\id 1PE - Indian Revised Version (IRV) Nagamese
\ide UTF-8
\ide UTF-8
\h 1 Peter
\toc1 Peter Laga Prothom Chithi
\toc2 First Peter
\toc3 1Pe
\mt Peter Laga Prothom Chithi
\c 1
\s Salam Kotha
\p
\v 1 Peter, Jisu Khrista laga apostle, pora Isor laga basi luwa kiman dusra desh te ase, Pontus, Galatia, Cappadocia, Asia, aru Bithynia jaga khan te thaka khan ke likhi ase. 
\v 2 Etu sob to Baba Isor laga gyaan te age pora jani thaka pora hoise, aru Atma laga kotha mani bole alag kori kene rakhidise, aru Jisu Khrista laga khun pora sapha kori diya khan ase. Anugraha apuni khan logote thaki bole dibi, aru shanti hodai apuni khan uporte bisi bhorta hoi thaki bole dibi.
\s Jinda Thaka Asha Nimite Notun Jonom Kora
\p
\v 3 Baba Isor aru Probhu Jisu Khrista laga mohima hodai hobole dibi! Tai laga dangor daya te, Tai amikhan ke notun jonom dise aru Jisu Khrista ke mora pora jinda kori kene amikhan ke biswas te jinda thaki bole nimite ekta asha rakhidise. 
\v 4 Etu kitia bhi khotom nohobole, aru eku dagi nathakibole, aru kitia bhi naharabole dise. Etu amikhan nimite sorgote rakhi dikene ase. 
\v 5 Apnikhan ke Isor laga hokti pora roikhya kori kene rakhi ase, biswas dwara poritran pabo nimite, juntu hekh homoi te prokahit hobo. 
\v 6 Apuni khan etu sob nimite bisi khushi kori ase, kintu etiya pora olop din tak, dorkar hoile, apuni khan kisim dukh aru kosto koribo lagibo. 
\v 7 Etu sob to apuni laga biswas dikhai dibole nimite ase. Etu to suna, juntu harai jabole bostu ase, etu ke bhi jui pora sapha kore, etu nisena biswas, kun suna pora bhi bisi daam ase, etu ke bhi porikha kori ase. Titia Jisu ke prokahit kora dinte, apuni laga biswas to stuti, mohima, aru sonman pabo\f + \fr 1.7 \fr*\ft Job 23:10; Psa. 66:10; Isa. 48:10; Jam. 1:12. \ft*\f*. 
\v 8 Apuni khan Jisu ke dikha nai, kintu Taike morom kore. Apuni khan etiya Taike dikha nai, kintu Taike biswas kore aru kobole napara laga anond aru khushi pora Taike mohima diye. 
\v 9 Apuni khan etiya nijor biswas nimite parinam pai ase, juntu apnikhan atma laga poritran ase. 
\v 10 Sob bhabobadi khan etu poritran ki ase koi kene bhal pora bisarise, aru taikhan pora apuni khan pabole thaka kripa laga bhabobani koi dise. 
\v 11 Taikhan janibole nimite bisarise kunke Khrista laga Atma pora taikhan ke ki koi ase. Atma pora taikhan ke Khrista kineka dukh pabole ase etu sob koi dise aru etu pichete ki hobole ase eitu khan sob taikhan ke age pora janai dise\f + \fr 1.11 \fr*\ft 2 Pet. 1:21; Isa. 52:13-14; Luke 24:25-27.\ft*\f*. 
\v 12 Taikhan ke prokahit kori diya kotha to taikhan nimite nohoi, kintu jitia taikhan pora utu kotha khan koi dise juntu etiya apnikhan ke Isor laga susamachar prochar kora khan pora sorgo pora aha Pobitro Atma dwara apnikhan ke koi dise - etu kotha khan sorgodoth khan bhi etu khobor janibole bisi itcha korise.
\s Pobitro Hobo Nimite Matise
\p
\v 13 Etu nimite apuni khan laga mon taiyar kori lobi. Nisa nahobi. Apuni khan laga asha pura Tai laga mohima te rakhibi, jitia Jisu Khrista wapas ahibo titia sob to dikhai dibo. 
\v 14 Kotha mani kene thaka bacha nisena, poila najani kene thaka nisena gaw mangso itcha te nathakibi. 
\v 15 Kintu kun apuni ke matise Tai pobitro thaka nisena, apuni bhi, apuni laga sob kaam te pobitro thakibi. 
\v 16 Kelemane eneka likha ase, “Pobitro thakibi, kelemane Moi pobitro ase\f + \fr 1.16 \fr*\ft Lev. 11:44; 19:2; 20:7.\ft*\f*.” 
\v 17 Etu nimite jodi apuni Isor ke “Baba” mate, jun manu laga mukh nasai, kintu kaam saikene bisar kore, etu prithibi te homoi thaka to, ekdom bhoi kori kene thik thakibi\f + \fr 1.17 \fr*\ft 2 Chr. 19:7; Psa. 28:4; Isa. 59:18; Jer. 3:19; 17:10.\ft*\f*. 
\v 18 Sob murkho kaam apuni khan laga baba khan pora apnikhan sikhise. Aru apuni khan jane, harai ja laga suna chandi pora apuni khan ke udhar kora nohoi\f + \fr 1.18 \fr*\ft Psa. 49:7-8; Gal. 1:4; Isa. 52:3.\ft*\f*. 
\v 19 Kintu, apuni khan ke Jisu Khrista laga khun pora bachai loise, aru Tai ekta jokhom aru dagi nathaka mer bacha nisena ase. 
\v 20 Taike etu prithibi shuru nohua age pora basi loise, kintu Taike etu hekh homoi te apuni khan ke prokahit kori dise. 
\v 21 Tai dwara apuni khan Isor ke biswas korise, kun Taike mora pora jinda kori dise aru sob mohima dise, etu pora apuni laga biswas aru asha Isor uporte hodai thaki bole. 
\v 22 Hosa kotha mani kene apuni khan nijor laga atma ke sapha kori loise. Aru etu sob nijor kokai bhai ke morom kori kene thaki bole nimite; etiya ekjon-ekjon ke sapha mon pora morom kori kene thakibi. 
\v 23 Apuni khan notun jonom hoise, harai ja laga bijon pora nohoi, kintu kitia bhi nahara laga bijon pora, aru hodai jinda thaka Isor laga kotha pora. 
\v 24 Kelemane, Isor kotha te likha ase,
\q “Sob gaw mangso ghas nisena ase,
\q Aru tai laga sob mohima jongol te ulai thaka phul nisena ase,
\q Etu ghas sukhi jai, aru phul khan giri jai,
\q
\v 25 Kintu Probhu laga kotha hodai nimite thake.”
\m Etu he ase susamachar laga kotha juntu apuni khan nimite koi dise\f + \fr 1.25 \fr*\ft Luke 16:17; Jon. 1:1; Isa. 40:8.\ft*\f*.
\c 2
\s Jinda Pathor Aru Pobitro Jati
\p
\v 1 Etu nimite sob biya kaam khan chari dibi, aru sob thogai diya kaam aru manu logote dushmani kori thaka khan aru kiman biya bhabona monte rakhi ase eitu khan chari dibi. 
\v 2 Ekta notun jonom kora bacha nisena, atma laga ekdom sapha thaka dudh nimite itcha koribi, etu pora apuni poritran pabole arubi bisi itcha koribo, 
\v 3 Aru Isor kotha te likha nisina, jodi apuni Probhu to morom kore koi kene jani loise koile\f + \fr 2.3 \fr*\ft Psa. 34:8.\ft*\f*. 
\v 4 Tai logote ahibi kun ekta jivit pathor ase, junke manu pora chari disele, kintu Isor he Taike basi loise aru bisi daam laga pathor bonaise. 
\v 5 Apuni khan bhi ekta jinda thaka pathor nisena ase kunke atma laga ghor bonai dise, etu pora amikhan Isor laga pobitro kaam koribo, jeneka purohit khan kore, aru Jisu Khrista te atma laga bolidan dikena thakibo. 
\v 6 Etu nimite, pobitro shastro te eneka likha ase:
\q “Sabi, Moi Zion te kinar laga pathor hali ase,
\q “Basi luwa aru bisi daam laga.
\q Kun manu Taike biswas kore, tai kitia bhi sorom nakhabo\f + \fr 2.6 \fr*\ft Isa. 28:16.\ft*\f*.”
\p
\v 7 Apuni khan kun biswas kore tai nimite sonman pabo. Kintu jun kotha namane,
\q “Juntu pathor ghor bona manu khan pora phelai dise, etu he kinar laga pathor matha hoi jaise”-
\p
\v 8 Aru
\q “Ekta rasta bondh kori diya pathor
\q Aru kuntu taikhan ke giribole diye\f + \fr 2.8 \fr*\ft Isa. 8:14-15; 1 Cor. 1:23.\ft*\f*.”
\m Taikhan giri thake kelemane taikhan Isor laga kotha namane- aru etu nimite he taikhan ke bachi loise. 
\v 9 Kintu apuni ekjon basi luwa manu khan ase, ekta purohit rajyo, ekta pobitro desh, Isor laga nijor manu khan, etu pora apuni khan Tai laga asurit kaam khan dusra ke koi dibo, Tai jun pora apuni khan ke andhera pora mati kene ujala te loi anise\f + \fr 2.9 \fr*\ft Exo. 19:5-6; Deu. 7:6; 14:2; Isa. 43:20-21.\ft*\f*.
\q
\v 10 Ek homoi te apuni khan Tai laga manu thaka nai,
\q Kintu etiya apuni khan Isor laga manu hoi jaise.
\q Apuni khan poila te daya panai,
\q Kintu etiya to daya paise\f + \fr 2.10 \fr*\ft Hos. 1:10; 2:23.\ft*\f*.
\p
\v 11 Morom laga bhai khan, moi pora apuni khan to dusra desh laga manu thaka nisena, mangso laga itcha pora dur thaki bole nimite mati ase, kun pora apuni laga atma logot lorai kori ase\f + \fr 2.11 \fr*\ft Gal. 5:24; 1 Pet. 4:2.\ft*\f*. 
\v 12 Porjati khan logote apuni khan bhal kaam kori kene dikhai dibi, etu pora jodi taikhan apuni pora biya kaam kori thaka nisena kotha kore, taikhan apuni laga bhal kaam to dikhibo aru Isor aha laga dinte Taike mohima dibo\f + \fr 2.12 \fr*\ft Mat. 5:16; Tit. 2:7-8.\ft*\f*.
\s Adhikar Ke Hodai Dibi
\p
\v 13 Manu pora ki adhikar cholai ase etu Probhu nimite mani kene thakibi. Prithibi laga raja khan ke mani kene thakibi, 
\v 14 Aru Governor khan ke, kun Tai pora pathaise biya kaam kora khan ke saja dibole nimite, aru kun bhal kaam kore taikhan ke prosansa koribo nimite. 
\v 15 Kelemane etu Isor laga itcha ase, etu pora apuni ki bhal kaam kori ase etu dikhi kene kaam nathaka murkho khan laga kotha ke chup kori dibo. 
\v 16 Ekjon ajad manu nisena, apuni laga ajadi ke biya kaam lukai dibole nimite nacholabi, kintu Isor laga noukar nisena thakibi. 
\v 17 Sob manu ke sonman koribi. Bhai kokai khan ke morom thaki bole itcha koribi. Isor ke bhoi koribi. Aru raja ke sonman koribi\f + \fr 2.17 \fr*\ft Pro. 24:21; Rom. 12:10.\ft*\f*.
\p
\v 18 Nokorkhan, malik ke sob kaam pora sewa koribi. Khali bhal aru morom kora malik ke he sewa nakori bhi, kintu khechera malik hoilebi taike sewa koribi. 
\v 19 Kelemane etu bisi asis kotha ase ekjon nimite jodi tai logote anyai hoi thaka nimite dukh digdar pai thakile bhi, tai kaam khan kori thake, kele koile tai Isor ke jani loise. 
\v 20 Apuni khan laga ki labh ase jodi apuni paap kori kene aru etu laga sajah bhi pai? Kintu jodi apuni bhal kaam kori kene sajah pa homoi te dukh pai, eneka korile he apuni Isor usorte mohima pabole yogya ase. 
\v 21 Kelemane etu nimite he apuni ke matise, aru Khrista bhi apuni nimite dukh paise. Tai laga jibon pora apuni khan bhal rasta te bera bole nimite dikhai dise.
\q1
\v 22 “Tai eku paap kaam kora nai,
\q1 Aru Tai laga mukh pora kitia bhi biya kotha ula nai\f + \fr 2.22 \fr*\ft Isa. 53:9; 2 Cor. 5:21.\ft*\f*.”
\m
\v 23 Jitia Jisu Khrista ke biya kotha khan koisele, Tai wapas taikhan ke biya kotha koi kene jawab diya nai. Jitia Tai dukh paise, Taikhan ke wapas dukh pabole nimite dhomki diya nai, kintu Tai kun bhal pora bisar kore taike nijor jibon to di dise\f + \fr 2.23 \fr*\ft Isa. 53:7; 1 Pet. 4:19.\ft*\f*. 
\v 24 Tai amikhan laga paap to uthaikene nijor gaw to Cross te mori bole dise, etu pora amikhan paap te eku bhag nathakibole nimite, aru amikhan dharmik jibon loi kene jinda thakibo. Tai laga ghaw pora amikhan changai paise. 
\v 25 Kelemane apuni khan harai ja mer nisena berai thakise, kintu etiya apuni mer rokhiya logote wapas ahi jaise aru apuni khan laga atma ke bachai diya malik usorte ahise\f + \fr 2.25 \fr*\ft Isa. 53:6; Eze. 24:5-6\ft*\f*.
\c 3
\s Shadi Kora Mota Aru Maiki
\p
\v 1 Etu nisena, shadi kora maiki khan nijor laga mota logote bhal kori kene thakibi. Eneka korile kunba mota kun Isor laga kotha namani kene ase, taikhan ke eku kotha nokoi kene jiti lobole paribo, taikhan maiki laga adat saikene. 
\v 2 Kelemane taikhan apuni laga bhal kaam aru adat khan dikhi kene thakibo. 
\v 3 Apuni laga sundur to eneka nisena bahar laga saman pora nadikha bhi, jineka chuli bandhe, suna laga mala lagai, aru bhal sundur kapra khan lagai. 
\v 4 Kintu apuni laga bhal aru bhitor mon to he dikhai dibi, aru kitia bhi khotom nakora sundur aru shanti thaka atma to dikhai dibi, etu he Isor usorte bisi daam laga ase. 
\v 5 Kelemane poila laga pobitro mahila kunkhan Isor ke mohima kore, taikhan bhi nijor mota ke eneka kori kene manise. 
\v 6 Etu nisena Sarah pora Abraham laga kotha mani kene taike tai laga probhu matise. Apuni khan bhi tai laga bacha ase jodi apuni khan ki bhal ase etu kore aru jodi apuni khan dukh aha to bhoi nakore.
\p
\v 7 Etu nisena, shadi kora mota khan nijor maiki logote mon mili kene thaki bhi, aru taikhan komjur ase koi kene bhal pora sabi. Apuni taike sonman dibi aru jibon te asirbad ana ekjon ase koi kene tai logote bhal pora thakibi. Eneka korile apuni laga prathana te kitia bhi digdar nahobo.
\s Dharmik Nimite Nosto Kora
\p
\v 8 Aru hekh te, etiya pora, apuni khan sob, ekta bhabona hoi jabi, nomro koribi, kokai bhai ke morom koribi, mon to shanti rakhibi, aru chutu hoi kene thakibi. 
\v 9 Manu pora biya kaam korile wapas aru biya kaam kori kene nadikhabi aru apuni ke sorom khilai diya kotha koile aru wapas taike sorom nakhila bhi. Kintu manu pora ki koile bhi, taike asirbad dibi, kelemane etu nimite apuni ke mati loise, etu pora apuni asirbad pabo.
\q
\v 10 Kelemane, Isor kotha te likha nisina, “Kun manu jibon to morom kore aru bhal din dikhi bole mon ase
\q Tai nijor laga jiba ke biya kotha pora rukhai kene rakhibi aru tai laga mukh pora biya kotha ulabole nadibi.
\q
\v 11 Kintu tai nijorke biya kaam pora dur hoi kene thaki bole dibi aru ki bhal kaam ase etu koribi.
\q Taike shanti bisari bole dibi aru etu te thaki bole nimite kosis koribi.
\q
\v 12 Probhu laga suku dharmik manu ke he sai thake, aru Tai laga kan taikhan pora ki koi etu hune\f + \fr 3.12 \fr*\ft Psa. 34:15-16; John 9:31; Prov. 15:29.\ft*\f*.
\q Kintu kun manu Probhu laga bhirodh te biya kaam kore taikhan usor pora Tai laga chehera hatai diye.”
\p
\v 13 Jodi apuni bhal kaam kore koile kun manu apuni ke dukh dibo? 
\v 14 Kintu apuni dharmik aru bhal kori kene dukh pai thakile bhi, apuni asishit ase. Etu nimite taikhan apuni ke bhoi khilai le bhi, bhoi nokoribi, aru chinta nokoribi. 
\v 15 Kintu, hodai Probhu Khrista pobitro ase koi kene sonman dibi. Aru jodi manu khan apuni ke Isor apuni nimite ki ase eneka hudile, jowab dibole nimite taiyar thakibi. 
\v 16 Kintu etu sob to nomro aru manu ke sonman dikene koribi. Jitia taikhan apuni ke kotha hude, etu homoi te apuni laga bhabona sapha rakhibi, titia kun manu apuni Khrista te bhal jibon dikhi kene apuni ke sorom khilai, tai sorom hoi jabo. 
\v 17 Kelemane etu bhal ase, jodi Isor itcha kore, apuni biya kori kene dukh pai thaka pora to bhal kaam kori kene dukh pai thaka to he bhal ase. 
\v 18 Kelemane Khrista bhi paap nimite bisi dukh paise. Tai ekjon dharmik thakise kintu amikhan nimite dukh paise, etu pora amikhan ke Isor usorte anibole nimite. Taike gaw mangso te morai dise, kintu Pobitro Atma pora Taike jinda kori dise. 
\v 19 Aru Tai jai kene bondhi ghor te thaka atma khan logote prochar kori bole jaise. 
\v 20 Kilekoile taikhan poila te, kitia jahaaj bonaise aru Noah laga yug te Isor pora dhorjo hoi kene rukhise, taikhan pora kotha mana nai, Isor pora kunba manu ke he bachai loise- etu hoile, ath-jon atma ke pani pora bachai dise. 
\v 21 Etu etiya amikhan nimite bachai diya laga ekta baptizma laga chihna ase- jineka amikhan laga gaw pora moila dhulai eneka nohoi, kintu Isor usorte bhal bhabona loi kene thaki bole nimite aru etu sob to Jisu Khrista jee-utha laga naam te. 
\v 22 Khrista to Jisu laga dyna hath ase. Tai sorgote jaise. Sorgodoth khan, aru adhikari khan, aru sob takot Tai nichete ahibole lage\f + \fr 3.22 \fr*\ft Eph. 1:20-21; Psa. 110:1.\ft*\f*.
\c 4
\s Isor Laga Anugrah Thik Chola
\p
\v 1 Etu nisena, jineka Khrista mangso te dukh paise, etu nisena apuni bhi nijorke eneka bhabona pora taiyar koribi. Kelemane kun manu mangso pora dukh paise tai paap pora bachai loise. 
\v 2 Etu nimite, eneka manu jinda thaka homoi te, manu laga itcha pora jinda nathake, kintu Isor laga ki itcha ase, etu te he jinda thake. 
\v 3 Kelemane apuni laga pura homoi to Porjati khan pora ki kori thakise eneka he korise, duniya laga khushi kori kene thakise, nisa hoi kene beraise, nisa pora khushi korise, duniya laga rong tamasha te thakise aru sob biya letera kaam kori kene thakise. 
\v 4 Etu nimite, taikhan bhabise kele apuni taikhan logote biya kaam te mila nai, etu nimite he taikhan apuni laga biya kotha koi thake. 
\v 5 Taikhan ki kotha aru kaam korise etu laga sob hisab dibole lagibo jitia Tai mora aru jinda khan laga bisar kori bole nimite homoi ahibo\f + \fr 4.5 \fr*\ft 2 Tim. 4:1.\ft*\f*. 
\v 6 Etu nimite Isor laga susamachar ke mora khan logote bhi prochar kori dise, kelemane, taikhan ke manu laga gaw mangso hisab te bisar korise koile bhi, taikhan atma te jinda thakibo jineka Isor ase.
\p
\v 7 Kintu etu sob laga ses homoi ahi ase. Etu nimite nijor laga bhabona sapha rakhibi, aru kineka prathana kori ase etu nisena nijor laga sob kaam khan sidha rakhibi\f + \fr 4.7 \fr*\ft Jam. 5:8; Eph. 6:18.\ft*\f*. 
\v 8 Aru etu sob kotha te, nijor laga bhai kokai logote morom pora thakibi, kelemane morom pora he sob paap to bondh kori diye\f + \fr 4.8 \fr*\ft Pro. 10:12.\ft*\f*. 
\v 9 Aru kunba manu apuni logote modot mangi kene ahile taike eku biya nokoi kene bhal pora sabi. 
\v 10 Kelemane sob manu bhi asirbad paikene ase, ekjon-ekjon ke modot kori bole nimite etu chola bhi, aru Isor laga morom thaka nisena sob kaam te biswas pora koribi. 
\v 11 Jodi kunba manu kotha kore, tai laga kotha to Isor laga kotha he hobole dibi. Jodi kunba sewa kore, Isor pora diya takot te he kori bole dibi. Eitu khan koribi aru etu sob kaam te Jisu Khrista dwara Isor laga mohima hobo. Jisu Khrista laga naam te mohima aru takot hodai nimite hobole dibi. Amen.
\s Khristan Huwa Karone Dukh Kora
\p
\v 12 Morom bhai khan, jui te apuni khan ke porikha kora to kiba ekta alag kaam apuni logote hoi thaka nisena apuni khan etu dikhi kene alag bhabona nokoribi. 
\v 13 Kintu, apuni khan kiman Khrista laga dukh te bhag lobo pare, bisi khushi koribi, kelemane eneka korile apuni khan Tai prokahit howa te Tai laga mohima saikene anondo hobo. 
\v 14 Jodi apuni ke Khrista laga naam karone sorom khilai diye, apuni asirbad ase, kelemane mohima laga Atma aru Isor laga Atma apuni uporte thaki ase\f + \fr 4.14 \fr*\ft Mat. 5:11-12.\ft*\f*. 
\v 15 Kintu apuni khan kun bhi manu morai diya, chor, paap kaam kori thaka, aru manu laga majote kotha hali diya manu kori kene dukh napabi. 
\v 16 Kintu jodi kunba Khristan hoi kene dukh pai, taike sorom pabo nadibi; hoile bhi, Isor laga naam loi kene Taike mohima koribo dibi. 
\v 17 Kelemane Isor laga ghor pora he bisar shuru kori bole laga homoi ahise. Jodi etu amikhan logot pora shuru hoi, tinehoile Isor laga susamachar namani kene thaka khan nimite kineka hobo?\f + \fr 4.17 \fr*\ft Heb. 12:24-25; Jer. 25:29; Eze. 9:6.\ft*\f*
\q
\v 18 Aru “Jodi dharmik manu khan bachibole tan ase koile,
\q Paapi manu aru Isor ke bhoi nakora manu logote ki hobo?\f + \fr 4.18 \fr*\ft Pro. 11:31.\ft*\f*”
\m
\v 19 Etu nimite kun Isor laga itcha te thaki kene dukh pai ase, taikhan nijor laga atma to Sristi-Korta ke he di ase.
\c 5
\s Isor Laga Mer Khan Ke Rokhiya Koribi
\p
\v 1 Etu nimite, moi pora bisi umor thaka cholawta khan mon dangor koridi ase, moi, bhi ekjon bura aru Khrista laga dukh te bhag luwa ekjon gawahi ase, aru moi bhi Taike prokahit kori diya homoi te Tai laga mohima te bhag lobo: 
\v 2 Isor laga mer khan ke rokhiya koribi - aru apuni eneka kori bole lage nimite nohoi, kintu apuni nijor laga itcha pora koribo nimite, Isor pora apuni ke sewa kori bole nimite diya nisena- nijor labh nimite nohoi kintu nijor laga mon laga itcha pora. 
\v 3 Kunkhan ke apuni rokhiya kori bole dise, taikhan uporte hukum nachola bhi. Kintu, taikhan ke bhal namuna he dikhai dibi. 
\v 4 Aru jitia Mukhyo Mer Rokhiya ke prokahit kori dibo, titia apuni kitia bhi biya nohua mohima laga mukut pabo. 
\v 5 Etu nisena, jawan manu khan, apuni khan pora dangor umor thaka manu khan laga kotha mani kene thakibi. Apuni khan sob morom laga kapra pora nijorke lagai lobi aru ekjon-ekjon laga sewa koribi. Kelemane Isor to phutani kora manu ke bhal napai, kintu kun nomro kore taikhan ke anugrah diye\f + \fr 5.5 \fr*\ft Pro. 3:34.\ft*\f*. 
\v 6 Etu nimite Isor laga hokti thaka hath nichete nijorke chutu kori lobi, etu pora apuni ke Tai thik homoi te uthaikene rakhidibo. 
\v 7 Apuni laga sob dukh chinta Isor uporte di dibi, kelemane Tai he apuni nimite chinta kore. 
\v 8 Shanti rakhibi, aru sai thakibi. Apuni laga dushman bhoot to ekta hala kori thaka bagh nisena rukhi ase, kunba ke khabole bisari ase. 
\v 9 Tai bhirodh te khara hoi jabi. Apuni laga biswas to takot kori lobi. Apuni jani ase dusra biswasi khan bhi eneka he dukh pai ase. 
\v 10 Kintu apuni khan olop din dukh pa pichete, sob asirbad diya laga Isor kun pora apnike Tai laga anondo jibon aru Khrista logote thaki bole nimite matise, sob bhal kori dibo, apuni ke bonai lobo, aru apnike takot dibo. 
\v 11 Etu sob adhikar Isor laga hodai aru hodai nimite hobole dibi. Amen.
\s Hekh Salam Kotha
\p
\v 12 Moi Silvanus ekjon biswas te thaka bhai ase koi kene mane, aru moi apuni khan nimite bhal kori kene bujhi bole likhi dise. Moi apuni khan laga mon dangor koridi ase aru moi apuni khan logote ki likhise etu he Isor laga hosa asirbad ase. Aru apuni khan etu te he khara kori bhi. 
\v 13 Apuni khan logot basi kene thaka mahila jun Babylon te thake, tai bhi apuni khan ke salam di ase. Aru Mark, moi laga chokra pora apuni khan ke salam di ase. 
\v 14 Ekjon-ekjon ke morom laga chuma pora salam dibi.
\p Khrista logote kun ase taikhan logote hodai shanti thaki bole dibi.