\id HOS - Dadibi NT [mps] -Papua New Guinea 2001 (DBL 2014) 
\h Profet Hoseago Buku 
\toc1 Profet Hoseago Buku 
\toc2 Hosea 
\toc3 Hos 
\mt1 Profet Hoseago Buku  
\imt1 Hasia nedebo po  
\ip Te Hosea buku te namba wan buku te nogo si olama, sągągo si, te 12, te profet dabego pęwadage buku me deli dao. Te meba gasa profet bidi dabego buku, te profet Aisaia, me profet Jeremaia, me Esekiel, te augwali bobobage buku dabe dao. Tama tialima, te 12 wabo te buku te 12, te nogo si ugwadu si wabo, augwaligo te pęwadage buku nogi wabo dao. Te Hoseago profet po te Israel bulude, te not badu, te Asiria dabego te bulu dolagasabo magade pusai dao. Teda te genuai sęgę elaluyu, tama te Israel hani te sogo dodolama mu bidai dao. Te Hoseago pusali pode te wiegi yai po dage elalubao. Tiali te me badu polobadu da, te we bidi dabego augwa dwai dwai kolesaga dodolomainu po wai, te elalubao. Augwaligo God tagalama, augwaligo tibo god dabe wali pai dao. Tama me badu pedai badu da, agai te Godigo homu nagame elama, bidi olodali tau sabo po page pusali. Agai te bidigo sęgę sela sąnama, tama God aga ma oda sabo po pusali.  
\ip Te Hosea aga bidali kolesagago te Godigo ebo kolesaga tiwai yali. Hoseago we subigila pelama, tama subigila penani sę ela bilali. Te Israel dabego God tagalama, te subigila te tibo god dabe wali pabo tiwai yali. Tiali goli, nosali Hoseago aga we ma sali. Te da, te Godigo aga we bidi ma sainogo homu dene ebo kolesaga te piksa tiwai dao. Godigo aga we bidi godolo mu eyu, tama agai augwali me tagalabo homu me ebeo.  
\c 1  
\ms1 Hosea aga we wai augwaligo po  
\mr (Dąį 1–3)  
\p
\v 1 Te Usia, me Jotam, me Ahas, me Hesekia, te bage deli deli augwali te Juda dabego king dabe bida bida pali sogo, God Genuai Bidigo agai po Hoseabolo mawai. Hosea da te Berigo ogwa dao. Tama Jeroboam, te Jehoasgo ogwa, te Israel king bidai dao. Te bidi dabe king pedelama bididubadi, tama Genuai Bidigo Hoseabolo te po maduai. \x * \xo 1:1 \xt 2 Kin 14:23-29; 15:1-7; 15:32-38; 16:1-20; 18:1–20:21; 2 Sto 26:1-23; 2 Sto 27:1-8; 2 Sto 28:1-27; 2 Sto 29:1–32:33\x*   
\s1 Hoseago wego te wai dabe ame nai  
\p
\v 2 Hasia sogo Genuai Bidigo te Israel dabeba maiabo po te Hoseago pedauwaliba muani, agai Hoseabolo te tiwai po wai, “Eno we bidi dabe augwaligo ena homugo wei me ebeo, tama augwaligo te tibo godiba lotu wagi pobao, te bidigo sai wego penani igi pabo tiwai ebao. Te usu siyu, nago te we me deli sigi pao, tama nosali te wego penani yaibao. Tama agai wai dabego me te aga ebo kolesaga tiwaiba peyu, te penani sę yaibao,” wali.  
\v 3 Tialima, Hoseago te we Gomer sali, te Diplaimgo wegi. Nosali Gomer haliga elama, te ogwa me deli ame nai.  
\v 4 Tama Genuai Bidigo te po wali, “Nago aga nogi ‘Jesril’ poao,” wali, “magi baso meni, te Israel king bidigo wąį nǫų Jehugo te king bidi si polobadu ela muai, te Jesril bulude. Tama te ogwa nogi Jesril poabogo eno te megi bidibo Israel kingba dąį ilibo sę tiwai ebao, te eno agaba dwai dene tamadi tama mawaibao, te Jehugo yali dwai sę wei ponoyu tiaibao, te aga wąį nǫų dao. Tama eno te Jehugo hani king pedalumainu me egobeo. \f + \fr 1:4 \ft 2 King 9-10 tede elalubo po suao.\f* \x * \xo 1:4 \xt 2 Kin 10:11\x*  
\v 5 Tama te sogo eno te Israel hanigo amigo bomo dolaibao, te Jesril odogo bulude tiaibao,” te po wai.   
\p
\v 6 Nosali Gomer te haliga ma elama, te wegi ame nai. Tama Genuai Bidigo Hoseabolo te tiwai po wai, “Aga nogi e tiwai nogi yao, ‘Eno Aga Godolo Ebo Menio’. Magi baso meni, eno te Israel dabe godolo homu me egobeo, tama eno augwaligo sęgę me sela sągobeo.  
\v 7 Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.   
\p
\v 8 Nosali te Eno Aga Godolo Ebo Menio wali wegi agai te ame tubo tagalubo side, teda te Gomer te haliga ma elama, tama gasa ogwa ame nani.  
\v 9 Tama Genuai Bidigo Hoseabolo te tiwai po wai, “Nago aga nogi e tama poao,” wali, “‘Eno Menio’. Magi baso meni, dage Israel dabe eno we bidi menio. Tama ena dagego God bidigobeo,” wali.   
\s1 Te Israel kantri tǫ bugagia ma elalueibao wali  
\p
\v 10 Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao. \x * \xo 1:10 \xt Rom 9:26\x*  
\v 11 Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. \f + \fr 1:11 \ft Te Godigo gi nigali po wali, augwaligo te Hibru pogo nogi yali te Jesril. Hasia bolo te wai selago nogi dwai nai nogi polali. Tiali goli, megi da, te sela nogide te wiegi yai nai naga dąį ilali.\f* Mu tama, Godigo te sę ebo sogo, te genuai side mu yaibao,” wali.   
\c 2  
\p
\v 1 “Megi dagego duga deli kaneme hani Israel dabe nogi eyu, e tama tiwai waiąo, ‘Dage te Godigo We Bidi Dao, tama Godigo Dage Godolo Mu Yai Dao,’ te po wao,” Genuai Bidigo Hoseabolo te po wai.   
\s1 Te Gomergo Hosea tagalali tiwai, te Israel dabego God tagalali  
\q1
\v 2 Godigo te tiwai po begelama, te aga we bidiba wali,  
\q1 “Eno wai dabeo, dagego ida te eno we  
\q3 da homu me elalugobeo,  
\q2 tama ena te agai bidi ma elalubeo.  
\q1 Tiali goli, dagego aga dali konila po weyu,  
\q2 agaba bomonama hanalu,  
\q2 te penani ebo kolesaga tagalao po wao.   
\q1
\v 3 Te agai tagalisąbaso da,  
\q2 teda eno aga gudali ugwa tigidali peda sąnama,  
\q2 tama aga tigi olo gagolama,  
\q2 te aga ame nani sogo tiwai tigi olo bidiyu,  
\q2 tama aga hale dwai mu yaibao.  
\q1 Tama eno aga te tǫ wa pai pedalubo tiwai elama,  
\q2 te ni meni ebo tiwai ilaibao,  
\q2 tama te tuabo wę me meni yaibao,  
\q2 tama tebo kolesagago te eno aga dolaibao.   
\q1
\v 4 Te eno agai wai dabe homu dene me egobeo,  
\q2 magi baso meni, augwali te hale meni isąwai penani  
\q3 we me deligo wai dabe dao.   
\q1
\v 5 Te wego te tama po wali,  
\q1 ‘Te eno wei eyu, godolo homu ebo  
\q3 bidi dabe wali paibao,’ wai.  
\q1 ‘Augwaligo ena te nai me wę mayu,  
\q2 te gudabo ugwa dabe me mayu yali,  
\q2 tama te oliv wel me wain mayu ebo dao,’ te po wai.   
\q1
\v 6 Tama te homu ebaso,  
\q2 te eno ni sesane dabe selama,  
\q2 te we bidibo pesage bagulama elalueibao.  
\q1 Te eno aga soabo sunumide obogo togwa palama,  
\q2 tama aga te bidi dabeba ma pobaso, te usu me egobeo.   
\q1
\v 7 Te agai godolo homu ebo bidi dabeba painogo pali goli,  
\q2 tiali goli aga te augwaliba me pedalugobeo.  
\q1 Te agai augwali gegegi paibao,  
\q2 tiali goli, agai augwali me sugobeo.  
\q1 Tama tibaso, agai te po waibao,  
\q1 ‘Polobadu ena eno bidi dali bugagia bidalio,  
\q2 tiali goli, megi menio.  
\q1 Tama tibaso, te ena bidi muba dolo ma paibao,’  
\q2 te po waibao.”   
\b  
\q1
\v 8 “Agai te tiwai kone sabo homu isąwai,  
\q2 eno digi eno aga tigidali nai mawai,  
\q3 wain me wel mani,  
\q2 tama te hauwa silva me gol mawai.  
\q1 Tama agai te silva me gol te naigo  
\q2 te tibo god Balba lotu wabo sę yai.   
\q1
\v 9 Tama tibaso, te gide nai inilama sabo side,  
\q2 eno te nai dabe me wain agabolo mani nai  
\q2 te eno ma saibao.  
\q1 Tama aga tigi bolo olo elalu idali weyu,  
\q2 eno te gudubo ugwa dabe polobadu mani.  
\q1 Eno agabolo te mani gudubo wiegi yai  
\q2 ugwa dabe me ma saibao,” wali.   
\q1
\v 10 “Tama eno agai gudali ugwa dabe  
\q2 te agai godolo homu ebo bidi dabego  
\q3 gedude pepeda sąwaibao,  
\q2 te aga tigi bolu olo bidaibao.  
\q1 Tama te bidi me deligo aga eno nogode  
\q3 me dobola sogobeo.   
\q1
\v 11 Te eno agai te wiegi yai homu pemene ebo  
\q2 te genuai side wabo te tigidali mu  
\q3 silimainu yaibao.  
\q1 Te genuai side da wabo te tiwai,  
\q2 te lotu wabo genuai side te deli deli kibu bede pedalu,  
\q2 te deli deli poluade pedalu yai,  
\q2 tama te Sabat side lotu wabo me,  
\q2 te gasa tobage lotu dabe me, te tama tiwai yai.   
\q1
\v 12 Te eno te wain ni dabe, me te ni fik kaya ni dabe  
\q2 te bidi dabego aga wei elama, aga mani,  
\q3 te aga mone mabo tiwai yai,  
\q2 te nai dabe eno mu dolaibao.  
\q1 Tama te uni hasa dabego  
\q3 te wain gi dolagaselama,  
\q2 tama te ni kaya fik gi me dolama,  
\q3 te olo bus tiwai pedelaibao,” wali.   
\q1
\v 13 “Agai ena hauwa sogo homu kone gegeda palali,  
\q2 tama te tibo god Balba te wiegi yai  
\q3 denami ebo ofa iligi palio,  
\q2 tama agai te wiegi yai au dobage munama,  
\q2 te aga godolo ebo bidi wali bilali.  
\q1 Tama tibaso, eno te dwai dene agaba mawaibao.  
\q1 Ena Genuai Bidi, eno te tama po wai dao,” wali.   
\s1 Genuai Bidigo aga we bidi godolo mu ebao  
\p
\v 14 Genuai Bidigo te po begelama wabo pode te tiwai po wali,  
\b  
\q1 “Tialima, eno te wiegi yai po te we Israel dali olama,  
\q2 tama aga te masigi kemi pesageba  
\q3 ma kekasa paibao.  
\q2 Tama eno aga homu bega sabo po weyu,  
\q2 agabolo te tiwai po waibao,  
\q1 ‘Eno nage godolo mu ebao,’ waibao.   
\q1
\v 15 Te eno te wain gi dabe agaba ma menama,  
\q2 tama eno augwaligo te odogo nogi yali pesage  
\q1 Te Dwai Sęgę nogi poali pesage te hasegelaibao,  
\q2 tama te wiegi yai nai pedalubo pesage  
\q3 pedelaibao,” wali.  
\q1 “Te pesagede agai te eno po wali peyu,  
\q2 te aga gesi wegi ogwa wede  
\q2 te Isip tǫ taga soyu asali sogo tiwai  
\q3 kolesaga yaibao. \x * \xo 2:15 \xt Jos 7:24-26\x*   
\q1
\v 16 Tama agai enaba te tama po waibao,  
\q2 ‘Nage eno bidi da,’ waibao.  
\q1 Tama agai homugo ena te tibo god Bal da,  
\q2 te homu munu me ma isąyu,  
\q2 tama enabolo te tobage po weyu,  
\q2 ‘Nage Bal, nage eno genuai bidi da,’  
\q3 te homu me egobeo.   
\q1
\v 17 Te eno agai te nogi Bal ma omainu me  
\q3 egobeo. Mu menio.”   
\b  
\q1
\v 18 “Tama te sogo eno te dąų wabo bomai po kontrak  
\q2 te buside tigidali uni hasa, me hasamani dabe dali,  
\q2 me ba dabe dali te po dąų walaibao,” po wai.  
\q1 “Tama augwaligo te eno we bidi dabe me dologobeo.  
\q1 Tama eno te hwįbo doado bage tigidali sela sąwaibao,  
\q2 te bobobage bainat ge hwą,  
\q3 me enesigi ene sesemone,  
\q2 tama eno we bidi dabe te tǫde dua digi  
\q3 tegaluama bidiyu,  
\q2 te augwali wi munu me egobeo,” wali.   
\b  
\q1
\v 19 “Israel, te eno nage te eno we tiwai  
\q3 pedalumainu yaibao,  
\q2 tama te nage sesemane sogo bidada pomainu yaibao.  
\q1 Te eno doloba pai kolesaga nageba eyu,  
\q2 tama eno nage me tagalugobeo,” wai.  
\q1 “Tama eno nage sesemane sogo godolo mu eyu,  
\q2 tama nagebolo eno te olo wiegi yai  
\q3 homu kolesaga yaibao,” wali.   
\q1
\v 20 “Eno te ena dąų wali po wali peyu,  
\q2 tama nage te eno we tiwai sesemane bidaibao.  
\q1 Tama nago te tiwai koneyu,  
\q2 ena tama te naga Genuai Bidi da homu yaibao,” wali.   
\q1
\v 21-22 “Tama te sogo ena Genuai Bidi,  
\q2 te eno ena we bidi te Israel dabego  
\q2 gedu haluasa po wabo te eno odaibao. \f + \fr 2:21-22 \ft Te badu pedaide, profetgo te po te Israelde wali, tiali goli, agai te Israel nogi te Jesril poali. Te Godigo dwai nai hasegelibo tiwai agai te Israelde tiali, tama augwali te wiegi yai ma ilali. Tama tibaso, te ves 22 me 23 tede wali po te tiwai, Godigo te Hoseago ogwa sela nogi hasegelali. Te Dąį 1:11, tede wali po suao.\f*  
\q1 Tama eno te tulubage tǫba tulumainu elama,  
\q2 tama augwaligo te bulali nai tigidali,  
\q2 te wain me wel, te hauwa holomainu yaibao.   
\q1
\v 23 Tama eno te ena we bidi  
\q3 te tǫba munama,  
\q2 tama augwali te eno nigali wiegi yai  
\q3 gi tiwai pedelaibao.  
\q1 Polobadu eno ena we bidibolo te tama wali,  
\q2 ‘Eno Dage Godolo Me Ebeo,’ wai.  
\q1 Tiali goli, nosali te eno augwali godolo mu yaibao.  
\q1 Polobadu eno augwaliba te tiwai po wali,  
\q3 ‘Dage Eno Menio,’ wali.  
\q1 Tiali goli, nosali eno te tiwai po waibao,  
\q2 ‘Dage Te Ena We Bidi Mu Dao,’ waibao.  
\q1 Tama te augwaligo te tiwai po wei ponaibao,  
\q1 ‘Nage dago God mu dao,’ waibao.” \x * \xo 2:23 \xt Rom 9:25; 1 Pi 2:10\x*   
\c 3  
\s1 Hosea me aga dwai we dali  
\p
\v 1 Genuai Bidigo enabolo te tama po ma wali, “Nago te naga we godolo ma yao, megi da agai te gasa bidi dali penani yali te palia salio. Nago aga godolo mu eyu, te eno ena we bidi Israel dabe, augwali godolo mu ebo tiwai gilama yao. Mu tama, te augwaligo ena tagalama, te tibo godiba pelama, tama augwaligo te olali wain wai dabe te tibo godiba ofa yainu sali. Tiali goli, tagalao, eno te Israel dabe godolo mu idubo dao,” wali.   
\p
\v 2 Tialima, eno te we te 150 kinago, me te bali naigo pągąwai beg a naga olama, me deligo eno te we ma abelali.  
\v 3 Tialima, te eno agabolo wali, “Mu tama, nage te eno we dao, tiali goli, te megi tebode ena nage dali me pigobeo,” wali. “Hasia bolo te nage ena dali hauwa sogo elama bidao, tama te sogo nage te sunumide bilibo we tiwai me bidilamuo. Tama te eno nage naga tonalueibao,” eno te po wali.  
\v 4 Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.  
\v 5 Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.   
\c 4  
\ms1 Godigo te Israel bage dali po elalubao  
\mr (Dąį 4–13)  
\s1 Genuai Bidigo Israel po tų ilali  
\p
\v 1 Genuai Bidigo te kantri tǫde bidibo we bidi dabeba po kisilama wali.  
\b  
\q1 Dage Israel, te Genuai Bidigo po odao.  
\q1 Agai te tama po wai,  
\q1 “Te bulu tǫ kantride bidibo we bidi dabego  
\q2 te mu po wabo kolesaga konesiąma,  
\q2 tama augwa abagi dabe digi  
\q2 te godolo homu me ebeo.  
\q1 Augwaligo te ena augwa Genuai Bidi da  
\q3 homu me isąwai.   
\q1
\v 2 Augwaligo te po dąų wali,  
\q2 tiali goli augwaligo wali me pisąwai.  
\q1 Augwaligo tibo po olama, tama bidi ela muyu,  
\q2 te nai doado bage wi siyu,  
\q2 tama penani eyu ebo dao,  
\q2 tama augwa te bidi ela mubo sę ela pabo dao.  
\q1 Tama te dwai kolesaga te genuai mu pedelama,   
\q2
\v 3 tama tibaso, te tǫ wa pai.  
\q1 Tama te tǫde elalubo nai tigidali,  
\q2 te hasa dabe, me ba dabe, me sųgų dabe,  
\q2 te tigidali isibo dao,” wali.   
\s1 Genuai Bidigo te pris dabe po tų ilama, tama augwaliba wado po wai  
\q1
\v 4 Genuai Bidigo po ma weyu,  
\q2 te tiwai po wai,  
\q1 “Te mena bidi me deligo te we bidi dabe  
\q2 po tų me iligobeo, magi baso meni,  
\q2 te dwai kolesaga page augwalide me  
\q3 elalubeo. Meni.  
\q1 Te dage prisde po elalubao,  
\q2 tama tiyu eno dage dali po elalubao,” wali.   
\q1
\v 5 “Tigidali sogo dagego sę yali,  
\q2 tiali goli dagego sę besela palama eyu,  
\q3 tama dagego geda mubo dao.  
\q1 Tama te profet dabego me tama naga tibo dao.  
\q1 Tama tibaso, eno te Israel dolaibao,  
\q2 te dagego ida tiwai dao.   
\q1
\v 6 Te we bidi dabego ena bugagia konesiąbaso,  
\q3 augwaligo ena wali me asobeo,  
\q2 tama teyu, te augwali dolaibao,” wai.  
\b  
\q1 “Dage pris dabego ena wali me asisąyu,  
\q2 tama dagego eno po sela sąwanio.  
\q1 Tama tiyu, te eno dage sela sąwaibao.  
\q1 Tama eno te dagego wai dabe me  
\q2 te eno pris pedalumainu me egobeo,” wai dao.   
\q1
\v 7 “Dage pris te hauwa mu pedelali,  
\q2 tama tiyu dagego dwai sę hauwa mu yali.  
\q1 Megi dage genuai nogi elalubo,  
\q2 tiali goli te eno dage aiyaba elaluama,  
\q2 tama dage dwai hale mu yaibao,” te po wai.   
\q1
\v 8 “Te eno we bidi dabego dwai sęgę selama,  
\q2 tama tede te hasa dabe ofa mayu,  
\q2 tama te ofa nai te dagego tubo nai tiwai ebao.  
\q1 Tama tiyu, dagego te tobage ofa nai hauwa somainu eyu,  
\q2 dagego te we bidigo dwai sę umabo  
\q3 emainao homu mu ebao,” wai dao.   
\q1
\v 9 “Tama tibaso, eno te we bidiba  
\q2 dwai dene mayu, te augwali dolaibao,  
\q1 tama dage pris dabe me te sabo dene tiwai saibao,” wali,  
\q2 “te eno dwai dene mabo sę dageba eyu,  
\q2 te dagego yali dwai kolesaga  
\q3 wei ponoyu tiaibao,” wai dao.   
\b  
\q1
\v 10 “Te dagego wiegi yai nai tueibao,  
\q2 tiali goli, te dage tabi elama pągągobeo.  
\q1 Te dagego tibo god dabeba lotu weyu,  
\q2 tama te wai hauwa ame naibao homu elama,  
\q2 te penani ebo kolesaga yaibao,  
\q3 tiali goli te dage wai meni yaibao.  
\q1 Magi baso meni, te dagego ena tudiba munama,  
\q2 tama dagego te tibo god naga  
\q3 wali pabo dao,” Godigo te po wai.   
\s1 Genuai Bidigo te tibo godiba lotu wabo bidi dabede haliga sębę yali  
\q1
\v 11 Genuai Bidigo te po wali,  
\q1 “Te haniani bomai wain ąįgo te eno we bidi dabego homu kolesaga  
\q3 ayana palama, dolobo dao.   
\q1
\v 12 Tama augwaligo te olo ni dagego nigali  
\q3 tibo god hanaluama,  
\q2 te geme dualali po page pedalumainu yali.  
\q1 Iya, tegoba, augwaligo homugo te ni dage dabego  
\q2 te augwaligo koneainu ebo nai dabe  
\q3 ola momainu homu elama tiali.  
\q1 Awe, augwaligo ena tagalalio,  
\q2 tama augwaligo te tibo god dabe wali pai,  
\q2 te penani ebo we me deligo aga bidi  
\q3 tagaliyu ebo tiwai yalio.   
\q1
\v 13 Augwali te bulu duba holama,  
\q2 te tibo god dabeba ofa eyu,  
\q2 tama te wiegi yai denami ebo ofa me,  
\q2 te habu selali pesage te genuai ni page  
\q3 dologode te ofa ebo dao,  
\q2 magi baso meni, te ni dologode  
\q3 te wiegi yai tiwąi madi elalubaso yai.”  
\q1 “Tama tiyu, duga wegi dabe te sunumide  
\q2 bilalubo we dabe tiwai ebao,” wai.  
\q1 “Tama duga wąį we dabe me te penani ela bilibo dao.   
\q1
\v 14 Tiali goli, te eno augwaligo ebo  
\q2 dwai kolesaga wei me ponogobeo,” wali.  
\q1 “Magi baso meni, dage bidi dabe duga digi me  
\q2 te tibo godigo lotu beba  
\q2 te penani ebo we dabeba pabo dao.  
\q1 Tama dage augwali dali deliba sisinama,  
\q2 tama te tibo godiba ofa ebo dao.  
\q1 Tama eno po dolo dageba te tiwai wali,  
\q2 ‘Dage te we bidi te wiegi yai  
\q3 homu kolesaga elalusiąbo we bidi,  
\q2 te dage dolaibao.’ Eno te po wali.”   
\b  
\q1
\v 15 “Dage Israel we bidi te penani we tiwai elama,  
\q2 tama dagego ena tagalalio.  
\q1 Tiali goli, tiyu dage te Juda we bidigo  
\q2 te tobage kolesaga tiwai igimio.  
\q1 Dage munu me te tibo lotu te Gilgalba  
\q2 ma te Betelba me wagi pelamuo.  
\q1 Dagego te tebo kolesagago  
\q2 te Betel te dwai pesage pedalubo tiwai ebao.  
\q1 Tama teyu, te eno be tiwai ąǫ me egobeo. \f + \fr 4:15 \ft Te bulu nogi Betel wabo, te nogi page e tiwai dao, “Godigo be,” tama wabo dao.\f*  
\q1 Tama te bulu pesage side, dagego te po dąų walobo po  
\q2 te eno nogide me wagio,  
\q1 ‘Genuai Bidi te sesemane bidada pabo dao.’   
\q1
\v 16 Te Israel dabe augwali te hagoma ebo  
\q3 bulmakau dabe tiwai yai.  
\q1 Augwaligo homugo te eno augwali  
\q2 te sipsip tonalubo bidigo te aga sipsip dabe  
\q3 tonalubo tiwai yaibao homu yali.  
\q1 Tiali goli, augwali te hagoma mu eyu,  
\q3 te eno usu me egobeo.   
\q1
\v 17 Te tibo godigo te Israel dabe kegalio.  
\q1 Tagalao, te augwa homu wali pomainao.   
\q1
\v 18 Augwaligo te bidi dabego augwalide  
\q3 dwagi yai homu yao, te homu me ebeo. Menio.  
\q1 Augwaligo te hale ebo kolesaga naga godolo ebo dao.  
\q1 Tama tiyu, augwa te ąį hauwa tulama,  
\q2 tama gęǫ page yali, tama nosali  
\q3 augwa penani ela palio.   
\q1
\v 19 Tialima, odao.  
\q1 Te eno augwali te bomai waligo  
\q3 te pobele bage hogomu  
\q2 tolasa pelama sągi pabo tiwai eyu,  
\q2 tama augwali dolaibao.  
\q1 Tama augwa te tibo godiba ofa yali homu kone palama,  
\q2 tama te augwali hale dwai mu yaibao,”  
\q1 Genuai Bidigo te po wai.   
\c 5  
\q1
\v 1-2 “Dage pris dabe, dagego te po odiąo.  
\q2 Dage Israelgo, eno poba olo bugagia muiąo.  
\q1 Tama dage kingo hani, dagego odiąo.  
\q1 Dagego te doloba pai po tų odobo sę elalubao,  
\q3 tiali goli dagego tama me tibeo.  
\q1 Tama tiyu, duga digi te po tųba dodolobao.  
\q1 Dage prisgo tibo lotu te Mispade hodolama,  
\q2 tama te bulu du Taborde, me te Sitim taunde tiai.  
\q1 Tama te dagego te we bidi dabego homu kolesaga dolali.  
\q1 Tama tiyu, dage te hasa kę,  
\q2 me te hasa waba bulubo tǫ dedage tiwai elaluali.  
\q1 Tama eno dage dodolomainogo eyu,  
\q2 te dwai dene dage tigidaliba mawaibao,” walio.   
\q1
\v 3 “Eno te dage Israelgo dwai kolesaga koneai dao.  
\q1 Dage enade geme me duala sogobeo.  
\q1 Dage ena wali me asisąma,  
\q2 tama dage tigidali eno gedude meda yai pedelai,  
\q2 te penani ebo we tiwai yai dao,” wali.   
\s1 Te Israel dabego te Genuai Bidi dali gesabidi deliba me unulugobeo  
\q1
\v 4 “Te Israel dabego te tibo godiba lotu weyu yali,  
\q2 tama te kolesagago augwaligo  
\q3 homu kolesaga dąų walama,  
\q2 tama augwaligo te Genuai Bidi  
\q2 wali me pabo meni, te usu egobeo.  
\q1 Tama augwa te yali dwai kolesagago  
\q3 te augwali paniama,  
\q2 tama augwali te augwa Godiba ma  
\q3 asabo usu isąwai dao.   
\q1
\v 5 Te Israel dabe augwa hagoma  
\q2 kolesagago digi augwa ma po tų ilali.  
\q1 Te augwa dwai sę yali sęgęgo digi te augwa tulaluama,  
\q2 tama te Juda dabe me te augwali dali tulaluai dao.   
\q1
\v 6 Augwaligo sipsip me bulmakau  
\q2 te Genuai Bidiba ofa yainu sali,  
\q2 tiali goli augwaligo te ofa olodali yali.  
\q1 Magi baso meni, Genuai Bidigo augwali tagalali,  
\q2 tama tiyu augwaligo aga munu  
\q3 ma susiąbo ąǫ yai.   
\q1
\v 7 Augwaligo te Genuai Bidi tagalali,  
\q2 te wego aga bidi tagalama,  
\q2 te penani ela bilibo we tiwai yai.  
\q1 Tama augwa wai dabego te tama konebe,  
\q1 God te augwa aya mu da homu ebeo.  
\q1 Tialima, te dwasianu sogo gana,  
\q2 tama te boi bidi dabego augwali dolagasaibao,  
\q2 tama augwa tǫ dabe dali dolaibao,” wai.   
\s1 Te Juda me Israel dabe si hwįai  
\q1
\v 8 “Dage Gibea, dage Rama, dage Betel, dage Benjamin,  
\q2 te bu wabo nai biugel bu waiąo.  
\b  
\q1 Bomonama i wao.  
\q1 Udada peyu, te boi hwiąo.   
\q1
\v 9 Te dwai sę wei ponobo side naga  
\q2 te Israel dabe mu dolaibao.  
\q1 Eno te po dage Israel haniba pusubao,  
\q2 mu tamao, te eno wali gilama  
\q3 te sę pedelaibao,” wali.   
\q1
\v 10 Genuai Bidigo te po wai,  
\q2 “Odiąo. Te Juda polalubo bidi dabego  
\q2 te Israel dabego tǫ me badu wi sai.  
\q1 Tama eno wado po dwai mu augwaliba wali.  
\q1 Tama eno augwali dolainu ebo te wę asiyu,  
\q2 te nai dabe dolobo tiwai yaibao,” wali.   
\q1
\v 11 “Te Juda dabego genuai sęgę te Israelba mawai.  
\q1 Te Israel dabe te gasa king meba bidiboba pali,  
\q2 tama augwaligo te augwali tau saibao homu yali.  
\q1 Tiali goli, te king dabe te olo bidi tiwai,  
\q2 tama augwali tau sabo usu meni yai.   
\q1
\v 12 Tama eno digi te Israel dabe me Juda dabe dolaibao,  
\q2 te dwai osogani me sumadigi dabego  
\q2 te nai dolobo tiwai yaibao,” wali.   
\q1
\v 13 “Te Israel dabe augwali te tiwai  
\q2 te gasi dwai mu ebo koneani,  
\q2 tama te Juda dabego augwa keni dabe ebo sulama,  
\q2 tialima te Asiria bulu tǫ kantri  
\q3 genuai kingba pelama,  
\q2 te augwali tau somainu hanalugi pali.  
\q1 Tiali goli, te Asiria dabego augwaligo gasi usu ilama,  
\q2 tama augwaligo keni pedela somainu  
\q3 ilabo usu me ebeo.   
\q1
\v 14 Megi da, ena te bomai laion tiwai pedalama,  
\q2 tama eno te Israel me Juda si dali hwįaibao,” wai.  
\q1 “Te ena digi eno augwali pepeda palama tagalaibao,  
\q2 tama augwali te tiwai bidimainu yaibao.  
\q1 Te eno augwali kekasa pelama,  
\q2 te bidi me deligo augwali tau siyu,  
\q2 eno nogode ma sainu ebo usu me egobeo,” wali.   
\b  
\q1
\v 15 “Te ena te ena buluba ma pelama,  
\q2 te ena we bidi tagaligi pelama da,  
\q2 tama te augwali te augwa yali dwai sęgęde  
\q2 te dene me sęgę sabo sogoba usu somainu yaibao.  
\q1 Tiali goli, nosali te augwali enaba ma asaibao.  
\q1 Te augwali dwai dene siyu bolo elama,  
\q2 te augwali enaba ma asaibao,” wai dao.   
\c 6  
\s1 Te we bidigo pedauwalide te Genuai Bidiba ma asainu tibo po wabo tiwai yai  
\q1
\v 1 Te Israel we bidi dabe augwaligo  
\q2 te e tama po wai,  
\q1 “Iya, tegoba, da te Genuai Bidiba ma pinao.  
\q1 Agai da dolali,  
\q2 tiali goli, te agai da bugagia wiegi yai ma ilaibao.  
\q1 Agai da elama, te keni pedelali,  
\q2 tiali goli, te keni agai ma pedela somainu yaibao.   
\q1
\v 2 Nosali te si sogo, ma sela sogo bidama,  
\q2 tama te agai da hodolama,  
\q2 tama te aga dali bugagia bidaibao.   
\q1
\v 3 Dago te Genuai Bidi koneabo sę bomo inao.  
\q1 Dago koneani, tigidali sogo kigamu te giliga pedalubao.  
\q1 Tama dago koneani, te tigidali sogo tulubage tulubo,  
\q3 tulubage te tǫba tulubao.  
\q1 Tama te tiwai naga dago koneao,  
\q1 Genuai Bidi te aselama,  
\q2 te da wiegi yai bugagia ma ilaibao,”  
\q3 augwaligo te po wai.   
\s1 Genuai Bidigo te we bidiba po wei ponani  
\q1
\v 4 Tialima, Genuai Bidigo te tiwai po wei ponani,  
\q1 “Dage Israel, me dage Juda, te eno mena sę  
\q3 dageba yagawe?  
\q1 Te dagego ena godolo homu ebadi,  
\q2 tiali goli dagego sesabi gana elama,  
\q2 te ena godolo homu ebeo. Menio.  
\q1 Te dagego godolo ebo homu te polo  
\q2 tama mu sia siyu yali,  
\q2 te kigamu dagalude te pǫ me hawa  
\q3 pedelama silibo tiwai ebao.  
\q1 Tama te hulide tulali tulubage segeni  
\q3 te nosade elaluali,  
\q2 te giliga nanu te polo wa pabo tiwai ebo dao.   
\q1
\v 5 Tama tibaso, te eno profet bidi dabe tagala palama,  
\q2 te dage po tų yabo po augwaligo  
\q3 dageba bomonama weyu,  
\q2 tama te dage dwai dene mu saibao.  
\q1 Dagego odalio, te mena sę eno dageba  
\q3 yabo te dagego koneai.  
\q1 Te hania mu elalubao.  
\q1 Tama te sę dabe e tama telalubao.   
\q1
\v 6 Dagego te hasa elama, tama enabolo  
\q3 olo mabo kolesaga,  
\q2 te tobage ofa sę ebo te eno  
\q3 godolo homu mu egobeo. Menio.  
\q2 Te dagego gasa we bidide homu dene eyu,  
\q3 tau sabo kolesaga ebo,  
\q2 te eno godolo mu ebo dao.  
\q1 Eno godolo ebo homu te dagego  
\q2 homu kolesaga te enaba sesemane  
\q3 momainu homu ebao,  
\q2 tama tiyu, te dagego ena bugagia  
\q3 konemainu homu ebo dao,” wali. \x * \xo 6:6 \xt Mat 9:13; 12:7\x*   
\q1
\v 7 “Te we bidi dabe augwaligo te bulu Adam  
\q2 pesagede te wę Jordan nogelama,  
\q2 tama eno augwaliba te mani tǫba sabolali.  
\q1 Tama polo tama te eno augwali dali  
\q2 polobadu dąų walali po  
\q3 augwaligo togolama, bolai dao.   
\q1
\v 8 Te dwai sę ebo bidi dabe,  
\q2 me te gasa bidi dabe ela mubo bidi dabe,  
\q2 augwali te moni taun Gileatde pągąnalubao.   
\q1
\v 9 Te pris dabe te nai wi sabo bidi dabe tiwai elama,  
\q2 te sunumide geme dualaluyu, te bidi dabe dolama,  
\q2 te augwaligo doado bage wi sainu ebo dao.  
\q1 Tama te augwaligo te bidi dabe  
\q2 te Sekemba pabo sunumi tunu magede  
\q3 ela muyu yali,  
\q2 te lotu wagi pabo pesage dao.  
\q1 Augwali te bidi dwai dabe mu dao.   
\q2
\v 10 Eno te Israel dabego  
\q2 te dwai kolesaga mu me deli ebo suai.  
\q1 Te eno we bidi augwaligo  
\q3 te tibo godiba lotu weyu,  
\q2 tama augwali eno gedude dwai  
\q3 meda yai mu pedelalio.”   
\b  
\q1
\v 11 “Tama dage Juda me, te eno dagego yali sęde  
\q2 te dwai dene maiabo sogo bodolu muai dao,”  
\q1 Genuai Bidigo te po wai.   
\c 7  
\q1
\v 1 “Eno te Israel dabe usu ma ilama,  
\q2 te augwa sę tigidali te wiegi yai  
\q2 pedalumainu ebo sogo, tegoba,  
\q3 eno te augwaligo dwai kolesaga naga suali,  
\q2 tama te Samaria bage augwaligo yali  
\q3 dwai sę dabete pebeli dilide elalubo suali.  
\q1 Augwaligo te abagi dabe tibo po ola mayu,  
\q2 tama augwaligo te be aluama,  
\q2 te doado bage wi siyu yai.  
\q1 Tama augwaligo te bidi dabego doado bage  
\q2 te taun sunumide anoma eyu, kekelama siyu yai.   
\q1
\v 2 Eno augwaligo ebo kolesagade  
\q2 homu kone me gegeda palogobeo. Menio.  
\q1 Tiali goli, augwaligo te sę yali homu kone palisąwai.  
\q1 Te augwa ebo dwai sęgęgo te augwali mesegelali,  
\q2 tama sesemane sogo eno te sęgę naga  
\q3 sudu gebo dao.”  
\q1 Genuai Bidigo te po wai.   
\s1 Augwaligo te dwai sę yabo po miani  
\q1
\v 3 Genuai Bidigo te po wali,  
\q2 “Te meba we bidigo te haniani  
\q3 dwai kolesaga yabo po minama,  
\q2 tama augwaligo te king,  
\q3 me aga ofisa dabe dali homu bega sabo po weyu,  
\q2 tama augwali tibo po ola mabo dao.   
\q1
\v 4 Augwali te tibo po wabo bidi dabe,  
\q2 tama augwaligo haliga te kingba mu mubeo.  
\q1 Tama augwaligo haliga sębę ebo te geme dualama,  
\q2 te sia ula dwasianu idubo tiwai iduali.  
\q1 Te bret ulubo bidigo te sia ula ilama,  
\q2 te bret bo domainu elalueibao.  
\q1 Bret bo dabo si da, teda agai te sia ponama,  
\q2 tama te sia ula genuai yaibao.  
\q1 Augwaligo haliga sębę te tiwai elalubo dao.   
\q1
\v 5 Te kingo nai daa tubo side,  
\q2 augwaligo te king aga ofisa dabe dali  
\q2 te bomai wę hauwa tumainu yaibao.  
\q1 Tama king me, aga ofisa dabe dali,  
\q2 te gęǫ page elama, te tobolu kolesaga meni yaibao.   
\q1
\v 6 Te u bidi dabe augwa dwai sę yabo homu kolesaga  
\q3 te sia posolo ebo tiwai ebao.  
\q1 Te hulide augwaligo haliga sębę ebo te sia  
\q3 dwasianu dabo tiwai ebao,  
\q2 tama te hano naga pedalu dali.  
\q1 Tiali goli, te kigamu te bogoli ula genuai  
\q2 elama, ebo dao.”   
\b  
\q1
\v 7 “Augwaligo te wado po olama,  
\q2 te deli deli pedalubo king ela muyu iduali,  
\q2 te augwa tobolu bidi dabe dali te tama tiai.  
\q1 Te dwai kolesaga augwa bulu kantri tǫde elaluali,  
\q2 tama te bidi me deligo enaba  
\q2 gedu haluasa po weyu me ebeo,”  
\q3 Genuai Bidi Godigo te po wai.   
\s1 Te Israel dabego homugo te gasa kantri tǫ bagego augwali tau saibao homu yai  
\q1
\v 8 Genuai Bidigo te po wai,  
\q1 “Te Israel dabe gasa hani dali kęą pelama,  
\q2 te augwa kolesaga wali pali.  
\q1 Te augwaligo kolesaga te usu ebo meni,  
\q2 te bret bugagia disąbo tiwai yai.   
\q1
\v 9 Te Israel dabe augwa te kolesagago  
\q2 te augwa digi bomo tamunani,  
\q2 tiali goli augwaligo te konesiąwai.  
\q1 Awe, augwali te monu dabe bomo meni yai tiwai yali,  
\q2 tiali goli augwaligo te me konebeo.   
\q1
\v 10 Te Israel dabe augwa hagoma ebo  
\q3 kolesagago digi augwa po tų ilali,  
\q2 tiali goli te augwa homu begelama,  
\q2 te augwa Genuai Bidi, God enaba ma asobeo.  
\q1 Mu tama, augwaligo ena kegasa asobeo.   
\q1
\v 11 Israel te kolesaga meni yai umunaluai ba hi  
\q3 subigila bola bilibo tiwai ebo dao,” wai.  
\q1 “Hasia bolo augwali pelama,  
\q2 te Isip dabego augwali tau sogowe weyu,  
\q3 hanalugi pali,  
\q2 tama nosali augwali pelama,  
\q2 te Asiria dabeba me hanalugi pai dao.   
\q1
\v 12 Tama augwali te bola pabo sogo,  
\q2 teda eno ba sabo wa te ugwaba sąwaibao,  
\q2 augwali tola somainu yaibao.  
\q1 Te augwaligo dwai sę emainu deliba sisinibo si,  
\q2 te eno augwaliba te augwa yali  
\q3 kolesagade dene ilaibao,” wali,  
\q2 “te augwaliba eno polobadu wali po  
\q3 gilama tiwai yaibao,” wai.   
\q1
\v 13 “Odiąo. Te augwali dolomainu yaibao.  
\q1 Augwaligo ena tagalama, te enaba hagoma yali.  
\q2 Tama tibaso, eno augwali dolaibao,” wali.  
\q1 “Hasia bolo eno augwali tau sainu yali,  
\q2 tiali goli augwaligo tibo kolesaga enaba yalio.   
\q1
\v 14 Augwaligo tibo gedu haluasa po enaba wabo dao.  
\q1 Tama augwali te tǫba degasa dulama,  
\q2 tama te dwai gela te Genuai Bidigo  
\q2 po odisąbo bidi haiden dabego wabo tiwai ebo dao.  
\q1 Te augwaligo nai me wain ąį sainu  
\q3 gedu haluasa po wabo sogo,  
\q2 te augwa digi augwa tigi dabe ge hwągo togobo,  
\q2 te haiden eno po wali pisąbo  
\q3 bidi dabego ebo tiwai ebo dao.  
\q1 Augwaligo ena dali hagoma mu ebo dao.   
\q1
\v 15 Mu tama, ena digi eno augwali tau sali,  
\q2 te augwali genuai elama te dili emainu ilali,  
\q2 tiali goli augwaligo te enaba dwai sę  
\q3 wei ponabo po mia salio.   
\q1
\v 16 Ena da te Ugwadu Mu Bidibo God mu dao.  
\q1 Te sęgę pedalubo sogo te augwali enaba aselama,  
\q2 te eno augwali tau somainu ebeo. Menio.  
\q1 Augwa te bomo meni yai nai dabeba naga pali.  
\q1 Augwali te dwai enego te nai enani  
\q3 geda mubo tiwai yali.  
\q1 Te augwa polalubo tobolu bidi dabego  
\q2 te augwa bomogo digi te boi bidi  
\q3 aiyaba elalueibao tiwai po wai.  
\q1 Tiali goli, te menio.  
\q1 Te hwįbo side augwali isibaso,  
\q2 te Isip dabego augwali dwai gisugu mawaibao,”  
\q1 Genuai Bidigo te po wai dao.   
\c 8  
\s1 Te Israel dabego tibo godiba lotu obaso, tama Genuai Bidigo augwali po tų ilali  
\q1
\v 1 Genuai Bidigo enabolo te po wai,  
\q1 “Te boi hwįmainu biugel bu wao,” wali.  
\q1 “Te boi bidi dabe polo aselama,  
\q2 te eno tǫba hwįagasaibao,  
\q2 te ba kemodage polo te tǫba bola dulama,  
\q2 te hasa bolo ela sigulubo tiwai yaibao.  
\q1 Magi baso meni.  
\q1 Eno te ena we bidi dabe dali  
\q2 dąų walali po te augwaligo togolama,  
\q2 te bolama, tama augwaligo eno  
\q3 bomai po sela sąwani.   
\q1
\v 2 Augwaligo te po wabo dao,  
\q2 ‘Nage dago God da, da Israel dabe,  
\q2 tama dago nage koneai da,’ obao.   
\q1
\v 3 Tiali goli, menio.  
\q1 Augwaligo te wiegi yai doloba pai kolesaga tagalubaso,  
\q2 te boi bidi dabego augwali pobeasa bilaibao,” wai.   
\b  
\q1
\v 4 “Eno we bidi augwa digi augwa  
\q2 dolaluaibao homu eyu,  
\q2 augwa king bidi dali polaluabo  
\q3 tobolu bidi dali nigilibao,  
\q2 tibaso eno augwaliba usu da homu ebeo.  
\q1 Augwaligo te tibo god te augwa silva me golgo nigali.  
\q1 Tibaso, eno te we bidi augwali dolaibao,” wai.   
\q1
\v 5 “Eno te bulmakau gol te Samaria dabego  
\q2 nigali te lotu wabo eno hagela mu yai.  
\q1 Eno wado po dwai mu augwaliba wali.  
\q1 Eno homu augwa te dwai kolesaga  
\q3 polo tagalomainu yai.  
\q1 Tiali goli, te me tebeo.   
\q1
\v 6 Te Israel sę bidi me deligo te tibo god nigali.  
\q1 Te God meni, te olo piksa noma naga dao.  
\q1 Eno te bulmakau piksa noma alua sąnama,  
\q2 te pobele bage kakali pedelaibao,” wai.   
\q1
\v 7 “Augwaligo ebo dwai kolesaga te dwasianu naga dao,  
\q2 te dwasianu wali asobo tiwai naga dao,  
\q3 augwaligo te homu ebo dao.  
\q1 Tiali goli, nosali te kolesaga ebode augwali dolaibao,  
\q2 te pobegebo wali genuaigo  
\q3 te bidi dolobo tiwai yaibao.  
\q1 Tama augwali te wit gide te nai walisąbo tiwai eyu,  
\q2 tama te bret nigabo wit meni yani.  
\q1 Tialima, te dwai witgo nai me pedai badu  
\q3 waligi sogo da, tagalao,  
\q2 te gasa badu tǫ kantri bidi dabego  
\q3 naga tuagasigi da,” wai dao.   
\b  
\q1
\v 8 “Te Israel dabe te wiegi yai mu me isąwai.  
\q1 Te gasa tǫ kantri dabego augwali dalali tiwai elama,  
\q2 tama te Israel dabe te bage tiwai pedalali.  
\q1 Megi da, augwali te olo nai me deli tiwai elama,  
\q2 tama augwaligo te eno sę yainu ebaso,  
\q3 usu me egobeo.   
\q1
\v 9 Augwaligo hagoma te bulu uni yowigo  
\q3 ebo hagoma tiwai yali,  
\q2 tama augwa homu kolesaga wali pai.  
\q1 Te augwali pelama,  
\q2 te Asiria dabego augwali tau somainu hanalugi pai,  
\q2 tama augwaligo te mone tolama,  
\q2 te gasa tǫ kantri king homu begelama,  
\q3 augwali tau somainu yai.   
\q1
\v 10 Tialima, megi da, augwali  
\q2 te gasa kantri dabe tiwai pedalali goli,  
\q2 te augwali dali eno deliba sisinama,  
\q2 te dwai dene mawaibao,” wai.  
\q1 “Tamadi tama te Asiria kingo augwali  
\q3 aiyaba mu elaluama,  
\q2 te dwai genuai sęgę augwaliba muaibao,” wai dao.   
\b  
\q1
\v 11 “Te Israel dabego te augwa  
\q2 dwai sę yali sęgę sela sąyabo alta hauwa nigali,  
\q2 tialima te yali ofa dolo me isąwai,  
\q2 tama tiyu augwaligo te dwai sę hauwa yalio.   
\q1
\v 12 Eno augwalibolo te eno bomo yai po hauwa asęani.  
\q1 Tiali goli, augwaligo te bomo yai po suali,  
\q2 te gasa hanigo ebo tobage kolesaga naga yali,  
\q2 te augwaligo ena wali me asobeo,” wai.   
\q1
\v 13 “Augwaligo te ofa hauwa eyu,  
\q3 te ofa ebo mi tubo dao.  
\q1 Tialima ena, Genuai Bidi,  
\q2 eno augwaliba te wiegi yai homu pemene me ebeo.  
\q1 Tibaso, megi da, eno augwa yali dwai sęde  
\q3 homu kone palama,  
\q2 te dene mawaibao,” wali.  
\q1 “Te eno augwali Isipba ma kalabus  
\q3 igi pomainu tagala palaibao,” wai.   
\b  
\q1
\v 14 “Te Israel dabego homugo te kingo  
\q2 bomogo augwali tau sabo usu yaiba homu yai,  
\q2 tama tiyu augwaligo te kingo bomai be sę yani.  
\q1 Tiali goli, augwaligo te naide homu kone isąwai,  
\q2 ena God, eno te we bidi nigai dao.  
\q1 Tama te Juda dabego me te dwai sę yai elaluali,  
\q1 magi baso meni, augwa taun dabe  
\q3 bagulabo te bomai obo dabe nigali,  
\q2 tama augwa homugo te augwali  
\q3 bugagia bidaiba homu yai.  
\q1 Tiali goli, tagalao, eno sia te taunba tula palama,  
\q2 te kingo be dabe dali siago dela silimainu yaibao,”  
\q1 Genuai Bidigo enabolo te po wai.   
\c 9  
\s1 Godigo Israel dabe dene mawaibao  
\q1
\v 1 Israel dabe, dagego te wiegi yai kolesaga  
\q2 wali pisąbo te haiden bidi dabego ebo kolesaga  
\q3 te dagego te genuai nai daa tuyu,  
\q2 te lotu wabo sogo ebo kolesaga tagaliąo.  
\q1 Magi baso meni, te dagego duga God tudiba munama,  
\q2 te dagego aga wali me pabeo.  
\q1 Te tigidali badu, dagego te Balba lotu weyu,  
\q2 te sunumide penani ela bilibo wego  
\q3 ebo kolesaga tiwai ebao.  
\q1 Tama te penani ebogo te mone sabo sę tiwai ebo dao.   
\q1
\v 2 Tiali goli, pąde sogo dage te nai sǫą peyu,  
\q2 te oliv wel me wain meni yaibao.   
\q1
\v 3 Tama dage Israel te Genuai Bidigo mani  
\q3 tǫde me bidigobeo.  
\q1 Tama dage te Isipba kalabus ma igi peyu,  
\q2 te Asiria bulu tǫba me kalabus igi paibao.  
\q1 Tama te bulude te Godigo dageba  
\q3 te habu selali nai dabe tueibao.   
\q1
\v 4 Dage te gasa hani dabego bulu tǫ  
\q3 kantride bidibo sogo da,  
\q2 teda dagego Genuai Bidiba te wain me,  
\q3 kibu hasa me, te ofa me magobeo.  
\q1 Tama duga naigo digi te dage God gedude  
\q3 meda ilaibao wali,  
\q2 te bidi dabego te bidi isaide te diligide  
\q3 gela weyu bidibo sogo te ulama tubo naigo,  
\q2 te augwali meda pedalubo tiwai yaibao wali.  
\q1 Tama te naigo te dagego haliga pągąnobo  
\q3 tiwai naga yaibao.  
\q1 Te dagego te nai me badu te Genuai Bidigo  
\q3 tempel beba sela aselama,  
\q2 te ofa yagasainu ebaso, usu me egobeo. Mu menio.   
\b  
\q1
\v 5 Tama te Godigo genuai bodolu side da,  
\q2 teda dagego magi sę yaibawe?  
\q1 Te moni nai daa tubo side, te dagego magi yaibawe?  
\q1 Te sunumi menio.   
\q1
\v 6 Nosali te genuai sęgę yai sę,  
\q2 te dage dolabo sę te pedalubaso da,  
\q2 teda dage wi tedela paibao.  
\q1 Tama te Isip dabego dage suyu da, te dage selasa peyu,  
\q2 te Isipba kalabus iligi paibao.  
\q1 Tama tede dage bidaludubadi,  
\q2 te dage isibo siba usu nama,  
\q2 te augwaligo dage te Mempisde pubulaibao,  
\q2 te augwa genuai taun dao.  
\q1 Dage te duga pesage buluba ma asogobeo. Menio.  
\q1 Tama te duga be dabe, me mone silva,  
\q2 me te wiegi yai doado bage te olo bulu  
\q3 tomode elalubadi,  
\q2 te genuai bus holama, te tigidali mesegelaibao.   
\b  
\q1
\v 7 Te Godigo dageba dwai dene maiabo sogo pedelalio.  
\q1 Tama duga te yali dwai kolesagade  
\q3 usu nama, te dene saibao.  
\q1 Te sę pedalubo sogo da, teda Israel,  
\q3 duga koneaibao, te dwai dene dao.  
\q1 Dagego enabolo te po wali,  
\q2 “Te profet aga te kolesaga meni yai  
\q3 umuna sali da,” wali.  
\q1 “Te Godigo bomo elalubo bidi,  
\q2 aga te kolesaga geda mubo bidi da,” wai.  
\q1 Dage we bidigo ena godolo homu me isąwani,  
\q2 magi baso meni, dagego dwai sęgę  
\q3 te genuai umabo yai dao. \x * \xo 9:7 \xt Mat 9:13; 12:7\x*   
\q1
\v 8 Godigo digi te dage aga we bidi dabeba  
\q2 te profet bidi nigilama,  
\q2 te bomai po pusagasomainu tagala palali.  
\q1 Tiali goli, te ena bilibo badu te tigidali badu,  
\q2 dagego ena te umbengo te ba tola sabo  
\q3 tiwai emainu homu yai.  
\q1 Te Godigo tǫde digi dagego enaba boi bidi ebo dao.   
\q1
\v 9 Dagego te dwai kolesaga sesemane sogo ebao,  
\q2 te duga wąį nǫų dabego polobadu  
\q3 te bulu Gibeade yali sę tiwai yai.  
\q1 Tama te Godigo dagego yali dwai sęgę  
\q2 te homu kone paliyu,  
\q2 te agai dageba dwai dene mu mawaibao.\x * \xo 9:9 \xt Tob 19:1-30\x*   
\s1 Israel dabego sęgę sali, tama te sęgęgo dene sali po  
\q1
\v 10 Genuai Bidigo te po wai,  
\q1 “Hasia mu eno dage Israel suali,  
\q2 te dwagi yai mu elaluali,  
\q2 te bidi me deligo te wain ni te wa pai tǫde pedelama,  
\q2 te nai walali subo tiwai yali.  
\q1 Dagego te wąį nǫų dabe augwali te podolali hani wai  
\q2 te ni kaya fik te tau hasia ebo tiwai yai,  
\q3 dwagi yai bidali.  
\q1 Tiali goli, nosali augwali te bulu du Peorba sabolali sogo,  
\q2 tama hasia sogo augwaligo te tibo god  
\q3 Balba lotu wali,  
\q2 augwa te tibo god godolo mu elama,  
\q3 tama augwali dwai pedelali,  
\q2 te Bal tiwaigo mu pedelai dao. \x * \xo 9:10 \xt Nam 25:1-5\x*   
\q1
\v 11 Te Israelgo bomo te ba bola pabo tiwai elama,  
\q3 augwaligo bomo hagawaibao, tama silaibao.  
\q1 Tama te we dabe sibigo te haliga me isąma,  
\q2 te wai me ame nogobeo,” wali.   
\q1
\v 12 “Tiali goli, te mebago wai elalubaso da,  
\q2 teda te wai dabe eno ela mueibao,  
\q2 tama eno te me deli sula tagalama,  
\q3 elalumainu me egobeo.  
\q1 Eno te we bidi tagalobo sogo,  
\q2 te dwai nai haniani augwaliba pedelaibao,”  
\q1 Genuai Bidigo te po wai dao.   
\q1
\v 13 Tama Hoseago te po wali, “Genuai Bidi, eno suali,  
\q2 hasia bolo te taun Tair te dwagi yai  
\q3 madi mu te bidaluali,  
\q2 tiali goli nosali te boi bidi dabego  
\q3 augwali dolagasai dao.  
\q1 Tama eno suali, te tobage sę te Israel  
\q3 haniba me pedelaibao,  
\q2 te boi bidi dabego te Israelgo hani wai dabe  
\q2 pobeasa biliyu, ela muaibao, te eno sualio,” po wai.   
\q1
\v 14 “Tama tialima, eno nageba hanalu obao,  
\q2 te nago magi sę te Israel dabeba yaibawe?  
\q1 Nago te we dabe sibigo te wai ame nomainu me iligio.  
\q1 Te dwasianu wai dabe elalubo we dabego  
\q3 ame te nago ame pę wa palama,  
\q2 te augwa wai dabeba te ame mabo usu  
\q3 meni emainu ilao,” po walio.   
\b  
\q1
\v 15 Tama Genuai Bidigo po ma wai,  
\q2 “Polobadu augwali te Gilgalde bidiyu,  
\q2 tama augwa te dwai kolesaga ebo gagalali,  
\q2 tama te sogo naga eno me eno  
\q3 augwaliba haliga sębę ebo gagalali.  
\q1 Te we bidi dabego dwai sę hauwa yai,  
\q2 tama augwa polalubo tobolu  
\q2 bidi dabego me eno po sela sąwani.  
\q1 Tama tialima, eno tǫde te augwali eno sela sąnama,  
\q2 tama eno augwali godolo homu munu ma egobeo.   
\q1
\v 16 Te Israel dabego wai ame nabo usu isąwaibao,  
\q2 augwali te ni me deli te ni sele ąį wa pelama,  
\q2 te nai walisąbo tiwai yaibao.  
\q1 Tialima, te mebago wai ame nobaso da,  
\q2 teda augwaligo te godolo homu mu  
\q2 ebo wai dabe te eno ela muaibao,” te po wai dao.   
\s1 Hoseago po weyu, Godigo te Israel dabeba dwai dene ilaiba wali  
\q1
\v 17 Eno aga sę ebo God,  
\q2 te Godigo te aga we bidi tudiba mueibao,  
\q2 magi baso meni, augwaligo agai  
\q3 po wali pisąbaso tiali.  
\q1 Tama augwali te bulu tǫ kantride  
\q2 te tǫ meni yai bidi dabe tiwai bidaibao walio,  
\q2 augwali te bulu wau bilibo bage naga bidaibao.   
\c 10  
\q1
\v 1 Te Israel dabego doado bage hauwa elalu,  
\q2 tama augwali te nai hauwa mu walobo  
\q2 wiegi yai ni wain tiwai yalio.  
\q1 Augwaligo te wiegi yai nai doado bage  
\q2 umabo mu pedelama,  
\q1 tialima augwa te tibo godigo alta,  
\q2 me ni pos te umabo umabo digi nigilama,  
\q1 tama augwa te ni pos bugagia mu me au ilai dao.   
\q1
\v 2 Augwali te tibo po naga wabo bidi tiwai yali,  
\q1 tialima megi da, te augwa yali dwai sęde  
\q3 te dwai dene saibao.  
\q1 Godigo te augwaligo alta ela besela sąnama,  
\q2 tama agai te augwaligo bulu hǫą  
\q3 bidi noma nigali pos ni te dolaibao.   
\b  
\q1
\v 3 Te pąde sesabi gana bidisąbo gana elama bidisiąbadi,  
\q2 te Israel dabego te tama po waibao,  
\q1 “Dago te Genuai Bidigo po wali pisąbaso,  
\q2 tialima te Genuai Bidigo dago king  
\q3 sela sąwani da,” waibao.  
\q1 “Te dago king elalugi sogo da,  
\q2 teda agai da magi elama tau sigi dawe?  
\q1 Mu menigi dao.   
\q1
\v 4 Te king dabego da tau sabo po  
\q2 olo gani bole tiwai yali.  
\q1 Te augwaligo olodali dąų walobo po hauwa olama,  
\q2 tama augwaligo te olodali naga  
\q2 te gasa tǫ kantri king bidi dabe dali po minama,  
\q2 dąų walobo dao,” augwaligo te po waibao.  
\b  
\q1 Te Israel dabego te doloba pai kolesaga tagalu,  
\q2 te tobage dwai kolesaga naga ebo dao.  
\q1 Tama te tobage dwai kolesagago te dwai nosaide  
\q2 te bidi dolabo nai elalubo tiwai ebo dao.  
\q1 Tama tiyu, augwali tomode te po tų hauwa  
\q2 pedalobo dao.   
\q1
\v 5 Te bulmakau gol Betelde elaluali te dolaibao,  
\q2 tama te taun Samariade bidali we bidi  
\q3 te augwali wi elama,  
\q3 te bulmakaude homu dene yaibao.  
\q1 Te tibo godide sę ebo we bidi, me pris dabe,  
\q3 augwali agade te homu dene eyu,  
\q3 gela waibao, magi baso meni,  
\q2 te Asiria dabego aga au dobage hųgia sąnama,  
\q2 te aga dolaibao.   
\q1
\v 6 Tialima, te Asiria dabego te bulmakau  
\q3 te Asiriaba sela pelama,  
\q2 tama augwa te kingba te takis mabo tiwai yaibao.  
\q1 Te Israel dabego te po page koneai  
\q3 bidi dabego po wali pai,  
\q2 tama te bidi dabego po te geda muanio.  
\q1 Tialima, te boi bidi dabego augwali aiyaba elaluama,  
\q2 tama te Israel dabe hale dwai mu saibao.   
\q1
\v 7 Te Israel king te hagawaibao,  
\q2 te dwasianu dedelage kakali hogomu tiwai eyu,  
\q2 te wę asu, tolasa pabo tiwai yaibao.   
\q1
\v 8 Te Israel dabego te tibo godiba lotu weyu,  
\q2 te bulu du ugwadu bagede  
\q2 te lotu wabo pesage elaluali,  
\q3 tama Godigo te pesage dabe dolaibao.  
\q1 Tama nosai me te sesane yai bono dabe pedelama,  
\q2 te alta dabe mesegelaibao.  
\q1 Tama te sogo te boi bidi dabede geme  
\q2 duala sainu yali we bidi dabe,  
\q2 tama augwaligo te bulu du dabeba hanalu,  
\q2 te augwali mesega sao po waibao. \x * \xo 10:8 \xt Luk 23:30; Ped 6:16\x*   
\s1 Genuai Bidigo te Israel dabe dolomainao po wai  
\q1
\v 9 Tialima, Genuai Bidigo te po wali,  
\q2 “Polobadu te Israel dabego te Gibeade  
\q3 enaba dwai sę yali,  
\q2 tama augwaligo te kolesaga tagalobeo.  
\q1 Tialima, te boi bidi dabego te Israelba hwįagaselama,  
\q2 tama te hwį hwį pali, te Gibeaba usu nigi paibao.\x * \xo 10:9 \xt Tob 19:1-30\x*   
\q1
\v 10 Tialima, eno te sę yabo homu ebaso da,  
\q2 teda te tiwai naga eno te bidi dabeba hwįyu,  
\q2 te augwaliba dene ilaibao.  
\q1 Augwaligo te genuai dwai sę si yali.  
\q1 Augwaligo ena tagalama, tama augwaligo  
\q2 te tibo god dabeba lotu po odu geai dao.  
\q1 Tama tibaso, eno te augwali dali  
\q2 gasa bulu tǫ kantri bidi dabe deliba sisinama,  
\q2 te augwaliba hwįagasomainu ilaibao,” wai dao.   
\q1
\v 11 “Polobadu Israel te ogwa we bulmakau  
\q3 so me deli tiwai bidali,  
\q2 te agai te wit bugagia agabo koneani,  
\q2 te nai wit te we bidi dabego somainu yalio.  
\q1 Tama agai te sę godolo mu elama yali.  
\q1 Hasia agai te sinabo sę dene me isąwai,  
\q2 tiali goli megi te eno agaba te sina yabo sę mawai.  
\q1 Megi da, eno te Juda me Israel  
\q2 te bulmakau tiwai sę dene emainu ilali,  
\q3 bidigo te sę yabo bulmakau magede  
\q2 te ni nami pedai kęnama,  
\q2 tama agai te tǫ elibo masin kekasa bilaibao.  
\q1 Aga te nai kekasa bilibo sę dene elama,  
\q2 te ni nami pedaigo aga dogoni me  
\q3 mage me dilama, dolalio.   
\q1
\v 12 Eno te Israel me Juda augwaliba te tama po walio,  
\q1 ‘Dagego te dwai kolesaga tagalama,  
\q2 te doloba pai kolesaga wali peyu,  
\q2 te enaba lotu waiąo,’ wali,  
\q3 ‘bidigo te gesi gide tǫ elama, te nai bulama,  
\q2 te nai bugagia holama,  
\q2 te hauwa walobo tiwai yaibao,’ wai.  
\q1 ‘Megi te dage ena God duga Genuai Bidiba  
\q3 ma asobo sogo dao.  
\q1 Te dage enaba ma asali da,  
\q2 teda eno dage bugagia mu wiegi yai sę ilaibao.’  
\q1 Eno dagebolo te po wai. \x * \xo 10:12 \xt Jer 4:3\x*   
\q1
\v 13 Tiali goli dagego te tama me tibeo. Menio.  
\q1 Dage te gi sę ebo bidi tiwai yali, tiali goli dagego gide,  
\q3 dagego te dwai kolesaga me dwai  
\q3 tibo kolesaga naga bulali.  
\q1 Tama tialima, dagego gide te nai dwai  
\q3 naga pedelama, te dagego tubo sę ebao.”  
\b  
\q1 “Dagego homugo te duga genuai ami hanigo  
\q2 te dage tau sabo usu yaibao homu yali.   
\q1
\v 14 Tialima, te boi bidi dabego dageba hwįagaselama,  
\q2 te augwaligo dagego te bomai obo banis elalubo  
\q2 tigidali taun dolagasaibao,” wali.  
\q1 “Te dolobo sę te polobadu te king Salmango  
\q2 agai te taun Betarbelba hwįgi pelama,  
\q2 te nai mu dolali tiwai yaibao,” wali.  
\q1 “Tama aga hani dabego te augwaligo we wai dali selama,  
\q2 te augwali subigila sąsąnama, te augwali isai dao.   
\q1
\v 15 Dage te Betel dabe, dagego te dwai sę hauwa yali,  
\q2 tama duga te yali sęgo sęgę tiwai  
\q3 dageba pedelaibao,” wali.  
\q1 “Te hwįbo sogo, te augwaligo te Israel king ela munama,  
\q2 te mu isilaibao,” te po wai dao.   
\s1 Te we bidigo Godide hagoma yali, tiali goli agai augwali godolo mu yalio  
\c 11  
\q1
\v 1 Genuai Bidigo po wadolama weyu, te tiwai wali,  
\q2 “Te Israel dabe te dwasianu ogwa wai tiwai digi,  
\q2 eno aga godolo mu elama, te eno aga i olama,  
\q2 te Isip taga soao olama, te eno ogwa bidalio.\x * \xo 11:1 \xt Sai 4:22; Mat 2:15\x*   
\q1
\v 2 Eno te hauwa sogo augwali i weyu,  
\q2 te ena wali asao po wai.  
\q1 Tiali goli, sesemane sogo te augwaligo  
\q3 ena tudiba muani.  
\q1 Eno we bidi augwaligo te tibo god Balba ofa yalio.  
\q1 Augwaligo te wiegi yai denami ebo hano ilibo ofa  
\q2 te haniani tibo godiba yai dao.   
\q1
\v 3 Ena digi eno te Israel dabe ola mawai,  
\q2 te ayago te wai sunumi ola mabo tiwai yali.  
\q1 Te eno nogogo augwali tolasa asai.  
\q1 Eno augwali usu ma ilali,  
\q2 tiali goli augwaligo eno digi eno te sę  
\q2 augwalide yali homu me ebeo,” wali.   
\q1
\v 4 “Eno augwali homu dene elama,  
\q2 te eno augwali godolo mu yai,  
\q2 tama eno augwali enaba sali.  
\q1 Eno te augwalide elaluali genuai sęgę sela sąnama,  
\q2 te augwali bugagia wiegi yai ilama,  
\q2 te augwali nai manio.”   
\q1
\v 5 “Tiali goli, augwali enaba me asisąwai.  
\q1 Tialima, augwa te Isipba ma pomainu ebowe,  
\q2 ma te Asiria dabego augwali  
\q3 tonalumainu egowe yaibao.   
\q1
\v 6 Genuai boi hwįyu,  
\q2 te boi bidi dabego te taun obo sunumi aluama,  
\q2 tama augwali te taun tomoba pelama, hwįaibao.  
\q1 Te boi hwįbogo te eno we bidi silaibao,” wali,  
\q2 “magi baso meni, te augwaligo  
\q2 augwa homu kolesaga naga wali pai.   
\q1
\v 7 Sesemane sogo augwaligo bomonama,  
\q3 ena tudiba muani,  
\q2 tialima eno augwaliba te mawainu ebo dwai dene  
\q2 te augwali me geda mugobeo.  
\q1 Te genuai sęgę augwalide elalubaso,  
\q2 te augwali dwai gela waibao.  
\q1 Tama te mena bidi me deligo te sęgę me  
\q2 sela sąwainu ebaso, usu me egobeo,” wai dao.   
\b  
\q1
\v 8 “Dage Israel, te eno dage tagalu da me egobeo,” wali,  
\q2 “te ena dagede wi me pogobeo.  
\q1 Tama eno dage te bulu Atma me Seboim,  
\q2 te bulu si bidi hani mu silali tiwai  
\q3 gilama da me tegobeo,” wai.  
\q1 “Eno dage tigidali mu doloyu da me egobeo,  
\q2 magi baso meni, eno dage godolo  
\q3 homu mu ebo dao,” wali. \x * \xo 11:8 \xt Bom 29:23\x*   
\q1
\v 9 “Eno dageba haliga sębę yali,  
\q2 tiali goli eno dageba te dwai dene da me magobeo.  
\q1 Magi baso meni, eno kolesaga te bidigo  
\q3 kolesaga tiwai menio.  
\q1 Ena God, te eno kolesaga tedali gasagi yai elalubao,  
\q2 tiali goli ena te dage dali bidibao.  
\q1 Eno wado elama, te eno dage doloyu da me egobeo,”  
\q3 wabo dao.   
\b  
\q1
\v 10 “Te eno ena we bidi dabego boi bidi  
\q2 te i bomonama weyu, te hasa laiongo ga weyu,  
\q3 i wabo tiwai eyu, te eno augwali wi ilaibao.  
\q1 Tama eno we bidi dabego te giliga  
\q3 dega sigulubo badu tagalama,  
\q2 tama didibili ebo dali te polo asesa,  
\q3 ena wali asaibao.   
\q1
\v 11 Te augwaligo Isip tagalama,  
\q2 tama te polo asesa asu, te ba bola  
\q3 asobo tiwai yaibao.  
\q1 Awe, augwali me Asiria tagalama,  
\q3 te ba hi dabe tiwai bola asaibao.  
\q1 Tama eno augwali te augwa page buluba  
\q3 ma odasa asaibao.  
\q1 Ena Genuai Bidi, eno te po wai dao,” wali.   
\s1 Te Israel me Juda augwaligo te God tagalali  
\q1
\v 12 Genuai Bidigo po ma weyu, te po wai,  
\q2 “Te Israel we bidi augwaligo enaba  
\q3 tibo po hauwa sogo mu wai.  
\q1 Te Juda dabego eno po sela sąbo sę mu idualio.  
\q1 Tiali goli, ena God, ena augwali tiwai menio.  
\q1 Ena doloba pai, te eno homu hasegelama,  
\q2 te eno tibo po me wagobeo,  
\q2 te we bidide eno homugo mu kęą pai God dao,”  
\q3 te po wai.   
\c 12  
\q1
\v 1 Genuai Bidigo te po wai,  
\q1 “Te Israel dabego tigidali sę  
\q2 te giligade me hulide yali,  
\q2 te augwa digi dolabo dwai sę yalio.  
\q1 Te tibo po wabo kolesaga,  
\q2 me hwįbo kolesaga te augwali tomode  
\q2 genuai pedelali.  
\q1 Augwaligo te Asiria dabe dali sę yabo po mia sali.  
\q1 Me ma, augwa te bisnis sę te ni oliv welgo elama,  
\q2 te Isipba tolama, te Isip dabego abelali.”   
\b  
\q1
\v 2 Genuai Bidigo te Juda dabe dali po elalubao.  
\q1 Tama agai te Israel dabeba dwai dene mayu,  
\q2 te augwa yali sęde usu nama tiaibao wai.   
\q1
\v 3 Augwa wąį nǫų Jekopgo te aga ama dali hwįani,  
\q2 te augwa si idago haligade bidibadi tialio.  
\q1 Nosali Jekop te genuai igulama,  
\q2 tama agai te God dali hwįai dao. \x * \xo 12:3 \xt Gag 25:26\x*   
\q1
\v 4 Te hwįani side, agai te Godigo ensel  
\q3 mobo bidi dali pagelama,  
\q2 tǫba pinayu hwįai, te aga usu si igulama,  
\q2 ugwaba ela holali.  
\q1 Tama Jekopgo gela hauwa weyu, te Godiba hanalu,  
\q2 te aga olo tau sabo wiegi yai homu  
\q2 kolesaga yao po wali.  
\q1 Tama gasa sogo Jekopba te Betelde God pedelama,  
\q2 tama aga dali po miai dao. \x * \xo 12:4 \xt Gag 28:10-22; 32:24-26\x*   
\q1
\v 5 Te Jekop dali po miani God,  
\q2 aga te Tigidali Bomo Elalubo Genuai Bidi dao.  
\q1 Dago aga nogi te tiwai wao, Genuai Bidi dao.   
\q1
\v 6 Tialima, dagego duga Godiba konealubo  
\q3 po dąų olama, ma begasa asiąo.  
\q1 Tama dagego aga naga wali mu asiyu,  
\q2 te po tų ebode te doloba pai kolesaga naga eyu,  
\q2 tama agai dage tau sabo tonaluiąo.   
\s1 Te Israel dabego yali dwai sę te genuai mu yai  
\q1
\v 7 Genuai Bidigo te po wai,  
\q3 “Te Israel dabe bisnis bidi nigali,  
\q2 tiali goli augwaligo te bisnis sęde  
\q3 doloba pai kolesaga me ebeo.  
\q1 Augwali te Kenan bisnis bidi dabe tobage tiwai pedelai.  
\q1 Te bidi dabego te augwaligo nai dabe abelagasobode,  
\q2 te augwali tibo po ola maiabo homu eyu,  
\q2 tede augwa homu tomode gisugu weyu,  
\q3 puba hwi po wabo dao.  
\q1 Augwaligo te nai dabe dolo si me dagalubeo.   
\q1
\v 8 Tialima, augwaligo te tama po wabo dao,  
\q2 ‘Da te mone bidi pedelalio,’ wabo.  
\q1 ‘Dago doado bage hauwa elalubao.  
\q1 Tama niwai bidi me deligo te po weyu,  
\q2 dago te nai wi sabo kolesagade  
\q3 te mone bidi pedelali me wagobeo.’  
\q1 Augwaligo te po tama wabo dao.   
\q1
\v 9 Tiali goli, ena God, te duga Genuai Bidi,  
\q3 eno te dagego tibo po koneai.  
\q1 Polobadu eno dage te Isipde selama, odasa asai.  
\q1 Tialima, eno dagego te wiegi yai be dabe  
\q3 tagalumainu elama,  
\q2 te dage ugwa bede ma piagameo wali,  
\q2 te polobadu eno dage dali te masigi kemi tǫde  
\q2 te moni nai daa tuabo sogode deliba  
\q3 gesabidi ununiyu yali tiwai gilama emainu  
\q3 ma yaibao,” po walio. \x * \xo 12:9 \xt Prs 23:42-43\x*   
\q1
\v 10 “Eno po te profet dabeba olama,  
\q2 tama te eno nade wabo tiwai  
\q3 te hauwa nai po augwaliba wali.  
\q1 Te profet dabego pedauwalidu eno  
\q2 te Israel dabeba weyu,  
\q2 te augwaligo dwai kolesaga ebo  
\q3 te tudiba muiąo po wai dao.   
\q1
\v 11 Tiali goli, augwaligo te po me odobeo. Menio.  
\q1 Te Gileatde augwaligo dwai kolesaga hauwa yali,  
\q2 tama te augwali mu hagawaibao.  
\q1 Te taun Gilgalde augwaligo te bulmakau  
\q3 dwai alta dabede ofa yai.  
\q1 Tialima, te alta dabe te besela sąnama,  
\q2 te masigi pesage holali te pepeli delide  
\q3 hania olo elalueibao,” po wai dao.   
\q1
\v 12 Polobadu mu dago wąį nǫų Jekop  
\q2 aga ama Isode wi ebaso,  
\q2 aga te tǫ kantri Mesopotemiaba wi pai.  
\q1 Tama aga te we sabo homu eyu, tama tiali,  
\q2 tialima aga te gasa bidigo sipsip tonalubo sę yali,  
\q2 te bidi aga wegi ma abelainu tama tiai dao.\x * \xo 12:12 \xt Gag 29:1-20\x*   
\q1
\v 13 Tama te Israel dabe Isipde bidali sogo,  
\q2 Genuai Bidigo te profet me deligo  
\q2 augwali sigi pomainu tagala palama,  
\q2 tama augwaligo te Isip taga soali,  
\q3 te kalabus yali bulu da.  
\q1 Tama te profetgo augwali bugagia tonaluai dao.\x * \xo 12:13 \xt Sai 12:50-51\x*   
\q1
\v 14 Tiali goli, te Israel dabego  
\q2 dwai kolesaga hauwa ebaso,  
\q2 tama Genuai Bidigo wado po dwai mu wai.  
\q1 Tama augwali isimainao wai.  
\q1 Te Israel dabego Genuai Bidigo nogide  
\q2 hagela homu eyu, aiyaba elalubaso,  
\q2 tialima te agai augwaligo dwai  
\q3 sęgę sali te sela sągobeo wai.   
\s1 Godigo te Israel dabe dolaibao wai  
\c 13  
\q1
\v 1 Polobadu te Efraimgo hanigo po obaso,  
\q2 tama te Israel gasa hani wi elama,  
\q2 te po odali.  
\q1 Tiali goli, te Efraim hanigo te tibo god Balba  
\q2 lotu po obaso, augwaligo sęgę salio.  
\q1 Tama tialima, te augwali isaibao po wai dao.   
\q1
\v 2 Tama megi me, augwaligo  
\q3 te dwai sę me idubo sę ebao wali.  
\q1 Augwa te tibo god te silvago nigilama,  
\q3 augwa teba lotu wabo dao.  
\q1 Te bidi dabe augwa homugo digi koneama,  
\q2 te tibo god noma piksa dabe te augwa  
\q3 nogogo digi nigali.  
\q1 Tama augwa te po weyu ebo,  
\q2 “Dagego te piksa nomaba ofa yao,” wabo dao.  
\q1 Ae, tegoba, augwaligo te bulmakau  
\q2 nomaba te nono nani!  
\q1 Augwali te menagi yai bidi mu dawe?   
\q1
\v 3 Tama tialima, te we bidi dabe augwali  
\q2 te kigamu pedalubo dagalu pǫ te olo  
\q3 sia sabo tiwai gilama yaibao wali.  
\q1 Augwali te hulide tulali tulubage segeni  
\q3 te nosade elaluama,  
\q2 te giliga nanu polo sia sabo tiwai ąǫ yaibao.  
\q1 Augwali te wit bo te waligo sela pelama,  
\q3 te besela palobo tiwai yaibao.  
\q1 Tama augwali te sia hano te be pedudu ugwaba holama,  
\q2 te polo silibo tiwai yaibao wali.   
\q1
\v 4 Genuai Bidigo te tiwai po wali,  
\q2 “Ena God, duga Genuai Bidi da,  
\q3 eno dage te Isipde selama, tedu eba odasa asai.  
\q1 Ena deli naga, ena duga God dao. Te gasa me menio.  
\q1 Enaduba deligo naga eno dage ma sabo dao.   
\q1
\v 5 Dage te kemi tǫ wa pai bulude bidali sogo,  
\q2 eno dage bugagia mu tonaluai dao.   
\q1
\v 6 Tialima, nosali dage te wiegi yai tǫba sabalubo sogo,  
\q2 te dage nai pągąna pelama,  
\q3 te dage tigidali nai usu yali.  
\q1 Dagego te nai sela selama da, tama dagego te homu yali,  
\q2 te duga bomogo digi dagego te nai sali homu yai.  
\q1 Tama tiyu, dagego ena homu kone  
\q3 gegeda palubao,” wai. \x * \xo 13:6 \xt Bom 8:11-17\x*   
\q1
\v 7 “Tialima, ena te dage soabo sunumide  
\q3 geme duala selama,  
\q2 tama eno dage te laion me gasa genuai uni pusigo  
\q2 te bidi elibo tiwai gilama yaibao,” wali.   
\q1
\v 8 “Te ena samonama, posoga palu,  
\q2 te dage hagawia aluaibao,  
\q2 te hasa beago te aga wai hagawaide  
\q3 sębę eyu, gasa hasa dali ebo  
\q3 tiwai gilama yaibao,” wali.  
\q1 “Tama eno dage subigila miminama,  
\q2 tama dage te polo dalaibao,  
\q2 te laion me gasa uni hasa dabego  
\q3 augwa tubo hasade ebo tiwai yaibao,” wai dao.   
\b  
\q1
\v 9 “Te Israel dabe, te ena deli naga  
\q2 te dage tau sabo usu yaibao.  
\q1 Tiali goli, dagego hagela ebaso, tama eno dage dolaibao.  
\q1 Tama dego dage tau sogowe? Te bidi dabe menio.   
\q1
\v 10 Polobadu dagego enabolo hanalu,  
\q2 te king me polalubo tobolu bidi dabe  
\q3 mao po odu geani,  
\q2 tiali goli augwaligo dage mena tama tau sogowe?  
\q1 Augwali usu munu me egobeo. \x * \xo 13:10 \xt 1 Sml 8:5-6\x*   
\q1
\v 11 Polobadu eno wado elama,  
\q3 te eno dageba king mawai.  
\q1 Tama megi me, eno te wado po umabo mu olama,  
\q1 te eno augwali sela sąwai dao,” wali.\x * \xo 13:11 \xt 1 Sml 10:17-24; 15:26\x*   
\b  
\q1
\v 12 “Eno te Israelgo tigidali dwai sę yali  
\q3 sęgę te eno bukude asęnama, te eno munalubao,  
\q2 eno homu kone gegeda me pogobeo.   
\q1
\v 13 Te Israel augwali bugagia bidimainu yali,  
\q2 tiali goli augwali te homu kolesaga  
\q3 meni yai umuna pelama, augwa hagela homu yai.  
\q1 Augwali da, te wai bou me deli tiwai dao.  
\q1 Te wai bou te idago haliga tomode elaluama,  
\q2 te idago ame nainogo ebo tiwai yali,  
\q2 tiali goli te wai tega pabo homu ebeo.   
\q1
\v 14 Tiali goli, nosali eno te Israel bage  
\q2 te isali bidi dabego pesagede ma saibao.  
\q1 Isibo, ena te dwai nai tiwai pedelama,  
\q2 tama nage ela mu silaibao.  
\q1 Te isai bidigo pesage,  
\q2 ena te moni dwai gasi tiwai pedelama,  
\q2 tama nage dwai mu dolaibao.  
\q1 Eno te Israel dabeba te olo tau sabo  
\q2 wiegi yai homu kolesagago  
\q3 tau me sogobeo,” wali. \x * \xo 13:14 \xt 1 Ko 15:55\x*   
\q1
\v 15 “Te Efraim dabe hauwa mu pedelama,  
\q2 tama te gasa Israel hani aiyaba elaluali,  
\q2 tiali goli eno te posolo yai bomai wali mu  
\q2 te giliga asobo badu tagala palama,  
\q2 tama te waligo augwaligo te ulu wę  
\q3 sula somainu ilaibao.  
\q1 Tama te waligo augwa dwagi yai  
\q2 doado bage sela pela silimainu yaibao,” wali.   
\q1
\v 16 “Te Samaria dabego enade hagoma mu yali,  
\q2 tama augwali te dwai dene bolo somainao.  
\q1 Te bomai wali tiwai eyu, te boi bidi dabego  
\q3 augwaliba hwįagaselama, te augwali ela munama,  
\q2 tama te dwasianu wai puluba tigidali  
\q3 te tǫba sąsąnama, te augwali me isaibao.  
\q1 Tama augwaligo te haliga elalubo  
\q2 we dabego tabi togwaibao,” po wai dao.   
\c 14  
\ms1 Te Israel dabe augwa yali dwai sę tagalama, tama augwali Genuai Bidiba ma asaibao  
\mr (Dąį 14)  
\s1 Hoseago Israel dabeba te po weyu, augwali te Genuai Bidiba ma asiąo wai  
\q1
\v 1 Te Israel dabe, dage te Godiba ma asiąo, te duga  
\q2 Genuai Bidi dao,  
\q2 magi baso meni, te duga dwai sęgęgo  
\q3 dage tulalumainu yali dao.   
\q1
\v 2 Dage te Genuai Bidiba ma aselama,  
\q2 tama te gedu haluasa po dagego  
\q3 Godiba te ofa tiwai iyagameo.  
\q1 Dagego gedu haluasa po e tiwai wagameo,  
\q2 “God, nago dago sęgę tigidali sela sąyu,  
\q2 tama dago gedu haluasa po wabo odao.  
\q1 Tama dago te bulmakau elama,  
\q2 tama nageba ofa ebo usu egobeo. Menio.  
\q1 Te dago te dena polobadu dąų walali po wali gilama,  
\q2 te dwagi yai kolesaga naga yaibao.   
\q1
\v 3 Te Asiria dabego da ma dobola sogobeo, usu egobeo,  
\q2 tama te hwįbo hos dabego me da tau me sogobeo.  
\q1 Te usu egobeo.  
\q1 Dago te tibo god nigali,  
\q2 te dago te tiwai po augwaliba ma weyu,  
\q2 ‘Dage te dago god da,’ me wagobeo.  
\q1 Genuai Bidi, nago dabolo te homu dene eyu,  
\q2 tau sabo wiegi yai kolesaga ebo dao,  
\q2 magi baso meni,  
\q2 da te aya meni yai wai puluba bidibao,  
\q2 te tau sabo usu meni yai bidibo dao.”  
\q1 Dagego tama gedu haluasa po agabolo wao.   
\s1 Genuai Bidigo te po weyu, te Israel dabe bugagia dugulalu bidaibao wai  
\q1
\v 4 Genuai Bidigo te po wai,  
\q1 “Tialima, ena te tagalali we bidi dabe eno  
\q3 ma dobola saibao.  
\q1 Te eno haligago augwali godolo mu eyu,  
\q2 te eno augwaliba wado yabo homu begelama,  
\q2 munu me egobeo.   
\q1
\v 5 Te eno Israel dabeba wiegi yai sę ilaibao,  
\q2 te tulubage segeni te wa pai tǫba tulama,  
\q2 te telabo tiwai yaibao.  
\q1 Te augwali te gasa wiegi yai sawi yai  
\q3 plauwa tiwai pedaliyu,  
\q2 tama te tǫ kantri Lebanonde  
\q2 te genuai bomai ni dabe tiwai pedaliyu yaibao.  
\q1 Te ni dabe sele te tǫ aya tomoba mu dulali  
\q3 tiwai ebo dao.   
\q1
\v 6 Te augwali wiegi yai mu te gesi ni yabe  
\q3 pedalubo tiwai eyu,  
\q2 te oliv ni wiegi yai pedalubo tiwai yaibao.  
\q1 Tama te we bidigo augwalide wiegi yai  
\q3 homu pemene eyu,  
\q2 te augwaligo te Lebanon wiegi yai ni  
\q3 sida dabe te wiegi yai denami ebo tiwai yaibao.   
\q1
\v 7 Te augwali ena dali ma bidagasobaso,  
\q2 te eno augwali tonaluaibao.  
\q1 Tama augwa gide te nai umabo hauwa  
\q3 walama, elalueibao.  
\q1 Te augwa wai hauwa ame naibao,  
\q2 te gide wiegi yai ni wain augwa  
\q2 nai wai ge hauwa walobo tiwai yaibao.  
\q1 Tama augwa te genuai nogi elalu,  
\q2 te Lebanonde polalubo wain tiwai gilama elalueibao.   
\q1
\v 8 Tama te sogo te Israel dabego te tibo  
\q2 godiba lotu munu me wagobeo.  
\q1 Te enaduba deligo naga augwaligo  
\q2 gedu haluasa po wabo odaibao.  
\q1 Te eno augwali bugagia tonalu,  
\q2 tama augwali te ena dologode bidiyu,  
\q2 te bidi te genuai ni wuli dologo  
\q2 tiwąi madi te giliga nanu posolo ebaso  
\q3 bidibo tiwai yaibao.  
\q1 Ena digi ena te tigidali wiegi yai nai  
\q2 augwaligo sabo page bidi dao,”  
\q3 God Genuai Bidigo te po wai.   
\s1 Po silagasu wabo po  
\q1
\v 9 Te wiegi yai homu kolesaga elalubo bidi dabe,  
\q2 augwaligo te e bukude elalubo po konea sao.  
\q1 Tama eno homugo te augwaligo homu kone palama,  
\q2 tama te po wali pomainao.  
\q1 Te Genuai Bidigo kolesaga te dolo naga elalubao,  
\q2 tama te doloba pai bidi dabego  
\q2 te kolesaga wali peyu bidaibao.  
\q1 Tiali goli, te dwai sę ebo bidi dabe,  
\q2 te augwaligo Genuai Bidigo kolesaga wali pogobeo.  
\q1 Tama tiyu, augwali tulalubo dao.