\id 3JN 
\ide UTF-8
\h Yuhana Sawana
\toc2 3YU
\toc1 Yuhana Sabana
\mt Yuhana Sawana
\c 1
\s Foli
\p
\v 1 Sɛbɛ ɲin farani lemɛniya mɔɔilu la dɛkuru mɔɔbakɔrɔ le la. N ye a lawala n kaninba Kayusi ma. I duman n yɛ, baa an bɛɛ ye taamala ka bɛn Alla la tuɲa ma.
\p
\v 2 N kaninba, n ye Alla tarala ko i ye to kɛndɛyani rɔ, ko i la ko bɛɛ ye sabati, ikomin i sɔlɔmɛ sabatini Alla la ko rɔ ɲa mɛn ma. 
\v 3 An badenma ɲenematɔmɔnin doilu seni yan, ii ka i la ko fɔ. Ii ka a fɔ ko i fasani Alla ma, ko i ye taamala ka bɛn a la tuɲa ma. N sɛwara wo rɔ kosɛbɛ, 
\v 4 baa ni n ka a mɛn ko n denilu ye taamala ka bɛn Alla la tuɲa ma, foyi tɛ n sɛwala ka tamin wo kan.
\s Kayusi la taamaɲa ɲuma
\p
\v 5 N kaninba, i ye an badenma ɲenematɔmɔninilu dɛmɛnna, hali ni i tun ma woilu lɔn kɔrɔman. I wa a kɛ ten, i ye a yirakala ko i ye lemɛniya mɔɔ le ri. 
\v 6 I ka kaninteya yiraka badenma ɲenematɔmɔnin woilu la ɲa mɛn ma, ii ka wo fɔ lemɛniya mɔɔilu la dɛkuru yɛ yan. Awa, ni i ri ii dɛmɛn ii la taama rɔ wo ɲa ma, mɛn di Alla lasɛwa, wo ri bɛn kosɛbɛ, 
\v 7 baa ii ye taama wo kɛla Ɲenematɔmɔnin de yɛ. Ii tɛ sɔnna ka lemɛniyabaliilu la dɛmɛnni foyi mira. 
\v 8 Wo le kosɔn, andeilu ka kan ka mɔɔ su woilu makoɲa. Ni wo kɛra, an di kɛ ii baaraɲɔɔnma le ri Alla la tuɲa lase ko rɔ mɔɔilu ma.
\s Diyotɛrɛfu ni Demetirusi la ko
\p
\v 9 Nba, n ka kuma doilu sɛbɛ ka a lawa lemɛniya mɔɔilu la dɛkuru ma ye. Kɔni Diyotɛrɛfu tɛ sɔnna an na kumailu ma muumɛ, baa a ye a fɛ ka kɛ ye mɔɔilu la mɔɔba ri. 
\v 10 Wo le kosɔn, ni n sera ye, a ye kojuu mɛnilu kɛla, n di wo bɛɛ labɔ gbɛ rɔ, baa a ye an mafɔla kuma juuilu la. Kɔni Diyotɛrɛfu ma dan wo ma de. An badenma ɲenematɔmɔnin mɛnilu kelayani, a ti sɔn woilu jiya ko ma a wara. Lemɛniya mɔɔ mɛnilu fanan ka a fɔ ko ii ri karanden woilu lajiya, a ri woilu laban wo ma, ka ban ka ii gbɛn ka bɔ lemɛniya mɔɔilu la dɛkuru rɔ.
\p
\v 11 N kaninba, i kana mɔɔ la kojuu ladɛn. Ɛɛn de, i ye mɔɔ la koɲuma ladɛn. Mɔɔ mɛnilu ye koɲuma kɛla, woilu ye Alla la mɔɔilu le ri. Kɔni mɔɔ mɛnilu ye kojuu kɛla, woilu ma Alla yen.
\p
\v 12 Nba, bɛɛ ye Demetirusi la sereya bɔla, tuɲa fanan ye a bɔla. An fanan ye a la sereya le bɔla. I ka a lɔn ko an na sereya ye tuɲa le ri.
\s Kuma laban
\p
\v 13 Nba, kuma siyaman ye n fɛ ka a fɔ i yɛ, kɔni n tɛ a fɛ ka wo bɛɛ kɛ sɛbɛ ri. 
\v 14 N miri ye a la ko a tɛ mɛn ba kɛ n di wa bɔ i fɛ. An di kuma ɲa ni ɲa.
\p
\v 15 Kisi ni nɛma i yɛ. I teri mɛnilu ye yan, woilu ye i fola. I ye n terilu kelen kelenna bɛɛ fo n yɛ ye.