\id ISA - Dadibi NT [mps] -Papua New Guinea 2001 (DBL 2014) 
\h Profet Aisaiago Po Asęai Buku 
\toc1 Profet Aisaiago Po Asęai Buku 
\toc2 Aisaia 
\toc3 Ais 
\mt1 Profet Aisaiago Po Asęai Buku  
\imt1 Hasia nedebo tau sabo po  
\ip Aisaia te profet me deli te Jerusalemde bidali sogo, te Asiria dabego te kantri tǫ Israel te not badu bidali hani dolainu yali, tama pąde augwaligo te saut badu bidali Juda dabe me dolagasainu yali. (Te sę yali po te buku 2 King, Dąį 17, tede suao.) Dago te buku Aisaia sela badu pedaiba pedebaso, usu da. (1) Dąį 1-39. Tede elalubo po e tiwai dao. Aisaiago te asęani po te Asiria ami bidi dabe te pąba yagaselama, te augwaligo Juda hani dolainu ebo sogo te po Aisaiago asęani. Aisaiago agade digi po bega selama, dwasianu po pusali te po te Dąį 1-12 tede elalubao.  
\ip Juda we bidi hauwa te sogo augwali wi umagi mu yali, tama Aisaiago po augwaliba te pedalubo sęgęde po page bula selama, pusalio. Agai te tiwai po wali, te sę pedalubo da, te Asiria dabego homude niga selama ebeo. Menio. Te page Juda dabe augwade digi elalubao, magi baso meni, augwaligo God tudiba muanio, tama tibaso, Godigo augwaliba te dene mabo sę yaibao, wali. Aisaiago po hanilama pusuyu, te tiwai po wali, te Juda hani dabe augwa gegunai bidi dabe dali, augwali te Genuai Bidigo po dologoba pelama, te doloba pai kolesaga naga wali piąo, wali. Augwaligo te tiwai kolesaga ebaso, te augwali bugagia bidaibao. Tiali goli, augwaligo te tiwai dwai kolesaga me wali pidubaso da, teda Godigo augwali dolaibao.  
\ip Aisaiago po dąų wabo po pusuyu, te tama po wali, te nosali wiegi yai sogo me pedelaibao, wali. Te king Devitde bulali wąį nǫų me delide te king pedelama, te tigidali we bidi bidibo page wiegi yai pemenede bidaibao po wali.  
\ip (2) Dąį 40-55. Tede e tiwai po wai elalubao. Te buku pedai badu wali po, te Juda dabe te Babilonde kalabusi bidali sogo wali po, te sę yali po te bobage sogo bidilama, te buku hasia pedai badu te po wai. Te Juda dabe haliga sęgę elalubadi, tama profetgo te po hanilama pusuyu, te augwali wiegi yai pemene elama bidabo sogo pedelabo po pusalio. God aga te tigidali nai nigali aga Aya dao, tama agai te king Sairus te kantri tǫ pedai Persia bidi dąį ilali, te agai sę emainogo, tama te Juda dabe augwa page buluba ma pomainogo yali. Te boi bidi dabego augwa buludu te gasa digibulu buluba odasa solama, bidigi soali, tiali goli Godigo augwali homu kone ebo gegeda palobeo. Menio. Agai augwali dali polobadu dąų wali bomo yai pode homu kone me elaludalio. Tama me profetgo te tama po me wali, te Israel dabego nogode Godigo te tigidali tǫ pedai we bidi hani dali wiegi yai bugagia ilaibao po wai dao. Te buku pedai badu te po hauwa me weyu, te po wali, “Genuai Bidigo sę bidi,” te pedelama, te dene selama, te we bidi augwali tau saibao po wali. Te Godigo po odobo we bidi hauwago konealubo po te tiwai dąų wai, te Genuai Bidigo sę bidi da wali, te Jisasbolo tama wali dao.  
\ip (3) Dąį 56-66. Tede wali po e tiwai, te badu pedai badu bukude, te profetgo te Jerusalemba ma aselama, bidagasali hani dabebolo pusali po elalubao. Me badu po e tiwai wali, Godigo aga dąų wali po homu kone elalubao, tama te pogo te Juda hani dabego haliga bomo ilalio. Te bukude me badu wali pogo augwalibolo e tiwai po wali, te augwali God dologode bidiyu, tama te lotu wabo doloba pai kolesaga wali pelama, te Godiba gedu haluasa po weyu, te agaba ofa mayu yao. Augwaligo te magi nai walu doado bage meni yai we bidi dabe tau sabo sę yao wali. Wiegi yai po me deli te Dąį 61:1-2 tede elalubao, te po Jisasgo agai sę gagalama yainu, te we bidi hani augwaliba te po nedali. Me te buku Luk 4:16-21, tede elalubo suao. Te Aisaiago buku pedai hauwa badu te Godigo we bidi dabe augwali tau selama, haliga dua elama bidabo po wai, magi baso meni, te po dage pedaigo te Godigo bomo elalubo po hanilama pusali. Te we bidi augwaligo suali, te haniani sęgę ebadi goli, te tagalao, God te augwa Aya mu da, te agai augwali tonaluali. Te Godigo po odobo we bidi dago te tiwai koneabo elalubao, Godigo te profet po waliba mu usu nanio, te Jisasgo bidibo ulade me isalide te po mu usu nai dao.  
\c 1  
\ms1 Aisaiago Godigo po te Juda de Jerusalem bulu side bidibo we bidi augwaliba te po pusali  
\mr (Dąį 1–12)  
\p
\v 1 E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao. \x * \xo 1:1 \xt 2 Kin 15:1-7, 32-38; 16:1-20; 18:1–20:21; 2 Sto 26:1-23; 27:1-9; 28:1-27; 29:1–32:33\x*   
\s1 Genuai Bidi aga we bidi dali wado po wali  
\p
\v 2 Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao,  
\q1 “Te wai dabe eno tonaluama, genuai yali.  
\q1 Eno augwali bugagia negali.  
\q1 Tiali goli, augwali da, augwaligo eno po sela sąbo dao.   
\q1
\v 3 Te kau kibu dabego augwa aya konebo dao,  
\q2 me te donki kibu dabego  
\q3 augwa ayago nai mabo pesage konebo dao.  
\q1 Tiali goli, eno Israel we bidigo kolesaga menio.  
\q1 Te kau kibu de donki kibu sigo kolesagago augwaligo  
\q3 kolesaga edelalio,” wali.   
\q1
\v 4 Tega, te we bidi dage dolama,  
\q2 dagego kolesaga me mu doali.  
\q1 Tigidali sogo dagego dwai sęgę sabo dao.  
\q1 Te duga dwai sęgęgo dage aiyaba kegebo dao.  
\q1 Dage Israel dabego duga Genuai Bidi tagalai dao,  
\q1 aga te Dwagi Yai Doloba Pai Kolesaga  
\q2 Naga Ebo God dao.  
\q1 Tama dagego aga tudi ola manio.   
\q1
\v 5 Magi baso dagego Godigo po me sela sądubawe?  
\q2 Dage tigidali sogo dene sabo hagela meniwe?  
\q1 Israel, nage te bidi me bidi dabego elai bidi tiwai dao,  
\q2 te agai tigi sese mu dolama, bomo mu meni yai.  
\q1 Agai tobolu keni kenigo pągąna pai.   
\q1
\v 6 Te kenigo agai toboludu gagalama,  
\q3 sągąba usu nigi pali,  
\q2 tama agai tigiwali olo me elalubeo.  
\q1 Te haniani kenigo agai tigide pągąnama,  
\q2 tama agai tigi deda pali.  
\q1 Augwaligo agai tigi penama agai keni sįsibeo.  
\q1 Te augwaligo madasin me pilibeo.   
\q1
\v 7 Awe, te boi bidi dabego dagego bulu  
\q2 polo dola silai dao.  
\q1 Tama augwaligo dagego hanu dabe ulali dao.  
\q1 Te dagego tonalubadi, augwaligo  
\q2 dagego gi nai dabe sai dao.  
\q1 Te gasa bulu bidi dabego bulu mu dolama,  
\q2 tama dagego tǫ olo mu elalubao.   
\q1
\v 8 Hobedagia! Jerusalem deli naga augwaligo tagalali.  
\q1 Agaduba deli naga elaluyu, tama bomo mu meni.  
\q1 Aga te bidi dabego olo gi be sę yai ąǫ elalubao,  
\q2 te bobi gide sę yani dwasianu be tiwai naga  
\q2 elalubao.  
\q1 Aga te boi bidi dabe bagua sai hanu ąǫ elalubao.   
\q1
\v 9 Ma, Genuai Bidi Tigidali Bomo  
\q2 Elalubo Bidigo da meba  
\q1 bidimainu sula tagalisąma menigi sogo da,  
\q1 mu tama, teda da polo dolama siligi dao,  
\q2 te hanu Sodom de Gomora si dolali  
\q2 yali tiwai gilama, polo dologi dao.\x * \xo 1:9 \xt Gag 19:24; Rom 9:29\x*   
\b  
\q1
\v 10 Dage tobolu bidi dabe,  
\q2 me dage Jerusalem we bidi dabe,  
\q1 dage te bidi dwai dabe te hanu  
\q3 Sodom de Gomora side  
\q1 polobadu bidali bidi dabe tiwai mu tama dao.  
\q1 Megi da, dagego olo bugagia munama,  
\q2 tama Godigo bomai po odao, dago Genuai Bidi.  
\q2 Agai dabolo mawainu ebo po bugagia odao.   
\q1
\v 11 Genuai Bidigo te po odu gebao,  
\q1 “Dagego homugo, dagego haniani ofa enabolo mabo  
\q2 te eno godolo ebawe, homu ebowe? Mu menio.  
\q1 Dagego te sipsip kibu dabe hauwa dagego seselama,  
\q2 te isigo ula silabo ofa yainogo ebo dao.  
\q1 Tiali goli, ena mu hagela mu yali.  
\q1 Tama eno dagego dwagi yai genuai  
\q2 dagego sesebo hasa ili dabe eno godolo ebeo.  
\q1 Ena te kau kibu omai kaneme me,  
\q2 me te sipsip kibu gǫųgo kaneme,  
\q2 me meme kibu omai kaneme dabego  
\q3 enabolo usu yai dao.   
\q1
\v 12 Magi baso meni. Te dage lotuba asobo sogo,  
\q3 dage dua aselama,  
\q2 eno obo tomoba asobo menio. Menio.  
\q1 Dage asobo yaide, duga olo bilagasu,  
\q2 kulukulu genuai wainu asobo dao.   
\q1
\v 13 Dage odolali bomai sę elama,  
\q2 ofa nai dabe enaba sesigimio.  
\q1 Magi baso meni. Eno augwalibolo hagela yai dao.  
\q1 Tama me, dagego ulubo pauda denami  
\q2 eno gunide dwai denami pedalobo dao.  
\q1 Eno dagego gesi poluade, me Sabatde,  
\q2 me gasa lotu dabe dagego wabo  
\q3 eno me subo, hagela ebo.  
\q1 Magi baso meni. Duga dwai sęgęgo  
\q2 duga lotu dabe dolali.   
\q1
\v 14 Eno dagego te gesi poluade lotu wabo,  
\q1 me gasa bodolu mani lotu dabe dagego  
\q2 wabo eno godolo mu menio.  
\q1 Te nai dabe tigidaligo enabolo sęgę mabo. \x * \xo 1:14 \xt Amo 5:21-22\x*  
\q1 Tama eno tolobo mu hagela ebo.   
\q1
\v 15 Te dagego nogo ugwa selama,  
\q2 gedu haluasa po enabolo wabo si da,  
\q2 teda eno dage sugobeo.  
\q1 Tagala, dagego gedu haluasa po hauwa sogo obadi,  
\q2 me teda ena olo palia saibao.  
\q3 Magi baso meni.  
\q1 Te bidi dabe dagego elali bidi dabego  
\q2 kaneme dagego nogode me daganalubao.   
\q1
\v 16 Eno dage suali mu doali.  
\q1 Dage wę paugi pįa, tama duga digi duga pęnama,  
\q2 tama dwai sęgę dage elalubo sela sąyao.  
\q1 Tama dwai sę ma igio.   
\q1
\v 17 Te dwagi yai doloba pai  
\q2 kolesaga ebo kolesaga konea sao.  
\q1 Tama te tobage dwagi yai kolesaga ugwa  
\q2 ela holomainu yao.  
\q1 Tama eyu, te gasa bidi dabego  
\q2 aiyaba elaluali bidi dabe tau mao.  
\q1 Te po tų ebode te tiana wai dabe bugagia tau sao.  
\q1 Tama me te wilawe we dabe te po tų ebode tau sao.  
\q1 Te tama bidi dabego augwali dali dwai sę ebaso da,  
\q1 dagego augwali tau sao.”   
\b  
\q1
\v 18 “Odao. Da deliba sisinama, po mimainao.  
\q1 Dagego sęgę hauwa elalubadi me, tagala.  
\q1 Te dage te nala ugwa tiwai bidai goli,  
\q2 hoda naigo polo dolai dao.  
\q1 Ena Genuai Bidi, eno te po obao,  
\q2 eno te dage te tedela ais tiwai ma ilaibao.  
\q1 Awe, te hoda nai mu dąų wai goli,  
\q2 eno dage te tedela yai  
\q2 sipsip kibu nisi tiwai ma ilaibao.   
\q1
\v 19 Ma, dagego eno po mu odama,  
\q2 tama te homu kolesaga wali peyu da,  
\q2 teda dage bidibo me bugagia bidiyu,  
\q2 me duga gide bulubo wiegi yai nai  
\q3 dagego tuyu, bidaibao.   
\q1
\v 20 Tiali goli, dagego hagela elama,  
\q3 eno po sela sąyani da,  
\q2 teda boi bidi dabego dage ela muagasaibao.  
\q1 Ena Genuai Bidi, eno po polo wali.”   
\s1 Genuai Bidigo Jerusalem bagego kolesaga dodolabo homu yali  
\q1
\v 21 Mena tama te pedalaliwe?  
\q1 Hanu Jerusalem, polobadu nago eno po  
\q2 wali dolo pai dao.  
\q1 Tiali goli, megi da, nage penani we gaga wali.  
\q1 Tega! Polobadu nagede bidali bidi dabego  
\q2 te po tų dodolobo kolesaga dolo yai dao.  
\q1 Awe, polobadu nage te dwagi yai  
\q2 doloba pai kolesaga ebo  
\q2 bidi dabego pągąwai dao.  
\q1 Tiali goli, megi da, nage bidi ela mabo  
\q3 bidigo pągąyani.   
\q1
\v 22 Polobadu nage dwagi yai silva tiwai da.  
\q1 Tiali goli, megi da, nage yaba yai kapa tiwai dao.  
\q1 Polobadu da, nage pusai wain tiwai goli da.  
\q1 Tiali goli, megi da, nage olo wę tiwai dao.   
\q1
\v 23 Jerusalem, nago genuai bidi me, tobolu bidi me,  
\q2 augwali te po odisiąwai dabe bidiyu,  
\q2 tama nai wi sabo bidi dabego abagi dao.  
\q1 Tigidali sogo augwaligo te mone pesą eyu,  
\q1 augwaligo te bidi dabe augwali dali  
\q2 mone dabe sainogo ili po wabo  
\q2 bidi dabe tau sabo homu ebo dao.  
\q1 Tama te po tų odobo sogo,  
\q2 augwali te tiana wai dabe tau sabo  
\q3 homu ebo menio.  
\q1 Tama me, augwaligo  
\q2 te wilawe we dabego homu sęgę ebo  
\q3 dodolobo odama, dodolabo homu ebo menio.   
\q1
\v 24 Tama tibaso, Jerusalem,  
\q2 Godigo po dabe megi odao.  
\q1 Tigidali Bomo Elalubo Genuai Bidi  
\q2 te Israel dabego boma pai God dao.  
\q1 Agai te po wali, “Ena Genuai Bidi,  
\q2 eno te ena boi bidi dabebolo dwai dene  
\q3 wei ponaibao.  
\q1 Usu dao. Tama augwaligo enabolo sęgę ma magobeo.   
\q1
\v 25 Jerusalem, eno bomai sę me deli nagede yaibao,  
\q2 te nago dwai sę yali dodoliyu,  
\q2 eno nage posolai isigo ulaibao.  
\q1 Te bidi dabego te kapa nogi silva iside ulama,  
\q2 tama dwai pobele bage dagana saibaso,  
\q1 te sela sąwainu isi ulubo tiwai yaibao,  
\q3 te posolai iside.   
\q1
\v 26 Tama eno dwagi yai tobolu bidi me,  
\q2 po tų dodola mu odabo bidi dabe  
\q3 ena digi dąį ilaibao,  
\q2 te polobadu nago bidali bidi dabe yali gilama.  
\q1 Tama bidi dabego nage nogi  
\q2 te doloba pai kolesaga ebo hanu dao waibao.  
\q1 Tama Godigo po dolo wali pabo hanu dao waibao.”   
\b  
\q1
\v 27 “Genuai Bidigo Jerusalem bugagia  
\q2 doloba pai kolesaga dali aselama,  
\q2 tama te bulu ma dobola saibao.  
\q1 Tama te dwagi yai kolesagade naga  
\q2 agai Jerusalem we bidi ma oda saibao,  
\q2 te augwaligo augwa yali te dwai sęde  
\q3 ge neyu, homu begelama,  
\q2 tama augwa yali dwai sęde hobede ebaso.   
\q1
\v 28 Tiali goli, te we bidi dabego po sela sąnama,  
\q2 dwai sę elama, God tudi ola mabo  
\q2 we bidi, agai augwali dolama,  
\q1 tama agai augwali mu silaibao.”   
\q1
\v 29 “Magi baso meni, dagego genuai  
\q2 ni silide te tibo god dabeba  
\q2 lotu olama, tama tede dwagi yai  
\q3 homu eyu bidai dao.  
\q1 Tama me te gi elama, tama lotu  
\q2 wabo digi dao olama, hage yai dao.  
\q1 Tiali goli, dage te yali kolesaga dabede hobede elama,  
\q2 tama hale genuai mu yaibao.   
\q1
\v 30 Te dage te genuai ni kali sasilama,  
\q3 mobia pabo tiwai yaibao.  
\q1 Tama dage te gi wę meni yai gi tiwai dage tama tiaibao.   
\q1
\v 31 Te kala sasia pai da,  
\q2 te isi deli sogo tama dela pabo dao.  
\q1 Tama te tiwai sę te doado bage hauwa  
\q2 elalubo bomai bidi dabede yaibao.  
\q1 Augwa digi dwai kolesaga ebogo  
\q2 augwali deli sogo tama dolaibao, sia saibao.  
\q1 Tama te sogo augwali tau sabo bidi meni yaibao.”  
\b  
\p Genuai Bidigo te po wali.   
\c 2  
\s1 Genuai Bidigo we bidi hani bugagia bidibo kolesaga mawaibao  
\r (Mai 4:1-3)  
\p
\v 1 Te Aisaiago nade ebadi tiwai, Genuai Bidigo agai po Aisaiabolo mani, te Emosgo ogwabolo, te agai te Juda de Jerusalem we bidi dabebolo pusa momainu. Te po e tama dao.   
\b  
\q1
\v 2 Te me sogo nosali, te Genuai Bidigo  
\q3 be dolalubo te bulu du,  
\q3 te genuai ugwanu ma dolaluyu,  
\q2 tama gasa bulu du dabe aiyaba elaluai elaluaibao.  
\q1 Tama tigidali we bidi hani teba sisinagasaibao.   
\q1
\v 3 Te tigidali bulu badu we bidi hanigo te po waibao,  
\q1 “Asiąo. Da bulu du Saionba pinao,  
\q2 Genuai Bidigo bulu duba.  
\q1 Te Israel dabego Godigo beba pinao.  
\q1 Te agai dabolo dago emaina homu ebo  
\q2 te kolesaga ola momainu.  
\q1 Tama da aga digi sa muani sunumidu pogo o.”  
\q1 Augwaligo te tama po waibao. Magi baso meni,  
\q1 Genuai Bidigo bomai po te bulu du Saionde gagalasa,  
\q2 tama tigidali buluba paibao.  
\q1 Awe, Jerusalem te Genuai Bidi agai bulu elaluama,  
\q2 tama agai po we bidibolo ola mabo digi elaluaibao.   
\b  
\q1
\v 4 Genuai Bidigo tigidali hani we bidigo po tų dodolama,  
\q2 tama augwali bugagia deliba bidaibao.  
\q1 Tama augwali hwįbo bainat  
\q2 te gi tǫ elebo ain tiwai gagawaibao.  
\q1 Tama augwa hwą gagawai sesemone te hamago elama,  
\q2 gi sę yabo hwą tiwai pedalaibao.  
\q1 Tama tigidali we bidi hanigo me hwįgobeo.  
\q1 Tama augwaligo te boi hwįbo kolesaga  
\q2 munu ma konea sagobeo. \x * \xo 2:4 \xt Jol 3:10\x*   
\q1
\v 5 Asao, Jekopgo wąį dabe dage,  
\q2 da Genuai Bidigo da mani uladu pinao.   
\s1 God aga genuai nogi haninaibao  
\q1
\v 6 Genuai Bidi, nago naga we bidi  
\q2 tudi ola mawai dao.  
\q1 Nago augwali Jekopgo wąį dabe tagalali.  
\q1 Magi baso meni. Augwaligo tǫ haniani  
\q2 pobigo pągąna pali, te Filistia bagego tǫ  
\q3 tiwai yali gilama.  
\q1 Augwaligo te dwai kolesaga dabe  
\q2 sia asobo badu sai dao.  
\q1 Megi da, nago we bidi hanigo gasa  
\q2 we bidi hanigo kolesaga wali pabo.   
\q1
\v 7 Te Israel dabego tǫ te silva, me gol, me hos, me karis  
\q1 dabego mu pągąna pali.  
\q1 Tama bidigo nedebo usu egobeo.   
\q1
\v 8 Tama me ma, augwaligo tǫ tibo  
\q2 god dabego piksago pągąna pali.  
\q1 Tama augwaligo augwa te nogogo  
\q2 nigali nai dabeba lotu po wabo dao.   
\q1
\v 9 Tama tibaso, Genuai Bidi,  
\q1 nago tigidali we bidi aiyaba elaluama,  
\q2 tama tigidali we bidi hale dwai mu yaibao.  
\q1 Genuai Bidi, nago augwaligo sęgę sela sągio.   
\q1
\v 10 Te we bidi dabe, dage wi pelama,  
\q2 masigi dudulaweba dabe duala sigi piąo.  
\q1 Dage tǫde dedage nigilama, duala siąo.  
\q1 Tiyu, dage Genuai Bidi aga ula me bomo dali asobaso,  
\q2 dage wi elama, dolabuo, Genuai Bidi asobode.   
\q1
\v 11 Te Genuai Bidi sabalobo sogode da,  
\q2 agai te dene mabo kolesaga elama,  
\q2 augwa nogi ugwa sabo bidi dabe  
\q3 aiyaba elaluaibao. \x * \xo 2:11 \xt 2 Te 1:9; Ped 6:15\x*  
\q1 Tama augwali hale mu yaibao.  
\q1 Tama te sogo Genuai Bidi deli naga genuai nogi saibao.   
\q1
\v 12 Genuai Bidi Tigidali Bomo Elalubo  
\q3 Bidigo bodolu elalubo,  
\q2 te augwa nogi ugwa sabo bidi dabe  
\q3 aiyaba elaluabo sogo.  
\q1 Tama te sogo agai te bidi dabego genuai  
\q2 nai dabe me augwaligo godolo  
\q3 elama, gawebo nai dabe dolaibao.   
\q1
\v 13 Te agai te Lebanon bulude elalubo  
\q2 dwagi yai bobobage ni bǫ dolaibao.  
\q1 Me, te Basande bomai ni dabe me.   
\q1
\v 14 Te agai genuai bulu du dabe me agai dolaibao.   
\q1
\v 15 Me, te bobobage taua dabe, me te  
\q2 tigidali hanugo bomai obo dabe me.   
\q1
\v 16 Te agai te genuai dwagi yai  
\q1 sawi sip dabe me dolaibao.   
\q1
\v 17-18 Te Genuai Bidi sabalobo sogo da,  
\q2 agai te dene mabo kolesaga elama,  
\q2 augwa nogi ugwa sabo bidi dabego  
\q3 nogi aiyaba elaluaibao.  
\q1 Tama augwali hale mu yaibao.  
\q1 Tama me te tibo god dabe mu sia saibao.  
\q1 Tama te sogo Genuai Bidi aga deli naga  
\q2 te sogo genuai nogi saibao.   
\q1
\v 19 Tama te sogo Genuai Bidigo te tǫ mali iliyu,  
\q2 tama e tǫde nai dabe wi mu ilaibao.  
\q1 Tama te we bidi dabe me wi mu elama,  
\q2 tama masigi dudulaweba me, tǫ dudulaweba me,  
\q3 wi duala sigi paibao.  
\q1 Te augwaligo Genuai Bidi aga bomo dali,  
\q2 genuai ula dali, asobo augwaligo suidali weyu.   
\q1
\v 20 Tama te sogo te we bidi dabego te tibo god dabe  
\q2 augwa lotu wabo god dabe saibao,  
\q2 te augwaligo silva de gol sigo nigali nai dabe.  
\q1 Tama augwaligo te bologo buluba me  
\q2 bogwą bidibo buluba dabe tama sąwaibao.   
\q1
\v 21 Tama te sogo da, Genuai Bidigo te tǫ mali iliyu,  
\q2 tama tǫde wi mu yabo sę dabe yaibao.  
\q1 Tama te we bidi dabe me wi mu elama,  
\q3 te masigi ola beba me,  
\q2 bulu du dologode elalubo masigi dedageba dabe  
\q3 wi duala sigi paibao.  
\q1 Te augwaligo te Genuai Bidi aga ula dali,  
\q2 bomo dali, asobo augwaligo suidali weyu.   
\q1
\v 22 Dagego homugo bidi mego da  
\q2 tau saiba homu elamuo. Mu menio.  
\q1 Da bidi da olo nai mu dao. Magi baso meni.  
\q1 Da pęwądage sogo bididama, tama da isaibao.   
\c 3  
\s1 Jerusalem bulu we bidi bidibo page dwaibao  
\q1
\v 1 Odao. Tamadi tama God, Tigidali Bomo Elalubo  
\q2 Bidigo  
\q1 te we bidi dabe ugwaba sagualu  
\q2 tonalubo nai dabe sela sąwaibao.  
\q1 Te Jerusalem me Juda bulu we bidi dabe  
\q2 bidibo wiegi yai ilibo nai dabe,  
\q2 te agai tigidali nai me, wę me, sese silaibao.   
\q1
\v 2 Agai te hwįbo bomai bidi dabe,  
\q2 me olo ami bidi dabe, me po tų odobo bidi dabe,  
\q2 me profet bidi dabe, me sogo yesi bidi dabe,  
\q2 me hanude genuai bidi dabe, agai sela sąwaibao.   
\q1
\v 3 Tama me, agai te ami ofisa,  
\q2 me gavman ofisa bidi dabe,  
\q2 me tuni bidibolo wiegi yai kolesaga  
\q3 mabo bidi dabe me, agai sela sąwaibao.  
\q1 Tama me, agai te bidi dabe haniani  
\q2 nai dabe nigibo koneai bidi dabe me  
\q2 agai sela sąwaibao, me te bidi dabe te haniani sogo  
\q3 yesi pobi koneai bidi dabe me, agai sela sąwaibao.   
\q1
\v 4 Tama Genuai Bidigo te olo ogwa dabe  
\q2 te Juda bulu me Jerusalem bulude  
\q2 genuai bidi dabe nigimainu sula tagalaibao.  
\q1 Awe, te wai dabe augwa homugo digi  
\q2 te bulu tonaluaibao.  
\q1 Tama haniani kolesaga dabe yaibao.   
\q1
\v 5 Te tigidali bidi dabego aga hasi me  
\q2 aiyaba elaluainu sę bomo yaibao.  
\q1 Te gesi ogomani wegi manigo  
\q2 te augwa bolo monu dabego  
\q2 po obaso, sela sąnama, dagą waibao.  
\q1 Tama dwai kolesaga homu pągąna pai bidi dabego  
\q2 te dwagi yai homu kolesaga yai  
\q3 bidi dabego po sela sąwaibao.   
\b  
\q1
\v 6 Tama te sogo bidi dabe augwali  
\q3 augwa ama mu deli me bidibo digi pelama,  
\q3 tama agabolo te po waibao,  
\q1 “Nago deli naga te gudabo ugwa te elalubao.  
\q1 Te nage dago genuai bidi nigilama,  
\q2 tama da e dwai sogo nago tau sao,” waibao.   
\q1
\v 7 Tiali goli, agai te po waibao,  
\q2 “Eno dage tau sabo sunumi menio.  
\q2 Ena me ena nai me ugwa menio.  
\q2 Dagego ena dagego genuai bidi nigimainu dagego  
\q2 ena sa mugimio,” te po waibao.   
\b  
\q1
\v 8 Jerusalem de Juda si te dwai sogoba  
\q2 sabolama, tulalubo gagalali.  
\q1 Magi baso meni. Augwaligo tigidali pogo me, sęgo me,  
\q2 augwaligo Genuai Bidigo nogi aiyaba elalubo dao.  
\q1 Augwaligo te dwai kolesaga agai gedude ma ebo dao.   
\q1
\v 9 Te po tų odobode augwaligo augwa  
\q2 godolo ebo bidi dabe naga tau sabo dao,  
\q2 tama gasa bidi dabe aiyaba elalubo dao.  
\q1 Tama te kolesagago augwa digi augwa  
\q2 ma po tų ela mabo dao.  
\q1 Augwali te we bidi dabego gedude  
\q2 dwai sę ebode augwali hale me ebeo,  
\q2 te Sodom bagego polobadu yali gilama.  
\q1 Augwali dolaibao. Augwa dagede augwa dolaibao.   
\b  
\q1
\v 10 Te dwagi yai doloba pai kolesaga ebo we bidibolo  
\q2 te dwagi yai homu yao po walao.  
\q1 Magi baso meni, augwali dwagi yai  
\q2 pe saibao, augwa yali dwagi yai sęde.   
\q1
\v 11 Tiali goli, dwai bidi dabe da, dolaibao.  
\q1 Augwali te dwai pe te augwa yali dwai sęde saibao.   
\q1
\v 12 Hobede mu da, dage eno we bidi dabe.  
\q1 Te gesi we bidigo dage te tonalubao.  
\q1 Te tobolu bidi dabego dage halubaso,  
\q2 tama dagego augwaligo dwai  
\q2 sunumidu dage wali te pobao.   
\q1
\v 13 Genuai Bidigo tigidali we bidigo  
\q2 po tų odainu no sealuba.   
\q1
\v 14 Agai aga we bidi dabego tobolu bidi  
\q2 me genuai bidi dabe po tų ela mani.  
\q1 Tama agai te po wali, “Te we bidi dabe  
\q2 te eno wain gi tiwai dao.  
\q1 Tiali goli, dage da, dagego tama te gi dolama,  
\q1 tama te gide elaluali nai dabe dagego wi salio.  
\q1 Dagego bidi nai dabe habuge yai  
\q2 bidi dabe dagego hobede ebo menio.  
\q1 Mu menio. Dagego augwaligo  
\q3 dwasianu nai dabe kegelama,  
\q2 tama duga bede pesage holobo dao.   
\q1
\v 15 Dego dagebolo obaso, dagego eno we bidi agalama,  
\q1 tama nai meni yai bidi dabe dolaliwe?  
\q1 Ena Genuai Tigidali Bomo Elalubo Bidi,  
\q2 eno dagebolo dolo obao.  
\q1 Dagego dwai kolesaga mu yali.”   
\s1 Te Jerusalemde dwai kolesaga ebo we dabe dwai dene saibao  
\p
\v 16 Genuai Bidigo te po wali,  
\b  
\q1 “Jerusalem we dabe, suiąo.  
\q1 Augwaligo homugo augwali dwagi yai  
\q2 mu dao homu eyu, hagoma homu ebao.  
\q1 Te augwali bilibo sogo, augwaligo augwa sągą aulama,  
\q2 tama augwa sągąde hǫą omainu ebo dao.  
\q1 Augwaligo augwa tobolu sagolama,  
\q2 augwa dogoni dodolobo dao.  
\q1 Tama augwaligo gedu subigila bidi gedu tonobo dao.   
\q1
\v 17 Tama tibaso, ena Genuai Bidi eno  
\q2 te Saion hanu we dabe dene mawaibao.  
\q1 Eno augwaligo tobolude keni pągąna pomainu yaibao.  
\q1 Tama augwaligo tobolu nisi ma menia saibao,” wali.   
\b  
\p
\v 18-19 Tama te sogo Genuai Bidigo te Jerusalem we dabego dwagi yai aubo nai dabe sela sąwaibao. Agai te sągąde, me nogode, me dogonide, me olode aubo nai dabe agai sela sąwaibao. Me te tobolu aubo nai dabe me, me te tobolu halubo ugwa dage dabe me sela sąwaibao.  
\v 20 Agai te tobolu nisi dųbo mǫ, me tobolu nisi tomagebo name ugwa, me te ugwa pedai te kukulu gudubo ąǫ ebo nai, me te dwasianu paus augwaligo sanda wel me te pobi nai dabe te dogonide kebo nai agai sela sąwaibao.  
\v 21 Agai te nogo danide me gunide mubo ring agai sela sąwaibao.  
\v 22-23 Agai te sawi yai ugwa dabe sela sąyu, me agai augwaligo haniani dwagi yai ugwa dabego nigai gudubo ugwa dabe me, paus dabe me, hankasip dabe me, agai sela sąwaibao.   
\q1
\v 24 Tama te sogo te Jerusalem  
\q2 we dabego polobadu auwali tiai me egobeo.  
\q1 Te augwaligo sanda wel meniama,  
\q2 tama augwaligo tigi kugumini dwai mu yaibao.  
\q1 Te augwaligo sawi yai ugwa me,  
\q2 ugwa name me augwaligo kukulu  
\q2 gudabo ugwa name menia saibao.  
\q1 Tama tibaso, augwali dwai ugwa dabe gudama,  
\q2 tama dwai bonogo augwaligo ugwa dąų walaibao,  
\q2 te bono te kukulu gudubo ąǫ yaibao.  
\q1 Te augwaligo augwa tobolu au me  
\q2 iligobeo. Magi baso meni.  
\q1 Te boi bidi dabego augwaligo tobolu nisi  
\q3 sese poala sąnama,  
\q2 tama augwaligo tobolu wane yaibao.  
\q1 Tama me augwaligo sawi gesabidide da,  
\q2 te boi bidi dabego kalabus bagego  
\q2 magi augwaligo gesabidide togaibao.   
\q1
\v 25 Jerusalem, boi bidi dabego nago  
\q3 bomai ami bidi dabe hwįbode ela muaibao,  
\q2 me gasa olo bidi dabe ela silaibao.   
\q1
\v 26 Tama augwaligo nago nai tigidali saibao.  
\q1 Nage te we me augwaligo agai ugwa  
\q2 dabe sese sela sąwai tiwai yaibao.  
\q1 Tama aga tǫde habu olo dulalubo tiwai yaibao.  
\q1 Tama te obo sunumi dabego te nai dabe  
\q3 nage tigide pedalobo sulama,  
\q2 tama augwali hobede elama, gela waibao.   
\c 4  
\q1
\v 1 Tama te sogo te nogo a naga olama, me badu  
\q2 nogo si we dabego  
\q2 bidi me deli tola selama, te waibao,  
\q1 “Da dena digi nai me ugwa dabe da  
\q2 dena digi sela tuyu yaibao.  
\q1 Tiali goli, dago bidi mu menio.  
\q2 Tama da hale mu ebo.  
\q1 Tama tibaso, te hale silimainu eyu,  
\q2 nage dago bidi bidibo ąǫ yaibao,” te po waibao.   
\s1 Jerusalem dwagi yai noma yai bulu ma gagawaibao  
\p
\v 2 Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.  
\v 3 Te Saion hanude bidibo we bidi dabe, augwali te Jerusalemde me bidibo we bidi dabe da, Genuai Bidigo augwali bugagia bidimainu sa polo muai dao, augwali bugagia bidimainu. Tama agai augwali nogi agai bukude asęai dao. Tama megi da, agai augwali aga we bidi mu dao waibao.   
\p
\v 4 Genuai Bidigo bomai homu kolesaga mu yali, te Jerusalem bulu dolama, tama nosali ma te Jerusalem bulu ma usu ma ilama, wiegi yai bulu ma ilainu. Te aga genuai bomogo agai te Jerusalem bulu wę tedalama, tama tigidali meda elalubo sela sąwaibao, te hanude daganaluali meda dabe. Agai te we dabego yali dwai kolesaga dabe sese sela sąwaibao. Me te bidi dabego gasa bidi dabe dolainu yali dwai kolesaga dabe me sela sąwaibao, te Jerusalem wiegi yai pedalobo si da.  
\v 5 Tama Genuai Bidigo bobobage yai pǫ me deli te bulu du Saionde elalumainu elama, me te we bidi lotu wabo pesageba sisinalubo madi. Te giligade Genuai Bidigo te pǫ elalumainu yaibao. Tama hulide da, agai bobobage yai hano dali, genuai isi bogoli dali elalumainu yaibao. Te pǫ me, hano me, isi me, Genuai Bidigo bogwą wali yali gilama, aga te bulu dude me aga dwagi yai nai dabede ugwadu walaluaibao. \x * \xo 4:5 \xt Sai 13:21; 24:16\x*  
\v 6 Te bogwą waligo te Jerusalem bulu haluama, tama bomai giliga posolo palialuaibao. Tama me, agai Jerusalem te mone tulubage sogo bugagia bidimainu yaibao.   
\c 5  
\s1 Wain gi balia po  
\q1
\v 1 Eno ena abagi me delide balia po waibao.  
\q1 Te baliago aga wain gi po pusali.  
\q1 Te ugwadu bulu du dwasianu  
\q2 mede tǫ ili hauwa me elaluali.  
\q1 Tede eno abagigo wain gi tede yali.   
\q1
\v 2 Agai tǫ elama, tama masigi tigidali sela sąwai dao.  
\q1 Tama dwagi dwagi yai wain nologo bulali.  
\q1 Te gi tomode agai be sęani,  
\q2 te aga tede bidiyu, te gi tonaluainu.  
\q1 Tama te masigi pesage me delide agai  
\q2 te wain du mimiabo digi te nai  
\q3 nigali, tǫ dedage nigali.  
\q1 Tigidali sę silibo si, agai te homu yali,  
\q1 ‘Eno ni wain du bugagia mu walaibao,’ homu yali.  
\q1 ‘Tama wain du pusu mu yaibao.’ Tiali goli, meni.  
\q1 Te ni dabe du bugagia me walobeo.  
\q1 Tama te du dabe dwasianu mu elama,  
\q2 tama pedauwalide ha yali. \x * \xo 5:2 \xt Mat 21:33; Mak 12:1; Luk 20:9\x*   
\b  
\q1
\v 3 Tama tibaso, eno abagigo te po wali,  
\q1 “Dage Juda we bidi, me Jerusalem hanu  
\q2 we bidi, dagego enabolo walao.  
\q1 Te dego tiabo sę yaliwe? Enawe?  
\q2 Ma, eno wain gigo dawe?   
\q1
\v 4 Eno koneani. Eno dwagi yai sę yali,  
\q2 te gide dwagi yai wain du walaiba weyu,  
\q2 tiali goli magi baso mu te wain du  
\q3 dwasianu mu walama,  
\q2 tama pedauwalide ha yaliwe?  
\q1 Te gi tonalubo sę me deli te eno bugagia dolo ebewe?   
\q1
\v 5 Megi da, dagebolo ena wain gide yaiba homu yali po  
\q2 dagebolo eno pusa mawaibao.  
\q1 Te eno wain gi obo hųgia sąwaibao.  
\q1 Awe, te obo dolama, tama te bulu hasa dabe te gi  
\q3 tomoba pelama,  
\q2 tama te wain ni tulama, dolomainu yaibao.   
\q1
\v 6 Te eno te tǫ dolama, tama busi holama, nosai holiyu,  
\q2 tama te sesane ni dabe holama,  
\q3 te gi halua somainu yaibao.  
\q1 Tama eno te wain ni ma tonalubo sę ma egobeo.  
\q1 Te me eno te gi tǫba tulubage me  
\q2 tulamo olama, habu selaibao,”  
\q3 eno abagigo te po wali.   
\q1
\v 7 Te Juda we bidi, me Israel we bidi,  
\q2 te Genuai Bidigo Tigidali Bomo Elalubo Bidigo  
\q3 wain gi tiwai dao.  
\q1 Agai godolo mu elama, agai augwali  
\q2 bugagia mu tonalubo dao.  
\q1 Te we bidi dabego wiegi yai doloba pai  
\q2 kolesaga naga emaina homu ebo dao.  
\q1 Tiali goli, augwaligo dwai kolesaga ebo dao.  
\q1 Agai homugo augwaligo gasa  
\q2 we bidi dabe dali wiegi yai kolesaga  
\q3 emai homu ebo dao.  
\q1 Tiali goli, augwaligo gasa we bidi aiyaba elaluama,  
\q2 tama augwaligo augwali dali boi bidi  
\q3 homu kolesaga ebo dao.  
\q1 Tama te aiyaba elaluali we bidi dabego i wabo agai odali.   
\s1 Te dwai dwai haniani kolesaga ebo we bidi dolaibao  
\q1
\v 8 Dage te tǫ dabe, be dabe hauwa  
\q3 abelama, duga naga pesage  
\q3 hola sabo bage, dage dolaibao.  
\q1 Te tamadi tama dagego tigidali tǫ me,  
\q2 bulu me, sese sela silaibao.  
\q1 Tama gasa bidi dabe meba bidabo bulu menia saibao.  
\q1 Tama dage naga tama bidaibao.   
\q1
\v 9 Eno odali, Genuai Bidi Tigidali Bomo Elalubo Bidigo  
\q1 te po wabo eno odali,  
\q1 “Mu tama, te genuai dwagi yai be dabe  
\q2 dolama, te olo elaluaibao.  
\q1 Awe, bidi dabe te wiegi yai be dabe me bidigobeo.   
\q1
\v 10 Tagala, augwaligo wain gi hauwa bulu badi goli,  
\q2 me wain du dabe hauwa me walogobeo.  
\q1 Tama augwaligo dwasianu wain ąį naga nigaibao.  
\q1 Tagala me, augwaligo nogo si begi  
\q2 te wit ge augwaligo te gide bulai.  
\q1 Tama te wit ininama, augwaligo  
\q2 togolama, te begi deli digi bueibao,”  
\q1 Genuai Bidigo te po wabo eno odali.   
\q1
\v 11 Dage dolaibao.  
\q1 Dage te kigamu hulide hodaloama,  
\q2 wain wę tuyu, te haniani bomai  
\q2 wę tubo bage, dage dolaibao.  
\q1 Dagego te wę tulama, polodubadi be  
\q2 huli sesabi edelebo dao.   
\q1
\v 12 Te nai daa tuyu, wain wę tuyu,  
\q2 me haniani musik gitago eliyu, genagego eliyu,  
\q2 hąbidigo eliyu ebo, te dagego mu koneani.  
\q1 Tiali goli, Genuai Bidigo yainu ebo,  
\q2 te sę dabe dagego munu me konebeo.  
\q1 Dagego te sę dabe te olo nai dabe da homu ebo dao.   
\b  
\q1
\v 13 Tama tibaso, Genuai Bidigo te po wali,  
\b  
\q1 “Mu tama, eno we bidi dabe dagego  
\q2 ena konebo hagela yali.  
\q1 Tama tibaso, boi bidi dabego dage gasa buluba me  
\q2 kalabus elama, odasa paibao.  
\q1 Te genuai bidi dabe nai menia saibao.  
\q1 Te olo we bidi dabe te ąį nogone eyu bidaibao.  
\q1 Tama augwali mu dolaibao.   
\q1
\v 14 Megi dage wiegi yai homu elama,  
\q2 gana paide dagego daa hauwa mu te tubao.  
\q1 Tiali goli, mu tama, te gų pagede te kele ą olama,  
\q1 tama te Jerusalem bulu genuai bidi dabe,  
\q1 me olo we bidi dabe dalainu polo no munalubao,”  
\q1 Genuai Bidigo te po wali.   
\q1
\v 15 Te tigidali we bidi hale mu yaibao.  
\q1 Tama te we bidi augwa digi augwa nogi  
\q2 ugwa sabo we bidi dabe  
\q3 augwali nogi mu menia saibao.   
\q1
\v 16 Te agai doloba pai kolesagago Genuai Bidi Tigidali  
\q1 Bomo Elalubo Bidigo  
\q2 te we bidi dabego bomo aiyaba elaluaibao.  
\q1 Tama aga deli naga genuai nogi saibao.  
\q1 Tama agai te dwagi yai doloba pai kolesaga naga ebogo  
\q2 agai te we bidibolo ola mawaibao,  
\q2 aga te tedali gasagi yai mu dao.   
\q1
\v 17 Te hanu dabe sese dolaibao.  
\q1 Tama nosai dabego bulu mesega saibao.  
\q1 Tama sipsip kibu de meme kibu sigo  
\q2 te mone hauwa elaluali bidi dabego  
\q2 be elaluali pesageba nosai tuagasaibao.   
\q1
\v 18 Te dage dolaibao.  
\q1 Dagego te gasa bidi dabe ili po walama, sęgę te soba.  
\q1 Te sęgę dabe dage tigi dagana selama,  
\q2 tama dagego sela sąbo usu egobeo.   
\q1
\v 19 Dagego te po wabo dao,  
\q2 “Dago odobo Israel dabego God,  
\q2 aga te Dwagi Yai Doloba Pai Kolesaga Naga Ebo  
\q2 God dao.  
\q1 Ma, agai dabolo magi sę me yabo homu  
\q2 ebaso da, teda agai polo emainao.  
\q1 Tama tibaso, dago sulama, tama dago  
\q2 aga homu kolesaga koneaibao.  
\q1 Awe, agai te sę polo emainao,” wabo.   
\b  
\q1
\v 20 Dage dolaibao.  
\q1 Te dagego haniani nai hasegelama,  
\q2 tama te po wabo dao,  
\q1 “Dwai kolesaga te wiegi yai dao,  
\q2 te wiegi yai kolesaga te dwai dao,” wabo dao.  
\q1 Me, dagego te po wabo dao, “Te hulia sali te ula dao.  
\q1 Me, te ula ebo te ma huli sali dao,” wabo dao.  
\q1 Tama me dagego te po wabo dao,  
\q1 “Te ha ebo nai te pusu ebo, ma te pusu ebo nai te kelede  
\q2 ha ebo,” po wabo dao.   
\b  
\q1
\v 21 Dage dolaibao.  
\q1 Te dage bidi duga homugo dagego  
\q2 kolesagago gasa bidi dabego kolesaga aiyaba  
\q2 elaluali dao homu ebo bidi dabe, dage.   
\q1
\v 22 Dage te bomai wę tubode genuai  
\q2 nogi elalubo bidi dabe, dage dolaibao,  
\q2 te dagego bomo de kolesaga si da,  
\q2 te haniani wę sįsįbo delide naga dao.   
\q1
\v 23 Te dagego po tų odobo sogo da,  
\q2 dagego te augwaligo nogode te ili po wabo  
\q2 po tų abelebo masigi dagego selama,  
\q2 tama te dwai sę yali bage olo taga palobo dao.  
\q1 Tiali goli, dagego te po sęgę  
\q2 meni yai bidi dabego po bugagia osola subo menio.   
\q1
\v 24 Tama tibaso, dage te ni sasia pabo  
\q2 tiwai elama, tama te ni pedali mobia pelama,  
\q2 tama te ni yabe dabe tau elama,  
\q3 tegalubo tiwai yaibao.  
\q1 Te dwai sę dage tigiba polo tama pedalaibao,  
\q2 te isigo nosai delama, silibo tiwai tama yaibao.  
\q1 Magi baso meni.  
\q1 Dagego te Genuai Bidi Tigidali Bomo Elalubo Bidigo  
\q1 bomai po sela sąbaso,  
\q2 dagego Israel dabego God tudi ola mabo.  
\q1 Aga te Dwagi Yai Doloba Pai Kolesaga  
\q2 Naga Ebo God dao.   
\q1
\v 25 Tama tibaso, Genuai Bidi agai  
\q2 aga we bidi dabe dali sębę eyu,  
\q2 te sębę posolo mu ebao.  
\q1 Tama megi da, agai nogo ugwa  
\q2 sagua selama, dolainu no munalubao.  
\q1 Agai nogogo deli sogo elebaso,  
\q2 te tigidali tǫ dabe bulu du dabe  
\q2 elebaso, memenege elama,  
\q3 bulu du dabe aluasa dulaibao.  
\q1 Tama we bidi hauwa isila paibao.  
\q1 Tama augwaligo tigi dabe te hanu sunumi dabede  
\q2 olo pobele bage dabe munalua pabo ąǫ yaibao.  
\q1 Genuai Bidi agai tama tiaibao.  
\q1 Tiali goli, te tama tibogo Genuai Bidi agai sębę  
\q1 siligobeo.  
\q1 Menio. Agai nogo me ugwaba me dodolalubao.   
\q1
\v 26 Genuai Bidigo te digibulu  
\q2 ami bidi dabe aga we bidi dolagasomainu i wabo  
\q2 sa muaibao.  
\q1 Awe, te digibulu mu bidibo bage  
\q2 asomainu eyu, agai ho bomonama waibao.  
\q1 Tama te ami bidi dabe bomona togwa asaibao.   
\q1
\v 27 Te ami bagego bidi dabe da,  
\q2 te bomai bidi dabe naga dao.  
\q1 Te augwali me deli sągą dili telega  
\q2 elama, tulaluainu yai me menio,  
\q2 o te agai gedu godege magana pai me menio.  
\q1 Augwaligo kibu waligo te gudali ugwa  
\q2 bugagia kęnama, asaibao.  
\q1 Augwaligo bomai su sągą sendol guda sesa paibao.  
\q1 Te togwa pabo ąǫ isąwai me gudugobeo.   
\q1
\v 28 Augwaligo ene da, mu poa pai.  
\q1 Tama augwaligo enesigi dolama,  
\q2 tama enabo no sealubuo.  
\q1 Augwaligo hos dabe da, boma pai mu dao.  
\q1 Tama te hos dabego sągąde kapa dabe  
\q3 te dila pai masigi tiwai, tama togwa pogobeo.  
\q1 Augwaligo karis dabe bomona mu pabo dao.  
\q1 Tama te karis wili dabe da, te wali ebo ąǫ ebo dao.   
\q1
\v 29 Te ami bidi dabego te hai wabo te  
\q2 laion yowigo bulu hasa ela munama,  
\q3 dągą wabo tiwai waibao.  
\q1 Augwaligo boi bidi dabe toulama, tama sela paibao,  
\q2 te laion yowigo bulu hasa elama,  
\q3 sela pabo tiwai yaibao.  
\q1 Tama bidi mego augwali ma sogobeo.   
\b  
\q1
\v 30 Tama te sogo boi bidi dabe aselama,  
\q2 Juda bulu dolagasaibao.  
\q1 Tama augwaligo kulukulu genuai mu waibao,  
\q2 te tamu wę holama, wę kemi saneba  
\q3 asiyu, u wabo tiwai yaibao.  
\q1 Tama te bidi dabego te buluba tonagasobo si da,  
\q1 teda augwaligo te bulu sisi pǫgo mesega  
\q2 selama, giliga ula sininai suaibao.  
\q1 Tama te bulu mu hulia sai suaibao.   
\c 6  
\s1 Godigo Aisaia profet bidi nigimainu i wali  
\p
\v 1 Te king tuni bidi Usia isali kibu bede, eno Genuai Bidi aga tuni bidi saide dualalubo suali. Agai tuni bidi sia ugwanu mu elaluali. Tama tuni bidigo ugwa agai gudali da, moni bobobage mu elama, aga be mu usu nai suali. \x * \xo 6:1 \xt 2 Kin 15:7; 2 Sto 26:23\x*  
\v 2 Tama geninama ensel sibigo aga bagua sai elaluali. Te tigidali deli deli ensel dabego bogo a naga olama, me badu nogi deli naga elaluali. Tama deli deligo augwa bogo me sigo augwa gesabidi halua siyu, ela pai suali. Tama gasa bogo me sigo augwa tigi mesega siyu yai yali. Tama gasa bogo me sigo da, augwali bola peyu yali. Te ensel sibi da, te isi ula tiwai. \f + \fr 6:2 \ft Te tobage mobo bidi enselgo bogo dabe te a naga me badu deli elalubo, augwali te gasa me badu ensel bogo nigai bidi dabe tiwai me elalubeo. Te tobage ensel dabe augwali nogi e tiwai “Serafim” te Hibru pogo nogi da, tama augwaligo po me te buku Baibel Aisaia pedai delide naga elalubao.\f*  
\v 3 Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali. \x * \xo 6:3 \xt Ped 4:8\x*  
\v 4 Ena yaide be sunumide bidali, tama tigidali sogo augwali deli mego hae wabo sogo da, eno suali, te moni masigi me augwaligo be sę yali, te masigi tigidali mobodo yali. Tama eno suali, hano bede pągąna pabo suali. \x * \xo 6:4 \xt Ped 4:8\x*  
\v 5 Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.   
\b  
\p
\v 6 Tama te ensel dabe me deligo ala gagawai naide isi dage tolasa, ena pageba bola asali. Agai te isi dage te altade sali.  
\v 7 Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali.  
\v 8 Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”  
\v 9 Tama tibaso, Genuai Bidigo enabolo te po we bidibolo pusugi pao po wali,  
\b  
\q1 “Dagego po hauwa sogo odaibao.  
\q1 Tiali goli, dagego te page kuna konegobeo.  
\q1 Dagego gedugo hauwa sogo tonono bilaibao.  
\q1 Tiali goli, dagego magi sę pedelali me konea sogobeo.   
\q1
\v 10 Magi baso meni.  
\q1 E we bidi hanigo homu kolesaga te puna pai dao.  
\q1 Tama augwaligo odogo po odobo hagela eyu,  
\q2 tama augwaligo augwa gedu palia sai.  
\q1 Tiyu, augwaligo gedugo te magi nai  
\q3 me deli suidali weyu tiali,  
\q2 tama augwaligo odogo po odidali weyu tiali,  
\q2 tama augwaligo homude te po page  
\q3 ma koneama, tama augwali begasa,  
\q3 enaba ma aselama, tama eno augwali usu ma  
\q2 ilidali weyu, augwaligo  
\q3 tama kolesaga yai dao,” wali.\x * \xo 6:10 \xt Mat 13:14-15; Mak 4:12; Luk 8:10; Jon 12:40; Tpi 28:26-27\x*   
\p
\v 11 Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali,  
\q1 “Te tigidali hanu dabe, me tǫ dabe,  
\q2 me be dabe sese dola silama,  
\q2 be dabe olo elalua pabo sogode.  
\q1 Tama bidi dabe te bede dabe bidi me  
\q2 bidisąma ebo sogoba usu nigi paibao.   
\q1
\v 12 Ena Genuai Bidi.  
\q1 Eno te we bidi tigidali augwali augwa  
\q3 bulu pąde eno augwali  
\q2 te digibulu buluba sela sąwaibao.  
\q1 Tama te bulu we bidi menia saibao.   
\q1
\v 13 Tama ma dwasianu we bidi hani  
\q2 te tǫde me bidibaso da, augwali me silaibao.  
\q1 Tiali goli, tagala, te bulude we bidi meni baso me,  
\q2 te nosali ena we bidi me ma pedalaibao,  
\q2 te ni age te bidigo polo gelai ni tanede age  
\q2 ma dalasa holobo tiwai ma yaibao,” wali.   
\c 7  
\s1 Godigo tuni bidi Ahasbolo tau sabo po wali  
\p
\v 1 Te Ahas te Jotamgo ogwa, aga wąį Usia, aga te Juda dabego tuni bidi bidibadi, hwįbo sogo pedalali. Resin, Siria bulu tuni bidi, me Peka, te Ramaliago ogwa, Israel dabego tuni bidi, augwali sigo Jerusalemba hwįgi pali. Tiali goli, augwali sigo te hanu sabo usu ebe.  
\p Te hwįbo Jerusalemba sabolisąma ebadi da, \x * \xo 7:1 \xt 2 Kin 16:5; 2 Sto 28:5-6\x*  
\v 2 te Juda dabego tuni bidigo te e tama po odali, te Siria ami bidi dabe te Israel bagego tǫba polo asai dao wabo po odali. Tama tuni bidi aga we bidi hani dali augwali wi mu eyu, haliga midigi sali, te bomai waligo te ni silide elalubo ni yabe dabe memenege ilibo tiwai yali.  
\v 3 Tama Genuai Bidigo Aisaiabolo te po walali, “Naga ogwa Searjasup \f + \fr 7:3 \ft Te Hibru pode te nogi Searjasup te tobage po tiwai si elalubao, “Dwasianu hani we bidi te augwa page buluba ma asaibao,” wai dao.\f* oda selama, tuni bidi Ahas sugi pao. Dage te wę sabo wę gamia Jerusalem ugwa badu piąo. Tama dage sigo te tuni bidi te name ugwa wę telabo pesageba pabo genuai sunumide te tuni bidi tiąba pao.  
\v 4 Te tuni bidibolo aga homu dąų olama bidao, tama te haniani po dabego agai homu elalumainu elamo dao po walao. Aga yaide dua bidama, tama te tuni bidi Resin aga hani dali, me te Israel dabego tuni bidi dabe dali, wi igio po wao. Te tuni bidi sigo sębę te isi pąde sula sainu dabo tiwai ebao. Te sula sainu hano naga holobo tiwai te ebao.  
\v 5 Te mu tama, te Siria dabe augwaligo te Israel dabego tuni bidi dali augwaligo po mia sali, te Ahas aiyaba elaluaio olama,  
\v 6 augwaligo te po wali, augwali te Juda buluba hwįagasaibao po wali. Tama we bidi wi ilama, tama te bulu selama, tama te bidi Tabelgo ogwa tuni bidi bidimainu sa muaibao, augwaligo te po mia sali,” wali. \f + \fr 7:6 \ft Dago te nogi yali bidigo nogi konebeo, “te bidi Tabelgo ogwa,” tiali goli te kolesaga koneai bidi dabego homugo aga te Siria bulu bidi hani me deli da homu yai.\f*   
\p
\v 7 “Tiali goli, ena God, Genuai Bidi, eno te po te obao, te nai dabe te me pedalogobeo. Mu tama, augwaligo te sę ebo usugobeo.  
\v 8-9 Magi baso meni. Te tobolu bidi Resin agai bomogo naga te genuai hanu Damaskus tonalubo dao. Tama Damaskusgo bomogo te Siria tǫ kantri tonalubo dao. Tiali goli, te Resin da, te aga bidi naga dao. Te tiwai me, Ramaliago ogwa Peka agai bomogo naga te Israelgo genuai hanu Samaria tonalubo dao. Tama te Samaria hanugo bomogo te Israel tǫ pedai kantri tonalubo dao. Tiali goli, te Peka da, aga bidi naga dao. Te 65 kibu be tomode te Israel bulu dolama, tama te we bidi sese besela pelama, tama augwaligo nogi mu tama sia saibao. Tama ma, te Juda dabe dagego eno pode homu dąų wasiąma yali da, teda dage me bobobage sogo me bidigobeo,” Genuai Bidigo te po wali.   
\s1 Godigo tuni bidi Ahasbolo bomo yai sę ola mani  
\p
\v 10 Tama Genuai Bidigo Ahasbolo gasa po me wali.  
\v 11 Agai Aisaiabolo te Ahasbolo te po wao po wali, “God naga Genuai Bidibolo hanalu wao, te nagebolo bidigo gedugo susiąwai bomai sę me ola momainu. Nago agabolo mena tama bomai sę, me nago suabo homu ebo sę me, nago agabolo hanalu wao. Ma, nago te bomo yai sę te bidi gų pagede suabo homu ebaso me, o ma nago dagalude bomai sę pedalobo suabo homu ebaso, o ma menade me naga homugo godolo me ebo digi te tobage sę suabo homu ebaso da, nago Godibolo hanalu wao, tama Godigo nage ola mawaibao,” wali.  
\v 12 Tiali goli, Ahasgo te po wali, “Menio. Te eno agabolo bomai sę me suainu me hanalugobeo. Eno Genuai Bidigo bomo usu sabo hagela ebo,” wali.   
\p
\v 13 Teda Aisaiago po wei ponoyu, te po wali, “Dage tuni bidi Devitgo wąį dabe, dagego bugagia odao. Dagego ebo kolesagade da te bidi dabego dage hagela mu yali. Tama megi ma eno Godigo tonalubo kolesaga te dagego usu sogowe?  
\v 14 Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao. \f + \fr 7:14 \ft Te Hibru pogo te nogi Emanuel te page da te elama dao, “God da dali bidibao,” wali.\f* \x * \xo 7:14 \xt Mat 1:23\x*  
\v 15 Tama nosali te ogwa aga te homu kolesaga elama, te mena kolesaga dwai yaliwe, ma mena kolesaga wiegi yai yaliwe wabo sogode, tama te sogo agai hani bunu ąį, me sis augwaligo kau kibu ame pęgo, me sipsip kibu ame pęgo nigai nai, tuaibao,” wali. \f + \fr 7:15 \ft Te Israel dabe augwali te tǫ wa pai bulude bidali sogo, augwaligo te nai hauwa elalubeo. Tama augwaligo odali, te Kenan tǫde te nai hani me hasago ame pę hauwa elalubo po odali, tama te wiegi yai nai mu da augwaligo te homu yali. Te buku Ma Dobola Sali, Dąį 3.8, tede te po elalubao. Tiali goli, nosali da, augwali te Kenan tǫba sabolama, bidali sogo da, augwaligo te tobage nai hauwa mu elaluali, te nai hani me hasago ame pę te tubo nai si naga me elalubeo. Tama tialima, bidi mebago homugo te hanigo te po wali, te wai dabego te wiegi yai nai naga tuabo po wali da homu yali, te nai hani me sis. Tama bidi mebago homugo te po page te gasagi yai tedali wali da homu yalio. Augwaligo homugo te hanigo te gide nai dabe tigidali dolaibao po olama, wali da, te homu yali. Te wali po te ves 21-25 tede suao. Te tobage nai si naga elalueibao, te bulude elalubo hani dali te tubo ame pę, ma te sis nigabo, te nai si naga elaluabo po olama, wai dao.\f*   
\p
\v 16 “Ahas, megi da, nago te tuni bidi side nage wi ebo dao. Tiali goli, augwali sigo bulu dolama, tama augwaligo tǫ olo elaluaibao. Tama te nai sę da, te ogwa wai bǫųgo mena kolesaga dwai yaliwe, ma mena kolesaga wiegi yai yali homu konesiąbadi, te sę yaibao.  
\v 17 Tama Genuai Bidigo dwai sogo taga palama, tama nage me, naga we bidi me, naga ayago togali seseba taga palaibao. Te sęgęgo da, te polobadu yali te sęgę mu edelama, mu yaibao, te Israel dabego Juda tagalama, taga palidu gagalasa, megiba usu nagasali. Te sęgę e dao, Genuai Bidigo Asiria tuni bidi Juda buluba sela asaibao,” Aisaiago te po wali.   
\p
\v 18 Tama te sogo Genuai Bidigo Isip dabeba ho obaso, augwali augwa bulu tagalama, tama augwali te dinai sibi asobo ąǫ yaibao. Tama agai te Asiria haniba ho wabo si, tama augwali te mano sibi isidigi asobo tiwai asaibao.  
\v 19 Tama augwali te bulu Juda tǫde mu pągą yaibao. Tama augwali te tigidali dwai pesage me, masigi dedage me, dwagi yai nosai elalubo pesage me, sesane yai bono elalubo pesage me, mu usu naibao.   
\p
\v 20 Tama te sogo Genuai Bidigo te Asiria tuni bidi te wę Yufretis u badu oda saibao. Aga te Genuai Bidigo nisa tiwai elama, dagego nisi poawaibao, te dage Juda dabego tigi nisi. Agai dagego penane nisi me, tobolu nisi me, tigi nisi me, tigidali agai poawaibao.   
\p
\v 21 Tama te sogo da, te boi bidi dabego dagego kibu bulmakau dabe, sipsip kibu dabe sese ela silaibao. Tiali goli, bidi me deligo kau kibu deli bidiyu, me meme kibu si me bidibaso da,  
\v 22 augwaligo ame pę hauwa mu nigilaibao. Tama agai te ame pę selama, tama te tubo nai sis geselaibao. Tama te dwasianu we bidi bidibo bage augwaligo te sis dali, hani bunu ąį dali si tuyu yaibao.   
\p
\v 23-24 Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.  
\v 25 Megi da, bidi dabego te dwasianu bulu dude dabe te augwa gide nai sabo dao. Tiali goli, te ni sesane yai ni dabe holiyu, bono dabe holiyu elama, te gi mesegelaibao. Te bidi dabe augwali te sesane dabe wi ebaso, teba pelama, gi dabe ma egobeo. Menio. Te da, augwaligo te kau kibu de sipsip kibu naga te pesageba bilama, nai teba gegegi pomainu sula tagalaibao.   
\c 8  
\s1 Polo wi sa, polo sela pa  
\p
\v 1 Genuai Bidigo enabolo walali, “Te po tede asęabo genuai nai me sao, tama ugwadu nago te po asęao, ‘Polo wi sa, polo sela pa.’ Nago bugagia asęao, tama te bidi dabego bugagia nedebo usu yaibao.  
\v 2 Tama te po sagoa maiabo bidi si nago sao, te dwagi yai bidi pris Uria, me Sekaraia, te Jeberekiago ogwa,” wali. Tama eno te tama yali.  
\v 3 Nosali ena ena we dali piali. \f + \fr 8:3 \ft Bidi mebago te homu ebao, te profet bidi Aisaiago we, aga me te profet we me dao homu ebo.\f* Tama aga haliga elama, ogwa ame nani. Tama Genuai Bidi enabolo te po wali, “Nago te nogi agabolo mao, ‘Polo wi sa, polo sela pa’.  
\v 4 Tama te waigo ida aya wabo gagalisiąbadi da, te Asiria bagego te Damaskus de Samaria sigo wiegi yai nai dabe tigidali wi sagasaibao, tama augwa tuni bidiba sela paibao,” wali.   
\s1 Asiria tuni bidigo Juda dabe aiyaba elaluainu yai goli, God augwali dali bidali  
\p
\v 5 Genuai Bidigo enabolo te po ma wali,   
\q1
\v 6 “Ena Genuai Bidi, ena te wę  
\q2 Jerusalemde gebo dabo tiwai dao.  
\q1 Aga tigidali sogo dua soabo dao.  
\q1 Tiali goli, te Juda we bidi dabego  
\q2 homugo eno bomo meni da homu ebo.  
\q1 Tama augwaligo homugo te Aram tuni bidi Resin dali,  
\q2 te Israel dabego tuni bidi Peka,  
\q2 augwali sigo bomo te genuai mu dao homu ebo.   
\q1
\v 7-8 Tama tibaso, ena Genuai Bidi, te eno te wę Yufretis  
\q3 genuai mu ilama, tama te wę gisigiluyu,  
\q2 tigidali pesage mesega sigi pomainu yaibao.  
\q1 Te węgo tigidali bulu mesega saibao.  
\q1 Te wę Yufretisdu gagalama, tama Juda  
\q2 buluba sabolagasaibao.  
\q1 Tama te wę gebo dabo te bidigo dogoni dąį yagasaibao.  
\q1 Te wę Yufretis te Asiria tuni bidigo piksa tiwai dao,  
\q2 te aga ami bidi dabe dali sigo tiwai.  
\q1 Te bage augwali aselama, te Emanuel  
\q2 nago tǫ usu nagasaibao.” \f + \fr 8:7-8 \ft Te Hibru pode te nogi Emanuel wali, te page te tobage tiwai si elaluali, “God da dali bidibao,” wai. Te Aisaia 7:14, tede Aisaiago te po weyu, te wai me deli ame nobaso, te augwaligo aga nogi te Emanuel nogi yaibao po wali. Aisaiago agai te waide homu kone elama, tama agai te Juda hanigo tǫ nogi e poali, “Emanuel, nago tǫ dao,” wali.\f* Godigo te po wali.   
\q1
\v 9 Bugagia odao, dage te we bidi  
\q2 digibulu bidibo me, pąde bidibo me,  
\q3 dage Israel hani isąwai bage.  
\q1 Dagego hwįabo no muyu, bomo selama elalubo sę yao.  
\q1 Tiali goli, dagego bomo da, toga paibao.  
\q2 Tama dage noma selama, kone tųą pebela waibao.   
\q1
\v 10 Duga homugo mena sę yabo  
\q2 homu yali po duga maiąo.  
\q1 Tiali goli, dagego te sę ebo usu egobeo.  
\q1 Dagego te po da, aga nai meni yaibao.  
\q1 Magi baso meni. God da dali bidibao. \f + \fr 8:10 \ft Te Hibru pogo, te po dage e tiwai, “God da dali bidibao” wai, te tobage po tiwai wai te nogi Emanuel wali. Te Aisaia, Dąį 7:13-15 me Dąį 8:7-8, tede te po suao.\f*   
\s1 Aisaia aga hani dali, augwaligo God deli naga wi yao  
\p
\v 11 Eno Genuai Bidigo bomo enaba asobo gagama yali. Tama agai enabolo te po wali, “Nago te we bidi dabego homu dali deli igio. Tama nago augwaligo ebo kolesaga wali pigio,” wali.   
\p
\v 12 “Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.  
\v 13 Dagego e tama koneao. Ena Genuai Bidi Tigidali Bomo Elalubo Bidi, ena te wiegi yai doloba pai kolesaga naga tigidali sogo ebo God dao. Dagego ena deli naga wi elama, noma sao. \x * \xo 8:13 \xt 1 Pi 3:14-15\x*  
\v 14-15 Ena te we bidigo geme duala sabo bomai pesage dao. Tiali goli, ena te Israel de Juda sigo we bidigo sunumide masigi tiwai bidibao. Tama augwali te masigide sągą dani tuą palama, tama tulaluama, tama augwali dolaibao. Tama te Jerusalem we bidide da, te ena te kę tiwai, augwali tola sabo bidibao. Tama augwali hauwa te kęde tola saibao,” wali. \x * \xo 8:14-15 \xt 1 Pi 2:8\x*   
\s1 Aisaiago Genuai Bidigo yaibao wali te sę tonaluali  
\p
\v 16 Te ena skul ogomani gesabidide eno te Genuai Bidigo enabolo mani po mesegelama, haluali. Tama eno asęnama, tama eno dąį tede ilali. \f + \fr 8:16 \ft Godigo te po wali, te we bidi augwaligo agai po wali pisąbaso da, teda haniani sę nosali pedelaibao wali. Tama Aisaiago te yabo sę po asęani. Te agai te asęani po kęnama, dąį ilali, te niwai bidi mego agai te asęani po hasegelabo usu me egobeo. Tialima, nosali da, te po wali sę dabe pedalubo si da, te we bidi augwaligo te duani buku yabe dagalama, tama agai te asęani po nedama, tama augwaligo te tiwai konemainogo, te Aisaiago wali po dabe te mu po wai yabo homu yaibao te po wai.\f*  
\v 17 Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao. \x * \xo 8:17 \xt Hib 2:13\x*  
\v 18 Genuai Bidi Tigidali Bomo Elalubo Bidi aga te Saion bulu dude bidibao. Agai ena te wai dabe mawai dao. Tama agai da te Israel we bidide yabo sę dąį tiwai ilali. \f + \fr 8:18 \ft Aisaiago Godigo po pusali silagasobao wali. Megi da, te aga dua digi bididu, te Godigo mena sę ebo te suainogo tonalu bidali. Tialima, te we bidi dabego aga sulama, tama augwaligo agai wai dabego nogi pagede homu kone kone ebo sogo, augwaligo te agai augwaliba pusali pode homu kone palaibao. Te Aisaiago wai dabego nogi page koneainogo da, te buku Aisaia, Dąį 7:3; 8:3-4, tede suao. Te ves 17 me 18 tede wali po, “te Israel we bidi dabego wali po,” te tǫ kantri Israel me Juda dali te tǫ kantri pedai side te po wai dao.\f* \x * \xo 8:18 \xt Hib 2:13\x*   
\s1 God agaduba deli naga we bidibolo dwagi yai sogo mabo usu yaibao  
\p
\v 19 Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.  
\v 20 Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.  
\v 21 Menio. Augwali dwai dene mu saibao. Te augwali genuai homu sęgę mu elama, nasi elama, tama augwali subigila te bulude bilaibao. Nasigo augwaligo haliga sębę mu elama, tama augwaligo augwa tuni bidibolo, me augwa Godibolo dwai po waibao. Te augwaligo dagaluba tonoyu,  
\v 22 tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.   
\c 9  
\s1 Godigo we bidi wiegi yai homu elama, bidabo tuni bidi mani  
\p
\v 1 Polobadu Genuai Bidigo te Naptaligo hanigo bulu pesage, me Sebulungo hanigo bulu dolai dao. Tama augwali hale dali mu bidai dao. \f + \fr 9:1 \ft Te Asiria dabego boi hwįagaselama, Sebulun me Naptali hani sigo tǫ dabe sobadi, te gasa te pąde elaluali bulu dabe, me distrik dabe, te kantri Israel te not badu elaluali bulu dabe me salio. Te buku 2 King, Dąį 15:29, tede suao. Galili tǫ te gasa nogi te tǫ pedai badu kantri nogi me dao.\f* Tiali goli, me sogo nosali da, te badu dabe te tamu węba pabo sunumide bida bida pabo bulu, me te wę Jordan ugwa bulu badu bulu dabe, me te Galili distrik bulu tigidali, me te Israel hani isąwai bidi dabe hauwa bidibo madi, te bulu dabe sese genuai nogi saibao. Tama augwaligo dwai sogo sia saibao. \x * \xo 9:1 \xt Mat 4:15\x*   
\b  
\q1
\v 2 Te we bidi augwali moni hulia sai madi bilai goli,  
\q2 megi augwali genuai ula suali.  
\q1 Augwali hulia sai madi bidai goli,  
\q2 megi da, augwaliba genuai ula pedalali.\x * \xo 9:2 \xt Mat 4:16; Luk 1:79\x*   
\q1
\v 3 Genuai Bidi, nago naga we bidi  
\q2 genuai hani pedalomainu yalio.  
\q1 Tama nago augwali wiegi yai homu emainu geninanio.  
\q1 Augwali naga gedude wiegi yai homu yalio.  
\q1 Te augwaligo augwa gi nai hasia inawai  
\q2 siyu ebo homu tiwai yalio.  
\q1 Tama me, te ami bidi dabego wąbi hwįnama,  
\q2 gasa bidi dabe aiyaba elaluama,  
\q2 te augwaligo sali nai dabe dobayu  
\q3 ebo homu tiwai yalio.   
\q1
\v 4-5 Te we bidi dabe wiegi yai homu yali.  
\q3 Magi baso meni.  
\q1 Nago augwaligo boi bidi dabego bomo  
\q3 polo toga sąyai da weyu,  
\q3 te polobadu nago Midian hanigo bomo toga  
\q3 sąyani yali gilama. \f + \fr 9:4-5 \ft Polobadu te Midian dabego te Israel dabeba dwai sę ebaso, tama te bidi Gideongo nogode Genuai Bidigo augwaligo bomo togwaluai dao. Te buku nogi Tobolu Bidi, Dąį 6:16; 7:9-25, tede te po dabe elalubo suao.\f*  
\q1 Te boi bidi dabego naga we bidi tonaluama,  
\q2 tama augwali genuai sęgę tolalumainu yai dao,  
\q2 te bidigo sęga pai ni name kau kibu  
\q3 dogoniba munama,  
\q2 tama te kau kibugo sę emainu wąbi dagego elama,  
\q2 tonalubo tiwai yai dao.  
\q1 Tiali goli, nago te ni name dabe, me te wąbi dage dabe,  
\q2 nago polo toga sąyai dao.  
\q1 Te boi bidi dabego nai tama,  
\q2 te boi bidi dabego nago we bidi dabe  
\q3 dali dwai sę megi me egobeo.  
\q1 Te boi bidi dabego gudama, hwįgi pabo  
\q2 nai dabe sese isigo dela silaibao.  
\q1 Te augwaligo moni su dabe, me hwįyu gudubo ugwa  
\q2 te bidi kaneme dagana sali, te isigo delama, silaibao.  
\q1 Te tigidali sęgę dabe sese silaibao.  
\q1 Tama wiegi yai sogo ma asaibao.   
\q1
\v 6 Magi baso meni. Ogwa me ame neyu,  
\q2 daba polo sabolali.  
\q1 Te wai me deli Godigo dabolo mani.  
\q1 Aga dago tuni bidi bidaibao.  
\q1 Tama agai tama nogi dabe elaluaibao,  
\q3 te Dwagi Yai Kolesaga Mu Mabo Bidi dao,  
\q1 tama God Tigidali Bom o Elalubo Bidi,  
\q1 tama Tigidali Sogo Bida Bida Pidu Bidibo Aya,  
\q1 tama Bugagia Bidibo Page Sela Mayu,  
\q2 me Tabi Nagame Ilibo Tuni Bidi.  
\q1 Agai te tobage nogi dabe elaluaibao.   
\q1
\v 7 Te tuni bidi te tuni bidi Devit hasegelama, bidaibao.  
\q1 Tama aga te Devitgo tuni bidi siade dualaluyu,  
\q2 te we bidi dabe tonaluaibao.  
\q1 Te agai gavmanigo bomo tigidali sogo  
\q2 genuai holudaibao.  
\q1 Tama hwįbo me menia pelama,  
\q2 bugagia tigidali sogo bidaibao. Magi baso meni.  
\q1 Te tuni bidi aga te tigidali sogo  
\q1 dwagi yai doloba pai kolesaga naga ebo dao.  
\q1 Tama agai te kolesagago aga  
\q2 te bomai tuni bidi bidaibao,  
\q2 te megi me, tigidali sogo nosali me.  
\q1 Genuai Bidi Tigidali Bomo Elalubo Bidigo homugo  
\q3 bomo mu elama,  
\q2 we bidi dabe dali wiegi yai sę yabo homu ebao.  
\q1 Tama tibaso, agai te sę dabe me elama, pedalaibao.\x * \xo 9:7 \xt Luk 1:32-33\x*   
\s1 Genuai Bidigo Israel dabe dene mani  
\q1
\v 8 Genuai Bidigo polo wali, te agai  
\q2 te Israel bulu dolaibao wai dao.  
\q1 Te Jekopgo wąį hani dabe,  
\q2 tama te dwai sogo augwaliba pedalobo sogo da.   
\q1
\v 9 Te genuai hanu Samaria we bidigo,  
\q2 me gasa tigidali Efraim hani  
\q2 bidi dabe, augwaligo koneaibao,  
\q1 Genuai Bidigo te sę augwaliba te yali dao po waibao.  
\q1 Te megi da, augwaligo homugo augwali  
\q2 geninama mu dao olama,  
\q3 augwa nogi ugwaba te sobao.  
\q1 Augwaligo te po wali,   
\q1
\v 10 “Te boi bidi dabego dago brikigo  
\q2 sęani be augwaligo hųgiyu,  
\q2 me dago fik ni geliyu yali goli,  
\q3 te dago tede moni homu egobeo.  
\q1 Te olo nai dao.  
\q1 Dago masigi togolama, wiegi yai  
\q2 bomai be dabe sę yaibao.  
\q1 Tama dago wiegi yai ni bǫ wai bulaibao,  
\q2 te ni fikigo pesage hasegeleyu,” te po wali.   
\q1
\v 11-12 Genuai Bidigo Israel dabe dali sębę yali.  
\q1 Tama tibaso, agai te boi bidi dabego homu hodolali,  
\q2 te augwaliba wąbi hwįagasomainu.  
\q1 Agai te Siria dabe te giliga asobo badu  
\q3 bidigo homu hodolali, te tuni bidi Resingo hani,  
\q2 tama me agai giliga dega  
\q3 sabo badu bulu Filistia hanigo homu me  
\q3 hogodolama, hwįagasomainu yali,  
\q2 Israel dabe aiyaba elalumainu.  
\q1 Genuai Bidigo te tama tiali goli,  
\q2 tego agai sębę siligobeo.  
\q1 Menio. Agai nogo me dodalubao.   
\b  
\q1
\v 13 Te Israel we bidi homu begelebeo.  
\q1 Genuai Bidi Tigidali Bomo Elalubo Bidigo  
\q2 augwali dene mani.  
\q1 Tiali goli, augwali agaba ma asobeo.   
\q1
\v 14 Tama tibaso, Genuai Bidigo  
\q2 te bulu Israel dene mawaibao.  
\q1 Te deli sogo tama agai Israel dabego  
\q2 tobolu dali, danu dali, si togaibao.  
\q1 Me po begelama weyu, agai te wiegi yai  
\q2 ni pam nologo dali, te olo sigi dali si togaibao.   
\q1
\v 15 Tobolu te polo monu dabe de genuai  
\q2 nogi yai bidi sibolo wali.  
\q1 Te danu te tibo po we bidibolo pusali  
\q2 profet bidi dabebolo wali.   
\q1
\v 16 Te tobolu bidi dabego we bidi dabebolo  
\q2 wiegi yai sunumi dali kolesaga si  
\q3 ola mawai menio.  
\q1 Tama tibaso, we bidi polo hagawali.   
\q1
\v 17 Tigidali we bidi God tagalama,  
\q1 God dologode bidisąbo bidi polo gagawai dao.  
\q1 Augwaligo tigidali po dabe,  
\q2 kolesaga dabe mu dwai mu dao.  
\q1 Tama tibaso, Genuai Bidigo tigidali mu dolaibao.  
\q1 Agai te gesi bidi me bidimainu me sula tagalogobeo.  
\q1 Tama agai te we sibi me hobede me egobeo.  
\q1 Wilawe we dabe, me te tiana wai dabe,  
\q2 agai hobede me egobeo.  
\q1 Genuai Bidi agai te tama tiaibao.  
\q1 Tiali goli, tego agai sębę siligobeo.  
\q1 Menio. Agai nogo me balalubao.   
\q1
\v 18 Te we bidi augwa haniani dwai  
\q2 kolesagago augwa ma dolali.  
\q1 Te dwai nosaide isi dola selama,  
\q2 te genuai nide dela selama,  
\q2 moni busi dabo tiwai yali.  
\q1 Tama genuai hano ugwaba holali.   
\q1
\v 19 Genuai Bidi Tigidali Bomo Elalubo Bidigo sębę  
\q1 genuai mu elama,  
\q2 tama agai tǫde we bidi tigidali dene mani.  
\q1 Tama augwali silali, te isigo mone busi delama,  
\q2 tigidali nai dabe dela silibo tiwai yali.  
\q1 Te deli deli we bidigo homu kolesagago da,  
\q2 gasa we bidi aiyaba elaluabo homu elalubo.   
\q1
\v 20 Tama augwaligo nai anoma elama, sabo sę ebo dao.  
\q1 Tiali goli, tego augwaligo homu kolesaga pągąnabeo.  
\q1 Augwali te bidi nai hauwa tuai goli,  
\q2 augwali tabia pisąma ebo tiwai dao.  
\q1 Tama augwaligo te kolesaga augwa deli  
\q2 hani dali me ebo dao.   
\q1
\v 21 Te Manase hanigo Efraim hani  
\q2 aiyaba elaluainu yaibao.  
\q1 Tama Efraimgo Manase hani aiyaba  
\q2 elaluabo homu yaibao.  
\q1 Tama te hani sigo Juda dabe aiyaba  
\q2 elaluabo homu yaibao.  
\q1 Genuai Bidigo augwa digi augwa hasi  
\q2 ma dolomainu yaibao.  
\q1 Tiali goli, tego agai sębę ebo siligobeo.  
\q1 Menio. Agai nogo me balalubao.   
\c 10  
\q1
\v 1-2 Dage te gesi gesi bomai po mubo bage,  
\q2 dage dolaibao.  
\q1 Te gesi bomai pogo te po tų ebode  
\q3 gasa bidi dabe aiyaba elaluama,  
\q2 tama nai meni yai bidi dabego nai sainu.  
\q1 Tama tiyu, te nai meni yai bidi dabe  
\q2 po tų ebo sogo asobaso da, te bomai pogo augwali  
\q3 tau sabo meni.  
\q1 Tama augwali po tų ebode geda mubo dao.  
\q1 Tama te dolo meni yai kolesagago  
\q2 dagego Genuai Bidigo we bidi dabe aiyaba elaluama,  
\q2 tama dagego te wilawe we dabe,  
\q2 me tiana wai dabego nai dabe dagego wi sabo dao.   
\q1
\v 3 Te Godigo dagego dwai kolesaga  
\q2 wei ponabo sogo bodolu muani,  
\q2 te sogoba sabalobo si, dagego magi sę yaibawe?  
\q1 Te agai gasa bulu me te bomai wali tiwai aselama,  
\q1 dage dolomainu ebaso, dagego magi sę yaibawe?  
\q1 Dage te deba udalama, dage tau somainu yaibawe?  
\q1 Tama te nai dabe hauwa dagego sali,  
\q2 te nai dabe dagego menade mugi paibawe?   
\q1
\v 4 Dagego magi sę me ebo usu egobeo. Mu menio.  
\q1 Te boi bidi dabego dage ela wialobo,  
\q2 o dage deli deli pibia sidubadi,  
\q2 augwaligo dage sela pelama,  
\q3 kalabusiba tagaligi pabo sę yaibao.  
\q1 Genuai Bidigo sę dabe dageba pedalumainu yaibao.  
\q1 Tiali goli, tego agai sębę siligobeo.  
\q2 Menio. Agai nogo me balaluaibao.   
\s1 Te bulu tǫ kantri Asiria dolaibao  
\q1
\v 5 “Ena Genuai Bidi, eno te po obao,  
\q2 te bulu tǫ kantri Asiria dolaibao.  
\q1 Megi da, te Asiria te wąbi tiwai nigilama,  
\q2 tama eno we bidigo ena sębę ilibo  
\q3 we bidi te elebao.   
\q1
\v 6 Te we bidi dabego ena tagalama,  
\q2 tama God dologode bidisąbo bidi gagawali.  
\q1 Tama augwaligo ena sębę ilali.  
\q1 Tama tibaso, eno Asiria bage  
\q3 taga palama, augwali elama,  
\q2 tama augwaligo nai dabe selama, tama augwali  
\q2 aiyaba elaluama,  
\q3 agalama, tagalomainu yai dao,  
\q2 te bidi dabe tǫ nagamea pai  
\q3 pudu pabo tiwai emainu yai dao.”   
\q1
\v 7 “Tiali goli, Asiria tuni bidigo homu  
\q2 kolesaga, eno kolesaga dali side gasa me tali.  
\q2 Agai te gasa bulu hauwa me dolabo homu elalubao.  
\q1 Tama augwali sese silabo homu ebo.   
\q1
\v 8-9 Agai dwai homu tali eyu, te po wali, ‘Eno bulu  
\q1 hauwa me elaluama,  
\q2 tama augwaligo genuai hanu dabe  
\q3 eno polo sai dao,’ po wali.  
\q1 ‘Tama me, te tuni bidi dabe eno augwali aiyaba elaluali,  
\q2 te bidi dabe augwali eno ami bidi  
\q3 tomode ofisa bidi bidimainu,  
\q2 eno augwali te sę mani.  
\q1 Te eno te hanu dabe aiyaba elaluali  
\q2 hanu dabe te Karkemis, me hanu Kalno, me Arpat,  
\q2 me Hamat, me Damaskus, me Samaria, tama dao.   
\q1
\v 10 Eno te bulu dabe dolama, elama, tagalai dao.  
\q1 Te bulu dabede te tibo god dabe piksa hauwa mu elalubo  
\q2 hanu dabe augwaligo elaluali.  
\q1 Tama augwa te tibo god dabego augwali tau sabeo.  
\q1 Te tibo god dabego te Jerusalem me Samaria sigo  
\q3 tibo god dabe aiyaba elaluali.   
\q1
\v 11 Eno te Samaria dabe augwa  
\q2 tibo god dabe dali eno dolai dao.  
\q1 Tama tibaso, eno te kolesaga tiwai te Jerusalem augwa  
\q2 tibo god dabe dali me yaibao,’  
\q2 te Asiria tuni bidigo te homu ebao.”   
\q1
\v 12 “Te tuni bidigo te po wali.  
\q1 Tiali goli, ena Genuai Bidi eno te po obao.  
\q1 Te Asiria dabe tuni bidigo eno agabolo  
\q2 te bulu du Saion me Jerusalem side  
\q2 yao wali sę ela silibo si da,  
\q2 teda aga tigide eno sę yaibao. Magi baso meni.  
\q1 Agai homugo aga genina mu dao homu elama,  
\q2 tama aga nogi ugwaba mu sabo.   
\q1
\v 13 Agai tobolu tali eyu, agai te po tama wali,  
\q1 ‘Ena bomo de ena homu kolesaga sigo  
\q2 eno te sę dabe yalio,’ po wali.  
\q1 ‘Magi baso meni. Eno dwagi yai  
\q2 homu kolesaga mu elaluali, te sę dabe yabo.  
\q1 Eno te bulu dabe dąį ilali, eno polo sela sąwani dao.  
\q1 Tama tigidali ena dologode naga bidibo.  
\q1 Tama eno augwaligo wiegi wiegi yai nai dabe  
\q2 augwaligo sisiniduali nai dabe eno sai dao.  
\q1 Ena bomai bidi mu dao.  
\q1 Tama tiyu, eno te bulu we bidi dali,  
\q2 me augwaligo king bidi dabe dali agalama,  
\q2 tama eno augwali aiyaba mesegelai dao.   
\q1
\v 14 Te e tǫde kantri dabe tigidali te ba be tiwai dao.  
\q1 Tama augwaligo wiegi yai nai dabe eno sali,  
\q2 bidigo te ba ge sabo tiwai yalio.  
\q1 Awe, te ba kimi dabego augwa ge dabe tagalama,  
\q2 tama bidigo olo sabo tiwai gilama,  
\q2 eno te kantri dabe sisinani.  
\q1 Tama te ge tagalali ba kimigo  
\q2 te ge sabo bidibolo hwa wasiąwai tiwai eyu,  
\q2 te kantri dabego bomo elaluali  
\q3 bidi dabego enabolo  
\q2 tagala po me wabeo. Mu menio.’  
\q1 Te tuni bidigo te po wali.”   
\q1
\v 15 “Tuni bidigo te po tama wali.  
\q1 Tiali goli, ena Genuai Bidi eno hanalu waibao,  
\q1 ‘Te sigi hwą me deligo te po waibawe,  
\q1 “Te ena genuai dao, tama bidigo nogo toulama,  
\q2 nigilibo te enaduba bomogo edelalio,” po waibawe?  
\q1 Te so mego “Ena te bidigo nogo toulama,  
\q2 ni togobo bomo te eno edelalio,” po waibawe?  
\q1 Te hwįbo ni dage dabego bidi nogo  
\q3 toulama, hwįgi pabo meni.  
\q1 Menio. Te bidigo te ni dage dabe nogo  
\q3 toulama, hwįgi pabo dao.’”  
\q1 Genuai Bidigo te po wali.   
\b  
\q1
\v 16 Megi da, Genuai Bidi  
\q2 Tigidali Bomo Elalubo Bidigo  
\q1 te Asiria dabebolo genuai gasi me deli  
\q3 augwalibolo menama,  
\q2 tama augwali bomo sia somainu yaibao.  
\q1 Tama me ma, bidigo magi nai dolainu  
\q3 sia nogebo tiwai eyu,  
\q2 agai te Asiria bagego bomo me,  
\q3 genuai nogi dali, mu dolaibao.   
\q1
\v 17 Genuai Bidi aga te Tigidali  
\q1 Wiegi Yai Doloba Pai Kolesaga Naga Ebo God dao.  
\q1 Tama aga te Israel dabego ula dao.  
\q1 Tiali goli, Asiria dabe dali da, aga te isi gagalama,  
\q3 augwaligo bulu isi ulaibao.  
\q1 Te deli bubagade naga agai te tigidali  
\q2 dwai nosai dabe isi ulaibao.   
\q1
\v 18 Tama bogi peyu, moni genuai genuai  
\q3 ni dabe dela pelama,  
\q2 tama gi yabo wiegi yai tǫ me dela paibao.  
\q1 Genuai Bidigo Asiria dabe dolama,  
\q2 tama augwali mu tama silaibao,  
\q2 te gasigo bidi me deligo tigi bomo doloyu,  
\q2 ela silibo tiwai yaibao.   
\q1
\v 19 Te Asiria bulude tigidali nai dabe mu silaibao,  
\q2 tama deli deli ni naga dolaluaibao,  
\q3 te dwasianu wai bǫų dabego me nedabo usu  
\q3 nama.   
\s1 Dwasianu Israel we bidi hani naga ma asaibao  
\q1
\v 20 Genuai Bidigo bodolu me polo muai  
\q2 dao wali, te Israel hani dwasianu  
\q2 te Jekopgo wąį tomode bidibo  
\q3 hanigo i agabolo omainu.  
\q1 Te Israel dabe augwali augwa boi  
\q3 bidi dabede wi ebaso,  
\q2 tama augwaligo gasa bulu  
\q2 bidi dabego augwali tau somainu i wali.  
\q1 Tama te bulu bidigo augwali tau somainu tonaluali.  
\q1 Tiali goli, te bulu bidigo begelama,  
\q2 augwali ma dolaibao.  
\q1 Tama te sogo augwaligo te Israel dabego  
\q2 Genuai Bidiba i waibao.  
\q1 Aga te Wiegi Yai Doloba Pai Kolesaga  
\q2 Naga Ebo God dao.  
\q1 Tama augwaligo agai tau somainao  
\q2 olama, tonaluaibao.   
\q1
\v 21 Tama te dwasianu Israel we bidi  
\q2 bidibo dabe augwali te God  
\q1 Tigidali Bomo Elalubo Bidi pageba ma asaibao. \f + \fr 10:21 \ft Te Hibru pode, te po weyu “Dwasianu hani naga te ma begasa asaibao,” wai. Te tiwai po te Aisaiago wai me deli nogi wabo tiwai si yali dao. Te buku Aisaia, Dąį 7:3, tede te tiwai po elalubo suao.\f*   
\q1
\v 22-23 Megi da, te Israel we bidi hauwa mu te bidibao,  
\q2 te tamu węde kemi sane tiwai dao.  
\q1 Tiali goli, augwali dolaibao,  
\q2 tama dwasianu we bidi naga ma pedalaibao.  
\q1 Genuai Bidi Tigidali Bomo Elalubo Bidigo te bulu sese  
\q1 tama dolabo po polo wai dao.  
\q1 Tama da agai dolaibao.  
\q1 Tama agai doloba pai kolesaga genina  
\q3 mu ma haninaibao,  
\q2 tama te we bidi dabego sueibao. \x * \xo 10:22-23 \xt Rom 9:27\x*   
\s1 Genuai Bidigo Asiria dabe dolaibao  
\q1
\v 24 God, Genuai Bidi Tigidali Bomo  
\q2 Elalubo Bidigo te po wali,  
\q1 “Eno we bidi dage Saionde bidibo,  
\q2 dage te Asiria dabede wi igimio.  
\q1 Augwaligo dage te wąbigo elama,  
\q2 dage dali dwai sę ebadi me tagalao.  
\q1 Te Isip bagego polobadu yali tiwai ebadi goli.   
\q1
\v 25 Megi da, eno dage Asiria dabego  
\q2 dage dolomainu sula tagalobao. Magi baso meni.  
\q2 Eno sębę dage dali me ebaso.  
\q1 Tama tamadi tama ena ma begelama,  
\q2 Asiria dabe dolaibao.   
\q1
\v 26 Ena, Genuai Bidi, Tigidali Bomo  
\q2 Elalubo Bidi, eno augwali bįgo elaibao,  
\q1 eno te Midian dabe te Orepgo Masigi  
\q2 nogi wabo bulude dali tiwai elali.  
\q1 Eno nogo ugwa selama, tama elaibao,  
\q2 te polobadu eno Isip dabe  
\q2 te tamu węde elali tiwai yaibao.   
\q1
\v 27 Megi da, dage te Asiria dabego  
\q2 dage tonaluyu, te kau kibu  
\q3 magede ni name munama,  
\q2 tama sę emainu selebo tiwai te ebao.  
\q1 Tama te Asiria dabe bugagia dualalubao.  
\q1 Tama augwaligo te ebo kolesagago  
\q2 ena sębę te ilibao.  
\q1 Tama tibaso, te eno bodolu muani  
\q2 sogode da, te eno te Asiria dabego  
\q3 bomo silama ebode da,  
\q2 te bagego dage sęgę ma mayu egobeo.  
\q1 Awe, dage te boma pai hani pedalubaso,  
\q2 dagego te tolobo sęgę mu tagalaibao.”   
\s1 Te boi bidi dabe Jerusalemba hwį yagasainu asali  
\q1
\v 28 Te boi bidi dabe bolo hanu Aiba sabolagasali. \f + \fr 10:28 \ft Te not badu boi bidi dabe aselama, te Jerusalem dolabo homu elama asiyu da, augwali asobo te taun Ai te badu suani aselama, te gasa taun dabe te nogi me badu te ves 28-32 tede nogi elalubo taun dabe sabolaibao. Magi baso meni, te taun dabe te Jerusalem pą badu te not badu elaluali.\f*  
\q1 Augwali te hanu Miklondu sa asali.  
\q1 Tama augwaligo nai dabe meba  
\q2 te hanu Mikmasde osogo muani.   
\q1
\v 29 Augwali aiya dulama, wę odogo nogegi pali.  
\q1 Tama augwali ugwaba holama, hanu Gebaba pigi pali.  
\q1 Te Rama hanu we bidi wi genuai mu eyu, midigi sali.  
\q1 Tama te hanu Gibea, te tuni bidi Solgo hanu,  
\q1 augwali hanu tagalama, wi pepelawali.   
\q1
\v 30 Te hanu Galim we bidi dagego i bomonama wao.  
\q1 Olo saganama, odao, te Laisa be nani  
\q2 we bidi, dagego odao.  
\q1 Hobede mu dao, dage te hanu Anatot we bidi.   
\q1
\v 31 Te bulu Matmena we bidi,  
\q2 me te hanu Gebim we bidi,  
\q2 wi pepelawali, te duala sabo pesage gegegi pali.   
\q1
\v 32 Megi da, te boi bidi dabe  
\q2 te hanu Nopba polo sabolali.  
\q1 Augwaligo te bulu du Saionba edaba tonagasali.  
\q1 Tama augwaligo nogo sugunani,  
\q2 te hanu Jerusalem dolabo polo  
\q3 no muanio olama, ola mobao.   
\q1
\v 33 Te agai genuai bomogo da, God,  
\q1 Tigidali Bomo Elalubo Genuai Bidigo  
\q2 agai te genuai bomai genuai  
\q3 nogi elalubo bidi dabego nogi aiyaba elaluaibao.  
\q1 Megi augwali te genuai bobobage ni dolalubo tiwai ebao.  
\q1 Tiali goli, agai augwali gelama, degelaibao.   
\q1
\v 34 Tagala augwali te Lebanonde  
\q2 genuai bobobage ni tiwai,  
\q2 me te buside genuai bobobage ni tiwai me.  
\q1 Agai augwali gelama, tǫba degelaibao.\x * \xo 10:34 \xt Ais 14:24-27; Nah 1:1–3:19; Sef 2:13-15\x*   
\c 11  
\s1 Gesi noma tuni bidigo bugagia bidabo page dodolaibao  
\q1
\v 1 Te Jesigo hani te ni bidi dabego gelai ni tane  
\q2 tiwai bididuali.  
\q1 Tiali goli, gesi age te ni tanede ma  
\q2 kolibo tiwai yaibao. \f + \fr 11:1 \ft Jesi te king Devitgo aya dao, te po te buku 1Samuel, Dąį 16:10-13, tede elalubo suao. Te nide gesi ni hogodo pedalubo tiwai yaibao, agai te dąį ilali po te gesi king te Devitgo hanide pedelabo po olama, wai dao.\f*  
\q1 Awe, te ni tanedu te gesi ni tigi holama,  
\q2 tama nologo me deligo du walaibao. \x * \xo 11:1 \xt Ped 5:5; 22:16\x*   
\q1
\v 2 Te Genuai Bidigo Spirit Mobo Bidi  
\q3 aga dali bidagaselama,  
\q2 tama aga te wiegi yai homu kolesaga dabe  
\q2 magasaibao.  
\q1 Tama agai aga we bidi tonalubo homu  
\q2 kolesaga wiegi yai mu saibao.  
\q1 Tama aga bomai tuni bidi bidiyu,  
\q2 tama agai aga we bidi tonalubo kolesaga wiegi yai  
\q2 mu elaluaibao.  
\q1 Agai te Genuai Bidigo homu kolesaga koneaibao.  
\q1 Tigidali sogo aga te Genuai Bidi dologode naga bidaibao.   
\q1
\v 3 Tama te kolesagago aga wiegi yai  
\q2 homu ilibo geninaibao.  
\q1 Tama agai te po tų odobode da,  
\q2 agai te bidi dabego po wabode naga  
\q2 o gedugo suali pode naga osola suyu  
\q3 egobeo. Menio.   
\q1
\v 4 Te po tų odobo dolo naga agai  
\q3 te nai meni yai bidi dabego  
\q2 homu sęgę elalubo po odama, te bagenu tau saibao.  
\q1 Te gasa bidi dabego augwali aiyaba  
\q2 elaluama, augwali dolama,  
\q2 dwai sę yali dabede agai pode  
\q2 te tiabo sę yali we bidi dabe dene saibao.  
\q1 Tama te dwai sę ebo bidi dabe da isaibao. \x * \xo 11:4 \xt 2 Te 2:8\x*   
\q1
\v 5 Te tama doloba pai kolesagago  
\q2 tama aga we bidi tonaluaibao.  
\q1 Aga bomo elama bidiyu, aga sę bugagia yaibao. \x * \xo 11:5 \xt Ef 6:14\x*   
\q1
\v 6 Te bulu yowi de sipsip kibu gǫų si  
\q2 aga bugagia deliba bilaibao.  
\q1 Tama te lepat moni hasa dabe  
\q2 te meme kibu gǫų dali piyu yaibao.  
\q1 Te kau kibu gǫų dabe,  
\q2 me te laion yowi gǫų dabe dali,  
\q3 deli hodobo nai tudu bilaibao.  
\q1 Tama dwasianu wai dabego augwali tonaluaibao.   
\q1
\v 7 Te kibu bulmakau de te bulu hasa bea  
\q2 aga si nai deliba tuaibao.  
\q1 Tama augwa wai dabe augwa hasi deliba piaibao.  
\q1 Tama te laion dabego te bulmakau kibugo nosai tubo  
\q2 tiwai yaibao.   
\q1
\v 8 Te wai bǫų dwasianu ame tubo dabe  
\q2 augwali te dwai gula manego  
\q3 tǫ dedage pąde gagali yaibao.  
\q1 Awe, te waigo aga nogo te bidi gąų kelebo hasamanigo  
\q2 pibo madiba muaibao,  
\q2 tiali goli te hasamanigo aga gąų kelegobeo.   
\q1
\v 9 Te Genuai Bidigo bulu du ugwadu  
\q2 te tigidali nai dabe augwa hasi  
\q3 bugagia deliba bidaibao.  
\q1 Te mego me dali dwai sę me egobeo. Magi baso meni.  
\q1 Te tigidali tǫde nai dabe sesego  
\q2 Genuai Bidi mu konea pela silaibao.  
\q1 Te kolesaga te tigidali tǫ mu usu nigi paibao,  
\q2 te tamu ąįgo aga dąįba usu nani tiwai yaibao.\x * \xo 11:9 \xt Ais 65:25; Hab 2:14\x*   
\s1 Genuai Bidigo aga we bidi ma sisinaibao  
\p
\v 10 Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao. \x * \xo 11:10 \xt Rom 15:12\x*   
\p
\v 11 Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.   
\b  
\q1
\v 12 Te Genuai Bidigo dąį me deli dodolaibao  
\q1 te tigidali tǫ pedai kantri we bidigo sumainogo.  
\q1 Tama agai te Israel me Juda we bidi dabe ma sisinaibao,  
\q2 te boi bidi dabe kalabus elama  
\q3 odasa pali we bidi dabe.  
\q1 Megi augwali tigidali tǫde bida bida pabo.  
\q1 Tiali goli, Genuai Bidigo augwali ma odasa asaibao.   
\q1
\v 13 Te bulu Israelgo te bulu Juda dali  
\q3 dwai homu me egobeo.  
\q1 Tama Juda dabego Israel dabe dali  
\q2 boi bidi homu me egobeo. Menio.   
\q1
\v 14 Augwali si talua selama,  
\q2 tama augwaligo te giliga pabo badu  
\q3 buluba hwįgi peyu,  
\q2 te Filistia dabe dali hwį yaibao.  
\q1 Tama me, augwali sigo te giliga  
\q2 asobo badu we bidi dabego  
\q2 nai dabe hwįgi pelama, augwaligo nai dabe saibao.  
\q1 Te augwali sigo te bulu Idom we bidi, me Moap,  
\q2 me Amon we bidi dabe  
\q3 augwali sigo elaluaibao.  
\q1 Tama augwali sigo te bulu dabe tonaluaibao.   
\q1
\v 15-16 Genuai Bidigo tamu wę Retsi  
\q2 sula somainu yaibao.  
\q1 Tama agai bomai posolai wali pedalomainu yaibao.  
\q1 Tama te waligo te wę Yufretis  
\q2 sula selama, dwasianu emainu yaibao.  
\q1 Te wę te a naga olama, me badu nogo si  
\q2 wę gamiadu pomainu yaibao.  
\q1 Tama tibaso, we bidigo te wę nogebo usu yaibao.  
\q1 Tama tiali, te sogo te sunumi genuai bage mu yaibao,  
\q2 te we bidi dabe te Asiria tagalama, asela yabo.  
\q1 Te yaide te Genuai Bidigo te Israel dabe Isip tagalama,  
\q2 asomainu sunumi genuai yali tiwai yaibao.\x * \xo 11:15-16 \xt Ped 16:12\x*   
\c 12  
\s1 Te buba hwi wabo balia po  
\q1
\v 1 Tama te sogo dage Israel dabego te balia po waibao.  
\b  
\q1 “Genuai Bidi, eno nago nogi ugwabo sobao.  
\q1 Nago ena dali sębę yali, tiali goli nago sębę silalio,  
\q2 tama nago ena wiegi yai sę ilalio.  
\q1 Tama megi da, eno homu bugagia bidibao.   
\q1
\v 2 Mu tama, Godigo ena ma oda sai dao.  
\q1 Tama megi da, eno agaba homu dąų ola saibao.  
\q1 Tama ena wi me egobeo.  
\q1 God, Genuai Bidigo ena bomo ilibo dao,  
\q2 tama tibaso, eno balia po obao,  
\q2 te agai nogi ugwaba sainogo. Magi baso meni.  
\q1 Agai ena ma oda salio.” \x * \xo 12:2 \xt Sai 15:2; Tib 118:14\x*   
\b  
\p
\v 3 Tǫ dedagede wę sia sabo menio. Agai te wę te nai dabebolo mabo dao. Tama augwali bugagia bidibo dao. Genuai Bidi te sia sisąbo wę tiwai dao. Tigidali sogo agai dage tau sabode dage bugagia dąų olama, bidimainu ebo dao. Tama tibaso, dage agaba wiegi yai homu dali pelama, tama Genuai Bidibolo dage tau somainu hanalugi paibao.  
\v 4 Tama te sogo dagego balia weyu e tama waibao,  
\b  
\q1 “Genuai Bidigo nogi wao.  
\q1 Tama agaba i weyu, tama agabolo buba hwi wao.  
\q1 Te tigidali we bidi hani dabebolo pusao,  
\q2 te genuai sę dabe agai yalide.  
\q1 Tama augwalibolo pusao, aga genuai nogi elalubao.   
\b  
\q1
\v 5 Te tęąbi po weyu, Genuai Bidigo nogi ugwaba sao.  
\q1 Magi baso meni, aga genuai nogi salio,  
\b  
\q2 te agai yali wiegi wiegi yai sę yalide.  
\q1 Agai wiegi wiegi yai sę yali po tigidali  
\q2 tǫde we bidibolo pusao.   
\q1
\v 6 Israel dabego God aga te Wiegi Yai  
\q2 Doloba Pai Kolesaga Naga Ebo God dao.  
\q1 Aga genuai nogi elalubo.  
\q1 Tama aga dage Saion we bidi dabe dali bidibao.  
\q1 Tama tibaso, dage wiegi yai homu iyąo.  
\q2 Tama i bomona weyu, agaba balia po wao.”  
\b  
\p Te aga hani we bidi ma sisinibo sogo dagego te balia po waibao.   
\c 13  
\ms1 Aisaiago Godigo po te tǫ kantri dabeba pususu bilali  
\mr (Dąį 13–23)  
\s1 Godigo te bulu Babilon dene mawaibao  
\p
\v 1 Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo. \x * \xo 13:1 \xt Ais 47:1-15; Jer 50:1–51:64\x*  
\v 2 Genuai Bidigo e tama po wali,  
\b  
\q1 “Dagego te ni meni yai bulu dude te plak me dodolao.  
\q1 Tama te ami bidi dabego sulama, sisinagasomainao.  
\q1 Teba augwali polo asomainu i wao.  
\q1 Nogo tų elama, te Babilon hanugo sunumi magi yao.  
\q1 Tama augwali te hwįgi pomainu taga palao.   
\q1
\v 3 Eno Babilon dabe dali sębę mu ebao.  
\q1 Tama eno ena digi ena bomai ami bidi dabe dąį ilali.  
\q1 Tama eno augwali i olama,  
\q2 te Babilon dabe dolomainu i wali.  
\q1 Te ami bidi dabe augwali Babilon dabeba  
\q2 hwįgi pabo wiegi yai homu mu yali,  
\q2 magi baso meni, augwaligo koneani,  
\q2 eno te hwįbode ugwa ela holaibao,” te po wali.   
\q1
\v 4 Dagego odao, te kulukulu  
\q2 te bulu dude dabe wabo odiąo.  
\q1 Te geninama bidi dabego kulukulu te obao.  
\q1 Te tigidali bulu hauwa badu  
\q2 ami bidi dabe te sisinagasali dao.  
\q1 Tigidali Bomo Elalubo Genuai Bidigo  
\q2 aga bomai ami bidi dabe sisinagasali dao,  
\q3 te hwįabo bidi dabe.   
\q1
\v 5 Augwali te digibulu bulu dabe te asalio,  
\q2 tama augwali te Genuai Bidigo  
\q3 enesigi de ene si tiwai dao.  
\q1 Genuai Bidi aga sębę mu elama,  
\q2 tama augwali sabolama,  
\q2 te tǫde bulu dabe sese dolama, silimainu yaibao.   
\q1
\v 6 Dage gela bomonama wao. Magi baso meni.  
\q1 Te Genuai Bidigo aga tigidali  
\q2 we bidi po tųde dodolabo bodolu pąba  
\q3 polo yagasalio.  
\q1 Tama te sogo God Tigidali Bomo  
\q1 Elalubo Bidigo te genuai dolabo sę taga palaibao.\x * \xo 13:6 \xt Jol 1:15\x*   
\q1
\v 7 Tama tibaso, tigidali we bidigo dili naga mialuaibao.  
\q1 Tama augwaligo bomo mu menia saibao.   
\q1
\v 8 Tigidali wi mu yaibao.  
\q1 Tama augwali genuai dene mu saibao,  
\q2 te wego wai sainu dene ebo tiwai yaibao.  
\q1 Te tigidali bagego gesabidi augwali  
\q2 tigidali dene ebao wabo gesabidi ola mawaibao.  
\q1 Tama augwaligo gasa bidi dabego  
\q2 gesabidiba tonobo sogo da, augwali wi mu yaibao.   
\q1
\v 9 Mu tama, te dwai sogo megi te pedalobao.  
\q1 Te da te Genuai Bidigo polo bodolu muani,  
\q1 te sogo te agai genuai sębę dali asiyu,  
\q2 tigidali tǫ dabe doliyu,  
\q1 tama te dwai sę ebo we bidi dolama, silaibao.   
\q1
\v 10 Te sogo te tigidali hǫ dabego ula sula saibao.  
\q1 Tama giliga pedalaibao, tiali goli agai  
\q2 ula hulia sigi paibao.  
\q1 Tama polua munu me nanogobeo.\x * \xo 13:10 \xt Ese 32:7; Mat 24:29; Mak 13:24-25; Luk 21:25; Ped 6:12-13; 8:12\x*   
\q1
\v 11 Genuai Bidigo te po wali, “E tǫ te we bidigo  
\q2 dwai sęgęgo pągąna pali.  
\q1 Tama tibaso, eno augwali dene mawaibao,  
\q2 te augwaligo dwai sę yali wei ponoyu yaibao.  
\q1 Te bidi dabe augwa digi augwa nogi  
\q2 ugwaba sabo bidi dabego nogieno aiyaba elaluaibao.  
\q1 Me, homu dene isiąyu, te augwaligo gasa bidi dabe  
\q2 aiyaba elalubo bidi dabe me.   
\q1
\v 12 We bidi hauwa mu isaibao.  
\q1 Tama eno deli deli naga bidimainu talagalo paibao.  
\q1 Tama augwali hauwa mu ma sugobeo,  
\q2 te Ofir bulude sabo wiegi yai gol  
\q3 susiąbo tiwai yaibao.   
\q1
\v 13 Tama te sogo  
\q2 ena Tigidali Bomo Elalubo Genuai Bidi,  
\q2 ena te eno genuai posolai sębę dali mu asaibao.  
\q1 Tama eno dagalu dali, tǫ dali si mali ilaibao.  
\q1 Tama tǫ iba kila selama, tama aga pesage taga paibao.”   
\q1
\v 14 “Tama te sogo we bidi dabe wi pabo  
\q2 te bulu hasa dabe bidigo enainu  
\q3 ebaso, wi pabo tiwai yaibao.  
\q1 Me, te sipsip kibu dabe augwa tonalubo bidi meniama,  
\q2 gegede bilibo tiwai yaibao.  
\q1 Te augwali augwa bulu muba dabe wi ma paibao.  
\q1 Awe, augwali augwa page buluba dabe polo wi soaibao.   
\q1
\v 15 Tiali goli, mena bidi me boi bidi dabego touwali,  
\q1 teda augwaligo hwą bainatgo enama, isilaibao.  
\q1 Mu tama, te boi bidi dabego augwali  
\q2 bobobage hwągo elaibao.   
\q1
\v 16 Me, te boi bidi dabego te dwasianu  
\q2 wai bǫų dabe augwa idago nogode kega selama,  
\q1 tama augwa ida aya sigo tonalubadi,  
\q2 augwaligo te wai bǫų dabe tǫba  
\q3 sąbo side, te wai dabe isaibao.  
\q1 Tama boi bidi dabego augwaligo be  
\q2 dolama, augwaligo nai dabe wi saibao.  
\q1 Tama me, augwali we dabe me penani sę yaibao.”   
\b  
\q1
\v 17 Genuai Bidigo te po wali, “Suao!  
\q1 Eno te Midia dabego homu hogodolama,  
\q2 Babilon dabeba hwįagasomainu yaibao.  
\q1 Augwaligo Babilon bagego silva de  
\q2 gol si homu kone elama,  
\q2 te buluba wąbi hwįagasobeo. Menio.   
\q1
\v 18 Augwaligo te Babilon dabe mu  
\q2 sia sayabo homu bomo mu yalio.  
\q1 Augwali gesi bidi dabe augwaligo  
\q2 enesigigo elama, isilaibao.  
\q1 Tama me augwaligo genuai me dwasianu wai bǫų dabe  
\q2 augwaligo elama, isilaibao.  
\q1 Augwaligo augwali dali homu dene mu egobeo,” wali.   
\b  
\q1
\v 19 Genuai hanu Babilon te genuai mu  
\q2 elama, tama sawi mu elama,  
\q2 tama tigidali gasa hanu dabe aiyaba elaluali.  
\q1 Te Babilon bulu we bidi dabego  
\q2 augwa hanugo wiegi yai nogide mu  
\q3 gana pabo dao.  
\q1 Tiali goli, Godigo Babilon dolaibao,  
\q2 te agai Sodom de Gomora si  
\q2 dolali tiwai dolaibao. \x * \xo 13:19 \xt Gag 19:24\x*   
\q1
\v 20 Te bulude bidi munu me ma bidigobeo.  
\q1 Tama me ma, te Arap dabe augwaligo  
\q2 sel be teba sę yagasogobeo.  
\q1 Tama te sipsip kibu tonalubo bidi dabego  
\q2 te sipsip kibu teba nosai tumainu  
\q3 teba me tonaluagasogobeo.   
\q1
\v 21 Te bulu te olo bulu gagalama,  
\q2 tama te bulu hasa dabe naga teba bidagasaibao.  
\q1 Te hulide bilibo ba dabe te bede dabe bidaibao.  
\q1 Te haniani dwai ba dabe me bidaibao.  
\q1 Tama bulu meme dabe te dolali hanude  
\q2 ugwaba samanuyu,  
\q3 edaba samanuyu, ela bilaibao. \x * \xo 13:21 \xt Ped 18:2\x*   
\q1
\v 22 Tama me, te tuni bidigo bede,  
\q2 me genuai bidi dabego bede dabe  
\q2 te bulu yowi dabe bidagaselama, go weyu yaibao.  
\q1 Mu tama mu, te Babilon dolabo sogo  
\q2 bodolu pąba polo yagasalio.   
\c 14  
\s1 Genuai Bidigo aga we bidi ma oda saibao  
\q1
\v 1 Genuai Bidigo aga Israel we bidi hobede ma  
\q2 elama,  
\q1 augwali tau siyu, tama augwali aga  
\q2 we bidi tiwai dąį ma ilaibao.  
\q1 Tama agai augwali augwa tǫba ma odasa paibao.  
\q1 Tama gasa hani we bidi augwali dali bidagaselama,  
\q2 tama augwali te Jekopgo hani dali taluama,  
\q2 augwali Israel we bidi mu pedelaibao.   
\q1
\v 2 Awe, Genuai Bidigo te Israel hani isąwai we bidigo  
\q2 te Israel dabe augwa buluba  
\q2 ma asomainu tau somainu ilaibao,  
\q2 te Genuai Bidigo augwalibolo sa muani tǫ dao.  
\q1 Tama te we bidi dabe te Israel dabego  
\q2 olo sę ebo we bidi tiwai pedalaibao.  
\q1 Te bidi hani polobadu Israel dabe kalabus elaluali bage,  
\q2 megi da augwali Israel dabego  
\q3 kalabus bidi dabe bidaibao.  
\q1 Te polobadu te Israel dabe  
\q2 aiyaba elaluama, augwali dali dwai sę yali.  
\q1 Tiali goli, megi da, Israel dabego augwali tonaluaibao.   
\s1 Te bomai tuni bidi tulaluai wabo balia po  
\p
\v 3 Genuai Bidigo dage Israel dabego dene me dwai sogo silama, tama dage Israel dabe bugagia bidaibao. Te gasa bagego dage aiyaba elaluama, tama augwaligo dage tonaluai dao. Tama dage bomai sę mu yai dao. Tiali goli, te tigidali sęgę dabe sia saibao.  
\v 4-5 Tama Genuai Bidigo te tama tibo si da, dagego te Babilon tuni bidide elalubo po page hanilama waibao. Te hanilabo po da, e tama dao.  
\b  
\q1 “Suao. Bomai tuni bidi polo tulalualio.  
\q1 Mena tama tibaso te tobage bomai  
\q2 sę ebo bidi dolaliwe?  
\q1 Genuai Bidigo tama te we bidi dabe  
\q2 dwai sę ilali bagego bomo silalio.  
\q1 Tama te augwali wi mu ilali bidi dolalio.   
\q1
\v 6 Te tuni bidigo gasa we bidi dali  
\q3 odolali genuai sębę eyu,  
\q2 tama dwai sę elama, tama augwali dolai dao.  
\q1 Tama agai gasa bulu dabe dolobo sę me  
\q2 hodo me dolobeo.  
\q1 Agai te sę mu tagalobeo.   
\q1
\v 7 Tiali goli, megi da, tigidali bulu  
\q2 tǫ dabe bugagia ma bidaibao.  
\q1 Tama tigidali we bidi wiegi yai homugo  
\q2 i weyu, balia po obao.”   
\q1
\v 8 “Te ni pain de sida si te Lebanon bulu du ni dabe  
\q2 augwaligo me te wiegi yai homu  
\q3 yaibao, te Babilon tuni bidi aga isalide.  
\q1 Augwaligo te po obao, ‘Te da gelagasabo bidi me menio,  
\q2 agai da ma gelagasogobeo.’”   
\b  
\q1
\v 9 “Te isai bidi dabego bulude augwaligo  
\q2 te homu pemene ebo po wainogo dodalubao,  
\q2 magi baso meni, te tuni bidi asobao.  
\q1 Te gų pagego tede bidibo bagebolo te po waibao,  
\q1 ‘Te genuai bidi dage hodaloao.  
\q2 Me, dage tuni bidi dabe duga tuni bidi sia sai  
\q2 tagalao.  
\q1 Dage tigidali aselama, e bidi asobo  
\q2 suagasiąo, tiąba asiąo,’ waibao.   
\q1
\v 10 Babilon king, augwali tigidaligo  
\q2 nage dali te tobage po naga waibao,  
\q1 ‘Tegoba, dago homugo tiai dao,  
\q2 nago bomogo da tigidaligo bomo  
\q2 aiyaba elaluai dao homu yai dao.  
\q1 Tiali goli, megi da, nago bomo sia selama,  
\q2 tama nage da tiwai te pedalali dao.   
\q1
\v 11 Polobadu nago haniani aubo nai dabe muai dao.  
\q1 Tama te we bidigo gita dabe eliyu,  
\q2 nago genuai nogi ugwaba sainu yai dao.  
\q1 Tiali goli, megi da,  
\q2 te sawede nago pibo sai tiwai dao.  
\q1 Tama te osogane dabego nage tigi  
\q2 bolama, tama te ugwa banunobo ąǫ yaibao,’  
\q2 te gų pagede bidibo bagego te po waibao.”   
\b  
\q1
\v 12 “Nage genuai nogi mu elaluai dao.  
\q1 Te tigidali tǫde we bidi dabego gedude  
\q2 nage te kigamu dagalude nanebo hǫ tiwai bidai dao.  
\q1 Tiali goli, megi da, Godigo nage polo tǫba sąwai dao.  
\q1 Nage boma pai hwįbo bidi dao,  
\q2 nage tǫ pedai kantri hauwa aiyaba elaluali bidi dao.  
\q1 Tiali goli, megi da, mu menio. \x * \xo 14:12 \xt Ped 8:10; 9:1\x*   
\q1
\v 13 Nago te tama homu elaluai dao,  
\q1 ‘Eno te hǫ dabe ela pelama,  
\q2 tama ena dagaluba mu paibao,’ homu yai dao.  
\q1 ‘Tama eno tuni bidi sia te Godigo hǫ daide muaibao.  
\q1 Tama me ma, ena te god dabe  
\q2 sisinagasabo not badu bulu dude dualaluaibao.   
\q1
\v 14 Te ena te pǫ dabeba ugwaba mu  
\q2 holama, tama ena God tiwai ogwade mu bidaibao,’  
\q3 nago te homu yai dao.”   
\q1
\v 15 “Tiali goli, hobede mu dao.  
\q1 Nage polo tulaluali, tama nage aiyaba aba mu tulaluama,  
\q2 tama isai bidi dabego bulu paibao.  
\q1 Tama nage dologode mu bidaibao. \x * \xo 14:15 \xt Mat 11:23; Luk 10:15\x*   
\q1
\v 16 Te isai bidigo bulude,  
\q2 te isai bidi dabe noma mu saibao, te nage subode.  
\q1 Tama augwaligo nage dolo si mu tonaluama,  
\q2 tama augwaligo augwa hasi nagede hanalu waibao,  
\q1 ‘Aga tama te bidi da, agawe, te tǫ mali ilali bidi,  
\q1 me te gasa bulu tuni bidi dabe wi elama,  
\q2 noma selali bidi aga dawe?   
\q1
\v 17 Aga tama dawe, te hanu dabe  
\q2 dolama, tama te bulu dabe olo bulu nigilali bidi  
\q2 dawe?  
\q1 Te tama dao, te bidi agai te aga kalabus  
\q2 ilali bidi dabe hobede elama,  
\q2 tama agai augwa buluba  
\q3 ma pomainu sula tagalai menio,’  
\q2 augwaligo te tobage po augwa hasi hanalu waibao.”   
\q1
\v 18 “Te gasa tuni bidi dabe isibo sogo,  
\q2 te we bidi dabego wiegi yai sę elama,  
\q2 tama augwaligo te wiegi yai  
\q3 gų pageba pubaligi pabo dao.   
\q1
\v 19 Tiali goli, nage da, menio.  
\q1 Augwaligo nage sąyani,  
\q2 te bidi dabego ni nologo togalama,  
\q2 damumainu sąbo tiwai mu yalio.  
\q1 Nago tigi te masigi elalubo tǫ dedagede munalubo,  
\q2 te meba bidi dabego tigi dologode munalubo,  
\q2 te wąbi hwįani sogo isali bidi dabe tigi dologode.  
\q1 Tama bidi dabego agayu ebo,  
\q2 te augwali ugwa eda udula bilibode.   
\q1
\v 20 Te augwaligo nago tigi wiegi yai  
\q2 sę elama, pubalogobeo,  
\q2 te meba tuni bidi dabego tigi yali  
\q3 gilama. Magi baso meni.  
\q1 Naga digi naga bulu dolama,  
\q2 tama naga we bidi naga digi ela silai dao.”  
\q1 “Te wiegi yai mu dao, te tuni bidi dwaigo hani sese  
\q3 e tǫde sia siyu da, usu dao.   
\q1
\v 21 Tama tibaso, agai wai bǫų dabe  
\q3 odasa aselama, ela muagasao,  
\q2 te aga ayago yali dwai sę, me augwa wąį dabego  
\q2 yali dwai sę wei ponoyu tama yao.  
\q1 Tama augwali deli me bidama, tama tuni bidi nigilama,  
\q2 tama bulu dabe tonaluyu,  
\q2 tama hanu dabe tigidali bulude dabe ma nigilamuo.”   
\s1 Genuai Bidigo Babilon dabe dolaibao  
\q1
\v 22 Tigidali Bomo Elalubo Genuai Bidigo te po wali,  
\q1 “Ena Genuai Bidi, ena digi te Babilon  
\q2 dabe dali hwįnama, tama eno augwali sese mu  
\q3 dola silaibao.  
\q1 Te eno augwali me deli bidimainu me  
\q2 sula tagalogobeo. Mu menio.  
\q1 Te tigidali we me bidi me, wai dabe me,  
\q2 sese mu tama silaibao.   
\q1
\v 23 Te eno te Babilon eno te hogomu  
\q3 poabo naigo poabo tiwai yaibao,  
\q2 te tigidali nai dola silibo hogomu poabo nai dao.  
\q1 Tama eno te Babilon sele pu bulu nigilaibao.  
\q1 Tama te dwai ba dabe naga bidagasaibao.  
\q1 Ena Tigidali Bomo Elalubo Genuai Bidi,  
\q2 eno po polo walio,” wali.   
\s1 Genuai Bidigo Asiria dabe dolaibao  
\q1
\v 24 Tigidali Bomo Elalubo Genuai Bidigo bomai po  
\q2 me deli e tama wali,  
\q1 “Mu tamao. Sę me eno yabo homu yali,  
\q3 te sę eno yaibao.  
\q1 Sę me eno pedalabo homu yali, te sę mu pedalaibao.   
\q1
\v 25 Te Asiria dabe eno tǫba aselama,  
\q2 tama eno we bidi sęgę tolomainu yaibao.  
\q1 Te Israel dabe te bulmakau kibu tiwai bidibao.  
\q1 Te bidigo sęgai ni name magede munama,  
\q2 tama sę emainu tonalubo tiwai yaibao.  
\q1 Tiali goli, te Asiria dabe Israel dabego  
\q2 bulu dude dabe bidibadi yaide,  
\q2 teda eno augwali agalama, mimieibao.  
\q1 Tama te genuai sęgę Israel dabego tolali,  
\q2 te sęgę dabe sese mu tama silaibao,” wali.   
\b  
\q1
\v 26 Te tobage kolesaga naga  
\q2 Genuai Bidigo tigidali tǫde elalubo  
\q3 kantride yabo homu yalio.  
\q1 Tama tibaso, agai nogo ugwa sagulama,  
\q2 tama augwali dolabo no sealubao.   
\q1
\v 27 Magi baso meni.  
\q1 Tigidali Bomo Elalubo Genuai Bidigo  
\q2 te tama sę yabo homu kolesaga polo yali.  
\q1 Tama dego aga paliaibawe?  
\q2 Agai nogo dolalubao.  
\q1 Tama mego agai nogo aiyaba mubo usu egobeo.\x * \xo 14:27 \xt Ais 10:5-34; Nah 1:1–3:19; Sef 2:13-15\x*   
\s1 Genuai Bidigo Filistia dabe dolaibao  
\q1
\v 28 Te tuni bidi king Ahas isali kibu  
\q2 bede, Genuai Bidigo po me mani.  
\q1 Te po da e tama dao. \x * \xo 14:28 \xt 2 Kin 16:20; 2 Sto 28:27\x*   
\q1
\v 29 “Te Filistia bage, dage tigidaligo odiąo.  
\q1 Te dage elali wąbi dage polo toga pali dao.  
\q1 Tiali goli, dagego homugo dage bugagia  
\q2 bidaibao homu igimio.  
\q1 Te dwai gula mane me isibosi, te gasa  
\q2 dwai gula mego agai pesage sabo dao.  
\q1 Tama te gula manego gasa dwai  
\q2 gula mane mu me ame nabo dao.  
\q1 Aga te iba, eda bola bilibo bogo yai gula mane dao. \f + \fr 14:29 \ft Te profetgo ede pusali po te agai te Asiria king me deli isibaso, te tiwai po pusali. Agai po digi begelama, e tiwai po wali, te gasa king dabego agai bidali pesage hasegelama, sabo po wali, tama augwaligo te gasa tǫ pedai kantriba sęgę mabo sę te genuai mu uganu igulu, te polasa bidali kingo kolesaga aiyaba elalueibao, te po olama, wali.\f*   
\q1
\v 30 Te nai meni yai Israel bidi dabe augwaligo nai  
\q1 selama,  
\q2 bugagia homu tegaluama, bidaibao.  
\q1 Tiali goli, dage Filistia dabe da, ena Genuai Bidi eno  
\q2 dagebolo dwai nasi si taga palaibao.  
\q1 Tama te nasigo dage elama, dage mu silaibao,” wali.   
\b  
\q1
\v 31 “Dage te genuai Filistia dabego  
\q2 hanu, me dage te hanu dabede bidibo we bidi,  
\q2 dage sese wi dwai mu elama,  
\q3 gela dwai olama, i bomona waiąo.  
\q1 Magi baso meni. Te ami hani me deli  
\q2 te not badu asobao.  
\q1 Tama augwali nosali badu hano holobao.  
\q1 Te ami bidi dabe augwali tigidali  
\q2 hwįbode boma pai bidi dabe mu da weyu,  
\q2 tama augwali deli me nosali me dua dua asobeo.”\x * \xo 14:31 \xt Jer 47:1-7; Ese 25:15-17; Jol 3:4-8; Amo 1:6-8; Sef 2:4-7; Sek 9:5-7\x*   
\q1
\v 32 Te dago mena po wei ponaibawe,  
\q2 te Filistia dabe augwaligo dago  
\q1 augwali tau somainu hanaluagasobaso?  
\q1 Te dago augwaligo po wei e tama ponaibao,  
\q1 “Te hanu Saion te dago Genuai Bidigo  
\q2 digi duala sabo bulu tiwai nigilai dao.  
\q1 Tama aga we bidigo genuai sęgę elaluyu,  
\q2 me sęgę yai sę eyu ebaso da,  
\q2 augwali teba pelama, tama augwali  
\q3 bugagia bidaibao,” wali.   
\c 15  
\s1 Genuai Bidigo te Moap dabe dolaibao  
\q1
\v 1 Te bulu Moap polo dolalio. Tama Genuai  
\q1 Bidigo te po mani.  
\q1 Te hulide boi bidi dabe aselama,  
\q2 te hanu Ar me hanu Kir dolagasali,  
\q2 tama megi da, Moap mu tama sese dolalio.\x * \xo 15:1 \xt Ais 25:10-12; Jer 48:1-47; Ese 25:8-11; Amo 2:1-3; Sef 2:8-11\x*   
\q1
\v 2 Tama tibaso, te genuai hanu Dibon  
\q2 we bidi augwali te augwa tibo god dabeba  
\q2 lotu wabo pesageba dabe pelama,  
\q3 tama gela wagi pali.  
\q1 Te Moap dabego te hanu Nebo,  
\q2 me hanu Medeba polo dolai yaibaso, gela wali.  
\q1 Augwali hobede mu elama, tama augwa tobolu nisi me  
\q3 penane nisi poala sąyanio.   
\q1
\v 3 Tama augwaligo hobede yai ugwa dabe  
\q2 gudama, tama te hanu sunumi dabede bilaluali.  
\q1 Tagala, augwali augwa be pedude  
\q3 bidibo me, o deliba sisinibo pesagede bidibo me.  
\q1 Tigidali gela genuai mu wali.  
\q1 Tama gela ųga hauwa mu augwaligo gedudu tulalualio.   
\q1
\v 4 Te hanu Hesbon we bidi, me hanu  
\q2 Eleale we bidi, augwali me moni gela mu wali.  
\q1 Tama te hanu Jahasde bidibo we bidi  
\q2 augwaligo te bage augwaligo gela wabo odali.  
\q1 Te bomai ami bidi dabe me gela olama, i hae wali.  
\q1 Te Moap dabego bomo sese sia sali.   
\q1
\v 5 Eno Moap dabe hobede ebaso, gela obao.  
\q1 Magi baso meni. Augwali augwa bulu tagalama,  
\q2 wi te hanu Soarba peyu, te hanu  
\q2 Eklat Selisia wi peyu ebaso.  
\q1 Augwali gela genina mu olama,  
\q2 tama augwali te sunumidu ugwa  
\q3 hanu Luhitba holobao.  
\q1 Tama me, augwali gela elali  
\q2 te Holonaimba pabo sunumidu  
\q3 ugwaba holoyu, tama augwaligo  
\q3 geda genuai mu obao.   
\q1
\v 6 Magi baso meni, te wę Nimlim sese mu sula selama,  
\q2 tama te nosai da, te wę sesegede  
\q3 elaluali me sasia pali.  
\q1 Tama te pesagede tonali, te nosai me, ni dabe me,  
\q2 me holabo badi tonobo ąǫ ebeo.   
\q1
\v 7 Tama tibaso, te Moap dabe augwa  
\q2 wiegi yai nai dabe augwa hanude saboduali nai  
\q2 dabe augwaligo sela,  
\q3 te nai dabe dali wi pali.  
\q1 Augwali te ni sili bulu aiya dulai sunumidu pelama,  
\q3 te bulu Moap taga pali.   
\q1
\v 8 Te hanu Eklaimde bidibo we bidi,  
\q2 me te hanu Bedelimde bidibo  
\q2 we bidi, me te bulu Moap tomode  
\q2 bidibo we bidi, augwali gela obao.  
\q1 Tama augwaligo gela genuai pedalali.   
\q1
\v 9 Te mu tama, te wę Dimon  
\q2 te Moap dabego kanemego pągąna pali.  
\q1 Tiali goli, Genuai Bidigo te po wali,  
\q2 agai te Moap dabe dene genuai genina mu ma  
\q2 mawaibao, wali.  
\q1 Agai te bulu yowi laionbolo polo  
\q3 walai dao, te Moap dabe wi pali,  
\q2 me te Moap dabe meba te bulude bidibo bage  
\q3 dola silimainu agai polo wali dao.   
\c 16  
\q1
\v 1 Da te Moap we bidi da,  
\q2 te Idom dabe genuai hanu nogi Selade  
\q2 bidibo bage, dago te kibu sipsip gǫų  
\q1 te Juda dabego tuni bidi pageba  
\q3 Jerusalemba tolinao.  
\q1 Te sipsip kibu te agabolo te takis ma mawainu gagaliyu,  
\q2 ola mabo tiwai eyu, te bidi dabego te sipsip kibu  
\q3 sela pomainao.  
\q1 Augwali te wa pai buludu pelama,  
\q2 tama te Saion bulu duba saboligi paibao.   
\q1
\v 2 Tama augwaligo tuni bidibolo elama, po omainu yao,  
\q1 “Tuni bidi, te boi bidi dabego da dena  
\q2 hanu dabede, me dena bulu dabede pobeasa bilibaso,  
\q2 tama da wi pelama, te wę Arnon  
\q3 sesegeba bidigi pali.  
\q1 Tama da dodola mu bidibao.  
\q1 Da te bulude te ba gǫų aga bede tulaluama,  
\q2 tama subigila bilibo tiwai, da subigila bilibao,  
\q2 te ba buside bilibo tiwai ebao.  
\q1 Te da gela dali biliyu, tama tibao.   
\q1
\v 3 Tama tibaso, dago homugo dagego  
\q2 homu dago po osola sulama, tama da tau sao.  
\q1 Tama da dagego buluba pelama,  
\q2 tama te bidi dabego te posolai giligade te tįwai digi  
\q3 duala sigi pabo tiwai,  
\q1 nago buluba duala sagasaio.  
\q1 Te boi bidi dabego da dena buludu pobeasa bilama,  
\q2 tama da te adalalubo bidi bidibao.  
\q1 Tama tibaso, nago augwaligo da  
\q2 ma dolagasomainu me tagalamuo.   
\q1
\v 4 Da nago tǫba bidagasomainu sula tagalao.  
\q1 Nago da tonaluama, tama te boi bidi dabego da  
\q2 dolagasogobeo,” te Moap bage augwaligo te po obao.  
\b  
\q1 Dago koneani, te sęgę dabe daba pedalali,  
\q2 te sęgę dabe sia selama,  
\q2 tama boi bidi dabego dago bulu tagalama,  
\q2 tama da dali dwai sę me isąma ebaso da,   
\q1
\v 5 teda te sogo te Devitgo hani me deli  
\q2 me tuni bidi pedalaibao.  
\q1 Tama agai aga we bidi godolo mu elama,  
\q2 tama agai aga we bidi te doloba pai  
\q3 kolesagago naga tonaluaibao.  
\q1 Agai aga we bidigo homu sęgę elalubo  
\q2 po odama, tama agai polo dodolaibao.  
\q1 Tama agai wiegi yai kolesaga ebo bomo mu yaibao.   
\b  
\q1
\v 6 Te Juda dabe augwaligo  
\q2 te Moap dabego po odobo si da,  
\q1 augwaligo augwa hasi tomode po weyu, e tama po wali,  
\q1 “Dago te Moap dabego dwai kolesaga  
\q2 ebo po dago polo odai dao.  
\q1 Augwaligo haniani po olama, augwaligo augwa nogi  
\q3 ugwaba sabo dao.  
\q1 Augwaligo homugo augwali wiegi yai  
\q3 mu dao homu elama,  
\q2 tama augwaligo gasa we bidi aiyaba  
\q3 elalubo po olama,  
\q2 tama gasa we bidi posobo po wabo dao.  
\q1 Tiali goli, te Moap dabe augwali ili po wabo bage dao.  
\q1 Te augwaligo po mu dao homu igimio,”  
\q3 Juda dabego te po wali.   
\b  
\q1
\v 7 Te Moap we bidi dabego augwali te dene sali dali,  
\q2 te sęgę sali dali side gela obao.  
\q1 Polobadu augwali Kirheres hanude  
\q2 bidiyu, augwaligo te wain augwaligo olai te wain du  
\q2 tuyu, yai dao.  
\q1 Tama megi augwaligo te wiegi yai nai homu kone palali.  
\q1 Tama augwali augwa ma hobede mu  
\q2 elama, augwali gela obao.  
\q1 Magi baso meni. Augwaligo wiegi yai  
\q2 nai dabe sese dola silai dao.   
\q1
\v 8 Augwaligo wain gi me,  
\q3 te hanu Hesbonde elaluali wiegi yai wain gi me,  
\q3 te hanu Sipmade elaluali  
\q2 wiegi yai wain gi me, kone palali.  
\q1 Tama augwali hobede genuai mu ebao.  
\q1 Te polobadu te gasa bulu tuni bidi dabego  
\q2 te gide wain dabe tubo godolo mu yai dao.  
\q1 Tama te wain tulama, augwali poloyu yai dao.  
\q1 Tiali goli, megi da, te gi dabe sese mu dola silai dao.  
\q1 Augwaligo wain gi hauwa mu elaluai dao.  
\q1 Te hanu Hesbondu me Sipmadu gagalama,  
\q2 tama hanu Jaserba usu nigi pelama,  
\q2 tama te not usu nigi pelama,  
\q3 me te wa pai bulu te giliga asoboba usu nigi pai  
\q3 elaluai dao, te wę Detsiba saboligi pelama,  
\q2 tama giliga paboba usu nigi pai dao.   
\b  
\q1
\v 9 Ena te hanu Jaser de Sipma si wain  
\q3 gi hagede gela obao.  
\q1 Tama me eno gela ųga te hanu Hesbon  
\q2 me Eleale buluba tulalubao.  
\q1 Magi baso meni, dage sese dola silalio.  
\q1 Tama dagego we bidi augwa wain giba pelama,  
\q2 tama augwali te wain du tau yali  
\q3 sainu wiegi yai homu elama,  
\q3 hai dali iba, eda egobeo.   
\q1
\v 10 Te wain gi dabe augwaligo  
\q2 wain du dabe hauwa mu walai dao.  
\q1 Tama te we bidi dabe augwaligo sabo sogo da,  
\q2 augwali wiegi yai homu elama gana pai dao.  
\q1 Tiali goli, megi te wiegi yai homu elama,  
\q2 hai wabo kolesaga sia sali dao.  
\q1 Tama te we bidi dabego te wiegi yai  
\q2 homu ebo tęąbi me wabeo.  
\q1 Tama me te bidi dabego te wain nigibo  
\q2 madide te wain du te sągągo me agagobeo.  
\q1 Genuai Bidigo tama augwaligo penane paninama,  
\q2 tama augwaligo hai wabo silalio.   
\q1
\v 11 Tama tibaso, ena te Moap dabe  
\q2 me hanu Kirheres we bidide  
\q3 haliga dene genuai mu ebao.  
\q1 Ena hobede e tama tibo, te bidigo hobede  
\q2 ebaso, gita eliyu, te hobedai balia wabo tiwai ebao.   
\q1
\v 12 Te Moap we bidi augwali te tibo  
\q2 god dabeba te bulu duba holama,  
\q3 lotu po wagi pabo dao.  
\q1 Tama augwaligo te tibo godiba aga lotu  
\q2 bede gedu haluasa po odu gebo dao.  
\q1 Augwaligo te bage augwaligo te sę dabe  
\q2 yabo bomo dabe silai dao.  
\q1 Tiali goli, augwa te kolesagago augwali  
\q2 tau me sai menio.   
\p
\v 13 Te Moap dolaibao wabo po te Genuai Bidigo polobadu digi wai dao.  
\v 14 Tiali goli, megi Genuai Bidigo po genina ma weyu, e tama obao, “Kibu be sela digi mu elalubao, te Moap dabe augwa wiegi yai nai dabe dali dolabo. Eno te sela kibu bego deli deli bubuga me polua bugagia mu nedebao. Tama te kibu be selago dei dolo mu tama eno te yaibao wali sę eno yaibao. Te we bidi hauwa mu megi te Moapde bidibao. Tiali goli, te bulu dolobo side, te bidi hani dwasianu naga te bulude bidaibao, tama augwali bomo mu meni yaibao,” wali.   
\c 17  
\s1 Genuai Bidigo te Siria dabe me Israel dabe si dolaibao po wali  
\p
\v 1 Genuai Bidigo te hanu Damaskus dolaibao po mani. Agai e tama po wali,  
\q1 “Te boi bidi dabego te Damaskus dolaibao,  
\q2 te Siria dabego genuai hanu,  
\q2 tama olo pobele bage pesage naga  
\q3 pesage holaluaibao.   
\q1
\v 2 Te Aroer dabego hanu dabede  
\q2 we bidi me bidigobeo.  
\q1 Tama tibaso, te bulu dabe te olo sipsip  
\q2 kibu dabego bulu pesage gagawaibao.  
\q1 Tama te sipsip kibu dabe bugagia bidaibao.  
\q2 Magi baso meni. Te augwali wi ilabo  
\q3 bidi mu menia saibao.   
\q1
\v 3 Te boi bidi dabego te Israel dabego  
\q2 bomai hanu dabe dolaibao.  
\q1 Tama me ma, augwaligo te Damaskus  
\q3 we bidi tonaluaibao.  
\q1 Megi da, Israel de Siria si genuai nogi  
\q2 elama, genuai we bidi hani hauwa te bidibao.  
\q1 Tiali goli, te bulu si dolama,  
\q2 tama dwasianu we bidi hani naga tede bidaibao.  
\q1 Ena Tigidali Bomo Elalubo Genuai Bidigo  
\q3 eno po polo wai dao,” wali.\x * \xo 17:3 \xt Jer 49:23-27; Amo 1:3-5; Sek 9:1\x*   
\b  
\q1
\v 4 “Te sogo te Israel dabego genuai nogi sia saibao.  
\q1 Tama augwaligo wiegi yai nai dabe me  
\q2 augwaligo we bidi hauwa sia selama,  
\q2 tama te bulu dwai mu bidaibao.  
\q1 Te gasigo te tigi genuai yai bidi gegelama,  
\q2 tama te bidi nomona selama,  
\q3 dili pulu ha ebo tiwai yaibao.   
\q1
\v 5 Megi te Israel dabe te wit nai hauwa  
\q2 te odogo malu Refaimde bulubo  
\q3 wit hauwa holobo ąǫ te ebao.  
\q1 Tiali goli, augwali boi bidigo dabego elebo si da,  
\q2 teda augwali te wit dili bidigo togai  
\q3 deli deli dolalua pabo tiwai yaibao, te wit gide.   
\q1
\v 6 Te we bidi deli deli naga me elaluaibao,  
\q1 te ni oliv du bidigo wąbi dagego elama,  
\q2 tama sai digi te nedu du deli deli ni abude walalubo,  
\q2 me si sela te nologode dabe walalubo tiwai yaibao,  
\q2 te hauwa bidigo siyu tagalai dabe.  
\q1 Ena Genuai Bidi, Israel dabego God,  
\q2 eno po polo wai dao,” wali.   
\b  
\q1
\v 7 Tama te sogo te we bidi dabe homu begelama,  
\q2 tama Israel dabego Godiba lotu po waibao,  
\q2 te aga te augwali nigali God dao.  
\q1 Tama aga da te Israel dabego Dwagi  
\q2 Yai Doloba Pai Kolesaga Naga Ebo God dao.   
\q1
\v 8 Tama augwaligo te alta augwa digi  
\q3 nigali teba lotu weyu,  
\q2 me augwaligo we piksa tibo god  
\q3 Aseraba lotu weyu, me egobeo.  
\q1 Me, augwaligo te wiegi yai denami ebo  
\q2 pauda altade lotu po me wagobeo.  
\q1 Te augwaligo augwa digi augwa nogogo  
\q2 nigai naiba lotu wabo sia saibao.   
\b  
\q1
\v 9 Tama te Godigo te Israel bulu dolobo  
\q2 sogo da, te augwaligo  
\q3 bomai hanu dabe dola silama,  
\q2 tama augwali olo bidaibao.  
\q1 Te hasia te tǫde bidali bidi hanigo hanu tiwai yaibao.  
\q1 Te hani augwali Israel dabego hwįagasainu asobaso,  
\q2 augwali augwa hanu taga peyu, augwali wi pai dao.  
\q1 Tama te hanu dabe olo te bulu dude dabe  
\q2 elaluyu ebadi, te busi hola paibao.   
\b  
\q1
\v 10-11 Magi baso meni. Israel dabe,  
\q2 nago te God nage ma oda sabo God  
\q2 nago homu kone ebeo.  
\q1 Aga te genuai masigi te dwai sogo duala  
\q2 sigi pabo masigi tiwai dao.  
\q1 Tiali goli, mu tama, nago aga mu gegeda pali.  
\q1 Tama nago gasa hanigo godiba lotu po wali.  
\q1 Tama nago homugo tibo te god dabego nage tau selama,  
\q2 tama nage bugagia bidiba homu ebo.  
\q1 Tiali goli, nage dolama, tama nage usu ma yabo sunumi  
\q3 mu menia saibao.  
\q1 Te naga gide ni wain wai bulama,  
\q2 tama kulubi polo holama, tama aga  
\q3 du walainu duduli ebo sulama  
\q2 nage wiegi yai homu ebo tiwai dao.  
\q1 Tiali goli, nago agai du sogobeo. Menio.  
\q1 Deli sogo polo tama te wain ni dolama,  
\q2 sasi elama, te wain gi dolaibao.   
\s1 Godigo bomai bulu dabe aiyaba elaluali  
\q1
\v 12 Tega, te kulukulu genuai wabo odao.  
\q1 Te tigidali bulu ami bidi dabe  
\q3 sisinagasabo kulukulu dao.  
\q1 Tama augwaligo kulukulu te tamu wę holama,  
\q2 degeyu wabo kulukulu tiwai dao, te tamu wę saneba.   
\q1
\v 13 Te boi bidi dabe asali,  
\q2 te tamu wę aluasa asobo tiwai yali.  
\q1 Tiali goli, Godigo augwali sesanobaso,  
\q2 tama augwali augwa buluba ma wi pela wali.  
\q1 Te Godigo augwali sela sąyani,  
\q2 te waligo ni yabe dabe subigila sela sąbo tiwai eyu,  
\q2 me te hogabo waligo  
\q2 te hogomu dabe pobele bage ugwaba  
\q3 sela holobo tiwai yaibao.   
\q1
\v 14 Polo tama te boi bidi dabego te bulu  
\q2 pio bagua sagasobo si da,  
\q2 te we bidi dabe wi dwai mu ebo dao.  
\q1 Tiali goli, kigamu da, boi bidi dabe menia saibao.  
\q1 Tama te tobage kolesagago Godigo  
\q2 te boi bidi dabego da dolama,  
\q3 dago nai dabe wi sela pai badi  
\q2 te sunumi palibo dao.   
\c 18  
\s1 Genuai Bidigo te bulu Sudande po elaluali  
\q1
\v 1 Te Sudan bulu wę u badu bidibo we bidi  
\q2 hobede mu dao,  
\q1 te haniani mano dabe hauwa ugwaba,  
\q2 edaba bola biliyu ebo tǫde.   
\q1
\v 2 Augwaligo augwa po sabilibo bidi  
\q3 dabe taga palama,  
\q2 tama augwali te wę Nail dulu te augwaligo  
\q2 wę sesegede holobo nosaigo nigai geba tiwai nai,  
\q2 te naidu ibaba dulubo dao.  
\b  
\q1 Dage Sudan dabego po sabilibo bage,  
\q2 dage te po polo sela asobo bage dao,  
\q2 dage duga bomai buluba ma piąo,  
\q3 te wę hauwa elalubo bulu dao.  
\q1 Te bulu we bidi dabe augwali bobobage  
\q2 elama, tama augwaligo tigi sawi yai mu elalubo dao.  
\q1 Tama dagego te bulu te wąbi hwįbode  
\q3 genuai nogi elaluyu,  
\q2 tama gasa bulu dabego dage mu wi ebo dao.   
\b  
\q1
\v 3 Dage te tigidali tǫde bidibo we bidi,  
\q2 dagego odao.  
\q1 Te dagego bulu dude magi me dodolai  
\q2 yaibaso da, dagego bugagia suiąo.  
\q1 Tama bu wabo nai biugel po wai da  
\q2 wabo si da, dagego olo saganama, bugagia odiąo.   
\q1
\v 4 Magi baso meni, Genuai Bidigo  
\q2 enabolo e tama po walali,  
\q1 “Ena Genuai Bidi, ena ena bulu dagalude  
\q1 bidiyu, tama eno we bidi dabego  
\q2 ebo kolesaga subo sogo da,  
\q1 ena haliga nagame elama, tama eno olo  
\q2 tama tonaluaibao.  
\q1 Eno homu polo hogodama,  
\q2 augwali polo dolabo homu ebo menio. Meni.  
\q1 Eno dua tonaluyu, tama te giliga  
\q2 nanama, tama masigi sanede  
\q3 bomona nanebo tiwai elama,  
\q2 tama te agai posolo ugwaba dua holobo ąǫ ebo dao.  
\q1 Tiali goli, isi mu dadala sabe.  
\q1 Tama me ma, ena te hulide te nai ininama,  
\q2 sabo magąde te tulubo u meni yai  
\q3 tulubage tulubo tiwai ebo dao.”   
\b  
\q1
\v 5 Te mu tama, megi te bulu \f + \fr 18:5 \ft Bidi mebago homugo te kantri Sudan po olama wali homu yali. Tiali goli, gasa bidi dabego homugo te kantri Asiria po olama wali da, homu ebao.\f*  
\q3 te ni wain bomona holama,  
\q1 tama dudili elama, tama telega pelama,  
\q2 te wain du tau yabo magą ebo tiwai dao.  
\q1 Tialigo Genuai Bidigo te bulu dolaibao,  
\q2 te bidigo sębę elama,  
\q2 te ni wain nologo te wain du  
\q2 tau isąbadi toga sabo tiwai yaibao,  
\q2 te nedu du sabo magą isąbadi  
\q3 toga sabo tiwai yaibao.   
\q1
\v 6 Genuai Bidigo te gasa bulu  
\q2 bidi dabego te bulu dolagasomainu  
\q2 elama, tama te bulu ami bidi dabego  
\q3 tigi dabe te tǫde dabe olo munalua paibao.  
\q1 Tama giligade da, te ba kemodage  
\q2 dabego tuagasaibao, ma te kedau ebo sogo da,  
\q2 te bulu hasa dabego tuagasaibao, te tigi pulu dabe.   
\b  
\q1
\v 7 Te sogo augwaligo te Tigidali Bomo  
\q2 Elalubo Genuai Bidibolo  
\q3 te olo maiabo wiegi yai nai  
\q3 sela asaibao, te boma pai kantridu.  
\q1 Te bulu te wę hauwa elalubo bulu dao.  
\q1 Te bulu we bidi dabe augwali bobobage mu elama,  
\q2 tama augwaligo sawi yai tigi mu elalubo.  
\q1 Tama te bulu te wąbi hwįbode  
\q3 genuai nogi mu elalubaso,  
\q2 te gasa bulu dabego agade wi mu ebo dao.  
\q1 Te bage augwaligo augwa olo maiabo  
\q2 nai dabe te bulu du Saionba sesaibao,  
\q2 te Genuai Bidigo te we bidi aga pąba aselama,  
\q2 tama agaba lotu weyu emainu dąį ilai pesage dao.\x * \xo 18:7 \xt Sef 2:12\x*   
\c 19  
\s1 Genuai Bidigo Isip dabe dolaibao  
\q1
\v 1 Genuai Bidigo te Isip bulu dolaibao wabo po  
\q2 mani. Te po e dao. \x * \xo 19:1 \xt Jer 46:2-26; Ese 29:1–32:32\x*  
\q1 Suao. Genuai Bidi te pǫde ugwadu dualaluyu,  
\q1 tama te bulu tǫ kantri Isipba polo sabolaibao.  
\q1 Tama te sogo pedalobo si da,  
\q2 te Isip dabego tibo god dabe noma genuai mu  
\q2 saibao,  
\q2 tama te Isip we bidi noma selama,  
\q2 tama augwali wi mu elama,  
\q2 tama augwaligo bomo mu sia saibao.   
\b  
\q1
\v 2 Tama Genuai Bidigo te po wali,  
\q1 “Te eno te Isip dabego homu  
\q2 hogodolama, tama Isip dabe augwa  
\q3 hasi ma hwįaibao.  
\q1 Te ama hasi ma hwįyu, tama yaibao.  
\q1 Te Isip hanu dabe aga hasi ma hwįyu, tama yaibao.  
\q1 Tama te provins dabe aga hasi tomode  
\q2 ma hwįyu, tama yaibao.   
\q1
\v 3 Te eno te Isip we bidigo homu kolesaga paninama,  
\q2 tama augwaligo bomo sia sanama,  
\q2 tama augwaligo yainu yali sę dabe  
\q3 augwaligo egobeo.  
\q1 Te augwaligo augwa tibo god dabebolo  
\q2 augwali tau somainu hanaluyu yaibao.  
\q1 Tama augwaligo te isai bidi dabego  
\q2 noma dali po wabo bidi dabe dali po wagi paibao.  
\q1 Tama augwaligo homu kolesaga  
\q2 hanaluyu, mena sę augwaligo yagawe waibao.   
\q1
\v 4 Eno te Isip dabe te tuni bidi dwai me  
\q3 dologode tagalaibao.  
\q1 Aga te sesena pai bidi mu, tama agai  
\q2 augwali bomona mu tonaluaibao.  
\q1 Ena God Genuai Bidi, Tigidali Bomo Elalubo Bidi, eno  
\q1 po polo walio.”   
\b  
\q1
\v 5 Te wę Nail sula selama, aiya dulama,  
\q2 tama tǫ pedalama, tama mu sula saibao.  
\q1 Te tǫ te gebo pai tǫ pedalaibao.   
\q1
\v 6 Te ąį gamiade te wę dua dua sula sesa duludubadi da,  
\q3 te dwai denami holaibao.  
\q1 Tama te nosai, me te sigi dili dabe  
\q2 węde elaluali nai dabe sese mobia paibao.   
\q1
\v 7 Tama me ma, augwaligo te wę  
\q2 sesegede bulali nai dabe me sese sasilama,  
\q2 tama waligo sela paibao,  
\q3 te nai dabe me elalugobeo.   
\q1
\v 8 Tama te wę Nailde sųgų sabo  
\q2 bidi dabe augwali homu dwai elama,  
\q2 tama augwali gela waibao.  
\q1 Te augwaligo huk dabede me umben wa  
\q2 dabego siyu yabo sųgų menia saibao.  
\q1 Tama te bidi dabe homu sęgę dali bidaibao.   
\q1
\v 9 Tama me, te name ugwa nigibo  
\q2 hobi nigibo we bidi augwali me homu sęgę mu  
\q2 yaibao. Magi baso meni.  
\q1 Te hobi nigibo nai dabe me te gide me holisąma ebaso.   
\q1
\v 10 Te hobi meni baso, te name ugwa  
\q2 nigibo sę ebo bidi dabe dolama bidaibao.   
\q1
\v 11 Te hanu Goan genuai bidi dabe  
\q2 te kolesaga meni yai bidi dabe naga dao.  
\q1 Tama te Isip tuni bidibolo wiegi yai  
\q3 kolesaga mabo bidi dabe  
\q2 augwa geda muai kolesaga agabolo mani.  
\q1 Isip tuni bidi, augwali te kolesaga sai  
\q2 bidi dabego nagebolo te tama  
\q2 po wabo dao, augwali te polobadu  
\q3 kolesaga sai bidi dabe,  
\q3 me te wiegi yai kolesaga hauwa  
\q2 elaluai bidi dabego hanidu asai dao po waibao.   
\q1
\v 12 Tiali goli, augwaligo kolesaga menade dualaliwe?  
\q1 Te Tigidali Bomo Elalubo Bidi Godigo  
\q2 te Isip dabe dali yabo sę po geme dualaliwe,  
\q2 te agai nage dali yabo sę po wabewe?   
\b  
\q1
\v 13 Te hanu Soan, me genuai hanu  
\q2 Mempis genuai bidi dabe,  
\q2 augwali te kolesaga meni yai bidi dabe naga dao.  
\q1 Tama me ma, te Isip bulu tobolu we bidi dabe augwaligo  
\q3 te bulu bugagia tolasa sę ebeo.   
\q1
\v 14 Genuai Bidigo te Isip dabego  
\q2 homu kolesaga polo dolai dao.  
\q1 Te pagede te Isip dabego ebo sę dabe dolo me pabeo,  
\q2 te geda mubao, te polobo bidigo aga bogu agalama,  
\q2 tulaluainu ebo tiwai te ebao.   
\q1
\v 15 Te bulu Isip bugagia bidimainu  
\q2 tau sabo bidi menio, tagala,  
\q2 aga te genuai bidi, o aga olo bidi.   
\s1 Genuai Bidigo Isip dabe mu dolama, tama augwali homu begelaibao  
\p
\v 16 Tama te sogo te bulu Isipgo te tama sęgę tolalubaso da, augwaligo suaibao. Te Tigidali Bomo Elalubo Genuai Bidigo augwali dolainu nogo dolalubo sueibao. Tama augwali te we dabe wi elama, noma sabo tiwai yaibao.  
\v 17 Tama te Isip we bidi dabe augwaligo te bulu Juda nogi ebo si da, tego augwali te Tigidali Bomo Elalubo Genuai Bidiba homu kone yaibao. Me, te augwaligo agai augwalibolo yai ebo sę dabe kone yaibao. Tama augwali wi genuai mu yaibao.   
\p
\v 18 Te sogo te Isip dabego a naga hanu we bidi dabego te Hibru pogo po waibao. Tama te hanu we bidi dabego te Tigidali Bomo Elalubo Genuai Bidigo nogide augwali te aga dologode bidai olama, augwaligo mu po waibao. Te hanu me deligo nogi augwaligo te nogi nogi yaiba, Giligago Hanu. \f + \fr 19:18 \ft Te meba poloba Hibru pogo asęani bukude te nogi elalubao, “Giligago Hanu,” da wali. Tama te po mebade te tiwai nogi elaluali “Dolabo Taun,” da wai dao.\f*  
\v 19 Tama te sogo te Genuai Bidigo te alta me te bulu Isip hanude elaluaibao. Tama me te masigi pos me elaluaibao. Augwaligo Genuai Bidigo mu dąį ilama, elaluaibao. Te bulu Isip dąį side elaluaibao.  
\v 20 Te alta de masigi pos si te we bidigo Tigidali Bomo Elalubo Genuai Bidi sulama, homugo konebo te dąį tiwai elaluaibao. Tama te boi bidi dabego augwali dolainu asobaso da, teda augwaligo Genuai Bidiba i olama, tama Genuai Bidigo augwali tau somainu bidi me augwaliba taga palaibao, te augwali tau selama, augwali ma somainu.  
\v 21 Tama Genuai Bidigo te Isip dabego aga deli naga te Genuai Bidi dao olama, konemainu tagalaibao. Tama agai tama tibo sogo da, te Isip dabego bugagia mu koneama, agaba lotu po weyu, agaba ofa nai dabe sela peyu yaibao. Tama augwaligo agaba bomo yai pogo dąų olama, tama augwaligo yaibao wali sę dolo tama augwaligo yaibao.  
\v 22 Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.   
\p
\v 23 Tama te sogo da, te mone sunumi te Isip dali Asiria si tomode elaluaibao. Tama te Asiria dabe Isip buluba peyu, me te Isip dabe te Asiria buluba asiyu yaibao. Tama te bulu si we bidi dabe augwali te Genuai Bidi deliba naga lotu waibao.  
\v 24 Tama te sogo te Israel dabe, me te bulu Isip, me Asiria sigo hai namu si pedalaibao. Tama te we bidigo te gasa tǫde we bidigo dabebolo dwagi yai mobo mawainu da, augwaligo te tama po waibao, “Eno homugo Godigo te sela bulu bidi dabe dali yali sę tiwai dage dali me emainao, te Isip ebadi, me Asiria ebadi, me Israel, te tama sela bulu yali gilama.”  
\v 25 Tigidali Bomo Elalubo Genuai Bidigo dwagi yai mobo po mayu, te po waibao, “Dage Isip dabe, ena we bidi dabe dage dali eno wiegi yai sę yaibao. Tama eno te Asiria dabe dage dali me eno wiegi yai sę yaibao. Tama me eno dage Israel dabe dali me, eno wiegi yai sę yaibao. Te Israel we bidi da, ena we bidi bidimainu yali we bidi.”   
\c 20  
\s1 Asiria dabego ebo kolesaga te Godigo yabo homu ebo kolesaga ola mobao  
\p
\v 1 Te Asiria tuni bidigo pode te aga polalubo ami ofisa bidigo aga ami bidi dabe selama, te hanu Asdotba me bulu Filistiaba hwįgi pali.  
\v 2 Te kibu be sela polasa, te Asiria dabego te Filistia hanu dabe sabode, Genuai Bidigo Aisaiabolo hasia po wai dao, te Amosgo ogwabolo te kolesaga yabo po. Aisaia aga hobedai ugwa me aga sągą nadoba me gudubo tagalama, olo bilao po wali. Tama Aisaiago Genuai Bidigo po odama, tama tiai dao.  
\v 3 Tama te Asiria dabego te hanu Asdot polo sabo sogo da, Genuai Bidigo te po wali, “Te kibu be sela tama, Aisaia eno sę bidi aga ugwa me sągą nadoba gudisąma olo bilai dao. Teda te dwai sę te Isip dali Sudan side pedalabo sę dąį tiwai aga bidali dao.  
\v 4 Te Asiria tuni bidigo te Isip dali Sudan bulu siba hwįgi paibao. Tama agai te bulu sigo gesi bidi me, monu dabe me, kalabus elama, gasa buluba sela paibao. Tama augwali pabo sogo da, augwali ugwa me, sągą nadoba me, me gudasa pogobeo, mu meni yaibao. Augwali habu olo bidiyu, augwali hale mu yaibao.  
\v 5 Te Filistia we bidi dabego te Sudan dabego augwali hwįbode tau siyu, me te augwaligo genuai nogi ugwaba sabo Isip dabe, te augwaligo te sę sulama, tama augwali noma selama, tama augwali homu dwai yaibao.  
\v 6 Tama te sogo, te nambis we bidi, te Filistia dabe, augwali augwa hasi tomode po miyu, te po waibao, ‘Iya, tegoba! Dago te bomai bulu bidi dabebolo da tau somainu no munaluao po hanalu wai goli dama, tiyu Asiria dabego da dolagaidali weyu. Tiali goli, suao, augwa digi dolalio. Te da te Asiria dabego bainat hwą geda muabo sunumi menio,’ te po waibao.”   
\c 21  
\s1 Babilon bulu dolaibao  
\q1
\v 1 Genuai Bidigo Babilon \f + \fr 21:1 \ft Te Hibru pogo te nogi Babilon me elalubeo. Agai te po olama wai, “te wa pai bulu te nambis pąde elalubao,” wai. Tiali goli, te po wali te Babilonde po digi po begelama wali da, homu ebao.\f* bulu dolaibao wabo  
\q2 po mani.  
\q1 Te genuai sęgę me, dene me,  
\q2 te nai meni yai wa pai bulude pedalaibao,  
\q2 te tǫ te bidi dabe wi elama, pąba pisąma ebo bulude.  
\q1 Agai te polo asaibao, te nai menia pai  
\q2 madi pobegebo wali tiwai bomai wali.   
\q1
\v 2 Eno te sę te God ena mani na me deli dwaide suali.  
\q1 Eno Godigo te po wabo odali,  
\q1 “Te Babilon dabe te ili po olama, geagano bilibo sę eyu,  
\q2 tama gasa we bidi hani dali dwai sę ebo bage dao.  
\q1 Tama augwaligo te kolesaga genuai mu  
\q3 pedalomainu ebo.  
\q1 Tama tibaso, te Elam ami bidi dabe,  
\q2 dagego te Babilon buluba hwįagasao.  
\q1 Tama Midia ami bidi dabe, dagego  
\q2 te hanu bobegela sagasiąo.  
\q1 Eno te Babilon dabego gasa  
\q2 we bidi dabebolo mani sęgę silaibao,” wali.   
\b  
\q1
\v 3 Te nade suali naigo ena wi ilama, didibili ilali.  
\q1 Tama eno tigide dene genuai me yali,  
\q2 te we sibigo wai sainu dene ebo tiwai yali.  
\q1 Eno wi mu elama, eno homu mu doali.  
\q1 Tama eno magi nai me suyu, me po  
\q2 me odoyu yabo homu me ebe.   
\q1
\v 4 Eno tobolu gęǫ elama, tama wigo  
\q2 eno tigi didibili yali.  
\q1 Eno te pio giliga iba dega siyu, hulia sagasabode,  
\q2 eno godolo mu ebo dao.  
\q1 Tiali goli, te sogo hulide te naigo ena wi mu ilalio.   
\b  
\q1
\v 5 Eno te bidi dabego genuai nai sisi ebo suali.  
\q1 Tama augwaligo moni ugwa name tǫba mubo suali.  
\q1 Tama bidi dabe dualama,  
\q2 nai tuyu, wę tuyu ebo suali.  
\q1 Tiali goli, deli sogo tama bidi mego  
\q3 hąį olo e tama po wagasali,  
\q1 “Te genuai bidi dabe, te boi bidi dabe polo asalio.  
\q1 Te duga hwįbo awa name polo selama, no muao,” wali.   
\b  
\q1
\v 6 Tama Genuai Bidigo enabolo te po walali,  
\q1 “Nago bidi me nage tonalumainu tama,  
\q2 nago dąį ilao, agai tonalumainu.  
\q1 Tama agai te mena tama nai agai suali  
\q2 agai nagebolo omainao.   
\q1
\v 7 Te agai te bidi dabe hos dabede  
\q2 dualama si si asobo sulama,  
\q1 me agai te bidi dabe te donkidu,  
\q1 me kameldu dabe dulasa asobo sulama,  
\q2 teda agai olo saganama, bugagia mu odama,  
\q2 mena sę egowe bugagia odaibao.  
\q1 Tama agai bugagia sumainao,” wali.   
\b  
\q1
\v 8 Tama te tonalubo bidigo laion yowigo  
\q3 wabo tiwai iyu,  
\q2 agai te po bomona wali,  
\q1 “Genuai bidi, ena te boi bidi dabe  
\q3 tonalubo pesagede tede bidama,  
\q2 tama ulade me, hulide me,  
\q3 eno bugagia tonaluai dao.   
\q1
\v 9 Tama eno te bidi dabe te hosde  
\q2 dulama si si asobo suali.”  
\q1 Tama tonalubo bidigo te po wali,  
\q1 “Babilon polo dolalio, aga polo dolalio.  
\q1 Tama augwaligo tibo god dabego  
\q2 piksa dabe tulaluama, tologa palio,” wali.\x * \xo 21:9 \xt Ped 14:8; 18:2\x*   
\b  
\q1
\v 10 Eno we bidi dabe, hobede ya,  
\q2 te boi bidi dabego dage  
\q2 te bidi dabego wit elebo tiwai yalio.  
\q1 Tiali goli, megi da,  
\q2 eno te God Tigidali Bomo Elalubo Bidigo mani po  
\q2 dagebolo pusubao.  
\q1 Aga te Israel dabego God dao.   
\s1 Te profet bidigo Idom dabego hanalu wali po wei ponani  
\q1
\v 11 Te Genuai Bidigo te nai dabe me te  
\q2 hanu Dumade pedalabo po mani. \f + \fr 21:11 \ft Te lain 11 me 13 tede wali po page kuna konebeo. Me badu bidigo homugo te taun Duma te Arebia dabego taun yali bogo homu ebao. Te buku Page Gagalali, Dąį 25:13-15, tede te tiwai wali te nogi Duma te nogi Tema dali elalu, me Kedar dali elalubao, te po te Dąį 21de te ves 14 me 16, tede suao. Tiali goli, te ves 11de te kantri tǫ Idom po olama me walio, tama tiyu, me badu bidigo homugo te vesde wali nogi Duma te tǫ kantri Idom po olama wali dao, te homu ebao.\f*  
\q1 Te bulu Idomde bidibo bage augwaligo  
\q2 i olama, hanaluyu, te po wali,  
\q1 “Tonalubo bidi, me sogo te hulialubo silaibawe?  
\q1 Mena sogo mu aga silaibawe?”   
\q1
\v 12 Tama eno te po wei ponoyu, te po wali,  
\q1 “Te be da posaiba, tiali goli hulia siyu me yaibao.  
\q1 Tama dagego ma hanaluabo  
\q2 homu ebaso da, teda dage ma aselama,  
\q3 ma hanaluagasiąo,” wali.   
\s1 Genuai Bidigo Arebia dabe dolaibao  
\p
\v 13 Genuai Bidigo te Arebia dolaibao wabo po mani.  
\b  
\q1 Te Dedan dabe dage, te dage biliyu,  
\q2 nai abelama dobu si eyu ebo bidi dabe dao.  
\q1 Dage pelama, te Arebia dabego nai  
\q2 meni yai wa pai buluba duala sigi pabo dao.   
\q1
\v 14 Te teba wi asali we bidi augwali  
\q3 wę nogonego mu isibao,  
\q2 tama tibaso, dagego nai magasao.  
\q1 Tama te tǫ Tema we bidi dagego  
\q2 te nai me augwaliba sela piąo.   
\q1
\v 15 Augwali wi pai dao.  
\q1 Magi baso meni, te boi bidi dabe hwįbo  
\q3 bainat hwą me enesigi enego  
\q2 augwali dali bomo elama, hwįbaso.   
\b  
\p
\v 16 Genuai Bidigo enabolo e tama po wali, “Te kibu be deli elalubao, te hanu Kedar we bidi dabe dali augwaligo wiegi yai nai dabe dolama silabo. Te kibu be bubuga deli deli sogo eno bugagia nedebao. Tama te kibu bego bubuga dolo mu sia sigi pabo si da, teda eno augwali dali yaibao wali sę dabe eno yaibao.  
\v 17 Te Kedar dabe augwali bomai ami bidi dabe augwali enesigi dali hwįbo bugagia mu koneai dao. Tiali goli, augwali dolaibao. Tama dwasianu bidi hani ami dabe naga bidaibao. Ena Genuai Bidi, Israel dabego God, eno po polo wali.”   
\c 22  
\s1 Genuai Bidigo Jerusalem we bidi dabe dali wado po wali  
\q1
\v 1-2 Genuai Bidigo te Na Yabo Odogo Bulu tede  
\q2 na dabe pedalabo po mani.  
\q1 Te genuai hanu Jerusalem we bidi dabe,  
\q2 dagego mena homu mu eyu, dagego hai olama,  
\q3 wiegi yai homu ebawe?  
\q1 Tama dage duga be peduba hola pelama,  
\q2 tama hai bomona mu olama,  
\q2 tama te kulukulu tigidali te hanu usu nubao.  
\q1 Naga te bidi dabe isali da.  
\q1 Augwali te bomai ami bidi dabe tiwai  
\q2 e hwįnama, isai menio.  
\q1 Te boi bidi dabego augwali moni hwągo elebeo.  
\q2 Menio. \f + \fr 22:1-2 \ft Te Asiria boi bidi dabe aselama, te taun hanu Jerusalem bagua sagasali sogo, te Jerusalem bidi augwali te bidi dabe wi eyu, te augwali bomo elalu dolaluabo homu isąma, te Asiria ami bidi dabe dali hwįabo usu meni yai. Te Jerusalem bidi dabe meba te wi pelabo si da, te Asiria dabego augwali pageabi elama, te augwali ela muani. Tama meba te taun tomode bidaludubadi, te augwali gasi selama isiyu, ma nasi elama isiyu yalio.\f*   
\q1
\v 3 Dagego genuai bidi dabe augwali  
\q2 digibulu mu wi peyu, tedela pai dao.  
\q1 Tiali goli, boi bidi dabego augwali sulama,  
\q2 tama augwali dua dua tola sai dao.  
\q1 Magi baso meni, te genuai bidi dabego  
\q2 ene dabe me te hwįabo nai dabe meni baso.  
\q1 Te boi bidi dabe dali hwįabo nai dabe meni yaide.   
\q1
\v 4 Tama tibaso, eno dagebolo te walobao.  
\q1 Dagego eno haliga nagame elama bidimainu igimio.  
\q1 Dagego enaduba deli naga bidimainu  
\q2 tagalao. Magi baso meni.  
\q1 Eno we bidi mu dolai baso, ena homu sęgę elama,  
\q3 ena gela weyu ebao.   
\b  
\q1
\v 5 Magi baso meni.  
\q2 God, Tigidali Bomo Elalubo Genuai Bidi,  
\q2 agai te haniani sęgę dabe dage  
\q2 te Na Yabo Odogo Bulu pedalabo sogo me  
\q3 polo bodolu muai dao.  
\q1 Te boi bidi dabe hauwa mu aselama,  
\q2 tama augwaligo hae dali iba,  
\q2 oba bomona ela bilaibao, te udula biliyu.  
\q1 Tama dage noma selama, gegede bilaibao.  
\q1 Augwaligo te hanu obo dabe hųgiyu yaibao.  
\q1 Tama dage wi yaibao.  
\q1 Tama dagego i wabo da, digibulu mu paibao,  
\q3 te tigidali bulu du usu naibao.   
\b  
\q1
\v 6 Te bulu Elam ami bidi dabego enesigi  
\q2 dali, ene dali si tolasa asaibao.  
\q1 Tama augwali te hwįbo kibu hos,  
\q2 me te hwįbo awa dali tama asaibao.  
\q1 Tama te hanu Kir ami bidi dabe da,  
\q2 augwali te hwįbo sabili dabe dali asaibao.   
\q1
\v 7 Te hwįbo nai o awa da dagego  
\q2 sawi yai odogo bulu pągąwaibao.  
\q1 Tama te hos kibude duabo ami bidi dabe  
\q2 augwali te hanu sunumide  
\q2 doligi pelama, tama hwįabo no munaluaibao.   
\q1
\v 8 Te boi bidi dabego te sę dabe yaibao.  
\q1 Magi baso meni, Genuai Bidigo te bulu  
\q2 Juda me tonalusiąma ebaso.  
\b  
\q1 Tama te sogo dagego koneama,  
\q2 te boi bidi dabego dageba  
\q3 hwįagasaibao homu ebaso da,  
\q1 teda dagego te hwįbo nai dabe  
\q2 te Moni Ni Sili Lebanon Be nogi ebo  
\q1 tede munalubao homu eyu da,  
\q2 teda dage agai bugagia bidibo tau saibao.   
\q1
\v 9-10 Tama dagego suai dao,  
\q2 te hanu Jerusalem obo hauwa dolai  
\q3 elalubo suai dao.  
\q1 Tama tibaso, dagego Jerusalemde  
\q3 be dabe tigidali nedai dao,  
\q2 te tuni bidi Devitgo hanu.  
\q1 Tama dagego te be dabe hųgilama,  
\q2 te be dabego masigi dabe te obo sę  
\q3 ma yainogo sai dao.  
\q1 Tama dagego tǫ dedagede wę sainu,  
\q2 te wę gamia dabe geselai dao.   
\q1
\v 11 Tama dagego genuai dedage deli  
\q2 te hanu bobegelali obo si tomode nigai dao,  
\q2 te tigidali uludu asobo wę ge bo dąį elalumainogo.  
\q1 Dagego te tama sę dabe yai dao.  
\q1 Tiali goli, dagego God me kone me ebeo.  
\q1 Agai deligo naga te nai dabe dageba  
\q2 pedalabo po polobadu digi bodolu muai dao.   
\b  
\q1
\v 12 Tama te sogo God, Tigidali Bomo Elalubo Bidigo  
\q1 homugo dage homu dene  
\q2 elama, gela omaina homu ebao.  
\q1 Tama dage duga tobolu nisi gudama,  
\q2 tama hobede ebo ugwa gudumainu homu ebao.   
\q1
\v 13 Tiali goli, dagego te hobede yabo  
\q2 sę yai menio. Meni.  
\q1 Dage gisugu olama, gana pelama bidalio.  
\q1 Tama dagego bulmakau kibu me sipsip kibu elama,  
\q2 tama moni daa mu tuai dao.  
\q1 Tama dagego wain wę dabe tama tuali.  
\q1 Tama dagego e tama po wai dao, “Asao.  
\q2 Da wę dali nai dali tuinao,” wali.  
\q1 “Magi baso meni, do da isaibao,”  
\q2 tama po wali. \x * \xo 22:13 \xt 1 Ko 15:32\x*   
\b  
\p
\v 14 Tigidali Bomo Elalubo Genuai Bidi aga digi ena pageba mu aselama, eno olode te po mu tama walio, “Eno dagego te dwai sęgę gegeda sągobeo, te dage isiboba usu nigi paibao,” wali. Te da, te Godigo po dao, Tigidali Bomo Elalubo Genuai Bidigo po.   
\s1 Genuai Bidigo Sepna aga sęde sela sąwaibao  
\p
\v 15 Tigidali Bomo Elalubo Genuai Bidigo enabolo Sepna sugi pao po wali. Te bidigo te tuni bidigo bede tigidali nai tonalubo dao. Tama eno te po agabolo pusa mawaibao,   
\b  
\q1
\v 16 “Sepna, nago naga hani me nago tǫ ede menio.  
\q1 Te nago homugo nage de dao homu eyu,  
\q2 nago te bidi dabebolo te bulu du dologode dilai  
\q2 masigi dedage dogwao po waliwe?  
\q1 Tama te masigi dedage nago dwagi yai  
\q2 gų page tiwai elaluaibawe?   
\q1
\v 17-18 Nago homugo nage bomai  
\q2 bidi dao homu ebawe? Mu menio.  
\q1 Genuai Bidigo nage tola selama, gosegelama, miminama,  
\q2 tama dwasianu kiki tiwai yaibao.  
\q1 Tama agai nage tǫ me genuai digibulu  
\q2 me elalubo madi digibulu mu sąwaibao.  
\q1 Tama nage te bulude isaibao.  
\q1 Tama nago te tagalobo sawi yai karis tagalaibao.  
\q1 Nage da, te tuni bidigo sę ebo bidi dao,  
\q2 tiali goli nago tuni bidigo haniba  
\q3 nago hale sela asobo bidi dao.   
\q1
\v 19 Genuai Bidigo nage nago ebo sęde  
\q3 sela sąnama, tagalaibao.  
\q1 Tama nage nai meni yai bidi bidama,  
\q2 tama nage dwai mu bidaibao.  
\q1 Tama nage nogi meni yai bidi mu bidaibao,” wali.   
\b  
\p
\v 20 “Genuai Bidigo Sepna nagebolo te tama po wali, ‘Te nai dabe pedalobo sogo da, teda eno sę bidi i olama, asaibao. Aga te Eliakim dao, te Hilkiago ogwa dao.  
\v 21 Tama eno te nago te tuni bidigo ofisa bidigo gudubo wiegi yai ugwa me kibu wali selama, te Eliakim gudulaibao. Tama agai nago megi ebo sę saibao. Tama agai te Jerusalem we bidi, me te Juda we bidi, tigidali tonaluaibao. Tama aga augwaligo aya tiwai bidaibao.  
\v 22 Tama eno agai nogoba te tuni bidi Devitgo be ki agai nogoba muaibao. Tama mena nai agai dabo si da, teda bidi dabego ma palibo usu egobeo. Tama me tama nai dabe agai paliali da, bidi dabego dabo usu egobeo. \x * \xo 22:22 \xt Ped 3:7\x*  
\v 23 Te eno aga te sęde bomo elama, mu bidimainu ilaibao, te huk augwaligo be tomode dąų walai tiwai yaibao. Tama agade aga hani tigidaligo genuai nogi sela silaibao.’”   
\p
\v 24 “‘Tama aga hani tigidali aga pageba sisagaselama, tama agabolo augwali tau sao po waibao. Te augwali te sene dabe, me meba nai dabe te hukude walalubo tiwai yaibao.  
\v 25 Ena Tigidali Bomo Elalubo Genuai Bidi, eno te tama po wali. Tama te sę pedalobo sogo da, te si wali huk hala pelama, tulaluaibao. Tama agade walaluyu, aga sęgę mani hani dolama, tulaluaibao. Ena Genuai Bidi, eno polo wai dao.’”   
\c 23  
\s1 Genuai Bidigo hanu Tair dolaibao  
\p
\v 1 Genuai Bidigo te hanu Tairde pedalabo sę dabe po mani. \x * \xo 23:1 \xt Ese 26:1–28:19; Jol 3:4-8; Amo 1:9-10; Sek 9:1-4; Mat 11:21-22; Luk 10:13-14\x*  
\b  
\q1 Te genuai sip dabe, dage tamu węde  
\q2 bilibo sip dabe, dage hobede elama,  
\q3 gela waiąo. Magi baso meni.  
\q1 Dagego bulu Tair sese tigidali polo dolai dao.  
\q1 Tama tede be me dolalubeo, te bulude.  
\q1 Me, te sip dabe tubo pesage tede dolai dao.  
\q1 Nago te sę te ailan Saiprus tagalama,  
\q2 ma asobode dagego koneaibao.   
\q1
\v 2 Te dage Tair bage, te tamu wę  
\q2 sesegede bidibo Tair bidi dabe, dage,  
\q2 me te hanu Saidonde bisnis  
\q2 bidi dabe, dage hobede elama,  
\q3 po wasiąyu, dua bidiąo.  
\q1 Hanu Saidon, te sip dabego haniani dabe  
\q2 hauwa mu nageba sela asai dao.   
\q1
\v 3 Tama nage te nai abeliyu,  
\q2 te nai maketde muyu ebo genuai  
\q3 nogi sabo bulu tiwai yai dao.  
\q1 Te sip dabe te Isipba, te wę Nail elalubo badu pelama,  
\q2 tama te wit nai dabe nageba sesai dao.  
\q1 Tama nago te nai dabede bisnis sę elama,  
\q2 te naide mone hauwa sai dao.   
\q1
\v 4 Hanu Saidon, nage hale yao. Magi baso meni.  
\q1 Te bomai hanu te tamu ąįde elaluali hanu polo dolalio.  
\q1 Tama te tamu ąįgo te po walio,  
\q2 “Hobede mu dao.  
\q2 Eno wai dabe ame nabe.  
\q1 Tama ena te wego wai ame nainu dene isąwai ąǫ yalio.  
\q1 Tama eno sawi ogwa wegi ame nisąwai  
\q2 ąǫ elama, negisąwai ąǫ yalio,” wali.   
\q1
\v 5 Tama te Isip dabego te sę dabe  
\q2 te hanu Tairde pedalali po odobosi da,  
\q2 teda augwali wi mu elama,  
\q3 augwaligo bomo mu sia saibao.   
\b  
\q1
\v 6 Dage te tamu wę sesegede bidibo  
\q2 we bidi dabe, dage hobede elama,  
\q2 gela olama, te Tarsis buluba poloba tama wi pao.   
\q1
\v 7 Magi nai mu te Tairde pedalaliwe?  
\q1 Te polobadu bomai hanu mu,  
\q2 te dage tigidali wiegi yai  
\q3 homu elama gana pai madi dao.  
\q1 Polobadu te hanude we bidi dabe meba  
\q2 te gasa digibulu buluba taga palama,  
\q2 te gasa gesi hanu geseligi pomainu yai dao.  
\q1 Tiali goli, magi baso te hanu dolama elalubawe?   
\q1
\v 8 Dego pode mu te hanu Tair dolaliwe?  
\q1 Te hanugo te gasa hanu dabe  
\q3 tonalumainu sa muai hanu dao.  
\q1 Tama agai bisnis bidi dabe  
\q2 te genuai bidi mu tiwai bidama,  
\q2 tama te tǫde we bidi dabego augwali  
\q3 nogi ugwaba siyu,  
\q3 genuai nogi mu mabo dao.   
\q1
\v 9 Te da te Tigidali Bomo Elalubo Genuai Bidigo pode  
\q1 te bulu tama dolai dao.  
\q1 Genuai Bidigo te tama tiali da. Magi baso meni.  
\q1 Agai te bidi hani augwa bomo de  
\q2 augwa genuai nogi dabe ugwa siyu,  
\q2 me augwa homu gana peyu ebo  
\q2 bidi dabego nogi aiyaba elalubo dao.  
\q1 Tama me, agai te bidi dabe  
\q2 genuai nogi yai bidi dabe me agai  
\q3 aiyaba elalubo dao.   
\b  
\q1
\v 10 Dage te Tarsis badu bidibo we bidi,  
\q2 dage duga homu duga haniani  
\q3 sę dabe iyąo. Magi baso meni.  
\q1 Te hanu Tair bidi dabego dagego  
\q2 homu kolesaga tolalugobeo.   
\q1
\v 11 Genuai Bidigo nogo  
\q2 te tamu wę daide balalubao,  
\q2 te tamu wę sesegede elalubo bulu dabe dolainu.  
\q1 Tama tibaso, te bulu we bidi dabe  
\q2 augwali didibili dwai mu ebao.  
\q1 Agai te Fonisia bulude bomai hanu dabe  
\q2 dolainu po polo mawai dao.   
\q1
\v 12 Agai e tama po wali, “Sawi yai hanu Saidon,  
\q2 nage wiegi yai homu me ma elama,  
\q3 bidigobeo. Magi baso meni.  
\q1 Nage dolama, mu dolama elaluaibao.  
\q1 Tama tibaso, dage hanu Saidon we bidi, dage hogodama,  
\q3 te ailan Saiprusba piąo.  
\q1 Tama tiali goli, tede me dage bugagia  
\q3 me bidigobeo,” wali.   
\q1
\v 13 Te Babilon dabego tǫ suiąo,  
\q2 te bidi dabe me tede bidibeo. Magi baso meni.  
\q1 Te Asiria dabego augwaligo bulu dolai dao.  
\q1 Tama augwaligo bulu te bulu  
\q2 hasa dabego bulu gagalai dao.  
\q1 Te Asiria dabego te augwaligo hanu obo  
\q2 bobegelama, sai ela pai dao.  
\q1 Tama augwali te sai dabede dolaluyu,  
\q2 tama augwali dali hwį yai dao.  
\q1 Tama augwaligo te hanu dabego bomai  
\q2 obo dabe hųgiai dao.  
\q1 Tama te hanu dabe sese tama dolai dao.   
\q1
\v 14 Te genuai sip dabe, dage tamu węde  
\q2 bilalubo sip dabe,  
\q2 dage hobede elama, gela waiąo.  
\q1 Magi baso meni. Dagego te bomai hanu polo dolai dao.   
\b  
\p
\v 15 Tama te sę dabe pedalobo sogo da, te we bidi dabego te hanu Tair te kibu be 70 tama gegeda pelama, bidaibao. Te hanu Tair te penani sę ebo we te bidi dabego te we tagalama tęąbi wabo we tiwai bidaibao. Te tęąbi wabo po e tama edao,   
\b  
\q1
\v 16 O penani sę ebo we.  
\q1 Augwaligo nage homu kone gegeda palalio.  
\q1 Tama tibaso, nage gita selama, hanuba biligi pao.  
\q1 Tama nago te tęąbi po wao.  
\q1 Tama wiegi yai musik elao.  
\q1 Tama te bidi dabego nage ma koneaibao.   
\b  
\p
\v 17 Tama te 70 kibu be silibo si da, Genuai Bidigo te hanu Tair te we bidigo nai dabe abeliyu, nai maketde muyu ebo bulu ma emainu sula tagalaibao. Tama te hanu Tairgo te gasa tǫde bulu dabe sese aga dali bisnis sę yagasomainu kegaibao, te penani sę ebo wego agaba asomainu kegebo tiwai yaibao.  
\v 18 Tiali goli, te mone dabe agai sabo da, aga sabo sabogobeo. Menio. Te nai dabe te God Genuai Bidigo nai dabe tiwai pedalaibao. Tama te Genuai Bidigo we bidigo te hanu Tairgo sisinani nai dabe saibao. Tama augwaligo tuabo nai hauwa mu elaluaibao. Tama wiegi, wiegi yai gudubo ugwa me elaluaibao.   
\c 24  
\ms1 Genuai Bidi te Saion bulu dude bidiyu, te tigidali we bidi hani tonaluaibao  
\mr (Dąį 24–27)  
\s1 Genuai Bidigo tǫ dolama, tama aga digi te we bidi tonaluaibao  
\q1
\v 1 Genuai Bidigo tǫ mu dolama, tama tǫ olo mu  
\q2 elaluaibao.  
\q1 Agai te tǫ agalama, tama tǫ bebegelama,  
\q2 tama te tǫ gasagi yai mu pedalaibao.  
\q1 Tama agai te we bidi dabe subigila  
\q2 wi tedela pomainu yaibao.   
\q1
\v 2 Tagala, augwali mena tiwai we bidi yaibaso me,  
\q2 augwali deli sę tiwai naga suaibao.  
\q1 Te pris bidi dabe dali, me te olo we bidi dabe me,  
\q2 tama me te tonalubo bidi dabe me,  
\q2 olo sę bidi me, olo sę we dabe me.  
\q1 Tama me te bisnis bidi dabe,  
\q2 me te augwalide nai dabe abelebo bidi dabe me,  
\q2 tama me te nai negeli sabo bidi dabe dali,  
\q2 te nai negeli mabo bidi dabe dali me.  
\q1 Tama me te moni bidi dabe dali,  
\q2 me nai meni yai bidi dabe dali me.  
\q1 Augwali tigidali sese tama te dwai dene saibao.   
\q1
\v 3 Tǫ tigidali mu dolama,  
\q2 tama te tǫ olo mu elaluaibao.  
\q1 Genuai Bidigo te sę dabe yabo po polo walio.   
\q1
\v 4 Tǫ wa pelama, tama agai bomo polo sia salio.  
\q1 Tama aga hobedai gela obao.  
\q1 Tama te genuai nogi elalubo we bidi  
\q2 augwaligo bomo me sia salio.   
\q1
\v 5 Te tǫ te we bidigo dwai meda yai  
\q3 kolesagago meda ilalio.  
\q1 Augwaligo te Godigo bomai habu selali  
\q3 poba tudi ola menama,  
\q2 tama agai po sela sąnama,  
\q2 tama augwaligo God aga dali  
\q3 dąų walali po toga sąyu yai dao.  
\q1 Teda te aga dali tigidali sogo bidiabo  
\q2 dąų wali po augwaligo sela sąwai dao.   
\q1
\v 6 Tama tibaso, Godigo pode  
\q2 te dwai sogo mu te tǫde pedalama,  
\q2 te we bidi hauwa mu  
\q2 dwai kolesagadu wali pao olama, i ola mawai dao.  
\q1 Tama dwasianu we bidi hani naga bidaibao.  
\q1 Agai tama tiali. Magi baso meni.  
\q1 Te we bidi dabe augwa dwai kolesagago  
\q3 augwa sęgę tolaibao.   
\q1
\v 7 Te gesi ni wain du me walisiąbadi,  
\q2 te ni wain me sasia mobia pai dao.  
\q1 Tama te we bidi te wain wę tubo bage  
\q2 augwali megi da homu sęgę mu yali.   
\q1
\v 8 Augwali wiegi yai homu elama,  
\q2 tama augwa te bagwa pai  
\q2 wiegi yai musik po wabo te temborin me elebeo.  
\q1 Tama augwaligo haniani gitago  
\q3 wabo dabe sese mu tama sia sali.   
\q1
\v 9 Augwaligo te wain wę tubo sogo  
\q3 augwaligo te tęąbi po me wabeo.  
\q1 Augwa sęgęgo yali sęde augwaligo  
\q2 te wain augwaligo tubode  
\q2 augwaligo pedauwalide pusu me ebeo, te ha ebao.   
\q1
\v 10 Te genuai hanude nai dabe sese mu dola silalio.  
\q1 Tama tigidali be sunumi dabe palialua pali.  
\q1 Te bidi me tomoba me pabo usu ebeo.   
\q1
\v 11 Tama te we bidi dabego  
\q3 te tuabo wain wę menia salio.  
\q1 Tama augwali te hanu sunumi dabede  
\q2 dolalua peyu,  
\q2 augwaligo te wain gogono bilibao.  
\q1 Te we bidi dabego wiegi yai  
\q2 homu elama, gana pali dabe mu sia sali.  
\q1 Tama homu sese elama, hobede  
\q2 ela pabo sę naga te tigidali tǫde ebao.   
\q1
\v 12 Genuai hanu sese mu tama dolali,  
\q2 tama agai genuai obo sunumi tulaluama, tama  
\q2 pebeda pali.   
\q1
\v 13 Te tobage dwai sę naga te tigidali  
\q2 tǫde we bidide pedalaibao.  
\q1 Tama dwasianu we bidi hani mu naga bidaibao.  
\q1 Te ni oliv du te bidigo sela silaide  
\q2 te deli deli walalua pabo tiwai elaluaibao.  
\q1 Me te ni wain du te bidigo siyu,  
\q2 deli deli tagalai te elalubo tiwai yaibao.   
\q1
\v 14 Tiali goli, te me bidibo dwasianu  
\q2 we bidi hani augwali wiegi yai  
\q3 homu elama, tęąbi po waibao.  
\q1 Te tamu wę sesegede bidalubo we bidi augwaligo  
\q2 te Genuai Bidigo bomode me genuai  
\q2 nogide augwaligo wiegi yai  
\q3 homu elama gana paibao.   
\q1
\v 15 Tama tialima, dage tigidali tǫ  
\q2 habu badu bidalubo we bidi dabe,  
\q2 te giliga asobo badu,  
\q2 me te tamu ąį sesegede elalua pabo  
\q3 bulude bidalubo bage,  
\q2 dage tigidaligo te Genuai Bidigo nogi ugwanu sao,  
\q2 te Israel dabego Godiba genuai nogi maiąo.   
\q1
\v 16 Te we bidi te tǫ sesegede digibulu  
\q2 bidibo bage augwali wiegi yai  
\q2 homu elama, tama augwaligo  
\q2 wiegi yai homu ebo tęąbi po wabo.  
\q1 Tama augwaligo te tęąbi po da e tama dao,  
\q1 “Genuai Bidigo nogi ugwaba sao.  
\q1 Agai tigidali sogo wiegi yai kolesaga mu ebo dao.”  
\q1 Tiali goli, eno e tama po wali,  
\q2 “Hobede mu dao.  
\q1 Ena wiegi yai homu mu egobeo.  
\q1 Eno haligade moni sęgę mu elama,  
\q2 eno olo dali mu sia sabo homu ebo.  
\q1 Magi baso meni. Te eno suali,  
\q2 te dwai sę eyu, ili po weyu tama  
\q2 ebo bidi dabego gasa bidi dabe ili po ola mani,  
\q2 augwali dali dwai sę yali, eno te po wali.   
\q1
\v 17 Te tǫde we bidi, dage hobede mu dao.  
\q1 Te dwai sogo me, tǫ dedage me,  
\q2 sųgų sabo wa tamago dage  
\q3 tonalubao, dage tola sainu.   
\q1
\v 18 Tama bidigo te dwai sogo te asobao  
\q2 wabo po odama, wi pobaso da,  
\q3 aga te tǫ dedageba tulaluaibao.  
\q1 Tama aga te tǫ dedagede  
\q2 ma hola aselama, ma wi painu yali da, teda aga  
\q3 te sųgų sabo wade ma tola saibao.  
\q1 Te dagalude sunumi dabe dala pelama,  
\q2 tama te wę e tǫba gealuaibao.  
\q1 Tama tǫ pagede mali yaibao.   
\q1
\v 19 Te tǫ mali genuai mu elama,  
\q2 tama te tǫ tomode peda pelama,  
\q2 tama te tǫ dedage olo dala pai elaluaibao.   
\q1
\v 20 Aga te polobo bidi ugwaba edaba ebo tiwai eyu,  
\q2 me te dwasianu be te bomai wali ebo  
\q3 sogo uba edaba ebo tiwai yaibao.  
\q1 Te tǫde we bidi dabe augwa dwai sęgęgo  
\q2 yaligo te tǫgo tolobo usu egobeo.  
\q1 Tama tibaso, te tǫ tulaluama, tama te tǫ ma hodalobo  
\q3 usu me egobeo,” eno te po wali.   
\q1
\v 21 Polobadu digi Genuai Bidi aga digi  
\q3 po bodolu muai dao.  
\q1 Agai te dagalude bidibo bomo elalubo bage dene mayu,  
\q2 me te tǫde tuni bidi dabe dali dene mawaibao.   
\q1
\v 22 Genuai Bidigo augwali sisinama,  
\q2 augwali kalabus ilaibao,  
\q2 te bidi dabego te kalabus bage  
\q2 tǫ dedage deliba tagalobo tiwai mu yaibao.  
\q1 Tama agai augwali kalabuside  
\q3 bobobage sogo tonaluaibao.  
\q1 Tama nosali augwaliba agai homugo  
\q3 yainu yali sę augwaliba yaibao.   
\q1
\v 23 Tama te giliga ula de polua ula si,  
\q3 te olo nai tiwai yaibao.  
\q1 Magi baso meni. Tigidali Bomo Elalubo  
\q2 Genuai Bidi aga bomo dali,  
\q2 me aga bomai ula dali, asaibao.  
\q1 Tama aga te bulu du Saionde we bidi tonaluaibao.  
\q1 Tama te we bidi dabe augwa genuai  
\q2 bidi dabego aga suaibao.   
\c 25  
\s1 Godigo nogi ugwaba siyu wabo balia po  
\q1
\v 1 O Genuai Bidi, nage eno God dao.  
\q1 Tama eno nago nogi ugwaba saio.  
\q1 Magi baso meni.  
\q1 Nago te bidigo isąwai bomai sę dabe mu ebo dao.  
\q1 Da tau sainogo, nago tigidali nai dabe mu usu nani,  
\q2 te polobadu digi nago yaibao po wali gilama.   
\q1
\v 2 Nago te genuai hanu dabe  
\q3 te pobele bage pesage holai dao.  
\q1 Tama te bomai obo dabe elaluai  
\q3 hanu dabe sese dola silai dao.  
\q1 Tama te Israel hani isąwai bagego  
\q2 bomai hanu dabe te boi bidi dabego  
\q3 sese mu dola silai dao.  
\q1 Tama augwaligo ma hodolobo usu egobeo.   
\q1
\v 3 Te bomai bulu we bidi dabego  
\q2 nagebolo genuai nogi mawaibao.  
\q1 Te tǫ pedai kantri meba we bidi dabego  
\q2 gasa we bidi dali homu dene isąwai goli,  
\q2 te tobage kantrigo moni hanude bidibo we bidi  
\q2 dabego nage wi eyu, nage dologode bidaibao   
\q1
\v 4-5 Nage te nai meni yai bidi dabe  
\q2 duala sabo bulu tiwai nage bidai dao.  
\q1 Tama augwali sęgę ebo sogo augwali bugagia bidai dao.  
\q1 Te dwai bidi dabego homu sębę  
\q2 te bomai waligo te be daga tigiba  
\q2 hudula palobo tiwai dao, me te sesana pai giliga  
\q2 te kemi tǫ wa pai bulude nanebo tiwai dao.  
\q1 Tiali goli, te tulubage sogo, me wali ebo sogo,  
\q2 nago augwali mesegelama, tonaluai dao.  
\q1 Te nai meni yai bage nago tonaluai dao.  
\q1 Tama bomai giligago augwali ulumainu  
\q3 sula tagalai menio.  
\q1 Genuai Bidi, nago te boi bidi dabego  
\q2 pedauwali paninama,  
\q2 tama te dwai bidi dabego i hae wabo  
\q3 tama sia sabo dao.  
\q1 Te pǫgo te sesana pai giliga dualobo tiwai ebo dao.  
\q1 Tama te bulu kedaua pabo dao.   
\s1 Godigo genuai nai te bulu du Saionde sisi elama, muaibao  
\q1
\v 6 Te bulu du Saionde,  
\q1 Tigidali Bomo Elalubo Genuai Bidigo  
\q3 geninama nai mu sisi yaibao.  
\q1 Te wiegi wiegi yai hasa dabe me,  
\q3 tuabo wain ąį dabe me elaluaibao.  
\q1 Tama tigidali bulu we bidi dabe  
\q3 te nai tuboba sisinagasaibao.   
\q1
\v 7 Megi da, te we bidi hani augwali  
\q2 homu sęgę elama bidibao,  
\q2 te augwali te isibo kolesagade  
\q3 homu dene elama, te bidibao.  
\q1 Tama augwali te sęgęgo te ugwa tiwai  
\q3 augwali mesega sai dao.  
\q1 Tiali goli, te Saion bulu dude da,  
\q1 Genuai Bidigo augwaligo homu sęgę me  
\q2 hobede ebo dabe sese sia sąwaibao.   
\q1
\v 8 Agai te isibo me silama, tama augwali  
\q3 me isibo sę me egobeo.  
\q1 God Genuai Bidigo augwaligo gela ųga  
\q2 sia sąnama, tama augwaligo gedu ąį wa sąwaibao.  
\q1 Te we bidigo gedu ąį menia saibao.  
\q1 Tama agai aga we bidi tigidali tǫde  
\q2 bidibo we bidigo hale me sia sąwaibao.  
\q1 Genuai Bidigo te sę yabo po polo  
\q2 wai dao. \x * \xo 25:8 \xt 1 Ko 15:54; Ped 7:17; 21:4\x*   
\q1
\v 9 Te sę dabe pedalobo sogo,  
\q2 te we bidi dabego te e tama po waibao,  
\q1 “Mu tama dao, Genuai Bidi dago God dao.  
\q1 Dago homu agade dąų olama, tonaluai dao.  
\q2 Tama agai da ma oda sai dao.  
\q1 Aga deli naga Genuai Bidi dao.  
\q2 Tama agai da tau sai dao.  
\q2 Tama tibaso, da wiegi yai homu  
\q3 penene genina mu inao.  
\q1 Magi baso meni. Agai da polo ma  
\q3 oda sai dao,” te po waibao.   
\s1 Genuai Bidigo bulu Moap dolaibao  
\q1
\v 10 Genuai Bidigo Saion bulu du bugagia tonaluaibao.  
\q1 Tiali goli, agai te Moap dabe mu dolaibao.  
\q1 Agai te boi bidi dabego augwali dolama, mesegelama,  
\q3 agayagasomainu yaibao.  
\q1 Te kau kibu dabego nosai augwa diba  
\q2 agalama, ela bulubo tiwai yaibao. \f + \fr 25:10 \ft Matmena, te Moap dabego taun hanu me deli da. Tiali goli, te Hibru pogo te nogi Matmena te tiwai si page pąde elalubao, “di tabo pesage da,” wabo. Te da, te profet bidigo te hanu te gagali po weyu, wabo ąǫ yali, te Moap dabego hanubolo.\f*   
\q1
\v 11 Te Moap dabe te bidi moni tamu wę  
\q2 tomode hagayabo ąǫ ebaso,  
\q2 te wę saneba painu paulama,  
\q3 nogo ąį togobo tiwai yaibao.  
\q1 Te augwaligo dolidali weyu, haniani sę mu yaibao,  
\q3 te augwali dolobo side.  
\q1 Tiali goli, Genuai Bidigo augwaligo  
\q2 bomo dali kolesaga si aiyaba elaluaibao.  
\q1 Tama mena sę augwaligo yali  
\q2 te sę dabego augwali tau me sogobeo.   
\q1
\v 12 Tama agai augwaligo hanu bomai  
\q3 obo dabe hųgia sąwaibao.  
\q1 Megi da, te obo dabe sigide ugwanu mu te elalubao.  
\q1 Tiali goli, agai te obo dabe tǫba mu tulalumainu yaibao.\x * \xo 25:12 \xt Ais 15:1–16:14; Jer 48:1-47; Ese 25:8-11; Amo 2:1-3; Sef 2:8-11\x*   
\c 26  
\s1 Juda dabego balia me deli waibao  
\p
\v 1 Te sogo nosali pedalobaso, te Juda tǫde bidalubo we bidi dabego te balia po waibao.  
\b  
\q1 Dago hanu mu boma pai mu dao.  
\q1 God aga digi dago bomai obo bidalio.  
\q1 Agai da ma polo oda sai dao,  
\q2 tama tebogo agai da bugagia bagulali, te hanu me  
\q2 deligo bomai obo tiwai yalio.   
\q1
\v 2 Te homugo genuai sunumi dabe dayao.  
\q1 Te doloba pai we bidi tomoba tula asomainao.  
\q1 Tigidali sogo te bage augwali  
\q1 Genuai Bidi dologode naga elalubo dao.   
\q1
\v 3 Genuai Bidi, augwali nage dologode naga bidibo dao,  
\q2 tama augwaligo homu nage delide  
\q3 naga dąų olama, elalubo dao.  
\q1 Tama tibaso, nago augwali dali  
\q2 homu nagame ebo kolesaga  
\q3 augwali mu pągąmainu ebo dao.   
\q1
\v 4 Tigidali sogo Genuai Bidi  
\q2 dago bomai duala sabo pesage dao,  
\q3 te moni dobo masigi tiwai dao.  
\q1 Tama aga tigidali sogo tama bidada peyu, bididuaibao.  
\q1 Tama tibaso, dago agade homu dąų mu olama,  
\q2 tama aga dologode tigidali sogo bidinao.   
\q1
\v 5 Genuai Bidigo te we bidi genuai  
\q2 nogi yali we bidigo nogi aiyaba elalubo dao.  
\q1 Tama agai te bomai hanu dabe hųgibo dao.  
\q1 Tama augwali tǫba sese tama tulalubo dao,  
\q2 te tǫ hogomude elalubo dao.   
\q1
\v 6 Te we bidi dabe augwaligo  
\q2 te nai meni yai we bidi dabe dali dwai sę mu yali.  
\q1 Tama te bagenu augwali nai dabe mu menia pali.  
\q1 Tiali goli, megi da, te nai meni yai  
\q2 bidi dabe augwali te dolama,  
\q2 tagalali hanu pobele bage daide agaga bilibao.   
\q1
\v 7 Te sunumi te doloba pai we bidi dabe  
\q2 bilalubo sunumi da dolo naga te elalubao.  
\q1 Genuai Bidi, nage doloba pai God dao.  
\q1 Tama nago augwali bilibo sunumi dodolobo dao.   
\q1
\v 8 Awe, Genuai Bidi, da nago bomai po  
\q3 wali peyu, bilibo dao.  
\q1 Tama dago nage deli naga tonaluyu, tonalubo dao.  
\q1 Dago nago genuai nogi godolo mu ebo dao.   
\q1
\v 9 Te hulide eno homu nage delide naga elalubo dao.  
\q1 Tama kigamude ena nage dali bidibo  
\q3 godolo mu ebo. Magi baso meni.  
\q1 Nago te tǫde we bidi po tų ela mabo dao,  
\q2 te augwali nago doloba pai kolesaga  
\q3 ola mawainogo.   
\q1
\v 10 Tiali goli, nago dwai we bidi hobede igi sogo da,  
\q2 teda augwaligo te nago doloba pai  
\q3 kolesaga konea sigi menio.  
\q1 Augwali doloba pai we bidigo  
\q2 te tǫde bidibo me tagala,  
\q2 augwaligo te dwai kolesaga me ebo sę yaibao.  
\q1 Tama augwaligo nago  
\q2 genuai nogi koneyu, me augwaligo  
\q2 nago bomo me koneyu, me augwali  
\q3 nage dologode me elalugi menio.   
\q1
\v 11 O Genuai Bidi, nago nogo polo balalubao,  
\q3 te dwai we bidi dene mawainogo.  
\q1 Tiali goli, augwaligo subeo.  
\q1 Genuai Bidi, te nago naga we bidi godolo mu elama,  
\q2 tau sabo kolesaga te augwaligo sumainao.  
\q1 Tama te dwai bidi dabe augwali hale dwai mu yaibao.  
\q1 Tama nago naga boi bidi dabe ulabo isi,  
\q2 te isigo augwali mu ula silaganio. \x * \xo 26:11 \xt Hib 10:27\x*   
\b  
\q1
\v 12 Genuai Bidi, nago da tomode  
\q2 wiegi yai homu nagamea pai ebo  
\q3 sogo pedalomainu ilibo dao.  
\q1 Nago dago tigidali sę dabe dodolama,  
\q2 tama wiegi yai pedalumainu ilibo dao.   
\q1
\v 13 O Genuai Bidi, dago God,  
\q2 te gasa genuai bidi dabego da tonalubadi goli,  
\q2 dago nage deliba naga genuai nogi mabo dao.   
\q1
\v 14 Megi da, te genuai bidi dabe polo isila palio.  
\q1 Augwali me bidibeo,  
\q2 tama augwali ma hodalobo usu me egobeo.  
\q1 Nago augwaligo bomo aiyaba elaluama,  
\q2 tama nago augwali dolama,  
\q3 tama nago augwali mu dolai dao.  
\q1 Tama te we bidi dabego  
\q3 augwaligo nogi me kone ebeo.   
\q1
\v 15 Genuai Bidi, nago dago hani genina mu ilalio.  
\q1 Awe, nago we bidi hani moni hani mu pedelalio.  
\q1 Tama dago bulu genuai mu pedalumainu eyu,  
\q2 nago dago tǫ dąį ibanu mu kidilalio.  
\q1 Tama te tialigo naga genuai nogi  
\q2 genuai mu pedalumainogo yalio.  
\q1 Awe, dago bulu genuai mu pedalomainu ilalio.   
\q1
\v 16 Genuai Bidi, nago naga we bidi  
\q2 dodolomainogo eyu, dene mu mani,  
\q2 tama augwaligo bomo mu sia salio.  
\q1 Tiali goli, augwali moni homu dene dali  
\q2 nage pageba aselama,  
\q3 nageba gedu haluasa po walio.   
\q1
\v 17-18 Te nago gedude da  
\q2 te wego wai ame nainu dene ebo  
\q3 tiwai elama, bidai dao.  
\q1 Da te genuai dene dali, sęgę dali tolama,  
\q2 dago homugo tiali,  
\q2 dago wiegi yai nai dago me sugowe homu yali.  
\q1 Tiali goli, te menio.  
\q1 Dago magi nai me haninibeo.  
\q1 Dago te boi bidi dabe aiyaba elalubo  
\q2 bomo mu meni sai dao.  
\q1 Tama dago tǫde bugagia bidabo meni yai dao.   
\q1
\v 19 Tiali goli, naga te hani polo isila pali,  
\q2 tama augwali megi hulia sai madi bidibao.  
\q1 Te augwali ma hodaloama, te ula ma sueibao.  
\q1 Nago te isai bidi dabe bidibo ula ma mabo dao,  
\q2 te hulide tulubage segeni elama,  
\q2 te tǫ wa pai madi te gesi noma  
\q2 nosai hogonu ma holomainu ebo tiwai ebo dao.  
\q1 Dage te gų pagede pila mubo bage, dage hodaloama,  
\q2 dage wiegi yai homu elama, po hae waiąo.   
\s1 Genuai Bidi aga we bidibolo dene menama, tama augwali bugagia ma bidimainu ilali  
\q1
\v 20 Eno we bidi dabe, dage duga be  
\q2 tomoba dabe pelama,  
\q3 duga be sunumi dabe palia siąo.  
\q1 Dage pęwądage sogo dualaluama,  
\q2 tama Genuai Bidigo sębę silibo side tagalao.   
\q1
\v 21 Suao, Genuai Bidi aga bulu dagalu  
\q2 tagalama, e tǫba te asobao,  
\q2 te e tǫde we bidi dene mawainu,  
\q2 tama augwa yali dwai sę wei ponainu.  
\q1 Tama tǫgo te bidi dabego kaneme me geme dualogobeo,  
\q2 te gasa bidi dabego augwali  
\q3 ela wialali dabe. Menio.  
\q1 Agai te bidi dabego yali dwai kolesaga  
\q3 dabe sese tama haninaibao.   
\c 27  
\p
\v 1 Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.  
\v 2-3 Tama te sogo Genuai Bidigo balia po me e tama waibao, \x * \xo 27:2-3 \xt Jop 41:1; Tib 74:14; 104:26\x*  
\b  
\q1 “Te wiegi yai wain gi balia po wao. Ena Genuai Bidi,  
\q2 eno te gi bugagia tonalubo dao.  
\q1 Tama tigidali sogo eno aga wę mabo dao.  
\q1 Eno aga te giligade me hulide bugagia tonalubo dao.  
\q1 Tiyu, te bidi dabego dolagasidali weyu.   
\q1
\v 4 Megi da, eno te wain gi hagede wado po me wabeo.  
\q1 Ma, eno te gide te sesane yai nosai  
\q2 me gasa dwai nosai dabe tede holobaso da,  
\q3 teda eno augwali doliyu yaibao.  
\q1 Teda eno isi tulama, augwali sese ula silaibao.   
\q1
\v 5 Tiali goli, te boi bidi dabe  
\q2 augwaligo homugo augwali enaba  
\q2 aselama, augwali eno tonalumainu  
\q2 homu eyu da, teda augwaligo  
\q2 ena dali bugagia bidainu po deli  
\q3 dąų olama, asomainao.  
\q1 Awe, augwaligo te boi pimainao  
\q2 homu eyu, po deli dąų olama,  
\q3 ena dali bidagasomainao,” wali.   
\b  
\q1
\v 6 Te me sogo nosali, te Israel dabe  
\q3 te Jekopgo wąį auwa bidi dabe,  
\q2 augwali te ni wain pedali tǫba pelama,  
\q3 dudili hauwa walama,  
\q2 du hauwa walama, dili elama,  
\q3 dolalubo tiwai yaibao.  
\q1 Tama augwaligo nologode da,  
\q2 Genuai Bidigo augwalibolo wiegi yai sogo me tǫde  
\q3 we bidibolo mawaibao.   
\q1
\v 7 Genuai Bidigo te Israel dabebolo  
\q2 dene me mawai menio,  
\q2 te agai augwaligo boi bidi dabebolo  
\q3 mabo dene tiwai me mabeo.  
\q1 Tama me agai te gasa hani we bidi  
\q2 elama, isilali tiwai aga we bidi  
\q2 hauwa me elama, isilibeo. Menio.   
\q1
\v 8 Genuai Bidigo aga we bidi agai  
\q2 augwali kalabusiba tagala palali sogo,  
\q3 augwali dene mawai dao.  
\q1 Agai te bomai wali te giliga asobo badu  
\q2 asiyu, te haniani nai dabe  
\q2 selasa pabo tiwai yali gilama,  
\q2 agai aga we bidi aga bomai waligo  
\q3 augwali sela sąyagasai dao.   
\q1
\v 9 Tiali goli, tebogo agai te Israel dabe  
\q2 augwa digi yali te sęgę mu tama sia sąwainu da.  
\q1 Teda augwaligo te tibo godigo alta dabe  
\q3 sese toga sąyao.  
\q1 Tama te alta masigi dabe te olo hogomu gagalao.  
\q1 Tama me, augwaligo te tibo god  
\q2 we Asera piksa elalubo ni pos  
\q3 gelama tagaliyu, me augwali  
\q2 te dwagi yai hano denami ebo pauda  
\q3 ulubo alta doliyu emainao.   
\q1
\v 10 Te hanu da, polobadu bomai obo elaluai dao.  
\q1 Tama megi da, sese mu tama dolama, elalubao.  
\q1 Megi da, olo kala sili bulu te we bidi  
\q2 te bulude me bidisąwai bulu ąǫ ebao.  
\q1 Te bulude we bidi me bidibeo.  
\q1 Tama te kau kibu dabe naga te buluba sisinagaselama,  
\q2 tama me te dwasianu ni yabe dabe  
\q3 tuyu, tede bidibao.  
\q1 Tama augwali tede toma tuyu bidibao.   
\q1
\v 11 Tama te ni nologo dabe sasia  
\q2 pabo si da, te ni nologo dabe  
\q2 mobia pelama, tǫba tulalubo si da,  
\q2 te we dabe sibigo isi nogainu gigila sagasobo dao.  
\q1 Te tobage dwai sogo pedalali. Magi baso meni.  
\q1 Te hanu we bidi augwali bidi po sela sąbo we bidi mu.  
\q1 Tama tibaso, God, te aga te God augwali  
\q2 deli we bidi hani pedalomainu  
\q2 ilai goli, agai augwali godolo elama,  
\q3 augwali me hobede me yai menio.   
\p
\v 12 Tama te sogo Genuai Bidigo aga we bidi gasabulude dabe bidibo we bidi ma oda saibao. Te węYufretisdu gagalama, te Isip buluba usu nigi paibao. Agaiaugwali deli deli saibao, te bidigo aga wit dili dali bo dalisela sąnama, te du naga elalubo tiwai yaibao. Tama tewiegi yai wit du selama, te tǫgo nigai senede mubo tiwaiyaibao.  
\v 13 Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.   
\c 28  
\ms1 Genuai Bidigo te Jerusalem we bidi augwaligo kolesaga dodolaibao wali  
\mr (Dąį 28–35)  
\s1 Genuai Bidigo te sawi yai taun Samaria dolaibao  
\q1
\v 1 Hobede mu dao, te Israel bagego sawi yai  
\q2 taun nage. \f + \fr 28:1 \ft Te vesde, Aisaiago te taun Samaria po olama wali, te kantri Israelgo genuai hanu taun te not badu elalualio.\f*  
\q1 Nage mu dolaibao.  
\q1 Te naga genuai bidi dabego wain wę hauwa mu tulama,  
\q2 poliyu, tama nago nogi ugwaba mu sabo dao.  
\q1 Augwaligo te po wabo dao,  
\q2 nage te bomai hanu mu dao, po wabo dao.  
\q1 Nage te nai bula tuabo tǫ wiegi yai  
\q3 bulu dude te bidibao.  
\q1 Tama nage te naga genuai bidi dabego  
\q2 tobolude mubo plaua kula wai bono  
\q3 elalubo ąǫ te elalubao.  
\q1 Tiali goli, nage pąde tama te plaua bono sasia pelama,  
\q3 dolobo tiwai nage dolaibao.   
\q1
\v 2 Mu tamao. Genuai Bidigo te bomai  
\q2 hani me deli polo nage elalumainu sa muanio.  
\q1 Te hani te bomai wali tiwai asaibao,  
\q2 tama me te tulubage te talua ge  
\q2 tulubage tulubo tiwai yaibao,  
\q2 tama augwaligo nage togolama, tǫba tula palaibao.   
\q1
\v 3 Tama te hanigo nage agalama,  
\q2 nage daidu augwali bilaibao,  
\q2 nage te genuai bidi dabe poliyu,  
\q3 nago nogi ugwaba sabo hanu dao.   
\q1
\v 4 Nage te nai wai bulabo tǫde  
\q2 te dwasianu bulu du elalubo madi nage te bidibao.  
\q1 Tama nage sawi yai plaua bono tiwai elalubo ąǫ te ebao.  
\q1 Tiali goli, nage te plaua bono mobia  
\q3 pelama, dobo tiwai yaibao.  
\q1 Tama nage deli sogo tama silaibao,  
\q2 te ni fik du me deli hasia tau ebo  
\q2 tiwai, tama bidi me deligo sulama,  
\q3 polo sela tubo tiwai yaibao.   
\q1
\v 5 Te sogo te Godigo we bidi hani  
\q2 dwasianu naga bidiyu da,  
\q2 teda augwaligo Tigidali Bomo Elalubo Genuai  
\q2 Bidiba wiegi yai homu yaibao.  
\q1 Genuai Bidi aga digi aga wiegi yai  
\q2 tuni bidigo madi tobolude bulai,  
\q2 me te wiegi yai plaua bono  
\q2 augwaligo tobolude mubo tiwai bidaibao.   
\q1
\v 6 Genuai Bidigo te po tų odobo  
\q1 bidi dabebolo wiegi yai kolesaga  
\q2 menama, tama augwaligo  
\q3 po tų bugagia osola sueibao.  
\q1 Tama agai te hanude ami bidi dabe bomo mawaibao.  
\q1 Tama augwaligo te boi bidi dabe  
\q2 te hanu tomoba we bidi dabe dali  
\q3 hwįagasomainu sula tagalogobeo.   
\s1 Te pris dabe dali, profet dabe dali sigo Aisaia posobo po wali  
\q1
\v 7 Te profet dabe, me pris dabe,  
\q2 augwaligo te wain wę me bia wę hauwa tulama,  
\q3 polobo homu yabo homu elama, dodolama,  
\q2 wa bilabo homu eyu, dodola bilabo homu ebo dao.  
\q1 Augwaligo homu kolesaga menia pabo dao.  
\q1 Tama augwaligo augwa sę bugagia ebo menio.  
\q1 Tama me, te pris bidi dabe augwaligo  
\q2 te we bidi dabego sęgę bugagia dodolobo menio.   
\q1
\v 8 Augwa bogu te augwa bugulama,  
\q2 wę tubo tebol saide pesage holobo dao.  
\q1 Tama dwasianu wiegi yai me elalubo menio.   
\q1
\v 9 Te augwaligo eno po odobo si da,  
\q2 augwaligo e tama po wabo dao,  
\q1 “Te bidigo homugo de mu agai skul  
\q2 ola mawainu homu eyu ebowe?  
\q1 Agai pogo de mu ola mawainu ebowe?  
\q1 Da dwasianu wai bǫų dabe meni.  
\q1 Tamadi tama, da ame tubo tagalama bidibe.   
\q1
\v 10 Tigidali sogo agai dedeli po naga wabo,  
\q2 te bidigo wai bǫų dabe te leta dabe  
\q2 dolo nogi eyu emainu,  
\q2 me po dage deli me hani deli deli dolo nogimainu  
\q2 ola mabo ąǫ ebo,”  
\q2 augwaligo te tobage po enade wabo dao.   
\q1
\v 11 Te we bidi dabe augwaligo  
\q3 eno po odobo hagela mu ebo.  
\q1 Tama tibaso, Genuai Bidigo augwalibolo  
\q2 te gasa po wabo bagego  
\q2 pedauwalidu augwali po ola momainu,  
\q2 te gasa bidi dabebolo te agai po ola mawaibao.   
\q1
\v 12 Aga digi aga we bidi te tǫ badu  
\q3 tagalai dao. \x * \xo 28:12 \xt 1 Ko 14:21\x*  
\q1 Tama agai augwalibolo te po wai dao,  
\q1 “Te bulude dage toma tuyu, bugagia dua bidiaganio.  
\q1 Tama te bidi dabe, augwaligo tigi  
\q2 boma pelama, augwaligo tigi hagela  
\q2 pobaso da, augwali hodo doliyu,  
\q2 te bulude dua bidagameo,” wai dao.  
\q1 Tiali goli, augwaligo agai po odobo hagela mu yali.   
\q1
\v 13 Tama tibaso, Genuai Bidi aga digi  
\q2 augwali deli deli leta dabe dolo  
\q2 nogi ebo, me deli deli po nogi ebo, me deli deli lain  
\q3 nogi ebo me,  
\q2 te tiwai Genuai Bidi aga digi augwali ola mawaibao.  
\q1 Te dwasianu wai dabe ola mabo tiwai aga digi yaibao.  
\q1 Tama augwali homu kone tua pelama, dene mu saibao.  
\q1 Tama te boi bidi dabego augwali nogo bono dunama,  
\q2 augwali kalabus elama, odasa paibao.   
\s1 Godigo te dwagi yai boma pai masigi te bulu Saionde muaibao  
\q1
\v 14 Dage e Jerusalemde we bidi tonalubo we bidi,  
\q3 dagego Genuai Bidigo po odiąo.  
\q1 Dagego homugo Genuai Bidigo po  
\q3 olo nai dao homu ebo.   
\q1
\v 15 Tama dagego e tama po wabo dao,  
\q1 “Dago te isibo kolesaga dali dago polo po dąų ola selama,  
\q1 tama dago te gų page dali dago  
\q2 po polo dąų ola sai dao.  
\q1 Tama tibaso, augwali sigo da me dologobeo.  
\q1 Te dwai sę da dolo pedalubadi me tagala,  
\q2 teda da geda muaibao.  
\q1 Magi baso meni. Dago te ili po olama,  
\q2 te hasegelu hasegelu ebogo  
\q1 da tau siyu, tama da bugagia bidaibao,”  
\q3 dagego te po wabo dao.   
\q1
\v 16 Tiali goli, God, Genuai Bidigo te po wali,  
\q1 “Odao. Eno te be page dąų walabo  
\q2 masigi dila pai deli me polo dąį ilai dao.  
\q1 Te aga te dwagi yai boma pai mu dao.  
\q1 Tama eno te masigi te bulu du Saionde muaibao. \f + \fr 28:16 \ft Bidi mebago homu te e nosali wabo po te tiwai po wabo da, “Tama te masigi nogi te tiwai wali, ‘Te konealubo po mu dąų wabo bidi dabe da, augwali da te wi elama, midigi me egobeo,” te po wai dao.\f*  
\q1 Te bidi dabego agaba homu dąų wabo bidi dabe da,  
\q2 teda augwali wi elama, didibili me egobeo.\x * \xo 28:16 \xt Tib 118:22-23; Rom 9:33; 10:11; 1 Pi 2:6\x*   
\q1
\v 17 Te ena te doloba pai skel  
\q2 te dagego kolesaga skel ebo te skel tiwai bidaibao.  
\q1 Tama te doloba pai kolesaga naga  
\q2 te eno usu ni tiwai elaluyu,  
\q3 tama tego eno dage usu saibao.  
\q1 Dagego homugo te tibao, te dagego dwai kolesaga ebo  
\q2 te kolesagago dage tau saibao homu te ebao.  
\q1 Tiali goli, eno te dwai sogo dageba  
\q3 pedalomainu yaibao.  
\q1 Tama dage te bidi dabe te genuai  
\q2 talua ge tulubage asiyu,  
\q3 ela silibo te tiwai yaibao.  
\q1 Tama dage pelama, duala sigi pabo  
\q2 pesage mu menia saibao.   
\q1
\v 18 Tama eno dagego te isibo kolesaga dali,  
\q2 me te isibo bidi dabego bulu dali,  
\q2 dagego dąų olama yali po eno  
\q3 tomode togolama, mu silaibao.  
\q1 Tama te dwai kolesaga mu dagede  
\q2 pedalama, tama dage mu isila paibao.   
\q1
\v 19 Te dwai kolesaga dabego dage  
\q2 munu me taga pogobeo. Menio.  
\q1 Te augwali geninama mu dageba tigidali sogo hulide  
\q2 me ulade dageba me pedalidu geaibao,” wali.  
\q1 Ma, dagego Godigo te wiegi yai po page  
\q2 dagego bugagia mu koneyu da,  
\q3 dage noma selama, wi mu yaibao.   
\q1
\v 20 Dage te dwai dene mu saibao.  
\q1 Te bidi pibode te dene dene hauwa ebo  
\q3 tiwai dagego tigide yaibao. Magi baso meni.  
\q1 Te pibo sai te pęwądage mu elama,  
\q3 agai sągą olo pobialuali.  
\q1 Me, te banua pibo blanket te dwasianu mu elama,  
\q2 agai banua pibo usu sisąbaso,  
\q3 o agai tigi sese usu isąbaso.   
\q1
\v 21 Genuai Bidi aga bomo dali  
\q2 hogodasa asaibao, te agai polobadu  
\q2 te bulu du Perasimde,  
\q2 me te Gibeongo odogo malu bulude  
\q3 yali tiwai yaibao.  
\q1 Tama agai yainu yali sę agai yaibao.  
\q1 Tiali goli, dagego te sę ebo sulama,  
\q2 tama dagego te gasagi yai mu da, te homu yaibao.\x * \xo 28:21 \xt Jos 10:10-12; 2 Sml 5:20; 1 Sto 14:11\x*   
\q1
\v 22 Tama tiali, dagego te Genuai Bidigo  
\q3 po dolobo kolesaga tagaliąo.  
\q1 Ma, meniyu da, dagego sęgę dabe  
\q3 genuai mu pedalaibao. Magi baso meni.  
\q1 Eno odali, God Tigidali Bomo Elalubo Bidigo te bomai  
\q1 po tama wabo suali.  
\q1 Agai e bulu tigidali pesage mu dola silaibao.   
\s1 Bidi dabego wiegi yai kolesaga dabe Godigo naga manio  
\q1
\v 23 Dagego olo saganama, eno po bugagia odiąo.   
\q1
\v 24 Te bidi mego te nai wai bulainu agai  
\q2 te tǫ elebo sę naga ebo yali bogo,   
\q1
\v 25 tama agai te nai wai dabe bulubo meniwe?  
\q1 Meni ma.  
\q1 Agai tǫ elama, silibo si, agai te ono ge tede bulubo dao.  
\q1 Agai te dola pai lainde agai te nai wit wai dabe bulama,  
\q1 tama me du dage badu agai  
\q3 te nai bali wai tede bulubo dao.  
\q1 Tama agai gasagi yai wit me agai te gi  
\q3 homu badu me bubula bilibo dao.   
\q1
\v 26 Godigo digi aga te nai wai bulama,  
\q3 sela tubo kolesaga ola mani dao.   
\q1
\v 27 Te ono ge dabe dwasianu sabo usu yai de da,  
\q2 te bidigo agai te ni name selama,  
\q3 tama te nai ono agabo menio.  
\q1 Tama agai te wit ge dabe sainu,  
\q2 te wilkar dabe me te nai wit ge sainu,  
\q2 ugwadu kegebo yaligila ebo menio. Mu meni.  
\q1 Agai te dwasianu wąbi dage dabe naga selama,  
\q2 tama te ono dabe elebo dao,  
\q2 te augwaligo dwasianu ge dabe sainu.   
\q1
\v 28 Agai te nai wit ge dabe sabo  
\q2 kolesaga agai mu koneani, te agai te nai dwasianu  
\q3 ge dabego bret nigabo.  
\q1 Te agai te hos dali, me te wilkar si agai  
\q2 te nai wit aga dilide sela sąwainu da,  
\q2 teda agai te hos kibu dali,  
\q2 te wilkar sigo te wit dolama,  
\q2 mia saidali weyu agai bugagia tonalubo dao.   
\q1
\v 29 Te tigidali sę ebo kolesaga Godidu naga asalio.  
\q1 Tigidali Bomo Elalubo Genuai Bidi  
\q2 agaduba deli naga tigidali haniani wiegi yai  
\q2 kolesaga dali, homu kolesaga mu pągąna pai dao.   
\c 29  
\s1 Genuai Bidi Jerusalemba wali dali, me tǫ mali, me isi dali asaibao  
\q1
\v 1 Genuai Bidigo e tama po wali.  
\q2 “Jerusalem, megi da, nage eno  
\q3 alta tiwai bidibao.  
\q1 Tiali goli, nage dolaibao.  
\q1 Nage te genuai hanu polobadu tuni bidi  
\q3 Devit bidali madi, nage dolaibao.  
\q1 Kibu be deli o si bolo pomainu yao,  
\q2 te tigidali lotu po wabo genuai sogo me.   
\q1
\v 2 Tiali goli, ena Genuai Bidi,  
\q3 eno te sęgę nageba sela asaibao.  
\q1 Nage eno alta tiwai bidali.  
\q1 Tiali goli, nage gela olama, hwą dwai mu waibao.  
\q1 Tama kaneme nagede pągąna paibao,  
\q2 te bidi dabego te alta saide te hasa dabe elama,  
\q2 te kaneme alta saide pągąbo tiwai yaibao. \f + \fr 29:2 \ft Te ves 1 me 2de, Hibru pogo te Jerusalem nogi Ariel wai. Te kolesaga konea pai bidi dabego te nogi page bugagiakonesiąwai. Me badugo te tiwai homu ebao, “Godigo Laion da,” wali. Te me badugo homu te tiwai ebao, “Godigo buludu da” wai. Tiali goli, me badu hauwago te homu yali, “Godigo alta da,” wali, tama te ves side wali pogo te e wabo homukolesaga wali paiba homu ebao.\f*   
\q1
\v 3 Eno boi bidi dabe odasa aselama,  
\q3 nage bagua sagasomainu yaibao.  
\q1 Tama augwaligo pu diganama, nago obo pąde munama,  
\q2 te tǫ unana pelama, te pągąwai,  
\q2 te daide doligiluama,  
\q2 tama augwali nage dali hwįabo yali gilama.   
\q1
\v 4 Tama nage mu tama tulaluama,  
\q3 tama tǫgo nage mu mesega saibao.  
\q1 Tama nago po dabe te isi bidigo po  
\q2 te tǫ dologode dua dua wabo tiwai tǫdu pedalaibao.   
\q1
\v 5 Tiali goli, te gasa bidi dabe nageba  
\q2 hwįagasobo bage da, augwali te tǫ hogomu tiwai  
\q3 hauwa mu yaibao.  
\q1 Tama augwali sese polo tama gasaba  
\q2 paibao, te bidigo te wit haluama,  
\q1 agai nai sainu ebode te yabe dabe hauwa  
\q2 bola bilibo tiwai yaibao,” wali.  
\q1 Tiali goli, deli sogo tama,   
\q1
\v 6 Tigidali Bomo Elalubo Genuai Bidi te bomai wali dali,  
\q3 tǫ mali dali asaibao.  
\q1 Tama te be kulu weyu, te genuai  
\q3 kulukulu dwai mu waibao.  
\q1 Tama agai te tigidali nai dabe ulabo isi  
\q3 dwai dali sesaibao.   
\q1
\v 7 Tama te gasa genuai bulu dabe  
\q2 te Jerusalemba hwįagasainu asali da,  
\q2 te Godigo altaba, teda augwali munu me bidigobeo.  
\q1 Tama augwaligo te hanu sainu yali sę  
\q3 olo dali hagawaibao.  
\q1 Te sę dabe sese sia saibao,  
\q2 te Jerusalemgo nade suali tiwai yaibao.   
\q1
\v 8 Tama te tigidali bulu ami bidi dabe,  
\q2 te bulu du Saionba hwįagasali bidi dabe,  
\q3 augwaligo magi nai me sogobeo. Mu menio.  
\q1 Te bidi pila muyu, nade nasi ebaso,  
\q3 nai tubo tiwai yaibao.  
\q1 Tama ma hodalobode da, nasi me elaluaibao.  
\q1 Te nai tabi egobeo. Te tiwai yaibao.  
\q1 Tama me bidi agai wę nogonego mu isai,  
\q2 tama nade te wę ma tuali,  
\q2 tiali goli, aga ma hodalobode te wę  
\q3 nogone me elaluaibao.  
\q1 Te tibo tiwai yaibao.   
\s1 Godigo we bidi wabo polomainu homu begelali  
\q1
\v 9 Te Juda we bidi, me Jerusalem  
\q2 we bidi, dage te gedu hwidai we bidi yali gilama,  
\q2 me tama subigila paliyu, me tama bidiagameo.  
\q1 Dage te bidi dabego wain wę tuyu, me bia wę tulama,  
\q2 subigila bilibo tiwai me tama bidiagameo.  
\q1 Tiali goli, dage te wain me bia tulama, polobeo. Menio.   
\q1
\v 10 Genuai Bidigo dagego gedu sęgę ilali.  
\q1 Tama dage te bidi godege mu pilama, isai tiwai bidali.  
\q1 Tama Genuai Bidigo te profet bidi dabego  
\q2 augwaligo suabo nai dabe goli  
\q2 augwaligo susiąmainu yaibao. \x * \xo 29:10 \xt Rom 11:8\x*   
\b  
\p
\v 11 Tama tibaso, Jerusalem, nago te Genuai Bidigonage ola mawainu ebo sę dabe page nago munu mekonegobeo. Te da, te buku augwaligo bomonama haluaibuku nage nedao olama, mawai buku tiwai dao. Tamanagebolo nedao po wali. Ma, nago te buku te nedebobidibolo menama, te bukude elalubo po nedao obaso da, teda agai te po waibao, “Eno usu ebeo. Buku me dąųolalubo.”  
\v 12 Tama ma, nago te buku nedisiąwai bidibolo nago te bukude elalubo po dabe nedao obaso da, teda agai te po waibao, “Eno te buku nedebo konebeo.”   
\b  
\q1
\v 13 Genuai Bidigo te po wali,  
\q2 “Te we bidi hani dabe augwaligo  
\q2 eno nogi augwaligo pedauwalidu  
\q3 naga ugwaba sabo dao.  
\q1 Tiali goli, augwaligo homu dali,  
\q2 homu kolesaga si enade digibulu mu elalubao.  
\q1 Augwaligo enaba mu lotu po wabo menio.  
\q1 Augwaligo te bidigo digi muai bomai po,  
\q2 te po naga augwali ola mani po,  
\q2 augwaligo te po naga wali pabo dao.\x * \xo 29:13 \xt Mat 15:8-9; Mak 7:6-7\x*   
\q1
\v 14 Tama tibaso, eno gasa sę dabe mu  
\q2 te we bidiba pedalumainu yaibao.  
\q1 Tama augwali mu noma mu saibao.  
\q1 Eno te bidi dabego augwalibolo  
\q2 wiegi yai kolesaga mabo bidi dabego  
\q3 homu kolesaga sela sąwaibao.  
\q1 Tama eno augwaligo kolesaga sai  
\q2 bagego kolesaga eno mu silaibao,” wali. \x * \xo 29:14 \xt 1 Ko 1:19\x*   
\s1 Genuai Bidigo tigidali haniani nai dabe hasegelaibao  
\q1
\v 15 Te we bidi dabego augwa  
\q2 dwai kolesaga dabe Genuai Bidigo  
\q3 gedude dualainu usu sabo dao.  
\q1 Te augwali da, mu dolaibao.  
\q1 Augwaligo te kolesaga dabe augwaligo sesąwai madi,  
\q2 me hulia sai pesagede augwaligo  
\q3 te kolesaga dabe ebo dao.  
\q1 Tama augwaligo te po wabo dao,  
\q2 “Dego mu da sulama, dego mu koneaibawe?”   
\q1
\v 16 Augwaligo te tigidali nai dabe hasegelama,  
\q3 tigidali nai dabe dolobo dao.  
\q1 Te augwaligo wali po tiwai tama,  
\q2 “Te tǫ sene nigibo bidi te sene nigibo tǫ tiwai dao.”  
\q1 Mena tama tialiwe?  
\q1 Te olo nai mego te aga nigali bidibolo  
\q2 te tama po waibawe,  
\q1 “Nago ena nigai menia?”  
\q1 Ma, te tǫ senego te aga nigali bidibolo  
\q2 te tama po waibawe,  
\q1 “Nago mage nai me konebeo,” te po waibawe? \x * \xo 29:16 \xt Ais 45:9\x*   
\q1
\v 17 Te pęwądage sogo tigidali nai dabe hasegelaibao.  
\q1 Te Lebanonde moni busi te gi yabo tǫ  
\q3 wiegi yai pedalaibao.  
\q1 Tama wiegi yai gi dabe te moni busi mu gagawaibao.   
\q1
\v 18 Tama te sogo da, te olo degai dabego  
\q2 te bidigo te bukude nedebo po augwaligo odaibao.  
\q1 Tama te gedu hwidai dabe megi augwali  
\q2 moni hulia sai madi bidibo,  
\q2 te bidi dabe augwaligo ma gedu peda paibao, tama  
\q2 nai dabe ma suaibao.   
\q1
\v 19 Tama te we bidi augwa digi augwa  
\q2 aiyaba elalubo we bidi dabe  
\q2 augwali te Genuai Bidiba wiegi yai homu yaibao.  
\q1 Tama te nai habuge yai we bidi dabe  
\q2 augwali me te Israel Dabego  
\q2 te Dwagi Yai Doloba Pai Kolesaga Naga Ebo Godiba  
\q2 wiegi yai homu yaibao.   
\q1
\v 20 Tiali goli, te gasa bidi dali  
\q3 homu dene isąbo dwai bidi dabe,  
\q2 me te Godigo po olo nai dao homu ebo bidi dabe,  
\q2 me te dwai kolesaga hauwa yabo homu ebo  
\q3 bidi dabe, augwali sese dolama, hagala silaibao.   
\q1
\v 21 Tama te deli tobage dene me te ili po olama,  
\q2 gasa bidi dabe po tų ela mabo  
\q3 bidi dabe me, dene saibao.  
\q1 Te gasa bidi dabe olo dali po tų ela mabo  
\q3 bidi dabe tiaibao.  
\q1 Te dwai sęgę elalubo bidi dabe tau sela menama,  
\q2 te sęgę meni yai bidi dabego po dolobo bidi dabe,  
\q3 te dedeli dene naga saibao.  
\q1 Te augwaligo po tų dolama,  
\q2 tama doloba pai bidi dabego te po tų dolama,  
\q2 tama doloba pai bidi dabego  
\q3 te po tų ugwa ela hologobeo.   
\p
\v 22 Tama tibaso, te Genuai Bidi te polobadu Abraham te dwai sogo ma oda sali, te Godigo te tama po walio, te Israel we bidi dagebolo,  
\b  
\q1 “Dage Jekopgo we bidi wąį hani, dage hale me elama,  
\q2 tama dage gesabidi huli me egobeo.   
\q1
\v 23 Te dagego eno sę dabe dagego  
\q2 tomode te sę ebo subo si da,  
\q3 teda dagego ena mu koneaibao.  
\q1 Ena te Dwagi Yai Doloba Pai Sę Ebo  
\q3 God dao homu koneaibao.  
\q1 Tama dagego eno nogi ugwaba selama,  
\q2 tama dage wi eyu, ena dologode naga bidaibao.   
\q1
\v 24 Tama te bidi dabe homu kolesaga  
\q2 megi umuna pabo bidi dabe,  
\q2 augwali te wiegi yai homu kolesaga ma saibao.  
\q1 Tama te konila po dabe hauwa olama,  
\q2 tama po sela sąbo bidi dabe,  
\q2 augwali te wiegi yai homu elama,  
\q2 eno po ola mabo odaibao,” te po wali.   
\c 30  
\s1 Genuai Bidigo te po wali, te Isip dabego te Juda dabe tau sabo me usugobeo  
\q1
\v 1 Genuai Bidigo te po wali, “Te Juda hani, te  
\q2 da augwali  
\q1 eno wai bǫų hani dabe, augwali dolaibao.  
\q3 Magi baso meni.  
\q1 Augwali bidi po odisiąwai hani mu dao.  
\q1 Augwaligo eno homu kolesaga wali me pabeo. Menio.  
\q1 Augwaligo augwa homu kolesaga wali naga peyu,  
\q1 augwaligo gasa bulu bidi dabe dali abagi  
\q3 me olama, bidibao.  
\q1 Tama tiyu, augwaligo dwai sęgę hauwa  
\q3 augwa hasi tigide pesage holalio.   
\q1
\v 2 Augwaligo eno homu kolesaga hanalusiąma,  
\q2 tama augwaligo Isip tuni bidi dali po wali pali dao.  
\q1 Te Isip dabe dolaluama, augwali tau selama,  
\q3 tama augwali me dolidali weyu.   
\q1
\v 3 Tiali goli, augwaligo homu kolesaga  
\q2 geda munama, tama augwali geda  
\q3 mubode augwali hale mu yaibao.  
\q1 Te Isip tuni bidigo augwali te dolainu  
\q3 ebo me togologobeo.   
\q1
\v 4 Te mu tama. Te Isip tuni bidigo aga  
\q2 po sabilibo bidi dabe,  
\q2 me aga ofisa bidi dabe aselama,  
\q3 tama Juda hani deliba sisinagasali.  
\q1 Te hanu Soanba, me hanu Hanesba sisinagaselama,  
\q2 tama te teba asali Juda dabe dali po wagasalio.   
\q1
\v 5 Tiali goli, Juda dabego augwa hobede mu yaibao.  
\q1 Magi baso meni. Te Isip dabego  
\q2 magi sę me elama, augwali tau me sogobeo.  
\q1 Mu menio. Augwaligo moni hale mu  
\q2 te Juda dabeba sesaibao,”  
\q1 Genuai Bidigo te po wali.   
\p
\v 6 Genuai Bidigo te po te bulu hasa dabe te nai meni yai kemi sane bulu, te saut badu bulu nogi Negeb, tebolo te po wali. Genuai Bidigo te tama po wali,  
\b  
\q1 “Te Juda dabego genuai bidi dabe  
\q2 te olo kemi sane yai saut badu bulu badu bilali.  
\q1 Te da te dwai pesage badu mu,  
\q1 te bidi dabe te genuai sęgę sabo pesage mu.  
\q1 Te pesagede te laion dabe, me bidi  
\q2 gąǫ kelebo dwai gula mane,  
\q2 me bola bilibo gula mane,  
\q2 me gasa bulu hasa dabe me, te bulu badu bidibo.  
\q1 Tiali goli, te genuai bidi dabego  
\q2 te wiegi yai homua pai nai dabe  
\q2 te augwa kibu kamel daide munama,  
\q2 me donki kibu daide munama,  
\q1 tama bomai sę mu elama,  
\q2 te wiegi yai nai te gasa bulu  
\q2 te augwali tau sabo usu isąyabo  
\q3 buluba sela pali dao.   
\q1
\v 7 Te Isip dabego te gasa bulu bidi dabe  
\q2 ili ili po olama, tau saibao po wabo dao.  
\q1 Tiali goli, agai te sę ebo menio.  
\q1 Tama tibaso, te Isip te gesi nogi te nogi ebao,  
\q1 ‘Te Olo Dulalubo Gula Mane dao,’ wabo,” te po wai.   
\s1 Te we bidigo Godigo po odobo hagela yali  
\q1
\v 8 Genuai Bidigo enabolo te we bidigo  
\q2 ebo kolesaga po te bukude asęao wali, me te po me  
\q3 te masigi togalama, asęao wali.  
\q1 Te da te po te tigidali sogo mu elaluama,  
\q2 tama te we bidigo sulama,  
\q2 tama augwali te po sela sąbo we bidi yabo omainu.   
\q1
\v 9 Magi baso meni. Augwali te bidi po  
\q3 mu sela sąbo we bidi mu dao.  
\q1 Tigidali sogo augwaligo Genuai Bidigo  
\q3 po sela sąbo dao, te augwa Aya.  
\q1 Te tigidali sogo augwaligo ili po olama,  
\q2 tama augwaligo agai po oda mabo  
\q3 po odobo hagela ebo dao.   
\q1
\v 10 Tama augwaligo Genuai Bidigo po  
\q2 ola mabo profet bidi dabe dali e tama po wabo dao,  
\q1 “Dage pedauwali pania siąo.  
\q1 Dagego dabolo wiegi yai  
\q2 doloba pai kolesaga wali pomainu da ola magimio.  
\q1 Te dago odainu ebo po naga pusa mao.  
\q1 Teda te dwai nai dabe munu me pedalogobeo.   
\q1
\v 11 Dage digibulu mu bidiyu,  
\q3 tama dago sunumi paligimio.  
\q1 Dago te Israel dabego Godigo po odobo da hagela ebao.  
\q1 Aga te Wiegi Yai Doloba Pai Kolesaga  
\q3 Naga Ebo God dao,” wali.   
\b  
\q1
\v 12 Tama tibaso, Israel dabego God  
\q2 te Wiegi Yai Doloba Pai Kolesaga Naga Ebo God,  
\q2 agai e tama po wali,  
\q1 “Dagego eno dua dao wali po  
\q2 sela sąnama, tudi ola manio.  
\q1 Tama dagego te ili po olama,  
\q1 te dolobo kolesaga dage tau saiba homu ebo  
\q2 te mu dagego dąų walio.   
\q1
\v 13 Tama tibaso, dagego dwai kolesaga polo yalio.  
\q1 Tama te dwai kolesagago dage mu tama dolaibao.  
\q1 Te da te dwasianu dedage te obo ugwadu  
\q2 tobolude elaluamo,  
\q2 te genuai elasa pabo tiwai dao.  
\q1 Tama deli sogo tama,  
\q3 te obo togwa pelama, degasa pali.   
\q1
\v 14 Mu tama, dage te tǫ sene te alua pelama,  
\q2 tama olo genuai me elalusiąma ebo tiwai yaibao.  
\q1 Te isi dage tomode muabo, o te wę  
\q2 te tuabo tiwai genuai olo me elalugobeo,” wali.   
\b  
\q1
\v 15 God, Israel dabego Genuai Bidi, aga  
\q2 te Wiegi Yai Boma Pai Kolesaga Naga Ebo God dao.  
\q2 Agai e tama po wali,  
\q1 “Dage bugagia bidabo sunumi da, e tama dao.  
\q1 Dage enaba ma aselama,  
\q2 tama dage bugagia homu nagame elama, bidiąo.  
\q1 Tama dagego ena deli naga wali asiąo.  
\q1 Tama eno deli naga dage tau saibao.  
\q1 Tama eno dage ma aselama,  
\q2 tama dage bugagia tigidali sogo  
\q2 bomo elama, bidaibao.”  
\q3 Godigo te tama po wali.  
\q1 Tiali goli, dagego agai te po wali pabo hagela mu yali.   
\q1
\v 16 Tama dagego te po wali, “Tagalama,  
\q2 dago bomonama udabo kibu hos bidibao.  
\q1 Tama da te kibu hosde dualama,  
\q3 tama da wi paibao,” wali.  
\q1 Te dagego te boi bidi dabede wi paibao  
\q2 wabo po da, teda mu tama dao.  
\q1 Tiali goli, tagala, dagego kibu hos  
\q3 bomonama udabo da, tagalao.  
\q1 Te boi bidi dabego hos kibu bomonama  
\q2 mu dagego kibu hos nosali wali pobeasa asaibao.   
\q1
\v 17 Te dagego 1,000 ami bidi dabe  
\q2 augwali boi bidi me deli aselama,  
\q2 hwįaibao po wagasobo si da,  
\q2 teda augwali wi mu elama, augwali wi paibao.  
\q1 Tama ma, te boi bidi dabego ami bidi  
\q2 a naga aselama, hwįaibao hae  
\q2 wagasobo si da, teda dage hani tigidali wi ogodama,  
\q3 wi peyu, te hanu taga paibao.  
\q1 Tama te bidi me deli me bidigobeo.  
\q1 Tama te hanu te bidi dabego bulu dude  
\q2 plak ugwa walobo ni te bulu dude  
\q2 tula ma elalubo tiwai yali gilama  
\q3 tama agaduba elaluaibao.   
\q1
\v 18 Tiali goli, Genuai Bidi da,  
\q1 tigidali sogo doloba pai kolesaga naga ebo God dao.  
\q1 Tama tibaso, agai dage homu dene elama,  
\q2 agai hobede ebo dage ola mawainu te tonalubao.  
\q1 Te we bidi dabego Genuai Bidiba  
\q2 homu kolesaga dąų olama,  
\q1 tama agai augwali tau somainao olama,  
\q2 tonaluali we bidi dabe da,  
\q2 augwali wiegi yai homu pemene mu yaibao.   
\s1 God aga we bidi dali wiegi yai sę mu yaibao  
\p
\v 19 Te Jerusalemde megi bidalubo we bidi, tega, dage hobede elama, gela me wagobeo. Megi te Genuai Bidigo dage hobede elama, dage tau sabo deli naga no munalubao. Te dagego aga i olama, gedu haluasa po wabo si da, polo tama agai dagego i wabo odama, dage olo mu tau saibao.  
\v 20 Te mu tama, Genuai Bidigo dage moni sęgę somainogo yaibao. Tama dage te bidi nai me wę meniama, habuge yai bidi tiwai bidaibao. Tiali goli, aga digi dage dali bidama, tama dage bugagia elama waibao. Tama dagego aga munu me gegegobeo. Menio. Dagego aga duga gedugo ma sueibao.  
\v 21 Tama dage peyu, te mena sunumide geda muainu ebaso da, te dolo nogo badu sunumi badu, o pobase nogo badu sunumi badu me, teda agai dage tudi badu bidama, tama mena sunumidu painu yali, agai dage ola mawaibao.  
\v 22 Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”   
\p
\v 23 Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.  
\v 24 Tama me, dage duga gide nai selama, tama duga gi tǫ elebo kau kibu dabe, me donki kibu dabe bugagia mawaibao.  
\v 25 Te Genuai Bidigo te dwai sogo te dagego boi bidi dabeba pedalomainu ebode, teda augwali subigila isila paibao. Tama augwaligo bomai obo dabe sese dola silaibao. Tama te sogo te wę dabe bulu dudu dabe asiyu, tama dage wę me habuge me egobeo.  
\v 26 Te sogo te polua te giliga tiwai bomo elama, mu nanaibao. Tama te sogo te giligago ula te bomo yai mu nanama, tama megi tama ula ebo edelama, mu nanaibao, te tigidali sogo ula ebo edelaibao. Te a naga olama, me badu nogo si sogo nanebo giliga deliba sisinama, deli bubugade nanebo tiwai yaibao. Te sę dabe te Genuai Bidigo aga we bidibolo mani sęgę dabe, me dene dabe mani sela sąbo sogo, te sę dabe yaibao. Tama agai augwali usu ma ilaibao.   
\s1 Godigo te Asiria dabebolo dene mawaibao  
\q1
\v 27 Suama. Genuai Bidi digibulu  
\q2 hogodoma, aga bomo dali, ula dali te asobao.  
\q1 Agai wado elama, tama moni isi dali,  
\q2 hano si, te pedalobao, te agai sębę ebo ola mayu,  
\q3 te agai po wabo si da.  
\q1 Te tigidali nai dabe ulubo isi agai keledu pedalobo.   
\q1
\v 28 Agai mobogo tigidali nai dolobo dao,  
\q2 te wę asiyu, tigidali nai dabe  
\q2 mesegelama, bidigo dogoniba usu ni pabo tiwai dao.  
\q1 Genuai Bidigo te tigidali bulu tǫ  
\q2 kantri dabe agai nogogo toulama,  
\q2 pępębo dao, te augwali dolomainu.  
\q1 Tama agai augwaligo homu kolesaga  
\q2 dolama, tama augwaligo pabo  
\q2 hagela ebo buluba odasa pabo dao,  
\q2 te bidigo hosgo kelede ain dage  
\q2 mubo tiwai dao, te hos kibu bugagia  
\q3 dolasa pomai ebo gilama.   
\q1
\v 29 Tiali goli, Genuai Bidigo we bidi dagego da,  
\q2 te sę dabe ebo subo sogo da,  
\q2 teda dagego homu gana pabo balia te genuai lotu  
\q2 wabo sogo wabo tiwai waibao.  
\q1 Dagego te bidi dabe te Genuai Bidigo bulu duba holama,  
\q2 tama wiegi yai homu eyu,  
\q2 te genagego ona dabe elebo tiwai yaibao.  
\q1 Genuai Bidi da, te genuai bomai masigi tiwai dao.  
\q1 Tama aga te Israel dabego duala sabo pesage tiwai dao.   
\q1
\v 30 Genuai Bidigo bomonama mu hae olama,  
\q1 tama agai bomonama i hae wabo  
\q2 aga we bidi tigidaligo odama,  
\q1 augwaligo agai sębę ebo mobo  
\q2 augwaligo tigide dolomainu yaibao.  
\q1 Aga te moni bomai isi te tigidali nai dabe  
\q2 dabo isi, me moni genuai tulubage,  
\q2 me wali, me talua ge tulubage dali,  
\q3 tama aga asaibao.  
\q1 Tama te be kulu obaso, te tigidali  
\q3 we bidigo agai sębę ebo sueibao.   
\q1
\v 31 Genuai Bidigo dagą wabogo  
\q3 te Asiria dabe wi mu ilaibao.  
\q1 Tama agai aga keloa toulama,  
\q3 te Asiria dabe genina mu elaibao.   
\q1
\v 32 Tama te Genuai Bidigo  
\q3 te Asiria dabe elebo sogo da,  
\q1 te Genuai Bidigo we bidigo wiegi yai  
\q2 homu gana pelama,  
\q1 tama augwaligo haniani hąbidi me  
\q2 gita dabe te Genuai Bidigo nogo toulama,  
\q3 te Asiria dabe eliyu, poge wabo te wali pelama,  
\q3 augwaligo te nai elaibao.   
\q1
\v 33 Augwaligo te Asiria tuni bidi  
\q2 ulabo isi tǫ dedage polo dodolama, elalubo.  
\q1 Augwaligo te tǫ dedage genuai mu elama,  
\q1 tama aiyanu mu dulai mu nigali,  
\q1 tama augwaligo isi dabe hauwa mu polo sela muani.  
\q1 Tama Genuai Bidi agai mobogo pona palebo si da,  
\q2 te polo tama isi bogoli dala saibao.  
\q1 Magi baso meni. Genuai Bidigo mobo  
\q3 te posolai isi tiwai dao.   
\c 31  
\s1 Genuai Bidi agai bomo ola mani digi, tama te bomai bulu tǫ kantri dabe tulaluali  
\q1
\v 1 Dage te Isip buluba pelama,  
\q2 tama augwaligo dage  
\q2 tau somainu hanalugi pabo bage,  
\q3 hobede ya, dage dene saibao.  
\q1 Dage te Isip dabego hwįbo hos kibu hauwa elaluyu,  
\q2 me karis dabe me hauwa, me te ami bidi dabe hosde  
\q2 dualama hwįbo ami bidi dabe hauwa elalubo  
\q2 sulama, tama dagego homugo Isip dabego dage  
\q3 tau somaina homu ebao.  
\q1 Tiali goli, dagego Israel dabego  
\q3 Genuai Bidiba tonalubeo.  
\q1 Aga te Wiegi Yai Doloba Pai Kolesaga  
\q3 Naga Ebo God dao.  
\q1 Tama dagego agai tau sao po hanalubeo   
\q1
\v 2 Tiali goli, agai me wiegi yai homu kolesaga elalubao.  
\q1 Tama agai dwai dene te dwai  
\q3 we bidibolo me dene ilaibao.  
\q1 Tigidali sogo Genuai Bidigo aga wali po  
\q2 wali naga pabo dao, hasegelegobeo.  
\q1 Agai te dwai bidi dabe dali,  
\q2 me te bidi dabe te dwai kolesaga  
\q2 ebo bidi dabe wali bilibo dabe dali, hwįaibao.   
\q1
\v 3 Tiali goli, te Isip dabe, augwali te god menio.  
\q1 Augwali te olo bidi dabe dao.  
\q1 Me augwaligo hos dabe me te hos mu naga dao,  
\q3 te tigi mi dali, dili dali elalubao.  
\q1 Tama te Genuai Bidi agai bomo ola mabo si da,  
\q2 teda te bomai bulu tulaluaibao,  
\q2 tama me te agai tau sali da,  
\q3 te bulu dabe me tulaluaibao.  
\q1 Tama si dali si tama, mu tama dolaibao.   
\q1
\v 4 Genuai Bidigo enabolo e tama po wali,  
\b  
\q1 “Te bulu yowi laiongo sipsip kibu me  
\q2 elama, tudubadi da, teda aga wi elama,  
\q1 tama te sipsip taga peyu, wi me pogobeo.  
\q1 Te sipsip kibu tonalubo bidi hauwa  
\q2 aselama, aga tonaluyu,  
\q2 hae mobadi goli, aga wi me egobeo.  
\q1 Menio. Agai augwali dali wado elama,  
\q2 tama te sipsip kibu bugagia tonaluaibao.  
\q1 Te tama tiali goli, ena Tigidali Bomo  
\q2 Elalubo Genuai Bidi, te eno te bulu du Saionba  
\q2 hwįagasaibao, te Jerusalem bulude.  
\q1 Tama magi nai dabe mego ena togolobo usu me egobeo.   
\q1
\v 5 Te ba dabe augwali ugwadu  
\q2 bola biliyu, augwa wai dabe bugagia tonalubo dao.  
\q1 Te tama tiali goli, ena Tigidali Bomo  
\q2 Elalubo Genuai Bidigo da, teda eno Jerusalem  
\q3 bugagia tonaluaibao.  
\q1 Te tigidali sogo ena augwali pagede bidiyu,  
\q1 tama eno augwali ma oda selama,  
\q1 tama eno aga bugagia tonaluaibao.” \f + \fr 31:5 \ft Godigo te hanu taun Jerusalem tonaluali, aga taun da, te ves 5de wali po tiwai yali. Tiali goli, te hanu taunde bidibo we bidigo aga tudiba munama, te ves 1-3 tede wali tiwai ebaso da, teda agai te hanu Jerusalemba me boi hwįagasigi da, te ves 4de wali po tiwai gilama igi dao.\f*  
\q3 Te po wali.   
\q1
\v 6 O dage Israel dabe, dagego  
\q3 Genuai Bidigo po sela sąbo dao.  
\q1 Tiali goli, dage mu begelama,  
\q2 tama agaba ma asiąo.   
\q1
\v 7 Te Genuai Bidigo bodolu pąba yagasobo si da,  
\q2 teda te sogo dagego te dwagi yai silva de gol sigo  
\q2 nigali tibo god piksa dabe sąwaibao.  
\q1 Te nai dabe duga nogogo digi nigai dao.  
\q1 Tama te kolesaga yaligo dage sęgę sai dao.   
\b  
\p
\v 8 Genuai Bidigo te po wali,  
\q1 “Te hwįbo hwą bainat mego te bulu Asiria dolaibao.  
\q1 Tama te Asiria dabe mu silaibao.  
\q1 Te bainat hwą ena Genuai Bidi ena digi tagala palaibao,  
\q3 te bidi dabe mego menio.  
\q1 Te Asiria dabe te bainatde wi paibao,  
\q2 tama te Asiria dabe gesi bidi dabe da  
\q3 kalabus sę yaibao.   
\q1
\v 9 Te Asiria dabede genuai wi mu pedalaibao.  
\q1 Tama augwaligo bomai  
\q3 genuai hanu tulaluaibao.  
\q1 Tama te augwaligo ami ofisa dabego eno  
\q2 hwįbo plak ugwa walai subaso,  
\q2 augwali noma selama, augwaligo  
\q2 dili nagamea pelama, tama augwali wi paibao.”  
\q1 Te da te Godigo po dao.  
\q1 Te agai bomai isi te bulu du Saion  
\q2 te Jerusalem bulude elalubao.   
\c 32  
\s1 Te wiegi yai tuni bidigo te bulu tonaluaibao  
\q1
\v 1 Odao, te tuni bidi me deli pedalaibao.  
\q1 Tama te tuni bidi dali, tigidali tǫ pedai  
\q2 kantrigo genuai bidi dabe dali,  
\q2 augwaligo wiegi yai doloba pai kolesaga naga elama,  
\q3 te we bidi dabe tonaluaibao.   
\q1
\v 2 Te deli deli genuai bidi dabego  
\q2 te we bidi dabe augwali tau somainu asali bidi dabe,  
\q3 augwaligo tau saibao.  
\q1 Augwali da, te we bidi augwali te genuai  
\q2 wali dali tulubage dabe ebo side,  
\q2 augwali te duala sabo pesage tiwai dao.  
\q1 Tama me, augwali te wę te hogomua pai  
\q2 pesageba pabo tiwai, me te moni masigigo  
\q2 te hogomua pai pesage  
\q3 te masigigo seselalubo tiwai dao.  
\q1 Tama te bidi dabe te tįwai madi duala selama,  
\q2 toma tubo tiwai dao,  
\q3 te boma pai giligade.   
\q1
\v 3 Tama megi e tibo sogo, te we bidi augwaligo gedugo  
\q2 tigidali nai dabe subo usu mu yaibao.  
\q1 Tama me augwaligo olo bugagia dala pelama,  
\q2 tama augwaligo tigidali po bugagia odaibao.   
\q1
\v 4 Tama te bidi dabe te homu kone bugagia palisąma,  
\q2 te dwai dwai sę dabe yali bidi dabe,  
\q2 te bage augwali wiegi yai homu kolesaga selama,  
\q3 te sę dabe tama yaibao.  
\q1 Tama te bidi dabe te augwa hasi  
\q2 po wabo pedauwali sęgę yali bidi dabe, augwali  
\q2 bugagia po mu waibao.   
\q1
\v 5 Tama te dwai bidi dabebolo genuai nogi me  
\q2 te dwai polobo kolesaga dabe yali da,  
\q3 te sę dabe mu sia saibao.   
\q1
\v 6 Te polobo sę ebo bagego  
\q3 te subigila po dabe wabo dao.  
\q1 Tama tigidali sogo augwaligo  
\q3 dwai polobo sę naga ebo dao.  
\q1 Augwaligo Genuai Bidigo  
\q3 godolo yabo sę dabe ebo menio.  
\q1 Tama ili po hauwa Genuai Bidide ela palobo dao.  
\q1 Tama augwaligo te nai meni yai  
\q2 bidi dabebolo nai masiąma eyu,  
\q1 me augwaligo te wę nogone ebo  
\q2 bidi dabe wę mayu ebo menio.   
\q1
\v 7 Tama te dwai bidi dabego  
\q2 te dwai homu kolesaga hauwa  
\q2 augwaligo tobolude pągąna pabo dao.  
\q1 Augwaligo homu kone palama,  
\q2 tama augwaligo haniani ili po wabo  
\q2 homu kolesaga dabe gegelama,  
\q1 tama augwaligo te nai meni yai  
\q2 we bidi dabego po tų ebode dolama,  
\q2 aiyaba elaluabo sunumi dabe gegebo dao.   
\q1
\v 8 Tiali goli, bidi wiegi yai dabe augwali  
\q3 genuai nogi elaluaibao.  
\q1 Te tigidali sogo augwaligo doloba pai  
\q2 kolesaga naga ebo dao,  
\q1 tama augwaligo wiegi yai kolesaga naga  
\q2 yabo homu bomo ebo dao.   
\s1 Te we sibi augwali hobedai gela omainao  
\q1
\v 9 Te Jerusalem we dabe,  
\q2 dagego homugo da, dage wiegi yai  
\q3 bidiba homu te ebao.  
\q1 Tama dage tigidali sogo bugagia bidaiba homu te ebao.  
\q1 Tiali goli, dagego olo saganama, eno po bugagia odiąo.   
\q1
\v 10 Te usu, megi dage homu tegaluama bidiagameo.  
\q1 Tiali goli, dage tonaluiąo.  
\q3 Te 13 o 14 polua bolo pomainao.  
\q1 Teda dage wi elama, noma saibao. Magi baso meni.  
\q1 Dagego te wain gi dabe te du me walogobeo.   
\q1
\v 11 Megi da, dage wiegi yai te bidibao,  
\q2 tama dagego homugo dage wiegi yai  
\q3 te bidiba homu ebao.  
\q1 Tiali goli, dage noma selama, wi elama,  
\q2 tama duga wiegi yai ugwa dabe  
\q2 peda sąnama, tama hobedai ugwa dabe gudiagameo.   
\q1
\v 12 Dagego duga hagawiade nogo sawaligo elama,  
\q1 tama dage hobedai gela duga wiegi wiegi yai gi dabe,  
\q2 me duga wiegi yai sawi yai wain  
\q2 gi hagede dage hobedai gela waiagameo.   
\q1
\v 13 Tama dagego eno we bidigo  
\q2 tǫ hagede dage hobedai gela waiagameo.  
\q1 Magi baso meni.  
\q1 Te dwai sesane bono me dwai nosai dabe  
\q2 te bulu tǫde koliaibao.  
\q1 Awe, dagego duga te gana peyu ebo  
\q2 te be dabe homu kone elama,  
\q3 tama dage hobedai gela waiąo.  
\q1 Tama me, dage te duga te gawelama  
\q2 bidibo te hanu dabede me hobeda gela waiąo.   
\q1
\v 14 Magi baso meni.  
\q1 Te tigidali we bidi dabe augwali te hanu taga pelama,  
\q2 tama augwali te hanude ugwa  
\q2 eda iyu, augwali te hanude sę dabe me egobeo.  
\q1 Te tuni bidigo be, me te ami bagego  
\q2 bomai obo, me te ami bidi dabe  
\q2 bidama boi bidi dabe asobo tonalubo te bobobage  
\q2 sigi be dabe,  
\q3 sese olo elaluama, tama dolaibao.  
\q1 Tama te bulu yowi donki dabe  
\q2 tede biliyu, wiegi yai homu yaibao.  
\q1 Tama me, te sipsip kibu dabe aselama,  
\q3 teba nosai tuagasaibao.   
\s1 Genuai Bidigo aga we bidi dwagi yai bidabo sogo mawaibao  
\q1
\v 15 Tiali goli, Genuai Bidi aga mobo  
\q2 bidi daba ma tagala palaibao,  
\q3 bidigo wę gelebo tiwai yaibao.  
\q1 Tama te nai meni yai kemi sane nai  
\q2 meni yai olo elalubo bulu  
\q3 wiegi yai bulu tǫ ma yaibao.  
\q1 Tama haniani nai dabe tede holaibao.  
\q1 Teda te mone buside te ni dabe  
\q3 olo holobo tiwai holaibao.   
\q1
\v 16 Te wiegi yai doloba pai kolesagago  
\q2 naga te tigidali tǫ dabe tonaluaibao.  
\q1 Te po tų dolo naga dodolobo kolesagago  
\q2 te we bidi dabe bugagia dodolaibao.   
\q1
\v 17 Tama te doloba pai kolesagago  
\q2 te bidi hasi godolo ebo kolesaga ilaibao.  
\q1 Tama te we bidi wi me isąma elama,  
\q2 tama augwali tigidali sogo bugagia  
\q3 dili elama, dolaluaibao.   
\q1
\v 18 Tama Genuai Bidigo e tama po wali,  
\q2 agai we bidi dabe augwali bugagia bidiyu, augwali  
\q2 augwa bulude bugagia homu tegaluama,  
\q3 toma tuaibao.  
\q1 Tama augwali magi naide wi me egobeo.   
\q1
\v 19 Te genuai talua ge tulubage tulama,  
\q2 te mone buside moni ni dabe me  
\q3 dolobadi me, tagala.  
\q1 Tama tigidali hanude be dabe tǫde wiala pai goli,   
\q1
\v 20 te Genuai Bidigo we bidi, dage bugagia bidaibao.  
\q1 Tama dagego te nai dabe te wę elalubo  
\q3 bulu badu dagego nai bulaibao.  
\q1 Tama dagego duga kibu bulmakau dabe,  
\q2 me donki kibu dabe, augwali augwa  
\q3 digi nai tumainu sula tagalaibao.   
\c 33  
\s1 Te we bidigo Genuai Bidigo augwali tonalumainu gedu haluasa po wali  
\q1
\v 1 Dage te gasa bulu dabe dolobo hani, dage  
\q2 dolaibao.  
\q1 Te mu tama, dage me dolobe dao.  
\q1 Tiali goli, dagego gasa bulu dabe  
\q3 dolobo bodolu sia saibao.  
\q1 Tama duga digi duga dolaibao.  
\q1 Dagego te gasa hani dabe ili po walama,  
\q2 tama dagego te po mia selama,  
\q2 tama dagego augwali te boi  
\q3 bidi dabego nogoba mubo dao.  
\q1 Te mu tama, te gasa hanigo da dage me  
\q3 ili po me ola masiąbadi goli.  
\q1 Tiali goli, dagego te gasa bidi dabe  
\q2 ili po wabo sogo te sia saibao.  
\q1 Tama te gasa bidi dabego dage ili po olama,  
\q1 tama dage te boi bidi dabego nogoba muaibao.   
\q1
\v 2 O Genuai Bidi, dago homu kolesaga  
\q3 nage deliba naga elalubao.  
\q1 Nago da hobede elama, tama tigidali  
\q3 sogo da bugagia tonaluagameo.  
\q1 Tame te sęgę ebo sogo, nago da  
\q2 ma selama, tama dago augwali  
\q3 aiyaba elalumainu ilao.   
\q1
\v 3 Te bomai bulu bidi dabego nago  
\q2 te be kulukulu tiwai i wabo odobo sogo, me nago  
\q2 augwali dali hwįainu hogodasa asobo si da,  
\q3 augwali we bidi sese wi paibao.   
\q1
\v 4 Tama augwaligo te taga pabo  
\q2 nai dabe da, te gasa bidi hani dabego  
\q3 polo sagasaibao.  
\q1 Teda te gide mano dabego gide nai dabe  
\q3 tula silibo tiwai yaibao.   
\q1
\v 5 Genuai Bidi aga genuai nogi mu  
\q1 elaluyu, tama aga bulude ugwade mu bidibao.  
\q1 Tama agai aga doloba pai kolesaga dali,  
\q2 agai po tų dolo naga ebo kolesaga dali, te tigidali  
\q2 Jerusalem tǫde pągąna paibao.   
\q1
\v 6 Tama tigidali sogo agai aga  
\q2 we bidi dage bugagia tonaluyu,  
\q2 tama agai dage bomo elama,  
\q3 tigidali sogo bidimainu yaibao.  
\q1 Tama agai dagebolo dwagi yai homu kolesaga dabe,  
\q2 me kolesaga dabe hauwa mu mawaibao.  
\q1 Tama dagego mu tobolu dįa holai elalumainu yaibao.  
\q1 Te wi elama, Genuai Bidi dologode elalubo kolesagade,  
\q1 Genuai Bidi agai wiegi yai nai dabolo maiabo dao.   
\q1
\v 7 Suama, te Jerusalemde genuai bidi dabe  
\q2 te sunumi dabede bidiyu, gela dabe obao.  
\q1 Tama te bidi dabego te boi pibo sogo pedalomai ebadi,  
\q2 augwali gela bomonama me oduali.   
\q1
\v 8 Te genuai sunumi dabe olo elalubao,  
\q2 te we bidi te sunumidu ugwa eda me bilibo menio.  
\q1 Te boi bidi dabego augwa dąų walali po bogi pelama,  
\q2 tama augwaligo gasa hani  
\q3 bidi dabego hanu dabe dolali.  
\q1 Augwaligo gasa bidi dabe tonobo da,  
\q3 te olo nai dabe tonobo tiwai ebao.   
\q1
\v 9 Te tǫ hobedai gela weyu,  
\q3 tama aga bomo sia sali.  
\q1 Tama te Lebanon genuai busi hale yali. Magi baso meni.  
\q1 Agai ni dabe sasiyu, ela pobaso.  
\q1 Te Sarongo odogo malu bulu wiegi yai te tǫ wa pelama,  
\q2 tama wę meni yai kemi nai elalubo  
\q3 bulu tiwai yaibao.  
\q1 Tama me, te ni yabe dabe te Basan  
\q2 distrikde holali, me te bulu du Karmelde holali dabe,  
\q2 augwali bogwa pelama, telega peyu yali.   
\s1 Te we bidi dabego Genuai Bidigo bomo sueibao  
\q1
\v 10 Genuai Bidigo e tama po wali,  
\q2 “Megi da, ena hogodama, sę yaibao.  
\q1 Tama te we bidigo ena sulama,  
\q2 tama augwaligo eno genuai nogi  
\q3 ugwaba somainao.   
\q1
\v 11 Te bidi hani dagego ena dali boi bidi elaluali bage,  
\q2 dage da te olodali bomai sę  
\q2 mu elama, masigi meni yai nai dabe  
\q3 dagego sabo dao.  
\q1 Te bidigo aga gide wit genina soba homu ebo tiwai dao.  
\q1 Tiali goli, agai olo nosai dabe salio.  
\q1 Tama duga bomai sęgo  
\q2 te isi bogoli tiwai pedalama,  
\q3 tama dage mu sia sąwaibao.   
\q1
\v 12 Tama dage te augwaligo kambang  
\q2 isi ulai hogomu tiwai,  
\q2 me augwaligo sesane bono isi ulama,  
\q3 keli hogomu ebo tiwai yaibao.   
\q1
\v 13 Te dage pąde bidalubo we bidi,  
\q2 me dage digibulu bulu bidalubo  
\q2 we bidi, dagego eno bomai sę yali po odao,  
\q2 me dagego eno genuai nogi po pusa maiąo,” wali.   
\q1
\v 14 Te Saionde te dwai kolesaga ebo  
\q2 we bidi augwali wi elama, noma sali.  
\q1 Tama augwaligo e tama po obao,  
\q1 “Genuai Bidigo sębę da, te da te bomai  
\q2 isi tigidali sogo dabo isi tiwai,  
\q1 tama tigidali nai dabe dela silibo tiwai dao.  
\q1 Te da tomode de mu te isi dali bidaibawe?”   
\q1
\v 15 Te doloba pai kolesaga eyu, me mu po naga weyu,  
\q1 me gasa bidi dabego doado bage sabo homu isąyu,  
\q2 dwai kolesaga isąbo bidi dabe,  
\q2 augwali te Genuai Bidi dali bidibo usu yaibao.  
\q1 Tama augwaligo te ili po wabo mone sisąma eyu,  
\q2 me te dwai kolesaga ebo bidi dabe  
\q3 dali dagana sisąma eyu,  
\q2 me te gasa bidi dabe ela mubo  
\q3 bidi dabe dali kisa selama ebo menio.   
\q1
\v 16 Augwali te tobage bidi dabe augwali  
\q3 bugagia bidaibao.  
\q1 Augwali te bidi me te bugagia wiegi yai  
\q2 boma pai bulu dude geme dualalubo ąǫ yaibao.  
\q1 Tama nai dabe mego augwali aiyaba me elalugobeo.  
\q1 Tama tigidali sogo augwaligo tuabo  
\q3 nai elaluyu, wę elaluyu yaibao.   
\s1 Genuai Bidigo wiegi yai sogo mu Jerusalem dabebolo mawaibao  
\q1
\v 17 Dagego duga tuni bidigo aga  
\q2 sawi yai tuni bidigo ugwa ma gudama, tama te bulu  
\q2 ma tonalubo sueibao.  
\q1 Tama dagego duga bulu genuai ma pedalobo sueibao.   
\q1
\v 18 Tama dagego te dwai sogo dagede  
\q2 polobadu pedalali ma kone palama,  
\q1 tama dagego e tama ma hanalu waibao,  
\q1 “Te boi bidi dabe aselama,  
\q2 te takis moni sali bidi dabe  
\q1 augwaligo tobolu bidi megi menadewe?  
\q1 Tama me te boi bidi dabe aselama,  
\q2 te dago ami bidi dabego  
\q2 te boi bidi dabe asobowe weyu tonaluainu, te sęani  
\q2 bobobage bede tonaluyu yali,  
\q3 te tobolu bidi menawe?  
\q1 Augwali polobadu te dago hanu dabede elaluali bidi da.  
\q1 Megi augwali ede menio.” Te po waibao.   
\q1
\v 19 Dagego te tobolu gagea pelama,  
\q2 augwa digi augwa nogi ugwaba siyu yali  
\q2 boi bidi dabe dagego gesabidi me sugobeo.  
\q1 Tama dagego augwaligo dwai augwa  
\q3 wabo po me odogobeo.  
\q1 Te bidi mego te dagego konesiąwai po  
\q2 augwaligo wali po bidi mego me odogobeo.   
\b  
\q1
\v 20 Dagego Jerusalemba toniąo.  
\q1 Te da dago genuai hanu,  
\q2 te da tigidali genuai lotu po wabo  
\q2 sogo dabe sisinagasabo hanu dao.  
\q1 Te da te da bugagia bidiyu, toma tuyu ebo bulu dao.  
\q1 Aga te sel ugwa be te bidi dabego bono  
\q2 togolama, ni dabe gudasa,  
\q2 pisąma yabo sel be tiwai dolaluaibao.   
\q1
\v 21 Genuai Bidi te dago boma pai  
\q3 polalubo bidi tede bidaibao.  
\q1 Tama agai te Jerusalem te wiegi yai  
\q2 sawi yai genuai wę me,  
\q2 dwasianu wę me elalubo bulu nigilaibao.  
\q1 Tiali goli, te dwasianu geba kanu me,  
\q2 genuai hwįbo sip dabe me,  
\q3 te wę dabedu me asogobeo.   
\q1
\v 22 Magi baso meni. Genuai Bidi  
\q2 aga digi dago tuni bidi bidama,  
\q2 tama po tų dabe dodolobo sę elama,  
\q2 tama aga digi da bomai po dabe  
\q3 menama, da tonaluaibao.  
\q1 Tama agai da bugagia tonaluyu,  
\q3 tama da dwai dene me sogobeo.   
\q1
\v 23 Ma, te boi bidi dabego te Jerusalem  
\q2 sabo homu yali da, teda augwali usu me egobeo.  
\q1 Augwali te sip boskru bage te sip  
\q2 pomainu, te pobigisąma ebo  
\q3 boskru dabe tiwai bidaibao.  
\q1 Magi baso meni. Te sip tobolu  
\q2 bugagia dolalusiąma eyu,  
\q2 me te bono dabe bugagia bomalusiąma eyu,  
\q2 me te sel dinigalusiąma eyu isąma ebaso.  
\q1 Tama tibaso, boi bidi dabe wi peyu,  
\q2 te nai dabe hauwa tagalama paibao.  
\q1 Tama te Jerusalem dabe udala,  
\q2 te nai dabe sigi paibao.  
\q1 Tagala, te sągą dwai bidi dabe me,  
\q2 augwali me te gasa bidi dabe nosali aselama,  
\q2 augwaligo me te nai dabe hauwa mu saibao.   
\q1
\v 24 Tama te sogo te Jerusalemde bidibo  
\q2 we bidi dabego e tama po munu  
\q3 ma wagobeo, “Ena gasi ebo.”  
\q1 Tama Genuai Bidigo te Jerusalemde  
\q2 bidibo we bidigo dwai sę yali sęgę sela sąwaibao.   
\c 34  
\s1 Godigo te Idom tǫ kantri dolaibao po  
\q1
\v 1 Dage tigidali tǫ habu we bidi dabe, asiąo.  
\q1 Dage sisinagaselama, te po odagasiąo.  
\q1 Tǫde me tigidali elalubo nai me,  
\q3 dagego me olo muiąo wai.   
\q1
\v 2 Genuai Bidigo te tigidali bulu tǫ kantri dali haliga  
\q2 sębę eyu,  
\q2 te augwa ami bidi dabe dali me sębę yali.  
\q1 Tama agai te po weyu, te augwali tigidali isaibao po  
\q2 wai dao.  
\q1 Awe, agai augwali sese mu dola silaibao.   
\q1
\v 3 Te augwali tigi dabe te bidi dabego pubalubo  
\q2 usugobeo. Menio.  
\q1 Te bulu tǫ dabede danamu pelayu,  
\q2 te bulude dwai kugumini mu yaibao wali.  
\q1 Te augwaligo kaneme dabe te bulu du dabede  
\q2 pągąnalueibao wai dao.   
\q1
\v 4 Giliga, me polua, me hǫ dabe hala pelama, te  
\q2 tutudulaluama,  
\q3 te mu tigidali silaibao.  
\q1 Tama dagalu da, te bidi dabego 1pepa yabe bebe pelama,  
\q3 kękę pabo tiwai yaibao.  
\q1 Te dagalu daide ula ebo hǫ dabe tigidali  
\q2 te ni wain yabe wa pai te tǫba tudulalubo tiwai eyu,  
\q2 te ni kaya fik yabe wa pai tudulalubo  
\q3 tiwai yaibao wai dao. \x * \xo 34:4 \xt Ped 6:13-14\x*   
\q1
\v 5 Genuai Bidigo te tama po wai, “Eno haliga sębę yali,  
\q2 eno te ena bainat hwą sisi elama,  
\q2 tama te bainatgo hwawa mu weyu,  
\q2 te dagalu tagalama,  
\q2 te Idom dabe eligi painu yali,  
\q2 te eno augwali dolaibao po wali hani dao.  
\q1 Te megi eno aga tagala palubo te augwali ela mugi  
\q2 pomainu yaibao,” wali.   
\q1
\v 6 Tialima, te Idom dabego kaneme me iligo te Genuai  
\q2 Bidigo bainat hwą halua saibao.  
\q1 Te sipsip me meme dabe te bidi dabego te ofa yainu  
\q2 elama,  
\q2 te ofa yainu ebo bidi dabego nogode kaneme piliga  
\q2 pabo tiwai yaibao.  
\q1 Genuai Bidigo te genuai hani we bidi dabe mu te taun  
\q2 Bosra te Idom bulu tǫ kantride elaibao wali,  
\q2 te aga digi genuai ofa ebo tiwai dao.   
\q1
\v 7 Genuai Bidigo te tobage bomai uni bulmakau dabe  
\q2 me elama,  
\q2 te augwaligo kaneme me ili te gea paliyu, te Idom  
\q2 bulu tǫ kantri mesegelaibao wali.   
\q1
\v 8 Te sę pedelaibao, magi baso meni,  
\q1 Genuai Bidigo te boi bidi dabeba te aga taun Jerusalem  
\q2 doliyu, aiyaba elalubo boi bidi dabebolo  
\q3 te dene mabo bodolu mawai dao wai.   
\q1
\v 9 Te Idom bulu tǫ kantri wę dabe te kolta tiwai  
\q2 pedelama,  
\q2 te hogomu dabe te bomai masigi dabe tiwai  
\q2 pedelaibao,  
\q2 te Idom bulu kantri tǫ te kolta sia dabo tiwai yaibao.   
\q1
\v 10 Te sia dabo munu me sia sogobeo. Menio.  
\q1 Te tigidali sogo ulade me hulide bomo elama, dedu,  
\q2 te hano sesemane sogo pedaliduaibao wai.  
\q1 Te Idom dabego tǫ olo sesemane sogo elalu,  
\q2 te bidi teba munu ma biligi pogobeo. \x * \xo 34:10 \xt Ped 14:11; 19:3\x*   
\q1
\v 11 Te bulu tǫ te dwai ba dabe, te ba kemodage dabe,  
\q2 me sisi yai ba kotkot,  
\q2 me hulide bilalubo ba dabego bulu naga pedelaibao.  
\q1 Godigo te Idom dabego nai doado bage tigidali sia  
\q2 somainu elama,  
\q2 te Idom dabego tǫ olo elalumainu yaibao wali.  
\q1 Te polobadu digi agai te tǫ nigilama,  
\q2 te tǫ olo mu elaluali tiwai gilama pedelaibao wai  
\q2 dao.   
\q1
\v 12 Te tigidali genuai bidi dabe,  
\q2 me tobolu bidi hetman dabe, te munu me bidigobeo,  
\q1 tama te king mego te bulu tǫ kantri me tonalugobeo  
\q2 wali.   
\q1
\v 13 Te sesane yai bono me nosai dabego te kingo be,  
\q3 me gasa be dabe mesegelaibao.  
\q1 Te bulu uni yowi dabe bidagaselama,  
\q2 te badu i wagasobaso, te uni ba dabe te beba  
\q2 piagasaibao wali.   
\q1
\v 14 Te olo masigi bulu kemi tǫde te bulu uni hasa dabe  
\q2 teba sisinagasaibao wali.  
\q1 Te bulu uni meme dabe me te bidagaselama,  
\q2 i weyu, ga udaibao, te tobage hasamani dabe me,  
\q2 te hulide bilalubo hasa me, te aselama,  
\q2 te badu piabo pesage gegagasaibao wai dao.   
\q1
\v 15 Te hulide bilibo ba sibigo te be selama,  
\q2 te augwa ge dabe tede saganaibao,  
\q2 te augwa bogo dinigilama, te augwa  
\q3 gesi ogomani tonalueibao.  
\q1 Tama te omai ba kemodage me,  
\q2 so ba kemodage me, augwali aselama,  
\q3 tonaluagasaibao walio.   
\q1
\v 16 Te Genuai Bidigo buku tomoba sulama, nago te nai  
\q2 dabe elalubo po nedao.  
\q1 Tigidali hasa me ba dabe te bukude po wali gilama,  
\q3 te bulu Idomba bidagasaibao.  
\q1 Te me deli augwali me bidigobeo.  
\q1 Magi baso meni, Genuai Bidigo digi augwali asao wali.  
\q1 Te aga Mobo Bidigo augwali sisinama,  
\q3 te augwali odasa asaibao wali.   
\q1
\v 17 Te Genuai Bidigo digi te Idom tǫ pedaide deli delide  
\q2 dąį ilama,  
\q3 te augwaliba dobawaibao.  
\q1 Tama augwali te Genuai Bidigo dąį ilama,  
\q2 muani madi sesemane bidada paibao wai dao.  
\q1 Godigo tigidali nai wiegi yai ma pedalumainu ilaibao\x * \xo 34:17 \xt Ais 63:1-6; Jer 49:7-22; Ese 25:12-14; 35:1-15; Amo 1:11-12; Oba 1-14; Mal 1:2-5\x*   
\c 35  
\q1
\v 1 Te masigi kemi bulu me, tǫ wa pai bulu dali,  
\q2 te augwali pemene wiegi yai mu yaibao,  
\q2 magi baso meni, te sawi mu yai plaua pedelama,  
\q3 te badu mesegelaibao.   
\q1
\v 2 Te wa pai bulu tǫ tonobo te sawi wiegi yai mu yaibao.  
\q1 Te aga genuai i hai dali weyu, genuai pemene yaibao.  
\q1 Te wiegi yai sawi yai nai hauwa mu pedaliyu,  
\q2 te bulu tonobo wiegi yai sawi me tedali eyu,  
\q2 te Lebanon genuai busi tonobo tiwai eyu,  
\q2 te Saron bulu odogo tonobo tiwai yaibao.  
\q1 Te we bidi dabego bomonama tonoyu, te genuai nogi,  
\q2 me te dago Genuai Bidi Godigo wiegi yai au dali  
\q2 elalueibao.   
\q1
\v 3 Dagego te bomo meni yai bidi dabe dąų waliyu,  
\q2 te haliga wi ebo bidi dabe,  
\q2 me didibili ebo bidi te dąų waliyu yao po wai dao.\x * \xo 35:3 \xt Hib 12:12\x*   
\q1
\v 4 Te tabi haliga homu kolesaga te bomo isąwai bidi  
\q2 dabebolo te tiwai po wao,  
\q1 “Dage te bomonama dolalu, te wi me elamuo,” wao.  
\q1 “Te dagego God ma asiyu, dage dobola ma selama,  
\q2 te boi bidi dabe dwai dene mu mawaibao,” wali.   
\q1
\v 5 Tialima, te gedu widai bidi dabego gedu ma pedaibao,  
\q2 te olo degai bagego po ma odaibao.   
\q1
\v 6 Te sągą dwai penelai bidi dabe gesa soyu, posoga  
\q2 palaibao,  
\q2 me te pedauwali pania sai bage te i weyu, pemene  
\q2 yaibao. \x * \xo 35:6 \xt Mat 11:5; Luk 7:22\x*  
\q1 Te wę dabe te masigi kemi tǫde pedaliyu,  
\q2 te tigidali habuba usu nama paibao.   
\q1
\v 7 Te olo kemi tǫ bulude te sigi ąį tiwai pedelaibao.  
\q1 Te wa pali tǫ dologode me wę ulu pedelaibao.  
\q1 Te polobadu te uni yowi dabe naga te wa pali tǫde bidali.  
\q1 Tiali goli, te sogo te nosai,  
\q3 me awi hauwa tede pedelaibao.   
\q1
\v 8 Tama genuai sunumi me deli te badu elalueibao.  
\q1 Te genuai sunumi nogi e tiwai waibao,  
\q2 “Godigo Tedali Gasagi Yai Genuai Sunumi Digi Dao,”  
\q2 wai.  
\q1 Te God gedude wiegi yai isąwani bidi dabe,  
\q2 augwali te sunumide me biligobeo. Mu menio.  
\q1 Te Godigo we bidi dabego sunumi naga elalueibao.  
\q1 Te homu kolesaga meni yai bidi dabe,  
\q3 te augwali te pąba me pogobeo.   
\q1
\v 9 Te dwai laion me, dwai hasa dabe me,  
\q2 te sunumidu me soagobeo. Menio.  
\q1 Te Godigo augwali ma sali we bidi dabe naga,  
\q2 augwali naga te sunumidu bilaibao.   
\q1
\v 10 Te Genuai Bidigo ma dobola sali we bidi dabe,  
\q2 te augwali wiegi yai pemene dali  
\q3 te Jerusalemba ma asaibao.  
\q1 Te augwa genuai po dagą weyu, balia weyu,  
\q3 te sunumidu aselawaibao.  
\q1 Te augwa wiegi yai bugagia mu dugulalu, te augwa  
\q2 pemene umabo mu yaibao.  
\q1 Augwa te wiegi yai pemene ebo munu me sia sogobeo.  
\q1 Te dene, me haliga sęgę, te augwalide munu ma me  
\q2 elalugobeo.   
\c 36  
\ms1 Asiria dabego te Jerusalem taun sagasainu yali  
\mr (Dąį 36–39)  
\s1 Te Asiria augwaligo Jerusalem sagasainu yali po  
\r (2 Kin 18:13-37; 2 Sto 32:1-19)  
\p
\v 1 Te Hesekia king bidibadi, te kibu be nogo si olama, sągągo me si me si, te14 yia elalubo sogo, te Asiria king Senakerip te aga ami dabe dali aselama, te Juda dabeba boi hwįagaselama, te augwali aiyaba elaluama, te tigidali bomai obo elalubo hanu sali. Tiali goli, te Jerusalem augwaligo sisąbadi, te elalualio.  
\v 2 Senakerip te Lakisde bidiyu, agai aga amide polalubo namba wan ofisa dali, te genuai ami hani dali tagala palali, te Jerusalemba pomainu yai. Augwali te Jerusalemba sabolama, tialima te ofisa te Jerusalemba pabo te Ugwadu Elalubo Ulu Wę nogi wabo sabo wę pąba pelama, bidigi pali. Te ąį gamia te pelama, bidigi pali. Te ąį gamia te name ugwa nigibo madiba pabo genuai sunumi pąde elaluai.  
\v 3 Tialima, te Israel ofisa bidi selago aga sugi palio. Augwaligo nogi e tiwai, Eliakim, te Hilkiago ogwa, te kingo be tonalubo bidi da, tama Sepna, te kingo kuskus, me Joa, te Asapgo ogwa, aga te kingo ebo sę po page tigidali asębo bidi dao.  
\v 4 Augwali sela bidi te Asiria ofisa bidiba sabalubo si da, agai po bomonama, augwaliba te tiwai po wali, “Dage pelama, Hesekiaba te kingo bomai po magi pao, aga te Asiria king dao. Agai te tiwai po wali, ‘Hesekia, nago mena tobage tiwai bomo elalu, tama nage ena dologode bidisąyu ebawe?  
\v 5 Te odolali mibo pogo te boi hwįabo bomo usu elalueibao, agawe? Nago enade hagoma ebao. Nago homugo dego nage tau sagasaiba homu elama, te nago enade hagoma eba, agawe?  
\v 6 Eno koneani, nago te kantri Isipba tonaludu, te agai nago hwįbo tau sagasomainu tonalubao. Tiali goli, eno nagebolo obao, Isip te togwa pai awi dili tiwai elalubao. Te nago bilibo dono tiwai tola selama, pobaso da, teda te awi dili sagago nago nogode dolaibao. Te Isip king bidigo kolesaga te tobage tiwai elalubao. Tama nago te boi hwįbaso, te aga aselama, nage tau me sagasogobeo. \x * \xo 36:6 \xt Ese 29:6, 7\x*  
\v 7 Tialima, nago te po weyu, te dage Israel dabego konealubo homu te Genuai Bidiba mubaso, te duga God, te agai dage tau saibao po obaso, eno homugo te me usugobeo homu ebao. Magi baso meni. Hesekia, nago te agai lotu wabo pesage dabe, me te gasade elalua pali alta dabe, dolali. Nago te Juda dabeba me Jerusalemba te po weyu, augwali te Jerusalemba aselama, tama te alta deliba naga lotu wagasao po wai dao.’”   
\p
\v 8 “Te eno kingo gasa po elalubao. Hesekia, eno kingo nageba te 2,000 hos mawaibao wali, nago te hosde dugulama, te hwįabo ami bidi te 2,000 elalubaso da, te tama tiaibao. Tiali goli, eno koneani, nagede digi te tobage bidi tama me elalubeo.  
\v 9 Nago homugo te Isip ami bidi dabe te hosidu ma karisdu aselama, te nage boi hwįbo tau sagasaibao homu ebao. Tiali goli, mu menio, augwali me asogobeo. Tama tialima, nago bomogo te dago dwasianu ami hani aiyaba elalueiba homu ebaso da, te usu me egobeo.  
\v 10 Eno kingo te po wali, ‘Nago homugo ena homugo digi aselama, te nago bulu tǫ kantriba hwįagaselama, te dolagasali homu eba, agawe? Mu menio. God Genuai Bidigo digi enabolo te kantri dolagasao po obaso, ena asai dao,’ eno kingo te po wali.”  
\v 11 Eliakim, me Sepna, me Joa, augwali selago te po odama, tialima augwaligo te Asiria ofisa bidiba te po wali, “Nago te po dabolo te Siria pogo wao, magi baso meni, dago te bulu po koneai dao. Nago te Hibru po me wagio, tiyu te taun obo daide dodolalu bidibo bidi hani dabego nago te wabo po odabuo,” wali.   
\p
\v 12 Tiali goli, te ofisago po wei ponoyu, te tiwai po wali, “Eno kingo ena tagala palali, te po dage dali, me dagego king dali naga omainu me tagala palobeo. Menio. Te obo daide dodolalubo hani bage, augwaligo me te po odomainao. Magi baso meni, te boi hwįbaso, dago te Jerusalem bagua sagasobo si da, teda te dwai sę ebo si dage tigidaliba pedelaibao. Tama te obo banisde dodolalubo hani bage te nai mu sǫą paibao, tama augwa di ma tuyu, poi wę ma tuyu yaibao, te tiwai dage me yaibao,” wali.   
\p
\v 13 Tialima, te Asiria ofisa bidigo te obo daide bidibo hani bidiba tonalu, te Hibru pogo genuai po dagą olama, i weyu, te tiwai po wali, “Dagego te bomai kingo poba olo bugagia muiąo, aga te Asiria king dao.  
\v 14 Agai te tama po wai, dage te Hesekiago dage tibo po ola momainu me elamuo. Hesekiago dage tau selama, te dage bugagia me bidigobeo, wali.  
\v 15 Dagego te Hesekiago dage homu bega sabo po me odigio, dagego konealubo homu te Genuai Bidiba dąų wabo te agai dage tau selama, te da Asiria dabego dage aiyaba elaluama, te taun Jerusalem sogobeo wabo po, te po odogio.  
\v 16 Hesekiago po dagego odolama, te ena dali hwįabo homu me egio. Te tobage homu ebo tagalama, te hanu eno somainu buluba teda solama, tama da dali te poi pibo ilibo po minao. Tama tibaso da, teda dage bugagia bidiyu, te duga elalubo ulu węde wę tuyu, te ni wain du, me te ni kaya fik du, te duga gide digi tuyu bidaibao.  
\v 17 Te dage bugagia bididubadi, te ena ma asiyu, te dage gasa bulu kantriba selasa peyu, te duga bulu tǫ kantri tiwai buluba paibao. Te bulu kantride te wain gi, me bret nigibo wit gi, te hauwa elalubo dao,” te po wai.   
\p
\v 18 “Hesekiago dage tibo po ola mayu, te po obao, ‘Genuai Bidigo da tau sobaso, te dago augwali aiyaba elalueibao,’ po wai. Tiali goli, te Hesekiago tibo po wabo po odogio. Dagego homugo te gasa hani dabe augwa godigo te augwali tau selama, te boi hwįani augwaligo da Asiria dabe aiyaba elaluali da, agawe? Mu menio.  
\v 19 Dago te taun Hamat, me Arpat, me Sefarvaim, teba boi hwįgi pali sogo, te augwa god menade bidiyu, te augwali tau sagasobewe? Te dago Samaria buluba boi hwįgi pali sogo, te Samaria augwa godigo augwali tau selama, te da aiyaba elalualiwe? Mu menio.  
\v 20 Dago te bulu tǫ kantri hauwaba boi hwįgi pali, te augwa god hauwa elaluali. Tiali goli, te god me deligo te aga bulu tǫ kantri me tau selama, te da hwįgi pali aiyaba me elalubeo. Tama tialima, magi baso dage Jerusalem bagego homugo te duga Genuai Bidigo dage tau saiba homu elama, te dago dage aiyaba me elalugobe da homu ebawe?” wali.   
\p
\v 21 Te Asiria ami ofisago te aga wali po te siminani, tiali goli te genuai obo daide bidali hani bidi te augwa pedauwali pania selama, te po me deli wei me ponobeo, magi baso meni, king Hesekiago augwali habu seliyu, te augwaligo Asiria dabego po wei me ponamuo po wai dao.  
\v 22 Tiali goli, te Asiria ami ofisa bidigo wali pogo te Eliakim, me Sepna, me Joa te haliga sęgę mu ilali. Tama augwa gudali ugwa pįsilama, tama augwali pelama, te ofisago wali po tigidali te king Hesekiabolo pusigi palio.   
\c 37  
\s1 Hesekiago te profet Aisaiabolo aga sęgę yai po pusali  
\r (2 Kin 19:1-7)  
\p
\v 1 Hesekiago te Asiria dabego po odobo si da, teda aga haliga sęgę mu elama, te aga ugwa pįsawalio. Te agai homu dene ebo ugwa gudama, te Genuai Bidigo tempel be tomoba palio.  
\v 2 Tama Hesekiago te Eliakim i wai, te kingo be tonalubo bidi dali, Sepna, te kingo kuskus bidi, te polalubo pris bidi dabe me i wai. Tama agai augwali tagala paliyu, te profet Aisaia sugi pomainu yali, te Amosgo ogwa dao. Te bidi dabego me te homu dene ebo ugwa gudasa pali.  
\v 3 Augwali pela sabolama, Aisaiabolo te tiwai po wagi pali, “Kingo te po walio, megi te genuai haliga sęgę ebo sogo elalubao. Te Asiria dabego dabolo te da begela dolobo dwai posobo po hauwa waligo te da hale genuai elalubao. Da te haliga yai we me deli elalubo tiwai eyu, te wai ame nabo sogo pąde pedelalio. Tiali goli, te wego wai ame nabo te bomo me elalubeo.  
\v 4 Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.   
\p
\v 5 Te Aisaiago te Hesekiago po odobo si da,  
\v 6 tialima agai te po sela asali bidi dabeba te tiwai po wali, “Dage te kingba ma begasa pelama, te Genuai Bidigo po agaba pusugi pao. Genuai Bidigo te po wai, ‘Nage wi eyu, tama homu hauwa te wali dwai pode elamuo, te Asiria king bidigo olo sę ebo bidi dabego enade te po wali dao.  
\v 7 Magi baso meni, ena Genuai Bidi dao, eno te Asiria kingo homu kolesaga bega palama, agai te po me deli odobo sogo, te agai dage mu tagalama, te aga bulu kantriba geasa paibao. Tama aga te Asiriade bididubadi, eno aga te bidi mebago te moni hwągo ela mumainu yaibao,’” te po wai dao.   
\s1 Te Asiria dabego Jerusalem dolaibao po ma wali  
\r (2 Kin 19:8-19)  
\p
\v 8 Te Asiria ami ofisa bidigo po odali, te king Senakeripgo te taun Lakis taga pali po odali. Tialima, te ami ofisago te Jerusalem taga peyu, ma begasa pelama, tama te king te taun Lipnade boi hwįdubadi suali, tama aga pelama, aga sugi palio.  
\v 9 Te Asiria dabego boi hwįdubadi, te bidi meba aselama, te king Senakeripbolo te tiwai po wagasali, “Te King Tirhaka te bulu kantri Itiopia bidi, te aga ami bidi dabe dali, augwaligo te nageba boi hwįagasainu asobao,” wali. Senakeripgo te po odama, te agai bidi meba tagala paliyu, te agai pas te Juda dabego king bidi Hesekiaba selasa pomainu yali, magi baso meni, agai te Jerusalem sabo homu dąų weyu, bomo elaluai dao.  
\v 10 Te Senakeripgo pasde te tiwai po wali, “Eno koneani, nago konealubo homu te dąų wabo god, agai te po weyu, te agai eno dage aiyaba elaluama, te Jerusalem sogobeo po obao. Tiali goli, agai tibo po obao, tiyu nago agai poba dąų wabo homu me mugio.  
\v 11 Naga digi nago te da Asiria king dabego ebo kolesaga koneai dao, te dago gasa bulu kantri hauwa mu dolali. Nago homugo eno nago bulu kantriba te tama tegobe da homu eba, agawe?  
\v 12 Polobadu eno wąį dabego te taun Gosen, me taun Haran, me taun Resep dolama, te taun Telasarde bidali Beteden hani dabe ela muani. Te augwa god dabego te hani augwali tau sabo ususąbaso, te augwali bugagia me bidibeo. Mu menio.  
\v 13 Te taun Hamat, me Arpat, me Sefarvaim, me Hena, me Iva, te tama moni taun king dabe bidiba, agawe? Menio, dago te augwali tigidali ela silai dao,” wali.   
\p
\v 14 King Hesekiago te pas te Senakeripgo tagala palali bidi dabego nogode salio. Te pasde po agai nedama, tialima agai te Genuai Bidigo tempel be tomoba sela palio. Tama agai te pas te Genuai Bidi bidibo gesabidi badu pąde muani, te agai dinigilama, bugagia dodolama, muai.  
\v 15 Tama Hesekiago gedu haluasa po Genuai Bidiba weyu, te tiwai wali,  
\v 16 “Genuai Bidi, Tigidali Bomo Elalubo Bidi, nage da Israelgo God, nage te ensel mobo bidi daide ugwadu bidiyu, te naga king sia saide dugulalubao. Tiali goli, nage naga God mu da, tama nago te tigidali bulu tǫ habu tonalubao. Nago naga nago te tǫ me dagalu nigai dao. \x * \xo 37:16 \xt Sai 25:22\x*  
\v 17 Genuai Bidi, eno homugo nago olo eno gedu haluasa po waboba bugagia munama, te eno gedu haluasa po odolama, tama nago daba te pedalubo dwai sę dabe bugagia suao. Tama eno homugo nago te tigidali dwai po wabo odomainu hagede ilali, Senakeripgo nageba te sę yai, God nage te sesemane sogo bidada pabo dao.  
\v 18 Genuai Bidi, dago koneanio, te Asiria king dabego te we bidi hani dabe hauwa dolama, te augwa bulu tǫ kantri dabe dali dolali.  
\v 19 Tama te king augwaligo te hani we bidi dabe augwa god dabe sela sąyu, te tigidali siaba ulali. Te god dabe dolali, magi baso meni, augwali te tibo god naga dao. Te bidi augwa digi te ni me masigi selama, augwa nogogo nigai dao.  
\v 20 Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.   
\s1 Profet Aisaiago Godigo po te kingba mawai  
\r (2 Kin 19:20-37)  
\p
\v 21 Tialima, profet Aisaiago Hesekiaba te tiwai po ola tolali, “Genuai Bidi, da Israel dabego Godigo te po wai, nago agabolo hanalu, dage te Asiria king nogode ma sao po wali.  
\v 22 Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali,  
\q1 ‘Senakerip, te Saion bulu dude bidibo we bidigo nageba  
\q2 gisugu mabo dwai mu eyu,  
\q1 tama te Jerusalem bagego nageba posobo dwai weyu,  
\q3 te nage begela dolobo dao.   
\q1
\v 23 Senakerip, nago posobo po weyu, te po dwai weyu,  
\q2 te naga digi naga nogi ugwaba siyu,  
\q2 hagoma po wali sogo,  
\q2 nago homugo te nago de dali yali da homu yaliwe?  
\q1 Nago ena dali tama yalio, te Israelgo God,  
\q2 ena te Wiegi Yai Doloba Pai Kolesaga Ebo God dao.   
\q1
\v 24 Nago po te naga ami tobolu bidi ofisabolo mayu,  
\q1 te augwaligo nago nogi ugwanu mu sali,  
\q2 tama te enaba posobo po wali.  
\q1 Te eno augwaligo pedauwalide  
\q3 te tiwai po odali, nage Senakerip,  
\q2 nage te naga karisde dolugulama,  
\q2 te nage ugwanu mu igulama,  
\q2 te Lebanon genuai bulu du dabeba  
\q2 te nago tobolu usu nama,  
\q2 nage te Lebanon genuai busi tomoba mu pali,  
\q2 te bidi me pisąbo buluba pali,  
\q1 tama nago te bobage bobage ni sida dabe,  
\q2 me te wiegi wiegi yai ni pain dabe togwali.   
\q1
\v 25 Tama nage gasa biligi pabo sogo nage te wę sǫą  
\q2 pabeo.  
\q1 Te bulu tǫ tigidali wa pai madi,  
\q2 te wę ulu dabe nago nigali,  
\q2 te mu pągąna pelama, te nago hani bidigo tumainu  
\q2 yali.  
\q1 Te nage te Isip genuai wę elaluboba pobaso,  
\q2 te nago sągągo te wę dabe wa pomainu yai dao.’”   
\q1
\v 26 “‘Senakerip, nago konebeo,  
\q2 te polobadu digi eno te sę ebode homu kone palama,  
\q2 tama nage te sę emainogo sa muyu dąį ilali.  
\q1 Eno nageba bomo menama,  
\q2 nago te bomai obo elalubo taun dolomainu yai.  
\q1 Te nage peyu, nago te taun dabe alubaso,  
\q2 te augwali degasa pelama,  
\q2 te masigi pesage genuai holama,  
\q1 tama te pobele bage hogomu genuai pesage igulali.   
\q1
\v 27 Te taunde we bidi dabe wi mu yali,  
\q2 te augwa homu kolesaga umuna pelama, te augwa  
\q2 bomo kimi menia pali.  
\q1 Augwali te sasia pabo nosai tiwai elalu,  
\q2 te posola pai wali asobo sogo dela pabo tiwai  
\q2 elaluali.  
\q1 Te be pedude holobo nosai dabe,  
\q2 me te gasa madi holobo nosai dabe  
\q2 te bomai wali pedalubo sogo te bugagia me  
\q2 hologobeo.   
\q1
\v 28 Tialima, eno nage bugagia mu koneanio.  
\q1 Eno nago homu kolesaga,  
\q2 me te eno nago ebo kolesaga te nage pabo bulu  
\q2 tigidali me konea pali.  
\q1 Tama nago enade genuai haliga sębę elalubo me,  
\q2 te eno koneai dao.   
\q1
\v 29 Eno te nago haliga sębę ebo po,  
\q2 me te hagoma ebo po tigidali te tama kolesaga ebo  
\q2 po odali,  
\q2 te nago tama tiyu, naga digi naga nogi ugwaba sali.  
\q1 Tiali goli, megi da, eno nagede bomai po elalubao.  
\q1 Eno te huk te bisigi ebo nai selama,  
\q2 te nago gunide munama,  
\q2 te eno ain dage augwaligo te hos pedauwalide mubo  
\q2 nai selama,  
\q3 te nago pedauwalide muaibao.  
\q1 Tama nosali eno nage te naga asali sunumidu ma kekasa  
\q2 paibao,’ Genuai Bidigo te po wai.”   
\p
\v 30 Tama Aisaiago te Hesekiaba po me deli mayu, te Hesekiago te Genuai Bidigo yaibao wabo sę tigidali te Senakeripba mu pedelaibao, Genuai Bidigo te wali po dąį ebo tiwai te Hesekiago sulama, konemainu te sę ola mawai. Aisaiago te po wai,  
\b  
\q1 “Nago te tiwai dąį ilama, pedalubo sueibao.  
\q1 Te kibu bede, te nosali kibu bede me,  
\q2 te dagego nai me bulugobeo.  
\q1 Dagego gide te olo pedelai nai wit sela tueibao.  
\q1 Tiali goli, te sela wabo kibu bede,  
\q2 teda dagego te gide nai bulama,  
\q3 sela tueibao wali.  
\q1 Tama me, te dagego te ni wain bulama,  
\q3 te wain du sela tueibao.   
\q1
\v 31 Te Juda we bidi dabe, te boi  
\q2 bidi dabego augwali dolisąwani bage,  
\q2 te augwali bugagia bidiyu, te hauwa pedelama,  
\q1 te gide wit waigo pedali tǫ aba munama,  
\q2 tama te nai ge hauwa walobo tiwai yaibao.   
\q1
\v 32 Te boi bidi dabego te Jerusalem  
\q3 we bidi tigidali me dologobeo.  
\q1 Menio. Te augwali dwasianu hani me bididuaibao.  
\q1 Te Tigidali Bomo Elalubo Genuai Bidi,  
\q2 agai bomai homu kolesagade  
\q3 te sę dabe pedalumainu yaibao.”   
\q1
\v 33 “Tama Genuai Bidigo po ma weyu, te tiwai po wai,  
\q1 ‘Te Asiria king aga ami bidi dabe dali te Jerusalem  
\q2 tomoba me asogobeo,  
\q1 tama te ene deli te taun tomoba me enegobeo.  
\q1 Te ami bidi dabego te hwįbo sabele te taun pąba me  
\q2 tolasa asogobeo.  
\q1 Te taun pąde augwaligo te tǫdu me holama,  
\q2 augwa tede dolalu, hwįainu me tegobeo. Mu menio.   
\q1
\v 34 Ena Genuai Bidi, eno te Asiria king te aga asali  
\q2 sunumidu te begasa ma pomainu ilaibao.  
\q1 Tama tibaso, aga te Jerusalem tomoba me asogobeo.   
\q1
\v 35 Eno tama tiaibao, magi baso meni,  
\q2 eno ena genuai nogi homu kone palama,  
\q1 te polobadu eno dąų wabo po ena sę bidi Devit dali  
\q2 wali po koneyu, tama tiaibao,’ wali.”   
\b  
\p
\v 36 Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.  
\v 37 Tialima, aga dali te meba bidibo ami bidi dali, augwali hogodama, te Asiria pabo sunumidu begasa wali palio. Tama Senakerip te moni hanu Niniveba pelama, bidigi pai dao.  
\v 38 Me sogo side deli sogo aga te aga tibo godigo lotu beba pelama, te aga god Nisrokba lotu udubo sę yali. Te aga ogwa sigo digi, te Adramelek me Sareser sigo, te bainat hwą selama, te lotu be tomoba pelama, te aga ela muanio. Te nosali augwa si wi pelama, te bulu tǫ kantri Araratba bidigi pai. Tialima, aga gasa ogwa me, aga nogi te Esarhadongo, te aga aya pesage hasegelama, te Asiria king pedelai dao.   
\c 38  
\s1 King Hesekia gasi sobaso, te Genuai Bidigo aga tau sali  
\r (2 Kin 20:1-11; 2 Sto 32:24-26)  
\p
\v 1 Te Asiria dabego te Juda dabeba dwai sę idu doludali sogo, king Hesekia te genuai gasi selama, te aga pąde isainogo yai. Tialima, profet Aisaia, te Amosgo ogwago, aga sugi pelama, agaba te tiwai po wali, “Genuai Bidigo te po wali, nago gasi te me siligobeo, nage te isaibao wali. Tama nago te naga bede bidibo bidi dabebolo po olama, te nago sę tigidali dodolao po wao,” te po wai.  
\v 2 Hesekiago te po odobo si da, teda aga gesabidi te be habu daga badu begegi sulama, gedu haluasa po te tiwai wali,  
\v 3 “Genuai Bidi, ena nage wali mu aselama, te nago sę yalio. Sesemane sogo eno te nago homu wali pai. Tama tialima, nago eno te yali sę dabe homu kone palama, tama nago ena isimainu me elamuo.” Aga te gedu haluasa po ola silama da, te aga gela umabo mu walio.   
\p
\v 4 Tialima, Genuai Bidigo Aisaiabolo te tiwai po ma wai,  
\v 5 “Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.  
\v 6 Tama me, te eno aga te Asiria kingo aiyaba elalumainu elama, te taun Jerusalem somainogo me iligobeo. Mu menio. Ena digi te dage seselalubo bidi bidaibao.  
\v 7 Tama ena Genuai Bidi eno nageba te dąį ilibo sę me deli menama, te nageba eno te yaibao po dąų wali sę te nageba ola mawaibao.  
\v 8 Te dąį ilibo te tiwai yaibao. Nago suali, te togobili polobadu te king Ahasgo nigali, te togobili dagego te be posali ulade te aua nedebo togobili elalubao. Te eno giliga noma bidi te togobilide te asesa polo nogo si dąįba begasa somainu ilaibao,” wali.  
\p Tama tibaso, te giliga nomago te polo asesa begasa ma pomainu ilama, te dąį nogo siba usu nigi pali.   
\p
\v 9 Tialima, te Hesekia usu ma igulali sogo, agai te po asęani,   
\b  
\q1
\v 10 “Eno homugo tama tiali, hobede ya,  
\q2 te megi tebogo ena gesi bidi tigi elalubadi,  
\q2 te ena isiyu, te tǫ taga paibao homu yai.  
\q1 Tama ena te isali bidigo bulu pesageba bidigi paibao.   
\q1
\v 11 Ena te bidibo ula elalubo we bidi dali ma bidigobe  
\q2 da homu yali,  
\q2 te eno Genuai Bidi ma sugobeo wali.  
\q2 Ena te bidibo ula me elalusiąbo bulu pesageba bidigi  
\q2 paibao homu yai,  
\q1 tama eno te bidibo ula elalubo we bidi ma sugobe homu  
\q2 yai dao.   
\q1
\v 12 Ena te isai bidi tiwai yalio.  
\q1 Eno bidibo ula te sel ugwa be bidigo aluama,  
\q2 dolasa pali tiwai yalio.  
\q1 Te eno bidibo ula te bidigo tigi ugwa dinigilibo sę tiwai  
\q1 yalio.  
\q1 Eno homugo te bobobage igi paibao homu yali,  
\q2 tiali goli polo tama augwaligo togolama,  
\q2 te masinde ugwa hobolainu ebo tiwai yali.  
\q1 God, polo tama nago eno bidibo ula silimainu yalio.   
\q1
\v 13 Eno kone palali, nago eno nogo sągą dili te hasa  
\q2 laion dili tologobo sę ebo tiwai iduama,  
\q2 te kigamuba usu nigi pabo tiwai yali.  
\q1 Te polo tama nago eno bidibo ula silainu yai dao.   
\q1
\v 14 Ena dene genuai eyu, te ena gela weyu, i wali,  
\q2 eno gela wali te ba higo po wabo tiwai yai.  
\q1 Te eno dagaluba ugwa tonaludu, sesabia pai elaluai,  
\q2 te nago ena tau somainu yali,  
\q2 te ena gedu dene elama,  
\q3 te gedu ąį pągąna pai dao.”   
\q1
\v 15 “Te eno magi po wagowe?  
\q1 Genuai Bidigo te ena tau sabo po dąų wali,  
\q2 te megi aga digi te sę dabe mu pedalubao wali.  
\q1 Tama tibaso, enaba te pedelali genuai sęgę te  
\q2 homu kone palaibao,  
\q2 te ena digi ena aiyaba elaluama, te dua digi bidiyu,  
\q2 te ena isibo sogoba usu naibao wali.   
\q1
\v 16 Genuai Bidi, te tobage sę pedalubo  
\q2 te we bidi dabego kolesaga hasegelama,  
\q3 te gesi bidibo ula somainu yali.  
\q1 Te enaba pedelali sę te gesi bidibo ula mawainu yai.  
\q1 Nago eno gasi sia somainu elama,  
\q2 te ena wiegi yai ma pedalumainu ilali dao.   
\q1
\v 17 Megi da, eno konebao, te sęgę dabe pedelali,  
\q3 te ena tau sainogo naga yai.  
\q1 Nago ena godolo mu elama,  
\q2 te nago ena te isali bidi dabego  
\q3 pesageba pomainu me ilibeo.  
\q1 Te nago eno yali dwai sę sęgę dabede  
\q2 homu kone me isąyu, tagalai dao.”   
\q1
\v 18 “Te isali bidi dabego pesagede bidibo hani dabe,  
\q2 augwaligo te nago nogi ugwaba me sogobeo.  
\q1 Te nago naga we bidi dabe tau sabo wiegi yai sę ebo  
\q2 te augwaligo me sugobeo.   
\q1
\v 19 Te bidibo ula elalubo bidi dabe,  
\q2 augwaligo naga nago nogi ugwaba siyu,  
\q3 te megi eno ebo tiwai yaibao.  
\q1 Te aya dabego te augwa wai dabeba  
\q2 te nago wiegi yai sę sesemane sogo ebo po waibao.”   
\b  
\q1
\v 20 “Genuai Bidigo ena usu ma ilali.  
\q1 Te tigidali side da te Genuai Bidigo tempel beba pelama,  
\q2 te balia po weyu, musik weyu,  
\q2 te agai nogi ugwaba saibao.  
\q1 Dago te tiwai sę te da bidibo ula  
\q3 elalubo sogo tiwaibao,” te po wai.   
\p
\v 21 Tama Hesekia te gasi me elaludubadi, Aisaiago te tiwai po wai dao, “Te kingo sę ebo bidi dabego te ni kaya fik du dabe te augwaligo olali te selama, te seselama, te Hesekiago bomai keniba magasao, te usu elama, ma pedelaibao,” wali.  
\v 22 Tama me, te sogo me Hesekiago Aisaiabolo te tiwai po hanalu wai dao, “Genuai Bidigo te magi dąį ilibo sę enabolo ola mayu, te ena agai beba lotu ma wagasomainu egowe?” wali.   
\c 39  
\s1 Te Babilon king Merodakgo te bidi meba Jerusalemba tagala palali  
\r (2 Kin 20:12-19)  
\p
\v 1 Merodak Baladan, te Baladango ogwa, aga te Babilon king dao. Agai te tiwai po odali, Hesekia te genuai gasi elalubao po odali. Tiali goli, aga usu ma yali. Tama agai te pas asęnama, te agai agaba tolabo, te wiegi yai homu ilabo nai me deli dodolama muani, te bidi mebabolo menama, te augwaligo sela pelama, Hesekiabolo magi pomainu yai.  
\v 2 Hesekiago te bidi dabego po odolama, tialima megi da, agai te bidi dabeba te mone dabe, me te aga gasa nai dabe augwaliba ola mawai. Te agai mone mubo bede te tigidali silva me gol suali, te wiegi yai denami ebo pauda me sanda dabe, me te hwįbo nai tigidali, te gasa nai tigidali te aga bakstuade munolubo me, te ola mena silalio. Hesekiago te nai deli me dualubeo. Menio. Agai augwaliba te kingo moni be tomode elalubo nai tigidali ola mawai, me te aga tonalubo bulu tǫ kantri pedai tigidali ola mena silai dao.  
\v 3 Te Babilon bulu bidi dabe ma pela silai madi te sogo, teda te profet Aisaia aselama, te king Hesekia suagasali, te agaba te tiwai po hanalu wali, “Te aselawali bidi dabe, augwali te mena bulu bidi dawe? Te augwaligo mena po nageba waliwe?” Tama Hesekiago agaba te tiwai po wei ponani, “Augwaligo ena suagasu asali, augwali te digibulu buludu mu asalio, te bulu tǫ kantri buludu mu asalio, te bulu tǫ kantri Babilon dao.”  
\v 4 Tama Aisaiago te po wai, “Augwaligo te mena mena nai mu te nago genuai wiegi yai be tomode sualiwe?” Tama Hesekiago agaba po wei ponoyu, te tiwai po wali, “Eno te tigidali nai doado bage mu augwaliba ola mawai, te eno magi nai deli augwalide geme me dualubeo,” wali.   
\p
\v 5 Tialima, Aisaiago Hesekiabolo te tiwai po wali, “Megi da, te eno nagebolo te Tigidali Bomo Elalubo Genuai Bidigo po obao.  
\v 6 Genuai Bidigo te po wali, te nosali sogo me sogo deli pedalubo si da, te Babilon dabe aselama, te kingo bede munalubo nai doado bage, te naga bulai wąį dabego te bakstuaba sisinama muani nai saibao. Te nai me deli te augwaligo me sula tagalogobeo. Mu menio. Augwaligo te tigidali nai doado bage Babilonba selasa paibao.  
\v 7 Te nago hanide digi te augwaligo te ogwa meba selama, augwali te Babilonba odasa paibao. Tama augwaligo sogoli te augwaligo dinama, tama augwali te kingo bede olo mu sę ebo bidi pedelama bidaibao,” Aisaiago te po wai. \x * \xo 39:7 \xt Dan 1:1-7; 2 Kin 24:10-16; 2 Sto 36:10\x*  
\v 8 Hesekiago te po odolama, tama agai Aisaiabolo te tiwai po wali, “Te Genuai Bidigo po nago enaba pusubao, te wiegi yai po dao.” Hesekiago te po wali, magi baso meni, te aga homu kolesaga tomode, agai te tama homu elaluali, ‘Megi sogo ena te king bidibadi, te dwai sę dabe me pedalugobeo,’ homu yalio. ‘Te da bugagia bididubadi, te me hwįgobeo,’ wai dao.   
\c 40  
\ms1 Godigo aga we bidi dabe augwali ma dobola sabo homu yali  
\mr (Dąį 40–55)  
\s1 Te Godigo we bidiba wiegi yai sogo pedelaibao wali po  
\q1
\v 1 Duga Godigo te po odubao, “Eno we bidigo  
\q2 haliga dąų walama,  
\q1 te augwa haliga dua nagame ilibo po pusao.   
\q1
\v 2 Te wiegi yai po te Jerusalem we bidi dabeba mao,”  
\q2 wali.  
\q1 “Augwaliba te tiwai po wao, te augwali kalabus bidali  
\q2 sogo te silalio.  
\q1 Ena Genuai Bidi, eno te augwaliba te augwa yali dwai  
\q2 sęde wei ponoma, te dwai dene mawai dao.  
\q1 Awe, eno augwaligo yali dwai sę dolo usu nama,  
\q1 tama te tiwai si naga te dene mawai dao.  
\q1 Tama tialima, megi da, eno augwaligo  
\q3 dwai sęgę tigidali sela sąwai dao.”   
\q1
\v 3 Odao. Bidi me deligo te tiwai i wali,  
\q1 “Te Genuai Bidigo sunumi te wa pai bulu tǫ pesagede  
\q2 dodolao,” wali.  
\q1 “Te bulude dena Godigo genuai sunumi pebeli diliba  
\q2 ilao. \x * \xo 40:3 \xt Mat 3:3; Mak 1:3; Jon 1:23\x*   
\q1
\v 4 Te tǫ odogo igulali pesage tigidali pągąniyu,  
\q2 te bulu du tigidali pebela aiyaba tulao.  
\q1 Te dolo si elalusiąwani pesage te dolo si elama,  
\q2 te du du yali pesage te malu tǫ naga pedelaibao.   
\q1
\v 5 Tama genuai ula me te Genuai Bidigo bomo te pebeli  
\q2 diliba hanilama pedelaibao,  
\q2 tama tǫde we bidi tigidaligo sueibao.  
\q1 Te po te Genuai Bidigo pedauwalidu digi asai dao,” wali.\x * \xo 40:5 \xt Luk 3:4-6\x*   
\q1
\v 6 Bidi me deligo te tiwai i wali, “Po pusao.”  
\q1 Te eno po me wali,  
\q3 “Mena po eno pusagawe?”  
\q1 Te agai te tiwai po wei ponani, “E po pusao.  
\q1 Tigidali we bidi te tǫde sesabi elama,  
\q3 bobobage sogo mu me bidigobeo.  
\q1 Augwali te nosai me plaua te polo tama wa pelama,  
\q3 te sia sabo tiwai ebo dao.   
\q1
\v 7 Te Genuai Bidigo posolai wali augwaliba tagala  
\q2 palobo si,  
\q2 te nosai wa peyu, te plaua telegasa dulubao.  
\q1 Mu tama, te we bidi dabe te nosai tiwai polo  
\q2 sia sabo dao.   
\q1
\v 8 Te nosai wa pelama, te plaua dabe boga selama,  
\q2 tulalueibao.  
\q1 Tiali goli, te dena Godigo po da, te sesemane elalua pidu,  
\q2 elalua paibao. Te po pusao,” wali.\x * \xo 40:8 \xt Jer 1:10-11; 1 Pi 1:24-25\x*   
\q1
\v 9 Jerusalem, nage te genuai bulu duba holama,  
\q2 te bulude po pusao.  
\q1 Saion, nago bomonama, i hai weyu, te bulude po pusao.  
\q1 Nago po hanilama pusao, nage wi me igio.  
\q1 Nago te tiwai po te Juda dabego taunba walao,  
\q1 “Suao, te duga God asobao,” po wao.   
\q1
\v 10 Suao. Tigidali nai tonalubo Genuai Bidi aga bomo  
\q2 dali asobao.  
\q1 Agai te boi bidi dabe aiyaba elaluama,  
\q2 te aga we bidi dabe ma dobola sali,  
\q2 te aga boi hwįnama, te wiegi yai nai sabo tiwai  
\q2 yalio. \f + \fr 40:10 \ft Te po begelebo gasa sunumi me da e tiwai elalubao, “Agai te boi bidi dabe aiyaba elaluai baso, te aga wiegi yai doado bage dali sela asiyu, te aga we bidi dabe augwaliba mawainu yai dao.”\f* \x * \xo 40:10 \xt Ais 62:11; Ped 22:12\x*   
\q1
\v 11 Agai te aga we bidi dabe bugagia tonalubao,  
\q2 te sipsip tonalubo bidi dabego te aga sipsip bugagia  
\q2 tonalubo tiwai ebao.  
\q1 Te tonalubo bidigo te sipsip wai dabe te hagawiade  
\q2 pageasa bilaibao.  
\q1 Te aga dua digi pidu, te dwasianu wai dabe elalubo  
\q2 sipsipba te sunumi ola mayu, ela pidubo dao.\x * \xo 40:11 \xt Jon 10:11\x*   
\s1 Te Israel hanigo God te tedali polalubo mu dao  
\q1
\v 12 Te me deli bidibo bidi agai nogode te tamu ąį  
\q2 tigidali sabua sabo bidi bidiba, agawe?  
\q1 Te dagalu daide ugwadu usu siyu ebo bidi me deli  
\q2 elaluba, agawe?  
\q1 Te tǫ tigidali kabude bubo bidi me deli elaluba, agawe?  
\q1 Te bulu du dabe te skelba munama,  
\q2 skel ebo bidi me deli bidibawe?   
\q1
\v 13 Dego te Genuai Bidiba te nai dabe nigibo kolesaga  
\q2 ola mawaibawe?  
\q1 Te agaba homu kolesaga ola maiabo usu elalubo  
\q2 homu ebo bidi me deli bidiba, agawe? \x * \xo 40:13 \xt Rom 11:34; 1 Ko 2:16\x*   
\q1
\v 14 Tama dego agabolo te wiegi yai doloba pai kolesaga  
\q2 ola mawai dawe?  
\q1 Tama dego agaba te wiegi yai konea pabo homu  
\q2 kolesaga tigidali ola mawai dawe?  
\q1 Bidi deli me mu menio.   
\q1
\v 15 Genuai Bidigo te haniani kantri tǫde we bidi suali,  
\q3 te olo nai gagawai tiwai ebao.  
\q1 Augwali te tǫ hogomu tiwai elama,  
\q2 te dwasianu ąį tedebo tudulalubo tiwai ąǫ ebao.  
\q1 Tama agai te tigidali bulu tǫ ailango sęgę usu selama,  
\q2 te tǫ hogomugo sęgę tiwai elalubo dao.   
\q1
\v 16 Te we bidi dabego te tigidali kibu hasa elali,  
\q2 me te Lebanon genuai ni silide te tigidali ni  
\q2 togolama,  
\q2 te augwaligo genuai sia nogolama,  
\q2 te kibu hasa tigidali te ofa tiwai eyu,  
\q2 te siago tigidali domainu igi da, te tagalao,  
\q1 augwaligo te ofa te God gedude olo nai tiwai igi dao.   
\q1
\v 17 Te tigidali tǫ pedai kantride bidibo we bidi augwali  
\q2 te Genuai Bidi gedude olo bage tiwai elalubao.  
\q1 Augwali te olo nai mu tiwai dao.   
\q1
\v 18 Tama tialima, God te de mu tiwai dawe?  
\q1 Te elalubo nai me deli te God tonobo tiwai ebo da,  
\q2 agawe?   
\q1
\v 19 Aga te bidigo nogogo nigai tibo god piksa noma  
\q2 elalua pabo tiwai da homu ebawe?  
\q1 Te tibo god piksa noma dabe da,  
\q2 te sę ebo koneai bidi dabego  
\q2 te piksa kapago nigilama, te golgo mesegelaibao.  
\q1 Te augwaligo silva selama, te sen dabe nigilama,  
\q2 te piksa nomaba daganainu ebo dao. \f + \fr 40:19 \ft Te koneai bidi mebago homugo te sen dabe olo au ilai nai tiwai naga da homu yali. Te meba koneai bidi dabego homugo te sen dabego te piksa tolalu, te augwali tulaluidali weyu dąų wabo nai da wali.\f* \x * \xo 40:19 \xt Tpi 17:29\x*   
\q1
\v 20 Ma, te doado bage meni yai bidi dabego te tibo god  
\q2 piksa nigainu te damua pisąbo bomai ni selama,  
\q3 nigaibao.  
\q2 Tama augwaligo te ni dulubo mu koneai bidibolo  
\q2 olama,  
\q2 te augwa tibo god piksa nigao po waibao.  
\q1 Te bidigo te piksa bugagia dulaibao,  
\q2 tiyu te piksa tulaluidali weyu tiaibao.   
\q1
\v 21 Te dagego konebe, agawe?  
\q1 Te dagego odobe da, agawe?  
\q1 Te polobadu mu te bidi dabego dagebolo  
\q2 te tigidali nai mena tama pedelali  
\q3 te po wasiąwai meni da, agawe?   
\q1
\v 22 Te Genuai Bidi aga naga te dagalu daide te sia  
\q2 kingde dugulaluali, agai te tigidali nai nigai dao.  
\q1 Agai te dagalu te name ugwa tiwai dinigina palama,  
\q2 te aga sel ugwa be sęalubo tiwai elaluai.  
\q1 Te agai gedude, te tǫde we bidi te olo nai kuli mano  
\q2 tiwai dao.   
\q1
\v 23 Agai te king dabe te olo bidi tiwai pedalumainu  
\q2 ebo dao.  
\q1 Tama agai te bomai bidi dabe aiyaba elaluama,  
\q3 te augwa nogi me elalubo menio.   
\q1
\v 24 Augwali te plaua dabe te bidigo tamadi tama bulama,  
\q2 te augwa sele aiyaba dulusiąwai tiwai elalubao.  
\q1 Te Genuai Bidigo bomai posolai wali tagala palobo sogo,  
\q2 augwali te deli sogo polo tama sasia pelama,  
\q2 te baguasa pabo waligo augwali te hogomu sela  
\q2 pabo tiwai ebo dao.   
\q1
\v 25 “Ena Genuai Bidi,  
\q2 ena te Wiegi Yai Doloba Pai Kolesaga Tigidali Ebo  
\q2 God dao,  
\q3 tama ena tiwai de dawe?  
\q1 Te eno kolesaga ebo tobage kolesaga ebo bidi tiwai me  
\q2 deli elalu, bidibawe?”   
\q1
\v 26 Dagego te dagaluba ugwa tonama,  
\q2 te ugwade elalubo hǫ dabe suiąo.  
\q1 Dego augwali nigai dawe?  
\q1 Te Genuai Bidigo naga nigali.  
\q1 Te nai dabe te Genuai Bidigo ami hani tiwai elalubao.  
\q1 Agai augwaligo namba koneani,  
\q2 te agai augwali deli deli nogi koneama,  
\q2 tama agai augwali nogi nogi yaibao.  
\q1 Agai tigidali bomo mu elalubo, tama tibaso,  
\q2 te nai dabe te augwalide me deli me hagagobeo.   
\q1
\v 27 Dage Israel, dage te Jekopgo hani dabe,  
\q2 magi baso dagego po hauwa dogia pobawe,  
\q1 “Dago Genuai Bidigo te dago sęgę subeo,” po wai.  
\q1 “Te dwai sę ebo sogogo da gegali,  
\q2 tiali goli agai da tau sabo homu ebeo,” po wabo  
\q2 dao.   
\q1
\v 28 Te dagego konebe da, agawe?  
\q1 Te dagego odobe da homu eba, agawe?  
\q1 Genuai Bidi te sesemane bidada pabo God dao,  
\q2 tama agai te e tǫ tigidali badu sese nigai bidi dao.  
\q1 Te mena bidi mego agai homu kolesaga tigidali me  
\q2 konea siligobeo.  
\q1 Agai bomo kimi te meniama, te me sia sogobeo.   
\q1
\v 29 Genuai Bidigo te bomo meni yai bidi dabe dąų  
\q2 walobaso,  
\q2 te dili bomo kimi silai digi,  
\q2 te agai augwali bomo selama, bidimainu ebo dao.   
\q1
\v 30 Te gesi ogwa bidi dabego te bomai bomo elaluali,  
\q2 te kimi meniama sia sabo dao.   
\q1
\v 31 Tiali goli, te Genuai Bidiba konealubo homu dąų  
\q2 olama,  
\q2 te agai augwali tau sabo tonalubo we bidi dabe,  
\q2 augwali te bomo sesemane elalu bidaibao.  
\q1 Tama augwali bomonama eyu,  
\q1 te ba kemodage bola pabo tiwai yaibao.  
\q1 Te augwali udalama, te augwali homu hę me egobeo,  
\q2 te augwali bilidu, te bomo kimi me isigobeo.   
\c 41  
\s1 Genuai Bidigo te Israel dabe ma saibao po wali  
\q1
\v 1 Godigo te po wali, “Dage we bidi dabe,  
\q2 te pąde elalubo tǫ kantri dabe,  
\q2 me te digibulu elalubo tǫ kantri dabe me,  
\q2 dage tigidali pedauwali pania selama, eno po odiąo.  
\q1 Dagego po bugagia sisila dodola selama asiyu,  
\q2 te duga po te po tų eboba pusagasao.  
\q1 Te da deliba sisinama, te po dagalama sueibao,  
\q2 te dego po mu po yabowe naga konebo dao.   
\q2
\v 2 Dego mu te giliga pedalubo badu king  
\q3 hodolama, \f + \fr 41:2 \ft Te po page e tiwai dao. Te ves 2 tede e tiwai po wali, “Te giliga pedalubo badu bidali king,” wali. Te king Sairus te tǫ kantri Persiade bidai dao. Te Dąį 44:28, Dąį 45:1; Dąį 46:11, te dąįde te po elalubao.\f* te aga pabo usu nama,  
\q2 tigidali habu badu te hwįbode  
\q3 aga ugwanu igulumainu yaliwe?  
\q1 Tama dego te bulu tǫ kantri aga nogoba munama,  
\q2 te agai te gasa king dabe aiyaba elalumainu ilaliwe?  
\q1 Te agai bainatgo me enesigi ene sesemonego te augwali  
\q2 mu silama,  
\q2 te augwali tǫ hogomu tiwai pedelali,  
\q2 te pobele bage waligo sela pabo tiwai yai dao.   
\q1
\v 3 Aga te deli sogo naga polo tama augwaliba pedelama,  
\q2 te augwali doliyu yali,  
\q2 tama augwaligo agaba magi sę yabo te usu meni  
\q2 yai.  
\q1 Te waligo digi aga sela pabo tiwai eyu,  
\q3 agai te tǫ me dwasianu diąbeo.   
\q1
\v 4 Dego mu te sę dabe pedalumainu ilaliwe?  
\q1 Te Genuai Bidi, eno naga dao.  
\q1 Te eno tǫ gagalama pedalumainu yali sogo,  
\q2 sesemane sogo eno tigidali nai te tǫde  
\q3 pedalumainu dodoludalio.  
\q1 Ena Genuai Bidi ena hasia polasa mu bidali.  
\q1 Te ena nosali badu sogo me bidaibao.”   
\q1
\v 5 “Te tigidali tǫ kantri we bidi dabego  
\q2 te eno yali sę dabe sulama,  
\q2 te augwali wi elama, noma sali.  
\q1 Te augwali deliba sisinagaselama,   
\q1
\v 6 te augwade digi haliga dąų walabo po dabe minama,   
\q1
\v 7 tama augwa te tibo godigo piksa nigalio.  
\q1 Te nigo piksa dulubo bidi dabego te golgo nai nigibo  
\q2 bidi dabeba te po wali,  
\q1 ‘Dagego te wiegi yai sę mu ebao.’  
\q1 Te gol haluama dodolobo bidi dabego te aingo nai  
\q2 nigibo bidi dabeba te po wali,  
\q1 ‘Iya, tegobao, dagego te nai bugagia mu dąų walobao.’  
\q1 Te nosali augwaligo te piksa dabe bugagia enani,  
\q2 tiyu te augwali tulaluidali weyu tiai dao.”   
\q1
\v 8 “Tialima, dage Israel, dage te Jekopgo hani da,  
\q2 eno dage sa muyu, dąį ilama,  
\q3 te dage eno sę bidi bidibao.  
\q1 Dage te bulai wai eno abagi Abrahamgo hani dao.\x * \xo 41:8 \xt 2 Sto 20:7; Jer 2:23\x*   
\q1
\v 9 Eno dage te digibulu bulude mu,  
\q2 te tǫ sesege badu mu selama,  
\q3 tama dage odasa asali.  
\q1 Te eno te tiwai po dagebolo wali,  
\q3 dage eno sę bidi bidibao wai.  
\q1 Eno dage dąį iliyu, dage te ena dao wali,  
\q2 te eno dage hagela eyu,  
\q2 te dage tudiba me mubeo. Menio.   
\q1
\v 10 Dage wi igio, magi baso meni, ena duga God da,  
\q3 ena dage dali bidibao.  
\q1 Te eno dage boma pai pedalumainu ilama,  
\q2 te dage eno tau saibao.  
\q1 Te dage eno bugagia tonalu,  
\q2 te eno genuai bomogo te eno dagego  
\q3 boi bidi aiyaba elalueibao wali.   
\q1
\v 11 Te dagede haliga sębę elama,  
\q2 te dage po tųba odasa pobaso da,  
\q1 te dage augwaligo aiyaba elalusiąbaso,  
\q2 te augwali hale dwai mu yaibao.  
\q1 Te augwali olo nai tiwai mu pedelama,  
\q2 te augwali mu hagawaibao.   
\q1
\v 12 Te dage dali hwįnama,  
\q2 te dage dolainu homu yali hani dabe,  
\q1 te augwali olo nai tiwai mu pedelama,  
\q2 te augwali tǫde mu hagawaibao.   
\q1
\v 13 Ena Genuai Bidi, te duga God dao,  
\q2 eno dage ugwaba sagualu tonalu,  
\q2 te eno te tiwai po dageba obao, dage wi me igio.  
\q1 Te eno dage tau saibao, te po wai dao.”   
\q1
\v 14 Genuai Bidigo te tama po wali,  
\q2 “Te dage Israel te dwasianu hani da,  
\q2 te dagego bomo meni da wagio,  
\q2 ena dage ma sabo bidi,  
\q2 te eno dage ugwaba sagualu tonalu, tau saibao.  
\q1 Ena dage Israelgo God dao,  
\q2 ena te Wiegi Yai Doloba Pai Kolesaga Mu Ebo God  
\q2 dao,  
\q2 eno te dage ma dobola saibao wali.   
\q1
\v 15 Te eno dage te wit agayabo te gesi ni nami tiwai  
\q2 pedalumainu ilama,  
\q2 te dageba sęgę mayu,  
\q2 te dage sunumi palialuali boi bidi dabe te dagego  
\q2 aiyaba elalueibao.  
\q1 Te augwali te bulu du tiwai bidali goli,  
\q2 dagego te bulu du dabe pepedama,  
\q1 te wit bo yalala pai nai tiwai pedalubo bomo elalubo  
\q2 tiwai yaibao.   
\q1
\v 16 Dagego te sęgę elalusiąyu,  
\q2 te bidigo te bo dabe ugwaba sąnama,  
\q2 te waligo tolasa pabo tiwai yaibao.  
\q1 Tialima, dagego wiegi yai pemene te Genuai Bidi enaba  
\q2 yaibao.  
\q1 Te dagego ena nogi ugwaba saibao, te Israel God da,  
\q2 ena te Wiegi Yai Doloba Pai Kolesaga Ebo God dao,”  
\q2 wali.   
\q1
\v 17 “Te eno we bidi dabe te ąį mu sǫą pelama,  
\q2 te augwali dogoni te ąį tuabo wa pali sogo,  
\q2 te augwaligo ena i obaso, tialima ena, Genuai Bidi,  
\q2 te eno augwaligo gedu haluasa po wabo odaibao.  
\q1 Ena, te Israelgo God, te eno dage  
\q3 homu kone me gegeda palogobeo.   
\q1
\v 18 Eno te wa pai bulu du dabede te ąį  
\q2 pedalumainu ilaibao,  
\q2 te ulu ąį te odogo malu tǫde pedelaibao.  
\q1 Tama eno te sigi ąį te wa pai pesagede  
\q3 pedalumainu ilaibao.  
\q1 Tama te ąį meni yai pesagede,  
\q2 te ąį hauwa elalueibao wali.   
\q1
\v 19 Tama eno te dwagi yai ni sida dabe,  
\q2 me ni wuli dabe, me te bulu ni oliv dabe,  
\q2 me te ni saipres dabe, te gasa tobage ni dabe,  
\q2 te olo masigi kemi tǫde pedalumainu yaibao.   
\q1
\v 20 Tama te we bidi dabego sulama,  
\q2 tama augwa te tiwai koneaibao,  
\q1 ena God, te Israelgo Genuai Bidi,  
\q1 ena te Wiegi Yai Doloba Pai Kolesaga Ebo God dao,  
\q1 ena digi eno te sę pedalumainu ebo dao,” te po wali.   
\s1 Te tibo god dabe te augwali mu god menio  
\q1
\v 21 Genuai Bidi, te Israelgo king dao,  
\q2 agai te tama po wai,  
\q2 “Dage te gasa bulu tǫ kantri god dabe,  
\q2 dage te po tų eboba asiąo,  
\q2 te po tų ebode dagego po odomainu yaibao.  
\q1 Te dagego pusabo po bugagia dodolao,  
\q3 tama te po tų eboba asao.   
\q1
\v 22 Te po tųde dagego te polobadu pedelali sę po weyu,  
\q1 te yali sę dabego po page dabolo pusao,  
\q2 te dago hania koneaibao.  
\q1 Tama dagego te nosali badu pedelabo nai po me wao.   
\q1
\v 23 Tama te nai dabe pedalubo sogo, te dago koneyu,  
\q2 te dage god mu da te homu yaibao.  
\q1 Dagego te da wi yabo sę me deli iyąo  
\q2 te wiegi yai nai, ma dwai nai, te sę yao.  
\q1 Tama tialima, te dago dagego bomo sueibao.   
\q1
\v 24 Tiali goli, menio. Iya, tegoba!  
\q1 Dagego magi sę me deli yabo usu isąwai,  
\q2 magi baso meni, dage tibo god dabe  
\q2 te olo dwai nai naga dao.  
\q1 Tama te dagebolo lotu po wabo we bidi,  
\q2 augwali me eno gedude te dwai nai mu pedela silai  
\q2 dao.”   
\q1
\v 25 “Eno te giliga pedalubo badu bidi me deli hodolali.  
\q1 Te bidigo enaba genuai nogi mobao,  
\q2 tama megi eno te not badu sela aselama,  
\q2 tama agai te king dabe aiyaba elaluama, agayu,  
\q2 te tǫgo sospen sene nigibo bidigo te tǫ agalama,  
\q3 te sospen nigibo tiwai ebao.   
\q1
\v 26 Dage te gasa bulu tǫ kantri god dabe,  
\q2 te dage tomode dego te nai pedelaibao po waliwe?  
\q1 Te dage tomode me deligo te tobage po wali wida,  
\q2 teda dago te po weyu,  
\q3 agai mu po wali da po waibao.  
\q1 Tiali goli, dage me deligo te nai pedelaibao po me  
\q2 wabeo.  
\q1 Tama dage me deligo te po wabo bidigo me odobeo.   
\q1
\v 27 Ena, Genuai Bidigo naga eno te bulu du Saionba  
\q1 weyu,  
\q3 te nai pedelaibao wai.  
\q1 Tama megi da, suiąo, te nai dabe pedelalio.  
\q1 Te megi me, eno te bidi me deli tagala palama,  
\q2 te Jerusalemba wiegi yai po sela pomainu yai dao.”   
\q1
\v 28 “Eno te tibo god dabe gegali sogo, te eno suali,  
\q2 augwaligo te po deli me wasiąwai.  
\q1 Augwaligo homude te wiegi yai homu kolesaga elalubo  
\q2 po pusabo homu meni yai.  
\q1 Te me deligo eno hanalubo po wei me ponabo usugobeo.   
\q1
\v 29 Suao. Augwaligo te mena sę me deli ebaso usugobeo,  
\q1 magi baso meni, augwa digi te olo nai naga dao.  
\q1 Te tibo god dabe te olo piksa dabe naga elalubao.  
\q1 Augwaligo te magi sę me deli yabo bomo me elalubeo,”  
\q2 te po wai dao.   
\c 42  
\s1 Genuai Bidigo sę bidi e dao  
\q1
\v 1 Genuai Bidigo e tiwai po wai, “Suao, eno sę  
\q2 bidi e dao.  
\q1 Sesemane sogo eno aga dąų walobao.  
\q1 Ena eno aga sa munama, dąį ilali,  
\q2 tama sesemane sogo eno agade wiegi yai homu  
\q2 pemene geninama, idubao. \x * \xo 42:1 \xt Mat 3:17; 17:5; Mak 1:11; Luk 3:22; 9:35\x*  
\q1 Eno ena mobo noma bidi agaba muani,  
\q2 tama agai te doloba pai kolesaga naga igidali te tǫde  
\q2 we bidi haniba selasa asaibao wali.   
\q1
\v 2 Te agai po wabo sogo, te genuai po dagą i hai olama,  
\q2 po me wagobeo.  
\q1 Tama aga te sunumi dabede doligi pelama,  
\q2 te agai po bomonama me pusugobe.   
\q1
\v 3 Tama te agai te bomo meni yai,  
\q2 te togwa painu ebo awi dili,  
\q2 te agai tigidali me togwa sągobeo.  
\q1 Tama agai te ula bugagia isiąbo lam sula somainu me  
\q2 iligobeo. Menio.  
\q1 Agai te bomo meni yai we bidi tau sabo kolesaga yaibao.  
\q1 Agai te doloba pai kolesaga pedalumainu bomo ilaibao,  
\q2 agai te sę ebo me tagalogobeo.   
\q1
\v 4 Te aga haliga sęgę me isiąyu,  
\q2 te sęgęgo aga aiyaba elalumainu me iligobeo.  
\q1 Agai sę bomo elama eyu, agai doloba pai kolesaga ebogo  
\q2 te dwai kolesaga ebo kolesaga aiyaba elaluaibao,  
\q2 te tigidali tǫ habu usu nama bomo elalumainu  
\q2 ilaibao.  
\q1 Te digibulu bulu we bidi dabe te aga tonaluaibao,  
\q2 te agai augwali bugagia dugulalu bidabo kolesaga  
\q2 ola momainu yaibao.” \x * \xo 42:4 \xt Mat 12:18-21\x*   
\q1
\v 5 God Genuai Bidigo te dagalu me tǫ nigilama,  
\q2 te augwa pesageba munama, elalubao.  
\q1 Tama agai te tǫde haniani nai ni me nosai pedalumainu  
\q2 ilali.  
\q1 Tama agai te bidibo ula te tǫde we bidi dabeba mobo  
\q2 ponama, mawai.  
\q1 Te Godigo aga sę bidiba te tiwai po wali, \x * \xo 42:5 \xt Tpi 17:24-25\x*   
\q1
\v 6 “Ena Genuai Bidigo digi,  
\q2 eno nage i olama, te eno doloba pai kolesaga  
\q3 ola momainu yai.  
\q1 Te nage eno ugwaba pogalu bugagia tonalueibao.  
\q1 Te nagede naga, te eno te Israel hani we bidi dali  
\q2 bomai po dąų walaibao.  
\q1 Tama nage eno te Israel hani isąwai hani dabego ula  
\q1 tiwai ilama, bidaibao. \x * \xo 42:6 \xt Ais 49:6; Luk 2:32; Tpi 13:47; 26:23\x*   
\q1
\v 7 Te nago te gedu hwidai bage dabe te ma tonomainu  
\q2 ilaibao.  
\q1 Nago te kalabuside bidibo bidi dabe,  
\q2 me te be hulide bidibo bage me,  
\q2 te magi naigo me tonalusiąma,  
\q2 te olo mu bidimainu ilaibao,” te po wali.   
\q1
\v 8 “Ena naga ena Genuai Bidi.  
\q2 Genuai Bidi, te eno nogi dao,  
\q2 tama dagego genuai nogi ena deliba naga maiąo.  
\q1 Dagego te tibo god dabego nogi ugwaba me sigio,  
\q3 te bidi dabe augwa digi nigai dao.   
\q1
\v 9 Dagego suiąo.  
\q1 Te polobadu eno po weyu,  
\q2 te pedelaibao wali nai dabe, megi augwali pedelalio.  
\q1 Te megi eno dagebolo te gasa nosali badu pedelabo nai  
\q2 po walobao,  
\q2 te augwali pedalisiąbadi,  
\q2 te dagego konealumainogo te tiwai po obao,” wali.   
\s1 Tigidali we bidigo te Genuai Bidigo nogi ugwaba sinao  
\q1
\v 10 Dage tǫde we bidi tigidali,  
\q2 dagego gesi balia po weyu,  
\q2 te Genuai Bidi nogi ugwaba sinao.  
\q1 Dage te sipidu bilibo bidi dabe,  
\q2 me te tamu ąįde bidibo hasa dabe,  
\q2 dagego agai nogi ugwaba siyąo.  
\q1 Dage te digibulu tǫ kantride bidibo we bidi dabe,  
\q3 dagego te gesi balia po waiyąo.   
\q1
\v 11 Dage te bulu taun wa pai pesagede  
\q2 bidalubo we bidi dabe,  
\q2 me dage te Kedar hani we bidi dabe,  
\q2 dagego te i bomo elama weyu,  
\q3 te aga nogi ugwaba siyąo.  
\q1 Dage te taun Sela we bidi dabe,  
\q2 dage te bulu du dabe bageba holama,  
\q2 te wiegi yai homu pemene dali i waiyąo.   
\q1
\v 12 Tama dage te pąde bidibo we bidi dabe,  
\q2 me digibulu bidibo we bidi dabe,  
\q2 dage tigidaligo te Genuai Bidi nogi ugwaba selama,  
\q3 te agaba genuai nogi maiąo.   
\q1
\v 13 Genuai Bidi te bomai ami bidi tiwai elalu,  
\q3 te megi agai hwįgi painu paibao.  
\q1 Agai te po dagą genuai olama, i weyu,  
\q2 te ami dabego ebo kolesaga tiwai te aga haliga sębę  
\q2 hodolama,  
\q2 te hwįabo sisi elalubo tiwai yaibao.  
\q1 Te agai aga boi bidi dabe dali hwįnama,  
\q2 te augwali aiyaba mu elaluaibao.   
\q1
\v 14 Genuai Bidigo te tama po wai,  
\q1 “Te bobobage sogode eno pedauwali  
\q2 pania selama, te ena dua digi bidali.  
\q1 Eno ena haliga sębę te palia selama, te eno magi deli  
\q2 me ebeo.  
\q1 Tiali goli, megi eno te gela bomonama weyu,  
\q2 te wego wai ame nainu dene ebo sogo gela wabo  
\q2 tiwai obao.  
\q1 Ena te homu hę weyu, te homu hę wabo bomo elama,  
\q2 kekebo dao.   
\q1
\v 15 Te eno bulu du dabe dolama,  
\q2 te nosai dabe me ni dabe sasia pomainu ilaibao.  
\q1 Tama eno te genuai soabo wę dabe dali,  
\q3 te sigi ąį me, sula somainu ilaibao.   
\q1
\v 16 Te eno ena we bidi dabe te polobadu  
\q2 augwali bilisąwai sunumidu odasa asaibao.  
\q1 Megi augwali gedu halua sai hulide bidibao,  
\q2 tialima te be hulia sai elalubo te eno sela sąnama,  
\q3 te augwaliba ula mawaibao.  
\q1 Tama eno te dwai pesage elaluali te dodolama,  
\q2 te dolo yai pesage ilama,  
\q2 te augwali bilabo madi tiaibao.  
\q1 Eno te sę dabe te mu pedalumainu yaibao,  
\q2 te eno te sę yaibao wali po tiwai gilama yaibao.  
\q1 Te eno magi nai me delide homu kone ebo me kegeda  
\q2 palogobeo.   
\q1
\v 17 Tialima, te tibo god piksa dabeba lotu weyu,  
\q2 te nai augwa god dao tiwai po wabo we bidi dabe,  
\q3 eno augwali sela sąwaibao.  
\q1 Tama augwali hale dwai mu yaibao,” wali.   
\s1 Te Israel dabe te olo degai, me gedu widai tiwai bidali  
\q1
\v 18 Genuai Bidigo te po wai,  
\q1 “Dage Israel te olo degelama, te gedu mu widalio.  
\q1 Dagego olo dala pelama, po odoyu,  
\q3 te gedu peda pelama, tonao.   
\q1
\v 19 Dage eno sę bidi tiwai bidimainu elama,  
\q2 tama eno dage sa muyu, dąį ilama, te dagego eno po  
\q2 sela pomainu yali.  
\q1 Tiali goli, dage te olo degelama, te gedu mu widali,  
\q2 tama te olo degeyu, gedu widiyu yai bidi dabe,  
\q3 te augwali aiyaba mu elalualio.   
\q1
\v 20 Dagego te nai hauwa sulama, te po hauwa odali,  
\q1 tiali goli, dagego te nai dabe bugagia tonosiąyu,  
\q2 te poba olo bugagia me mubeo,” wali.   
\q1
\v 21 Genuai Bidigo te doloba pai kolesaga naga eyu,  
\q2 tama agai te we bidi dabe ma dobola sabo kolesaga  
\q2 ebode dwagi yai homu ebao.  
\q1 Tama tibaso, aga bomo yai po dageba mobao,  
\q2 te gasa bage dabego sulama,  
\q2 te tiwai konemainu ebao,  
\q1 te bomo yai po te wiegi yai mu, te mu polalubo dao.   
\q1
\v 22 Tiali goli, megi dage Israel dwai mu bidibao.  
\q1 Te boi bidi dabego dage dolagaselama,  
\q2 te dagego doado bage wi sela palio.  
\q1 Te augwaligo dage me sela pelama,  
\q2 tama dage te be dabede,  
\q2 me tǫ dedage dabede kalabus elama, elaluali.  
\q1 Te dage augwaligo nogode ma dobola sabo bidi deli me  
\q3 meni yai elalubao.   
\q1
\v 23 Tialima, dage tomode dego te poba olo muaibawe?  
\q1 Megi gagalasa, te dagego eno po bugagia odaibawe?   
\q1
\v 24 Dego mu te sę yao po obaso,  
\q2 te boi bidi dabe aselama,  
\q2 te da Israel dabego nai dolama, wi sagasaliwe?  
\q1 Dego mu te da Jekopgo hani bage  
\q3 te augwaligo nogoba muaniwe?  
\q1 Te Genuai Bidigo naga dao.  
\q1 Magi baso meni, dago aga tudiba munama,  
\q3 te dwai sęgę sabo sę yai.  
\q1 Dago te agai wei homu ebo kolesagade dolo bilisąma,  
\q2 tama dago agai bomo yai po sela sąwai.   
\q1
\v 25 Tama tibaso, agai te boi bidi dabego  
\q2 daba hwįagasomainu tagalama,  
\q2 te dago agai haliga sębę ebo page konemainu yali.  
\q1 Agai haliga sębę te sia dabo tiwai elama,  
\q2 te Israel mu ulali.  
\q1 Tiali goli, dago tede kolesaga selama,  
\q2 te dago kolesaga me hasegelebeo.   
\c 43  
\s1 Godigo te aga we bidi dabe ma dobola sabo dao po wali  
\q1
\v 1 Dage Israel dabe, dage Jekopgo hani,  
\q1 Genuai Bidigo dage deli hani pedalumainu ilali,  
\q2 agai te tiwai po wai,  
\q1 “Dage wi igio, magi baso meni, eno dage ma sali dao.  
\q1 Eno dageba nogi menama,  
\q2 tama dage te ena da olama, sa muyu dąį ilai dao.   
\q1
\v 2 Dagego te ąį gebo aiyanu dulai te nogebo sogo,  
\q2 te ena dage dali bidaibao,  
\q3 tama te ąįgo dage me dologobeo.  
\q1 Awe, dage te soabo ąį nogebo si,  
\q3 te ąįgo dage mesegelegobeo.  
\q1 Tama dage te posolo yai sia tomoba mu pabo sogo,  
\q3 te siago dage me dogobeo.  
\q1 Te sia bogoligo dage dogobeo.   
\q1
\v 3 Magi baso meni, ena Genuai Bidi,  
\q2 ena te Israel dabe duga God, te eno dage tau saibao.  
\q1 Ena te Wiegi Yai Doloba Pai Kolesaga Ebo God dao,  
\q2 eno naga eno dage ma dobola sobao.  
\q1 Dage te boi bidi dabego nogode bidibo sogo,  
\q2 eno te Isip dabe, me Sudan dabe,  
\q2 me Seba dabe menama,  
\q2 dobu si eyu, dage Israel bage ma saibao.   
\q1
\v 4 Tama eno te gasa hani we bidi dabe me siyu,  
\q2 te dage ma dobu si yaibao,  
\q3 te dage bugagia bidimainu yaibao.  
\q1 Magi baso meni, dage eno godolo homu ebo  
\q2 umabo mu idu,  
\q2 te eno dageba genuai nogi mawainu ebao.   
\q1
\v 5 Ena dage dali bidibao, dage wi me igio.  
\q1 Dage hani dabe te giliga pedalubo badu,  
\q2 me giliga dega sabo badu bidibo,  
\q2 te augwali eno ma odasa asaibao.   
\q1
\v 6 Eno te bidi dabe te not badu,  
\q2 me saut badu bidibo bidi dabebolo olama,  
\q2 te dage ma asomainu ilao waibao.  
\q1 Te eno we bidi dabe te digibulu mu,  
\q2 te tǫ sesege badu bidali me,  
\q3 te augwali eno ma odasa asaibao.   
\q1
\v 7 Dage te eno nogi elalubo hani mu da,  
\q2 te ena digi eno dage nigali,  
\q2 te gasa hani dabego dage sulama,  
\q2 te enaba genuai nogi momainu ebo dao,” wali.   
\s1 Te Israel dabe te Genuai Bidigo ebo sę sulama, koneani bage tiwai dao  
\q1
\v 8 Godigo te po wai,  
\q2 “Te eno we bidi dabe i olama, sisinagasomainao.  
\q1 Te mu tama, augwaligo te nai subo gedu elalu,  
\q3 te po odobo olo elalubao.  
\q1 Tiali goli augwali gedu widai me olo degai tiwai bidibao.   
\q1
\v 9 Te gasa bulu tǫ kantri we bidi dabe  
\q2 te po tų yabo pesageba sisingasalio.  
\q1 Te augwaligo mena godigo te mena sę nosali pedelaibao  
\q2 wabo po hania pusaliwe?  
\q1 Te augwaligo mena godigo polobadu po weyu,  
\q2 te pedelaibao wali nai megi pedalubowe?  
\q1 Te augwaligo ebo sę suali mena bidi hani dolugulama,  
\q2 te tiwai po weyu, agai te god me deligo te nai me  
\q2 pedelaibao po wali,  
\q2 tama nosali agai suali, te wali sę mu pedalubo  
\q2 dawe?”   
\q1
\v 10 “Tialima, dage Israel, dage te eno po odolama,  
\q2 pusubo bage dao.  
\q1 Eno dage sa muyu, dąį ilama,  
\q2 te ena sę bidi bidimainu yalio.  
\q1 Tama tiyu da, te dagego ena koneama,  
\q2 enaba homu dąų weyu, tama te tiwai dagego  
\q2 bugagia koneyu,  
\q2 te ena deli naga te God mu da omainu ebao.  
\q1 Polobadu te god me deli me pedalisiąma,  
\q2 te aga polasa bidiyu,  
\q3 te ena nosali badu me elalubeo.  
\q1 Tama nosali me, te god me deligo ena bidali pesage  
\q2 me hasegelegobeo.   
\q1
\v 11 Ena naga ena Genuai Bidi dao,  
\q2 tama sesemane sogo eno dage ma sabo dao.  
\q1 Te gasa god dage dali me bidiyu,  
\q3 te dage tau me sabeo. Menio.   
\q1
\v 12 Eno naga enade po hanilama weyu,  
\q2 eno dage ma dobola saibao,  
\q2 te eno dage ma saibao po wali gilama yaibao.  
\q1 Te dage eno po odolama, pusubo bage  
\q2 elalubao, tama dagego e po pusaibao,  
\q2 te ena deli naga ena God, Genuai Bidi dao.   
\q1
\v 13 Megi me, tigidali sogo, ena te God mu bidibao.  
\q1 Te eno we bidi me deli te bonogo kębo tiwai eyu da,  
\q2 te niwai bidi me deligo te eno bomo sela sąnama,  
\q2 te augwali eno nogode ma dobola sogobeo.  
\q1 Te sę me deli eno ebaso da,  
\q2 te mena bidi me deligo eno te sę ebo  
\q3 me paligobe,” te po wai.   
\s1 Godigo te Israel dabe Babilonde kalabus bidibo ma saibao  
\q1
\v 14 Genuai Bidi, aga te dage Israel Dabego te Wiegi Yai  
\q2 Doloba Pai Kolesaga Naga Mu Ebo God,  
\q2 te aga dage ugwaba sagoalu,  
\q2 te dage ma dobola sabo bidi, agai te po wali,  
\q1 “Te eno we bidi dabe dage tobade eno te ami bidi dabe  
\q2 te Babilonba hwįagasomainu tagala palaibao.  
\q1 Te Babilon dabe tigidali augwa te wiegi yai homu  
\q2 pemene ebo te sip dabe daiba holama,  
\q2 te augwa bidali bulu pesage tagalama, wi paibao.   
\q1
\v 15 Ena naga ena Genuai Bidi,  
\q2 ena dagego te Wiegi Yai Doloba Pai Kolesaga Naga  
\q2 Ebo God dao.  
\q1 Eno dage Israel dabe te deli hani we bidi pedalumainu  
\q2 ilama, te megi ena duga king bidibo dao.”   
\b  
\p
\v 16 “Polobadu ena Genuai Bidi, eno te tamu ąį tomode sunumi nigai dao. Awe, eno te bomai ąįdu soabo tų nigai dao.  
\v 17 Tama eno te boi bidi hauwa dali, te augwa karis me hos dabe dali, augwa te tamu ąį sunumi tomodu wali asobadi, te augwali mu dolama, te munu ma hogodalubeo. Augwali te polo tama mu isila pali, te lam sole bidigo pona palobode isibo tiwai yalio.  
\v 18 Tialima, megi eno te po obao, dagego eno te polobadu yali sęde naga homu kone paligio. Menio.  
\v 19 Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.  
\v 20 Te bulu uni hasa dabe te uni yowi dabe tiwai, te ba uni dabe me, te augwaligo ena genuai nogi mawaibao, eno te ąį te wa pai bulu pesageba asomainu ilama, pedalubo side, te ena digi eno sa muyu dąį ilali we bidi, augwa te ąį tumainu tiaibao.  
\v 21 Eno te we bidi dabe te ena hani we bidi digi pedalumainu ilali, te augwa wiegi yai pemene eyu, te eno genuai nogi po pusumainu te tama tiaibao wali.” Genuai Bidigo te po wali.   
\s1 Te Israel dabego dwai kolesagago te Godiba sęgę mawai  
\q1
\v 22 Genuai Bidigo te po wai, “Dage Israel dabe,  
\q2 dage te Jekopgo hani,  
\q2 eno dage te eno hani we bidi digi pedalumainu ilali  
\q2 goli,  
\q2 dagego eno nogi wasiąyu, enaba lotu wabeo.  
\q1 Tama magi naigo tibaso, te dagego enaba hagela eyu,  
\q1 te dagego ena godolo mu isiąyu ebawe?   
\q1
\v 23-24 Te dagego haliga homu kolesaga enaba beaga  
\q2 sisąma,  
\q2 te dagego haniani ofa ebo sogo tama tibao.  
\q1 Te dagego te sipsip dabe te tigidali siaba mu uluyu,  
\q2 ofa tiwai ebo sogo,  
\q1 tama dagego te tobage awi te denami ebo nai abelama,  
\q2 te agaba ofa ebo sogo,  
\q2 te dagego te kibu hasa ili hauwa pesage holama,  
\q2 te ofa tiwai eyu ebo sogo,  
\q1 te dagego enaba homu kone palama, te ofa dabe ebeo.  
\q1 Eno dageba te sęgę mayu, te dageba po bomo eyu,  
\q3 dagego te wit ofa me,  
\q2 te wiegi yai denami ebo hano  
\q3 ebo ofa me, sesao po wabe, tama te sę dene ebaso,  
\q2 te dagego enade hagela homu ebeo. Mu menio.  
\q1 Tiali goli, dagego genuai sęgę enabolo menama,  
\q2 tama ena dagego te dwai sę ebode,  
\q2 me haniani dwai kolesaga ebode hagela mu ebo dao.   
\q1
\v 25 Tialima, ena Genuai Bidi, ena genuai nogiba digi  
\q2 homu kone palama,  
\q2 te eno dagego dwai sę ebo sęgę tigidali sela sąbo  
\q2 dao.  
\q1 Tama eno te dwai sę dabeba homu kone me palogobeo,”  
\q2 te po wali.   
\q1
\v 26 “Tialima, dagego homu kone palao,  
\q2 te dagego dwai sę me ebe homu eba wida,  
\q2 teda dagego eno homu dodolama,  
\q2 te da tede po minao.   
\q1
\v 27 Tiali goli, menio.  
\q1 Te dagego hasia wąį nǫųgo te dwai sę yali, \f + \fr 43:27 \ft Dago homu te “hasia wąį nǫų” bidi da, te Jekop dao.\f*  
\q2 te dagego tobolu bidi dabego me eno  
\q3 po sela sąwai dao.   
\q1
\v 28 Tama tibaso, eno te het pris dabe eno gedude meda  
\q2 yai pedalumainu ilali.  
\q1 Te eno dage Israel dąį ilali, te Jekopgo hani dabe,  
\q3 te tigidali mu dolomainu yaibao.  
\q1 Tama eno te gasa hani we bidigo te posobo po weyu,  
\q2 te dageba gisugu momainu yaibao,” wali.   
\c 44  
\s1 Genuai Bidigo aga we bidi dabe tonalubao  
\q1
\v 1 Genuai Bidigo te po wali, “Awe, eno dage  
\q2 dolomainu yaibao.  
\q1 Tiali goli, dage Israel dabe,  
\q2 dage Jekopgo hani, dagego odiąo.  
\q1 Ena digi eno dage dąį ilama,  
\q3 te dage eno sę bidi bidibao.   
\q1
\v 2 Eno dage te deli hani we bidi pedalumainu ilali.  
\q1 Eno dage sisi ilama, dage dąį iliyu,  
\q2 te dage tǫde pedalisiąbadi,  
\q2 te sogo te dage ena hani da olama,  
\q2 dąį ilibo tiwai yali.  
\q1 Te eno dage negeyu, tonalua asali,  
\q3 te megi e sogoba usu nagasobao.  
\q1 Ena digi eno dage dąį ilama,  
\q2 tama dage eno doloba pai sę bidi bidibao.  
\q1 Tama tialima, ena Genuai Bidi, eno te po obao,  
\q3 dage wi me elamu dao.   
\q1
\v 3 Te ąį sǫą pabo tǫba eno te ąį gelaibao,  
\q2 tama te wa pai tǫde te ąį somainu ilaibao.  
\q1 Te eno mobo bidi te dagego wai dabeba gelaibao.  
\q1 Te eno dagego waigo ame nabo wai dabeba  
\q2 wiegi yai bugagia ilaibao.   
\q1
\v 4 Tama augwali te wę ili hauwa elalubo nosai  
\q2 bugagia holobo tiwai yaibao,  
\q2 te ąį sesegede ni dabe holobo tiwai puapi holaibao.   
\q1
\v 5 Te meba gasa Israel hani isąwai we bidigo  
\q2 konealubo homu enaba dąų waibao.  
\q1 Augwali mebago te tiwai po waibao,  
\q1 ‘Ena Genuai Bidigo bidi dao,’ waibao.  
\q1 Te mebago te po weyu,  
\q2 ‘Ena te Jekopgo hani da,’ waibao.  
\q1 Te me badugo eno nogi te augwa nogode asęaibao.  
\q1 Te me badugo te po weyu, ‘Ena te Israel hani da,’  
\q2 po waibao,” wali.   
\s1 Te tibo god nigibo bidi dabe, augwali te kolesaga umuna sai bidi mu dao  
\q1
\v 6 Tigidali Bomo Elalubo Genuai Bidi,  
\q2 aga te Israel king da,  
\q2 te dage tudibadu pogalu, te dage  
\q2 tau sabo bidi, agai te po wai,  
\q1 “Ena Genuai Bidi, ena hasia polasa mu bidali,  
\q2 tama ena nosali te sabi badu mu bidaibao.  
\q1 Te gasa god munu me bidibeo,  
\q3 enaduba deli naga bidibo dao.\x * \xo 44:6 \xt Ais 48:12; Ped 1:17; 22:13\x*   
\q1
\v 7 Te ena tiwai god me deli bidibawe?  
\q1 Te aga bidiba wida, teda aga digi te daba pedalubo  
\q2 sueibao.  
\q1 Tama agai me dabolo te aga polobadu polobadu mu  
\q2 yali sę po omainu yaibao, te eno gagalama,  
\q2 te we bidi pedelali po tiwai wabo odaibao.  
\q1 Tama agai te nosali pedelabo sę po me omainao.  
\q1 Awe, te aga hanilama pusao,  
\q2 te da tigidaligo te nosali yabo sę po  
\q3 hania pusubo odaibao.   
\q1
\v 8 Eno we bidi dabe, dage wi elama, dili tidibi igio.  
\q1 Polobadu digi eno dageba weyu,  
\q3 te sę pedelaibao po wali.  
\q1 Tama dage te eno ebo sę po te mu po da wabo bage  
\q2 dao.  
\q1 Te ena tiwai gasa god me bidiba homu eba, agawe?  
\q1 Eno te me deli munu me konebeo.  
\q1 Ena deli naga te dagego toma nabo bomai pesage tiwai  
\q2 elalubo dao.”   
\q1
\v 9 “Te tibo god piksa noma nigibo bidi dabe,  
\q3 augwa digi te dwai mu ilibao.  
\q1 Te sawi wiegi yai piksa augwa wiegi yai pemene ebo,  
\q3 augwali te olo nai tiwai ebao.  
\q1 Te tibo godiba lotu wabo bidi dabe, tiwai bidibao.  
\q1 Tiali goli, te augwali hale mu yaibao, magi baso meni,  
\q2 augwaligo te tibo godigo magi sę me deli ebo  
\q2 me sugobeo.  
\q1 Augwali te homu kolesaga mu umuna sai bidi tiwai dao.   
\q1
\v 10 Augwaligo mena tobage homu kolesaga elalubo,  
\q1 augwaligo te tiwai tibo godigo piksa nigibawe?  
\q1 Te tibo god dabego augwali dwasianu munu me  
\q2 tau sogobeo. Mu menio.   
\q1
\v 11 Te tibo godiba lotu wabo bidi dabe te hale dwai  
\q2 mu yaibao,  
\q1 magi baso meni, te bidi dabe augwa digi te tibo god  
\q2 nigibao.  
\q1 Eno homugo te augwa tigidali sisinagaselama,  
\q2 te augwa dolugulama,  
\q2 te augwa tibo godigo mena sę ebo po te pusumainu  
\q2 yaibao.  
\q1 Mu tama, te eno augwali wi mu ilibaso,  
\q2 te augwali hale dwai mu yaibao.” Te po wai.   
\q1
\v 12 “Te aingo nai nigibo koneai bidi dabego te ain  
\q2 selama,  
\q2 siaba munama, nagamea pabo si,  
\q2 tama augwa te tibo god piksa nigibo dao.  
\q1 Augwa te hama nogogo tulama, te ainba elibaso,  
\q2 te augwa bomogo digi te piksa nigilama pedelali.  
\q1 Te augwa sę ebo sogo, te augwa nai me wę tusiąwani  
\q2 da,  
\q2 te augwa bomo tigidali sia sabo dao.”   
\q1
\v 13 “Te nigo piksa noma nigibo koneai bidi dabego,  
\q2 augwa te wiegi yai ni dage selama, usu selama,  
\q2 te bugagia mu dodolama, te piksa nigainu ebo dao.  
\q1 Tialima, te pensilgo te piksa noma asęnama,  
\q2 te piksa togwabo bugagia usu nama usu sali.  
\q1 Nosali augwa te ni togobo nai sisel selama,  
\q2 te asęani dąįdu wali pelama,  
\q2 te piksa togoyu, sawi mu elama,  
\q2 te sawi gesi ogwa bidi me deli tonobo tiwai ebo dao.  
\q1 Tialima, augwa te nigo dulama nigali tibo god,  
\q2 te augwa lotu be tomoba muyu ebo dao.   
\q1
\v 14 Augwa te sę yainogo te dwagi yai ni sida togwali.  
\q1 Tama augwa te busi tomoba pelama,  
\q2 te wiegi yai ni kali dabe gegegi pelama, habu  
\q2 selama,  
\q2 dąį ilali, augwa te ni genuai igulubo sogo togwainu  
\q2 tiali.  
\q1 Te augwa te ni wuli wai me bulali,  
\q2 te tulubagego te ni genuai ilibo tonaluali,  
\q2 augwa te ni selama, te sę yainu tiai dao.   
\q1
\v 15 Augwa te ni dabe togolama,  
\q2 te me badu togwa sabo ni dage te tigi posolo ilabo  
\q2 nogabo sia sali,  
\q1 tama te togwa sabo delage me badu te bret ulabo sia  
\q2 sali.  
\q1 Tiali goli, te ni dage me deli augwa selama,  
\q2 te augwa tibo god piksa nigilama,  
\q3 augwa lotu po teba wai dao.   
\q1
\v 16 Augwa te tama kolesaga te ni dabede yalio.  
\q1 Augwa te sia nogolama,  
\q2 te nai me hasa ula tuainu yali,  
\q2 te augwa nai tulama, haliga pągąnani.  
\q1 Tama me, te augwa tigi posolo iliyu,  
\q2 te po wali, ‘Sia wiegi yai mu dao,  
\q2 te eno tigi bugagia mu posolo ilibo dao,’ wali.   
\q1
\v 17 Tama te ni dabego naga te augwa tibo god nigiyu  
\q2 yali.  
\q1 Te augwa kidu sugunama, te augwaliba lotu wabo dao.  
\q1 Te augwa te tiwai gedu haluasa po weyu,  
\q1 ‘Nago ena tau sao, magi baso meni,  
\q2 nage eno god dao,’ te po wabo dao.”   
\q1
\v 18 “Mu tamao, te tobage we bidi dabe  
\q2 te homu kolesaga mu umuna selama,  
\q2 te augwa homu kolesaga mu meni yai.  
\q1 Te magi nai me deligo augwa gedu paliama,  
\q2 te augwa tonono bilibo usu isąbo tiwai ebo dao.  
\q1 Te magi nai me deligo augwa homu kone tuą palobaso,  
\q2 tama augwa te homu kone tuą pabo kolesaga ebo  
\q2 dao.   
\q1
\v 19 Te homu kolesaga elalubo bidigo da,  
\q2 te kolesaga dagalama, te po weyu,  
\q1 ‘Eno te ni delagego te sia me badu nogoyu,  
\q2 te eno bret me kibu mi ulama tubao homu igi dao.  
\q1 Magi elama eno te ni dagego me deli selama,  
\q2 te piksa dwai nai me deli nigilama,  
\q2 kidu sugunama, teba lotu oba, agawe?’ te po wagi  
\q2 dao.  
\q1 Tiali goli, te homu kolesaga kone tuą pai  
\q2 we bidigo homu kolesaga menisąyu,  
\q2 tama te tobage po augwaligo me wagobeo.   
\q1
\v 20 Augwa homu kolesaga te mu kone tuą palio,  
\q2 tama augwa te geda mubo homu kolesaga mu eyu,  
\q3 te bidigo sia keli tubo tiwai yalio.  
\q1 Te we bidi dabe me deligo homu kolesaga dolo ma siyu,  
\q2 te po wabo sunumi deli me menio,  
\q1 ‘Te eno dolo nogode tolalubo nai, te ni dage naga,  
\q2 te god meni,’ te po wagobeo.’” Te po wai.   
\s1 Te agai genuai bomogo Genuai Bidigo te Israel dabe ma sali  
\q1
\v 21 Genuai Bidigo te tama po wali,  
\q1 “Dage Israel, dage te Jekopgo hani,  
\q2 dage eno sę bidi dao, dagego ena homu kone gegeda  
\q2 paligio,  
\q1 te eno dage deli hani we bidi pedalumainu ilama,  
\q2 te dage eno sę ebo we bidi bidibao.  
\q1 Tama eno dage homu kone me gegeda palogobeo.   
\q1
\v 22 Eno dagego dwai sę yali sęgę sela sąwanio,  
\q2 tama augwali te pǫ waligo selasa pabo tiwai yalio.  
\q1 Te dagego yali dwai sę te kigamu pǫ te giliga  
\q2 pedalubode sia sabo tiwai yalio.  
\q1 Eno dage ma salio, tama tialima,  
\q3 dage enaba ma asiąo,” wali.   
\q1
\v 23 Dagalu, nage wiegi yai pemene elama, i wao,  
\q1 tama te tǫ dologode aiyadu elalubo nai dabe,  
\q2 dagego i waiąo.  
\q1 Dage bulu du dabe me, dage te genuai ni silide elalubo  
\q2 tigidali ni dabe,  
\q2 dagego wiegi yai pemene elama, i wao.  
\q1 Tigidali nai i wao, magi baso meni,  
\q1 Genuai Bidigo bomo me genuai nogi  
\q2 te dage Israel dabe ma sali sogo ola mawai dao.   
\q1
\v 24 “Ena Genuai Bidi, ena dage tudibadu pogwalu,  
\q2 te dage ma dobola sabo bidi,  
\q2 eno naga eno sisilama, dage dąį ilali,  
\q2 te ena hani da olama,  
\q2 te dage e tǫba pedalisiąbadi tama tiali.  
\q1 Eno te tiwai po dageba wainu ebao.  
\q1 Enaduba deligo naga eno te tigidali nai  
\q3 pedela silimainu ilali.  
\q1 Eno naga eno te dagalu me tǫ nigilama,  
\q2 te augwali bidabo pesageba munama,  
\q3 te megi elalubo dao.   
\q1
\v 25 Eno te magi nai me deli te nosali pedelaibao po  
\q2 wabo bidi dabego po te homu kone tuą palama,  
\q2 tama te augwaligo po geda mueibao.  
\q1 Tama te mena sę aga nade konea pai bidigo po homu  
\q2 kone tuą palaibao.  
\q1 Te po page konea pai bidigo homu kolesaga te eno  
\q2 umuna palobo bidi tiwai pedalumainu ilibo dao.\x * \xo 44:25 \xt 1 Ko 1:20\x*   
\q1
\v 26 Te eno sę bidigo magi sę yabo po me deli pusubo  
\q2 sogo,  
\q2 tama te sę nosali badu pedelaibao,  
\q3 te po eno wabo sogo da,  
\q2 teda eno te po mu naga pedalumainu ebo dao.  
\q1 Te megi eno te tiwai po obao.  
\q1 Te we bidi dabe te Jerusalemde ma bidigi pelama,  
\q2 bidaibao.  
\q1 Me te Juda dabego taun augwa ma nigaibao.  
\q1 Te megi dolama elalubo hanu dabe  
\q3 te eno ma wiegi yai nigilaibao.   
\q1
\v 27 Eno te po wabo sogo, ‘Tamu ąį,  
\q2 nage sula sao,’ obaso da, teda aga te sula sabo dao.   
\q1
\v 28 Tama eno te tiwai po wali,  
\q2 ena digi eno te Sairus te Persia bagego king tiwai  
\q2 nigilali,  
\q2 te eno homugo emainu ebo sę tigidali agai emainu  
\q2 homu yali.  
\q1 Agai te po obaso, augwaligo te Jerusalem ma nigaibao,  
\q2 me augwaligo eno be sę yabo sę gagalaibao,” te po  
\q2 wali. \x * \xo 44:28 \xt 2 Sto 36:23; Esr 1:2\x*   
\c 45  
\s1 Genuai Bidigo Sairus king pedalumainu nigilali  
\q1
\v 1 Genuai Bidigo te tiwai po wali, “Eno te  
\q2 Sairus sa munama,  
\q2 te Persia bulu tǫ kantri king pedalumainu yali,  
\q2 te agabolo eno te gasa bulu tǫ kantri dabe aiyaba  
\q2 elaluama,  
\q2 te gasa kingo bomo dabe silimainu yabo bomo  
\q2 mawai.  
\q1 Ena digi eno te taun obo sunumi dala palama,  
\q2 te Sairus tomoba pelama, te taun somainu elali.  
\q1 Te Sairusbolo eno te tiwai po wai dao,   
\q1
\v 2 ‘Te nage pabodu ena polasa peyu,  
\q2 te bulu du pesage dabe me alula tagalama,  
\q3 te doloba pai pesage nigilaibao.  
\q1 Eno augwaligo te brasgo nigai genuai hanu sunumi  
\q2 aluama,  
\q1 te boma pai ba aingo te dąų walali sunumi  
\q2 te me aluama, dala sąwaibao.   
\q1
\v 3 Eno te mone nageba mayu,  
\q2 te hani dabego te bidigo susąyabo pesagede dualali  
\q2 wiegi yai dila pai nai dabe te nageba mawaibao.  
\q1 Tama tialima, te nago koneaibao,  
\q3 ena naga Genuai Bidi da waibao.  
\q1 Te nago koneyu, te Israelgo Godigo naga  
\q2 te nago nogi olama,  
\q2 te nage i wabo da homu koneaibao.   
\q1
\v 4 Te eno sę bidi Israel hani tau sagasao po olama,  
\q2 eno nage i wali,  
\q2 te Jekopgo hani we bidi te ena digi sa muani.  
\q1 Mu tama, nago ena konesiąwai,  
\q2 tiali goli eno nage nogi olama,  
\q2 te genuai nogi nageba mawai dao.’”   
\q1
\v 5 “‘Enaduba deli naga ena Genuai Bidi da,  
\q3 te gasa god me bidibeo.  
\q1 Sairus, nago ena konesiąwai,  
\q2 tiali goli te eno naga te bomo nageba mabo dao.   
\q1
\v 6 Eno tama tibaso,  
\q2 te tigidali tǫ habu pedai we bidigo  
\q2 te tiwai konemainu yali,  
\q1 ena deli naga ena Genuai Bidi,  
\q2 te gasa god munu me bidibeo.   
\q1
\v 7 Eno naga eno te po obaso, te be posoyu,  
\q2 be huliyu ebao.  
\q1 Te eno naga te we bidi bugagia bidimainu ebao,  
\q2 te eno augwali te genuai sęgę somainu yaibao.  
\q1 Genuai Bidi eno naga,  
\q2 eno te sę tigidali pedalumainu ebo dao.’”   
\q1
\v 8 “Dagalu, nage te dage pǫ dabe me,  
\q2 dagego te wiegi yai sogo augwaliba ilibaso,  
\q2 te tulubage tǫba tulumainao.  
\q1 Te augwa bugagia bidimainu,  
\q2 te wiegi yai doloba pai kolesaga bomo elama,  
\q2 pedalumainu ebao, te tǫgo tulubage selama,  
\q2 te gide nai dabe bugagia holobo tiwai emainao.  
\q1 Ena Genuai Bidigo digi,  
\q2 eno te sę dabe pedalumainu tebo dao,” te po wali.   
\s1 Genuai Bidigo naga te tigidali nai tonalubao  
\q1
\v 9 Mena bidigo te Godigo aga nigalide  
\q2 wado po wabo bidi da,  
\q1 te bidigo kolesaga te umuna sai mu yali,  
\q2 magi baso meni, da bidi te olo nai gagawai dao.  
\q1 Da te tǫgo nigibo sene pepeda pelama,  
\q2 e tǫde tedali munalua pabo tiwai elalubao.  
\q1 Te tǫgo nigibo senego te nigibo bidiba  
\q2 te tiwai po hanalu,  
\q1 “Nago magi nai nigibawe?” po wagawe? Menio.  
\q1 Te tǫgo te po wabo homu yaibao,  
\q2 “Nago te nai nigibo konesiąwai dao,”  
\q2 te tobage po wabo usugowe? Mu menio. \x * \xo 45:9 \xt Rom 9:20\x*   
\q1
\v 10 Mena bidigo te aga aya idabolo te tiwai po hanalu,  
\q1 “Te magi nai dage sigo ame nani dawe?”  
\q2 te po wabo bidigo kolesaga te umuna sai mu dao.   
\q1
\v 11 Genuai Bidi, Israelgo Wiegi Yai Doloba Pai Kolesaga  
\q2 Mu Ebo God da,  
\q2 te God agai te Israel deli hani we bidi pedalubo sę  
\q2 ilali, agai te tama po wai,  
\q1 “Te nosali pedelabo nai po wabode  
\q2 dagego te eno ena wai puluba tonalubo sę po munu  
\q2 me wagio,  
\q2 te mena kolesaga te eno ena sę eyu,  
\q3 wali pabo po me wagio.   
\q1
\v 12 Eno naga eno te tǫ nigali,  
\q2 te bidalubo we bidi dabe me nigali.  
\q1 Te ena digi eno te giliga, me polua,  
\q3 me hǫ dabe tonalubo dao.   
\q1
\v 13 Te eno digi eno te king Sairus hodolama,  
\q2 te eno ena sę wiegi yai doloba pai emainu yali.  
\q1 Te eno aga painu ebo sunumi tigidali dodolaibao.  
\q1 Te agai eno taun Jerusalem ma nigimainu yaibao.  
\q1 Te agai eno we bidi dabe kalabuside bidali  
\q2 te olo tagala palama pomainu yaibao.  
\q1 Te sę dabe ebo te bidigo aga me abeligobeo. Menio.  
\q1 Aga olo mu sę yaibao.  
\q1 Ena, te Tigidali Bomo Elalubo Genuai Bidigo,  
\q2 eno te po wai dao.”   
\q1
\v 14 Genuai Bidigo te po wai, “Te Isip tǫ kantrigo mone  
\q2 doado bage tigidali,  
\q2 me te tǫ kantri Sudango doado bage tigidali me,  
\q3 te dage Israelgo saibao.  
\q1 Te boi bidi dabego te tǫ kantri Seba  
\q2 bobobage bidi dabe te kalabus ilama,  
\q3 te augwali dageba tagala palaibao.  
\q1 Tama augwaligo nogo te sen dabego dunama,  
\q2 augwali dage wali asu, te augwali dagego olo sę ebo  
\q3 bidi dabe pedelaibao.  
\q1 Te augwaligo dageba kidu sugunama,  
\q2 tama wi eyu, te tiwai po waibao,  
\q1 ‘Mu tamao, God dage dali bidibao,’ waibao.  
\q1 ‘Aga deli naga te God mu,  
\q2 te gasa god me bidibeo,’ waibao.   
\q1
\v 15 ‘Nage te Israelgo God,  
\q2 nago te naga we bidi dabe ma sabo God dao,  
\q2 te gasa we bidi dabede nage te naga digi geme duala  
\q2 selama elalubo dao.   
\q1
\v 16 Te tibo god piksa nigibo bidi dabe,  
\q3 te augwali hale mu yaibao.  
\q1 Awe, te augwali tigidali te hale ebo kolesaga tomoba  
\q2 mu paibao.   
\q1
\v 17 Tiali goli, Genuai Bidigo dage Israel ma selama,  
\q2 te sesemane sogo agai dage ugwaba igulama,  
\q3 ugwa ela holomainu ilaibao.  
\q1 Te dage gasa we bidi hani dabede munu ma hale me  
\q2 isąma,  
\q2 te dage sesemane sogo bugagia bidada peyu, bidada  
\q2 paibao.’  
\q1 Te Seba tǫ kantri bagego te tobage po waibao,”  
\q3 Genuai Bidigo te po wai.   
\q1
\v 18 Genuai Bidi naga te God.  
\q1 Agai te dagalu dali, tǫ dali si nigali bomo mu pedelali.  
\q1 Agai te tǫ olo elalumainu nigibeo. Menio.  
\q1 Agai te tǫ page bugagia dodolama,  
\q2 tama tigidali nai tede elalumainu nigali.  
\q1 Agai te tiwai po obao, “Enaduba deli naga ena Genuai  
\q2 Bidi,  
\q3 te gasa god munu me bidibeo.   
\q2
\v 19 Ena geme dualalu, digibulu me bidibeo,  
\q2 ena te be hulia sai pesagede, digibulu geme me  
\q2 dualalu, te eno po pusubeo.  
\q1 Te eno ena we bidi dabe,  
\q2 te Israel dabeba, te tiwai po weyu,  
\q1 ‘Dagego ena te olo bulu pesagede gegebo  
\q2 sę odolali yao,’ wabeo. Menio.  
\q1 Ena Genuai Bidi, eno te mu po naga pusubo dao,  
\q1 te eno po tigidali dolo wabo dao,” wali.   
\s1 Tigidali tǫde we bidigo te Genuai Bidi dologode bidao  
\q1
\v 20 Genuai Bidigo te tiwai po wali,  
\q1 “Te tigidali tǫ kantri we bidi dabe, dage sisinagasiąo.  
\q1 Te hwįani sogode dolisąma bidalubo we bidi dabe,  
\q3 dage tigidali te po tųba asiąo.  
\q1 Tama dego te tibo god piksa dali sela asobo bidi,  
\q3 aga homu kolesaga mu meni ebao.  
\q1 Aga te tibo godiba gedu haluasa po weyu,  
\q2 aga tau somainu tiaibao,  
\q2 tiali goli te god te bidigo nigo dulama naga nigali,  
\q2 tama agai te bidi tau sabo usu me egobeo.   
\q1
\v 21 Dage tigidali we bidi, dage aselama,  
\q3 dagego po te po tųba pusagasao.  
\q1 Dagego duga haside digi hanalu, te gega suyu bolo yao,  
\q2 mena god mugo te polobadu mu po wali sę po te  
\q2 megi tama pedalubo dawe?  
\q1 Ena Genuai Bidi, ena deligo naga eno  
\q3 te nai dabe pedelaiba po pusali.  
\q1 Tama suao. Te gasa god munu me bidibeo.  
\q1 Ena te doloba pai kolesaga naga ebo God,  
\q2 eno te ena we bidi dabe ma dobola sabo God da,  
\q2 enaduba deli naga ena bidibo dao.”   
\q1
\v 22 “Dage tigidali bulu tǫ habu we bidi dabe,  
\q2 dage enaba asiąo,  
\q2 te dage bugagia bidaibao, magi baso meni,  
\q2 enaduba deli ena God, te gasa god munu me bidibeo.   
\q1
\v 23 Ena Genuai Bidi, ena nogide digi  
\q2 daide ugwadu mu po obao,  
\q2 te eno pedauwalide wali po te me hasegelegobeo.  
\q1 Eno te tama po wali, te tǫde tigidali  
\q2 we bidi enaba aselama,  
\q2 te enaba kidu sugunagasaibao,  
\q2 te augwali tigidaligo ena dologode naga bidabo po  
\q2 dąų waibao, te po wai. \x * \xo 45:23 \xt Rom 14:11; Fil 2:10-11\x*   
\q1
\v 24 Te augwaligo te tama po waibao,  
\q2 ‘Genuai Bidigo naga te da tau siyu,  
\q2 te da dąų waliyu,  
\q2 te doloba pai kolesaga ugwa igulama,  
\q2 ugwa ela holomainu yaibao,’  
\q3 te po augwaligo waibao,” wali.  
\q1 Tigidali we bidi agaba asobaso,  
\q2 te agaba haliga sębę ebo hani dabe  
\q3 te augwali dwai hale mu yaibao.   
\q1
\v 25 Tialima, te Jekopgo bulai hani wąį dabe,  
\q2 te augwa ugwa ela holama,  
\q2 te genuai nogi elalumainu elalide,  
\q2 te augwa wiegi yai pemene Genuai Bidiba yaibao.   
\c 46  
\s1 Genuai Bidigo bomo naga elalubao, te tibo god dabe olo piksa dao  
\q1
\v 1-2 Genuai Bidigo te tiwai po wai,  
\q1 “Dage Babilon dabego te Bel me Nebo si  
\q2 nogi ugwaba sobao,  
\q2 te si duga tibo god si elalubao,  
\q2 te augwali si dagego tolasa,  
\q2 te genuai lotu wabo side sabilibao.  
\q1 Tiali goli, te augwali sigo genuai nogi te sia saibao,  
\q2 te dagego te tiwai sueibao,  
\q2 te augwa digi tau sabo bomo meni yaibao.  
\q1 Te boi bidi dabego te Babilon taun dolagasobaso,  
\q2 te dagego augwali si te donki dabede kęnaibao.  
\q1 Te donki dabego te hobedagia,  
\q2 te augwali si te kalabus dage dali  
\q2 sela pabo sę dene yaibao,” te po wai.   
\q1
\v 3 “Tialima, dage dwasianu Israel te bidibo hani,  
\q3 dage te Jekopgo hani, dage hani eno selama,  
\q2 te bugagia negeyu tonaluali,  
\q2 te dage gesi hani we bidi pedelali sogo gagalasa,  
\q2 tama tiali, dagego odao.   
\q1
\v 4 Ena duga God dao, te eno dage tonalua pidubadi,  
\q2 te dage monu dabe eboba usu nama,  
\q3 te ayadeba nisi elaluaibao.  
\q1 Ena digi eno dage deli hani we bidi pedalumainu ilali,  
\q2 te sesemane sogo eno dage auąlu, te tonalu,  
\q3 te dage ma dobola saibao.”   
\q1
\v 5 “De mu ena tiwai dawe?  
\q1 Te dagego eno kolesaga te de dali mu dagalaibawe?  
\q1 Te eno kolesaga tiwai gagawai ebo bidi deli bidiba,  
\q2 agawe?   
\q1
\v 6-7 Tiali goli, bidi mebago te gol me  
\q2 silva hauwa pesage holama,  
\q2 te augwa tibo god piksa nigainu dagalaibao.  
\q1 Tialima, te nai dabego te augwa tibo god nigali.  
\q1 Tialima, augwa te tibo god augwa nageba munama,  
\q2 te tolasa pelama, te augwa muabo  
\q3 nigilali pesageba mugi pabo dao.  
\q1 Augwa teba kidu sugunama, lotu wabo dao.  
\q1 Te tibo god te mugi pali pesage delide naga munaluali,  
\q2 magi baso meni, aga digi te gasaba bilabo usu  
\q2 isąwai.  
\q1 Te agai te bidi dabego aga gedu haluasa po weyu,  
\q2 i wabo wei ponabo usu meni yai,  
\q2 agai augwali te dwai sogode  
\q2 tau sabo me usu egobeo. Mu menio.”   
\q1
\v 8 “Dage hagoma eyu, po sela sąbo bidi dabe,  
\q2 dagego eno te pusubo po bugagia homu kone palao.  
\q1 Tama tiyu, te dage bomo elama, dolalueibao.   
\q1
\v 9 Tama dagego eno te polobadu mu  
\q2 yali sę homu kone palao,  
\q2 magi baso meni, enaduba deli naga ena te God,  
\q3 te gasa god me bidibeo.  
\q1 Ena naga ena God, te ena tiwai god me bidibeo.   
\q1
\v 10 Te magi deli me pedalisiąbadi,  
\q2 eno te tama sę pedelaibao po weyu,  
\q2 te mena tama siligi pabo po waibao.  
\q1 Polobadu digi eno te sę pedelabo po olama,  
\q1 tama nosali te nai dabe te eno po wali gilama pedelaibao.  
\q1 Te eno mena sę me deli yainogo da,  
\q3 teda te sę eno eyu naga yaibao.  
\q1 Te magi nai me deligo eno te sę yabo sunumi  
\q3 me paligobeo.   
\q1
\v 11 Eno te giliga pedalubo badu bidi me deli  
\q2 asao olama, i wali, \f + \fr 46:11 \ft Te “giliga pedalubo badu bidi wali,” te king Sairus dao. Te po te Dąį 41:2-3, tede elalubo suao.\f*  
\q2 agai te ba kemodage bola asobo tiwai yaibao,  
\q2 te agai eno yabo homu yali sę yaibao.  
\q1 Eno te sę yao po walio,  
\q2 te eno po wali tiwai gilama te tama pedelaibao.  
\q1 Te eno yaibao olama, dąį ilali sę, eno te sę ebo dao.”   
\q1
\v 12 “Dage hagoma bidi dabe, eno po odao.  
\q1 Dagego homugo te eno dage sa munama,  
\q2 ma saibao wali sogo,  
\q2 te digibulu elaluba homu eba, agawe?   
\q1
\v 13 Menio. Te pąba pedelalio.  
\q1 Te eno munu ma tonalugobeo.  
\q1 Te eno dage Israel dabeba boi bidi ebo  
\q2 bidi dabeba dene mu menama,  
\q3 te dage bugagia ma bidaibao.  
\q1 Te Jerusalem taun me wiegi yai bugagia ma ilaibao,  
\q2 te eno ena genuai nogi me bomo te dage Israel dabe  
\q2 tomode hania pepeli diliba pedalumainu yaibao,”  
\q3 wai dao.   
\c 47  
\s1 Genuai Bidigo te Babilon dolaibao po wali  
\q1
\v 1 Genuai Bidigo te tiwai po Babilonba wali,  
\q2 “Babilon, nago genuai nogi mu elalubo,  
\q2 te kwin we aga sia kingde dugulalubo tiwai ebao.  
\q1 Tama nage te gesi wegi bidigo sisąwai  
\q3 bugagia mu bidibo tiwai ebao.  
\q1 Tiali goli, megi da, te nage sia kingde  
\q2 bidali tagalama,  
\q2 te nage olo tǫ bulude dugulalueibao.  
\q1 Te nago tigi te polobadu elaluali tiwai gilama  
\q2 sawi yai me elalugobeo.  
\q1 Tama te bidi dabego nage te au bugagia elama,  
\q2 bilibo ma sugobeo.  
\q1 Mu meni yaibao. \x * \xo 47:1 \xt Rom 14:11; Fil 2:10-11\x*   
\q1
\v 2 Te nage olo mu sę ebo we tiwai gilama sę yaibao.  
\q1 Te nago tobolude ugwadu banualuali ugwa nami,  
\q2 me te nago sawi yai ugwa dabe me dagala sąnama,  
\q2 nago te wit halubo masigi dabe hogogo belebo sę  
\q2 yao.  
\q1 Tama nago gudali ugwa sugua selama,  
\q3 te ąį dabe nogwaibao.   
\q1
\v 3 Te bidi dabego nago ugwa peda sąnama,  
\q3 te nago habu olo elalueibao.  
\q1 Te eno nageba dwai dene wei ponabo sę mu ebaso,  
\q2 te mena bidigo ena me togologobeo,” te po wali.   
\q1
\v 4 Te Israelgo God, te agai da tudi badu pogwalu  
\q2 ma dobola sabo bidi,  
\q2 aga te Wiegi Yai Doloba Pai Kolesaga Mu Ebo God  
\q2 dao.  
\q1 Agai nogi da, te Tigidali Bomo Elalubo Genuai Bidi dao.   
\q1
\v 5 Genuai Bidigo Babilonba te tiwai po wali,  
\q2 “Babilon, nago te naga pedauwali pania selama,  
\q2 te be hulia sai pesageba duagi pao,  
\q3 magi baso meni, te gasa hani we bidigo nageba  
\q2 te nogi munu ma wasiąyu,  
\q1 ‘Te tigidali bulu tǫ kantri kwin da,’ po me wagobe.   
\q1
\v 6 Eno wado po dwai mu te ena we bidi dabeba wali,  
\q2 te eno augwali te ena we bidi da  
\q2 te tiwai homu kone munu ma ebeo.  
\q1 Te eno nage aselama, augwaliba dwai sę  
\q2 yagasomainu ilali,  
\q2 te nago augwaliba homu dene  
\q3 dwasianu me ebeo. Menio.  
\q1 Nago augwaliba dwai dene mu ilama,  
\q2 te augwaliba genuai sęgę mawai.  
\q1 Te nago monu dabeba me te augwali  
\q3 genuai sęgę mu tolomainu ilalio.   
\q1
\v 7 Nago homugo nage te kwin sesemane  
\q2 sogo bididuaiba homu yali,  
\q2 tama tiyu, nago te nageba nosali pedelabo sę te  
\q2 bugagia homu kone palobeo.  
\q1 Mu tama, tede nago homu kone palobeo.”   
\q1
\v 8 “Nage te wiegi yai sogo naga gegelama bidabo homu  
\q2 ebo we, te po odao.  
\q1 Nago homugo nage bugagia bidaiba homu eyu,  
\q2 te dwai sę nageba me pedalugobe da homu elama, te  
\q2 naga digi nago te po wali, ‘Enaduba deligo eno  
\q2 tigidali bomo elalubao,  
\q3 te ena tiwai gasa me meni,’ wali.  
\q1 ‘Te ena te tiwai we, te aga bidi isama,  
\q2 te aga wai puluba me isai,  
\q2 te tiwai me pedalugobeo,’ homu yalio.   
\q2
\v 9 Tiali goli, hobede ya, te deli sogo naga te sę si  
\q2 nageba pedalaibao.  
\q1 Naga bidi dali, naga wai puluba tigidali me,  
\q2 te deli sogo naga isaibao.  
\q1 Nago te naga digi naga tonalubo haniani  
\q2 bomai pobi po elaluba homu yaibao,  
\q2 tiali goli te pobi pogo nage tau me sogobeo. Menio.  
\q1 Te dwai sęgo isaboba kegebao.” \x * \xo 47:9 \xt Ped 18:7-8\x*   
\q1
\v 10 “Nago tama homu yali, te naga dwai kolesaga  
\q2 dabego te nage dąų walama, bidaiba homu yai.  
\q1 Tama nago homugo te nago ebo sę  
\q3 te bidi dabego sube da homu yai.  
\q1 Te nago koneani tobage hauwa kolesagago,  
\q2 te nago homu kone tuą palama,  
\q2 te nagaba digi nago te tiwai po wali,  
\q1 ‘Enaduba deligo naga tigidali bomo elaluba,’ homu yali,  
\q2 ‘te ena tiwai gasa me elalubeo,’ wali.   
\q1
\v 11 Tiali goli, te dwai sogo mu nageba pedelaibao,  
\q2 te nago geda muabo bomo meni yaibao.  
\q1 Deli sogo tama mu te dolabo genuai sę nageba  
\q2 pedalubaso,  
\q2 te magi sę me deligo nago te dolobo sę paliabo  
\q3 usu meni yaibao.  
\q1 Te dwai nai dabe te nago homugo  
\q2 nageba pedalugobe da homu yali,  
\q3 te pedaliyu, nage mu dolaibao.   
\q1
\v 12 Wiegi yai da, nago te haniani bomai pobi usu sidu,  
\q2 te nage gesi sogo gesi tigi elalubo  
\q3 sogo usu selama, konea sali.  
\q1 Te augwaligo nage tau sabo homu yali.  
\q1 Te augwaligo nago boi bidi dabe wi ilama,  
\q2 wi paibao homu yali.   
\q1
\v 13 Te kolesaga koneani bidi hauwago  
\q2 te nageba homu kolesaga mayu,  
\q3 te nago homu mu dąų walali.  
\q1 Tiali goli, nago te kolesaga koneai bidi dabego  
\q2 te hǫba tonomainu i ola suali,  
\q2 te bidi dabe te tigidali poluade nageba aselama,  
\q2 te nageba mena sę pedelabo po wali.  
\q1 Te augwaligo nage tau sabo homu egobewe?   
\q1
\v 14 Tiali goli, menio.  
\q1 Augwali te sasia pai nosai tiwai elalubao,  
\q2 te nage dolainu ebo siago te augwali tigidali daibao,  
\q2 te augwa digi augwa tau me sogobeo.  
\q1 Mu tamao, nago homugo nage te isi pąba duagi pelama,  
\q2 sia gogo naiba homu me egobeo. Menio.  
\q1 Te siago nage tigidali daibao.   
\q1
\v 15 Mu tamao, nageba te homu kolesaga mani bidi dabe,  
\q2 te nage gesi tigi elalubo sogo  
\q2 te bidi dabego nage tau sali bidi dabe,  
\q2 te augwali homu kolesaga umuna palama,  
\q2 te me deligo nage tau me sogobeo,”  
\q1 Genuai Bidigo te po wai dao.   
\c 48  
\s1 Bidi dabego God deliba naga genuai nogi maiąo po wali  
\q1
\v 1 Dage Jekopgo hani dabe, dage we bidi nogi  
\q2 Israel elalubao,  
\q2 dage te Judago bulai wąįgo wai dabe, dagego odao.  
\q1 Dagego po dąų waliyu, nogo guni sisu muyu,  
\q2 dagego te Genuai Bidigo nogide  
\q3 mu po dao po wabo dao.  
\q1 Tama dagego te tiwai po weyu,  
\q2 dagego te Israelgo Godiba lotu obao po wali,  
\q2 tiali goli dagego aga dologoba mu pelama,  
\q3 te doloba pai me ebeo wali.   
\q1
\v 2 Tama duga digi duga nogi ugwaba siyu, te po weyu,  
\q2 dage te God aga digi sa muyu, aga da wali,  
\q2 te taungo hani we bidi da, po wabo dao.  
\q1 Tama dage te Israelgo Godide  
\q3 tau mabo sainu tonalubo dao.  
\q1 Aga nogi da, te Tigidali Bomo Elalubo Genuai Bidi dao.   
\q1
\v 3 Agai e tiwai po dage dali elalubao wali,  
\q1 “Polobadu mu eno te po dageba pusuyu,  
\q2 te nai dabe pedelaibao po wali,  
\q2 tama eno polo naga tama te sę dabe  
\q3 pedalumainu ilali.   
\q1
\v 4 Magi baso meni. Eno te tiwai bugagia koneani,  
\q2 dagego tobolu te masigi me ain dila pai tiwai elalu,  
\q2 tama dagego eno po wali me pisąwai dao.   
\q1
\v 5 Tama tialima, polobadu mu eno te dageba pedelabo  
\q2 nai po hanilama pusali, tiyu dagego te po waidali,  
\q2 te dagego tibo god dabego,  
\q2 te piksa dabe dagego te nigo me aingo nigibo nai  
\q2 dabego te nai dabe pedalumainu yali da po waidali,”  
\q2 te po wai.   
\q1
\v 6 “Te nai dabe te eno polobadu te pedelaibao po wali,  
\q2 te augwali pedalubo dagego sualio.  
\q1 Te megi dagego te tama po waiyąo, ‘Genuai Bidigo mu  
\q2 po wabo da po wao.’  
\q1 Tialima, megi te eno dageba te gesi noma nai pedelali  
\q2 po obao,  
\q2 te geme dualaluali nai dabe,  
\q3 te nai po eno polobadu me wabeo.   
\q1
\v 7 Megi eno te po obaso,  
\q2 te gesi noma nai mu pedelaibao,  
\q2 te polobadu me pedalisiąwai nai dabe.  
\q1 Tama te nai te dagego munu me konesiąwai,  
\q2 tama dagego te tama po me wasiąma,  
\q3 dagego te nai dabe koneai da po me wagobeo.   
\q1
\v 8 Eno te tama koneani, te eno gagalama,  
\q2 dage te deli hani we bidi pedalumainu ilali sogo,  
\q2 dage te po sela sąyu,  
\q3 hagoma ebo hani mu pedelali.  
\q1 Tama tibaso, eno te nai dabe po  
\q3 dageba hanilama, me pusubeo.”   
\q1
\v 9 “Eno dageba haliga sębę mu elama,  
\q2 eno dage silabo homu yali,  
\q3 tiali goli sesemane sogo eno  
\q2 ena genuai nogiba homu kone palama,  
\q2 te eno haliga sębę homu aiyaba  
\q3 tamugulali, te we bidi dabego  
\q2 eno nogi ugwaba somainu tiai dao.   
\q1
\v 10 Eno dage wiegi yai pedalumainu homu yali,  
\q2 tialima eno dage te siaba me ulusiąma,  
\q2 te bidi dabego silvade ebo tiwai eyu,  
\q2 te aga meda yali sela sąwainu ebo tiwai ebeo.  
\q2 Menio.  
\q2 Eno dageba te haniani sęgę pedalumainu ilali, te  
\q2 dagego dwai kolesaga ebo tagalomainu yai dao.   
\q1
\v 11 Eno ena genuai nogiba homu kone palama,  
\q3 eno te kolesaga dageba yalio.  
\q1 Eno homugo te bidi dabego eno nogi elaluama,  
\q2 begela dolidali homu elama,  
\q2 te gasaba genuai nogi me magobeo. Menio.  
\q1 Augwaligo te ena deliba naga genuai nogi momainogo  
\q2 ebo dao,” te po wali.   
\s1 Genuai Bidigo naga te Sairus sa munama, te agai te boi bidi aiyaba elalumainu ilali  
\q1
\v 12 Genuai Bidigo te tiwai po wai,  
\q1 “Dage Israel, eno i wali we bidi dabe,  
\q2 dage Jekopgo hani dabe, dagego eno po odiąo.  
\q1 Enaduba deli naga God dao.  
\q1 Ena polasa mu bidai, te nosali ena sabi badu  
\q2 nosali mu elalueibao. \x * \xo 48:12 \xt Ais 44:6; Ped 1:17; 22:13\x*   
\q1
\v 13 Te ena nogogo digi eno nigilama,  
\q2 te tǫ page eno dąų walali,  
\q2 te eno dolo nogogo te dagalu diniginama, elalubao.  
\q1 Eno te dagalu de tǫ si i wabo sogo,  
\q2 te polo tama augwali si aselama,  
\q2 te eno geduba dolagasobo dao,” wali.   
\q1
\v 14 “Dage tigidali, dage sisinagaselama, eno po odao.  
\q1 Te tibo god me deligo dageba  
\q2 te tiwai po me pusai menio,  
\q1 ‘Te Genuai Bidigo godolo homu mu ebo bidi te aselama,  
\q2 te Genuai Bidigo sę yagasu, te Babilonba hwįaibao.  
\q1 Te aga bomogo digi, Genuai Bidigo  
\q2 te Babilon dabe aiyaba elaluaibao,’  
\q3 te tibo god me deligo te po wabe.   
\q1
\v 15 Menio. Ena deligo naga eno dageba weyu,  
\q2 te bidi asaibao po wali.  
\q1 Ena digi eno aga asao olama, i wali.  
\q1 Te eno aga odasa aselama,  
\q2 te agai te boi bidi dabe aiyaba elalumainogo yai  
\q2 dao,” wali.   
\q1
\v 16 “Megi da, dage ena pąba aselama, eno po odiąo.  
\q1 Polobadu digi gagalasa asali, megi sogoba usu nagasu,  
\q2 ena te sesąwai pesagede geme dualalu,  
\q3 augwaliba te nai pedelaibao po pusubeo. Menio.  
\q1 Te sę dabe pedalisiąbadi, eno te tonalu,  
\q2 te sę mena tama pedelabo te eno digi dodolobo sę  
\q2 yali,” te po wali.  
\q1 God Genuai Bidigo aga bomo yai mobo bidi dali ena  
\q2 tagala palai dao. \f + \fr 48:16 \ft Te dago konesiąwai, te dego mu te Godigo aga tagala palai da po wali. Bidi mebago homugo tiali te profetgo po da homu yali, te mebago homugo te Genuai Bidigo sę bidigo po da wali. Te Dąį 42:17, te mebago homugo te king Sairusgo po dao, te homu yai dao.\f*   
\s1 Genuai Bidigo aga we bidi dabe bugagia wiegi yai ilabo sisilama elaluali  
\q1
\v 17 Genuai Bidi, aga te Israelgo Wiegi Yai Doloba Pai  
\q1 Kolesaga Mu Ebo God,  
\q2 aga te dage tudibadu posolalu, te dage tau sabo bidi,  
\q2 agai te tiwai po wali,  
\q2 “Ena Genuai Bidi, te duga God dao.  
\q1 Sesemane sogo eno te doloba pai kolesaga dagego wali  
\q2 peyu,  
\q2 dage bugagia bidimai hagede ola mabo dao.   
\q1
\v 18 Te dagego eno po odigi sogo da,  
\q2 teda dage bugagia megi bidiyu,  
\q2 te sesemane sogo dagego bidabo ula te wiegi yai  
\q2 pemene ebo pągąnalugi da,  
\q2 te ąį sesemane sogo sodu, te sula sisąbo tiwai igi da.  
\q1 Te dagego doloba pai kolesaga te bomo elama,  
\q2 sesemane sogo pedaludu, te tamu ąį  
\q3 nambisde peda pabo tiwai igi da.   
\q1
\v 19 Te dagego wai dabe te hauwa mu,  
\q2 te nambis ąį masigi kemi sane tiwai pedeligi da.  
\q1 Te eno augwali bugagia tonalu,  
\q2 te augwa nogi te e tǫde mu sia sigi menigi da.,” te  
\q2 po wali.   
\q1
\v 20 Dagego te tǫ kantri Babilon tagalama,  
\q2 tama te bulu we bidi dabede wi soao.  
\q1 Te duga pemene elama, genuai po dągą weyu,  
\q2 te tigidali tǫ habuba po tagala palu, te tiwai po wao,  
\q1 “Genuai Bidigo te aga sę bidi Israel ma dobola salio,”  
\q2 po wao. \x * \xo 48:20 \xt Ped 18:4\x*   
\q1
\v 21 Polobadu, Genuai Bidigo aga we bidi dabe te bulu  
\q2 tǫ wa pai pesageba odasa pali,  
\q3 tiali goli augwali wę nogonego me isibeo.  
\q3 Menio.  
\q1 Agai te masigide ąį pedalumainogo ilali.  
\q1 Agai te masigi dalama,  
\q2 te ąį buluba asobode te augwa tuali.   
\q1
\v 22 Genuai Bidigo te tiwai po wali,  
\q1 “Te dwai kolesaga ebo we bidi dabe,  
\q2 te augwa bugagia wiegi yai bidabo sogo me  
\q2 gegegobeo,” te po wai dao. \x * \xo 48:22 \xt Ais 57:21\x*   
\c 49  
\s1 Genuai Bidigo sę bidi te tigidali tǫ kantrigo ula tiwai bidaibao  
\q1
\v 1 Dage te bulu tǫ kantri pąde, me digibulu  
\q2 bidalubo we bidi dabe, dagego eno po odiąo.  
\q1 Te idago ena ame nisąbadi, te Genuai Bidigo ena sa  
\q2 muyu, dąį ilama,  
\q2 enaba te nogi mawai dao. \x * \xo 49:1 \xt Jer 1:5\x*   
\q1
\v 2 Te agai ena sisi ilama, te eno po bugagia miyu,  
\q2 te eno pogo te we bidi dabego haligade mu enama,  
\q2 te bainat poai tiwai mu yaibao wali.  
\q1 Te agai nogogo ena bugagia geme dualali.  
\q1 Tama agai ena te poa pai ene mu tiwai te polama,  
\q2 muani tiwai yai dao. \x * \xo 49:2 \xt Hib 4:12; Ped 1:16\x*   
\q1
\v 3 Te agai te tiwai po wali,  
\q3 “Israel, nage eno sę bidi da.  
\q1 Te nagede naga, te eno bomo,  
\q2 me eno genuai nogi te tigidali  
\q2 we bidiba ola mawaibao,” wai dao.   
\q1
\v 4 Tiali goli, eno enade digi te tiwai po obao,  
\q1 “Eno sę dene mu elama, te eno bomo tigidali sia salio.  
\q1 Tiali goli, te nai me pedalisiąma,  
\q3 te ena odolali sę dene yalio.”  
\q1 Tiali goli, tagalao, Genuai Bidigo te eno yali sęde  
\q2 koneama,  
\q1 tama eno tede sabo nai aga nogode elalubao.  
\q1 Awe, te eno Godigo ena te sę yalide  
\q2 wei ponabo nai sisi elama, munolubao.   
\q1
\v 5 Genuai Bidigo ena te idago haligade sa munama,  
\q3 te ena agai sę bidi bidimainu yali.  
\q1 Te agai te po enaba weyu, te Israel dabe sisinama,  
\q1 te augwali agaba odasa asomainu yali,  
\q2 magi baso meni,  
\q1 God eno Genuai Bidigo enaba te genuai nogi menama,  
\q3 te aga digi ena bomo mawai.  
\q1 Te megi da, Genuai Bidigo enaba te tiwai po walio,   
\q1
\v 6 “Hasiabolo eno nageba  
\q2 te boi bidi dabego ela musiąwai Jekopgo hani dabe  
\q3 ma hodolabo sę mawai.  
\q1 Eno te Israel bage meba hagea sai dao,  
\q2 tama eno nageba te augwali sisinama,  
\q2 enaba odasa asabo sę mawai dao.  
\q1 Tialima, te sę ebogo te nago bomogo dęą me sogobeo.  
\q1 Eno te gasa sę me mawaibao.  
\q1 Eno nage te Israel hani isąwai we bidi hani tigidaligo  
\q2 sole ula tiwai nigaibao.  
\q1 Awe, nago te eno te tigidali bulu tǫ habu  
\q2 we bidi ma dobola sabo sę yaibao,” te po wali.\x * \xo 49:6 \xt Ais 42:6; Luk 2:32; Tpi 13:47; 26:23\x*   
\q1
\v 7 Genuai Bidi, aga te Israelgo Wiegi Yai Doloba Pai  
\q2 Kolesaga Tigidali Mu Ebo God dao,  
\q2 aga te Israel tudibadu posolalu, tau sabo bidi  
\q2 elalubao,  
\q3 agai te po aga sę bidiba wali.  
\q1 Aga da te gasa we bidigo godolo homu isiąbo bidi,  
\q2 te gasa bulu tǫ kantri we bidigo te aga dwai nai mu  
\q2 tiwai tonani,  
\q2 te aga te genuai bidi dabego olo sę ebo bidi tiwai  
\q2 bidali.  
\q1 Genuai Bidigo te tiwai po wali,  
\q2 “Te king dabego nage sulama,  
\q2 te augwali dolagaselama,  
\q2 te genuai bidi dabe augwa gesabidi  
\q2 te tǫba basigulama,  
\q2 te nageba genuai nogi mayu tiaibao.  
\q1 Augwaligo tama tebo, magi baso meni,  
\q2 ena Genuai Bidi, te Israelgo God,  
\q2 ena te Wiegi Yai Doloba Pai Kolesaga Mu Ebo God  
\q2 da,  
\q2 nage sa muani, te eno sę emainu yali,  
\q2 te eno dąų wali po te eno me bologobeo,” wali.   
\q1
\v 8 Genuai Bidigo aga sę bidiba te tiwai po wali,  
\q2 “Eno digi eno nage ma selama,  
\q2 te nage wiegi yai ilabo sogo bodolu muani,  
\q1 te sogo mu dolo eno nago i wabo odolama,  
\q2 nage tau saibao.  
\q1 Te nage eno bugagia tonaluaibao,  
\q2 te nagede naga eno te tǫde we bidi tigidali dali  
\q2 bomo yai po dąų waibao.  
\q1 Tama eno te Israel tǫ kantri wiegi yai ma pedalumainu  
\q2 ilaibao,  
\q2 tama te Israel hani augwa te megi olo elalubo tǫde  
\q2 ma bidaibao. \x * \xo 49:8 \xt 2 Ko 6:2\x*   
\q1
\v 9 Te eno te kalabuside bidibo,  
\q2 me be hulia side bidibo bidi dabeba  
\q2 te tiwai po weyu, ‘Asao,’ po waibao.  
\q1 ‘Dage te kalabus tagalama, olo mu bidaibao,’” te po wali.  
\q1 “Tama augwa te kalabus tagalama, augwa tǫba ma  
\q2 asaibao.  
\q1 Te augwali sunumidu pebelayu, me bulu dudu pabode,  
\q2 te augwa tubo nai hauwa elalueibao.   
\q1
\v 10 Te augwali nai me, wę me sǫą pogobeo,  
\q2 te posolai giligago me waligo  
\q3 te augwali tigi posolo me egobeo.  
\q1 Magi baso meni, te augwali olo mu tau mabo wiegi yai  
\q2 kolesaga ebo bidigo te augwali bugagia tonalu,  
\q1 te sipsip tonalubo bidigo te sipsip dabe  
\q2 te nosai hauwa elalubo pesageba,  
\q2 me wiegi yai wę elalubo madiba  
\q3 odasa pabo tiwai gilama ebo dao.” \x * \xo 49:10 \xt Ped 7:16-17\x*   
\q1
\v 11 “Te eno nigali bulu du dabe te pepedama,  
\q2 dodolaibao, te eno ena genuai sunumi  
\q3 pedalumainu yaibao.   
\q1
\v 12 Tialima, eno te digibulu bidalubo we bidi dabe,  
\q2 te not badu me, te giliga dega sigulubo badu me,  
\q3 asaibao.  
\q1 Te augwali te taun Aswan badu me asaibao,” wali. \f + \fr 49:12 \ft Tede te po wali, te Hibru pogo te po wali “Sinim,” wali, tiali goli te bulu te menade mu elalubo, te dago konebeo. Bidi hauwago te homu yai, te profetgo te taun Aswan po olama wali homu yai, te taun me deli te Isip tǫ kantri te saut badu elaluai dao.\f*   
\q1
\v 13 Dagalu, nago te wiegi yai homu pemene eyu, i wao.  
\q1 Te tǫ, nage pemene elama, genuai po dągą wao.  
\q1 Dage bulu du dabe, dagego me  
\q3 te pemene ebo balia wao.  
\q1 Magi baso meni, Genuai Bidigo olo mu  
\q2 tau mabo wiegi yai kolesaga aga we bidiba ebo dao.  
\q1 Augwa te sęgę hauwa tolali, tiali goli, megi da,  
\q2 Genuai Bidigo augwaliba wiegi yai sę elama,  
\q2 te augwa haliga dua tamugulama ma bidaibao.   
\s1 Genuai Bidigo te we bidi dabe te Jerusalem taunba ma odasa asaibao  
\q1
\v 14 Te Jerusalem we bidi dabego te tiwai po wali,  
\q2 “Genuai Bidigo da tudi ola mobao,  
\q2 te agai da homu kone mu gegeda palobao,” wali.   
\q1
\v 15 Tiali goli, Genuai Bidigo augwaligo  
\q2 po wei ponoyu, te tiwai po wali,  
\q1 “Te idago aga digi ame nai wai homu kone ebo tagalama,  
\q2 te agai aga te ame mani wai  
\q3 homu dene ebo meni da, agawe?  
\q1 Te ida me deligo tama me tiabo homu yali goli,  
\q2 eno dage homu kone palobo me tagalogobeo.  
\q3 Mu menio.   
\q1
\v 16 Jerusalem, eno nageba homu kone ebo me gegeda  
\q2 palogobeo.  
\q1 Eno nage noma bidi piksa nigali,  
\q2 tama eno nogo sawali si daide  
\q2 nago nogi dali piksa dali si asęani.  
\q1 Te sesemane sogo eno sulama,  
\q3 nage homu kone palobo dao.   
\q1
\v 17 Te nago wai dabe ma asaibao,  
\q2 te hanigo dabe nage dolali,  
\q2 te augwaligo nage tagalama, wi paibao.   
\q1
\v 18 Nago tobolu ugwaba sagulama, tonono bilao,  
\q1 te nago naga wai dabe deliba sisinama,  
\q2 te nageba asobo sueibao.  
\q1 Ena Genuai Bidi, ena sesemane sogo bidibao,  
\q2 eno mu po obao,  
\q2 te nago wai dabe te nago au yabo  
\q2 nai dabe tiwai elalueibao,  
\q2 te we bidiba painu te sawi yai ugwa  
\q3 au ebo tiwai elama elalueibao.”   
\q1
\v 19 “Awe, nage mu dolobaso, olo bidali.  
\q1 Nago tǫ te dwai madi pedelali.  
\q1 Tiali goli, megi da, te wai dabe te nageba pągąna  
\q2 sagaselama, te nago tǫ augwali usu egobeo.  
\q1 Te nage dolali hani, te nagede digibulu mu bidaibao.   
\q1
\v 20 Nago te wai dabe te nago we bidi dabe kalabuside  
\q2 digibulu bidali sogo pedelali,  
\q2 te augwaligo nageba te tiwai po waibao,  
\q3 ‘Te tǫ dwasianu mu dao.  
\q1 Dago bidabo tǫ dwasianu mu dao.  
\q1 Dago bidabo tǫ pedai genuai tǫ sabo homu ebao,’  
\q2 waibao.   
\q1
\v 21 Te nago nagade digi te tiwai po waibao,  
\q2 ‘Dego enaba te tigidali wai maniwe?  
\q1 Eno wai dabe te hagawai,  
\q2 te eno wai ma ame nogobeo homu yali.  
\q1 Te boi bidi dabego ena kalabus elama, sela pali.  
\q1 Dego mu te wai dabe ame nenama, negeduama,  
\q3 te genuai eboba usu naniwe?  
\q1 Enaduba deli bidai, tiali goli te wai dabe  
\q3 menadu asela wai dawe?’  
\q2 nago te po hanalu waibao,”  
\q3 God Genuai Bidigo te po wali.   
\q1
\v 22 God, Genuai Bidigo  
\q2 te taun Jerusalemba te tiwai po wali,  
\q1 “Eno te dąį me deli dodolama, te eno nogo me,  
\q2 te dąį me deli tiwai ugwaba siyu,  
\q2 te gasa tǫ kantri Israel hani  
\q3 isąwai we bidi dabego sulama,  
\q2 te nago wai dabe ma sela asomainu yaibao.  
\q1 Te nago wai dabe te augwa nagede auwasa,  
\q2 tama sela asaibao wali.   
\q1
\v 23 Te king dabego, me kwin dabego,  
\q2 te nago wai dabe negeyu,  
\q2 te augwa aya idago ebo tiwai yaibao.  
\q1 Augwa kidu sugunama,  
\q2 te augwa tobolu te nago sągą page tǫba basigulama,  
\q2 te nageba genuai nogi mayu tiaibao.  
\q1 Nago te tiwai koneyu, ena tama te Genuai Bidi da  
\q2 waibao.  
\q1 Enaba homu kęą pelama,  
\q2 te eno augwali tau somainu tonalubo we bidi,  
\q2 te augwali odolali me tonalugobeo,”  
\q3 God Genuai Bidigo te po wali.   
\q1
\v 24 Te bomai boi bidigo hwįagaselama,  
\q2 te bidi me deligo hani kalabus elama, te aga wiegi  
\q2 yai doado bage sali,  
\q2 te aga hani dali, te aga doado bage dali, ma saiba,  
\q2 agawe?   
\q1
\v 25 Tiali goli, Genuai Bidigo Jerusalemba te tiwai po  
\q2 wali,  
\q1 “Mu tama, te eno nago hani dali ma siyu,  
\q2 te nago wiegi yai doado bage  
\q2 te bomai boi bidi dabe me te dwai king dabego  
\q2 nogode ma dobola saibao.  
\q1 Eno te nageba hwįani bidi dabeba te hwįbo wei  
\q2 ponaibao,  
\q3 te eno nago wai dabe ma saibao.   
\q1
\v 26 Te eno nago boi bidi dabe augwa  
\q2 haside digi tomode hwįmainu yaibao.  
\q1 Te augwa hasi digi elebo sę umabo eyu,  
\q2 te bidi dabe te wain wę tulama,  
\q3 gęǫ page ebo tiwai yaibao.  
\q1 Tama te tǫde we bidi tigidaligo eno te ebo sę sulama,  
\q2 te augwa te tiwai koneaibao,  
\q3 ena naga ena te Genuai Bidi da homu yaibao.  
\q1 Ena te ena we bidi ma sabo God dao,  
\q2 te eno nage tudibadu posolalu, tonalu, te nage tau  
\q2 siyu ebao,  
\q2 ena te Jekopgo hanigo bomai God elalubo dao,”  
\q2 wali.   
\c 50  
\q1
\v 1 Genuai Bidigo te Israel we bidi dabeba te  
\q2 tiwai po wali,  
\q1 “Taun Jerusalem te duga ida tiwai elalubao.  
\q1 Dagego homugo eno aga tudiba mubao homu eyu,  
\q2 te bidigo we sabo kolesaga bolama,  
\q2 te sai we mu sela sąbo tiwai homu eba, agawe?  
\q1 Te dagego tama homu ebaso da,  
\q2 teda te tama po wali pepa mena elalubawe,  
\q3 eno aga mu sela sąwaniwe?  
\q1 Tama me, te eno bidi me delide negeli sali me elalubeo.  
\q1 Te tama homu dagego magi baso ebawe,  
\q2 eno wai dabe eno dage te gasa bidi dabeba te olo sę  
\q2 ebo bidi tiwai ilama, tagala paliyu,  
\q2 eno te negeli sali dodolabo mone saliwe? Mu menio.  
\q1 Te dagego dwai sę hauwa ena haliga sębę ilibaso,  
\q2 eno te Jerusalem tudiba munama,  
\q2 tama eno dage te gasa bidi dabego nogoba muai  
\q2 dao.”   
\b  
\q1
\v 2 “Eno dage gegagasali sogo,  
\q2 magi baso eno te bidi me deli bidibo subewe?  
\q1 Te eno dage i wali sogo,  
\q2 magi baso dagego eno i wali wei ponobewe?  
\q1 Dagego homugo te eno dage ma sabo  
\q2 bomo meni da homu yali da, agawe?  
\q1 Odao. Eno te po obaso,  
\q3 te tamu ąį tigidali mu sula saibao.  
\q1 Eno te po obaso, te genuai soabo ąį  
\q3 te masigi sane olo elalueibao.  
\q1 Te sųgų dabe isilama, kugumini dwai yaibao.   
\q1
\v 3 Tama eno te dagalu me sisi mu emainu eyu,  
\q2 te aga bidi isaide te wego homu dene ebaso  
\q3 gudubo ugwa tiwai yaibao.  
\q1 Mu tama, eno te tobage sę yabo homu  
\q2 elalubao,” Genuai Bidigo te po wali.   
\s1 Te bidi dabego Genuai Bidigo sę bidiba dwai sę yali po wai  
\q1
\v 4 God Genuai Bidigo enabolo  
\q2 te wiegi yai po wabo kolesaga ola mawai,  
\q2 tama eno te wiegi yai po te bomo meni yai we bidi  
\q2 dabego haliga dąų walu, waibao.  
\q1 Tigidali sogo kigamude agai enabolo te wiegi yai gesi sę  
\q2 po ola mawainu ebo po odabo homu godolo mu  
\q3 ebo dao.   
\q1
\v 5 Genuai Bidigo eno olo dalama,  
\q2 te agai po odomainu yali, te eno agade hagoma eyu,  
\q2 te agai enaba mawainu ebo sęde  
\q3 te habu bulu me kilasa pabeo.   
\q1
\v 6 Ena te bidi dabego keloago tudide elama,  
\q3 eno penane nisi gudumainu yalio.  
\q1 Te augwaligo enaba dwai posobo po weyu,  
\q2 eno gesabidiba pesą sąyu yali,  
\q2 eno ena gesabidi te augwaliba dualubeo. \x * \xo 50:6 \xt Mat 26:67; Mak 14:65\x*   
\q1
\v 7 Te augwaligo dwai po wabogo  
\q2 ena aiyaba me elalugobeo,  
\q2 magi baso meni, God Genuai Bidigo ena tau sabo  
\q2 dao.  
\q1 Te ena digi ena dąų walama, te ena sę yali.  
\q1 Eno te tiwai koneani, eno ebo sęde  
\q3 te ena hale me sogobe homu ebao.   
\q1
\v 8 God pąde bidiyu, te agai te po waibao,  
\q3 eno dwai sę me ebeo.  
\q1 Te bidi me deligo ena po tų ilabo homu eba, agawe?  
\q1 Teda agai ena te po tųba odasa pelama,  
\q2 te agai ena po tų ilabo po pusumainao wali.   
\q1
\v 9 God Genuai Bidigo ena tau siyu,  
\q2 tama dego te po weyu,  
\q3 eno dwai sę me yalio waibawe?  
\q1 Ena po kisilama wali hani bage,  
\q2 augwali te ugwa asobago togolama silibo tiwai mu  
\q2 yaibao. \x * \xo 50:9 \xt Rom 8:33-34\x*   
\b  
\p
\v 10 Dage te Genuai Bidi dologoba pelama,  
\q2 te agai sę bidigo po wali pabo hani dabe,  
\q3 dage wi me igimio.  
\q1 Te dage hulide biliyu, te dage ula meni yai,  
\q2 te dage konealubo homu Godiba dąų wao,  
\q2 te Genuai Bidigo dage tonalu, agai dage tau saibao.   
\q1
\v 11 Tiali goli, dage te Genuai Bidiba  
\q2 konealubo homu dąų wasiąbo hani dabe,  
\q2 te duga digi isi ula ilama,  
\q2 te dage be hulia side bidibo bage,  
\q3 dagego te sole dabe domonama,  
\q2 tego duga pabo sunumidu te sole uladu pao.  
\q1 Tiali goli, Genuai Bidigo te dage bidigi pabo pesage dąį  
\q2 ilali, te genuai dene sabo pesage dao.   
\c 51  
\s1 Te we bidi dabego Genuai Bidigo bomode konealubo homu dąų wao wali  
\q1
\v 1-2 Genuai Bidigo te tiwai  
\q2 po wali,  
\q1 “Dage te eno homu kolesaga wali pabo sę dene eyu,  
\q2 te doloba pai kolesaga ebo hani dabe,  
\q3 dage eno po odiąo.  
\q1 Dagego te Abraham de Sarai siba ma homu kone palao,  
\q2 aga te duga wąį aya monu,  
\q3 me duga ida auwa mosi si dao.  
\q1 Augwali si te dage hani bulali wąį nǫų mu dao.  
\q1 Te eno Abraham i wali sogo, aga wai meni yai,  
\q1 tiali goli eno augwali siba te wiegi yai sę bugagia elama,  
\q2 te augwa si wai elaluai,  
\q2 tama augwali sigo hani wai dabe  
\q2 te genuai hani we bidi mu pedelai dao.”   
\q1
\v 3 “Ena Genuai Bidi, eno te Jerusalemde  
\q2 homu dene mu yali,  
\q2 te taun dolai elaluali, te eno agai sęgę tigidali sia  
\q2 somainu yaibao wali.  
\q1 Megi te olo masigi sane pesage elaluai,  
\q2 tiali goli eno te wiegi yai sę hauwa pedalumainu  
\q2 elama,  
\q2 tama te tonobo gasa sawi mu eyu,  
\q2 te eno nigali Iden gi tonobo tiwai yaibao.  
\q1 Te wiegi yai homu genuai pemene ebo  
\q2 pesage pedelama,  
\q2 te sesemane sogo aga we bidigo  
\q2 te enaba usu da wabo balia po waibao.”   
\q1
\v 4 “Dage eno we bidi dabe, eno po odao.  
\q1 Eno te wiegi yai bugagia bidabo  
\q2 kolesaga te tigidali hani we bidiba ola mayu,  
\q2 te eno te po tų dodolobo  
\q2 doloba pai kolesaga te tigidali bulu  
\q2 tǫ kantride ula tiwai elalueibao wai dao.   
\q1
\v 5 Te eno augwali tau siyu,  
\q3 ma sabo sogo, te pąba pedelalio.  
\q1 Te ena bomogo digi eno te tigidali  
\q3 tǫ kantri tonalueibao.  
\q1 Te digibulu bulu pesage we bidigo  
\q2 te eno bomoba homu dąų weyu,  
\q2 te eno augwali tau sabo tonalueibao.   
\q1
\v 6 Dagego te dagaluba ugwaba tonoyu,  
\q3 te tǫba aiyaba tonoyu yao.  
\q1 Te dagalu tigidali te hano sia sabo tiwai mu yaibao,  
\q2 tama tǫ te gudubo ugwa dolobo tiwai yaibao.  
\q1 Te tigidali we bidi te dinai sibi isila pabo tiwai yaibao.  
\q1 Tiali goli, eno te we bidi tau siyu, ma sabo kolesaga,  
\q2 te sesemane sogo elalua pidubadi,  
\q3 te me sia sogobeo,” wali.   
\q1
\v 7 “Dage te doloba pai kolesaga bugagia koneama,  
\q2 te eno bomo yai po dąų ola sabo hani dabe,  
\q2 dage te bidi dabego dwai po weyu,  
\q2 dage dolobo po obaso, te dage wi me igio.   
\q1
\v 8 Te hani dabe te ugwa asobago tologolama,  
\q3 te silibo tiwai eyu dolaibao.  
\q1 Tiali goli, eno te we bidi dabe tau siyu  
\q2 ma sabo kolesaga, te me sia sogobeo. Menio.  
\q1 Te sesemane sogo elalua pidu elalueibao,” wali.   
\q1
\v 9 Genuai Bidi, nage hogodao.  
\q2 Nage hogodama, te nage genuai bomo dali aselama,  
\q2 te da tau sagasao, te nago polobadu yali tiwai yao.  
\q1 Nago tama nago te Rehap enani,  
\q2 te tamu ąįde bidali moni hasamani,  
\q3 te nago dwasianu dedelege miani.   
\q1
\v 10 Nago tama nago te tamu ąį sula somainu ilama,  
\q2 te sunumi tomodu pedelali,  
\q2 te nago ma sali we bidi dabe soabo sunumi nigilai  
\q2 dao. \f + \fr 51:10 \ft Te Rehap wabo po, te po digi po me deli dao. Tama te pode te Rehap da te tǫ pedai kantri Isip dao. Te Israel bage te Isip tǫ tagalali sogo Genuai Bidigo te moni ąį tomode si bugua sai, tilama, augwali tedu soali.\f*   
\q1
\v 11 Te naga ma sali hani dabe tau sali,  
\q2 te augwa wiegi yai pemene elama,  
\q2 te Jerusalemba ma aselama,  
\q2 te augwa balia po weyu,  
\q2 genuai po dagą te sunumidu ola asaibao.  
\q1 Te augwa bugagia mu bidiyu,  
\q2 te augwa pemene umabo mu yaibao,  
\q2 augwa te pemene ebo me sia sogobeo.  
\q1 Te dene me haliga sęgę augwali dali me elalugobeo.   
\b  
\q1
\v 12 Genuai Bidigo aga we bidiba te tiwai po wali,  
\q1 “Ena digi eno dagego haliga dąų walama,  
\q2 te dagego tigidali sęgę sia somainu ilibo dao.  
\q1 Tama magi baso dage te gasa  
\q3 bidi dabede wi ebo dawe?  
\q1 Augwa bomo me elalubeo.  
\q1 Tigidali bidi isama,  
\q2 te nosai polo sia sabo tiwai gilama ebo dao.   
\q1
\v 13 Te dagego Genuai Bidi, enaba homu  
\q3 kone gegeda palali homu yali.  
\q1 Eno tama eno dage nigali.  
\q1 Eno te dagalu aga pesagede muani, te eno nigilama,  
\q3 eno te tǫ page dąų walali.  
\q1 Magi baso dage te elaluama,  
\q2 te dolainu ebo dwai bidi dabede wi ebawe?  
\q1 Te bidi dabego dageba magi sę me egobeo.  
\q1 Augwa haliga sębę te odolali silaibao.   
\q1
\v 14 Te kalabuside bidali hani, augwaligo pibia selama,  
\q2 wi ebo bage, augwali te kalabus sęgo me isigobeo.  
\q3 Menio.  
\q1 Te augwali kalabuside polo silama,  
\q3 te augwali olo bidaibao.  
\q1 Te augwa tuabo nai hauwa elalueibao.”   
\q1
\v 15 “Magi baso meni.  
\q1 Ena da Genuai Bidi, duga God.  
\q1 Eno te tamu ąį hodolama, te genuai ąį dini pedelama,  
\q3 te genuai mumunu ebao.  
\q1 Eno nogi te tiwai, Te Tigidali Bomo Elalubo Genuai Bidi  
\q2 dao.   
\q1
\v 16 Eno po te dageba mawai,  
\q2 te dagego pedauwalidu te po pusumainu yali.  
\q1 Te eno nogogo dage bugagia geme dualali.  
\q1 Ena Genuai Bidi, eno te dagalu diniginama, elalubao.  
\q1 Tama eno me tǫ aga bidabo pesageba munama,  
\q2 dąų walama, elalubao,  
\q2 eno dage te Jerusalem we bidi dabeba te tiwai  
\q3 po wali, dage te eno we bidi hani dolo mu dao,  
\q3 wai.” Te po wali.   
\s1 Genuai Bidigo te Jerusalemba haliga sębę munu ma egobeo  
\q1
\v 17 Jerusalem, nage hogodao.  
\q1 Nage hogodama, bomonama ma dolugulao.  
\q1 Genuai Bidigo haliga sębę te wain ąį me deli  
\q2 te nageba mani tiwai ebao.  
\q1 Te agai nago te ąį tulama, silainu ebo tiwai yali.  
\q1 Te naga gęǫ page mu elama, umuna palali dao.\x * \xo 51:17 \xt Ped 14:10; 16:19\x*   
\q1
\v 18 Te nago ogwa dabe deli me bidisąwai,  
\q2 te nago nogo tolasa,  
\q2 te nage dolo somainu ilabo te meni yai.   
\q1
\v 19 Nago sęgę genuai mu tolama,  
\q2 te dego nage homu dene elama,  
\q2 te nago haliga wiegi yai usu ma iligowe?  
\q1 Te boi bidi dabego aluama, nage dolagasali.  
\q1 Te augwaligo nago we bidi me hauwa te bainatgo elali.  
\q1 Te genuai nasi nageba pedelali sogo tiali.  
\q1 Te eno mena sęgo nage tau selama,  
\q2 nago te haliga sęgę elalubo siligowe?   
\q1
\v 20 Te nago we bidi dabego bomo meni yai,  
\q2 te augwa gedu gęǫ page elama, te augwa degasa  
\q2 dulama,  
\q1 te augwali tigidali sunumi bagude pila muna muna  
\q1 palio.  
\q1 Augwali te hasa bade tuali tiwai elaluali.  
\q1 Augwa te magi sę yabo usu me ebeo.  
\q1 God, Genuai Bidigo te augwaliba wado po olama,  
\q2 te aga haliga sębę ebo kabude te ąį tumainu ilali,  
\q2 te augwali dodolo pelama, elaluai dao.   
\q1
\v 21 Odao. Jerusalem, nago te sęgę hauwa tolama,  
\q2 tama nage te ąį tuai gęǫ page yai we bidibo tiwai  
\q2 yali.  
\q1 Tiali, nage te wain ąį tulama, gęǫ page ebeo. Menio.  
\q1 Te Genuai Bidigo haliga sębęgo  
\q3 naga nage gęǫ page yai dao.   
\q1
\v 22 Nago Genuai Bidi,  
\q2 te Godigo nago te boi bidi dabe dali hwįbo  
\q2 tau selama,  
\q2 dage ugwa ela holobo ilali, agai te tama po wali,  
\q1 “Suao. Eno te haliga sębę yali kabu  
\q2 te eno nageba menama,  
\q2 te nago tulama, te gęǫ page dwai mu elama, te  
\q2 umuna sali.  
\q1 Tiali goli, megi da, eno te kabu nago nogode ma sali.  
\q1 Te eno nosali nage te kabude ąį ma tumainu me egobeo.   
\q1
\v 23 Tiali goli, eno te kabu te nage dolobo  
\q3 bidi dabe nogoba mueibao.  
\q1 Augwaligo nage te tǫde pimainu ilama,  
\q2 te augwaligo nage agalama,  
\q2 te nage tudi daide biliyu,  
\q2 te augwa olo tǫ bulude bilibo tiwai yai dao,” te po  
\q2 wali.   
\c 52  
\s1 Genuai Bidigo aga we bidi te Jerusalemba ma odasa asaibao wali  
\q1
\v 1 Jerusalem, nage te God aga da olama, sa  
\q2 muani hanu, nage hogodao.  
\q1 Nage hogodama, bomonama dolugulao.  
\q1 Nago au dobage te gasa sawi yai sawi yai munama,  
\q2 te nage tonobo gasagi me mu yaibao.  
\q1 Te Godigo po odisąbo bidi dabe,  
\q2 me te God gedude wiegi yai isąbo hani bidi dabe,  
\q2 te augwali nage tomoba me asogobeo. \x * \xo 52:1 \xt Ped 21:2, 27\x*   
\q1
\v 2 Hobede ya, Jerusalem, tiali te nage hogodama,  
\q3 te nago tigide tǫ sela sąyao.  
\q1 Awe, Saion hanu, te nago dogonide kęnani sen peda  
\q2 sąnama,  
\q3 te naga sia kingba duagi soao.   
\q1
\v 3 Magi baso meni. Genuai Bidigo te tama po wai,  
\q2 “Te bidigo ena me abelisąma,  
\q2 te nago we bidi te olo sę bidi me  
\q3 sę ebo we tiwai elama, sela pali.  
\q1 Te eno augwali ma sainu, te mone menama, me sogobeo.  
\q3 Menio.  
\q1 Te augwali eno olo mu saibao.   
\q1
\v 4 Magi baso meni. Ena God, Genuai Bidi,  
\q3 eno te tama po wali.  
\q1 Polobadu, te eno we bidi dabe  
\q2 te Isipba pelama, bidigi pali sogo,  
\q3 te augwa homugo digi palio.  
\q1 Te nosali, te Asiria dabe aselama,  
\q3 te augwali olo sę ebo bidi me  
\q2 sę ebo we tiwai sela pali,  
\q2 augwaligo ena abelama, te augwali sela pabeo.   
\q1
\v 5 Te Babilon dabego me te tobage  
\q3 deli kolesaga nosali yalio.  
\q1 Augwaligo te eno we bidi olo mu selama,  
\q2 te augwali kalabusiba sela pali,  
\q2 te eno hanigo tobolu bidi dwai gela mu wali.  
\q1 Te eno magi nai deli me sabeo. Menio.  
\q1 Sesemane sogo te bidi dabego te posobo po weyu,  
\q2 ena nogi aiyaba elalubo sę yai dao. \x * \xo 52:5 \xt Rom 2:24\x*   
\q1
\v 6 Te ena digi eno dąį ilama,  
\q2 te ena we bidi ma saiba wabo sogo,  
\q2 te augwaligo ena nogi bugagia koneaibao.  
\q1 Augwaligo te tiwai koneyu, ena Genuai Bidi,  
\q2 eno tama te augwaliba tigidali  
\q2 pedalubo sę po polobadu wai dao.  
\q1 Suao, ena bidibao,” wali.   
\q1
\v 7 Te we bidi augwaligo bidi me deli  
\q2 te bulu du pesagedu udada asobo sulama,  
\q2 te wiegi yai pemene mu yaibao, te wiegi yai po  
\q2 Jerusalemba selasa asali.  
\q1 Agai te tiwai po waibao,  
\q2 “Saion, te wiegi yai sogo pedelalio.  
\q1 Godigo te boi bidi dabe aiyaba elaluama,  
\q2 te agai nage bugagia bidimainu ilalio.  
\q1 Megi da, nago Godigo te tigidali nai  
\q2 tonalubo dao,” agai te po waibao.\x * \xo 52:7 \xt Nah 1:15; Rom 10:15; Ef 6:15\x*   
\q1
\v 8 Te tonalubo bidi dabe te masigigo  
\q2 nigali bobobage be taua daide bidali,  
\q2 te Genuai Bidi te Saion badu ma asobo sueinu yali,  
\q2 te augwa tigidaligo te genuai pemene dali eyu,  
\q3 te i bomonama mu waibao.   
\q1
\v 9 Dage te Jerusalem badu dolalio,  
\q2 dagego te pemene elama, i waiąo,  
\q2 magi baso meni, Genuai Bidigo te Jerusalem ma  
\q2 selama,  
\q2 te agai aga we bidi dabego sęgę silalio.   
\q1
\v 10 Genuai Bidigo agai bomo hania ola mayu,  
\q2 te tigidali tǫ kantrigo sumainu yaibao.  
\q1 Dago Godigo te aga we bidi dabe ma saibao,  
\q2 tama te tigidali tǫde we bidigo sueibao.   
\q1
\v 11 Dage tigidaligo te Babilon tagalama, asiąo.  
\q1 Te bugagia dua dao, tiyu dage te God gedude wiegi yai  
\q3 isąwani naide pania sabuo.  
\q1 Dage te hanigo te pou dis dabe, me pou dabe,  
\q2 te Genuai Bidigo bede nai sela paibao,  
\q2 dagego duga digi te God gedude wiegi yai pedalubo  
\q3 kolesaga wali pao.  
\q1 Dage tigidali te magi meda meni yai bidama, asiąo.\x * \xo 52:11 \xt 2 Ko 6:17\x*   
\q1
\v 12 Tiali goli, dage asesa polo me te Babilon tagalama,  
\q2 me wi polo soyu,  
\q2 te dagego polobadu te Isipde yali tiwai me egobeo.  
\q2 Menio.  
\q1 Te dage dua digi asaibao.  
\q1 Te God, duga Israel dabego Genuai Bidi,  
\q2 te dage pabodu polasa paibao,  
\q2 te aga dage nosali badu me asaibao,  
\q2 te agai dage tonalua asiyu, odasa asaibao.   
\s1 Genuai Bidigo sę ebo bidigo te we bidi dabego dwai sę yali sęgę dali tolasa asaibao  
\q1
\v 13 Genuai Bidigo te tiwai po wali,  
\q3 “Suao, bugagia konea sao.  
\q1 Tigidali sę eno sę bidigo ebo  
\q3 te bugagia mu pedelaibao.  
\q1 Te bidi dabego agaba genuai nogi mayu,  
\q3 te aga nogi ugwanu mu saibao.   
\q1
\v 14 Polobadu te bidi dabego dwai sę mu agaba yali,  
\q2 te aga tigi me gesabidi te dwai mu tonani,  
\q2 te aga bidi tigi tonobo tiwai me ebeo.  
\q1 Te we bidigo aga subo, wi yai dao.   
\q1
\v 15 Tiali goli, nosali da, te bulu tǫ kantri hauwa we  
\q2 bidi dabe te agade dwai noma midigi mu selama,  
\q2 te king dabe pedauwali pania selama,  
\q1 te bomonama tononalu,  
\q2 te augwa po deli me wagobeo,  
\q1 magi baso meni, te augwaligo polobadu  
\q3 po odisąwani nai suali.  
\q1 Te augwa dwasianu me konesiąwani nai  
\q2 te hania koneaibao,” wali. \x * \xo 52:15 \xt Rom 15:21\x*   
\c 53  
\q1
\v 1 Te Israel hani we bidi dabego te tiwai po wai,  
\q1 “Dego te megi dago odali pode konealubo homu  
\q1 dąų  
\q2 waibawe?  
\q1 Tama dego Genuai Bidigo te megi yali bomai sę tiwai  
\q2 ebo suai dawe? \x * \xo 53:1 \xt Jon 12:38; Rom 10:16\x*   
\q1
\v 2 Genuai Bidigo aga sę bidi te olo ni me deli tiwai te  
\q2 tǫ pesagede pedalumainu ilali.  
\q1 Awe, aga te ni me deli te wa pai tǫdu  
\q3 pedalubo tiwai pedalali.  
\q1 Te sę bidigo nogi meni yai, magi baso meni,  
\q2 te bidi dabego gedude tonobo sawi isiąwai.  
\q1 Te agade te bidi dabego godolo elama,  
\q3 tonabo nai me deli elalusąwai.   
\q1
\v 3 Te bidi dabego aga tudi ola menama,  
\q2 te aga begela dolama, te aga godolo mu me isąwai.  
\q1 Sesemane sogo agade te homu dene me  
\q3 haniani sęgę pągąnaluali.  
\q1 Augwaligo aga tudiba mu muanio.  
\q1 Te dago aga te olo bidi me tonobo tiwai yai dao.”   
\q1
\v 4 “Te dago tama homu yali,  
\q2 te Godigo agaba dwai dene mawainu eba homu eyu,  
\q1 te dwai sę agaba pedalainogo ebao homu yali.  
\q1 Tiali goli, menio.  
\q1 Te sę bidigo dago sęgę me dene te agai tolali dao.\x * \xo 53:4 \xt Mat 8:17\x*   
\q1
\v 5 Te dago yali dwai sęgęde naga aga dolali.  
\q1 Te augwaligo aga dodagia mu elama,  
\q2 te aga tigi tologola pali,  
\q2 agai te tolali sęgęde aga da usu ma ilama pedelali,  
\q2 te da bugagia mu bidibo dao. \x * \xo 53:5 \xt 1 Pi 2:24\x*   
\q1
\v 6 Da tigidali te sipsip besela palama, bilibo tiwai yali,  
\q2 te da deli deligo te dena digi homu wali bilali.  
\q1 Tama tibaso, Genuai Bidigo daba  
\q2 te dene mabo sę yabo usu igi da,  
\q2 te dena yali dwai sęde wei ponainu yali,  
\q2 tiali goli aga te tama me tebeo. Menio.  
\q1 Te dena digi tolabo sęgę te agai aga sę bidiba te sęgę  
\q2 menama,  
\q3 tolomainu yai dao.” \x * \xo 53:6 \xt 1 Pi 2:25\x*   
\q1
\v 7 Genuai Bidigo te tiwai po wali, \f + \fr 53:7 \ft Te kolesaga koneai bidi dabego bugagia konesiąyu, dego mu te ves 7-9de po wali. Mebago homugo te po Genuai Bidigo wali homu yali, te mebago homugo we bidi po udali homu yai, te mebago homugo te profetgo po wali homu yai dao.\f*  
\q1 “Te bidi dabego te sę bidiba dwai sę ilali,  
\q2 tiali goli aga digi aga aiyaba elaluama, te dene tolali.  
\q1 Te agai po me deli wabeo.  
\q1 Agai pedauwali pania sali,  
\q2 te augwaligo sipsip wai sela pelama,  
\q2 elainu ebo tiwai eyu,  
\q2 te sipsip augwaligo te nisi poawainogo sela pabo  
\q2 tiwai yai dao. \x * \xo 53:7 \xt Ped 5:6\x*   
\q1
\v 8 Augwaligo aga odolali mu kalabus elama,  
\q2 te aga po tų odoboba odasa pali,  
\q3 te po tųde aga isimainao po wai.  
\q1 Te augwaligo aga ela muai.  
\q1 Tama tibaso, aga nosali pedelabo hani  
\q3 we bidi me pedalugobeo.  
\q1 Agai te eno we bidi dabego pesage siyu, hasegelama,  
\q2 te augwa digi tolabo sęgę te agai tolama,  
\q2 te augwaligo yali dwai sęgę dodoliyu,  
\q2 te aga isai dao. \x * \xo 53:8 \xt Tpi 8:32-33\x*   
\q1
\v 9 Te augwaligo aga te haniani dwai kolesaga yali bidi  
\q2 dabe dali me,  
\q2 te mone doado bage hauwa elaluali bidi dabe dali,  
\q2 pubulali.  
\q1 Tiali goli, te aga digi dwai kolesaga deli me isąwai,  
\q2 te agai tibo po me deli me wabeo,” te po wali.\x * \xo 53:9 \xt 1 Pi 2:22\x*   
\q1
\v 10 Tiali goli, Genuai Bidigo digi aga sę bidi aiyaba  
\q2 elaluama,  
\q1 tama agai te dene selama, tolomainu yali,  
\q2 magi baso meni,  
\q1 te sę bidigo digi aga bidibo ula mayu,  
\q1 te we bidi dabego sęgę sela sąbo ofa tiwai ebaso da,  
\q1 teda aga bidibo sogo te bobobage mu igi pelama,  
\q2 te aga bulai wąį nǫų wai dabe sueibao.  
\q1 Te aga yali sęde, te sę bidigo te Genuai Bidigo homugo  
\q2 yao homu ebo sę ebaso,  
\q2 te agai te sę bugagia pedalumainu ebo dao.   
\q1
\v 11 Te aga genuai sęgę tolama da,  
\q2 nosali te aga wiegi yai nai hauwa pedalubo sulama,  
\q2 te aga wiegi yai pemene umabo mu yaibao.  
\q1 Genuai Bidigo te tiwai po wali,  
\q2 “Eno te doloba pai sę bidi, agai ena bugagia koneai.  
\q1 Agai te hauwa we bidigo dwai sę yali sęgę tolama,  
\q2 te kolesagade agai te augwali  
\q3 doloba pai we bidi pedelaibao.   
\q1
\v 12 Te we bidi dabego aga  
\q2 te dwai bidi me deli tonobo tiwai yai.  
\q1 Tiali goli, aga bidibo ula digi  
\q2 te olo wę mu gelebo tiwai eyu,  
\q2 agai te hauwa we bidigo dwai sę yali sęgę tolalio. \f + \fr 53:12 \ft Bidi mebago homugo te ede wali po te tiwai begelaibao homu yali. “Agai te dwai sę yali we bidi dabego sęgę selama, te augwa digi tolabo sęgę te agai tolai dao.”\f*  
\q1 Tama augwali dolidali weyu,  
\q2 agai te dwai sę ebo we bidi tau siyu,  
\q3 gedu haluasa po wai dao.  
\q1 Tama tibaso, eno agaba te genuai bidi dabe tomode  
\q2 te agaba genuai nogi mawaibao.  
\q1 Eno te bomai ami bidi dabego te boi hwįnama,  
\q2 te sali nai dabe agaba dobolama mawaibao,” wali.\x * \xo 53:12 \xt Mak 15:28; Luk 22:37\x*   
\c 54  
\s1 Genuai Bidigo Jerusalem wiegi yai ma pedalumainu ilaibao  
\p
\v 1 Genuai Bidigo te tiwai po wali,  
\q1 “Jerusalem, nage te hobedagia wai ame  
\q2 nesiąbo we tiwai eyu,  
\q2 nage te wai ame nabode dene isiąbo we tiwai ebao.  
\q1 Tiali, megi da, nago te balia po weyu,  
\q2 pemene elama, i wao, magi baso meni,  
\q2 te nago wai dabe hauwa mu umabo elalueibao,  
\q2 te aga bidi dali bidibo wego wai  
\q2 te aiyaba mu elalueibao. \x * \xo 54:1 \xt Gal 4:27\x*   
\q1
\v 2 Nago genuai tǫ pedai dąį elama,  
\q3 te nago ugwa be tede sę yao.  
\q1 Nago ugwa be ugwade eda si dedelasa pelama,  
\q2 te bono bobobage tagalama,  
\q2 te ni tǫba bomonama tulama,  
\q2 te bono dabe bomonama kekelama, te nide kęao.   
\q1
\v 3 Magi baso meni, nago tǫ dąį te ugwa de eda si  
\q2 pedegasa pelama, genuai igi pelama,  
\q2 te dolo nogo badu tiyu,  
\q2 te pobase nogo badu me tiao,” wali.  
\q1 “Te nage hani wai dabego te gasa tǫ  
\q2 kantri hani we bidi aiyaba elalueibao,  
\q2 tama augwali te augwaligo megi olo elalubo hanu  
\q2 dabede bidalueibao.”   
\q1
\v 4 “Jerusalem, nage wi me igio.  
\q1 Te nage hale munu ma egobeo.  
\q1 Te bidi dabego posobo po nageba munu ma wagobeo.  
\q1 Te nage gesi ogwa bidi elalubadi hale sali,  
\q1 te nago homu kone mu gegeda palama,  
\q2 te sogo nagaduba te bidibo we tiwai homu ebo kone  
\q2 me isiąyu,  
\q3 te aga bidi isai we tiwai egobeo.   
\q1
\v 5 Magi baso meni.  
\q1 Ena, nage nigali God, ena te nago bidi tiwai bidaibao.  
\q1 Eno nogi da, te Tigidali Bomo Elalubo Genuai Bidi dao.  
\q1 Ena, te Israelgo God, ena te Wiegi Yai Doloba Pai  
\q2 Kolesaga Mu Ebo God da,  
\q2 te ena nage tudi badu posolalu tau sabo bidi,  
\q2 eno naga eno te tigidali tǫ habu tonalubo God dao.”   
\q1
\v 6 “Ena God, Genuai Bidi, eno te tiwai po wali,  
\q2 te nage eno enaba ma asomainu i waibao.  
\q1 Nage te bidigo sai gesi we tiwai  
\q2 te aga bidigo tagalama, wi palio,  
\q2 te aga hobolu du peda pelama,  
\q2 te aga genuai homu dene dali bidalio.   
\q1
\v 7-8 Ena Genuai Bidi, te nage eno tudi badu posolalu,  
\q2 tau sabo bidi,  
\q1 eno nage pęwądage sogo tagalali,  
\q2 te eno genuai homu dene nagede elalueibao.  
\q1 Tama te nage enaba ma asomainu saibao.  
\q1 Te eno nageba wado po dwai mu  
\q2 te pęwądage sogo olama,  
\q2 te eno ena gesabidi geme duala sali.  
\q1 Tiali goli, sesemane sogo te eno nage dali homu dene  
\q2 eyu, te nage godolo mu eyu,  
\q2 te nageba wiegi yai sę bugagia yaibao.”   
\q1
\v 9 “Te Noa bidali sogo, eno te tiwai bomai po dąų weyu,  
\q2 te eno genuai ąįgo te tǫ ma dologobeo wali.  
\q1 Te megi eno te tobage bomai po dąų walaibao.  
\q1 Eno mu po weyu, te eno haliga sębę ma isiąma,  
\q2 te nageba wado iliyu,  
\q2 te nage me dene mabo sę egobeo wai. \x * \xo 54:9 \xt Gag 9:8-17\x*   
\q1
\v 10 Te bulu du dabe pedasa pelama, degaibao,  
\q2 tiali te eno nagede homu godolo ebo  
\q3 te sesemane sogo elalueibao.  
\q1 Te da si bugagia dugulalu,  
\q1 te eno bugagia bidabo sogo maiabo  
\q2 po weyu, te dąų walali bomo yai po  
\q2 te eno me bologobeo.  
\q1 Ena Genuai Bidi, te eno nagede homu dene mu eyu,  
\q2 te nage godolo homu mu yai,  
\q1 eno te sę dabe yaibao te po nageba wai dao,” wali.   
\s1 Jerusalem te usu yai polalubo mu pedelaibao  
\q1
\v 11-12 Genuai Bidigo te tiwai po wai, “Hobede ya,  
\q1 Jerusalem, nage te hauwa dolali taun,  
\q2 te nage homu dene elama, tau sabo bidi meni yai.  
\q1 Tiali goli, eno te wiegi wiegi yai masigi te gasagi yai  
\q2 mu selama,  
\q2 te nage ma nigaibao,  
\q2 te nage gasa sawi yai taun mu pedelaibao.  
\q1 Eno te gasagi yai tedali masigi dabe selama,  
\q2 te tǫde wasilama, te ugwadu daide taun ma  
\q2 nigaibao.  
\q1 Te eno te haniani wiegi yai dila pai masigi selama,  
\q2 nago be sę ebadi, te bomai obogo nage bagulama,  
\q2 te obo sunumi dabe me,  
\q2 te genuai masigigo nigai obo daide elaluabo taua,  
\q3 te dabe nigaibao.” \x * \xo 54:11-12 \xt Ped 21:18-21\x*   
\q1
\v 13 “Te ena digi eno nago wai dabe ola mayu,  
\q2 te augwa bidabo pesage bugagia mu elalueibao.\x * \xo 54:13 \xt Jon 6:45\x*   
\q1
\v 14 Te eno doloba pai kolesagade  
\q2 te eno nage bomai pedalumainu ilaibao.  
\q1 Te nage aiyaba elaluama, te dwai sęgo dolabo bidi me  
\q2 menio,  
\q2 te nage magi nai me delide wi me egobeo.  
\q1 Te nago wi ebo tigidali silaibao.   
\q1
\v 15 Te hani mebago nage dali hwįai olama, asobaso da,  
\q2 te nago te tiwai koneao,  
\q2 te augwali eno tagala palobaso me asobeo. Menio.  
\q1 Te augwa homugo digi asali.  
\q1 Tama augwali te eno nago nogoba mueibao,” wali.   
\q1
\v 16 “Suao, bugagia konea sao.  
\q1 Ena digi eno te haniani nai te aingo  
\q3 nigibo bidi dabe nigali.  
\q1 Augwa te ain siaba munama,  
\q2 te ain dabo posolo yai sia mu nogani.  
\q1 Augwa te ain selama, te hamago elama,  
\q2 te bidigo hwįabo haniani nai dabe nigibo dao.  
\q1 Tama eno te ami bidi dabe me nigali,  
\q2 tama augwa te nai dabe selama,  
\q2 te boi hwįnama, te gasa bulu tǫ kantri dolobo sę  
\q2 ebo dao.   
\q1
\v 17 Tiali goli, te hwįbo nai dabe me deligo nage me  
\q2 dologobeo.  
\q1 Te nage bomonama dolalu,  
\q2 te bidi dabego nageba haniani po kisilama wabo po  
\q2 te wei ponoyu,  
\q3 aiyaba elalueibao.  
\q1 Eno te kolesagade ena sę bidi dabe tigidali bugagia  
\q2 tonalu,  
\q2 te augwali doloba pai we bidi pedelaibao.  
\q1 Ena Genuai Bidi, eno te po wai dao.”   
\c 55  
\s1 Godigo aga we bidi wiegi yai ilainu yali po  
\q1
\v 1 Genuai Bidigo te po wai,  
\q1 “Tega, dage te ąį nogonego sabo we bidi dabe,  
\q2 dage enaba aselama, dage wę tuagasao.  
\q1 Dage te mone meni yani hani dabe, dage enaba aselama,  
\q2 te dage nai sela tuagasao,  
\q2 te aselama te ąį wain  
\q2 me hasa bulmakaugo ame pę ąį sagasao,  
\q3 te monego me abeligobeo. \x * \xo 55:1 \xt Ped 21:6; 22:17\x*   
\q1
\v 2 Magi baso dagego te duga mone  
\q2 te dage tau sisąyabo nai dabede odolali silama,  
\q3 te dage nai sili bidaiwe?  
\q1 Magi baso dagego te tubo nai sabo sę dene elama,  
\q2 tama tede sabo monego magi baso  
\q2 te dwai olo nai naga abelebo dawe?  
\q1 Te eno poba bugagia olo muao,  
\q2 te eno wabo po tiwai gilama yao,  
\q2 te dagede eno mabo haniani nai mu pągąnalueibao.  
\q1 Awe, dagego homugo tede wiegi yai pemene mu yaibao.”   
\q1
\v 3 “Odao, dage eno we bidi dabe dao.  
\q1 Dage bugagia bidimainu eyu, enaba asiąo.  
\q1 Te eno dage dali bomo yai po dąų walama,  
\q2 tama te dąų wali bomai po sesemane elalueibao.  
\q1 Te sesemane sogo eno dage godolo homu mu elama,  
\q3 te dageba wiegi yai sę yaibao.  
\q1 Te polobadu eno te bomo yai po te king Devitba  
\q2 dąų wali tiwai gilama yaibao wali. \x * \xo 55:3 \xt Tpi 13:34\x*   
\q1
\v 4 Konea sao, eno aga genuai bidi pedalumainu ilama,  
\q2 te agai gasa bulu tǫ kantri tonalumainu yai.  
\q1 Te agade, te eno bomo augwaliba ola mawai dao.   
\q1
\v 5 Mu tama, te dagego polobadu konesiąwai te bulu tǫ  
\q2 kantri we bidi dabe augwali i wabo sogo,  
\q2 te augwaligo me dage me konesiąwai,  
\q2 te augwali dageba polo udada asaibao.  
\q1 Magi baso meni, ena Genuai Bidi, dage Israelgo God,  
\q2 ena te Wiegi Yai Doloba Pai Kolesaga Mu Ebo God,  
\q1 eno dage te genuai nogi dali bomo dali si  
\q2 mu elalumainu ebao,” Genuai Bidigo te po wali.   
\q1
\v 6 Megi da, Genuai Bidi te dage pąde bidiyu, dage  
\q2 tonalubao,  
\q2 tama megi sogo te dagego agaba gedu haluasa po  
\q2 weyu, te aga pąba pabo sogo dao.   
\q1
\v 7 Te dwai kolesaga ebo we bidi dabego  
\q2 te augwa ebo dwai kolesaga tagalama,  
\q2 tama augwa te kolesaga me yabo  
\q3 homu kone me paligio.  
\q1 Te augwali augwa Genuai Bidiba ma asiąo.  
\q1 Agai te agaba ma asobo bidi dabeba  
\q2 te olo mu tau mabo wiegi yai  
\q3 kolesaga umabo mu yaibao.  
\q1 Awe, Godigo augwaligo dwai sęgę  
\q3 tigidali mu sela sąwaibao.   
\q1
\v 8 Genuai Bidigo te po wai,  
\q1 “Eno homu kolesaga te dagego homu  
\q3 kolesaga tiwai elalubeo.  
\q1 Te eno kolesaga te dagego kolesaga tiwai meni,  
\q3 te gasa tedali mu elalubo dao.   
\q1
\v 9 Te tǫ aiyadu elalubode te dagalu ugwadu mu elalubao,  
\q1 te tiwai naga te eno homu de eno homu kolesagago  
\q2 te dagego kolesaga me homu kolesaga te aiyaba mu  
\q3 elaluai dao.”   
\q1
\v 10 “Te dagaludu tulubo tulubage, aga odolali  
\q2 te dagaluba ugwaba ma hologobeo. Menio.  
\q1 Agai te tǫba ąį mayu, te gide nai holomainogo elama,  
\q3 te bidi dabego saibao.  
\q1 Me badu augwa tuyu, me badu wai selama,  
\q2 ma buluyu ebo dao. \x * \xo 55:10 \xt 2 Ko 9:10\x*   
\q1
\v 11 Te tiwai naga eno po me te enaba  
\q3 odolali ma asogobeo. Menio.  
\q1 Agai te eno wali po tiwai gilama pedelaibao.  
\q1 Te agai eno homugo pedalumainogo homu yali sę  
\q2 pedalubo dao.”   
\q1
\v 12 “Te dage wiegi yai pemene elama,  
\q2 Babilon taga somainu elama, te dage eno odasa  
\q2 asiyu,  
\q2 te dage wi ilabo magi sę deli me pedalugobeo.  
\q1 Te bulu du dabego wiegi yai pemene ebo tęąbi po weyu,  
\q2 te ni dabego pemene homu elama,  
\q3 augwa nogo elaibao.   
\q1
\v 13 Te ni wuli dabe te megi dwai ni dabe  
\q3 elalubo madi pedelaibao.  
\q1 Te gasa sawi yai dwasianu ni dabe  
\q2 te megi sesane bono elalubo pesagede pedelaibao.  
\q1 Tama sesemane sogo te tobage ni dabe te pesagede  
\q2 pedelama,  
\q2 te sesemane sogo te dąį ilali tiwai  
\q2 te we bidi dabego sulama,  
\q2 te Genuai Bidi, eno yali bomai sę homu kone  
\q2 palomainu yaibao,” wali.   
\c 56  
\ms1 Genuai Bidi te gesi Jerusalemde king bidaibao  
\mr (Dąį 56–66)  
\s1 Te tigidali we bidi aga dologoba asomainu, Genuai Bidigo be tų dalalubao  
\p
\v 1 Genuai Bidigo te po wali,  
\q1 “Dage eno we bidi dabe, odao.  
\q1 Eno dagebolo te eno bomai po polobadu mawai dao.  
\q1 Tama eno dage dali te sesemane elaluabo  
\q3 po me dąų walai dao.  
\q1 Dagego te po si bugagia wali peyu,  
\q2 te wiegi yai doloba pai kolesaga naga iyąo,  
\q2 magi baso meni, te eno dage tau selama,  
\q3 ma sabo sogo, te pąba pedelai dao.  
\q1 Awe, dagego eno doloba pai kolesaga  
\q3 ebo tamadi sueibao.   
\q1
\v 2 Te we bidi dabego wiegi yai doloba pai kolesaga  
\q2 wali peyu,  
\q2 te Sabat sogode bomo yai po bugagia wali peyu,  
\q2 te dwai kolesaga isąbo we bidi,  
\q3 augwa wiegi yai pemene yao.  
\q1 Eno augwaliba wiegi yai sę yaibao,” Genuai Bidigo te  
\q2 po wali.   
\q1
\v 3 Te gasa tǫ kantri we bidi dabe augwaligo  
\q2 te agai po wali pabo homu dąų olama,  
\q2 te Genuai Bidigo we bidi dali bidali,  
\q3 augwade digi te tiwai po wagio,  
\q1 “Te Genuai Bidigo da te agai we bidi dabe dali  
\q2 bidimainu me iligobeo.”  
\q1 Augwaligo te tiwai po wagio.  
\q1 Te augwaligo aga domo diani bidi,  
\q2 agai te tama homu me elamuo,  
\q1 “Te ena wai meniama, te ena nogi meni yaibao,” wagio.  
\q1 “Ena te sasia pai ni me deli tiwai da,” homu igio. Menio.   
\q1
\v 4 Genuai Bidigo te tiwai po wali,  
\q1 “Te tobage tiwai bidi dabego  
\q2 te Sabat side bomo yai po wali peyu,  
\q2 te eno godolo homu ebo kolesaga wali peyu,  
\q2 te eno ena we bidi dabe dąų wali  
\q3 bomai po tigidali wali pobaso da,   
\q1
\v 5 teda eno te dąį me deli tiwai  
\q2 te augwaligo nogi te eno tempel be  
\q3 tomode muai elalueibao.  
\q1 Tama sesemane sogo te we bidi dabego  
\q2 sulama, te augwali homu koneaibao.  
\q1 Te augwaligo genuai nogigo te wai dabe  
\q2 ame nai elaluali bidi dabego nogi  
\q3 aiyaba mu elalueibao.  
\q1 Te eno augwali nogi mu silimainogo  
\q3 me iligobeo,” wali.   
\q1
\v 6 “Te gasa tǫ kantri we bidi dabe  
\q1 augwaligo te eno po wali pabo homu dąų olama,  
\q2 te eno we bidi dali bidalubo,  
\q3 te augwali ena dologoba aselama,  
\q2 te ena godolo homu mu elama,  
\q3 te enabolo lotu po weyu,  
\q2 te Sabat side bomo yai po wali peyu,  
\q1 tama te eno we bidi dali po dąų wali po  
\q2 tigidali te wali pali da,   
\q1
\v 7 augwa wiegi yai yaibao.  
\q1 Te eno bulu du Saionba te augwali eno odasa paibao,  
\q2 te augwali eno bede bidiyu,  
\q3 wiegi yai pemene yaibao.  
\q1 Te augwa te siago tigidali domainu ebo ofa dabe eyu,  
\q2 te gasa tobage ofa dabe eno altade yaibao.  
\q1 Te eno augwaligo ebo ofa godolo homu yaibao,  
\q1 magi baso meni, eno be da te tigidali  
\q3 bulu tǫ kantri we bidi aselama,  
\q2 te enaba gedu haluasa wagasabo be elalubo dao.”\x * \xo 56:7 \xt Mat 21:13; Mak 11:17; Luk 19:46\x*   
\q1
\v 8 “Ena God, Genuai Bidi, eno te Israel we bidi ma  
\q2 sisinibao,  
\q2 te boi bidi dabego sela pelama, kalabus igi pai,  
\q3 eno te tiwai po obao.  
\q1 Te eno gasa we bidi dabe me selama,  
\q2 te eno sisinani hani we bidi dali bidimainogo odasa  
\q2 asaibao,” te po wai dao.   
\s1 Godigo te Israel dabe augwa polalubo bidi dabeba wado ilali po  
\q1
\v 9-10 Te Israel polalubo bidi dabego  
\q2 te we bidi dabe bugagia me tonalusiąbaso,  
\q2 te Genuai Bidigo te po wai,  
\q1 “Asiąo, dage boi bidi dabe.  
\q1 Dage te uni hasa dabe te bulu du buside  
\q3 bidalubo asiąo,” wai.  
\q1 “Dage aselama, te Israel polalubo bidi dabe dolagasao.  
\q1 Te polalubo bidi dabego te tǫ kantri  
\q2 dwai sęgo elalagasainu ebo po  
\q2 te we bidi dabeba wabo sę elalubao.  
\q1 Tiali goli, augwa sę bugagia me ebeo. Menio.  
\q1 Augwali te gedu widai bage tiwai te taun  
\q2 tauade te boi bidi asobo tonalubo tiwai bidali.  
\q1 Tama augwali te pedauwali pania sai yowi tiwai  
\q2 te nai wi sabo bidi asobode  
\q3 gągą wabo usu isąwai bidali.  
\q1 Te augwa tobolude dwasianu kolesaga me elalubeo.   
\q1
\v 11 Augwali te nai hauwa tuabo  
\q2 homu ebo yowi tiwai bidali,  
\q3 te dwasianu pągąsiąbo ąǫ yai.  
\q1 Augwali te sipsip tonalubo bidigo aga  
\q3 sę ebo konesiąbo tiwai yali.  
\q1 Deli deligo te augwa homu wali pelama,  
\q2 te aga tau sabo nai naga homu koneai dao.   
\q1
\v 12 Te augwali sisinibo sogo, augwali  
\q2 mebago te tiwai po wali,  
\q1 ‘Ae, tegobao, eno te wain ąį selama,  
\q2 te da tųdu pelama, te dena godolo  
\q3 yaliba usu nigi paibao.  
\q1 Te do da wabo sogo, da ma sisinama,  
\q2 te umabo mu ma tueibao,’ wabo dao.”   
\c 57  
\s1 Te Israel dabego hagoma me idu geyu, te tibo godiba lotu ma wali  
\q1
\v 1 Te bidi dabego te wiegi yai we bidi dabe  
\q2 isibo sogo,  
\q2 te augwa homu si me ebeo,  
\q3 tede homu kone palobo menio.  
\q1 Tama augwa te tiwai homu me sabeo,  
\q1 ‘Genuai Bidigo te bidi dabe isimainogo ilama,  
\q2 te augwaliba pedelainu yali dwai sę  
\q2 te geda mumainogo ebao,’ te homu egobeo.   
\q1
\v 2 Te doloba pai kolesagade bilali bidi dabe,  
\q2 te augwa isibo sogo, te augwa gų pagede pila muyu,  
\q2 te toma nabo wiegi yai sogo sai,  
\q2 magi baso meni, te dwai sę ebo sogo  
\q3 augwaliba pedelabo usu egobeo.   
\q1
\v 3 Genuai Bidigo te tiwai po wali,  
\q2 “Dage te dwai kolesaga haniani ebo  
\q3 we bidi dabe, dage edaba asiąo,  
\q3 dage te pobi bidi dabe, me penani bidi dabe,  
\q2 me penani ebo we dabe te augwaligo wai dabe dao.   
\q1
\v 4 Dagego po dwai deba wali,  
\q2 dage te hagoma ebo bidi dabe,  
\q2 me te po geagano pabo bidi,  
\q2 me tibo po wabo bidi te augwaligo wai dabe dawe?  
\q1 Dagego gesabidi dwai eyu, te dagego  
\q3 hąę hąę elama, deba wabo dawe?   
\q1
\v 5 Te duga haligade dwai homugo  
\q2 te bomonama hodolobaso,  
\q2 te genuai ni dologo te lotu wabo pesageba pelama,  
\q3 te penani ebo kolesaga ebao.  
\q1 Dagego te duga wai puluba dabe elama,  
\q2 te ofa tiwai eyu,  
\q2 te odogo tǫ pesagede te genuai  
\q3 masigi elalubo tomode ulubo dao.   
\q1
\v 6 Tama tede dagego te masigi dabe  
\q2 selama, te augwa god tiwai pedelali.  
\q1 Te augwali te masigi dabe duga god tiwai naga elama,  
\q2 te dagego ofa eyu, te wain geliyu,  
\q3 te wit ofa me augwaliba yali.  
\q1 Te kolesaga ebo sę dagego elama,  
\q2 te dagego homugo eno hasegelama,  
\q2 dageba homu dene yaibao weyu ebawe? Mu menio.   
\q1
\v 7 Dage te lotu wabo bulu du bageba holama,  
\q3 te ofa eyu, penani kolesaga yalio.   
\q1
\v 8 Dagego ena tudiba mu muanio.  
\q1 Dagego te duga tibo godigo piksa dabe  
\q2 te duga be tų dabo tomo badu bogo side muani.  
\q1 Tama dagego te duga abagi wali weba te mone menama,  
\q3 augwali dali piainu yali,  
\q2 tama dagego te duga nigali  
\q3 genuai bet sai daide te penani kolesaga ebo dao.   
\q1
\v 9 Dagego au ebo, te sanda me pauda,  
\q2 te wiegi yai denami ebo naigo au elama,  
\q2 te dage tibo god Melekba lotu wagi pali.  
\q1 Dagego te bidi dabe digibulu buluba tagala palali,  
\q2 te dagego lotu wabo god gegemainu yali.  
\q1 Tama dagego te gų pagede me te tibo  
\q2 god dabe gegebo kolesaga ebo dao.   
\q1
\v 10 Dage te god dabe gegebo sę dene mu eyu,  
\q3 te dagego bomo silibao.  
\q1 Tialima, dage tede gę neyu, te tiwai po me weyu,  
\q1 ‘Dago bomo te odolali silibao,’ po wabeo.  
\q1 ‘Dago te tebo kolesaga tagalinao,’  
\q3 dagego te po wabeo. Menio.  
\q1 Te duga dwai homu ebo kolesaga  
\q2 te bomonama mu pedaliyu,  
\q2 te dage kekasa mu pobao wabo dao.”   
\q1
\v 11 “Dage dede mu wi elama,  
\q2 te dagego ena ili po ola mayu,  
\q2 te ena tudiba munama, te ena homu kone mu  
\q3 gegeda palobawe?  
\q1 Te bobobage sogo eno dageba wado po wabe,  
\q3 tama tiyu dagego enaba wi ebeo.   
\q1
\v 12 Tiali goli, te eno dagego ebo  
\q2 kolesaga te pebeli diliba hanilaibao,  
\q2 tama dagego homugo te wiegi yai  
\q3 da olama wali pabo sę ebo kolesaga dabe,  
\q2 te augwaligo dage dwasianu tau me sogobeo.  
\q2 Mu menio.   
\q1
\v 13 Te dwai sęgo dage dolobo sogo,  
\q2 dagego te pesage holama elalubo  
\q2 godigo te dagego augwaliba i obaso,  
\q1 te augwali aselama, dage tau sagasaiba, agawe?  
\q2 Mu menio.  
\q1 Augwa bomo me elalubeo,  
\q2 te dwasianu waligo naga augwali sela paibao.  
\q1 Tialima, te bidi dabe enaba aselama,  
\q1 te eno augwali tau siyu, tonaluainu ebo bidi da,  
\q2 augwaligo te tǫ eno sa muyu,  
\q2 te eno we bidi dabego somainu yaibao,  
\q1 te augwali me eno digi te sa muani  
\q2 bulu dude bidimainu yaibao,” wali.   
\s1 Godigo te we bidi dabego dwai sęgę sela sąnama, te augwaliba wiegi yai sogo mawaibao wali  
\q1
\v 14 Genuai Bidigo te tama po wali,  
\q1 “Te eno we bidi dabe enaba ma asomainu yaibao.  
\q1 Te augwa sunumi bugagia dodolama,  
\q2 te sunumi paliabo nai tigidali sela sąwaibao,  
\q2 tiyu te nai dabego augwali sągąde dolama,  
\q2 te augwali tula muidalio,” wali.   
\q1
\v 15 “Ena digi ena God, te ena sesemane sogo bidibao.  
\q1 Eno nogide te magi meda mu meni yai elalubao,  
\q2 ena te Wiegi Yai Doloba Pai Kolesaga Mu Ebo God  
\q2 dao.  
\q1 Ena te ena wiegi yai bulude digi ugwadu bidibao.  
\q1 Tiali, ena te augwa digi augwa aiyaba elaluama bidiyu,  
\q2 te augwa yali dwai sęde homu dene ebo we bidi  
\q2 dali bidibao.  
\q1 Te eno augwa haliga dąų waliyu,  
\q2 te augwa bidibo ula te wiegi yai  
\q2 ma pedalumainu ebo dao.   
\q1
\v 16 Eno ena we bidi dabeba sesemane sogo wado eyu,  
\q3 haliga sębę idugobeo.  
\q1 Te eno tama tiyu da, eno koneani,  
\q2 te augwa bidibo ula dolama, te mu silaibao,  
\q2 te bidibo ula ena digi eno augwaliba mawai dao.   
\q1
\v 17 Eno wado po dwai mu augwaliba wali,  
\q2 magi baso meni,  
\q2 te augwa haniani dwai kolesagade te augwaligo  
\q2 doado bage hauwa mu sabo homu yali.  
\q1 Tama tialima, te eno augwaliba dene mayu,  
\q2 te eno gesabidi augwaliba geme sesela sali.  
\q1 Tiali goli, augwa me hagoma idu gęyu,  
\q2 te augwa homu kolesaga wali piduai dao.”   
\q1
\v 18 “Eno te augwaligo ebo dwai kolesaga suali,  
\q2 tiali goli te eno augwali me dologobeo. Menio.  
\q1 Te eno augwaligo dwai sęgę sela sąnama,  
\q3 te augwa usu yai ma pedelaibao.  
\q1 Te ena digi eno augwali bilibo dodoliyu,  
\q2 te augwali haliga dąų walaibao.  
\q1 Tama te homu denede bidiyu, gela wabo we bidi,   
\q1
\v 19 te eno augwa te homu dene ebo tagalomainu elama,  
\q2 te augwa enaba usu da olama,  
\q3 wiegi yai pemene ebo po mimainogo ilaibao.  
\q1 Ena Genuai Bidi, eno te po obao,  
\q2 te eno nagame yai haliga ebo homu te pąde bidibo  
\q2 we bidi dali,  
\q1 me te digibulu bidalubo hani dabe dali me ebao.  
\q1 Te augwali eno usu ma ilama,  
\q2 te augwaliba wiegi yai sogo mawaibao wai dao.\x * \xo 57:19 \xt Ef 2:17\x*   
\q1
\v 20 Tiali goli, te dwai kolesaga ebo we bidi dabego,  
\q2 augwa te dwai kolesaga ebo me tagalogobeo.  
\q1 Augwali te tamu ąį sesemane sogo  
\q2 dinigo te haniani pobele bage me dwai nai sela asu,  
\q2 te nambis dolagasobo tiwai ebo dao.”  
\q1 Genuai Bidigo te po wai.   
\q1
\v 21 Eno Godigo te tama po wali,  
\q2 “Te dwai kolesaga ebo we bidi dabe,  
\q1 te augwa bugagia bidabo wiegi yai sogo  
\q2 me elalugobeo,” wali. \x * \xo 57:21 \xt Ais 48:22\x*   
\c 58  
\s1 Te dagego nai tubo habu seliba wida, teda te dwai kolesaga ebo me habu selao wali po  
\q1
\v 1 Genuai Bidigo enabolo te tiwai po wali,  
\q1 “Nago genuai po dągą mu olama, i wao,  
\q2 dua digi i me wagio.  
\q1 Nago bomonama i wabo, te bu wabo nai biugel  
\q2 bu wabo tiwai yao.  
\q1 Te eno we bidi dabeba weyu, te Jekopgo hani dabe,  
\q1 te augwa dwai sęgę me dwai kolesaga po wao,” po wali.   
\q1
\v 2 “Mu tama, te tigidali sogode augwa  
\q2 te enaba lotu wabo kolesaga eyu,  
\q2 te eno homu kolesaga osola sueinu yali.  
\q1 Te augwaligo enaba hanalu,  
\q2 te augwaliba doloba pai kolesaga yao weyu,  
\q2 te augwali pąde bidibaso,  
\q2 te augwali wiegi yai pemene yaibao wali.  
\q1 Tiali goli, te hani dabego tibo po mu wai.  
\q1 Augwaligo te eno bomo yai po tudiba munama,  
\q1 te augwa dwai kolesaga naga ebo sę yai dao.   
\q1
\v 3 Augwaligo enaba te tiwai po wali,  
\q1 ‘Genuai Bidi, dago te nai habu selama,  
\q2 te dena digi aiyaba elalubo nago suali,  
\q2 tiali goli magi baso nago te da  
\q2 tau sabo sę isąbawe?’”  
\q1 “Tiali goli, ena Genuai Bidi,  
\q2 eno augwaliba te tiwai po wei ponani,  
\q1 ‘Te tigidali side dagego te nai habu selebo sogo dąį ilali,  
\q1 dagego te duga naide digi naga homu kone palama,  
\q1 te dagego duga sę ebo bidi dabeba dwai sę ebo dao.   
\q1
\v 4 Dagego te po weyu, te dage nai habu selama,  
\q2 enaba gedu haluasa po waibao wai.  
\q1 Tiali goli, dagego kolesaga te gasagi yai tedali mu yalio.  
\q1 Dagego te wado elama, hwįyu, nogo sugunama,  
\q2 te gasa bidi gesabidide eliyu ebo dao.  
\q1 Dagego te dwai kolesaga te dagego nai habu selama,  
\q2 bidibo sogo ebaso da,  
\q1 teda eno dagego gedu haluasa po wabo me odogobeo.   
\q1
\v 5 Te dagego homugo eno dagego te tigidali side  
\q3 nai habu selebo kolesaga ebode  
\q2 te eno dage godolo eba homu eba, agawe?  
\q1 Dagego te homu dene ebo ugwa munama,  
\q2 te duga tobolu te tǫba basigulu,  
\q2 te waligo awi dili basiasa pabo tiwai eyu,  
\q2 te dage sia keli daide piyu, te duga digi aiyaba elalu,  
\q3 te gasa tobage kolesaga me yali.  
\q1 Tama dagego homugo dagego te tobage kolesaga ebode  
\q2 eno dageba bugai haliga eba homu yaibao, agawe?  
\q2 Mu menio.”   
\q1
\v 6 “Eno te tobage kolesaga godolo homu me ebeo.  
\q1 Eno homugo dagego te haniani  
\q2 dwai kolesaga mu ebo habu selama,  
\q2 te gasa we bidi dabe elaluama,  
\q2 te dolobo kolesaga me habu selao.  
\q1 Te we bidi dabe te hobedagia kalabuside bidiyu,  
\q2 dagego augwali te bono me sengo kęnani,  
\q2 tama augwali te bulmakau tiwai  
\q2 dagego te ni nami augwa dogonide kęnama,  
\q2 te duga sę emainu ebo tiwai eyu tonalubao.  
\q1 Te dagego augwaliba wiegi yai kolesaga eyu,  
\q2 te augwali olo pomainu tagala palao.   
\q1
\v 7 Eno godolo homu ebo kolesaga e tiwai dao.  
\q1 Eno homugo dagego te nasi ebo  
\q3 bidi dabeba nai mao homu ebao.  
\q1 Te magi nai doado bage meni yai bidi  
\q2 te dagego aga piabo be meni yai subo sogo,  
\q1 eno homugo dagego augwali te duga  
\q3 beba odasa pao homu ebao.  
\q1 Te dagego te bidi aga tigi bea sabo ugwa meni yai  
\q2 subaso,  
\q2 te eno homugo dagego augwaliba ugwa maiąo homu  
\q2 yali.  
\q1 Tama eno homugo te duga deli kaneme sibi  
\q2 te augwa sęgę elalubo sogo,  
\q3 te augwali tudiba munamo dao.”   
\q1
\v 8 “Te dagego eno godolo homu ebo kolesaga ebaso da,  
\q2 teda polo tama te eno dagede elalubo  
\q3 dwai sęgę sia somainu yaibao,  
\q2 te kigamude nanobo giliga ulago  
\q2 te hulia sai elaluali hola sabo tiwai yaibao.  
\q1 Te eno dage usu ma ilaibao.  
\q1 Te ena, doloba pai kolesaga ebo God,  
\q3 ena dage asobodu polasa paibao.  
\q1 Te ena dage tudibadu nosali me te eno  
\q2 genuai bomo ula dali asu,  
\q3 te dage bugagia tonalueibao.   
\q1
\v 9 Te dagego enaba gedu haluasa po weyu, i wabo sogo,  
\q2 te ena Genuai Bidi, eno te dagego  
\q3 gedu haluasa po wabo odoyu, tau saibao.  
\q1 Te ena dage dali bidibo, dagego koneaibao.  
\q1 Te dagego gasa bage dabe aiyaba elaluama,  
\q2 te augwaliba nogo tų eyu, po dwai wabo tagalama,   
\q1
\v 10 te dagego suali,  
\q2 te bidi dabe te doado bage me  
\q2 nai dabe sǫą pai elalubo subaso, te dagego augwali  
\q2 homu dene mu elama,  
\q2 te augwali sǫą pali nai mobaso da,  
\q2 teda eno dage wiegi yai bugagia ilaibao.  
\q1 Te eno dageba wiegi yai sogo pedalumainu elama,  
\q2 te bomo yai giliga ula tiwai eyu,  
\q2 te be hulialuali hola sabo tiwai ebo dao.   
\q1
\v 11 Te ena Genuai Bidi, te sesemane sogo eno dage  
\q2 bugagia tonalu,  
\q2 te dage bilibo dodolama,  
\q2 te dagego homugo wei homu ebo  
\q3 nai dabe usu nama mawaibao.  
\q1 Megi dage te ąį meni yai tǫde bidibo tiwai ebao,  
\q2 tiali goli eno dage wiegi yai bomai  
\q3 we bidi pedalumainu yaibao.  
\q1 Tama dage te gi tǫ ili ąį hauwa elalubo tiwai elama,  
\q2 te sula sisąbo ulu ąį tiwai elalueibao.   
\q1
\v 12 Tama te dolali taun dabe dagego ma nigaibao.  
\q1 Dagego te be dabe te polobadu sę yai  
\q3 elaluali pesagede ma sę yaibao.  
\q1 Tama dage nogi augwaligo te tiwai waibao,  
\q1 ‘Te taun obo dabe ma dodolobo hani dabe’,  
\q2 me ‘Te augwali te sunumi dabe me be dabe  
\q2 bugagia ma dodolobo hani dabe dao,’ waibao,” wali.   
\s1 Te dagego Sabat side bomai po bugagia wali pobaso da, te dage bugagia mu bidaibao  
\q1
\v 13 Genuai Bidigo te tiwai po wali,  
\q1 “Dagego te Sabat side bomo yai po boligio,  
\q2 te eno side ena digi dąį ilali.  
\q1 Te dagego duga sę dabe digi te side yabo homu me igio.  
\q1 Dagego te Genuai Bidi eno side,  
\q2 te ena godolo homu mu elama, te duga genuai side  
\q2 da homu kone palao.  
\q1 Te dage me tedela pįsama, te duga sę me isiąma,  
\q2 te haniani olo po me minamo dao wali.   
\q1
\v 14 Dagego te tobage yabo kolesaga dolo wali pobaso  
\q2 da, teda te Sabat side dagego Genuai Bidi,  
\q2 enade wiegi yai pemene umabo mu yaibao.  
\q1 Te eno dage te polobadu te duga bulai  
\q2 wąį nǫųba bomai po dąų weyu,  
\q2 te bidao wali bulu du pesagede bugagia bidaibao,  
\q2 te Jekop, te aga haniba dali mawai.  
\q1 Te dage nai hauwa elalu, te dage bugagia mu bidiyu,  
\q2 te magi nai deli me sǫą pogobeo.”  
\q1 Te po te Genuai Bidigo pedauwalide digi asai dao.   
\c 59  
\s1 Israel dabego te dwai sę ebo kolesaga bomonama wali pabo sę yali  
\q1
\v 1 Genuai Bidigo te dage ma sabo bomo meni  
\q2 da,  
\q2 dagego te homu me igio. Dagego te homu eyu,  
\q2 te aga olo degelama, te dago gedu haluasa po wabo  
\q3 odobeo homu egobeo. Menio.   
\q1
\v 2 Te duga sęgęgo naga tama tiyu,  
\q2 te God aga gesabidi seselasa elalu,  
\q2 te dagego gedu haluasa po wabo odobeo.  
\q1 Te duga dwai sęgęgo te duga tomode  
\q3 te duga God dali te obogo dąį elalubo tiwai ebao.   
\q1
\v 3 Magi baso meni. Te dagego haniani tibo po weyu,  
\q2 te wado po, me po dwai wali.  
\q1 Te dagego dwai kolesaga eyu, te bidi dabe ela munama,  
\q2 te augwa kaneme dagego nogode  
\q3 dagana sai elalubao.   
\q1
\v 4 Dagego te doloba pai po tų me ebeo. Menio.  
\q1 Dagego te tibo po dabe weyu,  
\q2 te po tų odoboba gasa bage dabe kekasa pali.  
\q1 Te dagego tibo po haniani weyu,  
\q2 te po tų ebo dagego po naga odomainu elama,  
\q3 te gasa bage aiyaba elaluai.  
\q1 Te dagego homu kolesagade te dwai sę ebo kolesaga  
\q2 hauwa mu pągąnalu, te dagego dwai sę haniani  
\q3 ebo dao.   
\q1
\v 5-6 Te dagego dwai homu kolesaga elalubo,  
\q2 te dwai nabi elalubo hasamanigo ge tiwai elalubao.  
\q1 Te bidi me deligo te hasamani ge tubaso da,  
\q2 hobede yao, te aga isaibao.  
\q1 Te tama tiwai dagego dwai homu kolesagade dagego  
\q2 te haniani dwai sę pedalumainu elama,  
\q2 te gasa bagego bidibo ula dolobao.  
\q1 Te ababua dabego be sę ebo da,  
\q2 te augwa te dwasianu nai dabe  
\q3 tola sabode te augwa tueinu ebao.  
\q1 Te bidi dabego te ababua be selama,  
\q3 te ugwa nigilama gudugobeo.  
\q1 Te tama tiwai naga dagego te ebo sęgo  
\q2 te gasa bage tau me sogobeo. Menio.  
\q1 Augwa te gasa bage tola selama, te augwali elaluama,  
\q3 te augwaliba dwai sę ebo dao.   
\q1
\v 7 Sesemane sogo dagego te dwai kolesaga yabo homu  
\q3 godolo mu ebao.  
\q1 Te sesemane sogo dagego te magi dwai sę me isąwai  
\q2 bidi dabe ela muabo homu hogodali.  
\q1 Dagego te dwai sę dabe yabo homu naga ebao.  
\q1 Te dage udayu, te gasa we bidi dabego  
\q3 bidibo ula dolabo sę ebo dao.   
\q1
\v 8 Dagego te haliga nagame elama,  
\q2 dua digi bidibo kolesaga konesiąma,  
\q2 te dagego te Genuai Bidigo godolo ebo doloba pai  
\q2 kolesaga me ebeo. Menio.  
\q1 Te dagego kolesaga dabe dolo me isąwai,  
\q2 te bidi dabego dage te bilibo sunumi  
\q3 wali pobaso da,  
\q2 teda augwali te bugagia haliga nagame elama,  
\q2 bidabo pesage me gegelama, bidabo usu me egobeo.\x * \xo 59:8 \xt Rom 3:15-17\x*   
\s1 Te we bidi dabego augwa dwai sę yali sęgę po pusali  
\q1
\v 9 Tialima, te we bidi dabego te tama po wali,  
\q1 “Genuai Bidi, nago naga doloba pai kolesaga ola mayu,  
\q3 te tau selama da ma sabeo.  
\q1 Megi da, te kolesaga page dago koneani.  
\q1 Da te be hulia saide bidibo we bidi tiwai elalu,  
\q2 tama dago homugo te wiegi yai sogo daba pedelama,  
\q2 te giliga bomonama nanobo tiwai elama,  
\q2 te be hulia sai silimainu homu godolo mu yali.  
\q2 Tiali goli, menio.  
\q1 Da te genuai be hulia saide bilibo tiwai eyu,  
\q2 te da haniani sęgęgo gegebo dao.   
\q1
\v 10 Te sęgę dabego da te gedu widai tiwai biliyu bidibao,  
\q2 te da pabo sunumi gege gege bilibo dao.  
\q1 Te genuai giliga nanalubode digi,  
\q2 da te be hulia saide bilibo bidi dabe tiwai bilalubo,  
\q2 te dago sągą dani te masigiba tųą palobaso,  
\q2 da tula mubo dao.  
\q2 Dago homugo te da bugagia bidaiba homu yali,  
\q2 tiali goli menio.  
\q1 Da te isai bidi bidibo tiwai yai dao.   
\q1
\v 11 Te sęgę dabego da dwai dene mu ebaso,  
\q2 te dago te genuai hasa bea dabego  
\q3 gani gani wabo tiwai weyu,  
\q2 te dago gela wali te ba higo po wabo tiwai yali.  
\q1 Tama dago te nageba tonalu,  
\q2 te nago doloba pai kolesaga ola mayu,  
\q2 te da tau selama, ma sabo tonalubo dao.  
\q1 Tiali goli, menio.  
\q1 Te nago doloba pai kolesaga dade  
\q3 digibulu elalubo dao,” wali.   
\q1
\v 12 “Genuai Bidi, te dago dwai sęgę nago gedude  
\q2 hauwa mu elama,  
\q2 te sęgę dabego da po tų ilali.  
\q1 Tama dena digi dena yali te dwai sę tigidali bugagia  
\q2 koneai dao.  
\q1 Mu tama, dago dago dwai sę hauwa yali dao.   
\q1
\v 13 Dago te dena Genuai Bidi, God, nageba dwai sę yali,  
\q2 te dago nage tudiba munama, nago po sela sąwani.  
\q1 Dago nage dologode bidibo te hagela homu yai dao.  
\q1 Dago te gasa bage elaluama,  
\q3 te haniani hagoma kolesaga yali.  
\q1 Dago te gasa bage dabe tibo po ola mayu,  
\q2 po geagano bilama,  
\q3 haniani sunumi nigibo po wali.   
\q1
\v 14 Tama tibaso, dago te kolesaga  
\q2 dabego te nago doloba pai kolesaga  
\q2 te dade digibulu elaluai,  
\q2 tama tiyu, te nago da tau selama, ma sabeo.  
\q1 Te dago te doloba pai kolesaga me mu po wabo,  
\q2 te da tomoba aselama, elalumainu ebeo.  
\q1 Te da sisinibo side me, te augwali si me bidagasobeo.   
\q1
\v 15 Te doloba pai kolesaga deli dade me elalubeo.  
\q1 Te bidi me deligo aga dwai kolesaga tagalobaso da,  
\q2 teda te gasa bage dabego te aga dolabo haniani  
\q2 sunumi gegebo dao,” wali.  
\s1 Genuai Bidigo aga we bidi dabe bugagia bidimainu yaibao wali  
\q1 Genuai Bidigo te we bidi dabego doloba pai kolesaga  
\q2 ebo me susiąbaso,  
\q2 te agai augwaliba dwai haliga yalio.   
\q1
\v 16 Te aga dwai midigi siyu, te tiwai suali,  
\q2 te gasa bagego dolali bidi dabe  
\q3 te tau sabo bidi elalubo subeo.  
\q1 Tama tibaso, te aga bomogo digi,  
\q2 te aga doloba pai kolesagago digi,  
\q2 te Genuai Bidigo augwali ma selama,  
\q2 te augwali bugagia bidimainogo ilai dao. \x * \xo 59:16 \xt Ais 63:5\x*   
\q1
\v 17 Agai te doloba pai kolesaga te kapa  
\q2 holobo ugwa mubo tiwai eyu,  
\q2 te aga hagawiade mesega sabo tiwai yali.  
\q1 Te aga te we bidi ma sabo bomo  
\q3 te hwįbo madi kapa tiwai muani.  
\q1 Te aga ugwa gudubo tiwai bomonama dąų ola selama,  
\q2 te dwai sę ebo bidi dabeba dene mawainu tiaibao.  
\q1 Te aga haliga sębę ebo te bobobage  
\q2 ugwa aiyaba tagalalubo tiwai yaibao.\x * \xo 59:17 \xt Ef 6:14; 6:17; 1 Te 5:8\x*   
\q1
\v 18 Te agai haliga sębęde,  
\q2 te aga boi bidi dabeba dwai dene mayu,  
\q2 te augwa yali dwai sę dolo usu wei ponaibao.  
\q1 Te agai te pąde elalubo bulu tǫ kantri we bidi dabeba,  
\q2 me te digibulu tǫ kantri dabe,  
\q2 te dwai dene mabo sę mu yaibao wai dao.   
\q1
\v 19 Genuai Bidi te genuai wę asobo tiwai eyu,  
\q2 te Genuai Bidigo ponobo sogo te  
\q3 dąų walali wę gisigilama,  
\q2 te wę asesa mu pomainu yaibao.  
\q1 Te tigidali tǫ asesa mu pomainu yaibao.  
\q1 Te tigidali tǫ habu we bidi dabe, te giliga pedalubo badu  
\q3 gagalasa pelama,  
\q2 te giliga degegi paboba usu nigi paibao,  
\q2 te augwaligo Genuai Bidigo bomo  
\q3 me genuai nogi koneama, te aga nogide wi elama,  
\q2 te augwali aga dologoba aselama,  
\q2 bidimainogo yaibao.   
\q1
\v 20 Genuai Bidigo te po wai, “Ena te dage posolalu,  
\q2 te dage tau sabo God,  
\q2 ena te Jerusalemba aselama,  
\q1 te tigidali we bidi te Jekopgo hani te augwa dwai  
\q2 kolesaga ebo tagalali bage ma sagasaibao. \x * \xo 59:20 \xt Rom 11:26\x*   
\q1
\v 21 Te ena da, eno bomai po augwali dali dąų walama,  
\q2 te augwaliba eno te tiwai po waibao,  
\q1 ‘Te eno mobo noma bidi me,  
\q2 te eno dagebolo mani po me,  
\q2 te dagede bidiyu,  
\q2 te dagego pedauwaligo eno po pusaibao.  
\q1 Dagego sesemane sogo tama tiaibao,  
\q2 te nosali dagego wai dabego me  
\q2 te duga bulabo wąį dabego me te tama tiyu,  
\q2 te sesemane sogo augwaligo me  
\q3 eno po elalua peyu, pusaibao,’” te po wai dao.   
\c 60  
\s1 Godigo genuai ula me bomo te Jerusalemde elalueibao  
\q1
\v 1 Genuai Bidigo te po wali, “Jerusalem, nage  
\q2 hogodama, te giliga nanobo ula tiwai yao,  
\q2 magi baso meni, megi eno genuai ula me bomo,  
\q1 Genuai Bidigo ula te nage daide ugwadu yaibao.   
\q1
\v 2 Suao. Te sisi yai pǫ, me te genuai be hulia sabogo,  
\q2 te tǫde tigidali gasa hani we bidi mesegelaibao.  
\q1 Tiali goli, ena Genuai Bidi, ena nageba aselama,  
\q2 te eno genuai ula te bomonama,  
\q3 nage daidu ula elalueibao.   
\q1
\v 3 Te Israel hani isąwai we bidi dabego  
\q2 nago te ula sulama,  
\q3 te augwali nageba asaibao.  
\q1 Te king dabego me nago te bomai ula sulama,  
\q2 te augwali hogodama asaibao,” wali.   
\q1
\v 4 “Nago tobolu ugwaba selama, tonono bilao.  
\q1 Te naga wai dabe augwali deliba sisinama,  
\q2 asobo sueibao.  
\q1 Te nago ogwa dabe te digibulude bidai asaibao.  
\q1 Te gasa bulu tǫ kantri bidi dabego te nago wegi dabe  
\q2 augwa hagawiade munama, tolasa asaibao.   
\q1
\v 5 Nago te tebo sulama,  
\q2 te nago gesabidi ula umagia mu yaibao.  
\q1 Te nago hoboludu dali pua pelama,  
\q3 genuai pemene yaibao.  
\q1 Te genuai sipidu wiegi yai nai hauwa  
\q3 nageba sesaibao.  
\q1 Te nago mone hauwa mu te tigidali tǫ kantride saibao.   
\q1
\v 6 Te Israel hani isąwai Midian bage me Efa bage,  
\q1 te augwaligo gesi kamel hauwa mugo  
\q3 te walu dabe nageba sesaibao.  
\q1 Augwali te tǫ kantri Seba teba pelama, te gol me,  
\q2 te wiegi yai hano denami ebo pauda me,  
\q3 te selasa asaibao.  
\q1 Te we bidi dabego Genuai Bidi,  
\q3 eno genuai nogi ugwaba saibao.   
\q1
\v 7 Te Kedar me Nebaiot dabego te tigidali wiegi yai  
\q2 sipsip hani nageba sesaibao.  
\q1 Tama ena we bidigo te sipsip dabe seselama,  
\q2 te eno alta daiba ofa ebaso,  
\q2 te ena wiegi yai pemene ebao wali.  
\q1 Te eno be te polalubo be mu pedelama,  
\q2 te genuai nogi elalueibao,” te po wai dao.   
\q1
\v 8 “Te magi tedela yai nai asesa mu asu,  
\q2 te dagalu pǫ waligo te tamu ąį daidu  
\q3 selasa asobo tiwai yali,  
\q2 te ba hi dabe augwa beba ma  
\q3 bola asobo tiwai ebawe?  
\q1 Te magi nai dawe?   
\q1
\v 9 Te digibulu buludu asobo sip dabe dao.  
\q1 Mu tama, te digibulu bulu we bidi dabego te eno  
\q2 augwali tau sabo tonaluai.  
\q1 Augwaligo te genuai sip dabe tagala palali,  
\q2 te nago ogwa dabe nageba ma sesalio.  
\q1 Te we bidi dabego te hauwa silva me gol  
\q2 te sip dabego sela somainu tolali.  
\q1 Augwa tama tiali, magi baso meni,  
\q2 augwaligo te eno nageba wiegi yai sę bugagia eyu,  
\q3 genuai nogi elalubo sulama yali,  
\q2 te augwaligo Israelgo Genuai Bidi,  
\q2 te ena Godiba genuai nogi mayu yali,  
\q3 ena te Wiegi Yai Doloba Pai Kolesaga Mu Ebo  
\q3 God dao,” te po wai.   
\q1
\v 10 “Jerusalem, te gasa bulu tǫ kantri bidi dabego nago  
\q2 genuai obo te masigi dabego ma nigagasaibao.  
\q1 Te augwa king dabego nago sę yaibao.  
\q1 Hasia eno wado po dwai nageba wali,  
\q3 te eno dene nageba mawai.  
\q1 Tiali goli, megi eno bugai haliga eyu,  
\q2 te nageba olo tau sabo wiegi yai kolesaga ebao.   
\q1
\v 11 Te nago genuai obo sunumi dabe  
\q2 te giligade me hulide dalalueibao,  
\q3 magi baso meni, te gasa bulu tǫ kantri we bidi  
\q3 dabego te augwa mone sesemane sogo  
\q3 nageba sesaibao.  
\q1 Te augwaligo augwa king dabe me te nageba olo mu sę  
\q2 ebo bidi tiwai emainu odasa asaibao. \x * \xo 60:11 \xt Ped 21:25-26\x*   
\q1
\v 12 Tiali goli, te nage dologoba aselama,  
\q2 nago sę isąbo bulu tǫ kantri dabe,  
\q2 te augwali dolama, mu silaibao,” wali.   
\q1
\v 13 “Te bidi Lebanon genuai busiba holama,  
\q2 te bobage bobage sawi yai ni wuli, me saipres,  
\q2 me te gasa wiegi yai ni dabe togolama,  
\q3 te augwaligo nageba sesaibao.  
\q1 Te ni dabe dali, te bidi dabego eno be ma sęnama,  
\q2 te be gasa sawi wiegi yai mu pedelaibao.  
\q1 Ena te ena duabo sia kingde dugulalu,  
\q2 tama te be da eno sągą teba manama elalubo tiwai  
\q2 elalueibao.  
\q1 Tama te be eno polalubo be mu pedelama,  
\q2 tama aga genuai nogi elalueibao.   
\q1
\v 14 Te polobadu nageba dwai sę eyu,  
\q2 te nage godolo homu isąwani hani dabe,  
\q2 te augwa tobolu basiasa nageba asaibao.  
\q1 Te augwa kidu sugunugulama,  
\q2 te nago sągą pąde augwa tobolu basigulama,  
\q2 te nageba genuai nogi mawaibao.  
\q1 Te augwa nage nogi te tiwai weyu,  
\q2 ‘Genuai Bidigo Taun da,’ te ‘Saion da,’  
\q3 waibao, ‘te Israel Godigo Taun,  
\q2 aga te Wiegi Yai Doloba Pai Kolesaga Ebo God mu  
\q2 dao.’” \x * \xo 60:14 \xt Ped 3:9\x*   
\q1
\v 15 “Jerusalem, nage ololama, olo elalu,  
\q2 te nago sunumi dabede bidi iba oba soyu me isąwai.  
\q1 Nage te we tiwai bidiyu, te aga bidigo  
\q2 aga godolo isąma, tagalobaso, aga wi pali.  
\q1 Tiali goli, te eno nage te gasa  
\q2 sawi wiegi yai pedalumainu ilama,  
\q2 te nage polalu, polalubo mu pedalubaso,  
\q2 te we bidi dabego nageba wiegi yai  
\q3 homu pemene mu yaibao.  
\q1 Tama nage te tiwai naga sesemane sogo  
\q3 bidada pidu, bidada paibao.   
\q1
\v 16 Te nago wiegi wiegi yai nai te gasa kantride siyu,  
\q2 te king dabego augwa wiegi yai  
\q3 sawi yai nai nageba mawaibao.  
\q1 Tama nago te tiwai koneama,  
\q2 ena naga te Genuai Bidi da waibao.  
\q1 Ena te ena we bidi ma sabo God dao,  
\q2 ena te nage posolalu, tonalu, tau sabo God,  
\q2 ena te Jekopgo hani dabego bomai God dao,” wali.   
\q1
\v 17 “Te eno nago bras hasegelama,  
\q3 tama nago gol munolueibao.  
\q1 Me nago ain hasegelama, tama nago silva munolueibao.  
\q1 Te eno nago ni nami dabe me hasegelama,  
\q2 tama nago bras elalueibao,  
\q2 me nago masigi dabe hasegelama,  
\q3 nago ain elalueibao.  
\q1 Te eno wiegi yai bugagia haliga nagame homu elama,  
\q3 dugulaluabo kolesaga nigilaibao,  
\q2 te doloba pai kolesagago nage bilibo dodolaibao.  
\q1 Te niwai bidi mego nage tonalu,  
\q3 nageba dwai sę me egobeo.   
\q1
\v 18 Te nago tonalubo tigidali tǫ habu badu  
\q2 te bidi dabe munu me ma hwįgobeo.  
\q1 Awe, nago tǫde me te doado bage alubo  
\q3 kilikili me egobeo.  
\q1 Te nago genuai obo nogi te tiwai elalueibao,  
\q1 ‘Genuai Bidigo aga we bidi dabe ma salio,’ waibao.  
\q1 Te nago genuai sunumide te tiwai nogi elalueibao,  
\q3 ‘Genuai Nogi Mao,’” wai.   
\q1
\v 19 “Te giligago nageba te bubugade ula mayu,  
\q2 elalubo tiwai munu me elalusiąyu,  
\q2 te poluago me nageba ula mayu, me egobeo. Menio.  
\q1 Genuai Bidi ena digi ena te giliga tiwai,  
\q2 me polua tiwai ula elalu,  
\q2 te eno sesemane nageba ula maduaibao.  
\q1 Te ena, nago God, ena te genuai ula elalu,  
\q2 te nago au ilibo nai elalubo dao. \x * \xo 60:19 \xt Ped 21:23; 22:5\x*   
\q1
\v 20 Nago te giliga me polua iba dega sigi pelama,  
\q2 te be hulia siyu ebo me pedalugobeo,  
\q3 magi baso meni, ena Genuai Bidi,  
\q2 sesemane sogo ena te nago ula tiwai elalueibao.  
\q1 Tama nago sęgę dali homu dene ebo  
\q3 sogo me tigidali silaibao.   
\q1
\v 21 Te sogo te nago we bidi tigidaligo  
\q3 doloba pai kolesaga naga eyu,  
\q2 te eno augwa tǫ da olama,  
\q2 sa muani tǫ te augwa saibao,  
\q2 tama augwa tede sesemane bidada paibao.  
\q1 Te ena nogogo digi eno augwali  
\q2 te deli hani we bidi pedalumainu ilali, tama augwali  
\q2 te eno bulai ni nologo tiwai pedelali.  
\q1 Eno tama tiali, te gasa hani we bidi dabego sulama,  
\q2 te enaba genuai nogi momainogo tiai dao.   
\q1
\v 22 Jerusalem, te nagede bidibo mena bidi aga nogi me  
\q2 elalusiąbaso,  
\q2 te tagalao, aga te genuai hani  
\q3 wai dabego aya mu pedelaibao.  
\q1 Te dwasianu mu yali hani dabe  
\q2 te augwali umabo pedalu,  
\q2 te augwali genuai bomai kantri  
\q3 we bidi tiwai pedelaibao.  
\q1 Ena Genuai Bidigo eno te po obao,  
\q2 te sę dabe te eno bodolu muani sogo  
\q3 polo asesa pedelaibao,” te po wai dao.   
\c 61  
\s1 Te Godigo aga we bidiba wiegi yai sę ilabo sogo te pedelalio  
\q1
\v 1 Tigidali Bomo Elalubo Godigo Mobo Noma  
\q2 Bidi enaba bidagasali,  
\q2 magi baso meni, Genuai Bidi aga  
\q3 digi eno toboluba wel gelali,  
\q2 te ena dąį sa muyu,  
\q2 te aga wiegi yai po te magi  
\q2 doado bage meni yai bidi dabe selasa pomainu yai.  
\q1 Te agai ena tagala palali, te haliga sęgę genuai elalubo  
\q2 bidi dabego sęgę silimainu yai,  
\q1 te kalabuside bidibo bidi dabeba po pusu,  
\q2 te augwa kalabus tagalama,  
\q3 olo pao po omainogo yai. \x * \xo 61:1 \xt Mat 11:5; Luk 7:22\x*   
\q1
\v 2 Agai ena tagala palu, te tama po pusao wali,  
\q2 te dago Genuai Bidi, Godigo sę yabo  
\q3 sogo pedelalio,  
\q2 te aga we bidiba wiegi yai sę bugagia ilama,  
\q2 te boi bidi dabeba dwai dene mawaibao, wai.  
\q1 Te agai ena tagala palali, te homu dene eyu,  
\q2 gela wabo we bidi dabego haliga dąų walomainu  
\q3 tagala palai dao. \x * \xo 61:2 \xt Mat 5:4; Luk 4:18-19\x*   
\q1
\v 3 Te Saionde gela udubo we bidi dabeba  
\q3 eno te nagame yai haliga dua eyu,  
\q2 pemene ebo homu me selasa asaibao,  
\q2 te augwa bomo silali bageba tama tiwaibao.  
\q1 Augwali homu dene ebaso,  
\q2 te sia keli augwa toboluba muani.  
\q1 Tiali goli, eno te nai hasegelama,  
\q2 tama dwagi yai au yabo nai augwaliba mueibao.  
\q1 Awe, eno augwaligo tigiba te wiegi yai  
\q3 denami ebo wel mawaibao,  
\q2 tama augwali homu dene ebo tagalama,  
\q2 dwagi yai homu pemene eyu bidaibao.  
\q1 Te augwa bomo ma selama,  
\q3 te Genuai Bidiba pemene ebo balia waibao.  
\q1 Augwa tigidali te doloba pai kolesaga  
\q3 naga ebo sę bomo yaibao.  
\q1 Te gasa bidi dabego sueibao,  
\q2 augwali te Genuai Bidigo digi  
\q3 bulali ni kali tiwai elalubao,  
\q2 tama augwaligo Genuai Bidigo nogi ugwaba saibao.   
\q1
\v 4 Te dage we bidi dabego te polobadu  
\q3 dolali taun ma nigiyu,  
\q2 tama dagego te kibu be hauwa dolai elaluali nai  
\q2 tigidali ma dodolaibao.   
\q1
\v 5 Te gasa bulu tǫ kantri bidi dabe aselama,  
\q2 dagego sę yagasaibao.  
\q1 Te dagego sipsip dabe augwaligo tonalu,  
\q2 te augwa tǫ elama, nai bulaibao.  
\q1 Tama augwaligo te dagego wain gi me tonaluaibao.   
\q1
\v 6 Tiali goli, duga digi dage te Genuai Bidigo pris bidiyu,  
\q2 te augwaligo dage nogi weyu,  
\q2 te dena Godigo sę bidi da waibao.  
\q1 Te duga nai hauwa elaluaibao,  
\q2 te gasa tǫ kantri bidi dabego sela asai.  
\q1 Te augwaligo wiegi yai nai hauwa dageba mobaso,  
\q2 te dage wiegi yai homu mu pemene yaibao.   
\q1
\v 7 Polobadu te dage hale dwai mu elama,  
\q3 duga gesabidi seselaluali.  
\q1 Tiali goli, dage te duga tǫde digi bidaibao,  
\q2 te dagego nai hauwa mu siyu,  
\q2 te dagego polobadu elaluali nai mu edelaibao,  
\q2 te dage pemene umabo mu yaibao.  
\q1 Tama dagego te ebo homu pemene  
\q3 sesemane sogo elalua paibao.   
\q1
\v 8 Magi baso meni. Genuai Bidigo te po wai,  
\q1 “Eno te doloba pai kolesaga naga godolo ebao.  
\q1 Eno te bidi elama nai wi sabo kolesaga,  
\q2 me te gasa bageba dwai sę ebo  
\q3 kolesaga, te hagela mu ebao.  
\q1 Te eno we bidi dabe te gasa bidi dabego  
\q3 augwaliba mani dwai sę ebo sęgę hauwa tolali,  
\q2 te mu tama te megi eno augwaliba  
\q3 wiegi yai nai mu mawaibao.  
\q1 Te eno bomo yai po me deli augwali dali dąų walaibao,  
\q2 tama te dąų walali bomo yai po  
\q3 sesemane elalua paibao.   
\q1
\v 9 Te eno we bidigo bulai wąį wai dabe  
\q2 te gasa tǫ kantri hani we bidi tomode  
\q3 genuai nogi elalueibao.  
\q1 Te augwali subo we bidi dabe,  
\q3 te augwa te tiwai koneaibao,  
\q2 te hani dabe te eno hani dabe dao,  
\q1 Genuai Bidi, ena digi eno augwali wiegi yai ilaibao,”  
\q2 wali.   
\q1
\v 10 Te eno pemene ebo wiegi yai balia  
\q2 Godiba waibao, eno Genuai Bidi dao.  
\q1 Te eno pemene umabo mu yaibao,  
\q2 magi baso meni, agai ena ma sali.  
\q1 Te aga wiegi yai sogo te aga doloba pai kolesagago ena  
\q2 te bobobage wiegi yai ugwago mesega sabo  
\q3 tiwai yali,  
\q2 te ena te we sabo bidigo au ebo tiwai eyu,  
\q2 te we aga bidigo aga kębo sogode au ebo tiwai yai  
\q2 dao. \x * \xo 61:10 \xt Ped 21:2\x*   
\q1
\v 11 Magi baso meni. God, Genuai Bidigo  
\q3 doloba pai kolesaga dali,  
\q2 te aga nogi ugwaba sabo kolesaga dali,  
\q2 te we bidi dabe tomode pedelaibao,  
\q2 te gide bulali nai wai kulubi pedelama,  
\q2 te genuai ebo tiwai yaibao.  
\q1 Tama te gasa Israel hani isąwai we bidi dabe tigidaligo  
\q2 sumainogo yaibao.   
\c 62  
\s1 Jerusalem gesi nogi saibao  
\q1
\v 1 Jerusalem, nage tobade te eno po hanilama,  
\q2 bomo elama weyu,  
\q2 te Genuai Bidigo nageba wiegi yai sę yao po obao.  
\q1 Te eno pedauwali me pania sogobeo. Mu menio.  
\q1 Te eno Genuai Bidiba i udu,  
\q2 te Genuai Bidigo te bugagia  
\q2 wiegi yai doloba pai kolesaga nageba eyu,  
\q2 te kigamu nanobo giliga ula tiwai eyu,  
\q2 te hulide domanobo sole ula ebo  
\q3 tiwai teba usu numainogo yaibao.   
\q1
\v 2 Tama te gasa tǫ kantri we bidi dabego  
\q2 nago te doloba pai kolesaga ebo sulama,  
\q2 te augwa king dabego te nago bomo  
\q3 me genuai nogi elalubo sueibao.  
\q1 Te augwa nage gesi noma nogi nogi yaibao,  
\q2 te nogi Genuai Bidigo digi nageba mawaibao.   
\q1
\v 3 Nage te gasa sawi yai kingo madi  
\q2 te Genuai Bidi aga nogode tolalubo tiwai yaibao.  
\q1 Awe, nage te aga nogode tolalubo  
\q2 wiegi yai au yabo nai tiwai yaibao.   
\q1
\v 4 Tama te bidi dabego nageba  
\q2 te tiwai nogi ma nogisąyu,  
\q2 “Genuai Bidigo aga tagalai da,” me wagobeo.  
\q1 Te nago tǫ augwaligo te tiwai nogi me wagobeo,  
\q1 “Hobede ya, te tǫ dolama, olo elalubao,”  
\q3 wagobeo. Menio.  
\q1 Te augwaligo nage gesi nogi te tiwai waibao,  
\q1 “Eno wiegi yai homu pemene agaba ebo dao.”  
\q1 Te nago tǫ augwaligo te tiwai nogi yaibao,  
\q2 “We bidigo salio,” magi baso meni,  
\q2 Genuai Bidigo bugai haliga eyu, wiegi yai pemene  
\q3 umabo nageba ebao.  
\q1 Te nago tǫ bugagia ma elalu, te we tiwai,  
\q2 te bidigo aga ma sabo tiwai yaibao.   
\q1
\v 5 Te naga wai dabego nage selama,  
\q2 te nage dali bugagia bidibo tiwai yaibao,  
\q2 te gesi ogwa bidigo te gesi wegi selama,  
\q2 te augwa si bugagia mu bidibo tiwai ebao.  
\q1 Te Genuai Bidigo wiegi yai pemene nageba yaibao,  
\q2 te gesi noma sogo bidigo we selama,  
\q2 te aga weba wiegi yai homu pemene  
\q3 ebo tiwai ebo dao.   
\q1
\v 6 O Jerusalem, te nago masigigo nigai genuai obo  
\q2 ugwadu daide eno te tonalubo bidi muai,  
\q2 tama augwaligo pedauwali te giligade hulide me  
\q3 pania sogobeo.  
\q1 Eno augwaliba te tiwai po wali,  
\q1 “Dage te Genuai Bidiba i wabo bidi dabe,  
\q3 dagego toma me nogobeo. Menio.   
\q1
\v 7 Dagego bomo elama, agaba i ola pidu,  
\q2 agai te Jerusalem bomo ma iliboba usu nao,  
\q2 tama Jerusalem te tigidali tǫde we bidi gedude  
\q2 polalu mu pedelaibao,” eno te po wali.   
\q1
\v 8 Genuai Bidigo nogo guni sisu muyu,  
\q2 bomai po dąų wali,  
\q2 te aga genuai bomode agai te dąų wali po mu  
\q2 pedelaibao.  
\q1 Agai po te tiwai, “Ena Genuai Bidi, te eno te boi  
\q2 bidi dabego nago we bidi dabego te sę dene elama,  
\q2 bulubo wit dabe munu ma sagasomainu me iligobeo.  
\q1 Tama eno te gasa tǫ kantri dabego te nago we bidigo  
\q2 nigibo wain ąį sagasomainogo me egobeo. Menio.   
\q1
\v 9 Te nago we bidi augwa digi naga  
\q2 te inayu tau yali wit selama, te bret nigilama  
\q2 tueibao.  
\q1 Te augwaligo ena Genuai Bidi,  
\q3 te enaba genuai nogi mawaibao.  
\q1 Te nago we bidi dabe augwa te inawani  
\q2 wain du dabe selama,  
\q3 te wain ąį nigaibao.  
\q1 Tama augwa te eno be obo tomoba sela aselama,  
\q2 te ąį augwa tuyu,  
\q2 te wiegi yai pemene enaba yaibao,” te po wai.   
\q1
\v 10 Dage te megi Jerusalemde bidibo hani dabe,  
\q2 dage tigidaligo taun tagaliąo.  
\q1 Te taun tagalama, sunumi bogoba pelama,  
\q2 te sunumi bugagia dodolao,  
\q3 te duga we bidi dabe ma asobao.  
\q1 Te augwa sunumi bugagia sisilao,  
\q2 te sunumide elalubo masigi dabe sela sąyao.  
\q1 Tama te tigidali tǫ kantride bidibo hani we bidigo  
\q2 suabo plak me deli nide walao.   
\q1
\v 11 Nage Jerusalem, nago te tiwai koneao,  
\q1 Genuai Bidigo te tigidali tǫde we bidiba weyu,  
\q2 nageba te po pusumainogo yali, “Saion, suao.  
\q1 Te nago we bidi dabe ma sabo bidi, aga asobao.  
\q1 Suao. Te agai aga we bidi dabe odasa asu,  
\q2 te aga te boi hwįnama,  
\q2 te wiegi yai nai sali tiwai yali dao,” te po wao.\x * \xo 62:11 \xt Ais 40:10; Ped 22:12\x*   
\q1
\v 12 Te augwaligo nago we bidi te tiwai nogi poaibao,  
\q1 “Te Genuai Bidigo tedali gasagi yai we bidi dao,” me  
\q2 “Te we bidi dabe te Genuai Bidigo ma salio.”  
\q1 Te augwaligo nage nogi te tiwai waibao,  
\q1 “Genuai Bidigo godolo mu ebo taun da,”  
\q2 me, te “Genuai Bidi ma aselama, bidibo taun dao,”  
\q3 waibao.   
\c 63  
\s1 Genuai Bidigo aga boi bidi dabeba dwai dene mawaibao  
\q1
\v 1 Te king bidi tiwai bugagia mu au elama,  
\q2 te taun Bosra te tǫ kantri Idom badu  
\q2 tagalama asobo bidi de dawe?  
\q1 Te aga genuai bomo dali wele sesa asobo bidi de dawe?  
\q1 Te aga gudali ugwa tonani te mama mu yalio.  
\q1 “Te ena, Genuai Bidi tama dao.  
\q1 Eno te we bidi dabe ma sabo bomo elalubao,  
\q2 tama eno te tiwai po obao,  
\q3 te eno doloba pai kolesagade,  
\q2 eno te augwaligo boi bidi dabe aiyaba elaluaibao,”  
\q2 wali. \x * \xo 63:1 \xt Ais 34:5-17; Jer 49:7-22; Ese 25:12-14; 35:1-15; Amo 1:11-12; Oba 1-14; Mal 1:2-5\x*   
\q1
\v 2 Magi elama te nago gudali  
\q2 ugwa dabede mama kaneme mu yali,  
\q2 te bidi te wain nigibo tomoba pali tiwai elama,  
\q2 te wain wai agabo digi pabo tiwai yali da, agawe?   
\q1
\v 3 “Eno bulu tǫ kantri dabe agawali,  
\q2 te bidigo wain du wai te masigi pou tomode agabo  
\q2 tiwai yali,  
\q2 te gasa tǫ kantri bidi me deligo ena tau me sabeo.  
\q1 Eno augwaliba haliga sębę eyu,  
\q3 wado dwai mu olama,  
\q2 te eno augwali bomonama mu  
\q3 agawali madi te augwa kaneme gela tagalu,  
\q2 te eno gudali ugwa dabede kaneme dagana salio.\x * \xo 63:3 \xt Ped 14:20; 19:13, 15\x*   
\q1
\v 4 Eno te ena sainu sa muani we bidi dabe sabo sogo  
\q2 pedelalio,  
\q2 tama tiyu, megi sogo te eno augwaligo boi bidi  
\q2 dabeba dene mabo sogo dao.   
\q1
\v 5 Ena dwagila mu midiga sayu tonani,  
\q2 te tiwai te ena tau sabo bidi me elalubeo.  
\q1 Tialima, te ena bomogo digi te eno genuai haliga sębęgo  
\q2 me,  
\q3 eno te ena we bidi dabe ma siyu,  
\q2 te eno augwaligo boi dabe aiyaba elaluai dao.\x * \xo 63:5 \xt Ais 59:16\x*   
\q1
\v 6 Te eno genuai haliga sębęgo,  
\q2 eno tigidali we bidi dabe agala salio.  
\q1 Te eno haliga sębę ebo kabude te ąį augwa tumainao,  
\q2 te augwali aiyoge page dwai mu yalio.  
\q1 Te eno augwaligo kaneme tǫba gelu tiai dao,” wali.   
\s1 Te we bidi dabego Genuai Bidigo wiegi yai kolesaga homu kone palali  
\q1
\v 7 Te eno Genuai Bidigo wiegi yai olo mu tau sabo  
\q2 kolesaga po pusubao.  
\q1 Te eno aga nogi ugwaba siyu,  
\q2 te agai da tau siyu, wiegi yai kolesaga hauwa  
\q3 yali po pusaibao.  
\q1 Awe, te aga genuai olo mu tau sabo wiegi yai kolesaga,  
\q2 me homu dene ebogo,  
\q2 agai te Israel haniba wiegi yai sę mu yalio.   
\q1
\v 8 Genuai Bidigo te po wali,  
\q2 “Te hani dabe, augwali te eno hani we bidi dabe  
\q2 mu da,  
\q2 te augwa hagoma elama, eno po me sela sągobeo.”  
\q1 Tama te aga augwali ma sali bidi pedelai dao.   
\q1
\v 9 Te augwali dene me sęgę tolali sogo,  
\q2 Genuai Bidi me augwali dali te dene me sęgę tolali.  
\q1 Te agai haliga augwalide homu dene ebaso,  
\q2 te agai augwaliba te olo mu tau sabo  
\q3 wiegi yai kolesaga yali,  
\q2 tama aga digi te mobo bidi ensel tiwai pedelama,  
\q3 te augwali ma sali.  
\q1 Te tobage sogo sesabi mu elama,  
\q2 te agai augwali tolalu,  
\q2 te augwali bugagia mu tonaluai dao.   
\q1
\v 10 Tialima, te augwaligo agaba hagoma eyu,  
\q2 te agai homu ogwa wai mobo te haliga sęgę mu  
\q2 ilali.  
\q1 Tama tibaso, aga digi augwaliba boi bidi elama,  
\q2 te augwaliba hwįani.   
\q1
\v 11 Tialima, nosali augwa te polobadu  
\q3 yali sogoba homu kone palali.  
\q1 Augwa te Moses me aga we bidi dabeba homu kone ma  
\q2 palama,  
\q2 augwa te tiwai po wai,  
\q2 “Te Genuai Bidi mena bidibawe?  
\q1 Polobadu agai te polalubo bidi aga  
\q2 we bidi dabe dali odasa asu,  
\q2 te tamu ąį nogeali Genuai Bidi mena bidibawe?  
\q1 Polobadu agai homu ogwa wai mobo  
\q3 te augwali dali bidimainu yai dao.   
\q1
\v 12 Agai te aga genuai bomo te Mosesba mawai.  
\q1 Agai te tamu ąį si badu peda somainu elama,  
\q2 te aga we bidi dabe te ąį nogelama,  
\q3 u badu pedaiba sabolali,  
\q1 tama te kolesagade aga genuai nogi sali,  
\q3 te sesemane elalumainu yai dao. \x * \xo 63:12 \xt Sai 14:21\x*   
\q1
\v 13 Te augwali asobodu aga polasa peyu,  
\q2 augwali te tamu ąį dologo badu mu  
\q3 elalubo tǫdu pali.  
\q1 Te augwali te bulu wa pai pesagede bidibo  
\q2 bulu uni hos dabe pabo tiwai bomonama asesa pali,  
\q2 te augwali me tula mubeo.   
\q1
\v 14 Te Genuai Bidigo Mobogo digi  
\q2 te aga we bidiba nagame yai homu mayu,  
\q2 te augwali toma nomainu ilali,  
\q2 te bulmakau dabe te nosai hauwa  
\q3 elaluboba pelama,  
\q2 nai tuyu, toma nomainu ebo tiwai yalio,”  
\q3 augwaligo te tiwai po wai.  
\q1 Genuai Bidi, nago te bomai sę dabe yali,  
\q2 tama te kolesagade nago te naga  
\q2 we bidi dabe pabo sunumi dodolali,  
\q1 te tigidali we bidigo nago genuai nogi  
\q2 me bomo konemainu yai dao.   
\s1 Te Israel dabego te Genuai Bidigo augwali tau sao olama, gedu haluasa po wali  
\q1
\v 15 Genuai Bidi, nage te naga bulu  
\q3 pesage dagalude bidibao,  
\q2 te tedali gasagi yai mu dao,  
\q2 te bulu pesagede te nago genuai ula  
\q3 me bomo pągąnalubao.  
\q1 Tiali goli, te nago aiyaba tonoyu, te da suao.  
\q1 Magi baso nage hogodama,  
\q2 te nago genuai bomo daba waselisąma ebawe?  
\q1 Nago homu dene eyu, olo tau sabo  
\q2 wiegi yai kolesaga te dabolo me ola mabeo.  
\q1 Te nago da godolo homu me isiąyu ebo da, agawe?   
\q1
\v 16 Tiali, nage te dago aya dao.  
\q1 Te da bulai wąį monu aya, Abraham me Jekop  
\q2 augwali te da dali me bidibe,  
\q3 te augwaligo da konesiąwai.  
\q1 Tialima, nage Genuai Bidi, nage dago aya mu dao.  
\q1 Tama nago nogi te tiwai elalubao,  
\q2 “Te da tudibadu tonalu,  
\q2 polobadu digi tau sesa asali bidi dao.”   
\q1
\v 17 Genuai Bidi, magi baso nago da  
\q2 te besela palama, bilalumainu eyu,  
\q2 te dago nago doloba pai sunumi wali  
\q3 pisąmainogo ebawe?  
\q1 Magi baso nago dago haliga me homu kolesaga dąų  
\q2 weyu,  
\q2 te dago nageba wi isąma,  
\q2 te nago dologode bidisąmainu ebawe?  
\q1 Nago naga sę bidi dabe da homugo koneama,  
\q2 te nage ma aselama, da dali bidagasao,  
\q3 te naga digi nago sa muai hani dabe dao.   
\q1
\v 18 Te pęwądage sogo naga nago digi te sa muani be  
\q2 te nago we bidi dago nogode elaluali,  
\q2 te nosali dena boi bidi dabe asu, dolama,  
\q2 te nago be mesegelama, agala dolali.   
\q1
\v 19 Tama megi da, da we bidi hobedagia  
\q3 mu bidibo tiwai ebao,  
\q2 polobadu nago tonalu, tolalusąwai tiwai bidibao.  
\q1 Tama da hani dabe te nago nogi augwalide musiąwai  
\q2 bage tiwai bidibao.   
\c 64  
\q1
\v 1 O Genuai Bidi, dago homugo nage te dagalu  
\q2 buga sąnama, dulao homu ebao,  
\q2 te bulu du dabe nage asobo sogo dwai midigi mu  
\q2 saibao.   
\q1
\v 2 Augwali te siade ulalubo sene sospende tomode  
\q2 te posolo ąį punuguna tagalobo tiwai yaibao.  
\q1 Nage te naga genuai bomo dali asobaso,  
\q2 te boi bidi dabego nago nogi konemainao,  
\q2 te nage augwaliba pedalubo sogo  
\q2 te tigidali tǫ kantri we bidi dabe  
\q3 wi elama, noma saibao.   
\q1
\v 3 Polobadu nage asobode, te gasagi yai  
\q3 nai tedali mu pedelali,  
\q2 tama dago te suyu, dwai noma mu sali.  
\q1 Te bulu du dabe nage asali sogo,  
\q3 te dwai midigi mu sai dao.   
\q1
\v 4 Polobadu te bidi mego te god me deli  
\q2 tobage bomai sę yali po odobeo,  
\q2 te we bidi tau siyu, te konealu tonaluabo sę.  
\q1 Ma, bidigo aga gedugo te god me deligo  
\q2 te tobage bomai sę ebo subeo. Menio.  
\q1 Genuai Bidi, nago naga te tiwai bomai sę ebo dao.\x * \xo 64:4 \xt 1 Ko 2:9\x*   
\q1
\v 5 Nago pemene eyu, te doloba pai kolesaga mu elama,  
\q2 nago te godolo homu ebo kolesaga  
\q3 wali pabo bidi dabe tau sagasobo dao.  
\q1 Tiali goli, nago daba wado po wai goli,  
\q3 te dago kolesaga me hasegelebeo.  
\q1 Dago te dwai sę yabo bomo iduai dao.   
\q1
\v 6 Da tigidaligo dwai sę eyu,  
\q2 te da nago gedude meda yai mu elalubao.  
\q1 Te kolesaga dabe dago homugo  
\q3 doloba pai kolesaga da olama,  
\q2 te kolesaga dabe te dago gawea pai nai tiwai dao,  
\q2 tiali goli dago te ebo, augwali nago  
\q3 gedude dwai mu eyu,  
\q2 te ugwa meda dwai mu tiwai ebao.  
\q1 Te dena ebo dwai sęgo te pąde da mu haga yabo homu  
\q2 yai,  
\q2 te wa pai ni yabe te waligo sela pabo  
\q3 tiwai yaibao wali.   
\q1
\v 7 Te nageba gedu haluasa po weyu,  
\q2 te nage nogi wabo bidi meni yai,  
\q2 te nage pąba asu,  
\q2 nageba homu kolesaga kęą pabo bidi meni,  
\q2 magi baso meni,  
\q2 nago naga gesabidi daba geme dula selama elalu,  
\q2 te nago dena sęgęgo da dodolomainu ilama,  
\q3 te da dwai mu bidibao.   
\q1
\v 8 Tialima, Genuai Bidi, nage dago aya dao.  
\q1 Nage te sospen sene tǫgo nigibo bidi tiwai,  
\q2 tama da nago te sene nigainu sabo  
\q3 tǫ tiwai elalubao.  
\q1 Te nago nogogo digi da tigidali nigibo dao.   
\q1
\v 9 O Genuai Bidi, nago dade haliga sębę mu idu,  
\q2 te sesemane sogo dago ebo  
\q3 dwai sęde homu kone paludigio.  
\q3 Menio.  
\q1 Da tigidali te naga we bidi da homu elama,  
\q2 te nago daba olo mu tau sabo wiegi yai kolesaga  
\q2 yao.   
\q1
\v 10 Te nago tedali gasagi yai taun dabe te olo bulu dwai  
\q2 tǫ pesage tiwai elalubao,  
\q2 te Jerusalem me mu dolama, tede bidi me bidibeo.   
\q1
\v 11 Tama nago tempel be da, nago te po weyu,  
\q2 da teba pelama, nageba lotu waibao wali,  
\q2 te me siago delama, tigidali dolali.  
\q1 Polobadu te be te gasa sawi yai mu elalu,  
\q2 te da bulali wąį dabe teba pelama,  
\q3 te nago nogi ugwaba sali.  
\q1 Tiali, megi da, te dolali,  
\q2 te dago godolo homu yali gasa wiegi yai pesage  
\q2 dabe,  
\q3 augwali me te dolama elalubao wai dao.   
\q1
\v 12 Genuai Bidi, nago te sę dabe sulama,  
\q2 nago haliga hogodiyu,  
\q1 te magi sę me deli yabo homu ebo meni da, agawe?  
\q1 Te nago homugo dago te sęgę hauwa  
\q2 tolodumaina homu elama,  
\q1 tama nago dago gedu haluasa  
\q2 po wabo wei ponisąma eba, agawe?   
\c 65  
\s1 Godigo te hagoma ebo haniba dwai dene mayu, te aga sę bidi dabeba wiegi yai sę ilaibao wali  
\q1
\v 1 Genuai Bidigo te po wali, “Ena, Genuai Bidi,  
\q2 te eno augwali tau somainu  
\q2 gedu haluasa po wasiąbo we bidigo  
\q2 gedu haluasa po wabo odainu,  
\q3 te tonalu sisilalubao.  
\q1 Te ena bidibo augwali enaba asobo tonalubao,  
\q2 tiali te augwaligo ena gegabo homu isąwani.  
\q1 Eno te po wali, ‘Sesemane sogo ena bidibo,  
\q2 te dage tau sainu ebao,’  
\q2 tiali goli augwali te enade digibulu bidiyu,  
\q2 te eno nogi augwalide musiąwai hani  
\q3 bidibo tiwai ebo dao. \x * \xo 65:1 \xt Rom 10:20\x*   
\q1
\v 2 Te tigidali side eno nogo dinigalubao,  
\q2 tama eno te eno po sela sąbo we bidi  
\q3 ma sainu tonalubao,  
\q2 te dwai kolesaga ebo sunumidu  
\q3 augwa homugo digi wali bilibo  
\q3 we bidi te ma sainu tebo dao. \x * \xo 65:2 \xt Rom 10:21\x*   
\q1
\v 3 Te eno gedude augwa te eno haliga sębę elama,  
\q2 wado po wabo tobage kolesaga ebao.  
\q1 Augwa te Godigo po odisąbo bidi dabego ebo kolesaga  
\q2 yai.  
\q1 Augwa te lotu wabo pesage te gide elalubo te sisinama,  
\q2 ofa eyu,  
\q2 tama augwa te tibo god dabego altaba pelama,  
\q2 te wiegi yai denami yabo hano ilibo pauda ulubo  
\q2 dao.   
\q1
\v 4 Tama hulide augwa te gų pageba bidalugi pelama,  
\q2 te isai bidi dabede po sainogo ebo dao.  
\q1 Tama augwa te kibu mi tulama,  
\q2 te gasa tobage hasa te eno gedude  
\q3 wiegi yai isąbo sup nai ąį me tubo dao.   
\q1
\v 5 Te augwa gasa bageba te tiwai po weyu,  
\q2 ‘Dage dade digibulu bidao,  
\q2 magi baso meni, dago tigide habu selali.  
\q1 Tama tibaso, dage da dali me kisalugobeo,’  
\q2 te po wabo dao.  
\q2 Eno te hani dabego te tobage kolesaga ebo te eno  
\q2 homude hagela yali.  
\q1 Augwa te tama tebode te eno haliga sębę  
\q3 dwai mu augwaliba ebao.  
\q1 Augwalide eno te haliga sębę ebo te mu siligobeo,  
\q2 te sia bogoli gamonama dabo tiwai ebo dao,” wali.   
\q1
\v 6 “Suao. Ena Genuai Bidi,  
\q2 eno te dage dwai we bidi dabego ebo  
\q2 dwai sę tigidali te eno bukude asęani.  
\q1 Tede eno sagia sogobeo. Menio.  
\q1 Te eno dageba dwai dene mayu,  
\q2 te duga yali dwai sę tigidalide  
\q3 dolo mu wei ponaibao.   
\q1
\v 7 Te eno duga yali sęgo sęgę dali,  
\q2 te duga bulai wąį nǫų dabego yali  
\q3 sęgę dali tolomainu yaibao.  
\q1 Te duga bulai wąį nǫų dabe te lotu wabo  
\q2 pesage te bulu du bageba holama,  
\q1 tama augwa te wiegi yai hano denami ilibo ofa eyu,  
\q1 tama augwa te haniani dwai kolesaga ena gedude yali.  
\q1 Tama eno augwa yali dwai sę tigidali usu nama,  
\q3 dolo mu te wei ponaibao,” wali.   
\q1
\v 8 Genuai Bidigo te po wai,  
\q1 “Te bidi me deligo te bono du wain  
\q2 te du pa elalubo nogogo sąwainu ebaso,  
\q2 gasa bidigo te po wagi da,  
\q3 ‘Tonalu bolo yao,’ wai.  
\q1 ‘Eno te wiegi yai wain wai du meba  
\q3 te pąde elalubo suali.  
\q1 Dago selama, te tuabo wain ąį meba nigibaso,  
\q2 usu yaibao,’ wai.  
\q1 Te tiwai tama, ena Genuai Bidi,  
\q2 eno te tigidali Israel we bidi me dologobeo,  
\q2 magi baso meni, augwali eno sę bidi dabe dao.   
\q1
\v 9 Te eno Juda dabeba wiegi yai sę eyu,  
\q2 te tigidali Israel haniba me tiaibao.  
\q1 Eno augwali te genuai we bidi hani pedalumainu ilaibao,  
\q2 te augwali eno bulu du pesagede  
\q3 bidalumainu yaibao.  
\q1 Te hani we bidi dabe eno augwali sa munama,  
\q2 te eno sę bidi bidimainogo yai,  
\q2 te tǫde augwali bidimainu yai dao.   
\q1
\v 10 Te augwa sipsip dabe, te bulmakau me,  
\q2 te tǫde pągąnalueibao,  
\q2 te Saron te giliga dega sigulubo  
\q2 pedai te odogo pesagede gagalasa pali,  
\q2 te Akor giliga pedalubo badu  
\q3 te odogo tǫba usu nigi paibao.  
\q1 Te augwa nosai hauwa elalu, te nai tuyu,  
\q3 toma neyu, bidaibao.  
\q1 Eno te sę dabe ebo te ena gegebo homu elalubo we bidi  
\q2 dabeba tiaibao,” te po wali. \x * \xo 65:10 \xt Jos 7:24-26\x*   
\b  
\q1
\v 11 “Tiali goli, dage da, te dage ena tudiba muyu,  
\q2 te eno bulu du, te Saionba asisąma,  
\q2 te enaba lotu wagasisąbo hani dabe,  
\q3 dage te dwai dene mu saibao.  
\q1 Dagego te Gat me Meni, te siba nai me wain ąį mayu,  
\q2 lotu wabo dao.  
\q1 Te tibo god dabe te augwaligo dage  
\q2 tau somainu ebo da homu elama,  
\q2 te duga wiegi yai sogo elalueiba homu yalio.   
\q1
\v 12 Tiali goli, eno gasagi yai sogo dageba sa muai.  
\q1 Te boi dabego dageba hwįagaselama,  
\q2 te dage augwa bainat hwą dabego ela mueibao.  
\q1 Te duga kidu sugunama, te tobolu tǫba basigulama,  
\q2 te boi bidi dabego dage tobolu mage togwaibao.  
\q1 Te sę dabe pedelaibao, magi baso meni,  
\q2 eno dage i wali, te dagego eno i wabo wei ponobeo.  
\q1 Te eno po me dageba pusali,  
\q3 tiali dagego wali pabeo. Menio.  
\q1 Dagego eno po sela sąyu, te eno gedude  
\q2 dwai kolesaga naga yali,  
\q2 te eno godolo homu isąwai  
\q3 kolesaga dabe mu ebao wali.   
\q1
\v 13 Tama tibaso, ena God, Genuai Bidi,  
\q3 eno te tama po obao.  
\q1 Te eno sę bidi dabego te nai me ąį hauwa elalueibao.  
\q1 Tiali, dage te ena tudiba mubo hani dabe,  
\q2 te dage nai sili bidu, te tuabo ąį meni yaibao.  
\q1 Te eno hani dabe, te augwa wiegi yai pemene yaibao,  
\q3 tiali te dage dwai hale mu saibao.   
\q1
\v 14 Te eno sę bidi dabego haligade  
\q2 te wiegi yai homu pemene pągąnalu,  
\q2 te augwa homu pemene ebo tęąbi po waibao.  
\q1 Te dagego haligade te homu dene ebo pągąnalu,  
\q2 te dagego homu kolesaga kone tųą pelama,  
\q2 te dage gela bomonama mu waibao.   
\q1
\v 15 Te eno hani dabe, te augwa gasa  
\q3 bageba po dwai wabo sogo da,  
\q2 teda augwa te tiwai po waibao,  
\q3 ‘God, Genuai Bidigo dage dolomainu yaibao,  
\q2 te agai te dwai hani dabe dolali tiwai yao,’ waibao.  
\q1 Tama te bidi dabego dage nogi  
\q2 te dwai nai homu tiwai yaibao,  
\q2 tiali goli eno te wiegi yai gesi nogi  
\q3 te ena sę bidi dabeba mawaibao.   
\q1
\v 16 Tama te tigidali tǫ habu pedai badude,  
\q2 te bidi dabego gedu haluasa po enaba weyu,  
\q2 te mu po naga wabo God da po weyu,  
\q2 te augwali wiegi yai bugagia ilao  
\q3 po enaba hanalueibao.  
\q1 Te bidi dabego augwa po dąų walabo homu elama,  
\q2 augwa te eno nogi delide naga te mu po  
\q3 dao waibao.  
\q1 Tama augwa te polobadu elaluali haliga  
\q3 sęgę me dwai sę yali dabe  
\q2 te homu kone gegeda palaibao,  
\q2 te ena, Genuai Bidi, te eno augwa  
\q2 te polobadu yali dwai sę dabeba  
\q2 homu kone mu gegeda palaibao,” wali.   
\s1 Tigidali nai te gesi Jerusalem dali bugagia elalueibao  
\q1
\v 17 Genuai Bidigo te tiwai po wali,  
\q1 “Suao, eno gesi dagalu me tǫ nigaibao.  
\q1 Te bidi dabego te polobadu pedelali  
\q3 naiba homu kone me palogobeo.  
\q1 Augwaligo te nai mu gegeda paibao.\x * \xo 65:17 \xt Ais 66:22; 2 Pi 3:13; Ped 21:1\x*   
\q1
\v 18 Dagego te eno megi nigali gesi naiba bugai haliga  
\q2 eyu,  
\q2 wiegi yai pemene sesemane sogo yao. Magi baso  
\q2 meni.  
\q1 Te eno nigainogo ebo gesi Jerusalem  
\q2 te we bidi dabego godolo elama,  
\q2 wiegi yai pemene yabo pesage pedelaibao,  
\q2 te aga we bidi dabe te bugai haliga mu elama  
\q2 bidaibao.   
\q1
\v 19 Ena digi me eno wiegi yai pemene  
\q2 te Jerusalemba elama,  
\q2 te ena we bidi dabeba bugai haliga yaibao.  
\q1 Te gesi nigali Jerusalemde te bidi dabe gela wabo  
\q2 kulukulu munu me elalugobeo,  
\q2 te genuai dene elalubo bidi dabego  
\q3 te i wabo sę me elalugobeo. \x * \xo 65:19 \xt Ped 21:4\x*   
\q1
\v 20 Te dwasianu ogomani dabe me  
\q2 te ogomani bidi elalubo sogo me isigobeo. Menio.  
\q1 Tigidali we bidi te bobobage sogo sesabi elama,  
\q2 mu bidama, te monu dabe mu pedelaibao.  
\q1 Te augwa kibu be bidi sese a naga 100 yia bidali,  
\q2 te tagalao, augwali te gesi tigi elalubo we bidi  
\q2 bidaibao,  
\q2 tiyu augwali me deli te kibu be bidi sese a naga 100  
\q2 yia bidisiąbadi isibaso,  
\q2 te gasa bagego homugo te Genuai Bidi eno aga  
\q2 isimainu yai da,  
\q2 te homu yaibao,” te po wai dao.   
\q1
\v 21 “Te eno we bidi dabego te be dabe sęnama, tede  
\q2 bidalueibao.  
\q1 Te augwa te wain gi dabe bulama,  
\q2 te wain du tabila tuyu, bidaibao.   
\q1
\v 22 Te boi bidi dabe munu ma aselama,  
\q2 te eno we bidi dabe sela sąyu, ela gudulama,  
\q2 te augwaligo beba bidagaselama,  
\q2 te augwa wain gi selama,  
\q2 te wain du tabilama tuyu, me tegobeo.  
\q1 Te eno we bidi dabe sesabi elama,  
\q3 bobobage sogo mu bidaibao,  
\q2 te bomai dila pai ni tiwai elalueibao.  
\q1 Awe, tama augwa digi sę dene elama,  
\q2 pedalubo naide wiegi yai  
\q3 homu pemene elama, bidaibao.   
\q1
\v 23 Augwa ebo sę te odolali me ela tagalogobeo.  
\q1 Te augwa wai dabe me doloyu,  
\q2 me egobeo, magi baso meni,  
\q2 augwaliba eno te wiegi yai sę bugagia yainu,  
\q2 te sa muani hani dabego wai dabe dao.  
\q1 Te eno augwaliba bugagia wiegi yai sę eyu,  
\q2 te augwa wai dabeba me,  
\q2 te augwa nosali bulabo wąį nǫų  
\q3 wai dabeba te tama tiaibao wali.   
\q1
\v 24 Te augwa godolo homu eyu,  
\q2 te sabo homu ebo nai po te enaba gedu haluasa po  
\q2 weyu,  
\q2 hanalusiąbadi, te eno augwaligo  
\q3 hanalubode wei ponaibao.  
\q1 Te augwa gedu haluasa po wabo sogo da,  
\q2 teda eno te nai dabe augwaliba mawaibao.   
\q1
\v 25 Te bulu uni yowi dabe me te sipsip wai dabe  
\q2 augwali hodobo deliba nai tueibao.  
\q1 Te laion dabego te bulmakau dabego  
\q3 nosai tubo tiwai yaibao.  
\q1 Tiali goli, te hasamani dabego da,  
\q3 te tǫ hogomu naga tueibao.  
\q1 Te Genuai Bidi, eno buludu pesage tigidalide,  
\q2 te tigidali nai bugagia elalueibao,  
\q2 te bidi me deligo gasa bidi meba  
\q3 dwai sę iliyu me tegobeo.  
\q1 Ena Genuai Bidi, eno po wai dao,” wali. \x * \xo 65:25 \xt Ais 11:6-9\x*   
\c 66  
\s1 Genuai Bidigo aga boi bidi dabe aiyaba elaluama, te aga dologoba asali haniba wiegi yai sę yaibao wali po  
\p
\v 1 Genuai Bidigo te po wai,  
\b  
\q1 “Dagalu da, te ena dugabo sia king tiwai elalu,  
\q2 te tǫ eno sągą ugwadu mubo pesage dao.  
\q1 Tega. Te dagego eno be sę ebo usugowe?  
\q1 Te mena badu ena toma nabo pesage elalueibawe?\x * \xo 66:1 \xt Mat 5:34, 35; 23:22\x*   
\q1
\v 2 Genuai Bidi ena digi, eno te dagalu  
\q2 me tǫ tigidali nai nigilama,  
\q2 te augwali pedelama, megi elalubao.  
\q1 Eno te tobage bidi dabeba bugagia haliga yaibao,  
\q2 te augwa digi aiyaba elaluama,  
\q2 te augwa yali dwai sęde homu dene eyu,  
\q2 enaba wi elama,  
\q2 te eno po dologoba aselama, bidibo bidi.”\x * \xo 66:2 \xt Tpi 7:49-50\x*   
\q1
\v 3 “Tiali goli, te augwa digi dobo homu wali pabo  
\q2 we bidi dabego augwa te haniani dwai kolesaga  
\q3 godolo mu eyu,  
\q2 tama augwa te enaba lotu mu obao, te homu ebao.  
\q1 Tiali goli, augwaligo enaba te ofa ebo  
\q2 tigidali te eno godolo mu me isąwai.  
\q1 Te augwaligo bulmakau elama, enaba ofa ebo sogo,  
\q2 eno suali, augwa te bidi elali tiwai ebao.  
\q1 Te augwa sipsip wai elebo sogo,  
\q2 eno suali, augwa te yowi elama,  
\q3 te enaba ofa tiwai yali.  
\q1 Augwa te wit dabe ofa ebo sogo, eno suali,  
\q2 augwa te kibu kaneme ofa ebo tiwai yali.  
\q1 Te augwa wiegi yai denami ebo hano ebo ofa ebo sogo,  
\q2 eno suali, augwa te tibo god piksa  
\q3 me deliba ofa ebo tiwai yai dao.   
\q1
\v 4 Te pagede tama te augwaligo tolabo sęgę eno sa  
\q2 muani,  
\q3 augwa te wi mu ebo sęgę dao.  
\q1 Magi baso meni, eno augwaliba i obadi,  
\q2 te eno i wabo augwaligo wei ponobeo.  
\q1 Te eno po me augwaliba pusubadi,  
\q3 tiali goli augwa wali me pabeo. Menio.  
\q1 Augwa eno po sela sąyu, te eno gedude  
\q2 dwai kolesaga naga yali,  
\q2 te eno godolo homu isąbo kolesaga dabe mu dao.”   
\q1
\v 5 “Dage te wi elama, te Genuai Bidi,  
\q2 eno po dologoba asobo hani dabe,  
\q2 dagego te megi eno dageba pusainu ebo po odao.  
\q1 Dage ena wali asobo bomo yai,  
\q2 tama te duga deli hani dabego  
\q2 te dage godolu mu me isąma,  
\q3 te augwaligo dage tudiba muai.  
\q1 Te augwaligo dageba posobo po weyu,  
\q2 dageba te tiwai po wali,  
\q1 ‘Te Genuai Bidi aga genuai bomo dali asomainu eyu,  
\q2 te dage pemene ilimainao, te tebo dago sueibao.’  
\q1 Tialima, eno te po obao,  
\q2 te dagego augwali dwai hale mu  
\q3 sabo sueibao, te po wali.   
\q1
\v 6 Te taun tomode genuai i weyu,  
\q2 te eno be tomode kulukulu wabo odao.  
\q1 Te eno i me kulukulu weyu ebao, te Genuai Bidi dao.  
\q1 Eno te ena boi bidi dabeba dwai dene mayu,  
\q2 te augwa yali dwai kolesaga wei ponaibao,” wali.   
\q1
\v 7 “Ena, Genuai Bidi, eno te po obao,  
\q2 eno taun te wego wai deli sogo polo  
\q3 tama ame nabo tiwai yaibao.  
\q1 Aga te wai ame nabo tigi dene isąbadi,  
\q2 tama te wai polo pedelali. \x * \xo 66:7 \xt Ped 12:5\x*   
\q1
\v 8 Dagego te tobage sę polobadu sulama,  
\q3 odai da homu eba, agawe?  
\q1 Te bulu tǫ kantri me deli te deli sogo  
\q3 pedalubo da, agawe?  
\q1 Te genuai hani we bidi me deli te deli sogo tama me  
\q2 pedalubo homu eba, agawe?  
\q1 Tiali, Saion aga te wai ame nabo  
\q2 tigi dene ebo gagalobo sogo,  
\q2 te polo tama aga te wai ame naibao.   
\q1
\v 9 Ena God, Genuai Bidi, ena digi eno  
\q3 aga te wai ame nabo dene ilali.  
\q1 Tama tibaso, te magi elama eno agai haliga paniama,  
\q2 eno aga wai somainu iligobe dawe?  
\q1 Ena da, ena dagego God dao.”   
\q1
\v 10 “Dage te Jerusalem godolo mu ebo hani dabe,  
\q2 dagego aga dali wiegi yai pemene yao.  
\q1 Dage agade te homu dene elama,  
\q2 gela weyu yali hani dabe,  
\q1 megi da, dagego aga dali wiegi yai homu pemene yao.   
\q1
\v 11 Magi baso meni. Aga bugagia bidibaso,  
\q2 te duga wiegi yai pemene elama,  
\q2 agade te wiegi yai nai hauwa saibao.  
\q1 Aga te dagego ida me deli tiwai elama,  
\q2 tama dagego aga ame tuyu,  
\q2 te dage bugagia mu pągąnama,  
\q2 te haliga nagame yai bidaibao,” wali.   
\q1
\v 12 Genuai Bidigo te tiwai po wali, “Magi baso meni.  
\q1 Eno te Jerusalem bugagia mu elalumainu yaibao,  
\q2 te sesemane sogo agai te gasa tǫ kantrigo wiegi yai  
\q2 nai dabe hauwa saibao.  
\q1 Te aga magi deli me sǫą pisąma,  
\q2 te wę sesemane sogo asudu,  
\q3 te sula sisąbo tiwai yaibao.  
\q1 Te dagego te nai dabe siyu, wiegi yai pemene mu yaibao,  
\q2 te waigo idago ame tuyu, pemene ebo tiwai yaibao,  
\q2 te waigo aga idago sabilibaso, pemene ebo tiwai eyu,  
\q2 te idago aga telede pilama,  
\q2 aga dali gagali ebo tiwai ebo dao.   
\q1
\v 13 Te eno dage bugagia mu tonalu,  
\q2 te idago aga wai bǫų bugagia tonalubo tiwai eyu,  
\q2 te aga waigo haliga dua nagame  
\q3 ilibo po wabo tiwai yaibao.  
\q1 Dage te Jerusalemde bidiyu,  
\q2 te duga haliga nagame elama bidaibao.   
\q1
\v 14 Eno te tama sę dageba ebo subaso,  
\q2 te duga haliga pemene mu elama,  
\q2 te dage genuai bomai hani mu pedelaibao.  
\q1 Te dage eno sę bidi dabego te duga Genuai Bidi eno  
\q2 bomo bugagia koneaibao.  
\q1 Tiali goli, eno boi bidi dabego te eno  
\q3 haliga sębę koneyu, gę naibao.”  
\q1 Genuai Bidigo te po wai.   
\q1
\v 15 Te dagego Genuai Bidi te sia dali asobo sueibao,  
\q2 te aga karisde dugulama, bomonama,  
\q3 umagia mu udayu,  
\q2 te bomai wali asobo tiwai yaibao.  
\q1 Te aga haliga sębę ebo siago te aga boi bidi dabe ulama,  
\q3 te augwali mu silaibao.   
\q1
\v 16 Magi baso meni. Te Genuai Bidigo isigo te we bidi  
\q2 uluyu,  
\q2 te agai hwą ge bainatgo te we bidi hauwa mu ela  
\q2 mueibao,  
\q2 te augwa yali dwai sę wei ponoyu, tiaibao.   
\p
\v 17 Genuai Bidigo te tama po wali, “Te tibo godiba lotu wabo hani dabe, augwa te tibo godigo gedude wiegi yai pedalumainu ebo kolesaga wali peyu, augwa te lotu wagi pabo pesage giba pelama, te augwa polalubo bidi dabego ebo kolesaga wali pelama, augwa te kibu mi, me bolo mi tuali, te gasa nai dabe eno gedude wiegi yai isąbo nai tuali, augwa tigidali dolama, mu silaibao,” wai dao.   
\s1 Te tigidali tǫ kantri we bidi dabe te Genuai Bidi dologode bidaibao  
\p
\v 18 Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.  
\v 19 Te eno augwali tomode te dąį me deli pedalumainu ilaibao.”  
\p “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.  
\v 20 Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.  
\v 21 Tama te augwali meba eno te pris pedalumainu ilaibao, te meba Livai hani bidimainu yaibao,” Genuai Bidigo te po wali.   
\p
\v 22 “Ena Genuai Bidi, eno te po obao, te gesi dagalu me gesi tǫ eno nigaibao, te eno gedude sesemane bomo elalueibao, te tiwai duga wai dabe te sesemane sogo bomo elalu, te dagego nogi me sia sogobeo. \x * \xo 66:22 \xt Ais 65:17; 2 Pi 3:13; Ped 21:1\x*  
\v 23 Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.  
\v 24 Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao. \x * \xo 66:24 \xt Mak 9:48\x*