\id REV Meitei: Roman Script 1st Translation
\ide UTF-8
\ide Unicode (UTF-8)
\h Phongdokpiba
\toc1 John-da PHONGDOKPIBA
\toc2 Phongdokpiba
\toc3 Phong
\mt2 John-da
\mt1 PHONGDOKPIBA
\imt1 Wahoudok
\ip Phongdokpibagi lairik asi Anouba Warepnabagi aroiba lairikni. Lairik asi Pakhonchatpa John-na Christtana poklaba matung chaorakna chahi 95 ki matungda i-bani (1:1). Mahakna John-na i-ba Aphaba Pao amasung chithi ahum haibadi 1 John, 2 John amadi 3 John-busu irammi. John-bu “Jisuna nungsibiba ama” hainasu khangnei (John 13:23). Mahakna Phongdokpibagi lairik asi Patmos Ithat-ta leiringei matamda ikhibani maramdi mahakpu Jisu Christtagi Aphaba Pao sandokpagidamak mapham aduda loi thakhi (Phongdokpiba 1:9)
\ip John-na Phongdokpibagi lairik asi ikhibagi pandamdi lairik asibu apabasingna Jisu Christtada thajabayana lengdana leinaba pukning thougatpa amadi Jisuna hallakkadaba matam adu naksillakpa maramna makhoida asha pinabani. Mahakna masi christian pumnamakta amadi pandup 2-3 da yaoriba akhannaba singlup taretta masi i-bani. John-na mahakki khuk-i asibu phongdokpiba wagi thakta thammi (1:3) aduga mahakna ukhibasing adu utnaba saktam kaya ama lairik apumbada sijinnei. Lairik asi ariba warepnabagi saruk kharaga mannei, akhannana Zachariah 6:1-8 ka mannei. Peresingga taret amadi tenggot taret asisu Tengban Mapuna Egypt-pu cheirak pinanaba thakhiba awa anasing aduga yamna mannei (Khongsanba 7-9). Phongdokpiba lairik asina aroiba matamgi maramda hairi madudi Jisuna mai pakkadouri, aduga mangonda thajaba thamliba pumnamakna mahakka loinana lomba naidana leiminnagani haibasini. Lairik asina nakhoida cheksin wa haibisanu amadi Ibungo Jisu amuk thuna hallakadouri haiba adugi asha pibisanu.
\iot Yaopham Takpa
\io1 1. John-na mahak kanano haiba amadi mahakna kamdouna phongdokpibagi uhanbiba asi phangkhibano haibadu hairaduna houba \ior (1:1–1:20)\ior*
\io1 2. Mahakna hakthengnana Jisudagi singlup taretta paojel piba \ior (2:1–3:22)\ior*
\io1 3. Adudagi mahakna chum taret \ior (4:1–8:5)\ior* amadi peresingga taret \ior (8:6–11:19)\ior* sandokna takpa.
\io1 4. Madugi matungda John-na angang nupamacha aduna makok taret panba chinglai adugi maiyokta lal touba adu sandokna takpa \ior (12:1–14:20)\ior*
\io1 5. Adudagi mahakna asaobagi tenggot taret adugi maramda i-ba \ior (15:1–16:18)\ior*
\io1 6. Matungda John-na kamdouna swargada Tengban Mapuna mahakki yeknabagi maiyokta mai pakpage haibadu sandokna takpa \ior (17:1–20:15)\ior*
\io1 7. Aroibada mahakna aroibada lakkadouriba anouba swarga amadi anouba malemgi maramda sandokna takpa \ior (21:1–22:21)\ior*
\c 1
\p
\v 1 Lairik asi Jisu Christtana phongdokpikhiba thoudoksing adubu isinduna thamba lairikni. Thuna thoklagadabasing adu mahakki manaisingda utnanaba Tengban Mapuna Ibungoda phongdokpiba asi pinabikhi. Christtana mahakki manai John-da mahakki swargadut thabiduna thoudoksing asibu khanghanbire, 
\v 2 aduga John-na, mahakna ukhiba pumnamaksing adubu haidokle. Masi, Tengban Mapudagi lakpa paojel amadi Jisu Christtana phongdokpiba achumba adugi maramda mahakki paodam aduni. 
\v 3 Lairik asibu paba mahak adu yaiphabani amasung phongdokpiba wa asigi waheising asibu taba amadi lairik asida iriba asibu ngakpa makhoising adu yaiphabani! Maramdi matam adu naksillakle.
\s1 Singlup taretta khuramjaba
\p
\v 4 \x - \xo 1:4 \xo*\xt Khong 3:14; Phong 4:5\xt*\x*John-dagi Asia-gi lamdamda leiba singlup taretta:
\p Oiriba, oiramba amadi lenglakkadouriba Tengban Mapudagi amasung mahakki phambal mangda leiriba thawai tarettagi, 
\v 5 \x - \xo 1:5 \xo*\xt Isa 55:4; Isei 89:27\xt*\x*aduga thajaba yaba sakhi oiriba, asibasinggi maraktagi ihan hanna hinggatkhiba amasung taibangpalgi ningthousinggi mathakta Mapu oiriba Ibungo Jisu Christtadagi thoujal amadi ingthaba nakhoida leisanu.
\p Ibungona eikhoibu nungsibi, amasung mahakki iratpot oina sibiba adugi mapanna mahakna eikhoibu eikhoigi papsingdagi ning-tamhanbire, 
\v 6 \x - \xo 1:6 \xo*\xt Khong 19:6; Phong 5:10\xt*\x*amasung Ibungogi Mapa Tengban Mapubu thougal toujanaba eikhoibu purohitsinggi ningthouleibak ama oihanbire. Jisu Christtagi maphamda matam pumnamakta matik mangal amadi pangal leiba oisanu! Amen.
\p
\v 7 \x - \xo 1:7 \xo*\xt Dan 7:13; Mat 24:30; Mrk 13:26; Luk 21:27; 1 Thess 4:17; Zec 12:10; Jn 19:34,37\xt*\x*Yeng-u, Ibungona leichilga loinana lengbirakli! Mahakpu tana thinkhibasing yaona mipum khudingmakna Ibungobu ujagani. Aduga malemda leiriba mipum khudingmak Ibungogi maramna tengtha naowoigani. Madumak oisanu, Amen.
\p
\v 8 \x - \xo 1:8\xo*\xt Phong 22:13; Khong 3:14\xt*\x*Oiriba, oiramba amasung lakkadouriba ingam ngamba Ibungo Tengban Mapuna hai, “Eidi Alpha amadi Omegani, ahouba amadi aroiba adu eini.” 
\s1 Christtabu uhanbiba
\p
\v 9 Nakhoigi nachin-nanao amadi Ibungogi Ningthouleibak adugi oiriba makhoising aduda lakpa awa anangsing adubu khaangheina khaangbada Jisugi tung-inba ama oina nakhoiga saruk phangminnariba John eihakpu Tengban Mapugi wa sandokpagidamak amadi Jisugi sakhigidamak Patmos ithat-ta tharammi. 
\v 10 Ibungogi numitta eina thawaida leirammi, amasung eigi tungda peresinggagumba ahouba khonjel ama eina tarammi. 
\v 11 Maduna hai, “Nahakna uriba adu lairik amada isinduna madu singlup taret haibadi, Ephesus, Smyrna, Pergamum, Thyatira, Sardis, Philadelphia, amadi Laodicea da tharo.” 
\p
\v 12 Eingonda ngangliba adu eina yengnaba leithorakpada sanagi thaomei makhong taret eina ure, 
\v 13 \x - \xo 1:13 \xo*\xt Dan 7:13; 10:5 \xt*\x*aduga thaomei makhongsing adugi marakta khongya youna chonba achonba phijol setpa, sanagi khwangchetna thabakta phaba Migi Machanupa manba kanagumba ama eina ure. 
\v 14 \x - \xo 1:14 \xo*\xt Dan 7:9\xt*\x* \x - \xo 1:14,15 \xo*\xt Dan 10:6\xt*\x*Mahakki masam adu angouba samtugumna amadi ungumna ngourammi, aduga mahakki mamit adu achakpa meirigummi. 
\v 15 \x - \xo 1:15 \xo*\xt Eze 1:24; 43:2\xt*\x*Mahakki makhong adu meiphamda phudonglaba amadi langhallaba pithraigummi, amasung mahakki khonjel adu iraokhol kanna chenthariba ising ichelgummi. 
\v 16 Mahakna makhut yetta thawanmichak taret pai, amadi maya ani panba athouba thangsang ama mahakki machindagi thorakkhi. Mahakki maithongdu numitna pumlang langbagumna ngallammi. 
\v 17 \x - \xo 1:17 \xo*\xt Isa 44:6; 48:12; Phong 2:8; 22:13\xt*\x*Eina mahakpu ubada asiba mi amagumna eina mahakki khuyada tuthajarammi. Adubu mahakna mahakki yet-thangba makhut adu ithakta thambiraduna hairak-i, “Kiganu, eihak ahanba amasung aroiba aduni, 
\v 18 aduga eidi ahingba aduni, eihak sirure, adubu yeng-u houjikti ei lomba naida naidana hingle. Aduga eina asibagi amasung khamnung leibakki so adu pairi. 
\v 19 Maram aduna, nahakna uriba hiramsing, houjik oiriba amadi tungda thorakkadabasing animak asi isillu. 
\v 20 Eigi khut yetta nahakna uriba thawanmichak taret amadi thaomei makhong taret adugi athuppa wahanthokti asini: Thawanmichak taret aduna singlup taret adugi swargadutsingni, aduga thaomei makhong taret aduna singlup taretni.” 
\c 2
\s1 Ephesus singlupta piba paojel
\p
\v 1 “Ephesus-da leiba singlupki swargadut aduda iyu:
\p “Khut yetta thawanmichak taret paiduna sanagi thaomei makhong taret marakta chatliba mahakki paojel adu masini. 
\v 2 Nahakki thabaksing, nahakki nomba kanba amadi nahakki khaangba kanba adu eina khang-i. Nahakna phattaba mising adubu khaangba ngamde haiba ei khang-i aduga pakhonchatpasingni haijaba adubu oidi oidaba makhoising adubu nahakna chang yengkhre aduga makhoi chinthibasingni haiba nahakna khangkhre haiba adu eina khang-i. 
\v 3 Nahakti khaangba kalli, eigi maramgidamak awaba khaangkhi, amasung nahakna chokthaba phaokhide. 
\v 4 Adum oinamak, nangonda eina yaningdaba amadi nangna eibu ahanbada nungsiramba adugumna houjikti nangna eibu nungsidre. 
\v 5 Maram aduna nahakna karamba thak-tagi tarakkhibano haibadu ningsing-u! Pukning hong-u aduga nahakna ahanbada toukhibasing adu tou. Nahakna pukning hongdrabadi eina nangonda laktuna nanggi thaomei makhong adu mapham adudagi louthokkani. 
\v 6 Adumakpu nahakpu thagatpa yaba nahakki leijaba amadi masini: madudi einasu tukkachaba Nicolas-ki matung inbasinggi thabak adu nahaknasu tukkatchei.
\p
\v 7 “\x - \xo 2:7 \xo*\xt Meihou 2:9; Phong 22:2; Eze 28:13; 31:8\xt*\x*Thawai aduna singlupsingda hairiba wa asi manakong panba mahak aduna tajasanu!
\p “Ngamlakpa makhoising aduda Tengban Mapugi Ingkholda houriba hingbagi upal adugi mahei adu chananabagi matik eina pibigani.
\s1 Smyrna-gi singlupta piba paojel
\p
\v 8 “\x - \xo 2:8\xo*\xt Isa 44:6; 48:12; Phong 1:17; 22:13\xt*\x*Smyrna-da leiba singlupki swargadut aduda iyu:
\p “Masi ahanba amasung akonba oiriba, siruraba aduga amuk hinggatkhraba mahakki waheisingni. 
\v 9 Eina nahakki awa ana adu khang-i. Nahak lairei haiba ei khang-i, adubu tasengnamak nahak inak khulli! Aduga Jihudi-ni hainadi haijaba adubu Jihudi nattabasing aduna nanggi maiyokta thina ngangkhiba adu ei khang-i; makhoising adu Satan-gi oiba kanglup amani. 
\v 10 Nangna awaba khanggadouriba adugi maramda nahak kari amata kiganu. Eina nakhoida hairi, nakhoi kharabu chang yengnanaba devil-na keisumsangda thamgadouri, aduga nakhoina numit tarani otpi neibiba khanggani. Siba phaoba thajaba yaba oiyu, aduga eina nakhoida hingbagi luhup adu pibigani.
\p
\v 11 “\x - \xo 2:11 \xo*\xt Phong 20:14; 21:8\xt*\x*Thawaina singlupsingda hairiba asi manakong panba mahak aduna tajasanu.
\p “Ngamlakpasing adu anisuba siba aduna kari amata sokhalloi.” 
\s1 Pergamum singlupta piba paojel
\p
\v 12 “Pergamum-gi singlupta leiba swargadut aduda iyu:
\p “Waheising asi athouba maya ani panba thangsang leiba Ibungo mahakki waheisingni. 
\v 13 Nahak kadaida leibage haiba eina khang-i, maphamduda Satan-gi phambal lei. Adumakpu nahakna eigi ming chetna pai aduga Satan-na leiba nahakki sahar aduda eigi thajabayaba sakhi Antipas-pu hatkhiba matam aduda phaoba eingonda leiba nahakki thajaba adu nahakna thadokkhide. 
\v 14 \x - \xo 2:14\xo*\xt Masing 22:5,7; 25:1-3; 31:16; Aniwa 23:4\xt*\x*Adumak oidunasu, eina nangonda yaningdaba kharadi leiri: nakhoigi narakta Israel-gi misingbu lai murtisingda katluraba pot chananaba amadi nupa nupi lannabagi thabak tounanaba tambiduna kamdouna makhoibu papta tahangadage haiduna Balakta tambikhiba Balaam-gi tambiba adubu inba mi khara leiri. 
\v 15 Matou adugumna Nicolas-ki matung inbasinggi tambiba adugi matung inba mi nakhoigi narakta lei. 
\v 16 Maram aduna nakhoi pukning honglo! Adu nattrabadi eina nakhoigi nanakta thuna laktuna eina eigi chingi thangsangga loinana makhoiga lanthennagani.
\p
\v 17 “\x - \xo 2:17 \xo*\xt Khong 16:14,15; 16:33,34; Jn 6:48-50; Isa 62:2; 65:15\xt*\x*Thawaina singlupsingda haiba asi manakong panba makhoi aduna tajasanu.
\p “Ngamlakpa mahak aduda, lottuna thamliba manna khara pibigani. Aduga phangliba mahak adu khaktana khanggadaba, anouba ming i-ba angouba nungou amasu hairiba mangonda pigani.” 
\s1 Thyatira Singlupta Piba Paojel
\p
\v 18 “Thyatira-da leiba singlupki swargadut aduda iyu:
\p “Masi arangba meigumba mamit panba, makhong khondonna ningthina takthoklaba pithrai manba Tengban Mapugi Machanupa adugi waheisingni. 
\v 19 Nahakna touba pumnamaksing adu eina khang-i. Nahakki nungsiba, thajaba, thougal amadi khangheiba adu eina khang-i. Aduga nahakna ahanbada touramba adudagi houjikna henna nakhoina touri haiba eina khang-i. 
\v 20 \x - \xo 2:20 \xo*\xt 1 Ning 16:31; 2 Ning 9:22,30\xt*\x*Adubu eina nangonda yaningdaba leiba adu asini: Madudi masa mathantabu Tengban Mapugi wa phongdokpi koujabi nupi Jezebel-bu nangna yajei. Mahakki tambiba adugi mapanna mahakna eigi inaisingbu nupa nupi lannabagi thabakta amadi lai murtida katluraba pot chabagi thabakta lanna lamjing-i. 
\v 21 Mahakna mahakki pap adudagi pukning honglaknaba eina mangonda matam pibire, adubu mahakki lamchat naidaba adudagi mahakna pukning hongba pamkhide. 
\v 22 Maram aduna eina mahakpu awa anagi phamung amada langsingani, amasung mahakka loinana lannabagi thabak toukhiba makhoising adubu mahakki lambi adudagi pukning hongdrabadi sathina awa anang nanghangani. 
\v 23 \x - \xo 2:23 \xo*\xt Isei 7:9; 62:12; Jer 17:10 \xt*\x*Eina magi tung inbasingbusu hatkani, adudagi mi pumnamakki pukning wakhal amadi thamoibu khangba mahak adu eihakni haiba singlup pumnamakna khanggani. Aduga nakhoina toukhiba thabak adugi matung-inna eina nakhoi khudingmakta hanbigani.
\p
\v 24 “Houjik, Thyatira-da leiba, mahakki tambiba adubu indaba amadi ‘Satan-gi aruba athuppa’ haina kounaba adubu tamkhidaba, leihouriba nakhoida eina hairi madudi eina nakhoida atoppa potlum atei ama amuk thongatlaroi. 
\v 25 Adubu eina laktriba phaoba nakhoigi areiba adu chetna paiyu. 
\v 26-28 \x - \xo 2:26-28 \xo*\xt Isei 2:8,9\xt*\x*Maipakpa ngamlakpa amadi aroiba phaoba eigi aningba apamsing touba makhoising aduda eina Ipadagi phangkhiba chap mannaba matik adumak pibigani: Makhoina yotki leingakchei paiduna phurupsinggi mathakta pannaba amasung leipakki chaphu thugaibagum makhoibu machet tana thugainanaba matik pibigani. Eina makhoida nongan sajiksu pibigani.
\p
\v 29 “Thawaina singlupsinggi maphamda haiba asi manakong panba mahak aduna tajasanu.” 
\c 3
\s1 Sardis-ki singlupta piba paojel
\p
\v 1 Sardis-ta leiba singlupki swargadut aduda iyu.
\p Masi Tengban Mapugi thawai taret amasung thawan michak taret leiba Ibungo mahakki waheisingni. Nahakna kari touribage haibadu ei khang-i; nahakna asiba oiraba phaobada nahak hingli haibagi ming ama lei haiba ei khang-i.
\p
\v 2 Maram aduna hougatlu, aduga nahakki houjik leijariba aduna pumsi sidringeigi mamangda panggal kankhathallu. Maramdi nahakna toukhibasing adu eigi Tengban Mapugi mityengda houjiksu mapung phadri haiba eina khang-i. 
\v 3 \x - \xo 3:3 \xo*\xt Mat 24:43,44; Luk 12:39,40; Phong 16:15\xt*\x*Maram aduna nangonda tambikhiba amadi nahakna takhrabasing adu ningsing-u, amasung madu illu aduga nahakki papsing adudagi pukning hong-u. Karigumba nahakna hougatrabadi, eina nangonda huranbagum lakkani amasung karamba matammda eina lakkadage haiba adu nahakna khangloi. 
\v 4 Adumakpu Sardis-ta makhoigi maphi mot-handaba mi khara nahakki lei. Makhoina angouba phijol settuna eiga loinana chatminnagani, maramdi makhoi matik chai. 
\v 5 \x - \xo 3:5 \xo*\xt Khong 32:32,33; Isei 69:28; Phong 20:12; Mat 10:32; Luk 12:8\xt*\x*Ngamlakpasing aduna asumna angouba phijol set-hanbigani amasung hingbagi lairiktagi makhoigi maming louthokloi. Ipagi amasung mahakki swargadutsinggi mamangda eina makhoibu eigi oibasingni haina phongna laothokkani.
\p
\v 6 Thawaina singlupsingda haiba asi manakong panba mahak aduna tajasanu.
\s1 Philadelphia singlupta piba paojel
\p
\v 7 \x - \xo 3:7 \xo*\xt Isa 22:22; Job 12:14\xt*\x*Philadelphia-da leiba singlupki swargadut aduda iyu:
\p Masi David-ki so pairiba, asengba amasung achumba oiriba Ibungo mahakki wasingni. Mahakna haangba adu kana amatana thingba ngamde aduga mahakna thingba adu kana amatana hangba ngamde. 
\v 8 Eina nahakki thabaksing adu khang-i; Yeng-u, eina nahakki maangda kananasu thingjinba ngamloidaba hangdoklaba thong ama thamli. Nahakki panggal khajikkhaktamak lei haiba ei khang-i, adumakpu nahakna eigi wasing ngakkhi amasung eigi mingbu yadaba toukhide. 
\v 9 \x - \xo 3:9 \xo*\xt Isa 49:23; 60:14; Isa 43:4\xt*\x*Aduga yeng-u, makhoi Jihudini haijaba adubu Jihudi nattaba minamba ngangba Satan-gi oiba kanglup adugidi, eina makhoibu lak-handuna nahakki khuyada khurumhangani. Aduga eina nahakpu nungsi haiba adu makhoina khanggani. 
\v 10 Eigi khaangheibagi yathang adu nahakna ngakkhibagi maramna malemda leiriba mi pumnamakpu changyengnaba taibangpanda lakkadaba khudongthiba matam adudagi eina nahakpu kansu kanbigani. 
\v 11 Ei thuna lakkadouri. Nahakki luhup adu mi kana amatana loukhidanaba nahakki leijariba adu chetna paiyu. 
\v 12 \x - \xo 3:12 \xo*\xt Phong 21:2; Isa 62:2; 65:15\xt*\x*Ngamlakpa makhoising adubu eigi Tengban Mapugi sangda yumbi oihangani, aduga makhoina keidounungda madubu thadokloi. Eina eigi Tengban Mapugi ming amadi eigi Tengban Mapugi swargadagi kumtharakkadaba eigi Tengban Mapugi sahar adugi ming haibadi anouba Jerusalem, haina makhoigi mathakta igani. Aduga eina eigi anouba ming adusu makhoida igani.
\p
\v 13 Tengban Mapugi Thawaina singlupsingda haiba asi manakong panba mahak aduna tajasanu.
\s1 Laodicea-gi singlupta piba paojel
\p
\v 14 Laodicea-da leiba singlupki swargadut aduda iyu:
\p Masi Amen kouba, Tengban Mapuna semkhraba pumnamkki hourakpham oiriba, thajaba yaba amasung achumba sakhi adugi waheisingni. 
\v 15 Nahakki thabak eina khang-i, madudi nahak ingsu ingde, sasu sade. Nahakna anigi marakta ama nattraga ama oiba eina pamjei. 
\v 16 Adubu nahakna ingsu ingdaba sasu sadaba lumbu lumbu saba oiba maramna eina nangbu eigi chindagi sittokani. 
\v 17 Nahakna hai, “Eidi inak khulli, marang kaiba lal lei, aduga eigi awatpa karisu leite.” Adubu nahak asi kayada laibak thiraba amadi nungsiningai oibage haibadu nahakna khangjade? Nahakti lairaba, phi thongdaba amadi mit tangbani. 
\v 18 Aduna nahakna inak khunnanaba eingondagi meida phudonglaba sana leinanaba, ikainingai oiraba phi thongdaba hakchang adubu kupsinnaba setnaba angouba phi amadi nahakna uba phangnabagidamak mitta hapnaba molom leinanaba eina nangonda paotak piri. 
\v 19 \x - \xo 3:19 \xo*\xt Heb 12:6\xt*\x*Eina nungsibasingbu eina chei amasung warak-i. Maram aduna thawai yaoba oiyu amasung pukning hong-u. 
\v 20 Yeng-u, eina thongda lepli amasung thong thilli, kanagumbana eigi khonjel taduna thong hanglabadi eina changduna mahakka chaminnagani, aduga mahakna eiga loinana chaminagani. 
\v 21 Eina ngamlaktuna Ipagi phambalda Ipaga phamminaba adugumna ngamlakpa mahak aduda eigi phambalda eihakka phamminnanaba matik eina pibigani.
\p
\v 22 Tengban Mapugi Thawaina singlupsinggi maphamda haiba wasing asi manakong panba mahak aduna tajasanu.
\c 4
\s1 Swargada thagat-khurumjaba
\p
\v 1 Masigi matungda eina yengbada eigi mangda swargada thong ama hangdoktuna leiba ure. Aduga eina hanna takhiba khonjel aduna peresinggagi khonjelgumna eingonda hairak-i, “Maphamsida ka-khatlak-u, aduga masigi matungda kari thokkadage haiba adu eina nangonda uhange.” 
\p
\v 2 \x - \xo 4:2,3\xo*\xt Eze 1:26-28; 10:1\xt*\x*Khudak aduda ei thawaida leirammi aduga eigi maangda swargada phambal amada kanagumba ama phamduna leirammi. 
\v 3 Mahakki maithong adu mamal yamlaba nung jasper amasung carneliangi masek mangalgummi, aduga emerald machugi chumthangna phambal adu koisilli. 
\v 4 Phambal adugi akoibada atei phambal kunmarina koisilli, aduga maduda angouba phijol setpa makokta sanagi luhup uppa ahal-laman kunmari phamlammi. 
\v 5 \x - \xo 4:5 \xo*\xt Khong 19:16; Phong 8:5; 11:19; 16:18; Eze 1:13; Phong 1:4; Zec 4:2\xt*\x*Phambal adudagi nongthang kuppagi khangal nganba mangalsing, nong khakpagi amadi nong khongbagi ahouba makhol thoraklammi. Phambal adugi mamangda meira taret chaklammi. Makhoising adu Tengban Mapugi thawai taretni. 
\v 6 \x - \xo 4:6,7 \xo*\xt Eze 1:22; Eze 1:5-10; 10:14\xt*\x*Phambal adugi mangda liklaigumna langba likligi samudragumba ama leirammi.
\p Phambal adugi akoibada, maikei khudingda, maning mamang mitna pumthan thanba thawaipanba mari leirammi.
\p
\v 7 Ahanba thawaipanba adu nongsa malli, anisuba aduna sal laba malli, ahumsuba aduna mioibagi saktam manba mamai palli aduga marisuba aduna apaiba eagle malli. 
\v 8 \x - \xo 4:8 \xo*\xt Eze 1:18; 10:12; Isa 6:2,3\xt*\x*Thawaipanba marimak masa taruk taruk palli aduga masasing adugi manungsu mapansu mamitna pumthan thalli. Amasung ahing nungthil animakta makhoina keidounungda isei sakpa lepte:
\q1 “Asengba, asengba, asengba, nahakti leiramba, leiriba amasung lenglakkadouriba,
\q2 Ingam ngamba Ibungo Tengban Mapuni.” 
\p
\v 9 Thawaipanba mari aduna phambal adugi mathakta phamliba lomba naidana hingliba Ibungo adugi matik mangalgi, ikai khumnabagi amadi thagatpagi isei saklammi. Amasung makhoina asumna touba matamda, 
\v 10 Ahal laman kunmari aduna phambaldugi mathakta phamliba Ibungo mahakki maangda tuthajaduna lomba naidana hingliba Ibungo mahakpu khurumjarammi. Makhoigi luhupsing adu phambaldugi mangda louthoktuna thamjaraga hai,
\q1
\v 11 “Eikhoigi Ibungo, eikhoigi Tengban Mapu!
\q2 Ibungo nahakti matik mangal, ikai khumnaba amasung panggal phangbada matik chabani.
\q1 Maramdi Ibungo nahakna pot pumnamakpu sembire,
\q2 Nahakki aningbadagi makhoibu oihanbire amasung sembire.” 
\c 5
\s1 Lairik makol amadi Yaomacha
\p
\v 1 \x - \xo 5:1 \xo*\xt Eze 2:9,10; Isa 29:11\xt*\x*Adudagi eina phambaldugi mathakta phamliba Ibungo mahakki khut yet thangbada lairik makol ama ure; lairik adu nakal animakta irammi amasung chum taret namlammi. 
\v 2 Aduga “Chum asi louthoktuna lairik makol asibu hangdokpada kana matik chabage?” haiduna matik leiraba swargadut amana ahouba khonjelda laothokpa eina urammi. 
\v 3 Adubu lairik makol adubu hangdoktuna manungda yengba ngamba kana amata swargada, malemda amasung malemgi makhadasu leiramde. 
\v 4 Lairik makol adubu hangdokpa nattraga manungda yengbada matik chaba kana amata phangdaba maramna eina thamoi sokna kaplammi. 
\v 5 \x - \xo 5:5 \xo*\xt Meihou 49:9; Isa 11:1,10\xt*\x*Adudagi ahal lamansing adugi maraktagi amana eingonda hairak-i, “Kapkanu. Yeng-u! Judah salaigi nongsa, David-ki matik leiraba chada naoda aduna langamle, amasung Ibungo mahakna chum taret adubu louthokpa amadi lairik makol adu hangdokpa ngamgani.” 
\p
\v 6 \x - \xo 5:6 \xo*\xt Isa 53:7; Zec 4:10\xt*\x*Adudagi phambal adugi mayaida Yaomacha ama thawaipanba mari amadi ahal-lamansing aduna koisinduna leptuna leiba eina ure. Yaomacha adu hatkhrabagumba amagum urammi. Yaomacha adugi machi taret amadi mamit taret pallammi, makhoi adu malemgi mapham sinba thungna thakhiba Tengban Mapugi thawai taretni. 
\v 7 Yaomacha aduna changsinduna phambalda phamliba Mahakki yet thangba khuttagi lairik makol adu lourammi. 
\v 8 \x - \xo 5:8 \xo*\xt Isei 141:2\xt*\x*Mahakna adumna touba matamda thawaipanba mari amasung ahal laman kunmari aduna Yaomacha adugi mangda tuthajare. Makhoi khudingmak bina amasung Tengban Mapugi misinggi haijabasing oiriba mengkrukna thallaba sanagi tenggot amamam leirammi. 
\v 9 \x - \xo 5:9 \xo*\xt Isei 33:3; 98:1; Isa 42:10\xt*\x*Makhoina anouba isei ama saklammi:
\q1 “Lairik makol adubu loubada amasung
\q2 chum adubu hangdokpada Ibungodi matik chabani.
\q1 Maramdi nahak hatlure
\q2 amasung nahakki eena salai khudingdagi, lol khudingdagi, mioi kanglup khudingdagi amadi phurup khudingdagi misingbu Tengban Mapugidamak leibire.
\q1
\v 10 \x - \xo 5:10 \xo*\xt Khong 19:6; Phong 1:6\xt*\x*Aduga eikhoigi Tengban Mapubu thougal tounaba makhoibu purohitsinggi ningthouleibak oihanbire,
\q2 Aduga makhoina malemda pangani.” 
\p
\v 11 \x - \xo 5:11 \xo*\xt Dan 7:10\xt*\x*Adudagi eina amuk yengbada, swargadut lising lising amadi lakha lakhana masing oiraba yamlaba swargadutsinggi khonjel eina tare! Makhoina phambal, thawaipanba mari amadi ahal lamansing adubu koisillammi. 
\v 12 Aduga makhoina khonjel houna hairak-i:
\q1 Hatluraba Yaomacha adu
\q2 matik, lanthum, lousing, panggal
\q2 ikai khumnaba, matik mangal amasung thagatpa phangbada matik chabani.
\m
\v 13 Aduga swargada, malemda, malemgi leironungda amadi samudrada leiba thawai panba khudingmakna isei sakpa eina tare:
\q1 Phambal aduda phamliba Ibungo mangonda amasung Yaomacha aduda,
\q2 thagatpa, ikai khumnaba, matik mangal amasung touba ngamba matik adu,
\q2 lomba naida naidana leiba oisanu.
\m
\v 14 Aduga thawaipanba mari aduna khumlak-i, “Amen” Amasung ahal lamansing aduna tuthajaduna khurumjarammi.
\c 6
\s1 Chum hangdokpa
\p
\v 1 Adudagi Yaomacha aduna chum taret adugi ahanba chum adu hangdokpa eina ure, aduga thawaipanba mari adugi maraktagi amana nong khakpagi makolgumna “Lak-u” haina haiba eina tare. 
\v 2 \x - \xo 6:2 \xo*\xt Zec 1:8; 6:3,6\xt*\x*Aduga eina yengbada, angouba sagol ama maphamduda leirammi. Sagol adugi mathakta tongliba mahak adu lirung ama pairammi, amasung mangonda luhup ama pirammi. Aduga mahakna langamba ama oina lanngamnaba thoudoraklammi.
\p
\v 3 Adudagi Yaomacha aduna anisuba chum adu hangdokpa matamda anisuba thawaipanba aduna asumna haiba eina tare “Lak-u!” 
\v 4 \x - \xo 6:4 \xo*\xt Zec 1:8; 6:2\xt*\x*Adudagi atoppa angangba sagol ama thorakle. Aduga sagol adubu thouriba mangonda malemdagi ingthaba louthoknaba amadi mising amaga amaga hattoknahannaba matik pirammi. Amasung mangonda achouba thangsang ama pire.
\p
\v 5 \x - \xo 6:5 \xo*\xt Zec 6:2,6\xt*\x*Adudagi Yaomacha aduna ahumsuba chum adu hangdokpa matamda ahumsuba thawaipanba aduna “Lak-u!” haina haiba adu eina tare. Aduga eina yengbada amuba sagol ama ure. Sagol adubu thouriba mahakki makhutta khal ama pairammi. 
\v 6 Amasung thawaipanba mari adugi maraktagi amagi manba khonjel amana haibadu eina tare, “Nongmagi khusuman gehu kilo ama\f + \fr 6:6 \fr*\ft Chaorakna pound animuk\ft*\f*, aduga nongmagi khusuman berley kilo ahum. Adubu thao amadi liduna thamlaba anggur mahi adudi manghanganu.” 
\p
\v 7 Yaomacha aduna marisuba chum adu hangdokpa matamda, marisuba thawaipanba aduna “Lak-u!” haina haiba eina tare. 
\v 8 \x - \xo 6:8 \xo*\xt Eze 14:21\xt*\x*Aduga eina yengbada, maksinba machugi sagol ama eina ure. Madugi mathakta tongliba mahak adugi maming adu asiba kou-i aduga khamnung leibakna mahakki tung nakna illammi. Malemgi saruk mari thokpagi amagi mathakta lalna, chaktangbana, laina laichatna, amadi lamsasingna hatnaba makhoigi mathakta matik pire.
\p
\v 9 Adudagi Yaomacha aduna mangasuba chum adu hangdokle. Tengban Mapugi pao sandokpagidamak amadi makhoigi sakhida thajaba yaba oibagi maramgidamak hatkhraba makhoigi thawaising adu latnapunggi makhada eina ure. 
\v 10 Makhoina khonjel wangna laoraduna hairak-i, “He asengba amadi achumba, ingam ngamba Ibungo! Kayam kuina malemda leiriba mising asibu Ibungona wayenbidaduna, eikhoibu hatpagi cheirak pibikhiroidabage?” 
\v 11 Makhoi khudingmakta angouba achonba phijol pibire; aduga makhoibu hatkhibagumna makhoiga minai oiminnabasing amasung christian oiminnabasing adubu masing suna hatpa loidriphaoba matam kharadang potthanaba makhoida hairammi.
\p
\v 12 \x - \xo 6:12 \xo*\xt Phong 11:13; 16:18; Isa 13:10; Mat 24:29; Mrk 13:24,25; Luk 21:25\xt*\x*Aduga Yaomacha aduna taruksuba chum adu hangdokpa eina urammi. Maduda akanba yuhar haba ama thoklammi amasung numitna sa-matuna saba amuba phigum musillaklammi, thana eegumna pumngang nganglaklammi. 
\v 13 \x - \xo 6:13,14 \xo*\xt Isa 34:4\xt*\x*Akanba nungsitna humbada heijing phadaba heiyitna kenbagum atiyagi thawanmichaksingna malemda taraklammi. 
\v 14 \x - \xo 6:14 \xo*\xt Phong 16:20\xt*\x*Atiyasu lairik makon konsinkhibagumna mangkhirammi, aduga chingjao amasung ithat pumnamaksu masagi maphamdagi lenglammi. 
\v 15 \x - \xo 6:15 \xo*\xt Isa 2:19\xt*\x*Adudagi malemgi ningthousing, leingakpasing, lanmigi makoksing, inakkhunbasing amasung matik leiba mising, amadi atoppa mi pumnamak, minai amadi maning tamba mi khudingna surungsingda amadi chingjaogi nungjaolakta lotle. 
\v 16 \x - \xo 6:16 \xo*\xt Hos 10:8; Luk 23:30\xt*\x*Aduga makhoina chingjaosing amadi nungjaosingda kouduna hairak-i, “Eikhoigi ithakta tabiduna phambal adugi mathakta phamliba Ibungo mahakki mittagi amasung Yaomacha adugi asaoba adudagi eikhoibu lotpiyu. 
\v 17 Maramdi makhoigi asaobagi tamthiraba numit adu thunglare, aduga madugi maiyokta kanana leppa ngamgani?” 
\c 7
\s1 144,000 bu chum namba
\p
\v 1 \x - \xo 7:1 \xo*\xt Jer 49:36; Dan 7:2; Zec 6:5\xt*\x*Masigi matungda kangphalda, samudrada amadi upal amatagi mathakta nungsit kari amata sittanaba maikei marigi nungsit adu thingduna swargadut marikhak malemgi chithek marida leptuna leiba eina ure. 
\v 2 Aduga atoppa swargadut amana ahingba Tengban Mapugi chum paiduna nongpok haram pangbadagi kakhatlakpa eina ure. Mahakna malem amasung samudrabu manghannaba Tengban Mapuna matik pikhraba swargadut maribu awangba khonjelda laoraduna hairak-i, 
\v 3 “\x - \xo 7:3 \xo*\xt Eze 9:4,6\xt*\x*Eikhoina eikhoigi Tengban Mapugi manaisingbu makhoigi maraibakta chum namba loidriba phaoba malembu, samudrabu amasung upalsingbu kari amata manghanganu.” 
\v 4 Adudagi chum namkhraba makhoigi masing adu lakh amaga lising niphu marini haiba eina tare: Makhoising adu Israel-gi salai taranithoidagi oirammi. 
\v 5-8 Judah, Reuben, Gad, Asher, Naphtali, Manasseh, Simeon, Levi, Issachar, Zebulun, Joseph, amasung Benjamin salaidagi haibadi salai khudingdagi lising taranithoi taranithoibu chum namlammi.
\s1 Masing lakngamdraba miyam
\p
\v 9 Masigi matungda, eina yengbada kana amatana masing thiba ngamlaroidraba masing lakngamdraba miyam ama ure! Makhoising adu mi kanglup khudingdagi, salai khudingdagi, phurup khudingdagi, amadi lol khudingdagi oirammi amasung angouba achonba phijol settuna amadi makhoigi makhutta thangtup masa paiduna phambal adugi amadi Yaomacha adugi mangda leplammi. 
\v 10 Aduga makhoina ahouba khonjelda laorak-i, “Aran-khubhamdi phambal adugi mathakta phamliba Tengban Mapu amadi Yaomacha adudagi lak-i!” 
\v 11 Aduga swargadut pumnamakna phambal adugi, ahal-lamansing amasung thawaipanba mari adugi akoibada leplammi. Adudagi makhoina phambal adugi mamangda mamai leikha tana tuthajaraga Tengban Mapubu khurumjaduna, 
\v 12 Hairak-i, “Amen! Thagat-khurumjaba, matik mangal, lousing, thagatchaba, ikai khumnaba, panggal, touba ngamba matik, lomba naidana naidana eikhoigi Tengban Mapugi oisanu! Amen!” 
\p
\v 13 Adudagi ahal-lamansinggi maraktagi amana eingonda hairak-i, “Angouba achonba phijol setliba makhoising asi kanano, aduga makhoi kadaidagi lakpano?” 
\p
\v 14 \x - \xo 7:14 \xo*\xt Dan 12:1; Mat 24:21; Mrk 13:19\xt*\x*Maduda eina khumlammi, “Ibungo, ei khangjade, nahaknadi khang-i.” 
\p Mahakna eingonda hairak-i, “Makhoising asi sathiraba awa ana adudagi thorakpa mising aduni; makhoina Yaomacha adugi ee-da makhoigi achonba phijolsing adu sudokchaduna ngouhanjarammi. 
\v 15 Makhoina Tengban Mapugi phambal mangda lepchaduna mahakki sanglenda ahing nungthil naidana Ibungobu thougal toujariba asi maram asinani. Phambal asida phamliba Ibungo mahakki loinabiba aduna makhoibu ngak senbigani. 
\v 16 \x - \xo 7:16 \xo*\xt Isa 49:10\xt*\x*Makhoina keidounungda amuk hanna aram khourangba leiraroi; aduga makhoibu numitna nattraga karigumba kallaba meisa amatana makhoibu chaktheklaroi. 
\v 17 \x - \xo 7:17\xo*\xt Isei 23:1,2; Eze 34:23; Isa 25:8; 49:10 \xt*\x*Maramdi phambal adugi mayaida leiriba Yaomacha aduna makhoigi senbiba mapu oigani amasung makhoibu mahakna ahingba piba isinggi iphut tanna chingbigani. Aduga Tengban Mapuna makhoigi mittagi pi khudingmak teithokpigani.” 
\c 8
\s1 Taretsuba chum
\p
\v 1 Aduga Yaomacha aduna taretsuba chum adu hangdokpa matamda, chaorakna pungkhai amarom swargada ichik chikna leirammi. 
\v 2 Adudagi Tengban Mapugi mangda swargadut taret leppa eina urammi, amasung makhoida peresingga taret pirammi.
\p
\v 3 \x - \xo 8:3 \xo*\xt Amos 9:1; Khong 30:1,3\xt*\x*Adudagi Sanagi kambi paiba atoppa swargadut amana latnapung aduda laktuna leplammi, aduga phambal adugi mangda leiriba sanagi latnapung aduda Tengban Mapugi mi pumnamakki haijaba aduga loinanana katnanaba mangonda mengkruk mayam ama pirammi. 
\v 4 Achakpa mengkrukki meikhu aduna swargadut adugi khuttagi Tengban Mapugi misinggi haijaba aduga loinana Tengban Mapugi mangda kakhatlammi. 
\v 5 \x - \xo 8:5 \xo*\xt Levi 16:12; Eze 10:2; Khong 19:16; Phong 11:19; 16:18\xt*\x* Adudagi swargadut aduna kambi adu louraga latnapung adudagi achakpa mei louduna maduda thanna haplaga malemda hunthare. Maduda nong khongba, nong khakpa, nongthang kuppagi khangngaal nganba mangalsing amasung yuhar haba thokle.
\s1 Peresingga khongba
\p
\v 6 Adudagi peresingga taret paiba swargadut taret aduna peresinggasing adubu khongnanaba thourang tourammi.
\p
\v 7 \x - \xo 8:7 \xo*\xt Khong 9:23-25; Eze 38:22\xt*\x*Ahanba swargadut aduna mahakki peresingga adu khongbada ee-ga yansinnaraba len amasung mei malemda heitharaklammi. Maduda malemgi saruk ahum thokpagi saruk ama, upal makheigi saruk ahum thokpagi saruk ama amadi napi asangba makhei chakthekle.
\p
\v 8 Adudagi anisuba swargadut aduna mahakki peresingga khonglammi amasung mei chaklaba chaoraba chingjaogumba karigumba ama samudrada hunthare. Aduga samudragi saruk ahumgi saruk ama ee ollakle, 
\v 9 amasung samudrada leiba thawai panbasinggi saruk ahumgi saruk ama sire, aduga hijaosinggi saruk ahum thokpagi saruk ama manghalle.
\p
\v 10 \x - \xo 8:10 \xo*\xt Isa 14:12\xt*\x*Adudagi ahumsuba swargadut aduna mahakki peresingga adu khonglammi; aduga meiragumna chakpa achouba thawanmichak ama turelsinggi saruk ahum thokpagi saruk amagi mathakta amasung ising iphutsinggi mathakta atiyadagi thadaraklammi. 
\v 11 \x - \xo 8:11 \xo*\xt Jer 9:15\xt*\x* (Thawanmichak adugi mamingdi “Akhaba” kourammi.) Maduna isinggi saruk ahumgi saruk ama akhaba ollakle, aduga akhaba ollaba ising adu thakpagi maramna mi mayam ama sirammi.
\p
\v 12 \x - \xo 8:12 \xo*\xt Isa 13:10; Eze 32:7\xt*\x*Adudagi marisuba swargadut aduna mahakki peresingga adu khongle aduga numitki saruk ahum thokpagi saruk ama, thagi saruk ahumgi saruk ama, amasung thawanmichaksinggi saruk ahumgi saruk amada yeirammi. Maduda makhoigi mangalgi saruk ahumgi ama mamle; aduga nungthilgi saruk ahumgi ama amadi numidanggi saruk ahumgi ama mangal leitre.
\p
\v 13 Adudagi eina yengbada, atiyada wangna pairiba eagle amana awangba khonjelna asumna haiba eina tare, “Awabanida, awabanida! Atoppa swargadut ahum aduna khonggadaba peresinggasing adugi makhol adu lakpa matamda malemda leiriba makhoi pumnamakkidamak kayada kiningai oigadaba!” 
\c 9
\p
\v 1 Adudagi mangasuba swargadut aduna mahakki peresingga adu khongle amasung atiyadagi thawanmichak ama malemda tarakpa eina ure. Aduga mangonda makha naidaba komgi sow pire. 
\v 2 \x - \xo 9:2 \xo*\xt Meihou 19:28\xt*\x*Thawanmichak aduna makha naidaba kom adu hangdokle amasung achouba meiphamdagi meikhu thorakpagum madudagi meikhu thorakle, aduga makha naidaba komdagi thorakliba meikhu aduna numit amadi atiyabu mamhalle. 
\v 3 \x - \xo 9:3 \xo*\xt Khong 10:12-15\xt*\x*Aduga meikhu adudagi koujengsing thoraktuna malemda tarakle, amasung brichikta leiba chap mannaba makhalgi panggal adu makhoida pire. 
\v 4 \x - \xo 9:4 \xo*\xt Eze 9:4\xt*\x*Aduga malemda leiriba napising, upalsing amadi pambi kari amatabu manghandanaba adubu maraibakta Tengban Mapugi chum nambagi khudam leitaba mising adukhaktabu manghannaba makhoida hairammi. 
\v 5 Mising asibu hatpadi koujengsing aduda yahallamde, adubu tha manga ot-neiba khakti yahallammi. Ot neiba aduna thokhanba cheina adu brichikki mamuna thinbagi cheina adugummi. 
\v 6 \x - \xo 9:6 \xo*\xt Job 3:21; Jer 8:3\xt*\x* Hairiba tha manga aduda makhoina sinanaba hotnagani, adubu makhoina ngamloi; makhoina sininggani adubu sibana makhoidagi chenthokkani.
\p
\v 7 \x - \xo 9:7 \xo*\xt Joel 2:4\xt*\x*Koujengsing adu lalgidamak thourang touraba sagolsing malli. Makhoigi makokta sanagi luhupkumba karigumba ama uppi, aduga makhoigi mamai adu migi mamaiga mannei. 
\v 8 \x - \xo 9:8 \xo*\xt Joel 1:6\xt*\x* Makhoigi masam adu nupigi masam malli, aduga makhoigi maya adu nongsagi maya malli. 
\v 9 \x - \xo 9:9 \xo*\xt Joel 2:5\xt*\x* Makhoigi mathabak adu yotki thabakkhang manba amana kuplammi, amasung makhoigi masagi makhol adu lanphamda chensilliba sagol mayam amadi sagol garigi ahouba khonjel malli. 
\v 10 Brichikkumna makhoigi mamu panba mameising palli aduga makhoigi mamei aduda misingbu tha manga nahanbagi panggal leirammi. 
\v 11 Makha naidaba kombu pannaba swargadut aduna makhoigi mathakta ningthou oina palli. Mahakki mamingdi Hebrew londa Abaddon kou-i; aduga Greek-tana Apollyon kou-i (wahandokti “Manghan takhanba mi” haibani).
\p
\v 12 Ahanba awaba adu houkhre; masigi matungda houjiksu lakkadaba awaba ani leiri.
\p
\v 13 \x - \xo 9:13 \xo*\xt Khong 30:1-3\xt*\x*Adudagi taruksuba swargadut aduna mahakki peresingga adu khongle, aduga Tengban Mapugi mangda leiriba sanagi latnapunggi machi mari adudagi thorakpa khonjel ama eina tare. 
\v 14 Khonjel aduna peresingga pairiba taruksuba swargadut aduda hairak-i, “Achouba turel Euphrates-ta punduna thamliba swargadut mari adu thadok-u!” 
\v 15 Aduga hairiba pungpham, numit, tha, amadi hairiba chahi asigidamak thourang touduna thamkhraba swargadut mari adubu mioiba pumnamakki saruk ahum thokpagi amabu hatnanaba thadoraklammi. 
\v 16 Amasung sagol lanmi masing adu eingonda hairammi aduga madu koti kun oirammi. 
\v 17 Aduga eingonda uhanbiba aduda eina sagolsing amasung madubu thouribasing adu urammi. Makhoigi meigumna nganglaba, sapphire-gumna higok oiba, amadi kantrukkumba napu machugi thabakkhangsing haplammi. Sagolsing adugi makok adu nongsagi makok malli, amasung makhoigi machindagi mei, meikhu amasung kantruk thoraklammi. 
\v 18 Mioibagi saruk ahum thokpagi saruk ama hairiba amang ata ahum haibadi sagolsing adugi machindagi thorakpa mei, meikhu amasung kantrukna hatlammi. 
\v 19 Maramdi sagolsing adugi panggal adu makhoigi machin amadi mameising aduda leirammi. Makhoigi mameising adu lilgi makokki saruk malli amasung makhoina madubu misingbu sokhanbada sijinnei.
\p
\v 20 \x - \xo 9:20 \xo*\xt Isei 115:4-7; 135:15-17; Dan 5:23\xt*\x*Amang atasing asina hatkhidaba leihouriba mising aduna makhoigi khutki oiba thabak adudagi pukning honglamde; makhoina sanana, lupana, pithraina, nungna amadi una saba, ubasu, tabasu amadi chatpasu ngamdaba lai phattabasingbu amasung lai murtising adubu khurumba toklamde. 
\v 21 Aduga makhoina makhoigi mihatpa, hidam yaidamba, nupa nupi lannaba, amasung huranbagi thabaksing adudagi pukning honglamde.
\c 10
\s1 Swargadut amasung lairik makol macha
\p
\v 1 Adudagi atoppa matik leiraba swargadut ama swargadagi kumtharakpa eina ure. Mahak leichilna phigum setli amasung makokta chumthang khalli; magi maithong adu numitkumna amasung makhong aduna meigi yumbigumna oirammi. 
\v 2 Mahakki makhutta hangdoklaba lairik makol macha ama leirammi. Mahakna mahakki makhong yet adu samudrada aduga oina kangphalda thamlammi. 
\v 3 Aduga nongsana khongbagumna mahakna awangba khonjelda laorammi. Mahakna laoraba matungda nong khakpa taretna ngangbaga loinana paokhum pirammi. 
\v 4 Nong khakpa taret aduna wa hek ngangbaga, eina isinnaba tourammi. Adubu swargadagi khonjel amana haiba eina tarammi, “Nong khakpa taretna hairiba adu aronba oina thammu, madu isinganu.” 
\p
\v 5 \x - \xo 10:5-7: \xo*\xt Khong 20:11; Aniwa 32:40; Dan 12:7; Amos 3:7\xt*\x*Adudagi samudra amasung kangphalgi mathakta lepliba swargadut aduna swargada yetthangba khut adu thanggatlammi. 
\v 6 Aduga swarga, malem, samudra amasung maduda leiriba pumnamakpu sembiba, lomba naidana hingliba Tengban Mapugi mingda wasakladuna hairak-i, “Amuk Panthararoi.” 
\v 7 Adubu taretsuba swargadut aduna magi peresinggadu khongba matamda, Tengban Mapuna mahakki manai, Tengban Mapugi wa phongdokpiba maichousingda laothokkhibagumna mahakki athuppa thourang adu thunghangani.
\p
\v 8 \x - \xo 10:8-10: \xo*\xt Eze 2:8–3:3\xt*\x*Adudagi eina takhiba swargadagi khonjel aduna amuk hanna eingonda hairak-i, “Chatlu aduga samudra amadi kangphalda lepliba swargadut adugi khutta pairiba hangdoklaba lairik makol adu lou.” 
\p
\v 9 Maduda eina swargadut adugi manakta chattuna, lairik makol macha adu eingonda pinaba hairammi. Mahakna eingonda hairak-i, “Masi lou aduga chao; masina nahakki chindadi khoihigumna thumgani adubu nahakki chakhaodadi asinba ongani.” 
\p
\v 10 Swargadut adugi khuttagi lairik makol macha adu louduna eina chare; madu eigi chindadi khoihigumna thumlammi. Adubu eina yotlaba matungda, eigi chakhaoda madu asinba onkhirammi. 
\v 11 Adudagi eingonda hairak-i, “Nahakna amuk hanna phurup kayagi, kanglup kayagi, lon kayagi amadi ningthou kayagi maramda Tengban Mapugi wa phongdokpa tare.” 
\c 11
\s1 Sakhi ani
\p
\v 1 \x - \xo 11:1 \xo*\xt Eze 40:3; Zec 2:1,2\xt*\x*Aduga lam-on chei manba chei ama eingonda piraduna hairak-i, “Chatlu aduga Mapugi sanglen amasung latnapung adu ollu, aduga sanglen manungda khurumlibasing adu masing thiyu. 
\v 2 \x - \xo 11:2 \xo*\xt Luk 21:24\xt*\x*Adubu sanglengi mapanthangba sumang adudi olluganu; maramdi madu Asengba Sahar adubu tha niphunithoini khongnetnagadaba atoppa phurupsingda pithokkhrabani. 
\v 3 Eina eigi sakhi anida matik pibigani aduga makhoina boragi phi setuna numit lising amaga chani humphu Tengban Mapugi wa phongdokkani.” 
\p
\v 4 \x - \xo 11:4 \xo*\xt Zec 4:3,11-14\xt*\x*Sakhi ani adu malemgi mapu Ibungogi mangda lepliba chorphon pambi ani amasung thaomei makhong ani aduni. 
\v 5 Kanagumbana makhoibu manghannaba hotnarabadi makhoigi machindagi mei thoraktuna makhoigi yeknabasing adubu manghangani; aduga matou asumna makhoibu manghannaba hotnaba khudingbu hattokkani. 
\v 6 \x - \xo 11:6 \xo*\xt 1 Ning 17:1; Khong 7:17-19; 1 Samu 4:8\xt*\x*Makhoina Tengban Mapugi wa phongdoklingei manungda nong chuhandanaba atiyabu thingba ngambagi matik makhoida lei; aduga isingbu ee olhanba ngambagi matik lei, amasung makhoina pamba matam khudingda malemda makhal khudinggi amang atak thokhanba ngambagi matiksu lei.
\p
\v 7 \x - \xo 11:7 \xo*\xt Dan 7:7; Phong 13:5-7; 17:8; Dan 7:21\xt*\x*Makhoina makhoigi sakhi piba loirabada, makha naidaba komdagi thorakpa sa aduna makhoigi maiyokta landagani. Amasung mahakna makhoibu maithiba piduna makhoibu hatkani. 
\v 8 \x - \xo 11:8 \xo*\xt Isa 1:9-10\xt*\x*Aduga makhoigi asiba hakchang adu makhoigi Ibungobu pang tingduna hatkhiba, achouba sahar adugi lambida taduna leigani. Hairiba sahar adugi nunggi oiba mamingdi Sodom amasung Egypt haina kou-i. 
\v 9 Phurup, salai, lon, amadi kanglup pumnamkki misingna makhoigi asiba hakchang adubu numit humniga makhai yenggani amasung makhoibu phumba yahalloi. 
\v 10 Makhoi ani asi sibagi maramna malemda leiba misingna haraogani. Makhoina harao tayamminnagani amasung amaga amaga khudolpot thanagani, maramdi Tengban Mapugi wa phongdokpiba maichou ani asina malemda awa ana kaya purakllammi. 
\v 11 \x - \xo 11:11 \xo*\xt Eze 37:10\xt*\x* Numit humniga makhai adugi matungda Tengban Mapudagi hingba pibiriba sor laktuna makhoida changkhi, aduga makhoi lepkhatlakkhi amasung makhoibu yengliba pumnamakna akiba pokkhi. 
\v 12 \x - \xo 11:12 \xo*\xt 2 Ning 2:11\xt*\x*Adudagi, swargadagi awangba khonjel amana makhoi anida haiba adu makhoina tare, “Mapham asida kakhatlak-u!” Aduga makhoigi yeknabasingna yengduna leiringeida makhoi ani leichil amada swarga kakhatkhre. 
\v 13 \x - \xo 11:13 \xo*\xt Phong 6:12; 16:18\xt*\x*Mikup adumaktada akanba yuhar haba thokle, maduda sahar adugi saruk tara thokpagi ama mang-tak-halle, aduga mi lising taret sire. Amasung hinghouribasing adu yamna kirammi aduga swargagi Tengban Mapugi matikpu thagatchakhi.
\p
\v 14 Anisuba awa ana adu lanthokkhre, adubu ahumsuba awa ana adu thuna lakkadouri!
\s1 Taretsuba peresingga
\p
\v 15 \x - \xo 11:15 \xo*\xt Khong 15:18; Dan 2:44; 7:14,27\xt*\x*Adudagi taretsuba swargadut aduna mahakki peresingga adu khongle, aduga swargada ahouba khonjelsingda hairak-i, “Taibangpanbagi ningthouleibak adu eikhoigi Ibungogi amadi mahakki Messiah-gi oirakle, aduga mahakna lomba naida naidana pangani” 
\v 16 Aduga Tengban Mapugi mangda makhoigi phambalda phamliba ahal laman kunmari aduna mamai leikha tana tuthajaraga Tengban Mapubu khurumjaraduna, 
\v 17 hairak-i:
\q1 “Oiriba amadi oiramba, Ingam ngamba Ibungo Tengban Mapu! Nahakpu eikhoina thagatchari,
\q1 Maramdi nahakna nahakki matik leiraba panggal adu loure,
\q2 aduga nahakna panba houre.
\q1
\v 18 \x - \xo 11:18 \xo*\xt Isei 2:5; 110:5; 115:13 \xt*\x*Atoppa phurupsing asaobana thalle,
\q2 Maramdi nahakki mei houna saobagi matam adu lakle,
\q2 Asibasingbu wayennabagi matam adu lakle.
\q1 Ibungo nahakki manai, Tengban Mapugi wa phongdokpibasing,
\q2 Amadi nahakki mi pumnamak, achou pisak naidana nahakpu ikaikhumnariba mi pumnamakpu
\q2 mana pigadaba matam adu lakle.
\q1 Malem asibu mang tak-hanba makhoising adubu manghangadaba matam adu lakle!” 
\p
\v 19 \x - \xo 11:19 \xo*\xt Phong 8:5; 16:18; 16:21\xt*\x*Adudagi swargada leiriba Tengban Mapugi Sanglen adu hangdoklammi, aduga sangdugi manungda Warepnabagi Upu adu ure. Amasung nongthang kuppagi khangal nganba mangal thokle, nong khongle amasung nong khakle, yuhar hare amasung len kanna tare.
\c 12
\s1 Nupi amadi Chinglai
\p
\v 1 Adudagi atiyada achouba amadi angakpa khudam ama thorakle. Nupi ama numitna phi oina setli, aduga thana makhong makhada lei amasung makokta thawanmichak taranithoigi luhup uppi. 
\v 2 Mahak mironbini, amasung angang unaramdaigi naoyek naothingi cheinana mahak laorammi.
\p
\v 3 \x - \xo 12:3 \xo*\xt Dan 7:7\xt*\x*Adudagi swargada atoppa angakpa khudam ama amuk thorakle. Mapham aduda makok taret amadi machi tara panba aduga makok khudinggi luhup amamam uppa chaokhraba angangba chinglai ama thorakle. 
\v 4 \x - \xo 12:4 \xo*\xt Dan 8:10\xt*\x*Mahakki mamei aduna thawanmichaksinggi saruk ahum thokpagi amabu atiyadagi kottuna malemda hunthare. Aduga angang adu hek pokpaga cha-thoknaba nupi adugi mamangda chinglai aduna leplammi. 
\v 5 \x - \xo 12:5 \xo*\xt Isa 66:7; Isei 2:9\xt*\x*Adudagi yotki leingak chei paiduna phurup khudinggi mathakta pangadaba machanupa ama mahakna poklammi. Aduga machanupa adu thunamak loukhiduna Tengban Mapu amasung Ibungo magi phambal mangda pukhatkhre. 
\v 6 Aduga Tengban Mapuna thourang toubikhraba mapham, mahakpu numit lising amaga chani humphu sennabigadaba lamjao aduda nupi adu chenkhirammi.
\p
\v 7 \x - \xo 12:7 \xo*\xt Dan 10:13,21; 12:1; Jude 9\xt*\x*Aduga swargada lal thokle. Michael amadi mahakki swargadutsingna chinglai adugi maiyokta lal soknare aduga chinglai amasung mahakki swargadutsingnasu handuna lal soknare. 
\v 8 Adubu chinglai adu maithire, aduga mahak amadi mahakki dutsing adu swargada amuk leiba yahandre. 
\v 9 \x - \xo 12:9 \xo*\xt Meihou 3:1; Luk 10:18\xt*\x*Chinglai achouba, Devil nattraga Satan haina kounaba taibangpanba apumbabu minamba mamangeigi lil adubu tanthokle. Mahakpu mahakki dutsingga loinana malemda hunthare.
\p
\v 10 \x - \xo 12:10 \xo*\xt Job 1:9-11; Zec 3:1\xt*\x*Adudagi swargada awangba khonjelda asumna haiba eina tare, “Houjikti Tengban Mapugi aran-khubham, panggal, Tengban Mapugi leibak amadi mahakki Christtagi matik adu lakle! Maramdi eikhoigi Tengban Mapugi mangda leptuna ahing nungthil eikhoigi ichil inaosingbu maral siramba mahak adu swargadagi hunthakhre. 
\v 11 Eikhoigi ichil inaosingna Yaomacha adugi eegi amadi makhoigi sakhigi wa adugi mapalna mahakpu ngamkhi: aduga makhoina siba phaoba makhoigi thawai thaba pammukhide. 
\v 12 Maram aduna swargada amasung maduda leiriba nakhoi pumnamak, haraojaro! Adubu malem amasung samudragidi awabanida! Maramdi Devil-na nakhoigi nanakta kumthakhre, aduga mahak mei houna saori maramdi mahakki matam khajik khakta ngaire haiba mahak khang-i.” 
\p
\v 13 Chinglai aduna mabu malemda hunthare haiba khanglaba matamda machanupa pokkhibi nupi adubu koitan tannaba hourammi. 
\v 14 \x - \xo 12:14 \xo*\xt Dan 7:25; 12:7\xt*\x*Nupi adubu chinglai aduna sok-hannaba touba adudagi saphanaba, mahakpu chahi ahum makhai senabigadaba lamjaoda leiba mahakki mapham aduda paiba ngamnanaba mangonda chaoraba eagle-gi masa ani pibire. 
\v 15 Adudagi nupi adubu ichaona chenthakhinaba nupi adugi tungda ising ichao ama chinglai adugi machindagi kamthoraklammi. 
\v 16 Adubu malemna nupi adubu pangbire; malemna machin kathoktuna chinglai adugi machindagi kamthorakpa ising adu yotsinkhre. 
\v 17 Chinglai aduna nupi adubu yamna saorammi aduga nupi adugi leihouriba chada naoda, Tengban Mapugi yathang ngakpa amadi Jisugi sakhi adu chetna pairiba makhoi pumnamak adugi maiyokta lan soknanaba chathokkhre. 
\v 18 Aduga chinglai aduna samudra mapanda leplammi.\f + \fr 12:18 \fr*\ft Menuscript kharada masi chapter 13 da yao-i. \ft*\f*
\c 13
\s1 Sa ani
\p
\v 1 \x - \xo 13:1 \xo*\xt Dan 7:3; Phong 17:3,7-12\xt*\x* Adudagi samudradagi sa ama thorakpa eina ure. Sa adugi machi tara amasung makok taret palli, machising khudinggi luhup amamam uppi, makoksing khudingda Tengban Mapubu thina ngangba ming amamam lei. 
\v 2 \x - \xo 13:2 \xo*\xt Dan 7:4-6\xt*\x*Eina uriba sa adu kabokkei malli, adubu makhong adu sawomgi makhong malli aduga machin aduna nongsagi machin malli. Chinglai aduna sa aduda magi panggal, phambal amasung, achouba matik adu pikhi. 
\v 3 Sa adugi makok amadi siba yana sokkhiba malli adubu siba yana sokpa adu phakhre. Taibangpan apumba angakpana thallammi aduga sa adugi matung illammi. 
\v 4 Mi pumnamakna chinglai adubu khurumlammi maramdi mahakna sa aduda mahakki matik pirammi. Makhoina sa adubusu khurumduna hai, “Sa asigumba kana leibage? Kanana mahakka maiyoknaba ngamgadage?” 
\p
\v 5 \x - \xo 13:5,6: \xo*\xt Dan 7:8,25; 11:36\xt*\x*Sa aduda napalgi wa ngangnaba amadi Tengban Mapubu thina ngangnaba chin pirammi amasung madugi matik adu tha niphunithoi sijinnanaba pirammi. 
\v 6 Mahakna Tengban Mapubu, Tengban Mapugi mingbu, Tengban Mapuna leiriba mapham adubu, amadi swargada leiriba makhoi pumnamakpu thina ngangba hourammi. 
\v 7 \x - \xo 13:7 \xo*\xt Dan 7:21\xt*\x*Tengban Mapugi asengba misinggi maiyokta lal hounaba amasung makhoibu maithiba pinaba sa aduda panggal pire. Aduga mangonda salai khuding, mioi kanglup khuding, lon khuding amasung phurup khudinggi mathakta matik pibire. 
\v 8 \x - \xo 13:8 \xo*\xt Isei 69:28\xt*\x*Hatkhraba Yaomacha adugi hingbagi lairikta taibangpan semdringeigi mamangda maming isinkhraba makhoikhak nattana, malemda hingliba mi pumnamakna mabu khurumgani.
\p
\v 9 Manakong panba mahak aduna tajasanu. 
\v 10 “\x - \xo 13:10 \xo*\xt Jer 15:2; 43:11\xt*\x*Lanpha oigadaba kanagumba aduna soidana lanpha oigani; thangsangna hatkadaba kanagumba adubu soidana thangsangna hatkani.” Masina haibadi Tengban Mapugi asengba misingna otpi neibibasing khaangheina khaanggani amasung thajabayaba oina leigani.
\p
\v 11 Adudagi atoppa sa ama malemdagi kakhatlakpa eina ure. Yaomachagi machi manba mahakki machi ani palli, aduga chinglaigumna wa ngang-i. 
\v 12 Mahakna ahanba sa adugi matik pumnamak adu magi mangda sijinnare. Aduga malem amasung maduda leiriba mi pumnamakpu mahakna ahanba sa haibadi siba yana sokpadagi phakhiba sa adubu namduna khurumhalle. 
\v 13 Anisuba sa asina achou achouba angakpa thabaksing tourami; mi pumnamakki mitmangda mahakna atiyadagi malemda mei tahallakkhi. 
\v 14 Aduga ahanba sa adugi mangda touba yahankhiba angakpa thabaksing adugi mapanna malemda leiriba mi pumnamakpu mahakna minamlammi. Aduga thangsangna sok-hankhraba houjiksu hingliba sa adubu ikai khumnabagi murti ama sananaba sa aduna makhoida hairammi. 
\v 15 Ahanba sa adugi murti adu wa ngangba ngamhanduna murti adubu khurummu yadaba makhoi pumnamakpu hatnaba ahanba sa adugi murtida ahingba sor pinabagi panggal anisuba sa aduda pire. 
\v 16 Sa aduna achou pisak, inak khunba amadi lairaba, minai amadi ningtamba naidana mi pumnamakta makhoi makhoigi khut yetta nattraga maraibakta khudam ama namduna thamhankhi. 
\v 17 Khudam asi haibadi sa adugi maming nattraga maming adugi mahut sinba masing adu yaodana mi kana amatana leiba amadi yonba yaramde.
\p
\v 18 Masida lousing matou tai. Wakhal taba makheising aduna sa adugi masing asigi wahanthok adu thisanu, maramdi masing asina mi amagi minggi mahut sillibani. Masing adudi 666 ni.
\c 14
\s1 Yaomacha amadi mi 144,000
\p
\v 1 \x - \xo 14:1 \xo*\xt Eze 9:4; Phong 7:3\xt*\x*Adudagi eina yengbada Zion chingda Yaomacha adu leppa eina ure; amasung mahakka loinanana mahakki ming amadi Mapagi ming maraibakta i-ba mi lakh amaga lising niphumari leirammi. 
\v 2 Aduga kanna chenthariba isinggi iraokhol amadi nong khakpagi ahouba makhol manba khonjel ama eina swargadagi tare. Eina tariba makhol adu bina khongbasingna makhoigi bina khongbagi makhol mallammi. 
\v 3 Phambal adugi mangda amadi thawaipanba mari amasung ahal lamansing adugi mangda makhoina anouba isei ama saklammi. Isei adu malemdagi handokpikhraba makhoi 1,44000 khak nattana kana amatana tamba ngamde. 
\v 4 Makhoising adu nupida masa mangthokchadriba nupasingni, maramdi makhoina masamakpu sengna thamjarammi. Makhoina Yaomacha aduna chatpa mapham khudingda tung injei. Makhoibu mioibasinggi maraktagi handokpire amasung Tengban Mapu amadi Yaomacha adugi maphamda ahanba mahei oina katchare. 
\v 5 \x - \xo 14:5 \xo*\xt Zep 3:13\xt*\x*Makhoigi machindagi minamba amata taba phangde; makhoidi amakpa leitabasingni.
\s1 Swargadut ahum
\p
\v 6 Adudagi eina malemda leiriba misingda, mi kanglup khuding, salai khuding, lol khuding amadi phurup khudingda laothoknaba aphaba paogi lomnaidaba paojelga loinana awangba atiyada pairiba atoppa swargadut ama eina ure. 
\v 7 Mahakna awangba khonjelda hairak-i, “Tengban Mapubu kiyu amasung Ibungoda matik mangal piyu, maramdi mahakki wayenbagi pungpham adu lakle. Swarga, malem, samudra amadi ising iphutpu sembiriba Ibungo mahakpu khurumjou.” 
\p
\v 8 \x - \xo 14:8 \xo*\xt Isa 21:9; Jer 51:8; Phong 18:2\xt*\x*Ahanba adugi matung illakliba anisuba swargadut amana hairak-i, “Mahak ture! Achouba Babylon adu ture! Mahakna mi pumnamakpu mahakki yu haibadi mahakki nupa nupi lannabagi mayai karaba yu adu pithaklammi!” 
\p
\v 9 Aduga ahumsuba swargadut amana ahanbagi ani adubu tung induna awangba khonjelda hairak-i, “Kanagumbana sa adubu amasung magi murti adubu khurumlaba, aduga makhoigi maraibakta nattraga makhutta madugi khudam phanglabadi, 
\v 10 \x - \xo 14:10 \xo*\xt Isa 51:17; Meihou 19:24; Eze 38:22\xt*\x*makhoinasu, Tengban Mapugi asaobagi yu haibadi mahakki mei houna saobagi tenggotta mapungphaba panggalga loinana heijinkhraba yu adu thakkani! Makhoina asengba swargadutsing amadi Yaomacha adugi mangda achakpa kantrukna thina wahangani. 
\v 11 \x - \xo 14:11 \xo*\xt Isa 34:10\xt*\x*Makhoida awaba piriba meigi meikhu adu lomba naida naidana mathakta kakhatkani. Aduga sa adubu amadi magi murti adubu khurumbasing amasung mahakki minggi khudam phangba makhoising adugi awaba adu ahing nungthil anida leppa nairoi.” 
\p
\v 12 Masina haibadi Tengban Mapugi yathang illiba amadi Jisuda thajabayaba oiriba Tengban Mapugi asengba misingna otpi neibibasing khaangheina khaanggani amasung thajaba yaba oina leigani.
\p
\v 13 Adudagi swargadagi khonjel amana asumna haiba eina tare, “Masi isillu: houjiktagi houna Ibungogi thougalgidamakta sibasing adu yaiphabani” 
\p Thawai aduna khumlak-i, “Asengbamakni, makhoina makhoigi kanna nomba adudagi potthaba phangjagani, maramdi makhoigi thougalgi mahei aduna makhoiga loinana chatminnei.” 
\s1 Taibangpan-gi lou khaoba
\p
\v 14 \x - \xo 14:14 \xo*\xt Dan 7:13\xt*\x*Adudagi eina yengkhibada, angouba leichil ama ure, aduga leichil adugi mathakta phamliba adu mioiba malli, makokta sanagi luhup uppi, makhutta athouba thangol ama pai. 
\v 15 \x - \xo 14:15 \xo*\xt Joel 3:13\xt*\x*Adudagi Mapugi sanglendagi atoppa swargadut ama thoraktuna leichil adugi mathakta phamliba aduda awangba khonjelda hairak-i, “Nahakki thanggol adu sijinnaduna khaoro, maramdi matam adu lakle; malem asi loknabagidamak mulle.” 
\v 16 Maduda leichil mathakta phamliba aduna malemda magi thanggol thaduna malembu khaore.
\p
\v 17 Madugi matungda swargada leiriba Mapugi sanglen adudagi atoppa swargadut ama thorakle, mahaksu athouba thanggol ama pairammi.
\p
\v 18 Aduga meigi mathakta matik leiba atoppa swargadut ama latnapung adudagi thoraklammi. Mahakna athouba thanggol paiba swargadut aduda awangba khonjelda laorak-i, “Nahakki athouba thanggol adu sijinnaduna malemgi anggur ingkholdagi anggursing adu kaklo, maramdi anggursing adu mulle!” 
\v 19 Maram aduna swargadut aduna magi thanggol adu malemda thaduna, anggur ingkholdagi angursing adu kaktuna, Tengban Mapugi meihouna saobagi anggur mahi sumpham aduda makhoibu hunjille. 
\v 20 \x - \xo 14:20 \xo*\xt Isa 63:3; Tengtha 1:15; Phong 19:15\xt*\x*Sahar adugi mapanda leiba anggur mahi sungphamda anggursing adu sumle; aduga anggur mahi sumpham adudagi thorakpa ee-na kilometre chahum sangba aduga metre animuk luba ising ichao oina chenthorakle.
\c 15
\s1 Swargadut taret amadi aroiba awa ana
\p
\v 1 Adudagi eina nongdon atiyada achouba amasung angakpa atoppa khudam ama ure. Swarga dut taret aduna aroiba oiriba awa ana taretka loinana leirammi, maramdi Tengban Mapugi mei houna saoba phongdokpa adu makhoising aduna aroiba oirammi.
\p
\v 2 Adudagi eina meiga yansinnaba likligi samudragumba ama ure. Aduga eina sa adubu, magi murtibu amasung mamingbu masingna mahut silliba mahakpu lanngamduna maipaklaba makhoising adubusu urammi. Makhoina Tengban Mapuna pibiba binasing paiduna likligi samudra adugi mapanda lepladuna, 
\v 3 \x - \xo 15:3 \xo*\xt Khong 15:1\xt*\x*Tengban Mapugi manai Moses-ki isei amasung Yao Macha adugi isei sakle:
\q1 “Ingam ngamba Ibungo Tengban Mapu,
\q2 Nahakki thabaksing adu kayada chaoraba amasung kayada ngakkhraba!
\q1 Phurupsinggi Ningthou,
\q2 Nahakki lambi adu wayel chummi amasung achumbani!
\q1
\v 4 \x - \xo 15:4 \xo*\xt Jer 10:7; Isei 86:9\xt*\x*Ibungo, nahakpu kanana kiroidage,
\q2 aduga kanana nahakki minglenbu matik mangal piroidage?
\q2 Maramdi Ibungo nahak khaktana asengbani.
\q1 Phurup pumnamakna laktuna,
\q2 Ibungo nahakki mangda khurumjagani,
\q2 Maramdi Ibungo nahakki achumba chatpagi thabaksing adu phongdokpikhre.” 
\p
\v 5 \x - \xo 15:5 \xo*\xt Khong 38:21\xt*\x*Madugi matungda, eina yengbada swargada leiriba sakhigi phisanggi asengba mapham adu hangdokpa eina ure. 
\v 6 Adudagi awa ana taret paiba swargadut taret aduna asengba arangba linengi phi setladuna amadi mathabakta sanagi khwangchet lakladuna Mapugi sanglen adudagi thoraklammi. 
\v 7 Thawaipanba mari adudagi amana swargadut taret aduda lomba naidana hingduna leiriba Tengban Mapugi meihouna saobana thallaba sanagi tenggot taret adu pirammi. 
\v 8 \x - \xo 15:8 \xo*\xt Khong 40:34; 1 Ning 8:10,11; 2 Mi 5:13,14; Isa 6:4\xt*\x*Tengban Mapugi matik mangal amasung panggaldagi thorakpa meikhuna Mapugi sanglen adu thallammi, aduga swargadut taret aduna purakkhiba awa ana taret aduna loidriphaoba kana amatana Mapugi sanglen aduda changba ngamlamde:
\c 16
\s1 Tengban Mapugi asaobagi tenggot taret
\p
\v 1 Adudagi Mapugi sanglendagi ahouba khonjel amana swargadut taret aduda asumna hairakpa eina tare: “Chatlu, aduga Tengban Mapugi asaobagi tenggot taret adu malemda heidok-u.” 
\p
\v 2 \x - \xo 16:2 \xo*\xt Khong 9:10\xt*\x*Ahanba swargadut aduna chatkhiduna magi tenggot adu malemda heithare. Maduna sa adugi khudam leiba amadi magi murti adubu khurumba misinggi mathakta kiningai oiraba amadi yamna naraba apat-apom thokhalle.
\p
\v 3 Adudagi anisuba swargadut aduna magi tenggot adu samudrada heithare. Maduda ising adu asiba migi eegum oirakle; aduga samudra manungda leiba ahingba thawaipanba pumnamak sire.
\p
\v 4 \x - \xo 16:4 \xo*\xt Khong 7:17-21; Isei 78:44\xt*\x*Adudagi ahumsuba swargadut aduna magi tenggot adu turelsingda amasung iphutsingda heithare, aduga ising adu ee ollakle. 
\v 5 Aduga isinggi mathakta matik leiba swargadut aduna haiba adu eina tare, “Oiriba amasung oiramba, O Asengba Ibungo, nahakna wayenkhraba wayelsing asi achumba wayelni. 
\v 6 Makhoina nahakki asengba misinggi amadi Tengban Mapugi wa phongdokpasinggi ee tahankhi, maram aduna nahakna makhoida thaknanaba ee pire. Makhoina phangbada matik chaba adu makhoina phangajre.” 
\v 7 Adudagi eina latnapung adudagi khonjel amana asumna hairakpa eina tare, “Ingam ngamba Ibungo Tengban Mapu, nahakki wayendi achumbani amasung wayel chumbani!” 
\p
\v 8 Adudagi marisuba swargadut aduna magi tenggot adu numitki mathakta heithare, aduga mahakki mei houraba meisa aduna misingbu chakthekhannaba mangonda yabire. 
\v 9 Akibagi masak oiraba meisa aduna makhoibu chakthekle, aduga makhoina awa anasing asigi mathakta matik leiriba tengban Mapugi mingbu makhoina thina ngangle. Adubu makhoina makhoigi papsing adudagi pukning hongkhide aduga mahakki matik mangalbu thagatpasu toukhide.
\p
\v 10 \x - \xo 16:10 \xo*\xt Khong 10:21\xt*\x*Adudagi mangasuba swargadut aduna magi tenggot adu sa adugi phambal mathakta heithare. Aduga sa adugi ningthou leibak adu amambana kupsinkhre, aduga mising aduna namanbana makhoigi marei chikkhaire, 
\v 11 aduga makhoigi cheina amadi makhoigi apat apom adugi maramna makhoina swargagi Tengban Mapubu thina cheire adubu makhoigi phattaba lambi adudagi makhoina pukning honglamde.
\p
\v 12 \x - \xo 16:12 \xo*\xt Isa 11:15\xt*\x*Adudagi taruksuba swargadut aduna magi tenggot adu achouba turel Euphrates-ta heithare. Aduga nongpoklomdagi lakpa ningthousing adugi lambi thourang tounabagidamak turel adu kangsinkhre. 
\v 13 Adudagi eina hangoi manba sengdaba thawai ahum urammi. Makhoising adu chinglai adugi machindagi, sa adugi machindagi amasung Tengban Mapugi wa takthoksinaba adugi machindagi thoraklammi. 
\v 14 Makhoising adu angakpa thabaksing touba lai phattabasing adugi thawaisingni. Ingam ngamba Tengban Mapugi achouba Numit adugi lanpham adugidamak ningthousingbu khomjinnaba thawai ahum asina taibangpanbagi ningthou pumnamakki manakta chatthok-i.
\p
\v 15 \x - \xo 16:15: \xo*\xt Mat 24:43-44; Luk 12:39-40; Phong 3:3\xt*\x*“Yeng-u, eina huranbagumna lakli! Maphi yaodana khoichat chattuna miyam mangda ikaiba nangdanaba mitseng khangduna amadi maphi sennajaduna leiba mahak adu yaiphabani.” 
\p
\v 16 \x - \xo 16:16: \xo*\xt 2 Ning 23:29; Zec 12:11\xt*\x*Adudagi thawaising aduna Hebrew londa Armageddon haina kouba mapham amada ningthousingbu punna khomjille.
\p
\v 17 Adudagi taretsuba swargadut aduna mahakki tenggot adu ahangba malangda heidokle, aduga Mapugi sanglengi phambal adudagi awangba khonjel ama thoraktuna hairak-i, “Madu loire!” 
\v 18 \x - \xo 16:18: \xo*\xt Phong 8:5; 11:13,19\xt*\x* Adudagi nongthang kuppagi khangal nganba mangal thokle, nong khongbagi amadi khakpagi akhak araona nille, amasung akanba yuhar haba thokle. Mioibana malemda hek leirakpadagi asumna yuhar haba amukta thokkhridri; masina pumnamaktagi tamthiba yuhar habani! 
\v 19 \x - \xo 16:19 \xo*\xt Isa 51:17\xt*\x*Achouba sahar adu saruk ahum thokna chekhaire, aduga leibak pumnamakki saharsing kinthare. Aduga Tengban Mapuna achouba Babylon-bu ningsingle amasung magi tenggottagi yu haibadi mahakki mei houna saobagi yu adu mangonda pithakle. 
\v 20 \x - \xo 16:20 \xo*\xt Phong 6:14\xt*\x*Ithak makheisu chingjao makheisu ngamnamak mangkhre. 
\v 21 \x - \xo 16:21: \xo*\xt Khong 9:23; Phong 11:19\xt*\x*Amamamna kilo yangkhei yangkheirom lumba chaora chaoraba len misinggi mathakta atiyadagi tarakle. Lengi awa ana adugi maramna makhoina Tengban Mapubu thina nganglammi, maramdi awa ana adu adukki matik sathirammi.
\c 17
\s1 Achouba oktabi
\p
\v 1 \x - \xo 17:1 \xo*\xt Jer 51:13\xt*\x*Adudagi tenggot taret paiba swargadut adugi maraktagi amana inakta laktuna hairak-i, “Laklo, achouba oktabi haibadi turel mayam amagi manakta sagatliba achouba sahar adugi mathakta karamna cheirak pigadage haibadu eina nangonda uhange. 
\v 2 \x - \xo 17:2 \xo*\xt Isa 23:17; Jer 51:7\xt*\x*Malemgi ningthousingna mahakka loinana nupa nupi lannabagi thabak toure, aduga mahakki nupa nupi lannabagi yuna malemda leiribasingbu ngaohalle.” 
\p
\v 3 \x - \xo 17:3 \xo*\xt Phong 13:1\xt*\x*Adudagi Thawaigi mapanna swargadut aduna eibu lamjaoda puthokle. Mapham aduda Tengban Mapubu thina ngangba mingna masa pumba thanna i-ba, makok taret amasung machi tara panba ngangsang ngangba sa amagi mathakta phamlibi nupi ama eina ure. 
\v 4 \x - \xo 17:4 \xo*\xt Jer 51:7\xt*\x*Nupi adu mangra machu amadi ngangsang ngangba phi setli, aduga sanagi leitengsing, mamal yamba nung amasung mani muktana leiteng-i. Mahakki makhutta tukkachaba thabaksing amadi magi nupa nupi lannabagi amotpana thanba sanagi tenggot ama pai. 
\v 5 Mahakki maraibakta athuppa wahanthok leiba ming ama irammi: “Achouba Babylon, malemgi oktabising amasung tukkachabasinggi mama.” 
\v 6 Aduga nupi aduna Tengban Mapugi asengba misinggi ee amasung Jisugi maramgidamak mathawai thakhrabasing adugi ee thaktuna ngaoba eina ure. Eina mabu ubada ei hainingai leitana ngaklammi.
\p
\v 7 Maduda swargadut aduna eingonda hanglak-i, “Karigidamak nangna ngaklibano?” Nupisigi amasung mana tongliba makok taret amadi machi tara panba sa asigi athuppa wahanthok adu ei nangonda haige. 
\v 8 \x - \xo 17:8 \xo*\xt Dan 7:7; Phong 11:7; Isei 69:28\xt*\x*Nangna uriba sa asi matam amada leirammi, adubu mahak houjikti leitre; adumakpu mahak makha naidaba kom adudagi amuk kakhatlakkadouri aduga mahakki mang-takphamda chatkani. Taibangpan semdringei mamangdagi hingbagi lairikta makhoigi ming isinkhidaba malemda leibasingna sa adubu uba matamda ngakkani, maramdi mahakna matam amada leirammi, houjikna leitre adumakpu amuk lakkadouri.
\p
\v 9 Masida lousing leiba amadi wakhal taba chang-i. Makok taret adu nupiduna phamliba ching taretni, makhoi adu ningthou taretsuni. 
\v 10 Makhoi mangadi tukhre, amana houjik phaoba leingakli, aduga atoppa amadi houjiksu laktri; mana lakpa matamda, mahakna matam kharadamak panba tai. 
\v 11 Aduga, matam amada leiramba adubu houjikti leitraba sa adu nipalsuba ningthou amani. Taret adugi manungdagi amani; aduga mahakna mahakki mangtakpa aduda chatli.
\p
\v 12 \x - \xo 17:12 \xo*\xt Dan 7:24\xt*\x*“Nahakna ukhiba machi tara adu houjik phaoba panba houdriba ningthou tarani, adubu makhoida pung amatang sa aduga loinana ningthou oina pannaba matik pigani. 
\v 13 Makhoi taramak chap mannaba pandam ama leirammi, aduga makhoigi panggal amasung matik adu makhoina sa aduda pire. 
\v 14 Makhoina Yaomacha adugi maiyokta lal soknagani adubu Yaomacha aduna, mahakki kouthokpikhrabasing, khandokpikhrabasing, amadi thajabayaba tung-inbasingga loinana makhoibu maithiba pigani maramdi mahakti mapusinggi Mapuni aduga ningthousinggi Ningthouni.” 
\p
\v 15 Adudagi swargadut aduna eingonda hairak-i, “Nahakna ukhiba oktabi aduna phamliba isingsing adu phurupsing, mising, mi kanglupsing amasung lolsingni. 
\v 16 Nahakna ukhiba machi tara, amadi sa aduna oktabi adubu yengthigani; makhoina mahakki areiba pumba louthokkani aduga mahakpu maphi thongdana thadokkani; makhoina magi sadong chagani amasung mahakpu meida manghangani. 
\v 17 Maramdi Tengban Mapugi wasing adu thungdriba phaoba makhoina sa aduda makhoigi leingakpagi matik adu pithokpada yanaduna Tengban Mapugi thourang adu pangthokhannaba makhoigi thamoida Tengban Mapuna masi happire.
\p
\v 18 “Nahakna uriba nupi adu malemgi ningthousinggi mathakta palliba achouba sahar aduni.” 
\c 18
\s1 Babylon tuba
\p
\v 1 Masigi matungda atoppa swargadut ama swargadagi kumtharakpa eina ure. Mahak matik yamna leirammi, amasung mahakki matik mangalna malem pumba ngallammi. 
\v 2 \x - \xo 18:2: \xo*\xt Isa 13:21; 21:9; Jer 50:39; 51:8; Phong 14:8\xt*\x* Aduga mahakna ahouba khonjelda laorak-i: “Mahak ture! Achouba Babylon ture! Mahak houjikti lai phattabasing amadi sengdaba thawaisinggi kaidongpham oire, aduga amotpa makhal pumnamakna amadi tukkachaningai oiraba ucheksingna mangonda leire. 
\v 3 \x - \xo 18:3 \xo*\xt Isa 23:17; Jer 51:7\xt*\x*Maramdi phurup pumnamakna mahakki yu haibadi mahakki nupa nupi lannabagi akanba yu adu thakle. Malemgi ningthousingna mahakka loinana nupa nupi lannabagi oktaba thabak toure, taibangpanbagi lalonbasingna mahakki laksinba ngamdraba nungainingbagi apamba adudagi inak khullakle.” 
\p
\v 4 \x - \xo 18:4 \xo*\xt Isa 48:20; Jer 50:8; 51:6,45\xt*\x* Adudagi eina swargadagi atoppa khonjel amana asumna haiba tare:
\q1 “Thoraklo, eigi misa, mangondagi thoraklo!
\q2 Nakhoina mahakki papka saruk phangminnadasanu;
\q2 Nakhoina mahakki cheirakta saruk phangminnadasanu!
\q1
\v 5 \x - \xo 18:5 \xo*\xt Meihou 18:20,21; Jer 51:9\xt*\x*Maramdi mahakki papsing adu swarga youna peikhatle,
\q2 Aduga Tengban Mapuna magi phattraba lambising adubu ningsingle.
\q1
\v 6 \x - \xo 18:6 \xo*\xt Isei 137:8; Jer 50:29\xt*\x*Mahakna pikhiba adumak mangondasu handuna piyu;
\q2 Mahakna toukhiba pumnamak adugi saruk ani mangonda hallu.
\q1 Mahakna nahakki thaknanaba thourang toukhiba adudagi,
\q2 saruk ani henna kanba thaknaba aduna mahakki tenggot adu thalhallu.
\q1
\v 7 \x - \xo 18:7,8 \xo*\xt Isa 47:7-9\xt*\x*Mahak masana masada matik mangal amadi ake amou pijakhiba adugumna,
\q2 adukki matik awaba amadi awa meichak mangonda piyu.
\q1 Maramdi mahakna mathamoida napal toujakhi,
\q1  ‘Eina maphamsida leimarembi oina phamli!
\q2 Eidi lukhrabi natte,
\q2 Eina keidounungda awaba khangloi!’ 
\q1
\v 8 Maram asimakna, mahakpu nongmakhaktada awa anasing asina yeithugani,
\q2 madudi laina laithung, awaba, amadi chak tangba nanggani.
\q1 Aduga mahakpu meida chakhangani,
\q2 maramdi mahakpu wayelliba Tengban Mapu Ibungo adu matik leibani.” 
\p
\v 9 \x - \xo 18:9,10 \xo*\xt Eze 26:16,17\xt*\x*Mahakka loinana nupa nupi lannabagi thabak touminnakhiba amadi mahakki ake amouda saruk phangminnakhiba malemgi ningthousingna mahakpu meina chakpagi meikhu adu uba matamda makhoina mahakkidamak kapkani amasung tengtha naowoigani. 
\v 10 Mahakki awa meichak aduda kiraduna makhoina lapna leptuna haigani: “Awabanida! Naphamda awabanida, achouba sahar, matik leiba Babylon sahar nahakti! Pung amakhakki manungda nahakki wayel adu lakle.” 
\p
\v 11 Malemgi lalonbasingsu magidamak kapkani amasung tengthagani, maramdi mi kana amatana makhoigi lalonpotsing adu makha tana leibidre; 
\v 12 Kana amatana makhoigi sana, lupa, mamal yamba nung, mani mukta, makhoigi mamal yamba linengi phising, mangra machugi phi, muga, ngangsang ngangba phi; atangba u makhal pumnamak, amadi samu mayana, mamal tangba u-na, pithrai, yot amadi marblena saba makhal khudingmakki potsing leibidre, 
\v 13 aduga usingsa, maru marang, mengkruk, myrrh amadi kunduru, yu, chorphongi thao, yam amadi gehu, sa-san amadi yao, sagol amadi sagol gari, minai oina yolliba mioibabu leibidre. 
\v 14 Lalonbasing aduna mangonda hai, “Nahakki oiba paamjaramba aphaba pot pumnamaksu mangkhre, amasung nahakki lanthum pumba amadi sumhatningai oina phajaba pumnamak mangkhre, aduga nahakna keidounungda makhoibu amuk hanna phangba ngamlaroi!” 
\v 15 Sahar aduda lalon itik touduna inak-khunba oikhraba lalonbasing aduna yamna lapna lepkani, maramdi makhoina mahakki awa ana khaangba adu saruk yaminnaba kirammi. Makhoina kapkani amasung tengthagani, 
\v 16 aduga haigani, Awabanida! Achouba sahar, nahakti awabanida, ananba linen phi, mangra machu amasung ngangsang ngangba phi setpi, amadi sanagi leitengsing, mamal yamba nung amasung mani muktana leitengbi! 
\v 17 Aduga pung amagi manungda lanthum pumnamaksing asi mahakna mangle!
\p Hi chingliba luchingba pumnamak amadi hi tonglibasing, hiroising amadi samudrada makhoigi hingnabagi sel talliba atei pumnamaksing aduna yamna lapna leplammi. 
\v 18 Aduga mahakpu meina chakpagi meikhu adu makhoina ubada, makhoina laorak-i, “Masigi achouba sahar asiga mannaba sahar ama keidoungeida leikhidri” 
\v 19 Makhoina makhoigi makokta uphul chaikhatkani, aduga kaptuna amadi tengthaduna haigani: “Awabanida! Nangdi awabanida, mahakki maran mathumgi mapanna samudrada leiriba higi mapu pumnamakna inak khunba oirakkhiba achouba sahar! Pung amagi manungda mahakti pumang mangledo!” 
\p
\v 20 Mahakki maramna haraojaro, he swarga! Haraojaro, Tengban Mapugi mising nakhoi! Haraojaro, pakhonchatpasing amadi Tengban Mapugi wa phongdokpasing! Maramdi mahakna nakhoida toukhiba wayel aduna Tengban Mapuna mahakpu wayelle!
\p
\v 21 Adudagi matik leiba swargadut amana achouba chakri nungmuk chaoba nungjao ama loukhatlaga samudrada langthaduna hairak-i, “Asigumba akanba saphu asiga loinana achouba sahar Babylon-bu hunthagani, aduga amuk hanna uba khak phanglaroi.” 
\v 22 \x - \xo 18:22: \xo*\xt Eze 26:13; Isa 24:8\xt*\x*\x - \xo 18:22-23: \xo*\xt Jer 7:34; 25:10\xt*\x* Nangondagi binagi khonjel, mioibagi khonjel, basi amadi peresingga khongbasinggi khonjel amuk hanna keidounungda tararoi. Sinpham amatadagi sinmi amata nangonda keidounungda amuk phanglaroi; aduga chakkrigi makhol amuk hanna taba phanglaroi! 
\v 23 Thaomeigi mangal amuk hanna keidounungda nangonda uba phanglaroi; nagondagi bor amadi keinyagi khonjel taba phanglaroi. Nahakki lalonbasingdi taibangpan apumbada khwaidagi henna matik leibasingni, aduga nahakki aranba hidam yaidamba adugi mapanna taibangpanbagi mi pumnamakpu lounam toukhi.
\p
\v 24 Babylon-bu cheirak pikhi maramdi Tengban Mapugi wa phongdokpasing amadi Tengban Mapugi misinggi ee sahar asida phangkhi; hoi, malemda hatkhiba makhoi pumnamkki ee aduni.
\c 19
\p
\v 1 Masigi matungda swargada yamlaba miyamgi ahouba khonjelgumba amana asumna haiba eina tare, “Halleluya! Aran-khubham, matik mangal amasung panggal eikhoigi Tengban Mapugini, 
\v 2 \x - \xo 19:2 \xo*\xt Aniwa 32:43; 2 Ning 9:7\xt*\x*Maramdi mahakki wayeldi achumbani amasung wayel chumbani! Mahakna nupa nupi lannabagi thabakna malembu mot-hankhibi oktabi adubu wayelle. Tengban Mapuna mahakki manaisinggi eegi laman mahakki mathakta khumbire.” 
\v 3 \x - \xo 19:3 \xo*\xt Isa 34:10\xt*\x*Aduga makhoina amuk hanna laorak-i: “Halleluya! Achouba sahar adu chakthekpagi meiridagi thorakpa meikhuna lomba naida naidana ka-khatli.” 
\v 4 Aduga phambal aduda phamliba Tengban Mapubu ahal laman kunmari amasung thawaipanba mari aduna tuthajaduna khurumjakhi. Makhoina haikhi, “Amen Halleluya.” 
\s1 Yaomacha luhongbagi chakkhangba
\p
\v 5 \x - \xo 19:5 \xo*\xt Isei 115:13\xt*\x*Adudagi phambal adudagi khonjel ama thoraktuna hairak-i, “Tengban Mapubu kina chatchaba, Ibungo mahakki manai pumnamak amadi mi pumnamak, amadi achou pisak pumnamak, eikhoigi Tengban Mapubu thagatlu.” 
\v 6 \x - \xo 19:6 \xo*\xt Eze 1:24; Isei 93:1; 97:1; 99:1\xt*\x*Adudagi yamlaba miyamgi khonjelgumba, ising chaibigi iraokholgumba amadi ahouba nong khakpagi makholgumba ama eina tare. Eina makhoina asumna haiba tare, “Halleluya! Maramdi eikhoigi Ibungo, ingam ngamba Tengban Mapuna palle. 
\v 7 Eikhoi haraosi amadi nungaisi; aduga mahakki matik magunbu thagatsi! Maramdi Yaomachagi luhongba adu lakle, amasung mahakki keinyana masana thourang touduna leire. 
\v 8 Arangba amadi ananba, phajaba linen phi mangonda setnaba pire.” (Phajaba linen phi asi Tengban Mapugi asengba misinggi aphaba thabaksingni.)
\p
\v 9 \x - \xo 19:9 \xo*\xt Mat 22:2,3\xt*\x*Adudagi swargadut aduna eingonda hairak-i, “Masi isillu: Yaomacha adugi luhongbagi chakkhangbagi chebao phanglabasing adu yaiphabani.” Aduga swargadut aduna makha tana hairak-i, “Wasing asi Tengban Mapugi asengba wani.” 
\p
\v 10 Eina mabu khurumjanaba magi khuyada tuthajarammi. Adubu mana eingonda hairak-i, “Adu touganu! Eidi nahakka loinana amadi Jisuna phongdokpiba achumba adubu pairiba nahakki thajaba ichil inao oiminnariba pumnamakka loinana manai oiminnajabani. Tengban Mapubu khurumjou!” 
\p Maramdi Jisugi sakhina Tengban Mapugi wa phongdokpagi thawaini.
\s1 Angouba sagol tongba
\p
\v 11 \x - \xo 19:11 \xo*\xt Eze 1:1; Isei 96:13; Isa 11:4\xt*\x*Adudagi eina swarga hangdokpa ure, amasung sagol angouba ama leire. Madubu thouriba adugi mamingdi Thajaba amadi Achumba kourammi. Achumba wayelga loinana mahakna wayelli amasung lal thengnei. 
\v 12 \x - \xo 19:12 \xo*\xt Dan 10:6\xt*\x*Mamit adu meigi meirigummi, aduga makokta luhup mayam ama uppi. Mahakki masada ayiba ming ama leirammi, adubu mahak masakhak nattana kana amatana madu karino haiba khangde. 
\v 13 Mahakna setliba achonba phijol adu ee-na luplammi. Mahakki mamingdi “Tengban Mapugi wahei” kourammi. 
\v 14 Swargagi lanmisingna angouba sagol tongduna amadi phajaba angouba ananba linen phi settuna mahakki matung illi. 
\v 15 \x - \xo 19:15 \xo*\xt Isei 2:9; Isa 63:3; Joel 3:13; Phong 14:20\xt*\x*Mahakki machindagi thouraba thangsang ama thorak-i, mahakna phurupsingbu maduna maithiba pigani. Mahakna yotki chei paiduna makhoigi mathakta pangani, aduga ingam ngamba Tengban Mapugi mei houna saobagi anggur mahi sungphamda netkani. 
\v 16 Mahakki achonba phijolda amadi pheiganda “Ningthousingi ningthou, mapusingi Mapu” haiba ming irammi.
\p
\v 17 \x - \xo 19:17,18 \xo*\xt Eze 39:17-20\xt*\x*Adudagi, swargadut amana korouhanbada leptuna leiba eina ure. Mahakna ahangba atiyada pairiba uchek pumnamakta ahouba khonjelda laorak-i: “Lak-u aduga Tengban Mapugi achouba chakkhangba adugidamak punsillu! 
\v 18 Lak-u aduga ningthousinggi sadong, lanmi makoksinggi sadong, lanmisinggi sadong, sagolsinggi amadi sagol thouribasinggi sadong, minai amadi ningtamba, achouba amadi macha naidana mi pumnamakki sadong charulao.” 
\p
\v 19 Adudagi sagol mathakta tongliba mahak amadi mahakki lanmisinggi maiyokta lan tounabagidamak sa adu amadi malemgi ningthousing amadi makhoigi lanmising punsinba adu eina ure. 
\v 20 \x - \xo 19:20: \xo*\xt Phong 13:1-18\xt*\x*Adubu sa aduga loinana mahakki mamangda angakpa thabak toukhiba Tengban Mapugi wa takthoksinaba mi aduga punna phare. (Mahakna sa adugi khudam leiba amadi sa adugi murtibu khurumba makhoising adubu minamkhiba adu angakpa thabaksing asigi mapannani.) Sa amadi Tengban Mapugi wa takthoksinnaba animakpu kantrukna chakliba meigi pat aduda hingna hunthare. 
\v 21 Makhoigi lanmising adubu sagol mathakta tongliba Ibungogi chindagi thorakpa thangsang aduna hatle aduga uchek pumnamakna makhoigi sadong adu makhoina ngamliba makhei chare.
\c 20
\s1 Chahi lising ama
\p
\v 1 Adudagi swargadut amana makha naidaba komgi so amasung chaoraba yotling phalang paiduna swargadagi kumtharakpa eina ure. 
\v 2 \x - \xo 20:2 \xo*\xt Meihou 3:1\xt*\x*Mahakna chinglai, haibadi mamangeigi lil, Devil nattraga Satan-bu phaduna chahi lising amagidamak punduna thamkhi. 
\v 3 Chahi lising amadu loidriba phaoba phurupsingbu amuk hanna minamba ngamdanaba swargadut aduna mahakpu makha naidaba komda hunjille aduga so lonsinduna chum namduna thamkhi. Madugi matungda mahakpu matam khradanggi oina thadokpa tai.
\p
\v 4 \x - \xo 20:4 \xo*\xt Dan 7:9,22\xt*\x*Adudagi eina phambalsing, aduga maduda phamlibasing aduda wayelnaba matik piba ure. Aduga Jisugi maramda makhoina sakhi piba amadi Tengban Mapugi wahei sandokpagidamak hatpikhraba makhoigi thawaising adusu eina ure. Makhoina sa adubu amadi mahakki murtibu khurumkhide aduga makhoigi maraibakta amadi makhutta sa adugi khudam adu phangkhide. Makhoidu amuk hinggatlakle aduga ningthou oina Christtaga loinanana chahi lising ama panminnare. 
\v 5 (Lemhouriba atei asibasing adudi chahi lising ama adu loidriba phaoba hingatte.) Masi ahanba hinggatpa aduni. 
\v 6 Ahanba hinggatpa aduda yaohoubasing adu asengbani amasung yaiphabani. Anisuba siba aduna makhoigi mathakta matik leite; makhoidi Tengban Mapugi amasung Christtagi purohitsing oigani, aduga makhoina Christtaga loinana chahi lising ama panminnagani.
\s1 Satan-bu maithiba piba
\p
\v 7 Chahi lising ama adu loiraba matungda Satan-bu mahakki keisumsangdagi thadokkani, 
\v 8 \x - \xo 20:8 \xo*\xt Eze 7:2; 38:2,9,15\xt*\x*aduga mahakna taibangpan pumbada chaithokkhraba phurupsing, haibadi Gog amadi Magog-pu minamnaba chatkhokani. Aduga Satan-na makhoi pumnamakpu lalgidamak khomjingani. Makhoigi masingdi samudra mapangi leingoigum oigani. 
\v 9 Makhoina malem pumba sandokle aduga Tengban Mapugi machasinggi punpham adubu amadi magi nungsiraba sahar adubu koisille. Adubu swargadagi mei taraktuna makhoibu manghalle. 
\v 10 Adudagi makhoibu minamkhiba Devil adubu sa amadi Tengban Mapugi wa takthoksinaba adubu hanna hunthakhraba mei amadi kantrukki pat aduda hunthare; aduga makhoibu ahing nungthil lomba naida naidana awa meichak khanghangani.
\s1 Aroiba wayel
\p
\v 11 \x - \xo 20:11,12 \xo*\xt Dan 7:9,10\xt*\x*Adudagi achouba angouba phambal ama amadi maduda phamliba Ibungo mahakpu eina ure. Malem amadi swargana magi mangdagi chenthokle aduga amuk ukhidre. 
\v 12 Aduga eina asibasing, achou pihak naidana phambal adugi mangda leppa eina ure. Lairiksing adu hangdokle, aduga atoppa lairik ama haibadi hingbagi lairik adu hangdokle. Aduga asibasing adubu lairik aduda isinduna thamkhraba makhoina toukhiba thabak adugi matung-inna wayelle. 
\v 13 Adudagi samudrana magi manungda leiriba asibasingbu pithokle. Aduga siba amadi khamnung leibaknasu makhoigi manungda leiriba asibasingbu pithokle. Amasung makhoi pumnamakpu makhoi makhoina toukhiba thabakki matung-inna wayelle. 
\v 14 Adudagi siba amadi khamnung leibakpu meigi pat manungda langsille. Meigi pat asi anisuba siba aduni. 
\v 15 Hingbagi lairikta makhoigi ming isinba phangdaba makhoising adubu meigi pat aduda hunjille.
\c 21
\s1 Anouba swarga amadi anouba malem
\p
\v 1 \x - \xo 21:1 \xo*\xt Isa 65:17; 66:22; 2 Pet 3:13\xt*\x*Adudagi eina anouba swarga anouba malem ama ure. Ahanbagi swarga amadi malem adu mangkhre aduga samudra amuk leitre. 
\v 2 \x - \xo 21:2 \xo*\xt Isa 52:1; Phong 3:12; Isa 61:10\xt*\x*Aduga Asengba Sahar, anouba Jerusalem aduna mahakki mapuroibagidamak ningthina set chaduna thourang tourabi keinya amagum Tengban Mapugi swargadagi kumtharakpa eina ure. 
\v 3 \x - \xo 21:3 \xo*\xt Eze 37:27; Levi 26:11,12\xt*\x*Amasung phambal adudagi ahouba khonjel amana asumna hairakpa eina tare, “Yeng-u! Tengban Mapugi leipham adu houjikti misinggi marakta leirare, aduga Ibungo mahakna makhoiga leiminnagani. Makhoi Ibungo magi mising oigani, aduga Tengban Mapu masamakna makhoiga leiminnagani aduga mahak makhoigi Tengban Mapu oigani. 
\v 4 \x - \xo 21:4 \xo*\xt Isa 25:8; 35:10; 65:19\xt*\x*Ibungo mahakna makhoigi mittagi pirang pumba teithokpigani. Amuk hanna siba, awaba, kappa amadi naba leiraroi, maramdi ariba potsing lanthokkhre.” 
\p
\v 5 Adudagi phambal aduda phamliba Ibungona haikhi, “Aduga houjik eina pot pumnamak inou nouna semle!” Aduga mahakna asimasu eingonda hairak-i, “Masi isillu, maramdi masigi waheising asi achumbani amadi thajaba yabani.” 
\v 6 \x - \xo 21:6 \xo*\xt Isa 55:1\xt*\x*Aduga mahakna eingonda hairak-i, “Pumnamak loire! Eidi Alpha amasung Omega, ahouba amasung aroiba aduni. Eina khouranglaba mahak aduda hingbagi ising iphut adudagi ising eina lemna pigani. 
\v 7 \x - \xo 21:7 \xo*\xt 2 Samu 7:14; Isei 89:26,27\xt*\x*Langamlaba makhoising aduna masi eingondagi phangjagani: Eina makhoigi Tengban Mapu oigani aduga makhoina eigi ichasing oigani. 
\v 8 Adubu pangdabasing, thajadabasing, tukkachaningai oibasing, mihatpasing, nupa nupi lannabasing, hidam yaidambagi thabak toubasing, lai murti latpasing amasung chinthiba pumnamakki panthungdi achakpa kantrukki meigi pat aduda oigani. Masi anisuba siba aduni.” 
\s1 Anouba Jerusalem
\p
\v 9 Aduga akonbagi awa ana taretna thanba tenggot taret paiba swargadut taret adugi maraktagi amana inakta laktuna hairak-i, “Lak-u, Yaomacha adugi nupi, keinya adu ei nangonda uhange.” 
\v 10 \x - \xo 21:10 \xo*\xt Eze 40:2\xt*\x*Thawai aduna eibu khudum challaduna, swargadut aduna yamna wangkhraba chingjao amagi matonda eibu pukhatle. Aduga Tengban Mapugi swargadagi kumtharakpa, Asengba Sahar Jerusalem-bu mahakna eingonda uhalle. 
\v 11 Madu Tengban Mapugi matik mangalna ngallammi. Sahar adu mamal yamba nung, liklaigumna senglaba jasper nungum ngallammi. 
\v 12 \x - \xo 21:12,13 \xo*\xt Eze 48:30-35\xt*\x*Sahar adugi achouba, awangba chekpal amadi changpham thongjao taranithoi leirammi, aduga panthongsing adubu pannaba swargadut taranithoisu leirammi. Aduga panthongsing aduda Israel machasinggi salai taranithoigi mingsing irammi. 
\v 13 Maikei khudingda panthong ahum ahum: nongpokta ahum, khada ahum, awangda ahum amadi nongchupta ahum leirammi. 
\v 14 Aduga sahargi chekpal adugi yumpham taranithoi leirammi, amasung maduda Yaomacha adugi pakhonchatpa taranithoigi maming leirammi. 
\v 15 \x - \xo 21:15 \xo*\xt Eze 40:3\xt*\x*Sahar adu amadi madugi panthong amasung chekpal adu onnaba sanagi lam-on chei ama eingonda wa ngangkhiba swargadut aduda leirammi. 
\v 16 Sahar adu marak mayung animakta mapungphana chithek nairammi. Swargadut aduna mahakki lam-on chei aduna onthokle: Madu kilometre 2,400 sang-i aduga marak mayung amasung awangba adu chap mannana sang-i. 
\v 17 Swargadut aduna chekpal adubusu mioibagi lam onbagi chang sijinnaduna ollammi, aduga madu metre humphu tharammi. 
\v 18 \x - \xo 21:18-21 \xo*\xt Isa 54:11,12\xt*\x* Chekpal adu Jasper nungna sabani, aduga sahar adumakna mingselgumna senglaba asengba sanana sabani. 
\v 19 Sahargi chekpalgi yumpham adu mamal tanglaba makhal pumnamakki nungna leitenglammi. Ahanbagi yumbi makhong adu jasper nungni, anisuba aduna sapphire, ahumsuba aduna agate, marisuba aduna emerald, 
\v 20 mangasuba aduna onyx, taruksuba aduna carnelian, taretsuba aduna hangammapal machugi quartz, nipalsuba aduna beryl, mapalsuba aduna topaz, tarasuba aduna chalcedony, taramathoisuba aduna turquoise, aduga taranithoisuba aduna amethyst-ni. 
\v 21 Panthong taranithoi aduna mani mukta taranithoi oirammi, panthong khudingmak mani mukta amamamna sembani. Sahar adugi lambi adu likligumna manung phaona uba asengba sanana oirammi.
\p
\v 22 Sahar aduda eina Mapugi sanglen uba phanglamde, maramdi sahar adugi Mapugi sanglen adu ingam ngamba Ibungo Tengban Mapu amadi Yaomacha aduna oirammi. 
\v 23 \x - \xo 21:23 \xo*\xt Isa 60:19,20\xt*\x*Sahar aduda ngannanabagidamak numitsu thasu mathou taramde, maramdi Tengban Mapugi matik mangalna maduda ngallammi, aduga Yaomacha aduna madugi thaomei oirammi. 
\v 24 \x - \xo 21:24 \xo*\xt Isa 60:3\xt*\x*Aduga kanbiba phangkhraba phurupsing aduna madugi mangalgi mapalna chatkani, aduga malemgi ningthousingna makhoigi matik mangal amadi ikaikhumnaba maduda purakkani. 
\v 25 \x - \xo 21:25,26 \xo*\xt Isa 60:11\xt*\x*Sahar adugi panthongsing adu numit chuppa hanggani, madu keidounungda thingloi, maramdi maduda ahing leiraroi. 
\v 26 Aduga phurupsinggi matik mangal amadi ikaikhumnaba adu maduda purakkani. 
\v 27 \x - \xo 21:27 \xo*\xt Isa 52:1; Eze 44:9\xt*\x*Adubu sengdaba amata sahar aduda changloi, aduga ikainingai oiba thabak touba nattraga minamba ngangba kana amata maduda changloi, adubu Yaomacha adugi hingbagi lairikta maming isinkhraba makhoina sahar aduda changgani.
\c 22
\p
\v 1 \x - \xo 22:1 \xo*\xt Eze 47:1; Zec 14:8\xt*\x*Adudagi swargadut aduna Tengban Mapugi amadi Yaomacha adugi phambaldagi chentharakpa liklaigumna langlaba hingbagi isinggi turel adu eingonda uhalle. 
\v 2 \x - \xo 22:2 \xo*\xt Meihou 2:9; Eze 47:12\xt*\x*Madu sahar adugi lambi mayaida chellammi. Aduga turel adugi nakal animakta hingbagi upal adu hourammi. Upal adu tha khudinggi amurak, chahi amada taranithoirak mahei palli; aduga madugi manasing adu phurupsinggi anaba phahannabagidamak oirammi. 
\v 3 \x - \xo 22:3 \xo*\xt Zec 14:11\xt*\x*Sahar aduda sirap amata amuk hanna leiraroi.
\p Mapham aduda Tengban Mapu amasung Yaomacha adugi phambal leigani aduga Ibungogi manaisingna Ibungobu thouganjagani. 
\v 4 Makhoina Ibungogi maithong ujagani, aduga makhoigi maraibakta Ibungogi ming leigani. 
\v 5 \x - \xo 22:5 \xo*\xt Isa 60:19; Dan 7:18\xt*\x*Mapham aduda ahing amuk leiraroi, aduga makhoina thaomei amasung numitki mangalsu mathou tararoi, maramdi Ibungo Tengban Mapuna makhoigi mangal oigani; aduga makhoina ningthougumna lomba naida naidana pangani.
\s1 Jisu lenglakpa
\p
\v 6 Adudagi swargadut aduna eingonda hairak-i, “Wasing asi achumba amasung thajaba yabani. Aduga Tengban Mapugi wa phongdokpiba maichousingda mahakki Thawaibu pibikhiba Ibungo Tengban Mapu aduna, thuna thoklagadabasing adu mahakki manaisingda utnanaba mahakki swargadut thakhi.” 
\p
\v 7 Jisuna hai, “Yeng-u! Eina thuna lakkadouri! Lairik asida iriba phongdokpiba wa asi ngakna chatchaba mahak adu yaiphabani.” 
\p
\v 8 John, eina masi pumnamaksing asi tare amasung ure. Aduga eina masising asi taba amasung uba loirabada, masibu eingonda utpikhiba swargadut adugi khuyada khurumjanabagidamak eina tuthajarammi. 
\v 9 Adubu mahakna eingonda haikhi, “Adu touganu, eidi nahakka, nahakki nachin nanaosingga amadi Tengban Mapugi wa phongdokpiba amasung lairik asigi wa inba makhoi pumnamaksing aduga loinana manai oiminnajabani. Tengban Mapubu khurumjou.” 
\v 10 Aduga mahakna eingonda haikhi, “Lairik asigi phongdokpiba wasing asi athupa oina thamganu, maramdi pumnamaksing asi thokkadaba matam adu naksillakle. 
\v 11 \x - \xo 22:11 \xo*\xt Dan 12:10\xt*\x*Phattaba mahak aduna phattaba adu adum tousanu; amotpa mahak aduna amotpa oina adum leisanu; aphaba mahak aduna aphaba adumak tousanu aduga asengba mahak aduna asengba oina adumak leisanu.” 
\p
\v 12 \x - \xo 22:12 \xo*\xt Isa 40:10; 62:11; Isei 28:4; Isa 40:10; Jer 17:10\xt*\x*Jisuna hai, “Yeng-u, ei thuna lakkadouri! Mi khudingda mana mana toukhiba thabak adugi matung-inna mana pinanaba eina eigi mana adu purakkani. 
\v 13 \x - \xo 22:13 \xo*\xt Phong 1:8; 1:17; 2:8; Isa 44:6; 48:12\xt*\x*Eidi Alpha amadi Omega, ahanba amasung akonba, ahouba amasung aroiba aduni.” 
\p
\v 14 \x - \xo 22:14 \xo*\xt Meihou 2:9; 3:22\xt*\x* “Makhoigi maphi sengna sudokchabasing adu yaiphabani, aduga asumna makhoina ahingba upal adudagi mahei chanaba aduga panthongsing adu phaoduna sahar manungda changnabagi matik leigani. 
\v 15 Adubu sahar adugi mapanda huising, hidam yaidambagi thabak toubasing, nupa nupi lannabasing, mihatpasing, lai murti latpasing, aduga minamba pamjabasing amadi minamba ngangbasing leigani.” 
\p
\v 16 \x - \xo 22:16 \xo*\xt Isa 11:1,10\xt*\x*“Jisu eina singlupsingda sakhising asi nakhoida laothoknaba eigi swargadut thare. Eidi David-ki imunggi chada naodani, eidi ayukki arangba thawanmichak aduni.” 
\p
\v 17 \x - \xo 22:17 \xo*\xt Isa 55:1\xt*\x*Thawai amasung keinya aduna hai, “Lak-u.” 
\p Aduga masibu tariba pumnamaknasu haisanu, “Lak-u!” 
\p Lak-u, khouranglaba khudingmak amadi hingbagi ising asibu pamjaba mahak aduna masibu khudolpot ama oina lousanu.
\s1 Aroiba wa
\p
\v 18 \x - \xo 22:18,19 \xo*\xt Aniwa 4:2; 12:32\xt*\x*John eihakna lairik asigi phongdokpiba wasing asibu taba pumnamakta cheksin wa asi hairi: Kanagumbana wasing asida karigumba khara hapchillabadi, Tengban Mapuna lairik asida hairiba awa ana adu hairiba mi adugi cheirakta hapchinbigani. 
\v 19 Kanagumbana lairik asigi phongdokpiba wasing asidagi karigumba ama louthoklabadi, makhoina sharuk phanggadaba, lairik asida iriba hingbagi upalgi mahei amasung Asengba Sahargi saruk adu Tengban Mapuna makhoidagi louthokkani.
\p
\v 20 Masi pumnamaksing asida mahakki sakhi piriba Ibungo mahakna hai, “Achumbamakni, ei thuna lakkadouri.” 
\p Amen. Lengbirak-u, Ibungo Jisu.
\p
\v 21 Ibungo Jisugi thoujalna nakhoi pumnamakki mathakta loinabiba oisanu.