\id REV - Indian Revised Version (IRV) Nagamese
\ide UTF-8
\ide UTF-8
\h Revelation
\toc1 John Logot Prokahit Kora Baiko
\toc2 Revelation
\toc3 Rev
\mt John Logot Prokahit Kora Baiko
\c 1
\s Shuru Kotha
\p
\v 1 Etu kotha to Jisu Khrista laga prokahit kori diya kotha khan ase jun Isor pora tai laga noukar khan ke dise, ki joldi pura hobole ase etu jonai dibole. Etu kotha khan to sorgodoth pora Tai laga sewak John ke pathai kene janibole dise\f + \fr 1.1 \fr*\ft Rev. 22:6.\ft*\f*. 
\v 2 John pora Isor laga kotha aru gawahi dise aru Jisu Khrista ki kaam korise etu laga gawahi bhi dise, juntu khan sob tai dikhise. 
\v 3 Asirbad ase jun etu kotha untcha awaj te purey aru kun etu kotha laga bhabobani hune aru ki likha ase etu mani loi, kelemane ahibole thaka homoi to usor ahi ase.
\s Sat-ta Mondoli Ke Salam
\p
\v 4 John, Asia\f + \fr 1.4 \fr*\ft Turkey laga dakshin-paschim te Asia to Rome pora raj kora jaga thakise.\ft*\f* te sat-ta girja thaka khan ke koi ase: Isor laga anugrah aru shanti apuni khan logote thaki bole dibi, Jun ase, Jun thakise, aru Jun ahibole ase, aru sat-ta atma jun Tai laga singhason usorte ase, 
\v 5 aru Jisu Khrista pora, ekjon biswas te thaka gawahi, mora pora prothom ekjon jonom luwa, aru duniya laga raja khan ke cholai kene thaka aru ekjon kun amikhan ke morom kore aru Tai laga khun pora amikhan laga sob paap to maph kori dise\f + \fr 1.5 \fr*\ft Col. 1:8.\ft*\f*- 
\v 6 Khrista pora amikhan ke ekta rajyo bonai dise, Isor aru Baba laga ekjon purohit Tai laga mohima aru takot hodai nimite hobole dibi\f + \fr 1.6 \fr*\ft Exo. 19:6; Isa. 6:6.\ft*\f*. Amen.
\q
\v 7 Sabi, Khrista badal logote ahi ase;
\q2 Sob suku pora taike dikhibo,
\q Jun manu Taike marise taikhan bhi etu dikhibo.
\q Prithibi te jiman jat ase eitu khan sob pora Tai nimite mon dukh hoi kene kandibo\f + \fr 1.7 \fr*\ft Zec. 12:10.\ft*\f*.
\m Hoi, Amen.
\p
\v 8 “Moi Alpha aru Omega ase\f + \fr 1.8 \fr*\ft Alpha aru Omega to Yunani alphabet laga poila aru ses te ase. Isor hodai ase aru etu motlob loi kene Jisu Khrista ke bhi eneka mati ase: Rev. 21.6; in 22.13; Isa 41.4; 44.6.\ft*\f*,” Probhu Isor koi ase, “Jun etiya ase, aru thakise, aru kun ahibole ase, sob pora Mohan.”
\s Darshan Te Manu Laga Putro Dikha
\p
\v 9 Moi, John- apnikhan laga bhai aru ekjon jun Tai laga rajyo nimite eke logote mili kene dukh korise, aru nomro kori kene Jisu nimite sob kaam korise- Moi Patmos laga ekta majuli majote thakise, Isor laga kotha aru Jisu laga gawahi nimite. 
\v 10 Probhu laga din\f + \fr 1.10 \fr*\ft Khristan khan pora Isor ke shewa kora din.\ft*\f* te, moi atma te thakise aru moi laga piche pora ekta bhigul nisena jor awaj hunise. 
\v 11 Aru koise, “Tumi ki dikhi ase etu kitab te likhibi, aru sat-ta girja khan te pathai dibi- Ephesus, Smyrna, Pergamum, Thyatira, Sardis, Philadelphia, aru Laodicea khan ke.” 
\v 12 Etu pichete moi piche phale ghuri kene kun pora moike kotha kori ase etu saise, aru jitia moi ghuri kene saise ta te sat-ta suna pora bona deevat dikhise. 
\v 13 Aru etu deevat laga majote ekjon manu laga bacha nisena thakise, tai lagai kene thaka kapra tai laga theng niche tak thakise aru suna laga ekta kapra chati te lagai kene thakise\f + \fr 1.13 \fr*\ft Dan. 7:13; Eze. 1:26.\ft*\f*. 
\v 14 Tai laga matha aru chuli to wool nisena boga thakise aru borop nisena boga thakise aru tai laga suku to juli thaka jui nisena thakise\f + \fr 1.14 \fr*\ft Dan. 7:9; 10:6.\ft*\f*. 
\v 15 Tai laga theng khan to bhal pora sapha kori kene thaka pitol nisena thakise, jui pora sapha kori diya pitol nisena, aru tai laga awaj to nodi te pani jai thaka laga awaj nisena thakise\f + \fr 1.15 \fr*\ft Eze. 1:7; 43:2.\ft*\f*. 
\v 16 Tai laga dyna hathte sat-ta tara thakise aru tai laga mukh pora dui phale bhi dhar thaka talwar ulaise. Tai laga chehera to suryo nisena ujala di thakise\f + \fr 1.16 \fr*\ft Mat. 17:2; Rev. 19:15.\ft*\f*. 
\v 17 Jitia moi taike dikhise, moi Tai laga theng nichete ekjon mora manu giri juwa nisena giri jaise. Tai laga dyna hath pora moi uporte rakhise, aru koise, “Tumi bhoi nokoribi. Moi he shuru aru Moi he hekh ase\f + \fr 1.17 \fr*\ft Isa. 44:6; Dan. 8:17.\ft*\f*, 
\v 18 Aru etiya Moi jinda ase. Moi mori jaisele, kintu sabi, Moi hodai aru hodai nimite jinda ase! Aru Moi logote mora laga aru etu prithibi nichete thaka Hades laga chabi ase\f + \fr 1.18 \fr*\ft Rom. 6:9; 14:9.\ft*\f*. 
\v 19 Etu nimite tumike ki dikhai ase etu sob likhi lobi aru etiya ki ahise aru pichete ki hobole ase etu sob likhibi. 
\v 20 Etu sat-ta tara aru sat-ta suna laga deevat laga lukai kene thaka motlob to etu ase: jun to tumi Moi laga dyna hathte dikhise, etu sat-ta tara to sat-ta girja laga sorgodoth khan ase aru etu sat-ta deevat khan to sat-ta girjakhan ase.”
\c 2
\s Ephesus Te Thaka Girja
\p
\v 1 “Ephesus laga girja laga sorgodoth ke likhibi:
\p ‘Ekjon kun laga dyna hathte sat-ta tara dhori ase aru kun etu sat-ta suna laga deevat khan uporte berai ase, Tai eneka koi ase: 
\v 2 “Moi jani ase tumikhan laga kaam aru dukh kori thaka to aru tumikhan dhorjo kori kene dukh uthai thaka to, aru manu pora biya kaam kori thaka tumikhan bhal napai. Tumikhan bhal pora jani loise kun manu taikhan to apostle khan ase koi kene tumi usorte ahe, kintu taikhan nohoi, aru taikhan misa koi ase koi kene tumi jani loi. 
\v 3 Moi jane tumikhan dhorjo kori kene sob dukh khan uthai thakise, aru tumi Moi laga naam nimite bisi dukh paise, hoile bhi tumikhan alsi huwa nai. 
\v 4 Kintu moi tumike bhirodh kori ase kelemane tumikhan laga prothom morom to pahori kene chari jaise. 
\v 5 Kintu etu yaad koribi kuntu jaga pora tumi girise. Mon ghura bhi aru ki kaam prothom te kori thakise etu koribi. Kintu eneka nohoi koile, Moi ahibo aru tumikhan laga jaga pora etu deevat to hatai dibo- jodi tumi mon naghurai. 
\v 6 Kintu etu tumikhan logote ase: Tumi Nicolas laga dol khan\f + \fr 2.6 \fr*\ft Etu hikhok khan pora hika to biya aru paapi kaam korile bhi manu laga atma to sapha he thake.\ft*\f* pora kora kaam khan ghin kore, Moi bhi etu ghin kore\f + \fr 2.6 \fr*\ft Psa. 139:21.\ft*\f*. 
\v 7 Jun manu logote kan ase, Atma pora girja khan ke ki koi ase etu huni bhi. Kun manu sob to pari kene jiti loi, taike Moi jibon laga ghas pora khabole nimite dibo, juntu Isor laga Paradise\f + \fr 2.7 \fr*\ft Paradise to sob kisim ghas thaka ekta dangor aru sundur bagan thakise, aru etu ke Paradise mati loise. Luke 23.43; 2 Cor. 12.3.\ft*\f* te ase\f + \fr 2.7 \fr*\ft Paradise.\ft*\f*.”’”
\s Smyrna Te Thaka Girja
\p
\v 8 “Smyrna girja laga sorgodoth ke likhibi:
\p ‘Etu ekjon kun prothom aru hekh ase, jun mori jaisele aru kun mora pora jinda hoi jaise, eneka koi ase: 
\v 9 “Moi jani ase tumikhan dukh paikene thaka to -kintu tumikhan dhuni ase- aru moi jane kun manu misa koi kene taikhan Yehudi ase koi, kintu taikhan nohoi. Kintu taikhan Saitan laga mondoli ase. 
\v 10 Bhoi nokoribi dukh pabole thaka nimite. Sabi! Saitan pora tumikhan kunba ke bondhi ghor te phelai dibole ase tumikhan laga mon to sabole nimite, aru tumikhan dos din tak dukh pabo. Nomora tak biswasi hoi thakibi, aru titia moi tumikhan ke jibon laga mukut dibo\f + \fr 2.10 \fr*\ft Jam. 1:12. \ft*\f*. 
\v 11 Kun manu logote kan ase, huni lobi Atma pora girja khan ke koi ase. Kun manu sob to paikene jiti loi tai aru duibar dukh paikene namoribo.’””
\s Pergamum Te Thaka Girja
\p
\v 12 “Pergamum girja laga sorgodoth ke likhibi:
\p ‘Ekjon kun logote dui phale dhar thaka talwar ase, Tai eneka koi ase. 
\v 13 “Moi jane tumikhan kote thaki ase, jun jagate Saitan laga singhason ase ta te. Hoile bhi tumikhan moi laga naam to loi thake aru tumikhan moi uporte biswas thaka bhi inkar kora nai. Tumikhan eneka he thakise, Moi laga gawahi aru ekjon biswasi Antipas laga homoi te bhi, jun tumikhan majot te morai dise, jun jagate Saitan thake. 
\v 14 Kintu moi tumikhan laga bhirodh te ase: Tumikhan majote Balaam laga sikhai diya kotha etiya bhi kunba dhori kene ase, kun pora Balak ke Israel laga bacha khan usorte dukh digdar anibole nimite dise, taikhan ke murti puja kori kene diya laga khan khilai kene biya kaam kori bole dibo nimite\f + \fr 2.14 \fr*\ft 2 Pet. 2:15; Num. 31:16.\ft*\f*. 
\v 15 Etu nimite, etu nisena he tumikhan majote bhi Nicolas laga dol khan pora sikhai diya to eneka dhori kene ase. 
\v 16 Mon ghura bhi, etu nimite! Kintu jodi tumikhan eneka nakore, titia Moi tumikhan usorte joldi ahibo aru Moi laga mukh te talwar thaka loi kene tumikhan logote lorai koribo. 
\v 17 Kun manu logote kan ase, huni bhi ki Atma pora girja khan ke koi ase. Kun manu sob kori kene jiti loi, Moi lukai kene rakhi thaka manna taikhan ke dibo, aru Moi taikhan ke ekta boga pathor dibo aru ta te ekta notun naam pathor te likhi kene thakibo, etu naam kun pora bhi najanibo khali kunke etu pathor dibo tai pora he janibo.”’”
\s Thyatira Te Thaka Girja
\p
\v 18 “Thyatira girja laga sorgodoth ke likhibi:
\p ‘Isor laga Putro, kun laga suku jui juli thaka nisena ase, aru Tai laga theng sapha kori kene thaka pitol nisena ase\f + \fr 2.18 \fr*\ft Dan. 10:6.\ft*\f*, Tai eneka koi ase: 
\v 19 “Moi tumikhan laga kaam jani ase, tumikhan laga morom, tumikhan laga biswas, tumikhan laga sewkai, aru nomro pora sob dukh loi kene thaka. Tumikhan poila kori thaka kaam to aji-kali kori thaka kaam he dangor ase. 
\v 20 Kintu Moi tumikhan logote etu bhirodh kori ase: Tumikhan mon biya paile bhi Jezebel\f + \fr 2.20 \fr*\ft Jezebel to Sidon desh laga rajkumari thakise aru tai Israel laga raja Ahab laga maiki thakisele,aru tai pora Israel manu khan ke Baal puja kori bole bisi korise. 1 Kin. 16:29-31; 18:4, 19; 2 Kin. 9:22. \ft*\f* ke eku kowa nai, kun tai nijorke ekjon bhabobadi koi. Tai pora sikhai diya kotha khan Moi laga noukar khan ke bebichar kaam kori bole dibo nimite chalak kore aru murti ke puja kori kene khana kha luwa khan anikena taikhan ke khabole diye. 
\v 21 Moi taike mon ghura bole nimite homoi dise, kintu tai biya kaam charikena mon ghura bole nimite itcha thaka nai. 
\v 22 Sabi! Moi taike bemar laga bemar laga bisna te phelai dibo, aru kun manu tai logote mili kene biya kaam kore, taikhan ke bhi dangor dukh dibo, jodi taikhan laga paap aru biya pora mon na ghuraile. 
\v 23 Moi tai laga bacha khan ke maribo aru morai dibo, aru sob girja khan janibo Moi he ekjon ase kun sob manu laga bhabona aru mon bisare. Aru Moi tumikhan laga kaam hisab te tumikhan ke dibo\f + \fr 2.23 \fr*\ft Psa.7:9. \ft*\f*. 
\v 24 Kintu jiman manu Thyatira te ase aru jun manu khan etu kotha khan namani kene thake, aru kiman manu Saitan laga bhitor kotha aru kaam khan najane- Tumikhan ke moi koi ase, ‘Moi tumikhan uporte aru dusra bhar nadhalibo.’ 
\v 25 Kintu Moi naha tak bhal kori kene sob kotha khan mani kene thakibi.
\m
\v 26 Kun manu hekh tak sob kaam te jiti kene, aru kun manu Moi laga kaam khotom nohua tak kore, taike Moi desh khan uporte adhikar dibo.
\q
\v 27 ‘Tai loha laga lathi pora taikhan uporte raj koribo,
\q Mati pora bonai diya kolsi nisena, tai etu sob tukra kori kene bhangai dibo.’
\m
\v 28 Jineka Moi laga Baba pora Moi paise, Moi bhi taike phojur laga tara dibo. 
\v 29 Kun manu logote kan ase, huni bhi Pobitro Atma pora girja khan ke ki koi ase.’””
\c 3
\s Sardis Te Thaka Girja
\p
\v 1 “Sardis girja laga sorgodoth ke likhibi:
\p ‘Ekjon kun Isor laga sat-ta atma khan dhori kene ase aru sat-ta tara dhori kene ase, Tai eneka koi ase: “Moi tumikhan laga kaam jane. Tumikhan jinda ase koi kene bhal naam pora thaki ase, kintu tumikhan mora ase. 
\v 2 Uthibi aru ki to bachi kene ase etu ke takot kori lobi, kun to mori bole he ase, kelemane Moi laga Isor laga suku usorte tumikhan laga kaam pura kori kene thaka dikha nai. 
\v 3 Yaad koribi, etu karone, tumikhan ki paise aru hunise. Mani thakibi, aru mon ghura bhi. Kintu tumikhan ghumai thaka pora nauthile, Moi chor nisena achanak pora ahibo, aru tumikhan najanibo Moi kuntu homoi te tumikhan laga bhirodh te ahibo. 
\v 4 Kintu kunba manu Sardis te ase taikhan laga kapra letera kora nai, aru taikhan Moi logote berabo, boga kapra lagabo, kelemane taikhan etu pabole nimite yogya ase. 
\v 5 Kun manu taikhan nisena sob kotha to mani kene jiti loi, taikhan bhi boga kapra lagai dibo, aru tai laga naam to kitia bhi Jibon laga Kitab pora nahatabo, aru tai laga naam Moi Baba usorte shikar koribo, aru Tai laga pobitro sorgodoth majote kobo\f + \fr 3.5 \fr*\ft Rev. 21:27.\ft*\f*. 
\v 6 Kun manu logote kan ase, huni bhi Atma pora girja khan ke ki koi ase.’””
\s Philadelphia Te Thaka Girja
\p
\v 7 “Philadelphia girja laga sorgodoth ke likhibi:
\q ‘Pobitro ekjon, hosa ekjon
\q2 David, laga chabi dhori kene thaka ekjon,
\q2 Tai pora khuli le aru kun pora bhi bondh nakore,
\q3 Aru jitia tai bondh kori diye kun pora bhi aru nakhule,\f + \fr 3.7 \fr*\ft Job. 12:14; Isa. 22:22.\ft*\f* Tai he eneka koi ase:
\p
\v 8 “Moi tumikhan laga kaam jani ase. Sabi, Moi tumikhan usorte eneka ekta dorja khuli kene rakhidi ase juntu kun pora bhi bondh koribo na paribo. Kelemane tumikhan logote takot komti ase, hoile bhi tumikhan Moi laga kotha mani kene thakise aru Moi laga naam kobole chara nai. 
\v 9 Sabi! Moi Saitan laga mondoli uporte bisar koribo, taikhan kun Yehudi khan ase koi. Hoile bhi taikhan nohoi, kintu, taikhan misa kowa manu khan ase- Sabi, Moi taikhan ke tumikhan laga theng nichete ahi kene pranam kori bole dibo, titia taikhan janibo Moi tumikhan ke kiman morom korise. 
\v 10 Tumikhan Moi laga kotha nomro hoi kene mani thaka nimite, Moi bhi tumikhan ke porikha kora laga homoi pora bachai kene rakhibo, kuntu pura duniya nimite ahibole ase, kun manu prithibi te thaki ase taikhan ke porikha kori bole nimite. 
\v 11 Moi joldi ahi ase. Tumikhan logote ki ase etu dhori kene rakhibi, kun pora bhi jit laga mukut tumi logot pora chinikene loi najabole. 
\v 12 Kun manu sob mani kene jiti loi, Moi taike Isor laga ghor te ekta bhal khamba bonai kene rakhibo. Aru etu jaga pora tai kitia bhi bahar te ulaikene najabo, aru tai uporte Moi Isor laga naam likhi dibo, Moi laga Isor laga desh naam to likhi dibo -Notun Jerusalem, kuntu sorgo pora nichete ahe, Moi laga Isor pora- aru Moi laga notun naam\f + \fr 3.12 \fr*\ft Rev. 21:2; Isa. 65:15; Eze. 48:35.\ft*\f*. 
\v 13 Kun logote kan ase, huni bhi Atma pora girja khan ke ki koi ase.’””
\s Laodicea Te Thaka Girja
\p
\v 14 “Laodicea girja laga sorgodoth nimite likhibi: ‘Amen, jun bharosa koribo para aru hosa ekjon gawahi ase, Isor laga sristi shuru kora Jon koi ase: 
\v 15 “Moi tumikhan laga kaam jani ase, aru tumikhan gorom bhi nohoi aru thanda bhi nohoi. Moi itcha kore, tumikhan duita bhitor te ekta hoi kene thakile he bhal ase! 
\v 16 Tumikhan olop he gorom ase- gorom bhi nohoi aru thanda bhi nohoi- etu nimite Moi laga mukh pora tumikhan ke ulti kori kene thuk phela nisina phelai dibo. 
\v 17 Kelemane tumikhan koise, ‘Moi dhuni ase moi logote bisi dhun sampoti ase, aru moike eku dorkar nai.’ Kintu tumikhan nijor najane ki halat te tumikhan thaki ase, tumikhan sobse dukh te thaka manu ase, bechara, gorib, andha aru lengta ase . 
\v 18 Tumikhan ke Moi logot pora jui pora sapha kori kene bonai rakha suna kini bole nimite koise, aru etu pora tumikhan dhuni hobole nimite, aru ekdom bhal sapha boga kapra nijor lagai kene tumikhan laga sorom to manu ke nadikha bole nimite koisele, aru suku sapha kori kene dikhi bole nimite bhal molom lobole korisile. 
\v 19 Moi morom kora manu khan ke bhal rasta te anibole nimite sikhai diye. Etu karone, hosa pora mon ghura bhi. 
\v 20 Sabi, Moi dorja usorte khara kori kene khat-khatai ase. Jodi kunba Moi laga awaj to huni kene dorja to khule, Moi tai logote ahibo, aru tai logote khabo, aru tai bhi Moi logote kha luwa koribo. 
\v 21 Kun manu sob to mani kene jiti loi, Moi laga singhason usorte bohi bole nimite adhikar dibo, Moi Baba laga singhason te bohi bole nimite Moi bhi sob to mani kene jiti loise. 
\v 22 Kun manu logote kan ase, huni bhi Pobitro Atma pora girja khan ke ki koi ase.’””
\c 4
\s Sorgote Singhason
\p
\v 1 Etu sob huwa pichete moi saise, aru sabi- sorgote ekta dorja khula thakise! Juntu prothom awaj moi hunise moi logote bhigul nisena kotha koi thakise, etu pora koise, “Yate uporte ahibi, aru Moi tumike etu pichete ki hobole ase etu sob to dikhai dibo.” 
\v 2 Etu homoi te Isor laga Atma moi logote thakise aru sabi- ekta singhason sorgote rakhidise! Aru kunba ekjon etu singhason te bohi thakise\f + \fr 4.2 \fr*\ft 1 Kin. 22:19.\ft*\f*. 
\v 3 Etu ekjon kun ta te bohi thakise Tai ekta ujala diya jasper aru carnelian pathor nisena dikhi thakise\f + \fr 4.3 \fr*\ft Eze. 1:28.\ft*\f*. Tai laga singhason usorte dhanush thakise kun to sabole alag-alag rong thaka emerald pathor pora bonai kene rakha nisena dikhise. 
\v 4 Aru etu singhason usorte aru bhi choubees singhason thakise, aru etu singhason te choubees bura manu khan boga kapra lagai kene bohi thakise, aru taikhan laga matha te suna laga mukut lagai kene thakise. 
\v 5 Aru etu singhason pora bhijili laga ujala ulai thakise, awaj dikene, aru bhijili nisena dangor awaj ulai thakise. Sat-ta jui laga diya taikhan laga singhason usorte joli thakise, eitu khan Isor laga sat-ta atma khan thakise\f + \fr 4.5 \fr*\ft Zec. 4:2.\ft*\f*. 
\v 6 Aru etu singhason age te shisa laga samundar nisena thakise, crystal pathor nisena. Aru etu singhason majot aru usorte charta jinda janwar thakise, age pichete suku pora bhorta hoi kene thaka dikhise\f + \fr 4.6 \fr*\ft Eze. 10:12.\ft*\f*. 
\v 7 Poila jinda thaka janwar to bagh nisena thakise, dusra jinda thaka janwar chutu guru laga bacha nisena thakise, tisra jinda janwar manu laga chehera nisena thakise aru charta ula jinda thaka janwar to uri thaka chil chiriya nisena thakise\f + \fr 4.7 \fr*\ft Eze. 1:10; 10:14.\ft*\f*. 
\v 8 Sob charta janwar laga choita pankha thakise, tai laga upor aru bhitor te bhi suku pora bhorta thakise. Rati aru din taikhan eneka koi thake,
\q “Pobitro, pobitro, pobitro Probhu Isor Mohan ase,
\q Tai thakise, ase, aru ahibole Jon ase\f + \fr 4.8 \fr*\ft Isa. 6:2-3.\ft*\f*.”
\m
\v 9 Jitia jinda thaka janwar khan pora sonman, adar, aru dhanyavad diye jun singhason te bohi ase, Isor kun hodai nimite jinda ase\f + \fr 4.9 \fr*\ft Dan. 12:7.\ft*\f* 
\v 10 titia choubees bura manu khan Ekjon kun singhason te bohi ase, Tai age te athukarikena Taike aradhana kore kun hodai aru hodai nimite jinda ase. Taikhan laga mukut ulaikene Tai laga singhason age te rakhi kene koi thake,
\q
\v 11 “Sob mohima Apuni laga ase, moi khan laga Probhu aru Isor,
\q2 Sob adar, aru mohima aru takot,
\q Apuni sob to bonai dise,
\q Aru Apuni laga itcha pora sob to hoise aru bonai dise.”
\c 5
\s Mer Bacha Aru Kitab
\p
\v 1 Titia moi dikhise singhason te bohi kene thaka Isor laga dyna hathte kitab ase, juntu te age aru pichete bhi likhi kene thakise, aru sat-ta chihna pora mari kene thakise. 
\v 2 Aru moi dikhise ekjon mohan sorgodoth dangor awaj pora koi thakise, “Kun etu kitab laga chihna to bhangi bole nimite yogya ase?” 
\v 3 Kintu kunbi sorgo aru prithibi aru prithibi laga nichete etu kitab khuli kene puribole para nai. 
\v 4 Titia moi bisi mon dukh kori kene kandise kelemane etu khuli kene puri bo nimite kun manu bhi thaka nai. 
\v 5 Kintu ekjon bura manu moike koise, “Tumi nakandibi. Sabi! Judah jat laga Bagh, David laga Jor, Tai he etu sob to jiti loise. Tai he etu kitab to khuli bole pare aru ta te lagai kene thaka sat-ta chihna Tai he khuli bole pare\f + \fr 5.5 \fr*\ft Gen. 49:9; Isa. 11:1, 10.\ft*\f*.” 
\v 6 Titia moi ekta Mer laga bacha ke dikhise, jun singhason laga majot khara hoi kene thakise aru charta janwar khan majot khara thakise aru bura manu khan majote khara thakise, Taike morai diya nisena dikhise. Tai laga sat-ta seing aru sat-ta suku thakise, juntu Isor laga sat-ta atma khan thakise, kunkhan ke prithibi laga sob jagate pathai dise\f + \fr 5.6 \fr*\ft Zec. 4:10.\ft*\f*. 
\v 7 Tai jai kene singhason te bohi thaka ekjon laga dyna hath pora etu kitab loise. 
\v 8 Jitia Tai etu kitab loise, charta jinda thaka janwar aru choubees bura manu Mer laga bacha usorte athukari jaise. Taikhan logote nijor laga veena aru suna laga bati te joli kene mitha sugandh thaka pora bhorta hoi kene thaka dikhise, eitu khan to pobitro manu khan laga prathana khan thakise. 
\v 9 Taikhan notun gana korise,
\q “Apuni etu kitab to lobole nimite yogya ase,
\q2 Aru ta te chihna mari kene thaka khuli bole nimite takot ase.
\q Kelemane apuni ke morai disele aru apuni laga khun pora Isor manu khan ke kini loise.
\q2 Aru sob jati, bhasa, manu aru desh pora.
\q
\v 10 Apuni taikhan ke ekta rajyo aru Apuni ke shewa kori bole nimite purohit bonai dise,
\q2 Aru taikhan duniya te raj koribo.”
\m
\v 11 Titia moi saise aru bisi sorgodoth laga awaj hunise taikhan etu singhason usorte thakise aru jinda thaka janwar aru bura manu khan, sob mili kene dos hajar aru hajar-hajar thakise\f + \fr 5.11 \fr*\ft Dan. 7:10.\ft*\f*. 
\v 12 Taikhan dangor awaj pora koise,
\p “Etu Mer laga Bacha yogya ase kun manu pora morai dise takot aru sob dhun pabole nimite aru gyaan, takot, adar aru sonman pabole nimite.”
\p
\v 13 Titia moi hunise sob bonai diya saman jun to sorgo aru prithibi te thakise, aru prithibi laga bhitor te thakise, aru samundar te aru kiman saman ta te thakise, taikhan koi thakise,
\p “Tai ekjon kun singhason te bohi ase aru etu Mer bacha ke adar aru prosansa aru raj kori bole takot, hodai aru hodai nimite thakibi.”
\p
\v 14 Aru charta jinda thaka janwar para koise, “Amen!” Aru titia cholawta khan athukari kene Taike aradhana korise.
\c 6
\s Sat-ta Mohor
\p
\v 1 Titia moi saise jitia Mer pora etu sat-ta chihna khuli se, aru moi hunise ekjon charta janwar majot pora dangor bhijili laga awaj nisena pora koise, “Ahibi!” 
\v 2 Titia moi saise aru ta te ekta boga ghora thakise! Aru etu uporte bohi thaka ekjon pora dhanush nisena dhori thakise, aru Taike ekta mukut dikene thakise. Tai ekta jiti luwa manu nisena jiti bole jaise.
\p
\v 3 Jitia Mer pora dusra chihna to khuli se, moi hunise dusra jinda thaka janwar pora koise, “Ahibi!” 
\v 4 Titia aru ekta ghora ulaikene ahise- jui nisena lal juli thaka ekta. Aru etu uporte bohi thaka ke prithibi pora shanti uthai loi jabole nimite takot dise, etu pora manu khan ekjon-ekjon ke morai dibole nimite. Etu ghora chola ke dangor ekta dangor talwar dise.
\p
\v 5 Jitia etu Mer pora tisra chihna to khuli se, Moi janwar pora kowa hunise, “Ahibi!” Moi saise aru ta te ekta kala ghora dikhise! Aru etu ghora uporte bohi thaka ekjon tai laga hathte palah nisena dhori thakise\f + \fr 6.5 \fr*\ft Zec. 6:2-3, 6.\ft*\f*. 
\v 6 Titia moi hunise etu charta janwar khan majote pora kowa hunise, “Gehu dhan ek bhag te ekta denarius daam ase, aru barley dhan tin bhag to ekta denarius daam\f + \fr 6.6 \fr*\ft Ek kilo atta aru ek din laga hajara. \ft*\f* ase, kintu draikha ros aru tel ke nuksan na koribi.”
\p
\v 7 Aru jitia Mer pora charta chihna to khuli se, Moi charta jinda thaka janwar pora koi thaka hunise, “Ahibi!” 
\v 8 Titia moi saise, aru ta te komjur ghora ekta thakise! Aru etu uporte bohi thaka laga naam to Mora thakise, aru Hades tai laga pichete jai thakise. Prithibi laga char bhag laga ek bhag to taike adhikar dise, talwar pora morai dibole nimite, aru akaal pora, aru bemar pora, aru jongol te thaka janwar khan pora morai dibole nimite.
\p
\v 9 Aru jitia Mer pora pasta ula chihna to khuli se moi dikhise kiman manu Isor laga kotha aru kaam kora nimite morai dise taikhan laga atma etu puja kora bedi nichete thakise. 
\v 10 Taikhan awaj dangor pora hala kori kandi kene, koise, “Kiman deri hobo, sob uporte Raj kora ekjon, Pobitro aru hosa thaka, jitia prithibi te thaka khan uporte bisar koribo, aru kitia moi khan laga khun ula laga taikhan ke saja dibo?” 
\v 11 Titia taikhan sobke boga kapra dise, aru taikhan ke aru olop deri rukhibole koise jitia tak nokor aru bhai khan ke morai diya laga ginti napunche, jineka taikhan ke bhi morai disele.
\p
\v 12 Jitia Mer pora choutha ula chihna to khuli se, Moi dikhise aru titia dangor mati hili se. Suryo to chuli pora bonai diya bosta nisena kala hoi jaise, aru chand to khun nisena lal hoi jaise\f + \fr 6.12 \fr*\ft Joe.2:10.\ft*\f*. 
\v 13 Aru sorgote thaka tara khan prithibi te giri jaise, dimoru ghas te napaki kene thaka phol jitia dangor hawa pani marile giri jai, etu nisena tara khan giri jaise.\f + \fr 6.13 \fr*\ft Rev. 8:10; Mat. 24:29.\ft*\f* 
\v 14 Aru akas to ekta kitab ke lipi luwa nisena lipi jaise aru harai jaise. Sob pahar aru samundar usorte thaka mati khan alag-alag hoi jaise\f + \fr 6.14 \fr*\ft Rev. 16:20; Isa. 34:4.\ft*\f*. 
\v 15 Titia duniya laga raja aru dangor manu khan, aru sahab khan, dhuni manu khan, aru takot pora thaka khan, aru sob manu, noukar aru ajad pora thaka khan, taikhan nijorke pahar nichete aru pahar laga pathor nichete lukaise\f + \fr 6.15 \fr*\ft Isa. 2:10. 19.\ft*\f*. 
\v 16 Taikhan hala kori kene etu pahar aru pathor khan ke koise, “Moi khan uporte giri bhi! Lukai dibi tai laga chehera usor pora etu ekjon kun singhason te bohi ase aru Mer laga khong pora\f + \fr 6.16 \fr*\ft Luke 23:30.\ft*\f*. 
\v 17 Kelemane Isor aru Mer laga dangor khong to ahi jaise, aru kun manu etu usorte khara kori bole pare?\f + \fr 6.17 \fr*\ft Mal. 3:2; Joe. 2:11; Nah. 1:6; Zep. 1:14-15.\ft*\f*”
\c 7
\s 144,000 Israel Jati Ke Isor Laga Mohor Lagaise
\p
\v 1 Etu pichete moi charta sorgodoth khan ke prithibi laga charta kinar te khara kori thaka dikhise, duniya laga hawa ke jor pora dhori thakise, eneka pora pura duniya, aru samundar, aru ghas khan ke hawa namaribole nimite\f + \fr 7.1 \fr*\ft Dan. 7:2; Zec. 6:5.\ft*\f*. 
\v 2 Titia moi aru ekta sorgodoth ke purab pora ahi thaka dikhise, tai logote jinda Isor laga chihna thakise. Tai dangor awaj pora jun charta sorgodoth khan ke prithibi aru samundar te dukh dibole nimite adesh dise, taikhan 
\v 3 ke koise, “Prithibi ke dukh nadibi, aru samundar ke bhi, aru ghas khan ke bhi jitia tak moi khan Isor laga noukar khan ke matha te chihna mari nadiye\f + \fr 7.3 \fr*\ft Eze. 9:4.\ft*\f*.” 
\v 4 Titia moi hunise kun manu khan ke etu chihna dise: 144,000, kiman Israel laga bacha khan laga ase etu chihna dise:
\q
\v 5 Baroh hajar Judah laga jat khan ke chihna dise,
\q Baroh hajar Reuben laga jat khan ke,
\q Gad laga Baroh hajar jat khan ke chihna dise,
\q
\v 6 Asher laga baroh hajar jat khan ke chihna dise,
\q Baroh hajar Naphtali jat khan ke,
\q Baroh hajar manasseh laga jat khan ke,
\q
\v 7 Simeon laga Baroh hajar jat khan ke chihna dise,
\q Baroh hajar Levi laga jat khan ke,
\q Baroh hajar Issachar laga jat khan ke chihna dise,
\q
\v 8 Baroh hajar Zebulun laga jat khan ke dise,
\q Joseph laga baroh hajar jat khan ke chihna dise,
\q Aru baroh hajar Benjamin laga jatikhan ke chihna mari dise.
\s Sob Jati Pora Ginti Koribo Napara Manu
\p
\v 9 Eitu khan sob huwa pichete moi saise, aru ta te bisi manu thakise kun bhi ginti kori bole napara thakise- sob desh, jati, manu, aru alag kotha kowa manu thakise- singhason aru Mer usorte khara kori thakise. Taikhan boga kapra pindhi kene thakise aru palm ghas laga pata hathte loi kene thakise, 
\v 10 Aru taikhan dangor awaj pora mati kene koise,
\pi “Anonto jibon moi khan Isor laga ase, etu ekjon kun singhason te bohi ase, aru Mer ke bhi!\f + \fr 7.10 \fr*\ft Rev. 19:1; Psa. 3:8.\ft*\f*”
\m
\v 11 Aru sob sorgodoth singhason usorte khara kori thakise, aru bura manu khan usorte charta janwar khan thakise, aru jhukikena taikhan laga matha singhason usorte rakhikena Isor ke aradhana kori thakise, 
\v 12 aru koise,
\pi “Amen! Adar aru mohima aru gyaan aru dhanyavad aru prosansa aru hokti aru takot hodai aru hodai nimite moi khan laga Isor ke hobo dibi! Amen!”
\m
\v 13 Titia ekjon cholawta moike hudise, aru koise, “Eitu khan kun ase, kun boga kapra lagai kene ase, aru taikhan kot pora ahise?” 
\v 14 Titia moi taike jowab dise, “Moi laga Probhu, Apuni jane.” Titia tai moike koise, “Eitu khan sobse dangor dukh pora ulaikene aha khan ase. Taikhan laga kapra dhulai loise aru Mer laga khun pora boga kori loise.
\q
\v 15 Etu nimite, taikhan Isor laga singhason usorte khara kori ase
\q2 Aru Tai laga ghor te din aru rati taike mohima di ase.
\q2 Tai laga tambu khuli kene taikhan uporte lagai dibo\f + \fr 7.15 \fr*\ft Rev. 22:3; Psa. 134:1-2.\ft*\f*.
\q2
\v 16 Taikhan aru kitia bhi bhuka nathakibo, aru kitia bhi pyaas nalagibo,
\q2 Aru suryo laga gorom taikhan uporte kitia bhi nalagibo.
\q
\v 17 Etu Mer kun singhason laga majote bohi ase taikhan ke cholai kene loijabo
\q2 Aru taikhan ke jinda pani usorte thaki bole dibo,
\q Aru Isor he taikhan laga sob suku pani mussai dibo\f + \fr 7.17 \fr*\ft Psa. 23:1-2; Isa. 25:8.\ft*\f*.”
\c 8
\s Mohor Aru Suna Laga Bati
\p
\v 1 Aru jitia Mer pora sat-ta chihna to khuli se, purah sorgote adha ghonta tak ekdom chup thakise. 
\v 2 Titia moi sat-ta sorgodoth khan kun Isor usorte khara hoi thaka dikhise, aru taikhan ke sat-ta bhigul dise.
\p
\v 3 Dusra ekjon sorgodoth ahise, tai suna laga bati bhal gundh pora bhorta kori kene thaka dhori thakise, aru bedi usorte khara hoi kene thakise. Bisi mitha sugandh taike dise kelemane tai pora he etu daan koribo, sob pobitro manu khan laga prathana loi kene, utu suna laga bedi te juntu singhason usorte ase. 
\v 4 Etu mitha sugandh laga dhuwa, pobitro manu khan laga prathana logote, sorgodoth laga hath pora uthi kene Isor usorte jaise\f + \fr 8.4 \fr*\ft Psa. 141:2.\ft*\f*. 
\v 5 Titia sorgodoth etu mitha sugandh laga bati loi kene puja kora laga bedi laga jui pora bhorta kori loise. Tai prithibi te etu phelai dise, aru titia bhijili nisena dangor awaj ulaise, ujala hoise aru mati khan hili se.
\s Sat-ta Bigul
\p
\v 6 Titia sat-ta sorgodoth khan kunke sat-ta bhigul dise, taikhan awaj kori bole nimite taiyar korise.
\p
\v 7 Prothom sorgodoth pora tai laga bhigul bojaise, aru titia pathor aru khun logote jui milai kene ulaise. Titia etu ke prithibi te phelai dise, aru prithibi laga tin bhag juli jaise, aru tin bhag laga ghas khan juli jaise, aru jiman bhi hara ghas thakise, eitu khan sob juli jaise\f + \fr 8.7 \fr*\ft Eze. 38:22.\ft*\f*.
\p
\v 8 Titia dusra sorgodoth pora tai laga bhigul bojaise, aru kiba ekta dangor pahar jui pora juli thaka nisena samundar te phelai dise. Aru tin bhag laga samundar khun hoi jaise\f + \fr 8.8 \fr*\ft Exo. 7:17; Jer. 51:25.\ft*\f*, 
\v 9 aru tin bhag samundar te jinda thaka janwar khan sob mori jaise, aru tin bhag jahaaj khan sob khotom hoi jaise.
\p
\v 10 Titia tisra sorgodoth pora tai laga bhigul bojaise, aru dangor ekta tara akas pora girise, ujala kori kene ase, aru etu tin bhag laga nodi te girise aru sapha panite giri jaise. 
\v 11 Etu tara laga naam to Wormwood thakise. Aru etu laga tin bhag pani pura tita hoi jaise, aru bisi manu etu pani khai kene mori jaise\f + \fr 8.11 \fr*\ft Jer. 9:15. \ft*\f*.
\p
\v 12 Titia choutha sorgodoth tai laga bhigul bojaise, aru suryo laga tin bhag te lagi jaise, aru chand laga tin bhag eneka hoise aru tara khan laga tin bhag bhi eneka hoi jaise, etu pora tin bhag pura andhera hoi jaise. Din laga tin bhag te ujala nathaka hoise, aru etu nisena rati bhi eneka hoi jaise\f + \fr 8.12 \fr*\ft Isa. 13:10; Joe. 2:10.\ft*\f*.
\p
\v 13 Titia moi saise, aru moi chil chiriya laga awaj hunise tai matha uporte uri kene dangor awaj pora mati kene koi thakise, “Hai, hai, hai ase jun manu prithibi te thaki ase, kelemane aru bhi tinta sorgodoth khan laga bhigul bajabole ase.”
\c 9
\p
\v 1 Titia pansta ula sorgodoth tai laga bhigul bojaise aru moi dikhise sorgo pora ekta tara prithibi te giri jaise. Etu tara ke khotom nathaka mati niche laga chabi di dise. 
\v 2 Jitia tai khotom nathaka mati niche laga dorja khuli se, ta te laga dhuwa upor phale dangor jui nisena uthijaise. Suyro aru hawa etu laga dhuwa pora andhar hoi jaise.\f + \fr 9.2 \fr*\ft Joe. 2:10. 30.\ft*\f* 
\v 3 Titia etu dhuwa pora phoring pukakhan prithibi te ahise, aru taikhan ke bhichoo nisena prithibi te takot dise. 
\v 4 Aru taikhan prithibi laga ghas aru nohoile hara thaka ghas nohoile hara thaka ghas khan ke nuksan nakoribole, kintu kun manu taikhan laga matha te chihna laga nai taikhan ke he nuksan kori bole koise\f + \fr 9.4 \fr*\ft Eze. 9:4.\ft*\f*. 
\v 5 Aru taikhan ke manu ke morai dibole nimite kowa nai, kintu khali taikhan ke panch mohina tak dukh dibole koise. Aru taikhan laga dukh to hoile jitia ekta bhichoo pora kamure aru bikhai eneka he taikhan dukh pabo. 
\v 6 Aru etu laga din khan te manu khan mori bole mon jabo, kintu mori bole na paribo. Taikhan mori jabole nimite itcha koribo, kintu mora taikhan pora polai jabo\f + \fr 9.6 \fr*\ft Job. 3:21; Jer. 8:3.\ft*\f*. 
\v 7 Aru etu phoring pukakhan lorai te jabole ghora khan ke taiyar kora nisena ase. Aru taikhan laga matha te suna laga mukut lagai kene thaka nisena dikhise, aru taikhan laga chehera manu laga chehera nisena thakise\f + \fr 9.7 \fr*\ft Joe. 2:4.\ft*\f*. 
\v 8 Aru taikhan laga chuli mahila khan laga chuli nisena ase, aru taikhan laga dath to bagh laga dath nisena he thakise. 
\v 9 Taikhan laga chati te laga thali khan loha laga thali nisena dikhise, aru taikhan laga pankha laga awaj lorai te polaikene jai thaka ghora khan nisena thakise. 
\v 10 Aru taikhan laga puchur te bhichoo pora dunkh mari bole thaka nisena taikhan laga puchur te bhi thakise, aru taikhan laga puchur te manu khan ke panch mohina tak dukh dibole nimite takot thakise. 
\v 11 Taikhan uporte raj kora laga raja to khotom nathaka mati niche laga duth ase. Tai laga naam Ibrani bhasa te Abaddon ase, aru Yunani te tai laga naam Apollyon thakise.
\p
\v 12 Poila dukh to paar korise. Sabi! Etu pichete aru bhi duita dukh ahibole baki ase.
\p
\v 13 Titia choita ula sorgodoth tai laga bhigul bojaise, aru moi ekta awaj janwar laga seing pora ahi thaka hunise kun to Isor age te rakhi thaka suna pora bona bedi pora ulaise. 
\v 14 Titia etu awaj pora choita sorgodoth ke koise kun logote bhigul thakise, “Etu charta sorgodoth kunkhan Euphrates Nodi te bandhi kene ase, taikhan ke chari dibi.” 
\v 15 Karone etu charta sorgodoth, kunkhan ke etu homoi, etu din, etu mohina, aru etu saal, nimite taiyar kori thakise, taikhan ke chari dise. Aru taikhan tin bhag manu jati khan ke morai dibole nimite chari dise. 
\v 16 Ghora pichete thaka sipahi khan sob milai kene 200,000,000 thakise. Moi taikhan laga ginti hunise. 
\v 17 Etiya moi ghora laga sapna dikhise aru taikhan uporte te bohi kene thaka khan ke bhi dikhise, chati te thaka thali to lal rong, nila rong, aru jui nisena haldi rong thakise. Ghora khan laga matha sabole bagh laga matha nisena thakise, aru taikhan laga mukh pora jui aru dhuwa ulai thakise. 
\v 18 Tin bhag manu khan etu laga tinta dukh pora mori jaise: Jui pora, dhuwa pora aru taikhan laga mukh pora jui ula pora. 
\v 19 Kelemane etu ghora laga takot to tai laga mukh te aru puchur te thakise- taikhan laga puchur to hoile saph pora matha thaka nisena, aru etu pora taikhan manu ke jokhom dise. 
\v 20 Kun manu etu sob dukh pora nomori kene bachi jaise, taikhan pora ki paap kaam korise, etu pora mon ghura nai aru suna, chandi, pitol, pathor aru khuri pora bona murti ke puja nakoribole rukhanai- eitu khan pora eku dikhi bole napare, aru huni bole bhi napare, aru taikhan bera bole napare\f + \fr 9.20 \fr*\ft 1 Chr. 34:25.\ft*\f*. 
\v 21 Aru, taikhan manu ke morai diya pora mon ghura nai, aru jadu kora pora bhi ghura nai, biya letera kaam, aru chor kori kene aha pora bhi taikhan mon ghura nai.
\c 10
\s Sorgodoth Aru Huru Kitab
\p
\v 1 Arubi moi dusra maha sorgodoth ke sorgo pora ahi thaka dikhise. Tai badal pora bondh kori kene thakise, aru tai laga matha uporte dhanush thakise. Tai laga chehera suryo nisena aru Tai laga theng khan jui juli thaka khamba nisena thakise. 
\v 2 Tai ekta huru kitab dhori thakise, aru etu tai laga hathte khuli se. Tai laga dyna theng samundar te rakhise aru tai laga baya theng matite rakhise. 
\v 3 Titia Tai bagh pora hala kora nisena dangor awaj pora hala korise. Jitia tai hala korise, sat-ta bhijili nijor laga awaj te kotha kobole shuru hoise. 
\v 4 Jitia sat-ta bhijili kotha koise, aru moi likhi bole thakise, kintu moi sorgo pora ekta awaj hunise aru koise, “Sat-ta bhijili pora ki koise etu lukai kene rakhibi. Etu kitab te nilikhibi\f + \fr 10.4 \fr*\ft Dan. 8:26; 12:4.\ft*\f*.” 
\v 5 Aru moi kuntu sorgodoth samundar aru prithibi te khara hoi thaka dikhise tai laga dyna hath to sorgo phale uthaise. 
\v 6 Aru Tai kun hodai aru hodai nimite jinda ase Tai laga naam kosom khaise, aru kun he etu sob aru ta te thaka sob saman bonaise, etu prithibi aru sob saman khan, aru samundar te ki ase, “Aru etiya olop bhi deri nahobo. 
\v 7 Kintu sat-ta sorgodoth laga awaj dinte, jitia Tai laga bhigul bajabo taiyar hobo, titia Isor laga asurit kaam to purah hoi jabo, kineka Tai laga noukar bhabobadi khan ke etu bhal kotha koi disele\f + \fr 10.7 \fr*\ft Amos3:7; Eph. 3:3.\ft*\f*.” 
\v 8 Titia kun to awaj moike sorgo pora kotha korise aru moike koise: “Jabi, sorgodoth kun samundar aru matite khara kori ase Tai laga hath pora etu kitab to lo bhi.” 
\v 9 Titia moi sorgodoth logote jai kene moike etu kitab to dibole nimite koise. Tai moike koise, “Lo bhi aru khai lobi. Etu pora tumi laga peth to tita koribo, kintu tumi laga mukh mou pani nisena mitha kori dibo\f + \fr 10.9 \fr*\ft Eze. 3:1-3.\ft*\f*.” 
\v 10 Titia moi sorgodoth laga hath pora etu kitab to loi kene khai loise. Aru moi laga mukh to mou pani nisena mitha hoi jaise, kintu moi jitia etu khaise, moi laga peth tita hoi jaise. 
\v 11 Titia kunba pora moike koise, “Tumi aru bisi manu ke etu bhabobani kobi, desh khan ke, alag bhasa kowa manu khan ke, aru raja khan ke.”
\c 11
\s Duita Sakhi
\p
\v 1 Etu pichete, ekta patla lathi nisena moike naap kori bole nimite dise. Moike koise, “Uthibi aru Isor laga mondoli aru bedi laga naap lobi, aru kun manu ta te aradhana kore taikhan laga bhi naap lobi\f + \fr 11.1 \fr*\ft Zec. 2:1\ft*\f*. 
\v 2 Kintu mondoli laga bahar jaga to naap nolobi, etu to Porjati manu khan ke di dise. Taikhan etu pobitro sheher Jerusalem ke tin saal adha tak theng pora chipa bo. 
\v 3 Aru Moi laga duita gawahi khan ke adhikar dibo, aru taikhan 1,260 din tak bhabobani kobo, bosta laga kapra lagai kene.” 
\v 4 Etu duita oliv ghas aru duita saaki jola laga khuri ase juntu prithibi laga Probhu usorte khara ase\f + \fr 11.4 \fr*\ft Zec. 4:3.\ft*\f*. 
\v 5 Kunba manu etu ke nuksan kori bole kosis korile, taikhan laga mukh para jui ulaikene dushman khan ke khotom kori dibo. 
\v 6 Taikhan logote akas to bondh kori bole adhikar ase kelemane jitia taikhan bhabobani kobo etu homoi te pani nagiribo. Taikhan logote pani ke khun bonai dibole takot ase aru etu prithibi te alag kisim laga dukh aru bemar pora bhorta kori bole nimite taikhan logote adhikar ase. 
\v 7 Jitia taikhan laga gawahi kora to khotom hobo, etu khotom nakora mati nichete thaka janwar taikhan uporte lorai koribo. Taikhan ke morai dikene sob jiti lobo. 
\v 8 Taikhan laga mora gaw to dangor sheher laga rasta te giri thakibo -kuntu ke Sodom aru Egypt koi- jun jagate taikhan laga Probhu ke Cross te mari disele. 
\v 9 Aru tin din adha tak sob jati, desh aru alag kotha kowa manu khan taikhan laga mora gaw to sabo aru taikhan laga gaw to kobor te hali bole nimite nadibo. 
\v 10 Aru kiman manu etu prithibi te ase, taikhan etu dikhi kene khushi koribo. Taikhan ekjon-ekjon ke uphar dikene duita bhabobadi khan kun duniya te thakise etu naam pora khushi koribo. 
\v 11 Kintu tin din adha pichete Isor laga saas to taikhan uporte di dibo, aru taikhan laga theng te khara hobo aru kun manu etu dikhibo taikhan bisi bhoi koribo. 
\v 12 Titia sorgo pora dangor awaj pora taikhan ke koi thaka hunibo, “Yate uporte ahibi!” Titia taikhan badal pora sorgote jai jabo, aru taikhan laga dushman khan sai thakibo. 
\v 13 Thik etu homoi te, mati dangor pora hili bo, aru sheher laga dos bhag khotom hoi jabo. Sat-ta hajar manu etu homoi te moribo, aru kun manu bachi jai taikhan bhoi lagibo aru etu dikhi kene Isor ke mohima dibo.
\p
\v 14 Aru dusra hai kotha bhi paar hoise. Sabi! Tisra hai kotha to joldi ahi ase.
\s Sat-ta Ula Bigul
\p
\v 15 Titia sat-ta sorgodoth pora tai laga bhigul bajaise, aru sorgote dangor awaj khan pora koise,
\q “Etu duniya laga rajyo to Probhu aru Khrista laga rajyo hoise,
\q Aru Tai hodai nimite raj koribo\f + \fr 11.15 \fr*\ft Dan. 7:27; Zec. 14:9.\ft*\f*.”
\m
\v 16 Titia choubees bura manu khan, kun Isor laga usorte singhason te bohi ase taikhan laga matha niche kori kene Isor ke aradhana koribo. 
\v 17 Taikhan koise,
\q “Moi khan Apuni ke dhanyavad di ase, Mohan Probhu Isor, kun thakise, aru hodai ase,
\q Apuni dangor takot to loi loise aru raj korise.
\q
\v 18 Etu desh khan khong uthise,
\q2 Kintu Apuni laga khong to ahise,
\q2 Aru mora manu khan ke bisar kori bole nimite,
\q Aru Apuni laga noukar khan ke inam dibole nimite,
\q2 Bhabobadi aru pobitro manu khan ke inam dibole nimite,
\q2 Aru kun manu apuni laga naam te bhoi kori kene thake,
\q2 Chutu aru dangor,
\q Aru kun manu etu prithibi to khotom kore taikhan ke khotom kori dibole nimite.”
\p
\v 19 Titia sorgote thaka mondoli to khuli jaise aru Probhu laga vachan laga ark to tai laga mondoli majote dikhise. Etu homoi te dangor bhijili ujala ahise, jor pora hala kori kene, aru mati hili se aru dangor pathor khan girise.
\c 12
\s Mahila Aru Ajgar Janwar
\p
\v 1 Titia ekta dangor chihna sorgote ulaise: ekjon mahila suryo pora kapra lagai kene, aru chand tai laga theng nichete, aru baroh ta tara laga mukut tai laga matha te pindhise. 
\v 2 Tai bacha bhuki thakise, aru bacha jonom hobole laga bikha pora kandi thakise, aru bacha ulabole nimite dukh pai thakise. 
\v 3 Titia aru dusra ekta chihna sorgote ulaise: Sabi, ekta dangor ajgar janwar tai laga dosta matha aru dosta seing, aru sat-ta mukut tai laga matha te ase. 
\v 4 Aru tai laga puchur pora tin bhag tara sorgote jhari kene hatai dise aru prithibi phale phelai dise. Aru etu ajgar janwar bacha pabole thaka mahila usorte khara korise, jitia tai bacha pabo, etu ajgar janwar pora bacha ke khai dibole. 
\v 5 Titia utu mahila pora ekta mota bacha jonom dise, aru tai etu desh ke loha laga lathi pora raj chola bole thakise. Tai laga bacha ke Isor aru singhason usorte chingi kene loi jaise, 
\v 6 aru etu mahila jongol te polai jaise, tai nimite Isor pora ekta jaga taiyar kori kene rakhidise, taike 1,260 din tak bhal kori kene sai dibole.
\s Saitan Ke Prithibi Te Girai Dise
\p
\v 7 Etiya sorgote dangor lorai hoise. Michael aru tai laga sorgodoth khan etu ajgar janwar logote lorai korise; aru etu ajgar janwar bhi tai laga duth khan ke loi kene lorai korise\f + \fr 12.7 \fr*\ft Michael to sorgodoth khan majot sobse dangor jon ase, aru taike Israel desh laga rakhsak eneka mate: Dan.10:21.\ft*\f*. 
\v 8 Kintu etu ajgar janwar aru tai laga duth khan takot thaka nathaka hoi jaise aru taikhan nimite akash te thaki bole jaga bhi nathaka hoise. 
\v 9 Etu karone dangor ajgar janwar ke nichete phelai dise- purana ekta saph, taike bhoot atma aru Saitan koi, tai pura duniya ke thogai diye- taike prithibi te phelai dise, aru tai laga duth khan bhi tai logote phelai dise\f + \fr 12.9 \fr*\ft John 12:31.\ft*\f*. 
\v 10 Titia moi sorgo pora dangor awaj te koi thaka hunise,
\q “Etiya amikhan laga poritran aru takot
\q2 Aru Isor laga rajyo to ahise,
\q2 Aru Tai laga Khrista laga adhikar ase.
\q Moi laga bhai khan ke dukh diya ekjon ke nichete phelai dise,
\q2 Kun pora Isor usorte din aru rati taikhan ke dukh dise.
\q
\v 11 Taikhan Mer bacha laga khun aru gawahi pora sob to jiti loise,
\q Kelemane mori bole thaka homoi te bhi taikhan nijor laga jibon to morom kora nai.
\q
\v 12 Etu nimite sorgo khan khushi koribi, aru
\q Kiman manu ta te thaki ase! Kintu prithibi aru samundar khan dukh hobo,
\q2 Kelemane saitan to tumikhan majote ase!
\q Tai bisi khong pora bhorta hoi ase,
\q2 Tai jani ase tai logote olop homoi he bachi kene ase!
\p
\v 13 Aru jitia taike prithibi nichete phelai dise koi kene ajgar janwar to janise, tai jai kene etu mota bacha jonom diya mahila ke digdar dise\f + \fr 12.13 \fr*\ft Girja pora biswasi khan ke jonom diya. \ft*\f* . 
\v 14 Kintu etu mahila ke chil chiriya laga pankha nisena duita dise, tai etu loi kene jongol phale tai laga jagate polai jabo nimite, etu jagate taike tin saal aru adha tak nimite bhal kori kene sai dibo, homoi, aru olop homoi nimite- etu saph laga chehera age pora dur te thaki bole. 
\v 15 Etu nimite saph pora tai laga mukh pora nodi nisena pani etu mahila laga pichete jabo dise, etu pora ban-pani aha nisena mahila ke loi jabole nimite. 
\v 16 Kintu prithibi pora mahila ke modot korise aru prithibi pora mukh khuli kene sob pani to khai loise. 
\v 17 Titia ajgar pora mahila uporte bisi khong uthise aru tai laga khandan khan uporte lorai kori bole nimite jaise, kun manu Isor laga kotha mani thakise aru Jisu laga gawahi dhori kene thakise, taikhan ke khotom kori bole nimite lorai korise. 
\v 18 Titia etu ajgar samundar usorte khara korise.
\c 13
\s Prothom Janwar
\p
\v 1 Titia moi ekta janwar samundar pora ulaikene aha dikhise. Etu janwar laga dosta seing aru sat-ta matha thakise. Aru matha khan ke dosta mukut thakise, aru ekta-ekta matha uporte Isor ke bodnam kora naam khan thakise.\f + \fr 13.1 \fr*\ft Dan 7:3; Rev 12:3. \ft*\f* 
\v 2 Aru etiya kuntu janwar moi dikhise etu sabole ekta chetak nisena thakise. Tai laga theng to bhalu laga theng nisena, aru tai laga mukh ekta bagh janwar laga mukh nisena thakise. Ajgar janwar pora taike takot dise aru tai laga singhason dise, aru sob manu ke raj kori bole laga adhikar dise. 
\v 3 Ekta janwar laga matha to morai diya nisena dikhise, kintu tai laga bahar jokhom khan bhal hoi jaise. Pura prithibi to asurit hoi kene tai laga piche jaise. 
\v 4 Taikhan etu ajgar janwar ke puja korise, kelemane tai pora tai laga adhikar etu janwar ke dise. Aru taikhan etu janwar ke bhi puja korise aru koi thakise, “Etu janwar nisena aru kun ase?” Aru “Kun he tai logote lorai kori bole paribo?” 
\v 5 Etu janwar ke phutani laga kotha khan aru Isor ke bodnam diya kotha khan kobole nimite mukh dise, aru tin saal adha tak etu sob kaam khan kori bole nimite adhikar dise. 
\v 6 Titia etu janwar Isor laga biya kotha koise, Tai laga naam ke hinsa korise, aru Tai kun jagate thake etu laga biya kobole, aru jiman manu sorgote thake, taikhan sob laga biya kobole tai laga mukh khuli se. 
\v 7 Aru etu janwar ke biswasi aru pobitro manu khan uporte lorai kori bole nimite aru taikhan uporte jiti lobole nimite takot dise. Aru sob jati, desh, bhasa aru manu khan uporte adhikar dise\f + \fr 13.7 \fr*\ft Dan. 7:21.\ft*\f*. 
\v 8 Aru jiman manu prithibi te thake, taikhan sob etu ke puja koribo, aru kunkhan laga naam kitab te likha nai taikhan bhi, duniya bona laga suru pora, Jibon laga Kitab te, juntu Mer bacha laga ase, kunke morai disele. 
\v 9 Jodi kunba manu kan ase koile, tai huni lobi.
\q
\v 10 Kunba manu ke bandhi kene loi jabole ase koile,
\q2 Taike eneka he loijabo.
\q Jodi kunba manu ke talwar pora mora bole ase koile,
\q2 Etu talwar pora he tai moribo\f + \fr 13.10 \fr*\ft Heb.15:2; 42:11.\ft*\f*.
\m Etu he nomro, dukh kosto koribo para aru pobitro khan laga biswas ase.
\s Dusra Ula Janwar
\p
\v 11 Titia moi aru bhi ekta janwar prithibi pora ulaikene ahi thaka dikhise, aru tai to ajgar janwar nisena kotha koi. 
\v 12 Tai laga usorte poila ulaikena aha janwar laga kiman adhikar ase sob to dikhai dise, aru etu prithibi aru ta te thaka kiman manu ase sobke etu poila janwar ke puja kori bole nimite dise- etu ekjon kun laga bahar laga jokhom to bhal hoi jaisele. 
\v 13 Tai bisi dangor asurit kaam khan korise, aru tai manu usorte sorgo pora jui prithibi te bhi ahibole dise aru manu khan ke dikhai dise\f + \fr 13.13 \fr*\ft 1 Kin. 18:24-29.\ft*\f*. 
\v 14 Aru juntu sob chihna khan janwar laga usorte kori bole nimite adhikar dise, jiman manu prithibi te ase taikhan ke thogai dise. Aru taikhan ke janwar laga murti bona bole nimite koise kun logote talwar laga jokhom ase, kintu jinda ase. 
\v 15 Aru etu janwar laga murti ke saas dibole nimite monjuri dise, kelemane etu janwar laga murti to kotha kobole paribo, aru kun manu etu murti ke puja nokorile taike morai dibo\f + \fr 13.15 \fr*\ft Dan 3:5-6.\ft*\f*. 
\v 16 Taikhan joborjosti korise, chutu aru dangor, dhuni aru gorib, noukar aru aram pora thaka manu, taikhan laga matha age te nohoile dyna hathte chihna mari bole nimite. 
\v 17 Aru etu karone, kun manu bhi etu chihna nathakile eku bhi bikiri aru kini bole na paribo jitia tak taikhan logote etu laga chihna nathakibo- etu janwar laga naam, nohoile tai naam laga ginti. 
\v 18 Yate gyaan ase: kun manu bujhi bole pare, tai etu janwar laga ginti to ongkho kori lobi. Kelemane etu ekjon manu laga ginti ase, aru tai laga ongkho to hoile 666 ase.
\c 14
\s Mer Bacha Aru 144,000
\p
\v 1 Titia moi saise aru Zion Pahar te Mer bacha khara kori thaka dikhise. Tai logote 144,000 thakise aru Tai laga Baba laga naam taikhan laga matha age te likhi kene thakise. 
\v 2 Aru sorgo pora ekta awaj, juntu bisi pani laga awaj nisena aru dangor pani ahibole awaj ahi thaka nisena moi hunise. Aru moi huna to hoile baja bajai thaka khan pora taikhan laga bajana te awaj ulai diya nisena hunise\f + \fr 14.2 \fr*\ft Isa 43:2. \ft*\f*. 
\v 3 Aru taikhan cholawta aru charta jinda thaka janwar aru singhason usorte notun gana gai thakise. Kun pora bhi etu gana kori bole najane, khali 144,000 jun khan ke prithibi pora kini kene anise, taikhan he etu gana kori bole pare. 
\v 4 Aru taikhan mahila khan logote nijorke paap kaam kori kene aha manu khan nohoi, taikhan ekdom sapha ase. Aru taikhan kun jagate Mer bacha jai, Tai laga piche jai thaka khan ase. Taikhan ke manu laga majot pora daam tirai kene loi ana ase, Isor laga poila bacha khan aru Mer bacha nimite. 
\v 5 Taikhan laga mukh te eku misa kotha panai, kelemane taikhan ekdom sapha ase.
\s Sorgodoth Tinjon Laga Khobor
\p
\v 6 Titia moi aru ekjon sorgodoth ke hawa te uri thaka dikhise, aru tai logote prithibi manu khan nimite kitia bhi khotom nakora susamachar thakise- sob desh, jati, bhasha, aru manu khan nimite. 
\v 7 Tai dangor awaj pora matise, “Isor ke bhoi koribi aru Taike Mohima dibi. Kelemane bisar kora laga homoi ahise. Kun pora sorgo aru prithibi, samundar aru sapha pani bonaise.”
\p
\v 8 Aru ekjon sorgodoth pora etu sorgodoth pichete ahise, aru koise, “Girise, dangor Babylon to girise, kun he sob desh khan ke tai laga bebichari draikha ros to khabole dise\f + \fr 14.8 \fr*\ft Isa. 21:9; Jer. 51:7.\ft*\f*.”
\p
\v 9 Aru dusra sorgodoth taikhan laga piche korise, aru dangor awaj pora koise, “Kunba manu etu janwar aru tai laga murti ke puja korile, aru jodi tai laga chihna matha aru dyna hathte loile, 
\v 10 tai bhi Isor laga khong to dikhibo, etu ros Tai laga khong laga kup te ki logote bhi namilai kene hali dise. Taike Mer bacha aru Tai laga pobitro sorgodoth usorte kitia bhi khotom nakora laga jui te phelai kene dukh dibo\f + \fr 14.10 \fr*\ft Isa 51:17.\ft*\f*. 
\v 11 Aru taikhan laga dukh pa laga dhuwa uporte hodai nimite jabo aru taikhan din aru rati aram napabo- etu janwar aru tai laga murti ke puja kora manu khan, aru kun manu etu laga naam laga chihna to loi. 
\v 12 Yate dikhibo pare pobitro khan pora dukh kosto aru nomro kori kene thaka, kun manu Isor laga kotha mane aru Jisu uporte biswas kori kene thake.”
\p
\v 13 Titia moi sorgo pora ekta awaj koi thaka hunise, “Etu likhibi: Asirbad ase etu mora manu khan kun etiya pora Probhu nimite mori bole ase.” “Hoi,” Pobitro Atma pora koi ase, “Taikhan laga dukh pora aram pabo, kelemane taikhan ki kaam korise etu taikhan laga pichete ahibo.”
\s Prithibi Bisar Kora
\p
\v 14 Titia moi saise aru ta te ekta boga badal thakise. Badal te bohi thaka ekjon manu laga bacha nisena thakise. Tai laga hathte ekta dhar hashua hathiar thakise aru Tai laga matha te suna laga mukut thakise\f + \fr 14.14 \fr*\ft Dan 10:16.\ft*\f*. 
\v 15 Titia dusra sorgodoth mondoli pora ulai ahikena badal te bohi thaka ke dangor awaj pora koise: “Tumi laga hashua lobi aru kati bole shuru koribi, kelemane kata laga homoi ahise, prithibi laga dhaan to pakki jaise.” 
\v 16 Titia badal te bohi thaka pora tai laga hashua-hathiar ulaikene prithibi te cholai se, aru titia prithibi laga kata homoi pura hoise.
\p
\v 17 Titia aru ekjon sorgodoth sorgo laga mondoli pora ulaikene ahise, tai logote bhi dhar thaka hashua hathiar thakise. 
\v 18 Aru dusra ekjon sorgodoth juli thaka puja laga bedi pora ulaikene ahise aru tai logote jui laga adhikar thakise. Tai dangor awaj pora kun laga hathte dhar hashua hathiar ase taike matise, aru koise, “Tumi laga dhar hashua hathiar lobi aru prithibi pora angur khan joma koribi, kelemane taikhan laga angur khan sob pakkise.” 
\v 19 Titia etu sorgodoth tai laga hashua hathiar loi kene prithibi te kiman angur pakki kene ase eitu khan ke uthaise. Tai angur joma kori kene angur mihin kora jagate Isor laga khong nimite phelai dise. 
\v 20 Titia, Jerusalem sheher laga bahar te angur mihin kora laga khuri hali kene thakise, aru etu khuri pora khun ulai thakise aru etu pora khun ula to ghora laga matha tak ponchise 1,600 tak.
\c 15
\s Sat-ta Sorgodoth khan Laga Sat-ta Bemar
\p
\v 1 Etu pichete aru bhi asurit chihna sorgote dikhise: sat-ta sorgodoth sat-ta dukh loi kene- hekh laga dukh digdar khan, etu pora Isor laga khong pura hoi jabo.
\p
\v 2 Titia moi dikhise shisa laga samundar jui te milai kene kun manu etu janwar aru murti ke jiti loise, aru tai laga naam laga ginti uporte jiti loise, taikhan etu shisa laga samundar te khara hoi thakise, Isor pora diya bajana khan loi kene khara hoi thakise. 
\v 3 Taikhan Moses laga gana gai thakise, Isor laga noukar aru Mer bacha laga gana gai thakise,
\q “Dangor aru asurit ase Apuni laga kaam
\q2 Probhu Isor, sobse Mohan.
\q Apuni laga rasta bhal aru hosa ase,
\q2 Oh dharmik manu laga raja\f + \fr 15.3 \fr*\ft Ps 111:2; 139:14;145:17. \ft*\f*.
\q
\v 4 Kun manu apnike bhoi nokoribi, Probhu, aru Apuni laga naam ke mohima nadibo\f + \fr 15.4 \fr*\ft Ps 86:9; Jer 10:7; Mal 1:11. \ft*\f*?
\q Kelemane Apuni pobitro ase.
\q2 Sob desh khan ahibo
\q2 Aru Apuni usorte mohima koribo
\q Kelemane Apuni laga bhal kaam khan sob dikhai dise.”
\p
\v 5 Etu sob huwa pichete moi saise, aru mondoli te gawah khan laga tambu sorgote khuli jaise. 
\v 6 Aru mondoli bahar te ulai ahi kene sat-ta sorgodoth sat-ta dukh digdar khan dhori kene thakise. Taikhan laga kapra sapha thakise, mihin kapra aru taikhan laga chati te suna pora bonai kene thaka huru kapra khan lagai kene thakise. 
\v 7 Charta janwar majot pora ekjon he sat-ta sorgodoth khan ke sat-ta bati Isor laga khong pora bhorta thaka, taikhan ke dise, Tai jun hodai aru hodai nimite jinda ase. 
\v 8 Titia Isor laga Mohima aru takot pora mondoli to dhuwa pora bhorta hoi jaise. Kun bhi ta te jabole napare jitia tak sat-ta dukh sat-ta sorgodoth khan pora pura nakore\f + \fr 15.8 \fr*\ft Isa 6:4.\ft*\f*.
\c 16
\s Isor Laga Khong Laga Sat-ta Bati
\p
\v 1 Titia moi hunise ekta dangor awaj mondoli pora sat-ta sorgodoth khan ke koi thaka, “Jabi aru sat-ta bati pora Isor laga khong to prithibi te hali dibi.”
\p
\v 2 Titia poila sorgodoth jai kene tai laga bati pora prithibi te hali dise. Titia biya aru bikhai thaka ghaw kun manu khan janwar laga chihna loi kene thakise taikhan uporte ahise aru kun manu etu murti ke puja kori thakise taikhan uporte ahise.
\p
\v 3 Aru dusra sorgodoth pora tai laga bati pora samundar te hali dise. Etu khun hoi jaise, ekta mora manu laga khun nisena, aru kiman jinda saman samundar te thakise sob mori jaise.
\p
\v 4 Titia tisra sorgodoth tai laga bati sapha pani aru nodi te hali dise aru etu khun hoi jaise. 
\v 5 Aru pani laga duth pora koi thaka moi hunise,
\q “Apuni dharmik ase-Ekjon kun ase aru kun thakise, Pobitro ekjon-
\q2 Kelemane Apuni etu sob bisar korise.
\q
\v 6 Kelemane taikhan pobitro khan aru bhabobadi khan laga khun hali dise,
\q2 Apuni taikhan ke khun khabole nimite dise;
\q Taikhan etu pabole nimite yogya ase.”
\m
\v 7 Titia moi bedi pora koi thaka hunise,
\q “Hoi, Mohan Probhu Isor,
\q Apuni laga bisar dharmik ase\f + \fr 16.7 \fr*\ft Ps 119:137; 19:9. \ft*\f*.”
\p
\v 8 Titia choutha sorgodoth tai laga bati suryo te hali dise, aru manu khan ke jui pora jolai dibole nimite koise. 
\v 9 Etu pora manu kobo napara gorom pora julise, aru taikhan Isor laga naam ke hinsa koise, kun sob dukh digdar uporte adhikar ase. Taikhan mon ghura nai aru Taike aradhana kora nai.
\p
\v 10 Titia pansta sorgodoth pora tai laga bati loi kene janwar laga singhason te hali dise, aru etu para tai laga rajyo andhar hoi jaise. Taikhan bikhai kene nijor laga jiba kamuribole shuru hoise. 
\v 11 Etu pora taikhan sorgote thaka Isor ke biya koise, taikhan bikhai thaka aru ghawkhan nimite, kintu eneka korile bhi taikhan laga biya kaam pora mon ghura nai.
\p
\v 12 Titia choi-ta ula sorgodoth pora tai laga bati dangor nodi te hali dise, juntu Euphrates ase. Etu laga pani sukhi jaise, purab pora ahibole taiyar kori thaka raja khan nimite\f + \fr 16.12 \fr*\ft Isa 44:27. \ft*\f*. 
\v 13 Titia moi tinta dusto atma khan ke dikhise, bengh khan ajgar janwar laga mukh pora bahar te ulai thaka nisena, aru janwar laga mukh pora ulaise, aru misa bhabobadi khan laga mukh pora ulai thaka dikhise. 
\v 14 Taikhan dusto atma khan thakise kunkhan asurit chihna dikhai thakise. Mohan Isor laga dangor dinte lorai kori bole nimite duniya laga raja khan ke joma kori thakise. 
\v 15 -“Sabi! Moi kun pora bhi najana homoi te, chor nisina, achanak ahibo! Asirbad ase etu manu kun tai laga kapra lagai kene sai ase aru rukhi ase, kelemane taikhan kapra nalagai kene berai nathakibo aru taikhan laga sorom khan to nadikhibo.”- 
\v 16 Titia taikhan sobke eke logote anise ekta jaga juntu laga naam Ibrani bhasa te Armaggedon koi.
\s Sob Bhangai Diya Khong Laga Bati
\p
\v 17 Titia sat-ta ula sorgodoth tai laga bati hawa te hali dise. Titia mondoli laga bahar pora dangor ekta awaj ulaise, aru singhason pora koise, “Etu sob hoise!” 
\v 18 Titia ta te bhijili laga ujala marise, awaj dise, aru bhijili korise, aru dangor mati hili se- jineka kitia bhi huwa nai jun to din pora manu ke prithibi te bonaise, etu mati hila iman dangor thakise, ekdom dangor thakise\f + \fr 16.18 \fr*\ft Mt 24:31.\ft*\f*. 
\v 19 Dangor sheher tinta bhag hoi jaise, aru desh laga sheher khan khotom hoi jaise. Titia Isor usorte mohan Babylon ke yaad korise, aru Tai laga khong laga kup taike dise. 
\v 20 Titia sob majuli khan polaise, aru pahar khan napa-a hoise. 
\v 21 Aru manu khan uporte dangor borop pathor, ekdom bhari, sorgo pora ahikena taikhan uporte girise. Titia manu khan Isor laga naam ke hinsa korise kelemane etu borop pathor khan taikhan uporte girise, aru etu dukh to bisi biya thakise.
\c 17
\s Mohan Bebichar Aru Janwar
\p
\v 1 Titia sat-ta sorgodoth khan majote ekjon kun laga hathte sat-ta bati thakise, ahi kene moike kotha korise, aru koise, “Ahibi, Moi tumike dikhai dibo ekjon bebichari ke, jun laga bisar hoise aru jun bisi pani uporte bohi ase. 
\v 2 Etu prithibi laga raja khan tai logote biya kaam korise, aru etu prithibi te thaka khan ke tai laga bebichari laga draikha-ros to khabole dise.” 
\v 3 Titia sorgodoth pora moike pobitro Atma te ekta jongol te loi jaise, aru moi dikhise ekjon mahila ke, kun ekta lal rong kutta janwar uporte bohi thakise jun laga uporte Isor ke bodnam kora laga naam khan bhorta thakise. Etu janwar laga sat-ta matha aru dosta seing thakise. 
\v 4 Etu mahila to begoni rong kapra lagai kene thakise aru moti, suna aru daam laga pathor lagai kene sabole sundur dikhi thakise. Tai laga hathte suna laga kup dhuri thakise juntu te tai laga bebichari kaam pora bhorta hoi kene thakise. 
\v 5 Aru tai laga matha age te naam likhi kene thakise, bujhi bole napara ekta: “Mohan Babylon, bebichari khan laga ama aru prithibi ke letera kori diya ekjon.” 
\v 6 Moi dikhise etu mahila to biswasi, pobitro aru Jisu laga gawah khan laga khun khai thakise. Jitia moi taike dikhise, moi bisi asurit hoise. 
\v 7 Kintu sorgodoth pora moike koise, “Kile tumi asurit lagi ase? Moi etu mahila laga lukai kene thaka khan kobo aru etu sat-ta matha aru dosta seing thaka janwar laga bhi kun taike bukhi ase. 
\v 8 Etu janwar tumi pora dikha to hoile jinda thakise, tai etiya jinda nai, kintu tai aru bhi khotom nathaka mati niche pora ulaikene ahibole ase. Titia etu pora pura sob bhangai dibo. Kun manu etu prithibi te thaki ase, kun manu laga naam duniya bona homoi pora Jibon laga Kitab te naam likha nai- taikhan etu janwar ke dikhi kene asurit lagibo, kelemane tai poila te thakise, aru etiya nai, hoile bhi tai ahibole ase. 
\v 9 Etu gyaan thaka khan nimite bhabona kori bole laga ase: etu sat-ta matha khan sat-ta pahar ase kun uporte te mahila pora bohi ase. Aru eitu khan sat-ta rajakhan bhi ase: 
\v 10 pansta rajakhan giri jaise, ekjon ase aru dusra ekjon aha nai. Kintu jitia tai ahibo, tai olop homoi nimite he thaki bole lagibo. 
\v 11 Etu janwar kun thakise, kintu etiya nai, tai nijor bhi ath ginti laga raja thakise; kintu tai bhi sat-ta raja majote ekjon thakise, aru tai sob khotom kori dibole nimite jai ase. 
\v 12 Dosta seing thaka to hoile dosta rajakhan ase, kintu taikhan ek ghanta janwar logote raja hobole nimite adhikar pabo\f + \fr 17.12 \fr*\ft Dan. 7:24.\ft*\f*. 
\v 13 Eitu khan sob ekta bhabona ase, aru taikhan laga adhikar aru takot sob janwar ke di dibo. 
\v 14 Taikhan Mer bacha logote lorai koribo. Kintu Mer bacha pora taikhan uporte jiti lobo, tai he Probhu laga Probhu aru Raja laga Raja ase- aru Tai logote thaka khan ke bachi luwa aru biswasi luwa khan mate.” 
\v 15 Titia sorgodoth pora moike koise, “Etu pani kuntu tumi dikhise, kun jagate bebichari bohe, eitu khan sob manu laga bhir khan, desh khan aru alag bhasa kowa manu khan ase. 
\v 16 Tumi kuntu dosta seing aru janwar dikhise- taikhan bebichari ke ghin koribo. Taikhan pora tai laga kapra khuli kene sorom khilai dibo, tai laga gaw mangso ke kamuribo, aru jui pora taike pura julai dibo. 
\v 17 Kelemane Isor pora taikhan laga monte eneka kori bole koi dise, aru ekta kaam he kori bole dise, aru taikhan laga rajyo ke janwar ke dibole nimite koi dise, jitia tak Isor laga kotha to pura nohoi jai. 
\v 18 Etiya kun to mahila ke tumi dikhise, tai he utu dangor sheher ase, juntu pora prithibi laga raja khan uporte raj cholai.”
\c 18
\s Babylon Giri Juwa
\p
\v 1 Etu pichete moi aru ekjon sorgodoth ke sorgo pora ahi thaka dikhise. Tai logote adhikar thakise, aru pura prithibi Tai laga Mohima pora bhorta hoi jaise. 
\v 2 Tai kandi kene dangor awaj pora koise,
\q “Mohan Babylon giri jaise!
\q2 Tai bhoot khan thaka jaga hoi jaise,
\q Sob biya atma laga ghor,
\q2 Aru sob biya aru letera chiriya laga ghor\f + \fr 18.2 \fr*\ft Isa. 13:21, Jer. 50:39, 51:37.\ft*\f*.
\q
\v 3 Sob desh khan tai laga bebichar laga draikha ros khaikena nisa hoise.
\q2 Sob prithibi laga raja khan tai logote bebichar kaam korise.
\q Prithibi laga vyapari manu khan bhi tai kineka mangso laga itcha te thaki ase, etu saikene dhun hoise\f + \fr 18.3 \fr*\ft Jer. 51:7.\ft*\f*.”
\q
\v 4 Titia moi sorgo pora aru ekta awaj koi thaka hunise,
\q2 “Tai pora ulaikene ahibi, Moi laga manu khan
\q2 Tumikhan tai laga paap te bhag nolobole nimite,
\q2 Aru etu pora tai pabole thaka dukh tumi uporte nahibo nimite\f + \fr 18.4 \fr*\ft Isa. 52:11, Jer. 50:8, 51:45.\ft*\f*.
\q
\v 5 Kelemane Babylon laga paapkhan sorgo tak ponchise,
\q2 Aru Isor pora tai laga paap kaam khan sob yaad kori ase.
\q
\v 6 Tai ki dise etu wapas taike di dibi
\q2 Aru tai laga kaam saikene taike aru bisi dibi;
\q2 Aru tai milai kene rakha kup te, tai nimite aru bisi milai kene taike di dibi\f + \fr 18.6 \fr*\ft Psa. 137:8.\ft*\f*.
\q
\v 7 Kelemane tai nijorke dangor kori kene aram pora thakise,
\q2 Taike bisi dukh chinta aru mon dukh dibi.
\q Kelemane tai nijor laga monte koi,
\q2 ‘Moi rani nisena bohi ase;
\q Moi bidhowa mahila nohoi,
\q2 Aru moi kitia bhi kanda nadikhibo.’
\q
\v 8 Etu karone ek dinte he tai laga dukh ahibo:
\q2 Mora, kanda, aru akaal ahibo.
\q Taike jui pora khai dibo,
\q2 Kelemane Probhu Isor Mohan ase, aru Tai he taike bisar koribo\f + \fr 18.8 \fr*\ft Jer. 50:31. \ft*\f*.”
\m
\v 9 Prithibi laga raja khan kun tai laga pichete jai kene sob bebichar korise, tai juli kene dhuwa ulai thaka to dikhi kene kandi kene hala koribo\f + \fr 18.9 \fr*\ft 50:46. \ft*\f*. 
\v 10 Taikhan dur te khara koribo, aru tai dukh pa to dikhi kene kobo,
\q “Oh, oh mohan sheher,
\q2 Babylon takot thaka ekta sheher!
\q Kelemane ek ghanta bhitor te tumi laga bisar hoi jaise\f + \fr 18.10 \fr*\ft Jer. 51:8-9.\ft*\f*.”
\m
\v 11 Titia prithibi laga dhun manu khan taike saikene kandise, kelemane tai laga saman khan kun bhi nakina hoise- 
\v 12 bahar pora ana suna, chandi, daam laga pathor, moti, mihin kapra, begoni rong kapra, resham kapra, lal rong laga kapra, sob kisim laga bhal aru daam citron laga khuri, bhal para bona bati khan, pitol, luha, aru marble, 
\v 13 masala khan, mitha sugandh tel, angur ros, kisim laga tel, mihin pora sapha kori rakha atta, saguli aru goru, ghora aru ghora gari, noukar aru manu laga atma khan. 
\v 14 Tumi laga pakki juwa phol, tumi laga atma laga itcha, sob tumi pora jai jaise. Sob aram aru dikhawa tumi pora jai jaise, aru etu kitia bhi wapas napabo. 
\v 15 Etu saman laga malik khan kun taike saikene dhuni hoisele etiya tai pora dur hoi jaise, kelemane tai laga dukh paikene thaki thaka to saikene bhoi lagise aru dur te jai kene khara hoi jaise.
\m
\v 16 Taikhan kobo,
\q “Oh, oh etu mohan sheher
\q2 Kun bhal kapra lagai kene thakise,
\q3 Begoni rong te, aru lal rong kapra lagai kene thakise,
\q2 Aru suna pora bhorta hoi kene,
\q3 Daam laga heera, aru moti khan lagaikena thakise!
\q2
\v 17 Ek ghanta bhitor te tai laga sob dhun to khotom hoi jaise.”
\m Sob jahaaj laga henedhikari khan ta te safar kora khan, aru cholai thaka aru kiman manu etu samundar pora kamai thakise, dur te khara hoi jaise.
\m
\v 18 Taikhan kandise jitia tai juli thaka laga dhuwa to dikhise. Taikhan koise, “Mohan sheher nisena aru kuntu sheher ase?\f + \fr 18.18 \fr*\ft Jer. 51:37. \ft*\f*” 
\v 19 Taikhan laga matha pora dhula jharise, aru jor pora kandise, mon dukh korise, aru koise,
\q “Oh, oh etu mohan sheher
\q2 Kun logote taikhan laga jahaaj ase
\q2 Samundar te tai laga dhun pora dhuni hoise
\q Kelemane ek ghanta te taike khotom kori dise.”
\q
\v 20 “Tai uporte khushi koribi, O sorgo,
\q2 Aru tumi pobitro khan, apostle khan, aru bhabobadi khan,
\q Kelemane Isor pora he tumikhan laga bisar tai uporte kori dise!\f + \fr 18.20 \fr*\ft Jer. 51:63-64, Eze. 26:21.\ft*\f*”
\p
\v 21 Titia ekta mohan sorgodoth pora dangor pathor uthaikene samundar te phelai dise, aru koise,
\q “Etu nisena, Babylon, mohan sheher ke bhi,
\q2 Dukh te phelai dibo
\q2 Aru taike kitia bhi nadikha hoi jabo.
\q
\v 22 Gana baja manu khan,
\q3 Aru bhigul baja manu khan laga gana aru
\q2 Tumi kitia bhi nahunibo.
\q Bhal saman bona manu aru tumi
\q2 Khan kitia bhi napabo.
\q Dhaan khunda laga awaj aru
\q2 Tumikhan kitia bhi nahunibo.\f + \fr 18.22 \fr*\ft Isa. 24:8; Eze. 26:13; Rev. 18:22. \ft*\f*
\q
\v 23 Saaki laga ujala
\q2 Tumikhan ke kitia bhi ujala nadibo.
\q Shadi kora mahila aru mota laga awaj aru
\q2 Kitia bhi nahunibo,
\q Kelemane tumikhan laga vyaparikhan to prithibi laga raja khan thakise,
\q2 Aru pura desh tumikhan laga jadu-tona pora thogai dise\f + \fr 18.23 \fr*\ft Jer. 7:34, 16:9. \ft*\f*.
\q
\v 24 Bhabobadi aru pobitro manu khan laga khun tai uporte paise,
\q2 Aru taikhan sob laga khun, kunkhan ke etu prithibi te morai dise\f + \fr 18.24 \fr*\ft Jer. 51:49.\ft*\f*.”
\c 19
\s Sorgote Anondo
\p
\v 1 Etu pichete sorgo pora manu laga dangor bhir laga awaj ulaikena koi thaka hunise,
\q “Hallelujah.
\q Poritran, mohima, aru takot moi khan laga Isor ke.
\q2
\v 2 Tai laga bisar hosa aru bhal ase,
\q Kelemane Tai mohan bebichar ke bisar korise
\q2 Kun bebichar kaam kori kene prithibi ke letera kori dise.
\q Tai laga noukar khan laga khun ulai diya ke badla loise,
\q2 Tai laga hath pora\f + \fr 19.2 \fr*\ft Deu. 32:43. \ft*\f*.”
\m
\v 3 Titia bhir khan aru dusra bar hala korise:
\q Hallelujah!
\q Tai pora ulai thaka dhuwa hodai aru hodai nimite thakibo\f + \fr 19.3 \fr*\ft Ps 106:48. \ft*\f*.”
\m
\v 4 Titia choubees bura manu khan aru charta janwar athukari kene Isor kun singhason te bohi thakise taike aradhana korise aru koise,
\q “Amen. Hallelujah!”
\m
\v 5 Titia singhason pora ekta awaj ahi kene, koise,
\q “Moi khan laga Isor ke dhanyavad ase,
\q2 Tai laga sob noukar,
\q Aru Kun Taike bhoi kore, chutu aru dangor sob\f + \fr 19.5 \fr*\ft Psa. 135:1.\ft*\f*.”
\s Mer Bacha Laga Shadi Bhojan
\m
\v 6 Titia moi bisi manu laga awaj nisena hunise, aru nodi te pani jai thaka nisena, aru akas te bhijili mara nisena aru koise,
\q “Hallelujah!
\q Moi khan laga Mohan Probhu Isor raj kore.
\q
\v 7 Moi khan naam untcha uthaikene khushi koribo
\q2 Aru Taike mohima dibo
\q Kelemane Mer bacha laga shadi kori bole homoi ahise,
\q2 Aru Taike shadi kori bole thaka maiki taiyari hoi kene rukhi ase.
\q
\v 8 Tai nijorke taiyari kori kene thaki bole koi dise
\q2 Ujala aru mihin kapra lagai kene.”
\q -Kelemane mihin kapra lagai kene thaka to hoile pobitro manu khan laga dharmik kaam khan ase.-
\p
\v 9 Titia sorgodoth pora moike koise, “Etu likhibi: Asirbad ase kunkhan ke Mer bacha laga shadi te matise.” Tai eneka aru moike koise, “Eitu khan sob Isor laga hosa kotha khan ase.” 
\v 10 Titia moi Tai laga theng te giri kene aradhana korise, kintu tai moike koise, “Eneka nokoribi! Moi bhi tumi nisena Isor laga ekjon noukar ase tumi aru biswasi bhai khan logote Jisu laga gawahi dhori kene ase. Isor ke mohima dibi. Kelemane Jisu laga gawahi to atma laga bhabobani ase.”
\s Boga Ghora Te Boha
\p
\v 11 Titia moi sorgo khula dikhise, aru ta te ekta boga ghora thakise, aru etu uporte bohi thaka ke bhal aru hosa matise, aru Tai bisar kore aru dharmik pora lorai kore\f + \fr 19.11 \fr*\ft Psa. 96:13.\ft*\f*. 
\v 12 Tai laga suku juli thaka jui nisena ase, aru Tai laga matha te bisi mukut thakise. Tai laga naam likha thakise aru etu naam kun bhi najane khali tai pora he jane. 
\v 13 Tai lagai thaka kapra khun te hali kene thaka nisena ase, aru tai laga naam to Isor laga kotha ase. 
\v 14 Sorgo laga sipahi khan sob boga ghora te uthi kene tai laga pichete jai thakise, aru taikhan sundur, aru boga mihin kapra lagai kene thakise. 
\v 15 Aru tai laga mukh pora dhar talwar ulaise, etu pora desh khan ke mari dibo, aru rokhiya khan pora tai laga mer khan ke lathi pora mara nisena, taikhan ke bhi eneka koribo. Tai angur laga ros uporte chipai diya nisena Mohan Isor laga khong bhi taikhan uporte ahibo. 
\v 16 Tai laga kapra aru tai laga theng te naam likhi kene ase: “Raja laga raja aru Probhu laga Probhu.\f + \fr 19.16 \fr*\ft 1 Tim. 6:15. \ft*\f*”
\p
\v 17 Titia moi ekjon sorgodoth ke suyro te khara hoi thaka dikhise. Tai jor awaj pora matise, kiman chiriya akas te uri thakise taikhan koise, “Ahibi! Isor laga dangor khana khan din nimite sob eke logote joma kori lobi\f + \fr 19.17 \fr*\ft Eze. 39:19-20.\ft*\f*, 
\v 18 titia tumikhan pora raja khan laga mangso khabole nimite, aru senapoti khan laga, aru mohan manu khan laga, aru ghor khan aru taikhan laga uporte bohi thaka khan laga, sob manu laga, khuli kene berai thaka aru noukar khan laga, chutu aru dangor khan laga mangso khabole nimite.”
\p
\v 19 Titia moi janwar aru prithibi laga raja khan, aru taikhan laga sipahi khan dikhise. Taikhan etu ghora uporte bohi thaka aru tai laga sipahi khan logote lorai kori bole nimite joma kori thakise. 
\v 20 Titia janwar ke dhori loise, aru tai logote kiman misa bhabobadi khan kun tai usorte chihna khan dikhai thakise, juntu pora tai janwar laga chihna thaka bisi jonke thogai dise aru kun tai laga murti ke puja korise. Duijon ke jui juli thaka te jinda pora phelai dise kun to kitia bhi khotom nohoi. 
\v 21 Aru sipahi kiman bachi kene thakise, taikhan sobke ghora te bohi thaka laga mukh pora ula talwar pora morai dise, aru chiriya khan sob laga pet to taikhan laga mangso pora bhorta hoi jaise.
\c 20
\s Ek Hajar Saal
\p
\v 1 Titia moi ekjon sorgodoth sorgo pora ahi thaka dikhise. Tai logote khotom nathaka mati niche laga chabi thakise, aru tai laga hathte luha laga rusi dangor dhori kene thakise. 
\v 2 Tai ajgar janwar ke dhori loise, poila pora thaka saph ke, kun to bhoot, aru Saitan ase, aru hajar saal tak tai bandi loise. 
\v 3 Titia taike khotom nathaka mati nichete phelai dise, aru bondh kori kene tai uporte mohor mari dise, aru etu pora tai hajar saal khotom nohua tak aru desh khan ke thogai nadibole nimite. Etu pichete, taike olop homoi nimite chari dibo.
\p
\v 4 Titia moi singhason khan dikhise. Ta te taikhan bohise- sob atma khan kun laga matha khan Jisu laga gawahi aru kotha nimite kati dise, aru kunkhan janwar aru tai laga murti ke puja kora nai aru matha age te aru hathte tai laga chihna luwa nai- taikhan ke bisar korise. Taikhan jinda hoi jaise, aru Khrista logote hajar saal raj korise. 
\v 5 -Aru dusra khan jinda huwa nai aru jibon panai jitia tak hajar saal to pura huwa nai-. Etu prothom punoruthan ase. 
\v 6 Etu manu asirbad aru pobitro ase kun poila punoruthan laga bhag ase! Etu te dusra bar mora laga eku takot nai, kintu taikhan Isor aru Khrista laga purohit khan hobo, aru Tai logote hajar saal raj koribo.
\s Saitan Ke Jiti Luwa
\p
\v 7 Kintu jitia hajar saal pura hoi jabo, Saitan ke tai laga bondhi ghor pora chari dibo. 
\v 8 Aru tai prithibi laga charta kinar laga desh te jai kene bisi manu khan ke thogai dibo- Gog aru Magog- manu khan ke lorai kori bole nimite joma koribo. Aru taikhan balu aru samundar nisena bisi manu thakibo. 
\v 9 Taikhan prithibi laga bhoyam jagate jabo aru pobitro manu aru taikhan morom kora sheher ke gheri lobo. Kintu sorgo pora jui ahi kene taikhan ke khotom kori dibo\f + \fr 20.9 \fr*\ft Eze. 39:6. \ft*\f*. 
\v 10 Titia Saitan he, kun taikhan ke thogai dise, jui laga nodi te phelai dise, kun jagate janwar aru tai laga misa bhabobadi khan ase. Taikhan ke din aru rati hodai nimite dukh dibo\f + \fr 20.10 \fr*\ft Mt 25:46. \ft*\f*.
\s Boga Dangor Singhason Bisar
\p
\v 11 Titia moi dangor boga singhason dikhise aru ta te bohi thaka ekjon, Tai laga usor pora prithibi aru sorgo polai jai thakise, kintu taikhan jabole nimite kot te bhi jaga panai\f + \fr 20.11 \fr*\ft Mat. 25:31, 47:8.\ft*\f*. 
\v 12 Aru titia moi mora khan ke dikhise- chutu aru dangor- singhason usorte khara kori thakise, aru kitab khan khuli jaise. Titia aru dusra kitab ekta khuli se, kun to Jibon laga Kitab ase. Mora khan ke kitab te ki likha ase etu pora bisar korise, taikhan laga kaam hisab te\f + \fr 20.12 \fr*\ft Dan 7:12.\ft*\f*. 
\v 13 Samundar bhitor te mori kene thaka khan bhi uthise. Mora aru Hades pora mori kene thaka khan sob uthise, aru sob manu khan ke taikhan laga kaam hisab te bisar korise. 
\v 14 Titia Mora aru Hades ke jui laga nodi te phelai dise. Etu dusra bar mora ase- jui laga nodi. 
\v 15 Kun laga naam Jibon laga Kitab te likha nai, taike jui laga nodi te phelai dise\f + \fr 20.15 \fr*\ft John 3:36; 1 John 5:11-12. \ft*\f*.
\c 21
\s Notun Sorgo Aru Notun Prithibi
\p
\v 1 Etu pichete moi notun sorgo aru notun prithibi dikhise, prothom prithibi aru prothom sorgo to harai jaise, aru samundar khan nathaka hoi jaise\f + \fr 21.1 \fr*\ft Isa. 66:22.\ft*\f*. 
\v 2 Aru moi pobitro sheher dikhise, notun Jerusalem Isor laga sorgo pora ahi thakise, ekjon shadi kora mahila tai laga mota ke taiyari kori kene lok pabole aha nisena. 
\v 3 Aru titia moi dangor awaj singhason pora koi thaka hunise, “Sabi! Isor laga ghor to manu khan logote ase, aru Tai Nijor he taikhan logote thakibo. Taikhan he Tai laga manu hoi jabo, aru Isor Tai nijor bhi taikhan logote thakibo. 
\v 4 Isor pora taikhan laga suku pani mussi dibo, aru ta te mora nathakibo, aru mon dukh, kanda, aru bikha khan eku nathaki jabo. Eitu khan aru kitia bhi nahobo kelemane age laga sob to harai jabo. 
\v 5 Titia ekjon kun singhason te bohi thakise Tai koise, “Sabi! Moi sob to notun kori dise.” Tai moike koise, “Etu likhibi kelemane etu kowa khan sob hosa aru biswas kori bole laga kotha ase.” 
\v 6 Tai aru bhi moike koise, “Etu sob kaam pura hoise! Moi alpha aru omega ase, shuru aru ses ase. Kun manu pyaas lagi ase moi taike eku daam noloikene sapha jibon laga pani dibo. 
\v 7 Kun manu sob jiti lobo tai etu sob pai jabo, aru moi Tai laga Isor hobo, aru tai Moi laga bacha hobo. 
\v 8 Kintu mon chutu khan, biswas nathaka khan, ghin kaam kora khan, manu ke morai diya khan, bebichar kaam kora khan, jadu montor kora khan, murti puja kora khan, aru sob kisim misa koi thaka khan, taikhan laga jaga jui para hodai juli thaka nodi te hobo. Etu duibar mora to ase.”
\s Notun Jerusalem
\p
\v 9 Titia sat-ta sorgodoth khan majote ekjon sorgodoth moi usorte ahise, etu ekjon kun logote sat-ta bati te hekh dukh pora bhorta kori kene dhori thakise, aru tai moi logote kotha korise, aru koise, “Yate ahibi. Moi tumike shadi kora maiki to dikhai dibo, jun Mer bacha laga maiki ase.” 
\v 10 Titia tai moike uthaikene atma pora dangor aru untcha pahar te loi jaise aru moike pobitro Jerusalem sheher Isor laga sorgo pora ahi thaka dikhise. 
\v 11 Isor laga mohima ta te thakise, aru etu to ekta daam aru sapha sundur pathor pora chamki thaka nisena dikhise. 
\v 12 Aru ta te dangor, untcha diwar aru baroh ta dorja thakise, aru baroh ta sorgodoth khan dorjate thakise. Dorjate naam khan likhi kene thakise, aru etu naam khan Israel laga baroh ta chokra laga jati laga naam thakise. 
\v 13 Purab te tinta dorja thakise, uttor te tinta dorja, dakshin te tinta dorja, aru paschim te tinta dorja thakise. 
\v 14 Aru sheher laga diwar te baroh ta mojbut bhetimul thakise, aru eitu khan te Mer bacha laga baroh ta apostle khan laga naam thakise. 
\v 15 Kun pora moi logote kotha korise tai logote naap luwa laga suna pora bona laga lathi thakise aru etu pora sheher, aru tai laga dorja, aru diwar khan naap kori bole nimite. 
\v 16 Etu sheher laga jaga bisi dangor thakise; aru etu sheher laga lamba phale aru untcha phale eke thakise. Tai naap kora laga khuri pora naapi se aru etu baroh hajar laga dangor thakise -aru etu laga lamba, dangor, aru untcha sob eke thakise.- 
\v 17 Tai diwar khan bhi napi loise, 144 manu laga naap hisab te thakise -aru etu sorgodoth laga naap logot eke thakise- 
\v 18 etu laga diwar khan daam laga pathor pora bonaise aru sheher to asli suna laga thakise, aru gilas nisena sapha thakise. 
\v 19 Aru etu sheher laga diwar laga bhetimul khan bisi sundur aru sob kisim laga daam pathor pora bonai kene rakhise. Prothom bhetimul to jasper asele, dusra bhetimul to sapphire laga thakise, tinta ula to agate, aru charta ula to emerald laga thakise, 
\v 20 pansta ula oynx thakise, choita ula to carnelian, sat-ta to hoile chrysolite laga thakise, anth ta to hoile beryl, nou ta to topaz, aru dosta to hoile chrysoprase, egaroh to hoile jacinth aru baroh ta to hoile amethyst eneka thakise. 
\v 21 Aru baroh ta dorja to hoile baroh moti laga thakise; ekta dorja khan ekta moti pora bonai kene thakise. Sheher laga rasta khan asli suna laga thakise, ekdom sapha gilas nisena thakise. 
\v 22 Aru moi etu sheher te ekta bhi mondoli dikha nai, kelemane Mohan Probhu Isor aru Mer bacha he ta te laga mondoli ase. 
\v 23 Etu sheher te suryo aru chand laga ujala eku dorkar thaka nai. Kelemane Isor laga mohima ta te ujala diye, aru tai laga saaki to Mer bacha he ase. 
\v 24 Aru desh khan etu sheher laga ujala te berabo, aru prithibi laga raja khan sob mohima ta te he ani kene dibo. 
\v 25 Aru ta te dorja khan dinte kitia bhi bondh nohobo, ta te aru rati kitia bhi nathakibo. 
\v 26 Taikhan sob desh laga adar aru mohima ta te he anibo, 
\v 27 kintu eku letera saman ta te jabole na paribo, aru kun chalak aru biya kaam kore, taikhan ta te jabo na paribo, kintu khali kun laga naam Mem bacha laga jibon laga kitab te likhi kene ase taikhan he ta te jabole paribo.
\c 22
\s Jibon Laga Nodi
\p
\v 1 Titia sorgodoth pora moike jibon laga pani dikhai dise, crystal nisena sapha thakise. Aru etu Isor laga singhason aru Mer bacha laga singhason pora giri thakise. 
\v 2 Sheher laga rasta majot pora aru nodi laga duita kinar te jibon laga ghas thakise, aru etu ghas te baroh ta alag-alag phol ulaikene dikhise aru baroh mohina te ekta phol dhori thakise. Aru ghas laga pata khan desh ke changai kori bole karone thakise. 
\v 3 Aru ta te eku biya paapkhan nai. Isor aru Mer bacha laga singhason etu sheher te thakibo, aru tai laga noukar khan taike sewa koribo. 
\v 4 Taikhan pora Isor laga chehera dikhibo, aru Tai laga naam taikhan laga matha age te likhibo. 
\v 5 Ta te aru rati kitia bhi nohobo, aru taikhan saaki laga ujala aru suryo laga puhor nalagibo kelemane Isor he taikhan ke ujala dibo, aru taikhan Isor logote hodai aru hodai nimite raj koribo.
\s Jisu Ahi Ase
\p
\v 6 Titia sorgodoth pora moike koise, “Etu sob kotha khan hosa aru biswas kori bole laga ase. Etu Probhu, bhabobadi khan laga atma khan laga Isor pora Tai laga sorgodoth ke tai laga noukar usorte pathai dise aru dikhai dise ki to joldi hobole ase.” 
\v 7 “Sabi! Moi joldi ahi ase! Asirbad ase etu manu kun etu kitab laga bhabobani aru kotha mani kene thake.”
\p
\v 8 Moi, John, etu sob kotha dikhise aru ki hobole ase etu sob moi hunise. Jitia moi etu hunise aru dikhise, moi nichete aradhana kori bole nimite girise etu sorgodoth usorte kun he moike etu sob to dikhai thakise. 
\v 9 Kintu Tai moike koise, “Tumi eneka nokoribi! Moi bhi tumi nisena ekjon noukar ase, tumi laga bhai bhabobadi khan nisena aru taikhan kun etu kitab laga kotha mani thake. Isor ke mohima dibi!”
\p
\v 10 Titia Tai moike koise, “Etu kitab laga bhabobani aru kotha khan ke mohor lagaikena bondh na koribi, kelemane sob pura hobole laga homoi to ahi ase. 
\v 11 Kun manu biya adharmikta te ase, taike eneka he biya pora thaki bole dibo. Kun manu mon letera kori kene thaki ase, taike eneka he thaki bole dibi. Kun manu bhal pora thaki ase, tai aru bhi bisi bhal pora thakibi. Aru kun manu pobitro hoi kene ase, tai aru bhi bisi pobitro hoi kene thakibi.” 
\v 12 “Sabi! Moi joldi ahi ase, aru moi laga inam moi laga hathte ase, kun ki kaam korise etu hisab dibole nimite\f + \fr 22.12 \fr*\ft Mat. 16:27. \ft*\f*. 
\v 13 Moi he alpha aru omega ase, prothom aru hekh bhi moi he ase, shuru aru ses bhi moi ase. 
\v 14 Asirbad ase kun tai laga kapra dhulai kene rakhi ase etu pora taikhan moi logote jibon laga ghas pora khabole paribo aru etu sheher laga dorja pora ghusi bole paribo. 
\v 15 Bahar te kutta khan ase, mangso laga itcha kori thaka khan, manu morai diya khan, murti puja kora manu, aru sob manu kun misa to mani kene morom kori kene thake.
\p
\v 16 Moi, Jisu, pora sorgodoth khan ke etu kotha khan kobole nimite aru gawahi dibole nimite girja khan te pathai dise. Moi jor ase aru David laga khandan ase, ujala thaka phojur laga tara.”
\p
\v 17 Pobitro Atma aru shadi kori bole thaka mahila pora koi, “Ahibi!” Etu nimite kun huni ase, “Ahibi!” Kun pyaas lagi ase, taike ahibole dibi kun itcha kori ase, tai khushi pora etu jibon laga pani lobole dibi\f + \fr 22.17 \fr*\ft Isa. 55:1.\ft*\f*.
\p
\v 18 Moi etu kitab laga bhabobani sob manu kun etu kotha hunibo taikhan ke gawahi di ase: Jodi kunba etu kotha te aru bisi kotha dhale, Isor he tai uporte sob dukh khan hali dibo kun to etu kitab te likhi kene ase\f + \fr 22.18 \fr*\ft Deu. 12:32.\ft*\f*. 
\v 19 Aru jodi kunba bhabobani laga kitab te ki likhi kene ase etu hatai diye, Isor he jibon laga ghas pora aru etu pobitro sheher pora bhi tai laga bhag hatai dibo, kuntu laga kotha etu kitab te likhi kene ase\f + \fr 22.19 \fr*\ft Psa. 69:28; Deu. 4:2.\ft*\f*.
\p
\v 20 Kun manu etu sob kotha laga gawahi dibo kobi, “Hoi! Moi joldi ahi ase.” Amen! Ahibi, Probhu Jisu!
\p
\v 21 Probhu Jisu laga anugrah Tai laga manu khan sob logote thaki bole dibi. Amen.