\id GEN - Yové Koĩni Vana
\ide UTF-8
\h Gênesis
\toc2 Gênesis
\toc1 Gênesis
\mt1 Gênesis
\mt2 Shoviti ivo yoã
\c 1
\s1 Mai shoviti ivo yoã
\p
\v 1 Txitavíki, Yové Koĩni naí shavá, mai shavá akápari shovimakĩ. 
\v 2 Mai tanatĩpa rakáa, ãwẽ awe yama, vakíchise tsaóa. Askánamã Yové Koĩni Chinã waka matxise ronóa. 
\v 3 Askánamãsho Yové Koĩ, “shaváiná”, ãwẽ imaĩnõ, shaváinái. 
\v 4 Aská ashõ ãwẽ oĩa, roaka oĩki. Shavá, vakíchi aká ãwẽ pashkavakĩa. 
\v 5 Aská ashõ, shavá aneki “variké”, akĩ aneki. Vakíchi anekiro “yamé”, akĩ aneóki. Askámaĩnõ, yamékawãvai, shavákawãti, anõsho shavá txitavía ivo iti.\f + \fr 1.5 \fr*\ft Hebraicõ vana “yamékawãvai shavákawãti” ikíro shavá westíkase tanáti.\ft*\f*
\p
\v 6 Askávai txipo, vanainaói. “Anõ verák ati nẽenõ, waka ave teanõ. Waka wetsaro, aa matxi rakãi, wetsaro aa teró rakãi avévakĩnõ”, ikí vanai. 
\v 7 Aská akĩ anõ verák ati nẽeki. Anõsho waka wetsa aa matxi rakãi, wetsaro aa teró rakãi avévakĩki. Ãwẽ aská aká, askái. 
\v 8 Aská ashõ anõ verák ati ivo aneki, “naí shavá”, akĩ aneki. Askámaĩnõ, yamékawãvai, shavákawãti, anõsho shavá ravévakĩ ivo iti.
\p
\v 9 Askávai vanainaói. “Naa mai shavapa waka rakákoĩkéna. Waka, mai aká ave pesokoĩkénõ”, ikí. Askái ãwẽ vanamaĩnõse, ãwẽ chinã keskái iyakéi. 
\v 10 Aská avaikĩ “mai”, akĩ aneki. Askámaĩnõ waka rakãkoĩkevaíki anekiro “waka kayarasĩ”, akĩ aneóki. Aská ashõ ãwẽ oĩa, roaka oĩki. 
\v 11 Askávai, “Maĩsho koayavo õsi õsipa ave shovinõ”, ikí. Askái ãwẽ vanamaĩnõse, ãwẽ chinã keskái iyakéi. 
\v 12 Maĩsho koayavo õsi õsipa shovii. Aská akĩ shovimashõ ãwẽ oĩa, roaka oĩki. 
\v 13 Askámaĩnõ, yamékawãvai, shavákawãti, anõsho 3 shavá ivo iti.
\p
\v 14 Askávai, Yové Koĩ vanainaói. “Naĩ masosho naóyavorasĩ masõnõ, anõsho shavá, yamé, shavá tekía, vari shavá tekía aká tanati.\f + \fr 1.14 \fr*\ft Hebraicõ vanaro wanĩ txinĩ, vari txinĩ, oi txinĩ, vimi txinĩ aká keská ã yoã. Wetsã chinãro Israel yorarasĩ anõ saí iti ivo\ft*\f* 
\v 15 Askásevi akĩ mai shavá naómái ave anõvo”, ikí. Askái ãwẽ vanamaĩnõse, ãwẽ chinã keskái iyakéi. 
\v 16 Askáki naóya ravévakĩ anipa shovimakĩ, naó anipa ivoro shavá naómái, naó animase ivoro yamé naómái akĩ. Aská akĩ ichirasĩ shovimaói. 
\v 17 Aská akĩ katsése shovimashõ, naí shavapa masõki, anõsho mai shavá naómái, 
\v 18 shavá, yamé, shavá tekía, varishava tekía aatii tanati. Aská ashõ ãwẽ oĩa, roaka oĩki. 
\v 19 Askámaĩnõ, yamékawãvai, shavákawãti, anõsho 4 shavá ivo iti.
\p
\v 20 Askávai vanainaói. “Enẽ yoinavorasĩ wakateãtimanõ. Peiyavo shovimaónõ”, ikí. 
\v 21 Aská akĩ enẽ yoini venepavo shovimaí, ãwẽ potochta shovimaí akĩ. Askávaíki yoini peiyavorasĩ õsi õsipa shovimaóki. Aská ashõ ãwẽ oĩa, roaka oĩki. 
\v 22 Aská avaikĩ vana roapa atomẽ netãki. “Revoi, ene shavátiótsoma. Yoini peiyavorasĩní, revoótsoma”, akĩ. 
\v 23 Askámaĩnõ, yamékawãvai, shavákawãti, anõsho 5 shavá ivo iti.
\p
\v 24 Askávai, “naa mai shavapa shokoa yoini õsi õsipavo, iná ati, nĩi shokoya, maĩ noyõ ikiyavo, maĩ meshoyavo akárasĩ ave shovinõvo”, akĩ. Askái ãwẽ vanamaĩnõse, ãwẽ chinã keskái iyakéi. 
\v 25 Aská akĩ nĩi yoini, iná ati ivo yoini, maĩ noyõ ikiyavo, maĩ meshoyavo, aká õsi õsipakĩ shovimakĩ. Aská ashõ ãwẽ oĩa, roaka oĩki.
\p
\v 26 Askávai, “ramaro yora nokẽ yora vimaki, noke keská akĩ nõ shovimanõ. Ãatõ enẽ yoinavo, yoini peiyavo, iná ati, maĩ noyõ ikiya, maĩ meshoya akárasĩ katseki ave ivonõ”, ikí. 
\v 27 Aská akĩ ãwẽ yora vimaki, yora shovimakĩ. Aa keská akĩ vene, aĩvo aká shovimakĩ.
\p
\v 28 Aská akĩ, shovimakĩ mashtevaĩvaíki vana roapa ivo atomẽ netãki. “Revotsoma. Maitioi peás itsoma. Enẽ yoinavo, yoini peiyavo, maĩ noyõ ikiyavo, maĩ meshoyavo, aká vesosho shokotsoma”, ato akĩ. 
\v 29 Aská ashõ ato vana aoki. “Maĩsho koayavo õsi õsipa mato ẽ ashõai, naaro matõ pitivere. 
\v 30 Askámaĩnõ, mani peirasĩro, maĩ yoinavo, yoini peiyavo, maĩ noyõ ikiya, maĩ meshoya akárasĩni pitivere”, ato akĩ. Askái ãwẽ vanamaĩnõse, ãwẽ chinã keskái iyakéi. 
\v 31 Aská akĩ mashtevaíki ãwẽ oĩa, roa roaka oĩki. Askámaĩnõ, yamékawãvai, shavákawãti, anõsho 6 shavá ivo iti.
\b
\c 2
\p
\v 1 Aská akĩ naí shavá, mai shavá aká ãwẽ aweyakĩ shovimakĩ mashteki. 
\v 2 Anosho 7 shavánamã teneki. 
\v 3 Aská ashõ aaivo shavánamãsevi “anõ eséyati”, ikĩ chinãsho vana roapa ivo netãsho eneki. Awesáma, naaivo shaváro katsése shovimakĩ mashtevai anõ ãwẽ teneti.
\s1 Yora askái shoviti ikĩ yoã
\p
\v 4 Naaivo yoã vanaro, wenía yoã, naí askái shoviti ikí, mai askái shoviti ikí aká ivo yoã. Aatiã, mai, naí aká shovimatiãro Yavé ivo Yovepa 
\v 5 oi imama, yora piti vanaya yama akátõsho, piti vaná yama, nii akárasĩ yama aká. 
\v 6 Askásho mai okeshose niskã tachiinainaki mai metxá apawa. 
\v 7 Askánamãsho Yavé ivo Yovepa, maĩsho vene shovimashõ wenímakĩ. Aská avaikĩ ãwẽ rekĩnamã veshõ akĩ chinã vimaki. Ãwẽ aská aká vene ãwẽ chinãyai weníi.
\p
\v 8 Askávai txipo wai “Eden” atõ aká ivo vari oákiri shovimashõ, vene ãwẽ wenímaa ivo anõ nitxĩki. 
\v 9 Nitxĩvaíki iwi õsi õsipakĩ shokõki, wetsarasĩro yoíkavo, wetsarasĩro piá ivorasĩ aká. Aaivo wai matxi, vimi ravévakĩ nakika shokõki, wetsaro awetima akaya vimi, vimi wetsaro, roapatõ yosĩyase, ichnárasĩni yosĩyase aká ivo.
\p
\v 10 Aaivo wai Edennamã anõ vanárasĩ vestẽa waka revo vosoa, aaivo enépakéro, waka 4 ashá asháa. 
\v 11 Txitákairo waka ãwẽ ane Pisom, aaivoro Havilá mainamã tapia, machi siro ouroyãwa ivonamã. 
\v 12 Aaivo mainamã mai siro ichnámavo, askánamã karovi pae keská, bdélio ivo aya, shasho ichnáma onix ivo aya aká. 
\v 13 Waka wetsaro Giom, aaivoro Cuxe mainamã tapia. 
\v 14 Askámaĩnõ, waka wetsa ivoro Tigre, aaivoro Assíria mainamã vari oátõ tapia. Askámaĩnõ waka wetsaro Eufrates aká.
\p
\v 15 Aská ashõ Yavé ivo Yovepa vene Eden wainamã vesomashõ nitxĩki, piti ave merámanõ iinã. 
\v 16 Askávai aa vene tanamakĩ. “Vimirasĩ katsése mĩ piá roase, 
\v 17 askámaĩnõ vimi, roapa ãwẽ yosĩyase, ichnárasĩ ãwẽ yosĩyase aká ivoro piroa. Awesáma, aaivo mĩ piáro, mia vopikatsa”, akĩ.
\p
\v 18 Askávai txipo, “vene arí niá anõmase ẽ oĩa, ãwẽ avé niti aa keská ivo ashõnõ”, ikí. 
\v 19-20 Aská akĩ, katseki maĩ yoinavorasĩ, yoini peiyavorasĩ aká shovimashõ, ave ane netãpakenõ iinã Adão kawivarãshokĩ. Aská akĩ ãwẽ kawivarãshomaĩnõ, yoinikã anerasĩ netãpakéki, iná aká, yoini peiyavo, nĩi yoinavo aatíi. Askámẽkĩ, ãwẽ avé niti yama. 
\v 21 Askáinã, Yavé ivo Yovepa Adão oshá naíka imavaíki, oshai ãwẽ rakámaĩnõ, ãwẽ pichi wetsa tsekãkãvaíki namĩ vestoki. 
\v 22 Aská ashõ ãwẽ pichi wetsa ãwẽ tsekãkãa ivõ aĩvo shovimashõvaíki vene ewevaĩshoki. 
\v 23 Aská oĩinã Adão vanai. “Naaro ẽ shaõsho wenía, ẽ namĩsho wenía aká. ‘Aĩvo’\f + \fr 2.23 \fr*\ft Hebraicõ vanaro “aĩvo” ikíro “Issa”, “vene” ikíro “Is” \ft*\f* akĩ anenõ. Awesáma, enõsho shoviasho ẽ ikí”, ikí.
\p
\v 24 Askásho, vene, aĩyashõ ãwẽ papa, ãwẽ ewa aká enekésho ãwẽ aĩnĩ yora westíse keskámtsãwa. 
\v 25 Askái vene ãwẽ aĩ aká, ravé txĩto, ravĩi tanaimai shokovo.
\c 3
\s1 Venenĩ aĩvõ vana tavámati ivo yoã
\p
\v 1 Aská aatiã ronoro\f + \fr 3.1 \fr*\ft Aaivo ronoro, rono wetsasemarívi, Yavé ranĩya ivo\ft*\f* avé yoinavorasĩ keskáma, Yavé ivo Yovepa yosíka akĩ shovimakĩ. Askái nishõ, aĩvo nĩkãki. “Awesá ira avaí Yové Koĩnã, ‘wai matxi vimi wetsãchta pitsomaroa’, ira avaí?” akĩ.
\p
\v 2 Ãwẽ askámaĩnõ, aĩvõ rono revíki. “Naa wai matxi vimi katsése nõ piá roase, 
\v 3 askámẽkĩ, ‘vimi naki niá ivoro pitsomároa, meetima aká. Aa pishõro mato vopikatsa’, ivai”, akĩ.
\p
\v 4 Aĩvo askái vanamaĩnõ, “ãwẽ yoa, mato vopitĩpa. 
\v 5 Aaivo vimi pishõro, matõ vero kepẽnái, aa keská, roapa ivorasĩ tanasi, ichnárasĩ tanasi, mã amísi, iinã mato ãwẽ pãterívi”, akĩ.
\p
\v 6 Askái ãwẽ vanamaĩnõ aĩvõ vimi saná roaka oĩki, kẽevakĩ, “pipá, yosípai tsaónoshõ”, ikĩ chinãki. Askáinã metsésho pivaikĩ, ãwẽ vene pimaóki. 
\v 7 Vimi pivaí atõ vero kepẽnái. Anosho txĩto atõ shokoa tanavo. Askáki, figueira iwi pei ivo kekovaíki shãpati akávo. 
\v 8 Askái atõ shokoanamãsho, yãtã niwe shokor ikarãi. Askánamãsho Yavé ivo Yové vanatachíi. Aská nĩkãinã, wai matxi, iwi nakosho onéshoavo. 
\v 9 Askái atõ onémaĩnõ vene kenatachíki nĩkãki. “Ato mĩ kaai?” akĩ.
\p
\v 10 Ãwẽ aská akatõsho, venẽ revíki. “Wai matxi txĩto nishõ mĩ oá nĩkãinã, mia rakéshoinã ẽ onéi oa”, akĩ.
\p
\v 11 Ãwẽ askámaĩnõ, “tsoã ‘txĩto mĩ niá’, mia araí? ‘Aaivo vimi piroa’, mia ẽ achĩa ivomara mĩ pia?” akĩ.
\p
\v 12 Ãwẽ aská akatõsho, vene vanai. “Aĩvo ea mĩ inãchna ivõ aaivo vimi ea pimaai”, 
\v 13 ãwẽ imaĩnõ aĩvo nĩkãóki. “Mĩ awesa akárkĩ?” ãwẽ akátõsho revíki. “Ronõ ea parãtõsho ẽ pia”, akĩ.
\p
\v 14 Ãwẽ aská nĩkãinã, Yavé ivo Yovepa rono tanamakĩ. “Ato mĩ aská akatõsho, mia veí netãnákatsa, mivé yoinavorasĩ\f + \fr 3.14 \fr*\ft Hebraicõ vanaro yoini inátirasĩ, inátimarasĩ aká\ft*\f* ikítõ ikíma mĩ ikatsai. Noyõ ikí nishõ askatase mai koro ãsh akí mĩ nikatsai. 
\v 15 Askái aĩvonĩ ichnánanãkatsa. Minõsho revoa askásevi, aĩvomẽsho revoa yoranĩ\f + \fr 3.15 \fr*\ft Hebraicõ vana “revoa” ikíro, wetsa revoa westíchta, wetsa revoa ãtsaka aká ivo anea\ft*\f* ichnánanãókatsavo. Ãatõ mapoki mia tsewe amaĩnõ, miãro ãwẽ tae txĩtóki mĩ tsewe aokatsa”, akĩ tanamakĩ.
\p
\v 16 Aská avaikĩ aĩvo tanamaóki. “Mĩ tooanamãsho isĩ tanai, ãwẽ pakékatsiki askásevi tanai mĩ akatsai. Askásho mĩ venẽse mĩ chinã toĩsho, mia yonoa mĩ nikatsai”, akĩ.
\p
\v 17 Askámaĩnõ, vene tanamakĩro, “aĩvõ vana anõ akĩ vimi mĩ pia, piroa mia ẽ achĩa ivo. Ramaro vana mĩ tavámatõshõ naaivo mai shavá ma veí netãnáai, askatase mirí yomãnáki piti mĩ merámakatsai. 
\v 18 Mai tsokósnamã, moshayãwa, akánamã piti merámashõ mĩ pikatsai. 
\v 19 Mirí kavimai mee ikí niskã ichná akĩ, piti merámashõ mĩ pikatsai. Askái mĩ niá vopirívi mĩ enékatsa. Mai mia shoviasho, arimẽse mia maikeókatsa. Awesáma, mai mia shoviasho ã ikí”, akĩ tanamakĩ.
\p
\v 20 Askáki, Adãone, ãwẽ aĩ, “Eva”, akĩ aneki, “ashkãsho ewa”, atõ ati chinãsho.\f + \fr 3.20 \fr*\ft Hebraicõ vana “Eva” ikíro “chinãya” ikí keská ivo vana\ft*\f* 
\v 21 Aská anosho, Yavé ivo Yovepa yoini shaká õpo ashõ ato sawemakĩ. 
\v 22 Askávai vanai. “Ramaro yora noke keská shoviai, roapa ivorasĩ oĩi, ichnárasĩ oĩi ma aka. Ramaro awetima akaya vimi pishõ, awetimai nimísi iinã teanõ”, ikí. 
\v 23 Askáinã Eden wai matxisho ato poshakõki, arí ave piti merámanõvo iinã. 
\v 24 Ato aská avaikĩ, vari oátõ, Eden wai repí “querubim” atõ aká ivo yovérasĩ, txii kewãa aká awetima akaya vimi vesomashõ ato shokõki.
\c 4
\s1 Caimni ã take yamamati ivo yoã
\p
\v 1 Adão, ãwẽ aĩ tasakoĩanamãsho, tooinái. Askái ãwẽ venevake pakémaĩnõ “Caim” akĩ aneki.\f + \fr 4.1 \fr*\ft Hebraicõ vana “Caim” ikíro “viá” keská\ft*\f* “Yavepa ea take akatõsho, vake venevake ẽ via”, ikí vanai Eva. 
\v 2 Askásho txipo venevake wetsa meraósho, “Abel” akĩ aneki, Caimni take. Abelro txivo vesoya kanii, askámaĩnõ, Caimro piti merámaiya kanii akávo.
\p
\v 3 Askávai txipo shavá wetsã, Caimni Yavé piti vaná ãwẽ merámarasĩ anõ mekímanõ iinã vishõvaĩki. 
\v 4 Askámaĩnõ, ãwẽ take ivõro txivo vake vevoke ivorasĩ richkivaíki nami sheniyãwa kavẽsho kawivaĩshokĩ. Aská ashõatõsho, Yavé, Abel, ãwẽ ashõa akámẽ mekíi. 
\v 5 Askámaĩnõ Caim, ãwẽ ashõa aká ivomẽro mekíma. Aská oĩinã vesó ichnákesho nii.
\p
\v 6 Ãwẽ aská oĩinã Yavepa nĩkãki. “Awesainã vesó ichnákesho mĩ niárá? 
\v 7 Roai mĩ nimaĩnõ mia ẽ atirvi roa akĩ. Askámaĩnõ anõ itima ivo chinãne ikí mĩ niáro oĩtso, ichnátõ mia manáai, mĩ chinã ichná atximaroa”, akĩ.
\p
\v 8 Anosho ãwẽ aská akasmẽkĩ, ãwẽ take “wai matxi nõ oĩnõ”, iinã parãsho ewevaĩki. Askávaíki, wai matxi nokókaĩsho ãwẽ take yamamakĩ.
\p
\v 9 Ãwẽ aská amaĩnõ Yavepa nĩkãki. “Mĩ takerõ?” ãwẽ aská akatõsho, “aavĩ ea oĩmakatá, ẽ take vesosho niámarívi ea”, akĩ revíki.
\p
\v 10 Ãwẽ askámaĩnõ vanaóki. “Mĩ aweskárá? Mĩ takẽ imi maĩ rakásho txakar iki vanaai. Ea ãwẽ kenáa ẽ nĩkãaikatá. 
\v 11 Mĩ take mĩ aská akatõsho, ramaro naaivo mai shavapashõ mia ma veí netãnáai, maĩ mĩ takẽ imi peavenãtõsho. 
\v 12 Ramaro aská. Ãatõ mia ishõotĩpá, piti mĩ merámaa. Onésho, shavapa nikõnkoĩsma ivo yora mia niá ikatsai”, akĩ.
\p
\v 13 Caim Yavepa aská akatõsho, vanai. “Ea mĩ veí netãmaĩnõ, ea tenetĩpa. 
\v 14 Naaivo mai shavapashõ ea mĩ kayãkõai, ramaro kayakavi ea niotĩpa. Yora onéshoi, mia onéshoi akí ẽ nikatsai. Askái ẽ niánamãsho, yora wetsãse merasho ea yamamakatsai”, ikí.
\p
\v 15 Askái ãwẽ vanamaĩnõ Yavepa revíki. “Askáma, mia askátĩpa. Yora mia yamamaiya ivoro, minõsho aapa yorarasĩ 7 vezes kopitaókatsavo”, akĩ. Aská ashõ, anõsho onãti kene netãsho eneki, yorã yamamamísi iinã. 
\v 16 Anosho, Yavé enevaíki, Node\f + \fr 4.16 \fr*\ft Hebraicõ vana “Node” ikíro “anõ nikonkoĩma ivo mai”\ft*\f* maikiri niakei kati, Eden wainamãsho vari oátõ.
\p
\v 17 Askái aaivo maĩ niakei kashõ, ãwẽ vake merasho “Enoque” akĩ aneki. Askái ano nikĩ aaivo cidade ãwẽ vakẽ anesevi netãki “Enoque”, akĩ. 
\v 18 Askámaĩnõ, Enoquero Irade meraya. Iradero Meujael meraya. Meujaelro Metusael meraya. Metusaelro Lameque meraya aká.
\p
\v 19 Askánamãsho, Lamequẽ shavo ravé ashõ ninivarãki. Ãwẽ aĩ wetsã anero “Ada”, wetsa ivõ anero “Zilá” aká. 
\v 20 Anosho Ada toáyai, Jabal meraki. Naaivo Jabalro, ãatõpari peshé akátõ ato yosĩi, iná revomatõ ato yosĩi akĩ. 
\v 21 Askámaĩnõ ãwẽ take txipokéro Jubal. Aaro ãatõpari rewe maneatõ ato yosĩi, harpa maneatõ ato yosĩi akaya. 
\v 22 Askávai Zilá toáyaói, Tubalcaim meraki. Ãatõ mee itiro mane awerasĩ shovimaiya. Ãwẽ aweshavõ anero “Naamá.”
\p
\v 23 Anosho Lamequẽ ãwẽ aĩvorasĩ, Ada, Zilá aká kenasho ato yoãshokĩ. “Ẽ aĩvorasĩní, mato ẽ yoãshonõ nĩkãi verína. Yorã ea tsewe amaĩnõ ẽ yamamaai, veronechtamẽkĩ. 
\v 24 Caim yamamashõ, yora 7 vezes kopitái atõ keyómaĩnõ, ea yamamashõro yora 77 vezes kopitái keyóorívi”, ato akĩ.
\s1 Sete vakemtá ivo yoã
\p
\v 25 Askávai txipo, Adãonĩ Evã vake venevake wetsa meraósho, ãwẽ pakémaĩnõ “Sete”, akĩ anesho, vanai. “Yové Koĩni vake wetsa ea inãóai. Caimni ea yamamakãchna ivo ẽ vená aoai”, ikí Eva.\f + \fr 4.25 \fr*\ft Hebraicõ vana “Sete” ikíro “Yavepa inãai” keská\ft*\f* 
\v 26 Anosho Setẽ arí venevake merasho, Enos akĩ aneki. Askái aatiã yorarasĩ Yavepa anemẽ kenái txitavíi.
\c 5
\s1 Adãone revomati ivo yoã
\p
\v 1 Adãomẽsho revoarasĩ yoãnáro neskáti. Aatiã Yové Koĩni ãwẽ yora vimaki aa keská akĩ yora shovimati. 
\v 2 Venenĩ aĩvo shovimashõ, vana roapa ivo netãsho, “yora”, akĩ ato aneti.\f + \fr 5.2 \fr*\ft Hebraicõ vanã ikíro “Adam”\ft*\f*
\p
\v 3 Askái, Adão 130 varinamãsho, vake wetsa ãwẽ yora keská merasho, “Sete” akĩ aneki. 
\v 4 Sete merasho, 800 vari tavái nishõ, venevakerasĩ, aĩvakerasĩ aká ato meraóti. 
\v 5 Katsékase 930 vari tavái nishõ vopiti.
\p
\v 6 Setero 105 varinamãsho, ãwẽ vake Enos merati. 
\v 7 Enos merasho, 807 vari tavái nishõ, venevakerasĩ, aĩvakerasĩ aká ato meraóti. 
\v 8 Katsékase 912 vari tavái nishõ vopiti.
\p
\v 9 Enosro 90 varinamãsho, ãwẽ vake Cainã merati. 
\v 10 Cainã merasho, 815 vari tavái nishõ, venevakerasĩ, aĩvakerasĩ aká ato meraóti. 
\v 11 Katsékase 905 vari tavái nishõ vopiti.
\p
\v 12 Cainãro 70 varinamãsho, ãwẽ vake Maalalel merati. 
\v 13 Maalalel merasho, 840 vari tavái nishõ, venevakerasĩ, aĩvakerasĩ aká ato meraóti. 
\v 14 Katsékase 910 vari tavái nishõ vopiti.
\p
\v 15 Maalalelro 65 varinamãsho, ãwẽ vake Jarede merati. 
\v 16 Jarede merasho, 830 vari tavái nishõ, venevakerasĩ, aĩvakerasĩ aká ato meraóti. 
\v 17 Katsékase 895 vari tavái nishõ vopiti.
\p
\v 18 Jaredero 162 varinamãsho, ãwẽ vake Enoque merati. 
\v 19 Enoque merasho, 800 vari tavái nishõ, venevakerasĩ, aĩvakerasĩ aká ato meraóti. 
\v 20 Katsékase 962 vari tavái nishõ vopiti.
\p
\v 21-22 Enoquero Yové Koĩnĩ tasánanãi nipawa. 65 varinamãsho, ãwẽ vake Metusalém merati. Metusalém merasho, 300 vari tavái nishõ, venevakerasĩ, aĩvakerasĩ aká ato meraóti. 
\v 23 Katsékase 365 vari tavái niti. 
\v 24 Askái Yové Koĩnĩ tasánanãi nishõ, txipokiri oĩnaoimai manósti, Yové Koĩni viátõsho.
\p
\v 25 Askámaĩnõ Metusalémro 187 varinamãsho, ãwẽ vake Lameque merati. 
\v 26 Lameque merasho, 782 tavái nishõ, venevakerasĩ, aĩvakerasĩ aká ato meraóti. 
\v 27 Katsékase 969 vari tavái nishõ vopiti.
\p
\v 28 Lamequero 182 varinamãsho vake venevake meraóti. 
\v 29 Venevake merasho “Noé”, akĩ anevai vanai, “Yavepa mai veí netãti ivonamãsho mee itĩ yomãnai nõ shokomaĩnõ, noke tenemakatsaiya ivo vake merái”, ikí Lameque.\f + \fr 5.29 \fr*\ft Hebraicõ vana “Noé” ikíro “tenemáa” keská\ft*\f* 
\v 30 Aská akĩ Noé merasho, 595 vari tavái nishõ, venevakerasĩ, aĩvakerasĩ aká ato meraóti. 
\v 31 Katsékase 777 vari tavái nishõ vopiti.
\p
\v 32 Askámaĩnõ Noéro 500 vari tavái nishõ, ãwẽ vakerasĩ Sem, Cam, Jafé aatii ato merati.
\c 6
\s1 Yora ichnávaĩti ivo yoã
\p
\v 1 Yora revokaĩi maitioi peás ikí, aĩvakẽ vakeyávo. 
\v 2 Askái Yové Koĩni vakevõ\f + \fr 6.2 \fr*\ft Hebraicõ vana “Yové Koĩni vakevo”, atõ arí chinãro “yové ichnárasĩ” keská, wetsã chinãro “Setẽ revomatirasĩ”, aká \ft*\f* aĩvo roakachtavo oĩinã, atõ arí chinãnese ninivarãvarãvo. 
\v 3 Atõ askámaĩnõ, Yavé vanai. “Yoraro veí namisho, ẽ chinã vari aatíikai atonĩ niátĩpa. Ramaro 120 varise ato shokõnõ”, ikí.
\p
\v 4 Aatiã shavapa, aaivo maĩ, “nefilim”, atõ aká ivorasĩ aya.\f + \fr 6.4 \fr*\ft Hebraicõ vana “Nefilim”, ikí wetsã chinãkiro, yora chinã “keskápá”, wetsã chinãro “nĩkãsmavo”, aká \ft*\f* Aská txipo askásevioi. Awesáma, Yové Koĩni vakevõ shavorasĩ ninivarãvarãsho atõ vake iáa, yorã oĩtanáka kakatai shokovo.
\p
\v 5 Askái yora chinã ichnávaĩi, ichnái tapisvo ato oĩki Yavepa. 
\v 6 Atõ aská oĩinã ãwẽ shovimati yorarasĩ “ẽ awe ismtákĩ”, ikĩ ato oĩki. Askái ãwẽ chinã neneyai nii. 
\v 7 Askái vanai. “Ẽ shovimati yora, maĩ noyõ ikiya, maĩ meshoya, yoini peiyavo akárasĩ ato keyosnõ. Awesáma, eã ato shovimatisemẽkĩ, ‘ẽ awe ismtákĩ’, iinã ẽ ikírvi”, ikí. 
\v 8 Askámaĩnõ Noéro anõ mekíi.
\s1 Noepa rãtxa yoã ivo
\p
\v 9 Noepa revomarasĩ yoãnáro neskáti. Noéro chinã meki ivo yora, Yové Koĩnĩ tasánanãpaóa, avé shaváyaivorasĩ keskáma. 
\v 10 Askái vakerasĩ 3 revomakĩ, atõ anero “Sem, Cam, Jafé” aatíi.
\p
\v 11 Askái aatiã yorarasĩ ichnávaĩi, askatase arímamẽ ranĩnanãi shokovo oĩki, Yové Koĩni. 
\v 12 Askái yorarasĩ ichnái tavákepatõ ikí shokovo oĩinã, 
\v 13 Noé vana akĩ. “Ramaro naaivo mai shavapa shokoyavorasĩ ato ẽ keyokatsa, ashkã ranĩnanãi maí maí isvo oĩinã. Askái yorarasĩ, mai õsiki ato ẽ keyokatsa. 
\v 14 Askámaĩnõ, miãro, iwi cipreste ivo kavẽsho, rãtxa anipakĩ shovimavaikĩ, karovi pae txapi ashõ anõ vestotso, petxirisho nakirisho avévakĩtso. Aská avaikĩ naki paró akõvaĩtso. 
\v 15 Ãwẽ rãtxa keyá tanáshokĩro 133 metros, ãwẽ shotxi akĩro 22 metros, ãwẽ pespã ivoro 13 metros atso. 
\v 16 Aská akĩ matxi peno ashõ, aa teróchta ãwẽ kene shavá sawẽketakĩro 45 centímetros atso. Askáki amari ãwẽ pespãnero kepoti westíkase sawẽi, ãwẽ mai iinakaĩa 3 aoi, wetsaro teró, wetsaro naki kawãya, wetsaro matxika aatii atso.
\p
\v 17 Awesáma, ene ẽ yonokatsa, mai shavatióki enẽ ivo ainakĩ, ashkã chinã vii shokoya ave keyonõ iinã. Katsése keyókatsavo. 
\v 18 Askámaĩnõ miaro ẽ neská akatsai, tekísma ivo vana mia ẽ eneshoa. Mia, mĩ aĩ, mĩ vakerasĩ, atõ aĩvorasĩ aatii rãtxã weikatsavo. 
\v 19 Askámaĩnõ, yoinavorasĩ katsése, atõ aĩnĩ ashõ weimaótso, mivé ave pashanõvo. 
\v 20 Yoini õsi õsipa katsése, peiyavo, venekavo, maĩ noyõ ikiyavo, maĩ meshoyavo atõ aĩnĩ ashõ mivé pashai vẽ vẽkatsavo. 
\v 21 Askámaĩnõ, mã piti, yoinavorasĩni piti aká kawii weimatso, mã piti chinãsho”, akĩ Yové Koĩni.
\p
\v 22 Askái Noepa katsése Yové Koĩni yonoa keskáse ashõti.
\c 7
\s1 Enẽ txivãti ivo yoã
\p
\v 1 Askávai txipo Yavepa Noé tanamakĩ, “mia, mĩ aĩ, mĩ vakerasĩ, atõ aĩvorasĩ aatii rãtxã weina. Mia westíse chinã meki yora ẽ oĩvaĩvaĩa. 
\v 2 Askái yoini koĩ, anõ eséyatima ivoro\f + \fr 7.2 \fr*\ft Yoini anõ eséyakĩma oĩa ivoro piá roase, maki aká roase aká\ft*\f* 7 tanáti akĩ ãwẽ aĩnĩ ashõ ato weimatso. Askámaĩnõ yoini koĩma, anõ eséya ivoro\f + \fr 7.2 \fr*\ft Yoini anõ eséya ivoro pitima, maki akáma aká\ft*\f* vene ãwẽ aĩ aká ravé ashõ ato weimatso. 
\v 3 Yoini peiyavorasĩ ato askásevi aotso, 7 tanátíisevi ãwẽ vene, ãwẽ aĩ aká ato weimaótso, keyói makimísivo. 
\v 4 Nenosho 7 shavá nokókaĩmaĩnõ oi ẽ pakekatsa, 40 shavá tavái oi ikí, ii ii varikawãi, ii ii yamékawãi aká ikatsai. Naaivo mai shavapa ato ẽ shovimati ivo, chinã viayavorasĩ katseki ato ẽ keyokatsa”, akĩ.
\p
\v 5 Yavepa aská akatõsho, Noepa ãwẽ yonoa keská akĩ katseki ashõki. 
\v 6 Aatiã 600 vari aya, enẽ ato txivãtitiã. 
\v 7 Aská akĩ enẽ ato txivãkatsa vevo, aa, ãwẽ aĩ, ãwẽ vakerasĩ, atõ aĩvorasĩ aatii rãtxã weivo. 
\v 8 Atõ askámaĩnõ, yoini venepavo, yoini koĩ ivo, yoini koĩma ivo, maĩ noyõ ikiya, maĩ meshoya, peiyavo akárasĩ, 
\v 9 atõ aĩyai rãtxã Noénĩ weivo, Yové Koĩni yonoa keská akĩ. 
\v 10 Askávai txipo, 7 shavá tavákémaĩnõ, enẽ mai ivo ainakĩ.
\p
\v 11 Aatiã Noé 600 vari nokóvaí, oshe westíkase tavákei, oshe wetsa nokóoi, 17 shavá aya. Aaivo shavapásevi, maĩsho ene kayarasĩ tovíkaĩi, naí shavapashõ ene kayarasĩ vepẽnaói akí veyánanãvakĩi. 
\v 12 Askái oi askáseviói, 40 shavá oi ikí, ii ii varikawãi, ii ii yamékawãi aí.
\p
\v 13 Aaivo shavapasevi Noé, ãwẽ aĩ, ãwẽ vakerasĩ, Sem, Cam, Jafé, atõ aĩvorasĩ aatii rãtxã weivo. 
\v 14 Askámaĩnõ yoini õsi õsipavo, atõ aĩvorasĩnĩ ato õsíi weivo, niitero ivo, iná aká ivo, maĩ noyõ ikiyavo, maĩ meshoyavo, peiyavo, akárasĩ õsíi weivo. 
\v 15 Atõ aĩnĩ rãtxã Noénĩ weii, wetsa ravévakĩ, wetsa ravévakĩ akávo. 
\v 16 Katsése chinã viayavorasĩ atõ aĩvorasĩnĩ weivo, Noé ãwẽ tanamavai keskáki. Askámaĩnõ Yavepa ato kepoki.
\p
\v 17 Askái 40 shavá ene ãtsa isi, nasháma. Rãtxa mai enenimashõ nonõki. 
\v 18 Enẽ ãtsaki mai ãwẽ ivo ainámaĩnõ rãtxa nonóinái. 
\v 19 Ene inóimaise ãtsa ãtsa isi. Askáki mató keyápavorasĩ ato ivo ainakĩ. 
\v 20 Enẽ mató tokopamavorasĩ ivo tavaníki. 7 metros tanáti nokoki. 
\v 21 Ãwẽ askámaĩnõ, naa mai shavapa shokoyavorasĩ, katsése chinã viayavorasĩ keyói, yoini peiyavorasĩ, iná atirasĩ, yoini rawemarasĩ, maĩ yoini potochtarasĩ, yorarasĩ aká õsiki ato keyoki. 
\v 22 Mai mãkõne shokoyavo, chinã viayavorasĩ aká keyóti. 
\v 23 Askái keyótivo, naaivo mai shavapa shokoyavorasĩ, yora, yoini, maĩ noyõ ikiya, maĩ meshoya, peiyavo, akárasĩ keyótivo. Askámaĩnõ Noénĩ rãtxã pashayavorasĩchtase teshékétivo.
\p
\v 24 Askái ene inoi. 150 shavá tavái rakáti.
\c 8
\s1 Enẽ txivã nasháti ivo yoã
\p
\v 1 Askái Noé, niitero yoinavorasĩ, yoini iná ati ivorasĩ aká katsése rãtxã avé kãtxía chinãsho, Yové Koĩni niwe yonomaĩnõ waka txitavíi nashápakéi. 
\v 2 Askái maĩsho ene kayarasĩ tovíkaĩa ivo enéi, naí shavapashõ ene kaya vepẽnáa ivo enéi, oi ikí askásevioi aí. 
\v 3 Askávai 150 shavá tavái, chinã ashõchta ene nashá nashápakékaĩi. 
\v 4 Askái 7 oshe nokói, aaivo oshẽsevi 17 shavánamã rãtxa Ararate matopa rakápakei kaí. 
\v 5 Askái waka nashái isi 10 oshe nokói, naaivo oshe rakáa venapa, matórasĩ varíkéchtai.
\p
\v 6 Askávai 40 shavá tavákémaĩnõ Noepa rãtxã oro ãwẽ sawẽchna ivo kepẽki. 
\v 7 Askávaíki, “mai varíkéai”, ravãki, oka ãwẽ yonoa noya noyakawãi matsíkawãsi. 
\v 8 Askávaíki txipo noma yonoóki, “waka nashái mai varíkémara oĩóta”, iinã. 
\v 9 Aská akĩ noma ãwẽ yonoa, anõ tsaópakéti yama oĩketani okĩ rãtxa chinãvarãóki. Wakase rakáa, mai tachima oĩtani ãwẽ omaĩnõ, mevi ãwẽ weáshoá anõ ãwẽ tsaópakei omaĩnõ atxivaíki arimẽse rãtxã naneóki. 
\v 10 Aská anosho 7 shavákase manávaíki rãtxãsho arimẽse noma yonoóki. 
\v 11 Ãwẽ aská aka itãi iokarãki yãtã oliveira mani pei venáka tokõsho tachikarãi. Ãwẽ askámaĩnõ, “waka nashái”, iinã tanaki. 
\v 12 Aská oĩinã 7 shavákase manáóki. Askávaíki noma ãwẽ yonoóa iokarãóma.
\p
\v 13 Aatiãro 601 vari aya. Naaivo vari txitavía, oshe rakáa venapa, waka nashái, mai mãkõkaĩi. Askámaĩnõ ãwẽ rãtxa peshé txoyo avaikĩ, mai mãkõkaĩa meraki. 
\v 14 Askávai txipo, oshe ravévakĩ nokói 27 shavánamã mai katsése mãkõkaĩi.
\p
\v 15 Askánamãsho Yové Koĩni aa tanamakĩ. 
\v 16 “Rãtxãsho kayakaĩ, mĩ aĩ, mĩ vakerasĩ, mĩ vakẽ aĩvorasĩ aatíi. 
\v 17 Atonĩ mĩ kãtxía ivo yoinavorasĩ keyoki poshakõi arí. Yoini peiyavorasĩ, yoini venekavo, maĩ noyõ ikiyavorasĩ, maĩ meshoyavo aká, revovaĩi ave maitiónõvo”, akĩ.
\p
\v 18 Ãwẽ askámaĩnõ, Noé, ãwẽ aĩ, ãwẽ vakerasĩ, ãwẽ vakẽ aĩvorasĩ aatii poshókõvo. 
\v 19 Yoinavorasĩ atõ aĩnĩ askásevi aoi, katsése rãtxãsho poshókõóvo, peiyavorasĩ, yoini venepavorasĩ, maĩ noyõ ikiya, maĩ meshoya aatíi. 
\v 20 Askávai txipo anõ maki ati tapo\f + \fr 8.20 \fr*\ft Naaivo taporasĩro shasho mashko ipawa\ft*\f* akĩ. Aská avaikĩ yoini anõ eséyatima, chai anõ eséyatima ivo aká ato atxivaíki, Yavé maki ashõki.
\p
\v 21 Yavé ãwẽ aská ashõa noékawã sheteinã arí vanai. “Txipokiri yoramẽsho mai ea veí netãotĩpá. Yora aaivoi kanii vakechtasho anõ ikírvi ichnáro. Txipokiri neskátõ chinã viayavorasĩ ato keyootĩpá. 
\v 22 Ramaro mai askái inoi rakámaĩnõ, piti merámaa enétĩpá. Askávai matsika, shanaka, varikarãi, oi txinĩ, shavákawãi, yamékawãi akí tapiskatsa”, ikí.
\c 9
\s1 Yové Koini nawã vai ato ashõti ivo yoã
\p
\v 1 Askái Yové Koĩni Noé, ãwẽ vakerasĩnĩ ashõ vana roapa ato netãi vanai neskái. “Revosho, maitioi peás itsoma. 
\v 2 Maĩ yoinavo, peiyavo, maĩ noyõ ikiya, maĩ meshoya, enẽ yoini akárasĩ mato rakéshoi shokokatsavo. Katsése mato ẽ kashma ashõai. 
\v 3 Katsé yoinavorasĩ mã piá roase. Vevõ, piti vaná mato ẽ kashma ashõti keskásevi akĩ, katseki mato ẽ kashma ashõóai. 
\v 4 Askámaĩnõ, nami imiyakĩ pitsomaroa. Ãwẽ imiro ãwẽ chinãvere. 
\v 5 Askámaĩnõ yora avé yora imi ichná akãya ivo, yoini yora yamamaiya aká ivoro eã ato ẽ kopishokatsai. 
\v 6 Yora avé yora yamamakĩ imi ichná akãya ivo, aaivo yora kopiki avé yorãsevi yamamaókatsa. Awesáma, ẽ yora vimaki, ea keská akĩ ẽ shovimatisho ã ikí. 
\v 7 Askásho, revosho, maitioi peás itsoma, mai anõ atsoma”, ato akĩ.
\p
\v 8 Aská txipo ato tanamaóki. 
\v 9 “Ramaro mato tekísma ivo vana ẽ eneshokatsai, matomẽsho revokatsa ivorasĩ askásevi aká. 
\v 10 Askávaíse matonĩ shokoarasĩ askásevi, yoini peiyavorasĩ, yoini iná ati ivorasĩ, niitero ivorasĩ, ashkã rãtxã shokosho matonĩ poshókõvai ivorasĩ aká, yoinavorasĩ katsése ato ẽ ashõókatsa. 
\v 11 Tekísma ivo vana mato ẽ eneshoavere. Txipokiri chinã viayavorasĩ enẽ txivãmakĩ ea ato makimaotĩpá. Naaivo mai enẽ txivãmakĩ ea keyootĩpá”, akĩ.
\p
\v 12 Askávai vanaói. “Tekísma ivo vana mato, matomẽsho revokatsa ivorasĩ, katsése chinã viayavorasĩ aká ẽ eneshoa. Askáinã mato ẽ neská ashõkatsa, anõsho mã onãtakĩ oĩti. 
\v 13 Naí oshõ nawã vai ená ivo ẽ rakãkatsa, tekísma ivo vana anõsho onãtakĩ oĩnõvo iinã. 
\v 14 Askái naí osho mai matxi ẽ ronõkémaĩnõ, anõsho nawã vai rakákekatsa. 
\v 15 Askávai anõsho, yoinavorasĩnĩ ashõ mato, vana ẽ eneshoa ivo ẽ chinãkatsa. Txipokiríchta yoinavorasĩ enẽ ea keyootĩpá. 
\v 16 Nawã vai naí oshõ rakákémaĩnõ oĩki tekísma ivo vana mai shavapa chinã viayavorasĩ ato ẽ eneshoa ivo ẽ chinãkatsa”, akĩ.
\p
\v 17 Askái vanai mashtékaĩkatsiinã ato tanamaóki. “Naaivo nawã vai ẽ netãro anõsho tekísma ivo vana nõ chinãti”, akĩ Yové Koĩni.
\s1 Camne ãwẽ papa ati ati ivo yoã
\p
\v 18 Noepa vakerasĩ, rãtxãsho poshokõyavorasĩro Sem, Cam, Jafé aatíi. Camro Canaãne papa. 
\v 19 Naa 3 venevakerasĩro, anõsho yorarasĩ naaivo mai shavátioi shokotivo.
\p
\v 20 Askámaĩnõ Noéro piti merámayashõ ãatõpari txitáki wai avaikĩ uva vanati. 
\v 21 Askái shavá wetsã, ã ene tanashoma avaí vetsakawãsho ãwẽ peshé naki pakésho, txĩto rakái. 
\v 22 Ãwẽ askámaĩnõ, Camne, txĩtopakésho ãwẽ rakáa oĩvaíki, kashõ ãwẽ takevo ato yoãshoi kakĩ.\f + \fr 9.22 \fr*\ft Neno Hebraicõ vana “ãwẽ papa txĩto oĩa” ikí ivo, wetsã chinãro txĩtose, wetsã chinãro ãwẽ aĩ oĩkãa aká \ft*\f* 
\v 23 Aská nĩkãinã Sem, Jafé aatiisho õpo kevika ivo atõ peshõ poẽnivai voshõ, ãwẽ txĩto rakákiri oĩtanamasmẽkĩ txichtikiri ikõvaĩi voshõ, atõ papa õpõ iwapakévo.
\p
\v 24 Atõ askámaĩnõ vetsa tãti avaí vesokaĩsho, ãwẽ vake txipoketõ avai ivo tanainã, vanainái. 
\v 25 “Canaã askaĩkõtikĩ ẽ iki ãwẽ takevõ ati akĩ isĩpa akĩ mee imaki. 
\v 26 Askámaĩnõ Yavé, Sem anõ txipoa ivo Yovéro roapa. Semro Canaã yonoa ave ninõ. 
\v 27 Askámaĩnõ Jaféro Yové Koĩni revomaa ave peás inõ. Semnĩ ave ninõ. Askái Canaã ati akĩ mee ima ave ninõ”, ikí Noé.
\p
\v 28 Askávai, enẽ txivãvai txipo, Noé 350 vari tavái nióti. 
\v 29 Askái katsékasero 950 vari tavái nishõ vopiti.
\c 10
\s1 Noepa merávõ revomati ivo yoã
\p
\v 1 Noémẽsho revoarasĩ yoãnáro neskáti, Sem, Cam, Jafé aatíi. Askái naatiimẽsho enẽ ato txivãvai txipo vake wetsarasĩ revovaĩóti.
\p
\v 2 Naatíiro Jafepa vakerasĩ, Gomer, Magogue, Madai, Javã, Tubal, Meseque, Tiras aatíi.
\p
\v 3 Askámaĩnõ naatíiro Gomernĩ vakerasĩ, Asquenaz, Rifate, Togarma aatíi.
\p
\v 4 Naatíiro Javãne vakerasĩ, Elisá, Társis, Quitim, Dodanim aatíi. 
\v 5 Askái naatii arí pashkákéi voíro waka kesó, mai voró ii itãnamã shokovo. Askái arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
\p
\v 6 Askámaĩnõ naatíiro Camne vakerasĩ, Cuxe, Mizraim, Pute, Canaã aatíi.
\p
\v 7 Askámaĩnõ naatíiro Cuxẽ vakerasĩ, Sebá, Havilá, Sabtá, Raamá, Sabtecá aatíi. Askámaĩnõ Raamapa vakerasĩro Sabá, Dedã aatíi.
\p
\v 8 Askámaĩnõ Cuxepa vakero Ninrode. Aaro aapari yora kakáya mestẽka shovisho niti, naaivo maĩ. 
\v 9 Yavepa oĩro yora chinã ravéma, askáinã yora ashkãsho yoãki, “Ninrode keská onika”, ipawavo. 
\v 10 Askái txitavíro aaro Babel mainamã kakáya shovisho nii. Askávai Sinar mainamã shavá wetsarasĩ Ereque, Acade, Calné akárasĩ ivosho niói. 
\v 11 Anosho ãwẽ anõ niá ivo mai enevaĩi kaí Assíria mainamã tekii, askái ano nii kashõ shavá wetsa Ninive, Reobote-Ir, Calá, Resém aatii shavá shovimakĩ. 
\v 12 Resém ivoro Ninive, Calá aká naki rakáa, askámaĩnõ “Calá”, atõ akáro “cidade anipa.”
\p
\v 13-14 Askámaĩnõ Ludita, Anamita, Leabita, Naftuita, Patrusita, Casluita, Caftorita yorarasĩro Egitõ\f + \fr 10.13-14 \fr*\ft Hebraico vanã ikíro “Mizraim”\ft*\f* merávo. Askámaĩnõ Casluitarasĩni revomaaro filisteu yorarasĩ.
\p
\v 15 Askámaĩnõ Canaãro Sidom, Hete aatii meraya. Ãwẽ vake vevokéro Sidom. 
\v 16 Naarasĩ askásevi, Canaãne revomarasĩ, jebuseu, amorreu, girgaseu, 
\v 17 heveu, arqueu, sineu, 
\v 18 arvadeu, zemareu, hamateu, yorarasĩ aatíi. Askái txipo cananeu yorarasĩni merávo peás itivo. 
\v 19 Askái atõ anõ peás iki mairo Canaã. Askái ãwẽ kesoketanáro Sidomnamã iaketãi kawãi, Gerarnamã kesoa. Anosho Gazanamã ioketani kawãi, Sodoma, Gomorra, Admá, Zeboim akánamã kesoóa. Anosho kaí Lasanamã kesoa.
\p
\v 20 Naaivo yorarasĩro Camne ato revomaa, arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
\p
\v 21 Askámaĩnõ Semro Jafepa take vevoké ivo. Aaro Héber\f + \fr 10.21 \fr*\ft Héber yorarasĩni ane wetsaro “hebreu yorarasĩ”\ft*\f* yorarasĩ ato revomaiya. 
\v 22 Askámaĩnõ naatíiro Semni merávo, Elão, Assur, Arfaxade, Lude, Arã aatíi.
\p
\v 23 Askámaĩnõ naatíiro Arãne vakerasĩ, Uz, Hul, Geter, Más aatíi.
\p
\v 24 Askámaĩnõ Arfaxadero, Salá meraya, Saláro Héber meraya aká. 
\v 25 Askáki Hébernẽ vake ravévakĩ merati. Aatiã shavapa mai pashkánanãmaĩnõ, ãwẽ vake aneki “Pelegue”, akĩ.\f + \fr 10.25 \fr*\ft Hebraicõ vana “Pelegue” ikíro “oshkévakĩ”\ft*\f* Askávaíki wetsa anekiro “Joctã”, akĩ.
\p
\v 26 Askámaĩnõ, Joctãro naarasĩni papa, Almodá, Selefe, Hazar-Mavé, Jerá, 
\v 27 Hadorão, Uzal, Dicla, 
\v 28 Obal, Abimael, Sabá, 
\v 29 Ofir, Havilá, Jobabe aatíi. Naatíiro Joctã vakerasĩ katsése. 
\v 30 Askái atõ anõ shokoa mairo, Messanamã itãi kaí, vari oákiri, mató keyáka Sefarnamã kesoa.
\p
\v 31 Naaivo yorarasĩro Semni ato revomaa, arí vakeyashõ atomamẽ shokoi, atõ vanãrvi ikí, atõ arí maĩ shokoi akávo, yora shoko wetsa.
\p
\v 32 Naarasĩro Noepa vakerasĩni ato revomaa yora. Wetsã wetsa revomaí, wetsã yora shoko wetsa shovimaí ato apávo. Atomẽsho, yorarasĩ maitioi peás ivaĩtivo, enẽ ato txivãti txipo.
\c 11
\s1 Babelnamã mai shovo tokopáma iti ivo yoã
\p
\v 1 Vevotiã yorarasĩ ashkã atõ anõ ipawa vanaro westíkase. 
\v 2 Askái yorarasĩ vari oátõsho shokosho voí, Sinar mainamã mató sapa roaka merasho shokokévo. 
\v 3 Askái ano arí katxívaĩsho chinãmakinanãvo. “Tijolo avaikĩ nõ shoinõ”, ikívo. Naaivo mainamãro shasho mashko anõ shovo amísmavo, tijolo apawavo. Anõ vestoti askásevi, massa amísma, karovi pae apawavo. 
\v 4 Askávai arímamẽ vanaóvo. “Cidade shovimashõ, mai shovo tsaõníki ainavaĩki, naí nõ nokonõ. Askái ora mai wetsã peás itãimai, ashkã nõ shokomaĩnõ, noke ave kakanõvo”, ikívo.
\p
\v 5 Aská akĩ yorarasĩni cidade, mai shovo aká atõ shovimamaĩnõ, Yavepa “awesáraki oĩnõ”, iinã ato chinãpakei okĩ. 
\v 6 Aská oĩinã, “ii yorarasĩ chinã westíse, vana westítõse ikí shokovo. Rama atõ txitavirívi askámẽkĩ txipo atõ akátĩpa yama ikatsai”, ikĩ chinãki. 
\v 7 Askátani oí, vanaói. “Shokopakésho nõ oĩnõ voãna. Ato nõ vana wetsa apánõ, arímamẽ ave tanatima ikinanãnõvo”, ikí.
\p
\v 8 Askáki Yavepa ato vana wetsa apáki, maitio akĩ ato peás akĩ. Ato ãwẽ aská akatõsho, atõ cidade shovimaa mashtema enevo. 
\v 9 Askái anosho shavá ane “Babel”, ikí meráti, Yavepa ato vana wetsa apátõsho ikí.\f + \fr 11.9 \fr*\ft Hebraicõ vana “Babel” ikíro “tanatĩpa aká” keská \ft*\f* Askáki anosho maitioki ato peás akĩ.
\s1 Semni revomati ivo yoã
\p
\v 10 Naarasĩro Semni ato revomaa. Enẽ ato txivãchna txipo vari ravévakĩ tavákemaĩnõ, Sem ãwẽ vari 100namãsho ãwẽ vake venevake Arfaxade merati. 
\v 11 Arfaxade meravaí, 500 vari tavái nishõ, venevakerasĩ, aĩvakerasĩ aká meraóti.
\p
\v 12 Arfaxadero 35 varinamãsho ãwẽ vake Salá merati. 
\v 13 Salá merasho, 403 vari tavái nishõ, venevakerasĩ, aĩvakerasĩ aká meraóti.
\p
\v 14 Saláro 30 varinamãsho, vake venevake Héber merati. 
\v 15 Héber merasho, 403 vari tavái nishõ, venevakerasĩ, aĩvakerasĩ aká meraóti.
\p
\v 16 Héberro 34 varinamãsho, ãwẽ vake venevake Pelegue merati. 
\v 17 Pelegue merasho, 430 vari tavái nishõ, venevakerasĩ, aĩvakerasĩ aká meraóti.
\p
\v 18 Peleguero 30 varinamãsho, ãwẽ vake venevake Reú merati. 
\v 19 Reú merasho, 209 vari tavái nishõ, venevakerasĩ, aĩvakerasĩ aká meraóti.
\p
\v 20 Reúro 32 varinamãsho, ãwẽ vake venevake Serugue merati. 
\v 21 Serugue merasho, 207 vari tavái nishõ, venevakerasĩ, aĩvakerasĩ aká meraóti.
\p
\v 22 Seruguero 30 varinamãsho, ãwẽ vake venevake Naor merati. 
\v 23 Naor merasho, 200 vari tavái nishõ, venevakerasĩ, aĩvakerasĩ aká meraóti.
\p
\v 24 Naorro 29 varinamãsho, ãwẽ vake Tera merati. 
\v 25 Tera merasho, 119 vari tavái nishõ, venevakerasĩ, aĩvakerasĩ aká meraóti.
\p
\v 26 Teraro 70 vari tavái nishõ, ãwẽ vake venevakerasĩ Abrão, Naor, Harã aatii merati.
\s1 Terã revomati ivo yoã
\p
\v 27 Naatíiro Terã ato revomarasĩ, Abrão, Naor, Harã aatíi. Harãne ivõro vake venevake Ló merati. 
\v 28 Ló meravai, nii niisho, ãwẽ anõ vaketi ivo mai, “Ur”, atõ akánamãsho vopiti. Aaivo mairo, caldeu yorarasĩni mai. Aská ã vopiatiã, ã papa Teraro vopima, niisa. 
\v 29 Askámaĩnõ Abrãonĩ Naor ravéshóse shavo ninivarãvo. Abrãone aĩro Sarai. Naorpa aĩro Milca aká. Milca ãwẽ take Iscá akáro Harãne vake aĩvakerasĩ. 
\v 30 Askámaĩnõ Sarairo revosma.
\p
\v 31 Askái txipo, Tera, ãwẽ vake Abrão, ãwẽ vakẽ aĩ Sarai, ãwẽ shokó Ló aatíi, Ur, caldeu yorarasĩni mainamãsho ato kawivaĩi, Canaã mai chinãvaĩi kaí. Askái ano atõ voámẽkĩ Harã shavapáse shokokétivo. 
\v 32 Askái Tera, Harãnamã nishõ, ãwẽ vari 205 nokóanamãsho vopiti.
\c 12
\s1 Yavepa Abrão yonoti ivo yoã
\p
\v 1 Askáki txipo Yavepa Abrão tanamakĩ. “Mĩ mai, mĩ wetsamavorasĩ, mĩ papa aká ato enevaĩi katã. Mĩ anõ nikatsai ivo mai mia ẽ yoikatsa. 
\v 2 Minõsho yora shoko wetsa ẽ revomakatsai. Roapa ivo mia ẽ ashõkatsa. Yora kakataiyakĩ mia ẽ shovimakatsai. Roapa ivo mia ẽ ashõatõsho yora wetsarasĩ askásevi netãnákatsa. 
\v 3 Yora ãwẽ vana roapatõ mia netãya ivoro, eã ato ẽ askásevi aokatsa. Askámaĩnõ yora mia veí vana netãya ivoro eã ẽ ato askásevi aokatsa. Maitio yorarasĩ askásevi, minõsho vana roapa netãnaókatsa”, akĩ.
\p
\v 4 Askái Yavepa yonoatõse ikí, Harã mai enevaĩi kaí. Askái ãwẽ kamaĩnõ, Ló avé kaí. Aatiã Abrão 75 vari aya. 
\v 5 Askái kakĩ, ãwẽ aĩ Sarai ewei, ãwẽ epashko Ló ewei, Harãnamãsho ãwẽ viá ivo awerasĩ keyoki vii, ãwẽ shokõkenavo akárasĩ ato kawivaĩi, Canaã mai chinãvaĩi voí ano nokói voávo. 
\v 6 Voí, aaivo mai kashke naki Siquémnamã nokóvo, iwi carvalho, Moréna ivo kesó shokokévo.\f + \fr 12.6 \fr*\ft Naaivo iwirasĩro pichtamavo, yorarasĩ anõsho onãtakĩ oĩti ipawavo\ft*\f* Aatiã aaivo mainamã Cananeu yorarasĩ shokopaóa.
\p
\v 7 Askái txipo Yavepa Abrão meramatachísho tanamakĩ. “Mĩ revomaa yorarasĩ, naaivo mai ato ẽ inãkatsavere”, akĩ. Aská akĩ meramatachiatõsho, anosho anõ maki ati tapo akĩ. 
\v 8 Askávai anosho vari oátõ iokaĩi kashõ, mai matóyãwanamã peshé akĩ. Ano ãwẽ peshé akáro Betel, Ai aká tõovakĩ rakáa. Betel ivoro vari kaatõ, Airo vari oátõ aká. Anosho anõ maki ati tapo Yavéravĩki avaikĩ, ravióki. 
\v 9 Askávai txipo iokaĩki, Neguebekirí.
\s1 Abrãone Egito maĩ kakáya parãti ivo yoã
\p
\v 10 Aatiã ano Canaã mainamã piti makiatõsho pikatsikivo oĩinã, Abrão Egito maĩ nii nii ikí kaí. 
\v 11 Askái kakĩ, Egito mai omakaĩki ãwẽ aĩ Sarai vana akĩ. “Oĩ, mianã aĩvo ichnámachta ivo. 
\v 12 Egito yorarasĩni mia oĩvaíki, ‘waanã ãwẽ aĩmarakĩ’, iinã minõsho ea yamamavaikĩ miase tsaõkemísivo. 
\v 13 Askáinãro, ‘ẽ aweshavo’, itso, minõsho yamamakĩma roaka akĩ ea ave vesonõvo”, akĩ.
\p
\v 14 Askávai Egitonamã atõ nokóvaĩmaĩnõ ãwẽ aĩ “shavo yoí roakarkĩ”, ikĩ oĩvo. 
\v 15 Askáki Egito maĩ kakáyatõ mee ima yora wetsã “shavo roapa”, iinã Faraó\f + \fr 12.15 \fr*\ft “Faraó” ikíro yorã anema, kakáyatõ anervi\ft*\f* yoãshotãi oshõ, ãwẽ shovonamã ewevaĩshokĩ. 
\v 16 Aská avaikĩ Saraimẽsho Abrão roaka akĩ vesosho, txivorasĩ, txasho anikarasĩ, jumento vene, ãwẽ aĩ, camelo vene, ãwẽ aĩ, ãwẽ mee imati venerasĩ aĩvorasĩ aká inãki.
\p
\v 17 Askánamãsho Saraimẽsho Yavepa kakáya, ãwẽ shokõkenavo aká isĩ ichnátõ ato imaki. 
\v 18 Askámaĩnõ kakáyatõ Abrão kenasho nĩkãki. “Awesainã ea mĩ neská akára? Mĩ aĩmẽkĩ awesainã ea mĩ pãtevairá? 
\v 19 Awesainã ‘ẽ aweshavorvi’ mĩ ivaira, mĩ aská nĩkãinã ẽ aĩ avairívi. Naĩ, ewevaĩta, votãna”, akĩ. 
\v 20 Askáki Faraopa, ãwẽ shokõkenavo tanamaatõsho, atovõ Abrão, ãwẽ aĩ, ãwẽ awerasĩ akánĩ ashõ poshakõvo.
\c 13
\s1 Abrão ãwẽ epashko Lónĩ pashkánanãti ivo yoã
\p
\v 1 Askái ano Egitonamãsho Abrão ãwẽ aĩ, ãwẽ epashko Ló aatíi, atõ awe roa avaí, arimẽse Neguebekiri iovaĩóvo. 
\v 2 Abrãoro kakáya mestẽkasho kopimatiyãwaka ivo yora. Iná, ouro, prata akárasĩ aya. 
\v 3 Askásho ano Neguebenamãsho, Betelkiri kaí, Betelnĩ Ai tõovakĩ nokókaĩi, ãwẽ peshé avawãtachĩanamã. 
\v 4 Ano nokókaĩsho anõ maki ati tapo ãwẽ achĩanamãshósevi Yavé ravióki.
\p
\v 5 Askái ãwẽ epashko, avé kachĩa ivo ãwẽ inárasĩ, peshérasĩ aatii arí ayasevi. 
\v 6 Ano ravé atõ shokomẽkĩ wasĩ mashkávo, atõ inárasĩ westímashõ. 
\v 7 Aská aatiã cananeu yorarasĩ, ferezeu yorarasĩ aatii ano aaivo mai naki shokoóvo. Askáinã anosho Abrãonĩ ãwẽ epashkopa iná vesoyavorasĩ arímamẽ vatxinanãvo.
\p
\v 8 Askáki shavá wetsã Abrãone ãwẽ epashko tanamakĩ. “Nokero mĩ wetsamakoĩmẽkĩ, nokẽ inárasĩ vesoyavo arímamẽ atõ vatxinanãa roakamáse. 
\v 9 Nõ norí pashkávakĩnõ. Atokiri mĩ roa aka? ‘Ea mechmiri ẽ katãnõ’, mĩ imaĩnõro, ea mekiri ẽ kakatsai. Askámaĩnõ, ‘ea mekiri ẽ katãnõ’, mĩ imaĩnõro, ea mechmiri ẽ kakatsai”, akĩ.
\p
\v 10 Ãwẽ askámaĩnõ ã epashkopa patákaĩsho ã oĩa, Jordão waka kesó itãi, mató sapaka kaí Zoar shavánamã kesoa oĩki. Ano mai roaka, teã kesó, Yavepa wai ayãta keská, Egito mai keská aká. Aatiã Sodomanĩ Gomorra shavá ayase, Yavepa ato keyoti vevo. 
\v 11 Askái Jordão maikiri kavẽvaí vari oátõ kaí. Anosho oshkévakĩtivo. 
\v 12 Abrãoro Canaã mainamãse niakéi, askámaĩnõ ãwẽ epashkóro Sodoma oramachta, cidade nakosho rakáa, mató sapakanamã niakéi. 
\v 13 Aská Sodoma yorarasĩro askata ichnárasĩrvi, Yavepa vana tavámai isĩpatõ ikí shokovo.
\p
\v 14 Askásho ãwẽ epashko arí pashkákaĩvaitxinĩ, Yavepa Abrão tanamakĩ. “Ano shaváyashõ naí paróri, naí paró wetsã, vari oátõ, vari kaatõ oĩi, atso. 
\v 15 Mai naa rakáa mĩ oĩa ivo, mia, mĩ revomarasĩ aká keyoki mato ẽ inãkatsa, matonase ikatsai. 
\v 16 Aská akĩ atovoro mai pototíi, tanátĩpa ikatsai. 
\v 17 Askái ramaro weníinavai kashõ, naaivo mai ãwẽ kesoketanatióki oĩkéta, vari oátõ, vari kaatõ, naí paróri, naí paró wetsã, akánamã oĩketátso”, akĩ.
\p
\v 18 Aská nĩkãinã ãwẽ peshé txoyo avaí, Hebrom shavá orakama, iwi “carvalho” atõ aká ivorasĩ shokoanamã niakéi kaí. Aaivo iwiro Manre yoraná. Askái anosho anõ maki ati tapo Yavéravĩki ashõóki.
\c 14
\s1 Abrãone ãwẽ epashko shavá amati ivo yoã
\p
\v 1 Aatiã shavapa Anrafelro Sinar shavapa kakáya, Arioquero Elasar shavapa kakáya, Quedorlaomer ivoro Elão shavapa kakáya, Tidal ivoro Goim shavapa kakáya aká. 
\v 2 Kakáyarasĩ aatiisho, Bera, Sodoma shavapa kakáya, Birsa, Gomorra shavapa kakáya, Sinabe, Admá shavapa kakáya, Semeber, Zeboim shavapa kakáya, Belã\f + \fr 14.2 \fr*\ft Ane wetsaro “Bela”, ane wetsaro “Zoar” aká\ft*\f* shavapa kakáya akárasĩ atonĩ pakã ikinanãvo. 
\v 3 5 kakáya ivorasĩ mató sapaka Sidim atõ akánamã, Katxi Iã\f + \fr 14.3 \fr*\ft Ane wetsaro “Katxi Iã”, ane wetsaro “Veí Iã” aká\ft*\f* kesó ashkã kãtxívaĩvo. 
\v 4 Askái kakáya Quedorlaomer 12 vari pakã raket ashõ, “noke kopímakõvaĩtsoma”, ikĩ ato ãwẽ shokõatõsho, 13 vari tavákeanamãsho nerishõ ato kopiki ichnákeóvo.
\p
\v 5 Askái 14 varinamã, kakáya Quedorlaomerni ãwẽ avé pakã takéarasĩnĩ nerishõ Refain yorarasĩ Asterote-Carnaimnamã keyovo. Aská avaikĩ Zuzin yorarasĩ Hãnamã aovo, Emin yorarasĩro Savé-Quiriataimnamã askásevi akávo. 
\v 6 Aská avaikĩ Horeu yorarasĩ keyoóvo. Atõ mainamãro Seir matórasĩnamãsho kaí El-Parãnamã kesoketaná, askata wenẽ orakama. 
\v 7 Askátani vesokevai veí, shavá Cadesnamã vevotiã, Mispate akĩ atõ anepaóanamã, amalequitanĩ amorreurasĩ Hazazon-Tamarnamã atõ shokomaĩnõ pakã ashõ mai ato viãkéki.
\p
\v 8 Askámaĩnõ kakáyavorasĩ Sodoma, Gomorra, Admá, Zeboim, Bela aatii õsíkesho pakayai voávo, Sidim mató sapakanamã. 
\v 9 Ano Elão shavapa kakáya, Goim shavapa kakáya, Sinar shavapa kakáya, Elasar shavapa kakáya naatiinĩ pakã ikinanãvo, wetsarasĩro 4 kakáya, wetsarasĩro 5 kakáya aká. 
\v 10 Ano mató sapaka Sidim atõ akánamã, pae shãtó ranóma. Askái atonĩ pakã ikinanãvaí Sodomanĩ Gomorra yorarasĩ atõ poshókatsikimẽkĩ ravé aaivo shãtó naki para ivaĩvo, ravéro mató keyáka matxi poshóvo. 
\v 11 Atõ askámaĩnõ 4 kakáya ivorasĩni Sodomanĩ, Gomorra yorarasĩ atõ awe roapa, atõ piti aká viãkãvo. 
\v 12 Viãkãvaíki, Abrãone epashko Sodomanamã niá ivo, aa, ãwẽ awe roapa ivorasĩ aká atxisho vivaĩóvo. 
\v 13 Askámaĩnõ yora wetsa arí westípakekeyatõ tachikaĩsho Abrão, hebreu yora, katseki yoãshokĩ. Aatiã ã niáro iwi carvalho, Manre, amorreu yoraná ivo orakama niá. Askái Manre, ãwẽ take Escol, Aner aatíiro Abrão avé takéarasĩ.
\p
\v 14 Askái ãwẽ epashko atxisho vivaĩvaivo ikí nĩkãinã, 318 yora pakayai tsasiyavo ato kawivaĩki. Aaivo yorarasĩro ano shavapashõ vake kaniavorasĩ. Askáki atonĩsho, kakáya 4 txivãvaĩi voí Dãnamãsho nokovo. 
\v 15 Askáki ãwẽ yorarasĩ ravé akĩ oshkevakĩsho, yamé ato pakã akávo. Askái, 4 kakáya atõ shokõkenavonĩ ashkã poshómaĩnõ, Hobá shavákiri Damasconamãsho kaí, mekiri paróri ato txivãvaĩsho, ãatõse ato akĩ. 
\v 16 Anosho keyoki arimẽse ato kawivarãóki, ã epashkó, aĩvorasĩ, yora viatávai ivorasĩ, awe roaparasĩ aatíi.
\p
\v 17 Askái, Abrão, Quedorlaomer, kakáyavo wetsarasĩ aká ato paketani oshõ, Sodoma kakáya Savé mató sapaka, “Kakáyatõ Mató”, atõ akánamãsho veyánanãvo.
\p
\v 18 Askámaĩnõ Melquisedeque, Salem maĩ kakáyatõ kakĩ, pãonĩ vinho Abrão vishõvaĩki. Aaivo yoraro Matxi Niaya Yové vevoshoaya yora. 
\v 19 Askáki vana roapa ivõ Abrão netãi vanai. “Matxi Niaya Yové naí, mai aká shovimaiya ivõ Abrão roapa ivo ave ashõnõ. 
\v 20 Askái mĩ ranokasmaya ivorasĩ mia yomẽ ashõvaiya, Matxi Niaya Yovéro roapa”, akĩ Melquisedequẽ.
\p Ãwẽ askámaĩnõ, Abrãone ãwẽ awe vivarãa ivo, 10tíi pashka pashkavaíki westíkase Melquisedeque inãki.
\p
\v 21 Askámaĩnõ Sodoma kakáyatõ Abrão vana aoki. “Yora atxívai ivorasĩro ea ato enesho, askámaĩnõ, awe mĩ vitãvai ivorasĩro miãse vitso”, akĩ. 
\v 22 Ãwẽ askámaĩnõ, “Ea aská akatĩpa. Yavé, Matxi Niaya Yové naí, mai aká shovimaiyamẽsho tekítĩpa vana mia ẽ ashõai. 
\v 23 Askáma, awe westíchta, mayáchtase, taríti patichta askárasĩchta ea mia viãkekatsikíma. ‘Abrão enõsho aweyai kakáya mestẽkai shovisho niá’, ea mĩ amísi. 
\v 24 Earo viáma askámẽkĩ ẽ shokõkenavo atõ pivai ivoro roase, askávaíse evé votãvai ivo yorarasĩ Aner, Escol, Manre aatíishoro ato mĩ inãkatsiki awe ave vinõvo”, akĩ Abrãone.
\c 15
\s1 Yavepa vana tekísma ivo Abrão eneshoti ivo yoã
\p
\v 1 Askávai shavá wetsã Abrãone namáki oĩatõ akĩ ãwẽ oĩa, Yavepa tachikarãsho vana akĩ. “Rakéroa, eã vitxi toĩa keská akĩ rakéka ivorasĩ mia ẽ teashokatsai, roapa ivorasĩ mia ẽ ashõkatsa”, akĩ tanamakĩ.
\p
\v 2 Ãwẽ askái vanamaĩnõ, “Yavepá, aská akĩ awe roapa ea mĩ inãkatsikimẽkĩ ea vake yamarvikatá. Ea vake yamasho, ẽ mekẽya awerasĩro, ea mee ishõya, Eliézer, Damasco yorã ivokekatsa. 
\v 3 Ea vake mĩ inãpaitsĩkĩ. Askásho ẽ mee ima ivõse ẽ mekẽya awe vikatsai”, akĩ.
\p
\v 4 Ãwẽ askámaĩnõ Yavé askái vanainaói. “Askáma, mĩ vakesekatá mĩ mekẽya awe ivokekatsaiyanã, mia mee ishõya Eliézer ivomarívi”, akĩ. 
\v 5 Aská avaikĩ Abrão ikotĩ ewevaĩsho tanamaóki. “Ramaro naí shavári patáinásho ichi awetii naĩ masoraki tanáta, mĩ keyoki tanátiraki oĩ. Waa ichi masoatii ikatsai ato mĩ revomarasĩ”, akĩ. 
\v 6 Askái Abrãone Yavé anõ akátõsho, yora chinã mekika oĩki. 
\v 7 Askái txipo vanaói. “Earo Yavévere. Ur, caldeu yorarasĩni shavánamãsho, mia neno ẽ ewevarãmtá, ‘mai ivokétso’, iinã”, akĩ.
\p
\v 8 Ãwẽ askái vanamaĩnõ, revíóki. “Yavepá miaro mestẽpá, mai ivokéki aweshõ ẽ tanakatsa”, ãwẽ imaĩnõ, 
\v 9 “neskátõsho mĩ tanakatsa, txasho aĩ, cabra aĩ, txivo vene aatii ea kawivarãshotso, atõ vari katsé 3 tanátimamẽse. Askávaíki noma, oshko aká vivarãótso”, akĩ.
\p
\v 10 Ãwẽ askámaĩnõ yoinavorasĩ kawivarãsho, naki txari apásho masõvakĩvarãki. Askámaĩnõ yoini peiyavorasĩro aská akĩ naki txari apáma. 
\v 11 Anosho shete tachivarãa oĩinã, ato posha poshaki. 
\v 12 Askávai yãtakawãmaĩnõ, oshá ranóimaki namáki ã oĩa vakíchi tsaopakéa oĩinã rakéi kavima.
\p
\v 13 Askámaĩnõ Yové Koĩni aská akĩ. “Anõpakĩ ea onãtatso, minõsho revovaĩyavorasĩro, yora wetsã mainamã shokoi vokatsaivo. Askái ano atõ shokomaĩnõ ato ati akĩ onís awemakĩ 400 vari tavámaki shokõkatsavo. 
\v 14 Mĩ revomaa yorarasĩ atõ askámaĩnõ aaivo yorarasĩ eãse ato ẽ yostakatsa. Askámaĩnõ minárasĩro awe roapa ivorasĩ aya vekatsaivo. 
\v 15 Askámaĩnõ miaro sheniwetsa mashtésho raké oĩtaníma mia roakitákatsa, mĩ papavonĩ. 
\v 16 Askái aaivo yora wetsarasĩni maĩ shokosho, atõ shokovõ shokórasĩ arimẽse iovarãókatsavo. Awesáma, amorreu yorarasĩ, naa mai mia ẽ inãkatsa ivo naki shokosho, ichnái mashtémasho ã ikí. Aatiã atõ ichnái mashtémaĩnõrívi, minárasĩ iovarãkatsavo”, akĩ.
\p
\v 17 Askái yãta vakíchikawãmaĩnõ, Abrãone ano nishõ ãwẽ oĩa yoá mashkõsho koĩ tokóinái. Oĩtakĩse ã oĩase amo shekó ketĩya tachivarãi. Askávai yoini tosha masovakĩanamã vevavaĩi vowãvo. 
\v 18 Askái anosho Yavepa vana tekísma ivo Abrão eneshokĩ. “Naa mai, Egito mainamãsho kesowani kaí Eufrates wakanamã kesoketaná masoa ivo, 
\v 19 anõ queneurasĩ, quenezeurasĩ, cadmoneurasĩ, 
\v 20 heteurasĩ, ferizeurasĩ, refainrasĩ 
\v 21 amorreurasĩ, cananeurasĩ, girgaseurasĩ, jebuseurasĩ aatii anõ shokoa ivo mai mĩ revomarasĩ ato ẽ ivomakatsai”, akĩ.
\c 16
\s1 Ismael vaketi ivo yoã
\p
\v 1 Abrão ãwẽ aĩ Saraimẽsho vakema niá. Ãwẽ aĩni mee ima aĩvoro, Hagar, Egito shavo. 
\v 2 Askáki shavá wetsã Saraĩ ã vene tanamakĩ. “Yavepa vake noke inãmaka, askásho ẽ mee ima aĩvo oĩtso, anõshoro taíse vake mĩ meramaĩnõ, enákékatsa”, akĩ. Ãwẽ aská akatõsho, ãwẽ aĩni vana anõ akĩ. 
\v 3 Aská akĩ ãwẽ mee ima aĩvo, ã vene eneshokĩ. Aatiã ã vene Canaã maĩ 10 vari tavái nii. 
\v 4 Askái ã vene Hagarnĩ ãwẽ meenanãase, tooinái. Ãwẽ tooa tanainã, aa toĩya ichnakéki.
\p
\v 5 Askámaĩnõ Saraĩ ã vene aská akĩ. “Mĩ chinãneshõ Hagarpa ea ranokasmakésai. Eãvisi mia ẽ eneshochĩamẽkĩ, tooináki ea aská aka. Yavepa noke ave oĩnõ, tsoaraki kanéya, ea taíse, mia taíse”, akĩ.
\p
\v 6 Ãwẽ askámaĩnõ ã venero, “roase, aa yonoya miarvi, mĩ awesakatsíki mirí chinãtso”, akĩ. Anosho Saraĩ ã mee ima ivo roa atãtãmatõsho kayai.
\p
\v 7 Askái ãwẽ kamaĩnõ Yavepa Yonoa Yovepa askata wenẽ, Sur vai kesó vaná wakanamãsho meramashõ 
\v 8 nĩkãki. “Hagarpá, Saraĩ mee ima ivó, atonamãsho oshõ, awetokiri mĩ kaarkĩ?” ãwẽ imaĩno, “ea toĩya ẽ kayashovarãai”, akĩ.
\p
\v 9 Ãwẽ aská nĩkãinã, “iokaĩta, arimẽse mia toĩyanamã. Mia ãwẽ yonoarasĩ katsése ashõtso, ãwẽ vana tavámaóroa”, akĩ. 
\v 10 Askái vanaóki. “Minõsho revokaĩyarasĩro eã ato ẽ ãtsa akatõsho, yorã ato tanátĩpa ikatsai. 
\v 11 Naa mĩ too nanéa venevake pakékatsavere. ‘Ismael’ akĩ anetso.\f + \fr 16.11 \fr*\ft Hebraicõ vana “Ismael” ikíro “Yovepa nĩkãmtsãwa”\ft*\f* Awesáma, onís awei mĩ txakar imaĩnõ Yavepa mĩ oi nĩkãyasho ikí. 
\v 12 Askái naaivo vake yoini rawema keská ivo ikatsai. Nerishõ atonĩ ãwẽ ichnánanãmaĩnõ, orishõ atovõ ichnáókatsavo. Arí ãwẽ wetsamavorasĩnĩ roaka ikinãnãiamai nikatsai”, akĩ Yavepa.
\p
\v 13 Askámaĩnõ Hagarpa Yavé ane wetsã aneóki. “Miaro katsése oĩya ivo Yové”, akĩ.\f + \fr 16.13 \fr*\ft Hebraicõ vanaro “El-Roi”\ft*\f* Askái, “ii anõserá, ãatõ ea oĩvaĩvaĩa keskásevi akĩ eã ẽ oĩóaisevi”, akĩ. 
\v 14 Askásho aaivo vaná waka Cadesnĩ Berede tõovakĩ tsaóa ivo anémtaro “Beer-Laai-Roi”, akĩ anemtá.\f + \fr 16.14 \fr*\ft Hebraico vana, “Beer-Laai-Roi” ikíro “nishõ ea oĩyatõ vaná waka”\ft*\f*
\p
\v 15 Askávai txipo, Abrãone Hagarmẽsho venevake merasho, “Ismael”, akĩ aneki. 
\v 16 Aatiã Abrão 86 vari aya.
\c 17
\s1 Kayã neea tanáti ivo yoã
\p
\v 1 Askái Abrão, 99 varinamãsho, Yavepa meramatachiósho aská akĩ tanamakĩ. “Earo Yové Weeya Ivo.\f + \fr 17.1 \fr*\ft Hebraicõ vanaro “El-Shaddai”\ft*\f* Ẽ vana anõ ashõ, chinã mekiyai nitso. 
\v 2 Neská tanáti tavámakĩnanãimai nõ shokonõ. Mĩ revomaa yorarasĩ westíma ẽ mia ashõkatsa”, akĩ.
\p
\v 3 Anosho, Abrão maĩ vetsek ipámaĩnõ, Yové Koĩ askái vanai. 
\v 4 “Neská tanáti tavámakĩnanãimai nõ shokonõ. Minõsho yora shoko wetsa, yora shoko wetsa, yora shoko wetsa aká ipákatsavo. 
\v 5 Mĩ ane askásevi ikatsai, ‘Abrão’ ivo eneki, ‘Abraão’ ikatsai mĩ anõ kenáa.\f + \fr 17.5 \fr*\ft Hebraicõ vana “Abraão” ikíro “yora shoko wetsarasĩni papa” \ft*\f* Awesáma, yora shoko wetsarasĩni papa mia ẽ shovimai iinã mia ẽ aká. 
\v 6 Minõsho yora ãtsai, kakáyarasĩ shovii akatsai. Mĩ revomarasĩro yora shoko wetsa ikatsai. 
\v 7 Askatase naa tanáti tavámakĩnanãimai nõ shokonõ, mia, mĩ revomarasĩ akánĩ. Neská ivo vana mato ẽ ashõa. Ea Yové mináse, mĩ revomarasĩnáse aká ikatsai. 
\v 8 Askávaíse rama mĩ anõ niá mai, Canaã, miapámavorasĩ nakosho mĩ niá ivo mairo mia, mĩ revomaa yorarasĩ aká mato ẽ inãkatsa. Atonase ikatsai, askámaĩnõ, earo atõ Yové ikatsaivere.
\p
\v 9 Askámaĩnõ miaro neskátso. Naaivo tanátinĩ ikí nitso, mĩ revomarasĩnĩsho. 
\v 10 Aaivokiri chinãsho, neská atsoma, mia, mĩ revomarasĩ aká. Mato venerasĩ katsése mã ina repã retás itivere. 
\v 11 Anõsho aaivo tanáti nõ chinãnanãkatsa. 
\v 12 Nenosho ori mã revovaĩarasĩro matõ vake venevakerasĩ pakémaĩnõ, 8 shavánamã retás atsoma. Yora wetsa kopímashõ viyãtáyavo,\f + \fr 17.12 \fr*\ft Aatiã tanáti yora awe akátõ akĩ kopímashõ vishõ toĩsho vesosho mee imapaóvo\ft*\f* matopáma yorarasĩ aká, askásevi aotsoma. 
\v 13 Yora westíchta tõo akĩma, katsése retás itsoma. Matõ kayã neea ivoro anõsho tanáti nõ chinãti. 
\v 14 Yora wetsa retás ikíma ivoro mato nakosho shaváyatĩpá, kayãkõtsoma. Awesáma, aaivo tanáti ãwẽ anõ eseimasho ã ikí”, akĩ.
\p
\v 15 Askái anosho Yové Koĩni Abraão tanamaóki. “Rama nenosho mĩ aĩ ‘Sarai’, ikaikainamẽkĩ, eneki anõ kenaóroa. Rama anekiro ‘Sara’, atso. 
\v 16 Eã roapa ivo ẽ ashõkatsa, askávaíse aa mĩ aĩmẽsho venevake mia ẽ inãkatsa. Mia parãma, roapa ivo ẽ ashõkatsa. Aamẽsho, yora shoko wetsa, kakáya mestẽka aká shoviókatsavo”, akĩ.
\p
\v 17 Abraão anosho maĩ vetsek ipásho arí chinã oke chinãsho osãki. “Yora vari 100 ayanamãshonã, vakenã meratirá? Saranã ãwẽ vari 90 aya tsaóshonã ãwẽ vakeyatirá”, ikĩ chinãki. 
\v 18 Anosho Yové Koĩ aská akĩ vana akĩ. “Ase, Ismael ivõ mia ẽ inãkatsiki ivo ave ivokénõ”, akĩ.
\p
\v 19 Ãwẽ askámaĩnõ, “askáma, mĩ aĩ Saramẽsho, vake merasho ãwẽ pakémaĩnõ Isaque akĩ mĩ anekatsa. Aaivo tanáti tavámakĩnanãimai avé nõ shokokatsa, aa, ãwẽ revomarasĩ akánĩ. 
\v 20 Askámaĩnõ, Ismaelro, roapa ivo ẽ ashõókatsa, ea mĩ yokáa keská akĩ. Aamẽsho, ãwẽ revomaa westíma ikatsai, yora shoko wetsa shoviókatsa aká. Askávaíse ãwẽ vakerasĩro 12 kakáyavo ikatsai. 
\v 21 Askámaĩnõ aaivo tanátiro ea Ismael ashõma ikatsai, Isaque ivorvi ẽ ashõkatsa. Aaro Saramẽsho waa vari oáyatõ oshe neskásevimaĩnõ pakékatsa”, akĩ. 
\v 22 Askái Yové Koĩ Abraãonĩ vanai mashtékaĩvaí, weníkaĩi.
\p
\v 23 Anosho Abraãone aaivo shavapase Yové Koĩni yonoatõ ashõki, ãwẽ vake Ismael retás avaikĩ, venerasĩ katsése, avé shaváyaivorasĩ, ãwẽ kopímashõ viá ivorasĩ aká ato keyoki retás apáki. 
\v 24 Askái aatiã Abraão, 99 varinamãsho arí retás iti. 
\v 25 Ãwẽ vake Ismael ivoro 13 vari aya. 
\v 26 Aaivo shavapa, ãwẽ vakenĩ retás ikí. 
\v 27 Askái tsasiyarasĩ, vakerasĩ, ãwẽ shavánamãsho pakéya ivorasĩ, ãwẽ kopímashõ viá ivorasĩ aká ashkã Abraãonĩ retás itivo.
\c 18
\s1 3 venerasĩni Abraão pokéshotivo ivo yoã
\p
\v 1 Askávai txipo Yavepa Abraão meramatachíki, iwi carvalho Manrena ivonamã orakama ãwẽ nimaĩnõ. Askái vari isĩinámaĩnõ shanaka tanainã ãwẽ peshé ikoti veyó tsaókaĩi. 
\v 2 Askái ano tsaósho patáináki ã oĩa, 3 yora oramachta shokoa meraki. Askái atõ shokoa merainã erékaĩi kaí ato veyó pakéi kashõ maĩ vetsek ipái kaí. 
\v 3 Askái westímẽse eséyakĩ vana ainakĩ. “Ase, ‘shavá ichnátõsho mĩ vesokaĩmatsẽrã’, iinã mia ẽ ravĩshoasmẽkĩ, ea manátso. 
\v 4 Nenosho tenetsoma, iwi tavá kãtxíshóse. Mato wakapasha ẽ yonoshóinã, mã anõ tatxó inõ. 
\v 5 Ea mã pokéshoi vemaĩnõ matomẽ mekíai ea. Mato pitichta pimanõ, anõ vestẽinavaí iovaĩtánosho”, iinã ato ãwẽ akátõsho revívo, “mã ase, noke ashõ askáro”, ikívo.
\p
\v 6 Askávaíki Abraãone erékaĩi kashõ ãwẽ peshepa ikosho ãwẽ aĩ Sara yonoki. “Trigo poto roapa ivo 10 kilos vivaikĩ, teyóvaíki, pão arí, rayá”, akĩ. 
\v 7 Askávai anoshose Abraão erékawãkíse txasho shokoanamã ãwẽ peshkó roapa ivo kavẽsho atxivaíki aa mee ishõya inãki, “rayá naí arí, ave pinõvo”, iinã. 
\v 8 Askái piti naíkaĩmaĩnõ, Abraãone “coalhada” atõ aká ivo, leite, nami naí ikitáya aatii veayavorasĩ setẽshokĩ ato pimaki.\f + \fr 18.8 \fr*\ft Coalhadaro leite katxaka ivo\ft*\f* Aská akĩ atõ pimaĩnõ, ato vesoi nii, iwi tavá.
\p
\v 9 Anosho, “Abraãó, mĩ aĩ Saranã atorá?” akĩ nĩkãvotõsho, “peshepa rakáa”, ato akĩ.
\p
\v 10 Askámaĩnõ westíkase vanainái. “Waa vari wetsa oáyatõ mia ẽ pokéki oĩói omaĩnõ, naaivo oshenamãsevi mĩ aĩ Sara vakeyakatsai”, ãwẽ akátõsho Sarã ato petxirisho nishõ peshé ikoti veyósho nĩkãki.
\p
\v 11 Aatiãro Abraão ma sheniya, Sara ma yõshaya, vakeyati taváyavo. 
\v 12 Askáinã Sarã osã ikí chinãki. “Ea shavo yomemakaĩmaĩnõ, ẽ vene sheniwetsayashonã ea mekímatirá? Nokẽ metsá ma keyóya”, ikĩ chinãki.
\p
\v 13 Ãwẽ aská akĩ chinãmaĩnõ Yavepa Abraão nĩkãki. “Awesainã ãwẽ osãrakĩ, mĩ aĩninã? Awesainã ‘ea vakeyaotĩpá, ea ma yõsha mashtéya’, iinã ãwẽ ikírá? 
\v 14 Eanã ẽ akátĩpa ivorasĩ ayará? Mia ẽ tanáshoanamã ea neno iokarãmaĩnõ, Sara vakeyakatsaivere”, akĩ.
\p
\v 15 Ãwẽ aská nĩkãinã Sarã rakéinã parãki. “Awesa ea osã ikimakatá”, ãwẽ imaĩnõ, “Yoa iroa, mĩ osãaivere”, akĩ Yavepa.
\p
\v 16 Anosho, aa pokéi veayavorasĩ wenínivaĩi voshõ, Sodomakiri nõ oĩnõ iinã shokovaĩsho oĩvo. Askái Abraão kochikaĩsho ato enei kakĩ. 
\v 17 Askái ã kamaĩnõ, Yavepa arí chinãi vanai. “Ẽ akatsiki ivorasĩnã Abraãonã ẽ pãtemaspá? 
\v 18 Ãwẽ yora shoko wetsa mestẽkatõ papa ikatsai. Anõsho, maitioi shokoa yora wetsarasĩ vana roapa netãnákatsa. 
\v 19 Aaro kavẽnáya ivo yora. Ãwẽ vakerasĩ, ãwẽ revomarasĩ aká aská akĩ ato ave yononõ, ‘Yavé anõ atsoma chinã mekiyai shokotsoma’, iinã. Askái Abraão ẽ tanamayãtá ivo vana katsése ẽ ashõkatsa”, ikĩ chinãki. 
\v 20 Aská avaikĩ Yavepa Abraão yoãshokĩ. “Sodomanĩ Gomorra yorarasĩ vana tavámai ichnápatõ ikí kakámtsãwa. 
\v 21 Ano ẽ oĩpakéi kakatsai, atõ yoã ẽ nĩkãvaĩvaĩa, ‘yoa vanará, anõserá’, iinã”, ikí.
\p
\v 22 Askávai anoshose pokéi veayavo ravévakĩ pashkávaĩi voávo Sodoma shavákirí, askámaĩnõ Yavéro anose Abraãonĩ niakéi. 
\v 23 Askái Abraãone aa kesópáchta nii kashõ nĩkãki. “Awesára, yora chinã mekiyavo, ãwẽ ichnárasĩ aká õsikíse ato mĩ keyokatsa? 
\v 24 Ano aaivo cidadenamã 50 chinã mekipa yora ayamaĩnõnã, atomẽ noísmẽinã ano shavapa shokoyavorasĩ katsése ato mĩ keyoskatsa, ato mĩ shokõskatsa? 
\v 25 Õsikéki ato mia keyoma ikatsai taíse, katsékase mĩ vana tavámaipatsĩkĩ. Mia aská akátĩpa taíse. Miaro maitioi shokoyavo ato chinã meki ashõyarvi, Askáshovísi mekika akĩ ato mĩ chinãshoti”, akĩ.
\p
\v 26 Ãwẽ askámaĩnõ Yavepa revínióki. “Sodomanamã 50 chinã mekipa yora ẽ meraa ivoro atomẽsho aaivo shavá ea keyoma ikatsai”, akĩ.
\p
\v 27 Anosho Abraão nĩkãnióki. “Neskátõ mivé ea vana vanatĩpamẽkĩ ẽ vana isai, miaro Yové ivo, askámaĩnõ earo ichnárvi, michpo, mai poto aká keskárvi. 
\v 28 Askámaĩnõ ano 45 yora aská ayamaĩnõ, naa 5 yorachtase pashkámẽkĩ shavátióse mĩ aoskatsa keyokinã?” ãwẽ imaĩnõ, Yavepa revíóki. “45 ato ẽ meraa ivoro ea ato keyoma ikatsai”, akĩ.
\p
\v 29 Askámaĩnõ Abraão ioinaósi. “Askámaĩnõ 40 ayamaĩnõrora?”
\p “40 ato ẽ meraa ivoro ea ato keyoma ikatsai”, akĩ.
\p
\v 30 Askámaĩnõ Abraão ioinaósi. “Eki ichnákeroa Yavepá, mia ẽ nĩkãómaĩnõ. 30chtase ayamaĩnõrora?” ãwẽ akátõsho, “30 ato ẽ meraa ivoro ea ato keyoma ikatsai”, aoi.
\p
\v 31 Askámaĩnõ Abraão aonióski. “Nĩkãsmẽinã mia nĩkãoirívi. 20kase ayamaĩnõrora?”
\p “20 ato ẽ meraa ivoro ea ato keyoma ikatsai”, akĩ.
\p
\v 32 Askámaĩnõ Abraãone anõkasho enevaĩkatsiinã vanaoníki. “Ichnákeroa Yavepá, naaro anõkasho enékaĩa ivo mia ẽ nĩkãrívi. Askámaĩnõ 10namãchtarorá?” ãwẽ aská akatõsho, “naatii 10 ato ẽ meraa ivoro, ea ato keyoma ikatsai”, akĩ.
\p
\v 33 Askái Yavé Abraãonĩ vanai mashtékaĩvaí ãwẽ kamaĩnõ, Abraãoro arimẽse ã shavapa iokarãói.
\c 19
\s1 Sodomanĩ Gomorra keyóti ivo yoã
\p
\v 1 Yãta vakíchivakĩmaĩnõ, yonótaya yové ravévakĩ, Abraão pokéshoyavorasĩ, Sodomanamã nokóvaĩvo. Aská oĩinã Abraãone epashko, Ló, ano ikoti veyó tsaósho ato meravaí, weniinávaí, atomẽ mekíkaĩi, kochikaĩi, maĩ vetsek ipásho 
\v 2 atomẽ eséyakĩ vana ainakĩ. “Ẽ shovõ voãna. Anosho tatxó ivaí tenei yamévãvaí, shavá nakoirívi votãnoshõ”, ato ãwẽ akátõsho, “roase, neno ikotĩ wenẽneshõse nõ yamévãkatsa”, akávo.
\p
\v 3 Askáki Lópa akirishõka ato ewevaĩkatsiki oĩinã ãwẽ vana anõ avainii ãwẽ shovonamã voávo. Aská akĩ ato kawivaĩsho Lópa ato pitĩ yonoki. Aská avaikĩ pão fermento yama ivo “naí akí”, avaikĩ ato pimaki, aa pokeyavorasĩ.
\p
\v 4 Askái ano atõ oshavaĩkatsímaĩnõ, aaivo cidade shokoyavõ, venerasĩ, veronevorasĩ, sheniwetsarasĩ, aká ashkãsho shovo teavaĩvo. 
\v 5 Askáki Ló kenasho nĩkãvo, “ato voraía, yãtã venerasĩ neno mĩ shovonamã weiyavonã? Neno ikotĩ noke ato ewevarãsho! Ato nõ ichná anõ”, akávo.
\p
\v 6 Atõ askái vanamaĩnõ Ló ikotĩ kayakaĩsho kepovaĩvaí, 
\v 7 vanainái. “Evé shaváyaivorasĩní, chinã askátõ itsomároa. 
\v 8 Nĩkãna, ea vake aĩvake ravévakĩ venẽ merama ivo aya. Atovo mato yonoshonõ, mã chinãtõrvi atonĩ inosho. Askámaĩnõ naa venerasĩro meskotsomároa, ea atõ pokéshoi vemaĩnõ, ato ẽ vesorívi”, ato akĩ.
\p
\v 9 Atõ ãwẽ aská akatõsho, “miaro sherékawãta”, iinã oi shokonívo. “Naa yorã, nokepa yoramamẽkĩ, neno oshõ noke yonokatsiki. Ramaro mĩ shovõ oshaya yorarasĩ akátõchta noke mia akátĩpa, miaro ichná tavákepatõ mia nõ akatsai”, akávo. Askáki kepoti txevévaĩkatsiinã Ló shotõkévo. 
\v 10 Atõ aská amaĩnõse ano pokéi veayavorasĩni, Ló atxisho erékomavaikĩse shovo kepovo. 
\v 11 Anosho ikotĩ shokoya veronevorasĩ, sheniwetsarasĩ aká ato keyoki vesho apáki. Atõ aská akatõsho, kepoti itimamavãvo.
\p
\v 12 Askái anosho aa poketaiyavorasĩni Ló nĩkãvo. “Miapa yora wetsanã yamará nenonã? Mĩ vakerasĩ, mĩ vake rakãyavo venerasĩ, mĩ wetsamavorasĩ wetsa aká ato kawivaĩta. 
\v 13 Naaivo shavá nõ keyokatsiki. Yavepa atõ ichnávaĩa kaká nĩkãsho, ‘oĩvaíki ato keyotana’, noke amaĩnõ ato nõ chinãvarãvai”, akávo.
\p
\v 14 Aská nĩkãinã Ló ãwẽ vake rakãyavo venerasĩ ato tanamai kakĩ. “Shairó, rayávaĩtana, Yavepa naaivo cidade keyokatsiki”, ato ãwẽ akátõsho wesi ise ikiravã akávo.
\p
\v 15 Askái shavá naóvakĩmaĩnõ, yonótaya yovevõ Ló akirishõka, “shairó, mĩ aĩ, mĩ aĩvake ravévakĩ akáse ato ewevaĩta shairó, naaivo shavapashõ mato keyómísi”, akávo.
\p
\v 16 Anosho ãwẽ inomaĩnõ, Ló, ãwẽ aĩ, ãwẽ vakerasĩ aatiinĩ ashõ, mepákevai voshõ cidade orakamasho ato enevo, Yavepa Ló onísíse oĩinã. 
\v 17 Anosho, yonótaya yové wetsã Ló tanamakĩ. “Ramaro kayata. Mia yamamísi, txipokiri oĩroa, naaivo mató sapakatõ niakeroa, matopa katãtso. Mĩ askámaro mia vopikatsa”, akĩ.
\p
\v 18 Ãwẽ askámaĩnõ anõ eséyakĩ vana ainakĩ. “Ea aská akatĩpa. 
\v 19 Roakakĩ ea mĩ ashõai. Enõ noípakĩ vesoki ea mĩ shavá amai. Askámẽkĩ matopa ea kaatĩpá. Oĩvaĩi kaí, ichnák pakéi ea yamarívi. 
\v 20 Waaka cidade ichtóchta rakánã mĩ oĩai? Aa orakama. Ari ẽ katãnõ. Mĩ oĩai, aatióchta ivonã? Anoro ea vopima ikatsaivere”, akĩ.
\p
\v 21 Aská nĩkãinã yonótaya yové vanai. “Roase mia anõ anõ askáro. Aaivo cidade ea keyoma ikatsai. 
\v 22 Ramaro rayákaĩta, ano mĩ nokóatishõki shavá wetsarasĩ ea keyotĩpá”, akĩ. (Anosho Lópa yoã ivo cidade ichtóchta oĩinã “Zoar”, akĩ anevo.)\f + \fr 19.22 \fr*\ft Hebraicõ vana “Zoar” ikíro “ichtóchta” keskápáchta\ft*\f*
\p
\v 23 Askái Ló, shavá maiki pakémaĩnõ, Zoarnamã nokókaĩi. 
\v 24 Anoshose Yavepa akĩvisi rateki naí shavapashõ txii shasho, “enxófre” aká para akĩ Sodomanĩ Gomorranamã.\f + \fr 19.24 \fr*\ft Enxofrero shasho misko pisika, ratãch nevãka ivo \ft*\f* 
\v 25 Anõsho ato keyoti, cidade ravévakĩ, mató sapakanamã shaváyaivorasĩ, niirasĩ aatíi. 
\v 26 Askái kakĩ Lópa aĩni txipokiri patákesho ãwẽ oĩáse katxi vorókéi.
\p
\v 27 Anosho aaivo shavapásevi, Abraão weníinavaí Yavénĩ ãwẽ vanavainamã chinãvaĩi kaí. 
\v 28 Anosho Sodomanĩ Gomorra rakákiri mató sapaka keyoki oĩketakĩ ãwẽ oĩa, maitioi koĩ tachiináa, txii ee ikí pichtama oĩki.
\p
\v 29 Askáti, aaivo cidaderasĩ Yové Koĩni ato keyosho, Abraãomẽsho, ãwẽ epashko ivoro ewesho pashamati.
\s1 Lópa aĩvakevõ atõ papa vake meramati ivo yoã
\p
\v 30 Askásho txipo Ló, Zoar shavá rakéshoinã mató chinãvaĩi kaí, ãwẽ aĩvakevonĩ shasho pepi teró shokokei voávo. 
\v 31 Askáki shavá wetsã ãwẽ vake aĩvake vevoketõ, txipoke ivo aská akĩ vana akĩ, “nokẽ papa ma sheni wetsai, neno nokẽ shavapa vene wetsa yama, yora wetsa ikítõ noke ikítĩpá. 
\v 32 Rama nõ neská anõ. Vinho amaki nõ vetsamatimarã. Aská ashõ avé mĩtxiki vake nõ meramanõ”, akĩ.
\p
\v 33 Atõ askái vana ivo yãtapakémaĩnõ atõ papa vinho amavaíki, ãwẽ meráshavo vevoke ivo avé oshai. Askámẽkĩ ã papa vetsai kavimasho tanama. 
\v 34 Askávai shaváma vesokaĩki ãwẽ vevoke ivõ txipoke ivo yoãshokĩ. “Ea shaváma yamé papanĩ ẽ oshavai. Rama yamé vetsamaoskámarakĩ, mia avé oshaonoshõnã, ravé akĩ noke ãwẽ vake merashoatõsho ave revovaĩnõvo”, akĩ. 
\v 35 Askáki yãta wetsã, atõ papa vinho amaovaíki, ãwẽ meráshavo txipoke ivo avé oshaói. Askámẽkĩ vetsai kavimasho tanaómasevi.
\p
\v 36 Aská anosho ãwẽ aĩvake ravése toonívo, atõ papãse ato toomaa. 
\v 37 Askásho vevoke ivonapari pakémaĩnõ, “Moabe”, akĩ aneki. Naaro Moabe yorarasĩ meraya rama. 
\v 38 Txipokena ivo pakéomaĩnõ, “Ben-Ami”, akĩ aneki, amonita yorarasĩ meraya rama.
\c 20
\s1 Abraãone Gerar maĩ kakáya parãti ivo yoã
\p
\v 1 Askái Abraão Manrenamãsho Canaã mai naki Neguebenamã kaí, shavá wetsa Cadesnĩ Sur rakáa tõovakĩ nii kaí. Ano nii aatishõkamase Gerar mainamã nioi kaí. 
\v 2 Ano nishõ ãwẽ aĩ Sara yoãki “ẽ aweshavo”, ato amíska, askásho Abimelequẽ Gerar mainamã kakáyatõ, ato yonoki. “Sara neno ewevarãna, eã oĩnõ”, ato akĩ.
\p
\v 3 Aská anosho Abimelequẽ oshapakéki namáki ãwẽ oĩa, Yové Koĩni tachikarãsho, “aĩvo veneyamẽkĩ mĩ ewetana. Ramaro mia yamakatsa”, akĩ yoãshokĩ.
\p
\v 4 Ãwẽ askámaĩnõ Abimeleque avé meenanãmasho vanainái. “Yora Ivó, eamarívi, ashkã akĩse noke mĩ keyokatsa? 
\v 5 Ã vene ‘Sara ẽ aweshavo’, ikí vanai, ã aĩ askásevi vanaói avai. Ichná akĩ chinãki ẽ akámarívi”, akĩ revíki.
\p
\v 6 Ãwẽ askámaĩnõ, “aská akĩ mĩ chinã ẽ tanasai, ẽ vana mĩ tavámamísi iinã eãvisi mia ea meemáma. 
\v 7 Ramaro aĩvo ãwẽ vene arimẽse yonosho. Mia vopimísi iinã ãatõ ea tanamashõkatsa, aaro ẽ vana teki akaya yora. Ãwẽ aĩ mĩ yonoshoama ivoro aská, mĩ wetsamavorasĩnĩ mia vopikatsa”, akĩ Yové Koĩni.
\p
\v 8 Aská namátani vesosho, Abimelequẽ shavá nakoki ãwẽ yora eséyavorasĩ kãtxivarãsho ãwẽ namátana ivo ato ãwẽ yoãshoatõsho rakéi kavima ikívo. 
\v 9 Aská anosho Abimeleque, Abraão kenavaí avé vanai. “Awesainã ea mĩ aská avaira? Awesa ivo itimatõ mia ẽ ishõatõsho, ẽ shokõkenavonĩ ashõ ea mĩ ichná akára? Askátimatõ ea mĩ aka”, akĩ. 
\v 10 Anosho nĩkãnióki, “Awesakĩ chinãinã ea mĩ aská avaira”, akĩ?
\p
\v 11 Ãwẽ aská akatõsho, “erí chinãki, ‘neno shokoyavõ Yové Koĩmẽ eséyama shokosho ẽ aĩmẽsho ea yamamísivo’, iinã ẽ ivairívi. 
\v 12 Askámaĩnõ Sararo ẽ papakiri chinãsho ẽ evé meráshavo, askámẽkĩ nokẽ ewaro wetsavakĩakiri chinãsho ẽ ninivarãmtá. 
\v 13 Yové Koĩni ẽ papã shavapashõ ea yonokõmaĩnõ, Sara ẽ tanamavai. ‘Noípakĩ ea vesosho neská akĩ ea yoãtso shavátii iakekaĩki. “Ẽ aweshavo”, ea atso’, iinã ẽ yoãshovai”, akĩ.
\p
\v 14 Ãwẽ aská nĩkãvaíki, Abimelequẽ arimẽse Abraão ã aĩ eneshokĩ. Askávaíki ãwẽ txivorasĩ, txashorasĩ, ãwẽ mee imaa venerasĩ, aĩvorasĩ aká õsiki ravé inãki. 
\v 15 Aská avaikĩ Abraão tanamaóki. “Ea mai ayavere. Atonamã mĩ nikatsai mirí oĩtso”, akĩ. 
\v 16 Askávaíki Sara askásevi aoki, “mĩ take, 1000 kopímati shasho prata ẽ inãai, anõsho mia ẽ ewevaĩtávaikiri chinãsho kopímakĩ. Aská ivo kopímatimẽsho ‘aa ivaimarívirá’, iinã mia ave tananõvo”, akĩ.
\p
\v 17 Askávai txipo Abraãone Yové Koĩ ato tanamashõatõsho, Abimeleque roa akĩ. Ã aĩ, mainamã toĩnaa aĩvorasĩ askásevi akĩ ato roa aoki. 
\v 18 Awesáma, vevõro Saramẽsho, Yavepa aĩvorasĩ katsése revotĩpa akĩ ato shokõasho ã ikí.
\c 21
\s1 Isaque vaketi ivo yoã
\p
\v 1 Askávaíki txipo Yavepa Sara roapa ivo ashõki, ãwẽ tanamachĩa keskáki. 
\v 2 Abraão sheniwetsamẽkĩ ãwẽ aĩ Sara ãwẽ toomáa, venevake pakéi, Yové Koĩni tanáshochĩanamãse. 
\v 3 Askámaĩnõ ãwẽ papã “Isaque” akĩ aneki. 
\v 4 Isaque ãwẽ pakévai, 8 shavá nokómaĩnõ Abraãone ãwẽ ina repã retás akĩ, Yové Koĩni ãwẽ tanamachĩa keskáki. 
\v 5 Askái 100 varinamãsho ãwẽ vake Isaque pakéti.
\p
\v 6 Askámaĩnõ Sara vanairo, “Yové Koĩni mekíi osãtĩ ea imaai.\f + \fr 21.6 \fr*\ft Hebraicõ vana “Isaque” ikíro “osãa” \ft*\f* Yoãna nĩkãsho atonĩsho ẽ osãókatsa”, ikí. 
\v 7 Askávai vanaói. “Vevõ ‘mĩ aĩni vake shoma amakatsa’, ikĩ Abraão aská akátĩpa ivaivaichnávo askámẽkĩ naaro ẽ vene sheniwetsamekĩ vake ẽ merashoa”, ikí.
\p
\v 8 Askái Isaque kaniinásho shoma eneki. Aská akĩ shoma ãwẽ enemaĩnõ aaivo shavapa Abraão saí ikí. 
\v 9 Askánamãsho Ismael, Abraão vake wetsa, Hagar, Egito shavomẽsho ãwẽ merachna ivõ, Isaque ãwẽ ati akãa Sarã oĩki. 
\v 10 Ãwẽ aská oĩinã Abraão yoãshokĩ. “Naa ea mee ishõya shavo ãwẽ vakenĩ ashõ yono. Ãatõro mĩ mekẽya awe ẽ vake Isaquenĩsho viátĩpakatá”, akĩ.
\p
\v 11 Ãwẽ aská akatõsho, Abraão naíi, Ismael ãwẽ vakesevi chinãsho. 
\v 12 Ãwẽ aská oĩinã Yové Koĩni Abraão vana akĩ. “Mĩ vake, ã ewa akámẽ tsakároa, Sarã mia tanamatõ atso. Awesáma, Isaque ivomẽsho miapa ivo yora revokatsasho ẽ ikí. 
\v 13 Shavo wetsamẽsho Ismael mĩ merasmẽkĩ mĩ vakeserívi. Anõsho yora shoko wetsa ato ẽ shovimaókatsa”, akĩ.
\p
\v 14 Askávaíki Abraãone, shavá oá merasho, vesokaĩsho ãwẽ vake aya kati ivo pão kashma ashõi, yoini shakapa wakapasha matá ashõi, Hagar papimaí, akĩ. Aská avaikĩ vake eneshovai, “votãtsoma”, iinã ato ãwẽ yonoatõsho voshõ askata wenẽ Berseba ivonamãsho venó venóvawãvo. 
\v 15 Askái anosho wakapasha ãwẽ vivaĩa ivo keyosho ãwẽ vake võko teró tsaõsho enevaĩki. 
\v 16 Askái ãwẽ vake oĩtashõ, tawa õtxia nipái kaatishõ ora tsaókei kaí, “nenosho ẽ vake vopia ea oĩkatsikíma”, ikĩ chinãinã tsaópakesho isĩinasho wai ikí.
\p
\v 17 Askái vake txakar ikí nĩkãinã Yové Koĩ ãwẽ yonoa yovepa Hagar naĩsho kenaníki, “Hagarpá mia awesái? Rakéroa, vake ano tsaosho ãwẽ txakar ikí Yové Koĩni nĩkãai. 
\v 18 Kawã, weníiná, vake mepáta, anõsho yora westíma ẽ revomakatsai”, akĩ.
\p
\v 19 Aská akĩ anoshose Yové Koĩni Hagar vaná wakapasha tsaóa meramakĩ. Aská oĩinã weanivai kashõ ãwẽ vake amai kakĩ.
\p
\v 20 Aská akĩ Ismael Yové Koĩni vesoki kanimáa. Kanisho, askata wenẽ Parã ivõ nishõ, tawã tekon iki kanesma nii. 
\v 21 Anosho ãwẽ ewã Egito shavo ninivarãsho oĩmakĩ.
\s1 Abraãonĩ Abimeleque vana tavámatima ivõ itivo ivo yoã
\p
\v 22 Aatiã shavapa, Abimeleque Abraãonĩ vananõ iinã chinãvaĩi kaí ãwẽ teske akaya kakáya Ficolnĩ. Askáki ano nokósho aská akĩ. “Katsése mĩ meearasĩ Yové Koĩni mia peshót akatõsho mĩ ikírvi. 
\v 23 Ramaro Yové Koĩni anemẽsho vana tavámatima ivo ea neská ashõtso. Txipokiri ea, ẽ revomarasĩ aká noke parãóroa. Mia ẽ maĩ shaváyai mĩ nimaĩnõ mia ẽ aká keskásevi akĩ nokepa ivo yora askásevi noípakĩ vesoótso”, akĩ.
\p
\v 24 Ãwẽ askámaĩnõ, “ase, mia ẽ aská ashõnõ askáro”, ikĩ 
\v 25 revísmẽinã vamo ikí vanai, vaná wakamẽsho. Awesáma, Abimeleque shokõkenavõ, atonámamẽkĩ atõ viãkévaisho.
\p
\v 26 Askái ãwẽ vanamaĩnõ Abimeleque vanai. “Tsoã mia avaira? Askáinãro rayá ea yoãshokĩnã. Mia atõ aská avai ea tanama, rama mĩ yoã nĩkãaivísi ẽ ikí”, akĩ.
\p
\v 27 Askái tanáti tavámakĩnanãma ivõ vanai mashtévaĩvaíki, Abraãone ãwẽ txivo, ãwẽ txasho anika aatii ravé Abimeleque inãki. 
\v 28 Aská avaikĩ ãwẽ txivo vake aĩ 7 atxivaíki inãóki. 
\v 29 Ãwẽ aská akatõsho, “awesainã naaivorasĩ ea mĩ atxishoará?” 
\v 30 ãwẽ akátõsho, “mia anõ onis ati mia ẽ atxishoátsikĩ. Vaná waka ẽ pokĩvai ivo ‘anõse ãatõ avai’, ikĩ ea mĩ chinãshonõ iinã mia ẽ inãa”, akĩ.
\p
\v 31 Anosho askánanãvaíki vaná wakapasha “Berseba”, akĩ ane netãvo. Aaro neská akĩ atõ anea, ravé tavámatima ivoi atõ vanakiri chinãsho.
\p
\v 32 Askái Bersebanamãsho mekikinanãvaí, Abimeleque, Ficol aatii filisteu yorarasĩni maikiri iovaĩóvo. 
\v 33 Askámaĩnõ Abraão Bersebanamã vaná tamargueira ivo vanasho, Yavé, Awetima Yové ravisho nii. 
\v 34 Askái ano filisteu yorarasĩni maĩ inoi nii.
\c 22
\s1 Yové Koini Abraão onãtati ivo yoã
\p
\v 1 Askávai txipo Yové Koĩni Abraão onãtakatsiinã kenaki, “Abraãó”, ãwẽ akátõsho, “awerá? Neno ẽ niá”, akĩ revíki.
\p
\v 2 Ãwẽ askámaĩnõ, “mĩ vake nané westíchta, mĩ anõ noípa ivo Moriá maikiri ewevaĩta. Ano mia ẽ yoikatsa ivo matopashõ ea maki ashõta”, akĩ.
\p
\v 3 Ãwẽ askávaitõsho, shavá oá merasho, anõ maki ati ivo karo tosha toshavaíki jumento papimavaí ãwẽ yonoa yora ravévakĩ, ãwẽ vake Isaque aatii voávo, Yové Koĩni yoivaikirí. 
\v 4 Askákaĩi kakĩ, 3 shavánamãsho orasho oĩtakĩ ãwẽ oĩa aaivo mató meraki. 
\v 5 Askáki anoshose ãwẽ yonoa yorarasĩ ato tanamakĩ. “Nenoshóse jumentonĩsho ea manátsoma, askámaĩnõ ea, naa verone akáro waa matopashõ Yové Koĩ nõ ravitáinã. Askátaníro nõ iovarãkatsa”, ato akĩ. 
\v 6 Askáki anõ maki ati karo ãwẽ vake iámai avaí aaro txii, senoti aká toĩnivai voávo.
\p Askávaĩi atõ voánamãsho, 
\v 7 ãwẽ vakẽ, “papá”, ãwẽ amaĩnõ, “awerá”, akĩ revíki. “Naa txii, karo aya akámẽkĩ nõ maki akatsiki ivo txivõ vakero atorá?” ãwẽ imaĩnõ 
\v 8 ãwẽ papã revíki. “Yové Koĩni noke merashokatsai, yomé”, akĩ.
\p
\v 9 Askákõvaĩi voí Yové Koĩni ato yoivai ivo mató nokovaĩsho, ãwẽ papã anõ maki ati tapo avaikĩ, matxi karo potanivaíki ãwẽ vake neshavaíki tapo matxi rakãníki. 
\v 10 Aská avaikĩ senoti ninivarãvaíki ãwẽ vake ãwẽ yamamakatsímaĩnõ 
\v 11 naĩsho Yavepa Yonoa Yovepa kenaníki. “Abraãó! Abraãó!” ãwẽ imaĩnõ, “awerá? Neno ẽ niá”, akĩ revíki.
\p
\v 12 “Mĩ vake meskoroa, aská aroa. Ramaro onãtakĩ mia ẽ oĩai, Yové Koĩ rakéshoi mĩ niásho, mĩ vake westíchtamẽkĩ anõsho mia itãma ẽ oĩai”, akĩ.
\p
\v 13 Ãwẽ askámaĩnõ anosho oĩtakĩ ãwẽ oĩa, txivo vene võko nakosho ãwẽ mãshõne otékésho niá meraki. Askávaíki txivo atxivaíki ãwẽ vakẽ shanẽneshõ maki akĩ. 
\v 14 Askáki aaivo mató aneki, “Yavé Yiré” akĩ aneki.\f + \fr 22.14 \fr*\ft Hebraicõ vana “Yavé Yiré” ikíro “nõ anõ mãa ivo Yavepa noke ashõkatsa”, ikí \ft*\f* Aská akĩ ãwẽ aneti rama anõ anéi isa, “Aaivo matopashõ nõ anõ mãa Yavepa noke ashõkatsa”, imískavo.
\p
\v 15 Askávai naĩsho Yavepa Yonoa Yovepa Abraão kenanióki. 
\v 16 “Mĩ vake westíchtamẽsho ea mia akáma oĩinã, tavámatima ivo vana ea ẽ anemẽsho vanai. 
\v 17 Mia roapa ivorasĩ ashõkatsa. Mĩ revomaa yorarasĩ ato ẽ ãtsamakatsai, naĩ masoya ichi, waka kayã machi poto akátíi. Atonĩ ranokasmananãyavõ shavá ato viakekatsaivo. 
\v 18 Askái mĩ revokaĩamẽsho maitioi shokoa yorarasĩ vana roapa netãnákatsa, ẽ vana ea mĩ anõ akákiri chinãsho”, akĩ tanamakĩ.
\p
\v 19 Anosho Abraão arimẽse ãwẽ shokõkenavonamã itãi kaí Bersebanamã shokokei voávo. Askái ano inopai shokovo. 
\v 20 Askái nishõ ãwẽ nĩkãa, ãwẽ take Naor, ãwẽ aĩ Milcamẽsho ãwẽ vakeya ikí nĩkãki. 
\v 21 Askái ãwẽ vake vevoké ivoro Uz, atxõyaro Buz, wetsaro Quemuel, Arãne papa. 
\v 22 Askámaĩnõ txipo meráyavoro Queséde, Hazo, Pildas, Jidlafe, Betuel aatíi. 
\v 23 Betuel ivoro Rebeca meraya. Askásho naa 8 vakerasĩro, Naor, Abraãone takẽ Milcamẽsho merati. 
\v 24 Askámaĩnõ Naorpa, ãwẽ rakãa aĩvo\f + \fr 22.24 \fr*\ft Aatiã rakãa aĩvoro aĩ keskásemẽkĩ ãwẽ vakerasĩni atõ papã mekẽya awe vimisma ipawa\ft*\f* Reumámẽsho ãwẽ vake iáaro naatii, Teba, Gaã, Taás, Maaca aatíi.
\c 23
\s1 Sara vopiti ivo yoã
\p
\v 1 Askái aatiã Sara 127 vari tsaósho, 
\v 2 Canaã mai naki Hebrom shavánamãsho yamati. Aaivo maĩ ane wetsaro Quiriate-Arba. Askái ãwẽ vopimaĩnõ, Abraão ãwẽ aĩmẽ ronai. 
\v 3 Askávai ãwẽ yora shaká enevaĩi kaí, heteu yorarasĩnĩ vananõ iinã tachikaĩsho, 
\v 4 “earo matopamarívi askámẽkĩ mai kashke wetsa ea inãna, anõ ẽ aĩ ẽ roa anõ”, ãwẽ imaĩnõ, 
\v 5 anõ eséyakĩ revívo. 
\v 6 “Ase neská nĩkãtso, miaro nõ oĩtana Yové Koĩni yorarvi. Askásho, arí, mĩ aĩ roa arí, roapanamã, ‘ano mĩ aĩ aská aroa’, mia noke akátĩpa”, akávo.
\p
\v 7 Atõ aská akatõsho, ato veyó maikiri vetĩ ipai kaí. 
\v 8 Askávai vanaói. “Ase, ‘mĩ aĩ neno roa arí’, iinãro Efrom Zoarnẽ vake ea mato nĩkãshoatĩpará? 
\v 9 Shasho pepi ãwẽnáse ẽ viãkãnõ. Naa Macpela mai kesoanamã ea ave inãnõ, anõ yora oneti. Aatishõ akĩkase ẽ kopímakatsai”, ikí vanai.
\p
\v 10 Ãwẽ askámaĩnõ, Efrom cidade kepoti orakama atonĩ tsaósho, vanainái, aaparasĩni nĩkãne. 
\v 11 “Mã ase, aská akáma mia akátĩpa, nĩkãtso. Mai, shasho pepi aká mia ẽ inãnõ, ẽ avé shaváyavorasĩni nĩkãne, mĩ aĩ anõ onenoshõ”, akĩ.
\p
\v 12 Ãwẽ aská nĩkãinã, atõ kãtxía veyó maikiri vetĩ ipaovaíki 
\v 13 Efrom tanamakĩ, ashkãsho atõ nĩkãne. “Askáma neskáinã ẽ ikí, eãro mia kopímashõ mia ẽ viãkãkatsikírvi. ‘Aatishõ’ ea arí, mia kopímanõ. Aská akĩ vivaikĩro anõ ẽ aĩ ẽ roa atãnõ”, akĩ.
\p
\v 14 Ãwẽ askámaĩnõ, Efromne revíki. 
\v 15 “Mã ase naatishõ nĩkãtso mairo, 400 prata, askámẽkĩ ichnárvi, roa atã mĩ aĩ”, akĩ.
\p
\v 16 Anosho Abraão, Efromnĩ askái vanã mekikinanãvaíki aatishõ akĩ ãwẽ ewe tanáshokĩ, ashkãsho atõ nĩkãne. Aaivo ewe tanáa askásevi, aatiã awe viananãa ivo keskái ãwẽ ikí. 
\v 17 Aská akĩ Efromne mai Macpelanamã ãwẽnakéi. Mai, shasho pepi, niirasĩ aká õsiki viãkãki, Manre mainamã orakama. 
\v 18 Askái heteu yorarasĩ ano cidade kepotinamã kãtxívarãsho atõ vana ashkãsho nĩkãvo. 
\v 19 Askáki Abraãone ãwẽ aĩ ano roa akĩ, Hebrom shavá orakama, Canaã mai naki. 
\v 20 Askáti, heteu yorarasĩni mai, shasho pepi aká Abraãonakéi.
\c 24
\s1 Isaque mai wetsã atõ shavo vishõti ivo yoã
\p
\v 1 Abraão ãwẽ sheniwetsa mashtéanamãsho Yavepa roaparasĩ katsése ashõkõvarãki. 
\v 2 Shavá wetsã ramama ãwẽ awe katseki vesomaináti ivo yora kenasho tanamakĩ. “Ẽ kichi teró ea atxitso.\f + \fr 24.2 \fr*\ft Aatiã tanáti kichi teró atxivaĩsho tavámatima ivo vana aká\ft*\f* 
\v 3 Yavé, naínĩ mai shavá vesoya ivo Yovepa anemẽsho tavámatima ivo vana ea neská ashõtso. Neno ẽ anõ niá ivo maĩ ẽ vake Isaque Canaã shavo ea oĩmakãroa. 
\v 4 Ẽ wetsamavorasĩ shokoanamã ivo shavo miã ẽ vake kavẽsho vishõta”, akĩ.
\p
\v 5 Ãwẽ aská akatõsho, ãwẽ yonoa yorã nĩkãki. “Aĩvo ãwẽ evé okatsikímaro ẽ awesakatsai? Mĩ anõ oyãta maikiri mĩ vake arimẽse ewevaĩóki?” ãwẽ akátõsho, 
\v 6 “ẽ vakero aská akáma, arimẽse ea imavaĩokatsikíma. 
\v 7 Yavé naĩ niá ivo Yovepa, ẽ papa, ẽ wetsamavorasĩni mai aatii ea enemavarãki, tavámatima ivõ ea vana ati, ‘mĩ revomaa yorarasĩ naaivo mai ato ẽ inãkatsa’, iinã ea tanamati. Ãatõ yonoa yovepa mia yoivaĩatõsho, kakĩ mĩ merakatsa ẽ vakẽ aĩ. 
\v 8 Askámaĩnõ aĩvo mivé okatsikímaro, roase, vana tavámatima ivõ ea mĩ aká ivo enéstso. Askámaĩnõ ẽ vakero ea ewẽvaĩroa, ari ea yonokatsikíma”, akĩ.
\p
\v 9 Askái ãwẽ vanamaĩnõ, ãwẽ mee ima ivo yorã, ãwẽ kichi teró atxisho, tavámatima ivo vanã akĩ. 
\v 10 Askái avé vanavaíki, ãwẽ ivõ 10 camelo atxishoí, awe roapa ivo vii, avaí, Naor anõ nipawa shavá Mesopotámiakiri kaí. 
\v 11 Askákaĩi nokókaĩi, yãtã kanívenarasĩni wakapasha atõ vii vẽvẽa varinamã. Askái ano cidade kesotõ vaná wakapashanamã ãwẽ camelorasĩ maĩ ato metĩ ipamavaí 
\v 12 Yavénĩ vanai. “Yavepá miaro ẽ ivo Abraãone Yové, askásho ẽ chinã ivorasĩ ea ashõtso, ẽ ivo askásevi, anõ noípakĩ ea vesoshotso. 
\v 13 Neno vaná wakapasha tsaóa kesó ẽ niá. Askáki naaivo cidadenamã shokoyavõ vake kanívenarasĩ, wakapasha vinõ iinã atõ vemaĩnõ 
\v 14 wetsase neská akĩ ẽ vana akatsai, ‘chomo tsaopaké. Wakapasha ẽ anõ’, ẽ akátõsho, ‘mã ase arí, mĩ camelorasĩ mia amaoshonõ’, ikí vanaya kanívena ivo itikĩ, Isaque mĩ kavẽshoáro. Aská ẽ oĩa ivoro, ẽ ivo anõ noípakĩ mĩ vesoa ikĩ ẽ tanakatsa”, akĩ.
\p
\v 15 Askánamãsho Yavénĩ vana iski ãwẽ oĩa Rebeca chomo iánisho ipákarãi. Aaro Betuel meráshavo. Ãwẽ ochtxóro Naor, ãwẽ aĩ Milcaro ã paĩtxó, askámaĩnõ Naorro Abraãone take. 
\v 16 Rebecaro kanívena ichnámachta, venẽ merama. Askái oshõ vaná wakapasha tsaóanamã chomõ wakapasha weawani ãwẽ iinakaĩmaĩnõ, 
\v 17 Abraãone mee ima yorã atxõ erékaĩki meramavaikĩ aská akĩ, “mĩ chomõ wakapasha ama ea”, ãwẽ akátõsho, 
\v 18 “mã ase arí”, avaikĩ, ãwẽ iáa ivo tsaõpakesho amaki. 
\v 19 Anosho amavai vanai. “Mĩ camelorasĩ ato wakapasha weaoshonõ, ave anõ yaninínõvo”, akĩ. 
\v 20 Aská avaikĩ erékawãki chomõ anõ inárasĩni wakapasha ati tsaóatõ manekevaíki, erésho vaná wakapasha ato weashonõ iinã iokaĩi.
\p
\v 21 Ãwẽ aská ashõa oĩinã, venẽ vanainámamẽkĩ matsíkashóse kanívenákase oĩki, “Yavepa anõkĩse ea imavarãrívi ẽ oĩa”, ikĩ chinãki. 
\v 22 Aská akĩ camelorasĩni wakapasha akĩ atõ mashtevaĩmaĩnõ, venẽ, ouro rechpi ãwẽ ewe tanati 6 grama, ouro meneshti ravévakĩ 120 grama aatii vivaikĩ aĩvo sawemakĩ. 
\v 23 Aská avaikĩ, “mianã tsoã vakerkĩ? Mĩ papã shovonamã shanẽ wetsa yamará? Anosho evé shokoyarasĩnĩsho yamé ẽ tenenõ”, akĩ.
\p
\v 24 Ãwẽ aská akatõsho, revíníki. “Earo Betuel vaketsikĩ. Ẽ ochtxóro Naor, ãwẽ aĩ Milcaro ẽ paĩtxó”, akĩ. 
\v 25 Aská avaikĩ, “noke wasi aya, vaná wetsa aya, inapa pitirasĩ, anõ mã oshati ayasevi aká”, akĩ.
\p
\v 26 Ãwẽ aská nĩkãinã, aaivo venẽ vetĩ ipásho Yavé ravii 
\v 27 askái vanai. “Yavepá, miaro ẽ ivo Abraãone Yové, askásho mia roapa. Ẽ ivomẽ noípai nishõ, petxitima chinãsho vesoshoaya. Askámaĩnõ earo, Yavepa ea vesokõvarãki, Abrãone wetsamavorasĩni shavapa ea nokómaai”, ikí.
\p
\v 28 Ã askámaĩnõ, kanívena oĩwani kayasho ãwẽ ewã wetsamavorasĩ katseki ato yoãshoi kakĩ. 
\v 29 Aská, ãwẽ take Labão aská nĩkãvaí aa yora ẽ meranõ iinã vaná waka tsaóakiri kayai. 
\v 30 Awesáma, ãwẽ takẽ rechpi, meneshti aká ãwẽ sawea oĩi, ãwẽ vana katseki ãwẽ yoã nĩkãi avainii, kaí vaná wakapasha kesó camelorasĩ tavá ãwẽ niá meratachísho 
\v 31 vanai. “Yavepa roapa ashõya ivó, neno niroa, kawã. Shanẽ wetsa mia kashma ashõai, mĩ anõ camelorasĩ shokõti askásevi aká”, akĩ.
\p
\v 32 Aská avaikĩ shovõ ewevaĩkĩ, ãwẽ camelorasĩ papíro keyoki potapakevaíki wasi inãi, vaná wetsa inapa piti ivo inãi avaikĩ, avé veayavorasĩro avé tatxó inõ iinã wakapasha weasho inãvo. 
\v 33 Aská avaikĩ, piti ato ãwẽ setẽvarãshoatõsho Abraãone yonoa yora vanainái. “Matonĩpari ẽ vananõ, askávaíki txipo ẽ pinõ”, ãwẽ imaĩnõ, “ase irí, vana”, akĩ Labãone.
\p
\v 34 Ãwẽ aská akatõsho, vanainái. “Earo Abraãone yonoa yora ea. 
\v 35 Yavepa ẽ ivo Abraão roapa ashõkõvarãki, yora kakataiya shovimashõ nitxĩsho, prata, ouro, ãwẽ mee ima vene aĩvorasĩ, ãwẽ yoini inárasĩ txivorasĩ, txasho anikarasĩ, camelorasĩ, jumentorasĩ aatii inãmtá. 
\v 36 Ãwẽ aĩ Sara aatiã yõshayamẽkĩ anõsho vake meramtá. Aaro ãwẽ papã mekẽya awerasĩ viakekatsaiya ivo vake. 
\v 37 Ẽ ivõ ‘vana tavámatima ivo ea ashõtso’, iinã ea yonoki, ‘ẽ vake neno ẽ anõ vesokaĩa shavánamã cananeu shavorasĩ ea oĩmakãroa’, iinã. 
\v 38 ‘Ẽ papã shavapa ẽ wetsamavorasĩ shokoanamãkase shavo merasho vishõta’, 
\v 39 ea ãwẽ amaĩnõ, ẽ ivonĩ neskái ẽ vanavai. ‘Askámaĩnõ aĩvo evé okatsikíma ivororá, ẽ awesakatsai?’ iinã ẽ nĩkãtõsho, 
\v 40 ‘roase, Yavepa ãwẽ vana anõ akí ẽ niá ivõ ãwẽ Yonoa Yové mia yonoshoatõsho ãatõ mia peshót avaĩsho mia ashõkatsa, ẽ papã wetsamavorasĩ shokoanamã shavo ẽ vake mĩ ewevarãshokatsai. 
\v 41 Askámaĩnõ kashõ ẽ wetsamavorasĩ mĩ yokáa atõ aví iyamamaĩnõrívi tavámatima ivo vana enéstso, aĩvo yamase mĩ oa roase ikatsai’, ivai.
\p
\v 42 Askákarãi oí rama vaná waka tsaóa kesó nii oshõ ẽ neskái. ‘Yavepá, ẽ ivo Abraãone Yovepá, ẽ chinãvarãa ivorasĩ roakakĩ ea ashõtso. 
\v 43 Ea neno vaná waka tsaóa tavá ẽ niá, kanívenapa wakapasha vii omaĩnõ neskái ẽ vanakatsa. “Mĩ chomõ wakapasha ama ea”, akĩ ẽ yokáatõsho, 
\v 44 “mã ase arí”, ivaikĩ, “mĩ camelorasĩ mia amaoshonõ”, ikí vanaya ivo ikatsai, ẽ ivõ vakẽ aĩ akatsai ivo mĩ merashoáro’, ẽ aka. 
\v 45 Askái Yavénĩ vanai mashtékaĩkatsiinã ẽ oĩase Rebeca chomo iásho ipákarãi, vaná wakapasha weanõ iinã. Ãwẽ askámaĩnõ, ‘wakapasha ama ea’, iinã ẽ yokáatõsho, 
\v 46 ãwẽ chomo iáa ivo tsaõpakevai vanai. ‘Naĩ, arí, mĩ camelorasĩ mia amaoshonõ’, ivaikĩ ẽ amaĩnõ, ẽ camelorasĩ ea amaoshoa.
\p
\v 47 Ãwẽ aská amaĩnõ, ‘mĩ papanã tsoarkĩ’, iinã ẽ nĩkãatõsho ea revínii vanai. ‘Earo Betuel vaketsikĩ. Ẽ ochtxóro Naor, ãwẽ aĩ Milcaro ẽ paĩtxó’, ea ãwẽ amaĩnõ, rechpi meneshti ravévakĩ aká sawemavaikĩ 
\v 48 maĩ vetĩ ipásho Yavé ẽ raviai. Yavé, ẽ ivõ ravia ivo Yové roapa. Ãatõ roaka akĩ yoivarãki ẽ ivõ takẽ aweshavo ea merashoa, ãwẽ vakẽ ave aĩ anõ iinã. 
\v 49 Ramaro ea tanamana, ẽ ivo anõ noípakĩ vesoki, petxitima ivo chinã mã ashõkatsa? ‘Akáma’ mã imaĩnõro awesátiraki ẽ chinãnõ erí”, ato akĩ.
\p
\v 50 Ato ãwẽ askámaĩnõ, Labãonĩsho Betuelpa revívo. “Neská ivorasĩro Yavepa yonorívi. Awesa ikíkata nõ vanaikĩ? 
\v 51 Rebeca neno rakáa ewevaĩta. Mĩ ivõ\f + \fr 24.51 \fr*\ft Aatiã tanáti yora ivoyaro awe keskámẽkĩ roai vesótáa \ft*\f* vakẽ ave oĩnõ, Yavepa chinã keská akĩ”, akávo.
\p
\v 52 Atõ askái vana nĩkãinã Abraãone nitxĩa ivo yora maĩ vetsek ipásho Yavé raviki. 
\v 53 Anosho pratanĩ ouro awerasĩ, õporasĩ aká vivaikĩ Rebeca inãki, aská avaikĩ ãwẽ takenĩ ãwẽ ewa awe oraka ivorasĩ ato inãpakeóki. 
\v 54 Ato aská avaí ãwẽ avé vovaiya venerasĩnĩsho, pivai, oshavai, shavá nakoi vesokaĩvai vanai. “Ẽ ivõ shavapa arimẽse ẽ iokaĩotanõ, ramaro”, ato ãwẽ akátõsho, 
\v 55 ãwẽ take ãwẽ ewa aatii askái vanavo, “aaro ave 10 shavákase nokenĩ neno ave nioi inõ, askávai txipo votanoshõ”, akávo.\f + \fr 24.55 \fr*\ft Hebraicõ vana wichá wetsaro “katãnoshõ” ikí\ft*\f*
\p
\v 56 Atõ aská akatõsho, “ea atxiketsomároa. Yavepa ẽ ivõ chinã ivo ea ashõai. Arimẽse ẽ ivõ shavapa ẽ iokaĩtanõ”, ãwẽ imaĩno, 
\v 57 “Rebeca kenana, awesá ikatsíki nõ nĩkãnõ”, akávo. 
\v 58 Anosho kanívena kenavaíki nĩkãóvo, “waa venenĩnã mĩ kakatsai”, atõ akátõsho, “ẽe, ẽ katãnõ”, ikĩ ato revíki.
\p
\v 59 Anosho Rebeca, ãwẽ vesoya aĩvo, Abraão nitxĩa yora, ãwẽ avé vevaiyavorasĩ aatiinĩ ashõ yonovo. 
\v 60 Askáki Rebeca vana roapa ivo netãi vanavo. “Ase také, minõsho itãtima revotikĩra, atonĩ ranokasmananãyavõ shavárasĩ ato ave viakenõvo”, akávo. 
\v 61 Aská nĩkãvaíki Rebeca ãwẽ shokõkena aĩvorasĩnĩsho atõ awerasĩ roa avaikĩ camelõ kãtxínivai, Abraão nitxĩa yora shotovaĩi voávo. Askáki aĩvo viwãti.
\p
\v 62 Askái aatiã Isaque Beer-Laai-Roinamã\f + \fr 24.62 \fr*\ft Hebraicõ vana “Beer-Laai-Roi” ikíro “nishõ ea oĩyatõ vaná waka” \ft*\f* oĩtani oí Neguebenamã nii oí. 
\v 63 Askáki yãtã, “iná shokoanamãsho oĩki nishõ ẽ chinã chinãvãnõ”, iinã kakĩ camelorasĩ veá meraki. 
\v 64 Arishõ askásevi, okĩ Rebecã patáináki Isaque meraovaíki camelõsho nipávaíki, 
\v 65 Abraão nitxĩa yora nĩkãki. “Waanã tsoa venerkĩ, noke chinãvarãyanã”, ãwẽ akátõsho, “ẽ ivotsikĩ”, ãwẽ akátõsho anoshose ãwẽ õpo vevãkatõ vepãtmeinái.\f + \fr 24.65 \fr*\ft Aatiã tanátiro esérvi, aĩvo õpo vevãkatõ vepãtméa\ft*\f* 
\v 66 Askái nokókaĩsho Abraão nitxĩatõ Isaque keyoki yoãshokĩ. “Ẽ askátavai”, iinã. 
\v 67 Anosho Isaquẽ Rebeca ewevaĩki, ãwẽ ewa Sara anõ rakákaĩkaĩchna peshepa. Aská akĩ ninivarãsho anõ noíki, anõsho ãwẽ ewamẽ ã rona tãti akĩ.
\c 25
\s1 Abraão vopiti ivo yoã
\p
\v 1 Askávai txipo Abraãone shavo wetsa ninivarãóki ãwẽ anero “Quetura.” 
\v 2 Aaivo shavomẽsho ãwẽ vakerasĩ Zinrã, Jocsã, Medã, Midiã, Isbaque, Sua aatii ato meraki. 
\v 3 Sebanĩ Dedã merayaro Jocsã. Dedãne merávoro assurita yorarasĩ, letusita yorarasĩ, leumita yorarasĩ aatíi. 
\v 4 Midiãne merávoro Efá, Éfer, Enoque, Abida, Elda aatíi. Naarasĩ katsésero Queturã ato revomaa.
\p
\v 5 Aská akĩ Abraãone ãwẽ awerasĩ keyoki Isaque inãkéki. 
\v 6 Askámaĩnõ, ãwẽ aĩvorasĩ rakãamẽsho ãwẽ vakeyarasĩ ivoro onis akĩ awe ato inãpakevaíki, ãwẽ vopiti vevo Isaque ato pashkavakĩsho, “vari oákiri maĩ shokotana”, iinã ato yonoki.
\p
\v 7 Askái ãwẽ vari 175 niti. 
\v 8 Sheniwetsa mashtésho ãwẽ papavo merai kati. 
\v 9 Askámaĩnõ, ãwẽ vakerasĩni, Isaque, Ismael aatíishoro, shasho pepi sawéatõ atõ papa roa akávo. Aaivo shasho pepiro Macpelanamã, Manre orakama, Zoarpa vake, Efromne mainamã. 
\v 10 Anoro Abraão, ãwẽ aĩ tavá roa ativo, heteu yorarasĩ ato ãwẽ kopímashõ viãkãti ivo mainamã. 
\v 11 Askái Abraão vopimaĩnõ, txipo Isaque Yové Koĩni ãwẽ vana roapa ivo netãóki. Askái aaro vaná waka kesó nii kati, ãwẽ anero “Beer-Laai-Roi.”
\s1 Ismaẽl vakerasĩ ivo yoã
\p
\v 12 Naatíiro Ismaelmẽsho revoarasĩ yoã. Ismaelro Abraãone Hagarmẽsho, meramtá ivo vake. Aaivo aĩvoro, Sarã mee ima, Egito shavo. 
\v 13 Askái, Ismaẽl vakerasĩro naatíi. Ãwẽ vevokékaro, Nebaiote, atxõyase Quedar, atxõyase Abdeel, atxõyase Mibsão, atxõyase 
\v 14 Misma, atxõyase Dumá, atxõyase Massá, 
\v 15 atxõyase Hadade, atxõyase Tema, atxõyase Jetur, atxõyase Nafis, Quedemáro txipokéchta aatíi. 
\v 16 Askái naatii Ismaẽl merávoro 12 kakáya shovitivo. Askái atõ shavá, atõ peshé akánamã atõ anẽse anepakévo.
\p
\v 17 Askái Ismael 137 vari nishõ, ãwẽ papavo merai kati. 
\v 18 Ãwẽ revomarasĩro Havilánĩ Sur rakáa ivo mai tõovakĩ shokopaóvo, Egito mai kesotõ, ano Assurkiri kaa vainamã. Askái atõ takevonĩ ranĩnanãi shokopaóvo.
\s1 Esaúnĩ Jacó iti ivo yoã
\p
\v 19 Abraãone vake Isaque yoãnáro neská. Abraãone Isaque merati.
\p
\v 20 Isaquẽ, 40 varinamãsho Rebeca ninivarãki. Aaro Betuelpa vake, Labãone aweshavo. Atovoro arameu yorarasĩ Padã-Arãnamã shokotivo. 
\v 21 Askái ãwẽ aĩ revomaa oĩinã Isaquẽ Yavé ã aĩ vana ashõki. Askámaĩnõ ãwẽ vana nĩkãinã ashõki. Askái anosho, Rebeca tooinasho 
\v 22 vake ravé nanéi. Askái atõ ichnánanã tanainã, “ea awesáikĩ”, iinã Yavé nĩkãki.
\p
\v 23 Ãwẽ aská akatõsho, revíki. “Mĩ shakĩ naki yora shoko ravévakĩ ikatsaivere. Ravé pakévaĩsho pashkánanãkatsavo. Wetsa ivorasĩro mestẽpá ikatsaivo. Askámaĩnõ vake vevoke ivoro awesakeshóse txipoketõ yonoa niá ikatsaivere”, akĩ.
\p
\v 24 Askái Rebeca vake pakéti shavá nokómaĩnõ, anõse, venevake ravévakĩ nanéa tanaki. 
\v 25 Vevo pakékaĩya ivoro õchĩka, raniyãwaka aká oĩinã “Esaú”, akĩ aneki.\f + \fr 25.25 \fr*\ft Hebraicõ vana “Esaú” ikíro raniyãwaka iki\ft*\f* 
\v 26 Txipoke ivoro ãwẽ takẽ tae txĩtó atxisho pakékaĩi. Ãwẽ aská oĩinã “Jacó”, akĩ aneki.\f + \fr 25.26 \fr*\ft Hebraicõ vana “Jacó” ikíro “tae txĩtó atxiya”, iokiro, “yora parãkaya” \ft*\f* Aatiã Isaque 60 vari aya.
\p
\v 27 Askávai txipo vake ravé kanisho, Esaú ivoro yoiniya kanisho, askatase niitero niaya. Askámaĩnõ txipoke ivoro tanáyãwaka yora, askata shavapase niárvi. 
\v 28 Atõ papa Esaúmẽ noí noíka, yoini ichná merasho ãwẽ pimaatõsho, askámaĩnõ atõ ewaro Jacó ivomẽ noíka. 
\v 29 Askávai shavá wetsã Esaupa nitãi okĩ, shopĩ ranómaka tanainã Jacopa pasaa ivo 
\v 30 yokátachíki. “Ea shopĩ ranóma, mĩ pasa õchĩka ivo ea pima”, akĩ. Askásho txipo, Esaú “Edom”, akĩ anetivo, õchĩka ãwẽ pimaĩnõ.\f + \fr 25.30 \fr*\ft Hebraicõ vana “Edom” ikíro “õchĩka” \ft*\f*
\p
\v 31 Ãwẽ askámaĩnõ Jacopa revíki. “Roase, askámẽkĩ ea txipokemẽkĩ, miã vevoke keská iyakeshõ\f + \fr 25.31 \fr*\ft Aatiã tanáti vake vevoketõ ãwẽ papã mekẽya awe vipawa\ft*\f* ea oĩmatso askáro”, akĩ.
\p
\v 32 Ãwẽ aská akatõsho, “mĩ aská roase, yamairívi iki ea, vevokékasho ẽ ninõ ikĩka chinãtĩpá ea”, akĩ.
\p
\v 33 “Tavámatima ivo vanãpari ea arí”, akĩ Jacopa. Ãwẽ aská akatõsho, aaivo vanãpari avaikĩ vevoke ivo keská iyakeshõ Jacó eneshokĩ. 
\v 34 Aská amaĩno, Jacopa pão, lentilha\f + \fr 25.34 \fr*\ft Lentilharo poroti keská ivo\ft*\f* pasa aká pimaki. Aská pii mashtévai Esaú weníinakaĩi kaí. Askái anosho, vevoketõ ari chinãotanáma, eneski.
\c 26
\s1 Isaquẽ Gerar maĩ kakáya parãti ivo yoã
\p
\v 1 Aatiã, aaivo mainamã vevõ Abraão niyãtatõsevi ioi, piti makiói. Aská oĩinã Isaque Gerar maikiri chinãvaĩi kaí, filisteu yorarasĩni kakáya Abimeleque niánamã. 
\v 2 Anosho Yavepa Isaque meramashõ vana akĩ. “Egitokiríro karoa, anõ mĩ niti mai mia ẽ yoikatsa, ano ninosho. 
\v 3 Askái neno nii niitso. Mia vesokésho, roapa ivorasĩ mia ẽ ashõkatsa. Ato mĩ revomarasĩ naaivo mai keyoki ato ẽ inãkatsa, mĩ papa Abraão tavámatima ivo vana ẽ ashõmta ivo ẽ mashtéshokatsai. 
\v 4 Mĩ revomarasĩ atõ revovaĩa westíma, naí shavapa masoa ichitíi. Mai ato keyoki ẽ ivomakatsai. Askái revoa wetsamẽsho, maitioi yora shoko wetsarasĩ vana roapa ivo netãnákatsa. 
\v 5 Awesáma, Abraãoro ẽ vana anõ avaivaĩchnáya. Ẽ yonoa keská akĩ ea ishõya, ẽ yosin ikí ivo, ẽ vana aká, ẽ esé ivorasĩ aatii ea nĩkãshoaya ipawa”, akĩ.
\p
\v 6 Aská nĩkãinã Isaque Gerarnamã niakéi. 
\v 7 Askái ano ãwẽ niakemaĩnõ, aaivo shavapa shokoyavõ venerasĩni ãwẽ aĩmẽ nĩkãvotõsho, “ẽ aweshavorvi”, imíska. Rebecaro roakachtasho, “ẽ aĩ”, ikatsi rakéi, “anõsho ea yamamamísivo”, ikĩ chinãinã.
\p
\v 8 Ano Gerarnamã shavá ãtsa tavái ãwẽ nimaĩnõ, shavá wetsã Abimeleque, filisteu yora kakáyatõ ãwẽ shovo orõ patákaĩsho ã oĩa, Isaquẽ ãwẽ aĩ shonĩ shonĩvãa oĩki. 
\v 9 Aská oĩinã Isaque kenasho vana akĩ. “Naa mĩ aĩrvikatá. Awesainã ‘ẽ aweshavo’, mĩ ivaira?” ãwẽ imaĩnõ, “mãa, ‘ea anõsho yamamísivo’, iinã ẽ ivairívi”, akĩ revíki.
\p
\v 10 Ãwẽ askámaĩnõ, “aská atimarívi. Nokepa yora wetsã oĩkatsimaĩnõ, nokeki mĩ venatakeãai”, akĩ.
\p
\v 11 Askáki ãwẽ yorarasĩ katseki ato tanamakĩ. “Naa yora ãwẽ aĩnĩ ashõ ati akaya ivoro yamakatsavere”, ato akĩ.
\p
\v 12 Askái aaivo vari ano nishõ Isaque piti vanárasĩ ãwẽ vanaa, ikaĩi, 100 tavákepá piti westíma merámakĩ, Yavepa roapa ivo ashõatõsho. 
\v 13 Ano askái nishõ chinã ashõ onãtĩpai ikãkaĩi awẽ mãaimai shovii. 
\v 14 Askái ãwẽ yoini iná akarasĩ ãtsaka, ãwẽ shokõkenavorasĩ westímásevi aká oĩinã, filisteu yorarasĩni naíshoávo. 
\v 15 Askáinã Isaquẽ papa ãwẽ vopimatiã, ãwẽ shokõkenavorasĩ atõ ãwẽ pokĩmati ivo vaná wakapasha kãtxía ivorasĩ keyoki vestõkãvo.
\p
\v 16 Anosho Abimelequẽ Isaque tanamakĩ. “Noke tavaki isĩpáka ayakeshõ mĩ niásho neno nokẽ maĩ nióroa, katã”, akĩ.
\p
\v 17 Ãwẽ aská akatõsho, Isaque anosho ãwẽ peshé txoyo avaí, Gerar mai mató sapakanamã shaváyashõ nii kaí. 
\v 18 Ano tekisho vaná wakapasha, ãwẽ papa vopimaĩnõ filisteu yorarasĩni vestõmta ivorasĩ, merasho pokĩóki. Aská avaikĩ ãwẽ papã anemtá ivo anẽsevi anepakeóki.
\p
\v 19 Askávai txipo ãwẽ shokõkenavõ arí mai pokĩsho wakapasha choviki meravo. 
\v 20 Aská akĩ atõ meraómaĩnõ, Gerarnamã txivo vesoyavorasĩni ato vatxĩvo, “wakapasha nokenárvi”, iinã. Atõ askámaĩnõ Isaquẽ ano “Eseque\f + \fr 26.20 \fr*\ft Hebraico vana “Eseque” ikíro “vatxinanãa”\ft*\f*”, akĩ aneki. Awesáma, “anõsho vatxinanãtivo”, ikí keská vana. 
\v 21 Askáki wetsanamã atõ pokĩómaĩnõ, Gerar yorarasĩni ivokekatsióvo. Askámaĩnõ Isaquẽ “Sitna” akĩ ane netãóki. Awesáma, “ranĩnanãa” ikí keská vana. 
\v 22 Askái anosho iokaĩi kakĩ wetsa meraóki. Anoro yora wakapashãsho ikiyavo yama oĩinã vanai. “Ramaro Yavepa mai yora meskómanamã noke inãatõsho nenosho mãaimai nõ shokokatsa”, iinã ano “Reobote”, akĩ aneki.\f + \fr 26.22 \fr*\ft Yoã wetsaro “nenosho nõ revokatsa” \ft*\f* Aaro “yora meskómanamã”, ikí keská vana.
\p
\v 23 Ano nishõ iokaĩi, Bersebanamã tekii. 
\v 24 Askávai aaivo yamepáse Yavepa meravaíki tanamakĩ. “Mĩ papa Abraãone ravipaóa ivo Yové ea. Rakéroa, Eãvisi mia ẽ oĩrívi. Roapa ivo mia ẽ ashõkatsa. Ẽ nitxĩa yora Abraãomẽ noíi nishõ miapa ivo yora ẽ revomakatsai, westíma ikatsai”, akĩ. 
\v 25 Askámaĩnõ Isaquẽ anõ maki ati tapo avaikĩ Yavé ravimaĩnõ, ãwẽ shokõkenavõro peshé akãi, vaná wakapasha pokĩi akávo.
\p
\v 26 Askávai shavá wetsã, Abimeleque Isaquenĩ vananõ iinã Gerarnamãsho kaí, Austate, Ficol akánĩ. Austatero ãwẽ avé takéa, Ficolro, teske akayatõ kakáya. 
\v 27 Ano atõ tachivaĩmaĩnõ Isaquẽ ato nĩkãki. “Awesai evé vananõ iinã mã veárá? Matõ maĩsho ea ichnaki ea mã yonochnákatá”, ato akĩ.
\p
\v 28 Ato ãwẽ aská akatõsho, revíki. “Yavepa mia vesoa nõ tanaai. Askáinã tanáti tavámakĩnanãimai nõ shokonõ. 
\v 29 Miã noke meskoroa, nokẽ nerishõ noke mia meskootĩpásevi. Roa akĩse mia nõ nitxĩvaĩvaĩchná. Roakakĩ mia meskotakĩma mia nõ yonochnákatá. Ramaro Yavepa roapa ivo mia ashõa nõ tanaai”, akĩ tanamakĩ.
\p
\v 30 Atõ askámaĩnõ Isaquẽ piti ãtsaka naí avaikĩ atonĩsho pikĩ. 
\v 31 Askávai shavá nakoi, tavámatima ivõ vana ikinanãvo. Askái vanai mashtékaĩvaíki, Isaquẽ ato yonoa, meskótaimai voávo. 
\v 32 Aaivo shavapasevi ãwẽ shokõkenavõ mai pokĩsho, “wakapasha nõ meraai”, iinã yoãvarãvo. 
\v 33 Atõ aská akĩ yoãvarãmaĩnõ Isaquẽ “Seba”, akĩ aneki vaná waka. Askátõsho aaivo cidade Berseba\f + \fr 26.33 \fr*\ft Hebraicõ vana “Berseba” ikíro “vaná waka meki vana ivo”, iokiro, “vaná waka 7 yoraná”\ft*\f* iki anéi, aaivo anẽ rama anõ anésa.
\s1 Esaupa aĩvorasĩ itivo ivo yoã
\p
\v 34 Esaúro askáti, 40 vari ayatiã, heteu shavovo ravé ashõ ninivarãki. Beeripa vake Judite, Elomnẽ vake Basemate aká ato ninivarãki. 
\v 35 Askámaĩnõ, Isaquenĩ Rebeca atomẽ chinã notsiyai shokovo.
\c 27
\s1 Isaquẽ Jacó vana roapa ivo netãti ivo yoã
\p
\v 1 Askávai txipo Isaque sheniwetsa mashtésho veshoi. Askáki shavá wetsã ãwẽ vake vevoké ivo Esaú kenasho aská akĩ. “Yomé”, ãwẽ imaĩnõ, “awerá papá? Neno ẽ niá”, akĩ.
\p
\v 2 Ã aská akatõsho, “ea ma iki sheniwetsa mashtéai, ea mĩ oĩaitĩ, ẽ vopikatsa shavá ea tanama. 
\v 3 Mĩ tawa vivainii kashõ ichnáchta ea merashotã. 
\v 4 Aská akĩ yoini meravaíki piti ichnáma, ẽ rayá akáka ivo naí avaikĩ ea vishõvarãtso ẽ pinõ. Pivaikĩ ẽ vana roapa ivo netãsho mia enenõ, ẽ vopiti vevo”, akĩ.
\p
\v 5 Aská nĩkãinã Rebecã Esaú ãwẽ nii kamaĩnõ, 
\v 6 Jacó yoãshokĩ. “Mĩ papa Esaúnĩ askái vanavo ẽ nĩkãai. 
\v 7 ‘Yoini meravaíki naí avaikĩ vivarãtso, ẽ pinõ. Pivaikĩ vana roapa ivo netãsho mia enenõ, ẽ vopiti vevo Yavepa oĩni’, iki. 
\v 8 Ramaro neská atãtso, nĩkãwẽ. 
\v 9 Cabra shokoanamã kashõ ãwẽ vake roaka ivo ravévakĩ ea vishõta, piti ichnáma, mĩ papã rayá akáka ivo ẽ naí ashõnõ. 
\v 10 Miã vishõvaĩtátso, mĩ papã pivaikĩ, vana roapa ivo mia ave netãnõ, ãwẽ vopiti vevo”, akĩ.
\p
\v 11 Ãwẽ aská akatõsho, “ẽ take Esaúro raniyãwakarvi, earo ranimarvi, 
\v 12 askásho ẽ papã ramãpakevãvãki ea onãmísi, ẽ parãa tanavaíki ãwẽ vana roapa ea netãimamísi, enõ veí vana ã netãrívi”, akĩ.
\p
\v 13 Askái ãwẽ vanamaĩnõ ãwẽ ewã “ease ave anõ, veí netãkiro. Miãro mia ẽ yonoa ivo vitã”, akĩ.
\p
\v 14 Ãwẽ ewã aská akĩ yonoatõsho vishõtakĩ. Aská akĩ ãwẽ vishõtamaĩnõ piti ichnáma, ãwẽ papã rayá akáka ivo naí ashõki. 
\v 15 Piti aská akĩ naí ashõvaíki, ãwẽ vake vevoketõ õpo, shovõ nanéa ivo vivaikĩ ãwẽ vake txipoke sawemakĩ. 
\v 16 Aská avaikĩ cabra vake, ãwẽ shakapa Jacó ãwẽ mevinamã rakoketaní, ãwẽ teshonamã terák akí, akĩ. 
\v 17 Aská akĩ piti ichnámakĩ, ãwẽ naí aká ivo, pão tashnasho Jacó inãki.
\p
\v 18 Aská akĩ ãwẽ ewã inãmaĩnõ Jacopa vivainii kashõ, ãwẽ papa kenaki. “Papá”, iinã ãwẽ vakẽ kenatõsho, “awerá yomé, mia tsoará?” 
\v 19 ãwẽ imaĩnõ, “ea Esaú mĩ vake vevoké ivo, ea mĩ yonoa ivo mia ẽ ashõai. Yoini ẽ meratana pirí, pivaikĩ mĩ vana roapa ivo ea netãnoshõ”, akĩ Jacopa.
\p
\v 20 Ãwẽ vakẽ aská akatõsho, “ii awesá yoini mia inó atãmakarkĩ?” akĩ.
\p “Aavirá, Yavé mĩ ravia ivo Yovepa, ea yomẽ ashõatõsho ẽ aká”, akĩ.
\p
\v 21 Jacó askái vanamaĩnõ, “askáro mia meenõrí Esaúseraki”, akĩ ãwẽ papã.
\p
\v 22 Jacó ã papã aská akatõsho, aa kesó nii kaí. Aa kesó ãwẽ nii kamaĩnõ, ramãpakevãvai vanai. “Ãwẽ metáshero Esaúsemẽkĩ ãwẽ oiro Jacó nĩkã askĩ”, akĩ. 
\v 23 Askái ãwẽ metáshe raniyãwasho onãma ãwẽ take keskáse meeinã. Askáinã ãwẽ vana roapa ivo netãkatsiinã 
\v 24 nĩkãki. “Mianã ẽ vake Esaú ivoserá?” ãwẽ imaĩnõ, “ẽe, ea aasekatá”, akĩ.
\p
\v 25 Ãwẽ aská akatõsho, vanai. “Yoini mĩ meratanaa ivo neno vivarãa ẽ pinõ, pivaikĩ vana roapa ivo mia netãnõ”, akĩ. Aská akĩ Jacopa ãwẽ papa pimaivaíki vinhone matĩmakĩ. 
\v 26 Ãwẽ aská akatõsho, “ea mekí amarí”, ãwẽ imaĩnõ 
\v 27 ã vakẽ mekí amaki. Askái õpo itsa sheteinã Isaquẽ ãwẽ vana roapa netãi vanai. “Ase, ẽ vakẽ itsaro, Yavepa vana roapa netã ivo waĩ itsa keská. 
\v 28 Yové Koĩni naĩsho niví para akĩ, mai matsi akĩ, trigonĩ vinho mia ashõtikĩra. 
\v 29 Yora shoko wetsarasĩ minõ eséyai maĩ vetsek ipái shokonõvo. Mĩ takevo mĩ ato yonoa shokosho mia veyó vetsek ipaónõvo. Yora mia veí vana netãya ivoro aaivo vanasevi netãnaókatsa. Askámaĩnõ, yora vana roapa mia netãya ivoro, aaivo vanasevi netãnaókatsa”, akĩ.
\p
\v 30 Anosho ãwẽ vana roapa ivõ Jacó netãa, kayakaĩmaĩnõse, ãwẽ take Esaú nitãi tachikarãi. 
\v 31 Askátani oshõ arí piti roaka naí aovaíki, ãwẽ papa vishõvaíki aská akĩ. “Papá tsaóiná. Yoini mia ẽ ashõtana pinosho. Pivaikĩ vana roapa ea netãnoshõ”, akĩ.
\p
\v 32 Ã aská akatõsho, “mia tsoará?” iinã ãwẽ nĩkãatõsho, “eatsikĩ, Esaú, mĩ vake vevoke ivonã”, akĩ.
\p
\v 33 Ãwẽ aská nĩkãinã Isaque tari ikí, naíi vanai. “Tsoará yoini atãi oshõ ea vishõvarãyanã? Mĩ nokókatsa vevo ma ẽ pia, aa vana roapa ma ẽ netãi, aarvi ikatsai ichnámai niaya”, akĩ.
\p
\v 34 Ãwẽ papa aská nĩkãinã, Esaú naíi, txakar iki ranóma. “Mĩ vana roapa ea netãó papá”, 
\v 35 ãwẽ imaĩnõ, “mĩ takẽ ea parãtõsho mia ẽ netãkatsiki ivo, ãatõ ma via”, akĩ.
\p
\v 36 Ã aská akatõsho, “parãki ea ma ravévakĩ aka. Vevo ea askásevi aochná. Txipokemẽkĩ vevoke keskái niakeshõ ea ivokãkechná. Askávaíki rama mĩ vana roapa ivo ea viãkãóai. Askáinãvísi Jacó\f + \fr 27.36 \fr*\ft Hebraicõ vana “Jacó” ikíro “parã” keská\ft*\f* ‘paranka’, nõ akárvi. Askánã, wetsa ea mia mekeshoamará”, akĩ nĩkãki, ãwẽ papa.
\p
\v 37 “Jacó ma ẽ eneshoa. Ãatõ mia, mĩ wetsamavorasĩnĩ ashõ mato yonokatsa. ‘Trigonĩ vinho mia mãamasevi ikatsai’, ma ẽ tanamai. Miaro ẽ awesarokataikĩ, yomé”, akĩ.
\p
\v 38 Ã aská akámẽkĩ Esaú aví ikíma, “yama yamakará papá? Mĩ vana roapa ea netãó”, iinã, isĩinasho wai ikí.
\p
\v 39 Ãwẽ askámaĩnõ ãwẽ papã aská akĩ, “mai matsi enekésho niví naĩsho para ikí yamanamã ora mĩ nikatsai. 
\v 40 Toĩtiyai mĩ nimaĩnõ, mĩ takẽ mia yonokatsa. Askámẽkĩ askáse mĩ nasanímaĩnõ ãatõ mia yonoóma ikatsai”, akĩ.
\p
\v 41 Askáinã Esaú, ãwẽ takeki ichnákéi isĩpatõ ikí, vana roapa ivomẽsho. Askái arí vanai. “Ẽ papamẽsho ronakatsa omakaĩai, askámaĩnõrívi ẽ take yamamanõ”, ikí.
\p
\v 42 Askái, ãwẽ vana Rebeca atõ yoãshoatõsho, Jacó kenavaíki tanamakĩ, “mĩ takẽ mia kopiki mia yamamakatsikí. 
\v 43 Ramaro neská akĩ mia ẽ yoãshokatsiki, nĩkãtso. Rayákaĩta Harãnamã, ẽ take Labão niánamãnã. 
\v 44 Ano avé nishõ oĩta, mĩ take ãwẽ chinã ichnátõ ikípari ave taváke inõ, 
\v 45 minõpari ave rawe inõ. Aská tavákemaĩnõrívi yora mia ẽ yonoshonõ mia ave ewenõ. Shavá wetsãse ẽ vake ravése atõ keyóa ea oĩkatsikíma”, akĩ. 
\v 46 Askávai txipo Rebeca Isaquenĩ vanai. “Naaivo Hetẽ shavorasĩmẽ ea ma ãtsãai. Jacopa atopa shavo ãwẽ ninivarãa ivoro, ea tsaótĩpá”, ikí vanai.
\b
\c 28
\p
\v 1 Askávai txipo Isaquẽ Jacó kenasho vana roapatõ akatsiinã tanamakĩ. “‘Neno Canaã shavo ẽ ninivarãnõ’, iroa. 
\v 2 Ramaro Padã-Arã shavapa katã, anosho mĩ txaitxo Betuẽl shovõ nishõ, mĩ koka Labãone meráshavo atã, oĩki. 
\v 3 Yové Weeya ivõ roapa ivo mia ashõtikĩra. Mĩ revomarasĩni ato revomaotikĩra, atomẽsho yora shoko wetsarasĩ ave shovinõvo. 
\v 4 Abraão vana roapa ã netãtõsevi mia ashõotikĩra, mĩ revomarasĩ aká. Anosho miapámavorasĩ ato nakosho nishõ, mai mĩ ivoketikĩra, Yové Koĩni Abraão inãti ivo mai”, akĩ. 
\v 5 Isaquẽ Jacó aská akĩ yonomaĩnõ, Padã-Arãnamã\f + \fr 28.5 \fr*\ft Naaivo shaváro Abraãone eneti ivo, Yovepa yonoatõsho\ft*\f* kaí, arameu yora Betuẽl vake Labãonamã. Labãone takero Rebeca, Esaúnĩsho Jacopa ewa.
\p
\v 6 Askáki Esaupa, Jacó ãwẽ papã vana roapatõ avai ivo chinãki. “Padã-Arãnamã kashõ aská atso aĩ iái, askámẽkĩ Canaã shavo ninivarãroa”, ãwẽ avai ivo chinãki. 
\v 7 Askávaíse, Jacó ã papanĩsho ãwẽ ewã vana anõ avainii, “kaitserã, Padã-Arãnamã”, ikĩ tanaóki. 
\v 8 Askái, “ẽ papa Canaã shavo roa amísmarvitserã”, ikĩ chinãóki. 
\v 9 Askáshovísi, arí aĩ ayasmẽkĩ, kashõ Ismaẽl shovõ nishõ Maalate ninivarãki. Maalatero Nebaiotẽ take, atõ papa Ismael, atõ ochtxóro Abraão.
\s1 Jacopa Betelnamãsho namáti ivo yoã
\p
\v 10 Askái Jacó Berseba shavá enevaĩi kaí, Harã shavá chinãvaĩki. 
\v 11 Yãtamaĩnõ, wetsanamãse shasho mashko ninivarãsho anõ vosekmeinasho oshai. 
\v 12 Ano oshai rakásho namáki ãwẽ oĩa, paíti maĩ votówani kaí, naí shavapa kaa oĩki. Aská yonótaya yovérasĩ paítinĩ nerisho onenii voí, orisho onepakei veí akávo ãwẽ oĩmaĩnõ 
\v 13 Yavé aa tavásho vanainái. “Earo Yavé, Abraão, Isaque aatiisho ravipaóa ivo Yové ea. Naa, mĩ anõ rakáa ivo mai, mia, mĩ revomarasĩ aatii mato ẽ inãkatsa. 
\v 14 Minõsho revovaĩkatsayavorasĩ mai pototii ikatsai. Atovose peás ii itãi vari oátõ, vari kaatõ, naí paróri, naí paró wetsã, shokoi aa atãkatsavo. Askái yora shoko wetsarasĩro mia, mĩ revomarasĩ akámẽsho ashkã vana roapa netãnásho shokokatsavo. 
\v 15 Mĩ niátipakĩse peshót ashõ mia ẽ vesokatsa. Aská avaikĩ, naaivo maĩ arimẽse mia ẽ ewevarãókatsa. Mia enema ikatsai, mia aská akatsai ivo katsése mia ẽ ashõkõvaĩkatsa”, akĩ tanamakĩ.
\p
\v 16 Jacó aská akĩ namátani vesokaĩsho, “Anõse, Yavé neno niá ẽ oĩai, ẽ tanamarvi”, ikí. 
\v 17 Askái rakéi vanai. “Nenoro rakérívi, Yové Koĩni shavárvi, neno naí shavári kepoti sawérívi”, ikí. 
\v 18 Askái shavá nakoi weníináki ãwẽ anõ vosekméa shasho mashko tsaõnivaíki, azeite shenĩ voiki.\f + \fr 28.18 \fr*\ft Aaivo tanáti shenĩ voiro anõ eséyakĩ ashõa, aaravĩki\ft*\f* 
\v 19 Aská avaikĩ ano aneki “Betel” akĩ aneki, vevotiã ãwẽ anero Luzmẽkĩ.\f + \fr 28.19 \fr*\ft Hebraicõ vana “Betel” ikíro “Yové Koĩni shavá”\ft*\f* 
\v 20 Aská avaikĩ, Jacó tekísma ivõ Yové Koĩnĩ vanai. “Yové Koĩní, evé nishõ ea vesoi, pitinĩ akĩ õpo ea inãi, 
\v 21 arimẽse ẽ papanamã meskótaimaki ea nokómaí, mĩ aká ivoro, mia ená ikatsai. 
\v 22 Aská shasho mashko ẽ tsaõnia ivonamãro, mĩ shavá ikatsai. Aská akĩ ea mĩ inã ivo katsése, 10tíi pashka pashkavaíki, westíse arimẽse mia inãvaĩvaĩkatsa”, akĩ Jacopa.
\c 29
\s1 Jacó ãwẽ kokã shavapashõ iti ivo yoã
\p
\v 1 Askávai Jacó iokaĩi kaí, vari oátõ yora shokoanamã nii kaí. 
\v 2 Kakĩ ãwẽ oĩa vaná wakapasha shasho anikatõ vetashméya. Askái ano txivo wetsa masoi, wetsa masoi, wetsa masoi, aká, wakapasha akatsiinã. 
\v 3 Askái aatiãro, ashkã takévaĩsho shasho sherekésho atõ inárasĩ wakapasha amavaíki arimẽse vetáshpaóvo. 
\v 4 Askámaĩnõ Jacopa anosho txivo vesoyavorasĩ ato nĩkãki. “Mã shokonã atonamãrá”, iinã ato ãwẽ nĩkãtõsho, “nokero Harãnamã nõ shokoa”, akávo.
\p
\v 5 Aská akĩ ato nĩkãóki. “Naorpa vake Labãonã mã oĩyará?” ato ãwẽ akátõsho, “ẽ nõ oĩya”, akávo.
\p
\v 6 “Aanã roaise niárá?” akĩ.
\p “Ẽ niisa, roase. Ãwẽ vake aĩvake Raquel waa oaĩ, ãwẽ inárasĩnĩ”, iinã yoivo.
\p
\v 7 Aská akĩ atõ yoimaĩnõ, vanaói. “Ramaro vari keyáse, inárasĩ mã kãtxiketĩpa. Wakapasha ato amavaikíse arimẽse atõ piá wasi shokoanamã ato enetiki mã iki”, ato akĩ.
\p
\v 8 Ãwẽ askái vanamaĩnõ revívo, “Askáma, inárasĩpari keyóvarãmaĩnõ wakapasha kepẽvaíki ashkã akĩ ato nõ amakatsa”, akávo.
\p
\v 9 Askái atonĩ vanai ãwẽ nimaĩnõ, Raquel ãwẽ papã inárasĩ vesoyasho, kawivarãi tachikarãi. 
\v 10 Askámaĩnõ, ãwẽ koka Labãone vake ãwẽ inárasĩ aká meravaíki akĩvísi vaná wakapasha kepẽvaíki ato amapakeshokĩ. 
\v 11 Aská avaí Raquel mekí avaí, mekípákai wai ikí 
\v 12 vanai. “Ea mĩ papã wetsama, Rebecã toá ea”, iinã ãwẽ yoãshoatõsho, nĩkãvai eréi kashõ, ãwẽ papa ãwẽ vana ivo katseki yoãshoi kakĩ.
\p
\v 13 Askámaĩnõ ãwẽ papa, ãwẽ vakẽ yoãki aská aká nĩkãinã oĩnõ iinã kaí. Kakĩ Jacó meratachísho, atxivaĩsho mekí avaikĩ ãwẽ shavapa ewevarãki. Askámaĩnõ anosho ãwẽ ikaikaĩnarasĩ ãwẽ koka katseki yoãshokĩ. 
\v 14 Ãwẽ aská nĩkãinã, “anõse, miaro eapá, ẽ imi mia”, akĩ Labãone. Askái Jacó, ãwẽ kokã shovõ oshe westíkase tavái nii.
\p
\v 15 Askávai txipo Labãone Jacó tanamakĩ, “mia ẽ wetsamamẽkĩ, kopímáma ea mia mee imatĩpá. Awetishõ mia ẽ kopímatirá?” akĩ nĩkãki.
\p
\v 16 Aská aa yoraro ãwẽ vake aĩvake ravévakĩ aya, vevoke ivõ anero “Lia”, txipoke ivoro “Raquel” aká. 
\v 17 Askásho Lia ivoro ãwẽ verose roakachta,\f + \fr 29.17 \fr*\ft Neno vero yoãnáro Hebraicõ vana tanakamáse. Wetsã chinãro “vero vetika”, wetsã chinãro, “verose roaka” aká \ft*\f* askámaĩnõ Raquel ivoro yoíkachta, ichnámachta aká. 
\v 18 Askáki Raquel ivo noíki, ãwẽ koka aská akĩ. “7 vari mia mee ishõvaíki mĩ vake txipoke ivo ẽ oĩnõ”, akĩ.
\p
\v 19 Ãwẽ askámaĩnõ, “roase, mia oĩmanõ, yora wetsaro ea oĩmatĩpá. Evé nitso”, akĩ.
\p
\v 20 Askái Jacó ano 7 vari taváki ãwẽ koka mee ishõki. Vari ãtsaka tavái ãwẽ niámẽkĩ inomachta tanáki, Raquel noíi ãwẽ niásho. 
\v 21 Askái 7 vari nokómaĩnõ, ãwẽ koka nĩkãki. “Ramaro nõ tanáchna ivo ma vari nokóai. Mĩ vake ea inã, ẽ oĩnõ”, iinã 
\v 22 ãwẽ yokáatõsho, ãwẽ kokã ato saí imakatsiinã yorarasĩ keyoki kãtxivarãki. 
\v 23 Ano yamé ato ãwẽ kãtxivarãnamãsho ãwẽ vake, Lia ivorvi ã eneshoa, avé oshai. 
\v 24 (Aatiã Labãone mee ima ivo aĩvo Zilpa ma eneshoáya, ãwẽ vakẽ ave toĩsho mee imanõ iinã.)
\p
\v 25 Askáinã shavá nakoi, vesokaĩki, aamarívi merakõki. Askáki ãwẽ rayóse vatxĩki. “Awesakĩ ea mĩ neská akárkĩ? Raquel ivoka oĩnoshõ iinã ẽ mee ikaikaĩnarvi, awesainã ea mĩ parãrakĩ?” akĩ.
\p
\v 26 Ãwẽ askái vanamaĩnõ revíki. “Neno nokẽ tanátiro ãwẽ txipoke ivopari noke inãsmarvi, ãwẽ vevoké ivopari inãrívi. 
\v 27 Ramaro ẽ vake veneyai saí ikí 7 shavápari ave tavákéinã. Askámaĩnõrívi Raquel ivo mia ẽ inãómaĩnõ 7 vari ea mee ishõótso”, akĩ.
\p
\v 28 Ãwẽ aská akatõsho, ãwẽ rayóse anõ akĩ manáki, 7 shavákase Lianĩ saí ikĩ. Ãwẽ askámaĩnõ Raquel ivo inãóki. 
\v 29 (Aatiã Labãone mee ima ivo aĩvo Bila ma eneshoáya, ãwẽ vakẽ ave toĩsho mee imanõ iinã.) 
\v 30 Askáki Raquel ivo roa akĩse tasaóki. Aaivoro ãwẽ anõ noípa, Liaro ãwẽ anõ noíkamáse. Ano askái nishõ 7 vari taváki ãwẽ rayóse mee ishõóti.
\p
\v 31 Askái Yavepa Jacopa Lia roa akamase oĩinã, Lia revomakĩ tsaõki, askámaĩnõ Raquel ivoro revosma. 
\v 32 Askáki Lia, vake venevake meravai, “Yavepa ẽ awe onísa ea oĩai askásho rama vakeyashõ ẽ vene enõ noíkatsa”, iinã “Rúben”, akĩ aneki.\f + \fr 29.32 \fr*\ft Hebraicõ vana “Rúben” ikíro “naa vake, oĩ”, askávaíse, “Yové Koĩni ẽ onís awearasĩ oĩai”, aká \ft*\f* 
\v 33 Askávai txipo venevake wetsa meraovaíki “Simeão” akĩ aneki.\f + \fr 29.33 \fr*\ft Hebraicõ vana “Simeão” ikíro “nĩkãa” keská ivo\ft*\f* “Yavepa ea roa akamase nĩkãinã, vake wetsa ea inãóai”, ikí. 
\v 34 Askávai txipo venevakesevi wetsa meraovaíki, “Levi” akĩ aneki, “vakerasĩ 3 ẽ merashoatõsho ẽ venẽ ea tasakoĩkatsa”, ikí vanai.\f + \fr 29.34 \fr*\ft Hebraicõ vana “Levi” ikíro “tasaa” keská ivo\ft*\f* 
\v 35 Askávai txipo venevakesevi meraovaíki “Judá” akĩ aneki.\f + \fr 29.35 \fr*\ft Hebraicõ vana “Judá” ikíro “ravia” keská ivo\ft*\f* “Ramaro Yavé ẽ ravikatsa”, ikí. Askávai txipo revoóma, inopai tsaói.
\c 30
\p
\v 1 Askái Raquel “earo vakeyámaka”, iinã ãwẽ takemẽ naíi, ãwẽ venenĩ vanai. “Ea mĩ vake merashoámaro ẽ vopikatsa”, akĩ.
\p
\v 2 Ãwẽ aská akatõsho, ã vene naíkawãi vanai. “Eanã Yovérá? Aatsikĩ mĩ revokatsikimẽkĩ mia teayanã”, akĩ.
\p
\v 3 Ãwẽ askámaĩnõ, “ramaro aská, ẽ mee ima ivo Bila mia ẽ eneshomaĩnõ, aa tasatso, anõsho vake meranoshõ. Mĩ anõsho meraásmẽkĩ nokená keskáse ikatsai”, akĩ.
\p
\v 4 Aská akĩ Bila ãwẽ eneshoatõsho avé meenanãi. 
\v 5 Askái Jacopa Bilamẽsho venevake meraki. 
\v 6 Askái Raquel vanai. “Ẽ onís awemaĩnõ, Yové Koĩni ea meki ashõai. Ẽ yokáamẽsho vake ea inãi”, iinã “Dã”, akĩ aneki.\f + \fr 30.6 \fr*\ft Hebraicõ vana “Dã” ikíro “meki aká” keská ivo\ft*\f* 
\v 7 Askái txipo Bilamẽsho venevake wetsa meraóki. 
\v 8 Askái Raquel “ẽ take evé tavananãa ivo ẽ viakea”, iinã “Naftali”, akĩ aneki.\f + \fr 30.8 \fr*\ft Hebraicõ vana “Naftali” ikíro “tavananãa” keská ivo\ft*\f*
\p
\v 9 Askámaĩnõ Liã revoa enésho, ãwẽ toĩa aĩvo Zilpa “naa tasatso”, iinã ãwẽ vene eneshokĩ. 
\v 10 Anosho ãwẽ venẽ Zilpamẽsho venevake meraki. 
\v 11 Ãwẽ askámaĩnõ Lia “mekírvironã”, iinã “Gade”, akĩ aneki.\f + \fr 30.11 \fr*\ft Hebraicõ vana “Gade” ikíro “roakarkĩ” keská ivo\ft*\f* 
\v 12 Askáki txipo Zilpamẽsho venevake wetsa ãwẽ meraómaĩnõ 
\v 13 Liã, “ea mekíai, evé aĩvorasĩni ‘metsápai tsaóai’, ikĩ ea yoãkatsavo”, iinã “Aser”, akĩ aneki.\f + \fr 30.13 \fr*\ft Hebraicõ vana “Aser” ikíro “mekía” keská ivo \ft*\f*
\p
\v 14 Askásho txipo trigo atõ tovamaĩnõ, Rúben wai matxi too rao wetsa\f + \fr 30.14 \fr*\ft Naaivo vanáro taeya, ãwẽ anero “mandrágora.” Aatiã atõ onãtakáro too rao\ft*\f* meravaíki ãwẽ ewa Lia inãki. Askámaĩnõ Raquẽl ãwẽ take yokáki. “Mĩ vakẽ vivarãa ivo wetsachta ea inã”, akĩ.
\p
\v 15 Ãwẽ askámaĩnõ, “ẽ vene ea mĩ viãkechnamẽkĩ, ẽ vakẽ vaná ea ãwẽ vishõvarãa ivo ea mĩ viãkãotsikírá?” akĩ.
\p Ãwẽ aská akatõsho, Raquel vanai. “Nõ viãnanãnõ. Miãro vaná ea mĩ inãmaĩnõ miaro aská. Naaivo yamé Jacónĩ oshatso”, akĩ.
\p
\v 16 Askái yãtã, Jacó, ãwẽ inárasĩ shokoanamã itãi nokókarãmaĩnõ, Liã aská akĩ. “ramaro naaivo yamé ravé nõ oshanõ. Ẽ vakẽ meraaivo too rao anõ askátivísi ma ẽ kopímaai”, ãwẽ akátõsho Jacó yamé avé oshai. 
\v 17 Askái Liã Yové Koĩ ãwẽ yokáatõsho ashõki. Askái tooinasho, 5 vake ivo meraki. 
\v 18 Askái vanai. “Ẽ toĩa aĩvo vene ẽ eneshochĩatõsho Yové Koĩni vake ea kopiki inãai”, ikĩ chinãsho, “Issacar”, akĩ aneki.\f + \fr 30.18 \fr*\ft Hebraicõ vana “Issacar” ikíro “kopia” keská ivo \ft*\f* 
\v 19 Askávai txipo tooinaóki, 6 vake ivo meraki. 
\v 20 “Yové Koĩni ea onis amaĩnõ ramaro ẽ venẽ ea enetĩpa, 6 vake ẽ meramatõsho”, iinã “Zebulom”, akĩ aneki.\f + \fr 30.20 \fr*\ft Hebraicõ vana “Zebulom” ikíro “enetĩpa”, “onis aká” aatíi \ft*\f* 
\v 21 Askái revoi enekaĩnamãchtasho aĩvake merasho “Diná”, akĩ aneki.
\p
\v 22 Askávai txipo Yové Koĩni Raquel chinãshokĩ. Askáki ãwẽ yokáa nĩkãinã ashõki, revomakĩ. 
\v 23 Askái tooinasho vake venevake meraki. “Vakema nishõ ẽ ravĩkaĩkaĩ ivo Yové Koĩni ea enémaai. 
\v 24 Yavepa vake wetsa ea inãotikĩ ẽ iki”, iinã “José”, akĩ aneki.\f + \fr 30.24 \fr*\ft Hebraicõ vana “José” ikíro “inãóa” keská ivo \ft*\f*
\s1 Jacó awẽ mãaimai shovisho niti ivo yoã
\p
\v 25 Askái José pakéa txipo, Jacopa ãwẽ rayóse tanamakĩ. “Arimẽse ẽ vaketi maĩ ẽ iokaĩtanõ. 
\v 26 Ẽ vakerasĩ, ẽ aĩvorasĩ aká, atomẽsho ẽ mevi yomãnái mia mee ishõi niti ivo ea ato enesho. Roaka akĩ mia ẽ mee ishõkõvarãai, chinãtso”, akĩ.
\p
\v 27 Ãwẽ askámaĩnõ ãwẽ kokã revíki, “Ea enevaĩroa, nenose nirí. Ea erísmasho mia ẽ onãtakĩ oĩai. Yavepa minõsho roapa ivo ea ashõkõvarãai. 
\v 28 Awetishõ mia ẽ kopímakatsai? ‘Aatishõ’, ea mĩ amaĩnõ, mia inãnõ”, akĩ.
\p
\v 29 Askái ã vanamaĩnõ, “mĩ inárasĩ mia ẽ vesoshovaĩvaĩna ivo mĩ tanai. 
\v 30 Neno tachikarãki ẽ oĩa, mĩ inárasĩ ãtsapamarívi iyãta, ramaro itãtĩpa. Yavepa ẽ niátipakĩse mia roapa ashõkõvarãai. Ramaro ẽ vakerasĩkase ato ẽ vesonõ”, akĩ.
\p
\v 31 Ãwẽ askámaĩnõ ãwẽ rayóse vanaói. “Neno mĩ nimaĩnõ awetishõ mia ẽ kopímatira?” akĩ.
\p Ãwẽ askámaĩnõ, “Roase, mĩ inárasĩse ẽ vesoshoókatsa. Ramaro nõ neská anõ. 
\v 32 Kashõ mĩ iná patsáyavorasĩ, txeshekavorasĩ aká ẽ kavẽi kakatsai. Ẽ aská aká ea kopímati aya keskáse ikatsai. 
\v 33 Txiporvi ea mĩ onãtakĩ oĩkatsa, ẽ mee iti tanákõvaĩanamãsho. Txivõ vakerasĩ patsáya, toteya, txesheka aká ivoro enámamẽse. Askámẽkĩ aa keskáma mĩ meraa ivoro, ‘kerõmaka’, ea mĩ aká roase”, akĩ.
\p
\v 34 Ãwẽ askámaĩnõ, “Mã ase, mĩ vana ẽ anõ anõ”, akĩ, ãwẽ rayósenẽ. 
\v 35 Askái ã vanamẽkĩ naaivo shavapáse cabra vene ãwẽ patsáyavorasĩ, toteyavorasĩ, cabra aĩ oshõ toteyavorasĩ, txivo peshkó isokarasĩ aká arí kavẽkevaíki, ã vakerasĩ inãkãki, Jacopa vimísi iinã. 
\v 36 Askái 3 shavákaĩi kaatishõ kayaki enevaĩki. Askámaĩnõ Jacóro, ãwẽ rayósenẽ iná wetsarasĩ vesosho nii.
\p
\v 37 Askái iwi meã álamo, wetsaro aveleira, wetsaro platano aká ivorasĩ shatevaíki, shokaki oshoka akĩ tõo nẽepakevarãki. 
\v 38 Iwi meãrasĩ aská ashõ inapa wakapasha akánamã masõsho eneki. Ano wakapasha kesósho atõ aĩvorasĩ ichná amískavo iinã ãwẽ aká. 
\v 39 Iwi meã aská ashõ ãwẽ eneshoa, iná revokaĩa wetsaro pokeyavo, wetsaro toteyavo, wetsaro patsáyavo aká merávaĩvo. 
\v 40 Askáki Jacopa aaivorasĩ aríkakĩ ato shokõpakéki. Aská ashõ Labãonarasĩ pokeyavo, isokavo aká ave oĩnõvo iinã vesõvakĩsho ato shokõki. Aská akĩ ãwẽ rayósenẽ inárasĩ oshkesho ivokãkéki. 
\v 41 Iná vestẽka ivorasĩni atõ aĩ akatsiimaĩnõ Jacopa wakapasha akánamã veyó iwi meãrasĩ masõsho eneki, oramachtasho atõ aĩ anõvo iinã. 
\v 42 Askámẽkĩ iná yomechta ivorasĩ veyóro, masõshoáma. Aská ashõ, Labão ãwẽ yomechtarasĩ kavẽsho shokõkeshokĩ, vestẽkarasĩro arí viakekĩ. 
\v 43 Anõsho chinã ashõ onãtĩpai ikãkaĩi awẽ mãaimai shovii, ãwẽ inárasĩ westíma, ãwẽ mee ishõya venerasĩ, aĩvorasĩ aká, camelorasĩ, jumentorasĩ aká iti.
\c 31
\s1 Jacopa Labão kayashoti ivo yoã
\p
\v 1 Askáki txipo Jacopa ãwẽ rayósenẽ vakerasĩ vana nĩkãki. “Nokẽ papã awemẽsho mestẽki, keyoki viãkãkõvarãai”, ikívo. 
\v 2 Askáki arí ãwẽ rayóse onãtakĩ oĩóki, vevo ãwẽ avé taképaoatõ aoma.
\p
\v 3 Aská oĩinã Yavepa Jacó tanamakĩ. “Arimẽse mĩ papanĩsho mĩ ewã maĩ, iokaĩta mĩ wetsama niánamã. Mĩ kamaĩnõ mia ẽ vesokatsa”, akĩ.
\p
\v 4 Aská nĩkãvaíki, atõ inárasĩ shokoanamã nishõ Raquelnĩ Lia “neno verína iki”, iinã ato ãwẽ kenaa, 
\v 5 atõ tachivaĩmaĩnõ ato aská akĩ. “Ramaro matõ papa ẽ onãtakĩ oĩai, vevotiã ea ãwẽ apawa keskáma, enõ noímase, askámẽkĩ ẽ papã ravia Yoveparo ea enekéma, ea vesovaĩvaĩa. 
\v 6 Mã tanaitĩ, earvi matõ papamẽ yomãnái mee ikiya. 
\v 7 Askámẽkĩ ea ma parãkõvarãki ãtsaka, 10tíi akĩ, ‘iná mia inãnõ’, iinã ea tanáki teki ashõpakevarãki. Aská akĩ ea ãwẽ ichnák paketsikimẽkĩ Yové Koĩni ea teashokõvarãai. 
\v 8 Matõ papã ‘ramaro iná toteyavo mia kopíma keskáse ikatsaivere’, ea ãwẽ amaĩnõ, vakeya toteyavomamẽse para ikívo. ‘Ramaro iná pokeyavo mia kopíma keskáse ikatsai’, ea ãwẽ aomaĩnõ anosho katsése pokeyavorasĩ para ikí. 
\v 9 Askásho Yové Koĩni mĩ papã inárasĩ viãkãsho ea eneshokõvarãai. 
\v 10 Askávai shavá wetsã, inárasĩni atõ aĩ aká ivo shavapa namáki ẽ oĩa, atõ aĩ matxi papíkenáro pokeyavo, toteyavo, patsáyavo aká ẽ oĩchná. 
\v 11 Aská ẽ oĩanamãsho Yové Koĩni Yonoa Yovepa ea kenachná. ‘Jacopá’, ea ãwẽ amaĩnõ, ‘ẽe, neno ẽ niá’, ẽ achĩa. 
\v 12 ‘Naa oĩwẽ, iná venerasĩnã, atõ aĩ akayavorasĩ, pokeyavo, toteyavo, patsáyavo aká. Eatsikĩ Labãone mia aská parãkatsiimaĩnõ mia ashõyanã. 
\v 13 Ea Yové Betelnamãsho mĩ oĩmta ivonã, ano shasho masõnísho azeite shenĩ mĩ voimtá, aská ashõ tekísma ivo vana mĩ nẽemtá. Ramaro kashma avaí naaivo mai enevaĩi kashõ mĩ anõ vaketi ivo maĩ arimẽse iokaĩta’, ea achĩa”, akĩ ãwẽ aĩvorasĩ yoãshokĩ.
\p
\v 14 Ãwẽ askái vanamaĩnõ ãwẽ aĩvorasĩni revíki. “Nokẽ papa vopimaĩnõ ãwẽ mekẽya awechta noke yama ikatsai. 
\v 15 Yora wetsa akátõ noke amíska. Nõ veneyamẽsho ãwẽ viti ivo keyoki ichná akõvarãai. 
\v 16 Yové Koĩni nokẽ papã awe viãkãa ivoro nokená, nokẽ vakerasĩná aká, askásho mia ãwẽ yonoa ivo keská akĩ ashõtso”, akávo.
\p
\v 17 Ãwẽ aská nĩkãinã Jacopa, ãwẽ aĩvorasĩ ãwẽ vakerasĩ aká camelorasĩ matxi ato kãtxiníki. 
\v 18 Askávai ãwẽ inárasĩ Padã-Arãnamã ãwẽ vivaivaĩna ivorasĩ, awerasĩ aká kawivaĩi, ãwẽ papa Isaquẽ maĩ, Canaãnamã kaí.
\p
\v 19 Askámaĩnõ Labãoro ãwẽ txivorasĩ atõ rani mashko anõ iinã ãwẽ kavai wetsanamã. Askái ano ãwẽ nimaĩnõ, atõ voti vevo Raquẽl ãwẽ papã arí ravia ivo iwi yochĩrasĩ onẽkãki, ãwẽ shovonamã. 
\v 20 Askáki ãwẽ rayóse, arameu yora tanamamase kayashokĩ. 
\v 21 Kakĩ ãwẽ awerasĩ keyoki kawivaĩi, Eufrates waka pokevaĩi, Gileade mainamã matóyãwakiri kaí.
\p
\v 22 Ãwẽ askámaĩnõ 3 shavá tavákeanamãshorívi Labãone Jacó kayavai tanaki. 
\v 23 Anosho ãwẽ wetsamavo, venerasĩmamẽ mekikinanãvaíki, Jacótxõvaĩvo. Askávai vokĩ, 7 shavákaĩki, txivãtachívo, Gileade matóyãwakanamãsho. 
\v 24-25 Ano Jacopa peshé aká nokovaĩsho, ano arí peshé aovo, txivãvaĩyavõ. Askái aaivo yamepa ã rayósenẽ namáki ãwẽ oĩa Yové tachikarãsho vanai. “Oĩtso, Jacóki ichnái vanaroa”, akĩ.
\p
\v 26 Askáki ãwẽ rayósenẽ, Jacó meravaíki, tanamakĩ. “Awesakĩ ea mĩ parãvarãvai? Ẽ vakerasĩ pakã ashõ kawivarãtõ ea mĩ akãvarãvaikatá. 
\v 27 Awesainã ea parãvarãai, ea tanamáma mĩ kayashovairá? Okatsiinã ea mĩ tanamavairo mia ẽ saí imakeãvai metsáki, anõ koká ikí ivorasĩ tambornĩ harpa manesho. 
\v 28 Aská avaikĩ ẽ vavavo, ẽ vakerasĩ aká ea mĩ ato mekí amaómakasevi, iovai. Yora tanasma ivõ tanátinĩ mĩ ikarãvai. 
\v 29 Mato ichná ati roakamẽkĩ, shaváma namáki ẽ oĩa mĩ papã ravia Yové Koĩni ea tanamavai. ‘Oĩtso, Jacóki ichnái vanaroa’, ea avai. 
\v 30 Rama ẽ tanasai, mĩ shavá chinãi mĩ ovairívi. Askámẽkĩ awesainã erí ẽ ravia ivo yové yochĩrasĩ ea mĩ onẽvarãvairá”, akĩ.
\p
\v 31 Ãwẽ askámaĩnõ ãwẽ rayóse revíki. “Mia rakéshoi ẽ ivairívi, tanamamase kayavai. Mĩ vakerasĩ ea mĩ nĩnĩkãmísi iinã ẽ ivai. 
\v 32 Askámaĩnõ, mĩ ravia ivo yové yochĩrasĩ ivoro, neno yora wetsanamã mĩ meraa ivoro aaivo yora vopikatsa. Mĩ awe ichnáchta askásevi, nokẽ wetsamavorasĩni oĩníse neno mĩ meraa ivoro, vivaĩtánosho, roase minárvi”, akĩ. Aská akĩ ãwẽ yoãmẽkĩ ãwẽ aĩni onevai tanama.
\p
\v 33 Aská aka ãwẽ rayósenẽ, yové yochĩrasĩ meranõ iinã Jacopa peshé nakipari ikosho oĩvãki. Aská avaikĩ Liana ivonamã oĩi, ãwẽ mee ima aĩvo ravévakĩ rakánamã oĩi, ãwẽ akámẽkĩ meráma. Anosho kayakaĩvaí, Raquẽl peshepa erékosho oĩóki. 
\v 34 Askámaĩnõ camelõ papia anõ awe tĩi aká ivo maĩ rakáa. Aská aka Raquelro aa naki onevai matxi pãtesho tsaóa. Askáki ã peshepa keyoki ãwẽ oĩvãomẽkĩ merama.
\p
\v 35 Askáki anosho ãwẽ papa tanamakĩ, “papá, ẽ weníináma oĩinã ea ichnaroa, ea maĩ iki”, akĩ. Askáki ãwẽ yové yochĩrasĩ itimamẽkĩ merama.
\p
\v 36 Ãwẽ askámaĩnõ Jacopa ichnákéki ãwẽ rayóse aská akĩ. “Awesa ivo anõ itimatõ ẽ iki mĩ oĩinã? Mĩ tanáti awesa ivo mia ẽ ichnãkãtõsho rateki ea mĩ txivãvarãvairá? 
\v 37 Ramaro ẽ awerasĩ keyoki ea mĩ meskõkãai, miná keská wetsanã mĩ onãai? Neno potavarãta, awerasĩ, mĩ wetsama, ẽ wetsama aká veyó. Ato ivo anõpáraki ave oĩnõvo.
\p
\v 38 20 vari tavái nishõ mia mee ishõkõvarãai. Mĩ txivorasĩ, cabrarasĩ aká, atõ vake para ikí, westíchta pashkatakĩma. Txivo vene askásevi, westíchta richkĩsho mia piãmasevi ẽ ava avaĩchná. 
\v 39 Mĩ inárasĩ yoini oniparasĩni mia nachãkãmaĩnõ, eãse pãtemaí ená akátõse akí. Variké, yamé aká atõ onea ivorasĩ askásevi, ‘miã kopíma’, iinã ea yokái mĩ avaivaĩchná, chinãtso. 
\v 40 Askái ẽ nikaikaĩchná, varikéro vari amai, yaméro matsi amai. Awetii yamé ẽ oshá ichná apawarmẽ irawẽ. 
\v 41 Askáse, 20 vari mĩ shavapa ẽ nikaikaĩchná. 14 vari mia ẽ mee ishõmaĩnõ mĩ vake aĩvake ravévakĩ ea mĩ inãchná. Askái 6 vari mee iosho mĩ inárasĩ viói. Ẽ askámaĩnõ 10tíi akĩ ‘iná mia inãnõ’, iinã ea mĩ tanáki teki ashõpakevarãki. 
\v 42 Ẽ shenirasĩni Yové, Abraão raviti ivo, Isaquẽ rakéshopawa ivo, ea take akámaro, awe yama akĩ ea mĩ yonokeãi. Askámaĩnõ naaro Yové Koĩni ẽ onís awei mee iki ea oĩvaĩvaĩa. Askáshovísi, shaváma yamé mia vatxĩvai”, akĩ.
\p
\v 43 Ãwẽ askái vanamaĩnõ ãwẽ rayósenẽ aská akĩ. “Naa ẽ vakerasĩ, ẽ vavavo, yoinavorasĩ, katsése mĩ oĩarasĩ earvi, ato ivo. Askámẽkĩ arimẽse ea ato kawivaĩtĩpa. 
\v 44 Askásho ramaro neská tanáti tavámakĩnanãimai nõ shokonõ, anõshorívi noke ave onãtakĩ oĩnõvo”, akĩ.
\p
\v 45 Ãwẽ aská akatõsho, Jacopa shasho mashko vivaikĩ nitxĩníki. 
\v 46 Aská avaikĩ ãwẽ wetsamavorasĩ “shasho mashko masõnióna”, ato akĩ. Aská akĩ ato ãwẽ yonoatõsho, shasho masõnivaíki, aa tavásho piti naí ashõ ashkãsho pii mekikinanãvo. 
\v 47 Ano aská ashõ Labãone anekiro “Jegar Saaduta”, akí, Jacopa anekiro “Galeede”, akí atõ vanã ishõ anevakĩvo.\f + \fr 31.47 \fr*\ft Aramaicõ vana “Jegar Saaduta” ikíro “anõsho chinãmakinanãti mató”, askávaíse Hebraicõ vana “Galeede” ikíro aaivosevi\ft*\f*
\p
\v 48 Aská ashõ Labão vanaói. “Naaivo matopashõ nõ chinãmakinanãnõ”, iinã “Galeede”, akĩ anevo. 
\v 49-50 “Yavepa nõ ravé pashkávakĩmaĩnõ noke ave vesonõ. Ẽ vakerasĩ roakĩ oĩma, aĩvo wetsarasĩmẽ mĩ kẽea ivoro, ‘awesaivormẽ’, ẽ ikímẽkĩ, ãatõ ato oĩskatsa”, iinã “Mispa”, akĩ aneóki, Labãone.\f + \fr 31.49-50 \fr*\ft Hebraicõ vana “Mispa” ikíro “anõ vesoti ivo shavá” keská\ft*\f* 
\v 51 Askái ãwẽ rayóse vanaói. “Naa masoi, nitxĩi ẽ aká ivo noke tõovakĩ. 
\v 52 Shashõsho nõ chinãnanãnõ ravé. Eã nerishõ mia meskotĩpá. Miã arishõ ea mĩ meskotĩpásevi noke avévakĩa. 
\v 53 Nokẽ papavo, mĩ ochtxó Abraão, ẽ ochtxó Naor aatiisho atõ ravipaóa Yové noke meki ashõya ave ninõ”, akĩ.
\p Ãwẽ askámaĩnõ Jacó vanaói. “Ẽ papa Isaquẽ rakéshopawa ivo Yovepa anemẽsho tavámatima ivo mia ẽ ashõvere”, akĩ. 
\v 54 Askávaíki matopashõ yoini maki avaikĩ, ãwẽ wetsamavorasĩ ato kenavarãsho atonĩsho pivai oshai.
\p
\v 55 Askávai Labão shavá nakoi vesokaĩsho, ãwẽ vakerasĩ, ãwẽ vavavo aká ato mekí apavaíki ãwẽ vana roapa netãvaí, arimẽse iokaĩóti, ã maikirí.
\c 32
\s1 Jacopa ãwẽ take weníkarãa nĩkãti ivo yoã
\p
\v 1 Askái Jacó iokaĩmaĩnõ Yové Koĩni yonoa yovérasĩni meratachívo. 
\v 2 Askái ato oĩvai vanai. “Nenoro Yové Koĩni shokõa shavá keská”, ikĩ oĩinã naaivo shavá “Maanaim”, akĩ aneki.\f + \fr 32.2 \fr*\ft Hebraicõ vana “Maanaim” ikíro “shavá koĩkama ravévakĩ”\ft*\f* 
\v 3 Askáki ãwẽ take Esaú merakatsiinã yorarasĩ ato yonoki. Aaro Seir shavánamã niá, Edom mai naki. 
\v 4 Aská akĩ ato yonokatsiinã, ato tanamakĩ. “‘Jacó askáikatá’, ea ashõtatsoma. ‘“Earo Jacóvere, mĩ yonoa keská niá ea. Vari ãtsa tavái, nokẽ koka Labãonamã ẽ nikaikaĩna. 
\v 5 Inárasĩ naatii ea aya. Txasho, jumento, txivo, cabra, askávaíse ẽ mee ima yorarasĩ aká ea aya. Neská akĩ vana mia ẽ yonoshomaĩnõ roai enõ mekítso”, ikikatá’, ea ashõtsoma”, ato akĩ.
\p
\v 6 Aská akĩ ato ãwẽ yonovairasĩni oĩtani veshõ yoãshoávo. “Mĩ take nõ meratavai. Ma oa, 400 venerasĩnĩ”, akávo.
\p
\v 7 Aská akĩ atõ yoã nĩkãinã, Jacó rakéi ranóma, ãwẽ chinã tsakákẽwãi. Anoshose ãwẽ yorarasĩ avé shokoyavo, ãwẽ txivorasĩ, cabrarasĩ, txashorasĩ, jumentorasĩ, camelorasĩ aká ato oshkevakĩki. 
\v 8 Aská akĩ arí chinãki, “yora shokoa wetsa ẽ takẽ ato pakã amaĩnõro wetsarasĩro ave poshónõvo”, ikĩ chinãki. 
\v 9 Askái ano Yavénĩ vanai. “Yavepá, mia ẽ ochtxó Abraãonĩsho, ẽ papa Isaquẽ ravipaóa Yové mia. Ea mĩ aská avai. ‘Arimẽse mĩ maikiri mĩ wetsamavorasĩnamã iokaĩtátso. Ano mĩ nimaĩnõ roakakĩ mia ẽ nitxĩkatsa’, iinã ea mĩ yonovai. 
\v 10 Earo ichnárvimẽkĩ, enõ noípakĩ petxitima chinãsho ea mĩ vesokõvarãai. Roaka ivorasĩ ea mĩ ashõrívi. Jordão waka txĩtĩchtase otésho ẽ pokemtá, askámẽkĩ ramaro yora shoko ravévakĩ aya ea. 
\v 11 Ẽ takẽ, ea, ẽ aĩvorasĩ, ẽ vakerasĩ aatii yamamamísi iinã ãwẽ chinã onika ivo ea teashotso. 
\v 12 Mĩ chinãsaitĩ, ‘minõsho revokaĩarasĩ yorã tanátĩpa machi pototii ikatsai’, mĩ iti”, akĩ.
\p
\v 13 Askái aaivo yamé ano oshavaíki vesokaĩki ãwẽ inárasĩ wetsa kashma akĩ kavẽki, Esaú anõ onis akí kanosho iinã. 
\v 14 Aská akĩ 200 cabra aĩ, 20 ãwẽ vene, 200 txivo aĩ, 20 ãwẽ vene akĩ ato kavẽpakéki. 
\v 15 Aská avaikĩ 30 camelo aĩ, ãwẽ shoma akayavorasĩ, 40 txasho aĩ, 10 ãwẽ vene, 20 jumento aĩ, 10 ãwẽ vene aatii kavẽsho ato oshkepakéki. 
\v 16 Aská akĩ yoinavorasĩ ato oshkepakevaíki ato ãwẽ mee ima yorarasĩ ato vesomapáki. Askávai vanai. “Neská atsoma vevovaĩi, wetsa atxõ, wetsa atxõ akí orapachta shokovaĩtsoma”, iinã ato tanamakĩ.
\p
\v 17 Aská avaikĩ vevokaĩya ivo tanamakĩ. “Ẽ takẽ veyatachísho mia nĩkãkatsa. ‘Tsoarkĩ mĩ kakáyanã? Awetonamã mĩ kaará? Tsoanárkĩ naa yoinavorasĩ mĩ kawivãanã?’ iinã mia ãwẽ nĩkãmaĩnõ, 
\v 18 neská akĩ revítso. ‘Naa yoinavorasĩro Jacó, mĩ yonoa ivo keskáná. Mia ivosho, anõ mia onis ati, miaravĩki ãwẽ yonoa nõ kawivarãa. Aa askásevi, aa noke txipo oa’, atso”, akĩ yosĩki. 
\v 19 Aská avaikĩ atxõ shokoyavo wetsa, atxõ shokoyavo wetsa, iná vesoyavorasĩ aatii ato tanamaóki. “Matõ Esaú nokovaĩsho inárasĩ askásevi akĩ yoãoshotsoma. 
\v 20 Askávaíse, ‘Jacó noke txipo oa’, aotsoma”, akĩ. Aská akĩ, “onis akĩ awe vevo ẽ yonoshoatõsho, ẽ take rawekatsa taíse. Ẽ meramatõsho, enõ mekískatsa taíse”, ikĩ chinãki. 
\v 21 Aská akĩ anõ onis ati awerasĩ vevo yonovaí peshénamã oshai.
\p
\v 22 Askái aaivo yamepáse weníkaĩki Jaboque ivo teã atonĩsho pokevaĩi, ãwẽ aĩvorasĩ, ato ãwẽ mee ima ravévakĩ, ãwẽ vakerasĩ 11 akánĩ. 
\v 23 Askávaíki arimẽse iokaĩsho, ãwẽ awerasĩ pokékemaóvai 
\v 24 aríse niakéi txipo. Askánamãsho yora wetsa tachikarãsho avé wea ikinanãi, ii ii shavá mashtévo. 
\v 25 Aská akĩ wea akĩ akátĩpa tanainã ãwẽ kichi shao txiwánamã tsipískãki. 
\v 26 Aská avaí vanai. “Ea ene, ma shaváai”, ãwẽ imaĩnõ, “vana roapa ea mĩ netãma ivoro, ea mia enetĩpa”, akĩ Jacopa.
\p
\v 27 “Mĩ ane awerá?” ãwẽ imaĩnõ “earo Jacó”, akĩ.
\p
\v 28 “Rama mia anekiro ‘Jacó’ mia aotĩpá. Venerasĩ, Yové akánĩ mĩ wea ikinanãki miãse mĩ aka, askásho rama mĩ anero ‘Israelvere’”, akĩ.\f + \fr 32.28 \fr*\ft Hebraicõ vana “Israel” ikíro “Yovénĩ wea ikinanãa” \ft*\f*
\p
\v 29 Ã aská akatõsho, “miã mĩ ane awerá”, iinã ãwẽ nĩkãtõsho, “awesainã ẽ ane mĩ nĩkãtsikirá?” akĩ. Aská avaikĩ anosho ãwẽ vana roapatõ Jacó netãki.
\p
\v 30 Ãwẽ aská akatõsho, Jacó vanai. “Yové Koĩ kayakavi ẽ oĩmẽkĩ, ea vopima”, iinã aaivo shavá aneki “Peniel”, akĩ aneki.\f + \fr 32.30 \fr*\ft Hebraicõ vana “Peniel” ikíro “Yovepa vesó”\ft*\f* 
\v 31 Askái shavá nakoi vari tachiinámaĩnõ Jacó Penielnamãsho\f + \fr 32.31 \fr*\ft Hebraicõ vana “Peniel” wetsaro “Penuel”\ft*\f* nití nitii kaí, ãwẽ kichi shao tsipískméyasho. 
\v 32 Askásho rama shavapa Israel yorarasĩ kichi txiwá nami pimísmavo, ano ãwẽ tsipískmemtakiri chinãsho atõ ikí.
\c 33
\s1 Jacónĩ Esaú meránanãti ivo yoã
\p
\v 1 Askái Jacopa ãwẽ take, venerasĩ 400 akánĩ tachivarãa oĩinã, ãwẽ vakerasĩ ato shokõpakéki, ravéro Lianĩ, ravéro Raquelnĩ, ravéro ãwẽ mee ima aĩvo ravévakĩnĩkĩ apáki. 
\v 2 Aská avaikĩ ã mee ima aĩvorasĩnĩ ashõ ãwẽ vakerasĩ ato vevomakĩ. Aská avaikĩ Lianĩ ãwẽ vakerasĩro atotxõ shokõi, avaikĩ Raquelnĩ Joséro txipochta ato shokõóki. 
\v 3 Anosho Jacopa vevokaĩki, 7tíi maĩ vetĩ ipa ipái kakĩ nokovaĩki.\f + \fr 33.3 \fr*\ft Aaivo tanátiro yora vevoké anõ eséyakĩ aká\ft*\f*
\p
\v 4 Ãwẽ aská oĩinã Esaupa meravaí, erékarãki atxivaĩvaí, tetsõvaĩsho, mekí avaí, avé wai ikí. 
\v 5 Askávaíki ãwẽ oĩa aĩvorasĩ vakerasĩ aká kesó shokoa meravaíki nĩkãki. “Naa mivé shokoyavorasĩnã tsoarasĩrá?” akĩ.
\p Ãwẽ askámaĩnõ, “naa vakerasĩro Yové Koĩni ea inãchná”, akĩ Jacopa.
\p
\v 6 Ãwẽ askámaĩnõ ãwẽ mee ima aĩvorasĩ ãwẽ vakerasĩ aká Esaú niá veyó shokoi voshõ maĩ vetsek ipaóvo. 
\v 7 Askávai txipo Lia, ãwẽ vakerasĩ akánĩ tachikaĩsho askásevioi. Askái enékékasho Josénĩ Raquel tachivaĩósho, aa veyó maĩ vetsek ipaóvo.
\p
\v 8 Askávaíki nĩkãnióki. “Naa vaĩsho ẽ meravainã awesá yoinavorasĩrkĩ?” ãwẽ imaĩnõ, “naarasĩro mia anõ mekímati”, akĩ.
\p
\v 9 Ãwẽ askámaĩnõ, “ea ãtsaka aya, také, naaro minárasĩrvi”, akĩ.
\p
\v 10 Ãwẽ aská akatõsho, “ea veyãkãroa. Enõ mĩ mekíakiri chinãsho virí. Awesáma, mĩ vesóro Yové vesó keská mia ẽ oĩa. Roakai enõ mĩ mekíai. 
\v 11 Neská akĩ, miaravĩki mia ẽ vishõvarãa ivo iná ‘ẽ viámasnõ’, iroa. Ea ãtsaka ayasevi. Yové Koĩni roapa ivo ea ashõrívi”, akĩ. Anosho akirishõka ãwẽ otxi inãkatsikitõsho, anõ akĩ.
\p
\v 12 Aská avaí vanai. “Ase, ashkã nõ vonõ, voãna”, 
\v 13 ãwẽ imaĩnõ Jacopa revíki. “Otxí, naa ẽ vakerasĩ ea aya, rayámakavo. Naa txivo, txasho, ãwẽ vake shoma amaya, atõ vake aká roakakĩ ẽ vesonõ. Miãro mĩ tanasaitĩ. Vestẽkai shavá westíkaĩsa roasemẽkĩ ẽ inárasĩ vopimísi. 
\v 14 Miapari vevokaĩta. Earo txipo atõ kochia keskái tanáchta ẽ ikãkaĩi kakĩ, mĩ anõ niá Seir shavá nokoi kanõ”, akĩ.
\p
\v 15 Askámaĩnõ ã takẽ aská aoki. “ẽ shokõkenavo wetsa mia eneshonõ askáro, mia ave raro akõvaĩnõvo”, akĩ tanamakĩ.
\p Ãwẽ aská akatõsho, “askáma roase, roakakĩ ea ma mĩ meramai oa”, akĩ. 
\v 16 Askávai ãwẽ take aaivo shavapasevi Seirnamã arimẽse iokaĩói. 
\v 17 Askámaĩnõ Jacóro Sucotenamã kaí. Anosho arí shovo akí ãwẽ inárasĩ peshé ashõói akĩ. Aská ashõ ano aaivo shavá “Sucote”, akĩ aneki.\f + \fr 33.17 \fr*\ft Hebraicõ vana “Sucote” ikíro “peshé”\ft*\f*
\p
\v 18 Askáti Jacó, ãwẽ rayóse niá Padã-Arãnamã nitãi Canaã mainamã arimẽse iokarãóti. Askái cidade Siquémnamã roaise nokói oshõ ano orakama peshé akĩ. 
\v 19 Anosho Siquemni papa Hamor, ãwẽ vakerasĩni mai ato viãovaíki kopímati 100 prata ato inãki. 
\v 20 Askái anõ maki ati tapo tsaõnivaíki “El Elohe Israel”, akĩ aneki.\f + \fr 33.20 \fr*\ft Hebraicõ vana “El Elohe Israel” ikíro “Yovéro Israẽl Yové”\ft*\f*
\c 34
\s1 Jacopa aĩvake Siquém yorarasĩni ati akãtivo ivo yoã
\p
\v 1 Askái shavá wetsã, Jacopa vake Liamẽsho ã merachna Diná ivo, ano atõ shokoanamã kanívenarasĩ pokéshonõ iinã kaí. 
\v 2 Ano heveu yora Hamor niá, kakáya. Askái ato pokéshonõ iinã ãwẽ kamaĩnõ, ãatõ vake Siquemni, Jacopa vake atxi atxiki. 
\v 3 Aská ashõ aĩvomẽ petxikima nishõ noíki. Askái txipo roakai avé vanai. 
\v 4 Askávaíki ãwẽ papa Hamor “ea yokak ishõ”, iinã tanamakĩ.
\p
\v 5 Askámaĩnõ Jacopa, ãwẽ vake ãwẽ atxĩ atxĩai ikí nĩkãinã ã takevo ato yoãshoáma, iná shokoanamã atõ itãi veá manáki.
\p
\v 6 Askái Siquemni papa Jacó chinãvaĩi kaí avé vananõ iinã. 
\v 7 Askámaĩnõ, ãwẽ vakerasĩni wai matxi itãi tachivarãsho nĩkãtachívo, onísi, ichnákéi akávo. Awesáma, Siquém anõ itimatõ ikí, Jacopa ãwẽ vakerasĩnĩsho nĩkãnése.
\p
\v 8 Askávaitxinĩ Hamor atonĩ vanai. “Ẽ vakẽ matõ vake roa aka askámaĩnõnã, ea mã oĩmashõtirá? 
\v 9 Nõ wetsama ikinanãnõ, nokẽ shavo viãnanãsho nõ shokonõ. 
\v 10 Nenose shokokésho nokenĩ shaváyarína. Marí mã roakanamãrvi mai kopímavai shokosho, matõ marí chinãtõ ikírvi shokotsoma”, ato akĩ.
\p
\v 11 Anosho ãatõ vakẽ Dinapa papa, ãwẽ takevorasĩ aká ato tanamakĩ. “Mato ẽ chinãshoa ea mã anõ aka ivoro, mã chinã ivorasĩ mato ẽ ashõókatsa. 
\v 12 ‘Naatii noke onis arí’, mã imaĩnõ mato ẽ inãskatsa. ‘Aatishõ’, mã imaĩnõ ẽ kopímaókatsa aká, Dinámẽsho. Askámaĩnõ aĩvoro ea yonoshotsoma, ẽ oĩnõ”, akĩ.
\p
\v 13 Aská akĩ atõ take aĩvake atxĩ atxĩvaitõsho, ãwẽ vakerasĩniro, aa, ãwẽ papa aká anõpakĩka revíma ikívo, parãsvo. 
\v 14 Atovo neskái vanavo. “Yora askátõ nokẽ aweshavo noke oĩkãtĩpá. Ina repã retás ikitámasho noke ravĩmamísi. 
\v 15 Nokẽ tanátinĩpari itsoma. Mato venerasĩ ‘ashkã nõ inõ’, mã imaĩnõro, noke mã yokáa mato nõ ashõkatsa. 
\v 16 Aská ivõ mã ikíro nõ shavo ikinanãkatsa. Mato nakosho nõ vesovaĩkatsa. Õsíkesho yora westíse keskásho nõ shokokatsa. 
\v 17 Askámẽkĩ nokẽ vana mã anõ akáma, retás ikitáma ivoro, nokẽ aweshavo vivainii nõ vokatsai”, akávo.
\p
\v 18 Atõ askái vanamaĩnõ Hamornĩ Siquém ato vana anõ akĩ. 
\v 19 Siquémro ãwẽ papã wetsamavorasĩni oĩtanapa ivo yora, askásho ãatõro Jacopa vake petxĩkima chinãinã aaparika vevo retás ikí. 
\v 20 Ano askái mashtévaí, aa, ãwẽ papa aká voshõ, cidade kepoti sawéanamãsho avé shaváyaivo atonĩ kãtxísho yoãvo. 
\v 21 “Naa yorarasĩro chinã raweyavo yora. Neno shaváyashõ, atõ chinãtõ ikírvi ave shokonõvo. Mairo itãtimarvi atõ anõ shokokatsa. Aská ashõ atonĩ nõ shavo ikinanãnõ. 
\v 22 Noke venerasĩ atõ ikítõ ishõ ashkã nõ retás imaĩnõro, nokenĩ õsíkesho shokokatsavo. 
\v 23 Atõ inárasĩ atõ awe wetsarasĩ aká nokená keskáse ikatsai. Askásho nõ ishõnõ, avé shaváyashõ nõ shokonoshõ”, ikívo.
\p
\v 24 Askái ano cidade kepoti sawéanamãsho venerasĩ, atõ vana anõ avaí ashkã retás ipái voávo. 
\v 25 Askái, 3 shavá tavákeanamãsho atõ tsewe tee iki kavimamaĩnõ, Jacopa vakerasĩ Simeão, Levi aatii atõ kewãa vivainii atõ cidadenamã voshõ venerasĩ kopimakĩmáse ato yamamávo. 
\v 26 Aská akĩ Hamornĩ Siquém yamamavaikĩ, atõ aweshavo Siquém shavánamãsho ewevarãóvo. 
\v 27 Askávai txiposho Jacopa vake wetsarasĩni yora yamayarasĩ atõ awe kochãkãi, atõ shavapa awerasĩ tĩi ikí ivo vii akávo, atõ take aĩvakemẽ kopitáki. 
\v 28 Aská avaikĩ atõ inárasĩ askásevi aoi akávo, atõ txivorasĩ, txashorasĩ, jumentorasĩ, atõ shavapa katxía awerasĩ, waĩ awerasĩ akárasĩ kawĩvaĩóvo. 
\v 29 Aská avaikĩ, aĩvorasĩnĩ vakerasĩ askásevi aovo, maví akĩ, avaikĩ atõ shovo naki awerasĩ kawĩvaĩóvo.
\p
\v 30 Atõ askámaĩnõ atõ papã Simeão Levi aká ato aská akĩ. “Ea mã ichná aka. Ramaro cananeu yorarasĩ, perizeu yorarasĩ aatii ea ato mã ichnamakatsai. Nokero ãtsapamarívi, atovõro õsí õsítãsho ẽ vakerasĩnĩkĩ ea keyokatsavo”, akĩ.
\p
\v 31 Ãwẽ askái vanamaĩnõ revívo. “Mã ase roase askámẽkĩ, ãatõ nokẽ take, vesãkara shavo akátõse noke akãvaikatá”, akávo.
\c 35
\s1 Jacó arimẽse Betelkiri iokarãti ivo yoã
\p
\v 1 Askávai txipo Yové Koĩni Jacó tanamakĩ. “Earo Yové mĩ take kayashoi mĩ kamaĩnõ Betelnamãsho mia meramayãta ivo ea. Ramaro ano shaváyatso, ano nokósho anõ maki ati tapo earavĩki ea ashõtso”, akĩ.
\p
\v 2 Ãwẽ aská akatõsho, ãwẽ vakerasĩ, ãwẽ shokõkenavo aká ato tanamakĩ. “Yora shoko wetsarasĩni yové yochĩ, mã ravia ivorasĩ potana. Matõ chinã roavaíki õpo wetsa vená arína. 
\v 3 Askávai Betelnamã nõ vonõ. Anosho, ẽ onís awemaĩnõ ea take apawaya ivo, ẽ niátipakĩ ea eneimai niaya ivo Yové Koĩ anõ maki ati tapo ẽ ashõnõ”, ato akĩ.
\p
\v 4 Ãwẽ askámaĩnõ, yové yochĩ atõ toĩa ivorasĩ, pãtxõ osõti akárasĩ, Jacó keyoki atõ inãatõsho, Siquém shavá orakama iwi anika tavá maĩ oneki. 
\v 5 Askái atõ vomaĩnõ Yové Koĩni ato kesotõ shaváyai ivorasĩ ato raket akĩ. Ato ãwẽ aská akatõsho, Jacónĩ ã vakerasĩ meskoma ikívo.
\p
\v 6 Askái, Jacó ãwẽ shokõkenavonĩ “Luz” akĩ atõ anea shavá nokoki, ãwẽ ane wetsaro Betel, Canaã mai naki. 
\v 7 Anosho, anõ maki ati tapo avaikĩ “El-Betel”, akĩ aneki.\f + \fr 35.7 \fr*\ft Hebraicõ vana “El-Betel” ikíro “Yovepa shavá”\ft*\f* Awesáma, anosho Yové Koĩni oĩmayãtá, ãwẽ take kayashovainii ãwẽ kamaĩnõ.
\p
\v 8 Askái, anosho Débora, Rebeca vesoya ivo aĩvo vopii. Betel orakama iwi carvalho tavá onetivo, askásho “Alom-Bacute”, akĩ anetivo.\f + \fr 35.8 \fr*\ft Hebraicõ vana “Alom-Bacute” ikíro “rona iwi”\ft*\f*
\p
\v 9 Askávai txipo askákarãi Padã-Arãnamãsho ãwẽ omaĩnõ Yové Koĩni meraósho, vana roapa netãki. 
\v 10 “Mĩ anero ‘Jacó’ askámẽkĩ rama mia anekiro ‘Jacó’ mia aotĩpá. Rama mĩ anero ‘Israelvere’”, akĩ anesho eneki. 
\v 11 Aská avaikĩ tanamaóki. “earo Yové Weeya ivo. Ãtsa akĩ ato revomatso. Askái minõsho yora shoko wetsa, arí wetsai shokopakéa aká shovivaĩkatsa, atomẽsho kakáya mestẽka ivorasĩ merákatsavo. 
\v 12 Abraãonĩ Isaque mai ato ẽ inãti ivo mia ẽ inãókatsa, ato mĩ revomaivorasĩ askásevi akĩ ato inãi ẽ akatsai”, akĩ tanamakĩ. 
\v 13 Askái anosho Yové Koĩ Jacónĩ vanai mashtékaĩi weníkaĩi.
\p
\v 14 Askái ãwẽ vana vananamãsho, Jacopa shasho mashko masõníki voró akĩ. Aská avaikĩ, aká ivo ene, azeite sheni akátõ matxi mavó ashõ eneki. 
\v 15 Askái Yové Koĩ vananamã “Betel”, akĩ aneki.
\s1 Raquel vopiti ivo yoã
\p
\v 16 Askávai txipo Betelnamãsho weníkaĩi, ãwẽ vakerasĩnĩ. Askái ã kaanamãsho, Efrata atõ aká omakaĩanamãsho, Raquel tõo nene avawãki. Askái ãwẽ vake rayá pakéma. 
\v 17 Askáki, ãwẽ mai avawãmaĩnõ too imayatõ aská akĩ. “Rakéroa, venevake wetsa mia aya ikatsai”, akĩ tanamakĩ. 
\v 18 Askámaĩnõ Raquẽl vopikatsiinã, “Benoni”, akĩ aneki.\f + \fr 35.18 \fr*\ft Hebraicõ vana “Benoni” ikíro “ẽ anõ onís awea vake”\ft*\f* Askámaĩnõ ãwẽ papã anekiro “Benjamim”, akĩ.\f + \fr 35.18 \fr*\ft Hebraicõ vana “Benjamim” ikíro “ẽ mekiri ivo vake” \ft*\f* 
\v 19 Askái ãwẽ vopimaĩnõ Efrata vai kesó onevo, rama “Belém” akĩ atõ aneanamã. 
\v 20 Askái, ãwẽ aĩ onéanamã shasho mashko masõníki voró ashõ eneki, anõsho ã onéa onãtakĩ oĩti iinã. Aaivo voró rama niisa.
\p
\v 21 Askái anosho iokaĩi, “Migdal-Eder”, atõ akánamã peshé ashõ nioi kaí.\f + \fr 35.21 \fr*\ft Hebraicõ vana “Migdal-Eder” ikíro “inárasĩ shokoanamã voró”\ft*\f* 
\v 22 Askái aaivo maĩ ãwẽ niánamãsho, ã vake Rúbeni, ã papã rakãa aĩvo Bila ivo meskõkãki. Ãwẽ aská akãa, ãwẽ papã tanaki.
\s1 Jacopa merávo ivo yoã
\p Aatiã Israel 12 vake venevake aya.
\p
\v 23 Naatíiro Lia ivomẽsho ãwẽ merati. Rúbenro vevoké, atxõyavoro Simeão, Levi, Judá, Issacar, Zebulom aká.
\p
\v 24 Naatíiro Raquel ivomẽsho ãwẽ merati, José, Benjamim aatíi.
\p
\v 25 Naatíiro Bila, Raquel mee ishõyamẽsho ãwẽ merati, Dã, Naftali aatíi.
\p
\v 26 Askámaĩnõ, naatíiro Zilpa, Lia mee ishõyamẽsho ãwẽ merati, Gade, Aser aatíi. Naarasĩ katsésero Padã-Arãnamãsho ãwẽ merati.
\s1 Isaque vopiti ivo yoã
\p
\v 27 Askái Jacó ano nishõ ãwẽ papa Isaque Manre mainamã niá oĩnõ iinã chinãvaĩi kaí. Aaivo mairo Quiriate-Arba akĩ atõ anea orakama, ãwẽ ane wetsaro Hebrom, ã papa Abraãonĩ ãwẽ nipawanamã. 
\v 28 Askái Isaque 180 vari niti. 
\v 29 Sheniwetsa mashtésho ãwẽ papavo merai kati. Askámaĩnõ ãwẽ vakerasĩni, Esaúnĩsho Jacopa onetivo.
\c 36
\s1 Esaupa merávo ivo yoã
\p
\v 1 Naaivo yoãro Esaú, ãwẽ ane wetsa Edom, ato ãwẽ revomati yoã.
\p
\v 2 Askái Canaã maĩ shavo ravé akĩ ninivarãki. Adaro, heteu yora, Elomnẽ vake. Wetsaro Oolibama, Anapa vake, Zibeão heveu yorã shokó. 
\v 3 Askávai txipo, Basemate, Ismaẽl vake ninivarãsho aĩ aoki. Aaivo ãwẽ aĩro Nebaiotẽ aweshavo. 
\v 4 Aská akĩ aĩ ashõ, Adamẽsho, Elifaz meraki, Basemate ivomẽshoro Reuel meraki. 
\v 5 Askámaĩnõ Oolibama ivomẽshoro Jeús, Jalão, Corá aatii meraóki. Naarasĩro Esaupa vake venevakerasĩ Canaã mainamã nishõ atõ ãwẽ merati.
\p
\v 6 Askávai Esaú anosho tekii, ãwẽ aĩvorasĩ, ãwẽ vakerasĩ, ãwẽ inárasĩ, Canaã mainamã nishõ ãwẽ merakenaa awerasĩ aká, kawivaĩi kaí, ora ãwẽ take Jacó enekésho nii kaí. 
\v 7 Awesáma, atõ awe ãtsai, mai ichtóchtasho, atõ inárasĩ mashkái. 
\v 8 Askásho, Esaú, ãwẽ ane wetsa Edom, mató keyáka Seirnamã nii kati.
\p
\v 9 Askái naatíiro Esaupa merávo, edomita yorarasĩ, mató keyáka Seirnamã shokoarasĩ.
\p
\v 10 Ãwẽ vake venevakerasĩni anero naatíi. Esaupa Adamẽsho meratiro Elifaz. Reuelro Basematemẽsho ãwẽ merati aká. 
\v 11 Naatíiro Elifaznẽ vake venevakerasĩ, Temã, Omar, Zefo, Gaetã, Quenaz aatíi. 
\v 12 Askái Elifaz, ãwẽ rakãa aĩvo, Timnamẽsho, vake wetsa meraki, ãwẽ anero Amaleque. Askái atovo katsésero Ada Esaupa aĩ wetsa ivõ vavavo.
\p
\v 13 Askámaĩnõ Reuel vake venevakerasĩro naatíi, Naate, Zerá, Samá, Mizá aatíi. Askái naatíiro Basematemẽsho revoa, Esaupa aĩ wetsa ivo.
\p
\v 14 Askámaĩnõ naa vake venevakerasĩro Esaupa Oolibamamẽsho merati, Jeús, Jalão, Corá aatíi. Askái Oolibamaro Anapa vake aĩvake, Anapa paparo Zibeão aká.
\p
\v 15 Naarasĩro Esaupa ato revomaa kakáyarasĩ. Ãwẽ vake vevokéro Elifaz. Ãatõ vake venevakerasĩro naatíi, Temã, Omar, Zefo, Quenaz, 
\v 16 Corá, Gaetã, Amaleque, aatíi. Aatíiro Adamẽsho revoa kakáyarasĩ, Edom mainamãsho pakétivo.
\p
\v 17 Askámaĩnõ Esaupa vake wetsa Reuẽl vake venevakerasĩro naatíi. Kakáyarasĩro Naate, Zerá, Samá, Mizá aatíi. Atovoro Reuẽl ato revomaa, Edom mainamãsho pakétivo, Esaupa aĩ Basematẽ vavavo.
\p
\v 18 Askámaĩnõ naarasĩro Esaupa aĩ wetsa Oolibamã vake venevakerasĩ. Kakáyarasĩro Jeús, Jalão, Corá aatíi. Kakáya naatíiro Anapa vake aĩvake Oolibamamẽsho revoarasĩ.
\p
\v 19 Naarasĩ katsésero Esaú, Edom akĩ atõ anea ivomẽsho revoa kakáyarasĩ.
\s1 Seirpa merávo ivo yoã
\p
\v 20 Naarasĩro Seir, horeu yorã vake venevakerasĩ, Edomnamã shokoyavo, Lotã, Sobal, Zibeão, Aná, 
\v 21 Disom, Eser, Disã aatíi. Atovo katsésero horeũ kakáyarasĩ, Edom mainamã.
\p
\v 22 Naarasĩro Lotãne vake venevakerasĩ, Hori, Hemã aká. Askámaĩnõ Timnaro Lotãne take aĩvake.
\p
\v 23 Naarasĩro Sobãl vake venevakerasĩ, Alvã, Manaate, Ebal, Sefô, Onã aatíi.
\p
\v 24 Naarasĩro Zibeãone vake venevakerasĩ, Aiá, Aná aká. Naaivo Anáro ãwẽ papa Zibeãone jumentorasĩ wasi ato pimanõ iinã kawivaĩi kakĩ, askata wenẽnamã wakapasha shanaka tsaóa ivo meramtáya.
\p
\v 25 Naarasĩro Anapa vakerasĩ, venevake ivoro Disom, aĩvakero Oolibama aatíi.
\p
\v 26 Naarasĩro Disomne vake venevakerasĩ, Hendã, Esbã, Itrã, Querã aatíi.
\p
\v 27 Naarasĩro Esẽr vake venevakerasĩ, Bilã, Zaavã, Acã aatíi.
\p
\v 28 Naarasĩro Disãne vake venevakerasĩ, Uz, Arã aatíi.
\p
\v 29 Naarasĩro horeu yorarasĩnĩ kakáyavorasĩ, Lotã, Sobal, Zibeão, Aná
\p
\v 30 Disom, Eser, Disã, aatíiro horeu yorã kakáyarasĩ, Seir mainamã.
\s1 Edom maitioi kakáyavo, Edom shavá naki kakáyavo aká ivo yoã
\p
\v 31 Naaivo kakáyarasĩro Edom maitioi kakáya ipawayavorasĩ, Israel yorarasĩni kakáya shovikatsa vevo.
\p
\v 32 Beláro, Beorpa vake venevake, Edomnamã kakáya, ãwẽ anõ kania cidade anero “Dinabá.”
\p
\v 33 Anosho Belá vopimaĩnõ Jobabe, Zerapa vake, ãwẽ shanẽne niakéi. Zeráro Bozranamã niá yora.
\p
\v 34 Anosho Jobabe vopiómaĩnõ, temanita yora Husã, ãwẽ shanẽne niokeói.
\p
\v 35 Anosho Husã vopiómaĩnõ, Hadade, ãwẽ shanẽne niokeói, ãwẽ anõ kania cidade anero “Avite.” Hadadẽ paparo Bedade, midianita yorarasĩ ato keyokeãmtáya, Moabe mainamãsho.
\p
\v 36 Anosho Hadade vopiómaĩnõ, Samlá ãwẽ shanẽne niokeói, ãwẽ anõ kania cidade anero “Masreca.”
\p
\v 37 Anosho Samlá vopiómaĩnõ, Saul, ãwẽ shanẽne niokeói, ãwẽ anõ kania cidade anero “Reobote”, Eufrates waka orakama.
\p
\v 38 Anosho Saul vopiómaĩnõ, Baal-Hanã, Acbõ vake, ãwẽ shanẽne niokeói.
\p
\v 39 Anosho Baal-Hanã, Acbõ vake, vopiómaĩnõ, Hadar\f + \fr 36.39 \fr*\ft Hebraicõ vana wichánamãro wetsã anero “Hadar”, wetsã akáro “Hadade” aká \ft*\f* ãwẽ shanẽne niokeói, ãwẽ anõ kania cidade anero “Paú”, ãwẽ aĩni anero “Meetabel”, Matredẽ vake, Me-Zaabẽ shokó.
\p
\v 40 Naaivo mai naki kakáyarasĩro Esaupa ato revomaa. Atõ anerasĩ ikítõsevi ikí, aaivo nawavo, aaivo nawavo ikí, atõ mai askásevi, ipá oa aká. Askásho atõ anerasĩro naatíi, Timna, Alva, Jetete 
\v 41 Oolibama, Elá, Pinom, 
\v 42 Quenaz, Temã, Mibzar, 
\v 43 Magdiel, Irã aatíi. Askásho Edom mai naki kakáyarasĩ, arí shavá ivopakesho shokovo. Askáti Esaú, edomita yorarasĩ revomayãtáya.
\c 37
\s1 Josepa namáti ivo yoã
\p
\v 1 Jacó Canaã mainamã niakéi, ãwẽ papa nipawanamã. 
\v 2 Aská naaivo yoãro Jacopa vakerasĩ yoã. Aatiã ãwẽ vake José ivo 17 vari aya. Askásho ãwẽ takevonĩsho inárasĩ vesoi niá. Ãwẽ papã aĩvorasĩni vakerasĩ, Bilã vakerasĩ, Zilpã vakerasĩ aká, ato take akĩ. Atõ kanémaĩnõ, ãwẽ papa yoãshoi akí niá. 
\v 3 Aatiã Israel José ivomẽse noíi, sheniwetsanamãsho ãwẽ meraásho. Askámaĩnõ ãwẽ takevomẽro noí askákama. Askáinã õpo anõsho kawã keyáka ivo avaikĩ inãki. 
\v 4 Ãwẽ takevo, atõ papa Josémẽse noíi, atomẽro askákai noíma aká oĩinã atõ chinãne mastasvo, avé roai vanamase ikívo.
\p
\v 5 Aská shavá wetsã Josepa ãwẽ namáa, ãwẽ takevo ato yoãshokĩ. Aská akĩ ãwẽ yoãmaĩnõ ãwẽ takevõ ichnaki maí maí aa akavo.
\p
\v 6 “Neská akĩ ẽ namáai, mato yoãshonõ, nĩkãtsoma. 
\v 7 Wai matxisho, trigo nõ sevipakémaĩnõ, ená seviro weníinái. Ãwẽ askámaĩnõ matõ mã seviarasĩro ená shetí ayaketãsho kakópakepakésho shokoa ẽ namáai”, iinã ato yoãshokĩ.
\p
\v 8 Aská akĩ ato ãwẽ yoãshomaĩnõ, ãwẽ takevõ revínívo. “Mia kakáya shovisho, noke yonoya shovikatsiinã mĩ ikíra?” akávo. Askáki ichna aosvo ãwẽ namá ato ãwẽ yoãshomaĩnõ.
\p
\v 9 Askávai shavá wetsã namá wetsa ãwẽ takevo ato yoãoshokĩ “rama neská akĩ ẽ namáóai. Vari, oshe, 11 ichi aatii ea veyó yora keská vetĩ ipásho masotachívo, ẽ namáai”, iinã ato yoãoshokĩ.
\p
\v 10 Aská akĩ ãwẽ papanĩ ãwẽ takevo, ato ãwẽ yoãóshomaĩnõ, ãwẽ papa vatxin ikí vanai. “Namá wetsakara. Ea, mĩ ewa, mĩ takevo, aká, mia veyó rãtí ipásho maĩ vetsek ipásho noke masotĩpáka”, akĩ. 
\v 11 Askáinã ãwẽ takevõ naíshoávo, askámaĩnõ ãwẽ papãro “awe ãwẽ namárakĩ?” iinã chinã chinãvãki.
\p
\v 12 Askái shavá wetsã, Josepa takevo atõ inárasĩ kawivaĩi, Siquém shavá wetsa orakama voávo. 
\v 13 Askávaĩi atõ vovaitxinĩ, Israẽl José tanamakĩ. “Mĩ takevõ atõ inárasĩ vesoi shokovo, Siquém orakama, askásho atõ shokoanamã mia yononõ, orí”, ãwẽ imaĩnõ, “ẽe ase”, ikĩ revímaĩnõ, 
\v 14 “mĩ takevo, atõ inárasĩ aká roaseraki oĩta. Oĩtani oshõ, ea yoãshoi onosho”, iinã Hebromnamãsho José yonoki. Ãwẽ aská akatõsho, kaí, Siquém omakaĩsho venó venókawãi.
\p
\v 15 Askái niitero ãwẽ venó venókawãmaĩnõ, yorã meratachísho nĩkãki. “Awe mĩ aavãra?” akĩ.
\p
\v 16 Ãwẽ aská akatõsho, revíki. “Ẽ takevo ẽ itimáa. Inárasĩ vesoi atõ shokonã atonamãrá?” 
\v 17 ãwẽ imaĩnõ, “ma vovaivo. ‘Dotãnamã nõ vokatsai’, ikí vanavo ẽ nĩkãvai”, akĩ revíki. Aská nĩkãvaí, José ãwẽ takevo itimakõvaĩi kaí, Dotã orakamasho ato merai kakĩ.
\p
\v 18-20 Aská José orashóse ãwẽ kaa meravaíki, “oa, namákaya, nõ yamamanõ”, ikĩ chinãmakinanãvo. “Verína, ramase yamamavaikĩ wakapasha shãtopa nõ õtxinõ. Aská avaikĩ, ‘yoinikã pivai’, nõ inõ. Ramaro ãwẽ namárasĩ awesakatsíki nõ oĩnõ”, ikívo.
\p
\v 21 Rúben atõ askái vana nĩkãinã Josémẽsho ikĩ, “askáma, yamamáma. 
\v 22 Ãwẽ imi ichná akáma, neno askata wenẽne, shãtó sawéatõ mã õtxiro roase, askámẽkĩ meskotsomároa”, ato akĩ. Rúbeni aská akĩ pashamakatsikí, arimẽse ãwẽ papanamã yononoshõ iinã.
\p
\v 23 Aská Josepa ãwẽ takevo nokovaĩsmaĩnõse ãwẽ õpo anõsho kawã keyáka kochãkãvaíki atxivo. 
\v 24 Aská avaikĩ wakapasha yama ivo shãtopa õtxivo. 
\v 25 Aská avaikĩ pii kãtxísho atõ oĩa, ismaelita yorarasĩ Gileadenamãsho atõ veá, orasho meravo. Atõ camelorasĩni Egito mainamã atõ kawivãa awerasĩro, piti anõ meĩti, ene inĩka balsamo, mirra\f + \fr 37.25 \fr*\ft Mirraro sẽpa keskámẽkĩ inĩkachta ivo\ft*\f* akárasĩ.
\p
\v 26 Askámaĩnõ Judapa ãwẽ takevo vana akĩro, “aská nokẽ take yamamavaikĩ nõ onenã ãwẽ roasetirá? 
\v 27 Noke yamamamasnõ. Nokẽ takero nokẽ imirvi, waa ismaelita yorarasĩ ato inãvaíki nõ anõsho kopímati vinõ”, ãwẽ imaĩnõ, “mã ase nõ aská anõ”, ikívo.
\p
\v 28 Askáki ismaelita yorarasĩ, Midiã mainamãsho veí ato omavarãmaĩnõ wakapasha shãtónamã José tsekavo. Aská akĩ tsekavaíki, Ismael yorarasĩ inãvaíki, 20 prata tanáti anõsho viávo. Aská akĩ atõ inãa, Ismael yorarasĩni Egito mainamã José vivaĩvo.
\p
\v 29 Atõ aská aká, txipo Rúbeni itãi okĩ wakapasha shãtónamã José manovaíki naíkawãki ãwẽ õpo ochni ochniki. 
\v 30 Aská arimẽse iokarãsho ãwẽ takevo aská akĩ. “veronenã yamakatá. Ramaro ẽ awesá irokataíkĩ”, ato akĩ.
\p
\v 31 Aská avaikĩ ãwẽ takevõ cabra vene yamamavaikĩ, Josepa õpo imĩ morivo. 
\v 32 Aská ashõ atõ papa õponĩkĩ vana yonoshoávo, “naa õpo nõ meranã, mĩ vakenásera, oĩ”, akávo.
\p
\v 33 Aská akĩ atõ yonoshoa, atõ papã onãki. “Ase ẽ vakẽ õpo. Yoini onipatõ ea piãkãvai, ãwẽ nami roamase rakáa taísekĩ”, ikí vanai. 
\v 34 Anosho ãwẽ sawevaĩvaĩa õpo naíkawãki ochni ochnivaíki, saco õpo akĩ. Askái shavá ãtsai wai ikí ãwẽ vakemẽsho. 
\v 35 Ãwẽ askámaĩnõ ãwẽ vake venevakerasĩ, aĩvakerasĩ aatiisho atõ papa rona atõ petximakatsikimẽkĩ aví ikíma, “erí ãwẽ ikítõ ikawãki ẽ meratirívi”, ikí vanai. Askái ronai enéma.
\p
\v 36 Askámaĩnõ anosho, midianitarasĩni, Egito mainamã nokóvaĩshõ, teske akayatõ kakáya, Faraopa nitxĩa ivo yora, Potifar José inãvaíki anõsho kopímati vitivo.
\c 38
\s1 Judánĩ Tamar ivo yoã
\p
\v 1 Aatiã, Judá, ãwẽ takevo enevaĩi kaí, adulamita yora, Hira, ãwẽ shovonamã nii kaí. 
\v 2 Anosho, cananeu yora Suapa vake merasho ninivarãki. 
\v 3 Ãwẽ aská aka tooinasho ãwẽ pakémaĩnõ, ãwẽ papã “Er”, akĩ aneki. 
\v 4 Askái, txipo tooinaósho, ãwẽ pakémaĩnõ, “Onã”, akĩ aneki. 
\v 5 Askávai txipo Quezibenamãsho, wetsa meraósho ãwẽ pakémaĩnõ, “Selá”, akĩ aneki.
\p
\v 6 Askávai txipo, Judapa, ãwẽ vake vevoke Er ãwẽ mashtémaĩnõ aĩvo vishõki, ãwẽ anero “Tamar.” 
\v 7 Aská Yavepa Er askái ã niá roakamáse oĩinã, nitxĩóma.
\p
\v 8 Askámaĩnõ Judapa ãwẽ vake Onã vana akĩ. “Mĩ takẽ mekẽya meskotso, mia ãwẽ txairvi, askásho nokẽ tanátikiri chinãsho, revomatso. Mĩ aská aká vake pakémaĩnõ vevo enevai keskánase ikatsai”, akĩ.
\p
\v 9 Ãwẽ askámaĩnõ, Onãne ãwẽ revoarasĩ “ená keskámamísi”, ikĩ chinãinã ãwẽ takẽ mekẽya avé ãwẽ meenanãa katsése, ãwẽ anõ vake merati ichná avavaĩski, ãwẽ takẽ vake keská akĩ revomamasnõ iinã. 
\v 10 Askámaĩnõ Yavepa Onã roakama oĩinã askásevi akĩ, aaivo nitxĩómasevi.
\p
\v 11 Ãwẽ askámaĩnõ Judapa ãwẽ vakẽ mekẽya vana akĩ. “Mĩ papã shavapa venemase rakásho oĩtatso, ẽ vake Selá kaniatishõki”, akĩ. Awesáma, ãwẽ takevo ikítõ ikísevi, aa vopiomísi ikĩ chinãinã. Ãwẽ aská akatõsho, Tamar ãwẽ papã shavapa rakái kaí.
\p
\v 12 Askásho aatiã txipo Judapa aĩ, Suapa vake vopii. Askámaĩnõ ãwẽ rona tãti avãsho, Judá Timna mainamã, ãwẽ txivo rani mashko akayavo shokoa oĩnõ iinã, ãwẽ avé takéa Hira, adulamita yoranĩ kaí. 
\v 13 Askákaĩi ãwẽ kamaĩnõ yorã, “mĩ kokatxo\f + \fr 38.13 \fr*\ft Ãwẽ kokatxóro ãwẽ venẽ papa Judá\ft*\f* Timna mainamã txivo rani mashko akávo oĩnõ iinã oa”, iinã yoãshokĩ. 
\v 14 Aská akĩ atõ yoãshoatõsho ãwẽ aya rona ivo õpo wetsa katovaí, õpõ marákmepakesho kaí, “vesãkara shavo ravãki ea ave anõ”, iinã. Askávai Enaim shavá kepoti kesó tsaói kaí, Timna vai kawãnamã. Ãwẽ askáro awesainã ãwẽ ikíma, Selá mashtéyamẽkĩ ãwẽ kokatxo Judapa “aĩ arí”, iinã yonoshoama oĩinã ãwẽ ikí. 
\v 15 Askákaĩi kakĩ õpõ marákmepakesho ãwẽ tsaóa oĩinã vesãkara shavoravã akĩ Judapa. 
\v 16 Ãwẽ vakẽ mekẽya onãmasho, vai kesó ãwẽ tsaómaĩnõ kochikaĩki vana akĩ. “Orí, evé mia oshatĩpará”, ãwẽ imaĩnõ, “awe ea mĩ inãkatsa askáro”, ãwẽ akátõsho, 
\v 17 “ẽ cabra vake wetsa mia ẽ yonoshokatsai”, ãwẽ imaĩnõ, “roase, askámẽkĩ awe wetsase ea enesho, iná mĩ yonoatishõki”, akĩ.
\p
\v 18 “Awe mia ẽ eneshokatsai askáro”, ãwẽ imaĩnõ, “anõsho onãtakĩ oĩti\f + \fr 38.18 \fr*\ft Aatiã anõ onãtakĩ oĩti ivoro mevĩ osõti, mane tsãpaka aká ipawa, anõ wichá neekená. \ft*\f*, mĩ teweanamã txiría ivo, mĩ toĩa otéti txĩti aká ea enesho”, akĩ Tamarpa.
\p Ãwẽ aská akatõsho, ãwẽ yokáa ivorasĩ eneshokĩ. Askávai Tamarnĩ meenanãi, aská ashõ ãwẽ enea, tooinái. 
\v 19 Tamar askái mashtévaí iokaĩi, õpo anõ marákmea ivo kochai, aská avaikĩ ãwẽ aya rona õpo arimẽse saweóki.
\p
\v 20 Askávaíki txipo, Judapa ãwẽ avé takéa Hira yonoki, “naa cabra vake ano eneshovaikĩ, awe ẽ enevai ivo ea vishõta”, iinã ãwẽ yonoamẽkĩ aĩvo merama. 
\v 21 Anosho Hirapa ano shokoya venerasĩ nĩkãki. “Vesãkara shavonã ato rakáará, Enaim vai kesó nimíska ivonã”, ãwẽ imaĩnõ, “neno aĩvo aská ivo yamarivi”, ikĩ revívo. 
\v 22 Askátani oshõ, “ẽ itimatãai, yorarasĩni, ‘neno aĩvo aská ivo yamarivi’, iinã ea yoãshoavo”, iinã Judá ãwẽ yoãshoatõsho, 
\v 23 “roase ãatõse ave vinõ, noke ati amísivo. Txivõ vakechta ẽ yonoshoamẽkĩ aĩvo mia merama taíse”, akĩ.
\p
\v 24 Askávai 3 oshenamãpáchta, Judá yoãvaĩshoávo. “Mĩ vakẽ mekẽya Tamar, vesãkara shavo ikítõ iki, tooya”, akávo.
\p Aská nĩkãinã, “neno ewevarãna, pasha koati”, ikí vanai Judá.
\p
\v 25 Ãwẽ askámaĩnõ, ãwẽ shovo ikotĩ atõ ninikõatõsho, “naa awe ivõ ea imavairvikata, toomakĩnã. Anõ onãtakĩ oĩti, naa tewea, otéti akánã oĩ, tsoanáraki”, iinã ãwẽ kokatxo Judá vana yonoshokĩ.
\p
\v 26 Ãwẽ aská aká Judá ãwẽ awerasĩ onãvai vanai. “Ase, aamarívi kanéya, earvi ichná aweya askáro. Ẽ vake Selá oĩmati roakamẽkĩ ea oĩmáma”, ikí. Askávai txipokiri avé meenanãóma.
\p
\v 27 Askái ãwẽ pakéti shavá omakaĩmaĩnõ atõ oĩa, vake ravé nanéa. 
\v 28 Askái, pakékatsiki, mevipari ã sinókarãa oĩinã, too imayatõ, ichi õchĩkatõ venevakechta menéshki. Askái, “naaivoro vevokarãya”, ikí vanai. 
\v 29 Askámẽkĩ ãwẽ mevi sinókarãchtavaíse arimẽse ikomaĩnõ ãwẽ take wetsarvi tavavarãi pakéi. Aská oĩinã, “ii, miãpari mĩ vai meravarãai”, ikí too imaya vanai. Askáinã aneki “Perez”, akĩ aneki.\f + \fr 38.29 \fr*\ft Hebraicõ vana “Perez” ikíro “aapari vaivaĩya”\ft*\f* 
\v 30 Aská txipo ãwẽ take ichi õchĩkatõ meneshméya ivo pakékarãi. Askáinã aaivo “Zerá”, akĩ aneti.\f + \fr 38.30 \fr*\ft Hebraicõ vana “Zerá” ikíro “õchĩka”\ft*\f*
\c 39
\s1 José Potifar shavapa niti ivo yoã
\p
\v 1 José, ismaelita yorarasĩni Egito mainamã atõ vivaĩmaĩnõ, Potifarpa kopímashõ vikĩ. Potifarro, Faraopa nitxĩa yora, teske akayatõ kakáya.
\p
\v 2 Aská Yavepa José vesoatõshõ ichnámatõse pakékésho aa yonokatsayatõ shavapa nii kaí. 
\v 3 Askámaĩnõ Potifarpa José onãtakĩ oĩki, katsése ãwẽ mearasĩ Yavepa peshót ashõ José roaka ashõkõvaĩa oĩinã. 
\v 4 Askásho, Josémẽ mekíki, mee imaki. Askáki ãwẽ shovo, ãwẽ awerasĩ aká vesomashõ nitxĩki. 
\v 5 Askásho Josémẽsho Potifar katsése aya ivorasĩ Yavepa roapa ivo ashõki, ãwẽ shavapa awerasĩ, ãwẽ waĩ awerasĩ aká. 
\v 6 Aská oĩinã, José katsése eneshokĩ Potifarpa. Wetsarasĩmẽro anõ tsakáma, arí ãwẽ piti ivochtase chinãki.
\p Aská Joséro roakachta, anõ tavátĩpa ivo. 
\v 7 Askái shavá ãtsakawãmaĩnõ, Potifarpa aĩni José kẽevakĩ “ovõi kawã ea”, akĩ. 
\v 8 Ãwẽ aská akatõsho, aví ishõimai vanai. “Neno ãwẽ shavapa ẽ nimaĩnõ, ẽ ivõ awemẽ tsakásho ãwẽ niámarívi, katsése vesomashõ ea nitxĩásho. 
\v 9 Neno shavapa ẽ niá, wetsa ea keská yamarivi. Katsése ẽ meskoa roasemẽkĩ, miaro ea meskotĩpá, miaro ãwẽ aĩrvi. Anõ itimatõ ikí Yové Koĩni vana tavámashõ ea nikatsikíma”, akĩ. 
\v 10 Ãwẽ aská aka nĩkãsmẽinã, askatase José meskoski. Ãwẽ askámaĩnõ, ari nĩkãma, aví ishõma, tasakatsikíma aká.
\p
\v 11 Askávai txipo shavá wetsã ano shovõ mee inõ iinã ãwẽ erékomaĩnõ, avé mee ikivorasĩ yama. 
\v 12 Aská oĩinã aĩvõ ãwẽ õpo anõsho kawã ivõ atxivaĩsho, “ea ovõi kawã”, ãwẽ akátõsho aki ãwẽ õpo peshokésho ene enevaĩi, ikotĩ, kayakaĩi. 
\v 13 Aská Josepa kayashokĩ ãwẽ õpo aki ene enevaĩa oĩinã, 
\v 14 avé mee ikivorasĩ ato kenaki. “Naaro oĩi verína, hebreu yora, ẽ venẽ toĩa ivõ, noke ati akatsíki. Ẽ kene naki erékosho, ea ichnákatsímaĩnõ ẽ txakarináai. 
\v 15 Ẽ txakarináa nĩkãinã, ãwẽ õpo eki ene enevaĩi ikotĩ kayaai”, iinã yoãki.
\p
\v 16 Askáki Josepa õpo rakãki, ãwẽ vene oatishõki. 
\v 17 Askávai ã vene nokókarãmaĩnõ, ato ãwẽ yoãshoa keskásevi akĩ yoãki. “Hebreu yora yononoshõ iinã mĩ vichĩa ivõ ẽ kenẽ erékosho ea ati akatsíki. 
\v 18 Ea ãwẽ aská amaĩnõ isĩinasho ẽ txakarinámaĩnõ ã õpo peshókésho eki ene enevaĩi ikotĩ kayakaĩai”, iinã yoãshoki.
\p
\v 19 Aská avaikĩ, “mĩ mee imatõ ea aská aka”, iinã ãwẽ aĩni ãwẽ vene yoãshotõsho, ichnákéi. 
\v 20 Askáinã José atxivaíki, kepoki. Aaivo anõ kepóa shovoro Egito kakáyanáchtarvi. Askái José kepósho ãwẽ niámẽkĩ 
\v 21 Yavepa Josénĩse nishõ, noípakĩ vesoki. Askásho, kepói shokoa vesoya ivo yora Josémẽ mekíai. 
\v 22 Askáinã kepóya yorarasĩ vesoyatõ ano ato vesomashõ nitxĩki. Anosho José kepóa shovonamã ato yonoya niokei kaí. 
\v 23 Askásho kepóa shovo vesoya yora José keyoki eneshovaikĩ tsakátaníma nii. Aaro awesáma, Yavepa José peshót akásho, roaise ãwẽ mee iki oĩinã.
\c 40
\s1 Josepa atõ namárasĩ yoãshoti ivo yoã
\p
\v 1 Askáchna txipo, pão ashõya kakáya, aká ene sanaya kakáya, aatiisho Faraó ichnákemávo. 
\v 2 Atõ aská akatõsho, atoki sinákéki 
\v 3 ato atximavaikĩ kepomakĩ. Teske akaya kakáyatõ shovonamã Josénĩ ashõ “kepona”, ato akĩ. 
\v 4 Teske akaya kakáyatõ Josepa vesosho ato ave take anõvo iinã eneshokĩ. Anosho inopáchtai, kepósho shokosho 
\v 5 oshapakéki namávo, Egito kakáyatõ mee imarasĩni. Aská wetsã namá wetsarvi, wetsã namá wetsarvi akĩ namávo, aaivo yamepáse.
\p
\v 6 Askámaĩnõ Josepa, shavá nakochtaki tachikaĩki ato ãwẽ oĩa, ronase kãtxívo 
\v 7 oĩinã ato nĩkãki. “Awesa ronase mã vesokõrkĩ”, 
\v 8 ato ãwẽ akátõsho, “awesa nõ namáaikĩ nõ iki. Tsoã noke meki ashõkatsíkĩ iinã nõ chinãi”, atõ imaĩnõ, “Yové Koĩnĩ akárvi aská meki ashõki. Ramaro ea yoãshona”, ato akĩ, Josepa.
\p
\v 9 Ãwẽ aská akatõsho, ene sanaya ivõ, ãwẽ namáa José yoãshokĩ. “Ea veyó vaná niá 
\v 10 ãwẽ meã 3 aya, aská ãwẽ meãneshõ wetsa koainái, oakaĩsho, vimikaĩi, uva õchĩkase. 
\v 11 Askái Faraopa anõ akátõ toĩsho uva naki tsinĩvaíki, Faraó inãa ẽ namáai”, ikĩ ãwẽ yoãmaĩnõ, 
\v 12 “aaro neská mĩ namáa. 3 meãro, 3 shavátsikĩ. 
\v 13 Aská nenosho 3 shavánamãsho Faraopa tsekavaíki arimẽse mia nitxĩkeókatsa, vevo mĩ ikaikaĩnatõsevi akĩ aká ivo ene mĩ sanaókatsa. 
\v 14 Askái roai nikĩ ea chinãki, roaka ivo ea ashõótso, Faraó ea yoãshotso, ea ave kepẽnõ iinã. 
\v 15 Earo hebreu maĩsho Egitonamã atxisho ea ewevarãchnávo. Aská ashõ chinãsho ea kepoóvaivo, anõ kepóa paropa”, akĩ.
\p
\v 16 Askáki ãwẽ namáa yoãki meki aká roaka nĩkãinã, pão akayatõ José aská akĩ. “Eã aská akĩsevi ẽ namáai. 3 kokí pão oshoka tĩi ikí, ẽ mapo matxi tsaóa. 
\v 17 Aská enéináka tsaóa ivõro, pão, piti vataka õsi õsipáse, Faraopa rayá akáka ivo tĩi ikí. Aská akĩ ẽ vivarãmaĩnõ, chairasĩni ea piãkãvo ẽ namáai”, akĩ.
\p
\v 18 “Ase, aaro neská akĩ mĩ namáa, 3 kokíro, 3 shavásevi. 
\v 19 Aská nenosho 3 shavánamãsho Faraopa mĩ mapo shatevaíki, mĩ kaya iwĩ ãwẽ ronõmaĩnõ, chairasĩni mia pikatsaivo”, akĩ.\f + \fr 40.19 \fr*\ft Hebraicõ vana wichánamã, wetsã yoãro “mapo txĩtĩ vorit ainashõ nitxĩa” \ft*\f*
\p
\v 20 Aská 3 shavá tavákéa txipo, Faraó pakéa shavá nokómaĩnõ, ãwẽ mee ima yorarasĩ ato ãwẽ pimanamãsho, ene sanaya ivo, pão akaya ivo aatii arimẽse ato shokõpakeóki. 
\v 21 Ene sanaya ivo arimẽse nitxĩkéki, Faraó ave ene sanaónõ iinã. 
\v 22 Askámaĩnõ, pão akaya ivoro “tenéshna”, ikí, Josepa ato yoãshovaitõse ikí. 
\v 23 Askámaĩnõ, ene sanaya ivo, Josékiri chinãma, petxii.
\c 41
\s1 Josepa Faraopa namárasĩ yoãshoti ivo yoã
\p
\v 1 Anosho vari ravévakĩ tavákeanamãsho, Faraopa namáki, “Nilo” akĩ atõ anea waka kesó nishõ ãwẽ oĩa, 
\v 2 7 txasho aĩ yoíkavo, chaokavo aká, wakãsho kayaníki, kesó wasi shokoa piávo. 
\v 3 Askámaĩnõ wakãsho, aatíisevi txasho aĩ poshóniósho, wetsarasĩ õsívaĩi, Nilo waka kesó. Askámẽkĩ, atovoro ichnáka, txookavo. 
\v 4 Askánamãsho, txasho ichnáka, txookarasĩni 7 txasho yoíka, chaokarasĩ keyoki sheavo. Faraó aská namátani vesokaĩvaíki 
\v 5 arimẽse oshakaĩki namáoki, trigo aaivo kayãse, 7 vimi koanía, veneka, tono roakavo. 
\v 6 Askámaĩnõ wetsarasĩ 7sevi, txipo koanióa, txochiya, vari oátõsho niwe shanakatõ shovi akatõsho. 
\v 7 Aská anosho, ãwẽ txochiyarasĩni ãwẽ veneka tono roaka ivorasĩ sheaa namáoki. Askávai vesokaĩi. Askámẽkĩ ãwẽ namárívi.
\p
\v 8 Aská akĩ namávai, chinã tsakáse vesokaĩi, shavá nakoi. Askáki Egito mainamã shokoyavo romeyavorasĩ, yosípavorasĩ aká katsése ato kenavaíki ãwẽ namá ato ãwẽ yoãshoamẽkĩ, wetsã “aská mĩ namáatsikĩ”, akámase ikívo.
\p
\v 9 Askánamãsho aká ivo ene sanayatõ Faraó yoãshokĩ. “Rama ẽ kanéchna ivorasĩ ẽ chinãi. 
\v 10 Ichná akĩ chinãki, pão akayatõ kakáyanĩkĩ ea mĩ kepochná, teske akaya kakáyã shovonamã. 
\v 11 Anosho aská akĩ nõ namáchná. Wetsã namáro wetsarvi, wetsã namáro wetsarvi noke aká ichĩa. 
\v 12 Askánamãsho teske akaya kakáyatõ mee imaya yora, hebreu verone niá, ãatõ noke namá noke yoãshochĩa. ‘Aaivoro neská akĩ mĩ namáatsikĩ, aaivo miã mĩ namáro aská akĩ mĩ namáatsikĩ’, iinã noke yoãshopachná. 
\v 13 Aská akĩ noke ãwẽ yoãshopachná keskáse, ẽ namá neei, arimẽse naaivo mee iti ẽ ioai, wetsaro teneshmechná”, ikĩ yoãki.
\p
\v 14 Aská akĩ ãwẽ yoã nĩkãinã Faraopa, José kenamaĩnõ, inókimase kepóa paropashõ kepẽnakaĩki kakĩ, keni weshai, õpo vená akí, avaikĩ Faraó meramai kakĩ. 
\v 15 Aská akĩ ãwẽ meramatachímaĩnõ, Faraó vanai. “Ẽ namá, wetsãchta ‘aská mĩ namáatsikĩ’, iinã ea akámase ikívo. Askámẽkĩ ‘aaro namá nĩkãvaíki meki akĩ yoãshomíska’, ikí ẽ nĩkãvaĩvaĩa”, akĩ.
\p
\v 16 “Mã, aaro eã erí ‘aská’, mia akátĩpa, askámaĩnõ, Yové Koĩniro, ‘askátsikĩ’, iinã roaka akĩ mia yoãshokatsai”, akĩ ãwẽ revímaĩnõ, 
\v 17 “neská akĩ ẽ namáai. Nilo waka kesó nikaĩsho ẽ oĩa 
\v 18 7 txasho aĩ yoíkavo, chaokavo aká, wakãsho kayaníki, kesó wasi shokoa piávo. 
\v 19 Askánamãsho txipo, aatíisevi 7, kayaníi askámẽkĩ atovoro yomechtavo, ichnáka, txookavo aká. Egito maĩ txasho aĩ aská ichnákarasĩ ẽ oĩmarvi. 
\v 20 Askáki txasho aĩ txooka, ichnáka akárasĩni, 7 txasho aĩ, chaokavo, atopari kayaniavorasĩ, ato sheavo. 
\v 21 Askámẽkĩ, piáma keskáse shokovo, yanima, txoose, vevo atõ shokoa keskáse. Askánamãshóse ẽ vesoai. 
\v 22 Askávaíki namáoki ẽ oĩa, piti vaná, aaivo kayãse, 7 vimi koanía, veneka, tono roakavo. 
\v 23 Aská wetsarasĩ 7sevi, txipo koanióa, txochiya, vari oátõsho niwe shanakatõ shovi akatõsho. 
\v 24 Aská anosho, ãwẽ txochiyarasĩni ãwẽ roaka ivorasĩ sheaai. Askáinã, romeyavorasĩ ato ẽ yoãshoa askámẽkĩ wetsã ‘aská mĩ namáatsikĩ’, iinã ea akámase ikivo”, akĩ.
\p
\v 25 Ãwẽ aská akatõsho, “mĩ namá ravévakĩ askámẽkĩ westíse. Yové Koĩni akatsai ivorasĩse mia ãwẽ oĩmárvi. 
\v 26 7 txasho aĩ roaka ivorasĩro 7 vari tanáti, askávai, 7 piti vaná roaka ivorasĩ askásevi, aatii tanátíisevi. 
\v 27 Aská, 7 txasho aĩ txooka, ichnáka txipo kayanía ivorasĩro 7 vari tanáti. Piti vaná txochiya, vari oátõsho niwe shanaka shovi aka ivoro 7 varisevi, askásho aatii vari piti makikatsa. 
\v 28 Aská naaivo vana mia ẽ yoãshoáro, Yové Koĩni ãwẽ akatsai ivo mia ãwẽ oĩmárvi. 
\v 29 Askái, Egito maitioi, 7 vari tanáti piti ãtsa merákatsa. 
\v 30 Askávai txipo, 7 vari tanátíisevi, piti makikatsa, roapa ivo shavá chinãnáma ikatsai, mairo yora ikítõ ikatsai, shopĩi. 
\v 31 Aská txipo aaivo shavá nokóatxinĩro shopĩi ichnáchtamashõ, roapa ivo shavá chinãnáma ikatsai. 
\v 32 Aská ravé ashõ mĩ namáa, Yové Koĩni aská akatsiinã ma chinãkéai, omakaĩai.
\p
\v 33 Aská ramaro, yora chinãya, yosíka aká ivo mĩ kavẽti roaka, Egito mai vesokatsaya chinãsho. 
\v 34 Aská avaikĩ, 7 varitíi, piti ãtsa merámaĩnõ, 5 aya oĩinã, westíkase ave mekekénõvo iinã yora vesoyarasĩ mĩ shokõti roaka. 
\v 35 Askávaíki, waaivo vari roapa ivorasĩ nokómaĩnõ, piti vesoyarasĩni atõ cidadenamã, trigo ãtsapakĩ mekei, ave anõvo, anõ mekeanamã. 
\v 36 Aská akĩ, mã mekea ivo piti, Egito mainamã, 7 vari tavái, piti makimaĩnõ, mã pii pia anõkaĩkatsa, yorarasĩ shopĩni tenãma ikatsai”, akĩ.
\p
\v 37 Josepa aská akĩ yoãmaĩnõ, Faraó ãwẽ shokõkenavonĩ, mekíi. 
\v 38 Askáinã Faraopa, “naa José keská yoranã nõ meratirá, yovepa\f + \fr 41.38 \fr*\ft Wetsã chinãro “yovepa peshót aká”, wetsã chinãro, “Yové Koĩni peshót aká”\ft*\f* peshót aká ivonã?” iinã ato nĩkãki. 
\v 39 Askávai vesokesho José vana akĩ. “Yovepa katsése mia oĩmaai, askásho yora wetsa, mia keská, mĩ chinã yosítii yama. 
\v 40 Aská ramaro ẽ shavapa kakáyai mĩ nimaĩnõ ẽ yorarasĩni ashkãsho mia nĩkãtakatsaivo, askámaĩnõ vevokepa ivoro ea westíse. 
\v 41 Ramaro Egito maitio akĩ kakáya mia ẽ nitxĩkéai”, akĩ.
\p
\v 42 Aská akĩ yoãshovaikĩ ãwẽ mevĩ osõti, anõsho onãtakĩ oĩti, kochakevaíki José sawemai, õpo pashpichta yoíka ivo sawemai, ouro tewemaói akĩ. 
\v 43 Aská avaikĩ, “ramaro José kakáya shoviai”, ikĩ avé oĩnõvo iinã ãwẽ anõ pakaya ivo carro wetsã José ãwẽ tsaõnímaĩno, yorarasĩ “sherévakĩna, sherévakĩna”, iinã aa veyósho oi oi voávo.\f + \fr 41.43 \fr*\ft Hebraicõ vana wichá wetsaro “maikiri vetĩ ipána, vetĩ ipána” ikí \ft*\f* José askái, anosho Egito maitioi kakáya shovii. 
\v 44 Askánamãsho, Faraopa José tanamaóki. “Earvi kakáya, askámaĩnõ mia nĩkãshoma, Egito maitioi yorarasĩ atõ ari chinãne ikítĩpá”, akĩ. 
\v 45 Anosho, Faraopa José ane wetsa teki akĩ. “Zafenate-Paneia”, akĩ anevaíki, Om yorarasĩ yové vevoshoaya yora,\f + \fr 41.45 \fr*\ft Wetsã chinãro, Potíferaro Yové Koĩ vevoshoaya, wetsã chinãro, Yové wetsase vevoshoaya \ft*\f* ãwẽ anero “Potífera”, ãatõ vake Asenate ninivarãsho José inãki. Askávai txipo Josepa, Egito maitioki katseki oĩketakĩ. 
\v 46 Aatiã Josepa, ãwẽ vari 30namãsho, Faraó, Egito kakáya mee ishõi shovii. Askái nikĩ, Egito mai katseki oĩketakĩ.
\p
\v 47 Aská 7 vari, roaise piti vanárasĩ revokaĩkarãi, ichnáchtama. 
\v 48 Askámaĩnõ Josepa, Egito mainamã shavátio akĩ, pitirasĩ kãtxi kãtxitãki, 7 varitíi akĩ mekekõvaĩki. Aská akĩ, atõ cidaderasĩ kesó, katsésho piti merámashõ, arí Faraó mekeshokõvaĩvo. 
\v 49 Askáki Josepa, piti vaná ãwẽ kãtxia, itãtĩpa, tanátĩpakaĩi, machi pototíi.\f + \fr 41.49 \fr*\ft Hebraicõ vanaro “katxi waka machi pototíi” \ft*\f*
\p
\v 50 Aská piti makikatsa vevo, Asenatemẽsho vake venevake ravévakĩ meraki. Aaivo shavoro Potífera, Om yorarasĩ yové vevoshoayatõ vake. 
\v 51 Ãwẽ vake vevoké ivo “Manassés”, akĩ anesho vanai.\f + \fr 41.51 \fr*\ft Hebraicõ vana “Manassés” ikíro “petximáa” keská\ft*\f* “Yové Koĩni ẽ onís awearasĩ, ẽ papã wetsamavorasĩ aká petxĩi ẽ aka”, ikí. 
\v 52 Askávaíki vake wetsa meraósho, “ẽ anõ onís awea mainamãsho Yové Koĩni roã ea pakekéai”, iinã “Efraim”, akĩ aneki.\f + \fr 41.52 \fr*\ft Hebraicõ vana “Efraim” ikíro “vake aya” keská\ft*\f*
\p
\v 53 Aská ano Egito mainamã, 7 vari tavái, piti roai ii iisho 
\v 54 makii, Josepa yoãchnatõ ikí, 7 varisevi tavái. Aská maitio yorarasĩ pikatsikívo, askámẽkĩ Egito mainamãro, pitĩ mãama ikívo. 
\v 55 Aská anosho Egito maĩ yorarasĩ ashkã pikatsiinã Faraó pitĩ yokávo, askámaĩnõ Faraopa “José nĩkãna, awesá ikatsíki”, ato akĩ.
\p
\v 56 Askái, maitioi, ashkã pikatsimaĩnõvo, Josepa atõ anõ mekechna ivo shovo ãwẽ kepẽmaĩnõ, Egito yorarasĩni José kopímashõ viãkãvo. 
\v 57 Aská mai wetsã shokoya yorarasĩni, pikatsiinã, Egito mainamã kopímashõ José piti viãi vẽ vẽvo.
\c 42
\s1 Josepa takevo Egitonamã veti ivo yoã
\p
\v 1 Jacopa, Egito mainamã trigo aya ikí nĩkãinã, “awesainã mã manaknanãrá? 
\v 2 Egito mainamã piti aya iki. Kopímashõ ano vitãna, noke shopĩni tenãmísi”, iinã ãwẽ vakerasĩ yonoki.
\p
\v 3 Ato ãwẽ aská akatõsho, Josepa takevo 10 voávo, Egito mainamã trigo kopímashõ nõ vinõ iinã. 
\v 4 Askámaĩnõ Jacopa, Benjamim, Josepa take ivoro, atonĩkĩ yonoma, aaivoro ichnák pakémísi iinã. 
\v 5 Askái Israẽl vakerasĩ, yora wetsarasĩnĩ trigo kopímashõ nõ vinõ iinã õsíketashõ voávo. Awesáma, Canaã maitioi ashkã pikatsikívo.
\p
\v 6 Aská aatiã Joséro Egito maĩ kakáya, mai wetsãsho vẽ vẽyavo yorarasĩ ashkã akĩ ato piti inãki, kopímati viaya. Askámaĩnõ Josepa takevo, nokóvaĩsho, aa veyó maĩ vetsek ipásho masoi voávo. 
\v 7 Atõ aská tachimaĩnõ, Josepa ato onãsmẽinã, matsíshóse ato oĩki. Askáki vana mestẽnése ato ainakĩ ato nĩkãki. “Atosho mã veárkĩ?” ãwẽ imaĩnõ, “Canaã mainamãshõ nõ veá, piti kopímashõ mia viãnõ iinã nõ vea”, akĩ revívo.
\p
\v 8 Awesáma, Joseparo ãwẽ takevo ato onãsmẽkĩ, ãwẽ takevokiríshoro onãma ikívo. 
\v 9 Anosho José ãwẽ takevo, ãwẽ namámta ivokiri chinãsho vanai. “Matoro vevosho onésho verõ akaya yorarasĩrvi, mato. ‘Atonamã vesótamara, nõ oĩnõ’, iinã mã veárvi”, ato akĩ.
\p
\v 10 Askái ãwẽ vanamaĩnõ, anõ eséyakĩ revívo. “Askáma, askátõ inõ iinã nõ veámarívi. Piti kopímashõ mia viãnõ iinã nõ veárvi. 
\v 11 Nokẽ nõ paparo westíserívi. Nokero oné iti chinãsmarvi. Noke vevosho onésho aská verõ akí nõ shokomarvi”, akávo.
\p
\v 12 Atõ aská akámẽkĩ, “Askáma! Nokẽ mai, atokiri vesótámará iinã, verõ anõ iinã mã veátivesóka”, akĩ ato revíki.
\p
\v 13 Aská akĩ ato ãwẽ revímaĩnõ, “Nokẽ papa westíchta. Canaã mainamã nishõ, ãwẽ meraa, nokẽ take venevake katsésero 12. Txipokéchtaro shovõse, papanĩ niakevai, askámaĩnõ wetsãro noke ma eneya”, iinã atõ chinã tanáipakésho revívo.
\p
\v 14 Atõ askámaĩnõ Josepa, “aská ẽ ikitĩ, matoro vevosho onésho verõ akayavorasĩ mato. 
\v 15 Askáro, anõseraki mato ẽ oĩnõ. Matõ take txipoke neno ãwẽ oáma ivoro, Faraómẽsho ea mato imavaĩotĩpávere. 
\v 16 Mato wetsase kashõ, matõ take txipoke eweta. Askámaĩnõ ravéro, nenose kepókatsavo, anõise mã vanaraki ẽ oĩnõ iinã. Mã yoa ivoro, mato vevosho onésho verõ akayarasĩ ẽ tanaskatsa. Faraómẽsho ẽ chinã tekítĩpavere”, akĩ. 
\v 17 Askáki anosho 3 shavá ato kepoki.
\p
\v 18 Askái 3 shavá nokómaĩnõ, ato vana akĩ. “Yové Koĩ rakéshoi niá ea, askásho ‘noke vopimísi’ iinãro, neská atsoma. 
\v 19 Mato oné iti chinãsma yoraro, matõ take wetsa kepóa shovo nakise enena. Ravétõro matõ wetsamavorasĩ shopĩni tenãmísivo iinã trigo vivaĩtana. 
\v 20 Askátani vekĩ matõ take txipoke ivo ewevarãtsoma, anõise mã vanaraki ẽ oĩnõ. Mã aská akáro, mato keyótĩpá”, ato akĩ.
\p
\v 21 Ato ãwẽ askámaĩnõ, “ase, nõ aská anõ”, iinã arímamẽ chinãmakinanãvo. “Nokẽ take nõ aská ayãtatõsho, noke yostáai. Ãwẽ onís awea oĩsmẽinã, ari noke nĩkãma iyãtá, askásho ramaro noke onís aweóai”, ikívo.
\p
\v 22 Atõ askámaĩnõ, Rúbeni ato vana akĩ. “Vake aská atsomároa ẽ ikímẽkĩ eakiri mato nĩkãma iyãtátĩ. Nõ aská ayãtásho, ramaro noke kopitáai”, ato akĩ.
\p
\v 23 Askái atõ vana Josepa tanamaravã akávo, yora wetsãse ãwẽ vana teki aka oĩinã. 
\v 24 Askái José, ano nishõ kayasho onésho wai itãi oshõ atonĩ vanaói oí. Askáki Simeão ivo kavẽvaíki ato veyósho menéshmakĩ. 
\v 25 Askáki Josepa ãwẽ mee ishõyavo yonoki. “Sacõ trigo matá avaikĩ, atõ kopímati, arimẽse trigo matxi ato naneshopátsoma. Vaĩsho ave pinõvo iinã pitichta ato inãpakéi atsoma”, akĩ ato ãwẽ yonomaĩnõ, ãwẽ yonoa keskáse ashõvo. 
\v 26 Ato ãwẽ aská ashõmaĩnõ, Josepa takevo, trigo atõ viá ivorasĩ jumento matxi potaníi, avai voávo.
\p
\v 27 Askávai voí, yãtamaĩnõ, oshakatsiinã, wetsã jumento pimakatsiinã ãwẽ saco vepẽpakéki naki kopímati tĩi ikí meravaíki 
\v 28 ãwẽ takevo yoãshokĩ. “Ii, naaro oĩtana, kopímati arimẽse ea inãaivo, neno naki nanéa ẽ meraai”, ãwẽ imaĩnõ ashkãse ratéi tari ikívo. “Ii, awesa wetsakarkĩ. Yové Koĩni noke awesa akíkĩ?” ikívo.
\p
\v 29 Askái Canaã mainamã atõ papa Jacó niánamã nokóvaĩsho, atõ oĩvai ivorasĩ katseki yoãshoávo. 
\v 30 “Ano Egito mainamã niaya kakáyã, vana mestẽnése noke avaikĩ, ‘nokẽ mai vevosho onésho verõ akí mã shokorá’, noke avai. 
\v 31 Noke ãwẽ askámaĩnõ neská akĩ nõ revívai. ‘Noke oné ikí aská verõ akí nõ shokomarvi. 
\v 32 Nokẽ papa westíchta nishõ, ãwẽ meraa, nokẽ take venevake katsésero 12. Wetsaro yama, noke eneya, askámaĩnõ txipoke ivoro Canaã mainamãse papanĩ niakevai’, nõ akátõsho, 
\v 33 kakáyatõ noke neská avai. ‘Mato oné iti chinã ayaraki ẽ oĩnõ. Matõ take wetsa ea eneshovainii, mato ravéro piti vivainii, matõ shavapa mã voá roase. 
\v 34 Askámaĩnõ matõ take txipoke ivoro neno ea ewevarãshotsoma. Mã askámaĩnõro mato ẽ tanakatsa, “vevosho onésho verõ akí oné iti chinãi atõ shokomarvirá?” ikĩ onãtakĩ mato ẽ oĩkatsa. Askávaíkiro matõ take mato kepẽshoi, neno maĩ pokéi veshõ, awe viãnanãi mã akatsai’, iinã noke askávai”, akávo.
\p
\v 35 Askávaíki atõ vivaĩa ivo sacorasĩ reokekéki, kopímati rakorasĩ trigo naki tĩi ikí meravo. Askáki kopímati rakorasĩ tĩi ikí meravai, atõ papanĩ rakévo. 
\v 36 Aská oĩinã atõ papa vanai. “Awesainã vakerasĩ ea mã keyõvaĩtsikírá? José yama, Simeão yama aká. Ramaro Benjamim ivo ea mã viãvaĩkatsíki. Awesainã ekise mã vesokekérá?” ato akĩ.
\p
\v 37 Askái ãwẽ vanamaĩnõ Rúbeni ãwẽ papa aská akĩ. “Ẽ ewevarãma oĩinã, ẽ vake venevake ravé ashõ yamamanosho. Yonose, eã roakakĩ vesosho ẽ ewevarãkatsa”, ãwẽ imaĩnõ, 
\v 38 “ẽ vake matonĩkĩ ea yonotĩpá. Ãwẽ take ma vopichná, naa westíchtarvi. Askávaĩi mã voánamãsho, ãwẽ ichnák pakémaĩnõ, ronã ea tenãa, mapo oshokase ẽ onéa mã oĩkatsa”, akĩ ato revíki.
\c 43
\s1 Josepa takevo Egito maikiri arimẽse iovarãti ivo yoã
\p
\v 1 Ano maĩ pikatsiki ranóma isvo. 
\v 2 Jacopa vakerasĩni Egitonamã trigo atõ vitãvai ivo keyókaĩmaĩnõ, atõ papã ato tanamaóki. “Egitonamã iovaĩsho pitichta viotana”, ato akĩ.
\p
\v 3 Ãwẽ askámaĩnõ Judapa revíki. “Ano yorã noke aská avai. ‘Matõ take txipoke mã ewevarãma ivoro, neno iovarãtsomaroa’, noke avai. 
\v 4 Aská aa nokenĩkĩ mĩ yonoro, voshõ piti mia nõ vishõi vokatsai. 
\v 5 Askámaĩnõ nokenĩkĩ mĩ yonoma ivoro, piti noke vii voáma ikatsai. Awesainãma, ano yorã noke aská avai. ‘“Matõ take txipoke mã ewevarãma ivoro, neno iovarãtsomaroa”, noke avai’, ẽ ikitĩ”, akĩ.
\p
\v 6 Ãwẽ aská akatõsho, ãwẽ papa Israel vanai. “Awesainã ea mã ichná avaira? Awesainã, ‘noke take txipoke aya’, iinã aa yora mã yoãshotãvairá?” ato akĩ.
\p
\v 7 Ãwẽ askámaĩnõ revívo. “Aa yorã katsése noke nĩkãvai, noke, nokẽ wetsamavorasĩmẽ aká nĩkãvaíki ‘matõ papanã vopimara niisrá? Mato take wetsa ayará?’ noke avai. Askáki katsése noke ãwẽ nĩkãmaĩnõ, nõ yoãshovai. Awesa tanamamẽkĩ, ‘matõ take wetsa ewevarãtsoma’, noke avaikatá”, akávo.
\p
\v 8 Askáki Judapa, Israel aská akĩ. “Evékĩ yono. Ewevaĩ, ramase nõ wenívaĩkatsa. Shopĩni noke keyomísi, mia, noke, nokẽ vakerasĩ aatíi. 
\v 9 Eã ẽ vesovaĩkatsa Benjamim. ‘Ãatõ vesovaĩkatsa’, ikĩ chinãtso. Avé iyaketãi okĩ roakĩ miaka ẽ eneshoáma oĩinãrvi, ichná neesho ẽ vopinõ, mĩ oĩni. 
\v 10 Neno askái nõ inokama ivoro, ma nõ ravévakĩvarãkeãai”, akĩ.
\p
\v 11 Ãwẽ askámaĩnõ, ãwẽ papa Israel vanai. “Askáinãro aská arína. Naaivo nokẽ maĩ awe roapa ivorasĩ, matõ sacõ tĩi ashõ aa yora anõ onis ati naatii vishõvaĩtana. Ene inĩka, vona vata ãtsamachta, anõ piti meĩtirasĩ, mirra, piti wetsa, pistáche, amêndoa aatíi. 
\v 12 Askávaíki kopímati mã meravai ivo, askávaíse marí aatíisevi vii, avaikĩ matõ papí naki nanevaíki vivaĩtátsoma, tanáki kanevaivo taíse. 
\v 13 Askávaíki matõ take aa yora ewevaĩshotãtsoma. 
\v 14 Yové Weeya Ivõ mato take atikĩra, aa yora mã nokovaĩmaĩnõ. Askáki aa yorã matõ take wetsa matonĩkĩ yonoi, Benjamim askásevi akĩ yonoói atikĩra. Askámaĩnõ earo, vakerasĩ keyómaĩnõro, vakerasĩ yamase ẽ nikatsai”, ato akĩ Jacopa.
\p
\v 15 Askávaĩi Egitonamã vokĩ, atõ anõ onis ati ivo vii, atõ meravai ivo kopímati vii, aatishõsevi arí vii, avaikĩ Benjamim ewei, avai voshõ José nokovaĩvo. 
\v 16 Aská Benjamim atonĩ tachikaĩa merainã Josepa ãwẽ shovo vesoshoaya kakáya tanamakĩ. “Naa yorarasĩ ẽ shovõ ato kawivaĩta. Iná wetsa yamamavaikĩ naí akí kao, vari matxika atonĩsho ẽ pii kanõ”, akĩ.
\p
\v 17 Ãwẽ aská aká kashõ ãwẽ yonoatõ ato ashõki, Josepa shavapa ato kawivaĩsho. 
\v 18 Aská ano ãwẽ shavapa ato ãwẽ kawivaĩatõsho raké akĩ chinãvo. “Kopímati papí õsiki noke tĩi ashõchníki, noke atõ kawivarãa taíse. ‘Mã askávaĩtachĩa’, iinã noke kayá akatsai, iokiro atxisho, atikĩ noke mee imai, nokẽ jumentorasĩ viãkãi noke akatsai”, ikĩ chinãvo.
\p
\v 19 Askáinã ano ikoti veyósho Josepa shovo vesoshoaya kakáya, avé vanakatsiinã chinãvaĩvo. 
\v 20 Aská akĩ kenavaíki anõ eséyakĩ vana akĩ. “Piti kopímashõ vinõ iinã neno ma nõ iowachĩa. 
\v 21 Askáwani vokĩ, yãtamaĩnõ, oshakatsiinã, nokẽ papí vepẽpakésho nõ oĩa, kopímati meetáma, katséi tĩi ipáa nõ merachná. Askáinã aaivo kopímati arimẽse nõ vivarãai. 
\v 22 Tsoã nokẽ papipa noke tĩi ashõikĩ nõ ichĩa, noke tanama. Aská norí anõ piti vionoshõ iinã kopímati nõ vivarãóai”, iinã yoãshoávo.
\p
\v 23 Aská akĩ atõ yoãmaĩnõ, “Roase, rakétsomároa. Matõ Yové, matõ papã Yovepa, matõ papipa mato tĩi ashõchnátsikĩ. Askámaĩnõ anõ piti kopímati ivoro ma ẽ vichĩa”, ato akĩ. Anosho, Simeão ivo kepẽvaíki ato ewevarãshokĩ. 
\v 24 Askávaíki txipo shovo naki ato weimavaikĩ, “tae txoa arína”, iinã wakapasha ato inãvaíki\f + \fr 43.24 \fr*\ft Aatiã tae txoa ikíro tanátirívi yora anõ eséyakĩ oĩa \ft*\f* jumento pimati ato inãói akĩ. 
\v 25 Ato ãwẽ askámaĩnõ, José anõ onis ati atõ vivarãa ivo, kashma akávo, “vari matxika ẽ pii kakatsai ikitserã”, iinã.
\p
\v 26 Askái José, ãwẽ shovõ nokókarãmaĩnõ, anõ onis ati atõ vivarãa ivo inãvaí, aa veyó maĩ vetsek ipásho kãtxívo. 
\v 27 Atõ askámaĩnõ Josepa, “mato awesará”, iinã ato nĩkãvai vanainaói. “Matõ papa sheni mã yoãshovai ivonã roaserá, vopima nisrá”, ato ãwẽ amaĩnõ, 
\v 28 “ẽe, nokẽ papa niisa, roase vopima”, akĩ revívaí, aa veyó vetĩ ipávo.
\p
\v 29 Atõ askámaĩnõ, ato katseki oĩketakĩ ãwẽ oĩa, ãwẽ take Benjamim, ãwẽ avé nanéa ivo meravaíki ato nĩkãki. “Naará, nokẽ take txipo aya iinã ea mã yoãshovainã? Ase, Yové Koĩni roapa ivo mia ashõtikĩra, txoo”, akĩ. 
\v 30 Anosho José, ãwẽ take merainã, ronã atxivarãtõsho, wai ikatsiinã paró itimakĩ, askávai kayasho ãwẽ kene naki ikosho wai ikí kaí. 
\v 31 Askávai txipo, ronasmẽinã, vepanói, atãi oshõ, “pirína”, ato akĩ.
\p
\v 32 Aská akĩ Josépari aríkaikĩ pimaki. Aská avaikĩse ãwẽ takevo aríkaikĩsevi ato pimaóki, Egito yorarasĩ askásevi ato aoki. Awesáma, Egito yorarasĩro hebreu yorarasĩnĩsho pimísmavo, atõ chinãtõmase nõ imísi iinã. 
\v 33 Aská akĩ ato pimaki, atõ take vevoké, veyó tsaõvaíki, wetsa atxõya tsaõi, wetsa atxõya tsaõi, akĩ ato tapĩvaĩki, txipoke ivo enékaĩkachta tsaõki. Aská akĩ ato ãwẽ kãtxivaĩmaĩnõ, arímamẽ oĩnanãketanávo. “Noke ãwẽ aweskárkĩ”, ikĩ chinãsho kãtxívo. 
\v 34 Atõ askámaĩnõ ato pimaki, José atõ pima ivosevi, atovo tsaõoshoávo. Aská avaikĩ Benjamim ivoro, kẽtxá matáka ashõki, 5 tanáti ashõki, wetsarasĩro aatíika ato ashõma. Aská akĩ metsákaki, Josénĩsho aká ene matĩvo.
\c 44
\s1 Josepa anõ ati ivo yoã
\p
\v 1 Askávai txipo, Josepa, “neská atso”, iinã ãwẽ takevo shovonamã ato ewevaiya ivo kakáya tanamakĩ. “Saco atõ vivarãa ivõ atõ papiti tanasho, piti ato tĩi ashõvaíki, naki kopímati atõ anõ viá ivo arimẽse ato naneshopátso, ave vivaĩtanõvo. 
\v 2 Aská avaikĩ, ẽ prata kaníko, ẽ take txipokena ivo sacõ, naki nanetso, trigo, ãwẽ anõ viti kopímati õsiki”, akĩ. Aská akĩ ãwẽ yonoatõsho, Josepa yonoa keská ashõki.
\p
\v 3 Askávaĩi vakíchnõse ãwẽ takevo, atõ jumento vivainii voávo. 
\v 4 Askávaĩi voí, cidade atõ enevaĩsmaĩnõse, Josepa ãwẽ shovo vesoya kakáya tanamaóki. “Voayavo yorarasĩ ato txivãvaĩta. Ato txivãtachísho, ato neská atso. ‘Roakakĩ mato ẽ vesovaimẽkĩ awesainã ea mã ichná avarãrá? 
\v 5 Ẽ kakáyatõ prata kaníko, anõsho ãwẽ onãtakĩ oĩa, ãwẽ arí anõ aká ivo kaníko\f + \fr 44.5 \fr*\ft “Aatiã shavapa askákatsa” ikĩ, anõ ãwẽ oĩa ivo kaníko\ft*\f* mã onẽvarãai, ichná anikatõ mã ivarãai’, ato atso”, akĩ.
\p
\v 6 Askáki ãwẽ yonoa kashõ, ato txivãtachísho, Josepa yosĩatõ ato akĩ. 
\v 7 Ãwẽ askámaĩnõ revínívo. “Awesainã noke ãwẽ aská aorakĩ. Noke aská tanáti yamarivi. 
\v 8 Canaã mainamãsho nokẽ piti saco naki kopímati tĩi ikí meravaíki arimẽse ma nõ vishõvarãvaikatá. Awesainãkata kakáyã shovonamã weisho prata ouro aká nõ onevarãaikĩ? 
\v 9 Noke wetsase ãwẽ papipa kaníko meráa ivoro, aaivo yamakatsa askámaĩnõ, wetsarasĩro, kakáyatõ ato ave mee imanõvo”, akávo.
\p
\v 10 Atõ askámaĩnõ revíki. “Roase, kaníko meráya ivoro, ẽ mee imanõ, askámaĩnõ, wetsarasĩro atõ voá roase”, ato akĩ.
\p
\v 11 Anosho rayákise atõ papí kãtxipakevaíki, vepẽvo. 
\v 12 Askámaĩnõ shovo vesoya kakáyatõ atõ piti sacorasĩ naki itimavaikĩ, vevoké ivopari oĩkãi, aská avaikĩ atxõya wetsa oĩkãi, aská avaikĩ Benjamim ivo nokovaĩsho papí naki kaníko nanéa meraki. 
\v 13 Ãwẽ askámaĩnõ ãwẽ takevõ atõ õpo aa veyósho ochni ochnivo. Aská avaikĩ arimẽse atõ papírasĩ jumento matxi masõníi, avai arimẽse vesoketani iovarãóvo, José anõ niá cidadenamã.
\p
\v 14 Aská Judá ãwẽ takevonĩ, vesoketani okĩ, José ãwẽ shavapa anose niá nokotachísho, aa veyó maĩ vetsek ipávo. 
\v 15 Atõ askámaĩnõ Josepa ato nĩkãki. “Awesa akĩ aská mã meskorá? Mato tanamará? Ea keská yora onãtakĩse oĩtirívikatá”, ãwẽ imaĩnõ, 
\v 16 Judapa revíki. “Awesashokata mia nõ revíkĩ? Awesa ikíkata nõ vanaikĩ? Awesatõkata nõ pashaikĩ? Yové Koĩni nõ vana tavámayãta ivo noke ãwẽ kayá aká. Ramaro mia nõ mee ishõnõ, aa kaníko meráya ivonĩsho”, akĩ.
\p
\v 17 Askámaĩnõ, “Askáma, ea mato aská akatĩpá! Aa kaníko meráya westíse ikatsai, ẽ mee ima. Wetsarasĩro roa akĩ matõ papa meramatãnoshõ”, ato akĩ.
\p
\v 18 Atõ askámaĩnõ Judapa, kochikaĩki José veyakésho anõ esayakĩ vana akĩ. “Ase, vana westíkase mia revínõ, nĩkãtso. Enõ ichná akĩ chinãroa, miaro kakáya Faraó keskáserívi, chinãtso. 
\v 19 Neská akĩ noke mĩ nĩkãchná, chinãtso. ‘Mato papa ayaserá, mato take wetsa ayasevirá?’ noke mĩ achĩa. 
\v 20 Noke mĩ askámaĩnõ mia revíki. ‘Nokẽ papa sheniwetsaya, aská sheniwetsasho nishõ, ãwẽ vakeya txipokéchta aya. Askámaĩnõ ãwẽ take wetsaro vopiya. Ramaro ãwẽ ewã vake aa westíchtaserívi, ãwẽ papa anõ noípá’, iinã mia nõ yoãshochĩkatá. 
\v 21 Askámaĩnõ, ‘ewevarãtsoma askáro, ẽ oĩnõ’, noke mĩ amaĩnõ 
\v 22 mia revíki. ‘Aa veronero ãwẽ papa enekésmarvi. Ãatõ enekéro ãwẽ papa vopirívi’, iinã mia nõ yoãshochĩa. 
\v 23 Nõ askámaĩnõ, ‘matõ take txipoke ivo mã ewevarãma ivoro, txipokiri ea mato verõ tsakaóma ikatsai’, noke mĩ achĩa. 
\v 24 Aská nokẽ shavapa nokóvaĩsho, mĩ vana keská akĩ papa nõ yoãshochĩa.
\p
\v 25 Askávai txipo nokẽ papã ‘piti viótana’, noke ãwẽ amaĩnõ, 
\v 26 revíki. ‘Nokẽ take txipoke nokenĩ kaama ivoro, noke ari iovaĩtĩpá. Awesáma, aa yora txipokiri noke verõ tsakaotĩpá’, nõ akátõsho, 
\v 27 nokẽ papa vanai, ‘mã oĩakatá. Aaivorasĩ ẽ aĩmẽsho, venevake ravévakĩchtase ẽ meraanã. 
\v 28 Wetsã ea ma pashkáshochĩa, yoini onipatõ ea ma akãchná taíse, txipokiri ea oĩóma. 
\v 29 Rama naaivo ea mã ewẽvaĩotsíki, askái kaí, ãwẽ ichnák pakémaĩnõ, ronã ea tenãa, mapo oshokase ẽ onéa mã oĩkatsa’, noke achĩa.
\p
\v 30 Askásho rama Benjamim yamasho ẽ papa ẽ nokovaĩa, nokenĩ ãwẽ kaama oĩinãro, 
\v 31 ãwẽ vopirívi, anõ noíkasho. Aská nokẽ papa mapo oshokase nõ onekatsa. 
\v 32 Askámísi iinã ‘Benjamim eã ẽ vesovaĩkatsa. Avé iyaketãi okĩ roakĩ miaka ẽ eneshoáma oĩinãrvi, ichná neesho ẽ vopinõ, mĩ oĩni’, iinã papa ẽ tanamachĩa. 
\v 33 Askáinã ramaro, ea arí, Benjamim shanẽne kopímáma mee imaki. Ãwẽ takevonĩ ave katãnõ. 
\v 34 Aweshõkata avéshoma ẽ papa meramai kaikĩ? Ẽ papa naí chinãyai niá ea oĩkatsikíma”, akĩ revíki Judapa.
\c 45
\s1 José ãwẽ takevõ onãti ivo yoã
\p
\v 1 Aská anosho, José, anõ ato ã pãtea ivo, aa mee ishõyavorasĩ veyósho tenetĩpa tanainã, isĩinasho vanainái. “Ea veyó shokotsomároa, sherévãna”, ato ãwẽ amaĩnõ, katsése voávo. Askánamãsho “eanã Josétsikĩ”, iinã ãwẽ takevo yoãshokĩ. 
\v 2 Askái isĩinasho ãwẽ wai imaĩnõ, Egito yorarasĩni nĩkãvaíki atõ yoãmaĩnõ, Faraopa nĩkãóki.
\p
\v 3 Aská anosho ãwẽ takevo yoãshokĩ. “Eanã Josétsikĩ. Papanã vopima niisrá?” iinã ãwẽ vanamaĩnõ, ãwẽ takevõ ratéki, revíma ikívo. 
\v 4 Askávai vanai. “Neripáchta verína”, ãwẽ imaĩnõ aa orakamapa shokoi voávo. “Eanã Josétsikĩ. Matõ take, yorarasĩ inãki, enõsho kopímati mã vimaĩnõ, Egito mainamã ea atõ vivarãti ivotsikĩ. 
\v 5 Askámaĩnõ ramaro ‘awesakĩ neno, José yora inãsho, anõsho nõ kopímati viyãtákĩ’, iinã maríse naí akĩ chinãtsomároa. Vevosho ‘mato shavá amanoshõ’, iinã ea yonotirívi neno, Yové Koĩni. 
\v 6 Askásho rama piti makia vari ravévakĩ ma tavái. Ramaro 5 varikase iyakea, yorã wai aká, piti ikítĩpá. 
\v 7 Askáinã Yové Koĩni ‘yora keyóa teshe vevosho pashamakĩ, minõsho ato ẽ shavá amakatsa’, iinã neri maĩ ea ãwẽ yonotirívi.
\p
\v 8 Matomarívi neno Egito maĩ ea yonomtáya, Yové Koĩni ea ayãtárvi yonoki. Aská akĩ Faraopa ãwẽ avé chinãne takéa ea shovimai, kakáyatõ shovo vesomaí, Egito maitio kakáya shovimaí ashõ ea nitxĩkemtá. 
\v 9 Ramaro rayá papa yoãshotãna. ‘Mĩ vake José neskái vanai’, atsoma. ‘“Yové Koĩni Egito maitio akĩ kakáya ea nitxĩa ẽ niá. Rayá ea oĩrí, inokaroa. 
\v 10 Ea orakama Gósen mainamã mia nitxĩnõ. Mia, mĩ vakerasĩ, mĩ shokóvo, mĩ txivorasĩ, mĩ txashorasĩ, mĩ awe roaparasĩ aatiiyaíse otso. 
\v 11 Mĩ askákarãmaĩnõ mia ẽ vesokatsa. Awesáma, 5 varikase iyakea, piti makia shavá. Mã askávarãma ivoro, mia, mĩ vakerasĩ, mĩ inárasĩ aatii mã onís awekatsa”, ikikatá’, akĩ yoãshotãtsoma. 
\v 12 Aská akĩ Benjamimnĩsho ashkãsho ea mã verõ tsakaaivere. ‘Ea Josévere’, neskái matonĩ vanaya. 
\v 13 Askávaíse vana wetsa papa yoãóshokĩro neská atsoma. ‘Mĩ vake Egitonamãsho anõ esayakĩpá oĩmtsãwavo’, iinã mã oĩa ivorasĩ keyoki yoãshoi atsoma. Aská akĩ rayá neri ẽ papa ea ewevarãshotsoma”, ato akĩ. 
\v 14 Askávai José ãwẽ take Benjamimnĩ tetsõnanãvaĩsho wai ikívo. 
\v 15 Askáki ãwẽ takevo katseki ato mekí apái wai ikí. Askámaĩnõ txipo ãwẽ takevo avé vanavo.
\p
\v 16 Askái “Josepa takevo veavo”, ikí Faraopa shovonamã kaká nĩkãinã, Faraó, ãwẽ mee ima ivo yorarasĩ aká anõ mekívo. 
\v 17 Askáinã Faraopa, “mĩ takevo neská atso”, iinã José tanamakĩ. “Matõ inárasĩ papimavai, Canaã mainamã votãna. 
\v 18 Askátani iovarãtsoma, matõ papa, matõ wetsamavorasĩ aatíi. Egito mai kashke roapa ivo ato ẽ inãkatsa, anõ marí piti merámashõ roa akĩ pii shokonoshõ. 
\v 19 Askáki nenosho anõ kawitirasĩ vivaĩtana, anõ matõ aĩvorasĩ, matõ vakerasĩ, matõ papa aatii kawivarãnoshõ. 
\v 20 Ari matõ awe ichnárasĩmẽ tsakátsomároa. Awesainãma, Egito mainamã roapa ivorasĩ mato aya ikatsai”, akĩ Faraopa.
\p
\v 21 Askámaĩnõ Israẽl vakerasĩni aská akávo. Faraopa “ato aská ashõtso”, iinã yonomaĩnõ ashõki, anõ kawitirasĩ inãi, vokĩ atõ vaĩsho piti inãi ato akĩ Josepa. 
\v 22 Aská avaikĩ, õpo venákarasĩ ato katseki inãpakéki, askámaĩnõ Benjamim ivoro kopímati shasho prata 300 inãi, õpo venáka 5 inãi akĩ. 
\v 23 Askámaĩnõ ãwẽ paparo Egito maĩ awe roapa ivorasĩ 10 jumento papimavaikĩ yonoshokĩ. Aská avaikĩ 10 jumento aĩ, trigo, pão, vaĩ okĩ ãwẽ piti ivo aatii papimaovaíki yonoshokĩ. 
\v 24 Askái anosho ãwẽ takevõ enevaĩkatsímaĩnõ, “Vaĩsho vatxinanãkõvaĩtsomároa”, akĩ ato vana akĩ.
\p
\v 25 Askái anosho Egitonamãsho wenívaĩi voí, Canaã atõ papa Jacó niánamã nokóvaĩsho 
\v 26 yoãshoávo. “José vopima, niisa. Egito kakáyatõ yonoa maitioi kakáyasevi niá”, ikĩ yoãmaĩnõvo, Jacó ãwẽ chinã ratéktãwãki atõ yoã tanaki. 
\v 27 Askámaĩnõ Josepa vana katseki atõ yoãshomaĩnõ, ã vakẽ anõ kawitirasĩ yonoshovai oĩinã, ãwẽ chinã matsipakevaí mekíi. 
\v 28 “Ii anõserá! Ase, ẽ vake José vopima taíse. Ẽ vopiti vevochta ẽ oĩi kanõ askáro”, ikí vanai.
\c 46
\s1 Jacó ãwẽ vakerasĩnĩ Egito maĩ tekiti ivo yoã
\p
\v 1 Askái Israel anosho ãwẽ awe keyoki roa avaí weníkaĩi kaí Bersebakirí. Ano nokókaĩsho, ãwẽ papã\f + \fr 46.1 \fr*\ft Ãwẽ paparo Isaque\ft*\f* ravia ivo Yové yoini maki ashõki. 
\v 2 Askái aaivo yamepáse namáki oĩatõ akĩ ãwẽ oĩa Yové Koĩni meramatachísho, kenaníki. “Jacó, Jacó”, ãwẽ akátõsho, “awerá, ea neno niá”, akĩ revíki.
\p
\v 3 “Earo Yové Koĩvere, mĩ papã Yové ea. Egito maĩ kaí rakéroa, anosho minõsho yora ãtsa ẽ revomakatsai. 
\v 4 Egito maikiri ea mivé ẽ kakatsai, askávaíki arimẽse mia ẽ ewevarãókatsa. Anosho Josepa mĩ namékaĩa oĩkatsa”, akĩ.\f + \fr 46.4 \fr*\ft Hebraicõ vanaro “mĩ vero vepãt apákatsa” ikí\ft*\f*
\p
\v 5 Askávai, Jacó Bersebanamãsho weníkaĩói. Faraopa “anõ vivarãtsoma”, iinã anõ kawiti ãwẽ yonoshovai ivorasĩni, ãwẽ vakerasĩni atõ papa, atõ vakerasĩ, atõ aĩvorasĩ aatii kãtxinivai iovaĩóvo. 
\v 6 Askávaíse inárasĩ, ãwẽ awe ichnárasĩ, Canaãnamãsho ãwẽ meraa ivorasĩ aká kawivaĩki, ãwẽ revomarasĩnĩ ashkãse, 
\v 7 ãwẽ vake venevakerasĩ, aĩvakerasĩ, ãwẽ shokóvo, ãwẽ awe shavovo aatíi.
\p
\v 8 Aská naatíiro Israel yorarasĩ Egitonamã votivo, Jacopa ato revomarasĩ. Ãwẽ vake vevokéro Rúben.
\p
\v 9 Rúbeni vake venevakerasĩro Enoque, Palu, Hezrom, Carmi aatíi.
\p
\v 10 Simeão vake venevakerasĩro Jemuel, Jamim, Oade, Jaquim, Zoar, Saul aatíi. Saulro Canaãnamã shavõ vake.
\p
\v 11 Levipa vake venevakerasĩro Gérson, Coate, Merari aatíi.
\p
\v 12 Judapa vake venevakerasĩro Er, Onã, Selá, Perez, Zerá aatíi. Er, Onã aatíiro Canaã mainamãshóse vopitivo. Pereznĩ vake venevakerasĩro Hezrom, Hamul aatíi.
\p
\v 13 Issacarnẽ vake venevakerasĩro Tolá, Puá,\f + \fr 46.13 \fr*\ft Hebraicõ vana teki akĩ wichayatõ akáro “Puá”, wetsã akáro “Puva” aká\ft*\f* Jó,\f + \fr 46.13 \fr*\ft Hebraicõ vana teki akĩ wichayatõ akáro “Jó”, wetsã akáro “Jasube” aká\ft*\f* Sinrom aká.
\p
\v 14 Zebulomnẽ vake venevakerasĩro Serede, Elom, Jaleel aatíi.
\p
\v 15 Aatii yoãnáro Liã vake venevakerasĩ Padã-Arã mainamãsho Jacopa revomati, askámaĩnõ aĩvake ivoro Diná anoshósevi vakea. Katsékasero, 33 aya.
\p
\v 16 Askámaĩnõ Gadẽ vake venevakerasĩro Zifiom,\f + \fr 46.16 \fr*\ft Hebraicõ vana teki akĩ wichayatõ akáro “Zifiom”, wetsã akáro “Zefom” aká\ft*\f* Hagi, Suni, Esbom, Eri, Arodi, Areli aatíi.
\p
\v 17 Aser vake venevakerasĩro Imna, Isvá, Isvi, Berias aatíi, askámaĩnõ, atõ take aĩvakero Sera. Beriasnẽ vake venevakerasĩro Héber, Malquiel aatíi.
\p
\v 18 Aatii yoãnáro Zilpã vake venevakerasĩ Jacopa revomaa. Zilparo, Lia mee ishõya, Labãone ãwẽ vake inãti. Ato katsékasero, 16 aya.
\p
\v 19 Askámaĩnõ, Jacopa aĩ Raquẽl vake venevakerasĩro José, Benjamim aatíichtase.
\p
\v 20 Askámaĩnõ Azenatemẽsho Josepa, Egitonamãsho merati, vake venevakerasĩro Manassés, Efraim aatíi. Azenatero Potíferã vake aĩvake, Om yorarasĩ yové vevoshoaya yora.
\p
\v 21 Askámaĩnõ Benjamim vakerasĩro Belá, Bequer, Asbel, Gera, Naamã, Eí, Rôs, Mupim, Hupim, Arde aatíi.
\p
\v 22 Aatii yoãnáro Raquelmẽsho Jacopa revomarasĩ. Ato katsékasero, 14 aya.
\p
\v 23 Dãne vake venevakero Husim.
\p
\v 24 Naftalĩ vakerasĩro Jazeel, Guni, Jezer, Silém aatíi.
\p
\v 25 Aatii yoãnáro Bilã vake venevakerasĩ Jacopa revomaa. Bilaro, Raquẽl mee ishõya, Labãone ãwẽ vake inãti. Ato katsékasero, 7 aya.
\p
\v 26 Aská aa ãwẽ revomarasĩ katsékase 66 yora, Jacónĩ Egito mainamã votivo, askámaĩnõ ãwẽ vakẽ aĩvorasĩro tanatáma. 
\v 27 Askávaíse Josepa vake venevake, Egitonamãsho ãwẽ meraa ravévakĩ. Askávaíse Jacopa revomarasĩ nerishõ Egitokiri voí aká, õsíketaná 70 yora.
\s1 Jacó ãwẽ vake Josénĩ meránanãti ivo yoã
\p
\v 28 Askáki Jacopa vevo Judá yonoki, “vevokaĩsho José tanamatã. ‘Awesakaĩi Gósennamã kaarki’, ea ave yoii onõ”, akĩ. Aská ano atõ nokóvaĩmaĩnõ 
\v 29 José cavalõ ninia ivo carruagem kashma avaí, ãwẽ papa Israel “veyanõ”, iinã chinãvaĩki. Aská akĩ ãwẽ papa veyatachísho tetsõvaĩsho, wai ikí, rayá enéma.
\p
\v 30 Anosho Israẽl, “ramaro ẽ vopia roase, mia ma ẽ aka mĩ yora meraki, mia vopima ẽ oĩa”, akĩ.
\p
\v 31 Askávaíki anosho Josepa ãwẽ takevo, ãwẽ papã wetsamavorasĩ aká ato tanamakĩ. “Faraó ẽ tanamatãinã, ‘ẽ takevo, ẽ papã wetsamavorasĩ aatii Canaã mainamã shokosho, neno veavo. 
\v 32 Atovoro iná vesoyavo, txasho iná akayavo, askásho atõ txivorasĩ, atõ txashorasĩ atõ awerasĩ katsése akárasĩ vivarãi veavo’, ẽ akí kaai. 
\v 33 Aská Faraopa mato kenavaíki mato nĩkãki. ‘Awesa ivo mee iti mato imískará’, ãwẽ imaĩnõ 
\v 34 neská akĩ revítsoma. ‘Noke yoini iná akayavo, vakechtashóse nõ shovirívi, nokẽ shenirasĩ ipawatõ ikí’, atsoma. Mã aská akáro, Gósennamã mã shokoa roase ikatsai. Awesáma, Egito yorarasĩ txasho, txivo, cabra aká iná aká roa amísmavo, atõ chinãtõmase nõ imísi iinã”, ato akĩ.
\c 47
\s1 Josepa ãwẽ papa Egito maĩ kakáya meramati ivo yoã
\p
\v 1 Askávaíki Josepa Faraó vana yoãvaĩshokĩ. “Ẽ papa, ẽ takevo, atõ txivorasĩ, atõ txashorasĩ, atõ awerasĩ katsése akáyai Canaãnamãsho veí Gósen mainamã shokokei veavo”, akĩ. 
\v 2 Askávaíki txipo ãwẽ takevo 5 kawivaĩsho, Faraó ato ãwẽ oĩmaatõsho 
\v 3 Faraopa ato nĩkãki. “Awesa ivo mee iti mato imískara”, ãwẽ akátõsho, “noke txasho iná akayavo, nokẽ shenirasĩ ipawatõse ikí. 
\v 4 Naaivo maĩ shoko shoko inõ iinã nõ vevai. Awesainã nõ vevaima, Canaã mainamã piti makii, yama, inárasĩni pimati wasi yama aká oĩinã veí, ramaro Gósen mainamã nõ shokokénõ, awesá noke mĩ atirá?” ato imaĩnõ, 
\v 5 Faraopa José yoãshokĩ. “Mĩ papa, mĩ takevo aká mia chinãvarãaivo taíse. 
\v 6 Egito mainamã miã mĩ meskoro roase. Mai kashke westíkase roapa ivo oĩvaíki ato shokõtso, Gósennamã. Aská ato ivo iná vesoi yosíaraki oĩvaíki, ẽ iná vesoshoaya nitxĩtso”, akĩ tanamakĩ.
\p
\v 7 Askávaíki Josepa ãwẽ papa ewevaĩsho Faraó meramai kamaĩnõ, Jacopa vana roapa ivõ Faraó netãki. 
\v 8 Ãwẽ aská akatõsho, “mia vari awetíirá”, iinã Jacó nĩkãki.
\p
\v 9 Ãwẽ askámaĩnõ, “nikonkoĩsho niáma ẽ iyakekarãi, 130 vari ea aya. Earo ichnái sheniyai, askái vari ãtsa tavái yomãnái ẽ niá. Ẽ shenirasĩ, atovo ipawatõ ikí, vari ãtsa tavái ea niakekarãma ea”, akĩ revíki. 
\v 10 Askávai, Jacó Faraó vana roapa ivõ netãvai kaí.
\p
\v 11 Askávaíki Josepa ãwẽ papanĩ ãwẽ takevo Ramessés orakama, Egito mai kashke roapa ivo ato inãvaíki ato shokõki, Faraopa yonoa keská akĩ. 
\v 12 Askáki, ãwẽ papa, ãwẽ takevo, ãwẽ papã wetsamavorasĩ aatii piti ato inãvaĩvaĩki. Wetsa ãwẽ vake ãtsapa aya ivoro, ãtsapa inãi, wetsa ãwẽ vake ãtsama ivoro, ãtsamase inãi ato avavaĩki.
\s1 Piti makiti ivo yoã
\p
\v 13 Askái maitioi piti makimaĩnõ, shopĩi pikatsikívo. Askái Egito maĩ yorarasĩ, Canaã maĩ yorarasĩ aatii shopĩi yomevo. 
\v 14 Askámaĩnõ, yorarasĩni trigo mekekõvarãchna ivo vikĩ. Anosho Josepa kopímati atõ inã ivo vivaĩsho Faraopa shovõ kãtxiki. 
\v 15 Askái Egito maĩ yorarasĩ, Canaã maĩ yorarasĩ aatii atõ kopímati keyókaĩmaĩnõ, Egito yorarasĩni José nĩkãi voávo. “Piti noke inã. Nokẽ kopímati ma keyóai, noke vopimísi”, atõ akátõsho, 
\v 16 “mato kopímati yama iinãro mã inárasĩ vivarãna. Trigo mato katoshonõ”, akĩ ato revíki. 
\v 17 Askávaíki atõ inárasĩ, cavalorasĩ, txivorasĩ, txashorasĩ, jumentorasĩ akárasĩ, José atõ vishõvarãmaĩnõ, trigo ato inãki. Vari shavá westíkase taváki atõ inárasĩ piti katoki, anõsho ato vesoki Josepa.
\p
\v 18 Askái aaivo vari tavákémaĩnõ, vari wetsa txitavíanamã, José chinãvaĩósho vanavo. “Nokẽ kopímati ma keyóai, nokẽ inárasĩ mia ma nõ inãchná. Mia noke pãtetĩpá. Ramaro mia nõ anõ viãti yama. Noke, nokẽ mai, aatiise iyakea. 
\v 19 ‘Ave keyósnõvo’, noke aroa. Noke, nokẽ mai aatii vivaikĩ trigo noke inã. Askámaĩnõ Faraopa aatii ivokékatsa. Piti vaná ãwẽ esherasĩse noke inã. Noke shopĩni tenãmísi. Askái nokẽ mai piti vaná yamasho, maise pesomísi”, akávo.
\p
\v 20 Atõ askámaĩnõ, Josepa Faraó mai keyoki vishõki. Shopĩ ranóma tanainã, Egito yorarasĩni ashkãsho atõ mai José inãvo. Askámaĩnõ atõ mai Faraopa keyoki ivokéki. 
\v 21 Askáki Josepa Egito mainamã ato mee imaki, ora pashka pashkatãsho ato shokõpakéki. 
\v 22 Askámaĩnõ atõ arí yovérvi vevoshoayarasĩro, Josepa atõ mai viãkãma. Atovoro awesasho atõ ikíma, atõ tanáti arí ayasho, atõ pitirasĩ Faraopase ato inãki.
\p
\v 23 Askávaíki Josepa yorarasĩ ato tanamakĩ. “Ramaro mato, matõ mai aatii, Faraó ma ẽ vishõai. Vaná esherasĩ mato inãnõ, vanatsoma. 
\v 24 Askái piti ikaĩmaĩnõ, tovaki, 5 tanáti avaikĩ, westíkasero Faraó inãvaĩvaĩtsoma, askámaĩnõ 4 iyakéaro aaro marí viaketsoma. Ravé matõ vakerasĩ, matõ wetsamavorasĩ akánĩsho pikĩ, ravéro vanai atsoma”, akĩ.
\p
\v 25 Ato ãwẽ aská akatõsho, “miãrvi noke mĩ shavá amai. Ramaro aská, roaka akĩ noke mĩ vesoatõsho, Faraó nõ mee ishõkatsa”, akávo.
\p
\v 26 Askái Josepa naaivo tanáti nẽeti, Egito mainamã rama enéma, isa. Piti ikaĩmaĩnõ, tovavaíki, 5 tanáti avaikĩ, westíkasero Faraóná. Askámaĩnõ yové vevoshoaya yorarasĩni mairo, Faraopa ato viãkãma.
\s1 Jacopa José vana tavámatima ivo amati ivo yoã
\p
\v 27 Askái anosho Israel yorarasĩ Egito mai kashke wetsa Gósennamã shokokévo. Askái arí mai kashke vipásho, shoko shokotãsho revovo.
\p
\v 28 Askámaĩnõ, Jacó anosho 17 vari tavái nii, 147 vari nokoki. 
\v 29 Askái vopikatsikawãki, ãwẽ vake José kenaki. “Enõ mĩ noíro, ẽ kichi teró ea atxi. ‘Papamẽ noípakĩ petxitima chinãsho ẽ vesokatsa’, iinã vana tavámatima ivo ea nẽe. Neno Egitonamã ea oneroa. 
\v 30 Nenosho ẽ vopimaĩnõ, ea vivaĩsho, ẽ papavo kesó ea atso oneki”, ãwẽ imaĩnõ, “ase, ea mĩ tanamatõse mia anõ”, akĩ ãwẽ revíatõsho, 
\v 31 “tavámatima ivo vana ea ashõ”, ãwẽ akátõsho, aaivo vanã akĩ. Anosho ã papa ãwẽ otétinĩ vetĩ itãchtasi.\f + \fr 47.31 \fr*\ft Matxi yoãnáro Septuaginta ivõ wichapaóa, askámaĩnõ Hebraicõ wicháro “ã vosoakiri vetĩ ipá”, ikí yoãnáa \ft*\f*
\c 48
\s1 Jacopa vana roapa netãti ivo yoã
\p
\v 1 Askávai txipo, “Mĩ papa isĩ teneai”, iinã atõ yoãshomaĩnõ, “oĩnõ” iinã kakĩ ãwẽ vake ravé ashõ Manassés, Efraim aatii ato ewevaĩshokĩ. 
\v 2 Askákaĩi ãwẽ kamaĩnõ, “mĩ vake, Josepa mia oĩi oa”, akĩ yoãshoávo. Askái José nokókaĩmaĩnõ, ãwẽ papa ãwẽ rakánamãsho, moitĩpamẽkĩ askáchtase tsaóinái.
\p
\v 3 Tsaóinavaíki ãwẽ vake yoãshokĩ. “Yové Weeya Ivõ Luznamã, Canaã mai nakisho ea meramatachísho, vana roapa ivõ ea netãti. 
\v 4 ‘Minõsho miapa ivo yora revomakĩ, westíma mia ẽ shovimakatsai. Askáki, minõsho yora shoko wetsa mia ẽ shovimakatsai, askávaíki naaivo mai atonase ikatsai’, akĩ ea tanamati, Yové Koĩni. 
\v 5 Askásho ramaro, mĩ vake ravévakĩ, ẽ oti vevo Egitonamãsho vakeya ivo ená keská ikatsai, Efraim, Manassés aatíi. Ená, Rúben, Simeão, aká keská ikatsai. 
\v 6 Mĩ vakerasĩ wetsa txipo mĩ meraóa ivorasĩro miná ikatsai. Atovõ mĩ vopimaĩnõ, mĩ mekẽyarasĩ, vevokerasĩni vikenkeãa ivo atovõ viakekatsaivo. 
\v 7 Askái Padã Arãnamã itãi ẽ iokarãmaĩnõ, Canaã mainamã, Efrata orakamasho Raquel vopimaĩnõ, chinãi ea onísmtá. Askáki, ano Efrata vai kesó, rama Belém akĩ ato aneanamã ẽ oneti”, akĩ Jacopa.
\p
\v 8 Askáki, Josepa vakerasĩ shokoa oĩinã, “tsoarasĩrá naanã?” ãwẽ imaĩnõ, 
\v 9 “Yové Koĩni nenosho ea inãchna vakerasĩ”, akĩ ãwẽ papa revíki. Ãwẽ aská akatõsho, “Ase, neno kawivarã, vana roapa ato ẽ netãnõ”, akĩ.
\p
\v 10 Askásho aatĩa aaro sheniwetsasho veshoyasho. Askáinã Josepa ãwẽ vake venevakerasĩ ãwẽ papa taváchta ato ãwẽ shokõvaĩshómaĩnõ, ãwẽ papã ato atxivaĩsho ato mekí apáki.
\p
\v 11 Aská avaikĩ José tanamaóki. “Txipokiri mĩ yora ea meraóma ikatsairavã ẽ ava avaina. Askámẽkĩ ramaro, Yové Koĩni mia, mĩ vakerasĩ aká ea meramaóai”, akĩ.
\p
\v 12 Ãwẽ askámaĩnõ, Josepa ãwẽ vakerasĩ, ãwẽ papã oshkea viakevaí maĩ vetsek ipásho rakái kaí. 
\v 13 Askávaíki, Josepa ãwẽ mevi mekirisho Efraim ninivarãvaíki, ãwẽ papã mevi mechmiri nitxĩi, Manassés ivo ãwẽ mevi mechmirisho ninivarãovaíki ãwẽ papã mevi mekiri nitxĩi, ato avévakĩki. 
\v 14 Ato ãwẽ aská amaĩnõ ã papã, ãwẽ mevi vivévakĩki, Efraim, txipoke ivo ãwẽ mevi mekirisho mapãt akí, Manassésro vevokemẽkĩ, ãwẽ mevi mechmirisho mapãt akí, ato avévakĩki. 
\v 15 Askávaíki Josémẽ vana roapa netãi vanai. “Ẽ papavo, Abraão, Isaque, aatiisho ravipaóa ivo Yovepa askatase ea vesokõvarãki, rama ea vesoki asai. 
\v 16 Ãatõ, Yonótaya Yovepa raké ea pashamakõvarãya ivõ aatiisho naa vakerasĩ roapa ivorasĩ ato ashõtikĩra. Askái atomẽsho ẽ ane, ẽ papavõ ane, Abraãoná, Isaquená aatii petxĩkima ave chinãnõvo, ãtsai revosho ave maitiónõvo”, akĩ.
\p
\v 17 Ãwẽ askámaĩnõ Josepa, ãwẽ papã, Efraim ivo mevi mekirisho, mapãt aka oĩinã, roa akáma. Askáinã, aaivo ãwẽ papã mevi viakevaikĩ Manassés ivo matxi mapãt amakatsiinã 
\v 18 ãwẽ papa yoãshokĩ. “Aamarívikatá papá. Naaivorvi vevokéro, mekirisho mapãt arí”, ãwẽ akámẽkĩ, 
\v 19 ãwẽ papa aví iyamai vanai. “Ẽ tanasai yomé, ẽ tanasai. Naaivo Manassésnĩ yorarasĩ westímasevi ikatsai. Askámaĩnõ, naa ãwẽ take txipoke ivoro vevoke keská ikatsai, kakáyasho, ãwẽ merávo westímasevi ikatsai”, akĩ. 
\v 20 Askái aaivo shavapa Jacó vana roapa ato netãi vanai. “Israel yorarasĩni matõ anerasĩ yoãi vanai, arímamẽ vana roapa netãnanãi aí, neskái shavákatsavo. ‘Yové Koĩni Efraim, Manassés aatíi, atovo ashõtitõ, mia atikĩra’, ikatsaivo”, ato akĩ. Anosho Jacopa Efraim ivo txipokemẽkĩ, Manassés vevo kakáyamakĩ õtxikéki.
\p
\v 21 Askáki José tanamaóki. “Ramaro ea vopikatsa, askámẽkĩ Yové Koĩ matonĩse nikatsai. Arimẽse nokẽ papavõ mainamã mato kawivaĩókatsa. 
\v 22 Askámaĩnõ, miaro, mĩ takevo vevoke ivo keská akĩ, mai matóyãwa ivo,\f + \fr 48.22 \fr*\ft Hebraicõ vana wicháro, wetsaro “mai matóyãwa ivo”, wetsaro, “Siquém” aká \ft*\f* amorreu yorarasĩ, ẽ kewãa, ẽ kãti akátõ ato pakã ashõ, ato ẽ viãti ivo mai, mia ẽ inãaivere”, akĩ.
\c 49
\s1 Jacopa ãwẽ vakerasĩ vana roapa ato netãti ivo yoã
\p
\v 1 Askávaíki txipo, Jacopa ãwẽ vakerasĩ kenavaíki kãtxivarãsho, “mato neskákatsa”, ato apáki. 
\v 2 “Vakerasĩní, vana nĩkãi verína. Mato ẽ vana aká nĩkãtsoma.
\b
\p
\v 3 Rúbení, miaro ẽ vake vevoké, veroneshõ mestẽ tsã ikimanamãsho mia ẽ merati. Miaro vake kakataiya, mestẽpa ivo. 
\v 4 Askámẽkĩ waka koviinatõ ikí mĩ niásho, rama mia kakáyatĩpa. Awesainãma, ẽ anõ piá ivo, anõ eséyakĩma, mĩ meskomtákatá.
\b
\p
\v 5 Askámaĩnõ Simeãonĩ Leviro, kewãa anõ atõ pakaya toĩtirívi. 
\v 6 Atonĩ askátõ ea takékatsikíma, atõ vanarasĩ ea nĩkãkatsikíma aká. Awesainãma, ichná akĩ chinãki, yorarasĩ keyomtávo, txasho vene ati akĩ tewẽ shatemtávo aká. 
\v 7 Atõ chinã voró ivo ea roa akáma. Israel maĩsho arírvi ato shokõpakénõ, anosho ato ẽ peás anõ.
\b
\p
\v 8 Askámaĩnõ, Judapá, miaro mĩ takevõ minõ kakataiyakĩ mia oĩkatsavo. Mivé rawíkinanãyavo miãse ato mĩ akatsai. Mivé merávo mia veyó vetĩ ipákatsavo. 
\v 9 Mia leão vake keská. Yoini yamamavaikĩ enevarãi mia omíska. Rakápakéi ikítõ mia imíska, ãwẽ aĩ keská, tsoa rakésmatõ vesõtirá? 
\v 10 Wino toĩatõ akĩ enekima mĩ toĩkatsa, mĩ revomaa yorarasĩ askásevi, aaivo toĩki, enetĩpa ikivo, ã ivo oátishõki.\f + \fr 49.10 \fr*\ft Hebraicõ vana wetsã teki akĩ wicharo “ã ivo”, wetsã akáro “Silónamã nokóya ivo yora”, aká \ft*\f* Askái aaro maitiósho ashkãsho yorarasĩni nĩkãtanaa niá ikatsai. 
\v 11 Ãatõro ãwẽ jumento uva vanapa neshakatsa. Askávaíki ãwẽ õporasĩ vinho enẽ txakakatsa. 
\v 12 Ãwẽ vero imika, uva ene keská ikatsai. Ãwẽ shetaro pashaka, leite keská ikatsai.
\b
\p
\v 13 Askámaĩnõ Zebulomro waka kaya kesó shaváyakatsai. Ano rãtxa neshéi vẽ vẽa ikatsai, ãwẽ mai Sidomnamã kesoa ikatsai.
\b
\p
\v 14 Askámaĩnõ Issacarro jumento keská, mestẽkasho papí\f + \fr 49.14 \fr*\ft Hebraicõ vana wetsã teki akĩ wicharo “papí”, wetsã akáro “txivo shokoa”, aká \ft*\f* tava rakáa, papikatsiinã. 
\v 15 Mai roapa merasho, teneimai mee ikiya ikatsai.
\b
\p
\v 16 Askámaĩnõ Dãro ãwẽ wetsamavorasĩ vesosho kakáyai nikatsai, Israel vake wetsase ikítõ ikí. 
\v 17 Aaro rono, vai pasó rakásho cavalo tapóshki ãwẽ nachamaĩnõ yora matxi tsaóa ivo naso rakáinásho pakékawãkatsa”, ato akĩ.
\b
\m
\v 18 Askávai vanai. “Ase Yavepá, ea mĩ pashamáa ivo ẽ manáai”, akĩ.
\b
\p
\v 19 Askávaíki ato tanamaóki. “Gadero kerõmavorasĩni yamamakatsímaĩnõvo, nerishõ ãatõse atõ poshómaĩnõ, kopiki ato txivãvaĩkatsa.
\b
\p
\v 20 Askámaĩnõ, Aserro piti roapa ivõ mãaimai, kakáyatõ piti naí ashõya ikatsai.
\b
\p
\v 21 Askámaĩnõ, Naftaliro nĩi txasho keská, kenétámasho ato saí imai, metsápai niaya.\f + \fr 49.21 \fr*\ft Hebraicõ vana wetsã teki akĩ wicharo “vana roapa”, wetsã akáro “saí imaya”, wetsã akáro “ãwẽ vake roapavo”, aká\ft*\f*
\b
\p
\v 22 Askámaĩnõ, Joséro waka kesó vaná vimiyãwa niá keská. Ãwẽ meã kene matxi votĩ ikí oá keská.\f + \fr 49.22 \fr*\ft Hebraicõ vana wetsã teki akĩ wicharo “vaná vimiyãwa”, wetsã akáro “jumento waka kesó niá keská”, aká \ft*\f* 
\v 23 Tawayavorasĩni onikĩ chinãki yamamakatsikí. Askái ichnáki chinãki atõ tekõkatsímaĩnõ 
\v 24 ãwẽ kãti kewikesho nii, yometakĩma mestẽkarãsho ato tekõkatsikí. Awesáma, ẽ Yové Weeya Ivõ, Israel yorarasĩ vesoya, ato teashoaya akámẽsho ã ikí. 
\v 25 Askávaíse Yové Koĩni mia take atikĩra. Yové Weeya ivõ askásevi vana roapa netãtikĩra. Naí shavapa ivorasĩ askásevi, vana roapa netãi, maĩ aaivorasĩ askásevi, vana roapa netãi, anõ revotirasĩ, shoma, vakenãti aatiisho askásevi, netãi, atikĩra. 
\v 26 Naaivo vana roapa mia ẽ netãro ẽ papavõ vana ẽ tavakepái, mató ipawarasĩ keyósma ivo keská. Askái naaivo vana roapatõ mĩ takevo ãtsakamẽkĩ mia ivo kavẽsho netãtikĩ irawẽ.
\b
\p
\v 27 Askámaĩnõ, Benjamimro lobo onika keská. Shavá nakoki pivaikĩ yãtã ãwẽ piti ivo oshkevakĩsho tsaõkatsa”, iinã ato yoãshokĩ Jacopa.
\b
\p
\v 28 Naa 12 yoraro, yora shoko wetsa shovii, yora shoko wetsa shovii, apávo. Askáinã atõ papã vana roapa, atõ ikatsai ivorasĩ aká katseki ato netãpakéki. 
\v 29 Ato aská apavaíki txipo Jacopa neská akĩ ato tanamaóki. “Ẽ papavo ẽ merai kakatsai. Atonĩkĩ ea atsoma oneki, shasho pepi sawéatõ, heteu yora Efrom nipawanamã. 
\v 30 Aaivo pepiro Macpelanamã, Manre orakama, Canaã mai naki, Abraãone Efrom heteu yora, kopímashõ viãkãti ivo, anõ yora vopimaĩnõ oneti mai. 
\v 31 Ano Abraão, ãwẽ aĩ Sara, Isaque, ãwẽ aĩ Rebeca aatii onéa, askávaíse, Lia anosevi onei ẽ ayãtá. 
\v 32 Atõ mai, atõ shasho pepi akárasĩ õsiki heteu yorarasĩ, Abraãone kopímashõ ato viãkãti”, ato akĩ.
\p
\v 33 Aská akĩ ãwẽ vakerasĩ ato yoãshokĩ mashtevaĩvaíse, namékaĩi, ãwẽ papavo merai kati.
\b
\c 50
\p
\v 1 Ãwẽ askámaĩnõ José, ãwẽ papa atxivaĩsho, mekí akí, wai ikí. 
\v 2 Askávaíki ãwẽ isĩ vesomarasĩ ato tanamakĩ. “Ãwẽ yora shaká inóimai ichnákawãmísi iinã ẽ papa, rayá patósma ivo raõ ea ashõna”, iinã ato ãwẽ tanamatõsho aaivõ raõshoávo. 
\v 3 Aská akĩ atõ mea, 40 shavá taváki rayá patósma ivo raõ akávo. Aaivo raõ atõ akáro aatii shavá rakáa anõmtsãwa iinã atõ apawavo. Ãwẽ askámaĩnõ Egito yorarasĩ, 70 shavá tavái ronavo.
\p
\v 4 Askái rona tãti avaí José Faraopa shokõkenavonĩ vanai. “Faraó neská akĩ ea mã tanamashõtirá? 
\v 5 ‘Ẽ papã ea ãwẽ eneti vevo ea aská avai. “Tavámatima ivõ vanaki neská atso. Erí ẽ kashma ati ivo shasho pepi Canaã mainamã ea atso roa akĩ”’, ãwẽ ivaitxinĩ ẽ papa ano roa anõ iinã ẽ kakatsiki, itãi ea inókarãma ikatsai”, akĩ ato yoãshokĩ.
\p
\v 6 Ãwẽ askámaĩnõ, Faraopa “ase, aapari roa atã askáro, vana neskátõ mĩ papã mia avai taíse”, akĩ.
\p
\v 7 Ãwẽ aská akatõsho, José, ãwẽ papa roa anõ iinã kaí, Faraopa shokõkenavo, ãwẽ shovo vesoshoaya kakáyarasĩ, Egito maĩ kakáyarasĩ ashkãse aatiinĩ. 
\v 8 Askávai Josepa wetsamavorasĩ, ãwẽ takevo, ãwẽ papã wetsamavorasĩ askásevi, atonĩ voávo. Askámaĩnõ, vakerasĩ, txivorasĩ, txashorasĩ aatíiro, Gósennamãse enevaĩvo. 
\v 9 Askái atonĩ voayaro, anõ pakaya ivo carrõ voayavorasĩ, cavalõ voayavorasĩ aatíi, yora westíma voávo.
\p
\v 10 Askái anõ piti vero aká shavá Atade, Jordão waka orakama, nokóvaĩsho, isĩinasho wai ikívo. Anosho José 7 shavá tavái wai ikí. 
\v 11 Askái Atadenamãsho atõ wai imaĩnõ, cananeu yorarasĩ oĩinã vanavo. “Ii, Egito yorarasĩ ronaaivo, nĩkã”, ikívo. Askáinã ano Jordão orakama, shavá aneki “Abel-Mizraim”, akĩ anevo.\f + \fr 50.11 \fr*\ft Hebraicõ vana “Abel-Mizraim” ikíro “Egito yorarasĩ ronaa mató”\ft*\f*
\p
\v 12 Aská akĩ Jacopa vakerasĩni ãwẽ papã tanamavaitõ akávo. 
\v 13 Canaã mainamã vivaĩsho, Macpelanamã, Manre orakama, mai pepĩ onevo. Aaivo pepiro, Abraãone Efrom heteu yora, kopímashõ viãkãti ivo, anõ yora vopimaĩnõ oneti mai. 
\v 14 José aská akĩ ãwẽ papa roa atãi, ãwẽ takevo, avé votãvaivorasĩ, atonĩ arimẽse Egitokiri iovarãvo.
\p
\v 15 Askávai txipo, atõ papa vopivaitxinĩ Josepa takevo arímamẽ vanavo. “Josepa nõ ayãta ivokiri chinãsho noke kopikatsa taísekĩ”, 
\v 16 ikĩ chinãki, José vana yonoshoávo. “Mĩ papã mia eneti vevo, 
\v 17 ‘José neská atsoma’, iinã noke tanamavai. ‘“Mĩ takevo anõ itimatõ atõ iti ivo, atoki ichná akĩ chinãóroa”, atsoma’, noke avai. Ramaro minõ nõ ichná akĩ chinãmtá ivo, nokemẽ ichná akĩ chinãóroa. Nokero mĩ papã Yové mee ishõya ivo yora keská noke”, akávo. Aská akĩ atõ vana yonoshoa, nĩkãinã, José wai ikí.
\p
\v 18 Askávai txipo, ãwẽ takevo, chinãvarãsho, aa veyó maĩ paraki veshõ vanavo. “Noke mĩ mee imanõ iinã neno nõ vea”, atõ akátõsho, 
\v 19 “askáma, rakétsomároa. Eanã Yovévisirora mã oĩinã? 
\v 20 Matõvísi ea mã ichnák pakekatsiyãtá. Askámẽkĩ ãatõro roã pakekésho ea nitxĩmtá, yora westíma ato ave vestẽ anõ iinã, naaivo shavapa. 
\v 21 Askáinã rakétsomároa, eã, matõ vakerasĩnĩ ashõ mato ẽ vesokatsa”, iinã rawe vanã ato ãwẽ akátõsho, matsipakétivo.
\s1 José vopiti ivo yoã
\p
\v 22 Askásho txipo José, Egito mainamã ãwẽ papã wetsamavorasĩnĩ nikonkoĩi. Anoshose 110 vari nokoki. 
\v 23 Askái ano nishõ, Efraimnẽ vakerasĩ oĩi, ãatõ shokopa vakerasĩ meráya oĩi akĩ. Askámaĩnõ Manassésnĩ vake, Maquir, ãwẽ vake venevakerasĩro, ãwẽna keská akĩ oshkeki ato kanimakĩ.
\p
\v 24 Askávai txipo Josepa vopikatsikawãki, ãwẽ takevo kenasho ato vana akĩ. “Mato ẽ enekatsa, askámẽkĩ Yové Koĩni mato take akí okatsai. ‘Mai mato ẽ inãkatsa’, iinã tavámatima ivo vanã, Abraão, Isaque, Jacó aatii, ato tanamati. Askásho nenosho mato kawivaĩsho aaivo maĩ mato shokõkatsa”, ato akĩ. 
\v 25 Aská avaikĩ, “ramaro vana tavámatima ivo ea ashõna. Ẽ vopia txipo Yové Koĩni mato take akí omaĩnõ, ẽ shaorasĩ kawivaĩtátsoma”, ato akĩ.
\p
\v 26 Askái anosho José 110 varinamãsho, vopimaĩnõ, rayá patósma ivo raõ avaikĩ kavõ ichnáma ivõ nanetivo.