\id TIT Meitei: Roman Script 1st Translation
\ide UTF-8
\ide Unicode (UTF8)
\h Titus
\toc1 TITUS-TA I-ba Paul-gi Chithi
\toc2 Titus
\toc3 Tit
\mt1 TITUS-TA
\mt2 I-ba Paul-gi Chithi
\imt1 Wahoudok
\ip Titus hairiba lairik asi Paul-na singlupta nattaduna misak amada i-ba chithi marigi manungda amani. Atoppa chithi ahumdudi 1 Timothy, 2 Timothy amasung Philemon-ni. Masi Paul-na Titus-ta i-bani adubu chithi asi miyam mamangda khon thokna pagani haibagi matagum mahakna i-bani. Eikhoina masi khangbagi maramdi Titus-na hannana khanglagadaba oirabasu, mahak Pakhonchatpa ama oibagi mahakki gunsing adu sandokna takli. Chithi asi Christtana poklaba matung chahi 63 dagi 65 phaobagi manungda iramba yai.
\ip Crete ithatta leiba singlupsingbu chingbinaba Paul-na Titus-ta yathang pikhrabani. Singlupki luchingbasing khanbagi amadi tambibagi maramda Titus-ta paotak pinaba Paul-na chithi asi i-bani. Masiga manaba paotak asi mahakna Timothy-da i-ba chithidasu pi. Singlupki luchingbasingna leigadaba awangba thakki gunsing adu mahakki chithi asina sandokna hairi. Ngasigi singlup amadi singlupki luchingbasingna luchingba ama oibagi gunsing asida munna yenggadabani.
\iot Yaopham Takpa
\io1 1. Tengban Mapubu chetna ningba luchingbasing khannanaba Paul-na Titus-ta paotak piba \ior (1:1-16)\ior*
\io1 2. Tengban Mapubu chetna ningba punsi ama hingnanaba misingbu takpi tambinabasu mahakna Titus-ta paotak piba \ior (2:1–3:11)\ior*
\io1 3. Aroibada, mahakki thourang khara hairaga amadi khurumbagi wahei khara hairaga chithi asi loisilli \ior (3:12-15)\ior*
\c 1
\p
\v 1 Tengban Mapugi manai amasung Jisu Christtagi pakhonchatpa Paul eihakki iphamdagini.
\p Tengban Mapuna khandokpiba misingbu lomba naidaba hingba asada yumpham oiba eikhoigi lainingna tambiba achumba aduda chingbinaba amadi makhoigi thajaba adubu mateng pangbinaba eibu khandokpiduna thabire. 
\v 2 Minamba ngangdaba Tengban Mapuna leisemdringei mamangdagi eikhoida hingba asigidamak wasakpibani, 
\v 3 aduga achaba matamda Ibungo mahakna mahakki paojel asi phongdokpi. Masi eingonda sinnabi aduga eikhoigi Kanbiba Mapu Tengban Mapu Ibungogi yathangna eina masi laothok-i.
\p
\v 4 \x - \xo 1:4 \xo*\xt 2 Cor 8:23; Gal 2:3; 2 Tim 4:10\xt*\x*Thajabada amata oiba eigi achumba ichanupa Titus-ki maphamda eina i-jari.
\p Ipa Ibungo Tengban Mapu amasung eikhoigi Kanbiba Mapu Jisu Christtana nahakpu thoujal amasung ingthaba pibiba oisanu.
\s1 Crete-ta Titus-ki thabak
\p
\v 5 Eina nahakpu Crete ithatta thamlambagi maramdi loidriba thabaksing adu nahakna mathang manao naina semdok semjin tounaba amasung sahar khudingda singlupki ahansing pham hapnabani. Aduga eina taklambasingdu ningsing-u: 
\v 6 \x - \xo 1:6-9 \xo*\xt 1 Tim 3:2-7\xt*\x*singlupki ahal ama oirabadi maral theijinpham leitaba, nupi amagi mapuroiba oiba\f + \fr 1:6 \fr*\ft nupi amakhakta leiba nattraga amuktang luhongba\ft*\f* aduga mahakki angangsing adu thajabasing oigadabani aduga ngaosinnaba nattraga haiba indabagi thina ngangnaba leitaba mi oigadabani. 
\v 7 Singlupki luchingba ama haibasi Tengban Mapugi thabakki thoububa oiba maramna mahakki mathakta maral theijinpham leitaba mi ama oigadabani. Mahak ngangna-saknaba yadaba nattraga thuna saoganba, nattraga yu ngaoba nattraga phuna-cheinaganba nattraga sel karamba, mi oiroidabani. 
\v 8 Mahakti miyok michan phaba, aphababu pamjaba, masa khudum chanjaba, pukcheltingba, asengba amasung masa khudum chanjaba mi ama oigadabani. 
\v 9 Mahakna singlupki thajabagi tambiba warol aduga chanaba thajaba yaba paojel adubu chetna paigadabani, adu oirabadi achumba tambiba aduga loinana ateibu pukning thougatpa amasung madugi maiyokta leiba makhoida aranba adusu utpiba ngamba oigani.
\p
\v 10 Maramdi irang houba amadi kannadaba amasung wahanthok leitaba wa ngangduna misingbu minamba mising maru oina Jihudi lainingdagi thoraklaba mi kaya ama leiri. 
\v 11 Makhoigi ngangba adu lep-hanba tai maramdi makhoina imung pumnamakpu tambiroidabasing adu tambiduna pukning langhalli aduga madu pumnamaksing asi ikainingai oiba maram haibadi sel tannanabani. 
\v 12-13 Crete-makki mi amasung makhoigi wa phongdokpasinggi maraktagi ama oiba amana asumna hai, “Crete-ki misingdi matam pumnamakta minamba ngangba, phattaba sasing amasung atanba ka henna chaba pamba misingni.” Maram asina makhoina thajabada achumba oinanaba makhoibu kanna cheiduna warak-u 
\v 14 aduga makhoina achumbabu yadrabasing adugi yathang amasung Jihudisinggi asemba warida amuk sangthana wakhal thamdanabani. 
\v 15 Asengbasingdadi pot pumnamak seng-i adubu amaangba amasung Tengban Mapubu thajadaba makhoigidamakti asengba kari amata leite, maramdi makhoigi wakhal amadi achum aran khangba pukning adu maang-i. 
\v 16 Makhoinadi Tengban Mapubu khang-i haijei, adubu makhoigi thabaknadi madu yade. Makhoidi tukkachaningngai oiba amasung haiba indaba, karigumba aphaba amata toubada matik chadaba misingni.
\c 2
\s1 Achumba tambiba
\p
\v 1 Nahakna achumba tambiba aduga yanaba adu tambigadabani. 
\v 2 Ahal oibasingbu pukning tappa, ikai khumnabada matik chaba, masa khudum chanjaba, thajabada chumba, nungsiheiba amasung akhangkanba oinaba tambiyu. 
\v 3 Matou adugumna ahal oirabisingbu asengba punsi ama hingba nupi amana chatkadaba lichat sajat chatnaba tambiyu. Makhoina mi hunduna ngangloidabani nattraga yuda laichurabi haibadu oiroidabani. Makhoina aphaba haibadu tambigadabani. 
\v 4 Adu oirabadi makhoina naha oibi nupisingbu makhoi makhoigi mapuroibasing amadi machasingbu nungsiba, 
\v 5 masa khudum chanjaba amasung asengbi, yumgi thabakta chinjabi, thoujal heibi aduga makhoi makhoigi mapuroibasinggi makha ponbi oinaba insinba ngamgani, adu oirabadi Tengban Mapugi wabu kana amatana thina ngangloi.
\p
\v 6 Adugumduna naha oiba nupasingbu masa khudum channaba insinbiyu. 
\v 7 Maram pumnamakta aphaba haibadu touduna makhoida pandam oina utlu. Nahakki tambibada pukchel sengba amadi thawai yaoba oiyu. 
\v 8 Kana amatana lalhanba ngamdaba achumba wa adu ngang-u madu oirabadi eikhoigi maramda phattaba ngangnaba karisu phangdaba maramna nahakki yeknabasing adu ikaihan-gani.
\p
\v 9 Minaisingna makhoigi mapusinggi makha ponba amadi maram khudingmakta makhoibu pelhanba, makhoigi chinthakta khumdaba 
\v 10 nattraga makhoidagi hurandaba adubu makhoidi mapung phana thajaba yabani haiba utnaba makhoibu tambiyu, madu oirabadi maram pumnamakta eikhoigi Kanbiba Mapu Tengban Mapu Ibungogi maramda tambiba adu makhoina pamhanba oihan-gani.
\p
\v 11 Maramdi Tengban Mapuna mi pumnamakki aran-khubhamgidamak mahakki thoujal adu phongdokpire. 
\v 12 Tengban Mapu ningdaba amasung taibangpan-gi oiba apamba adu thadoktuna, isa khudum chanjaba, pukchel tingba, amadi ngasigi taibangpan asida laining chetpa punsi ama hingnaba thoujal asina eikhoibu tambi, 
\v 13 madu eikhoina asa toujariba matik chaoraba eikhoigi Tengban Mapu amadi Kanbiba Mapu Jisu Christtagi\f + \fr 2:13 \fr*\ft matik chaoraba Ishwor amadi eikhoigi Kanbiba Mapu Jisu Christta\ft*\f* matik mangal adu uhanbiba yaipharaba Numit adu ngaijaringeida oigadaba matou aduni. 
\v 14 \x - \xo 2:14 \xo*\xt Isei 130:8; Khong 19:5; Aniwa 4:20; 7:6; 14:2; 1 Pet 2:9\xt*\x*Eikhoibu phattaba pumnamaktagi kanbinaba, aphaba thabaksingda thawai yaoba amasung Ibungo mahak khaktagi oiba asengba mising oinanaba Ibungo mahakna eikhoigidamak pithokpire.
\p
\v 15 Hiramsing asi tambiyu, nahakki wa tabasing adubu nahakna thougatpiba amadi chei-thangbada matik pumnamak sijinnou. Kana amatana nahakpu hanthana yenghan-ganu.
\c 3
\s1 Christian-singna chatkadaba lamchat
\p
\v 1 Nahakki misingbu leingakpasinggi amasung angam athousinggi makha ponnaba, haiba innaba amasung aphaba khudingmak tounabagi thourang tounaba ningsing-u. 
\v 2 Mi kana amatagi maramda phattaba ngangdanaba adubu ing-tappa amadi marup mapang oinaba aduga matam pumnamakta pukning tappa adu mipung khudingmakta utnaba haiyu. 
\v 3 Maramdi eikhoi isamaksu matam amadadi apangba, haiba indaba, minamba amadi makhal makha pumnamakki apamba amasung nungaithokpagi minai oirammi. Yengthiba amadi kalak khambanba, mi ateina eikhoibu tukkachaba aduga eikhoina makoibu tukkachaba punsi amada eikhoi hinglambani. 
\v 4 Adubu eikhoigi Kanbiba Mapu Tengban Mapu Ibungogi thoujal heiba amasung nungsiba adu phongdokpibada, 
\v 5 Ibungo mahakna eikhoibu kanbire. Madu eikhoi isana karigumba aphaba thabaksing toubagi natte adubu eikhoibu chamthokpiduna eikhoida nouna pokpa amadi anouba punsi pibiba Thawai Asengbagi mapanna amadi Ibungo mahak masagi chanbiba adugi maramna mahakna eikhoibu kanbibani. 
\v 6 Eikhoigi Kanbiba Mapu Jisu Christtagi mapanna Tengban Mapuna eikhoigi ithakta Thawai Asengba marang kaina heithabire, 
\v 7 masi Ibungo mahakki thoujalna eikhoibu chumhanbinabani aduga eikhoina asa toujaba lomba naidaba hingba adu phangnanabani. 
\v 8 Hairiba asi achumbani.
\p Tengban Mapubu thajaba makhoina mipum khudingda aphaba amadi kanaba piba aphaba thabak toubada matam piba aduda pukning changnaba hairiba hiramsing asida nahakna maru oihanba adu eina pammi. 
\v 9 Adubu apangbagi marei yetnaba, pari puri, khatna cheinaba, Wayel Yathanggi maramda yetnaba asising asidagi leithok-u. Maramdi makhoising asi kanadaba amasung arembani. 
\v 10 Tokhai tahanba makhoi aduda yamdrabada anirak cheksin wa haiyu madugi matungdadi makhoiga karisu mari leinaruraganu. 
\v 11 Adugumba mising adudi pukchel sengdabani amasung makhoina touba papsing aduna makhoi aranbani haiba adu utle.
\s1 Aroiba paotak
\p
\v 12 \x - \xo 3:12 \xo*\xt Pakhon 20:4; Eph 6:21,22; Col 4:7,8; 2 Tim 4:12\xt*\x*Eina Artemas nattraga Tychicus-pu nangonda tharakpa matamda nahak Nicopolis-ta eigi inakta laknanaba ngamba makhei hotnabiyu, maramdi mapham aduda eihak ningthamtha len-ge haina leple. 
\v 13 \x - \xo 3:13 \xo*\xt Pakhon 18:24; 1 Cor 16:12\xt*\x*Wayel khangba\f + \fr 3:13 \fr*\ft ukil\ft*\f* Zenas amadi Apollos-bu makhoigi khongchat houbada angamba mateng pang-u aduga makhoigi changgadaba pumnamak adu yengsinbiyu. 
\v 14 Eikhoigi misingna aphaba thabak touduna matam lenba tamgadabani; makhoi kanadaba punsi mahing ama hingloidabani.
\p
\v 15 Eiga loinariba pumnamakna nahakpu khurumjarakli. Thajabagi marida eikhoibu nungsibasingbu khurumjari haina tambiyu.
\p Tengban Mapugi thoujal nakhoi pumnamakka loinabisanu.