v 16 Pero na sese ijnaloc nihuicas ica nopa chicahualisti cati techmaca.
\q1 Huan nimitzhueyimatis pampa techtasojta miyac.
\q1 San ta techmanahuía huan san ipan ta nimotemachía,
\q1 quema huala taohuijcayot.
\q1
\v 17 Toteco Dios, momaco ta niitztoc temachti,
\q1 yeca nimitzhueyimatis huan nihuicas para ta,
\q1 pampa san ta techmocuitahuía huan techicnelía.
\c 60
\s1 Se netatajtili para Toteco ma quimanahui David
\r (Salmo 108:6-13)
\q1
\v 1 Toteco Dios, ta techhuejcamajcajtoc huan ayecmo tijmatij taya tijchihuase.
\q1 Ticualantoc ica tojuanti huan techtahuelcajtoc.
\q1 Ama timitztajtaníaj para sempa ximoyoltali ica tojuanti huan sempa techfuerzajmaca.
\q1
\v 2 Ni tali tijchijqui ma huihuipica ica majmajti.
\q1 Tahuel tijtaijyohuiltijtoc.
\q1 Huajca ama, noTeco Dios, sempa xijcualtali total cati tamitatapacatoc.
\q1
\v 3 Tijchijtoc para tojuanti timomasehualhua ma tijpanoca huejhueyi taijyohuilisti.
\q1 Huan ica ni taijyohuilisti techchijtoc ma timomimilojtinemica quej elisquía tiihuintitoque.
\q1
\v 4 Pero ama techmacatoc nochi tojuanti cati timitzimacasij huan timitztepanitaj quej se bandera campa timosentilise.
\q1 Huan quena, nochi tojuanti cati tijchihuaj cati melahuac timosentilise nopona,
\q1 para timomanahuise quema tocualancaitacahua techmajcahuilise cuataminti.
\q1
\v 5 Technanquili huan techmanahui nochi tojuanti cati techicnelía.
\q1 Xijtequihui mohueyi chicahualis para techmanahuis.
\b
\q1
\v 6 Toteco Dios, yaya cati itztoc ipan ichaj nepa ilhuicac quiijtojtoc:
\q1 “Ica paquilisti nijxelos tali Siquem,
\q1 huan nijtamachihuas nopa tamayamit cati itoca Sucot,
\q1 para nijmacas aqui nijnequis pampa nopa talme noaxcahua.
\q1
\v 7 Huan nopa tali Galaad huan Manasés nojquiya noaxcahua.
\q1 Ipan tali Efraín hualase nosoldados cati nechmanahuise quej notzontzajca,
\q1 huan ipan tali Judá hualase notanahuatijcahua.
\q1
\v 8 Cati itztose ipan tali Moab elise notequipanojcahua cati teicneltzitzi.
\q1 Cati itztoque ipan tali Edom nechtequipanose.
\q1 Huan nitahuejchihuas chicahuac quema ya niquintantos nopa filisteos.”
\m Quej nopa quiijtohua Toteco.
\b
\q1
\v 9 ¿Ajquiya nechchihuas ma nicalaqui ipan nopa altepeme cati moyahualtzactoque ica tepamit ipan tali Edom?
\q1 ¿Ajquiya nechchihuas ma niquintani sinta amo ta?
\q1
\v 10 San ta techyacanas ipan tatehuilisti, noTeco Dios.
\q1 Amo techtahuelcahua.
\q1 Sinta ta amo tiyas ihuaya tosoldados para tatehuise, Toteco,
\q1 amo aqui techpalehuis.
\q1
\v 11 Quena, Toteco Dios, techpalehuis para tiquintanise tocualancaitacahua,
\q1 pampa inintapalehuil masehualme, amo teno ipati.
\b
\q1
\v 12 Ica itapalehuil Toteco Dios tijchihuase huejhueyi tamanti.
\q1 Yaya iselti quintzontamiltis nochi tocualancaitacahua.
\c 61
\s1 David quinequi itztos ipan itiopa Toteco
\q1
\v 1 NoTeco Dios, techtacaquili quema nimitztzajtzilía.
\q1 Techtacaquili quema nimotatajtía.
\q1
\v 2 Masque niitztosquía campa hueli o hasta campa ontantoc taltipacti,
\q1 na nimitztzajtzilisquía para nimitztajtanis motapalehuil.
\q1 Quema nimajmahui o nimotequipachohua,
\q1 techyacana huan techtatía ipan se huejcapantic tet,
\q1 campa amo teno huelis nechajsis.
\q1
\v 3 Pampa san ipan ta nimotemachía para amo teno nopantis.
\q1 Ta tiitztoc quej se huejcapantic cali cati nechmanahuía,
\q1 para amo huelis nechajsise nocualancaitacahua.
\q1
\v 4 Nijnequi niitztos para nochipa ipan motiopa para techmocuitahuis.
\q1 Nopona niitztos temachti quej se pilpiyotzi cati itztoc ieltapaltzala inana.
\q1
\v 5 Ta tinoTeco Dios, tijcactoc cati nimitztajtolcahuilijtoc para nijchihuas.
\q1 Huan techmacatoc nopa tatiochihualisti cati ticajoctoc para tiquinmacas masehualme cati mitzimacasij huan mitztepanitaj.
\q1
\v 6 Xijchihuas para na nitanahuatijquet ma niitzto miyac xihuit,
\q1 huan para nonemilis ma eli cuajcualtzi.
\q1
\v 7 Techcahuili ma nitanahuatis moixpa para nochipa.
\q1 Techmanahui huan techmocuitahui ica motaicnelijcayo.
\q1
\v 8 Quej nopa nimitzhuicatis huan nimitzpaquilismacas mojmosta.
\q1 Quena, sesen tonal nijtamichihuas cati nimitztencahuilijtoc para nijchihuas para ta.
\c 62
\s1 David motemachi san ipan Toteco
\q1
\v 1 Na san ipan Toteco Dios nimochiya para yaya ma nechmanahui,
\q1 pampa san ya hueli temaquixtía.
\q1
\v 2 Nimotatía ipan ya para amo teno nechajsis.
\q1 San yaya nechmaquixtía huan nechmocuitahuía quema huala taohuijcayot.
\q1 Amo teno hueli nechpanos.
\q1
\v 3 Pero ¿hasta quema tamis nocualancaitacahua nechtehuise?
\q1 Ayecmo nijpiya más chicahualisti quej tanahuatijquet ipan notanahuatilis.
\q1 Nocualancaitacahua quisencahuaj quenicatza huelis nechtahuisose.
\q1 Nechitaj quej se tapepecholi o tepamit cati huetzisnequía.
\q1
\v 4 Quena, san moilhuíaj san sejco quenicatza huelis nechtzontamiltise.
\q1 Quinpactía quitacaquilise istacatili huan tacajcayahualisti.
\q1 Ica inincamac nechcamanalhuíaj cuajcualtzi,
\q1 pero ipan iniyolo nechtelchihuaj.
\q1
\v 5 Pero na san nimochiya ipan Toteco Dios,
\q1 san nimochiya para yaya ma nechmanahui,
\q1 pampa san ya hueli temaquixtía.
\q1
\v 6 Nimotatía ipan ya para amo teno nechajsis.
\q1 San yaya nechmaquixtía huan nechmocuitahuía quema huala taohuijcayot,
\q1 yeca san ipan ya nimotemachía.
\q1
\v 7 San Toteco Dios hueli nechmaquixtis huan sempa nechhueyitalis iniixpa sequinoc.
\q1 Yaya nechtatía huan nechfuerzajmaca.
\q1 Nechmocuitahuía para amo ma nechajsi cati fiero.
\q1
\v 8 ¡Annomasehualhua, nochipa ximotemachica ipan Toteco Dios!
\q1 Xijpohuilica nochi cati eltoc ipan amoyolo,
\q1 pampa san yaya hueli techmocuitahuis ica cati amo cuali.
\q1
\v 9 Amo teno nelía ininpati masehualme iixpa Toteco,
\q1 masque cati tominpiyaj o cati teicneltzitzi.
\q1 Sinta se quintalisquía ipan balanza para quintamachihuas sinta etique quej se tamanti cati tahuel ipati,
\q1 momacas cuenta para melahuac amo etique pampa masehualme itztoque san quej ajacat.
\q1
\v 10 Masehualme, amo ximoilhuica para antatehuise para anquitanise más tomi.
\q1 Amo ximoilhuica antachtequise para anmoricojchihuase.
\q1 Huan sinta anmochihuase anricos,
\q1 amo ximohueyimatica, yon amo ximotemachica ipan amotomi.
\q1
\v 11 Nijmati ya ni, pampa miyac huelta Toteco Dios nechilhuijtoc:
\q1 san yaya quipiya nochi chicahualisti.
\b
\q1
\v 12 San ta, Toteco, titeicnelía mojmosta.
\q1 Huan tijtaxtahuía sese masehuali quej quinamiqui ica cati quichijtoc.
\c 63
\s1 Nijtemohua noTeco
\q1
\v 1 ¡Toteco Dios, ta tinoDios!
\q1 ¡Nelía tahuel nimitztemohua!
\q1 ¡Quej se masehuali cati tahuel amiqui ipan huactoc tali campa amo onca at,
\q1 na ica nochi noyolo huan ica nochi noalma nijnequi nimitzpantis!
\q1
\v 2 Nijnequi niquitas mochicahualis huan mohueyitilis quej niquitac ipan motiopa.
\q1
\v 3 Pampa motaicnelijcayo más hueyi ipati huan amo nonemilis.
\q1 ¡Tahuel nimitzhueyimati!
\q1
\v 4 Huan nochi tonali quema noja niitztos, nimitztiochihuas.
\q1 Huan moixpa nimomatananas huan nimotatajtis ica ta.
\q1
\v 5 Huan huajca, quena, nijmatis quej elisquía ya niixhuic ica se tacualisti cati ajhuiyac.
\q1 Huan nimitzhueyimatis ica miyac paquilisti.
\q1
\v 6 Nochi yohuali quema nimoteca ipan notapech huan amo hueli nicochi,
\q1 nimoilhuía ten ta.
\q1 Quena, nimoyolilhuía ten ta sese hora.
\q1
\v 7 Nimoilhuía quenicatza techpalehuijtoc huan yeca sese tayohua tahuel nipaqui.
\q1 Quej se piyo quintatía iconehua ieltapaltzala,
\q1 quej nopa ta techtatía na para amo teno nechajsis.
\q1
\v 8 Nimotatzquilijtoc ipan ta pampa san ta techmocuitahuía ica mohueyi chicahualis.
\q1
\v 9 Nochi cati quinequij nechmictise yase micta.
\q1
\v 10 Pampa ya eltoc tasencahuali para miquise,
\q1 huan para sequinoc quintzontamiltise ica macheta.
\q1 Huan inintacayohua elis tacualisti para nopa tepechichime.
\q1
\v 11 Pero na nitanahuatijquet nimopaquilismacas ipan ta, Toteco Dios.
\q1 Huan nojquiya paquise nochi sequinoc cati senquisa motemachíaj ipan ta.
\q1 Pero nochi cati istacatij,
\q1 ta, Toteco, tiquincamatzacuas.
\c 64
\s1 Se netatajtili para Toteco ma quimocuitahui
\q1
\v 1 NoTeco Dios, xijtachili notequipachol.
\q1 ¡Xijmanahui nonemilis ten nocualancaitacahua cati quinequij nechmictise!
\q1
\v 2 Techtati ten ni amo cuajcualme cati ixtacatzi quisencahuaj para nechchihuilise cati fiero.
\q1
\v 3 Nochi inincamanal ajsi ipan noyolo,
\q1 huan tahuel nechcocohua quej elisquía se cuataminti.
\q1
\v 4 Inijuanti amo majmahuij para nechtatzacuiltise.
\q1 Motatíaj campa amo aqui hueli quinita,
\q1 huan quinmajcahuilíaj cuataminti masehualme cati amo teno quichijtoque.
\q1 Yon quentzi amo majmahuij ica cati fiero quichihuaj.
\q1
\v 5 Se ica seyoc mofuerzajmacaj para quichihuase más cati fiero.
\q1 Ixtacatzi mosentilíaj para quitalise taquetzti.
\q1 Huan quiijtohuaj: “Nica tijtalise ni taquetzti campa amo aqui huelis quiitas.”
\q1
\v 6 Ica miyac cuidado quisencahuaj quenicatza quichihuase para temictise.
\q1 Ica yolic quitemohuaj quenicatza quichihuase cati fiero quisencajtoque quichihuase para ma quisa cuali.
\q1 Iyolo huan italnamiquilis se masehuali tahuel quimati quisencahuas cati fiero para quichihuas.
\b
\q1
\v 7 Pero Toteco Dios yaya iselti quintamicocos.
\q1 Elis quej quinmajcahuilis cuataminti quema amo quichiyaj,
\q1 huan nimantzi quintanis.
\q1
\v 8 Quena, huetzise huan motzontamiltise,
\q1 por nopa camanali cati quiijtojtoque.
\q1 Huan nochi cati quinitase momajmatise.
\q1
\v 9 Huajca nochi masehualme quitepanitase Toteco Dios huan quiimacasise quiixpanose.
\q1 Tepohuilise nochi cati yaya quichijtoc.
\q1 Huan huajca quimachilise para san ya quichihua huejhueyi tamanti.
\q1
\v 10 Huan nochi masehualme cati itztoque xitahuaque quipaquilismacase TOTECO,
\q1 huan más motemachise ipan ya huan quihueyimatise.
\c 65
\s1 David quihueyimati Toteco
\q1
\v 1 Toteco Dios, san ta quinamiqui ma timitzhueyimatica,
\q1 ta cati tiitztoc ipan altepet Jerusalén.
\q1 Huan quinamiqui ma timitzmacaca nochi cati timitztajtolcahuilijtoque timitzmacase.
\q1
\v 2 Ta technanquilía quema timotatajtíaj huan techmaca cati timitztajtaníaj,
\q1 huajca nochi masehualme ipan taltipacti ma hualaca campa ta.
\q1
\v 3 Masque toyolo temitoc ica tajtacoli huan techtantoc,
\q1 ta techtapojpolhuía nochi totaixpanolhua.
\q1
\v 4 ¡Nelía tipaquij miyac tojuanti cati techtapejpenijtoc para ma tihualaca,
\q1 huan ma tiitztoquij mohuaya ipan motiopa cati tatzejtzeloltic!
\q1 ¡Ta techmacas hueyi paquilisti huan nochi cati cuali cati onca nopona!
\q1
\v 5 Quema timitztajtaníaj se tamanti,
\q1 ta technanquilía ica huejhueyi tamanti.
\q1 Toteco Dios, nochi masehualme ipan taltipacti motemachíaj ipan ta.
\q1 Quena, masque itztoque hasta campa ontantoc hueyi at,
\q1 nochi motemachíaj para ta tiquinpalehuis.
\q1
\v 6 Ta ica mohueyi chicahualis tiquinchijchijqui nopa tepeme huan tiquintatzquilti campa eltoque.
\q1
\v 7 Ta tijtacahualtía nopa hueyi at quema mosisinía.
\q1 Huan tiquinyoltalía masehualme campa hueli quema quinequij motehuise.
\q1
\v 8 ¡Yeca nochi masehualme cati itztoque hasta campa ontantoc taltipacti,
\q1 mitztepanitaj huan mitzimacasij para mitzixpanose quema quiitaj nopa huejhueyi tamanti cati tijchihua!
\q1 Tijchihua para masehualme ma paquica ten quema tanesi huan hasta quema tayohuiya.
\q1
\v 9 Ta ticatequía ni taltipacti para ma taelilti.
\q1 Nopa hueyame cati ta moaxca amo quema huaquij.
\q1 Ta tijcualtalía ni tali para momasehualhua ma quitocaca inixinach,
\q1 huan teipa tijchihua para ma onca se hueyi pixquisti.
\q1
\v 10 Ta tijxolonía ica miyac at nopa surcos ipan mila.
\q1 Tijchihua ma huetzi at para ma yamaniya nopa tali huan ma poxoni nopa taltojtolomit.
\q1 Huan tijchihua para ma ixhua nochi tamanti tatocti ipan nochi taltipacti.
\q1
\v 11 Teipa sese xihuit tijtamiltía ica se pixquisti cati nelía cuajcualtzi.
\q1 Huan nopa mixti tijchihua ma quihuetzilti miyac at.
\q1
\v 12 Onca sacat ipan huactoc tali,
\q1 huan campa taixtemolis moscaltíaj cuajcuali xihuit,
\q1 huan temacaj inixochiyo.
\q1 Nesi quej moscaltíaj ica miyac paquilisti.
\q1
\v 13 Ta tijchijtoc para nochi potreros ma temica ica borregojme para quicuase nopa sacat.
\q1 Huan ipan nochi nopa tamayamit motanantoc trigo mili.
\q1 Eltoc quej nochi cati ta tijchijtoc ipan taltipacti tzajtzij ica paquilisti huan huicaj.
\c 66
\s1 Se huicat para quitascamatis Toteco
\q1
\v 1 ¡Nochi anmasehualme ipan taltipacti,
\q1 xihuicaca ica paquilisti para Toteco Dios!
\q1
\v 2 ¡Xihuicaca tiohuicat cati tepohuilía para tahuel hueyi ya!
\q1 ¡Xijhueyimatica por nochi cati quichijtoc!
\q1
\v 3 Xiquilhuica Toteco Dios:
\q1 “¡Nelía cuajcualtzi huan temajmati nochi cati tijchijtoc!
\q1 ¡Tahuel hueyi mochicahualis!
\q1 Yeca nochi mocualancaitacahua motemactilíaj ica ta pampa tahuel temajmati cati tijchihua.
\q1
\v 4 Nochi masehualme ipan taltipacti mitzhueyichihuase.
\q1 Inijuanti huicase para mitzhueyimatise,
\q1 huan tepohuilise ten mohueyitilis.”
\q1
\v 5 Xihualaca huan xiquitaquij nochi nopa huejhueyi tamanti cati Toteco Dios quichijtoc.
\q1 ¡Quinchihuilijtoc masehualme huejhueyi tiochicahualnescayot!
\q1
\v 6 Quihuatzqui nopa at huan tatajco nopa hueyi at quitapo se ojti huactoc campa panoque tohuejcapan tatahua.
\q1 ¡Nochi israelitame quipixque se hueyi paquilisti ipan nopa tonali!
\q1
\v 7 Toteco ica ichicahualis tanahuatía para nochipa.
\q1 Yaya quitachilía sesen tamanti cati masehualme quichihuaj ipan nochi talme ipan taltipacti.
\q1 Cati amo quitepanitaj huan cati mohueyimatij,
\q1 yaya quinechcapantalis.
\q1
\v 8 Nochi anmasehualme xijtascamatica Toteco Dios huan xijhueyimatica,
\q1 por nochi cati quichijtoc,
\q1
\v 9 pampa sesen ten tojuanti tonemilis eltoc imaco.
\q1 Quena, yaya techmocuitahuijtoc huan techyacantoc xitahuac ipan toojhui.
\b
\q1
\v 10 Pampa ta, tiToteco Dios, techyejyecojtoc huan techtapajpacchijtoc,
\q1 quej nopa tepos plata cati quimoloníaj ipan tit cati tahuel totonic,
\q1 para san mocahuas cati senquisa cuali.
\q1
\v 11 Ta techmasilti ipan momata huan tijtali tocuitapa tamamali cati tahuel etic.
\q1
\v 12 Tijchijqui para nopa masehualme ten sequinoc talme ma moquejquetzaca topani ica cahuayojme.
\q1 Tipanoque ipan at huan ipan tit.
\q1 Pero ama techtiochijtoc huan techmacatoc nochi cati cuali.
\q1
\v 13 Ama nihualajtoc ipan motiopa para nimitzmacas tacajcahualisti tatatili.
\q1 Huan quej nopa nijtamichihuas cati nimitztajtolcahuilijtoc para nijchihuas.
\q1
\v 14 Pampa quema niitztoya ipan taohuijcayot, nimitztajtolcahuili ica nocamac,
\q1 para nimitzmacas miyac tacajcahualisti.
\q1
\v 15 Yeca ama nimitzhualiquilía ni oquich borregojme, chivojme huan becerros cati tomahuaque.
\q1 Huan ininpocyo tejcos hasta ajsis moixpa.
\b
\q1
\v 16 Nochi amojuanti cati anquitepanitaj Toteco Dios huan anquiimacasij anquiixpanose,
\q1 xihualaca xijtacaquiliquij,
\q1 huan nimechpohuilis nochi cati yaya nechchihuilijtoc.
\q1
\v 17 Chicahuac na nijtzajtzili para ma nechpalehui,
\q1 huan quema nijcamanalhuiyaya, nijhueyimatiyaya.
\q1
\v 18 Pero sinta na nijpiyasquía tajtacoli ipan noyolo,
\q1 huajca amo nechtacaquilijtosquía.
\q1
\v 19 Pero pampa niquilhui Toteco Dios ma nechtapojpolhui,
\q1 yaya nechtacaquili huan quichijqui cati niquilhui.
\q1
\v 20 Xijpaquilismacaca Toteco Dios,
\q1 pampa yaya nechtacaquili huan amo quihuejcamajcajqui nocamanal quema nimotatajti.
\q1 Nechtasojtac huan nechicneli.
\c 67
\s1 Se huicat para quitascamatis Toteco
\q1
\v 1 Toteco Dios, xijpiya hueyi moyolo ica tojuanti huan techtiochihua.
\q1 Ma petani moxayac pampa tipaqui ica tojuanti quema techhualtachilía hasta ten nepa ilhuicac.
\q1
\v 2 Nochi masehualme ipan taltipacti ma quiixmatica moojhui.
\q1 Masehualme ipan nochi talme ma quimatica para ta titemaquixtía.
\q1
\v 3 NoTeco Dios, ma mitzpaquilismacaca nochi masehualme ipan taltipacti.
\q1 Quena, nochi masehualme ma mitzhueyimatica.
\q1
\v 4 ¡Ma paquica nochi masehualme ipan nochi talme huan ma huicaca pampa ta, tiinintanahuatijca!
\q1 Ta tiquintajtolsencahuas quej quinamiqui,
\q1 huan nochi talme tiquinyacanas xitahuac.
\q1
\v 5 ¡NoTeco Dios, ma mitzpaquilismacaca nochi ipan taltipacti!
\q1 ¡Quena, nochi masehualme ma mitzhueyimatica!
\q1
\v 6 Ni tali temacatoc miyac pixquisti, pampa ta, Toteco Dios,
\q1 cati titoDios tojuanti, tahuel techtiochijtoc.
\q1
\v 7 Quena, noja más techtiochihuas, Toteco Dios,
\q1 huan masehualme campa hueli ipan ni taltipacti mitztepanitase huan mitzimacasise mitzixpanose.
\c 68
\s1 Toteco Dios tatantoc
\q1
\v 1 ¡Ximotanana, Toteco Dios, huan xiquinsemana nochi mocualancaitacahua!
\q1 Xiquinchihua ma choloca moixpa nochi cati amo quinequij mitzitase.
\q1
\v 2 Xiquinixpolo quej pocti ixpolihui ipan ajacat.
\q1 Xiquintamilti quej nopa cantela cati atiya ipan tit.
\q1 Quej nopa ma ininpanti moixpa nochi amo cuajcualme.
\b
\q1
\v 3 Pero nochi masehualme cati itztoque xitahuaque ma paquica iixpa Toteco Dios huan ma huitonica ica paquilisti.
\q1
\v 4 Xijhuicatica Toteco huan xijpaquilismacaca.
\q1 Xijhueyitalica yaya cati nejnemi iixco mixti,
\q1 yaya cati itoca TOTECO.
\q1 Xipaquica miyac iixpa ya.
\q1
\v 5 Toteco Dios yaya inintata cati icnotzitzi.
\q1 Yaya quinchihuilía cati xitahuac nopa sihuame icnotzitzi,
\q1 pampa yaya tatzejtzeloltic.
\q1
\v 6 Toteco Dios quinmaca se familia cati itztoque iniselti.
\q1 Huan quinchololtía cati quintzactoque.
\q1 Pero cati motepanitaj quintitanilía mayanti huan taijyohuilisti.
\b
\q1
\v 7 NoTeco Dios, quema tiquinyacantiyajqui momasehualhua ten tali Egipto
\q1 huan tiquinhuicac ipan nopa huactoc tali,
\q1
\v 8 nopa tali mohuiso huan huetzqui at ten ilhuicacti moixpa.
\q1 Nopa tepet Sinaí mohuiso moixpa ta cati titoTeco tiisraelitame.
\q1
\v 9 Toteco Dios, ta tijchijqui ma huetzi miyac at ipan ni tali cati tiquinmacac momasehualhua.
\q1 Quena, ica nopa at tiquinfuerzajmacac cati moaxcahua quema tahuel siyajtoyaj.
\q1
\v 10 Yeca momasehualhua mocajque nica ipan ni tali.
\q1 Huan ta ica motaicnelijcayo tiquinmacac nopa teicneltzitzi nochi cati monequiyaya para ica mopanoltise.
\b
\q1
\v 11 Toteco quiijto para ya tatantoya,
\q1 huan miyac masehualme tzajtzique chicahuac para tepohuilise ten panotoc.
\q1 Quiijtojque:
\q1
\v 12 “Cholojtejque nopa soldados cati hualajtoyaj para techtzontamiltise.”
\q1 Quena, ama nopa israelita sihuame momajmacaj nochi tamanti cati quicajtejque nopa soldados.
\q1
\v 13 Xiquitaca, masque quinmocuitahuiyayaj borregojme,
\q1 ama nopa sihuame hasta petanij ica oro huan plata.
\q1 Nochi inintacayo quitamitzactoque ica tamantzitzi cati cuajcualtzitzi quej se paloma quitamitzacua itacayo ica ieltapal.
\q1
\v 14 Toteco Dios Cati Quipiya Nochi Chicahualisti quinsemanqui icualancaitacahua quej nopa tasesecayot cati huetzi ipan tepet Salmón.
\q1
\v 15 Nochi nopa tepeme cati huejcapantique cati mopantíaj ipan tali Basán iaxcahua Toteco huan nelía cuajcualtzi inintzonatipa,
\q1
\v 16 pero ma amo mochicoitaca ica nopa Tepet Sion cati TOTECO quitapejpenijtoc para ipan itztos para nochipa.
\q1
\v 17 Toteco Dios quisqui ipan tepet Sinaí ica millones icuacarrojhua huan iilhuica ejcahua.
\q1 Yaya yajqui ipan itiopa cati tatzejtzeloltic ipan tepet Sion.
\q1
\v 18 Quema Toteco tejcoc ilhuicac campa más huejcapa,
\q1 quichihuayaya quej se tatanquet cati mocuepa ipan se tatehuilisti,
\q1 huan quinhuicac ilpitoque nopa masehualme cati quintantoya para iaxcahua.
\q1 Huan nopa tonali Toteco quiseli nemacti ten nochi masehualme,
\q1 hasta nojquiya ten masehualme cati amo quinequiyayaj quitepanitase.
\q1 Huan ama TOTECO temachti itztos ica tojuanti.
\q1
\v 19 Ma tijpaquilismacaca Toteco,
\q1 pampa yaya mojmosta techmaca itatiochihualis.
\q1 Yaya Toteco cati techpalehuía huan techmaquixtía.
\q1
\v 20 Toteco Dios, yaya cati techchololtía inimaco tocualancaitacahua.
\q1 Huan yaya Toteco cati techmanahuía para amo timiquise.
\q1
\v 21 Temachti Toteco quintzontamiltis nochi icualancaitacahua,
\q1 pampa inijuanti tahuel yoltetique huan amo quinequij quicahuase inintajtacolhua.
\q1
\v 22 Toteco quinilhuijtoc imasehualhua:
\q1 “Na niquinhualicas nochi amocualancaitacahua.
\q1 Niquincuiti masque motatijtose ipan nopa huejcapantic tepet cati itoca Basán,
\q1 o masque motatijtose hasta tatzinta ten nopa hueyi at.
\q1
\v 23 Niquinhualicas pampa monequi nochi anquintzontamiltise.
\q1 Inieso quixolonise amoicxihua huan amochichihua quipipitzose.”
\b
\q1
\v 24 NoTeco Dios, tinotanahuatijca,
\q1 niquinita miyac masehualme mitztoquilíaj para yase ipan motiopa.
\q1
\v 25 Inijuanti cati huicaj tayacantiyahuij.
\q1 Tatajco yahuij nopa ichpocame cati quitzilinijtiyahuij panderos.
\q1 Tatepotzco yahuij cati tatzotzonaj.
\q1
\v 26 Huan quej ni huicaj:
\q1 “Nochi anisraelitame, xijhueyimatica Toteco Dios.
\q1 Xijpaquilismacaca Toteco cati techmacatoc nemilisti nochi tojuanti.”
\q1
\v 27 Tayacantiyahuij iixhuihua Benjamín.
\q1 Huan tatepotzco hualahuij nopa tayacanani huan huehue tacame ten iixhuihua Judá,
\q1 huan nopa tayacanani cati iixhuihua Zabulón huan Neftalí.
\q1
\v 28 Toteco Dios, ica mohueyi chicahualis xijchihua nochi cati techilhuijtoc.
\q1 Quena, xijnexti mohueyi chicahualis para sequinoc ma quiitaca nopa huejhueyi tamanti cati ta techchihuilijtoc.
\q1
\v 29 Nopa tanahuatiani ten nochi talme quihualicaj iniofrendas ipan motiopa cati eltoc ipan altepet Jerusalén.
\q1
\v 30 Toteco Dios, xiquinajhua tocualancaitacahua.
\q1 Xiquinechcapantali nopa tacame cati mosisiníaj quej torojme,
\q1 huan xiquinchihua ma motemactilica ica ta.
\q1 Ma mitzhualiquilica inintepos plata quej se nemacti.
\q1 Xiquinsemana nopa mosisinijca masehualme cati tahuel quinpactía tatehuise.
\q1
\v 31 Nopa Egipto ehuani quinhualicase inintelpocahua huan nochi tamanti ininteposhua cati cuajcualtzitzi huan pajpatiyo.
\q1 Huan nopa Etiopía ehuani momatananase moixpa para mitzhueyichihuase.
\b
\q1
\v 32 Nochi antanahuatiani ipan nochi ni taltipacti,
\q1 xijhuicatica Toteco Dios.
\q1 Xihuicaca huan xijpaquilismacaca Toteco.
\q1
\v 33 Yaya cati nentinemi ipan nopa ilhuicacti cati hasta huejcajquiya eltoc.
\q1 Xijcaquica itoscac cati chicahuac caquisti quej quema tatomoni.
\q1
\v 34 Xiquinpohuilica nochi masehualme quenicatza hueyi ichicahualis Toteco Dios.
\q1 Huan itatanex ajsi ipan nochi israelitame.
\q1 Quena, nelía tahuel hueyi ichicahualis nepa ilhuicac.
\b
\q1
\v 35 Ma tijhueyitepanitaca Toteco Dios pampa temajmati ihueyitilis nopona ipan itiopa.
\q1 ToDios tiisraelitame quinmaca tetili huan chicahualisti nochi imasehualhua.
\q1 ¡Ma tijpaquilismacaca Toteco Dios!
\c 69
\s1 David quinotza Toteco ma quipalehuiqui
\q1
\v 1 NoTeco Dios, techmaquixti,
\q1 pampa ni taohuijcayot tahuel mochijtoc hueyi hasta nijmachilía nimiquis.
\q1 Eltoc quej at cati nechatzonpolihuiltisnequi,
\q1 huan ya ajsic hasta noquechta.
\q1
\v 2 Eltoc quej nimasitoc ipan soquit cati huejcata huan amo hueli niquisa.
\q1 O quej nechyahualosquía tahuel miyac at huan huejcata.
\q1
\v 3 Tahuel nichocatoc hasta nisiyajtoc.
\q1 Nimitztzajtzilijtoc, Toteco Dios, hasta nechcocohua noquechta huan ayecmo hueli nicamanalti.
\q1 Nochi noixteyol semajtoc ica choquisti.
\q1 Ya niixcuatic pampa campa hueli nitachixtoc para niquitas sinta tihuala, Toteco Dios, para techpalehuis.
\q1
\v 4 Tahuel miyaqui nopa masehualme cati nechcualancaitaj masque amo teno niquinchihuilijtoc.
\q1 Nelía quipiyaj miyac chicahualisti nocualancaitacahua cati quinequij nechmictise.
\q1 Pero na amo niquinixpanotoc.
\q1 Quinequij nechtatzacuiltise ica se tamanti cati amo nijchijtoc.
\q1
\v 5 NoTeco Dios, ta tijmati para nelía nihuihuitic,
\q1 huan tiquixmati nochi notajtacolhua.
\q1
\v 6 TOTECO, ta tiDios Cati Tijpiya Nochi Chicahualisti,
\q1 amo xiquincahuili ma huetzica ipan tajtacoli por na notajtacol,
\q1 nopa masehualme cati motemachíaj ipan ta.
\q1 Ta cati titoTeco tiisraelitame,
\q1 amo xiquincahuili ma pinahuaca sequinoc israelitame ica cati nijchijtoc na.
\q1
\v 7 Pampa nimitzicnelía, niquijyohuijtoc pinahualisti,
\q1 huan nechhuetzquilijtoque hasta amo nijmatqui taya nijchihuas.
\q1
\v 8 Hasta noicnihua nechchihuaj quej amo nechixmatij huan nechitaj,
\q1 quej elisquía niehua ipan niseyoc altepet.
\q1
\v 9 Quena, niquicnelía motiopa ica nochi noyolo hasta nimotemaca nimiquis por ya.
\q1 Huan cati mitztaijilhuíaj ta,
\q1 nojquiya nechtaijilhuíaj na pampa nimitztequipanohua.
\q1
\v 10 ¡Quena, tahuel nechhuetzquilíaj huan nechpinajtíaj,
\q1 quema nichoca huan nimosahua iixpa Toteco!
\q1
\v 11 ¡Tahuel fiero camanaltij ten na quema nimoquentía yoyomit cati sosoltic para nijnextis nimotequipachohua por notajtacolhua!
\q1
\v 12 Nopa tayacanca tequichihuani cati mosehuíaj campa icalte nopa altepet,
\q1 noca motahuetzquiltíaj.
\q1 Huan nopa ihuintini noca huicatinemij.
\q1
\v 13 Pero TOTECO na nijsenhuiquilía nimitztemohua huan nimotatajtía ipan ta,
\q1 pampa nijmati ajsis tonali para techtacaquilis.
\q1 Toteco Dios, ica mohueyi taicnelilis technanquili,
\q1 pampa ta nochipa techicnelijtoc.
\q1 Huajca technanquili quema nimotatajtía huan techmanahui.
\q1
\v 14 Techquixti ten ni soquit cati huejcata campa nimasitoc.
\q1 Amo techcahuili para niatzonpolihuis.
\q1 Techmanahui inimaco cati nechcualancaitaj.
\q1 Techquixti ten ni hueyi at cati nechyahualojtoc.
\q1
\v 15 Amo xijcahuili ma nechtaijyohuilti ni hueyat,
\q1 yon amo xijcahuili nopa at ma nechtolo.
\q1 Techmanahui para amo nimasis ipan nopa ostot cati tahuel huejcata.
\q1
\v 16 TOTECO, technanquili quema nimitztzajtzilía pampa ta nelía ticuali.
\q1 Ta techicnelía miyac huan tijpiya hueyi moyolo ica na.
\q1
\v 17 ¡Amo ximotati quema nimitztemohua pampa tahuel nitaijyohuía!
\q1 Ximoisihuilti, xihuala huan techmaquixtiqui.
\q1
\v 18 Xihuala, noTeco Dios huan techmanahuiqui.
\q1 Techmaquixti inimaco nocualancaitacahua.
\q1
\v 19 Ta tijmati quenicatza camanaltij fiero ten na huan quenicatza nechpinahualtijtoque.
\q1 Quichijtoque para ayecmo aqui ma nechtepanita.
\q1 Ta tiquinixmati nochi nocualancaitacahua huan tijmati taya quiijtojtoque sese inijuanti.
\q1
\v 20 Inijuanti tahuel nechyolcocojtoque huan nechtequipacholmacatoque.
\q1 Nijtemojtoc ajquiya nechtasojtasquía huan nechyoltalisquía,
\q1 pero yon se amo nijpanti.
\q1
\v 21 Quema nimayanayaya nechmacaque pajti cati temictía para ma nijcua.
\q1 Huan quema niamiquiyaya nechmacaque ma niqui vinagre.
\q1
\v 22 Nopa paquilisti cati inijuanti quipiyaj ma mocuepa tequipacholi.
\q1 Huan nopa tasehuilisti cati quipiyaj ica inihuampoyohua,
\q1 ma mocuepa cualancayot.
\q1
\v 23 Ma huala ininpani tzintayohuilot huan ma huihuipicaca, ma ayecmo quipiyaca más fuerza.
\q1 Ma elica popoyotzitzi huan ma tami nochi ininchicahualis.
\q1
\v 24 Xiquinnextili mohueyi cualancayo huan xiquintzontamilti.
\q1
\v 25 Inintequicalhua ma mocahua sosoltic,
\q1 huan ipan ininchajchaj ma tatzitzicato.
\q1 Ayecmo aqui ma itzto.
\q1
\v 26 Pampa inijuanti más quitaijyohuiltíaj cati ta tijcocojtoc,
\q1 huan quipinajtíaj cati ta tijtequipacholmacatoc.
\q1
\v 27 Xiquijcuilo nochi inintajtacolhua huan amo xiquintapojpolhui.
\q1
\v 28 ¡Xiquixpolo inintoca ipan moama campa eltoc inintoca inijuanti cati yoltoque!
\q1 ¡Ma amo quipiyaca tasehuilisti quej quipiyaj nopa masehualme cati itztoque xitahuaque moixpa!
\q1
\v 29 Pero na cati nitaijyohuía huan niteicneltzi,
\q1 techmaquixti huan techtanana.
\q1 Quena, Toteco Dios, techtali campa ta tiquitas quinamiqui.
\b
\q1
\v 30 Huan huajca nihuicas huan nijpaquilismacas Toteco Dios.
\q1 Quena, nijhueyimatis huan nijtascamatis.
\q1
\v 31 Huan TOTECO achi más quipactis ya nopa,
\q1 huan amo quej sinta nijmacasquía se toro o se becerro cati tacuacuajhuía huan quipiya iistihua.
\q1
\v 32 Inijuanti cati teicneltzitzi quiitase Toteco Dios quema quinmacas itapalehuil,
\q1 huan yeca tahuel paquise.
\q1 Huan nochi cati quitemohuaj Toteco Dios itztose ica paquilisti.
\q1
\v 33 Pampa TOTECO quintacaquilía cati teicneltzitzi,
\q1 huan amo quintahuelcahua inijuanti cati itztoque ipan tatzacti.
\q1
\v 34 ¡Xijpaquilismacaca TOTECO nochi amojuanti cati anitztoque ipan ilhuicacti huan taltipacti!
\q1 ¡Ma quihueyichihuaca nochi cati itztoque ipan hueyi at!
\q1
\v 35 Pampa Toteco Dios quimaquixtis ialtepe, Jerusalén,
\q1 huan sempa quincualtalis nopa altepeme ipan tali Judá.
\q1 Huan imasehualhua mochantise nopona huan moaxcatise nopa tali.
\q1
\v 36 Huan teipa ininconehua nojquiya moaxcatise nopa tali.
\q1 Huan nochi cati quitequipanohuaj huan quiicnelíaj Toteco itztose nopona temachme.
\c 70
\s1 Se netatajtili para Toteco ma quipalehuiqui
\q1
\v 1 ¡NoTeco Dios, xihuala techmanahuiqui inimaco nocualancaitacahua!
\q1 ¡Quena, ximoisihuilti, Toteco Dios!
\q1 ¡Xihuala techpalehuiqui!
\q1
\v 2 Inijuanti nentinemij notepotzco huan paquij quema nechtaijyohuiltíaj.
\q1 Yeca nimitztajtanía xiquinpinahualti,
\q1 huan xiquincuepalti para ayecmo ma nechchihuilica cati amo cuali.
\q1
\v 3 Xiquincuepa ica pinahualisti huan ayecmo xiquincahuili ma nechpinajtica.
\q1
\v 4 Pero nochi masehualme cati mitztemohuaj,
\q1 xiquinmaca miyac paquilisti.
\q1 Nochi cati paquij pampa tiquinmaquixtijtoc, ma quiijtoca:
\q1 “Ma tijhueyitalica Toteco Dios.”
\q1
\v 5 Pero na cati tahuel nitaijyohuía,
\q1 nimitztajtanía xihuala nimantzi huan techmanahuiqui,
\q1 pampa san ta hueli techpalehuis huan techmaquixtis.
\q1 ¡NoTeco Dios, amo xihuejcahua!
\c 71
\s1 Netatajtili ten se huehue tacat cati itztoc xitahuac iixpa Toteco
\q1
\v 1 ¡TOTECO, na san ipan ta nimotemachijtoc!
\q1 ¡Amo quema techpinahualti!
\q1
\v 2 ¡Techmanahui ten nocualancaitacahua,
\q1 pampa ta tixitahuac!
\q1 ¡Techchololti inimaco!
\q1 Ximohuijtzoma quentzi para techtacaquilis huan techmaquixti.
\q1
\v 3 Nochipa san nimotatijtoc huan nimotemachijtoc ipan ta para amo nechajsise nocualancaitacahua.
\q1 Nijmati para ta titanahuatijtoc ma nechmaquixtica pampa san ipan ta huelis nimomanahuis.
\q1
\v 4 NoTeco Dios, techmanahui inimaco ni mosisinijca tacame huan temictiani.
\q1
\v 5 TOTECO, ta cati titoTeco, san ipan ta nimotatzquilijtoc,
\q1 huan san ipan ta nimotemachijtoc hasta ten quema niconetzi.
\q1 Huan quej nopa nitelpocatixqui.
\q1
\v 6 Ta nochipa tiitztoc nohuaya hasta quema noja niitztoya iijtico nonana.
\q1 Quena, ten iijtico nonana ta techquixti huan nochipa techpalehuijtoc.
\q1 ¡Yeca tahuel nijnequi nimitzpaquilismacas para nochipa!
\q1
\v 7 Miyac san nechtachilíaj pampa quiitaj quenicatza techmocuitahuía.
\q1
\v 8 Semilhuit nimitzpaquilismacas huan nimitzhueyimatis por nochi cati techchihuilijtoc.
\q1
\v 9 Amo techtahuelcahua ama quema ya nihuehuentzi huan ayecmo nijpiya fuerza.
\q1
\v 10 Pampa nocualancaitacahua nechejelnamiquij,
\q1 huan san sejco mosentilijque inihuaya sequinoc cati quinequij nechmictise.
\q1
\v 11 Huan quiijtohuaj:
\q1 “¡Ma tijtepotztocaca para tiquitzquise pampa iDios ya quitahuelcajtoc,
\q1 huan amo aqui huelis quimanahuis!”
\q1
\v 12 ¡Toteco Dios, amo ximohuejcachihua ten na!
\q1 ¡NoTeco, xihuala nimantzi techpalehuiqui!
\q1
\v 13 Xiquinpinahualti huan xiquintzontamilti nopa nocualancaitacahua cati quinequij nechchihuilise cati fiero.
\q1 Quena, ma ayecmo quimatica taya quichihuase.
\q1
\v 14 Pero na más nimotemachis ipan ta para techpalehuis.
\q1 Huan noja más nimitzpaquilismacas.
\q1
\v 15 Nochi masehualme niquinilhuis para san ta ticuali huan niquinpohuilis quenicatza techmanahuijtoc,
\q1 huan techmocuitahuijtoc mojmosta.
\q1 Amo hueli nijpohuas quesqui huelta techmanahuijtoc ica cati amo cuali pampa tahuel miyac.
\q1
\v 16 Nochi tonali ninejnemi ica nopa chicahualisti cati techmaca, TOTECO, ta cati tinoDios.
\q1 Huan nochi masehualme niquinilhuía para san ta tixitahuac huan ticuali.
\q1
\v 17 ¡Toteco Dios, ta techpalehuijtoc hasta quema noja nieliyaya niconetzi!
\q1 Hasta ama noja niquinpohuilijtinemi sequinoc ten nopa huejhueyi tamanti cati tijchijtoc.
\q1
\v 18 ¡Toteco Dios, ama quema ya nihuehuentzi huan nitzonchipahuac,
\q1 amo techtahuelcahua!
\q1 Noja techmaca nemilisti para niquinpohuilis ten mohueyi chicahualis ni masehualme cati itztoque ama huan cati teipa tacatise.
\q1
\v 19 Toteco Dios, mochicahualis huan cati xitahuac tijchihua onajsi hasta ilhuicac.
\q1 Ta tijchijtoc huejhueyi tamanti.
\q1 Amo onca seyoc Dios quej ta.
\q1
\v 20 Ta techcahuilijtoc ma nijpano huejhueyi taohuijcayot huan tequipacholi.
\q1 Pero nijmati para teipa, sempa techtananas ten campa nopa ostot,
\q1 huan tijchihuas ma nimoyolcui.
\q1 Huan sempa nijpiyas nemilisti.
\q1
\v 21 Huan huajca achi más techhueyitalis huan sempa techyoltalis.
\q1
\v 22 Huan na nimitzpaquilismacas ica tatzotzonali ten arpa huan guitarra.
\q1 NoTeco Dios, nihuicas tiohuicat cati tepohuilía para tijchihua nochi cati tiquijtohua.
\q1 Ta titoTeco tiisraelitame huan titatzejtzeloltic huan nelía titemachti.
\q1
\v 23 Ica paquilisti nitzajtzis huan nihuicas para niteilhuis quenicatza techmaquixtijtoc.
\q1
\v 24 Semilhuit nitepohuilis para ta tijchihua cati xitahuac,
\q1 pampa nochi cati quinequiyayaj nechmictise tiquinpinahualti huan tiquinechcapantali.
\c 72
\s1 Itanahuatilis nopa tanahuatijquet cati itztoc xitahuac iixpa Toteco
\q1
\v 1 NoTeco Dios, techmaca motamachtil huan techpalehui na cati nitanahuatijquet,
\q1 para ma nitetajtolsencahua xitahuac quej ta titetajtolsencahua.
\q1 Huan xijpalehui nocone para ma monejnemilti xitahuac teipa.
\q1
\v 2 Xijpalehui para quintajtolsencahuas xitahuac nochi momasehualhua,
\q1 huan cati teicneltzitzi nojquiya.
\q1
\v 3 Xijchihua para nochi ipan ni tali ma paquica pampa nopa tanahuatijquet quichihua cati xitahuac,
\q1 hasta eltoc quej nochi cuame cati onca ipan tepeme huan ipan tachiquilme nojquiya paquij huan temacaj cuali inintajca.
\q1
\v 4 Yaya quinmanahuis cati itztoque ipan tequipacholi huan cati amo teno quipiyaj.
\q1 Nojquiya ma quintatzacuilti nopa masehualme cati tetaijyohuiltíaj.
\q1
\v 5 Huan cati teicneltzitzi huan amo teno quipiyaj mitzimacasise mitzixpanose nochi tonali quema noja eltos tonati huan metzti.
\q1 ¡Quena, ma mitzhueyimatica para nochipa!
\q1
\v 6 Huan nochi altepeme ipan itanahuatilis nocone ma eli cuajcualtzi huan temachti,
\q1 quej nopa at cati huetzi para ma chamanica cuame,
\q1 o quej nopa ajhuechti cati quixolonía nopa tali.
\q1
\v 7 Huan nochi masehualme cati itztoque xitahuaque huan cuajcualme,
\q1 ma itztoca ica cuajcualtzi quema yaya tanahuatis.
\q1 Quema yaya tanahuatis, oncas miyac tasehuilisti hasta itamiya tonali.
\q1
\v 8 Itanahuatilis nocone ma ajsi hasta campa pehua huan hasta campa ontami nopa hueyi at.
\q1 Ma ajsi ten campa nopa hueyi at Eufrates hasta campa ontantoc taltipacti.
\q1
\v 9 Nochi masehualme cati itztose ipan huactoc tali mohuijtzomase iixpa,
\q1 huan icualancaitacahua motancuaquetzase iixpa hasta quipipitzose taltepocti.
\q1
\v 10 Nochi nopa tanahuatiani cati itztoque itejteno nopa hueyi at cati itoca Mediterráneo,
\q1 huan nopa tanahuatiani ten tali Tarsis huan nopa tanahuatiani ten tali Sabá huan Seba quihualiquilise miyac nemacti.
\q1
\v 11 ¡Quena, nochi tanahuatiani ten campa hueli talme quitamajmacase!
\q1 ¡Huan nochi inijuanti motancuaquetzase iixpa huan quitequipanose!
\q1
\v 12 Yaya quinmanahuis nopa teicneltzitzi huan cati amo teno quipiyaj quema quitajtanise tapalehuili.
\q1 Pampa inijuanti amo quipiyaj ajquiya quinpalehuis.
\q1
\v 13 Yaya quintasojtas cati amo quipiyaj chicahualisti huan cati teicneltzitzi,
\q1 huan quinmanahuis.
\q1
\v 14 Quinmanahuis para amo quintaijyohuiltise huan para amo quintehuise.
\q1 Pampa quiitas para ininemilis tahuel miyac ipati iixpa.
\q1
\v 15 Huan quema noja itztos nopa tanahuatijquet,
\q1 quimacase miyac oro cati onca ipan tali Sabá.
\q1 Huan imasehualhua quisenhuiquilijtose motatajtijtose ica Toteco huan mojmosta quitascamatise.
\q1
\v 16 Ma oncas miyac trigo ipan nochi nopa tali,
\q1 huan hasta nopa cuame cati onca ipan tepeme ma temacase inintajca quej temacaj nopa cuame cati onca ipan tali Líbano.
\q1 Huan ma onca miyac masehualme ipan altepeme,
\q1 quej imiyaca nopa xihuime cati onca ipan cuatitamit.
\q1
\v 17 Nochi ma quihueyimatica nopa tanahuatijquet para nochipa,
\q1 huan itequiticayo ma huejcahua quej huejcahuas tonati.
\q1 Nochi ma quiselica tatiochihualisti por ya.
\q1 Huan masehualme ipan nochi talme ma quipaquilismacaca,
\q1 huan ma quiijtoca para Toteco quintiochijtoc.
\q1
\v 18 Ma tijhueyichihuaca TOTECO Dios cati toDios tiisraelitame,
\q1 pampa san yaya hueli quichihua huejhueyi tamanti.
\q1
\v 19 Nochipa ma tijpaquilismacaca Toteco.
\q1 ¡Nochi taltipacti ma temi ica ihueyitilis!
\q1 ¡Quej nopa ma eli!
\q1
\v 20 Nica tami motatajtía David, icone Isaí.
\c 73
\s1 Itaicnelijcayo Toteco Dios
\q1
\v 1 Toteco Dios nelía cuali iyolo ica israelitame.
\q1 Quena, quinicnelía nochi cati quipiyaj tapajpactic iniyolo.
\q1
\v 2 San quentzi polihuiyaya para nihuetztosquía.
\q1 Noicxi moxitaniyaya huan nechcatitoya para nimomimilos tepexitipa.
\q1
\v 3 Quej nopa nielqui pampa amo niquijyohui para amo niquixtocas quema niquitac quenicatza tapijpiyayayaj nopa masehualme cati mohueyimatij huan cati taixpanoj.
\q1
\v 4 Itztoque cuali ipan nochi ininemilis,
\q1 huan amo mococohuaj.
\q1
\v 5 Amo quinajsi taohuijcayot yon tequipacholi,
\q1 quej sequinoc quipiyaj.
\q1
\v 6 Yeca quema mohueyimatij, quiitaj para cuajcualtzi quej se costi cati tachijchihuali ica piltetzitzi cati pajpatiyo.
\q1 Huan quema quichihuaj cati amo cuali,
\q1 quiitaj quej iniyoyo cati cuajcualtzi.
\q1
\v 7 Nopa taixpanoca masehualme ya quijquisa iniixteyol pampa tahuel motomajtoque,
\q1 huan ya quipixtoque nochi cati iniyolo quinequi.
\q1
\v 8 Inijuanti san quihuetzquilíaj Toteco huan quintemajmajtíaj imasehualhua.
\q1 Mohueyimatij quema camanaltij.
\q1
\v 9 Fiero quitaijilhuíaj Toteco Dios cati itztoc ipan ilhuicacti.
\q1 Huan quintelchihuaj cati itztoque ipan ni taltipacti.
\q1
\v 10 Yeca Toteco Dios quinhualicas sempa nochi imasehualhua ipan ni inialtepe,
\q1 huan quipiyase miyac at nochi inijuanti.
\q1
\v 11 Huan quiijtose:
\q1 “¿Anmoilhuíaj Toteco quimatis taya onca?
\q1 ¿Anmoilhuíaj Yaya Cati Más Hueyi quichihuilía cuenta cati pano nica?”
\q1
\v 12 Xiquitaca, ni masehualme cati amo teno quineltocaj amo teno ininpati.
\q1 Quipiyaj se cuajcualtzi nemilisti huan talojtzitzi quimiyaquilíaj más inintomi.
\q1
\v 13 ¡Amo teno nechpalehuía para nijpiya noyolo tapajpacti,
\q1 huan san tapic nimocuatotonía para amo nijchihuas tajtacoli!
\q1
\v 14 Pampa nochi se tonali nechtatzacuiltíaj huan nechtaijyohuiltíaj sese ijnaloc.
\b
\q1
\v 15 Sinta nicamanaltitosquía quej inijuanti,
\q1 huajca niquincajcayajtosquía nochi momasehualhua.
\q1
\v 16 Quema nijnejqui nijmatis para ten itztoque cuali nopa masehualme cati quicualancaitaj Toteco,
\q1 elqui tahuel ohui para nijmachilis.
\b
\q1
\v 17 Pero se tonali nicalajqui ipan motiopa, Toteco Dios, para nimoyolilhuis ten nopa tamanti,
\q1 huan huajca nijmachili taya quinchiya.
\q1
\v 18 Tiquintalijtoc ipan se ojti cati tahuel alaxtic.
\q1 Quema tiquincuatopehuas,
\q1 huajca nimantzi huetzise ipan se hueyi ostot huan nopona tzontamise.
\q1
\v 19 Quena, ica se talojtzi tamis nochi ininpaquilis.
\q1 Huan itztose ipan majmajti para nochipa.
\q1
\v 20 ¡Nochi ininemilis eltoc quej se temicti!
\q1 Quena, quej quema se cochtoc huan isatiquisa,
\q1 Toteco, quej nopa quema timotananas huan tiquinhuejcamajcahuas.
\q1
\v 21 Quema niquitac ya ni,
\q1 nelía tahuel nicualanqui huan hasta nechcocohuayaya noyolo.
\q1
\v 22 Pampa niquitac para tahuel nihuihuitic nieltoya.
\q1 ¡Hasta ninesiyaya moixpa quej se nitapiyali cati amo quipiya italnamiquilis!
\q1
\v 23 Pero masque ya ni nopantic, nochipa niitztoc mohuaya ta, Toteco,
\q1 huan techitzquitoc ipan nomanejmat.
\q1
\v 24 Huan nijmati para motamachtil quisenhuiquilis nechyacanas ipan nochi nonemilis.
\q1 Huan teipa, quema nimiquis,
\q1 techselis nepa mochaj campa tacuajcualtzi.
\q1
\v 25 Amo aqui seyoc nijpiya nepa ilhuicac.
\q1 ¡San ta, tinoTeco Dios!
\q1 ¡Huan san ta nimitznequi ipan ni taltipacti huan amo aqui más!
\b
\q1
\v 26 Quemantica nimococohua huan nimotequipachohua.
\q1 ¡Pero Toteco Dios yaya mocahua para nochipa!
\q1 Yaya quifuerzajmaca noyolo huan san yaya noaxca para nochipa.
\q1
\v 27 Pero Toteco quintzontamiltis nochi cati amo quinequij quihueyichihuase.
\q1 Quena, yaya quintzontamiltía nochi cati quitahuelcahuaj.
\q1
\v 28 Pero na achi más nimonechcahuis campa Toteco Dios,
\q1 pampa ya nopa cati más cuali para na.
\q1 San ipan TOTECO nimotemachijtoc pampa yaya noTeco.
\q1 Huan niquinpohuilis nochi masehualme nochi nopa cuajcualtzi tamanti cati yaya nechchihuilía.
\c 74
\s1 Ma tijtemoca Toteco quema tocualancaitacahua techtatzacuiltíaj
\q1
\v 1 Toteco Dios, ¿para ten techtahuelcajtoc para nochipa?
\q1 ¿Para ten tahuel ticualani ica tojuanti cati tiitztoque quej timopilborregojhua?
\q1
\v 2 Xiquelnamiqui para tojuanti timomasehualhua cati timocohui huejcajquiya quema titetequipanohuayayaj san tapic.
\q1 Quena, techtapejpeni para techchihuas timoaxcahua.
\q1 Nojquiya tijtapejpeni nopa altepet Jerusalén para tijchihuas quej elisquía mochaj ipan ni taltipacti.
\q1
\v 3 Xihuala xiquitaqui quenicatza quitamisosolojtoque nopa altepet,
\q1 huan xijtachili quenicatza tocualancaitacahua quisosolojtoque motiopa.
\q1
\v 4 Nopona tzajtzique mocualancaitacahua ica paquilisti quema tasosolojque.
\q1 Teipa san techhuetzquilijque huan quinquetzque ininteteyohua para quinextise ya techtantoyaj.
\q1
\v 5 Hualajque ica inihachas huan huejhueyi martillos hasta nesiyaya quej cuajcuahuini tatajco cuatitamit.
\q1
\v 6 Huan ama ica ininteposhua quitapanque huan quisosolojtoque nochi tamanti cati ica tayejyecchijtoyaj motiopa.
\q1
\v 7 Quena, motiopa quitatijque,
\q1 huan quimahuispolojque moyoyoncal cati quihuicayaya motoca,
\q1 huan quitahuisojque talchi.
\q1
\v 8 Huan quiijtojque ipan iniyolo:
\q1 “Ma tijtamisosoloca nochi cati onca ipan ni tali.”
\q1 Huan yajque campa hueli huan quitatijque nochi israelita tiopame,
\q1 campa timosentiliyayaj para timitzhueyichihuase, Toteco Dios.
\q1
\v 9 Ayecmo onca yon se tamanti cati quinextía para timomasehualhua.
\q1 Ayecmo onca tajtolpanextiani.
\q1 Ayecmo aqui huelis techilhuis hasta quema tamis nochi ya ni.
\q1
\v 10 Toteco Dios, ¿hasta quema tamis mitzmahuispolohuaj mocualancaitacahua?
\q1 ¿Amo quema tiquintatzacuiltis?
\q1
\v 11 ¿Para ten tihuejcahua para techpalehuis?
\q1 ¿Para ten amo tijnextía mohueyi chicahualis huan techpalehuía?
\q1
\v 12 Hasta ten huejcajquiya Toteco Dios eliyaya notanahuatijca.
\q1 Yaya nechpalehuijtoc ipan ni taltipacti huan campa hueli campa niyajtoc.
\q1
\v 13 Ica mochicahualis tijxelo hueyi at.
\q1 Huan tiquintzontamilti huejhueyi tapiyalme cati temajmatijque cati itztoyaj ipan at.
\q1
\v 14 Tijtzonxamani nopa hueyi tapiyali cati itoca Leviatán,
\q1 huan inacayo tiquinmacac ma quicuaca nopa tecuanime cati itztoyaj ipan huactoc tali.
\q1
\v 15 Tijchijqui ma meya at ipan huejhueyi amelme huan para hueyame ma quipiyaca at.
\q1 Nojquiya tiquinhuatzqui hueyame cati amo quema huactoyaj.
\q1
\v 16 Ta moaxca tonali huan yohuali.
\q1 Ta tijchijchijqui metzti huan tonati.
\q1
\v 17 Ta tijtamachijqui hasta canque tamis taltipacti.
\q1 Nojquiya ta tijchihua ma tatotoniya huan ma taseseya.
\q1
\v 18 TOTECO, xiquita quenicatza mitzmahuispolohuaj mocualancaitacahua,
\q1 huan quenicatza mitztaijilhuíaj nopa masehualme cati mohueyimatij.
\q1
\v 19 ¡TOTECO, amo techtahuelcahua!
\q1 Xijmanahui mopaloma imaco nopa cuatojti.
\q1 Quena, xiquinmanahui momasehualhua inimaco nopa masehualme cati itztoque quej tecuanime.
\q1
\v 20 ¡Xiquelnamiqui nopa camanal sencahuali cati tijchijtoc ica tojuanti!
\q1 Pampa ni tali temitoc ica tzintayohuilot huan ica masehualme cati mosisiníaj.
\q1
\v 21 Amo xijcahua para talojtzitzi ma techmahuispoloca tojuanti cati tijpanotoque miyac taohuijcayot.
\q1 Xiquinpalehui cati teicneltzitzi huan amo teno quipiyaj para huelis mitzpaquilismacase.
\q1
\v 22 Toteco Dios, ximotanana huan ximomanahui ica cati quiijtohuaj mocualancaitacahua.
\q1 Xiquelnamiqui nochi nopa camanali cati ica mitztaijilhuijtoque nochi se tonal.
\q1
\v 23 Amo xiquelcahua quenicatza mitztelchijtoque mocualancaitacahua,
\q1 pampa inijuanti noja más mitztaijilhuíaj.
\c 75
\s1 Toteco quinechcapantalis sequij huan quinhueyitalis sequinoc
\q1
\v 1 ¡Timitztascamatij, Toteco Dios, pampa tiitztoc tonechca!
\q1 Pampa masehualme tepohuilíaj nochi huejhueyi tamanti cati tijchijtoc.
\q1
\v 2 Huan Toteco Dios quiijtohua:
\q1 “Quena, quema ya nimocualtalijtos, na niquixquetzas se tonali.
\q1 ¡Huan niquintatzacuiltis quej quinamiqui nochi nopa taixpanoca masehualme!
\q1
\v 3 Masque ni taltipacti mohuisos huan nochi masehualme huihuipicase,
\q1 itaquetzalhua amo huetzise pampa na niquinquetztoc cuali ipan inilugar.”
\q1
\v 4 Niquinilhui masehualme cati mohueyimatij ma amo mohuihuinequica.
\q1 Huan niquinilhui taixpanoca masehualme ma amo mohueyimatica.
\q1
\v 5 Niquinilhuijtoc cati quipiyaj chicahualisti ma amo tetamiijilhuica.
\q1 Huan quema ancamanaltij, amo ximoyacaquetzaca para anmohueyimatise.
\q1
\v 6 Pampa san Toteco hueli tehueyitalía.
\q1 Amo aqui cati huala ten campa quisa tonati, o ica campa oncalaqui,
\q1 o campa huactoc tali huelis quihueyitalis se masehuali. ¡Amo!
\q1
\v 7 San Toteco Dios itztoc Juez.
\q1 San yaya nopa tetajtolsencajquet cati hueli tehueyitalía huan temaca chicahualisti.
\q1 Huan sequij masehualme quinhueyitalía huan sequij quinechcapantalía.
\q1
\v 8 Toteco quipixtoc imaco se caxit cati temitoc ica tailisti cati nelía cococ.
\q1 Huan ya nopa eltoc nopa tatzacuiltili cati quintitanilis taixpanoca masehualme ipan ni taltipacti.
\q1 Huan monequis quiise hasta quitamise ica nochi itetejtzo.
\q1
\v 9 Pero na para nochipa nitepohuilis nochi cati quichijtoc Toteco Dios,
\q1 yaya cati iTeco Jacob.
\q1
\v 10 Yaya quiijtohua: “Na nijtamiltis ininchicahualis nopa fiero masehualme,
\q1 pero cati itztoque xitahuaque noja niquinmacas más chicahualisti.”
\c 76
\s1 Se huicat cati huicaque quema ya tatanque
\q1
\v 1 Ipan tali Judá huan hasta nochi tali Israel nochi masehualme quiixmatij Toteco Dios para nelía hueyi.
\q1
\v 2 Itiopa eltoc ipan altepet Jerusalén.
\q1 Quena, ipan tepet Sion eltoc ichaj.
\q1
\v 3 Nopona quipojpostejqui nochi tamanti ininteposhua tocualancaitacahua.
\q1
\v 4 ¡Nopa tepeme cati eltoque ten huejcajquiya amo quipiyaj iniyejyejca quej tepet Sion quipiya!
\q1
\v 5 Nopa tocualancaitacahua cati más quipiyayayaj chicahualisti,
\q1 quintamitacuijcuilijque.
\q1 Toixpa tepejtoque mictoque.
\q1 Yon se ten inijuanti ayecmo hueli quitananas imax para techtehuis.
\b
\q1
\v 6 Quema ta tiToteco, cati tiiDios Jacob, tiquinajhuac nopa cahuayojme huan cati tejcotoyaj ininpani,
\q1 nochi huetzque hasta talchi.
\q1
\v 7 ¡Yeca nochi quiitaj para tahuel titemajmati!
\q1 Huan amo aqui huelis quiijyohuis ijcatos moixpa quema tahuel ticualantoc.
\q1
\v 8 Hasta nepa ilhuicac titayolmelahua para titetatzacuiltis.
\q1 Huan ni taltipacti majmajqui huan amo molini moixpa,
\q1
\v 9 quema timotananqui, Toteco Dios,
\q1 para tiquintatzacuiltis cati quichihuaj cati amo cuali,
\q1 huan para tiquinmanahuis nochi cati moechcapanohuaj ipan ni taltipacti.
\q1
\v 10 Ta tijtequihuía inincualancayo masehualme para sequinoc ma mitzhueyimatica.
\q1 Huan tijtequihuis para más monextis moyejyejca.
\b
\q1
\v 11 Xijchihuaca nochi cati anquitajtolcahuilijtoque TOTECO para anquichihuase.
\q1 Sese ma quihualica nopa tamanti cati quitencahuilijtoc para quimacas Toteco Dios.
\q1 Monequi ma tijhueyitepanitaca huan ma tiquimacasica,
\q1
\v 12 pampa yaya quintamiltilía ininemilis nopa huejhueyi tayacanani.
\q1 Quichihuas para nochi tanahuatiani ipan taltipacti ma quiimacasica.
\c 77
\s1 Monejnehuili David ten cati Toteco quichijqui huejcajquiya
\q1
\v 1 Chicahuac nijtzajtzilía Toteco Dios para ma nechpalehui.
\q1 Quena, nijnojnotza pampa nijnequi ma nechtacaquili.
\q1
\v 2 Quema nechajsic miyac taijyohuilisti nimantzi nijtemo noTeco.
\q1 Seyohual nimomatanantoya huan nimotatajtiyaya,
\q1 huan amo nijcahuili yon se talojtzi.
\q1 Amo nipaquis hasta yaya monextis huan nechcaquis.
\q1
\v 3 Nimoyolilhuía ten Toteco Dios huan niyolpitzahuía huan nichoca.
\q1 Nimotequipachohua pampa tami nochicahualis,
\q1 yeca tahuel nijnequi ma nechpalehui.
\b
\q1
\v 4 Toteco, ta amo techcahuilía ma nicochi.
\q1 Hasta amo hueli nicamanalti pampa tahuel hueyi ni notequipachol.
\q1
\v 5 Talojtzitzi nimoyolilhuía ten nopa cuajcualtzi tonali huan xihuime cati panoque huejcajquiya.
\q1
\v 6 Niquelnamiqui nopa yohualme quema nihuicayaya ica paquilisti.
\q1 Quena, nimotajtachilía huan niquita para ama nochi tamanti tahuel mopatatoc.
\b
\q1
\v 7 ¿Huelis Toteco nechtahuelcajtoc para nochipa?
\q1 ¿Huelis ayecmo quema nechpalehuis?
\q1
\v 8 ¿Huelis ya tanqui itaicnelilis ica na?
\q1 ¿Huelis ya tanqui cati achtohuiya techtajtolcahuili techmacas?
\q1
\v 9 ¿Huelis Toteco Dios ya quielcajqui para monequi nechchihuilis cati cuali na cati niitztoc ipan tequipacholi?
\q1 ¿Huelis tahuel cualantoc huan yeca ayecmo quinequi nechtasojtas?
\q1
\v 10 Huan ipan nohueyi tequipachol nimoilhui:
\q1 “Toteco Cati Más Hueyi mopatatoc.
\q1 Achtohui niitztoya inejmat huan nechtiochihuayaya miyac,
\q1 pero ama nechcualancaita.
\q1
\v 11 Más cuali niquelnamiquis nochi nopa huejhueyi tiochicahualnescayot cati TOTECO nechchihuili huejcajquiya.”
\q1
\v 12 Quena, mojmosta nimoilhuis ten nopa huejhueyi tamanti para nochipa.
\q1 Amo hueli nijcahuas nimoyolilhuis ten yaya quichijtoc.
\b
\q1
\v 13 ¡NoTeco Dios, nelía tatzejtzeloltic nochi moojhui!
\q1 Amo aqui seyoc dios cati más quipiya chicahualisti que ta, titoTeco.
\q1
\v 14 ¡Ta tiDios cati tijchihua huejhueyi tiochicahualnescayot huan miyac tamanti cati masehualme quitachilíaj!
\q1 Huan hasta ama quejipa tijnextía mohueyi chicahualis.
\q1
\v 15 Ica mohueyi chicahualis techmanahui,
\q1 timomasehualhua cati tiiconehua Jacob huan José.
\q1
\v 16 Toteco Dios, nopa hueyi at cati itoca Chichiltic momajmati quema mitzitac.
\q1 Huan huihuipicac hasta tatzinta campa más huejcata.
\q1
\v 17 Nopa mixti quichijqui ma huetzi at chicahuac.
\q1 Huan tatomonqui nepa ilhuicac.
\q1 Huan nojquiya tapetanqui ten se lado hasta seyoc.
\q1
\v 18 Caquistic tatomonilot ipan nopa hueyi ajcomalacat.
\q1 Huan nopa tapetancayot quitaahuili nochi taltipacti,
\q1 huan ni taltipacti huihuipicac.
\q1
\v 19 Tijchijqui se ojti quema tiquixcotonqui nopa hueyi at,
\q1 pero amo aqui quipanti campa tijquetztiyajqui moicxi.
\q1
\v 20 Huan ipan ni ojti tiquinyacanqui momasehualhua quej elisquía pilborregojtzitzi inimaco Moisés huan Aarón.
\c 78
\s1 Cati huejcajquiya panoc ipan tali Israel
\q1
\v 1 Nomasehualhua, xijtacaquilica notamachtil huan nochi cati niquijtohua,
\q1
\v 2 pampa nimechnextilis tamanti cati amo aqui más quimati cati panoc huejcajquiya.
\q1
\v 3 Tamanti cati tijcactoque huan tijmajtoque pampa totatahua techpohuilijque.
\q1
\v 4 Quena, nimechmatiltis para anhuelise anquinpohuilise amoconehua nochi nopa cuajcualtzitzi huan huejhueyi tamanti,
\q1 cati TOTECO quichijqui ica ihueyi chicahualis.
\q1
\v 5 Toteco Dios quimacac miyac tanahuatilme Jacob ipan tali Israel para ma monejnemiltica xitahuac,
\q1 huan quinnahuati tohuejcapan tatahua ma quinnextilica ininconehua,
\q1
\v 6 huan iniixhuihua cati tacatise teipa.
\q1 Huan quej nopa nochi masehualme quinixmatise itanahuatilhua Toteco.
\q1
\v 7 Yeca hasta ama miyac masehualme quintepanitaj itanahuatilhua Toteco Dios,
\q1 huan motemachíaj ipan ya para quinmocuitahuis.
\q1 Huan amo ma quielcahuaca nochi nopa huejhueyi tamanti cati quichijtoc Toteco.
\q1 Monequi ma quitoquilijtinemica nochi itanahuatilhua.
\q1
\v 8 Pampa amo quinamiqui para elise quej inihuejcapan tatahua cati moyoltetilijque huan amo tatepanitaque.
\q1 Inijuanti amo elque temachme ica Toteco Dios,
\q1 yon amo quimactilijque iniyolo, yon ininemilis.
\q1
\v 9 Nopa masehualme ten tali Efraín mocuepatoj huan cholojque ipan nopa tonali quema yahuiyayaj tatehuitij.
\q1 Quena, cholojque masque quipiyayayaj miyac teposti para tatehuise.
\q1
\v 10 Amo quintepanitaque itanahuatilhua Toteco Dios,
\q1 huan amo quinejque nejnemise ipan iojhui.
\q1
\v 11 Quielcajque nochi tamanti cati yaya hueli quichihua.
\q1 Amo quielnamijque nopa cuajcualtzi tiochicahualnescayot cati quichijqui Toteco.
\q1
\v 12 Quena, Toteco Dios quichijqui miyac tamanti iniixpa inihuejcapan tatahua ipan tali Egipto campa itoca Zoán.
\q1
\v 13 Quitajcoxelo nopa hueyi at huan quichijqui ma panoca.
\q1 Ipan ome lados nopa at moquetzqui quej tepamit.
\q1
\v 14 Tonaya quinyacanqui ica se mixti para quinecahuilis,
\q1 huan ica tayohua ica se mixti cati taahuiyaya quej tit.
\q1
\v 15 Ipan huactoc tali quitapo nopa hueyi tet huan quisqui miyac at para atique hasta aixhuique.
\q1
\v 16 ¡Quena, ipan tet quisqui miyac at cati motalo quej se hueyat!
\q1
\v 17 Pero inijuanti quisenhuiquilijque amo quitepanitaque.
\q1 Huan nepa campa huactoc tali tajtacolchijque ica Toteco Cati Más Hueyi.
\q1
\v 18 Pampa quiyejyecojque Toteco Dios huan quitajtanijque tacualisti cati iniyolo quinequiyaya.
\q1
\v 19 Hasta cualanque ica Toteco huan quiijtojque:
\q1 “¿Huelis Toteco Dios techtamacas ipan ni huactoc tali?
\q1
\v 20 Xiquitaca, Toteco Dios quitapo nopa hueyi tet huan quisqui miyac at quej elisquía se hueyat hasta atzonpoli tali,
\q1 pero ¿huelis nojquiya hueli techmacas tacualisti?
\q1 ¿Huelis techtamacas tiimasehualhua ica nacat?”
\q1
\v 21 Huan quema TOTECO quicajqui ni tamanti, tahuel cualanqui.
\q1 Huan ipan icualancayo quisqui tit ica israelitame, inijuanti cati iixhuihua Israel,
\q1
\v 22 pampa inijuanti amo quineltocaque Toteco Dios,
\q1 yon amo motemachijque ipan ya para quipiya chicahualisti para quinmaquixtis.
\q1
\v 23 Pero masque quej nopa quichijque,
\q1 Toteco Dios quinahuati nopa mixti huan quitapo ilhuicacti.
\q1
\v 24 Huan quichijqui ma huetzi nopa tacualisti cati itoca maná para ma quicuaca quej quema huetzi at.
\q1 Quinmacac tacualisti cati hualajqui ten ilhuicac.
\q1
\v 25 Masehualme quicuajque cati elqui inintacualis ilhuicac ehuani.
\q1 Quena, quintamacac hasta cuali ixhuique huan hasta mocajqui nopa tacualisti.
\q1
\v 26 Ica ihueyi chicahualis quihualicac nopa ajacat cati huala campa quisa tonati huan cati huala ica tani para ma taajaca campa ilhuicacti.
\q1
\v 27 Quichijqui ma hualaca miyaqui totome quej imiyaca taltepocti.
\q1 Quena, hualajque totome quej mixti huan quej imiyaca xali cati onca iteno hueyat.
\q1
\v 28 Huan Toteco quichijqui para nopa totome ma huetzica tatajco campa quichijtoyaj iniyoyoncal.
\q1
\v 29 Huan nopa masehualme tacuajque hasta ixhuique.
\q1 Toteco quinmacac nacat quej iniyolo quinequiyaya.
\q1
\v 30 Pero quema sanoc tantoyaj tacuaj,
\q1 huan hasta noja quipixtoyaj nacat ipan inincamac,
\q1
\v 31 Toteco Dios motananqui ica ihueyi cualancayo,
\q1 huan quintzontamilti nochi nopa telpocame cati más tapejpenilme ipan tali Israel.
\q1
\v 32 Pero masque Toteco quinchihuili ya nopa,
\q1 nopa masehualme quisenhuiquilijque tajtacolchijque,
\q1 huan amo quineltocaque nopa huejhueyi tiochicahualnescayot cati yaya quichijqui iniixpa.
\q1
\v 33 Yeca Toteco quintaijyohuilti ipan nochi ininemilis huan quintzontamilti san ica se talojtzi.
\q1
\v 34 Pero teipa, quema ya quintzontamiltijtoya sequij,
\q1 huajca quena, ne sequinoc quitemojque Toteco Dios.
\q1 ¡Quena, nimantzi mocuetque huan quitoquilijque!
\q1
\v 35 Huan quielnamijque para yaya Toteco Dios cati quinmocuitahuiyaya para amo quinajsis cati amo cuali.
\q1 Huan quielnamijque para Toteco Cati Más Hueyi san yaya inintemaquixtijca.
\q1
\v 36 Pero nopa israelitame amo quitoquiliyayaj ica nochi iniyolo.
\q1 ¡Amo! Quitoquiliyayaj san ica inincamac.
\q1
\v 37 Pampa iniyolo eltoya huejca ten Toteco.
\q1 Huan amo quichihuayayaj cati quitajtolcahuilijtoyaj Toteco para quichihuase.
\q1
\v 38 Pero Toteco quipixqui hueyi iyolo ica inijuanti.
\q1 Quintapojpolhuiyaya inintajtacolhua huan amo quintzontamiltiyaya.
\q1 Miyac huelta quitilquetzqui icualancayo para amo quintatzacuiltis.
\q1
\v 39 Pampa Toteco quielnamijqui para inijuanti san elij masehualme cati ininemilis ixpolihui san ica se talojtzi,
\q1 huan amo quema mocuepaj sempa.
\q1
\v 40 Nepa ipan huactoc tali,
\q1 tahuel miyac huelta amo tatepanitaque ica Toteco Dios huan quiyolcocojque.
\q1
\v 41 Talojtzitzi quiyejyecojque,
\q1 huan ica ya nopa quichihualtiyayaj para Toteco ma quintzontamilti.
\q1 Yon amo quicahuilijque para Toteco ma quintiochihua,
\q1 yaya cati ininDios israelitame huan cati Tatzejtzeloltic.
\q1
\v 42 Quielcajque ihueyi chicahualis huan iteicnelijcayo.
\q1 Huan quielcajque quenicatza quinmanahui inimaco inincualancaitacahua.
\q1
\v 43 Quielcajque quenicatza Toteco quititanqui tatzacuiltili ipan Zoán ipan tali Egipto.
\q1
\v 44 Quielcajque quenicatza quicuetqui esti nopa at huan ayecmo aqui huelqui quiic.
\q1
\v 45 Quielcajque quenicatza quintitanqui tahuel miyac sayolime hasta quitemitijque nopa tali.
\q1 Quielcajque quenicatza nopa temasolime quitemitijque nopa tali Egipto.
\q1
\v 46 Toteco quintitanqui ocuilime huan chapolime para ma quicuaca inintatochui huan ininpixquilis.
\q1
\v 47 Ica tesihuit quitzontamilti inixocomecamil huan inihiguera mil.
\q1
\v 48 Inihuacaxhua mijque ipan potrero pampa Toteco Dios quinmajcahuili tesihuit cati tahuel huejhueyi.
\q1 Huan ininborregojhua mijque ica tapetancayot.
\q1
\v 49 Quena, Toteco tahuel cualanqui ica inijuanti,
\q1 huan yeca quintitanili tacuajcualocayot huan taohuijcayot.
\q1 Huan quintitanili se grupo ten ilhuicac ehuani cati tetzontamiltíaj.
\q1
\v 50 Cualanqui nelchicahuac huan amo quimanahui yon se Egipto ejquet.
\q1 Senquisa quintitanili tatzacuiltili huan huejhueyi cocolisti.
\q1
\v 51 Teipa Toteco quinmicti nopa achtohui ehuani ipan sese familia ten tali Egipto.
\q1 Quena, quinmicti cati elqui ininachtohui fuerza quema pejque quinpiyaj coneme.
\q1
\v 52 Pero quinquixti imasehualhua quej elisquíaj pilborregojtzitzi,
\q1 huan quinyacanqui ica cuajcualtzi ipan nopa huactoc tali.
\q1
\v 53 Quinyacanqui ica miyac temachili para ma amo majmahuica.
\q1 Pero nopa hueyi at quinatzonpolihuilti inincualancaitacahua.
\q1
\v 54 Huan quinhuicac hasta campa inepa nopa tali cati tatzejtzeloltic.
\q1 Nopa tali cati quipiya miyac tepeme cati Toteco quintanili para inijuanti.
\q1
\v 55 Iniixpa quinquixti nopa masehualme cati itztoyaj ipan nopa tali.
\q1 Teipa quitamachijqui huan quinmajmacac nopa huejhueyi familias ten israelitame para iniaxca.
\q1 Huan nopona quincajqui ma itztoca.
\q1
\v 56 Pero masque quinchihuili ya nopa,
\q1 inijuanti quisenhuiquilijque quiyejyecohuaj huan quicualancamacaj Toteco Cati Más Hueyi.
\q1 Huan amo quinejque quitepanitase icamanal.
\q1
\v 57 Yeca mocuetque para amo calaquise ipan nopa tali tatencahuali huan quicamaijixnamijque san se quej inintatahua quichijque.
\q1 Huan quej se cuataminti cati huijcoltic amo yahui xitahuac quema quimajcahuaj,
\q1 inijuanti nojquiya amo yajque xitahuac para quichihuase ipaquilis Toteco.
\q1
\v 58 Quicualancamacaque Toteco pampa mochijchihuilijque teteyome huan taixpamit para quinhueyichihuase ininteteyohua.
\q1
\v 59 Pero quema Toteco Dios quiitac ya ni,
\q1 tahuel cualanqui huan pejqui quincualancaita.
\q1
\v 60 Huan quitahuelcajqui itiopa cati eltoya ipan altepet Silo,
\q1 nopa yoyon cali campa itztoya inihuaya imasehualhua.
\q1
\v 61 Huan Toteco quincahuili inincualancaitacahua ma quihuicaca iCaxa cati quinpixtoya itanahuatilhua.
\q1 Elqui quej quincuilijque ininchicahualis huan iniyejyejca.
\q1
\v 62 Nojquiya quintemactili imasehualhua inimaco inincualancaitacahua para ma quinmictica ica macheta,
\q1 pampa yaya tahuel cualantoya inihuaya.
\q1
\v 63 Inintelpocahua quintatijque,
\q1 huan iniichpocahua quintzontamiltijque,
\q1 yon amo quiaxilijque para monamictise huan huicase ipan nenamictili.
\q1
\v 64 Quintzontamiltijque nopa totajtzitzi ica macheta huan inisihuajhua nojquiya mijque nimantzi,
\q1 yon amo quinchoquilijque inihuehuejhua.
\q1
\v 65 Huajca Toteco motananqui quej quema se acajya cochi huan mijquehua,
\q1 o quej se tetica tacat cati tahuel tzajtzi chicahuac pampa ihuintitoc.
\q1
\v 66 Huan Toteco quinichtacahui quema quintehui icualancaitacahua.
\q1 Quena, quinhuejcamajcajqui huan quintitanqui ipan se lugar campa quipanose pinahualisti para nochipa.
\q1
\v 67 Pero Toteco quintahuelcajqui nopa huejhueyi familias cati hualajqui ten José huan Efraín.
\q1
\v 68 San quintapejpeni ihueyi familia Judá,
\q1 huan nopa tepet Sion cati yaya tahuel quiicneliyaya.
\q1
\v 69 Huan nopona quichijchijqui itiopa cati cuajcualtzi huan temachti,
\q1 huan cati huejcahuasquía para nochipa quej huejcahua ilhuicacti huan taltipacti.
\q1
\v 70 Quitapejpeni itequipanojca, David,
\q1 quema quinmocuitahuiyaya borregojme,
\q1
\v 71 quema yahuiyaya inintepotzco nopa tena borregojme cati quinpiyayayaj ininconehua,
\q1 huan quinhualicayaya para ma quinmocuitahui.
\q1 Huan Toteco quichijqui David ma quinyacana imasehualhua,
\q1 nopa israelitame cati quintapejpenijtoya para iaxcahua.
\q1
\v 72 Huan quena, David quinmocuitahui imasehualhua Toteco ica nochi ichicahualis huan ica nochi iyolo.
\c 79
\s1 Tequipacholi pampa masehualme quisosolojque Jerusalén
\q1
\v 1 ¡NoTeco Dios, masehualme ten sequinoc talme hualajque huan moaxcatijque motal!
\q1 Motiopa quichijque amo tapajpactic huan altepet Jerusalén quitamisosolojque.
\q1
\v 2 Nochi inintacayo momasehualhua quinmajcajtoque para ma quincuaca totome.
\q1 Hasta quinmajcajtoque ininacayo mototajtzitzi,
\q1 nopa tatzejtzeloltique tacame cati moquetzque moixpa,
\q1 para ma quincuaca tecuanime.
\q1
\v 3 Quena, tocualancaitacahua quintzontamiltijque nochi nopa masehualme ipan altepet Jerusalén.
\q1 Huan inieso cati toyajqui motalo quej hueyat,
\q1 huan amo mocajqui yon se para quintalpachos.
\q1
\v 4 Huan ama nochi talme cati techyahualojtoque techpinajtíaj huan techhuetzquilíaj.
\q1
\v 5 Toteco Dios, ¿hasta quema tamis ticualantos ica tojuanti?
\q1 ¿Huelis para nochipa mocualancayo eltos quej tit?
\q1
\v 6 Xijtitani mohueyi cualancayo ipan nopa talme campa amo mitzixmatij,
\q1 huan ipan altepeme campa amo aqui mitzhueyimati,
\q1 pero amo xijtitani ipan tojuanti.
\q1
\v 7 Pampa inijuanti quintzontamiltijque nochi moisraelita masehualhua huan quinsosolojque nochi calme.
\q1
\v 8 ¡Amo xiquelnamiqui huan amo techtatzacuilti por inintajtacolhua tohuejcapan tatahua,
\q1 cati inijuanti quichijque huejcajquiya!
\q1 Más cuali nimantzi techtasojta pampa ayecmo tijpiyaj fuerza.
\q1
\v 9 Toteco Dios, titotemaquixtijca, techpalehui,
\q1 para quej nopa nochi mitzhueyitepanitase.
\q1 ¡Techmaquixti huan techtapojpolhui totajtacolhua ica mohueyi taicnelilis!
\q1
\v 10 Pampa sinta amo techpalehuis,
\q1 huajca nopa masehualme cati amo mitzneltocaj quiijtose:
\q1 “¿Canque itztoc ininTeco Dios?”
\q1 Huajca xiquintatzacuilti, Toteco, iniixpa nochi masehualme, pampa quinmictijque momasehualhua.
\q1
\v 11 Xijtacaquili inintequipachol nopa masehualme cati tzactoque,
\q1 huan ica mohueyitilis huan mohueyi chicahualis,
\q1 xiquinmanahui cati quinixquetztoque para quinmictise.
\q1 Xiquinmaquixti para nochi ma quiitaca mohueyi chicahualis.
\q1
\v 12 TOTECO, xiquincuepili chicome huelta cati mitzchihuilijque quema mitzpinahualtijque nopa talme cati san mitzhuetzquilíaj.
\q1
\v 13 Huan huajca tojuanti, timomasehualhua cati tiitztoque quej timoborregojhua,
\q1 timitzhueyichihuase para nochi tonali huan timitzpaquilismacase ica huicat para nochipa.
\c 80
\s1 Netatajtili para Toteco ma quicualtali tali Israel huan imasehualhua
\q1
\v 1 ¡Ta cati tiinintamocuitahuijca israelitame huan techyacana quej tielisquíaj timoborregojhua,
\q1 techtacaquili!
\q1 Ta cati timosehuijtoc tatajco nopa ilhuicac ehuani cati inintoca querubines ilhuicac ehuani,
\q1 ximohuijtzoma quentzi huan techtacaquili quema timotatajtíaj.
\q1 Xijnexti mohueyi chicahualis huan mohueyitilis cati petani.
\q1
\v 2 Xijchihua para nochi tiisraelitame,
\q1 hasta nojquiya iniixhuihua Efraín, Benjamín huan Manasés,
\q1 ma tiquitaca quenicatza timotananas huan techmanahuis ica mohueyi chicahualis.
\q1
\v 3 Toteco Dios, techchihua ma timocuepaca ica ta.
\q1 Techtachili ica se moxayac cati senpactoc.
\q1 Techicneli huan techmaquixti.
\q1
\v 4 TOTECO, ta tiDios Cati Tijpiya Nochi Chicahualisti,
\q1 ¿hasta quema tamis ticualantos ica tojuanti huan amo tijtacaquilis quema timotatajtíaj?
\q1
\v 5 Techmacatoc ma tijcuaca pantzi ica choquisti, huan ma tiquica toixayo.
\q1
\v 6 Tijcajtoc ma techpinahualtica nopa talme cati techyahualohuaj huan ma techhuetzquilica tocualancaitacahua.
\q1
\v 7 Toteco Dios, ta tiDios Cati Tijpiya Nochi Chicahualisti, xijchihua ma timocuepaca ica ta.
\q1 Techtachili ica moxayac cati senpactoc.
\q1 Techicneli huan techmaquixti.
\q1
\v 8 Techhualicac ten tali Egipto quej tielisquíaj se xocomeca tzonti cati selic.
\q1 Tiquinquixti nopa sequinoc masehualme cati amo mitzixmatque huan nopona techtojqui.
\q1
\v 9 Tijcualtali nopa tali huan elqui quej tijpixque miyac tonelhuayohua.
\q1 Huan tijtemitijque nopa tali.
\q1
\v 10 Nopa tepeme tiquintamitzajque ica toecahuil.
\q1 Huan tielque quej tiocuame cati huejcapantique cati moaxcahua, Toteco.
\q1
\v 11 Tichamanque huan moscaltijque tomacuayohua.
\q1 Huan toecahuil tiisraelitame ajsic hasta campa nopa hueyi at cati itoca Mediterráneo huan hasta campa nopa hueyat Éufrates.
\q1
\v 12 Huajca ¿para ten ayecmo techmocuitahuía?
\q1 Eltoc quej tijtamisosolo itepanyo moxocomeca mil huan tijcahua ma quitamicuaca nochi ojpayani.
\q1
\v 13 Inijuanti itztoque quej cuapitzome cati hualahuij huan tapoxoníaj yahualtic ten tojuanti,
\q1 huan eltoc quej nopa tecuanime ya techtamicuaj.
\q1
\v 14 Yeca Toteco Dios Cati Tijpiya Nochi Chicahualisti timitztajtaníaj,
\q1 ximocuepa huan techtiochihua.
\q1 Techhualtachili ten nopona ilhuicac,
\q1 xiquita quenicatza tiitztoque huan xijmocuitahui ni moxocomecamil.
\q1
\v 15 Quena, xijmocuitahui cati ta tijtojqui huan nopa ichamanca cati cuali tijtatzquiltijtoc.
\q1
\v 16 Pampa tocualancaitacahua techhuejhuelojtoque huan techtatijtoque.
\q1 ¡Xiquintzontamilti ica mohueyi cualancayo!
\q1
\v 17 Xijmaca chicahualisti nopa telpocat cati tiquicnelía huan tijtapejpenijtoc para tanahuatis.
\q1
\v 18 Quej nopa ayecmo quema timitztahuelcahuase.
\q1 Techmaca yancuic nemilisti huan sempa timitznotzase huan timotatajtise moixpa ta.
\q1
\v 19 Techchihua ma timocuepaca sempa ica ta, TOTECO,
\q1 ta tiDios Cati Tijpiya Nochi Chicahualisti.
\q1 Sempa techtachili ica se moxayac cati senpactoc.
\q1 San ica ta motapalehuil timomaquixtise ten tocualancaitacahua.
\c 81
\s1 Toteco quipiya hueyi iyolo ica nopa taixpanoca israelitame
\q1
\v 1 ¡Xihuicaca ica paquilisti para Toteco Dios,
\q1 pampa yaya techpixtoc imaco!
\q1 ¡Ma tijpaquilismacaca!
\q1 ¡Ma tihuicaca para Toteco Dios yaya cati iTeco Jacob!
\q1
\v 2 Ma tihuicaca huan ma tijtzijtzilinica pandero.
\q1 Nojquiya ma tijtzotzonaca nopa arpa huan guitarra.
\q1
\v 3 Ma tijpitzaca tapitzali quema yancuic metzti,
\q1 quema temitoc metzti,
\q1 huan ipan sequinoc tonali quema tiilhuichihuaj,
\q1
\v 4 pampa Toteco Dios cati eli iTeco tohuejcapan tata Israel techmacatoc nopa tonali para ma tipaquica miyac.
\q1 Huan nojquiya eltoc ijcuilijtoc ipan itanahuatilhua para ma tijchihuaca.
\q1
\v 5 Huan techmacac para ma tiquelnamiquica cati quichijqui ica José,
\q1 huan quenicatza motehui inihuaya nopa masehualme ten tali Egipto,
\q1 campa titetequipanojque san tapic.
\q1 Nijcajqui camanaltic se cati amo niquixmatqui huan quiijto:
\q1
\v 6 “Ama nimechquixtilis nopa tamamali cati anquihuicaj amoajcoltipa,
\q1 huan ayecmo anquitananase ica amomax tamanti cati tahuel etic.”
\q1
\v 7 Nojquiya quiijto:
\q1 “Amojuanti antechtzajtzilijque quema anitztoyaj ipan taohuijcayot huan na nimechmaquixti.
\q1 Nimechnanquili hasta ten nepa tepet Sion campa motatía nopa tatomonilot.
\q1 Nojquiya ipan tali Meriba nimechyejyecohuili amotaneltoquilis quema anmotequipachohuayayaj pampa amo oncayaya at.
\q1
\v 8 Yeca annoisraelita masehualhua,
\q1 techtacaquilica quema chicahuac nimechtacahualtía.
\q1
\v 9 Amo quema xijhueyichihuaca seyoc cati quitocaxtíaj ‘dios’.
\q1 Yon amo xiquinpiyaca taixcopincayome ipan amocalijtic.
\q1
\v 10 Pampa elqui na, niamoTECO huan niamoDios,
\q1 cati nimechquixti ipan tali Egipto.
\q1 Xijtapoca amocamac huan anquiitase sinta amo nimechixhuitis.
\q1 Quena, anquiselise nochi tamanti tatiochihualisti cati amechpolohua.
\q1
\v 11 ¡Pero amo! Nomasehualhua amo quinejque nechtacaquilise.
\q1 Israelitame amo quinejque ma niitzto tatajco inijuanti.
\q1
\v 12 Yeca niquintahuelcajqui para ma huihuitiyaca huan ma elica quej popoyotzitzi.
\q1 Huan niquincahuili ma quichihuaca cati inijuanti quinequiyayaj.
\q1
\v 13 Pero sinta noisraelita masehualhua nechtacaquilijtosquíaj huan quitoquilijtosquíaj noojhui,
\q1
\v 14 huajca na san ipan se talojtzi niquinechcapantalijtosquía inincualancaitacahua huan niquintzontamiltijtosquía.”
\b
\q1
\v 15 Quena, nochi cati quicualancaitaj TOTECO,
\q1 nimantzi moechcapanojtosquíaj iixpa.
\q1 Huan itztosquíaj ipan tatzacuiltili para nochipa.
\q1
\v 16 Pero Toteco Dios amechtamacasquía ica tacualisti cati más cuali.
\q1 Huan amechmacasquía sayolnecti huan nochi cati más anquinequij para amechixhuitisquía.
\c 82
\s1 Toteco quinajhuac nopa jueces cati amo tetajtolsencahuaj xitahuac
\q1
\v 1 Toteco Dios itztoc ipan se hueyi tasentilisti nepa ilhuicac.
\q1 Huan nopona tayolmelahua quenicatza quintatzacuiltis nopa jueces huan quinilhuía:
\q1
\v 2 “¿Hasta quema tamis antacajcayahuaj quema antetajtolsencahuaj?
\q1 ¿Hasta quema tamis anquinchicoicnelise amo cuajcualme cati fiero quichihuaj?
\q1
\v 3 Xiquintenpalehuica cati ayemo quipiyaj tetili huan cati icnotzitzi.
\q1 Xiquintajtolsencahuaca cati taijyohuíaj huan cati amo teno quipiyaj.
\q1
\v 4 Xiquinmaquixtica cati ayecmo quipiyaj chicahualisti huan quinpolohua ten ica panose.
\q1 Quena, xiquinmanahuica inimaco nopa masehualme cati amo aqui quitepanitaj.
\q1
\v 5 Amojuanti cati anquintaijyohuiltíaj amo teno anquimatij huan amo teno anquimachilíaj.
\q1 Annemij ipan tzintayohuilot huan nochi itzinpehualtil taltipacti huihuipica.
\q1
\v 6 Quena, na nimechtocaxtijtoc ‘andioses’ huan ‘annoconehua niDios Cati Más Hueyi’,
\q1
\v 7 pero quema hualas miquilisti, nimantzi anmiquise pampa amojuanti san anmasehualme.
\q1 Amopantis quej ipanti cati hueli masehuali cati quipiya tequiticayot,
\q1 pampa nochi miquise.”
\q1 Quej nopa quiijto Toteco.
\b
\q1
\v 8 ¡Toteco Dios, ximotanana huan xijtajtolsencahua ni taltipacti,
\q1 pampa nochi moaxca!
\q1 Nochi talme huan tanahuatiani eltoque momaco.
\c 83
\s1 Toteco, xiquintatzacuilti cati quicualancaitaj Israel
\q1
\v 1 ¡Toteco Dios, amo san xitacacto,
\q1 yon amo san xitachixto quema timotatajtíaj!
\q1 Monequi technanquili huan techmanahui,
\q1
\v 2 pampa mocualancaitacahua tahuejchihuaj hasta quej nanalcaj huan mohueyimatij ica ta.
\q1
\v 3 Inijuanti tahuel quimatij quenicatza quitalise taquetzti ica momasehualhua.
\q1 Huan quisencahuaj quenicatza quichihuase para quinmictise cati tiquintapejpenijtoc.
\q1
\v 4 Huan quiijtohuaj:
\q1 “Ma tiyaca tiquinixpolotij nochi nopa israelitame para ayecmo ma elica se tali ica imasehualhua.
\q1 Huan ayecmo aqui quielnamiquis itoca Israel.”
\q1
\v 5 Ya nopa cati quisencajque san sejco quema mosentilijque para mocamanalhuise.
\q1 Quena, san sejco quichijque se camanali para fiero mitzchihuilise.
\q1
\v 6 Nopa masehualme elque iixhuihua Edom, Ismael, Agar huan Moab.
\q1
\v 7 Nojquiya inijuanti hualajque ten nopa talme Gebal, Amón, Amalec, Filistea huan Tiro.
\q1
\v 8 Huan nopa masehualme ten tali Asiria nojquiya mosejcotilijque inihuaya.
\q1 Nojquiya iixhuihua Lot.
\q1
\v 9 Xiquinchihuili san se quej tiquinchihuili tali Madián ehuani,
\q1 o quej tijchihuili Sísara huan Jabín ehuani ipan hueyat Cisón.
\q1
\v 10 O xiquinchihuili quej tijchijqui ica mocualancaitacahua ipan tali Endor.
\q1 Inijuanti inintacayohua mocajque tepejtoque talchi huan elque quej abono para tali.
\q1
\v 11 Xijchihua para nopa tacame cati tahuel tejtetique ma miquica quej Oreb huan Zeeb quinmictijque.
\q1 Huan nojquiya xijchihua para inintayacancahua ma miquica quej nopa tanahuatiani Zeba huan Zalmuna.
\q1
\v 12 Pampa inijuanti quiijtojque:
\q1 “Ma timoaxcatica nopa tali cati iaxca Dios.”
\q1
\v 13 NoTeco Dios, xiquinsemana ica moijyoyo quej elisquíaj taltepocti,
\q1 o quej tasoli cati quihuica ajacat,
\q1
\v 14 o quej se hueyi tit cati quitamitatía se cuatitamit.
\q1
\v 15 Xiquinquixti ica huejhueyi tit, ica tatomonilot,
\q1 huan ica huejhueyi ajcomalacat.
\q1
\v 16 TOTECO, xiquinpinahualti nochi hasta mitzixmatise ta huan mohueyi chicahualis.
\q1
\v 17 Ayecmo ma quimatica taya quichihuase.
\q1 Ma mopinahualtica huan ma huetzica ipan majmajti.
\q1
\v 18 Quena, xiquinchihuili ya nopa hasta quimachilise para san ta tiTOTECO,
\q1 huan para ta tiDios Cati Más Hueyi huan para san ta tijnahuatía nochi taltipacti.
\c 84
\s1 Masehualme tahuel quinejque itztose ipan itiopa Toteco
\q1
\v 1 TOTECO, ta tiDios Cati Tijpiya Nochi Chicahualisti,
\q1 tahuel cuajcualtzi motiopa.
\q1
\v 2 Nelía tahuel nijnequi nicalaquis ipan icalixpa nopa tiopamit,
\q1 para nimonechcahuis huan nihuicas ica nochi noyolo para ta, Toteco Dios, cati tiitztoc.
\q1
\v 3 TOTECO, ta tiDios Cati Tijpiya Nochi Chicahualisti.
\q1 Ta tinotanahuatijca huan tinoTeco.
\q1 Campa motaixpa ipan mochaj nochi quipantíaj ininchaj,
\q1 hasta nopa cochome huan tiopan tachpanani cati nopona motepasoltíaj,
\q1 para nopona quintacatiltíaj ininconehua.
\q1
\v 4 ¡Nelía paquij nopa masehualme cati itztoque ipan motiopa huan quisenhuiquilíaj mitzpaquilismacaj!
\q1
\v 5 Cuali ininpanti nopa masehualme cati itztoque momaco, Toteco,
\q1 huan quitoquilíaj moojhui huan yahuij Jerusalén para mitzhueyimatise.
\q1
\v 6 Quema panose campa ohui huan ipan nopa tamayamit ten Choquisti,
\q1 quipatase para elis quej se cuajcualtzi ameli cati temitos ica at quema huetzi at,
\q1 pampa nopona quipantise miyac tatiochihualisti.
\q1
\v 7 Huan quej nopa nejnentiyase mojmosta ica más chicahualisti,
\q1 huan ajsise ipan Jerusalén para nopona monextise moixpa, Toteco.
\q1
\v 8 TOTECO Dios, ta tiDios Cati Tijpiya Nochi Chicahualisti, techtacaquili quema nimotatajtía.
\q1 Quena, techtacaquili ta tiiTeco Israel.
\q1
\v 9 Toteco, ta cati techmanahuía.
\q1 Xijcualita huan xijtiochihua nopa tanahuatijquet cati ticaltijtoc para tanahuatis ipan Israel.
\q1
\v 10 Achi más cuali ma niyolto se tonal huan ma niitzto ipan motiopa, Toteco,
\q1 huan amo niyoltos se mil tonali huan san ninentinemis campa hueli.
\q1 Quena, achi más cuali san nimoquetzasquía campa icalte motiopa, Toteco,
\q1 huan amo niitztos ipan se hueyi cali campa onca tajtacoli.
\q1
\v 11 Pampa ta, Toteco Dios, techtaahuilía huan techmanahuía.
\q1 Ta techicnelía huan techhueyitalía.
\q1 Huan nochi cati monejnemiltíaj xitahuac ipan moojhui,
\q1 ta tiquinmacas nochi tamanti cuajcuali cati inijuanti quinequij.
\q1
\v 12 Toteco Dios, ta tiDios Cati Tijpiya Nochi Chicahualisti,
\q1 nelía paquij nopa masehualme cati motemachíaj ipan ta para tiquinmocuitahuis.
\c 85
\s1 Netatajtili para Toteco ma quintasojta nopa israelitame
\q1
\v 1 TOTECO, ta techtitanilijtoc miyac tatiochihualisti cati cuajcualtzitzi ipan ni tali,
\q1 pampa sempa tiquinhualicac nica iixhuihua Jacob cati itztoyaj ipan sequinoc talme.
\q1
\v 2 Tiquinquixtili inintaixpanolhua nochi momasehualhua.
\q1 Quena, tijtalpacho nochi inintajtacolhua.
\q1
\v 3 Timoyoltali ica tojuanti huan ayecmo tahuel ticualantoc.
\q1
\v 4 NoTeco Dios, ta cati titemaquixtía,
\q1 ama xijchihua para sempa ma timitzicnelica para ayecmo quema techajsis mohueyi cualancayo.
\q1
\v 5 ¿O huelis tijsenhuiquilis ticualantos ica tojuanti para nochipa?
\q1 ¿O huelis tijhueyilis mohueyi cualancayo para nochi xihuit?
\q1
\v 6 Toteco Dios, sempa techtanana,
\q1 huan tojuanti timomasehualhua sempa timopaquilismacase ipan ta.
\q1
\v 7 TOTECO, technextili mohueyi taicnelilis,
\q1 huan techmaquixti.
\b
\q1
\v 8 Na nijtacaquilijtoc nochi cati quiijtohua TOTECO Dios,
\q1 pampa yaya quincamanalhuis itatzejtzeloltica masehualhua cati quintapejpenijtoc.
\q1 Huan cati quiijtos quinmacas tasehuilisti ipan iniyolo,
\q1 para inijuanti ma ayecmo mocuepaca ipan nopa ojti ten huihuiyot campa nemiyayaj ipan tajtacoli.
\q1
\v 9 Melahuac Toteco Dios itztoc nechca para quinmaquixtis masehualme cati quitepanitaj huan quiimacasij quiixpanose.
\q1 Se tonali ihueyitilis Toteco quitemitis total.
\q1
\v 10 Campa hueli oncas taicnelijcayot huan cati melahuac.
\q1 Campa hueli nochi quimatise para quichihuase nochi cati xitahuac huan quej nopa oncas tasehuilisti campa hueli.
\q1
\v 11 Cati melahuac elis campa hueli ipan taltipacti,
\q1 huan yaya cati senquisa xitahuac hualtachixtos ten nepa ilhuicac huan paquis ica cati quiitas.
\q1
\v 12 Quena, TOTECO quititanis itatiochihual ipan ni total,
\q1 huan nochi cati tijtocase temacas itajca.
\q1
\v 13 Campa hueli campa yas Toteco oncas cati melahuac,
\q1 huan nochipa iojhui elis xitahuac.
\c 86
\s1 Netatajtili para Toteco ma quipalehui
\q1
\v 1 TOTECO, ximohuijtzoma quentzi huan techtacaquili quema nimotatajtía.
\q1 Technanquili pampa niteicneltzi huan niitztoc ipan tequipacholi huan taohuijcayot.
\q1
\v 2 NoTeco Dios, techmanahui pampa na nijchihua campeca para nijchihuas cati quiijtohuaj motanahuatilhua.
\q1 Techmaquixti pampa na nimitztequipanohua huan san ipan ta nimotemachía para techmocuitahuis.
\q1
\v 3 TOTECO, xijpiya hueyi moyolo ica na pampa nochi se tonal nimitztzajtzilijtoc,
\q1 huan ipan ta nimochiya para techpalehuis.
\q1
\v 4 Toteco, techmaca paquilisti pampa na san ta nimitzhueyichihua.
\q1
\v 5 Toteco, ta nelía ticuali huan timoquetztoc timocualtalijtoc para titetapojpolhuis.
\q1 Tiquinicnelía huan nimantzi tiquintasojta nochi cati mitztajtaníaj motapalehuil.
\q1
\v 6 TOTECO, techtacaquili quema nimotatajtía.
\q1 Quena, techtacaquili quema nimitztzajtzilía.
\q1
\v 7 Nimitztzajtzilis ipan nopa tonali quema nechajsis taohuijcayot,
\q1 pampa san ta technanquilía huan techpalehuía.
\q1
\v 8 Ipan nochi sequinoc cati quintocaxtíaj “dioses”,
\q1 amo onca seyoc quej ta, Toteco.
\q1 Huan amo aqui hueli quichihua huejhueyi tamanti quej ta tijchihua.
\q1
\v 9 Elqui ta cati tiquinchijchijqui nochi talme ica inimasehualhua.
\q1 Yeca hualase huan mitzhueyichihuase, Toteco.
\q1 Huan mitzhueyitalise ta cati titatzejtzeloltic,
\q1
\v 10 pampa ta tahuel tihueyi huan tijchihua huejhueyi tamanti.
\q1 ¡San ta nelía tiDios!
\q1
\v 11 TOTECO, technextili moojhui huan nijtoquilis pampa san ya nopa temachti.
\q1 Xijchihua para noyolo ma mitzhueyitepanita,
\q1 huan ma quiimacasi mitzixpanos nochi nonemilis.
\q1
\v 12 TOTECO Dios, nimitzpaquilismacas ica nochi noyolo huan nimitzhueyitalis para nochipa,
\q1
\v 13 pampa tahuel hueyi motaicnelilis ica na,
\q1 huan amo quema tami.
\q1 Ta techmanahuijtoc para amo niyas micta campa tanahuatía miquilisti.
\q1
\v 14 Toteco Dios, miyac masehualme cati mohueyimatij huan cati mosisiníaj motanantoque para nechtehuise.
\q1 Huan miyac tatehuijca masehualme huan taixpanoni quinequij nechmictise,
\q1 huan amo moyolilhuíaj ten ta.
\q1
\v 15 Pero ta Toteco nelía titetasojta huan hueyi moyolo.
\q1 Amo nimantzi ticualani.
\q1 San ta titeicnelía huan san ta timelahuac.
\q1
\v 16 Techtachili ica miyac taicnelijcayot huan techmaca chicahualisti na nimotequipanojca.
\q1 Huan xijmanahui icone mosihua tequipanojca.
\q1
\v 17 Xijnexti se tanextili para ta techcualita.
\q1 Quej nopa quiitase nocualancaitacahua,
\q1 huan pinahuase pampa momacase cuenta para ta, TOTECO,
\q1 tahuel techpalehuía huan techyoltalía.
\c 87
\s1 Nelía elis se hueyi paquilisti para cati ehuani altepet Jerusalén
\q1
\v 1 Altepet Jerusalén eltoc ipan nopa tepet tatzejtzeloltic cati iaxca Toteco.
\q1
\v 2 Huan TOTECO quiicnelía Jerusalén achi más que nopa sequinoc pilaltepetzitzi ipan tali Israel.
\q1
\v 3 Quena, Jerusalén eltoc ialtepe Toteco Dios,
\q1 huan quema masehualme quielnamiquij,
\q1 camanaltij nelcuajcualtzi ten nopa altepet.
\q1
\v 4 Quema tatajco nohuampoyohua niquintocaxtía nopa talme cati inintoca Egipto, Babilonia, Filistea, Tiro huan Etiopía,
\q1 itztos se cati mohueyimatis pampa tacatqui ipan se ten nopa talme.
\q1
\v 5 Pero ajsis tonali quema masehualme quiselise más hueyi tatepanitacayot pampa tacatque ipan altepet Jerusalén,
\q1 pampa Toteco Cati Más Hueyi quitiochihuas ni altepet.
\q1
\v 6 Huan TOTECO quiijcuilos inintoca nochi cati itztoque ipan nopa altepet.
\q1 Huan nochi cati tacatque nopona quintalilis se tanextili campa ijcuilijtos inintoca.
\q1
\v 7 Huan quema ilhuichihuase inijuanti, huicase ica paquilisti huan quiijtose:
\q1 “Nochi noyolo nijtalijtoc ipan Jerusalén.”
\c 88
\s1 Netatajtili para Toteco ma quinmanahui imaco miquilisti
\q1
\v 1 TOTECO, ta cati tinoDios huan tinotemaquixtijca.
\q1 Tonaya huan tayohua nimitztzajtzilijtoc para techpalehui.
\q1
\v 2 Techtacaquili quema nimotatajtía huan quema nimitztzajtzilía,
\q1
\v 3 pampa nijmati nisiyajtoc ica nochi cati amo cuali hasta nijmati ya nechcatitoc para nimiquis.
\q1
\v 4 Miyac quiijtohuaj para ya tantinemi nonemilis huan para ayecmo nijpiya chicahualisti.
\q1
\v 5 Masehualme nechtahuelcajtoque para ma nimiqui.
\q1 Niitztoc quej se cati ya mijqui ipan tatehuilisti huan nochi quielcahuaj sinta itztoya.
\q1 Huan eltoc quej ta techelcajqui huan ayecmo techmocuitahuía.
\q1
\v 6 Ta techmajcajtoc ipan nopa ostot cati más huejcata campa onca tzintayohuilot cati más yayahuic.
\q1
\v 7 Mocualancayo nechtaijyohuiltía chicahuac huan talojtzitzi nechtatzintanhuetziltía más.
\q1
\v 8 Tijchijtoc para noteixmatcahua ma nechtahuelcahuaca huan ma nechijiyaca.
\q1 Eltoc quej niitztoc ipan se tatzacti huan amo hueli niquisa.
\q1
\v 9 Ayecmo hueli nitachiya pampa tahuel nimochoquilijtoc.
\q1 Mojmosta nimitztajtanía motapalehuil,
\q1 huan nimomatanana quema nimotatajtía ica ta, TOTECO, para techtasojta.
\q1
\v 10 Pero nijmachilía para, quena, nimiquis nimantzi,
\q1 huan ¿taya ipati elis para na nopa tiochicahualnescayot cati tijchihuas quema ya nimictoc?
\q1 ¡Amo teno! ¿Huelis nimitzpaquilismacas quema ya nimictos?
\q1
\v 11 Se mijcatzi cati ya quitalpachojtoque amo huelis tepohuilis para tijpiya hueyi taicnelili.
\q1 Amo huelis tepohuilis para titemachti.
\q1
\v 12 Nepa campa tzintayohua amo huelise tepohuilise nopa huejhueyi tiochicahualnescayot cati tijchihua.
\q1 Mijcatzitzi itztoque ipan se tali campa ayecmo teno quielnamiquij,
\q1 huan amo huelis mitzelnamiquise para san ta tixitahuac.
\q1
\v 13 Pero na nimitztzajtzilijtoc ta TOTECO,
\q1 huan sese ijnaloc nochi cati niquijtohua quema nimotatajtía ica ta ajsi hasta moixpa.
\q1
\v 14 TOTECO, ¿para ten tijhuejcamajcajtoc nonemilis?
\q1 ¿Para ten tiquijcuenía moxayac huan titachiya sejcoyoc?
\q1
\v 15 Na niitztoc ipan taijyohuili huan tequipacholi hasta quema noja niitztoya nitelpocat.
\q1 Majmajti huan miquilisti cati ta techtitanilijtoc nechtoquilijtinemi,
\q1 huan ama ayecmo nihueli más niquijyohuía.
\q1
\v 16 Miyac huelta hualajtoc ipan na mohueyi cualancayo,
\q1 huan nopa majmajti cati techtitanilijtoc tahuel nechtaijyohuiltía.
\q1
\v 17 Quena, nochi nopa tamanti nechyahualojtoc quej at.
\q1
\v 18 Nochi cati niquinicnelía huan cati eliyayaj nohuampoyohua tiquinchijtoc ma nechtahuelcahuaca,
\q1 ayecmo nechchihuilíaj cuenta.
\q1 Huan noteixmatcahua tiquintalijtoc ipan tzintayohuilot.
\c 89
\s1 Nopa camanal sencahuali cati Toteco quichijqui ihuaya David
\q1
\v 1 Nimitzhuicatis, TOTECO, para nochipa pampa tahuel hueyi moyolo ica na.
\q1 Quena, nochi telpocame huan huehuentzitzi niquinpohuilis para ta nelía titemachti.
\q1
\v 2 Na niquijto: “Ta titetasojtas para nochipa.
\q1 Huan nochipa tiitztos titemachti san quej para nochipa huejcahuas ilhuicacti campa tiitztoc.”
\q1
\v 3 Ta tiquijtojtoc para tijchijqui se camanal sencahuali ica motequipanojca David cati tijtapejpenijtoc.
\q1 Titatestigojquetzqui ten taya tijchihuilis.
\q1
\v 4 Tiquilhui para se iixhui mosehuis ipan isiyaj campa yaya tanahuatía,
\q1 huan nopona tanahuatis para nochipa.
\q1
\v 5 TOTECO, cati itztoque ipan ilhuicac mitzpaquilismacaj por nochi nopa tiochicahualnescayot cati tijchihua.
\q1 Huan miyac millones moilhuicac ejcahua mitzhueyimatise pampa titemachti.
\q1
\v 6 Pampa ipan nochi ilhuicac amo aqui seyoc cati san se quej ta, Toteco Dios.
\q1 Huan yon se ilhuicac ejquet amo quipiya chicahualisti quej cati tijpiya ta, Toteco.
\q1
\v 7 Toteco Dios, ta nelía tihueyi huan titemajmati.
\q1 Nochi motatzejtzeloltijca ilhuicac ehuani mitztepanitaj.
\q1 Quena, nochi cati mitzyahualojtoque, majmahuij quema moquetzaj moixpa.
\q1
\v 8 TOTECO, ta tiDios Cati Tijpiya Nochi Chicahualisti,
\q1 ¿ajquiya seyoc tahuel quipiya chicahualisti quej ta?
\q1 ¡Amo aqui seyoc! San ta TOTECO tahuel tijpiya chicahualisti.
\q1 San ta nelía titemachti.
\q1
\v 9 San ta tihueli tijtacahualtía nopa hueyi at quema mosisinía huan mocoxonía chicahuac.
\q1 Tijtacahualtía huan quichihua cati tiquilhuía.
\q1
\v 10 Ta tijtzontamilti nopa cati temajmatiyaya ipan hueyi at.
\q1 Ica mohueyi chicahualis tiquinsemanqui mocualancaitacahua.
\q1
\v 11 Ta moaxca ilhuicacti, taltipacti huan nochi cati onca,
\q1 pampa nochi tijchijchijqui ta.
\q1
\v 12 Tijchijchijqui nopa norte huan sur.
\q1 Nopa tepeme Tabor huan Hermón paquij pampa ta tiquinchijchijqui.
\q1
\v 13 Moajcol tahuel quipiya chicahualisti.
\q1 Huan monejmat quipiya tetili huan miyac yajatili para tatanis.
\q1
\v 14 Motanahuatilis motatzquilijtoc ipan ome tamanti:
\q1 Titetajtolsencahua xitahuac huan tijchihua cati cuali.
\q1 Titeicnelía huan tiquijtohua cati melahuac.
\q1
\v 15 Nelía paquij nopa masehualme cati quicaquij nopa tapitzali cati quinnotza ma mitzhueyichihuaca, TOTECO.
\q1 Inijuanti nemise nelía monechca huan ta tiquintaahuilis.
\q1
\v 16 Semilhuit mopaquilismacase ipan ta pampa tahuel tihueyi huan tixitahuac.
\q1
\v 17 Pampa san ta tijpiya mohueyitilis huan tiquinfuerzajmaca.
\q1 Timasehualme tijpiyaj chicahualisti pampa ta techpalehuía.
\q1
\v 18 Quena, Toteco Dios, ta cati titatzejtzeloltic techmocuitahuía tojuanti ipan tali Israel.
\q1 Ta titotanahuatijca.
\q1
\v 19 Ipan se tanextili tijcamanalhui motatzejtzeloltijca profeta huan tiquilhui:
\q1 “Ten nochi masehualme nijtapejpenijtoc se cuajcualtzi telpocat cati tahuel motemaca,
\q1 huan nijtequitali ma eli tanahuatijquet para na.
\q1
\v 20 Quena, nijpantijtoc notequipanojca David huan nicaltijtoc ica nopa aceite cati ica niteiyocatalía para ma nechtequipanoca.
\q1
\v 21 Nijchihuas ma eli temachti huan nijmacas chicahualisti.
\q1
\v 22 Amo quiechcapantalise icualancaitacahua,
\q1 yon amo quitanise taixpanoca masehualme.
\q1
\v 23 Iixpa niquintzontamiltis icualancaitacahua huan nochi cati quicualancaitaj.
\q1
\v 24 Na cati nitemachti nijmocuitahuis huan nijtiochihuas talojtzitzi,
\q1 huan tahuel miyac niquicnelis.
\q1 Ica na notapalehuil yaya elis tahuel hueyi.
\q1
\v 25 Na nijchihuas para itanahuatilis pehuas campa hueyat Eufrates,
\q1 huan tamis hasta campa hueyi at cati itoca Mediterráneo.
\q1
\v 26 Huan yaya nechtzajtzilis huan nechilhuis:
\q1 ‘¡Ta tinoTata, ta tinoTeco Dios!
\q1 Ta cati techmaquixtía huan techtatía para amo teno nechajsis.’
\q1
\v 27 Na niquitas nopa tanahuatijquet quej noachtohui cone.
\q1 Nijchihuas para yaya ma eli nopa tanahuatijquet cati más hueyi ipan nochi taltipacti.
\q1
\v 28 Niquicnelis para nochipa huan para nochipa nijchihuilis cati cuali.
\q1 Huan nopa camanal sencahuali cati nijchijtoc ihuaya, amo quema tamis.
\q1
\v 29 Na nijtequimacas se iixhui para ma tanahuatis campa yaya tanahuatiyaya.
\q1 Itanahuatilis huejcahuas para nochipa quej huejcahuas ilhuicacti.
\q1
\v 30 Pero sinta iconehua quitahuelcahuase noley huan amo monejnemiltise quej quiijtohua notamachtil,
\q1
\v 31 o sinta quiixpanose cati niquinnahuatijtoc ma quichihuaca ipan ininemilis huan amo quintepanitase notanahuatilhua,
\q1
\v 32 huajca niquintatzacuiltis pampa ya nopa quinextis para amo nechneltocatoque huan tajtacolchihuaj.
\q1
\v 33 Pero amo nijcahuas niquinicnelis,
\q1 yon amo nijtamiltis nopa camanali cati nijchijtoc inihuaya.
\q1
\v 34 Amo niquelcahuas cati ica nimocajtoc David huan amo nijpatas nocamanal.
\q1
\v 35 Pampa na nitatestigojquetzqui para nijchihuilis David nochi cati nijtajtolcahuilijtoc.
\q1 Huan na niDios cati nitatzejtzeloltic amo hueli niistacatis.
\q1
\v 36 Iixhui mosehuis huan tanahuatis para nochipa campa ya mosehui.
\q1 Itanahuatilis huejcahuas san quej imiyaca tonali taahuijtos tonati.
\q1
\v 37 Quena, itanahuatilis tahuel huejcahuas quej huejcahuas metzti,
\q1 o quej huejcahuas nochi cati eltoc ipan ilhuicac cati eltoque quej notestigos.”
\m Quena, quej nopa tiquijto, Toteco.
\q1
\v 38 ¿Huajca para ten techtahuelcahua huan techhuejcamajcahua?
\q1 ¿Para ten tahuel ticualani ica yaya cati tijtapejpenijtoc para elis tanahuatijquet?
\q1
\v 39 ¿Tijsosolojtoc nopa camanali cati tijchijqui ihuaya?
\q1 Pampa eltoc quej tijtahuiso icorona hasta talchi.
\q1
\v 40 Tiquincahuili tocualancaitacahua ma quihuelonica nopa tepamit cati yahualtic quitzacuayaya toaltepe.
\q1 Huan quitamisosolojque nopa calme cati huejcapantique campa timomanahuiyayaj.
\q1
\v 41 Nochi cati panoj nopona quiichtequij cati inijuanti quinequij.
\q1 Huan nopa masehualme cati itztoque tonechca san techhuetzquilíaj.
\q1
\v 42 Tiquinfuerzajmacatoc tocualancaitacahua,
\q1 huan tiquinchijtoc ma paquica pampa techtantoque.
\q1
\v 43 Tijquixtili itatequiyo tomacheta cati ica titatehuiyayaj,
\q1 huan amo tijnejqui techpalehuis para ma titatanica.
\q1
\v 44 Techquixtili noyejyejca huan tijtahuisojtoc hasta talchi notanahuatilis.
\q1
\v 45 Techchijtoc ma nitalochhuehuejtiya huan techpinahualtijtoc iniixpa nochi masehualme.
\q1
\v 46 TOTECO, ¿hasta quema tamis ticualantos?
\q1 ¿Hasta quema noja timotatijtos ten tojuanti?
\q1 ¿Mohueyi cualancayo eltos quej tit para nochipa?
\q1
\v 47 ¡Toteco, xiquelnamiqui para tonemilis amo huejcahuas ipan ni taltipacti!
\q1 ¿Huelis timoilhuía amo teno ipati nopa nemilisti cati tiquinmacatoc nochi masehualme?
\q1
\v 48 Yon se masehuali amo huelis itztos para nochipa. ¡Nochi miquise!
\q1 ¿Ajquiya huelis quimanahuis inemilis imaco miquilisti?
\q1
\v 49 NoTeco Dios, ¿canque eltoc motaicnelilis ten huejcajquiya?
\q1 ¿Para ten ayecmo tijpiya hueyi moyolo ica tojuanti?
\q1 Ta tiToteco cati titemachti, tijtajtolcahuili David para melahuac amo quema techtahuelcahuas.
\q1
\v 50 TOTECO, xijtachili quenicatza nochi masehualme techcualancaitaj tojuanti timomasehualhua.
\q1
\v 51 Mocualancaitacahua quipinahualtíaj yaya cati tijtapejpenijtoc para elis tanahuatijquet.
\b
\q1
\v 52 Ma tijpaquilismacaca TOTECO para nochipa.
\q1 Quej nopa ma eli.
\c 90
\s1 Masehualme amo huejcahuaj
\q1
\v 1 Toteco, ta nochipa techmocuitahuijtinentoc,
\q1 hasta ten ipejya nochi xihuit huan para nochi tonali.
\q1
\v 2 Hasta quema ayemo tiquinchijchihuayaya tepeme huan taltipacti, ta ipa tiitztoc.
\q1 Pampa ta, tiToteco Dios, amo quema tijpixqui mopejya,
\q1 huan amo quema tijpiyas motamiya.
\q1
\v 3 Ta tijchihua para nochi masehualme ma mocuepaca tali.
\q1 Quena, ticamanalti huan tiquijtohua:
\q1 “Ximiquica anmasehualme.”
\q1
\v 4 Pampa mil xihuit ta tiquita quej se tonal cati panoc yalohua,
\q1 o quej elisquía se eyi hora quema se tamocuitahuiyaya tayohua.
\q1
\v 5 Tonemilis motalojti quej at cati hualtemo chicahuac ipan se atajti.
\q1 Huan ica se talojtzi tiixpolijtehuaj quej se temicti.
\q1 Nojquiya tiitztoque quej se xihui cuahuit.
\q1
\v 6 Ica ijnaloc moscaltía huan cahuani,
\q1 huan ica tiotac quitzontequij huan huaqui.
\q1
\v 7 Pampa ica mohueyi cualancayo techtaijyohuiltía huan techtzontamiltía.
\q1
\v 8 Totajtacolhua huan totaixpanolhua tanemijya nestoc moixpa.
\q1
\v 9 Yeca nochi tonali huan nochi xihuit tijpanoj huejhueyi taohuijcayot,
\q1 cati ta techtitanilía ica mohueyi cualancayo.
\q1
\v 10 San techcahuilía timasehualme ma tiitztoca setenta xihuit.
\q1 Huan cati quentzi más tejtetique san tiquincahuilía ma itztoca ochenta xihuit.
\q1 Pero ipan nochi nopa xihuit san tijpanoj taohuijcayot huan tequipacholi,
\q1 pampa nochi nopa xihuit san panotiquisa huan tojuanti san tiixpolijtehuaj.
\q1
\v 11 ¿Ajquiya quimachilía nochi cati tihueli tijchihuas quema ticualani?
\q1 ¿Ajquiya ten tojuanti mitzimacasi quej quinamiqui?
\q1
\v 12 Amo miyac tonali tijpiyaj,
\q1 huajca technextili quenicatza ma tijchihuaca para amo timotonalpolose,
\q1 huan para ma tijpiyaca talnamiquilisti ipan toyolo nochi tonali.
\q1
\v 13 TOTECO, xihuala huan techtiochihua.
\q1 ¿Hasta quema tamis ticualantos?
\q1 Techtasojta tojuanti timotequipanojcahua.
\q1
\v 14 Mojmosta ica ijnaloc technextili motaicnelilis,
\q1 huan nochi tonemilis timitzhuicatise huan tiyolpactose.
\q1
\v 15 Toteco, techmaca paquilisti quej ipataca nopa taohuijcayot cati tijpanoque.
\q1 Huan techcahuili ma tiitztoca ica cuajcualtzi para miyac xihuit,
\q1 quej imiyaca nopa xihuit quema tijpanoque tamanti cati fiero.
\q1
\v 16 Xijchihua para sempa ma tiquitaca nopa huejhueyi tiochicahualnescayot cati tijchihua.
\q1 Huan toconehua ma quiitaca nochi nopa cuajcualtzitzi tamanti san se quej tijchihuayaya achtohuiya.
\q1
\v 17 TOTECO, ta titoDios,
\q1 techtaahuilía ica motatanex huan technextilía para techcualita.
\q1 Techpalehui para nochi cati tijchihuase ma quisa cuali huan ma huejcahuas.
\q1 Quena, Toteco, ma cualquisa nochi cati toma quichihuas pampa ta techfuerzajmaca.
\c 91
\s1 Ma timotatzquilijtoca ipan Toteco
\q1
\v 1 Cati motatzquilijtoc ipan Toteco Dios Cati Más Hueyi itztos temachti imaco,
\q1 pampa mocahuas ica Toteco Cati Quipiya Nochi Chicahualisti.
\q1
\v 2 Huan na niquijtos ten TOTECO para yaya nechmocuitahuía ica ihueyi chicahualis.
\q1 Yaya noTeco Dios huan san ipan ya nimotemachía.
\q1
\v 3 Pampa san yaya hueli mitzmanahuis ten nochi taquetzti cati sequinoc quitatise para mitzmasiltise.
\q1 Mitzmocuitahuis para amo mitzajsis nopa cocolisti cati tetzontamiltía.
\q1
\v 4 Quej se tenampiyo quintatía ipilconehua ieltapaltzala,
\q1 Toteco quej nopa nojquiya mitzmocuitahuía.
\q1 Temachti mitzchihuilis nochi cati mitztajtolcahuilijtoc,
\q1 pampa timotemachijtoc ipan ya para mitzmanahuis.
\q1
\v 5 Huajca ama ayecmo ximajmahui ica tayohua,
\q1 yon amo xiquimacasi cati hueli panos ipan tonaya.
\q1
\v 6 Amo xiquimacasi nopa taijyohuilisti cati huala ipan tzintayohuilot,
\q1 yon nopa miquilisti cati ajsi ica tajcotona.
\q1
\v 7 Masque monechca miquise mil o majtacti mil masehualme,
\q1 ta amo mitzajsis.
\q1
\v 8 Ica moixteyol tiquitas quenicatza quiselise tatzacuiltili nopa taixpanoca tacame.
\q1
\v 9 Sinta timotemachijtoc ipan TOTECO para mitzmocuitahuis,
\q1 huan timochiya ipan Toteco Cati Más Hueyi para mitzpalehuis,
\q1
\v 10 huajca amo mitzajsis yon se tamanti cati amo cuali,
\q1 yon amo quiajsis mochaj.
\q1
\v 11 Pampa Toteco quintitanis ilhuicac ehuani para ma mitzmocuitahuica,
\q1 huan mitzmocuitahuijtinemise campa hueli campa tiyas.
\q1
\v 12 Huan ilhuicac ehuani mitztananase ica inimax para amo timotepotanis ipan ojti.
\q1
\v 13 Yon amo timajmahuis masque tijquetzas moicxi ipan se león o se cohuat cati temictía.
\q1 Quena, amo teno mopantis masque timoquejquetzas ininpani.
\q1
\v 14 Pampa Toteco Dios quiijtohua:
\q1 “Na nijmanahuis pampa nechicnelía.
\q1 Nijhueyitalis pampa motemachía ipan na.
\q1
\v 15 Quema nechtzajtzilis, na nijnanquilis.
\q1 Nojquiya niitztos ihuaya quema quipiyas tequipacholi.
\q1 Nijmanahuis huan nijhueyitalis.
\q1
\v 16 Nijchihuas ma itzto tahuel miyac xihuit huan nijmaquixtis.”
\c 92
\s1 Xijpaquilismacaca Toteco
\q1
\v 1 Nelía cuali para timitzhueyichihuase, TOTECO,
\q1 ta nopa Dios Cati Más tiHueyi.
\q1 Cuali ma timitzpaquilismacaca ica huicat.
\q1
\v 2 Ica ijnaloc ma titepohuilica motaicnelilis pampa hueyi moyolo,
\q1 huan ica tapoyahui ma tipaquica miyac pampa nelía titemachti.
\q1
\v 3 Ma tihuicaca huan ma titatzotzonaca ica nopa tatzotzonali cati itoca arpa, guitarra huan lira.
\q1
\v 4 NoTeco Dios, ta nelía techchihuilijtoc miyac tamanti cati cuali,
\q1 huan techchijtoc ma nipaqui.
\q1 Yeca nihuica ica miyac paquilisti.
\q1
\v 5 ¡TOTECO, ta tijchihua huejhueyi tiochicahualnescayot!
\q1 ¡Huan motalnamiquilis amo aqui hueli quimachilía!
\q1
\v 6 Nopa masehualme cati huihuitique amo quimatij yon amo quimachilíaj.
\q1
\v 7 Masehualme cati fiero ininemilis motananaj huan mohueyichihuaj ica tamanti cati amo cuali,
\q1 pero amo quimatij para teipa quintzontamiltise huan ayecmo quema motananase.
\q1
\v 8 Pero ta tiTOTECO, mitzhueyitalijtose para nochipa pampa ta tiDios Cati Más Hueyi.
\q1
\v 9 Xiquita nica itztoque mocualancaitacahua, pero nojquiya nica tiquintzontamiltis.
\q1 Quena, TOTECO, nochi masehualme cati quichihuaj cati amo cuali, ta tiquinsemanas.
\q1
\v 10 Pero na techmacas chicahualisti quej se toro cati nemi cuatita.
\q1 Huan sempa techaltis ica moaceite cati temaca yancuic chicahualisti.
\q1
\v 11 Niquitas quenicatza huetzise nocualancaitacahua.
\q1 Huan nijcaquis quenicatza quintzontamiltise nopa taixpanoca tacame cati motanantoque ica na.
\b
\q1
\v 12 Pero cati itztoque xitahuaque iixpa Toteco quipiyase chicahualisti.
\q1 Elise cuajcualtzitzi quej ixochiyo apachijcuahuit.
\q1 Mohueyichihuase quej nopa tiocuame cati onca ipan tali Líbano.
\q1
\v 13 Masehualme cati cuajcualme quipiyase chicahualisti quej cuame cati quintoctoque ipan ichaj TOTECO,
\q1 huan Toteco Dios yaya quinmocuitahuis.
\q1
\v 14 Huan quema nopa cuajcualme huehuejtiyase, noja quipiyase fuerza.
\q1 Itztose quej cuame cati temacase inintajca,
\q1 huan nochipa xoxohuixtose.
\q1
\v 15 Huan ya nopa quinextis para TOTECO cati nechmocuitahuía quichihua cati melahuac.
\q1 Nochipa yaya xitahuac tetajtolsencahua.
\c 93
\s1 Toteco tahuel hueyi
\q1
\v 1 ¡TOTECO tanahuatía!
\q1 Yaya tahuel hueyi hasta quipiya itatanex cati tahuel cuajcualtzi.
\q1 Quitatzquilti nelcuali ni taltipacti,
\q1 huan amo hueli mojmolinis ten itatzinpehualtil.
\b
\q1
\v 2 Nochipa hasta ten huejcajquiya ta tijpixtoc tanahuatili,
\q1 huan nochi cati itztoque ipan motanahuatilis itztoque temachme.
\q1 San ta tiitztoc para nochipa.
\q1
\v 3 TOTECO, nopa hueyame caquisti para mitzpaquilismacaj quema mocoxoníaj.
\q1
\v 4 Pero ta, TOTECO, cati tiitztoc hasta huejcapa tijpiya más chicahualisti,
\q1 huan amo quej nopa at cati mocoxonía ipan nochi huejhueyi at ipan taltipacti.
\q1
\v 5 Motanahuatilhua amo quema mopataj.
\q1 TOTECO, para nochi xihuit huan para nochi tonali motequiticayo eltoc senquisa tatzejtzeloltic.
\c 94
\s1 Netatajtili para Toteco ma quincuepili tocualancaitacahua
\q1
\v 1 TOTECO, ximonexti.
\q1 Ta tiDios cati tijpiya motequi para tiquincuepilis cati amo cuali techchihuilijtoque tocualancaitacahua.
\q1
\v 2 Ximotanana huan xijtatzacuilti ni tali.
\q1 Nochi cati mohueyimatij xiquintatzacuilti quej quinamiqui.
\q1
\v 3 TOTECO, ¿hasta quema tamis tatanise huan mopaquilismacase nopa masehualme cati amo aqui quitepanitaj?
\q1
\v 4 ¿Hasta quema tamis tetaijilhuise huan mohueyimatise nopa tajtacolchijca masehualme?
\q1
\v 5 TOTECO, inijuanti tahuel quintaijyohuiltíaj huan quintequipacholmacaj momasehualhua cati tiquinicnelía.
\q1
\v 6 Inijuanti quinmictíaj sihuame icnotzitzi cati ehuani ipan sequinoc altepeme huan cati icnotzitzi.
\q1
\v 7 Huan quiijtohuaj para ta, TOTECO, amo tiquita,
\q1 yon amo timomaca cuenta.
\q1 Quej nopa quiijtohuaj ten ta cati tiiTeco tohuejcapan tata Jacob.
\b
\q1
\v 8 Amojuanti cati anhuihuitique ten ni masehualme, xijmachilica.
\q1 ¿Hasta quema anquitequihuise amotalnamiquilis para antamachilise?
\q1
\v 9 Toteco quichijchijqui tonacashua,
\q1 huajca ¿anmoilhuíaj para amo quicaquis cati anquiijtohuaj?
\q1 Yaya quichijchijqui toixteyol,
\q1 huajca ¿anmoilhuíaj para amo quiita cati anquichihuaj?
\q1
\v 10 Yaya quintatzacuiltía masehualme ipan nochi talme,
\q1 ¿anmoilhuíaj amo amechtatzacuiltis nojquiya?
\q1 Yaya quimati nochi cati pano,
\q1 huan ¿anmoilhuíaj amo quimati taya anquichihuaj?
\q1
\v 11 TOTECO quiixmati inintalnamiquilis masehualme huan quimati para san moilhuíaj tamanti cati amo cuali.
\b
\q1
\v 12 Pero cuali ininpanti nopa masehualme cati ta, TOTECO,
\q1 tiquintatzacuiltía para tiquintalnamictis.
\q1 Ya nopa quinpalehuía para quitoquilise moojhui,
\q1 huan para monejnemiltise xitahuac ipan motanahuatilhua.
\b
\q1
\v 13 Huan para itztose ica paquilisti quema ajsis nopa tonali cati fiero.
\q1 Pero nopa masehualme cati amo quitepanitaj TOTECO mochihuilíaj se ostot para ipan momasiltise huan motzontamiltise.
\q1
\v 14 Pampa TOTECO amo quintahuelcahuas imasehualhua pampa inijuanti iaxcahua.
\q1
\v 15 Se tonali Toteco tetajtolsencahuas xitahuac,
\q1 huan nochi cati itztoque ica ininemilis xitahuac,
\q1 inijuanti paquise miyac.
\q1
\v 16 ¿Ajquiya nechmanahuis inimaco nopa mosisinijca masehualme?
\q1 ¿Ajquiya nechmocuitahuis ten nopa taixpanoca masehualme?
\q1
\v 17 Sinta Toteco amo nechpalehuijtosquía,
\q1 huajca noyolo ya eltosquía campa tatzitzicatoc pampa ya nimictosquía.
\q1
\v 18 Na nitzajtzic huan niquijto:
\q1 “TOTECO, moxitanía noicxihua.”
\q1 Huan yaya nechtasojtac huan nechmaquixti.
\b
\q1
\v 19 NoTeco, quema san nimoyolilhuía ten miyac tequipacholi huan san ya nopa nijmati,
\q1 ta techyoltalía.
\q1 Techchihua ma nimotemachi ipan ta huan techmaca paquilisti.
\q1
\v 20 Se tanahuatijquet cati amo quichihua cati xitahuac,
\q1 amo tijcahuas para mosentilis ica ta.
\q1 Yon amo itztoc mohuaya cati quichihua se tanahuatili cati amo xitahuac.
\b
\q1
\v 21 Pero tanahuatiani cati quej nopa tachihuaj, mosentilíaj huan mocamanalhuíaj para quenicatza quimictise se cati amo teno quichijtoc,
\q1 o se cati cuali monejnemiltía.
\q1
\v 22 Pero TOTECO yaya nechmocuitahuía pampa tahuel miyac chicahualisti quipiya.
\q1 Ipan noTeco Dios nimotatía huan amo teno huelis nechajsis pampa yaya nechmanahuía.
\q1
\v 23 Huan Toteco Dios quichijtoc para ma huetzi ininpani nopa mosisinijca masehualme nochi nopa tamanti cati amo cuali quichijtoque.
\q1 Yaya quintzontamiltis senquisa quej quisencajtoyaj quinchihuilise sequinoc.
\q1 Quena, TOTECO toDios yaya quintzontamiltis.
\c 95
\s1 Se huicat para tijpaquilismacase huan tijhueyichihuase Toteco
\q1
\v 1 ¡Xihualaca, ma tihuicaca para TOTECO!
\q1 Quena, ma tihuicaca ica paquilisti para tijhueyimatise Toteco cati techmaquixtía huan techtatía para amo teno techajsis.
\q1
\v 2 Ma tiyaca iixpa Toteco para tijtascamatise ica nochi toyolo.
\q1 Ma tijpaquilismacaca ica huicat.
\q1
\v 3 Pampa TOTECO yaya se Dios Cati Tahuel Hueyi.
\q1 Yaya nopa Hueyi Tanahuatijquet huan amo quej nochi sequinoc taixcopincayome cati masehualme quinhueyichihuaj.
\q1
\v 4 Imaco eltoc nochi nopa ostot cati más huejcata huan nopa tepeme cati más huejcapantique.
\q1 Nochi iaxca ya.
\q1
\v 5 Yaya iaxca nopa hueyi at huan taltipacti,
\q1 pampa yaya quichijchijqui.
\q1
\v 6 Xihualaca, ma tijhueyichihuaca huan ma timoixtapachoca iixpa TOTECO,
\q1 yaya cati techchijchijqui.
\q1
\v 7 Pampa yaya toDios huan tojuanti tiimasehualhua.
\q1 Tiitztoque quej tiiborregojhua cati yaya quinmocuitahuía.
\b
\q1 Xijtacaquilica ama cati quiijtohua Toteco:
\q1
\v 8 “Amo ximoyoltetilica quej israelitame quichijque huejcajquiya ipan nopa huactoc tali cati itoca Meriba huan Masah.
\q1
\v 9 Nopona amohuejcapan tatahua nechyejyecojque para quiitase taya nijchihuas.
\q1 Huan quichijque ya ni masque ipa ya quiitztoyaj nopa huejhueyi tiochicahualnescayot cati na nijchijtoya iniixpa.
\q1
\v 10 Para cuarenta xihuit nicualantoya inihuaya,
\q1 pampa iniyolo huan inintalnamiquilis eltoya huejca ten na.
\q1 Huan hasta ama amo motemacatoque quitoquilise notanahuatilhua.
\q1
\v 11 Yeca ica nohueyi cualancayo nitatestigojquetzqui para amo quema calaquise campa nijsencajtoya ma mosiyajquetzaca.”
\c 96
\s1 Huicat para tijpaquilismacase Toteco
\q1
\v 1 Nochi cati anitztoque ipan taltipacti,
\q1 xihuicaca para TOTECO.
\q1 Quena, xihuicaca se huicat yancuic.
\q1
\v 2 Ma tijhuicatica TOTECO por nochi cati quichijtoc.
\q1 Ma tijpaquilismacaca huan ma tijtascamatica por nochi cati techchihuilijtoc.
\q1 Huan mojmosta ma titepohuilica para yaya temaquixtía.
\q1
\v 3 Ipan nochi taltipacti ma titepohuilica ihueyitilis huan nochi tamanti cuajcualtzi cati quichijtoc.
\q1 Huan nochi masehualme ma tiquinpohuilica nopa huejhueyi tamanti cati yaya quichihua.
\q1
\v 4 Pampa TOTECO nelía tahuel hueyi huan quinamiqui ma tijhueyimatica.
\q1 San yaya nelía temajmati huan ne sequinoc cati masehualme quintocaxtíaj dioses, amo.
\q1
\v 5 Pampa nochi nopa dioses cati quinhueyichihuaj ipan sequinoc talme,
\q1 amo teno ininpati.
\q1 Inijuanti san elij teteyome cati masehualme quinchijchijtoque.
\q1 Pero TOTECO yaya quichijchijqui ilhuicacti.
\q1
\v 6 Campa itztoc Toteco senquisa onca itatanex huan temitoc ica ihueyitilis.
\q1 Huan ipan itiopa onca ichicahualis huan iyejyejca.
\q1
\v 7 Nochi anmasehualme ten nochi taltipacti,
\q1 xitepohuilica para san TOTECO quipiya chicahualisti huan san yaya hueyi.
\q1
\v 8 Xijtepanitaca TOTECO quej quinamiqui.
\q1 Xijhualiquilica tacajcahualisti huan xiyaca icalixpa itiopa.
\q1
\v 9 Xihualaca huan xijhueyichihuaca TOTECO.
\q1 Quena, xijhueyichihuaca ica se amonemilis cati cuajcualtzi huan tatzejtzeloltic.
\q1 Huan nochi taltipacti ma huihuipica iixpa.
\q1
\v 10 Xiquinpohuilica nochi talme para Toteco tanahuatía.
\q1 Taltipacti quitalijtoc cuali huan amo quema mijcuenis campa quitatzquiltijtoc.
\q1 Huan Toteco Dios xitahuac quintajtolsencahuas nochi altepeme.
\q1
\v 11 ¡Ma paqui ilhuicacti huan nochi taltipacti!
\q1 ¡Nochi huejhueyi at ma mocoxonica iixpa Toteco ica paquilisti!
\q1
\v 12 ¡Ma paqui nopa cuatitamit huan nochi cati onca,
\q1 pampa nochi cuame quinextíaj para Toteco tahuel hueyi!
\q1 Quena, ma tzajtzica nopa cuame para quipaquilismacase TOTECO,
\q1
\v 13 pampa yaya huala.
\q1 Quena, yaya hualas para quintajtolsencahuas cati itztoque ipan ni taltipacti.
\q1 Quena, quintajtolsencahuas masehualme ipan nochi altepeme quej quinamiqui.
\q1 Quena, quema tetajtolsencahuas,
\q1 nochi quimatise para quichihua cati melahuac.
\c 97
\s1 Toteco nochi quinahuatía
\q1
\v 1 ¡Nochi taltipacti ma paqui pampa TOTECO tanahuatía!
\q1 Huan nochi nopa pilaltepetzitzi cati mopantíaj tatajco hueyi at,
\q1 xiquinilhuica nojquiya ma paquica.
\q1
\v 2 Mixti huan tzintayohuilot quiyahualojtoc Toteco.
\q1 Huan itanahuatilis pejtoc ipan cati melahuac huan cati xitahuac.
\q1
\v 3 Iixpa tayacanti se tit cati quintzontamiltía icualancaitacahua.
\q1
\v 4 Nopa tapetanilot cati yaya quititani quitaahuilía nochi taltipacti.
\q1 Huan ni taltipacti huihuipica quema quiita.
\q1
\v 5 Nochi tepeme atiyaj quej cera iixpa TOTECO cati iaxca nochi taltipacti.
\q1
\v 6 Ilhuicacti tayolmelahua para Toteco xitahuac tetajtolsencahua.
\q1 Huan nochi taltipacti quiita ihueyitilis.
\q1
\v 7 Ma pinahuaca nochi cati quinhueyichihuaj teteyome,
\q1 huan nochi cati mohueyimatij ica inintaixcopincayohua cati amo teno ininpati.
\q1 Nochi sequinoc ten amojuanti cati masehualme amechtocaxtía “andioses” ximotancuaquetzaca iixpa Toteco.
\b
\q1
\v 8 TOTECO, nopa altepet Jerusalén huan nochi altepeme ipan tali Judá quipiyaj paquilisti ica motamachtil.
\q1
\v 9 Pampa ta, tiTOTECO, tijnahuatía nochi taltipacti,
\q1 huan más tihueyi que nochi sequinoc dioses.
\q1
\v 10 TOTECO quinicnelía nochi cati quicualancaitaj cati amo cuali.
\q1 Quinmocuitahuía imasehualhua huan quinchololtía inimaco taixpanoca masehualme.
\q1
\v 11 Cati xitahuac ininemilis nemij ipan itaahuil Toteco,
\q1 huan cati cuali iniyolo quipantíaj paquilisti.
\q1
\v 12 Xipaquica ipan TOTECO nochi amojuanti cati anitztoque xitahuac iixpa.
\q1 Xijhueyichihuaca huan nochipa xiquelnamictoca para Toteco yaya senquisa tatzejtzeloltic.
\c 98
\s1 Ma tijpaquilismacaca Toteco pampa yaya xitahuac tetajtolsencahua
\q1
\v 1 Ma tihuicaca para TOTECO se huicat yancuic,
\q1 pampa yaya quichijtoc nochi nopa huejhueyi tiochicahualnescayot.
\q1 Yaya ya tatantoc ica ihueyi chicahualis huan ica imax cati tatzejtzeloltic.
\q1
\v 2 TOTECO quipanextijtoc ipan nochi taltipacti para san yaya temaquixtía.
\q1 Quinextijtoc iniixpa sequinoc talme para xitahuac tetajtolsencahua.
\q1
\v 3 Yaya quielnamictoc cati techtencahuilijtoc pampa techicneli tojuanti tiisraelitame.
\q1 Huan ama ipan nochi taltipacti quiitztoque quenicatza Toteco Dios techmaquixtijtoc tiimasehualhua.
\q1
\v 4 Yeca ipan nochi taltipacti xijpaquilismacaca TOTECO huan xihuicaca ica miyac paquilisti.
\q1
\v 5 Xijhuicatica TOTECO.
\q1 Xijhueyimatica huan xitatzotzonaca ica arpa.
\q1
\v 6 Xijpitzaca nochi tamanti tapitzali huan xihuicaca ica cuajcualtzi iixpa TOTECO,
\q1 yaya cati Tanahuatijquet.
\q1
\v 7 ¡Ma ajcahuaca chicahuac nochi nopa hueyi at huan ma quipaquilismaca Toteco!
\q1 Nochi taltipacti huan cati itztoque ipani ma tzajtzica huan ma quiijtoca:
\q1 “Tijhueyitalise Toteco.”
\q1
\v 8 Nopa hueyame ma paquica,
\q1 huan masehualme ma momatatzinica,
\q1 huan nochi tepeme ma huicaca ica paquilisti
\q1
\v 9 iixpa TOTECO,
\q1 pampa yaya huala para quintajtolsencahuaqui xitahuac nochi masehualme cati itztoque ipan ni taltipacti.
\c 99
\s1 Toteco yaya tatzejtzeloltic
\q1
\v 1 ¡TOTECO tanahuatía!
\q1 Nochi masehualme ipan nochi talme ma huihuipicaca ica majmajti.
\q1 Isiyaj campa mosehuía para tanahuatis quipiya más tanahuatili huan eltoc más huejcapa que nopa ilhuicac ehuani cati inintoca querubines.
\q1 Nochi cati onca huan nochi cati itztoque ipan taltipacti,
\q1 ma moyolpitzahuilica.
\q1
\v 2 Ipan Tepet Sion nochi quimatij para TOTECO nelía hueyi.
\q1 Yaya más hueyi ten nochi sequinoc tanahuatiani ipan taltipacti.
\q1
\v 3 Nochi ma quihueyichihuaca Toteco, yaya cati hueyi huan temajmati.
\q1 San ya nelía tatzejtzeloltic.
\q1
\v 4 Toteco yaya se tanahuatijquet cati quipiya nochi chicahualisti,
\q1 huan quipactía tetajtolsencahuas xitahuac.
\q1 Nochi cati quichihua senquisa cuali.
\q1 Yaya quinchihuilijtoc cati xitahuac nochi israelitame.
\q1
\v 5 ¡Ma tijhueyitalica TOTECO, yaya toDios,
\q1 yaya cati tatzejtzeloltic!
\q1 Ma timotancuaquetzaca huan ma timoixtapachoca hasta talchi iicxita,
\q1 pampa san yaya tatzejtzeloltic.
\q1
\v 6 Quema nopa totajtzitzi Moisés huan Aarón, huan nopa tajtolpanextijquet Samuel,
\q1 quitzajtziliyayaj TOTECO para quitajtanise itapalehuil,
\q1 yaya quinnanquiliyaya.
\q1
\v 7 Toteco quincamanalhui ipan se mixti,
\q1 huan inijuanti quichijque nochi cati quiijto icamanal huan itanahuatilhua.
\q1 Quena, inijuanti quichijque nochi cati quinilhui ma quichihuaca.
\b
\q1
\v 8 Quena, TOTECO, ta titoDios, ta tiquinnanquili.
\q1 Ta tieli se Dios cati tiquintapojpolhuía inintajtacolhua masehualme.
\q1 Pero nojquiya tiquintatzacuiltía quema quichihuaj tamanti cati amo cuali.
\b
\q1
\v 9 Ma tijhueyitalica TOTECO huan ma tijhueyichihuaca.
\q1 Ma timoixtapachoca iixpa ipan nopa tepet tatzejtzeloltic cati itoca Sion.
\c 100
\s1 Ma tijtascamatica Toteco
\q1
\v 1 Xihuicaca ica paquilisti para TOTECO,
\q1 nochi anmasehualme cati anitztoque ipan ni taltipacti.
\q1
\v 2 Xijtequipanoca TOTECO ica paquilisti.
\q1 Huan quema anhualahuij iixpa, xihuicatihualaca.
\q1
\v 3 Xijmatica cuali para TOTECO, yaya Toteco Dios.
\q1 Yaya techchijchijqui.
\q1 Amo timochijchijtoque tojuanti.
\q1 Tojuanti tiimasehualhua huan tiitztoque quej tiiborregojhua cati techpixtoc ipan ipotrero para techmocuitahuis.
\q1
\v 4 Quema ticalaquij ipan itiopa, ma tijtascamatica miyac.
\q1 Huan quema tinemij icalixpa, ma tihuicaca.
\q1 Quena, ma tijtascamatica huan ma tijpaquilismacaca.
\q1
\v 5 Pampa TOTECO yaya nelía cuali.
\q1 Nochipa teicnelía huan tetasojta.
\q1 Yaya itztos temachti para nochipa ica nochi masehualme cati tacajtihualahuij.
\c 101
\s1 Toteco, tijnequij tiitztose tixitahuaque
\q1
\v 1 Na nijnequi nihuicas para ta,
\q1 TOTECO, pampa ta techicnelía huan techchihuilía cati xitahuac.
\q1 Quena, nimitzpaquilismacas ica huicat.
\q1
\v 2 Nijnequi xitahuac nimonejnemiltis ipan moojhui,
\q1 huan quema tihualas techitaqui,
\q1 amo techpantilis yon se tamanti cati amo cuali.
\q1 Nojquiya nimonejnemiltis xitahuac ipan nochaj.
\q1
\v 3 Amo nijnequi tamanti cati nenpolihui huan cati amo teno ipati.
\q1 Amo nijchihuas tamanti cati amo xitahuac.
\q1
\v 4 Nijhuejcamajcahuas nochi talnamiquilisti cati nechchihuasnequi ma nijchihua cati fiero.
\q1 Amo nijnechcahuis tamanti cati amo cuali.
\q1
\v 5 Amo niquijyohuis cati quiichtacaejelnamiqui ihuampo.
\q1 Huan amo aqui nijcahuilis ma mohueyimati huan moyacaquetzas.
\q1
\v 6 Niquinmocuitahuis nopa masehualme cati temachme ipan notal,
\q1 huan niquinnotzas para ma itztoca nohuaya ipan nochaj.
\q1 Huan san cati nelía monejnemiltíaj xitahuac,
\q1 niquincahuilis ma nechtequipanoca.
\q1
\v 7 Pero amo niquincahuilis ma itztoca ipan nochaj cati tacajcayahuaj huan istacatij.
\q1
\v 8 Mojmosta ica ijnaloc niquintzontamiltis nochi cati amo teno quitepanitaj.
\q1 Huan quej nopa niquintamiltis nochi cati quichihuaj cati fiero ipan ialtepe TOTECO.
\c 102
\s1 Inetatajtil se cati motequipachohua
\q1
\v 1 ¡TOTECO, techtacaquili quema nimotatajtía!
\q1 Xijchihuili cuenta nocamanal quema nimitztzajtzilía para techpalehui.
\q1
\v 2 Amo ximohuejcatali ten na ipan nopa hora quema nitaijyohuía.
\q1 ¡Ximohuijtzoma para techtacaquilis huan nimantzi technanquili quema nimitznotza!
\q1
\v 3 Pampa mojmosta nonemilis tantiya quej pocti.
\q1 Huan noomiyohua nijmachilía quej tatasquía.
\q1
\v 4 Tahuel nimococohua ipan noyolo.
\q1 Ayecmo nijpiya chicahualisti.
\q1 Niitztoc quej se xihuit cati pilintoc.
\q1 Ayecmo nimayana huan niquelcahua para nitacuas.
\q1
\v 5 Huan pampa tahuel niaxtitoc,
\q1 tamicuahuaqui nocuetaxo ipan noomiyo.
\q1
\v 6 Nijmati quej nielisquía nopa tzojpilot cati nemi ipan nopa tali campa amo teno eli,
\q1 o quej cuamojmojti cati iselti itztoc ipan huactoc tali.
\q1
\v 7 Nochi yohuali ayecmo nicochi.
\q1 Niitztoc quej nopa totot cati nemi iselti huan mosehuía itzonco se cali.
\q1
\v 8 Nocualancaitacahua mojmosta nechpinajtíaj huan nechtelchihuaj.
\q1
\v 9 Ayecmo nijcua pantzi.
\q1 Ama nijcua cuajnexti huan cati niqui momanelohua ica noixayo,
\q1
\v 10 pampa tahuel ticualantoc ica na.
\q1 Na nijmati techtananqui huan teipa techmajcajtoc huejca ten ta.
\q1
\v 11 Nonemilis panoti chicahuac quej tayohuilot.
\q1 Huan notacayo pilinti quej xihuit.
\q1
\v 12 Pero ta TOTECO, tiitztos para nochipa,
\q1 huan nochi cati tacactiyase para nochipa mitzelnamictose.
\q1
\v 13 Na nijmati para ta timotananas huan tihualas para tijtasojtaqui altepet Jerusalén.
\q1 Huan ama ya ajsic tonali para tijtasojtas huan tijpalehuis quej tijtajtolcajtoc.
\q1
\v 14 Pampa momasehualhua tahuel quinicnelíaj nopa teme ten itepa Jerusalén,
\q1 huan hasta quitasojtaj nopa taltepocti cati onca ipan icalles ni altepet pampa nochi moaxca ta.
\b
\q1
\v 15 Huajca nochi talme huan inintanahuatijcahua ma huihuipicaca iixpa TOTECO.
\q1 Quena, huihuipicase quema quiitase ihueyitilis.
\q1
\v 16 Pampa TOTECO sempa quicualtalis altepet Jerusalén.
\q1 Huan nopona yaya monextis ica nochi ihueyitilis.
\q1
\v 17 Yaya quintacaquilis nopa teicneltzitzi quema motatajtise,
\q1 pampa yaya nochipa mochixtoc para quintacaquilis huan quinmacas cati quitajtaníaj.
\q1
\v 18 Niquijcuilohua ya ni para nochi cati tacactiyase teipa ma nojquiya quihueyichihuase TOTECO por nochi cati quichijtoc.
\q1
\v 19 Pampa TOTECO quihualtachili taltipacti ten nepa ilhuicac campa eltoc itiopa.
\q1 Quena, ten ilhuicac quitachili cati onca ipan taltipacti.
\q1
\v 20 Huan quintacaquili quema axtiyayaj imasehualhua cati tetequipanohuayayaj ipan sequinoc talme.
\q1 Huan quinmanahui imaco miquilisti.
\q1
\v 21 Huajca miyac masehualme sempa hualase ipan altepet Jerusalén para quipaquilismacase TOTECO.
\q1 Quena, quipaquilismacase ipan nochi ni altepet.
\q1
\v 22 Huan miyac tanahuatiani ten ni taltipacti hualase para quitequipanose huan quihueyichihuase TOTECO.
\q1
\v 23 Yaya nechquixtili nochicahualis quema noja polihuiyaya tajco para nimiquis,
\q1 huan nonemilis quichijqui más cototzi.
\q1
\v 24 Pero nijtzajtzili huan niquilhui:
\q1 “NoTeco Dios, ta tiitztoc para nochipa.
\q1 Amo techcahuili nimiquis quema noja nechpolohua tajco imiyaca tonali para niitztos.
\q1
\v 25 Hasta ipejya tonali ta tijtali itzinpehualtil ni taltipacti,
\q1 huan ica momax tijsencajqui ilhuicacti.
\q1
\v 26 Masque nochi cati tijsencajqui se tonali tamis,
\q1 ta tiitztos para nochipa.
\q1 Quena, nochi cati tijchijtoc sosolihuise quej se yoyomit,
\q1 huan ta tiquinpatas quej se tacat mopata huan moquentía se iyoyo cati yancuic,
\q1 huan nopa cati sosoltic quitahuisohua.
\q1
\v 27 Pero ta amo quema tihuehuejtiyas.
\q1 Nochipa san se tiitztos.
\q1 Tiitztos para nochipa huan monemilis amo quema tamis.
\q1
\v 28 Pero tojuanti cati timotequipanojcahua,
\q1 hasta toixhuihua, itztose ica temachili,
\q1 huan hasta iniixhuihua cati tacactiyase itztose cuali moixpa.”
\c 103
\s1 Ma tijpaquilismacaca Toteco por nochi itatiochihual cati techmacatoc
\q1
\v 1 Ica nochi noyolo nijpaquilismacas TOTECO yaya cati tatzejtzeloltic.
\q1
\v 2 Quena, nijpaquilismacas TOTECO ica nochi noyolo,
\q1 huan amo niquelcahuas nopa huejhueyi tamanti cati nechchihuilijtoc.
\q1
\v 3 Yaya nechtapojpolhuía nochi notajtacolhua.
\q1 Huan nechchicahua quema nimococohua.
\q1
\v 4 Quimanahuía nonemilis miquilisti.
\q1 Nechyahualohua ica itaicnelijcayo huan ica nochi nopa tamanti cati nechchihuilía,
\q1 pampa nechtasojta.
\q1
\v 5 Quitemitía nonemilis ica tamanti cati cuali.
\q1 Huan mojmosta más nijpiya chicahualisti hasta nijpiya tetili quej se hueyi cuatojti.
\q1
\v 6 TOTECO quinchihuilía cati cuali huan quintajtolsencahua xitahuac nochi masehualme cati taijyohuíaj inimaco sequinoc.
\q1
\v 7 Toteco quinextili Moisés quenicatza eltoc,
\q1 huan quinnextili iisraelita masehualhua nopa huejhueyi tamanti cati quichihua ica ihueyi chicahualis.
\q1
\v 8 TOTECO tetasojta miyac huan quipiya hueyi iyolo.
\q1 Yaya tahuel huejcahua para pehuas cualanis.
\q1 Amo quema tami itaicnelijcayo.
\q1
\v 9 Amo techajhua talojtzitzi,
\q1 yon amo huejcahua cualantoc.
\q1
\v 10 Yaya amo techtatzacuiltijtoc quej quinamiqui,
\q1 por nochi totajtacolhua,
\q1
\v 11 pampa yaya quipiya nelhueyi iyolo ica nochi cati quiimacasij huan quitepanitaj.
\q1 Quena, itaicnelijcayo nelhueyi quej ihuexca ilhuicacti.
\q1
\v 12 Toteco techquixtili totajtacolhua huan quitali huejca ten tojuanti.
\q1 Quena, quitali quej ihuejcaca campa quisa tonati huan hasta campa oncalaqui.
\q1
\v 13 Quej se tetaj quintasojta iconehua,
\q1 quej nopa TOTECO quintasojta cati quiimacasij huan quitepanitaj.
\q1
\v 14 Pampa Toteco quimati para tojuanti san tielij taltepocti,
\q1
\v 15 huan tonemilis san panotiquisa huan amo huejcahua.
\q1 Tonemilis eltoc quej se xihuit o quej se xochit.
\q1
\v 16 Quema quiilpitza ajacat,
\q1 ixpolihui tonemilis huan ayecmo cati hueli quimati sinta nelía tiitztoyaj.
\q1
\v 17 Pero TOTECO mojmosta quinicnelía nochi cati quiimacasij huan quitepanitaj.
\q1 Huan quinchihuilis cati xitahuac nochi masehualme cati itztoque ama huan nojquiya ininconehua cati tacactiyase teipa.
\q1
\v 18 Quena, yaya quinchihuilis cati cuali inijuanti cati quichihuaj cati ica mocajtoque quichihuase,
\q1 huan inijuanti cati quichihua cati quiijtohuaj itanahuatilhua.
\q1
\v 19 TOTECO quitalijtoc isiyaj nepa ilhuicac huan nopona mosehuía para tanahuatis.
\q1 Yaya quipiya tanahuatili ica nochi cati onca.
\q1
\v 20 Xijpaquilismacaca TOTECO nochi amojuanti anilhuicac ehuani cati tahuel antejtetique.
\q1 Quena, amojuanti cati anquitacaquilíaj cati amechnahuatía huan nimantzi anquichihuaj,
\q1 xijpaquilismacaca.
\q1
\v 21 Quena, xijhueyimatica TOTECO nochi amojuanti anilhuicac ehuani cati anitztoque quej isoldados.
\q1 Xijhueyimatica amojuanti cati anquitequipanohuaj huan anquichihuaj cati yaya quinequi.
\q1
\v 22 ¡Nochi masehualme huan nochi tamanti cati mopantíaj campa hueli ipan nochi itanahuatilis,
\q1 nochi ma quipaquilismacaca TOTECO!
\q1 Na nojquiya tahuel nijpaquilismaca.
\c 104
\s1 Toteco quimocuitahuía cati quisencajtoc
\q1
\v 1 ¡Na nimitzpaquilismacas, TOTECO!
\q1 ¡TOTECO Dios, nelía tihueyi!
\q1 Campa ta tiitztoc nochi tacuajcualtzi huan cuajcualtzi.
\q1
\v 2 Mitzyahualojtoc taahuili cati tahuel cuajcualtzi.
\q1 Ta tijpatajqui nopa ilhuicacti quej se masehuali quipatajtosquía se yoyomit.
\q1
\v 3 Eltoc quej quema timochanti,
\q1 tijtali nopa cuatetomit ipan at cati huejcapa,
\q1 huan tijsencajqui nopa mixti para elisquía mocarros.
\q1 Ta tihueli tinejnemi san ajacatipa.
\q1
\v 4 Tiquintequihuía moilhuicac ejcahua quej motatitanilhua huan tiquinchihua ma elica quej tilelemecti.
\q1
\v 5 Ta cuali tijtatzquilti ni taltipacti para amo mijcuenis ten campa eltoc.
\q1
\v 6 Tijchijqui ma huetzi miyac at cati quiixtzajqui taltipacti quej elisquía iyoyo.
\q1 Quena, tijchijqui at ma tejco hasta quiixtzajqui nochi tepeme.
\q1
\v 7 Pero quema ta ticamanaltic huan ticajhuac nopa at ipan hueyi at,
\q1 nopa at motalojtejqui huan mosejcotilito.
\q1
\v 8 Tejcoque tepeme huan nopa tamayame temoque ipan inilugar campa ta titanahuati ma motalica.
\q1
\v 9 Teipa tiquintalili ininepa nopa huejhueyi at para ayecmo quema ma quiixtzacuaca tali.
\q1
\v 10 Ta tijchijqui at ma motalo ipan atajti campa tepeme,
\q1 huan ma temotihuala hasta quitemitis campa más tatzinta nopa tamayame campa hueli.
\q1
\v 11 Ica nopa at tiquinamaca nochi tapiyalme para ma atica.
\q1 Ipan nopa atajti aixhuij nopa burrojme cati nemij cuatita.
\q1
\v 12 Nopa totome quichihuaj inintepasol iteno nopa atajti,
\q1 huan huicaj quema itztoque ipan inimacuayo nopa cuame.
\q1
\v 13 Ta tijchihua ma huetzi at ipan tepeme,
\q1 huan tijchihua ma taelilti nopa tali.
\q1
\v 14 Quena, ta Toteco tijchihua ma moscalti sacat para ma tacuaca tapiyalme.
\q1 Huan tijchihua ma onca quilit,
\q1 cuatajcayot huan cuayoli cati masehualme quitocaj para ma ica mopanoltica.
\q1
\v 15 Nojquiya tiquinmaca xocomecat iayo para ma ica yolpactoca,
\q1 huan aceite para ma mopoloca ipan inixayac,
\q1 huan nojquiya tiquinmaca tacualisti para ma quipiyaca fuerza.
\q1
\v 16 Ica nopa at moscaltíaj nopa tiocuame cati ta, TOTECO,
\q1 tijtojqui ipan tali Líbano.
\q1 Nopa cuame tahuel huejcapantique huan quipiyaj miyac inixochiyo.
\q1
\v 17 Ipan nopa cuame motepasoltíaj nochi tamanti totome.
\q1 Huan ipan nopa ciprés cuahuit motepasoltía nopa totot cati itoca cigüeña.
\q1
\v 18 Inintzonixco nopa huejhueyi tepeme onca sacat para nopa chivojme cati nemij cuatita.
\q1 Huan campa cocoyocatoc nopa teme, mochantijtoque nopa pesojme.
\q1
\v 19 Toteco, ta tijchijqui metzti para quinextis ipan taya metzti itztoque masehualme.
\q1 Huan nopa tonati tijchijqui para tenextilis sesen tonal.
\q1
\v 20 Ta tijtitani nopa tzintayohuilot huan mochihua yohuali,
\q1 huan quema tayohua, quisaj nochi tecuanime cati itztoque ipan cuatitamit.
\q1
\v 21 Nopa leones cati noja conetzitzi nanalcaj pampa mayanaj.
\q1 Huan quitemohuaj nopa tacualisti cati ta, Toteco Dios, tiquinmacas.
\q1
\v 22 Quema quisas tonati sempa onmotatíaj ipan iniosto.
\q1
\v 23 Huan masehualme quisaj para tequititij,
\q1 huan tequitij chicahuac hasta tiotac.
\q1
\v 24 ¡TOTECO, nelía tijchijtoc miyac tamanti!
\q1 Huan nochi tamanti tijsencajtoc ica miyac talnamiquilisti.
\q1 Yajmaxtic taltipacti temitoc ica miyac tamanti cuajcualtzitzi cati ta tijchijtoc.
\q1
\v 25 Xiquitaca nopa hueyi at cati tahuel patahuac huan hueyi.
\q1 Nopona itztoque miyac tamanti tapiyalme pisiltzitzi huan huejhueyi.
\q1
\v 26 Nopona nemij nopa huejhueyi cuaacalme,
\q1 huan nopona itztoc nopa hueyi tapiyali itoca leviatán cati temajmati cati ta tijchijqui para ma mahuilti ipan hueyi at.
\q1
\v 27 Nochi ni tapiyalme mochiyaj ipan ta para xiquintamaca quema monequi.
\q1
\v 28 Huan quema tiquinmaca inintacualis,
\q1 inijuanti quiselíaj.
\q1 Ta tijtapohua ica motaicnelilis huan tiquintamaca hasta ixhuij ica ten más cuali.
\q1
\v 29 Pero sinta tiquintahuelcahua, inijuanti motequipachohuaj.
\q1 Huan sinta tiquinquixtilía ininemilis, miquij huan mocuepaj taltepocti.
\q1
\v 30 Huan quema ta tijtitani moTonaltzi cati temaca nemilisti,
\q1 tacatij sempayano para sempa ma momiyaquilica huan tacualnesis ipan ni taltipacti.
\b
\q1
\v 31 ¡Ma tijhueyitalica TOTECO pampa ihueyitilis amo quema tamis!
\q1 ¡Ma quipanti paquilisti TOTECO ipan nochi cati quichijtoc!
\q1
\v 32 Quema Toteco quitachilía taltipacti, ni taltipacti huihuipica.
\q1 Huan quema quinajsi tepeme, inijuanti lemenij.
\q1
\v 33 Nijhuicatis TOTECO nochi tonali cati niitztos ipan ni tali.
\q1 Quena, nijpaquilismacas Toteco Dios ica tiohuicat hasta tamis nitaijyotilanas.
\q1
\v 34 Ma quipacti TOTECO nochi cati nimoyolilhuía ten ya,
\q1 huan na nimopaquilismaca ipan ya.
\q1
\v 35 Ma miquica nochi cati quinpactía tajtacolchihuaj ipan ni taltipacti.
\q1 Quena, ma ayecmo itztoca cati amo quinequij quitepanitase TOTECO.
\q1 Pero na nijpaquilismacas ica nochi noyolo.
\q1 ¡Paquilisti!
\c 105
\s1 Nopa huejhueyi tamanti cati Toteco quinchihuili israelitame
\r (1 Cr. 16:8-22)
\q1
\v 1 Xijtascamatica TOTECO por nochi nopa huejhueyi tamanti cati yaya quichihua.
\q1 Xitepohuilica ipan nochi taltipacti cati yaya quichijtoc.
\q1
\v 2 ¡Xijhuicatica!
\q1 Quena, xijhuicatica tiohuicat.
\q1 Xitepohuilica ten nopa huejhueyi tiochicahualnescayot cati yaya quichijtoc.
\q1
\v 3 ¡Ximopaquilismacaca ipan Toteco!
\q1 ¡Quena, xipaquica nochi amojuanti cati anquihueyichihuaj TOTECO!
\q1
\v 4 Xijtemoca TOTECO huan ichicahualis.
\q1 Quena, nochipa xijtemoca para anquiixmatise más.
\q1
\v 5 Xiquelnamiquica nopa tiochicahualnescayot cati yaya quichijqui por amojuanti.
\q1 Xiquelnamiquica itamachtil huan cati yaya quiijtojtoc.
\q1
\v 6 Aniixhuihua Abraham cati itequipanojca Toteco,
\q1 huan amojuanti aniconehua Jacob cati Toteco quitapejpeni,
\q1 xiquelnamiquica.
\q1
\v 7 Yaya TOTECO huan yaya toDios.
\q1 Cati yaya tanahuatijtoc para mochihuas, ya nopa monextía ipan nochi taltipacti.
\q1
\v 8 Yaya amo quema quielcahuas nopa camanal sencahuali cati quichijqui,
\q1 masque tacactiyase masehualme huan ininconehua huan mil hueltas tacatise ininteipan ixhuihua,
\q1 yaya amo quielcahuas.
\q1
\v 9 Noja eltoc nopa camanal sencahuali cati quichijqui ica Abraham huan Isaac.
\q1
\v 10 Teipa quiompahui nopa camanal sencahuali ica Jacob para ma pano ica nochi israelitame,
\q1 huan elis para inijuanti para nochipa.
\q1
\v 11 Huan Toteco quiijto:
\q1 “Na nimechmacas nopa tali Canaán para elis amoaxca para nochipa.”
\q1
\v 12 Quinilhui ya ni quema inijuanti noja ayemo eliyayaj miyaqui,
\q1 huan san itztoyaj quej paxalohuani ipan tali Canaán.
\q1
\v 13 Teipa san panotinenque ten se tali hasta seyoc tali,
\q1 huan ten se tanahuatilisti hasta seyoc tanahuatilisti.
\q1
\v 14 Pero ipan nochi nopa tamanti Toteco amo quincahuili ma quinajsi se tamanti cati amo cuali.
\q1 Huan tanahuatiani cati quichijque campeca para quinchihuilise cati fiero,
\q1 Toteco quintatzacuilti.
\q1
\v 15 Toteco Dios quinilhui:
\q1 “Amo xiquincuatotonica nomasehualhua cati niquintapejpenijtoc,
\q1 yon amo teno xiquinchihuilica notajtolpanextijcahua.”
\q1
\v 16 Toteco quititanqui se hueyi mayanti ipan tali Canaán,
\q1 huan quinquixtili nochi tamanti tacualisti cati ica mopanoltiyayaj.
\q1
\v 17 Pero teipa Toteco quititanqui se tacat ma quinyacana para quinmanahuis imasehualhua ten nopa mayanti.
\q1 Quena, elqui José cati quinamacatoyaj para ma tequipanoti san tapic ipan tali Egipto.
\q1
\v 18 Huan nepa ipan tatzacti quimetzcocojque quema quimetzilpijque ica tepos cadena,
\q1 huan quiilpilijque se teposti iquechta.
\q1
\v 19 Nopona itztoya José hasta ajsic nopa tonali cati TOTECO quiixquetztoya.
\q1 Quena, Toteco quiyejyeco José para quiitas sinta cuali elqui iyolo.
\q1
\v 20 Huajca Faraón cati eliyaya hueyi tanahuatijquet, tanahuati ma quiquixtica.
\q1 Huan quicajqui ma yahui majcajtoc.
\q1
\v 21 Teipa nopa tanahuatijquet quitali ma quinyacana nochi itequipanojcahua,
\q1 huan ma quimocuitahui nochi cati quipixtoya.
\q1
\v 22 Elqui ya icuenta para quintatzacuiltis itequipanojcahua cati más huejhueyi,
\q1 huan para ma quintalnamicti cati huehuentzitzi.
\q1
\v 23 Teipa Israel ajsico ipan tali Egipto,
\q1 huan itztoya nopona ihuaya iconehua ipan tali Cam.
\q1
\v 24 Huan Toteco tahuel quinmiyaquili iixhuihua Jacob,
\q1 huan quipixque más chicahualisti,
\q1 huan amo quej inincualancaitacahua cati quinnahuatiyayaj.
\q1
\v 25 Teipa Toteco quinyolpatac nopa egiptome,
\q1 huan quinchijqui ma quincualancaitaca nopa israelitame.
\q1 Quena, quincualancaitaque huan quinchihualtijque ma tetequipanoca san tapic.
\q1
\v 26 Pero teipa Toteco quititanqui itequipanojca, Moisés,
\q1 huan Aarón cati yaya quintapejpenijtoya.
\q1
\v 27 Huan inijuanti quichijque huejhueyi tanextili huan tiochicahualnescayot ipan tali Egipto.
\q1
\v 28 Quena, Toteco quititanqui tzintayohuilot ipan nochi nopa tali,
\q1 pampa amo quitacaquilijque itanahuatil para ma quincahuaca imasehualhua ma yaca majcajtoque.
\q1
\v 29 Teipa quicuetqui esti nochi at cati oncayaya ipan nopa tali.
\q1 Huan nopa michime mijque.
\q1
\v 30 Teipa quintitanqui tahuel miyac temasolime ipan nochi nopa tali,
\q1 huan calajque hasta ipan nopa cuarto campa cochiyaya nopa tanahuatijquet.
\q1
\v 31 Teipa quema Moisés camanaltic,
\q1 hualajque miyac sayolime.
\q1 Huan atime quipolcajhuicoj nopa tali.
\q1
\v 32 Nojquiya quintitanili huejhueyi tesihuit huan amo at.
\q1 Huan tapetaniyaya campa hueli ipan nochi nopa tali.
\q1
\v 33 Huan nopa tesihuit quinenpolo nochi xocomeca mili, huan higuera cuame,
\q1 huan quitami pojpostejqui nopa huejhueyi cuame.
\q1
\v 34 Teipa Toteco camanaltic huan ajsicoj tahuel miyac chapolime,
\q1 hasta amo aqui hueliyaya quinpohua.
\q1
\v 35 Huan quicuajque nochi tamanti xihuime cati oncayaya ipan nopa tali,
\q1 huan nojquiya quitamicuajque nochi tamanti pixquisti.
\q1
\v 36 Teipa quinmicti nopa coneme cati achtohui tacatque ipan sese familia ten tali Egipto.
\q1 Quinmicti masque nopa tetatme tahuel paquiyayaj huan motepanitayayaj por nopa iniachtohui cone.
\q1
\v 37 Huan Toteco quinquixti imasehualhua ica temachili,
\q1 huan quihuicaque miyac oro huan plata.
\q1 Huan ipan nopa tonali amo mococo yon se imasehual Toteco.
\q1
\v 38 Huajca nopa egiptome nelía pajque quema quisque nopa israelitame,
\q1 pampa nochi inijuanti tahuel quinimacasiyayaj.
\q1
\v 39 Toteco quipatajqui inintzonta se mixti para quinecahuilis huan amo quintatis tonati.
\q1 Huan ica tayohua quitaliyaya se tilelemecti inintzonta para ma quintaahuili.
\q1
\v 40 Quitajtanijque ma quinmaca nacat para quicuase,
\q1 huan quintitanili solime.
\q1 Nojquiya quinmacac nopa tacualisti cati itoca “maná” cati huetzqui ten ilhuicac para ica ma ixhuica.
\q1
\v 41 Toteco quitapo se tet huan quisqui at hasta mochijqui quej se hueyat,
\q1 cati motalo ipan nopa huactoc tali campa amo teno eliyaya.
\q1
\v 42 Pampa yaya quielnamijqui cati ica mocajtoya itequipanojca Abraham.
\q1
\v 43 Huajca ica miyac paquilisti Toteco Dios quinquixti imasehualhua cati quintapejpenijtoc ipan tali Egipto.
\q1
\v 44 Huan quinmacac imasehualhua nopa talme cati elqui iniaxca masehualme cati amo israelitame.
\q1 Huan moaxcatijque ica nochi nopa pixquisti cati nopona oncayaya.
\q1 Quicuajque cuatacti cati sequinoc quitoctoyaj.
\q1
\v 45 Nochi ya ni quichijqui para ma quichijtinemica cati quinilhuijtoya huan ma quintoquilijtinemica itanahuatilhua.
\q1 ¡Paquilisti!
\c 106
\s1 Iniyolteticayo israelitame
\q1
\v 1 ¡Paquilisti!
\q1 ¡Ma tijtascamatica TOTECO pampa yaya nelía cuali iyolo huan itaicnelijcayo amo quema tamis ica tojuanti!
\q1
\v 2 ¿Ajquiya huelis quitamiijcuilos nopa cuajcualtzitzi tiochicahualnescayot cati TOTECO quichihua?
\q1 ¿Ajquiya huelis tepohuilis nochi cati quichijtoc Toteco?
\q1
\v 3 Quipiyaj paquilisti nopa masehualme cati nochipa quichijtinemij cati cuali huan cati xitahuac.
\b
\q1
\v 4 TOTECO, techelnamiquis na quema tiquintiochihuas huan tiquinmaquixtis momasehualhua.
\q1
\v 5 Techcahuili ma niquitas cati cuajcualtzi tiquinchihuilis momasehualhua cati tiquintapejpenijtoc.
\q1 Xijcahuili para nojquiya ma nipaquis inihuaya.
\q1 Xijcahua ma nimopaquilismacas ica inijuanti cati moaxcahua.
\b
\q1
\v 6 Tojuanti nojquiya titajtacolchijtoque san se quej tohuejcapan tatahua.
\q1 Titaixpanoque huan tijchijtoque cati fiero.
\q1
\v 7 Tohuejcapan tatahua amo quimachilijque nopa huejhueyi tiochicahualnescayot cati Toteco quichijqui ipan tali Egipto.
\q1 Yon amo quielnamijque para quipixqui hueyi iyolo ica inijuanti.
\q1 Inijuanti moyoltetilijque ica Toteco nepa campa nopa hueyi at cati itoca Chichiltic.
\q1
\v 8 Pero Toteco quinmaquixti para ma quitepanitaca,
\q1 huan tenextili ihueyi chicahualis ipan nochi taltipacti.
\q1
\v 9 Quiajhuac nopa hueyi at cati itoca Chichiltic huan quinahuati ma motajcoxelo.
\q1 Huan quej nopa quitapo se ojti huactoc quej elisquía huactoc tali,
\q1 huan quinchihualti tohuejcapan tatahua ma ipan panoca.
\q1
\v 10 Quej nopa quinmaquixti huan quinchololti inimaco inincualancaitacahua.
\q1
\v 11 Huan nopa at quinatzonpolihuilti inincualancaitacahua hasta amo mocajqui yon se cati amo mijqui.
\q1
\v 12 Huan huajca tohuejcapan tatahua quineltocaque icamanal cati Toteco quinilhuijtoya.
\q1 Huan teipa huicaque huan quipaquilismacaque.
\q1
\v 13 Pero sempa nimantzi quielcajque nochi cati Toteco quichijtoya.
\q1 Huan amo mochixque para Toteco ma quinmaca consejos.
\q1
\v 14 ¡Amo! Nepa ipan huactoc tali quiyejyecojque Toteco Dios ica cati tahuel quinequiyayaj ma quinmaca.
\q1 Quena, quifuerzajhuijque ma quinmaca nopa tacualisti cati inijuanti quinequiyayaj.
\q1
\v 15 Huajca Toteco quinmacac cati quitajtanijque,
\q1 pero nojquiya quintitanili cocolisti cati ica mijque miyac nopa masehualme.
\q1
\v 16 Huan nopona campa quiquejquetztoyaj iniyoyoncal,
\q1 quichicoitaque Moisés,
\q1 huan quichicoitaque Aarón cati TOTECO quiiyocatalijtoya para ma eli itotajtzi.
\q1
\v 17 Huajca motapo tali huan quintolo Datán, Abiram huan nochi cati quintoquiliyayaj.
\q1
\v 18 Huan Toteco quititanqui tit ten ilhuicac,
\q1 huan quintamitati nopa taixpanoca tacame.
\q1
\v 19 Nepa ipan tepet Horeb mochihuilijque se becerro ten oro huan ya nopa quihueyichijque.
\q1
\v 20 Quitahuelcajque Toteco huan ihueyi chicahualis,
\q1 huan pejque quihueyimatij se becerro ten oro,
\q1 iixcopinca se tapiyali cati quicua xihuit.
\q1
\v 21 Huan quej nopa quielcajque ininTeco Dios cati quinmaquixtijtoya,
\q1 yaya cati quichijtoya huejhueyi tamanti ipan tali Egipto,
\q1
\v 22 huan ipan nopa hueyi at cati itoca Chichiltic.
\q1
\v 23 Huajca Toteco quiijto para quintzontamiltisquía,
\q1 pero Moisés cati Toteco quitapejpenijtoya motajcoquetzqui,
\q1 huan quitajtani Toteco para amo ma quintzontamilti ica ihueyi cualancayo.
\q1
\v 24 Teipa nopa israelitame amo quinejque calaquise ipan nopa tali cati nelía cuali,
\q1 pampa amo quineltocaque para Toteco quinmocuitahuisquía.
\q1
\v 25 Huan ipan ininchajchaj pejque quiejelnamiquij TOTECO huan amo quitacaquilijque cati quinilhuiyaya ma quichihuaca.
\q1
\v 26 Yeca Toteco Dios momatananqui huan tatestigojquetzqui para quintzontamiltisquía ipan nopa huactoc tali.
\q1
\v 27 Quiijto para ininconehua quinsemanasquía huan quintitanisquía,
\q1 ipan sequinoc talme para ma itztotij quej sejcoyoc ehuani altepet ehuani.
\q1
\v 28 Nojquiya ipan tali Peor tohuejcapan tatahua mosejcotilijque inihuaya cati quihueyichihuayayaj Baal,
\q1 huan hasta quinmacaque tacajcahualisti mijcatzitzi.
\q1
\v 29 Huan ica ya ni quicualancamacaque Toteco.
\q1 Yeca Toteco quititanqui se hueyi cocolisti ininpani huan miyac mijque.
\q1
\v 30 Huan Finees mosemacac huan motananqui,
\q1 huan quinmicti nopa masehualme cati ica inintajtacolhua quichijtoyaj ma huala nopa cocolisti.
\q1 Huan ica ya nopa motilquetzqui nopa cocolisti.
\q1
\v 31 Huan ni cuali tamanti quichijqui para Finees ma quielnamictoca para nochipa quej se tacat cati cuali.
\q1
\v 32 Nojquiya campa at Meriba,
\q1 nopa israelitame quicualancamacaque Toteco.
\q1 Quena, por inijuanti, Toteco cualanqui ica Moisés.
\q1
\v 33 Pampa quichijque ma cualani Moisés,
\q1 huan ma camanaltitiquisa ica cati amo monequiyaya.
\q1
\v 34 Huan nojquiya nopa israelitame amo quintzontamiltijque nochi nopa altepeme,
\q1 ipan nopa talme cati TOTECO quinnahuatijtoya ma quisosoloca.
\q1
\v 35 San achi más mosejcotilijque inihuaya cati amo quitepanitayayaj Toteco,
\q1 huan nojquiya quichijque cati inijuanti momajtoyaj quichihuaj.
\q1
\v 36 Quinhueyimatque ininteteyohua,
\q1 huan mohuejcatalijque ten Toteco,
\q1 huan ica ya nopa mocuapolojque.
\q1
\v 37 Hasta quinmictijque ininconehua quej se tacajcahualisti para iajacahua Amocualtacat.
\q1
\v 38 Huan pampa quinmictijque ininconehua cati amo teno quichijtoyaj para quinmacase nopa teteyome ten tali Canaán,
\q1 quinenpolojque nopa tali ica inieso.
\q1
\v 39 Huan inijuanti nojquiya monenpolojque ica nochi tamanti fiero cati quichijque.
\q1 Pampa quema quinhueyichihuayayaj teteyome,
\q1 Toteco Dios quinitayaya quej elisquía momecatiyayaj ica seyoc cati amo inintahuical.
\q1
\v 40 Yeca TOTECO tahuel cualanqui ica imasehualhua,
\q1 huan ayecmo quinejqui quinitas.
\q1
\v 41 Huan quintemactili inimaco inincualancaitacahua cati ehuayayaj ipan nopa talme cati amo quitepanitayayaj Toteco,
\q1 para nopa masehualme ma quinnahuatica.
\q1
\v 42 Huan quena, inincualancaitacahua quintaijyohuiltijque
\q1 huan tahuel quincocojque pampa itztoyaj inimaco.
\q1
\v 43 Miyac huelta Toteco quinmanahui,
\q1 pero inijuanti quisenhuiquiliyayaj moyoltetilíaj ica ya.
\q1 Yeca teipa quicahuili ma tzontamica por inintajtacolhua.
\q1
\v 44 Pero masque ya nopa quichihuayayaj,
\q1 Toteco quintacaquiliyaya quema quitzajtziliyayaj,
\q1 huan quinpalehuiyaya quema masehualme quintaijyohuiltiyayaj.
\q1
\v 45 Quena, quielnamiquiyaya nochi cati quintajtolcahuilijtoya para quinchihuilis.
\q1 Yeca quintasojtac huan moyolcuetqui pampa tahuel quinicneliyaya.
\q1
\v 46 Huan hasta quichijqui para inincualancaitacahua cati quintaijyohuiltiyayaj,
\q1 ma nojquiya quintasojtaca.
\b
\q1
\v 47 ¡TOTECO Dios, techmaquixti ten tocualancaitacahua!
\q1 Sempa techsentili ten campa hueli talme para tihuelise timitztascamatise ta cati titatzejtzeloltic,
\q1 huan para huelis tipaquise huan timitzhueyimatise.
\b
\q1
\v 48 Ma tijpaquilismacaca TOTECO Dios para nochipa,
\q1 yaya cati toTeco tiisraelitame.
\q1 Nochi imasehualhua ma quiijtoca:
\q1 “¡Quej nopa ma eli! ¡Paquilisti!”
\c 107
\s1 Toteco quinmanahuía masehualme
\q1
\v 1 ¡Xijtascamatica TOTECO pampa yaya nelía cuali!
\q1 ¡Itaicnelilis amo quema tamis!
\q1
\v 2 Nochi amojuanti cati TOTECO amechmanahuijtoc, xitepohuilica.
\q1 Quena, xitepohuilica para yaya amechmaquixtijtoc inimaco amocualancaitacahua.
\q1
\v 3 Yaya ya quinsentilijtoc nochi nopa masehualme cati itztoyaj campa hueli ipan taltipacti.
\q1 Quinsentili cati itztoyaj ica norte, ica sur,
\q1 ica campa quisa tonati huan ica campa calaqui.
\q1
\v 4 Sequij nentinenque ipan huactoc tali,
\q1 yon amo quipiyayayaj ininchaj,
\q1 yon amo quipixque se altepet para ipan itztose.
\q1
\v 5 Amictinemiyayaj huan mayantinemiyayaj,
\q1 hasta quimachiliyayaj para miquisquíaj pampa ayecmo quipiyayayaj chicahualisti.
\q1
\v 6 Huajca quitzajtzilijque TOTECO para ma quinpalehui,
\q1 huan yaya quinpalehui.
\q1
\v 7 Quinyacanqui xitahuac ipan se ojti cati temachti.
\q1 Huan quinhuicac ipan se altepet para nopona ma itztotij.
\q1
\v 8 Xijhueyimatica TOTECO pampa yaya tahuel tetasojta,
\q1 huan quichihua huejhueyi tamanti cati nochi san quitachilíaj.
\q1
\v 9 Pampa Toteco quitamaca cati teicneltzi huan mayantinemi.
\q1 Quiaixhuitis cati amictinemi.
\q1
\v 10 Sequij inijuanti itztoyaj ipan tzintayohuilot ipan tatzacti huan nechca para miquise.
\q1 Itztoyaj ilpitoque ica tepos cadenas.
\q1
\v 11 Ya nopa ininpantic pampa inijuanti moyoltetilijque ica cati TOTECO quinnahuatijtoya,
\q1 huan amo quitacaquilijque Toteco Cati Más Hueyi.
\q1
\v 12 Yeca Toteco quincajqui ma taijyohuica ipan nopa tequit cati tahuel teticayo.
\q1 Quena, huetzque huan amo aqui quinpalehui para sempa motananase.
\q1
\v 13 Huajca quema ayecmo quimatiyayaj taya quichihuase ica nopa taijyohuilisti,
\q1 quitzajtzilijque TOTECO,
\q1 huan yaya quinmanahui ten nopa taijyohuilisti
\q1
\v 14 Quinquixti ipan nopa tzintayohuilot huan quinmanahui para amo miquise.
\q1 Huan quicotonqui nopa tepos cadena cati ica quinilpitoyaj.
\q1
\v 15 Xijhueyimatica TOTECO pampa yaya tahuel tetasojta huan quichihua huejhueyi tamanti cati ica masehualme san quitachilíaj.
\q1
\v 16 Pampa yaya quitapanqui nopa miyac caltemit ten bronce ipan tatzacme,
\q1 huan quihuejhuelo nopa teposme cati ica quintzacuayayaj nopa caltemit.
\q1
\v 17 Sequij masehualme tahuel mohualiquilijque taohuijcayot,
\q1 pampa moyoltetilijque ica Toteco huan quiixpanoque.
\q1
\v 18 Huan ipan nopa taijyohuilisti ayecmo mayanayayaj por inincocolis huan pampa itztoyaj nechca para miquise.
\q1
\v 19 Pero quema ayecmo quimatiyayaj taya quichihuase ica nopa taijyohuilisti,
\q1 quitzajtzilijque TOTECO huan yaya quinmanahui.
\q1
\v 20 Toteco camanaltic huan mochicajque.
\q1 Huan quej nopa quinmaquixti para amo miquise.
\q1
\v 21 Xijhueyimatica TOTECO pampa yaya tahuel tetasojta huan quichihua huejhueyi tamanti cati nochi quitachilíaj.
\q1
\v 22 Xijpaquilismacaca Toteco huan yaya quiitas quej elisquía se tacajcahualisti.
\q1 Huan xihuicaca huan xitepohuilica nochi cati yaya quichijtoc.
\q1
\v 23 Nopa masehualme cati nemij ica inincuaacalhua ipan hueyi at,
\q1 huan yahuij ipan nochi taltipacti para tanamacase huan tacohuase,
\q1
\v 24 nojquiya quiitztoque nopa cuajcualtzitzi tamanti cati TOTECO quichijtoc ipan at.
\q1
\v 25 Quiitztoque quema TOTECO camanaltic huan quichijqui ma motanana se ajacat cati chicahuac,
\q1 huan quitananqui nopa at.
\q1
\v 26 Nopa cuaacalme motananayayaj huan sempa huetziyayaj atatzinta.
\q1 Huan nopa masehualme cati itztoyaj ipan nopa cuaacalme pejque huihuipicaj huan majmahuij.
\q1
\v 27 Inijuanti huihuipicaque huan momimilojque quej ihuintini,
\q1 huan ayecmo quimatque taya quichihuase.
\q1
\v 28 Huajca quema itztoyaj ipan taohuijcayot,
\q1 quitzajtzilijque TOTECO,
\q1 huan yaya quinmaquixti ten cati quintequipacholmacayaya.
\q1
\v 29 Quema huetziyaya at huan taajacayaya chicahuac,
\q1 yaya quitacahualti nopa hueyi at para ma ayecmo molini,
\q1 huan mochijqui icamanal.
\q1
\v 30 Huan inijuanti pajque miyac quema quiitaque ya moquetzqui nopa at.
\q1 Huan quej nopa Toteco quinyacanqui ica cuali hasta atenti campa monequi ajsise ica inincuaacalhua.
\q1
\v 31 Ma quihueyimatica TOTECO pampa yaya tahuel tetasojta,
\q1 huan quichihua huejhueyi tamanti cati nochi quitachilíaj.
\q1
\v 32 Ma quipaquilismacaca Toteco miyacapa iniixpa nochi masehualme huan iniixpa nopa huehue tacame cati tayacanaj ipan nopa tali.
\q1
\v 33 Toteco quinhuatztoc hueyame huan quinchijtoc quej huactoc tali.
\q1 Nojquiya hueli quinhuatza campa meya at.
\q1
\v 34 Nopa cuali tali cati tahuel taeliltía quichijtoc ma ayecmo taelilti.
\q1 Huan ya ni quichijqui por inintajtacolhua nopa masehualme cati itztoyaj nopona.
\q1
\v 35 Pero nojquiya nopa huactoc tali campa amo teno eli quichijqui ma taelilti.
\q1 Nojquiya quichijqui ma quipiya miyac at cati meya campa hueli.
\q1
\v 36 Huan quinhuicac nopa masehualme cati mayantinemiyayaj para ma itztoca nopona,
\q1 huan ma quichihuaca inialtepe.
\q1
\v 37 Nojquiya quichijqui para ma tocaca ipan mila,
\q1 huan ma quichihuaca xocomeca mili,
\q1 huan ma quipixcaca tahuel miyac inintajca.
\q1
\v 38 TOTECO tahuel quintiochijqui.
\q1 Nojquiya momiyaquilijque huan quinpixque miyac inihuacaxhua.
\q1
\v 39 Teipa pejqui caxani inimiyaca nopa masehualme,
\q1 huan nochi mocajque teicneltzitzi,
\q1 pampa quinajsic taohuijcayot,
\q1 tequipacholi huan taijyohuilisti.
\q1
\v 40 Huan yaya quinechcapantali nopa tayacanani cati mohueyimatiyayaj,
\q1 huan quinchijqui ma mocuapoloca campa amo oncac ojti huan yeca ayecmo quimatque canque yahuiyayaj.
\q1
\v 41 Pero yaya quinmanahui nopa teicneltzitzi.
\q1 Quinmiyaquili ininconehua quej elisquíaj pilborregojtzitzi hasta mochijque tahuel miyac.
\q1
\v 42 Ma quiitaca nochi cati quichijtoc TOTECO nochi cati nemij xitahuac iixpa,
\q1 huan ma paquica.
\q1 Pero nochi nopa fiero masehualme ma mocamatzacuaca.
\q1
\v 43 Masehualme cati talnamiquini quimachilise nochi ni tamanti cati Toteco quichijtoc,
\q1 huan quiajocuise ipan iniyolo.
\q1 Inijuanti moyolilhuise quenicatza TOTECO quintasojtatihualajtoc imasehualhua.
\c 108
\s1 David quitajtani Toteco itapalehuil
\r (Salmos 57:7-11; 60:5-12)
\q1
\v 1 ¡NoTeco Dios, noyolo mocualtalijtoc para nimitzhueyimatis!
\q1 Nipaquis huan nihuicas tiohuicat moixpa ica nochi noyolo.
\q1
\v 2 ¡Quena, na nihuicas huan nitatzotzonas ipan noguitarra huan noarpa!
\q1 Ica paquilisti na nihuicas ijnaltzi quema ayemo tanesi.
\q1
\v 3 Nimitzpaquilismacas, TOTECO,
\q1 campa hueli iniixpa masehualme ten nochi altepeme,
\q1 huan nimitzhueyimatis iniixpa masehualme ten nochi talme.
\q1
\v 4 Pampa ta tahuel titemachti huan nelpano miyac motaicnelijcayo,
\q1 hasta conajsi ihuejcapanca ilhuicacti.
\q1
\v 5 Ma nochi mitzhueyimatica nepa ilhuicac, Toteco Dios.
\q1 Huan ipan nochi taltipacti ma quitachilica masehualme mohueyitilis.
\q1
\v 6 Xijtacaquili quenicatza mitztzajtzilíaj moconehua cati tiquinicnelía.
\q1 Xihuala ica miyac chicahualisti huan techmanahuiqui.
\b
\q1
\v 7 Toteco Dios camanaltic ipan itiopa huan quiijto:
\q1 “Ica paquilisti nijxelos tali Siquem huan nopa tamayamit cati itoca Sucot.
\q1
\v 8 Pampa na noaxca tali Galaad huan Manasés.
\q1 Nosoldados hualase ipan tali Efraín.
\q1 Huan notanahuatijcahua hualase ipan tali Judá.
\q1
\v 9 Pero cati itztoque ipan tali Moab huan Edom nechtequipanose,
\q1 huan nitzajtzis ica paquilisti quema niquintantos nopa filisteos.”
\q1
\v 10 ¿Ajquiya nechmacas chicahualisti para niquintanis nopa altepeme cati moyahualtzactoque ica tepamit?
\q1 ¿Ajquiya nechyacanas para nicalaquis ipan tali Edom?
\b
\q1
\v 11 ¿Atac techtahuelcajtoc? ¿Amo elis ta, tiToteco Dios, cati techyacanas?
\q1 Techyacana huan xiya ica nosoldados para titatehuitij, Toteco.
\q1
\v 12 Techpalehui para tiquintanise tocualancaitacahua pampa san motapalehuil ipati.
\q1 Amo ipati masque miyac masehualme techpalehuisquíaj sinta ta, amo techpalehuía.
\q1
\v 13 Pero ica ta motapalehuil tijchihuase huejhueyi tamanti.
\q1 Pampa san ica ta hueli ipan timoquejquetzase tocualancaitacahua.
\c 109
\s1 David motatajti para Toteco ma quintatzacuilti icualancaitacahua
\q1
\v 1 NoTeco Dios cati nimitzhueyitalía,
\q1 technanquili quema nimotatajtía ica ta,
\q1 amo san xitacacto.
\q1
\v 2 Pampa nopa tajtacolchijca masehualme nechejelnamiquij huan nechistacahuíaj.
\q1
\v 3 Inijuanti nechcualancaitaj huan nechyahualohuaj para nechilhuise camanali cati amo monequi.
\q1 Nechtehuíaj masque amo teno niquinchihuilijtoc.
\q1
\v 4 Na niquinicnelía huan nimotatajtía para tiquintiochihuas.
\q1 Pero masque ya nopa nijchihua,
\q1 noja más quichihuaj campeca para nechtzontamiltise.
\q1
\v 5 Na niquinchihuilía cati cuali,
\q1 pero inijuanti nechtaxtahuíaj ica cati amo cuali.
\q1 Masque niquinicnelía, inijuanti nechcualancaitaj.
\b
\q1
\v 6 NoTeco, xiquintali imaco se cati fiero.
\q1 Se cati quimati tetatelhuía ma quinhuica iixpa se juez cati fiero para ma quintajtolsencahua.
\q1
\v 7 Huan quema ya quintajtolsencajtose, xijchihua para nochi quimatise para quihuicaj tajtacoli.
\q1 Huan quema motatajtíaj, xiquita quej elisquía tajtacolchihuaj.
\q1
\v 8 Nimitztajtanía para inemilis nocualancaitaca ma amo huejcahua ipan ni taltipacti.
\q1 Huan seyoc tacat ma quichihua nopa tequit cati yaya quichihuayaya.
\q1
\v 9 Iconehua ma mocahuaca icnotzitzi huan isihua ma mocahua icnotzi.
\q1
\v 10 Iconehua ma monejnencaquixtica huan ma motaejehuijtinemica.
\q1 Ma quitemoca tacualisti huejca ten ininchaj cati ya tamisosolijtoc.
\q1
\v 11 Ma quitamitacuijcuilica cati quitatanejtiyayaj,
\q1 huan cati seyoc tali ehuani ma quiquixtilica nochi cati quitantoc ica itequi.
\q1
\v 12 Amo aqui ma quipalehui ica yon se tamanti huan amo aqui ma quintasojta iconehua cati icnotzitzi.
\q1
\v 13 Ma miquica nochi iconehua.
\q1 Ma tamiixpolihuica huan ayecmo aqui ma quielnamiqui inintoca.
\q1
\v 14 TOTECO, amo xiquelcahua nochi inintajtacolhua itatahua huan inanahua.
\q1 Huan amo xiquintapojpolhui.
\q1
\v 15 Ma mocahua inintajtacolhua moixpa, TOTECO,
\q1 pero ayecmo aqui ma quinelnamiqui nopa masehualme ipan ni taltipacti.
\q1
\v 16 Pampa inijuanti amo quinejque quipalehuise inihuampo.
\q1 Nojquiya quinquixtijque cati teicneltzitzi huan quinmictijque cati motequipachohuayayaj.
\q1
\v 17 Quinpactiyaya quintelchihuase inihuampo.
\q1 Huajca ama ta nojquiya xiquintelchihua.
\q1 Amo quema quintiochijque sequinoc,
\q1 huajca ama nojquiya amo xiquintiochihua.
\q1
\v 18 Nopa tatelchihualisti tahuel quinpactía pampa eltoc ipan nochi cati quichihuaj.
\q1 Tatelchihuaj mojmosta quej mojmosta moquentíaj iniyoyo,
\q1 o quiij at o quicuaj se tacualisti cati ajhuiyac.
\q1
\v 19 Huajca ama ipani ma huetzi nopa tatelchihualisti,
\q1 quej elisquía se yoyomit cati quinpantzacuas o quej inintzinquechilpica.
\b
\q1
\v 20 Quej nopa, TOTECO, xiquintaxtahui nopa nocualancaitacahua cati nechistacahuíaj,
\q1 huan cati quinequij nechmictise.
\q1
\v 21 Pero TOTECO, ta cati tinoTeco,
\q1 techita na quej elisquía nimocone cati nijhuica motzonquisca.
\q1 Yeca techchololti imaco nocualancaitaca pampa ta titemachti huan tinelcuali.
\q1
\v 22 Na nitaijyohuía huan tahuel monequi motapalehuil,
\q1 Tahuel nechcocohua noyolo.
\q1
\v 23 Niyajtinemi para nimiquis huan nitaijyohuía quej se chapoli cati quitahuiso se masehuali.
\q1
\v 24 Notancua ayecmo quipiya chicahualisti pampa tahuel nimosajtoc.
\q1 Huan notacayo ayecmo nacayo.
\q1
\v 25 Nochi masehualme ipan taltipacti nechhuetzquilíaj.
\q1 Yeca nochi cati nechitaj quiojoliníaj inintzonteco huan nechpinajtíaj.
\q1
\v 26 ¡TOTECO Dios, techpalehui!
\q1 ¡Techmaquixti pampa ta tahuel titetasojta!
\q1
\v 27 Techmaquixti miyacapa,
\q1 para nochi ma quimatica para ta cati tijchijtoc, TOTECO.
\q1
\v 28 Huan teipa sinta nechtelchihuaj, amo teno ipati,
\q1 pampa ta techtiochihuas.
\q1 Sinta motananase ica na,
\q1 pinahuase,
\q1 huan na nijsenhuiquilis nimopaquilismacas,
\q1 pampa na nimotequipanojca.
\q1
\v 29 Ma mopinahualtica miyacapa inijuanti cati nechistacahuíaj.
\q1 Quena, xiquinpinahualti.
\b
\q1
\v 30 Pero na talojtzitzi nijtascamatis TOTECO,
\q1 huan nijpaquilismacas iniixpa nochi masehualme.
\q1
\v 31 Pampa yaya itztoc inihuaya cati teicneltzitzi para quinmanahuis inimaco inincualancaitacahua.
\c 110
\s1 Toteco quimaca tequiticayot nopa tanahuatijquet
\q1
\v 1 TOTECO quiilhui nohueyiTeco:
\q1 “Ximosehui nica ica nonejmat hasta nimitzmactilis mocualancaitacahua para xiquinnahuati.”
\q1
\v 2 TOTECO quichihuas para titanahuatis ten altepet Jerusalén,
\q1 huan tiquinnahuatis mocualancaitacahua cati campa hueli itztoque.
\q1
\v 3 Huan ipan nopa tonali quema titatehuis huan monextis mochicahualis,
\q1 momasehualhua hualase campa ta huan mitztajtanise caquihuili para tatehuise para ta ica miyac paquilisti.
\q1 Moyoyontijtose ica iniyoyo cati tatzejtzeloltic para mitztequipanose,
\q1 huan ta tijpiyas yancuic chicahualisti mojmosta,
\q1 quej huetzi nopa yancuic ajhuechti ica ijnaloc.
\q1
\v 4 TOTECO tatestigojquetzqui huan amo moyolpatas ica cati quiijtojtoc quichihuas.
\q1 Quena, yaya quiijtojtoc para ta tielis titotajtzi para nochipa quej Melquisedec.
\q1
\v 5 Toteco itztoc campa monejmat para mitzmocuitahuis.
\q1 Ipan nopa tonali quema yaya tahuel cualanis,
\q1 quintzontamiltis miyac tanahuatiani.
\q1
\v 6 Quintatzacuiltilis miyac masehualme ipan nochi talme,
\q1 huan quintemitis nopa talme ica mijcatzitzi.
\q1 Miyac masehualme quintzonxamanis ipan miyac talme.
\q1
\v 7 Pero ipan ojti yaya atis ipan miyac atajme,
\q1 huan nopa at quifuerzajmacas huan quiseseltis.
\c 111
\s1 Toteco quinmocuitahuía imasehualhua
\q1
\v 1 ¡Paquilisti!
\q1 Ica nochi noyolo nijnequi nijtascamatis TOTECO,
\q1 campa mosentilíaj masehualme cati itztoque xitahuaque.
\q1
\v 2 Huejhueyi tamanti quichijtoc TOTECO.
\q1 Nochi cati quiicnelíaj ma moyolilhuica ten nochi ni tamanti cati quichijtoc.
\q1
\v 3 Pampa tahuel cuajcualtzi nochi nopa huejhueyi tiochicahualnescayot cati quichihua.
\q1 Huan technextilía ihueyitilis huan para yaya nochipa quichihua cati xitahuac.
\q1
\v 4 TOTECO quichijtoc huejhueyi tamanti cati amo huelis tiquelcahuase.
\q1 Quichijtoc tamanti cati technextilía para techicnelía huan para yaya quipiya hueyi iyolo ica tojuanti.
\q1
\v 5 Yaya quinmaca tacualisti nochi cati motemachíaj ipan ya.
\q1 Huan amo quema quielcahuas cati techtajtolcahuilijtoc techchihuilis.
\q1
\v 6 Toteco quinextijtoc ihueyi chicahualis ica imasehualhua pampa yaya quinmacac nopa tali Israel,
\q1 masque achtohuiya eliyaya iniaxca sequinoc tamanti masehualme.
\q1
\v 7 Nochi cati Toteco quichihua eltoc senquisa xitahuac huan cuali.
\q1 Huan nochi itanahuatilhua nelía temachti.
\q1
\v 8 Para nochipa technextilía cati melahuac huan cati xitahuac,
\q1 huan monequi tijchihuase cati melahuac huan tijneltocase.
\q1
\v 9 TOTECO ya taxtajtoc nochi para quinmanahuis imasehualhua.
\q1 Huan quinilhuijtoc imasehualhua para quichihuas nochi cati quintencahuili ipan nopa camanal sencahuali.
\q1 ¡Toteco nelía tatzejtzeloltic huan temajmati!
\q1
\v 10 Para tipehuase tijpiyase talnamiquilisti,
\q1 achtohui monequi tiquimacasise huan tijtepanitase Toteco Dios.
\q1 Mochihuaj nelía talnamiquini nopa masehualme cati quintepanitaj itanahuatilhua.
\q1 Ma tijpaquilismacaca para nochipa.
\c 112
\s1 Toteco quinhueyitalía cati quihueyitepanitaj
\q1
\v 1 ¡Miyac paquilisti quipiya nopa masehuali cati quiimacasi TOTECO!
\q1 Quena, nochi cati quinpactía quichijtinemise cati quiijtohuaj itanahuatilhua Toteco tahuel paquij.
\q1
\v 2 Iniixhuihua ni masehualme quipantise tatepanitacayot campa hueli,
\q1 Pampa Toteco quintiochihua hasta iixhuihua se cati monejnemiltía xitahuac iixpa.
\q1
\v 3 Ipan ichaj se masehuali cati quintepanita itanahuatilhua Toteco,
\q1 onca ricojyot huan miyac tamanti cati cuali,
\q1 pampa yaya quichihua cati xitahuac huan cati cuali,
\q1 amo quema quielcahuase.
\q1
\v 4 Ni masehuali itztoc quej se taahuili cati taahuía ipan tzintayohuilot.
\q1 Yaya tetasojta huan teicnelía huan techihuilía cati xitahuac.
\q1
\v 5 Se tacat cati cuali iyolo tetasojta huan tetanejtía cati quipiya.
\q1 Nochi cati quichihua quisa cuali,
\q1 huan quiyacana xitahuac nochi tamanti cati eltoc imaco.
\q1
\v 6 Se tacat cati quej ni quichihua,
\q1 amo huetzis quema hualas taohuijcayot.
\q1 Masehualme cati cuajcualme quielnamiquise para nochipa.
\q1
\v 7 Yaya amo majmahui masque quiyolmelahuaj se camanali cati temajmatía,
\q1 pampa yaya senquisa motemachijtoc ipan TOTECO para quimocuitahuis.
\q1
\v 8 Yaya quipiya temachili ipan iyolo huan amo majmahui.
\q1 Senquisa mosemaca huan motehuis chicahuac ica icualancaitacahua.
\q1
\v 9 Yaya quinpalehuía miyac cati teicneltzitzi huan cati amo teno quipiyaj.
\q1 Por nochi nopa tamanti cuali cati quichihua,
\q1 amo quema quielcahuase masehualme.
\q1 Nochi quicualitase huan quitepanitase.
\q1
\v 10 Quema nopa fiero masehualme quiitase ni cuali tacat huan quenicatza masehualme quitepanitaj,
\q1 cualanise chicahuac hasta tanhuehuechocase pampa quichicoitase.
\q1 Pero teipa mopinahualtise pampa quiitase para ayecmo teno hueli quichihuase.
\c 113
\s1 Toteco quitanana se cati teicneltzi
\q1
\v 1 ¡Xijpaquilismacaca TOTECO!
\q1 ¡Quena, nochi amojuanti cati anitequipanojcahua TOTECO, xijhueyimatica!
\q1
\v 2 Ma tijhueyimatica TOTECO ama huan para nochipa.
\q1
\v 3 Quena, nochi masehualme ten campa quisa tonati hasta campa oncalaqui ma quihueyimatica TOTECO.
\q1
\v 4 TOTECO quipiya tanahuatili ica nochi cati itztoque ipan nochi talme.
\q1 Huan ihueyitilis conpano ilhuicacti.
\q1
\v 5 ¿Ajquiya seyoc más hueyi quej TOTECO toDios cati mosehuía nepa huejcapa para tanahuatis?
\q1
\v 6 Tatzinta ten ya eltoc ilhuicacti huan taltipacti.
\q1 Huan yaya mohuijtzoma para tachiyas ipan ni taltipacti.
\q1
\v 7 Huan quitanana nopa teicneltzi cati eltoc quej masitoc ipan soquit cati huejcata.
\q1 Huan cati huetztoc campa quitepehuaj tasoli quitanana huan quisehuía campa cuali.
\q1
\v 8 Quena, quitanana huan quisehuía inihuaya huejhueyi tacame
\q1 cati quinyacanaj inialtepet ehuani.
\q1
\v 9 Yaya quichihua para nopa sihuat cati amo quema conepixqui
\q1 ma quinpiya iconehua huan ichaj.
\q1 Quena, quichihua ma eli se tenanti cati senpactoc.
\q1 ¡Paquilisti!
\c 114
\s1 Cati Toteco quinchihuili nopa israelitame ipan tali Egipto
\q1
\v 1 Huejcajquiya quema nopa israelitame quisque ipan tali Egipto,
\q1 campa nopa masehualme camanaltij seyoc camanali,
\q1
\v 2 hualajque huan quichijque itiopa Toteco ipan tali Judá para nopona ma mocahua inihuaya,
\q1 huan nochi tali Israel eltoya ital campa nojquiya yaya tanahuati.
\q1
\v 3 Quema nopa Hueyi At Chichiltic quinitac hualahuij nopa israelitame,
\q1 nimantzi moisihuilti huan motapo para ma panoca campa tahuactoc.
\q1 Nojquiya nopa hueyat Jordán motapo para ma panoca.
\q1
\v 4 Nochi paquiyayaj hasta elqui quej nopa tepeme huitonque ica paquilisti quej chivojme,
\q1 huan nopa taixtemolis huitonque quej pilborregojtzitzi.
\q1
\v 5 ¿Taya panoc ica nopa Hueyi At Chichiltic?
\q1 ¿Para ten motajcoxelo?
\q1 Huan nopa hueyat Jordán, ¿para ten motilquetzqui?
\q1
\v 6 Huan nopa tepeme, ¿para ten huitonque quej chivojme?
\q1 Huan nochi taixtemolisti,
\q1 ¿para ten huitonque quej pilborregojtzitzi?
\q1 Elqui pampa nochi tahuel quitepanitaj Toteco.
\q1
\v 7 Nochi taltipacti huihuipica iixpa TOTECO,
\q1 yaya cati iTeco Jacob,
\q1
\v 8 pampa yaya quichijqui para ipan nopa tet ma meya at.
\q1 Quena, yaya quiquixti at ipan nopa tet huan mochijqui quej se hueyat.
\c 115
\s1 Toteco huan teteyome
\q1
\v 1 ¡TOTECO, amo techhueyitali tojuanti!
\q1 ¡Ximohueyitali ta!
\q1 Xijchihua para nochi ma mitzpaquilismacaca pampa ta tahuel titetasojta huan tijchihua cati nelía melahuac.
\q1
\v 2 Amo xiquincahuili para nopa masehualme ipan sequinoc talme ma quiijtoca:
\q1 “¿Canque itztoc ininDios?”
\q1
\v 3 Ta toTeco Dios, tiitztoc nepa ilhuicac,
\q1 huan nochi cati tijnequi tijchihuas, ta tijchihua.
\q1
\v 4 Pero nopa masehualme quinitaj quej inintecohua nopa teteyome cati quinchijchijtoque ica oro huan plata.
\q1
\v 5 Quipiyaj inincamac, pero amo camanaltij.
\q1 Quipiyaj iniixteyolhua, pero amo tachiyaj.
\q1
\v 6 Quipiyaj ininacas, pero amo tacaquij.
\q1 Quipiyaj iniyacatzol, pero amo taijyotilanaj.
\q1
\v 7 Quipiyaj inimax, pero amo hueli quiitzquíaj yon se tamanti.
\q1 Quipiyaj inimetz, pero amo nejnemij.
\q1 Amo huelij camanaltij.
\q1
\v 8 Huan nochi masehualme cati quinchijchijtoque nopa teteyome nelía huihuitique quej nopa teteyome,
\q1 huan nojquiya san se huihuitique cati quinhueyichihuaj.
\b
\q1
\v 9 ¡Anisraelitame, ximotemachica ipan TOTECO,
\q1 pampa san yaya amechpalehuía huan amechmanahuía
\q1 ten nochi tamanti cati amo cuali!
\q1
\v 10 Antotajtzitzi cati aniixhuihua Aarón huan aniaxcahua TOTECO,
\q1 ximotemachica ipan ya,
\q1 pampa san yaya amechpalehuía huan amechmanahuía ten nochi tamanti cati amo cuali.
\q1
\v 11 Nochi amojuanti cati anquiimacasij huan anquitepanitaj TOTECO ximotemachica ipan ya,
\q1 pampa san yaya amechpalehuía huan amechmanahuía ten nochi tamanti cati amo cuali.
\q1
\v 12 TOTECO talojtzitzi techelnamiqui huan yeca temachti techtiochihuas.
\q1 Techtiochihuas tiiisraelita masehualhua.
\q1 Quintiochihuas nopa totajtzitzi cati iixhuihua Aarón.
\q1
\v 13 Quena, Toteco quintiochihuas nochi cati quiimacasij huan quitepanitaj.
\q1 Quintiochihuas cati huejhueyi huan cati pilquentzitzi.
\q1
\v 14 Tahuel miyac TOTECO ma amechtiochihua amojuanti huan amoconehua.
\q1
\v 15 Quena, TOTECO cati quichijqui ilhuicacti huan taltipacti,
\q1 yaya cati amechtiochihuas.
\q1
\v 16 Nochi ilhuicacti iaxca TOTECO,
\q1 pero ni taltipacti quinmacatoc masehualme.
\q1
\v 17 Cati mictoque amo huicaj huan quihueyimatij TOTECO.
\q1 Inijuanti ayecmo hueli moliníaj.
\q1
\v 18 Pero tojuanti, quena, tojuanti tijhueyimatise TOTECO ama huan para nochipa.
\q1 ¡Xijhueyimatica TOTECO!
\q1 ¡Paquilisti!
\c 116
\s1 Tascamatili pampa Toteco quimanahui ten miquilisti
\q1
\v 1 Nelía niquicnelía TOTECO pampa yaya nechtacaquilía quema nimotatajtía huan nechnanquilía.
\q1
\v 2 Huan pampa mohuijtzoma huan nechnanquilía,
\q1 nimotatajtis ica ya nochi tonali quema niyoltos.
\q1
\v 3 Nechyahualojtoya miquilisti.
\q1 Nijmachiliyaya quej niitztosquía ipan ostot,
\q1 pampa nechajsic miyac cuesoli huan tequipacholi.
\q1
\v 4 Huajca nijtzajtzili TOTECO huan niquilhui:
\q1 “TOTECO, techmanahui.”
\q1
\v 5 ¡TOTECO nelía cuali iyolo!
\q1 ¡Yaya senquisa xitahuac!
\q1 ¡Toteco tahuel tetasojta!
\q1
\v 6 TOTECO quinmocuitahuía cati moechcapanohuaj huan itztoque quej coneme.
\q1 Na ya nimictinemiyaya huan yaya nechmanahui.
\q1
\v 7 Ama huelis nimosiyajquetzas pampa TOTECO nechchihuilijtoc cati cuali.
\q1
\v 8 Nechmanahuijtoc imaco miquilisti,
\q1 quihuatztoc noixayo huan nechpalehuijtoc para ma amo nihuetzi ipan tajtacoli.
\q1
\v 9 Ipan ni taltipacti campa itztoque masehualme,
\q1 nimonejnemiltis xitahuac iixpa TOTECO.
\q1
\v 10 Na nijneltocayaya Toteco, huajca niquijto:
\q1 “Nitaijyohuía miyac, Toteco.”
\q1
\v 11 Huan quema ayecmo nijmatiyaya taya nijchihuas, niquijto:
\q1 “Nochi masehualme san istacatij.”
\q1
\v 12 Huan ama ya niitztoc cuali.
\q1 ¿Quenicatza huelis nijtaxtahuis TOTECO por nochi cati nechchihuilijtoc?
\q1
\v 13 Nijhualiquilis xocomecat iayo quej se tacajcahualisti,
\q1 huan nijhueyimatis TOTECO pampa nechmaquixtijtoc.
\q1
\v 14 Miyacapa nijhualiquilis TOTECO nopa tacajcahualisti cati nijtajtolcahuili nijmacas.
\q1
\v 15 TOTECO quiita para tahuel ipati ininemilis imasehualhua cati quinicnelía,
\q1 huan amo quincahuilía miquise san quej hueli.
\b
\q1
\v 16 TOTECO, na nimotequipanojca,
\q1 quena, niicone se nonana cati nojquiya mitztequipano.
\q1 Huan techmanahuijtoc ten campa niilpitoya.
\q1
\v 17 Nimitzpaquilismacas huan nimitztascamatis huan ta tiquitas quej elisquía se tacajcahualisti.
\b
\q1
\v 18 Miyacapa nijhualiquilis TOTECO nopa tacajcahualisti cati nijtajtolcahuili nijmacas.
\q1
\v 19 Quena, nijmacas TOTECO nopona ipan icalixpa ichaj cati eltoc ipan altepet Jerusalén.
\q1 ¡Paquilisti!
\c 117
\s1 Ma tijhueyichihuaca Toteco
\q1
\v 1 Xijpaquilismacaca TOTECO nochi anmasehualme ipan nochi talme,
\q1 xijhueyimatica nochi amojuanti ipan nochi altepeme.
\q1
\v 2 Pampa yaya techicnelía ica se hueyi taicnelijcayot cati amo quema tamis.
\q1 Yaya temachti huan elis temachti para nochipa.
\q1 ¡Paquilisti!
\c 118
\s1 Ma tijtascamatica Toteco
\q1
\v 1 ¡Xijpaquilismacaca TOTECO pampa yaya nelía cuali!
\q1 Itaicnelijcayo amo quema tamis.
\q1
\v 2 Nochi anisraelitame xijhueyimatica Toteco huan xiquijtoca:
\q1 “Itaicnelijcayo Toteco amo quema tamis.”
\q1
\v 3 Nochi antotajtzitzi cati aniixhuihua Aarón nojquiya xiquijtoca:
\q1 “TOTECO itaicnelijcayo amo quema tamis.”
\q1
\v 4 Nochi amojuanti cati anquitepanitaj TOTECO xiquijtoca:
\q1 “TOTECO itaicnelijcayo amo quema tamis.”
\q1
\v 5 Quema nimotequipachohuayaya,
\q1 nijtzajtzili TOTECO,
\q1 huan yaya nechnanquili huan nechmanahui.
\q1
\v 6 TOTECO itztoc nohuaya para nechpalehuis,
\q1 yeca ayecmo nimajmahui,
\q1 yon amo niquimacasi cati huelis nechchihuilise masehualme.
\q1
\v 7 TOTECO itztoc nonechca.
\q1 Yaya nechpalehuis.
\q1 ¡Huan temachti niquitas cati nijnequi ma ininpanti nocualancaitacahua!
\q1
\v 8 Más cuali nimotemachis ipan TOTECO huan amo ipan se tacat.
\q1
\v 9 Más cuali nimomanahuis ipan TOTECO huan amo ipan se hueyi tanahuatijquet.
\q1
\v 10 Masque nochi masehualme ten nochi talme ma nechyahualoca para nechtehuise,
\q1 na niquintzontamiltis ica ichicahualis TOTECO.
\q1
\v 11 Quena, masque nechyahualose huan nechtehuise,
\q1 na niquintanis pampa nijhuica itequiticayo TOTECO.
\q1
\v 12 Nocualancaitacahua hualajque ipan na quej sayolime,
\q1 huan cualanque chicahuac quej tit cati quitatía nochi huitzti.
\q1 Pero na niquintzontamilti ica itequiticayo TOTECO.
\q1
\v 13 Nocualancaitacahua quichijque campeca para nechmictise,
\q1 pero TOTECO yaya nechpalehui.
\q1
\v 14 TOTECO nechpixtoc imaco,
\q1 huan yeca nihuica para ya pampa nechchijtoc ma nitatani.
\q1
\v 15 Ipan ininchajchaj cati monejnemiltíaj xitahuac iixpa TOTECO tahuejchihuaj huan huicaj ica paquilisti,
\q1 pampa TOTECO quinmaquixtía huan quichihua huejhueyi tamanti.
\q1
\v 16 Ichicahualis TOTECO nelía hueyi huan quichihua huejhueyi tamanti.
\q1
\v 17 Amo nimiquis.
\q1 Pero niitztos para nitepohuilis nochi cati TOTECO quichijtoc.
\q1
\v 18 Toteco nechtatzacuilti chicahuac,
\q1 pero amo nechtemactili para ma nimiqui.
\q1
\v 19 Xijtapoca icaltenyo itiopa TOTECO,
\q1 pampa nijnequi nicalaquis para nijtascamatis TOTECO.
\q1
\v 20 Ipan ni caltemit calaquij para yahuij hasta iixpa TOTECO,
\q1 huan nopona calaquise nochi cati tatzejtzeloltique iixpa.
\q1
\v 21 Nijhueyimatis noTeco Dios, huan nijtascamatilis miyac,
\q1 pampa nechtacaquili huan nechmaquixti ten nocualancaitacahua.
\q1
\v 22 Calchihuani quicuamajcajque se hueyi tet cati amo quinejque quitequihuise,
\q1 pero ama nopa hueyi tet eltoc cati más monequi para yas calesquina huan ipan quiquetzase nopa cali.
\q1
\v 23 Nochi ya ni quichijtoc TOTECO huan cuajcualtzi nesi.
\q1
\v 24 Inin nopa tonali cati TOTECO quichijqui.
\q1 Ma tipactoca ipan ni tonali.
\q1
\v 25 Nijtajtanía TOTECO ama ma techmaquixti tojuanti ten tocualancaitacahua.
\q1 Techpalehui ama para tiquisase cuali.
\b
\q1
\v 26 ¡Ma TOTECO mitztiochihua ta cati tihuala ipan itoca\f + \fr 118:26 \fr*\ft 118:26 O ica itequiticayo.\ft*\f*!
\q1 Timitztiochihuaj hasta campa ichaj TOTECO.
\b
\q1
\v 27 TOTECO yaya Dios, huan yaya techtaahuilía.
\q1 Nijhualiquilis notacajcahualis huan nijtalis ipan itaixpa para nijmacas.
\q1
\v 28 Pampa yaya noTeco Dios, yeca nijtascamati huan nijhueyimati.
\q1
\v 29 ¡Xijtascamatica TOTECO pampa yaya nelía cuali!
\q1 Itaicnelijcayo amo quema tamis.
\c 119
\s1 Toteco itanahuatilhua nelía cuali
\q1
\v 1 Nelía paquij nochi cati monejnemiltíaj xitahuac,
\q1 huan cati senquisa quichijtinemij cati quiijtohua iley TOTECO.
\q1
\v 2 Paquij nopa masehualme cati quitemohuaj TOTECO ica nochi iniyolo huan quichijtinemij cati yaya quiijtohua.
\q1
\v 3 Pampa inijuanti amo quichihuaj cati amo cuali.
\q1 Monejnemiltíaj senquisa ipan iojhui TOTECO.
\q1
\v 4 Ta techmacatoc motanahuatilhua para ma tijchihuaca cati quiijtohuaj.
\q1
\v 5 ¡Tahuel nijnequisquía nijchijtinemis senquisa cati techyolmelajtoc ma tijchihuaca!
\q1
\v 6 Quej nopa amo nipinahuasquía sinta niquinchijtinemis nochi motanahuatilhua.
\q1
\v 7 Na nimitztascamatis ica nochi noyolo quema ya nijmachilis nochi motamachtilhua cati xitahuac.
\q1
\v 8 Na nijchihuas nochi cati techyolmelajtoc ma tijchihuaca ipan tonemilis.
\q1 Yeca amo techtahuelcahua.
\b
\q1
\v 9 ¿Taya monequi quichihuas se telpocat para itztos tapajpactic moixpa, TOTECO?
\q1 Monequi quipohuas mocamanal huan quichihuas cati quiijtohua.
\q1
\v 10 Na ica nochi noyolo nimitztemojtoc, Toteco.
\q1 Amo techcahuili nimoiyocacahuas ten motanahuatilhua.
\q1
\v 11 Ipan noyolo nicajoctoc nochi cati tiquijtojtoc,
\q1 para amo nitajtacolchihuas ica ta.
\q1
\v 12 TOTECO, ta cati nochi mitzhueyimatij,
\q1 technextili quenicatza nijchihuas nochi cati techyolmelajtoc.
\q1
\v 13 Na nitepohuilijtoc nochi motamachtilhua cati ta techmacatoc.
\q1
\v 14 Más nimopaquilismacatoc pampa ninemi ipan moojhui huan nijchihua cati ta tiquijtojtoc,
\q1 huan amo ipan ricojyot.
\q1
\v 15 Nimoyolilhuis ten motanahuatilhua huan ninemis ipan nopa ojti campa quiijtohuaj ma ninejnemi.
\q1
\v 16 Nimopaquilismacas ica cati techyolmelajtoc,
\q1 huan amo quema niquelcahuas mocamanal.
\q1
\v 17 Na nimotequipanojca, techchihuili cati cuali.
\q1 Techcahuili ma niitzto miyac tonali para nijsenhuiquilis nijtepanitas mocamanal.
\q1
\v 18 Techixtapo para niquitas nopa huejhueyi tamachtilisti cati quipiya moley.
\q1
\v 19 Na san nipaxalohua ipan ni taltipacti.
\q1 Amo xijtati motanahuatilhua ten na pampa monequi ma nechyacana.
\q1
\v 20 Ipan noyolo tahuel nijnequi nijchihuas nochi cati xitahuac quej quiijtohua motamachtil.
\q1
\v 21 Ta tiquinajhua nopa taixpanoca masehualme cati mohueyimatij.
\q1 Inijuanti itztoque quej tatelchihualme pampa quinhuejcamajcahuaj motanahuatilhua.
\q1
\v 22 Amo xiquincahuili ma nechpinahualtica pampa na nijtepanita nochi cati ta tiquijtohua.
\q1
\v 23 Hasta nopa huejhueyi tacame cati quipiyaj tequiticayot mosehuijque para nechejelnamiquise,
\q1 pero na nimotequipanojca,
\q1 senquisa nimoyolilhuía ten nochi cati ta techyolmelajtoc.
\q1
\v 24 Pampa motajtol nechtaahuilía huan nechconsejomaca.
\q1
\v 25 Nelía nimotequipachohua hasta nihuetztoc ipan taltepocti.
\q1 Xijyancuili nonemilis ica mocamanal.
\q1
\v 26 Na nimitzpohuili nochi cati nijsencajtoc nijchihuas huan ta techtacaquili.
\q1 Ama technextili quenicatza nijchihuas nochi cati techyolmelajtoc.
\q1
\v 27 Techchihua ma nijmachili nopa ojti cati ipan ninemis para niquintoquilis nochi motanahuatilhua.
\q1 Huan na nimoyolilhuis ipan nochi nopa huejhueyi tamanti cati tijchihua.
\q1
\v 28 Nichoca pampa tahuel nitaijyohuía.
\q1 Techyolchicahua ica mocamanal.
\q1
\v 29 Techpalehui mojmosta para amo niistacatis.
\q1 Huan pampa techicnelía, techpalehui ma nijmati nochi moley.
\q1
\v 30 Na nijtapejpenijtoc nopa ojti cati melahuac,
\q1 huan san nimoilhuía ten motamachtil.
\q1
\v 31 Na nimotatzquilijtoc ipan motajtol huan nijchihuas cati quiijtohua.
\q1 ¡TOTECO, amo techcahuili nihuetzis ipan pinahualisti!
\q1
\v 32 Sinta techmacas noyolo cati cuali moixpa,
\q1 huajca na achi más nijchijtinemis cati quiijtohuaj motanahuatilhua.
\q1
\v 33 TOTECO, technextili quenicatza nijchihuas nochi cati techyolmelajtoc.
\q1 Huan nijchijtinemis nochi tonali hasta nimiquis.
\q1
\v 34 Techmaca talnamiquilisti huan nijchijtinemis nochi cati quiijtohua moley.
\q1 Quena, nijchijtinemis ica nochi noyolo.
\q1
\v 35 Techyacana ipan nopa ojti cati technextilía motanahuatilhua,
\q1 pampa san ya nopa nijnequi nijchihuas.
\q1
\v 36 Xijchihua para más ma nijnequi motajtol huan amo tomi.
\q1
\v 37 Techhuejcatali ten nochi tamanti cati amo cuali para amo niquixtocas.
\q1 Más cuali talojtzitzi techyolchicahua para senquisa ninemis ipan moojhui.
\q1
\v 38 Techmatilti na, nimotequipanojca, para temachti techmacas cati techtajtolcahuilijtoc,
\q1 pampa san ta nimitzimacasi huan nimitztepanita.
\q1
\v 39 Amo techcahuili ma niquinimacasi cati nechpinahualtíaj pampa nimitztepanita,
\q1 pampa motamachtil senquisa cuali huan xitahuac.
\q1
\v 40 TOTECO, na tahuel nijnequi nijchihuas cati quiijtohuaj motanahuatilhua.
\q1 Xijyancuili nonemilis pampa ta senquisa tixitahuac.
\q1
\v 41 TOTECO, techtasojta huan techmaquixti ten nocualancaitacahua,
\q1 san quej tiquijtojtoc tijchihuas.
\q1
\v 42 Quej nopa huelis niquinnanquilis inijuanti cati nechpinahualtíaj,
\q1 huan niquinmachiltis para san nimotemachía ipan mocamanal.
\q1
\v 43 Amo techquixtili mocamanal cati melahuac huan amo techcahuili ma niquelcahua,
\q1 pampa san ipan motamachtil na nimotemachía.
\q1
\v 44 Na nijtepanitas moley mojmosta.
\q1 Quena, para nochipa nijtepanitas moley huan amo quema tamis.
\q1
\v 45 Ninemis nimajcajtoc pampa niquintemohua motanahuatilhua para nijchihuas cati quiijtohuaj.
\q1
\v 46 Na niquinpohuilis motajtol tanahuatiani,
\q1 huan amo nipinahuas.
\q1
\v 47 Na nimopaquilismacas ipan motanahuatilhua pampa tahuel niquinicnelía.
\q1
\v 48 Nimomatananas para nijnextis notatepanitacayo por motanahuatilhua,
\q1 huan san nimoyolilhuijtinemis ten nochi cati techyolmelajtoc ma tijchihuaca ipan tonemilis.
\q1
\v 49 Amo quema xiquelcahua cati techtajtolcahuilijtoc techchihuilis na, nimotequipanojca,
\q1 pampa san ya nopa nijchixtoc.
\q1
\v 50 Cati techtencahuilijtoc techchihuilis nechyoltalía quema nimopantía ipan taijyohuilisti.
\q1 Quena, nochi cati tiquijtojtoc nechmaca yancuic chicahualisti ipan nonemilis.
\q1
\v 51 Nopa masehualme cati mohueyimatij nechpinajtíaj pampa nimitztepanita, Toteco,
\q1 pero masque ya nopa, na amo nimohuejcatalis ten moley.
\q1
\v 52 TOTECO, na niquelnamiqui motamachtil cati huejcajquiya techmacac.
\q1 Huan motamachtil nochipa nechyoltalía.
\q1
\v 53 Nelía tahuel nicualani ica nopa taixpanoca masehualme cati quitahuelcahuaj moley.
\q1
\v 54 Nochi cati techyolmelajtoc nechhualiquilijtoc paquilisti,
\q1 huan nechchijtoc ma nihuica campa hueli campa niitztinentoc quej niseyoc tali ejquet.
\q1
\v 55 Ica tayohua nimitzelnamiqui, TOTECO,
\q1 huan nijnequi nijchihuas cati quiijtohua moley.
\q1
\v 56 Nijseli tahuel miyac tatiochihualisti pampa nijchijqui cati quiijtohuaj motanahuatilhua.
\q1
\v 57 ¡TOTECO, san ta tinoaxca!
\q1 Na niquijtojtoc para nijtepanitas cati quiijtohua mocamanal.
\q1
\v 58 Ica nochi noyolo nijnequi motatiochihualis.
\q1 Techtasojta senquisa quej techtajtolcahuilijtoc para tijchihuas.
\q1
\v 59 Nimotachili quenicatza nimonejnemiltiyaya
\q1 huan nimantzi nimocuetqui para nijchihuas cati quiijtohua motajtol.
\q1
\v 60 Quena, nimoisihuiltía para nijchihuas cati quiijtohuaj motanahuatilhua.
\q1
\v 61 Miyac taixpanoca masehualme nechyahualojtoque para ma nitajtacolchihua inihuaya,
\q1 pero na amo niquelcajtoc moley.
\q1
\v 62 Tajco yohual nimijquehua para nimitztascamatis por motamachtil cati senquisa xitahuac.
\q1
\v 63 Na niquinita quej nohuampoyohua nochi cati mitzimacasij huan mitztepanitaj,
\q1 huan nochi cati quichihuaj cati quiijtohuaj motanahuatilhua.
\q1
\v 64 ¡TOTECO, nochi taltipacti temitoc ica motaicnelijcayo!
\q1 Technextili nochi cati techyolmelajtoc ma nijchihua ipan nonemilis.
\q1
\v 65 ¡TOTECO, tahuel techchihuilijtoc cati cuali na, nimotequipanojca!
\q1 Techtiochijtoc senquisa quej tiquijtojtoc para tijchihuas.
\q1
\v 66 NoTeco, techchihua ma nijmachili cati cuali huan techmaca talnamiquilisti,
\q1 pampa na niquinneltocatoc motanahuatilhua.
\q1
\v 67 Achtohuiya quema ayemo techechcapantalijtoya para techtatzacuiltis,
\q1 san nimocuapolojtinenqui.
\q1 Pero ama senquisa nijchihua cati quiijtohua mocamanal.
\q1
\v 68 Ta nelía ticuali huan tijchihua san cati cuali.
\q1 Huajca techmachti quenicatza ma nijchihua cati techyolmelajtoc para nijchihuas.
\q1
\v 69 Nopa masehualme cati mohueyimatij nechistacahuijtoque,
\q1 pero na ica nochi noyolo nijchijtinemis cati quiijtohuaj motanahuatilhua.
\q1
\v 70 Inijuanti huihuitique huan tzactoc inintalnamiquilis,
\q1 pero na nochipa nimopaquilismaca ipan moley.
\q1
\v 71 Nelía cuali para techechcapantali,
\q1 pampa technextili para ma nijchihua nochi cati techyolmelajtoc ma tijchihuaca ipan tonemilis.
\q1
\v 72 Para na más ipati moleyes huan amo millones ten oro huan plata.
\q1
\v 73 TOTECO, ta ica momax tijsencajqui notacayo.
\q1 Huajca ama techpalehui ma niquinmachili motanahuatilhua huan niquintzontecomatis.
\q1
\v 74 Nochi cati mitztepanitaj huan motemachíaj ipan ta,
\q1 paquise quema nechitase,
\q1 pampa na nimotemachía ipan mocamanal.
\q1
\v 75 TOTECO, na nijmati para motamachtil senquisa xitahuac.
\q1 Huan nopa tatzacuiltili cati techmacatoc nojquiya xitahuac,
\q1 huan nechhualiquilis tamanti cati cuali.
\q1
\v 76 Huajca ama techyoltali ica moteicnelijcayo,
\q1 senquisa quej techilhuijtoc na, nimotequipanojca, para tijchihuas.
\q1
\v 77 Techyahualo ica motaicnelijcayo para ma niyolto,
\q1 pampa san ipan moley nijpantía paquilisti.
\q1
\v 78 Ma huetzica ipan pinahualisti nopa masehualme cati mohueyimatij,
\q1 pampa tahuel nechcocojtoque ica iniistacaticayo.
\q1 Pero na san nimoyolilhuijtinemis cati quiijtohuaj motanahuatilhua.
\q1
\v 79 Ma sempa mosentilica nohuaya nopa masehualme cati mitzimacasij huan mitztepanitaj,
\q1 huan cati quiixmatij motajtol.
\q1
\v 80 Xijchihua para noyolo ma monejnemilti xitahuac ipan nochi cati techyolmelajtoc.
\q1 Huan quej nopa amo quema nimopinahualtis.
\q1
\v 81 Na nitapolosnequi pampa nijchiya para techmaquixtis ten nocualancaitacahua,
\q1 pampa nimotemachijtoc ipan cati tiquijtojtoc para techchihuilis.
\q1
\v 82 Noixteyolhua siyahuij pampa quinequij quiitase ma pano nochi cati techtajtolcahuilijtoc para tijchihuas.
\q1 ¿Hasta quema techyoltalis ica motapalehuil?
\q1
\v 83 Ya nihuehuentzi huan nitzocoyolijtoc quej se cuetax bolsa cati quitalijtoque campa pocti,
\q1 pero amo niquelcajtoc cati techyolmelajtoc.
\q1
\v 84 ¿Quesqui tonali monequi nijchiyas para tiquintatzacuiltis cati nechtoquilijtinemij?
\q1
\v 85 Nopa masehualme cati mohueyimatij huan cati quicualancaitaj moleyes quichijtoque se hueyi ostot para ma nimasi.
\q1
\v 86 Techpalehui, pampa motanahuatilhua senquisa xitahuac,
\q1 huan nechtepotztocatinemij masque amo teno nijchijtoc.
\q1
\v 87 San quentzi nechixpolihuiltisquíaj,
\q1 pero na amo niquinixpanotoc motanahuatilhua yon amo niquincajtoc.
\q1
\v 88 Pampa hueyi moyolo, techcahuili ma niitzto.
\q1 Huan quej nopa nijsenhuiquilis nijchihuas cati quiijtohua motajtol.
\q1
\v 89 TOTECO, mocamanal eltos temachti para nochipa nepa ilhuicac.
\q1
\v 90 Mojmosta ta titemachti huan tiitztos temachti ica nochi cati tacactiyase para nochipa.
\q1 Cuali ta tijtatzquilti ni tali huan quej nopa eltoc.
\q1
\v 91 Nochi tamanti mocahua campa tiquinnahuati ma eltoca hasta ama ni tonal.
\q1 Quena, nochi tamanti cati tijchijqui mitzneltocaj huan mitztequipanohuaj.
\q1
\v 92 Sinta amo nimopaquilismacatosquía ipan moley,
\q1 huajca ya nimictosquía ica tequipacholi.
\q1
\v 93 Amo quema niquinelcahuas motanahuatilhua,
\q1 pampa ica motanahuatilhua techmacatoc yancuic chicahualisti.
\q1
\v 94 Na nimoaxca, techmaquixti pampa nochipa nijchijtinentoc cati quiijtohuaj motanahuatilhua.
\q1
\v 95 Masque nopa taixpanoca tacame motatise ipan ojti para nechtzontamiltise,
\q1 na san nimoyolilhuijtos ten motajtol.
\q1
\v 96 Nochi tamanti cati más cuajcualtzi niquitztoc canque ontami,
\q1 pero motanahuatilhua, amo quipiyaj inintamiya.
\q1
\v 97 ¡Tahuel niquicnelía moley!
\q1 San ten ya nimoyolilhuijtinemi semilhuit.
\q1
\v 98 Motanahuatilhua nechchijtoque más nitalnamiqui que nocualancaitacahua.
\q1 Pampa motanahuatilhua nechyacantiyahuij mojmosta.
\q1
\v 99 Quena, achi más nitalnamiqui hasta niquintani inijuanti cati notamachtijcahua,
\q1 pampa na nimoyolilhuijtinemi ten motajtol.
\q1
\v 100 Na más nijmachilía que nopa huehue tacame,
\q1 pampa nijchihua cati quiijtohuaj motanahuatilhua.
\q1
\v 101 Amo quema nijnectoc nijtoquilis se ojti cati amo cuali,
\q1 pampa senquisa nijnequi nijchihuas cati quiijtohua mocamanal.
\q1
\v 102 Amo nimohuejcatalijtoc ten motamachtil,
\q1 pampa ta technextilía quenicatza ma nimonejnemilti.
\q1
\v 103 Nijmati nelía ajhuiyac mocamanal.
\q1 Achi más tzopelic nijmati que sayolnecti.
\q1
\v 104 Motanahuatilhua nechmacaj talnamiquilisti.
\q1 Yeca amo nijnequi niquitas yon se tamanti istacatili.
\q1
\v 105 Mocamanal eltoc quej se taahuili cati quitaahuilía noojhui campa ninejnemi para amo nimotepotanis.
\q1
\v 106 Se huelta nitatestigojquetzqui,
\q1 huan ama sempa nitatestigojquetzas para nijchihuas cati quiijtohuaj motamachtilhua pampa nelía xitahuac.
\q1
\v 107 TOTECO, nechca eltoc para nimiquis inimaco nocualancaitacahua.
\q1 Techmaca yancuic chicahualisti quej tiquijtojtoc para tijchihuas.
\q1
\v 108 TOTECO, nimitztajtanía xijseli nopa tascamatili cati nimitzmaca quej se tacajcahualisti.
\q1 Huan technextili motamachtil.
\q1
\v 109 Mojmosta nimopantía campa mahuilili para nonemilis,
\q1 pero amo niquelcajtoc moley.
\q1
\v 110 Nopa taixpanoca masehualme quitalíaj taquetzti para ma nimasi huan nihuetzis ipan tajtacoli,
\q1 pero na amo nimoiyocanequis ten motanahuatil.
\q1
\v 111 Na san nimoaxcatijtoc motajtol,
\q1 pampa san ipan motajtol nijpantía paquilisti.
\q1
\v 112 Ica nochi noyolo nijchihuas cati quiijtohuaj motanahuatilhua nochipa hasta nimiquis.
\q1
\v 113 Amo nijnequi niquinitas masehualme cati quichihuaj ome inixayac.
\q1 Pero na niquicnelía moley.
\q1
\v 114 Ipan ta nimotatía para amo nechcocose nocualancaitacahua huan ipan ta nimomanahuía.
\q1 Pampa nimotemachía san ipan mocamanal.
\q1
\v 115 Ma nechtalcahuica nopa masehualme cati fiero inintalnamiquilis.
\q1 Ma amo nechcuatotonica pampa na nijnequi nijchihuas cati quiijtohuaj motanahuatilhua, Toteco Dios.
\q1
\v 116 Huajca noTeco, techmaca yancuic fuerza senquisa quej techtajtolcahuili.
\q1 Huan quej nopa sequinoc amo quema huelis quiijtose para san tapic nimochixtoc ipan ta.
\q1
\v 117 Techfuerzajmaca para nimomaquixtis inimaco nocualancaitacahua,
\q1 huan nochipa nijpiyas paquilisti para nijchihuas cati techyolmelajtoc.
\q1
\v 118 Ta tiquinhuejcamajcajtoc nochi cati quitahuelcahuaj cati techyolmelajtoc.
\q1 Inijuanti quiijtohuaj talnamiquij, pero amo cana, san mocajcayahuaj.
\q1
\v 119 Nochi masehualme cati quinpactía tajtacolchihuaj ipan ni taltipacti tiquinita quej itetejtzo teposti cati mocahua quema tijmolonía para tijtapajpacchihuas.
\q1 Pero na niquicnelía huan nijtepanita motajtol.
\q1
\v 120 Nochi notacayo huihuipica pampa mitzimacasi huan mitztepanita, Toteco.
\q1 Huan nojquiya niquimacasi motatzacuiltil,
\q1 huan yeca amo nijnequi nimitzixpanos.
\q1
\v 121 Na nijchijtoc cati xitahuac huan cati melahuac moixpa.
\q1 Amo techtahuelcahua inimaco nocualancaitacahua.
\q1
\v 122 Xitatestigojquetza para techtiochihuas na, nimotequipanojca.
\q1 Amo xiquincahuili ma nechtaijyohuiltica nopa masehualme cati mohueyimatij.
\q1
\v 123 Campa hueli nitachixtoc pampa nijchixtoc techmaquixtiqui ten nocualancaitacahua,
\q1 hasta siyajtoque noixteyolhua.
\q1 Nijchixtoc techmanahui senquisa quej tiquijtojtoc para tijchihuas.
\q1
\v 124 TOTECO, ipan motaicnelijcayo techchihuili cati cuali na, nimotequipanojca.
\q1 Technextili quenicatza nijchihuas cati techyolmelajtoc ma tijchihuaca.
\q1
\v 125 Na nimotequipanojca, techmaca talnamiquilisti,
\q1 para niquixmatis motajtol.
\q1
\v 126 TOTECO, ya ajsic tonali para timonextis huan tijchihuas cati tiquita para cuali.
\q1 Pampa ni taixpanoca masehualme ayecmo quitepanitaj moley.
\q1
\v 127 Pero na más niquinicnelía motanahuatilhua huan amo quej oro cati senquisa cuali.
\q1
\v 128 Pampa nochi motanahuatilhua nelía xitahuac.
\q1 Yeca amo nijnequi niquitas yon se tamanti istacatili.
\q1
\v 129 Motajtol nelía cuajcualtzi, TOTECO,
\q1 yeca nijtoquilijtinemi ica nochi noalma.
\q1
\v 130 Quema quiixtomaj mocamanal,
\q1 techtaahuilía huan techtalnamictía nochi timasehualme,
\q1 hasta nojquiya masehualme cati pilquentzi quimachilíaj.
\q1
\v 131 Yeca tahuel nijnequi niquixmatis más cati quiijtohuaj motanahuatilhua,
\q1 huan ya nopa nijtemohua.
\q1
\v 132 Techtachili huan techtasojta,
\q1 quej timomajtoc tiquinchihuilía cati mitzicnelíaj.
\q1
\v 133 Techyacana ipan se cuali ojti ica mocamanal para amo nechtanis yon se taixpanoli.
\q1
\v 134 Techmanahui ten nopa tacame cati mosisiníaj huan quinequij nechtaijyohuiltise.
\q1 Huan quej nopa nijchihuas cati quiijtohuaj motanahuatilhua.
\q1
\v 135 Ma monexti moteicnelijcayo ipan moxayac quema techtachilía na, nimotequipanojca,
\q1 huan techmachti nochi cati techyolmelajtoc para ma tijchihuaca.
\q1
\v 136 Tahuel nichoca pampa miyac masehualme amo quitepanitaj moley.
\q1
\v 137 TOTECO, ta nelía tixitahuac huan nochi tatzacuiltili cati titemaca nojquiya xitahuac.
\q1
\v 138 Nochi motajtol xitahuac huan temachti para ipan ma timotemachica.
\q1
\v 139 Nelía nimotequipachohua huan nicualani,
\q1 pampa nocualancaitacahua amo quitepanitztoque cati ta tiquijtojtoc.
\q1
\v 140 Nochi moley nijyejyecojtoc huan niquitztoc para nelía tatzejtzeloltic.
\q1 Yeca niquicnelía.
\q1
\v 141 Nelía niteicneltzi huan miyac amo quinequij nechitase,
\q1 pero na amo niquinelcajtoc motanahuatilhua.
\q1
\v 142 Ta tijchihua cati xitahuac para nochipa huan moley senquisa melahuac.
\q1
\v 143 Nopani huetztoc tequipacholi huan taijyohuilisti,
\q1 pero motanahuatilhua san ya nopa nechyolchicahuaj.
\q1
\v 144 Motajtol nochipa xitahuac.
\q1 Techmaca talnamiquilisti para nijmachilis huan quej nopa huelis niitztos.
\q1
\v 145 Ica nochi noyolo nimitztzajtzilía.
\q1 Technanquili noTeco, huan nijchihuas cati techyolmelajtoc.
\q1
\v 146 Na nimitztzajtzilía huan nimitzilhuía:
\q1 “Techmaquixti ten nocualancaitacahua”,
\q1 huan nijchihuas cati quiijtohua motajtol.
\q1
\v 147 Nimijquehua ica ijnaloc quema ayemo quisa tonati,
\q1 huan nimitztzajtzilía, TOTECO, pampa san ipan mocamanal nimotemachía.
\q1
\v 148 Ica tayohua amo nicochi pampa san nimoyolilhuía ten nochi cati tiquijtojtoc techchihuilis.
\q1
\v 149 Techtacaquili pampa titetasojta, TOTECO.
\q1 Techmaca yancuic chicahualisti quej quiijtohua motamachtil para tijchihuas.
\q1
\v 150 Nechca hualahuij nopa tacame cati mosisiníaj huan nechtepotztocatinemij.
\q1 Inijuanti mohuejcatalijtoque ten moley.
\q1
\v 151 Pero ta tinoTeco tiitztoc nonechca.
\q1 Nochi motanahuatilhua senquisa melahuac.
\q1
\v 152 Hasta quema niitztoya nipilquentzi niquixmatqui motajtol,
\q1 huan nijmatqui para motajtol amo quema mopatas para nochipa.
\q1
\v 153 Xijtachili notaijyohuilis huan techmanahui,
\q1 pampa amo niquelcajtoc moley.
\q1
\v 154 Quena, techtenpalehui huan techmanahui quej techtajtolcahuilijtoc tijchihuas.
\q1
\v 155 Amo tiquinmaquixtis nopa masehualme cati amo mitztepanitaj.
\q1 pampa inijuanti amo quitacaquilíaj cati techyolmelajtoc.
\q1
\v 156 TOTECO, ta tahuel techtasojta.
\q1 Techmaca yancuic chicahualisti quej quiijtohua motamachtil para tijchihuas.
\q1
\v 157 Miyac nocualancaitacahua nechtepotztocatinemij huan quichihuaj campeca para ma nimitzixpano,
\q1 pero na amo nijcajtoc motajtol.
\q1
\v 158 Na niquincualancaita nopa tacajcayahuani,
\q1 pampa inijuanti amo quichihuaj cati quiijtohua mocamanal.
\q1
\v 159 Xiquita TOTECO, na tahuel niquinicnelía motanahuatilhua.
\q1 Techmaca yancuic chicahualisti pampa ta nelía ticuali,
\q1 huan hueyi moyolo.
\q1
\v 160 Nochi mocamanal senquisa melahuac.
\q1 Quena, nochi motamachtil senquisa xitahuac huan huejcahuas para nochipa.
\q1
\v 161 Tacame cati quipiyaj tequiticayot nemij notepotzco para nechcocose masque amo teno niquinchihuilijtoc,
\q1 pero ipan noyolo san niquimacasi para niquixpanos mocamanal.
\q1
\v 162 Na nimopaquilismaca ipan mocamanal quej se cati paqui miyac quema quipantijtoc cati tahuel patiyo.
\q1
\v 163 Nijcualancaita nochi tamanti istacatili,
\q1 pero niquicnelía miyac moley.
\q1
\v 164 Nimitzhueyimati chicome huelta ipan se tonal,
\q1 huan nimitztascamati pampa xitahuac motamachtil.
\q1
\v 165 Nochi cati quiicnelíaj moley quipiyaj miyac tasehuilisti ipan iniyolo,
\q1 huan amo huetzise ipan tajtacoli.
\q1
\v 166 TOTECO, tahuel nimochixtoc para techmaquixtis
\q1 huan yeca niquintepanita motanahuatilhua.
\q1
\v 167 Na nijneltoca motajtol huan niquicnelía ica nochi noyolo.
\q1
\v 168 Na nijchihua cati quiijtohuaj motanahuatilhua huan motajtol,
\q1 pampa ta tiquixmati nochi cati nijchihua.
\q1
\v 169 TOTECO, xijtacaquili cati nimitztajtanía,
\q1 techmaca talnamiquilisti senquisa quej tiquijtojtoc para tijchihuas.
\q1
\v 170 Xijtacaquili cati nimitztajtanía quema nimotatajtía,
\q1 huan techmanahui quej tiquijtojtoc techchihuilis.
\q1
\v 171 Na nimitzpaquilismacas,
\q1 pampa ta technextilijtoc quenicatza nijchihuas nochi cati techyolmelajtoc ma tijchihuaca.
\q1
\v 172 Nitepohuilis nochi cati tiquijtojtoc,
\q1 pampa nochi motanahuatilhua senquisa xitahuac.
\q1
\v 173 Ximocualtali para techmanahuis,
\q1 pampa na nijtapejpenijtoc nijchihuas cati quiijtohuaj motanahuatilhua.
\q1
\v 174 TOTECO, nijnequi techmaquixtiqui,
\q1 pampa na san nimopaquilismaca ica moley.
\q1
\v 175 Techcahuili ma noja niitzto para nimitzhueyimatis.
\q1 Xijcahuili para motamachtil ma nechpalehui.
\q1
\v 176 Na nimocuapolojtoc quej se pilborregojtzi,
\q1 yeca xihuala para techtemoqui,
\q1 pampa na amo niquelcajtoc para niquintepanitas motanahuatilhua.
\c 120
\s1 Netatajtili para Toteco ma quimanahui ten nopa istacatini
\q1
\v 1 Quema niitztoya ipan taijyohuilisti,
\q1 nijtzajtzili TOTECO huan yaya nechnanquili.
\q1 Niquilhui:
\q1
\v 2 “TOTECO, techmanahui inimaco nopa masehualme,
\q1 cati nechistacahuíaj huan nechejelnamiquij.”
\q1
\v 3 Ma moilhuica nopa istacatini taya ininpantis por iniistacaticayo.
\q1
\v 4 Quintamicocoyotzase ica cuataminti huan quintatise ipan ticoli.
\q1
\v 5 Nelía niteicneltzi na cati niitztoc inihuaya ni masehualme ten tali Mesec huan Cedar.
\q1 Nelía nitaijyohuía tatajco ten inijuanti,
\q1 pampa yon se ten inijuanti amo mitztepanita, Toteco.
\q1
\v 6 Ya nisiyajqui para niitztoc inihuaya ni masehualme cati amo quinequij ma onca tasehuilisti.
\q1
\v 7 Quema niquincamanalhuía quenicatza hueli tiitztose ica tasehuilisti,
\q1 inijuanti quisencahuaj quenicatza tatehuise.
\c 121
\s1 Toteco yaya mitzmocuitahuis
\q1
\v 1 Quema nijtananas noxayac,
\q1 huan nitachiyas ipan nopa tepeme, nimoilhuía:
\q1 “¿Canque huala notapalehuil?”
\q1
\v 2 Notapalehuil huala ten TOTECO,
\q1 yaya cati quichijchijqui ilhuicacti huan taltipacti.
\q1
\v 3 Yaya amo quema mitzcahuilis para timotepotanis o tihuetzis.
\q1 Yaya mitzmocuitahuis huan amo quema cochis.
\q1
\v 4 Quena, TOTECO cati quinmocuitahuía israelitame amo ixijcopi,
\q1 yon amo cochi.
\q1
\v 5 TOTECO yaya mitzmocuitahuía.
\q1 Yaya itztoc monechca para mitzmanahuis.
\q1
\v 6 Yaya mitzmocuitahuía tonaya huan tayohua.
\q1
\v 7 TOTECO mitzmocuitahuis para amo mitzajsis yon se tamanti cati amo cuali.
\q1 Quena, yaya quimocuitahuis monemilis.
\q1
\v 8 TOTECO yaya mitzmocuitahuis campa hueli tiyas o tihualas,
\q1 ama huan para nochipa.
\c 122
\s1 Netatajtili para ma onca tasehuilisti ipan altepet Jerusalén
\q1
\v 1 Na nipajqui quema nechilhuijque:
\q1 “Ma tiyacajya ichaj TOTECO.”
\q1
\v 2 Pero ama ya tiitztoque nica ipan altepet Jerusalén.
\q1 Quena, ya ticalactoque campa icaltehua ni altepe.
\q1
\v 3 Jerusalén quisencajtoque para nopona nochi ma mosentilica.
\q1
\v 4 Nochi imasehualhua TOTECO ten cati hueli hueyi familia ten israelitame hualahuij nica sese xihuit,
\q1 para quitascamatise huan quipaquilismacase Toteco senquisa quej quiijtohua itajtol.
\q1
\v 5 Pampa nopona mosehuía para tetajtolsencahuas nopa tanahuatijquet cati iixhui David.
\q1
\v 6 Ximotatajtica ica TOTECO para ma onca tasehuilisti ipan altepet Jerusalén.
\q1 Xijtiochihua Jerusalén ica ni camanali:
\q1
\v 7 “Ma itztoca cuali nochi cati quiicnelíaj ni altepet Jerusalén.
\q1 Ma onca tasehuilisti ica calijtic nopa tepamit cati quiyahualojtoc.
\q1 Ma itztoca ica paquilisti ipan nochi tequicalme.”
\q1
\v 8 Pampa niquinicnelía noicnihua huan nohuampoyohua cati itztoque nica, niquijtohua:
\q1 “Ma quipiya tasehuilisti ni altepet.
\q1
\v 9 Pampa niquicnelía ichaj TOTECO cati eltoc nica,
\q1 ma onca tasehuilisti ipan ni altepet.”
\c 123
\s1 Netatajtili para Toteco ma quitasojta
\q1
\v 1 Na nijtananas noxayac para nimitztachilis ta, TOTECO,
\q1 cati timosehuijtoc ipan ilhuicac.
\q1
\v 2 Tojuanti timitztachilíaj ta,
\q1 TOTECO toDios, para ma techtasojta san se quej se tequipanojquet quitachilía iteco,
\q1 o quej se sihua tequipanojquet quitachilía iteco isihua para ma quichihuili cati cuali.
\q1
\v 3 TOTECO, techtasojta.
\q1 Quena, xijpiya hueyi moyolo ica tojuanti.
\q1
\v 4 Ya tisiyajtoque ica nopa masehualme cati techitaj quej amo teno topati.
\q1 Inijuanti cati mohueyimatij huan cati tominpiyani tahuel techpinajtíaj,
\q1 hasta ya techyolajsic.
\c 124
\s1 David quihueyimatqui Toteco pampa quimanahui ten icualancaitacahua
\q1
\v 1 Nochi israelitame ma quiijtoca taya tijchijtosquíaj sinta TOTECO amo itztosquía tohuaya huan amo techpalehuijtosquía.
\q1
\v 2 Sinta TOTECO amo itztosquía tohuaya quema nopa tacame motananque para techtehuise,
\q1
\v 3 techtolojtosquíaj tiyoltoque huan techtzontamiltijtosquíaj ica inihueyi cualancayo.
\q1
\v 4 Inijuanti techhuahuatatztosquíaj quej at tatilana,
\q1 huan huajca eltosquía quej hueyat panotosquía topani.
\q1
\v 5 Quena, eltosquía quej topani panotosquía tahuel miyac at cati tetetztic,
\q1 cati tehuahuatatza huan titzontantosquíaj.
\q1
\v 6 Ma tijtascamatica TOTECO pampa amo quincahuili ma techcococa.
\q1
\v 7 Quej se totot cholohua ten se taquetzti,
\q1 quej nopa nojquiya Toteco techchololti inimaco tocualancaitacahua,
\q1 cati quinequiyayaj techmasiltise.
\q1 Nopa laso cotonqui huan tojuanti timocajque timajcajtoque.
\q1
\v 8 Tojuanti totapalehuil huala ten TOTECO,
\q1 cati quichijchijqui ilhuicacti huan taltipacti.
\c 125
\s1 Toteco quinmocuitahuía imasehualhua.
\q1
\v 1 Masehualme cati motemachíaj ipan TOTECO itztoque neltemachme,
\q1 quej nopa tepet Sion cati amo mojmolinía,
\q1 huan ijcatoc cuali para nochipa.
\q1
\v 2 Quej Jerusalén quiyahualojtoque miyac tepeme para quimanahuise,
\q1 quej nopa nojquiya TOTECO quinyahualojtoc imasehualhua huan quinmanahuía.
\q1
\v 3 Toteco amo quincahuilis ma tanahuatica masehualme cati fiero inintalnamiquilis,
\q1 pampa huelis imasehualhua cati itztoque xitahuaque nojquiya pehuase quichihuase tamanti cati amo cuali.
\b
\q1
\v 4 TOTECO, xiquinchihuili cati cuali masehualme cati cuajcualme,
\q1 huan cati xitahuac iniyolo moixpa.
\q1
\v 5 Pero nopa masehualme cati moiyocaquixtijtoque ten nopa ojti ten cuali huan yahuij ipan ojti cati amo cuali, xiquinhuica campa tiquintatzacuiltis.
\q1 Huan ma onca paquilisti huan tasehuilisti ipan tali Israel.
\c 126
\s1 Toteco quicualtalis ital
\q1
\v 1 Quema TOTECO sempa quinhualicas ipan Jerusalén nochi imasehualhua cati tetequipanohuaj ipan sequinoc talme,
\q1 elis quej tijtemiquij.
\q1
\v 2 ¡Nelía tihuetzcase huan tihuicase ica paquilisti!
\q1 Huan nopa masehualme ten sequinoc talme quiijtose:
\q1 “¡Dios quichijtoc huejhueyi tamanti para nopa israelitame!”
\q1
\v 3 Quena, nelía melahuac TOTECO techchihuilis huejhueyi tamanti.
\q1 ¡Ma tipaquica!
\b
\q1
\v 4 TOTECO, sempa techmaca tamanti cati cuali quej tijpixtoyaj achtohuiya.
\q1 Quena, quej nopa hueyame cati ajsi ipan nopa huactoc tali huan quiyancuilía,
\q1 quej nopa xijyancuili tonemilis, TOTECO.
\q1
\v 5 Cati tocaj ica choquisti, ica paquilisti pixcase.
\q1
\v 6 Quena, masque chocatiyase quema quitoctiyase inixinach,
\q1 pero quema pixcatij huicatihualase ica paquilisti pampa ya quihualicase cati quipixcatose.
\c 127
\s1 Nochi cati cuali huala ten Toteco
\q1
\v 1 Sinta TOTECO amo quichijchihua se cali cati masehualme quichihuasnequij,
\q1 san tapic inintequi cati nopona tequitij.
\q1 Sinta TOTECO amo quimocuitahuía se altepet,
\q1 san tapic inintequi nopa masehualme cati nopona tamocuitahuíaj.
\q1
\v 2 San tapic anmijquehuase cualca para antequitise chicahuac huan amo anmosiyajquetzase hasta tajco yohual.
\q1 San tapic para ica miyac tequipacholi san amotacualis anquitemojtinemise.
\q1 Pampa Toteco Dios quinequi ximotemachica ipan ya huan xicochica cuali.
\q1 Yaya quinmacas nochi cati quinicnelía nochi cati monequi.
\q1
\v 3 Toconehua itztoque se nemacti ten TOTECO.
\q1 Quena, cati tacatij ten totacayo eltoc quej se tatancayot.
\q1
\v 4 Nopa coneme cati se quinpiya quema noja se telpoca tacat,
\q1 itztoque quej miyac cuataminti cati quintequihuía se soldado para ica momanahuis ipan tatehuilisti.
\q1
\v 5 Cuali ipanti se tacat cati quinpiya miyac iconehua.
\q1 Nopa tacat amo pinahuas sinta icualancaitacahua quitelhuíaj iixpa se juez,
\q1 pampa nochi quitepanitase cati quinpiya para ica momanahuis.
\c 128
\s1 Cuali ipanti nopa masehuali cati quitepanita Toteco
\q1
\v 1 Nelía paqui nopa masehuali cati quiimacasi huan quitepanita TOTECO.
\q1 Quena, paqui cati nemi xitahuac ipan iojhui.
\q1
\v 2 Quiselis itaxtahuil pampa tequiti cuali.
\q1 Yaya paquis miyac huan nochi cati quichihuas quisas cuali.
\q1
\v 3 Isihua paquis ipan ichaj.
\q1 Yaya elis quej se cuali xocomeca tzonti cati achi más quimocuitahuíaj huan cati temaca miyac itajca.
\q1 Quinpiyas miyac ininconehua cati mosehuise campa imesa huan quipiyase miyac chicahualisti.
\q1 Quena, itztose quej olivo cuame cati nelía cuali.
\q1
\v 4 Quej nopa TOTECO quitiochihuas nopa tacat cati quiimacasi huan quitepanita.
\q1
\v 5 TOTECO quitiochihuas ten altepet Sion.
\q1 Quicahuilis ma quiita para nochi eltoc cuali ipan Jerusalén nochi tonali ten inemilis.
\q1
\v 6 Quicahuilis para itztos hasta quinitas iixhuihua.
\q1 ¡Toteco quimacas tasehuilisti nopa tali Israel!
\c 129
\s1 Ma huetzica cati quincualancaitaj israelitame huan altepet Jerusalén
\q1
\v 1 Nochi israelitame hueli quiijtose para hasta quema pejqui itztose israelitame,
\q1 huan pejqui timochihuaj se altepet ten san se toeso timasehualme,
\q1 tocualancaitacahua techtepotztocatinentoque.
\q1
\v 2 Techcuesolmacatoque hasta quema tiisraelita masehualme tipejque timoscaltíaj quej se telpocat.
\q1 Pero amo quema hueltoque techtzontamiltíaj.
\q1
\v 3 Tocuitapa techtamicocojque quema techmaquiliyayaj hasta huejcajquiya.
\q1
\v 4 Pero TOTECO yaya nelía xitahuac,
\q1 quicotonqui nopa tepos cadenas cati ica techtatacatzohuayayaj nopa masehualme cati amo quitepanitaj TOTECO.
\q1
\v 5 Ma huetzica ipan se hueyi pinahualisti nochi cati quicualancaitaj altepet Jerusalén.
\q1
\v 6 Ma elica quej nopa xihuit cati nimantzi pilini huan huaqui pampa ixhuatoc ipan tali cati amo huejcata.
\q1
\v 7 Quena, ma elica quej nopa xihuit cati amo aqui quimehua,
\q1 yon amo aqui quipixca itajca pampa amo teno ipati.
\q1
\v 8 Nimitztajtanía para yon se cati pano campa nopa fiero masehualme ma amo quintiochihua.
\q1 Amo aqui ma quiijto:
\q1 “Ma TOTECO amechtiochihua.”
\q1 Yon ma amo quiijtoca:
\q1 “Tojuanti timechtiochihuaj ica itequiticayo TOTECO.”
\c 130
\s1 Ximotemachica ipan Toteco para amechmanahuis
\q1
\v 1 TOTECO, quema nimopantía ipan se hueyi taohuijcayot,
\q1 na nimitztzajtzilía para techtitanili motapalehuil.
\q1
\v 2 Toteco, techtacaquili quema nimitznojnotza.
\q1 Xijchihuili cuenta cati nimitztajtanía huan techpalehui.
\q1
\v 3 TOTECO, sinta tiquelnamiquisquía nochi totajtacolhua,
\q1 amo aqui huelisquía moquetzas moixpa.
\q1
\v 4 Pero ta nelía titetapojpolhuía,
\q1 para nochi masehualme ma mitztepanitaca.
\q1
\v 5 Na nimochiya ipan ta, TOTECO, para techpalehuis,
\q1 Quena, ica nochi noyolo nimotemachía ipan nopa cati techtajtolcahuilijtoc ipan mocamanal.
\q1
\v 6 Ipan noalma senquisa nitachixtoc para ta, TOTECO, xitequiti.
\q1 Nitachixtoc para techpalehuis,
\q1 quej nopa tamocuitahuiani quichiyaj ma tanesi.
\q1 Quena, más nitachixtoc huan amo quej tamocuitahuiani cati tahuel quinequij ma tanesi.
\b
\q1
\v 7 Nochi anisraelitame, ximotemachica ipan TOTECO,
\q1 pampa san yaya quipiya hueyi iyolo huan san yaya temaquixtía talojtzitzi.
\q1
\v 8 Yaya quinmaquixtis israelitame ten nochi inintajtacolhua.
\c 131
\s1 Ximotemachica ipan Toteco
\q1
\v 1 TOTECO, na amo nimohueyimati,
\q1 yon amo nimotepanita.
\q1 Na amo nimoilhuía para achi más nicuali,
\q1 yon amo nimoilhuía para más nijmati que sequinoc.
\q1
\v 2 Na amo nimolinía iixpa Toteco.
\q1 Nimochijtoc quej se piloquichpiltzi cati sanoc quicajtoc chichi huan mosehuía imetzco inana.
\q1 Quena, ayecmo teno nimitztajtanijtoc.
\q1
\v 3 Huajca anisraelitame ten ama huan para nochipa,
\q1 san ximotemachica ipan TOTECO.
\c 132
\s1 Netatajtili para Toteco ma quitiochihua nopa tiopamit
\q1
\v 1 TOTECO, xiquelnamiqui David huan quenicatza taijyohui.
\q1
\v 2 Xiquelnamiqui quenicatza David tatestigojquetzqui ica ta, TOTECO,
\q1 cati tiiTeco Jacob, Cati Tijpiya Nochi Chicahualisti.
\q1
\v 3 Quiijto:
\q1 “Amo nicalaquis nocalijtic,
\q1 yon amo nimotecas ipan notapech para nicochis.
\q1
\v 4 Amo niixijcopis, yon amo nicochis yon se talojtzi,
\q1
\v 5 hasta nijpantis se lugar campa huelis nijchihuas ichaj TOTECO para ipan ma itzto,
\q1 yaya cati iTeco Jacob, Cati Quipiya Nochi Chicahualisti.”
\b
\q1
\v 6 Tijcajque camanaltij ipan tali Efrata para iCaxa TOTECO eltoya nopona,
\q1 huan teipa tijpantijque huejca ten altepeme ipan cuatitamit.
\q1
\v 7 Huajca ama ma tiyaca ipan itiopa Toteco.
\q1 Ma tiyaca timotancuaquetzatij iixpa para tijhueyichihuase.
\b
\q1
\v 8 TOTECO, ximotanana huan xicalaqui ipan nopa tiopamit campa eltoc moCaxa,
\q1 cati quiixnextía mochicahualis.
\q1
\v 9 Nopa totajtzitzi cati tiquintapejpenijtoc ma moquentica iniyoyo chipahuac cati quinixnextía para tatzejtzeloltique,
\q1 huan nochi masehualme cati tiquiniyocatalijtoc ma tzajtzica ica paquilisti.
\q1
\v 10 NoTeco, pampa tiquicnelía motequipanojca David,
\q1 amo ximoicancuepa ten nopa tanahuatijquet cati ta tijtapejpeni,
\q1 para quinnahuatis momasehualhua.
\q1
\v 11 Pampa ta, TOTECO, tijtajtolcahuili David,
\q1 huan amo quema tiquelcahua tijtamichihuas cati tijtajtolcahua tijchihuas.
\q1 Huan ta tiquilhui para teipa tiquintalis iixhuihua ipan isiyaj para tanahuatise.
\q1
\v 12 Huan sinta iixhuihua quichihuase cati quiijtohua nopa camanal sencahuali cati tijchijqui ica David huan sinta quitepanitase motajtol,
\q1 huajca inijuanti nojquiya mosehuise ipan isiyaj para tanahuatise para nochipa.
\q1
\v 13 Pampa ta TOTECO, tijtapejpenijtoc altepet Jerusalén para tiitztos nopona.
\q1
\v 14 Tiquijto:
\q1 “Ya ni elis nochaj campa niitztos para nochipa.
\q1 Nopona nimocahuas pampa ya nopa cati nijnequi.
\q1
\v 15 Nijtiochihuas miyac ni altepet huan niquintamacas imasehualhua cati teicneltzitzi.
\q1
\v 16 Niquinmaquixtis itotajtzitzi ten nochi cati quinequij quincocose,
\q1 huan itatzejtzeloltica masehualhua tzajtzise ica paquilisti.
\q1
\v 17 Nopa chicahualisti cati David quipixqui sempa nijchihuas para monextis ipan icone,
\q1 huan yaya cati nicaltijtoc para nijtequimacas quej tanahuatijquet elis quej se taahuili para imasehualhua.
\q1
\v 18 Icualancaitacahua niquintahuisos ipan se hueyi pinahualisti,
\q1 pero yaya cati tanahuatijquet tanahuatis cuali huan monextis nochi ihueyitilis.”
\c 133
\s1 Nelía cuajcualtzi nesi quema timosentilíaj inihuaya toicnihua
\q1
\v 1 Xiquitaca, nelía cuali huan cuajcualtzi nesi para icnime ma itztoca sentic ica san se iniyolo.
\q1
\v 2 Quema san se iniyolo masehualme, eltoc cuajcualtzi quej nopa aceite cati quitequilijque Aarón ipan itzonteco,
\q1 huan temoc ipan itentzo huan yajqui hasta iteno iyoyo.
\q1
\v 3 Eltoc cuajcualtzi huan nesi quej nopa ajhuechti cati huetzi ipan tepet Hermón huan moxixitohua ipan tepet Sion.
\q1 Pampa campa itztoque sentic ica san se iniyolo masehualme,
\q1 TOTECO nopona quititani tatiochihualisti huan nemilisti para nochipa.
\c 134
\s1 Ma quitascamatica Toteco sesen tiotac
\q1
\v 1 Ama xijhueyimatica TOTECO,
\q1 nochi amojuanti anitequipanojcahua.
\q1 Xijhueyimatica nochi amojuanti cati sesen tayohua antamocuitahuíaj ipan ichaj.
\q1
\v 2 Ximomatananaca huan xijtascamatica TOTECO.
\q1
\v 3 Ma amechtiochihua TOTECO ten nopona ipan altepet Sion,
\q1 Quena, ma amechtiochihua Toteco cati quichijchijqui ilhuicacti huan taltipacti.
\c 135
\s1 Toteco nelía hueyi, pero teteyome amo teno ininpati
\q1
\v 1 ¡Xijpaquilismacaca TOTECO!
\q1 Quena, xijpaquilismacaca nochi amojuanti anitequipanojcahua.
\q1
\v 2 Xijpaquilismacaca nochi amojuanti cati anitztoque ipan ichaj TOTECO huan cati annentinemij icalixpa.
\q1
\v 3 Xijpaquilismacaca TOTECO pampa yaya nelía cuali.
\q1 Xijhuicatica ica tiohuicat pampa yaya hueyi iyolo.
\q1
\v 4 Pampa TOTECO quitapejpenijtoc Jacob para quiicnelis.
\q1 Quintapejpeni nochi iixhuihua ma elica iaxcahua.
\q1
\v 5 Na nijmati para TOTECO tahuel hueyi.
\q1 Nijmati para yaya tahuel más hueyi que nochi cati quintocaxtíaj “dioses”.
\q1
\v 6 TOTECO quichihua nochi cati quinequi quichihuas ipan ilhuicacti, taltipacti,
\q1 huan ipan hueyi at huan campa más huejcata.
\q1
\v 7 Quichihua para ipan nochi taltipacti ma motanana mixti,
\q1 huan nojquiya quititani tapetanilot huan quichihua ma huetzi at.
\q1 Yaya quinahuatía ma quisa nopa ajacat campa moajoctoc.
\q1
\v 8 Quichijqui ma miqui nopa achtohui ejquet ipan sese familia ten tali Egipto,
\q1 huan nopa achtohui ejquet ten inintapiyalhua.
\q1
\v 9 Quichijqui huejhueyi tiochicahualnescayot ipan tali Egipto iixpa Faraón huan itequipanojcahua.
\q1
\v 10 Quintzontamilti miyac masehualme ipan miyac talme.
\q1 Quinmicti tanahuatiani cati quipiyayayaj miyac chicahualisti.
\q1
\v 11 Quimicti Sehón cati eliyaya inintanahuatijca nopa amorreos.
\q1 Nojquiya quimicti Og tanahuatijquet ten tali Basán huan nochi nopa tanahuatiani ipan tali Canaán.
\q1
\v 12 Huan nochi nopa tali cati quinahuatiyayaj nopa tanahuatiani quincuili,
\q1 huan quinmacac nopa talme nopa israelitame quej elisquía se tamanti cati inintata quincahuilijtejqui.
\b
\q1
\v 13 TOTECO, masehualme mitzelnamictose para nochipa.
\q1 Nochi masehualme cati tacactiyase mitzixmajtose para tahuel tihueyi.
\b
\q1
\v 14 Pampa TOTECO quintajtolsencahuas xitahuac nochi imasehualhua,
\q1 huan yaya quintasojtas itequipanojcahua.
\q1
\v 15 Nopa masehualme cati itztoque ipan talme cati amo quiixmatij Toteco,
\q1 quinhueyichihuaj teteyome ten oro huan plata cati quinchijchijtoque ica inimax.
\q1
\v 16 Nopa teteyome quipiyaj inincamac, pero amo camanaltij,
\q1 quipiyaj iniixteyol, pero amo tachiyaj.
\q1
\v 17 Quipiyaj ininacas, pero amo tacaquij,
\q1 huan nojquiya amo hueli taijyotilanaj.
\q1
\v 18 Nopa masehualme cati quinchijchihuaj nopa teteyome san se huihuitique quej nopa teteyome,
\q1 huan nojquiya san se huihuitique cati ininpan motemachíaj.
\b
\q1
\v 19 ¡Anisraelitame, xijpaquilismacaca, TOTECO!
\q1 Amojuanti antotajtzitzi cati aniixhuihua Aarón, xijpaquilismacaca TOTECO.
\q1
\v 20 Aniixhuihua Leví, xijpaquilismacaca TOTECO.
\q1 Huan nochi amojuanti cati anquiimacasij huan anquitepanitaj TOTECO,
\q1 xijpaquilismacaca.
\q1
\v 21 Nochi masehualme ipan altepet Jerusalén ma quipaquilismacaca TOTECO pampa yaya itztoc nica ipan altepet Jerusalén.
\q1 ¡Paquilisti!
\c 136
\s1 Ma tijtascamatica Toteco
\q1
\v 1 Xijtascamatica TOTECO pampa yaya nelía cuali,
\q1 pampa itaicnelijcayo amo quema tami.
\q1
\v 2 Xijtascamatica Toteco Dios cati más hueyi ten nochi sequinoc “dioses”,
\q1 pampa itaicnelijcayo amo quema tami.
\q1
\v 3 Xijtascamatica Toteco Dios cati ininTeco nochi tetecome,
\q1 pampa itaicnelijcayo amo quema tami.
\q1
\v 4 Xijtascamatica TOTECO pampa san ya hueli quichihua huejhueyi tamanti,
\q1 pampa itaicnelijcayo amo quema tami.
\q1
\v 5 Xijtascamatica yaya cati quichijchijqui ilhuicacti ica miyac talnamiquilisti,
\q1 pampa itaicnelijcayo amo quema tami.
\q1
\v 6 Xijtascamatica yaya cati quitali ni tali ipani at,
\q1 pampa itaicnelijcayo amo quema tami.
\q1
\v 7 Xijtascamatica yaya cati quinchijchijqui nopa taahuilme cati onca nepa ilhuicac,
\q1 pampa itaicnelijcayo amo quema tami.
\q1
\v 8 Quichijchijqui nopa tonati para ma taahui tonaya,
\q1 pampa itaicnelijcayo amo quema tami.
\q1
\v 9 Huan quichijchijqui metzti huan sitalime para ma taahuica tayohua,
\q1 pampa itaicnelijcayo amo quema tami.
\q1
\v 10 Xijtascamatica TOTECO cati quintzontamilti nopa achtohui ehuani ten tali Egipto,
\q1 pampa itaicnelijcayo amo quema tami.
\q1
\v 11 Xijtascamatica cati quinquixti israelitame ipan inintal nopa egiptome,
\q1 pampa itaicnelijcayo amo quema tami.
\q1
\v 12 Quena, quinquixti ica ihueyi chicahualis huan ica inejmat quinpalehui,
\q1 pampa itaicnelijcayo amo quema tami.
\q1
\v 13 Xijtascamatica yaya cati quixelo nopa Hueyi At Chichiltic para ma panoca imasehualhua,
\q1 pampa itaicnelijcayo amo quema tami.
\q1
\v 14 Huan quinpanolti nopa israelitame ipan tali huactoc tatajco nopa hueyi at,
\q1 pampa itaicnelijcayo amo quema tami.
\q1
\v 15 Pero quinatzonpolihuilti Faraón huan isoldados ipan nopa hueyi at,
\q1 pampa itaicnelijcayo amo quema tami.
\q1
\v 16 Xijtascamatica Toteco cati quinyacanqui imasehualhua ipan nopa huactoc tali,
\q1 pampa itaicnelijcayo amo quema tami.
\q1
\v 17 Xijtascamatica yaya cati quinmanahui imasehualhua inimaco tanahuatiani cati quipixque miyac chicahualisti,
\q1 pampa itaicnelijcayo amo quema tami.
\q1
\v 18 Yaya quintzontamilti huejhueyi tanahuatiani cati tahuel quipiyayayaj chicahualisti,
\q1 pampa itaicnelijcayo amo quema tami.
\q1
\v 19 Quitzontamilti Sehón, inintanahuatijca nopa amorreos,
\q1 pampa itaicnelijcayo amo quema tami.
\q1
\v 20 Nojquiya quimicti Og, tanahuatijquet ten tali Basán,
\q1 pampa itaicnelijcayo amo quema tami.
\q1
\v 21 Huan inintal nopa tanahuatiani,
\q1 Toteco quinmacac imasehualhua quej se tamanti cati inintata quincahuilijtejqui,
\q1 pampa itaicnelijcayo amo quema tami.
\q1
\v 22 Quena, quimacac itequipanojca Israel para ma moaxcati nopa tali para nochipa,
\q1 pampa itaicnelijcayo amo quema tami.
\q1
\v 23 Yaya cati techelnamijqui tiisraelitame quema ayecmo tijpiyayayaj chicahualisti,
\q1 pampa itaicnelijcayo amo quema tami.
\q1
\v 24 Yaya techmanahui inimaco tocualancaitacahua,
\q1 pampa itaicnelijcayo amo quema tami.
\q1
\v 25 Yaya quinmaca tacualisti nochi tamanti cati yoltoque,
\q1 pampa itaicnelijcayo amo quema tami.
\q1
\v 26 Xijtascamatica Toteco Dios cati quinahuatía ilhuicacti,
\q1 pampa itaicnelijcayo amo quema tami.
\c 137
\s1 Inintequipachol israelitame cati itztoque ipan tali Babilonia
\q1
\v 1 Ipan tali Babilonia timosehuiyayaj iteno hueyat,
\q1 huan timochoquiliyayaj,
\q1 pampa tiquelnamiquiyayaj altepet Jerusalén,
\q1 huan quenicatza nelía cuali eliyaya.
\q1
\v 2 Tiquintahuelcajtoyaj toarpas huan tiquincuapilojtoyaj ipan inimacuayo nopa cuame.
\q1
\v 3 Amo hueliyaya tihuicaj.
\q1 Pero inijuanti cati techhualicaque ica fuerza ipan inintal,
\q1 techtajtanijque ma tihuicaca ica paquilisti nopa cuajcualtzitzi huicat cati tihuicayayaj quema tiitztoyaj ipan altepet Jerusalén.
\q1
\v 4 Pero amo tihuelque.
\q1 Amo hueli tihuicase se huicat para Toteco ipan seyoc tali ica masehualme cati amo tiquinixmatij.
\q1
\v 5 Sinta niquelcahuasquía altepet Jerusalén,
\q1 ma quipolo ichicahualis nonejmat,
\q1 huan ma ayecmo huelis quitzotzonas nopa arpa.
\q1
\v 6 Sinta ayecmo niquicnelisquía Jerusalén cati techpaquilismaca,
\q1 xijcahua nonenepil ma tatzqui ipan nocamachal para ayecmo nihuicas.
\b
\q1
\v 7 TOTECO, amo xiquelcahua cati nopa tali Edom ehuani quiijtojque,
\q1 quema nopa soldados ten tali Babilonia quisosolohuayayaj altepet Jerusalén.
\q1 Inijuanti quiijtohuayayaj:
\q1 “Xijsosoloca nopa altepet hasta campa tatzquitoc.”
\b
\q1
\v 8 Teicneltzi ni tali Babilonia,
\q1 pampa nojquiya quisosolose.
\q1 Nelía paquis nopa tacat cati quitamisosolos huan quintzontamiltis imasehualhua.
\q1
\v 9 ¡Tahuel paquis nopa tacat cati quinitzquis coneme ten Babilonia huan quinxaxamatzas ipan tet,
\q1 por cati fiero quichijtoque inintatahua ipan altepet Jerusalén!
\c 138
\s1 Tascamatili por itapalehuil Toteco
\q1
\v 1 Ica nochi noyolo nimitztascamatis, TOTECO,
\q1 huan nihuicas para ta iniixpa moilhuicac ejcahua.
\q1
\v 2 Nimotancuaquetza iixmelac motiopa cati tatzejtzeloltic,
\q1 huan nimitztascamatis pampa nelía titetasojta huan titemachti.
\q1 Nochi cati techtajtolcahuilijtoc para tijchihuas,
\q1 tijtamichihuas pampa mocamanal nelía temachti quej ta titemachti.
\q1
\v 3 Quema nimitztzajtzilía,
\q1 ta technanquilía huan techfuerzajmaca.
\q1
\v 4 TOTECO, nochi tanahuatiani cati itztoque ipan ni taltipacti mitztascamatise,
\q1 pampa nochi inijuanti quicaquise cati tijtajtolcajtoc.
\b
\q1
\v 5 Quena, huicase por nochi nopa huejhueyi tamanti cati quichijtoc TOTECO,
\q1 pampa ihueyitilis nelhueyi.
\q1
\v 6 Masque TOTECO tahuel hueyi,
\q1 yaya quintacaquilía cati moechcapanohuaj.
\q1 Pero cati mohueyimatij,
\q1 monequi moquetzase huejca ten Toteco,
\q1 pampa yaya amo quinequi quinitas.
\b
\q1
\v 7 Sinta niitztoc ipan taijyohuilisti, ta TOTECO,
\q1 techmanahuía huan techmaquixtía.
\q1 Huan quema nechtehuíaj nocualancaitacahua,
\q1 ta tijxitahua momax huan techmaquixtía ica mohueyi chicahualis.
\q1
\v 8 TOTECO, ta tijchihuas nochi cati timoilhuijtoc para tijchihuas ipan na nonemilis.
\q1 Pampa nopa taicnelijcayot cati tijpiya ica na, TOTECO,
\q1 amo quema tami.
\q1 Amo techtahuelcahua pampa ta techchijchijqui.
\c 139
\s1 Toteco itztoc campa hueli
\q1
\v 1 TOTECO, ta techyoltachilijtoc huan tijmati nochi ten na.
\q1
\v 2 Ta cuali tijmati sinta nimosehuía o nimoquetza.
\q1 Huan quema niitztoc huejca,
\q1 ta tijmati taya nijpixtoc ipan notalnamiquilis.
\q1
\v 3 Ta technextilía nopa ojti cati monequi nijtoquilis,
\q1 huan techilhuía canque nicalaquis huan canque nimosiyajquetzas.
\q1 Sesen talojtzi ta tijmati canque niitztoc.
\q1
\v 4 Ta TOTECO, tijmati taya niquijtos hasta quema ayemo nicamanalti.
\q1
\v 5 Ta techyahualojtoc pampa tiya ica noixpa huan ica noica,
\q1 huan nopani tijtalía momax para techtiochihuas.
\q1
\v 6 Nochi ni tamanti cati ta tijmati nelía cuajcualtzi,
\q1 huan ohui para nijneltocas.
\q1
\v 7 Amo cana hueli nimotatis ten moTonaltzi.
\q1 Amo cana huelis nimotatis huan amo tiitztos nopona.
\q1
\v 8 Sinta nitejcos hasta ilhuicac para nimotatis,
\q1 ta nopona tiitztoc.
\q1 Huan sinta niyasquía ipan nopa hueyi ostot campa itztoque mijcatzitzi,
\q1 ta nepa tiitztoc.
\q1
\v 9 Sinta nijpiyasquía noeltapal huan nipatanisquía,
\q1 huan niquixcotonasquía nopa hueyi at,
\q1
\v 10 hasta nepa techyacanasquía ica mohueyi chicahualis.
\q1
\v 11 Sinta nijchihuasquía campeca para nimotatis ipan tzintayohuilot,
\q1 nopa tzintayohuilot mocuepasquía taahuili yahualtic ten na,
\q1 pampa ta tiitztos nopona.
\q1
\v 12 Pampa yon nopa tzintayohuilot amo hueli techtatis moixpa, Toteco.
\q1 Pampa para ta nopa yohuali taahuía quej elisquía tonaya.
\q1 Nopa tzintayohuilot huan taahuili ta tiquita san se.
\q1
\v 13 Ta tijsencajqui sesen tamanti cati onca iijtic notacayo.
\q1 Huan quema niitztoya iijtico nonana,
\q1 tijmotzquilti sesen tamanti cati nijpiya.
\q1
\v 14 Nimitztascamati pampa techsencajqui ma nieli se tamanti cati nelía cuajcualtzi.
\q1 Quena, nopa tequit cati tijchijqui quema techsencajqui nel pano yejyectzi,
\q1 San nijtetzaita para nimoilhuis ten nochi cati ta tijchijtoc ipan notacayo.
\q1
\v 15 Ta techtachilijtoya quema na nipejqui nimoscaltía nel nimotatijtoya ten nochi sequinoc ipan iijtico nonana.
\q1 Quema amo aqui más quitachilijtoya,
\q1 ta techchijchijqui ica mohueyi yajatil,
\q1 quej se cati cuali quimati taxinepalohua.
\q1
\v 16 Ta techitac quema ayemo nitacatiyaya.
\q1 Huan quema ayemo nitaijyotilanayaya, tiquixquetzqui quesqui tonali niitztosquía.
\q1 Huan sesen tonali cati niitztosquía huan taya nopantis,
\q1 ta tiquijcuilo ipan moamatapohual.
\q1
\v 17 Toteco Dios, nijmachilía nelía cuajcualtzi quema nimomaca cuenta para ta tijsenhuiquilía timoyolilhuía ten na.
\q1
\v 18 Hasta amo hueli nijpohua quesqui huelta timoyolilhuía ten na ipan se tonal.
\q1 Huan ica ijnaloc quema niisa,
\q1 ta noja timoyolilhuijtoc ten na.
\q1
\v 19 Toteco Dios, nelía elisquía cuali sinta tiquintzontamiltisquía nochi masehualme cati amo mitztepanitaj.
\q1 Xijchihua ma nechtalcahuica nopa temictiani,
\q1
\v 20 pampa inijuanti mitztaijilhuíaj,
\q1 huan san quiahuilmatij motoca.
\q1
\v 21 TOTECO, ¿amo quinamiqui para niquincualancaitas inijuanti cati mitzcualancaitaj?
\q1 ¿Amo quinamiqui nicualanis ica mocualancaitacahua?
\q1
\v 22 Quena, tahuel niquincualancaita,
\q1 pampa niquinita quej nojquiya elisquíaj nocualancaitacahua na.
\q1
\v 23 NoTeco Dios, xijtachili noyolo huan xiquita nochi cati eltoc nopona.
\q1 Huan xijyejyeco notalnamiquilis para tiquitas sinta xitahuac cati nimoilhuía.
\q1
\v 24 Technextili sinta ipan notalnamiquilis onca se talnamiquilisti cati amo mitzpactía,
\q1 huan techyacantiya ipan nopa ojti cati tehuica campa onca nemilisti para nochipa.
\c 140
\s1 Toteco techmanahui inimaco amo cuajcualme
\q1
\v 1 TOTECO, techmanahui inimaco nopa taixpanoca masehualme.
\q1 Techmocuitahui para tatehuijca tacame amo huelis nechcocose.
\q1
\v 2 Inijuanti nochi se tonal quisencahuaj quenicatza quichihuase tamanti cati amo cuali.
\q1 Talojtzitzi quinequij quipehualtise cualanti.
\q1
\v 3 Inincamanal tecocohua quej itencococa se cohuat o se colot.
\q1
\v 4 TOTECO, techmocuitahui para amo nihuetzis inimaco masehualme cati amo cuajcualme,
\q1 huan cati tetaijilhuíaj,
\q1 pampa inijuanti moilhuijtoque quenicatza nechhuihuiitase.
\q1
\v 5 Nopa masehualme cati mohueyimatij quitalijtoque se taquetzti para ma nimasi.
\q1 Quitalijtoque se lazo para ica nechcuapilose para nimohuisos ajacatipa.
\q1 Nechchiyaj ica se matat para nechmasiltise.
\q1
\v 6 Na nimitzilhuijtoc, TOTECO, para ta tinoDios.
\q1 Techtacaquili quema nimitztzajtzilía.
\q1
\v 7 Ta tiTOTECO Dios, tinotemaquixtijca,
\q1 ta tijpiya nochi chicahualisti para techmaquixtis.
\q1 Ta techmocuitahuía quema onca tatehuilisti.
\q1
\v 8 TOTECO, amo xiquincahua ma tatanica nopa masehualme cati amo mitztepanitaj.
\q1 Amo xiquinpalehui para quisas cuali cati quinequij quichihuase para ma amo mohueyimatica.
\q1
\v 9 Xijchihua para nochi tamanti cati moilhuijtoque quichihuase ma huetzi ininpani.
\q1 Ma tzontamica senquisa quej quisencajtoyaj nechtzontamiltise na.
\q1
\v 10 Ipan inintzonteco ma huetzi ticoli,
\q1 o xiquinmajcahua ipan tit,
\q1 o ipan ostot cati tahuel huejcata campa ayecmo huelise quisase.
\q1
\v 11 Amo xiquincahuili ma tatanica ipan total nopa masehualme cati quinpactía istacatise.
\q1 Más cuali nimantzi xiquintatzacuilti.
\q1
\v 12 Pero na cuali nijmati para ta, TOTECO,
\q1 tiquinpalehuis nopa teicneltzitzi cati inijuanti quintepotztocatinemij.
\q1 Ta tiquinpalehuis cati teicneltzitzi para ma quisa cuali para inijuanti quej quinamiqui.
\q1
\v 13 Huan masehualme cati itztoque xitahuaque mitztascamatise,
\q1 pampa quimatij para temachti itztotij moixpa.
\c 141
\s1 Netatajtili para Toteco ma quimanahui
\q1
\v 1 TOTECO, na nimitznotza.
\q1 Ximoisihuilti techpalehuiqui.
\q1 Techtacaquili quema nimotatajtía ica ta.
\q1
\v 2 Xijseli nonetatajtilis quej elisquía copali cati quitatíaj moixpa,
\q1 huan quema nimomatanana para nimitzhueyimati,
\q1 xiquita quej se tacajcahualisti cati nimitzmactilía ica tiotac.
\q1
\v 3 TOTECO, techmocuitahui para ma amo nicamanalti quej hueli.
\q1 Techpalehui para nimocamatzacuas.
\q1
\v 4 Amo techcahuili nijnequis tamanti cati amo cuali.
\q1 Amo techcahuili ma niquinpalehui taixpanoca masehualme ica cati quichihuaj.
\q1 Ma amo niquixtoca nijcuas nopa cuali tamanti cati quipiyaj.
\q1
\v 5 Quema monequi se nechtalnamictis,
\q1 xijchihua para cati monejnemiltíaj xitahuac moixpa ma nechtatzacuiltica.
\q1 Ya nopa niquitas quej se cuali tamanti cati nechchihuilíaj.
\q1 Sinta masehualme cati cuajcualme nechtacahualtise,
\q1 elis quej se pajti para na.
\q1 Amo techcahuili para nijhuejcamajcahuas ya nopa.
\q1 Pero na talojtzitzi nimotatajtía para ma quiselica tatzacuiltili taixpanoca masehualme.
\q1
\v 6 Quema nijchihuas para mocuamimilose inintayacancahua ipan tepet,
\q1 quicaquise nocamanal huan quipantise para nelcuali.
\q1
\v 7 Nopa fiero masehualme quiselise tatzacuiltili huan iniomiyohua quitepehuase ipan campa hueli tali.
\q1
\v 8 TOTECO, ta cati titoTeco, na san nimitzchiya para techpalehuis.
\q1 Ipan ta nimotemachía para techmocuitahuis.
\q1 Amo xiquincahuili ma nechmictica.
\q1
\v 9 Techpalehui para amo nimasis ipan nopa taquetzti cati quitalijtoque nopa fiero masehualme.
\q1
\v 10 Xijchihua para nopa amo cuajcualme iniselti ma momasiltica ipan nopa taquetzti cati quisencajtoque para sequinoc.
\q1 Pero na ma nipano nimajcajtoc huan amo teno ma nopanti.
\c 142
\s1 David tajtanqui tapalehuili quema itztoya ipan taohuijcayot
\q1
\v 1 Chicahuac nijtzajtzilis TOTECO huan nijtajtanis ma nechtasojta.
\q1
\v 2 Iixpa ya nijpohuilía nochi cati nechtequipacholmaca.
\q1
\v 3 Quema eltoc quej nimisahuía ipan taohuijcayot,
\q1 huan ayecmo nijmati taya nijchihuas, nijnojnotza.
\q1 San ya quimati taya ojti monequi nijtoquilis para nimomanahuis ten nopa taquetzti,
\q1 cati quitalijtoque nocualancaitacahua.
\q1 Quena, campa hueli quitatijtoque taquetzti ipan noojhui.
\q1
\v 4 Nijtachili campa hueli huan niquitac.
\q1 Amo aqui moyolilhuía ten na.
\q1 Amo aqui quinequi nechpalehuis.
\q1 Amo aqui nechmocuitahuía, yon amo aqui quichihuilía cuenta nonemilis.
\b
\q1
\v 5 Huajca na nimitztzajtzili, TOTECO, huan nimitzilhui:
\q1 “TOTECO, san ipan ta nimotemachía para techmocuitahuis.
\q1 San ta hueli techmanahuis para amo teno nopantis.
\q1
\v 6 Xijtacaquili cati nimitztajtanía,
\q1 pampa tahuel nechtaijyohuiltíaj masehualme.
\q1 Techmanahui inimaco cati nechtepotztocatinemij,
\q1 pampa inijuanti achi más quipiyaj chicahualisti que na.
\q1
\v 7 Techquixti ipan ni tatzacti campa niitztoc para nihuelis nimitztascamatis.
\q1 Huan huajca nopa masehualme cati itztoque xitahuaque,
\q1 nechyahualose huan paquise pampa tijpiyas hueyi moyolo ica na para nochipa.”
\c 143
\s1 Netatajtili para Toteco ma quimanahui huan ma quiyacana
\q1
\v 1 ¡TOTECO, xijtacaquili cati nimotatajtía ica ta!
\q1 Technanquili pampa ta titemachti huan san cati cuali tijchihua.
\q1
\v 2 Amo ximochihua quej se juez huan techtajtolsencahua,
\q1 pampa moixpa ta amo aqui se masehuali cati itztoc xitahuac.
\q1
\v 3 Nocualancaitacahua nechtepotztocatoque huan nechitzquijque.
\q1 Nechtahuisojque huan nechchihualtíaj ma niitzto ipan tzintayohuilot quej cati ya mictoque.
\q1
\v 4 Nelía senquisa nimoyoltequipachohua,
\q1 hasta ayecmo nijmati taya nijchihuas.
\q1
\v 5 Niquelnamiqui quenicatza eltoya ipan nopa tonali cati panoc.
\q1 Nimoyolilhuía ten nochi huejhueyi tamanti cati tijchijqui.
\q1
\v 6 Yeca nimomatanana moixpa huan nimitztemohua.
\q1 Ipan noyolo tahuel nimitznequi quej se tali cati huactoc quinequi at.
\q1
\v 7 TOTECO, nimantzi technanquili pampa tahuel nitaijyohuía ipan noyolo.
\q1 Amo ximoicancuepa ten na para amo nimiquis.
\q1
\v 8 Ica ijnaloc, technextili motaicnelijcayo,
\q1 pampa ipan ta nimotemachijtoc para techmocuitahuis.
\q1 Technextili nopa ojti cati monequi nijtoquilis,
\q1 pampa san ta nimitzilhuía cati eltoc ipan noyolo.
\q1
\v 9 TOTECO, techmanahui ten nocualancaitacahua,
\q1 pampa ipan ta nimotemachía para amo teno nopantis.
\q1
\v 10 Techmachti ma nijchihua cati ta tijnequi pampa ta tinoTeco Dios.
\q1 MoTonaltzi ma nechyacana campa cuali ojti.
\q1
\v 11 TOTECO, techmaquixti para ma monexti mohueyitilis.
\q1 Techquixti ten ni taijyohuilisti pampa ta tijchihua cati xitahuac.
\q1
\v 12 Pampa ta techicnelía, xiquinhuejhuelo nochi nocualancaitacahua.
\q1 Xiquintzontamilti nochi cati quinequij nechchihuilise cati amo cuali,
\q1 pampa nimotequipanojca.
\c 144
\s1 Netatajtili para Toteco ma quipalehui para tatanis
\q1
\v 1 Ma nochi quipaquilismacaca TOTECO cati nechtatía para amo nechajsise nocualancaitacahua.
\q1 Yaya nechyacana huan nechnextilía quenicatza nitatehuis.
\q1
\v 2 Yaya nechtasojta huan yaya nechpixtoc campa temachti.
\q1 Yaya nechpixtoc imaco huan nechchololtis ten nocualancaitacahua.
\q1 Yaya notamanahuijca huan ipan ya nimotemachijtoc.
\q1 Yaya quintalijtoc nomaco miyac talme ica inimasehualhua para ma niquinnahuati.
\b
\q1
\v 3 TOTECO, ¿taya topati timasehualme para toca timocuatotonía?
\q1 ¿Taya topati para tahuel ta techpatiita?
\q1
\v 4 Pampa tonemilis san panotehua quej se ajacat huan quej se ecahuili.
\q1
\v 5 TOTECO, xijcuilpacho nopa ilhuicacti huan xitemo techpaxaloqui.
\q1 Sinta tiquinajsis nopa tepeme, popocase.
\q1
\v 6 Xijtitani tapetanilot quej elisquía cuataminti,
\q1 huan xiquinsemana nochi mocualancaitacahua huan ma ayecmo quimatica taya quichihuase.
\q1
\v 7 Hasta ten nepa ilhuicac xijxitahua momax huan techmaquixti.
\q1 Techchololti inimaco ni nocualancaitacahua cati ehuani ipan sequinoc talme huan tahuel quipiyaj chicahualisti.
\q1 Na nijmati quej nimisahuisquía ipan se at cati tahuel huejcata.
\q1
\v 8 Inijuanti san quinpactía istacatise.
\q1 Tatestigojquetzaj para quiijtose cati melahuac,
\q1 huan nimantzi istacatij.
\q1
\v 9 NoTeco Dios, na nihuicas huicat cati yancuic,
\q1 huan nitatzotzonas ipan noarpa cati quipiya majtacti cuerdas.
\q1
\v 10 Pampa ta cati tiquinchihua ma tatanica tanahuatiani.
\q1 Ta cati techmaquixti na nimotequipanojca, David, para ma amo nechmictica ica macheta.
\q1
\v 11 Nojquiya techmaquixti huan techmanahui inimaco nocualancaitacahua,
\q1 pampa inijuanti san teistacahuíaj huan tacajcayahuaj.
\q1
\v 12 Xijchihua para totelpocahua ma elica tejtetique huan huejcapantique quej cuame cati cuajcualtzi moscaltíaj.
\q1 Huan toichpocahua ma elica cuajcualtzitzi,
\q1 quej nopa taquetzalme cati quinyejyecchijtoque,
\q1 huan quinquetztoque ipan ininchajchaj tanahuatiani.
\q1
\v 13 Xijchihua para tocoxtalhua ma temica ica miyac tamanti pixquisti.
\q1 Huan toborregojhua ma momiyaquilica hasta ma mochihuaca miles huan millones ipan topotrero.
\q1
\v 14 Xijchihua totorojhua ma quipiyaca miyac chicahualisti para tequitise.
\q1 Amo xijcahuili yon se tocualancaitaca ma quiyahualo toaltepe.
\q1 Techmaca tasehuilisti campa hueli.
\q1 Amo xijcahua para se ten tomasehualhua monequis tetzajtzilis para ma quinpalehuica pampa quipanti cati fiero ipan tocalles.
\q1
\v 15 Quena, nelía paquij nopa masehualme ipan se altepet cati quej ni eltoc,
\q1 huan amo quipiya cati fiero.
\q1 Quena, nelía paquij cuali masehualme cati quipiyaj TOTECO quej ininDios,
\q1 huan ipan ya motemachíaj.
\c 145
\s1 Toteco nelía cuali huan quipiya nochi chicahualisti
\q1
\v 1 Nochi nonemilis huan para nochipa nimitzhueyimatis tinoTeco huan tinotanahuatijca.
\q1
\v 2 Mojmosta nimitzhueyichihuas.
\q1 Quena, ama huan para nochipa nimitzpaquilismacas.
\q1
\v 3 Nelía tihueyi, TOTECO, huan quinamiqui ma timitzhueyimatica nochi timasehualme.
\q1 Amo aqui quitamimachilía nochi mohueyitilis.
\q1
\v 4 Nochi coneme cati moscaltijtiyase quielnamiquise cati tijchihua,
\q1 huan tepohuilise nopa tamanti cati tijchijtihualajtoc ica mohueyi chicahualis.
\q1
\v 5 Na san nimoyolilhuis ten moyejyejca huan mohueyitilis,
\q1 huan nopa tatanexti cati mitzyahualojtoc.
\q1 Nimoilhuis ten nopa huejhueyi tiochicahualnescayot cati tijchijtoc.
\q1
\v 6 Masehualme camanaltise ten nopa huejhueyi tamanti cati tijchijtoc.
\q1 Huan na nitepohuilis ten mohueyitilis.
\q1
\v 7 Nochi masehualme ipan taltipacti camanaltise para nelía ticuali huan hueyi moyolo.
\q1 Quiijtose para tijchihua san cati xitahuac.
\q1
\v 8 TOTECO, hueyi moyolo huan tahuel titetasojta.
\q1 Amo nimantzi ticualani huan titeicnelía miyac.
\q1
\v 9 TOTECO ta cuali moyolo ica nochi masehualme huan motaicnelijcayo monextía ipan sesen tamanti cati tijsencajtoc.
\q1
\v 10 TOTECO, nochi tojuanti cati ta techchijchijtoc timitztascamatij.
\q1 Quena, nochi tojuanti cati timitztoquilíaj timitzpaquilismacase.
\q1
\v 11 Tojuanti sentic timocamanalhuise ten ihueyitilis motanahuatilis campa ta titanahuatía,
\q1 huan ticamanaltise quenicatza tijpiya hueyi chicahualisti.
\q1
\v 12 Titepohuilise ten nopa huejhueyi tiochicahualnescayot cati tijchijtoc,
\q1 huan ten moyejyejca huan ten ihueyitilis motanahuatilis campa ta titanahuatía.
\q1
\v 13 Pampa motanahuatilis amo quema tamis.
\q1 Ta tijpiyas tanahuatili ica nochi masehualme cati tacactiyase para nochipa.
\q1
\v 14 Ta TOTECO tiquintanana nochi cati huetzij,
\q1 huan tiquinfuerzajmaca cati itztoque ipan tequipacholi.
\q1
\v 15 Nochi masehualme ipan taltipacti mitztemohuaj,
\q1 huan mitzchiyaj para xiquinpalehui.
\q1 Ta tiquinmaca inintacualis quej quinpolojtihuala.
\q1
\v 16 Ta ica momax tiquintiochihua nochi cati yoltoque,
\q1 pampa tiquinmaca cati quicuase huan cati quiise.
\b
\q1
\v 17 TOTECO quichihua san cati xitahuac,
\q1 huan quinextía para hueyi iyolo ipan nochi cati quichihua.
\q1
\v 18 TOTECO itztoc ininechca nochi cati quitzajtzilíaj.
\q1 Quena, itztoc ininechca nochi cati quitemohuaj ica nochi iniyolo.
\q1
\v 19 Yaya quinmaca cati quinequij nochi masehualme cati quiimacasij huan quitepanitaj.
\q1 Quintacaquilía quema quitzajtzilíaj ma quinpalehui huan quinmaquixtía ten cati amo cuali.
\q1
\v 20 TOTECO quinmocuitahuía nochi cati quiicnelíaj,
\q1 pero nochi cati amo quitepanitaj,
\q1 Toteco quintzontamiltis.
\q1
\v 21 Nijpaquilismacas TOTECO ica nocamac.
\q1 Nochi masehualme cati itztoque campa hueli quipaquilismacase para nochipa huan amo quema tamis.
\c 146
\s1 San ma timotemachica ipan Toteco
\q1
\v 1 Na nijhueyimatis TOTECO ica nochi noyolo.
\q1
\v 2 Nochi tonali ipan nonemilis nijpaquilismacas TOTECO.
\q1 Nihuicas tiohuicat para noTeco Dios hasta nimiquis.
\q1
\v 3 Amo ximotemachica ipan huejhueyi tacame cati quipiyaj tequiticayot,
\q1 yon ipan se ten hueli tacat pampa yon se masehuali amo huelis mitzmaquixtis.
\q1
\v 4 Pampa se tonali miquise nochi masehualme huan mocuepase tali.
\q1 Quena, tamis iniijyoyo huan ininemilis,
\q1 huan ica se talojtzi tamis nochi cati moilhuijtoyaj quichihuase.
\q1
\v 5 Pero nelía paqui nopa masehuali cati quipixtoc quej itapalehuijca yaya cati iTeco Jacob,
\q1 huan san ipan TOTECO iDios motemachía para quimocuitahuis.
\q1
\v 6 Yaya cati quichijchijqui ilhuicacti,
\q1 taltipacti, hueyi at huan nochi cati itztoque nopona.
\q1 Yaya cati quichihua nochi cati quitajtolcajtoc para quichihuas.
\q1
\v 7 TOTECO quinchihuilía cati xitahuac nochi teicneltzitzi cati sequinoc quintaijyohuiltíaj.
\q1 Huan quintamaca cati mayanaj.
\q1 Quinchihua ma yaca majcajtoque cati tzactoque masque amo teno quichijtoque.
\q1
\v 8 TOTECO quintachiyaltía popoyotzitzi.
\q1 Quintanana cati nechca itztoque para huetzise.
\q1 Huan quinicnelía cati monejnemiltíaj xitahuac iixpa.
\q1
\v 9 TOTECO quinmocuitahuía nopa seyoc tali ehuani.
\q1 Yaya quinmocuitahuía cati icnotzitzi huan cati sihuame icnotzitzi.
\q1 Pero yaya quisosolohua cati quisencahuaj masehualme cati amo quitepanitaj.
\q1
\v 10 TOTECO tanahuatis para nochipa.
\q1 Amojuanti ipan altepet Jerusalén,
\q1 amoTeco Dios elis nopa Tanahuatijquet,
\q1 cati quinnahuatis nochi masehualme cati tacactiyase para nochipa.
\q1 ¡Paquilisti!
\c 147
\s1 Ma tijpaquilismacaca Toteco pampa quipalehuijtoc altepet Jerusalén
\q1
\v 1 Xijpaquilismacaca TOTECO pampa nelía cuali para tihuicase tiohuicat para ya.
\q1 ¡Nelía cuajcualtzi huan quinamiqui!
\q1
\v 2 TOTECO sempa quicualtalis altepet Jerusalén,
\q1 huan quinsentilis nopa israelitame cati quinsemanqui,
\q1 huan itztoque ipan sequinoc talme quej seyoc tali ehuani.
\q1
\v 3 Yaya quinyolchicahua cati quipiyaj yoltequipacholi huan quinpajtía campa mococojtoque.
\q1
\v 4 Yaya quimati quesqui imiyaca sitalime onca huan sesen quintocaxtalijtoc.
\q1
\v 5 Toteco nelía hueyi huan quipiya miyac chicahualisti.
\q1 Italnamiquilis amo aqui hueli quitamimachilía.
\q1
\v 6 TOTECO quinhueyitalía cati moechcapanohuaj,
\q1 pero nochi amo cuajcualme quintahuisos talchi.
\q1
\v 7 Xihuicaca para anquitascamatise TOTECO.
\q1 Xihuicaca por nochi cati quichijtoc toDios huan xitatzotzonaca ica arpa.
\q1
\v 8 Toteco yaya quitzacua ne ilhuicacti ica mixti.
\q1 Yaya taahuetziltía ipan taltipacti.
\q1 Quichihua ma moscalti xihuit ipan cuatitamit.
\q1
\v 9 Yaya quintamaca nopa tecuanime cati nemij cuatita.
\q1 Ininpilconehua nopa cacalot quintamaca,
\q1 quema pehuaj chocaj pampa mayanaj.
\q1
\v 10 Quema Toteco quiita se cahuayo cati motalohua chicahuac,
\q1 o quema quiita se tacat cati quipiya miyac fuerza,
\q1 amo paqui por ininchicahualis.
\q1
\v 11 Pero TOTECO quipantía miyac paquilisti ipan masehualme cati quitepanitaj.
\q1 Quipantía miyac paquilisti ipan cati mochiyaj ipan ya iteicnelilis.
\q1
\v 12 Nochi amojuanti ipan ni altepet Jerusalén,
\q1 xijhueyimatica TOTECO.
\q1 Quena, nochi cati itztoque ipan tepet Sion,
\q1 xijpaquilismacaca amoDios.
\q1
\v 13 Pampa yaya cuali quitzactoc icaltehua amoaltepe para amo hueli quitapos yon se amocualancaitaca.
\q1 Huan yaya tahuel quintiochijtoc amoconehua.
\q1
\v 14 Yaya quititanis tasehuilisti ipan nochi amotal,
\q1 huan amechmacas trigo cati más cuali para ica ximopanoltica.
\q1
\v 15 Yaya quintitanis itanahuatilhua ipan nochi taltipacti.
\q1 Huan quema yaya camanaltis,
\q1 icamanal nimantzi ajsis hasta campa hueli techaj.
\q1
\v 16 Yaya quichihuas ma huetzi sital set cati chipahuac quej nexti.
\q1 Huan quiijtzelohua tasesecayot ipan tali hasta campa hueli.
\q1
\v 17 ¿Ajquiya hueli quiijyohuis nopa tasesecayot?
\q1
\v 18 Pero teipa yaya quinahuatis ma huala tatotonilot huan atiyas nopa tasesecayot.
\q1 Quichihuas ma pehua taajacas huan nopa at cati mochijqui tasesecayot ipan atajti sempa motalos.
\q1
\v 19 Yaya quinmacac israelitame itanahuatilhua,
\q1 huan quinilhuijtoc nochi cati cuali ma quichihuaca ipan inialtepe,
\q1 para tetajtolsencahuase xitahuac.
\q1
\v 20 TOTECO amo quinchihuilijtoc ni tamanti masehualme ipan sequinoc talme.
\q1 Inijuanti ayemo quiixmatij itanahuatilhua, pero tojuanti, quena.
\q1 ¡Paquilisti!
\c 148
\s1 Ma quihueyimatica Toteco nochi tamanti cati yaya quichijchijtoc
\q1
\v 1 ¡Ma quipaquilismacaca TOTECO nochi cati itztoque ipan ilhuicacti!
\q1 Quena, ten ajacatipa xijpaquilismacaca TOTECO.
\q1
\v 2 Nochi amojuanti anilhuicac ehuani,
\q1 xijpaquilismacaca TOTECO.
\q1 Quena, xijpaquilismacaca nochi amojuanti cati anquitequipanohuaj nepa ilhuicac.
\q1
\v 3 Ma quipaquilismacaca tonati huan metzti.
\q1 Ma quipaquilismacaca nochi nopa sitalime cati cuajcualtzi taahuíaj.
\q1
\v 4 Ma quipaquilismacaca nopa ilhuicacti cati eltoc más huejcapa,
\q1 huan nopa apocti cati mopantía ajacatipa.
\q1
\v 5 Xijpaquilismacaca TOTECO pampa yaya camanaltic huan mochijqui cati ama onca.
\q1
\v 6 Yaya quinchijqui para eltose para nochipa,
\q1 huan quinmacac se tanahuatili cati amo quema mopatas.
\q1
\v 7 Ma quipaquilismacaca TOTECO nochi cati itztoque ipan ni taltipacti.
\q1 Ma quipaquilismacaca nopa huejhueyi tapiyalme cati itztoque tatzinta hueyi at.
\q1
\v 8 Ma quipaquilismacaca nopa tit, tesihuit, tasesecayot, apocti,
\q1 huan nopa ajacat cati quichihua ipaquilis.
\q1
\v 9 Ma quipaquilismacaca nochi tepeme, tachiquilme,
\q1 huan nochi cuame cati temacaj inintajca huan nochi tiocuame.
\q1
\v 10 Ma quipaquilismacaca TOTECO nochi tamanti tapiyalme,
\q1 huan nochi tecuanime, cohuame, huan totome.
\q1
\v 11 Ma quipaquilismacaca nochi tanahuatiani cati itztoque ipan taltipacti,
\q1 huan nochi jueces,
\q1 huan nochi masehualme ipan nochi talme.
\q1
\v 12 Ma quipaquilismacaca telpocame, ichpocame, huehuentzitzi huan coneme.
\q1
\v 13 Ma quipaquilismacaca TOTECO pampa san yaya quinamiqui tijhueyimatise.
\q1 Ihueyitilis nelhueyi hasta quipano ilhuicacti huan taltipacti.
\q1
\v 14 Yaya quinfuerzajmacatoc imasehualhua.
\q1 Ma quipaquilismacaca TOTECO nochi itatzejtzeloltica masehualhua,
\q1 nochi tojuanti cati tiisraelitame cati yaya techiyocatalijtoc para ma tiitztoca más inechca.
\q1 ¡Xijpaquilismacaca TOTECO!
\c 149
\s1 Nochi ma quipaquilismacaca Toteco
\q1
\v 1 Xijpaquilismacaca TOTECO.
\q1 Xihuicaca para TOTECO se huicat yancuic.
\q1 Nochi amojuanti animasehualhua,
\q1 xijhuicatica Toteco por nochi cati quichijtoc.
\q1
\v 2 Anisraelitame, ximopaquilismacaca ipan Toteco pampa yaya amechchijchijqui.
\q1 Anmasehualme ipan altepet Jerusalén,
\q1 ximopaquilismacaca ipan amotanahuatijca.
\q1
\v 3 Xijpaquilismacaca TOTECO ica mijtotilisti.
\q1 Huan xihuicaca ica pandero huan ica arpa.
\q1
\v 4 Pampa Toteco quipantía paquilisti ipan imasehualhua,
\q1 huan quinmaquixtía cati moechcapanohuaj iixpa.
\q1
\v 5 Nochi cati iaxcahua TOTECO ma paquica pampa yaya tahuel hueyi ihueyitilis.
\q1 Huan hasta quema ya motectoque ipan inintapech noja ma quihuicatica.
\q1
\v 6 Ma quihueyitalica TOTECO nochi imasehualhua.
\q1 Quipixtoc ipan imax se macheta cati oncac tatequi,
\q1
\v 7 para ica quincuepilis nopa sequinoc talme cati quinchihuilijque cati amo cuali,
\q1 huan para ica quintatzacuiltis.
\q1
\v 8 Ma quinilpica inintanahuatijcahua huan inintayacancahua ica tepos cadena,
\q1
\v 9 para quiselise nopa tatzacuiltili cati eltojca tasencahuali.
\q1 Huan ica ya ni TOTECO quinhueyitalis nochi itatzejtzeloltica masehualhua.
\q1 ¡Ma nochi quipaquilismacaca TOTECO!
\c 150
\s1 Xijpaquilismacaca Toteco ica miyac tamanti tepos tatzotzonali
\q1
\v 1 ¡Xijpaquilismacaca TOTECO!
\q1 Xijpaquilismacaca TOTECO ipan itiopa.
\q1 Xijpaquilismacaca nepa ipan ilhuicac cati yaya quichijchijqui ica ihueyi chicahualis.
\q1
\v 2 Xijpaquilismacaca por nochi nopa huejhueyi tamanti cati yaya quichihua.
\q1 Xijpaquilismacaca pampa tahuel hueyi ichicahualis.
\q1
\v 3 Xijpaquilismacaca ica tapitzali,
\q1 Xijpaquilismacaca ica guitarra huan ica arpa.
\q1
\v 4 Xijpaquilismacaca ica panderos huan ximijtotica.
\q1 Xijpaquilismacaca ica nochi tamanti tatzotzonali cati quipiyaj cuerdas,
\q1 huan ica acatapitzali.
\q1
\v 5 Xijpaquilismacaca ica platillos cati cuajcualtzi tzilinij.
\q1
\v 6 Nochi cati yoltoque ma quipaquilismacaca TOTECO.
\q1 ¡Xijpaquilismacaca!