\id EPH - Indian Revised Version (IRV) Nagamese
\ide UTF-8
\ide UTF-8
\h Ephesians
\toc1 Ephesia Logot Paul He Likha Chithi
\toc2 Ephesians
\toc3 Eph
\mt Ephesia Logot Paul He Likha Chithi
\c 1
\s Salam Kotha
\p
\v 1 Paul, Jisu Khrista laga ekjon apostle pora Ephesus sheher te thaka pobitro khan aru Khrista Jisu logote biswasi thaka khan ke likhi ase. 
\v 2 Baba aru, Jisu Khrista laga anugrah aru shanti apuni logote thakibo dibi.
\s Khrista Te Atma Laga Asirbad
\p
\v 3 Jisu Khrista laga Isor aru Baba ke proshansa thakibo dibi, jun pora amikhan ke atma laga sob asirbad dise, Khrista dwara, 
\v 4 jineka Isor amikhan ke prithibi bona age te bisari loise, tai usorte pobitro aru galti nohoikena thakibo nimite. 
\v 5 Tai laga itcha te Jisu Khrista dwara amikhan ke Tai nijor laga pali luwa bacha khan hobole basi loise, 
\v 6 Tai laga anugrah laga mohima juntu Tai amikhan ke ene pora dise Tai laga Sobse Morom Thaka Ekjon dwara, 
\v 7 Tai laga khun pora he amikhan udhar kori loise, aru Tai laga dangor anugrah te amikhan laga paap sob maph paise, 
\v 8 sob gyaan aru buddhi pora amikhan ke bhorta kori dise. 
\v 9 Khrista dwara sorgote aru prithibi te thaka sob manu ke Isor laga asurit kotha koidibole Isor laga itcha korise, 
\v 10 Isor laga itcha to kineka thik homoi te pura hobo etu he tai laga bhabona ase, aru sorgo aru prithibi te ki jinis khan ase, sob eke logote mili kene Khrista laga age te anibo, 
\v 11 Khrista te he amikhan ke Isor laga manu hobole basi loise. Amikhan ke age pora jaga bonai kene rakhise juntu hisab te tai laga itcha pora amikhan ke Isor laga maksad karone basi loise, 
\v 12 etu nimite he amikhan, jun Khrista uporte poila pora asha rakhise, tai laga mohima hobo nimite aradhana koribo. 
\v 13 Apuni khan bhi Khrista ke biswas korise, aru jitia apnikhan laga poritran laga susamachar hunise, aru biswas korise, titia apuni ke Pobitro Atma laga kosom pora mohor lagai dise, 
\v 14 aru amikhan nimite pabole thaka to Pobitro Atma pora ji hoilebi rakhi diye, jitia tak amikhan etu pura pai naloi, Tai mohima karone.
\s Dhanyavad Diya Prathana
\p
\v 15 Etu nimite, jitia apuni laga biswas Jisu Khrista te thaka aru apnikhan sob pobitro manu ke morom kora moi hunise, 
\v 16 Moi apnikhan nimite dhanyavad dibole rukhanai, moi laga prathana te hodai yaad kori thake, 
\v 17 ami laga Probhu Jisu Khrista laga Isor, mohima laga Baba, apnikhan ke Tai laga buddhi laga atma aru Tai laga gyaan apnikhan ke jonai dibo nimite, 
\v 18 aru apnikhan laga mon laga suku khuli kene ujala hobo nimite titia apuni janibo paribo kele tai apnikhan ke Tai laga asha te matise aru pobitro khan nimite tai kineka dhun aru mohima rakhi dikene ase etu janibo, 
\v 19 aru tulona kori bole napara Tai laga mohan hokti juntu biswas kora khan logot ase, juntu hisab te tai kaam kore, 
\v 20 juntu hokti Khrista bhitor te kaam korise, aru Jisu ke mora pora uthai dise aru sorgote Tai laga dyna hathte rakhise, 
\v 21 sob niyom, adhikar aru takot pora ki kotha koise khali etiya he nohoi, kintu ahibole yug nimite bhi. 
\v 22 Isor sob jinis to tai laga theng nichete rakhise aru sob hokti to taike dise aru sob girja uporte cholawta hobole dise\f + \fr 1.22 \fr*\ft Col. 2:10; Psa. 8:6\ft*\f*, 
\v 23 girja to Khrista laga gaw ase aru tai pora he bhorta kore, Tai sob saman ke pura kore aru thik kore.
\c 2
\s Biswas Pora Anugraha Paise
\p
\v 1 Aru apnikhan poila to kotha namana aru paap te morikene asele, 
\v 2 utu somoite apuni khan etu prithibi laga niyom hisab te berai thakise, aru apnikhan hawa atma laga takot te berai thakise, juntu atma etiya kotha namane laga manu khan logote kaam kori ase. 
\v 3 Amikhan bhi taikhan nisena he thakise, biya laga bhabona aru gaw mangso ke khushi koribo dise. Etu nimite, dusra khan nisena he, amikhan to Isor laga khong te julibole thaka bacha khan ase. 
\v 4 Kintu Isor to daya te bisi dhuni ase, aru tai laga dangor morom pora amikhan ke bisi morom korise. 
\v 5 Jitia amikhan tai laga kotha namana nimite mori thakise, Tai amikhan ke Khrista logote jinda kori dise- anugrah pora poritran anidise- 
\v 6 aru Tai logote amikhan bhi jinda uthai dise aru sorgo jaga sob te Jisu Khrista logot bohi bole dise, 
\v 7 etu nimite ahibole yug te etu jhuki bole napara dangor anugrah ki Tai daya kori kene Jisu Khrista te amikhan ke dikhai dise, etu sobke janai dibo karone ase. 
\v 8 Kile mane biswas dwara Isor laga anugrah pora apnikhan poritran paise, aru etu to apuni pora aha nohoi, kintu Isor laga bordan ase, 
\v 9 nijor laga kaam khan pora nohoi, kelemane kun bhi phutani nahobo nimite. 
\v 10 Kilekoile amikhan tai laga hath pora bona sristikhan ase, aru Khrista Jisu logote bhal kaam kori bole amikhan ke etu jibon dise.
\s Khrista Te Sob Ekta Thaka
\p
\v 11 Etu karone monte rakhibi, ekta somoite apnikhan gaw mangso te Porjati thakise, aru apnikhan “sunnot kora khan” pora “sunnot nakora khan” eneka mati thakise - juntu kaam to manu laga hath pora kora kaam ase\f + \fr 2.11 \fr*\ft Sunnot nakora Porjati\ft*\f*. 
\v 12 Kilekoile etu somoite apuni khan Khrista pora alag thakise, aru Israel samaj te luwa nai, aru kotha milai luwa laga kosom para apuni khan najana manu khan ase, aru eku asha aru Isor nathaka duniya thakise. 
\v 13 Kintu etiya Khrista Jisu te, apuni khan jun poila te tai pora bisi dur thakisele, Khrista laga khun pora usorte ani loise. 
\v 14 Kile mane Khrista nijor he amikhan laga shanti ase. Tai laga gaw pora duita thaka to ekta kori dise aru juntu diwar pora amikhan ke alag korise etu ke tai bhangai kene khotom kori dise\f + \fr 2.14 \fr*\ft Gal. 3:28; Eph. 2:15.\ft*\f*. 
\v 15 Tai laga kotha aru Yehudi niyom pora etu sob niyom khan khotom kori dise. Tai laga itcha to duita jat thaka to ekta hoi kene tai logote thaki bole, aru eneka pora he shanti banabo, 
\v 16 aru etu nimite Khrista laga Cross pora he taikhan majote dushmani thaka to khotom koribo paribo, aru Isor logot milai loi kene ki dushmani thakise etu khotom kori bole nimite. 
\v 17 Aru Khrista ahi kene jun dur te ase, aru jun usorte ase, duita jat ke shanti laga susamachar janai dise, 
\v 18 kelemane Tai pora he amikhan duijon\f + \fr 2.18 \fr*\ft Yehudi aru porjati manu khan.\ft*\f* ke ekjon Atma bonai kene Baba Isor ke milai dise. 
\v 19 Etu karone apuni khan etiya dusra desh aru nachina manu nohua hoise. Hoile bhi, etiya apnikhan to pobitro manu khan logote Isor laga ghor te thaki thaka manu hoi jaise. 
\v 20 Apuni khan ke apostle aru bhabobadi khan laga mojbut kotha uporte bonaise, aru Jisu Khrista tai nijorke ekta bisi dorkar pathor dise\f + \fr 2.20 \fr*\ft Isa. 28:16; I Cor. 12:28.\ft*\f*. 
\v 21 Jun he dangor ghor ke eke logote mojbut pora dhuri rakhise, aru Probhu te ekta pobitro mondoli hoi kene uthi thakibi, 
\v 22 aru Khrista te apnikhan ke milai kene bonai dise, juntu te Isor laga Atma thaki jabo.
\c 3
\s Susamachar Laga Kotha
\p
\v 1 Etu nimite moi, Paul, apuni Porjati khan nimite, Khrista Jisu laga bondhi ase. 
\v 2 Jodi apuni Isor laga kripa kotha hunise juntu Isor pora moike dise apnikhan nimite, 
\v 3 juntu moike prokahit kori dise, utu lukai kene rakha kotha juntu moi age te olop likhi loise. 
\v 4 Jitia apuni etu kotha porhibo, apuni Khrista laga asurit aru bhitor kotha to bujhi bole paribo, 
\v 5 poila te etu kotha to dusra jamana khan ke janai diya nai, hoile bhi ekta sob kotha he Atma pora tai laga pobitro apostle aru bhabobadi khan pora janai dise-- 
\v 6 aru Porjati khan bhi Jisu Khrista laga waris ase aru Tai laga gaw laga bhag ase aru susamachar laga kosom dwara taikhan bhi Isor diya kosom te bhag loise, 
\v 7 etu nimite he moi Tai laga sewa korise, Isor laga anugrah pora kaam kori thaka aru asirbad morom moike dise. 
\v 8 Moi pobitro manu bhitor te sobse chutu ase, Khrista laga bisarikena khotom kori bole napara dhun kotha Porjati khan ke prochar koribo nimite etu anugrah moike dise, 
\v 9 aru sobke juntu tai laga asol maksad to ki ase etu dikhai dibo, ekta hosa kotha juntu Isor pora sob jinis bona homoi te lukai kene rakhidise- 
\v 10 etu hoile girja dwara he sob cholawta aru adhikari khan, jun sorgo jagate ase, taikhan Isor laga bisi kisim gyaan thaka to janibole pabo, 
\v 11 kitia bhi khotom nohobole bhabona juntu Isor pora amikhan laga Probhu Khrista Jisu logote korise, 
\v 12 amikhan Khrista logote biswas pora mon dangor kori kene tai usorte jabo. 
\v 13 Etu nimite moi anurodh kori ase apuni khan ke, mon chutu na koribi kelemane moi dukh pa to apnikhan laga labh hobole nimite ase.
\s Atma Te Takot Hobole Prathana
\p
\v 14 Etu nimite moi Baba Isor usorte athukari kene ase, 
\v 15 jun pora sob dol laga ghor manu khan ke sorgo aru prithibi te naam dise, 
\v 16 titia Isor laga dhun aru morom laga asis pora apuni ke dibo aru apuni laga bhitor te thaka manu ke Atma pora takot koribo, 
\v 17 etu hoile Khrista apuni laga mon bhitor te biswas dwara thakibo paribo, aru morom te thaki bole paribo, 
\v 18 titia apuni sob pobitro manu khan logote milikena bujhi bole paribo, kiman lamba aru kiman bhitor, aru kiman untcha ase, 
\v 19 aru Khrista laga morom bujhi bo paribo, etu morom to gyaan pora bhi bisi dangor ase, etu sob to Isor laga bhal kaam pora amikhan uporte bhorta hoi jabo.
\p
\v 20 Isor usorte amikhan ki mangile bhi aru bhabona korile bhi sob to kori diye, aru juntu takot amikhan ke chulai ase etu laga itcha te he sob to pura hoi jabo, 
\v 21 Isor ke mohima hobi girja te aru Khrista Jisu dwara ahibole yug sob te, etiya pora hodai nimite. Amen.
\c 4
\s Khrista Laga Sarir Te Milikena Thaka
\p
\v 1 Etu nimite ami Isor laga bondhi ghor te thaka manu, apnikhan ke utsah kori ase juntu kaam kori bole apnikhan ke matise utu thik pora kori kene berabi, 
\v 2 nomro aru norom hoi kene, dhorjo kori kene, ekjon-ekjon ke morom te thakibi, 
\v 3 shanti pora Atma bhitor te ekta hoi kene thaki bole kosis koribi. 
\v 4 Ekjon he gaw ase, aru ekjon Pobitro Atma ase, jineka apnikhan ke ekta bhabona kori kene mati sele, 
\v 5 ekjon Isor, ekta biswas, ekta baptizma, 
\v 6 Ekjon Isor aru sob laga Baba, jun sob laga uporte ase, aru sob pora ase, aru sob bhitor te ase. 
\v 7 Etiya amikhan sobke anugrah dikene ase Khrista laga inam laga ujon hisab te. 
\v 8 Etu nimite tai koise:
\q “Jitia tai uporte uthise,
\q Tai dhuri kene thaka khan ke dhuri kene loi jaise,
\q Aru manu khan ke inam khan dise\f + \fr 4.8 \fr*\ft Psa. 68:18\ft*\f*.”
\m
\v 9 To etu laga motlob to ki ase “Khrista uthise,” hoilebi tai prithibi laga sob pora niche bhag te bhi jaise\f + \fr 4.9 \fr*\ft Heb. 2:9; John 3:13.\ft*\f*? 
\v 10 Tai jun nichete jaise utu tai he ase jun sob sorgo khan pora bisi uporte bhi uthise, titia Tai sob jinis khan ke bhorta kori bole paribo. 
\v 11 Aru Khrista pora kunba ke apostle, kunba ke bhabobadi, kunba ke procharok, aru kunba ke palok aru hikhok kori bole dise\f + \fr 4.11 \fr*\ft 2 Cor. 12:28-29.\ft*\f*, 
\v 12 pobitro manu khan ke thik kori bole nimite, mantri khan laga kaam khan aru Khrista laga gaw ke hikai dibole nimite, 
\v 13 Isor laga chokra laga gyaan te ekta biswas te napuncha tak, ekta pura aru thik manu hobo nimite, pura Khrista nisena, 
\v 14 titia amikhan aru bacha nisena nahobo, age piche nahilibo, niyom laga sob hawa te loi najabo, manu khan laga thoga baji te, aru chalak kaam khan te nagiribo. 
\v 15 Kintu morom pora hosa kotha kobo, aru sob jinis te uthibo, Tai logote jun matha ase, Khrista nijor, 
\v 16 Jun pora pura gaw thik pora mili kene ekta hoijai, aru bhag sob pora nijor kaam kori kene ekta bhag logote ekta bhag mili jai, etu pora gaw ke hikai, nijor pora morom te bonai uthibole.
\s Notun Jibon
\p
\v 17 Etu nimite ami koi ase, aru Probhu naam te utsah di ase, etiya pora apnikhan Porjati khan misa-misi bhabona te thakikena bera nisena na koribi. 
\v 18 Bujhi bole para takot to andhar te rakhi kene ase, aru Isor laga jibon pora alag hoi kene ase, kele koile taikhan monte buddhi nai aru Isor ke taikhan laga mon tan hoi kene thaka nimite. 
\v 19 Jun khan nijor bhabona ke morai dise, aru nijorke bebichari kaam nimite cholai se, aru gaw mangso kaam te berai thakise. 
\v 20 Hoile bhi apnikhan eneka pora Khrista laga kotha hika nai, 
\v 21 eneka hoile apnikhan utu hobi juntu apnikhan tai laga hunise, aru Jisu pora jineka hikai se, juntu hosa to Jisu bhitor te ase. 
\v 22 Titia apnikhan utu purana manu laga poila kotha khan phelai dibi, juntu misa-misi ase thoga baji laga lalchi khan ase, 
\v 23 Aru apnikhan laga bhabona laga atma te notun hobi, 
\v 24 Aru ta te apuni khan utu notun manu hobi jun Isor laga protima ase- dharmikta aru pobitrota te\f + \fr 4.24 \fr*\ft Col. 3:10; 1 Cor. 5:17.\ft*\f*.
\p
\v 25 Etu nimite misa phelai dibi, sob manu dusra manu logote hosa kotha kobi kele koile amikhan ekjon-dusra-jon laga bhag ase\f + \fr 4.25 \fr*\ft Col. 3:9; Rom. 12:5; Zec. 8:16.\ft*\f*. 
\v 26 Apnikhan khong hobi, aru paap na koribi: apnikhan laga khong uporte din khotom hobole nadibi\f + \fr 4.26 \fr*\ft Psa. 4:4.\ft*\f*. 
\v 27 Bhoot khan ke bhal homoi to nadibi. 
\v 28 Taikhan jun khan chor kore, taikhan chor nakori jabi. Ulta, tai kaam kori bole lage, tai laga hath khan pora utu kaam khan kori bole dibi juntu bhal ase hoile bhi, titia tai dusra ke dibole paribo junke dorkar ase. 
\v 29 Apnikhan laga mukh pora misa-misi kotha khan ulabole nadibi, hoile bhi juntu kotha dusra ke uthai dibole nimite bhal ase, eneka pora huni thaka khan anugrah pabo. 
\v 30 Aru Isor laga Pobitro Atma ke mon dukh kori bole nadibi, juntu pora apuni khan ke paap pora bachai diya laga dinte daag dise\f + \fr 4.30 \fr*\ft Eph. 1:13-14; Isa. 63:10.\ft*\f*. 
\v 31 Sob tita khan, biya pa-a, khong, hala, aru gali diya khan apnikhan pora hatai dibi, sob biya laga bhabona khan. 
\v 32 Aru ekjon-ekjon ke morom koribi, norom mon rakhibi, maph koribi, jineka Isor pora Khrista dwara apnikhan ke maph korise.
\c 5
\s Morom Te Thakibi
\p
\v 1 Etu karone, Isor pora morom kora bacha khan nisena, apnikhan bhi Isor laga niyom khan koribo lage, 
\v 2 aru morom te bera bhi, jineka Khrista amikhan ke morom korise aru amikhan nimite tai laga jibon Isor ke ekta mitha sugandh thaka nisena bolidan dise\f + \fr 5.2 \fr*\ft John 13:34; Gal. 2:20\ft*\f*.
\p
\v 3 Kintu bebichari aru letera kaam khan aru lalchi huwa, etu kaam khan pora apnikhan uporte bodnam hobo nadibi kele koile apnikhan pobitro manu ase, 
\v 4 aru letera aru murkho kotha khan nohoile bhi biya kotha pora dhamali kora thik nai kintu dhanyavad diya laga kotha he kobi. 
\v 5 Etu bhal pora jani bhi, bebichari, nohoile letera, nohoile lalchi, aru murti puja kora- eitu khan sob Khrista aru Isor laga rajyote jaga napabo. 
\v 6 Kun manu pora bhi apnike eku motlob nathaka kotha pora thogabo nadibi, kele koile etu kotha namana bacha khan uporte Isor laga khong to ahibo. 
\v 7 Etu karone, eneka manu khan logote namili bhi, 
\v 8 kele koile poila apnikhan andhera te thakise, kintu etiya apnikhan Probhu logote ujala te ase. Ujala laga bacha nisena berabi\f + \fr 5.8 \fr*\ft Eph. 5:8\ft*\f* 
\v 9 -kele koile puhor laga phol to sob bhal niyom, dharmikta aru hosa khan ase-, 
\v 10 Hoshiar pora Probhu\f + \fr 5.10 \fr*\ft Yate, Probhu to Isor hobo pare\ft*\f* laga itcha janikena thakibi. 
\v 11 Andhera te phol nadhura kaam kora manu khan logot namilibi, hoile bhi taikhan ke ujala te anibi. 
\v 12 Kilekoile taikhan lukai kene kora kaam khan kobole bhi sorom ase. 
\v 13 Kintu pohor te sob jinis khan dikhi jai, kelemane ki dikhi bole pare, etu sob pohor ase. 
\v 14 Etu nimite Isor kotha te eneka likha ase,
\q “Uthi bhi, jun ghumai ase,
\q Aru mora pora uthi jabi,
\q Aru Khrista laga pohor apuni uporte ahibo\f + \fr 5.14 \fr*\ft Poila Khristan gana hobo pare\ft*\f*.”
\p
\v 15 Hoshiar pora sai thakibi, apuni kineka berai- murkho manu nisena nohoi kintu gyaani nisena, 
\v 16 homoi to para tak chola bhi kele koile din khan biya ase\f + \fr 5.16 \fr*\ft Amos 5:13; Col. 4:5\ft*\f*. 
\v 17 Etu nimite, murkho nahobi, kintu Probhu laga ki itcha ase etu bujhi bole koribi. 
\v 18 Modhu pora nisa nohobi, kelemane etu pora apuni laga jibon sob khotom kori dibo. Kintu, Pobitro Atma pora bhorta hoi kene thakibi\f + \fr 5.18 \fr*\ft Pro. 23:31-32; Gal. 5:21-25\ft*\f*, 
\v 19 ekjon-ekjon logote bhajan aru gana khan, aru pobitro gana khan, Probhu ke apuni laga mon bhitor pora gana kora khan aru sundur pora bajana koribi\f + \fr 5.19 \fr*\ft Col. 3:16; 1 Cor. 14:26\ft*\f*, 
\v 20 Sob homoi te Baba Isor aru amikhan laga Probhu Jisu Khrista laga naam te dhanyavad dibi, 
\v 21 Pura mon pora Khrista karone nijorke ekjon-ekjon logot mili kene thakibi.
\s Shadi Kora Mota Aru Maiki Nimite Kotha
\p
\v 22 Isor ke diya nisena, maiki khan nijor mota ke pura mon pora sabi\f + \fr 5.22 \fr*\ft Col. 3:18; 1 Pet. 3:1; Gen. 3:16\ft*\f*. 
\v 23 Kilekoile ekjon mota to maiki laga matha ase jineka Khrista ekta girja laga matha ase- tai nije he ekjon gaw laga tran-korta ase. 
\v 24 Etu nimite jineka girja to Khrista nichete ase, etu nisena maiki khan sob tai laga mota nimite ase. 
\v 25 Mota khan, apnikhan laga maiki khan ke morom koribi jineka Khrista tai laga girja ke korise aru etu nimite tai nije ke di dise, 
\v 26 Titia tai pora eitu khan ke pobitro kori dibo, taike Isor kotha loi kene pani pora dhulai sapha kori dibo, 
\v 27 titia Khrista nijor nimite ekta sonman laga girja ase koi kene dibo, eku bhi dagi nathaki kene nohoile bhi tera, nohoile bhi dusra eku bhi biya nathaka, kintu titia tai pobitro aru eku bhi galti nathaka hobo. 
\v 28 Etu nisena mota khan bhi nijor maiki ke nijor gaw nisena morom koribo lage. Jun mota nijor maiki ke morom kore tai nijorke morom kora nisena ase. 
\v 29 Kilekoile kunbi nijor gaw ke biya nalage, kintu tai bhal pora khilai aru sapha rakhe, jineka Khrista tai laga girja ke morom kore. 
\v 30 Kelemane amikhan tai laga gaw laga bhag khan ase. 
\v 31 “Etu karone ekjon mota tai nijor baba aru ama ke chari kene nijor maiki logote ekta gaw hoi kene thake\f + \fr 5.31 \fr*\ft Gen. 2:24\ft*\f*.” 
\v 32 Etu ekta bisi dangor bujhi bo napara kotha ase, kintu ami Khrista aru girja laga kotha koi ase. 
\v 33 Kineka hoile bhi, apuni khan sobke koi ase, nijorke morom kora nisena nijor maiki ke morom koribi, aru maiki khan nijor mota ke sonman dibo lage.
\c 6
\s Ama Baba Aru Bacha Khan
\p
\v 1 Bacha khan, Probhu dwara ama baba laga kotha mani bhi, kele koile etu he thik ase. 
\v 2 “Tumi laga baba aru ama ke sonman koribi” -juntu poila hukum ase kosom thaki kene-, 
\v 3 “Titia tumi nimite bhal hobo, aru tumi prithibi te lamba jibon thaki bole paribo\f + \fr 6.3 \fr*\ft Exo. 20:12; Deu. 5:16\ft*\f*.” 
\v 4 Baba khan, apnikhan laga bacha khan ke khong hobole nadibi. Hoile bhi, taikhan ke Isor laga niyom te aru hisab te dangor koribi\f + \fr 6.4 \fr*\ft Deu. 6:7; Pro. 3:11-12; 22:6; Col. 3:2\ft*\f*.
\p
\v 5 Sewak khan, tumikhan laga mon sapha pora, malik logote kotha mani kene, bhoi pora aru kapi kene thaki bhi, jineka Khrista usorte thake, 
\v 6 khali suku usorte nohoi, jineka manu khan ke khushi kori bole nimite kore, hoile bhi Khrista laga noukar khan nisena, atma pora Isor laga monjur koribi, 
\v 7 bhal niyom pora sewa koribi Isor laga naam pora, manu laga naam pora nohoikena, 
\v 8 jani bhi jun manu bhal kaam koribo, etu manu Isor pora pabo, tai nokor hoile bhi nahoile ajad thaka hoile bhi.
\p
\v 9 Malik khan, taikhan nimite bhi eneka he kori bhi. Gali kene bhoi nakhila bhi. Apnikhan jani ase, apnikhan aru taikhan laga Malik sorgote ase, aru Tai logot te eku bhagsak nai\f + \fr 6.9 \fr*\ft Luke 6:31; Deu. 10:17; 2 Chr. 19:7\ft*\f*.
\s Isor Laga Lorai Hathiar
\p
\v 10 Hekh te, Probhu logote thakibi aru tai laga takot te sakti pabi. 
\v 11 Isor laga sob hathiar khan lagai lobi, titia apnikhan bhoot laga chalak khan bhirodh te khara kori bole paribo.
\p
\v 12 Kilekoile amikhan gaw mangso aru khun logote lorai kora nohoi, hoile bhi biya niyom khan logote, biya takot khan logote, etu duniya laga andhar-laga-rajakhan laga biya khan logote, utcha jaga khan te thaka biya atma khan logote lorai kori ase. 
\v 13 Etu nimite apuni khan Isor laga hathiar khan loi lobi, titia apuni khan biya dinte khara hobole paribo, aru sob kori kene, khara hobo. 
\v 14 Khara hobi, apuni laga komor te hosa bandi lobi, aru chati te dharmikta bandi lobi\f + \fr 6.14 \fr*\ft Isa. 11:5; 59:17\ft*\f*, 
\v 15 aru apuni laga theng khan te susamachar laga shanti nimite juta lagai kene taiyar koribi\f + \fr 6.15 \fr*\ft Isa. 52:7; Nah. 1:15\ft*\f*. 
\v 16 Sob somoite, biswas laga dhal lobi, etu hoile biya jon\f + \fr 6.16 \fr*\ft Saitan\ft*\f* pora jui laga tir mari thaka to khotom kori bole paribo. 
\v 17 Aru poritran laga loha-laga-topi pindhi lobi, aru Atma laga dao, juntu Isor laga kotha ase\f + \fr 6.17 \fr*\ft Isa. 49:2; Heb. 4:12; Isa. 59:17\ft*\f*. 
\v 18 Sob somoite Pobitro Atma pora prathana kori bhi, ki lagi ase etu sob mangi kene prathana koribi. Etu sob koribo nimite, hodai taiyar aru hoshiar thakibi aru pobitro manu khan nimite hodai prathana koribi, 
\v 19 Aru ami nimite to, kotha kobole nimite sandesh dibi, tine hole ami bhoi nakori kene mukh khuli bo, susamachar laga lukai kene rakha janai dibole nimite. 
\v 20 -Juntu nimite moi noukar hoi kene ekjon janai diya manu ase-, titia moi bhoi nakori kene kobo, jineka moi kobo lage.
\s Hekh Laga Salam Kotha
\p
\v 21 Aru ami ki kori ase, kineka kori ase apuni khan bhi janibo, Tychicus, Probhu te thaka ekjon morom aru biswas thaka bhai pora apnikhan ke koi dibo, 
\v 22 Junke moi apnikhan usorte thik etu nimite he pathai ase, titia amikhan laga kaam khan janibole paribo, aru apnikhan laga mon dangor hobo.
\p
\v 23 Sob bhai khan logote shanti aru morom thakibi, biswas pora Baba Isor aru Jisu khrista te. 
\v 24 Aru kunkhan Probhu Jisu Khrista ke kitia bhi biya nohobole laga morom kore taikhan logote Isor laga anugraha hobo dibi.