\id 2TI Meitei: Roman Script 1st Translation
\ide UTF-8
\ide Unicode (UTF8)
\h 2 Timothy
\toc1 TIMOTHY-DA I-ba Paul-gi Anisuba Chithi
\toc2 2 Timothy
\toc3 2 Tim
\mt1 TIMOTHY-DA
\mt2 I-ba Paul-gi Anisuba Chithi
\imt1 Wahoudok
\ip 2 Timothy asi Paul-na mahakki tung-inba Timothy-da i-ba anisuba chithini. 2 Timothy asi Paul-gi punsi loiramdaida ibani. Matam asida mahak Rome-da phadok taduna leibani (2 Timothy 1:16). Paul-ga Timothy-ga naknaba mari leirammi, mahakna Timothy-bu ichanupa haina kayarak palli (Philippians 2:22; 1 Timothy 1:2, 1:18).
\ip Chithi asi Paul-na singlupta nattaduna misak amada i-ba chithi marigi manungda amani. Atoppa chithi ahumdudi 1 Timothy, Titus amasung Philemon-ni. 2 Timothy i-ba matam aduda Rome-gi ningthourenna panba lamsingda Christian-singbu ot-neirammi. Paul-na keisumsangda leiba amadi mahakna Timothy-da awa ana khaangnaba paotak piba adu masigi maramna oiba yai. 1 Timothy-da i-khibagumna lanna tambibasinggi maramda cheksin wasing piri (1 Timothy 1:16-18). Khudong thiba matamsing thengnarakkani hainasu mahakna Timothy-da hairi (3:1).
\iot Yaopham Takpa
\io1 1. Chithi asi Paul-na Timothy-bu khurumlaga hou-i \ior (1:1-2)\ior* aduga mahakpu pukning thougatli \ior (1:3-18)\ior*
\io1 2. Timothy-bu khaangba kannaba kanna thougatpi \ior (2:1-13)\ior*
\io1 3. Mathangda mayamgi oiba paotak khara mahakna Timothy-da piri \ior (2:14-26)\ior*
\io1 4. Tungda thorakkadaba thoudoksinggi maramda amadi madusing adu karamna achumba mawongda thengnagadage haibadu mahakna Timothy-da hairi \ior (3:1–4:8)\ior*
\io1 5. Paul-na masagi oiba wa khara Timothy-da hairaga chithi asi loisilli \ior (4:9-22)\ior*
\c 1
\p
\v 1 Tengban Mapugi aningbagi matung inna Christta Jisugi pakhonchatpa oiriba amadi eikhoina Christtaga tinnajabadagi phangjaba wasakpikhraba hingba adubu phongdoknaba thabiraba Paul eihakna,
\p
\v 2 \x - \xo 1:2 \xo*\xt Pakhon 16:1\xt*\x*eihakki nungsijaraba ichanupa Timothy-da:
\p Ipa Ibungo Tengban Mapu amadi eikhoigi Mapu Ibungo Christta Jisuna nahakpu thoujal, chanbiba amasung ingthaba pibiba oirasanu.
\s1 Thagatpa amasung thougatpiba
\p
\v 3 Eigi ipa ipusingna tourambagumna, asengba achum aran khangba pukningga loinana eina thougal toujariba Tengban Mapubu thagatchei. Eina ahing nungthil animakta haijabada nahakpu ningsingduna Ibungo mahakpu thagatchei. 
\v 4 Nahakki takhiba pi adu eina ningsing-i, eihak haraobana thannaba eina nahakpu unaba yamna pamjei. 
\v 5 \x - \xo 1:5 \xo*\xt Pakhon 16:1\xt*\x*Nabok Lois amasung nahakki ima Eunice-tasu leiramba thajaba adugumna nahakki taseng tasengna thajaba adu eina ningsing-i. Madu nangondasu lei haiba eina tasengna thajei. 
\v 6 Maram asigidamak eina nangonda khut thambikhiba matamda Tengban Mapuna nangonda pibikhiba khudol adu meigumna chakkhat-handuna thamnaba eina nangonda ningsingli. 
\v 7 Maramdi Tengban Mapuna eikhoida akibagi thawai pibide; adubu panggalgi, nungsibagi amasung masa khudum chanbagi thawai pibi.
\p
\v 8 Maram aduna eikhoigi Mapu Ibungogi maramgidamak sakhi pibada ikaiganu; aduga Christtagi maramgidamak phadok oiriba eigidamaksu ikaibiganu. Adubu Tengban Mapugi panggalgi mapanna aphaba paogidamak awabada eiga loinana saruk yaminnasi. 
\v 9 Ibungona eikhoibu kanbire amasung Ibungo mahakmakki mi oinaba eikhoibu koubire, masi eikhoina toukhiba karigumba thabak amagidamak natte adubu Ibungo mahakki ningba amasung thoujalgi matung innani. Thoujal asi taibang leisemdringei mamangda Christta Jisugi mapanna eikhoida pibire, 
\v 10 adubu houjikti, eikhoigi Kanbiba Mapu Christta Jisuna lengbirakpagi mapanna madu eikhoida utpire. Ibungona asibagi panggalbu manghalle aduga aphaba pao asigi mapanna hingba amasung sinaidaba punsi adu mangalda pubire.
\p
\v 11 \x - \xo 1:11 \xo*\xt 1 Tim 2:7\xt*\x*Atoppa phurupsingda aphaba pao asi sandoknaba Tengban Mapuna eibu pakhonchatpa amasung tambiba oja ama oina khandokpibani 
\v 12 Maram asigidamak eihakna awabasing asi khaanglibani. Adubu masina eibu ikaihande maramdi eina thajariba mahak adu eina khang-i, aduga eina mangonda sinakhiba adu numit adu phaoba ngakpi senbiduna thamba ngammi haiba eina tasengna khang-i. 
\v 13 Eina nangonda takpi tambikhiba achumba waheising adu nahakna in-gadaba pandam oina chetna paiyu, aduga Christta Jisuda leiba thajaba amasung nungsiba aduda lengdana leiyu. 
\v 14 Nangonda sinakhiba aphabasing adu, eikhoigi nungda leiriba Thawai Asengbagi panggalgi mapanna ngaksellu.
\p
\v 15 Phygelus amasung Hermogenes yaona Asia-da leiba pumnamakna eibu thadoklamle haiba nahak khangliba aduni. 
\v 16 Onesiphorus-ki imung manungda Mapu Ibungona chanbiba oirasanu, maramdi mahakna eibu yamna toina pukning thougatpi. Eina keisumsangda leiba asi mahakna ikaikhide, 
\v 17 adubu mahakna Rome-da hek thungbaga eibu phangdriphaoba mahakna eibu thibani. 
\v 18 Numit aduda Mapu Ibungona Ibungo mahakki chanbiba mangonda pibiba oirasanu! Ephesus-ta mahakna eibu kayagi matik pangbikhiba adu nahakna sengna khangliba aduni.
\c 2
\s1 Christtagi thajaba yaba lanmi
\p
\v 1 Eigi ichanupa, eikhoina Christta Jisugi thoujal aduda panggal kanba oiyu. 
\v 2 Sakhi kayagi mamangda nahakna takhiba eina takpi tambikhibasing adu mi ateidasu tambiba ngamgadaba thajaba yaba misingda sinnabiyu.
\p
\v 3 Christta Jisugi thajaba yaba lanmi amagumna eihakka loinana awaba khaangminnasi. 
\v 4 Lanmigi thabak touriba lanmi amana mahakki lamjingliba phamnaiba adubu pelhanba pammi maram aduna mahakna micham amagi thabaksingda yetsinnahande. 
\v 5 Kanagumba sanaroi amana lamjen tanaba yaorabadi chatkadaba kanglon adugi matung inna chendrabadi mahakna mana phangba ngamloi. 
\v 6 Thabak kanna suba loumi aduna mahei marong adudagi mahakna saruk hanna phangba tabani. 
\v 7 Eina hairiba asida munna wakhal tou, maramdi Mapu Ibungona nangonda masi pumnamak asigi wakhal taba adu pibigani.
\p
\v 8 Eina sandokpa Aphaba Paoda tambibagumna, David-ki charol surol oiriba aduga asibadagi hinggatpikhraba Jisu Christtabu ningsing-u. 
\v 9 Aphaba Pao adu sandokpagi maramna eihak awaba khaanglibani amadi maral leiraba mi amagumna yotling phalang thanglibani. Adubu Tengban Mapugi waheidi yotling phalangna punde. 
\v 10 Maram aduna lomba naidaba matik mangalga loinana Christta Jisuda leiba aran-khubham adu Tengban Mapuna khandoklaba makhoinasu phangnanaba eina makhoigidamak pumnamak khaang-i. 
\v 11 Masi achumba waphamni:
\q1 “Eikhoina Ibungoga siminnarabadi,
\q2 eikhoi Ibungoga hingsu hingminnagani.
\q1
\v 12 \x - \xo 2:12 \xo*\xt Mat 10:33; Luk 12:9\xt*\x*Eikhoina awaba kaanglabadi,
\q2 eikhoi Ibungoga loinana pansu panminnagani.
\q1 Eikhoina Ibungo mahakpu yadrabadi,
\q2 mahaknasu eikhoibu yabiroi.
\q1
\v 13 Eikhoina thajaba yadaba oirabasu,
\q2 mahakti thajaba yaba oina adumak leigani,
\q2 maramdi mahak masana masamakta chumdaba oiba ngamde.” 
\s1 Tengban Mapuna yabiraba thabak suba
\p
\v 14 Waphamsing asi makhoida ningsinghallu. Waheisinggi maramda yetnadanaba Tengban Mapugi mangda makhoida cheksin wa haiyu; maduda kanaba karisu leite, maduna atabasingda manghanbata oihalli. 
\v 15 Tengban Mapugi achumba wa adu chumna tambiba, ikaipham thoktaba thabak suba mi, Tengban Mapugi mityengda mapung phana apenba mi ama haiba adu oinaba ngamba makhei hotnou. 
\v 16 Tengban Mapuna yaroidaba apangba warising adudagi leithok-u, maramdi maduna misingbu Tengban Mapugi maphamdagi henna henna lapthok-halli. 
\v 17 Adugumba tambiba adudi hakchangbu chasillakpa apatpa\f + \fr 2:17 \fr*\ft Gangrene \ft*\f* amagumbani. Makhoigi marakta Hymenaeus amasung Philetus-su amani. 
\v 18 Hinggatpa adu hannana thokkhre haiduna makhoi achumba lambi adu thadokkhre aduga thajaraba mi kharagi thajaba adu manghalle. 
\v 19 \x - \xo 2:19 \xo*\xt Masing 16:5\xt*\x*Adum oinamak Tengban Mapuna semkhraba achetpa yumpham adudi lenghanba ngamloi; maduda waheising asi iduna lei: “Mapu Ibungona mahakki misingbu khang-i” amasung “Mapu Ibungogi misingni haijabasingna aranba toubadagi leithorakkadabani.” 
\p
\v 20 Achouba yum amagi manungda makhal khudingmakki pukham tenggotsing lei: kharana sana amadi lupana sabani aduga khara amana u amadi leipakna sabani; khara amana akhannaba thabakta aduga kharana icham chamba thabakta sijinnabani. 
\v 21 Phattaba pumnamaksing adudagi sengdokcharaba makhoina aruba thabakkidamak sijinnagani maramdi Mapu Ibungona aphaba thabak khudingmakki sijinnaba yaraba katthoklaba amadi kanaraba haibadu oire. 
\v 22 Naha oibagi apambasing adudagi chenthok-u aduga asengba pukningdagi Mapu Ibungobu koujabasingga loinana achumba chatpa, thajaba, nungsiba amasung ingthababu tallu. 
\v 23 Apangba amasung kannadaba marei yetnaba adudagi leithok-u maramdi maduna khatna-cheinaba thok-halli haiba nahakna khang-i. 
\v 24 Mapu Ibungogi manaidi khatna-cheinaba touroidabani, adubu pumnamakki maphamda thoujal heiba, takpi tambiba ngamba amasung khaangheiba oigadabani. 
\v 25 Nahakki maiyokta leibasingbu Tengban Mapuna makhoida pukning hongba pibiduna achumbada chingbirakkani haibagi thajabaga loinana makhoida pukning tapna takpigadabani. 
\v 26 Adu oirabadi makhoina wakhal tarakkani aduga Devil-na makhoibu phaduna mahakki aningba touhalliba lang adudagi nanthokkani.
\c 3
\s1 Aroiba numitsing
\p
\v 1 Aroiba numitsingda khudong thiba matamsing lakkani haibasi khang-u. 
\v 2 Misingna masagi oijabata thiba, sel pamganba, chaothokpa, napal touba, thina ngangba, mama mapana haiba indaba, toubimal khangdaba amasung sengdaba, 
\v 3 nungsiba leitaba, ngakpiheitaba, migi mangnaba wa ngangba, masa khudum chandaba, tamthiba oiba, aphababu tukkachaba, 
\v 4 lounam touba, cheksindaba, nawangba oiba, Tengban Mapubu nungsibagi mahutta makhoina masabu nungaihanbana henna pamba oigani; 
\v 5 Tengban Mapu ningbagi mawongdi louraga madugi panggal adubudi yaroi. Adugumba mising adudagi lapna leiyu. 
\v 6 Makhoigi maraktagi kharana misinggi yumda changduna, apamba makhal khudingna chinglibi, papki maralna potlum puriba asonba nupisingbu makhoina khudum challi, 
\v 7 matam pumnamakta nupising asina tamnaba hotnei adubu achumba adudi keidounungda makhoina khangba ngamde. 
\v 8 \x - \xo 3:8 \xo*\xt Khong 7:11\xt*\x*Jannes amadi Jambres-na Moses-ki maiyokta lepkhibagumna masigi mising asinasu achumbagi maiyokta leppi. Makhoising asi wakhal maang-i aduga thajabagi maramda kanadaba oire. 
\v 9 Adubu makhoi karisu henna chaokhatloi, maramdi mi pumnamakna makhoigi apangba adu ugani. Madumak Jannes amasung Jambres-dasu thokkhi.
\s1 Aroiba paotak
\p
\v 10 Adubu nahakti eigi tambiba, lamchat sajat amadi eigi ningba adu ille aduga eigi thajaba, kuina khangba, nungsiba, khaangheiba, 
\v 11 \x - \xo 3:11 \xo*\xt Pakhon 13:14-52; Pakhon 14:1-7; Pakhon 14:8-20\xt*\x*eibu ot-neiba amadi eigi awaba khaangbanachingba adu nahakna khang-i. Antioch, Iconium amasung Lystra-da eingonda thokkhiba ot-neibasing adu eina khaangkhiba pumnamak adu nahakna khanglibaduni. Adubu Mapu Ibungona pumnamak adudagi eibu kanbikhi. 
\v 12 Tasengnamak Christta Jisuda Tengban Mapu ningna hingjaninglabadi ot-neiba phanggani. 
\v 13 Phattaba amasung lounam toubasingna henna henna phatchillakloi, misingbu makhoina minamgani aduga makhoi masamakpusu minamjagani. 
\v 14 Adubu nahakti, nangonda tambikhraba amadi chetna thajakhraba achumbasing aduda lengdana leiyu, maramdi nahakna madu kana kanadagi tamjakhibano haiba nahakna khang-i. 
\v 15 Christta Jisu thajabagi mapanna nahakpu aran-khubhamda chingbigadaba lousing pibiba ngamba Asengba Mapugi Puya adu nahakna angang pisak oiringeidagi khanglakkhre haibasi nahak ningsing-u. 
\v 16 Mapugi Puya pumnamak asi Tengban Mapugi sordagi oibani, aduga tambinabagidamak, cheiduna waraknabagidamak, chumthoknabagidamak, amasung achumba chatpagi marida takpinabagidamak kannei. 
\v 17 Masina Tengban Mapugi manaibu aphaba thabak khuding touba yananaba mapung phana thourang tounanabani.
\c 4
\p
\v 1 Tengban Mapugi mangda amasung Ningthou oina panbinaba lengbirakkadaba aduga ahingba amadi asibabu wayenbigadouriba Christta Jisugi mangda eina nangonda yathang asi piri: 
\v 2 wa adu sandok-u, achaba matamdasu, chadaba matamdasu sandoknaba thourang tou; kuina khaangheibaga amadi cheksinna tambibaga loinana chumthokpiyu, cheiduna warakpiyu amasung pukning thougatpiyu. 
\v 3 Achumba tambiba adu misingna taroidaba matam adu lakkani, madugi mahutta makhoi masagi apambasinggi matung in-gani aduga makhoina taningbana langtaknaba adu haigadaba ojasing makhoina henna henna khomjin-gani. 
\v 4 Makhoina achumba tabadagi leithokkhigani aduga semjin sajinba warisingda makhoina wakhal thamgani. 
\v 5 Adubu nahakti phibham pumnamakta pukning laksillu; awaba khaang-u, Aphaba pao sandokpaki thabak adu tou aduga Tengban Mapugi manai ama oibagi thougal adu mapung phana tou.
\p
\v 6 Eigidamakti thaknaba mahi Tengban Mapuda katpagumna heidokkhre aduga eihak taibangpan asi thadokpagi matam adu nakle. 
\v 7 Eihak lan kanna soknakhre, eina chen-gadaba lamjen adu chenkhre, thajaba adu eina ngakchare. 
\v 8 Houjikti achumba chatpagi luhup adu eigidamak thamjinbire, achumba chatpa Wayel Mapu Ibungona Numit aduda eingonda pibigani aduga eingondata nattana nungsibaga loinana Ibungona lengbirakkadaba adubu khourangna ngaijaribasingdasu pibigani.
\s1 Masagi oiba wa haiba
\p
\v 9 Eigi inakta thuna laknaba yaribamakhei kanna hotnou, 
\v 10 \x - \xo 4:10 \xo*\xt Col 4:14; Phile 24; 2 Cor 8:23; Gal 2:3; Tit 1:4\xt*\x*maramdi Demas-na houjikki taibangpan asibu nungsibadagi eibu thadoklamlaga Thessalonica-da chatkhre. Crescens-su Galatia-da, aduga Titus-na Dalmatia-da chatkhre. 
\v 11 \x - \xo 4:11 \xo*\xt Col 4:14; Phile 24; Pakhon 12:12,25; 13:13; 15:37-39; Col 4:10; Phile 24\xt*\x*Luke khaktadi eiga loinari. Eina thougal toubagi thabak asida mateng pangbinaba nahakna lakpada Mark-pu pubirak-u. 
\v 12 \x - \xo 4:12 \xo*\xt Pakhon 20:4; Eph 6:21,22; Col 4:7,8\xt*\x*Tychicus-pu eina Ephesus-ta thakhibani. 
\v 13 \x - \xo 4:13 \xo*\xt Pakhon 20:6\xt*\x*Nahakna lakpada Troas-ta leiba Carpus-ta thanamba eigi achonba phi adu pubirak-u; aduga lairiksing adusu pubirak-u maru oina sa-unda i-ba lairiksing adu pubirak-u.
\p
\v 14 \x - \xo 4:14 \xo*\xt 1 Tim 1:20; Isei 62:12; Rom 2:6\xt*\x*Yotsuba Alexander-na eingonda yamna phattaba toure. Mahakna toukhiba matung inna Mapu Ibungona mahakki mathakta hanbigani. 
\v 15 Nahaknasu mahakki maramda yamna cheksillu, maramdi mahakna eikhoigi paojelbu thingnanaba kanna hotnei.
\p
\v 16 Eigi ahanba isa ngakthokchaba matamda kana amatana eigi michangda leppikhide, pumnamakna eibu thadoklammi. Madu Tengban Mapuna makhoigi mathakta singthabidaba oisanu! 
\v 17 Paojel adu mapung phana eina sandoktuna Jihudi nattaba phurupsingna tanaba Mapu Ibungona eigi inakta leppiduna eingonda panggal pibikhi aduga eibu asibagi khayattagi kanbikhi. 
\v 18 Eingonda phattaba landarakpa pumnamaktagi Mapu Ibungona kanbigani aduga Ibungo mahakki swarga Leibakta eibu asoi angam yaodana pubigani. Ibungoda matam pumnamakta matik mangal leiba oirasanu! Amen.
\s1 Aroiba warol
\p
\v 19 \x - \xo 4:19 \xo*\xt Pakhon 18:2; 2 Tim 1:16,17\xt*\x*Priscilla, Aquila amasung Onesiphorus-ki imung manungda eina khurumjari. 
\v 20 \x - \xo 4:20 \xo*\xt Pakhon 19:22; Rom 16:23; Pakhon 20:4; 21:29\xt*\x*Erastus-na Corinth-ta leihoure, Trophimus-ti masa ngamdabadagi eina mahakpu Miletus-ta thannamle. 
\v 21 Ningthamtha changlaktringeida nahak mapham asida laknaba kanna hotnou.
\p Eubulus, Pudens, Linus, Claudia amasung atei Christian ichin inao pumnamakna nahakpu khurumjarakli.
\p
\v 22 Mapu Ibungona nahakki thawaiga loinabisanu.
\p Tengban Mapugi thoujal nakhoi pumnamakka loinabisanu.