\id PSA - Dadibi NT [mps] -Papua New Guinea 2001 (DBL 2014) 
\h Godigo Nogi Ugwaba Sabo Tęąbi Po Wabo Buku Dabe 
\toc1 Godigo Nogi Ugwaba Sabo Tęąbi Po Wabo Buku Dabe 
\toc2 Godigo Nogi Ugwaba Sabo Tęąbi Po Wabo Buku Dabe 
\toc3 Sam 
\mt1 Godigo Nogi Ugwaba Sabo Tęąbi Po Wabo Buku Dabe  
\imt1 Hasia nedabo tau sabo po  
\ip Te e buku da, te Israel dabe augwaligo te lotu po wabo tęąbi buku elaluai dao. Me badu tęąbi po dabe e bukude elalubo, augwali te Godigo beba sisinibo sogo augwaligo te Jerusalemde lotu weyu, te tęąbi dabe wali. Te me badu po dabe te we bidi dabego te lotu wabo side te gedu haluasa po wabo tiwai yali, ma te deli deli we bidi augwade te sęgę elalubaso, te tiwai wali.  
\ip E tiwai homu ebao, te bidi hauwago te tęąbi po dabe asęyu, te gedu haluasa po wabo dabe asęyu yali, te haniani sogode asęani. Tama nosali, gasa bidi dabego te po dabe deliba sisinama, tama te buku me deli pedalubo tiwai ilali.  
\ip Te tęąbi po dabe me, gedu haluasa po wabo dabe me, te homu kolesaga page te haniani elalubao. Te Godigo nogi ugwaba sabo tęąbi po dabe me elalubao, tama me te sęgę po pusulama, te dwai sę sela sąbo gedu haluasa po wabo me elalubao. Tama me te mena usu sabo sęgę yai sęde te tau sabo gedu haluasa po wabo me elalubao, tama me te gesi king bidi nigiliyu, genuai side wabo tęąbi po elalubao. Tama te Godiba konealubo homu elalubo haninibo po wabo tęąbi po me elalubao, tama te Godiba buba hwi po wabo tęąbi po me elalubao, tama me te haliga sęgę ebo me homu hauwa ebode gedu haluasa po wabo me elalubao. Tama me te boi bidi dabe dolomainu te Godiba gedu haluasa po wabo me elalubao, tama te tęąbi po dabego te wiegi yai kolesaga te we bidi dabe augwaligo wali pomainogo ola mani po me wai dao.  
\ip Te tęąbi po dabe me gedu haluasa po dabe te deliba taluama wali pode, te da we bidigo bidibo ula te badu po olama walio. Dago wiegi yai homu pemene ebo sogo elalu, me haliga sęgę ebo me elalubao. Te da gesi we bidi bidiyu, te bomo elalubao, tama te monu dabe yabo sogo me elalubao. Me sogo da gasi siyu, te me sogo da wiegi yai bugai haliga eyu yaibao. Te tęąbi po wabo bukude te tobage sęgę dabe te da we bidi dabe e tǫde bidibo ulade bidibo sogo, te dabolo dolo pedalubo sę dabede po dolo pusalio, tama tialima polobadu digi gagalama, te sę ela asali, megi e sogoba usu nagasoyu, te tęąbi po wabo bukude wali pogo te dago konealubo po dąų waliyu, tama te Godigo we bidigo bidibo ula tau mu sabo po wai elalubao.  
\c 1  
\ms1 Buku 1  
\mr (Tib 1–41)  
\d Doloba pai bidi dali, dwai bidi dali side po wai.  
\q1
\v 1 Niwai bidi agai  
\q2 te dwai bidigo po wali pisiąbo bidi,  
\q2 tama dwai sęgę sai bidigo tųde bilibo menio,  
\q2 tama God dali posobo po wabo bidi  
\q3 dali taluama, dulaluyu bidibo menio,  
\q2 tama tiyu, te bidi aga  
\q3 dwagi yai homu mu eyu bidaibao.   
\q1
\v 2 Magi baso meni, te bidigo Genuai Bidi Godigo  
\q2 bomo yai po naga godolo mu eyu,  
\q2 te po wali pabo dao.  
\q1 Tama agai te bomo yai po siade dali, hulide dali nedeyu,  
\q3 tede homugo kone paliyu ebo dao.   
\q1
\v 3 Te bidi te ni bidi mego ąį sesegede  
\q2 bulai ni elalubo tiwai bidibao.  
\q1 Te nigo nedudu walobo,  
\q2 te sogo dolo naga waliyu ebo dao,  
\q2 tama te ni yabe me sasia pabo menio.  
\q1 Tama tigidali sę agai ebaso,  
\q2 te bugagia pedalobo dao. \x * \xo 1:3 \xt Jer 17:8\x*   
\b  
\q1
\v 4 Tiali goli, dwai bidi dabe augwali  
\q2 te tiwai gilama mu menio.  
\q1 Augwali te tubo nai wit bo  
\q2 te waligo selasa pabo tiwai ebo dao,  
\q2 te yalala pai olo nai mu dao.   
\q1
\v 5 Tama tiyu, dwai bidi dabe augwaligo  
\q2 Godigo po tų ebo aiyaba elalugobeo.  
\q1 Awe, te dwai sęgę sai bidi dabe,  
\q2 augwali doloba pai bidi bidibo hani  
\q3 tomode bidigobeo.   
\q1
\v 6 Magi baso meni, Godigo te doloba pai bidi dabe  
\q3 bugagia tonalubo dao,  
\q1 tialima dwai kolesaga ebo bidi dabe,  
\q2 augwali dwai dene ebo bulude  
\q3 bidada peyu, bidada pabo elalubo.   
\c 2  
\s1 Godigo king nigilali.  
\q1
\v 1 Magi baso te Israel hani isąwai we bidi dabego  
\q2 te God dali hagoma kolesaga yabo po mia saliwe?  
\q1 Magi baso te we bidi dabe augwaligo  
\q2 te dwai kolesaga yabo po te odolali po mia saliwe?   
\q1
\v 2 Te augwaligo king dabe tigidaligo  
\q2 me te hwįabo sisi yali.  
\q1 Tama te tobolu bidi dabe sisinama,  
\q2 tama Godiba po dwai wali,  
\q1 tama agai te sa muani bidi te polalubo bidi,  
\q2 agaba me te dwai po wali. \x * \xo 2:2 \xt Tpi 4:25-26\x*   
\q1
\v 3 Augwa te po wai, “Dago te augwali sigo nogo  
\q2 aligabo togoinao,” wali,  
\q1 “tama me te augwali sigo da kęalubo  
\q2 bono pisigina sąinao,” wali.  
\q1 “Te dena tedali bidinao,” wali.   
\q1
\v 4 God Genuai Bidi te dagalude dulalu, aga gisugu mayu,  
\q1 tama agai augwaliba posobo po obao.   
\q1
\v 5 Aga te haliga sębę posolo elama,  
\q2 tama augwaliba bomai po mobao.  
\q1 Tama agai wado po genuai weyu,  
\q2 te augwali wi dwai ilibao.   
\q1
\v 6 Tama te agai augwaliba te tama po obao,  
\q1 “Ena eno te bidi me deli nigilama, te king bidimainu yai,  
\q2 tama eno aga te Saionde munama bidimainu yali,  
\q2 te eno tedali gasagi yai wiegi yai  
\q3 bulu du dao,” agai te po obao.   
\q1
\v 7 God Genuai Bidigo sa muani kingo te po wali,  
\q1 “Megi da, eno te Genuai Bidigo enabolo mani po pusubao.  
\q1 Agai enaba te po wai,  
\q2 ‘Nage eno wai dao.  
\q1 Megi tama nage te king bidi pedalubo sogo,  
\q2 ena te nago aya pedalubao. \x * \xo 2:7 \xt Tpi 13:33; Hib 1:5; 5:5\x*   
\q1
\v 8 Enaba hanalubaso, tama te tigidali hani  
\q3 we bidi nageba mayu,  
\q1 tama te tigidali tǫ pedai te naga saibao.   
\q1
\v 9 Te nago augwali te nago bomogo tonaluagameo.  
\q1 Tama te nago augwali dwasianu kakali  
\q2 minama, te bidigo te tǫgo nigai sene  
\q2 alubo tiwai yaibao,’ Genuai Bidigo te po wai.”\x * \xo 2:9 \xt Ped 2:26-27; 12:5; 19:15\x*   
\q1
\v 10 Tama tibaso, te dage king dabe,  
\q2 dagego bugagia olo muiąo.  
\q1 Dage te tǫde tobolu bidi dabe, dagego te po odolama,  
\q3 tama dage dua dao.   
\q1
\v 11 Dagego Godide wi elama, tama agade midigi siąo.   
\q1
\v 12 Dage aga dologoba mu pelama, tama kidu sugunao.  
\q1 Meni baso da, teda agai haliga sębę  
\q2 polo elama, te dage isaibao.  
\q1 Bidigo konealubo homu Godiba dąų weyu,  
\q1 tama agaba mu kęa pelama ebo bidi,  
\q2 te aga wiegi yai homu pemene eyu bidaibao.   
\c 3  
\s1 Te kigamu bidi me deligo te bomo sainu, gedu haluasa po wali  
\d Devit te aga ogwa Apsalomde wi pali, tama te sogo agai te balia po asęai dao. Te buku 2 Samuel, Dąį 15 me 16, te suao.  
\q1
\v 1 Genuai Bidio, te eno boi bidi dabe augwali  
\q2 te hauwa mu pedalubao.  
\q2 Te bidi hauwago ena dolobo sę ebao.   
\q1
\v 2 Mu tama, te augwa hasi augwaligo  
\q3 enade te tama wabo,  
\q1 “Te Godigo aga me tau sogobeo,” wabo.   
\b  
\q1
\v 3 Tiali goli, menio. Genuai Bidi naga digi  
\q2 te nago ena geme dualubo awa tiwai ebo dao.  
\q1 Nago naga ena te augwali aiyaba elalumainu ebo dao.  
\q1 Awe, nago naga te eno homu sęgę sela sąyu,  
\q2 tama eno tobolu ugwaba sabo dao.   
\q1
\v 4 Eno te Genuai Bidiba i weyu,  
\q2 te ena tau somainu ebao.  
\q1 Aga te aga wiegi yai tedali gasagi yai  
\q2 bulu dude digi bidiyu,  
\q1 tama eno i wabo odoyu, tau sali.   
\b  
\q1
\v 5 Ena te betde pibo, te ena isibo tiwai ebo dao.  
\q1 Kigamude ena ma hodasa holama,  
\q2 tama ena bugagia bidibao, magi baso meni,  
\q2 Genuai Bidigo ena tonaluali.   
\q1
\v 6 Te 10,000 boi bidigo ena  
\q2 te tigidali badu bobogela sobaso,  
\q3 tagalao, ena augwalide wi me egobeo.   
\b  
\q1
\v 7 Genuai Bidi nage asao. Nage eno God,  
\q2 nage aselama, ena tau sagasiyu,  
\q2 te boi bidi dabego nogode ma sao.  
\q1 Nago te eno boi bidi dabe tigidali  
\q2 aiyaba mu elalubo dao.  
\q1 Nago te dwai sę ebo bidi dabe dolobo dao.   
\q1
\v 8 Genuai Bidi, nago deligo naga te da ma siyu,  
\q3 tama da me dolisiąbo da.  
\q1 Eno homugo nago te naga we bidi dabe  
\q2 wiegi yai bugagia bidimainu ilao.   
\c 4  
\d Te Devitgo asęani balia po me deli dao.  
\s1 Te hulide bidi me deli te bomo sainu gedu haluasa po wai  
\q1
\v 1 God, nago ena tonalubo bidi da.  
\q1 Te eno nageba i wabo sogo,  
\q2 nago te eno i wabo odoyu, tau sao.  
\q1 Polobadu ena haliga sęgę dwai ebaso,  
\q2 tama nago eno te haliga sęgę ebo dagala sąwani.  
\q1 Nago te olo mu tau sabo  
\q2 wiegi yai kolesaga enaba megi elama, tama eno  
\q2 gedu haluasa wabo po odao.   
\b  
\q1
\v 2 Dage nogi elalubo bidi dabego,  
\q2 te nisu naga sogo te dagego nogi  
\q3 posobo po enaba obawe?  
\q1 Nisu naga sogo dagego te haniani te dwai  
\q2 sę ebo godolo homu iduaibawe?  
\q1 Nisu naga sogo dagego te tibo po wabo  
\q2 kolesaga wali piduaibawe?   
\b  
\q1
\v 3 Tiali goli, dagego te ebo sę koneiąo,  
\q2 te aga pagede bidibo we bidi,  
\q2 te Genuai Bidigo augwali sa muani,  
\q2 te aga da weyu yali.  
\q1 Tama tigidali sogo eno agaba i obaso,  
\q2 agai eno te wabo i odobo dao.   
\q1
\v 4 Dage te Godide wi elama, tama  
\q2 te dwai sę ebo kolesaga tagaliąo.  
\q1 Te dage betde godege pibo sogo,  
\q2 dagego tede bugagia kone paliyu,  
\q2 tama pedauwali pania siąo. \x * \xo 4:4 \xt Ef 4:26\x*   
\b  
\q1
\v 5 Dagego te Genuai Bidigo wei eyu  
\q2 godolo ebo tobage ofa dabe iyąo.  
\q1 Tama dagego konealubo homu agaba dąų mu waiyąo.   
\b  
\q1
\v 6 Bidi hauwago te tama po wabo dao,  
\q1 “Dago te wiegi yai nai dabe sobaso da,  
\q2 teda dago homu pemene  
\q3 wiegi yai yaibao,” wabo.  
\q1 God, nago te olo mu tau sabo wiegi yai  
\q2 kolesagago te da tau sao.   
\q1
\v 7 Te wit me wain te gide hauwa pedalubo sogo,  
\q2 te bidi dabe augwa wiegi yai homu  
\q2 pemene ebo dao.  
\q1 Tiali goli, te nago eno homude muani  
\q2 wiegi yai pemene ebo homugo,  
\q1 te augwaligo wiegi yai homu pemene ebo  
\q1 te aiyaba mu elalubo dao.   
\b  
\q1
\v 8 God, nago naga ena tonalubaso,  
\q2 tama ena bugagia bidibao.  
\q1 Tama tiyu, eno te magi nai me delide wi me ebeo.  
\q1 Te ena betba pabo sogo, te polo tama ena pibadi,  
\q3 nago ena tonalubo dao.   
\c 5  
\d Te Devitgo asęani balia po me deli dao.  
\s1 Te bidigo gedu haluasa po Godigo aga tonalumainu wali  
\q1
\v 1 Genuai Bidi, nago eno gedu haluasa po wabo odao,  
\q2 tama eno homu hę wabo madi olo muao.   
\q1
\v 2 Nage king me eno God da, te nago ena tau somainu,  
\q1 eno nageba gedu haluasa po obaso,  
\q2 nago eno i wabo odao.   
\b  
\q1
\v 3 Genuai Bidi, te tigidali sogo kigamude  
\q2 nago te eno gedu haluasa po odobo dao.  
\q1 Te giliga pedalubode eno nageba  
\q2 bomonama, gedu haluasa po obao,  
\q3 te ena ofa ebo tiwai.  
\q1 Tama eno te gedu haluasa po wali  
\q2 wei ponobo te nageba tonalubo dao.   
\b  
\q1
\v 4 God, te dolo isiąbo kolesagade  
\q2 nago te wiegi yai homu pemene me egobeo.  
\q1 Tama te dwai we bidi te nago augwali gesegobeo.   
\q1
\v 5 Nago gedude te hagoma ebo bidi dabe  
\q3 te dolalumainu me egobeo.  
\q1 Tama te dwai kolesaga ebo bidi dabe  
\q2 te nago godolo homu mu me isiąwaibao.   
\q1
\v 6 Nago te tigidali tibo po wabo bidi dolobo da.  
\q1 Tama bidi ela mubo bidi dabe, me te tibo po weyu,  
\q2 te gasa po dali ugwadu ma daganobo bidi,  
\q2 te nago godolo homu mu me egobeo.   
\q1
\v 7 Tiali goli, nago ena sesemane godolo mu ebo da.  
\q1 Tama ena te nago be tomoba asabo  
\q2 usu ebo tiwai yali.  
\q1 Eno te kidu sugunama, te nageba te nago tedali genuai  
\q2 lotu be tempel tomode lotu obaso, te usu yaibao.   
\q1
\v 8 God, te boi bidi hauwago ena dolainu ebao.  
\q1 Tama tiyu, nago eno sągą dodolobaso,  
\q2 teda eno nago doloba pai kolesaga wali paibao.  
\q1 Awe, te nago homugo ena somainu  
\q2 homu ebo sunumi te enaba ola mao.   
\b  
\q1
\v 9 Te eno boi bidi dabego  
\q2 te mu po dwasianu me wagobeo.  
\q1 Augwaligo te gasa bidi dolabo homu naga ebao.  
\q1 Te augwaligo pedauwali te gų page tǫ dedage  
\q3 dalalubo tiwai elalubao.  
\q1 Augwaligo te homu bega sabo po hauwade te bidi dabe  
\q2 dwai madiba kekebo dao. \x * \xo 5:9 \xt Rom 3:13\x*   
\b  
\q1
\v 10 God, nago augwali po tų ilama,  
\q2 tama augwaliba dwai dene mao.  
\q1 Te augwaligo dwai sę emainu sininama,  
\q2 te bage augwali dwai madi tula palomainao.  
\q1 Te augwali nago gesabidide digibulu  
\q3 sela sąyao, magi baso meni,  
\q2 augwaligo te nagede hagoma eyu,  
\q3 tama te dwai sę hauwa ebao.   
\b  
\q1
\v 11 Tiali goli, te nago tonalubo we bidi  
\q2 augwali tigidali,  
\q2 augwa wiegi yai homu pemene yao.  
\q1 Augwa te bugai homu mu elama,  
\q2 tama te wiegi yai homu pemene ebo  
\q3 balia sesemane waiyąo.  
\q2 Nago augwali bugagia sesela sao.  
\q1 Tama tiyu, te nage wei mu ebo  
\q2 we bidi dabego nago nogi ugwaba saibao.   
\q1
\v 12 Genuai Bidi, nago po wali pabo bidi  
\q2 dabeba te nago wiegi yai nai mayu ebo da.  
\q1 Awe, nago augwali geme dualiyu,  
\q2 tama augwali bugagia mu tonalu ebo da,  
\q2 te bidi te awago te seselaluyu,  
\q2 te bugagia bidibo tiwai ebo dao.   
\c 6  
\d Te Devitgo asęani balia po me deli dao.  
\s1 Te sęgę elalubo bidigo te Godiba gedu haluasa po weyu, aga tau somainu yai  
\q1
\v 1 Genuai Bidi, nago wado yabo homu elalubao,  
\q2 tiali goli nago  
\q2 enaba wado po me wagio.  
\q1 Nago haliga sębę yali, tiali goli nago enaba  
\q2 dene me magio. \x * \xo 6:1 \xt Tib 38:1\x*   
\q1
\v 2 God, nago te ena homu dene eyu,  
\q3 te tau sabo kolesaga enaba yao.  
\q1 Magi baso meni, ena bomo mu menibao.  
\q1 God, nago ena usu ma ilao, magi baso meni,  
\q3 eno bomo tigidali sia salio.   
\q1
\v 3 Eno haligade genuai sęgę mu elalubao.  
\q1 Tiali goli, God, nago magi ebawe?  
\q2 Nisu naga sogo enade  
\q3 te haliga sęgę elalu bidimainuwe?   
\b  
\q1
\v 4 Genuai Bidi, nage begasa aselama,  
\q2 ena usu ma ilagasao.  
\q1 Awe, nage te olo mu tau sabo  
\q2 wiegi yai kolesaga ebo bidi da,  
\q1 tama tibaso, te ena isidali weyu, nago ena tau sao.   
\q1
\v 5 Magi baso meni, te isali bidi dabego  
\q2 te nage homu kone me egobeo.  
\q1 Te gų pagede te bidi me deligo  
\q2 nago nogi ugwaba sobaso, te usu me egobeo.   
\q1
\v 6 Ena i udu udubadi genama,  
\q2 tama ena bomo tigidali sia salio.  
\q1 Tigidali sogo hulide te gedu gela giguai ąįgo  
\q2 te eno bet te gologo yai.  
\q1 Eno gela umabo mu udali digi,  
\q2 te eno tobolo ni het pilo  
\q2 te gela giguaigo gologo mu yai dao.   
\q1
\v 7 Ena gela udali madigi tama eno gedu bo dali,  
\q2 tama eno te nai dabe suabo  
\q3 usu meni yai, magi baso meni,  
\q3 eno boi bidi hauwa elalubao.   
\b  
\q1
\v 8 Dage te dwai kolesaga ebo bidi dabe, dage geda sao.  
\q2 Godigo eno gedu haluasa po odalio. \x * \xo 6:8 \xt Mat 7:23; Luk 13:27\x*   
\q1
\v 9 Eno Godiba i weyu, ena tau somainu yali,  
\q3 tama agai eno i wabo odalio.  
\q1 Agai eno gedu haluasa po wabo odali.   
\q1
\v 10 Te Godigo te boi bidi dabe aiyaba elaluama,  
\q2 tama augwali te sęgę toliyu,  
\q2 tama augwali hale mu yaibao.  
\q1 Tama polo tama augwali ma geasa wi peyu,  
\q2 augwali te noma siyu, umuna paibao.   
\c 7  
\s1 Te sęgę elalubo bidigo gedu haluasa po wali  
\d Me sogo Devitgo te Kus paniabo homu sęgę elaluali, te Benjamingo hani bidi me deligo, te po agaba wali, tama tiyu agai te Genuai Bidiba gedu haluasa po wabo balia po wali.  
\q1
\v 1 Genuai Bidi, eno God da, ena nageba asiyu,  
\q2 tama ena te boi bidi dabede geme duala saibao.  
\q1 Nago ena tau sobaso,  
\q2 te ena pobeasa asali bidi dabego  
\q2 te augwaligo ena me eligobeo.  
\q1 Nago ena ma sobaso, te ena me dolobeo.   
\q1
\v 2 Tiyu, te ena augwaligo dolidalio,  
\q2 te laiongo bidigo tigiwali togobo tiwai gilama idalio.  
\q1 Tiyu, te augwaligo ena te gasaba me kekasa peyu,  
\q1 tama ena ma sainu yabo bidi me deli meni yaibao.   
\b  
\q1
\v 3 Genuai Bidi, eno God da,  
\q2 te eno dwai sę meba te tama eyu da,  
\q2 te eno gasa bidiba dwai sę eyu,   
\q1
\v 4 tama eno ena abagi dali geagano bilibo sę eyu,  
\q1 tama eno te ena boi bidi dolobo sę olo eyu ebaso da,   
\q1
\v 5 teda, nago te boi bidi dabego ena pobelama,  
\q2 tama ena tola somainu yagameo.  
\q1 Tama augwa ena ela muyu,  
\q2 tama ena mu dolomainu yaibao.  
\q1 Awe, eno tigi te tǫ daide olo elalumainao.   
\b  
\q1
\v 6 God, nago haliga sębę elama, te nage hogodama,  
\q1 tama te boi bidi dabego dwai sębę eyu,  
\q2 ena dali bomonama mu hwįbaso,  
\q2 te nago augwali dwai dene ilao.  
\q1 Ena God, te nago ena polo mu tau sao.  
\q2 Magi baso meni, nago te doloba pai kolesaga naga  
\q3 wei homu ebo dao.   
\q1
\v 7 Te tigidali we bidi nage pąba naga sisinama,  
\q2 tama nago augwali tonalumainu yao.   
\q1
\v 8 Genuai Bidi, nago te tigidali we bidigo kolesaga  
\q3 dagalubo da.  
\q1 Tama tiyu, nago ena te po tųde tau sao.  
\q1 Magi baso meni, nago koneani,  
\q2 eno dwai sę me ebeo, eno te wiegi yai  
\q3 doloba pai kolesaga naga yai.   
\q1
\v 9 God, nage te doloba pai mu da.  
\q2 Nago te tigidali bidigo haliga me  
\q3 homu te dagalubo dao.  
\q1 Tialima, nago te dwai sę ebo bidi dabego  
\q2 dwai kolesaga ebo te tigidali silao.  
\q1 Tama nago te wiegi yai bidi dabego  
\q2 ebo dwagi yai kolesaga wei ponao. \x * \xo 7:9 \xt Ped 2:23\x*   
\b  
\q1
\v 10 God aga da, te ena tonalubo bidi da.  
\q2 Agai te aga po wali pabo bidi dabe tau sabo dao.   
\q1
\v 11 God te po tų dodolobo odobo wiegi yai jas bidi,  
\q2 tama te doloba pai po tų ebo da.  
\q1 Sesemane sogo agai te dwai bidi dabe aiyaba elalueibao.   
\b  
\q1
\v 12 Te dwai sę ebo bidi dabe te augwa  
\q2 homu begeleyu, ge nesiąbaso da,  
\q3 teda Godigo te aga bainat hwą dulaibao.  
\q1 Tama te agai enesigi balibi dolama,  
\q2 te hwįabo sisi elalueibao.   
\q1
\v 13 Agai augwali te sia dabo enego usu sali.  
\q1 Agai te bidi dabe augwali ela muabo  
\q2 ene dabe sisi yai elalubao.   
\b  
\q1
\v 14 Te dwai bidi suao, agai te gasa bidi dali  
\q2 dwai sę yabo homu beasi elalubao.  
\q1 Agai te tobage dwai sę yabo sisi elama,  
\q2 tama te sesemane sogo tibo po wabo dao.   
\q1
\v 15 Agai tǫde genuai tǫ dedage nigilama,  
\q2 te gasa bidi aba tulalumainu yali, tiali goli aga digi  
\q2 aga te nigali tǫ dedageba tulalubo dao.   
\q1
\v 16 Te tiwai naga aga te yali dwai sę  
\q2 tiali aga pageba ma asobo dao.  
\q1 Tama agai te gasa bidiba te wado me hwįyu ebogo  
\q2 begelama, tama aga digi aga dolaibao.   
\b  
\q1
\v 17 God te doloba pai mu da,  
\q2 tama tiyu, eno agaba usu da weyu,  
\q3 gedu haluasa po waibao.  
\q1 Tama te Ugwadu Mu Bidibo God nogi ugwaba selama,  
\q2 te eno balia po dabe waibao.   
\c 8  
\d Te Devitgo asęani balia po me deli dao.  
\s1 Te Godigo magi baso da we bidi dade homu kone ebo dawe?  
\q1
\v 1 Yawe, nage dago Genuai Bidi da, tama te tigidali  
\q2 tǫ badu  
\q2 te nago nogi te mu polalubao.  
\q1 Nago genuai nogi dali, nago bomo dali si  
\q2 te ugwanu mu elaluyu,  
\q2 te dagalu aiyaba mu elalubao.   
\q1
\v 2 Nago te wai dabe me te ogwa wegi sibi munama,  
\q2 tama augwaligo nago nogi dali,  
\q2 bomo dali si te ugwaba sabo dao.  
\q1 Tebogo nago te nage dali boi homu  
\q2 ebo bage augwali dwai hale iliyu,  
\q2 tama augwaligo sagia sabo dao.  
\q1 Te nago po sela sąbo bage me  
\q2 augwaligo po wabo tagaluyu, olo bidibo dao.\x * \xo 8:2 \xt Mat 21:16\x*   
\b  
\q1
\v 3 Te eno nago nogogo nigali dagalu subo sogo,  
\q2 tama eno te poluaba me,  
\q1 te tigidali hǫ te nago ugwade muani tonono ebo sogo,   
\q1
\v 4 eno midigi siyu, tama homu ebo da,  
\q2 ‘Da tǫde bidi te magi nai,  
\q1 tama nago dade homu kone ebo dawe?  
\q2 Da te olo nai tiwai da.  
\q1 Magi baso nago da te bugagia tonalubo dawe?’\x * \xo 8:4 \xt Jop 7:17-18; Tib 144:3; Hib 2:6-8\x*   
\b  
\q1
\v 5 Nago da nigilama, tama nago da  
\q2 te nagaduba deli naga dologode bidimainu muani.  
\q1 Nago da ugwaba siyu,  
\q2 tama daba genuai nogi mabo dao.   
\q1
\v 6 Nago da sa muyu, te nago nigali nai tigidali  
\q3 tonalumainu yai.  
\q1 Nago te tigidali nai dago dologoba munama, elalubo dao.   
\q1
\v 7 Awe, tigidali sipsip me, bulmakau me,  
\q1 te buside elalubo tigidali hasa dabe me,   
\q1
\v 8 tama te ugwadu bola bilibo tigidali ba me,  
\q2 tama te tamu ąįde tigidali sųgų me,  
\q2 tama te tamu ąįde bilibo tigidali nai me.  
\q1 Tigidali te da bidigo dologode bidibo dao.   
\q1
\v 9 God, nage dago Genuai Bidi da.  
\q1 Te tigidali bulu habude te nago nogi te mu polalubao.   
\c 9  
\d Te Devitgo asęani balia po me deli dao.  
\s1 Bidigo te Godigo doloba pai kolesagade te Godiba usu da weyu, gedu haluasa po wali  
\q1
\v 1 God, eno nageba usu da weyu,  
\q2 gedu haluasa po mu obao.  
\q1 Eno te we bidi augwaliba te nago  
\q2 midigi sabo wiegi yai sę tigidali yali po waibao.   
\q1
\v 2 Eno nageba homu koneama,  
\q2 tama eno te wiegi yai homu  
\q2 pemene ebo balia waibao.  
\q1 Te Ugwade Bidibo God mu, te eno balia weyu,  
\q3 nago nogi ugwaba saibao.   
\q1
\v 3 Te eno boi bidi dabego nage sulama, tama wi pai.  
\q2 Augwali tulaluama, tama mu isalio.   
\q1
\v 4 Nage te jas tiwai te siade dulalu,  
\q2 tama nago te doloba pai po tų ebao.  
\q1 Nago eno kolesaga osola suyu, dagalali,  
\q2 te nago suali, eno magi sę me deli ebeo.   
\b  
\q1
\v 5 Nago po odisiąwai bidi hani dabe,  
\q2 te Israel hani isąwai hani dabe, te nago po tų ilali.  
\q1 Nago te dwai sę ebo bidi dolali,  
\q2 tama te bidi mego augwaliba  
\q2 te homu kone munu me ma egobeo,  
\q3 augwa hani nogi mu miyą saibao.   
\q1
\v 6 Awe, te boi bidi dabe sesemane doludubadi usu nanio.  
\q1 God, nago te augwaligo hanu dabe dolama,  
\q2 tama te mena bidi me deligo  
\q2 te augwaliba homu kone ma egobeo.  
\q1 Mu menio. \x * \xo 9:6 \xt 1 Ko 15:27; Ef 1:22; Hib 2:8\x*   
\b  
\q1
\v 7 Tiali goli, God te sesemane king bididubadi usu yai.  
\q2 Agai te po tų yabo sisi yai dao.   
\q1
\v 8 Mu tama, agai te tǫde we bidi tonalubo,  
\q1 tama agai bomai po te doloba pai mu da.  
\q2 Agai te tigidali we bidigo kolesaga  
\q2 dagalubo sę te deli tigi poai sęgo naga dagalubo dao.   
\q1
\v 9 God te bomai be me deli tiwai.  
\q1 Te bidi dabe te boi bidide sęgę sobaso,  
\q2 augwa te agaba aselama, bidagasobo dao.  
\q1 Te sęgę sabo augwa te agaba pelama,  
\q2 te geme dualalubo dao.   
\q1
\v 10 God, te nageba asobo we bidi  
\q1 te nago augwali tudiba munu me mugobeo.  
\q1 Tama tibaso, te nage koneani bidi dabego  
\q2 da, te nageba konealubo homu dąų mu wabo dao.   
\b  
\q1
\v 11 Genuai Bidi God te Saion hanude king bidibao.  
\q1 Dagego te aga nogi ugwaba siyu, te tęąbi waiyąo.  
\q1 Tama dagego te tigidali Israel hani  
\q3 isąwai bidiba po hanilama weyu,  
\q2 te agai yali tigidali bomai sę po waiyąo.   
\q1
\v 12 Magi baso meni, Godigo te dene  
\q3 tolobo bidi homugo konebo da.  
\q1 Tama agai te augwaligo gela wabo  
\q2 te homugo me gegeda palugobeo.  
\q1 Agai te augwaliba dwai dene mabo  
\q2 bidi dabeba te dwai dene wei ponobo dao.   
\b  
\q1
\v 13 Genuai Bidi, nago enaba te olo mu  
\q2 tau sabo wiegi yai kolesaga yao.  
\q1 Te boi bidi dabego enaba  
\q2 te dene me sęgę mabo, te nago suao.  
\q1 Te pąde ena isainu ebadi goli,  
\q2 tiali goli nage asiyu, ena dąų walao,  
\q2 te ena bugagia bidimainogo tiao.   
\q1
\v 14 Tama tiyu, eno te nago yali sę po tigidali weyu,  
\q2 tama eno nago nogi ugwaba saibao.  
\q1 Ena te Saion hanu sunumide dolalu,  
\q2 tama te nago ena ma sali po weyu,  
\q2 te wiegi yai homu pemene yaibao.   
\b  
\q1
\v 15 Te Genuai Bidigo po odisąbo Israel  
\q1 hani isąwai bagego te tǫ dedage diginama,  
\q3 te da kalabus emainu yali.  
\q2 Tiali goli, augwa digi teba tulaluai.  
\q1 Augwaligo te da tola somainu yabo bono  
\q3 gągą geme muani, tiali goli,  
\q1 te bono gągągo augwa digi ma tola sai.   
\q1
\v 16 Awe, te tama tebogo te God agai  
\q2 kolesaga te bidi dabeba  
\q2 te po tų ebo sogo ola mawai dao.  
\q1 Te dwai sę ebo bidi dabego te gasa bidi dolabo sę yali,  
\q1 tiali goli te naigo begelama, te augwa digi ma dolai.   
\q1
\v 17 Te dwai bidi dabe, me te God tudiba mubo we bidi  
\q2 hani dabe, te tigidali isimainu ebo dao.   
\q1
\v 18 Me ma, Godigo te magi doado bage  
\q2 meni yai bidi dabe te sesemane sogo homu  
\q3 kone palubo me tagalobeo.  
\q1 Mu tama, Godigo te genuai sęgę elalubo  
\q3 bidi dabe tau siyu, te augwa konealubo homu  
\q2 te odolali me tagalugobeo.   
\b  
\q1
\v 19 Genuai Bidi, nage asao.  
\q2 Te tǫde bidi dabego nage ela soyu,  
\q2 te poligi soabo bidi dabe te nago me  
\q2 gogolamuo.  
\q1 Nago po odisąbo Israel hani isąwai bidi dabe  
\q2 te nago po tųde augwali dodolama,  
\q2 tama augwa kolesaga dagalamainao.   
\q1
\v 20 Genuai Bidi, nago augwali dwai wi ilao.  
\q1 Nago te we bidi dabe augwali gę nomainu ilao,  
\q1 augwali te osogo bidibo tiwai konemainu ilao.   
\c 10  
\s1 Te Godigo te dwai sę ebo bagego kolesag dagalamainu eyu, bidigo gedu haluasa po wali  
\q1
\v 1 O Genuai Bidi, magi baso nage digibulu  
\q2 dolalubawe?  
\q1 Magi baso te dwai sę daba  
\q2 pedalubo sogo nago dade geme duala sobawe?   
\q1
\v 2 Te dwai bidi dabego te hagoma eyu,  
\q2 tama te magi doado bage  
\q2 meni yai bidi dabe pobeasa biliyu,  
\q2 te augwali dolainu ebo da.  
\q1 Augwa te gasa bidi dabe kalabus ilainu,  
\q2 te nigali tǫ dedageba te augwa digi teba  
\q2 tulolumainao.   
\b  
\q1
\v 3 Te dwai sę ebo bidigo te aga ebo  
\q2 dwai homu kolesagade hagoma homu eyu ebo dao.  
\q1 Tama te hauwa nai wei eyu, pesa ebo bidigo agai  
\q3 te Godiba dwai po weyu,  
\q2 tama aga tudiba mudu gebo dao.   
\q1
\v 4 Te hagoma ebo bidigo te tama po wabo da,  
\q1 “Eno koneani, Godigo eno ebo dwai sę wei ponobeo.  
\q2 Agai enade magi homu me egobeo.”  
\q1 Te dwai sę ebo bidigo te tama homu eyu,  
\q2 agai te Godigo ebo kolesaga wali pabo menio.   
\q1
\v 5 Te agai yali sę tigidali, te wiegi yai pedalubo dao.  
\q1 Agai te Godigo po tų yabode  
\q2 te homu kone dwasianu me ebeo.  
\q1 Agai te boi bidi dabeba  
\q2 te posobo po weyu ebo dao.   
\q1
\v 6 Agai te aga homude kone palama, tama te po weyu,  
\q1 “Ena bomonama dolalubo da,” po wai.  
\q1 “Te magi nai me deligo ena dwasianu me degelegobeo.  
\q1 Te enade sęgę me gegegobeo,” te po wabo dao.   
\q1
\v 7 Te sesemane sogo agai te gasa bidi dolomainu,  
\q2 agai te i ola mabo po wabo dao,  
\q1 tama tibo po me, te gasa bidi  
\q2 wi ilibo po me weyu ebo dao.  
\q1 Polo tama agai te dwai sę ebo kolesaga me,  
\q2 te haniani sę yabo po mibo sę ebo dao. \x * \xo 10:7 \xt Rom 3:14\x*   
\b  
\q1
\v 8 Te bidi te bidibo be nani pesage  
\q2 tomode geme dulaluyu,  
\q1 tama te dwai sę isąwai bidi dabe asobo tonaluama,  
\q2 tama augwali ela mubo dao.  
\q1 Aga te geme dulaluyu,  
\q2 tama te bomo meni yai bidi dolainu tonalubo dao.   
\q1
\v 9 Aga te geme duala selama, tonalu,  
\q2 te laion me deligo aga tǫ dedage  
\q3 tomode tonalubo tiwai ebo dao.  
\q1 Aga te geme duala selama,  
\q2 te bomo meni yai bidi tola sainu tonalubo dao.  
\q1 Agai te aga bono gągą haliga gebelama,  
\q2 tama aga kegasa pabo dao.   
\b  
\q1
\v 10 Te dwai sę isiąwai bidi dabe  
\q3 mu dolama, tama pila mudali.  
\q1 Te dwai bidigo genuai bomogo  
\q2 te augwali aiyaba elalubo dao.   
\q1
\v 11 Te dwai sę ebo bidigo te tama homu ebao,  
\q1 “Godigo te sę ebode magi sę me egobe da,”  
\q3 homu ebao. “Agai ena me sugobeo.  
\q1 Agai te aga gedu panianio,”  
\q3 dwai bidigo te tama homu ebo dao.   
\b  
\q1
\v 12 Genuai Bidi, holaluao, nago aga elao.  
\q1 O God, nago te sęgę tolobo bidi dabede  
\q2 homu kone ebo me tagalugio.   
\q1
\v 13 Te dwai sę ebo bidigo te God  
\q2 tudiba muani, tama aga homude  
\q3 te tama homu ebo dao,  
\q1 “Agai te eno dwai sę ebo wei ponogobe da,” wabo.  
\q1 Magi baso agai te tama po wabo dawe?   
\q1
\v 14 Tiali goli, menio.  
\q1 God, nago te dwai sę ebo bidi dabego  
\q2 kolesaga subo dao.  
\q1 Tama da gasa we bidi dabeba te sęgę me dene mabo,  
\q2 te nago koneani,  
\q3 tama nago da tau sainu sisi yai.  
\q1 Te bomo meni yai bidi aga digi  
\q2 te nage nogoba muani,  
\q2 magi baso meni, te sesemane sogo  
\q2 nago te magi nai meni yai bidi  
\q2 tau sabo dao.   
\q1
\v 15 Nago te dwai sę ebo bidi dabego  
\q2 bomo silao.  
\q1 Nago te augwa yali dwai kolesaga  
\q2 deli deli wei ponama,  
\q2 tama mu usu nao.   
\q1
\v 16 Te Genuai Bidi te sesemane sogo  
\q2 te king bidada peyu, bidada paibao.  
\q1 Agai te aga po odisąbo Israel hani  
\q2 isąwai bidi dabe  
\q2 te aga tǫde ela gudulama,  
\q2 tama augwali tede mu me bidigobeo.   
\b  
\q1
\v 17 God, te nage dologoba  
\q2 asobo we bidigo usu da weyu,  
\q2 gedu haluasa po wabo te nago odao,  
\q1 tama nago augwali homu dąų walao.   
\b  
\q1
\v 18 Te nago te tiana wai dabe me,  
\q2 te haliga sęgę elalubo bidi dabego me, te augwaligo  
\q2 gela wabo nago odobo dao.  
\q1 Te nago augwali tau selama,  
\q2 te augwa po tųde te gasa bidi aiyaba elaluama,  
\q2 buluba dią soaibao.  
\q1 Tama tiyu, te dwai sę ebo bidi dabego  
\q2 te augwali wi ma ilibaso, te usu me egobeo.  
\q1 Te dwai sę ebo bage augwali te tǫde  
\q2 osogo bidabo bage naga dao.   
\c 11  
\d Te Devitgo asęani balia po me deli dao.  
\s1 Bidigo konealubo po God dali dąų wai  
\q1
\v 1 Eno konealubo po mu dąų wali,  
\q2 Genuai Bidigo ena tonaluaibao.  
\q1 Abagi dede, dage kolesaga isąyu,  
\q2 dagego enabolo te po wali,  
\q1 “Nage bulu duba wi pao,  
\q2 te ba me deli wi ebaso, polo pabo tiwai yao.   
\q1
\v 2 Magi baso meni,  
\q3 dwai bidi dabe augwaligo ene selama,  
\q2 te balibiba tulama, nage enainu, te kegebao.  
\q1 Augwali te hulia sai bulude geme dualama,  
\q2 tama te dwagi yai bidi dabe enainu te ebao.   
\q1
\v 3 Tama tibaso, te we bidi dabe  
\q2 augwaligo te bomai po dologode  
\q2 bidibo kolesaga tagaliyu da,  
\q1 teda dwagi yai kolesaga ebo bidi  
\q2 aga mena tama tegowe?”  
\q1 Dagego enabolo te po wali.   
\b  
\q1
\v 4 Genuai Bidi God aga dwagi yai bede bidibo.  
\q1 Tama aga dagalude genuai tuni bidi bidiyu,  
\q2 tama agai gedugo tigidali bidi subo dao.  
\q1 Tama augwaligo tigidali sę ebo agai osola subo dao.   
\q1
\v 5 Genuai Bidigo dwagi yai bidi dali,  
\q2 dwai bidi dali osola subo dao.  
\q1 Agai bomo yai po sela sąbo  
\q2 te bidi agai hagela mu ebo dao.  
\q1 Te bagego gasa we bidi elebo kolesaga ebo dao.   
\b  
\q1
\v 6 Agai dwai kolesaga ebo bidibolo  
\q2 posolo yai sia ugwadu aiyaba gelebo dao.  
\q1 Tama te posologo augwali mu dene sabo dao.  
\q1 Te augwaligo dwai sę ebaso, dene somainogo tiwai.   
\q1
\v 7 Genuai Bidi aga dwagi yai dolo mu dao.  
\q1 Tama agai te dwagi yai kolesaga ebo  
\q2 we bidi godolo mu ebo dao.  
\q1 Bidi augwaligo agai  
\q2 po wali pabo bidigo aga gesabidi sueibao.   
\c 12  
\d Te Devitgo asęani balia po me deli dao.  
\s1 Te gedu haluasa po wabo bidi da, te Godigo aga tau saibao  
\q1
\v 1 God, nago da tau sao.  
\q1 Te wiegi yai bidi deli me bidibo menio.  
\q1 Te doloba pai bidi dabe subo me usugobeo.   
\q1
\v 2 Te tigidali bidigo te gasa bidi dabeba  
\q2 tibo po wabo da.  
\q1 Te homu bega sabo pogo augwali  
\q2 te geagano bilibo tiwai ebo dao.   
\b  
\q1
\v 3 Genuai Bidi, nago te homu bega sabo  
\q2 po wabo bidi dabe pedauwali paniama,  
\q2 tama te hagoma ebo bidi dabe  
\q3 pedauwali me paniao.   
\q1
\v 4 Te bidi dabego te tama po wai,  
\q1 “Te dena digi dena homugo po waibao,” wai.  
\q1 “Te mena bidi mego da me paligobeo,” wali.  
\q1 “Dego da tonalubo dawe?”   
\b  
\q1
\v 5 Tiali goli, Genuai Bidigo te tama po wai,  
\q1 “Te megi da, ena asaibao, magi baso meni,  
\q2 te magi doado bage meni yai bidi dabe te bidi  
\q2 dabego aiyaba elaluai.  
\q1 Tama te dene me sęgę tolali bidi dabe,  
\q2 te augwaligo gela udali.  
\q1 Te eno augwali te bugagia bidabo  
\q2 te augwa sainu tonaluali madi, teba muaibao,” wali.   
\b  
\q1
\v 6 Godigo dąų walali po te mu po naga dao.  
\q1 Agai po te wiegi yai mu,  
\q2 te wiegi yai kapa silva tiwai dao,  
\q1 tama te silva augwaligo te a naga olama,  
\q3 nogo me badu si,  
\q2 te tama sogo siaba ulama, te dwasianu meda  
\q3 mu meni yai tiwai mu dao.   
\q1
\v 7 Genuai Bidi, da bugagia tonaluao.  
\q1 Te sesemane sogo da bugagia tonaluao,  
\q2 te tobage bidi dabego da dolomainu me egobeo.   
\q1
\v 8 Te dwai sę ebo bidi dabe  
\q2 te tigidali habu badu bilalubao.  
\q1 Tama tigidali we bidigo te dwai sę ebo kolesaga  
\q2 te wiegi yai nai da homu ebo dao.   
\c 13  
\d Te Devitgo asęani balia po me deli dao.  
\s1 Te Godigo aga tau somainu eyu, bidigo gedu haluasa po obao  
\q1
\v 1 Genuai Bidi, nisu naga sogo nago te enade  
\q2 homu kone ebo tagalubawe?  
\q1 Te bidada pabo sesemane sogo usu nama, agawe?  
\q1 Nisu naga sogo mu nago ena sula tagalobawe?   
\q1
\v 2 Te nisu naga sogo ena te dene tolomainu ebawe?  
\q1 Te nisu naga sogo ulade me hulide  
\q2 te eno haliga sęgę elaluaibawe?  
\q1 Nisu naga sogo ena te boi bidi dabe  
\q2 dologode bididuaibawe?   
\q1
\v 3 Genuai Bidi, nage eno God da.  
\q1 Nago enade homu koneama,  
\q2 te eno gedu haluasa po wabo odao.  
\q1 Te ena isidali weyu, nago ena dąų ma walao.   
\q1
\v 4 Tama tialima, te boi bidi dabego  
\q2 te enade po me wasiąwaibao,  
\q1 “Dago aga aiyaba elaluali,” te kęnę po me wagobeo.  
\q1 Tama augwaligo ena tulalubaso,  
\q2 te wiegi yai homu pemene me idali weyu obao.   
\q1
\v 5 Tiali goli, ena da, eno te nago ena  
\q2 sesemane godolo ebo kolesagade  
\q2 eno homugo dąų walai dao.  
\q1 Tama eno wiegi yai homu pemene nageba ebao,  
\q1 magi baso meni, te nago ena tau saibao.   
\q1
\v 6 Awe, Genuai Bidi, te eno nago nogi ugwaba sabo  
\q2 balia po waibao. Magi baso meni, nago enaba  
\q3 wiegi yai sę mu yai dao.   
\c 14  
\d Te Devitgo asęani balia po me deli dao.  
\s1 Dwai kolesaga ebo bidi dabede elalubo po  
\q1
\v 1 Kolesaga meni yai dwai sę ebo bidi dabe  
\q2 augwa hasi te po wabo dao,  
\q1 “God bidibo menio,” wabo dao.  
\q1 Te bidi dabe augwali te dwai bidi dao.  
\q1 Augwaligo dwai kolesaga mu naga ebo dao.  
\q1 Bidi me deligo dwagi yai kolesaga me ebo menio.   
\q1
\v 2 Genuai Bidi dagalude bidiyu,  
\q2 tama agai tǫde bidibo we bidi aiyaba tonalubo dao.  
\q1 Agai te kolesaga koneai bidi me deli gegeyu,  
\q1 te God gegebo sę ebowe naga suainu tebo dao.   
\q1
\v 3 Tialima, menio. Tigidali augwaligo dwagi yai tų  
\q3 wali pabo tagalai.  
\q1 Tigidali tiwai naga yai,  
\q2 augwali dwai bidi mu pedelai dao.  
\q1 Tama augwali me deligo dwagi yai kolesaga me ebeo.  
\q1 Mu menio. \x * \xo 14:3 \xt Rom 3:10-12\x*   
\b  
\q1
\v 4 Genuai Bidigo te po wai, “Te bidi dabe augwaligo  
\q2 dwai kolesaga yai,  
\q1 augwaligo homu kolesaga meni, agawe?  
\q1 Augwaligo te eno we bidi dabe ela silibao,  
\q1 te augwaligo te bret tubo tiwai gilama te mu silibao.  
\q1 Tama augwaligo enaba gedu haluasa  
\q2 po wabo menio,” wali.   
\b  
\q1
\v 5 Tialima, te bidi dabe augwali wi mu yaibao.  
\q1 Magi basowe, God aga te agai  
\q2 po wali pabo bidi dabe augwali dali bidibao.   
\q1
\v 6 Te dwai sę ebo bage augwaligo  
\q2 te nai meni yai bidi dabego yainogo ebo sę dali  
\q2 gisugu mabo dao.  
\q1 Tiali goli, Genuai Bidigo te nai meni yai bidi dabe  
\q2 augwali bugagia tonalubo dao.   
\b  
\q1
\v 7 Eno homugo Genuai Bidigo Saion bulu bidi me deli  
\q3 tagala palama,  
\q1 Israel we bidi ma somainogo te homu ebao.  
\q1 Nosali Genuai Bidigo aga hani bidi tau selama,  
\q1 tama augwali bugagia ma bidimainogo yaibao,  
\q1 tialima, Israel hani augwali homu dwagi yai emainogo.  
\q1 Ao. Te Jekop aga hani bage augwaligo  
\q2 dwagi yai homu mu yaibao.   
\c 15  
\d Te Devitgo asęani balia po me deli dao.  
\s1 Godigo godolo yabo kolesaga dago emainogo yai  
\q1
\v 1 Genuai Bidi, de nago dwagi yai bede bidibo  
\q2 usugowe?  
\q1 De nago te dwagi yai bulu du Saionde duagawe?   
\b  
\q1
\v 2 Bidigo God agai homu kolesaga  
\q2 tigidali wali painogo ebo bidi,  
\q1 tama sesemane sogo doloba pai kolesaga naga eyu,  
\q1 tama tigidali sogo mu po naga weyu ebo bidi,  
\q1 aga te Genuai Bidigo bede bidibo usu yaibao.   
\q1
\v 3 Agai gasa bidigo nogi doliyu,  
\q2 wialubo po wasiąbo bidi,  
\q1 tama abagi dabe augwali dali dwai sę isąma,  
\q2 tama agai te sabilibo po  
\q1 gasa bidi dabe dali me wasiąwai bidi dao.   
\q1
\v 4 Agai Godigo te tudiba muani bidi dabe  
\q2 augwali godolo isiąma,  
\q1 tama agai Godigo po wali pabo bidi  
\q2 dabego nogi ugwaba sabo dao.  
\q1 Tama agai te Godigo gedude eno  
\q2 te sę yaibao po obaso da,  
\q3 teda agai te po usu naibao.  
\q1 Ma, tebogo te sęgę agaba mobaso da,  
\q1 tagalao, agai te dąų walali po togogobeo.   
\q1
\v 5 Tama te agade negeli sali bidigo  
\q2 te negeli wei ponobo sogo,  
\q1 agai te giguai mone ma ugwadu  
\q2 daganobo mone mao olama, agai sogobeo.  
\q1 Te gasa bidi dabego te dwai sę isąwai bidi me  
\q2 deli dali po tų yainogo eyu,  
\q1 tama augwaligo homu augwaligo  
\q2 te doloba pai bidibolo mone meba geme menama,  
\q1 tama agai te po tų ebode  
\q2 te tibo po kisilibo po waibao.  
\q1 Tiali goli, agai te mone selama,  
\q2 agai te tibo po kisilibo po wagobeo.  
\q1 Bidigo te dwagi yai kolesaga ebo  
\q2 wali pabo bidi aga tulalugobeo.   
\c 16  
\d Te Devitgo asęani balia po me deli dao.  
\s1 Bidigo konealubo po dąų olama, God dali gedu haluasa po wai  
\q1
\v 1 God, nago ena tonaluao.  
\q1 Magi baso meni, eno te nago  
\q2 ena bugagia tonalueibao homu eyu,  
\q1 tama ena nage dologoba bidagasobo dao.   
\q1
\v 2 Eno Genuai Bidi Godibolo te po wai,  
\q2 “Nage eno genuai bidi dao.  
\q1 Tigidali dwagi yai nai eno tolalubo,  
\q2 te nai nago naga mabo nai dao,” wali.   
\b  
\q1
\v 3 Augwaligo konealubo homu Godiba  
\q2 naga dąų wali we bidi, augwali e tǫde bididubadi,  
\q2 augwali te tedali gasagi yai we bidi hani dao.  
\q1 Eno dwagi yai homu mu elama,  
\q2 augwali dali bidaio homu ebo dao.   
\b  
\q1
\v 4 Tibo po wabo god pageba painogo udabo we bidi,  
\q3 augwali sęgę hauwa saibao.  
\q1 Ena augwali dali deliba sisinama,  
\q2 te tibo godibolo nai ula mabo ofa sę egobeo,  
\q1 tama eno augwaligo te tibo godiba lotu po wagobeo.   
\b  
\q1
\v 5 God, nage deli eno God mu,  
\q3 tama eno gasa nai me menio.  
\q2 Tama nago eno sǫą pali nai tigidali ena mawai.  
\q2 Eno bidibo ula nago tolalubo dao.   
\q1
\v 6 Eno dwagi yai nai tigidali nage dali naga olo sai.  
\q1 Mu tama, te nai dabe dwagi yai mu dao.   
\q1
\v 7 Eno Genuai Bidigo nogi ugwaba sobao, magi basowe,  
\q2 agai ena bugagia dodolobo dao.  
\q1 Tama hulide eno homu kolesagago  
\q2 te dwagi yai tų enabolo ola mabo dao.   
\q1
\v 8 Sesemane sogo eno homugo konebo,  
\q1 Genuai Bidi ena pąde bidibao, te eno dolo nogo badu,  
\q2 tama magi nai mego ena me degelegobeo.   
\b  
\q1
\v 9 Tama tibaso, eno homu dwagi yai eyu,  
\q2 tama eno po wabo mobo dwagi yai homu ebo dao.  
\q1 Tama eno magi nai me dali wi ebo menio.   
\q1
\v 10 Magi baso meni, nago ena  
\q2 te isai bidigo bulude bidimainu tagala palogobeo.  
\q1 Tama nago naga tedali gasagi yai bidi  
\q2 aga te gų pagede damua pomainao wagobeo.\x * \xo 16:10 \xt Tpi 13:35\x*   
\q1
\v 11 Nago digi ena te bidibo ula te tų ola mawai.  
\q1 Nage ena dali pąde bidibaso, nago  
\q2 te eno dwagi yai homu mu ebo dao.  
\q1 Tama nago ena sesemane bidada pabo sogo tau sabo,  
\q3 eno dwagi yai homu mu ebo dao. \x * \xo 16:11 \xt Tpi 2:25-28\x*   
\c 17  
\d Te Devitgo asęani balia po me deli dao.  
\s1 Dwai sę isąwani bidigo gedu haluasa po wai  
\q1
\v 1 Genuai Bidi God, nago eno gedu haluasa i  
\q2 wabo po odao.  
\q1 Ena bugagia dolo bilai, tama eno te po sela aselama  
\q2 nagebolo obao.  
\q1 Eno tibo po olama, gedu haluasa po wabe,  
\q2 tama nago eno te gedu haluasa po wabo odao.   
\q1
\v 2 Nago ena tau selama,  
\q2 tama eno po tų ebo aiyaba elaluaio.  
\q1 Magi basowe, nago koneai,  
\q2 mena kolesaga dwagi yai ebo.   
\b  
\q1
\v 3 Nago eno homude koneai.  
\q1 Nago ena hulide me suagasai,  
\q2 tama nago ena usu sai,  
\q2 tama nago eno homu kolesaga  
\q3 dwai elalubo nago me subeo.   
\q1
\v 4 Eno dwai po bidi mebago wabo po tiwai wabo menio.  
\q1 Eno nago po bomo elama dąų weyu,  
\q2 tama eno te wado po weyu,  
\q1 hwįbo po wabo kolesaga tudiba muai.   
\q1
\v 5 Eno sesemane sogo nago kolesaga wali peyu,  
\q2 tama eno sągą dwasianu me geda mubeo.   
\b  
\q1
\v 6 God, eno nagebolo gedu haluasa po wabo dao.  
\q1 Magi baso meni, nago eno gedu haluasa  
\q2 po wei ponobo dao.  
\q1 Nago olo eno gedu haluasa  
\q2 po wabo digi munama, odao.   
\q1
\v 7 God, nago dabolo dwagi yai homu elama,  
\q1 olo mu tau sabo genuai kolesaga  
\q2 ola mayu, tama ena tau sao.  
\q1 Da nage dali pąde bidiyu, tama boi bidi augwaligo da  
\q2 suidali weyu duala sai.   
\b  
\q1
\v 8 Ena tonaluao, nago naga gedu tonalubo tiwai  
\q2 ena tonaluao.  
\q1 Ena nago bugagia mu dualao,  
\q2 te ba kakaruk aga wai dabe bogogo  
\q2 mesega sabo tiwai ilama yao.   
\q1
\v 9 Tama dwai bidi dabe augwaligo ena dologobeo.  
\q1 Augwaligo ena dali boi bidi mu elama,  
\q2 tama augwaligo ena bobegelebao.   
\b  
\q1
\v 10 Augwaligo gasa bidi dali  
\q2 homu dene eyu, olo me tau sabeo.  
\q1 Augwaligo genuai po dągą weyu,  
\q2 tama augwa nogi naga ugwaba sabo dao.   
\q1
\v 11 Augwaligo ena pobeasa biliyu,  
\q2 tama megi augwaligo ena bobegelebao.  
\q1 Augwaligo ena aiyaba elaluainogo  
\q2 bodolu munama, tonalubo dao.   
\q1
\v 12 Augwali te laiongo hasa elainogo ebo tiwai,  
\q2 tama te bomai laion duala sela  
\q3 tonalubo tiwai ebo dao.   
\b  
\q1
\v 13 Genuai Bidi, nage aselama,  
\q2 eno boi bidi dali hwįnama, augwali aiyaba elaluao.  
\q1 Nago bobobage hwągo augwali dali hwįnama,  
\q2 tama ena dwai sę ebo bidi dabego nogode ma sao.   
\q1
\v 14 Mu tama, Genuai Bidi, nago bomogo ena tau siyu,  
\q2 tama bidi dabe augwaligo ena siligobeo.  
\q1 Ena te tǫde nai naga sisinibo bidi dabe  
\q2 augwaligo nogode ma sao.  
\q1 Nago te dwai sę ebo bidi dabego  
\q2 kolesaga wei ponainogo sisi yai,  
\q2 tialima megi augwalibolo te sę yao.  
\q1 Tama augwaligo wai dabe dali me tiwai,  
\q2 tama augwaligo wąį dabe nosali pedalubode me  
\q2 tama naga tiwai sę yao.   
\q1
\v 15 Tialima, ena da, eno augwalide  
\q3 dwai sę me deli isąma,  
\q2 tama nosali eno nage mu sueibao.  
\q1 Nosali ena piali tagalama, ena hodaluama,  
\q2 tama nage ena dali bidibo sulama,  
\q3 ena dwagi yai homu mu yaibao.   
\c 18  
\d Te Devitgo asęani balia po me deli dao. Me sogo Genuai Bidi Godigo te Devit te Sol dali, gasa boi bidi dali augwaligo nogode ma sali sogo, te sogo Devitgo e balia po Genuai Bidibolo wai.  
\s1 Te Godigo Devit tau sobaso, agai aga boi bidi dabe aiyaba elaluali  
\q1
\v 1 God, eno nage wei mu ebao.  
\q2 Nago ena dąų walai.   
\b  
\q1
\v 2 Genuai Bidi agai ena tau sabo da.  
\q2 Aga te eno bomai obo tiwai da.  
\q1 Genuai Bidigo ena tonalubaso, tama te boi bidi dabego  
\q2 ena me dologobeo.  
\q1 Genuai Bidi te hwįbo sabele tiwai elama,  
\q2 tama ena geme seselalubo.  
\q1 Agai te ena ma selama,  
\q2 tama ena tonaluabo bomo elalubo dao.   
\b  
\q1
\v 3 Dago te Genuai Bidigo nogi ugwaba sao.  
\q1 Eno agaba gedu haluasa po weyu,  
\q2 usu da obaso, te agai ena tau selama,  
\q1 tama te boi bidi dabego dolainu yali usu ebeo.   
\b  
\q1
\v 4 Te pąde ena isainu yai,  
\q1 tama te bonogo ena bomonama kęnani tiwai yali.  
\q1 Te dwai sę ebo bidi dabego enaba bomonama hwįani,  
\q1 tama augwali te genuai tamu ąį sigo  
\q2 ena mesegelibo tiwai yali.   
\q1
\v 5 Te pąde ena isainu yali,  
\q3 te bonogo ena bomonama kęnani tiwai yali.  
\q2 Te gų pagego ena dalainu tonaluai.   
\q1
\v 6 Ena haliga sęgę dwai ebaso, tama eno Godiba i wai.  
\q1 Eno gedu haluasa po te ena Godiba weyu,  
\q2 te agai ena tau somainu yai.  
\q1 Aga te aga wiegi yai be mude bidiyu, tama eno po odali.  
\q1 Te eno gedu haluasa po wabo te agai oloba pedelali.   
\b  
\q1
\v 7 Tialima, megi da, Genuai Bidigo wado po elalubao.  
\q1 Tama agai te tǫ mali mu ilali.  
\q1 Tama te bulu du page dabe te mumunu ela silali.   
\q1
\v 8 Te hano aga gunide pedelali.  
\q2 Tama aga pedauwalide dabo siago  
\q3 te doado bage hauwa ulali.   
\q1
\v 9 Agai te pǫ dabe sela sąnama, tama aga aiyaba dulali.  
\q1 Tama husugu yai pǫ te aga sągą dologode elaluali.   
\q1
\v 10 Aga te ensel dabe daide ugwadu dugulasa,  
\q2 tama bola asai.  
\q1 Te bogo te ba dabego bogo tiwai elalubao,  
\q2 tama te God auwąsa polo mu asaibao.   
\q1
\v 11 Aga digi aga te hulia sigo haluali.  
\q1 Aga te tulubage umabo mu elalubo  
\q2 husugu yai pǫ tomoba duala sai.   
\q1
\v 12 Te pǫde be sele eyu, tama te bogoli mu elama,  
\q2 te agaba kisa sigi pali.  
\q1 Tama sia me talua ge tulubagego te husugu pǫ aluama,  
\q2 tama aiyaba dulai dao.   
\q1
\v 13 Tama Genuai Bidigo te dagalude bomonama mu  
\q2 i weyu, te pǫ kulukulu wabo tiwai yali.  
\q1 Tama te bidi dabego te Ugwade Mu Bidibo Godigo  
\q2 i wabo odali.   
\q1
\v 14 Agai te be selego te bidi dabeba ula enani,  
\q2 te bidigo te boi bidi dabe  
\q2 te enego enebo tiwai ebaso.   
\q1
\v 15 Genuai Bidi, nago te dwai sę ebo bidi dabeba  
\q2 wado ebo sogo,  
\q2 te bomai waligo augwali degelibo tiwai ebao.  
\q1 Tama te tamu ąį dologode tigidali tǫ  
\q2 te bulu ulaba hania pedelali, tama te tǫ page me  
\q2 te hania pedelalio.   
\b  
\q1
\v 16 Genuai Bidi te dagalude bidiyu,  
\q2 tama agai nogo te aiyaba muyu, tama ena tola sali.  
\q1 Ena te aiyanu mu yai węde  
\q3 te hagawainu ebo bidi tiwai ebadi,  
\q2 tama Godigo ena ma salio.   
\q1
\v 17 Agai ena te boi bidi dabego bomai nogode me,  
\q2 te ena wei isiąbo bidi dabego nogode ma salio.  
\q1 Te bidi dabe augwaligo bomogo  
\q2 te eno bomo aiyaba elaluai dao.   
\q1
\v 18 Polobadu, te dwai sęgo ena gegelama,  
\q2 tama augwaligo enaba hwįagasali.  
\q1 Tiali goli tagala, te Godigo ena tonaluali.   
\q1
\v 19 Agai ena tonalubaso,  
\q2 tama eno te boi bidi dabe tagalali.  
\q1 Agai ena wei mu elama,  
\q2 tama agai ena ma sai dao.   
\q1
\v 20 Eno te doloba pai kolesaga wali pobaso,  
\q2 tama Godigo wiegi yai sę enaba bugagia yai.  
\q1 Eno dwai me deli ebeo,  
\q2 tama tiyu, Godigo wiegi yai sę enaba mawai dao.   
\q1
\v 21 Magi baso meni, eno te Genuai  
\q2 Bidigo bomai po bugagia wali pai.  
\q1 Eno dwai sę me isiąma, tama ena God tudiba me mubeo.   
\q1
\v 22 Eno te agai doloba pai bomai po  
\q2 te sesemane homu kone paliyu,  
\q2 tama eno agai po tudiba me mabeo.   
\q1
\v 23 Te magi dwai sę me deli isiąbo te agai koneani,  
\q2 tama eno te magi nai me delide magi sę me ebeo.   
\q1
\v 24 Tama tiyu, Godigo te eno doloba pai  
\q2 kolesagade homu koneama,  
\q2 tama agai ena bugagia mu tonaluai.  
\q1 Magi baso meni, agai koneani,  
\q2 te eno magi sę me isiąwai.   
\b  
\q1
\v 25 Te bidigo nage wali mu asobaso da,  
\q2 teda nago te nago po dolo wali pelama,  
\q2 tama nago aga tonalubo dao.  
\q1 Te bidi dolasa biliyu, tama te magi naide  
\q2 te magi me deli isiąbaso, nago agade te wiegi yai  
\q2 homu ebo dao.   
\q1
\v 26 Te bidi me deligo te meda mu  
\q2 meni yai kolesaga ebaso da,  
\q1 teda nago me agaba te wiegi yai kolesaga ola mabo da.  
\q1 Tiali goli, te bidigo dwai kolesaga wali pobaso da,  
\q1 teda nago agaba te dwai kolesaga wei ponobo dao.   
\q1
\v 27 Nago te augwa digi te haliga  
\q2 aiyaba elalubo we bidi dabe augwali te ma sabo da.  
\q1 Tiali goli, nago te augwa digi  
\q2 augwa nogi ugwaba sabo we bidi  
\q3 te aiyaba elaluaibao.   
\b  
\q1
\v 28 Te enade digi te Genuai Bidigo ula elalubao.  
\q1 Awe, tama ena Godigo te enade  
\q2 hulia sai elalubo te sela sąbo dao.   
\q1
\v 29 Godigo te boi bidi dabe dali  
\q2 hwįbo bomo te enaba mawai.  
\q1 Tama agai enabolo te augwaligo  
\q2 seselalubo nai dabe dolobo  
\q2 te genuai bomo mawai dao.   
\q1
\v 30 Te God da, agai kolesaga te wiegi yai mu elama,  
\q2 tama dolo mu elalubao.  
\q1 Te Godigo te magi nai me delide po dąų obaso da,  
\q2 teda agai po te mu po naga wabo waibao.  
\q1 Te agaba pabo bidi tigidali te agai bugagia tonalu,  
\q2 tama te boi bidi dabede geme dualalubo da.   
\q1
\v 31 Genuai Bidi naga te God mu da.  
\q1 Agaduba deli naga te dago boma pai obo dao.   
\q1
\v 32 Agai naga ena dąų walama, tama ena bilibo sogode  
\q2 te bugagia tonalubo dao.   
\q1
\v 33 Agai ena te bulu uni kibu hasa  
\q2 bugagia bilimainu ebo tiwai eyu,  
\q1 tama ena te bulu du dabede bidibo sogo  
\q2 agai ena tau sabo dao,  
\q1 tama ena tulalu me ebo meni. \x * \xo 18:33 \xt Hab 3:19\x*   
\q1
\v 34 Agai enabolo te hwįbo ola mawai,  
\q2 tama eno te bomai kapago nigai enesigi kegebaso,  
\q2 usu yaibao.   
\q1
\v 35 Genuai Bidi, nago ena tonaluama,  
\q2 tama ena ma dobola sabo dao.  
\q1 Awe, nago dolo nogogo bomogo ena tau sabo dao.  
\q1 Nago ena tau selama, tama ena te we bidi dabego  
\q2 gedude genuai nogi elalubao.   
\q1
\v 36 Nago te eno sunumide tonalubaso,  
\q2 tama te boi bidi dabego ena pageabi eyu,  
\q3 te ena me tola sabeo.  
\q1 Tama eno sągą te me kikila pisąma,  
\q1 tama ena me tula mubeo.   
\q1
\v 37 Eno te boi bidi dabe pobelama,  
\q2 te augwali tola sali.  
\q1 Tama eno augwali polo me tagala palobeo.  
\q1 Menio. Eno hwįnama, te augwali aiyaba elaluyu yai.   
\q1
\v 38 Eno te enego augwali enama,  
\q2 tama augwali te ma hodaluainu  
\q3 ebaso, te usu meni yai.  
\q1 Augwali te isilama, tama te eno sągą pąde pila mubo  
\q3 tiwai yai dao.   
\q1
\v 39 Naga digi nago ena te boi bidi dabe  
\q2 dali hwįbo bomo dąų walai.  
\q1 Naga digi nago ena tau selama,  
\q2 tama eno augwali aiyaba elaluai.   
\q1
\v 40 Nago te boi bidi dabe tudi ola momainu ebaso,  
\q3 tama enade wi pai.  
\q1 Te enaba boi bidi yali bidi dabe  
\q2 te eno augwali ela muani.   
\q1
\v 41 Te augwali bidi me deli tau somainu te i wali,  
\q2 tiali goli dego augwali tau saibawe?  
\q1 Te me deli meni yai.  
\q1 Augwaligo te Godiba i wali, tiali goli agai augwaligo  
\q2 te gela wabo me odobeo.   
\q1
\v 42 Eno augwali mu dolama,  
\q2 tama augwali te waligo sela holobo tǫ hogomu  
\q2 tiwai pedelali.  
\q1 Eno te boi bidi dabe elaluama,  
\q2 eno te sunumide agabo pu tiwai gagawai dao.   
\b  
\q1
\v 43 Nago ena tau siyu,  
\q2 tama te hagoma ebo bidi dabego ena dolomainu  
\q3 me ebeo.  
\q1 Nago ena te we bidi hani dabego  
\q2 king pedalumainu ilali.  
\q1 Te eno konesiąwai we bidi augwali, te augwali aselama,  
\q2 tama eno sę yagasai.   
\q1
\v 44 Augwaligo eno po odolama,  
\q2 tama polo tama augwaligo wali pabo dao.  
\q1 Te digibulu bulu bidi dabego  
\q2 kidu sugunagasiyu, gagamu ebo dao.   
\q1
\v 45 Te augwaligo haliga nagamea pelama,  
\q2 tama augwali didibili elama,  
\q2 tama augwa bomai obo tomode bidali tagalama,  
\q2 tama augwali ena dologoba bidagasobo dao.   
\b  
\q1
\v 46 Genuai Bidi bididubadi gebao.  
\q2 Agai ena sesemane sogo bugagia seselalubo dao,  
\q3 te moni dobo dwai masigi tiwaigo ena  
\q3 mesegalobo dao.  
\q2 Tama tiyu, eno agai nogi ugwaba sabo da.  
\q1 God da, te ena tau sabo bidi da.  
\q2 Tama tiyu, eno agai genuai nogi ugwaba sobao.   
\q1
\v 47 Agai naga ena tau selama,  
\q2 tama eno te boi bidi dabe aiyaba elalubo dao.  
\q1 Tama agai deligo naga te haniani we bidi hani dabe  
\q2 ena dologoba mubo dao.   
\q1
\v 48 Genuai Bidi, naga digi ena tau selama,  
\q2 tama te boi bidi dabego ena me dolobeo.  
\q1 Mu tama, Genuai Bidi, nago naga  
\q2 ena te hwįbode tau selama,  
\q2 tama eno te boi bidi dabe  
\q3 aiyaba elaluai.  
\q1 Nago ena tau siyu, tama te hwįbo bidi dabego  
\q2 ena me ela mubeo.   
\q1
\v 49 Tama tiyu, te haniani tǫde bidibo  
\q2 we bidi hani dabe tomode  
\q2 eno nago nogi ugwaba siyu,  
\q2 tama eno nago nogi ugwaba sabo balia po waibao.\x * \xo 18:49 \xt Rom 15:9\x*   
\q1
\v 50 Genuai Bidigo ena Devit sa munama,  
\q2 tama ena te king bidibao.  
\q1 Tama agai eno te hwįbode  
\q2 sesemane sogo te boi bidi dabe  
\q2 aiyaba elalumainu ilali.  
\q1 Agai ena godolo mu elama, tama te eno wąį nǫų,  
\q2 te nosali pedalubo bagede me, te tama tiaibao.  
\q1 Agai te da godolo mu ebo kolesaga munu me siligobeo.   
\c 19  
\d Te Devitgo asęani balia po me deli dao.  
\s1 Godigo nigali tigidali naigo aga genuai nogi dabolo ola mabo dao  
\q1
\v 1 Dagalugo dabolo ola mabo dao,  
\q2 God agai bomo dali,  
\q2 genuai nogi dali si mu elalubao.  
\q1 Awe, tigidali nai dagalu ugwadu  
\q2 elalubo naigo dabolo te Godigo digi augwali nigai,  
\q2 te hania ola mabo dao.   
\q1
\v 2 Tigidali bidibo sogo te nai dabego po  
\q3 naga hanilama, po wabo dao.  
\q1 Tama tigidali be hulibo sogo,  
\q2 augwaligo dabolo te po ma wabo dao.   
\q1
\v 3 Ulade me, be hulide dali,  
\q3 te dagalude elalubo nai dabego  
\q3 pedauwali meni yai dao,  
\q2 tama tiyu, po me wagobeo.  
\q1 Dago te ulade me hulide dali  
\q2 te nai dabego dogonide  
\q2 po me wabo dago odobo menio.   
\q1
\v 4 Tiali goli, ulade me, hulide me,  
\q2 te nai dabego da tigidali tǫde we bidi  
\q2 te Godigo bomo dali,  
\q2 genuai nogi dali si ola mabo dao.  
\q1 Tama augwaligo po tigidali  
\q2 buluba pelama, usu mu ebo dao.  
\b  
\q1 Tama dagalude Godigo giligago  
\q2 ugwa be me deli sę yai tiwai elalubao. \x * \xo 19:4 \xt Rom 10:18\x*   
\q1
\v 5 Siago buluba teda soai, te bidi we siyu,  
\q2 dwagi yai ebo gilama,  
\q1 tama aga bidibo be tagalama, buluba teda soai.  
\q1 Giligago aga dwagi yai homu eyu,  
\q2 aga pabo tų wali pabo dao,  
\q2 te bidi udawainogo sisi elama,  
\q2 dolalubo tiwai ebo dao.   
\q1
\v 6 Sia ge pedalobo te dagalu sesege badu pedalobo dao,  
\q2 tama gasa badu pabo dao,  
\q2 tama magi nai me agai posolo ebo  
\q2 digi me duala sogobeo.   
\b  
\q1
\v 7 Genuai Bidi Godigo bomo yai po  
\q2 te tigidali dolo mu naga ebo dao,  
\q1 tama dabolo bidibo bomo yai ula mabo dao.  
\q1 Genuai Bidi God agai pode dago bomo yai  
\q2 homu agabolo dąų olama, muyu da,  
\q3 te usu mu yaibao.  
\q1 Te pogo dwagi yai homu kolesaga  
\q2 agai po kuna konesiąwani bidi polo agai mabo dao.   
\q1
\v 8 Genuai Bidigo dabolo dwagi yai po mu ola mabo dao.  
\q1 Te pogo dago homu kolesaga  
\q2 dwagi yai pemene mu ebo dao.  
\q1 Genuai Bidigo tama tiao wabo po te dwagi yai mu dao,  
\q2 tama dabolo dwagi yai koneabo homu kolesaga  
\q2 mabo dao.   
\b  
\q1
\v 9 Bidigo Genuai Bidide wi eyu,  
\q2 aga dologode bidibo bidi,  
\q1 agai dwagi yai meda isiąwai kolesaga mu ebo dao.  
\q1 Tama te kolesaga sesemane sogo  
\q2 elalua peyu, mu elalua paibao.  
\q1 Genuai Bidi Godigo dago yabo  
\q2 kolesaga po tigidali wabo dao,  
\q1 tama te mu po tigidali dolo mu ebo dao.   
\q1
\v 10 Te tobage pogo te wiegi yai nai go te aiyaba elaluai,  
\q3 awe, te meda isiąwai te gol,  
\q2 te me te pogo aiyaba mu elaluai,  
\q2 tama dago agai te po mu godolo yao.  
\q1 Genuai Bidi God agai bomo yai po te pusu mu yai,  
\q2 tama te megego pusu ebo aiyaba elaluai.  
\q1 Agai te dwagi yai pusu mu ebo mege  
\q2 ąį tubo te aiyaba mu elaluai dao.   
\q1
\v 11 Nago bomo yai pogo naga sę bidi  
\q2 eno koneabo homu kolesaga mabo dao.  
\q1 Eno nago bomai po wali pobaso,  
\q2 tama nago ena dulalubo digi dwagi yai ilibo da.   
\b  
\q1
\v 12 Tialima, niwai bidigo aga yali dwai sę koneaibawe?  
\q1 Eno dwai sę meba yali te eno kuna konebeo,  
\q1 tama nago eno te dualai dwai sę yali  
\q2 pęą sąlama, ma sela sąyao.   
\q1
\v 13 Ena nago sę bidi dao,  
\q2 nago ena bugagia tonaluao,  
\q1 tama eno hagoma homu eyu, nago po sela sąyu,  
\q2 dwai sę ma idali weyu yao.  
\q1 Nago eno dwai kolesaga ebo nago sulama tonalugio.  
\q1 Tama tiyu, ena dolo bugagia bidiyu,  
\q2 eno dwai sę genuai me egobeo.   
\q1
\v 14 Genuai Bidi, eno homugo eno po dali,  
\q2 eno homu kolesaga dali,  
\q2 te nago gedude usu emainogo te homu yai.  
\q1 Genuai Bidi, nage bidibo digi ena duala selama,  
\q2 tama nago ena tau siyu, ma dobola sabo bidi dao.   
\c 20  
\d Te Devitgo asęani balia po me deli dao.  
\s1 Te gedu haluasa po wabo bidi te Godigo aga tau siyu, te boi bidi aiyaba elaluaibao  
\d Devit, te Genuai Bidigo sę bidi, agai te balia po asęani. Agai te po Godiba wali te ula te bubugade Godigo aga tau selama, tama te boi bidigo aga aiyaba me elalusiąyu, tama te Solgo aga me dolobeo. Te po olama, te balia asęai dao.  
\q1
\v 1 Dago king bidio, eno homugo  
\q2 te nage haliga sęgę ebo sogo,  
\q1 te Genuai Bidigo nage tau somainu yao.  
\q1 Mu tama, te Jekopgo Godigo nage seselaluaibao.  
\q1 Awe, agai nogigo bomogo tama tiao.   
\q1
\v 2 Aga te aga wiegi yai be mu te Saionde bidibao,  
\q2 tama agai nage tau selama,  
\q2 tama nage dąų walomainu yao.   
\q1
\v 3 Agai te nago ofa tigidaliba homu koneama,  
\q1 tama agai te nago tigidali  
\q2 te siaba ulubo ofa te wei elama, godolo yao.   
\q1
\v 4 Eno homugo Godigo te nago wei ebo nai  
\q2 tigidali momainu yao.  
\q1 Tama nago yainu homu yali sę tigidali  
\q2 te agai nage tau sobaso,  
\q2 tama nago te sę ebo usu yaibao.   
\q1
\v 5 Tama nosali nago te hwįani aiyaba elalubaso da,  
\q2 teda dago nago te yalide  
\q2 wiegi yai homu pemene eyu, bomonama i waibao.  
\q1 Tama dago te homu koneama,  
\q2 tama dili buduama, tama dago  
\q3 dobuali balia po weyu,  
\q2 dena Godigo nogi ugwaba saibao.  
\q1 Dago homugo te Genuai Bidigo  
\q2 nago te gedu haluasa po wabo po tigidali odaibao.  
\q1 Te kingo te po wei ponani po wali.   
\q1
\v 6 Megi da, eno koneanio,  
\q1 Genuai Bidigo ena tau sabo da, te king aga digi sa muani.  
\q1 Aga te aga wiegi yai tedali bulu dagalude bidibao,  
\q1 tama agai eno gedu haluasa po wabo odobo dao.  
\q1 Te agai bomode digi agai ena tau selama,  
\q2 tama eno hwįbo side te eno augwali  
\q2 aiyaba mu elalubo dao.   
\q1
\v 7 Te meba hanigo hagoma eyu,  
\q2 te hwįbo karis dabeba homu muani,  
\q1 tama gasa hani mebago te augwa  
\q2 hos dabeba homu muani.  
\q1 Tiali goli, dago te dena God Genuai Bidiba,  
\q1 Godiba, konealubo homu dąų wabo dao.   
\q1
\v 8 Te we bidi dabe augwali tulaluama,  
\q2 tama mu hagawaibao.  
\q1 Tiali goli, da te hodalu, tama bomonama dolaluaibao.   
\b  
\q1
\v 9 Genuai Bidi, nago ena king tau sobaso da,  
\q2 teda eno te hwįbo aiyaba elaluaibao.  
\q1 Te Genuai Bidigo te dago i wabo sogo te da tau sao.   
\c 21  
\d Te Devitgo asęani balia po me deli dao.  
\s1 Godigo te king tau selama, tama agai Godigo nogi ugwaba sali  
\q1
\v 1 Genuai Bidi, nago te kingba bomo mobaso,  
\q2 te agai wiegi yai homu pemene yai.  
\q1 Te nago agai te hwįbode augwali aiyaba  
\q3 elalumainu yali sęde  
\q2 te agai homu pemene wiegi yai mu ebao.   
\q1
\v 2 Te agai wei eyu sainu yali nai, nago agaba manio.  
\q1 Awe, agai nageba hanalu wali nai, nago te agaba mani.   
\b  
\q1
\v 3 Nage agaba asiyu, te wiegi yai homu ilabo nai dali  
\q2 sela asai.  
\q1 Tama nago te wiegi yai kapa gol elalubo  
\q2 kingo madi aga toboluba muai.   
\q1
\v 4 Agai nageba te bidibo ula mao po hanalu obaso,  
\q2 tama nago aga mawai.  
\q1 Mu tama, nago aga bidibo ula  
\q2 te sesabi mu elama, bidimainu yai.   
\b  
\q1
\v 5 Nago aga tau selama,  
\q2 tama aga genuai nogi mu elalubao.  
\q1 Nago nogi me bomo digi nago aga mani.   
\q1
\v 6 Mu tama, te nago wiegi yai sę ebo  
\q2 kolesaga agade sesemane elaluaibao.  
\q1 Nage aga pąde bidiyu, tama tebogo aga wiegi yai homu  
\q2 pemene mu ilibo dao.   
\b  
\q1
\v 7 Te Ugwade Mu Bidibo  
\q2 Boma Pai God, kingo nageba  
\q3 konealubo homu dąų mu wali.  
\q1 Nago olo tau sabo wiegi yai kolesaga  
\q2 sesemane sogo te kingba ebaso,  
\q2 tama tiyu, te aga bomo elama, dolalu iduaibao.   
\q1
\v 8 Te kingo aga boi bidi tigidali nogogo touwaibao.  
\q1 Tama aga digi te aga wei homu isiąbo  
\q2 bidi dabe te kalabus yaibao.   
\q1
\v 9 Te aga hania te pepeli diliba pedalubo sogo da,  
\q1 teda agai te boi bidi dabe ela silibo da,  
\q2 te genuai siago te nai dabe ulubo tiwai gilama  
\q3 yaibao.  
\b  
\q1 Mu tama, te Godigo wado po weyu,  
\q2 tama augwali aiyaba elaluama,  
\q2 tama te siago augwali tigidali dela silaibao.   
\q1
\v 10 Te kingo augwaligo wai tigidali ela silaibao.  
\q1 Tama te augwali hanigo wai dabe  
\q2 te tǫde munu me bidigobeo.   
\b  
\q1
\v 11 Te boi bidi dabe augwa homude koneama,  
\q2 tama agaba dwai sę yabo miani.  
\q1 Tiali goli, augwaligo aga aiyaba  
\q3 elaluainu ebo usu me ebeo.   
\q1
\v 12 Magi baso meni, te agai ene te augwaliba eneyu,  
\q2 wi ilibaso te augwali wi paibao.   
\b  
\q1
\v 13 God, nage te naga bomo dali asao.  
\q1 Tama dago te nago naga bomogo yali  
\q2 genuai sę dabede balia po waibao.   
\c 22  
\d Te Devitgo asęani balia po me deli dao.  
\s1 Te sęgę elalubo bidigo gela wabo, me te bidigo puba hwi wabo balia po  
\q1
\v 1 Eno God, eno God,  
\q2 magi baso nago ena tagaluwe?  
\q1 Magi baso nago ena tau sisąma ebawe?  
\q1 Magi baso eno gela wabo nago  
\q2 odobewe? \x * \xo 22:1 \xt Mat 27:46; Mak 15:34\x*   
\q1
\v 2 God, eno nageba te giligade i wabo da,  
\q2 tiali goli nago eno po odobeo.  
\q1 Eno nageba te hulide me i wali,  
\q2 tiali goli nago te po wei ponesiąbaso,  
\q2 eno dwasianu toma me nabeo.   
\q1
\v 3 Tiali goli, naga digi nage  
\q2 te tedali wiegi yai mu elalubao.  
\q1 Nage te king bidibaso,  
\q2 tama te Israel dabego nago nogi ugwaba sabo dao.   
\q1
\v 4 Polobadu dago wąį nǫų dabe  
\q2 augwaligo konealubo homu nageba dąų wali.  
\q1 Augwa konealubo homu dąų obaso,  
\q2 tama nago augwali tau selama,  
\q2 tama te boi bidi dabego augwali aiyaba me elalubeo.   
\q1
\v 5 Augwaligo nageba i weyu, gedu haluasa po obaso,  
\q1 tama nago augwali te boi bidi  
\q2 dabego nogode ma dobola sai.  
\q1 Awe, augwaligo konealubo homu nageba dąų wali,  
\q1 tama augwa te konealubo homu dąų wali  
\q2 te odolali me hagagobeo.   
\b  
\q1
\v 6 Tiali goli, bidigo gedude ena te tǫde osogani tiwai,  
\q2 ena te olo bage tiwai mu da.  
\q1 Tigidali bidigo enaba wado po weyu,  
\q2 tama ena tudiba muani.   
\q1
\v 7 Tigidali we bidigo ena sulama,  
\q2 tama augwaligo posobo po enaba wabo dao.  
\q1 Augwaligo hamena enaba diniyu,  
\q2 tama augwa tobolu peme eyu ebo dao.\x * \xo 22:7 \xt Mat 27:39; Mak 15:29; Luk 23:35\x*   
\q1
\v 8 Augwaligo te po weyu, “Nago konealubo homu  
\q2 te Godiba mubo da,” wabo.  
\q1 “Magi baso agai nage ma sabewe?  
\q1 Te Godigo nage wei homu eyu da,  
\q2 te magi baso agai nage tau sabewe?”  
\q1 Augwaligo te tobage po wabo dao. \x * \xo 22:8 \xt Mat 27:43\x*   
\b  
\q1
\v 9 Tiali goli, God, nago naga ena  
\q2 te idago haligade selama, tama ena bugagia pedelali.  
\q1 Tama ena te ame tubadi, nago ena tonaluai.   
\q1
\v 10 Eno konealubo homu nageba muani,  
\q2 te idago ena ame nani sogode  
\q2 dąį elasa, megi e sogoba su nagasobao.  
\q1 Idago ena gesi noma ame nabode,  
\q2 tama nage eno God bidai.   
\q1
\v 11 Te sęgę enaba megi pedalubao,  
\q2 tama tiyu, nago ena me tagaligio.  
\q1 Ena tau sabo bidi deli me menio.   
\q1
\v 12 Te boi bidi hauwago ena  
\q1 te bulmakau dabe pobeasa bilibo tiwai ebao.  
\q1 Augwali te Basan bulude omai bulmakau dabego  
\q2 bomo tiwai gilama ebo dao.   
\q1
\v 13 Te boi bidi dabe augwaligo te ena dolainu sisi elama,  
\q2 te laiongo dwai hwą wabo tiwai eyu,  
\q1 tama te uni hasa tuabo pedauwali nalubao.   
\q1
\v 14 Eno bomo tigidali silalio,  
\q2 augwa te tǫba wę gelama,  
\q2 te soa sabo tiwai gilama yai.  
\q1 Te dili ununani tigidali te guda pai.  
\q1 Eno homu te mu nagamea pali,  
\q2 te posolo yai ili wę pedalubo tiwai yali.   
\q1
\v 15 Eno dogoni te wa mu pali,  
\q2 tama eno hamena te pedauwalide agana sai.  
\q1 Naga digi ena tagalama, ama ena mu isainu ebao.   
\q1
\v 16 Te dwai bidi dabego ena te tigidali habu badu  
\q2 te yowigo uni hasa pobeasa bilibo  
\q2 tiwai gilama ebao.  
\q1 Augwaligo eno sągąde me nogode  
\q2 te augwaligo gąųgo kelebao.   
\q1
\v 17 Eno tigi dili tigidali te hania pedelali.  
\q1 Tama te bidi dabego ena sulama, tama ena dolali sęde  
\q2 te augwa wiegi yai homu pemene yai.   
\q1
\v 18 Augwaligo te eno ugwa dabe selama,  
\q2 augwa dobola sali,  
\q1 tama mena bidigo te eno ugwa dabe deli deli sabo bidi  
\q2 pedalumainogo eyu, augwaligo te satu gagali yai.\x * \xo 22:18 \xt Mat 27:35; Mak 15:24; Luk 23:34; Jon 19:24\x*   
\b  
\q1
\v 19 Genuai Bidi, nage enade digibulu me bidamuo.  
\q1 Nage da, te ena sesemane sogo tau sabo bidi dao.  
\q1 Nage polo tama asiyu, ena tau sagasao.   
\q1
\v 20 Nago ena ma dobola sali da,  
\q2 teda augwaligo ena te moni hwągo me ela mugobeo.  
\q1 Nago ena tau sobaso da, teda te yowi tiwai bidi dabe  
\q2 augwaligo ena ela muainu ebaso,  
\q2 te usu me egobeo. Menio.  
\q1 Te ena bidibo ula elalu, bidaibao.   
\q1
\v 21 Augwaligo ena te laiongo uni hasa  
\q2 ela tubo tiwai gilama silainu ebao.  
\q1 Nago ena te augwaligo nogode ma dobola sao.  
\q1 Eno magi sę me deli ebo te uni bulmakau dabe  
\q2 gesabidide me usugobeo.   
\b  
\q1
\v 22 Nago tama tiwai ebaso da, teda eno te ena hani  
\q2 bidi dabebolo nago yali sę po pusaibao.  
\q1 Augwali te lotu weyu, deliba sisinibo side,  
\q2 tama eno nago nogi te augwali tomode  
\q2 ugwaba saibao. \x * \xo 22:22 \xt Hib 2:12\x*   
\q1
\v 23 Eno tama po waibao, “Dage te Godigo hani da,”  
\q2 po waiba, “aga nogi ugwaba sao.  
\q1 Dage Jekopgo hani, te Genuai Bidigo nogi ugwaba sao.  
\q1 Awe, dage te Israel dabego hani,  
\q2 dagego agaba lotu wabo po wao.   
\q1
\v 24 Agai te magi doado bage  
\q2 meni yai bidi dabe tudiba me mubeo.  
\q1 Agai te augwalide sęgę me dene ebo  
\q2 te olo nai da homu me egobeo.  
\q1 Tama aga te augwalide digibulu me bidigobeo. Menio.  
\q1 Agai te augwaligo usu da weyu,  
\q2 gedu haluasa po wabo odobo dao.”  
\q1 Eno tama po waibao.   
\b  
\q1
\v 25 Te lotu wainu sisinibo genuai  
\q2 pesagede te eno nago nogi deli naga ugwaba saibao,  
\q2 te nago ebo sę tigidalide te tama tiaibao.  
\q1 Te polobadu eno yaibao po dąų wali ofa,  
\q3 te eno te nagede wi ebo  
\q2 we bidi gedude yaibao wali.   
\q1
\v 26 Te magi nai doado bage  
\q2 meni yai bidi augwali eno i obaso,  
\q3 augwali aselama, te nai tulama,  
\q2 haliga mu pągąna paibao.  
\q1 Tama te Godiba pabo bidi dabego,  
\q2 teda augwaligo aga nogi ugwaba saibao.  
\q1 Eno homugo Godigo augwali sesemane sogo  
\q2 bugagia wiegi yai ilama, bidimainu yao.   
\b  
\q1
\v 27 Te tǫde tigidali we bidigo augwaligo  
\q3 te Godiba homu koneama,  
\q2 tama augwa agaba ma asaibao.  
\q1 Te tigidali hani we bidi dabe  
\q2 augwaligo kidu sugunama, agaba lotu waibao.   
\q1
\v 28 Magi baso meni, Genuai Bidi te king bidiyu,  
\q2 tama agai te tigidali hani we bidi tonalubo dao.   
\b  
\q1
\v 29 Te dwai kolesaga eyu, hagoma ebo bidi dabego  
\q3 kidu sugunama, tama agaba lotu waibao.  
\q1 Te bidabo ula elalubo usu isiąyu,  
\q2 te isabo ąǫ ebo bidi dabego,  
\q2 te tigidaligo kidu sugunama, te Godiba lotu waibao.   
\q1
\v 30 Te nosali pedalubo we bidi hani,  
\q2 augwaligo te agai sę yaibao.  
\q1 Te bidi dabego te nosali pedalubo haniba  
\q2 te Godide po hania pusaibao.   
\q1
\v 31 Te hani augwali ame nisiąbadi,  
\q2 tiali goli augwali pedalubo si da,  
\q2 teda augwaligo te tama po augwaliba waibao,  
\q2 “God aga digi te aga we bidi dabe ma sai dao,”  
\q3 te po waibao.   
\c 23  
\d Te Devitgo asęani balia po me deli dao.  
\s1 Genuai Bidi agai da tonalubo bidi dao  
\q1
\v 1 Genuai Bidi te ena tonalubo bidi da, tama  
\q2 ena te aga sipsip me deli tiwai dao.  
\q1 Tama tiyu, te magi nai me deli ena me sǫą pogobeo.   
\q1
\v 2 Agai ena te wiegi yai tuabo nosaide  
\q2 pila mumainu ebo dao.  
\q1 Tama agai ena te dwasianu wę ulu  
\q2 pedalubo madi odasa pelama, tama ena te wę tuyu,  
\q3 te ena toma nabo dao. \x * \xo 23:2 \xt Ped 7:17\x*   
\q1
\v 3 Agai enabolo gesi bomo mabo dao.  
\q1 Tama agai ena te doloba pai sunumidu  
\q2 odasa pabo dao, te agai tama tiaiba po  
\q3 polobadu wali gilama ebo dao.   
\q1
\v 4 God, ena te dwai bulu  
\q2 te be hulia sai madi bilibaso da,  
\q2 te tagalao, ena te dwai naide wi me egobeo.  
\q1 Magi baso meni, nage ena dali bidibao.  
\q1 Eno suali, nago te sipsip tonalubo  
\q2 bidigo dono tolasa bilibo suali,  
\q1 tama tibaso, eno homu nagame elama,  
\q2 bidibo dao. Ena me dologobeo.   
\b  
\q1
\v 5 Nago te eno wiegi yai nai te hania  
\q2 te tebol saide sisi ilama,  
\q1 tama eno boi bidi dabego suali goli,  
\q2 te augwaligo magi sę me yabo usugobeo.  
\q1 Nago ena selama, te nage dali duayagasobo,  
\q2 tama ena nago bugagia gesebo dao.   
\q1
\v 6 Genuai Bidi, eno mu koneani,  
\q2 te nago ena bugagia tonalu,  
\q1 tama nago enade homu dene eyu, tau sabo kolesaga,  
\q1 te kolesaga si te ena dali sesemane sogo bidaibao.  
\q1 Tama, Genuai Bidi, ena nago bede  
\q2 sesemane sogo bidada peyu, bidada paibao.   
\c 24  
\d Te Devitgo asęani balia po me deli dao.  
\s1 God da, te genuai tuni bidi king dao  
\q1
\v 1 Te tǫ dali, tigidali tǫde elalubo nai,  
\q2 te tigidali Godigo nai naga dao.  
\q1 Tigidali bulu me, te Godigo nigali nai dao.  
\q1 Tama tigidali bulude bidibo we bidi me,  
\q2 augwali me te Godigo hani we bidi naga dao.\x * \xo 24:1 \xt 1 Ko 10:26\x*   
\q1
\v 2 Magi baso meni, agai tǫ ugwadu nigai,  
\q2 tama ąį aiyadu mu elalubo dao.  
\q1 Tama agai tǫ page tamu ąį tomode nigai.   
\b  
\q1
\v 3 Niwai bidi te Genuai Bidi Godigo  
\q2 bulu duba holobo usugowe?  
\q1 Niwai bidi agai dwagi yai be tomoba pogowe?   
\q1
\v 4 Dwai sę isąwai bidi,  
\q2 tama agai homu meda meni yai dwagi yai.  
\q1 Tibo god dalibolo lotu po wasiąwai bidi,  
\q2 tama bidigo gasa bidi tibo dąų wabo po me  
\q2 ola masiąwai bidi. \x * \xo 24:4 \xt Mat 5:8\x*  
\q1 Tiwai bidi aga te usu yaibao.   
\q1
\v 5 Te bidi dali te Genuai Bidigo dwagi yai sę yaibao.  
\q1 Awe, Godigo aga ma selama, tama te bidi dwagi yai bidi  
\q3 dao waibao.   
\q1
\v 6 Tiwai bidigo God subo dao.  
\q1 Aga te Jekopgo God pąba pabo dao.   
\b  
\q1
\v 7 Dage te tempel bede elalubo tų, dage dayao.  
\q1 Dage te augwaligo polobadu mu  
\q2 nigali tų, dage genuai gisiga dayao.  
\q1 Tama polalubo genuai tuni bidi king tomoba somainao.   
\q1
\v 8 Genuai polalubo bidi, aga de dawe?  
\q2 Aga te Genuai Bidi God deli dao.  
\q1 Agai genuai bomo elalubao,  
\q2 aga te boma pai king mu dao,  
\q2 tama bidigo aga dali hwįbo usu ebo menio.   
\q1
\v 9 Dage tų, dage dayao.  
\q1 Dage polobadu tų dao,  
\q2 dagego genuai tų gisiga dayao.  
\q1 Tama genuai polalubo tuni bidi king  
\q2 be tomoba somainao.   
\q1
\v 10 Genuai polalubo tuni bidi king aga de dawe?  
\q1 Aga te Genuai Bidi God dao, agai te genuai ami bidi  
\q2 hani tonalubo dao.  
\q1 Aga deli digi mu te polalubo tuni bidi king mu dao.   
\c 25  
\d Te Devitgo asęani balia po me deli dao.  
\s1 Te bidigo Godiba gedu haluasa po weyu, te aga bilibo dodolama, te tonaluao po wai  
\q1
\v 1 Genuai Bidi, megi eno  
\q2 gedu haluasa po nageba obao,  
\q2 te eno ofa me deli tiwai mobao.   
\q1
\v 2 Nage eno God da, tama eno konealubo homu  
\q2 nageba naga dąų wabo da.  
\q1 Nago ena tau sao.  
\q1 Tiyu, eno konealubo po odolali elama,  
\q2 tama ena hale idalio.  
\q1 Nago te boi bidi dabego  
\q2 ena aiyaba elalumainu elama,  
\q2 tama augwaligo ena kęnę po omainu me igio.   
\b  
\q1
\v 3 Awe, nageba te konealubo homu ąų wabo bidi dabe,  
\q2 te augwaligo konealubo odolali  
\q3 dąų omainu elama, tama me  
\q2 tagaliyu me egobeo. Menio.  
\q1 Te nageba hagoma polo ebo bidi dabe,  
\q2 augwali naga te dwai dene somainu elama,  
\q1 tama augwa yali kolesagade hale yaibao.   
\b  
\q1
\v 4 God, nago te naga kolesaga enaba ola menama,  
\q2 tama nago sunumi enaba ola mao.   
\q1
\v 5 Te nago po mu eno wali pomainu ola mao,  
\q1 magi baso meni, nage te eno God dao,  
\q2 tama nago ena ma sabo dao.  
\q1 Te tigidali sogo nago ena tau somainu tonalubo dao.   
\b  
\q1
\v 6 Genuai Bidi, nago te naga olo mu  
\q2 tau sabo wiegi yai kolesaga,  
\q2 me homu dene ebo kolesaga te homu kone palao.  
\q1 Nago te kolesaga da dali ebo  
\q1 te polobadu digi yali te ela asudubadi,  
\q2 megi sogoba usu nagasobao.   
\q1
\v 7 Genuai Bidi, nago eno dwai sęgę sali,  
\q2 me dwai sę yali kolesagade homu kone me palamuo,  
\q2 te ena gesi bidide te sę yali.  
\q1 Nage te da godolo ebo Genuai Bidi God dao,  
\q2 tama nage te sesemane wiegi yai elalubo da.  
\q1 Nago enade homu koneama, tama nago ena te olo mu  
\q2 tau sabo wiegi yai kolesaga yao.   
\q1
\v 8 Genuai Bidi te wiegi yai elama,  
\q2 tama agai te po tų sesemane dolo naga ebo dao.  
\q1 Tama tiyu, agai te dwai sęgę sabo bidi  
\q2 dabeba te agai wei eyu, godolo homu yabo kolesaga  
\q2 wali pomainu ola mabo dao.   
\q1
\v 9 Te aga dologode bidibo bidi dabe  
\q2 te bilibo dodolaibao,  
\q2 tama augwa te doloba pai kolesaga  
\q3 wali pomainu ebo dao.  
\q1 Agai te aga sunumi me te augwaliba ola mabo dao.   
\q1
\v 10 Godigo te agai da dali dąų wali po,  
\q2 me bomai po te wali pabo we bidi  
\q2 tigidaliba te agai homu kęą peyu,  
\q3 godolo mu ebo dao.  
\q1 Tama agai homu me hasegeliyu me egobeo.   
\b  
\q1
\v 11 God, nago te naga dąų wali po wali peyu,  
\q2 tama eno yali dwai sę hauwa sela sąyao.  
\q1 Nago eno yali dwai sę tigidali sela sąbaso,  
\q2 tama eno nago nogi ugwaba saibao.   
\q1
\v 12 Te Genuai Bidigo po wali mu pabo we bidi,  
\q1 te Godigo augwaliba wiegi yai sunumi ola mayu,  
\q2 tama augwali te sunumidu pomainu tebo dao.   
\q1
\v 13 Te tobage bidi dabe augwali da  
\q3 te wiegi yai mu bidaibao,  
\q2 tama augwa wai dabe me te tǫde  
\q3 bugagia bididuaibao.   
\q1
\v 14 Genuai Bidi God aga  
\q2 te aga dologode bidibo we bidi dabe  
\q3 augwaligo abagi mu dao,  
\q2 tama augwali dali te dąų wali bomai po kontrak  
\q2 te augwaliba ma ola mabo dao.   
\q1
\v 15 Tigidali sogo te Genuai Bidigo ena  
\q2 tau somainu tonalubo da.  
\q1 Magi baso meni, te ena dolainu yali  
\q2 nai dabede te agai ena ma sabo dao.   
\b  
\q1
\v 16 Genuai Bidi, eno homugo nage ena ma aselama,  
\q2 tama nago te olo tau sabo wiegi yai  
\q3 kolesaga enaba yao,  
\q2 magi baso meni, enaduba deli tama eno bomo silalio.   
\q1
\v 17 Nago eno haliga sęgę elalubo tigidali sela sąyao,  
\q2 tama eno haliga te nagame yai dua bidimainu yao.  
\q1 Nago ena tau selama,  
\q2 tama te sęgę dabego ena elalumainu me egobeo.   
\q1
\v 18 Nago enade te haliga sęgę,  
\q2 me haliga dene ebo tigidalide  
\q3 nago homu kone palama,  
\q2 tama nago eno sęgę tigidali sela sąyao.   
\q1
\v 19 Nago te eno boi bidi dabe subao,  
\q2 augwali te hauwa mu tama.  
\q1 Augwaligo ena dali sębę mu genuai ebao.   
\q1
\v 20 Nago ena ma selama,  
\q2 tama ena bugagia seselaluao,  
\q2 tama te boi bidi dabego ena me dologobeo.  
\q1 Nago ena tonalumainu eyu, te ena nageba asobao.   
\q1
\v 21 Eno konealubo homu nageba elalubao,  
\q1 tama tiyu, nago eno te tigidali wiegi yai  
\q2 doloba pai kolesaga emainu eyu,  
\q1 tego te sesemane sogo ena tonalumainu ilao.   
\q1
\v 22 God, nago te naga we bidi tigidali ma dobola sao.  
\q1 Tama te tigidali haniani sęgęgo  
\q2 augwali aiyaba elalumainu me elamu dao.   
\c 26  
\d Te Devitgo asęani balia po me deli dao.  
\s1 Te doloba pai bidigo gedu haluasa po wali  
\q1
\v 1 Genuai Bidi, nago ena doloba pai bidi nogi  
\q2 yao.  
\q1 Magi baso meni, eno te doloba pai kolesaga yali,  
\q2 tama eno konealubo homu nageba tigidali muani.   
\q1
\v 2 God, nago eno kolesaga tigidali usu sao.  
\q1 Tama nago eno haliga, me homu, te dagalao.   
\q1
\v 3 Magi baso meni, nago te olo tau sabo wiegi yai  
\q2 kolesaga enaba eyu,  
\q2 tama ena sesemane sogo dodolobo dao,  
\q2 tama nage te ena soabo madi  
\q3 sesemane poligi solama,  
\q2 tama nago ena me tagalubo menio.   
\q1
\v 4 Ena te dwai sę ebo bidi dabe dali me bilisiąwai.  
\q1 Ena te tibo po wabo bidi dabe dali me bilibeo.   
\q1
\v 5 Ena te dwai sę ebo bidi dabe dali  
\q2 bilabo te hagela homu mu ebo da.  
\q1 Eno augwali ela soabo dao.   
\b  
\q1
\v 6 Genuai Bidi, eno nogo wę telayu,  
\q2 te eno dwai sę me yali menibaso,  
\q2 te nageba ola mayu tiali.  
\q1 Tama eno nago alta bagulubo sę eyu,  
\q2 tama eno nageba lotu po wabo dao.   
\q1
\v 7 Eno tama tiyu, tama eno nageba usu da wabo  
\q2 tęąbi po me deli obao,  
\q1 tama eno te we bidiba te nago yali  
\q2 wiegi yai sę po pusubao.   
\b  
\q1
\v 8 Genuai Bidi, eno nago be te wei elama,  
\q3 godolo mu ebao,  
\q2 te nago genuai nogi dali,  
\q3 bomo dali si elalubo bulude.   
\q1
\v 9 Nago ena te dwai sę ebo bage dali me dologio.  
\q1 Nago ena te gasa bidi ela mubo  
\q2 bidi dabe dali me ela mugio.   
\q1
\v 10 Te bidi dabe augwaligo te  
\q2 dwai kolesaga sesemane sogo ebo dao,  
\q1 tama augwaligo te bidi meba  
\q2 te monego homu bega selama,  
\q2 te gasa bidiba dwai sę emainu tebo dao.   
\b  
\q1
\v 11 Tiali goli, ena digi eno da,  
\q2 te doloba pai kolesaga ebo dao.  
\q1 Nago te olo tau sabo wiegi yai kolesaga  
\q2 enaba elama, tama ena ma sao.   
\b  
\q1
\v 12 Ena bomonama dolalubao.  
\q1 Te magi nai me deligo ena dolomainu me egobeo.  
\q1 Te eno Genuai Bidi nago nogi  
\q2 te we bidi sisinama lotu wabo tomode  
\q2 te eno nago nogi ugwaba saibao.   
\c 27  
\d Te Devitgo asęani balia po me deli dao.  
\s1 Te Godigo nogi ugwaba sabo gedu haluasa po dao  
\q1
\v 1 Genuai Bidi God aga te eno ula page da,  
\q2 tama agai ena tau sabo da.  
\q1 Tama tiyu, te bidi me delide ena midigi me egobeo.  
\q1 Genuai Bidigo naga ena seselalubao,  
\q2 te moni bomai obo tiwai te palialubao.  
\q1 Tama tiyu, te magi nai me delide ena wi me egobeo.   
\b  
\q1
\v 2 Te dwai sę ebo bidi dabe ena pąba aselama,  
\q2 tama dolainu usu sobaso da,  
\q3 te bidi dabe augwa digi sągą tǫ dedageba tuloliyu,  
\q3 habala paliyu, augwa digi augwa ma dolaibao.   
\q1
\v 3 Awe, te ami hani me deligo ena  
\q3 bagua sagasobaso da, teda ena wi me egobeo.  
\q1 Te boi bidi dabego enaba hwįagasobaso da, tagalao.  
\q1 Eno konealubo homu Godiba munama,  
\q2 tama ena ibaba me kila sogobeo.   
\b  
\q1
\v 4 Eno te nai me delide naga te Godiba hanalu wali,  
\q2 tama eno homugo agai  
\q2 te tama sę emainu homu yali.  
\q1 Eno agaba te tama po hanalu wali,  
\q2 te ena bidibo ula elalubo sogo  
\q1 ena te agai bede tigidali sogo bidainogo yai.  
\q1 Te agai enaba wiegi yai homu bugagia ebaso,  
\q1 te eno wiegi yai homu pemene agaba yaibao.  
\q1 Tama eno agaba hanalu,  
\q2 te enaba wiegi yai sunumi  
\q2 ola momainu homu ebo dao.   
\b  
\q1
\v 5 Te dwai sę enaba pedalubo sogo,  
\q2 teda agai ena te agai beba geme dualaibao.  
\q1 Te aga wiegi yai beba te sunumi paliama,  
\q2 tama ena geme bugagia mu dualaibao.  
\q1 Te agai ena te genuai masigi mu  
\q3 me deli te daiba dualama,  
\q2 tama ena bugagia bidaibao.   
\q1
\v 6 Tama tiyu, te ena bobegelalubo  
\q2 boi bidi dabe augwali eno aiyaba elaluaibao.  
\q1 Te eno wiegi yai homu pemene umabo mu elama,  
\q2 tama i weyu, te Godigo tedali wiegi yai bede  
\q3 ofa yaibao.  
\q1 Te eno aga nogi ugwaba sabo balia po waibao.   
\b  
\q1
\v 7 Genuai Bidi, te eno nageba i wabo sogo,  
\q1 nago enaba te olo mu tau sabo  
\q2 wiegi yai kolesaga yao.  
\q1 Tama nago eno gedu haluasa wabo po odao.   
\q1
\v 8 Eno homude eno te koneanio,  
\q3 nago enabolo te tama po wali,  
\q2 “Nage enaba asao,” wai.  
\q1 Tialima, Genuai Bidi, te ena paibao.   
\q1
\v 9 Naga digi nage te enade geme duala selamuo.  
\b  
\q1 God, te nago ena tau sabo da.  
\q1 Nago enade sębę elama, tama ena sela sągio,  
\q2 ena naga sę bidi da.  
\q1 Nago ena hauwa sogo tau sali.  
\q1 Nago ena me tagaligio.  
\q1 Nage enade wi me pigio.   
\q1
\v 10 Aya me ida sigo te ena tudiba mubaso da,  
\q2 tagalao, te Genuai Bidigo ena tonaluaibao.   
\b  
\q1
\v 11 Genuai Bidi, te nago enabolo  
\q2 te nago homugo emainu ebo sę ola mao.  
\q1 Nago ena te wiegi yai sunumiba odasa pao.  
\q1 Magi baso meni, eno boi bidi te hauwa elalubao.   
\q1
\v 12 Te boi bidi dabego ena somainu,  
\q2 te nago ena me tagaligio.  
\q1 Augwaligo te po tų ebode tibo po weyu,  
\q2 tama ena wi ilainu eyu,  
\q2 augwaligo ena elaibao po wabo dao.   
\b  
\q1
\v 13 Mu tama, nosali ena me bididubadi,  
\q2 eno te Godigo wiegi yai sę te aga  
\q3 we bidi dabeba ebo te eno sueibao.   
\q1
\v 14 Te nago konealubo homu dąų olama,  
\q2 tama te Genuai Bidigo nage tau sagasobo tonaluao.  
\q1 Bomo elama dolaluao, nago haliga sęgę me igio.  
\q1 Awe, nago konealubo homu dąų olama,  
\q2 tama te Genuai Bidigo nage tau sabo tonaluao.   
\c 28  
\d Te Devitgo asęani balia po me deli dao.  
\s1 Te bidigo gedu haluasa po weyu, te Godigo aga tau somainu yai  
\q1
\v 1 Genuai Bidi, nage da  
\q2 te ena seselalubo bidi dao,  
\q2 tama eno nageba i obao.  
\q1 Eno gela wabo odao.  
\q1 Te nago eno gedu haluasa po wabo  
\q3 wei ponisiąyu da,  
\q1 teda ena te isai we bidi dabe tiwai elama,  
\q2 tama te isali bidi dabego pesageba paibao.   
\q1
\v 2 Te eno nageba i weyu,  
\q2 nago ena tau sao wabo sogo,  
\q2 te nago eno gela wabo odao.  
\q1 Eno gedu haluasa po weyu,  
\q2 tama eno nogo ugwaba siyu,  
\q2 te nago wiegi yai be elalubo  
\q2 madiba nogo dų yaibao.   
\q1
\v 3 Nago ena te dwai sę ebo bidi dabe  
\q2 dali aiyaba me elalugio,  
\q1 tama te dwai kolesaga ebo bidi dabe dali me,  
\q3 te tama me tigio.  
\q1 Augwali da te wiegi yai pusu yai pogo  
\q2 homu bega sabo po wabo bidi dabe dao,  
\q1 tiali goli augwali homude  
\q2 te dwai sę ebo kolesaga pągąnalubao.   
\b  
\q1
\v 4 Te augwa yali kolesagade usu nama,  
\q3 te augwali dene mao.  
\q2 Te dwai dene augwaliba wei ponao.  
\q2 Te augwa yali sęgę tigidali usu nao. \x * \xo 28:4 \xt Ped 22:12\x*   
\q1
\v 5 Augwaligo te Genuai Bidigo genuai sę  
\q3 te homu konesiąyu,  
\q1 tama agai ebo sę dabede homu konebeo.  
\q1 Tama augwaligo tama tialigo da,  
\q2 teda agai augwaliba te dene mayu,  
\q1 tama augwali tigidali silimainu yaibao.   
\b  
\q1
\v 6 Eno te Genuai Bidigo nogi ugwaba sobao.  
\q1 Agai ena dali homu dene eyu, tama ena tau somainu,  
\q3 eno agaba gela wali,  
\q2 tama agai eno gela wabo odalio.   
\q1
\v 7 Godigo naga ena seselaluyu,  
\q2 tama ena bobegela sai elalubo dao.  
\q1 Tama tiyu, eno konealubo homu agaba muani da.  
\q1 Genuai Bidigo ena tau sobaso,  
\q2 tama eno wiegi yai homu pemene agaba ebao,  
\q2 tama eno aga nogi ugwaba sabo balia po dabe obao.   
\b  
\q1
\v 8 God Genuai Bidigo te aga we bidi dabe seselalubo dao.  
\q1 Aga te tudibadu daganalu,  
\q2 tama aga sa muani king tau sabo dao.   
\q1
\v 9 Genuai Bidi God, naga we bidi dabe tau siyu,  
\q1 tama naga te sa muani we bidi hani dabe  
\q2 bugagia wiegi yai ilao.  
\q1 Nage te augwali tonalubo bidi bidiyu,  
\q2 tama augwali te bidada peyu,  
\q2 bidada pabo sesemane sogo bugagia tonaluao.   
\c 29  
\d Te Devitgo asęani balia po me deli dao.  
\s1 Dago Godigo dogoni te genuai tulubage tulubode, ma wali asobode, te dago odaibao  
\q1
\v 1 Dage te boma pai ensel mobo bidi dabe,  
\q2 dagego te Genuai Bidigo nogi ugwaba sao.  
\q1 Te agai genuai nogide me bomode  
\q2 te wiegi yai homu pemene yao.   
\q1
\v 2 Te Genuai Bidigo genuai nogi ugwaba sao.  
\q1 Agai magi sę isąma, wiegi yai mu  
\q2 bidiyu, tama dagego agaba lotu waiąo. \x * \xo 29:2 \xt Tib 96:7-9\x*   
\b  
\q1
\v 3 Genuai Bidigo po obadi,  
\q2 tama augwaligo te tamu ąį pedai  
\q2 tigidali badu odobo dao.  
\q1 God aga te genuai nogi me bomo elalu,  
\q2 tama agai i bomonama wabo  
\q2 te be kulukulu wabo tiwai ebo dao.  
\q1 Te agai po te genuai tamu ąį  
\q2 tigidali badu pedaide te po wabo dao.   
\q1
\v 4 Te Genuai Bidigo i wabo bomo te genuai elalubao.  
\q1 Tigidali bidigo Godigo i wabo odolama,  
\q2 tama augwali agade wi ebo dao.   
\b  
\q1
\v 5 Te Genuai Bidigo i wabogo  
\q2 te genuai ni sida dabe pedaibao,  
\q1 tama agai te Lebanon bulu du dabede  
\q2 ni sida dabe me peda sabo dao.   
\q1
\v 6 Agai te Lebanon bulu du dabe  
\q1 te bulmakau wai te sasamano pabo tiwai ilibo dao,  
\q1 tama te Hermon bulu du te ogwa bidi  
\q2 bulmakau omai sasamano pabo tiwai yaibao.   
\q1
\v 7 Te Genuai Bidigo i wabogo te be sele elibo dao.   
\q1
\v 8 Te agai dogonigo te wa pai bulu te gęǫ ilaibao.  
\q1 Agai te Kedes hanu wa pai bulu te gęǫ ilibo dao.   
\q1
\v 9 Te Genuai Bidigo i wabogo  
\q2 te uni hasa dabego wai sągąnobo tiwai yaibao,  
\q1 tama te tigidali ni yabe dabe sela sąbo dao.  
\q1 Tama te Genuai Bidigo wiegi yai bede  
\q2 tigidaligo te tiwai i weyu,  
\q1 “Godigo genuai nogi elalubao,” te po wabo dao.   
\b  
\q1
\v 10 Genuai Bidi te king bidiyu,  
\q2 tama te tigidali genuai tamu ąį tonalubao.  
\q1 Aga te king sesemane sogo bidibao.   
\q1
\v 11 Genuai Bidigo bomo  
\q3 te aga we bidi dabeba mabo dao.  
\q1 Agai augwaliba te wiegi yai sę yabo  
\q2 homu kolesaga menama,  
\q2 tama augwali homu nagame elama, bidibao.   
\c 30  
\d Te Devitgo asęani balia po me deli dao.  
\s1 Bidi me deligo te Godiba usu da po olama, gedu haluasa po wai  
\q1
\v 1 Genuai Bidi, nago ena ma selama,  
\q2 tama nago ena te boi bidi dabego aiyaba  
\q2 elaluama, te kęnę omainu me ebeo.  
\q1 Tama tibaso, eno nago nogi te ugwaba mu sobao.   
\q1
\v 2 Genuai Bidi, nage eno God da,  
\q2 tama eno gedu haluasa po nageba olama,  
\q2 tama nago ena usu ma ilai dao.   
\q1
\v 3 Genuai Bidi, ena isibo bidi tiwai yai digi,  
\q2 tama nago ena ma hodolali.  
\q1 Ena te isai bidi dabego pesageba dulali.  
\q1 Tiali goli, nago enaba te bidibo ula ma mawai dao.   
\q1
\v 4 Dage te Genuai Bidi dali homu kęą pai we bidi,  
\q2 dagego te aga nogi ugwaba sabo tęąbi po wao.  
\q1 Aga da, te dwai sę isąbo  
\q2 tedali gasagi yai God mu dao.  
\q1 Tama agade me, te agai yali sę tigidali homu koneama,  
\q2 tama agaba usu da po weyu, gedu haluasa po wao.   
\q1
\v 5 Magi baso meni, agai wado po  
\q2 te pęwadage sogo naga waibao.  
\q1 Tama agai homu wiegi yai daba elama,  
\q2 tama da bugagia wiegi yai ilaibao.  
\q1 Te tigidali sogo da tǫde bidibo sogo te tama tibo dao.  
\q1 Te hulide eno gedu ąį dulali, tiali goli te kigamu da,  
\q2 eno te wiegi yai homu pemene ma yaibao.   
\q1
\v 6 Polobadu te ena bugagia mu bidibaso,  
\q2 tama eno te tiwai po wali,  
\q1 “Te magi nai me deligo ena dwasianu degelainu ebaso,  
\q3 usu me egobeo,” wali.   
\q1
\v 7 Genuai Bidi, nago enaba wiegi yai sę mu eyu,  
\q1 tama ena te bomonama dolalumainu eyu,  
\q2 te bulu dude dolalubo bomai be tiwai gilama ilali.  
\q1 Tiali goli, nage geme duala sali sogo,  
\q2 te sogo ena wi elama, aiyaba mu dulai dao.   
\b  
\q1
\v 8 Tama Genuai Bidi, eno nageba i wali.  
\q1 Te nago ena tau somainu,  
\q2 te eno nageba bomonama usu da po weyu,  
\q2 gedu haluasa po wai dao.   
\q1
\v 9 Tama eno te po wai,  
\q1 “Te ena te isai madiba pobaso da,  
\q2 teda te mena wiegi yai nai pedelaibawe?  
\q1 Te ena gų pageba pobaso da,  
\q2 teda tebogo de tau sogowe?  
\q1 Te isali bidi dabego nago nogi ugwaba somainu  
\q2 te homu eba, agawe?  
\q1 Te augwaligo nageba pusuyu, te nago sesemane sogo  
\q3 augwali wiegi yai bugagia ilibo da  
\q2 homu ebo po waiba, agawe? Menio.   
\q1
\v 10 Genuai Bidi God, nago eno  
\q3 wabo po odao, tama te olo tau sabo  
\q3 wiegi yai kolesaga enaba yao.  
\q1 Genuai Bidi nago ena tau sao.   
\b  
\q1
\v 11 Nago eno homu sęgę elaluali te sela sąnama,  
\q1 tama nago ena te wiegi yai homu  
\q2 pemene tęąbi po omainu yali.  
\q1 Hasia ena te bidi isaide gela wabo bidi tiwai yali.  
\q1 Tiali goli, nago eno gela wabo hasegelama,  
\q2 tama eno homu pemene wiegi yai mu ilali.   
\q1
\v 12 Tama tialima, eno pedauwali me pania sogobeo.  
\q1 Te eno nago nogi ugwaba sabo tęąbi po waibao.  
\q1 Genuai Bidi, nage eno God da,  
\q2 te eno sesemane sogo nageba usu da weyu,  
\q2 gedu haluasa po waibao.   
\c 31  
\d Devitgo te balia asęani. Augwaligo te balia po augwa te moni lotu be tempel te Godiba mani sogo wai tiwai po dao.  
\s1 Bidigo konealubo homu dąų olama, te Godigo aga tau somainu yai  
\q1
\v 1 Genuai Bidi, ena nageba asobaso, te nago  
\q2 ena tonaluao.  
\q1 Nago ena tau sao, nago te boi bidi dabego  
\q2 ena aiyaba elalumainu me igio.  
\q1 Nage te doloba pai mu da, nago ena ma selama,  
\q2 te ena me dolobeo.   
\q1
\v 2 Nago eno i wabo odolama, tama ena polo ma sao.  
\q1 Tama tiyu, nage te ena duala sabo madi  
\q2 te genuai masigi bulu du tiwai elalubao.  
\q1 Tama nago ena bugagia bobegelalu,  
\q2 te ena bugagia bidiyu, tama te boi bidi dabego  
\q2 ena aiyaba me elalugobeo.   
\b  
\q1
\v 3 Mu tama, nage te ena geme  
\q2 duala sabo pesage tiwai elama,  
\q2 tama nago ena tonalubo dao.  
\q1 Tama tibaso, nage ena asobodu poligi pelama,  
\q1 tama ena te wiegi yai sunumiba odasa pao,  
\q1 te nago polobadu te sę yaibao po wali gilama tiao.   
\q1
\v 4 Te boi bidi dabego ena tola somainu  
\q2 yabo bono gągą muani.  
\q1 Nago ena bugagia tonalubaso da,  
\q2 teda ena tede me dologobeo.  
\q1 Magi baso meni, nage naga te ena geme duala sabo  
\q2 pesage dao.   
\q1
\v 5 Ena te eno mobo nage nogoba mobao.  
\q1 Genuai Bidi, nage te mu kolesaga  
\q2 naga mu ebo God, nago ena ma sao. \x * \xo 31:5 \xt Luk 23:46\x*   
\b  
\q1
\v 6 Nago te tibo god dabede lotu wabo bidi dabe  
\q2 te wei mu me isiąwai.  
\q1 Tiali goli, eno konealubo homu nageba dąų wali.   
\q1
\v 7 Nago ena sesemane sogo  
\q2 homu dene yai, tama tiyu eno nageba  
\q2 wiegi yai homu pemene ebao.  
\q1 Nago eno te sęgę suali, tama nago enaba  
\q2 te pedalubo dwai ebo kolesaga te koneanio.   
\q1
\v 8 Nago ena te boi bidi dabego  
\q2 kalabus emainu me ebeo.  
\q1 Nago ena bugagia tau siyu, tama ena  
\q2 te dwagi yai madigi bugagia bidibao.   
\b  
\q1
\v 9 Genuai Bidi, nago te olo tau sabo  
\q2 wiegi yai kolesaga enabolo yao.  
\q1 Ena te genuai sęgę elalubao.  
\q1 Ena gela hauwa weyu, tama eno gedu bo dalio.  
\q1 Eno dili dabe te bomo kimi meni yani.   
\q1
\v 10 Te ena haliga sęgęgo digi  
\q2 ena bidabo ula pęwadage ilali.  
\q1 Ena gela mu udu gebaso,  
\q2 tama tiyu, te ena sesabi elama me bidigobeo.  
\q1 Eno genuai sęgę mu elalubao,  
\q2 tama tiyu, eno bomo silalio,  
\q2 tama eno dili tigidali dolobo sę ebao.   
\b  
\q1
\v 11 Te boi bidi dabego dwai posobo po enaba wali.  
\q1 Tama tibaso, te abagi dabego me enaba po dwai weyu,  
\q1 tama eno abagi dabego enade dwai wi mu yali.  
\q1 Ena te sunumidu pobadi,  
\q2 te bidi dabego ena sulama,  
\q2 augwali wi peyu ebo dao.   
\q1
\v 12 Tigidali bidigo ena homu kone ebo tagalali,  
\q2 augwaligo te isai bidi homu  
\q2 kone isiąbo tiwai gilama yalio.  
\q1 Ena te tǫgo nigali sospen sene  
\q2 alua pobaso sąbo tiwai gilama yai.   
\q1
\v 13 Eno odali, te boi bidi dabe hauwago  
\q2 ena posobo po odali.  
\q1 Augwaligo ena moni wi ilali.  
\q1 Tama augwa deliba sisinama,  
\q2 tama enaba dwai sę yabo po mia sai.  
\q1 Augwaligo ena ela muabo po wai.   
\b  
\q1
\v 14 Tiali goli, tagalao.  
\q1 Genuai Bidi, eno konealubo homu  
\q2 nageba dąų wabo da.  
\q1 Eno te tama wali, nage eno God da po wai.   
\q1
\v 15 Ena nago nogode sesemane sogo bidibao.  
\q1 Nago enade te boi bidi ebo bidi me,  
\q2 te ena pobeasa bilibo bidi dabego  
\q2 nogode ma dobola sao.  
\q1 Tiyu, augwaligo ena dolidalio.   
\q1
\v 16 Ena nago sę bidi da,  
\q2 nago olo tau sabo wiegi yai  
\q2 kolesagago ena tau sao.  
\q1 Nago ena godolo mu ebo kolesaga te siligobeo,  
\q2 tama tiyu, nago ena ma sao.   
\q1
\v 17 Genuai Bidi, eno nageba i wabo,  
\q2 te nago ena tau somainu obao.  
\q1 Nago ena te boi bidi dabego  
\q2 aiyaba elalumainu me igio.  
\q1 Tiali goli, te boi bidi dabe da, dolomainu yao.  
\q1 Augwali isimainu elama, tama augwa pedauwali  
\q3 te isibo bidi dabego pesagede pania sai  
\q3 elalumainu yao.   
\q1
\v 18 Te bidi dabe augwaligo te hagoma eyu,  
\q3 te posobo po weyu ebo da,  
\q2 tama doloba pai bidi dabeba  
\q3 po dwai weyu ebo dao.  
\q1 Augwaligo tibo po naga wabo da.  
\q1 Nago augwali dolama, tama augwa pedauwali  
\q3 te mu pania somainu yao.   
\b  
\q1
\v 19 Nago te nage dologode bidibo  
\q3 we bidi olo tau sabo  
\q2 wiegi yai kolesaga hauwa tolalubo dao.  
\q1 Nago te nageba konealubo homu dąų wabo  
\q2 we bidi bugagia tonalubo dao.  
\q1 Nago te augwali tau sabo  
\q2 te tigidali we bidi gedude umabo mu ebo dao.   
\q1
\v 20 Nago te konealubo homu dąų wabo bidi dabe  
\q3 te nage pąba geme dualubo dao,  
\q2 tama te augwali elainu te po mia sali bidi dabe,  
\q2 augwali usu me egobeo.  
\q1 Nago te nageba homu kęą pabo bidi dabe  
\q3 geme bugagia dualama,  
\q2 tama te boi bidi dabego tibo po kisilibo po wabogo  
\q2 te augwali aiyaba me elalugobeo.   
\b  
\q1
\v 21 Genuai Bidigo nogi ugwaba sao.  
\q1 Agai enaba dwagi yai sę umabo mu elama,  
\q1 tama agai ena tau sabo wiegi yai sę yali,  
\q2 te boi bidi dabego ena pobeasa biliyu,  
\q2 dolainu yali sogo te ena tau sai.   
\q1
\v 22 Genuai Bidi, polobadu ena wi mu elama,  
\q1 tama eno homugo te nago ena sela sąyu,  
\q1 tama ena nage pąde ma bidigobe homu yalio.  
\q1 Tiali goli, nago eno gela wabo odoyu,  
\q2 tama nago ena tau sali, te eno nageba i olama,  
\q3 enade homu dene eyu, tau sao po wali sogo  
\q3 te tama tiai dao.   
\b  
\q1
\v 23 Te Godigo we bidi dabe,  
\q2 dagego aga wei eyu, godolo mu yao.  
\q1 Agai te aga wali asobo we bidi dabe  
\q2 bugagia tonalubo da.  
\q1 Tiali goli, agai te hagoma ebo  
\q2 we bidi dabeba te dwai dene dolo wei ponobo dao.   
\q1
\v 24 Dage te Genuai Bidiba konealubo  
\q2 homu dąų wali we bidi tigidali,  
\q2 dage bomo elama dolalu,  
\q1 tama duga haliga sesemane bomo sao.   
\c 32  
\d Te Devitgo asęani balia po me deli dao.  
\s1 Bidigo sęgę te Godiba pusama, tama Godigo agai sęgę sela sąyu yai  
\q1
\v 1 Te Godigo bidi me deligo  
\q2 dwai sę yali sęgę tagaliyu,  
\q1 tama agai sęgę sela sąbo si da,  
\q1 teda te bidi aga wiegi yai homu  
\q2 pemene eyu, bugagia bidibao.   
\q1
\v 2 Te Genuai Bidigo te po weyu,  
\q2 te bidigo sęgę megi me elalubeo po weyu,  
\q1 tama te bidigo te tibo po wabo kolesaga  
\q2 wali me pabe da po obaso da,  
\q1 teda aga wiegi yai homu pemene eyu,  
\q2 bugagia bidibao. \x * \xo 32:2 \xt Rom 4:7-8\x*   
\b  
\q1
\v 3 Te eno ena dwai sę yali po  
\q2 te Godibolo pususiąbadi digi,  
\q2 eno te giligade me hulide dwai gela wali.  
\q1 Tama eno tigi bomo kimi mu meni yai.   
\q1
\v 4 Te giligade me hulide nago nogogo enaba dene mani.  
\q1 Eno bomo tigidali te hagawali,  
\q2 te genuai giliga tǫba naniyu,  
\q2 te tǫ wa pabo tiwai yai.   
\q1
\v 5 Nosali eno sęgę te eno nageba pusali.  
\q1 Eno ena yali dwai kolesaga geme me dualubeo.  
\q1 Eno te homu yali, eno te bomai po bolali  
\q2 kolesagade sali sęgę tigidali  
\q1 eno te Genuai Bidiba pusabo homu yali.  
\q1 Eno hania pusula silibaso,  
\q2 tama nago eno yali dwai sę me, eno sęgę me,  
\q3 sela sąwai dao.  
\q1 Tama tiyu, nago ena tede nosali  
\q3 elegobeo wali. \x * \xo 32:5 \xt 2 Sml 12:13\x*   
\b  
\q1
\v 6 Tama tibaso, nage wali asobo tigidali we bidi,  
\q2 te augwaliba sęgę pedalubo sogo,  
\q2 te augwaligo gedu haluasa po nageba omainao.  
\q1 Tama te sęgę genuai mu pedaliyu,  
\q2 tama te ąį genuai asiyu,  
\q2 tama te bidi sainu ebo tiwai gilama ebaso da,  
\q1 teda te sęgęgo augwali aiyaba me elalugobeo.   
\q1
\v 7 Nagede naga ena duala sabo pesage elalubao.  
\q1 Nago ena tonalubaso,  
\q2 tama te sęgęgo ena aiyaba me elalugobeo.  
\q1 Awe, nago ena te sęgęde siyu yali,  
\q2 tama tede te eno balia po genuai mu wabo dao.   
\b  
\q1
\v 8 Genuai Bidigo te tama po wai,  
\q1 “Eno nage bugagia ola mayu, tama nage bilabo madi  
\q2 te sunumi nageba ola mawaibao.  
\q1 Te nago konemainu te nage eno ola mawaibao.   
\q1
\v 9 Nage te hos me donki tiwai pedelamuo.  
\q1 Te augwali sigo kolesaga me elalubeo.  
\q1 Nago te ain elalubo bobobage baklain  
\q2 te augwali sigo pedauwaliba munama,  
\q2 tama augwali si pabo ola mabo  
\q2 te baklaingo kegeyu, ola mabo dao.  
\q1 Te menibaso da, teda augwali sigo  
\q2 te nago homu wali me pogobeo.”   
\q1
\v 10 Te sęgę me dene hauwa  
\q2 te dwai sę ebo bidi dabeba pedalaibao.  
\q1 Tiali goli, Genuai Bidigo te  
\q2 agaba homu kęą pabo we bidiba  
\q2 te olo tau sabo wiegi yai kolesaga elama,  
\q2 tama augwali bugagia tonaluaibao.   
\q1
\v 11 Dage te doloba pai we bidi,  
\q2 dage te bugai haliga elama,  
\q1 tama te Genuai Bidigo wiegi yai sę tigidali yalide  
\q2 te wiegi yai homu pemene yao.  
\q1 Dage tigidali we bidi,  
\q2 dage te God gedude doloba pai mu yali, dage  
\q3 te wiegi yai homu pemene elama,  
\q3 tama hae weyu, nogo eleyu yao.   
\c 33  
\s1 Te Godigo nogi ugwaba sabo balia po dao  
\q1
\v 1 Te doloba pai we bidi dabe,  
\q2 dagego te Genuai Bidigo tigidali  
\q2 sę yalide te wiegi yai homu pemene yao.  
\q1 Dage te Godigo po wali pabo we bidi,  
\q2 dagego te Godigo nogi ugwaba siąo,  
\q3 te dolo naga dao.   
\q1
\v 2 Te musik po kulelego weyu,  
\q2 te Godigo nogi ugwaba sao.  
\q1 Te nogo si string elalubo gita eliyu, te musik agaba wao.   
\q1
\v 3 Te gesi tęąbi po wao.  
\q1 Te gita bugagia eliyu, tama wiegi yai musik mu weyu,  
\q2 tama bomonama i dali wao.   
\q1
\v 4 Magi baso meni, te Genuai Bidigo  
\q2 po da te mu po tama dao.  
\q1 Agai te doloba pai kolesaga wali peyu,  
\q2 te tigidali sę ebo dao.   
\q1
\v 5 Genuai Bidigo te wiegi yai kolesaga tigidali me,  
\q2 tama te doloba pai kolesaga tigidali  
\q3 te wei homu ebo dao.  
\q1 Sesemane sogo Genuai Bidigo  
\q2 te tǫde we bidi tigidali wei eyu, godolo ebo dao.   
\b  
\q1
\v 6 Genuai Bidi Godigo te po naga obadi,  
\q2 tama te giliga, me polua, me hǫ dabe  
\q3 te dagalude pedelai.  
\q1 Awe, agai po naga obaso, tama tigidali nai te ogwade  
\q3 pedelai dao.   
\q1
\v 7 Agai te tamu ąį selama, te deliba naga sisinani,  
\q2 te bidigo te deli sene sospende naga  
\q2 te wę tabibo tiwai gilama yali.  
\q1 Agai te tamu ąi page te aga pesagede  
\q2 aiyadu mu elalumainu yai.   
\q1
\v 8 Te tigidali tǫde bage te Genuai Bidide wi elama,  
\q2 tama aga dologode bidimainu yao.   
\q1
\v 9 Magi baso meni, agai po naga obaso,  
\q2 tama te tǫ pedelali.  
\q1 Agai bomai po waligo, tama tigidali nai elalubao.   
\b  
\q1
\v 10 Genuai Bidigo te we bidi hani dabego  
\q1 homu kolesaga te olo tama hagamainu yaibao.  
\q1 Mu tama, te bidi dabego po miyu,  
\q3 te magi nai me deli nigaiba wali,  
\q2 tama agai augwaligo te sę yabo paliyu,  
\q2 tama te sę mu egobeo.   
\q1
\v 11 Tiali goli, Genuai Bidigo te sę yao po wali da,  
\q2 teda agai po te sesemane bomo elaluaibao.  
\q1 Agai te mena sę me deli yabo  
\q2 homu eyu da, tama te homu yali  
\q2 te sesemane elalua peyu, elalua pabo dao.   
\q1
\v 12 Te hani dabe augwa God te Genuai Bidi bidibao,  
\q2 augwa te wiegi yai homu pemene iyąo.  
\q1 Te bage te aga da olama sa muani bage,  
\q2 te augwa wiegi yai homu pemene yao.   
\q1
\v 13 God te dagalude bidu, tama aiyaba tonalubao.  
\q1 Agai te tigidali tǫde we bidi subo dao.   
\q1
\v 14 Aga te king aga pesagede bidibao,  
\q2 tama te tigidali tǫde we bidiba  
\q3 aiyaba tonalubo dao.   
\q1
\v 15 Aga digi te tigidali we bidigo  
\q2 homu kolesaga pedalumainu ilibo dao,  
\q2 tama te augwaligo ebo kolesaga  
\q3 tigidali konebo dao.   
\q1
\v 16 Te hwįbode te we bidi hanigo kingo  
\q3 te boi bidi aiyaba elaluama,  
\q2 tama te genuai ami dabede naga  
\q3 te boi bidi dabe me sela sągobeo.  
\q1 Te ami dabe augwa bomogo digi  
\q3 te boi bidi aiyaba me elalugobeo.   
\q1
\v 17 Te hwįbo hos dabego te ami dabe tau sobaso,  
\q2 te hwįbo aiyaba elaluainu ebaso, usu egobeo.  
\q1 Tama te hosgo bomogo naga te ami  
\q2 te hwįbode hagabo ma sainu ebaso, usu me egobeo.   
\q1
\v 18 Tiali goli, odao.  
\q1 Genuai Bidigo te aga dologode bidibo  
\q2 we bidi tonalubo dao.  
\q1 Awe, te agai te da godolo ebo kolesaga ebo siligobeo  
\q2 homu ebo we bidi, te augwali agai  
\q3 bugagia tonalubo dao.   
\q1
\v 19 Agai te we bidi dabe augwali tonalu,  
\q2 te augwali me isigobeo.  
\q1 Tama agai augwali te nasi ebo sogo nai mayu yaibao,  
\q1 te augwali bidibo ula dali bidimainu yaibao.   
\b  
\q1
\v 20 Te da Genuai Bidigo tau sabo te dago tonalubao.  
\q1 Genuai Bidigo naga da tau sabo da.  
\q1 Aga te hwįbo sabele tiwai elama,  
\q2 tama da agade duala sabo dao.   
\q1
\v 21 Dago konealubo homu agai  
\q2 wiegi yai nogide dąų obao.  
\q1 Tama tiyu, dago agade  
\q2 wiegi yai homu pemene yao.   
\q1
\v 22 Genuai Bidi, dago konealubo homu dąų olama,  
\q2 tama nago da tau sabo tonalubao.  
\q1 Nago te olo tau sabo wiegi yai kolesaga  
\q1 daba sesemane sogo yao.   
\c 34  
\d Devit te Abimelek dali bidiyu, tama Abimelekigo aga elidali weyu, aga te wabo pabo bidi tiwai bilibaso, tama te Abimelekgo aga sela sąwani. Te Devit pelama, nosali tama te e balia po asęai dao. 1 Sml 21:13-15 suao.  
\s1 Godigo wiegi yai sę Devitba ebaso, tama agai Godigo nogi ugwaba sai  
\q1
\v 1 Te eno Godiba usu da weyu,  
\q2 gedu haluasa po weyu,  
\q2 tama eno aga nogi sesemane sogo ugwaba sobao.   
\q1
\v 2 Te Godigo ena tau sali homu elama,  
\q2 tama eno agaba wiegi yai homu pemene ebo dao.  
\q1 Te sęgę tolobo we bidi augwa te po odama,  
\q2 tama augwa bugai homu mu emainao.   
\q1
\v 3 Dago te Godigo genuai nogide po pusubao.  
\q1 Dago agai nogi ugwaba sao.   
\q1
\v 4 Eno te Genuai Bidiba usu da weyu,  
\q2 te ena tau somainu gedu haluasa po wali,  
\q2 tama agai eno gedu haluasa po wabo odali.  
\q1 Agai te eno homude wi ebo tigidali sela sąnama,  
\q1 tama megi da, ena haliga nagame yai bidibao.   
\q1
\v 5 Te tigidali we bidigo sęgę elaluali,  
\q2 tiali goli te augwa Genuai Bidiba  
\q2 konealubo homu dąų weyu,  
\q2 te augwa wiegi yai homu pemene yaibao.  
\q1 Tama tiyu, te augwa konealubo homu  
\q3 dąų wali te me dolobeo,  
\q2 augwali tede hale munu me egobeo.   
\q1
\v 6 Te sęgę elalubo bidi dabego  
\q2 te Genuai Bidiba gedu haluasa po obaso,  
\q2 tama agai te augwaligo  
\q3 gedu haluasa po wabo odolama,  
\q2 tama augwa te tigidali sęgęde  
\q3 te augwali tau sali.   
\q1
\v 7 Te Genuai Bidigo mobo bidi ensel  
\q3 te Genuai Bidi dologoba pelama  
\q3 bidibo we bidi dabe pąde bidiyu,  
\q2 tama agai augwali tau sobaso,  
\q3 te augwali me dologobeo.   
\b  
\q1
\v 8 Genuai Bidigo wiegi yai kolesaga  
\q2 dabolo ebo dao.  
\q1 Duga digi te usu bugagia selama, suiąo,  
\q2 tama te dagego koneyu,  
\q3 te Genuai Bidi wiegi yai mu da waibao.  
\q1 Te Genuai Bidiba konealubo homu  
\q2 dąų mu wabo bidigo da,  
\q2 aga te bugai haliga mu elama bidaibao. \x * \xo 34:8 \xt 1 Pi 2:3\x*   
\q1
\v 9 Te Genuai Bidigo we bidi dabe,  
\q2 dage te aga dologode bidao.  
\q1 Magi baso meni, te aga dologode  
\q2 bidibo bidi dabe da,  
\q2 te augwali magi nai deli me sǫą pogobeo.   
\q1
\v 10 Awe, te boma pai ogwa bidi laion dabe me sogo  
\q3 te bulu hasa dabe sǫą peyu,  
\q2 tama augwali nasi eyu, augwa bomo kimi isaibao.  
\q1 Tiali goli, te Genuai Bidi wali pabo we bidi dabe da,  
\q1 augwali te wiegi yai nai dabe me sǫą pogobeo.   
\b  
\q1
\v 11 Te dage konea sabo homu ebo bage, dage aselama,  
\q2 tama eno poba olo bugagia muagasao.  
\q1 Eno dage ola menama,  
\q2 tama dage te Genuai Bidi dali wi eyu,  
\q2 aga dologode sesemane bidimainu yaibao.   
\q1
\v 12 Magi ebowe, te nago homugo  
\q3 te nago bidibo ula bugagia  
\q2 pedalumainu homu ebawe?  
\q1 Tama nago homugo te nago bidibo ula  
\q3 te sesabi elama bidimainu eyu,  
\q2 tama nage te bugagia bidiyu,  
\q3 te wiegi yai pemene yabo homu ebawe?   
\q1
\v 13 Te homu nago wei eyu, godolo ebaso da,  
\q2 teda nago te po dwai me wagio,  
\q2 tama nago tibo po me olamuo.   
\q1
\v 14 Tama nago te dwai kolesaga ebo te tudiba muao,  
\q2 tama wiegi yai kolesaga naga wali pao.  
\q1 Nage te gasa we bidi dabe dali  
\q2 te bugagia bidabo sunumi gegeyu,  
\q2 tama te sunumi naga dolo wali pao.   
\q1
\v 15 Genuai Bidigo te doloba pai bidi dabe tonalubao,  
\q2 tama agai te augwaligo usu da weyu,  
\q2 gedu haluasa po wabo odobo dao.   
\q1
\v 16 Tiali goli, agai te dwai sę ebo bidi dabe wei isiąyu,  
\q3 tudi ola mabo dao.  
\q1 Tama agai te augwali ela muyu,  
\q2 tama te we bidigo augwali homu  
\q2 kone ma egobeo. \x * \xo 34:16 \xt 1 Pi 3:10-12\x*   
\b  
\q1
\v 17 Te doloba pai we bidi dabego  
\q2 te Genuai Bidiba usu da weyu,  
\q3 gedu haluasa po obaso,  
\q2 tama agai augwaligo wabo po odobo dao.  
\q1 Agai augwali tau siyu,  
\q2 te sęgęgo augwali me elalugobeo.   
\q1
\v 18 God te sęgę elalubo we bidi dabe pąde bidaibao.  
\q1 Tama agai te we bidigo konealubo homu  
\q3 dąų wali te dolainu ebaso,  
\q2 te augwali tau sabo dao.   
\b  
\q1
\v 19 Mu tama, te sęgę hauwa  
\q3 te doloba pai bidiba pedelaibao,  
\q2 tiali goli, te Genuai Bidigo aga tau siyu,  
\q2 tama te sęgę dabego aga aiyaba me elalugobeo.   
\q1
\v 20 Genuai Bidigo aga mu tonaluaibao,  
\q2 tama agai tigigo dili me deli me  
\q3 togwa pogobeo. \x * \xo 34:20 \xt Jon 19:36\x*   
\q1
\v 21 Te dwai sę ebo bidi dabego haniani  
\q2 dwai kolesaga ebogo augwa digi isaibao.  
\q1 Tama Genuai Bidigo te doloba pai bidi  
\q2 dabeba dene mabo boi bidi dabeba  
\q2 dwai dene mu ilibo dao.   
\q1
\v 22 Godigo te aga sę bidi dabe ma selama,  
\q2 tama augwa bidibo ula dali bidaibao.  
\q1 Tama tigidali we bidigo homu agaba kęą pelama,  
\q2 te agai augwali tonalumainu eyu,  
\q2 te augwali me hagagobeo. Mu menio.   
\c 35  
\d Te Devitgo asęani balia po me deli dao.  
\s1 Te bidigo Godiba gedu haluasa po weyu, te aga tau somainu yai  
\q1
\v 1 Genuai Bidi, nago te ena dali  
\q2 wado yainu elalubo bidi dabeba  
\q2 te nago wado ilao.  
\q1 Te ena dali hwįbo bidi dabe dali te nago hwįao.   
\q1
\v 2 Nago te hwįbo doado bage,  
\q3 me te sabele dali selama,  
\q2 tama nago ena tau sagasao.   
\q1
\v 3 Nago te ene me hwą selama,  
\q2 tama ena te pobeasa bilibo bidi dabe dali hwįao.  
\q1 Nago te po enabolo wao,  
\q2 te ena nage tau sabo bidi da wao.   
\b  
\q1
\v 4 Te bidi dabego ena ela muainu ebao.  
\q1 Nago te hwįyu, augwali elaluama,  
\q2 tama augwali hale ilao.  
\q1 Augwaligo te ena dolabo po mia sali.  
\q1 Nago augwali pobelama,  
\q2 tama augwali kone tua pomainu mu yao.   
\q1
\v 5 Genuai Bidi, nago enselgo te dwai bidi dabe  
\q3 sela sąmainu ilao,  
\q2 te waligo te nosa kakali sela sąbo tiwai yao.   
\q1
\v 6 Te nago enselgo te augwali pobeasa pelama,  
\q2 tama augwaligo sunumi te hulia selama,  
\q2 tama dwai bedege mu pedalumainu ilao.   
\b  
\q1
\v 7 Eno dwai sę augwaliba me isiąwai, tiali goli tagalao,  
\q2 te augwaligo ena dolabo bono  
\q3 gągą dualali elalubao.  
\q1 Tama augwaligo ena tulalumainu yabo  
\q2 tǫ dedage me deli nigai dao.   
\q1
\v 8 Tiali goli, te augwaligo konesiąwai sogo,  
\q2 te augwaligo ena dolomainu te muani bono gągągo,  
\q2 nago te augwa digi polo dolomainu ilao.  
\q1 Tama augwa digi augwa te nigali  
\q2 dedageba tolalumainu yao.   
\b  
\q1
\v 9 Genuai Bidigo te tama tibaso,  
\q2 tama te eno wiegi yai homu pemene agaba yaibao.  
\q1 Te agai ena tau sobaso,  
\q2 te eno bugai homu agaba yaibao.   
\q1
\v 10 Tama te eno usu da po mu te Godiba waibao,  
\q1 “Genuai Bidi, te nage tiwai me deli elalubeo.  
\q1 Nago te bomo meni yai bidi dabe bugagia tau sabo dao,  
\q1 tama te bomo mu ebo bidi dabego  
\q2 augwali dolainu ebo te usu me egobeo.”   
\b  
\q1
\v 11 Te tibo po wabo bidi dabego enaba  
\q2 te eno isiąwani dwai sę meba po  
\q2 enaba kisilama wali.   
\q1
\v 12 Eno wiegi yai kolesaga augwaliba ebadi,  
\q1 tama augwaligo dwai kolesaga enaba wei ponani.  
\q1 Tama tibaso, eno haliga sęgę mu yai.   
\q1
\v 13 Tiali goli, eno augwaliba  
\q2 te tiwai sę me ebeo. Mu menio.  
\q1 Te augwali gasi elalubaso, eno homu dene mu elama,  
\q2 tama eno ugwa dwai gudali.  
\q1 Eno te nai tubo me habu selali,  
\q2 tama tego digi enaba sęgę mani.  
\q1 Tama eno usu da weyu, gedu haluasa po  
\q2 te nago augwali tau somainu wali.   
\q1
\v 14 Te eno abagi me ama teba  
\q2 homu sęgę ebo tiwai yali.  
\q1 Ena te ida isaide te homu dene eyu,  
\q2 gela wabo bidi tiwai bilali.  
\q1 Ena te haliga sęgę mu elama, tama ena te gela weyu,  
\q2 homu dene dali bidali.   
\q1
\v 15 Tiali goli, te sęgęgo ena gegebo sogo,  
\q1 augwali sisinama, te wiegi yai homu pemene yai.  
\q1 Augwali sisinama, ena elaluainu yali.  
\q1 Te eno konesiąwani bidi meba,  
\q2 augwaligo enaba te dwai po  
\q3 kisilibo sę te toma me nabeo.   
\q1
\v 16 Augwaligo posobo po umabo mu weyu,  
\q2 tama enaba sęgę mani.  
\q1 Augwaligo ena wei me isiąma,  
\q2 tama augwaligo enade gebo hulia sali.   
\b  
\q1
\v 17 Genuai Bidi, te nisu naga sogo  
\q2 nago augwali sula tagalogowe?  
\q1 Nago ena ma siyu,  
\q2 tama augwaligo ena me dologobeo.  
\q1 Augwaligo te laiongo ena ela muainu ebo tiwai ebao,  
\q1 tama ena nago te augwali nogode ma sao.   
\q1
\v 18 Te nago tama tibaso da,  
\q2 te eno nageba usu da wabo po  
\q2 te hauwa we bidi sisinibo tomode te po waibao.  
\q1 Mu tama, te eno nago nogi te genuai hani  
\q2 we bidi tomode ugwaba saibao.   
\b  
\q1
\v 19 Te bidi mebago ena dali odolali boi bidi ebao.  
\q1 Tiyu, augwaligo ena aiyaba elalu,  
\q2 te kęnę wabo te nago sula me tagaligio.  
\q1 Augwaligo odolali ena dali dwai homu ebao,  
\q2 tama tiyu, nago eno sęgęde  
\q2 te wiegi yai pemene emainu sula me  
\q3 tagaligio. \x * \xo 35:19 \xt Tib 69:4; Jon 15:25\x*   
\b  
\q1
\v 20 Augwaligo te gasa bidi dabe dali  
\q2 bugagia bidabo po dwasianu me migobeo.  
\q1 Augwaligo te bidibo bulude bugagia bidibo bidi dabe  
\q3 dolabo po weyu ebo dao.  
\q1 Augwa te wiegi yai bidi dabe tibo po ola mayu,  
\q2 dolabo po sisinama mibo dao.   
\q1
\v 21 Augwaligo enaba po kisilama,  
\q2 te genuai po dągą weyu, te tama po wabo dao,  
\q1 “Mu tama, dago te nago dwai kolesaga  
\q2 meba te ebo gedugo sualio,” te po wabo dao.   
\q1
\v 22 Tiali goli, Genuai Bidi, nago  
\q3 te bidi dabe augwali sualio.  
\q1 Tama tiyu, nago pedauwali panialuamuo.  
\q1 Genuai Bidi, nage enade  
\q2 te digibulu me bidilamu dao.   
\q1
\v 23 Nage God, me eno Genuai Bidi,  
\q2 nage hogodama, te ena tau sagasao.  
\q1 Nago ena hasegelama,  
\q2 tama ena tau sabo po hanilama pusao.   
\q1
\v 24 Genuai Bidi, eno God,  
\q2 nago te doloba pai kolesaga ebo dao.  
\q1 Nago ena tau sabo te boi bidi dabego koneama,  
\q2 eno te doloba pai kolesaga wali pabo da po omainao.  
\q1 Te ena dolomainu eyu, augwaligo te kęnę wabo te nago  
\q3 sula me tagaligio.   
\q1
\v 25 Nago te augwade digi augwa po  
\q3 mia siyu, te tama po wali,  
\q1 “Wiegi yai mu da,” te po wabo  
\q2 nago sula me tagaligio.  
\q1 “Te dago yainu yali sę, megi da te sę yalio.”  
\q1 Nago te po augwaligo omainu me igio,  
\q2 “Dago aga dolali dao.”   
\b  
\q1
\v 26 Augwaligo te enaba pedelali sęgęde  
\q2 wiegi yai homu pemene yali.  
\q1 Tama tiyu, nago augwali dwai hale emainu elama,  
\q1 tama augwaligo homu kone mu tuą pomainao.  
\q1 Augwa digi augwa nogi ugwaba siyu,  
\q3 te ena aiyaba elaluainu yali,  
\q2 tama tiyu, nago augwali  
\q3 te hale dwai mu emainu elama,  
\q2 tama augwaligo nogi te aiyaba elaluao.   
\b  
\q1
\v 27 Tiali goli, te gasa bidi dabego  
\q2 homugo nago ena te doloba pai bidi  
\q3 nogi emainu homu eyu,  
\q2 augwa wiegi yai pemene elama i weyu,  
\q2 tama bugai haliga elama bidimainu emainao.  
\q1 Sesemane sogo augwa te po omainao,  
\q1 “Genuai Bidi te polalubo bidi mu da,” waibao,  
\q2 “agai te aga sę bidi bugagia bidimainu  
\q2 godolo ebo dao,” omainao.   
\q1
\v 28 Tama tiyu, te eno nago doloba pai  
\q3 kolesagade po hanilama weyu,  
\q2 tama nago nogi tigidali sogo  
\q1 giligade me, hulide me ugwaba saibao.   
\c 36  
\d Te Devitgo asęani balia po me deli dao.  
\s1 Te dwai kolesaga ebo bidi dabede wali po dao  
\q1
\v 1 Agai dwai sęde sali sęgę te dwai bidigo  
\q2 haligade elalubao,  
\q2 tama te po meba agabolo mabo dao.  
\q1 Te bidigo te Godide wi me egobeo.  
\q1 Mu menio. Agai aga tudiba muaibao. \x * \xo 36:1 \xt Rom 3:18\x*   
\q1
\v 2 Agade digi aga hagoma eyu, te homu ebo da,  
\q1 “Ena te polalubo bidi mu da,” waibao.  
\q1 “Tama tibaso, Godigo te eno ebo dwai sę dabe  
\q2 te me gegegobeo elama,  
\q1 tama agai ena po tų me iligobeo,” wabo dao.   
\q1
\v 3 Sesemane sogo agai te dwai sę yabo po,  
\q2 me te gasa bidi tibo po ola mabo po weyu yaibao.  
\q1 Agai te wiegi yai kolesaga yabo homu  
\q2 te agade me elalubo menio.   
\q1
\v 4 Aga te betide pila mudu,  
\q2 tama te dwai sę yabo kolesaga te  
\q2 homu kone paludaibao.  
\q1 Agai te dwai sę ebo sunumi naga wali pidu,  
\q2 tama te dwai sę ebo kolesaga tudiba me mugobeo.   
\s1 Godigo wiegi yai kolesaga ebo dao  
\q1
\v 5 Genuai Bidi, nago te we bidi  
\q2 godolo ebo kolesaga te dwasianu meni,  
\q2 te godolo ebo dąį te dagaluba usu nigi pali.  
\q1 Nago te mu kolesaga naga wali pabo,  
\q2 tama te me te dwasianu menio.  
\q1 Te dąį te ugwadu mu elalubo pǫba usu nigi palio.   
\q1
\v 6 Te nago doloba pai kolesaga te genui mu elalubao,  
\q2 te bulu du dabe tobage tiwai elalubao.  
\q1 Dago nago te doloba pai po tų ebo page koneainu ebaso,  
\q2 te usu me egobeo.  
\q1 Te aiyanu mu dulali,  
\q2 te tamu ąį aiyanu mu ebo tiwai yai.  
\q1 Genuai Bidi, nago te bidi dabe  
\q2 me te hasa dabe bugagia tonalubaso,  
\q2 te augwali bugagia bidibo dao.   
\b  
\q1
\v 7 God, nago te da godolo ebo kolesaga te siligobeo,  
\q2 tama te wiegi yai mu yai, dago wei homu mu ebao.  
\q1 Tama te we bidi dabe  
\q2 te nageba pelama, duala sabo da,  
\q2 te kakaruk wai dabe te aga idago  
\q2 bogo dologoba duala sabo tiwai gilama ebo dao.   
\q1
\v 8 Nago bede te nai hauwa elalubao,  
\q2 tama tiyu, te we bidi dabe te nai me  
\q2 sǫą pabo menio.  
\q1 Te nago wiegi yai nai te umabo mu elalubao,  
\q2 te soabo genuai wę tiwai eyu,  
\q2 tama nago da te wę tumainu mabo dao.   
\q1
\v 9 Magi baso meni, nage te tigidali  
\q2 naigo bidibo ula page bidi dao.  
\q1 Tama nage te ulago page da.  
\q1 Dago te nagede naga ula siyu,  
\q2 tama da bugagia bidibao.   
\b  
\q1
\v 10 Sesemane sogo nage konebo  
\q2 we bidi te nago augwali wei eyu,  
\q3 godolo mu idu geao.  
\q1 Nago te doloba pai bidi dabe tau siyu,  
\q2 te augwali bugagia bidimainu tau sidu geao.   
\q1
\v 11 Nago ena te hagoma bidi dabego  
\q2 sągągo agamainu me elamuo.  
\q1 Tama ena te dwai bidi dabego sela sąmainu me igio.   
\q1
\v 12 Suao. Te dwai sę ebo bidi dabe  
\q2 te tǫba tulaluama, te pila mubao.  
\q1 Augwali te ma hodalugobeo.   
\c 37  
\s1 Magi nai te wiegi yai bidide, me dwai bidide pedalubo po wai  
\q1
\v 1 Abagi, nago te dwai sę ebo bidi dabego te  
\q2 wiegi yai nai dabe sabode  
\q2 te nago homugo pesa me elamuo.  
\q1 Nago te dwai kolesaga ebo bidi dabego  
\q2 naide haliga dwai me elamuo.   
\q1
\v 2 Te dwasianu sogo naga tama,  
\q2 te dwai sę ebo bidi dabe dolaibao,  
\q2 te nosa wa pabo tiwai eyu,  
\q2 me te ni yabe wa pabo tiwai yaibao.   
\b  
\q1
\v 3 Nago konealubo homu Godiba munama,  
\q2 tama wiegi yai kolesaga yao.  
\q1 Nago tama tiali da, tama nage te naga tǫde sesabi  
\q3 elama bidaibao,  
\q2 tama magi nai me deligo nage me dologobeo.   
\q1
\v 4 Nago Genuai Bidiba wiegi yai pemene yao,  
\q2 tama agai te nago godolo homu ebo  
\q3 nai dabe mawaibao.   
\q1
\v 5 Nago te naga bidibo ula te Genuai Bidi nogoba muao.  
\q1 Te konealubo homu agaba dąų weyu,  
\q2 te agai nage tau saibao.   
\q1
\v 6 Tama tiyu, te agai nago wiegi yai kolesaga  
\q2 te hania pepeli diliba pedalumainu ilama,  
\q2 te giliga ula pedalubo tiwai yaibao.  
\q1 Tama agai te nago doloba pai kolesaga  
\q2 te bidi dabego gedude te pepeli diliba haniliyu,  
\q2 te nai tubode te giliga tomo yagasu  
\q3 ula ebo tiwai yaibao.   
\b  
\q1
\v 7 Nage dua digi te Genuai Bidi pąba pelama, bidao.  
\q1 Te dua digi bidiyu, te agai nage tau sabo tonaluao.  
\q1 Te bidi dabego augwa ebo kolesagade  
\q2 te wiegi yai nai dabe sabode te  
\q3 nago homugo pesa me elamuo.  
\q1 Mu tama, te haniani dwai kolesaga yabo  
\q2 homu ebo bidi dabego ebo homude  
\q2 nago homu kekeli eyu, tama te tiwai sę eyu,  
\q3 pedelabo homu me elamuo.   
\b  
\q1
\v 8 Nago wado po me wasiąyu,  
\q2 tama nago te haliga sębę ebo kolesaga me tagalao.  
\q1 Nago homu te nai dabede kekeli elama,  
\q2 homugo pesa me elamuo.  
\q1 Te kolesagago nage kekelama,  
\q2 te dwai kolesaga emainu yaibao.   
\q1
\v 9 Te dwai sę ebo bidi dabe mu dolaibao.  
\q1 Tiali goli, te konealubo homu dąų olama  
\q2 bidibo we bidi dabego  
\q2 te Genuai Bidigo augwali tau somainu  
\q3 tonaluali we bidi dabe da,  
\q2 te augwali te augwa tǫde bugagia bidaibao.   
\b  
\q1
\v 10 Te pąde tama digi sogo,  
\q2 te dwai sę ebo bidi dabe mu hagawaibao.  
\q1 Te nago augwa pesagede te augwali gegebo sę yaibao,  
\q2 tiali goli nago augwali me sugobeo.   
\q1
\v 11 Tiali goli, te augwa digi augwa  
\q2 aiyaba elalubo we bidi dabe,  
\q2 te augwali te tǫde bugagia bidaibao.  
\q1 Te augwali wiegi yai mu bidiyu,  
\q2 tama wiegi yai pemene elama, bidaibao. \x * \xo 37:11 \xt Mat 5:5\x*   
\b  
\q1
\v 12 Te dwai sę ebo bidigo  
\q2 te wiegi yai bidi dolabo homu eyu,  
\q2 te wado po wabo dao.   
\q1
\v 13 Tiali goli, Genuai Bidigo te sogo me deli  
\q3 te bodolu pedalubo koneyu, tama te sogo  
\q3 te dwai sę ebo bidi dabe dolaibao.  
\q1 Tama tiyu, Genuai Bidigo augwaliba gisugu mabo dao.   
\q1
\v 14 Te dwai sę ebo bidi dabego te bainat hwą dią siyu,  
\q2 tama te enesigi kegelama,  
\q3 te nai meni yai bidi dabe,  
\q2 me te magi doado bage sǫą pabo  
\q3 bidi dabe enainu yaibao.  
\q1 Augwaligo te doloba pai kolesaga  
\q2 wali pabo we bidi dabe ela muabo homu ebo dao.   
\q1
\v 15 Tiali goli, te augwa bainatgo  
\q3 te Godigo augwali isilaibao,  
\q2 tama Godigo te augwaligo enesigi togwa paibao.   
\b  
\q1
\v 16 Te doloba pai bidigo te dwasianu naigo  
\q2 te tigidali dwai bidigo nai hauwa  
\q3 te aiyaba elalueibao.   
\q1
\v 17 Magi baso meni, Genuai Bidigo  
\q3 te dwai bidi dabego bomo silama,  
\q2 tama agai te doloba pai bidi dabe tonalueibao.   
\q1
\v 18 Genuai Bidigo te aga po wali pabo  
\q2 we bidi bugagia tonalueibao.  
\q1 Tama te Godigo augwali mani doado bage,  
\q2 te augwa sesemane sogo tolalueibao.   
\q1
\v 19 Te dwai sogode te sęgęgo augwali me gegegobeo.  
\q1 Tama te nasi ebo sogo, te augwa nai hauwa elalu,  
\q2 te augwali nai me sǫą pogobeo.   
\q1
\v 20 Tiali goli, te dwai sę ebo bidi dabe,  
\q2 augwali da, mu dolaibao.  
\q1 Te Genuai Bidigo boi bidi dabe augwali te hagawaibao,  
\q1 te wiegi yai plauago, me nosaigo au tǫba tegaluama,  
\q2 te hagabo tiwai gilama yaibao.  
\q1 Mu tama, te augwali te sia hano  
\q2 te dwasianu sogo naga elaluama,  
\q2 tama te hano pela silibo tiwai gilama ebo dao.   
\b  
\q1
\v 21 Te dwai sę ebo bidigo te nai dabede negeli selama,  
\q2 tama agai te negeli sali wei me ponogobeo.  
\q1 Tiali goli, doloba pai bidigo te wiegi yai kolesaga eyu,  
\q2 tama agai te gasa bidi dabeba te nai olo mabo dao.   
\q1
\v 22 Te Genuai Bidigo wiegi yai po  
\q2 augwaliba wabo we bidi da,  
\q2 te augwali te bugagia tǫde bidaibao.  
\q1 Tiali goli, te Genuai Bidigo te dolomainao po wali  
\q2 we bidi dabe da, teda agai augwali sela sąwaibao.   
\q1
\v 23 Genuai Bidigo te we bidi  
\q2 bilibo dodolobo sę ebo dao.  
\q1 Te agai bidi me deligo kolesaga  
\q2 wei eyu, godolo ebaso da,  
\q1 agai te aga dolasa bilimainu dąų walaibao.   
\q1
\v 24 Tama te bidi tulalubaso, tagalao,  
\q2 aga te mu dologobeo.  
\q1 Magi baso meni, Genuai Bidigo  
\q2 te aga nogo tola selama,  
\q1 tama aga ma dolugulumainu ebo dao.   
\b  
\q1
\v 25 Polobadu ena gesi ogwa bidi bidali,  
\q2 tama megi da ena monu dabe yalio,  
\q2 tiali goli te Godigo doloba pai bidi  
\q3 me deli tudiba mubo te eno me subeo.  
\q1 Tama te doloba pai bidi dabego  
\q2 wai dabe te nai sǫą pabo te eno me susiąyu,  
\q2 tama te gasa bidigo augwali  
\q3 tau somainu i me wabeo. Mu menio.   
\q1
\v 26 Te sesemane sogo  
\q2 te doloba pai kolesaga  
\q2 ebo bidigo te olo mu tau sabo  
\q2 wiegi yai kolesaga eyu,  
\q1 tama te gasa we bidi dabeba nai  
\q2 hauwa mayu ebo dao,  
\q1 tama augwa wai dabego  
\q2 te aya ida wiegi yai homu  
\q2 pemene ilibo sę ebo dao.   
\q1
\v 27 Nago te tigidali dwai kolesaga tudiba munama,  
\q2 tama wiegi yai kolesaga naga yao.  
\q1 Te tiwai nago ebaso da,  
\q2 teda nago nosali pedalubo hani bage  
\q2 augwaligo te tǫde sesabi elama,  
\q2 bugagia bidada paibao.   
\q1
\v 28 Magi baso meni, Godigo te doloba pai kolesaga ebo  
\q2 we bidi wei eyu, godolo mu ebo dao.  
\q1 Agai te aga we bidi hagamainu me egobeo.  
\q1 Sesemane sogo Genuai Bidigo te  
\q2 we bidi dabe dolasa bilimainu tonalueibao.  
\q1 Tiali goli, te dwai bidi dabego  
\q2 wai dabe da, te mu dolaibao.   
\q1
\v 29 Tiali goli, te doloba pai bidi dabe da,  
\q3 te Godigo augwa mani tǫ saibao,  
\q2 tama augwa tede sesemane sogo bidada paibao.   
\b  
\q1
\v 30 Doloba pai bidigo te wiegi yai  
\q3 kolesaga koneani elalu,  
\q2 tama wiegi yai po naga pusaibao.  
\q1 Agai te doloba pai kolesagade po mibo dao.   
\q1
\v 31 Te Godigo bomai po aga homude elalu,  
\q2 tama agai God wali peyu,  
\q2 tama te bomai po me tagalogobeo.   
\b  
\q1
\v 32 Te dwai sę ebo bidi geme dualalu,  
\q2 tama te doloba pai bidi tonalueibao,  
\q2 tama aga ela muabo sunumi gegeyu tebo dao.   
\q1
\v 33 Tiali goli, Genuai Bidigo te doloba pai bidi  
\q1 te dwai bidigo ela mumainu me tagalogobeo. Mu menio.  
\q1 Tama te dwai sę ebo bidigo  
\q3 te doloba pai bidi po tų ilibaso da,  
\q2 teda Genuai Bidigo agai te doloba pai bidi  
\q3 te po tųde aiyaba elalumainu me  
\q3 sula tagalu me gogologobeo.   
\q1
\v 34 Nago konealubo homu Genuai Bidiba dąų olama,  
\q2 tama agai po dolo wali peyu,  
\q2 tama agai kolesaga wali pao.  
\q1 Nago te tiwai eyu da, teda agai nageba  
\q3 te genuai nogi mayu,  
\q2 tama nago te agai nageba mani tǫ tolalu bidaibao.  
\q1 Tama agai te dwai sę ebo bidi dabe  
\q2 dolobo te nago sueibao.   
\b  
\q1
\v 35 Eno suali, te dwai sę ebo bidigo  
\q2 genuai bomo elalubao, tama agai te we bidi dabe  
\q3 aiyaba elalu, te Lebanonde elalubo  
\q2 te moni ni sidago te gasa ni dabe aiyaba elalubo  
\q3 tiwai gilama ebo dao.   
\q1
\v 36 Tiali goli, nosali ena te badu ma pali,  
\q2 tama aga te munu ma elalubeo.  
\q1 Eno aga gegebo sę yali,  
\q2 tiali goli eno aga me subeo. Mu menio.   
\q1
\v 37 Nago te magi dwai sę me deli isąwai  
\q3 bidide homu kone paliyu,  
\q2 tama te doloba pai bidi suabo homu yao.  
\q1 Te gasa we bidi dabe dali  
\q2 dua digi bidibo bidi yaibaso da,  
\q2 teda aga hani te sesemane sogo bidaibao.   
\q1
\v 38 Tiali goli, Genuai Bidigo  
\q2 te dwai sę ebo bidi dabe te mu dolaibao.  
\q1 Te augwa hani wąį nǫų dabe  
\q2 augwali nosali te mu menia saibao.   
\b  
\q1
\v 39 Genuai Bidigo digi te doloba pai dabe ma sabo dao.  
\q1 Te sęgę augwaliba pedalubo sogo,  
\q2 augwali te udulama, agaba pobaso,  
\q2 tama agai augwali tonalubo dao.   
\q1
\v 40 Augwaligo konealubo homu agaba dąų wai.  
\q1 Tama tiyu, agai augwali tau siyu, tama agai augwali  
\q3 te dwai bidi dabego nogode dobola selama,  
\q2 tama augwa bugagia bidibo dao.   
\c 38  
\d Te Devitgo asęani balia po me deli dao.  
\s1 Te sęgę elalubo bidigo gedu haluasa po wai  
\q1
\v 1 Genuai Bidi, nago wado yabo homu elalubao,  
\q2 tiali goli nago enaba wado me iligio.  
\q1 Nago haliga sębę yai,  
\q2 tiali goli nago enaba dene me magio.   
\q1
\v 2 Nago ene dabego nago ena mu enama,  
\q2 tama naga nogogo nago ena aiyaba elaluali.   
\b  
\q1
\v 3 Nago enaba wado ebaso, tama ena dwai gasi yai.  
\q1 Eno sęgę elalubaso,  
\q2 tama eno tigi bomo mu meni yai.   
\q1
\v 4 Te ena sęgę dabego te ena mesegelama,  
\q2 tama te sęgę dabe te eno walu tolai  
\q3 sęgę tiwai elama, tama sęgę mu ebo dao.   
\q1
\v 5 Te eno tigide elalubo kenide  
\q2 te keni bole hauwa elalu, tama te kugumini mu ebao.  
\q1 Eno te geda mubo kolesaga mu eyu,  
\q2 tama te sę enaba pedelai.   
\q1
\v 6 Eno haligade te genuai sęgę mu elama,  
\q2 tama ena dolobao.  
\q1 Te tigidali side ena homu dene eyu,  
\q2 tama gela naga wabo dao.   
\q1
\v 7 Eno tigi te posolo mu eyu, te siago dabo tiwai ebao,  
\q2 tama ena genuai gasi mu elalubao.   
\q1
\v 8 Ena mu dolama, tama ena dwai bidali,  
\q2 te magi nai me deligo ena bomonama agabo tiwai  
\q2 gilama yali.  
\q1 Eno haligade te dwai homu mu yali,  
\q2 tama ena te genuai denede i me weyu yali.   
\b  
\q1
\v 9 Genuai Bidi, nago te eno bomai homu  
\q2 wei ebo koneani.  
\q1 Eno haligago dwai gela wabo,  
\q2 tama nagede tebo te geme me  
\q3 dualalubeo.   
\q1
\v 10 Te eno hoboludu sę bomo mu ebaso,  
\q2 tama eno bomo te mu sia salio.  
\q1 Te eno gedu hulia selama,  
\q2 tama eno bugagia ma tonosiąbo dao.   
\q1
\v 11 Te eno abagi, me hai namu dabe,  
\q2 te augwali ena pąba asabo homu isąwai.  
\q1 Augwaligo te eno keni suabo homu isąwai.  
\q1 Tama ena hani sibi dabe augwali te digibulu bidibao.   
\q1
\v 12 Te ena ela muainu ebo bidi dabe,  
\q2 augwaligo te ena tola somainu yabo  
\q2 bono gągą sisi elama, muani.  
\q1 Te ena dolainu ebo bidi dabe,  
\q2 augwaligo te enaba dwai sę yabo po miani.  
\q1 Tama sesemane sogo augwaligo enaba  
\q2 dwai sę yabo homu kolesaga ebo dao.   
\b  
\q1
\v 13 Tiali goli, ena te olo degai bidi tiwai elama,  
\q2 tama eno augwaligo wabo po me odobeo.  
\q1 Ena te pedauwali pania sai tiwai elama,  
\q2 tama eno pedauwali me a me wabeo.   
\q1
\v 14 Ena te po odisąbo bidi me deli  
\q2 tiwai gilama yali, tama eno augwaliba  
\q3 te po wei me ponobeo.   
\q1
\v 15 Tiali goli, Genuai Bidi,  
\q2 eno konealubo homu nageba dąų wali.  
\q1 Genuai Bidi, nage eno God da,  
\q2 te naga digi enaba te po  
\q3 wei ponomainu yaibao.   
\q1
\v 16 Eno te tama gedu haluasa po wali,  
\q2 “Nago te boi bidi dabego ena aiyaba elaluama,  
\q2 tede kęnę omainu me elamuo,” wali.  
\q1 “Te ena dwasianu tula mubo sogo,  
\q3 nago te augwali hagoma eyu,  
\q2 wiegi yai homu pemene emainu me igio,” wali.   
\q1
\v 17 Magi baso meni, te pąde ena tulaluainu eyu,  
\q2 tama ena sesemane sogo dene ebo dao.   
\b  
\q1
\v 18 Eno dwai sę yali po nageba pusali,  
\q2 tama ena yali sęgęde ena homu dene yai.   
\q1
\v 19 Te eno boi bidi tigidaligo te bomo mu ebao.  
\q1 Te bidi hauwa umabogo  
\q2 te enaba odolali boi bidi ebao.   
\q1
\v 20 Eno dwagi yai kolesaga augwaliba ebadi,  
\q2 tiali goli augwaligo enaba  
\q3 dwai kolesaga wei ponoyu yai.  
\q1 Eno te wiegi yai kolesaga wali pobadi,  
\q2 tama tede augwaligo homu koneama,  
\q2 tama enade augwa boi bidi pedelali.   
\b  
\q1
\v 21 Genuai Bidi, nago ena me tagaligio.  
\q1 Eno God, nage te enade digibulu me bidigio.   
\q1
\v 22 Genuai Bidi, nage da ena ma dobola sabo bidi da.  
\q1 Nago ena polo tama tau sao.   
\c 39  
\d Te Devitgo asęani balia po me deli dao.  
\s1 Te sęgę elalubo bidigo po wali  
\q1
\v 1 Eno po te tama wali,  
\q1 “Eno te ena ebo kolesaga tigidali te bugagia  
\q2 tonalueibao,” po wali.  
\q1 “Tiyu, te ena wali pode sęgę sidalio.  
\q1 Te dwai sę ebo bidi dabe ena pąde bidibo sogo da,  
\q2 teda eno po deli me wagobeo,” wali.   
\q1
\v 2 Tialima, eno pedauwali pania selama,  
\q2 tama eno po deli me wabeo.  
\q1 Tama eno te wiegi yai naide me po me deli me wabeo.  
\q1 Tiali goli, eno haliga sęgę te genuai mu pedelalio.   
\q1
\v 3 Tama eno moni homu mu yai.  
\q1 Eno homu kone palubo sę idubadi,  
\q2 tama eno haliga te mu dwai yali.  
\q1 Tialima, megi da, eno pedauwali  
\q3 pania sobaso, usu egobeo. Menio.   
\q1
\v 4 Eno Godiba te tama po hanalu wai,  
\q2 “Genuai Bidi, te ena bidabo ulade  
\q3 te nisu naga kibu be elalubawe?  
\q1 Te mena sogo ena isigowe?  
\q1 Te eno bidabo ula te pęwadage sogo  
\q3 naga elalubo homu ebao.  
\q1 Nago enabolo pusa mao,” po wali.   
\b  
\q1
\v 5 Nago ena bidabo bodolu  
\q2 te pęwadage sogo mu muani elalubao.  
\q1 Te nago gedude ena te bidabo bodolu muani,  
\q2 te olo bage tiwai yali.  
\q1 Tigidali bidi te wali tiwai eyu,  
\q2 te bidi me deligo te pedauwalide  
\q2 ponobo tiwai gilama ebo dao.   
\q1
\v 6 Tigidali bidi te ni noma te giligade elalubo tiwai ebao.  
\q1 Augwa te doado bage hauwa sabo sę dene ebadi,  
\q2 tiali goli, augwa te sę dene odolali hagayu yai.  
\q1 Te bidi dabego doado bage hauwa sisinani,  
\q2 tiali goli, augwali isibo si,  
\q1 dego sogowe, te augwaligo me konebeo.   
\b  
\q1
\v 7 Tiali goli, Genuai Bidi, megi eno magi nai  
\q2 tonalubowe? Menio.  
\q1 Eno konealubo homu nageba dąų weyu,  
\q2 tama nago naga ena tau sabo tonalubao.   
\q1
\v 8 Nago ena ma selama,  
\q2 tama eno sęgę tigidali sela sąyao.  
\q1 Nago te kolesaga geda mubo bidi dabego  
\q2 te enaba posobo po omainu me elamuo.   
\q1
\v 9 Tiali goli, eno da po me wagobeo.  
\q1 Eno pedauwali pania saibao.  
\q1 Magi baso meni, nago digi te dene mabo sę enaba yali.   
\q1
\v 10 Nago ena me dolamuo dao.  
\q1 Nago ena dene mu menama,  
\q2 tama pąde ena isainu ebao.   
\q1
\v 11 Nago te bidi me deliba wado eyu,  
\q2 tama aga yali sę wei ponoyu ebo dao.  
\q1 Tama nago te agai godolo ebo nai te mu siliyu yaibao,  
\q2 te asobago te ugwa togobo tiwai eyu,  
\q1 tama te ugwa dolobo tiwai ebao.  
\q1 Mu tama, tigidali bidi pedauwalide  
\q2 te po mobo wali asobo tiwai ebo dao.   
\b  
\q1
\v 12 Genuai Bidi, nago eno gedu haluasa po odao.  
\q1 Nago te eno i waboba olo bugagia muao.  
\q1 Te eno nageba i wabo sogo, nago olo pania selamuo.  
\q1 Nago koneani, ena te dwasianu sogo  
\q2 nage dali te tǫde bidaibao.  
\q1 Ena te ena wąį nǫų dabe tobage tiwai dao,  
\q1 augwali me te pęwadage sogo naga te tǫde bidai dao.   
\q1
\v 13 Nago enaba te dene mabo sę me elamuo.  
\q1 Enabolo sula tagalu, te ena haliga wiegi yai  
\q2 ma emainu yao.  
\q1 Tama nosali ena isibaso, te tǫ mu taga paibao.   
\c 40  
\d Te Devitgo asęani balia po me deli dao.  
\s1 Te God nogi ugwaba sabo tęąbi po dao  
\q1
\v 1 Ena dua digi bidiyu,  
\q2 tama eno te Genuai Bidigo ena  
\q2 tau sabo tonalu bidai.  
\q1 Tama agai te olo tau sabo wiegi yai kolesaga enaba eyu,  
\q2 tama eno gedu haluasa po wabo odali.   
\q1
\v 2 Ena te aiyaba mu igulai genuai dedage  
\q3 tomode bidibo bidi tiwai bidiyu,  
\q2 tama ena dolainu ebaso,  
\q2 tama Genuai Bidigo ena kegelama,  
\q2 tama ena ugwaba holali.  
\q1 Ena te pu węde mu dąų olama,  
\q2 tama tego ena tola sai elalu,  
\q2 tama Genuai Bidi agai ena tedu gudulama,  
\q2 tama ena te masigi elalubo madiba dodolama,  
\q2 tama ena bomonama ma pai dao.   
\q1
\v 3 Agai te gesi tęąbi po me deli enaba mani,  
\q2 te agaba konealubo homu dąų wabo  
\q1 God nogi ugwaba sabo tęąbi po dao.  
\q1 Te bidi hauwago te agai enade yali sę  
\q3 po odolama, tama augwa wi elama,  
\q2 tama augwa te Genuai Bidiba  
\q3 konealubo homu dąų omainu yaibao.   
\q1
\v 4 Bidigo konealubo homu te  
\q1 Genuai Bidiba dąų wabo bidi da,  
\q2 te aga wiegi yai homu pemene yao.  
\q1 Te hagoma ebo bidi dabe wali pisąbo bidi tiwai,  
\q2 tama te Genuai Bidi me tagalisiąma,  
\q2 tama te tibo god dabeba lotu po me wagobeo.  
\q1 Mu menio.   
\q1
\v 5 Genuai Bidi, eno God,  
\q2 nago te da tau sabo sę wiegi yai hauwa yali.  
\q1 Te nage tiwai bidi me elalubeo.  
\q1 Nago augwali aiyaba mu elaluali.  
\q1 Eno te bidi dabeba po pusuyu,  
\q2 tama nago sę me homude po weyu da, ya tegobao!  
\q1 Te umabo umabo mu yaibao.  
\q1 Eno nedebaso, usu me egobeo.   
\b  
\q1
\v 6 Nago te augwaligo elama ofa ebo  
\q2 kibu dabe te wei ebeo.  
\q1 Te tobage augwaligo  
\q2 te siaba tigidali ulama domainu  
\q2 te sęgę sela sąbo ofa, te me nago wei me isiąwai.  
\q1 Tiali goli, nago eno homu hodolobaso,  
\q2 tama eno nago po wali pabo dao.   
\q1
\v 7 Tialima, megi eno e tama obao,  
\q2 “Suao. Ena asalio.  
\q1 Te nago bomai po elalubo bukude nago homugo  
\q2 te eno emainu yabo sę asęanio.   
\q1
\v 8 Eno God, eno te nago  
\q2 homu wali pabo wei mu ebao.  
\q1 Te nago bomai po te ena haliga tomode  
\q2 elalubao.” \x * \xo 40:8 \xt Hib 10:5-7\x*   
\b  
\q1
\v 9 Genuai Bidi, eno te nago bukude po pusubo sę  
\q1 te nago we bidi dabe sisinibo tomode wai dao.  
\q1 Eno te tama po wai,  
\q2 “Genuai Bidigo te da ma sabo dao.”  
\q1 Genuai Bidi, nago koneani,  
\q2 eno te po sesemane pusaibao.  
\q1 Eno pedauwali me pania sogobeo.   
\q1
\v 10 Nago ena tau selama, tama ena ma sali,  
\q2 tama te eno me geme dualubeo.  
\q1 Te nago naga mu po te wali pelama,  
\q2 tama te nago da ma sabo da po eno pusalio.  
\q1 Nago te tigidali we bidi wei mu eyu,  
\q2 tama nago mu kolesaga wali pobaso,  
\q2 tama eno te lotu wainu sisinibo  
\q3 we bidi dabeba eno me dualubeo.  
\q1 Menio, eno augwaliba wai dao.   
\b  
\q1
\v 11 Genuai Bidi, eno koneani,  
\q2 te nago homu dene eyu,  
\q2 tau sabo sę ebo te palia sogobeo.  
\q1 Menio, nago ena sesemane sogo homu ebo dao.  
\q1 Nago ena wei eyu, tama naga mu po te wali peyu,  
\q2 tama tebo kolesagade te nago  
\q3 ena sesemane sogo tonalubo dao.   
\s1 Agai te Godiba gedu haluasa po weyu, aga tau somainu yali  
\q1
\v 12 Te sęgę hauwa enaba pedelali,  
\q2 tama te augwali eno nedebaso, usu egobeo.  
\q1 Te dwai kolesaga dabe eno yali,  
\q3 tego ena aiyaba elalualio,  
\q2 tama eno bugagia me tonono me ebeo.  
\q1 Te dwai kolesaga hauwa mu pedelama,  
\q2 tama te eno tobolude elalubo  
\q2 tobolu nisi namba te aiyaba elaluai.  
\q1 Eno homu kolesaga tigidali tuloluai,  
\q2 tama ena bomo meni yai dao.   
\q1
\v 13 Genuai Bidi, ao, te nago ena ma sao.  
\q1 Genuai Bidi, te nago ena polo tau sao.   
\q1
\v 14 Te bidi mebago ena ela muainu ebao.  
\q1 Nago augwali elalu,  
\q2 tama augwali homu kone mu tuą palama,  
\q2 te augwali dwai hale somainao.  
\q1 Te bidi dabego eno sęgęde wiegi yai pemene ebao,  
\q3 nago augwali ma sela sąnama,  
\q2 tama augwali te elaluao.   
\q1
\v 15 Te bidi dabego enaba posobo po weyu, kęnę wali.  
\q1 Nago augwali te hale mu elalumainu yao,  
\q2 te augwa yali kolesagade  
\q3 dwai midigi mu somainu yao.   
\b  
\q1
\v 16 Tiali goli, eno homugo te nage koneani bidi dabego  
\q2 da, augwa te nageba wiegi yai pemene eyu,  
\q2 tama bugai homu elama bidaibao.  
\q1 Te nage godolo mu idubo we bidi dabe,  
\q2 te nago augwali ma sao, augwa te po omainu yao,  
\q1 “Genuai Bidi te polalubo bidi mu da,” omainao.   
\q1
\v 17 Tiali goli, ena te bomo meni yai bidi,  
\q2 tama ena te tigidali doado bage sǫą pai elalubao.  
\q1 Tama nage, Genuai Bidi, nago ena homu koneani.  
\q1 God, nago digi nago ena tau sabo bidi da,  
\q2 tama nago ena ma sabo dao.  
\q1 Nago me tonalugio, nago ena polo tau sao.   
\c 41  
\d Te Devitgo asęani balia po me deli dao.  
\s1 Gasi yai bidigo te Godiba gedu haluasa po weyu, te Godigo aga usu ma ilimainu yai  
\q1
\v 1 Bidigo te magi doado bage meni yai bidiba  
\q2 homu kone palama,  
\q2 tama augwali tau sabo bidi da,  
\q2 te bidigo homu wiegi yai pemene yao.  
\q1 Te sęgę agaba pedalubo sogode,  
\q2 te Genuai Bidigo aga tau saibao.   
\q1
\v 2 Godigo te aga tonalu,  
\q2 tama aga bidibo ula dąų walaibao.  
\q1 Tama Genuai Bidigo te aga pesagede  
\q2 bugagia bidimainu ilaibao.  
\q1 Tama te Genuai Bidigo te boi bidi dabego  
\q2 aga dolomainu me iligobeo.   
\q1
\v 3 Te bidi aga gasi elalubo sogo,  
\q2 te Genuai Bidigo aga tonalubao.  
\q1 Agai te aga gasi usu ma ilama,  
\q2 tama aga bomo ma somainu ebo dao.   
\b  
\q1
\v 4 Tiali goli, ena digi eno te po wali,  
\q1 “Genuai Bidi, eno nageba dwai sę yali,” po wai.  
\q1 “Tiali goli nago te olo tau sabo  
\q3 wiegi yai kolesaga enaba eyu,  
\q2 tama eno gasi silao,” wali.   
\q1
\v 5 Te eno boi bidi dabego enade dwai haliga eyu,  
\q2 tama augwa te po wai,  
\q1 “Te aga polo isibaso, te dago homu kone agade ebo  
\q3 tagalaibao.”   
\q1
\v 6 Te bidi mebago ena suagasu,  
\q2 tama augwa enade odolali po miani.  
\q1 Augwaligo te ena gasi dwai ebo po odainu yali.  
\q1 Tama nosali augwa buluba dią soyu,  
\q2 tama augwaligo ena te gasi ebo po  
\q2 te tigidali habude te po pusubo dao.   
\q1
\v 7 Tigidali bidigo ena wei me isąyu,  
\q2 te augwaligo eno gasi po geme wabo dao.  
\q1 Augwaligo homugo te dwai nai mugo  
\q2 ena dolomainu homu ebo dao.   
\q1
\v 8 Augwa te tama po wai,  
\q2 “Te dwai naigo aga salio,” wali.  
\q2 “Te aga ma hodalubaso, te usu egobeo.  
\q2 Te aga isaibao,” wai.   
\q1
\v 9 Eno abagi me deli elaluai,  
\q3 aga te eno hai namu mu tama,  
\q2 tama aga te ena dali nai tuyu yai.  
\q1 Tiali goli, aga me te eno boi bidi pedelali.\x * \xo 41:9 \xt Mat 26:23; Mak 14:20; Luk 22:21; Jon 13:18\x*   
\b  
\q1
\v 10 Genuai Bidi, nago te olo tau sabo  
\q3 wiegi yai kolesaga enaba eyu,  
\q2 tama e gasi silimainu yao,  
\q2 tama te eno te bidi dabe augwa yali  
\q3 kolesaga wei ponaibao.   
\q1
\v 11 Te boi bidi dabego ena dolisąbaso da,  
\q2 teda eno koneyu,  
\q2 te nago ena godolo eba homu yaibao.   
\q1
\v 12 Nago suali, te ena dolo bilibaso,  
\q2 tama nago ena tonaluali,  
\q2 tama nago ena te naga pąde sesemane dolaluaibao.   
\b  
\q1
\v 13 Dago te Genuai Bidi nogi ugwaba sao,  
\q2 aga te da Israel dabego God dao.  
\q1 Tama te nosali pedalubo hani  
\q2 augwa te tama naga tiaibao.  
\q1 Te mu dao. \x * \xo 41:13 \xt Tib 106:48\x*   
\c 42  
\ms1 Buku 2  
\mr (Tib 42–72)  
\d Polobadu mu te dago megi wabo Tib 42 dali, Tib 43 dali te balia po me deli naga elaluali. Tiali goli, nosali augwaligo te balia po pedama, tama megi dago te balia po si badu elalubao. Tama te balia side elalubo po page te deli page dao, te bidi aga page bulude homu dene mu eyu, tama Genuai Bidi Godibolo aga gedu haluasa po obao. Te Kora hani dabego asęani balia po me deli dao.  
\s1 Te aga bulu digibulu bidibo bidigo gedu haluasa po wali  
\q1
\v 1 Uni hasa te węde nogene eyu,  
\q2 tama te tubo dwasianu węba  
\q2 udua pabo dao.  
\q1 Tama te tiwai naga, God, eno homu wei eyu,  
\q2 te nage pąde bidabo homu ebao.   
\q1
\v 2 God, nage te bidibo ula elalubo God da,  
\q2 tama eno nage wei homu mu ebao,  
\q3 te bidi aga dogoni wa pobaso,  
\q3 te wę tuainu ebo tiwai yaibao.  
\q1 God, mena sogo te ena nageba aselama,  
\q2 tama te moni lotu be tempelde  
\q3 nageba lotu wagowe?   
\q1
\v 3 Sesemane sogo te bidi dabego enaba te tama po wali,  
\q2 “Te nago God mena bidibawe?”  
\q1 Tama tibaso, ena sesemane sogo gela udubo sę yali.  
\q1 Te eno gedu ąį te eno siade me hulide  
\q2 nai tubo tiwai gilama yali.   
\q1
\v 4 Eno te polobadu wiegi yai homu elaluali sogo  
\q3 homu kone palama,  
\q2 tama eno haliga sęgę mu yali.  
\q1 Polobadu ena te hauwa we bidi dali bilali,  
\q2 tama ena poligi pelama,  
\q2 tama augwali te Godigo beba odasa pai.  
\q1 Da pelayu, tama wiegi yai pemene ebo i me wali,  
\q2 tama Godiba usu da wabo tęąbi po wali.  
\q1 Te sogo da tigidali te olo bidibo side sisinani.   
\q1
\v 5 Magi baso ena sesemane sogo  
\q2 te haliga sęgę ebawe?  
\q1 Magi baso eno haliga midigi ebawe?  
\q1 Eno konealubo homu te Godiba dąų olama,  
\q2 tama agai ena tau sabo tonalueibao.  
\q1 Aga te eno God da, tama ena tau sabo da.  
\q1 Tama tiyu, eno aga nogi ugwaba ma saibao.   
\q1
\v 6-7 Te boi bidi dabego ena te augwa  
\q3 buluba odasa asobaso,  
\q2 tama megi eno page bulu te digibulu mu elalubao.  
\q1 Tama tibaso, eno haliga sęgę mu ebao.  
\q1 Tama tiyu, God, eno homu kone nageba ebao.  
\q1 Nago te enaba te haniani genuai sęgę menama,  
\q2 tama augwaligo ena mesegelali,  
\q3 te moni soabo ąį tiwai dao.  
\q1 Tama te masigi yai madi soabo wę  
\q2 te aiyaba sabo duluyu,  
\q2 te węgo kulukulu umabo mu wabo dao.  
\q1 Te tiwai me te enaba pedelali sęgę dabego  
\q2 te eno homu kone tųą pali.  
\q1 Nago te biksi peda pomainu elama,  
\q2 tama pepeda pomainu yali,  
\q2 tama te nambisde tǫ mesegebo dao.  
\q1 Tama te tiwai naga nago enaba  
\q2 te muani sęgę tigidaligo te ena mesegelibo dao.   
\q1
\v 8 Tiali goli, eno homugo te Genuai Bidigo enabolo  
\q2 te olo tau sabo kolesaga te giligade emainu yali.  
\q1 Tama te hulide eno te agaba usu da weyu,  
\q2 gedu haluasa po wabo tęąbi po waibao,  
\q2 tama te ena bidabo ula mabo Godiba te usu da po  
\q2 wabo gedu haluasa po waibao.   
\q1
\v 9 God da, te ena seselalubo bidi mu dao,  
\q2 tama eno agaba te tama po obao,  
\q1 “Magi baso nago enaba homu kone ebo tagalubawe?  
\q1 Magi baso nago ena te boi bidi dabego elalumainu eyu,  
\q1 tama ena te haliga sęgę emainu ebawe?”   
\q1
\v 10 Te sesemane sogo te boi bidi dabego  
\q2 enaba te tiwai kęnę po weyu,  
\q1 “Te naga God mena bidibawe?” po wabo.  
\q1 Te pogo te ena tigide te ene enama,  
\q2 tama ena isainu ebo tiwai yai.   
\q1
\v 11 Magi baso ena haliga sęgę sesemane sogo ebawe?  
\q1 Magi baso eno haliga midigi ebawe?  
\q1 Ena te Godiba konealubo homu dąų olama,  
\q2 tama agai ena tau sabo tonalueibao.  
\q1 Aga te eno God da, tama ena tau sabo dao.  
\q1 Tama tiyu, eno aga nogi ugwaba ma saibao.   
\c 43  
\s1 Aga bulu taga pelama, digibulu bidibo bidigo gedu haluasa po wai  
\q1
\v 1 God, te bidi dabego nage tudiba muyu,  
\q2 te augwaligo ena aiyaba elaluainu  
\q2 homu ebao.  
\q1 Nago ena tau selama,  
\q2 tama augwaligo te dwai po wabo togolama,  
\q2 tama augwaliba eno ebo  
\q3 wiegi yai kolesaga naga ola mao.  
\q1 Augwali te tibo po wabo bidi dabe da,  
\q2 tama augwaligo kolesaga te dolo me isąwai.  
\q1 Nago ena tau selama,  
\q2 tama augwali nogode ena ma dobola sali.   
\q1
\v 2 Magi baso meni, nage naga, nage eno God da.  
\q1 Ena nageba aselama,  
\q2 tama te dwai bidi dabede geme duala sali.  
\q1 Tialima, magi baso nago  
\q3 ena homu ebo gegeda palubawe?  
\q1 Magi baso te boi bidi dabego ena aiyaba elaluama,  
\q2 tama ena haliga sęgę  
\q3 dwai mu iduaibawe?   
\q1
\v 3 Nago te naga mu po ola toliyu,  
\q2 tama nago ula me asiyu,  
\q2 tama enabolo sunumi ola mobaso da,  
\q2 teda ena te naga tedali bulu du dolo  
\q3 te Saionba pelama digi,  
\q2 tama te nage bidibo lotu be tempelba  
\q3 paibao.   
\q1
\v 4 Tama tialima, ena te God, nago alta sai teba paibao.  
\q1 Magi baso meni, nago ena wiegi yai  
\q3 haliga iliyu, te pemene ilibo dao.  
\q1 Nage eno God da, te eno gita selama, te musik weyu,  
\q2 tama nago nogi ugwaba sabo tęąbi po naga waibao.   
\q1
\v 5 Magi baso ena haliga sęgę sesemane sogo elalubawe?  
\q1 Magi baso eno haliga dwai midigi sobawe?  
\q1 Eno konealubo homu Godiba dąų weyu,  
\q2 tama te agai ena tau sabo tonalueibao.  
\q1 Aga te eno God da, tama ena tau sabo dao.  
\q1 Tama tiyu, eno aga nogi ugwaba ma saibao.   
\c 44  
\d Te Kora hani dabego asęani balia po me deli dao.  
\s1 Te Israel dabego te Godigo augwali tau somainu hanalu wali  
\q1
\v 1 God, te dago wąį nǫų dabego te nago  
\q2 polobadu bomai sę yali po te dabolo pusali,  
\q2 te augwali tǫde bidali sogo.  
\q1 Tama dena digi te po wabo odai dao.   
\q1
\v 2 Nago digi te Israel hani isąwai bage  
\q3 te augwa tǫde sela sąnama,  
\q2 tama nago te tǫ te da Israel bagego  
\q3 wąį nǫų dabeba mani,  
\q2 tama augwali tede bomo elalu bidali.  
\q1 Nago te gasa hani dabego yali  
\q3 dwai kolesaga wei ponani,  
\q2 tiali goli nago te dena wąį nǫų dabe  
\q3 te bugagia bidimainu elama,  
\q2 tama hauwa umabo we bidi pedalumainu yai dao.   
\q1
\v 3 Te wąį nǫų dabego hwįani,  
\q2 tiali goli augwaligo te tǫ te hwįnama me sabeo.  
\q1 Te augwa digi augwa bomogo te hwįbo tau selama,  
\q2 te boi bidi aiyaba me elalubeo.  
\q1 Menio. Nago augwali wei mu yali,  
\q2 tama tiyu, nage augwali dali bidiyu,  
\q2 tama augwaliba ula mani.  
\q1 Tama nago bomogo digi te boi bidi  
\q2 aiyaba elaluai dao.   
\q1
\v 4 Nage eno king me eno God dao.  
\q1 Nago po obaso, tama te Jekopgo hanigo  
\q2 te boi hwįbode  
\q2 te boi bidi dabe aiyaba elalubo dao.   
\q1
\v 5 Te nago bomogo naga dago  
\q2 te boi bidi dabe sela sąyu ebo dao.  
\q1 Mu tama, nage da dali bidiyu,  
\q2 tama dago te da dali hwįbo bidi dabe  
\q3 aiyaba elaluyu, sągągo agabo dao.   
\b  
\q1
\v 6 Eno enesigi me ene elalubao,  
\q2 tiali goli eno homugo eno te hwįbode  
\q2 te nai dabego ena tau sabo homu me ebeo.  
\q1 Eno te bobobage bainat hwą elalubao,  
\q2 tiali goli tego me ena te hwįbode tau me sogobeo.   
\q1
\v 7 Menio. Nago naga da tau sobaso,  
\q2 tama te boi bidi dabego da aiyaba me elalubeo.  
\q1 Te bidi dabego da wei me isąbadi,  
\q2 tiali goli nago augwali dali hwįnama,  
\q2 tama nago augwali aiyaba elaluai dao.   
\q1
\v 8 God, sesemane sogo dago nago nogi ugwaba sobao.  
\q1 Tama dago nageba usu da weyu,  
\q2 geda haluasa po sesemane sesemane sogo wabo da.   
\b  
\q1
\v 9 Tiali goli, megi da, magi yaliwe?  
\q1 Nago da tudiba munama,  
\q2 tama nago dago nogi aiyaba muani.  
\q1 Tama nage te dago ami bidi dabe dali  
\q2 te hwįboba me pabeo.   
\q1
\v 10 Nago tama tibaso,  
\q2 tama da te boi bidi dabede wi sobadi,  
\q2 tama augwaligo te dago doado bage salio.   
\q1
\v 11 Nago da te augwaligo ela muabo  
\q2 kibu sipsip tiwai pedalumainu ilali.  
\q1 Tama nago da te dena tǫde bidali sela sąbaso,  
\q2 tama da tedela pelama, te gasa hani bage tomoba  
\q3 bidigi pai dao.   
\q1
\v 12 Nago te naga we bidi te gasa haniba tagala palama,  
\q2 tama nago augwalide dwasianu mone mu sai.  
\q1 Nago te augwalide gasa ugwadu  
\q3 daganobo profit mone me sabeo.   
\b  
\q1
\v 13 Nago dade te tiwai yali,  
\q2 tama te da pąde bidali hanigo  
\q3 te posobo po daba wali.  
\q1 Te we bidi dabego dwai gisugu mayu,  
\q2 tama dabolo hale ebo po wali.   
\q1
\v 14 Nago te hani bage dabe homu hodolubaso,  
\q2 tama augwaligo dago nogide hale yabo po wabo dao.  
\q1 Te daba pedalubo sęde augwaligo  
\q2 dwai gisugu mabo sę ebao.   
\q1
\v 15-16 Te bidi dabego posobo po,  
\q3 me dwai po enaba wali,  
\q2 tama te boi bidigo me te bidi dabego  
\q3 te dwai sę enaba wei ponobo eno suali.  
\q1 Tama ena sesemane sogo homu sęgę  
\q3 elalu, tama ena hale mu yai dao.   
\b  
\q1
\v 17 God, dago nage homu kone palubo  
\q3 me gegeda palisiąyu,  
\q2 tama dago nago dąų walali bomai po  
\q3 te me sela sąyu ebeo.  
\q2 Tiali goli, te sę dabe daba pedalubao.   
\q1
\v 18 Dago nage tudiba me musiąyu,  
\q2 tama dago nago sunumi wali asobo me tagalubeo.   
\q1
\v 19 Tiali goli, nago da te uni hasa dabego  
\q2 pesagede dolomainu ebao.  
\q1 Tama nago da te be hulia sai dwai  
\q2 madi mu te mesegelibo tiwai ebao.   
\b  
\q1
\v 20 Dago God, te dago nageba homu kone me isiąyu,  
\q2 tama dago te tibo godiba  
\q3 gedu haluasa po obaso da, teda nago koneaibao.   
\q1
\v 21 Nago te bidi dago haligade geme elalubo homu  
\q2 te tigidali konea pai elalubo dao.   
\q1
\v 22 Dago te nage naga wali pobaso,  
\q2 tama te tigidali sogo augwaligo da ela mubo dao.  
\q1 Augwaligo homugo te da  
\q3 ela muabo sipsip tiwai homu naga ebo dao.\x * \xo 44:22 \xt Rom 8:36\x*   
\q1
\v 23 Genuai Bidio, nage hodaluao.  
\q1 Magi baso nage pila mubawe? Nage hodaluao.  
\q1 Nago te sesemane sogo da tudiba mudamuo.   
\q1
\v 24 Magi baso nage dade geme duala sobawe?  
\q1 Te bidi dabego da dwai mu ilama,  
\q2 tama da te genuai sęgę mu tolobao.  
\q1 Nago dago te sęgęde homu kone me gegeda paligio.   
\q1
\v 25 Da te tǫba tula munama,  
\q2 tama dago tigi te isai bidigo tigi  
\q3 pila mubo tiwai elalubao.   
\q1
\v 26 God, nage hogodama, te da tau sagasao.  
\q1 Te nago da godolo ebo kolesaga te me elalua paibao.  
\q1 Tama nago tede homu koneama, tama da ma sobaso da,  
\q2 teda da me isigobeo.   
\c 45  
\d Te Kora hani dabego asęani balia po me deli dao.  
\s1 Te kingo we sabo sogo wabo tęąbi po  
\q1
\v 1 Te wiegi yai po hauwa eno homude elalubao.  
\q1 Eno te tęąbi po asęnama,  
\q2 te kingba mawainu yali.  
\q1 Eno pedauwali da, te wiegi yai kuskus  
\q2 bidigo te po asębo hoda pen tiwai dao.   
\b  
\q1
\v 2 King bidi, nage te gasa sawi yai bidi mu dao.  
\q1 Te gasa bidi nage tiwai me menio.  
\q1 Nago po te wiegi yai naga elalubo.  
\q1 Tama te sesemane sogo Godigo nageba  
\q2 te wiegi yai homu ebo yai.   
\q1
\v 3 Nage te bomai king da.  
\q1 Nago au dobage te hauwa elalubao,  
\q2 tama nago genuai nogi te ugwanu mu yai.  
\q1 Nago te bainat hwą dią selama, te hwįabo sisi elaluao.   
\q1
\v 4 Nage te genuai nogi elalu, te polalubo king dao.  
\q1 Nage te hosde dugulasa, tama te hwįboba pelama,  
\q2 tama te hwįbo bage aiyaba elaluao.  
\q1 Nago hwįainu da, te bidi dabego  
\q2 nago po te aiyaba me elalugobeo.  
\q1 Tama nago hwįbo te bidi dabe dolasa  
\q2 bilimainu tau siyu hwįani.  
\q1 Te nago hwįbo te bomo yai pedelaibao,  
\q2 tama te dwai bidi dabe nagede  
\q3 wi mu emainu ebo dao.   
\q1
\v 5 Te nago ene dabe te mu poa pelama,  
\q2 tama te boi bidi dabe mu eneyu ebo dao.  
\q1 Nago hwįyu, te gasa hani dabe aiyaba elaluama,  
\q2 tama augwali te nage dologode bidibao.   
\q1
\v 6 Godigo nage te king nigilama,  
\q2 tama nage te king sesemane  
\q3 bidada peyu, bidada paibao.  
\q1 Nago te naga we bidi dabe  
\q2 te doloba pai kolesagade naga tonalubo dao.   
\q1
\v 7 Nago te doloba pai kolesaga wei eyu,  
\q2 tama nago te dwai kolesaga te  
\q3 wei isiąyu, hagela mu ebo dao.  
\q1 Tama tibaso, naga Godigo digi, agai te nage sa muyu,  
\q2 tama agai nago nogi ugwaba mu muyu,  
\q2 tama nago nogi te gasa king dabego  
\q2 nogi aiyaba elalubo dao. \x * \xo 45:7 \xt Hib 1:8-9\x*   
\q1
\v 8 Te nago gudubo bobage ugwade  
\q2 te wiegi yai denami ebo haniani nai,  
\q2 te sanda tiwai mea, me kasia te denami elalubao.  
\q1 Augwaligo te kingo be te haniani  
\q3 au ilibo naigo te au ilali,  
\q3 augwa te elefan kelego nigali,  
\q2 tama augwa te nage wiegi yai homu  
\q3 pemene ilibo musik weyu ebo dao.   
\q1
\v 9 Te gasa tǫ pedai kantri tonalubo king  
\q3 dabego wegi dabe,  
\q2 te genuai nogi elalubo we dabe dali,  
\q2 te nago bede bidibao.  
\q1 Kwin we te nago dolo nogo badu dolalubao.  
\q1 Augwa te bulu Ofirde sali wiegi yai  
\q3 golgo nigai au ilibo naigo  
\q2 te agai au elama, bidibao.   
\b  
\q1
\v 10 Nage te gesi wegi te king dali bidi painu,  
\q3 nago te eno po odolama,  
\q2 tama tede homu kone palao.  
\q1 Nago te naga bulude bage  
\q2 te homu kone ebo gegeda palama,  
\q2 tama naga deli kaneme bage me  
\q2 te homu kone ebo tagalao.   
\q1
\v 11 Nago tama tebo te kingo subaso da,  
\q2 te nage sawi yai we da weyu,  
\q2 tama te nage godolo mu yaibao.  
\q1 Aga te nago genuai bidi da,  
\q2 tama tiyu, nago agai po wali pao.   
\q1
\v 12 Te Tair bulu we bidi augwaligo  
\q2 te nageba wiegi yai homu ilibo nai dabe sesaibao,  
\q2 tama te mone hauwa elalubo  
\q3 bidi dabego me te nageba  
\q2 wiegi yai homu ebo nai dabe mawaibao.   
\b  
\q1
\v 13 Te kingo gesi we te aga be habude bidibao,  
\q2 tama aga te gasa sawi yai mu.  
\q1 Agai te ugwa augwaligo te nigilama,  
\q2 tama te golgo nigai hobigo au ilai ugwa muai.   
\q1
\v 14 Agai te ugwa kala te dodobolo pali  
\q3 te hauwa elalubao.  
\q1 Megi da, augwaligo te we te kingba odasa pobao.  
\q1 Tama te gesi wegimani te aga hai namu dabe  
\q3 augwali te aga wali pali.   
\q1
\v 15 Augwali te wiegi yai haliga pemene elama,  
\q2 tama augwa te kingo wiegi yai  
\q3 genuai be tomoba palio.   
\b  
\q1
\v 16 Tama king, nago da, te nago wai ogwa  
\q3 te hauwa elaluaibao,  
\q2 tama augwaligo te nago wąį nǫų dabe  
\q3 bidali pesage hasegeliyu,  
\q2 tama king dabe pedelaibao.  
\q1 Te nago augwaliba genuai namba mayu,  
\q2 tama augwaligo te tigidali bulu  
\q3 tǫ pedai we bidi dabe tonaluaibao.   
\q1
\v 17 Te nago genuai nogide po eno hanilama pusuyu,  
\q2 tama te nosali pedalubo hani tigidaligo  
\q2 te nage sesemane sogo homu kone paibao.  
\q1 Tama tiyu, te me badu we bidi dabego  
\q2 te nago nogi sesemane sogo  
\q3 ugwaba siyu yaibao.   
\c 46  
\d Te Kora hani dabego asęani balia po me deli dao.  
\s1 God da dali bidibao  
\q1
\v 1 God aga te da seselalubo bidi da, tama agai  
\q2 sesemane sogo da bomo mabo dao.  
\q1 Aga te pąde bidiyu,  
\q3 te dago genuai sęgę sabo sogo  
\q3 tau sainu sisi elalubo dao.   
\q1
\v 2 Tama tiyu, te haniani sę dabe pedalubo side,  
\q3 te dago wi me elamuo.  
\q1 Tǫ te mali eyu aluaibao, tama te bulu du dabe te  
\q2 tamu ąį tomoba degasa dulaibao.   
\q1
\v 3 Tama genuai tamu ąį te bomonama, kulukulu weyu,  
\q2 tama pepeda pelama, tama te dini pedaliyu,  
\q2 tama genuai tamu ąį bǫį samanu,  
\q2 tama te bulu du dabe degelaibao.  
\q1 Te tobage genuai sę pedaligi sogo da,  
\q2 teda da wi munu me igi meni.   
\b  
\q1
\v 4 Te Godigo hanu da, te magi dwai sę meni yai  
\q3 wiegi yai bulu,  
\q2 te Ugwadu Mu Bidibo Godigo hanu dao.  
\q1 Te genuai soabo wę me deli te tomode elalubao,  
\q2 tama te węde te we bidi dabego  
\q3 wiegi yai pemene ebo dao.   
\q1
\v 5 God te taunde bidibao,  
\q2 tama tiyu, te taun munu me dologobeo.  
\q1 Te be posisąbadi, tama te Godigo aga tau saibao.   
\q1
\v 6 Te haniani tǫ pedai kantri we bidi hani dabe  
\q3 augwali dwai midigi selama,  
\q2 tama hwįyu dali yai, tama te king dabe dali,  
\q3 te augwa we bidi dabe me,  
\q3 te augwali dolaibao.  
\q1 Godigo genuai po dągą mu obaso,  
\q2 tama tǫ te olo wę tiwai pedelaibao.   
\b  
\q1
\v 7 Te Tigidali Bomo Elalubo Genuai  
\q2 Bidi aga te da dali bidibao.  
\q1 Te Jekopgo God aga te dago duala sabo pesage elalubao.   
\b  
\q1
\v 8 Ae, tegobao!  
\q1 Dagego te Genuai Bidigo yali sę suagasao.  
\q1 Te dagego haliga te agai  
\q2 te tǫde gasa tobage bomai sę hauwa  
\q3 ebaso, midigi saibao.   
\q1
\v 9 Agai te tigidali tǫ pedai badu  
\q2 te hwįbo togolobo dao.  
\q1 Agai te tigidali enesigi me ene togolama,  
\q2 tama te sabele dabe te siaba ulubadi ebo dao.   
\q1
\v 10 Agai te po wai,  
\q1 “Dage munu ma hwįnamuo,” wali.  
\q2 “Dagego ena bugagia koneiąo, ena God mu dao.  
\q1 Ena ugwadu mu elalu,  
\q2 tama te tigidali tǫ pedai kantrigo  
\q3 we bidi hani dabe ena dologode bidibao.  
\q1 Te tigidali bulu pedai tǫde  
\q2 ena te polalubo bidi bidibo dao.”   
\q1
\v 11 Te Tigidali Bomo Elalubo Genuai  
\q2 Bidi da dali bidibao.  
\q1 Te Jekopgo God aga te da seselalubo bidi mu da.   
\c 47  
\d Te Kora hani dabego asęani balia po me deli dao.  
\s1 God te tigidali tǫde we bidigo king bidibao  
\q1
\v 1 Dage tigidali we bidi,  
\q2 te wiegi yai pemene elama, nogo elao.  
\q1 Dagego wiegi yai pemene ebo i weyu,  
\q2 tama Godigo nogi ugwaba sabo tęąbi po wao.   
\q1
\v 2 Dago te Genuai Bidide wi yao,  
\q2 aga te Ugwade Mu Bidibo God dao.  
\q1 Aga te tigidali tǫde we bidi tonalubo polalubo king dao.   
\b  
\q1
\v 3 Agai te tigidali Israel hani isąwai we  
\q3 bidi aiyaba elaluama,  
\q2 tama da Israel bage te augwali daide  
\q3 ugwadu bidibao.  
\q1 Agai te gasa hani dabe te da dologode bidimainu ilali.   
\q1
\v 4 Godigo digi te tǫ me deli dąį ilama,  
\q2 tama dabolo mawai dao.  
\q1 Da te Jekopgo hani da, Godigo da godolo mu eyu,  
\q2 tama dago te dena tǫde wiegi yai pemene ebo dao.   
\b  
\q1
\v 5 God te dagaluba pali.  
\q1 Te Genuai Bidi ugwaba holali sogo,  
\q2 te we bidi dabe wiegi yai homu pemene elama,  
\q2 tama bomonama i weyu,  
\q2 tama biugel bu weyu dali yai.   
\q1
\v 6 Ae, tegoba, dago te God nogi ugwaba sabo  
\q3 tęąbi po hodolama, waiąo.  
\q1 Dago te tęąbi po hodolama weyu,  
\q2 tama agaba wiegi yai pemene inao,  
\q3 aga te dago king dao.   
\q1
\v 7 God te king bidiyu, tama tigidali tǫ pedai tonalubao.  
\q1 Dago te aga nogi ugwaba sabo tęąbi po wao.   
\b  
\q1
\v 8 God te king bidiyu, te tigidali hani we bidi tonalubao.  
\q1 God te aga sia kingde dulaluyu,  
\q2 te aga magi sę meni yai wiegi yai mu bidibo dao.   
\q1
\v 9 Te haniani we bidi hanigo te tobolu bidi dabe  
\q2 augwali te Abrahamgo God  
\q1 wali pabo we bidi dabe dali sisinama, bidibao.  
\q1 Godigo bomogo te tigidali ami  
\q2 dabego bomo aiyaba elalubo dao.  
\q1 Aga te polalubo king dao.   
\c 48  
\d Te Kora hani dabego asęani balia po me deli dao.  
\s1 Saion taun te genuai nogi elalu, te au wiegi yai elalubao  
\q1
\v 1 Genuai Bidigo genuai nogi elalubao.  
\q1 Da te Godigo bulu duba holinao,  
\q2 tama agai taun tomoba pelama,  
\q2 tama dago agai nogi ugwaba mu sinao.   
\q1
\v 2 Godigo te bulu du te wiegi yai mu,  
\q2 tama te ugwanu mu elalubao.  
\q1 Te tigidali tǫde we bidi augwaligo  
\q2 te Saion bulu du godolo mu ebo dao.  
\q1 Te bulu du te not badu elalubao,  
\q2 tama te polalubo kingo taun dao. \x * \xo 48:2 \xt Mat 5:35\x*   
\q1
\v 3 God te taun tomode bidiyu,  
\q2 tama agai te we bidi dabego  
\q3 hwįbo sogo tau siyu yai.  
\q1 Tama tiyu, augwali bugagia bidai.   
\q1
\v 4 Polobadu te king dabego te Saionba hwįgi painu yai.  
\q1 Augwali te deliba sisinama, tama te taun pąba asai.   
\q1
\v 5 Tiali goli, augwaligo te taun sulama,  
\q2 tama augwali polo tama dwai midigi sali.  
\q1 Tama augwali wi umabo mu ebaso,  
\q2 tama augwali wi pai dao.   
\q1
\v 6 Augwali te dwai noma mu selama,  
\q2 tama augwali genuai dene sali,  
\q2 te wego wai ame nayu ebo dene tiwai gilama yai.   
\b  
\q1
\v 7 Godigo te genuai wali  
\q2 te giliga asobo badu asomainu elama,  
\q3 tama te Tasis hanu bidi dabego  
\q2 genuai sip dabe dolali.   
\q1
\v 8 Te sę te polobadu Godigo yali po odolama,  
\q2 tama megi dago subo me agai te tiwai ma yai.  
\q1 Da te Genuai Bidigo taunde bidibao.  
\q1 Dago God, te Tigidali Bomo Elalubo God dao,  
\q2 tama agai te sę ebo dago suai.  
\q1 Godigo te aga taun dąų walama,  
\q2 tama te taun sesemane sogo  
\q3 elalua pomainu yai dao.   
\b  
\q1
\v 9 God, da te nago tempel bede bidibao,  
\q2 tama dago te nago da sesemane  
\q3 godolo ebo kolesagade te homu kone palubo dao.   
\q1
\v 10 Te tigidali tǫ habu badu  
\q2 te we bidi dabe augwaligo  
\q2 te nago nogi ugwaba sabo dao.  
\q1 Te tigidali habu badu we bidi dabego  
\q2 te nago genuai nogide wiegi yai pemene ebo dao.  
\q1 Nago te tigidali bage te doloba pai kolesagade naga  
\q3 tonalubao.   
\q1
\v 11 Tama tialima, te Saion bulu dude  
\q2 bidibo we bidi tigidaligo te augwa  
\q2 wiegi yai pemene yao.  
\q1 Nago te tigidali we bidigo ebo kolesaga  
\q2 te dolo dagalubo dao.  
\q1 Tama tibaso, eno homugo te Juda taun we bidi dabe  
\q2 augwa te wiegi yai pemene mu emainao.   
\b  
\q1
\v 12 Dage we bidi, dage te Saion bulu dude biliyu,  
\q2 tama te taun obo baguliyu,  
\q2 tama tede elalubo bobobage be taua dabe nedao.   
\q1
\v 13 Dagego te Saion bagulali  
\q3 obode bugagia homu kone palao,  
\q2 tama agai te bomai be dabe bugagia suiąo.  
\q1 Tama tiyu, dagego te nosali pedalubo  
\q2 hani dabeba te po pusagameo.   
\q1
\v 14 Dagego augwaliba te tama waiyagameo,  
\q1 “Te Godigo da tonaluai da,” po wao,  
\q1 “Aga te dago sesemane sogo  
\q2 bidada peyu, bidada pabo God dao.  
\q1 Tama sesemane sogo te aga poligi soyu,  
\q2 tama dabolo te sunumi ola mawaibao,” te po wao.   
\c 49  
\d Te Kora hani dabego asęani balia po me deli dao.  
\s1 Bidigo homu masigi dali, genuai walu dali, teba homu mubo bidi, te bidigo kolesaga menio  
\q1
\v 1 Dage tigidali we bidigo, odao.  
\q1 Dage tigidali tǫde bidibo we bidigo,  
\q2 eno wabo poba olo bugagia muao.   
\q1
\v 2 Dage nogi yai bidi me, dage olo bidi me,  
\q2 dage masigi hauwa munalubo bidi me,  
\q2 dage magi nai meni yai bidi me,  
\q2 dagego te po odao.   
\q1
\v 3 Eno homu kolesagade wiegi yai kolesaga koneama,.  
\q2 tama eno dwagi yai po dagego  
\q3 konemainogo pusubao.   
\q1
\v 4 Eno po digi po begelama, hasia meba pusaibao.  
\q1 Tama eno dwagi yai tęąbi gita dali elama,  
\q1 tama dagebolo te po begelama wali po page pusaibao.   
\q1
\v 5-6 Bidi dabe augwaligo masigi hauwa munalubo,  
\q1 te homugo augwali dąų omai te homu elama,  
\q1 tama augwa digi genuai po dągą ola bilibo dao.  
\q1 Augwaligo nai hauwa munalubo homu elama,  
\q2 te bidi dabe augwaligo ena dolainogo bobegelali.  
\q1 Tialima, eno augwali dali wi egobeo.   
\q1
\v 7 Dago koneai, bidi mego aga masigigo  
\q2 aga digi aga ma abelama, ma dobola sabo menio.  
\q1 Tama agai Godibolo aga bidabo ula abeliyu,  
\q1 mone masigi Godibolo magobeo. Mu menio.   
\q1
\v 8-9 Bidigo mone masigigo God abelama,  
\q2 tama Godigo aga te bidibo ulade bidao omainogo,  
\q2 tama aga isidali weyu,  
\q2 dago tama tiali usu munu me egobeo.   
\q1
\v 10 Da tigidaligo koneai, kolesaga  
\q2 koneai bidi, augwali me isibo dao.  
\q1 Tama dwai kolesaga ebo bidi,  
\q2 te kolesaga meni yai bidi me, augwali isibo dao.  
\q1 Te bidi dabe augwaligo walu me  
\q2 mone masigi tigidali nai isu, taga peyu,  
\q2 tama gasa bidi dabego te nai sabo dao.   
\q1
\v 11 Hasia te bidi dabe augwaligo tǫ me elaluai,  
\q2 tialima megi te gų page augwaligo tǫ tiwai elama,  
\q2 augwali tede sesemane sogo bidada peyu,  
\q3 bidada pabo dao.   
\q1
\v 12 Dago genuai nogi sabo tego dago  
\q2 te isibo tų dąų wagobeo. Menio.  
\q1 Da te hasa dabe isibo tiwai yaibao.   
\b  
\q1
\v 13 Te sę ebo te bidi dabe augwa digi  
\q2 tǫde tigidali nai homugo  
\q2 dąų wabo bidide pedelebo dao.  
\q1 Tiwai bidi dabego dwagi yai homu kolesaga menio.  
\q1 Te bidi dabe augwaligo e tǫde tigidali nai  
\q2 dali osogo dwagi yai elama, tama augwali isibo dao.   
\q1
\v 14 Godigo agai bodolu muyu,  
\q2 augwali te kibu sipsip isibo tiwai elama,  
\q2 augwali te isali bidigo buluba paibao.  
\q1 Tama te isibo tego augwali tonalubo bidi tiwai bidai.  
\q1 Augwaligo tigi tigidali polo damua pabo si,  
\q2 tama augwali te isibo bidigo bulude  
\q2 augwaligo be tiwai elama bidaibao.  
\q1 Tama te dwagi yai doloba pai we bidigo  
\q2 augwali aiyaba elaluama, tonalueibao.   
\q1
\v 15 Tiali goli, Godigo ena ma saibao,  
\q2 tama isibo bidigo bulude  
\q3 te agai bomogo ena dąų wabo usu egobeo.   
\q1
\v 16 Niwai bidi me agai masigi hauwa selama,  
\q2 tama genuai be sęnama,  
\q2 tama te bede dwagi yai nai hauwa elaluai,  
\q2 tagalao, nago te nai sulama, godolo igio.   
\q1
\v 17 Nago koneai, nosali te bidi aga isibode,  
\q2 tama agai te tigidali nai me sela pogobeo.  
\q1 Be me, te au ebo nai me, masigi me,  
\q2 te nai tigidali aga dali te isibo bidigo buluba  
\q3 selasa pogobeo.   
\q1
\v 18 Tama aga e tǫde bidibo sogo  
\q2 te bidi agai te tigidali nai dali dwagi yai homu yai.  
\q1 Agai sę bomo elama, nai hauwa sai,  
\q2 tama bidi augwaligo te po wai,  
\q1 “Aga dwagi yai bidi dao.”   
\q1
\v 19 Tialima, aga isilama,  
\q2 tama te hasia isali wąį dabe  
\q2 augwali dali te giliga ula isąwai bulude bidada peyu,  
\q2 bidada paibao.   
\q1
\v 20 Dago genuai nogi siyu da,  
\q2 tego dago isibo tų dąų wagobeo.  
\q2 Menio. Da te bulu hasa dabe isibo tiwai yaibao.   
\c 50  
\s1 Godigo te we bidi dabego kolesaga dagalaibao po wai.  
\q1
\v 1 Te Tigidali Bomo Elalubo God,  
\q2 aga te dago Genuai Bidi da,  
\q3 megi da agai po weyu, tama te giliga pedaluboba,  
\q3 me te giliga dega siguluboba  
\q2 usu nama, te tigidali we bidiba i obao.  
\q1 Agai te tigidali bulu tǫ we bidiba i wabo dao.   
\q1
\v 2 God te Saionde bidiyu,  
\q3 te taun te polalubo taun mu,  
\q2 tama te gasa sawi yai mu elalubao, tama Godigo ula  
\q3 te pepeli diliba pedelali.   
\q1
\v 3 Dago God aga megi da te asobao.  
\q1 Tama pedauwali me pania sabeo. Mu menio.  
\q1 Te tigidali nai dabo sia bogoli  
\q3 te aga asobodu polasa paibao,  
\q2 tama genuai wali me, tulubagego me,  
\q3 aga bagulama, elalubo dao.   
\q1
\v 4 Agai te dagalu me tǫ asomainu i olama,  
\q3 augwali sigo agai te aga we bidi dabego ebo  
\q3 kolesaga te bugagia dagalobo suagasamainu eyu,  
\q2 agai augwali si i obao.   
\b  
\q1
\v 5 Godigo te tama po obao, “Te eno we bidi dabe,  
\q3 dagego ena dali te bomai po dąų walali,  
\q2 tama dagego te dąų walali po dąų waliyu,  
\q3 te kibu hasa dabe ofa yai.  
\q1 Dage te ena dali deliba sisinagasao,” po wai.   
\q1
\v 6 Te dagalugo digi te tama po obao,  
\q2 “God te doloba pai mu dao.  
\q1 Aga digi te po tų odobo bidi jas bidibao,” wabo.   
\q1
\v 7 Godigo te po wali, “Dage te eno we bidi da, odao.  
\q1 Eno po elalubao.  
\q2 Dage Israel dabe, eno dage po tų ilaibao.  
\q1 Ena naga, ena te God mu da,  
\q2 tama ena te dagego God dao.   
\q1
\v 8 Eno te dagego yali ofade  
\q2 te eno dageba wado po weyu me wabeo. Menio.  
\q1 Te sesemane sogo dagego te ofa  
\q2 te siaba tigidali ulubo te eno suai dao.   
\q1
\v 9 Tiali goli, eno te dagego obo tomode  
\q2 te omai bulmakau, me ma meme omai te dagego  
\q2 ofade sabo homu ebo meni.   
\q1
\v 10 Magi baso meni, te tigidali buside bidibo uni hasa,  
\q2 tama te tigidali bulu dude bidibo bulmakau me,  
\q3 te tigidali te eno naga dao.   
\q1
\v 11 Te tigidali ba, me te busi hasa dabe  
\q2 me, te kala nosa bulude bilibo ba sibi me, te tigidali  
\q2 eno muai nai naga dao,”  
\q1 Godigo te po wai.   
\q1
\v 12 “Ma, te ena nasi ebaso,  
\q2 te eno dageba po me wagobeo.  
\q1 Magi baso meni, te tǫ dali, tigidali elalubo nai,  
\q2 te eno naga dao.   
\q1
\v 13 Te eno omai bulmakau mi tubo  
\q2 homu ebawe?  
\q1 Eno te meme kaneme tubo homu yaiba, agawe? Menio.”   
\b  
\q1
\v 14 “Te dagego enaba usu da mu waiyąo,  
\q2 tebo te dagego yabo ofa tiwai tama.  
\q1 Te dagego te enaba olo mabo  
\q2 tigidali nai maiyabo po wali,  
\q2 te Ugwadu Bidibo God Mu te enaba dagego maiyąo.   
\q1
\v 15 Dagego tama tibo si,  
\q2 tama te sęgę pedalubo sogo, dagego enaba i waiyą,  
\q2 tama te eno dage tau mu siyu,  
\q2 tama dagego eno nogi ugwaba sagameo,” po wali.   
\b  
\q1
\v 16 Tiali goli, Godigo te dwai sę ebo  
\q2 bidi dabeba te tama po wali,  
\q1 “Magi baso te dagego eno bomai po  
\q2 tigidali nogibo dawe?  
\q1 Tama magi baso te dagego eno dąų wali bomai pode  
\q3 te po mibo dawe?   
\q1
\v 17 Te eno dage dodolobo te dagego hagela homu eyu,  
\q2 tama dagego eno po sesemane sela sąbo sę ebo dao.   
\q1
\v 18 Dagego te nai wi sabo bidi dabe sulama,  
\q2 tama dage augwa abagi pedelali.  
\q1 Tama dage te we sabo sę dolama,  
\q2 tama te penani sę ebo we bidi dabe  
\q3 dali munasa, biliyu yai.   
\b  
\q1
\v 19 Dagego te dwai po,  
\q2 me te tibo po sesemane sogo wabo sę ebo dao.   
\q1
\v 20 Tama dagego te duga ama dabe  
\q3 po tų ilibo sę eyu,  
\q2 tama dagego augwaliba te posobo weyu ebo dao.   
\q1
\v 21 Dagego te tiwai yali,  
\q3 tama eno po deli me wabeo.  
\q1 Tama dagego te ena te dage  
\q3 tiwai tobage da homu yai.  
\q1 Tiali goli, mu menio.  
\q1 Megi eno dageba wado po olama,  
\q2 tama dage te pepeli diliba sela munama,  
\q2 te po tų ilaibao,” wali.   
\q1
\v 22 “Te ena tudiba mubo we bidi, dagego odao.  
\q1 Te dage te tiwai tama bididubaso da,  
\q2 teda eno dage dolaibao, tama te bidi me deligo dage  
\q3 ma sainu ebaso, te usu me egobeo.   
\q1
\v 23 Te enaba usu da weyu, gedu haluasa po weyu,  
\q2 te enaba ofa mabo tiwai ebo bidi,  
\q2 agai te eno nogi ugwaba sobao.  
\q1 Tama eno te po wali pabo bidi dabe  
\q2 te eno ma dobola saibao,” po wai.   
\c 51  
\d Te Devitgo asęani balia po me deli dao. Agai te gasa bidigo we nogi Batseba dali penani yai, tama te profet bidi Natan aselama, “Nago dwai sę yalio,” te tobage po wali. Tama Devitgo ge neyu, e balia po weyu asęani.  
\d 2 Samuel Dąį 11, 12:1-15 suao.  
\s1 Bidigo gedu haluasa po Godibolo weyu da, te bidigo sęgę sela sąwaibao  
\q1
\v 1 God, nage hobede ebo page bidi,  
\q2 nago ena olo mabo sęgo ena tau sao.  
\q1 Nago olo mabo sę hauwa mu elaluai,  
\q2 tama eno homugo nago eno  
\q2 dwai kolesaga tigidali sela sąyao.   
\q1
\v 2 Nago ena tigidali ąį telayao,  
\q2 tama dwai kolesaga enade ma elaludalio.  
\q1 Eno sęgę sela sąnama,  
\q2 ena dwagi yai pedelama bidaio.   
\q1
\v 3 Eno koneai, eno dwai sę yai.  
\q1 Tama ena yali sęgęde eno homugo konealubo tagalobeo.   
\q1
\v 4 Eno dwai sęgę nage deli dali naga yai.  
\q1 Eno dwai kolesaga nago gedude yai.  
\q1 Tama nago ena po tų ela menama,  
\q2 tama nago doloba pai kolesaga naga yao.  
\q1 Nago eno sęgę wei siyu, tama nage da,  
\q2 dwai sę isiąwai bidi. \x * \xo 51:4 \xt Rom 3:4\x*   
\q1
\v 5 Nago koneai, idago ena ame nani sogo,  
\q2 ena dwai sę ebo bidi pedelai.  
\q1 Mu tama, ena idago haligade bidibadi,  
\q2 ena sęgę sai bidi dao.   
\q1
\v 6 Nago homugo te eno nage dolo naga wali asiyu,  
\q2 tibo kolesaga igio homu ebao.  
\q1 Tama tibaso, nago ena dwagi yai  
\q2 homu kolesaga ola mao.   
\q1
\v 7 Nago eno sęgę sela sąnama,  
\q2 ena meda meni yai pedelaio.  
\q1 Nago ena ąį tedelama,  
\q2 ena meda isiąwai mu pedelaio,  
\q2 tedela yai kedau ebo nai sno te tiwai pedelaibao.   
\q1
\v 8 Nago eno homu dwagi yai ma ilao.  
\q1 Mu tamao, nago ena aiyaba elaluai,  
\q2 tama nago eno sęgę wei ponai,  
\q2 tialima, megi eno dwagi yai homu ma yaibao.   
\q1
\v 9 Nago eno dwai sę yaliba ma tonono igio.  
\q1 Tama eno homugo nago eno dwai sę yali  
\q2 te nago tigidali sela sąyao.   
\b  
\q1
\v 10 God, nago eno homu kolesaga  
\q2 tomode meda meni yai dwagi yai  
\q2 gesi kolesaga ilibo sę ma yao.  
\q1 Awe, ena nage dali homugo kęą pai bidi  
\q2 pedalumainu yao.   
\q1
\v 11 Nago ena sela sąyu,  
\q2 tama ena nage digibulu bididalio.  
\q1 Nago ena dali bidibo mobo bidi naga ma sidalio weyu.   
\q1
\v 12 Polobadu nago ena ma sobaso,  
\q2 te ena dwagi yai homu yai, nage dali.  
\q1 Tama megi eno te homu yai,  
\q2 nago ena te dwagi yai homu  
\q2 kolesaga enabolo ma mao.  
\q1 Nago eno homu kolesaga hodolama,  
\q2 tama nago po eno wali paibao.  
\q1 Eno tama homu kolesaga emainogo  
\q2 nago ena dąų walagameo.   
\q1
\v 13 Tama eno nago kolesaga  
\q3 te sęgę sai we bidi augwalibolo ola mawaibao,  
\q2 tama te we bidi augwali  
\q3 nage bidibo digi ma asaibao.   
\b  
\q1
\v 14 God, nage te God nago ena ma sabo bidi dao,  
\q1 nago ena dali olo mabo sę tigidali dwagi yai eyu,  
\q2 tama nago ena ma elegio.  
\q1 Tama eno nago nogi ugwaba siyu,  
\q2 nagebolo tęąbi hauwa waibao,  
\q2 nago doloba pai kolesaga naga ebo dao.   
\q1
\v 15 Genuai Bidi, nago ena tau siyu,  
\q2 mu po dolo hanilama, enabolo wao,  
\q2 tama eno nago nogi ugwaba saibao.   
\b  
\q1
\v 16 Ma, te nago eno yali dwai sę sela sąmainu eyu,  
\q2 eno te kibu sipsip nagebolo ofa mobaso,  
\q3 nago sogobeo.  
\q1 Nago te sabo homu igi sogo da,  
\q2 teda eno te ofa magasigi da.  
\q1 Eno kibu sipsip me elama, siaba ulama,  
\q2 tigidali mu dela peyu da,  
\q2 te nago te ebo sęde dwagi yai homu egobeo.   
\q1
\v 17 Tialima, God, ena digi ena aiyaba elaluama,  
\q2 nage dologode ena bidaibao.  
\q1 Te tobage kolesaga ebo da,  
\q2 te nago gedude te nago sabo ofa mu tiwai dao.  
\q1 Eno koneai, bidi aga yali dwai sęde aga ma koneyu,  
\q2 aga digi aga aiyaba elaluai magi basowe?  
\q1 Aga te yali dwai sęde homu dene eyu, tebo dao.  
\q2 Te tobage kolesaga ebogo te nagebolo ofa mabo sę  
\q2 hasegelama, te nago gedude te usu mu dao.   
\b  
\q1
\v 18 Naga homu kolesagago digi,  
\q2 te Saion we bidi dwagi yai homu ma ilao.  
\q1 Naga digi Jerusalem genuai hanu  
\q2 moni masigigo nigali obo ma dodolao.   
\q1
\v 19 Tama te sogo nago dwagi yai doloba pai  
\q2 te usu da olama, ela mabo  
\q2 kibu sipisip ofa nago godolo yaibao,  
\q2 tama meba siago tigidali dela pabo nai dabe.  
\q1 Tama dago bulmakau omai selama,  
\q2 nagebolo usu da olama, siaba tigidali ulama,  
\q2 tama siago tigidali dela paibao,  
\q2 te nagebolo nai ula ofa mabo  
\q3 sawali sai altade te sę yaibao.   
\c 52  
\d Devitgo te balia po asęani, te dago homu konemainogo yai. Hasia bolo te Idom bidi Doek te Solba pelama, tama agabolo te tama po walali, “Devit te Abimelekgo bede bidibao,” po wai. Tama tede Devitgo homugo ma kone palama, te balia po asęani. 1 Samuel 21:7, 22:9-10 tede elalubo po suao.  
\s1 Te dwai kolesagade wiegi yai pemene ebo bidi, aga te wabo pabo bidi tiwai ebao  
\q1
\v 1 Nage te bomai bidi, te magi baso nago  
\q2 te genuai po dągą weyu,  
\q2 tama nago te Godigo we bidi  
\q3 augwaliba dwai kolesaga elama,  
\q2 tama tede nago odolali te wiegi yai homu  
\q3 pemene ebo dawe?  
\q1 Te sesemane sogo Godigo te olo tau sabo  
\q2 wiegi yai kolesaga augwaliba ebo dao.   
\q1
\v 2 Nage te tibo po wabo bidi da,  
\q2 te nago po te resa te mu poa pai tiwai elalu,  
\q2 tama nago po wabogo te gasa bidi dolobo dao.  
\q1 Tigidali side nago te gasa bidi dolabo homu elalubo dao.   
\q1
\v 3 Nago te wiegi yai kolesaga wei me isiąyu,  
\q1 nago te dwai kolesaga naga wei ebo dao.  
\q1 Nago te mu po wabo kolesaga wei meni yai.  
\q1 Nago te tibo po wabo kolesaga naga wei ebo dao.   
\q1
\v 4 Nage te tibo po wabo bidi dao.  
\q1 Nago te gasa bidi dolabo homu ebo  
\q2 po wei mu ebo dao.   
\b  
\q1
\v 5 Tiali goli, odao.  
\q1 Godigo te nage mu doloyu,  
\q2 tama nage te tiwai elalua paibao.  
\q1 Agai te nage pageabi elama,  
\q2 tama naga bede te nage sela sąwaibao.  
\q1 Tama nage mu sia somainu ilama,  
\q2 tama nage te tǫde ma bidimainogo me elalugobeo.   
\q1
\v 6 Te doloba pai bidi dabego te tiwai  
\q2 pedalubo sulama, te augwali wi yaibao.  
\q1 Te augwaligo nage gisugu mayu,  
\q2 te tama po waibao,   
\q1
\v 7 “Suao. Te bidi te Godigo aga  
\q2 tau sabo homu wei isiąyu,  
\q3 te aga dąų me walobeo.  
\q1 Agai te aga mone, me doado bage  
\q3 hauwade teba homu munama,  
\q2 tama aga homugo te dwai kolesagago  
\q2 aga bugagia bidimainu ilaibao,  
\q3 te homu yali,” te po waibao.   
\q1
\v 8 Tiali goli, eno te tiwai me ebeo.  
\q1 Ena te Godigo be pąde elalubo ni oliv tiwai dao.  
\q1 Eno konealubo homu Godiba munama,  
\q2 te Godigo olo tau sabo wiegi yai kolesaga te  
\q2 sesemane bidada peyu,  
\q2 bidada pabo sogo te enaba  
\q2 te kolesaga emainu ebo dao.   
\q1
\v 9 God, nago ena tau sali, tama tiyu, eno sesemane sogo  
\q3 nageba usu da weyu, gedu haluasa po wabo dao.  
\q1 Tama te nago we bidi dabego gedude  
\q3 te eno nago nogi ugwaba siyu,  
\q2 tama eno te po waibao,  
\q1 “Godigo te wiegi yai kolesaga enaba  
\q2 ebo da,” po waibao.   
\c 53  
\d Te Devitgo asęani balia po me deli dao.  
\s1 Te kolesaga geda mubo, me te dwai sę ebo bidi dabego kolesagade po wai  
\q1
\v 1 Te kolesaga meni yai  
\q2 dwai sę ebo bidi dabego  
\q2 augwa digi te tama po wabo dao,  
\q1 “Te God me bidibeo,” wabo da.  
\q1 Te bidi dabe te augwali bidi dwai naga dao.  
\q1 Augwaligo kolesaga te dwai mu ebo dao.  
\q1 Te bidi me deligo wiegi yai kolesaga me ebo menio.  
\q1 Mu menio.   
\q1
\v 2 God te dagalude bidiyu,  
\q2 te we bidi dabe bidalubo madi aiyaba tonalubo dao.  
\q1 Agai te kolesaga koneai bidi me deli gegeyu,  
\q2 te God gegebo sę ebowe naga suainu tebo dao.   
\q1
\v 3 Tiali goli, menio.  
\q1 Tigidali mugo te sunumi tagalalio.  
\q1 Tigidali te deli tobage tiwai naga elalubao,  
\q2 augwali te dwai bidi dabe mu elalubao.  
\q1 Te bidi me deligo wiegi yai kolesaga  
\q2 me ebeo. Mu menio. \x * \xo 53:3 \xt Rom 3:10-12\x*   
\b  
\q1
\v 4 Godigo te tama po wali,  
\q1 “Te bidi dabego te dwai kolesaga ebao,  
\q2 te augwaligo kolesaga koneai me  
\q3 elalubo homu meni da, agawe?  
\q1 Augwaligo te eno we bidi dabe  
\q2 te augwaligo te bret tubo  
\q3 tiwai gilama te mu silibao.  
\q1 Tama augwaligo enaba gedu haluasa  
\q2 po wabo menio,” wali.   
\b  
\q1
\v 5 Tiali goli, te augwali wi umabo mu yaibao.  
\q1 Polobadu augwa te tiwai wi me ebeo.  
\q1 Mu menio. Magi baso meni,  
\q2 te Godigo dagego boi bidi tigidali silimainu yaibao.  
\q1 Agai augwali ela munama,  
\q2 tama agai augwaligo dili dabe są są paibao.   
\b  
\q1
\v 6 Eno homugo Godigo te Saion  
\q2 bulu bidi me deli tagala palumainu elama,  
\q2 te Israel dabe ma sagasomainu homu yai.  
\q1 Nosali Godigo te aga bage tau selama,  
\q2 tama augwali bugagia ma bidimainu yaibao,  
\q2 teda te Israel hani augwali wiegi yai pemene yaibao.  
\q1 Ae, te Jekop aga hani augwali bugai haliga mu yaibao.   
\c 54  
\d Devitgo te balia asęani, te Sifde sę yali bidi dabego te Solba po waligi peyu, te Devit augwali tomode geme dualalubo po waligi pai, te sęde agai homu kone ma paliyu, e balia po asęai dao.  
\d 1 Samuel 23:19, 26:1 tede elalubo po suao.  
\s1 Bidigo gedu haluasa po weyu, te Godigo aga tau somainu yai  
\q1
\v 1 God, te nago bomogo,  
\q2 nago ena te dwai bidi dabego nogode ma sao.  
\q1 Te nago genuai bomogo nago ena  
\q2 te olo mu bidimainu ebo bidi pedalumainu ilao.   
\q1
\v 2 God, eno homugo nago eno  
\q2 gedu haluasa po wabo odomainu homu ebao.  
\q1 Eno homugo nago eno wabo poba  
\q2 olo mumainu homu ebo dao.   
\b  
\q1
\v 3 Te hagoma ebo bidi dabe aselama,  
\q2 te augwaligo ena dali hwįainu ebao.  
\q1 Te homu dene isiąbo bidi dabe  
\q2 augwaligo ena ela muainu ebao.  
\q1 Te bidi dabe augwaligo homugo  
\q2 te God olo nai tiwai da homu ebo dao.   
\b  
\q1
\v 4 Tiali goli, Godigo digi ena tau sabo bidi dao.  
\q1 Mu tama, Genuai Bidigo te ena tonalubaso,  
\q2 tama ena bugagia bidibo dao.   
\q1
\v 5 Te Godigo eno boi bidi dabeba  
\q2 te tiwai dene mawaibao.  
\q1 Te augwaligo enaba ebo kolesagade,  
\q2 tego augwa digi dolaibao.  
\q1 Godigo ena me tagalogobeo,  
\q2 tama tiyu, agai te boi bidi dabe mu silaibao.   
\q1
\v 6 Genuai Bidi, eno te nageba ofa  
\q2 maiyabo homu wei ebao.  
\q1 Nage te wiegi yai mu da,  
\q2 tama tiyu, eno nageba gedu haluasa  
\q3 pode usu da mu obao.   
\q1
\v 7 Nago ena tau selama, tama enaba  
\q2 te pedelali tigidali sęgęgo te ena aiyaba me elalubeo.  
\q1 Tama eno suali, te nago eno  
\q2 boi bidi dabe aiyaba elalubo subo dao.   
\c 55  
\d Te Devitgo asęani balia po me deli dao.  
\s1 Bidigo abagigo aga dali dwai sę ebaso, agai gedu haluasa po wai  
\q1
\v 1 God, nago eno gedu haluasa  
\q2 po wabo odao.  
\q1 Nago eno gela wabode olo me pania sigio.   
\q1
\v 2 Ae, nago eno gedu haluasa po bugagia odolama,  
\q2 tama enaba po wei ponao.  
\q1 Te sęgęgo ena mu dolainu ebo dao.   
\q1
\v 3 Te boi bidi dabego ena dolabo po bomo mu yai.  
\q1 Te dwai bidi dabego ena aiyaba mu elalu yali.  
\q1 Tama tiyu, eno haliga te dwai sęgę mu yai.  
\q1 Augwaligo te sęgę hauwa enaba muyu,  
\q3 te wado po dali weyu yai,  
\q2 tama augwaligo enaba boi bidi mu ebao.   
\q1
\v 4 Ena te augwalide wi umabo mu eyu,  
\q2 tama ena isabo homu elama,  
\q2 tama tego ena haliga sęgę mu ilibo dao.   
\q1
\v 5 Awe, ena wi mu elama,  
\q2 tama eno tigi te didibili dwai mu ebao.  
\q1 Te wigo ena aiyaba mu elaluai.   
\q1
\v 6 Tialima, eno te tama po wali,  
\q2 “Hobede ya, te eno homugo  
\q2 te ba dabego bogo tiwai sigi da homu yai.  
\q1 Tama ena bola pelama, te toma nabo  
\q3 pesage me deli gegelama,  
\q2 tama ena tede dugulalu dabo homu ebao,” wali.   
\q1
\v 7 “Te ena digibulu mu bola pelama,  
\q2 tama ena te bidi meni yai pesageba  
\q3 mu bidigi paibao,” wali.   
\q1
\v 8 “Te ena asesa bola peyu,  
\q2 tama geme duala sigi pelama,  
\q2 bidabo pesage me deli gegelama, bidainu yaibao,  
\q2 tama ena te bomai walide me tulubagede  
\q3 geme duala selama, bidaibao,” wali.   
\b  
\q1
\v 9 Eno suali, te bidi dabego te taun tomode hwįbo suali.  
\q1 Tama tialima, Genuai Bidi, nago  
\q2 augwaligo po kone tuą palumainu elama,  
\q2 tama augwali mu silimainogo yao.   
\q1
\v 10 Te giligade me hulide augwali  
\q2 te taun bagulali obo dąįde bilalu ebo dao.  
\q1 Tama te taun we bidi dabego te  
\q2 dwai sęgę sabo kolesaga ebo sę hauwa eyu ebo dao.   
\q1
\v 11 Te taun pedai tigidali badu te  
\q2 bidi dabego gasa bidi dabe me,  
\q2 doado bage dabe me doloyu ebao.  
\q1 Te sunumi sesegede,  
\q3 me te bidi sisinibo pesagede,  
\q2 te bidi dabego te gasa bidi dabe aiyaba elalu ebao,  
\q2 tama augwali tibo po ola mayu,  
\q3 te augwaligo doado bage sainu ebo dao.   
\q1
\v 12 Te boi bidi me deligo po dwai  
\q2 enabolo wagi sogo da, tagalao,  
\q2 eno te agai wabo pogo sęgę bugagia toligi da.  
\q1 Ma, ena wei isiąwai bidigo enaba  
\q3 kęnę po wagi sogo da,  
\q2 teda ena agade geme duala sabo usugi da.   
\q1
\v 13 Tiali goli, menio. Te nage naga dao.  
\q1 Nage te eno polalubo abagi da,  
\q2 tama nage te eno hai namu mu da.  
\q1 Nago digi te dwai po wabo kolesaga ebo dao.   
\q1
\v 14 Polobadu da si hodobo biliyu,  
\q2 tama po dali bugagia miyu, ela bilai,  
\q2 tama te Godigo moni lotu be  
\q2 tempelba te gasa bidi dabe dali peyu yali.   
\b  
\q1
\v 15 Eno homugo te eno boi bidi dabego  
\q2 haligade me, te augwa bede me,  
\q2 te dwai kolesagago pągąnaluao.  
\q1 Tialima, eno homugo  
\q2 te augwali polo isimainu homu yai.  
\q1 Te augwali bidibo elalubadi,  
\q2 tama augwali te isibo bidi dabego  
\q2 pesageba pomainu ebao.   
\q1
\v 16 Tiali goli, te Godigo ena tau somainu  
\q2 te gedu haluasa po obao.  
\q1 Tama aga digi ena ma saibao.   
\q1
\v 17 Te kigamude me,  
\q2 te genuai giliga nanobode me,  
\q2 te hulide me, te sęgę dabego ena dolobaso,  
\q2 tama eno agaba gela wabo da.  
\q1 Tama agai eno gedu haluasa po odoyu yaibao.   
\q1
\v 18 Te bidi hauwago ena dali hwįbao.  
\q2 Tiali goli, ena me dolobeo.  
\q1 Magi baso meni, Godigo ena tonaluyu,  
\q2 tama ena ma odasa asaibao.   
\q1
\v 19 Polobadu mu God king bidali,  
\q2 tama megi me aga te king bidibao.  
\q1 Te aga digi eno gedu haluasa po wabo odama,  
\q2 tama agai te boi bidi dabe  
\q3 te hwįbode aiyaba elaluaibao.  
\q1 Augwali te agade wi me isąwai,  
\q2 tama tiyu, augwaligo te dwai sę ebo  
\q3 kolesaga tagalogobeo.   
\b  
\q1
\v 20 Eno te abagigo agai te  
\q2 aga abagi dabe dali digi hwįani.  
\q1 Tama agai te augwali dali polobadu  
\q2 te dąų walali bomai po bolalio.   
\q1
\v 21 Te pedauwalide agai pusai po wali,  
\q2 tiali goli te haligade agai te boi bidi enade elaluali.  
\q1 Te agai pogo dago tabi nagame ilama bidibao.  
\q1 Tiali goli, te po te bobobage bainat hwą  
\q3 tiwai mu poa pelama, tama da togobao.   
\b  
\q1
\v 22 Tigidali sęgę nago tolobao,  
\q2 te nago Genuai Bidiba mao.  
\q1 Te agai tolama,  
\q2 tama te agai nage dąų walaibao.  
\q1 Te agai te magi nai me deligo  
\q2 te doloba pai bidi dabe dolomainu me iligobeo.   
\b  
\q1
\v 23 Tiali goli God, te nago te bidi  
\q3 ela mubo bidi dabe sela sąyu,  
\q2 tama te tibo po wabo bidi dabe me sela sąyu elama,  
\q2 tama augwali te dwai pesageba pelama,  
\q2 tama augwali hagawaibao.  
\q1 Te augwaligo bidabo sogo bodolu  
\q3 te me elalubadi, tama te augwali isaibao.  
\q1 Tiali goli, ena digi, teda eno konealubo homu nageba  
\q3 mu sesemane kęą paibao.   
\c 56  
\d Te Filistia dabego Devit te Get taunde pageabi elama, tola sobaso, tama Devitgo te gedu haluasa po weyu, te Godiba gela wali. 1 Samuel 21:10-15 tede elalubo po suao.  
\s1 Te Godiba konealubo homu dąų wabo bidigo gedu haluasa po wai  
\q1
\v 1 God, nago te olo tau sabo  
\q2 wiegi yai kolesaga enaba yao.  
\q1 Te bidi dabego ena pobeasa biliyu,  
\q2 tama ena dali hwįyu ebao.  
\q1 Te boi bidi dabego sesemane sogo dwai enaba ebao.   
\q1
\v 2 Tigidali sogo giligade  
\q2 te boi bidi dabego ena dali hwįai.  
\q1 Te bidi hauwago enaba boi bidi ebo dao.   
\q1
\v 3 Te Tigidali Bomo Elalubo God Mu,  
\q2 te ena magi nai me delide wi ebo sogo,  
\q2 eno konealubo homu nageba dąų mu wabo dao.   
\q1
\v 4 Eno konealubo homu Godiba kęą pelama,  
\q2 tama eno agai mu poba homu konealubao.  
\q1 Tama tiyu, eno agai nogi ugwaba sobao.  
\q1 Eno konealubo homu Godiba munama,  
\q2 tama ena te magi nai mede wi me egobeo.  
\q1 Te bidi dabego mena sę enaba yaibawe? Menio.   
\b  
\q1
\v 5 Tigidali sę eno yainogo ebadi goli,  
\q2 te boi bidi dabego dolobo sę yai.  
\q1 Te sesemane sogo augwaligo homugo  
\q2 te ena dolabo sunumi gegebo sę yai.   
\q1
\v 6 Augwa deliba sisinagaselama, geme dualalubo dao.  
\q1 Te augwaligo ena bilibo bugagia tonalu,  
\q2 tama ena augwaligo ela muabo  
\q3 homu eyu, te tama tibo dao.   
\q1
\v 7 God, nago te augwa ebo kolesagade dwai dene mao.  
\q1 Nago augwalide haliga sębę eyu,  
\q2 tama augwali mu dolama, aiyaba mu elaluao.   
\b  
\q1
\v 8 Nago ena te sęgę toliyu,  
\q2 tama ena te dwai dene me eyu,  
\q2 tama ena te gela udubo te nago koneai.  
\q1 Tialima, nago tede homu konealu elama,  
\q2 tama te naga bukude te nago asęai dao.   
\q1
\v 9 God, eno nage koneanio.  
\q1 Nago ena tau sainu yai.  
\q1 Tama tialima, nosali eno nageba  
\q3 gedu haluasa po waibao,  
\q3 te nago te boi bidi dabe pobebaso,  
\q2 tama augwali wi paibao.   
\q1
\v 10 Eno te Godiba homu konealu,  
\q2 tama eno agai dąų wali poba homu konealuai.  
\q1 Tama tiyu, eno agai nogi ugwaba sabo dao.  
\q1 Mu tama, eno te Genuai Bidigo  
\q2 dąų walali poba homu kone palama,  
\q2 tama eno aga nogi ugwaba sabo dao.   
\q1
\v 11 Eno konealubo homu te Godiba dąų obaso,  
\q1 tama tiyu, te eno magi naide wi me egobeo.  
\q1 Te bidi dabego mena sę enaba yaibawe? Menio.   
\b  
\q1
\v 12-13 God, te polobadu eno yaiba  
\q2 olama po dąų wali sę, te sę eno yaibao wali.  
\q1 Nago ena ma dobola saligo tama, ena me isibeo.  
\q1 Nago ena tau saligo  
\q2 te boi bidi dabego ena me aiyaba elalubeo.  
\q1 Tama tialima, God, ena te nage dali  
\q3 sesemane sogo bilibao,  
\q2 tama ena te nago ulade bilidubadi,  
\q3 te ena isiboba usu naibao.  
\q1 Tama eno nageba usu da mu weyu,  
\q2 tama eno te usu da wali po dąį iliyu,  
\q3 te eno ofa me deli yaibao.   
\c 57  
\d Devit te Solde wi pelama, tama te bulu du odua beba bidigi pai. Te 1 Samuel 22:1; 24:1-3 tede elalubo po suao. Agai te dabolo kolesaga konemainu ola mayu, te balia asęai dao.  
\s1 Te bidigo gedu haluasa po weyu, te Godigo aga tau somainu wai  
\q1
\v 1 God, nago te homu dene eyu,  
\q2 tau sabo kolesaga enaba yao.  
\q1 Magi baso meni, nago ena tonalumainu  
\q2 eyu, ena nageba asobao.  
\q1 Ena nage dali bidibaso, te ena bugagia bidibao,  
\q2 te ba kakaruk wai dabe te aga idago bogo dologode  
\q2 bugagia geme dualalubo tiwai gilama ebao.  
\q1 Ena te tiwai tama bididu, te ena dolainu yali nai tigidali  
\q2 silibo sogoba usu nigi paibao.   
\q1
\v 2 Eno te Ugwadu Mu Bidibo Godigo  
\q2 te ena tau somainu i wabo dao.  
\q1 Tama agai te ena sǫą pabo nai tigidali mabo dao.   
\q1
\v 3 Aga te dagalude bidiyu,  
\q1 tama agai eno gedu haluasa po wabo odama,  
\q2 tama ena ma dobola saibao.  
\q1 Agai te ena dolainu ebo bidi dabe te aiyaba elalueibao.  
\q1 Godigo te sesemane sogo  
\q2 ena wei mu eyu, godolo elama,  
\q1 tama agai ena munu me tagalugobeo. Mu menio.   
\b  
\q1
\v 4 Te dwai hasa laion tiwai bidi dabe  
\q2 augwaligo ena bobegelali,  
\q1 tama augwaligo te we bidi dabe tuainu sisi yali.  
\q1 Te augwaligo kele te ene me sesemone poa pai mu  
\q2 tiwai elaluali.  
\q1 Te augwaligo hamena te bainat hwą poa pai mu  
\q2 tiwai elaluai dao.   
\b  
\q1
\v 5 God, nago magi sę me deli te dagalude  
\q2 te tigidali we bidiba te tiwai ola mao,  
\q1 naga digi te polalubo bidi mu da olama,  
\q2 tama nage te augwali daide ugwadu bidibao.  
\q1 Te nago bomo te tigidali bulu tǫ pedaide  
\q2 pepeli diliba hanilama, pedalumainu yao.   
\b  
\q1
\v 6 Te boi bidi dabego ena tola somainu  
\q2 ebo bono gągą muani.  
\q1 Tama tiyu, genuai sęgęgo ena aiyaba mu elaluai.  
\q1 Augwaligo eno sunumide te tǫ dedage dogolama,  
\q2 teba ena tula mumainu yai.  
\q1 Tiali goli, ena tula mubeo.  
\q1 Augwa digi te dedageba ma tulaluali.   
\b  
\q1
\v 7 God, te eno haligade da,  
\q2 eno konealubo homu nageba dąų wali.  
\q1 Awe, eno konealubo homu nageba mu mubao.  
\q1 Tama tibaso, te eno nago nogi ugwaba  
\q2 sabo tęąbi po waibao.   
\q1
\v 8 Te ena pila mubo tagalama hodaluaibao.  
\q1 Eno te gita me, kulelego me, te musik waibao.  
\q1 Te be posa pabode, teda eno te musik waibao.   
\q1
\v 9 Genuai Bidi, te eno nageba usu da wabo po  
\q2 te gasa hani tomode waibao.  
\q1 Te ena tigidali tǫde bidibo we bidiba pelama,  
\q2 te nago nogi ugwaba saibao.   
\q1
\v 10 Magi baso meni, nago da sesemane  
\q2 godolo ebo umabo mu ebao.  
\q1 Te dago usu sainu ebaso da, teda te dąį te dagaluba  
\q3 usu nigi paibao.  
\q1 Nago da tonaluabo po dąų walama,  
\q2 tama nago da me tagalubeo.  
\q1 Te nago da tonalubo sogo tigidali te dago nedebaso da,  
\q2 teda dąį te dagaluba usu nigiluaibao.   
\q1
\v 11 God, nago magi sę me deli  
\q2 te dagalude te tigidali we bidiba te tiwai ola mao,  
\q1 naga digi te polalubo bidi mu da olama,  
\q1 tama nage te augwali dąįde ugwadu bidibao.  
\q1 Te nago bomo te tigidali bulu tǫ pedaide  
\q2 te pepeli diliba hanilama, pedalumainu ilao.   
\c 58  
\d Te Devitgo asęani balia po me deli dao.  
\s1 Te Godigo te dwai sę ebo bidi dabeba dwai dene mawainogo eyu, te bidigo gedu haluasa po wai  
\q1
\v 1 Dage te tobolu bidi dabe,  
\q2 dagego te doloba pai po  
\q3 te po tųde wabo da, agawe?  
\q1 Te dagego tigidali bidigo po  
\q2 bugagia dagalubo da homu eba, agawe?   
\q1
\v 2 Mu menio. Te dagego homu  
\q2 te dwai kolesagaba naga kęą pai elalubao.  
\q1 Tama dagego te tigidali badu  
\q2 te bidi dabe dolobo sę ebao.   
\b  
\q1
\v 3 Te dwai sę ebo bidi dabe te  
\q2 augwa tigidali sogo bilibode  
\q3 te wiegi yai sunumi tagalali.  
\q1 Te augwali wąį bǫųde digi gagalali,  
\q2 te augwa monu dabe eboba usu nigi peyu,  
\q2 te augwaligo tibo po wabo sę naga yalio.   
\q1
\v 4 Te augwaligo wabo po te bidi gąų kelebo hasamanigo  
\q3 kelede elalubo te bidi isibo nabi tiwai dao.  
\q1 Augwa olo pania siyu yali, te hasamanigo ebo tiwai,  
\q2 te aga olo pania selama, te aga po te me odobeo.   
\q1
\v 5 Te hasamanigo te kolesaga koneai  
\q3 bidigo po me odisiąwaibao,  
\q2 te agai musik wabo sogo te hasamani hodaluama,  
\q3 tęąbi emainu yai.  
\q1 Te agai ona elaidu geani,  
\q2 tama te hasamanigo me odogobeo.   
\q1
\v 6 God, nago te dwai bidi dabe dolao.  
\q2 Genuai Bidi, te augwali  
\q3 te dolama hwįbo laion tiwai ebao,  
\q2 tama tialima, nago augwali kele togolama,  
\q3 tigidali guda sąyao.   
\q1
\v 7 Augwali te wę pelama,  
\q2 tama te tǫde odolali menia siyu,  
\q3 hagabo tiwai emainao.  
\q1 Nago augwali agayu, tama te bidigo nosa agalama,  
\q3 te isibo tiwai gilama emainao.   
\q1
\v 8 Eno homugo augwali te ma damubo  
\q2 tiwai gilama emainao,  
\q3 moni dwai kukumini emainao.  
\q1 Tama augwali te wai idago haligade  
\q3 isibo tiwai emainao.  
\q1 Nosali idago aga ame nenama,  
\q2 tama te waigo giliga susiąbo tiwai emainu yao.   
\q1
\v 9 Te polo mu tama, Godigo augwali dolaibao,  
\q1 te bidigo dwasianu ni gelibo tiwai gilama yaibao.  
\q1 Augwali te bidibo ula elalubadi,  
\q2 tama Godigo augwalide haliga sębę mu elama,  
\q2 tama agai augwali te pobele bage  
\q3 sąbo tiwai gilama ebo dao.   
\q1
\v 10 Te doloba pai bidi dabego  
\q2 te Godigo te dwai sę ebo bidi  
\q2 dabebolo te dwai dene mabo subo si,  
\q2 te augwali wiegi yai pemene yaibao.  
\q1 Te doloba pai bidi dabego sągą  
\q2 te dwai bidi dabego kanemego sągą wę telaibao.   
\q1
\v 11 Tama gasa bidi dabego te tama po waibao,  
\q1 “Mu dao, Godigo te doloba pai bidi dabeba  
\q2 wiegi yai sę wei pona mawai.  
\q1 Mu tama, God bidibao, tama agai te tigidali bage  
\q2 te doloba pai po tųgo dagalaibao,” waibao   
\c 59  
\d Polobadu Solgo bidi meba tagala palama, te Devitgo beba tonalugi pai. Augwaligo aga ela muainu yai. Te 1 Samuel 19:11 tede elalubo po suao. Tialima, Devitgo megi te balia asęyu, te dabolo bugagia ola mawai.  
\s1 Te bidigo gedu haluasa po weyu, te boi bidigo aga me dolidali olama wai  
\q1
\v 1 Eno God, nago ena te boi bidi dabego  
\q2 nogode ma dobola sao.  
\q1 Nago ena bugagia seselalubaso,  
\q2 te augwaligo ena me dolisiąwaibao.   
\q1
\v 2 Nago ena te dwai bidi dabego  
\q2 nogode dagala sao.  
\q1 Tama ena ela muainu ebo bidi dabede  
\q2 nago ena ma dobola sao.   
\b  
\q1
\v 3 Augwali suao. Augwali geme dualalu,  
\q2 te ena ela muainu ebao.  
\q1 Augwali te dwai hwįbo bidi dabe,  
\q2 tama augwali sisinama, te ena dali hwįainu ebo dao.   
\q1
\v 4 Genuai Bidi, augwali dali eno dwai sę me isiąyu,  
\q2 tama eno nago bomai pode hagoma me ebeo,  
\q2 tama eno magi nai me delide magi dwai sę me ebeo.  
\q1 Tiali goli, augwali asesa pelama,  
\q2 te ena dali hwįainu pąba bidagasai elaluali.   
\q1
\v 5 Genuai Bidi, nage te Tigidali Bomo  
\q2 Elalubo God dao.  
\q1 Nago polo tama ena tau sagasao.  
\q1 Nage te Israel dabego God, te bidi dabe suao.  
\q1 Nage polo aselama, tama te Israel hani isąwai we bidiba  
\q2 dwai dene magasobo sę yagasao.  
\q1 Nago augwalide homu dene me elamuo.  
\q1 Te bagego wiegi yai kolesaga yaiba po wali,  
\q2 tiali goli, augwaligo te dwai kolesaga  
\q2 yabo homu naga elaluai.  
\q1 Te augwali wei ponobo sę nago mu yao,   
\b  
\q1
\v 6 Te hulide augwali te genuai hanuba ma aselama,  
\q2 tama augwali te taun bobegelali obo  
\q3 sesege badu bagula biliyu,  
\q2 tama te yowi dabego wabo tiwai i ola bilai.   
\q1
\v 7 Odao. Te augwaligo po te dwai mu weyu,  
\q2 te bainat hwą poa pai mu tiwai yali.  
\q1 Tiali goli, augwaligo te po wali,  
\q2 “Dego dago te po odomainu yagawe?”   
\b  
\q1
\v 8 Tiali goli, Genuai Bidi,  
\q2 nago augwaliba dwai gisugu mu mabo dao.  
\q1 Nago te tigidali Israel hani isąwai we  
\q2 bidi haniba te kęnę po wabo dao.   
\q1
\v 9 Nago naga ena dąų waliyu, tama ena tonalubao.  
\q1 God, ena te nageba naga pelama,  
\q2 tama ena te boi bidi dabede geme duala sabo dao.   
\q1
\v 10 Te eno God agai ena wei eyu, godolo mu elama,  
\q2 tama aga aselama, ena tau sagasali.  
\q1 Godigo te agai eno boi bidi dabe te  
\q2 aiyaba elalubo te enabolo sumainu yaibao.   
\q1
\v 11 God, te nago augwali ela mugio.  
\q1 Magi baso meni, te eno hani bage augwaligo  
\q2 te naide homu kone ebo tagalidalio.  
\q1 Genuai Bidi, nage da tonalubo bidi dao.  
\q1 Te nago bomogo naga,  
\q2 nago te boi bidi dabe sela sąnama,  
\q2 te augwali tedela pomainao.   
\q1
\v 12 Sesemane sogo augwaligo  
\q2 te dwai sę yabo po naga weyu ebo dao.  
\q1 Te augwa hagoma ebo kolesagade  
\q2 te augwa dolomainu sula tagalao.  
\q1 Augwaligo te nago nogide po dwai weyu,  
\q2 tama sesemane sogo tibo po wabo dao.   
\q1
\v 13 Tama tialima, te nago haliga sębę  
\q2 augwalide eyu, te augwali elao.  
\q1 Te dwai sę ebo bidi dabe mu silao.  
\q1 Nago te tibaso da,  
\q2 tama te we bidi dabego koneama,  
\q2 nage te God, nage te da Israel dabego king bidi me,  
\q2 tama nage te tigidali bulu tǫde  
\q3 bagego king da olama,  
\q2 te augwaligo konemainao.   
\b  
\q1
\v 14 Tama hulide te eno boi bidi dabe  
\q3 te taunba ma aselama,  
\q2 tama augwali te bagula biliyu,  
\q2 tama te yowi dabego go wabo tiwai ebo dao.   
\q1
\v 15 Augwali te yowi tiwai biliyu, te uga peyu, eda asiyu,  
\q3 te nai gegebo ebao,  
\q2 tama te augwali haliga pągąsiąbaso,  
\q2 augwali te i dwai mu weyu ebo dao.   
\q1
\v 16 Tiali goli, eno te nago genuai  
\q2 bomode te tęąbi weyu yaibao.  
\q1 Te tigidali sogo kigamude te eno tęąbi genuai weyu,  
\q2 te nago ena sesemane sogo godolo ebode  
\q2 te homu paliyu tiaibao.  
\q1 Magi baso meni, te haniani sęgę dabe  
\q3 polobadu enaba pedelali,  
\q2 tama nago ena bugagia tonalu,  
\q2 tama nage te eno obo tiwai elalubo dao.   
\q1
\v 17 God, nage naga te ena seselalubo bidi dao.  
\q1 Eno te nago nogi ugwaba sabo tęąbi po wainogo ebao.  
\q1 God, nago ena godolo mu ebao,  
\q2 tama nage te eno bomai obo elalubao.   
\c 60  
\d Devitgo te da ola mayu yai. Agai te polobadu te Mesopotemiatǫde bidali bage, me Soba tǫde bidali bage, te Siria dabe dalihwįani sogo, te hani kone ma palali. Tama agai te bidi Joapte ma geasa asiyu, tama te Tamu Elalubo Tǫ Malude bidali, te Idom bidi dabe te 12,000 bidi ela muani, teba agai homu konema palama, te balia po asęai dao. Te 2 Samuel Dąį 8; 1 Stori Dąį 18, tede elalubo po suao.  
\s1 Bidigo te gedu haluasa po weyu, te Godigo augwali ma somainu yali  
\q1
\v 1 God, nago da tagalama,  
\q2 tama da te hwįbode aiyaba  
\q3 elalumainu sula tagalalio.  
\q1 Nago dade wado homu elalu, tama nago te tiwai yali.  
\q1 Tiali goli, megi te nage ma asiyu,  
\q2 te da ma tau sagasao.   
\q1
\v 2 Nago dago tǫ mali emainu ilama,  
\q2 tama nago te alumainu elama,  
\q2 tama genuai tǫ dedage pedelalio.  
\q1 Megi da, te tǫ mu dolainu ebao.  
\q1 Tialima, nago ma dodolao.   
\q1
\v 3 Nago te sęgę hauwa te naga we bidi dabolo mawai.  
\q1 Tama nago dabolo te wain ąį menama,  
\q2 tumainu ebo tiwai yai.  
\q1 Dago tulama, tama da te umuna pai mu pedelali.   
\q1
\v 4 Nago te wi pao po te nageba  
\q2 lotu wabo we bidiba pusai,  
\q2 te boi bidi dabego augwali dolidali weyu,  
\q3 augwali wi pomainogo yali.   
\b  
\q1
\v 5 Da te nago bomogo ma sao,  
\q1 magi baso meni, te nago da godolo mu ebo dao.  
\q1 Tama tibaso, nago dago gedu haluasa po wabo odolama,  
\q2 tama da te boi bidi dabego nogode ma sao.   
\q1
\v 6 God te aga wiegi yai bulude bidiyu,  
\q2 tama aga te po wai dao,  
\q1 “Te eno hwįbo boi bidi dabe aiyaba elaluama,  
\q2 tama eno wiegi yai pemene mu yaibao.  
\q1 Megi da, eno te Sekem bulu tǫ pedaibao,  
\q2 tama te Sukot tǫ malu bulu pesagede me, tama eno  
\q2 te ena we bidi dabeba dobawaibao.   
\q1
\v 7 Te Gileat tǫ pedaide bidibo we bidi  
\q2 me, te Manase hani dabe me, te eno bage dao.  
\q1 Te Efraim hani we bidi te eno kapago  
\q3 nigai tobolu madi tiwai elalubao,  
\q2 tama eno king te eno bage Judade munama,  
\q3 elalubao.   
\q1
\v 8 Te eno te Moap dabe te eno sę yabo bidi  
\q3 pedalumainu elama, tama eno te Idom dabe  
\q3 te eno sę olo ebo bidi dabe nigilaibao,” wali.  
\q1 “Te eno te Filistia dabe te hwįnama, aiyaba elalubaso,  
\q2 tama eno homu pemene eyu,  
\q2 tama i waibao,” po wai.   
\q1
\v 9 God, dego ena te Idomba odasa pogowe?  
\q1 Tama dego ena te bomai obo elalubo  
\q3 taunba odasa pogowe?   
\q1
\v 10 God, te nago da  
\q2 te tudiba muani homu eba, agawe?  
\q1 Nage te dago ami dabe dali pisąma eba, agawe?   
\q1
\v 11 Nago da tau sobaso,  
\q2 tama dago te boi bidi dabe dali hwįaibao.  
\q1 Magi baso meni, te bidi dabego naga da tau sobaso da,  
\q2 te olo nai tiwai naga dao.   
\q1
\v 12 Tiali goli, te God da dali bidibaso da,  
\q2 teda dago te hwįbode te boi bidi dabe elaibao.  
\q1 Mu tama, Godigo te dago boi bidi dabe  
\q3 aiyaba elaluaibao.   
\c 61  
\d Te Devitgo asęani balia po me deli dao.  
\s1 Te bidigo gedu haluasa po weyu, te Godigo aga seselalumainu wai  
\q1
\v 1 O God, te eno nageba i wabo te nago odao.  
\q1 Te nago eno gedu haluasa po waboba  
\q2 bugagia olo muao.   
\q1
\v 2 Ena te ena bulu pesage digibulu bidibao,  
\q2 tama eno haliga te sęgę mu ebao.  
\q1 Tama tibaso, te eno nageba i weyu,  
\q2 te nago ena tau somainu ebo dao.  
\q1 Nago ena te geme dualabo  
\q2 pesage me deliba odasa pobaso da,  
\q1 teda te boi bidi dabego ena me dologobeo.   
\b  
\q1
\v 3 Magi baso meni, nago naga ena  
\q2 te bugagia seselalubo dao.  
\q1 Nage naga te eno bomai obo elalubao,  
\q2 tama tiyu, te boi bidi dabego  
\q1 ena me dolainu ebaso, te usugobeo.   
\b  
\q1
\v 4 Eno homugo te godolo mu eyu,  
\q2 ena te nago bede bididubadi,  
\q2 te ena isibo sogoba usu nabo homu ebao.  
\q1 Tama ena nage pąde bugagia bidiyu,  
\q2 te kakaruk wai te aga idago bogo  
\q3 dologode bugagia bidibo tiwai gilama yaibao.   
\q1
\v 5 God, te tigidali naide eno nageba  
\q2 te po dąų walali, te nago odalio.  
\q1 Tama nago te nai dabe enabolo mawai,  
\q2 te nago nogi ugwaba sabo we bidi  
\q2 augwaliba mabo tiwai gilama yalio.   
\b  
\q1
\v 6 Nago te king te bidibo ula dali  
\q2 te hauwa kibu be bidimainu yao.  
\q1 Nago aga te tǫde sesabi elama, bidimainu yao.   
\q1
\v 7 God, nago gedude te aga sesemane sogo  
\q2 te king bidimainu ilao.  
\q1 Nago aga sesemane godolo mu ebaso,  
\q2 tama te nago aga sesemane sogo bugagia tonaluao.   
\q1
\v 8 Nago tama tibaso da,  
\q2 teda te tigidali side te eno polobadu  
\q3 te po nageba dąų walali po, te eno wali peyu,  
\q2 tama eno nago nogi ugwaba sabo tęąbi po  
\q2 te sesemane bidada pabo sogo udaibao.   
\c 62  
\d Te Devitgo asęani balia po me deli dao.  
\s1 God deligo naga da tonalubo dao  
\q1
\v 1 Mu tama, eno konealubo homu te God deliba  
\q2 naga dąų weyu, tama sagia siyu,  
\q2 tama eno te agai ena tau sabo tonalubo dao.  
\q1 Aga deligo naga te ena ma selama,  
\q2 tama ena bidibo ula dali bidibo dao.   
\q1
\v 2 Agai deligo te ena tonalu, tama ena tau siyu ebao.  
\q1 Tama aga deli naga eno bomai obo elalubao.  
\q1 Tama tiyu, te hwįbo side ena me hagagobeo. Mu menio.   
\b  
\q1
\v 3 Ena dali boi homu ebo bage, nisu naga sogo dagego  
\q3 ena dali hwįyu, te ena dolainu ebawe?  
\q1 Dagego homugo ena te obo tomage  
\q3 me deli te tulaluama,  
\q2 te mu togwa pabo tiwai gilama emainu ebao.   
\q1
\v 4 Eno genuai nogi elalubadi,  
\q2 tiali goli, te dagego eno genuai nogi dolainu ebao.  
\q1 Dagego te tibo po wabo  
\q2 godolo homu mu ebo dao.  
\q1 Dagego te Godigo enaba wiegi yai sę yabo po pusai,  
\q2 tiali goli dagego haligade dagego  
\q2 te tama weyu wali, “Dago homugo te Godigo  
\q2 aga dolomainu homu ebao,” po wali.   
\q1
\v 5 Eno konealubo homu te God deliba  
\q2 naga dąų wabo dao.  
\q1 Tama eno te agai deligo ena tau sabo tonalubo dao.   
\q1
\v 6 Agai deligo naga ena tonalu, te ena tau sabo dao.  
\q1 Tama aga deli naga eno bomai obo elalubao.  
\q1 Tama tiyu, ena te hwįbo side me  
\q2 hagagobeo. Mu menio.   
\q1
\v 7 God deligo naga ena ma sali,  
\q2 tama aga digi enaba te genuai nogi mani.  
\q1 Aga te ena tonalubo bomai bidi te bidibao.  
\q1 God aga digi aga te eno bomai obo elalubaso,  
\q2 tama te boi bidi dabego ena me dologobeo.   
\q1
\v 8 Eno hani dabe, sesemane sogo dagego  
\q2 te Godiba konealubo homu dąų waiyąo.  
\q1 Dagego te duga tigidali sęgę me,  
\q2 te tigidali homu te agaba pusao,  
\q2 awe, bidigo te wę gelibo tiwai eyu yao.  
\q1 Magi baso meni, da te agaba pelama,  
\q2 bugagia bidainu te tama tiao.   
\b  
\q1
\v 9 Te we bidi da, augwali e tiwai dao.  
\q1 Te olo we bidi dabe te pedauwalide  
\q2 olo mobo pedalubo tiwai te ebao.  
\q1 Tama te genuai namba elalubo bidi dabe  
\q2 augwali me, te olo nai tiwai naga yai.  
\q1 Te augwali dago dagalobaso da,  
\q2 teda augwali te sęgę mu elalusiąbo  
\q2 te dago me suaibao.  
\q1 Te augwaligo sęgę te pedauwalidu  
\q2 pedalubo mobogo sęgę dali usu egobeo.   
\q1
\v 10 Tama tibaso, dagego te tama homu igimio,  
\q1 “Te hwįbo kolesaga me,  
\q3 te nai dabe wi sabo kolesaga me,  
\q3 te wiegi yai kolesaga da weyu,  
\q2 tama da te mone bidi pedalubaso,  
\q3 te usu yaiba,” homu me igio.  
\q1 Ma, te dagego mone me doado bage  
\q3 te hauwa pedalubaso da,  
\q1 teda dagego te nai dabeba naga duga  
\q3 homu mugio. Te usu egobeo.   
\b  
\q1
\v 11 Godigo te tama po wabo te eno odali,  
\q1 “Ena God, eno te genuai bomo elalubo dao,” wali.  
\q1 Me ma, e tama po wabo eno hauwa sogo odali,   
\q1
\v 12 “Tama sesemane sogo eno te  
\q2 tigidali we bidi godolo mu ebao.”  
\q1 Te po wabo si eno mu odalio.  
\q1 Genuai Bidi, nago te da tigidali  
\q2 we bidigo ebo kolesagade usu nama,  
\q2 te sę wei si ma ilibo dao. \x * \xo 62:12 \xt Jop 34:11; Jer 17:10; Mat 16:27; Rom 2:6; Ped 2:23\x*   
\c 63  
\d Devitgo te balia asęani, te aga te Juda bagego te bidi meni yai bulude bidali sogo, teba kone paliyu, te balia asęai. Te 2 Samuel 15:23-28, tede elalubo po suao.  
\s1 Te bidigo homugo te God aga dali bidimainu homu eyu, gedu haluasa po wai  
\q1
\v 1 O God, nage eno God dao.  
\q1 Eno nage gegebo sę bomo ebao.  
\q1 Te eno homu ogwa waigo te nage dali  
\q2 bidabo homu godolo mu ebao.  
\q1 Eno tigigo me, te nage dali bidabo homu godolo yali,  
\q2 te bidi te wę meni yai wa pai bulude  
\q2 te wę nogonego sabo tiwai gilama yai.   
\q1
\v 2 Eno nage te naga mena wiegi yai bede  
\q3 mu suabo homu elama,  
\q2 tama eno homugo te nago genuai  
\q3 bomo te enabolo ola momainu  
\q3 homu yali, tama nago genuai  
\q3 nogi yai ula me te ola momainu yai.   
\q1
\v 3 Te e tǫde bidibo ula te wiegi yai yai,  
\q2 tiali goli nago te da sesemane  
\q3 godolo ebo wiegi yai kolesaga te polalubo dao.  
\q1 Tama tiyu, eno nago nogi ugwaba sabo dao.   
\q1
\v 4 Te eno nageba usu da weyu,  
\q2 tama nago nogi ugwaba sidubadi,  
\q2 te ena isibo siba usu naibao.  
\q1 Te eno nogo ugwaba selama,  
\q2 tama nageba gedu haluasa po waibao.   
\q1
\v 5 Te eno homu ogwa wai mobo  
\q2 te wiegi yai mu elalubao,  
\q2 te bidigo wiegi yai nai dabe tulama,  
\q2 tama te usu yai tiwai gilama yai.  
\q1 Tama ena wiegi yai pemene elama,  
\q2 tama nage nogi ugwaba sabo dao.   
\q1
\v 6 Te ena betba pigilubo sogo,  
\q2 te eno nageba homu kone palu ebo dao.  
\q1 Te hulide eno homu kone nageba naga ebo dao.   
\q1
\v 7 Magi baso meni, nago ena sesemane sogo tau sali.  
\q1 Ena nage pąde bidali,  
\q2 te kakaruk wai te aga idago bogo  
\q2 dologode bidibo tiwai gilama eyu,  
\q1 tama eno te wiegi yai pemene ebo balia po wali.   
\q1
\v 8 Ena nage dali bilibaso,  
\q2 tama nago ena bugagia tonalubo dao.   
\b  
\q1
\v 9 Tama te ena ela muabo homu ebo  
\q2 bidi dabe, teda augwali  
\q2 te isibo bidi dabego pesageba dulaibao.   
\q1
\v 10 Te hwįbo side augwali isibaso,  
\q2 tama te uni yowi dabego augwaligo  
\q3 tigi te pesela tuaibao.   
\q1
\v 11 Tiali goli, ena king da, te eno wiegi yai pemene  
\q2 te nage Godiba yaibao.  
\q1 Te bidi dabego nogo guni sisu muyu,  
\q2 tama nago nogi weyu, tama augwa  
\q3 po dąų wabo bidi dabe,  
\q2 te augwaligo nage wali pabo bidi dabe,  
\q2 augwa te wiegi yai pemene mu emainao.  
\q1 Tiali goli, nago te tibo po wabo bidi dabego  
\q2 pedauwali pania somainu yaibao.   
\c 64  
\d Te Devitgo asęani balia po me deli dao.  
\s1 Bidigo te gedu haluasa po weyu, te Godigo aga tonalumainu yali  
\q1
\v 1 O God, eno sęgę te genuai elalubao.  
\q1 Nago eno gedu haluasa po wabo odao.  
\q2 Ena te boi bidi dabede wi ebao.  
\q1 Nago ena tau sobaso da,  
\q2 te ena augwaligo ela muainu ebaso,  
\q2 te usu me egobeo.   
\q1
\v 2 Te dwai sę ebo bidi dabego te  
\q2 ena ela muabo sunumi gegebao,  
\q2 tama augwali sisinama, te elainu ebao.  
\q1 Tama te nago ena seselalubaso da,  
\q2 teda augwaligo enaba te dwai sę me egobeo.   
\q1
\v 3 Te bidi dabego po te mu poa pelama,  
\q2 tama te bainat hwągo ena togobo tiwai ebao.  
\q1 Te augwaligo dwai pogo enaba ponama wali,  
\q2 te bidigo enesigiba ene nanama,  
\q2 te bidi usu sabo tiwai gilama ebo dao.   
\q1
\v 4 Augwali te geme duala selama,  
\q2 tama te wiegi yai bidiba enego enani.  
\q1 Augwaligo te gagamua siyu, te wi me isiąma,  
\q2 tama augwaligo polo eneyu ebo dao.   
\q1
\v 5 Augwaligo augwa digi dąų waliyu,  
\q2 tama te dwai kolesaga ebo dao.  
\q1 Augwaligo te gasa bidi tola somainu yabo  
\q2 te bono gągą muabo po miani.  
\q1 Tama augwa te tama homu yali,  
\q2 “Te mena bidi me deligo te da me sugobeo,” wai.   
\q1
\v 6 Augwaligo te dwai kolesaga meba  
\q3 yabo po mia selama, tama augwa te po wai.  
\q1 “Dago yabo te dwai kolesaga me deli  
\q3 te homugo koneanio, tama te dago yainu ebo sę  
\q3 te bidi me deli gegeyu,  
\q2 koneainu ebaso, usu egobeo,” te po wai.  
\q1 Dago te bidi dabego haligade elalubo  
\q2 homu kolesaga te koneabo usu egobeo,  
\q2 te geme mu dualalubao.   
\b  
\q1
\v 7 Tiali goli, te Godigo augwali  
\q3 te agai enego enebaso da, tama polo mu tama,  
\q3 te genuai keni pedelaibao.   
\q1
\v 8 Augwaligo te gasa bidi dolabo po wai,  
\q2 tama tibaso, te Godigo augwali dolaibao.  
\q1 Te augwali subo bidi dabego  
\q1 te augwaliba te augwaligo dwai gisugu mu mayu,  
\q2 tama tobolu peme yaibao.   
\q1
\v 9 Te tigidali we bidigo Godiba wi yaibao.  
\q1 Tama augwaligo Godigo  
\q3 te yali sę dabede po mimi peyu,  
\q2 tama tede sesemane homu kone palaibao.   
\q1
\v 10 Te tigidali doloba pai we bidi augwaligo  
\q2 te Genuai Bidigo yali sęde  
\q3 wiegi yai pemene yaibao,  
\q2 tama augwali agaba pelama,  
\q3 te dwai sęde geme wi duala sigi paibao.  
\q1 Tama te tigidali doloba pai we bidi augwaligo  
\q2 te Genuai Bidigo nogi ugwaba saibao.   
\c 65  
\d Te Devitgo asęani balia po me deli dao.  
\s1 Augwa wiegi yai pemene elama, te Godiba usu da weyu, gedu haluasa po wai  
\q1
\v 1 O God, da te Saionba pelama,  
\q2 tama nago nogi ugwaba saibao.  
\q1 Te kolesaga ebo te usu mu yaibao.  
\q1 Tama dago te po dąų waliyu,  
\q2 te polobadu yaiba wali sę tigidali usu nama yaibao.   
\q1
\v 2 Nago dago gedu haluasa po wabo odobo dao.  
\q1 Tama tibaso, da tigidali we bidi te nageba asobao.   
\q1
\v 3 Dago te dena yali dwai sęde homu  
\q2 kone palu tama tiali.  
\q1 Te dena dwai sęgo da aiyaba mu elaluali,  
\q2 tiali goli, dago koneani, te nago dago dwai sę  
\q2 te dagala sąwaibao wabo dao.   
\q1
\v 4 Te nago sa munama,  
\q2 tama nago pąba odasa pabo bidi  
\q2 dabe, augwa te wiegi yai pemene emainao.  
\q1 Te tigidali wiegi yai sę yabo kolesaga  
\q2 nago dabolo te moni lotu be tempelde,  
\q2 te nago wiegi yai tedali bede mawai,  
\q3 tego da mu usu naibao.   
\b  
\q1
\v 5 God, nago naga te nago da  
\q2 te boi hwįbode ma selama,  
\q2 tama da bugagia bidibo dao.  
\q1 Nago dago gedu haluasa po wabo odao.  
\q1 Te nago da ma sainu yali sę te sę mu yai.  
\q1 Te dade te digibulu mu  
\q3 te tigidali tǫ habude bidibo bage dabe,  
\q2 tama te augwa pesageba sabolainu,  
\q3 te tamu ąį nogeali,  
\q2 augwaligo konealubo homu nageba  
\q3 dąų mu wabo dao.   
\q1
\v 6 Te nago bomogo te bulu du dabe pedalumainu elama,  
\q2 tama augwali te augwa pesagede elalubao.  
\q1 Nago bomo te genuai mu dao.   
\q1
\v 7 Nago naga te tamu ąį moni dini ebo,  
\q2 te wę kulukulu wabo me isimainu ilibo dao,  
\q2 tama nago te bidi dabego  
\q3 hwįbo me togolobo dao.   
\q1
\v 8 Te tigidali tǫde bidibo we bidi dabego  
\q3 nago te ebo sę dabe sulama,  
\q2 tama tigidali te nagede wi ebao.  
\q1 Te giliga pedalubo badu, me te giliga dega sigilubo badu  
\q3 bidibo we bidi augwaligo  
\q2 te nago ebo sę tigidalide homu kone palama,  
\q2 tama augwaligo te wiegi yai homu pemene elama,  
\q3 te nageba i wabo dao.   
\q1
\v 9 Nago te tulubage tagala palu,  
\q2 te tama tebogo naga nago te tǫ bugagia tonalubao.  
\q1 Tama nago te tǫ ili hauwa pedalumainu ilama,  
\q2 tama te nai bugagia holobao.  
\q1 God, nago te wę dabe tigidali badu muai elalubao,  
\q2 tama augwali te me sula sabeo.  
\q1 Tego te nai hauwa pedalumainu ilama,  
\q2 tama te we bidi dabego sobao.  
\q1 Te sę nago digi ebo dao.   
\q1
\v 10 Nago te tulubage hauwa  
\q2 te tigidali giba tulumainu elama,  
\q2 tama wę te tǫ tomode elalubao.  
\q1 Węgo te tǫ nagame ilibaso,  
\q2 tama nai bugagia holobo dao.   
\q1
\v 11 Nago wiegi yai sę daba eyu,  
\q2 tama nago te nai hauwa pedalumainu yai.  
\q1 Te nage gasa me deli pobaso me,  
\q2 nago tede me te nai wiegi yai hauwa  
\q2 pedalumainu ebo dao.   
\q1
\v 12 Te tigidali bulu pesagede te bulmakau me  
\q2 sipsip dabego tuabo nosa te pągąnaluali.  
\q1 Tama te dwasianu bulu du dabede  
\q2 te gigo pągąwai elalubao.   
\q1
\v 13 Te sipsip hauwa mu te nosa elalubo  
\q2 pesagede mu pągąnalubao.  
\q2 Te bulu dabe odogo tomode te wit nai mu  
\q2 pągąnalubao.  
\q1 Tama tigidali nai te wiegi yai pemene ebo dao.   
\c 66  
\s1 Augwaligo te wiegi yai pemene elama, tama Godiba usu da po weyu, balia po wai  
\q1
\v 1 Te tigidali tǫde we bidi,  
\q2 dago wiegi yai pemene elama,  
\q2 tama bomonama i weyu,  
\q2 tama Godigo nogi ugwaba sao.   
\q1
\v 2 Te balia po weyu,  
\q2 te agai genuai nogide po pusao.  
\q1 Te agai genuai nogi te ugwaba mu sao.   
\q1
\v 3 Dago te tama po Godiba wainao,  
\q2 “Te nago ebo sę tigidali te wiegi yai mu ebao.  
\q1 Te nago bomo genuai ugwanu mu igulai elalubao,  
\q2 tama nago boi bidi dabe te wi mu elama,  
\q2 tama augwali te nago gesabidiba pibia sagaselama,  
\q3 te kidu sugunagasobo dao.”  
\q1 Te tobage po wainao.   
\q1
\v 4 Te tǫde we bidi tigidaligo nageba lotu waibao.  
\q1 Augwa te balia po weyu, nago nogi ugwaba sabo dao.   
\b  
\q1
\v 5 Dage aselama, te Godigo yali sę suiąo.  
\q1 Te genuai genuai sę dabe agai  
\q2 te we bidi dabe tomode yai dao.   
\q1
\v 6 Agai te tamu ąįgo pesage  
\q3 te wa pai pedalumainu ilama,  
\q2 tama dago wąį nǫų dabe tedu pelayu,  
\q2 tama te wę nogegi pai.  
\q1 Tede te augwaligo Godiba wiegi yai  
\q3 homu pemene yai dao. \x * \xo 66:6 \xt Sai 14:21; Jos 3:14-17\x*   
\q1
\v 7 Agai te genuai bomo elalu, tama aga te king sesemane  
\q3 bidada peyu, bidada pobao.  
\q1 Tama agai te we bidi hani tigidaligo  
\q2 ebo sę tigidali te bugagia subao.  
\q1 Tama tiyu, te meba hanigo te Godide hagoma yabuo.   
\b  
\q1
\v 8 Dage tigidali hani, dagego  
\q2 te dena God nogi ugwaba siąo.  
\q1 Dagego te God nogi ugwaba sabo,  
\q2 tama te we bidi dabego odaibao.   
\q1
\v 9 Agai da tonalubaso,  
\q2 tama da te bidibo ula dali bidibao,  
\q2 tama agai da te dwai sęgęba  
\q3 tulalumainu me sula tagalubeo.   
\q1
\v 10 God, nago da usu siyu, te bidi dabego  
\q2 te wiegi yai kapa silva te siago ulama,  
\q2 tama te hogomu kakali sela sąbo tiwai ebo dao.   
\q1
\v 11 Nago da te bono gągągo tola selama,  
\q2 tama nago genuai sęgę daba muani.   
\q1
\v 12 Nago te boi bidi dabego da mu agala somainu ilali.  
\q1 Tama da te sia dobadi te sia dabo  
\q3 tomodu bilali tiwai eyu,  
\q2 tama te asobo wę tomodu pabo yali.  
\q1 Tiali goli, megi nago da te wiegi yai  
\q2 pesageba odasa aselama, bidibao.   
\b  
\q1
\v 13-14 Polobadu te sęgę enaba pedalubaso,  
\q2 tama eno nageba po dąų weyu,  
\q3 te siaba tigidali ulama, domainu ebo ofa  
\q3 mawaiba po wai.  
\q1 Eno te dąų walali po me konealuyu,  
\q2 tama tialima, eno te ofa dabe nageba selasa asaibao.  
\q1 Te eno nago tempel beba te hasa dabe sela aselama,  
\q2 te siaba ulumainu yaibao.   
\q1
\v 15 Te eno te nisali kibu hasa dabe te altade ulama,  
\q2 tama eno nageba te ofa mawaibao.  
\q1 Awe, eno te omai sipsip dabe ulama,  
\q2 tama nago te ofago te denami ebo  
\q3 te wiegi yai odaibao.  
\q1 Tama eno te omai bulmakaugo,  
\q3 me te omai memego te ofa yaibao.   
\b  
\q1
\v 16 Dage te God dologode bidibo  
\q2 we bidi dabe, dage aselama, te eno po odagasiąo.  
\q1 Te eno dagebolo te tigidali sę po  
\q2 te Godigo ena tau selama, yali sę po waibao.   
\q1
\v 17 Polobadu te eno agaba i weyu,  
\q2 te ena tau sao olama,  
\q2 tama eno aga nogi ugwaba sabo  
\q3 balia po wainu sisi ilali.   
\q1
\v 18 Tiali goli, eno homugo te eno dwai  
\q2 sę ebo kolesaga te olo nai tiwai da  
\q3 wagi sogo da, teda Genuai Bidigo  
\q3 te eno gedu haluasa po wabo  
\q2 te me odogi menigi dao.   
\q1
\v 19 Tiali goli, Godigo eno wabo po odalio.  
\q1 Mu tama, agai eno gedu haluasa po wali odai dao.   
\b  
\q1
\v 20 Eno God nogi ugwaba sobao.  
\q1 Magi baso meni, agai eno gedu haluasa po  
\q2 te tudiba me musiąwai,  
\q2 tama agai te enade godolo mu  
\q3 sesemane ebo te me dagala sabeo.   
\c 67  
\s1 Te Godiba wiegi yai pemene eyu, wabo tęąbi po e dao  
\q1
\v 1 God, nago te olo tau sabo  
\q2 wiegi yai kolesaga dabolo elama,  
\q2 tama daba te wiegi yai sę yao.  
\q1 Nago daba homu kone palama, tama da tau sao.   
\q1
\v 2 Tama tiyu, te tigidali we bidigo  
\q2 nago kolesaga te konemainu elama,  
\q1 tama tigidali hanigo te nago  
\q2 augwali ma saiba weyu,  
\q2 te augwaligo konemainao.   
\b  
\q1
\v 3 God, eno homugo te tigidali bagego  
\q2 nageba wiegi yai pemene elama,  
\q1 tama nago nogi ugwaba somainu yao.   
\b  
\q1
\v 4 Tigidali hani we bidi te bugai haliga elama,  
\q2 tama wiegi yai pemene ebo tęąbi emainu yao,  
\q1 magi baso meni, te nago tigidali  
\q2 we bidigo kolesaga te doloba pai  
\q2 po tų ebogo dagalaibao,  
\q1 tama nago te we bidi hani dabe  
\q2 te wiegi yai sunumidu bugagia  
\q2 bilimainu dodolobo dao.   
\b  
\q1
\v 5 God, eno homugo te tigidali bagego  
\q2 te nageba wiegi yai pemene elama,  
\q1 tama nago nogi ugwaba somainu yai dao.   
\b  
\q1
\v 6 Te wiegi yai nai hauwa dago tǫde pedelalio.  
\q1 God, aga te dago God, agai  
\q2 te dabolo wiegi yai sę bugagia mu yai.   
\q1
\v 7 Mu tama, Godigo te wiegi yai sę dabolo bugagia yai.  
\q1 Te tigidali tǫde we bidite aga dologode bidaluao.   
\c 68  
\s1 Te Israel dabe augwali te Godigo tau sobaso, wiegi yai pemene yali  
\q1
\v 1 God te polo asomainu elama,  
\q2 tama aga boi bidi dabe  
\q3 sela sąmainu yai.  
\q1 Te Godiba boi bidi ebo bidi dabe,  
\q3 augwali te agade wi pabo dao.   
\q1
\v 2 Waligo te hano sela sąbo dao,  
\q2 te tama tiwai gilama naga Godigo  
\q3 te boi bidi dabe sela sąyu tiaibao.  
\q1 Siago te kandel ili posolo ilibaso,  
\q2 tama ili te wę tiwai pedelaibao.  
\q1 Te tama tiwai naga te dwai sę ebo we bidi dabe  
\q2 te augwali God gedude dolaibao.   
\q1
\v 3 Tiali goli, te doloba pai bidi dabe da,  
\q3 te wiegi yai pemene elama,  
\q2 tama augwa te God gedude  
\q3 bugai haliga yaibao.  
\q1 Augwa te wiegi yai pemene umabo mu yaibao.   
\b  
\q1
\v 4 Dago te Godigo nogi ugwaba sabo tęąbi po wao.  
\q1 Aga te pǫ dabede dugulasa, tama pabo dao.  
\q1 Agai sunumi dodolao.  
\q1 Aga nogi te Genuai Bidi dao.  
\q1 Dago aga gedude wiegi yai pemene yao.   
\b  
\q1
\v 5 God te aga gasa wiegi yai bede bidiyu,  
\q2 tama agai te aga aya ida isai  
\q3 wai puluba dabe tonalubao.  
\q1 Tama agai te wilawe we dabe, te agai tau sabo dao.   
\q1
\v 6 Agai te bidi me we agaduba deli  
\q3 bidibaso, te be menama,  
\q2 tama augwa tede bugagia bidimainu ebo dao.  
\q1 Tama agai te kalabus bidi dabe  
\q3 augwa te kalabus silimainu elama,  
\q2 tama augwa pesagede te bugagia bidimainu ebo dao.  
\q1 Tiali goli, te sę hagoma ebo bidi dabe,  
\q2 teda dwai pesageba mu bidigi paibao.   
\b  
\q1
\v 7 God, polobadu te naga  
\q2 we bidi dabede nage poligi sulama,  
\q1 tama nago augwali odasa asiyu,  
\q1 tama nage te magi nai meni yai  
\q2 te tǫ wa pai bulude bilali.   
\q1
\v 8 Te sogo te tǫ gęǫ elama,  
\q1 tama tulubage genuai aiyaba tulali,  
\q2 magi baso meni, God, nage asalio.  
\q1 Mu tama, te da Israel dabego God nage asobaso,  
\q1 tama te Sainai bulu du gęǫ  
\q2 umabo mu yai dao. \x * \xo 68:8 \xt Sai 19:18\x*   
\q1
\v 9 God, nago te moni tulubage te  
\q2 naga tǫba tulumainu elama,  
\q1 tama nago te e tǫ dwali te  
\q2 wiegi yai ma pedalumainu ilai dao.   
\q1
\v 10 Te naga we bidi augwali bidabo pesage  
\q2 te tǫde nigilama, bidai.  
\q1 Nage te wiegi yai mu,  
\q2 tama te nago te magi nai doado bage  
\q3 meni yai bidi dabe te nai mayu yai dao.   
\b  
\q1
\v 11 Genuai Bidigo te aga we bidi dabeba po mawai,  
\q2 tama we hauwago te po pusugi pai.   
\q1
\v 12 Te po e tama wali, “Te king dabe dali  
\q2 te tigidali ami dabe me, tigidali te wi palio,” po wai.  
\q1 Tama te augwa bidali pesagede bidali we dabego  
\q2 te augwa bidi dabego hwįyu sali  
\q3 doado bage te dobayalio.   
\q1
\v 13 Te we dabe te silvago, me golgo  
\q3 te gasagi yai au mu elama,  
\q2 tama augwa te tonani te gasa  
\q3 wiegi yai ba sawi yai tiwai yali,  
\q2 tama aga te silvago ula tiwai yali,  
\q2 tama aga bogo te golgo gegemani ebo tiwai ebao.  
\q1 Tiali goli, magi baso bidi meba  
\q3 te sipsipgo obo tomode bidibawe?   
\q1
\v 14 Te Tigidali Bomo Elalubo Godigo  
\q2 agai te king dabe te Salmon bulude  
\q3 sela sąnama, wi pelawali sogo,  
\q2 teda agai te talua ge ais tulubage  
\q3 te bulu duba tulumainu yai dao.   
\q1
\v 15 Te Basango bulu du te moni bage mu dao.  
\q1 Aga te sau pado hauwa mu elalubao.   
\q1
\v 16 Nage te sau pado hauwa dalubo bulu du da,  
\q1 magi baso nago te God aga  
\q3 dugulaluainu ebo bulu du sulama,  
\q2 tama nago homugo  
\q3 te olo nai tiwai da homu ebawe?  
\q1 Genuai Bidi da, te bulu dude  
\q2 bidada pidu, bidada paibao.   
\b  
\q1
\v 17 Genuai Bidi te hwįbo bomai hauwa  
\q2 tausen karisde dugawali ami bidi dabe dali asaibao.  
\q1 Aga te Sainai bulu duba aselama,  
\q2 tama aga te gasa wiegi yai be mu  
\q3 tomoba bula sagasaibao.   
\q1
\v 18 God te ugwanu mu yai bulu duba holama,  
\q2 tama agai te kalabus bidi hauwa sela pai.  
\q1 Agai te hagoma ebo bidi dabego  
\q2 te aga dali hwįani bagego nogode  
\q2 te haniani wiegi yai nai sela peyu, aga dali pali.  
\q1 God, Genuai Bidi, te bulu dude bidaibao. \x * \xo 68:18 \xt Ef 4:8\x*   
\b  
\q1
\v 19 Dago te Genuai Bidi nogi ugwaba sao.  
\q1 Tigidali side agai dago sęgę tolobo dao.  
\q1 God deligo naga da ma siyu ebo dao.   
\q1
\v 20 Dena Godigo digi te da tau siyu,  
\q2 tama da bugagia bidibao.  
\q1 God, dena Genuai Bidigo,  
\q2 te da tau sobaso, tama da me isibeo.   
\b  
\q1
\v 21 Mu tama, Godigo te aga boi bidi dabe mu dolaibao,  
\q2 te dwai kolesaga sesemane wali pabo  
\q3 bidi dabe te tama tiaibao.   
\q1
\v 22 Genuai Bidigo te tama po wali,  
\q1 “Te eno dagego boi bidi dabe te Basande  
\q2 selama, ma odasa asaibao,” wali.  
\q1 “Tagalao te tamu ąi dologode mu bidibo,  
\q2 tede eno augwali ma odasa asaibao,” wai dao.   
\q1
\v 23 “Te dagego duga boi bidi dabeba  
\q3 te dwai dene mobaso,  
\q2 tama dage bugai haliga yagameo.  
\q1 Tama duga yowi dabego te boi bidi  
\q2 dabego kaneme te homu usu nama  
\q2 wali peyu, te kaneme tuaibao.”   
\b  
\q1
\v 24 God, me eno king, tigidali we bidigo suali,  
\q1 nago te hwįbode ugaba ela holama,  
\q2 tama nage wiegi yai pemene dali asobo suali.  
\q1 Tigidaligo nage te naga gasa tedali  
\q2 wiegi yai be tomoba soabo suai.   
\q1
\v 25 Te tęąbi wabo bidi dabe augwali poligi soali,  
\q2 tama te musik elibo bidi dabe  
\q3 augwali nosali asali,  
\q2 tama te dwasianu habidi elibo gesi  
\q3 wegi ogwa we dabe, augwali te tomodu palio.   
\q1
\v 26 Augwaligo tęąbi po te tama tiwai po wai,  
\q1 “Da Godigo we bidi, da sisinanio,  
\q2 tialima, dago te Godigo nogi ugwaba sao,” po wai.  
\q1 “Da te Israel hani dabe, dago te Genuai Bidi nogi  
\q3 ugwaba sao,” wai dao.   
\q1
\v 27 Te Benjamingo dwasianu hani dabe  
\q2 augwali polasa pai.  
\q1 Tama te Juda tobolu bidi dabe dali,  
\q2 te Juda we bidi dabe dali,  
\q2 augwali te Benjamin wali pai.  
\q1 Tama te Sebulungo tobolu bidi dabe me,  
\q2 te Naptaligo tobolu bidi dabe me,  
\q2 te augwali nosali pali.   
\b  
\q1
\v 28 God, nago te naga bomo dabolo ola mao.  
\q1 Polobadu nago te bomogo naga da tau sai dao.   
\q1
\v 29 Te king dabe nageba te wiegi yai  
\q2 olo maiyabo nai presen dabe seselama,  
\q2 tama nageba menama,  
\q3 te nago moni lotu be tempel  
\q3 te Jerusalemba mawai dao.   
\q1
\v 30 Nage te naga tempel bede bidiyu,  
\q2 tama nago te Isipba wado ilao,  
\q3 te uni hasa te wę pude bidibo tiwai ebao.  
\q1 Nago te we bidi hani dabe wado ilama,  
\q2 augwali te omai kibu bulmakau  
\q2 te augwa wai puluba dabe dali bidibo tiwai ebao.  
\q1 Te augwaliba wado iliyu,  
\q2 te augwaligo nageba kidu sugunama,  
\q1 tama augwa silva dabe te nageba momainao.  
\q1 Nago te hwįabo homu ebo we bidi dabe  
\q2 te sela sąyu, ela gudulao,  
\q1 tama augwa wi tedela pomainao.   
\q1
\v 31 Te Isip kingo te polalubo bidi dabe  
\q2 te Jerusalemba tagala palama,  
\q2 te nago po odomainu yaibao.  
\q1 Tama te Itiopia dabego nogo ugwaba siyu,  
\q1 tama nageba gedu haluasa po waibao.   
\q1
\v 32 Dage te gasa hani we bidi dabe,  
\q2 dagego te tęąbi po dabe te Godiba weyu,  
\q3 te aga nogi ugwaba sao.   
\q1
\v 33 Agai te dagalude bilibao,  
\q2 tama te dagalu polobadu digi elaluai.  
\q1 Odao. Godigo te be kulukulu wabogo  
\q2 i bomonama mu wabo dao.   
\q1
\v 34 Dage tigidali we bidigo te Godigo  
\q2 genuai bomode po haninama pusao.  
\q1 Aga te Israel dabego king dao.  
\q1 Dago agai genuai bomo te dagalude subo dao.   
\q1
\v 35 Te Israelgo God te aga wiegi yai tedali bede bidibao,  
\q2 tama dago te Godide wi yao.  
\q1 Agai te aga we bidi dabeba te genuai bomo mobao.  
\q1 Te God nogi ugwaba sao.   
\c 69  
\s1 Bidigo te Godiba hanalu, aga tau somainogo yali  
\q1
\v 1 God, ena tau sao.  
\q1 Wę te pedelama, te eno dogoniba usu igulalio.   
\q1
\v 2 Ena te genuai ąį pu tomoba hoa sigiluai.  
\q1 Te ena doligiluabo madi te tǫ dili yai me elalubeo.  
\q1 Ena te wę ge bo delama,  
\q3 te aiyanu mu igulai madi bilibao,  
\q2 tama te ge bo dali węgo  
\q3 ena mesegelainu mu ebo dao.   
\q1
\v 3 God, eno nageba te i wedu wedu gebo sę edubadi,  
\q2 tama eno bomo te silalio.  
\q1 Tama eno dogoni wa pelama,  
\q2 tama eno gedu dene yai,  
\q1 magi baso meni, eno te sesabi elama  
\q2 gana nago ena tau sabo tonaluai.   
\q1
\v 4 Te enaba odolali boi bidi ebo  
\q2 bidi dabe, augwali te hauwa umabo mu dao,  
\q2 te eno tobolu nisigo namba  
\q2 te augwalide usu isąwai.  
\q1 Te boi bidi dabego enaba dwai sę yainu yali,  
\q2 tama augwaligo te ebo kolesaga pagede tibo po wali.  
\q1 Te bidi dabego bomo mu elama,  
\q3 te ena ela muabo homu yali.  
\q1 Eno te augwaligo nai doado bage me deli  
\q3 te eno wi me sabe, tiali goli augwaligo  
\q3 te po hauwa enaba kisilama wali.  
\q1 Tama tialima, eno ena doado bage digi  
\q3 te augwaliba mawai. \x * \xo 69:4 \xt Tib 35:19; Jon 15:25\x*   
\q1
\v 5 God, nago ena koneanio, ena te kolesaga  
\q2 geda mubo bidi naga dao.  
\q1 Te eno dwai sę yali dabe  
\q2 te nago gedude geme me duala sabeo.   
\q1
\v 6 Genuai Bidi, nage te Tigidali Bomo  
\q1 Elalubo God da, nago eno te kolesaga meba  
\q3 emainogo eyu,  
\q2 te konealubo homu dąų wali  
\q2 bidi dabe hale somainu elamuo.  
\q1 Te da Israelgo God, nago eno te  
\q2 kolesaga meba emainu eyu da,  
\q2 te bidi dabego te nageba lotu po wabo  
\q2 we bidi dabeba te po dwai omainogo elamu dao.   
\q1
\v 7 Eno nage wali pobaso,  
\q2 tama te bidi dabego posobo po enaba weyu,  
\q2 tama augwaligo ena hale emainu ebo dao.   
\q1
\v 8 Te eno ama dede augwaligo ena  
\q2 te gasa hani bidi tonobo tiwai yai.  
\q1 Tama ena hani we wai sibigo ena  
\q2 te augwaligo digibulu bidi tonobo  
\q2 tiwai gilama yai dao.   
\b  
\q1
\v 9 Eno te nago tedali wiegi yai be te godolo mu elama,  
\q2 tama eno te be wiegi yai bugagia  
\q3 elalumainu, te sę bomo ebao.  
\q1 Te bidi dabego nageba wabo dwai po,  
\q2 tama te po enaba me boaga sobao. \x * \xo 69:9 \xt Jon 2:17; Rom 15:3\x*   
\q1
\v 10 Eno te nai me habu seliyu elama,  
\q2 tama te kolesaga ebogo te nago gedude ena digi  
\q3 te ena aiyaba elalubao.  
\q1 Tiali goli, te we bidi dabego enaba po dwai wai.   
\q1
\v 11 Eno te homu dene ebo ugwa gudali,  
\q2 tiali goli, te bidi dabego enaba dwai po weyu,  
\q2 tama posobo po enaba wai dao.   
\q1
\v 12 Te bidi dabe sunumiba sisinama,  
\q2 tama enade po miani.  
\q1 Tama te wain wę tulama, te gęǫ ebo bidi dabego  
\q2 te balia mebade te dwai po enaba weyu yali.   
\q1
\v 13 Tiali digi tagalao, eno te nage  
\q1 Genuai Bidiba gedu haluasa po waibao.  
\q1 God, te me sogo deli nago digi te sa muani sogo,  
\q1 nago te eno gedu haluasa po wali wei ponao.  
\q1 Nago tama tiaibao, te magi baso meni,  
\q3 nago te ena godolo mu elama,  
\q2 tama nago ena ma sabo po dąų walali,  
\q2 tama nago tibo po me wagobeo. Mu menio.   
\q1
\v 14 Nago ena te wę pude ma sobaso da,  
\q2 teda ena te tomoba hoa selama,  
\q2 tama tede me hagagobeo.  
\q1 Nago ena tonalubaso, te boi bidi dabego  
\q3 ena me dologobeo,  
\q2 tama te pu aiyanu igulali węgo  
\q3 te ena me mesegeligobeo.   
\q1
\v 15 Nago ena te ge bo dali węgo somainu me elamuo.  
\q1 Tama nago ena te wę ge bo aiyanu igulali  
\q2 węde hagamainu me elama,  
\q3 te isibo gų pagego ena elalumainu me elamu elao.   
\b  
\q1
\v 16 Genuai Bidi, sesemane sogo  
\q2 nago ena godolo mu ebo tama te wiegi yai mu da,  
\q2 tama tiyu, te nago eno gedu haluasa  
\q3 po wali wei ponao.  
\q1 Nago te olo tau sabo wiegi yai kolesaga  
\q2 umabo mu enaba eba wida,  
\q2 teda nago ena tau sagasao.   
\q1
\v 17 Ena naga sę bidi da,  
\q2 tama tiyu, nago enade geme me duala selamuo.  
\q1 Eno sęgę genuai elalubao,  
\q2 tama tiyu, nago asesa polo tama  
\q2 te eno gedu haluasa po wali wei ponao.   
\q1
\v 18 Nage ena pąba aselama, tama ena ma sagasao.  
\q1 Nago ena te ena boi bidi dabego nogode ma sao.   
\q1
\v 19 Te bidi dabego enaba po dwai wabo  
\q3 te nago koneanio.  
\q1 Tama augwaligo te ena hale emainu eyu,  
\q2 tama ena nogi aiyaba elalubo me,  
\q3 te nago koneai dao.   
\q1
\v 20 Te po dwai wabogo eno homu kolesaga dolama,  
\q2 tama ena haliga sęgę umabo mu elalumainu yai.  
\q1 Tama eno bomo meniyu, me elalubeo.  
\q2 Eno homugo te bidi mebago  
\q3 ena homu dene yaiba homu yali,  
\q2 tiali goli me deli meni yai.  
\q1 Tama eno homugo te bidi mebago  
\q3 te enabolo te haliga dąų walobo wiegi yai po  
\q3 meba mayu, waiba homu yali,  
\q2 tiali goli, te menio.   
\q1
\v 21 Te eno nasi ebo sogo,  
\q2 augwaligo te dwai marasin ena mani.  
\q1 Te ena dogoni wa pobaso,  
\q2 tama augwaligo te ha ebo ąį nogi  
\q3 viniga naga ena mayu yai dao.\x * \xo 69:21 \xt Mat 27:48; Mak 15:36; Jon 19:28-29\x*   
\b  
\q1
\v 22 Tialima, nosali augwali  
\q3 te genuai nai tuboba sisinani sogo,  
\q2 eno homugo tego augwali dolomainu yao.  
\q1 Tama augwaligo te ofa me nai dabe sesebaso da,  
\q2 teda tego te augwali tulaluama,  
\q3 hagamainu emainao.   
\q1
\v 23 Te augwali gedu hulia somainu elama,  
\q2 te augwaligo ma tonono yainu ebaso,  
\q2 te usu munu ma egobeo.  
\q1 Te augwali tudi dili dolobaso da,  
\q2 te augwali bomo elama dolalubaso,  
\q2 te usu me egobeo. \x * \xo 69:23 \xt Rom 11:9-10\x*   
\q1
\v 24 Nago augwaliba te wado umabo mu eyu,  
\q2 tama augwaliba dwai dene mao.  
\q1 Tama nago haliga sębęgo te augwali selama,  
\q2 tama augwali hagamainu yao.   
\q1
\v 25 Te augwali bidalubo pesage te olo elalumainu elama,  
\q2 tama nago augwali me deli te bede  
\q3 bidibo ula dali bidimainu me elamuo. \x * \xo 69:25 \xt Tpi 1:20\x*   
\q1
\v 26 Te bidi mebabolo nago hasiabolo  
\q2 te augwa yali dwai sę wei ponani bidi dabe,  
\q2 te dwai sę ebo bidi dabego  
\q2 augwaliba dwai dene mabo sę idubao.  
\q1 Nago te bidi meba tigiwali togolama,  
\q2 te augwaliba dene mani bidi dabe,  
\q2 tama te dwai sę ebo bidi dabego posobo po weyu,  
\q2 tama augwaliba sęgę mayu ebo dao.   
\q1
\v 27 Nago te dwai sę ebo bidi dabego dwai sęde  
\q2 te homu kone ebo me gegeda paligio.  
\q1 Tama nago te naga hani tomoba asomainu me igio.   
\q1
\v 28 Nago augwali nogi  
\q2 te bidabo ula elalubo bukude  
\q3 elalubo nogi sela sąyao.  
\q1 Tama nago te augwali nogi te  
\q2 doloba pai we bidi dabego nogi dali  
\q3 elalumainu me elamu dao.\x * \xo 69:28 \xt Sai 32:32; Ped 3:5; 13:8; 17:8\x*   
\q1
\v 29 Tiali goli, ena te genuai sęgę me dene tolali.  
\q1 God, nago ena ma selama, tama ena usu ma ilao.   
\q1
\v 30 Te eno tęąbi weyu, tama God nogi ugwaba sai,  
\q2 tama te eno agaba usu da po weyu,  
\q2 tama agai genuai nogide po hanilama pusaibao.   
\q1
\v 31 Tama Genuai Bidigo te kolesaga wei mu ebao.  
\q1 Agai te bulmakaugo ofa ebo te wei eyu, godolo me ebeo.   
\q1
\v 32 Te sęgę tolali we bidi dabe augwaligo te sulama,  
\q2 tama wiegi yai pemene yaibao.  
\q1 Tama te Godiba lotu wabo we bidi dabe,  
\q2 augwaligo te bomo ma saibao.   
\q1
\v 33 Genuai Bidigo te doado bage  
\q2 sǫą pabo we bidi dabego  
\q2 gedu haluasa po wabo odali,  
\q1 tama agai te aga we bidi dabe te kalabuside bidibo bage  
\q2 te homu kone ebo me tagalugobeo.   
\b  
\q1
\v 34 Dagalu dali, tǫ dali, tamu ąi,  
\q2 me te tamu węde elalubo tigidali  
\q2 sųgų dabe, dage tigidaligo te God nogi ugwaba sao.   
\q1
\v 35 Magi baso meni, Godigo te Saion  
\q3 we bidi dabe te boi bidi dabego  
\q3 nogode ma dobola selama,  
\q2 tama agai te Juda dabego taun ma nigaibao.  
\q1 Agai tama tiyu, tama te Godigo  
\q3 hani bage augwa te taunde bugagia bidiyu,  
\q2 tama te tǫ tigidali somainu yaibao.   
\q1
\v 36 Te Godigo sę bidi dabego wai te nǫų dabego  
\q3 te tǫ te augwaligo saibao,  
\q2 tama te God godolo mu elama,  
\q3 wei ebo we bidi dabe da,  
\q2 teda augwali te tǫde sesemane sogo  
\q2 bidada peyu, bidada paibao.   
\c 70  
\d Devitgo te balia po asęai. Te Godigo olo tau sali wiegi yai kolesaga yalide, te augwaligo homu kone ma palubo sogo da, teda augwaligo te balia wai dao.  
\s1 Bidigo te Godigo aga tau somainu gedu haluasa po wali  
\q1
\v 1 God, nago ena ma sao.  
\q1 Genuai Bidi, nage polo aselama,  
\q3 ena tau sagasao.   
\q1
\v 2 Bidi mebago ena ela muainu ebao.  
\q1 Tama tialima, nago augwali homu puna palama,  
\q2 tama augwali aiyaba mu elaluao.  
\q1 Tama bidi mebago eno sęgęde wiegi yai pemene yali.  
\q1 Nago augwali ibaba ma kilasa pomainu elama,  
\q2 tama dwai hale somainu yao.   
\q1
\v 3 Bidi mebago enaba posobo po wali.  
\q1 Tialima, nago augwali mu dwai ilama,  
\q2 tama augwali hale mu emainao.   
\q1
\v 4 Tiali digi, te nageba asobo we bidi  
\q3 augwali da, augwa te bugai haliga elama,  
\q2 tama nageba pemene emainu yao.  
\q1 Te tigidali we bidi nago augwali ma sali,  
\q2 tama te nago augwaliba yali sęde  
\q3 te augwaligo wei mu yai,  
\q2 augwa te tiwai po omainu emainao,  
\q1 “Godigo nogi ugwanu mu elalubao.”   
\q1
\v 5 God, eno bomo meniama, tama ena digi  
\q3 ena ma tau sabo usu isąwai.  
\q1 Tama tialima, nage polo enaba asao.  
\q1 Genuai Bidi, nago naga nago ena tau selama,  
\q3 ena ma sali bidi dao.  
\q1 Tama tialima, nago sesabi gana elama,  
\q2 me tonalugio. Polo asao.   
\c 71  
\s1 Monu dabe bidigo gedu haluasa po wali  
\q1
\v 1 Genuai Bidi, ena nage dali bidibaso,  
\q2 tama te boi bidi dabego ena me dologobeo.  
\q1 Nago ena te augwaligo elalumainu me sula tagaligio.   
\q1
\v 2 Nage doloba pai mu da,  
\q2 tama tiyu, nago ena tau selama,  
\q2 tama ena te boi bidi dabego nogode ma sao.  
\q1 Nago eno gedu haluasa po wabo odama,  
\q2 tama ena ma sao.   
\q1
\v 3 Nage te bomai obo tiwai elalu,  
\q2 tama te bomai be tiwai elalubaso,  
\q3 teda ena te tomoba aselama,  
\q2 tama nago ena tonalubao, magi baso meni,  
\q2 ena te nageba naga aselama, te ena duala sai.  
\q1 Nago naga ena bugagia tonalubaso,  
\q2 tama ena bugagia bidibao.   
\b  
\q1
\v 4 Ena God, nago ena te  
\q2 dwai bidi dabego nogode ma sao.  
\q1 Augwaligo bomo mu eyu,  
\q2 tama augwaligo kolesaga dwai mu ebao.   
\q1
\v 5 Genuai Bidi, eno konealubo homu  
\q2 nageba naga muani.  
\q1 Polobadu ena gesi ogwa bidide digi,  
\q2 te nageba konealubo homu dąų wali,  
\q1 tama eno konealubo homu dąų ola asali,  
\q2 megiba usu nagasobao.   
\q1
\v 6 Sesemane sogo ena nago nogode naga bidiyu bilali.  
\q1 Idago ena ame nabode,  
\q2 te nago ena tonalua asali,  
\q2 te megiba usu nagasobao.  
\q1 Tama tialima, te eno sesemane sogo  
\q2 nago nogi ugwaba saibao.   
\q1
\v 7 Te we bidi hauwago ena sulama,  
\q2 tama eno ebo sę dabede  
\q2 te augwali homu hauwa dogia pai.  
\q1 Tiali goli, te eno bomogo me ebeo. Menio.  
\q1 Nago naga te ena tonalubo bomo mu ebo dao.   
\q1
\v 8 Te tigidali sogo te eno nago nogi ugwaba siyu,  
\q2 tama nago genuai nogi  
\q3 te we bidi dabeba hanilama, pusubo dao.   
\q1
\v 9 Megi da, ena monu dabe ebaso,  
\q3 te eno bomo me menio,  
\q2 tialima tiyu, nago ena tagalama tudiba muidalio.   
\q1
\v 10 Te boi bidi dabego ena ela muainu,  
\q2 tama augwali sisinama, tama po dąų waliyu,  
\q3 ena dolaibao po wai.   
\q1
\v 11 Augwa te tama po wali,  
\q2 “Ae, tegoba, dago aga pobelama,  
\q3 tama tola sinao,” wali.  
\q2 “Te aga tau sabo bidi me deli menio.  
\q2 Godigo aga tagalai dao,” wali.   
\q1
\v 12 Tialima, God, nage enade digibulu me bidigio.  
\q1 Eno God, nage polo tama aselama, ena tau sagasao.   
\q1
\v 13 Te enaba po kisilama wabo bidi dabe,  
\q2 nago augwali elaluama, tama augwali mu silao.  
\q1 Augwaligo ena dolainu yali,  
\q2 tialima, nago augwaligo homu  
\q3 kolesaga puna palama,  
\q2 tama augwali hale dwai mu emainu yao.   
\q1
\v 14 Tiali goli, eno sesemane konealubo  
\q3 homu nageba dąų olalu,  
\q2 tama eno nago ena tau sabo tonalubao.  
\q1 Te eno nago nogi ugwaba mu saibao.   
\q1
\v 15 Te eno te we bidi augwaliba  
\q2 te nago doloba pai kolesaga ebo po te pusaibao.  
\q1 Eno te nago ebo sę page tigidali  
\q3 te bugagia konesiąbadi digi,  
\q2 tiali goli tagalao, te tigidali side eno  
\q2 te augwaliba weyu,  
\q2 te nago ena ma sali po waibao.   
\q1
\v 16 God, Genuai Bidi, te eno nago  
\q3 genuai bomode homu kone palu,  
\q2 tama te eno nago nogi ugwaba sobao.  
\q1 Eno te tiwai po waibao,  
\q1 “Genuai Bidi naga, aga te doloba pai dao,” waibao.   
\b  
\q1
\v 17 God, nago ena te sogo  
\q3 te dwasianude digi ola mani,  
\q2 tama megi e sogoba usu nagasobao,  
\q2 tama eno nago te wiegi wiegi yai  
\q3 sę dabe ebo po pusudu gebo dao.   
\q1
\v 18 Megi da, ena monu dabe elama,  
\q3 te ena tobolu nisi ayadeba yalio,  
\q2 tiali digi God, nago ena me tagagio.  
\q1 Nage ena dali bidiyu,  
\q2 tama eno nago genuai bomode po  
\q3 te nosali pedalubo we bidi dabe pusaibao.   
\b  
\q1
\v 19 God, nago doloba pai kolesagago  
\q3 te tigidali badu usu nani,  
\q2 tama te tigidali we bidigo gedude  
\q3 te pepeli dilide elalubao.  
\q1 Nago genuai sę mu yai.  
\q1 Te tǫde bidi me deli te nage tiwai me elalubeo.  
\q1 Menio. Nago tigidali mu elaluai dao.   
\q1
\v 20 Nago te deli tigi poai sęgę enaba tagala palali.  
\q1 Tiali digi, eno koneai,  
\q3 te nago ena ma dąų walainu yai.  
\q1 Te ena gų pageba pidali weyu,  
\q3 te nago ena ma hodolaibao.   
\q1
\v 21 Te nago eno nogi te genuai mu igi pomainu yali,  
\q2 tama nago eno haliga te dua nagame  
\q3 ma emainu yai dao.   
\q1
\v 22 Te eno gita me musik eliyu,  
\q3 te eno nago nogi ugwaba sobao.  
\q1 Eno God, nago ena me tagalisiąwai,  
\q3 nago po te mu naga dao,  
\q2 tama tialima, te eno nago nogi ugwaba sobao.  
\q1 Te Israelgo God, nage tedali wiegi yai elalubao.  
\q1 Te eno gita eliyu, tama tęąbi weyu,  
\q3 nago nogi ugwaba sabo dao.   
\q1
\v 23 Eno te musik weyu, te ena wiegi yai pemene elama,  
\q3 i waibao.  
\q1 Te eno nageba tęąbi po wabo,  
\q2 te pedauwaligo naga me wagobeo. Menio.  
\q1 Te homu kolesaga tigidaligo me, haliga daligo me obao,  
\q1 magi baso meni, nago ena ma sai dao.   
\q1
\v 24 Tama tialima, tigidali sogo te eno te we bidi dabeba  
\q2 te nago doloba pai kolesagade po  
\q3 hanilama pusaibao.  
\q1 Magi baso meni, te bidi dabego ena dolainu usu sali,  
\q2 tiali goli, nago augwali aiyaba elaluama,  
\q2 tama augwali hale mu ilali.   
\c 72  
\s1 Bidigo gedu haluasa po weyu, Godigo te king tau somainu wali  
\q1
\v 1 God, nago te king doloba pai kolesaga  
\q2 bugagia ola mao.  
\q1 Tama agai te we bidi dabe  
\q2 po tųde bugagia dagalumainao.  
\q1 Nago po tų te doloba pai naga ebo dao,  
\q2 tama nago te king tau sobaso da,  
\q3 teda agai me te doloba pai po tų emainao.   
\q1
\v 2 Tama agai te nago we bidi dabe me,  
\q2 te dwai bidi dabe me,  
\q2 te doloba pai kolesagago tonaluaibao.   
\q1
\v 3 Nago te wiegi yai sę hauwa  
\q2 te augwaligo sęde pedalumainu yao.  
\q1 Tama nago te we bidi dabego  
\q2 te doloba pai kolesaga sesemane sogo emainu yao.   
\q1
\v 4 Kingo te dwai bidi dabego sęgę bugagia dodolama,  
\q2 tama agai te doado bage sǫą pabo  
\q3 bidi dabe tau somainu yao.  
\q1 Tama agai te gasa bidi dabeba  
\q2 te dwai sę yainu ebo bidi dabe elalumainu yao.   
\q1
\v 5 Te giliga me polua ula elalubadi,  
\q2 te naga we bidi dabego nageba lotu po omainu yao.   
\b  
\q1
\v 6 Nago te king wiegi yai bidi pedalumainu ilao,  
\q2 teda agai kolesaga wiegi yai eyu,  
\q3 te tulubage te gi nasi dabeba tulama,  
\q2 tama te nai wiegi yai pedalubo tiwai emainu yao.   
\q1
\v 7 Tama aga bidibo sogo te bidi dabego  
\q3 te doloba pai kolesaga naga wali pomainu yao.  
\q1 Tama te wiegi yai nai hauwa te tigidali sogo  
\q2 te polua pedelama elalubo sogo te pedalumainu yao.   
\b  
\q1
\v 8 Aga te king bidiyu, tama te tamu ąi pąbadu bidalubo  
\q3 tigidali we bidi me,  
\q3 te tamu ąį digibulu badu bidalubo  
\q3 we bidi me, te tonaluaibao.  
\q1 Tama agai tǫ dąį te wę Yufretisde gagalasa palama,  
\q2 te tigidali bulu tǫ pedaiba usu nigi paibao. \x * \xo 72:8 \xt Sek 9:10\x*   
\q1
\v 9 Te masigi kemi tǫ yai bulude  
\q3 bidalubo hani bage dabe,  
\q2 teda augwali te king dologode bidaibao.  
\q1 Tama aga boi bidi dabe te tǫba dolo pigulaibao.   
\q1
\v 10 Te Spen king, me te tamu ąį tomo  
\q3 bulu ailan king dabego, teda augwaligo agaba  
\q2 te wiegi yai nai presen dabe mawaibao.  
\q1 Tama te Arebia king me, Itiopia kingo me,  
\q2 teda augwaligo agaba takis mawaibao.   
\q1
\v 11 Tigidali kingo agaba kidu sugunaibao.  
\q1 Tama tigidali hani we bidigo te agai sę yaibao.   
\b  
\q1
\v 12 Agai te magi nai meni yai bidi  
\q3 dabego agaba i obaso,  
\q2 te agai augwali tau sabo dao.  
\q1 Tama te we bidi dabe  
\q3 te doado bage sǫą pelama,  
\q2 tama te tau sabo menibaso da,  
\q2 teda aga digi te augwali tau saibao.   
\q1
\v 13 Agai te bomo meni yai we bidi dabe  
\q2 te dwai bidibo, te agai augwali homu dene ebo dao.  
\q1 Tama te magi doado bage meni yai  
\q2 we bidi dabe agai augwali ma sabo dao.   
\q1
\v 14 Te dwai sę ebo bidi dabego augwali elaluama,  
\q1 tama augwali dolainu ebaso da,  
\q3 agai augwali ma siyu ebo dao.  
\q1 Agai augwali godolo elama,  
\q2 wei ebaso te tiwai eyu ebo dao.   
\b  
\q1
\v 15 Eno homugo te king te sesabi  
\q2 gana elama, bidimainu yao.  
\q1 Te Arebia dabego agaba te gol momainao.  
\q1 Tama te we bidi dabego Godiba  
\q2 gedu haluasa po weyu, te Godigo aga sesemane  
\q3 tau somainu yao, tama Godigo agaba  
\q3 te wiegi yai sę agaba emainao po wai.   
\q1
\v 16 Te yuyu me wit hauwa te we bidi  
\q2 dabego gide pedalumainu yao,  
\q2 te Lebanonde pedalubo usu tiwai.  
\q1 Tama te we bidi dabe  
\q2 te taunde hauwa pedalumainu yao,  
\q2 te nosa hauwa te tigidali pedaide  
\q3 pedalubo tiwai emainao.   
\q1
\v 17 Tama te bidi hani bagego  
\q2 te kingo nogi homu kone me gegeda palu tagaligio,  
\q2 tama agai genuai te sesabi gana elama,  
\q2 te giliga nanalubo sogo usu nama elalumainu yaibao.  
\q1 Tama tigidali hani we bidigo aga nogi ugwaba sao.  
\q1 Tama augwa te Godiba hanalu,  
\q2 te augwali wiegi yai homu ilibo nai  
\q3 momainu yao wao,  
\q1 te agai te king wiegi yai homu ilali tiwai emainu yao.   
\b  
\q1
\v 18 Te God nogi ugwaba sao,  
\q2 te Israel dabe augwa Genuai Bidi dao.  
\q1 Agaduba deligo naga te wiegi yai sę dabe ebo dao.   
\q1
\v 19 Te agai wiegi yai nogi te sesemane sesemane sogo  
\q3 ugwaba sao.  
\q1 Te agai Genuai nogigo te tigidali tǫ badu usu nai dao.  
\q1 Te mu tama dao.   
\q1
\v 20 Te Jesigo ogwa, Devitgo wali  
\q2 te gedu haluasa po dabe  
\q2 te megi eba tama siminagasobao.   
\c 73  
\ms1 Buku 3  
\mr (Tib 73–89)  
\s1 Godigo te dwai sę ebo bidi dabeba dwai dene mawai  
\q1
\v 1 Godigo te Israel dabeba  
\q2 wiegi yai mu yai.  
\q1 Godigo te wiegi yai haliga elalubo  
\q2 we bidi dabeba te wiegi yai sę mu ebo dao.   
\b  
\q1
\v 2 Tiali goli, pąde ena te dwai sęgęba tulaluainu yali.  
\q1 Ena te sągą pasega muyu,  
\q2 tama ena tagalainu ebo tiwai yali.   
\q1
\v 3 Magi baso meni, eno suali, te dwai sę ebo bidi dabe  
\q3 te moni bidi pedalubaso,  
\q2 tama eno te hagoma ebo bidi dabego  
\q3 nai dabede pesa yali.   
\b  
\q1
\v 4 Augwali te augwa tigide te dene me sisąwani.  
\q1 Augwali te bomai bidi dabe,  
\q2 tama augwa tigi te wiegi yai naga elalubao.   
\q1
\v 5 Augwali te sęgę meba tolisiąyu,  
\q2 te gasa bidi dabego sęgę tolobo tiwai me ebo meni.  
\q1 Te gasa bidi dabe augwali te haniani sęgę tolali,  
\q2 tiali goli te tobage sę augwaliba me pedalisiąbo.   
\q1
\v 6 Tama augwali te odolali hagoma elama,  
\q2 tama augwa tigi pemene dogia pabo dao.  
\q1 Tama augwaligo gasa olo bidi dabe elama,  
\q2 tama aga doliyu ebo dao.   
\q1
\v 7 Te augwa haligade homugo,  
\q3 augwa yainu homu ebo  
\q2 te haniani dwai kolesaga augwaligo  
\q3 ebaso, te pedelali.   
\q1
\v 8 Augwaligo te posobo po gasa bidi dabeba weyu,  
\q2 tama augwaligo te bidiba  
\q3 te dwai sę yabo po wabo dao.  
\q1 Augwa te hagoma mu eyu,  
\q2 tama augwa te gasa we bidi dabe  
\q3 dolabo sunumi gegebo po mia sabo dao.   
\q1
\v 9 Augwaligo po dwai  
\q2 te dagalude bidibo Godiba wabo dao.  
\q1 Tama augwa digi te augwa nogi ugwaba selama,  
\q2 tama augwaligo te we bidi dabede bomo eyu,  
\q2 te augwaligo homu wali pao po weyu ebo dao.   
\q1
\v 10 Tama te Godigo we bidi dabego  
\q2 te hagoma ebo bidi dabego po wei elama,  
\q2 tama augwaligo te poba homu kęą pai.   
\q1
\v 11 Te dwai sę ebo bidi dabego te tiwai po wabo,  
\q1 “Godigo te dago ebo sę  
\q2 te mena tama me konegobeo,” wai.  
\q1 “Te Ugwade Mu Bidibo Godigo te dago ebo kolesaga  
\q2 te gegelama hanilama  
\q3 sunumi me elalubeo,” wabo dao.   
\q1
\v 12 Te dwai sę ebo bidi dabego te tama tibo dao.  
\q1 Augwaligo doado bage te hauwa elaluali,  
\q2 tiali goli augwaligo umabo mu sabo sę ebo dao.   
\q1
\v 13 Ena bugagia tonalubaso,  
\q2 tama eno haliga te wiegi yai elaluali,  
\q2 tama eno te dwai sę meba me ebeo.  
\q1 Te tiali sę te odolali hagawaibao, agawe?   
\q1
\v 14 Magi baso meni, te giligade me hulide  
\q1 God, nago dene enaba mani, tama tigidali kigamude  
\q2 nago te dene enabolo mawai.   
\b  
\q1
\v 15 Eno te bidi dwai dabego wabo po tiwai,  
\q3 te nago we bidi dabeba wagi da,  
\q2 teda eno augwali tibo po ola mayu,  
\q3 te augwali homu puna palagi dao.   
\q1
\v 16 Eno homu hauwa elama,  
\q2 tama eno te sę page konemainu ebao,  
\q3 te dwai sę ebo bidi dabego ebo sę page.  
\q1 Tiali goli, te enade sesabo sę mu ebo dao.   
\q1
\v 17 God te eno usu sesa pidubadi,  
\q3 te ena nago be tomoba peyu, usu nigi pai.  
\q1 Ena te nago bede bidiyu,  
\q2 tama eno homu peda pelama,  
\q2 tama te dwai sę ebo bidi dabeba  
\q1 mena nai pedelabo te eno koneai dao.   
\b  
\q1
\v 18 Nago augwali bilabo sunumi  
\q3 te bedege mu emainu ilama,  
\q2 tama nago augwali tula mumainu elama,  
\q2 tama augwali mu dolomainu ilaibao.   
\q1
\v 19 Augwali te polo tama dolali.  
\q1 Tama augwali te isibo te dwai mu ebo dao.   
\q1
\v 20 Genuai Bidi, augwali te na ebo bidi tiwai elama,  
\q2 tama te na yali te kigamu be posobode silaibao.  
\q1 Bidigo te kigamu hodaluama,  
\q2 tama te na yali te agai homude me ma elalugobeo.   
\b  
\q1
\v 21 Te sogo eno homu te midigi selama,  
\q2 tama eno haligago te dwai mu yai.   
\q1
\v 22 Tama eno homu te pania selama,  
\q2 tama eno nago kolesaga me konesiąwai.  
\q1 Eno te nago gedude kolesaga yali,  
\q2 te uni hasago homu kolesaga umuna pabo tiwai ilali.   
\q1
\v 23 Tiali goli, ena nage dali sesemane bidibaso,  
\q2 tama nago ena nogo tolalubo dao.   
\q1
\v 24 Nago ena bugagia bilimainu ebo po mawai,  
\q2 tama nosali nago ena sobaso, tama ena nage dali  
\q3 te dagalude bidaibao.   
\q1
\v 25 Te gasa de te dagalude bidiyu,  
\q2 tama ena tonalubo dawe?  
\q1 Te gasa bidi me meni, naga deli naga dao.  
\q1 Tialima, God, eno nage godolo mu ebao.  
\q1 Eno te tigidali tǫde nai wei ebo tiwai gilama me ebeo.   
\q1
\v 26 Te eno tigi, me homu kolesaga,  
\q3 te bomo me elalusiąbaso da,  
\q2 teda God, nago digi nago ena dąų walao.  
\q1 Tama nage ena dali bidiyu,  
\q2 tama ena sesemane bidada peyu,  
\q3 bidada pabo sogode te ena usu mu elaluaibao.   
\q1
\v 27 Mu tama, te nage tudiba mubo we bidi dabe,  
\q2 teda augwali mu hagawaibao.  
\q1 Tama nage polobadu te wali pali bidi dabe,  
\q2 tama megi te augwaligo nage tagalubaso da,  
\q1 teda nago augwali dolaibao.   
\q1
\v 28 Tiali goli, ena, te ena nage pąde bidibaso,  
\q2 tama te wiegi yai mu ebao.  
\q1 God, Genuai Bidi, nago ena mu seselalubo da,  
\q2 tama eno nago yali sę po tigidali  
\q3 hanilama, pusainu ebo dao.   
\c 74  
\s1 Bidigo te gedu haluasa po weyu, te Godigo te Israel dabe tau somainu yai  
\q1
\v 1 God, magi baso nago da tudiba mubawe?  
\q1 Te nago wado po sesemane  
\q2 te naga we bidi daba ududa, agawe?   
\q1
\v 2 Nago te naga hani bage dabolo  
\q2 te homu kone ma palao.  
\q1 Polobadu mu nago te naga we bidi da sa muai.  
\q1 Nago da ma abelama,  
\q2 tama da naga hani bidimainu yai.  
\q1 Nago te Saion bulu duba homu kone ma paliyu,  
\q2 te polobadu tede nage bidai dao.   
\q1
\v 3 Te dago boi bidi dabego  
\q2 te dago moni lotu be tempelde  
\q3 doado bage tigidali dolalio.  
\q1 Te doado bage dolali elalubo, te nage aselama, suagasao.   
\b  
\q1
\v 4 Te nago boi bidi dabego te tempel be selama,  
\q2 tama augwali te nago tedali  
\q3 te wiegi yai pesage elalubo madi tomode dolalu,  
\q2 tama augwaligo win yai da olama, i wali.   
\q1
\v 5 Augwaligo te nago bede ni name togwali,  
\q3 te bidi dabego te buside ni togobo tiwai yalio.   
\q1
\v 6 Te ni name dabe augwa nigilama,  
\q2 tama te wiegi yai nai dabego au ilai,  
\q3 te boi bidi dabego te sigi hwą me  
\q3 sęgę yai hamago aluai dao.   
\q1
\v 7 Augwaligo te nago tedali wiegi yai be te siago ulali.  
\q1 Augwaligo te tedali wiegi yai pesage elaluali dolali,  
\q2 te nago we bidi dabego nageba lotu wabo madi,  
\q3 te dolai.  
\q1 Augwaligo aluama, tigidali mu dolai dao.   
\q1
\v 8 Augwaligo te da mu dolabo homu yalio.  
\q1 Tama tialima, augwaligo te Godigo lotu be tigidali  
\q2 dago tǫde elalubo, te siago ulai.   
\b  
\q1
\v 9 Te nago dabolo mani te tigidali sa muani nai,  
\q2 te augwaligo sela sąwanio.  
\q1 Tama dago profet megi me bidibeo.  
\q1 Te da me deligo te sęgę te mena sogo silabo,  
\q2 te dago me konebeo.   
\q1
\v 10 God, nisu sogo naga te boi bidi dabego dabolo  
\q2 te posobo po udumainu yaibawe?  
\q1 Te augwaligo naga nogide  
\q1 te sesemane sogo po dwai omainu yaibawe?   
\q1
\v 11 Magi baso nago da tau sisąma ebawe?  
\q1 Magi baso nage odolali naga dulalubo dawe?   
\q1
\v 12 Tiali goli God, polobadu mu nage dago king bidali,  
\q2 tama megi me nage dago king bidibao.  
\q1 Tama hauwa sogo nago da tau selama,  
\q2 tama da te hwįani digi da me dolobeo.   
\q1
\v 13 Te nago bomode naga,  
\q3 nago te genuai tamu ąį togolama,  
\q2 tama me badu buga siyu,  
\q3 meba buga siyu elama, dolaluali.  
\q1 Tama nago te Isip we bidi dabe dolali.  
\q1 Augwali te tamu ąįde moni sųgų tiwai yalio. \x * \xo 74:13 \xt Sai 14:21\x*   
\q1
\v 14 Tama nago te genuai pukpuk dabego tobolu aluali,  
\q3 te Isip tobolu bidi dabe da,  
\q2 tama nago agai tigi te augwali  
\q3 te kemi tǫ wa pai bulude bidibo  
\q3 uni hasa dabeba menama, tama augwa tuai dao.\x * \xo 74:14 \xt Jop 41:1; Tib 104:26; Ais 27:1\x*   
\q1
\v 15 Nago te wę dabe te tǫde pedalumainu elama,  
\q2 tama te wę dabe tedu palio.  
\q1 Tama nago te genuai wę dabe  
\q2 tigidali mu sula somainu ilai dao.   
\q1
\v 16 Nago te be posobo me be hulibo nigali,  
\q2 tama nago te giliga me polua  
\q3 te ugwadu muai elalubao.   
\q1
\v 17 Tama nago te tigidali tǫgo dąį muanio.  
\q1 Tama nago te tigidali kibu bede  
\q3 giliga nanobo sogo muyu,  
\q2 te tulubage tulubo sogo muyu yai elalubo dao.   
\b  
\q1
\v 18 Genuai Bidi, nago homu kone ebo me tagaligio.  
\q1 Te nago boi bidi dabego te posobo po nageba obao.  
\q1 Augwali te esela pabo kolesaga  
\q3 meni yai bidi tiwai eyu,  
\q2 tama augwa homugo nage  
\q3 te olo bage me tiwai da homu ebo dao.   
\q1
\v 19 Te nago hani bage te augwali bomo meni yai.  
\q1 Tama tiyu, nago da tagalubaso,  
\q2 tama te boi bidi dabego daba  
\q3 te dwai sę mu elama mu dolaibao.  
\q1 Te boi bidi dabego te naga we bidi dabolo  
\q3 te dwai dene mabo sę ebao.  
\q1 Iya, nago da homu kone me gegeda paligio.   
\q1
\v 20 Te tigidali tǫ pedaide, te dago tǫde me  
\q3 te bidi dabego wabi hwį hwį pai.  
\q1 Tama tialima, nago da dali te dąų walali bomai po  
\q3 te homu kone ma palao.   
\q1
\v 21 Nago te dwai bidi dabego te gasa bidi dabe agalama,  
\q2 tama augwali aiyaba mu elalumainu  
\q3 me sula tagaligio.  
\q1 Nago te magi doado meni yai te nai dabe  
\q3 sǫą pabo bidi dabe tau sobaso da,  
\q2 teda augwaligo te nago nogi ugwaba somainao.   
\b  
\q1
\v 22 God, nage aselama, te boi bidi dabe dali  
\q3 po bomo elama wagasao.  
\q1 Nago te hagoma ebo bidi dabego te  
\q2 tigidali sogo posobo po nageba wabo,  
\q2 te nago homugo koneao.   
\q1
\v 23 Te nago boi bidi dabego  
\q2 te genuai po dągą ola biliyu,  
\q3 nageba po dwai weyu ebao.  
\q1 Augwaligo te sesemane genuai i naga wabo dao.  
\q1 God, nago te augwaligo kolesagade  
\q3 homu kone me gegeda paligio.   
\c 75  
\s1 Godigo te dwai sę ebo bidi dabe aiyaba elaluama, te wiegi yai bidi dabe tau sabo dao  
\q1
\v 1 God, dago usu da olama,  
\q2 tama nago nogi sesemane ugwaba sabo dao.  
\q1 Tama dago nago genuai nogide po hanilama pusuyu,  
\q2 tama augwaliba te nago haniani  
\q3 wiegi yai sę ebo po pusubo dao.   
\b  
\q1
\v 2 Godigo te tama po wali, “Eno te po tų yabo sogo  
\q3 bodolu me deli te dąį ilai elalubao.  
\q1 Tama eno po tų te dolo mu paibao.  
\q1 Te me kone tua pogobeo.   
\q1
\v 3 Tǫ dali tede bidalubo nai tigidali te hagawaibao.  
\q1 Tiali goli, te tǫ page da,  
\q2 te eno tolalu, tama bomo elalueibao.   
\q1
\v 4 Eno te hagoma ebo bidi dabebolo po walali,  
\q1 ‘Dagego te hagoma me igio,’ po wali.  
\q1 Tama eno te dwai sę ebo bidi dabebolo walali,  
\q1 ‘Dagego te duga nogi ugwaba me sigio,’ po wai.   
\q1
\v 5 ‘Dagego duga bomogo digi  
\q3 te wiegi yai pemene me igio,  
\q2 tama dagego po dągą genuai weyu,  
\q2 tama ena posoyu me elamu dao,’ wali.”   
\b  
\q1
\v 6 Te we bidigo kolesaga dagalubo sę  
\q2 te giliga asobo badu, me te giliga dega sabo badu,  
\q2 ma te not badu me, saut badu me  
\q3 pedalubeo. Menio.   
\q1
\v 7 God agaduba deligo naga dago  
\q2 kolesaga dagalaibao.  
\q1 Agai te bidi me deli aiyaba elalu, tama te gasa bidi  
\q2 ugwaba sagoa sabo dao.   
\q2
\v 8 Genuai Bidigo te bomo yai gesi wain wę te kap  
\q2 me delide pągąwai tolaluai.  
\q1 Agai gea palama, tama tigidali bidi dwaigo tulama,  
\q2 tama mu siminanio.  
\q1 Te tama tiwai naga te dwai sę yali we bidi dabe  
\q3 te Godigo po tųba pedelama,  
\q2 tama te augwali mu hagawaibao.   
\b  
\q1
\v 9 Tiali goli, eno te Jekopgo God po  
\q3 te sesemane hanilama pusaibao,  
\q2 tama eno agai nogide  
\q2 te tęąbi umabo mu udubadi geaibao.   
\q1
\v 10 Te Godigo te dwai sę ebo bidi  
\q3 dabego bomo silimainu yaibao,  
\q2 tiali goli, agai te doloba pai bidi dabebolo  
\q2 te genuai bomo mu mawaibao.   
\c 76  
\s1 Godigo te hwįani ugaba ela holali  
\q1
\v 1 Te Juda dabego God bugagia koneai.  
\q1 Tama te Israel dabego  
\q2 agai genuai nogi ugwaba salio.   
\q1
\v 2 Aga be te Jerusalemde elalubao.  
\q1 Tama aga sesemane sogo  
\q3 te Saion bulu dude bidibo dao.   
\q1
\v 3 Te bulude agai te boi bidi dabego  
\q3 enesigi ene dabe me,  
\q3 te sabele delage me tologali, tama augwaligo  
\q3 bainat hwą me togwai.  
\q1 Godigo te hwįbo doado bage tigidali dolai dao.   
\b  
\q1
\v 4 God, nago genuai nogi elalu,  
\q2 tama nage te polalubo king dao.  
\q1 Nage ugwanu mu elalu,  
\q2 tama nago genuai nogigo te genuai  
\q3 bulu du dabego genuai nogi aiyaba mu elaluai.  
\q1 Te bulu du pesagede nago  
\q3 te boi bidi dabe dali hwįnama,  
\q2 tama nago augwali elaluama,  
\q2 tama nage ma begasa asai dao.   
\q1
\v 5 Augwaligo te augwa bomai ami dabego  
\q2 wiegi yai doado bage dagala siyu yai.  
\q1 Tama megi da, te ami dabe isalio.  
\q1 Tama augwaligo te hwįani  
\q2 doado bage sabo bidi dabe meni yanio.   
\q1
\v 6 Te Jekopgo God, nago augwali wado ilama palialio.  
\q1 Tama tibaso, te hos dabe dali,  
\q2 te hosde dugawali bidi dabe me,  
\q3 tigidali isila silama, tama tǫde te pila mubao.   
\b  
\q1
\v 7 Tiali goli, God, te bidi dabego nagede  
\q2 te wi umabo mu ebo dao.  
\q1 Te nago augwaliba wado po obaso da,  
\q2 teda de te nago gedude  
\q3 dolalubo sogo usu egowe?  
\q1 Te me deligo usu me egobeo.   
\q1
\v 8-9 Nage te dagalude bidiyu,  
\q2 tama nago te tigidali we bidi po tų ela mawaibao.  
\q1 Te sogo nage dolugulama,  
\q2 tama nago te bidi dabe augwaba  
\q3 te augwa po tų yabo po pusaibao,  
\q2 tama nage asiyu, te gasa bidi dabego  
\q3 dolali we bidi dabe tau sagasaibao.  
\q1 Tama tigidali we bidi wi mu ebaso,  
\q2 tama po me wagobeo.  
\q1 Augwa pedauwali pania siyu naga yaibao.   
\q1
\v 10 Te bidi dabego haliga sębę yali,  
\q2 tiali goli, te tebogo te gasa bidi dabego  
\q3 nago nogi ugwaba somainu ebao.  
\q1 Tama te hwįbode dolisawąni bidi dabego  
\q2 te genuai lotu wabo sogode te nageba lotu waibao.   
\b  
\q1
\v 11 Nago te naga Genuai Bidi  
\q1 Godiba te bomai po dąų walali,  
\q2 teda nago te dąų walali po wali pao.  
\q1 Nago tibo po me wagio.  
\q1 Dago te Genuai Bidide wi elama,  
\q2 tama tiyu, te tigidali we bidigo  
\q2 te agaba wiegi yai olo maiyabo nai dabe selasa pao.   
\q1
\v 12 Agai te hagoma ebo king dabe te aiyaba elalueibao.  
\q1 Agai te tǫde king dabe te wi mu ilibo dao.   
\c 77  
\s1 Godigo te bidi me deliba te sęgę ebo sogo te nagamea pai homu mawaibao  
\q1
\v 1 Eno Godiba i bomo elama obao.  
\q1 Eno homugo te agai eno gedu haluasa po wabo  
\q1 odomainu ebao.   
\q1
\v 2 Te sęgę ebo sogo, eno te Genuai Bidiba  
\q3 gedu haluasa po agaba weyu yali,  
\q2 tiali goli, eno te nagame pai homu ebo me sabeo.   
\q1
\v 3 Eno homugo Godiba kone palama,  
\q2 tama eno haligade gela wali.  
\q1 Eno homu konealubode tama  
\q2 eno haliga sęgę elaluai.   
\b  
\q1
\v 4 Godigo ena godege pimainu me ebeo.  
\q1 Eno haliga te sęgę mu ebaso,  
\q2 tama tiyu, eno po wabo usu me ebeo.   
\q1
\v 5 Eno te polobadu yali wiegi yai sogoba  
\q2 homu kone palali.  
\q1 Mu tama, eno te bidali kibu be dabe  
\q2 tede homu kone ma yalio.   
\q1
\v 6 Te hulide eno homu kone paludubo sę yali.  
\q1 Eno homu hauwa elama, tama enaba digi ena te tiwai  
\q3 hanalu wai.   
\q1
\v 7 “Te Genuai Bidigo ena te sesemane sogo  
\q2 tudiba muba homu ebawe?  
\q1 Te agai ena godolo homu mu  
\q2 me isiąbo homu ebo agawe?   
\q1
\v 8 Agai megi ena homu dene me ebewe?  
\q1 Te aga dąų wali po te tulalumainu eba, agawe?   
\q1
\v 9 Te Godigo homu kone gegeda paliyu,  
\q2 tama te olo tau sabo wiegi yai  
\q2 kolesaga dabolo me egobe homu eba, agawe?  
\q1 Te agai wado ebogo te olo tau sabo  
\q2 wiegi yai kolesaga te palia sali homu ebawe?”   
\q1
\v 10 Eno te tama homu eyu, tama eno te po wali,  
\q1 “Te Ugwade Mu Bidibo Godigo te ena megi me tau sabeo.  
\q1 Tama tialima, eno tede te haliga sęgę mu ebao,” wali.   
\b  
\q1
\v 11 God, te eno nago te genuai sę dabe yaliba  
\q2 te homu kone ma palobao.  
\q1 Awe, te eno nago polobadu te haniani sę dabe yaliba  
\q2 te homu kone ma palubo dao.   
\q1
\v 12 Te eno nago yali tigidali sęba  
\q2 ma homu kone palaibao.  
\q1 Nago te bomai sę dabe yali,  
\q2 tama eno te me homugo koneaibao.   
\b  
\q1
\v 13 God, nago kolesaga tigidali  
\q2 te tedali wiegi yai naga dao.  
\q1 Te tibo god me deligo nage dali usu me egobeo.  
\q1 Nago augwali aiyaba mu elaluai dao.   
\q1
\v 14 God, nagaduba deligo naga te bidi mego isąwai  
\q3 bomai sę ebo dao.  
\q1 Polobadu nago genuai bomo te tigidali  
\q2 we bidi haniba ola mawai dao.   
\q1
\v 15 Te naga bomogo digi nago  
\q2 te naga we bidi dabe ma sali,  
\q2 te Jekop de Josep sigo wąį nǫų hani dabe,  
\q2 te augwali si tudi badu nosali pedelali bage dao.   
\q1
\v 16 God, te polobadu te wę dabego  
\q3 nage sulama, augwali wi mu yali,  
\q2 tama te aiyadu mu elaluali  
\q3 tamu ąį me te gęǫ yai dao.   
\q1
\v 17 Genuai tulubage mu tuluyu,  
\q2 tama pǫ bomonama kulukulu weyu,  
\q2 tama te pǫgo be sele ula edaba asiyu, uba peyu yai.   
\q1
\v 18 Nago te pǫ te popoge ebo wali tomode  
\q3 kulukulu omainu ilali.  
\q1 Te pǫgo be sele eyu, ula ebo  
\q3 te tigidali tǫ pedaiba ula yali, tama tǫ aga digi  
\q3 te mumunu mumunu yai.   
\q1
\v 19 Nage wali te tamu wę tomode bilali.  
\q1 Nago sunumi te genuai tamu ąį tomode elaluali.  
\q1 Tiali goli, dago te nago sągą pasalu me susiąbo dao.   
\q1
\v 20 Nage te tonalubo bidi mu tiwai elama,  
\q2 tama nage polasa pobaso,  
\q2 tama te we bidi dabe nage wali pelawai.  
\q1 Nago sę te Moses de Aron sibolo menama,  
\q2 tama augwali sigo te augwali tonaluai dao.   
\c 78  
\s1 God aga we bidi dabe dali yali sę po wai  
\q1
\v 1 Eno hani bage dabe,  
\q2 dagego eno po bugagia odao.  
\q1 Dagego eno wainogo ebo poba olo bugagia muao.   
\q1
\v 2 Eno dageba te po dabe pusainu ebao.  
\q1 Eno te haniani sę dabe te polobadu geme dualaluali sę  
\q2 me te megi e sogoba usu nagasu, te po pusaibao,  
\q2 tama eno te po dabego  
\q3 page dagebolo pusaibao. \x * \xo 78:2 \xt Mat 13:35\x*   
\q1
\v 3 Polobadu te wąį nǫų dabego dabolo  
\q3 te tiali sę dabe po wali,  
\q2 tama dago odolama, tama dago te koneai dao.   
\q1
\v 4 Dago te po te dena wai dabeba  
\q2 geme me dualugobeo.  
\q1 Menio, te dago te gesi tamadi ame nabo  
\q2 wai dabeba te po waibao.  
\q1 Te dago Godigo genuai bomogo yali sę po pusaibao,  
\q2 tama te bomai sę dabe me agai yali,  
\q2 tama te bidigo isiąwai sę  
\q3 te haniani bomai sę agai yai dao.   
\q1
\v 5 Godigo aga bomai po  
\q2 te aga we bidi Israel dabebolo mawai.  
\q1 Agai po te Jekipgo wąį nǫų dabebolo menama,  
\q2 te augwa wali pomainu yai.  
\q1 Agai te polobadu wąį nǫų dabebolo te tama po wai,  
\q1 “Dagego te duga wai dabeba te eno bomai po tigidali  
\q2 te bugagia ma mao,” po wai.   
\q1
\v 6 Tama tialima, te nosali pedalubo hani wai dabego  
\q2 te nosali augwa me ola mayu,  
\q1 tama te hanigo te augwa wai dabeba  
\q2 te po omainao, te po wai.   
\q1
\v 7 Te augwa te tiwai eyu da, teda te hani dabego me te  
\q2 Godiba konealubo homu dąų waibao,  
\q2 tama agai te yali sę dabe  
\q2 te augwaligo homu kone gegeda  
\q2 pidali weyu, te tiwai yao.  
\q1 Tama te augwa agai bomai po tigidali wali pomainu yao.   
\q1
\v 8 Tiyu, augwali te augwa wąį nǫų dabe  
\q2 tobage tiwai pedelabuo.  
\q1 Te wąį nǫų dabego te hagoma eyu,  
\q2 tama Godigo po sela sąnama,  
\q2 tama augwa konealubo homu agaba  
\q3 dąų mu me wasiąwai,  
\q2 tama augwaligo te agai po sesemane wali me pabeo.   
\q1
\v 9 Polobadu te Efraim dabego hwįani,  
\q2 te enesigi enego te hwįai.  
\q1 Tiali goli, te sogo te wąbi hodolama hwįbaso,  
\q2 tama augwali wi pai dao.   
\q1
\v 10 Augwaligo te Godigo dąų walali  
\q3 bomai po wali pisąyu,  
\q2 tama augwaligo agai bomai po  
\q3 wali pabo homu isiąwai dao.   
\q1
\v 11 Augwaligo te agai yali sę dabe  
\q3 te homu kone gegeda pali,  
\q2 tama te bidigo isiąwai bomai sę  
\q3 agai te augwali gedude yai,  
\q2 te me augwaligo gegeda pali.   
\q1
\v 12 Te wąį nǫų dabego gedude Godigo  
\q3 bomai sę me deli te Soan bulu,  
\q2 te Isip tǫ pedaide, yai dao. \x * \xo 78:12 \xt Sai 7:8–12:32\x*   
\q1
\v 13 Godigo te tamu ąį togolama,  
\q2 tama tamu ąį te me badu buga siyu,  
\q2 me badu buga siyu elama, dolaluali,  
\q2 tama agai te Israel dabe tomodu  
\q3 odasa palio. \x * \xo 78:13 \xt Sai 14:21-22\x*   
\q1
\v 14 Te giligade aga te pǫdu polasa pali,  
\q2 tama hulide aga te sia ulade  
\q3 te augwali asobodu polasa pai. \x * \xo 78:14 \xt Sai 13:21-22\x*   
\q1
\v 15 Agai te masigi tǫ bulude  
\q3 te masigiba elama,  
\q2 tama te wę aiyadu pedalumainu  
\q3 elama, te augwaligo tuali.   
\q1
\v 16 Agai te masigide wę pedalumainu  
\q3 elama, tama wę te busidu soabo  
\q3 genuai wę tiwai soali. \x * \xo 78:16 \xt Sai 17:1-7; Nam 20:2-13\x*   
\b  
\q1
\v 17 Tiali goli, augwaligo te Ugwade Mu Bidibo Godiba  
\q3 dwai sę yali,  
\q2 tama augwali te kemi tǫ bulude  
\q3 bidiyu, agaba hagoma yalio.   
\q1
\v 18 Augwaligo God usu siyu, te tiwai yai.  
\q1 Augwaligo i bomonama agaba weyu,  
\q2 te augwaligo wei ebo nai agai momainu yai.   
\q1
\v 19 Augwaligo te tiwai posobo po Godiba wali,  
\q1 “Godigo dabolo te tǫ wa pai bulude  
\q2 te nai hauwa mabo usu yaiba, agawe?   
\q1
\v 20 Mu tama, hasiabolo agai  
\q3 te genuai masigiba elibaso, tama te wę pedelali.  
\q1 Tiali goli, magi ebawe?  
\q1 Agai dabolo te bret meba me  
\q3 te tubo mi magowe?” wali.   
\b  
\q1
\v 21 Tialima, Genuai Bidigo augwaligo po odolama,  
\q2 tama agai wado po wali.  
\q1 Agai te Jekopgo hani dabeba te sia tula palali.  
\q1 Tama agai wado po te genuai mu pedelalio.   
\q1
\v 22 Magi baso meni, augwaligo konealubo  
\q3 homu agaba musiąwai.  
\q1 Tama te agai augwali tau selama,  
\q3 te bugagia bidimainu yaibao,  
\q2 tede augwaligo agaba konealubo  
\q2 homu dąų me wabeo.   
\q1
\v 23 Tiali goli, tagalao, agai te ugwadu elalubo dagaluba  
\q2 po olama, tama te dagalu dalaluai dao.   
\q1
\v 24 Tialima, agai te nai mana tagala palama, tulalubosi,  
\q3 te augwaligo selama, tuali.  
\q1 Agai te dagalude nai te we bidi dabe augwaliba  
\q3 mawai dao. \x * \xo 78:24 \xt Jon 6:31\x*   
\q1
\v 25 Tama tialima, augwa te enselgo nai salio.  
\q1 Godigo te nai hauwa mu augwaliba menama,  
\q2 tama augwali usu mu yai.   
\q1
\v 26 Tama nosali agai te giliga  
\q3 pedalubo badu te wali hodolali,  
\q2 tama agai bomogo naga,  
\q3 agai te saut badu wali hodolali.   
\q1
\v 27 Tama agai te ba sibi hauwa mu  
\q2 te tǫ hogomu tiwai me,  
\q2 te nabis wę sande te kemi tiwai,  
\q2 te augwali tomoba tulalumainu yai dao.   
\q1
\v 28 Godigo te ba dabe te augwa  
\q2 bidalubo pesage tomoba tulalumainu ilali,  
\q2 tama augwaligo ugwa be bagua salio.   
\q1
\v 29 Tama tialima,  
\q3 te we bidi dabego tulama,  
\q2 tama augwa mu pągąna peyu, tabia palio.  
\q1 Te we bidi dabego sainu te gela wali nai,  
\q2 te Godigo augwali manio.   
\q1
\v 30 Augwa te nai tutubo sę yai.  
\q1 Mu tama, augwa te nai tula silisąbadi,   
\q1
\v 31 tama Godigo augwaliba wado po weyu,  
\q2 tama te bomai bidi dabe ela muani,  
\q1 te Israel wiegi yai ogwa bidi dabe dao.\x * \xo 78:31 \xt Sai 16:2-15; Nam 11:4-23, 31-35\x*   
\b  
\p
\v 32 Godigo te bidigo isiąwai  
\q3 te tobage bomai sę dabe yali,  
\q2 tiali goli, te we bidi dabego  
\q3 te dwai sę umabo mu idu geyu,  
\q2 tama augwaligo konealubo homu  
\q3 agaba dąų me wabeo.   
\q1
\v 33 Tialima, polo tama mu, te agai augwali dola silalio,  
\q3 te pedauwalide mobo pedelama,  
\q3 te polo pela silibo tiwai yalio.  
\q1 Agai augwali polo tama mu dolama,  
\q2 tama augwali isai dao.   
\q1
\v 34 Te Godigo meba ela mubo sogo,  
\q3 te gasa bage ge neyu, augwa homu begelama,  
\q2 tama agaba ma begasa aselama,  
\q2 tama agaba gedu haluasa po bomonama walio.   
\q1
\v 35 Te megi da, augwaligo homugo ma koneama,  
\q1 God te augwa tonalubo bidi dao homu yai.  
\q1 Te Ugwadu Mu Bidibo Godigo agai  
\q2 te augwali tau sabo bidi dao.   
\q1
\v 36 Tiali goli, augwa tibo po olama,  
\q1 tama agaba te odolali pedauwalide  
\q2 ąį soabo tiwai elama, daganobo po walio.   
\q1
\v 37 Augwaligo agai po wali me pabe,  
\q2 tama augwaligo te aga dali dąų walali  
\q2 bomai po bolama, togalio. \x * \xo 78:37 \xt Tpi 8:21\x*   
\b  
\q1
\v 38 Tiali goli, Godigo te olo tau mabo  
\q2 wiegi yai kolesaga augwaliba elama,  
\q2 tama augwaligo te dwai sęgę sela sąwani,  
\q2 tama agai augwali me dolobeo.  
\q1 Hauwa sogo te agai wado yali, te palia selama elalu,  
\q2 tama augwaliba haliga sębę me ebeo.   
\q1
\v 39 Agai te tama tiwai homu augwaliba yai.  
\q1 Augwali te we bidi naga tama tiwai,  
\q2 augwali te wali aselama pabo tiwai ebao.   
\b  
\q1
\v 40 Hauwa sogo augwa hagoma eyu, agai po sela sąyu,  
\q2 te bidi meni yai tǫ wa pai bulude bidiyu tiali.  
\q1 Tama hauwa augwaligo aga haliga sęgę ilali.   
\q1
\v 41 Te Israel dabego God  
\q3 te tedali gasa wiegi yai mu dao.  
\q1 Tiali goli, hauwa sogo augwaligo aga usu sabo sę eyu,  
\q2 tama agai wado yabo sę ilali.   
\q1
\v 42 Augwaligo te agai genuai bomo  
\q2 teba homu konesiąwai,  
\q1 tama agai augwali te boi bidi dabego  
\q2 nogode ma sali, te sogoba augwaligo homu  
\q2 kone me palobeo.   
\q1
\v 43 Te sogo agai te bidigo isiąwai bomai sę dabe  
\q2 te Soan bulude yali, te Isip tǫ pedaide dao.   
\q1
\v 44 Godigo te wę dabede te kaneme  
\q3 pedalumainu elama,  
\q1 tama te Isip dabego tuainu yali usu me ebeo. \x * \xo 78:44 \xt Sai 7:17-21\x*   
\q1
\v 45 Tama agai te bolia hauwa,  
\q2 me te gedeli hauwa te augwaliba tagala palai.  
\q1 Tama te bolia dabego augwali gąų kela tuyu yali,  
\q2 tama te gedeli dabego  
\q3 te Isip bagego gide nai dabe  
\q3 hauwa dolali. \x * \xo 78:45 \xt Sai 8:1-6, 20-24\x*   
\q1
\v 46 Tama Godigo te suma digi me,  
\q2 kauwa bidi dabe me,  
\q2 te kuli mano dabe dali tagala palama,  
\q1 tama augwaligo te augwa gide nai dabe  
\q2 tula silai. \x * \xo 78:46 \xt Sai 10:12-15\x*   
\q1
\v 47 Agai te talua ge tulubage tagala palama,  
\q2 tama tego te augwaligo wain ni dabe dolali.  
\q1 Tama agai te talua ge tulubagego te augwaligo ni kaya  
\q3 dolomainu yai dao.   
\q1
\v 48 Agai te genuai tulubage,  
\q3 te talua ge tulubage, tagala palama,  
\q2 tama augwaligo bulmakau dabe ela muai dao.\x * \xo 78:48 \xt Sai 9:22-25\x*   
\q1
\v 49 Agai augwaliba te wado umabo mu  
\q3 udubadi udubadi genama,  
\q2 tama augwaliba te dene mu mawai.  
\q1 Tama agai te ensel bidi meba tagala palama,  
\q3 te augwali doligi pali,  
\q2 tama augwali te sęgę genuai mu salio.   
\q1
\v 50 Agai augwaliba haliga sębę elama,  
\q2 tama agai augwali me gogolobeo. Menio.  
\q1 Agai te genuai gasi tagala palama,  
\q2 tama augwali isila palio.   
\b  
\q1
\v 51 Agai te Isip hani tigidaligo te gomunai ogwa dabe  
\q3 ela muna silali. \x * \xo 78:51 \xt Sai 12:29\x*   
\q1
\v 52 Tama agai te sipsip tonalubo bidi tiwai elama,  
\q2 tama aga polasa peyu tama,  
\q3 aga we bidi dabe tonaluali.  
\q1 Tama te tǫ wa pai bulude agai augwaliba  
\q3 te sunumi ola mawai. \x * \xo 78:52 \xt Sai 13:17-22\x*   
\q1
\v 53 Agai augwali odasa peyu,  
\q2 tama augwali bugagia bidali,  
\q2 tama tiyu, augwali wi me ebeo.  
\q1 Tiali goli, te tamu ąįgo augwa  
\q3 boi bidi dabe mesega salio. \x * \xo 78:53 \xt Sai 14:26-28\x*   
\q1
\v 54 Agai augwali te aga tǫba digi odasa asali.  
\q1 Te bulu du te pesage te aga digi bomogo sali bulu dao.\x * \xo 78:54 \xt Sai 15:17; Jos 3:14-17\x*   
\q1
\v 55 Agai te gasa hani dabe te aga hani dabe asobo si,  
\q2 te augwali sela sąwani.  
\q1 Tama agai te tǫ te Israel hani dabeba doba yali.  
\q1 Tama agai augwali te augwa ugwa be dabede  
\q2 bugagia bidimainu yai dao. \x * \xo 78:55 \xt Jos 11:16-23\x*   
\q1
\v 56 Tiali goli, te Israel dabego  
\q2 te Ugwadu Mu Bidibo God usu selama,  
\q2 tama agaba hagoma yai.  
\q1 Augwaligo agai bomai po  
\q2 wali me pisąwai. \x * \xo 78:56 \xt Tob 2:11-15\x*   
\q1
\v 57 Augwa hagoma elama, agai po sela sąwani,  
\q2 te augwa wąį nǫų dabego  
\q3 te polobadu yali tiwai yalio.  
\q1 Augwali te gagea pai enesigi  
\q2 te enebo dolo pisąbo tiwai yai dao.   
\q1
\v 58 Augwaligo te tibo godigo alta dabe nigali,  
\q2 tama te tebogo te Godigo wado po omainu ilali.  
\q1 Augwaligo te tibo god dabe nigilama ebaso,  
\q2 tama Godigo augwaliba dwai haliga yai dao.   
\q1
\v 59 Godigo augwaligo te tebo kolesaga sulama,  
\q2 tama agai augwaliba haliga sębę dwai mu yai,  
\q2 tama tibaso agai te Israel dabe tudiba mu muanio.   
\q1
\v 60 Tama agai te aga Silode elaluali ugwa be tagalalio.  
\q1 Te bede aga te we bidi dabe tomode bidali.\x * \xo 78:60 \xt Jos 18:1; Jer 7:12-14; 26:6\x*   
\q1
\v 61 Tama agai te boi bidi dabego  
\q2 te dąų walali bomai po muani halobage,  
\q2 te bokis kontrak, sela pomainu ilali.  
\q1 Te bokis halobagede augwaligo  
\q2 te agai bomo me ula suali. \x * \xo 78:61 \xt 1 Sml 4:4-22\x*   
\q1
\v 62 Agai te aga we bidi dabeba wado po olama,  
\q2 tama te boi bidi dabego  
\q3 augwali ela mumainogo yai dao.   
\q1
\v 63 Te gesi ogwa bidi dabe  
\q3 te genuai boi hwįani madi isali,  
\q2 tama te gesi ogwa we wegi dabe  
\q3 te augwali sabo bidi dabe meni yai dao.   
\q1
\v 64 Te boi bidi dabego te pris dabe ela mubaso,  
\q2 tama augwa we dabego  
\q3 te augwalide homu dene eyu,  
\q2 tama gela wainu ebo te usu ebeo.   
\q1
\v 65 Tialima, megi da, Genuai Bidi hodaluali,  
\q2 te bidi betde pilama hodalubo  
\q3 tiwai gilama yali, tama te bomai bidigo  
\q3 te wain wę hauwa tulama, tama te i hai ola bilibo  
\q3 tiwai gilama yali.   
\q1
\v 66 Tama agai te boi bidi dabe dali hwįnama,  
\q2 tama augwa asaliba ma pobeasa pali.  
\q1 Agai augwali aiyaba mu elalubaso,  
\q2 tama augwali hale dwai mu yali,  
\q2 tama augwaligo ma hwįabo usu ebeo.   
\q1
\v 67 Tiali goli, agai te Josepgo  
\q3 wąį nǫų hani bage te wei isiąwai,  
\q2 tama agai te Efraimgo hani bage  
\q2 te sa me mubeo. Menio.   
\q1
\v 68 Agai te Juda hani bage dali,  
\q2 te Saion bulu dali sa muani, te bulu du te agai  
\q3 wei mu ebo bulu dao.   
\q1
\v 69 Agai te aga genuai tempel be te bulu dude nigali,  
\q2 te aga dagalude elalubo be tiwai.  
\q1 Tama agai te tempel be sesemane  
\q2 te bomo dali elalumainu yali,  
\q2 te e tǫ dili dąų elalubo tiwai gilama emainu yai dao.   
\b  
\q1
\v 70 Godigo Devit sa muani,  
\q2 te aga sę bidi, tama aga selama,  
\q2 te genuai sipsip dabe tonalubo sę me,  
\q2 te sipsip wai dabe  
\q3 tonalubo sę emainu sa muai dao.   
\q1
\v 71 Tama Godigo aga  
\q3 te Israel king bidi mubaso bidali,  
\q2 tama aga te Godigo we bidi  
\q3 tonalubo bidi bidai dao.\x * \xo 78:71 \xt 1 Sml 16:11-12; 2 Sml 7:8; 1 Sto 17:7\x*   
\q1
\v 72 Devitgo te aga sęba naga homu kone palama,  
\q2 tama augwali bugagia tonaluai.  
\q1 Tama aga te augwaligo  
\q2 wiegi yai polalubo bidi bidai dao.   
\c 79  
\s1 Te Israel dabego gedu haluasa po weyu, te Godigo augwali tau somainu yalio  
\q1
\v 1 God, te gasa hani dabe dago tǫba asalio,  
\q2 tama augwaligo te naga we bidi dabe  
\q2 da dali hwįani ebao.  
\q1 Augwaligo te nago tedali wiegi yai be dwai ilama,  
\q2 tama meda mu pedelali.  
\q1 Tama augwaligo te Jerusalem  
\q1 dwai mu ilama, dolalio. \x * \xo 79:1 \xt 2 Kin 25:8-10; 2 Sto 36:17-19; Jer 52:12-14\x*   
\q1
\v 2 Augwaligo te we bidi dabe ela muyu,  
\q2 tama nago sę bidi dabe me ela tagalali,  
\q2 tama te ba dabe dali, te uni hasa dabe daligo  
\q3 te augwaligo tigi tualio.   
\q1
\v 3 Te boi bidi dabego nago we bidi dabe ela munama,  
\q2 tama augwaligo kaneme gelama, tama te wę tiwai  
\q3 te Jerusalem tomodu pai.  
\q1 Tama augwaligo tigi dabe  
\q2 pubulabo bidi deli me bidibeo.   
\q1
\v 4 Te da pąde bidalubo we bidi hani dabe,  
\q2 augwa te posobo po weyu, te gisugu weyu,  
\q2 tama te po dwai dabolo wali.   
\q1
\v 5 Genuai Bidio, nisu naga sogo nago dade  
\q2 wado po wabo me elalu, elaibawe?  
\q1 Te nago wado po wabo  
\q2 te sesemane elaluabo homu eba, agawe?  
\q1 Te nago wado ebo me elalu,  
\q2 tama te sia bogoli elalubo tiwai eyu,  
\q2 tama me sula sogobe da, agawe?   
\q1
\v 6 Te nageba lotu po wasiąbo we bidi dabeba  
\q2 nago te wado po wao,  
\q2 te we bidi dabe augwaligo  
\q2 te nage tudiba mubo dao.   
\q1
\v 7 Magi baso meni, te hani dabe  
\q2 augwaligo te nago hani we bidi dabe ela muani,  
\q2 tama augwaligo te nago tǫ mu dolai dao.   
\b  
\q1
\v 8 Tiyu, nago daba te dago wąį nǫų dabego  
\q3 dwai kolesaga yalide te dabolo dene maidalio.  
\q1 Megi da, nago te olo tau mabo  
\q2 wiegi yai kolesaga dabolo yao, magi baso meni,  
\q2 te dago konealubo homu te bomo kimi meni yanio.   
\q1
\v 9 God, nage te da ma sabo God dao.  
\q1 Nago te naga genuai nogi sabode  
\q2 koneama, te da tau sao.  
\q1 Nago da ma siyu, tama dago dwai sęgę tigidali  
\q3 te sela sąyao,  
\q2 tama dago te nago nogi ugwaba saibao.   
\q1
\v 10 Magi baso te gasa hani dabego  
\q2 dabolo te tiwai hanalu,  
\q1 “Te dagego God mena bidibo?” waibawe?  
\q1 Dago nago te gasa hani dabeba te  
\q2 dago kaneme gelali wei ponoyu,  
\q2 te dene mabo dago suabo  
\q2 homu ebao, magi baso meni,  
\q2 augwaligo te nago sę bidi dabe ela muai dao.   
\b  
\q1
\v 11 Nago te kalabuside bidibo bidi  
\q2 dabego gela wabo odao.  
\q1 Tama te nago genuai bomogo, nago te bidi dabe  
\q3 te boi bidi dabego po weyu,  
\q3 te isimainao po wali bidi dabe, augwali ma sao.   
\q1
\v 12 Te boi bidi dabego nageba te dwai po wali.  
\q1 Tama tialima, Genuai Bidi, nago  
\q2 te augwaligo yali dwai kolesaga  
\q2 te nogo a naga olama,  
\q3 me badu si sogo te wei ponao.   
\q1
\v 13 Nago te tama tibaso da,  
\q2 teda da naga we bidi dabe,  
\q1 da te nago sipsip wai tiwai yaibao,  
\q2 teda dago nageba te usu da weyu,  
\q1 gedu haluasa po sesemane sesemane sogo waibao.  
\q1 Tama te nosali nosali pedalubo wąį nǫų dabego,  
\q2 teda augwaligo me te nago nogi ugwaba saibao.   
\c 80  
\s1 Te Israel dabego gedu haluasa po weyu, te Godigo augwali tau selama, ma dolalumainu yali  
\q1
\v 1 Te Israel dabe tonalubo bidi, nago te naga  
\q2 sipsip dabe da bilibo dodolobo dao.  
\q1 Te dago gela wabo odao.  
\q1 Nage te ensel dabe daide  
\q2 ugwadu king bidibo dao. \x * \xo 80:1 \xt Sai 25:22\x*   
\q1
\v 2 Nago te Efraim dabe, me Benjamin dabe,  
\q2 me te Manase hani bage augwali homu dene yao.  
\q1 Nago te homu dene ebo  
\q2 te pepeli diliba hanilama, pedalumainu ilao.  
\q1 Te nago genuai bomo dabolo ola mayu,  
\q2 tama aselama, da tau sagasobaso da,  
\q2 teda da me dologobeo.   
\q1
\v 3 God, nago da selasa, te nagaba ma pao.  
\q1 Nago te olo tau sabo wiegi yai kolesaga  
\q3 dabolo eyu, tama da tau sobaso da,  
\q2 teda da munu me hagagobeo.   
\q1
\v 4 Genuai Bidi, nage  
\q2 te Tigidali Bomo Elalubo God dao,  
\q3 nisu naga sogo digi te nago  
\q2 naga we bidi dabego gedu haluasa po wabode te  
\q2 wado po me nago elalu odaibawe?   
\q1
\v 5 Nago da te gela mu udumainu elama,  
\q2 tama dena gedu ąį te tubo nai,  
\q3 me te genuai tubo ąį tiwai ebao.   
\q1
\v 6 Nago te gasa hani we bidi dabe  
\q2 te da pąba asomainu ilama,  
\q2 te augwaligo dago tǫ sainu hwįbao.  
\q1 Tama te boi bidi dabego dabolo  
\q2 te posobo po weyu, gisugu mayu, ebo dao.   
\b  
\q1
\v 7 Te Tigidali Bomo Elalubo God,  
\q3 nago da edaba ma sao.  
\q1 Nago te olo tau sabo wiegi yai kolesaga  
\q3 dabolo eyu, tama da tau sobaso da,  
\q3 te da me hagagobeo.   
\b  
\q1
\v 8 Polobadu nago te ni wain deli te Isipdu selasa asali.  
\q1 Tama nago gasa hani dabe te tǫde sela sąnama,  
\q2 tama nago te ni wain te augwaligo tǫde bulai dao.   
\q1
\v 9 Nago aga tǫ delide peda selama, tama nago bulalio.  
\q1 Aga holama, tama aga sele te aiyanu mu dulalio,  
\q2 tama aga genuai mu holama,  
\q2 tama te tigidali tǫ pedai mesega sai dao.   
\q1
\v 10 Tama te ni wain nologogo te tigidali bulu du me,  
\q2 tama te moni dobo dwai ni sida dabe mesegelai dao.   
\q1
\v 11 Te aga nologo pali, te genuai tamu ąį  
\q1 Mediterenian si, te dąį igi pelama,  
\q2 tama giliga asobo badu me pali,  
\q3 te wę Yufretisba usu nigi pai dao.   
\q1
\v 12 Tiali goli, magi baso nago  
\q3 te wain gi bagulali obo dabe alualiwe?  
\q1 Megi da, te sunumidu soabo we bidi dabe  
\q2 augwaligo te wain gi du dabe wi saibao.   
\q1
\v 13 Tama te uni kibu dabego agayu,  
\q2 tama te uni hasa dabego tubo dao.   
\b  
\q1
\v 14 Te Tigidali Bomo Elalubo God,  
\q3 nago daba homu kone ma palao.  
\q1 Nage te dagalude bidiyu, tama nago daba aiya tonaluao.  
\q1 Tama nage aselama, da tau sagasao,  
\q3 da naga nago ni wain tiwai dao.   
\q1
\v 15 Nago da tau sagasao, naga digi nago  
\q3 te naga bomogo da bulali.  
\q1 Da te gesi ni wain tiwai nago  
\q2 te bomonama mu pedalumainu yai dao.   
\q1
\v 16 Te dago boi bidi dabego togolama,  
\q2 tama siaba ulalio.  
\q1 Te nago augwaliba wado eyu, tama augwali mu dolao.   
\q1
\v 17 Tiali goli, nago da we bidi dabe tau sao,  
\q2 nago te naga da weyu, sa munama,  
\q3 tama da tonalubao.  
\q1 Nago da genuai pedalumainu elama, tama bomo ilali.   
\q1
\v 18 Nago tama tibaso da,  
\q2 teda dago nage ma tagalugobeo.  
\q1 Nago da bugagia bidimainu eyu, tau sobaso da,  
\q2 tama te nageba gedu haluasa po weyu,  
\q2 tama nago nogi ugwaba saibao.   
\q1
\v 19 Genuai Bidi, nage te Tigidali Bomo Elalubo God dao,  
\q1 nago da te nagaba ma sao.  
\q1 Nago te olo tau mabo  
\q2 wiegi yai kolesaga dabolo eyu,  
\q3 te da tau sao, te da me hagagobeo.   
\c 81  
\s1 Te genuai side wabo tęąbi po me deli e dao  
\q1
\v 1 Te wiegi yai pemene elama, te Godiba i wao,  
\q2 te da tau seselalubo bidi dao.  
\q1 Te Jekopgo God nogi ugwaba sabo tęąbi po wao.   
\q1
\v 2 Te wiegi yai musik te tobage temborin dali,  
\q2 wiegi yai gita dabego, me te kulelede wao.   
\q1
\v 3 Te biugel bu wabo te genuai side  
\q3 te gesi polua nanama,  
\q2 tama te polua genuai pedalubo  
\q3 sogode, te biugel bu waiyąo. \x * \xo 81:3 \xt Nam 10:10\x*   
\q1
\v 4 Te da Israel dabego bomo yai po elaluai.  
\q1 Te Jekopgo Godigo te bomo yai po dabolo mawai dao.   
\q1
\v 5 Te polobadu Godigo te Isip dabe dali hwįgi pali sogo,  
\q1 agai te bomo yai po da Israel dabeba mawai dao.   
\b  
\q1
\v 6 Eno te bidi me deligo dogonide  
\q2 po odolama, tama te dego dogoni te eno konesiąwai.  
\q1 Agai te tama po wali, “Eno te dagego nagede elaluali  
\q2 sęgę tigidali tega sąwanio,” wali.  
\q1 “Tama eno dagego te sę ebo basket dabe  
\q2 te tǫba mumainu yai dao.   
\q1
\v 7 Te dagede genuai sęgę elalubaso,  
\q2 tama enaba i wabo sogo, eno dage tau selama,  
\q2 tama dage bugagia bidai.  
\q1 Ena te geme dulalubo pesagede  
\q3 te pǫ kulukulu wabo tomode ena bidibao,  
\q2 tama eno dagego gedu haluasa po wabo odali.  
\q1 Polobadu dage te Meriba wę ulu pedalubode bidibadi,  
\q2 tama eno dage usu sai dao.” \x * \xo 81:7 \xt Sai 17:7; Nam 20:13\x*   
\b  
\q1
\v 8 “Eno we bidi dabeo, eno dageba  
\q2 te bomai po mawainu ebao.  
\q1 Mu tama, te Israel dabe, eno homugo  
\q2 te dagego eno po odomainu homu ebao.   
\q1
\v 9 Dagego te gasa hani dabego tibo god wali me pigio.  
\q1 Tama dagego gasa godiba lotu me wagimio.  
\q1 Dagego ena deliba naga lotu waiyąo.\x * \xo 81:9 \xt Sai 20:2-3; Bom 5:6-7\x*   
\q1
\v 10 Ena naga ena Genuai Bidi da, ena dagego God dao.  
\q1 Ena digi dage selama, te Isip taga soyu asai.  
\q1 Dagego pedauwali a olalubadi,  
\q2 tama eno te dage pedauwaliba nai muaibao,” walio.   
\b  
\q1
\v 11 “Tiali goli, eno we bidi dabego  
\q2 te eno po me odisąwai.  
\q1 Mu tama, te Israel dabego eno po wali  
\q2 homu me isiąwai dao.   
\q1
\v 12 Tama tibaso, eno te augwa  
\q3 hagoma ebo kolesagade  
\q3 wali bilimainu sula tagalali,  
\q2 tama augwa te mena augwa homugo ela palio.   
\q1
\v 13 Eno wei mu ebaso, tama eno hani bage  
\q3 augwaligo te eno po odomainu homu yali.  
\q1 Tama eno homugo te Israel dabego  
\q3 te eno homu sesemane  
\q3 wali pomainu homu ebao.   
\q1
\v 14 Te augwaligo tama tibaso da,  
\q2 teda polo tama eno te augwaligo  
\q3 boi bidi dabe doligi da.  
\q1 Te eno boi bidi dabe augwali dali hwįnama,  
\q2 tama augwali aiyaba mu elalualigi da.   
\q1
\v 15 Te ena wei homu isiąbo we bidi augwali,  
\q2 teda augwali wi mu dwai elama,  
\q2 tama enaba kidu sugunagasaibao.  
\q1 Tama eno augwaliba te sesemane sogo dene magi dao.   
\q1
\v 16 Tiali goli, eno wiegi yai nai mu  
\q3 dageba maiyabo homu eyu,  
\q2 tama dage te buside elalubo tubo nai  
\q2 te hani menama, tama dagego haliga  
\q3 te pągąna peyu igi da,” wali.   
\c 82  
\s1 God te polalubo king dao  
\q1
\v 1 God te dagalude genuai kaunsel miting  
\q2 po mibo polalubo bidi bidibao.  
\q1 Te tobolu bidi dabe sisinama,  
\q2 tama God agai homude elalubo po pusubo dao.   
\q1
\v 2 Agai te tama po wali,  
\q2 “Dagego te tibo po tų eyu,  
\q3 te po me bugagia dodolobeo.  
\q1 Tama dagego te bidi dwai dabe  
\q3 te po tųde tau sabo sę eyu yali.  
\q1 Te tobage dwai kolesaga ebo tagaliąo.   
\q1
\v 3 Dagego te magi nai meni yai bidi dabe,  
\q2 me te tiana wai dabe tau sao.  
\q1 Tama te sęgę toloyu, bugagia bidisąbo bidi dabe,  
\q2 dagego augwali bugagia wiegi yai ilao.   
\q1
\v 4 Tama te dwai bidiyu,  
\q1 te doado bage sǫą pai bidibo we bidi dabe,  
\q2 dagego augwali te dwai bidi dabego  
\q3 nogode ma dobola sao,” po wai.   
\b  
\q1
\v 5 “Dagego kolesaga me konebeo,  
\q2 tama dage kolesaga me konesiąyu,  
\q2 tama umuna pai mu dao.  
\q1 Dage te hulide biliyu, tama te we bidi dabego  
\q2 doloba pai kolesaga wali me pabeo.   
\q1
\v 6 Eno te po wali, ‘Dage tigidali deli deli te god dao.  
\q2 Dage te Ugwanu Mu Bidibo  
\q2 Godigo wai dao.’ \x * \xo 82:6 \xt Jon 10:34\x*   
\q1
\v 7 Tiali goli, dage te isibo bidi dabe  
\q2 tobage tiwai gilama, te dage me isaibao.  
\q1 Te dagego bidibo ula te silaibao,  
\q2 te kingo wai dabe te bidali ula tagalu,  
\q2 te isibo tiwai gilama te silaibao.”   
\b  
\q1
\v 8 God, nage aselama, tama te tǫde we bidi tigidali  
\q2 tonaluagasao.  
\q1 Te tigidali bage te naga hani naga dao.   
\c 83  
\s1 Bidigo gedu haluasa po obaso da, teda Godigo te Israel dabego boi bidi tigidali silaibao  
\q1
\v 1 God, nago pedauwali me pania sigio.  
\q1 Nage odolali me dualalugio.  
\q1 God, nage odolali me bidigio.   
\q1
\v 2 Suao. Te nago boi bidi dabego te hwįbao.  
\q1 Augwa te nage wei me isiąyu,  
\q2 te nageba hagoma ebo dao.   
\q1
\v 3 Augwa te geme duala selama,  
\q2 tama nago we bidi dabeba  
\q3 te dwai sę yabo po mia salio.  
\q1 Nago te we bidi dabe  
\q2 augwali bugagia tonaluali,  
\q1 tiali goli, te boi bidi dabego  
\q2 augwali dolabo po mia sai dao.   
\q1
\v 4 Augwa te po wai, “Ae, tegobao.  
\q1 Dago te Israel dabe mu silinao,  
\q2 teda te we bidi dabego te augwaliba  
\q1 homu kone munu me ma egobeo,” wali.   
\q1
\v 5 Augwa te deli homu elama, te sę yalio.  
\q1 Tama augwa te nage elaluainu,  
\q3 te hai namu dali ola sai dao.   
\q1
\v 6 Augwali te hani dabego te tiwai yainu yali,  
\q3 te augwali Idom dabe me, Ismael dabe me,  
\q2 tama te Moap dabe me, te Hakri dabe me dao.   
\q1
\v 7 Tama te Gebal dabe me,  
\q2 te Amon dabe, tama te Amalek dabe me dao.  
\q1 Te hani bage dabe, augwali te augwali  
\q2 te Filistia badu, me Tair badu bidali.   
\q1
\v 8 Siria me te augwali dali sisinani.  
\q1 Te bomai hani augwali te Lotgo hani tau salio.   
\b  
\q1
\v 9 Nago te tobage tiwai kolesaga te augwaliba yao,  
\q2 te polobadu nago te Midian dabeba yali tiwai,  
\q2 me te Sisera, me Jabin dabe,  
\q2 te genuai wę Kisonde yali tiwai yao.\x * \xo 83:9 \xt Tob 4:6-22; 7:1-23\x*   
\q1
\v 10 Te sogo nago augwali te Endor bulude dolama,  
\q2 tama augwa tigi te tǫde munaluama,  
\q2 tama damua pai dao.   
\q1
\v 11 Nago te augwa ami dabego kepten  
\q3 bidi dabebolo te dwai dene mao,  
\q2 te polobadu nago te Orep de Sep side  
\q3 yali tiwai gilama yalio.  
\q1 Nago te augwaligo tobolu bidi dabe aiyaba elaluao,  
\q2 te nago te Seba de Salmuna side yali  
\q2 tiwai gilama yalio. \x * \xo 83:11 \xt Tob 7:25; 8:12\x*   
\q1
\v 12 Te bidi dabe augwaligo te tama po wai,  
\q1 “Dago Godigo te tǫ sobaso da,  
\q2 teda te dena tǫ mu naga tama pedelaibao,” wali.   
\b  
\q1
\v 13 Eno God, nago augwali te tǫ hogomu tiwai  
\q2 sela sąyu, tedela palao.  
\q1 Augwali sela sąyao, te waligo te wit bo sela sąyu,  
\q2 tedela palubo tiwai yao.   
\q1
\v 14 Siago te kala dobaso, tama te kala elalubo bulu dude  
\q3 te sia genuai dabo dao.   
\q1
\v 15 Te tiwai naga gilama,  
\q2 nago te genuai tulubage tagala palama,  
\q2 tama te hani bage te pobeasa pobaso,  
\q3 te augwali wi paibao.  
\q1 Tama nago te bomai wali mu augwaliba  
\q2 tagala palubaso, te augwali wi yaibao.   
\q1
\v 16 Genuai Bidi, nago augwali aiyaba mu elalubaso,  
\q2 tama augwali hale dwai mu eyu,  
\q1 tama augwaligo nage wali pabo homu yaibao.   
\q1
\v 17 Eno homugo te nago augwali elalubaso,  
\q2 tama augwali te sesemane wi dwai mu yaibao.  
\q1 Nago augwali hale ilama, tama augwali ela muao.   
\q1
\v 18 Eno homugo nago te tiwai yao homu ebao,  
\q2 teda augwa mu konemainu ebao,  
\q1 nagaduba deli naga, nage te Genuai Bidi,  
\q2 tama nage te Ugwade Mu Bidibo God da,  
\q2 tama nago te tigidali tǫ tonalubo dao.   
\c 84  
\s1 Bidigo te Godigo be wei mu yali  
\q1
\v 1 Te Tigidali Bomo Elalubo God, eno nago be  
\q2 wei mu ebao.   
\q1
\v 2 Ena tede bidabo homu wei mu ebao.  
\q1 Te eno homu kolesaga tigidaligo  
\q2 te nago be wei mu ebao.  
\q1 Te tigigo, me homu tigidaligo, eno te  
\q2 wiegi yai pemene ebo tęąbi po nageba obao,  
\q1 God te bidabo ula elalubo God dao.   
\q1
\v 3 Genuai Bidi Te Tigidali Bomo Elalubao,  
\q3 nage te king, me eno God dao.  
\q1 Te dwasianu ba dabe te nago alta pąde be sęnama,  
\q2 tama augwaligo  
\q3 te augwa wai dabe tonalubo dao.   
\q1
\v 4 Te nago bede bidalubo we bidi dabe  
\q3 augwa te bugai homu mu elama bidibo dao,  
\q2 tama sesemane sogo augwa te tęąbi po weyu,  
\q2 tama nago nogi ugwaba sabo dao.   
\b  
\q1
\v 5 Te we bidi dabe augwa te nagede bomo selama,  
\q2 tama te Saion bulu duba pabo homu wei elama,  
\q2 augwa te sesemane pemene yabo homu ebo dao.   
\q1
\v 6 Augwa pelayu, te wa pai bulu odogo pesageba dulama,  
\q2 tama te bulude te wę ulu hauwa  
\q2 pedalubo pesage elalubao.  
\q1 Tama te kigamu tulubage tulama, tama te dedageba  
\q3 te węgo pągąbo dao.   
\q1
\v 7 Te bidi dabe bilama, te bomo yai pedelaibao.  
\q1 Te augwali pelama, te Saionba sabolama,  
\q2 tama te God bidibo sueibao.  
\q1 Aga te tigidali tibo godide  
\q3 te ugwadu elalubo God dao.   
\b  
\q1
\v 8 Genuai Bidi, nage te Tigidali Bomo Elalubo God,  
\q2 te eno gedu haluasa po wabo odao.  
\q1 Nage te Jekopgo God,  
\q2 te olo bugagia munama, eno po odao.   
\q1
\v 9 God, nago dago kingba wiegi yai sę yao.  
\q1 Naga digi aga sa mubaso, tama aga te king bidibao.   
\q1
\v 10 Te ena deli sogo naga  
\q2 te nago tempel bede bidibaso da,  
\q1 tego te 1,000 sogo te gasa bulude bidibo  
\q2 te aiyaba mu elaluai.  
\q1 Ena te ena Godigo be sunumide  
\q2 dolaluabo homu wei mu ebao.  
\q1 Tiali goli, ena te dwai bidi dabego  
\q2 bede bidabo hagela homu ebo dao.   
\q1
\v 11 Genuai Bidi, te da seselalubo bidi,  
\q2 te dago genuai nogi elalubo king dao.  
\q1 Agai te olo tau sabo wiegi yai kolesaga dabolo eyu,  
\q2 tama daba genuai nogi mayu yali.  
\q1 Agai te bugagia dolasa bilibo we bidi dabede  
\q2 te mena nai me deli me dąų me ela sogobeo.   
\q1
\v 12 Godigo Te Tigidali Bomo Elalubao,  
\q2 te nageba konealubo homu dąų wabo we bidi dabe,  
\q2 augwa te wiegi yai pemene  
\q3 sesemane emainu yagameo!   
\c 85  
\s1 Bidigo gedu haluasa po weyu, te Godigo aga hani tonalumainu yai  
\q1
\v 1 Genuai Bidi, nago naga tǫba  
\q2 wiegi yai yali.  
\q1 Nago da Israel dabe ma tau selama,  
\q2 tama da bugagia mu bidibao.   
\q1
\v 2 Nago naga we bidi dago dwai sęgę dagala sąnama,  
\q2 tama dago yali sęgę sela sąwai dao.   
\q1
\v 3 Polobadu nago daba wado yali,  
\q2 tiali goli, megi nago wado po ma wabeo.  
\q1 Mu tama, nago daba haliga sębę yali,  
\q2 tiali goli megi da, menio wali.   
\b  
\q1
\v 4 God, nago da ma selama, megi da, nago da te nagaba  
\q3 odasa ma pao.  
\q1 Ya, nago dabolo wado ma igio.   
\q1
\v 5 Magi yaliwe, te nago dabolo sesemane  
\q3 wado iduaibawe?  
\q1 Te nago wado po me sia sogobe da, agawe?   
\q1
\v 6 Nago dago bidibo ula ma dąų walao,  
\q2 te nago we bidi dago te wiegi yai pemene elama,  
\q2 tama nago nogi ugwaba saibao.   
\q1
\v 7 Genuai Bidi, nago dabolo te nago  
\q3 da sesemane wei ebo ola mao,  
\q2 tama da ma selama, te da bugagia bidaibao.   
\b  
\q1
\v 8 Eno te Genuai Bidi Godigo  
\q2 pusubo poba olo muani.  
\q1 Agai te wiegi yai nagame yai homu,  
\q2 me te da bugagia bidabo po wali,  
\q2 te dago polobadu yali dwai kolesagaba  
\q3 da ma begasa pisąbaso da te tama tiaibao wali.   
\q1
\v 9 Mu tama, agai te agaba lotu weyu,  
\q2 agai homu wali pabo we bidi dabe  
\q2 ma sainu te sisi yalio.  
\q1 Tama agai da ma selama, tama aga digi da dali dago  
\q3 tǫde bidaibao.   
\q1
\v 10 Te sogo da, te we bidi dabego  
\q3 te gasa bage wei mu elama,  
\q2 tama wiegi yai kolesaga augwaliba yaibao.  
\q1 Tama augwa dolasa bidiyu,  
\q2 tama haliga nagame elama,  
\q2 tama hodobo bugagia bidaibao.   
\q1
\v 11 Te tǫde te we bidi dabego  
\q3 te Genuai Bidi wali mu paibao,  
\q2 tama te dagalude Godigo augwali  
\q3 doloba pai pedalumainu ilaibao.   
\q1
\v 12 Genuai Bidigo te da bugagia  
\q3 bidimainu tau saibao, tama dago ebo sę dabe  
\q3 te wiegi yai pedelaibao.  
\q1 Tama dago tǫde te nai hauwa walaibao.   
\q1
\v 13 Genuai Bidigo te we bidigo doloba pai kolesaga  
\q3 wali pomainu elama,  
\q2 tama te tebogo te aga asabo sunumi dodolubo dao.   
\c 86  
\d Te Devitgo asęani gedu haluasa po me deli dao.  
\s1 Godigo aga tau somainogo, bidigo te gedu haluasa po wali  
\q1
\v 1 Genuai Bidi, ena bomo meniama,  
\q2 tama ena digi ena tau sabo usu ebeo.  
\q1 Tama tialima, eno homugo nago  
\q2 eno gedu haluasa po wabo odolama,  
\q2 te ena tau sao.   
\q1
\v 2 Nago ena ma siyu, tama ena me isigobeo,  
\q2 magi baso meni, ena nage wali asai.  
\q1 Nage da, te eno God dao.  
\q1 Ena naga sę bidi da, tama eno konealubo  
\q3 homu nageba muai,  
\q2 tama tiyu, nago ena tau sao.   
\b  
\q1
\v 3 Naga digi nage eno God dao.  
\q1 Ya, nago ena homu dene eyu,  
\q2 tau mabo kolesaga enaba yao.  
\q1 Tigidali sogo, giligade me hulide,  
\q2 eno gedu haluasa po nageba wabo dao.   
\q1
\v 4 Genuai Bidi, nago eno haliga  
\q2 wiegi yai pemene mu ilao, te naga sę bidi dao.  
\q1 Magi baso meni, eno gedu haluasa po  
\q2 nageba naga wabo dao.   
\q1
\v 5 Genuai Bidi, nago  
\q3 te wiegi yai sę mu elama,  
\q2 tama nago eno dwai sęgę sela sąbo dao.  
\q1 Nago te nageba gedu haluasa po wabo  
\q3 we bidi tigidali wei mu eyu,  
\q2 tama naga homugo augwali dali kęą pai dao.   
\q1
\v 6 Genuai Bidi, nago eno gedu haluasa  
\q2 po wabo bugagia odao.  
\q1 Eno nageba i wabo, te nago ena dali  
\q2 homu dene eyu, tau somainu wali.  
\q1 Eno i wabo odao.   
\q1
\v 7 Te eno nageba i wabo sogo,  
\q2 te nago ena tau sabo dao.  
\q1 Tama tiyu, tigidali sogo ena sęgę tolobaso,  
\q1 eno te nageba gedu haluasa po waibao.   
\q1
\v 8 Genuai Bidi, te God nage tiwai me deli elalubeo.  
\q1 Te Israel hani isąwai dabego  
\q2 augwa god wabo nai dabe da,  
\q2 augwali te tibo god dabe naga dao.  
\q1 Nago augwali aiyaba elaluai.  
\q1 Tama te bidi me deligo te nago  
\q2 ebo sę tobage tiwai me elalubeo.   
\q1
\v 9 Tigidali hani we bidi nago augwali nigali,  
\q2 te augwaligo lotu po wainogo eyu,  
\q3 nageba kidu sugunagasaibao,  
\q2 tama augwaligo te nago nogi ugwaba saibao.\x * \xo 86:9 \xt Ped 15:4\x*   
\q1
\v 10 Magi baso meni, nago naga te genuai bomo elaluyu,  
\q2 tama nago te we bidigo  
\q2 isiąbo genuai sę dabe ebo dao.  
\q1 Tama nago naga te haniani wiegi wiegi yai sę ebo dao.  
\q1 Nagaduba deli naga, nage God mu dao.   
\q1
\v 11 Genuai Bidi, eno homugo te nago eno emainu ebo  
\q3 kolesaga te ena bugagia ola mao,  
\q2 tama eno te nago mu po wali sesemane paibao.  
\q1 Te ena bugagia ola mayu,  
\q3 te eno nageba naga konealu, tama eno nago sę  
\q3 sesemane sogo yaibao.   
\q1
\v 12 God, eno Genuai Bidi, eno te usu da wabo  
\q2 te eno homu sesego nageba mobao.  
\q1 Tama eno nago genuai nogi  
\q2 te sesemane bidada pabo sogo ugwaba saibao.   
\q2
\v 13 Magi baso meni, nago sesemane sogo  
\q2 ena wei mu ebo dao.  
\q1 Nago ena te isabode ma dobola selama,  
\q2 tama ena te isibo bidi dabego pesageba pabeo.   
\b  
\q1
\v 14 God, megi te hagoma ebo bidi dabe meba aselama,  
\q2 tama ena dali hwįainu ebao.  
\q1 Te dwai sę ebo bidi dabego te bidi hasi homu dene eyu,  
\q2 tau sabo kolesaga eyu, me sogobeo,  
\q1 tama augwali sisinama, ena ela muainu yali.  
\q1 Augwaligo te nago po wali me pisąwai,  
\q2 augwaligo te sela sąyu naga ebo dao.   
\q1
\v 15 Tiali goli, Genuai Bidi, nagede  
\q2 te homu dene ebo,  
\q2 me olo tau mabo wiegi yai kolesaga  
\q3 pągąnalubao, tama nage da, te bobobage  
\q3 guni yai bidi dao.  
\q1 Nago da wei mu eyu,  
\q2 tama nago homugo da dali kęą mu pai dao.   
\q1
\v 16 Nage enaba ma aselama,  
\q2 ena homu dene eyu, tau sao.  
\q1 Ena bomo mao, tama ena ma sao, magi baso meni,  
\q1 eno nago sę ebo te ena idago yali tiwai ebo dao.   
\q1
\v 17 Genuai Bidi, eno homugo  
\q2 te nago ena wei ebo da homu ebo  
\q2 te nago enabolo ola mao.  
\q1 Tama te boi bidi dabego suyu, te nago ena tau siyu,  
\q2 te dąų walobo te augwa konemainu yao.  
\q1 Tama augwa ebo kolesagade te augwa  
\q2 hale mu somainu yao.   
\c 87  
\s1 Augwaligo Jerusalemde wiegi yai pemene yali  
\q1
\v 1 Godigo aga taun te aga bulu dude digi nigali.   
\q1
\v 2 Genuai Bidigo Israelde gasa tigidali  
\q3 elalubo bulu te wei homu yali,  
\q2 tiali goli agai te Jerusalem te wei mu yai dao.   
\q1
\v 3 Te Godigo taunde we bidi dabego, odao.  
\q1 Godigo te wiegi wiegi yai sę dageba ebo dao.   
\q1
\v 4 Godigo te tama po wali,  
\q2 “Te eno ena po wali pabo hani bage  
\q2 augwali nedebo sogo da, teda eno te Isip me Babilon  
\q3 te augwali dali nedaibao.  
\q1 Tama eno te Filistia, me Tair,  
\q2 me Itiopia bulu dabeba te tama po waibao,  
\q2 augwali me te Jerusalem bage dao, waibao.   
\q1
\v 5 Te eno Jerusalemba te tama po waibao,  
\q1 ‘Te bulu te tigidali hani we bidigo bulu da.’  
\q1 “Tama te Ugwadu Mu Bidibo God,  
\q3 aga digi te Jerusalem dodolama,  
\q2 tama bomai mu elaluaibao.   
\q1
\v 6 Te Genuai Bidigo te gasa hani  
\q2 we bidi dabe augwaligo nogi asęnama,  
\q2 tama augwali sisinama, tama augwali dali nedeyu,  
\q2 te Jerusalem we bidi dali nedaibao.   
\q1
\v 7 Tama te Jerusalemde bidali we bidi dabe,  
\q2 te augwaligo tęąbi weyu, wiegi yai pemene yaibao.  
\q1 Tama augwa te tama po waibao,  
\q1 “Jerusalem da, te nago dolo mu tama,  
\q2 tama nage te wiegi yai kolesaga  
\q2 tigidali ebo page mu dao,” waibao.   
\c 88  
\s1 Bidigo te Godiba i weyu, te aga tau somainu yai.  
\q1
\v 1 God, Genuai Bidi, nago ena tau sabo da.  
\q1 Te giligade eno nageba i weyu,  
\q3 te ena nago tau somainu yai,  
\q1 tama hulide me eno nageba  
\q3 gedu haluasa po wabo dao.   
\q1
\v 2 Nago eno gedu haluasa po wabo odao.  
\q1 Te nago ena tau somainu, eno nageba i wabo odao.   
\q1
\v 3 Te sęgę hauwa enaba pedalubaso,  
\q2 tama te tebogo naga ena pąde isabo homu ebao.   
\q1
\v 4 Ena te gasa bidi dabe isainu ebo tiwai gilama yai.  
\q1 Te eno bomo tigidali mu silalio.   
\q1
\v 5 Augwa ena tagalubaso,  
\q2 tama ena te isali bidi dabe dali bidibao.  
\q1 Ena te gasa bidigo ela muai bidi tiwai gilama,  
\q2 tama te gų pagede munaluai.  
\q1 Ena te bidi dabe nago te homu kone mu  
\q2 gegeda palubo bidi dabe tiwai gilama yali,  
\q1 tama te nago augwali munu ma tau sisąbo tiwai yai dao.   
\q1
\v 6 Nago ena te aiyanu mu yai dedage pageba sąnama,  
\q2 tama ena te be hulia sai mude,  
\q3 te aiyadu dologode mu bidai.   
\q1
\v 7 Nago haliga sębęgo ena mu elaluama,  
\q2 tama te moni tamu ąį dinigo  
\q3 ena mu mesegelibo tiwai yai dao.   
\q1
\v 8 Nago te ena abagi dabego ena tudi ola momainu ilali.  
\q1 Nago ena te dwai mu pedalumainu elama,  
\q2 tama augwaligo enade wi mu yai.  
\q1 Tego ena kalabus ilama,  
\q2 tama eno pedelabo usu meni yai dao.   
\q1
\v 9 Ena dene tolu, tama eno gedu dolama,  
\q2 tama eno bugagia suabo usu isąwai.  
\q1 Tama tigidali sogo eno gedu haluasa po nageba weyu,  
\q2 te nago ena tau somainu yali.   
\q1
\v 10 Nago te isali bidi dabe tau sabo  
\q2 bomai sę ebo da, agawe?  
\q1 Te isali bidi dabe ma hodaluama,  
\q2 tama nago nogi ugwaba saibawe?   
\q1
\v 11 Te gų pagede te isali bidi dabego nage dali po miyu,  
\q2 te nago augwali sesemane wei mu  
\q3 ebo da po wabo da, agawe?  
\q1 Te dolabo bulude augwaligo nageba po weyu,  
\q2 te nago augwali bugagia tonaluai  
\q3 dao po wabo dawe?   
\q1
\v 12 Te gų pagede bidibo bidi dabego  
\q2 te nago bomai sę ebo subo dawe?  
\q1 Tama te dolabo pesagede bidalubo bidi dabe,  
\q1 augwaligo nago te wiegi yai kolesaga  
\q2 subo da, agawe?   
\q1
\v 13 Genuai Bidi, eno nageba i wabo,  
\q2 te nago ena tau somainu ebao.  
\q1 Te tigidali sogo kigamu eno  
\q2 gedu haluasa po wabo dao.   
\q1
\v 14 Tiali goli, Genuai Bidi, magi baso  
\q2 ena nago tudiba mubawe?  
\q1 Magi baso nage enade geme duala sobawe?   
\q1
\v 15 Te ena gesi ogwa bidide digi  
\q2 gagalasa, te e sogoba megi usu nagasobao,  
\q1 ena te sęgę tolu, tama pąde ena isainu ebao.  
\q1 Nago enaba te dene mabogo  
\q2 te ena nogo sągą dili kimi isalio.   
\q1
\v 16 Genuai Bidi, nago haliga sębęgo ena mesegelali.  
\q1 Nago ena dodolagia mu elama,  
\q2 tama ena mu dolai dao.   
\q1
\v 17 Nago enaba te tiwai te giligade me hulide dali yai,  
\q2 tama te bidi dabego ena te tigidali pedai badu  
\q3 pobeasa bilali, te wę ge bo deyu,  
\q2 te tǫ tigidaliba mesega sabo tiwai yai dao.   
\q1
\v 18 Nago te eno wiegi yai abagi dabego  
\q2 ena tagalumainu ilali.  
\q1 Te be hulia sabo naga te eno abagi bidalio.   
\c 89  
\d Etan te Sera hani bidi me deligo asęani balia po me deli dao. [1 Kin 4:31]  
\s1 Te augwa bidibo bulu tǫ pedaibate sęgę pedalubo sogo te balia po me deli wali  
\q1
\v 1 Genuai Bidi, nago da sesemane sogo godolo  
\q2 homu ebo dao,  
\q2 tama te kolesaga ebode eno e balia udaibao.  
\q1 Mu tama, te nosali ame nabo bagego konemainu eyu,  
\q2 te eno nago po te me hasegelibo meni da po olama,  
\q2 te po hanilama pusaibao.   
\q1
\v 2 Eno koneani, nago da sesemane  
\q2 bidada pabo sogo wei homu ebo koneani.  
\q1 Awe, te nago mu po te me hasegeligobeo,  
\q2 te dagalu bomo elalubo tiwai gilama elaluaibao.   
\q1
\v 3 Nago te tama po wali,  
\q1 “Eno te bidi me deli sa muai da,” wali,  
\q2 “tama eno dąų wabo po me deli  
\q2 aga dali wai dao,” po wai.  
\q1 “Eno ena sę bidi Devitba po dąų walalio,” po wai.   
\q1
\v 4 “Tama eno te po wali,  
\q1 ‘Te king dabe nago hanide naga pedelaibao,’ wali.  
\q1 ‘Mu tama, sesemane sogo eno te nago hani bidi me deli  
\q2 te king bidi mudaibao,’ te po wai.”  
\q1 Nago te po wai dao. \x * \xo 89:4 \xt 2 Sml 7:12-16; 1 Sto 17:11-14; Tib 132:11; Tpi 2:30\x*   
\b  
\q1
\v 5 Genuai Bidi, te ensel dabego  
\q2 te nago ebo wiegi yai sę dabe balia po wabo dao,  
\q2 tama augwaligo te nago nogi ugwaba sabo dao.  
\q1 Me te dagalude konealubo homu dąų wai  
\q3 mobo bidi dabego  
\q3 te nageba balia po weyu,  
\q2 tama nago po wali mu pabo dao.   
\q1
\v 6 Genuai Bidi, te dagalude  
\q2 nage tiwai tobage me deli me elalubeo.  
\q1 Te ensel me te nage tobage tiwai deli me menio.   
\q1
\v 7 Te ensel dabe augwa polalubo dabe  
\q2 te po miting ebo sogo augwali  
\q2 te nagede wi ebo dao.  
\q1 Tama te nage bagualubo gasa ensel tigidali,  
\q2 augwali te nagede wi mu ebo dao.   
\b  
\q1
\v 8 Genuai Bidi, nage te Tigidali Bomo Elalubo God dao,  
\q2 te me deligo nago te genuai bomo tiwai me elalubeo.  
\q1 Nago naga po sesemane sogo wali peyu yaibao.  
\q1 Nago po me hasegelama eyu, me egobeo.   
\q1
\v 9 Nago te bomai tamu ąį tonalubao.  
\q1 Te ąį dini hogodobo sogo, nago aiyaba elalubaso,  
\q2 tama memenege me eyu me egobeo.   
\q1
\v 10 Nago te Isip dabego genuai bomo togolama,  
\q2 tigidali mu dolalio.  
\q1 Tama nago nogogo genuai bomogo,  
\q2 nago naga boi bidi dabe aiyaba elalualio.   
\q1
\v 11 Dagalu me tǫ te nago naga dao.  
\q1 Nago tǫ nigali, te tǫde tigidali nai me bugagia nigali.   
\q1
\v 12 Nago te not badu, me saut badu dali, te nigai.  
\q1 Te Tabor bulu du, me Hermon bulu du sigo  
\q2 te wiegi yai pemene eyu, nageba balia po obao.   
\q1
\v 13 Iya, tegoba. Nago bomo genuai mu elalubao.  
\q2 Nago bomo te umabo mu dao.   
\q1
\v 14 Nage te king bidiyu, tama nago te we bidi dabe  
\q3 doloba pai kolesagade tonalubao.  
\q2 Tama nago po tų dolo naga ebao.  
\q1 Nago te tigidali we bidi wei mu elama,  
\q2 tama nago naga po sesemane wali peyu yali,  
\q2 tama nago po hasegelama eyu, me egobeo.  
\q1 Te tobage kolesaga ebo da,  
\q2 te nago naga we bidi tonalubo sę page mu dao.   
\b  
\q1
\v 15 Te we bidi dabego nageba  
\q3 balia weyu, lotu po weyu yali,  
\q2 tama nago te olo tau mabo  
\q3 wiegi yai kolesagade biliyu,  
\q2 te augwa te ulade bilibo tiwai ebao,  
\q2 te augwa wiegi yai pemene emainao.   
\q1
\v 16 Augwaligo te nago wiegi yai  
\q2 kolesaga augwaliba ebo te homu kone palu,  
\q2 tama tigidali sogo giligade me hulide  
\q3 augwa te wiegi yai pemene eyu,  
\q2 tama nago nogi ugwaba sabo dao.   
\b  
\q1
\v 17 Magi baso meni, nage naga  
\q3 te nagede dago bomo elalubaso,  
\q2 tama dago wiegi yai pemene nageba ebao.  
\q1 Nago te olo tau sabo wiegi yai kolesaga dabolo elama,  
\q2 tama da te hwįbode tau selama,  
\q3 te boi bidi aiyaba elaluai dao.   
\q1
\v 18 Awe, nago digi te da seselalubo bidi sa muai.  
\q1 Nage te da Israelgo Tedali Wiegi Yai God,  
\q2 nago te dena king dabolo mawai dao.   
\s1 Godigo Devitba po dąų walali  
\q1
\v 19 Te ugwadu sogo polobadu,  
\q2 nago te nage wali pabo bidi dabe  
\q3 muba te na menama,  
\q2 tama nago augwaliba te tama po wali,  
\q1 “Eno te polaluabo ami bidi me deli sa munama,  
\q2 tama eno agaba te kingo hat madi muai.  
\q1 Eno aga te we bidi dabe tomode selama,  
\q2 tama aga te king munama bidai.   
\q1
\v 20 Eno Devit nigilalio, ena sę bidi da,  
\q2 tama eno aga te dagego king  
\q2 pedalumainu yai dao. \x * \xo 89:20 \xt 1 Sml 13:14; 16:12; Tpi 13:22\x*   
\q1
\v 21 Tama tiyu, eno bomo te aga dali sesemane bidaibao.  
\q1 Mu tama, eno bomogo aga tau saibao.   
\q1
\v 22 Te aga boi bidi dabego te hwįbode  
\q2 aga aiyaba elaluyu, mone mao me wagobeo,  
\q2 tama te dwai sę ebo bidi dabego aga me elalugobeo.   
\q1
\v 23 Te ena digi eno agai boi bidi dabe agala selama,  
\q2 tama te aga wei isiąbo bidi dabe ela muyu yaibao.   
\q1
\v 24 Te eno aga wei mu elama,  
\q2 tama ena aga dali sesemane sogo bididuaibao.  
\q1 Te aga boi bidi dabe dali hwįbo sogo,  
\q2 te eno agai tigidali sogo augwali  
\q3 aiyaba elalumainu ilaibao.   
\q1
\v 25 Te eno elama, tama agai tonalubo tǫ  
\q3 te genuai tamu ąį Mediterenian  
\q2 tedu gagalasa peyu, te wę Yufretis  
\q3 elalubo madiba usu nigi paibao.   
\q1
\v 26 Tama agai enabolo te tama po waibao,  
\q2 ‘Nage Aya me eno God dao.  
\q1 Nago ena tonalu, tama ena sesemane tau sabo dao.’   
\q1
\v 27 Tialima, te eno polalubo gomunai wai aga munama,  
\q2 tama aga te polalubo king pedelama,  
\q3 te tigidali tǫde king aiyaba elalueibao. \x * \xo 89:27 \xt Ped 1:5\x*   
\q1
\v 28 Te eno sesemane sogo aga wei mu iduaibao.  
\q1 Tama eno te po dąų wabo kontrak aga dali elama,  
\q2 tama te dąų walali po kontrak  
\q3 te sesemane elalua peyu,  
\q3 elalua paibao po wai dao.   
\q1
\v 29 Sesemane sogo te aga hani bidi me deli  
\q2 te king pedalu, ela piduaibao wali.  
\q1 Tama aga hani king me deligo  
\q2 te Israel dabe sesemane tonaluaibao,  
\q2 te dagalu ugwadu sesemane elalubo  
\q2 tiwai gilama yaibao.”   
\b  
\q1
\v 30 “Tiali goli, te agai wąį nǫų hani dabego  
\q3 te eno bomai po sela sąnama,  
\q2 tama augwaligo eno kolesaga wali me pisąma,   
\q1
\v 31 tama augwaligo eno po tudiba munama,  
\q2 tama augwaligo eno bomai po wali me pisąbaso da,   
\q1
\v 32 teda eno augwaligo dwai sęba homu kone paliyu,  
\q2 tama augwaliba te dene mawaibao.  
\q1 Tama eno te augwa yali dwai sęde homu kone palu,  
\q2 te augwali keloago elaiba wai.   
\q1
\v 33 Tiali goli, te sogo me te Devit  
\q3 te eno wei mu elaludaibao.  
\q1 Tama eno aga me tagalogobeo, tama eno agade  
\q2 te dąų walali po mu me tagalogobeo.   
\q1
\v 34 Tama eno aga dali te dąų walali bomai po  
\q3 te kontrak me tagalisiąma,  
\q2 tama eno te ena po deli me  
\q3 hasegeliyu me egobeo. Mu menio.”   
\b  
\q1
\v 35 “Eno dąų walubo po te deli sogo naga weyu,  
\q2 tama eno ena digi tedali wiegi yai  
\q3 nogi nogilama weyu, te po dąų walali,  
\q2 tama te sesemane sogo me  
\q3 elalua pidu, elalua paibao.  
\q1 Eno te tama wai.  
\q1 Eno te tibo po Devitba me wagobeo wai.   
\q1
\v 36 Te aga hani wąį nǫų dabe me sia sisąma,  
\q3 te sesemane me elaludaibao wai.  
\q1 Tama aga hanigo te we bidi dabe  
\q3 sesabi elama, mu tonalu,  
\q2 te giliga me elalubo tiwai gilama yaibao.   
\q1
\v 37 Te augwali sesemane elaludu,  
\q2 te polua dagalude elalubo tiwai eyu,  
\q1 tama te we bidi dabeba te eno po mu da weyu,  
\q2 te ola mawaibao,” wali.   
\s1 Te boi bidi dabego te king te hwįyu, aiyaba elalubaso, agai te gela wali  
\q1
\v 38 Genuai Bidi, nago te po Devit dali  
\q2 polobadu dąų walai goli,  
\q2 megi nago te sa muani kingba nago wado po wali.  
\q1 Nago aga tagalama, aga tudiba muani.   
\q1
\v 39 Nago te naga sę bidi dali dąų walali  
\q2 te kontrak po togwali.  
\q1 Nago agai te kingo tobolude mubo madi  
\q2 te tǫba sąnama, tama meda yali.   
\q1
\v 40 Nago agai taun bagulali obo dabe togolama,  
\q2 tama agai te ami bidi dabego  
\q3 bomai be dabe te dolalio.   
\q1
\v 41 Te pądu soabo bage tigidaligo  
\q2 te agai doado bage dabe wi sabo dao.  
\q1 Tama te abagi dabego agaba posobo po wabo dao.   
\q1
\v 42 Nago aga te boi bidi dabego elalumainu ilali,  
\q2 tama nago augwali deliba sisinama,  
\q3 te dili bubo sę emainu yai.   
\q1
\v 43 Nago agai ami bidi dabego  
\q2 te hwįbo nai dabe usu isąbo sę ilali,  
\q1 tama nago aga te hwįbo side aiyaba elalumainu ilalio.   
\q1
\v 44 Nago aga elaluama, tama aga te king ma bidibeo,  
\q2 tama agai te we bidi munu ma tonalubeo.  
\q1 Tialima, agai genuai nogi dali, bomo dali si silalio.   
\q1
\v 45 Nago aga monu dabe polo tama pedalumainu ebaso,  
\q2 tama hale genuai mugo aga mesegelalio.   
\s1 Agai te gedu haluasa po weyu, te Godigo augwali tau somainu yai  
\q1
\v 46 Genuai Bidi, nisu naga sogo  
\q2 te nage dualaludaibawe?  
\q1 Te sesemane sogo usu nama da, agawe?  
\q1 Nisu naga sogo te nago haliga sębę  
\q2 te sia posolo mu ebo tiwai elaluaibawe?   
\q1
\v 47 Genuai Bidi, iya, nago  
\q2 te pęwadage sogo naga bidabo bidiba  
\q3 homu kone palao.  
\q1 Nago da nigali, tiali goli da te isaibao.  
\q1 Nago odolali da nigali da, agawe?   
\q1
\v 48 De mu te sesemane bidada pidu, bidada pelama,  
\q2 tama te me isigobe dawe?  
\q1 De te bomo elama bididu,  
\q2 te aga gų pageba me pogobewe?  
\q1 Te mena bidi deli me tegobeo, mu menio.   
\b  
\q1
\v 49 Genuai Bidi, magi yaliwe?  
\q1 Nago megi da, da wei me ebe da, agawe?  
\q1 Te nago Devit dali te dąų walali pode menagi yaibawe?   
\q1
\v 50 Genuai Bidi, nago naga sę bidi,  
\q2 ena homu kone palao.  
\q1 Te bidi dabego enaba posobo po obao.  
\q1 Eno te gasa hani dabego  
\q2 te kęnę po wabo sęgę tolobo dao.   
\q1
\v 51 Genuai Bidi, te nago boi bidi dabego  
\q2 enaba po dwai wali, te naga sa muai king dao.  
\q1 Te ena tigidaliba pabode te augwaligo  
\q2 dwai po enaba weyu ebo dao.   
\b  
\q1
\v 52 Dago te Genuai Bidigo nogi  
\q2 te sesemane bidada pabo sogo ugwaba sao.  
\q2 Te mu tama dao.   
\c 90  
\ms1 Buku 4  
\mr (Tib 90–106)  
\s1 Godigo po, me bidigo po wai  
\q1
\v 1 Genuai Bidi, sesemane sogo nage te dago be  
\q2 mu tiwai dao.  
\q1 Te wąį nǫų dabe nage dali bidali,  
\q2 tama megi da me te tiwai bidibo dao.   
\q1
\v 2 Te sesemane bidada peyu, bidada pabo sogo,  
\q1 nage te God bidibao,  
\q2 te polobadu me bidali, nosali me bidaibao.  
\q1 Tigidali bulu du pedalisąbadi,  
\q2 tama nago te tǫde nai tigidali nigisąbadi,  
\q2 tiali goli, nage God bidai dao.   
\b  
\q1
\v 3 Nago te we bidi dabe isimainu elama,  
\q2 tama augwali te tǫ ma pedalumainu ebo da.  
\q1 Tama nago te tama po wali,  
\q1 “Dage tǫde we bidi, dage isilama,  
\q2 tama te tǫ ma gagawaibao,” wai dao.   
\q1
\v 4 Nago homu kone palu,  
\q2 tama te kibu be 1,000 dąį yabo homu  
\q1 te deli sogo bubugade tiwai naga elama,  
\q2 tama te polo tama pela silaibao, te pilama hodalu,  
\q2 te do bidali sogo tiwai gagawaibao.  
\q1 Awe, te kibu be 1,000 te hulide pęwadage sogo naga  
\q3 tiwai ebo dao. \x * \xo 90:4 \xt 2 Pi 3:8\x*   
\q1
\v 5 Nago te bidi dabe sela sąbo, te wę asiyu, bidi selama,  
\q2 tama augwali isibo tiwai yaibao.  
\q1 Augwali te pęwadage sogo bidiyu,  
\q2 te naa tiwai naga ebao.  
\q1 Augwali te gesi nosa te kigamu pedalubo tiwai elama,   
\q1
\v 6 tama te genuai holama, tama duduli pedelai.  
\q1 Tiali goli, te piode te sasia pelama, tulalubo dao.   
\b  
\q1
\v 7 Nago dade wado elalubaso, tama nago da dolobo dao.  
\q1 Nago dade haliga sębę ebaso, tama da wi mu ebo dao.   
\q1
\v 8 Nago dago dwai kolesaga tigidali subo da.  
\q1 Tama dago geme dualama ebo sęgę tigidali,  
\q2 te nago pepeli diliba hanilama,  
\q3 munama, tama nago sualio.   
\b  
\q1
\v 9 Nago wado ebogo te da tǫde bidibo  
\q2 bodolu pęwadage ilali.  
\q1 Mu tama, te dago bidibo sogo polo silali,  
\q2 te dago mobo deli sogo naga sabo tiwai ebo dao.   
\q1
\v 10 Da bidibo kibu be te 70 usu naga bidaibao.  
\q1 Tama dago bomo elalubaso,  
\q2 da te kibu be 80 usu naga bidaibao.  
\q1 Tiali goli, te tigidali kibu bede da te sę dene naga eyu,  
\q2 tama sęgę naga gegaibao.  
\q1 Te tigidali kibu be polo silama,  
\q2 tama da me pela silaibao.   
\q1
\v 11 Dego te nago wado ebo genuai bomo  
\q2 te bugagia konebawe?  
\q1 Tama nago augwaliba te wado ebo homu ebode  
\q1 genuai wi te we bidi augwaliba pedalubo te koneaniwe?   
\q1
\v 12 Nago da bugagia ola mobaso,  
\q2 te dago koneaibao,  
\q2 da te tǫde sesabi elama me bidigobeo.  
\q1 Tama tiyu, dago wiegi yai kolesaga koneama elaluaibao.   
\b  
\q1
\v 13 Genuai Bidi, nisu naga nago haliga  
\q2 sębę ebo me elaludaibawe?  
\q1 Nago naga sę bidi da homu dene yao.   
\q1
\v 14 Nago da sesemane sogo wei yali,  
\q2 tama tego te tigidali sogo kigamu  
\q3 te da pągąnumainu yao.  
\q1 Tama tiyu, te tigidali sogo da  
\q3 te bidibo ula dali bidiyu,  
\q1 dago homu wiegi yai pemene elama,  
\q3 te bugai haliga yaibao.   
\q1
\v 15 Hasiabolo nago daba sęgę mawai.  
\q1 Tialima, megi da, nago da  
\q2 te wiegi yai pemene yabo usu nao,  
\q2 te sogo dabe da te sęgę tolali.  
\q1 Mu tama, hauwa kibu bede  
\q2 te da dwai bidali, tama nago da  
\q2 te wiegi yai pemene ilibo  
\q2 te tigidali kibu bede dwai bidali  
\q3 usu nama, tama tiwai yao.   
\q1
\v 16 Nago te naga bomai sę dabe  
\q2 te naga sę bidi dabolo ola mao.  
\q1 Nago te wiegi wiegi yai bomo  
\q2 te dago nosali pedalubo wąį nǫų dabebolo ola mao.   
\q1
\v 17 Genuai Bidi, nage dago God da, dago homugo  
\q2 te nago olo tau sabo wiegi yai kolesaga dabolo eyu,  
\q2 tama da wiegi yai bugagia ilao.  
\q1 Tama dago ebo sę tigidali te wiegi yai pedalumainu ilao.  
\q1 Mu tama, nago te dago ebo sę tigidali dąų walama,  
\q2 tama te bugagia elalumainao.   
\c 91  
\s1 God te da tonalubo bidi dao  
\q1
\v 1 Bidi te Ugwade Mu Bidibo Godiba pelama,  
\q2 te agai aga tonalumainu yali,  
\q2 aga te Tigidali Bomo Elalubo God pąde bidiyu,  
\q2 tama agai aga mesegalubo dao.   
\q1
\v 2 Te bidigo te tama po Genuai Bidiba waibao,  
\q1 “Nago ena bagualu, tama nago  
\q2 ena bugagia seselalubo dao.  
\q1 Nage eno God dao.  
\q2 Eno konealubo homu nageba muai dao.”   
\q1
\v 3 Mu tama, te Godigo nage bugagia tonalu,  
\q2 tama te geme dualalubo naigo  
\q3 nage me dologobeo.  
\q1 Tama agai nage bagualubaso,  
\q2 tama te dwai gasi dabego nageba me sogobeo.   
\q1
\v 4 Te agai nage bugagia mesegalu,  
\q2 te kakarukgo aga wai dabe  
\q2 te bogogo mesega sabo tiwai yaibao.  
\q1 Nage te bugagia Genuai Bidigo bogo  
\q3 dologode dualaluaibao,  
\q2 tama agai nage tonalubao.  
\q1 Agai nage tonaluabo po te tibo po me wagobeo.  
\q1 Tama tiyu, nage Genuai Bidi dali bidiyu,  
\q2 te bidi aga te hwįbo sabelede  
\q3 duala sabo tiwai ebo dao.   
\q1
\v 5 Nago te magi nai me deli nageba  
\q2 te hulide pedelaiba homu eyu, wi me egobeo.  
\q1 Tama te giligade nage te magi nai me delide wi eyu,  
\q2 te nage dolabo nai me deli te polo  
\q3 pedelabo homu wi me elamu dao.   
\q1
\v 6 Tama te genuai gasi nageba te hulide  
\q3 pedelabo te wi me igio,  
\q2 tama te giliga tomode me te dwai nai  
\q3 nageba pedaliyu,  
\q2 tama nage dolainu me egobeo.   
\b  
\q1
\v 7 Te 1,000 bidi nage pąde isibaso me,  
\q2 tama te 10,000 bidi nago  
\q3 dolo nogo badu isibaso,  
\q2 te tagalao, te dwai nai nage pąba me asogobeo.   
\q1
\v 8 Te naga digi te Godigo te dwai sę ebo bidi dabe  
\q2 augwa yali sęde wei ponobo te nago suaibao.   
\b  
\q1
\v 9 Nage te Godiba pelama,  
\q2 te dwai nai dabede geme duala sao,  
\q1 tama te Ugwadu Mu Bidibo Godigo  
\q2 te nage mu seselalubo bidi dao.   
\q1
\v 10 Tama tiyu, te dwai nai nageba me pedalugobeo.  
\q1 Tama genuai gasi te nago be pąba me asogobeo.   
\q1
\v 11 Te Genuai Bidigo aga ensel dabeba  
\q2 te nage menaba pabo madi tigidali badu  
\q2 te nage tonalubo sę mawaibao. \x * \xo 91:11 \xt Mat 4:6; Luk 4:10\x*   
\q1
\v 12 Tama te ensel dabego nogogo nage tolalu,  
\q2 tama tiyu, te masigigo nago sągąde  
\q3 me dologobeo. \x * \xo 91:12 \xt Luk 4:11\x*   
\q1
\v 13 Te nago laion me hasamani agayu,  
\q2 tama te gesi ogwa bidi laion,  
\q3 me genuai hasamani dwai mu me  
\q3 agayu, yaibao. \x * \xo 91:13 \xt Luk 10:19\x*   
\b  
\q1
\v 14 Godigo te tama po wali,  
\q1 “Te eno te ena wei mu ebo bidi dabe  
\q2 augwali ma saibao,  
\q2 tama te eno te ena mu koneani  
\q3 bidi dabe seselalubo dao.   
\q1
\v 15 Te augwaligo enaba gedu haluasa po wabo sogo,  
\q2 te eno augwaligo wabo po odaibao.  
\q1 Tama te sęgę augwaliba pedalubaso da,  
\q2 te ena augwali dali bidaibao.  
\q1 Tama eno augwali ma selama, tama augwaliba  
\q3 te genuai nogi mawaibao.   
\q1
\v 16 Te augwaligo bidabo ula  
\q2 te ibanu gana bobage kidilama,  
\q2 te augwa gasa ugwadu me daganobo tiwai yaibao.  
\q1 Tama eno augwali ma selama,  
\q2 tama augwali ena dali bidaibao,” wali.   
\c 92  
\s1 Te God nogi ugwaba sabo tęąbi po dao  
\q1
\v 1 Genuai Bidi, nage Ugwadu Mu Bidibo God  
\q2 da, te eno nageba usu da wabo te wiegi yai da,  
\q2 tama te nago nogi ugwaba sabo tęąbi dabe waibao.   
\q1
\v 2 Tama te tigidali kigamude te eno nageba  
\q2 te nago ena wei ebo po hanilama  
\q3 wabo, te wiegi yai ebao,  
\q2 tama tigidali sogo hulide te nago ena bugagia  
\q3 tonalubo da po hanilama, nageba waibao.   
\q1
\v 3 Eno te wiegi yai musik te gitade weyu,  
\q2 te nage nogi ugwaba saibao.   
\q1
\v 4 Eno te nago bomai sęba homu kone palama,  
\q2 tama ena bugai haliga mu elama,  
\q2 tama eno te wiegi yai homu  
\q3 pemene ebo tęąbi ebo dao.   
\q1
\v 5 Genuai Bidi, nago te genuai sę mu ebo dao.  
\q1 Nago homu kolesaga te genuai mu elalubao.   
\q1
\v 6 Te homu kolesaga meni yai bidi, te umawai bidigo,  
\q2 te tama sę ebo dabe me koneainu  
\q3 ebaso, usu me egobeo.   
\q1
\v 7 Te dwai bidi dabe te wiegi yai nosa  
\q3 tiwai ma pedaliyu,  
\q2 tama te dwai kolesaga ebo bidi dabego  
\q3 te doado bage hauwa selama,  
\q2 tama augwa bugagia bidaibao,  
\q2 tiali goli, nago augwali mu dolaibao.   
\q1
\v 8 Magi baso meni, Genuai Bidi,  
\q2 naga digi te sesemane king  
\q3 bidada peyu, bidada paibao.   
\b  
\q1
\v 9 Dago koneai, te nageba boi bidi  
\q3 ebo bidi dabe te augwali isaibao,  
\q2 tama nago te dwai sę ebo bidi dabe  
\q3 aiyaba elaluaibao.   
\b  
\q1
\v 10 Nago enaba genuai bomo mawai,  
\q2 te uni bulmakau omaigo bomo tiwai mawai.  
\q1 Nago enaba wiegi yai sę ebaso,  
\q2 tama ena wiegi yai pemene mu ebo dao.   
\q1
\v 11 Eno te ena boi bidi dabe dolobo sulama,  
\q2 tama eno te dwai bidi dabego gela wabo odali.   
\q1
\v 12 Te doloba pai kolesaga ebo we  
\q3 bidi dabe te wiegi yai pedalu,  
\q1 te nigo wiegi yai du walubo tiwai yaibao,  
\q2 tama te genuai holama,  
\q3 te Lebanonde te wiegi yai ni  
\q3 sida dabe tiwai yaibao.   
\q1
\v 13 Augwali te Genuai Bidigo bede  
\q2 bulai ni dabe tiwai yaibao.  
\q1 Augwali te dena Godigo be tomode  
\q2 te wiegi yai mu pedalubo tiwai dao.   
\q1
\v 14 Te augwali monu dabe pedalubo sogo,  
\q2 te augwa nai du me waludaibao.  
\q1 Augwali te bomo elalu, tama augwali me sasia pabeo.  
\q1 Te augwa yabe te ni yabe gesi sogo  
\q2 elalubo tiwai sesemane elaluaibao.   
\q1
\v 15 Te kolesaga augwaligo te we bidi  
\q2 augwaliba ola mabo dao,  
\q1 Genuai Bidi te mu doloba pai dao.  
\q1 Agai te ena seselalubo bomo elalu,  
\q2 tama agade dwai sę ebo me elalubeo.  
\q1 Mu menio.   
\c 93  
\s1 God te king bidi bidibao  
\q1
\v 1 Genuai Bidi king bidibao.  
\q1 Agai genuai nogi mu elalubao,  
\q2 tama genuai bomo me elalubo.  
\q1 Agai e tǫ te aga bidibo pesagede bomo elama,  
\q2 mu elalumainu yai dao.   
\q1
\v 2 Genuai Bidi, te tigidali nai me  
\q2 pedalisąbadi, nage bidali.  
\q1 Nage sesemane bidada peyu, bidada pali,  
\q2 tama nage te king sesemane  
\q3 bidada peyu, bidada pabo dao.   
\q1
\v 3 Genuai Bidi, tamu ąį ge bo dali aiyanu mu igulali,  
\q2 te kulukulu umabo mu waibao.  
\q1 Te bomonama, mu kulukulu wabo dao.   
\q1
\v 4 Genuai Bidi, te nago genuai bomogo  
\q2 nago te dagalude tigidali nai tonalubao.  
\q1 Te tamu ąįgo kulukulu wabo bomo  
\q2 te dwasianu naga ebao.  
\q1 Tiali goli, nago bomo te genuai mu elalubao.  
\q1 Te tamu ąį dini peda peyu, te nambisde  
\q2 bomonama kulukulu wabo,  
\q2 tiali goli, te ąį dini dabego bomo  
\q2 te nago bomo dali tiwai si me usugobeo.   
\q1
\v 5 Te nago tigidali bomai po te sesemane  
\q2 elalua peyu, elalua pobao.  
\q1 Mu tama, Genuai Bidi, te nago tempel be  
\q2 te tedali wiegi yai sesemane elalubo dao.   
\c 94  
\s1 Godigo dwai sę ebo bidi tigidali aiyaba elaluama, dwagi yai bidi tigidali tau saibao  
\q1
\v 1 Genuai Bidi, nage da  
\q2 te dwai sę ebo we bidi augwaliba wei ponobo  
\q2 God dao.  
\q1 Megi nago sębę ebo augwaligo sumainogo waselao.   
\q1
\v 2 Nage hogodama, nago po tųba tigidali  
\q3 we bidi pedelaibao.  
\q1 Megi nage aselama, hagoma eyu dwai sę ebo bidi  
\q2 augwaligo ebo kolesaga wei ponao.   
\q1
\v 3 Nisu naga sogo dwai sę ebo bidi  
\q2 augwaligo ebo kolesagade dwagi yai homu egowe?  
\q1 Genuai Bidi, augwaligo bidabo sogo  
\q3 nisu naga elalubawe?   
\q1
\v 4 Nisu naga sogo elaluai dwai sę ebo bidi dabe  
\q2 augwaligo dwai kolesaga ebo dali dwagi yai homu  
\q2 te dwai sę dali yaibawe?   
\b  
\q1
\v 5 Genuai bidi, augwaligo nago we bidi  
\q3 aiyaba elaluama,  
\q2 tama genuai sęge augwalibolo mabo dao.   
\q1
\v 6 Augwaligo te wilawe we dabe, augwali ela muyu,  
\q2 tama te tiana wai dabe me ela muyu,  
\q2 tama gasa bulu we bidi dago tǫde bidibadi,  
\q2 augwaligo ela muyu ebo dao.   
\q1
\v 7 Tama augwaligo te po wabo,  
\q2 “Genuai Bidi agai da subo menio.  
\q1 Israel bidigo God, agai dago  
\q2 te sę ebo agai tede homu palobo menio,”  
\q2 augwaligo te po wabo dao.   
\b  
\q1
\v 8 Dage eno we bidi, magi baso dagego gegeda pobawe?  
\q1 Dage kolesaga meni yai, nisu sogo dagego koneaibawe?   
\q1
\v 9 Godigo dago olo nigai. Tama agai odogobewe?  
\q2 Tama God agai dago gedu me nigai.  
\q1 Tialima, aga digi tonolo bilibo meniwe?   
\q1
\v 10 Agai te tigidali tǫde bidibo bidi hani tonalubo dao.  
\q1 Tialima, agai augwali dodolobo meniwe?  
\q2 Tama aga tigidali we bidigo po ola mabo bidi.  
\q2 Agai konebewe?   
\q1
\v 11 Genuai Bidi agai tigidali we bidigo homu koneai.  
\q1 Agai koneai, augwaligo homu kolesaga  
\q2 te olo magi nai me tiwai yaibao. \x * \xo 94:11 \xt 1 Ko 3:20\x*   
\b  
\q1
\v 12 Genuai Bidi, nago te bidi me deli  
\q2 dodolomainu eyu, nago bomo yai po  
\q3 te bidi ola mayu da, te bidi aga dwagi yai  
\q3 homu emainao.   
\q1
\v 13 Nago te sę ebo aga olo bidimainogo tiwai,  
\q2 tama sęgego aga gegeidali weyu,  
\q2 tama te dwai bidi dabe isilama, gų pageba paboba  
\q3 usu nigi pabo dao.   
\q1
\v 14 Magi basowe, Genuai Bidigo  
\q2 aga we bidi augwali tagalobo menio.  
\q1 Mu tama, aga sa muani we bidi augwali  
\q2 tudiba me mugubeo.   
\q1
\v 15 Tama nosali bidi dabego po tų ebode,  
\q3 augwaligo sę dolo naga yaibao,  
\q2 tama dwagi yai doloba pai bidi  
\q3 augwaligo usu dao po weyu,  
\q2 te kolesaga wali paibao.   
\b  
\q1
\v 16 Niwai bidigo ena tau selama,  
\q2 tama te dwai sę ebo bidi aiyaba elaluaibawe?  
\q1 Niwai bidigo ena tau selama,  
\q2 te dwai sę ebo bidi sela sąwaibawe?   
\q1
\v 17 God agai ena tau sigi menigi sogo da,  
\q2 ena polobadu isai gų pagede  
\q3 polo pila mugi dao.   
\q1
\v 18 Eno te homu yai, “Eno sągą kikila peyu,  
\q3 ena tula muaibao,” wai.  
\q2 Tiali goli, menio.  
\q1 Genuai Bidi nago ena godolo mu eyu,  
\q2 tama nago ena nogo tola selama,  
\q2 ena te dwai sęgę ebo digi tulalubeo.   
\q1
\v 19 Tama eno homu sęgę yali sogo  
\q2 tama eno homu nai hauwa dali yai,  
\q3 nago eno homu dwagi yai eyu,  
\q2 tama nagame elama bidai,  
\q2 tama eno homu dwagi yai emainogo yai.   
\b  
\q1
\v 20 Te bomo yai po mubo bidi dabe  
\q2 augwaligo te we bidibolo  
\q2 augwaligo dwai sę emainao wai.  
\q1 Nago te tobage dwai sę ebo tobolu bidi  
\q2 dabe dali abagi homu ebo menio.   
\q1
\v 21 Augwaligo dwagi yai sę ebo bidi  
\q2 dwai sęgo aga dolainogo sisinama, po mibo dao,  
\q2 tama augwaligo dwai sę isąwai bidi  
\q3 dabe dali po tų ebo dao, augwali elainogo tiwai.   
\q1
\v 22 Tiali goli, Genuai Bidi agai  
\q2 bomo mu elama, ena tau sai.  
\q1 Ena agaba pelama, eno God agai  
\q2 ena bugagia tonalubo dao.   
\q1
\v 23 Augwaligo dwai kolesaga hauwa mu yai,  
\q2 tama agai augwaligo dwai sę yali wei begelaibao.  
\q1 Genuai Bidi dago God, megi agai  
\q3 augwali tigidali dolaibao.   
\c 95  
\s1 Te God nogi ugwaba sabo balia po dao  
\q1
\v 1 Dage asiąo. Dago te Genuai Bidi nogi  
\q2 ugwaba sabo balia po wainao.  
\q1 Dago te bomai Godigo da ma sali, te homu koneama,  
\q2 tama dena balia weyu,  
\q2 tama agaba wiegi yai pemene yao.   
\q1
\v 2 Da te aga pąba pelama, tama agaba usu da po wao.  
\q1 Dago te wiegi yai pemene ebo balia po meba weyu,  
\q2 tama agai nogi ugwaba sinao.   
\q1
\v 3 Magi baso meni, Genuai Bidi aga te bomai God dao.  
\q1 Aga te bomai king,  
\q2 tama te tigidali tibo god daide  
\q3 aga ugwadu daide bidibao.   
\q1
\v 4 Agai te tigidali bulu tǫ pedai tonalubao,  
\q2 te aiyaba odogo gulali bulu tigidali,  
\q1 me te ugwanu igiluali bulu du tigidali,  
\q2 te agai naga tonalubo dao.   
\q1
\v 5 Aga digi te tǫ, me tamu ąį nigilama,  
\q2 tama tialima, agai augwali tonalubao.   
\q1
\v 6 Dage asiąo, dago tobolu basi gulama,  
\q2 tama agaba lotu wainao.  
\q1 Genuai Bidigo da nigai.  
\q1 Tialima, da aga pąba pelama, tama kidu sugunao.   
\q1
\v 7 Aga digi dago God dao.  
\q1 Aga digi da we bidi te sipsip wai tiwai tonalubao,  
\q2 tama agai da nai mobao.  
\q1 Te e sogo megi tama dagego agai pedauwalide po odiąo.   
\q1
\v 8 Genuai Bidigo te po wai,  
\q1 “Dagego te duga haliga bomonama dąų ola sigimio,  
\q2 te polobadu duga wąį nǫų dabego  
\q2 te bulu Meriba me Masa,  
\q2 te tǫ wa pai bulude yali homu tiwai  
\q3 igimio,” po wai. \x * \xo 95:8 \xt Hib 3:15; 4:7\x*   
\q1
\v 9 “Te bulude augwaligo ena usu sali.  
\q1 Augwaligo te eno ebo tigidali bomai sę suali,  
\q2 tiali goli, augwaligo ena usu sai dao.\x * \xo 95:9 \xt Sai 17:1-7; Nam 20:2-13\x*   
\q1
\v 10 Eno te hani we bidide dwai haliga iduali,  
\q2 te kibu be bidi sese siba usu nai.  
\q1 Tama tibaso, eno te po wali, augwa hagoma mu yali.  
\q1 Augwaligo te eno wali pabo homu me isiąwai.   
\q1
\v 11 Tama tialima, te ena haliga sębę elama,  
\q2 tama augwaliba te tama po dąų weyu wali,  
\q1 ‘Mu tama, dage te bulu tomoba me pogobeo,  
\q2 eno te dage toma nomainu mawainu yali  
\q1 buluba me pogobeo,’ po wai dao,” wali.\x * \xo 95:11 \xt Nam 14:20-23; Bom 1:34-36; 12:9-10; Hib 3:7-11; 4:3, 5\x*   
\c 96  
\s1 God te polalubo king, tama agai tigidali we bidi tonalubao  
\q1
\v 1 Dagego gesi balia Genuai Bidiba waiyąo.  
\q1 Dage tigidali tǫde we bidigo  
\q2 te Genuai Bidiba balia po waiyąo.   
\q1
\v 2 Genuai Bidiba balia wao.  
\q1 Agai nogi ugwaba sao. Agai da ma sai.  
\q1 Te tigidali side dago te po te we bidi dabeba pusa maiąo.   
\q1
\v 3 Dagego agai genuai nogide po  
\q2 te tigidali tǫ pedai kantride bidibo  
\q2 we bidi hani dabe pusiąo.  
\q1 Te tigidali we bidiba te agai  
\q2 genuai wiegi yai sę dabe yali po pusa mao.   
\q1
\v 4 Genuai Bidigo te genuai nogi elalubao.  
\q1 Dago agai nogi ugwanu mu sidu geao.  
\q2 Da te tibo god dabe wi me igio.  
\q1 Dago te Genuai Bidide naga wi yao.   
\q1
\v 5 Magi baso meni, te gasa hani  
\q2 we bidi dabego tibo god dabe  
\q2 te augwali tibo god naga dao.  
\q1 Tiali goli, Genuai Bidigo te dagalu dali,  
\q2 te ugwadu elalubo nai tigidali nigai dao.   
\q1
\v 6 Genuai Bidi te genuai nogi elalu, te king bidibao.  
\q1 Te aga tedali wiegi yai tempel bede  
\q2 te tigidali doado bagego te agai bomo dąį ilama,  
\q2 tama aga gasa sawi yai au te elalubao.   
\b  
\q1
\v 7 Dage tigidali tǫde bidibo hani we bidi,  
\q2 dagego agai genuai nogi me bomo te ugwaba sao.   
\q1
\v 8 Dagego Genuai Bidigo genuai nogi ugwaba sao.  
\q1 Te ofa yabo nai me deli selasa,  
\q2 te agai tempel be tomoba pao.   
\q1
\v 9 Dage tigidali we bidi te tedali wiegi yai bidiyu,  
\q2 tama Genuai Bidiba lotu waiyąo,  
\q2 tama dage agade noma siąo. \x * \xo 96:9 \xt Tib 29:1-2\x*   
\q1
\v 10 Dagego te tigidali we bidi haniba te tama po waiyąo,  
\q1 “Genuai Bidi te king bidibao,” wao.  
\q1 “Agai te tǫ dąų walama, tama te tǫ bugagia bidiyu,  
\q2 tama te mumunu me egobeo.  
\q1 Nosali te Genuai Bidigo po tų eyu,  
\q2 tama tigidali bidi dolo dagalaibao.”  
\q1 Te po wao.   
\q1
\v 11 Dagalu, me tǫ, dage pemene yao.  
\q1 Tamu ąį, nage dali, te nage tomode bidibo tigidali nai,  
\q2 dagego kidagalo weyu, i hae waiyąo.   
\q1
\v 12 Tigidali gi me, dage dali te dagede  
\q2 elalubo nai tigidali, dage wiegi yai pemene mu iyąo.  
\q1 Tama te Godigo gedude, te buside tigidali nigo  
\q2 augwa te wiegi yai pemene ebo balia waibao.   
\q1
\v 13 Magi baso meni, Genuai Bidi te aselama,  
\q2 te tigidali tǫ tonaluagasaibao.  
\q1 Agai te tigidali tǫde we bidi  
\q2 te doloba pai kolesagade tonaluaibao.  
\q1 Tama agai augwali te mu pogo naga dagalaibao.   
\c 97  
\s1 God polalubo king dao  
\q1
\v 1 Genuai Bidi king bidibao!  
\q1 Tǫ, nage pemene yao.  
\q1 Tama te tamu ąį tomode elalubo bulu  
\q2 ailan dabe, dage bugai haliga iyąo.   
\q1
\v 2 Te pǫ dabe me hulia sabogo aga mesegelebo dao,  
\q2 tama agai te we bidi dabe te  
\q3 doloba pai kolesagade tonalubao.   
\q1
\v 3 Sia te aga pabodu polasa peyu,  
\q2 tama aga te pobeasa biliduali  
\q3 boi bidi dabe ulaibao.   
\q1
\v 4 Agai te be selego ula pedalumainu  
\q2 ilama, tama te tǫ ula ilibao.  
\q1 Tǫgo sulama, tama noma sabo dao.   
\q1
\v 5 God te tigidali tǫgo Genuai Bidi dao.  
\q2 Aga asobaso, tama te bulu du dabe  
\q3 te wę tiwai pedelaibao.   
\q1
\v 6 Te ugwadu elalubo dagalugo te agai  
\q3 doloba pai kolesaga po pusuyu,  
\q2 tama tigidali hani we bidigo agai  
\q3 te boma pai ula subo dao.   
\b  
\q1
\v 7 Te tibo god dabeba lotu weyu,  
\q2 te nogi ugwaba sabo we bidi dabe,  
\q2 augwali te hale dwai mu saibao.  
\q1 Genuai Bidigo te tibo god wabo nai  
\q2 tigidali aiyaba elalubo dao.   
\q1
\v 8 Te Saion we bidi tigidali,  
\q3 me te Juda taun we bidi dabe,  
\q3 augwa te bugai haliga elama,  
\q2 tama nago po tųde wiegi yai pemene yaibao.   
\q1
\v 9 Genuai Bidi, nage te Tigidali Bomo Elalubo God,  
\q1 nago te tigidali tǫ pedai tonalubao.  
\q1 Nago genuai nogi elalu,  
\q2 tama nago tigidali tibo god aiyaba elaluai dao.   
\q1
\v 10 Genuai Bidigo te dwai kolesaga  
\q2 wei isąbo we bidi dabe augwali  
\q3 te agai wei homu mu ebao.  
\q1 Agai te aga we bidi dabe bugagia tonalu,  
\q2 tama augwali te dwai bidi dabego  
\q3 nogode ma sabo dao.   
\q1
\v 11 Godigo te doloba pai we bidi dabeba ula mayu,  
\q2 tama augwali homu pemene ilibo dao.   
\q1
\v 12 Dage doloba pai we bidi,  
\q2 te Genuai Bidigo ebo sę dabede pemene yao.  
\q1 Te homu kone palama, tama agaba usu da weyu,  
\q3 aga te tedali wiegi yai da wao.   
\c 98  
\s1 God te tigidali bagego king dao  
\q1
\v 1 Dago gesi balia Genuai Bidiba wao.  
\q1 Agai te haniani wiegi yai sę yai.  
\q1 Te agai genuai bomogo,  
\q2 tama aga tedali wiegi yai kolesagade naga, agai te  
\q2 hwįbo boi bidigo bomo aiyaba elaluai.   
\q1
\v 2 Genuai Bidi agai te hwįnama,  
\q2 te boi bidi aiyaba elaluali po pusali,  
\q1 tama agai augwali ma dobola sabo bomo  
\q2 te aga hani we bidi dabeba ola mawai,  
\q2 te agai Israel dabe ma sali sogo tialio.   
\q1
\v 3 Agai te aga dąų walali pode homu konealuai,  
\q2 tama agai te Israel dabe homu dene eyu,  
\q2 tama augwali me tagalubeo.  
\q1 Tigidali bulu te tigidali we bidigo sualio.  
\q1 Te dena Godigo te boi bidigo bomo  
\q2 aiyaba elaluama, tama da ma sai dao.   
\b  
\q1
\v 4 Dage tǫde we bidi dabe i hae weyu,  
\q2 Genuai Bidiba pemene yao.  
\q1 Te bugai haliga ebo tęąbi hodolama weyu,  
\q2 tama agai nogi ugwaba sao.   
\q1
\v 5 Te gita eliyu, tama te tęąbi dabe weyu,  
\q2 te Genuai Bidi nogi ugwaba sao.  
\q1 Te gitago wiegi yai musik mu waiyąo.   
\q1
\v 6 Te biugel me ona eliyu, me bu weyu,  
\q2 tama i weyu, te wiegi yai pemene  
\q3 Genuai Bidiba yao, aga te king dao.   
\b  
\q1
\v 7 Tama tamu ąį, nage dali te nagede elalubo tigidali  
\q1 sųgų me, dagego te tęąbi waiyąo.   
\q1
\v 8 Te genuai soabo ąį dabe, dagego te nogo eliyąo.  
\q1 Tama te bulu du dabe, dagego tęąbi weyu,  
\q2 te Genuai Bidi gedude pemene yao.   
\q1
\v 9 Magi baso meni, aga te tigidali bulu  
\q2 tǫ tonaluainu asobao.  
\q1 Tama aga te king bidu, tama tigidali we bidi  
\q2 te doloba pai kolesagade tonaluyu,  
\q2 te po tų ebo dolo naga yaibao.   
\c 99  
\s1 God te polalubo king dao  
\q1
\v 1 Genuai Bidi king bidibao.  
\q1 Te we bidi dabe wi elama, noma sai.  
\q1 Aga te sia kingde te ensel dabe daide dugulalubaso,  
\q2 tama te tǫ mali ebo dao. \x * \xo 99:1 \xt Sai 25:22\x*   
\q1
\v 2 Te Saionde Genuai Bidigo  
\q3 te genuai bomo mu elalubao,  
\q2 tama agai te tigidali tǫde bidibo  
\q3 hani bage tonalubao.   
\q1
\v 3 Tigidali we bidigo aga te polalubo king  
\q2 te genuai nogi elalubo homu koneaibao.  
\q1 Tama augwa aga genuai nogi  
\q2 ugwaba somainu yaibao.  
\q1 Aga te tedali wiegi yai mu dao.   
\b  
\q1
\v 4 Bomai king, nago te doloba pai kolesaga wei ebo dao.  
\q1 Nago da Israel we bidi dabeba  
\q2 te doloba pai me wiegi yai kolesaga menama,  
\q2 tama dago wali pali.  
\q1 Tama nago dago te gasa we bidi dabe  
\q2 te doloba pai kolesagade dagalumainu ilali.   
\b  
\q1
\v 5 Dagego te Genuai Bidigo nogi  
\q2 ugwaba siąo, aga te dena God dao.  
\q1 Dage pąba pelama, tama agaba lotu waiyąo.  
\q1 Aga te tedali wiegi yai mu dao.   
\b  
\q1
\v 6 Moses dali Aron si te Genuai Bidigo pris bidali,  
\q2 tama Samuel me augwalide te  
\q1 Godiba lotu wali bidi me deli dao.  
\q1 Augwa te Genuai Bidiba gedu haluasa po obaso,  
\q2 tama agai augwaligo gedu haluasa  
\q3 po wabo odai dao.   
\q1
\v 7 Aga te genuai dagalu pǫde bidama,  
\q2 tama augwaliba te bomai po mani.  
\q1 Tama te Godigo augwaliba mani bomai  
\q2 po tigidali te augwaligo wali pai dao. \x * \xo 99:7 \xt Sai 33:9\x*   
\b  
\q1
\v 8 God, dago Genuai Bidi, nago te naga we bidi  
\q2 augwaligo gedu haluasa po odali.  
\q1 Nago augwaliba ola mawai, naga digi nage te God,  
\q1 tama nago te augwaligo sęgę sela sąbo dao,  
\q2 tiali goli, nago te augwa ebo  
\q3 dwai sęde te dene mayu yai dao.   
\q1
\v 9 Te dena Genuai Bidi Godigo nogi ugwaba sao.  
\q1 Tama aga bulu dude te agaba lotu wao.  
\q1 God, dena Genuai Bidi, aga  
\q2 te tedali wiegi yai mu bidibo dao.   
\c 100  
\s1 Godigo nogi ugwaba sabo tęąbi me deli dao  
\q1
\v 1 Tigidali tǫde we bidi,  
\q2 dagego God dali dwagi yai homu elama,  
\q2 tęąbi wao.   
\q1
\v 2 Dagego dwagi yai homu Genuai Bidi  
\q2 dali eyu, lotu po waiyąo.  
\q1 Dagego dwagi yai homu ebo tęąbi weyu,  
\q2 tama aga pageba pao.   
\q1
\v 3 Dagego Genuai Bidi homugo konebo tagaligio,  
\q2 aga deli te God mu dao.  
\q1 Aga deligo da nigai, tama da aga we bidi dao.  
\q1 Da agai we bidi, da agai te kibu sipsip tiwai dao.   
\b  
\q1
\v 4 Da agai dwagi yai be tomoba pelama,  
\q2 agabolo puba hwi po olama, gedu haluasa po weyu,  
\q2 aga nogi ugwaba sao.  
\q1 Dago aga dali usu da olama, gedu haluasa po weyu,  
\q2 tama agabolo genuai nogi mao.   
\q1
\v 5 Genuai Bidigo dwagi yai kolesaga naga ebo dao.  
\q1 Sesemane sogo agai da godolo mu ebo dao.  
\q1 Agai sesemane bidada pabo sogo mu po wabo  
\q2 wali pabo dao. \x * \xo 100:5 \xt 1 Sto 16:34; 2 Sto 5:13; 7:3; Esr 3:11; Tib 106:1; 107:1; 118:1; 136:1; Jer 33:11\x*   
\c 101  
\s1 Kingo dąų walali po dao  
\q1
\v 1 Genuai Bidi, eno te nage  
\q2 wali mu pabo kolesaga,  
\q2 me te doloba pai kolesagade tęąbi po obao.  
\q1 Genuai Bidi, eno nageba homu kone palama,  
\q2 tama eno te tęąbi po obao.   
\q1
\v 2 Te eno doloba pai kolesaga naga wali paibao.  
\q1 Genuai Bidi, mena sogo nago ena tau sagasaibawe?  
\b  
\q1 Eno te doloba pai kolesaga naga ena bede ebo dao.   
\q1
\v 3 Eno te dwai sę ebo kolesagade  
\q2 usu da me wagobeo. Mu menio.  
\q1 Eno te God tudiba mubo bidi dabego  
\q2 kolesaga wei me egobeo.  
\q1 Ena augwali dali me biligobeo.   
\q1
\v 4 Eno te tibo po wabo kolesaga me wali pogobeo.  
\q1 Tama eno te dwai sę ebo kolesaga  
\q2 dabeba homu kone me palogobeo.   
\b  
\q1
\v 5 Te eno te gasa bidi dabeba  
\q2 posobo po wabo bidi dolaibao.  
\q1 Tama eno te hagoma ebo bidi dabe  
\q2 bidimainu me sula tagalogobeo.   
\b  
\q1
\v 6 Te eno te God wei elama, te wali pabo bidi dabe  
\q2 augwali naga te eno genuai wiegi yai bede  
\q2 ena dali bidimainu yaibao.  
\q1 Tama te wiegi yai kolesaga sesemane ebo bidi dabe,  
\q2 te bidi dabe naga te eno sę emainu yaibao.   
\b  
\q1
\v 7 Te tibo po wabo bidi dabe,  
\q2 augwali te eno genuai bede me bidigobeo.  
\q1 Tama te tibo po wabo bidi dabe ena dali  
\q2 bidimainu me egobeo. Mu menio.   
\q1
\v 8 Tigidali side eno te dwai sę ebo bidi  
\q2 te dago bulu tǫ pedaide dolaibao.  
\q1 Eno te dwai sę ebo bidi dabe sela sąyu,  
\q2 tama augwali te Genuai Bidigo  
\q3 taunde bidimainu me egobeo.   
\c 102  
\s1 Te sęgę tolobo gesi bidigo gedu haluasa po wali  
\q1
\v 1 Genuai Bidi, eno gedu haluasa po wabo  
\q2 odao.  
\q1 Eno nageba i wabo, te nago ena tau somainu ebao.  
\q1 Eno i wabo odao.   
\q1
\v 2 Te ena sęgę genuai tolobo sogo,  
\q2 nage enade geme me duala sigio.  
\q1 Eno gedu haluasa po odao.  
\q1 Tama eno nageba i wabo sogo, nago eno i polo odolama,  
\q2 tama ena tau sao.   
\b  
\q1
\v 3 Te eno bidibo ula te sia hano tiwai dao,  
\q3 te dwasianu sogo naga elaluama,  
\q2 tama pela silaibao.  
\q1 Tama eno tigi posolo mu dao,  
\q2 te genuai siago ulubo posolo tiwai ebo dao.   
\q1
\v 4 Godigo ena elalubo,  
\q2 te bidigo wa pai nosa agabo tiwai yali.  
\q1 Tama eno haligago te nai tuabo wei me ebeo.   
\q1
\v 5 Ena dene ebaso, tama eno i dwagilama mu wai.  
\q1 Tama eno tigi te me nisibeo, ena mu nomona salio.   
\q1
\v 6 Ena te wa pai bulude te ba kemodage  
\q3 bidibo tiwai bidibo,  
\q2 tama te hulide bilibo ba me deli  
\q2 te tolabo pesagede bidibo tiwai eyu,  
\q2 tama te bidi mu meni yai pesagede mu bidibao.   
\q1
\v 7 Ena te betde piali, tiali goli eno gedu pedaluali.  
\q1 Iya, enaduba deli te ba me deli te be pedu daide  
\q1 ugwadu dulalubo tiwai ebao.   
\q1
\v 8 Te giligade, me hulide, te boi bidi dabego enaba  
\q3 dwai po wabo.  
\q1 Augwaligo posobo po enaba weyu, tama ena nogi weyu,  
\q3 te ena dolobo sęgo gegebo sogo te dwai po wabo.   
\b  
\q1
\v 9-10 Nago wado po genuai enade elalubaso,  
\q2 tama ena te sia keli naga tudu,  
\q2 tama gedu ąį gela guga te kapba tulaluama,  
\q2 tama eno tuyu ebo dao.  
\q1 Nago ena selama, tama ena meba me  
\q2 te pobele bage sąbo tiwai yalio.   
\q1
\v 11 Eno bidibo ula te pęwadage sogo naga bidibao,  
\q2 te giliga pio dega sabo tiwai yali.  
\q1 Ena te nosa wa pai tiwai yai dao.   
\q1
\v 12 Tiali goli, Genuai Bidi,  
\q2 nage sesemane sogo king bidibao.  
\q1 Te nosali pedalubo hani we bidi tigidaligo  
\q2 te augwaligo nage koneaibao.   
\q1
\v 13 Megi da, nage aselama, tama nago te olo tau sabo  
\q3 wiegi yai kolesaga te Saion taunba yagasu,  
\q2 tama aga tau sao.  
\q1 Te nago aga homu dene yabo sogo te pedelalio.  
\q1 Megi naga tama, te tiwai sę ebo sogo dao.   
\q1
\v 14 Te Saion taun dolali,  
\q2 tiali goli te nago we bidi dabego aga wei mu ebao.  
\q1 Megi da, aga dolali, tiali goli augwaligo aga homu dene  
\q3 mu yai dao.   
\b  
\q1
\v 15 Tigidali hani bage te Genuai Bidide wi elama,  
\q2 tama aga dologode bidibao.  
\q1 Tama tigidali tǫde king dabe,  
\q2 te augwali agai bomode wi yaibao.   
\q1
\v 16 Nosali, Godigo te Saion taun ma nigibo sogo,  
\q1 agai te aga bomo te we bidi dabeba ola mawaibao.   
\q1
\v 17 Tama agai te aga we bidi dabego  
\q3 gedu haluasa po odaibao,  
\q2 te polobadu agai augwali tagalama,  
\q2 te augwali odolali bidali.  
\q1 Te agai augwaligo gedu haluasa po wabo  
\q2 te tudiba ma mugobeo.   
\q1
\v 18 Te sę Genuai Bidigo yali,  
\q3 dago te bukude asęnama muao,  
\q2 te nosali pedalubo te wąį nǫų dabe  
\q3 augwaligo konemainu yao.  
\q1 Nosali te idago augwali ame nabo side,  
\q2 teda augwaligo me te Genuai Bidigo  
\q3 yali sę po odolama,  
\q2 tama augwaligo me te aga nogi  
\q3 ugwaba somainu yai dao.   
\q1
\v 19 Dago te tama po asęaibao:  
\q1 Genuai Bidi te ugwadu aga tedali  
\q2 wiegi yai pesagede bidibao, tama aiyaba tonalubao.  
\q1 Aga te dagalude bidiyu, tama te tǫba aiya tonalubo dao.   
\q1
\v 20 Agai te kalabus bidi dabe augwa  
\q2 tolali sęgęde gela wabo odali.  
\q1 Tama agai te po tų silama tama augwa  
\q2 te kalabus silali bidi dabe tau siyu,  
\q2 te augwali me isidali weyu yalio.   
\q1
\v 21 Tama tibaso te Jerusalemde te we bidi dabego  
\q2 te Genuai Bidigo nogide po pusama,  
\q1 tama augwaligo agaba usu da po waibao.   
\q1
\v 22 Augwaligo te tama tiaibao, te we bidi hani dali,  
\q2 te augwa king dabe dali, te Jerusalemba sisinama,  
\q3 te Genuai Bidiba lotu wabo sogo  
\q3 te tama tiaibao.   
\b  
\q1
\v 23 Ena gesi ogwa bidide digi,  
\q2 tama Genuai Bidigo eno bomo dolali.  
\q1 Ena te eno bidibo ula sesabi elama, bidimainu ebeo.  
\q1 Agai ena bidabo sogo bodolu togwai dao.   
\q1
\v 24 Eno God, nage sesemane bidada peyu, bidada pobao.  
\q1 Nago megi ena me tagaligio.  
\q1 Ena monu dabe me ebeo, ena gesi bidi tigi me elalubao.   
\q1
\v 25 Polobadu mu nago te tǫ nigali.  
\q1 Tama naga nogogo digi nago te dagalu nigiyu,  
\q2 tama ugwade elalubo nai tigidali nigai dao.   
\q1
\v 26 Te tigidali nai te hagawaibao.  
\q1 Tiali goli, nage te sesemane bidaibao.  
\q1 Te augwali te poloba ugwa  
\q2 badia pabo tiwai pedelama, te dolaibao.  
\q1 Tama nago augwali hasegelama,  
\q2 te bidigo ugwa hasegelibo tiwai yaibao,  
\q2 tama augwali pela siliyu, tama me elalugobeo.   
\q1
\v 27 Tiali goli, nage da, me bididubadi,  
\q2 tama nage me isigobeo. \x * \xo 102:27 \xt Hib 1:10-12\x*   
\q1
\v 28 Tama nago dago wai dabe tonalu,  
\q2 tama augwali bugagia bidaibao.  
\q1 Tama nago te augwa wąį nǫų nosali  
\q3 pedalubo hani dabe selama,  
\q1 tama augwali te nage dali sesemane  
\q3 bidada pomainu yaibao.   
\c 103  
\s1 Godigo da godolo mu yai  
\q1
\v 1 Eno Genuai Bidigo nogi ugwaba saibao.  
\q1 Ao, eno tigi me homu kolesaga tomode  
\q2 elalubo nai tigidaligo  
\q1 Genuai Bidigo dwagi yai nogi ugwaba sainogo ebo dao.   
\q1
\v 2 Eno Genuai Bidigo nogi ugwaba siyu,  
\q2 tama agai dwagi yai sę ena dali ebo  
\q3 te eno homugo tagalogobeo.   
\q1
\v 3 Agai eno dwai sę ebo tigidali sela sąwai,  
\q2 tama eno gasi ebo tigidali usu yai.   
\b  
\q1
\v 4 Genuai Bidigo ena ma sai, tama ena isibeo.  
\q1 Agai olo ena tau sabo dwagi yai homu eyu,  
\q2 ena hobede mu ebo dao.   
\q1
\v 5 Tigidali sogo ena tǫde bidibo Genuai Bidi agai  
\q2 dwagi yai nai ena mabo usu mu ebo dao.  
\q1 Agai tama tiyu, ena gesi ma pedaliyu,  
\q2 tama te ba kemodagego bomo tiwai  
\q3 elalubo ena bidibao.   
\b  
\q1
\v 6 Genuai Bidigo dwagi yai sę we bidi  
\q2 augwali gasa dwai bidi dabego  
\q2 dwai sę dologode bidibadi tau sabo dao.  
\q1 Tama agai augwali ma hodolama,  
\q2 augwali bugagia bidibo dao.   
\q1
\v 7 Polobadu Moses dali agai yabo te sę po wai.  
\q1 Tama agai Israel we bidigo  
\q2 te agai bomo yai sę ebo sumainu yai.   
\q1
\v 8 Genuai Bidi agai dwagi yai homu eyu,  
\q2 da hobede mu elama, olo tau sabo dao. \x * \xo 103:8 \xt Jer 5:11\x*  
\q1 Agai sębę polo isąma, tama agai  
\q2 da sesemane godolo mu ebo dao.   
\q1
\v 9 Agai da dali odolali olo wado po me wabo menio.  
\q1 Tama agai sębę ebo hauwa sogo elalubo menio.   
\q1
\v 10 Dago dwai sę ebode da dene sabo digi,  
\q2 agai te dago yali dwai sę usu nama  
\q3 dene dabolo mabo menio.  
\q1 Dago dwai kolesaga hauwa yai,  
\q2 tama agai genuai sęgę dabolo  
\q3 wei begelaibao homu yai,  
\q1 tialima agai te sę ebo menio.   
\b  
\q1
\v 11 Aga dali wi ebo we bidi,  
\q2 agai augwali godolo mu ebo dao.  
\q1 Agai genuai godolo ebo homu augwali dali ebao,  
\q2 te dagadu digibulu ugwaba mu  
\q3 elaluyu, tǫ aiyadu mu elalubo tiwai dao.   
\q1
\v 12 Giliga pedalobo dali,  
\q2 te giliga iba dega sigi pabo dali,  
\q2 te si pąde elalubo menio.  
\q1 Te digibulu mu elalubao.  
\q1 Te tiwai Godigo dago dwai sę ebo  
\q3 aga digibulu bidiyu, te dwai sę sela sąbo dao.   
\q1
\v 13 Ayago aga wai dabe hobede ebo dao.  
\q1 Tiwai Genuai Bidigo aga dali wi ebo  
\q2 we bidi augwali hobede ebo dao.   
\q1
\v 14 Agai koneai, agai da tǫ selama nigai,  
\q2 tama agai homugo da te tǫ hogomu ebo tiwai dao  
\q3 homu ebao.   
\q1
\v 15 Da we bidi bidibo ula pęwadage mu, te nosa tiwai.  
\q1 Da pęwadage sogo bidilama,  
\q2 da te plaua nosa du walama, isibo tiwai yaibao.   
\q1
\v 16 Wali asu, te plaua memenege elama, tulalubo dao,  
\q2 tama bidi dabego te plaua elalubo ma subeo.   
\q1
\v 17 Tialima, Genuai Bidi agai nogi  
\q2 ugwaba sabo we bidi augwali  
\q2 sesemane bidada pabo sogo agai godolo mu ebo dao.  
\q1 Tama aga te dwagi yai aga wąį  
\q2 dabe augwali nosali pedalobo te dwagi yai yaibao.   
\q1
\v 18 Tama augwaligo Genuai Bidigo  
\q3 dąų olama muani po wali peyu,  
\q2 tama augwaligo agai te bomo yai po  
\q3 tigidali wali pai pobaso da,  
\q2 agai augwali dwagi yai we bidi nogi nogi yaibao.   
\b  
\q1
\v 19 Genuai Bidi dagalude tuni bidi bidiyu,  
\q2 tama aga tigidali nai tonalubo bidi dao.   
\q1
\v 20 Dage tigidali Genuai Bidigo ensel mobo bidi,  
\q2 dagego genuai bomo elalubao.  
\q1 Dagego agai po wali pabo bage,  
\q2 dagego olo agai po wabo digi bugagia mubo dao.  
\q1 Tialima, dagego Genuai Bidi nogi ugwaba sao.   
\q1
\v 21 Dage Genuai Bidigo sę bidi, dage dagalude bidiyu,  
\q3 agai homu wali pabo bage,  
\q2 dagego agai nogi ugwaba sao.   
\q1
\v 22 Dagego koneao, tigidali nai Genuai Bidigo nigai,  
\q2 tama tigidali tǫde elalubo,  
\q2 tama aga dagego tuni bidi bidibao,  
\q3 dagego Genuai Bidigo nogi ugwaba sao.  
\q1 Tama eno me agai nogi ugwaba saibao.   
\c 104  
\s1 Godigo tigidali nai nigibaso, dago aga nogi ugwaba sao  
\q1
\v 1 Eno Genuai Bidigo nogi ugwaba saibao.  
\q1 Genuai Bidi, nage eno God,  
\q2 nage ugwadu mu dao.  
\q1 Nage genuai polalubo tuni bidi,  
\q2 nago nogi genuai mu yai.   
\q1
\v 2 Nage naga ulago digi ma mesegelebo dao,  
\q2 te bidigo aga tigi ugwago mesegelebo tiwai ebo dao.  
\q1 Tama nago dagalu dali, tigidali hǫ munama elalubao,  
\q3 te bidigo ugwa be sęnama,  
\q2 tama baklain bonogo kekelama  
\q3 dąų elalubo tiwai yai.   
\q1
\v 3 Tama nago be ąį daide ugwadu sęwai.  
\q1 Dagalu pǫ te nago dulalubo nai karis tiwai,  
\q2 tama waligo nage selasa pabo dao.   
\q1
\v 4 Nago te wali tagala palama,  
\q2 tama waligo nago po sela pabo dao.  
\q1 Tama nago te be selego ula ebo  
\q2 te nago sę bidi pedalobo dao. \x * \xo 104:4 \xt Hib 1:7\x*   
\b  
\q1
\v 5 Nago te tǫ aga bulude munama elalubao,  
\q2 tama tǫgo bomo mu elalubo dao.  
\q1 Aga memenege me egobe. Menio.   
\q1
\v 6 Nago tamu ąį muani, te tǫ mesegelai elalubao.  
\q1 Tama ąįgo tigidali bulu du mesegelai.   
\q1
\v 7 Tialima, nosali nago tamu ąį dali po  
\q3 bomo elama wai, tama aga wi pai.  
\q1 Awe, tamu ąįgo odali, nago i bomo elama wai,  
\q2 tama aga bomonama mu pai.   
\q1
\v 8 Tama peyu, tamu ąįgo tigidali bulu du tagalama,  
\q2 tama aga tǫ odogo dwagi yai digi pai.  
\q1 Nago tamu ąį tede bidao wai,  
\q2 tama megi aga tede bidibo dao.   
\q1
\v 9 Nago dąį muai,  
\q2 tama tamu ąįgo te dąį muani bolobeo.  
\q1 Tama tamu ąįgo tigidali tǫ ma halugobeo.   
\b  
\q1
\v 10 Nago te ąį ulu bulu du odogo yai digi  
\q3 tomode asomainogo pedelao wai,  
\q2 tama nago te ąį dwagi yai digi dolo pomainogo yai.   
\q1
\v 11 Bulude bidibo uni hasa dabe,  
\q3 augwaligo te ąį tumainogo yai,  
\q2 tama te uni donki dabe augwaligo me te ąį tuyu,  
\q2 tama augwali dogoni wa pogobeo.   
\q1
\v 12 Ba dabe augwaligo pibo be te ąį sesegede  
\q2 elalubo nide be sę yai, tama augwali ni nologode  
\q2 dulaluyu, augwa po wabo dao.   
\b  
\q1
\v 13 Nage bulu ugwade bidiyu, nago tulubage bulu duba  
\q3 tulumainogo tagala palobo dao.  
\q1 Tama tiyu, nago te tǫde elalubo nai  
\q2 tigidali dali dwagi yai sę ebo dao.   
\q1
\v 14 Nago te kibu bulmakaugo tuabo nosa  
\q3 dabe pedalao wai, tama nai dabe meba da  
\q3 we bidigo bulama, sela tuabo nai me pedelai.   
\q1
\v 15 Tama dago bono ni du wain wai  
\q3 bulama, wain ąi tuyu, dago homu dwagi yai  
\q3 emainogo tiwai.  
\q1 Tama dago te ni oliv wel ąį selama,  
\q3 dago gesabidide pilama, tama gesabi ula  
\q3 emainogo yagameo.  
\q1 Tama dago te wit ge bulama,  
\q2 dago tigi dąų omainogo tubo nai bret nigibo dao.   
\q1
\v 16 Tulubage tuluyu, Lebanon tede elalubo sida ni dabe  
\q3 augwaligo ąį genuai sabo dao.  
\q1 Te ni sida Genuai Bidigo ni mu dao, polobadu aga bulai.   
\q1
\v 17 Ba dabe augwaligo te ni sidade be sę ebo dao.  
\q1 Tialima, dogoni bobobage yai bago be gasa nide  
\q3 sębo dao.   
\q1
\v 18 Uni meme dabe, augwali te genuai  
\q3 bulu dude bilibo dao,  
\q2 tama hasa kesebe me, hoiyu me,  
\q3 augwali te genuai masigi dedagede  
\q3 geme bidibo dao.   
\b  
\q1
\v 19 Nago polua nigai, tama agai  
\q2 tigidali kibu be koneabo dąį ela pabo dao.  
\q1 Tama giliga aga aiyaba dulabo sogo  
\q3 koneama, dulubo dao.   
\q1
\v 20 Nago be huliao wabo dao,  
\q2 tama hulide uni hasa dabe bilibo dao.   
\q1
\v 21 Gesi laion dabe augwaligo tuabo hasa dabe gegeyu,  
\q2 i bomonama ebo dao.  
\q1 Augwaligo hasa Godigo augwali momainogo gegebo dao.   
\q1
\v 22 Tama giliga asobode, augwa bidibo  
\q2 dedageba ma pabo dao.   
\q1
\v 23 Tama bidi dabe hodaluama, augwali sęba pabo dao,  
\q2 tama augwali sę idubadi,  
\q3 giliga iba dega sigi pabo dao.   
\b  
\q1
\v 24 Genuai Bidi, nago nai hauwa nigai!  
\q1 Nago genuai homu kolesagago koneama,  
\q2 te nai tigidali nigai.  
\q1 Nago nigali nai tigidali tǫde mu pągąwai.   
\q1
\v 25 Tamu ąį genuai mu yai,  
\q2 tama genuai sųgų, me dwasianu sųgų,  
\q3 me gasa nai meba hauwa te tamu ąįde bidibao.  
\q1 Dago nedebo usu egobeo.   
\q1
\v 26 Tama tamu ąįde sip geba dabe augwali uga soayu,  
\q2 eda soayu elama, bilibo dao.\x * \xo 104:26 \xt Jop 41:1; Tib 74:14; Ais 27:1\x*  
\q1 Tama polobadu nago nigali genuai sųgų,  
\q2 augwali me te tamu ąį tomode biliyu,  
\q2 posoga palu ela bilibo dao.   
\q1
\v 27 Tigidali sųgų augwali nage tonalubo dao,  
\q2 augwali nasi ebode nago nai momainogo ebo dao.   
\q1
\v 28 Nago nai augwali mobaso,  
\q2 te nai augwaligo tubo dao.  
\q1 Nago naga augwali nai mabo dao,  
\q2 tama augwaligo haliga pągąwai.   
\q1
\v 29 Nago augwali tudiba mubaso, augwali wi ebo dao.  
\q1 Tama nago augwaligo mobo sela sąwani da,  
\q2 te augwali isilama, tǫ tiwai ma gagawaibao.   
\q1
\v 30 Nago mobo augwali mobaso,  
\q2 augwaligo bidibo ula sabo dao.  
\q1 Nago tigidali nai tǫde gesi ma pedelabo dao.   
\b  
\q1
\v 31 Eno homugo Genuai Bidigo genuai  
\q2 nogi dali, ula dali, sesemane  
\q2 sogo bidada peyu, bidada pao.  
\q1 Tama Genuai Bidigo aga nigali nai  
\q2 tigidali dali dwagi yai homu yagameo.   
\q1
\v 32 Agai tǫba tonalubaso,  
\q2 te tǫ memenege eyu, mali ebo dao.  
\q1 Agai te bulu duba nogo mubaso,  
\q2 te bulu dude sia hano ebo dao.   
\b  
\q1
\v 33 Eno bidibo ula elalubo te sogo,  
\q2 eno Genuai Bidi dali tęąbi yaibao.  
\q1 Eno Godigo nogi ugwaba selama,  
\q2 tęąbi eyu, ena isiboba usu nigi paibao.   
\q1
\v 34 Agai ena dwagi yai homu ilai,  
\q2 tama eno homugo agai eno tęąbi ebo  
\q3 godolo emainogo ebao.   
\b  
\q1
\v 35 Genuai Bidi, nago te dwai sę ebo  
\q2 we bidi tigidali dolao.  
\q1 Eno homugo dwai sę ebo bidi dabe  
\q2 augwali mu haga yabo homu yai.  
\q1 Eno Genuai Bidigo nogi ugwaba sobao.  
\q1 Genuai Bidi agai nogi ugwaba mu saibao.   
\c 105  
\s1 God dali aga we bidi augwaligo te po wali  
\q1
\v 1 Dago Genuai Bidi dali usu da weyu,  
\q2 tama agai genuai nogi elalubo po  
\q3 hania pusao.  
\q1 Dago tigidali tǫde we bidi dali  
\q2 agai genuai sę yali po pusao.   
\q1
\v 2 Dago tęąbi po agabolo weyu,  
\q2 tama aga nogi ugwaba sao.  
\q1 Tama agai dwagi dwagi yai sę yali hania pusao.   
\q1
\v 3 Da Genuai Bidi aga hani,  
\q2 tama dago aga dali dwagi yai homu yao.  
\q1 Genuai Bidi wali pabo we bidi,  
\q2 augwaligo homu dwagi yai mu yao.   
\q1
\v 4 Da Genuai Bidi agai tau somainogo pinao.  
\q1 Tama da sesemane sogo aga dali pąde bidainogo.   
\b  
\q1
\v 5-6 Dage Abrahamgo wąį dabe,  
\q2 aga Genuai Bidigo sę bidi,  
\q1 dage Jekop agai wąį dabe nosali pedelai,  
\q2 te bidi Godigo dąį muani bidi,  
\q1 dagego homugo agai polobadu gasagi yai bomo yai  
\q3 genuai sę yali koneyu,  
\q2 tama agai te dwai sę ebo bidi dabe  
\q3 augwali dene mabo,  
\q2 te kolesaga dagego homugo koneao.   
\b  
\q1
\v 7 Genuai Bidi aga dago God dao.  
\q1 Agai bomo yai po te tigidali tǫde  
\q2 we bidibolo mabo po dao.   
\q1
\v 8 Agai dąų olama muani,  
\q2 te po sesemane sogo elaluaibao.  
\q1 Tama agai po me elaluama, nosali pedalobo bidi hanigo  
\q3 te po odaibao.   
\q1
\v 9 Polobadu agai Abraham dali  
\q3 te po augwali si dąų wai, tama  
\q3 agai te dąų wali po Aisak po wai. \x * \xo 105:9 \xt Gag 12:7; 17:8; 26:3\x*   
\q1
\v 10 Genuai Bidigo Israel hani dali po dąų wai,  
\q2 tama te dąų wali po sesemane sogo  
\q3 me elaluyu, bidada paibao.  
\q1 Agai te dąų wali po Jekopgo hani dali  
\q2 dąų wali, te po siligobeo.   
\q1
\v 11 Agai Jekop dali te po wai,  
\q1 “Nage eno te Kenan tǫ mawaibao,” wai,  
\q1 “tama te tǫ naga tǫ, te naga hani dali.” \x * \xo 105:11 \xt Gag 28:13\x*   
\b  
\q1
\v 12 Godigo we bidi augwali dwasianu hani,  
\q2 tama augwali gasa bulu we bidi te tǫde bidibo tiwai.   
\q1
\v 13 Augwali bugagia duabe, augwali dodolama biliyu,  
\q2 gasa bulude bilama, gasa buluba peyu yai.  
\q1 Augwali dwasianu sogo tuni bidi me deligo tǫde bidai,  
\q2 tama augwaligo te tǫ tagalama,  
\q2 gasa tuni bidi mego tǫba bidigi pai.   
\q1
\v 14 Tialima, Genuai Bidigo augwali gasa bidi dabego  
\q2 augwali me dolomainogo ebeo.  
\q1 Tama agai tuni bidi meba dali wado po weyu,  
\q2 augwali dali dwai sę me igio wai.   
\q1
\v 15 Agai te po wali, “Eno te we bidi augwali dąį muai,  
\q2 augwaligo eno sę emainogo.  
\q1 Dagego dwai sę augwali dali me elamo dao,” wai.  
\q1 “Tama dagego eno po pusubo bidi  
\q2 augwali dologio. Mu menio,” wai. \x * \xo 105:15 \xt Gag 20:3-7\x*   
\b  
\q1
\v 16 Genuai Bidigo augwaligo tǫde nasi emainao wai,  
\q2 tama augwaligo nai tigidali agai sela sąwai.\x * \xo 105:16 \xt Gag 41:53-57\x*   
\q1
\v 17 Tialima, agai Josep  
\q2 aga polasa pomainogo tagala palai.  
\q1 Tama aga te Isip bulude bidigi pai.  
\q1 Augwaligo Josep te olo mu sę ebo bidi  
\q2 abelebo tiwai yai. \x * \xo 105:17 \xt Gag 37:28; 45:5\x*   
\q1
\v 18 Augwaligo te sen aga sągąde dąų olama kęai,  
\q2 tama aga sągą dene yai.  
\q1 Tama augwaligo te genuai ain aga dogonide dąų wai.   
\q1
\v 19 Tama te tiwai me bidaluai, tama agai pusali po  
\q3 te mu pedalobo suainogo yai.  
\q1 Genuai Bidigo po augwalibolo ola mayu,  
\q3 te Josepgo po mu dao wai. \x * \xo 105:19 \xt Gag 39:20–40:23\x*   
\q1
\v 20 Tialima, Isip tuni bidi agai bidi me deli tagala palai,  
\q1 Josep kalabuside bidali tagalama,  
\q2 buluba asomainogo tiwai.  
\q1 Awe, te gasa tuni bidi hani tonalubo bidi  
\q2 agai Josep kalabus yali silama, tagalai. \x * \xo 105:20 \xt Gag 41:14\x*   
\q1
\v 21 Tama tuni bidi agai Josep agai  
\q2 gavman tobolu bidi bidao wai.  
\q1 Tama Josep aga te Isip gavman polalubo bidi bidai.\x * \xo 105:21 \xt Gag 41:39-41\x*   
\q1
\v 22 Agai te tuni bidigo sę ebo ofisa  
\q3 bidi dabe augwali agai tonalubo sę yai,  
\q2 tama agai bomogo te tuni bidi  
\q3 homu kolesaga ola mabo bidi  
\q3 dabe agai augwali ola mawai.   
\b  
\q1
\v 23 Nosali Jekop te Isip buluba bidigi pai.\x * \xo 105:23 \xt Gag 46:6; 47:11\x*   
\q1
\v 24 Tama nosali Genuai Bidigo aga we bidi tau selama,  
\q2 augwaligo wai dabe hauwa ame nai.  
\q1 Tama agai augwaligo bomogo  
\q2 boi bidi dabego bomo aiyaba elalumainogo yai.   
\q1
\v 25 Agai te Isip bidi dabego agai  
\q2 we bidi dali boi bidi emainogo yai,  
\q1 tama augwaligo tibo sę agai sę bidi dali yai. \x * \xo 105:25 \xt Sai 1:7-14\x*   
\b  
\q1
\v 26 Nosali Genuai Bidigo Moses,  
\q3 agai sę bidi dąį munama bidai,  
\q3 te Aron me agai sę bidi muani,  
\q2 tama augwali si Isip te buluba tagala palai.\x * \xo 105:26 \xt Sai 3:1–4:17\x*   
\q1
\v 27 Augwali sigo Godigo bomo yai sę yai,  
\q2 tama augwali sigo gasagi yai  
\q3 bomo yai sę Isip bulude yai.   
\q1
\v 28 Tama Godigo augwaligo tǫ  
\q3 be hulia siyu, mesega sai,  
\q2 tialima, Isip bidi dabego agai po sela sąwai.\x * \xo 105:28 \xt Sai 10:21-23\x*   
\q1
\v 29 Agai augwaligo ąį tigidali kaneme emainogo begelai,  
\q2 tama tigidali te ąįde bidali  
\q3 sųgų tigidali ela silai. \x * \xo 105:29 \xt Sai 7:17-21\x*   
\q1
\v 30 Tama gedeli dabe hauwa pedelama,  
\q3 augwaligo tǫ pągąna sai,  
\q2 tama genuai tuni bidigo be tomode  
\q3 me pągąna sai. \x * \xo 105:30 \xt Sai 8:1-6\x*   
\q1
\v 31 Godigo po olama, tama bolia me,  
\q2 dina me, hauwa pedelama,  
\q2 tigidali tǫ, me bulu dabe tigidali mu  
\q3 pągąna sai. \x * \xo 105:31 \xt Sai 8:16-17, 20-24\x*   
\q1
\v 32 Agai te tulubage mu augwaligo tǫba tagala palobeo.  
\q1 Agai te tulubage te talua ge tiwai yai, te tǫba tulaluai,  
\q2 tama te be sele hauwa ula yai.   
\q1
\v 33 Agai augwaligo te bono ni du wain me,  
\q2 ni kaya me, dolai,  
\q2 tama tigidali ni dabe mu dola silai. \x * \xo 105:33 \xt Sai 9:22-25\x*   
\q1
\v 34 Agai po obadi, te kuli mano dabe pedelai,  
\q2 te hauwa mu pedelai, dago nedebo usu egobeo wai.   
\q1
\v 35 Te kuli mano dabe augwaligo  
\q3 tigidali nai yabe tula silai,  
\q2 tama augwaligo te bulali nai yabe me  
\q3 tigidali mu silai. \x * \xo 105:35 \xt Sai 10:12-15\x*   
\q1
\v 36 Tama Godigo Isip hanigo  
\q2 gomunai ogwa wai dabe tigidali ela muai. \x * \xo 105:36 \xt Sai 12:29\x*   
\b  
\q1
\v 37 Nosali agai Israel bidi hani augwali  
\q1 Isip bulu tagalama, augwali odasa pai.  
\q1 Augwaligo silva, me gol, te me sela pai.  
\q1 Tigidali Israel we bidi bugagia bidai, me deli dolobeo.   
\q1
\v 38 Isip hani augwali Israel hani dali wi yai.  
\q1 Tama Isip hani augwaligo suali,  
\q1 Israel bidi hani augwali paibaso,  
\q2 tama augwali dwagi yai homu yai. \x * \xo 105:38 \xt Sai 12:33-36\x*   
\q1
\v 39 Godigo pǫ hauwa ugwadu munama,  
\q2 aga hani bidi haluai.  
\q1 Tama hulide agai genuai sia ula munama,  
\q2 augwali te ulade bidai. \x * \xo 105:39 \xt Sai 13:21-22\x*   
\q1
\v 40 Augwaligo agabolo nai po hanaluai,  
\q2 tama agai ba dabe augwalibolo mawai,  
\q2 tama te ba augwali sela tuai.  
\q1 Agai dagalude giguai nai bret augwali mawai,  
\q2 tama augwali te nai tulama,  
\q3 haliga mu pągąwai. \x * \xo 105:40 \xt Sai 16:2-15\x*   
\q1
\v 41 Agai ąį masigide pedela wai.  
\q1 Tama genuai ąį te masigide pedelama,  
\q2 tama te ąį masigi kemi wa pai digi te ąį pai,  
\q2 te genuai ąį bulude asobo tiwai yai.\x * \xo 105:41 \xt Sai 17:1-7; Nam 20:2-13\x*   
\q1
\v 42 Agai homugo te polobadu  
\q2 aga sę bidi Abraham dali dąų wali bomo yai po  
\q2 homude me konealuai.   
\b  
\q1
\v 43 Tama tiyu, agai we bidi augwali agai  
\q2 te Isip buludu odasa pai.  
\q1 Tama augwaligo tęąbi ela peyu,  
\q2 dwagi yai homu dali pai.  
\q1 Te we bidi augwali aga digi dąį muyu  
\q3 sa muai, augwaligo i weyu,  
\q2 dwagi yai homu elama, augwali pai.   
\q1
\v 44 Gasa we bidi augwaligo tǫ agai  
\q3 augwalibolo te tǫ mayu,  
\q2 tama augwaligo te tǫde elaluali  
\q3 gi dabe me sai. \x * \xo 105:44 \xt Jos 11:16-23\x*   
\q1
\v 45 Agai tama tiwai, te Israel hani  
\q2 augwaligo agai tigidali bomo yai  
\q3 po wali pomainogo tiwai.  
\q1 Tama Genuai Bidi agai nogi ugwaba sao.   
\c 106  
\s1 Godigo wiegi yai kolesaga aga we bidiba yali  
\r (1 Sto 16:34; 2 Sto 5:13; 7:3; Esr 3:11; Tib 100:5; 107:1; 118:1; 136:1; Jer 33:11)  
\q1
\v 1 Genuai Bidigo nogi ugwaba sao.  
\q1 Dago agaba usu da waiyąo,  
\q2 magi baso meni agai  
\q1 te wiegi yai kolesaga sesemane ebo dao,  
\q2 tama agai da sesemane bidada peyu,  
\q3 bidada pabo wei mu ebo dao.   
\q1
\v 2 Dego te agai genuai sę dabe yali po pusaibawe?  
\q1 Tama dego agai te wiegi yai kolesaga  
\q2 yalide te agai nogi ugwaba saibawe?   
\q1
\v 3 Te agai po wali peyu,  
\q2 te doloba pai kolesaga ebo bidi dabe  
\q3 augwa te pemene yao.   
\b  
\q1
\v 4 Genuai Bidi, nago te naga we bidi  
\q3 dabe tau sabo sogo,  
\q2 nago ena me homugo koneao.  
\q1 Tama nago augwali ma sabo sogo,  
\q2 nago te ena me ma sao.   
\q1
\v 5 Eno te nago hani bage te bugagia dugulama,  
\q2 tama te wiegi yai nai dabe sabo suabo homu yai,  
\q2 tama eno augwali dali wiegi yai  
\q3 pemene yabo homu yali.  
\q1 Dago te pemene yaibao, magi baso meni,  
\q3 da te nago hani bidibao.   
\b  
\q1
\v 6 Dago te dwai sę yalio,  
\q2 te polobadu dago wąį nǫų dabego  
\q3 yali tiwai sę yalio.  
\q1 Dago te dwai sę haniani yai.   
\q1
\v 7 Te Isipde te wąį nǫų dabego  
\q2 te nago yali genuai sę dabe  
\q2 te bugagia me konesiąwai.  
\q1 Nago augwali hauwa sogo tau sali,  
\q2 te nago augwali wei mu ebo homu  
\q2 te augwaligo koneai.  
\q1 Tiali goli, augwa te homu tagalu,  
\q2 tama augwali te nosa elaluali  
\q3 tamu ąįba sabolali sogo,  
\q2 augwa te nage Tigidali Bomo  
\q3 Elalubo Godiba hagoma yai dao. \x * \xo 106:7 \xt Sai 14:10-12\x*   
\q1
\v 8 Tiali goli, Genuai Bidigo te aga genuai bomo  
\q2 augwaliba ola mawainu yali.  
\q1 Tama tiyu, agai augwali ma selama,  
\q2 tama augwali me dolobeo,  
\q3 te agai augwaliba dąų walali po  
\q3 tiwai gilama yali.   
\q1
\v 9 Agai te nosa elaluali tamu ąįba po bomonama obaso,  
\q2 tama tamu ąį te wa pai tǫ tiwai pedelali.  
\q1 Tama agai te we bidi dabe peyu,  
\q2 tama augwa te tamu ąį nogegi pali,  
\q3 te bidi te wa pai tǫdu pabo tiwai ąǫ yai dao.   
\q1
\v 10 Agai augwali te augwa boi bidi  
\q2 dabego nogode ma sali.  
\q1 Agai augwali tąu selama,  
\q2 tama te boi bidi dabego augwali me dolobeo.   
\q1
\v 11 Tiali goli, te węgo te boi bidi dabe mesega selama,  
\q2 tama augwali isai dao.  
\q1 Tama me deli te bidibo ula me elalubeo.   
\q1
\v 12 Genuai Bidigo tama tibaso,  
\q1 tama aga we bidi dabe augwaligo augwa  
\q2 te agai dąų walali poba homu kęą pelama,  
\q1 tama augwa tęąbi wabode  
\q2 te agai nogi ugwaba sabo po walio.\x * \xo 106:12 \xt Sai 14:21-31; 15:1-21\x*   
\b  
\q1
\v 13 Tiali goli, polo tama mu, te augwaligo  
\q1 Genuai Bidigo yali sę dabede  
\q2 homu kone ebo tagalalio.  
\q1 Tama augwaligo te Godigo po bolo hasia me sabeo.  
\q1 Augwaligo yali sę dabe te augwa  
\q2 homugo digi nigilama yalio.   
\q1
\v 14 Te masigi tǫ wa pai bulude,  
\q2 augwaligo haliga te tuabo naiba homu hogodalu,  
\q2 tama augwaligo te God usu sai dao.   
\q1
\v 15 Augwaligo Godiba te nai po  
\q2 hanalubaso, tama agai augwaliba  
\q3 mawai, tiali goli, agai te genuai gasi augwaliba  
\q3 pedalumainu ilalio. \x * \xo 106:15 \xt Nam 11:4-34\x*   
\b  
\q1
\v 16 Augwali te wa pai bulu pesagede  
\q3 bidalu, tama bidi mebago  
\q2 te Moses de Aron sigo ebo sęde  
\q3 pesa homu yalio, te bidi si  
\q2 te Genuai Bidigo sę yali sę bidi si dao.   
\q1
\v 17 Tialima, genuai dedage  
\q3 te tǫde pedelama,  
\q2 tama Datan dali, Abiram,  
\q3 me te augwa si hani dabe dali,  
\q2 augwali te dedageba tulaluama,  
\q2 tama te tǫ pania selama,  
\q2 tama augwali mesega sai dao.   
\q1
\v 18 Tama augwali wali pali bidi dabeba te sia tulaluama,  
\q2 tama te siago te dwai sę yali we bidi  
\q3 dabe ulai dao. \x * \xo 106:18 \xt Nam 16:1-35\x*   
\b  
\q1
\v 19 Augwali te bulu du Horepde bidalu,  
\q2 tama augwa te bulmakau me deli te golgo nigilama,  
\q2 tama augwa te tibo godiba lotu wai dao.   
\q1
\v 20 Augwaligo te nosa tubo bulmakau  
\q2 piksa selama, tama augwa teba lotu wali.  
\q1 Te kolesagago augwaligo  
\q2 te Godigo genuai nogi aiyaba elalubo sę yali.   
\q1
\v 21 Godigo te Isipde bomai sę mu elama,  
\q2 tama te Israel dabe te Isip dabego  
\q3 nogode ma dobola sali.  
\q1 Tiali goli te Israel dabego te tiali sę  
\q2 te homu kone me palubeo.   
\q1
\v 22 Godigo te genuai polalubo bomai  
\q3 sę dabe te Isipde yali,  
\q2 tama te nosa yai tamu ąįde  
\q3 te agai gasagi yai sę mu yalio,  
\q2 tama te we bidi dabe dwai noma mu sai dao.   
\q1
\v 23 Tialima, me sogo nosali  
\q2 Godigo te aga we bidi augwali dolaibao po wali.  
\q1 Tiali goli, Moses, te Godigo dąį  
\q2 muani sę bidi, aga te God geduba doligi pelama,  
\q2 tama agai te Israel dabe tau siyu,  
\q2 tama Godigo haliga sębę yali togolama panibaso,  
\q2 tama Godigo augwali me dolobeo. \x * \xo 106:23 \xt Sai 32:1-14\x*   
\b  
\q1
\v 24 Tama nosali augwaligo te wiegi yai  
\q3 tǫ wei isiąwai, magi baso meni,  
\q2 augwaligo te Godigo dąų walali poba  
\q3 homu kęą pabeo.   
\q1
\v 25 Augwali te ugwa bede bidalu,  
\q2 tama Godiba wado po weyu yai,  
\q2 tama augwaligo te Genuai Bidigo po wali me pabeo.   
\q1
\v 26 Tialima, Godigo bomai po augwaliba  
\q3 mayu, tama augwali te tǫ wa pai  
\q3 masigi tǫ bulude isaibao po walio. \x * \xo 106:26 \xt Nam 14:1-35\x*   
\q1
\v 27 Tama agai te nosali pedalubo  
\q2 wąį nǫų dabe ela gudulama sela sąyu,  
\q2 te augwali gasa hani dabe tomoba bidigi pelama,  
\q2 tama augwali te gasa bulu tǫ pedaide  
\q2 isaibao, te po wai dao. \x * \xo 106:27 \xt Prs 26:33\x*   
\b  
\q1
\v 28 Nosali augwaligo te bulu Peorde  
\q2 te tibo god Bal dabeba lotu wai dao,  
\q1 tama augwa te bidibo ula elalusiąbo  
\q2 te god dabeba ofa mabo nai dabe tuai dao.   
\q1
\v 29 Te kolesagade te Genuai Bidigo  
\q2 augwaliba wado yabo sę ilibaso,  
\q1 tama agai te dwai genuai gasi augwaliba  
\q2 tagala palai dao.   
\q1
\v 30 Tiali goli, Finias hogodalu,  
\q2 tama te dwai sę ebo bidi dabeba  
\q3 te dwai dene mobaso, tama te genuai gasi silalio.   
\q1
\v 31 Tama megi sogoba usu nagasu dago  
\q2 agai te doloba pai kolesaga yali homu kone palubao,  
\q2 tama nosali nosali me, tigidali we bidigo  
\q3 te tiwai homu emainu ebo dao. \x * \xo 106:31 \xt Nam 25:1-13\x*   
\b  
\q1
\v 32 Te Israel dabego te Godigo wado  
\q3 te Meriba węde yabo sę ilali,  
\q2 tama Moses te augwaligo yali sęde sęgę salio.   
\q1
\v 33 Augwaligo te Moses haliga dwai mu yabo sę ebaso,  
\q2 tama te agai te dolo isąbo po wai. \x * \xo 106:33 \xt Nam 20:2-13\x*   
\b  
\q1
\v 34 Te Genuai Bidigo augwalibolo  
\q2 te gasa hani dabe tigidali ela muao po wali.  
\q1 Tiali goli, augwaligo te bage tigidali me  
\q3 ela mubeo. Menio.   
\q1
\v 35 Te Israel dabego te Godigo po  
\q3 odisąwani hani bagede we sali,  
\q2 tama augwaligo ebo dwai kolesaga wali palio.   
\q1
\v 36 Tama augwa te tibo godiba lotu obaso,  
\q2 tama tego te Godigo augwa  
\q3 dolomainu ilai dao. \x * \xo 106:36 \xt Tob 2:1-3; 3:5-6\x*   
\q1
\v 37 Augwaligo te augwa wai ogwa me,  
\q2 wegi me, ela munama,  
\q2 te tibo god dabeba ofa yai dao. \x * \xo 106:37 \xt 2 Kin 17:17\x*   
\q1
\v 38 Augwaligo te augwa ogwa me  
\q2 wegi dabe digi elalio.  
\q1 Te wai dabego te magi dwai sę me isiąwani,  
\q1 tiali goli, augwa te augwali elama,  
\q1 tama augwali te Kenan tibo god dabeba  
\q2 ofa tiwai elama mawai.  
\q1 Tama tialima, augwaligo kanemego  
\q2 te tǫ meda pedelai dao. \x * \xo 106:38 \xt Nam 35:33\x*   
\q1
\v 39 Te kolesagago augwali te God  
\q3 gedude meda yai pedelalio,  
\q1 tama augwaligo te God tudiba munama,  
\q1 tama augwaligo aga wali me pabeo.   
\b  
\q1
\v 40 Tialima, Genuai Bidigo aga we bidi dabeba  
\q3 te wado mu elama,  
\q2 tama agai augwali wei ma ebeo.   
\q1
\v 41 Tama agai augwali tagalama,  
\q2 te gasa hanigo augwali tonalumainu yali.  
\q1 Tama tiyu, augwali te boi bidi dabego dologode bidiyu,  
\q2 tama te boi bidi dabego nogode bidai dao.   
\q1
\v 42 Te boi bidi dabego augwaliba sęgę hauwa menama,  
\q2 tama augwali te augwaligo bomo  
\q3 dologode mu bidalio.   
\q1
\v 43 Te hauwa sogo mu Genuai Bidigo  
\q2 te aga hani bage tau sali,  
\q1 tiali goli, augwa digi te augwa homu wali ma peyu,  
\q2 tama augwa hagoma elama, tama agai po sela sąyu,  
\q2 tama augwa te dwai sę ebo kolesaga  
\q3 tomoba mu palio.   
\q1
\v 44 Tiali goli, augwa te Genuai Bidiba  
\q2 i weyu, gedu haluasa po wabo sogo,  
\q3 agai te augwaligo gedu haluasa po odolama,  
\q2 tama augwali te dwai bidibo te homu dene yalio.   
\q1
\v 45 Agai augwali homu dene mu elama,  
\q2 tama aga dąų walali poba homu kone ma palali.  
\q1 Tama aga homu ma hasegelalio.   
\q1
\v 46 Agai te Israel dabe kalabus yali  
\q3 boi bidi dabego homu hodolobaso,  
\q2 tama augwaligo te Israel dabe  
\q3 homu dene yalio. \x * \xo 106:46 \xt Tob 2:14-18\x*   
\q1
\v 47 God, dena Genuai Bidi, nago da te  
\q2 gasa hani dabego nogode ma sao.  
\q1 Tama nago da te dena tǫba ma odasa asao.  
\q1 Tama tiyu, dago nageba homu kone paliyu,  
\q1 te nage tedali wiegi yai mu da, te homu elama,  
\q1 tama dago nago nogi ugwaba siyu,  
\q1 tama nageba te usu da weyu,  
\q2 te wiegi yai pemene dali mabo dao po wagameo.   
\b  
\q1
\v 48 Dago te Genuai Bidigo nogi  
\q2 ugwaba sao, te da Israel dabego God,  
\q3 megi, me tigidali sogo nosali.  
\q1 Tama tigidali we bidigo te po waiyąo, “Mu dao,” wao.  
\q1 Genuai Bidi nogi ugwaba sao po wao. \x * \xo 106:48 \xt 1 Sto 16:35-36\x*   
\c 107  
\ms1 Buku 5  
\mr (Tib 107–150)  
\s1 Dago Godigo te wiegi yai kolesagade pemene yao  
\r (1 Sto 16:34; 2 Sto 5:13; 7:3; Esr 3:11; Tib 100:5; 106:1; 118:1; 136:1; Jer 33:11)  
\q1
\v 1 Dago Genuai Bidiba puba hwi po wao.  
\q1 Magi baso meni, agai daba  
\q2 te wiegi yai mu ebao.  
\q1 Sesemane sesemane sogo agai da wei mu ebo dao.   
\q1
\v 2 Dage tigidali we bidi, Genuai Bidigo dage  
\q2 te boi bidi dabego nogode ma sali,  
\q1 dage dali, ena me, dago te Genuai Bidi  
\q2 nogi ugwaba sinao.   
\q1
\v 3 Agai dage we bidi dabe te gasa bulu tǫ badu,  
\q1 te giliga pedalubo badu, ma giliga dega sabo badu,  
\q1 me te not badu, ma saut badu, te ma sai dao.   
\q1
\v 4 Meba te genuai bulu te kemi tǫ  
\q2 wa pai bulude bilaluai dao.  
\q1 Te augwali bidigi pabo madi  
\q2 te taunba pabo sunumi me deli te me subeo.   
\q1
\v 5 Augwali te nasi mu elama, tama te wę nogonego siyu,  
\q2 tama augwa homugo te augwali dolaiba homu yai.   
\q1
\v 6 Augwali te tiwai dwai bidibaso,  
\q2 teda augwa te Genuai Bidiba i obaso,  
\q2 tama agai wiegi yai sę mu eyu,  
\q3 te augwali tau sai dao.   
\q1
\v 7 Agai augwali pabo dodolama,  
\q2 tama augwali odasa peyu, tama augwali te taun me  
\q3 deliba pedelama, te augwali tede bidai.   
\q1
\v 8 Tialima, augwaligo te Genuai Bidiba  
\q3 usu da mu waiyąo, te sesemane agai augwali  
\q3 homu dene mu elama,  
\q2 tama agai augwali tau sabo sę wiegi yai mu yalio.   
\q1
\v 9 Agai te wę nogonego dogoni wa sali  
\q3 we bidi dabeba te wę mayu,  
\q2 tama augwa te wę tulama mu usu yali.  
\q1 Tama agai te nai hauwa te nasi ebo bidi dabeba  
\q1 menama,  
\q2 tama augwa te dwagi yai nai tulama,  
\q2 tama augwa tabi pągąna pali.   
\b  
\q1
\v 10 Meba te be hulia sai madi,  
\q2 te kalabus be tomode bidali.  
\q1 Te bidi dabego augwali te sengo kalabus elama,  
\q2 tama augwaliba te sęgę mawai.   
\q1
\v 11 Magi baso meni, augwaligo  
\q2 te Tigidali Bomo Elalubo Godigo pode hagoma eyu,  
\q2 tama augwaligo agai po sela sąyu ebaso,  
\q2 te augwali kalabus eyu, sęgę mawai dao.   
\q1
\v 12 Augwali te tigi dene sę mu elama,  
\q2 tama augwa bomo tigidali sia sai.  
\q1 Tama augwali te tǫba degasa dulama,  
\q2 tama augwali tau sabo bidi meni yani.   
\q1
\v 13 Augwali te tiwai dwai bidibaso,  
\q2 teda augwa te Genuai Bidiba i obaso,  
\q2 tama agai augwali tau selama,  
\q2 tama augwalide elaluali te sęgę dagala sąwani.   
\q1
\v 14 Genuai Bidigo augwali selama,  
\q2 tama augwali te hulia saide bidali tagalu,  
\q2 tama agai augwaligo te sen togolama,  
\q2 tama augwali te kalabus ma elalubeo.   
\q1
\v 15 Tialima, augwa te usu da mu te Genuai Bidi wao.  
\q1 Sesemane sogo agai augwali homu dene mu elama,  
\q2 tama agai wiegi yai sę mu eyu, augwali tau salio.   
\q1
\v 16 Agai augwaligo te brasgo nigali sunumi dabe aluali,  
\q2 tama te kalabus be bagulali obo  
\q3 ain ba aluama, togogo pai dao.   
\b  
\q1
\v 17 Meba te augwa yali dwai kolesagade gasi sali.  
\q1 Augwa te dwai sę hauwa ebaso,  
\q2 tama tialigo augwa te sęgę tolai dao.   
\q1
\v 18 Augwa te nai tubo hagela yai,  
\q2 tama tiyu, augwa pąde isainu yali.   
\q1
\v 19 Augwa te tiwai dwai bidiyu,  
\q1 tialima augwa te Genuai Bidiba i obaso,  
\q2 tama agai augwalide te sęgę dagala sąyu yalio.   
\q1
\v 20 Aga digi po obaso, tama augwa tigi usu ma ilama,  
\q2 tama augwali te gų pagede ma dobola sai dao.   
\q1
\v 21 Tialima, augwaligo te Genuai Bidiba  
\q3 usu da mu waiyąo,  
\q2 sesemane sogo agai augwali homu dene mu elama,  
\q2 tama agai augwali tau selama,  
\q3 te wiegi yai sę mu yai dao.   
\q1
\v 22 Augwa te agaba usu da wabo ofa emainu yao.  
\q1 Tama augwa te pemene ebo tęąbi po weyu,  
\q2 tama te we bidi dabeba  
\q2 te agai wiegi yai sę yali po pusao.   
\b  
\q1
\v 23 Bidi meba te moni geba sipde boskru sę eyu,  
\q2 tama augwali te genuai tamu ąįdu  
\q3 te tigidali buluba tedelama pobao,  
\q2 tama te walu selasa pabo bisnis sę  
\q3 te bidi dabede ebo dao.   
\q1
\v 24 Te boskru dabego te Genuai Bidigo  
\q2 ebo sę dabe subao.  
\q1 Augwaligo agai te genuai tamu ąįde  
\q2 wiegi yai sę ebo subo dao.   
\q1
\v 25 Genuai Bidigo po weyu,  
\q2 tama agai te genuai boma pai wali te nai hodolama,  
\q2 tama tego te moni dobo dwai biksi hodolubo dao.   
\q1
\v 26 Te sip dabe ugwaba mu holama,  
\q2 tama aiyaba mu dulu ebao.  
\q1 Tama tiyu, te boskru dabego te augwali  
\q3 dolaiba homu elama,  
\q2 tama augwa wi dwai ebo dao.   
\q1
\v 27 Augwali te sipde umuna sai biliyu,  
\q3 te bomai wę tuai bidi tiwai ebao,  
\q2 tama augwaligo te sip tau siyu,  
\q3 te magi sę me deli ebaso, te usugobeo.   
\q1
\v 28 Augwali te tiwai dwai bididubaso,  
\q2 teda augwa te Genuai Bidiba i olama,  
\q2 tama agai augwali tau selama, tama augwalide  
\q3 te sęgę dagala sąwaibao.   
\q1
\v 29 Agai te moni wali me biksi silimainu elama,  
\q2 tama te tamu ąį ma hogodalugobeo.   
\q1
\v 30 Augwaligo te tamu ąį dua digi bidibo sulama,  
\q2 tama augwa wiegi yai pemene mu elama,  
\q2 tama Genuai Bidigo augwali odasa pelama,  
\q2 te taun sesege, te augwa painu yali  
\q3 madiba, sabalubo dao.   
\q1
\v 31 Tialima, augwa te Genuai Bidiba  
\q3 usu da wao, sesemane sogo  
\q3 agai augwali wei mu ebao,  
\q2 tama agai augwali tau siyu,  
\q3 wiegi yai sę mu ebo dao.   
\q1
\v 32 Te augwali Godigo we bidi dali  
\q2 sisinibo sogo, augwaligo  
\q3 te agai genuai nogide po pusa mao.  
\q1 Augwali te tobolu bidi dabe dali  
\q2 sisinama, tama augwaligo agai nogi  
\q3 augwa tomode ugwaba somainao.   
\b  
\q1
\v 33 Genuai Bidigo te genuai wę  
\q3 te mu sula somainu elama,  
\q2 tama te tǫdu pedalubo wę tigidali  
\q3 sula somainu ebo dao.   
\q1
\v 34 Te ili elalubo tǫgo te tamu elalubo tǫ  
\q3 pedalumainu elama,  
\q2 tama tede te magi nai deli me pedalisiąwai.  
\q1 Magi baso meni, te badu bidi dabego  
\q3 te dwai kolesaga ebaso,  
\q2 tama Genuai Bidigo te tama tiwai sę ebo dao.   
\q1
\v 35 Genuai Bidigo te tǫ wa pai bulude  
\q3 te wę hauwa pedalumainu elama,  
\q2 tama te wa pai bulude wę hauwa elalumainu yalio.   
\q1
\v 36 Tama agai te tubo nai meni yai  
\q2 bidi dabe tede bidimainu ilama, augwali tede  
\q2 bidalu,  
\q2 tama augwa te taun nigilama,  
\q2 tama augwa tede bidali.   
\q1
\v 37 Augwa te nai dabe, me te ni wain dabe bulama,  
\q2 tama augwa te nai me wain hauwa salio.   
\q1
\v 38 Genuai Bidigo te aga we bidi dabeba  
\q2 wiegi yai sę ela mani.  
\q1 Tama tiyu, augwa te wai hauwa ame neyu,  
\q2 tama agai te bulmakau dabe me  
\q3 hauwa pedalumainu ilalio.   
\b  
\q1
\v 39 Te boi bidi dabego augwali te hwįyu,  
\q3 aiyaba elaluama,  
\q3 te augwali hale emainu ebo sogo,  
\q2 tama augwali aiyaba mu elaluama,  
\q2 tama augwaliba dene mawai.   
\q1
\v 40 Genuai Bidigo te boi bidi dabego  
\q3 tobolu bidi dabe te olo nai tiwai naga  
\q3 pedalumainu elama,  
\q2 tama agai augwali te wa pai bulude  
\q3 te sunumi meni yai madi bilalumainu yalio.   
\q1
\v 41 Tiali goli, te magi doado bage  
\q2 meni yai bidi dabe te dwai bidibaso,  
\q2 agai augwali tau sali.  
\q1 Tama agai te augwaligo wai dabe  
\q2 te hauwa te sipsip dabe tiwai pedalumainu yai.   
\q1
\v 42 Te doloba pai we bidi dabego te sulama,  
\q2 tama augwa bugai haliga yalio.  
\q1 Tiali goli, te dwai bidi dabego po meni yani.  
\q1 Augwa pedauwali pania siyu naga yalio.   
\q1
\v 43 Tialima, dage te wiegi yai homu  
\q3 elalubo we bidi dagego  
\q2 te sę tigidali bugagia homu kone palao.  
\q1 Tama dagego te Genuai Bidiba po hanilama pusuyu,  
\q2 te sesemane sogo da wei mu ebo da po waiyąo.   
\c 108  
\s1 Bidigo te gedu haluasa po obaso, te Godigo aga we bidi tau saibao  
\q1
\v 1 God, eno homu te sisi ilama, dodolali  
\q2 elalubao.  
\q1 Megi da, te eno tęąbi weyu,  
\q2 tama nago nogi ugwaba saibao.  
\q1 Ena me pigobeo, te ena hogodama tama tiaibao.   
\q1
\v 2 Eno te gita me eliyu, tama musik waibao.  
\q1 Te kigamu mu te eno tęąbi waibao.   
\q1
\v 3 Genuai Bidi, te eno nageba usu da wabo po  
\q2 te gasa hani dabe tomode waibao.  
\q1 Te eno nago nogi te augwali tomode ugwaba saibao.   
\q1
\v 4 Te sesemane sogo nago da wei mu ebao.  
\q1 Te nago wei ebo homu te genuai mu dao.  
\q1 Tama nago te nago po sesemane wali pabo dao.   
\b  
\q1
\v 5 God, te dagalude nago te genuai bomo elalubo  
\q2 nago te tigidali we bidiba ola mao,  
\q1 tama tigidali bulude te tigidali we bidigo  
\q2 nago genuai nogi konemainu yao.   
\q1
\v 6 Nago da wei mu eyu,  
\q2 tama nago dago gedu haluasa po wabo odolama,  
\q2 tama nago genuai bomogo nago da ma selama,  
\q2 tama da bugagia bidimainu yao.   
\b  
\q1
\v 7 God te aga tedali wiegi yai bede bidiyu, te po wai,  
\q1 “Eno te hwįani aiyaba elalubaso,  
\q2 tama ena te pemene elama,  
\q2 tama te Sekem dobayu, tama te Sukot bulu odogo  
\q2 te ena we bidi dabeba dobawaibao.   
\q1
\v 8 Gileat dali Manase, te eno dao.  
\q1 Efraim te eno kapago nigai tobolu madi tiwai gagawali.  
\q1 Tama Juda te king bidigo wiegi yai dono tiwai dao.   
\q1
\v 9 Tiali goli, Moap te eno wę paubo  
\q3 dis pǫu gagawai tiwai,  
\q2 tama Idom te eno su mubo pesage tiwai dao.  
\q1 Tama ena pemene elama,  
\q2 tama eno te Filistia dabe aiyaba elaluali i waibao.”   
\b  
\q1
\v 10 God, dego ena augwaligo te bomonama bagulali  
\q2 te taun tomoba odasa pogowe?  
\q1 Tama dego ena te Idomba odasa pogowe?   
\q1
\v 11 God, nago da tudiba muani da, agawe?  
\q1 Te nago dago ami dabe te tau sogobe da  
\q2 homu ebo da, agawe?   
\q1
\v 12 Te dago boi bidi dabe dali hwįbo tau sao,  
\q1 magi baso meni, te bidi dabego naga da  
\q2 tau me sogobeo.   
\q1
\v 13 Te Godigo da tau sobaso da,  
\q2 teda dago te hwįbo ugaba ela holaibao.  
\q1 Tama aga digi te boi bidi dabe aiyaba elaluaibao.   
\c 109  
\s1 Te sęgę elalubo bidigo i walio  
\q1
\v 1 God, eno nago nogi ugwaba sabo da.  
\q1 Iya, nago eno gedu haluasa po wabo  
\q3 odoyu, tama wei ponao.   
\q1
\v 2 Magi baso meni, te dwai bidi dabego,  
\q2 me te tibo po wabo bidi dabego  
\q3 enaba boi bidi eyu,  
\q2 tama gasa we bidibolo enade tibo po obao.   
\q1
\v 3 Augwaligo po dwai mu enade wali,  
\q2 tiali goli augwaligo po te odolali walio.  
\q2 Te po page menio.   
\q1
\v 4 Eno augwali wei elama,  
\q2 tama eno gedu haluasa po weyu, augwali tau sali,  
\q2 tiali goli augwaligo ena wei me ebeo.   
\q1
\v 5 Eno wiegi yai kolesaga augwaliba yali,  
\q2 tiali goli, augwaligo dwai kolesaga  
\q3 enaba wei ponani.  
\q1 Eno augwali wei mu yali, tiali goli, augwaligo ena  
\q3 wei homu meni yai.   
\b  
\q1
\v 6 Te bidi dwai me deli nigilama, te agai eno boi bidigo  
\q2 po te po tųde dagalumainu emainao.  
\q1 Te aga boi bidi me deligo digi aga po tų ela momainao.   
\q1
\v 7 Te po tų odobo bidigo te bidigo  
\q3 dwai sę yali hanila palama,  
\q2 tama aga te kalabusiba tagala palao.  
\q1 Tama agai te bidigo gedu haluasa  
\q2 po wali me te sęgę da homu yaibao.   
\q1
\v 8 Eno homugo te aga polo tama isimainu homu elama,  
\q2 tama gasa bidigo te agai sę yali  
\q3 pesage somainu yao po wai. \x * \xo 109:8 \xt Tpi 1:20\x*   
\q1
\v 9 Tama eno homugo aga isimainu elama,  
\q2 tama aga wai dabego aya meniama,  
\q2 tama aga wego te bidi me te meni emainu yao.   
\q1
\v 10 Tama eno homugo te aga wai dabego be meniyu,  
\q2 tama augwa dwai mu bidimainu yao, wali.  
\q1 Augwaligo te augwa bidibo bede te tologa pali bede  
\q2 megi bidibadi te ela gudulama, sela sąmainu yao.   
\q1
\v 11 Te boi bidigo te bidi mebade negeli elalubaso da,  
\q2 eno homugo te bidi dabe aselama,  
\q2 tama te bidi dabego te agai tǫ  
\q3 dagala sagasomainu yao,  
\q2 te tigidali doado bage agai te bidigo abelimainu  
\q3 sę yali nai tigidali te somainu yao.   
\q1
\v 12 Eno homugo te bidi me deligo agaba  
\q2 te olo tau sabo wiegi yai kolesaga  
\q3 me egobe, homu yai.  
\q1 Tama te me deligo te aga aya meni yai wai dabe  
\q2 homu dene me egobe, homu ebao.   
\q1
\v 13 Eno homugo te agai wai dabe isimainu homu ebao,  
\q2 tama te nosali pedalubo hani dabego  
\q2 te bidigo nogide homu kone me isiąyu me egobeo.   
\q1
\v 14 Eno homugo Genuai Bidigo te dwai kolesaga  
\q2 te aga hani wąį nǫų dabego yali sęba  
\q3 homu kone palumainu ebao.  
\q1 Tama agai te aga idago sęgę sela sąmainu  
\q2 me egobe homu ebo dao.   
\q1
\v 15 Genuai Bidigo te augwa yali  
\q3 dwai sęba me konealudubaso,  
\q2 tama te we bidi dabego aga haniba  
\q3 te homu kone isiąmainu yao.  
\q2 Eno te homu ebao.   
\q1
\v 16 Te bidigo te gasa bidiba olo tau sabo  
\q2 wiegi yai kolesaga yabo homu isiąwani.  
\q1 Agai te magi doado bage meni yai bidi dabe,  
\q2 me te doado bage sǫą pai bidi dabe,  
\q2 me te bomo meni yai bidi dabeba boi bidi eyu,  
\q2 tama te bidi dabe haliga sęgę ilama,  
\q2 tama agai augwali ela muyu yai dao.   
\q1
\v 17 Polobadu agai te gasa bidi dolomainu  
\q3 dwai po wainu yali,  
\q1 teda megi da, aga digi te dolomainao.  
\q1 Agai te gasa bidi dabeba  
\q2 te wiegi yai sę yabo po te Godiba me hanalube,  
\q2 teda agai me te wiegi yai mabo sę me selamuo.   
\q1
\v 18 Agai te gasa bidi dolabo po wabo  
\q2 te sę dene tiwai me ebeo,  
\q2 te bidigo ugwa name te tigide bebo  
\q2 te sę dene me ebo menio.  
\q1 Eno homugo te agai te i ola mabo po  
\q3 te aga tigi tomoba pomainao, te wę tiwai yao,  
\q2 tama aga dili tomoba pabo  
\q3 te wel tiwai gilama emainao.   
\q1
\v 19 Tama aga te pogo aga te ugwago  
\q3 mesege sabo tiwai elama,  
\q2 tama aga haliga te kukulu gudubo  
\q3 tiwai elalumainao.   
\b  
\q1
\v 20 Eno homugo te Genuai Bidigo ena po tų ebo bidiba  
\q2 te tiwai dene momainu yaibao,  
\q1 magi baso meni, augwaligo te dwai po enaba walio.   
\q1
\v 21 Tiali goli, Genuai Bidi, eno God,  
\q2 eno homugo nago ena tau somainu homu ebao,  
\q2 te nago po dąų wali gilama yao.  
\q1 Nage wiegi yai mu eyu, tama nago ena sesemane  
\q3 wei homu elama,  
\q2 tama tiyu, nago ena ma sao.   
\q1
\v 22 Ena dwai bidi mu bidiyu, tama ena odolali bidibao,  
\q2 tama ena dwai dene mu ebao.   
\q1
\v 23 Ena te pabo tiwai eyu, te eno noma te giligade subo  
\q3 tiwai elama, tama te giliga dega sigilubo sogo,  
\q3 te pio ebode silaibao.  
\q1 Ena te tǫde bidalubo nai tiwai te  
\q2 waligo selasa pabo tiwai ebo dao.   
\q1
\v 24 Ena te nai habu selama,  
\q2 tama eno kidu te bomo meni yai.  
\q1 Ena te nomona selama, tama eno dili tigidali  
\q2 te kimi mu isalio.   
\q1
\v 25 Te we bidi dabego ena sulama,  
\q2 tama enaba posobo po wabo dao.  
\q1 Tama augwa tobolu bebegelu, tama ena gisugu mobao.\x * \xo 109:25 \xt Mat 27:39; Mak 15:29\x*   
\b  
\q1
\v 26 Genuai Bidi, eno God,  
\q2 nago ena sesemane wei mu ebao.  
\q1 Nago ena tau selama, tama ena ma sao.   
\q1
\v 27 Te boi bidi dabego konemainu elama,  
\q2 nago naga nago ena tau selama,  
\q3 tama ena ma sabo dao.   
\q1
\v 28 Augwa te po weyu, te Godigo ena dolaibao po wali,  
\q2 tiali goli nago enabolo wiegi yai sę yaibao.  
\q1 Eno homugo te enaba dwai sę ebo bidi dabe aiyaba  
\q3 elalumai homu yai, tama ena naga sę bidigo,  
\q3 eno bugai haliga yaibao.   
\q1
\v 29 Eno homugo te eno boi bidi dabe  
\q3 te genuai hale somainu yaibao,  
\q2 tama augwali te hale dwai mu ebo  
\q3 te we bidi dabego sumainu yao.   
\b  
\q1
\v 30 Tiali goli, eno genuai po dągą weyu,  
\q2 te Genuai Bidiba puba hwi po waibao.  
\q1 Te we bidi dabego lotu weyu sisinibo madi,  
\q2 teda eno nago nogi ugwaba saibao.   
\q1
\v 31 Magi baso meni, agai te magi  
\q3 nai meni yai bidi dabe tau selama, tonalu ebao,  
\q2 te bidi dabego augwali po tų eyu,  
\q2 tama te augwali isimaina obaso, te usu me egobeo.   
\c 110  
\d Te Devitgo asęani balia po me deli dao.  
\s1 Genuai Bidi dali, te aga sa muani king dali side po wali  
\r (Mat 22:44; Mak 12:36; Luk 20:42-43; Tpi 2:34-35; 1 Ko 15:25; Ef 1:20-22; Kol 3:1; Hib 1:13; 8:1; 10:12-13)  
\q1
\v 1 Yawe Genuai Bidigo eno genuai bidiba te  
\q2 tama po wali,  
\q1 “Nago eno dolo nogode dugulalu, te nago boi bidi dabe  
\q2 te eno nage dologoba mubo sogoba usu naibao.”   
\q1
\v 2 Yawe Genuai Bidi te Saionde bidiyu,  
\q2 tama agai nago te bulu hauwa tonalumainu  
\q2 nigilama, tama agai te po waibao,  
\q1 “Nago naga boi bidi dabe tonaluao,” waibao.   
\q1
\v 3 Te nago te boi bidi dabe dali hwįainu ebo sogo,  
\q2 te naga hani bidi dabego usu da,  
\q3 pinao po weyu, te nage dali pelama,  
\q2 tama nage tau somainu yaibao,  
\q2 tama dage te Godigo bulu duba ugwaba holaibao.  
\q1 Tigidali sogo hulide tulubage wę segeni te nosade pedalu,  
\q2 tama te nosago gesi bomo siyu ebo dao.  
\q1 Tama nage me nage te tigidali sogo bomo saibao.   
\b  
\q1
\v 4 Yawe Genuai Bidigo nageba po  
\q2 dąų waliyu, te tiwai wali,  
\q1 “Nage te pris sesemane bidada peyu,  
\q3 bidada pagameo,” wali.  
\q1 “Nage te pris Melkisedek tobage tiwai dao.”  
\q1 Genuai Bidigo te mu po naga weyu,  
\q2 tama agai te aga po me  
\q2 hasegeligobeo. \x * \xo 110:4 \xt Hib 5:6; 6:20; 7:17, 21\x*   
\b  
\q1
\v 5 King bidi, Yawe Genuai Bidi nage dali dolalu,  
\q2 te dąų walainu yaibao.  
\q1 Te aga haliga sębę ebo sogo  
\q3 agai te king dabe dali hwįnama,  
\q2 te agai hwįbo te ugwaba ela holama,  
\q2 tama augwali aiyaba mu elaluaibao.   
\q1
\v 6 Agai te we bidi hani dabego  
\q3 dwai sę yali wei ponama,  
\q2 tama te hwįbo pesagede agai  
\q3 te bidi hauwa ela muaibao.  
\q1 Agai te tigidali tǫ pedai badu te king  
\q2 dabe aiyaba elaluyu, agawaibao.   
\q1
\v 7 Agai te sunumi pąde elalubo  
\q2 te dwasianu ąį gamiade elalubo wę tuaibao.  
\q1 Tama tialima, aga te bomo selama,  
\q2 tama te hwįbo ugwaba ela holaibao.   
\c 111  
\s1 Dago te Genuai Bidi nogi ugwaba sao wali  
\q1
\v 1 Genuai Bidi nogi ugwaba sao.  
\q1 Eno wei ebo homu te bomo elalubao,  
\q2 tama tiyu, eno agaba usu da  
\q3 po wabo genuai mayu,  
\q2 te aga we bidi tigidali sisinibo madi tiaibao.   
\q1
\v 2 Genuai Bidigo te polalubo sę dabe mu ebo dao.  
\q1 Te we bidi dabego te Genuai Bidigo  
\q3 ebo sę te wei mu yali, augwaligo te sę dabe  
\q3 te bugagia koneainu homu yalio.   
\q1
\v 3 Tigidali sę agai ebo te aga genuai nogi  
\q3 pedalumainu yai, tama te wiegi yai mu yali.  
\q1 Te agai doloba pai kolesaga te sesemane elalua pidu,  
\q3 elalua pabo dao.   
\b  
\q1
\v 4 Genuai Bidigo te we bidigo homu hodolama,  
\q2 te augwaligo agai ebo wiegi yai  
\q3 sę dabe te sesemane sogo  
\q3 homu konealumainu yai.  
\q1 Sesemane sogo Genuai Bidigo te olo  
\q3 tau sabo wiegi yai kolesaga eyu,  
\q2 tama da homu dene eyu, tau sabo dao.   
\q1
\v 5 Agai te agade wi ebo we bidi dabe  
\q3 tubo nai mabo dao.  
\q1 Agai te aga hani bage dali dąų walali pode  
\q2 te homu kone gegeda peyu me egobeo.   
\q1
\v 6 Agai te meba hanigo tǫ  
\q2 te aga hani we bidi dabeba mawai.  
\q1 Tama tiyu, te kolesagade agai te aga bomo  
\q2 te aga te augwaliba ola mawai dao.   
\b  
\q1
\v 7 Agai kolesaga te mu elalu, te dolo mu elalubao.  
\q1 Dago te agai bomai po tigidaliba  
\q2 homu kęą pelama, wali pobaso, te usu dao.   
\q1
\v 8 Te Godigo bomai po sesemane elalubao.  
\q1 Godigo te wiegi yai doloba pai kolesaga naga elama,  
\q2 tama te bomai po dodolama, elalubo dao.   
\b  
\q1
\v 9 Agai aga we bidi augwali ma abelali.  
\q1 Tama agai augwali dali te bomai po me deli dąų walali,  
\q2 tama te dąų walali bomai po te  
\q2 sesemane elalua peyu, elalua pobao.  
\q1 Genuai Bidi aga te tedali wiegi yai da,  
\q2 tama agai te tigidali bomo elalubao.   
\q1
\v 10 Te bidi te kolesaga koneai bidi  
\q2 pedelainogo eyu da, aga te Godide wi yao.  
\q1 Agai te wiegi yai homu kolesaga  
\q2 te agaba homu mubo we bidiba mabo dao.  
\q1 Dago aga nogi sesemane bidada pabo sogo ugwaba sao.\x * \xo 111:10 \xt Jop 28:28; Prs 1:7; 9:10\x*   
\c 112  
\s1 Dwagi yai we bidi augwaligo homu pemene ebo dao  
\q1
\v 1 Genuai Bidigo nogi ugwaba sao.  
\q1 Genuai Bidi dali wi eyu,  
\q2 agai bomo yai po wali pabo bidi,  
\q2 agai dwagi yai homu yaibao.   
\q1
\v 2 Agai wai dabego genuai nogi  
\q2 augwali we bidi tomode elaluaibao.  
\q1 Godigo te dwagi yai bidigo hani dali dwagi yai sę yaibao.   
\q1
\v 3 Agai we wai augwaligo mone dali nai hauwa siyu,  
\q2 tama augwali bugagia sesemane sogo bidaibao.   
\b  
\q1
\v 4 Hulia sai elaluai, tialima ula pedelama,  
\q2 dwagi yai bidi dabe augwali te ulago tau sabo dao.  
\q1 Dwagi yai bidigo gasa we bidi dali dwagi yai sę eyu,  
\q2 augwali bugagia olo tau sabo homu elama,  
\q3 dolo bugagia bilibo dao.   
\q1
\v 5 Dwagi yai kolesaga ebo bidi aga dali  
\q2 gasa bidigo nai negeli aga dali somainogo ebo,  
\q2 tama aga masigi sabo sę bisnis ebo  
\q3 tigidali bugagia dolo pabo,  
\q3 te bidigo homu dwagi yai yao.   
\q1
\v 6 Dwagi yai bidi aga tula mugobeo,  
\q2 tama we bidi augwaligo homugo  
\q3 aga gegeda pogobeo.   
\b  
\q1
\v 7 Agai te sęgę pedelabo po odolama,  
\q2 aga wi homu me egobeo.  
\q1 Agai Genuai Bidi dali konealubo po  
\q2 bomo elama, dąų wabo dao.   
\q1
\v 8 Agai te magi nai dabe dali wi eyu,  
\q2 moni homu me ebo menio.  
\q1 Tama agai koneai, te boi dabe augwali  
\q2 hwįbo digi hagabo dao.   
\q1
\v 9 Agai nai hauwa nai meni yai bidi dabe  
\q2 augwali mabo dao.  
\q1 Agai dwagi yai kolesaga sesemane sogo ebo dao.  
\q1 Tama agai genuai nogi agai bulude elaluaibao,  
\q2 tama augwaligo aga nogi ugwaba saibao. \x * \xo 112:9 \xt 2 Ko 9:9\x*   
\q1
\v 10 Dwai sę ebo bidi dabe, augwaligo te sę ebo sulama,  
\q3 wado po wabo dao.  
\q1 Augwaligo te dwagi yai bidi dali dwai homu ebo dao,  
\q2 tama nosali augwali mu dolobo dao.  
\q1 Tama augwaligo te dwagi yai nai  
\q2 sainogo tonaluali nai mu sogobeo.   
\c 113  
\s1 Te Godigo wiegi yai sę augwaliba ebaso, te augwa wiegi yai pemene yai  
\q1
\v 1 Genuai Bidigo nogi ugwaba sao.  
\q1 Dage Genuai Bidigo sę bidigo,  
\q2 te Genuai Bidigo nogi ugwaba sao.   
\q1
\v 2 Da tigidaligo te wiegi yai pemene  
\q2 te Genuai Bidigo nogide yao,  
\q2 megi, me tigidali bidada pabo sogo  
\q3 nosali, te tama tiao.   
\q1
\v 3 Te giliga pedalubo badu,  
\q2 me giliga dega sigulubo badu,  
\q2 teba usu nigi peyu, da tigidali we bidigo te Genuai  
\q2 Bidi nogi ugwa sao.   
\q1
\v 4 Genuai Bidigo te tigidali hani bage tonalubao.  
\q1 Te aga genuai nogigo te tigidali  
\q2 dagalude nai aiyaba elaluai dao.   
\b  
\q1
\v 5 Dago God Genuai Bidi tiwai bidi me deli elalubeo.  
\q1 Aga te ugwadu mu bidibao.   
\q1
\v 6 Agai te dagalu me tǫ dali suainu, aiyaba tonalubao.   
\q1
\v 7 Agai te magi nai meni yai bidi dabe tau sobaso,  
\q2 tama augwali dwai me ma bidibeo.  
\q1 Augwali bugagia naga bidibao.  
\q1 Agai te doado bage sǫą pali bidi dabe tau selama,  
\q2 tama augwa usu nama sabo dao.   
\q1
\v 8 Agai te aga bage tobolu bidi  
\q2 dabe dali munama, bidibo dao.   
\q1
\v 9 Tama agai te wai ame nisąbo we  
\q3 dabeba bugai sę elama,  
\q2 tama augwa te wai hauwa ame nomainu ebaso,  
\q2 tama te we dabe augwa pemene mu ebo dao.  
\q1 Te Genuai Bidigo nogi ugwaba sao.   
\c 114  
\s1 Pasovago tęąbi po e dao  
\q1
\v 1 Polobadu Israel dabego te Isip tagalama  
\q2 pelawalio.  
\q1 Te Jekopgo hani dabego te gasa hani  
\q2 dabego bulu taga soai dao. \x * \xo 114:1 \xt Sai 12:51\x*   
\q1
\v 2 Te augwaligo tama tiali sogo,  
\q2 te Juda te Genuai Bidigo  
\q2 tedali gasagi yai hani bage pedaliyu,  
\q2 te Israel dabe me tama tiali.   
\b  
\q1
\v 3 Te nosa elalubo tamu ąį agai  
\q3 te tonono elama, tama wi palio,  
\q2 tama te wę Jordan dolalu,  
\q2 tama te wę ma soabeo. \x * \xo 114:3 \xt Sai 14:21; Jos 3:16\x*   
\q1
\v 4 Te genuai bulu du dabe  
\q2 te meme sasa mano pelabo tiwai eyu,  
\q1 tama te dwasianu bulu du dabe  
\q2 te sipsip dabe sasa mano pelabo tiwai yalio.   
\b  
\q1
\v 5 Tamu ąį, magi nai pedalubaso, nage wi paliwe?  
\q1 Jordan wę, magi baso tama nage ma soabewe?   
\q1
\v 6 Te bulu du dabe, magi baso dage te meme sasa mano  
\q3 pelabo tiwai ebawe?  
\q1 Te dwasianu bulu du dabe, magi baso dage  
\q2 te sipsip sasa mano pelabo tiwai ebawe?   
\q1
\v 7 Tǫ, megi da Genuai Bidi asobaso,  
\q2 tama nage mumunu yao.  
\q1 Te Jekopgo God asalio, tama nage mumunu yao.   
\q1
\v 8 Agai te masigigo ulu wę pedalumainu ilali,  
\q2 tama te bulu du masigigo  
\q3 te genuai soabo wę pedalubo dao.\x * \xo 114:8 \xt Sai 17:1-7; Nam 20:2-13\x*   
\c 115  
\s1 God deli naga te God mu dao  
\q1
\v 1 Genuai Bidi, sesemane sogo nago da wei  
\q2 mu ebo da, tama nago da me  
\q3 tagalubo menio.  
\q1 Tama tialima, dago nago genuai nogi  
\q3 naga ugwaba saibao.  
\q1 Dago digi dena nogi ugwaba me sogobeo.   
\b  
\q1
\v 2 Magi baso te gasa hani dabego dabolo  
\q2 te tiwai po hanalu obawe,  
\q1 “Te duga God menade bidibawe?”   
\q1
\v 3 Dago God te dagalude bidibao.  
\q1 Te agai magi sę me deli yabo homu ebaso da,  
\q2 teda agai te sę eyu naga ebo dao.   
\q1
\v 4 Te gasa hani dabego te augwa tibo god dabe  
\q2 te gol me silvago nigali.  
\q1 Te bidi dabego naga te augwali nigibo dao.   
\q1
\v 5 Te tibo god dabe pedauwali elalubao,  
\q2 tiali goli augwaligo po obaso, usu me egobeo.  
\q1 Augwaligo gedu elalubo,  
\q2 tiali goli augwa tonono bilibaso, usu me egobeo.   
\q1
\v 6 Augwa olo elalubao, tiali goli augwa po me odogobeo.  
\q1 Augwa guni elalubo, tiali goli augwa  
\q3 te nai denami odogobeo.   
\q1
\v 7 Augwa nogo elalubao, tiali goli augwa  
\q3 te nai me tola sogobeo.  
\q1 Tama augwa sągą me elalubo,  
\q2 tiali goli augwali me biligobeo.  
\q1 Tama augwaligo te i me deli weyu,  
\q3 ma gela deli me wagobeo.   
\q1
\v 8 Eno homugo te bidi dabego te tibo god nigibaso,  
\q2 augwali te augwa tibo god tobage tiwai nigali god  
\q2 dabe pedelaibao. \x * \xo 115:8 \xt Tib 135:15-18; Ped 9:20\x*  
\q1 Tama te tibo god dabeba homu kęą pabo we bidi dabe,  
\q2 augwali me te tiwai pedelaibao.   
\b  
\q1
\v 9 Dage Israel we bidi, dagego konealubo homu  
\q2 te duga Genuai Bidiba muiąo.  
\q1 Agai dage tau siyu, tama dage tonalubo dao.   
\q1
\v 10 Dage te Godigo pris te Arongo hani,  
\q2 dagego homu te Genuai Bidiba kęą pao.  
\q1 Agai dage tau siyu, tama dage tonalubo dao.   
\q1
\v 11 Dage te Genuai Bidide wi ebo  
\q2 we bidi, dagego konealubo homu agaba dąų wao.  
\q1 Agaduba deligo naga dage tau selama,  
\q2 tama dage tonalubo dao.   
\b  
\q1
\v 12 Genuai Bidigo te sesemane sogo  
\q3 dade homu kone paliyu,  
\q2 tama agai da wiegi yai bugagia ilaibao.  
\q1 Agai te Israel dabe bugagia wiegi yai ilama, tama  
\q2 te Godigo pris haniba tama tiaibao.   
\q1
\v 13 Genuai Bidigo te agade wi ebo we  
\q3 bidi bugagia wiegi yai ilaibao,  
\q2 te nogi yai we bidi, me te nogi  
\q3 meni yai we bidi dabeba,  
\q2 te tama tiwai sę yaibao. \x * \xo 115:13 \xt Ped 11:18; 19:5\x*   
\q1
\v 14 Eno homugo te Genuai Bidigo  
\q2 dageba te wai hauwa momainu homu yai,  
\q2 tama te duga wąį nǫų nosali pedalubo haniba me,  
\q2 te tama temainu yaibao.   
\q1
\v 15 Genuai Bidigo te dagalu de tǫ si pedalumainu ilali,  
\q2 tama eno homugo agai te wiegi yai sę ebo kolesaga  
\q3 dageba emainao.   
\q1
\v 16 Dagalu te Godigo pesage naga elalubao,  
\q2 tama agai te tǫ da we bidiba mawai dao.   
\q1
\v 17 Te isibo bidi dabe  
\q2 te augwa isali bidi dabego pesageba pobao,  
\q2 augwaligo te Genuai Bidigo nogi  
\q3 ugwaba me sogobeo.   
\q1
\v 18 Tiali goli, da bidibo bagego digi,  
\q2 teda te Genuai Bidiba usu da po wabo,  
\q2 te megi me nosali waiyąo.  
\q1 Te Genuai Bidigo nogi ugwaba sao.   
\c 116  
\s1 Godigo te bidi me deli ma sobaso, tama aga te Godiba usu da wali  
\q1
\v 1 Genuai Bidigo eno i wabo odobo dao.  
\q2 Tama tibaso, eno aga wei mu ebao.  
\q3 Mu tama, agai eno gedu haluasa po wabo odobo dao.   
\q1
\v 2 Agai eno i wabo tigidali odali.  
\q2 Tama tialima, tigidali sogo ena  
\q3 bidibo ula dali bidibo sogo  
\q2 te eno agaba gedu haluasa po waibao.   
\q1
\v 3 Isibogo te bonogo ena kębo tiwai yali.  
\q1 Eno te isibo bidi dabego pesageba homu kone ebode,  
\q2 tama tego ena wi mu ilama,  
\q2 tama ena gasa homu tedali mu yai dao.   
\q1
\v 4 Tama tibaso, eno Genuai Bidiba i olama,  
\q2 tama eno te tama po wali,  
\q1 “Genuai Bidi, eno i wabo te nago ena somainu ebao,  
\q2 tiyu ena isidalio,” wali.   
\b  
\q1
\v 5 Genuai Bidigo te olo tau sabo  
\q3 wiegi yai kolesaga elama,  
\q2 tama dabolo wiegi yai sę ebao.  
\q1 Te dena God agai da homu dene eyu, tau sabo dao.   
\q1
\v 6 Genuai Bidigo te bidi dabe  
\q2 augwa digi augwa tau sabo usu isąbo  
\q3 bidi dabe seselalubo dao.  
\q1 Polobadu gasa bidi augwaligo ena dolainu ebadi,  
\q2 tama agai ena ma dobola sai dao.   
\q1
\v 7 Megi da, eno homu dua digi ma tegalubao,  
\q1 magi baso meni, Genuai Bidigo enaba  
\q2 wiegi yai sę mu yalio.   
\q1
\v 8 Genuai Bidi, nago ena ma selama, tama me isigobeo.  
\q1 Nago eno gedu gela gua wa palama,  
\q2 tama nago ena tonalubaso, tama ena me tulalubeo.   
\q1
\v 9 Tama ena te Genuai Bidi dali te tigidali sogo  
\q3 ena te tǫde bidibo bilaibao.   
\q1
\v 10 Eno tama po wabo sogo,  
\q2 te eno homu Godiba kęą pali,  
\q1 “Te genuai sęgęgo mu ena mesegelalio.” \x * \xo 116:10 \xt 2 Ko 4:13\x*   
\q1
\v 11 Tama ena wi eyu, eno te po wabo sogo,  
\q1 “Eno konealubo homu te mena bidi me  
\q3 deliba me mugobeo,”  
\q2 te sogo me eno konealubo homu te Godiba muanio.   
\b  
\q1
\v 12 Genuai Bidigo enaba wiegi yai sę mu yalio.  
\q1 Tama tialima, eno magi nai agaba mawaibawe?   
\q1
\v 13 Te eno kap wain wę me deli te Genuai Bidi  
\q3 selasa paibao, te Godigo ena ma salio weyu,  
\q2 te dąį ebo ofa tiwai dao.  
\q1 Eno te tama tiyu, te Genuai Bidigo ena ma salide  
\q3 te puba hwi wabo tiwai dao.   
\q1
\v 14 Te aga we bidi tigidali sisinibo madi  
\q2 te eno po dąų wali gilama te tama tiwai yaibao.   
\q1
\v 15 Te Godigo we bidi dabe aga gedude  
\q2 te usu mu elaluali.  
\q1 Tama me deli isibaso da, te aga magi homu me ebe,  
\q2 te olo nai da homu ebeo.   
\q1
\v 16 Genuai Bidi, ena naga sę bidi dao.  
\q1 Eno nago sę ebao, te polobadu idago yali tiwai.  
\q1 Nago ena te kęąluali bono pisigina sąnama,  
\q2 tama ena magi naigo me dąų wasiąma,  
\q2 te olo wiegi yai pedelama bidibao.   
\q1
\v 17 Te eno nageba usu da wabo ofa eyu,  
\q2 tama eno nageba gedu haluasa po waibao po wali.   
\q1
\v 18 Polobadu eno po nageba dąų walali,  
\q2 tama megi da, eno te sę  
\q2 nago we bidi tigidali gedude yaibao.   
\q1
\v 19 Genuai Bidi, eno te tama sę  
\q2 te Jerusalemde, te nago tempel be  
\q2 tomode, te sę yaibao.  
\q1 Dago te Genuai Bidigo nogi ugwaba sao.   
\c 117  
\s1 Te Genuai Bidigo nogi ugwaba sao  
\q1
\v 1 Dage tigidali tǫde bidibo hani bage,  
\q2 te Genuai Bidi nogi ugwaba sao.  
\q1 Awe, dage tigidali we bidi, aga nogi ugwanu sao.\x * \xo 117:1 \xt Rom 15:11\x*   
\q1
\v 2 Agai bomonama, da sesemane godolo mu ebao.  
\q1 Agai te aga po sesemane wali peyu,  
\q2 tama agai da me tagalogobeo.  
\q1 Te Genuai Bidigo nogi ugwanu sao.   
\c 118  
\s1 Te Godigo augwali tau salide te gedu haluasa po weyu, usu da po walio  
\r (1 Sto 16:34; 2 Sto 5:13; 7:3; Esr 3:11; Tib 100:5; 106:1; 107:1; 136:1; Jer 33:11)  
\q1
\v 1 Dago te Genuai Bidiba usu da wao,  
\q2 agai dabolo wiegi yai sę yai.  
\q1 Sesemane bidada peyu, bidada pabo sogo  
\q2 agai da godolo mu ebo dao.   
\q1
\v 2 Da Israel dabego te tama po waiąo,  
\q1 “Agai da sesemane bidada pabo sogo godolo mu ebao.”   
\q1
\v 3 Te Godigo pris dabego me te tiwai po wao,  
\q1 “Agai da sesemane bidada pabo sogo  
\q2 godolo mu ebo dao,” po waiyąo.   
\q1
\v 4 Te Genuai Bidide wi ebo we bidi tigidali, augwaligo  
\q2 te tiwai po waiyąo, “Agai da sesemane bidada peyu,  
\q2 bidada pabo sogo godolo mu ebo da,” waiyąo.   
\b  
\q1
\v 5 Eno sęgę genuai elalubaso, tama eno Genuai Bidiba  
\q3 gedu haluasa po wali,  
\q2 tama agai eno te wabo po odolama,  
\q2 tama te sęgę dagala sąwani.   
\q1
\v 6 Genuai Bidi ena dali bidibaso, tama ena wi me egobeo.  
\q1 Te bidi dabego enaba magi sę deli me  
\q2 yainu usu egobeo. \x * \xo 118:6 \xt Hib 13:6\x*   
\q1
\v 7 Genuai Bidigo digi ena tau sabo dao.  
\q1 Tama te Genuai Bidigo te boi bidi dabe elaluama,  
\q2 tama augwali dolobo te eno suaibao.   
\q1
\v 8 Te dago konealubo homu te Genuai Bidiba muani,  
\q3 te wiegi yai da, tama dago te olo bidi dabeba  
\q3 te konealubo me usugobeo.   
\q1
\v 9 Te dago konealubo te Genuai Bidiba  
\q3 mubaso, te wiegi yai ebao,  
\q2 tama dago te konealubo homu te king dabeba,  
\q2 me te tobolu bidi dabeba muyu, me usugobe dao.   
\q1
\v 10 Te boi bidi hauwago ena bagua sali,  
\q2 tiali goli, te Genuai Bidigo bomogo  
\q3 eno augwali silalio.   
\q1
\v 11 Augwaligo ena te tigidali badu bagua sali,  
\q2 tiali goli, te Genuai Bidigo bomode  
\q3 eno augwali ela silalio.   
\q1
\v 12 Augwaligo ena te bulude elalua pabo  
\q2 hauwa nai tiwai bagua sali.  
\q1 Tiali goli, augwali te kala sia polo  
\q2 sula sabo tiwai eyu, isalio.  
\q1 Te Genuai Bidigo bomode eno augwali ela silalio.   
\q1
\v 13 Augwaligo ena dali bomonama mu hwįani,  
\q2 tama ena hagawainu yali.  
\q1 Tiali goli, Genuai Bidigo ena tau salio.   
\q1
\v 14 Genuai Bidigo ena bomai mu pedalumainu ilalio.  
\q1 Agai digi ena tau siyu, ma dobola sai dao.\x * \xo 118:14 \xt Sai 15:2; Ais 12:2\x*   
\b  
\q1
\v 15 Te Godigo we bidi dabe te augwa ugwa be tomode  
\q3 i wabo odao.  
\q1 Augwa te po obao,  
\q1 “Te Genuai Bidigo bomogo naga te tiwai ebo dao,” wali.   
\q1
\v 16 “Genuai Bidigo genuai bomogo da tau selama,  
\q2 tama dago te boi bidi dabego bomo  
\q3 aiyaba elaluai dao,” wali.   
\q1
\v 17 Ena me isisąbadi tegobeo.  
\q1 Menio, te ena bidibo ula elalu,  
\q2 tama eno te Genuai Bidigo yali sę po dabe pusaibao.   
\q1
\v 18 Eno dwai sę ebaso,  
\q1 Genuai Bidigo enaba te dene mabo sę mu yali, tiali goli,  
\q3 agai ena isimainu me ebeo.   
\b  
\q1
\v 19 Te tempel be sunumi dabe dalao,  
\q1 tama ena te tomoba pelama,  
\q1 tama Genuai Bidigo nogi ugwaba saibao.   
\q1
\v 20 Te e da te Genuai Bidigo sunumi dao.  
\q1 Te doloba pai we bidi dabe naga  
\q2 te tomoba pabo usu yaibao.   
\q1
\v 21 Genuai Bidi, nago eno gedu haluasa  
\q3 po wabo odolama, tama nago ena tau selama,  
\q3 te ena bugagia bidibao.  
\q1 Tama tiyu, eno nago nogi ugwaba sobao.   
\b  
\q1
\v 22 Te masigi te kamda dabego te dwai da homu elama,  
\q2 tama augwaligo sela sąwani, te masigi da  
\q2 te be daga dąų elalu, polalubo masigi pedelali.\x * \xo 118:22 \xt Luk 20:17; Tpi 4:11; 1 Pi 2:7\x*   
\q1
\v 23 Genuai Bidigo digi te tiwai elama,  
\q2 tama dago suali, te wiegi yai mu yai dao.\x * \xo 118:23 \xt Mat 21:42; Mak 12:10-11\x*   
\q1
\v 24 Genuai Bidigo te wiegi yai side dabolo mawai.  
\q1 Dago wiegi yai pemene elama,  
\q2 tama agaba bugai haliga yao.   
\q1
\v 25 Genuai Bidi, dago nageba hanalu, te da ma sao.  
\q1 Nago da tau sobaso, tama dago ebo sę  
\q2 tigidali te wiegi yai pedelaibao.\x * \xo 118:25 \xt Mat 21:9; Mak 11:9; Jon 12:13\x*   
\b  
\q1
\v 26 Godigo te Genuai Bidigo nogide  
\q2 asali bidiba wiegi yai sę emainao.  
\q1 Dago aga nogi te Genuai Bidigo lotu be  
\q2 tempelde ugwaba sao.\x * \xo 118:26 \xt Mat 21:9; 23:39; Mak 11:9; Luk 13:35; 19:38; Jon 12:13\x*   
\q1
\v 27 Genuai Bidi naga aga te God mu dao.  
\q1 Agai da bugagia tonalubao.  
\q1 Te ni nologo dabe tulama,  
\q2 tama peyu, te alta sai bagua sigi pao.   
\b  
\q1
\v 28 Nage eno God da weyu,  
\q2 tama eno nageba puba hwi waibao. Nage eno God,  
\q2 tama te eno nage nogi ugwaba saibao.   
\q1
\v 29 Dagego Genuai Bidiba usu da po wao.  
\q1 Agai daba wiegi yai sę yai.  
\q1 Agai da wei mu elama, tama dabolo te olo tau sabo  
\q2 wiegi yai kolesaga sesemane idubo dao.   
\c 119  
\s1 Godigo bomo yai po te dwagi yai mu po dao  
\q1
\v 1 Niwai bidi dabe augwaligo magi sę me  
\q2 isiąma, bugagia biliyu,  
\q1 tama augwaligo Genuai Bidigo  
\q2 oda mabo bomo yai po wali pali bidi, augwaligo  
\q2 homu dwagi yai yaibao.   
\q1
\v 2 Homu si isiąwai bidi dabe, augwali Godigo po tigidali  
\q2 wali pabo bidi dabe, augwaligo homu dwagi yai yao.   
\q1
\v 3 Mu tama, te bidi dabe augwaligo  
\q2 dwai kolesaga wali pabo menio.  
\q1 Augwaligo Genuai Bidigo bilibo  
\q2 kolesaga tiwai wali bilibo dao.   
\q1
\v 4 Genuai Bidi, nago bomo yai po tigidali dabolo mayu,  
\q2 tama nago te po wai, da dua bugagia bidiyu,  
\q2 nago bomo yai po wali pabo dolo tama yao.   
\q1
\v 5 Eno homugo godolo mu elama,  
\q2 bomo eyu, nago po tigidali wali painogo ebo dao.   
\q1
\v 6 Tama tiyu, eno hale homu me isąwai, magi basowe,  
\q1 eno homugo nago bomo yai po naga konealuai.   
\q1
\v 7 Eno nago da dagalabo doloba pai kolesaga tigidali  
\q3 konea sainu idubadi, eno homu dolo elaluyu,  
\q2 tama eno nago nogi ugwaba sainogo ebo dao.   
\q1
\v 8 Eno nago bomo yai po tigidali wali pabo homu ebao.  
\q1 Tama nago ena tagaligio.   
\s1 Godigo bomo yai po wali pabo bidi po  
\q1
\v 9 Mena tama tiyu, gesi bidigo  
\q2 dwagi yai kolesaga dali biligowe?  
\q1 Agai nago po wali peyu da,  
\q2 aga magi sę me isiąma, dwagi yai bidaibao.   
\q1
\v 10 Eno homu deli naga elalubao.  
\q1 Tama eno homugo nago sę yainogo ebo dao.  
\q1 Eno nago bomo yai po wali pabo  
\q3 tagalidali weyu, nago ena tau sao.   
\q1
\v 11 Eno nago po eno homude munama,  
\q2 tama eno konealuai.  
\q1 Magi baso meni, eno nage dali dwai sę idali weyu tibao.   
\q1
\v 12 Genuai Bidi, eno nage nogi ugwaba sobao.  
\q1 Nago dwagi yai bomo yai po ena ola mao.   
\q1
\v 13 Nago bomo yai po tigidali dabolo pusa mabo po,  
\q1 eno te we bidi augwaliba te po nedama,  
\q2 tama te po augwa homude dąų omainogo tiaibao.   
\q1
\v 14 Te eno nago po wali pabo homu  
\q2 ebogo te mone hauwa saibao  
\q3 homu ebo aiyaba elalubo dao.   
\q1
\v 15 Eno homugo nago eno  
\q2 te sę emainogo ebo homu eno kone palobo dao,  
\q2 tama nago dabolo mabo  
\q2 te po eno bugagia osola subo dao.   
\q1
\v 16 Nago bomo yai po eno godolo mu ebao.  
\q1 Tama eno homugo te po gegeda peyu, tagalogobeo.   
\s1 Godigo bomo yai po dali dwagi yai homu ebo bidi po  
\q1
\v 17 Naga sę bidi ena bugagia bidimainogo,  
\q2 nago dwagi yai sę ena dali emai homu ebao.  
\q1 Tama ena bidibo ula dali bidiyu,  
\q2 nago po eno wali paio.   
\q1
\v 18 Nago eno homu dwagi yai iliyu,  
\q2 tama nago dwagi dwagi yai bomo yai po tigidali  
\q2 eno bugagia koneaibao.   
\q1
\v 19 Ena hauwa sogo e tǫde bidigobeo.  
\q1 Tama nago te bomo yai po ena dali dualigio.   
\q1
\v 20 Eno homugo eno te nago tigidali dwagi yai kolesaga  
\q3 dolo wali pabo homu ebao,  
\q2 tama tede eno moni nasi tiwai elalubao.   
\q1
\v 21 Nago te dwai sę ebo bidi augwali dali  
\q2 wado ebo dao.  
\q1 Tama te bidi dabe augwaligo  
\q2 nago bomo yai po tudiba muyu,  
\q1 tama augwa homu kolesaga wali pai,  
\q2 tebo bidi dabe augwali hagawaibao.   
\q1
\v 22 Augwaligo ena dali posobo po weyu,  
\q2 tama dwai po me weyu yai.  
\q1 Magi basowe, nago bomo yai po eno wali peyu,  
\q2 dwagi yai kolesaga ebaso,  
\q1 augwaligo dwai po ena dali wabo dao.  
\q1 Augwaligo ena dali te tiwai po ma waidalio,  
\q2 nago augwaligo te po wabo sula tagaligio.   
\q1
\v 23 Tobolu bidi augwaligo po miyu,  
\q2 ena elabo tų gegebo dao.  
\q1 Tiali digi, ena nago sę bidi,  
\q3 te eno homugo sesemane sogo  
\q2 nago dwagi yai bomo yai po koneaibao.   
\q1
\v 24 Eno sągą geselebo po nago  
\q2 enabolo mabo, te pode eno homu godolo mu ebao.  
\q1 Nago po ena sesemane sogo eno  
\q2 konemainogo ola mabo dao.   
\s1 Godigo po bomo elama wali pabo bidi po  
\q1
\v 25 Augwaligo ena dolama, tǫba aiyaba elaluai.  
\q1 Nago ena hodolama, bomo ma mawai,  
\q2 te nago wali po wali pelama tiwai.   
\q1
\v 26 Eno tigidali kolesaga te po eno nage dali obadi,  
\q2 tama nago eno po wei ponai.  
\q1 Nago tigidali bomo yai po ola mawai.   
\q1
\v 27 Nago ena ola mayu,  
\q1 nago bomo yai po wali pao weyu,  
\q2 tama eno nago tigidali dwagi  
\q3 dwagi yai homugo koneaibao.   
\q1
\v 28 Tialima, eno homude sęgę mu ebadi.  
\q1 Nago te wali po wali peyu, ena bomo mabo dao.   
\q1
\v 29 Nago ena tonaluali da, te nago tų eno tagalogobeo.  
\q1 Nago dwagi yai kolesaga ena dali  
\q2 nago dwagi yai po ena ola mawai.   
\q1
\v 30 Eno homugo nage mu wali paibao wai.  
\q1 Sesemane sogo nago dwagi yai po eno  
\q3 homugo konebo dao.   
\q1
\v 31 Genuai Bidi, nago enabolo mabo po  
\q2 te eno wali pabo dao.  
\q1 Te nago magi sę me ena dali ebode,  
\q2 ena te sęde hale mąidali homu ebo dao.   
\q1
\v 32 Eno nago po polo wali painogo yaibao,  
\q2 magi basowe, nago dwagi yai  
\q2 kolesaga meba enabolo momainogo  
\q3 eno te homu ebo dao.   
\s1 Bidigo Godigo kolesaga momainogo hanalubo bidi po  
\q1
\v 33 Genuai Bidi, nago dwagi yai po ena  
\q2 bugagia ola mayu,  
\q1 tama tigidali sogo eno te po wali paio.   
\q1
\v 34 Nago te dwagi yai po enabolo  
\q3 hania bugagia ola mayu da, te eno wali paibao.  
\q1 Eno homugo ena hodolobaso da,  
\q2 te eno te dwagi yai po tigidali wali paibao.   
\q1
\v 35 Nago eno sągągo bilibo tų dodoliyu,  
\q2 tama eno nago dwagi yai po  
\q3 wabo wali bilainogo yai, magi basowe,  
\q3 eno te dwagi yai po godolo mu ebo dao.   
\q1
\v 36 Nago eno homu hodoloyu da,  
\q2 te eno nago po wali pabo homu yaibao.  
\q1 Tama eno homugo te mena gasa bidigo  
\q2 nai dabe suyu, homu hodolidalio.   
\q1
\v 37 Nago ena tau selama, te dwai sę ebo tudiba muaibao.  
\q1 Nago ena dwagi yai bugagia ilao,  
\q2 te nago ena dali wali po wali pao.   
\q1
\v 38 Nago te bidi nage dali wi ebo bidi  
\q2 augwalibolo te po mabo dao.  
\q1 Tialima, naga sę bidi, ena dali, nago tiwai yao.   
\q1
\v 39 Eno te dwai po wabo dali wi ebaso da,  
\q2 nago ena tau sali da, te pogo ena aiyaba elalugobeo.   
\q1
\v 40 Eno homugo nago po tigidali wali painogo ebo dao.  
\q1 Nage dwagi yai mu, tama nago bidibo ula  
\q2 ena mawai dao.   
\s1 Godigo bomo yai po dąų wabo bidi po  
\q1
\v 41 Genuai Bidi, nago ena ola mani,  
\q2 nago ena godolo mu eyu, nago ena ma sai.  
\q1 Polobadu nago po weyu, tama tiaiba wai dao.   
\q1
\v 42 Nago ena tau siyu, te dwai bidi dabego ena dali  
\q2 wabo po wei ponomainogo yai, magi basowe,  
\q2 eno nago po koneama dąų wabo dao.   
\q1
\v 43 Nago ena bomo mayu da,  
\q2 te nago mu po tigidali sogo eno pusainogo yaibao,  
\q1 magi basowe, eno nago doloba pai po  
\q3 koneama dąų wai.   
\q1
\v 44 Te nage dwagi yai po eno  
\q1 sesemane bidada pabo sogo wali paibao.   
\q1
\v 45 Eno usu selama, nago po wali painogo yai,  
\q2 tama te badi te dwai kolesgago ena dąų wagobeo.   
\q1
\v 46 Nago po te eno tuni bidi augwali dali waibao.  
\q1 Eno te sę ebo ena hale me egobeo.   
\q1
\v 47 Eno dwagi yai dali nago po wali painogo yai.  
\q1 Magi basowe, eno te dwagi yai po godolo mu ebo dao.   
\q1
\v 48 Eno homugo nago po dwagi yai eyu,  
\q2 tama eno godolo mu ebao.  
\q1 Tama sesemane sogo eno homugo  
\q2 te nago dwagi yai po eno koneaibao.   
\s1 Godigo po bidigo dąų wabo te nai mu dao  
\q1
\v 49 Nago te naga sę bidi enabolo hasia mani,  
\q2 te dąų walali po nago ma koneao.  
\q1 Te tiali eno te pode konealubo po dąų wai dao.   
\q1
\v 50 Ena te homu sęgę ebo sogo  
\q2 te eno homu nagame yai,  
\q1 magi basowe, nago wali po wali peyu,  
\q2 ena bidibo ula mawai.   
\q1
\v 51 Dwai kolesaga ebo bidi  
\q2 augwaligo dwai po ena dali dwai posobo po wai,  
\q1 tama augwaligo ena dali te po obadi,  
\q2 eno nago dwagi yai po tudiba mubo menio.   
\q1
\v 52 Genuai Bidi, nago polobadu enabolo mani  
\q3 te po eno homugo koneyu yai,  
\q2 tama te pogo ena bomo mabo dao.   
\q1
\v 53 Eno suali, dwai bidi dabego  
\q3 nago dwagi yai po bolai,  
\q2 tama eno augwali dali wado po wabo dao.   
\q1
\v 54 Ena eno bulu digibulu bidiyu,  
\q2 tama eno nago dwagi yai po koneama,  
\q2 te eno tęąbi po wabo dao.   
\q1
\v 55 Genuai Bidi, hulide eno homugo nage koneyu,  
\q2 tama nago dwagi yai po eno wali pabo dao.   
\b  
\q1
\v 56 Eno nago dwagi yai po tigidali wali painogo eyu,  
\q2 tama tego ena homu dwagi yai ilibo dao.   
\s1 Bidigo te Godigo bomai po wali pabo kolesaga godolo mu ebo dao  
\q1
\v 57 Genuai Bidi, nage mu nage enade usu yaibao.  
\q1 Eno nagebolo po dąų olama weyu, tama wai,  
\q2 eno nago bomai po tigidali wali paibao.   
\q1
\v 58 Eno nage bomonama hanalubao,  
\q2 nago ena homu dene eyu tau sao,  
\q1 magi baso meni, nago po dąų weyu tama wai.   
\q1
\v 59 Eno te ena bilibo kolesagade homugo kone palama,  
\q2 tama megi da, eno po nage dali dąų weyu,  
\q2 tama ena nago po wali paibao.   
\q1
\v 60 Eno tonalugobeo.  
\q1 Eno polo nago bomai po wali paibao.   
\q1
\v 61 Te dwai bidigo usu sabo homugo ena paliyu,  
\q2 tama ena augwaligo kolesagaba oda sainogo ebao,  
\q2 tiali digi eno nago bomai po tagalobeo.   
\q1
\v 62 Te hulide mu ena hodaluama,  
\q2 nago nogi ugwaba siyu,  
\q2 te me badu doloba pai po nago po tų  
\q3 ilibode wali tiai.   
\b  
\q1
\v 63 Ena te nago sę ebo bidi dabe dali biliyu,  
\q2 te nago bomo yai po wali bilibo bage  
\q2 te eno abagi dabe dao.   
\q1
\v 64 Genuai Bidi, nago te tǫde we bidi  
\q2 tigidali godolo mu ebao.  
\q1 Nago tigidali bomo yai po enabolo ola mao.   
\s1 Godigo bomo yai pogo da tau sabo sę elalubao  
\q1
\v 65 Genuai Bidi, nago wiegi yai kolesaga  
\q2 naga sę bidi, enabolo yai dao.  
\q1 Nago naga dąų wali po wali mu pabo dao.   
\q1
\v 66 Nago bomo yai po tigidalide eno  
\q3 homu dąų mu obaso,  
\q2 tama tiyu, nago wiegi yai kolesaga  
\q3 te ola mabo sę ena dali yao.   
\q1
\v 67 Nago dene me enaba wasiąbadi digi,  
\q3 te eno nago sunumi wali asobeo.  
\q1 Tiali goli, megi da, eno nago po wali pabo dao.   
\q1
\v 68 Nago wiegi yai mu eyu,  
\q2 tama nago olo mu tau sabo kolesaga enade ebao.  
\q1 Nago bomo yai po ena bugagia ola maduao.   
\q1
\v 69 Te dwai hagoma ebo bidi dabego  
\q2 tibo po hauwa enade  
\q3 te gasa we bidibolo weyu ebao.  
\q1 Tiali goli, eno gasa homu me isąyu,  
\q2 te eno nago bomai po naga tigidali wali pabo dao.   
\q1
\v 70 Te bidi dabe augwaligo  
\q2 wiegi yai homu kolesaga me elalubeo.  
\q1 Tiali goli, eno te nago bomo yai po  
\q3 godolo homu mu ebo dao.   
\q1
\v 71 Te wiegi yai mu da, te nago dene  
\q3 mabo sę enabolo yali.  
\q1 Te tiali sęgo nago bomo yai po wali pomainogo  
\q2 ena bugagia ola mawai dao.   
\q1
\v 72 Eno te mone godolo homu me egobeo,  
\q2 te eno nago bomo yai po godolo ebo  
\q3 tiwai gilama me egobeo.   
\s1 Godigo bomo yai po te doloba pai mu elalubao  
\q1
\v 73 Nago digi nago ena nigali,  
\q2 tama nago ena bugagia tonalubao.  
\q1 Nago wiegi yai homu kolesaga enaba mao,  
\q2 te eno nago bomo yai po tigidali bugagia konea sabo  
\q2 sę emainogo yao.   
\q1
\v 74 Te we bidi augwali nagede wi eyu,  
\q3 nage dologode bidibo bage,  
\q2 te augwaligo ena sulama, homu pemene yaibao,  
\q1 magi baso meni,  
\q2 eno nago dąų wali pode homu dąų wabo dao.   
\q1
\v 75 Genuai Bidio, eno koneani,  
\q2 nago bomo yai po tigidali te dolo naga mu elalubao.  
\q1 Nago eno ebo kolesaga deli naga dodolabo homu eyu,  
\q2 tama nago enabolo sęgę mawai dao.   
\q1
\v 76 Nago dąų wabo po walio,  
\q2 te nago sesemane sogo ena godolo eyu,  
\q1 te naga sę bidi ena haliga dąų walabo po wai.  
\q2 Tialima, megi da, eno homugo nago  
\q1 tama sę emainogo homu ebao.   
\q1
\v 77 Nago ena megi hobede eyu da,  
\q2 te ena bidabo ula saibao,  
\q1 magi baso meni, eno nago bomo yai po godolo mu ebao.   
\q1
\v 78 Te hagoma ebo bidi dabe augwaligo  
\q2 tibo po weyu, ena olo po tų ilaibao.  
\q1 Augwa te ebo kolesagade hale mu ebo sę ilao.  
\q1 Tiali digi ena, te eno sesemane sogo nago bomo yai po  
\q3 homu konealueibao.   
\q1
\v 79 Mena bidi dabe te nagede wi eyu,  
\q2 tama te bidi dabego nago bomo yai po koneyu, te  
\q2 augwali enaba asomainao.   
\q1
\v 80 Te eno homugo nago ena tau sobaso,  
\q2 te nago bomo yai po tigidali eno wali peyu,  
\q2 tama ena te ena ebo kolesagade  
\q3 hale sabo sę me egobeo.   
\s1 Te bidigo Godigo ena ma dobola somainogo gedu haluasa po wali  
\q1
\v 81 Nago ena ma sogowe weyu tonalu,  
\q3 te ena haliga sęgę mu ebao,  
\q2 tama eno bomo tigidali silibao.  
\q1 Tiali goli, eno nago pode konealubo  
\q3 homu dąų wai mu elalubo dao.   
\q1
\v 82 Eno te nago dąų wali po mu usu nugowe weyu,  
\q2 nage tonalubadi, te eno gedu  
\q3 magane eyu, hagela mu ebao.  
\q1 Tama eno te po weyu,  
\q2 “Nisu sogo nago eno haliga dua digi nagame  
\q3 iligowe?” eno te po wabo dao.   
\q1
\v 83 Ena te kibu meme wale te augwaligo wain ąį bulama,  
\q2 te dobaso, badia pai sąbo tiwai yali.  
\q1 Tiali digi te eno nago bomo yai po  
\q2 te eno homude gegeda pabo menio.   
\q1
\v 84 Nisu naga sogo eno tonalueibawe?  
\q1 Nisu sogo mu enabolo te dwai dene mabo bidi dabeba  
\q2 nago augwaliba dene magowe?   
\q1
\v 85 Te dwai hagoma ebo bidi dabego  
\q2 te nago bomo yai po wali pabo meni.  
\q1 Augwaligo geme dualubo kolesaga  
\q2 me badu eyu, te ena tola sainu ebao.   
\q1
\v 86 Da we bidigo nago bomo yai po  
\q2 tigidali dąų wabo homu ebao.  
\q1 Tama nago po te tulalugobeo.  
\q1 Te bidi dabe augwaligo tibo po dabego ena dolobao.  
\q1 Tama tibaso, nago ena tau somainu homu ebao.   
\q1
\v 87 Pąde tama te augwaligo ena ela mueinu yai.  
\q1 Tiali goli, te eno nago bomo yai po  
\q2 tagala homu me ebeo.   
\q1
\v 88 Nago ena bugagia tonalubao, magi baso meni,  
\q2 nago sesemane sogo ena godolo homu ebao.  
\q1 Tama tibaso, eno nago bomo yai po  
\q2 tigidali wali mu pabo dao.   
\s1 Godigo bomo yai pode konealubo homu dąų wabo bidi dao  
\q1
\v 89 Genuai Bidi, nago po da,  
\q2 sesemane sogo elalua pidu elalua paibao.  
\q1 Te nago bidibo bulude nago pogo bomo  
\q2 munu me siligobeo.   
\q1
\v 90 Nago sesemane sogo naga wali po wali pidu bidibao.  
\q1 Nago e tǫ naga gesabidi badu munama elalubao,  
\q2 tama elalubo tiwai tama elalu,  
\q3 te ibaba me kila sesa me pabeo.   
\q1
\v 91 Naga digi nago po wali gilama  
\q2 te tigidali nai sibi te polobadu elalua asali,  
\q2 megi e sogoba usu nagaselama,  
\q3 megi me elalubao.  
\q1 Magi baso meni, tigidali nai sibigo nago sę naga ebao.   
\q1
\v 92 Te eno nago bomo yai po godolo menigi sogo da,  
\q2 teda nago enaba dene mabo sę ebaso, te isigi dao.   
\q1
\v 93 Eno nago bomo yai po me tagalogobeo,  
\q2 magi baso meni, eno te po dabe wali pobaso,  
\q2 te nago ena bidabo ula mobaso ena bidibao.   
\q1
\v 94 Ena naga nai mu tama, tama tiyu,  
\q2 nago ena ma sao.  
\q1 Sesemane sogo eno nago po wali pabo homu ebao.   
\q1
\v 95 Te dwai sę ebo bidi dabe geme duala sagaselama,  
\q2 ena ela mueinu ebao.  
\q1 Tiali goli, eno nago bomo yai po tigidali konealubaso,  
\q2 te tama sę eno homu si me egobeo.   
\q1
\v 96 Eno megi konebao, te mena nai  
\q2 te wiegi yai deli mu me elalubeo.  
\q1 Tialima, te nago po te mu polalubao,  
\q2 tama tego te tigidali nai usu elama,  
\q2 te tigidali side elalua pidu, elalueibao.   
\s1 Godigo bomo yai po godolo mu ebo bidi po  
\q1
\v 97 Eno nago bomo yai po godolo mu ebao!  
\q1 Eno tede homu kone palobo sę  
\q2 te siade me hulide ebo dao.   
\q1
\v 98 Nago bomo yai po ena dali sesemane sogo elalu,  
\q2 tama te konebo homu kolesaga enabolo mabo dao.  
\q1 Tama tebo sęgo te ena kolesaga  
\q3 koneai bidi mu tiwai elama,  
\q2 tama eno te ena boi bidi dabe  
\q3 koneani homu kolesaga aiyaba elaluai dao.   
\q1
\v 99 Te sesemane sogo eno nago mu poba  
\q3 naga homu kone palobo dao,  
\q2 tama tiyu, eno wiegi yai homu kolesaga mu selama,  
\q2 tama eno ena po ola mabo tisa bidi  
\q3 aiyaba elaluai dao.   
\q1
\v 100 Tama eno koneani kolesagago  
\q2 te monu dabego koneani kolesaga te aiyaba elaluali,  
\q1 magi baso meni, eno nago doloba pai  
\q2 bomo yai po wali mu pobaso, tebo dao.   
\q1
\v 101 Ena dwai kolesaga wali pabo  
\q2 homu eyu, iba kila sabo dao, magi baso meni,  
\q2 eno homugo nago po naga wali pabo homu ebo dao.   
\q1
\v 102 Naga digi nago po dabe ena ola mani.  
\q1 Tama tiyu, eno te po me tagalobo menio.   
\q1
\v 103 Te bunu ge nai hani eno  
\q3 pedauwalide tubo pusu yaibao,  
\q2 tiali goli, nago po pusu ebo te umagi mu yaibao.   
\q1
\v 104 Nago bomai pogo enabolo  
\q2 te wiegi yai homu kolesaga mawaibao,  
\q2 tama tialima, eno te dwai kolesaga tigidali ebo  
\q2 te eno homu hagela mu ebao.   
\s1 Godigo bomai pode bidi ula sabo po wai  
\q1
\v 105 Nago po te lam sole ula tiwai eyu,  
\q3 te ena tau sobaso, dolo paibao,  
\q2 tama te ula tiwai eyu, ena sunumi ola mabo dao.   
\q1
\v 106 Eno po dąų weyu, te eno nago doloba pai po  
\q2 tigidali wali paibao po walio.  
\q1 Tialima, eno te tiwai tama yaibao.  
\q1 Eno tibo po me wagobeo.   
\q1
\v 107 Genuai Bidio, odao.  
\q2 Genuai dene mugo ena mesegelali.  
\q1 Nago ena te bidibo ula elalumainogo  
\q2 te nago po dąų tiwai gilama yao.   
\q1
\v 108 Genuai Bidio, eno gedu haluasa  
\q3 po weyu, te nageba puba hwi obao.  
\q1 Nago eno puba hwi wali po selama,  
\q2 tama ena nago po bugagia ola magameo.   
\q1
\v 109 Sesemane sogo eno ena bidibo ula  
\q2 tagalabo sisi elalubao.  
\q1 Tiali goli, eno nago bomai po  
\q2 homu kone ebo me tagalobeo.   
\q1
\v 110 Te dwai bidi dabego ena tola sabo  
\q2 bono gągą po diliginama, dalubao.  
\q1 Tiali goli, eno nago po me tagalobeo.   
\q1
\v 111 Eno nago po sesemane sogo totalua pidubo dao.  
\q1 Tama te pogo eno haliga pemene ilibo dao.   
\q1
\v 112 Eno po dąų weyu, te eno nago bomo yai po  
\q2 tigidali wali pidubadi,  
\q2 te ena isibo sogoba usu naibao po wai dao.   
\s1 Godigo bomo yai pogo da bugagia bidimainogo ilibo dao  
\q1
\v 113 Nage wali paibao weyu,  
\q2 tibo po wabo bidi dabe te eno godolo me egobeo,  
\q2 tiali goli, eno nago bomo yai po  
\q3 wali pabo homu eyu, godolo ebao.   
\q1
\v 114 Nage naga tama ena seselalubo bidi elalubao,  
\q2 te eno bomai obo elalubo tiwai dao.  
\q1 Eno nago dąų wali pode konealubo  
\q2 homu dąų wai elalubao.   
\q1
\v 115 Dage dwai sęgę sabo we bidigo ena tagalao.  
\q1 Eno ena Godigo bomai po wali painogo homu ebo dao.   
\q1
\v 116 Genuai Bidi, nago po dąų weyu,  
\q2 te nago ena dąų walama,  
\q2 te ena bidibo ula elalueibao po wali,  
\q1 tama eno nago dąų wali pode homu konealuyu bidali.  
\q1 Nago te bomo enabolo mao,  
\q2 tiyu eno konealubo homu odolali tagalidalio.   
\q1
\v 117 Ena nogo tolalubaso, te ena bugagia bidaibao.  
\q1 Tama sesemane sogo eno olo  
\q2 nago poba bugagia munama elalu,  
\q3 te eno wali paibao.   
\q1
\v 118 Te nago bomo yai po wali pisąma  
\q2 tagalobo we bidi tigidali te nago tudiba mubo dao.  
\q1 Te augwaligo tibo po wabo dabe te odolali waibao.   
\q1
\v 119 Nago homugo te dwai sę ebo  
\q2 we bidi dabe te pobelebage tiwai  
\q3 naga homu ebo dao,  
\q2 tama tibaso, eno nago po godolo mu ebo dao.   
\q1
\v 120 Ena nagede wi mu elama, tama ena didibili ebao.  
\q1 Eno nago po tų ebode homu kone palama,  
\q2 te wi ebo dao.   
\s1 Godigo bomo yai po wali pabo bidi po  
\q1
\v 121 Eno te wiegi yai doloba pai kolesaga ebao.  
\q1 Eno homugo nago ena tagaligi homu ebao,  
\q1 tiyu te boi bidi dabego enaba dwai sę idalio.   
\q1
\v 122 Eno homugo te nago naga sę bidi  
\q2 ena tau sabo bomai po dąų omainogo homu ebao.  
\q1 Te nago te dwai hagoma ebo bidi dabego  
\q2 enabolo te sęgę momai hagede sula tagaligio.   
\q1
\v 123 Te nago ena te dwai bidi dabego  
\q3 nogode ma dobola sogowe weyu,  
\q2 te nageba tonalu tonalu ebao,  
\q2 te nago polobadu tama tiabo po dąų wai dao.  
\q1 Tiali goli, ena tonalubadi digi,  
\q2 te ena dwai dene mu ebo dao.   
\q1
\v 124 Eno homugo nago ena godolo ebo  
\q3 kolesaga wali peyu, te nago mu po te bugagia  
\q3 ola magameo.   
\q1
\v 125 Ena nago sę bidi da, tibaso enabolo wiegi yai  
\q3 homu kolesaga mobaso da,  
\q2 te eno nago po page koneaibao.   
\q1
\v 126 Te we bidi dabe augwaligo nago  
\q2 bomo yai po bolobao.  
\q1 Tama tibaso, megi da te nago dene  
\q2 augwaliba mabo sogo dao.   
\q1
\v 127 Eno nago bomo yai po godolo mu ebao.  
\q1 Eno te polalubo nai te mone gol  
\q3 eno godolo homu elalubeo,  
\q2 tialima te eno nago po godolo homu ebo dao.   
\q1
\v 128 Tama tiyu, eno nago po tigidali wali pobao.  
\q1 Eno homugo te gasa sunumi dabego  
\q2 te nago sunumi ela soabo  
\q2 te eno homugo hagela homu mu ebao.   
\s1 Godigo sunumi wali pabo homu ebo bidi po  
\q1
\v 129 Nago po te wiegi yai mu elalubao.  
\q1 Tama tiyu, eno homu si isiąyu,  
\q2 eno te po tigidali wali pabo dao.   
\q1
\v 130 Te bidi me deligo gasa bidi  
\q3 tau siyu, te nago po page konemainogo tibaso da,  
\q2 teda aga haligaba ula mabo te saibao.  
\q1 Tama te pogo te homu kolesaga  
\q2 bugagia konesiąwani bidibolo  
\q3 te homu kolesaga mabo dao.   
\q1
\v 131 Eno nago bomo yai po homu godolo mu ebao,  
\q2 tama eno haliga umagia hogodaluyu,  
\q3 wali pabo homu ebao.   
\q1
\v 132 Nage aselama, te nago homu  
\q2 dene eyu, tau sabo kolesaga enabolo yao.  
\q1 Te nage godolo homu ebo we bidi  
\q2 tigidaliba te tiwai sę nago ebo dao.   
\q1
\v 133 Te nago tonalubaso da,  
\q2 teda ena te dwai sęgęba tulalugobeo,  
\q2 te nago tama tiabo sę po polobadu dąų wai.  
\q1 Te dwai kolesagago ena aiyaba elalu  
\q2 idali weyu, te nago tona tagaligio.   
\q1
\v 134 Te ena aiyaba elalubo sę bidi dabego,  
\q2 te ena augwaligo dolidali dabego,  
\q2 te nago ena ma sao.  
\q1 Tama tiwai sę augwaligo enaba isąbaso,  
\q2 te eno nago po wali paibao.   
\q1
\v 135 Eno homugo te nage ena pąba bidagaselama,  
\q2 te nago bomo yai po tigidali enabolo ola mayu,  
\q3 te ena bugagia wiegi yai ilao.   
\q1
\v 136 Eno gela hauwa weyu,  
\q2 tama eno gedu ąį gela gigua umagi mu yaibao,  
\q1 magi baso meni, te bidi dabe augwaligo  
\q3 nago bomo yai po wali pisąbaso,  
\q2 te ena gela wabo dao.   
\s1 Godigo bomai po te dolo elalubao  
\q1
\v 137 Genuai Bidi, nage doloba pai mu tama elalubao,  
\q2 tama nago bomo yai po tigidali  
\q3 te doloba pai mu naga elalubo dao.   
\q1
\v 138 Nago dabolo mani bomo yai po  
\q3 tigidali doloba pai elalu,  
\q2 tama wiegi yai naga elalubo dao.   
\q1
\v 139 Te eno boi bidi dabe augwaligo  
\q2 nago pode homu kone palobo sę me ebo menio.  
\q1 Tama tibaso, eno haliga te isi dabo posolo tiwai ebo dao.   
\q1
\v 140 Nago po dąų wabo te mu po naga waibao,  
\q2 te eno usu sela suai dao.  
\q1 Tama ena, nago sę bidigo, eno homugo nago te tiwai  
\q3 dąų wabo po godolo homu naga ebo dao.   
\q1
\v 141 Ena olo bidi da, te bidi dabe  
\q2 augwaligo enabolo posobo po obadi,  
\q1 tiali goli, te eno nago ola mabo po  
\q2 homu kone palobo me tagalogobeo.   
\q1
\v 142 Te nago doloba pai kolesaga  
\q2 sesemane sogo elalua pidu bidaibao,  
\q1 tama sesemane sogo nago bomai po te mu naga dao.   
\q1
\v 143 Te sęgę hauwa enaba pedelai,  
\q2 tiali goli, eno nago bomo yai pode  
\q3 homu pemene yaibao.   
\q1
\v 144 Nago po doloba pai sesemane sogo elalubao.  
\q1 Nago ena tau sobaso da, teda eno te po page koneama,  
\q2 tama ena te bidabo ula dali bidaibao.   
\s1 Bidigo te Godigo aga ma somainogo gedu haluasa po wali  
\q1
\v 145 Genuai Bidi, eno gedu haluasa po  
\q2 bomonama mu nageba obao.  
\q1 Eno gedu haluasa po odao,  
\q2 tialima te eno nago po tigidali wali paibao.   
\q1
\v 146 Megi eno nageba i obao.  
\q1 Ena ma dobola sao, tama tibaso da,  
\q2 te eno nago bomo yai po tigidali wali paibao.   
\q1
\v 147 Te be posisąbadi digi,  
\q2 te eno nageba gedu haluasa po weyu,  
\q3 ena tau sao po obao.  
\q1 Eno nago dąų wali poba homu dąų wagasai elalubo dao.   
\q1
\v 148 Te hulide ena godege me pigobeo.  
\q1 Eno sesemane sogo nago poba naga  
\q3 homu kone elalubo dao.   
\q1
\v 149 Genuai Bidio, nago sesemane sogo  
\q3 ena godolo ebaso,  
\q2 tama nago eno gedu haluasa po wabo odao.  
\q2 Nago ena homu dene eyu, tau sao.  
\q1 Tama tiyu,  
\q2 nago ena bugagia tonalubaso da,  
\q2 te ena bidibo ula dali bidaibao.   
\q1
\v 150 Te dwai homu elalubo bidi dabego  
\q2 te ena dolabo homu eyu, te augwali pąba asobao.  
\q1 Augwaligo nago bomo yai po wali pabo  
\q3 homu munu me ebeo.   
\q1
\v 151 Tiali goli, Genuai Bidi, nage ena pąde bidibao,  
\q1 tama nago hasegelesiąbo bomo yai po  
\q3 tigidali te mu po naga elalubao.   
\q1
\v 152 Te bidada asali sogo polobadu mu  
\q2 eno nago po konea salio.  
\q1 Nago te wali pogo te sesemane sogo  
\q2 bidada pabo po wai dao.   
\s1 Bidigo te Godigo aga tau somainogo i wai dao  
\q1
\v 153 Nago suali, ena te genuai sęgę elalubo,  
\q2 tama tialima, nago te sęgę sela sąyao.  
\q1 Eno nago bomo yai po homu kone me  
\q3 gegeda palobo menio.   
\q1
\v 154 Ena tau siyu, ena ma selama,  
\q2 te ena bidabo ula mao,  
\q2 te nago tama tiabo po dąų wai dao, te tiwai yao.   
\q1
\v 155 Te dwai kolesaga ebo bidi dabego  
\q3 nago doloba pai po wali pisąbaso,  
\q2 tama tiyu te nago augwali ma sogobeo po wali.   
\q1
\v 156 Tiali goli, Genuai Bidio, nago olo tau mabo  
\q2 wiegi yai kolesaga te genuai mu elalubao.  
\q1 Nago ena ma sabo po dąų walai elalubao,  
\q2 tialima, eno homugo nago te sę  
\q3 megi tama yao homu ebao.   
\q1
\v 157 Bidi hauwago ena dolobo sę eyu,  
\q2 te enaba boi bidi ebao, tiali goli,  
\q2 eno nago wiegi yai mu bomai po me tagalogobeo.   
\q1
\v 158 Te bidi dabego konealubo homu dąų wali  
\q2 te eno suali sela sąbaso,  
\q2 te eno augwaliba wado po wabo dao,  
\q1 magi baso meni, augwaligo nago po  
\q2 wali pisąbaso tebo dao.   
\q1
\v 159 Nago ena subao,  
\q2 eno nago ola mabo po godolo mu ebao.  
\q1 Nago ena godolo ebo kolesaga me hasegelegobeo,  
\q2 tama tiyu nago ena ma sao.   
\q1
\v 160 Nago bomo yai po page da,  
\q2 te mu po naga tama elalubao.  
\q1 Tama nago doloba pai bomo yai po  
\q2 tigidali te sesemane sogo elalua pidu,  
\q2 elalua pabo dao.   
\s1 Bidigo godolo homu eyu, Godigo bomo yai po wali mu pabo bidi po  
\q1
\v 161 Te tobolu bidi dabego enabolo dwai sę ebo,  
\q2 tama augwaligo te tiwai sę kolesaga page menio.  
\q1 Tiali goli, eno nago poba homu  
\q3 kone palobo sę elalubao.   
\q1
\v 162 Eno te nago dąų wali pode homu dąų weyu,  
\q2 wiegi yai pemene homu umagi mu ebao,  
\q2 te bidi me deligo te gol mone hauwa sobaso,  
\q2 pemene ebo tiwai ebao.   
\q1
\v 163 Eno te tibo po wabo kolesaga  
\q3 hagela homu mu eyu,  
\q2 tama tede eno haliga dwai ebo dao.  
\q1 Me ma, eno te nago po godolo homu mu ebo dao.   
\q1
\v 164 Te nogo a naga olama, me badu si wabo side,  
\q1 tigidali sogo eno nageba puba hwi weyu,  
\q2 te nago po tųde ebo doloba pai po  
\q3 naga obaso, tebo dao.   
\q1
\v 165 Te we bidi augwaligo nago  
\q3 bomo yai po godolo mu eyu,  
\q2 tama augwali bugagia mu bidibao,  
\q2 te magi nai me deligo augwali  
\q3 tulaluabo sę me ilibeo.   
\q1
\v 166 Genuai Bidio, te nago ena ma sogowe weyu,  
\q2 te nage eno tonaluyu,  
\q2 te nago po weyu, nago enabolo yao  
\q3 wali kolesaga eno ebao.   
\q1
\v 167 Eno nago bomai po dabe wai pabo dao.  
\q1 Eno te bomo yai po dabe wali pabo  
\q2 homu godolo ebo dao.   
\q1
\v 168 Eno nago bomai po dabe tigidali,  
\q3 me te nago po tigidali me wali pabo dao,  
\q2 tama eno tama tebo kolesaga tigidali nago subo dao.   
\s1 Bidigo gedu haluasa po weyu, te Godigo aga tau somainu yali  
\q1
\v 169 Genuai Bidi, eno nageba  
\q2 i wabo odama, te ena tau sao.  
\q1 Te wiegi yai homu kolesaga enaba mao,  
\q2 te nago polobadu enabolo po  
\q3 dąų wali tiwai gilama yao.   
\q1
\v 170 Eno gedu haluasa po waboba olo muao,  
\q2 tama nago polobadu po wali gilama ena ma sao.   
\q1
\v 171 Te nago tigidali bomo yai po enaba  
\q3 bugagia ola mobaso,  
\q2 tama te eno nago nogi sesemane  
\q3 sogo ugaba mu saibao.   
\q1
\v 172 Te eno nago bomo yai po  
\q2 nogi ugaba sabo balia po waibao,  
\q2 magi baso meni, te nago bomo yai po tigidali  
\q3 te doloba pai naga elalubo dao.   
\q1
\v 173 Eno nago bomo yai po tigidali wali paibao,  
\q2 tama tiyu, nago ena sesemane sogo  
\q3 tau sabo sisi elaluao.   
\q1
\v 174 Genuai Bidi, eno haligago nagede gela obao,  
\q2 te nago ena ma sao.  
\q1 Nago bomo yai pogo ena homu pemene ilibo dao.   
\q1
\v 175 Eno te nago nogi ugwaba somainogo,  
\q2 nago enaba te bidabo ula mao.  
\q1 Eno homugo te nago pogo ena  
\q3 tau somainogo homu ebaso.   
\q1
\v 176 Eno te sunumi tagalama olo bilibao,  
\q2 te kibu sipsip wai hagabo tiwai ebao.  
\q1 Tama tibaso, nago ena naga sę bidi gegagasao.  
\q1 Magi baso meni, eno nago bomo yai po homu  
\q3 kone palobo, me gegeda pabo meni dao.   
\c 120  
\s1 Bidigo te Godigo aga tau somainu, gedu haluasa po wai  
\q1
\v 1 Te sęgę enaba pedalubo sogo, eno te  
\q2 Genuai Bidiba  
\q2 i wali, tama agai eno gedu haluasa  
\q3 po odoyu, tama wei ponani.   
\q1
\v 2 Eno gedu haluasa po te tiwai wali,  
\q2 “Genuai Bidi, ena tau sao.  
\q1 Tiyu, te tibo po wabo bidi dabego  
\q2 ena dolidalio,” wali.   
\b  
\q1
\v 3 Dage tibo po wabo bidi dabe da,  
\q2 Godigo mena sę dageba egowe?  
\q1 Agai dageba te magi dene mawaibawe?   
\q1
\v 4 Te agai dage te ami bidi dabego  
\q3 poa pai enego enaibao,  
\q2 tama posolai sia te dage tigiba gea palaibao.   
\q1
\v 5 Ena dage tomode dwai dugulalu,  
\q2 tama te ena te bulu Mesek,  
\q3 me te Kedar dabe tomode  
\q3 dwai dugulaluali tobage tiwai ebao.   
\q1
\v 6 Ena te gasa we bidi dabe dali bugagia  
\q3 wei elama dugulalu,  
\q2 te sesabi elama dugulaluama bidabo tiwai ebeo.   
\q1
\v 7 Te eno augwali bugagia dugaya  
\q2 wabo sogo, augwaligo hwįainu naga yai dao.   
\c 121  
\s1 Genuai Bidi te da tonalubo bidi dao  
\q1
\v 1 Eno te bulu du dabeba tonono ebao.  
\q1 Tiali goli, ena tau sabo bidi menadu  
\q3 pedelaibawe?   
\q1
\v 2 Menio. Genuai Bidigo dagalu dali, tǫ dali nigali,  
\q2 agai deligo naga ena tau sabo dao.   
\q1
\v 3 Te agai nage tulalumainu me egobeo.  
\q1 Te agai nage tonalu,  
\q2 tama aga me pigobeo.   
\q1
\v 4 Bugagia odao.  
\q2 Agai te Israel dabe tonalubo dao,  
\q3 tama aga dwasianu me pibeo. Mu menio.   
\q1
\v 5 Genuai Bidi agai te nage tonalubo bidi dao.  
\q1 Aga te nage pąde dolalu, tama nage tonalubo dao.   
\q1
\v 6 Te giliga sesani te nago tigide me egobeo,  
\q2 tama te hulide te poluago nage me dologobeo.   
\q1
\v 7 Genuai Bidigo te nage tonalu,  
\q2 tama te dwai naigo nage dolidali weyu tiaibao.  
\q1 Agai nage tonaluaibao.   
\q1
\v 8 Te nago be taga pabo sogo,  
\q2 te Genuai Bidigo nage tonaluaibao.  
\q1 Tama te nago ma asobo sogo me, te agai nage tonalubao,  
\q2 tama megi me, te tigidali sogo  
\q3 nosali bidibode me, te tiaibao.   
\c 122  
\s1 Te Jerusalemba wiegi yai pemene eyu wabo tęąbi po dao  
\q1
\v 1 Augwaligo enabolo walali, “Iya, tegoba,  
\q2 da te Genuai Bidigo beba pinao.”  
\q1 Augwaligo te tiwai po obaso,  
\q2 te ena bugai haliga mu yalio.   
\q1
\v 2 Tialima, megi da, da sabolama,  
\q2 tama te Jerusalem bagulali obo tomode dolalubao.   
\q1
\v 3 Augwaligo te Jerusalem ma nigilama,  
\q2 tama te wiegi yai mu dodolama elalubao.   
\q1
\v 4 Te Israel hani dabe teba aselama,  
\q2 te Genuai Bidiba puba hwi po wagasobo dao,  
\q2 te polobadu agai augwaliba wali po  
\q3 tiwai gilama ebo dao.   
\q1
\v 5 Te pesagede te po tų ebo be elalubao,  
\q2 tama Israel king dabego te we bidigo  
\q3 po tų odolama, tama po dodoliyu ebo dao.   
\b  
\q1
\v 6 Dagego te gedu haluasa po waiyąo,  
\q2 te Jerusalem dabe bugagia dugulalumainogo yao.  
\q1 Dagego te tiwai gedu haluasa po waiyąo,  
\q2 “Te Jerusalem wei ebo we bidi dabe  
\q2 augwa bugagia bidimainao.   
\q1
\v 7 Te Jerusalem obo tomode bidibo  
\q2 we bidi dabe augwa te bugagia dugulalu,  
\q2 te hwįbo menia somainao.  
\q1 Tama king dali, te tobolu bidi dabe me,  
\q2 te bugagia dugulalumainao,” wao.   
\q1
\v 8 Eno te abagi me hai namu homu koneama,  
\q2 tama eno te tiwai po Jerusalemba obao,  
\q1 “Eno homugo naga te bugagia bidiyu,  
\q2 tama te hwįbo meni yaibao.”   
\q1
\v 9 Eno te dena Genuai Bidi, Godigo beba  
\q2 homu kone paliyu,  
\q1 tama eno te gedu haluasa po obao,  
\q2 te nago tigidali nai te bugagia mu pedalumainao.   
\c 123  
\s1 Bidigo homugo te Godigo agade homu dene eyu, tau somainogo eyu, gedu haluasa po wai  
\q1
\v 1 Genuai Bidi, nage te dagalude king  
\q2 bidibaso,  
\q2 tama eno konealubo homu nageba muani.   
\q1
\v 2 Te sę ebo bidigo te aga tonalubo bidiba homu muyu,  
\q2 tama te sę ebo wego me  
\q2 te aga tonalubo weba homu muaibao.  
\q1 Te tiwai naga gilama,  
\q2 dago konealubo homu me nageba muyu,  
\q1 Genuai Bidi, te dago God dao,  
\q2 te nago olo tau sabo wiegi yai kolesaga  
\q3 dabolo ebaso, te usu dao.   
\b  
\q1
\v 3 Genuai Bidio, nago te homu dene eyu,  
\q2 olo tau sabo kolesaga daba yao, magi baso meni,  
\q2 te we bidi dabego daba te dwai sę  
\q3 hauwa sogo ilibo dao.   
\q1
\v 4 Te sesabi elama bidibo sogo,  
\q2 te mone bisnis sę ebo bidigo  
\q3 dabolo te posobo po wali,  
\q2 tama te hagoma ebo bidi dabego  
\q3 da aiyaba elalubo dao.   
\c 124  
\s1 Godigo te aga we bidi tau sabo dao  
\q1
\v 1 “Te Genuai Bidigo da me  
\q2 tau sigi menigi sogo da, teda magi igi dawe?”  
\q1 Te Israel dabego te hanalubo wei ponao.   
\q1
\v 2-3 “Polobadu te bidi dabego dabolo haliga sębę elama,  
\q2 tama augwaligo da dali hwįani.  
\q1 Tama Genuai Bidigo da tau sigi menigi sogo da,  
\q2 te boi bidi dabego augwa haliga  
\q3 sębęgo da mu doligi dao.   
\q1
\v 4 Te da węgo bomogo sabo tiwai elama hagagi da,  
\q2 tama te węgo da mesegelibo tiwai igi dao.   
\q1
\v 5 Tama te wę bomo yai asiyu, da sigibaso,  
\q2 tama da isigi dao.  
\q1 Tiali goli, me tebeo menio.”   
\b  
\q1
\v 6 Dago Genuai Bidiba usu da mu wao.  
\q1 Agai te boi bidi dabego da silimainu me ebeo.   
\q1
\v 7 Dago augwali tagalali,  
\q2 te ba te bidi me deligo muani wade tola sali  
\q2 te tagalubo tiwai elama, tama bola pali.  
\q1 Te wa alua pelama, tama da tede ma dąų me elalubeo.   
\q1
\v 8 Te dagalu dali, tǫ dali nigali Genuai Bidigo, aga digi  
\q3 te da tau sabo dao.   
\c 125  
\s1 Godigo aga we bidi dabe bugagia dugulalumainu yali  
\q1
\v 1 Te Genuai Bidiba homu  
\q2 kęą pali we bidi dabe,  
\q2 augwali te Saion bulu du tiwai dao.  
\q1 Te bulu du mumunu me isiąma,  
\q2 tama aga page dąų mu elalubao.   
\q1
\v 2 Te Jerusalem bagualu elalubo  
\q3 bulu du dabe, te tiwai naga megi,  
\q2 me nosali tigidali sogo telaluaibao,  
\q2 te Genuai Bidigo aga we bidi bagualubo dao.   
\b  
\q1
\v 3 Te dwai bidi dabego te Godigo we bidi dabego  
\q2 tǫ te sesemane me tonaludugobeo.  
\q1 Te tiwai augwaligo igi sogo da,  
\q2 teda te Godigo we bidigo me  
\q3 te dwai kolesaga eba homu igi da.   
\q1
\v 4 Genuai Bidi, nago wiegi yai kolesaga  
\q2 te wiegi yai we bidiba yao,  
\q2 te naga bomai po wali pabo we bidi dabe dao.   
\q1
\v 5 Tiali goli, nago te augwa digi augwa  
\q2 dwai kolesaga wali pabo we bidiba  
\q2 te dwai dene mabo sogo da,  
\q3 teda nago kolesaga tagalubo  
\q3 we bidi tigidaliba nago te dene mao.   
\c 126  
\s1 Te Israel dabego gedu haluasa po weyu, te Godigo augwali tau somainu yai  
\q1
\v 1 Te Genuai Bidigo da te Saionba  
\q2 ma odasa asali sogo,  
\q2 dago homugo te dago olo nade ebo tiwai homu yai.   
\q1
\v 2 Tama dago gisugu kisu selama mu wali,  
\q2 tama dago pemene umabo mu ebo tęąbi wali.  
\q1 Tama te Genuai Bidigo po konesiąbo  
\q2 bidi dabego te tiwai po wali,  
\q1 “Genuai Bidigo te genuai sę mu ebogo  
\q2 te Israel dabe tau sabo dao,” wali.   
\q1
\v 3 Mu dao, Genuai Bidigo  
\q2 te genuai sę mu da tau siyu yai dao.  
\q1 Tama tibaso, da bugai haliga mu ebo dao.   
\q1
\v 4 Genuai Bidi, nago da tigidali dena  
\q2 tǫba ma odasa asao.  
\q1 Te tama tiali, te buside wę gamia soabo  
\q2 te wa pomainu ebo tiwai bolo yali,  
\q1 tiali goli, nago te tulubage tulumainu  
\q2 elama, tama wę te ąį gamiade pągąmainu yao.   
\q1
\v 5 Te gela wabo sę eyu, te nai bulali bidi dabe,  
\q2 te augwa wiegi yai pemene elama,  
\q2 te inayu tau yali nai nosali saibao.   
\q1
\v 6 Mu tama dao. Te gela weyu, te nai wai sela pelama,  
\q3 bulugi pali bidi dabe, nosali augwa te wiegi yai  
\q2 pemene ebo tęąbi weyu,  
\q3 tama te tau yali nai dabe selama, asaibao.   
\c 127  
\s1 Godigo wiegi yai sę augwaliba ebaso, tama augwaligo agai nogi ugwaba salio  
\q1
\v 1 Te Genuai Bidigo te be me deli sę igi  
\q2 menigi sogo  
\q1 da, te kamda dabego sę odolali igi dao.  
\q1 Te Genuai Bidigo taun me deli tonalugi menigi sogo da,  
\q2 teda te tonalubo bidi dabe augwali  
\q3 te odolali tonalugi dao.   
\q1
\v 2 Da te kigamu digi mu hodaluama,  
\q2 tama sę dene ela pidubadi,  
\q3 te be hulia saboba usu nani,  
\q3 te mone me nai dabe sabo sę eyu tebao.  
\q1 Tiali goli, teyu, te da odolali sę dene yabuo.  
\q1 Magi baso meni, Godigo te aga  
\q2 wei ebo we bidi dabeba  
\q2 te toma nabo sogo mabo dao.   
\b  
\q1
\v 3 Godigo dabolo dwagi yai sę eyu,  
\q2 tama te wai dabe te wiegi yai nai  
\q3 mu tiwai mabo dao.  
\q1 Te wiegi yai nai dabe mu dago te Godide sabo dao.   
\q1
\v 4 Te gesi bidigo wai ogwa te ami bidi me deligo nogode  
\q2 te enesigi ene tolalubo tiwai ebao.   
\q1
\v 5 Te wai ogwa hauwa elalubo bidi,  
\q2 aga te wiegi yai pemene yao.  
\q1 Te agai te aga boi bidi dabe dali  
\q2 te po tų ebo pesagede te po tų ebo sogo,  
\q2 te augwaligo aga tau saibao.  
\q1 Tama aga te po tųde hagamainu me egobeo.   
\c 128  
\s1 Godigo te aga po wali pabo we bidiba wiegi yai sę bugagia ebo dao  
\q1
\v 1 Te Genuai Bidide wi elama, tama agai  
\q2 po wali pabo we bidi dabe,  
\q1 augwali te wiegi yai pemene ebo dao.   
\b  
\q1
\v 2 Tama te naga yali sęde te mone selama,  
\q2 te nago sǫą pali doado bage abelibaso, te usu yaibao.  
\q1 Tama nago ebo sę tigidali te wiegi yai  
\q2 pedelama, tama nage pemene yaibao.   
\b  
\q1
\v 3 Te nago we da,  
\q2 te wain bonogo te nai hauwa walubo tiwai yaibao.  
\q1 Tama nago wai dabego te nago nai tuabo  
\q3 tebol sai bagua selama,  
\q2 te gesi ni oliv dugo bagua sabo tiwai yaibao.   
\q1
\v 4 Mu tama, te Genuai Bidigo po wali pabo bidi da,  
\q2 te aga te tiwai wiegi yai nai sabo dao.   
\b  
\q1
\v 5 Genuai Bidi te Saionde bidibao, eno homugo agai  
\q3 te nage wiegi yai sę ilaibao.  
\q1 Me eno homugo te tigidali sogo nage te tǫde bidibo sogo  
\q2 te nago te Jerusalemde tigidali nai te bugagia mu  
\q3 pedalubo suaibao.   
\q1
\v 6 Eno homugo nage sesabi elama,  
\q2 bidimainu homu elama, te nago naga wąį nǫų dabe  
\q3 sumainu ebo dao.  
\q1 Te Israel dabe bugagia dugulalumainu elama,  
\q2 tama te hwįbo menia somainu yao.   
\c 129  
\s1 Te Israel dabego Godiba gedu haluasa po olama, te augwa boi bidi dabe dolomainu yali  
\q1
\v 1 Israel, nago dabolo te boi bidi dabego  
\q2 nage dwai mu ilibo sę ebo po pusali,  
\q2 te nage gesi bidide gagalasa,  
\q3 megiba te usu nagasobao.   
\b  
\q1
\v 2 Nago te tiwai po wali, “Te boi bidi dabego enaba  
\q3 dwai sę mu yali,  
\q2 te ena gesi ogwa bidide gagalasa,  
\q3 megiba usu nagasobao.  
\q1 Tiali goli, augwaligo ena aiyaba me elalubeo,” po wai.   
\b  
\q1
\v 3 “Augwaligo ena dodolagia mu elama,  
\q2 tama elali bįgo ena tigiwali tudi badu togwali.  
\q1 Augwaligo te bobobage keni hauwa  
\q2 te gide wę gamia tiwai pedalumainu ilali.   
\b  
\q1
\v 4 Tiali goli, Genuai Bidi te doloba pai mu da,  
\q2 tama agai ena tau selama,  
\q2 tama ena te dwai bidi dabego nogode tagalama,  
\q2 tama ena te olo sę ebo bidi ma bidibeo,” wali.   
\b  
\q1
\v 5 Eno homugo dago te Saionba boi bidi  
\q2 ebo bidi aiyaba elalumainu homu yai,  
\q2 tama augwali pobeasa te augwa buluba ma pao.   
\q1
\v 6 Te tialima, augwali te be daide  
\q2 ugwadu pedalubo nosa tiwai ebao.  
\q1 Augwaligo te nosa togosiąbadi, tama polo sasia pabo dao.   
\q1
\v 7 Te bidi me deligo te nosa me sisinama,  
\q2 tama dunama, tama me tolasa pabeo.   
\q1
\v 8 Tama te we bidi dabe augwali pąba pobaso,  
\q2 te augwaligo te tama po me wagobeo,  
\q1 “Te dago homugo Genuai Bidigo nage wiegi yai sę yaibao.  
\q1 Te Genuai Bidigo nogide, dago dagebolo  
\q2 te tobage wiegi yai po mobao,”  
\q2 augwaligo te tobage po wagobeo.   
\c 130  
\s1 Bidigo gedu haluasa po Godiba weyu, te aga tau somainu yali  
\q1
\v 1 Genuai Bidi, ena haliga sęgę dwai mu  
\q2 ebaso, tama eno nageba i obao.   
\q1
\v 2 Genuai Bidi, eno gela wabo odao.  
\q1 Te nago ena tau sao olama, te eno nageba i wabo odao.   
\q1
\v 3 Te nago dago yali dwai sę tigidali nedebaso da,  
\q2 teda dego nago te po tų ebo ugwaba  
\q3 ela holobo usu egowe?   
\q1
\v 4 Tiali goli, nago dago dwai sęde sali sęgę sela sąbo da,  
\q2 tama tiyu, dago nagede noma siyu, wi ebo dao.   
\b  
\q1
\v 5 Eno homugo te Genuai Bidigo  
\q3 ena tau somainu homu elama,  
\q2 tama eno aga tonalubao.  
\q1 Tama eno konealubo homu agai poba dąų mu wabo dao.   
\q1
\v 6 Eno te Genuai Bidi tonalu, tama eno homugo  
\q2 te agai ena tau somainu homu mu ebao.  
\q1 Tama tego te be posobo tonalubo bidi  
\q2 dabego wei ebo homu te aiyaba elalubao.  
\q1 Te bagego hulide te taun bugagia tonalubo sę ebo dao,  
\q1 tama augwaligo homugo te be posobo  
\q2 polo asao homu ebo dao.   
\b  
\q1
\v 7 Da Israel dabe, dago konealubo homu  
\q3 te Genuai Bidiba muiyąo, magi baso meni,  
\q3 agai da sesemane wei mu idubao.  
\q1 Tama sesemane sogo te agai da tau sabo homu eyu,  
\q3 te da dolidali olama tebo dao.   
\q1
\v 8 Agai aga we bidi dabe te ma saibao, te da Israel,  
\q2 tama dago yali dwai sęde sali sęgę  
\q3 tigidali sela sąwaibao. \x * \xo 130:8 \xt Mat 1:21; Tai 2:14\x*   
\c 131  
\s1 Bidigo te konealubo po dąų olama, Godiba gedu haluasa po wali  
\q1
\v 1 Genuai Bidi, eno te hagoma yali kolesaga  
\q2 tagalama, tama eno te ena digi te nogi  
\q3 ugwaba me sabeo.  
\q1 Eno te genuai nai dabede homu kone me isiąma,  
\q2 tama te eno konesiąwai nai dabede  
\q2 me eno homu kone me ebo menio.   
\q1
\v 2 Tiali goli, ena te bugagia duagulama,  
\q2 tama ena homu dua tegaluai.  
\q1 Ena te wai bǫų aga idago nogode digi  
\q2 pagealubo tiwai elalubao.  
\q1 Tama tiwai naga, eno haliga me te dua digi elalubao.   
\q1
\v 3 Te Israel dabe, dagego konealubo  
\q2 homu Genuai Bidiba muiyąo,  
\q2 megi me, tigidali sogo nosali me, te tama tiao.   
\c 132  
\s1 Te Godigo wiegi yai tedali bede te augwa wiegi yai pemene yali  
\q1
\v 1 Genuai Bidi, nago te Devit homu kone  
\q2 ebo me tagaligio,  
\q1 tama te tigidali sęgę agai bugagia tolali,  
\q3 te homu kone tagaligio.   
\q1
\v 2 Te Israelgo Bomai God, nago te Devitgo nageba  
\q2 te dąų walali po meba koneao.   
\q1
\v 3 Agai te tama po wali, “Ena te beba me pisąma,  
\q2 tama ena te betba me pigi pogobeo,” wali.   
\q1
\v 4 “Ena toma neyu, tama me pila mudugobeo.   
\q1
\v 5 Hasiabolo eno te Genuai Bidigo  
\q2 pesage me deli nigaibao, te Israelgo Bomai God,  
\q2 te aga bidimainu yabo pesage nigilaibao.  
\q1 Tama nosali te ena toma naibao,” wai.   
\b  
\q1
\v 6 Te Betlehemde dago te Genuai Bidigo  
\q1 Dąų Wali Bomai Po Munalubo Halobage po odali.  
\q1 Tama dago te Kiriat Jearim tǫde elalubo gegelama suai.   
\q1
\v 7 Tama dago te po wai, “Iya, tegoba,  
\q2 da te Genuai Bidigo beba pinao,” wali.  
\q1 “Dago te aga sia king pąba  
\q2 lotu wagi pinao,” wai dao.   
\b  
\q1
\v 8 Genuai Bidi, nage te naga toma nabo  
\q3 pesageba dulao,  
\q2 tama te Dąų Wali Bomai Po Munalubo Halobage  
\q2 nage dali selasa asao.  
\q1 Te nago genuai bomo dąį ilali te dao.  
\q1 Tama nage aselama,  
\q2 tama tede bidada peyu, bidada pao.   
\q1
\v 9 Te nago naga pris dabe tau selama,  
\q2 tama augwaligo te doloba pai kolesaga naga  
\q2 tigidali sogo emainao.  
\q1 Tama naga we bidi dabe augwa  
\q3 wiegi yai pemene elama, i omainao.   
\q1
\v 10 Genuai Bidi, nago te naga sę bidi Devitba  
\q2 te bomai po me deli dąų walali elalubao.  
\q1 Tama tiyu, nago te naga sa muani king  
\q2 te tudiba me mugio. \x * \xo 132:10 \xt 2 Sto 6:41-42\x*   
\b  
\q1
\v 11 Polobadu nago Devitba bomai po me  
\q3 deli dąų walali,  
\q2 tama nago te naga po me hasegeligobeo.  
\q1 Nago te tama po wai, “Te eno nago ogwa me deli  
\q2 te king pedalumainu yaibao,” wali,  
\q1 “tama agai te nage hasegelaibao. \x * \xo 132:11 \xt 2 Sml 7:12-16; 1 Sto 17:11-14; Tib 89:3-4; Tpi 2:30\x*   
\q1
\v 12 Te nago ogwa dabego eno  
\q2 dąų wali po kontrak wali peyu,  
\q1 tama eno augwaliba mani bomai po  
\q2 tigidali wali pobaso da,  
\q1 teda nago wąį nǫų dabego  
\q2 te augwa ogwa dabe augwali me te king pedelaibao,  
\q2 te tigidali sogo tama tede piduaibao,” wali.   
\b  
\q1
\v 13 Genuai Bidigo te Saion sa muanio,  
\q2 tama aga tede sesemane bidainu yai.   
\q1
\v 14 Agai te po wali, “Te ena te taunde  
\q3 sesemane bidada peyu, bidada paibao,” wali.  
\q1 “Eno te pesage te ena king bidabo madi sa muai dao.   
\q1
\v 15 Eno te Saionba usu nama nai mayu,  
\q2 tama te we bidi dabe te nai me sǫą pogobeo.  
\q1 Tama eno te magi nai meni yai bidi dabe nai menama,  
\q2 tama augwa mu pągąwaibao.   
\q1
\v 16 Eno te Saion pris dabeba sę menama,  
\q2 eno te tǫde we bidi ma sabo po te pusumainu ebao.  
\q1 Tama te Saion we bidi dabe augwa tęąbi weyu,  
\q2 tama pemene elama, tama i omainu yaibao.   
\q1
\v 17 Te eno te Devitgo hanide bidi me deli selama,  
\q2 tama aga te bulude king pedalumainu elama,  
\q2 tama aga hani te sęde me hagagobeo. \x * \xo 132:17 \xt 1 Kin 11:36\x*   
\q1
\v 18 Te eno agai boi bidi dabe  
\q3 te dwai hale mu somainu ilaibao,  
\q2 tiali goli, te agai tonalubo we bidi dabe da,  
\q2 te augwali wiegi yai pedelama,  
\q1 tama bomo elalu bidaibao,” po wai dao.   
\c 133  
\s1 Augwaligo te ama wei ebo kolesagade pemene yali  
\q1
\v 1 Te Godigo we bidi dabe deliba bugagia  
\q2 dugulalu, tama te deli haliga elama,  
\q1 te ama dabe tiwai mu elama bidiyu ebaso da,  
\q2 te wiegi yai mu dao, tama augwa bugai haliga elama  
\q2 bidimainu yao.   
\q1
\v 2 Te kolesaga te oliv ni dugo  
\q2 te wiegi yai wel tiwai ebao,  
\q1 augwaligo te Arongo toboluba gelama,  
\q2 tama te naboge tobolu nisiba dulama,  
\q2 tama aga bobage gudali ugwa sabiba usu nugulali.   
\q1
\v 3 Te deli haliga ebo kolesaga te hulide genuai wę segeni  
\q3 te Hermon bulu duba,  
\q2 me te Saion bulu du dabeba tulalubo tiwai ebao.  
\q1 Te bulude Genuai Bidigo te bidi dabe  
\q2 bugagia mu te deli haliga elama, bidimainu ebo dao.  
\q1 Agai augwaliba te bugagia mu bidada peyu,  
\q2 bidada pabo ula augwaliba mawaiba.   
\c 134  
\s1 Dago te God nogi ugwaba sao  
\q1
\v 1 Dage Genuai Bidigo sę bidi tigidali,  
\q2 te agai tedali wiegi yai tempel bede  
\q2 te hulide sę ebo da, dagego agai nogi ugwaba siąo.   
\q1
\v 2 Dagego te tempel be tomode  
\q2 gedu haluasa po bomo elama weyu,  
\q1 tama Genuai Bidigo nogi ugwaba sao.   
\b  
\q1
\v 3 Genuai Bidigo te dagalu me tǫ nigali,  
\q2 tama te Saionde bidiyu, eno homugo agai dage dali  
\q3 wiegi yai sę emainao.   
\c 135  
\s1 Te Genuai Bidiba wiegi yai pemene eyu, wabo tęąbi po dao  
\q1
\v 1 Genuai Bidi nogi ugwaba sao.  
\q1 Te Genuai Bidigo sę bidi dabe,  
\q2 dagego aga nogi ugwaba sao.   
\q1
\v 2 Dage te Genuai Bidigo be tomode dolalubao,  
\q2 te dena Godigo tedali wiegi yai tempel be dao.   
\q1
\v 3 Aga nogi te ugwaba sao, magi baso meni,  
\q2 agai wiegi yai sę daba ebao.  
\q1 Agai te olo tau sabo wiegi yai kolesaga dabolo ebao,  
\q2 tama tiyu, dago te tęąbi dabe weyu,  
\q2 agai nogi ugwaba siąo.   
\q1
\v 4 Genuai Bidigo Jekop te aga mu da weyu, te sa muani,  
\q2 tama tialima, te Israel dabe  
\q3 te Godigo hani mu gagawai dao.   
\b  
\q1
\v 5 Eno koneani, Genuai Bidigo nogi  
\q3 te genuai mu elalubao,  
\q2 tama aga te tibo god tigidali daide  
\q3 ugwadu aga bidibao.   
\q1
\v 6 Genuai Bidigo mena sę te dagalude  
\q2 me, te tǫde me, te tamu węde me,  
\q1 te tamu wę pagede yabo homu ebaso da,  
\q2 teda agai te sę ebo dao.   
\q1
\v 7 Agai te tulubage tulubo pǫ  
\q2 te tigidali tǫ badu pedalumainu elama,  
\q2 tama be sele te tulubage dali  
\q3 pedalumainu ebo dao, tama te wali hodolama,  
\q3 te tedela palobo dao.   
\b  
\q1
\v 8 Te Isip tǫ pedai kantride agai  
\q2 te Isip dabego gomunai ogwa dabe ela mubadi,  
\q2 te augwa kibu bulmakau omai dabe me ela silali.   
\q1
\v 9 Tama te Isipde agai te bidigo me  
\q3 isiąwai bomai sę dabe  
\q2 te kingba me, aga ofisa dabeba dali,  
\q2 te dene mawai dao.   
\q1
\v 10 Genuai Bidigo te bulu tǫ pedai hauwa dolama,  
\q2 tama te bomai king meba ela muai dao.   
\q1
\v 11 Agai te Sihon elali, te Amor dabego king,  
\q2 tama Ok, te Basan bulu king da,  
\q2 tama te Kenan tǫ king tigidali ela silai dao.   
\q1
\v 12 Tama agai te king dabego tǫ  
\q2 te aga hani bageba mani,  
\q2 te Israel dabebolo mawai dao.   
\b  
\q1
\v 13 Genuai Bidi, sesemane sogo  
\q2 te we bidi dabego te nage koneama,  
\q2 te naga digi nage te God da homu yaibao.  
\q1 Tama te nosali pedalubo hani dabe,  
\q2 augwaligo me te nage homu konealuaibao.   
\b  
\q1
\v 14 Tama Genuai Bidigo te seselalubo  
\q3 kolesaga te aga we bidi dabeba eyu,  
\q2 tama aga te sę bidi dabeba homu dene yaibao.   
\q1
\v 15 Te gasa hani dabe augwaligo  
\q2 te augwa tibo god dabe te silva me golgo nigali.  
\q1 Te bidi dabe augwa nogogo digi  
\q3 te tibo god dabe nigai.   
\q1
\v 16 Te tibo god dabe augwa pedauwali elalubao,  
\q2 tiali goli augwa po wabo usu meni yai.  
\q1 Tama augwa gedu elalubao,  
\q2 tiali goli augwa nai dabe me subeo.   
\q1
\v 17 Tama augwa olo elalubao,  
\q2 tiali goli augwa po wabo me odosiąwai,  
\q2 tama augwa mobo sabo usu meni yai.   
\q1
\v 18 Eno homugo te tibo god nigibo bidi dabego  
\q2 tama augwa homu te nai dabeba  
\q3 mubaso, augwa te tibo god dabe  
\q3 tobage tiwai pedelaibao. \x * \xo 135:18 \xt Tib 115:4-8; Ped 9:20\x*   
\b  
\q1
\v 19 Dage Israel we bidi dabe,  
\q2 te Genuai Bidi nogi ugwaba siąo.  
\q1 Dage Genuai Bidigo pris dabe,  
\q2 te Genuai Bidigo nogi ugwaba sao.   
\q1
\v 20 Te Livai hani dabe, te Genuai Bidigo  
\q3 nogi ugwaba siąo.  
\q1 Dage te Genuai Bidide wi eyu  
\q2 aga dologode bidibo we bidi dabe,  
\q2 te aga nogi ugwaba sao.   
\q1
\v 21 Te Saionde bidalubo we bidi dabe,  
\q2 te Jerusalem, te Genuai Bidigo pesage mu da,  
\q2 te agai nogi ugwanu sao.  
\q1 Genuai Bidigo nogi ugwanu mu sao.   
\c 136  
\s1 Te Godiba usu da wabo tęąbi po dao  
\r (1 Sto 16:34; 2 Sto 5:13; 7:3; Esr 3:11; Tib 100:5; 106:1; 107:1; 118:1; Jer 33:11)  
\q1
\v 1 Dago Genuai Bidiba usu da wao, magi  
\q2 baso meni, agai dabolo wiegi yai sę yai.  
\q1 Sesemane bidada pabo sogo agai da wei mu ebao.   
\q1
\v 2 Dago Genuai Bidiba usu da waiyąo.  
\q2 Agai te tigidali tibo god aiyaba elaluai.  
\q2 Sesemane sesemane sogo agai da wei mu ebo dao.   
\q1
\v 3 Dago usu da po te Genuai Bidiba wao.  
\q1 Agai te tǫde genuai bidi tigidali aiyaba elaluali.  
\q2 Agai da sesemane bidada pabo sogo wei mu ebao.   
\q1
\v 4 Agaduba deligo te genuai sę  
\q2 te bidigo me isiąwai bomai sę dabe ebo dao.  
\q1 Agai da sesemane bidada pabo sogo wei mu ebo dao.   
\q1
\v 5 Te aga koneani kolesagade digi agai  
\q2 te dagalu nigilama,  
\q2 te ugwadu elalubo nai dabe me nigalio.  
\q1 Sesemane bidada pabo agai da wei mu ebao. \x * \xo 136:5 \xt Gag 1:1\x*   
\q1
\v 6 Agai te tǫ ugwadu munama,  
\q2 tama te wę dabe aiyadu elalubao.  
\q1 Agai da sesemane bidada pabo sogo  
\q3 wei mu ebo dao. \x * \xo 136:6 \xt Gag 1:2\x*   
\q1
\v 7 Agai te giliga me, polua me, nigali.  
\q1 Sesemane bidada pabo sogo agai da wei mu ebo dao.   
\q1
\v 8 Agai te be posobo sogo te ulade  
\q2 te giligago tonalumainu ilali.  
\q1 Agai da sesemane bidada pabo sogo wei mu ebao.   
\q1
\v 9 Agai te polua me hǫ dabego te be hulia sabo sogode  
\q3 tonalumainu ilali. \x * \xo 136:9 \xt Gag 1:16\x*  
\q1 Agai da sesemane bidada pabo sogo wei mu ebo dao.   
\q1
\v 10 Agai te Isip dabego gomunai ogwa dabe ela muani.  
\q1 Te sesemane bidada pabo sogo agai  
\q3 da wei mu ebo dao. \x * \xo 136:10 \xt Sai 12:29\x*   
\q1
\v 11 Agai te Israel dabe odasa peyu,  
\q2 tama augwaligo te Isip taga palio.  
\q1 Agai da sesemane bidada pabo sogo  
\q3 wei mu ebo dao. \x * \xo 136:11 \xt Sai 12:51\x*   
\q1
\v 12 Te agai genuai bomogo digi,  
\q2 agai augwali odasa palio.  
\q1 Sesemane bidada pabo sogo agai da wei mu ebo dao.   
\q1
\v 13 Agai te nosa elaluali tamu ąį  
\q2 te si badu peda somainu bugulali.  
\q1 Agai da sesemane bidada pabo sogo wei mu ebo dao.   
\q1
\v 14 Aga polasa peyu,  
\q2 tama aga we bidi dabe odasa peyu,  
\q2 tama augwali te tamu ąį nogealio.  
\q1 Agai te sesemane bidada pabo sogo da wei mu ebo dao.   
\q1
\v 15 Agai te Fero me, aga ami bidi dabe dali,  
\q2 te wę tulama tama isimainu ilalio.  
\q1 Agai sesemane bidada pabo sogo  
\q2 da wei mu edubao. \x * \xo 136:15 \xt Sai 14:21-29\x*   
\q1
\v 16 Te aga we bidi dabede aga  
\q3 te wa pai bulude polasa palio.  
\q1 Agai da sesemane bidada pabo sogo wei mu ebao.   
\q1
\v 17 Agai te bomai king dabe ela muani.  
\q1 Agai da sesemane sogo wei mu eyu, tama tialio.   
\q1
\v 18 Tama agai te genuai nogi elalubo  
\q2 king dabe ela muai.  
\q1 Agai da bidada pabo sogo sesemane wei mu eyu, tiali.   
\q1
\v 19 Agai te Sihon ela muai,  
\q3 te Amor dabego king dao.  
\q1 Te sesemane bidada pabo sogo agai  
\q2 da wei mu ebo dao. \x * \xo 136:19 \xt Nam 21:21-30\x*   
\q1
\v 20 Tama agai te Ok elali, te Basan bulu king bidi dao.  
\q1 Te agai sesemane bidada pabo sogo  
\q2 da wei mu ebo dao. \x * \xo 136:20 \xt Nam 21:31-35\x*   
\q1
\v 21 Tama agai te king dabego tǫ  
\q3 te aga we bidi dabeba mawai.  
\q1 Te agai sesemane bidada pabo sogo da wei mu ebo dao.   
\b  
\q1
\v 22 Agai te tǫ te Israel dabeba mawai,  
\q3 te aga sę bidi dabeba mawai dao.  
\q1 Agai te bidada pabo sogo sesemane te  
\q3 da wei mu ebo dao.   
\q1
\v 23 Te boi bidi dabego da aiyaba elalubo sogo,  
\q2 agai dade homu kone me elaludalio.  
\q1 Te agai bidada pabo sogo sesemane da wei mu ebo dao.   
\q1
\v 24 Tama agai da te boi bidi dabego nogode ma salio.  
\q1 Agai te bidada pabo sogo sesemane  
\q3 da wei mu idubo dao.   
\q1
\v 25 Agai te tigidali we bidiba nai mayu,  
\q2 tama te tigidali kibu hasa dabe me nai mabo dao.  
\q1 Agai te bidada pabo sogo sesemane  
\q3 te da wei mu ebo dao.   
\q1
\v 26 Tama tialima, dago te dagalude bidibo Godiba  
\q2 te usu da po waiyąo.  
\q1 Te sesemane bidada pabo sogo agai  
\q3 da wei mu ebo dao.   
\c 137  
\s1 Te Israel dabe gasa bulude bidalu, te augwa page bulu hagede gela wali  
\q1
\v 1 Da te Babilon dabego wę sesegede bidalu,  
\q2 tama dago te Saionba homu kone palubao.  
\q1 Tama tiyu, da gela udubao.   
\q1
\v 2 Dago dena gita dabe te pąde elalubo  
\q2 ni nologode walama, elaluali.   
\q1
\v 3 Tama da te kalabus yali bidi dabego te tama po wali,  
\q1 “Dago homugo te dagego da bugai haliga yabo  
\q2 tęąbi meba omainu homu ebao,” wali.  
\q1 “Te Saion tęąbi me deli waiyąo,” po walio.   
\b  
\q1
\v 4 Tiali goli, magi baso dago te Genuai Bidiba tęąbi  
\q2 te dago bulude wabo ąǫ te mena bulude waibawe?  
\q1 Te usu mu me egobeo.   
\q1
\v 5 Jerusalem, te eno nageba homu kone isiąyu da,  
\q2 teda eno te gita ma elainu ebaso, te usu me egobeo.   
\q1
\v 6 Jerusalem, te eno nageba homu kone me isiąyu,  
\q2 tama te eno polalubo pemene ebo  
\q3 homu nageba sa munama, bidisąbaso da,  
\q2 teda eno dogoni dolobaso,  
\q2 tama eno tęąbi ma wainu ebaso, usu me egobeo.   
\b  
\q1
\v 7 Genuai Bidi, nago te Idom dabego  
\q2 yali kolesaga homugo ma kone palao,  
\q2 te augwa hwįani sogo te Jerusalem sai.  
\q1 Augwa te wali po ma homude koneao.  
\q1 Augwaligo te tama po wali,  
\q1 “Te Jerusalemde tigidali be me te tigidali aluama,  
\q2 tama tigidali dolao,” po wai dao.   
\q1
\v 8 Babilon, odao. Te nage dolaibao.  
\q1 Te nago dabolo yali dwai sę wei ponobo bidi da,  
\q1 te bidi aga pemene yagameo. \x * \xo 137:8 \xt Ped 18:6\x*   
\q1
\v 9 Te bidigo te nago dwasianu wai puluba dabe selama,  
\q2 tama augwali te masigiba aiya sąnama  
\q2 tama augwali mu dolagameo.   
\c 138  
\s1 Bidigo Godiba puba hwi po wali  
\q1
\v 1 Genuai Bidi, te eno haliga tigidali mugo  
\q2 nageba usu da obao.  
\q1 Te tigidali tibo godigo gedude  
\q2 te eno nago nogi ugwaba sabo tęąbi po obao.   
\q1
\v 2 Eno te nago tedali wiegi yai tempel  
\q3 bego gedude kidu sugunama,  
\q2 tama nago nogi ugwaba sobao.  
\q1 Magi baso meni,  
\q2 nago ena sesemane sogo godolo mu elama,  
\q2 tama nago ena bugagia tonalubo dao.  
\q1 Nago dabolo ola manio,  
\q2 nage dali, te nago po dali, te mu polalubo dao.   
\q1
\v 3 Te eno nageba i wabo sogo,  
\q2 nago eno gedu haluasa po wabo odolama,  
\q2 tama nago naga bomo digi enaba menama,  
\q2 tama ena bomo mu elalu bidalio.   
\b  
\q1
\v 4 Te tigidali tǫde kingo nago dąų walali po odola silama,  
\q2 tama tiyu, augwa te nago nogi ugwaba saibao.   
\q1
\v 5 Tama augwaligo te nago yali sę dabede  
\q3 te augwa tęąbi po weyu,  
\q2 tama nago genuai nogide te tęąbi po me waibao.   
\q1
\v 6 Genuai Bidi, nage te ugwadu mu bidiyu,  
\q2 tama nage polalubao,  
\q1 tiali goli, nago te hagoma homu isiąbo  
\q2 we bidi dabeba homu kone ebao.  
\q1 Tama te hagoma ebo bidi dabe me  
\q2 te nagede geme me duala sogobeo.   
\q1
\v 7 Te sęgę hauwa enaba pedalubo sogo,  
\q2 nago ena tonalubaso, tama ena bugagia bidibao.  
\q1 Te boi bidi dabego enaba wado ebo dao,  
\q2 tiali goli, nago augwali dali hwįyu elama,  
\q2 tama nago bomogo naga nago ena ma sabo dao.   
\q1
\v 8 Genuai Bidi, eno koneani,  
\q2 te nago enabolo po dąų walali  
\q3 gilama te tigidali sę yaibao.  
\q1 Tama nago ena te sesemane  
\q2 bidada pabo sogo godolo mu ebo dao.  
\q1 Eno homugo nago te hodolali sę tigidali  
\q2 silimainu homu ebao.   
\c 139  
\d Te Devitgo asęani balia po me deli dao.  
\s1 Godigo da mu konea pelama, tama da bugagia mu tonalubao  
\q1
\v 1 Genuai Bidi, nago eno homu osola sulama,  
\q2 tama nago ena mu konea pai dao.   
\q1
\v 2 Nago te eno ebo sę tigidali mu konea pali.  
\q1 Nage digibulu bidibao,  
\q2 tiali goli nago eno homu kolesaga  
\q3 tigidali konea pai dao.   
\q1
\v 3 Nago ena te sę ebadi,  
\q2 me te godege pibo sogo, te subo dao.  
\q1 Nago eno kolesaga tigidali koneanio.   
\q1
\v 4 Tama eno te po me deli wainu ebaso da,  
\q2 nago te po polo koneanio.   
\q1
\v 5 Nago ena tigidali mu bagua selama,  
\q2 tama te nago bomogo te nago ena tonalubo dao.   
\q1
\v 6 Nago te koneani homu kolesaga  
\q3 te ena daide ugwanu mu elalu,  
\q2 tama eno homu kolesaga te aiyaba elaluai dao.   
\b  
\q1
\v 7 Te ena menaba peyu, tama eno  
\q2 te nago hoboludu ogwa wai taga pogowe?  
\q1 Tama ena menaba wi pelama,  
\q2 te nagede geme duala sigi paibawe?  
\q1 Woo, te duala sigi pabo bulu menio.   
\q1
\v 8 Ma, te ena dagaluba ugwaba holama, bidainu ebaso,  
\q2 nage te dagalude bidibao.  
\q1 Ma, ena te isali bidi dabego pesageba bidigi pobaso da,  
\q2 nage te bulude me bidibao.   
\q1
\v 9 Te ena te giliga pedalubo badu  
\q2 te digibulu bola pigi sogo da,  
\q2 ma ena te giliga dega sigilubo badu  
\q3 digibulu bidigi peyu da,   
\q1
\v 10 teda nage te pesagede me bidiyu,  
\q3 te ena bilibode te sągą dodolu,  
\q2 tama te ena tau sigi dao.   
\q1
\v 11 Tama eno te po weyu,  
\q1 “Te hulia sabogo ena geme duala sao,” po obaso,  
\q1 “tama te giliga ulago ena bagua selama,  
\q2 te hulia somainu yao,”   
\q1
\v 12 tiali goli, tagalao, te nago gedude te be hulia sabo  
\q2 te be mu hulia sabo tiwai egobeo.  
\q1 Tama hulide te ula mu eyu,  
\q2 te giliga ula tiwai yaibao.  
\q1 Be hulibo, me be posobo, te nago gedude  
\q2 te deli tigi tiwai naga dao.   
\b  
\q1
\v 13 Nago eno tigi pedai tigidali badu nigali.  
\q1 Nago ena tigidali te idago haliga tomode nigai dao.   
\q1
\v 14 Ena nagede wi ebaso,  
\q2 tama eno nago nogi ugwaba sobao.  
\q1 Tigidali nai nago nigali, tede eno midigi sabo dao,  
\q3 te tedali gasagi yai mu elama,  
\q2 tama te wiegi yai sawi yai mu dao.  
\q1 Nago te ena mu bugagia koneama,  
\q2 tama ena mu konebao.   
\q1
\v 15 Te ena idago haliga tomode  
\q3 geme dua dua pedalubo sogo,  
\q3 nago te eno tigi dili ununama,  
\q2 te deliba dąų wabo te nago tigidali suai dao.   
\q1
\v 16 Ena te haga piligai wai idago  
\q2 haligade bidibadi digi, nago ena suai.  
\q1 Ena te tǫde pedalisiąbadi,  
\q2 tiali goli, nago te naga bukude asęani  
\q3 te nago homugo te tigidali sogo ena  
\q3 te tǫde sesabi elama, bidabo bodolu asęai dao.   
\q1
\v 17 God, te eno nago homu kolesaga  
\q2 tigidali koneabo te ena kone tųa pobao.  
\q1 Iya, tegobao. Nago homu kolesaga  
\q3 te dwasianu me menio.   
\q1
\v 18 Te augwali eno nedebaso da, teda nambago  
\q3 te nabisde wę kemi masigi sane  
\q3 te aiyaba mu elaluaibao.  
\q1 Te ena pilama, hodalubo sogo  
\q3 te ena nage dali me bidibao.   
\b  
\q1
\v 19 God, eno homugo nago te dwai sę ebo bidi dabe  
\q3 ela mumainu homu ebao.  
\q1 Tama eno homugo te hwįbo bidi dabego  
\q2 ena tagalumainu homu ebo dao.   
\q1
\v 20 Te bidi dabego te nageba po dwai wali.  
\q1 Tama augwaligo te haniani dwai po  
\q3 nago nogide wabo dao.   
\q1
\v 21 Genuai Bidi, eno te nage  
\q3 wei homu isiąbo bidi dabe  
\q2 augwali te eno wei homu me ebeo.  
\q1 Tama eno te nageba hagoma homu ebo bidi dabede  
\q2 te dwai haliga mu ebo dao.   
\q1
\v 22 Mu tama, eno haliga augwalide pania selama,  
\q2 tama eno te bidi dabe wei mu me ebeo.  
\q1 Eno augwali te ena boi bidi dabe subo tiwai ebao.   
\b  
\q1
\v 23 God, eno homugo nago ena bugagia dagala sulama,  
\q2 tama nago te enade elalubo  
\q3 homu kolesaga tigidali koneao.  
\q1 Ena usu siyu, tama nago te eno homu kolesaga  
\q3 tigidali bugagia koneao.   
\q1
\v 24 Nago ena bugagia dagalao,  
\q2 tiyu te tibo homu meba enade elalu idalio.  
\q1 Tama nago ena te bidada pabo ula sabo sunumidu  
\q2 odasa pao.   
\c 140  
\d Te Devitgo asęani balia po me deli dao.  
\s1 Bidigo te Godiba gedu haluasa po weyu, te aga bugagia tonalumainu yai  
\q1
\v 1 Genuai Bidi, nago ena te dwai sę ebo  
\q2 bidi dabego nogode ma sao.  
\q1 Awe, te dwai hwįbo bidi dabego  
\q2 enaba boi bidi me idali weyu, nago ena tau sao.   
\q1
\v 2 Te sesemane sogo augwaligo dwai  
\q2 kolesaga yabo homu ebo dao.  
\q1 Tama te sę edelama, sesemane sogo  
\q2 augwaligo te we bidi dabe tomode  
\q2 konila po hodolama, wabo dao.   
\q1
\v 3 Te augwaligo po wabo te hasamanigo  
\q3 kele poa pai tiwai mu elama,  
\q2 tama augwaligo pedauwalide te bidi  
\q3 dolabo po te hasamanigo dwai  
\q3 nabi tiwai elalubo dao. \x * \xo 140:3 \xt Rom 3:13\x*   
\b  
\q1
\v 4 Genuai Bidi, nago ena bugagia tonaluao.  
\q1 Tama tiyu, te dwai sę ebo bidi dabego  
\q2 bomogo ena aiyaba elaluainu ebaso, usu me egobeo.  
\q1 Nago ena bobogela selama,  
\q2 tama te hwįabo bidi dabego ena dolabo po miani,  
\q2 te augwaligo te tama me tegobeo.   
\q1
\v 5 Te hagoma ebo bidi dabego  
\q2 te ena tola somainu ebo  
\q2 bono gągą munama, elalubao.  
\q1 Te bono gągą augwa te bomai kedoago nigai,  
\q2 augwaligo te ena bilibo sunumide  
\q3 gebelama, te ena te hasa tiwai gilama sainu yali.   
\b  
\q1
\v 6 Eno Genuai Bidiba te tama po walali,  
\q2 “Nage eno God dao,” obao.  
\q1 Genuai Bidi, nago ena homu dene eyu, tau sao.  
\q2 Eno i wabo odao.   
\q1
\v 7 Genuai Bidi, eno God da,  
\q2 nage te ena ma sali bomai bidi dao.  
\q1 Te polobadu dago te boi bidi dabe dali  
\q3 hwįani sogo, nago ena bugagia tonaluai dao,  
\q2 bidigo sabelego aga tigi seselalubo tiwai gilama yali.   
\q1
\v 8 Genuai Bidi, nago te dwai sę ebo bidi  
\q2 dabeba te augwaligo sainu ebo nai  
\q2 dabe munu me magio.  
\q1 Tama augwali hagoma idali weyu,  
\q2 nago augwaligo te dwai sę yainu  
\q2 po mia sali sę emainu me elamu dao.   
\b  
\q1
\v 9 Nago te eno boi bidi dabego  
\q2 te ena aiyaba elalumainu me igio.  
\q1 Augwaligo te ena silabo wado po wali.  
\q1 Tiali goli, augwaligo enaba  
\q2 te yainu yali sę, nago augwaba digi  
\q2 ma pedalumainu ilao.   
\q1
\v 10 Awe, te nago augwaliba  
\q2 te dabo sia tulalumainu ilao.  
\q1 Tama nago augwali te genuai tǫ  
\q3 dedageba aiya sąnama,  
\q2 tama augwa edaba ma holainu ebo  
\q3 te usu me egobeo.   
\q1
\v 11 Te gasa bidi odolali po tų ilibo bidi dabe,  
\q2 nago augwaligo te po tųde gasa bidi aiyaba  
\q3 elalumainu me elamuo.  
\q1 Tama eno homugo te dwai nai te hwįbo  
\q3 bidi dabeba pedelama,  
\q2 tama bomonama eyu, augwali mu  
\q3 silimainu homu ebao.   
\b  
\q1
\v 12 Genuai Bidi, eno te tama koneani,  
\q2 nago te nai meni yai bidi dabe  
\q3 te po tų ebode tau siyu,  
\q2 tama te magi doado bage sǫą pali  
\q3 bidi dabe tau sabo dao,  
\q2 te bidi dabego augwaliba  
\q3 dwai sę ebo sogo tama tibo dao.   
\q1
\v 13 Mu tama, te doloba pai we bidi  
\q3 dabego te nago nogi ugwaba siyu,  
\q2 tama te augwali nage dali sesemane bidada paibao.   
\c 141  
\d Te Devitgo asęani balia po me deli dao.  
\s1 Bidi me deligo gedu haluasa po hulide walio  
\q1
\v 1 Genuai Bidi, megi eno nageba gedu  
\q2 haluasa po obao.  
\q1 Eno homugo nago ena polo tama  
\q2 tau somainu homu ebao.  
\q1 Eno nageba i obao, tama eno homugo nago  
\q2 eno gedu haluasa po odomainu homu ebo dao.   
\q1
\v 2 Eno homugo nago eno gedu haluasa  
\q2 po wabo te nageba denami ebo nai  
\q2 hano asobo tiwai emainao.  
\q1 Awe, te eno nogo si ugwaba siyu,  
\q2 nagebolo gedu haluasa po wabo si,  
\q2 eno homugo te ebo te nago gedude  
\q2 te piode mabo ofa tiwai emainao. \x * \xo 141:2 \xt Ped 5:8\x*   
\q1
\v 3 Genuai Bidi, nago eno pedauwali bugagia tonaluao,  
\q2 tama eno po wabo me bugagia tonaluao.   
\q1
\v 4 Ena te dwai kolesaga ebo tomoba  
\q2 pidali weyu, nago ena hageao.  
\q1 Tama nago ena te dwai sę ebo bidi dabe  
\q3 dali deliba sisinama,  
\q2 tama te dwai sę meba emainu me elamuo.  
\q1 Ena te augwali te moni nai daa tuboba pelama,  
\q2 te augwali dali deliba dugamainu me  
\q3 idali weyu, nago ena togolao.   
\b  
\q1
\v 5 Wiegi yai bidigo te ena homu dene elama,  
\q2 tama ena sesanobo sę eyu, te enaba wado ilaibao.  
\q1 Awe, usu dao, po menio, te kolesaga ebogo agai  
\q3 ena tau sabo dao.  
\q1 Tiali goli, eno te dwai sę ebo bidi dabe  
\q2 dali abagi me wagobeo.  
\q1 Magi baso meni, te sesemane sogo eno  
\q2 te augwa ebo dwai kolesaga tagalomainu,  
\q2 te gedu haluasa po wabo dao.   
\q1
\v 6 Te bidi mebago te dwai sę ebo bidi  
\q3 dabego tobolu bidi dabe selama,  
\q2 tama augwali te bobobage sauba sąwaibao.  
\q1 Te augwali te tiwai dolobo sogo da,  
\q2 teda te dwai sę ebo bidi dabe augwaligo koneama,  
\q2 te eno polobadu wali po te mu po da waibao.   
\q1
\v 7 Tama augwaligo te bidi dabe  
\q2 augwaligo dili te gų pageba sąwaibao,  
\q2 te bidigo te ni dage kakali miminama,  
\q2 te sąsąbo tiwai gilama yaibao.   
\b  
\q1
\v 8 Tiali goli, Tigidali Nai Tonalubo God,  
\q2 Genuai Bidi, eno konealubo homu  
\q3 nageba beagasalio.  
\q1 Nago ena bugagia tonaluao, nago ena isimainu me igio.   
\q1
\v 9 Te ena te dwai sę ebo tomoba painu eyu,  
\q2 te dwai bidi dabego ena kegebo dao,  
\q2 bidigo te bulu hasa sabo kę geme  
\q3 dualama mubo tiwai ebo dao.  
\q1 Tiali goli, nago ena bobogela selama,  
\q2 te kę dabede ena dąų me wagobeo.   
\q1
\v 10 Meni. Nago te dwai sę ebo bidi dabe  
\q2 te augwa muani kęde digi te augwa  
\q3 ma tola somainu mu yao.  
\q1 Tiali goli, ena menio.  
\q1 Ena te augwali bugagia ela soayu,  
\q2 tama te magi nai me deligo ena me dologobeo.   
\c 142  
\d Te Devit aga te Solde wi pelama, tama ola be tomode geme dualali sogo, te sogo agai e gedu haluasa po wabo balia po asęani. [1 Sml 22:1; 24:3]  
\s1 Bidi me deligo te Godigo aga tau somainu, gedu haluasa po wali  
\q1
\v 1 Eno te Genuai Bidiba bomonama i weyu,  
\q3 te agai ena tau somainu ebao.  
\q2 Eno agaba te hanalubo sę bomonama weyu, te agai  
\q2 homu dene eyu,  
\q3 ena tau somainu ebao.   
\q1
\v 2 Eno agaba te enade elalubo  
\q2 te homu dogia pabo homu tigidali,  
\q2 me te enaba pedalubo tigidali sęgę po walali.   
\q1
\v 3 Te eno haliga sęgę mu ebo sogo,  
\q2 tama eno homugo ena dolaiba homu yai, te eno  
\q2 pabo tų te nago koneanio.  
\q1 Te eno sunumide te bidi dabego  
\q2 ena tola sabo bono gągą geme dualama, elalubao.   
\q1
\v 4 Eno ena pąde tonono bilali,  
\q2 tiali goli, te ena tau sabo bidi me  
\q3 elalubo te eno me subeo.  
\q1 Ena menaba wi pogowe?  
\q1 Te enade homu kone palobo bidi meni.   
\q1
\v 5 Tama tialima, Genuai Bidi, eno i nageba weyu,  
\q2 te nago ena tau somainu ebao.  
\q1 Nage naga te ena tonalubo bidi dao.  
\q1 Te ena bidibo ula elalubo sogo digi  
\q2 eno homugo te nagaduba deli naga  
\q2 te ena dali bidimainu homu ebo dao.   
\q1
\v 6 Te nago ena tau somainu, te eno nageba i wabo odao.  
\q1 Magi baso meni, eno haliga te sęgę mu ebao.  
\q1 Te enaba dwai sę yainu ebo bidi dabe  
\q3 augwaligo te bomo mu ebaso,  
\q2 tama eno augwali aiyaba elaluainu  
\q3 ebo usu egobeo.  
\q1 Tama tiyu, nago ena  
\q2 te augwaligo nogode ma dobola sao.   
\q1
\v 7 Awe, nago ena te sęgęde ma selama,  
\q2 tama ena te bugagia bidimainu yao.  
\q1 Tama tiyu, te doloba pai we bidi dabe  
\q2 sisinibo pesagede te eno nago nogi ugwaba saibao.  
\q1 Magi baso meni, nago enaba wiegi yai sę ebo dao.   
\c 143  
\d Te Devitgo asęani balia po me deli dao.  
\s1 Bidi me deligo te Godiba gedu haluasa po weyu, aga tau somainu yai  
\q1
\v 1 Genuai Bidi, eno homugo nago te eno  
\q2 gedu haluasa po wabo odomainu homu  
\q3 ebao.  
\q1 Te eno gela waboba nago olo muao.  
\q1 Nage doloba pelama, tama nago sesemane sogo  
\q3 mu po wabo da,  
\q2 iya, nago eno gedu haluasa po wabo odao, tau sao.   
\q1
\v 2 Te nago po tųde te ena naga sę bidi me dagaligio.  
\q1 Magi baso meni, te mena bidi me deligo  
\q2 te nago gedude magi dwai sę me ebeo.\x * \xo 143:2 \xt Rom 3:20; Gal 2:16\x*   
\b  
\q1
\v 3 Te eno boi bidigo te ena pobeasa bilama,  
\q2 tama ena aiyaba mu elalualio.  
\q1 Agai ena te be hulia sai pesageba kalabus elama,  
\q2 tama ena polobadu isai bidi tiwai gana yalio.   
\q1
\v 4 Tama tialima, eno homu kolesaga te dolobaso,  
\q2 tama eno haliga te sęgę mu elalubadi geani.   
\q1
\v 5 Megi da, eno te polobadu pedelali nai  
\q2 dabeba homu kone ma ebao.  
\q1 Tama eno te nago yali sę dabe,  
\q2 me te nago wiegi yai sę dabeba  
\q2 te eno homu kone ma ebao.   
\q1
\v 6 Eno nogo si ugwaba siyu,  
\q3 gedu haluasa po nageba weyu,  
\q2 tama eno homu noma ogwa waigo  
\q3 te nage wei mu elama,  
\q3 te bidigo dogoni wa selama,  
\q2 tama aga te wę nogone mu ebo tiwai ebao.   
\q1
\v 7 Genuai Bidi, nago eno gedu haluasa po polo odao.  
\q1 Magi baso meni, te eno konealubo homu te dolali.  
\q1 Nage enade geme me duala sigio, tiyu ena isilama,  
\q2 te ena isali bidi dabego pesageba pidalio.   
\q1
\v 8 Eno konealubo homu nageba muani.  
\q1 Tialima, eno homugo te tigidali sogo  
\q3 kigamu nago eno homu  
\q2 te nago ena godolo ebo kolesagade  
\q3 ma homu kone palomainu ilao.  
\q1 Eno gedu haluasa po nageba naga wabo dao.  
\q1 Tama tiyu, nago enaba te sunumi  
\q3 ola mobaso, te eno wali paibao.   
\q1
\v 9 Genuai Bidi, ena nageba asiyu,  
\q2 te nago ena tonalumainu ebao.  
\q1 Nago ena te eno boi bidi dabego nogode ma sao.   
\q1
\v 10 Nage eno God da,  
\q3 eno homugo te nago ena bugagia  
\q3 ola momainu homu eyu,  
\q2 te eno nago homu wali pabo homu ebao.  
\q1 Eno homugo te nago homu mobo bidigo  
\q2 ena bugagia wiegi yai ilimainu homu elama,  
\q2 tama ena te wiegi yai sunumiba pabo  
\q3 dodolumainu ebo dao.   
\q1
\v 11 Genuai Bidi, nago ena ma sao,  
\q2 te nago po dąų walali tiwai gilama yao.  
\q1 Nage doloba pai bidi mu da,  
\q2 tama tiyu te nago nogi aiyaba pidali weyu,  
\q2 te tigidali sęgę enaba pedalubode  
\q2 te nago ena ma sao.   
\q1
\v 12 Nago ena tigidali sogo wei mu ebo dao,  
\q2 tama te kolesaga ebo sia sogobeo.  
\q1 Tama nago te boi bidi dabe,  
\q2 me te ena dolabo bidi dabe ela muao,  
\q1 magi baso meni, ena te nago sę bidi bidibaso,  
\q3 te tama tiao.   
\c 144  
\d Te Devitgo asęani balia po me deli dao.  
\s1 Te Godigo aga te tau selama, te boi bidi aiyaba elalubaso, te kingo usu da po wali  
\q1
\v 1 Eno te God nogi ugwaba sobao.  
\q1 Agai ena bomo elama, tonalubo dao.  
\q1 Agai enabolo te hwįbo kolesaga bugagia ola mobaso,  
\q2 tama agai eno te hwįabo sisi elalumainu yalio.   
\q1
\v 2 Agai te ena godolo ebo God da, tama ena sesemane  
\q3 bobegelalubo dao.  
\q1 Tama aga te geme duala sabo pesage  
\q3 elalu, te ena ma sali.  
\q1 Eno konealubo homu agaba kęą pobaso,  
\q2 tama agai ena bugagia bidimainu ebo dao.  
\q1 Agai te Israel hani isąwai we bidi dabe aiyaba elaluama,  
\q2 ena dologoba munama, bidibo dao.   
\b  
\q1
\v 3 Genuai Bidi, da we bidi te magi nai da weyu,  
\q2 tama nago dade homu kone ebawe?  
\q1 Da te olo bage tiwai, tialima magi baso  
\q2 tama nago dade homu wei ebo dawe?\x * \xo 144:3 \xt Jop 7:17-18; Tib 8:4\x*   
\q1
\v 4 Da te pedauwalide mobo  
\q2 deli sogo naga te pedalubo tiwai ebao.  
\q1 Da te pęwadage sogo naga bidibao,  
\q3 te giligade noma pedelama,  
\q2 tama te polo hagabo tiwai ebao.   
\q1
\v 5 Genuai Bidi, nago te dagalu  
\q3 buga sąnama, tama dulao.  
\q1 Te nago nogo te bulu du dabeba mubaso,  
\q2 tama te hano genuai pedelaibao.   
\q1
\v 6 Te dagalu be sele pedalumainu elama,  
\q2 tama te boi bidi dabe sela sąyu, tedela palao.  
\q1 Awe, te nago ene baso, tama te augwali wi pomainu yao.   
\q1
\v 7 Nago nogo aiyaba munama,  
\q2 tama nago ena te Israel hani isąwai  
\q3 we bidi dabego bomode ma sao,  
\q1 te bidigo nogo aiyaba munama,  
\q2 tama gasa bidi ugwaba keka selama,  
\q2 tama aga te moni wę gede mu bidali  
\q3 tagalobo tiwai yalio.   
\q1
\v 8 Te bidi dabego te mu po me wasiąwai,  
\q2 augwaligo te nogo guni sisu muyu, mu po da weyu,  
\q2 tama tibo po dali wabo dao.   
\b  
\q1
\v 9 God, megi da, eno te gesi balia po nageba waibao.  
\q1 Te eno gita eliyu,  
\q2 tama nageba balia waibao.   
\q1
\v 10 Nago te Israel hanigo king dabe te hwįbode tau siyu,  
\q2 tama augwaligo te boi bidi dabe aiyaba elalubo dao.  
\q1 Tama dwai boi bidigo ena  
\q3 te moni hwągo elidali weyu,  
\q2 nago naga sę bidi, ena Devit, ma sabo dao.   
\q1
\v 11 Te dwai sę mu ebo boi bidi dabego  
\q2 nogode nago ena ma sao.  
\q1 Tama ena te Israel hani isąwai dabego nogode ma sao.  
\q1 Augwa te mu po me wasiąma,  
\q2 tama augwa te nogo guni sisu muyu,  
\q3 te mu po da weyu, te tibo po dali wabo dao.   
\b  
\q1
\v 12 Dago homugo te dago ogwa dabe  
\q2 te gesi ogomani te augwali  
\q2 te bomo yai ni dabe tiwai pedalumainu homu ebao.  
\q1 Tama dago homugo te wegi dabe  
\q2 te kingo te genuai be pos au ilibo  
\q2 wiegi yai piksa noma tiwai pedalumainu homu ebao,  
\q2 augwali sawi yai wegi dabe pedalumainao.   
\q1
\v 13 Dago homugo te gi dabede te nai  
\q3 hauwa walomai homu elama,  
\q2 tama te nai mubo be mu pągąmainu homu ebao.  
\q1 Tama te sipsip dabego te wai dabe  
\q2 umabo umabo mu ame nomainu homu ebo dao.   
\q1
\v 14 Tama te bulmakau dabego me  
\q2 te wai dabe hauwa umabo ame nenama,  
\q2 tama te wai dwai me pedalisiąma,  
\q2 tama te me deli isiyu, me eyu egobeo.  
\q1 Dago homugo te dena hanu tomode  
\q3 bidibo bidi me deligo, ma we me deligo me,  
\q2 te sęgę me dene te hanu tomode pedelamuo.   
\b  
\q1
\v 15 Te tiwai wiegi yai nai sabo  
\q2 we bidi hani, augwa te wiegi yai pemene yao.  
\q1 Awe, te we bidi dabego te Genuai Bidi augwa  
\q1 God da homu elama bidibo we bidi dabe,  
\q2 augwali me te wiegi yai pemene yao.   
\c 145  
\d Te Devitgo asęani balia po me deli dao.  
\s1 God nogi ugwa sabo balia po dao  
\q1
\v 1 God, me eno tuni bidi,  
\q2 te eno nago genuai nogi po pusaibao.  
\q1 Tama sesemane sogo bidada peyu,  
\q2 eno nagebolo usu da po waibao.   
\q1
\v 2 Tigidali sogo eno nagebolo usu da po waibao.  
\q1 Tama sesemane sogo bidada peyu,  
\q2 eno nago nogi ugwaba saibao.   
\q1
\v 3 Genuai Bidigo genuai nogi elalubo,  
\q2 tama dago agai nogi ugwaba mu sidu geao.  
\q1 Agai ugwanu mu elaluyu,  
\q2 tama dago agai genuai nogi tigidali koneainogo ebo  
\q2 te usu me egobeo.  
\q1 Magi baso meni, dago homu kolesaga te habuge dao.   
\b  
\q1
\v 4 Megi bidalubo we bidi hani  
\q2 augwaligo te gasa nosali pedalubo hanibolo nago  
\q2 ebo sę po pusuyu,  
\q2 tama augwaligo nago nogi ugwaba saibao.  
\q1 Tama augwaligo nago genuai sę yali po miaibao.   
\q1
\v 5 Te bidi dabe augwaligo nago bomo elalubo po weyu,  
\q2 tama nage genuai tuni bidi mu da waibao.  
\q1 Tama eno digi te eno nago dwagi  
\q2 dwagi yai sę ebo da homu ebo dao.   
\q1
\v 6 Tama te we bidi augwaligo nago  
\q3 bomo yai sę ebo po weyu,  
\q3 te bidigo isiąbo sę naga dao,  
\q2 tama eno nago genuai sę yali po pusaibao.   
\q1
\v 7 Te augwaligo nago wiegi yai kolesaga  
\q3 hauwa ebo po pusuyu,  
\q2 tama nago olo mu tau sabo kolesaga po olama,  
\q2 wiegi yai homu pemene eyu, balia po waibao.   
\b  
\q1
\v 8 Genuai Bidigo da godolo mu eyu,  
\q2 homu dene eyu, tama da olo tau sabo sę ebo dao.  
\q1 Agai wado po polo wasiąma,  
\q2 tama sesemane sogo agai da wei mu ebo dao.   
\q1
\v 9 Agai wiegi yai sę tigidali we bidi dali eyu,  
\q2 tama agai nigali nai tigidali homu dene eyu,  
\q3 dolo mu tau selama, mabo dao.   
\b  
\q1
\v 10 Genuai Bidi, nago nigali nai  
\q2 tigidaligo nago nogi ugwaba saibao.  
\q1 Tama nago we bidi  
\q2 augwaligo nagebolo usu da po waibao.   
\q1
\v 11 Te augwaligo nago genuai nogi  
\q2 te nago tonalubo bulu tigidalide elalubo po weyu,  
\q2 tama nago genuai bomo elalubo po waibao.   
\q1
\v 12 Tama tibaso, tigidali we bidi  
\q1 augwaligo nago genuai sę ebo konemainogo yaibao.  
\q1 Tama nage bomo yai tuni bidi bidibo  
\q3 te augwaligo konemainogo,  
\q2 tama nago nogi genuai mu dao.   
\q1
\v 13 Tama nage te tuni bidi bidiyu,  
\q2 tama tigidali we bidi sesemane sogo  
\q3 nago tonaluyu, bidada peyu, bidada paibao.  
\b  
\q1 Genuai Bidi Godigo agai aga we bidi dali dąų wali po  
\q3 wali naga pabo dao.  
\q1 Te agai me deli tagalobo menio.  
\q1 Agai wiegi yai sę naga eyu, da tau siyu ebo dao.   
\q1
\v 14 Agai te tigidali sęgę elalubo we bidi,  
\q2 me te gasa bidi dabego aiyaba elalubo we bidi,  
\q2 augwali tigidali agai ugwaba siyu, tau sabo dao.   
\q1
\v 15 Tama te bidibo ula elalubo nai  
\q3 tigidaligo agaba tonono ebo dao,  
\q2 tama agai augwali nasi ebo sogo nai mabo dao.   
\q1
\v 16 Awe, agai augwali usu elama,  
\q2 bugagia bidimainogo tigidali nai mabo dao.   
\q1
\v 17 Godigo doloba pai kolesaga naga wali peyu,  
\q2 tama agai da olo mu tau sabo kolesaga mayu,  
\q2 te agai tigidali ebo sęde tebo dao.   
\q1
\v 18 Tigidali we bidigo homu agaba mu  
\q3 munama, i weyu da,  
\q2 teda aga augwali pąde bidibo dao.   
\q1
\v 19 Te agade wi ebo we bidi, te augwali nai meni baso,  
\q2 teda agai augwali nai mabo dao.  
\q1 Tama agai augwali gela wabo odolama,  
\q3 te augwali ma sabo dao.   
\q1
\v 20 Agai te aga godolo mu ebo we bidi  
\q3 bugagia tonalubao.  
\q1 Tiali goli, te dwai kolesaga ebo we bidi,  
\q3 augwali dolaibao.   
\b  
\q1
\v 21 Te eno Genuai Bidigo nogi  
\q2 sesemane sogo ugwaba saibao.  
\q1 Tama tigidali nai agai nigali,  
\q2 dagego aga wiegi yai olo bugagia  
\q3 bidibo nogi sesemane bidada pabo  
\q3 sogo ugwanu mu sao.   
\c 146  
\s1 Te da tau sabo bidi God nogi dago ugwaba sinao  
\q1
\v 1 Te Genuai Bidigo nogi ugwaba sao.  
\q1 Ena digi eno te aga nogi ugwaba sabo dao.   
\q1
\v 2 Te ena tǫde bidibo tigidali sogo,  
\q2 te eno aga nogi ugwaba saibao.  
\q1 Te eno ena Godigo nogi ugwaba sabo balia po odubadi,  
\q2 te ena isiboba usu nigi paibao.   
\b  
\q1
\v 3 Te king dabego, me te tǫde bidi  
\q2 dabego nage me dobola sogobeo.  
\q1 Tama tiyu, nago homu te nosali isabo  
\q2 bage augwaliba me muidalio.   
\q1
\v 4 Te augwali isibo sogo, augwali te begelama,  
\q2 te tǫ ma pedalubao.  
\q1 Tama te sogo augwaligo te yaibao po wali sę  
\q3 tigidali te me egobeo.   
\b  
\q1
\v 5 Te bidi me deligo te Jekopgo Godiba  
\q2 homu kęą pelama, te agai aga tau siyu,  
\q2 te God dali kęą pelama,  
\q2 te aga Genuai Bidi da homu eyu da,  
\q3 teda aga pemene emainao.   
\q1
\v 6 Godigo te dagalu, me tǫ, me tamu ąi,  
\q2 me te tigidali elalubo nai pedalumainu yali.  
\q1 Tama sesemane sogo te Godigo  
\q2 aga dąų walali po tigidali wali pabo dao.   
\q1
\v 7 Te boi bidi dabego dologode dwai mu bidibo  
\q2 te we bidi dabe te Genuai Bidigo tau sabo dao.  
\q1 Tama agai te nai sili bidalubo we bidi  
\q2 dabe nai mabo dao.  
\b  
\q1 Genuai Bidigo te kalabuside bidibo  
\q2 bidi dabego kalabus silimainu ebo dao.   
\q1
\v 8 Tama agai te gedu widai bage  
\q3 te ma tonono yabo usu ma elama,  
\q2 tama te sęgęgo augwali aiyaba elalubo bidi dabe  
\q2 te sęgę augwalide dagala sąyu ebo dao.  
\q1 Genuai Bidigo te aga doloba pai  
\q2 we bidi dabe wei mu ebo dao.   
\q1
\v 9 Agai te dago tǫde bidibo  
\q2 te gasa bulu bidi dabe tau sabo dao.  
\q1 Tama agai te wilawe we dabe tau siyu,  
\q2 tama te tiana wai puluba me tau sabo dao.  
\q1 Tiali goli, agai te dwai sę ebo bidi  
\q3 dabego yainogo ebo sę dabe te augwali homu  
\q3 kone tųą palobo dao.   
\b  
\q1
\v 10 Genuai Bidi te sesemane sogo king  
\q2 bidada peyu, bidada paibao.  
\q1 Te Saion we bidi dabe, dage Israel dabe, te duga God  
\q2 te sesemane king bidada peyu, bidada paibao.  
\b  
\q1 Te Genuai Bidigo nogi ugwanu sinao.   
\c 147  
\s1 Augwaligo te Tigidali Bomo Elalubo God nogi ugwaba sai  
\q1
\v 1 Te Genuai Bidigo nogi ugwaba sao.  
\q1 Te dago balia po weyu,  
\q2 tama te dena God nogi ugwaba sabo  
\q3 te wiegi yai dao.  
\q1 Te agai nogi ugwaba sabo te wiegi yai  
\q3 doloba pai kolesaga dao.   
\q1
\v 2 Genuai Bidigo te Jerusalem ma dodolama,  
\q2 tama te boi bidi dabego sela pelama,  
\q3 te kalabus igi pali we bidi dabe  
\q3 te ma odasa asai dao.   
\q1
\v 3 Te dwai sęgęgo te augwali homu dolama,  
\q2 te augwa dwai dene ebo we bidi dabe,  
\q2 te agai usu ma ilibo dao.  
\q1 Tama agai te augwaligo keni sįsįbo dao.   
\b  
\q1
\v 4 Agai augwaligo namba te hǫgo dąį ilama,  
\q2 tama mu tama, agai te augwali  
\q3 deli deligo nogi nodigi pabo dao.   
\q1
\v 5 Te dago Genuai Bidigo nogi me  
\q2 te tigidali bomo elalubao.  
\q1 Dago agai koneani kolesaga  
\q2 te usu me siyu, dąį me iligobeo.   
\q1
\v 6 Agai te augwa digi augwa haliga  
\q3 aiyaba tegaluama bidibo bidi dabego nogi  
\q3 ugwaba saibao,  
\q2 tiali goli, agai te dwai sę ebo we bidi dabe augwali  
\q3 te bomonama mu agala sabo dao.   
\b  
\q1
\v 7 Puba hwi po weyu,  
\q2 te Genuai Bidigo nogi ugwaba sabo  
\q3 balia po dabe waiyąo.  
\q1 Te dena Godiba te gita me musik wao.   
\q1
\v 8 Agai te dagalude pǫ pedalumainu elama,  
\q2 tama te tulubage tagala palama,  
\q2 tama te bulu du dabede te nosa  
\q3 pedalumainu ebo dao.   
\q1
\v 9 Agai te tigidali kibu hasa dabeba nai mobao,  
\q2 tama te gesi tamadi dilibo ba tagadi  
\q3 dabego i wabo sogo,  
\q2 te agai augwaliba nai mabo dao.   
\b  
\q1
\v 10 Genuai Bidigo te bomai hos dabede,  
\q2 me te bomai ami bidi dabe  
\q3 te wiegi yai pemene me egobeo.   
\q1
\v 11 Menio, agai te wiegi yai pemene  
\q3 te agade wi ebo we bidiba yaibao,  
\q2 tama te agai da sesemane godolo ebo dao homu eyu,  
\q2 agaba homu kęą pabo we bidi  
\q3 dabede, te agai augwalide  
\q3 dwagi yai homu ebo dao.   
\b  
\q1
\v 12 Te Jerusalem dabeo,  
\q2 te Genuai Bidigo nogi ugwanu siąo.  
\q1 Awe, dage Saion dabe, te duga God nogi ugwaba sao.   
\q1
\v 13 Agai te nago Jerusalem obo bagulali sunumi  
\q3 te dąų walama elalu,  
\q2 tama te naga we bidi dabeba  
\q3 te wiegi yai nai mayu ebo dao.   
\q1
\v 14 Te boi bidi dabe asidali weyu,  
\q2 agai te dagego tǫ me tonaluyu,  
\q2 tama te gide wiegi yai wit mu holomainu elama,  
\q2 tama dagego tulama, tama pągąna pabo dao.   
\b  
\q1
\v 15 Te agai po me deli obaso da,  
\q2 teda polo tama te po te tǫba dulubo dao.   
\q1
\v 16 Agai te talua ge tulubage hauwa  
\q3 te aiyaba tagala palama,  
\q2 tama te tǫ mesega sigulobo dao.   
\q1
\v 17 Agai te talua ge tulubage hauwa  
\q3 te wę sane kemi tiwai tagala palama,  
\q2 tama te mena bidi me deligo  
\q3 te talua ge tulubagego  
\q2 kedau te aiyaba me elaluainu ebaso,  
\q3 usu me egobeo.   
\q1
\v 18 Tialima, nosali te agai po ma obaso,  
\q2 tama te ais te wę ma pedalobo dao.  
\q1 Agai te wali asomainu iliyu,  
\q2 tama te aisde pedelai wę pabo dao.   
\b  
\q1
\v 19 Agai aga po te Jekopba mawai.  
\q1 Awe, te po dabe me, bomai po me,  
\q2 agai te Israel dabeba mawai dao.   
\q1
\v 20 Agai te tiwai sę te gasa hani dabeba  
\q3 munu me isiąwai.  
\q1 Augwaligo te aga bomo yai po dabe me konesiąwai.  
\q1 Dago te Genuai Bidigo nogi ugwaba sinao.   
\c 148  
\s1 Te tigidali dagalude me tǫde naigo te Godigo nogi ugwaba somainao  
\q1
\v 1 Te Genuai Bidigo nogi ugwaba sao.  
\q1 Dage tigidali dagalude, ugwa badu  
\q2 bidibo bage, te Genuai Bidigo nogi ugwaba sao.   
\b  
\q1
\v 2 Dage tigidali ensel,  
\q2 te Genuai Bidigo nogi ugwaba siąo.  
\q1 Dage tigidali dagalude ami dabe,  
\q2 te agai nogi ugwaba siąo.   
\q1
\v 3 Giliga me polua, dage sigo me  
\q2 te aga nogi ugwaba sao.  
\q1 Tama te ula mu ebo hǫ tigidaligo  
\q2 te agai nogi ugwaba sao.   
\q1
\v 4 Te ugwanu mu elalubo dagalu,  
\q2 te agai nogi ugwanu sao.  
\q1 Te dagalude ugwadu elalubo węgo,  
\q2 te agai nogi ugwaba sao.   
\b  
\q1
\v 5 Te nai dabego te Genuai Bidigo nogi ugwaba sao,  
\q3 magi baso meni, agai digi po obaso,  
\q2 tama augwali pedelama bidibao.   
\q1
\v 6 Agai te po wali gilama tama augwa  
\q2 te bidimainu yali pesagede mu  
\q3 sesemane sogo bidibao,  
\q2 tama te agai po munu me siligobeo.   
\b  
\q1
\v 7 Dage tǫde bidibo bage tigidali, dagego  
\q2 Genuai Bidigo nogi ugwaba siąo.  
\q1 Te moni dobo dwai sųgų dabe,  
\q2 me te tamu ąį aiya badu mu pagede bidibo nai dabe,   
\q1
\v 8 tama te pǫde elalubo be sele,  
\q1 tama te talua ge tulubage me,  
\q3 te pǫ dabe, te bomai waligo me,  
\q2 te Genuai Bidigo po wali pabo bage,  
\q3 dagego agai nogi ugwaba siąo.   
\b  
\q1
\v 9 Awe, dage genuai bulu du dabe,  
\q3 me dwasianu bulu du dabe,  
\q2 tama nai du walobo ni dabe me,  
\q2 tama te buside ni dabe,   
\q1
\v 10 tama te bidi dabego tonalubo kibu hasa dabe, me  
\q3 te bulu uni hasa dabe,  
\q2 tama te hasamani dabe, me te ba dabe, te dagego  
\q1 Genuai Bidigo nogi ugwaba sao.   
\b  
\q1
\v 11 Te king dabe, me tigidali hani bage,  
\q2 tama te gavman dabe me,  
\q2 tama te tigidali gasa tobolu bidi dabe me,   
\q1
\v 12 tama te gesi bidi, me gesi wegimani dabe,  
\q2 tama te monu dabe, me te wai puluba dabe,  
\q3 dage tigidaligo  
\q2 te Genuai Bidigo nogi ugwaba sao.   
\q1
\v 13 Mu tama, tigidaligo  
\q2 te Genuai Bidigo nogi ugwaba sao.  
\q1 Te agaduba genuai nogigo deli te tigidali we bidigo  
\q3 genuai nogi aiyaba mu elalubao.  
\q1 Agai genuai nogi te ugwanu mu elalu,  
\q2 te dagalu me tǫ aiyaba elaluai dao.   
\q1
\v 14 Agai te Israel dabe wei mu eyu,  
\q2 tama aga we bidibolo bomo mabo dao,  
\q2 tama tiyu, augwaligo  
\q3 agai nogi ugwaba sabo dao.  
\q1 Te Genuai Bidigo nogi ugwaba sao.   
\c 149  
\s1 Te Genuai Bidiba wiegi yai pemene ebo balia po wao  
\q1
\v 1 Te Genuai Bidigo nogi ugwaba sao.  
\q1 Te gesi balia Genuai Bidiba waiyąo.  
\q1 Tama te we bidi dabego aga sesemane sogo wali peyu,  
\q2 augwa te lotuba sisinibo sogo,  
\q3 dago agai nogi ugwaba sao.   
\b  
\q1
\v 2 Dage Israel dabe, te Godigo dage nigalide  
\q2 te dagego bugai haliga iyąo.  
\q1 Awe, te Saion we bidi dabe,  
\q2 te duga kingba wiegi yai pemene yao.   
\q1
\v 3 Dagego tęąbi weyu, aga nogi ugwaba sao.  
\q1 Mu tama, te habidi dabe, me taborin,  
\q2 me gita, te tama eliyu, te agai nogi ugwaba sao.   
\q1
\v 4 Magi baso meni, Genuai Bidigo aga  
\q2 we bidi dabe wei eyu,  
\q2 augwalide dwagi yai homu ebo dao.  
\q1 Tama agai te augwa digi te augwa nogi  
\q2 aiyaba elalubo bidi dabego nogi ugwaba siyu,  
\q2 tama augwa te hwįbode ugwaba ela pabo dao.   
\q1
\v 5 Te Godigo we bidi dabe augwa te edelebaso,  
\q2 te wiegi yai pemene emainao.  
\q1 Tama augwa te nai tuainu sisinibo sogo,  
\q2 augwa te wiegi yai pemene ebo tęąbi wagameo.   
\b  
\q1
\v 6 Augwa te i weyu, tama te Godiba pemene elama,  
\q2 tama te poa pai bainat hwą mu tolalumainao.   
\q1
\v 7 Tama augwa te gasa hani dabe dali hwįnama,  
\q2 tama augwaliba te dwai dene mu mayu,  
\q2 te augwali aiyaba elalumainao.   
\q1
\v 8 Tama augwa te augwaligo king dabe,  
\q3 me tobolu bidi dabe,  
\q2 te augwa aingo nigali sen dabego  
\q3 te kęnama, elalumainao.   
\q1
\v 9 Tama augwa te hani dabeba te Godigo  
\q3 wali po tiwai gilama te dene mabo sę emainao.  
\q1 Te Godigo we bidi dabego augwa te tiwai elama,  
\q2 te augwa genuai nogi dali bomo dali si saibao.  
\q1 Te Genuai Bidigo nogi ugwaba sao.   
\c 150  
\s1 Godigo nogi ugwaba sao  
\q1
\v 1 Te Genuai Bidigo nogi ugwaba sinao.  
\q1 Te Godigo nogi te aga tempel bede  
\q2 ugwaba sao.  
\q1 Dago te aga genuai bomo te dagalude elalubaso,  
\q2 te aga nogi ugwaba mu sao.   
\q1
\v 2 Agai te genuai sę dabe yai.  
\q1 Tama tibaso, dago aga nogi ugwaba sao.  
\q1 Aga te mu polalu,  
\q2 tama te genuai nogi ugwadu mu elalubao.  
\q1 Dago aga nogi ugwaba sao.   
\q1
\v 3 Te biugel bu weyu, te aga nogi ugwaba sao.  
\q1 Te gita dabe me, musik me eliyu,  
\q2 tama te aga nogi ugwaba sao.   
\q1
\v 4 Te tamborin eliyu, te tęąbi weyu,  
\q2 tama aga nogi ugwaba sao.  
\q1 Te gita eliyu, tama te ona eliyu,  
\q2 tama aga nogi ugwaba sao.   
\q1
\v 5 Te simbol eliyu,  
\q2 tama te aga hwą ola peyu,  
\q2 tama te Genuai Bidigo nogi ugwaba sao.  
\q1 Te simbol bomonama weyu,  
\q3 te hwą wabo genuai pedaliyu,  
\q2 tama te hwą wabogo  
\q3 Genuai Bidigo nogi ugwaba siąo.   
\q1
\v 6 Dage te bidibo ula elalubo tigidali nai,  
\q2 dagego te Genuai Bidigo nogi ugwaba sao.  
\q1 Te Genuai Bidigo nogi ugwaba sinao.