\id REV - Maiwa NT [mti] -Papua New Guinea 2011 (web version -2017) 
\h Rev 
\toc1 Jon Gumbe Iesu Keriso Taibe Toyau Nunnewa 
\toc2 Revaresion 
\toc3 Rev 
\mt1 REVARESION  
\mt2 Jon Gumbe Iesu Keriso Taibe Toyau Nunnewa  
\c 1  
\s1 Gae Amatonewa  
\p
\v 1 \x + \xo 1:1 \xt Rev 22:6\x*Natawa guwavewa me Iesu Keriso taibe anewa.\f + \fr 1:1 \ft Gae Ingriisu gumbe me Revaresion, Gae Griik gumbe me Apokarupsis. Natawa mamaib: Taibe anewa, Natawa guwavewa God irawa uyavi minawa gumbe taibe toyau nunnewa.\f* Mame me God Iesu Keriso wannewa. Dividivi tate matatpewa me nau igiyawa meuma toyau muntan oya. Keriso aneya meuma baraune Keriso nauwawa aiviwa Jon aine. Aneya Jon dine me yaug anone.  
\v 2 Jon me dividivi yaunewa undag me taibe ane. Me God gaiyawa ge Iesu Keriso taibe wanewa.  
\v 3 \x + \xo 1:3 \xt Rev 22:7,10\x*God gaiyawa mame basiyapewa me waribiyape. Iyayapan mu me anope sira me danave tenewa nonomagowo baraupewa mu waribiya mumpe. Kuiyawa kum koni aivi.   
\s1 Gaun Ge Waiya  
\p
\v 4 \x + \xo 1:4 \xt Eks 3:14-15; Rev 3:1; 4:5\x*Jon gumbe at Esia danave siosi 7 oya. God ano oraiwa ge yum me gumbe ye guniyap. Me wakenewa gumbe sira me matai uwapewa gumbe, sira God wakeivi arawa namive Guwawa 7 gumbo God ano oraiwa ge yum ye guniyap wakeigimpe.  
\v 5 \x + \xo 1:5 \xt Sam 89:27; 1Ko 1:18\x*Sira Iesu Keriso gumbe. Me anotumat gumbe taibe waivi abnawa. Me bo gumbe namu yainewa. Me piyu ayapaneba egave amaraiviwa. Me nu baigan nunne, sira me kukaeba numa tamtut di meuma gumbe tam oraiwa gumbe te nunne.  
\v 6 \x + \xo 1:6 \xt 1Pi 2:9; Rev 5:10; 20:6\x*Me kin arawa wad nunne, sira pirisi wad nunne, nu Mamawa God nau meuma atan oya. Me gumbe eyawa ge yusiwa evedni wakeigimpe. Amen.   
\q1
\v 7 \x + \xo 1:7 \xt Dan 7:13; Jak 12:10; Mat 24:30; Jon 19:34-37; 1Te 4:17\x*Yauya. Me irikup gumbe uwape. Yangowo undag me yaupe.  
\q1 Sira mu me yuyawa yaupe. Piyu igiyawa undag me oya iruwape. Me meib, Amen.   
\p
\v 8 \x + \xo 1:8 \xt Rev 21:6; 22:13\x*Ayapan God waivi, “Ne Arupa ge Omega, Amatonewa ge Oieba.” Me evedni wakeivi, watau wakene, matai uwape, me Yusipamitwa.   
\s1 Keriso Irawa Me Apan Usiwa Mina  
\p
\v 9 Ne Jon, ye tateiwa, Iesu oya ibnawa ge God toimuwawa ge iyai waketanwa ye auyene mina ne aueni. Ne God gaiyawa ge Iesu taibe watanwa oya ginayapawa veme Patmos apa wakena.  
\v 10 Ayapan kumiwa apa ne Guwawa demtawa auna. Ne daienap noiwa kokavit anona, me kae trampet\f + \fr 1:10 \ft Me kae biguru mina.\f* noiwa mina.  
\v 11 Noiwa wane, “Ge yavegewa gigirum paniyawa danave teya. Sira teya siosi 7, Epesas, Sumiruna, Pergamam, Taiataira, Sardis, Piraderupia, Raodisia munan ampe.”   
\p
\v 12 Noiwa gunap waivi. Ne noiwa yautan tobiroriyana. Ne tobiroriyanawa, gooru dun yokeyawa 7 yawamna.  
\v 13 \x + \xo 1:13 \xt Dan 7:13; 10:5\x*Dun yokeyawa yapowo desirom da Apan Usiwa mina yauna. Me wape ennewa yobutatae aig onne ama wakukuyawa uwane. Me togeve gooru murap tune.  
\v 14 \x + \xo 1:14 \xt Ejk 43:2; Dan 7:9; 10:6; Rev 2:18; 19:12\x*Me kuiyawa ge kuiyagumawa me mae sip gumawa mina sira snow\f + \fr 1:14 \ft Me gamat pupuyu, sira gotoru mina kwimin apa aigivi.\f* mina puiwane. Me yangawa iyam meru mina igivi.  
\v 15 Me amawa brass mina ig puiwaivi arawa danave ig puiwane sira ig merawaivi mina. Me noiwa me yoi kintog aivi mina.  
\v 16 \x + \xo 1:16 \xt Ibr 4:12; Rev 2:12; 19:15\x*Me naniyutanwa danave marantun 7 yumnadne. Me noiwa gumbe mut tumiwa dauwane. Me donawa gamben gamben waivitwaya me ginangawa kum mina igivi.   
\p
\v 17 \x + \xo 1:17 \xt Ais 44:6; 48:12; Rev 2:8; 22:13\x*Ne me yaunawa, amave aig bo mina ana. Megara me naniyutanwa ne eganap baraug wane. “A den a. Ne Namuiren sira Oieba.  
\v 18 Ne evedni wakeeniwa. Bo ana, magara yauya, yaibobot inaigidna. Sira ne bo ge ades\f + \fr 1:18 \ft Me gae Ibru. Me at kukaeba. Anotumat onan igiyawa matai bo ivi unikpe.\f* kii\f + \fr 1:18 \ft Me ankwin watapemewa ge toboremewa kaipat mina.\f* meuma yumnadna.   
\p
\v 19 Meoya teya dividivi wait yauyanawa, gare matasiviwa, matai matatpewa.  
\v 20 Ge nanin yutanwa danave yawanawa me marantun 7, sira gooru dun yokeyawa 7 me ano guwavewa mamaib. Marantun 7 me siosi 7 aneya muma oya, sira gooru dun yokeyawa 7 me siosi 7 oya.   
\c 2  
\s1 Siosi At Epesas Danave Wakenewa Oya  
\p
\v 1 \x + \xo 2:1 \xt Rev 1:16\x*Siosi at Epesas danave wakenewa aneya meuma gumbe teya. ‘Me naniyutanwa danave marantun 7 yumnad munnewa, sira gooru dun yokeyawa 7 yapowo aiviwa me dividivi mame oya waivi.  
\v 2 \x + \xo 2:2 \xt 1Jn 4:1\x*“Ge egewa sira nau geuma yaigipam egewa, iyaiyai waketanwa, yaug anona. Ne yaug anona ge kukaeba igiyawa gaibu toboratan oma den ane. Sira mu mumbo apasoro waya go mu onan. Ge yawamana sira mu ugauga igiyawa ge yawam anoana.  
\v 3 Ge iyaiyai wakeyana, sira ne ivunwa oya ibnapam iyaiyai wakeyana, go ge ugwa den topayadne.  
\v 4 Megara ne ge gungap pui yuwaktna. Ge baigan geuma namuwa kwem agege.  
\v 5 \x + \xo 2:5 \xt Rev 3:3\x*Meoya ge imug anoa ambuwa apa ge aiganawa! Nonegmagawa biroria sira nau namuwa a. Nonegmagawa den biroriawa, ne gungap uwak dun gungap arave yokenewa sira atan autna.  
\v 6 Megara mame gungap. Ge Nikorai igiyawa nauwawa topayana. Ne gaibu me topayana.  
\v 7 \x + \xo 2:7 \xt Gen 2:9; Rev 22:2,19\x*Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, ne atna me inaiinai yomaeba magawa nape. Me God paradais meuma danave wakenewa.” ’   
\s1 Siosi At Sumiruna Danave Wakenewa Oya  
\p
\v 8 Siosi at Sumiruna danave wakenewa aneya meuma gumbe teya. ‘Me Namuwa ge Oieba. Me boane sira inaine. Me meib waivi.  
\v 9 \x + \xo 2:9 \xt 2Ko 11:14-15; Rev 3:9\x*“Ne yaug anona ge yaigiwa geuma sira tanam tanam geuma gumbe,—megara ge tawara abnawa.—Iyayapan upeba mu mumbo Ju igiyawa waya go mu Ju igiyawa onan, sira mu Seitan sinagogue meuma igiyawa. Ne yaug anona mu ge gungap kukaeba veme.  
\v 10 \x + \xo 2:10 \xt 2Ti 4:8; Jms 1:12\x*Dawai yaigipam autan ege oya a den a. Yauya, Seitan ye upeba bog nog dana te yem ageyau aiyempe. Ye oiyat 10 danave edawai auya. Ano amat oraiwa aigimiya bo gumbe. Ne inaiinai kin keretawa yentna.  
\v 11 \x + \xo 2:11 \xt Rev 20:14; 21:8\x*Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, me bo duwameba gumbe kukaeba den di aupe.” ’   
\s1 Siosi At Perugamam Danave Wakenewa Oya  
\p
\v 12 Siosi at Perugamam danave wakenewa aneya meuma gumbe teya. ‘Apan me mut tumiwa aune me donawa gamben gamben waivit waya. Me dividivi mame oya waivi.  
\v 13 “Ge ampa vinege ne yaug anona. Me apa Seitan wakeivi arawa. Ge ne ivunwa yumnatege. Antipas me ano amat oraiwa sira ne yangave yaunedne. Gwetoimu yeuma danave Seitan gaibu wakene. Me kumive me toen guriya botone, go ge anotumat gunap egewa yan den kweyana.  
\v 14 \x + \xo 2:14 \xt Nam 22:1–25:2; 31:16; 2Pi 2:15\x*Megara ne dividivi upeba gumbe puiyugentna. Iyayapan gungap wakeya mu Baram toyau wayau meuma yumnateme. Baram me Barak toyauwanne. Barak me Isuraeru igiyawa namive an tene itara mumpe uyug aigtan oya. Me gumbe Isuraeru igiyawa god ugaugaeba puyo nakwaeba naya sira uinantaraki aya.  
\v 15 Me mina iyayapan upeba ge gaibu. Mu Nikorai igiyawa toyau wayau muma yumnateme.  
\v 16 Meoya, nonegmagawa biroria. Den biroriawa, ne tate genan uwag mu gaibu nonuwa mut tumiwa gumbe mut atna.  
\v 17 \x + \xo 2:17 \xt Eks 16:4,14-15,33-34; Ais 62:2; Jon 6:48-50\x*Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, ne mana guwavewa wantna. Sira, ne an puipama wantna. Me egave iviwa mataiwa tene. Iviwa me an aupewa mekut anope.” ’   
\s1 Siosi At Taiataira Danave Wakenewa Oya  
\p
\v 18 \x + \xo 2:18 \xt Rev 1:14-15\x*Siosi at Taiataira danave wakenewa aneya meuma gumbe teya. ‘God Usiwa me yangawa meru igivi mina, sira amawa me brass ig merawaivi mina. Me dividivi mame oya waivi.  
\v 19 “Ne yaug anona, ge egewa, baigan geuma, anotumat geuma, God nauwawa meuma egewa, iyai waketanwa. Sira ne yaug anona numan anawa kusi gare egewa koka.  
\v 20 \x + \xo 2:20 \xt 1Ki 16:31; 2Ki 9:22\x*Megara, ne puiyugentna. Ge vesin Iseberu aivinewa yankwetan den wana. Vesin me membovit propeta wane. Me nau igiyawa neuma uga toyau munne. Mu uinantaraki aya sira god ugaugaeba puyo nakwaeba naya.  
\v 21 Ne inaiinai kukaeba meuma yankweg nonemagawa biroriyatan kum wanna, go me den tobiroriyane.  
\v 22 Yauya. Me yuwat deriyateba egave me aoretna. Sira me gaibu uinantaraki aya me aiviwa den kweg kukaeba muma den yankweg tobiroriyape ipewa, ne ibnawa koka danave emetna.  
\v 23 \x + \xo 2:23 \xt Sam 7:9; Jer 17:10; Rev 20:12-13\x*Ne usitainawa gutna boriruwape. Meve siosi undag anope ne me danowa ge kuiyowa didimama ag yaupewa. Sira ne ye desirom desirom ayawa gumbe garawa sira yentna.  
\v 24 Megara ne iyayapan upeba at Taiataira danave wakeyawa ye diruieni. Ye toyau wayau meuma den yumnasiyana sira Seitan ano guwavewa den anoyana. Ne ibnawa da ye den yentna.  
\v 25 \x + \xo 2:25 \xt Rev 3:11\x*Ye guniyap wakenewa di yumnasigimiya. Ne matai uwatna.  
\v 26 \x + \xo 2:26 \xt Sam 2:8-9\x*Bira da aupewa, sira bira da ne nau neuma yumnatpewa, ne yusiwa wantna me piyu egave iyayapan amara mumpe.  
\v 27 Tutu aiyan om gumbe wariya me gumbe ui tog dumpe musimusi apewa mina me iyayapan amara mumpe. Ne gaibu Maman gumbe yusiwa auna mina.  
\v 28 \x + \xo 2:28 \xt Rev 22:16\x*Sira ne Wanteivi Marantunawa me wantna.  
\v 29 Ge anotan oya naunagwa gaibu ipewa, Guwawa me siosi gumbo waiviwa anoigima.’”   
\c 3  
\s1 Siosi At Sardis Danave Wakenewa Oya  
\p
\v 1 \x + \xo 3:1 \xt Rev 1:4,16\x*Siosi at Sardis danave wakenewa aneya meuma gumbe teya. ‘God Guwawa meuma 7 ge marantun 7 yumnad munnewa me dividivi mame oya waivi. “Ne ge egewa yaug anona. Iyayapan veme ge vinege, go natawa di ge boana.  
\v 2 Ge yangagwa mereruwape. Iyayapan upeba boriruwatan emewa yutuwa muna. Kuiyawa ge egewa God neuma namive oraiminavit onan.  
\v 3 \x + \xo 3:3 \xt Mat 24:43-44; 1Te 5:2; Rev 2:5; 16:15\x*Meoya imug teg anoa, aninin ge auwana sira anoana. Yumnata sira nonegmagawa biroria. Ge yangagwa den mereruwape ipewa, ne ub abnawa mina uwatna. Sira, ge ne uwatnawa kumiwa den di yaug anoa.  
\v 4 \x + \xo 3:4 \xt Jud 23\x*Megara at Sardis danave iyayapan mu wape muma miyotapama onanwa upeba wakeya. Mu wape pupuyu en ne gaibu onamtan. Kuiyawa mu wag kiniya muniya igiyawa.  
\v 5 \x + \xo 3:5 \xt Eks 32:32-33; Mat 10:32; Ruk 12:8\x*Bira da aupewa, me mu mina wape pupuyu mame empe. Inaiinai bukaeba gumbe me iviwa den di muintna. Ne Maman ge aneya meuma namive me iviwa taibe watna.  
\v 6 Ge anotan oya naunagwa gaibu ipewa, Guwawa siosi gumbo waiviwa anoigima.” ’   
\s1 Siosi At Piraderupia Danave Wakenewa Oya  
\p
\v 7 \x + \xo 3:7 \xt Ais 22:22\x*Siosi at Piraderupia danave wakenewa aneya meuma gumbe teya. ‘Iyakaisi ge natawa ge Devid kii meuma aviviwa dividivi mame oya waivi. Me watabnewa bira da oma den ane tobotpe. Sira me tobodnewa bira da oma den ane watappe.  
\v 8 \x + \xo 3:8 \xt 1Ko 16:9\x*“Ge egewa ne yaug anona. Ge yawa. Ge namugap ankwin watabna. Bira da oma den ane me tobotpe. Kuiyawa ge gungap yutugwa kusikaren, sira ge gae neuma yumnatana ne ivunwa den topayana.  
\v 9 \x + \xo 3:9 \xt Ais 45:14; 49:23; 60:14; Rev 2:9\x*Yauya. Mu Seitan sinagogue meuma igiyawa. Sira mu waya mu mumbo Ju igiyawa, go mu onan mu uga veme. Yauya. Ne mu onam ge amagap koniwa yupe. Ne baigan gungap eni mu matai anope.  
\v 10 \x + \xo 3:10 \xt Ruk 21:19; 2Ti 2:12\x*Ne dirugna iyai wakeya. Ge gae neuma yumnatana. Meoya yaigiwa kumiwa uwapewa ne genan amaratna. Yaigiwa kumiwa uwatanaivi piyu egave vinemewa ageyau amumpe.  
\v 11 Ne koni uwatna. Gungap divi wakeyawa yumnata. Kin keretawa geuma bira da den aupe.  
\v 12 \x + \xo 3:12 \xt Ais 62:2; 65:15; Rev 14:1; 21:2\x*Bira da aupewa, me God temporu danave toimu watna. Me sira den di ne kwetna daieve dauwag aipe. Ne God neuma iviwa me egave tetna. Sira God neuma gwetoimu iviwa me egave tetna. God neuma gwetoimu mataiwa me Jerusarem, me God neuma dauwag kwimim apa dauwag aig onivi. Sira ne ivunwa mataiwa me egave tetna.  
\v 13 Ge anotan oya naunagwa gaibu ipewa, Guwawa siosi gumbo waiviwa anoigima.” ’   
\s1 Siosi At Raodisia Danave Wakenewa Oya  
\p
\v 14 Siosi at Raodisia danave wakenewa aneya meuma gumbe teya. ‘Me Amen, me anotumat gumbe natawa taibe waiviwa abnawa, God dividivi amatog wadnewa, me dividivi mame oya waivi.  
\v 15 \x + \xo 3:15 \xt Rom 12:11\x*“Ge egewa ne yaug anona. Ge taigipam onan amipam onan. Ne anoeniwa ge taigipam go amipam.  
\v 16 Kuiyawa ge kusida amiwane, taigipam onan amipam onan. Meoya ne nonap ge gwitup emakna.  
\v 17 \x + \xo 3:17 \xt Ruk 12:21; 1Ko 4:8\x*Ge wana, ne tawara abnawa. Ne dividivi obiren gaibu, sira dividivi oya den anoeni. Go ge gembo den yaug anoana ge degadega onan, danadawai gaibu, tanam tanam, yanga bored sira kwapi taibe.  
\v 18 \x + \xo 3:18 \xt Ais 55:1\x*Ne dirukna. Gooru me iyam danave ig puiwanewa ne gunap gwiruwara. Ge oma ape tawara abnawa a. Sira wape pupuyuwa gunap gwiruwara. Ge ubmam geumawa ge taibe oma ane tobora. Sira yangawa geguraeba gunap gwiruwag yangagwa wara. Ge oma ape yawa.  
\v 19 \x + \xo 3:19 \xt 1Ko 11:32; Ibr 12:6; Rev 2:5\x*Iyayapan mu ne baigan muneniwa ne baigan gumbe dirumpna sira inaiinai muma gwambe emewa wasiwam muntna. Meoya, yusiyusi ag nonegmagawa biroria.  
\v 20 \x + \xo 3:20 \xt Jon 14:23\x*Yawa. Ne ankwin noive yokeg papapak toeni. Bira da ne nonwa anog ankwin watappewa, ne me danave unikna, me gaibu nakwai natna, sira ne gunap nakwai nape.  
\v 21 Bira da aupewa, kin seyaeba wantna, me ne gunap yan wakepe. Ne auna ne Maman seyaeba apa Maman gaibu wakena mina.  
\v 22 Ge anotan oya naunagwa gaibu ipewa, Guwawa siosi gumbo waiviwa anoigima.” ’”   
\c 4  
\s1 Kin Seyaeba Kwimin Danave  
\p
\v 1 \x + \xo 4:1 \xt Rev 1:1,10\x*Dividivi mame onanane. Yawa, ne yauna kwimin danave ankwin watab yokene. Noiwa me kae trampet mina namu ne gunap waiviwa anona. Me wane, “Mapa dog onaga. Dividivi mame onanape ivi di matatpewa ne toyau gentna.”  
\v 2 \x + \xo 4:2 \xt Ais 6:1\x*Ne tatevit Guwawa demtawa auna. Ne namunap kwimin danave kin seya meuma wakene apan da egave yan wakeivi.  
\v 3 \x + \xo 4:3 \xt Ejk 1:28\x*Apan me yan wakeiviwa me an oraiwa jaspa ge kanerian mina yauna. Met me an oraiwa emerarud mina kin seya meuma gumbe birorot wakeya.  
\v 4 \x + \xo 4:4 \xt Rev 3:18\x*Kin seya meuma wakene gumbe seya 24 birorot wakeya. Sira koukawa igiyawa 24 seya egave wakeeme. Mu wape pupuyuwa enamiya, sira kin keretawa gooru gumbe wariyawa mu kuiyowo teya.  
\v 5 \x + \xo 4:5 \xt Ejk 1:13; Jak 4:2; Rev 1:4; 8:5; 11:19; 16:18\x*Kin seya meuma gumbe kapisi warivi, noiwa waivi, sira kwimin noiwa waivi. Kin seya meuma namive dun 7 igeme. Me God Guwawa meuma 7.  
\v 6 \x + \xo 4:6 \xt Ejk 1:5-10,22; 10:14\x*Sira, kin seya meuma namive poeman geyuwawa me an oraiwa krisutaru mina wakene. Kin seya meuma yapave ge birorot arave vinemewa 4 wakeya. Mu ui kwapuwa namuwo ge daiyowa yangowa noidauwane.  
\v 7 Mae viniviwa namuwa me mae raion mina, duwameba me burumakau mina, duwamdesiyawa me apan ginangawa mina gaibu, duwam ge duwameba me tukwau vereg aiviwa mina.  
\v 8 \x + \xo 4:8 \xt Ais 6:2,3; Ejk 1:18; 10:12\x*Mae vinemewa 4 mame mu desirom desirom maviwa 6 boya. Sira mavuwa birorot ge danowo yangowa noidauwane. Oiyat ge aram mu kwaruvemewa den kweya,  
\q1 “Iyakaisi, iyakaisi, iyakaisi.  
\q1 Ayapan God Yusipamitwa,  
\q1 Me numan wakenewa, gare wakeiviwa, matai uwapewa.”  
\v 9 Me kin seya meuma egave yan wakeg yaibobot vinigimpe. Kum evedni vinemewa mame eyawa ge iviwa kokawa ge gaun me gumbe wampewa,  
\v 10 \x + \xo 4:10 \xt Rev 19:4\x*Koukawa igiyawa 24 kin seya egave wakeyawa namive aig koniwa yug yaibobot vinigimpewa waiyape. Sira mu kin seya namive kin keretawa muma emeg wape,   
\q1
\v 11 “Ayapan numa God,  
\q1 ge oraimina meoya ge oma ane eyawa ge iviwa kokawa ge yusiwa auwa.  
\q1 Kuiyawa ge dividivi undag warana,  
\q1 sira ge ano geuma gumbe mu wad munana wakeya.”   
\c 5  
\s1 Gigirum Paniyawa Ge Sip Usiwa  
\p
\v 1 \x + \xo 5:1 \xt Ais 29:11; Ejk 2:9-10\x*Sira ne yauna, me kin seya meuma egave yan wakene gigirum paniyawa naniyutanwa egave wakene. Gigirum paniyawa gamben gamben gigirum tene sira tobot batamnewa 7 gumbe tobodne.  
\v 2 Sira ne aneya yusipama yauna. Me noiwa kokavit umum wag gigivi, “Tobot batamiyawa togomiyag gigirum paniyawa wataptan oya oraiwa bira?”  
\v 3 Megara kwimin danave, piyu egave, piyu ankwatave bira da oma den ane gigirum paniyawa watab danawa yaupe.  
\v 4 Ne it wansin wana. Kuiyawa bira da oraiwa ne den yauna gigirum paniyawa watab danawa oma ane basiyag yaupe.  
\v 5 \x + \xo 5:5 \xt Gen 49:9; Ais 11:1,10; Rev 22:16\x*Meve koukawa igiyawa desirom gunap wane, “Den it wa. Yawa. Mae raion me Dam Juda danave onnewa, sira Devid taiwa meuma, me aune. Me oma ane gigirum paniyawa watappe sira tobot batamiyawa 7 watappe.”  
\v 6 \x + \xo 5:6 \xt Jak 4:10; Jon 1:36; Rev 13:8\x*Sira ne Sip Usiwa yauna. Me wait toen guriyawa mina yaveni. Me kin seya meuma—me apa vinemewa 4 wakeya—ge koukawa igiyawa yapowo wakene. Me kuiyawa donawa gegeraimusiawa 7 ge yangawa 7 gaibu. Mu God Guwawa 7 mu piyu egave at undag tene aig onamiyawa.  
\v 7 Sip Usiwa me kin seya meuma egave yan wakenewa on gigirum paniyawa naniyutanwa gumbe aune.  
\v 8 \x + \xo 5:8 \xt Sam 141:2; Rev 8:3-4\x*Me gigirum paniyawa aunewa, vinemewa 4 ge koukawa igiyawa 24 Sip Usiwa namive aigeg konuwa yuya. Mu desirom desirom bererin kae aap gaibu, sira kabum gooru gumbe wariyawa gaibu. Me danave yoma otawa noidauwane. Me iyakaisi igiyawa nun mumawa.  
\v 9 \x + \xo 5:9 \xt Sam 33:3; 40:3; 96:1; 98:1\x*Mu bererin mataiwa tog veme,  
\q1 “Ge oraiwa oya gigirum paniyawa aug Guwawa batamiyawa watapa.  
\q1 Kuiyawa ge toen gut geniya.  
\q1 Ge di geuma gumbe dam desirom desirom gumbo, gae desirom desirom gumbo, iyayapan desirom desirom gumbo, at sinsin igiyawa desirom desirom gumbo, God oya iyayapan gwiruwat munana.   
\q1
\v 10 \x + \xo 5:10 \xt Eks 19:6; Ais 61:6; Rev 1:6; 20:6\x*Ge iyayapan mame kin toimuwawa ge pirisi waramana, God numawa nauwawa atan oya.  
\q1 Mu piyu egave amaraigimpe.”   
\p
\v 11 \x + \xo 5:11 \xt Dan 7:10; Ibr 12:22\x*Sira ne yauna. Aneya obiren nouwa anona, mu kin seya meuma ge vinemewa ge koukawa igiyawa birorot wakeya. Mu tobot mumawa 10,000 egave egave, 1,000 egave egave.  
\v 12 Mu nouwa kokavit veme,  
\q1 “Sip Usiwa toen guriyawa me oraimina,  
\q1 me yusiwa, dividivi oraiwa, anoano oraiwa, bimbim, iviwa kokawa, eyawa ge waiya aupe.”   
\p
\v 13 Sira kwiminau, piyuwau, piyu ankwatave ge poeman egave me wadnewa undag, sira dividivi undag poeman danave, mu bererin toeme ne anona,  
\q1 “Kin seya meuma egave yan wakenewa ge Sip Usiwa gumbe waiya,  
\q1 iviwa kokawa, eyawa ge yusiwa evedni wakeigimpe.”   
\p
\v 14 Vinemewa 4 waya, “Amen.” Sira koukawa igiyawa aigag konuwa yuweg waiyaya.   
\c 6  
\s1 Tobot Batamiyawa  
\p
\v 1 \x + \xo 6:1 \xt Rev 4:6; 5:1\x*Ne yauna. Sip Usiwa tobot batamiyawa 7 danave desirom da watabnewa, ne anona vinemewa 4 danave desirom da kwimin noiwa mina wane, “Onaga.”  
\v 2 \x + \xo 6:2 \xt Jak 1:8; 6:1-6\x*Sira ne yauna. Yawa. Me mae osi pupuyu. Egave wakenewa pewa yumnadne. Me kin keretawa aune. Me aupe sira egave autan oya dauwag aine.   
\p
\v 3 Sip Usiwa tobot batamiyawa duwameba watabnewa, ne anona viniviwa duwameba wane, “Onaga!”  
\v 4 Mae osi dawa dauwag onne. Me iyam meru mina bururuwane. Me egave yan wakenewa yusiwa wanne, me piyu gumbe yum aupe iyayapan gara toengut aigimtan oya. Sira me deba kokawa wanne.   
\p
\v 5 Sip Usiwa tobot batamiyawa duwamdesiyawa watabnewa, ne anona viniviwa duwamdesiyawa wane, “Onaga.” Ne yauna. Yawa. Me mae osi pumpune. Egave yan wakenewa me nani danave ibnawa yaviviwa yumnadne.  
\v 6 Vinemewa 4 yapowo noiwa desirom mina wane anona. Me wane, “Parawa koiniks\f + \fr 6:6 \ft Me 1 rita mina.\f* desirom me denari\f + \fr 6:6 \ft Apan desirom oiyat desirom nau apewa, anmaga denari desirom aupe.\f* desirom. Parawa da gina ubewa duwamdesi me denari desirom. Oira ge wain den wakukama.”   
\p
\v 7 Sip Usiwa me tobot batamiyawa duwam ge duwameba watabnewa, ne anona viniviwa duwam ge duwameba me noiwa wane, “Onaga.”  
\v 8 \x + \xo 6:8 \xt Jer 15:1-3; Ejk 5:12,17; 14:21\x*Ne yauna. Yawa. Me mae osi gamat meuma kani mina. Egave yan wakenewa iviwa bo. Sira ades\f + \fr 6:8 \ft Me gae Ibru. Me at kukaeba. Anotumat onan igiyawa matai bo ivi unikpe.\f* amave gaibu aivi. Mu yusiwa munne. Mu deba, kait, bo ge piyu maeba muripama gumbo piyu gina gambenwa gutpe.   
\p
\v 9 Sira Sip Usiwa tobot batamiyawa naningamben botonewa watabnewa ne yauna. God gaiyawa oya ge mu yangowo yauyawa me taibe ayawa igiyawa guwowa wakeya. Iyakaisi kem meuma ankwatave mu guwowa wakeya ne yauna.  
\v 10 Mu nouwa kokavit veme, “Iyakaisi ge Natawa Ayapaneba. Piyu egave wakeeme igiyawa gumbo ge den kepte munana, sira di numawa oya garawa gumbo den ana gare ande. Koni anintom nu amaratawa, ge kepte muna sira garawa a?”  
\v 11 \x + \xo 6:11 \xt Rev 7:9,13; 19:14\x*Mu desirom desirom wape pupuyu munne. Me dirumne, “Ye mina nau emewa ge ye tateiwa, mu ye mina guttan eme. Guttan eme tobot mumawa noidauwag wapukiyape wa, ne meve atna. Meoya ye nonewa emigimiya.”   
\p
\v 12 \x + \xo 6:12 \xt Mat 24:29; Apa 2:20; Rev 8:12; 11:13; 16:18\x*Ne yauna. Sip Usiwa tobot batamiyawa naningamben botone gamben desiroma watabnewa, pinunu kokavit matadne. Kum tobiyane puntone. Me mae goot gumawa gumbe wariyawa wape yaigipama mina pumpune ane. Sira dud undag di mina ane.  
\v 13 \x + \xo 6:13 \xt Ais 34:4\x*Marantun kwimin apa piyu egave aigiya. Mu yoma inaru taig yusipamit viyaviya ag inaru kaninga upapag aigeme mina.  
\v 14 \x + \xo 6:14 \xt Rev 16:20\x*Kwimin me gigirum paniyawa inoniyane mina inanadne. Tui ge ginayapawa undag at muma apa at da amiya.  
\v 15 \x + \xo 6:15 \xt Ais 2:10,19,21\x*Meve piyu ayapan muma, piyu ega namu yoiyoi igiyawa, mut igiyawa obiren amareme igiyawa, tawara igiyawa, yutupama igiyawa, sira ankwatave nau eme igiyawa ge ui onan igiyawa undag, mu mumbo dagup danave ge tui an bon yapave guwave unig wakeya.  
\v 16 \x + \xo 6:16 \xt Ruk 23:30\x*Mu tui ge an bon dirum waya, “Nu egunup aigiya. Sira kin seya meuma egave yan wakenewa ginangawa gumbe ge Sip Usiwa danapiri meuma gumbe um nuna.  
\v 17 \x + \xo 6:17 \xt Joe 2:11; Mak 3:2\x*Kuiyawa danapiri kumiwa kokawa uwane. Bira oma ane tui em yoipe?”   
\c 7  
\s1 144,000 Tobot Batam Munne  
\p
\v 1 \x + \xo 7:1 \xt Jer 49:36; Dan 7:2\x*Mame onananeve ne meve yauna. Aneya 4 piyu ginawa 4 apa yokeeme, sira mu piyu egave taig 4 yumnateme. Taig 4 piyu egave, poeman egave, yoma da den tope.  
\v 2 Sira ne yauna. Aneya dawa me kum dauwaiviwa apa dauwag onivi. Me God wakeiviwa tobot batamiyawa aug onivi. Me noiwa wansin aneya 4 gumbo wane. Aneya 4 mu yusiwa munne piyu ge poemam watkukampe.  
\v 3 \x + \xo 7:3 \xt Ejk 9:4,6; Rev 9:4\x*“Piyu, poeman, yoma da den watkukamiya. Namu nu God ankwatave nau emewa namuwo tobot batamiyawa barauta. Ivi mu watkukampe.”  
\v 4 \x + \xo 7:4 \xt Rev 14:1,3\x*Meve ne tobot batamiyawa basiyayawa anonawa, mu 144,000 Isuraeru usitainawa dam undag gumbe onamiya.   
\q1
\v 5 Dam Juda gumbe tobot batamiyawa 12,000  
\q1 Dam Ruben gumbe 12,000  
\q1 Dam Gad gumbe 12,000   
\q1
\v 6 Dam Aseru gumbe 12,000  
\q1 Dam Naptari gumbe 12,000  
\q1 Dam Manase gambe 12,000   
\q1
\v 7 Dam Simeon gumbe 12,000  
\q1 Dam Rivai gumbe 12,000  
\q1 Dam Issakaru gumbe 12,000   
\q1
\v 8 Dam Seburun gumbe 12,000  
\q1 Dam Josep gumbe 12,000  
\q1 Dam Benjamin gumbe 12,000   
\s1 Iyayapan Obiren Di Wape Yobutatae Pupuyu Eniya  
\p
\v 9 Mame onananeve ne meve yauna. Yawa. Iyayapan obiren di wakeya bira da oma den ane basiya mumpe. Mu at undag gumbo, dam undag gumbo, iyayapan undag gumbo ge gae undag gumbo onamiya. Mu kin seya meuma namive ge Sip Usiwa namive yokeeme. Mu wape muma puipuyuwa enamiya nanuwo bayan nanuwo yumnateme.  
\v 10 \x + \xo 7:10 \xt Rev 5:6-7\x*Mu nouwa kokavit waya,  
\q1 “Waita me God numawa gumbe, God me kin seya egave yan wakene.  
\q1 Sira waita me Sip Usiwa gumbe.”   
\p
\v 11 Aneya undag kin seyaeba, koukawa igiyawa ge vinenewa 4 wakeya gumbo birorot yokeya. Mu kin seyaeba namive kwanowa siyag konuwa yug God waiyag,  
\v 12 \x + \xo 7:12 \xt Rev 5:12\x*mu waya,  
\q1 “Amen! Waiya, eyawa,  
\q1 anoano oraiwa, gaun, iviwa kokawa,  
\q1 yusiwa ge yusipama,  
\q1 me God numawa gumbe evedni wakeigimpe. Amen!”   
\p
\v 13 Koukawa igiyawa da ne didneg wane, “Iyayapan mame wape pupuyu eniyawa mu bira? Mu ampa onamiya?”   
\p
\v 14 \x + \xo 7:14 \xt Dan 12:1; Mat 24:21\x*Ne me gumbe wana, “Ayapan neuma, ge anoana.”  
\p Meve me didnedne, “Iyayapan mame mu yaigiwa kokavit danave dauwag onamiya. Mu wape mumawa Sip Usiwa di meuma gumbe muiniya pupuyu aya.  
\v 15 Meoya,  
\q1 mu God seya meuma namive wakeg oiyat ge aram temporu meuma danave nau meuma eme.  
\q1 Sira kin seya meuma egave wakenewa me tent\f + \fr 7:15 \ft Me gugup gweyawa mina, sira Kembesi minawa gumbe umiya.\f* wan egowo umpe.   
\q1
\v 16 \x + \xo 7:16 \xt Ais 49:10\x*Mu sira den di iyagon arampe,  
\q1 den di mu meyowa toyaipe.  
\q1 Kum mu den di igampe,  
\q1 Kum amiwa den di yapampe.   
\q1
\v 17 \x + \xo 7:17 \xt Sam 23:2; Ais 25:8; Rev 21:4\x*Kuiyawa Sip Usiwa me kin seya meuma yapave wakeg sip amaraivi muma ape.  
\q1 Me yoi yamarogu inaiinai yoiba mu wemun aipe.  
\q1 Sira God mu yangowa undag it muin aorepe.”   
\c 8  
\p
\v 1 Sip Usiwa me tobot batamiyawa nanin gamben botone duwameba watabnewa, kwiminau kum gambenwa pomtone.  
\v 2 Sira ne yawamna. Aneya 7 mu God namive yokeya. Kae trampet 7 munne.   
\p
\v 3 \x + \xo 8:3 \xt Eks 30:1-3; Rev 5:8\x*Aneya dawa on iyakaisi kem meuma apa yokene. Me yoma otawa okettan oya ap gooru gumbe wariyawa me gumbe. Me yoma otawa okeremewa obiren wanne. Kin seya namive iyakaisi kem meuma me gooru gumbe wariyawa wakene, sira iyakaisi igiyawa nun mumawa gaibu iyakaisi kem meuma egave tetan oya.  
\v 4 Yoma otawa aupiwa me iyakaisi igiyawa nun mumawa gaibu toborak aneya nanive God namive dog aine.  
\v 5 \x + \xo 8:5 \xt Eks 19:16-19; Rvt 16:12; Rev 11:19; 16:18\x*Sira aneya yoma otawa okeremewa aug iyakaisi kem meuma iyameba gumbe me egamne noidauwane. Me piyu egave aorene. Meve kwimin noiwa waivi, noiwa upeba waivi, kapisi tare aivi, pinunu matadne.   
\s1 Kae Trampet  
\p
\v 6 Meve aneya 7 mu kae trampet 7 gumbo amatog upitaneme.   
\p
\v 7 \x + \xo 8:7 \xt Eks 9:23-26; Ejk 38:22; Joe 2:30\x*Aneya namuirenwa me kae trampet meuma upine. Yamduiwa ge iyam di gaibu bidwak dauwane. Me piyu egave aorene aig onne. Piyu egave duwamdesi danave kebayawa desirom iyam igne onanane, yoma duwamdesi danave kebayawa desirom iyam igne onanane, wayo kaningawa undag iyam igne onanane.   
\p
\v 8 Aneya duwameba me kae trampet meuma upine. Tui kokawa iyam igivi minawa poeman danave aorene unig aine. Poeman duwamdesi danave kebayawa desirom mina biroriyane di wan ane.  
\v 9 Poeman danave vinemewa duwamdesi danave kebayawa desirom mina mu boriruwaya. Sira wa duwamdesi danave kebayawa desirom mina mu wakukamiya.   
\p
\v 10 Aneya duwamdesiyawa kae trampet meuma upine. Marantum kokawa me dun mina igiviwa kwimin apa aig onne, sira yoi duwamdesi danave kebayawa desirom mina ge yoi yamarogu egowo aigne.  
\v 11 \x + \xo 8:11 \xt Jer 9:15\x*Marantun iviwa veme wayo sisiwa. Yoi duwamdesi danave kebayawa desirom mina biroriyane wayo sisiwa mina ane. Sira iyayapan obiren yoi sisiwa nag boriruwaya.   
\p
\v 12 \x + \xo 8:12 \xt Ejk 32:7; Rev 6:12-13\x*Aneya duwam ge duwameba kae trampet meuma upine. Kum duwamdesi danave kebayawa desirom dud duwamdesi danave kebayawa desirom, marantun duwamdesi danave kebayawa desirom tone. Meoya kum duwamdesi danave kebayawa desirom mina, dud duwamdesi danave kebayawa desirom mina, marantum duwamdesi danave kebayawa desirom mina biroriyak aram uwane. Kum duwamdesi danave kebayawa desirom eyawa gaibu onan. Sira aram duwamdesi danave kebayawa desirom me mina meib.   
\p
\v 13 \x + \xo 8:13 \xt Rev 9:12; 11:14\x*Ne yauna. Manubada desirom me piyu kwimin yapave veregaivi noiwa kokavit waivi, “Kukaeba matatpe. Kukaeba matatpe. Kukaeba matatpe piyu egave vinemewa gumbo. Aneya upeba duwamdesi kae trampet muma upitan eme.”   
\c 9  
\p
\v 1 \x + \xo 9:1 \xt Rev 20:1\x*Aneya duwam ge duwamdesiyawa kae trampet meuma upine. Ne yauna. Marantun desirom kwimin apa piyu egave aig onne. Me kii\f + \fr 9:1 \ft Kii me iyayapan ankwin wataptanwa ge tobottanwa meumawa.\f* wanne me niba onan nogawa wataptanwa.  
\v 2 \x + \xo 9:2 \xt Gen 19:28; Eks 10:12-15; Joe 2:2,10\x*Me niba onan nogawa watabnewa, me gumbe aup dog aine. Aup me ig puiwaivi arawa kokawa gumbe dog aine mina. Niba onan nogawa gumbe aup dog ainewa, kum ge kwimin aram uwane.  
\v 3 Aup gumbe kaip piyu egave aigiya. Mu yusiwa munne. Yusiwa me piyu egave wawano mina.  
\v 4 \x + \xo 9:4 \xt Rev 7:3\x*Kaip dine, mu piyu egave wayo, wayo kaningawa, yoma den wakukampe. Go, mu iyayapan namuwo God batamiyawa den barautuwa mu wakukampe.  
\v 5 Mu iyayapan guttan oya yutuwa den munne, go mu yutuwa auya dud nanin gambenit danave dawai mumpe. Mu dawai aupewa me wawano apan atpe dawai aupe mina.  
\v 6 \x + \xo 9:6 \xt Job 3:21; Jer 8:3\x*Me kumive iyayapan bo kinuni ape, go mu oma den ane yaupe. Sira, mu bo oya anope, go bo mu gumbo kwem aipe.  
\v 7 \x + \xo 9:7 \xt Joe 2:4\x*Kaip mu mae osi mut amtan tamibarip eme mina. Kin keretawa mu gooru gumbe wariya minawa mu kuiyowo tonasiya. Mu ginongowa iyayapan mina.  
\v 8 \x + \xo 9:8 \xt Joe 1:6\x*Mu kuiyo gumawa me vesin kuiyo gumawa mina. Sira mu donowa mae raion donawa mina.  
\v 9 \x + \xo 9:9 \xt Joe 2:5\x*Mu togewa toboremewa eniyawa aiyan gumbe wariyawa mina. Sira mu mavuwa noiwa me mae osi obiren mut gumbe emewa bui muma ororiyag mut atan igemat amome mina.  
\v 10 Sira kaip mu wawano mina viruwo ge donowa kainup minawa gaibu. Viruwo yutuwa gau dud nanin gambenit danave iyayapan wakukampe.  
\v 11 Mu kin mumawa oya niba onan nogawa aneyaeba wakene. Me iviwa gae Ibru gumbe Abadon ge gae Griik gumbe Aporion veme.   
\p
\v 12 Kukaeba namuirenwa me yaug anoya gaveyag uwag aine. Kukaeba duwam da matai uwape.   
\p
\v 13 Aneya nanin gamben botone gamben desirom kae trampet muma upiya. God namive kem iyakaisi me gooru gumbe wariyawa wakene. Sira kem iyakaisi nib yuniwa duwam ge duwam gumbe noiwa dauwane ne anona.  
\v 14 Aneya nanin gambenit botone gamben desirom kae trampet muma gumbo. Noiwa me dine, “Aneya duwam ge duwam vet muna. Mu yoi kokawa Yupurates apa tuwamiyawa vetpe.”  
\v 15 Sira aneya duwam ge duwam mu kum me ge dud me ge bairawan me oya tamibarip amuniya wakeya. Mu iyayapan duwamdesi danave kebayawa desirom guttan oya vet munne.  
\v 16 Sira mae osi mut igiyawa agoniyag basiyawa me 200,000,000. Tobot mumawa anintom ne anona.  
\v 17 Mae osi ge iyayapan egowo wakeyawa ne Guwawa danave yauna. Me mamaib. Mut igiyawa togowa toboremewa mumawa meru mina buruburu, pumpune e den sinewa sira sarupa mina yanepam. Mae osi kuiyowa me mae raion kuiyowa mina, sira mu nouwa apa meru, aup ge sarupa dauweme.  
\v 18 Kukaeba duwamdesi mame iyayapan duwamdesi danave kebayawa desirom toen guriya. Kukaeba mame me meru, aup ge sarupa, sira mu mae raion nouwa apa dauweme.  
\v 19 Mae osi yutuwa me nouwa ge viruwa danave. Kuiyawa mu viruwa mokare mina, sira viruwa kuiyowa gaibu, mu gumbo iyayapan wakukamiya.  
\v 20 \x + \xo 9:20 \xt Sam 115:4-7; 135:15-18; Dan 5:23; Rev 16:9,11\x*Iyayapan upeba kukaeba mame oya den guriya ande wakeya. Ande mu nanuwa nauwawa kukaeba muma oya nonemagowa den tobiroriyaya. Sira, mu airapu kukaeba ge god ugaugaeba waieme den kweya. God ugaugaeba mu gooru, siruva, bronsu, an ge yoma gumbe wariya, me oma den ane yaupe, anope, sira ampe.  
\v 21 Sira mu guriya, dum okereme, uinantaraki eme sira ub eme. Mu kukaeba muma gumbe nonemagowa den biroriyaya.   
\c 10  
\s1 Aneya Ge Gigirum Paniyawa Kusiwa  
\p
\v 1 Sira ne yauna aneya dawa yusipama kwimin apa aig onne. Me guwaveru wape mina enne me kuiyave egave met gaibu. Me ginangawa kum mina, sira me amawa meru irap mina.  
\v 2 Me gigirum paniyawa kusiwa yumnasivi, sira me nanive watabne. Me amawa yutanwa poeman egave baraune, sira amawa ketaiwa piyu egave baraune.  
\v 3 Me mae raion waivi mina wansin wane. Me wansin wanewa, kwimin aet 7 nouwa waya.  
\v 4 \x + \xo 10:4 \xt Dan 12:4,9\x*Kwimin aet 7 nouwa wayawa, ne gigirum tetan ana. Go, ne anona kwimin apa noiwa waivi, “Kwimin aet 7 nouwa wayawa, tobot batama me den teya.”  
\v 5 \x + \xo 10:5 \xt Deu 32:40; Dan 12:7\x*Sira ne yauna aneya poeman ge piyu egave yokeivi. Me naniyutanwa kwimin oya enagadne.  
\v 6 Me evedni wakeigimpe, kwimin ge kwimin danave wakeyawa undag wadne, piyu ge piyu danave wakeyawa undag wadne, sira poeman ge poeman danave wakeyawa undag wadne. Aneya me agi gumbe wane, “Kum ginave da den yunatpe.  
\v 7 \x + \xo 10:7 \xt Ams 3:7\x*Aneya nanin gamben botone duwam me kae trampet meuma upuitan aivi. Me noiwa iyayapan anope me kumiwa uwape. Me kumiwa uwapewa, God ano guwavewa meuma ape onanape. Propeta meuma mu God nauwawa emewa gumbo dirum wane mina di ape onanape.”  
\v 8 Kwimin apa ne numan noiwa anona. Me gunap sira wane, “Aga. Aneya poeman ge piyu egave yokeivi. Gigirum paniyawa me nanive watabnewa auwa.”  
\v 9 \x + \xo 10:9 \xt Ejk 2:8–3:3\x*Ne aneya uwag dina. “Gigirum paniyawa kusiwa ne nega.” Me didnedne, “Aug na. Ge nog danave kemari mina demtawa, go ge danagwa biroriyag sisiwa ape.”  
\v 10 Ne gigirum paniyawa kusiwa aneya nanive aug nana. Ne non danave kemari mina demtawa. Go ne nanawa, me dananwa biroriyag sisiwa ane.  
\v 11 Me kumive noiwa ne didnedne, “Iyayapan obiren, at sinsin igiyawa obiren, pednawa ubewa obiren, kin igiyawa obiren namuwo ge ivi matattanwa gaiyawa sira dirumtanit di.”   
\c 11  
\s1 Yangowo Yauyawa Duwam  
\p
\v 1 \x + \xo 11:1 \xt Ejk 40:3; Jak 2:1-2\x*Sira, tutu mina om waremewa neg wane, “Aga, God temporu meuma, kem iyakaisi ge temporu danave waiya waiya eme igiyawa om auwa.  
\v 2 \x + \xo 11:2 \xt Ruk 21:24; Rev 13:5\x*Temporu daiewa om den auwa yankweya, kuiyawa me Ju onan igiyawa muniya. Mu dud 42 danave gwetoimu iyakaisiyapama amowo em dirau dirau ape.  
\v 3 Sira ne taibe veme igiyawa duwam neuma yutuwa muntna. Mu numan wape pumpunewa\f + \fr 11:3 \ft Me mae goot gumawa gumbe wariyawa. Ano upiba gumbe me garawa koka onan.\f* empe, ivi matattanwa gaiyawa kum 1,260 danave wape.”  
\v 4 \x + \xo 11:4 \xt Jak 4:3,11-14\x*Mu yoma orivu duwam, sira dun yokeyawa duwam. Mu piyu Ayapaneba namive yokeya.  
\v 5 \x + \xo 11:5 \xt 2Sm 22:9; Sam 97:3\x*Bira da mu wakukamuntan apewa, iyam mu nouwa dauwape anavi muma wakukamumpe onanape. Bira da mu wakukamuntan apewa, me mamaib di. Me toen guttanit di.  
\v 6 \x + \xo 11:6 \xt Eks 7:17-20; 1Sm 4:8; 1Ki 17:1\x*Iyayapan mame yutuwa gaibu. Mu ivi matattanwa gaiyawa veme kumive, mu kwimin tobotpe uvin den aikpe. Sira mu yutuwa gaibu. Mu yoi biroriyape ganigani ape, sira kukaeba gina ubeube gumbe piyu tope mu imuwo a ge a atan eme.  
\v 7 \x + \xo 11:7 \xt Dan 7:21; Rev 12:17; 13:7; 17:8\x*Mu yangowo yauya muma onanapewa, niba onan nogawa apa mae yusiatatu dauwag mu gumbo mut ape garawa aug mu gutpe.  
\v 8 \x + \xo 11:8 \xt Ruk 13:34\x*Mu kwapuwa gwetoimu kokawa ebu kokawa gumbe tepe iyayapan yaupe. At me guwawa gumbe waya Sodom ge Ejipt. Sira at me apa Ayapan muma korosi egave toya.  
\v 9 Iyayapan, ganigani desiroma, pednowa ubeubewa, at sisin igiyawa mu kum duwamdesi ge gambenwa da mu kwapuwa yangureme dagup danave tetan topaieme.  
\v 10 Iyayapan piyu egave vinemewa munan degadega ag tawara oraiwa garawan ape. Kuiyawa propeta duwam mame iyayapan piyu egave vinemewa dawai muniya.  
\v 11 \x + \xo 11:11 \xt Ejk 37:5,10\x*Kum duwamdesi ge gambenwa da onanane. Ivi God gumbe inaiinai gaupiwa dauwag munan unigne, mu amowo yoiya. Iyayapan mu yauyawa tet botoya.  
\v 12 \x + \xo 11:12 \xt 2Ki 2:11\x*Sira propeta duwam kwimin apa noiwa kokavit anoya me dirumne, “Mapa dog oneya.” Mu kwimin irikup danave dog amiya. Mu anavi mumawa yangut temtem yaveme.  
\v 13 \x + \xo 11:13 \xt Rev 6:12; 16:18\x*Me kumiwa apa di pinunu kokawa matadne gwetoimu naninwanit danave kebayawa desirom biyaug aigne. Sira 7,000 igiyawa pinunu gudne boriruwaya. Iyayapan den boriruwayawa mu tet kokavit ag God kwiminau waiya aya.   
\p
\v 14 \x + \xo 11:14 \xt Rev 9:12\x*Kukaeba duwameba uwag gaveyag aine. Sira kukaeba duwamdesiyawa koni uwape.   
\s1 Kae Trampet Nanin Gamben Botone Duwameba  
\p
\v 15 \x + \xo 11:15 \xt Eks 15:18; Sam 10:16; Dan 2:44; 7:14\x*Aneya nanin gamben botone duwameba kae trampet meuma upine. Sira kwimin apa nouwa kokavit veme. Mu mamaib waya,  
\q1 “Piyu mame toimuwawa Ayapan numa ge Keriso meuma aya.  
\q1 Ayapan evedni me amaraigimpe.”   
\p
\v 16 Koukawa igiyawa 24 mu God namive seya muma egave wakeeme. Mu namuwon aigeg konuwo yueg God waiyaya.  
\v 17 Mu veme,  
\q1 “Ayapan God Yusipamitwa, ge evedni wakeya sira numan wakeegewa.  
\q1 Nu gaun genete.  
\q1 Kuiyawa ge yutugwa kokavit auwag amarege.   
\q1
\v 18 \x + \xo 11:18 \xt Sam 110:5; 115:13; Rom 2:5; Rev 20:11-13\x*At sinsin igiyawa undag danowa piriwane. Sira ge danapiri geuma uwane.  
\q1 Bo igiyawa keptetanwa kumiwa uwane.  
\q1 Propeta me nau geuma eme igiyawa,  
\q1 iyakaisi igiyawa geuma,  
\q1 iyayapan koukawa ge iyayapan kusiwa ivugwa ayamat emewa.  
\q1 Me kumive mu garawa aupe,  
\q1 go iyayapan piyu wakukamiyawa mu wakukamumpe.”   
\p
\v 19 \x + \xo 11:19 \xt Ibr 9:4; Rev 8:5; 15:5; 16:21\x*God temporu meuma kwiminau watabne. Temporu danave agi bokesiyawa wakene yaune. Kapisi meramivi, noiwa waivi, kwimin noiwa waivi, pinunu matadne, sira yamduiwa taigipam kokawa aigiya.   
\c 12  
\s1 Vesin Ge Mae Dragon  
\p
\v 1 Kokawa ge ano pipanum irawa kwiminau matadne. Vesin da kum enne, dud me amawa ankwatave, kuiyave kin keretawa me marantun 12 gaibu.  
\v 2 \x + \xo 12:2 \xt Mik 4:10\x*Me bug ane. Me ud barautan oya dawai aug awau wane.  
\v 3 \x + \xo 12:3 \xt Dan 7:7\x*Irawa dawa kwiminau matadne. Yawa. Mae dragon koka burutatae. Me kuiyawa 7, kuiya donawa 10 sira kuiya egave kin keretawa 7 gaibu.  
\v 4 \x + \xo 12:4 \xt Dan 8:10\x*Me viriwa kwimin buwanaeba duwamdesi danave kebayawa desirom ororiyag piyu egave emene. Sira vesin me ud barautan aivi, mae dragon vesin namive yokene. Kuiyawa vesin ud baraunewa mae dragon ud meuma natan oya.  
\v 5 \x + \xo 12:5 \xt Sam 2:9; Ais 7:14; 66:7; Rev 19:15\x*Vesin me ud apan baraune. Ud mame at sinsin igiyawa undag tutu aiyan gumbe wariyawa gumbe amarape. Sira ud mame God ge kin seyaeba gumbe dog aipe.  
\v 6 Vesin at inguiwa arawa a aine. At me God menan tamibarip ane, sira me apa oiyat 1,260 danave amara wanigimpe.   
\p
\v 7 \x + \xo 12:7 \xt Jud 9\x*Kwiminau mut pawane. Maikeru ge aneya meumawa mae dragon gaibu mut aya. Mae dragon ge aneya meumawa mut garawa gumbo aya.  
\v 8 Megara, yutuwa muma oma den ane. Sira kwiminau at mumawa den wakene.  
\v 9 \x + \xo 12:9 \xt Gen 3:1,14; Ruk 10:18; 22:31; Rev 20:2\x*Mae dragon kokawa me iyayapan airapu kukaeba kokawa go Seitan veme. Me piyu igiyawa undag ugai munne. Sira mokare tayawa me piyu egave aorene aigne. Aneya meumawa gaibu.  
\v 10 \x + \xo 12:10 \xt Job 1:9-11; Jak 3:1\x*Me kumive ne kwiminau noiwa kokavit anona. Me waivi,  
\q1 “Gare God numa waita meuma, yusiwa meuma, God toimuwawa uwane,  
\q1 sira God Keriso yusiwa meuma uwane.  
\q1 Kuiyawa me tatanaiwa pui yuwamivi,  
\q1 sira oiyat ge aram God numa namive pui yuwameme,  
\q1 me aorene aigne oya.   
\q1
\v 11 Tatanaiwa mu Sip Usiwa ganigani meuma oya sira mu taibe veme igiyawa gaiyawa oya me gumbe garawa auya.  
\q1 Mu inaiinai muma oya baiganeba den anog  
\q1 bo aeba den aya.   
\q1
\v 12 \x + \xo 12:12 \xt Ais 44:23; 49:13\x*Meoya, kwimin ge me danave wakeyawa, ye degadega aya.  
\q1 Megara piyu ge poeman gumbo kukaeba uwape.  
\q1 Kuiyawa airapu kukaeba kokawa kum meuma pipi anog danawa piriwane piyu ge poeman gumbo aigne.”   
\p
\v 13 Mae dragon me piyu egave aorene aigne yaunewa, vesin me ud apan baraunewa atataine.  
\v 14 \x + \xo 12:14 \xt Dan 7:25; 12:7\x*Vesin me tukwau kokavitwa maviwa duwam wanne. Meoya ingui arawa menan tamibarip anewa oya vereg aine. Meapa me mokare gumbe painau wakeg kum desirom danave, kum dada danave sira kum gambenwa apa amarawanne.  
\v 15 Mokare noive vesin daieve yoi upuine. Yoi me yoi kintoivi mina. Mokare me vesin yoi koka gumbe aig ageyau ane.  
\v 16 Megara piyu vesin waita wanne. Piyu noiwa watab yoi ipadne. Yoi me mae dragon noive upuine.  
\v 17 \x + \xo 12:17 \xt Rev 11:7\x*Meve mae dragon vesin gumbe danapiri wane. Sira me vesin dam meuma yaig onamiyawa upeba wakeyawa gumbo mut atan dauwag aine. God gwangwan meuma yumnasiya sira Iesu oya taibe vemewa mu gaibu yumnasiya.\f + \fr 12:17 \ft Namu tenewa da danave V18 wakene. \fv \ft V18\+fv*: Meve mae dragon poeman visive yokene.\f*   
\c 13  
\s1 Mae Yusiatatu Poemanau Dauwane  
\p
\v 1 \x + \xo 13:1 \xt Rev 12:3; 17:3,7-12\x*Mae yusiatatu poemanau dauwag onivine, ne yauna. Me kuiyo donowa 10 ge kuiyowa 7 gaibu. Kin keretawa 10 kuiyo donowa tonasiya. Sira kuiyowa desirom desirom iviwa gaibu me God gumbe ae waivi.  
\v 2 \x + \xo 13:2 \xt Dan 7:4-6\x*Ne yauna. Mae yusiatatuwa mae reopaad mina, amawa mae bea amawa mina, sira noiwa mae raion noiwa mina. Mae dragon mae yusiatatuwa yusiwa meuma, kin seya meuma ge yusiwa kokavitwa wanne.  
\v 3 \x + \xo 13:3 \xt Rev 17:8\x*Mae yusiatatuwa kuiyawa desirom me toenguriya bo totanaivi, go me siget kokavit bo gumbe me sira inaine. Piyu egavewa undag terag me amave amiya.  
\v 4 Sira piyu egavewa mae dragon waiyaya. Kuiyawa mae dragon mae yusiatatuwa yusiwa kokavitwa wanne. Sira piyu egavewa mu mae yusiatatuwa gaibu waiya ag diya, “Bira da mae yusiatatuwa mina? Bira da oma ane me gumbe mut ape?”  
\v 5 \x + \xo 13:5 \xt Dan 7:8,25; 11:36; Rev 11:2\x*Mae yusiatatuwa noiwa wanne. Me naununun ge ai wane, sira dud 42 danave nau atan oya yusiwa kokavitwa wanne.  
\v 6 Me noiwa watabne God gumbe ae wane. Me God iviwa ge God gweyawa wakeiviwa arawa gumbo ae wane. Sira iyayapan mu kwiminau wakeemewa gumbo ae wane.  
\v 7 \x + \xo 13:7 \xt Rev 11:7\x*Sira me yusiwa kokavitwa wanne. Me iyakaisi igiyawa gumbo mut ape garawa gumbo aupe. Me dam desirom desirom, iyayapan desirom desirom, gae desirom desirom ge at sinsin igiyawa desirom desirom amara mumpe.  
\v 8 \x + \xo 13:8 \xt Sam 69:28; Rev 17:8; 20:12,15; 21:27\x*Piyu egave vinemewa undag mae yusiatatuwa waiyape. Sip Usiwa me toenguriya botone me inaiinai meuma gigirum paniyawa wakene. Piyu amatog wadnewa gumbe mu ivuwa inaiinai meuma gigirum paniyawa danave den teya.   
\q1
\v 9 Ge anotan oya naunagwa gaibu ipewa, anoigima.   
\q1
\v 10 \x + \xo 13:10 \xt Jer 15:2; 43:11; Rev 14:12\x*Bira da yumtan apewa,  
\q1 me kweya yumpe.  
\q1 Bira da mut tumiwa gumbe yupewa,  
\q1 me membovit mut tumiwa gumbe toengutpe.  
\m Mapa iyakaisi igiyawa mu kikikit waketanwa ge anotumat wakeya.   
\s1 Mae Yusiatatuwa Piyuwau Dauwane  
\p
\v 11 Sira ne yauna. Mae yusiatatuwa dawa piyuwau dauwag onivi. Me sip mina kuiya donawa duwam gaibu, me mae dragon mina gae waivi.  
\v 12 Mae yusiatatuwa namuwa me yusiwa kokavitwa gumbe nau ane. Mae yusiatatuwa dawa mae yusiatatuwa namuwa namive undag me mina nau ane. Sira me piyu ge piyu egave vinemewa dirumne mae yusiatatuwa namuwa waiyaya. Mae yusiatatuwa namuwa me siget kokavit bo gumbe wakene, go me sira inaine.  
\v 13 \x + \xo 13:13 \xt 1Ki 18:24-39; Mat 24:24; Rev 19:20\x*Sira iyayapan namuwo me irayauyau kokavitwa ane. Me kwiminau piyu egave iyam aigiya.  
\v 14 Me mae yusiatatuwa namuwa namive irayauyau ane. Me irayauyau ane oya piyu egave vinemewa ugai munne. Me piyu egave vinemewa dirumne mu mae yusiatatuwa namuwa irawa wariya. Mae yusiatatuwa namuwa mut tumiwa gumbe siget kokavit aune, go ande vinivi.  
\v 15 Me mae yusiatatuwa namuwa irawa wariyawa gaup danave upuine. Meoya irawa me oma ane gae wape, sira mae yusiatatuwa dawa dirumne irawa den waiemewa undag gutpe boriruwape.  
\v 16 \x + \xo 13:16 \xt Rev 14:9-11; 16:2; 20:4\x*Me iyayapan kusikusiwa ge koukawa, tawara igiyawa ge pukpuk wagawag igiyawa, ui onan igiyawa ge ankwatave nau eme igiyawa, mu desirom desirom dirumne me naniyutanwa, go namuwo irayauyau auya.  
\v 17 Irayauyau me mae yusiatatuwa namuwa iviwa, go me iviwa basiyayawa. Bira da irayauyau gumbe den ipewa, me oma den ane gwiruwatpe sira gwiruwag aupe.  
\v 18 Mapa anoano oraiwa wakene. Bira da oma ane yai anopewa, mae yusiatatuwa basiyayawa me basiyape. Basiyayawa natawa meuma me iyayapan. Basiyayawa me 666.   
\c 14  
\s1 Sip Usiwa Ge Iyayapan 144,000  
\p
\v 1 Meve ne yauna. Yawa. Sip Usiwa tui Saion egave yokeivi. Me gaibu iyayapan 144,000 wakeya. Mu namuwo Sip Usiwa iviwa ge Mamawa iviwa teya.  
\v 2 \x + \xo 14:2 \xt Rev 1:15; 19:6\x*Ne kwiminau noiwa anona. Me yoi aig onivi noiwa mina, sira kwimin noiwa kokavit mina anona. Sira ne noiwa anona. Me iyayapan bererin kae aap muma eme mina.  
\v 3 \x + \xo 14:3 \xt Ais 42:10; Rev 5:9; 7:4\x*Mu kin seya meuma namive, vinemewa 4 namuwo ge koukawa igiyawa namuwo bererin mataiwa toya. Iyayapan 144,000 mu piyuwau sira autan oya gwiruwadnewa mukut yaug anoya. Iyayapan upeba mu oma den ane bererin mame yaug anoya.  
\v 4 Iyayapan mame vesin gumbe miyot den aya. Mu mumbovit miyot gumbe amaraya. Iyayapan mame Sip Usiwa aipewa ampa ampa me amave ampe. Mu iyayapan yapowo me sira autan oya gwiruwaramne. Mu magawa namuirenwa ake God ge Sip Usiwa gumbo puyo aya.  
\v 5 Mu nouwo uga den wakene. Mu pui den auya.   
\s1 Aneya Duwamdesi  
\p
\v 6 Sira ne yauna. Aneya dawa me piyu kwimin yapave vereg aivi. Me gae oraiwa yaibobot yumnadne piyu egave vinemewa opata watan oya. Piyu egave wakeemewa mu at sinsin igiyawa desirom desrom, ganigani desirom igiyawa desirom desirom, gae desirom desirom sira iyayapan desirom desirom.  
\v 7 Me noiwa kokavit wane, “God gumbe a ag eyawa waniya. Kuiyawa keptete kumiwa uwane. God waiyaya. Me kwimin, piyu poeman ge yamarogu wadne.”   
\p
\v 8 \x + \xo 14:8 \xt Ais 21:9; Jer 51:7-8; Rev 17:2; 18:2,3\x*Aneya duwameba me amave aig uwane wane, “At kokawa Babiron aigne. Aigne. Me at sinsin igiyawa undag wain munne mu naya. Mu wain nayawa uinantaraki aya sira God danawa piriwane.”   
\p
\v 9 \x + \xo 14:9 \xt Rev 13:12-17\x*Sira aneya duwamdesiyawa mu amowo aig uwane. Noiwa kokavit wane, “Bira da mae yusiatatuwa ge irawa wariyawa meuma waiyapewa, sira bira da namive, go nanive irawa aupewa,  
\v 10 \x + \xo 14:10 \xt Gen 19:24; Sam 75:8; Ais 51:17,22; Jer 25:15-16; Ejk 38:22; Rev 16:19; 20:10\x*me God danapiri wain meuma nape. Wain yoi gaibu bidwak den ayawa. Sira wain me God danapiri ap meuma danave areriyape. Iyayapan mu aneya iyakaisi namuwo ge Sip Usiwa namive iyam ge sarupa igiviwa gumbe dawai aupe.  
\v 11 \x + \xo 14:11 \xt Ais 34:10\x*Mu dawai aueme, sira aup evedni dauwaivi. Bira da mae yusiatatuwa ge irawa wariyawa meuma waiyapewa, sira bira da me irawa iviwa irayauyau aupewa, mu aram kum nonuwa den emigimpe.”  
\v 12 \x + \xo 14:12 \xt Rev 13:10\x*Mapa iyakaisi igiyawa kikikit waketanwa wakene. Mu God gwangwan meuma ge Iesu gumbe anotumat muma yumnateme.   
\p
\v 13 Sira ne kwiminau noiwa anona me wane, “Teya. ‘Bira da Ayapan gumbe bo apewa me waribiyape. Gare amatog utan meib di aigimpe.’” Guwawa gaibu wane, “E. Natawa di. Mu nau koka eme gumbe nonowa empe. Kuiyawa mu ayawa mu amowo ampe.”   
\s1 Piyu Mauraeba  
\p
\v 14 \x + \xo 14:14 \xt Dan 7:13\x*Sira ne yauna. Yawa. Gwaberu puipuyu uwag guwaveru egave apan usiwa mina yan wakene. Me kuiya egave kin keretawa gooru gumbe wariyawa tonadne, sira peto wagegeramiyawa dona waipam me nanive yumnadne.  
\v 15 Sira aneya dawa temporu danave dauwag onne. Gwaberu egave yan wakenewa gumbe noiwa wansin auwane, “Peto wagegeramiyawa geumawa aug kesia kesia ag agoniya. Kuiyawa piyu egave dividivi undag maura uwane kesiag agoniyatan kumiwa uwane.”  
\v 16 Gwaberu egave yan wakenewa peto wagegeramiyawa meuma aug piyu egave viyane. Me piyu dividivi kesiag agoniyane.   
\p
\v 17 Aneya dawa kwiminau tomporu danave dauwag onne. Me gaibu peto wagegeramiyawa yumnadne.  
\v 18 \x + \xo 14:18 \xt Joe 3:13\x*Aneya da me iyam amaraiviwa me kem iyakaisi gumbe dauwag onne. Me peto wagegeramiyawa dona waipam yumnadnewa gumbe noiwa wansin auwane, “Peto wagegeramiyawa dona waipam geuma viyag piyu greip magawa gomiyag agoniya. Kuiyawa greip magawa kweraimusia.”  
\v 19 Aneya peto wagegeramiyawa aug piyu egave viyane, greip magawa kesiag agoniyane. Sira me amowo emag gotosaya at kokawa danave emeya. Amowo emag gotosaya at kokawa me God danapiri meuma.  
\v 20 \x + \xo 14:20 \xt Ais 63:3; Rev 19:15\x*Amowo emag gotosaya arawa me gwetoimu daieve wakene. Me danave greipu magawa amowo emag gotosaya. Amowo emag gotosaya arawa apa ganigani dauwane. Ganigani me mae osi ginangawa toboriyawa painau dauwag 1,600 stadia\f + \fr 14:20 \ft 1 stadia me 185 mitas. 1,600 stadia me 300 kiromitas mina.\f* aramawa aine.   
\c 15  
\s1 Aneya 7 Kukaeba Aepama 7 Gaibu  
\p
\v 1 Ne yauna. Kwiminau kokawa ge anopipanum irawa da yauna. Aneya 7 kukaeba oieba 7 yumnasiya. Kuiyawa kukaeba oieba 7 gumbo God danapiri meuma wapukiyape onanape.  
\v 2 Ne yauna. Iyam bidwak anewa poeman mina geyu geyu aivi. Iyayapan poeman visive yokeg God munnewa kae aap yumnasiya. Mu mae yusiatatuwa, me irawa wariyawa ge iviwa basiyayawa gumbe mut ag garawa auya.  
\v 3 \x + \xo 15:3 \xt Eks 15:1; Sam 139:14; 145:17\x*Mu Mosisi bererin meuma ge Sip Usiwa bererin meuma toya. Mosisi me God nauwawa aivi abnawa.  
\q1 “Ayapan God Yusipamitwa,  
\q1 ge anawa kokawa oraimina,  
\q1 at sinsin igiyawa kin mumawa,  
\q1 ebu geuma me oraiwa ge natawa.   
\q1
\v 4 \x + \xo 15:4 \xt Sam 86:9; Jer 10:6-7\x*Ayapan, bira ge gungap den a ape?  
\q1 Bira ge ivugwa waiya den ape?  
\q1 Kuiyawa gekut iyakaisi.  
\q1 At sinsin igiyawa undag onam ge namugap waiyape.  
\q1 Kuiyawa ge keptete geuma oraimina me taibe ane.”   
\p
\v 5 \x + \xo 15:5 \xt Eks 38:21\x*Mame ivi ne yauna. Temporu kwiminauwa metabenako me taibe watanwa oya. Me watabne wakene, yauna.  
\v 6 Aneya 7 mu kukaeba 7 aug temporu dauwak onamiya. Mu wape esine geyu geyu aiviwa eniya, sira mu gooru wapeyawa togowa birorot paniya.  
\v 7 Mae vinemewa 4 danave desirom me kabum gooru gumbe wariyawa 7 aneya 7 munne. God evedni wakeigimpe. Me danapiri meuma kabum egamne noidauwane.  
\v 8 \x + \xo 15:8 \xt 1Ki 8:10-11; 2Kr 5:13-14; Ais 6:4\x*Temporu aup dauwak umne. Aup me God eyawa ge yusiwa meuma gumbe dauwane. Aneya 7 mu kukaeba 7 nau wapukiyape onanape. Ivi iyayapan temporu danave oma ane unikpe.   
\c 16  
\s1 Kabum 7 God Danapiri Meumawa  
\p
\v 1 Sira ne anona. Noiwa wansin temporu apa dauwag aneya 7 diruivi, “Aisiya. Kabum 7 God danapiri meumawa piyu egave egamiya.”   
\p
\v 2 \x + \xo 16:2 \xt Eks 9:10; Rev 13:12-17\x*Aneya namuirenwa aine piyu egave kabum meuma egamne. Kamot kukaeba iyayapan kuwapuwo dauwane. Iyayapan mu mae yusiatatuwa irayauyau auyawa sira mae yusiatatuwa irawa wariyawa wai emewa.   
\p
\v 3 \x + \xo 16:3 \xt Eks 7:17-21\x*Aneya duwameba kabum meuma poeman egave egamne. Poeman tobiyak ganigani ane. Me bo apan ganiganiyawa mina ane. Dividivi undag poeman danave vinemewa boriruwaya.   
\p
\v 4 Aneya duwamdesiyawa kabum meuma yoi ge yamarogu dauemewa egave egamne. Mu ganigani aya.  
\v 5 Sira ne anona. Aneya yoi amaraiviwa wane,  
\q1 “Evedni wakeigimpewa, numan wakenewa, Iyakaisiyapama, ge oraimina.  
\q1 Kuiyawa ge dividivi mame kepteyana.   
\q1
\v 6 Mu iyakaisi igiyawa geuma ge propeta ganigani mumawa aigiya.  
\q1 Ge ganigani mumawa munana mu naya.  
\q1 Mu kukaeba aya oya garawa muma auya.”   
\p
\v 7 \x + \xo 16:7 \xt Sam 19:9; Rev 15:3\x*Sira ne anona. Kem iyakaisi garawa wane,  
\q1 “E. Natawa di. Ayapan, God Yusipamitwa.  
\q1 Ge keptete geuma natawa di ge oraimina.”   
\p
\v 8 Aneya duwam ge duwameba kabum meuma kum egave egamne. Sira kum yusiwa wanne iyayapan igamne boriruwaya.  
\v 9 \x + \xo 16:9 \xt Rev 9:20-21\x*Kum amiwa kokavit iyayapan igamne. Mu God iviwa gumbe ae waya. God yusiwa meuma gaibu aune, kukaeba mame oma ane amara munivi. Megara mu kukaeba muma gumbe nonemagowa den biroriyaya sira God den waiyaya.   
\p
\v 10 \x + \xo 16:10 \xt Eks 10:22; Ais 8:21-22\x*Aneya nanin gambenitwa kabum meuma mae yusiatatuwa kin seya meuma egave egamne. Kin arawa meuma at sisip wadne. Iyayapan dawai oya pednowa ariya.  
\v 11 Iyayapan mu dawai mumawa ge kamot mumawa oya God kwiminau ae waya. Sira mu kukaeba emewa gumbe nonemagowa den biroriyaya.   
\p
\v 12 \x + \xo 16:12 \xt Ais 11:15\x*Aneya nanin gambenit botone desirom kabum meuma yoi kokawa Yupurates egave egamne. Sira yoi toyaine kum dauwaiviwa arawa apa kin igiyawa uwatan ebu muma tamibarip ane.  
\v 13 Sira ne airapu kukaeba duwamdesi yawamna. Mu giyam mina. Mu mae dragon noiwa, mae yusiatatuwa noiwa ge ugauga propeta noiwa gumbo dauwag onamiya.  
\v 14 \x + \xo 16:14 \xt Rev 19:19\x*Mu airapu kukaeba guwowa. Mu irawa eme. Mu piyu ega undag kin gumbo dauwag amiya. God Yusipamitwa kum kokawa meuma apa mut oya kin igiyawa agoniyatan oya dauwag amiya.  
\v 15 \x + \xo 16:15 \xt Mat 24:43-44; Rev 3:3\x*“Yawa. Ne ub abnawa mina uwatna. Bira da yangawa mereruwape wakepe, sira wape empe kuwapiwa taibe den gigivi ubman meuma iyayapan den yaupewa, me waribiyape.”  
\v 16 \x + \xo 16:16 \xt Jak 12:11\x*Mu gae Ibru gumbe Arumagedon veme me apa kin igiyawa agoniyaya.   
\p
\v 17 Aneya kabum 7 meuma painau egamne. Noiwa kokavit kin seya meuma apa dauwak sira temporu danave dauwag on waivi, “Me wait matadne onanane.”  
\v 18 \x + \xo 16:18 \xt Rev 4:5; 8:5\x*Meve kapesi meramivi, noiwa waivi, kwimin waivi sira pinunu kokawa matadne. Iyayapan piyu egave amatog wakeemewa me apa onne gare mame pinunu me minawa den matadne. Pinunu me kokavitwa.  
\v 19 \x + \xo 16:19 \xt Rev 14:10\x*Gwetoimu kokawa asime tokedumne duwamdesi ane. At sinsin igiyawa gwetoimu mumawa wakukamiya. God at kokawa Babiron imug anone. Sira God ap wanne. Me ap wain egamne noidauwane. Wain me egamnewa me God danapiri meuma.  
\v 20 \x + \xo 16:20 \xt Rev 6:14\x*Ginayapawa undag a amiya, sira tui undag inanadmusia oma den ane yauya.  
\v 21 \x + \xo 16:21 \xt Eks 9:23-24; Rev 11:19\x*Kwiminau yamduiwa taigipam kokawa iyayapan egowo aigiya. Mu desirom desirom ibnawa meuma tarant\f + \fr 16:21 \ft Tarant desirom me 34 kirograms mina.\f* desirom mina. Yamduiwa taigipam me kukaeba oya iyayapan God gumbe ae waya. Kuiyawa me gwambe dadi.   
\c 17  
\s1 Vesin Ge Mae Yusiatatuwa  
\p
\v 1 \x + \xo 17:1 \xt Jer 51:12-13\x*Aneya 7 kabum muma 7 gaibu. Mu desirom da ne gunap on gae gunap wane, “Onaga. Uinantaraki vesinawa kokawa me yoi kokawa egave wakene. Ne vesin ibnawa meuma toyau gentna.  
\v 2 \x + \xo 17:2 \xt Ais 23:17; Jer 51:7; Rev 14:8\x*Piyu ayapanowa me gaibu viniya. Sira piyu igiyawa me uinantaraki wain meuma gumbe nag kuiyowa pipammusia.”  
\v 3 \x + \xo 17:3 \xt Rev 13:1\x*Sira ne guwawa gunap wakene. Aneya at inguiwa arawa danave auneg aine. Asimeve ne vesin da yauna. Me mae yusiatatuwa burutatae. Vesin me egave wakeivi. Mae yusiatatuwa ivuwa gumbo noidauwane. Ivuwa God gumbe ae veme. Me kuiyowa 7 sira kuiyowa donawa 10 gaibu.  
\v 4 \x + \xo 17:4 \xt Jer 51:7; Rev 18:16\x*Vesin me diyapam ge burutatae enne. Sira me gooru, an oraiwa, keri gaibu. Sira gooru apawa me nanive yumnadne. Ap me topaiemewa ge uinantaraki meuma gumbe noidauwane.  
\v 5 Me namive iviwa meib teya. Iviwa me natawa den yaug anotunewa.  
\q1 “Babiron Kokawa.  
\q1 Me Uinantaraki Vesinawa Sira Piyu  
\q1 Ega Topaiemewa Mu Inowa.”   
\p
\v 6 \x + \xo 17:6 \xt Rev 18:24; 19:2\x*Ne vesin yauna. Me iyakaisi igiyawa ge Iesu oya taibe watanwa igiyawa ganigani muma nag pimpa noine. Ne me yaunawa ano pipanum ana.  
\v 7 \x + \xo 17:7 \xt Rev 13:1\x*Meve aneya ne gunap wane, “Dimbae oya ge terana? Ne gungap taibe watna. Natawa guwavewa vesinawa oya sira mae yusiatatuwa oya. Mae yusitatatuwa me vesin avivi sira me kuiyowa 7 ge kuiya donawa 10 gaibu.  
\v 8 \x + \xo 17:8 \xt Dan 12:1; Rev 11:7; 13:7\x*Mae yusiatatuwa ge yawana. Me numan wakene go gare onan. Me matai nog epampa danave dauwag ompe me wakukamtan aivi. Piyu igiyawa mu piyu wadnewa gumbe on inaiinai bukaeba danave ivuwa den teyawa wakeya. Mu mae yusiatatuwa yaupewa mu terape. Kuiyawa mae yusiatatuwa me numan wakene gare onan. Me matai uwapewa mu terape.  
\v 9 Mapa ugen me anoano oraiwa gaibu wakene. Kuiyowa 7 me tui 7 me egowo vesin yan wakenewa.  
\v 10 Sira me apa kin igiyawa 7. Kin igiyawa 5 wait aigiya, desirom wakene, sira desirom da ande den uwane. Me uwapewa me koni pipi wakepe.  
\v 11 Mae yusiatatuwa me numan wakene gare den wakenewa, me kin naningamben botone duwamdesiyawa. Me desirom da kin igiyawa 7 danowo sira ivi wakukamtan oya aivi.  
\v 12 \x + \xo 17:12 \xt Dan 7:7,24\x*Kuiyowa donawa 10 ge yawamanawa mu kin igiyawa 10. Mu kin at muma den auya, go matai kum koniwa desirom mina mae yusiatatuwa gaibu mu kin atanwa yutuwa muma aupe.  
\v 13 Mu danowa desirom aya. Mu mae yusiatatuwa yusiwa ge ano yusipam wampe.  
\v 14 Mu Sip Usiwa gumbe murape, go Sip Usiwa mu gumbo yan baraupe. Kuiyawa Me Ayapan Painauvitwa, sira me Kin Painauvitwa. Me gaibu wakeemewa mu auwane onamiya, sira auwag gomiya munne, sira nau muma gumbo aug amave amome.”  
\v 15 Aneya gunap wane, “Yoi ge yawamanawa me apa uinantaraki vesinawa yan wakeivi. Sira me iyayapan, iyayapan agoniyayawa, at sinsin igiyawa ge gae mumawa.  
\v 16 \x + \xo 17:16 \xt Rev 18:8\x*Kuiyo donawa 10 ge yawamanawa sira mae yusiatatuwa uinantaraki vesinawa topayape. Mu me wakukam, me uiwa taibe kwepe. Sira mu me kwapiwa nape iyam gumbe oketpe.  
\v 17 Kuiyawa God anoano meuma mu atan oya God mu nonomagowa munne. Mu danowa desiromit aya mae yusiatatuwa at amaratan oya yusiwa waniya. Meve God gaiyawa undag natawa ape.  
\v 18 Vesin ge yawanawa me gwetoimu kokawa. Gwetoimu kokawa me piyu ayapan mumawa amat amunivi.   
\c 18  
\s1 Gwetoimu Kokawa Babiron Aigne  
\p
\v 1 Dividivi mame onananewa, ne aneya da kwimin apa aig onivi yauna. Me yusiwa koka gaibu wape noiwa aupe. Eyawa meuma gumbe piyu esine.  
\v 2 \x + \xo 18:2 \xt Ais 13:21; 34:11-14; Jer 50:39; Rev 14:8\x*Noiwa yusipamit gumbe kwaruwane.  
\q1 “Aigne. Gwetoimu kokawa Babiron aigne.  
\q1 Me airapu kukaeba gwe mumawa ane,  
\q1 sira airapu kukaeba desirom desirom oya nog ane,  
\q1 sira nenip miyot gaibuwa desirom desirom ge topaiemewa oya  
\q1 nog mumawa ane.   
\q1
\v 3 Kuiyawa at sinsin igiyawa undag danapiri waineba naya.  
\q1 Danapiri waineba me uinantaraki meuma.  
\q1 Piyu ayapanoa mumawa me gaibu uinantaraki aya.  
\q1 Piyu ega gwiruwareme igiyawa mu me uinantaraki kokawa meumawa gumbe tawara igiyawa aya.”   
\p
\v 4 \x + \xo 18:4 \xt Ais 48:20; Jer 50:8; 51:6,45; 2Ko 6:17\x*Meve ne noiwa da kwimin apa wane anona,  
\q1 “Iyayapan neuma.  
\q1 Me gumbe yankweg dauwaya.  
\q1 Me kukaeba meuma me gaibu den aya. Kukaeba meuma den auya.   
\q1
\v 5 \x + \xo 18:5 \xt Gen 18:20-21; Jer 51:9\x*Kuiyawa kukaeba meuma geradodot kwimin dog aine.  
\q1 God me kukaeba meuma imug anone.   
\q1
\v 6 \x + \xo 18:6 \xt Sam 137:8; Jer 50:15,29; 2Te 1:6\x*Me ye yennewa undag atan waniya.  
\q1 Me anewa gumbe gerave waniya.  
\q1 Me ap meuma gumbe bidwak ane,  
\q1 sira ap meuma danave me egave sira areriyag bidwag aya.   
\q1
\v 7 \x + \xo 18:7 \xt Ais 47:7-9\x*Me eyawa membovit ane uinantaraki membovit ane.  
\q1 Me anewa gumbe dawai ge danadawai desiroma waniya.  
\q1 Kuiyawa me danave wape,  
\q1 ‘Ne kwiin arawa kwiin mina wakena. Ne kwapura onan.  
\q1 Ne danadawai sira den autna.’   
\q1
\v 8 \x + \xo 18:8 \xt Rev 17:16\x*Meoya kum desirom danave me kukaeba meuma me gumbe uwape.  
\q1 Kukaeba meuma me yuwat bo gumbe, danadawai,  
\q1 nakwai onan kumiwa me gumbe uwak iyam gumbe me ikpe onanape.  
\q1 Kuiyawa God Ayapan me yusipama sira me keptete ape.   
\p
\v 9 \x + \xo 18:9 \xt Ejk 26:17; 27:30-35\x*Piyu ayapanoa mumawa me gaibu uinantaraki ag sira tawara kukaeba meuma keb ag tamiya. Mu vesin me igiviwa yaug it ge dawai me gumbe aupe.  
\v 10 Mu vesin me dawai avivi yaug a ape mu painau yokeg iruwape.  
\q1 “Kukaeba uwane. Kukaeba uwane. Gwetoimu kokawa Babiron.  
\q1 Gwe yusipama.  
\q1 Kum koni kusi pipi danave kukaeba geuma uwane.”   
\p
\v 11 \x + \xo 18:11 \xt Ejk 27:36\x*Piyu ega gwiruwareme igiyawa me gumbe iruwak dawai aupe. Kuiyawa bira da tawara muma den gwiruwatpe.  
\v 12 \x + \xo 18:12 \xt Ejk 27:12-13,22\x*Tawara muma me gooru, siruva, an oraiwa, keri, wape oraiwa iviwa rinen, wape burutatae, wape siruku, wape diyapam, yoma tayapam, dividivi mae erepant donawa gumbe wariyawa, sira yoma garawa kokawa, aiyan kopa garawa kokawa, aiyan garawa kokawa, gina ubeube an oraiwa maaboro gumbe wariyawa,  
\v 13 yoma da sinamon, yoma tayapama da, yoma otawa okeremewa, oira tayapama, parawa tayapama, wain, orivu oira, nakwai wiit parawa oraimina, nakwai wiit, burumakau, mae sip, mae osi, mae gumbe tuk ororiemewa, nau eme igiyawa ge iyayapan inaiinai muma.  
\v 14 Yoma magawa kwerainewa me ge imugwa anoegewa ge gungap painau aipe. Tawara oraimumuwa undag ge tawara esinewa undag inanat onanape. Mu sira den yaupe.  
\v 15 \x + \xo 18:15 \xt Ejk 27:31,36\x*Gwiruwareme igiyawa mu dividivi mame me gumbe gwiruwag tawara igiyawa aya. Mu vesin dawai meumawa a ag painau yokepe. Sira mu iruwag danadawai aupe.  
\v 16 \x + \xo 18:16 \xt Rev 17:4\x*Mu wape,  
\q1 “Kukaeba uwane. Kukaeba uwane. Gwetoimu kokawa.  
\q1 Me wape puipuyu, wape ariminawa, wape burutataewa enne,  
\q1 sira gooru, an oraiwa ge magamagawa kusi puipuyu enne.   
\q1
\v 17 \x + \xo 18:17 \xt Ais 23:14; Ejk 27:27-29\x*Kum pipi danave tawara kokavitwa inanat onanane.”  
\p Sira wa yumemewa undag, wa egave amomewa undag, wa egave nau emewa undag, mu iyayapan poeman egave nau emewa gaibu, painau yokeya.  
\v 18 \x + \xo 18:18 \xt Ejk 27:32\x*Mu me igivi aup dauwaivi yaug mu kwaruwaya, “Gwetoimu kokawa mame mina da wakene go? Onan di.”  
\v 19 Sira mu atapupu kuiyowo areriyaya it ge danadawai aug wansin waya,  
\q1 “Kukaeba uwane. Kukaeba uwane. Gwetoimu kokawa.  
\q1 Wa boya igiyawa undag me tawara meuma gumbe tawara igiyawa aya.  
\q1 Megara me kum pipi danave wakukamne.”   
\q1
\v 20 \x + \xo 18:20 \xt Deu 32:43; Ais 44:23; Jer 51:48\x*Kwimin, iyakaisi igiyawa, apasoro ge propeta, gwetoimu kokawa mame oya degadega aya.  
\q1 Kuiyawa yenan oya God gwetoimu kokawa mame kep tene.”   
\p
\v 21 \x + \xo 18:21 \xt Jer 51:63-64; Ejk 26:21\x*Meve aneya yusipama an kokawa enagat aune. An me parawa danave waremewa mina koka. Aneya me poeman danave aorek wane,  
\q1 “Gwetoimu kokawa Babiron me yusipamit tope aikpe.  
\q1 Sira den yaupe.   
\q1
\v 22 \x + \xo 18:22 \xt Ais 24:8; Ejk 26:13\x*Kae aap eme igiyawa, bererin toeme igiyawa,  
\q1 kae nouwo upui eme igiyawa,  
\q1 kae trampet upi eme igiyawa,  
\q1 mu nouwa sira ge den anoa.  
\q1 Nanuwo wareme igiyawa undag sira ge den yawama.  
\q1 An me gumbe parawa waremewa me noiwa sira ge den anoa.   
\q1
\v 23 \x + \xo 18:23 \xt Jer 7:34; 16:9; 25:10\x*Damempa eyawa danagap sira den ig esipe.  
\q1 Vesin apan memgebip mataiwa nouwa sira den anoa.  
\q1 Kuiyawa gwiruwareme igiyawa geuma mu piyu ega yusipama igiyawa,  
\q1 sira at sinsin igiyawa undag dum geuma kukaeba gumbe anopipanum aya.   
\q1
\v 24 \x + \xo 18:24 \xt Jer 51:49; Rev 17:6\x*Sira kuiyawa propeta igiyawa, iyakaisi igiyawa ge piyu egave guriya boriruwayawa undag ganiganiyowa gwetoimu koka mame danave yaune.”   
\c 19  
\s1 Areruya!  
\p
\v 1 Dividivi mame onananewa, kwimin danave iyayapan agonagon kokavit ayawa nouwa mina veme ne anona,  
\q1 “Areruya.\f + \fr 19:1 \ft Natawa me Ayapan waiyaya.\f*  
\q1 Waita ge eyawa ge yusiwa God numa meuma.   
\q1
\v 2 \x + \xo 19:2 \xt Deu 32:43; Rev 6:10\x*God keptete meuma me natawa ge oraimina.  
\q1 Me uinantaraki vesinawa kokawa ibnawa wanne.  
\q1 Vesin me uinantaraki meuma gumbe piyu wakukamne.  
\q1 Sira God me nau meuma eme igiyawa ganigani muma oya garawa vesin gumbe ane.”   
\p
\v 3 Mu sira waya,  
\q1 “Areruya.  
\q1 Aup meuma yaibobot dauwaivi.”   
\p
\v 4 Koukawa igiyawa 24 ge vinemewa 4 mu God wakeivi arawa namive konuwa yug waiyaya. Mu waya,  
\q1 “Amen! Areruya!”   
\p
\v 5 God wakeiviwa arawa apa noiwa uwag waivi,  
\q1 “God nauwawa eme igiyawa ye undag God numa waiyaya.  
\q1 Iyayapan koukawa ge kusikusiwa,  
\q1 me gumbe a anewa ye undag God waiyaya!”   
\p
\v 6 \x + \xo 19:6 \xt Rev 14:2\x*Iyayapan agonagon ayawa nouwa mina, yoi koka noiwa mina, aeg koka noiwa mina, me wane anona,  
\q1 “Areruya!  
\q1 Kuiyawa Ayapan God Yusipamitwa numa me dividivi undag amaraivi.   
\q1
\v 7 \x + \xo 19:7 \xt Ais 61:10; Rev 21:2\x*Degadega ag waiyata,  
\q1 sira me eyawa wanta.  
\q1 Kuiyawa Sip Usiwa memgebip kumiwa uwane.  
\q1 Me biviwa tamibarip ane.  
\v 8 Wape rinen me esinewa ge miyot onan. Biviwa me entan oya wanne.  
\m Wape me oraiwa me iyakaisi igiyawa oraivit ayawa.”   
\p
\v 9 \x + \xo 19:9 \xt Mat 22:2\x*Aneya gunap wane, “Teya. Sip Usiwa memgebip nakwaeba oya munan auwanewa mu waribiya munne. Sira me gunap wane, “Gae mame natawa, me God gaiyawa.”  
\v 10 \x + \xo 19:10 \xt Apa 10:25-26; Rev 22:8-9\x*Me kumive, ne me waiyatan oya amave koninwa yuna. Me gunap wane, “Den a. Ne ge mina sira tatagaiwa mina nau meuma eniwa. Ne mina Iesu oya taibe watanwa abnawa yumnadna. God waiyaigima. Kuiyawa Iesu oya taibe watanwa me propeta guwawa meuma.”   
\s1 Mae Osi Pupuyu Egave Dauwanewa  
\p
\v 11 \x + \xo 19:11 \xt Sam 96:13; Ais 11:4; Rev 1:5; 6:2\x*Ne kwimin watabne yauna. Yawa. Mae osi pupuyu wakene. Me egave wakeiviwa me nau meuma gumbe aug aiviwa ge natawa veme. Sira me keptete oraivit ag mut ape.  
\v 12 \x + \xo 19:12 \xt Dan 10:6; Rev 1:14; 2:17\x*Me yangawa iyam meru mina igivi. Kin keretawa obiren kuiyave tonadne. Me iviwa mu gumbo tene. Me iviwa bira da den yaug anoya, go me membovit yaug anone.  
\v 13 \x + \xo 19:13 \xt Ais 63:1-3; Jon 1:1,14\x*Me wape ganigani gumbe emnewa enne. Me iviwa God gaiyawa.  
\v 14 Mut igiyawa kwiminau mae osi pupuyu egave wakeg me amave amome. Mu wape pupuyu ge miyot onan wapeyawa eniya.  
\v 15 \x + \xo 19:15 \xt Sam 2:9; Rev 1:16; 14:20\x*Deba donapam me noive dauwaivi. Me gumbe me at kokawa igiyawa obiren gutpe. Sira me tutuwawa aiyan gumbe amaramumpe. Me wain amave emnewa empe. Wain amave emnewa me God Yusipamitwa danapiri meuma.  
\v 16 \x + \xo 19:16 \xt Rev 17:14\x*Wape meuma egave sira me maunawa egave me iviwa tene. Iviwa meib tene, Kin Painauvitwa, me Ayapan Painauvitwa.   
\p
\v 17 \x + \xo 19:17 \xt Ejk 39:17-20\x*Sira ne aneya desirom kum danave yokeivine yauna. Me noiwa wansin nenip undag gumbo kwaruwane. Nenip mu piyu kwimin yapave vereg gigeme. Me wane, “Oneya. God nakwaeba kokawa oya agoniyaya.  
\v 18 Kin kwapuwa, mut namu yoiyoi igiyawa kwapuwa, yutuatatu kwapuwa, mae osi kwapuwa, mae osi egave amomewa kwapuwa, sira ui onan igiyawa ge ankwatave nau eme igiyawa undag kwapuwa, iyayapan kusikusiwa ge koukawa undag kwapuwa, ye naya.”   
\p
\v 19 Sira ne mae yusiatatuwa, piyu kin muma ge mut igiyawa mumawa agoniyag toboraya yawamna. Mut igiyawa muma mae osi egave wakeiviwa ge mut igiyawa meumawa gumbo mut eme yawamna.  
\v 20 \x + \xo 19:20 \xt Rev 13:12-17; 20:10\x*Mae yusiatatu yumne. Me gaibu propeta ugaugaeba yumamne. Propeta ugaugaeba me mae yusiatatu namive irayauyau ane. Irayauyau meuma gumbe iyayapan ugai mun mae yusiatatu irawa kusi auya. Sira propeta ugaugaeba iyayapan ugai mun mae yusiatatu guwawa waiyaya. Propeta ugaugaeba me gaibu yumamne. Duwam mu ande kaninga kondowin iyam igiviwa danave emeya. Me danave sarupa\f + \fr 19:20 \ft Me meutan minawa.\f* igivi.  
\v 21 Iyayapan upeba deba gumbe gudne boriruwaya. Deba me mae osi egave wakeiviwa noive dauwaivi. Sira nenip undag mu kwapuwa naya oma ane.   
\c 20  
\s1 Bairawan 1,000  
\p
\v 1 \x + \xo 20:1 \xt Rev 9:1\x*Ne aneya kwiminau aigivi yauna. Me nanive nog epampa kii meuma ge aiyan murapeba sein kokawa yumnadne.  
\v 2 \x + \xo 20:2 \xt Gen 3:1; Rev 12:9\x*Me dragon yumne sira bairawan 1,000 danave yumnadne. Mae dragon me Seitan ge airapu kukaeba kokawa, sira mae dragon me mokare namuwa.  
\v 3 Me dragon nog epampa danave aorene. Me tobodne egave Guwawa tobatamne. Mae dragon me at sinsin igiyawa den ugai mumpe, sira bairawan 1,000 onanane. Dividivi mame onanapeve kum pipi danave dragon me vettanit di.   
\p
\v 4 \x + \xo 20:4 \xt Dan 7:9,22,27; 1Ko 6:2; Rev 13:17\x*Ne koukawa wakeemewa arawa yawamna. Mu egowo wakeeme keptete atan oya yutuwa gaibu wape nouwa autan yusiwa munne. Sira ne iyayapan guwowa yawamna. Mu Iesu oya taibe watanwa oya sira God gaiyawa oya meyowa kesaya boriruwaya. Sira ne iyayapan yawamna. Mu mae yusiatatu go Guwawa meuma wai den ag mu namuwa ge nanuwa mae yusiatatu makaeba den tobatamiya. Mu sira taig inaiinai auya bairawan 1,000 danave Keriso gaibu amareme.  
\v 5 Boriruwayawa upeba sira den taig inaiinai auya. Bairawan 1,000 onanane. Mame inaig yoine namuwa.  
\v 6 \x + \xo 20:6 \xt Rev 1:6\x*Inaig yoine namuwa gaibu wakenewa me waribiyane sira iyakaisi. Iyayapan mame gumbo bo duwameba me yutuwa onan. Mu God ge Keriso pirisi ape Keriso gaibu bairawan 1,000 danave amarape.   
\s1 Seitan Inaiinai Meumawa  
\p
\v 7 Bairawan 1,000 onananewa Seitan me nog gumbe arob baraupe dauwape.  
\v 8 \x + \xo 20:8 \xt Ejk 38:2,9,15-16\x*Piyu egave ginawa 4 apa at sinsin igiyawa wakeya. Mu Gog ge Magog. Me mu ugai muntan oya dauwape sira mu mut atan oya agoniya mumpe. Mu basiyapewa dawara nugeyawa mina.  
\v 9 \x + \xo 20:9 \xt 2Ki 1:10\x*Mu at taibe bindara dauwag dog amiya. Mu iyakaisi igiyawa tai muma ge gwetoimu kokawa me baigan ayawa birorot yud eniya. Megara iyam kwimin apa\f + \fr 20:9 \ft Namu tenewa da waivi, “God apa.”\f* aig igamne onanane.  
\v 10 \x + \xo 20:10 \xt Sam 11:6; Rev 19:20; 21:8\x*Seitan mu ugai munne. Me iyam ge sarupa igeme kondowin danave aoreya. Me apa mae yusiatatu ge propeta ugaugaeba gaibu wakeya. Mu kum ge aram edawai avigimpe viripusi onan.   
\s1 Boriruwayawa Keptete Mumpe  
\p
\v 11 Sira ne God wakeivi arawa me koka puipuyu yauna. Ne me egave yan wakenewa yauna. Piyu ge kwimin me namive a amiya asime apa at mumawa da onan.  
\v 12 \x + \xo 20:12 \xt Dan 7:9-10; Mat 25:31-46; Apa 17:31; 2Ko 5:10; Rev 13:8\x*Ne boriruwayawa yawamna. Mu koukawa ge kusikusiwa. Mu God wakeiviwa arawa namive yokeeme yawamna. Buka upeba wakeya mu watapiya. Buka dawa me watapiya. Me inaiinai bukaeba. Me danave boriruwayawa mu ayawa teya. Mu desirom desirom mu ayawa gumbo mu keptete aupe.  
\v 13 \x + \xo 20:13 \xt Rom 2:6; 1Pi 1:17; Rev 2:23; 22:12\x*Poeman me boriruwayawa teyawa yoig poeman wan dauwaya. Sira ades me boriruwayawa teyawa yoig ades wan dauwaya. Mu desirom desirom mu ayawa gumbo keptete auya.  
\v 14 Meve bo ge ades iyam igivi kondowin danave emeya. Mame bo duwameba.  
\v 15 Bira da inaiinai bukaeba danave iviwa den teya yauyawa, me iyam igivi kondowin danave emeya.   
\c 21  
\s1 Jerusarem Mataiwa  
\p
\v 1 \x + \xo 21:1 \xt Ais 65:17; 2Pi 3:13\x*Sira ne kwimin mataiwa ge piyu mataiwa yawamna. Kuiyawa kwimin namuwa ge piyu namuwa uwag gaveya amiya. Sira poeman da asiwa apa onan.  
\v 2 \x + \xo 21:2 \xt Ais 52:1; 61:10; Ibr 11:16; 12:22; Rev 3:12\x*Gwetoimu Iyakaisi, Jerusarem mataiwa, me God gumbe kwimin apa aigivine ne yauna. Me memawa oya vesin memgebip mataiwa me orot oraimina enne mina me tamibarip ane.  
\v 3 \x + \xo 21:3 \xt Rvt 26:11-12; Ejk 37:27; Jak 2:10; 2Ko 6:16\x*Ne God wakeiviwa arawa apa noiwa wansin waivi anona. Me wane, “Yawa. God tabenako meuma me iyayapan gaibu. God iyayapan gaibu vinivi. Mu iyayapan meuma ape. Sira God membo mu gumbo sira God mumawa ape.  
\v 4 \x + \xo 21:4 \xt Ais 35:10; 65:19; Rev 7:17\x*Me yango turiwa undag muimpe. Bo, danadawai, it, dawai, mu asiwa apa onan. Kuiyawa dividivi namuwa uwag gaveya amiya.”  
\v 5 \x + \xo 21:5 \xt 2Ko 5:17\x*God wakeivi arawa apa yan wakenewa me wane, “Yawa. Ne dividivi undag mataiven wareni.” Sira me wane, “Mame teya. Kuiyawa gae mame ge anotumat atanit di sira natawa.”  
\v 6 \x + \xo 21:6 \xt Ais 55:1; Jer 2:13; Jon 7:37; Rev 1:8,17; 22:17\x*Me gunap wane, “Me matadne. Ne Arupa ge Omega. Ne Amatonewa ge Oieba. Ne meyawa toyainewa gumbe inaiinai yamarogu yoiba ingui wantna me nape.  
\v 7 \x + \xo 21:7 \xt 2Sm 7:14; 1Kr 17:13; Sam 89:26-27\x*Bira da aupewa me dividivi mame undag amarape. Ne me God meuma ape sira me utunwa ape.  
\v 8 \x + \xo 21:8 \xt Mat 25:41; Rev 20:15; 22:15\x*Megara, a emewa, anotumat den emewa, iyayapan topai amuniyawa, iyayapan guremewa, uinantaraki emewa, dum emewa, God ugaugaeba waiyemewa, uga vemewa undag, mu at mumawa iyam ge sarupa igeme kondowinawa danave. Mame bo duwameba.”  
\v 9 Aneya 7 mu kabum 7 gaibu. Kabum danowa kukaeba oieba noidauwag wakeya. Aneya 7 danowo desirom me gunap on wane, “Onaga. Ne vesin memgebip mataiwa, me Sip Usiwa biviwa, toyau gentna.”  
\v 10 \x + \xo 21:10 \xt Ejk 40:2\x*Aneya me Guwawa gumbe tui kokawa painau ne auneg aine. Gwetoimu iyakaisi Jerusarem me God gumbe dauwag kwimin apa aig oniviwa toyau nedne.  
\v 11 \x + \xo 21:11 \xt Ais 60:1-2,19\x*Gwetoimu me God eyawa gumbe. Me an oriavit jaspa geyugeyu tare aivi mina esivi.  
\v 12 \x + \xo 21:12 \xt Ejk 48:30-35\x*Gwetoimu me si kokavit painauwa ge ankwinawa 12 gaibu. Ankwin mu aneya 12 ankwin noive yokeya, sira ankwin noive Isuraeru dam 12 ivuwa teya.  
\v 13 Iist apa ankwin 3, noosu\f + \fr 21:13 \ft Ingriisu gumbe me north.\f* apa ankwin 3, sausu\f + \fr 21:13 \ft Ingriisu gumbe me south.\f* apa ankwin 3, ge west\f + \fr 21:13 \ft Me kum aigiviwa.\f* apa ankwin 3 wakeya.  
\v 14 Gwetoimu si meuma nium 12 gaibu. Mu egowo Sip Usiwa apasoro meuma 12 ivuwa 12 teya.  
\v 15 \x + \xo 21:15 \xt Ejk 40:3; Rev 11:1\x*Aneya me ne gunap wanewa me tutu om gumbe auemewa gooruawa aune. Me gwetoimu, ankwinawa ge si meuma om watpe.  
\v 16 Gwetoimu me siwavit, sira ginawa duwam ge duwam desirom mina. Aneya me gwetoimu tutu om gumbe auemewa gumbe om wadnewa 12,000 stadia\f + \fr 21:16 \ft Me 2,220 kiromitas mina.\f* wakene. Ginawa 4 ge yobe painauwa mu desirom.  
\v 17 Sira me si om wadnewa me 144 kiubit.\f + \fr 21:17 \ft Kiubit desirom me 45 cm mina. 144 kiubit me 65 mitas mina.\f* Me apan gumbe om wadne, sira aneya me mina wadne.  
\v 18 \x + \xo 21:18 \xt Ais 54:11-12\x*Si me an oraiwa jaspa gumbe wariya. Gwetoimu gooruvit siya, sira gooru me garasivit mina.  
\v 19 Gwetoimu si meuma nium meuma me an oraiwa gina ubeube gumbe ben wariya. Nium namuwa me an oraiwa jaspa, duwameba me an oraiwa sapaia, duwamdesiyawa me an oraiwa karusedoni, duwam ge duwameba me an oraiwa emerarud,  
\v 20 naningambenitwa me an oraiwa sarudonikus, naningamben desiroma me an oraiwa sarudius, naningamben duwameba me an oraiwa kurisorait, naningamben duwamdesiyawa me an oraiwa beriru, naningamben duwam ge duwameba me an oraiwa topas, naninwanit me an oraiwa kurisoprasas, naninwanit amanwa desiroma me an oraiwa aiyasins ge naninwanit amanwa duwameba me an oraiwa ametist.  
\v 21 Ankwin 12 me keri 12, ankwin desirom desirom me keri desirom gumbe wariya. Gwetoimu ebu kokawa me gooru mekut gumbe wariya. Me garasi esinewa mina.  
\v 22 Gwetoimu mame danave ne temporu den yauna. Kuiyawa Ayapan God Yusipamitwa ge Sip Usiwa mu temporu.  
\v 23 \x + \xo 21:23 \xt Ais 60:19-20; Rev 22:5\x*Gwetoimu me kum den wakene sira dud den wakene. Kuiyawa God eyawa meuma me dun toivi, sira Sip Usiwa me gwetoimu dun meuma.  
\v 24 \x + \xo 21:24 \xt Ais 60:3,5\x*At sinsin igiyawa mu gwetoimu dun meuma gumbe gigimpe, sira piyu egave kin mumawa mu eyawa mumawa aug gwetoimu uwape.  
\v 25 \x + \xo 21:25 \xt Ais 60:11\x*Gwetoimu ankwin meuma den di tobotpe kum evedni meib di watab wakeivi. Kuiyawa asimeve aram onan.  
\v 26 At sinsin igiyawa eyawa ge iviwa kokawa muma aug asimeve uwape.  
\v 27 \x + \xo 21:27 \xt Ais 52:1; Ejk 44:9; 1Ko 6:9-10\x*Dividivi miyot gaibuwa, topaiemewa sira uga vemewa mu den di gwetoimu unikpe. Sip Usiwa inaiinai bukaeba danave iviwa teyawa mukut unikpe.   
\c 22  
\s1 Inaiinai Yoiba  
\p
\v 1 \x + \xo 22:1 \xt Ejk 47:1\x*Aneya me yoi me inaiinai yoiba toyau nedne. Me geyugeyu tare aivi mina esivi. Me God ge Sip Usiwa wakeivi arawa apa ub onne.  
\v 2 \x + \xo 22:2 \xt Gen 2:9; Ejk 47:12; Joe 3:18; Jak 14:8\x*Me gwetoimu ebuwawa kokawa bunangave uwag onivi. Yoi visivisiwa apa inaiinai yomaeba yokeya. Mu yoma magawa 12 ineme sira dud evedni danave magawa ineme. Sira yoma kwayawa at sinsin igiyawa warinam muneme.  
\v 3 Asimeve wag umtan onan di. God ge Sip Usiwa wakeivi arawa gwetoimu danave wakene God nauwawa emewa menan nau ape.  
\v 4 \x + \xo 22:4 \xt Mat 5:8; Rev 3:12\x*Mu me ginangawa yaupe. Sira mu namuwo God iviwa teya.  
\v 5 \x + \xo 22:5 \xt Dan 7:18,27; Rev 5:10; 20:6; 21:23,25\x*Asimeve aram sira den uwape. Mu dun eyawa ge kum eyawa den anoeme. Kuiyawa Ayapan God eyawa mu mumpe. Sira mu yaibobot tunano amat aigimpe.   
\p
\v 6 \x + \xo 22:6 \xt Rev 1:1\x*Aneya ne gunap wane, “Gae mame anotumat oma ane sira natawa. Ayapan me propeta guwowa God muma. Sira Ayapan me aneya meuma baraune onne. Me nauwawa eme igiyawa gumbo dividivi koni uwataneme toyau muntan ane.   
\s1 Iesu Uwaivi  
\p
\v 7 \x + \xo 22:7 \xt Rev 1:3\x*“Yawa. Ne koni uwataneni. Buka mame danave matai matatpe gaiyawa yumnasiviwa me waribiyape.”   
\p
\v 8 \x + \xo 22:8 \xt Rev 19:10\x*Dividivi mame anonawa sira yawamnawa, ne Jon. Ne anona sira yawamnawa, ne aneya amave koninwa yug waiyatan eni. Aneya me ne dividivi mame toyau negne.  
\v 9 Megara me ne gunap wane, “Den a. Ne ge mina sira ge tatagaiwa propeta mina nau meuma eniwa. Mu buka mame gaiyawa yumnateme. Ge God waiya!”   
\p
\v 10 Sira me ne didnedne, “Buka mame matai matatpe gaiyawa den tobora. Kuiyawa kum me koni aivi.  
\v 11 \x + \xo 22:11 \xt Dan 12:10\x*Kukaeba aivi abnawa me sira kukaeba aigimpe. Miyot aivi abnawa me sira miyot aigimpe. Oraiwa aivi abnawa me sira oraiwa aigimpe. Iyakaisi aivi abnawa me sira iyakaisi aigimpe.”  
\v 12 \x + \xo 22:12 \xt Ais 40:10; Jer 17:10; Rev 2:23\x*“Yawa. Ne koni uwataneni. Garawa neuma gunap wakene. Ne iyayapan desirom desirom mu ayawa gumbe garawa muntna.  
\v 13 \x + \xo 22:13 \xt Ais 44:6; Rev 1:8,17; 21:6\x*Ne Arupa ge Omega. Ne Amatonewa ge Oieba. Ne Namuirenwa ge Ivirenwa.”  
\v 14 \x + \xo 22:14 \xt Gen 2:9; 3:22\x*Iyayapan mu wape muma muimpewa waribiyape. Mu inaiinai yomaeba natan oya yusiwa gaibu sira oma ane ankwin gumbe gwetoimu unig ampe.  
\v 15 Kweyau igiyawa, dum eme igiyawa, uinantaraki eme igiyawa, iyayapan gureme igiyawa, god ugaugaeba waieme igiyawa sira imuwo ugauga eme igiyawa undag, mu tam daieve tepe.   
\p
\v 16 \x + \xo 22:16 \xt Nam 24:17; Ais 11:1,10; Rom 1:3; Rev 2:28; 5:5\x*“Ne, Iesu, siosi oya dividivi mame yangave yaunewa yentan oya aneya neuma barauna onne. Ne Devid Taiwa ge Devid dam meuma gumbe onnewa, sira ne Wanteg Esivi Buwanaeba.”   
\p
\v 17 \x + \xo 22:17 \xt Ais 55:1; Rev 21:6\x*Guwawa ge vesin memgebip mataiwa wape, “Onaga.” Sira, mame anopewa wape, “Onaga.” Bira da meyawa toyaiviwa, kweya ompe, sira inaiinai yoiba natan anoiviwa kweya ingui nape.   
\p
\v 18 \x + \xo 22:18 \xt Deu 4:2; 12:32\x*Ne buka mame matai matatpe gaiyawa anopewa undag natawa dirumpna. Bira da mu gerave baraupewa, God buka mame danave tene mina me gumbe kukaeba wampe.  
\v 19 Bira da buka mame matai matatpe gaiyawa gumbe atan aupewa, God me inaiinai yomaeba danave ge gwe iyakaisi danave dividivi meumawa atan bope. Meib buka mame danave tene.   
\p
\v 20 \x + \xo 22:20 \xt Mat 24:30-31; 1Ko 16:22\x*Dividivi mame taibe waiviwa me wape, “E, ne koni uwataneni.” Amen. Ayapan Iesu, garawapa onaga.   
\p
\v 21 Ayapan Iesu ano oraiwa meuma ye undag guniyap wakeigimpe. Amen.