\id 2JN - 2 John; Bo-Ung N.T. Rob & June Head; 18th May, 2004 
\h JON TALE-SIPALE 
\toc1 JON TALE-SIPALE  JON-ni Wale TALE-SIPA Pepá Topa Sirim Bukele  Jon-ni Pepá Topa Sirim Ilinga Ung-Pulu Mare 
\toc2 JON TALE-SIPALE 
\mt1 JON TALE-SIPALE  
\mt2 JON-ni Wale TALE-SIPA Pepá Topa Sirim Bukele  
\mt2 Jon-ni Pepá Topa Sirim Ilinga Ung-Pulu Mare  
\ip Ung-pulu mare buk-gomú 1185 molemú, akili kanui. ‘Yi mare anduku “Ung mare piliangi ung-bo tonjupu mani samili, wasie piamili wamili.” ningí kene aima mimi-siku kanuku apuruku, gólu tolemele yimandu “Wasie piamili wai.” ni aima naa niangi.’ nimba pepá tale-sipa ili kepe topa sirim.  
\ip Ya ung-pulele pora nikem.  
\c 1  
\ms1 1-13 pali Pulu Yili-nga Ung-Sikama Tondulu Mundupu Ambulupu, Ung-Sikama Naa Niku Ung Lupama Mani Silimele Yimanga Ungma Apurupu Konjupu Aima Naa Piliamili Akiliinga Ung Te  
\s1 1-3 Jon-ni Pepále Tombandu Pulu Monjupa Turum Ungma  
\p
\v 1-2 Na Krais-nga yambumanga tápu-yi andale-ni  
\m ⸤pepá ili topu⸥  
\p Pulu Yili-ni ⸤‘Yunga mulupili.’ nimba⸥ makó turum ambale kene yunga kangambulama kene sika numanu monjuliu yambuma ⸤eni pepá ili topu siker⸥. Na-ni mindi eni numanu naa monjuliu. Ung-sikama oliu-kene pelemú mele penga kepe pepa mindi pumba akiliinga ung-sikama piliilimili yambuma-ni pali eni numanu monjulemeleko.   
\p
\v 3 Ung-sikaliinga ulu-pulele kene numanu munjuli ulu-pulele kene oliu-kene pípili, Lapa Pulu Yili kene, yunga Málu Yesos Krais kene, elsele-ni oliu we kondu kolkulu teku konjukulu, oliu-ni wale mare kene ulu mare tepu kis-simulú kene oliu kondu kolkulu ‘Mindili nangi.’ naa nikulu, ‘Oliu numanu waengu nipili táka-niku molangi.’ ninglí.   
\s1 4-6 Oliu Numanu Monjumulú Ulele Teamili Ung Te  
\p
\v 4 Lapa-ni oliu “ung-sikama piliiku liiku teai.” nirim mele nunga kangambula mare-ni piliiku liiku teku molemele kene kanupuliinga na aima numanu sipu moliu.  
\v 5 Ambu kaiéle, “Oliu oliuliu anju-yandu numanu monjamili.” niker akili na-ni ung-mani kona te pepá topu naa siker, mólu. Oliu koela Krais-nga yambuma molupu kene piliirimulu ung-manele nimbu pepá topu siker.  
\v 6 Numanu monjumulú akili i-sipa mele: Oliu yu-ni “Teai.” nirim mele ung-manima piliipu teamili. Yu-ni “Teai.” nimba ung-mani sirim eni ui-pulu-pulu piliiring ung-mani kanili “Eni anju-yandu yambuma numanu monjuku molai.” nirim kanili.   
\s1 7-11 Krais-nga Ungele Tondulu Mundupu Ambulupu Molamili Ung Te  
\p
\v 7 Gólu toku yambu kiáki teku niku, “Yesos Krais mania omba mana-yi au talurum.” naa nilimele yambu pulele koleamanga pali anduku molemele. (Akiliinga “Oliu oliuliu anju-yandu yambuma numanu monjamili.” nimbu pepá tokur.) Yambu akuma gólu toku yambu ung-kundi tolemele yambuma, Krais-kene ele-túma molemele.  
\v 8 Eni ‘Méle liimulú.’ niku kongun mindili siku telemelema ‘Omba mania pumba.’ niku nokuku konjuku gi siku ambolku molangi. Eni méle kaluli kaí simbama pali liingí kene kapula.  
\v 9 Yambu te Krais-nga ungma tondulu mundupa ambulupa naa molupa, ung te-lupa ‘piliambu.’ nimba pumu lem Pulu Yili yu-kene wasie tapú-toku naa molembele. Yambu te Krais-ni ung-mani silimú ungma tondulu mundupa ambulupa mulúm lem Lapa kene Málale kene yu-kene wasie tapú-toku molemele.   
\p
\v 10 Yambu te-ni ‘Ung te nimbu simbu okur.’ nimba kene ung ima mele naa nimba ung te-lupa nimba símu lem yu eninga lkumanga naa meku puku, “Nu okunuye?” niku ki naa liai.  
\v 11 Yambu te-ni “Nu okunuye?” nimba ki liipa “Papu okonu.” nimbá yambale ombá yambale-ni tepa kis-sipa molumba yambale liipa tapunjupa yu wasie telembele.   
\s1 12-13 Pepá Topa Pora Sipa Kene Ung Wallú-Talse Mare Turum Ungma  
\p
\v 12 Na-ni eni ung ⸤aima⸥ pulele pepá topu eni silkaliinga-pe ‘Oliu aima kamu numanu auli-tepu sipu molamili akiliinga eni molemelena na ombu mongale-ni kanupu eni-kene ung nimbu sipu molambu.’ nimbu piliipu kene pepá naa topu mundupu kelker.   
\p
\v 13 Nunga angena ⸤Pulu Yili-ni⸥ “Yunga mulupili.” nimba makó turum akiliinga kangambulama-ni “Nu mului.” niku mundukumele.  
\b  
\p ⸤Aku manda niker.⸥