\id 2TI - Indian Revised Version (IRV) Nagamese
\ide UTF-8
\ide UTF-8
\h 2 Timothy
\toc1 Timothy Logot Paul He Likha Duitio Chithi
\toc2 Second Timothy
\toc3 2Ti
\mt Timothy Logot Paul He Likha Duitio Chithi
\c 1
\s Salam Kotha
\p
\v 1 Paul, Isor laga itcha pora Jisu Khrista laga ekjon apostle, jibon laga kosom juntu Jisu Khrista te ase, 
\v 2 moi laga morom bacha, Timothy ke likhi ase: Baba Isor aru Khrista Jisu amikhan Probhu laga kripa, daya, aru shanti thakibi.
\s Tumike Ki Kaam Dise etu Bachai Kena Rakhibi
\p
\v 3 Ami Isor ke bisi dhanyavad di ase, junke moi laga baba khan laga din pora moi sewa kori ahise, sapha bhabona loi kene, jun nimite ami kaam kori ase, ami narukhi kene din raat apuni ke ami laga prathana pora monte rakhe. 
\v 4 Ami tumi laga suku pani ke yaad kori thake, ami tumike bisi sabole mon hoi ase, titia ami laga khushi pora bhorta hobo. 
\v 5 Tumi laga asol biswas moi yaad kori dise, juntu poila tumi laga ama Eunice aru nani Lois logot bhi thakise, aru ami pura biswas ase tumi logot bhi ase. 
\v 6 Etu kotha nimite, ami tumike yaad kori bole di ase, moi laga hath tumi uporte rakhikena Isor ke mangi diya bordan, juntu tumi bhitor te ase, etu ke notun kori kene chola bhi\f + \fr 1.6 \fr*\ft 1 Tim. 4:14.\ft*\f*. 
\v 7 Kilekoile Isor amikhan ke bhoi laga atma diya nai, hoile bhi hokti aru morom aru bhal niyom laga atma dise. 
\v 8 Etu nimite tumi Isor laga gawahi kori bole sorom na koribi, nohoile bhi moi nimite, jun Isor laga noukar ase. Ulta, Isor laga hokti hisab te amikhan eke logote susamachar karone Khrista nimite dukh koribo. 
\v 9 Isor he amikhan ke bachai dise aru pobitro hobo nimite matise, amikhan laga kaam hisab te nohoi, hoile bhi Tai laga Nijor itcha aru anugraha hisab te, juntu, somoi shuru nohua age te, Khrista Jisu te Tai amikhan ke dise, 
\v 10 juntu etiya amikhan laga Tran-Korta Jisu Khrista ulai aha te prokahit kori dise. Tai hosa pora bhi mrityu ke khotom kori dise, aru jibon aru anonto jibon ke Tai laga susamachar pora ujala te anidise. 
\v 11 Juntu nimite amike procharok, apostle, aru hikhok hobole Isor pora basi loise. 
\v 12 Eitu khan nimite ami bhi bisi dukh kore. Hoilebi ami sorom nakore, kele koile ami Taike jani ase junke ami biswas kore, aru ami biswas ase hekh din tak Tai juntu jimedari amike dise etu rakhibo. 
\v 13 Ami juntu hosa kotha tumike hunai dise, bhal pora mani kene thakibi aru Jisu Khrista ke biswas koribi aru Tai laga morom te thakibi. 
\v 14 Utu bhal kaam juntu tumi uporte jimedari dise, amikhan bhitor te thaka Pobitro Atma pora etu ke hoshiar pora bachai kene rukhibi.
\p
\v 15 Etu tumi jani ase, ta te sob manu jun khan Asia\f + \fr 1.15 \fr*\ft Asia continent nohoi, kintu Asia Minor motlob ase.\ft*\f* desh te ase taikhan sob amike chari dise, taikhan majote Phygelus aru Hermogenes bhi ase. 
\v 16 Probhu he Onesiphorus laga ghor uporte daya thaki bole dibi, kele koile tai amike mon khushi koridi thake aru ami koidi ghor te ase koi kene tai sorom nalage. 
\v 17 Hoile bhi, jitia tai Rome sheher te ahise, tai amike lok nakora tak amike bisari thakise. 
\v 18 Probhu laga dinte Probhu he taike daya pabole rasta dikhai dibi. Tumi bhal pora jani ase tai Ephesus sheher te ami nimite kiman bhal pora modot korise.
\c 2
\s Jisu Khrista Laga Bhal Sipahi Ekjon
\p
\v 1 Etu karone, moi laga bacha, Jisu Khrista pora aha anugraha te takot pora khara thakibi. 
\v 2 Moi bisi manu ke koi diya kotha khan juntu tumi huni loise, etu kotha khan loi kene dharmik aru dusra ke sikhabo para manu khan ke jimedari di dibi. 
\v 3 Dukh digdar paile bhi, amikhan logote Khrista Jisu laga ekjon bhal sipahi hoi kene thakibi. 
\v 4 Sipahi te thaka khan kitia bhi taikhan laga pura dhyan to etu jibon laga kaam te nadiye, kintu taike kun jimedari dise, taike khushi kori bole kosis kore. 
\v 5 Aru, ekjon pola manu jun polai, tai thik niyom te nakhilile tai inam napai.\f + \fr 2.5 \fr*\ft 1 Cor. 9:24-27.\ft*\f* 
\v 6 Ekjon kheti-kora manu, jun bisi dukh kori kene bijon lagase, tai he sobse poila kheti kata laga dhaan to pabo lage. 
\v 7 Moi ki kotha koi ase etu ke bhabibi, kele koile Probhu pora sob te bujhi bole gyaan dibo. 
\v 8 Jisu Khrista ke yaad koribi, jun mora pora jee uthise, jun David laga bijon pora ahise, ami prochar kori thaka susamachar hisab-te 
\v 9 juntu nimite ami iman dukh te ase, ekjon biya kaam kora manu nisena moike bandi kene ase. Hoilebi Isor laga kotha ke kitia bhi bondh kori kene rakhibole na paribo. 
\v 10 Etu karone,Isor laga basi luwa manu khan nimite moi dhorjo kori kene thake, titia taikhan bhi poritran juntu Jisu Khrista te ase, aru anonto mohima thaka to pabo. 
\v 11 Etu kotha khan hosa ase:
\q “Kitia amikhan Khrista logote morise, amikhan bhi tai logote jinda thakibo.
\q
\v 12 Kitia amikhan dhorjo thakibo, amikhan bhi Tai logote raj koribo.
\q Jodi amikhan Taike chari dise koile, Tai bhi amikhan ke chari dibo.
\q
\v 13 Jodi amikhan hosa pora nathakile bhi, Khrista to pura mon dikene amikhan logote thake,
\q Kilekoile Tai nijorke misa bona bole napare.”
\s Isor Pora Basi Luwa Sewak
\m
\v 14 Hodai etu kotha khan taikhan ke yaad koridi thakibi, aru Isor kotha loi kene jhagara kori bole nadibi, etu pora eku bhal nahe, ulta etu huni kene manu biya hoi jabo. 
\v 15 Isor pora tumike bhal ase kobo nimite, aru kaam kori bole sorom nathaka ekjon hobole para tak kosis koribi, aru hosa kotha loi kene hikai dibi. 
\v 16 Hoile bhi jun khan Isor laga kotha nohoi kene misa-misi kotha kore eitu khan pora dur thakibi, kele koile taikhan pora aru bhi biya rasta te loijabo. 
\v 17 Taikhan laga kotha to ekta ghao nisena sob jagate ulai jai, eitu khan majote Hymenaeus aru Philetus\f + \fr 2.17 \fr*\ft Misa laga hikhok khan ase.\ft*\f* bhi ase, 
\v 18 jun khan hosa kotha pora polai jaise. Taikhan pora punoruthan din to poila pora jai jaise, aru eneka koi kene dusra laga biswas ke khotom koridi ase. 
\v 19 Hoilebi, Isor laga bhetimul to mojbut pora khara thake, aru eneka likhi kene ase: “Probhu jane jun khan Tai laga ase” aru “Jun manu Probhu laga naam te biswas kore, taikhan adharmikta thaka kaam nakoribo lage \f + \fr 2.19 \fr*\ft Nah. 1:7.\ft*\f*.” 
\v 20 Ekta dangor ghor te, suna aru chandi pora bana samankhan ase, hoile bhi khuri aru mati pora bona saman khan bhi ase, aru kunba saman to dangor kaam nimite cholai aru kunba saman to hodai cholai. 
\v 21 Etu nimite jun manu nijorke biya khan pora sapha kori loise, taike bhal kaam nimite rakhibo, etu pichete tai to pobitro hobo aru tai laga malik pora taike chola bo. Aru tai to sob bhal kaam nimite taiyar thakibo. 
\v 22 Etu nimite jawan howa laga mangso itcha thaka pora dur polabi aru dharmikta, biswas, morom aru shanti bisari bhi aru jun pora Probhu ke sapha mon pora mate, eneka thakibi. 
\v 23 Hoile bhi murkho aru misa-misi kotha khan pora dur thakibi, tumi jani ase etu kotha khan pora jhagara ulai. 
\v 24 Hoile bhi ekjon Isor laga noukar to jhagara nakoribo lage, kintu sob age te nomro thakibi, aru bhal sikhai dibi, aru dhorjo koribi, 
\v 25 jun tumi laga kotha noloi, taike nomro pora buja bhi, hobo pare Isor taikhan laga mon chui kene hosa laga gyaan te mon ghurai dibo pare, 
\v 26 aru bhoot laga jaal pora polabole taikhan laga dimag khuli dibo pare, juntu jagate tai laga khushi nimite taikhan ke dhuri rakhi ase.
\c 3
\s Hekh Dinte Isor Najanibo
\p
\v 1 Kintu tumi etu janikena thakibi, hekh din punchile, bisi dukh somoi ahibole ase. 
\v 2 Kilekoile manu khan nijorke morom koribo, poisa laga lalchi koribo, nijorke dangor bhabibo, phutani koribo, dhorom laga biya kotha kobo, baba-ama laga kotha namanibo, bhal kaam kori dile bhi dhanyavad dibo najanibo, sapha nathakibo, 
\v 3 manu ke morom nalagibo, manu ke maph nadibo, misa kobo, nijorke biya kori bole rukhabo na paribo, bhal ke sabo na paribo, 
\v 4 manu ke thogai dibo, nabhabi kene kaam koribo, dangor bhabona koribo, Isor pora bhi prithibi ke he bisi morom koribo. 
\v 5 Taikhan Isor ke jana nisena dikha bo, hoile bhi Tai laga hokti to nolobo. Eneka manu khan pora dur thakibi. 
\v 6 Kilekoile eitu khan majote kunba khan manu laga ghor te ghusi kene murkho mahila khan, jun khan paap pora bhorta hoi kene thake, taikhan ke thogai kene mangso laga itcha te giribole diye. 
\v 7 Etu mahila khan hodai sikhi thake, hoile bhi taikhan kitia bhi hosa kotha to bujhi bo napare. 
\v 8 Jineka Jannes aru Jambres\f + \fr 3.8 \fr*\ft Jannes aru Jambres tai jon to Egypt desh laga jadu tona kora khan ase. \ft*\f* pora Moses laga kotha mana nai, etu manu khan bhi hosa kotha ke mana korise, paap pora taikhan laga dimag bandi kene ase, aru taikhan laga biswas ekdom komjur ase. 
\v 9 Kintu taikhan bisi dur te najabo, taikhan laga murkho to sob manu jani jabo, jineka utu duijon logote hoisele.
\s Sikhai Diya Kotha To Isor Mukh Pora Koi Diya Ase
\p
\v 10 Kintu tumi moi hikai diya kotha manise, niyom, maksad, biswas, morom, dhorjo, 
\v 11 kiman kisim laga dukh digdar paise aru moi logot ki hoise aru kineka Antioch, Iconium, aru Lystra sheher khan te moi dukh paise; eitu khan sob pora dukh digdar khan bardas koribo parise. Kilekoile etu sob pora Probhu he moike bachai loise\f + \fr 3.11 \fr*\ft Acts 13:14-14:26; Psa. 34:19.\ft*\f*. 
\v 12 Kilekoile jun manu Khrista Jisu logote dharmik hoi kene thakibo mon ase, taikhan to dukh digdar pabo. 
\v 13 Kintu biya aru thogai diya manu khan nijor bhi thogai pabo aru biya pora aru bhi biya hoi jabo. 
\v 14 Kintu, jun logot pora tumi sikhise, aru biswas kori loise, eitu khan ke mani kene thakibi. 
\v 15 Aru kineka bacha homoi pora Shastro te likha jani thakise, etu pora Jisu Khrista te biswas kora pora poritran pai eneka janibole gyaan paise, etu yaad koribi. 
\v 16 Pobitro kitab laga sob kotha to Isor laga gyaan pora hoise aru etu laga labh to sikhai dibo nimite, gali kori hikai dibo nimite, sidha kori dibo nimite, aru dharmikta te thakibo nimite hikai dibole karone ase, 
\v 17 titia Isor laga manu to sob bhal kaam koribo nimite gyaan aru taiyar thakibo.
\c 4
\s Prochar Koribi
\p
\v 1 Moi tumike etu hukum di ase, Isor aru Jisu Khrista laga naam te, kun morija-a aru jinda thaka manu khan sobke bisar koribo, aru Tai nijor aru Tai laga rajyo dikhai dibole ahibo: 
\v 2 Susamachar kotha prochar koribi; hodai taiyar thakibi; dhorjo kori kene manu khan ke bujhai di thakibi, gali dibi aru mon dangor koridi kene sob sikhai thakibi. 
\v 3 Kelemane hosa kotha sikhai diya huni bole mon nathaka homoi ahi ase. Kintu nijor laga mangso itcha phale jabo aru taikhan pora huni bole mon kora kotha he bisaribo\f + \fr 4.3 \fr*\ft 1 Tim. 4:1-2; 2 Tim. 3:1-5.\ft*\f*, 
\v 4 aru hosa kotha pora dur hoi jabo, aru taikhan dristanto khan phale mon ghuri jabo. 
\v 5 Kintu tumi to sob homoi te nijorke dhorjo kori thakibi. Dukh kosto uthabi; procharok laga kaam koribi; tumike diya kaam pura koribi. 
\v 6 Kelemane, moi to hoile bolidan diya nisena nijor jibon chari dibole homoi punchi kene ase\f + \fr 4.6 \fr*\ft Num. 28:7.\ft*\f*. 
\v 7 Moi para tak bhal lorai te bhal pora lorai korise; moi polai thaka khotom kori loise; moi biswas rakhise\f + \fr 4.7 \fr*\ft Acts 20:24.\ft*\f*. 
\v 8 Etiya pora moi karone dharmikta laga mukut rakhi dikene ase, juntu Probhu, kun dharmik bisar-korta ase, Tai pora moike utu dinte dibo, aru khali moike he nohoi, kintu sob jonke kunkhan Tai wapas aha din ke bisi asha pora rukhi ase.
\s Nijor Kotha
\p
\v 9 Moi logote joldi ahibole tumi para tak moi logote ahibole kosis koribi, 
\v 10 kelemane Demas to amike charise, etu yug ke morom hoija karone aru tai Thessalonica sheher te jai jaise, Crescens bhi Galatia te, aru Titus bhi Dalmatia te. 
\v 11 Khali Luke ekla moi logote ase. Tumi logote Mark ke bhi loi kene anibi, kelemane tai porisorja laga kaam te moi nimite bisi bhal ase. 
\v 12 Kintu Tychicus ke moi Ephesus sheher te pathaise. 
\v 13 Tumi aha homoi te Troas te thaka Carpus logote moi pora chari diya kapra khan, kitab khan aru etu sob pora uporte kitab likha chamra khan ani dibi. 
\v 14 Alexander, jun luha bostu bona manu ase, tai pora amike bisi biya kaam korise. Tai laga kaam hisab te Probhu pora ghurai dibo\f + \fr 4.14 \fr*\ft Psa. 28:4; Rom. 12:9.\ft*\f*. 
\v 15 Tumi bhi tai logot pora nijorke hoshiar kori lobi, kele koile tai amikhan laga kotha ke bisi apatti korise. 
\v 16 Moi nijor laga prothom sakhi diya te, kun bhi moi logote khara kora nai, sob moike chari dise. Isor pora morom kori kene taikhan uporte etu ghurai nadibi. 
\v 17 Kintu Probhu moi logote te thakikena moike takot dise, etu nimite moi Porjati majot te susamachar hunai dise. Etu nimite moike bagh laga mukh pora bachai loise. 
\v 18 Probhu pora biya kaam sob pora moike udhar koribo aru moike bachai loi kene Tai laga sorgo rajyote loijabo. Taike he hodai-hodai nimite mohima thakibi. Amen.
\s Hekh Salam Kotha
\p
\v 19 Priscilla aru Aquila, aru Onesiphorus laga ghor-manu khan sobke salam janai dibi. 
\v 20 Erastus to Corinth sheher te thaki jaise, kintu Trophimus ke ami Miletus sheher te chari dise kele koile tai bemar thakise. 
\v 21 Thanda din naha age te tumi yate ahibole kosis koribi. Eubulus pora tumike, aru Pudens, aru Linus, Claudia, aru sob bhai khan ke salam di ase.
\p
\v 22 Probhu tumi laga atma logote thakibi. Isor laga anugrah sob logote thakibi.