\id JOB - Dadibi NT [mps] -Papua New Guinea 2001 (DBL 2014) 
\h Jopgo Po Asęani Elalubo Buku 
\toc1 Jopgo Po Asęani Elalubo Buku 
\toc2 Jop 
\toc3 Jop 
\mt1 Jopgo Po Asęani Elalubo Buku  
\imt1 Hasia nedebo tau sabo po  
\ip Jopgo bukude te bidi me deligo te wiegi yai kolesaga dabe ebo po pusali, tiali goli aga te genuai sęgę salio. Agai wai dabe tigidali isibadi, tama agai kibu bulmakau hani tigidali hagala silali. Tama nosali aga tigide gasi gegali. Tialima, Jop aga haliga sęgę genuai dali bididubadi, tama aga abagi dabe sela aga dali hodobo te hobede eyu, bidagasainu asali. Tama Jop agai te abagi dabe dali agaba te pedelali sęgę pagede bobobage po hauwa pusalio.  
\ip Te Jop aga abagi dabego te Israel hani dabego poloba elaluali homu kolesagade po pusali. Augwaligo homugo te wiegi yai kolesaga ebo bidi dabebolo te Godigo wiegi yai sę naga ebo da homu yali. Tama Godigo sęgę te bidi me deliba mabo si da, te tiwai sę ola mobaso, te bidigo te sęgę saide te Godigo aga kolesaga dodolobo sę eyu eba, te homu ebo dao. Tama tialima, aga abagi selago Jopbolo te tama po wali “Te nago dwai sęgę sela sąyu da, te Godigo aga polobadu wiegi yai sę ilali tiwai ma emainogo yaibao,” homu eyu, aga abagi dabego tama po wali. Tiali goli, Jopgo te tama homu konea pali, te aga wiegi yai doloba pai bidi da, te homu yai, te agai mena dwai sę yali pagede te Godigo agaba te tiwai sęgę pedalumainu yali dawe? Te tama homu agai yali.  
\ip Jopgo homu hauwa eyu, te Godigo agabolo ebo sę dabe te homu eyu, te agai hanalubo po genuai elaluali, “God agai menagi yai kolesaga mu elalubawe? Te agai doloba pai kolesaga naga elalubo dawe? Te konealubo po dąų wabo kolesaga eyu, te God dologode elalubo te menagi yai nai mu te we bidi dabego bidibo ula pagede elalubo dawe?” Jopgo agai konealubo homu Godiba dąų te me tagalobeo. Tialima, agai te boma pai hanalubo po te Godiba wabo, te aga wi eyu me wabeo. Jopgo aga te wiegi yai nogi te ma sabo homu elama, te Godigo gedude doloba pai bidi ma bidabo homu godolo mu yalio.  
\ip Godigo Jopgo te boma pai hanalu wali po wei dolo me ponobeo, tiali goli agai Jopba te agai genuai bomo me kolesaga koneabo sę ola mayu, waselai. Tama Jopgo Godigo te po wabo odobo sogo, agai te aga haliga sębę yalide, me te agai po dwai dabe te Godiba walide, te aga konea ma paliyu, ge neyu yalio.  
\ip Te buku silagasobode wali po, Godigo te Jopba wiegi yai sę ma ilali po weyu, tama Godigo te Jop aga abagi dabeba wado ilibo po wali. Te augwaligo Jopgo tolali sęgę dabe pagede po pusali homu kolesaga te mu geda mubo po wali. Te bukude dabolo e tiwai po ola mani, dago te homu eyu, dago te Godigo homu koneani sę, me te agai kolesaga tigidali dago konea pali homu me elamuo. God aga Genuai Bidi, tama agai homude konea pali sę me tego te da tǫde bidigo homu kolesaga tigidali aiyaba mu elaluai elalubo dao.  
\c 1  
\ms1 Te dwai sęgęgo te bidi Jop gegelama, dene mani  
\mr (Dąį 1–3)  
\s1 God dali, dwai haubo tobolu bidi Satan dali, augwali sigo Jopgo dwagi yai kolesaga po miani  
\p
\v 1 Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.  
\v 2 Aga wego ogwa nogo a naga olama, me badu nogo si ogwa ame nai, wegi sela ame nai dao.  
\v 3 Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.   
\p
\v 4 Te deli deli Jopgo ogwa dabego, me sogo sogo augwa bede moni nai mu tuabo sogo bodolu weyu, tama yali. Te ogwa dabe deligo te nai tuabo sogo bodolu weyu da, aga ama dabe me aga abe dabe tama te nai tuagasa po weyu yai.  
\v 5 Tama te wai pulubago nai ula tubo si ela silibo si da, teda augwali sisi elaluama, te Jopgo augwali i olama, aselama, te aga wai dabe Godigo gedude dwagi yai ma emainogo te ofa nai mayu yai. Aga kigamu hulide mu hodaluama, te nai sese bugagia mu demainu ebo dao. Te bidi agai te nai ofa aga wai dabe deli delide usu nama ulubo dao. Augwaligo te nai da tula silibo si, Jopgo tama sę naga ebo dao. Magi baso meni, agai te homugo tibo dao, agai wai dego dwai sę eyu, augwa homude Godibolo dwai po me waliwe weyu, tibo dao. Tama te kolesaga Jopgo hauwa sogo idu geai dao.   
\p
\v 6 Me sogo te Godigo ensel mobo bidi dabe augwali Genuai Bidigo geduba sisinagasali. Te dwai haubo tobolu bidi me teba asali, te Godigo gedu, te Satan dao. \f + \fr 1:6 \ft Te Hibru pogo te nogi Satan te page dao, te tǫde we bidide kisilibo po wabo bidi dao.\f*  
\v 7 Tama tibaso, Genuai Bidigo te Satan hanaluyu, te po wali, “Nage menade bidama asaliwe?” wali. Te Satango te po wei ponoyu, te po wali, “Ena te tǫ deli badu naga bidibo menio. Ena te tǫ tigidali bulu badu bilama, tama ena e asobao,” wali.  
\v 8 Tama Godigo aga hanaluyu, te po wali, “Nago eno sę ebo bidi me sualiwe, te Jop, ma meniwe? Jop aga te dwagi yai doloba pai bidi dao, eno gedude dwai sę me ebo menio. Agai ena dologode bidiyu, enade lotu po weyu ebo dao, tama eno tigidali po wali pabo dao. Agai dwai kolesaga mu hagela homu ebo dao. Te tǫde tigidali bulu badu te bidi tiwai menio,” wali.  
\v 9 Tama te po obaso, te Satango te po wei ponoyu, te po wali, “Nago homugo te Jop nage wi eyu, nage dologode olo dali elaluaibawe? Nago nogode nai me sisąbo si da, magi yaibawe? Eno homugo da, meni yaibao.  
\v 10 Magi baso meni. Aga nago obo tomode bidiyu, tama nago aga bugagia tonaluyu, aga wai puluba dabe, me aga nai dabe bugagia tonalubo dao. Me nago tigidali sogo aga dali dwagi yai sę ilibo dao. Tama nago aga bulmakau kibu hauwa mu usu elama mani, augwali tedela pelama, te bidibo bulu usu numainogo tiali. \x * \xo 1:10 \xt Ped 12:10\x*  
\v 11 Tama ma, nago agai te nai dolama, sela sąbo si da, teda nago suaibao, agai nago gesabidide dwai po waibao,” Satan haubo bidigo te po wai.   
\p
\v 12 Tama Genuai Bidi agai Satanbolo te po wali, “Odao, eno agai te nai dabe tigidali nago nogoba mobao. Tagalao, nago te naide magi sę me yabo homu ebaso da, teda eyu naga yao. Tiali goli, nago Jop tigide dwai sę me deli bolo me elamuo,” wali. Te dwai Satango Godigo te po odama, tama aga taga pali.   
\s1 Satango Jop hasia gagaliyu, usu sali  
\p
\v 13 Me sogo be posobode, te Jop aga wai dabe te augwa gomunai bidigo beba deliba sisinani, te moni nai tumainu yali.  
\v 14 Tama Jop aga sę ebo bidi me te Jop bidibo madiba aselama, agabolo e po walali, “Dago te bulmakau kibu dabe giba odasa pai dao, te gi tǫ elemainu. Tama te kibu donki dabe augwali pagede nosai tutu bilali.  
\v 15 Tama, polo tama te Sabea bage aselama, te donki kibu dabe dali, bulmakau kibu dabe dali si wi sela pali. Tama augwaligo nago sę bidi dabe sese ela muna silali. Ena enaduba deli tama wi aselama, nagebolo e wagasobao,” te po wali.  
\v 16 Te bidigo po odubadi yaide, gasa sę bidi me aselama, e po wagasali, “Be kulu weyu yaide, te be sele genuai elama, tama te kibu sipsip dali, te kibu tonaluali bidi dali, sese ela silalio. Enaduba deli wi aselama, nageba e po wagasobao,” wali.  
\v 17 Te bidigo po odubadi yaide, gasa sę bidi me sabolagaselama, te po wali, “Te Kaldia bidi hani sela aselama, te kibu kamel dabe wi sela peyu yaide, te sę bidi dabe ela muna silalio. Ena deli aselama, nagebolo e wagasobao,” wali.  
\v 18 Te bidigo po odubadi yaide, gasa sę bidi me sabolagasiyu, te po wali, “Nago wai dabe augwali nago gomunai ogwago beba sisinama, genuai nai ulama, tubadi yaide,  
\v 19 polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.   
\p
\v 20 Jopgo te po odama, moni homu sęgę elama, aga ugwa pįsilama, tama aga tobolu nisi tologali, te aga homu dene ola mayu tiali. Tama aga bogoli si tǫba bulama, Godiba gedu haluasa po wali.  
\v 21 Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.   
\p
\v 22 Mu tama, te dwai sęgęgo Jop hwa sali. Tiali goli, agai dwai sęgę elama, Godibolo sębę yai po me wabeo.   
\c 2  
\s1 Satango Jop si sogo usu sali po  
\p
\v 1 Me sogo ma, Godigo ensel mobo bidi dabe ma Godigo geduba ma sisinagasali. Te sogo me te Satan me Godigo geduba asali.  
\v 2 Tama tibaso, Godigo agabolo hanalu wali, “Nage menade bidama, asobawe?” po wali. Te po obaso, Satango te po wali, “Ena te tǫ deli badu naga bidama, asobeo. Ena te tigidali tǫde usu elama, bilama, asobao,” wali.  
\v 3 Te po obaso, Godigo agabolo te po hanalu wali, “Nago eno sę ebo bidi Jop sualiwe, ma meniwe? Jop aga te dwagi yai doloba pai bidi mu eno gedude bidibo dao, dwai sę me ebo menio. Aga lotu po weyu, ena dologode naga bilibo dao. Tama eno po bugagia wali peyu, tama ebo dao. Agai dwai sę ebo hagela homu ebo dao. Te tigidali tǫde bidi aga tiwai me bidibeo. Nago ena homu bega sabo po obaso, tama eno nage taga palali digi, nago aga dali dwai sę genuai mu yai dao. Tiali goli, agai ena tagalobeo. Menio. Agai ena polobadu wali asali tiwai me asai dao,” Godigo te po wali.   
\p
\v 4 Te po obaso, Satango te po wei ponoyu, te po wali, “Mu tamawe? Tiali goli, eno homugo bidi me aga bugagia bidaibao homu eyu da, teda te bidi aga tigidali nai menama, aga bidibo ula abelaibao.  
\v 5 Tama eno homugo nago agai tigi dolomai homu ebao. Tama tibode nago suaibao, agai nagebolo dwai po mu waibao,” wali.  
\v 6 Te po obaso, Godigo agabolo te po wali, “Eno aga nago nogode e tagalobao. Nago agai tigide magi sę me yabo homu ebaso da, yao. Tiali goli, nago aga mu isilamo dao,” Godigo te po wai.   
\p
\v 7 Tama tibaso, te dwai Satango Genuai Bidigo te po odasa, Genuai Bidi taga peyu, te Jopgo tigide dili keni tiwai hauwa mu ela bibideli pali.  
\v 8 Tama tibaso, Jop aga moni hanude dwai dwai nai sąbo madi pali, tama aga te isi nogani sisi dulude dulaluali. Tama agai te tǫgo nigali sene me toga pai, te dage me deli selama, tama agai aga te dene ebo keni naga hadu bidali.  
\v 9 Tama aga we aselama, te bidi sulama, te po wali, “Magi baso nago God wali me pidubawe? Nago God tagalama, tama agabolo dwai po wao, agai nage isilimainogo tiao,” wali.  
\v 10 Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.   
\s1 Jop aga abagi sela aselama, aga suagasali  
\p
\v 11 Te Jop aga abagi sela augwaligo te Jop agai tigi te dwai sęgę yali po odama, tama augwaligo po bodolu sali, te deliba sisinama, te bidi sugi paibao. Tama augwa bulu taga solama, Jop sugi soali, te agade augwaligo hobede ola mayu, tama agai homu dąų waliyu emainu. Te bage augwaligo nogi e tama dao, Elifas, te Idom bagego hanu nogi Tema bidi dao, te Bildat te tǫ nogi Suha, te Sofar te bulu nogi Nama.  
\v 12 Augwali Jop pąba sabolisąma ebadi, augwaligo aga suali. Agai tigi mu dolai mu sulama, tama agai tigi gasagi yai mu elaluali. Hasia bolo te bidi Jop da te kuna konegobeo. Augwa ugwa pipisąyali, augwali hobede ebo ola momainogo, tama gela wabo gagalali. Tama augwaligo tǫ hogomu augwa tigiba ugwaba sąyani.  
\v 13 Tama tilama, augwali aga dali tǫba duagulali. Augwali aga dali bidibadi, nogo a naga olama, me badu nogo badu si sogo aga dali bidali. Tama augwaligo agade po me wabe, magi baso meni, aga augwaligo suali, agai tigide moni dene mu saibaso.   
\c 3  
\s1 Jop aga idago aga ame nani sogoba sębę po wali  
\p
\v 1 Te nogo a naga olama, me badu nogo si sogo bidama silibo si, te Jop agai pedauwali pania sabo silama, tama po weyu, te aga idago aga ame nani sogoba dwai po wali.  
\v 2 Agai te po wali,   
\q1
\v 3 “Te Godigo ena idago haligade elalubadi yaide,  
\q2 teda tama doligi sogo da, usu igi dao.  
\q1 Tama ena idago ena ame nani sogo me  
\q2 tama doligi sogo da, usu igi dao.   
\q1
\v 4 Mu, te Godigo dwagi yai mu elama,  
\q2 te sogo hulide me hulia sai me elalugi sogo da,  
\q3 usu mu igi dao.  
\q1 Ma, te giliga nanomai ebo tagaligi sogo da, usu igi dao.   
\q1
\v 5 Te mu tama, Godigo te ena ame nani sogo mu  
\q2 gegeda pigi sogo da, usu igi dao.  
\q1 Mu da, agai ena ame nani sogo mu hulialugi sogo,  
\q2 tama sisi pǫgo te sogo dagalude hulia selama,  
\q2 te giliga palialugi sogo da, usu igi dao.   
\q1
\v 6 Tama eno homugo te mu usu mu igi dao,  
\q2 te eno idago haliga elalubadi,  
\q2 dagalu te sisi pǫgo mu huli dąų walalugi da.  
\q1 Ma, Godigo me bidi dabego te sogo  
\q2 te kalenda daide sela sągi sogo da,  
\q2 teda te bidi dabego te sogo nedigi menigi dao.   
\q1
\v 7 Ma, te sogo hulide te dwagi yai homu meni yai sogo  
\q2 tama we sibigo wai haliga isąwai sogo.   
\q1
\v 8 Ma, te pobi bidi dabe, te bulu hasa  
\q2 Leviatan guni tubo bage, augwaligo pobi weyu,  
\q2 te ena ame nani sogo te aiyaba  
\q3 elalugi sogo da, usu igi da.   
\q1
\v 9 Te ma te usu igi dao, te huli sesabi igi sogo da,  
\q2 tama kigamu te dagalude hǫ dabe  
\q3 te ula igi menigi sogo da,  
\q2 teda te be posa pigi menio.   
\q1
\v 10 Mu tama, te mu tama te sogo huli  
\q2 sesabi igi sogo, teda doligi dao.  
\q1 Magi baso meni, agai ena homu meniama iyu yaide,  
\q2 te idago haliga dąų wagi sogo da.  
\q1 Tisąma yaligo da, ena megi ena sęgę me, dene me,  
\q2 eno tigide hauwa mu te sabo yabao,” wali.   
\q1
\v 11 “Magi baso ena ena idago haligade isisąma yaliwe?  
\q1 Ma, te ena ame nani sogo tama tisąma yaliwe?   
\q1
\v 12 Magi baso idago ena agai teleba munama,  
\q2 magi baso ame maniwe?   
\q1
\v 13 Ma, ena isigi sogo da, teda ena pila muyu,  
\q2 hodo bugagia doloyu, pila mugi dao.   
\q1
\v 14 Teda ena te king dabe ma king dabego koneai  
\q3 bidi dabe yali gilama tama bidigi dao.  
\q1 Augwali polo isilama, tama augwa  
\q3 hodo doloyu, bugagia bidibao.  
\q1 Augwaligo moni hanu dolai goli ma hodolai dao.  
\q1 Tama tiali goli, augwali me polo isilama,  
\q2 bugagia bidiyu hodo dolobao.   
\q1
\v 15 Tama tialima, ena me augwali dali  
\q3 bugagia pila mugi da,  
\q2 te genuai bidi dabego te silva dali,  
\q3 gol dali si augwa bede pągąnani,  
\q2 tama te bage augwali polo isai dao.   
\q1
\v 16 Magi baso ena ena idago haligade isisąma yaliwe?  
\q1 Magi baso eno te giliga ula susiąma ebadi,  
\q2 eno idago haligade isilama pubalobewe?”   
\q1
\v 17 “Ma, te bidi polo isai bidi dabego  
\q2 bulude da, megi te dwai kolesaga yali bidigo ma ebeo.  
\q2 Tama bidi dabe augwa tigi te dene yali sę yali bage  
\q1 isama, tama megi augwali toma tuyu bidibao   
\q1
\v 18 Tama te bulude te bidi polobadu kalabus  
\q3 sę yali bage, megi da augwali dua bidibao.  
\q1 Augwaligo megi augwa tonalubo  
\q2 sesenani bidi dabego po wabo me odobo meni.   
\q1
\v 19 Te bulude da, te tobage bidi dabe te bidibo,  
\q3 tagala augwali genuai nogi elalubaso,  
\q2 me olo bidi yaibaso me.  
\q1 Te olo sę ebo bidi dabe augwali augwa  
\q2 genuai bidi dologode me bidibeo.  
\q1 Mu meni, augwali megi da hala palali,”  
\q2 Jopgo te po wali. \x * \xo 3:19 \xt Jer 20:14-18\x*   
\b  
\q1
\v 20 “Godigo te bidi dabe augwali dene dali  
\q2 sęgę siyu ebo agai subo dao.  
\q1 Magi baso agai augwa bidibo ula me  
\q2 elalubo sula tagalobo dawe?   
\q1
\v 21 Te bidi augwali isabo naga augwaligo wei mu ebo.  
\q1 Tiali goli, te bidi dabe augwali isibe.  
\q1 Augwali augwa isabo bomai sę elama  
\q2 gegebo sę tiwai ebo da,  
\q2 bidigo mone tǫ dogolama gegebo tiwai dao. \x * \xo 3:21 \xt Ped 9:6\x*   
\q1
\v 22 Augwali dwagi yai homu ebo da, augwali te isilama,  
\q2 augwali gų pageba pubaligi pabode ebo.   
\q1
\v 23 Godigo te tobage bidi dabego sunumi me  
\q3 sina sabo dao,  
\q2 te augwali te obo tomode elalubo tiwai eyu,  
\q2 tama te bidi dabe augwali pabo sunumi  
\q3 meni ebo dao.  
\q1 Augwaligo magi sę mu yaibawe?  
\q1 Tama magi baso Godigo augwali bidimainogo ebowe?”   
\b  
\q1
\v 24 “Ena nai me tubo meni yani.  
\q1 Eno haligade gela naga wabo.  
\q1 Ena dene dwai mu ebaso, ena hwąwa  
\q2 boma mu wabo dao.  
\q1 Tama eno homu sęgę da,  
\q2 ąį gamiade wę pągąlubo tiwai elama pabo tiwai ebo.   
\q1
\v 25 Magi baso meni, te tigidali nai dabe  
\q3 ena wi mu ebo da,  
\q2 te nai dabego ena sabolama, ena dolobo dao.  
\q1 Awe, te ena wi ilali sę dabe enaba pedelai dao.   
\q1
\v 26 Tibaso, eno bugai homu me ebe,  
\q2 tama ena dua me dulalube,  
\q2 tama tiyu, ena dua me dualalubeo. Mu menio.  
\q1 Tigidali sogo eno tigide dwai sęgę naga siyu ebo dao,  
\q2 tama eno homu tegalugobeo,” Jopgo te po wali.   
\c 4  
\ms1 Elifasgo polasa wali po  
\mr (Dąį 4–5)  
\s1 Godigo doloba pai bidi tau siyu, te dwai sę ebo we bidi aiyaba elalubo dao  
\p
\v 1 Elifas te Teman hanu bidi agai Jopgo wali po oda silama, agai po wei ponoyu, te po wali,   
\q1
\v 2 “Jop, eno po dwasianu nage dali waibao.  
\q1 Ma, tama eno tama tiyu da,  
\q2 teda nago ena dali wado yaibawe, ma meniwe?  
\q1 Tiali goli, tagala, eno penane panialugobeo.   
\q1
\v 3 Eno koneani, nago dwagi yai homu  
\q2 we bidi hauwabolo mani.  
\q1 Tama nago bomo menia we bidi bomo ma ilali.  
\q1 Tede nago homu kone palao.   
\q1
\v 4 Te we bidi genuai sęgę selama, tǫba tulaluai goli,  
\q2 nago augwalibolo dwagi yai po mawai.  
\q1 Tama nago te pogo augwali ma hodolai dao.  
\q1 Tama augwali ma bomo elama  
\q2 dolalumainogo nago augwali tau sali.   
\q1
\v 5 Tiali goli, hobede mu dwali.  
\q1 Megi dwai sęgęgo mu nage te mesegelai yaba.  
\q1 Tama nage noma siyu,  
\q2 nago homu sęgę genuai mu te eba.  
\q1 Awe, te sęgę nageba pedalubaso, nage noma mu sali.   
\q1
\v 6 Nage Godigo po wali peyu, tama agade lotu po weyu,  
\q2 tama aga dologode naga bidiyu eyu yaide,  
\q2 nago dwagi yai doloba pai kolesaga  
\q3 tigidali sogo eyu ebo da.  
\q1 Tama megi me nago agade homu dąų walama,  
\q2 tama agai nage ma tau somainu yao,” wali.   
\q1
\v 7 “Jop, nago koneani,  
\q2 we bidi me dwagi yai kolesaga eyu,  
\q2 dwai kolesaga menia, te bidi dolama isaliwe?  
\q1 Ma, te doloba pai we bidi olo dolaliwe?  
\q2 Teda meni homu eba.   
\q1
\v 8 Tiali goli, eno suali,  
\q2 dwai kolesaga hauwa ebo bidi dabe da,  
\q2 te bage da dwai kolesaga wali peyu,  
\q2 augwali sęgę hauwa wali peyu ebo.  
\q1 Te e tiwai dao, bidigo aga gide dwagi yai nai wai  
\q1 bulama,  
\q2 tama te dwagi yai nai sabo tiwai,  
\q3 ma te bidigo dwai nai wai bulama,  
\q2 tama te dwai nai sabo tiwai.   
\q1
\v 9 Godigo te dwai sę ebo bidi dali sębę elama,  
\q2 tama augwali mu dolama,  
\q2 tama augwali mu silibo dao.  
\q1 Te e tiwai dao, isigo ni ulama sia sabo tiwai dao.   
\q1
\v 10 Dwai bidi dabego gasa bidi dolama,  
\q3 dwagi yai homu ebo,  
\q3 te bulu yowi laiongo bulu hasa  
\q2 ela munama, hai wabo tiwai ebo dao.  
\q1 Tiali goli, Godigo te bidi dabe aiyaba  
\q2 elaluama, sęgę mena tagalobo dao.  
\q1 Tama augwali te bulu yowi laion tiwai dao,  
\q2 te augwaligo kele degelama,  
\q2 te bulu hasa ma ela tuabo usu meni ebo dao.   
\q1
\v 11 Tama te bulu yowi laion aga tuabo nai meniama,  
\q2 tama isibosi, augwaligo wai dabe wi tedela pabo.  
\q1 Te tiwai te dwai bidi dabe tigide ebo dao,”  
\q1 Elifasgo te po wali.   
\s1 Bidi me deli Godigo gedude dwai kolesaga isąwai bidi meni dao  
\p
\v 12 Tama Elifas agai po genina mu ma weyu, te po wali,  
\q1 “Me sogo po me dua digi mu ena pageba sabolali.  
\q3 Pąde mu tama te po odabo ąǫ ebe.   
\q1
\v 13 Te po eno hulide sali.  
\q1 Te bidi dabe sese mu godege pilama tomo mu igi paide.  
\q1 Ena pila mubadi yaide, te haniani kolesaga  
\q3 eno tobolude iba oba ida wali.   
\q1
\v 14 Tama tibadi yaide, magi nai mego eno tigi wi ilama,  
\q2 tama eno tigi noma geninama mu sali.   
\q1
\v 15 Tama dwasianu wali eno gesabididu  
\q3 aselama, eno gesabidi pona sąyani.  
\q1 Teda ena wi genuai mu elama,  
\q2 tama eno tigi nisi hodaluali.   
\q1
\v 16 Eno magi nai me dolalubo suali.  
\q1 Tama tibaso, eno gedu dilasa mu tonali.  
\q1 Tama te nai eno bugagia koneabo ąǫ ebe,  
\q2 tama eno kilikili me me odobe.  
\q1 Tiali goli, nosali eno po me odali, te pogo e tama wali,   
\q1
\v 17 ‘Godigo tigidali we bidi nigai dao.  
\q2 Tama augwali aga dologode bidibao.  
\q2 Tama God agai gedude doloba pai  
\q3 bidi me bidibeo, te God aga tiwai.   
\q1
\v 18 Te Godigo ensel mobo bidi dabe  
\q1 God aga dali bidiyu, sę agade ebo.  
\q1 Tiali goli, me sogo augwaligo augwa sę  
\q2 bugagia me ebo menio.  
\q1 Godigo subo da, te ensel mobo bidi dabe  
\q2 me sogo bugagia me bidibo menio.   
\q1
\v 19 Tiali goli, bidi dabe da, e tǫde olo nai dao.  
\q1 Nago homu bidigo ensel bidi edelama,  
\q2 Godigo gedude doloba pai bidi bidaibawe?  
\q1 Godigo e tǫde bidigo tigi nigai dao.  
\q2 Tama augwali polo isibo da,  
\q3 te ba bogǫų bidigo sągą agala sabo tiwai dao.   
\q1
\v 20 Bidi me deli kigamu bugagia bidiyu,  
\q2 tama pio aga isilama, tama me badu we bidigo aga  
\q3 mu gegeda palaiba, agawe?   
\q1
\v 21 Te bidi dabe dwagi yai kolesaga sisąbadi yaide,  
\q2 te isibo augwaliba polo sabolobo dao,  
\q2 te sel ugwa be te bono pįsįgana palobo si,  
\q2 tǫba polo tulalubo tiwai ebo dao,” wali.   
\c 5  
\p
\v 1 Tama Elifas agai po genina ma weyu, e tama wali,  
\q1 “Polobe da, Jop, nago i bomonama tau somainogo.  
\q1 Tiali goli, eno homugo bidi deli bidibo te asogowe?  
\q1 Nago homugo dagalude ensel bidigo  
\q2 nage tau somainu hanalu waibawe?   
\q1
\v 2 Ma, kolesaga meni yai bidigo da,  
\q2 teda dwai kolesaga wali paibao.  
\q1 Tama homu sęgę eyu, sębę ebo sę tigidali sogo yaibao.  
\q1 Tama aga te kolesagago aga digi aga ma isilaibao.   
\q1
\v 3 Eno suali, bidi meba augwa obo  
\q2 tomode bugagia bidibo suali.  
\q1 Tiali goli, augwaligo kolesaga mu dwai mu elalubo suali.  
\q1 Tama tibaso, eno God polo i wali, te bage dolomainu.   
\q1
\v 4 Ao, augwa wai puluba dabe  
\q2 bugagia bidabo sunumi meni yai.  
\q1 Tama bidi dwai dabego augwali po tų  
\q3 ebode aiyaba elaluainu ebaso da,  
\q2 teda augwali po tų ebode  
\q3 kisa sabo hai namu meni yaibao,  
\q2 te po tųde ela holabo.   
\q1
\v 5 Te we bidi nai menia siyu ebode,  
\q2 ma dogoni aloa siyu ebaso da,  
\q2 teda augwali te dwai bidi dabego  
\q3 giba dabe nai sagasiyu yaibao.  
\q1 Tagalogobeo, te dwai sesani bono tomode  
\q2 elalubo nai me, augwaligo te nai me siyu naga yaiba.  
\q1 Tama augwaligo moni doado bage sabo  
\q2 sunumi gegaibao, te bidi hanigo.   
\q1
\v 6 Dago koneani, te dwai dwai sęgę,  
\q3 me dwai dwai sę ebo kolesaga  
\q2 te nai tubo tiwai e tǫde pedalobo meni.   
\q1
\v 7 Bidi dena digi da, te tobage dwai dwai sęgę sabo  
\q3 kolesagago sę ebo dao.  
\q1 Dena digi te sęgę sabo, e tiwai ebo dao,  
\q2 te kenage isi ulama podiliyu, te isi hobolu,  
\q2 ugwaba dagala sąbo tiwai ebo dao,” wali.   
\s1 Te dwai sogo God nage tonaluaibao  
\p
\v 8 Elifas agai po genina ma weyu, e tama wali,  
\q2 “Tiali goli, ena tama nago tigide  
\q3 sęgę yali tiwai igi sogo da,  
\q2 teda ena Godibolo gedu haluasa po wagi da,  
\q2 agai eno te sęgę silimainu.   
\q1
\v 9 Agai haniani sę hauwa mu ebo dao,  
\q2 tama dago te sę nedebo usu egobe.  
\q1 Augwaligo dago kolesaga edelai,  
\q2 te dago kuna konegobeo.   
\q1
\v 10 Agai te tulubage e tǫba mayu,  
\q2 te dago giba me tulubage mabo dao.   
\q1
\v 11 Agai genuai nogi te nogi meni yai  
\q2 bidibolo te genuai nogi mabo dao.  
\q1 Tama agai te dwai sęgę sobaso  
\q3 gela wabo bidi dabe tau siyu ebo,  
\q2 tama bugagia bidimainu,” wali.   
\b  
\q1
\v 12 “Agai te tibo po walama,  
\q2 dwai kolesaga ebo bidi agai tobolu dolobo dao,  
\q2 tama tiyu, te bidi dabe augwaligo  
\q3 yagą wali haniani sę ebo meni.   
\q1
\v 13 Bidi mebago haniani kolesagago  
\q2 bidi mebago homu kolesaga dolainu ebo dao.  
\q1 Tiali goli, God te dwai kolesaga ebo bidi  
\q2 aga te dwai kolesaga ebogo  
\q2 aga ma dolomainu ebo dao.  
\q1 Te e tiwai dao.  
\q1 Bidigo sųgų sabo wa te sųgų sainu wąį goli,  
\q2 te wa aga digi aga tigide ma agabesai subo dao.  
\q1 Tama augwaligo sainu yali homu  
\q2 te olo buluba taga pabo dao. \x * \xo 5:13 \xt 1 Ko 3:19\x*   
\q1
\v 14 Augwaligo homu kolesaga mu kone tųą pabo dao,  
\q2 tama augwaligo magi sę me yabo homu ebo menio.  
\q1 Te giliga nanani da homu egobeo.  
\q1 Augwali te homu kolesaga mu menia pela,  
\q2 huli dulude bidibo tiwai elama,  
\q2 augwa pabo sunumi subo menio.   
\q1
\v 15 Tiali goli, Godigo  
\q2 te nai meni yai bidi tau sabo dao.  
\q1 Ma tagala, te bomo yai genuai bidi dabe da,  
\q2 augwaligo te nai meni yai bidi dabe dologobeo.   
\q1
\v 16 Tama tibaso, te nai meni yai bidi dabe  
\q2 augwa Godiba homu kolesaga dąų weyu,  
\q1 God augwali tau somainu tonalubo dao.  
\q1 Tama te dwai sę ebo bidi dabego  
\q2 augwalibolo dwai sę ma egobeo,” wali.   
\q1
\v 17 “Ma, te Tigidali Bomo Elalubo God  
\q2 agai bidi me deli kolesaga dodolobaso da,  
\q2 teda te bidigo dwagi yai homu yao.  
\q1 Tama megi da, agai nage dodolaiba,  
\q2 tiyu nago aga tudi ola maidali weyu.\x * \xo 5:17 \xt Prs 3:11-12; Hib 12:5-6\x*   
\q1
\v 18 Dago koneani, Godigo nage sęgę mu mayu  
\q3 elama ebaso da,  
\q2 teda aga digi nage usu ma ilaibao.   
\q1
\v 19 Tigidali sogo mu, agai nage  
\q3 dwai sogo ebaso me, agai nage tau saibao,  
\q2 tama te dwai naigo nage me dologobeo.   
\q1
\v 20 Ma, te nasi ebo si asobaso da,  
\q2 agai nage nai mawaibao,  
\q2 tama nage bugagia bidaibao.  
\q1 Ma, te wąbi hwįbo sogo, agai nage tonaluaibao,  
\q2 tama tiyu, te boi bidi dabego  
\q3 nage me ela mugobeo,” wali.   
\q1
\v 21 “Ma, te bidi dabego ili po walama,  
\q2 nago nogi aiyaba elaluainu ebaso da,  
\q3 me ma te dwai nai pedalama,  
\q2 tama nage dolainu ebaso da,  
\q2 teda God nage pagede bidiyu, tau saibao,  
\q2 nage wi me egobeo.   
\q1
\v 22 Te moni nasi si asobo sogo me, te dwai sogo me,  
\q1 Godigo nage tonaluaibao, tama nage  
\q2 dwagi yai homu elama, bugagia bidaibao.  
\q1 Tama nage bulu hasa wi me egobeo.   
\q1
\v 23 Te nago gide tǫ elebo si,  
\q2 te gide masigi du me sugobeo.  
\q1 Tama te bulu hasa dabe nage dali bugagia bidaibao.   
\q1
\v 24 Tama nago koneaibao,  
\q2 naga nai dabe bugagia bidiba olama,  
\q2 tama naga ugwa bede bugagia dua bidaibao.  
\q1 Tama naga kibu sipsip dabe bugagia bidibo suaibao,  
\q2 tama te kibu sipsip me hagagobeo.   
\q1
\v 25 Naga hani te genuai mu pedalaibao,  
\q2 tama augwali genuai mu pedalama,  
\q3 te tǫde nosai holobo tiwai yaibao.   
\q1
\v 26 Tama tibo si, nage monu dabe mu  
\q2 elama, tama nage isaibao.  
\q1 Nage te gide wit nai inabo tiwai elama,  
\q2 tama te bidi dabego sabo sogo saibao.   
\q1
\v 27 Jop, dago sulama, homugo koneama,  
\q3 tama dago mu suali,  
\q2 te nai dabe tama dago mu koneani,  
\q2 te mu tama mu dao.  
\q1 Eno te po pusali, te nage tau somainu.  
\q1 Tama tibaso, nago olo sąganama, bugagia odama,  
\q2 tama homu kolesaga bugagia sao,”  
\p Elifasgo te po wali.   
\c 6  
\ms1 Jopgo Elifasgo po wei ponobo po wali  
\mr (Dąį 6–7)  
\s1 Jop agai homugo sęgę genuai me elalubao  
\p
\v 1 Tama te Jop agai Elifasgo po wei ponoyu, e tama wali,   
\q1
\v 2 “Hobede mu, tiali goli, ma eno  
\q2 te tigidali homu sęgę dali, te tigidali nai dabe,  
\q3 te skel me deliba muyu da,   
\q1
\v 3 teda te dwai nai dabego sęgęgo  
\q2 te tamu ąį sanide elalubo  
\q2 masigi kemigo sęgę aiyaba ilaibao.  
\q1 Tama tibaso, eno wado elama, haniani po dabe obao.   
\q1
\v 4 God tigidali bomo elalubo,  
\q2 te agai ena te enego enani ene  
\q2 te dwai nabi tede elalubo.  
\q1 Tama te dwai nabi eno tigi tomoba pelama,  
\q2 tama eno homu dwali.  
\q1 Godigo haniani nai taga palali ena wi emainu,” wali.   
\q1
\v 5 “Te kibu donki dali, te kibu  
\q2 bulmakau sigo augwa tuabo nosai  
\q3 elalubaso, te hǫą wabo meni.   
\q1
\v 6 Tiali goli, dago pusu menia nai meba  
\q3 elalubo, dago te nai subigila tuaibawe? Menima.  
\q1 Hasia dago tamu bolo munama, tama dago tubo da.  
\q1 Ma, te ba ge gani pusu ebo dawe? Mu menima.   
\q1
\v 7 Eno haligago te tobage nai wei mu meni.  
\q1 Eno gedude te nai dwai mu da,” wali. \f + \fr 6:7 \ft Te ves 5-7de Jopgo te tiwai po begelama, wali, te Elifasgo wali pogo aga tau sabo sę dwasianu me ebeo, te pusu menisąwai nai tubo tiwai yali. Tama tibaso, te aga sęgę dabede po me tama pusabo homu ebao.\f*   
\q1
\v 8 “Eno wei mu ebo, Godigo eno gedu  
\q3 haluasa po wabo odama,  
\q2 tama agai eno emainu wali sę dabe emainao.   
\q1
\v 9 Eno godolo ebo da, God agai ena sągągo agalama,  
\q2 tama elama, isilimai homu eba.   
\q1
\v 10 Ma, te ena genuai sęgę tolobo da hagela ebo,  
\q2 teda ena dwagi yai homu elama, sasamano bilaiba.  
\q1 Magi baso meni, eno koneani,  
\q2 tigidali sogo mu ena God dologode bidali,  
\q2 aga te dwagi yai kolesaga eyu,  
\q3 doloba pai kolesaga naga ebo God dao.   
\q1
\v 11 Eno bomo tigidali sia sali,  
\q2 tama eno mena dwagi yai nai enaba  
\q3 ma pedalobo tonaluaibawe?  
\q1 Ena bididuabo page da, mu meni.  
\q2 Tama magi baso ena homu nagame elama bidaiba?  
\q1 Te mu dwagi yai da, eno bidibo ula sia siyu da.   
\q1
\v 12 Mena tama tibo nago homugo ena bomo masigi dali,  
\q2 bras dali si tiwai dawe? Mu meni.   
\q1
\v 13 Eno bomo mu sia sali, tama eno mena sę ma eyu,  
\q2 ena ma tau somainu ebo usu menio,” wali.   
\q1
\v 14 “Bidi te genuai sęgę elalubo sogo da,  
\q2 augwa abagi mu dabe pąde elalubo dao,  
\q2 ma agai God tudiba sąwai badi,  
\q2 me aga God dologode me bidibadi.   
\q1
\v 15 Tiali goli, dage eno abagi dabe,  
\q2 dagego ena ili po bugagia mu ola mobao.  
\q1 Dage te ąį gamia wa pai elalubo,  
\q2 te tulubage tulisąma ebadi elalubo tiwai dao.   
\q1
\v 16 Te tulubage side da, te wę te ąį gamiadu soabo dao.   
\q1
\v 17 Tiali goli, te poi pibo side da,  
\q2 te ąį gamia dabe wa pai mu elalubo dao.   
\q1
\v 18 Me sogo side bidi dabe augwa bulu tagalama,  
\q2 gasa buluba augwa wa hulu sabilibo  
\q3 kibu kamel dali pabo sogo,  
\q2 tama augwali wę menia sabo sogo,  
\q3 augwali sunumi tagalama,  
\q2 te wę gamiaba gegegi pabo dao.  
\q1 Tiali goli, wę gamiade wę mu meni ebo dao.  
\q1 Tibaso, augwali wę geme elalubo badi  
\q3 udada bilibadi, augwali isibo dao.   
\q1
\v 19-20 Te bidi hani te hanu  
\q2 Tema bidi dali, Seba bulu bidi dabe,  
\q2 augwaligo me tiwai sę naga ebo dao.  
\q1 Augwaligo homugo te wę gamiade wę elalubao olama,  
\q3 augwa kibu kamel dabe teba sela pelama,  
\q2 te wę tumai homu elama, teba odasa pabo dao.  
\q1 Tiali goli, augwali te wę sula saibaso, noma sabo dao.  
\q1 Tama tibaso, augwali dwai homu ebo dao.   
\q1
\v 21 Eno homugo dage sela te wę gamia  
\q2 sula sai tiwai dao.  
\q1 Eno homugo dagego ena tau sainu asali.  
\q1 Tiali goli, dagego suali,  
\q3 ena mu dolai mu bidibo suali,  
\q2 tama tibaso, dage wi genuai mu yali.   
\q1
\v 22 Mena tama tiali? Polobadu eno dagebolo  
\q3 ena dobola somainogo  
\q2 te boi bidiba doado bage mao  
\q3 wabo sogo me elaluai dawe?  
\q1 O ma, eno dagebolo gasa bidi dabebolo  
\q3 mone momainu, te bidi dabe hanaluama,  
\q3 ena tau somainu yai dawe?   
\q1
\v 23 Ma, eno dagebolo boi bidi dabego  
\q2 nogode ma somainu dagebolo hanalu wai dawe?  
\q1 Ma, ena te dwai kingo nogode abelemainu yaliwe?  
\q2 Mu menima,”  
\p Jopgo te po wali.   
\b  
\q1
\v 24 “Tibadi polo ma, dagego ena olama ma,  
\q2 tama eno koneama, te eno dwai sę dabe yali  
\q2 koneaibao.  
\q1 Tibaso da, eno pedauwali pania selama,  
\q2 dagego po wabo naga odaibao.   
\q1
\v 25 Tama dagego po mu yaibaso da,  
\q3 teda eno te po oda selama, eno homu kone  
\q3 palama,  
\q3 mu da homu elama, wali paibao.  
\q1 Tiali goli, dagego olo ili po naga weyu da.  
\q1 Eno dwai sę me yai meni.   
\q1
\v 26 E sęgęgo ena mu dolali.  
\q1 Tama tibaso, eno po dodolama obao,  
\q2 tama dagego homugo, eno po  
\q3 olo wali bola bilibo tiwai yali.  
\q1 Tama dagego homugo dagego ena dodolaibawe?   
\q1
\v 27 Menima. Dagego kas gagali elama,  
\q2 te tiana wai dabe dego mu sogowe  
\q3 weyu suainu yabo bage dao.  
\q1 Tama duga abagi solo maketde munama,  
\q3 mone sainu yabo usu.   
\q1
\v 28 Mu tama, dagego ena bugagia sulama, osayama,  
\q2 eno dagebolo ili po me wagobe ma.   
\q1
\v 29 Dagego te tobage po dali, kolesaga dali si tagama,  
\q2 tama doloba pai kolesaga elama, eno kolesaga  
\q2 osayama.  
\q1 Dagego ena aiyaba elalugi, eno magi dwai sę me ebe.   
\q1
\v 30 Dagego homugo eno po dolo meni homu ebowe?  
\q1 Tama dagego homugo eno te dwai kolesaga menawe,  
\q2 te dwagi yai kolesaga dali si dagalogobewe, ebawe?  
\q2 Te bage?”  
\p Jopgo te po wai.   
\c 7  
\q1
\v 1 “Da e tǫde bidibo sogo, da e tiwai dao,  
\q2 bidigo da kegelama, wąbi hwįbo bidi nigibo.  
\q1 Da te sę ebo bidi dabe tiwai gilama,  
\q2 bomai sę naga tigidali sogo yaibao.   
\q1
\v 2 Da e tiwai olo sę bidigo te giliga ibaba dega sabode  
\q2 agai tigi dwanu kedau emai ebo.  
\q1 Tama da te sę bidigo aga mone sabo tonalubo tiwai dao.   
\q1
\v 3 Godigo bodolu te polua hauwa mu  
\q2 mani, ena dwai tiwai bidimainu.  
\q1 Tama tigidali hulide ena homu dwai idubao.   
\q1
\v 4 Ena pibo saide pila muyu,  
\q2 eno homugo te be polo posao homu ebao.  
\q1 Tiali goli, huli sesabi bobobage mu yaibaso,  
\q2 ena pibo saide ugwa begeliyu,  
\q2 eda begeliyu idubadi, be posalio.   
\q1
\v 5 Eno tigi tigide elalubo kenide te sawi pulai elalubo.  
\q1 Bomai tigi waligo te keni halubo dao,  
\q2 tama te keni dabe olo tigi wali pepeda pelama,  
\q2 tigidali tigide tilama, keni di pedalobo dao.   
\q1
\v 6 Me ma, ena e tǫde bidibo sogo polo peyu ebo.  
\q1 Tama tibaso, eno homugo eno tigi ma  
\q2 usu yaiba homu menio,”  
\p Jopgo te po wali.   
\s1 Jop aga homu sęgę Godibolo pusa mani  
\p
\v 7 Jop agai po genina ma weyu, e tama wali,  
\q1 “God, nago koneani, eno e tǫde  
\q2 bidabo sogo te pęwadage mu da,  
\q2 te eno gunidu mobo selama,  
\q2 buluba polo ma soabo tiwai mu dao.  
\q1 Tama tibaso, dwagi yai sogo ena tigiba ma asogobeo.   
\q1
\v 8 Bidi dabe augwaligo ena megi subao.  
\q1 Tiali goli, nosali augwaligo ena ma sugobeo.  
\q1 Nago ena gegebo sę yali goli, tama ena olo dali  
\q3 hagalama, nago ena ma sugobeo.   
\q1
\v 9 Bidi isibo da, teda aga  
\q2 polo isai bidi dabego buluba pabo.  
\q1 Te pǫ me deli tiwai dagalude bidisąma  
\q2 tedela pai te tiwai dao.  
\q1 Tama bidi dabe te bulude bidibo bage  
\q2 te buluba ma asogobe.   
\q1
\v 10 Aga aga beba ma asogobe.  
\q1 Tama aga hanigo aga homu kone me egobeo,  
\q2 tama mu gegeda paibao,” wali.   
\q1
\v 11 “Tama eno te homu ebo sogo,  
\q2 eno pedauwali pani sogobeo.  
\q1 Eno haligade gela genuai mu walama,  
\q2 tama ena sęgę genuai mu tolalio.  
\q1 Tibaso, eno po me waibao.   
\q1
\v 12 Magi baso nago ena tigidali sogo  
\q2 ena bomonama tonalubo dawe?  
\q1 Nago homugo ena te tamu ąįde bidibo  
\q3 masalai gula tiwai da weyu,  
\q2 eno te nai dabe dolomai homu ebowe? \f + \fr 7:12 \ft Polobadu digi bidi hani mebago po me deli pusuyu, te tamu ąįde bidibo husale hasamani bidigo augwali dolainogo elaluai da po walio. Tiali goli, Godigo aga hadabu ilama, te agade tonaluyu bidibao. Te husale hasamani nogi da, te Rahap. Te ede elalubo po tiwai me te Jop 9:13; 26:12-14, tede me elalubo suao.\f*   
\q1
\v 13 Eno homugo tibo dao,  
\q2 ena godege piyu, te dene ebo gegeda pogowe  
\q3 homu ebo.   
\q1
\v 14 Tiali goli, ena pibo sogo nago ena haniani na ilama,  
\q2 tama eno te tobage hwą bidi suyu ebo.   
\q1
\v 15 Tialima, te sogo eno homugo  
\q2 te tibo kolesagago ena dogoni tola selama,  
\q3 ena isimainao.  
\q1 Eno wei ebe, ena te tigidali me bididu,  
\q2 te tobage sęgę siyu ebo hagela ebo.   
\q1
\v 16 Ena hagela polo yali.  
\q1 E tǫde bidibo da, ena hagela mu ebo.  
\q1 God, nago enabolo sęge ma menamo,  
\q2 ena sula tagalama, olo bidimainao.  
\q1 Magi baso meni, ena bidibo sogo pęwadage mu yali,”  
\q2 wali.   
\q1
\v 17 “Da we bidi magi nai dao olama,  
\q2 nago da homu ebo dawe?  
\q1 Magi baso nago da tigidali sogo  
\q2 tonalubo dawe? \x * \xo 7:17 \xt Tib 8:4; 144:3\x*   
\q1
\v 18 Magi baso nago dago kolesaga  
\q2 tigidali sogo kigamu osabo dawe?  
\q1 Tama magi baso nago da usu sabo hodo dolisąma  
\q2 ebo dawe?   
\q1
\v 19 Eno homugo nago gesabidi gasaba begelama,  
\q2 tama ena nago pęwadage sogo naga  
\q3 tonalu homu yali goli da,  
\q2 ena pęsa dalobo doanu usu emainu.   
\q1
\v 20 Eno homugo eno dwai sę ebogo nage mu dolobo,  
\q2 tama nago homugo enabolo sęgę maiabo homu  
\q2 ebawe?  
\q1 Ena te nago enego enebo tą tigi tiwai pedalali,  
\q2 tama nago ene enaba enebo dao.  
\q1 Nago da tonalubo da,  
\q2 te enesigi bidi dabego kalabus bidi tonalubo  
\q2 ąǫ ebo dao.  
\q1 Ma, eno nagebolo genuai sęge maniwe?   
\q1
\v 21 Magi baso nago eno sęgę dali,  
\q2 dwai sę dali si tagalobo homu ebewe?  
\q1 Dwasianu sogo ena isama, ena gų pagede pila muaibao.  
\q1 Tama nago ena gegebo sogo,  
\q2 te nago ena munu ma sugobeo,”  
\p Jopgo Genuai Bidibolo te po wali.   
\c 8  
\ms1 Bildatgo polasa pusali po  
\mr (Dąį 8)  
\s1 Dwai bidi dabe bobobage sogo bidigobe  
\p
\v 1 Jopgo po ola silibo si, tama Bildat te Suha bulu tǫ bidigo agabolo e tama wali.   
\q1
\v 2 “Te bage. Nago po da, dwai goli da,  
\q2 mena sogo nago te kolesaga tagalaibawe?  
\q1 Nago po wabo te wali subigila pabo tiwai dao.   
\q1
\v 3 Godigo tigidali bomo elalubo,  
\q2 te doloba pai kolesaga hasegelama,  
\q2 tama da kegebo meni. Mu menima.  
\q1 Tigidali sogo agai kolesaga doloba pai naga dao.   
\q1
\v 4 Tialima, nago wai pulubago dwai sę ebaso,  
\q2 agai augwa sęgę wei ponani bogo.   
\q1
\v 5 Tiali goli, naga Godibolo gedu haluasa po wao.  
\q1 Agai tigidali bomo elalubo, tama nago  
\q2 agabolo nage hobede emainu ya.   
\q1
\v 6 Ma, nage Godigo gedude doloba pelama,  
\q2 magi sę me isąwai da, teda God  
\q3 aselama, nage tau sagasaibao.  
\q1 Teda aga nage bugagia nago bede bidimainu ilaiba,  
\q2 te polobadu bidali yali gilama.   
\q1
\v 7 Tama agai nagebolo nai dabe hauwa mu  
\q2 mawaibao, te polobadu nago elaluali nai  
\q3 mu edelaibao.   
\q1
\v 8 Nago polobadu bidali genuai bidi dabego  
\q2 dwagi yai doloba pai kolesaga page nago gega suao.  
\q1 Tama polobadu wąį dabego kolesaga me osola suao,”  
\q3 wali.   
\q1
\v 9 “Magi baso meni. Da tǫde pęwadage sogo  
\q3 bidibo dao,  
\q2 te bidigo tigi noma te tǫde osogo  
\q3 elalubo tiwai bidibo dao.  
\q1 Tama polo tama hagawaibao.  
\q1 Dago dwasianu kolesaga naga elalubo.   
\q1
\v 10 Polobadu bidi dabego dwagi yai kolesaga dali  
\q3 dwagi yai homu elaluali,  
\q2 tama augwaligo nage ola mawaibao,” wali.   
\q1
\v 11 “Augwaligo po meba e tama dao.  
\q1 Me badu tǫde wę menia digi da,  
\q2 te bulu awi me nosai da bugagia me hologobeo.  
\q2 Meni.  
\q1 Augwali te wę hauwa elalubo digi da,  
\q2 teda te awi dabe nosai dabe genuai mu holaibao.   
\q1
\v 12 Tiali goli, wę sula sabo si da,  
\q2 tama te awi dabe te nosai dabe genuai holobo meni,  
\q2 tibo si bidigo tagabo usu ebo menio.  
\q1 Augwali hogodo elalubadi, augwa ma sisibo dao.  
\q1 Te me badu nosai dabe polo sasia pisąma  
\q2 ebo te nosai dabe ebo gilama.   
\q1
\v 13 Te bidi dabe te God tudiba mubo bidi dabe  
\q2 augwali te nosai dabe tiwai dao.  
\q1 Te bidi dabego augwa dolabo sunumi wali pabo dao.  
\q1 Augwaligo homugo tibo meni,  
\q2 augwali bugagia bidiba homu egobeo. Menio.  
\q1 Augwali olo tama hagawaibao.   
\q1
\v 14-15 Augwa homugo da, augwali  
\q2 bugagia bidaiba homu ebo dao.  
\q1 Tiali goli, augwaligo te homu ebo da,  
\q2 te olo dali geda mubo dao.  
\q1 Augwali te kolesaga umawai meni yai bidi da,  
\q2 te be tolaluabo homu ebo tiwai dao.  
\q1 Te hologabe gagalama, be sigiba holobo dao.  
\q1 Tiali goli, te hologabe dabego be polo hųgia pabo da,  
\q2 tama augwali subigila tulalubo dao.   
\q1
\v 16 Hasia da, te bidi dabe augwali  
\q2 dila pai nosai tǫde elalu tiwai elaluai dao.  
\q1 Augwali wę hauwa elaluyu, tama bugagia holama,  
\q2 tama augwaligo pedali dabe tigidali tǫde usu yali.   
\q1
\v 17 Tama masigi dude bomonama dąų wala sali.   
\q1
\v 18 Tiali goli, bidigo te nosai gudubo sogo da,  
\q3 teda bidi mego konegobeo, polobadu tede dila  
\q3 nosai  
\q3 elaluai digi da homu egobe.   
\q1
\v 19 Mu tama, bidi dabego God tudiba mubo dao.  
\q1 Augwaligo wei ebo kolesaga pęwadage mu dao.  
\q1 Tama augwali isibo sogo,  
\q2 te gasa bidi dabe pedalama,  
\q2 te bidi dabego bidali pesage saibao,” wali.   
\q1
\v 20 “Ma, te bidigo doloba pai kolesaga wali peyu,  
\q2 tama Godigo gedude dwai sę me isąma yali da,  
\q2 teda Godigo aga tudiba me iligobeo.  
\q1 Tiali goli, bidigo dwai kolesaga ebaso da,  
\q2 teda Godigo aga tau sabo usu egobeo.   
\q1
\v 21 Megi da, Jop, Godigo nago kolesaga  
\q3 doloba pai suali da,  
\q2 agai nage homu wiegi yai ilaibao.  
\q1 Tibaso, nage wiegi yai homu elama,  
\q2 nage gisugu ma weyu, hai waibao.   
\q1
\v 22 Tama agai bidi dabe nage  
\q2 wei isąma yali bidi dabe aiyaba ilaibao,  
\q2 tama augwa moni hale mu yaibao.  
\q1 Tama te dwai kolesaga ebo bidi da,  
\q3 teda augwali hagawaibao,  
\q2 augwa te nai dabe dali sese hagawaibao,”  
\q3 te bidi Bildatgo Jopbolo te po wali.   
\c 9  
\ms1 Jopgo Bildatgo po wei ponobo po wali  
\mr (Dąį 9–10)  
\s1 Jopgo God dali po dodolainu yai  
\p
\v 1 Tama Jopgo Bildatgo po wei ponoyu, te tama wali.   
\q1
\v 2 “Mu tama, eno koneani, nago po dolo mu dao.  
\q1 Tiali goli, bidi Godigo po tų eboba sabolagi peyu da,  
\q2 teda mena tama aga Godigo gedude  
\q3 doloba pai bidi pedalaibawe?   
\q1
\v 3 Bidigo God dali pogo hąę po wabo sogo da,  
\q2 teda tagala, Godigo agabolo  
\q3 1,000 nai dabe hanalu waibao.  
\q1 Bidigo Godigo hanalubo po  
\q3 wei deli me ponogobeo.   
\q1
\v 4 Godigo haniani dwagi yai kolesaga dabe,  
\q3 me dwagi yai homu kolesaga,  
\q2 tama bomo me elalubo, tama dęą sogobeo.  
\q1 Tialima, niwai bidigo Godigo bomo dali,  
\q2 kolesaga dali si usu selama, God edelaibawe?   
\q1
\v 5 Ma, God agai sębę deli sogo eyu da,  
\q2 agai bulu du dabede deli sogo ibaba kidilibo dao.  
\q1 Tama augwali mu dolama, tagalobo dao.   
\q1
\v 6 Agai te tǫ dąų walalubo nai mumunu baso,  
\q2 tama te tǫ mali genina mu emainu ebo dao.   
\q1
\v 7 Agai po wabo goli, tama giliga agai po wali pode  
\q3 pedalugobeo.  
\q1 Tama aga hǫ dabego ula paliama, dago ula me sugobeo.   
\q1
\v 8 Agaduba deligo naga dagalu ugwade  
\q3 dinigina palai dao.  
\q1 Te tamu ąį holobo sogo da,  
\q2 te ąįba hologobe aga ugwadu bilibo dao.   
\q1
\v 9 Tama God agai te hǫ dabe nigai,  
\q2 tama te hǫ dabe augwa nogi deli deli  
\q3 elalubo. \x * \xo 9:9 \xt Jop 38:31; Amo 5:8\x*   
\q1
\v 10 Agai haniani bomai sę mu ebo dao.  
\q1 Agai ebo kolesagago dago ebo kolesaga edelai elalubo.  
\q1 Tama dago agai nigali nai dabe nedebo usu egobeo,”  
\q3 wali.   
\q1
\v 11 “Tagala, God ena pąba mu aselama,  
\q2 tama ena ela soabo si, eno konegobeo.  
\q1 Tama aga ena pąba asobosi, eno aga me sugobe.   
\q1
\v 12 Ma, agai magi nai me wei yali da,  
\q2 teda agai siyu naga ebo dao.  
\q1 Bidi mego aga me togolobo, usu egobeo.  
\q1 Tama dego aga hanalu waiba,  
\q2 ‘Nago magi sę ebawe?’   
\q1
\v 13 God agai boi bidi dali sębę ebo kolesaga  
\q2 sesemane sogo idu gebo dao, simanogobeo.  
\q1 Mu tama, te moni tamu ąįde bidibo  
\q3 bulu hwabidi gulamane dali,  
\q2 aga wali asali genuai hani dali si,  
\q3 te Godigo aiyaba elaluama,  
\q2 tama aga dologode elalubo dao.   
\q1
\v 14 Ena bomo mu meniama,  
\q2 tama eno Godigo po wei ponabo usu egobeo.  
\q1 Tama ena God aga po tų ebode  
\q2 doloyu da, eno magi po wagawe?   
\q1
\v 15 Tagala eno magi sęgę meniama, magi po meniama,  
\q2 tama te po tų ebode ena dolo dali pai.  
\q1 God aga digi aga te po tų odobo bidi dao,  
\q2 tama agai ena po tų ebo dao.  
\q1 Tiali goli, eno agabolo ena hobede ya po hanalu waibao.   
\q1
\v 16 Ma, tama eno aga i olama,  
\q2 tama te po tų odagasa obaso da, tama aga asigi  
\q2 sogo da,  
\q3 teda eno homugo agai eno po odogi menio.   
\q1
\v 17 Agai moni tulubage dali, wali dali si  
\q3 tagala paligi dao.  
\q1 Tama ena aiyaba elaluama,  
\q2 tama eno dwai sę yai elalubao wainu,  
\q2 tiali goli agai ena mu doliyu igi dao.”  
\p Jopgo te po wali.   
\b  
\q1
\v 18 “Agai ena doanu me tagaliyu me ebe.  
\q1 Tama tibaso, ena homu hę wabo usu ebe.  
\q1 Agai te sę dabe ena tigide ebo digi,  
\q3 ena homu sęgę genuai mu ebao.   
\q1
\v 19 Ma, Godigo bomo eno usu sainogo eyu da,  
\q2 teda agai bomogo ena aiyaba elaluaibao. \f + \fr 9:19 \ft Hibru pode megi elalubo pogo te tama po wai, “Dego ena te po tųba odasa asaibawe?” te po wali. Tiali goli, bidi hauwago te tama homu yali, polobadu mu te po wai elaluali, “Dego aga te po tųba odasa asogowe?” te wali po elalubadi, tama nosali bidi mebago te Hibru po hasegelai dao, te homu ebao.\f*  
\q1 Tiali goli, eno po tų ebode po dodoliyu da,  
\q2 teda dego aga tobage dwagi yai te po tų ebode  
\q2 yaibawe?   
\q1
\v 20 Eno dwai sę me ebe, tama eno aga gesabidide  
\q3 dwai dwai sę dabe me ebeo.  
\q1 Tiali goli, ena Godigo po tųde doloyu da,  
\q2 teda eno po geda munama,  
\q2 ena digi ena ma po tų ela mawaibao.   
\q1
\v 21 Mu tama mu, eno magi sęgę sę deli mu me ebe.  
\q1 Tiali goli, eno homugo ena te olo nai dabe mu  
\q3 ąǫ te ebao.  
\q1 Tama ena bidibo ula mu da ena hagela mu ebao.   
\q1
\v 22 Eno polo mu konea pali.  
\q1 Tagala, da tigidalide te tobage sę naga ebo dao.  
\q1 Tama agai koneani, dago sęgę elalubo wei ma meni.  
\q1 Godigo da mu sia sabo dao.   
\q1
\v 23 Tama ma dwai sogo pedalobo si da,  
\q2 da doloba pai we bidi dolobo.  
\q1 Godigo dwagi yai homu ebo dao, te sęgę subode.   
\q1
\v 24 Godigo dwai dwai kolesaga ebo bidigo  
\q2 e tǫ tonalumainu sula tagalai dao.  
\q1 Tama agai te po tų odobo bidigo kolesaga begelama,  
\q2 tama te po tų bugagia odobo meni.  
\q1 Ma, Godigo te sę dabe igi menigi sogo da,  
\q2 teda dego mu igi dawe?”  
\p Jopgo te po wali.   
\b  
\q1
\v 25 “Eno bidibo bubuga polo sia siyu ebo dao.  
\q1 Augwali umagia mu polo pabo dao,  
\q2 te bidi po sela peyu pabo te edelebo dao.  
\q1 Tama tibaso, ena dwagi yai sogo  
\q2 ma sisinabo usu me egobeo.   
\q1
\v 26 Te be posobo sogo da,  
\q2 te węde geba polo pabo tiwai ebo.  
\q1 Te me e tiwai dao, te ba kemodagego bolo ela tuainu  
\q3 polo toga dulubo, te tiwai ebo.   
\q1
\v 27 Ma, eno yaide ena tigide  
\q2 sęgę elalubo homu gegeda palama,  
\q3 bugagia bidigi sogo da, teda usu mu igi dao.  
\q1 Tiali goli, eno homugo te wei ebo si da,   
\q1
\v 28 teda eno te sęgę dali, te tigi dene dali si wi ma ebo.  
\q1 Magi baso meni.  
\q1 God nago ena polo suali, eno dwai sę nago gedude ebo  
\q3 suali.   
\q1
\v 29 Tama tialima, eno magi baso eno  
\q2 magi sęgę me ebeo olama, usu me sidubo wagawe?  
\q1 Eno po olo madi toga pabo.   
\q1
\v 30 Ma, eno dwagi yai sobu selama,  
\q2 dwagi yai meda meni yai węba wę paugi pelama,  
\q2 nago gedude dwai meda menia pai pedaluyu da,   
\q1
\v 31 teda eno homugo ena olo wę pauwaibao.”   
\b  
\q1
\v 32 “Ma, God aga olo bidi tama tigi sogo da,  
\q2 teda da si po tų ebo madi pelama,  
\q3 da sigo po dodoligi pigi da.   
\q1
\v 33 Tiali goli, bidi me bidibe yabo,  
\q2 agai bomo usu mu elalubo,  
\q2 agai te da sigo wado po dabe,  
\q3 me po dabe tama dodolobo usu yaiba.   
\q1
\v 34 Tama te tobage bidi bidibe yabo,  
\q2 agai Godibolo po weyu, tama Godigo ena eleyu,  
\q3 me ena dene iliyu elama,  
\q2 tama ena wi ilibo tagalao po wabo bidi mu menio.   
\q1
\v 35 Ma, te tobage sę yabo bidi me deli elalubaso da,  
\q2 teda eno Godide wi me egobe,  
\q2 tama eno homu sęgę ebo po agabolo  
\q3 dolo wabo usu yaibao.  
\q1 Magi baso meni, eno koneani,  
\q2 eno dwai kolesaga mu menio,” wali.   
\c 10  
\s1 Jop aga e tǫde bidibo ula hagela mu yali  
\p
\v 1 Tama Jop agai po genina ma weyu, e tama wali,  
\q2 “Ena bidibo ena hagela mu polo yali.  
\q2 Ena isabo goli da.  
\q2 Tama tibaso, eno te moni sęgę hanilaibao.  
\q1 Awe, eno homu ha mu eyu,  
\q2 tama eno te Godide elalubo po dolo pusaibao.   
\q1
\v 2 Eno Godibolo e tama waibao,  
\q1 ‘God, nago ena olo dali po tų ela magi.  
\q1 Ma, nago ena dali wado eyu da,  
\q2 teda nago eno yali dwai sęgę dolo ola mao.’”   
\b  
\q1
\v 3 “Mena tama tiali?  
\q1 Nago homugo naga digi nigai bidi dolobo usu dawe?  
\q1 Te dwagi yai kolesaga dawe?  
\q1 Ma, te kolesaga nago bidi dwai dabe  
\q3 homu dwagi yai ilibo, te dwagi yai kolesaga  
\q3 dawe?   
\q1
\v 4 Ma, nago da bidi tiwai eyu,  
\q2 tigidali nai gedugo subo dawe?  
\q1 Nago gedu si te da tǫde we bidigo gedu  
\q2 naga tiwai elalubo, agawe?   
\q1
\v 5 Tama magi yali?  
\q1 Nage da yali gilama pęwadage sogo bidama, isaibawe?   
\q1
\v 6 Ma, meni wida, magi baso nago ena dąį ilama,  
\q2 eno dwai sęge gegebo sę ebawe?   
\q1
\v 7 Nago koneani,  
\q2 eno dwai kolesaga mu meni.  
\q1 Tiali goli, nago eno tigide dene mabo sę ebo.  
\q1 Tama nago koneani, ena nago nogode gasa bidigo  
\q3 dobola sabo usu meni,” wali.   
\q1
\v 8 “Naga digi eno tigi tigidali mu nigai dao.  
\q1 Tiali goli, megi nago begelama, ena dolobo sę egowe?   
\q1
\v 9 Konea, nago ena nigali te bidigo tǫ  
\q2 sene nigibo tiwai yai dao.  
\q1 Tama megi da, mena tama tialiwe?  
\q1 Nago homugo ena tǫ ma gagamainu ebawe?   
\q1
\v 10 Nago ena, ena idago haligade ame nomainu yai dao.   
\q1
\v 11 Nago eno tigi dili dali, kigibili po dali si nigaligo  
\q3 eno tigi bomo elalubao.  
\q1 Tama nago eno tigi mi dali,  
\q3 wali dali si te tigi nigilali,  
\q2 te tigi dili dali kigibili nigimainu.   
\q1
\v 12 Tama nago ena bidibo ula menama,  
\q2 tama nago ena wei mu yai dao.  
\q1 Tama nago ena bugagia tonaluama,  
\q2 megi da ena me bidibao.   
\q1
\v 13 Tiali goli, eno koneani,  
\q2 nago ena tonaluali sogo nago kolesaga polo yali  
\q3 ena dolainu.   
\q1
\v 14 Nago ena bugagia mu tonaluai,  
\q2 eno te dwai sę ebode tagalainu ganama tiali.   
\q1
\v 15 Ma, eno dwai sę igi sogo da,  
\q2 teda nago eno tigide sę geninama mu igi dao.  
\q1 Tama tiali goli, ma eno dwagi yai kolesaga ebaso da,  
\q2 teda eno dwagi yai homu elama,  
\q1 ena homu geda pabo homu egobeo. Mu meni.  
\q1 Te ena sęgęgo ena ma dolobo te ena moni hale mu ebao.   
\q1
\v 16 Tiali goli, ma ena homu geda peyu,  
\q2 tama ena homugo ena dwagi yai bidi da weyu da,  
\q2 teda nago deli sogo mu nago ena pobe asaibao,  
\q2 te bulu yowi laiongo te hasa dabe pobeasa pelama,  
\q2 elama, isilibo tiwai yaibao.  
\q1 Tama nago haniani te bidigo isąbo bomai sę elama,  
\q2 ena aiyaba elalumainu yaibao.   
\q1
\v 17 Tama nago haniani sęgę enaba taga palaibao.  
\q1 Te nago sębę enabolo ola mayu,  
\q2 tama nago te sębę geninama mu pedalibao.  
\q1 Tama nago ena dene geninama mu mawaibao,  
\q2 te ami bidi dabe hauwago ena dali  
\q3 hwįbo tiwai yaibao,” wali.   
\b  
\q1
\v 18 “God, nago magi baso ena, ena idago  
\q2 ame nomainu sula tagalai dawe?  
\q1 Tigi menigi sogo da, ena idago haligade isigi dama,  
\q2 tama mego ena sugi menima.   
\q1
\v 19 Te dwagi yai mu igi da,  
\q2 te ena ida haligade geme isai tigi sogo da.  
\q1 Tama augwaligo ena gųba  
\q2 pubaligi pigi sogo da, usu mu igi dao.  
\q1 Teda te tiwai naga igi da, ena tǫde  
\q3 pedalisąwai tiwai igi dao.   
\q1
\v 20 God, nago koneani, ena bidibo  
\q2 bodolu pęwadage mu dao.  
\q1 Tama nago ena dene magio.  
\q1 Nago ena haliga tigi naga me doanu emainu  
\q2 sula tagalama, tama de ena isaibama,” wali.   
\q1
\v 21 “Tama nosali da, eno e tǫ tagalama,  
\q2 nosali da, ena hulia sai buluba mu bidigi paibao.  
\q1 Tama ena ma asogobeo.   
\q1
\v 22 Te bulude tigidali nai dabe dolama,  
\q3 me elalube, subigila mu elalubo.  
\q1 Tama ula mu meni. Magi baso meni.  
\q1 Te bulu huli sesabigo halua sai mu elalubo,”  
\p Jopgo te po wai.   
\c 11  
\ms1 Sofargo polasa wali po  
\mr (Dąį 11)  
\s1 Jop aga homu begelama, Godigo aga hobede emainu yai  
\p
\v 1 Sofar te Nama bulu bidigo odama, tama agai Jopbolo e tama wali.   
\q1
\v 2-3 “Jop, nago po hauwa mu te wabosei.  
\q1 Tama nago homugo nago te pogo nage dolo yai dao,  
\q2 dago te po omainu ebawe? Tega.  
\q1 Tama nago te dwai dwai po wabogo  
\q2 dago penane paliasa bidimai walama,  
\q3 nago te po obawe?  
\q1 Nago tigidali dwagi yai kolesaga homu dabe dolali.  
\q1 Tama nago homu te naga tede naga  
\q3 hale ilabo bidi meni yali, nago te homu eba,  
\q3 agawe?  
\q1 Ena pedauwali pania sogobema.  
\q1 Eno homugo nago po dabe wei ponaibao.   
\q1
\v 4 Nago te po wali, nago te pusali po dabe sese  
\q2 dwagi yai po mu naga dao wali.  
\q1 Me ma, nago te po wali,  
\q2 nago sęgę me dwai kolesaga Godigo  
\q3 gedude menio po wali.   
\q1
\v 5 Tegoba. Eno homugo God aga digi  
\q2 nago po wei ponomai igi dao.   
\q1
\v 6 Tama eno homugo aga digi nagebolo  
\q2 te dwagi yai kolesaga page dabe, me te dwagi yai  
\q2 homu kolesaga page dabe ola momai igi dao.  
\q1 Magi baso meni.  
\q2 Nai hauwa mu geme dualalubao,  
\q3 te da bidi dago kuna konegobeo.  
\q1 Jop, eno homu nago konemai yaibao.  
\q1 Godigo nage dali dua mu yali,  
\q2 tama agai nage genuai sęgę mu mabe,  
\q2 te nago dwai kolesaga dolo wei ponoyu,” wali.   
\q1
\v 7 “Nago homugo nago tigidali  
\q3 dwagi yai kolesaga dabe nago saiba weyu obawe?  
\q1 Tama te Godigo homu kolesaga dali,  
\q2 te bomo dali si nago usu nugi pelama,  
\q2 tama nago agai bomo dali usu nigi paibawe?   
\q1
\v 8-9 Godigo homu kolesaga da, ugwanu mu dao.  
\q1 Te dagalu ugwanu mu elalubo tiwai mu dao.  
\q1 Tama aiyanu mu dao,  
\q2 te isibo bidigo bulu edelama, mu elalubo bidi dao.  
\q1 Godigo kolesagago yaide e tǫ edelama,  
\q2 bobobage mu elalubo dao.  
\q1 Tama genuai mu elama, tama tamu ąį dąį edelama  
\q3 mu elalubo dao.  
\q1 Tama nago mena tama tilama, agai homu kolesaga dali,  
\q2 agai bomai kolesaga dali si gegelama, sueibawe?   
\q1
\v 10 Tama ma, Godigo nage kalabus elama,  
\q2 tama nage po tų eboba odasa pabo si da,  
\q2 tede dego mu aga paliaibawe?   
\q1
\v 11 Godigo koneani, mena bidi dabego  
\q3 dwai kolesaga wali peyu ebo si da,  
\q2 teda agai augwaligo ebo dwai kolesaga sulama,  
\q2 tama agai augwaligo ebo dwai kolesaga  
\q3 osolama, dagala suaibao.   
\q1
\v 12 Tama nago kibu donkigo wai ame nabo si,  
\q2 te bidi gesabidi poai ame nogobeo.  
\q1 Te tiwai me te dwagi yai homu kolesaga  
\q3 wali pisąwai bidi  
\q2 agai wiegi yai kolesaga me sogobeo,”  
\q3 Sofargo te po wali.   
\b  
\q1
\v 13 “Tiali goli, Jop, nage homu begelama,  
\q2 tama Godiba gedu haluasa po walama,  
\q2 tama nago agabolo hanaluyu, te po wai,  
\q2 ena hobede elama, tau sao po wao.   
\q1
\v 14 Ma, nago dwai sę yai da wida,  
\q2 teda nago te dwai sę tudiba togolao.  
\q1 Tama nago te dwai kolesaga nage dali ma bidimai igio.   
\q1
\v 15 Tama nago dwai sę yai da wida,  
\q2 teda nago dwai sę meni yai po olama,  
\q1 tama naga bugai homu elama, bidaibao.  
\q1 Tama naga bomo elama, magi naide wi me elama  
\q3 bidigobeo.   
\q1
\v 16 Tama nago te tigi dene dali,  
\q2 sęgę dali si gegeda palama, bidaibao.  
\q1 Tama nago te homu kone me egobeo.  
\q1 E tiwai dao. Bidigo te ni yabe wę asiyu,  
\q2 tolasa pabode gegeda pabo tiwai dao.   
\q1
\v 17 Tama nago bidibo kolesaga dali,  
\q2 bidibo page dali, tigidali mu hasegelaibao.  
\q1 Te dwagi yai mu pedalaibao.  
\q1 Te giligade nai tubo belo wabode nanebo  
\q3 tiwai mu yaibao.  
\q1 Tama te sęgę te hulide hulia sai tiwai elaluali da,  
\q2 te da te me hasegelama, kigamu  
\q3 be posobo tiwai mu yaibao.   
\q1
\v 18-19 Tama nago koneaibao, Godigo  
\q2 nage bugagia mu tonaluaibao.  
\q1 Tama tibaso, nage pibo sogo da, bugagia mu piaibao.  
\q1 Magi baso meni. Tama nago magi nai me wi egobeo.  
\q1 Tama bidi hauwago nage pageba aselama,  
\q2 augwali tau somainu hanalu wagasaibao.   
\q1
\v 20 Tiali goli, te dwai kolesaga ebo we bidi dabe,  
\q2 augwali Godigo sębę ebo sunumi gedelainu  
\q3 gegaibao.  
\q1 Tiali goli, augwaligo sugobeo.  
\q1 Tama augwali isibo deli naga tonaluyu bidaibao,”  
\p Sofargo Jopbolo te po wai.   
\c 12  
\ms1 Jopgo Sofargo po wei ponobo po wali  
\mr (Dąį 12–14)  
\s1 Jop aga abagi dabego po hagela mu yali  
\p
\v 1 Tama Jop agai po wei ponoyu, e tama wali,   
\q1
\v 2 “Mu tama. Eno homugo dage sela naga  
\q3 dwagi yai kolesaga siyu,  
\q2 homu kolesaga elaluyu yali bogo.  
\q1 Tama dage isibo sogo da,  
\q2 tama dagego te dwagi yai kolesaga dali,  
\q2 te homu kolesaga si duga sela peyu paibawe?  
\q1 Tama mu silaibawe?   
\q1
\v 3 Mu meni. Eno me ena kolesaga elalubao.  
\q1 Dagego kolesagago eno kolesaga me edelebe.  
\q1 Tigidali we bidigo dage selago  
\q2 te wali nai po dabe mu konea silali dao.   
\q1
\v 4 Tiali goli, megi da, dage eno abagi dabe,  
\q2 dagego ena gisugu mabo dao.  
\q1 Eno dwagi yai kolesaga naga eyu,  
\q2 tama Godigo gedude dwai sę me ebeo.  
\q1 Tama polobadu da, agai eno  
\q2 gedu haluasa po wabo odai dao.  
\q1 Tiali goli, megi da, dagego gisugu magasobao.   
\q1
\v 5 Te bidi dabe meba augwali bugagia bidiyu,  
\q2 dwai sęge augwaliba me asobeo.  
\q1 Te bagego dwai sęgę elalubo bidi dabe  
\q2 gisugu mabo dao.  
\q1 Augwali e tiwai dao, te bidi sunumide tulaluainu ebaso,  
\q2 tama augwali degemainu dega  
\q3 palobo tiwai gilama, mu dega palobo dao.   
\q1
\v 6 Tiali goli, nai wi sabo bidi dali, me  
\q2 te Godigo po sela sąbo bidi si da,  
\q2 augwali bidibo page da, dwagi yai dao.  
\q1 Augwa digi bomonama sulama,  
\q2 tama augwa bugagia bidibo page usu ilali.  
\q1 Tama tebogo augwaligo augwa god nigilali,” wali.   
\q1
\v 7-8 “Dage pelama, te bulu hasa dabe,  
\q2 ba dabe, sųgų dabebolo hanalugi pao.  
\q1 Tama augwaligo dage ola mawaibao.  
\q1 Ma, dagego wei ebaso da, teda dagego tǫbolo me  
\q2 hanalu wao, tama agai God kolesaga dagebolo  
\q3 ola mawaibao.   
\q1
\v 9 Tigidaligo mu koneani,  
\q2 te Genuai Bidigo ebo kolesaga tigidali.   
\q1
\v 10 Tigidali we bidigo bidibo ula dali,  
\q2 agai te nigali nai dabego bidibo ula,  
\q3 te aga nogode naga elalubo.   
\q1
\v 11 Dago pedauwaligo nai dabe dwagi yai yaliwe,  
\q2 ma dwai yaliwe olama, hanana subo dao.  
\q1 Te tama tiali goli, dago olo da te po dabe odama,  
\q2 tama dago te po bugagia dagala subo dao.   
\q1
\v 12 Te mu tama, te polo monu dabego da,  
\q2 te dwagi yai kolesaga dali,  
\q2 dwagi yai homu kolesaga si hauwa mu  
\q3 konealubo.   
\q1
\v 13 Tiali goli, Godigo homu kolesaga dali,  
\q2 te dwagi yai kolesaga sigo  
\q2 te polo bidi dabego kolesaga edelai elalubo.  
\q1 Tama agai genuai bomo me elalubo.  
\q1 Agai magi sę me yainu yali da, agai eyu naga ebo dao,”  
\q3 wali.   
\q1
\v 14 “Ma, te Godigo nai me togali da,  
\q2 te bidi me ma wadologobeo.  
\q1 Tama ma, Godigo bidi kalabusiba tagalali da,  
\q2 te bidi mego te kalabuside me sela sągobeo.   
\q1
\v 15 Ma, Godigo tulubage paliyu da,  
\q2 teda mone giliga nanama, mone poi piyu,  
\q2 tǫ mu wa pabo dao.  
\q1 Ma, agai tulubage hauwa taga paliyu da,  
\q2 teda wę dabe hauwa mu asiyu elama,  
\q2 tǫ dabe me genina mesega sabo dao.   
\q1
\v 16 Godigo genuai bomo dali, kolesaga dali elaluyu  
\q3 yaide,  
\q2 tigidali sę agai yabo homu ebo dao.  
\q1 Te ili po wabo bidi dali,  
\q2 te ili po wali pabo bidi dabe dali si,  
\q2 te tigidali tama Godigo nogode naga munalubo.   
\q1
\v 17 Godigo te tuni bidi kingba  
\q2 mobo mabo dabego homu kolesaga  
\q3 dolama, tagalobo dao.  
\q1 Tama augwali habu olo pabo dao.  
\q1 Tama agai te po tų odobo bidi dabego  
\q2 homu kolesaga dolobo dao.   
\q1
\v 18 Tama agai te tuni bidi king dabe  
\q3 augwa sęde sela sąbo dao,  
\q2 tama tuni bidigo ugwa ma gudubo menio.  
\q1 Augwali olo name ugwa gudubo dao,  
\q2 te olo sę bidi dabego gudubo gilama.   
\q1
\v 19 Agai te po ola mabo pris bidi dabe  
\q2 kolesaga punulama, tama augwa ugwa  
\q3 olo bilibo tiwai ebo dao.  
\q1 Tama agai augwaligo genuai nogi aiyaba elalubo dao.   
\q1
\v 20 Agai te mobo mabo bidi dabego pedauwali  
\q3 palibo dao,  
\q2 te we bidigo augwaligo po odidali weyu.  
\q1 Tama agai polo monu dabego  
\q2 homu kolesaga dabe sela sąbo dao.   
\q1
\v 21 Agai tobolu bidi dabego nogi aiyaba ilama,  
\q2 tama augwali nai meni yai bidi gagalobo dao.  
\q1 Tama agai bomai bidi dabego bomo me silibo dao.   
\q1
\v 22 Agai geme dulaluai nai dabe selama,  
\q2 pepeli diliba mubo dao.  
\q1 Tama agai ula te hulialuali buluba ula mabo si,  
\q2 te bulu ula mu ebo dao.   
\q1
\v 23 Agai te moni hani genuai nogi mabo si,  
\q2 te bulu tǫ kantri boma pela te bulu nogi  
\q3 elalubo dao.  
\q1 Tama nosali augwali ma dolobo dao.  
\q1 Tama agai te tǫ kantri mebago we bidi  
\q3 hauwa mu pedelumainu elama,  
\q2 nosali agai augwali gasa buluba  
\q3 kalabus emainu sela pabo dao.   
\q1
\v 24 Tama agai bulu tonalubo tuni bidi dabego  
\q3 tobolu dolama, tagalobo dao.  
\q1 Augwali te olo wau bilibo wabo pabo bage tiwai  
\q3 bilibo dao.   
\q1
\v 25 Augwali te hulia sai bulude bidibo bage tiwai gilama,  
\q2 sunumi gegeyu, nogogo isisi bilibo tiwai ebo dao.  
\q1 Tama agai augwali polobo bidi tiwai bilimainu  
\q3 ilibo dao.”  
\p Jopgo te po wali.   
\c 13  
\q1
\v 1 Jopgo po ma weyu, te po wali, “Mu tama mu.  
\q1 Tigidali po dagego pusali,  
\q2 te da eno polobadu sulama, odai dao.  
\q1 Te nai dabe tigidali eno polo konea silai dao.   
\q1
\v 2 Tigidali nai dabe dagego koneani da,  
\q2 eno me eno koneai nai dabe da.  
\q1 Dagego kolesagago eno kolesaga edelebeo.   
\q1
\v 3 Tama tiyu yaide, ena dage dali po wabo  
\q3 hagela mu yali.  
\q1 Eno homugo God Tigidali Bomo Elalubo Bidi dali  
\q2 po wabo homu yali.  
\q1 Eno homugo dadi si pogo hwįbo  
\q3 tiwai eyu, eno sęgę dodolaiba.   
\q1
\v 4 Tiali goli, dagego ena aiyaba elalumainu,  
\q2 ili po hauwa mu obao.  
\q1 Dage te dokta bidi te gasi sai bidi mego  
\q2 gasi dodolabo konesiąwai dokta bidi tiwai dao.   
\q1
\v 5 Tama tibaso yaide, po ma wagio,  
\q3 pedauwali pania sao,  
\q2 tama bidi dabego homugo dage dwagi yai  
\q3 homu kolesaga elaluba homu yabo,” wali.   
\q1
\v 6 “Tama megi da, dage pedauwali pania selama,  
\q2 eno po waboba olo munama, odao.   
\q1
\v 7 Dagego dwai po weyu, ili po dabe te obao.  
\q1 Tama dagego homugo te tobage po  
\q2 God tau somainogo homu ebawe?   
\q1
\v 8 Eno tonobo da, dagego homugo te tibo po walama,  
\q1 God po tau selama,  
\q2 tama te po tų ebode agai po mu omainu te ebao.   
\q1
\v 9 Te Godigo dage sulama,  
\q3 dagego ebo kolesaga osola subo sogo,  
\q2 teda dage bugagia bidaibawe?  
\q1 Ma, dagego God ili po ola mawaibawe,  
\q2 te bidi dabe ili po ola mabo gilama tiaibawe?   
\q1
\v 10 Ma, po tų ebode dagego God naga tau siyu,  
\q2 tama eno nogi aiyaba ilabo homu  
\q3 duga homude elalubaso da, teda eno koneani,  
\q3 Godigo dage sesenaibao.   
\q1
\v 11 Tama tede dagego agai genuai bomo odama,  
\q2 tama dage agade wi mu yaibao.   
\q1
\v 12 Te polo po dabe dagego pusali da,  
\q2 teda te olo nai mu dao,  
\q2 te isi nogobo sisi dulu tiwai dao.  
\q1 Tama me te pu anilai tiwai dao.  
\q2 Te augwali dili isąwai tiwai dao,”  
\p Jopgo te po wali.   
\s1 Tagala, God aga ela isilabo da, Jop agai po wabo wi me ebeo  
\p
\v 13 Jop agai po genina mu ma weyu, e tama wali,  
\q1 “Dage pedauwali pania selama,  
\q2 enaduba deli naga po omainogo sula tagalao.  
\q1 Tama tagala, magi sę ena tigide pedalu si da,  
\q2 eno pedauwali pania sogobeo.   
\q1
\v 14 Ao. Ena wi meni. Eno God dali po wabo  
\q2 usu selama elalubao.  
\q1 Tama ena isimainogo, tama ena isimaina.   
\q1
\v 15 Eno gasa nai me tonalubeo.  
\q1 Ma, tama Godigo ena elama, isiliyu da,  
\q2 teda aga homugo naga dao.  
\q1 Tama tiali goli, hasia eno agai gedu  
\q2 e tama ola mawaibao, eno dwai sę me ebeo. \f + \fr 13:15 \ft Bidi mebago homugo dago te vesde wali po begelama, e tiwai po wainao, te homu yali, “Tiali goli, te hasia bolo agai ena ela musiąbadi, eno te tiwai po agai gedude dolo ponama omainao, eno dwai sę ebeo. Tama te eno agai enabolo olo mu tau sabo homu kolesaga emainu tonaluaibao.”\f*   
\q1
\v 16 Ma, eno God dali po wabo wi isąma eyu da,  
\q2 eno homugo tibo ena dwai sę  
\q3 isąwai bidi dao homu agai yaibao.  
\q1 Tama agai ena hobede elama,  
\q2 tama ena bugagia bidimainu sula tagalaibao.  
\q1 Magi baso meni. Dwai sę ebo bidi dabego da,  
\q1 God dali po wabo wi yaibao.   
\q1
\v 17 Tama megi da, te eno homude elalubo po pusaibao.  
\q1 Tama eno homugo dagego olo saganama, eno po odao.   
\q1
\v 18 Godibolo pusabo po polo usu selama elalubao,  
\q2 eno te bidigo po tų ebode po pusainu ebo gilama.  
\q1 Eno koneani, eno dwai sę meni, tama tiyu,  
\q2 eno te po tų ebode eno po ela holaibao.   
\q1
\v 19 Dego ena dali pogo hwįbo tiwai elama,  
\q2 dego enade dwai sę yai bidi da po waibawe?  
\q1 Ma, bidi me bidibaso da,  
\q2 teda ena pedauwali paniasa bidama, isaibao,” wali.   
\b  
\q1
\v 20 “God, eno nagebolo hanalu waiba,  
\q2 nago enade sę si emainu.  
\q1 Ma, nago homugo eno te po si usu da homu eyu da,  
\q2 teda usu dao, ena wi elama, nagede  
\q3 wi me duala sogobeo.   
\q1
\v 21 Te hanalu wabo po si e tama dao.  
\q1 Eno homugo nago ena tigide dene ma ilamo dao.  
\q1 Tama me nago ena wi ilabo sę dabe  
\q3 hauwa eno tigide ma elamo.   
\q1
\v 22 Ma, nago tama tiyu da, teda nago ena dali  
\q3 po obaso da,  
\q2 eno nago po wei ponoyu yaibao.  
\q1 Ma, meniyu da, eno nagebolo po bolo waibao.  
\q1 Tama nago enaba po wei ponoyu yagameo.   
\q1
\v 23 Eno mena dwai sę, me kolesaga  
\q2 dwai, me sęgę yai sę dabe me yaliwe?  
\q1 Eno homugo nago enabolo pusa mao.   
\q1
\v 24 Magi baso nago ena naga boi bidi gagalama,  
\q2 ena tudi ola menama, edelebo dawe?   
\q1
\v 25 Ena da, olo ni yabe dali,  
\q2 olo nosai sasi isila pabo tiwai dao,  
\q2 te waligo subigila sąsąbo tiwai dao.  
\q1 Tama tibaso, nago ena magi baso wi ilama,  
\q2 magi baso dene ilama, tagalobawe?   
\q1
\v 26 Eno tonobo da,  
\q2 nago eno polobadu gesi bidide yali  
\q3 sęgę me konealubo ąǫ ebao.  
\q1 Tama megi nago te sęgę wei ponoyu,  
\q3 ena sęgę mabo ąǫ ebo.   
\q1
\v 27 Nago eno sągą haliga sengo gebelali,  
\q2 tama ena biligobeo.  
\q1 Tama tiali goli, ena biliyu da, nago ena wali asobo dao,  
\q2 ena mena menaba pali.  
\q1 Tama nago eno sągą pasalu bugagia tonalua asobo dao.   
\q1
\v 28 Da bidi dabe dobo da, te ni pago tulama,  
\q3 damua pabo tiwai dao.  
\q1 Tama te ugwa te asoba dabego tulama,  
\q2 popodolo pai tiwai dao,”  
\p Jopgo te po wali.   
\c 14  
\p
\v 1 Te Jopgo po ma olama, te po wai,  
\q1 “Da we bidi e tǫde pęwadage sogo bidibo dao.  
\q1 Tama idago ame nanidu gagalasa,  
\q2 haniani dwai kolesaga dade pedalobo dao.   
\q1
\v 2 Da te plauwa tiwai kigamu pedalama,  
\q2 pio ma sasia pabo tiwai dao.  
\q1 Tama me e tiwai dao.  
\q1 Giliga noma pedalobo tiwai,  
\q2 tama pǫgo giliga polo halua sabo tiwai dao.   
\q1
\v 3 Tama tiali goli, nago magi baso dago  
\q2 kolesaga osabo dawe?  
\q1 God, ena olo dao.  
\q1 Tama magi baso nago ena po tų ela mobawe?   
\q1
\v 4 Da we bidi nago gedude meda mu yali.  
\q1 Tama dego da hasegelama,  
\q2 da tigi wiegi yai nago gedude ilaibawe? Mu meni.   
\q1
\v 5 Da e tǫde bidabo bubuga dali,  
\q2 kibu be dali si polo bodolu muai dao.  
\q1 Bidi mego aga bidabo bubuga bobobage ma ilabo  
\q3 usu egobeo.   
\q1
\v 6 Tama tibaso, ena nago tagala palao.  
\q2 Ena bididu, ena homu dwagi yai emainao,  
\q2 te sę bidi dabego dwagi yai homu  
\q3 aga sę pio silibaso ebo tiwai gilama,” wali.   
\b  
\q1
\v 7 “Eno koneani, bidigo ni geliyu da,  
\q2 teda pedalide sele elaluyu, gasa honu  
\q3 ma pedalobo dao.   
\q1
\v 8 Tagala, aga page sele polobadu holai  
\q3 ma sasia pai me.   
\q1
\v 9 Ma, tǫde wę elaluyu da, te gelai ni  
\q2 tanede kulubi ma pedalaibao.  
\q1 Aga holama, gesi ni holoyu,  
\q2 nologo pedebo tiwai yaibao.   
\q1
\v 10 Ma, da bidi dabe, da te tiwai ebo menio.  
\q1 Te da isibo sogo, te da mu tama sia sabo dao.  
\q1 Tama me badugo da ma subo menio.   
\q1
\v 11 Me sogo genuai wę dali, sigi ge dali si mu  
\q3 tama sula sabo dao.   
\q1
\v 12 Te tiwai me, we bidi dabe da isilama,  
\q3 ma hodalobo menio,  
\q2 te tǫ dali, dagalu dali si silibo sogoba usu naibao.  
\q1 Tama augwali pila mubadi, magi nai mego  
\q2 augwali me hodologobeo,” wali.   
\b  
\q1
\v 13-14 “Eno homugo nago ena  
\q2 te isila pali bidi dabego buluba geme  
\q3 dualigi sogo dao,  
\q2 te usigi da, ena tede bidiyu,  
\q2 te nago sębę homu kilabo sogoba usu nigi pigi dao.  
\q1 Tama eno homugo nago te enade  
\q2 homu ma kone palabo sogo bodolu muao.  
\q1 Ma, bidi me deli isibaso da,  
\q2 aga ma bidigowe? Mu meni.  
\q1 Tiali goli ena tonalu da goli, te nago ena ma bidimainu  
\q3 bodolu muani usu nagasabo si.   
\q1
\v 15 Tama te sogo naga koneaiba,  
\q2 naga digi ena nigai da homu yaibao.  
\q1 Tama nago ena nage pąde bidao homu yaibao.  
\q1 Tama tibaso, ena nago i wabo si nage  
\q2 pąba asaiba, nago i wabo dei.   
\q1
\v 16 Tama te sogo ena bilibode nago bugagia tonaluaibao.  
\q1 Tiali goli, nago eno dwai sęgę nedegobeo.   
\q1
\v 17 Teda nago eno sęgę sela sąnama,  
\q3 te sęge kone me egobe,  
\q2 te bidigo nai begide bulama,  
\q3 po dąų walama, susiąbo tiwai yaibao,”  
\p Jopgo te po wali.   
\b  
\q1
\v 18-19 “Tiali goli, eno homugo te nai  
\q2 dabe pedalogobe yali ąǫ ebo.  
\q1 Eno subo tigidali nai dabe dolobo subo dao.  
\q1 Te bomai bulu du dabe alua pelama,  
\q2 olo tǫ tiwai pedalobo dao.  
\q1 Te moni masigi me aga bidali pesage  
\q2 taga pelama, ibaba kilasai subo dao.  
\q1 Te bomai wę dabego te masigi ibaba  
\q3 kidilibo dao, tama tǫ sela sąnama,  
\q2 gasa buluba sela pabo dao.  
\q1 Tama tiali goli, God,  
\q2 te we bidi dabego homugo augwali  
\q3 bugagia bidigowe homu ebadi,  
\q2 nago haniani sę elama,  
\q2 augwaligo te ebo homu silibo dao.   
\q1
\v 20 Nago bomogo augwali aiyaba  
\q2 elaluama, tama augwali isibo dao.  
\q1 Tama augwali isila pali sogo,  
\q2 augwaligo gesabidi gasagi yai pedalobo dao.  
\q1 Tama nago augwali te isila pali  
\q2 bidi dabego buluba taga palobo dao.   
\q1
\v 21 Tama nosali da, te we bidi dabe augwaligo augwa  
\q3 ogomanibolo genuai nogi mabode,  
\q2 o ma augwaligo nogi aiyaba elaluama,  
\q3 augwali hale ilibo si da,  
\q2 teda te isila pali bidi dabego te sę koneyu,  
\q2 suyu me egobeo. Mu meni.   
\q1
\v 22 Augwa tigide dene ebo deli naga konebo dao.  
\q1 Tama augwali tigide elalubo sęgęde gela wabo dao,”  
\p Jopgo te po wali.   
\c 15  
\ms1 Elifasgo po si sogo ma wai  
\mr (Dąį 15)  
\s1 Bidi dwai dabe dwai dene saibao  
\p
\v 1 Jopgo po ola silibo si, te bidi Elifas, te Teman hanu bidigo po wei ponoyu, e tama wali.   
\q1
\v 2 “Jop, nage koneai bidi,  
\q2 tama nage dwagi yai kolesaga elalubo bidi dao.  
\q1 Tiali goli, nago magi baso po hauwa  
\q2 olama, wali asobo tiwai elama,  
\q2 pedauwalidu po hauwa dogia pobawe?   
\q1
\v 3 Nago pogo hwįhwį pabo.  
\q1 Tiali goli, nago po dwagi yai menio.  
\q1 Tama tego bidi me tau sogobeo. Menio.   
\q1
\v 4 Te tobage pogo te we bidigo kolesaga dolama,  
\q2 tama augwali God dologode me elalugobeo,  
\q2 tama aga me kone egobeo.   
\q1
\v 5 Nago dwai sę yali.  
\q1 Nago te tobage pogo naga yali dwai sę  
\q2 aiyaba mesegelainu elama, halubo po tiwai te obao.  
\q1 Nago po te ili po wabo bidigo po tiwai.   
\q1
\v 6 Eno nage po tų ela magobeo. Meni.  
\q1 Naga pogo digi naga ma po tų ela mayu,  
\q2 tama nago dwai sę polo yai dao olama, te ola mobao.   
\q1
\v 7 Mena tama tialiwe?  
\q1 Nago homugo bidi me hasia pedalisiąbadi,  
\q2 tama nage ame nani homu eba, agawe?  
\q1 Godigo te bulu du nigisąma ebadi,  
\q2 naga idago nage ame nai yali bogo. Tega?   
\q1
\v 8 Nage te Godigo te sę dabe yaiba obadi,  
\q2 nage te sogo me nage tede bidai dawe?  
\q1 Nagaduba deli naga dwagi yai kolesaga elalubawe?  
\q1 Tega? Mu menio.   
\q1
\v 9 Nago kolesagago dago kolesaga me edelebeo.  
\q1 Nago koneani nai me, dago me koneanisei, te nai.   
\q1
\v 10 Da tomode ili nisi yai monu dabe bidibo.  
\q1 Tama augwaligo kibu bego nago ayago  
\q2 kibu be me edelai dao,” wali.   
\q1
\v 11 “Jop, Godigo homugo nago dene osola sulama,  
\q2 tama nage homu nagame elama, dua bidimainu  
\q2 yaibao.  
\q1 Tama me ma, dago po doanu olama,  
\q2 tama nagebolo dwagi yai po wai dao.  
\q1 Tiali goli, nago homugo Godigo  
\q2 te yainu ebo sę te olo da, te homu ebawe?   
\q1
\v 12-13 Nage noma selama hodaluyu,  
\q2 God dali wado ebogo nage gedu pę te ebao.  
\q1 Tama nago haniani dwai po agabolo te obao.  
\q1 Tiali goli, magi baso nago te tobage kolesaga ebawe?   
\q1
\v 14 We me, bidi me, Godigo gedude doloba pai me  
\q1 elalubeo.   
\q1
\v 15 Te ensel dabego bidi edelali.  
\q1 Tiali goli, Godigo augwaligo me badu  
\q2 kolesaga doloba pai subo menio.  
\q1 Tama dagalude nai dabe me Godigo  
\q2 agai gedude dwagi yai menio.   
\q1
\v 16 Tiali goli, da tǫde bidi da,  
\q2 da dwagi yai mu menio.  
\q1 Dago kolesaga da, damua pai mu dao.  
\q1 Dago dwai sę yabo homu godolo naga ebo dao,  
\q2 dogoni wa pai bidigo wę gegebo tiwai dao,” wali.   
\q1
\v 17 “Megi da, Jop, nago eno poba bugagia olo muao.  
\q1 Eno sulama yali sę nagebolo ola mawaibao.   
\q1
\v 18 Eno te kolesaga te dwagi yai homu kolesaga yai  
\q3 bidi dabede konea sai dao.  
\q1 Augwaligo te kolesaga augwa ayade digi sai dao.  
\q1 Tama augwaligo ena ola mani sogo,  
\q2 te po me duala sabeo.  
\q1 Augwaligo tigidali mu pusalio.   
\q1
\v 19 Te hani augwali augwa bulude bidibo.  
\q1 Tama subigila bilai bidi dabe augwali bidiboba aselama,  
\q2 augwaligo kolesaga dolai menio.”   
\b  
\q1
\v 20 “Eno po e tama dao. Bidi dwai dabe da,  
\q2 dene sesa pidubadi, augwali isibo  
\q3 sogoba usu nagasaibao. Magi baso meni.  
\q1 Augwaligo gasa we bidi aiyaba ilama, dolobo dao.   
\q1
\v 21 Augwaligo haniani kulukulu odobo si,  
\q2 augwali wi mu ebo dao.  
\q1 Augwaligo homugo dwai naigo augwali  
\q2 dolainu asobao wabo dao.  
\q1 Tama augwaligo homugo augwali  
\q3 bugagia bidibao homu ebode da,  
\q2 teda bidi dabe aselama, augwali dolama,  
\q2 augwaligo nai dabe wi sagasobo dao.   
\q1
\v 22 Augwaligo po koneani.  
\q1 Dwai nai dabe augwaliba sabolama, te hulia siyu,  
\q2 tǫ mesegela sabo tiwai augwali  
\q3 mesega saiba homu ebo dao.  
\q1 Tama augwaligo konebo dao.  
\q1 Augwali te dwai sęde augwali geda mugobe  
\q3 homu ebo dao.  
\q1 Tama augwaligo koneani,  
\q2 te boi bidi dabego augwali bobobage  
\q3 kągo hwągo ela muaiba homu ebo dao.   
\q1
\v 23 Augwali nai gege biliyu, bilibo dao.  
\q1 Tiali goli, nai meni yai subo dao.  
\q1 Tama augwaligo konebo dao,  
\q2 pąde dwai sogo augwaliba pedalama, tama be  
\q2 huliyu,  
\q2 tǫ mesega sabo tiwai mesega saiba homu ebo dao.   
\q1
\v 24 Augwaligo homu kolesaga dolo meniama,  
\q2 tama dwai homu elama, augwali wi mu yaibao.  
\q1 Tama tego augwaligo homu kolesaga dolama  
\q3 mesegelaibao,  
\q2 te kingo aga boi bidi dolobo tiwai yaibao,” wali.   
\q1
\v 25 “Te dwai sogo te dwai bidi dabeba  
\q3 pedalaibao. Magi baso meni.  
\q1 Augwaligo homugo God tigidali bomo  
\q2 elalubo bidide genina mu da homu yaibao.  
\q1 Tama augwaligo tobolu gagea pelama,  
\q1 Godigo bomo usu sabo dao,   
\q1
\v 26 te hwįbo ugwa guduyu,  
\q2 te hwįbo ni name sabele tola selama,  
\q1 God aga dali hwįgi pabo tiwai.   
\q1
\v 27 Megi da, augwali bugagia bidiyu,  
\q3 augwaligo tigi genuai elama,  
\q2 tama nai dabe hauwa elalubao.   
\q1
\v 28 Tiali goli, augwali bidibo hanu dolama,  
\q2 tama be dabe te pobelebage pesage  
\q3 tiwai elama, bidi tede me bidigobeo.   
\q1
\v 29 Tama augwaligo moni nai dabe tigidali  
\q3 hagala silaibao.   
\q1
\v 30 Augwali te dolobo sęde geda mugobe.  
\q1 Teda augwali te hulia siyu,  
\q2 tǫ mesega sabo tiwai yaibao.  
\q1 God agai sębę e tiwai yaibao, isigo ni delama,  
\q1 waligo agai yabe da gasaba subigila sela pabo ąǫ yaibao.   
\q1
\v 31 Augwaligo dwai tibo kolesaga dąų wala selama,  
\q2 augwali homugo tego augwali  
\q2 dwagi yai mone sesaiba homu ebo dao.  
\q1 Tiali goli, meni.  
\q1 Augwaligo dwagi yai nai sabo me usu egobeo.  
\q1 Augwa tibo kolesaga mu da,  
\q2 teda augwaligo sabo masigi tiwai.   
\q1
\v 32 Tama augwali kibu be hauwa isiąbadi,  
\q3 polo isila paibao,  
\q2 te sagane ni bidigo gelai tiwai yaibao.   
\q1
\v 33 Te tobage bidi dabego sę hauwa mu ebo dao.  
\q1 Tiali goli, te sę dwagi yai pedalobo menio.  
\q1 Augwali e tiwai dao,  
\q2 ni waingo wain du walobo tiwai.  
\q1 Tiali goli, augwali tau isiąbadi,  
\q3 polo telega pabo tiwai dao.  
\q1 Tama augwali te ni oliv duduli hauwa walobo tiwai.  
\q1 Tiali goli, te duduli tulaluama, nedu du menia tiwai dao.   
\q1
\v 34 Te bidi hani Godigo po wali pisąma  
\q2 ebo bidi hani da, olo bidaibao.  
\q1 Augwali wai bǫų meni yaibao.  
\q1 Tama te doloba pai kolesaga isąma  
\q2 mone sali bidi dabego be isi ulaibao.   
\q1
\v 35 Te dwai dwai ili po olama, tibo po wabo  
\q3 homu kolesaga  
\q2 te bidigo haliga tomode te we sibigo  
\q2 wai haligade pedalobo tiwai ebo dao.  
\q1 Augwaligo homu kolesaga dali, augwali haliga dali si  
\q2 te dwai kolesaga yabo homu pągąnalubo dao.  
\q1 Tama tiyu, augwaligo haniani dwai sę ebo dao.”  
\p Te Teman hanu bidi Elifasgo te po Jopbolo wali.   
\c 16  
\ms1 Jopgo Elifasgo po wei ponobo po wali  
\mr (Dąį 16–17)  
\s1 Jop agai suali, Godigo aga dolobo suali goli, agai Godibolo aga tau sao po wali  
\p
\v 1 Jopgo po wei ponoyu, e tama wali,   
\q1
\v 2 “Hauwa sogo me eno deli te po naga odali.  
\q1 Tama ma odobo ena hagela mu dao.  
\q2 Dagego ena tau me sabeo. Mu meni.   
\q1
\v 3 Dagego enabolo e tama wali,  
\q1 ‘Jop, nago po olo wę asobo tiwai tebao.  
\q2 Tama mena sogo pedauwali pania saibawe?  
\q1 Nago mena homu elaluyu, nage dwai bidiyu,  
\q2 dago po odaibawe? Meniwe te obao.  
\q1 Nago po wei ponoyu naga ebo.’  
\q1 Dagego te po wabo dao.   
\q1
\v 4 Tiali goli, dagebolo walaibao.  
\q1 Ma, dage ena yaligia dwai bidigi sogo da,  
\q2 teda eno dagego te ebo kolesaga tiwai dage dali  
\q2 megi igi dao.  
\q1 Eno po hauwa wabo da,  
\q2 te eno hobede dagebolo ola mobao.  
\q1 Tama eno tobolu gagamunobogo  
\q3 dagebolo ola mayu, e tama tiwai igi dao,  
\q2 te dwai nai dageba pedalibaso, noma siyu tigi dao.   
\q1
\v 5 Eno pedauwalidu po hauwa olama, dage bomo ilama,  
\q2 dagego dene silimainu igi dao.  
\q1 Tama eno tigi sogo da, te tobage kolesaga dabego  
\q2 dage mena tama tau saibawe?   
\q1
\v 6 Tiali goli, enaduba ena kone palobo da. E tama tibo.  
\q1 Eno po wabode, o ena po pedauwali  
\q3 pania selama elaluyu da, tagala, tego ena tau  
\q3 selama, eno dene silibo meni,” wali.   
\b  
\q1
\v 7-8 “Mu tama, God. Nago eno bomo tigidali mu silalio.  
\q1 Nago ena dili hania ilama, eno tigi nomona salio.  
\q1 Tama tibaso, eno abagi dedego  
\q2 ena sulama, augwali wi ebao.  
\q1 Tama augwaligo homugo eno dwai sę yalio olama,  
\q1 tama nago ena te dwai sę wei ponobao.  
\q2 Augwaligo te homu ebo. \f + \fr 16:7-8 \ft Bidi mebago homugo dago te vesde wali po begelama e tama po waina homu yali, “Mu tamao, God, nago eno bomo tigidali silali. Tama nago eno wai dabe dolama isalio. Nago eno tigi te mu nomona sabo sę ilama, te eno tigi bomo kimi mu meni yai. Tama te bidi dabego ena subo sogo da, augwaligo homugo eno dwai sę yaliwe homu yali, tama nago te dwai sę yali wei ponobo homu eyu, te nago enaba dene mabo sę genuai mu ebao.”\f*   
\q1
\v 9 Godigo ena suyu, godolo isąma,  
\q2 ena agai boi bidi mu gagabao.  
\q1 Agai ena dali sębę genuai mu elama, eno tigi me dolobo,  
\q2 te bulu yowigo bulu hasa aga kelego  
\q3 pepedebo tiwai ebao,” wali.   
\q1
\v 10 “Bidi dabego ena bobegela sali, enade dwai sę yainu.  
\q1 Augwaligo ena gisugu mayu, eno naboge eleyu ebo.   
\q1
\v 11 Godigo ena aga tudiba mubo bagego  
\q3 nogoba munama,  
\q2 haniani dwai kolesaga ebo bagego nogoba muani.   
\q1
\v 12 Polobadu da, ena bugagia bidai dao.  
\q1 Tiali goli, God aselama, tama eno dogoni  
\q3 tola selama, dodolama, mu elali.  
\q1 Tama ena mu dwali.  
\q1 Agai ena te enego enebo nai me deli ilama,   
\q1
\v 13 tama agai ami bidi dabego ena enego enebo.  
\q1 Tama agai eno haliga togali,  
\q2 tama eno haliga buluba teda solama,  
\q3 tǫba tigidali mu tulaluali.  
\q1 Godigo ena hobede dwasianu me ebeo. Mu menio.   
\q1
\v 14 Agai ena obo elama, ena dali hwįbo da,  
\q2 te bomai ami bidigo boi bidi dabego  
\q3 hanu sainu ebo tiwai te ebao.   
\q1
\v 15 Polobadu da, ena genuai nogi elaluai dao.  
\q1 Tiali goli, megi da, ena nai meniama, dolama mu bidiba.  
\q1 Tama ena hale mu ebao.  
\q1 Tama au dodobage sela sąnama,  
\q2 hobede ebo ugwa gudama bidibao.   
\q1
\v 16 Ena gela genina ma wabo digi, eno gedu bǫ delama,  
\q2 tama eno gedu pę mu yali.  
\q1 Tama eno gesabidi dwai mu elalubo.   
\q1
\v 17 Eno dwai sę me isąbadi, tiali goli te sęgę dabe eno  
\q2 tigi olo dali mu pedalali.  
\q1 Eno gasa bidi dabe dali dwai sę me ebeo.  
\q1 Tama me ma, eno gedu haluasa po me,  
\q2 ena bilali me, God aga gedude  
\q3 mu elalubadi goli da.”  
\p Jopgo te po wali.   
\b  
\q1
\v 18 “Tǫ, odao. Ena isibo sogo te eno kaneme  
\q3 tulalubo si da,  
\q2 nago te kaneme haluamo. Menio.  
\q1 Nago te kaneme pepeli dilide elalumainu sula tagalao.  
\q1 Tama agai God i olama, te sęgę dodolomai yaibao.   
\q1
\v 19 Tiali goli, eno koneani, bidi me bidibo,  
\q1 ena pagede bidabo bidi dagalude bidibo.  
\q1 Agai koneani, eno magi dwai sę me ebe.  
\q1 Tama agai eno po tau selama, bomo ilaibao.  
\q1 Tama tiyu, eno po tų ebode ugwaba ela holaibao.   
\q1
\v 20 Te eno abagi dedego ena godolo isąmaiyu,  
\q3 ena dolobo.  
\q1 Tiali goli, eno Godibolo gela geninama wabo dao.   
\q1
\v 21 Tama eno homugo te ena bidabo bidi  
\q3 agai ena tau somainu yaiba,  
\q2 te God dali po dodolobode,  
\q2 te bidigo aga abagi po dodolobo tau sabo yali  
\q3 gilama.   
\q1
\v 22 Magi baso meni.  
\q1 Ena bidibo sogo bodolu pęwadage mu elalubaso,  
\q2 eno homugo kibu be deli o si elalubao.  
\q1 Tama ena isibo sunumidu pelama, tama ena ma  
\q1 asogobeo,” wali.   
\c 17  
\q1
\v 1 “Ena mu dolama, eno hoboludu ogwa wai bomo  
\q1 meni yai pedelama, tama ena isabo sogo  
\q3 maga mu yagasalio.  
\q1 Tama gų pagego ena teba asobo tonalubao.   
\q1
\v 2 Bidi dabe ena bagua selama dolaluyu,  
\q2 tama ena posobo po wabo.  
\q1 Tama eno augwaligo te dwai kolesaga augwa ebo suali.   
\q1
\v 3 God, ena digi eno nago po tų ebode ugwaba  
\q3 ela hologobeo.  
\q1 Bidi me deli bidibadi bogo ena pesage hasegelama,  
\q2 tama po tų ebode agai e tama omai,  
\q2 eno dwai sę me yai menio po omainu.  
\q1 Tama nosali da, eno dwai sę me ebo si da,  
\q2 teda te bidigo eno pesage selama,  
\q2 tama nage dali po tų dodolamainu.  
\q1 Te tobage kolesaga yabo bidi mu meni ena tau siyu.  
\q1 Tama tibaso, naga digi naga bidi  
\q3 gagalama, tama eno pesage sao.   
\q1
\v 4 Eno e abagi dedego ena tau sogobeo. Magi baso meni.  
\q1 Nago augwaligo homu kolesaga paliama,  
\q2 tama augwali megi kuna konebo meni.  
\q1 Tama augwaligo ena aiyaba elaluabo homu naga ebo.  
\q1 Tama tiyu yaide, nago augwaligo  
\q2 ena aiyaba elalumainu sula tagalamo. Menio.   
\q1
\v 5 God, nago polo po me kone palao.  
\q1 Te bidi mego aga abagigo mone dabe sabo homude  
\q1 aga abagi olo dali po tų ela mobaso da,  
\q2 teda te bidi aga dali, aga wai puluba dali si  
\q2 augwa te yali dwai kolesagade  
\q3 dene nosali saibao,” wali.   
\b  
\q1
\v 6 “Megi da, Godigo ena sęgę mobaso sulama,  
\q2 tama we bidi augwaligo eno gesabidiba pesą sąbo.  
\q1 Tama tigidali bulu badu ena posobo po weyu,  
\q3 e tama wabo,  
\q1 ‘Suao. Jopgo dwai kolesaga mu yai digi,  
\q2 tama aga dwai nai mu te dolobao,’  
\q3 augwaligo te po obao.   
\q1
\v 7 Ena homu sęgę mu elama,  
\q3 tama ena gela genina mu obao.  
\q1 Tama tego eno gedu bǫ delama,  
\q3 tama eno bugagia tonogobeo.  
\q1 Tama ena dili pulu hą mu yali.   
\q1
\v 8 Te doloba pai bidi dabe augwali  
\q2 magi naide dwai sę me isąwai bidi dabe  
\q2 augwaligo e nai eno tigide pedalobo  
\q3 sulama, augwali noma salio.  
\q1 Tama augwaligo suali,  
\q2 dwai bidi dabe bugagia bidibo suali.  
\q1 Tama augwaligo augwalide homu sębę mu yali.   
\q1
\v 9 Tiali goli, tagala. Te doloba pai bidi dabego augwa  
\q2 dwagi yai kolesaga tagalogobeo. Menio.  
\q1 Augwa doloba pai kolesaga naga yainu  
\q2 bomo mu yaibao,” wali.   
\b  
\q1
\v 10 “Abagi dede, megi da, dage hodaluama, po ma wao.  
\q1 Tiali goli, eno dagego po odobo sogo da,  
\q2 teda eno homugo e tama tiaibao.  
\q1 Dage me deli dwagi yai kolesaga dali,  
\q2 homu kolesaga meni yai te yaba waibao.   
\q1
\v 11 Eno bidibo ula pąde mu tama sia sainu ebao.  
\q1 Tigidali nai dabe eno godolo elama yainu yali sę dabe,  
\q2 megi da, eno ma egobeo.   
\q1
\v 12 Ena hulia sai madi me bidibao.  
\q1 Tama eno abagi dedego menio po wali.  
\q2 Nage ulade bidiba wali.  
\q1 Augwaligo te po wali, ‘Nage moni homu igi.  
\q1 Pąde ula yaibao,’ wali.  
\q1 Tiali goli, eno suali da, moni hulia sai mu elalubo.   
\q1
\v 13 Isai bidi dabego bulu naga eno tonaluyu,  
\q2 tama te da eno be elalubo ąǫ igi sogo da,  
\q2 teda ena dwai bidigi dao.  
\q1 Tama ena te bulude pila muyu,  
\q2 tama huli sesabigo ena mesega sai elalugi da.   
\q1
\v 14 Tama eno te gų page e tama nogi yaibao, ‘Eno aya.’  
\q1 Tama dwasianu osogane dabego eno tigi tuaiba.  
\q1 Teda eno augwali e tama nogi yaiba,  
\q1 ‘Eno ida dali, abe dali si,’ wagi da.   
\q1
\v 15 Tama eno homugo tama tidali,  
\q3 nosali te sęgę sia selama,  
\q1 ena bugagia bidaiba homu idali,  
\q2 teda eno olo dali tonaluidali.  
\q1 Tama dego ena bugagia ma bidaiba po waibawe?   
\q1
\v 16 Tama ena isilama,  
\q2 te isibo bidi dabego buluba aiya dulubo si da,  
\q2 teda eno homugo ena bugagia  
\q3 bidabo sunumi elaluaibawe?”  
\p Jopgo te po wali.   
\c 18  
\ms1 Bildatgo si wabo po wali  
\mr (Dąį 18)  
\s1 Godigo dwai bidi dabebolo dene geninama mu mabo dao  
\p
\v 1 Jopgo po wala silibo si, te bidi Bildat te Suha bulu bidigo po wei ponoyu, e tama wali.   
\q1
\v 2 “Jop, nisu nago pedauwali pania saibawe?  
\q1 Nago naga po bolo hasia bugagia kone palao,  
\q2 tama dago nage dali po waibao.   
\q1
\v 3 Magi baso nago da kau kibu yaligia  
\q2 kolesaga meni yai dao homu ebawe?   
\q1
\v 4 Naga sębęgo naga ma me te dolobao.  
\q1 Jop, mena tama tialiwe?  
\q1 Nago homugo Godigo homu kolesaga hasegelama,  
\q1 nago homu kolesaga wali asomaina olama ebawe?  
\q1 Agai sęgę mabo da dwai kolesaga ebo  
\q3 wei ponoyu, tama tibo dao.  
\q1 Tama agai te kolesaga hasegelegobeo.  
\q1 Agai tigidali nai dabe nigilama,  
\q3 augwa pesagede muai dao.  
\q1 Tama agai augwali sela sągobeo.  
\q1 Agai te masigi sela sąnama, tǫ olo tagalogobeo.  
\q1 Mu tama, mu menio.   
\q1
\v 5 Dwai kolesaga ebo bidi dabe augwali dene sabo dao.  
\q1 Godigo augwali silibo da, te bidigo lam sole  
\q2 sula sabo tiwai ebo dao.   
\q1
\v 6 Tama te bidi dabego augwa bede  
\q2 lam sole ula me elalubo sugobeo.  
\q1 Aga bede te hulia saibao.   
\q1
\v 7 Tama te bidi dabe augwali bugagia bidibo sogo da,  
\q2 augwali bomo elama, bilibo dao.  
\q1 Tiali goli, augwali sęgę sabo sogo da, augwali mage  
\q2 basia selama, dua dua naga bilibo dao.  
\q1 Augwaligo gasa bidi dabede  
\q2 dwai sę yabo homu ebo dao.  
\q1 Tiali goli, augwaligo ebo homu geda munama,  
\q2 te homugo augwa ma dolobo dao.   
\q1
\v 8 Augwali te bulu hasa te kęde tubo tiwai dao.  
\q1 Augwali te bidigo te bulu hasa sainu tǫ dogai digi,  
\q2 te hasa tulalubo tiwai dao.   
\q1
\v 9 Augwali te hasa dabe bade tola sabo tiwai dao.  
\q1 Awe, augwali te kęde mu dąų walaibao.   
\q1
\v 10 Augwali te bidigo hasa tola sainu elama,  
\q2 bono gebelama, tola sabo tiwai dao.  
\q1 Tiali goli, te kę nanani bidi aga ma tola si da.   
\q1
\v 11 Augwali wi mu ilabo nai dabe da,  
\q2 te da tigidali bulu badu bobegela sai  
\q3 elalubo, augwali bilabo madi,” wali.   
\b  
\q1
\v 12 “Polobadu da, dwai sę ebo bidi dabe  
\q3 bugagia bidai dao.  
\q1 Tiali goli, megi da, augwali habuge elama, nasi mu ebo.  
\q1 Tama dwai sogo pedalobogo augwali dolainu no sealubo.   
\q1
\v 13 Gasi me deli dwai mu pedelama,  
\q2 tama te bidi dabego tigi nogo sągą  
\q3 dolama, augwali isilaibao.   
\q1
\v 14 Augwaligo homugo tibo augwa be dali,  
\q2 augwa mone dali sigo augwaligo  
\q2 bidibo ula usu ilaiba homu ebo dao.  
\q1 Tiali goli, isibo kolesagago augwali  
\q2 augwa bedu guda sąwaibao,  
\q1 tama augwali te isali bidi dabe dali bidigi paibao.   
\q1
\v 15 Augwali isilama nosali da,  
\q2 augwa hani dabe deli augwa te bede  
\q3 bidabo me bidigobeo.  
\q1 Tama tibaso, gasa bidi hani aselama,  
\q2 tama augwa masigi salfago nigai pauda  
\q3 te bede gelama,  
\q2 tama dwai denami sela sąwainu yaibao.  
\q1 Tama bidi dabe augwali te bede ma bidainu usu yaibao.   
\q1
\v 16 Dwai kolesaga ebo bidi dabe da, mu sia saibao,  
\q2 te ni aga pedali dali, nologo dali si sasia pelama,  
\q2 damua pabo tiwai yaibao.   
\q1
\v 17 Tama we bidi dabe augwali homu gegeda paibao,  
\q2 tama te bulude augwa nogi sia saibao.   
\q1
\v 18 Te bage augwali bididuali sogo da,  
\q2 augwaligo giliga ula suai dao.  
\q1 Tiali goli, isibo augwaliba asaligo  
\q2 augwali hulia sai madi mu pali.   
\q1
\v 19 Augwa hani da, mu hagawaibao.  
\q1 Tama augwa wai puluba, o augwa wegigo wai dabe  
\q2 augwa bulude me bidigobeo.  
\q1 Mu meni. Tigidali mu isila paibao.   
\q1
\v 20 Tama te giliga asobo badu bidibo  
\q3 bidigo me, giliga dega sabo badu bidibo bidigo  
\q3 me, te dwai sę te bageba pedelali po odama,  
\q2 tama augwali noma selama, wi mu yaibao.   
\q1
\v 21 Te tobage dolobo sę ebo,  
\q2 te Godigo po wali pisąma ebo bidi hani dali,  
\q2 augwa bulu dali side te sę pedalaibao.”  
\b  
\p Te Suha buludu asali bidi Bildatgo te po Jopbolo pusali.   
\c 19  
\ms1 Jopgo Bildatgo po wei ponobo po wali  
\mr (Dąį 19)  
\s1 Jop aga mu dolama, agaduba mu bidali  
\p
\v 1 Tama Jopgo Bildatgo po wei ponoyu,  
\q2 e tama wali,   
\q1
\v 2 “Dagego pogo ena dolama, dene genuai mu te mobao.  
\q1 Nisu dagego te po tagalaibawe?   
\q1
\v 3 Megi da, hauwa sogo mu dagego  
\q2 ena dolama, aiyaba elalubao.  
\q1 Dagego ena dali boi hwįagasiyu tiwai yali,  
\q2 tama dagego te sę ebode hale menio.   
\q1
\v 4 Tiali goli, mu tama, Godigo gedude  
\q2 eno dwai sę me yaibaso da, te da ena sę naga dao,  
\q2 te dagego sę meni.   
\q1
\v 5 Dagego homugo dage dwagi yai bidi dabe dao olama,  
\q2 ena dwai sę ebo bidi dao homu ebawe?  
\q1 Dagego homugo e dwai sę eno tigide yaibaso,  
\q2 eno dwai sę yali dao olama,  
\q3 dagego ena po tų ela mayu ebo.”   
\b  
\q1
\v 6 “Tiali goli, dolo koneao, eno dwai sę me ebe.  
\q1 E sę dabe yali God aga homugo digi yalio,  
\q3 tama te dolo menio.  
\q1 Agai ena aga sųgų sabo naide tola salio.   
\q1
\v 7 Godigo ena diluai sę mu elama, elalio.  
\q1 Tama tibaso, eno agai ena taga palomainao olama,  
\q2 i bomonama mu obao.  
\q1 Tiali goli, agai eno i wei ponobeo.  
\q1 Tama agai ena dali doloba pai sę ebeo.   
\q1
\v 8 Agai eno sunumi paliali, tama ena pabo usu egobeo.  
\q1 Tama agai te sunumi hulia selama,  
\q2 tama eno te sunumi suabo ąǫ ebeo.   
\q1
\v 9 Agai eno dwagi yai nogi dolaligo da,  
\q2 tama megi da, we bidi dabego ena  
\q3 dwai bidi da homu ebao.   
\q1
\v 10 Agai ena dolama, te bidigo be  
\q2 sese mu hųgibo tiwai yalio.  
\q1 Eno homugo tiali agai ena bugagia  
\q2 bidimainu tau saibao homu yai dao.  
\q1 Tiali goli, agai eno te homu sese sela sąyani,  
\q2 bidigo te sagane ni guda sąbo tiwai yai.   
\q1
\v 11 Godigo ena aga boi bidi homu elama,  
\q2 tama ena dali sębę genuai mu yali.   
\q1
\v 12 Aga boi hwįbo ami bidi dabe tagala palali.  
\q1 Tama augwaligo ena dolabo sunumi nidigi aselama,  
\q2 tama eno be bobegela selama,  
\q2 tama ena dali hwįali,” wali.   
\b  
\q1
\v 13 “Godigo ena ama sologo ena tagalama,  
\q2 digibulu bidimainu yali.  
\q1 Tama eno abagi dedego me ena me konebe.  
\q1 Augwaligo gedude ena gasa bulu bidi ąǫ ebo.   
\q1
\v 14 Tama ena deli kanemego me,  
\q2 ena abagi dedego me, ena mu tagalali.   
\q1
\v 15 Te bidi dabe eno beba me sogo  
\q2 bidagasiyu yali bidi dabego me,  
\q2 augwaligo ena mu gegeda palalio.  
\q1 Tama eno sę we dabego ena konebe.   
\q1
\v 16 Eno ena sę bidi i wabo dao.  
\q1 Tiali goli, agai eno i wei ponama, enaba asobo menio.  
\q1 Eno ena homu dene yabo po aga dali obadi digi, usubeo.  
\q1 Agai ena homu dene elama, ena suagasobeo.   
\q1
\v 17 Eno po wabo si da, eno keledu dwai kugumini ebo,  
\q2 tama ena we mugo ena pagede bidabo hagela ebo.  
\q1 Tama ena ama solo mugo ena tonobo da,  
\q2 olo nai tonobo ąǫ ebo.   
\q1
\v 18 Tega! Ena be nani dwasianu  
\q2 ogwa dabego ena posobo po olama, ena dolobo dao.  
\q1 Ena gasaba me hogodasa pabo si,  
\q2 augwaligo enabolo dwai po wabo.   
\q1
\v 19 Ena age solo mugo me ena godolo me ebeo.  
\q1 Tama bidi dabe eno godolo mu yali bidi dabe,  
\q2 augwaligo me ena tudi ola menama,  
\q3 ena aiyaba elaluainu ebo.   
\q1
\v 20 Ena dili pulu hą elama,  
\q2 ena mu nomona selama, bomo menia pali.  
\q1 Ena mu dolama, ena mu isabo ąǫ yali.  
\q1 Awe, pąde mu ena isai dao,” wali.   
\b  
\q1
\v 21 “Dage eno abagi dabe, dagego ena hobede elama,  
\q2 tau sama. Magi baso meni.  
\q1 God aga nogogo mu ena elama,  
\q2 tama ena dolali elaluba.   
\q1
\v 22 Magi baso dagego ena dolobao,  
\q2 Godigo ena dolobo yali gilama?  
\q1 Dagego ena dwai bidibo sulama goli,  
\q2 magi baso ena aiyaba elaluainu po  
\q2 hauwa mu haniani po obawe?” wali.   
\b  
\q1
\v 23 “Hobede mu da.  
\q1 Eno homugo bidi mego eno po buku me  
\q3 delide asęa po wagi da,  
\q2 eno po hagaidali weyu, me elalumai igi dao.   
\q1
\v 24 Eno homugo augwaligo eno po  
\q3 masigi togolama, asęlama, tede elalumai igi dao.  
\q1 Tama te po tigidali sogo tede elalumainu.   
\q1
\v 25 Tiali goli, eno koneani, bidi ena pagede bidiyu,  
\q2 te ena ma dobola sabo te bidi bidibo.  
\q1 Tama nosali aga aselama, e tǫde dodolagasaiba.   
\q1
\v 26 Eno e tigiwali da, hasia dolaibao.  
\q1 Tiali goli, ena tigiwali dali me bididu da,  
\q2 teda eno God sueibao.   
\q1
\v 27 Awe, gasa bidi dabego naga God sugobeo. Menio.  
\q1 Ena digi me ena God sueibao.  
\q1 Ena aga suabo homu bomo mu ebao.   
\q1
\v 28 Dagego e tama wabo dao,  
\q1 ‘Dago Jop po tų ela mabo kolesaga tagalogobe.  
\q1 Magi baso meni. Te dolali sę page  
\q2 aga tigide te elalubao,’ dagego te po wabo dao.   
\q1
\v 29 Tiali goli, dage digi dua dao.  
\q1 Dagego te tobage pogo Godigo sębę hodolaibao,  
\q2 tama agai dage dene genuai mu mawaibao.  
\q1 Tama agai te sę ebo si da, dagego koneaiba,  
\q2 dwai sę ebo bidi dabe augwali  
\q2 Godigo po tų eboba sabolaibao,”  
\p Jopgo te po wai.   
\c 20  
\ms1 Sofargo si wabo po wali  
\mr (Dąį 20)  
\s1 Dwai bidi dabe pęwadage sogo bugagia bidaibao  
\p
\v 1 Jopgo po ola silibo si, tama te bidi Sofar te Nama tǫ bidigo po wei ponoyu, e tama wali.   
\q1
\v 2 “Jop, odao. Nago pogo ena noma selama,  
\q2 tama ena homu hauwa mu te ebao.  
\q1 Tama eno nago po polo wei ponaibao.   
\q1
\v 3 Nago wado po eno polo odali.  
\q2 Tama tego da hale mu ilali.  
\q1 Tiali goli, eno dwagi yai homu kolesaga elalubao,  
\q2 tama eno nago po dolo wei ponaiba.   
\q1
\v 4 Nago koneani, polobadu gagalasa mu da,  
\q1 polobadu Godigo we bidi tǫba tagalalidu gagalasa,  
\q2 megiba usu nagasali da,   
\q1
\v 5 te dwai kolesaga ebo bidi dabe augwali  
\q3 pęwadage sogo  
\q2 tǫde bugagia godolo elama, bidai dao.  
\q1 Te God tudiba mubo bidigo bugai  
\q2 homu ebo sogo te bobobage menio.   
\q1
\v 6 Te tobage bidi genuai bidi nigilama,  
\q2 genuai nogi te we bidigo gedude saibao.  
\q1 Te bidi aga te bulu du tiwai pǫ dali dąį elalubo  
\q3 tiwai dao.   
\q1
\v 7 Tiali goli, te bidi aga di dolobo tiwai dolaibao.  
\q1 Tama aga sesemane mu hagawaibao.  
\q1 Tama bidi dabego aga polobadu sulama  
\q2 koneani bidi dabego da,  
\q1 augwaligo e tama po waibao, ‘E bidi mage sę yaliwe?  
\q2 Megi da, aga menade bidibowe?’ te po waibao.   
\q1
\v 8 Te tobage bidi aga te hulide ebo nade  
\q2 hagabo tiwai deli sogo hagawaibao.  
\q1 Awe, bidi dabego aga mu ma sugobeo.   
\q1
\v 9 Mu tama mu, aga, aga bulude munu ma bidigobeo.  
\q1 Tama tede bidibo bidigo aga munu me sugobeo.   
\q1
\v 10 Tama aga wai pulubago augwa ayago wi sali nai  
\q2 te nai meni yai bidi dabebolo wei ponaibao.  
\q1 Te doado bage aga digi  
\q2 te nai meni yai bidide wi sali nai wei ponaibao.   
\q1
\v 11 Ma, aga gesi bidide bidiyu,  
\q3 bomo hauwa mu elaluai da,  
\q2 teda deli sogo tama aga isaibao.  
\q1 Tama aga bomo sese mu tama siliyu,  
\q2 aga te gų pagede pila muyu elaluaibao,” wali.   
\b  
\q1
\v 12-13 “Te dwai bidi dabego dwai kolesaga  
\q3 godolo ebo dao.  
\q1 Tama augwaligo  
\q2 te dwai kolesaga tagalabo homu ebeo,  
\q2 te bidigo pusai nai godolo ebo tiwai  
\q2 tama aga hamena dologoba munama,  
\q2 tama te nai pusu polo silisą emainu.   
\q1
\v 14 Tiali goli, augwa dwai kolesagago augwa  
\q3 ma dolaibao,  
\q2 te tubo nai te bidigo haliga tomoba  
\q3 pabo tiwai yali gilama,  
\q2 tama augwa haligade te dwai gulago  
\q3 nabi tiwai pedelama,  
\q2 tama nosali augwa ma dolaibao.   
\q1
\v 15 Dwai bidi dabego mone dabe hauwa mu  
\q3 sisinibo dao,  
\q2 augwa te nai wi sabo kolesaga ebogo.  
\q1 Tiali goli, Godigo te kolesaga sela sąwaibao,  
\q2 te bidigo nai hauwa dalama,  
\q2 tama ma bugulobo yali gilama tiaibao.   
\q1
\v 16 Te tobagego sisinibo naigo augwa ma dolaibao,  
\q2 te gula manigo bidi gąų kelama,  
\q2 agai dwai nabigo augwali ela isilibo tiwai yaibao.   
\q1
\v 17 Augwaligo te nai dabe sisinibo si da,  
\q1 augwaligo homugo te nai dabe elalubaso,  
\q2 augwali bugagia bidiyu,  
\q2 dwagi yai homu yaiba homu yali.  
\q1 Tiali goli, augwaligo te homu kolesaga geda muaibao.   
\q1
\v 18 Augwali olo dali bomai sę yali, te mone dabe,  
\q2 te nai nai dabe olo dali bomai sę yali.  
\q1 Tiali goli, augwali te nai dabe nogo tolaluyu,  
\q3 dwagi yai homu idugobe. Magi baso meni.  
\q1 Godigo yaide gasa bidi dabego  
\q2 augwaligo te nai dabe somainu yaibao.   
\q1
\v 19 Agai te tama tiaibao. Magi baso meni.  
\q1 Augwaligo nai meni yai bidi dabe hobede isąma  
\q3 yali pode.  
\q1 Meni. Augwaligo augwalide dwai sę yali.  
\q1 Tama haniani tibo sę elama, tibo po olama,  
\q2 gasa bidigo be dabe sali.   
\q1
\v 20 Tigidali sogo augwaligo gasa bidigo  
\q2 nai sulama, pesą eyu yali.  
\q1 Tama augwaligo te nai dabe sabo  
\q2 hodo me dolabo homu me ebeo.  
\q1 Tama tibaso, God augwaligo te godolo ebo nai  
\q2 me tolalumainu sula tagalabo homu ebe.   
\q1
\v 21 Mena nai dabe augwaligo me godolo yali da,  
\q2 teda augwaligo siyu naga ebo dao,  
\q1 te bidigo dwagi yai tubo nai sulama, tula siliyu yaide,  
\q1 dage me tagalabo homu ebe tiwai yali gilama.  
\q1 Tiali goli, te dwagi yai sogo  
\q3 te pęwadage sogo bidama, tama sia saibao.   
\q1
\v 22 Augwaligo te dwagi dwagi yai nai dabe  
\q3 elalubo sogo da,  
\q2 genuai sęgęgo augwali mesegelama,  
\q1 tama dwai dene dabego augwali  
\q2 aiyaba mu elaluaiba,” Sofargo te po wali.   
\q1
\v 23 “Te nai dabe hauwa sabo homu yali bidi dabe da,  
\q2 teda Godigo augwaligo nai hauwa  
\q3 mu somainu sula tagalaibao.  
\q1 Tiali goli, te sabo homu ebo nai dabe dao,  
\q2 te dwagi yai nai dabe meni. Menio.  
\q1 Godigo te bage dali sębę genuai mu eyu,  
\q2 tama agai haniani sęgę augwalibolo menama,  
\q2 tama augwali mu pągąna paibao.   
\q1
\v 24 Agai boi bidi dabe teba tagala palaiba.  
\q1 Te augwa hwįbo ge hwą dali,  
\q2 ene te brasgo nigai dali, tama tagala palaibao.  
\q1 Tama te dwai bidi te boi bidigo hwą  
\q2 tolasa asobo sulama, wi pobaso da,  
\q2 teda te boi bidi dabego enesigi selama,  
\q2 ene te bras ula yaigo enaibao.   
\q1
\v 25 Tama te enego augwali tigide teda paibao.  
\q1 Te dwai bidi dabego te enede augwaligo  
\q2 kaneme elalubo subaso da, augwali wi mu yaibao.   
\q1
\v 26 Tigidali wa hulu dabe, mone dabe,  
\q2 augwaligo sisinani nai dabe da, sese dola silaibao.  
\q1 Tama te dwai bidi dabe dali,  
\q3 augwa we wai puluba dali sese,  
\q2 te bidi mego dalisąma yai iside sese hagala silaibao.   
\q1
\v 27 Dagalu aga digi te bidi dabego sęgę hanilaibao.  
\q1 Tama tǫgo me po tų ela mawaibao.   
\q1
\v 28 Godigo augwali dali sębę mu yaibao.  
\q1 Te agai augwaligo dwai sęgę wei ponoyu da,  
\q2 teda augwaligo mone nai dabe  
\q3 sese hagala silaibao, te genuai wę asiyu,  
\q2 augwaligo nai dabe sese da selasa pabo tiwai yaibao.  
\q1 Tama deli me elalugobeo.   
\q1
\v 29 Godigo te dwai sę ebo bidi dabego  
\q2 te dwai sęgę somainu dąį ilai dao.  
\q1 Awe, augwali te silibo tiwai emainu tiwai dao,”  
\p Sofargo te po wali.   
\c 21  
\ms1 Jopgo Sofargo po wei ponobo po wali  
\mr (Dąį 21)  
\s1 Dwai bidi dabe augwali bugagia bidibo po  
\p
\v 1 Tama te Jopgo po wei ponoyu, e tama wali.   
\q1
\v 2 “Eno homugo dagego olo bugagia  
\q2 eno po waboba munama, odao.  
\q1 Tama dagego tama tiyu da,  
\q2 teda dagego eno homu dwagi yai bidimainu ilaibao.   
\q1
\v 3 Eno po bolo omainu sula tagaliyu bolo yao.  
\q1 Tama eno po wala silibo si, tama da,  
\q2 Sofar, nago ena posobo po ma waganio.   
\q1
\v 4 Tiali goli, odao. Eno bidi dabede po elalubowe?  
\q1 Mu menio. Eno Godide po elalubo.  
\q1 Tama tibaso, eno haliga dene mu ebao,  
\q2 agai eno po wei ponisą ebo pode.   
\q1
\v 5 Dagego ena bugagia tonaluao.  
\q1 Tama dage noma selama, hodaluyu yaide,  
\q2 duga nogo gąųgo halua naibao.   
\q1
\v 6 Eno te dwai nai dabe enaba pedalaliba homu  
\q3 ebo sogo da,  
\q2 ena wi genuai mu elama, noma genuai mu  
\q3 sabo dao,” wali.   
\b  
\q1
\v 7 “Magi baso Godigo dwai kolesaga ebo bidi dabe  
\q3 sula tagalama, tama augwali bugagia bidama,  
\q3 augwali monu dabe ebo da, agawe?  
\q1 Tama magi baso agai augwali genuai nogi selama,  
\q2 nai dabe hauwa elalumainu sula tagalaliwe?   
\q1
\v 8 Te bidi dabe augwa wai puluba dali  
\q2 wąį wai puluba dali si bidibo.  
\q1 Tama augwali bidiyu, augwa  
\q2 te wai puluba genuai ebo subo.   
\q1
\v 9 Te dwai kolesaga ebo bidigo  
\q2 we wai dabe bugagia augwa bede bidibo.  
\q1 Tama magi nai mego augwali wi me ilibe,  
\q2 tama Godigo augwali dene me ilibe.   
\q1
\v 10 Augwa bulmakau kibu omaigo so kibu tabi ilama,  
\q2 tama augwa wai dwagi yai saganama, me isibeo.   
\q1
\v 11 Te bidi dabe augwaligo wai puluba  
\q3 hauwa mu bidibo,  
\q2 augwa sipsip kibu namba tiwai bidibo.  
\q1 Tama augwa te wai puluba tęąbi subigila  
\q2 ola bilimainu sula tagalobo.   
\q1
\v 12 Bidi dabego gita dali, temborin dali,  
\q2 ona dabe tama eliyu, dwagi yai hwą mu wabo.  
\q1 Tama te wai dabego dwagi yai homu ebo tęąbi wabo.   
\q1
\v 13 Tigidali sogo dwai bidi dabe augwali  
\q3 bugagia bidiyu ebo.  
\q1 Tama augwali isilama,  
\q2 isibo bidi dabego buluba painu ebo si da,  
\q2 augwali gasi elama, dene me eyu ebe,” wali.   
\b  
\q1
\v 14 “Te dwai kolesaga ebo bidi dabe bidibadi,  
\q2 augwaligo Godibolo e tama wabo dao,  
\q1 ‘Nago da taga palama, naga pao,’ wabo dao.  
\q1 ‘Dago nago po odama, wali pogobeo,’ wabo.   
\q1
\v 15 Me ma, augwaligo e tama wabo,  
\q1 ‘God te Tigidali Bomo Elalubo, te dewe?’ wabo,  
\q1 ‘dago magi baso agaba lotu po weyu,  
\q3 aga dologode elaluaibawe?  
\q1 Tama dago ma agaba gedu haluasa po weyu da,  
\q2 dago mena dwagi yai nai saibawe?’  
\q1 Augwaligo te tobage po wabo dao.   
\q1
\v 16 Te bidi dabe augwali bugagia bidiyu,  
\q2 nai dabe hauwa mu sabo dao.  
\q1 Tiali goli, te nai dabe augwa bomogo naga  
\q3 te nai sabo menio.  
\q1 Tama tibaso, eno te dwai bidi dabeba olo munama,  
\q2 augwaligo po wali, me kolesaga wali pogobeo,”  
\q1 Jopgo te po wali.   
\b  
\q1
\v 17 “Eno suali, Godigo dwai bidi dabe  
\q2 hauwa sogo isilibo menio.  
\q1 Tama hauwa sogo God dwai sogo augwaliba munama,  
\q2 tama augwali dene sabo menio.  
\q1 Tama Godigo te bage dali sębę ebo sogo da,  
\q2 te hauwa sogo augwalibolo dene mabo meni.   
\q1
\v 18 Eno suali, Godigo hauwa sogo augwali  
\q2 te bomai waligo sasi nosai sela sąbo ąǫ ebo menio.   
\q1
\v 19 Bidi dabego te po wabo dao,  
\q2 ‘Godigo dwai sę ebo bidigo wai dabe dolobo dao,’  
\q2 wali,  
\q2 ‘augwa ayago dwai sęgę wei ponoyu.’  
\q1 Tiali goli, eno homugo te kolesaga dolo meni.  
\q1 Teda Godigo te dwai bidi dabe augwa tigide digi  
\q2 te dene maiabo goli da, teda augwaligo koneaibao,  
\q1 Godigo augwa dwai sę dolo ponobo dao.   
\q1
\v 20 Awe, augwa digi sulama, dene  
\q3 konemainu te Godigo sębę,  
\q2 te God Tigidali Bomo Page Bidi.   
\q1
\v 21 Tama augwali te isibo bidi dabego  
\q3 buluba bidigi pabo si da,  
\q2 augwaligo augwa we wai puluba  
\q3 mena tama bidibo olama, kone me egobeo,”  
\p Jopgo te po wali.   
\b  
\q1
\v 22 “Te ensel sibigo da edelalio.  
\q1 Tiali goli, Godigo augwaligo kolesaga osola subo dao.  
\q1 Tama tibaso, dego God ola mabo usu yaiba,  
\q2 te mena kolesaga dwagi yai dabe emainu. Bidi meni.   
\q1
\v 23-24 Eno sulama, we bidi me badu  
\q2 augwa bidibode dwagi yai bugagia bidibo suali,  
\q2 te dǫgai hauwa yai hasa tiwai dao.  
\q1 Augwali gasi me isąma, sęgę me isąma, tama bidama,  
\q2 augwa isibo bodoluba sabalobo si tama isiyu ebo.   
\q1
\v 25 Tama me badu we bidi bugagia bidibo meni.  
\q1 Te we bidi dabe augwa  
\q1 bidibo ula hagede kone palama, ha ebo dao.  
\q1 Augwali dwagi yai homu godolo isiąbadi,  
\q2 tama augwali isiboba usu nagasobo dao.   
\q1
\v 26 Tiali goli, tigidali we bidi isiyu naga ebo dao.  
\q1 Tama augwali tigidali gų pagede deli madi kigilama,  
\q2 pila muyu, da tiwai si naga ebo dao.  
\q1 Tama te osogane dabe augwali tigide pągąbo dao,” wali.   
\b  
\q1
\v 27 “Eno polo koneani, dagego homu dabe.  
\q1 Dagego ena aiyaba elaluabo homu naga te ebao.   
\q1
\v 28 Dagego te po wali,  
\q1 ‘Te dwai dwai sę dabe te genuai bidi dabe  
\q2 te dwai kolesaga ebo bidi tigide pedalobo dao,’  
\q3 po wali.  
\q1 ‘Tama augwaligo be dabe sese dolobo dao.  
\q1 Tama bidi dabego augwali ma subo menio.’  
\q1 Dagego te po wali.   
\q1
\v 29 Tiali goli, eno homugo dagego iba peyu,  
\q2 eda soayu ebo bidi dabebolo  
\q2 po hanalube yali pogo te gasa bulu taga solama,  
\q2 pabo bidi dabebolote dwai sę ebo bidi dabede mena  
\q2 tama tibo dawe po hanalubeo.   
\q1
\v 30 Mu tama. Augwaligo dagebolo e tama waibao.  
\q1 Te God sębę elama, tama dwai sę pedalumainogo elama,  
\q2 tama we bidi hani deli pesage badu dolainu da,  
\q2 teda agai te dwai kolesaga ebo we bidi  
\q3 dolobo menio.  
\q1 Menio. Augwali bugagia bidimainu sula tagalobo dao.   
\q1
\v 31 Tama tibaso, dego dwai kolesaga ebo  
\q2 bidi dabe po tų ela mawaibawe?  
\q1 Bidi mego augwali po tų ela maiabo menio.  
\q1 Tama augwaligo dwai kolesaga wei ponainogo  
\q2 augwali tigide dene ilabo bidi menio.   
\q1
\v 32-33 Tama te dwai bidi dabe  
\q2 isibo sogo da, we bidi hauwa mu sisinagasobo dao,  
\q2 bidigo augwali nedebo usugobeo  
\q1 Tama augwaligo agai tigi sela pelama,  
\q2 gų pageba pubaligi pabo dao.  
\q1 Tama bidi me badugo augwaligo gų page  
\q2 bugagia tonalubo dao.  
\q1 Tama dwai bidi dabe gų pagede bugagia pila mubo dao.   
\q1
\v 34 Eno te tobage kolesaga  
\q2 te dwai sę yali bidi dabede pedalobo subaso,  
\q2 eno te homu ebao, dage ili po olama,  
\q3 gani bole ebo bidi dabe dao.  
\q1 Dagego homugo te dagego enabolo pogo  
\q2 eno haliga dili ilimainu ebawe? Te bage?  
\q3 Hobede ebo.  
\q2 Te po dabego ena deli me tau sabeo,”  
\p Jopgo te aga abagi selabolo te po wai.   
\c 22  
\ms1 Elifasgo sela wabo po pusali  
\mr (Dąį 22)  
\s1 Ma, Jopgo homu begeligi sogo da, teda Godigo agade dwagi yai sę mu igi dao  
\p
\v 1 Jopgo po ola silibo si, te Elifas hanu Teman bidigo po wei ponoyu, e tama wali,   
\q1
\v 2 “Da olo bidi dabego God tau sabo sę dabe ebo  
\q3 usugowe?  
\q1 Mu meni. Te koneai bidi dabe me usu egobeo.   
\q1
\v 3 Nago homugo nago doloba pai kolesagago  
\q1 God Tigidali Bomo Elalubo Bidi agai yabo sę  
\q3 tau saibawe?  
\q1 Ma, nago dwagi yai kolesaga naga  
\q2 eyu da, nago homugo tego Godibolo  
\q2 dwagi yai ilaibawe? Mu meni. \x * \xo 22:3 \xt Jop 35:6-8\x*   
\q1
\v 4 Ma, nago homu nago Godiba lotu po weyu,  
\q2 tama aga dologode bidibaso, agai nage sesanama,  
\q2 nage po tų ela mani, nago te homu ebawe?  
\q3 Te mu meni.   
\q1
\v 5 Jop, nago haniani dwai kolesaga mu yai dao,  
\q3 tama silibeo.  
\q1 Tama te po pagede naga God nage po tų te ela mobao,”  
\q3 wali.   
\b  
\q1
\v 6 “Nago e tama kolesaga yai dao.  
\q1 Nago naga abagi dabe negeli mani, tama augwaligo  
\q2 nagebolo augwa doado bage meba osogo menama,  
\q3 tonalumainu yali.  
\q1 Ma, augwaligo te negeli sali dolo wei ponesiąbaso da,  
\q1 teda nago te sali nai mu sobaso, usu yaibao.  
\q1 Mebago nagebolo augwaligo ugwa nagebolo  
\q3 te tiwai osogo mani.  
\q1 Tiali goli, augwaligo te negeli wei ponai goli,  
\q2 nago augwalibolo te ugwa wei ma masiąbaso da,  
\q2 augwa tigi haluabo ugwa meni. \f + \fr 22:6 \ft Te Elifasgo te Jobgo te sę ebao po wali kolesaga, te bomo yai pogo te Israel dabe augwaliba habu mu selibaso, augwaligo te sę isąwani sę po. Te buku Kisim Bek Dąį 22:26-27; Lo 24:6; 24:10-13, tede dabe te po elalubo suao.\f*   
\q1
\v 7 Bidi dabe augwaligo dogoni aloa sali,  
\q2 tiali goli nago augwalibolo wę mawai menio.  
\q1 Tama me nago augwali nasi ebadi,  
\q3 nago augwali nai mabeo.   
\q1
\v 8 Nage genuai bidi, tama nage genuai nogi yali.  
\q1 Nago tama tiyu yai nago homugo tigidali  
\q2 sę nagaduba homugo yaibao wali.  
\q1 Tama nago gasa bidi dabego tǫ dage dali sai dao.   
\q1
\v 9 Me te we sibi augwa bidi isai baso, augwali aselama,  
\q2 nagebolo augwali tau sao obadi,  
\q2 nago augwali tau sabeo. Menio.  
\q1 Nago augwali sela sąbaso, augwali pai dao.  
\q1 Tama tiyu yaide,  
\q2 augwaligo wai puluba dabe me  
\q3 dwagi yai tau me siyu, tama bugagia bidibeo.   
\q1
\v 10 Nago te kolesaga dabe yai dao.  
\q1 Tama tiyu, megi da, nage tola selama,  
\q2 nage dolabo nai dabego nage bobegela selama,  
\q3 dolabo nai polo aselama, tama nage wi ilibao.   
\q1
\v 11 Te hulia sai tiwaigo nage mesegelama,  
\q2 tama nago nai dabe me sugobeo.  
\q1 Me te dene mabo sę hauwa nageba pedelai dao,  
\q2 te wę genuaigo nage te mesega sali tiwai dao,” wali.   
\b  
\q1
\v 12 “Jop, suao, te hǫ dabe tigidali ugwanu mu elalubao.  
\q1 Tiali goli, God te dagalude bidiyu,  
\q2 aga te hǫ dabe edelama, ugwadu mu bidibao.   
\q1
\v 13-14 Eno homugo tego nago homu kolesaga  
\q3 hodaluama, nago e tama po wabo dao,  
\q2 ‘Godigo mena nai dabe koneaniwe?  
\q1 Aga dagalude ugwadu mu bilibo dao,  
\q2 tama moni pǫgo aga mesega sali,  
\q2 tama moni hulia saligo aga mesega sali.  
\q1 Tama agai da subeo.  
\q1 Agai dago kolesaga mena tama dagalogowe?’  
\q3 nago te po wabo dao,” \f + \fr 22:13-14 \ft Te Elifasgo Jopgo homude elalubo sę agai konebe homu ebao. Jopgo te tama po wali, Godigo te dwai kolesaga ebo bidi dabe dolobeo wali po te Dąį 21:29-33 tede elalubo suao. Tiali goli, Jopgo te tama me wabe, Godigo te dwai kolesaga ebo bidi dabe susąyu, tama agai augwaligo ebo kolesaga dagala subo meni, te po agai wabeo.\f*  
\p Elifasgo te po wai.   
\b  
\q1
\v 15 “Tiali goli, Jop, nago mena tama tialiwe?  
\q1 Nago tigidali dwai sunumidu painu bomo genuai ebawe?  
\q1 Te da, te dwai kolesaga ebo bidi dabego  
\q3 wali pabo tų dao.   
\q1
\v 16 Augwali monu dabe isąbo sogo,  
\q2 deli sogo tama Godigo augwali silali dao.  
\q1 Augwali te be me te genuai wę sesegede elaluai,  
\q2 te wę asiyu, te be dolama, masigi dali,  
\q3 ni nami dali si, te węgo tolasa pabo tiwai yali.   
\q1
\v 17 Te bidi dabe augwaligo Godibolo e tama wali,  
\q1 ‘Nago da tagalama, naga pa,’ me ma augwaligo  
\q3 e tama wali,  
\q1 ‘God Tigidali Bomo Elalubo Bidigo dade  
\q2 magi sę mu ebo usugowe?’   
\q1
\v 18 Tiali goli, augwaligo konebe,  
\q3 Godigo digi augwalibolo  
\q2 te dwagi yai nai mawai da homu ebe.  
\q1 Tama tibaso, eno olo te dwai bidi dabego poba  
\q3 olo munama,  
\q2 augwaligo homu kolesaga wali me pogobeo.   
\q1
\v 19 Te doloba pai bidi dabego Godigo  
\q2 dwai bidi dabe tigide dene ilibo suali,  
\q3 tama augwali tede  
\q3 dwagi yai homu pemene ebo dao.  
\q1 Tama dwai kolesaga magi naide  
\q2 meni yai bidi dabe da, augwaligo  
\q3 te dwai bidi dabe kęnę po wabo dao.   
\q1
\v 20 Augwaligo e tama wabo dao, ‘Dwagi yai mu da,  
\q2 te dago boi bidi dabe polo dolai yabo.  
\q1 Tama isigo augwaligo dwagi dwagi yai nai  
\q3 dela pela silalio,’ te po wabo.”  
\p Elifasgo te po wali.   
\b  
\q1
\v 21 “Megi da, Jop, odao.  
\q1 Megi nago God dali po dodolama,  
\q3 tama dedeli homu yao.  
\q1 Ma, naga tama tiyu da, teda agai nage usu ma ilama,  
\q2 tama nage bugagia ma bidaibao.   
\q1
\v 22 Nago agai nage mawainu ebo  
\q2 kolesaga po nago tigidali sao.  
\q1 Tama agai po nago homude bugagia mu muao.   
\q1
\v 23 Nage God Tigidali Bomo Elalubo Bidiba  
\q3 ma asiyu da, teda agai nago sęgę sela sąna silama,  
\q2 tama nage bugagia ma bidaibao.  
\q1 Tama nago te dwai kolesaga tudi ola menama,  
\q2 tama nage te tobage kolesagade digibulu bidao.   
\q1
\v 24 Te nago dwagi yai gol masigi tigidali  
\q3 te dwai madi sąna silao, tama tiyu da, usu yaibao.   
\q1
\v 25 Tama nago God agai nago homude  
\q3 te dwagi yai gol dali,  
\q2 silva dali si hasegelainu yao.   
\q1
\v 26 Nago tama tiyu da, teda nago dwagi yai homu  
\q2 genuai mu te God Tigidali Bomo Elalubo Bidigo  
\q3 nage bugagia te sę yali pode yaibao.  
\q1 Tama nage aga dali haliga tegaluama, dua bidaibao.   
\q1
\v 27 Tama nago agaba gedu haluasa po olama,  
\q2 tama agai nago gedu haluasa po wabo odama,  
\q2 tama nago hanalubo nai dabe nage mawaibao.  
\q1 Tama naga Godide dąų wali po  
\q2 wali peyu, dwagi yai homu elama,  
\q3 te dąų walali po usu naibao.   
\q1
\v 28 Tama nago sę me yainu homu dąų wali sę dabe da,  
\q2 te da Godigo nago te sę emainu sula tagalama,  
\q2 dwagi yai pedalomainu sula tagalaibao.  
\q1 Tama Godigo nage bidibo page bugagia mu ilaibao.   
\q1
\v 29 Nago koneani.  
\q1 Godigo augwa nogi ugwaba sabo bidi aiyaba  
\q3 elalubo dao.  
\q1 Me ma, agai te augwa digi aiyaba  
\q3 elalubo we bidi ugwaba sabo dao,  
\q2 tama augwali bugagia bidibo dao.   
\q1
\v 30 Tama Godigo gedude nage doloba pai bidi bidibaso,  
\q2 agai dwai sę ebo we bidi me  
\q2 hobede eyu, tama augwali ma saibao.  
\q2 Augwali hagagobeo.”  
\p Elifasgo te po wali.   
\c 23  
\ms1 Jopgo Elifasgo wali po wei ponobo po wali  
\mr (Dąį 23–24)  
\s1 Jop agai Godigo po tų ebode ugwaba ela holobo usu yaibao  
\p
\v 1 Tama Jopgo po wei ponoyu, e tama wali.   
\q1
\v 2 “Odao. Megi me eno homu dwai elalubo.  
\q1 Tama eno homugo te dwai nai dabego  
\q2 ena dolobo te po hauwa mu waibao.  
\q1 Ena gela wabo togolainu sinabao goli,  
\q2 eno usu munu me ebeo.   
\q1
\v 3 Hobede mu dao. Ma, eno God bidibo pesage  
\q2 eno koneai tigi sogo da, megi tama ena pelama,  
\q2 aga gedude mu dolo doligi pigi dao.   
\q1
\v 4 Tama teda eno te dwai dwai sę dabe  
\q2 ena tigi yali po pusugi dao.  
\q1 Eno po tų ebo tau somainu po hauwa mu wagi dao.   
\q1
\v 5 Tama eno koneaiba, agai eno po wei ponobo suaibao.  
\q1 Tama eno agai homu kolesagade ebo homu koneaibao.   
\q1
\v 6 Dagego homugo Godigo bomogo ena aiyaba elaluama,  
\q2 ena dali boi bidi homu yaiba weyu obawe?  
\q3 Mu menio.  
\q1 Agai eno poba olo saganama, odaibao.   
\q1
\v 7 Ena doloba pai bidi.  
\q1 Tama ena agai gedude dolo po tųde doliyu da,  
\q2 eno aga dali po migi dao.  
\q1 Tama agai eno po odoyu da, teda agai e tama waibao,  
\q2 eno dwai sę me agai gedude me ebeo po wagi dao.  
\q1 Tama eno po tų da, mu siligi da,” wali.   
\b  
\q1
\v 8 “Awe, ena God bidibo pesage  
\q2 eno koneai tigi sogo da, tama igi da.  
\q1 Tiali goli, ena God giliga asobo badu bidibowe weyu,  
\q2 gegegi peyu da, tede bidibo sugobeo.  
\q1 Tama eno aga giliga dega sabo madi gege peyu da,  
\q2 eno aga tede bidibo sugobeo.   
\q1
\v 9 Godigo sę me not badu,  
\q3 me saut badu me ebo goli,  
\q2 eno aga dwasianu me subeo.   
\q1
\v 10 Tiali goli, Godigo ena bilibo dabe tigidali  
\q3 mu koneanio.  
\q1 Ma, aga ena usu siyu da, teda agai ena tonobo da  
\q3 wiegi yai gol masigi tonobo tiwai yaibao.   
\q1
\v 11 Tigidali sogo ena aga bilibo sunumidu naga  
\q3 bilibo dao.  
\q1 Eno te sunumi tagalama, gasa sunumidu me pabeo.   
\q1
\v 12 Tama eno agai te tiwai ya wali po me sela sąbeo.  
\q1 Menio. Eno agai enabolo mani po wali peyu yai dao.  
\q1 Agai po pusu mu elama, tigidali deli deli sogo  
\q3 tuabo naigo pusu edelalio,” wali.   
\b  
\q1
\v 13 “Tiali goli, Godigo homugo magi sę me yainu  
\q2 yali da, tama dego agai homu ma hasegelaibawe?  
\q1 Agai me hasegelegobeo.  
\q1 Tama agai magi sę me yainogo da,  
\q2 teda agai eyu naga ebo dao.   
\q1
\v 14 Tama tiyu yaide, agai homugo enade  
\q3 magi sę me yabo  
\q2 homu ebaso da, agai ebo dao.  
\q1 Ma, agai haniani homu kolesaga me elalubo.   
\q1
\v 15 Tama tiyu yaide, ena aga gesabidide mu bidibao,  
\q2 tama ena agade wi mu ebao.  
\q1 Eno agai ebo kolesaga kone palama,  
\q3 eno dili didibili mu ebo.   
\q1
\v 16 God Tigidali Bomo Elalubo Bidigo  
\q2 eno bomo silama, tama ena wi mu ilalio.   
\q1
\v 17 Hasia ena tama bidai meni. Meni.  
\q1 Godigo tama te be huliasa tiwaigo ena mesega sagasali.  
\q1 Tiali goli, ena te hulide wi meni,  
\q2 ena te God dali naga wi ebao,”  
\p Jopgo te po wai.   
\c 24  
\s1 Jopgo homugo Godigo doloba pai kolesaga ebeo homu yali  
\p
\v 1 Tama Jop agai po genina ma weyu, e tama wali,  
\q1 “Magi baso God Tigidali Bomo Elalubo Bidigo  
\q2 dwai bidi dabe po tų yabo bodolu mube yaliwe?  
\q1 Tama magi baso te we bidigo God wali pelama,  
\q2 te tobage po tų yabo sogo olo dali  
\q3 magi baso tonalubowe?   
\q1
\v 2 Te dwai kolesaga ebo bidi dabe  
\q2 augwaligo gasa bidi dabego tǫ wi sainu yali.  
\q1 Tama tiyu yaide, augwali tǫ dąį ibanu pogolobo dao.  
\q1 Tama te bidi dabego homugo tiaibao,  
\q2 te augwa tǫ da homu yaibao.  
\q1 Tama augwaligo mena sipsip kibu wi selama,  
\q2 augwa sipsip dali gea paligi pali.   
\q1
\v 3 Te bidi dwai dabe augwaligo  
\q2 wilawe we dabego donki kibu wi sabo dao.  
\q1 Tama te we dabe augwaligo sę elama,  
\q2 augwa wai dabe negabo usu ebo menio.  
\q1 Tama te we dabego negeli sainu ebo sogo,  
\q1 te bidi dabe augwa gi sę ebo  
\q2 bulmakau kibu osogo siyu, tonaluyu,  
\q1 te wego te negeli wei ponobo sogoba usu nubo dao.   
\q1
\v 4 Tama te dwai bidi dabego te moni nai dabe  
\q2 meni yai bidi dabe wi ilibo dao.  
\q1 Tama augwaligo augwa homugo magi sę me egobeo.  
\q1 Augwali wi elama,  
\q3 te dwai bidi dabe digibulu bidibo dao.   
\q1
\v 5 Hobede ya.  
\q1 Te we bidi augwali te wa pai buluba  
\q2 bidigi pomainu ebo dao.  
\q1 Tama augwali te bulu kibu donki ebo  
\q2 gilama nai meni yai bulude augwa  
\q3 wai puluba maiabo nai bomai sę elama,  
\q3 mabo dao.   
\q1
\v 6 Augwali gasa bagego tǫba pelama,  
\q2 haniani nai dwai dabe selama, naga asobo dao.  
\q1 Tama dwai sę ebo bidi dabego gide augwa sę  
\q3 bidi dabego te wain nedu du polo toga sai madi,  
\q2 te bage te nai meni yai bidi dabe augwali  
\q3 te giba pelama,  
\q2 te wain du deli deli walalubo dabe augwaligo saibao.   
\q1
\v 7 Te hulide augwali olo pilama,  
\q2 tama augwaligo tigi kedau ebo dao.  
\q1 Augwa tigiwali haluama piabo ugwa menio.   
\q1
\v 8 Augwali bulu du yai madi bidibadi yaide,  
\q3 tulubage tuluyu, augwali tula pabo dao.  
\q1 Augwa be meniama, tama masigi  
\q2 dologoba geme duala sigi pabo dao,  
\q2 te tulubage tuidali weyu” wali.   
\b  
\q1
\v 9 “Te dwai bidi dabe augwali  
\q3 te wilawe we dabeba pabo dao,  
\q2 tama augwaligo wai bǫų dabe bomonama eyu  
\q3 sabo dao.  
\q1 Tama augwaligo te wai bǫų dabe  
\q2 augwaligo olo sę ebo bidi gagalobo dao.  
\q1 Tama dwai bidi dabe augwaligo  
\q2 te nai meni yai we bidi dabego  
\q3 wai dabe oda selama, tama tola selama,  
\q2 te we bidi dabego augwa negeli yali wei ponomainu.   
\q1
\v 10 Tiali goli, te bage te we bidi  
\q2 augwa tigi haluabo ugwa meni.  
\q1 Augwali gasa bidi dabego giba sę igi pelama,  
\q2 te wit nai augwa nai tubo beba sisinigi pabo dao.  
\q1 Tiali goli, augwa mu da tuabo nai meni ebo dao.  
\q1 Tama augwali nasi dwai mu ebo dao.   
\q1
\v 11 Augwali te ni oliv sili tomode sę ela bilama,  
\q2 tama te oliv du te masinigo pęgębo dao,  
\q2 te olivgo wel nigimainu.  
\q1 Tiali goli, augwaligo te oliv wel tubo usubeo.  
\q1 Tama mebago te wain du sągągo gosę genama,  
\q2 tama wain wę sabo sę yai dao.  
\q1 Tiali goli, te sę ebo bage augwa mu te wain wę tugobeo.  
\q1 Tama augwali dogoni aloa sabo dao.  
\q1 Magi baso meni, te page bidigo habu selai dao.   
\q1
\v 12 Te moni hanu tomode te we bidi gela mu wabo.  
\q1 Augwali mu dobaso,  
\q1 Godigo augwali tau somainu gela olama, i wabo dao.  
\q1 Tiali goli, Godigo augwaligo gedu  
\q1 haluasa po wabo odobo menio,” wali.   
\b  
\q1
\v 13 “Bidi mebago Godigo ebo kolesaga godolo ebo meni.  
\q1 Augwali tobolu gagea pelama,  
\q2 tama te dwagi yai kolesaga dali boi bidi  
\q3 homu ebo dao, te dwagi yai ula kolesaga.  
\q1 Augwaligo hulia sai kolesaga naga wali pabo dao.  
\q1 Tama augwali ula yai sunumidu pabo homu ebo menio.   
\q1
\v 14 Te kigamu hulide mu te giliga pedalisiąbadi,  
\q2 te dwai bidi dabe hogodama,  
\q2 te nai meni yai bidi dabe ela muainu pabo dao.  
\q1 Tama hulide da, augwali nai dabe wi sainu bilibo dao.   
\q1
\v 15 Ma, te bidigo sai we dabe dali dwai sę ebo  
\q2 bidi dabe da,  
\q2 augwali giliga dega sabo bolo tonalubo dao.  
\q1 Tama augwali te gasa bidigo we dabe dali pigi pabo dao.  
\q1 Augwali pabo sogo da, augwa gesabidi  
\q2 halua selama, pabo dao.  
\q1 Tama augwaligo e tama wabo dao,  
\q2 ‘Ena niwai bidigo sulama, me konegobeo,’ wabo.   
\q1
\v 16 Te hulide da, te nai wi sabo bidi dabe  
\q1 pelama, bidigo be paiai daga hųginama,  
\q2 tama tomoba nai wi sainu pabo dao.  
\q1 Tiali goli, giligade da, augwa be tomode dualalubo dao.  
\q1 Magi baso meni. Giligade da, augwaligo sogo meni.   
\q1
\v 17 Te bidi dabe augwali giliga  
\q3 nanobo sogo bilibo wi ebo dao,  
\q2 te bidi meba hulide bilibo wi ebo yali gilama.  
\q1 Tiali goli, huli asobode da,  
\q1 augwali dwagi yai homu ebo dao,” wali.   
\b  
\q1
\v 18 \f + \fr 24:18 \ft Te Dąį 24:18 tedu te Dąį 28:28 teba usu nama wali po, te page kuna konebeo, dego mu te po pusaliwe subeo. Elifasgo po sela sogo pusali, te Bildatgo me sela sogo po pusali. Tialima, megi dago Hibru pogo elalubo po, Sofargo po si naga wali. Te Bildatgo silagasobo po (te Dąį 25) tede wali po pęwądage mu elalubao. Tama me, te Jopgo wali po dage meba te aga abagi dabego polobadu wali po te tobage homu kolesaga tiwai si elalubao. Te pagede, te meba kolesaga koneani bidi dabego homugo te Sofargo nogi me polobadu elaluali homu ebao, tiali goli nosali te hagawali. Tama augwaligo homugo te Dąį 24:18-25 tede elalubo po, te Sofargo po dage te homu yali. Dago konebe dao, te kolesaga koneani bidi dabego homu kolesagade wali po te dolowe, ma meniwe, tama tilalima dago te megi tama te Hibru pode elalubo po wali pina homu yaibao. Te Jopgo te po te Dąį 24:18-20 tede te wali po agai aga abagi dabego homude pusali po tonobo tiwai homu igi dao, te Dąį 24:21-25 tede wali pogo te augwaligo wali po wei ponani.\f* “Dagego te tobage po wali,  
\q2 te dwai kolesaga ebo bidi dabe  
\q2 augwali bobobage sogo bidigobeo.  
\q1 Menio. Polo tama bomai wę aselama,  
\q3 augwali tolasa pali.  
\q1 Tama Godigo po obaso, augwaligo tǫ dolaibao.  
\q1 Tama augwa wain giba sę igi pabo bidi meni yaibao.   
\q1
\v 19 Te giliga nanobo sogo da,  
\q2 te pǫ dabe tedela pelama, silibo dao.  
\q1 Tama tiwai me, te isali bidigo bulude  
\q3 te dwai we bidi sabo dao,  
\q2 tama augwali sese mu silibo dao.   
\q1
\v 20 Tama augwaligo tigi te dwasianu osogane dabego  
\q2 pusai nai gagabo dao.  
\q1 Tama bidigo augwali kone me egobeo.  
\q1 Tama augwa ida mugo me homu  
\q2 kone me egobeo, mu gegeda paibao.  
\q1 Tama augwaligo dwai kolesaga me sese mu silaibao.  
\q1 Dagego te tiwai po wabo dao,”  
\p Jopgo te po wali.   
\b  
\q1
\v 21 “Tiali goli, eno po da, e tama dao.  
\q1 Te dwai bidi dabego te dwai kolesaga  
\q2 te wai ame nesiąma ebo we dabede ebo dao.  
\q1 Tama augwaligo te wilawe we dabe tau sabo menio.   
\q1
\v 22 Tiali goli, aga bomogo digi Godigo  
\q2 dwai bidi dabe genuai nogi bobobage  
\q3 sogo bidimainu tau sabo dao.  
\q1 Ma, augwaligo homugo augwali isiba homu ebo si da,  
\q1 Godigo augwali ma hodolama,  
\q2 augwali bugagia ma bidibo dao.   
\q1
\v 23 Godigo digi augwali bugagia dua bidimainu elama,  
\q2 tama dwai sęgę augwaliba me pedalobo menio.  
\q1 Tiali goli, tigidali sogo agai  
\q2 augwali bugagia tonalubo dao.   
\q1
\v 24 Tama augwali genuai nogi osogo naga elalubo dao.  
\q1 Tama deli sogo tama augwali polo isai,  
\q2 te gasa olo we bidi dabe isibo tiwai gilama.  
\q1 Augwali te wit nai inawai te bidigo togobo tiwai ebo  
\q1 dao.   
\q1
\v 25 Ma, dagego homugo eno wali po ili po da wida,  
\q2 teda dage tomode mena bidigo eno ili po  
\q2 pepeli diliba sela muaibawe?  
\q1 Tama dego enabolo homu bega sabo po weyu,  
\q1 ‘Nago wali po te page meni yai po da,’  
\q2 dego te po wabo usugowe?”  
\p Jopgo te po wai.   
\c 25  
\ms1 Bildatgo sela wabo po wali  
\mr (Dąį 25)  
\s1 Godigo gedude da bidi olo nai tiwai dao  
\p
\v 1 Jopgo po ola silibo si, te Bildat te bulu Suha bidigo po wei ponoyu, e tama wali.   
\q1
\v 2 “Godigo genuai bomo elaluyu,  
\q3 agai tigidali nai tonalubo.  
\q1 Agai tigidali nai dabe noma selama, wi emainu ebo dao.  
\q1 Tama agai dagalude elalubo nai dabe  
\q2 dua bugagia bidimainu ebo dao.   
\q1
\v 3 Te dagalude ami bidi hauwa mu,  
\q2 tama bidigo nedebo usu egobeo.  
\q1 Tama Godigo ula tigidali we bidibolo mabo dao.   
\q1
\v 4 Mena tama da tǫde bidi doloba pelama,  
\q1 Godigo gedude meda meni yai pedalaibawe?   
\q1
\v 5 Dago polua ula genuai subo dao.  
\q1 Tiali goli, Godigo gedude da, te dwasianunu mu dao.  
\q1 Tama hǫ dabe me agai gedude dwagi yai menio.   
\q1
\v 6 Te mu tama, da bidi agai gedude doloba pai menio.  
\q1 Da te tǫde dwasianu sawi tiwai dao.  
\q1 Da te olo nai osogane tiwai naga dao,”  
\p Bildatgo te po wai.   
\c 26  
\ms1 Jop aga abagi dabego po wei ponobo po wali  
\mr (Dąį 26–31)  
\s1 Godigo bomogo dago homu kolesaga edelai mu elalubo  
\p
\v 1 Megi da, Jopgo Bildatgo po wei ponoyu, e tama hale ilibo po wali.   
\q1
\v 2 “Te ogomani nage bidi bomo  
\q2 meni yai bidi tau sabo bidi yali bogo.   
\q1
\v 3 Tama me ma, nage bidi homu kolesaga meni yai bidi  
\q2 tau sabo bidi mu yali bogo.  
\q1 Eno odali, nago ola mabo po hauwa mu wali,  
\q3 te dwagi yai mu dao.   
\q1
\v 4 Dego mobogo nage homu hodolama,  
\q2 te po omainu tau saliwe?”   
\b  
\q1
\v 5-6 “Tagala te isai bidi dabe tamu wę dologode  
\q3 bidibo me, augwali Godide duagobeo.  
\q1 Augwali Godigo gedude hania mu bidibo dao.  
\q1 Tama agai augwali tonobo sogo da, augwali wi elama,  
\q2 noma genuai mu sabo dao.   
\q1
\v 7 Godigo dagalu nigiyu, dįnįgįlai elalubo.  
\q1 Me ma, Godigo e tǫ olo walumainu nigilai dao.  
\q1 Te magi nai mego e tǫ aga bidibo  
\q2 pesagede bidimainu tolalubo menio.   
\q1
\v 8 Godigo te wę dabe te agai pǫgo bea selama,  
\q3 elalubo dao.  
\q1 Te wę sęgę mu ebo dao.  
\q1 Tiali goli, wę sęgęgo te pǫ alua sabo menio.   
\q1
\v 9 Godigo te pǫ aselama, agai sia king  
\q2 halua somainu ebo dao.   
\q1
\v 10 Tama agai dąį te tamu ąį bobegelama, elalubao.  
\q1 Tama te dąį ilali digi da, te ula dali,  
\q2 hulia sabo dali si deli madi sisinibo digi dao.   
\q1
\v 11 Te Godigo sębę ebo sogo da, teda te tǫ dali,  
\q2 dagalu dali si bomona ma posogwa sąnama,  
\q3 noma genuai mu sabo dao.   
\q1
\v 12 Polobadu Rahap, te moni hwa gula  
\q2 tamu ąį hasamani da,  
\q2 te Godide tobolu gagea pai dao.  
\q1 Tiali goli, Godigo bomo dali,  
\q1 aga dwagi yai kolesaga dali sigo pode  
\q1 Godigo te Rahapgo bomo aiyaba elaluai dao.  
\q1 Tama agai tamu ąį dua bidimainu yai dao.   
\q1
\v 13 God aga digi bomai wali tagala palama,  
\q2 te pǫ dabe sela sąwai dao, tama dagalu  
\q3 sisi ma yai dao.  
\q1 Tama aga nogogo digi naga  
\q2 te bulu hwa gula mani ma isilai dao.   
\q1
\v 14 Te Godigo nigilama pedelali nai dabe da,  
\q2 dago sulama konebo dao,  
\q1 te nai dabede agai genuai bomo dabolo  
\q2 dwasianunu naga ola mabo dao.  
\q1 Tama tego dago kolesaga edelebo dao.  
\q1 Ma, God agai bomo sese dabolo ola magi sogo da,  
\q2 teda dago mu konegi menigi da. Mu menio.  
\q1 Dago homu kolesaga agai bomoba  
\q2 usu nainogo ebaso da, usugobeo, te dęą saibao.”  
\p Te Jopgo te pogo te Bildatbolo po wei ponai dao.   
\c 27  
\s1 Jopgo po bomonama mu ma wei te po wali, eno dwai sę me ebeo, wali  
\p
\v 1 Tama Jopgo po ma wadoluyu, e tama wali.   
\q1
\v 2 “God Tigidali Bomo Elalubo Bidigo  
\q2 enade dolo yai sę isąma yai digi,  
\q2 megi da, ena dolama mu bidibao.  
\q1 Agai odisąma, eno po tų bugagia sulama dodolobeo.  
\q1 Tama tibaso, ena haliga tigi sębę agai  
\q2 te kolesaga ebode ebao.   
\q1
\v 3 Tiali goli, eno te sesemane sogo bidibo Godigo  
\q2 nogi weyu, nogo guni sisu, eno mu po naga obao.  
\q1 Te Godigo ena me bidimainu eyu da,   
\q1
\v 4 te eno dwai po me pusulama,  
\q2 tama eno tibo po eno pedauwalidu me wagobeo,”  
\q3 wali.   
\b  
\q1
\v 5-6 “Tama tibaso, dagego bugagia mu odao.  
\q1 Te po dagego enabolo wali po dabe mu tama menio.  
\q1 Eno te homu ebo dao, tama te homu hasegelegobeo.  
\q1 Magi baso meni. Eno haliga dali, homu kolesaga dali  
\q2 si dolo mu Godigo gedude elalubo.  
\q1 Tama eno po bomo elama, e tama wali.  
\q1 Eno dwai kolesaga dabe, magi sę dabe me,  
\q2 te dwai dwai nai dabede me ebeo.  
\q1 Tama eno te deli po naga ola pidubadi,  
\q2 ena isibo sogoba siligi paibao.”   
\b  
\q1
\v 7 “Eno homugo bidi dabe ena dali  
\q2 boi bidi homu ebo bidi dabe dene momaina homu  
\q2 ebao.  
\q1 Agai deli kolesaga naga augwali tigide emainao,  
\q1 te dwai kolesaga ebo bidi dabede ebo tiwai.   
\q1
\v 8 Te bidi dabe augwali Godigo po wali pabo menio.  
\q1 Godigo augwaligo bidibo ula silibo sogo  
\q2 augwali dwagi yai nai me saibawe? Meni.   
\q1
\v 9 Te sęgę yai sę augwalide pedalobo sogo da,  
\q2 tama augwaligo Godigo augwali tau somainu  
\q3 i wabo dao.  
\q1 Teda Godigo augwaligo i wabo odaibawe? Mu meni.   
\q1
\v 10 Tama te tobage bidi dabego dwagi yai homu elama,  
\q1 God Tigidali Bomo Elalubo Bidiba  
\q2 gedu haluasa po tigidali sogo waibawe? Mu meni,”  
\q3 wali.   
\b  
\q1
\v 11 “Tama megi da, eno dage ola menama,  
\q2 tama dagego Godigo bomo bugagia koneagameo.  
\q1 Tama eno God Tigidali Bomo Elalubo Bidigo homu  
\q2 kolesagade yainu ebo sę po hanilama pusaibao.   
\q1
\v 12 Tiali goli, duga polo suali, te Godigo ebo  
\q2 kolesaga dabe.  
\q1 Tama tiali goli, dagego magi baso po geda mubawe?”  
\q2 wali.   
\q1
\v 13 “God Tigidali Bomo Page Bidigo polo dąį ilai dao,  
\q2 te haniani sęgę te dwai sę ebo  
\q3 bidi dabego pei yali gilama,  
\q2 tama gasa bidi dabe dali  
\q2 dwai kolesaga ebo bidi dabebolo me.   
\q1
\v 14 Te bidi dabego wai puluba hauwa elalubaso  
\q3 me tagalao,  
\q2 te boi bidi dabego augwaligo wai bǫų elama,  
\q3 isilagasaibao.  
\q1 Tama augwaligo hani da, tigidali sogo nai menia  
\q3 siduaibao.   
\q1
\v 15 Tama te dwai sę ebo bidi dabe isila pai madi da,  
\q2 te augwa hani bidibo bageba me  
\q3 moni gasi mu aselama, augwali me isaibao.  
\q1 Tama augwa we dabego me augwalide  
\q2 hobede isąma, diligi me egobeo.   
\q1
\v 16 Te dwai bidi dabego silva mone hauwa,  
\q2 me ugwa hauwa mu pesage augwa bede holai baso,  
\q2 tama te dwagi yai nai dabe da,  
\q2 augwaligo homude olo nai tiwai elaluaibao.   
\q1
\v 17 Tiali goli, nosali da, te doloba pai bidi dabego  
\q2 te dwagi yai nai dabe selama, augwa hasi  
\q3 dobola saibao.  
\q1 Awe, te dwai sę isąwai bagego te dwai bidi dabego silva  
\q2 augwa hasi tomode dobawaibao.   
\q1
\v 18 Te dwai bidi dabego sawi yai be sę ebo dao.  
\q1 Tiali goli, augwaligo be sesabi elama dolalugobeo.  
\q1 Te be dabe deli sogo mu degasa paibao, te hologabe be,  
\q1 me bidigo gi tonaluainu sę ebo be tiwai yali gilama  
\q3 yaibao.   
\q1
\v 19 Awe, augwali hulide piainogo da, augwaligo suali,  
\q2 augwa tigidali nai dolo elalubo suali.  
\q1 Tiali goli, kigamu hodaluyu suali,  
\q2 augwa dwagi yai nai dabe  
\q2 menia suali, dolo elalubo sube.  
\q1 Tama augwali nai meni yai bidi mu bidali,” wali.   
\b  
\q1
\v 20 “Te dwai wi ilibo nai dabe te dwai bidi dabeba  
\q2 hulide te wę aselama, bulu mesega sabo  
\q3 tiwai yaibao.  
\q1 Tama augwali wi mu yaibao.  
\q1 Te nai dabe te bomai wali tiwai elama,  
\q3 augwali sela sąwaibao,  
\q2 tama augwa pesagede munu me bidigobeo.   
\q1
\v 21 Te bomai wali te giliga asobo badu aselama,  
\q2 augwali sese sela sąbo tiwai dao.   
\q1
\v 22 Tama te waligo augwali tigide  
\q2 diluai sę mu ebaso, augwali wi peyu,  
\q3 geme duala sainu yaibao.   
\q1
\v 23 Tiali goli, augwaligo te waligo bomo sela sągobeo.  
\q1 Waligo augwali gisugu mabo tiwai  
\q2 elama, tama augwali sela sąwaibao,” \f + \fr 27:23 \ft Te ves 13-23 tede wali po, te po dage hauwa te aga abagi selago polobadu pusali po tobage homu kolesaga tiwai si elalubao. Tialima, me badu kolesaga koneani bidi dabego te tama homu yali, te Jopgo po meni homu yali, tiali goli augwa te abagi dabe me deligo wali po da, te homu ebo dao.\f*  
\p Jopgo te po wai.   
\c 28  
\s1 Dago dwagi yai kolesaga dali, homu kolesaga si menade gegaibawe?  
\p
\v 1 Te Jopgo po ma weyu, te po wali,  
\q1 “Te bidi dabego tǫ aiyanu mu dogobo dao,  
\q2 te silva dali, gol dali si sainu tibo dao.  
\q1 Tama augwaligo te gol dali,  
\q2 silva dali si ulabo madi geselebo dao,  
\q2 te dwai pobelebage sela sąnama,  
\q3 dwagi yai mu emainu.   
\q1
\v 2 Tama me ma, augwaligo  
\q2 te ain sainogo tǫ dedage aiyanu mu dogobo dao.  
\q1 Tama augwaligo tama masigi me  
\q2 diganama, kapa mu sainu ulubo dao, siade.   
\q1
\v 3 Augwaligo tǫ dedage tomoba mu dogobo dao,  
\q2 te ain dabe elalubo masigi dabe sainu tibo dao.  
\q1 Augwaligo lam sole domanama,  
\q3 te tǫ tomoba dogobo dao.  
\q1 Tama te lamgo te tǫ dedagede ula ilama,  
\q2 tama augwaligo te masigi dabe bugagia suyu,  
\q2 tama augwaligo sabo dao.   
\q1
\v 4 Augwaligo te tǫ dogobo te digibulu  
\q3 mu tama dogogi pabo dao,  
\q2 te gasa bidi dabe me pisąma ebo digi.  
\q1 Tama augwa naga bidiyu, sę ebo dao.  
\q1 Augwaligo bono gebelama, tedu walawala dulubo dao,  
\q2 te tǫ dedageba, te sę yainu.   
\q1
\v 5 Te bidi meba tǫ daide sę elama, nai dabe bulubo dao.  
\q1 Tiali goli, te tǫ dedage tomode sę ebo bidi dabe da,  
\q2 augwaligo masigi dabe haluama,  
\q2 tǫ dabe begela tagalama ebo dao.  
\q1 Tama tǫ dologo te isigo ula tiwai emainu ebo dao.   
\q1
\v 6 Te bidi dabe augwaligo te sawi yai masigi nogi sapaia  
\q2 te tǫde masigi dabede sisi yai masigi sabo dao.  
\q1 Te gol kapa elalubo masigi me augwaligo  
\q3 te tǫde sabo dao.   
\q1
\v 7 Te ba kemodage dabego te bidigo  
\q2 nigali tǫ dedage tomoba subo meni.   
\q1
\v 8 Te bulu yowi laion dali, me badu bomai hasa dabe,  
\q3 augwali te bobobage tǫ dedage  
\q1 te bidigo dogali tǫde bilibo meni,” wali.   
\b  
\q1
\v 9 “Augwaligo te bomai masigi bulu diganama,  
\q2 te moni bulu du pageba pabo dao.   
\q1
\v 10 Tama augwaligo te masigi bulude  
\q2 dedage nidigi pabo dao.  
\q1 Tama augwali tomoba pabo sogo da,  
\q2 augwaligo haniani dwagi yai  
\q2 masigi dabe te tǫ tomode subo dao.  
\q1 Bidi dabego te masigi abelebo  
\q2 genuai monego abelabo masigi dabe  
\q3 te tǫ tomode elalubo dao.   
\q1
\v 11 Tama te sę ebo bidi dabego sę ebadi yaide,  
\q2 te dwasianu ulu wę subaso da,  
\q1 te węgo te tǫ dedagede pągąidali weyu,  
\q2 augwaligo wę palibo dao.  
\q1 Tama augwaligo tǫde dualaluai nai dabe sabo dao,  
\q2 tama buluba pepeli diliba sela asobo dao,” wali.   
\q1
\v 12 “Tiali goli, da menaba mu pelama,  
\q2 te dwagi yai homu kolesaga dabe sigi pogowe?  
\q1 Te dwagi yai homu kolesagago bulu menade elalubowe?   
\q1
\v 13 Te dwagi yai homu kolesaga, te da nai mu,  
\q2 tama tego mone dabe edelai dao.  
\q1 Tiali goli, we bidi augwaligo te kuna konebeo.  
\q1 Tama te dwagi yai kolesaga da,  
\q2 te tǫde we bidide me elalubeo.   
\q1
\v 14 Tama te tamu wę dali,  
\q2 te bulu aiyanu yai digi agai e tama wali,  
\q1 ‘Te dwagi yai homu kolesaga ede me elalubeo,’ po wali.   
\q1
\v 15 Dago dwagi yai homu kolesaga abelainu te gol dali,  
\q2 silva masigi si skel ebo usu me egobe.  
\q2 Tagalao. Hobede mu dwali.  
\q1 Dago te nai abelebo usu egobeo.   
\q1
\v 16 Awe, mu tama, dago wiegi yai  
\q2 gol masigi Ofir bulude selama, abelabo da usu egobe.  
\q1 Me te genuai mone sabo masigigo me,  
\q2 dago dwagi yai kolesaga dali  
\q2 homu kolesaga si abelegobeo.   
\q1
\v 17 Ma, dago homugo dwagi yai homu kolesaga abelainu,  
\q1 tama dago te dwagi yai glas tiwai masigi dali,  
\q1 te genuai monego abelebo gol masigigo  
\q3 nigai au dobage nai me elalubaso,  
\q3 te me usu egobe.   
\q1
\v 18 Te dwagi yai homu kolesagago  
\q2 te tamu wę sanide au nai dabe me edelali.  
\q1 Me te dilai tedela yai dila pai masigi  
\q2 nogi jaspago ula edelali.  
\q1 Te bidi dabego moni mone sąnama,  
\q2 te tamu węde au yai beli tiwai nai abelebo dao.  
\q1 Tiali goli, te beli tiwai nai abelebo moni tiwaigo  
\q2 te dwagi yai homu kolesaga abelebo usu egobeo.   
\q1
\v 19 Dwagi yai sęwa yai masigi bulu nogi  
\q2 Sudande sabo masigi topas,  
\q1 me masigi gol isi ulama dwagi yai me,  
\q2 te dwagi yai nai sigo me  
\q2 te dwagi yai homu kolesaga abelebo usu egobeo.  
\q1 Magi baso meni,  
\q2 te homu kolesaga abelebo mone  
\q2 te ugwanu mu dao,” wali.   
\b  
\q1
\v 20 “Teda, dago te dwagi yai  
\q1 homu kolesaga menade mu gegaibawe?  
\q1 Dwagi yai homu kolesagago bulu menade  
\q3 mu elalubowe?   
\q1
\v 21 Te dwagi yai homu kolesaga aga  
\q2 bulude geme mu dualalubo.  
\q1 Tama te we bidigo me, te me badu  
\q2 bidibo nai dabego me, munu me sugobeo.  
\q1 Te ba dabe me dagalude bola bilibo.  
\q1 Tiali goli, augwaligo me subo usu egobeo.   
\q1
\v 22 Isai bidigo bulude me e tama po walio,  
\q1 ‘Eno me eno ologo naga te dwagi yai  
\q2 homu kolesaga po olo odali. Tiali goli, eno sube.’”   
\b  
\q1
\v 23 “Megi da, odao.  
\q1 God agaduba deli naga te dwagi yai homu kolesaga  
\q2 elalubo bulu koneanio.  
\q1 Tama agaduba naga teba pabo sunumi koneanio.   
\q1
\v 24 Magi baso meni. Agai tǫ tigidali mu sulama,  
\q2 tigidali dagalu dologode elalubo nai  
\q2 tigidali sula silibo dao.   
\q1
\v 25 Polobadu mu Godigo dąį ilama dobolama,  
\q2 tama waligo bomo me dąį ilama,  
\q2 tama tamu wę elaluabo pesage me dąį ilai dao.   
\q1
\v 26 Tama God agai te tulubage  
\q2 me te sisi pǫ elaluyu wali bilabo po dąų walai dao.   
\q1
\v 27 Tama Godigo te sę dabe ebo sogo,  
\q2 agai te dwagi yai homu kolesaga suai dao.  
\q1 Tama tigidali kolesaga sulama, agai osola suai dao.  
\q1 Tama agai dwagi yai homu kolesaga dabe  
\q2 bugagia elalumainu dąų walama,  
\q3 augwali usu ilai dao.   
\q1
\v 28 Tama God da tǫde we bidibolo e tama wai dao,  
\q1 ‘Bidi ena Genuai Bidide wi eyu, ena dologode bidibo bidi,  
\q2 agai te dwagi yai homu kolesaga  
\q3 page konebo gagalai dao.  
\q1 Tama dwai kolesaga tudiba mubo bidi,  
\q2 te bidi da, dwagi yai homu kolesaga elalubo dao,’  
\q2 Godigo te po wai,” \x * \xo 28:28 \xt Tib 111:10; Prs 1:7; 9:10\x*  
\p Jopgo te po wali.   
\c 29  
\s1 Jop aga polobadu bidaliba ma kone palali  
\p
\v 1 Tama Jop agai po genina ma weyu, e tama wali,   
\q1
\v 2 “Hobede mu da.  
\q1 Ena polobadu bidali tiwai ma bidimaina  
\q3 homu godolo ebao.  
\q1 Te sogo da, Godigo ena bugagia mu tonaluai dao.   
\q1
\v 3 Aga te lam tiwai bidiyu, hulia sali  
\q3 ugwaba sela sąnama,  
\q2 tama ena bilabo sunumi ola mawai dao.   
\q1
\v 4 Awe, eno homugo ena polobadu  
\q2 bidali tiwai naga bidimaina homu ebao.  
\q1 God eno dwagi yai abagi mu bidiyu, eno hani wai dabe,  
\q2 me be nai dabe agai bugagia mu tonaluai dao.   
\q1
\v 5 Tama te sogo God Tigidali Bomo Elalubo Bidi  
\q3 ena dali bidali sogo da.  
\q1 Eno wai puluba dabe ena pagede bugagia bidai dao.   
\q1
\v 6 Tama eno bulmakau kibu,  
\q2 me meme kibu sigo ame pę hauwa mu sai dao.  
\q1 Tama te oliv du wel te eno masigigo  
\q2 nigai tang wę digi pągąnaluai dao,” wali.   
\b  
\q1
\v 7 “Awe, te sogo polobadu ena  
\q2 te genuai hanude genuai bidi bidiyu,  
\q2 tama ena te hanu tomoba tola pabo sunumide  
\q2 genuai tobolu bidi dabe dali  
\q2 genuai pesageba sisinigi pelama, po tų odai dao.   
\q1
\v 8 Tama te gesi bidi dabego ena asobo sulama,  
\q2 augwali ena asobo sunumide ugwanu kila sai dao.  
\q1 Tama polo monu dabe me dolaluama,  
\q2 ena duagilubosi augwali duagiluai dao.  
\q1 Ena genuai nogi mawainu tiai dao.   
\q1
\v 9 Te we bidigo tobolu bidi dabe augwali  
\q2 pedauwali pania sabode ola mawai dao,  
\q2 augwali eno po odainu usu elama, tama tiai dao.   
\q1
\v 10 Tama genuai bidi dabe me po me wabo menio.  
\q1 Augwali pedauwali pani selama elaluai dao,” wali.   
\b  
\q1
\v 11 “Te we bidi dabego eno po oda selama,  
\q2 augwaligo eno nogi ugwaba sai dao.  
\q1 Tama augwaligo eno ebo sę dabe subo sogo da,  
\q2 augwali eno ebo dwagi yai  
\q3 kolesagade gana peyu yai dao.   
\q1
\v 12 Magi baso meni.  
\q1 Te nai meni yai bidi dabe tau somainu i obaso,  
\q2 eno augwali tau siyu ebaso tiai dao.  
\q1 Tama eno tiana wai puluba sulama,  
\q2 tama augwali tau sabo bidi meni baso da,  
\q2 ena digi eno augwali tau sai dao.   
\q1
\v 13 Tama te we bidi augwali dolainu ebo si me,  
\q2 eno augwali tau sai dao.  
\q1 Tama augwaligo buba hwi olama,  
\q1 Godibolo hanaluama, ena tau somainu yai dao.  
\q1 Tama eno te we dabe augwa bidi isai  
\q2 wilawe we dabe me tau sai dao.  
\q1 Tama augwali gana paide bidiyu,  
\q2 dwagi yai homu elama bidai dao.   
\q1
\v 14 Tigidali sogo eno doloba pelama,  
\q2 dwagi yai kolesaga naga wali pai dao.  
\q1 Tama te kolesaga te eno tigide dwagi yai au yai  
\q2 gudubo ugwa eno tigide muai tiwai yai dao.   
\q1
\v 15 Ena te gedu tiwai te gedu dwai  
\q2 bidi dabe sunumi ola mawai, me ena te sągą tiwai  
\q3 te sągą dwai bidi bilibo tau sabo tiwai yai dao.   
\q1
\v 16 Tama ena te nai meni yai bidi dabego aya  
\q2 tiwai bidama, tama eno augwali tau sai dao.  
\q1 Tama eno te gasa buludu asai bidi dabego po  
\q3 tau sai dao, te gasa bidi dabego po tų elama,  
\q2 augwali aiyaba elaluainu ebaso tau sai dao.   
\q1
\v 17 Dwai kolesaga ebo bidi dabego bomo eno silai dao.  
\q1 Tama te we bidi dabe augwaligo nogode  
\q2 eno augwali ma oda sai dao,” wali.   
\b  
\q1
\v 18 “Eno homugo e tama tiwai dao.  
\q1 Ena e tǫde bobobage sogo bidiyu,  
\q2 tama ena bede dua bidiyu yaide isaiba  
\q3 homu yai dao.   
\q1
\v 19 Eno homugo ena te ni me deli  
\q2 dolalubo tiwai bidaibao homu yai dao.  
\q1 Agai selego wę hauwa mu kegebo.  
\q1 Tama hulide segene tulubage węgo  
\q2 agai yabe dabe dwagi yai pedalomainu ebo dao.   
\q1
\v 20 Tama tigidali sogo ena gana paiba,  
\q3 te eno bomo me elalubaso,  
\q2 tama eno bomai sę me me iduaibao,  
\q3 eno te homu yali,” wali.   
\b  
\q1
\v 21 “Te bidi dabe augwaligo yabo kolesaga po  
\q3 eno ola mabo sogo da,  
\q2 augwali pedauwali pania selama,  
\q1 olo saganama, bugagia eno po odai dao.   
\q1
\v 22 Eno po augwaligo haliga tomoba mu pai dao,  
\q1 te tulubage te tǫ tomoba pabo tiwai tama yai dao.  
\q1 Tama eno po ola silibo si da,  
\q3 augwaligo po mu meni yai dao,  
\q2 te eno homu kolesagade ebo po iba tega sabo meni.   
\q1
\v 23 Te bidi dabe augwaligo eno po  
\q2 bugagia sainu olo saganama, odai dao.  
\q1 Augwali te moni giliga nanai digi te tulubage tulubaso,  
\q2 te dwagi yai homu ebo tiwai yai dao.   
\q1
\v 24 Tama eno siade dao po  
\q2 te olo bidi dabe dali wabo sogo da,  
\q3 augwali noma selama,  
\q2 genuai bidi mego augwalibolo po wabo subo dao.  
\q1 Tama te kolesagago eno augwaligo haliga dąų walai dao.   
\q1
\v 25 Ena augwaligo tobolu bidi tiwai bidama,  
\q2 tama eno augwaligo wali pabo  
\q3 kolesaga dodolama, ola mawai dao.  
\q1 Ena augwali dali bidali,  
\q2 te kingo aga ami bidi dali bidibo tiwai yali.  
\q1 Tama me eno augwaligo tabi dili ilali,  
\q2 te we bidi dabego bidi isaide gela obaso,  
\q2 tabi dili ilibo tiwai yai dao,”  
\p Jopgo te po wai.   
\c 30  
\s1 Jopgo sęgę dabe aga tigide pedelali po wali  
\p
\v 1 Te bidi Jop agai po ma wadoliyu, e tama wali,  
\q1 “Megi da, te nai meni yai bidigo wai dabe aselama,  
\q2 ena posobo po weyu, gisugu mayu ebao.  
\q1 Augwa aya dabe te olo nai tiwai,  
\q2 te we bidi gedude nai mu meni yai bidai.  
\q1 Tama augwaligo dwagi yai sę me yabo usu yai meni.  
\q1 Tama eno te tama tiwai bidi dabe pelama,  
\q2 te eno yowi dabe tau selama,  
\q1 eno sipsip kibu dabe me tonalugi pa po wagobeo.  
\q1 Magi baso meni, augwaligo te sę ebo usugobeo.   
\q1
\v 2 Eno augwali suali,  
\q2 augwali sę yabo bomo meni yai suai dao.  
\q1 Tama tibaso, eno augwalibolo  
\q2 eno sę yagasa po wai menio.   
\q1
\v 3 Te bidi dabe augwali nai menia sai mu olo sisinama,  
\q1 tama augwaligo tabi tigi nasi hagede gela obaso da,  
\q2 teda augwali te bidi meni yai buluba pai dao.  
\q1 Tama augwali dwasianu dwai nai dabe tede gegai dao.   
\q1
\v 4 Tama augwaligo te dwasianu ha ebo ni gudama,  
\q2 tama te ni sele bono,  
\q3 me te ni yabe me sese tula silai dao.   
\q1
\v 5 Tama augwali be pąba asobo si da,  
\q2 teda te be nanide bidali we bidigo  
\q3 hae menama, sela sąsą pai dao,  
\q2 te bidi dabego nai wi sabo bidibolo ebo  
\q3 tiwai yai dao.   
\q1
\v 6 Tama tibaso, augwali wi pelama, odogoba pelama,  
\q2 tama masigi gabaloba me tǫ dedageba dabe tama  
\q3 geme wi duala sigi pai dao.   
\q1
\v 7 Augwali bulu tǫ wa pai pesageba pelama,  
\q2 tama tede elalubo dwasianu ni sili dabe  
\q3 tomode biliyu,  
\q2 te bulu kibu donkigo po wabo tiwai yai dao.  
\q1 Tama augwa tigi posolo ebaso,  
\q2 augwali te ni dologoba tiwąį madi sisinagasai dao.   
\q1
\v 8 Augwali te be nanide we bidi dabego  
\q2 sese buluba mu gudulai digi,  
\q2 augwali nai mu meniama, tama augwali nogi  
\q3 mu meni yai dao,” wali.   
\b  
\q1
\v 9 “Tama megi da, te bagego ogwa dabego  
\q2 ma ena posobo pogo balia po wabo.  
\q1 Tama augwaligo homugo ena olo nai tiwai elama,  
\q2 augwaligo eno nogi olama, ena mu dolobo yabo.   
\q1
\v 10 Augwaligo homugo ena dwai olo nai tiwai ąǫ elama,  
\q2 tama ena subo hagela mu ebo.  
\q1 Tama augwali enade wi elama,  
\q2 habu bulu kilasa peyu, ena pąba me asobeo.  
\q1 Ma, augwali ena pąba asobaso da,  
\q2 teda augwaligo ena gesabidiba pęsa sąwainu tiaibao.   
\q1
\v 11 Godigo ena aiyaba elaluama,  
\q2 tama ena bomo kimi mu tamunanio.  
\q1 Tama tibaso, te bagego ena dolobo wi munu ma ebe.  
\q1 Menio. Augwaligo dwai kolesaga ena dali naga yai dao.   
\q1
\v 12 Te nai meni yai we bidi dabego  
\q2 enade wi munu ma ebeo.  
\q1 Augwali ena gesabi dolo badu mu aselama,  
\q2 ena elama, tama ena sela sąbo.  
\q1 Tama augwaligo haniani sę elama, ena dolainu ebo.   
\q1
\v 13 Augwaligo eno sunumi palia selama  
\q2 ebogo ena wi pogobe yabeo.  
\q1 Ena dolai polo elalubadi,  
\q2 tiali goli, augwaligo ena dolobo sę genuai mu ilalio.  
\q1 Augwa mu da bomo meni yai digi,  
\q2 tiali goli, augwaligo ena dolobo sę ebo dao.   
\q1
\v 14 Augwaligo ena dali hwįagasu da,  
\q2 te genuai hwįbo ami hani bagego  
\q2 moni hanu bagulali obo aluama, tomoba pelama,  
\q2 hanu tomode hwįbo tiwai mu ebo.  
\q1 Te tamu ąį dini holama, saneba buguasa asobo tiwai me  
\q1 augwaligo enaba asiyu tama tebo dao.   
\q1
\v 15 Te haniani sę dabe enaba pedelama,  
\q2 tama ena wi mu ilibao.  
\q1 Eno genuai nogi olo ni yabe tulalubo tiwai elama,  
\q2 te waligo sela pabo tiwai yali.  
\q1 Te ena wiegi yai bugagia bidali sę dali,  
\q2 te eno wiegi yai nai dabe dali,  
\q2 te silali, te dagalude pǫ dabe gasaba  
\q3 sisą sigi pabo tiwai elama,  
\q2 tama te dagalu olo madi pepeli dilide  
\q3 elalubo tiwai ebo dao,” wali.   
\b  
\q1
\v 16 “Pąde mu tama, eno bidibo ula mu tama silaibao.  
\q1 Tama tigidali sogo eno tigi dene naga eyu ebo.   
\q1
\v 17 Te hulide eno dili tigidali dene eyu ebo,  
\q1 te enego eno tigide enebo tiwai mu ebo.  
\q1 Tama te dene me elaludu genama,  
\q2 tama te dene ebogo ena me taga pabo meni.   
\q1
\v 18 Te agai genuai bomogo da,  
\q1 God agai eno tigi gasagi yai ma ilali.  
\q1 Tama agai ena nogo aligabo dųbo tiwai  
\q3 bomonama ebaso,  
\q1 te holobo ugwago dogoni magede kekebo tiwai  
\q3 ebo dao. \f + \fr 30:18 \ft Hibru pogo te po page kuna konebeo. Te po begelibo gasa sunumi me e tiwai elalubao, “Tama te dene ebo bomai mu pedelama, tama ena subigila bebegele pabo sę yali, tama eno ugwa hagawali, te eno dogoni bomonama kekalio.”\f*   
\q1
\v 19 Tama Godigo ena te pu ąįyana pai madi sąnama,  
\q2 tama ena te tǫ hogomu olo nai tiwai elalu,  
\q3 me keli hogomu tiwai mu gagalalio.”   
\b  
\q1
\v 20 “God, ena naga gedude dolaluyu,  
\q2 tama nago ena tau somainu i obao.  
\q1 Tiali goli, nago olo tonaluyu naga elama,  
\q2 eno po waboba olo mubo menio.   
\q1
\v 21 Nago ena hobede dwasianu eyu,  
\q2 me olo tau sabo sę me ebeo. Menio.  
\q1 Nago ena te nago tigidali bomogo  
\q2 dolaiba homu naga ebo dao.   
\q1
\v 22 Nago ena te ni yabe tiwai gilama ugwaba  
\q3 sela sąnama,  
\q1 waligo tolasa pomainu sula tagalobo tiwai ebao.  
\q1 Tama nago ena waligo subigila sąsąbo tiwai  
\q3 tama ebo dao.   
\q1
\v 23 Eno koneani, nago ena isimainu elama,  
\q2 tama nago ena te nago nigilali  
\q1 te tigidali isibo we bidigo bidigi pabo  
\q2 pesage gų pageba pomainu ebao.   
\q1
\v 24 Ma, bidi me mu dolobaso, tama tau somainu  
\q3 i obaso da,  
\q2 teda bidi mego aga ma elama, aga mu dolaibawe?  
\q2 Te tama me tegobeo. Mu meni.”  
\q1 Jopgo te po wali.   
\b  
\q1
\v 25 “Polobadu da, eno bidi dwai dene  
\q2 sobaso, moni hobede mu yai dao.  
\q1 Tama eno homu sęgę genuai mu  
\q2 te nai meni yai bidi dabede yai dao.   
\q1
\v 26 Eno homugo tiali ena bugagia naga  
\q2 tigidali sogo bidaibao homu yai dao.  
\q1 Tiali goli, dwai sogo mugo ena gegali.  
\q1 Eno homugo ena ulade bidaiba homu yali,  
\q2 tiali goli hulia sabogo aselama, ena mesega  
\q2 sagasalio.   
\q1
\v 27 Tigidali sogo eno homu kone palidu gegeyu  
\q3 naga ebo.  
\q1 Tama tigidali sogo sęgę dali,  
\q2 dene dali si enaba naga pedalobo.   
\q1
\v 28 Ena dwai mu bidiyu yaide,  
\q2 eno gesabidi hasegelama, tama husuga sali.  
\q1 Tiali goli, giligago ena ulubeo. Menio.  
\q1 Gasigo yaligo ena tama tiwai bidiba.  
\q1 Ena we bidi tomode dolaluyu,  
\q2 tama augwalibolo ena tau sa po hanalu wali.  
\q1 Tiali goli, augwaligo ena tau sabeo.   
\q1
\v 29 Awe, ena genuai dene dali mu bidibao.  
\q1 Tama eno gela da, te bulu yowi dali,  
\q2 ba uni dali sigo i wabo tiwai ebo.   
\q1
\v 30 Eno tigi husugu gadia selama, mu wa pali.  
\q1 Tama eno tigiwali tologa pelama, tutulaluali.  
\q1 Tama gasigo eno tigi posolo mu ilibo.   
\q1
\v 31 Polobadu da, eno gita eliyu, ona eliyu elama,  
\q2 dwagi yai wei ebo nai naga elai dao.  
\q1 Tiali goli, te dwagi yai po wali nai dabe  
\q2 megi ma isibo bidigo hobede ebo gita dali,  
\q3 ona dali si elebo tiwai ebo,”  
\p te bidi Jopgo te po wali.   
\c 31  
\s1 Jop agai dwai sę me yai menio po wali  
\p
\v 1 Te bidi Jop agai po ma wadoliyu, e tama wali,  
\q1 “Eno bomo yai po dąų mu olama, e tama wai dao.  
\q1 ‘Eno we sibi gedu me elama,  
\q2 penani ebo homu me egobeo,’ po wai dao.   
\q1
\v 2 Magi baso meni. God Tigidali Bomo Elalubo Bidi  
\q2 aga dagalude bidiyu,  
\q3 tama agai magi sę dabolo elama,  
\q2 dago dwai kolesaga ebo wei ponainu ebo dawe?   
\q1
\v 3 Agai dwai sogo te dwai kolesaga ebo  
\q2 we bidibolo wei ponobo dao.  
\q1 Tama te tibogo augwali mu dolama,  
\q2 tama augwali mu silibo dao.   
\q1
\v 4 Tiali goli, Godigo eno kolesaga tigidali mu  
\q3 koneai dao.  
\q1 Tama ena bilibo tigidali agai suai dao,” wali.   
\b  
\q1
\v 5 “Eno dwai tibo sę dabe elama,  
\q2 tama eno te we bidi dabe ili po me ola mayu  
\q3 yai meni.   
\q1
\v 6 Ma, Godigo eno kolesaga dabe dolo dagala suyu da,  
\q2 teda agai bugagia mu koneaiba,  
\q2 eno magi sę me yai sugobeo.   
\q1
\v 7 Tiali goli, ma eno gedu olo tagala palama,  
\q1 ena gedugo dwai kolesaga emainu sula tagalama  
\q3 igi sogo da, teda eno dwai kolesaga elama,  
\q2 agai gedude meda mu igi sogo da,   
\q1
\v 8 teda Godigo gasa bidi dabego eno gide nai selama,  
\q2 eno gi mu dolomainu sula tagaligi dao.   
\q1
\v 9 Ma, eno ena abagigo we tonama,  
\q3 pęsa eyu yai tigi sogo da,  
\q2 tama ena agai be pąba pelama,  
\q2 agai be pąde dualaluama, eno abagi gasaba pabosi,  
\q1 teda ena agai we dali pagela pigi bigi sogo da,   
\q1
\v 10 teda ena we mu me gasa bidigo sę we gagalama,  
\q2 gasa bidigo wit nai mimibo sę igi dao,  
\q2 tama gasa bidi dabe augwali aga dali piyu igi dao.   
\q1
\v 11 Ma, eno gasa bidigo we dali dwai sę me igi sogo da,  
\q2 teda dwai kolesaga mu dao.  
\q1 Teda augwaligo ena po tų ela menama,  
\q2 ena tigide dene mabo sę genuai mu igi dao.   
\q1
\v 12 Te tobage dwai sę da,  
\q2 te posolai isigo bidi ulubo tiwai dao.  
\q1 Ma, eno te tobage kolesaga yai madi  
\q2 tigi sogo da, teda te isigo ena ulama,  
\q2 eno nai dabe tigidali sia sąnama, tagaligi dao.  
\q1 Tama ena isilama,  
\q2 tama ena isai bidi dabego buluba bidigi pigi dao.   
\q1
\v 13 Polobadu eno sę ebo we bidi dabego  
\q3 ena dali nai mede po obaso,  
\q2 tama eno augwaligo po odigi menigi sogo da,   
\q1
\v 14 teda te Godigo eno  
\q2 te dwai kolesaga yalide po tų ela mabo sogo da,  
\q2 teda eno magi po wei ponaibawe?   
\q1
\v 15 God aga digi ena te ena idago  
\q2 haligade ame nomainu yai dao.  
\q1 Tama aga naga te sę ebo we bidi me  
\q2 augwa ida dabego haligade ame nomainu yai dao.  
\q1 Te God deligo naga da tigidali nigilama,  
\q2 tama da te God aga gedude deli tigi  
\q3 tiwai naga bidibao,” wali.   
\b  
\q1
\v 16 “Tigidali sogo eno nai meni yai  
\q2 bidi dabe tau siyu yai dao,  
\q1 te augwali meni yani nai dabe mawai dao.  
\q1 Tama eno wilawe we dabe subo si,  
\q2 eno augwali sula tagalobeo.  
\q1 Menio. Eno augwali me tau sai dao.   
\q1
\v 17 Eno ena nai dabe yogo elama,  
\q2 ena nai dabe dąų walama, enaduba tubeo.  
\q1 Menio. Eno me badu te augwa aya isai wai bǫų dabe  
\q2 te tiana wai bǫų dabe te nai mawai dao.   
\q1
\v 18 Ena gesi bididu gagalasa, megi tamaba,  
\q2 eno te tiana wai dabe tonaluyu,  
\q1 te augwa ayago ebo kolesaga tiwai yai dao.  
\q1 Me, te we dabe augwa bidi isai we dabe me,  
\q1 eno augwali tonaluyu, tau siyu yai dao.   
\q1
\v 19 Ma, bidi me ugwa meniama,  
\q2 tama kedaugo mu dolobo si da,  
\q1 teda eno te bidi olo bidimainu  
\q2 sula tagalai yali bogo? Meni.   
\q1
\v 20 Eno aga ena kibu sipsip nisigo nigai ugwa  
\q3 mawai dama.  
\q1 Te ugwago agai tigi posolo ilama ebaso,  
\q2 tama aga dwagi yai homu elama,  
\q3 enabolo buba hwi po wai dao.   
\q1
\v 21 Ma, eno homugo gasa tobolu  
\q2 bidi dabe eno po mu dao omainu elama,  
\q2 tama ena po tų ebode dolama tibo po olama,  
\q1 te augwa aya isai wai dabego nai sainu ebeo.   
\q1
\v 22 Teda eno te tama tiyu da, eno homugo eno nogo si  
\q2 guda pelama, tǫba tulalumainao.   
\q1
\v 23 Magi baso meni.  
\q1 Eno Godigo moni bomo eno koneama,  
\q2 tama me agai dwai nai dabe tagala palama,  
\q2 bidi dolobo me, eno koneai dao.  
\q1 Tama ena wi genuai mu yai dao.  
\q1 Tama tidali weyu, eno dwagi yai kolesaga naga yai dao,”  
\q1 Jopgo te po wai.   
\q1
\v 24-25 “Mu tama. Eno ena bomai sę elama, mone dabe  
\q2 hauwa mu sai dao.  
\q1 Tiali goli, eno tobolu gagea pelama,  
\q2 tama ena nogi ugwaba sai meni.  
\q1 Tama eno homugo e tama tiai meni,  
\q2 eno te dwagi dwagi yai gol dabe,  
\q3 mone dali sigo naga  
\q1 ena bugagia bidibo tau sabo usu yaibao,  
\q2 eno te homu me ebe.   
\q1
\v 26-27 Giliga ula genuai mu elama,  
\q1 tama te polua me ula dwagi yai ebo dao.  
\q1 Tiali goli, eno homugo te nai siba  
\q2 lotu po wabo homu yai menio.  
\q1 Tama eno nogode nono nenama,  
\q2 te nai si genuai nogi mawainu yai menio.   
\q1
\v 28 Ma, eno te tobage kolesaga dabe igi sogo da,  
\q2 teda eno God dagalude bidibo bidi tudi ola mayu,  
\q2 te agaba homugo kęą pabo kolesaga togoyu tigi dao.  
\q1 Tama te pagede agai ena po tų ela menama,  
\q2 ena sęgę genuai mu magi dao,” wali.   
\b  
\q1
\v 29 “Ma, eno ena boi bidi dabe  
\q3 dwai dene sabo sogo me,  
\q2 teda eno augwali dene sobaso,  
\q3 usu da homu me yai menio.   
\q1
\v 30 Tama eno Godibolo eno boi bidi dabe dolama  
\q2 isilimainu me hanalu wai meni.  
\q1 Ma, eno tama tigi sogo da,  
\q2 teda eno dwai sęgę sabo sę igi dao.   
\q1
\v 31 Eno sę bidi dabego e tama wabo dao,  
\q1 ‘Agai tigidali bidi nai mawai dao.  
\q1 Bidi me nai meni yai bidai menio,’  
\q2 augwaligo te po wabo dao.   
\q1
\v 32 Mu tama.  
\q1 Te gasa bulu bidi dabe augwali piabo be  
\q2 meni ebo eno sulama,  
\q1 augwali te hanu sunumide olo bidimainu sula tagalobeo.  
\q1 Mu meni. Eno augwali ena beba oda sai dao.   
\q1
\v 33-34 Te bidi mebago augwa dwai sę  
\q2 elama, augwa ma dualobo dao.  
\q1 Tama eno me ena dwai sę elama,  
\q2 ena yali dwai sę dualai tigi sogo da,  
\q2 teda ena bede ena geme dulaluama,  
\q2 tama ena abagibolo po wagi menio.  
\q1 Te tama tibogo, ena bulude we bidide wi ebo ąǫ igi dao.  
\q2 Tiyu, augwaligo eno yali dwai sę sulama, ena  
\q2 posobo po olama, ena doligi dao.  
\q1 Tiali goli, eno dwai sę me ebe.  
\q2 Eno dualabo dwai sę menio.”  
\p Jopgo te po wai.   
\b  
\q1
\v 35 “Hobede ya, bidi me deli bidibaso,  
\q2 eno po waboba olo sagana munama,  
\q3 odigi sogo da, te usu igi dao.  
\q1 Eno e tama po wali,  
\q2 ‘Eno magi sę me elama, te po dąį ilama,  
\q3 te po bomo elama obao.  
\q1 Tama megi da, God Tigidali Bomo Elalubo Bidigo  
\q2 eno tigidali po wei ponomai yaiba.  
\q1 Te aga eno te po tų ebo odabo bidi da weyu,  
\q2 agai eno yali dwai sę kisilibo po pepade asęmainao.   
\q1
\v 36 Tama eno dwagi yai homu elama,  
\q2 te pepa selama, eno nagede tolaibao,  
\q1 tama te pepa eno tobolude  
\q2 te king tuni bidigo madi tobolude mubo ąǫ yaibao.   
\q1
\v 37 Tama ena Godigo gesabidiba  
\q3 kingo wai doligi pabo ąǫ elama,  
\q2 tama agabolo eno yali sę dabe  
\q3 tigidali po pusa magi dao.’ Eno te po wagi da,”  
\p Jopgo te po wali.   
\b  
\q1
\v 38-39 “Ma, eno gasa bidi dali dwai kolesaga elama,  
\q1 tama agai tǫ wi selama,  
\q2 tama te tǫ eno abelesiąbadi nai wai bulama,  
\q2 tama te tǫ aga digi gela genuai mu olama,  
\q2 wado genuai mu eyu da,   
\q1
\v 40 tama teda eno te wit nai dali,  
\q2 bali wai dali si te tǫde bulubo si,  
\q3 teda te dwai gąų yai bono dali,  
\q1 olo nosai si naga te tǫde holomainao,” wali.  
\p Jopgo po tama silali.   
\c 32  
\ms1 Elihugo te Jop me aga abagi dabe dali po miani  
\mr (Dąį 32–37)  
\s1 Elihugo homugo tiali, agai me po wao homu yali  
\p
\v 1 Tama megi da, Jop aga abagi selago suali, Jop agai dwai sę me yai menio olama, po bomo elama, aga doloba pai bidi dao olama, po bomo ebaso, augwaligo Jopgo po wei me ponobe.  
\v 2 Tiali goli, gesi bidi me deli augwali pagede bidama, augwaligo po wabo odaluali. Agai nogi Elihu, te Badakelgo wai. Elihu te Ram sibigo wai, tama te Ram te Bus hani. Tama Elihu agai wado po genuai mu Job dali wainu yali. Magi baso meni. Jopgo te po wali, Jop agai da, dwagi yai kolesaga ebo dao olama, Godigo ebo kolesaga da, dobo dao wali pode.  
\v 3 Tama agai Jop aga abagi sela dali me wado yali. Magi baso meni. Augwaligo Jopgo po wei bugagia ponabo usu isąbaso. Augwaligo po olo e tama wali, Jop agai dwai sę elama, dwai kolesaga dabe yai dao wali.  
\v 4 Elihu aga pedauwali pania selama, te monu dabego po omainu yai. Tama megi tama agai homude yali po Jop dali pusainu yali.  
\v 5 Aga sębę genuai mu yali. Magi baso meni. Agai suali, te bidi selago Jopgo po wei dolo ponisąma ebaso.   
\p
\v 6 Megi da, Elihu, te Badakelgo wai, te Bus hanigo wai, agai e tama po wali,  
\q1 “Ena gesi bidi, tama dage da polo monu dabe dao.  
\q1 Tama tibaso, hasia da, ena wi elama,  
\q2 tama ena hale eyu yaide,  
\q1 eno homude yali po dagebolo pusabo yai goli,  
\q3 tagalai dao.   
\q1
\v 7 Eno e tama homu yali.  
\q1 Dagego kibu be hauwa mu da weyu,  
\q2 tama dagego homude yali  
\q2 dwagi yai po naga pusugowe weyu  
\q3 tonaludali digi dao.   
\q1
\v 8-9 Tiali goli, bidi mego kibu be hauwa  
\q3 elama, dwagi yai homu kolesaga  
\q3 agai naga elalugobeo. Menio.  
\q1 Tigidali Bomo Elalubo Godigo Mobo Bidi daba aselama,  
\q2 da dwagi yai homu kolesaga dabe mabo dao.  
\q1 Tama tibaso, polo monu dabego naga  
\q3 te dwagi yai kolesaga dali,  
\q2 dwai kolesaga dali si dagalogobeo.   
\q1
\v 10 Tama tibaso, eno me ena homude  
\q3 elalubo po pusaibao.  
\q2 Tama eno homugo dagego me odao,”  
\p Elihugo te po wali.   
\b  
\q1
\v 11 “Eno odama, dagego po tigidali osola suali.  
\q1 Dagego yaide dwagi yai homu kolesaga elalubo po  
\q2 naga homugo gegeyu, bomai sę mu yali,  
\q1 tama Jopbolo pusali.  
\q1 Tama eno dagego pusubo poba olo sagana muyu  
\q3 odaluali.   
\q1
\v 12 Tama eno suali, dage me deligo Jopgo po  
\q2 dolo menio olama wabo sube.  
\q1 Tama dagego agai po wei dolo ponobeo.   
\q1
\v 13 Tiali goli, dagego e tama wagio.  
\q1 Te dwagi yai homu da,  
\q1 God aga digi Jopgo po wei ponomainu  
\q2 olama sula tagalao.  
\q1 Bidigo da, usu egobeo. Te tama wagio.   
\q1
\v 14 Te bidi Jopgo ena dali po me mibeo. Menio.  
\q1 Te dagebolo naga po wai dao.  
\q1 Tiali goli, agai te po enabolo me wai tigi sogo da,  
\q2 teda eno dagego wei ponani po tiwai  
\q3 wei ponogi menio,” wali.   
\b  
\q1
\v 15 “Jop, suao. Naga abagi dedego  
\q2 homu kolesaga dęą salio. Magi baso meni.  
\q1 Nago augwali dolama, mu aiyaba mu elaluali.  
\q1 Augwaligo pedauwali mu pania sali.  
\q1 Tama augwaligo po meba ma wabo usu egobeo.   
\q1
\v 16 Suao, augwali olo mu dolalubo.  
\q1 Eno homugo augwaligo po meba ma wabo ąǫ ebe.  
\q1 Tama tibaso, eno tonaluabo ąǫ me ebeo.   
\q1
\v 17 Te eno homu kolesagade pusabo da.  
\q1 Eno te eno po meba nage dali pusaibao.   
\q1
\v 18 Magi baso meni. Eno homude hauwa mu elalubo  
\q2 nago po wei ponabo.  
\q1 Tama eno homude me dąų wagobeo.   
\q1
\v 19 Po eno pusabo po yaide, eno haligade mu  
\q3 pągąna palio,  
\q2 te wain ąį te meme kibu waligo nigai botol da  
\q2 pągąna pabo tiwai yalio.  
\q1 Tama pąde te kibu meme wali pisila pelama,  
\q2 te wain ąį gelabo tiwai tama yalio.   
\q1
\v 20 Teda mu tama mu dao. Eno pusaibao.  
\q1 Tama eno tabi duanu bidimainu yaibao.   
\q1
\v 21 Tama eno mu po dolo naga eno homude yali  
\q3 po pusaibao.  
\q1 Eno bidi mego odama,  
\q2 pusu elama wali pabo po pusogobeo.   
\q1
\v 22 Eno gasa bidi dabe ili po olama,  
\q2 pedauwali wę ilama ebo menio.  
\q1 Ma, tama eno te tobage kolesaga igi sogo da,  
\q2 teda deli sogo tama te ena nigai  
\q3 Godigo ena ela mugi dao,”  
\p Elihugo te po wali.   
\c 33  
\s1 Elihugo te Godigo bidi dabe dodolainu ebo kolesaga po wali  
\p
\v 1 Tama Elihu agai po genina ma weyu, e tama wali.  
\q1 “Megi da, Jop, megi da eno nage dali po waibao.  
\q1 Tama eno homugo nago eno po dabe  
\q2 waboba olo saganama odaluao.   
\q1
\v 2 Megi tama eno te po nagebolo pusaibao.   
\q1
\v 3 Tama eno te pusubo pogo nage  
\q2 e tama megi ola mawaibao.  
\q1 Ena Godigo gedude doloba pai bidi dao.  
\q1 Tama eno homude yali po dolo naga pusubo dao.”   
\b  
\q1
\v 4 “God Tigidali Bomo Elalubo Bidigo Mobo Bidigo  
\q3 ena nigai dao.  
\q1 Tama agai mobo ena menama yaligo ena bidibao.   
\q1
\v 5 Polo begao, Jop, eno homugo nago ena dali pogo  
\q3 hwįa homu ebao.  
\q1 Tama nage usu ebaso da, teda nago eno po  
\q3 wei ponagameo.   
\q1
\v 6 Te Godigo gedude da, dadi si te tiwai si naga dao.  
\q1 Agai tǫ selama, ena nigai dao.  
\q1 Deli tamago nage me nigai dao.   
\q1
\v 7 Tama tibaso, nago enade wi elamo.  
\q1 Eno genuai sęgę nageba munama,  
\q2 nage aiyaba elalugobeo,” wali.   
\b  
\q1
\v 8 “Tiali goli, eno nago po odali.  
\q1 Nago po bomo elama, e tama wali,   
\q1
\v 9 nago dwai kolesaga me yai menio, po wali.  
\q1 Tama tibaso, nage Godigo gedude meda meni yai bidiba.  
\q1 Tama nago magi nai mede sę menio, po wali.   
\q1
\v 10 Tama nago e tama po wali, Godigo ena tonobo da,  
\q2 aga boi bidi tonobo ąǫ elama, agai nage sęgę mani,  
\q2 te dwai sę ebo bidi dabolo mabo yali gilama.   
\q1
\v 11 Agai nago sągą haligago gebelali tiwai yali, wali.  
\q1 Tama nage menaba pabo si da,  
\q2 teda agai nago sągą pasalu bugagia  
\q3 osasa bilibo dao, wali.”   
\b  
\q1
\v 12 “Tiali goli, Jop, odao.  
\q1 Nago te wali po da, dolo menio.  
\q1 Tama megi da, eno nago po e tama ponaibao.  
\q1 God da, polalubo mu dao.  
\q1 Tama agai homu kolesaga dali,  
\q2 bomo dali sigo da bidigo bomo dali,  
\q2 homu kolesaga dali si edelai dao.   
\q1
\v 13 Magi baso nago Godibolo po hauwa weyu,  
\q2 e tama wabo da, agai da bidi dabego  
\q1 po wei ponobo meni, magi baso nago te po wabo dawe?   
\q1
\v 14 Tiali goli, God agai po dabolo  
\q2 haniani sunumidu mabo dao.  
\q1 Tiali goli, bidi dago agai po me sogo konebo menio,”  
\q3 wali.   
\b  
\q1
\v 15 “Da hulide pibo sogo da,  
\q1 Godigo haniani na dabe dabolo mabo dao,   
\q1
\v 16 tama te na dabede da, da ola mabo dao.  
\q1 Tama da dwagi yai kolesaga menama,  
\q2 tama dago bidi kolesaga dodolomainu ebo dao.  
\q1 Tama agai te po dago homude dąų walumainu ebo dao.   
\q1
\v 17 Tama te kolesagago dago  
\q2 dwai kolesaga yabo wi ilibo dao.  
\q1 Tama agai dago tobolu gagea pabo aiyaba  
\q3 tamunubo dao.   
\q1
\v 18 Magi baso meni.  
\q1 Agai dago dwai kolesaga ebo wei meniama,  
\q1 tama boi bidi dabego da ela munama,  
\q1 tama da isibo bidi dabego buluba  
\q2 pidali weyu, tama tibo dao,” wali.   
\b  
\q1
\v 19 “Tama me sogo Godigo bidi dodolobo  
\q3 te tobage kolesagago tibo dao.  
\q1 Godigo te bidi gasi ilama,  
\q2 tama te bidi bede pila muyu, nomona selama,  
\q2 dili dabe dene tigidali sogo ebo sę ilibo dao.   
\q1
\v 20 Tama aga nai tuabo hagela homu ebo dao.  
\q1 Te bidi dabego dwagi yai mi dabe  
\q2 sesebaso, me tagalobo dao.  
\q1 Agai te tonobo da, te olo nai tonobo ąǫ ebo dao,  
\q2 tama agai munu me tugobeo.   
\q1
\v 21 Agai tigi nomona selama,  
\q2 tama dili pulu hą ebo dao.  
\q1 Tama agai dili pulu hania ebo dao.   
\q1
\v 22 Pąde aga mu tama isabo ąǫ ebo dao,  
\q2 tama bidi elama isilibo ensel bidigo aga  
\q3 silagasabo dao.  
\q1 Tama aga isai bidi dabego buluba tamadi paibao,” wali.   
\b  
\q1
\v 23 “Tiali goli, ma te Godigo ensel mobo bidi  
\q3 hauwa mu  
\q3 tomode deli digi aselama, te bidi tau sagasobaso  
\q3 da,  
\q1 teda agai dwagi yai kolesaga naga wali pomainu yaibao.   
\q1
\v 24 Tama ensel bidigo te bidi hobede ebaso,  
\q2 tama Godibolo e tama hanalu waibao,  
\q1 ‘Nago te bidi hobede elama, tama te bidi isibo bidigo  
\q3 buluba pomainu sula tagalamo,’ te po waibao.  
\q1 ‘Magi baso meni. Eno polo gegali,  
\q2 te bidi ma usu ilabo sunumi elalubao,’  
\q2 ensel bidigo te po Godibolo waibao.   
\q1
\v 25 Tama teda te bidigo tigi ma  
\q2 usu elama, bomo ma yaibao.  
\q1 Awe, te aga gesi bidide bidali tiwai tama ma yaibao.   
\q1
\v 26 Tama aga gedu haluasa po wabo si da,  
\q2 teda Godigo agai gedu haluasa po wabo wei elama,  
\q2 tama aga dwagi yai sę ilaibao.  
\q1 Tama aga God pageba pelama,  
\q3 dwagi yai homu mu yaibao.  
\q1 Tama Godigo aga bidibo sogode aga nai dabe dolo  
\q2 ma dodola mawaibao.   
\q1
\v 27 Tama te bidigo gasa we bidi dali pusuyu,  
\q3 e tama waibao,  
\q1 ‘Eno dwai sę yai goli dao.  
\q1 Eno dwagi yai kolesaga me yai menio.  
\q1 Tama tibaso, Godigo eno tigide haniani sę mu igi dao.  
\q1 Tiali goli, agai ena hobede elama, agai te sę ebeo.  
\q1 Menio.   
\q1
\v 28 Agai ena ma dobola selama,  
\q2 tama ena isibo bidigo buluba pabeo.  
\q1 Ena me bidiyu yaide, bulu ula me subaso,  
\q2 dwagi yai homu ebao,’ po wabo dao.   
\q1
\v 29 Si sela sogo Godigo te kolesaga  
\q2 we bidi dabe dali ebo dao.   
\q1
\v 30 Magi baso meni. Agai augwali ma selama,  
\q2 tama augwali me isigobeo.  
\q1 Mu menio. Augwali bidiyu yaide,  
\q1 Godigo we bidibolo mabo giliga ula subo dao,” wali.   
\b  
\q1
\v 31 “Megi da, Jop, nago odao.  
\q1 Eno nage dali pusabo po meba elalubao.  
\q1 Tama tibaso, pedauwali pania selama,  
\q2 eno po waboba olo sagana munama, odao.   
\q1
\v 32 Tiali goli, ma nago po meba elalubaso da,  
\q2 teda nago pusao. Eno odaibao. Magi baso meni.  
\q1 Eno wei mu yali, te bidi dabego odama,  
\q2 nago dwai sę dabe me ebeo homu emainao.   
\q1
\v 33 Tiali goli, nago po meni baso da,  
\q2 teda pedauwali pania selama, eno po naga odao.  
\q1 Tama eno nage ola menama,  
\q2 tama nago dwagi yai homu kolesaga sagameo,”  
\p Elihugo Jopbolo te po wali.   
\c 34  
\s1 Jopgo te God dali konila po wali po geda muani  
\p
\v 1 Tialima te Elihu agai po ma weyu, Jop dali, aga abagi sela dali, augwalibolo e tama po wali.   
\q1
\v 2 “Dage dwagi yai homu kolesaga konea sai bagego da,  
\q2 dwagi yai kolesaga hauwa mu elalubao.  
\q1 Dagego eno poba olo sagana munama, bugagia odao.   
\q1
\v 3 Dago pedauwaligo nai dabe dwagi yai yaliwe,  
\q2 ma dwai yaliwe olama, hanala subo dao.  
\q1 Te tiwai dago ologo da, bidigo po odama,  
\q2 tama dagala subo dao.   
\q1
\v 4 Tama da dena digi dena wali po osola sumainao.  
\q1 Tama dago koneaibao,  
\q2 mena po dwagi yai doloba pai yaliwe waibao,” wali.   
\b  
\q1
\v 5 “Jop agai e tama po wai dao.  
\q1 ‘Eno magi sę me dolobeo,’ po walio.  
\q1 ‘Tiali goli, Godigo doloba pai kolesaga enabolo ebeo,’  
\q3 po wali.   
\q1
\v 6 ‘Eno magi sę me dolama, magi dwai sę me yai menio.  
\q1 Tiali goli, Godigo homugo ena tibo po wabo bidi  
\q3 dao olama,  
\q2 tama ena dolama sęgę mu mabo dao.  
\q1 Te ena agai enego enebo tiwai mu elama,  
\q2 tama ena usu ma yabo ąǫ ebe,’  
\q2 Jopgo te po wali.”   
\b  
\q1
\v 7 “Mena gasa bidigo Jopgo yali dwai sę tiwai yai dawe?  
\q1 Jopgo Godiba posobo po genina mu wali.   
\q1
\v 8 Tama me ma, agai yaide dwai  
\q2 kolesaga ebo bidiba kisa sigi pali.  
\q1 Dwai bidi dabe da, te aga abagi solo dao.   
\q1
\v 9 Agai te tobage kolesaga dabe ebo dao.  
\q2 Magi baso meni. Agai e tama po wali,  
\q1 ‘Ma, dago yaide God wei ebo kolesaga dabe eyu da,  
\q2 dago mena dwagi yai nai saibawe?  
\q1 Eno homugo te meni yaiba.’  
\q1 Agai te tobage po wai dao,” wali. \f + \fr 34:9 \ft Te Dąį 21:7-13 tede, te Jopgo te tama po wai, Godigo te dwai kolesaga ebo bidi dabe sula tagalu gogolaibao. Te Dąį 21:15, tede Jopgo te tama po wali, te dwai kolesaga ebo bidi dabe wabo tiwai tobage po te ede te bidi Elihugo wali. Tiali goli, Elihugo Jopbolo te kisilama wali po te mu po menio. Te 21:16, tede wali pogo te tiwai yali, te Jopgo te tiwai ola mabo po wali te agai te dwai kolesaga ebo bidi hani dabe dali deli haliga me elalubeo. Menio.\f*   
\b  
\q1
\v 10 “Tama dage bidi dabe, dagego  
\q2 dwagi yai kolesaga elalubao.  
\q1 Jopgo te tobage po obaso, eno po odiąo.  
\q1 God Tigidali Bomo Elalubo Bidigo dwai kolesaga  
\q3 me egobeo. Mu menio.  
\q1 Dwai sę ebo homu te Godide digibulu mu elalubo dao.   
\q1
\v 11 Agai da bidi dabe dago kolesaga dolo osola sulama,  
\q1 tama dago te yali sęde naga usu nama,  
\q3 te dene mabo dao. \x * \xo 34:11 \xt Tib 62:12\x*   
\q1
\v 12 Eno mu po tama obao.  
\q1 God Tigidali Bomo Elalubo Bidigo  
\q3 bidi me deli olo me dolama,  
\q2 tama dwai doloba pisąwai kolesaga me egobeo.  
\q1 Dago te agai dwai sę ebo homu ebo usu egobeo.   
\q1
\v 13 Tama me ma, dego mu God sę menama,  
\q2 e tǫ sese tonalumainu sę mawai dawe?  
\q1 Te bidi me meni.   
\q1
\v 14 Ma, God aga naga homugo koneama,  
\q1 tama aga mobo ma sigi sogo da,  
\q2 te tigidali bidibo nai dabede,   
\q1
\v 15 teda te tigidali tǫde bidibo nai dabe  
\q3 deli sogo tama isigi dao,  
\q2 tama da we bidi me tǫ ma gagagi dao,”  
\p Elihugo te po wali.   
\b  
\q1
\v 16 “Tama megi da, Jop, odao.  
\q1 Te nage homu kolesaga elaluba wida,  
\q2 nago eno wabo poba olo  
\q3 bugagia munama, odao.   
\q1
\v 17 Ma, Godigo yaide doloba pai  
\q3 kolesaga wei isąnama yali da,  
\q2 teda aga mena tama ma aga king  
\q3 bidiyu yaide e tǫ tonaluaibawe?  
\q1 Tiali goli, God agai genuai bomo elaluyu yaide,  
\q2 tama agai tigidali sogo doloba pai  
\q2 kolesaga naga ebo dao.  
\q1 Tama nago magi baso Tigidali Bomo Elalubo God  
\q3 po tų ela menama,  
\q2 tama dwai sę yali dao po obawe?   
\q1
\v 18 Te olo bidi mego te king mebolo  
\q2 naga dwai king mu dao me wagobeo.  
\q1 Tama me, genuai bidi mebolo  
\q2 te olo bidigo nage bidi dwai dao po me wagobeo.   
\q1
\v 19 God deligo naga agai te tama po wabo usu yaibao,  
\q2 magi baso meni, agai te tigidali we bidi nigai dao,  
\q2 tama agai gedude tigidali deli tigi poąį naga bidibao,  
\q2 te augwali doado bage hauwa elalubo bidi dabe me,  
\q3 te doado bage hauwa elalusiąbo bidi dabe me,  
\q2 tede moni homu me elalubeo, te tagalao.  
\q1 Te tigidali bidi Godigo gedude  
\q2 deli tigi tiwai naga bidibo dao.   
\q1
\v 20 Agai deli sogo naga tama da we bidi isimainu  
\q3 ebo dao.  
\q1 Te genuai nogi yai me, genuai bomo yai me, tagala,  
\q2 te huli tomo mude God agai  
\q3 te we bidi noma somainu elama,  
\q2 tama augwaligo bidibo ula hulide silibo dao.  
\q2 Te aga genuai bomogo tama tibo dao,”  
\p Elihugo te po wai.   
\b  
\q1
\v 21 “Godigo yaide, da we bidigo kolesaga tigidali  
\q3 sula silama,  
\q2 da bilibo madi sese tama sula silibo dao.   
\q1
\v 22 Tama tibaso, te dwai kolesaga ebo we bidi dabego  
\q2 hulia sai duala sabo madi me elalubeo.   
\q1
\v 23 Awe, Godigo dago kolesaga sese konea pai dao.  
\q1 Tama tibaso yaide, agai da osola sumainu  
\q2 agai po tų ebo madi pabo tagalomainu egobeo.   
\q1
\v 24 Te agai te genuai bidi dabe aiyaba  
\q3 elaluama, silainu eyu da,  
\q1 teda agai augwali mena tama  
\q2 tiwai bidi yaliwe olama gegegobeo.  
\q1 Meni. Agai augwali polo konea pela silai dao.  
\q1 Agai augwali sela sąnama, gasa bidi hasegelebo  
\q3 usu yaibao.   
\q1
\v 25 Agai augwaligo ebo dwai kolesaga  
\q2 sese mu konea silai dao.  
\q1 Tama hulide agai augwali aiyaba elaluama,  
\q2 mesegelama, tagalobo dao.   
\q1
\v 26 Agai we bidigo gesabidide me  
\q1 agai augwali tigide dene ilibo dao,  
\q2 te we bidi dabe augwaligo sumai hagede.  
\q1 Te bidi dabego te dwai kolesaga ebo  
\q2 we bidide ebo gilama,   
\q1
\v 27 agai augwali tigide dene ilibo dao. Magi baso meni.  
\q1 Augwaligo aga tudi ola mobaso.  
\q1 Tama me augwaligo God agai wei ebo kolesaga  
\q2 wali pisąma ebaso tebo dao.   
\q1
\v 28 Augwaligo nai meni yai  
\q3 bidi dabe dali dwai kolesaga yali,  
\q2 tama te bagego Godibolo i wali.  
\q1 Tama Godigo augwaligo i odali.   
\q1
\v 29 Tiali goli, Godigo magi sę me igi menigi sogo da,  
\q2 teda dego mu Godigo dwai page elalubao po  
\q3 wagi dawe?  
\q1 Ma, agai gesabidi dualigi sogo da,  
\q2 teda de aga pageba mu pigi dawe?  
\q1 Tiali goli, agai tigidali we bidi dali,  
\q2 tigidali bulu tǫ kantri dali si tonalubo dao.   
\q1
\v 30 Te dwai bidi dabe king pedalama,  
\q2 tama te we bidi dwai sę ebo  
\q3 sunumidu kegasa pidali weyu,  
\q1 Godigo tigidali kantri tonalubo dao,” wali.   
\b  
\q1
\v 31 “Jop, nago te nago dwai sę yali po  
\q2 te Godibolo pusaliwe?  
\q1 Nago te dwai kolesaga ma egobeo po agabolo waliwe?   
\q1
\v 32 ‘God, nago eno nago usu niba kadu wasiąbo kolesaga  
\q2 nago enabolo ola mao,’ te po nago  
\q3 agabolo hanalu waliwe?  
\q1 Ma, ‘Eno dwai sę yai baso da,  
\q2 teda eno te kolesaga dabe sese  
\q3 tagalaibao,’ nago te po me waliwe?   
\q1
\v 33 Nago te po wai goli, Jop, nago Godigo ebo kolesaga  
\q3 wei isąbaso da, teda nago homugo naga  
\q3 godolo ebo sę agai emaina homu igio.  
\q1 Tiali goli, naga digi dagala sulama,  
\q2 mena kolesaga nagede dwagi yai da  
\q3 homu ebo kolesaga dagala sao.  
\q1 Te eno sę meni.  
\q1 Ma, nago dwagi yai kolesaga me elaluba wida,  
\q2 teda te homu kolesaga dabolo megi pusao,” wali.   
\b  
\q1
\v 34 “Te eno te po te genuai homu kolesaga yai  
\q3 bidi dabego  
\q2 eno te po odobo si da, teda augwaligo enabolo  
\q3 e tama po waibao,   
\q1
\v 35 ‘Jop agai te page konesiąwai po olama,  
\q2 tama agai po sese geda muani dao’ po waibao.  
\q1 ‘Agai homu kone palama, po pusubo menio,’ wagi dao.   
\q1
\v 36 Jopgo te dwai kolesaga ebo bidi  
\q2 dabego po wei ponobo tiwai ebo dao.  
\q1 Tama tibaso, eno homugo Godigo yaide  
\q1 Jop me usu sidu genama, agai po hasegelebo si  
\q3 tagalomainu yaibao.   
\q1
\v 37 Agai dwai sę yai goli, nosali ugwadu agai God dali  
\q3 tobolu gagea pali.  
\q1 Agai da dali olo nai dao homu eyu, po si konila eyu,  
\q1 hwįanio.  
\q2 Tama agai wado po hauwa mu Godiba walio,”  
\p Elihugo te po wali.   
\c 35  
\s1 Elihugo Jop aga sesanani te aga po geda muyu po dwai obaso  
\p
\v 1 Tama Elihu agai po genina ma weyu, e tama wali,   
\q1
\v 2 “Jop, nago te po wali, ‘Eno kolesaga dwagi yai,  
\q3 ma Godigo kolesaga dolo menio,’ po wali.  
\q1 Nago homugo te po dolo te wali dawe? \f + \fr 35:2 \ft Te e vesde hauwa sogo Jopgo te tama po weyu, agai dwai sęgę sabo sę me ebeo po wali, te po te Dąį 10:7; Dąį 27:5-6, tede te tobage po elalubo suao. Tiali goli, te Elihugo Jopbolo te kisilama wali po te mu po me wabeo.\f*   
\q1
\v 3 Me ma, nago e tama po wali,  
\q1 ‘God, ma eno dwai kolesaga isąma yali da,  
\q2 tego nage mena tama tau saibawe?  
\q1 Tama mena tama dwagi yai nai nageba pedalaibawe?’  
\q1 Nago Godibolo te tobage po wali te dolo menio,” wali.   
\q1
\v 4 “Megi da, Jop, eno nage dali, nago abagi sela dali,  
\q2 wali po wei ponaibao.   
\q1
\v 5 Nago dagaluba tonama, te pǫ dabe suao.  
\q1 Augwali ugwanu mu bidibao.  
\q1 Godigo te dagalu dali, pǫ dali nigai dao.   
\q1
\v 6 Ma, nago dwai sę yai goli,  
\q2 tama nago aga dolobo usu egobeo.  
\q1 Nago dwai sę hauwa mu ebadi me, tagala.  
\q1 Tego aga mena tama mu dolaibawe?   
\q1
\v 7 Tama ma, nago doloba pai sę naga idubadi geani da,  
\q2 tego God mena tama tau saibawe?  
\q1 Tama agai mena dwagi yai nai agai nogode saibawe?   
\q1
\v 8 Ma, nago dwai kolesaga eyu da,  
\q2 tego da, bidi da naga dolaibao.  
\q1 Tama ma, nago doloba pai kolesaga eyu da,  
\q2 tego me bidi da naga tau saibao,” wali. \x * \xo 35:8 \xt Jop 22:2-3\x*   
\b  
\q1
\v 9 “Hauwa sogo bomai bidi dabego  
\q2 gasa bidi dabe aiyaba elaluama,  
\q3 mesegelama, tagalobo dao.  
\q1 Tama te bidi dabego gela genuai mu  
\q2 olama, tama gasa bidi dabego  
\q3 augwali tau somainu i wabo dao.   
\q1
\v 10 Tiali goli, bidi mego e tama tiwai i me wabo menio,  
\q1 ‘Te Godigo ena nigai da. Aga menade bidibowe?  
\q1 Agai da dwai sogo pedalobo si agai  
\q2 dago tabi dili ilama, tama da dwagi yai homu iliyu,  
\q3 balia dabe wabo dao.   
\q1
\v 11 Agai da ola mabode da  
\q2 homu kolesaga hauwa mu sabo dao.  
\q1 Tama dago homu kolesagago  
\q2 bulu ba hasa dabego kolesaga edelai elalubo dao.’  
\q1 Te sęgę tolobo bagego te po wabo dao.   
\q1
\v 12 Te mu, te bidi dabego tau somainu i wabo dao.  
\q1 Tiali goli, augwali tobolu gagea pelama,  
\q2 tama dwai kolesaga ebo bidi dabe dao.  
\q1 Tama tibaso, Godigo augwaligo i wabo odobo menio.   
\q1
\v 13 Augwaligo doloba pai kolesaga meni.  
\q1 Tama tibaso, God Tigidali Bomo Elalubo Bidigo  
\q2 augwaligo i wabo odogobeo.   
\q1
\v 14 Tama Jop, eno homugo agai nago  
\q2 i wabo odogobeo.  
\q1 Magi baso meni.  
\q1 Nago polo wali, nago God subo menio wali.  
\q1 Me ma, nago e tama wali, Godigo nago  
\q2 po tų odobeo po wali.  
\q1 Tama nago bobobage sogo mu tonalubao po wali.  
\q1 Tiali goli, agai odobeo.   
\q1
\v 15 Tama me ma nago e tama po wali,  
\q1 God agai dwai kolesaga ebo bidi dabe  
\q2 tigide dene ilibo menio po wali.  
\q1 Tama augwaligo ebo dwai kolesaga teba  
\q2 me homu kone ebo menio, nago te po wali.”   
\q1
\v 16 “Jop da, page meni yai olo tibo po naga wabo  
\q2 bidi dao.  
\q1 Agai dwagi yai homu kolesaga menio, tiali goli agai  
\q2 po hauwa wabo dao,”  
\p Elihugo te po wali.   
\c 36  
\s1 Godigo dago kolesaga dodolainu sęgę mabo dao  
\p
\v 1 Tialima Elihu agai po genina ma weyu, e tama wali,   
\q1
\v 2 “Jop, nage dua bolo bididuao,  
\q3 tama eno nage genina mu  
\q2 ma ola mawaibao. Magi baso meni.  
\q1 Eno po meba elalubo te Godigo pode  
\q2 homu kone palama, tama pusaibao.   
\q1
\v 3 Agai ena nigai, ena haniani dwagi yai  
\q2 kolesagago pągąnalubao.  
\q1 Tama megi eno te koneani kolesaga po pusaibao,  
\q2 tego nage e tama ola mawainu,  
\q1 Godigo yaide doloba pai kolesaga sesemane idubo dao.   
\q1
\v 4 Mu tama obao, eno tibo po me deli wabo menio.  
\q1 Ena konea pai bidi mu nage dali bidibao,” wali.   
\b  
\q1
\v 5 “God aga genuai bomo elaluyu yaide,  
\q2 agai te bomogo agai homugo yainu  
\q3 yali sę eyu naga ebo dao.  
\q1 Tama agai we bidi dabego ebo kolesaga hobede mu  
\q3 ebo dao.   
\q1
\v 6 Ma, agai suali yaide, we bidi dabego  
\q2 dwai kolesaga ebaso da, teda agai augwali  
\q3 bidimainu sula tagalobo meni.  
\q1 Tama agai nai meni yai bidi dabego sęgę dodolobo dao.   
\q1
\v 7 Agai doloba pai we bidi tonaluyu, tau sabo dao.  
\q1 Tama we bidi dabego augwali genuai  
\q2 nogi tigidali sogo mabo dao,  
\q1 te augwaligo te king dabebolo ebo tiwai yali gilama.   
\q1
\v 8 Tiali goli, dwai sogo pedalama,  
\q2 mani sęgęgo te we bidi mesegelama,  
\q2 tama augwali nogo aligabo bono duani tiwai  
\q3 bidibo dao.   
\q1
\v 9 Tama da, Godigo augwalibolo e tama wabo dao,  
\q2 te dwai sogo augwalibolo pedalali da.  
\q1 Magi baso meni. Augwa digi augwa nogi  
\q3 ugwaba selama,  
\q2 haniani dwai kolesaga ebaso.   
\q1
\v 10 Tama agai augwalibolo dwagi yai  
\q2 kolesaga wali pomainu ola mabo dao.  
\q1 Tama agai augwalibolo ge neyu,  
\q2 dwai kolesaga tudiba muao po wabo dao.   
\q1
\v 11 Tama augwaligo agai po wali pelama,  
\q2 aga dologode bidibaso da,  
\q2 teda tigidali sogo augwali bugagia naga bididuaibao.   
\q1
\v 12 Tiali goli, augwaligo po odisąma yali da,  
\q2 teda augwa boi bidi dabego augwali ela  
\q3 muagasaibao.  
\q1 Tama augwaligo magi nai  
\q2 augwali tigiba pedalaliwe olama, konegobeo,” wali.   
\b  
\q1
\v 13 “Te God tudi ola mabo bidi dabe,  
\q2 augwaligo genuai sęgę augwaliba sabalobo si,  
\q2 augwaligo God dali sębę genuai mu ebo dao.  
\q1 Tama augwaligo Godigo augwali tau somainu  
\q3 i wabo menio.   
\q1
\v 14 Te tama tiyu yaide, augwaligo dwai kolesaga  
\q2 te we bidi gabidide ebo dao.  
\q1 Tama tede augwali gesi bidi bidibadi tama isibo dao.   
\q1
\v 15 Tiali goli, Godigo te bidi dabe dene dali,  
\q2 sęgę dali si me tolomainu sula tagalobo dao.  
\q1 Magi baso meni. Agai augwali dwagi yai kolesaga  
\q2 ola mawainu tama tibo dao.  
\q1 Tama te tibo sunumide augwali ma selama,  
\q2 tama augwali bugagia bidimainu ebo dao,” wali.   
\b  
\q1
\v 16 “Jop, megi da suao, nage moni sęgęde mu bidiyu,  
\q2 tama nage pąde silabo ąǫ te ebao.  
\q1 Tiali goli, Godigo nage bega sabo po weyu,  
\q2 ma oda selama, tama nage dua bidimainu elama,  
\q2 tama nage te dwagi yai nai dabe ma mawaibao.  
\q1 Tama magi naigo nage me paliama me egobeo.   
\q1
\v 17 Tiali goli, megi da, Godigo nage tonobo da,  
\q2 dwai sę ebo bidi tiwai tonobo ąǫ te ebao.  
\q1 Tama agai nage dali po tų ela mayu,  
\q2 tama nage tigide dene genuai mu  
\q3 te mabo sę yali dao.   
\q1
\v 18 Tiali goli, dua dao.  
\q1 Tiyu, naga homu sębęgo ebo digi tego nago  
\q2 Godibolo posobo po omainu ebo dao.  
\q1 Tama tiyu ma, nage ma oda sabo kolesaga ma  
\q3 genuai mu yaliwe wabo, tama nago God tagalabo.   
\q1
\v 19 Ma, nago Godibolo tau somainu i weyu da,  
\q3 ma naga bomo naga usu siyu da,  
\q2 tego da nago megi te elalubo sęgę siligobeo.   
\q1
\v 20 Nago homugo hulia saiba homu kuna wei igio.  
\q1 Te tobage bidi dolobo sę deli sogo  
\q2 te we bidi tigiba pedalobo dao.   
\q1
\v 21 Nago megi nago tigide ebo sęgę godolo me ebe.  
\q1 Tiali goli, nago dwai kolesaga yabo naga  
\q2 godolo yali bogo,” wali.   
\b  
\q1
\v 22 “Bugagia odao. God dagalude mu bidiyu yaide,  
\q3 genuai bomo mu elalubao.  
\q1 Tama aga te dwagi yai po ola mabo bidi dao.  
\q1 Dego mu agai ola mabo tiwai yaibawe?   
\q1
\v 23 Tama dego Godigo yabo sę dabe po  
\q2 dego ola mawaibawe?  
\q1 Ma, dego agabolo ‘Te nago geda muani’  
\q2 po wabo usu yaibawe?  
\q1 Te tama tiabo bidi mu meni.   
\q1
\v 24 Te bidi dabego Godigo nigali nai dabe sulama,  
\q1 Godigo nogi ugwaba selama, balia po wabo dao.  
\q1 Tama tibaso, nago me te tobage kolesaga deli naga yao.   
\q1
\v 25 Te tigidali we bidigo Godigo yali sę dabe suali.  
\q1 Tiali goli, augwaligo agai yali sę kuna konebeo.”  
\q1 Te bidi Elihugo Jopbolo te po wali.   
\s1 Godigo bomo dali, homu kolesaga si ugwanu mu elalubao  
\p
\v 26 Tama Elihu agai po genina ma weyu, e tama wali,  
\q1 “God da, polalubo bidi mu da, tama aga ugwanu mu dao.  
\q1 Dago aga munu me kuna konegobeo.  
\q2 Tama dago agai kibu be nisu naga yaliwe olama,  
\q3 konegobeo.   
\q1
\v 27 Agai wę ugwaba holama,  
\q2 tama tulubage gagamainu ebo dao.   
\q1
\v 28 Tama te tulubage pǫ tagalama, tǫba tulubo dao.  
\q1 Tama we bidi tuabo wę hauwa elalubo dao.   
\q1
\v 29 Da tigidaligo munu me konebe,  
\q2 te pǫ genuai mu elama,  
\q2 tama Godigo ugwa be nigibo konebo menio.  
\q1 Tama dago konebe,  
\q2 mena tama te pǫde kulukulu olama  
\q3 ebowe olama, konebo menio.   
\q1
\v 30 Godigo te be sele ula tigidali  
\q2 te bulu dabeba dobola palobo dao.  
\q1 Tama ula tamu ąį dologoba mu pelama,  
\q2 te tigidali nai pepeli diliba mu ilibo dao.   
\q1
\v 31 Godigo tulubage dali,  
\q3 pǫ dali si tonalubo sę eyu,  
\q2 tama te kolesagago naga tigidali we bidi  
\q3 tonalubo dao.  
\q1 Tama agai tigidali tubo nai dabe  
\q2 bugagia tǫde holomainu ebo dao.  
\q1 Tama te we bidigo nai hauwa mu elalubo dao.   
\q1
\v 32 Te be sele ula agai nogo sigo tolalubo dao.  
\q1 Tama ene yali gilama agai dąį ilali naiba enebo dao.   
\q1
\v 33 Te be kulu wabo si da, tego ola mabo dao,  
\q1 te tulubage dali, wali dali si asainu  
\q2 tama tibo dao po wabo dao.  
\q1 Tama te bulmakau kibugo me aga asobo  
\q2 gagama eyu, konebo dao,” Elihugo te po wali.   
\c 37  
\q1
\v 1 “Te be kulu wabo si da, ena wi elama, homu  
\q3 menigasąbo dao.   
\q1
\v 2 Odao! Dagego be kulu wabo odao!  
\q1 Te da Godigo hae olama, i bomonama te obao.   
\q1
\v 3 Agai te be sele tigidali buluba pelama,  
\q2 te tǫ sabi simanigi paliba usu nigi pomainu ebo dao.   
\q1
\v 4 Tama nosali agai hąe olama,  
\q2 i wabo po dago odobo dao.  
\q1 Tama agai genuai bomo dago subo dao.  
\q1 Tama te Godigo tama tibo si da,  
\q2 te be sele ula tigidali buluba pela silibo dao,” wali.   
\b  
\q1
\v 5 “Godigo pedauwalidu gasagi yai po mu wabo dao,  
\q2 te be kulukulu wabo tiwai, te dwagi yai mu dao.  
\q1 Tama agai haniani sę mu eyu,  
\q2 te dago kolesaga edelai mu dao.   
\q1
\v 6 Agai olo pogo obadi, te ais dali,  
\q2 tulubage dali si tǫba tulubo dao.  
\q1 Agai po obadi, genuai tulubage mu tulubo dao.   
\q1
\v 7 Te tobage kolesagago we bidigo sunumi pania sabo  
\q1 dao, tama augwali sę ebo usu egobeo.  
\q1 Agai te tama tibo da, te we bidigo agai  
\q2 ebo sę dabe konemainu tibo dao.   
\q1
\v 8 Tama te tama tibo sogo da,  
\q2 bulu hasa dabe augwa buluba geme duala sigi peyu,  
\q2 te augwa bede bididubo dao.   
\q1
\v 9 Te bomai wali dabe augwa pesagedu  
\q2 asobo gagalama, asobo dao.  
\q1 Tama te genuai waligo moni kedau sesebo sogo  
\q3 asobo dao.   
\q1
\v 10 God agai wali pona palobosi, te ais pedalobo dao.  
\q1 Tama te genuai wę te ais gagalama,  
\q2 tama mu dila pabo dao.   
\q1
\v 11 Agai wę hauwa te moni dagalu pǫba sabobo dao,  
\q2 tama be kulu omainu elama,  
\q1 be sele tigidali buluba pela silibo dao.   
\q1
\v 12 Godigo po obaso,  
\q2 te pǫ dabe augwali tigidali tǫ pedai  
\q3 buluba pela silibo dao,  
\q2 te agai augwaliba ya wali sę emainu.   
\q1
\v 13 Me sogo da, agai we bidigo kolesaga  
\q3 dodolomainu tagala palobo dao.  
\q1 Tama me sogo da, augwali dwagi yai sę elama,  
\q3 tau somainu ebo dao.  
\q1 Tama me sogo da, agai tǫ ma usu ilimainu te dagalu  
\q2 pǫ dabe tagala palobo dao,”  
\p Elihugo te po wai.   
\b  
\q1
\v 14 “Jop, nage dua bidiyu, olo saganama,  
\q2 tama homu kolesaga selama,  
\q1 Godigo haniani bomai sę dabe Godigo ebo sę po sao.   
\q1
\v 15 Ma, nago Godigo te dagalu pǫ dabe  
\q1 mena buluba pomainu ebo sę page koneaniwe?  
\q1 Ma, agai te be sele ula ilibo sę page nago konea sai dawe?   
\q1
\v 16 Ma, nago Godigo te pǫ dabe  
\q2 dagalude walalumainu ebo kolesaga nago  
\q3 kone dawe?  
\q1 God agai te tigidali homu kolesaga  
\q2 elaluyu, agai te dwagi dwagi yai sę dabe ebo dao.  
\q1 Tiali goli, nago te tobage homu kolesaga menio.   
\q1
\v 17 Te posolai wali te pada badu saut badu asobo si da,  
\q2 tama teda nago tigi me, ugwa dali side posolo  
\q3 genuai mu yaibao.  
\q1 Nago magi sę me elama, te wali togologobeo.   
\q1
\v 18 God agai dagalu nigilama, tama diniginai.  
\q1 Tama te dagalu te gesabidi subo nai dula  
\q2 te brasgo nigai tiwai dao.  
\q1 Mena tama tiali, nago agai te sę dabe ebo tau saibawe?   
\q1
\v 19 Ma, nage usu yali wida,  
\q2 teda nago dago Godiba wabo po ola mao.  
\q1 Magi baso meni. Dago homu kolesaga  
\q3 kuna konea pisąbaso,  
\q2 tama dago agai po tų ebode wabo po niga mubeo.   
\q1
\v 20 Ma, Godigo odali digi yaide,  
\q3 eno po aga dali elalubaso da,  
\q2 teda agai eno po wabo odaibawe?  
\q1 Teda agai eno wabo po godolo me egobeo,” wali. \f + \fr 37:20 \ft Hibru pogo te po page kuna konebeo. Me badu bidigo te homu yai, dago te po begelinao homu yali po e tiwai, “Agai eno pode moni homu egobe da,” homu yali e tiwai, “Tiyu, eno aga dali po mibaso da, te agai ena mu silabo homu idali,” te homu yalio.\f*   
\q1
\v 21 “Suama. Te waligo pǫ sela sąnama,  
\q2 tama dagalu hania elama, giliga ula genuai mu  
\q3 te ebao.  
\q1 Tama dago te giligaba tonobo usu egobeo.   
\q1
\v 22 Tama me badu pada badu not badu  
\q2 te moni ula mu dagaludu asobao.  
\q1 Agai au da, te gol masigi tiwai dao.  
\q1 Te da te God aga au te munama,  
\q1 tama genuai ula dali, moni bomo dali si te asobao.   
\q1
\v 23 Tigidali Bomo Elalubo God te ugwanu mu elalubo,  
\q2 tama da aga pąba pabo usu egobeo.  
\q1 Agai genuai bomo mu elalubo,  
\q2 tama aga doloba pai mu dao.  
\q1 Agai te po tų dodolobo sę ebode  
\q2 doloba pai kolesaga naga ebo dao.  
\q1 Tama agai da olo dali aiyaba elalugobeo.   
\q1
\v 24 Tama tibaso, we bidi agade wi ebo dao.  
\q1 Tama agai olo te bidi dabe augwaligo homugo  
\q2 augwali homu kolesaga hauwa elalubao homu  
\q2 ebode odobo menio,”  
\p Elihugo te po wai.   
\c 38  
\ms1 Genuai Bidigo Jopgo po wei ponobo po wali  
\mr (Dąį 38–39)  
\s1 Godigo nigali nai dabego Jopgo homu kolesaga edelalio  
\p
\v 1 Te Elihugo po ola silibo si, tama te Genuai Bidi te genuai tulubage dali, bomai wali dali si tomode bidiyu, tama agai po e tama wali,   
\q1
\v 2 “Jop, nago dwagi yai homu kolesaga mu menio.  
\q1 Nage mena tama bidi da weyu, nago te po dabe obawe?  
\q1 Tama nago eno yainu ebo sę dolainu ebawe?   
\q1
\v 3 Megi da, nage bidi mu tiwai dolaluao.  
\q1 Tama eno nagebolo tigidali po hanaluyu  
\q2 ebode, nago eno po wei ponagameo.   
\q1
\v 4 Eno e tǫ nigilama, aga page dąų walobode,  
\q2 nage menade bididuai dawe?  
\q1 Ma, nago te sę dabe mu koneani wida,  
\q3 nago enabolo pusao.   
\q1
\v 5 Dego mu homu kone palama, e tǫ dąį ilai dawe?  
\q1 Eno homugo te nago koneai yali bogo, ma?  
\q1 Tama dego mu usu ni kegelama, te tǫ usu sai dawe?   
\q1
\v 6 Te tǫ dąų olalubo pos ni menade dolalubowe?  
\q1 Dego mu mone masigi munama, te tǫ ugwadu tede  
\q2 nigimainu yai dawe?   
\q1
\v 7 Tama te sę ebo si da, te dagalu hǫ dabe dwagi yai  
\q3 homu pemene elama, balia po wai dao.  
\q1 Tama te ensel dabego me dwagi yai  
\q2 homu pemene elama, hae wali.”   
\b  
\q1
\v 8 “Tama te tamu wę tǫ tabidu buluba podilasąbaso,  
\q2 dego mu sunumi paliai dawe?  
\q1 Tama dego te tamu ąį aga dąį tomode  
\q3 tama elaluai dawe?   
\q1
\v 9 Te tamu wę gesi sogo pedalali sogo da,  
\q2 eno aga pǫgo mesegaluai dao,  
\q2 te aga gudubo ugwa tiwai elaluai dao.  
\q1 Tama eno te wai bǫų agai idago  
\q2 te wai bǫų ugwa gudulubo tiwai,  
\q2 te pǫgo eno aga belai dao.   
\q1
\v 10 Tama eno te tamu wę te obo yali gilama bogo badu  
\q2 eno dąį ilai dao, tama te soabo sunumi paliai dao.   
\q1
\v 11 Tama eno tamu ąįbolo e tama po walai dao,  
\q1 ‘Nago genuai wę asobo dąį  
\q2 e tama dąį yagasao,’ po wai dao.  
\q1 ‘Habu seleyu, munu me e dąį me  
\q2 bolamo,’ po wai dao.” \x * \xo 38:11 \xt Jer 5:22\x*   
\b  
\q1
\v 12 “Jop, mena tama tiali.  
\q1 Nago olo pogo obadi yaide, te be posoyu,  
\q3 ula me yai me elalubawe?  
\q1 Tama nago te be posobo sę kigamu naga  
\q2 emainu bodolu muai dawe?   
\q1
\v 13 Hulia sabo da, teda ugwago bidi  
\q2 mesega sabo tiwai elama, tǫ mesegalubadi,  
\q2 te dwai bidi dabe te hulide  
\q2 biliyu yaide dwai kolesaga ebo dao.  
\q1 Ma, me sogo nago olo po obadi, te be posolama,  
\q2 te dwai kolesaga ebo bidi dabe noma  
\q3 somainu me yai dawe?   
\q1
\v 14 Kigamu giliga nanobo ulago te hulide  
\q3 susiąma yali nai  
\q2 te kigamu ula ebogo subo dao.  
\q1 Tama dago hulia sai madi susiąma  
\q2 yali nai, te ulade subo dao.   
\q1
\v 15 Hulibo sę dabe da,  
\q2 te dwai bidi dabego be te posobao.  
\q1 Tama augwali dwagi yai homu mu elama, biliyu yaide,  
\q2 haniani dwai sę ela bilibo dao.  
\q1 Tiali goli, ulago augwaligo bomo aiyaba  
\q2 elaluama, tama augwaligo dwai sę  
\q3 tagalomainu ebo dao,” wali.   
\b  
\q1
\v 16 “Te tamu ąį dologoba pelama,  
\q2 nago te wę pedalobo madi nago suai yali bogo.  
\q1 Tama nage te pesagede bilai dawe?   
\q1
\v 17 Mena tama tialiwe?  
\q1 Nage te isai we bidi pabo madi aiyanu  
\q2 mu nage dulai yali bogo?   
\q1
\v 18 Te tǫ genuai mu elalubo.  
\q1 Te nago tigidali badu sese koneai dawe?  
\q1 Ma, nago koneani wida, enabolo pusao,” wali.   
\b  
\q1
\v 19 “Te ula page buluba pabo sunumi nago koneai dawe?  
\q1 Tama te huli sesabigo bulu menade mu elalubowe?   
\q1
\v 20 Tama nago ena te ula dali,  
\q2 hulia sabo dali si wali pelama,  
\q2 pabo sunumi nago enabolo ola mawaibawe?   
\q1
\v 21 Jop, nage monu dabe mu da.  
\q1 Tama nago ena te nai sigo bulu ola mawaiba.  
\q1 Magi baso meni.  
\q1 Eno te ula dali, huli sesabi dali si nigisąma ebadi,  
\q2 naga idago nage ame nai yali bogo, agawe?”   
\b  
\q1
\v 22 “Mena tama tiali nago te ais dali,  
\q2 te talua ge tulubage ais si sabodubo  
\q2 pesage nago suai yali bogo, agawe?   
\q1
\v 23 Eno te nai dabe hagea selama  
\q3 muani naigote dwai kolesaga elama,  
\q2 gasa bidi dabe dali wąbi hwįbo gagalobo bidi dabe  
\q2 tigide dene ilimainu yai da.   
\q1
\v 24 Te be sele ula pedalama,  
\q1 tama te tedela pabo sunumi page menade elalubowe?  
\q1 Tama me te giliga asobo badu wali  
\q2 asobo sunumi menade elalubowe?   
\q1
\v 25 Dego te dagalude wę gamia nigilama,  
\q2 tama te tulubage dabego wali pelama,  
\q3 e tǫba tudulalumainu ebo dawe?  
\q1 Tama dego mu te tulubage tulubode  
\q2 be sele ebo te ulago wali pelama,  
\q2 tedela pomainu yali sunumi dego mu nigai dawe?   
\q1
\v 26 Dego mu te bidi meni yai bulu tǫ  
\q2 wa pai madi tulubage tulumainu ebo dawe?   
\q1
\v 27 Hasia te tǫde ni dali, nosai dabe dali holisiąbadi,  
\q2 tiali goli tulubagego te tǫ usu nama,  
\q1 te nosai dabe hauwa mu holai dao,” wai.   
\q1
\v 28 “Mena tama tialiwe?  
\q1 Te tulubo tulubage te aya me deli elalubawe?  
\q1 Te hulide ąį segeni ebo tulubagego aya bidibawe?   
\q1
\v 29 Tama te tǫde pedalubo ais dali,  
\q2 talua ge tulubage ais sigo ida de dawe?   
\q1
\v 30 Augwali te kedau sogo pedaluyu,  
\q2 tama te wę dabe masigi yali gilama dila pelama,  
\q2 te tamu ąį mesegelebo dao.  
\q1 Awe, te sigi ąį ugwadu dai te dila pabo dao,” wali.   
\b  
\q1
\v 31 “Jop, nago te hǫ hani me deli sisinama,  
\q2 tama te dagalude deliba sisinama dąų walaibawe?  
\q1 Tama nago te hǫ hani me deligo bono pįsįganama,  
\q2 tama te hǫ dabe tedela pomainu  
\q3 yaibawe? \x * \xo 38:31 \xt Jop 9:9; Amo 5:8\x*   
\q1
\v 32 Mena tama tialiwe?  
\q1 Nago te hǫ dabe augwali sunumi ola menama,  
\q1 tama te kibu bede mena sogo pedaluyu emainu  
\q1 waibawe?   
\q1
\v 33 Nago te dagalude hǫ dabego wali pabo  
\q2 bomai po page nago konealubadi bogo, agawe?  
\q1 Nago te tǫde nai dabego me  
\q3 te po wali pomainu yaibawe?”  
\q1 Godigo Jopbolo te po hanalu wali.   
\b  
\q1
\v 34 “Tama nago moni dągą olama, te pǫ dabego odama,  
\q2 tama te moni tulubage nageba gelemainu yaibawe?   
\q1
\v 35 Tama nago te be selebolo nago  
\q2 gasa madi me pao wabo si da,  
\q1 teda te be sele ulago nagebolo e tama po waibao,  
\q1 ‘Eno nago sę yabo naga eno tonalubao,’  
\q2 po waibao, agawe?   
\q1
\v 36 Dego mu te bobobage dogoni yai  
\q2 bago te tama wę bole asaiba po omainu  
\q3 dego kolesaga mawai dawe?  
\q1 Tama dego te gogolo ba dabebolo be posobode  
\q2 po omainu dego kolesaga mawai dawe?   
\q1
\v 37 Dego homu kolesaga mu te pǫ dabe nedebo  
\q3 usu yaibawe?  
\q1 Te pǫ dabe da, te sene wę tiwai te dagalude elalubao.  
\q1 Tama dego augwali gea palama,  
\q2 te tulubage tulumainu yaibawe?   
\q1
\v 38 Tama dego te tǫ hogomu pu aiyana pelama,  
\q2 tǫ ma dila pomainu ebo dawe?”  
\p Godigo Jopbolo te po hanalu wali.   
\s1 Dego te bulu hasa dali, ba dabe dali sibolo kolesaga mawai dawe?  
\q1
\v 39-40 Tama Genuai Bidi agai po genina ma weyu,  
\q2 e tama wali, “Jop, mena tama tialiwe?  
\q1 Te nago te bulu hasa dabe te laion yowi te tǫ dedagede,  
\q2 me te bulu sesawai madi  
\q2 geme dualubo madi pąba asomainu elama,  
\q1 te laion yowi dabego ela tumainu ebaso,  
\q1 te augwa nasi ebo silimainu ebo da, agawe?   
\q1
\v 41 Tama te sisi yai kotkot ba dabe tuabo nai  
\q3 menia sobaso,  
\q2 tama nai gege bilibadi yaide,  
\q2 tama augwa wai dabe ena Godiba nai sainu  
\q3 hanalubadi,  
\q2 tama dego mu augwali nai mabo dawe?” te po wali.   
\c 39  
\q1
\v 1 “Jop, odao. Nago koneaniwe?  
\q1 Te bulu dulude bidibo meme kibugo wai ame  
\q1 nabo sogo nago koneai dawe?  
\q1 Tama me nago te hasa dia dabego wai  
\q2 ame nabo nago subo dawe?   
\q1
\v 2-3 Tama nisu naga polua  
\q2 te meme kibu dali, te dia hasa dali sigo  
\q2 wai augwa idago haligade bidibo, te nago  
\q2 koneaniwe?  
\q1 Tama nago koneani bogo, nisu te hasa ida dabego  
\q2 bogoli si sugunama, wai saibawe?   
\q1
\v 4 Tama te wai dabe augwa ida dabe dali  
\q2 buside me kala silide bidaibao.  
\q1 Tama augwali genuai elama, bomo ebo dao.  
\q1 Tama augwali genuai polo ela sabo si da,  
\q2 teda augwa ida taga peyu, mu tama pabo dao.  
\q1 Tama augwali ma asobo menio,” wali.   
\b  
\q1
\v 5 “Dego mu te bulu donki dabe bono pįsįgina palobaso,  
\q2 busiba subigila pomainu yai dawe?   
\q1
\v 6 Eno augwalibolo wa pai bulu, me doloba pai bulu,  
\q2 tama tamu elalubo bulu mawai dao.  
\q1 Tama augwa bulude bidibo ąǫ yaibao.   
\q1
\v 7 Te bulu donki dabe augwaligo koneani.  
\q1 Augwali hanude bidibaso da,  
\q2 teda bidi dabego augwali bono gebelama,  
\q2 tama augwaligo sę emainu hąe weyu yaibao.  
\q1 Tama tibaso, augwaligo te hanude wabo po dabe  
\q2 me kilikili wabo odogobeo.  
\q1 Te tudi ola mawaibao.   
\q1
\v 8 Tama augwali te bulu dude biliyu,  
\q2 augwa tuabo nai te nosai dabe,  
\q1 ni yabe dabe tama gege biliyu, bilaibao,” wali.   
\b  
\q1
\v 9 “Jop, nage de dawe?  
\q1 Te bulu kau kibu omaigo nago sę yaibawe?  
\q1 Tama hulide nago kau kibugo beba piagasaibawe?   
\q1
\v 10 Nago aga haliga gebelama,  
\q2 tama agai nago gi tǫ elebo masin  
\q2 kegasa bilimainu yaibawe? Tega?   
\q1
\v 11 Nago koneani, agai bomo genuai mu elalubo.  
\q1 Tama tibaso, nago homugo agai nage tau selama,  
\q2 nago genuai sę yaiba eyuwe?   
\q1
\v 12 Tama nago homugo agai nago wit nai giba pelama,  
\q2 tama te wit nai inayali sela aselama,  
\q2 te wit nai yabe dali, bo dali sela sąyao po waibawe?   
\q1
\v 13 Te tǫli tiwai genuai ba \f + \fr 39:13 \ft Te Jop bidali bulude bidibo hasa kebi tiwai bago ebo kolesaga te tedali gasagi yai, te dago bulude bidibo hasa kebi kolesaga tiwai si page me elalubeo.\f* dabe  
\q3 dwagi yai homu ebo sogo da,  
\q2 te augwa bogo memenege ebo dao.  
\q1 Tiali goli, augwaligo te bobobage  
\q2 dogoni bago ebo gilama,  
\q3 augwali augwa wai dabe dali  
\q3 dwagi yai sę ilibo menio.   
\q1
\v 14 Te tǫli tiwai genuai ba dabe  
\q3 augwa ge tǫde mubo dao, tama tagalobo dao.  
\q1 Tama tǫ posologo te ge posolo ilimainu ebo dao.   
\q1
\v 15 Augwaligo augwa ge godolo me ebo menio.  
\q1 Tiyu, bidigo me, bulu hasago me  
\q2 te ge dabe agawaibao homu egobeo.   
\q1
\v 16 Te tǫli tiwai ba dabe augwa wai  
\q2 ma gasa bago wai tonobo ąǫ ebo dao.  
\q1 Tama augwaligo augwalide dwagi yai  
\q2 kolesaga me ebo menio.  
\q1 Augwa gǫų dolobaso, augwa ge odolali saganai dao  
\q3 homu me ebo menio.  
\q1 Augwa ge subigila sąsągano bilibo sę sabilibo dao.   
\q1
\v 17 Augwaligo tama tibo da. Magi baso meni.  
\q1 Eno augwali dwagi yai kolesaga me mawai menio.   
\q1
\v 18 Tiali goli, te tǫli tiwai ba dabe hodaluama,  
\q2 pabo si da, augwali bomonama mu udabo dao.  
\q1 Tama augwaligo bogo memenege genuai mu ebo dao.  
\q1 Tama udada peyu, augwaligo kibu hosde  
\q1 dualasa pabo bidi dabe geanobo dao,” wali.   
\b  
\q1
\v 19 “Jop, nago magi sę ebo usugowe?  
\q1 Nago te hos dabe bomo mabo dawe? \f + \fr 39:19 \ft Te ves 19-25 tede te ami bidi dabego te dualasa peyu, te boi hwįgi pabo kibu nogi hos dabede wali po page te vesde elalubo suao.\f*  
\q1 Tama nago agai bobobage pedu nisi muai dawe?   
\q1
\v 20 Naga homugo te hos digibulu samanobo  
\q2 te mano yali gilama emainu naga digi nigilai dawe?  
\b  
\q2 Tega? Te hos dabego ga wabo bomonama mu  
\q3 wabo dao.  
\q1 Tama augwaligo ga wabogo we bidi dabe wi ilibo dao.   
\q1
\v 21 Te hos dabe augwaligo genuai bomo  
\q2 elalubode augwali pemene elama,  
\q3 augwali sasamano peyu,  
\q2 te augwa nogo sągą pidibu waibao.  
\q1 Tama augwali hwį yainogo bomonama mu udabo dao.   
\q1
\v 22 Te hos dabe augwali magi naide me  
\q3 wi elama, noma sabo menio.  
\q1 Te wąbi hwįbo genuai u badi me augwali  
\q3 wi me soabo menio, te wąbi hwįbode.   
\q1
\v 23 Augwaligo te ami bidi augwali tigide  
\q3 dulalumainu ebo dao.  
\q1 Tama augwali udabo sogo da,  
\q2 te hwįbo bidi dabego ene beledi kidagalo wabo dao.  
\q1 Tama te ami bidigo sesemone ene poa pali da,  
\q2 te giligade ula ebo dao.   
\q1
\v 24 Te hos dabego bu wabo odobo si da,  
\q2 augwali dua me bidibo menio. Mu meni.  
\q1 Augwaligo haliga tigi hodaluama,  
\q2 tama hwįgi pabo homu naga ebo dao.  
\q1 Tama augwali bomonama mu udabo dao.   
\q1
\v 25 Tama augwaligo bu wabo  
\q2 odobo si da, augwaligo ga wabo dao.  
\q1 Augwali te wąbi hwįbo digibulu elalubadi digi,  
\q1 augwaligo denami bolo odobo dao, te wąbi hwįbo  
\q1 denami.  
\q1 Tama augwaligo te ami ofisago i hae,  
\q2 te aga ami bidibolo wabo pode  
\q2 moni wąbi hwįmainu hae wabo po odobo dao,” wali.   
\b  
\q1
\v 26 “Jop, eno homugo nago  
\q2 te ba kemodagego ebo kolesagaba  
\q3 homu kolesaga muani bogo,  
\q2 tama augwali te dolo nogo badu poloba  
\q3 bola pabo dawe?   
\q1
\v 27 Teda nago digi te po wabode te ba bunutogobo dabe  
\q1 augwaligo be te bulu duba sę igi pabo dawe? Tega?   
\q1
\v 28 Augwali te bulu duba bidigi pelama,  
\q2 tama augwaligo be te masigi dabe yai madi,  
\q2 me bulu dwai madi augwaligo be sę igi pabo dao.  
\q1 Te tobage bulu da, augwaligo dwagi yai  
\q3 dualalubo bulu tiwai dao.   
\q1
\v 29 Augwali augwa bede dulaluyu,  
\q2 te hasa dabe gedu gegebo dao.  
\q1 Tama hasa digibulu bidibo me tagala,  
\q3 augwaligo subo dao.   
\q1
\v 30 Te bunutogobo gamigo gǫųgo  
\q2 te bulu hasago kaneme tubo godolo mu ebo dao.  
\q1 Tama wąbi hwįnama, bidi me isai tigi pulu tede  
\q3 munalubaso da, te kemodage sibi teba  
\q3 sisinagasabo dao,”  
\p God Genuai Bidigo te po Jopbolo wali.   
\c 40  
\p
\v 1 Tama Genuai Bidigo Jop e tama po hanalu wali,   
\q1
\v 2 “Jop, nago pogo ena dali hwįbo tiwai walio.  
\q1 Ena da, Tigidali Bomo Elalubo God dao.  
\q1 Tama nago ena po tų ela manio.  
\q1 Tama megi da, eno nago eno po  
\q2 wei ponomainu agebele e ilibao.  
\q1 Nago wei ponobo usu yaibawe?  
\q2 Ma, meni yaibawe?”  
\p Godigo te po wai.   
\ms1 Jopgo po Godiba wali  
\mr (Dąį 40:3-5)  
\s1 Jopgo Godigo hanalubo po wei ponobo usu egobeo po wali  
\p
\v 3 Tama Jopgo Godigo po wei ponoyu, e tama wali,   
\q1
\v 4 “Genuai Bidi, ena dolama, tama ena olo nai dao.  
\q1 Mena tama tilama, eno nago po wei ponaibawe?  
\q2 Ena nogogo pedauwali pania saibao.   
\q1
\v 5 Eno po hauwa mu wai dao.  
\q1 Tama tibaso, eno nago po wei ponoyu,  
\q2 po ma wagobeo,” wali.   
\ms1 Godigo po me ma Jopba wali  
\mr (Dąį 40:6–41:34)  
\s1 Godigo Jopbolo haniani sę ebode po hanalu wali  
\p
\v 6 Tama te Genuai Bidi te moni wali dali, tulubage dali side bidiyu yai, Jopgo po wei e tama ponani.   
\b  
\q1
\v 7 “Nage bidi mu tiwai tama dolaluao.  
\q2 Tama eno nagebolo haniani nai po hanalu waibao,  
\q2 tama nago eno hanalubo po wei ponao.   
\q1
\v 8 Nago po bomonama, e tama wali,  
\q2 nago tigidali kolesaga dolo dao, po wali.  
\q1 Tiali goli, nago ena magi baso po tų ela maniwe?  
\q1 Tama nago magi baso eno doloba pai  
\q2 kolesaga ebeo po waliwe?   
\q1
\v 9 Te nago bomo genuai mu eno bomo tiwai tama dawe?  
\q1 Eno i wabo da, te be kulu wabo tiwai tama wabo dao.  
\q1 Nago me eno te ebo tiwai yaibawe?” wali.   
\b  
\q1
\v 10 “Ma, nago usu yaiba homu ebaso da,  
\q3 teda nago ena hasegelama,  
\q1 tama dwagi dwagi yai au ugwa selama,  
\q2 tama genuai nogi dali, bomo dali si selama,  
\q2 tama nage te we bidigo gedude ugwade  
\q3 mu bidagameo.   
\q1
\v 11 Tama nago te bidi dabego dwai kolesaga ebo sulama,  
\q2 tama augwa nogi ugwaba sobaso da,  
\q2 teda nago sębę genuai mu elama,  
\q1 augwali aiyaba mu elaluagameo.   
\q1
\v 12 Awe. Nago dwai kolesaga ebo bidi dabe sulama,  
\q2 tama augwali aiyaba elaluao.  
\q1 Tama nago dwai kolesaga ebo bidi  
\q2 augwa bidibo bulude sągągo agayagameo.   
\q1
\v 13 Tama nago te bidi dabe tǫgo mesegelebaso,  
\q2 tama gasa we bidigo augwali me sugobeo.   
\q1
\v 14 Ma, nago te sę dabe eyu da,  
\q3 teda eno nago nogi ugwaba siyu, e po waibao,  
\q1 ‘Nago bomogo digi naga te dwai kolesaga ebo we bidi  
\q3 aiyaba mu elaluama,  
\q2 tama nago augwali mu silai dao,’ po waibao,”  
\p Genuai Bidigo te po wai.   
\s1 God agaduba deligo naga te bomai hasa hipopotamus tonaluaibao  
\p
\v 15 Tama Genuai Bidi agai po genina ma weyu,  
\q2 e tama po wali, “Jop, nage pelama,  
\q2 te hasa augwaligo hipopotamus wabo hasa sugi pao.  
\q1 Ena digi augwali nigiyu, nage tama nigiyu tama yai dao.  
\q1 Te hipopotamus augwaligo kau kibugo  
\q2 yali gilama nosai dabe tubo dao.   
\q1
\v 16 Te hasa hipopotamusgo tigi genuai mu elama,  
\q2 tama augwaligo bomo genuai mu elalubao.  
\q1 Te augwaligo tabi dali, tudi dali si me  
\q2 bomo genuai mu elalubao.   
\q1
\v 17 Augwaligo danu te ni bǫ tiwai dila pai dolalubo dao.  
\q1 Tama augwaligo sągą boma pai mu dao.   
\q1
\v 18 Agai dili da, te augwaligo te dila pai bras o aingo  
\q3 nigai paip tiwai dao.  
\q1 Tama agai nogo sągą te genuai ain tiwai dao.   
\q1
\v 19 Te hasa hipopotamus te tigidali hasa  
\q2 ena God eno nigali hasago tobolu bidi dao.  
\q1 Awe. Enaduba deli naga augwali nigai dao.  
\q1 Tama enaduba naga agai bomo aiyaba elalubo  
\q3 usu yaibao.   
\q1
\v 20 Te hasa hipopotamusgo tubo nosai dabe da,  
\q1 te dwasianu bulu dude dabe holobo dao,  
\q2 te bulu hasa dabe bilalubo digi.   
\q1
\v 21 Te hasa hipopotamus te dwasianu ni  
\q2 sesane yai ni pagede piyu ebo dao.  
\q1 Tama pu ąįde dologode geme duala sabo dao.   
\q1
\v 22 Tama augwali te dwasianu ni  
\q2 wę sesegede elalubo ni dologode dualaluyu,  
\q2 bugagia toma tubo dao.   
\q1
\v 23 Tama te moni wę asobo sogo da,  
\q2 augwali wi munu me ebo menio.  
\q1 Tagala te wę aselama, augwaligo penaneba sabalobadi,  
\q2 me augwali homu nagamea pelama, bidibo dao.   
\q1
\v 24 Tama augwali no munalubadi da,  
\q2 dego mu augwali touwaibawe?  
\q1 Tama dego augwaligo guni pololama,  
\q2 augwali bono gebelama kegaibawe? Bidi menio,”  
\q3 wali.   
\c 41  
\s1 Te hasa pukpuk te tigidali hasa dabego tuni bidi tiwai bidali  
\p
\v 1 Tama Genuai Bidigo po genina ma weyu, e tama po wali,  
\q1 “Jop, mena tama tiali nago huk sąnama,  
\q2 te genuai hasa pukpuk sela tuaibawe?  
\q1 Tama nago augwaligo hamena nago  
\q2 haligago gebelebo usu yaibawe?\x * \xo 41:1 \xt Tib 74:14; 104:26; Ais 27:1\x*   
\q1
\v 2 Nago agai hamenade dedage nigilama,  
\q2 tama haliga gebelama, kegasa paibawe?  
\q1 Tama nago agai penanede hukugo kęaibawe?   
\q1
\v 3 Nago homu mena tama tibowe?  
\q1 Ma, nago aga toubo si da,  
\q2 teda agai nagebolo aga hobede ya po olama,  
\q2 tama aga tagala palao po waibawe?  
\q1 Agai nagebolo po dua mu dwagi yai pogo waibawe?  
\q2 Tega?   
\q1
\v 4 Agai nage dali po mia siyu,  
\q2 tama dage sigo deli homu eyu yaibawe?  
\q1 Tama aga nage dali bidiyu, nago sę  
\q2 bugagia tigidali sogo yaibawe?   
\q1
\v 5 Nago aga dali naga te negebo ba dali  
\q2 gagali ebo tiwai yaibawe?  
\q1 Ma, nago dwasianu bonode gebelama,  
\q2 naga wegimanigo kegasa bilimainu yaibawe?   
\q1
\v 6 Tama eno homugo te bisnis sę ebo bidi dabego da  
\q2 mone sainu po bomo yaibawe?  
\q1 Tama augwaligo te hasa pukpuk tologolama,  
\q3 denege minama,  
\q2 tama mone sainu maketiba sela paibawe? Tega?   
\q1
\v 7 Tama nago hauwa mu aga tigiba me toboluba  
\q2 nago sesemone hauwa mu enaibawe?   
\q1
\v 8 Polo be da nago nogo agaba munama,  
\q2 tama nago agai bomo usu siyu da,  
\q2 teda agai nage dali hwįbo genuai mu yaibao.  
\q1 Tama nago te wąbi hwįali homugo me gegeda pogobeo.  
\q1 Tama nago tama ma tigobeo,” wali.   
\b  
\q1
\v 9 “Ma, nago te genuai pukpuk dąų olama,  
\q3 tolaluabo homu ebaso da,  
\q2 teda nago te ebo homu mu gegeda palao.  
\q1 Magi baso meni. Ma, nago aga suyu da,  
\q2 teda nago dili tigidali didibila pelama,  
\q2 noma selama, tama nago bomo tigidali pela silaibao.   
\q1
\v 10 Te pukpuk pila mubadi hodolama,  
\q2 wąbi hwįbode aga aiyaba elaluabo bidi me menio.  
\q1 Tama te tiwai bidi meni baso da,  
\q2 teda dego ena edelebo usu yaibawe?   
\q1
\v 11 Te tigidali nai e tǫde elalubo nai dabe da,  
\q2 eno nai dabe naga dao.  
\q1 Tama dego mu ena dali usu si elama,  
\q2 tama eno bomo aiyaba elaluama,  
\q2 tama enabolo aga nai me mao  
\q3 po wabo usugowe?” \x * \xo 41:11 \xt Rom 11:35\x*   
\p
\v 12 “Tama megi da, eno nagebolo waibao,  
\q2 te genuai pukpuk mena tiwaiwe,  
\q2 me agai bomo dali si po nagebolo pusaibao.  
\q1 Tama me ma, agai dwagi yai tigiwali po waibao.   
\q1
\v 13 Dego mu agai tigi abolo sela sąwaibawe?  
\q1 Tama de mu agai bomai penane pageba paibawe?   
\q1
\v 14 Agai penanede kele moni bage hauwa mu elalubo.  
\q1 Tama bidi dabe wi te kele dabede ebo dao.  
\q1 Tama tibaso, dego mu agai penane pedegaibawe?   
\q1
\v 15 Te hasa aga abolo boma pai elalubo dao.  
\q1 Tama te abolo dąų dąų mu olama,  
\q2 aga tigi dąų walama mu elalubo dao.   
\q1
\v 16 Te abolo dabe dąų mu olama,  
\q2 tama te abolo dabe tomode te agebele mu menio.   
\q1
\v 17 Augwali dąų mu ola sai madi, te magi nai mego  
\q2 agai abolo dagagobeo,” wali.   
\b  
\q1
\v 18 “Te aga sosogo wabo si da,  
\q2 te isi ula agai gunidu pedalama,  
\q3 subigila dobola palobo dao.  
\q1 Tama agai gedu ula te kigamu giliga  
\q2 pedalobo tiwai tama ebo dao.   
\q1
\v 19 Isi agai keledu pedalama,  
\q2 tama dwasianu isi subigila bola pabo dao.   
\q1
\v 20 Tama agai gunidu hano  
\q3 te sene iside nai ulai mobo tiwai tama ebo dao.   
\q1
\v 21 Tama agai kele ą wabo si da,  
\q2 agai mobogo isi dala sabo dao.  
\q1 Tama isi agai keledu buluba asobo dao,” wali.   
\b  
\q1
\v 22 “Agai mage dila pai mu dao.  
\q1 Tama bidi dabego aga subo si da,  
\q2 augwali wi genuai mu ebo dao.   
\q1
\v 23 Agai tigiwali me badu aga tigi meba dąų ola selama,  
\q2 tama munu me kilasa pabo menio. Mu menio.   
\q1
\v 24 Agai homugo magi nai wi me ebo menio.  
\q1 Aga hagawia da, te dila pai mu elalubo dao,  
\q2 te dilai masigi tiwai dao,  
\q2 te wit nai ge mimibo masigi tiwai dao,” wali.   
\b  
\q1
\v 25 “Aga hogodama, doligilubo si da,  
\q2 teda te bomai tuni bidi dabe augwali  
\q3 wi genuai mu ebo dao.  
\q1 Tama augwaligo agai wę bogoų wabo odobo si da,  
\q2 teda augwaligo homu dąų ola selama,  
\q2 magi sę me yabo homu ebo menio.   
\q1
\v 26 Tagala dagego hwągo elebadi,  
\q3 me te genuai sesemonego,  
\q3 dwasianu enego me enebadi me,  
\q2 tama te nai dabego aga me dologobeo.   
\q1
\v 27 Tama agai augwali tonobo da, olo nai tonobo  
\q3 ąǫ yaibao.  
\q1 Agai ain tonobo da, te kala sasi yai tiwai tonobo dao,  
\q2 me te kapa bras tonobo da,  
\q2 te ni mobi tiwai tonobo ąǫ ebo dao.   
\q1
\v 28 Te bidi dabego ene selama,  
\q2 aga ene badi, aga wi me pogobeo.  
\q1 Ma, te bidi dabego katapul selama,  
\q3 masigi waigo aga enebaso da,  
\q2 teda agai tigiba olo ni yabe sasi aga  
\q3 tigiba tulalubo ąǫ yaibao.   
\q1
\v 29 Te hwįbo wąbi tonobo da,  
\q2 te olo nosai sasi tiwai agai tonobo ąǫ ebo dao.  
\q1 Tama agai bobobage sesemone kę wabo  
\q2 odobo si da, aga wi me egobeo.  
\q1 Te da olo nai dabe dao, wabo dao,” te po wali.   
\b  
\q1
\v 30 “Te moni pukpukgo tabide  
\q2 elalubo abolo da, mu poa pai mu dao,  
\q3 tǫ sene pepeda pai tiwai dao.  
\q1 Tama aga pu aiyana pai madi pabo sogo da,  
\q2 te tigi abologo te tǫde dwasianu wę gamia  
\q3 nigibo dao.   
\q1
\v 31 Tama aga tamu wę tomode bilibo sogo da,  
\q2 te tamu ąį bugua sąsą paibao.   
\q1
\v 32 Tama aga te pali sunumi da, te wę tedela mu elama,  
\q2 te monu dabego ili nisi tonobo ąǫ ebo dao.   
\q1
\v 33 Te genuai pukpuk magi nai mede wi me ebo menio.  
\q1 Te gasa hasa dabe te aga tiwai me menio. Mu meni.   
\q1
\v 34 Agai gasa hasa dabe genuai nogi elalubo sali goli,  
\q2 agai augwali olo nai tonobo ąǫ ebo dao.  
\q1 Augwaligo augwa nogi ugwaba sobadi me, tagalao.  
\q2 Aga te aga tuni bidi tiwai bidibo dao,”  
\p Genuai Bidi Godigo Jopbolo te po wali.   
\c 42  
\ms1 Jopgo Genuai Bidigo po wei ponani  
\mr (Dąį 42:1-6)  
\s1 Jop aga hale elama, homu begelali  
\p
\v 1 Tama Jopgo Genuai Bidigo po wei ponoyu, e tama po wali,   
\q1
\v 2 “Genuai Bidi, megi da eno koneanio.  
\q1 Nagaduba deli naga tigidali sę ebo usu yaibao.  
\q1 Tama nago magi sę me yainu yali da,  
\q2 teda nage magi nai mego nage dąų me wagobeo.   
\q1
\v 3 Nago enabolo e tama hanalu walio,  
\q1 ‘Te nage de dawe, tama nago eno  
\q2 sę yainu ebadi panilaibawe?’  
\q1 Nago te po wali. Hobede mu dao.  
\q1 Eno haniani dwai dwai po olama dolali,  
\q2 te ena digi te po page konesiąma  
\q3 yali po subigila wai dao.  
\q1 Te gasa nai dabe po eno wali da,  
\q2 tego eno homu kolesaga  
\q3 edelai mu dao,” wali. \x * \xo 42:3 \xt Jop 38:2\x*   
\q1
\v 4 “Me ma, nago enabolo e tama po wali,  
\q1 ‘Jop, nago olo sagana munama, eno po bugagia odao.  
\q1 Tama eno nagebolo haniani po hanaluama,  
\q2 tama eno hanalubo po wei ponao,’ te po wali.\x * \xo 42:4 \xt Jop 38:3\x*   
\q1
\v 5 Genuai Bidi, polobadu da, eno olo bidi dabego  
\q2 po naga odama, tama nage koneai dao.  
\q1 Tiali goli, megi da, eno nage ena gedugo mu te subao.   
\q1
\v 6 Tama tibaso, eno digi ena wali pode hale mu te ebao.  
\q1 Tama eno te po wali pode ge neyu,  
\q2 ena tǫ hogomude me kelide dualalubao.  
\q1 Te nagebolo ena homu begelalio olama,  
\q2 te ola mayu, tama tibao.”  
\p Jopgo Genuai Bidibolo te po wali.   
\ms1 Genuai Bidigo po Jopgo abagi dabeba wali  
\mr (Dąį 42:7-9)  
\s1 Genuai Bidigo Jopgo abagi sela sesananio  
\p
\v 7 Genuai Bidigo Jop dali po ola silama, agai Elifas te hanu Teman bidibolo e tama wali, “Eno nage dali, naga abagi si dali sębę eyu, wado po e obao. Magi baso menio. Dagego eno ebo sę po dolo mu pusubeo, te eno sę bidi Jopgo pusali yali gilama.  
\v 8 Tama tibaso, dagego kau kibu omai nogo a naga, me badu si sobadi, kibu sipsip a naga, me badu si sobadi, tama elama, tama eno sę bidi Jop pageba sela pao. Tama dagego augwali elama, tama ofa nai iside sese tama ulao. Tama Jopgo enabolo gedu haluasa po olama, tama eno dage dolabo homu yali tagalaibao. Teda eno agai gedu haluasa po wabo odaibao. Tama eno dagego te wali dwai po dabe usu nama, dagebolo dene me magobeo. Magi baso meni. Dagego eno ebo sę po dolo pusubeo, te eno sę bidi Jopgo pusali yali gilama,” Genuai Bidigo Elifasbolo wali.   
\p
\v 9 Tama Genuai Bidigo te po obaso, te bidi Elifas te hanu Tema bidi, me te Bildat te bulu Suha bidi, me Sofar te bulu Nama bidi, augwali hogodasa pelama, te Genuai Bidigo wali po wali palio. Tama Genuai Bidigo Jopgo gedu haluasa po odama, augwali dene mabeo.   
\ms1 Godigo Jopba wiegi yai sę mu ilalio  
\mr (Dąį 42:10-17)  
\p
\v 10 Te bidi Jopgo aga abagi dabe tau somainu gedu haluasa po ola silama, nosali da, Genuai Bidigo aga bugagia ma bidimainu ma ilalio. Genuai Bidigo Jop nai hauwa bage mu manio, te agai polobadu elaluali nai dali si daganama sali. \x * \xo 42:10 \xt Jop 1:1-3\x*  
\v 11 Tama te bidi Jop aga ama, me aga abe dabe, me aga polobadu abagi dabego Jopgo beba aselama, agai beba nai tuagasalio. Augwaligo agabolo pedelali sę dabe homu kone palama, tama augwaligo aga hobedeo po olama, agai tabi tigi dąų walalio. Tama tigidali augwali deli deligo aga silva mone ge me deli dali, te golgo nigali nogode mubo ring dali, manio.   
\p
\v 12 Tede gagalasa, Genuai Bidigo te bidi Jop dali dwagi yai sę hauwa mu yalio. Tama aga sabi simanobo sogo bidali da, aga hasia bidali kibu be edelama, mu bidalio. Tama te bidi Jopgo 14,000 sipsip kibu, me 6,000 kibu kamel, me 2,000 bulmakau kibu, tama 1,000 donki kibu so pedelama, elaluali.  
\v 13 Tama te bidi Jopgo ogwa nogo a naga olama, me badu nogo si, wegi sela tama ma ame nanio.  
\v 14 Tama agai gomunai wegi nogi e tama poali, Jemima, tama tomo wegi nogi Kesia, tama sabi wegi nogi Kerenhapuk polali.  
\v 15 Tama te wegimani da, mu sawi mu yai wegi naga dao. Tama te bulude te wegimani sawi yali tiwai mu meni yai dao. Tama te bidi Jopgo aga ogomanibolo doado bage dabe dobalobo sogo da, teda agai te wegimanibolo meba me dobayalio.   
\p
\v 16 Tama te bidi Jopgo te sęge sę silibo si nosali da, aga kibu be 140 bidama, tama aga wai dabego wai dabe sese suali. Tama augwa wai dabe dali, aga wai dabego wai dali suali.  
\v 17 Tama Jop bugagia bidama, tama aga monu dabe mu elama, tama aga isali.