\id HEB - Indian Revised Version (IRV) Nagamese
\ide UTF-8
\ide UTF-8
\h Hebrews
\toc1 Hebrews khan Ke Likha Chithi
\toc2 Hebrews
\toc3 Heb
\mt Hebrews khan Ke Likha Chithi
\c 1
\s Isor Laga Putro He Sobse Mohan Adhikari
\p
\v 1 Purana dinte amikhan baba laga baba khan logote Isor pora alag-alag bhabobadi khan dwara bisi bar kisim kotha koise. 
\v 2 Kintu etu hekh din khan te, Isor he Tai laga ekjon Putro dwara amikhan logote kotha korise, junke Tai sob laga waris hobole nimite basi loise. Tai pora he pura shristi bonai dise\f + \fr 1.2 \fr*\ft Jon. 1:3; 1 Cor. 8:6.\ft*\f*. 
\v 3 Jisu he ujala pora bhorta thaka Isor laga mohima dikhai diya jon ase. Tai laga kotha laga hokti pora sob to dhori kene ase. Jitia Tai paapkhan sapha kori dise, Tai jai kene Mohan Isor laga dyna hathte bohise. 
\v 4 Sorgodoth khan pora bhi Tai he sobse untcha hoise kelemane Taike diya uttoradhikari laga naam bhi sorgodoth khan pora bhi bisi mohan ase. 
\v 5 Kun to sorgodoth ke Isor pora eneka koise,
\q “Tumi Moi laga chokra ase,
\q Aji Moi tumi laga baba hoi jaise”?
\q Aru bhi,
\q “Moi taikhan laga baba hobo,
\q Aru taikhan Moi laga ekjon chokra hobo\f + \fr 1.5 \fr*\ft 2 Sam. 7:14; 1 Chr. 17:13; Psa. 2:7.\ft*\f*”?
\p
\v 6 Kintu aru jitia Isor poila jonom kora bacha ke duniya te ane, Tai koi, “Sob Isor laga duth khan Taike mohima koribi.” 
\v 7 Aru sorgodoth khan ke Tai pora koi,
\q “Tai he ekjon ase kun he sorgodoth khan ke atma bonai,
\q Aru Tai laga noukar khan ke juli thaka jui bonai\f + \fr 1.7 \fr*\ft Yunani bhasa te ‘hawa’ aru ‘atma’ likha ase.\ft*\f*.”
\p
\v 8 Kintu Tai laga Putro ke Isor koi,
\q “Tumi laga singhason, Isor, hodai aru hodai nimite ase.
\q Tumi laga rajyo to dharmik ase aru tumi thik niyom pora he manu khan ke bisar kore.
\q
\v 9 Tumi bhal kaam he khushi pai aru niyom laga niyom nathaka ke ghin kore.
\q Etu nimite Isor, Tumi laga Isor, pora he apuni ke khushi laga tel hali kene basi loise.
\q Aru etu to tumi logote thaka sathi khan pora bhi bisi dangor laga khushi ase\f + \fr 1.9 \fr*\ft Psa. 45: 6-7.\ft*\f*.”
\q
\v 10 “Shuru te, Probhu, tumi prithibi bonaise.
\q Aru sorgo to Tumi laga hath pora bona kaam ase\f + \fr 1.10 \fr*\ft Psa. 102:25; Gen. 1:1.\ft*\f*.
\q
\v 11 Taikhan harai jabo, kintu Tumi hodai thakibo.
\q Taikhan sob purana hoija kapra nisena he hoi jabo.
\q
\v 12 Lamba kapra ke lipai kene rakha nisena Tumi taikhan ke lipai kene rakhidibo,
\q Aru kapra bodli kora nisena, Tumi taikhan ke bodli kori dibo.
\q Kintu Tumi eke ase,
\q Aru Tumi laga din aru saal kitia bhi khotom nohobo\f + \fr 1.12 \fr*\ft Heb. 13:8; Psa. 102:25-26.\ft*\f*.”
\p
\v 13 Kintu, kun homoi te Isor Tai laga duth khan ke eneka koisele,
\q “Moi laga dyna hathte bohibi
\q Jitia tak moi tumi laga dushman khan ke tumi laga theng nichete narakhe\f + \fr 1.13 \fr*\ft Psa. 110:1; Mat. 22:44.\ft*\f*”?
\p
\v 14 Sewa kori thaka kiman sorgodoth khan ase taikhan atma nohoi naki, jun khan ke poritran pabole thaka manu khan ke sai dibole nimite pathai dise nohoi\f + \fr 1.14 \fr*\ft Psa. 103:20-21.\ft*\f*?
\c 2
\s Poritran Ke Ninda Nakoribo Nimite Hoshiar
\p
\v 1 Etu karone amikhan pora ki huni loise, ta te bisi mon dibo lage, amikhan itu kotha khan pora hati najabo nimite. 
\v 2 Jodi etu kotha khan kun to sorgodoth pora koise aru etu kotha khan sob thik ase koi kene janise, aru kun manu biya rasta te jai aru kotha namane taikhan sajai pabo koi kene janise, 
\v 3 titia hoile iman dangor poritran laga kotha jodi amikhan ninda korile, amikhan kineka polabo paribo? Etu jibon laga kotha to age te Probhu pora amikhan ke janai dise aru kun manu hunise etu thik ase koi kene moi khan ke janibole dise. 
\v 4 Isor bhi etu kotha khan laga sob gawahi dise, alag-alag chihna khan pora, asurit kaam pora, aru Tai laga itcha hisab te sobke Pobitro Atma laga alag-alag bordan dise.
\s Poritran Nimite Yojna Kora
\p
\v 5 Prithibi te ki hobole ase, juntu kotha amikhan etiya koi ase, etu Isor pora sorgodoth khan ke diya nai. 
\v 6 Kintu, Isor laga kotha te kunba pora gawahi dise aru koise,
\q “Manu ki ase, ki tai nimite Apuni iman bhabona kori ase?
\q Nohoile manu laga chokra, jun nimite Apuni iman chinta kori ase?
\q
\v 7 Apuni manu ke sorgodoth pora olop he niche kori dise;
\q Apuni taike mohima aru sonman laga mukut lagai dise.
\q
\v 8 Apuni Tai laga theng nichete sob saman khan rakhidise\f + \fr 2.8 \fr*\ft Psa. 8:4-6; 1 Cor. 15:27.\ft*\f*.”
\p Aru sob Tai laga nichete thaki jaise, Isor pora Tai laga nichete rakhi nadiya eku nai. Kintu amikhan etiya bhi sob jinis Tai laga nichete nahi kene thaka dikhi ase. 
\v 9 Kintu amikhan Jisu ke dikhise, kunke sorgodoth laga nichete olop din nimite rakhise, aru Tai dukh aru kosto kori kene mora nimite mohima aru sonman laga mukut lagai dise, eneka kora pora Isor laga anugraha dwara Tai sob nimite moribo. 
\v 10 Kelemane, kun karone aru kun sob jinis ulabole dise, sob nimite dukh kosto pora mori bole aru poritran laga cholawta, Jisu ke mohima te anibole, Tai he yogya asele. 
\v 11 Kelemane kun pora sapha kori diye aru kun sapha hoijai taikhan sob to eke jaga pora ahise. Etu nimite, Tai pora taikhan ke bhai khan eneka mati bole sorom nohoi. 
\v 12 Tai koi,
\q “Moi tumikhan laga naam bhai khan majote koi dibo,
\q Moi manu majot pora tumikhan nimite gana koribo\f + \fr 2.12 \fr*\ft Psa. 22:22. \ft*\f*.”
\p
\v 13 Aru bhi,
\q “Moi taike biswas koribo.”
\p Aru bhi,
\q “Sabi, Moi yate ase aru Moi aru Moi laga bacha khan bhi yate ase kun Isor pora Moike dise\f + \fr 2.13 \fr*\ft Isa. 8:17-18; 12:2.\ft*\f*.”
\p
\v 14 Aru kineka bacha khan gaw aru khun te eke bhag ase, etu nisena Tai bhi bhag loise, aru Tai nijor morija pora he, bhoot, kun logote mrityu laga takot ase, taike khotom koribo parise\f + \fr 2.14 \fr*\ft Rom. 8:3; Col. 2:15.\ft*\f*. 
\v 15 Etu pora he, jun khan mrityu ke bhoi kora jibon pora bandhi kene thakise, taikhan ke ajad kori dibole korise. 
\v 16 Tai sorgote thaka duth khan nimite chinta kora nohoi; kintu, Abraham laga bacha khan nimite chinta thakise\f + \fr 2.16 \fr*\ft Isa. 41:8-10; Gal. 3:29.\ft*\f*. 
\v 17 Etu karone sob kaam te Tai laga bhai khan nisena hobole nimite dorkar thakise, aru etu pora Tai ekjon dayalu aru biswasi moha purohit hobo aru Isor laga ki kaam ase etu sob pura koribo, aru manu laga sob paap to sapha kori dibo. 
\v 18 Aru kelemane Tai nijor bhi porikha kori kene dukh paise, Tai kun manu porikha te ase taike modot kori bole paribo.
\c 3
\s Moses Pora Dangor Jisu Ase
\p
\v 1 Etu nimite, pobitro bhai khan, apuni khan sorgo rajyo nimite matise. Jisu ke bhabibi, jun ase amikhan pora shikar kora laga apostle aru moha purohit. 
\v 2 Jineka Moses pora Isor laga ghor te hodai biswasi hoi kene thakise, tineka Tai bhi, kun pora etu kaam kori bole nimite Taike basi loise, Tai uporte biswas koribo para ekjon thakise. 
\v 3 Jineka ekta ghor pora bhi ghor bona manu ke bisi sonman aru mohima hoi, eneka pora Tai he Moses pora bhi dangor sonman aru mohima ase. 
\v 4 Kelemane ghor to kunba pora bonai, kintu Isor pora he sob bonaise. 
\v 5 Moses bhi Isor laga pura ghor te biswasi ekjon noukar thakise, etu kotha laga gawahi khan hobo nimite jun aha dinte hobole ase. 
\v 6 Kintu Khrista to Isor pora biswas thaka Putro ase kun Isor laga pura ghor sai ase. Amikhan bhi Tai laga ghor hobo jodi amikhan ke ki asha te matise etu te phutani kori kene mon dangor pora dhuri thakise koile.
\s Isor Laga Manu Khan Nimite Kotha
\p
\v 7 Etu nimite, Pobitro Atma pora bhi eneka koise:
\q “Aji, jodi apuni Tai laga awaj hune
\q
\v 8 Mon tan nokoribi,
\q Aru biya kaam nokoribi,
\q Jongol te thaka homoi te porikha kori kene sa nisena\f + \fr 3.8 \fr*\ft Exo. 17:7; Num. 20:2-5, 13.\ft*\f*.
\q
\v 9 Tumi baba khan laga baba khan pora Moike porikha kori kene kotha mana nai,
\q Taikhan Moi chalis saal tak ki kaam korise etu sob dikhise.
\q
\v 10 Etu nimite Moi manu khan uporte khushi thaka nai.
\q Moi koise, ‘Taikhan hodai mon pora biya kaam kori kene jai,
\q Aru taikhan Moi pora bhal rasta dikhai diya to najane.’
\q
\v 11 Moi laga ghusa pora kosom kha nisena he ase:
\q ‘Moi thaka aru aram kora jagate taikhan kitia bhi jabo na paribo\f + \fr 3.11 \fr*\ft Num. 14:21-23; Deu. 1:34-35.\ft*\f*.’”
\p
\v 12 Hoshiar hoi jabi, bhai khan, apuni khan laga monte biswas nakora laga biya bhabona nahibo nimite, kelemane etu pora apuni khan ke jivit Isor pora dur loijai. 
\v 13 Kintu, hodai ekjon-ekjon laga mon dangor kori dibi, jiman din ke “aji” matibo, titia apuni khan majot kun laga bhi mon to paap laga biya kaam pora tan nohobo. 
\v 14 Kelemane amikhan Khrista laga kaam te sathi hoi jaise jodi amikhan shuru pora ses tak Tai pora biswas koribo para manu thakise koile. 
\v 15 Eitu khan nimite Isor kotha te koi dise,
\q “Aji, jodi apuni Tai laga awaj hune,
\q Apuni laga mon tan nokoribi,
\q Aru biya rasta te najabi.”
\p
\v 16 Kelemane kun Yehudi khan huni kene bhi kotha mana nai? Taikhan sob Moses logot pora Egypt chari kene ulabole parise na hoi? 
\v 17 Aru kun logote Tai chalis saal tak khong uthi kene thakise? Paap kora manu khan logote nohoi naki, kun laga mora gaw to jongol te giri kene thakise?\f + \fr 3.17 \fr*\ft Num. 14:29.\ft*\f* 
\v 18 Aru kun logote Tai kosom khai sele taikhan Tai laga aram kora jagate ghusi bole na paribo koi kene, kun manu kotha namani kene ase taikhan ke nohoile aru etu kotha kunke koisele?\f + \fr 3.18 \fr*\ft Psa. 106: 24-26.\ft*\f* 
\v 19 Amikhan dikhise biswas nathaka nimite taikhan ta te ghusi bole para nai.
\c 4
\p
\v 1 Etu nimite, Isor laga aram jagate ghusi bo paribo laga kosom amikhan logote ase, hoilebi jodi kunba manu ta te punchibole para nai eneka nohobo nimite amikhan bhoi pora rukhi thakibo. 
\v 2 Kelemane taikhan ke koi diya nisena amikhan ke bhi bhal khobor to koi dise. Kintu ki kotha koi dise etu pora taikhan nimite eku labh huwa nai, kelemane kun manu biswas pora hunise taikhan logote mon mili kene thaka nai. 
\v 3 Kelemane amikhan biswas kora pora aram jagate ghusi bole parise, Tai pora kowa nisena,
\q “Moi laga ghusa te kosom kha nisena,
\q Taikhan Moi laga aram jagate kitia bhi ghusi bole na paribo.”
\p Aru jodi bhi, shristi shuru kora homoi pora Tai laga kaam sob pura kori kene rakhise. 
\v 4 Kelemane Isor kotha te sath din laga kotha eneka koise:
\q “Aru Isor bhi sob kaam kori kene sath dinte aram korise.” 
\v 5 Aru bhi eneka likha ase,
\q “Taikhan Moi laga aram kora jagate ghusi bole na paribo.”
\p
\v 6 Etu karone, ta te ghusi bole para kunba aru bhi ase, aru kunba manu susamachar hunise hoile bhi taikhan kotha namana nimite ta te ghusi bole para nai. 
\v 7 Isor pora ek din ke “Aji” matidise. Bisi din pichete, Tai David logote kotha korise, age te kowa nisena,
\q “Aji jodi tumi Tai laga awaj hunile,
\q Apuni laga mon tan nokoribi\f + \fr 4.7 \fr*\ft Psa. 95:7-8.\ft*\f*.”
\p
\v 8 Aru jodi Joshua pora taikhan ke aram dise koile, etu pichete Isor pora aru bhi alag din laga kotha nokobole thakise\f + \fr 4.8 \fr*\ft Deu. 31:7; Jos. 22:4.\ft*\f*. 
\v 9 Etu nimite, Isor laga manu nimite Bisram din rakhi ase. 
\v 10 Kelemane kun Tai laga aram jagate ghusi bole parise, tai nijorke sob kaam pora aram pai loise, jineka Isor Tai laga kaam pora aram loi sele\f + \fr 4.10 \fr*\ft Rev. 14:13; Gen. 2:2.\ft*\f*. 
\v 11 Etu karone, kun bhi eneka kotha namani kene girija nisena nohobo nimite amikhan bhi aram jagate ghusi bole nimite taiyar koribo\f + \fr 4.11 \fr*\ft Heb. 4:1; 1 Pet. 1:10-11.\ft*\f*. 
\v 12 Kelemane Isor laga kotha to jinda aru dui phale dhar thaka talwar nisena kaam kore. Etu he atma aru jibon majot te ghusi kene, jurai aru hardi khan ke bhag koribo pare, aru manu laga monte ki bhabona ase etu sob bhi janibole pare\f + \fr 4.12 \fr*\ft Jer. 23:29; Isa. 55:11.\ft*\f*. 
\v 13 Aru shristi te ki bonai kene thaka eku Isor pora lukai kene nai. Kintu, sob khula-khuli ase aru Taike amikhan sob hisab dibole lage.
\s Jisu He Mohan Moha Purohit Ase
\p
\v 14 Kilekoile amikhan logote mohan moha purohit ase, kun sorgo paar kori kene ahise, Isor laga Putro, Jisu, etu nimite amikhan biswas ke dhori lobo. 
\v 15 Kelemane amikhan laga komjur nabujha laga moha purohit thaka nohoi, kintu amikhan nisena, Taike bhi porikha korise, kintu Tai eku paap kora nai. 
\v 16 Etu nimite ahibi, amikhan mon dangor kori kene Isor laga anugraha thaka singhason usorte jabo, eneka korile amikhan daya pabo aru dukh homoi te modot kori bole anugrah pabo.
\c 5
\p
\v 1 Kelemane sob moha purohit khan ke manu majot pora basi loi, aru taikhan pora sob laga bodli te Isor ke uphar khan aru paap laga bolidan dibo nimite. 
\v 2 Kun manu najani kene thaki ase aru biya rasta te berai ase taikhan ke morom pora loi kene anibole nimite, kelemane Tai bhi komjur ase. 
\v 3 Etu nimite,Tai paap laga bolidan dibole lagise, Tai manu khan nimite kineka korise, etu nisena nijor nimite bhi korise\f + \fr 5.3 \fr*\ft Lev. 16:6.\ft*\f*. 
\v 4 Tai nijor nimite kunba ke etu sonman lobole diya nai. Kintu Taike Isor pora mati loise, jineka Aaron ke mati loise le\f + \fr 5.4 \fr*\ft Exo. 28:1.\ft*\f*. 
\v 5 Thik etu nisena, Khrista to Tai nijorke moha purohit bonai kene sonman kora nai. Kintu, Isor pora Taike basi loise aru Taike koise,
\q “Tumi Moi laga Putro ase; aji Moi Tumi laga Baba hoise\f + \fr 5.5 \fr*\ft Psa. 2:7.\ft*\f*.”
\p
\v 6 Etu nisena Isor pora Tai laga kotha te bhi koi kene ase,
\q “Tumi hodai nimite purohit ase
\q Melchizedek laga pichete te.”
\p
\v 7 Jisu prithibi te jinda thaka homoi te, Tai suku pani giri jor pora kandi kene Taike mrityu pora bacha bole para ekjon ke prathana aru binti korise, aru Tai laga prathana huni loise kelemane Tai sidha mon pora mangise. 
\v 8 Aru Tai Isor laga chokra thakile bhi, kineka kotha manibo lage, etu Tai laga ki dukh paise, etu pora Tai sikhise. 
\v 9 Tai sob pora bhal hoi jaise, aru kun manu Tai laga kotha mani kene thake, taikhan nimite sorgote jabole laga rasta hoi jaise\f + \fr 5.9 \fr*\ft Isa. 45:17.\ft*\f*. 
\v 10 Aru Melchizedek pora kowa nisena, Taike Isor pora moha purohit bonai dise\f + \fr 5.10 \fr*\ft Heb. 2:10: Psa. 110:4.\ft*\f*.
\s Biswas Chari Diya Homoi Nimite Hoshiar
\p
\v 11 Amikhan etu nimite aru bisi kobole ase, kintu sob bujhai dibole nimite tan ase kelemane etu kotha khan sob huni kene bhi tumikhan nahuna nisena hoi jaise. 
\v 12 Kelemane etiya laga homoi tak te tumikhan hikhok khan hobole lagise, kintu Isor laga kotha etiya tak tumikhan ke sikhai dibole lagi ase. Tumikhan tan bhat khabo nohoi kene, etiya bhi dudh he khai ase! 
\v 13 Kelemane kun etiya bhi dudh khai ase tai Isor laga dharmik kotha te komjur ase, kelemane tai etiya bhi chutu bacha nisena ase. 
\v 14 Kintu tan bhat to dangor manu khan nimite ase, kelemane taikhan bhal aru biya to ki ase eitu khan sob bhal pora jani kene sikhi loise.
\c 6
\p
\v 1 Etu nimite, Khrista laga shuru kotha ki ase, etu ke paar kori kene dangor hoija manu khan nisena age te jabo. Mora kaam khan pora mon ghura bole laga aru Isor ke biswas kori bole laga kotha laga bhetimul aru nabonabo, 
\v 2 baptizma laga kotha sikhai diya, manu uporte hath rakha, mora khan punoruthan hoija, aru anonto bisar laga kotha khan aru nakoribo. 
\v 3 Isor pora jodi amikhan ke eitu khan bhi koribi koile amikhan titia koribo. 
\v 4 Kelemane kun manu poila eitu khan jani loise, kunkhan sorgo laga asirbad jani loise aru Pobitro Atma te bhag ase, 
\v 5 aru kun Isor laga bhal kotha to jani loise aru ahibole thaka yug laga takot jani loise, 
\v 6 hoile bhi kun giri jaise- taikhan aru bhi mon ghura bole to tan ase. Kelemane taikhan nijor pora Isor laga Putro ke aru bhi Cross te morai di ase, aru Taike manu usorte sorom khilai di ase. 
\v 7 Kelemane borkhon gira pani to mati pora khai loi, aru etu mati pora bhal kheti koribo pare, aru kheti kora ke khabole diye, etu pora Isor laga bhal asirbad to pai loi.
\p
\v 8 Kintu kun to matite kata aru jongol ulai etu mati kaam nathake aru shrap paikena sob jongol khan jola bole nimite he hoijai\f + \fr 6.8 \fr*\ft John 15:6.\ft*\f*.
\p
\v 9 Kintu,morom te thaka khan, amikhan eneka koi thakile bhi, apuni khan nimite amikhan bhal bhabona koridi ase, juntu ase poritran laga kotha. 
\v 10 Kelemane Isor to anyai kora Isor nohoi, apuni kaam kora khan aru Tai laga naam ke morom kora, apuni Tai laga pobitro manu khan ke sewa kora aru etiya bhi taikhan ke sewa kori thaka to kitia bhi pahori najabo. 
\v 11 Amikhan laga etu he sob pora dangor itcha ase apuni ses tak eneka kori thakibo, etu pora apuni laga asha thik rakhibo nimite. 
\v 12 Eitu khan sob to apuni alchi nakoribole nimite ase, kintu atma te thaka khan laga biswas aru mon chutu kori kene thaka to saikene apuni bhi Isor pora ki kosom dise etu laga bhag hobo.
\s Isor Laga Protigya Hosa Ase
\p
\v 13 Jitia Isor pora Abraham logote kosom disele, Tai nijor naam te kosom dise, kelemane Tai pora uporte thaka laga kosom khabole nimite aru kun bhi nai. 
\v 14 Tai koise, “Moi tumike asirbad koribo, aru Moi tumike bisi dangor bonai dibo\f + \fr 6.14 \fr*\ft Gen. 22:17.\ft*\f*.” 
\v 15 Aru etu nisena he, Abraham dhorjo kori kene rukha karone, Isor pora taike ki kosom dise etu tai paise. 
\v 16 Kelemane manu khan to kun taikhan nijor pora dangor ase, taikhan laga naam loi kene he kosom khai. Etu pora he taikhan majote mon namili kene thaka to khotom hoijai, kelemane kosom diya to ekjon uporte bharosa kori bole nimite kowa ase\f + \fr 6.16 \fr*\ft Exo. 22:11.\ft*\f*. 
\v 17 Jitia Isor pora Tai laga waris khan ke Tai laga kosom te eku bodla-bodli nai koi kene sapha pora dikhai dibole nimite korise, Tai etu kosom to ji hoile bhi pabo koi kene vachan dise. 
\v 18 Tai duita bodla-bodli kori bole napara laga kaam pora eneka korise- Isor to kitia bhi misa kotha nokoi- amikhan, kun luka bole nimite polai jaise, Tai pora amikhan ke ki asha dise, ta te mon dangor hoi kene thik pora dhuri rakhibo nimite\f + \fr 6.18 \fr*\ft Num. 23:19; Deu. 19:15; Mat. 18:16; 1 Tim. 2:13.\ft*\f*. 
\v 19 Amikhan etu asha thaka to amikhan laga atma ke nahila jagate rakhibole aru bharosa thaka jagate rakhibo nimite ase, kun to purdah laga bhitor jagate bhi ghusi bole pare, 
\v 20 kot te Jisu, amikhan age te Jisu ta te amikhan laga bodli jai kene Tai ekjon moha purohit hoi jaise, aru hodai nimite Melchizedek purohit laga niyom nisena kori ase.
\c 7
\s Melchizedek Purohit Kaam Hisab Te
\p
\v 1 Etu nimite Melchizedek, Salem\f + \fr 7.1 \fr*\ft Jerusalem sheher laga purana niyom hobo pare.\ft*\f* laga raja, aru Isor laga Moha Purohit, jitia Abraham pora raja khan ke khotom kori kene ahi thakise, titia taike lok paikena asirbad dise\f + \fr 7.1 \fr*\ft Gen. 14:17-20.\ft*\f*. 
\v 2 Abraham bhi tai laga dos bhag sob to Melchizedek ke di dise. Tai laga poila naam laga motlob to hoile “dharmikta laga raja,” aru “Salem laga raja,” etu motlob thakise, “shanti laga raja.” 
\v 3 Tai laga baba aru ama bhi thaka nai, tai laga khandan nai, tai nimite tai jibon laga shuru aru jibon laga anth bhi nai. Kintu, Isor laga Putro nisena bonai dise, aru taike hodai nimite ekjon purohit thaki bole rakhise.
\p
\v 4 Kintu sabi etu manu Melchizedek to kiman dangor thakise, Abraham pora lorai kori kene ki jitise aru loi loise etu laga dos bhag taike di dise. 
\v 5 Aru Levi laga chokra khan ke purohit kaam kori bole nimite basi loise, aru niyom laga niyom hisab te jai kene Yehudi khan logot pora bhi daan aru dos bhag uthabole dise, taikhan bhi Abraham laga bacha khan hoilebi\f + \fr 7.5 \fr*\ft Num. 18:21.\ft*\f*. 
\v 6 Kintu Melchizedek, taikhan pora bisari kene bhi tai laga khandan panai, kintu Abraham logot pora tai te dos bhag paise, aru kun logote kosom laga vachan thakise taike he Melchizedek pora asirbad dise. 
\v 7 Kintu eku jhagara nakori kene, ekjon chutu manu ke dangor manu pora asirbad dise. 
\v 8 Etu karone, jinda thaka manu dos bhag pai, kintu etu pora Melchizedek jinda thaki ase koi kene gawahi diye. 
\v 9 Aru, kotha kori thaka nisena, Levi, kun bhi dos bhag paise, tai bhi Abraham dwara dos bhag daan di thakise, 
\v 10 kelemane etu homoi te Levi to tai laga khandan laga gaw pora thakise jitia Melchizedek aru Abraham lok paisele.
\s Jisu Aru Melchizedek Duijon Ke Tulona Kora
\p
\v 11 Jodi Levi khandan laga purohit kaam pora he sob bhal aru thik hoise koile -juntu pora he manu khan niyom aru niyom paise-, titia Aaron laga niyom hisab te nohoikena kele Melchizedek laga niyom hisab te aru bhi kele dusra ekjon purohit ahibole nimite dorkar hoise? 
\v 12 Jitia ekjon purohit bodli hoijai, titia niyom aru niyom khan bhi bodli hoijai. 
\v 13 Etu kotha khan kun ekjon nimite koi ase tai dusra jat laga ase, kun manu bhi etu jat pora bedi te sewa kora nai. 
\v 14 Amikhan bhal pora jani ase Probhu to Judah laga khandan pora ahise, aru Moses pora bhi etu jat nimite eku kotha kora nai\f + \fr 7.14 \fr*\ft Gen. 49:10; Isa. 11:1.\ft*\f*. 
\v 15 Aru etu ke arubi bhal pora buji bole asele, jodi kunba aru ekjon purohit Melchizedek nisena ulai. 
\v 16 Tai ekjon purohit hoise, khandan saikene nohoi, kintu tai laga Tai laga namora jibon shakti saikene taike purohit bonaise. 
\v 17 Kelemane Isor laga kotha te bhi eneka gawahi di ase:
\q “Tumi hodai nimite purohit ase Melchizedek laga niyom hisab te.”
\p
\v 18 Purana niyom aru kaam khan komjur aru eku kaam nathaka hoija-a pora hatai dise, 
\v 19 -niyom aru niyom pora eku kaam to bhal bonai dibole napare-, aru bhal asha laga kotha to manu khan ke koi dise, etu pora amikhan Isor usorte ahe. 
\v 20 Aru etu kaam kosom nakhai kene kora nai! Kelemane dusra khan to kosom noloikene he purohit hoi jaise, 
\v 21 kintu Jisu to kosom khai kene purohit hoise, Isor pora Taike koise,
\q “Probhu pora kosom khaise aru Tai mon bodli nokorile:
\q ‘Tumi hodai nimite purohit ase.’”
\p
\v 22 Etu nisena he, Jisu pora amikhan bhal kaam kori bole nimite rasta khuli dise. 
\v 23 Prothom laga purohit khan bisi jon thakise, kintu mrityu hoija-a pora, taikhan kaam rukhi jaise. 
\v 24 Kintu Jisu hodai nimite jinda ase, Tai logot pora purohit laga kaam kitia bhi naharabo. 
\v 25 Etu karone, kun manu pora Tai dwara Isor ke bisari kene ahe, Tai pora eitu khan ke bacha bole pare, kelemane manu aru Isor majot te Tai hodai kotha koridi thake\f + \fr 7.25 \fr*\ft 1 John2:1-2; 1 Tim. 2:5.\ft*\f*. 
\v 26 Eneka moha purohit thaka to amikhan nimite bhal ase. Tai pobitro ase, eku golti nai, sapha, paapi manu khan pora alag, aru Tai sorgo pora bhi untcha hoi jaise. 
\v 27 Tai ekjon moha purohit pora hodai kora nisena, poila tai nijor laga paap nimite, etu pichete manu laga paap nimite bolidan di thaki bole eku dorkar nai. Kintu Tai nijorke bolidan dikene, hodai nimite, ekbar te bolidan kori dise\f + \fr 7.27 \fr*\ft Lev. 16:6; Heb. 10:10, 12, 14.\ft*\f*. 
\v 28 Kelemane niyom to komjur thaka khan majot pora he moha purohit kori bole basi thake. Kintu kosom laga kotha, kun to niyom diya pichete ahise, etu pora Putro ke basi loise, kunke sob phale pora hodai nimite thik bonai dise.
\c 8
\s Jisu He Sobse Bhal Moha Purohit
\p
\v 1 Etiya amikhan ki kobole mon ase etu laga motlob to hoile eneka ase: Amikhan logote moha purohit ase kun singhason laga dyna hathte sorgo laga mohan jagate bohi ase\f + \fr 8.1 \fr*\ft Psa. 110:1; Heb. 10:12.\ft*\f*. 
\v 2 Tai sob pora pobitro jagate sewa kore juntu Probhu pora bonaise, manu pora nohoi. 
\v 3 Kelemane sob moha purohit khan ke uphar aru bolidan dibole nimite basi loise. Etu nimite tai bhi kiba anikena boli dibole dorkar hoise. 
\v 4 Etiya jodi Khrista prithibi te ase koile, Tai ekjon purohit nohobole thakise, niyom laga niyom hisab te bolidan dibole nimite ta te manu khan thakise. 
\v 5 Taikhan sorgote thaka laga saya ki dikhi ase etu ke sewa kora he ase, jineka Moses ke Isor pora mana korise jitia tai aradhana kora laga jaga bona bole thakise. Kelemane, Isor he koise, “Sabi tumike pahar uporte loijai kene kineka dikhai dise etu nisena he bonabi\f + \fr 8.5 \fr*\ft Exo. 25:40.\ft*\f*.” 
\v 6 Kintu etiya Jisu he bisi bhal porisorja to paise, jineka Tai manu aru Isor laga majote bhal vachan thaka laga kotha kori kene milai diya ekjon hoise. 
\v 7 Jodi prothom laga niyom te eku golti nai koile, titia dusra niyom dibole nimite eku dorkar thaka nai. 
\v 8 Jitia Isor manu khan uporte golti dikhise, Tai pora manu khan ke koise,
\q “Sabi, eneka din ahi ase- Probhu pora koise-
\q Jitia Moi ekta notun niyom bonai dibo
\q2 Israel laga ghor aru Judah laga ghor logote.
\q
\v 9 Aru etu vachan to
\q2 Taikhan laga baba khan logote niyom bonai diya nisena nohobo.
\q Etu dinte jitia taikhan laga hath dhori kene
\q2 Egypt pora ulaikene loi anise.
\q Kintu taikhan Moi laga niyom to mani kene thaka nai,
\q2 Aru Moi taikhan uporte khushi panai-
\q Eneka Probhu pora koise.
\q
\v 10 Etu vachan ase
\q2 Juntu Moi bonabo Israel laga ghor manu khan logote
\q Etu din khan pichete -
\q2 - Probhu koi ase.
\q1 Moi laga niyom taikhan laga bhabona te rakhidibo,
\q Aru taikhan laga monte likhi dibo.
\q Moi taikhan laga Isor hobo,
\q Aru taikhan Moi laga manu hobo.
\q
\v 11 Taikhan kitia bhi nijor laga ghor usor thaka manu
\q Aru kokai bhai khan ke nashikabo, aru kobo, ‘Probhu ke janibi.’
\q Kelemane taikhan Moike janibo,
\q Sobse chutu pora loi kene sobse dangor tak.
\q
\v 12 Kelemane taikhan biya kaam kori kene thakise koile bhi Moi taikhan uporte morom thakibo,
\q Aru taikhan laga paap Moi aru kitia bhi yaad nokorile.”
\p
\v 13 Etu niyom ke “notun” mata nisena, Tai pora prothom niyom to bodli kori dise, aru kun to purana aru eku kaam nathake hoise, etu joldi harai jabo\f + \fr 8.13 \fr*\ft Jer. 31:31-34.\ft*\f*.
\c 9
\s Prithibi Laga Pobitro Jaga
\p
\v 1 Etu nisena prothom laga vachan te bhi prithibi te aradhana kora ghor bona bole niyom thakise. 
\v 2 Titia tombu ghor laga jaga taiyar korise. Poila kamra, kun jagate deevat, mez, aru Isor laga age te daan rakhi diya roti rakhe, etu kamra ke sob pora pobitro jaga matise\f + \fr 9.2 \fr*\ft Exo. 25:23-30; 26:1-30.\ft*\f*. 
\v 3 Dusra purdah laga pichete aru bhi dusra kamra thakise, aru etu ke pobitro pora bhi bisi pobitro jaga matise\f + \fr 9.3 \fr*\ft Exo. 26:31-33.\ft*\f*. 
\v 4 Ta te dhuwa jolai kene aradhana kori bole laga suna pora bona pobitro bedi thakise. Etu laga bhitor te vachan laga sandook thakise kuntu suna pora pura lipai kene thakise. Etu laga bhitor te suna pora bona kolsi ekta te manna rakhi thakise, aru Aaron laga lathi pora notun pata ulaikene thakise, aru vachan likhi rakha pathor, eitu khan sob halikena thakise\f + \fr 9.4 \fr*\ft Exo. 16:33; 25:10-16; 30:1-6; Num. 17:8-10; Deu. 10:3,5.\ft*\f*. 
\v 5 Aru etu sandook laga uporte, mohima thaka Cherubim\f + \fr 9.5 \fr*\ft Sabole manu nisina (kitia ba janwar nisina) jun khan laga pankh pora Vachan laga Sandook ke din-rati rukhi thake.\ft*\f* laga chaya pora sapha kori diya dhakna ke bondh kori kene thakise, kintu etiya etu kotha koi dibole homoi huwa nai\f + \fr 9.5 \fr*\ft Exo. 25: 18-22.\ft*\f*. 
\v 6 Jitia eitu khan sob taiyar kori kene rakhi loise, titia he purohit khan hodai tombu ghor laga bahar kamra te taikhan laga sewa kaam khan kori thakise\f + \fr 9.6 \fr*\ft Deu. 27: 21.\ft*\f*. 
\v 7 Kintu, khali moha purohit he, saal te ekbar, dusra kamra te ghusi kene, tai pora nijor nimite bolidan diya laga khun\f + \fr 9.7 \fr*\ft Bolidan kora janwar laga khun. Exo. 31:10; Lev. 16:2.\ft*\f* aru manu khan najani kene paap kora laga daan loi kene jai. 
\v 8 Pobitro Atma pora sob pora pobitro jagate jabole nimite rasta to dikhai diya nai jitia tak prothom laga tambu ghor khara kori thakise. 
\v 9 Etiya laga homoi nimite etu ekta chihna ase, juntu te uphar aru bolidan duijon dilebi aradhana kori thaka jon laga mon ekdom sapha kori bole napare. 
\v 10 Taikhan khali kha luwa aru nijor gaw ke sapha rakhibole laga niyom khan, juntu poila pora thakise, eitu khan te he mon di thakise jitia tak notun niyom laga homoi aha nai.
\s Khrista Laga Khun Pora Udhar Puwa
\p
\v 11 Kintu bhal kaam sob nimite Khrista ekjon moha purohit hoi jaise. Etiya Tai sewa kori thaka tombu ghor to dangor aru bhal ase, etu manu laga hath pora bona nohoi, aru shristi laga bhi nohoi. 
\v 12 Tai sob pora pobitro jagate hodai nimite jaise, saguli aru guru laga bacha khun boli kori kene nohoi, kintu Tai nijor laga khun loi kene amikhan karone anonto poritran anidise. 
\v 13 Kelemane, jodi saguli aru mota goru laga khun aru bacha napa goru laga khun pora paap te giri kene letera thaka khan uporte hali diya pora taikhan Isor usorte alag rakhi diye koile\f + \fr 9.13 \fr*\ft Lev. 16:14-16; 16:3; Num. 19:9; 17-19.\ft*\f*, 
\v 14 titia Khrista laga khun, jun anonto Atma pora nijorke Isor usorte eku golti nathaki kene Tai laga jibon to bolidan kori dise, etu pora aru bhi kiman mora laga kaam pora apuni laga bhabona ke sapha kori dibo, jivit Isor ke sewa kori bole nimite? 
\v 15 Etu karone, Khrista to manu aru Isor majote notun niyom ase, etu pora kunke mati loise taikhan anonto jibon laga asirbad pabo, prothom laga niyom te paap pora maph pabole nimite ki niyom thakise etu hatai kene Tai manu khan ke paap pora bachai dibole nimite nijorke mori bole dise. 
\v 16 Kelemane, kitia manu itcha rakhe, tai mora pichete, etu itcha poila koi kene thaka to kaam ahe. 
\v 17 Kelemane mora manu laga itcha likhi thaka to, tai mora pichete he kaam kore, kele koile jitia tak itcha likha manu jinda ase, titia tak etu itcha kaam nadiye. 
\v 18 Etu nimite prothom niyom bhi khun noloikena sthapit kora nai. 
\v 19 Jitia Moses pora manu khan logote niyom laga hukum khan koi dise, tai saguli aru guru puwali laga khun, pani, lal suta aru hyssop logot loise aru kagos aru manu khan uporte chitai dise\f + \fr 9.19 \fr*\ft Lev. 14:4; Num. 19:6.\ft*\f*. 
\v 20 Titia Moses pora manu khan ke koise, “Etu Isor laga vachaan mana laga khun ase aru etu apuni khan mani kene thaki bole nimite hukum di ase\f + \fr 9.20 \fr*\ft Exo. 24:8. \ft*\f*.” 
\v 21 Etu nisena, tai tambu uporte khun hali dise aru ta te chola laga kiman saman thakise, sob laga uporte hali dise\f + \fr 9.21 \fr*\ft Lev. 8:15, 19.\ft*\f*. 
\v 22 Niom laga hisab te sob to khun pora sapha kori dise, aru khun ulaikene nadiya tak paap pora maph napabo\f + \fr 9.22 \fr*\ft Lev. 17:11.\ft*\f*.
\p
\v 23 Etu nimite eneka kori bole dorkar hoise aru sorgote bhi etu nisena kiman saman ase eitu khan ke bhi eneka pora he sapha kori bole lagise. Hoile bhi, sorgote thaka saman khan to etu pora bhi bhal bolidan pora sapha kori bole lagise. 
\v 24 Kelemane Khrista bhi hath pora bonai kene rakha sob pora pobitro jagate ghusa nai, etu hosa ekjon laga sabole eke thaka dikhai diya he thakise. Kintu Tai nijor pora he sorgote ghusi se, aru Isor laga usorte amikhan karone etiya jaga bona bole nimite jaise. 
\v 25 Khrista to ta te nijorke daan dibole nimite ghusa nai, moha purohit khan pora kora nisena, kun saal te ekbar sob pora pobitro jagate khun laga bolidan loi kene ekjon-ekjon nimite ghusi thakise. 
\v 26 Jodi eneka he ase koile, Tai prithibi laga shuru pora bar-bar jai kene nijorke dukh pabole nimite dibole thakise. Kintu Tai nijor pora ahi kene etu hekh yug te nijor jibon to manu khan nimite bolidan kori dise. 
\v 27 Jineka manu bhi ekbar mori bole lage, aru etu pichete bisar kora laga homoi ahibo\f + \fr 9.27 \fr*\ft 2 Cor. 5:10; Ecc. 12:14.\ft*\f*, 
\v 28 etu nisena, Khrista ke bhi manu laga paap bukhi bole nimite dise, aru ekbar ahibole ase kun manu Tai nimite pura mon pora rukhi ase, aru paap to bukhi bole nimite nohoi, kintu poritran dibole nimite ahibo\f + \fr 9.28 \fr*\ft 1 Pet. 2:24; Tit. 2: 13.\ft*\f*.
\c 10
\s Khrista Laga Ekbar Bolidan To Hodai Nimite Hoise
\p
\v 1 Kelemane niyom khan to ki bhal ahibole ase eitu khan he laga saya he ase, aru utu khan asol te kineka ase, eitu khan to asol nohoi. Etu nimite, eke bolidan juntu purohit khan pora hodai saal-saal te diye, etu pora Isor logote ahise koile, taikhan kitia bhi thik hobo na paribo. 
\v 2 Nohoile, bolidan kora to rukhi jabole thaka nai nohoi? Kelemane ekbar bolidan diya pora he manu khan sapha hoise, aru paap laga bhabona eku bhi nathaka hoise. 
\v 3 Kintu saal-saal pichete utu bolidan khan di thaka to taikhan laga paap thaka to yaad kori diya he ase. 
\v 4 Kelemane saguli aru goru laga khun pora paap to sapha kori dibole napare. 
\v 5 Etu nimite jitia Khrista prithibi te ahise, Tai pora Isor ke koise,
\q “Bolidan aru daan khan apuni itcha nakore,
\q Kintu ekta gaw Moi nimite taiyar kori diya to he itcha kore;
\q
\v 6 Jolai kene daan kora aru paap laga daan diya pora apuni khushi napai.
\q
\v 7 Titia Moi koise\f + \fr 10.7 \fr*\ft Khrista pora Isor ke koise.\ft*\f*, ‘Sabi Moi yate ase- Moi nimite kitab te likha nisena- apuni laga kaam kori bole nimite, O Isor.’”
\p
\v 8 Khrista pora Isor ke koise, “Boli, aru daan, aru jolai kene diya daan, aru paap laga daan apuni itcha nakore. Aru manu pora eneka kori thakile bhi apuni khushi napai” -niyom hisab te daan di thaka-, 
\v 9 titia Tai koise, “Sabi, Moi yate apuni laga itcha kori bole nimite ase.” Tai shuru te ki niyom kori thakise etu hatai kene dusra notun niyom shuru kori dise. 
\v 10 Etu laga itcha pora, amikhan ke Jisu Khrista laga gaw daan diya karone paap pora hodai nimite sapha kori dise\f + \fr 10.10 \fr*\ft Heb. 10:14.\ft*\f*. 
\v 11 Aru sob purohit khara kori kene hodai din Isor usorte tai laga niyom kori thake. Tai bar-bar eke bolidan di thake - kintu etu bolidan kori thakile bhi paap to kitia bhi harai najai\f + \fr 10.11 \fr*\ft Exo. 29: 38-39.\ft*\f*. 
\v 12 Kintu jitia Khrista pora sob paap laga boli ekbar pora di dise, Tai Isor laga dyna hathte bohise. 
\v 13 Etu homoi pora, kitia Tai laga dushman khan ke theng nichete girai dibo Tai etu rukhi ase\f + \fr 10.13 \fr*\ft Psa. 110:1.\ft*\f*. 
\v 14 Ekta bolidan diya pora Tai sobke paap pora hodai nimite sapha kori dise. 
\v 15 Aru Pobitro Atma pora bhi amikhan ke etu gawahi diye. Tai pora poila etu koise,
\q
\v 16 “Etu laga niyom taikhan logote bonabo,
\q2 Utu din pichete moi, Probhu pora koi ase.
\q Moi laga niyom taikhan laga monte rakhibo,
\q2 Aru taikhan laga bhabona te likhi dibo.” 
\v 17 Aru titia,
\q2 “Taikhan laga paap aru biya kaam khan aru moi yaad nokorile\f + \fr 10.17 \fr*\ft Heb. 8:12; Jer. 31:34.\ft*\f*.”
\p
\v 18 Jun jagate eitu khan pora maph pabo, ta te aru paap laga bolidan dibole nimite dorkar nai.
\s Biswas Pora Mon Dangor Huwa Kotha
\p
\v 19 Etu karone, bhai khan, Jisu laga khun dwara amikhan sob pora pobitro jagate jabole nimite pura asha ase. 
\v 20 Tai pora amikhan nimite purdah paar kori kene jabole Tai laga gaw dwara, ekta notun aru jinda thaka rasta khuli dise. 
\v 21 Kelemane Isor laga ghor te amikhan laga ekjon dangor purohit ase, 
\v 22 amikhan sapha mon aru pura biswas pora Tai logote ahibo, paap laga bhabona pora sapha koribo aru sapha pani pora nijor laga gaw dhulai lobo. 
\v 23 Amikhan asha pora paap shikar kori kene thaka to hili bole nadikena jor pora dhori lobo, kelemane Isor, kun kosom dise, Tai hosa aru bhal ase. 
\v 24 Aru amikhan ekjon-ekjon ke bhal kaam kori kene morom pora thaki bole nimite mon dangor kori dibo. 
\v 25 Amikhan ekjon-ekjon ke lok kori thaki bole nimite bondh nokorile, kelemane kunba khan eneka kore. Hoile bhi, kineka din hekh hoi ase, amikhan ekjon-ekjon ke mon dangor koridi thakibo. 
\v 26 Jodi amikhan hosa kotha to jani kene pichete bhi paap kaam kori kene jai thakile, titia hoile paap nimite bolidan diya to hoile apuni nimite eku kaam nohobo. 
\v 27 Kintu, bisar laga dinte ki hobole ase etu laga olop bhoi ase, aru gorom jui pora Isor laga dushman khan ke julai dibo. 
\v 28 Kun manu Moses laga niyom namani kene thake, taikhan to daya napai kene duijon tinjon laga gawahi pora morai diye. 
\v 29 Kun manu Isor laga Putro ke theng nichete chipai dise, junke paap pora sapha kori dise, aru tai Isor laga pobitro khun pora bonai rakha vachan ke ninda korise aru anugraha Atma ke opman kori dise, taikhan laga saja to kiman bhi dangor hobo? 
\v 30 Kelemane amikhan jani ase etu kun pora koise, “Badla to Moi laga ase; Moi taikhan ki korise etu wapas dibo.” Aru bhi, “Probhu pora Tai laga manu khan ke bisar koribo.” 
\v 31 Jinda Isor laga hathte giribole nimite bhoi ase!
\p
\v 32 Kintu poila laga din to yaad koribi, jitia, apnikhan Isor laga puhor puwa pichete, apnikhan laga jibon te bisi dangor dukh digdar ahise. 
\v 33 Apuni ke manu usorte kitia ba sorom khilai kene dukh pabole diye, aru kunba homoi te dukh pai thaka khan logote sathi kori kene thakise. 
\v 34 Kelemane apuni bondhi ghor te thaka manu khan ke kiman morom dikhaise, aru apuni khan laga sompoti khan joborjosti pora loija bhi apuni khan khushi pora mani loise. Apuni jane apuni nimite etu pora bhi bhal kitia bhi khotom nakora laga dhun rakhi kene ase. 
\v 35 Etu nimite apuni laga bharosa kitia bhi harabole nadibi, kelemane etu te he apuni laga dangor inam rakhi kene ase. 
\v 36 Kelemane apuni khan nomro hobole lagi ase, etu pora apuni asirbad pabo, apuni Isor laga itcha kori luwa pichete.
\q
\v 37 “Kelemane olop homoi te,
\q Ekjon kun ahibole ase Tai deri nohoi kene ahijabo.
\q
\v 38 Kintu Moi laga dharmik khan biswas pora jinda thakibo,
\q Aru jodi tai pichete jai kene giri jai, Moi laga atma tai uporte kitia bhi khushi napabo\f + \fr 10.38 \fr*\ft Hab. 2:4; Gal. 3:11.\ft*\f*.”
\p
\v 39 Kintu amikhan biya kaam pora giri kene pichete ja manu khan nohoi. Kintu, amikhan biswas pora atma ke bachai kene rakha manu ase.
\c 11
\s Biswas Pora
\p
\v 1 Biswas to hoile, amikhan ki asha kore, juntu nadikhe, hoilebi hosa ase aru pabo koi kene jane. 
\v 2 Taikhan laga biswas nimite he amikhan laga baba khan ke Isor pora thik ase koi dise. 
\v 3 Biswas pora he etu pura shristi to Isor laga hukum pora bonai dise koi kene amikhan jane, etu nimite ki saman dikhi ase eitu khan nadikha laga saman pora bona nohoi\f + \fr 11.3 \fr*\ft Gen. 1:1; Psa. 33:6,9.\ft*\f*. 
\v 4 Biswas pora Abel he Cain pora bhi bhal daan Isor ke dise, etu pora taike dharmik bonai dise, aru Isor pora tai laga daan dikhi kene bhal kotha koise, aru biswas pora he aji tak Abel kotha kore, tai mori jaise hoile bhi\f + \fr 11.4 \fr*\ft Gen. 4:3-5, 10.\ft*\f*. 
\v 5 Biswas pora he Enoch ke Isor logot sorgote uthaikene loi jaise aru tai mora ke dikha nai. “Taike puwa nai kele koile Isor pora taike loi jaise.” Taike loi naja age te, tai Isor ke khushi korise koi kene gawahi dise\f + \fr 11.5 \fr*\ft Gen. 5:21-24.\ft*\f*. 
\v 6 Etiya biswas nathakile Isor ke khushi kori bole na paribo. Kelemane kun Isor usorte ahe Tai jinda ase koi kene biswas kori bole lage aru kun manu Taike bisare taikhan ke inam dibo. 
\v 7 Biswas pora Noah ke, ki nadikhe etu laga kotha khan janibole dise, Isor ke bhoi kori kene thaka nimite, tai laga ghor manu khan ke bachai lobole nimite pani laga jahaaj bona bole dise. Etu kori kene, tai prithibi ke ninda korise aru dharmikta laga uttoradhikari hoise, biswas pora\f + \fr 11.7 \fr*\ft Gen. 6: 13-22; 7:1.\ft*\f*. 
\v 8 Biswas pora Abraham, jitia Isor pora taike matise, kotha mani kene tai pabole thaka jagate jaise.Tai ulaikene jaise, kun jagate jabo lage etu bhi najani kene jaise\f + \fr 11.8 \fr*\ft Gen. 21:1. \ft*\f*. 
\v 9 Biswas pora tai Isor pora kosom diya laga jagate jai kene dusra desh laga manu nisena thakise.Ta te tai tombu ghor te Isaac aru Jacob, kun tai logot Isor pora diya uttoradhikari paise, taikhan ke loi kene thakise\f + \fr 11.9 \fr*\ft Gen. 26:3; 35:12; 35:27.\ft*\f*. 
\v 10 Kelemane tai ekta bhal pora bhetimul dikena bona laga sheher ke sai thakise, aru etu Isor pora bona ase. 
\v 11 Biswas pora, Sarah buri hoi jaile bhi, bacha bukhi bole parise, kelemane Isor pora ki kosom dise tai etu uporte biswas korise\f + \fr 11.11 \fr*\ft Gen. 17:19; 18:11; 21:2.\ft*\f*. 
\v 12 Etu nimite, ekjon manu pora- juntu Abraham ase, mori bole he thakise- akas te ginti kori bole napara tara nisena tai laga khandan khan jonom hoise, aru taikhan to samundar kinar te balu thaka nisena ginti kori bole napara laga hoi jaise\f + \fr 11.12 \fr*\ft Gen. 15:5; 2:12.\ft*\f*. 
\v 13 Taikhan sob kosom napa age te biswas te mori jaise, kintu bisi dur te taikhan pora eitu khan sob dikhise aru khusi paise. Aru taikhan nijor pora taikhan to dusra desh te thaki ase aru prithibi te nijor manu pora dur hoi kene ase koise\f + \fr 11.13 \fr*\ft Gen. 23:4; 1 Chr. 29:15.\ft*\f*. 
\v 14 Kelemane kun manu khan eneka kotha kore, taikhan nijor laga ghor bona bole bisari ase. 
\v 15 Jodi taikhan kun to desh pora ulaikene jaise etu bhabi thakise koile, taikhan ta te aru bhi wapas ghurabole paribo thakise. 
\v 16 Kintu, taikhan etu pora bhi bhal desh nimite itcha korise, etu hoile, sorgote thaka ula. Etu nimite Isor to taikhan laga Isor ase kobole sorom nakore, kelemane Tai pora taikhan nimite ekta sheher bonai kene rakhise\f + \fr 11.16 \fr*\ft Exo. 3:6; 3:15.\ft*\f*. 
\v 17 Biswas pora he Abraham, jitia Isor pora taike porikha korise, Isaac ke bolidan dibole taiyar hoise. Tai bhi Isor pora asirbad paise aru tai laga ekjon bacha thaka ke bhi bolidan kori bole itcha thakise\f + \fr 11.17 \fr*\ft Gen. 22:1-10.\ft*\f*. 
\v 18 Isor pora taike eneka koisele, “Isaac laga naam pora he tumi laga khandan laga naam matibo\f + \fr 11.18 \fr*\ft Gen. 21:12.\ft*\f*.” 
\v 19 Abraham jani thakise Isor pora Isaac ke mora pora jinda kori bole paribo, aru bhabona nisena, tai Isaac ke etu jaga pora wapas pai loise. 
\v 20 Biswas pora he, ki ahibole ase etu nimite, Isaac pora Jacob aru Esau ke asirbad dise\f + \fr 11.20 \fr*\ft Gen. 27:27-40.\ft*\f*. 
\v 21 Biswas pora, jitia Jacob mori bole thakise, tai laga lathi uporte khara kori kene mohima korise, aru tai laga sob bacha khan ke tai asirbad dise\f + \fr 11.21 \fr*\ft Gen. 47:31; 48: 15-16.\ft*\f*. 
\v 22 Biswas pora Joseph, jitia tai mori bole thakise, tai laga chokra khan ke tai mora pichete Egypt pora tai laga hardi khan loi kene Israel te rakhibole nimite koise\f + \fr 11.22 \fr*\ft Gen. 50:24-25; Exo. 13:19.\ft*\f*. 
\v 23 Biswas pora Moses, jitia jonom loise le, tai laga baba ama pora tin mohina tak taike lukai kene rakhise, kelemane tai sabole bisi sundur thakise, aru raja pora ki hukum dise etu nimite taikhan bhoi kora nai\f + \fr 11.23 \fr*\ft Exo. 1:22; 2:2.\ft*\f*. 
\v 24 Biswas pora Moses, jitia tai dangor hoi jaise, tai nijorke Pharoah laga chukri laga chokra kobole nimite mana korise\f + \fr 11.24 \fr*\ft Exo. 2:11.\ft*\f*. 
\v 25 Kintu, tai nijorke Isor manu khan karone dukh pabole nimite basi loise, mangso laga itcha sob chari kene Isor ke sewa korise. 
\v 26 Tai koise Jisu Khrista laga dhun to Egypt laga dhun pora bhi bisi dangor ase. Kelemane tai suku to tai inam pabole thaka ke sai thakise\f + \fr 11.26 \fr*\ft 1 Pet. 4:14; Mat. 5:12.\ft*\f*. 
\v 27 Biswas pora Moses Egypt chari kene jaise. Tai raja laga ghusa ke eku hisab kora nai, tai dukh pa-a homoi te, nadikha ekjon\f + \fr 11.27 \fr*\ft Isor \ft*\f* ke saithaka nisena bhabona kori kene dhorjo kori loise\f + \fr 11.27 \fr*\ft Exo. 2:15; 10:28-29.\ft*\f*. 
\v 28 Biswas pora tai Israel manu khan ke Nistar aru khun hali diya din manaise, etu pora prothom jonom kora bacha khan ke morai diya laga atma ahi kene namorabo nimite\f + \fr 11.28 \fr*\ft Exo. 12:21-29.\ft*\f*. 
\v 29 Biswas pora Yehudi khan dangor samundar to ekta sukha matite jai thaka nisena paar kori bole parise. Jitia Egypt khan eneka kori bole bisarise, taikhan ke pani pora khai loise\f + \fr 11.29 \fr*\ft Exo. 14:21:31.\ft*\f*. 
\v 30 Biswas pora Jericho sheher laga dewar khan giri jaise, jitia Israel manu khan sath din tak ta te ghuri kene thakise\f + \fr 11.30 \fr*\ft Jos. 6:12-21; Psa. 106:9-11.\ft*\f*. 
\v 31 Biswas pora Rahab, ekjon bebichari, tai dusra biya kaam kori kene thaka khan nisena mora nai, kelemane tai shanti pora jasus kori kene sipahi khan ke modot korise\f + \fr 11.31 \fr*\ft Jos. 2:11-12; 6: 21-25; Jam. 2:25.\ft*\f*. 
\v 32 Etu pora aru moi bisi ki kobo? Jodi moi Gideon, Barak, Samson, Jephtath, David, Samuel aru dusra bhabobadi khan laga kotha kore titia hoile homoi pora eitu khan laga sob kotha kori bole naponchibo. 
\v 33 Biswas pora taikhan rajyo to jiti loise, niyai laga kaam korise, aru asirbad paise. Taikhan bagh laga mukh bhi bondh kori dise, 
\v 34 jui laga takot to bhujai dise, aru talwar laga dhar pora polabole parise, bemar pora bhal hoi jaise, lorai kora homoi te takot hoi jaise, aru dusra desh laga sipahi khan ke harai dise. 
\v 35 Biswas pora mahila khan punoruthan pora taikhan nijor khandan morija khan paise. Kintu dusra khan ke dukh dise, taikhan ke chari dibo koi kene asha thaka nai, aru etu pora taikhan aru bhi bhal ula punoruthan pabo bhabise. 
\v 36 Aru dusra kunba khan to ninda kori kene pitise aru luha rusi pora bandhi kene bondhi ghor te rakhidise. 
\v 37 Kunba khan ke pathor marise, aru kati kene dui tukra korise, taikhan ke porikha korise, aru taikhan ke talwar pora morai dise. Taikhan saguli aru mer laga chamra pindhise, aru bisi gorib hoi jaise, chinta bhabona bisi hoi jaise, aru manu khan pora taikhan ke biya kori thakise. 
\v 38 Etu duniya to taikhan nimite eku yogya nathaka hoi jaise. Taikhan jongol aru pahar khan te berai thakise, aru mati laga nichete jai kene thakise. 
\v 39 Taikhan laga biswas nimite manu khan pora mohima dise, hoile bhi taikhan Isor laga vachan panai. 
\v 40 Isor he amikhan nimite kiba ekta bhal bhabona kori kene ase, aru amikhan nathakile, taikhan sob to thik hobole na paribo.
\c 12
\s Jisu Ami laga Biswas Laga Yojna
\p
\v 1 Etu karone, amikhan logote gawahi laga dangor badal pora sob phale rukhi kene ase, juntu paap amikhan ke aram pora bandhi loi aru juntu bhari bukhibo di ase, eitu khan sob pichete chari dibo. Amikhan nimite ki rakhi kene ase etu ke saikene polabo. 
\v 2 Amikhan Jisu laga kotha hunibo, jun biswas shuru kora aru thik kori diya ekjon ase. Kelemane kun pora Tai laga age te thaka khushi dikhi kene, Cross te mori bole bhi manise loise, sorom bhi khaise, aru etu pichete Isor laga singhason usorte dyna hathte bohise\f + \fr 12.2 \fr*\ft 1 Pet. 2:23-24; Tit. 2:13-14.\ft*\f*.
\s Alchi Na koribi
\p
\v 3 Etu nimite Taike bhabi bhi, Tai ekjon kun nijor uporte paap laga sob biya kaam khan bukhi se, etu nimite apuni kitia bhi monte dukh napabo aru chari nadibo karone.
\p
\v 4 Apuni khan paap logote lorai kora to khun ulabole tak dukh pa nohoi. 
\v 5 Aru apuni khan ke bacha koi kene mon dangor koridi kene mata to apnikhan pahori jaise:
\q “Moi laga chokra, Probhu pora ki bhal rasta te jabole nimite sikhai ase etu ke dhamali nabhabi bhi,
\q Aru jitia Tai apuni ke bhal rasta te jabole nimite sikhai titia alchi nokoribi.
\q
\v 6 Kelemane Isor kunke morom kore taike bhal rasta te jabole nimite sikhai,
\q Aru kun Tai grohon kori loise, tai saja pai\f + \fr 12.6 \fr*\ft Pro. 3:11-12.\ft*\f*.
\p
\v 7 Dukh pai thaka to hoile bhal rasta te jabole nimite ase. Isor pora apuni khan ke Tai laga bacha nisena he cholai ase. Eneka kun chokra ase tai laga baba pora bhal rasta te jabole nimite nasikhai?\f + \fr 12.7 \fr*\ft Pro. 3:11-12; Deu. 8:5; 2 Sam. 7:14.\ft*\f* 
\v 8 Jodi apuni khan ke bhal rasta to sikhai diya nai, jineka sob manu etu nashikai laga kaam te bhag loi kene ase, titia hoile apuni bhal niyom pora jonom nakora chokra ase aru apuni Isor laga chokra nohoi. 
\v 9 Etu nisena, amikhan laga prithibi te thaka baba pora sikhai diya kotha to amikhan bisi adar kore aru taike sonman diye. Titia hoile atma te thaka baba ke amikhan saikene kiman adar kori kene thaki bole lage? 
\v 10 Amikhan laga baba khan pora ki bhal ase etu taikhan para tak amikhan ke sikhai dise. Kintu Isor to amikhan bhal hobole nimite sikhai diye, etu pora amikhan bhi tai laga pobitrota te bhag lobo nimite. 
\v 11 Sob homoi te bhal rasta te jabole nimite sikhai diya to khushi laga nohobo bhi pare, kele koile sikhai diya to dukh he pai. Kintu kun etu pora sikhi loi, taikhan pichete etu pora dharmikta laga anondo phol dhori loi. 
\v 12 Etu nimite apuni laga hath giri kene thaka to takot kori lobi aru apuni laga komjur theng bhi takot kori lobi\f + \fr 12.12 \fr*\ft Isa. 35:3.\ft*\f*. 
\v 13 Apuni laga theng nimite rasta to sidha bonai lobi, etu pora theng to lengera hoi kene nathakibo, kintu bhal hoi jabo\f + \fr 12.13 \fr*\ft Pro. 4:26.\ft*\f*.
\p
\v 14 Sob manu logote shanti pora thakibi, aru pobitro hoi kene thaki bhi, etu nohoile kun bhi Probhu ke dikhi bole na paribo\f + \fr 12.14 \fr*\ft 1 Pet. 3:11; Psa. 34:14.\ft*\f*. 
\v 15 Sabi Isor laga anugrah pora kun bhi komti hoi kene nathakibo nimite, aru tita laga jor kun logote pora bhi ulaikene digdar koribo nadibi, kele koile etu pora bisi manu letera hoi jabo pare\f + \fr 12.15 \fr*\ft 2 John 1:8; Deu. 29:18.\ft*\f*. 
\v 16 Apnikhan majot te kunbi mangso laga itcha pora thaka nohobo lage, Esau nisena apobitro nathakibo lage, kun ekbar khabo nimite tai nijor laga naam to bikiri kori dise\f + \fr 12.16 \fr*\ft Gen. 25:33-34; Col. 3:5.\ft*\f*. 
\v 17 Apuni khan jane etu pichete bhi, jitia tai asirbad pabole nimite itcha korisile, taike tyag kori dise, kelemane tai mon ghura bole nimite aru homoi panai, tai kandi kene suku pani ulaile bhi eku panai\f + \fr 12.17 \fr*\ft Gen. 27:30- 40.\ft*\f*.
\s Hili bo Napara Rajyo
\p
\v 18 Kelemane apuni khan kiba ekta chubole para laga, joli thaka jui, andhera, mon dukh howa, dangor mon dukh aru tufan\f + \fr 12.18 \fr*\ft Exo. 10:21-22; 19:12-22; 20:18-21; Deu. 4:11-12; 5:22-27.\ft*\f*, 
\v 19 nohoile ekbar bhigul bojai diya homoi te, nohoile kuntu awaj kotha kowa hunise Israel manu khan bhik mangise aru to ekta kotha bhi taikhan ke nokobole nimite\f + \fr 12.19 \fr*\ft Exo. 20:18-21; Deu. 5:23-25.\ft*\f*. 
\v 20 Kelemane taikhan ke ki hukum dise etu mani bole para nai: “Jodi bhi ekta janwar pora etu pahar ke chui diye, titia etu ke pathor maribo lage\f + \fr 12.20 \fr*\ft Exo. 19:12-13; Deu. 5:23-25\ft*\f*.” 
\v 21 Etu sabole bisi bhoi lagise aru Moses pora koise, “Moi bhoi lagi ase aru kapi ase\f + \fr 12.21 \fr*\ft Deu. 9:19.\ft*\f*.” 
\v 22 Hoile bhi, tumi Zion pahar te aru Isor laga sheher te ahise, sorgo laga Jerusalem, aru dos hajar sorgodoth khan khushi kori thaka jagate, 
\v 23 aru prothom bacha jonom kori kene manu khan joma kora jagate, jun khan laga naam sorgote likhise, aru Isor, kun sob manu laga Bisar-Korta ase, aru dharmik laga atma kun pora thik koribo pare, etu usorte ahise\f + \fr 12.23 \fr*\ft Psa. 50:6; Col. 1:12.\ft*\f*, 
\v 24 aru Jisu, notun niyom pora kotha kori diya ekjon, ulaikene utu khun hali dise juntu khun to Abel laga khun pora bhi bhal ase. 
\v 25 Sabi apuni logote kun pora kotha kori ase Isor ke mana nokorile nimite. Kelemane Israel manu khan ke samjhai diya ekjon ke mana kora karone, jodi taikhan bachibo para nai koile, titia kun pora amikhan logot te sorgo pora kotha pati ase Taike mana korile, amikhan kineka bachibo. 
\v 26 Ekta homoi te, Isor laga awaj pora prithibi to hilai dise. Kintu etiya kosom khai kene koise, “Aru ekbar khali etu prithibi to he nohoi, kintu sorgo bhi hilai dibo\f + \fr 12.26 \fr*\ft Hag. 2:6; Jud.5:4; Psa. 68:8.\ft*\f*.” 
\v 27 Kintu etu kotha, “aru ekbar,” laga motlob ase shristi kora jinis khan sob to hilai kene khotom kori dibo, titia he, ki jinis hilai dibo napare, etu he thaki jabo\f + \fr 12.27 \fr*\ft Hag. 2:6.\ft*\f*. 
\v 28 Etu nimite, amikhan kitia bhi hila bole napara laga rajyo to pai ase, amikhan dhanyavad dibo, aru amikhan khushi hoi kene Isor khushi howa aradhana te taike sonman dibo. 
\v 29 Amikhan laga Isor to hoile jolai diya laga jui ase\f + \fr 12.29 \fr*\ft Deu. 4:24; 9:3; Isa. 33:14.\ft*\f*.
\c 13
\s Isor Khushi Puwa Bolidan
\p
\v 1 Bhai khan logot ekjon-ekjon ke morom hodai thaki bole dibi. 
\v 2 Alohi manu ke bhal pora sai bole napahori bhi, etu pora, kunba manu najani kene sorgodoth khan ke bhi modot korise\f + \fr 13.2 \fr*\ft 1 Pet. 4:9; Gen. 18:1-19:3.\ft*\f*. 
\v 3 Bondhi ghor te thaka khan ke yaad koribi, taikhan logote thaka nisena. Manu khan pora hinsa kori diya khan ke bhi yaad koribi, apuni tai laga gaw te thaka nisena. 
\v 4 Shadi kora to sob manu pora sonman koribi, aru shadi laga bisna to sapha rakhibi, kelemane Isor pora bebichari kaam kora manu khan ke bisar koribo. 
\v 5 Apuni khan laga niyom te poisa laga morom pora dur hoi kene thakibi. Apuni logote ki ase etu pora khushi thakibi, kelemane Isor Tai nijor pora koise, “Moi tumikhan ke kitia bhi nacharibo, aru Moi tumikhan ke kitia bhi biya napabo\f + \fr 13.5 \fr*\ft Deu. 31:6-8; Gen. 28:15; Jos. 1:5; 1 Chr. 28:20.\ft*\f*.” 
\v 6 Etu nimite moi khan biswas pora koi,
\q “Moi khan ke modot kora Probhu ase; moi bhi nokorile.
\q Manu pora moike ki kori bole paribo?\f + \fr 13.6 \fr*\ft Psa. 118:6; 27:1.\ft*\f*”
\p
\v 7 Apuni laga cholawta khan ke mani kene thakibi, kun apuni khan ke Isor laga kotha khan koi diye, aru taikhan apuni logote kineka thake etu sai lobi, aru taikhan biswas te thaka nisena thakibi. 
\v 8 Jisu Khrista kali, aji aru hodai nimite eke ase\f + \fr 13.8 \fr*\ft Psa. 90:2; Rev. 1:8; Isa. 41:4.\ft*\f*. 
\v 9 Manu khan pora kisim-kisim notun kotha sikhai diya khan huni kene biswas na koribi. Kelemane amikhan laga bhitor atma te Isor laga anugraha pora ki takot pai, etu he asol ase, kintu dhorom niyom te kha luwa mani luwa te, kun pora etu kore taikhan eku labh napai. 
\v 10 Amikhan laga ekta bedi ase, ta te kun manu tombu te sewa kore taikhan ta te pora khabole napare. 
\v 11 Kelemane paap pora maph pabole nimite janwar ke morai aru tai laga khun loi kene moha purohit khan sob pora pobitro jagate jai, kintu taikhan laga gaw to bahar te loijai kene jolai diye. 
\v 12 Jisu bhi sheher laga duar bahar te jai kene dukh paisele, Tai nijor laga khun pora manu khan ke sapha kori dibole nimite. 
\v 13 Etu nimite amikhan ghor pora bahar te ulaikene Tai logote jabo, Tai nimite sorom bukhi bole karone\f + \fr 13.13 \fr*\ft Luke 6:22.\ft*\f*. 
\v 14 Kelemane yate amikhan nimite hodai thaki bole laga sheher nai. Kintu, amikhan to ki ahibole ase etu ke he rukhi ase. 
\v 15 Etu karone Jisu Khrista dwara amikhan bhi Isor ke stuti bolidan narakhikena di thakibo, motlob amikhan laga mukh pora Tai Probhu ase eneka shikar kora ase\f + \fr 13.15 \fr*\ft Psa. 50:14; 50:23; Hos. 14:2.\ft*\f*. 
\v 16 Kintu amikhan manu nimite bhal kaam kori bole nimite alchi nokorile, kelemane eneka pora diya laga bolidan he Isor khushi pai. 
\v 17 Apuni khan laga cholawta pora ki koi ase etu mani kene thakibi, kelemane taikhan apnikhan laga atma nimite sikhai ase, kele koile etu sob laga hisab to taikhan nijor pora he dibole ase. Cholawta khan laga kotha manibi, tinehoile he taikhan khushi pora kaam koribo, taikhan ke biya napabi, kelemane apuni eneka korile apuni laga eku labh nohobo\f + \fr 13.17 \fr*\ft 1 The. 5:12-13; Rev. 20:28.\ft*\f*.
\p
\v 18 Amikhan nimite prathana koribi, kelemane amikhan mon sapha mon hoi kene bhal kaam sob homoi te kori thaki bole itcha ase. 
\v 19 Kintu moi apuni khan ke etu pora bhi bisi kori bole nimite mon dangor koridi ase, etu pora moi bhi apuni khan logote joldi ahibole paribo.
\s Hekh Prathana
\p
\v 20 Etiya Isor laga anondo, kun pora mora pora jinda uthaise, kun sobse mohan mer rokhiya ase, anonto vachan laga khun pora\f + \fr 13.20 \fr*\ft John 10:11; Acts 2:24; Rom. 15:33.\ft*\f*, 
\v 21 sob bhal kaam te Tai laga kaam kori bole nimite apuni khan ke bhorta kori dibi, aru Jisu Khrista dwara amikhan logote Tai laga itcha kori bole dibi, Taike hodai-hodai nimite mohima hobi. Amen.
\s Hekh Salam Kotha
\p
\v 22 Bhaikhan moi apuni khan laga mon dangor koridi ase, moi laga kotha khan bhal pora huni lobi, kele koile moi olop kotha apuni khan ke likhi ase. 
\v 23 Amikhan laga bhai Timothy ke bondhi ghor pora chari diya khobor hunise, taike loi kene moi apuni khan ke joldi lok koribo.
\p
\v 24 Apuni khan laga cholawta aru sob pobitro manu khan ke salam dibi. Italy desh te thaka khan pora bhi apnikhan ke salam di ase.
\p
\v 25 Apuni khan sob logote anugrah thaki bole dibi.